|
الملوزة او القهوة الحلوة
بسم الله الرحمن الرحيم
السلام عليكم ورحمة الله وبركاته اليوم جايبتلكم شراب الملوزة او قهوة الملوزة او القهوة الحلوة تعددت الاسماء والطعم واحد الملوزة .. اتكلم عن هلي نسويها لمن نزوج احد من شبابنا او اذا خلصت الحرمة من نفاسها بعد الاربعين يعني اعلان بانها خلصت او اذا عيالها نجحوا او احد ترقاء بمنصبه .. اذا كانت بمناسبة زواج نجتمع ونتساعد في بيت ام العريس من الساعة 8 الصبح نفطر ونبداء نسويها اللين بعد الظهر قبل العصر في قدر كبير حيل اللي ينطبخ فيها الذبايح ويجتمعون طبعا اهل الحارة والقرايب بعد العصر وتقدم لهم وهم يقدمون هداياهم لام العريس هذا اليوم يكون يوم احتفالي بالحارة أي واحد مار تلقين معاه كوب ويشرب منه ويعرفون ان فيه زواج قريب راح يتم في هالحاره قبل مانزلها سألت عمو قوقل قلت يمكن الموضوع موجود لكن مالقيتها بالطريقة اللي ماما تسويها فطلبت من ماما تسويها لانه ابي اتعلم وطبعا ماما فرحت اني ابي اتعلم شي من المطبخ فطلبت مني اني اسويه في مطبخي علشان اسويه براحتي زي ماقالت لكن كالمعتاد كل ماقربت منها صقعتني بالملعقة الخشب وقالتلي برا لاتلعبين >> فيس مبقق عيونه كيف تبيني اتعلم وانتي تطردين من المطبخ لا وهو مطبخي اصل المهم كنت اصور بعض الاشياء واخذلي صقعة وبعض الاحيان اهديها واقولها ابي انزلها بالمنتدى حتى تظربين على مطبخ منال العالم وبكره الحريم يطلبون منك كتاب الطبخ فشويت مدح على مزح على لعب قدرت اخرج من المطبخ ببعض الصور وبعض الاصابات الطفيفه في نفوخي ولكن لم انسئ المقادير ولا الطريقة ومن وقت وانا افكر انزلها بالمنتدى بس كل مره اقول بعدين الا ان جاء وقتها المناسب وكثرة المناسبات وهي: *بمناسبة رجوع هديل لاهلها وقهرررررررر غويزي خخخخ >> فيس يطالع بعض الناس *بمناسبة ترقية هموس " همسات وردة " وزيزفونه " وردة زيزفون" ان شاءالله من اعلى لا اعلى *بمناسبة نجاح اثرني احبه وكل الحلوات اللي نجحوا وبيضوا الوجة وانشاءالله كل عام *بمناسبة شبكة بنت فيتامين سي الله يتمم له على خير ويوفقها وعقبال ماتفرحين ببناتها انشاءالله *بمناسبة انتهاء رواية زهرة ضامية لشبيهة امي وبانتظار جديدك وبتوفيق * وخص نص "لعبق الرياحين" اهداء خاص من ماما مادري ليه حفظت اسمها من بين كل البنات اللي اتكلم عنهم عندها ماحفظت الا عبوقة ادري ادري اني هذرت كثير بس ايش اسوي فرررررررررحانه اني نزلت شي بالمنتدى واول مره وفي المطبخ بعد فلازم تتحملون هذرتي .... يالله الحين نبداء |
المقادير1 1كيلو لوز بجلي 2/1 1 كاس ونص دقيق الرز المصري اواطحني رز صنويت مثل الدقيق 2 كاس ونص حليب هيل مطحون - سكر - ماء ورد او كادي الطريقة يغلى الوز البجلي في قدر عادي لمدة 5 دقائق او اقل وبعدين يصفاء ويقشر الوز ويطحن مو مره يكون مجروش وبعدين يوضع الوز بقدر الضغط مع ماء مغلي ويترك لمدة 10 دقايق ( افضل بقدر الضغط لانه ماياخذ وقت اما اللي ماتعرف لقدر الضغط وتبي في قدر عادي الله يعينها على الوقت وعلى الوقفه وهي تحرك) وبعدين طفي عليه وخليه بدون ماتسحبي البلف او السفتي ذا اللي يرقص طول الوقت هههههههه ياربي ماما ماتدري والا اذاني تنمعص في قدر ثاني يكون كبير يوضع الوز فيه ... نضرب دقيق الرز مع كاستين ماء في الخلاط حتى لايكردس "يكلتع" ويوضع على الوز ويحرك بالمضرب اليدوي لمدة 15 دقيقة على نار هادئه كل مايثقل يضاف علية ماء ساخن وبعدين يخفق الحليب ويوضع عليه مع التحريك بالمضرب اليدوي لمدة 10 دقايق يغلى الهيل المطحون مع الماء وفي قدر ثالث لمدة من5 الى 8 دقايق ثم يصفاء ويوضع الصفوة على الوز والارز مع التحريك لمدة 10 دقايق ويضاف الية ماء كادي او ماء ورد علبة كامله ويحرك ويضاف السكر ويحرك لمدة 15 دقيقة على نار هادئة مع التحريك وخلصنا بالهناء والعافية ومطرح مايسري يمري يقدم في اكواب ويكون ساخن هو مفيد جدا وخاصة مع البرد يدفي وانشاءالله قدمته لكم بطريقة سهله وواضحة ومرتبه ومظبوطة وبيضة وجة ماما ولاحد يقول خربت والا مو واضحة لان امي متحلفة فيني والى اللقاء في موضوع اخر:lol: |
اكيد بتسالوني وين الصور الله يسلمك الصور بالجوال ودانتي اخذته ورمته من شباك البيت وصار مرحوم ياجوال خدمني سنتين اهئ اهئ اهئ وهذا يوضح اني طباخة من الدرجة الاولى
|
مشاعل
يعطيج ربي الف عافيه و يخلي لج الوالده تعيش و تعلمج كل زين يارب أول مره اسمع عن هالقهوة طريقتها سهله أن شاء الله اني اطبقها قريب << >ــ< سلمتي يارب .. .. .. |
♪♪♪ مشششااعل .. تسسسسسسسسسسسلللم يدينك .. وارجعي بالصور بعدين ^^ .. ♪♪♪ |
اقتباس:
|
اقتباس:
هلا حنو والله انه كل ماتخطر الصور انقهر والحين زوجي يبي يعاقبني ويقول مالك الا جوال ابوكشاف بينفقع قلبي بس ان شاءالله اول مااشتري جوال جديد اسوي ملوزه واصورها من عيوني وتسلمي على المرور |
ميشووووووو يسلمك ربي يالغلا
من ايدين مانعدمها يارب واكيد بجربها دامك تعنيتي ودخلتي المطبخ ونزلتي اول موضوع لك فيه وكنت انا احد اسبابه ^ ^ احلى شكر وخمس نجوم عشانك يالغلاااااا |
اقتباس:
فديت الطله الحلوة وماسويت شي ياقلبي تستاهلين الاحسن |
يسلموووووووو يا روحي
والحمدلله أني سبب في الموضوع الله يحفظش وعقبال ما تذوقيني اياه من يدش تسلم يدين الوالده ويدينش اللي نقلت الموضوووع ههههههههه عقبال ما تترسين المنتدى مواااضيع |
اقتباس:
هلا وغلا ومسهلا بس نزلت الموضوع علشان رجعة هدولة لاهلها وقهررررر غازي :lol: |
يمه منش انتي
انا لأرجعت لغاااازي شيخ الشباب بنزل مواضييييع مو بس موضووووع ههههههههه |
تسلمين مشاعل أنا من عشاق القهوه الحلوه والأسبوع اللي فات عاملتها عموما أغلب اللي في البيت يحبونها مشكوره مشاعل يعطيك العافيه |
طريقه غريبه. تبي له. جلسه. وعندي درزن اسئله. لكن لي عوده
|
هلا وغلا يالبى روحك ياسميتي .. فديت السنعه كفوووووووووووووووو واصلي والى الامام <<طبعا انا اشجعك لكن ماادخل المطبخ:peace: امممممم <<انثبري ياشعووووله.. ماشاء الله عليك طباخه درجه اولى <<تحصنها من العين .. بيني وبينك شربت هالقهوة عند بنوته في مكه المكرمه ربي يحميها هي لزيزة بس مااقدرت اكملها وامممممممممممم واممممممممممممم ماادري شقول تذكرت طعمها .. يعطيك العافيه .. لاخلا ولاعدم .. شعوووووووووووووووووووووووله الرجه كانت هنا .. |
يسلمو دندون على الوصفة ويعطيك الف عافية انتي والوالدة الله يخليها ويطول بعمرها ... وصفة اول مرة اسمع عنها بس شكلها لذيذة اشتهيتها في هالبرد خخخخخخ
يبي لها تركيز علشان نظبطها ... خسارة الصور طارت كان نفسي اشوف شكلها النهائي .... بوسي لي الوالدة وبلغيها سلامي ...وننتظر جديدك في المطبخ بس نبي صور علشان نتشجع اكثر خخخ فديت الي نزلت وصفة وذكرتني فيها |
تسلمين شعوله
كيف قهوه وفيها رز مصري انا بصلحها واخترع لها اسم ثاني |
السلام عليكم ورحمه الله وبركاته
شعوولتي ياعسل تسلم يدينك يالغلاااااا ماقصرتي وربي يهدي لك ولامك البخت الزين فددددددددديت امك والله الي مانستي >> فيس كلهااااا ذوق والله جعل ربي يطول بعمرها بالطاعه ويرزقها بر اعيالهااااا يارب تكفين احملك امانه تسلمين عليهااااااا كثير ونحبين لي راسها ويدهااااااا وتقولين لها عبوقه تحبك كثيرررررر وتعتبرك مثل امهاااا الله يرحمهااااا نجي لوصفتك الصراحه غريبه اول مره اسمعها واحس اني ملخبطه بالطريقه يبي لي تركيز اكثر واثوره وزيزفونه وهموسه وفيتامين كلهم يستاهلون كل خير ياقلبي الله لايخليني منك ولا من امك جعل مواطيها الجنه |
مشكوره مشاعل والعاقبه عندكم بالمسرات آسفه ياقلبي أنا ماشفت المقدمه قبل ردي الأول ولما قرأت رد عبوقه رجعت للصفحه الأولى وشفت المقدمه اللي ما أدري كيف ماشفتها في المره الأولى وجات عيني على المقادير والطريقه مشاعل أنا أسويها بنفس المكونات لكن أغلي الحليب وبعدين أضيف عليه اللوز بعد سلقه وتقشيره وطحنه والهيل وماء الورد ثم أضيف الأرز المطحون المحلول في الماء مع التحريك حتى يثقل وينضج وبكذا ماطول فترة التحريك نسيت أقولكم نضع السكر مع الحليب أثناء غلي الحليب بنات جربوها تراها لذيذه وإن شاء الله راح تعجبكم أنا مستغربه إن الكل مايعرفها والا ماسمع عنها |
اقتباس:
|
اقتباس:
|
اقتباس:
|
اقتباس:
هههههههههههههههههههههه ياهلا ومرحبا بهالمرور الكاسر المدمر نوري المتصفح اماااا طباخة من الدرجة الاولى فكثري منا حتى انفخ راسي قدام زوجي |
اقتباس:
|
اقتباس:
هلا بك والله ماادري من يوم اعرفها اسمها ملوزة بس بعدين قالولي انها قهوة تعددت الاسماء ..المهم الطعم واحد شكرا عل المرور |
اقتباس:
ياهلا ياعبوقة وعرفة سر المحبة الروز فديتك مانسته ويوصل السلام ان شاءالله بس اقولها تبي تكون صديقتك ... لالالا .. اخاف تتهور وتطلب الاب تبعي وتسيطر علية ... واخاف اقولها تعتبرك مثل امها تصكني باقرب شي عندها وتقولي شايفتني عجوز وانا ماتعديت 12 سنه اما الوصفة ذوقيها وراح تعجبك ... ويرحم والديك ويسكنهم الجنه |
اقتباس:
وماصار شي ياقلبي ... ماما قالتلي انه فيه اكثر من طريقة بس ليه علمتني ذي ماادري يمكن تب تعلمني ايها من الاصوال |
تسلم ايدج ،،،
طررريقه غريبه بالنسبه لي ،، لكن استفدت من المعلوماااات ومناسبة تقديم هالقهوه ،،، منورررره القسم ،،، وبانتظااااار جديدج ،، |
اقتباس:
ومشكورة على المرور ويعطيك العافية |
السلام عليكم يا شعوله
تدرين والله مستغربه من نفسي كيف ماشفت الموضوع الله يسعدس يا قلبي اللي تذكرتيني وعديتي نهاية روايتي مناسبه حلوة الله يحلي ايامس الملوزة اعرفها بس زمااااااااان ذقتها ايام الجيران والجمعات الحلوه بس شجعتيني اجرب اسويها من جديد سلام للوالده وربي يعوض عليس بجوال ايفون فور اس والا جالكسي الف شكر شعوله |
اقتباس:
هلا وغلا وماسويت شي قدرك اعلى ياام رنا وان شاءالله تسوينها وتعجبك وتحل الذكر معاها مشكورة على المرور |
مشاعل. عدنا من جديد مع. درزن. اسئله.
انا. ماعمري. سمعت به. لكن. ابي. اسئل. هي. كيف. شكله. يعني. لوز. ورز مصري. مطحون. كيف. تصير. شكله. بالاخير. مثل. المهلبيه. او مشروب. وهي. اكله. احجازيه. او مصريه. انا. اذكر. فيه. اكله. مثل. المهلبيه. لكن. بالرز. المصري. تعمل. اعداده. يطول. او. بسيطه. بس. تبي. اتقان. |
اقتباس:
هلا ومسهلا ام البنين تكون مثل الشوربة ثقيلة شوي لونها ابيض مو مثل المهلبية لا تنشرب هي يقولون اصلها مغربي ومتطورة بالحجاز وماادري تشبه السحلب اذا تعرفينه بس هذي فيها لوز مجروش اعدادها يطول وياخذ وقت ولا زم الدقة .. الاتقان يجي بعد وقت دايما اول مرة ماتكون مضبوطة باي طبخة |
ام البنين جبت لك صورة
هي الصورة الوحيدة اللي كانت موجوده بالجوال الباقية انحذفت ماادري ويش حذفها بس باذن الله اسوي الملوزة مره ثانية وتكون الصور اوضح وادق [IMG]http://rooosana.ps/index.php?t=Eho6[/IMG] |
ادري ان الصورة شينه وشينه واجد بعد بس ويش اسوي هذا اللي بقيت بجهاز الجوال كثير من الصور انحذفت الا قول الصور كلها مالقيت الا ذي الصورة واللي كنت حذفتها بالاصل
|
رد: الملوزة او القهوة الحلوة
هههههه فديتها شكلها ضيعت اسرار الطبخات يسلمو
|
| الساعة الآن 12:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية