|
فاشلات ولكن مبدعات
السلام عليكم ورحمة الله وبركاته
اخواتي المبدعات والفاشلات على حد سواء هالموضوع طرح للفضايح وعدم السنع اللي طلع من وراه ابداع سالوني شلون انا اقولكم اذا كنتي داشة المطبخ متحمسة تسوين اكلة وبعز الشغل لقيتي مكون ناقص وارتجلتي وطلع معاج شي ثاني او نفس اللي تبينه بس بنكهة غير او نفسه نفسه بس محد داري بالبلاوي اللي ملغمة فيها الطبخة هني عاد تفيدين خواتج الفاشلات وتحطين طريقتج الفاشلة اللي قلبت ابداع بهالمكان واول الفاشلات هني وحدة لها صولات وجولات وارتجالات وخروج من زنقات بهالمجال اهي نمورة المطيورة مطيورة لاني انلقفت الا اسوي لزوجي كيكة يحبها بصراحة كنت بتمصلح عنده ابي انام عند اهلي وهالشي من المحرمات بقاموسه واختي انصحتني ادهن سيره قلت يالللاااااا الكيكة اللي يحبها مع الجاي مافي غيرها واغمسها بكم كلمة حلوة ورمشة من عويناتي اللي زين مبينين ويمشي الحال واقوله انا رايحة المطبخ اسويلك كيكتك اللي تحبها قالي اي والله من زمان عنها رحت وحطيت المقادير الجافة كوب ونص طحين ,ملعقة كبيرةبيكنج باودر,كوب سكر الا ربع,رشة ملح ,ملعقة كبيرة هيل,ملعقة شاي زعفران وخلطتهم شوي ورحت اسوي المقادير السائلة ربع كوب زيت,وخلطت معاه علبة قيمر(قشطة),ورشة الفانيليا ,ورحت الثلاجة اجيب البيض وانصدم ان البيض اللي بالثلاجة مو باقي منه الا بيضة وحدة يبووووووووي شسوي المقادير وانخلطت والرجال وعنده خبر اني بسوي كيكة ولو قتله بروح اجيب من فرع الجمعية القريب بيض بيسويني مشخال ويشخل فيني العيش امس متقضي ولو انه موبالبيت جان زرقت بسرعة ورديت بالبيض من الفرع واقعد افكر واحسب واجمع واطرح وافرك بايدي عوع من هالبيتة ما ابيها شيفكني من لسانه عشمته بحبيبته وجان تجي عيني وييين المكون اللي انقذني القيمر واحطلي علبة ثانية واحط نص ملعقة بيكنج باودر عشان تنفس الكيكة زود واخلط الكيكة بسرعة واحطها بالفرن واثناء طباخها ما خليت دعاء ولا ذكر حتى دعاء الاستخارة قلتة واول ما استوت الكيكة حطيتها بالثلاجة تبرد شوي لين اخدرله الجاي واحط عشر تعش صنف مكسرات وكاكاو وحلى قهوة وبقلاوة مع انه مافي قهوة طلعت الكيكة بردت شوي شكلها جنها اللي دايم بس الطعم الله يعين وديتها وحطيتها جدامه جان يقول ليش كل هذا قصيلي قطعة كيك وشيلي الباجي واسوي اللي قاله وارد والقى الصحن ماله فاضي جان يقولي قصيلي بعد قطعة سالته طيبة قالي والله حاسها الذ من كل مرة واشق الحلج واضحك هذيك الضحكة اللي استغربها المسكين وسالني شفيج قتله مستانسة انها عجبتك بس تدرون وين القهر مارضى انام عند اهلي عقب كل هالرعب ما يسوى علي وهذا فشلي المبدع او ابداعي الفاشل اللي تبون تسمونه سموه ناطرة تعليقكم وفشل مبدع اخر ياربي تعبت من السوالف صج اني هذرة رجاء التعليق بس عالطبخة هالذرة انسوها فديتكم وسلاموووووش..........نمورة |
نمووره العسووله ..
اي شي من ايدينج بيطلعع حلوووو .. ابوو الشبااب يحمد ربه لااقي مثلج وشررواج كيكاات وحركاات .. تدرين عااد نمووره قبل شوي كنت اسولف مع هللوله عن معجنااتي اليووم بعد مااطبخت الغدآ كبسه ديااي مااعليهاا كلام .. قلت خل اسوي حق فااميلتي اي شي لبعد المغرب لانهم كل يووم يصيدهم عقر بقر عل المغربيه .. يبوون اي شي ينبلع واذا ماالقو شي جااهز كل نفر يدخل يبخبص بالمطبخ على كيف كيفه ..شي صمون بالجبن وشي اندوومي واللي حليب وبيض واللي يقلي بطااط وتخيلوو المواعين المترااكه تبي غسيل .. اهيء اهيء عجنت عجينتي المعتااده .. وتذكرت اني شاايفه في مكاان مآآ شكل يديد للف الفطااير وبدل مااروح اتاكد من الشكل شغلت خياالي الرحب الخصب ولفيت العجينه بالشكل اللي تخيلته بيطلع مثل ماابيه عجينتي نفشت بزيااده وصاارت شكل ثااني بعد مااطلعتهاا من الفرن ههههههههآآي والجبنه ضااعت ماالها اثر.. ولدي الصغنن نتف الفطيره اللي حطيتها له يدوور الجبن اماا عااد البيج بووست شاااف الفطيره بنظره ... ولا كل ولا حته حتى لو مجاامله ..اهيء اهيء الصور >> مصووره خيبتك يااماامآآ http://www.liilas.com/up/uploads/liilas_13322774841.gif http://www.liilas.com/up/uploads/liilas_13322774842.gif شاايفين الجبنه منكمشه بالزااويه .. وبس .. ذي تجربتي الطاازجه تووها طاالعه من الفرن سلمت ايدينج نمووره ... وننتظر مشااركه خيباات المبدعاات ههههههه |
موضوع حلو. لكن. مرهقه. خلين. اروق. بس. وارجع لكم.
|
الله يسلم هالافكارر نموره واكييد جايبه لكم اخر حوساتي لأني ام الحوسه في المقادير والحمد لله تنجح غالبا بس خلووني ادور الصور واحلى تقييم لاحلى نموره
|
نمووورة المزيوونة يــاسلام ع الأفكـــار والله صدقتي مرات تحصل تكووني ابتديتي شغل و في النص تلقي شيء ناقص لازم عـــاد سرعة البديهة تشتغل ههههه أهم شي تخلصي لي بديتيه سواء طلع حلو أو لا هههه كيــف ما نقوول عندنــا الشيء لي ما يقتل يسمن هههه^^ عــاد أختك أم الحووســات لأنــي ءأحب أطبخ أي شيء يجي قدامي و أزييد عليه من مخيخي العبقري خخخخ مرة كنت أسوي وصفة جديدة بنت خالي قـالتلي عنها و هي حلويـات صغار أســاس الوصفة انهم يكوونو بالسكر و أختك حطيت المكونات السائلة و بعدين زدت الدقييق شوي رحت أدور سكر ما لقييت يالهوي ايــش أسوي قعدت أفكر شوي قمت حطييت شوي ملح و كوب زبادي و أخلط في العجيين و بعد مارتاح فردته و كمر أقطع أشكال و دخلته الفرن ولما خلص حطييت لهم ماما تقوولي ليش مالح أكلناه داك اليووم حلو في بيت خالك و قلتلها لا هاذي وصفة ثانية مثلها تقريبا بــس ضرووري تكوون مالحة مثل البوتي فور و مامتــي صدقتنــي و تقوولي والله حلوة هالوصفة تصلح مقبلات مع سلطة هههههههههههههههههههههههه و بكدا خرجت من الورطة بدووون ما أحد يضحك علي ههه نمووورة شكلي بجرب كيكتك لي من غيير بيض هههه |
انوثة حبيبة قلبي الله يسلم هالايدين على هال......ما ادري شاسميها المهم انها انوكلت
واذا على زوجج عادي مشي الحال اهم الرجال اذا ما لقوا شي يعيبونه ما يرتاحون لو انه ضايقها كان اعجبته بس اكيد انتي مدلعته زيادة خفي الدلع شوي لايشوف نفسه عليج بنوتة يافقلبي انتي عسى التعب ينساج وربي عاد كنت ناطرة منج شي ما شاء الله عليج السنع منج وفيج ام رنوش فدييت عينج ناطرتج على احر من الجمر واكيد بتبدعين كالعادة انتي اصلا لاتعليق عسل وكل شي منج عسل يا عسل لبوووووووووووون لا تكفين لاتتهورين وتسوين الكيكة من غير بيض ترى لوتنتبهين انا كنت حاطة بيضة وحدة وبعدين نبي طريقة المالح اللي سويته ومحد درى ان السكر سقط سهوا ومشكورة على الاطراء ناطرتكم حبايبي........نمورة تتحقرص |
تراني لي الحين اتحقرص وينكم والا الموضوع موعاجبكم
اقول لا تخلوني اصير مثل ابلة الرياضيات انادي بالاسامي (فيس يرمش مايقصد احد) ترى وراي دعم قوي ام رنوش على سن ورمح لا تخلوني اشتكيكم لها بنوتة انا ناطرتج ترى مثل مانتي معبرتني بالمقلط عبريني هني بعد بعطيكم كم يوم بعد عشان نهاية الاسبوع اجازة سعيدة.......نمورة مازالت تتحقرص |
مساكم احلى من الحلى ....
اليوم جا على باالي اسوي بسبوسه وطبعا بدون تردد وعلى طول جهزت المكونات السائله اللي هي بيض وزيت وسكر وخلطتهم وجيت احط السميد والا ماافي الا كااس واحد والمطلوب كااسين بالضبط وعلى طول يشتغل عندي عقلي بتااع الازماات خخخخ واضفت كاس طحين. هههههه بس والله طلعت البسبوسه حلووة وماعليهاا كلام ووبدون ماحد يلاحظ تدرون متى حسيت بالفشل ..!... يوم خلصت البسبوسه بدون مااصورهااا وبس |
نموره. انا جيت. لكن الا الان. متعكر المزاج. سفر وبرد. وولد تعبان.
انا عكس الناس. العطله. اصير. مشغوله. حبوبه. البسبوسه. انا. اضيف له نصف كاس طحين. وكاس ونصف سميد. لو انك. اضفتي نصف الكاس. جوز هند. اتوقع تطلع. احلا. |
يسعد ربي اوقات السنعات الحلوات
نمورتي الاموره. العذر والسموحه. الايام ذي جد مشغوله. بس بإذن الله. جايتس ومعي. كم. تخبيصه |
ههههههههههههه عاااد أنا لا خطر ببالي أطبخ ابد ما افكر أتأكد أنه المقاادير موجودة .. على طول وعندي كل طبخاتي بيضة لو أنه مطلوب 6 بيضات أبد ما أقبل إلا ببيضة .. بس ذحين ما يحضرني شي .. يبغالي افكرررر كثييير واعصر مخي عشاان اذكر .. |
اقتباس:
عندي بسبوسه ييعني سميد. لكن شكلي باعتمد طريقتي االجديدة امما جوز الهند. ففيني حساسيه مننه فما. يدخل بيتي ابد |
نموره
تسلمين على الموضوع الروعه ما في احد يخبص كثري .. و خصوصا في البطاطا الحاره اذوقها بالمطاعم اللبنانيه و على الطعم حطيت المقادير كم مره لغاية ما ضبطت و ليوم الخميس سويت ورق عنب و بعد اللف ما لقيت تمر هندي و انا ابيه حامض .. ما خليت ليمون على خلطات الكنور ما حطيته و الحمد الله طلع تمام بس ادخل من الجهاز بنزل الصور .. بعدين شفيهم مدرسات الرياضيات .يهبلون فديتهم..فيس يرمش .. .. .. |
فديتكم وربي تهبلون
ام رنوش وبنوتة ناطرتكم اخذوا راحتكم حبايبي الله يكون بعونكم وييسر اموركم انوثة فديت الابداع عاد تصدقين البسبوسة اول مرة مرة اسمع انها تترقع بطحين بس دامها طلعت حلوة سويلي صينية وتعالي المقلط على يوم نقزقز عليها حبيتها الصراحة هيول ناطرين لا تطولين وانتي تعصرين بمخج وبالنسبة للبيضة حلو الاقتصاد شحرورتنا هلا والله فديت الرياضيات والجمع والطرح والقسمة والنصيب الا الضرب مااحبه يعور وورق العنب شكله حااااااامض يعني غرامي وتسلم الايادي وزادت الحقرصة......نموره |
نموره يا شريرة لا تقولين شحروره
أكره عمري << احسني عجوز و كشتي صفرا طايره لسما >ــ< و هذا ورق العنب وصل http://www.liilas.com/up/uploads/liilas_13327403612.png و هذي كيكه كنت واعده خالاتي اسويها لهم و كلهم يحبون الكيكة السودا و ما لقيت بالثلاجه الا العلالي بيضا << توهق البطل و قمت اخبص على كيفي و اضفت بودرة سكنكوك لما تغير لونها و اضفت مسكرات عشان اضيع السالفه و كلهم امدحوها و قالوا احسن من السودا << فيس كان خايف لا ينقدونه http://www.liilas.com/up/uploads/liilas_13327403601.png .. .. .. |
اسم الله عليج صبوحتنا تهبلين وسنعة حدج
ما شاء الله عليج الكيكة شكلها واااو وورق العنب لعب باعصابي وبعدين انتي ليش ما تشوفين افلام الخمسينات والله ان احلى وحدة شحرورة كانت بطعامة كيكتج وعشان لعبتي باعصابي لما حطيتي صورة ورق العنب ماني مناديتج الا شحرورة(فيس شرير بس يموت فيج) الله يسلملي قلبج الطيب.......نموره |
الموووووضووع حيــــــــــــــل حلووو
يعطيك العافيه نموره ومشاءالله على ابداااع الصباااايا من جد تجي افكار غريبه اذا تورطتي هههههههه عوافي ... |
اهلين خورافية
سمعي عطيني دلع ادلعج فيه عجزت الاقي ومشكورة عالاطراء وياريت تشاركينا بابداع فاشل او فشل مبدع ناطرينج......نموره |
هلا اخواتي انا من لما دخلت لهذه الصفحة ما وقفت عن الضحك افكاركم بتجنن و انا لكنت اظن اني هبلة بس طلع مين اهبل مني<<فيس الي عميمزح خخخخخخخ بس انتو طلعت مبدعات على الاقل بتحلوها انا لا لما اخبص اخبص مزيان (منيح)
مرة زوجي اشتر سمك من نوع السلمون(لحمه وردي و عندنا بالمغرب ثمنه شوي غالي) انا جهزته من شان اقليه بالزيت رحت اجيب علبة الطحين جبت بدلها علبت سكر بودرة كنت شاردة و الله خخخخخخ ماحسيت الا ووجه السمك عميحترق ييييييع كان بقرف شكرا اختي على الفكرة الحلوة كنت بتمنى شي ركن بضحك و انت عملتي احلى ركن بس فيكي تغيري العنوان عشان للبخبصو وما يبدعو خخخخخخ |
اهلينamani hanane
حياج الله معانا والحمدلله ان الموضوع اعجبج كان ودي بصراحة اشوف السمك بالسكر بس اشوف اكله ما اعتقد والموضوع اساسا عشان اللي في باله ان المطبخ مقادير وبس يراجع حساباته لان مثل ما انتي شايفة الابداع على ودنه بس سمكتج مالها حل ابد وعموما حياج حطي اللي تبين المطبخ مفتوح للكل وسلمتي......نموره |
هلافيج نموره
عادي دلعيني مثل ما تبين الي هنا يدلعوني فوفه مره خوخه كيفك خخخخ لا انا لازم اشوف المقاادير موجوده ولا ما اطبخ يعني نادر ما اخبص اخر منه الي اذكررها قبل اسبوعين كنت اسوي فطاير ولما حطيت المقادير كلها نقص الخميره عاد اختج من ذكاءها رحت اكثرر الباكينج بودر بدال الخميره هههههه الله لا يوريك الفطايير صارت بسكووت ههههههه يعطيك العافيه |
الله خوخة دلعج لذيذ
والبكسوت العجيب مالج عسى لقاله من يصرفه المهم انج خبصتي وطلع معاج اظن هالمرة ابداع فاشل الله يسلم قلبج ياقلبي ودمتي لذيذة(متاثرة بصدود على طريقتي) في انتظار ابداعات جديدة.........نموره |
اعجبني موضوعك كثير و يحصل معاي اكثر خخخخخخخخخخخخخخخ
المشكلة لو ما اعمل المقادير تمام ما تطلع لي نهائياً واذا ابدعت يطلع لي فشـــــــــــــــــل واكبها بزبالة وافتك من كلامهم وتعليقاتهم ممكن في يوم يطلع لي العكس الابداع بعد الفشل :qUA04678: يسلمووووووووووووووو |
هلا والله بالاميرة
ناطرين ابداعج حبيبتي واسعدني مرورج وانا الموضوع عجبج قلبي سلمتي........نموره |
انــــــــــا جييييت واخيرا
السلام عليكم بقولكم اول شي حاجه عن ام رنا بالمطبخ احيانا اذوق طبخه تعجبني واحزر مقاديرها اذا ما قدرت اسأل عن مكوناتها واحيانا اخبص من عندي وفي النهايه الحمد لله تطلع لها شكل وطعم بس بعض الاحيان الفشل الذريع يكون النتيجه وذاتا اذا تفلسفت وبعد فيني طبع مستحيل اخليه اذا صار عندي عزومه اجرب بضيوفي الطبخات الجديده واحيانا اتفشل بس عاد ارقعهااااا اخليكم مع بعض تأليفي وتخميني انا احب اصابع الجبنه اللي في بيتزا هت ومره طنت في بالي وقلت وش هي الا جبنه مغمسه في بيض وبقسماط وفعلا غمست جبنه مزرلا بالبيض والبقسماط وقليتها وعينكم ما تشوف خيبتي ساحت الجبنه في الزيت وتفككت وطلع شكلها عجيييب المره اللي بعدها غمست الجبنه في الدقيق وبعدها بالبيض وبعدها في البقسماط وكان شكلها احسن شوي بس ماهو مثل اللي في بيتزا هت http://www.liilas.com/up/uploads/liilas_13330502241.jpg |
http://www.liilas.com/up/uploads/liilas_13330502244.jpg
هذا الله يسلمكم طبق كنت احب اكله من يدين جارة امي الله يرحمهن جميع واشتهيته ذاك اليوم وما اعرف مكوناته فخمنت كعادتي الملكيه خخخخخ وبشرت كل الخضار اللي عندي وضفت عليه ملح ودقيق وبيض وقليتها وحطيت معاه صوص تباسكو ومايونيز وخردل وكتشب وبس |
اما طبعي الثاني اني اجرب بضيوفي الجديد
هذا حلا المفروض نستخدم معاه شكلاتة جالكسي انا استخدمت شكلاته خام هو طبقه من الجالكسي نغطي فيه قالب السيلكون ولمن يجمد نحط ملعقة ايس كريم وشريحه كيك ونغطيه بطبقة جالكسي وننتظر يجمد يوم كامل انا تخيلو معي جمدت الشكلاته الخام وقدمته لضيفتي والله يسعدها مدحت بالشكل وانا انبسطت ورقبتي وصلت السقف ولمن بدت تاكل الملعقه ماقدرت تخترق طبقة الشكلاته ههههههههه وانا اتبوسم واقولها قوي يدس واضغطي عليها بقووه وهي كانت مطيعه وضغطت وطااااارت كلهااا بحضن الضيفه وانصرعنا من الضحك هي تضحك على الموقف وانا اضحك من الفشيله http://www.liilas.com/up/uploads/liilas_13330502242.jpg وهنا عدت الحلا مره ثانيه بعد ما اكلت اكبر فشيله وكان حلى ناجح http://www.liilas.com/up/uploads/liilas_13330502243.jpg |
ههههههههههههههههههههههههههههههههههههههاي ياحبي لتس يام رنووووووووووووووووش
شوفي صدق انا مستحيل اتقيد بمقادير ولا المكيال <ياكثر ماانسئل عن المكيال واقول اخمن ويتسذبوني العرب يحسبوني داستن طبختي ماابيهم يعرفون مايعوقني الله بشر ماتعطل على قولت خواتي مالقيت المقادير ولقيت مقادير طبخه مشابهه سويت لهم تهجين تطلع طبخه ثالثه ههههههههههههههههههه اخرتها كان عندي عزومه والا تسوي باستا ونص المقادير اوب موجوده وخلطت ذا على ذا وطلعت شي بحاول انزل لكم صورتها والحمدالله جاني مدح وش زينه ومره غامرة بالبانكيك وصلحت طريقة في البيت ونص المقادير االفتها وجتني طنازه كبر قريح <يقول نافستي بانكبك حي الفرحه هذا مشهووور عندنا بس كلها طعمها رايق طلعت بس اغامر واجرب في الضيوووف مااقوى صراحه |
عودنا وهاي صورة البانكيك لاحد يضحك
http://www.liilas.com/up/uploads/liilas_13330586181.jpg وهاي الباستا خلصت الخلطه واخترعت صوص من راسي هههههه الا لونها برتقالي طلعت الذ من البيضاء http://www.liilas.com/up/uploads/liilas_13330586182.jpg |
الله يعطيج العاافيه ام رنووش ..
ويرحم موتاانا وموتى المسلميــــــــــن ياارب من جد في طبخاات كناا نستمتع فيهاا من دياات امهااتناا ومستحيل ننسى طعمهاا ومستحيل نحااول نسويهاا وتضبط ... الحين وشوو ذاا الطبق .. يشبه لاكله اسمهآ (خبز عروق ) اما عااد بالفشله قدآآم الضيووف والله لو اني مكاانج كاان اتعقد ولا اسوويها مره ثاانيه .. امحيهاا من دنيتي ميه بالميه "" عذووره .. مااشاء الله ترى التخبيص بالطبخ سااعات ينفع .. وسااعات مااينوبج منه غير خسااير مااديه ومعنوويه ههههه عسااج ع القووه وربي يحفظج .. |
فديتج ام رنوش الاكلة الاولى شكلها عجيب ومبين لذيذ
والاكلة الثانية شكلها احلى واحى بس مع الاسف الشوكلت غدر فيج والا انتي شذنبج مسكينة من الصبح متعنية وتظبطين وبالاخير يستنذل معاج الشرهة عليه بصراحة والدليل اخر صحن شحلاته يجنن يناديني مناداة يبيني اكله بس الله يسلم ادينج الحلوة وافكارج المبدعة هتون الله يعطيج العافية بصراحة الصحنين شكلهم يهبل لاطبيت عليج بيوم لاتضيفيني غيرهم وصحن تمر وماعليج ام رنوش قدها تغامر لانها عارفة انها بكل مرة مشاء الله لاقوة الا بالله تبدع بس الشوكلت خون اهية شكو وتسلم يدينكم جميع وعسى ماتمسكم النار..........نموره |
تسلمين على الموضوع الخفيف
اما انا مستحيل اصلح طبخه الا وكل المقادير قدام عيني ولا يمكن ازيد وانقص ها اليومين طايحه بالتمرية واضبطها من فضل ربي صح وكيكة السينابون هتونه البانكيك يا ماعذبني لكن الحمدلله رحمني ربي ولقيت له طريقه حلوه الصور جوالي اي فون ولا اعرف انزل على الجهاز صور والا كان نزلت صورة تمريتي |
هههههههههههههههههههههه
نمووووره تصدقين نفس حالتي لا جيت بسوي حلا ومالي مزااج للسوبر ماركت ازيد طبقات وخلطات من عندي ولا بعد كلهم يقولون تجنن غريبه النكهه هههههههههه لا احد يستهين بالفااااشلاااااات ... سووووري قصدي شيييفات .. لان في غفله ولحظه نصير منااال العاااالم خخخخخخخخخخخ |
هلا والله طيوف نورتي
والله يسعد قلبج حبيبتي المقادير بالضبط عاد وكاملة والاماتسوين شي ام الوليد الابداع بالتخبيص يونس جربيه مرة وبتشوفين ولما التخبيص والابتكار ما وصلت لنا هالطرق الكثيرة للكلات المالحة والحلوة وعموما تسلمين يالغالية واسعدتينا بهالطلة الراقية اثورتي ما انحرم هالضحكة يارب بس عاد جان قلتي شمخبصة تفيدينا بفشلج.....اااااقصد بابداعج يالشيف ونستينا بهالطلة عساج الهنا والسعادة يارب والف شكر لكم يالغوالي عسى ايدكم ماتمسها النار.........نموره |
السلام عليكم. مبدعات. ليلاس. طباختنا الماهرات.
انا. عن. نفسي. اذا.كنت. قلقه. او مرهقه. وقت. الاكله. ادخل. وانا. ابالي. اكله. ابسويه. بس مادري. وشلون. احوس وانسى وتصير اكله ثانيه يعني. مثلا. قبل. يومين. جا على بالي. اسوي. مسخن ام الشهد. وجهزت. المقادير. والله. كامله. مادري وشلون. طلعت. رجعت لقيت. الخادمه. مقطعه الدجاج. انا ابي اطبخه. كامل. ثمن. اقطعه قلت. امشيه. وصلحت. شاورما. القرصان. ماصار. مثل. الي ابي. طلع. شكل. الاكله. الحمد لله. بس. والله. لذيذه. استرو على ماواجهتو. http://img804.imageshack.us/img804/276/phuppimagepg.jpg http://img535.imageshack.us/img535/8...ppimageeip.jpg واخيرا. المهم. الاخلاق. قصدي. مذاق الاكله. كل وانت مغمض |
بنوتة شهالابداع عساني مانحرم
والله انج جيدة على قولة جدتي عجبني سالفة مسخن وصار شاورما وبالاخير طلع الشي الثالث اللذيذ والله انه عجيب تستاهلينه بالعافيةوالمهم الاخلاق فعلا اخلاق وطعم اما انها اكلة بنت حلال الله يسعدج قلبي وشكلي بسويها........نموره |
هههههههههه
مره اعجبتوني يعني مو انا بسسسسسس الي اخبص قبل اسبوع كنا عازمين ناس برا البيت ولازم كل شي يكون جاهز فعملت كل شي المعجنات وشبس مقلي والحلى والشاي والقهوة وكل شي وعملت كيكه وكان مافي وقت وانا باقي ماتجهزت من العجله حطيت المارس ع القدر >>كنت بذوبها بحمام مائي ودخلت الحمام اتسبح طلعت الا شغالتي تقولي المارس بدات تنحرقت استغربت رحت اشوفها اكتشفت اني حاطتها ع القدر ع طول وصراحه ماعندي شكليت في البيت واحترت وش اسوي فحطيت قيمر وملعقتين نسكافيه حتى تضيع طعم الحرق خخخ وخلطهم وطلعت مره واحترت فتذكرت اني انا خبيت ع ولدي سنكرس اختذتها وقطعتها واضفتها مع الخلطه وحطيتها كلها في حمام مائي والحمد الله طلعت حلوه واكثر حاجه حبوها ومدحوها الحمد الله |
هلا والله بنسومة
والله انج فطينة مثل اختج اشتري لعيالي الكاكاو عشان حنتهم علي بالجمعية اشتري من الفشلة واخشهم من ارد البيت واذلهم على ماعطيهم عقاب على فشلتي بس انتي عاد غلبتيني عطيتيها ضيوفج ونجلتي ولدج المهم طلع من وراه ابداع تسلم ايدج والف عافية على قلوبكم وعسى وراه ابداعات تتحفينا فيها هني.....نموره |
مراحب يا حبايب..
و هذا مشاط نموره الاموره وصل ...استلموا هذا الطبق لي ..فديتها العسل http://www.liilas.com/up/uploads/liilas_13347420791.jpg و هذا الطبق المغشوش لامي ... http://www.liilas.com/up/uploads/liilas_13347420792.jpg تراهم من ايدين نموره لا تقولون شلون وصلت الصور ..سرررر .. .. .. |
صبووحة & نموورة يسلموو يميي شكله يشهي و خفيف ^^ |
هههههههههههه حلو الموضوع والله دااايم أجيب العيد بخوااااني بس يمشونهاااا لي هههههههه مرااااات العب بالمقادير بس تضبط معاااي خخخخخخ عوووووافي نموووره أمووره |
هلا والغلا بالنور كله
الحمدلله ان العيد شغال مع خوانج شي زين انج تبدعين بمقاديير مومظبوطة هذا دليل سنع فديت السنعة ياناس نورتي ياامورة الليالي وعساج من الزائرات الدائمات اسعدني مرورج يالغالية.......نموره |
السلام عليكم ورحمة الله وبركاته مع اني مش فاشلة بالمطبخ واعتبرة مملكتي الخاصة الا ما اخسر فيها ابد بشهادت الجميع بدون استثناء الا انه لكل جود كبوه مثل ماقال لي زوجي الحبيب وراح اجيب لكم مغامرات مطبخيه من مطبخي الخاص يوم من ايام شعبان سنة 1432هـ رحت عند وحدة صديقتي كان في عندها يانفس ماتشتهي " هذه الله يسعدكم في اخر ايام شعبان بكل سنه يجتمع الحبايب في بيت وحدة منهم وكل وحدة تجيب معاها طبق زي ماتحب " المهم اكلت بسبوسه ذاك اليوم غير شكل وحبيتها كثير وسألت اللي صلحتها كيف سوتها واجيب ورقة وقلم واكتب المقادير على السريع واسمع الطريقة على الماشيء ووسط صوت الموسيقى والرقص وارجع البيت واخلى الورقه على جمب وبعد سنه كاملة تجي هذيك البسبوسة في نفسي واشتهيها واروح اسويها وياليتني ماسويتها لانه كان يوم اسود ومنيل يوم ماسويتها بس لا تخافوا ضربنا لها بويه بيضاء وصارت تجنن مقادير البسبوسه أ:2 بيض – علبة قشطة- 4فناجين سكر – كاسة حق الشاي زيت- 4 ملاعق حليب بودر ب: كاسة سميد – ملعقة بكنج بورد ج:شعيرية باكستانية تكسر ناعم –علبة نستله مركزة صغير شيرة : كاسة حليب بوني -4فناجين سكر على النار لحد ماتتجانس المهم دخلت المطبخ ونفسي مفتوحه على الاخر ويلا اجهز المقادير واسوي الطريقة من راسي لاني ناسية طريقتها اللي قالت لي البنت عليها واخلط مقادير المجموعه أ والمجموعه ب مع بعض واصبهم في صحن بايركس واصب عليهم من فوق مقادير المجموعه ج بعد ماحرفتها يعني ماعندي شعيرية باكستانية قلت مايخالف احط شعيريه عدنيه وياليتني ماتفلسفت واخذ البسبوسة وادخلها الفرن وماادري ايش صار لها تفاعلت المكونات وانخلط الحابل بالنابل وصارت الشعيرية تحت بدل ماكانت فوق وانتفخت وبعدين رجعت مكانها بس بعد ماتشوه شكلها يعني صارت مثل البالونه اللي قرحت وكل هذا وهي مانضجت وبعد ماخذت وقتها بالنضج خرجتها من الفرن وقد النفس عافتها من شكلها ومن التفاعلات اللي صارت معها وصبيت عليها الشيرة الجاهزة من اول المهم قلت بطعمها عسى ولعلى يكون طعمها غير شكلها واطعم منها حته صغيرة بس كان طعمها يهبل بس شكلها مايساعد فقلت اخترع لها فكرة وخليتها لحد مابردت تماماً واخذت الطبقه العليا فقط لان الشعيرية تلبدت وصارت مثل العجينه وماحبت طعمها وعملت منها عجين وشكلتها دوائر متساوية ودحرجتها في جوز الهند وقدمتها وصار شكلها مشهي وطعمها روعة خواتي اتمنى انكم استفدتوا من تجربتي وياليت اللى تدخل تقراء وعندها الطريقه تخبرني لاني مااعرف البنت معرفه شخصية وماعاد اقدر اسألها الحين بعد سنه وشويه فياليت تساعدوني لاني بجد مشتهية تلك البسبوسة الغير شكل وهذا شكلها قبل وبعد http://www.liilas.com/up/uploads/liilas_13485797202.jpg http://www.liilas.com/up/uploads/liilas_13485797201.jpg |
| الساعة الآن 06:48 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية