السلام عليكم ورحمة الله وبركاته


تعالوا نشطح سوا بس أهم شي ما نحلل حرام وما نخش في أمور الدين والعقيدة والغيبيات :

إفرض مثلا ..:
إن التلفون والجوال ينقلون الريحة مع الصوت ؟ ههههههه
أتوقع ان محلات العطور بيقوم سوقها .. وتصير قبل لا ترد على جوالك تفرش أسنانك وترش لك بخة عطر خخخ طبعا كلن على قد غلاه يعني إذا المتصل عليك أخوانك وأهلك ماتحرص واجد بس إذا كانت المتصلة حرمة من أول ألو تقول لحظة وتنقز تتعطر وترجع ترد بس جد ياهي بتحد من ظاهرة الخياس بشكل كبير



.


أفرض مثلا..:
إن على جبهة كل واحد لمبة صغيرة تشتغل بلون يعبر عن حالته النفسية إذا كان ماشي ولمبته مشغلة حمرا يكون معصب وإذا خضرا يكون رايق ومبسوط وإذا طفشان وقرفان تكون رماديه وإذاحزين ومهموم سودا وإذا مريض لا سمح الله تكون زرقا وإذا ... (مشفر ) تكون صفرا << أنواع الفضايح

تشوف الناس عند الإشارات كلهم لمباتهم حمرا هدوا أعصابكم يا جماعة الخير وإلا تكون فالعمل ويمر زميل لك مبتسم بس لمبته سودا على طول تقول له عسى ماشر يابو فلان وش مكدرك ترا الدنيا ماتسوى ... وإلا تشوف أحد ( مشفر ) ويحاول يخبي لمبته هههه << أبو الشطحات


.

.

إفرض مثلا::
ان النوم ينباع بفلوس ؟
( الحمد لله على النعم كلها بس تراها مجرد شطحة ) كان أول الشهر الناس نوم بالساعات
وآخر الشهر يدق عليك صديقك ويقول تكفى يابو فلان سلف أبي أنام لو ساعة! وإذا جا الراتب برجع لك .. وإلا تكون متطاق مع المدام وهي موظفة وأنت ملحط وتشوفها قدامك تشاخر هي وعيالها وأنت مامعك وما ودك تعتذر ساعتها تندقم غصب عنك وتصبر !


.

.

إفرض مثلا:
إن الحكومة قالت عندكم ساعة وحدة كل شي ببلاش
وش أول شي بتاخذه أتوقع الزحمة كلها عند معارض السيارات ومكاتب العقار ومحلات الذهب وإفلقني إذا لقيت أحد عند محلات أبو ريالين


المايك لكم .. إتحفونا بشطحاتكم

ابي تفاعل
الفكرة شفتها وعجبتني