|
خايف اقول الي ف قلبي
:besm8dg4: ازيكم أخوكم محمد مالقيتش عنوان للموضوع غير ده لأني بقالي حوالي 3 سنين خايف فعلا اقول الي ف قلبي انا ف ليلاس من 2008 كان طول عمره بيتي وبعدين سبت البيت وتهت .. ومالقيتش مكان تاني ارتاح فيه غيره مش عارف بصراحة أبدأ ازاي يمكن زمان كنت باتكلم براحتي عشان كنت أعرف كل الناس تقريبا في المنتدى الي تقريبا معظمهم ان ماكانش كلهم مش موجود بس هنا المشكلة برضو المشكلة في ان الموضوع من كتر ماهو حساس مش عارف أتكلم فيه ازاي واعذروني اذا كنت باستخدم العامية المصرية .. بس كده أنا بحس اني على راحتي الحكاية بدأت 2003 سنة تخرجي من فنون جميلة يارب ساعدني قابلت أجمل بنت في الكون أصغر مني بأربع سنين .. جارتي وأخت صاحبي ومن كتر منا خايف أكلمها أو حتى ألمحلها بإعجابي بجمالها وبستايلها وبأدبها ما حاولتش أكلمها لمدة سنة كاملة .. خصوصا اني ماكنتش عايز أدخل معاها في علاقة مش قدام الناس .. المهم كنت بخليها تشوفني كل يوم .. حفظت مواعيد محاضراتها .. وكانت دايما بتختار شارعنا تمشي منه .. الأمر الي كنت باستغربه ان بيتنا في شارع أبعد من الطريق الأقصر للجامعة .. وعدت سنة كاملة كنت باتزلزل فيها كل مرة أشوفها .. واتلخبط واعرق لو عيني جات ف عينها .. الأمر الي أكدلي كل يوم اني أقل ما يوصف بيه حالتي .. إني دايب حتى النخاع مش بحب بس .. لغاية ما جه يوم نتيجة سنة أولى .. كان معظم موظفى شئون الطلبة في الجامعة أعرفهم .. جبت رقم جلوسها والنتيجة بتاعتها قبل أي حد .. وفرحت أكتر منها لما جابت تقدير .. ويشاء القدر أشفها في اليوم ده وهي في كورس صيفي في الجامعة معرفتش أمنع نفسي من إني آخد حجة النتيجة وأفرحها قبل أي حد وتكون فرصة إني أكلمها .. كانت المفاجأة شفت رد ف عينيها من غير كلام اتأخرت كل ده ليه انا حاسه بيك من أول يوم شفتك ومستنياك كل يوم تتكلم وكنت أسعد إنسان على وجه الأرض .......... ماكدبتش خبر رحتلها البيت كلمت أخوها وصارحته وأخدت أهلى ورحنا لأمها عشان نخطبها " أبوها متوفي " كانت مرحبة جدا خصوصا لما شافت انطباع "ب" انها مبسوطة .. بس : ادونا وقت نفكر وبعدين لسه بدري البنت لسه صغيرة وناخد رأي جدها كبير العيلة وكده .. ماشي أوكي بس ما تتأخروش علينا بقينا ف 2004 اسبوع اتنين تلاتة شهر اتنين .. مفيش حس ولا خبر قررت للمرة الأولى أكلمها .. كان في ولد صغير ابن جارنا ف الشارع انا مربيه .. كتبت ورقة صغيرة فيها كلمتين 01000000000 رقم تلفيوني و مستني اتصالك خد يا كوكو الورقة شايف طنط الي هناك دي اديها والورقة واطلع اجري على طول ماكدبش خبر كوكو .. وراح : طنط طنط عمو محمد بيقولك خدي <-- الله يخرب بيتك يا كوكو شايفها من بعيد بتقطع الورقة صدمة !! وبعديها بساعة رقم غريب الو انا "ب" قلبي وقع وكل ذرة في جسمي بترتعش .. استغربت نفسي واتضايقت اني عملت كده وكنت طاير م الفرح و... الو الو محمد يااااااه ع اليوم ده من غير ما اطول في الموضوع ده اتكلمنا 5 دقايق عدواا خمس سنين فاكر كل همسة وكل حرف قلناه بعدين بمنتهى السرعة 2005 2006 2007 محمد لازم تتقدملي تاني .. كل يوم بيتقدملي عريس مش عارفة أعمل ايه اتكلمي قوليلهم بحبه ومش هتجوز غيره مقدرش طيب أعمل ايه أعمل ايييييييه أخدت أهلي تاني ورحنا المقابلة مختلفة المرة دي حتى أخوها كان بارد جدا طيب ادونا وقت نفكر وربنا يقدم الي فيه الخير 4 سنين تفكير مش كفاية !!! سافرت كنا بنتكلم كل يوم وبعدين كل اسبوع وبعدين مرة كل شهر وبعدين ولاحس ولاخبر لا تليفون شغال .. ولاحد يعرف غير صاحبتها الي بدات أحس انها بتقرب مني وبتبعدها عني او شايفه حاجة انا مش شايفها انا مش فاهم حاجة سنتين عدوا 20/5/2009 رجعت كنت في الفترة دي عرفت ليلاس بالصدفة وانا بره ولقيته بيتي المهم اتصلت الو "ب" ايوة .. مين ؟ !!!!!!!!! مين ؟!!!! اه... محمد معلش الشبكة اتكسرت لأول مرة مش هي !! في ايه ؟؟؟؟ مفيش عادي ! هتعمل ايه في عريس جايلي وماما موافقة عليه جاي من ايطاليا معاه بتاع 10 مليون وامه شافتني وعجبتها ومش عارف اقولهم ايه صدمات صدمات ورا بعض في أول ساعة ليا ف اسكندرية بعد سنتين طيب .. وبعدين ؟ مش عارفة بقى .. انت عامل ايه ............... لآخر المكالمة على تلفون البيت ماسمعتهاش والدنيا ضلمت .... صاحبتها "ل" انساها ما تستاهلكش "ب" عمرها ما حبتك 4 سنين واكتر كنت مخدوع يعني وكان تمثيل ف تمثيل مش ممكن .. انا بفهم وقبل ماكون بفهم باحس باحس اوي ودي المشكلة سبت اسكندرية ورحت القاهرة لغاية يوم 10/12/2009 جيت أجازة ده فرح " ب " النهاردة مابقيتش عارف أفكر افرح اعيط انسى أسكر أعمل ايه بابا : ماما في قاعة بيتي لامور هي وخالتو خد العربية وروح هاتها حاضر ماما وخالتي وواحدة صاحبة ماما ومزة القمر قاعدة معاهم بتهييس : ماما مين الحتة ؟ ماما : ايه .. نخلصوا ؟ بتهييس أكتر : اساسي هو في كده مساء الخير .. مساء الخير منورين الدنيا والله صاحبة ماما : حمد الله ع السلامة ازيك .. ايه الحلاوة دي ماشوفتكش من وانت ف ابتدائي .. "ع" بنت أختي سلمي على محمد بكسوف ووش أحمر زي القمر : ازيك حمد الله ع السلامة الله يسلمك ازيك انتي ماطولش : 5 ايام وكانت " ع " خطيبتي 1/1/2010 كانت المدام 1/11/2010 كانت ام بنتي 1/11/2011 كانت طليقتي غلطت غلطة عمري عاندت نفسي اتجوزت .. من غير ماحب صحيح قلبي اتقفل غالطت نفسي لما قلت العشرة والايام هتخليك تتعود وتيجي المودة والرحمة بعد الجواز والأطفال زي ما بنسمع كل ده غلط مفيش حاجة من دي معرفتش أحبها كنت باكدب على نفسي وعليها وعلى كل الناس .. انا بحبها وعايشين أجمل ايام وانا ماشفتش معاها يوم حلو من ايام الخطوبة لحد ما انفصلنا مش عيب فيها لا سمح الله عايز أقول .. انها واحدة فيها كل مميزات الزوجة المثالية يعني متربية وبت ناس ومتدينة وحلوة - اوي - ومفروض انها حبتني بس في قاعدة مؤمن بيها ف حياتي الي بيطلع م القلب بيوصل القلب .. والعكس صحيح كلكم هتقولولي غلطتك وان كان المشكلة بدأت من اول يوم خطوبة عرفت اننا مش هننفع لبعض هي يمين وانا شمال بس اتصدرت غير كده .. كنت باحس طول الوقت اني كنت معوض جزء كبير مفقود عندها وهو موت والدها .. المشكلة الي كانت مأثرة ف نفسيتها جدا .. لإحسساها بإنعا كانت أحد الأسباب .. وده مش صح .. فكانت على طول تناديني بابا بس كانت فيها كمية مشاكل نفسية كتير .. الي حاولت أحلها واحدة واحدة .. ناهيك عن التربية الغلط .. وعدم المسئولية .. وحاجات غريبة زي موضوع العفاريت الي عايشين معاها طول الوقت " السبب الأساسي للإنفصال" مش عارف .. كتير كنت بشوفها " ب " بس عمري ما غلطت ف اسمها وعمري ما حكيتلها عليها طول الوقت كنت باكدب عليها " بحبك " وعمري ماحبيت غيرك لغاية يوم 1/11/2010 رقية بنتي أجمل شيء حصلي من يوم ما اتولدت آسف مش قادر أكمل عشان مش عارف أمسك أعصابي ولا عارف أمنع دموعي من النزول ليا عودة |
~ هنآ قسمه المنآسسب . . =) أخي محمّد .. ، لست نآصحه و لآ أسسستطيع أن أخترع الحلّ و لآ أن أصنع معجزه . . ، لكنّ هذآ رأيي فقط . . ، منذ البدآيه كآن الزوآجُ من "ع" خآطئاً . . لأنّك لم تشفى من "ب" لكنّ عجلة الزمن لآ تعآد مرّةً أخرى . . ، ثمّ مرّةً أخرى الطلآق . . ، تبدو الحيآة فعلاً شآئكه لذآ قد يكون منآسسب . . لكنّ قد تكون الطفله ضحيّه لهذآ القرآر اللذي أتخّذ .. ، حيآتنآ لآ تتوقّف عند حد معيّن و لآ تنتهي عند حدّ معين إلآ الموت . . ، لذآ فأسسهل مآقد يقآل و يُفعل .. أن توآصل حيآتك لتشفى من بقآيآ الأولى و حطآم الثآنيه . . ، ! لوّ أنّه أتى هذآ الوقت بدون "ع" لكنت شفيت من "ب" لكنّ لأنّ "ع" دخلت إلى حيآتك . . عجزت عن نسيآن "ب" ب وجود "ع" ك أنثى . . ، ! النسيآن قد يكون حلّ منآسب و لو كآن صعباً . . و ربّمآ بعد فتره من الرآحه النفسيّه قد تعود إلى "ع" لأجل الطفله . . ، حفظ الله طفلتك من كلّ سوء . . ، أرجو أن أكون قد أفدت :* . |
النسيان ازاي
الأول متشكر اوي بس نسيان ايه ؟ مراتي ؟ ام بنتي مش ممكن أنساها مش لأني حبيتها لأني أعترف اني عمري ما حبيتها .. يمكن ولا حتى اتعودت عليها .. بس السنين الي قضيناها وبنتنا انتي كده ماقولتليش حل !! مفيش زرار الواحد بيدوسه بعد كده بينسى شئت أم أبيت دي أم بنتي حاولت فعلا بكل الطرق اني أحبها ماعرفتش بس انا بحب بنتي ومش ممكن أخليها تعيش مع حد غيري .. وف نفس الوقت مش عارف ممكن أعيش مع أمها تاني إزاي وأكمل معاها لفورإفر .. بعد ما حتى الأيام ماكانتش كفيلة انها تنسيني لا "ب" ولا تنسيني ام بنتي حتى ساعات مش بقدر أتخيل ان " ع " هتعيش مع حد غيري على الرغم من ان ده وارد جدا وساعات بيبقى نفسي ان ده يحصل .. عشان أقدر آخد بنتي تاني انا بقالي كتير ما شوفتهاش وحشتني اوي وكل مرة أروح عشان أشوفها يقولولي مش هنا أنا تعبت ليه بنحب .. عشان ننجرح ؟؟؟؟ اذا كان الحب ذنب .. يبقى ليه هو جميل .. مش مفروض نحب .. لأن على أد ما بنحب أوي بننجرح كل يوم أكتر انا مش عارف بقول ايه وحاسس اني بهذي بالله عليكو حد يقولي |
~ تتخلّص من بقآيآ "ب" بالنسيآن أولاً . . ، ثمّ تعيش بمشآعر تجآه "ع" على أنّهآ أم طفلتك . . و ربّمآ يوماً من الأيّآم تعود إليهآ و ينتهي كلّ هذآ .. ، !! مشآعرك تجآه "ع" هي موقفك تجآع مشآعرك و حبّك ل "ب" لذآ أنت أحيآناً تودّ ألآ تتخلّى عن "ع" لأنّك جرّبت الفقد مرّه . . ، ! و أحيآناً تقول أنّك لآ تستطيع أنّ تعيش ل "ع" لأنّ بقآيآ "ب" لآ زآلت مترسّبه . . النسيآن هو أن تحآول نسيآن "ب" لتعيش مع "ع" كأمّ طفلتك و حتّى إن كرهتهآ ستكون ذكرآهآ حآضره دآئماً . . ، إنّ زآلت بقآيآ "ب" ربّمآ يومهآ ستستطيع العيش ببسآطه مع "ع" النسيآن ليس سهلاً بالتاكيد و لآ أقول هذآ لأنّي لم أجرّبه و لم أذق صعوبته . . لكنّهآ المحآوله و التجربه . .، و كأفضل ححلّ أعتقد أنّه من الممكن أن يُفعل حآلياً . . ، ربّمآ أخطأت في رأيي =) . |
اوك اخي العالي
مرحبا بك احمد اخوك الصغير مقيم بمصر اكيد مقدر اني معظم الأعضاء القدامي و اللي هما اصلا اعمده المنتدي لم يعودوا موجودين و لكننا اخوتك ايضا طبعا لو صحت إستنتاجاتي فأنت في منتصف الثلاثينيات او تخطيت ال 30 عام علي اقل تقدير عذرا يا اخي و لكني لست شخص رومانسي تقريبا لست متبلد المشاعر او قاسي القلب بالعكس و لكني اري الرومانسيه هراء و الحب وهم صحيح الحب موجود و لكنه بدون زواج عدم وجوده افضل كثير من البدايه حبك ل ب كان شيء جميل و إحترمت كثيرا فيك انك شخص محترم و لم تحاول التكلم إلا في وجود خطبه لم افهم من موضوعك بالضبط ما سبب إنفصالك عن ب الصراحه و لكني لاحظت ان فتره خطبتك كانت قد طالت طبعا كما قلت احترمت فيك انك ذهبت للخطبه و لكن دعني اسألك هل عندما قمت بالخطبه كنت جاهز ماديا و علي استعداد لتأسيس بيت؟ لا ادري و لكن غالبا لا لأنك لو كنت كذلك كان كل شيء انتهي سريعا لا ادري ايضا سر حبك ل ب حتي الآن رغم انها باعتك اي ببساطه شخص لم يحبك لأنه باعك آسف علي صراحتي و لكنها الحقيقه ب لا تستحق ان تشغل نفسك بها نأتي ل الشخصيه الأخري ع لم يكن من المنطقي ان ترتبط فورا بشخصه بمجرد رؤيتها لمجرد مداواه جرحك القديم يا اخي الزواج ليس لعبه و ليس الهدف منه الإنتقام او مداواه جرح و يجب قبل الزواج ان اري إن كانت زوجتي مناسبه ام لا و لهذا يوجد فتره خطوبه و يوجد و يوجد اي إنك عالجت خطأك بخطأ اكبر للأسف الشديد ما علينا انت منفصل منذ 6 شهور تقريبا بعد مده زواج عام واحد و قد انجبت طفله يلاحظ من كلامي السابق اني اقول غلطان و الوم ولا اقدم حلول و هو ما يجعل مشاركتي غير فعال حتي الآن ولا تفيدك بشيء صراحه انظر يا اخي لله حكمه في كل شيء كثيرا ما يتأخر الإنجاب بين الزوجين دون اي سبب طبي و لكن الله تعالي عجل لك رزقك و رزقك بمولوده جميله انت تعرف جيدا في مصر ما يعانيه الأبناء جراء انفصال ابويهم عن بعضهم و خصوصا انها بنت و نسبه الخطر اكبر بكثير و انت تعرف اكثر مني اكيد لذلك فكل العقل و المنطق حاليا ان ترد زوجتك يا اخي و تحافظ علي اسرتك من الدمار ستقول لي و لكني لا احبها و مازالت ب في قلبي دعني اقول لك ان كثير مما كان يحبون بعضهم مثل حبك ل ب و اكرمهم الله بالزواج في النهايه لو سألتهم الآن سيسبون لك في الزواج في كل شيء الحب ليس كافي للأسف و يذهب بعد الزواج سواء ب او غيرها اعلم مدي تعذبك و لكني افضل ان اكون عملي علي ان اكون عاطفي للأسف يرجي منك التقرب إلي الله عز و جل و صدقني لو تقربت إلي الله مع ع فمع الوقت ستجد حبها في قلبك إن شاء الله ثق بذلك لأن الحب يذهب كما ذكرت و تبقي الموده و الرحمه و صدقني البنت ليس لها ذنب ان تظلم مع ابيها و امها كما قلت ايضا موضوع الجان و غيره كله صدقني مع التقرب إلي الله سيذهب بإذن الله لاحظ انك لم تكمل عام بعد راجع اخطاء زواجك و قوي دينك و حاول تصلح كل شيء و ان تعيد حياتك الزوجيه حتي لو في البدايه احسست انك غير سعيد مع الصبر و التقرب الي الله سيأتي كل شيء بإذن الله تعالي لا شيء يتم الحصول عليه في نفس اللحظه كله بالوقت و التمرس و الصبر سواء اقتنعت برأيي ام لم تقتنع فصدقني هذا هو اكثر الحلول عمليه و عقلانيه و كده كده قلبك تالف حاليا من الجانبين فحاول تنقذ ما يمكن إتقاذه إلي ان يمن الله عليك بأفضل مما انت فيه حذاري من عدم الرجوع لزوجتك آسف جدا للإطاله ارجو ان يتسع صدرك لردي و السلام عليكم و رحمه الله و بركاته |
اولا
احييك على صراحتك و اشكرك لانك وضعت ثقتك بنا لتحكي لنا عما المك في حياتك قصتك شدتني بزاااف و الحقيقة لم ارى انك اخطات في شئ ابدا من خلال قصتك لمست فيك شخصية راائعة و شخص في قمة الادب و الاخلاق اولا لانك حين فكرت ب " ب " فكرت بها بالحلال و رحت خطبتها و استنيتها سنين و ارى انها هي التي خسرت حين ضيعتك و الثانية ربما تسرعت بالزواج بها ..ربما كان عليك ان تعلماذا كنت تستطيع ان تشركها حياتك ام لا اثناء فترة الخطوبة و الزواج لا يجب ان يبنى على شفقة لازم تكون مقتنع مئة بالمئة انها الانسانة التي ستعيش معها حياتك تشاركك افراحك و احزانك المشكلة في زواجك الثاني ليس انك طلقتها فيمكن ان تجد انسانة اخرى و تعيش معها احلى حياه و هي ايضا المشكلة هنا ... و المظلوم الوحدي هنا هو رقية الله يحميها و يرعاها الطفل هو المتضرر الوحيد من الطلاق و اقول مرة ثانية ... لست مذنبا في شئ و باين عليك حساس جدا و كل شئ مكتوب و مثل ما تقولو انتم قسمة و نصيب و ما تعرف وين الله مكتب لك الخير المهم هنا ان تحاول ان تنزع "ب " من تفكيرك نهائيا و تحاول ان كان امل ان ترجع زوجتك رقية تحتاجكما معا لا اقول ترجع فقط لاجل ابنتك و تعيشو في جحيم مرة اخرى رقية تحتاج الى ان تعيش بين والدين متفاهمين اسفة لاني اكثرت من الحديث شكرا لك لانك فتحت قلبك لنا و فضفضت شوية ادعو لك من كل قلبي ان تجد الراحة و السعادة |
اقتباس:
أختي العزيزة كل مادخل النت يفصل :) بعدين ما أخطأتيش ف رأيك ولا حاجة بالعكس .. كل كلمة قولتيها كانت صح مية في المية المشكلة هنا .. في إننا هنرجع تاني لبعض إزاي بأي وش ؟! دي ساعة صراحة واحدة انفصلنا بسببها !!!!! بعدين الي ماعرفناش نعمله ف 3 سنين ارتباط و6 شهور انفصال هيحصل ازاي ؟ والأكتر من دا كلو بنتي ... وحستني جدا نفسي أشوفها وآخدها ف حضني وأشوفها وهي بتكتبر قدام عيني وأربيها مش ممكن أرضى إنها تربيها لأنها مش هتعرف تربيها .. لأنو مع الأسف هي عندها قصور كبير ف تربيتها شخصيا - وأنا مأقصدش حاجة وحشة لا سمح الله - بس هي دي الحقيقة ف الي زي دي مش هتعرف تربيها .. الشرخ الي حصل اتحول لكسر مضاعف .. مالوش حل غير انه يفضل مكسور أو يتبتر !!! أشكرك من قلبي محمد |
اقتباس:
إزيك يا أحمد أشكرك من قلبي لسعة صدرك واهتمامك الواضح أخيرا شاب وأزرق كمان بس مدريدي :) عارف كلامك أثر فيا جدا بس تعرف كمان .. نظري برضو !!! الحمد لله أنا شخص قريب من ربنا .. متربي ف المدينة المنورة وعشت فيها أغلب عمري وانا صغير وبعد الجامعة كمان .. دي الفترة الي كنت سافرت فيها الي حكيت عنها .. لما رجعت ولقيت "ب " متغيرة ومش هي وفقدت كل طرق الاتصال بيها .. قررت أسيب اسكندرية وأنقل شغلي القاهرة .. وقلت الي عايزة ربنا هيحصل .. وجربت " إذا أردت شيئا بقوة ...... " .. وقلت اني في الحالتين مستفيد اليوم الي رجعت فيه اسكندرية أجازة كان يوم جوازها .. ما كناش انفصلنا .. وماكناش اتخطبنا .. أهلها طول الوقت كانوا بيأجلوا وبيرفضوا بشياكة .. أمها كان مهم أوي عندها موضوع المادة جوزها من حيث المادة لا يمكن يترفض .. بس سلبيتها .. والفلوس الي زغللت عينيها وايطاليا والسفر ودا كلو .. يمكن حتى تخليها عني ... معرفتش أكرهها .. أعمل ايه الوقت نفسه ماعرفتش أحب مراتي .. طول الوقت الي كنا فيه مع بعض ماعرفتش .. كنت بكدب عليها وباحلفلها اني بحبها وماحبتش غيرها عمري طول الوقت اليوم الي صارحتها اني عمري ما حبيتها .. سيبنا بعض ! نرجع تاني ازاي ؟؟؟؟؟؟؟؟؟؟؟؟؟؟ أنا تعبان أوي يا أحمد .. مش عارف أعمل ايه .. تعرف حتى لو مت .. برضو بنتي هتتظلم وحشتني اوي متشكر يا احمد |
اقتباس:
أنا الي أحييكي على ذوقك ورقيك وأشكر إطرائك الرقيق أسعدني جدا جدا ردك ودعائك ليا ولبنتي الله يسعد أيامك كلها يارب .. آمين مش عاريز أقولك أد إيه الواحد بيرتاح لما بيحكي .. مافيش مكان أأمن من هنا نتكلم فيه بصراحة بنسبة مية في المية " إف يو نو وات آي مين " الموضوع أكبر من موضوع ثقة صدقيني .. الثقة موجودة فعلا في المكان ده من زمان تعرفي أهلي عايزني أتجوز تاني :) الموضوع الي أصبح شبه مستحيل بالنسبالي إني حتى أفكر فيه .. قلبي زي ما قال أحمد خلاص تلف كان مقفول ومفتاحة ضاع .. وبعدين أم رقيه - الله يسامحها ويهديها - كملت عليه مش ممكن أدور على حد .. حتى لو قابلته صدفه مش هسمحله يقرب حتى !! كل الي حصل كان غلطتي فعلا .. بس انا ماحبتش "ب" بمزاجي .. اتجوزت ام رقية بمزاجي فعلا .. لأني كنت شايف فيها زوجة صالحة مش أكتر .. بس ماعرفتش حتى أحبها .. حاولت كتيييييير تعرفي قبل ما أرجع من المملكة .. كانت "ل" صاحبة "ب" بتكلمني كل يوم تطمني على "ب" وتتطمن عليا وتحكيلي عن مشاكلها مع الانسان الي بتحبه "الي هو جوزها دلوئتي" وكنت بكل إخلاص بقولها رأيي الصح .. لغاية ما جه يوم انفصلت فيه عن خالد صاحبها ماكانش خطبها لسه ومن كتر ما هي أحست اني حد قريب منها فسرت ده على انه ممكن يحصل بينا حاجة ف يوم من الأيام .. انا كنت فاهم ده كويس وكنت فاهم هي ليه بتحاول تبعدني عن "ب" من غير قصد .. والله كنت باضحك لغاية ما صدمتها ف مرة وزعلت مني لأني جرحتها .. وماكانتش متوقعة أي رد جارح من حد متعودة منه الطبطبة .. لغاية مافهمت واحترمت موقفي ده جدا .. بس تعرفي نوعا ما لغاية النهاردة بأحس بصراحة في الي كانت بتقولهولي عن "ب " ف إنها عمرها ما حبيتني . مش عارف .. ومش فاهم حاجة واحدة الي انا عارفها بنتي أجمل شيء حصلي ف الحياة .. اتحرمت منه فهمت .. ان ده حظي في الحياة ماليش نصيب .. على رأي فضل شاكر :) بجد حاسس اني مش عارف أتكلم وبقول كلام مالوش معنى بس استحملوني .. أخوكم أشكر سعة صدرك محمد |
نعم اخي محمد اكيد فهمتك ^^
. . . و الفضفضة تخليك ترتاح شوي حتى ولو ما لقيت الحل على حسب ما فهمت منك انه مستحيل ترجع لأم رقية و كل الي انت تتمناه الان انه بنتك تكون معك صحيح ؟ شئ ثاني انا مافهمتوش زوجتك السابقة مانعة عليك انك تشوف بنتك او تحاول تمنعك ؟ انت بالقانون ممكن تفرض عليها تخليك تشوف بنتك و تاخذها عندك كمان كل اسبوع مثلا بعرف انه مش كافي و انك بدك تشوفها تكبر قدام عينك لكن هذا الي تقدر عليه وما تقدرش تاخذها من امها ..خاصة انه هي صغيرة |
مرحبا أخوي محمد كيف حالك ..
أتمنى ماتضايقك مشاركتي هنا ... بصراحة أنا من قرأت الموضوع ماقدرت ماأعلق بصراحة .. أول شيء وضعك للموضوع بصراحة خطوة جريئة جدا وأحييك عليها .. ثاني شيء أنا ماحقلك إنت غلطان أو شيء من هذا القبيل أنا حابه أوضح لك بعض النقاط اللي إنت غافل عنها أول شيء تقول إنه هي كانت تعاملك على إنك والدها هل اعترضت على هذه المعاملة هل أخبرتها مرارا وتكرارا إنه إنت مو والدها ؟؟؟ هل طلبت منها إنها تعاملك كزوج مو كأب ... شوف محمد المشاكل في حياة كل زوجين والله تمر فترات في زواجي ..زوجي اللي أنا واثقة من إنه يحبني كثير يصير مايطيق يشوف وجهي ومع ذلك ولله الحمد الحين لنا 7 سنوات متزوجين وبنحب بعض الفرق بيننا إنه إحنا بنحب بعض وبنعدي أخطاء بعض وبيستمر المركب لأنه الحب موجود ومهما صار بيفضل موجود لكن في حالتك كل خطأ بدر من (ع) كان خطأ قاتل لأنه إنت ماتحبها أساسا يمكن أخطائها تكون بسيطة ومايستحق إنه يوصل للطلاق لكن لعدم وجود الحب أو حتى التقدير من الطرفين يخلي الموضوع يكبر ... هل جربتم في يوم تجلسوا جلسه عادية وتتصارحوا بالأشياء اللي ضايقتكم من بعض إنت وهي ..هل قلت لها في يوم إنتي سويتي كذا وأنا أشوف إنك غلطانة هل بادلتك الكلام نفسه ... محمد يمكن تقول إنت إنه هي خلتك تكره الزواج والحب لكن أنا برأيي إنت خليتها تكره الزواج والرجال أكثر ...لأنه في نظرها إنت كنت مثالي كونك كنت قريب وحبتك كثير حتى لو شبهتك بوالدها فهذا يعني إنها قدرتك بما يكفي .. أنا ماراح أتكلم عن (ب) هي مرحلة من حياتك ورحلت لكن بيدك إنت فقط إنك تنساها ... أبسألك هل لما كنت تنظر لزوجتك وتعاملها على إنها (ب) كنت منصفها ؟؟؟ هل في اللحظة اللي شفت فيها وجه (ب) أجبرت نفسك على التراجع والعودة للواقع ... إنت مع الأسف ماحاولت بما يكفي لإنجاح الزواج .. وكونك تخليت عنها في مرحلة هي بحاجة لك على قولك العفاريت اللي متنططة عليها ..هل تعتقد إنه هذا شيء بسيط بالنسبة لها ... عن نفسي جربت أعيش في بيت مسكون والله مت من الرعب كيف لو لا قدر الله جتني العفاريت ... هذا الموضوع برغم إنه كبير لكن محتاج إيمان وصبر ومهما كان المفروض إنه إنت وقفت بجنبها ... طيب محمد اللي بينكم انكسر ..أنا مقدرة هذا الشيء روح لها وكلمها مرة ثانية حتى لو هي في مدينة ثانية ..خبرها إنه لك حق في بنتك زي مالها حق ..حاول لو نظرت لها إنك تنظر لإنسانة حبتك في يوم ..إنسانة قدمت لك أشياء بسيطة يمكن إنت تكون غافل عنها لكنها تعني الكثير .... تعرف والله انا بقول لك عن تجربة شخصية يمكن تفيدك أعرف مالها داعي لكن حاول تستوعبني رجاء من كم يوم جلست انا وزوجي وتناقشنا في موضوع وصلنا لحد إنه قال لي أنا عارف إنك تغيرتي علشاني عارف إنك بتسوي لي اشياء بسيطة لأنك بتحبيني وبقدرك عليها فنجان القهوة اللي بتسويه وإنتي مبتسمة ..لماتصحي معاي الصبح علشان أروح دوامي هذه أشياء بتخليني أقدرك وأحاول أغير في نفسي انظر لحياتك مع (ع) هل كانت كلها غضب كلها ألم .... شوف أول الأشياء البسيطة اللي كانت تسوي لك إياها هل قدرتها ؟؟؟... محمد أعرف إنه كلامي قاسي عليك لكن صدقني أنا مرأة والمرأة من كلمة حلوة وطيبة وعمل جميل بتاخذ عقلها ..لاتقول لها أنا أحبك فقط ...اعملها ..قدم لها ..حبها ..انظر لها هي ل (ع ) انظر لجمالها لروحها لقلبها .. شوف (ع) انطق بإسمها حتى في داخلك ..قاتل للنسيان مهما كان يامحمد ..مهما كان ..لوماقاتلت ماراح تربح اعتقد إني قلت بما يكفي اليوم لو تكلمت كمان راح تكرهني أنا خخخخ اعذرني محمد لكني وضعت نفسي مكان (ع) ... وماقدرت أسكت ... سامحني لو غلطت في حقك رجاء لكن اظن إنك محتاج شخص يوعيك مو يطبطب عليك .... |
اقتباس:
حابب اقول شيء بالنسبه ل ب باعتك بالفلوس لو لسه فيك نفس تحبها بصراحه يبقي انت بتظلم نفسك و مرخص نفسك جدا اعذرني علي صراحتي تقول لي اللي يحب لا يمكن يكره لا يا اخي يمكنه الكره بكل بساطه و اكيد كان ليك علاقات بناس ليس بالضروره عاطفيه و كنت تحبهم و حين يحدث الخلاف تصير الكراهيه امر عادي و طبيعي نصيحتي ليك يعني انت تقول ان زوجتك لا تتحمل مسئوليه بيت المرأه تتلقي التربيه و التعليم في حياتها علي مرحلتين المرحله الأولي مرحله الدلع في بيت ابوها المرحله الثانيه مرحله المسئوليه و الإعتناء ببيت و اسره و هذه في بيتك و كمان انت تقول انها تعتبرك مثل ابوها للمرأه طبيعه خاصه يا اخي فهي بحاجه للزوج ان يكون متعدد المهام ههه يجب ان يكون زوج و يعطي الحبء و دفء العلاقه و يجب ان يكون اخ يساعدها و يقف جانبها و يجب ان يكون اب يرعي و يهتم للأسف المرأه كائن مرهق للرجال لكن كلهم سواء و كونها اعتبرتك اب معني ذلك انها حتي الان لم تري الزوج و الأخ كن لها الثلاثه و اعطها ما تستحقه منك كزوج و كل ذلك لا يلزم وجود حب لحدوثه صدقني اي يجب ان تساعدها و تعلمها بنفسك لتكون كذلك و لا تنتظر منها ان تكون كذلك من تلقاء نفسها و كمان يا اخي تقول في لحظه صراحه قلتلها انك عمرك ما حبتها يعني بالله عليك تركت كل انواع الصراحه و ما اتكلمت إلا في دي ده الله عز و جل حلل الكذب علي المرأه و انت خلاص الصراحه مموتاك يعني يوم ما تنوي تكون صريح قل لها يا حبيبتي انا احبك و كل شيء لكن صراحه لا يعجبني إهتمامك بالمنزل مثلا تقوم هي تحاول تغير نفسها شوي لكن اول ما تكون صريح تقول لا احبك ياله من خطأ فادح هههههههه يا اخي حاول حتي لو تكرهها ان تكون زوجها في الله و خذ بيدها برفق و كن طريقها للجنه و الحمد لله تقول انك متدين و اكيد تفهم في هذه الأمور اكثر مني إقرأوا قرآن سويا إستغفروا ربكم سويا قوموا اليل سويا إبحث عن انشطه معها عن اي شيء كن قوي الشكيمه معها و إلزمها بفعل الأشياء التي تهمك و لكن برفق و دون جرحها حابب اشيد برأي اموره نجد لأنه الوجه الآخر و المكمل لردي و لكن من الناحيه الأنثويه نصيحه لوجه الله و الله خذ زوجتك و انزل سافر للسعوديه و عش هناك منها تبعد عن جو الكآبه العام في مصر و منها تحسون انكم منعزلين عن العالم و ليس لكم سوي بعض و تحسون شويه بالمسئوليه يجب ان ترجع لزوجتك بأي ثمن لازم ترجع لازم ترجع لازم ترجع |
راي امورة و احمد قمة العقل
برااافو عليكم حبيت نصائحكم و شفت انها فعلا ما يحتاجه محمد اتمنى يستفيد من ها النصائح و تنصلح الاحوال بارك الله فيكم |
مساء الانوار والخيرات
اسأل الله ان يفرج كربكم ويهديكم الى مافيه سعاده لكم في الدارين اللهم آآآآآآآمين دخلت بالامس وقرأت المشكلة وردود الاعضاء واليوم كنت محضره رداً ،، ولكن صراحتاً لو تقرأ بتمعن وتفتح قلبك وعقلك معاً لكلمات اختي امورة نجد ،، واخينا THE GHOST 92 ،، فقد اجادوا بردودهم وعبروا عن تجارب بحياتهم ،، واعطوا حلول بوجهة نظري كافية لتفكر اكثر واعمق ولكن لا بد من نسيان الماضي نهائياً نهائياً حتى تصل لحل ولا تكون بين تأنيب ضمير وتفكير بالمصير وذكر الماضي يا اخي الكريم لابد ان تراعي انه لديك طفلة تستحق ان تعيش في جو اسري من اب وام ،تستحق الاستقرار والحمدلله انك تشعر بحتياجك لها وشوقك لها ، فالان هي صغيرة ولكن عندما تكبر هي من تحتاج لك اكثر منك تفهمها تصاحبها تساعدها تحافظ عليها وتحميها لا ينجح هذا مع التفرق وكل منكم في بيت ،، ياخي والله والله اعرف ازواج يتحملون زوجاتهم وهم نكديات وعصبيات وكل هذا من اجل الابناء الا يستحقون ذلك الابناء !! سأقول شيء قد يعترض عليه البعض ولكن سأتكلم بلساني كبنت لو كان والداي مطلقان لاقدر الله ماسيكون حالي ،، صدقاً والحقيقي ستكون في نفسي كرهي لابي وسأقول لما لم يتحمل من اجلي لما لم يصبر من اجلي ،، لماذا لا اعيش كالبقية مع ابي وامي واكون سعيدةبوجودهم حولي ،، ليش انا هنا عندي جدي وخالي وهذا وذاك،، امي ضعيفة لا تقدر على تحمل المشاكل في الاسرة ،، فمن هو السبب لوجودي هنا ولحزني وتعاستي بين اقاربي وصدقاتي ابــــــــــــــــــي أنا تكلمت بصدق وما شعرت به،، فقد تكون بنتك صغيرة الان ولا تعرف الكلام والتعبير ولكن كل مرحلة تكبر فيها وستسمع كلام وتقول كلام لابد من مراجعة كل حساباتك بطريقة صحيحة وربي هو الموفق لكل الامور عذراً على الاطالة واذا بدر مني اي كلمة خاطئة او جارحة فأنا تكلمت بمايملي علي ضميري وفقكم الله لكل خير وسددكم لفعل الصواب اللهم آآآآآآآآآآآمين |
مراااحب محمد
مثل ما قالت امورة ما قدرك امسك نفسي من ان اعلق على موضوعك وهو موضوع كبير وليس فقط كلمات ونصايح على الفاضي اتركك من (ب ) لانها ماضي وانتهى وكما يبدوا ان صديقك قبل (ب ) باعك وكان بارد معك اذن هي علاقة لم يشئ الله ان تبدء من الاساس ولو كانت نصيبك لحدث رغم مرور السنين وهذا دليل على ان الله ارادك ان لاتتم هذه العلاقة بالحلال اما (ع ) فأنا كليا مع امورة لازم واهم شئ بالزواج هو المصارحة القاسية لو تحب تسميها حتى لو كان كلامك ممكن يجرح الطرف الثاني لكن انتم اخترتم اكمال الخطوبة رغم معرفتك انها يمين وانت شمال اذن لازم تحترم قدسية هذه العلاقة وتحاول جهدك كليا وخصوصا التقرب من الله عز وجل ومحاولة سحب زوجتك معك بالتقرب منه تعالى وممكن انها تبعد ابنتك عنك لانها شاهدك جفائك اتجاهها وخافت ان يكون مصير ابنتها مثل مصيرها هل حاولت التقرب من ابنتك في خضم معاناتك الشخصية؟ هل حاولت ان ترى معاناه زوجتك؟ ممكن يكون كلام زوجتك عن ( العفاريت ) فقط بادرة منها للفت انتباهك ومحاولة الحصول على الاهتمام ؟ حاول ان تجلس مع زوجتك على الاقل اكراما لرقية وتفاهموا من الاول ومن بداية اخطائكما البسيطة اسفة اطلت عليك لكنك فتحت قلبك لينا وانا عملت مثلك وجاوبتك من قلبي ان شاء الله نسمع ان الامور هدئت والمياه رجعت لمجاريها مثل ما تقولون : ) |
اقتباس:
أشكرك من أعماق قلبي على تواجدك وردك الأكتر من رائع ربي يسعد أيامك وبعدين عايز أقولك .. إني قريت ردك أكتر من أربع مرات لأكتر من سبب .. أولهم اني عملت بنصيحتك قبل ما اقرأها .. حاولت أشوف كل حاجة غلط عملتها واصلحها وبعدين أول حاجة علتها اني رحتلها بيتها .. اكتر من مرة حاولت أشوف بنتي أو حتى أشوفها .. ومش بينفع .. الجرح كان كبير أكبر من إنه يخلص في كلمتين ام رقية كانت بنتي قبل ما تكون زوجتي .. مش فاكر وقت كانت فيه زوجتي أو صاحبتي أو أختي حتى .. يمكن أول يومين زواج .. عارفه ماكانش في نقاط تلاقي بينا .. كنا على النقيض على طول الطريق .. حتى لما كنت أحاول أكلم معاها في أي شيء أي موضوع في البدنجان حتى ماكانتش بتعرف تسمع .. على الرغم من إني على طول بحاول أشاركها في المواضيع - انا آسف - الهايفة الي كانت بتفتحها معايا على غرار إن الغسالة كان صوتها عالي مثلا وإن محمود بطل المسلسل ده مظلوم جدا وكتير الي حصل معاه .. أو إن رقية كانت بتعيط طول النهار وعملتلها صداع وماعرفتش تتفرج على فتافيت الحياة حلوة كويس منها .. عارف إن الأشياء الصغيرة دي يمكن هي عبارة عن يومها البسيط .. وكنت بحاول جاهدا إني أركز معاها وأتابع إلي بتقولو باهتمام وأشترك فيه .. على الرغم من إنها مالهاش أي علاقى بأي شيء أنا مهتم بيه .. لا الفن ولا السياسة ولا الكورة ولا أمور الدنيا ولا الموسيقى .. وكل ده بالنسبالها هبل في الجبل وحاجات خنيقة ... يعني رأيها في الفن - الرسم والنحت والموسيقى وكده - إنه عباطة وتضييع وقت .. وعايز أقولك دي من أكتر الأشياء الي ممكن تضايق أي فنان إن يحس إن شغله ده حاجة عادية أو عبط ... سيبك من الرغي دا كلو أنا نسيت كل ده فعلا .. ومش فارق معايا وممكن أعيش معاها بدماغها عادي .. بس مش شايفه إني هاظلم نفسي .. عادي مش مهم عشان خاطر بنتي يهون .. بس ممكن تكون الحياة عادية .. وأقدر أعيش حياة الفن في جو اقل ما يقال عنه إنه خنقة وحرق دم .. أعمل ايه دي شغلتي والي باعرف أعمله تصدقي بالله الوقت الي كنا فيه مع بعض ماممسكتش قلم رصاص وكنت باشتغل في صيدليات وشركات أدوية عشان باعرف انجليش كويس .. وقلبت فيها دكتور خالص .. وأصبحت الحياة من الرتابة ما جعل مني كائن دمه تقيل قليل الابتسامة أوشك على تبلد المشاعر .. قربت ماعرفش نفسي ! وبرضو كل ده عادي ويهون ويهون أكتر منه .. للحظة ابتسامة واحدة أشوفها من تاني على وش بنتي مخي تعبني والله العظيم مش عارف حاسس اني عملتلك دوشة ومش عارف كان صح اني اتكلم في الموضوع ده ولا لأ .. بس والله العظيم بارتاح لما باتكلم معاكو وحاسس اني كسبن أصدقاء واخوات جداد كتير أشكرك من كل قلبي أختي العزيزة تحياتي |
اقتباس:
صباحك جميل وربي ده الي فكرت فيه مش عارف هينفع ولا لأ وبعدين البلد النهاردة محتاجانا أكتر من أي وقت .. انا عضو مؤسس في أحد الأحزاب وناشط بأحد الحركات وبحملة دعم أحد مرشحي الرئاسة الشباب واترقيت ف شغلي وأصبحت أصغر رئيس قسم بفرع الأسكندرية الثقافي .. كل ده في آخر 6 شهور تخيل !! مش عارف ممكن أسيب ده كله وأرجع السعودية اززاي .. مع إنه فعلا الحل والحيد من وجهة نظري بس القضية !! أحمد ممكن اسألك سؤال .. إنت مصري ؟ :) أشكرك من أعماق أعماق قلبي .. تحياتي لشخصك الجميل :0041: |
اقتباس:
ويارب تتصلح الأحزال أشكرك شكرا جزيلا أختي العزيزة :liilas: |
اقتباس:
ربي يسعدك ويسعد ايامك كلها .. آمين يارب تعرفي اني مافكرتش غير في النقطة الي انتي اتكلمتي فيها وخايف ان ييجي يوم ويحصل الي بتقولي عليه ده ..... بس برضو انا فين من دا كلو .. عارف اني ممكن أكون أناني إذا قلت ده .. بس أنا برضو إنسان !! بيحس .. يمكن أكتر من أي حد .. ويمكن هي دي مشكلتي !! تخيلي ! عارفه .. ويمكن تقولي ده مجنون .. جه يوم وسألت ربي .. ليه يارب جعلتني بأحس .. ليه ما خلقتنيش متبلد المشاعر .. ؟ سامحني يارب انا تعبت !!! والله العظيم تعبت .. تعرفي .. كل مرة بيكون فيها اعتصام أو اي أي مظاهرة في التحرير في محمد محمود ف مجلس الوزرا عند مجلس الشعب في العباسية في المنطقة الشمالية في سيدي جابر والقائد ابراهيم بأكون في الصف الأول وربي ماكتبهاليش .. والي هيجنني اني باتخيل ان بنتي أكتر حد هيتظلم لو جرالي حاجة .. مع إننا مش مع بعض النهاردة .. بس إحساسي بإني عايش عشانها .. مديني أمل بإني هقدر أعملها حاجة في يوم من الأيام والله منا عارف انا بقول ايه .. انا باكتب الي بيجي ف ذهني من غير حتى ما افكر هو ايه استحملوني بالله عليكو .. ماعادش فاضلي حد |
اقتباس:
هلا والله وغلا .. وهلا والله ورحب أشكر مرورك العطر أختي لوشة والله ماتعرفي أد إيه ارتحت بتفاعلكم معايا .. خصوصا إني أول مرة أتكلم أساسا في الموضوع .. بس كنتا متأكد إني جيت المكان الصح :) أشكرك تاني وتالت ورابع والف عايز أقولك انا طول فترة علاقتنا .. كنت باحاول التقرب منها بكل الأشكال .. والطرق والوسائل .. بلا أي طائل وكنت مستعد أكمل ده لآخر يوم .. وقدرت بالفعل أغير كتير فيها .. ولكن ظاهريا بس والي ف القلب ف القلب يوم السبت الي فات رحتلها وسامع صوتها بالدور التاني هي وبنتي وأمها بتقولي مش هنا عند خالها ومش المرة الأولى دي .. مرة عند الكوافير مرة عند جدتها بتزورها ف المقابر مرة مع اصحابها وكل مرة البنت معاها ؟؟ طب يعني ايه .. ممكن تكون نست كل حاجة يعني .. البعد بيعلم الجفا ... بس دي كتير حلفت انه مش هيبعد بينا غير الموت ... بس في بينا مخلوق طاهر ملاك .. مهما يكون حصل بينا مش هيغير حاجة في اني ابوها وانها أمها يمكن الجرح كان كبير ويمكن مالوش علاج .. بس ده ماغيرش حاجة في الحقيقة دي ...... ماشي كان كلو غلط من الأول .. وفي الآخر كمان .. بس ايه يعني مفروض أموت بقى خلاص كفاية كده عليا ولا ايه ربِ لا أسألك رد القضاء .. ولكن اللطف آسف ع الإزعاج محمد |
اقتباس:
بالعكس الكلام عن الي بالقلب صحي وخصوصا لما تكون تريد وجهة نظر بعيدة عن التحيز طب ما ممكن ان تتكلم مع (ع ) بالهاتف وتعرف لماذا تفعل هكذا ؟ سوري دوختك : ) |
|
ماشاء الله تبارك الرحمن هذه ابنتكم رقية حفظها الله
فعلاً انه لصعب ما تمرون به ولكن الصبر ، " سيجعل الله بعد عسر يسرا " اسأل الله ان ييسر لكم اموركم وان يجمعكم مع من تحبون ويسعدكم بالدارين اللهم آآآآآآآمين |
أصدقائي الأعزاء أشكركم جدا جدا على تفاعلكم معي .. في موضوع آثرت ألا أتحدث فيه طيلة 3 سنوات .. أحسست بعدها بقدر عظيم من الراحة وإن كانت بلا حل .. يكفي اهتمامكم ووقتكم :8_4_134: أشكركم مرة أخرى .. محمد |
بالمناسبة أنا آسف على التأخير .. بسب إنشغالي الشديد هذه الأيام بموضوع يشغل بلدي بأسرها الانتخابات الرئاسية طبعا أرجو التفهم شكرااااااااا |
اخي محمد
الله يحفظ رقية و يرعاها دعواتنا معك ان شاء الله لك خاصة و لمصر عامة |
تحياتي القليبة لك أختي العزيزة ولكل أهل الجزائر الحبيب أشكرك من قلبي على دعواتك المخلصة اللهم ول علينا خيارنا ولا تول علينا شرارنا .. اللهم أهلك الظالمين بالظالمين وأخرجنا منهم سالمين .. آمين تحياتي Park hae in |
عارفين مش لاقي غير اني اعتذر لأعزائي واخواتي الي ضيعوا وقتهم هنا .. أقسم بالله من كل قلبي أنا آسف على وقتكوا واهتمامكم مش لاقي غير اني اقول حسبي الله ونعم الوكيل مش عارف انا ايه الي بيحصلي سمعت كلامكم ورحت أكتر من 3 مرات .. وكل مرة : مش هنا .. نايمين .. وآخر حاجة سامع صوتها من ع السلم .. وأخوها يقولي مش هنا .. وماتجيش هنا تاني :) وتخيلوا أشوف "ب" أول ما نزلت عندهم معاها ابنها وعيني تيجي ف عينها لأزل مرة بعد تقريبا أربع سنين وكأنها مش شايفاني :) مش عارف دي كانت رسالة ولا صدفة ولا حظي الواعر والله منا عارف انا تعبتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت حسيت الدنيا لفت بيا وشريط ذكريات .. مر أودام عيني زي الفيلم .. ركبت العربية ومابقيتش عارف رايح على فين .. ومعرفتش امنع دموعي انها تنزل |
كان الله بعونك اخي محمد
وان شاء الله تتيسر امورك رحمة بالطفلة الي بينكما |
متشكر شكرا جزيلا لوشة لدعواتك ولإحساسك الأروع ربِ يسعد أيامك آمين تحياتي |
محمد
اتجه لله و ادعو و اكيد الله لن يخيبك و انسى كل شئ و فكر فقط برقية الله كريم و ان شاء الله تنحل الامور |
ان شاء الله park hae in
أشكرك من كل قلبي |
رد: خايف اقول الي ف قلبي
السلام عليكم
ان شاء الله تتحل أمورك على خير |
رد: خايف اقول الي ف قلبي
حمدا لله اتحلت على خير
|
رد: خايف اقول الي ف قلبي
اقتباس:
الحمد لله |
رد: خايف اقول الي ف قلبي
السلام عليكم
المبني على غلط غلط |
| الساعة الآن 02:05 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية