منتديات ليلاس - الأمل المستحيل

بسم الله الرحمن الرحيـم

""
طالعتها اختها بدهشه / بترفضين عزآم..؟؟؟
وتفوتين هالفرصه بالزواج عشاان شي ماايســـوآ !!... اكيد انهبلتي ياشمس..!!!..
فاشتبكت عيناهآ.بنظرات اختها شمس و فيهآ ألم مختلف
انهبلت عشاان ابي احقق املي وهدفي بالحيآآة ...
حركت اختهآ كفها امام وجهها / مستــــــــحيل .. مالج امـل
شمس/ اللي تقولين عنه شي ماايسوآ .. هو طموحي اللي بدافع عنه بكل قوتي ..
انا موب مثل غيري اتنازل عن طموحي بسهــــوله
غرزت اختها اصابعها بشعرها الاسود الكثيب/ سخيــــــفه .. وخرجت مســـــرعه
استلقت شمس على السرير وغرقت بافكارهآآ في درآستها وآحلامهآآ ... وعـــــــــــزام ..!!

"""
دخلت على والدهآ وانفاسهآآ تتسارع بحراره ..
مســــآك الله بالخيـــــر يبه
اجاب بنبره هادئه ومتزنه/ مسااج الله بالنور والسروور .. هآ يابنتي .. اي يوم يناسبج عشان نملج ؟؟
رفعت راسها قليلا / بس انآ .. مـ أبي اتزوج
بالرغم من انه قد تجاوز الخامسه والاربعين من عمره الا ان لنظراته قوه وهيبه
لمعت عينااه وهو يتفحصها / ماتبين الزواج .. والا ماتبين عزآآم بشكل خااص
اجابت باكثر وضوح وتحدي / مآبي اتزوج عشااني ابي اكمل دراستي يبه ..
ارتعش طرف جفنيه بغيظ / مافي دراسه عقب الثاانوي .. اظن كلامي واضح ياشمس
اندفعت الكلمات من بين شفتيها / بس يبه انا اجتهدت بدراستي وتفوقت عشاان احقق امنيتي
وطموحي .. وآآآ
اسكتتها بـ صفعه ساخنه على خدها الايمن ...
رفع سبابته عاليا وهو يزفر متوعدآ
وعزة الله وجلاله يااشمس .. ان مآ تركتي هالسفااهات لتندمين بااقي عمرج
عم السكون للحظاات .. تراجع والدها خطوات للخلف
واسترخى على مقعده الدوار امام جهاز الكمبيوتر ..
بنبره حاده وصارمه /جهزي نفسج للملجه والزواج من عزام الآسبوع اليااي ...

عجبـــــآ .. أيعدون الطموحات والامال تفااهــــــــآت .. !!!
وماذا عن الشده والتسلط ... ؟؟؟
وممارسه القوامه للاجبار على زواج او المنع من الدراسه والعمل ... !!
فسحقآ لعادت وتقاليد تحرمها من تحقيق الامنيات .. فقط لانهآآ انثى ..!!...

.احست بحشرجه..وغصة..في حلقها
ابتلعت دموعها ..وشعرت بمرارتها..واخيراً انسحبت من امامه بهدوء
ونفسها تعصف بكلمات وترددهآ
لن يموت الأمل بداخلـــــي ...
وســـــ أظل انتظر المستحيـــــل

""
بعد مرور سنوات

دخلت شمس على خواتها بطبق من اللزانياا وطبق اخر من التشيز كيك
وطفلتها (امل ) خلفها تمسك بطرف عبايتهآآ
قامت احداهن لتحمل الاطباق للمطبخ
حيا الله الحامـــل والمحمـــول .. كثر الله خيرج وخير عزآم
تلفتت شمس وتسألت باهتماام : ابوي وينه ؟؟
اجابتها احدى خواتها واصابعها تشير لحجرة المكتب
صاير هاليومين مدمن للنت بزيااده ..
استفسترت بخبث وهي تنزع عنها العبايه وتطويها بعنايه
وشـ اللي جد هاليوميـــــن ؟؟
اجابتها ثانيه /في مقاله اسبوعيه يتابعها ابوي بكل حمــــآس بالصحيفه الالكترونيه
علقت عليها اخرى / اكيد المقاله هادفه وتستحق الاهتمام والا مادخل ابوي وتركنآ

تبسمت وخطواتها تتسارع باتجاه مكتب والدهآآ وتستاذن للدخول
مسآك الله بالخيــــــر والسرور يبه
ترتسم على شفتيهآ ابتسامه الدهشه وينحني حاجبيها للأسفل وهي تقترب اكثر
وتلمح المتصفح المفتوح امام والدها وهو مستمتع بالمتابعه والقرآءة باعجاب
كانت المقالة بعنوان (الآمل المستحيل ) ممهور باسمها المستعار ( انثى السوآد)

في كثير من المجتمعات..يدور صراع بين الأباء والأبناء..بسبب
اختلاف في وجهات النظر..وخصوصاً البنات اللاتي يرغبن ببعض الحريه
فبعض الآباء لديهم خوف شديد ومبالغ فيه احياناً..بالنسبة لإعطاء
الفتاة حقوقاً أكثر ومجالاً أوسع لاكمال تعليمها..والعمل
او إتخاذ قراراتها بنفسها

ابي. بسبب خوفه على بناته..وحرصه على مصلحتهن
فرض مزيد من التشدد والسيطره..على البنات دون الاولاد
بحجه ان الشاب (شايل عيبه)..والفتاة للزوج وتربية الاطفال
وكأن الحساب يختلف امام الله عز وجل

بعد ان تخرجت بامتياز ...كانت رغبتي
تتجه نحو دراسة الصحافه والاعلام لآحقق طموحي
بأن اصبح إعلاميه ..او كاتبه في إحدى الصحف المرموقه
وبسبب معارضة والدي الشديدة وأسلوبه السلطوي
منعني اصلاً من التسجيل بكلية الاعلام
تارة بقصد الخوف من مخاطر هذه المهنة
وتارة أخرى مخافة ما سيقال عنه من قبل من يعرفون
حدث رد فعل عكسي ادى إلى انفلاتي
وبالسر عن أهلي..والتجأت إلى طريق الكذب
لأقع في اعمال تناف معتقدات والدي
فهربت للكذب والخداع...مع انه سلوك ارفضه وبشده
فارسلت مقالات وخواطر..تحت اسم مستعار
لاكثر من مجله وصحيفه محليه
لم يبدر مني اي تصرف يخالف الدين..الا اني
كنت أشعر دائماً بالخوف ان يصل الخبر الى اذن والدي او زوجي
فتتسب بمشكله تعرض حياتي الاسريه للخطر

انثى السوآد