|
وعليكم السلام ورحمة الله وبركاته
الف شكر ع الاطراء ويا هلا بــ ديو اقتباس:
وما ننحرم من اطلالتك وتواجدك بيننا في الحوار كلك ذوق ربي يحفظك ويطول عمرك |
وعليكم السلام ورحمة الله وبركاته
يا هلا بالكريستال والله الساعه المباركه اقتباس:
على هذا العطاء وهذا التميز لكي مني كل الاحترام ربي يحفظك ويطول عمرك |
اقتباس:
اثرتي موضوع مهم عندما ذكرتي ان بعض التخصصات لا يكون ليها رواج في سوق العمل وبذلك تنشأ بطالة تتسبب فيها الدوله عندما لا يكون هناك دراسه وتوجيه والف شكر على هذا العطاء ربي يحفظك ويطول عمرك |
اختيار موفق للموضوع بذات في هذي الأيام وأحنا نشوف كثرة الانتحار عندنا في السعودية وأحد الأسباب البطالة رغم أنه السبب الرئيس ضعف الايمان .. اقتباس:
هذي المقولة كثير اسمعها وبذات في عيلتنا رغم أني اشوف حولي بعض البنات جالسين في البيت والاغلب معدلهم 5 .. يعني نقدر نقول الشهادة صارت ولا شي لو كنت ما جستير زيك زي خريج الثانوي .. نقدر نعدل المقولة بـ سلاحك في الحياة واسطتك .. وكل ما كانت واسطتك أعلى وأقوى كل ما زاد قوة هذا السلاح .. اقتباس:
عن نفسي دايم احط ببالي أنه طالب العلم يسبح له الحجر والشجر حتى الحيتان في البحر .. واما الوظيفة مو كثير تهمني لأنه في من يصرف علي وكله راجع عن كوني بنت .. اقتباس:
اهمال وزاري .. وفسااد اداري كبير .. المفروض من وزارة العمل توفير وظايف لكل خريج جامعي .. اقتباس:
باتكلم عن مجتمعي في السعودية .. هي العمالة بس الحمدلله ذحين يحاولوا يخلوا العاملين سعودين .. وغير كذا الواسطة لمن نجي في جامعة ثول ونراجع اسماء المتوظفات .. راح نفهم المقصود بالواسطة .. اقتباس:
صرااحة البطالة سيئة جدا من ناحية أنه ممكن ينضم لخليات غير سوية أو يضطر أنه يرتكب جرايم .. يتولد في داخله حقد وممكن يطور لرغبة في الانتقام .. احد اسباب الارهاب والانتحار .. اقتباس:
ما أيدها الشاب السعودي لا أتوظف يحب عمله وأنا اتكلم عن اللي اشوفه حولي .. ومخلص جدا وشغيل .. وفي داخله حمااس لتحقق الأفضل .. اقتباس:
لأنه العجايز توظفوا وأخذو كل الأماكن ^_^ لا من جد أنا اشوف أنه جات فترة كانو يوظفوا فيها الأجانب بكثرة والسبب سياسي .. ويحليلهم أخذوا كل الأماكن بذات في القطاع الخاصة أما الحكومية نقدر نقول قليل فيها نسبة غير السعودين بس من ناحية البنات لا أنا عن نفسي ملاحظة أنه الأولولة لشباب بالوظايف وهذا الصح .. ههههههههه وانا مأيد لكلامك هيول بجد العجايز لا يزالون على رأس العمل ليهم اربعين وخمسين سنه ياريت يغيروا سن التقاعد لكي يفتحوا مجال للشباب وبالنسبه لتعيين الاجانب لا يزال الوضع على ماهو عليه في بعض الوزارات اقتباس:
رافضة جداا لو كانت الشركة شديدة راح ينضبط ولا ليش شركة صدارة وأرامكو وغيرها من ذي الشركات الشباب منضبط فيها ..؟؟ معناته في سبب لمن تجي الشركة وتعطي الشاب راتب ضعيف كيف تبغاه ينضبط يعني هو والشغالة نفس الراتب .. شركة ياربي شو اسمها اظن سفاري في مطار الملك عبدالعزيز هذي الشركة موظفة شباب وبعضهم رجال رواتبهم توصل للـ 1850 وطبعا بدون بدلات ولمن نزل قرار الملك أنه السعودي راتبه ما يقل عن 3000 طبعا شو عملوا .. ولا شيء اتوقع انهم مسكوا القرار وعبوه موية وشربوه موظفينهم ع العموم الذنب ذنب الموظفين الساكتين ونجي للمدارس الأهلية نفس السالفة .. اقتباس:
لا .. اقتباس:
لااا لمن قرأت أحصائيات السعودة عند بعض الشركات كانت النسبة غير مرضية صح أني انبسطت زادت عن الأعوام السابقة .. بس أحنا نبغاها 100 % مو 60 ولا 40 .. !! اقتباس:
انا اشوف انه السعودة في اغلب الأشياء بس مايكون سعودة في عمال التنظيف والقارسون .. لأنه اقتصاد السعودية ما شاء الله حلوو وقياسا بذلك لازم يكون الشعب دخله حلو .. ويشتغل في اشياء حلوة يعني عادي لو كان خضري وسواق تاكسي وكاشير بس براتب حلو كلامك صحيح ومنطقي يجب ان تكون السعوده في جميع مجالات العمل كل حسب تخصصه وتوجد فرص عمل حقيقيه ويعمل له حمايه من اصحاب الشركات والمؤسسات الخاصه اقتباس:
لازم يعرف أنه في وظايف عشان يقدم .. يعني بتكلم عن شي اعرفة في جامعة الملك عبد العزيز تنزل وظايف معيدية أو ادارية .. الدكاترة شو بيعملوا ..؟ بيكتموا ع الموضوع وتقول لفلانة وعلانة والمقربات لها وبكذا يقدموا ع الوظيفة .. !! يعني بتيجي وظايف ومحد دريان عنها .. اقتباس:
آآه جينا ع الفلووس شيلوني منها << فيس تبذير أخاف كلامي يهز ميزانية الدولة ^_^ اقتباس:
شكلك مصر .. !! راح أحاول أكون عقلانية .. 12 ألف أقل شي .. معناته راح نصوت ليكي لحتى تكوني وزيره للماليه ههههههههه اقتباس:
يعطيك العافية مووضوع كتييير حلو وبيستاهل التقيم ^_^ الف شكر هيول على هذا العطاء وهذا التميز ربي يحفظك ويطول عمرك |
السلام عليكم و رحمه الله و بركاته مساء الخير و الرضا من الرحمن موضوع خطير اللي ذكرته اخ خالد ,, إذا كانت السمنه مرض العصر فالبطالة هي ازمه العصر الأولى و اللي ما لها حل للأن , من صعوبتها او من حلة الحلول , أو من سوء التدبير و هذا الأصح . لان دايم أو اغلبية الموضفين في غير مكانهم المناسب . بسبب واسطه أو مجرد سد فراغ فأصحاب التخصصات ينحكم عليهم بالبطاله من غير سبب ...! في اسباب ثانيه غير قلة فرص العمل .. مثلا عندكم في الممكلة عندي بنات خال أمي كلهم خريجات تربيه أو أداب و شريعه يعني تخصصات مطلوبه و خصوصا مع زياده السكان و العمران , بس الوحده لما ينزل اسمها بالتعيين وين ؟؟ في ابعد منطقة ممكن و هذا سبب يخليها ترفض لانها أما انها بنت ما تقدتر تغترب عن اهلها أو أم و زوجه ظروف زوجها و بيتها تمنعها... بالنسبة لي خريجه تربيه قسم رياضيات تخصص نادر و مطلوب في الكويت تخرجت شهر 6 و شهر 8 نزل اسمي تعيين بس نزل بتخصص ثاني مدري غلط أو سوء الحظ .. تربيه خاصه .. طبعا رفضت الوظيفة لانها ما هي مجالي و لا لي خبره فيها و لا اعرف اتعامل مع ذوي الأحتياجات الخاصه فكان عقوبة رفضي بطاله ؟؟ لمدة سنتين اللان و مازالت إلى اجل غير مسمى ..! .. .. .. مارأيكم بمقولة ( سلاحك في الحياة شهادتك ) ؟ وهل اصبحت كذلك ؟ صحيحه مليون بالميه .. و فعلا الشهاده سلاح حتى لو ما حصلنا على وظيفه ... هل نتعلم من اجل الوظيفه ام من اجل العلم ؟ في المراحل الأولى عن نفسي تعلمت لاجل لتعلم من دخلت الجامعه و تخصصت لا تعلمت من أجل الشهاده و الوظيفه ... ماذا تعني بطالة حملة الشهادات؟ ضياع حلم و انهيار طموح ... و تعب نفسي خطير ...! ما هي برأيكم أسباب البطالة الحقيقيه في مجتمعاتنا العربيه ( من المسؤل ) ؟ في تخصصات و مجالات شبابنا العربي يتكبر عليها و خصوصا في الخليج فالدولة مضطرة تستعين بالعمالة الخارجيه .. للعلم انا هالشباب قاعدين يدرسون هالمجالات مثل الميكانيكا و الكهرباء بس مستحيل يشتغلون فيها إلا من رحم ربي فـ يصفط الشهاده و يقعد على قلب اهله ... السبب الثاني الزيادة في عدد السكان و تكدس البعض في مجال واحد مثلا التربيه يا كثرهم بس بالطب قليل يعني الخطأ في التركيبية و التوزيع ... ما هي الآثار السلبيه على الفرد و المجتمع ؟ الفرد بيكون عاله على مجتمعه , تعب نفسي و تشتت و ضياع و بلاده و ممكن تكثر اعمال السرقه بهدف توفير لقمة العيش... ما صحة مقولة ان (الشاب السعودي لا يحب العمل)؟ لا و انت الصادق الشباب الخليجي لا يحب العمل ..! يحبون الاعمال المكتبيه و ياليت يلتزمون فيها و لا يداومون مثل الخلق تعودوا على الدلع و الدول ماشاء الله قاعدة توفر لنا كوادر و حوافز و للأسف ما زاد إلا من التكاسل لكن يقول معاشي و بيجي ليش اتعب عمري ...! لماذا نسبة البطالة في الشباب أكثر ؟ هل هناك سبب او اسباب تحديدا ؟ ما اتوقع اشوفها للجنسين كبيره و الاسباب نفسها ما تتغير ... هناك الكثير من الشركات تتذمر من الشباب السعودي ببذريعة عدم اتقانه للعمل وعدم استمراره في العمل والـتأخر عن الدوام والخروج كثير ا.. الخ ما رأيكم بذلك؟ صادقين و كثير نشوفه و نسمعه ... هل الشاب السعودي ملول ويتهرب عن العمل ؟ الشباب الخليجي ! و كثير , عندي الوالد الله يحفظة ياكثر ما يجيه فرص عمل بمكتبة على حسب تخصصه إداره اعمال بس و لا وحده قبلها . ما يحب يتقيد بعمل بس هذا هو ناجح جدا في اعمال الحره اللي يسويها ... هل نسبة السعودة في القطاع الخاص كافية ؟ ما اتوقع الأغلبيه يبي يضمن راتب تقاعد و حقه بس ما شيب رأسه فيتجه للقطاع الحكومي احسن له و اريح بعد ... وهل سعودة مظلة الخضره والتاكسي والكاشر .. الخ . هي الحل ؟ و الله فيهم الخير الشباب السعودي إذا رضوا في هالوظائف و ما قالوا وشلون حنا نشتغل في هالوظائف و حنا عيال البلد ..! بس بعد ما هي الحل هالوظائف وش راتبها ما يوكل عيش و الشباب يبي يفتح بيت و يصرف عليه و على عيال و غيره ... كيف يمكن للشاب والفتاة إيجاد العمل المناسب ؟ وهل الواسطه ظروريه لذلك ؟ ضروريه اي و كثير ما عاد تمشي مصالح الناس إلا فميتامين واو ... لكي يعيش الانسان بكرامه وكفايه كم تقدرون مستوى دخل الفرد بالمملكه العربيه السعوديه ؟وفي الدول العربيه ؟ مهما زادت الرواتب بالمقابل كل شيء يزيد سعره إذا كأنك يابو زيد ما غزيت ... بس الأغلب بحدود " 750 إلى 1000 دينار كويتي " إذا ما كان عليه قروض و ديون ... وكم يكون اقل راتب يمكن ان يتقاضاة الموظف الأقل 350 دينار أقل من جذي حرام صراحه ... .. .. .. |
| الساعة الآن 10:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية