رسالة إلى كل البشر / بقلم : عاشق فن إرتواء العقل
بسم الله الرحمن الرحيم رسالة إلى كل البشر الحياة حلوة للى راضى بيها http://1.bp.blogspot.com/_RtDvQmFFm4...apped_soul.jpg دايما بنسى ألامى وسعيد بنسيانى لكن مش هفضل دايما فاكر أحزانى ولو قولت السبب هفتكر أحزانى وهتزداد ألامى ومحدش هيسمعنى ولو عبرت عن أحزانى بدموعى لسانى مش هنطق تانى وحالى هينهار من تانى طب وعلى أيه كل ده خلينى أحسن ناسى ألامى وأنا مش هفتكر من تانى أحزانى وهكتم دموعى ووعد مش هنزلها تانى هوا أنا يعنى لما نزلتها أولانى جرى أيه ما حالى هوا هوا متغيرش منه حاجة وتوبة لو نزلت دموع من تانى ولو نزلتها هحبها وأحضنها وأحطها من تانى جوا عنيا دى دموعى غالية والغاليين يشوفوها ومن الأول تانى هبدأ حياتى وهحب دنيتى وهفهمها وأتعلم أصولها ما أنا لو مفهمتش دنيتى ميصحش أعيش فيها ولو عيشت فيها أحب دموعها لو نزلت منى دى دموعها قدر ومكتوب عليا ولازم أرضى بيها طالما أنا بشر وعايش وسط بشر ومن وسط البشر بقول لكل البشر أرضوا بالمكتوب والقدر تعيشوا وتموتوا بشر الحياة حلوة للى راضى بيها أرضوا بيها تكسبوها أحسن ما تخسروها وساعتها دموعكم هتجف وتنزل مكانها دمكم ووقت الندم هيكون أوانه فات يا بشر ورسالتى واضحة زى نور الشمس والسلام ختام بقلم : عاشق فن إرتواء العقل خالد نور الدين 14 يناير 2012 |
شكرررررررررررررررررررررررا
|
الساعة الآن 10:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية