منتديات ليلاس

منتديات ليلاس (https://www.liilas.com/vb3/)
-   نكت , طرائف , ضحك , فرفشة , منتدى الضحك والفرفشة (https://www.liilas.com/vb3/f25/)
-   -   احلى احلى روايه (https://www.liilas.com/vb3/t17481.html)

ذات الرداءالابيض 30-08-06 05:03 PM

احلى احلى روايه
 
هلا كيف حالكم

اول مره اكتب شي هنا

تكفون لا تزحلقوني تحت واثقه من نفسي احلى روايه
:encore: هذي القصه لم يسبق اعدادها كلها وشسمه ذيك الكلمه ... ايه ارتجال
[URL="http://www.liilas.com/vb3/"]منتدى ليلاس الثقافي[/URL

.................... الفصل الاول .......................

كان يامكان كنت انا بطلة القصه ومحاكيتكم <<<<<<<< اعراض الانفصام

في قصرن جميله يملائه الخدم والحمير :7_5_134:

وكان القصر حقي يطل على بلاعات الشاطي الغربي لمنفوحه

وكانت الطيور تزقزق <<< اسم صوت الطير للتأكد ارجع لكتاب الإملاء للصف الاول/ب

ولحسن الحظ كان لهذه الطيور مناعه من مرض انفلونزا الطيور وذلك لان المرض عشش فيها وخلص وطلع

وجا مره ثانيه وماتت الفيروسات بس للاسف مااكتشفوا الطيور

نرجع للقصه

وعندما كنت متسدحه على ذيك الكنبه الشقرا على ذهبي تقول وجه طرش يوم لعب في مكياج ام الهكي

اخذت اللعب بخصلات شوشتي وانا منهمكة في تفكير عميق:friends:

والسؤال المحير متى اقع في الحب ؟ خخخخخخخخخخخ <<<< ترى مهوب هي بلحالها

وعندها جاء الخادم <<<< وش دخلكم قصر دشير :34:

واخذ ينادي: فنووووووو

وفي هذي الاثناء انقطعت سلسلة افكاري وطحت من الكنبه غصبن عني

ورحت ارى خشته والتي كانت تتصادم بالجمال <<<< يقطع ابوبليس التعبير اللي تعرفينه

وقلت: نعم وش تبي بكل بروده ....ولا من داخل

قال: العشاء تبين ولا لا ؟

وانا قلت في نفسي يقطع ابليسه هذا وهو خدام

واقوله: اصبر... تعال انت سعودي ؟

قال: لا

قلت :وراك اجل كذا تعال صفقني احسن :15d:

قال :انتي تسألين عن جنسيتي خخخخخخخخخ ايه سعودي <<< لا تقلد ضحكتي يا التسلب

قلت له :اطلع برى لافلقك يا الغبي

وراح وهو محمر الوجه وده يصفقني بس ما يقدر :7_2_118:

.................. الفصل الثاني..................

ومن بكره في الظهر جائت دعوه لحفل محيميد المقرش صاحب القروش الكثير .......... وبس ماعنده عقار

وذبها ابي في وجهي وقال: لو ماتروحين بطلق امتس

واخذتها بصمت وانا ازين شوشتي عن وجهي , وعندما فتحتها

وجدت مفاجعه كبيره لو يشوفها الوالد انبسط

رقم محيميد المقرش

ماذا افعل؟ <<<<<<<<<< صدقت سندريلا

خذيت الرقم ودقيت عليه <<<< ما صدقت تلقى رقم خخخخخخخخخ

ترن ترن ......... تراني سمعتها ............ ترن ترن

انا: الو محيميد:36_1_62[1

[URL="http://www.liilas.com/vb3/"]منتدى ليلاس الثقافي[/URLمحيميد: هلا مين فنو

انا: ايه. نعنبوك ما تستحي على ضروسك مرسل رقم بيتكم <<<< عارفه انكم تحسبونه جوال

محيميد: لا مهوب انا والله هذي امي تقوله عشان ما يضيعون العجز.

انا: ايه صح والله لاعلم ابوي <<<<< ماحولك احد

محيميد: والله معد اعيدها <<<< صدق خخخخخخخخخ:36_1_4[1]

انا: خلاص سامحتك بس هذي اخر مره

محيميد: اشوا والحين تبين شي عندي حفله بروح للحلاق بعد العصر:36_1_53[1 :36_1_54[1

<<<<<<< الحمدلله ياربي والشكر (وانا وش دخلني فيه)

انا: خلاص طيب مع السلامه

ما امداه يقول مع السلامه ولا راقعه التلفون قبله احسبها مسابقه

شوي ويجي الخادم والمحه من بعيد

وانادي: تعال يا صبي.......... ما رد

تعال يا غلام ............ برضو ما رد

تعال يا هوه .......... جا هلمره

قلت له : الحين انت وش اسمك؟

قال: كومار

قلت: لا تستهبل قل اسمك الصدقي <<<< مقابلته في تشات :36_2_15:

قال: وائل

وانا في نفسي واسمه يدندن في بالي وائل من وين جايبن اسمه يلله الحمدلله انه مهوب مازن

وقلت : وائل تدري اليوم حفله وابوي بيجيب واحد خدام تعال انت لا تخليه يجيب احد غيرك

راح وهو يقول يلله لك الحمد والشكر ........ وانا مبسوطه :22:

....................... الفصل الثالث.......................

جيت انا وابوي وذاك الصبي وائل في الحفله والعالم تدهر وعالم رايحه وعالم جايه

يلله حسبته سوق صحاري في رمضان

ورحنا نحوم كل واحد راح بلحاله حتى الخدام راح بلحاله

واكلم ابوي بالجوال: يبه وينك انت ووائل

ابوي: وش دراتس عن اسمه؟

انا ويومي متوهقه وابلع ريقي: هاه حزرت :36_1_39[1

ابوي: تعالي انا عند النافوره

واطلع برى واقول تكس .......... ودني لمطعم النافوره

ولا يلقاني وائل وهو ياندي فنووووووو فنووووووووو

وانا رايحه ملح خخخخخخخخخخخخ

قلت : نعم وش تبي ابوي يحتريني في النافوره

وائل: ايه ذيك النافوره شوفي

حسيت اني غبيه وقلت: ايه كنت باخذ تكس عشاني تعبت وانا ادوره <<< جت بتكحلها عمتها

الموهم وصلنا عند الوالد

وقال: تعالي شوفي محيميد كبر وصار رجال

بلله من شفتوا لورد اوف ذا رنج هو يشبه اللي القزم اللي معهم

وقلت: يبه <<< دلع :11_15_4: .......... وين هذا اخوه الصغير!!!

ابوي وهو معصب ويتحلطم: ماله اخو

انا محاولتن مني اني اعدل الموقف: مشاءالله تقول ما اثر فيه العمر كنه شباب

قعدنا نضحك باستهتار وابوي يقول في باله اوريتس يا بنت التسلب

وقعدنا نسولف شويتين ولا التفت على وائل وهو يصب عصير التفاح

ورحت وقلت تعال يا وائل ........... لحقني

واقول له: الحين وراك ما تحبني <<<< تسمع بالرومنسيه

قال: وشو .... هاه

قلت: خلاص ابعد عني ما احبك يالشين اهيء اهيء اهيء

ورحت لابوي وقلت له قدام الناس: زوجني محيميد ........ وانا اناظر وائل واقول ساد

محيميد: وش تبي بنتك؟ ترانا في حفل هاي

ابوي: وش تقصد هاه يعني انت ماتبيها <<<< ماصدق جت الفرصه

انا متدخله: نادو المأذون بسرعه لاغير رايي

محيميد في باله : باخذها عن الفشيله.

............................................الفصل الاخير................................................

اعرست على محيميد نكاية في وائل

وفصلناه بعد لانه ما ينفع

وجبنا بداله فلبينيه <<<< مكان من الاول

واعرس عليها ابوي :friends:

وانا ومحيميد مداومين عند طبيب الاعصاب ناخذ جلسات كهرب

وجبت ولد سميته مازن

انتهت الحكايه

ارجوا انها تعجبكم :) :)

تحياتي

ذات الرداء الابيض

ندا المصرية 30-08-06 05:43 PM

ههههههههههههه ياسلام ايه الجمال ده مع انى كنت اتمنى انك تكتبى الترجمة معاها يابنتى انا مفهمتش نصها بس حلوة برضه بس المرة الجاية اكتبى باللغة العربية عشان كلنا نفهم ربنا يسترها معاكى

والف الف مبروك على الجواز وربنا يخليلك مازن هههههههه

دليلة 30-08-06 06:14 PM

ترا معانا كاتبه بالمنتدى هلا فيك دات الرداء الابيض

فلة 01-09-06 12:01 AM

ههههههههههههههههههههه
القصة حلوة لكن ما فهمت بعض الكلمات
الله يعطيك العافية

ضِحـكتي مــآآركةة .. 12-05-12 08:17 PM

حبيبتي معلشش لآكن آحسس آلقصصة شويآ سسخيفة ..
بسس صرآآحة آبدعتي ..


الساعة الآن 10:15 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية