منتديات ليلاس - ارويني حباً

أضع بين يديكم روايتي الأولى ..( جمان ) ..

الجزء الأول ..

دخل أبو تركي البيت بعد صباح طويل و هو متوجه للصالة
أنسدح على أول كنبه قدامه و مدد وهو يرمي شماغه على الأرض و ينادي بصوت عالي
أبو تركي : مهااا جمااااااااانه تعالوا بسرعة
ثواني و مها و جمانه واقفين قدامه و يبوسون رأسه
مها : مساك الله بالخير يبه
جمانه تبوس رأسه : مساك الله بالخير عمي
أبو تركي و هو مغمض عيونه : هلا هلا .. رجع تركي من المدرسة
مها : ايه رجع
أبو تركي : تغدا ؟
مها : لا يبه قال بينتظرك
أبو تركي قام و تعدل بجلسته بعصبيه : أنا كم مره قلت لك اذا رجع تركي من المدرسه يتغدا على طول لا تخلونه ينتظرني ماتفهموووووون
مها بخوف : ان شاءالله يبه ان شاءالله , شهد و جنى رجعوا من المدرسه تبي نحط الغدا
أبو تركي : ما سألتك عن جنى و شهد , ايه حطي الغدا لي أنا و تركي بالصالة و أنتم تغدوا بالمطبخ تسمعيييين
مها : إن شاءالله يبه
تحركت مها متوجهه للمطبخ و جمانه وراهاا
صرخ أبو تركي : جمااانه تعالي ماخلصت كلامي معك
جمانه رجعت لعمها بخوف : سم ياعمي
أبو تركي : ماقلتي لي و شرأيك بموضوع خطبتك على ولد جاري أبو عبدالعزيز
جمانه و هي تناظر عمها بخوف : امممم مدري يا عمي أنا قلت لك أني با أستخير
أبو تركي : طسي عن وجهي و بكرا الظهر أخذ الرد منك , وتراني أقولك من الحين محد بيخطبك أحسن من عبدالعزيز
ركضت جمانه للمطبخ دخلت على مها و هي ماسكه الصحون : وش أسوي مهاااوي وعععع ما أبي اتزوج عبدالعزيز الدب
مها : روحي بس لغرفة الأمير تركي و قوليله ان ابوي ينتظره على الغدا و بعدين نتفاهم على موضوعك
نزل تركي يجلس عند ابوه بالصاله
أبو تركي بحنان : هلا والله بالغالي تركي
تركي يبوس رأس أبوه : هلايبه , شلونك عساك بخير ؟
أبو تركي : بخير مادامك بخير , هاه كيف المدرسه ؟
تركي : زينه يبه , أجل وين خواتي ماتغدوا معنا ؟
أبو تركي بضيق : أنا قلت لهم يتغدون بالمطبخ ماعليك منهم , المهم أبيك تشد حيلك هالسنة و تجيب لي الدرجات اللي ترفع الرأس تدري هالحين كبرت وصرت في المتوسط ماعدت في الابتدائي و أنا أبوك
تركي : ان شاءالله يبه
في المطبخ .. البنات يأكلون الغدا و شهد و جنى مسوين أزعاج
جنى : أنا الحين بفهم وش معنى الأمير تركي بالصالة و حنا هنا نتغدا بالمطبخ مثل الخدامات
شهد : الحمدالله أنك قلتيها هو الأمير تركي و أنتي الخدامة جنى
مها تقاطعهم بنرفزة : بس أنتي وياها ترا ازعجتوناا خلصوا و نظفوا الصالة و المطبخ قبل تنامون
جمانه من اليوم و هي جالسه و ساكته تفكر
مها لفت على جمانة : خيير جمااان و شفيك ساكته
جمانه : افففف مدري وشلون اقول لعمي أني ماابي اتزوج عبدالعزيز
مها : قوليله بكمل دراستي
جماان تطير عيونها على بنت عمها : صااااحيه انتي !! تخرجتي أنتي السنه اللي راحت و أنا هالسنة و رفض وحده فينا تقدم ع الجامعة
شهد : مافيه إلا أنك تقولين له أن مقاسه مايناسب مقاسك
ضحكوا البنات و جمانه ترد عليها بغباء : تتوقعين بيقبل عذري
مها : قومي قومي بسسس ماعندك سالفة اذا بتسمعين كلام هالبزرتين
جنى : بزران بعينك , حرام عليك الحين كبرت و صرت أولى ثانوي
مها تناظرها بطرف عين : تظلين بزر
شهد : بسم الله عليك يالكبيره
مها : عاد انتي اسكتي يا المتوسطه
أبو تركي ينادي من الصالة : بناااااااااات تعالوووووووووا بسرعه
قاموا البنات يركضون كل وحده تسبق الثانية
أبو تركي : شيلوا الغدا بنروح أنا و عبدالعزيز بنخلص أشغال و نشتري أغراض للمدرسة
جنى و شهد اكتبوا الأغراض اللي تبونها و عطوها تركي
شهد : إن شاءالله يبه
مها وهي مستحيه : يبه فيه اغراض ناقصة البيت بعد
أبو تركي يتأففف : أموركم ماتخلص , أكتبي لي الشيء الضروري و حطيها مع ورقة البنات
يالله تحركن من قدامي
بعد صلاة العصر رن جرس البيت و مها و جمانة كانوا عند التلفزيون
مها منسدحة : جماان روحي افتحي , اصغر القوم خادمهم
جمان تناظر مها بطرف عينها : لا والله و صرت خادمتك بعد , اقول طييري ترا بيني و بينك سنة
ررنن جررس البيت بشكل مزعج و متواصل
مها و يدينها على اذانها : جمااان تكفين شوفي من اللي يرن الجرس
قامت جمانه مستسلمه و هي تنافخ و معصبه , وقفت ورا باب الشارع و هي تصارخ : ميييييين
: أفتح أنا جارتكم الجديدة
جمان مستغربه و تفتح الباب بتطل من رأسها دخلت الحرمه على طول للبيت
جماان تركض وراها : هيييي انتتتتت وييين
تضحك الحرمه و تدرعم و تدخل الصالة
جمان وقفت تنحت و ركضت تصارخ تضمها من ورا : جوووووووجووووو يا وصخه روعتيني
نطت مها لهم و راحت تركض لجوجو : حيوووانه ليييه ماعلمتينا
جوجو تدف الثنتين وهي تضحك : اففف خلاص كتمتوني وخروا عني بطلع ارجع لبيتنا
مسكت يدها جمانه : خيييير وين والله ماتطلعين
ناظرتها جوجو ولفت على مها : بعدين بنت عمك هذي فاهيه تخيلي اقولها انا جارتكم الجديدة و تفتح لي الباب على مصراعيه , طيب افرضي اكون حراميه و اكذب عليك
جمان طيرت عيونها على جوجو : خييير ع بالك ب نيويورك انتي و الا شيكاغو ماعندنا بالرياض هالحركات , الحمدالله البلد آممن
مها تطقها مع رأسها : يالخبله أنتي على بالك كل الناس مثلك طيبه و على نياتها الحراميه موجودين بكل مكان , .. تسحب يد جوجو : ماعليك منها هذي تعالي اجلسي بالصالة كملي معنا المسلسل
جوجو : قبل أجلس جيبي الشاهي و المكسرات , يوووه ليت دقيت الظهر أقولك جمان تسوين لي كيكتك
مها : خيير ان شاءالله جايه تبلعين عندنا أنتي نجيب لك الحين بيالة شاهي و أحمدي ربك و أشكريه
جمان تضحك : ماتسوى عليها هالكيكة
جوجو تضم جمان : يافديت قلبها جمان اللي ماتفشلني مو مثلك يالبخيله
مها تناظر التلفزيون : اقول عن حركات البنات الماصخه انتي و ياها و يالله اسكتوا خلونا نتابع
راحت جمانه للمطبخ و جابت معها القهوه و الشاهي و جلست مع البنات
جوجو : ياليت عندي ولد يا جمانه و ازوجك اياه
جمانه تضحك : زوجي نفسك أول بعدين اخطبي لبنات الناس هههه
جوجو تناظرها بطرف عين : صبي شاهي بس هذا جزاي اللي ناويه اخطبك لولدي
جمانه تنتهد : آآه ياليت عندك ولد على الأقل بتفكيني من خطبه عزوز الدددب
ضحكت جوجو : يووه مدري وشلون مصدق نفسه هذا و جاي يخطب
توني شايفته أمس يوم أطلع منكم يلعب كوره و 24 ساعه ضايع بالشوارع
تقولين مضيع بيتهم
جمانه بحزن : لااا و عمي يقولي مايجيك احسن منه
جوجو طارت عيونها و تصارخ : احسسسن منه ..., تنفث على وجه جمان بسم الله عليك
وين يحصل مثلك جمال و أخلاق و سنع ... ضحكت : و فههاوه
مها و هي تشرب شاهي و عينها على التلفزيون : عاد ياحسره من عندنا يشوف جمالنا و الا سنعنا
من يوم تخرجت نسيت شكل الشارع و جمان بعد بتكون مثلي , و لا نعرف احد و لا أحد يعرفنا
غيركم طبعاً ..
ضحكت جوجو : أجل شكل مافيه الا تنتظرون عيالي
تربعت جواهر بجلستها : و شرأيكم اخذ رقم خطابه من أمي و الا خالاتي و أقولها عنكم
مها اخذت الريموت و سكرت التلفزيون بحماس : ايوه , هذي الخطط الزينه
جمانه : لا وين صاحيه انتي و ياها و بعدين أكيد الخطابه يبي لها فلوس
مها تمسك يدين جواهر : تكفيين جوجو اسألي و دبريني أي شيء بس أبي اتزوج و أرتاح من هالسجن
جواهر و هي تفكر : خلاص الليلة ان شاءالله أبشوف
جمانه انسدحت على حضن جواهر : زين وش أقول لعمي عن عبدالعزيز
خنقتها العبره : و الله بموت لو أتزوج هالدب البزر
جوجو : لا ترفضين على طول ماطلي في عمك قولي بفكر قولي بستخير إلى ما ارد لكم أنا عن موضوع الخطابه
جمان تمسك يد جواهر : اذا حليتي موضوعي أول بنت ب اسميها على اسمك
جوجو بغرور تكلم مها : سمعتي يامها , و انتي وش بتسوين لي
مها تفكر : اممم بسوي لك كيكة جمانه اللي تحبينها
ضحكوا البنات .. جوجو : ههه ضحكتيني ياعمري أول بنت تسمينها بأسمي و اذا ولد أنا اختار الاسم
مها : لا ما أوعدك بترك الأمر لـ أبو عيالي هو اللي يختار
ضحكت جوجو : عشتواا , سمعتي يا جمانه قالت ابو عيالي قالت , اذا ما انقذت من مصيرك
بتلقين نفسك متزوجه عبود اخو عبدالعزيز الدب و هذا تسمينه عاد عيالي لأنه مو كفو يكوون اب
سكتت مها و لا علقت على الموضوع
جمانه بحزن : كل شيء قسمة و نصيب
رن جوال جواهر و طلعت من الشنطة : الوو , هلاا يمه , ايييه , بخير الحمدالله ماعليهم , اييه الله يسلمك , وييين يمه بسم الله توني جاايه , ليه من عندنا , يمه قولي مييين , زين , أنا جايه الحين , يالله مع السلامه
جمانه و مها يناظرونها ينتظرونها تسكر : سوري قاايز , أنا بروح الحين
جمانه : جوجو توك جاايه ماجلستي
جوجو : امي تقول عندنا ضيوف تعالي , عاد تعرفيني أنا و الفضول , بروح أركض اشو ف مين
مها : زين تعالي بكرا عشان نشوف وش صار على موضوعك
جوجو : زييين و الا ما عزمتيني لله
جمانه تضحك : كلميني اليوم علميني من ضيوفك
جوجو تلبس عباتها و تتغطى : ان شاءالله آنسة لقافة يالله مع السلامه ..

في بيت أبو فهد .. دخلت جواهر البيت و هي تصارخ : يمااااه , يمااااه
دخلت الصالة و لا لقت أحد راحت للمجالس و لا لقت أحد
جواهر تتلفت : يمه بسم الله عليهم وين اختفوا أهلي
طلعت للخيمه اللي برا
جواهر : يمه و أنا أقول و ين رحتوا , تصارخ : أمي نوووره عندنا
راحت تبوس رأس و يدها : يا هلا و الله و غلا بأميمتي الغالية الحبيبة اللي مشتاقه لها موت
الجده نوره : ايه واضح الشوق , و أنتي ماشاءالله عليتس ما تجلسين بالبيت
تناظر أم فهد : أنا كل ماكلمتك يا موضي قلت لي أنها عند بنات أبو تركي
موضي ( أم فهد ) : وش أسوي يا خالتي لازم كل عصريه تروح تشوف البنات و الا تجلس تحن و تقرقر فوق رأسي اليوم كله عاد مافيه مسافه البيت اللي جنبنا البيج هو بيت أبو تركي
جوجو تجلس جنب جدتها : ايييه والله ياجده ياليت أبوهم يوافق يطلعون كان أعزمهم كل يوم ببيتنا و تشوفينهم
الجده نوره : ماشاءالله كم بنت هم
جوجو : بنات أبو تركي ثلاث الكبيره مها متخرجه السنه اللي راحت و جالسه بالبيت أكبر مني بسنه و الثانيه جنى بأولى ثانوي و شهد بثاني متوسط و معهم ساكنه بنت عمهم جمانه يتيمه و هي في عمري ندرس مع بعض من يوم المتوسطة
الجده نوره : اييه ماشاءالله , الله يخليهن لأهلهن , و أمهن وينها
جوجو : أمها متوفيه من عشر سنين
الجده نوره : الله يوفقهن و يهديهن و يرزقهن ب الرجل الصالح
جوجو تطق أمها ع فخذها : تخيلي يمه من اللي خاطب جمانه
أم فهد : مييين
جوجو : عبدالعزيز ولد الجييران عرفتييه
أم فهد باستغراب : عبدالعزيز !!! خبري عمره 22 و لا يشتغل و لا شيء على وشو يخطب بنت الناس
جوجو : مدري يمه , أنتي ماتشوفين حالة جمان , حزيينه اوي , تخاف ترفض و يغصبها عمها
الجده نوره : وش هالكلام يغصبها , الزواج مو غصب و أنا أمتس
جوجو : عشانك ماتعرفينه ييمه نوره , أبوهم يبي الفكه اليوم قبل بكرا , مايهمه من اللي خاطب أهم شيء يتزوجن
أم فهد : الا وراه ماتخطبينها لعبدالكريم ياخالتي
الجده نوره : لو يقول أيه بزوجه اليوم قبل بكرا
جوجو تبوس أمها مع خدها بقوه : يالبى قلبك يمه على هالفكره ياليت عمي عبدالكريم يوااافق والله لو يلف الدنيا كلها ما يلقى مثل طيبها و حلاتها
الجده نوره : خلاص بحاول أقنعه اليوم
جوجو : لا لا أمي نوره لا تقولين شيء خليني أنا بكلمه و بقوله عن جمان و أقنعه
الجده نوره : زين يالله أتصلي عليه الحين قولي له تعال بعد العشاء و تعشى معنا
جوجو : لا بقوله يجي الحين
أم فهد : عاد جوجو مب صاحيه لا حطت شيء برأسها تجلس تحن ليما يصير
جوجو تأخذ جوال الجده نوره : بكلمه من جوالك عشان يرد علي بسرعه
في مكان ثاني .. عبدالكريم جالس بمقهى مع ولد أخوه وليد و عامر
رن جواله جلس يشوف الرقم وهو رافع حواجبه
وليد : من اللي متصل ؟
عبدالكريم يضحك : و أنت وش عليك
رد على جواله : هلا يمه
جواهر : هلا والله ب وليدي
عبدالكريم يناظر شاشة الجوال و يتأكد من الأسم و يرجعه لأذنه مره ثانية
عبدالكريم : خير ان شاءالله اخت جواهر , بغيتي شيء !!
جواهر : بسم الله علي , قولي طيب شلونك و شخبارك , مشتاق لك , يالبى قلبك حتى أنا مشتاقه لك , و تقولك أمي نوره تعال الحين للبيت
عبدالكريم : الحمدالله والشكر , وشفيها أمي مرتفع سكرها
جواهر : لا مافيها الا العافية , بس مدري يمكنها مشتاقه لك
عبدالكريم يتأفف : افف زين خلاص سكري يالله
جواهر : مع السلامه عمي الغالي
نزل الجوال على الطاوله .. عبدالكريم : مجنونه هالبنت
وليد ضحك : جواهر بنت عمي عبدالله ؟
عبدالكريم : ايه و فيه غيرهاا , يالله أنا استأذن الحين أمي تبيني
عامر : شكل أمي نوره جت حزة نومتها
عبدالكريم يناظر الساعة : أي نوومه هالحزمه , مدري وش فيها أمي بروح اشوف يمكن قصرت تبيني ارجعها للبيت , يالله شباب اشوفكم على خير , و سلموا ع سلطان و نصوور
طلع من المقهى متوجه للبيت و ما يدري أن فيه خطط ترسم من وراه على يد أمه و جواهر بنت أخوه

]

يتبع

جمانه : ي رببببي مااااامي مره متحمسه , وناسه لو يتزوج عمي جمانه مع أنه ثقيل دم نوعاً ما و عصبي بس يبقى افضل من عززوز الدب
الجده نوره : حرام عليك , عاد مافيه أحسن من وليدي , وي وين بتلقى مثل حلاته و ذكائه و ضحكته
جمانه تضحك : يمه ما سمعتي ب اللي يقول " القرد بعين أمه غزال "
الجده نوره تضرب جمانه : و الله انتي القرد مو ولدي عبدالكريم
جمانه : ههههه و الله ع حسب رده نشوف بيكون قرد و الا لا

في بيت أبو تركي ..
مها : جمانه تتوقعين جواهر صدق بتدبر لنا خطابه و ب أتزوج
جمانه تلعب بشعرها الطويل : والله مدري بس مع جوجو كل شيء يصير , أنا مايهمني أي واحد يخطبني بس ما أبي اتزوج عبدالعزيز
مها : الله الله يا انسه جمانه تنازلتي عن شروطك , أبي وسيم و عيونه زرقاء و شعره طويل و معضل و مدري ايه
جمانه تضحك : يعني اذا عيونه سوداء بوافق بس يفكني من عبدالعزيز هههه

في بيت أبو فهد
رن الجرس و راحت جواهر تركض تفتح الباب
صافحت عمها و باست رأسه : هلا و غلا ب الغالي
عبدالكريم مستغرب : و شفيك اليوم أنتي ترا أنا عبدالكريم مو جدك و الا ابوك
جوجو مبتسمه :ادري يا نظر عيني بس وش اسوي من الشوق
عبدالكريم يتحمد ربه : الحمدالله و الشكر ي رب
جوجو : وشفيك , ماتبيني اشتاق لك بعد
عبدالكريم : احمد ربي اللي رزقني ببنت اخو مثلك
جوجو تضحك : اييه اييه و الحين بتحمد ربك اكثر و اكثر تعال ادخل عند امي و امي نوره بالخيمه
دخل للخيمة و راح يبوس رأس امه : السلام خالتي ام فهد وشخبارك
أم فهد : هلا ولدي عبدالكريم أنا بخير , أنت وشلونك عساك بخير
عبدالكريم يبتسم : بخير ونعمه يا خاله , وشعندها بنتك اليوم مزعجتني
الجده نوره تمسك يده : عندها كل خير
عبدالكريم : أنا قايل ان فيه شيء بس مادريت ان كلكم مخططين
جوجو جلست قدام عمها و هي جدتها و جنب امها : والله ياعمي الغالي و العزيز و لاحظ أني من اليوم راح أناديك عمي عاد مره اقولك عمي الغالي و مره العزيز هههه
عبدالكريم يبتسم : ايوه يابنت أخوي الخبله
جوجو تضحك : شكراً لذوقك , بدخل بالموضوع على طول , تعرف صديقتي جمانه
عبدالكريم مستغرب : لا طبعاً ما أعرفها , و أنا وشدخلني فيها
جواهر : بسم الله علي ما كملت سالفتي اصبر لا تقاطعني رجاء
عبدالكريم : اوكي , اسلمي
جواهر : هذي صديقتي جمانه و تصير جيراننا متخرجه معي و المفروض انها الحين بأولى جامعه بس مادخلت للجامعة هي يتيمه أمها و أبوها متوفين من يوم هي صغيره و عايشه في بيت عمها ماشاءالله عليها جمال و أخلاق و كل شيء حلو فيها
عبدالكريم مستغرب و يلتفت على أمه و يشوفها مبتسمة تناظره لف يناظر جواهر : طيب !!!
جواهر : مافهمت المقدمة يعني
عبدالكريم : لاا فهميني
جواهر : هذي الله يسلمك خطبها ولد جيراننا الدووب عزوز انت لو تشوفه تقول خبل كل حياته يراكض ورا الكوره بالشارع و حافي ببعد اصغر من فهود أخوي و لا وظيفة و لا دراسة
عبدالكريم بدى يعصب : طيييب وش تبين مني اروح اسأل عن الولد , الظاهر اخوك هو اللي بحارتكم و يعرفه , خلييه يتولى هالمسؤولية
جواهر تضحك : صدق اذا قالوا الرجال مايفهموت التلميييح , اصلاً هي رافضه ولد الجيران عااد أنا قلت انك لو تلف الدنيا كلها ماراح تلقى مثل هالبنت و شرأيك نخطبها لك !
عبدالكريم : نعم !! تخطبينها لي , لا ياقلبي انتي خلي بنت جيرانكم في بيتكم أنا ماعندي استعداد لارتباط و زواج ومسؤولية
جواهر : ماشاءالله مو ناقصك شيء عمرك ثلاثين سنه و عندك وظيفة و عندك بيت امي نوره فاضي و مو ناقصك فلوس ليه مو مستعد
عبدالكريم : جواهر لا تجلسين تزعجيني موصيتك أمي علي
الجده نوره : ماتبيني افرح في عيالك ياولدي و أنت رافض الاقارب ماتبيني اخطب لك من أهلنا خلاص هذي البنت بعيده و جواهر عارفتها وضامنتها لك و بتسكن معي بالبيت و انا بدللها و بسوي لها اللي تبي و بكرا اشوف عيالكم مالين البيت علي
عبدالكريم : خلاص بفكر و أرد لكم
جواهر : مو تفكر تفكييير تسليييك , ترا البنت يمكن تروح عليك اذا تأخرت
عبدالله وقف : خلاص ترا أزعجتيني انت و صديقتك اللي مدري وش اسمها قلت بفكر يعني بفكر
الجده نوره : الله يهديك و يصلحك ان شاءالله
عبدالكريم قبل يطلع : تبيني اوصلك للبيت يمه و الا بتجلسين
جواهر : لا خلها أمي بتنام عندنا اليوم
الجده نوره : ايه والله خلني الليلة اجلس مع جواهر ياعلني افرح بعرسها ان شاءالله و باتسر تعال خذني
عبدالكريم : على خير ان شاءالله .. يالله مع السلامه

طلع عبدالكريم و جواهر طلعت وراه تركض بالحوش
جواهر : عبدالكررررريم اذا وافقت علمني عشان تشوف صورتها و أنا ضامنه أنها بتعجبك
عبدالكريم رفع حاجب : طلعي الصوره الحين يشوف تستحق التفكير و الا لا
ضحكت جواهر : والله انها تستاهل و ما راح تشوفها الا اذا نويت صدق
عبدالكريم : اصلاً اذا رحت أخطب بشوفها على الطبيعه مو محتاج صورك .. يالله مع السلامه
دخلت جواهر للصاله و توجهت على طول للتلفون تدق على جمانه
طوووط طووووط .. الووو
جواهر : هلا بجنوو وينك ماشفتك اليوم
جنى : انتي اللي جايه العصر حزة عجز اللهم يا كافي
جواهر : و الله ما العجوز الا أنتي , انقلعي نادي جماان بسرعه
جنى : حشى ماتملون من بعض العصر شايفتها
جوجو : مالك دخل نااديها بس
جنى تصارخ : جمااااااااااااااااان تعالي كلمي العجيز جوجو
جت جمانه للتلفون تركض : الوو هلا وغلا ب حبي الأول و الأخير
جوجو بضحكة : هلا بحبي , كيفك
جمانه : بخير ما قلتي لي من عندكم اليوم
جواهر تضحك و تصارخ : خير ان شاءالله جماان اقلها قولي كيفك انتي بعدين تطفلي علينا
ضحكت جمانه : اووه سوري عمتي جواهر كيفك عساك بخير و مرتاحه و مبسوطه
جوجو : ايه ابشرك بخير و عافيه و يارب تكتمل وناستي ان شاءالله
جمانه : امين يارب يالله قولي وشعندك
ضحكت جوجو : تخيلي جمان من عندنا اليوم !!
جمانه : مييين ؟
جوجو : خطابه جاايه تخطبك من امي
جمانه مصدومة : احلفي , بسم الله كنها عرفت عن سوالفينا اليوم
جوجو بضحكة : ايه والله صادقة حتى يوم قالت لي امي انصدمت مثلك
جمانه : انزين و ليه يخطبوني منكم
جوجو : هي تعرف أمي و عاد أمي داايم تمدحكم عندها جت اليوم بتخطبك لولدها و تشوف اذا انتي للحين ماتزوجتي و تسئل كذا يعني , عاد يوم عطتها امي الأخبار قالت خلاص برد لكم بعد كم يوم
جمانه : و تعرفين ولدها
جوجو : اممم أمي تمدح فيه و اخوي و ابوي يعرفونه
جمانه : يارب يارب ينقذني من عزوز
جوجو : ماعليك ان شاءالله بتتسهل عاد بغيت اقولك يمكن ما اجي بكرا طييب بس أي شيء يصير بعطيك خبر و أنتي علميني وش يصير على عمك و عزوز و مثل ماقلت لك لا تردين على عمك قوليله بفكر
جمانه : ان شاءالله حبيبتي
جوجو : يالله باااي
جمااان : باااي جوجو