منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   ليه ياقلبي تعشق من وراي!! (https://www.liilas.com/vb3/t171214.html)

بسمه شوق 08-01-12 01:25 AM

ليه ياقلبي تعشق من وراي!!
 

ليه ياقلبي تعشق من وراي

ليه ياقلبي تغافلني وتعشق من وراي
كيف روحي غصب عني فيه صارت مغرمه ؟

ليه ترضى ترتبط بانسان ماوضّح غلاي
مابقى لي غير نبضي وانت مني تحرمه

كل ماشفته يطير الحرف من رعشة شفاي
ليت قلبي شخص واقدر من حياتي أعدمه

القهر..قدام عيني ومااقدر احكي له هواي
ليتني باحلامه اظهر وارتجل واعلّمه

كلما جيت ابتدي الموضوع..أوصل منتهاي
وكلما جيت ابني صروح الأمل ..صرت اهدمه

يوم حسّ بحيرة عيوني..سألني: وش بلاي؟
بس درس الحب صعب وليت قلبه يفهمه

راحت ايام وليالي..عشت اردد واشقاي
السهر يعزم عيوني والحزن صرت اعزمه

بس انا لاحظت كيف انه بدا يسهر معاي
صار مثلي وسط صدره سر غالي يكتمه

كان صمته مثل صمتي ورجوته تشبه رجاي
وان رسم شي بخياله..في خيالي أرسمه

صار يسرح..قلت شكله عاشق ويعشق سواي
لازم ابعد عن حياته ياعسى الله يسلّمه

لين قال الكلمه اللي زلزلت أرضي وسماي
قالها من غير مايشعر بروحٍ معدمه

قال: احبك انتي شمسي وانتي همسي ياهناي
قلت: احبك انت عمري وانت شعري ملهمه

قال: صمت الحب عذّبني وعذبته معاي
قلت: صمت الحب يستاهل حبيبي نكرمه

قال لو ماكان علّمتك بحبي وش دواي ؟
قلت: من يهوى ويسكت..الزمان يعلّمه



دمتم بود حبايبي ^^

ضوء - القمر 08-01-12 01:38 AM

رووووعه الابيات بسوومتي

اختيار موفق

يعطيك الف عافيه

بوح قلم 08-01-12 09:42 AM

رووووووووووووووووووووعه بسووووم


تسلمين فديتج

وبانتظار يديدج

park hae in 08-01-12 02:14 PM

.

.

.

برااااااااااااااااافو بسووووم <<<< فيس التشجيع
ابيات حلوة
يعطيكي الف عافية <<< و يستمر الفيس الي فوق

احلى ابتسامه 09-01-12 12:06 AM

وااااااااااااااااو روووعه بسومه..
تسلمين على القصيده الرائع كاروعتك ياقلبووو..

الله يعطيك العافيه..


الساعة الآن 01:10 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية