منتديات ليلاس - الملوزة او القهوة الحلوة

منتديات ليلاس (https://www.liilas.com/vb3/)

- العصائر والمشروبات الساخنة (https://www.liilas.com/vb3/f295/)

- - الملوزة او القهوة الحلوة (https://www.liilas.com/vb3/t171752.html)

الملوزة او القهوة الحلوة

بسم الله الرحمن الرحيم
السلام عليكم ورحمة الله وبركاته
اليوم جايبتلكم شراب الملوزة او قهوة الملوزة او القهوة الحلوة تعددت الاسماء والطعم واحد
الملوزة .. اتكلم عن هلي نسويها لمن نزوج احد من شبابنا او اذا خلصت الحرمة من نفاسها بعد الاربعين يعني اعلان بانها خلصت او اذا عيالها نجحوا او احد ترقاء بمنصبه .. اذا كانت بمناسبة زواج نجتمع ونتساعد في بيت ام العريس من الساعة 8 الصبح نفطر ونبداء نسويها اللين بعد الظهر قبل العصر في قدر كبير حيل اللي ينطبخ فيها الذبايح ويجتمعون طبعا اهل الحارة والقرايب بعد العصر وتقدم لهم وهم يقدمون هداياهم لام العريس هذا اليوم يكون يوم احتفالي بالحارة أي واحد مار تلقين معاه كوب ويشرب منه ويعرفون ان فيه زواج قريب راح يتم في هالحاره

قبل مانزلها سألت عمو قوقل قلت يمكن الموضوع موجود لكن مالقيتها بالطريقة اللي ماما تسويها فطلبت من ماما تسويها لانه ابي اتعلم وطبعا ماما فرحت اني ابي اتعلم شي من المطبخ فطلبت مني اني اسويه في مطبخي علشان اسويه براحتي زي ماقالت لكن كالمعتاد كل ماقربت منها صقعتني بالملعقة الخشب وقالتلي برا لاتلعبين >> فيس مبقق عيونه
كيف تبيني اتعلم وانتي تطردين من المطبخ لا وهو مطبخي اصل المهم كنت اصور بعض الاشياء واخذلي صقعة وبعض الاحيان اهديها واقولها ابي انزلها بالمنتدى حتى تظربين على مطبخ منال العالم وبكره الحريم يطلبون منك كتاب الطبخ فشويت مدح على مزح على لعب قدرت اخرج من المطبخ ببعض الصور وبعض الاصابات الطفيفه في نفوخي ولكن لم انسئ المقادير ولا الطريقة

ومن وقت وانا افكر انزلها بالمنتدى بس كل مره اقول بعدين الا ان جاء وقتها المناسب وكثرة المناسبات وهي:
*بمناسبة رجوع هديل لاهلها وقهرررررررر غويزي خخخخ >> فيس يطالع بعض الناس
*بمناسبة ترقية هموس " همسات وردة " وزيزفونه " وردة زيزفون" ان شاءالله من اعلى لا اعلى
*بمناسبة نجاح اثرني احبه وكل الحلوات اللي نجحوا وبيضوا الوجة وانشاءالله كل عام
*بمناسبة شبكة بنت فيتامين سي الله يتمم له على خير ويوفقها وعقبال ماتفرحين ببناتها انشاءالله
*بمناسبة انتهاء رواية زهرة ضامية لشبيهة امي وبانتظار جديدك وبتوفيق
* وخص نص "لعبق الرياحين" اهداء خاص من ماما مادري ليه حفظت اسمها من بين كل البنات اللي اتكلم عنهم عندها ماحفظت الا عبوقة

ادري ادري اني هذرت كثير بس ايش اسوي فرررررررررحانه اني نزلت شي بالمنتدى واول مره وفي المطبخ بعد فلازم تتحملون هذرتي .... يالله الحين نبداء

المقادير1

1كيلو لوز بجلي
2/1 1 كاس ونص دقيق الرز المصري اواطحني رز صنويت مثل الدقيق
2 كاس ونص حليب
هيل مطحون - سكر - ماء ورد او كادي

الطريقة

يغلى الوز البجلي في قدر عادي لمدة 5 دقائق او اقل وبعدين يصفاء ويقشر الوز ويطحن مو مره يكون مجروش
وبعدين يوضع الوز بقدر الضغط مع ماء مغلي ويترك لمدة 10 دقايق ( افضل بقدر الضغط لانه ماياخذ وقت اما اللي ماتعرف لقدر الضغط وتبي في قدر عادي الله يعينها على الوقت وعلى الوقفه وهي تحرك) وبعدين طفي عليه وخليه بدون ماتسحبي البلف او السفتي ذا اللي يرقص طول الوقت هههههههه ياربي ماما ماتدري والا اذاني تنمعص
في قدر ثاني يكون كبير يوضع الوز فيه ... نضرب دقيق الرز مع كاستين ماء في الخلاط حتى لايكردس "يكلتع" ويوضع على الوز ويحرك بالمضرب اليدوي لمدة 15 دقيقة على نار هادئه كل مايثقل يضاف علية ماء ساخن
وبعدين يخفق الحليب ويوضع عليه مع التحريك بالمضرب اليدوي لمدة 10 دقايق
يغلى الهيل المطحون مع الماء وفي قدر ثالث لمدة من5 الى 8 دقايق ثم يصفاء ويوضع الصفوة على الوز والارز مع التحريك لمدة 10 دقايق ويضاف الية ماء كادي او ماء ورد علبة كامله ويحرك ويضاف السكر ويحرك لمدة 15 دقيقة على نار هادئة مع التحريك
وخلصنا بالهناء والعافية ومطرح مايسري يمري يقدم في اكواب ويكون ساخن هو مفيد جدا وخاصة مع البرد يدفي وانشاءالله قدمته لكم بطريقة سهله وواضحة ومرتبه ومظبوطة وبيضة وجة ماما ولاحد يقول خربت والا مو واضحة لان امي متحلفة فيني

والى اللقاء في موضوع اخر:lol:

اكيد بتسالوني وين الصور الله يسلمك الصور بالجوال ودانتي اخذته ورمته من شباك البيت وصار مرحوم ياجوال خدمني سنتين اهئ اهئ اهئ وهذا يوضح اني طباخة من الدرجة الاولى

مشاعل

يعطيج ربي الف عافيه و يخلي لج الوالده

تعيش و تعلمج كل زين يارب

أول مره اسمع عن هالقهوة طريقتها سهله

أن شاء الله اني اطبقها قريب << >ــ<

سلمتي يارب

..
..
..

♪♪♪

مشششااعل ..
تسسسسسسسسسسسلللم يدينك ..
وارجعي بالصور بعدين ^^ ..

♪♪♪