|
لحد يلمس جوالي
السلام عليكم ورحمه الله وبركاته بصراحة موضوع قرأته فجذبني فأحببت ان أطرحه عليكم الآن الجوال صار كل شي بوقتنا هذا ولو الواحد مامعه جوال بيكون متل الضايع الأن بات الجوال جزء من حياتنا اليوميه وما بننام وما بنصحى ألا بمنبه الجوال ومابنقعد وما بنطلع ألا بالجوال غير انه وسيلة إتصال يحتوي على أشياء كثيره والملاحظ أن فئه عمريه معينه يرفضو أي شخص يمد يده ويمسك جواله وهنا في اسئله وارجوا منكم الرد :075: 1_ كم جوال عندك ؟ 2_ هل تعطي جوالك لأحد غيرك ؟ 3_ وماالذي تمنعه من مشاهدته في جوالك ؟ 4_ ولماذا لا ترضى أحد ياخذ جوالك ؟ 5_ جوالك وضعه الدائم عام أم صامت ؟ وليش ؟ 6_ لو أتصل عليك رقم غريب بترد عليه؟ واذا كان لا لماذا لا ترد ؟ تحياتي |
السلام عليكم و رحمة الله و بركاته
مساء الخير و الرضا من الرحمن طرح جميل ربي يعطيك العافيه اخ هيسوكا .. شوف عموما اي شخص عنده حب التملك و الاستغلاليه فما يحب احد يمسك شغله و يتعبث فيه سواء لسبب أو من غير سبب ,, مو ضروري امنع احد عن جوالي يعني فيه شيء شين و ما بي احد يشوفه ,, يمكن فقط مثل ما قلت أو للمحافظة عليه الشيء لكثر مستعملينه راح فيها ,, من يد ليد و ما تدري كيف الأخرين يستخدمونه ... 1_ كم جوال عندك ؟ حاليا اثنين ,, واحد نوكيا عشان اقرأ فيه روايات << من غير خط و الثاني اللي فيه خط للأستعمال العادي و الواتسب و غيره ... 2_ هل تعطي جوالك لأحد غيرك ؟ اي عادي طايح لكل ياخذه << اخواني قصدي بس إذا جهال لا ممنوع اللمس و ياويل واحد يقرب منه ,, يجي الواحد ايديه متروسه حلاوي و يدمر الدنيا؟؟! 3_ وماالذي تمنعه من مشاهدته في جوالك ؟ مافي شيء خاص أبد و لا امنع احد يشوف شنو فيه , بس مرات امنع اللي يمسكه انه يفتح محادثاتي مع صديقاتي او خالاتي << يعني سوالف حريم ^ـ^... 4_ ولماذا لا ترضى أحد ياخذ جوالك ؟ لا عادي ياخذونه إلا الجهالو >ــ< ... 5_ جوالك وضعه الدائم عام أم صامت ؟ وليش ؟ عام سبحان الله جاني اتصال مهم و لا شيء حتى و أنا نايمه ... أما الواتسب صامت لانه ازعاج جدا و خصوصا مع القروبات ... 6_ لو أتصل عليك رقم غريب بترد عليه؟ واذا كان لا لماذا لا ترد ؟ اول مستحيل ارد على أحد حتى رقم بيت . بس اللحين ارد عادي لانه مره اتصلوا عليه الوزاره و انا ما رديت و راحت علي فرصه ذهبيه ! و أخر مره اتصلوا الجامعه عشان حفل تخرج و ما رديت و ما حضرت الحفل بس لما شفته بالتلفزيون رحت و اخذت شهادتي ... سلمت يارب .. .. .. |
اقتباس:
|
وهنا في اسئله وارجوا منكم الرد
1_ كم جوال عندك ؟ عندي جوال واحد سوني اريكسوون لاني مااحب الجوالات ومااستخدمه الا للضرورة 2_ هل تعطي جوالك لأحد غيرك ؟ ايه عااادي زوجي يستخدمه احيااانا واخواني وخواتي بعد ياخذوونه يشوفوون شنو الجديد عندي ويرسلونه لجوالاتهم لقااافة خخخخخخخ 3_ وماالذي تمنعه من مشاهدته في جوالك ؟ ماامنع شي لان ماعندي شي اخااف منه ولا عندي اسرار في جوالي 4_ ولماذا لا ترضى أحد ياخذ جوالك ؟ جاوبت فوووق اني ماامنع اي اد يستخدمه اقصد الاهل طبعاااا بس الاطفال ماارضى لهم ياخذونه لان الجوال مضر للكبار فكيف بالصغار 5_ جوالك وضعه الدائم عام أم صامت ؟ وليش ؟ وضعه عام على طوول لاني اخااف تجي مكالمة ضروريه ومهمة واذا حطيته صامت ماراح اسمعه :lol: 6_ لو أتصل عليك رقم غريب بترد عليه؟ واذا كان لا لماذا لا ترد ؟ الصراحه مااارد على اي رقم مااعرفه اولا لاني اخااف يطلع رجال غريب وثانيااا هذي اوامر القيادة العليااا ومااقدر اخالفها :lol: هيسووكا يسلمووو لطرحك الجميل والله يعطيك العافيه وشكرااا |
_ كم جوال عندك ؟
جوال واحد 2_ هل تعطي جوالك لأحد غيرك ؟ ايه عادي جوالي صاير سبيل اللي يبيه ياخذه :) 3_ وماالذي تمنعه من مشاهدته في جوالك ؟ ولا شي 4_ ولماذا لا ترضى أحد ياخذ جوالك ؟ قلت جوالي صاير سبيل :) 5_ جوالك وضعه الدائم عام أم صامت ؟ وليش ؟ عام وليش لاني دايم انا بجهه و جوالي بجه ناآآآآسيته ع طول 6_ لو أتصل عليك رقم غريب بترد عليه؟ واذا كان لا لماذا لا ترد ؟ لا ما ارد عليه خوفا من الازعاجات :) وصار الكل يعرفني اني مارد على رقم غريب اللي يبيني ومتصل برقم غريب اول شي يرسل رساله.. يعطيك العافيه أخوي .. |
| الساعة الآن 02:46 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية