منتديات ليلاس - مشعل & نوال

بـــــــــــــــــــــــــــــــــــــــارت الــــــــــــثـــــــــانــــي

وصلو البيت ومشعل ومعصب حيل

ونزلو واهم داخلين كانت ام مشعل وابو مشعل قاعدين بصاله
مشعل ع طول باس امه وابوه وصعد داره
ام مشعل : هلا والله شفيه اخوج .. هلا واله نوال يمه سايقكم اكيد تأخر صح
نوره : مادري يمه اهو تعرفينه مزاجه مادري شلون
نوال : هلا فيج اي خالتي تأخر ولزم مشعل علي ياخذني
ام مشعل : اي يمه خلاص قعدي وتغدي ويانا
نوال : لا خالتي الحين ادق ع السايق يجي
ام مشعل : لا حبيبتي قعدي دامج جيتي تغدي
نوال بصرار : خالتي معليه خليها بوقت ثاني
ام مشعل : ع راحتج اجل الحين اخلي السايق يوصلج
نوال : لا لا سايقنا الحين يجي بس ادق عليه
ام مشعل : لا وي رديتيني بالاوله تبين ترديني بثانيه
نوال استحت : خلاص الي تشوفينه
انتبه ابو مشعل ع الكلام الي بينهم
ابو مشعل : شلونج نوال شلون ابوج وامج
نوال : هلا عمي والله الحمدالله
ابو مشعل يبتسم : ها بتتغدين عندنا
نوال : لا عمي ابروح مع السايق البيت
ابو مشعل : لا السايق انا دزيته الشركه .. خليج تغدي
نوال : لا عمي اجل ادق ع سايقنا
ابو مشعل : لا لا الحين يوصلج مشيعل شفايته خليه يوديج
نوال ماستوعبت الكلام وبنفس الوقت استانست بس مابينت لهم : لا عمي ماله داعي
ابو مشعل : لاواشدعوه ( يصوت لمشعل ) مشععععل ... مشععععل .. يا مشيييعل
مشعل يطلع من الدرج من فوق : هلا هلا يبه امرني
ابو مشعل : تعال وصل بنت عمك بيتهم
مشعل عصب : يبه اهي تبي تتغدى اهني
ابو مشعل : لا ماتبي بس خل عنك الرباده تعال بسرعه
مشعل اووف هذي شتبي فاضي لها : انزززين انشالله

بعد خمس دقايق نزل مشعل لبس شورت وبلوزه صفره

مشعل : يالله مشينا
نوال : يالله

ركبو السياره وركبت نوال وره لف مشعل لها وقال : سايق عندج انا قومي اركبي قدام
نوال استحت وعصبت : لا والله ماتبيني اركب بدبه بعد
مشعل : والله لصارت سيارتج نقي وين تبين تقعدين ... يالله ركبي قداام
نوال : انزين لتزف
مشعل : يالله

اركبت نوال قدام ومشعل لبس نظارته الريبان الذهبيه وشغل اغنية الجسمي لا تغارني بغيري

واهم ماشين يدق تلفون مشعل

كالعاده وحده من بنات

مشعل : الووو .. هلا وغلا ... تماام .. شلونج شخبارج ... دووم .. لا يبه ماكو ابقط بنت عمي البيت. ( نوال تقول بصوت خفيف قطوك عند القطاه قول امين ) رد مشعل ع نوال قالها : اجمعين
ورد ع التلفون
... خلاص وينج انتي ... اي انا قريب خلاص الحين امرج ... ( تطالعه نوال بنظره حاده )
باااي ...

سكر من التلفون

نوال : وين بتروح
مشعل : مالج شغل
نوال : شنو مالي شغل لا ودني البيت الحين
مشعل طالعها وابتسم : شبتسوين
نوال : والله ادق ع ابوي
مشعل : دقي يالله احد ماسكج
نوال : عطني تلفونك
مشعل استغرب : هههههه ماتبيني ادق ع ابوج واقول انا خطفتج بعد
نوال عصبت : جب جب
مشعل : جبج الله يام السان طويل
نوال : مو نفس السانك يادعله
مشعل : اووص كاني واصلت خمس دقايق ابجيب اوراق وارجع
نوال : اي زين لا طول
مشعل : انشالله عمتي ماتبين اجيبلج كمبل من الدبه تدفين وتنامين اشوي
نوال : ه ه ه ملييييق
مشعل : ههههه

راح مشعل طول اشوي وطلعت معاه وحده مملوحه عطته ملف وراحت رجع مشعل السياره
وبطل الملف وطل عليه من الداخل وسكره

نوال معصبه وواصله عندها من الي شافته جدامها انتبه مشعل لها استغرب : اووهو شفيها المدام معصبه
نوال بدت تبجي وستغرب منها مشعل : نوال شفيج ليش تبجين
نوال منقهره : لا والله لا بوسها قدامي وفك عمرك شوفها تأشرلك هناك روح الحق عليها
مشعل ابتسم : نوال دقيقه شوفي شسوي فيها
نوال : اي روح روح ( وكملت بجي)
نزل مشعل ومعاه الملف وطق جام سيارت البنت الي عطته الملف وحذفه بوجهاها وصارخ عليها وقالها امسحي الرقمي

رد مشعل السياره ولقاء نوال تبجي : لحوول ليلحين تبجين بعد يبه الملف وحذفناه بوجهاها شتبين بعد
نوال مستغربه : انت ليش سويت جذيه
مشعل ابتسم : مايهون علي دموعج
نوال ابتسمت ومسحت ادوعها وشغل مشعل السياره وحرك وشغل اغنية احبك موت كلمه مالها تفسير

ووصلو البيت ونزلت نوال ومسك مشعل كتفها لفت عليه وقالت : هلا مشعل
مشعل : انتي ليش بجيتي اوله يعني ماتوصل للبجي
نوال ارتبكت : هاا لا ماكو .. ابوي ينطرني يالله مع السلامه

وسكرت الباب وبسرعه ادخلت البيت

حرك مشعل واو يفكر في نوال ( ليش نوال بجت لهدرجه مصدومه والله مدري شقوول ) ولا يدق تلفونه وكان محمد
ورد مشعل عليه
مشعل بصوت ماله خلق : هلا والله
محمد بستغراب : هلا فيك عسى ماشر
مشعل بنكار : الشر مايجيك انت وينك ( يضيع السالفه )
محمد مو مطمن : بالبيت وينك امبين عليك طالع
مشعل : ايه والله توني قاط بنت عمي بيتهم كانت عندنا
محمد : اهاا اقول مشيعل
مشعل : هلا
محمد : شرايك بسهره بمخيم واحد من الربع عليه عود مو صاحي
مشعل : خلاص اشوووف
محمد : اوك اذا تبي تروح دز علي مسج وامرك ونروح
مشعل : خلاص تم باااي
محمد : باااي

سكر مشعل التلفون

ومن ناحيه ثانيه نوال داخله الببت ومستانسه حدها ولا ختها امل ( اكبر خواتها ) قاعده بصاله
امل معصبه : انتي منين جايه السايق راح المدرسه ومالقاج وين ذلفتي وبعدين تعالي شكو مشيعل موصلج شكو فيج اوهو
نوال : امل شفييج كنت بالمدرسه ونطرت السايق وطول وجى مشعل ولقانا انا ونوره واقفين قال امشو اوصلكم قلتله لا السايق الحين يجي ولا تقول نوره تغدي معانا واصر مشعل اروح معاهم بس يوم وصلت اهناك هونت وماني متغديه وخالتي ام محمد قالت خل سايقنا يوصلج وعمي مرسل سايقهم وقال حق مشعل يوصلني ( تعبانه من الحجي تاخذ هوووه ) وبس
امل : اي حسبالي تغديتي ولا لا
نوال : لا متغديت اقول امل انتي متى جيتي من بيت زوجج
امل : ناصر سافر عنده دوره والحين لا يكثر روحي بلعي تلقينه بالميكرويف
نوال اووف هذي بتنشب عندي بروحه وبجيه اللهم يصبرني : انززززين لتزفييين

وراحت نوال المطبخ سخنت الاكل واكلت ع الطاوله وغسلت وصعدت دارهول اتلقاء اربع مكالمت من نوره ودقت ع نوره ورده نوره
نوال : الوووو هلا والله
نوره : لا والله انتي وينج من اوله
نوال : هههههه والله ينوال صار فلم هندي
نوره : شنو شنو تحجي اخلصي
وقالت نوال السالفه كلها لنوره من طاطا لسلام عليكم ( صج حريم )

انتها البارت الثاني وانشالله ينال عجابكم

الـــبارت الثالث

بيت ابو مشعل وام مشعل قاعدين بصاله ويسولفون ولا يدخلولهم ومشعل الصاله
مشعل : سلام
الكل : وعليكم السلام
قعد مشعل معاهم بصاله
ابو مشعل : ها يبه وصلت بنت عمك
مشعل : ايه يبه .. يالله انا بروح انام تبون شي
ابو مشعل : اي اقعد نبي نكلمك في موضوع
مشعل بستغراب : هلا يبه في شي
ابو مشعل : كل خير الحين انت بأخر سنه مدرسه وبعدها انشالله تتخرج شنو ناوي تدرس
مشعل : انا يبه مقرر ادرس بره
ابو مشعل : تدرس شنو ..؟
مشعل : ابدرس هندسة بترول في كالفورنيا
ابو مشعل : يعني منت داخل معاي بشركه
مشعل : لا انا ابي ادخل هندسه وانشالله ابقطم ع بعثه اول ماتخرج
ابو مشعل : انت ناسي ان نسبتك ماتسمح والهندسه ماتقبل اقل من 80%
مشعل : اي انا نسبتي الحين 78 % يعني عندي مجال اعدل النسبه بأخر السنه
ابو مشعل : خلاص الي تشوفه بس الهندسه جم يبيلها سنه
مشعل : سمعت ان 4 سنوات وغير السنه بدايتها لغة يعني 5 سنوات
ابو مشعل : خلاص الي تشوفه
مشعل : يالله انا استأذن بروح اناام
ابو مشعل : الله معااك

ومن ناحيه ثانيه نوره ونوال

نوره : اميببببه كل هذا طلع من مشيعل
نوال : اي فديته
نوره : اقول لا تموتين علينا
نوال : ههههه كيفي انتي شحاارج الا اقول نوره مشعل كل يوم يكلم
نوره : ايه كل ماقرب من غرفته القاه يكلم ويواعد واهو رفيجه محمد
نوال نزلت راسها :!اهو مايحبني صح ؟
نوره تبي تغري الموضوع : معليج بس اسمعي تذكرين ازس يوم طاحت الابله هههه
نوال بيأس : ايه ههههههه المسكينه انحرجت هه

وتمو يسولفون لين المغرب ولا يدق باب نوره
نورة : منوووو
مشعل : انا افتحي
نوره تكلم نوال ( نوالوه دقيقه ابشوف مشيعل شيبي خليج ع الخط ) : هلا مشعل شتبي
مشعل : افتحي
افتحت نوره الباب : خير شتبي
مشعل نوه قايم من النوم : امي وين
نوره والله فرصه : امي راحت السوق وابوي راح الدونيه وكلهم بيتأخرون
مشعل : روحي سويلي اي شي اكله
نوره هذا المطلوب : انا طالب مطعم حقي وحق نوال تبي معانا
مشعل بستغراب : ونوال وينها
نوره مشتاقلها : الحبن تجي من بيتهم
مشعل : انزين اطلوبولي وابر كبيره وببسي مكينه بدون ثلج
نوره ( يخسي كرش ) : انزين عفيه كرش يتحملل
مشعل : هههه مالج شغل انا قاعد بصاله .. نوره اذا جاء المطعم ادخلي داري واخذي من بوكي الاحساب
نوره حلا فرصه : اووك يالله وسكرت دارها
واهي تكلم نوال
نوال ماعصبه : صج ماتستحين انتي منو قالج ابي مطعم ولا تقوليلي تعالي يويلج
نوره : بكيفج اقول الحين تلبسين وتجين يويلج اذا ماجيتي باااااي
نوال طووووووووووووط
نوال تلبس واهي اتحلف وتوعد بنوره
واهي نازله لقت امه ا واختها امل
ام جاسم : وين يمه
نوال : يمه ابي اروح عند نوره
ام جاسم : اي اوك بس لتطولي
نوال تدلع : مااما ممكن بيزات
ام جاسم : وليش
نوال : بنطلب مطعم
ام جاسم : خلص اخذي كاهي جنطتي اسحبي الي تبينه ولا تطولين
راحت نوال تبوس امها ( تعرفون عاد بوس المصحجي خمسه بالخد وعشره براس عادي هذي سوالفنا )

واخذت الفلوس وطلعت بره واهي تنادي : رااجو ( السايق )
راجو : نئم ماما ( ماخرب لغتنا غيرهم )
نوال : شغل سياره بسرعه
راجو : جين

شغل راجو السياره ووصلو البيت دقت الجرس نوال ولا يفتح مشعل
مشعل : ها ام دمووع
نوال : لو سمحت وين نوره
مشعل استغرب : شفيج قلبتي المعلمه فتحيه
نوال : تنكت استاذ لفته
مشعل : ههههههه لا وانتي الصاجه صبحي
نوال فديته الي ينكت : ه ه ه وين نوره ترى مالي خلقلك
مشعل : لي متى ؟؟
نوال بستغرااب : شنو الي لي متى ؟
مشعل : ابي اعرف ليش بجيتي ع البنت
نوال توترت : ها لا ولا شي بس
مشعل : بس انتي شنو
نوال زاد توترها ومن ورا مشعل نوره تنادي نوال : هلا وغلا هلا هلا والله
نوال جيتي بوقتج : هلا والله ( وتطالع بمشعل لنظره )
بيسكر مشعل الباب ولا المطعم وصل ويدق هرنات
مشعل : اووه هذا المطعم جى نوره اذلفي جيبي البوك فوق
نوره : لتزف قولي لو سمحتي روحي
مشعل يستعبط : انشالله لو سمحتي انقلعي
نوره حيوووان : انززززين
وبقت نوال مع مشعل من جديد ومشعل يطالعها بنظره ونوال تمد السانها
مشعل : ههههه يعني مراح تقولين
نوال : لا لا لا شبتسوي
مشعل جاته فكره : خلاص ع رااحتج
نوال مو مطمنه تعرف مشعل عدل وسوالفه ومقالبه : مشعيل وخر ولا تقرب والله لو تسوي شي ياويلك
مشعل بنظره طفوله ورفعت الحاجب : انا انا حرام عليج
نوال مو مطمنه اكثر :مشيعل تكفى مالي خلقلك
مشعل مستغرب خوف نوال منه لهدرجه : انتي ليش خايفه مني وبعدين شنو الي خلاج تبجين
نوال تكفين تعالي نوره ولا صوت المطعم ينادي مشعل : انطر اشوي الحين يجبون الحساب
المطعم : طولوت يباشا
مشعل : انزين الحبن اشوفهم وين
ودخل مشعل وشاف نوال ومدت السانها وصعد فوق ولا نوره واهي نازله ومعصبه
مشعل مستغرب : انتب وينج من اوله نقعتي المطعم بره ... شفيج معصبه
نوره تخفي ملامح وجهها : هاا لا ماكو شي بس ادور بوكك هاك روح حاسبه
مشعل : انزين

راح مشعل يحسب الاحساب ورجع وجاب المطعم ونوره ونوال قالو نبي ناكل فوق بس مشعل يدور اي شي يخليهم يقعدون واهو يغير الغنوات طاح ع فلم تحبه نوره ونوره كانت صاعده الدرج ويناديها مشعل : نوووره هذا مو فلمج الغبي الي تحبينه تراه الجزء الثاني
نوره لفت له واهي مستانسه : صج والله وينه وينه حطه تكفى
مشعل هيا اظبطت : انزين لتصيرين مشفوحه اقعدي وطالعي الفلم وكلو
نوره مو عنده ولا صوبه ولا ترد عليه بس مجابله الفلم ومركزه ولا ترد عليه نوال : انزين نبي نطالع
مشعل : مالج شغل يالغبيه انتي ونظاراتج يعني ماك جكن هههههه
نوال انا شلقفني وكلمتك : مالك شغل احسن منك يالي موفالح بدراستك
مشعل طول ع التلفزيون ع شان تركز اكثر نوره ومتنتبه لهم وقال حق نوال : انا غبي مدرسه بس انجح \\ وذكي حياه بتميز وانتي غبيع حياه منو بيغششج حياه ليكون نوروه ههههههههها ي
نوال عليه السان هالمصري : اقول جب جب في احد ياكل وبر اكبر حجم واهو قايم من النوم
مشعل بستغراب : شدراج اني قايم من النوم
نوال شهالوهقه لحووول : ها لا بس مبين من شكلك متعفس
مشعل هذي تدري بخباري اول بول : اها انزين اقول عطيني البيبسي وجبتي
نوال اشوووه طلعت نفسي : انززبن هاكك
مشعل مد ايده ولا تمسك ايد نوال واهو بياخذ وجبته وتصادمت النظرات مع بعض ع طول اسحبت ايدها ولهت نفسها بالوجبه مالتها
مشعل مات ضحككك : هههههههه الله يقطعج شكبرج تاكلين اطفال ههه
نوال انحرجت : مالك شغل ع الاقل مو نفس كرشك شكبره عفيه كرش يتحمل
مشعل مو جني انظغطة : انزين اكلي اكلي لتغصين

تمو ياكلون لين ويسولفون لين انتها فلم الغبي حق نوره ولفت عليهم واهي معصبه : وين اكلي
نوال تطالع مشعل : اي اكل انتي مو اكلتيه
نوره : انت تستعبط
مشعل : اقول طالعي نفسج بالنظره تشوفين المايونيز ع شفايفج هههه صج غبيه ورفيجت اغبى
نوال : ه ه ه وواخوها غبي
وراحت نوره تطل ع نفسها بالمنظره ونصدمه كل هذا متأثره ومندمجه بالفلم : امبييييه شنو هذا
نوال : شفتي شلون انتي غبيه وفلمج اغبى منج
نوره : جب جب
مشعل : واهي صاجه في احد يحب هذا الفلم
نوره : صج غبيى اصعد داري احسلي امشي نوال
راحت نوال وياها الدار
ومشعل تذكر سالفت السهره والعود وقرر يروح دز مسج لمحمد
كتب مشعل : خلاص انا موافق مرني شوي
وبعد خمس دقايق وصل له مسج من محمد : خلاص ع الساعه ١١ اجيك البيت
دز مشعل مسج : خلاص اووك

طلع مشعل داره وبدل ولبس بطلون بيج وقميص اسود واخذ سويج سيارته وبوكه ولبس جوتيه واهو طالع من داره ولا يشوف نوال طالعه مع نوره
مشعل : تبون شي انا طالع
نوال + نورة : لا مشكوور
مشعل : اوك
وطلع مشعل وشغل سيارته وراح بيت جدته بشاميه
بعد ربع ساعه وصل بيت جدته ونزل وطق الجرس ولا تفتح الخدامه ويدخل مشعل ويلقاء جدته وعمته عائشه وبنتها ريهام الي كبر مشعل وسلم مشعل ع جدته وعمتها ووجه السلام من بعيد ع ريهام وقعد مشعل عند جدته
مشعل يكلم جدته : هايمه شلونج اليوم شلون رجولج انشالله زين
الجده : الحمدالله خافه علي شوي الاانت شلونك شخبارك
مشعل : والله الحمدالله الاقول عمتي ولدج خالد وينه صاير ماينشاف
العمه عائشه : والله اهو بدوانية عمانك دايمن وانت ابد مانشوفك كلش
مشعل : والله مشغول هالايام
العمه عائشه : شلون دراستك انشالله زينه وشن تبي تخصصك
مشعل : والله عميمه انا ابدرس بره تخصص هندسه بترول بكالفورنيا وبقدم ع بعثه اول ماتخرج
والامتحنات مابقى شي عليها
العمه عائشه : الله يوفقك
مشعل : جزاج الله كل خير
الجده : مشيعل لقيتلك بنت تناسبك
مشعل الله يهداج ليكون السحليه الي قدامي : لا لا ياجده فكيني من الزواج
الجده : ليكون بتقعد طول عمرك عزابي انا عيال عيالي كلهم اخترت زوجتهم وانت كلش ماتبي
مشعل انتي مزهبه كل شي : بيني وبينج انا باخذ من الشقر
الجده : من الشقر مره وحده اقول ليروح بالك بعيد مالك اله من العايله
مشعل شهالوهقه : جده انا خاطب شقره حليوه ومملوحه حتى اهي تحبج ووريتها صورتج
الجده : حبتها القراده والله يامشيعل لو تجيب من بره ماني جدتك ولا تعرفني
الكل ضحك
مشعل : افا يعني ماتبين ولدي يكون مزيون علي لزم اخذ وحده مزيونه ( قرب من جدته ) خبرج العايله مافي مزاين
الجده : اقول انطم طمك الله شوف البنات عمانك وعماتك شحلوهم ( واهي تأشر ع ريهام )
ريهام انحرجت
مشعل موليق وربي موليق : اقول جده انا بمشي تبين شي ( ويبوس راس جدته وعمته وراح )
الجده : مايتغير طبعه هالمشعل
العمه عائشه : بكره يتغير معليج

ومن ناحيه ثانيه
مشعل بسيارته وحاط اغنية بكره قلبه لي يدق يدق وعايش الجو ورايح الجمعية الشامية
وصل الجمعية ولا يشوف قروب بنات
مشعل : والله صيده ( وراح نزل مشعل لهم ومر من قدامهم وراح صوب الكاكاو ولهم راحو وراه ويلتفت مشعل وراه ويلقاهم وينقون ككاوات ولا وحده منهم انتبهم الا وحده حليوه ومملوحه وابتسمت لمشعل ومشعل ابتسم ابتسامه خفيفه واخذ مشعل الككاويات الي يبيه واهم ومن كثرهم مسكرين الطريق ولا مشعل يقول : يالجياكر ممكن نمر
ولتفو كلهم عليه ووحده قالتله : احلا منك ياغبي
رد مشعل : اوف غبي مره وحده لتحبطين فيني تكفين
قالت البنت : صج والله اخاف ماخذ المجستير وانا مادري
مشعل دق تلفونه وقال للبنت واهي ماسكه تلفونها سحبه مشعل وسيف رقمه وقال : دقي ونكمل حجينا ( وغمز لها وراح مشعل )
والبنت تقول للقروب : واي يهبل شفتوه شلون غمزلي
البنت الثانيه بلقافه : اجووف رقمه .. واااي ذهبي جوفيه شلون مكرر
ومرت السوالف بينهم ومشعل من راح منهم رد ع تلوفونه
مشعل : اللووو
نوره : هلا مشيعل وينك
مشعل : شتبين انا بجمعية الشاميه
نوره : انززززين تودينا
مشعل : وين
نوره : انا ونوال نبي نروح مجمع نبي نطالع فلم
مشعل : اي مجمع
نوره : مجمع 360 انا حجزت من الانترنت تذكرتين
مشعل : خلاص احجزولي ابروح معااكم
نوره : انزين يالله باي
مشعل : بااي

انتها البارت الثالث انشالله يعجبكم