|
يا لبيه يا الدنيا العجيبة ، للكاتبة : معاندة جروحي ..
.~. بسم الله الرحمن الرحيم .~. .~. السلام عليكم و رحمة الله و بركاته .~. .~. صباح الخير .. و مساء الرضا من الرحمن .~. .~. كيفكم أل ليلاس .. عساكم بــ خير و عافيه يارب .~. .~. جبت لكم روايه قريتها من فترة و أعجبتني و حبيت تشاركوني رأيكم فيها .~. .~. روايه " يالبيه ياالدنيا العجيبة " .. للكاتبة " معانده جروحي " .~. .~. أتركم مع الروايه .~. .~. قــراءة ممتعه مقدما .~. .~. للتحميـــل هنــــــــــــــــــــــــــــــــــــــا .~. |
يالبيه يالدنيا العجيبه ( 1 ) ام تركي وهي تبخر نادر:ماشاءالله كنك المعرس نادر:واحلى بكثيييييير من المعرس ام تركي:مااااادح نفسه نادر:ههههههه كمليها كذاب ام تركي: لا محشوم وليدي ابسحبها نادر بمزح:اششوا بغيت اهون عن الروحه ام تركي تحط المبخره ع الطاوله وتضحك ام تركي:بعد قليبي مايتم شي الا بوجودك.. الا تعال خواتك تأخروا في المشغل نبي نروح الصاله ماصارت نادر:دحوم راح ياخذهم وبيوديهم القاعه من هناك ام تركي:اجل استعد ابيك توديني نادر:ابشري يلا حتى ابوي ينتظرني برا قال اوصله لان زي مانتي عارفه مايشوف بالليل ام تركي:لحظه خل تركي ينزل ابخره واقرا عليه فديته معرس اكيد العيون كلها عليه نادر:شين الحلايا من زينه ام تركي تضحك:شين الحلايا هاه قول غيران نادر:هههههههه لاوالله مو غيران هو من السابقون وانا باذن الله من اللاحقون ام تركي ترفع ايدها:الله يوفقكم ياعيالي واكحل عيوني بشوفة عيالكم نادر يحب راسها:الله لايخلينا منك يمه ويطول عمرك وتشوفين عيال عيالنا ام محمد:الله يرضالي عليكم نزل تركي لابس ثوب وغتره كان طويل وعريض وابيضاني و وسيم بما تعني الكلمه وكان البشت في يده مالبسه ام تركي:بسم الله تبارك الرحمن تعال ياقلب امك ابخرك تركي واضح عليه الضيق:يمه لا مابي ماله داعي ام تركي:هو وش اللي ماله داعي..اقرب بس ابخرك وتمسك المبخره وتبخر غترته تركي كح:يمه خلاص اختنقت نادر:ياشين الدلع ع الشياب ام تركي: الغيره وماتسوي نادر:هههههههههه يمه شفيك ماسكه ع الغيره تركي ماسك الصمت ام تركي:عشانه بيعرس وانت بتقعد عندي ابكرفك مشاوير بدال هالسايق.. نادر:والله على راسي لو تبيني اشتغل خدام عندك ما اقول لا.. والجنه تحت اقدامك يالغاليه ام تركي:بعدي والله انك قدها.. وان شاءالله ازوجك ست البنات نادر: ايه يمه وابيها مثل جوري الكل يمدحها تركي طالعه:من يمدحها؟ نادر:عماني يمدحونها.... والكل اصلا طايح مدح في اخلاقها.. والله مافي واحد منهم الا ويثني عليها.. الله يوفقك تروك معها تركي مشمئز: خذها تبيها نادر انصدم من رده ام تركي:تركي استح شوي وش هالحكي جوري اليوم عرسك عليها تركي:قمة القرف والله لو علي ما اخذها لو بريال بس ما اقدر اخالف رغبة الوالد ام تركي عصبت:انت متى تعقل وتغير نظرتك نادر:تروك كلامك كبير وشفيك ع البنت ترا خلاص صارت زوجتك لك شهر مملك عليها واليوم زواجك يعني لازم ترضى بالامر الواقع وتأقلم نفسك تركي متنرفز: اكرهها انصدموا من كلمته.. هم عارفين موقفه منها وانه مايبيها.. بس توقعوا خلال الشهر اللي ملك عليها انه تغير وتقبل الموضوع اثاريه على نفس وضعه ابو تركي اللي توه داخل:كرهتك هدومك قل امين ام تركي:ابو تركي؟؟ من متى انت هنا تركي تغير وجهه 180 درجه ابو تركي:من حزة ماقال هالفاهي اكرهها تركي:يبه لو سمحت ماني ف... ابو تركي:اسسسكت ولاحرف والله ياجوري ماراح تلقى مثلها.. وانا ماتخيرتها لك الا اني واثق انها بتعقلك ياخبل تركي:لاحول ولاقوة الا بالله يبه انت وش قاعد تقول وش خبل نادر يأشر له بعيونه يعني اسكت خلاص لاتكبر الموضوع ابو تركي عصب اكثر:وستين خبل والا احد يعاف جوري؟! ام تركي:هدي نفسك ابو تركي مو زين عليك الانفعال ابو تركي:شوفي كلام ولدك احد يسمعه وماينفعل تركي ماسك اعصابه: والله عاد انا ما ابيها وماخذيتها الا عشان البي رغبتك وما اطيح وجهك قدام عمي ابو طارق ابو تركي:تخسسسى وتعقب تطيح وجهي نادر يمسك ابوه:يبه واللي يعافيك لاتنرفز عمرك قلبك ضعيف لاتخلي اي شي يوترك وماراح يصير الا كل خير.. ويطالع تركي:الله يساحمك ياتركي خربت علينا فرحتنا ام تركي تمسح دموعها:لاحول ولاقوة الا بالله والله كنت داريه بتسوء الاوضاع تركي حس بالندم حب راس امه:حقك علي يمه ام تركي:الله يصلحك بس وجا يحب راس ابوه ابو تركي:وخر عني ماني راضي عليك تركي ماسمع الكلام وحب راسه وشال يدين ابوه الثنتين وباسها تركي:والله يبه اني ماوافقت الا طلب لرضاك .. والله العظيم لو ماهمني رضاك يالغالي كان ماسمحت لك تجبرني على الشي اللي مفروض ماانجبر عليه والا انا اقدر اعارض وما اطيعك وكان من زمان هجيت اي مكان بس ضحيت في سبيل رضاك اللي من رضا ربي.. وطلع بدون مايسمع اي كلمه ابو تركي كان داري انه صادق لان تركي الشي الوحيد اللي يهمه في الحياه رضا امه وابوه.. ومايقدر يخالفهم لو على حساب نفسه.. ابو تركي هديت اعصابه قدر تركي يمتص غضبه:الله يهديك ياتركي نادر:يبه لاتضيق صدرك مصيره يرضى بالامر الواقع.. لاتكدرون خواطركم افرحوا وطالع ساعته:وشكلنا تأخرنا حيل يلا نمشي ام تركي:اسبقنا ع السياره هالحين نجي نادر:طيب وطلع لسيارته ام تركي تطالع زوجها:والله يا ابو تركي خايفه عليه ابو تركي:وش تخافين منه انتي بعد ام تركي:انت غاصبه ع الزواج.. وشينه الرجال ينغصب ابو تركي رجع عصب:وش تقولين انتي.. هذا مايعرف مصلحته الظاهر قدر يأثر عليك هالتريك ام تركي :انا ام واحس ..تركي مايبي جوري .. حتى نفسيته تغيرت وين مزحه معنا.. وين تنكيته مع اخوانه وخواته .. الابتسامه من زمان ماشفتها بوجهه.. الولد مايبيها.. عمر الزواج ماكان غصب..حرام عليك يا ابو تركي اللي سويته فيه ابو تركي:لطيفه لاتختبرين صبري والا بيصير شي عمرك ماشفتيه ام تركي سكتت مو خوف بس ماتبي تضيق صدرها في يوم زواج ولدها اول فرحه له ................................... تركي كان جالس في الخيمه مايقدر يسوق بهالحاله ضايقه فيه الدنيا حاس انه مخنوق دق جواله وبنبرة حزن تركي:هلا رشا تبكي:مبروك حبيبي تركي:حياتي واللي يرحم والديك لاتعذبين قلبي كفايه اللي انا فيه رشا تمسح دموعها وتعدل صوتها:بعذري ياتركي انا اليوم بفقدك للابد تركي عصب:وش تقولين انتي..صاحيه والا انهبلتي رشا: هذا الواقع..انت اليوم بتكون لجوري تركي:اسسسمعي انا لك بلحالك .. عمري ماكنت لغيرك عشان اكون لوحده مثل جوري رشا ساكته تصارع العبرات اللي خانقتها تركي:حياتي ارحميني تكفين انتي داريه لوما ابوي ماخذيتها رشا:ادري تركي: وانتي بعد لك يد في هالزواج رشا: انا؟؟ تركي: ايه انتي.. والا كم مره قلت لك بجي اخطبك وانتي رافضه رشا:تركي كنك ناسي المشاكل اللي بين ابوي وابوك تركي: وش علينا منهم كان تزوجنا وحطيناهم قدام الامر الواقع.. رشا: ماترضاها لي انا بنت ناس وحموله اطيح وجه ابوي بهالطريقه.. انا بنت مو مثلك رجال ماحد بيلومك تركي: يعني يرضيك اللي انا فيه؟ رشا: والله مايرضيني واني اتعذب اذا فكرت انك لغيري وبتكون معها تحت سقف واحد تركي:اووووووووووهووو كم مره اقول لك اني مستحيل اكون لغيرك رشا:حبيبي هدي نفسك تركي يتنهد: كيف اهدا كيييييف رشا تقاطعه:تروك احبببببببك تركي غمض عيونه هذي هي الكلمه اللي تريحه وبالذات من حبيبة قلبه رشا: وانا اموووت فيك رشا: عاد الحين اخليك بروح انام حاسه بارهاق تركي:نوم العوافي.. لاتقفلين جوالك اذا رجعت بدق عليك رشا: مو بتكون معها شلون تدق و... تركي: ماعلي من احد بدق عليك رشا:بس... تركي:لاتبسبسين انتهى النقاش رشا:زين تركي:يلا مع السلامه وقفل دخل نادر:وش مقعدك هنا؟ تركي كان مرجع راسه ورا:ارتاح شوي نادر:يلا قوم قدامي الحين ماشين تركي:بلحقكم بسيارتي نادر ماحب يضغط عليه:اوك .. .. .. |
في القاعه طارق:وجع كل ذا حلا.. اهب ماخلت لنا شي شافطه الحلا شفط ام طارق:حسبي الله على ابليسك اذكر الله وجع يوجع عدوك طارق:هههههههههه والله يمه بنتك قنبله كل الجمال راح لها ام طارق:ياويلي بينظل بنتي خمسه وخميسه طارق وبعدين معاك..قول ماشاءالله طارق:ماااااااشااااااءالله تباااااارك الرحمن جوري كانت سرحانه تحس نفسها عايشه بحلم.. ماهي مصدقه انها بتصير مع تركي في بيت واحد.. تركي اللي كل البنات عليه واللي مطنشهم اختارها هي زوجه من بدهم.. وودتها افكارها للمدى البعيد ..وبنت لها مملكه تضمها هي وتركي وعيالهم.. وودتها افكارها لأبعد مايكون انها بتسمي البنات وهو الاولاد.. طارق:هيييه انتي ياللي تفكرين جوري صحت من احلامها:هلا وش فيك طارق:اللي ماخذ عقلك يافووولاه ام طارق:شففف اقول طارق يلا برا.. طارق:ههههههه يمه وش فيك بقعد شوي ام طارق:لا شوي ولاغيره ..يلا برا بسرعه الحين بيجون بنات عمك طارق يستهبل ويعدل جلسته:اجل زين خل اقعد اسولف معهم جوري:ههههههههه ام طارق طفح كيلها بس ضحكت:وين جوالي بدق على العيال اجل تبي تقعد تسولف مع خواتهم هاه طارق:هههههههههههههههه ياحبي لك يالغلا تهددين خلاص طالع... وطلع جوري:والله بفقده هالادمي.. ام طارق:والله حنا اللي بنفقدك امس بعد مانمتي سوينا مناحه وبكينا انا وابوك وريم وطارق وخالد على فراقك جوري دمعت عيونها.. ام طارق:لالالا ما اتفقنا على كذا لاتخربين مكياجك.. انا بس اقول لك عن كبر محبتنا لك وبنفقد وجودك وحسك بيننا جوري:والله يمه حتى انا بفقدكم ماني متصوره بفارقكم ام طارق تضم بنتها:هذي سنة الحياه البنت تتبع زوجها لو المريخ جوري:يمه ما ابي اسافر بقعد عندكم ام طارق تبتسم:اجل وش استفاد تركي... لايمه ماينفع انتي عارفه الاتفاق في العايله.. كل واحد من الشباب يسافر لمدة 3شهور برا. والحين دور تركي وابوك وافق يعجل بالزواج عشان تروحين معه .. خليك معه في ديار الغربه عون له وانسيه وعوضيه غيابه عن اهله ..واتوقع منه نفس الشي بس ها ما اوصيك ابيك ت.... جوري:هههه يمه والله حفظت اسطوانتك خلاص ام طارق تضحك:الله يوفقك يابنتي ودخلت اختها ريم وبنات عمها دانه ونوف وساره جوري شافتهم ارتاحت ام طارق:بنات لاتصيفون هنا وتخلون المعازيم البنات:انشاءالله دانه تبوس جوري:مبروك حياتي جوري:الله يبارك فيك عقبالك نوف:وعقبااااالي جوري تستهبل:لا انتي مو لازم البنات ضحكوا نوف:يانذله جد جد نذله جوري:هههه لا امزح عقبالك وعقبال دانه وريم وساره وندى بعد ساره تأشر على خاتم في اصبعها:اميييييين نوف:ع الاقل انتي متملكه ضامنه عمرك لكن انا ودانه وريم وبنت عمي محمد ندى مالت على حظوظنا بس يالله هانت .. منى وخذت فيصل اخوي وانتي وساره خذيتوا اخوان الدور والباقي علينا..وترفع ايدها :يااااااااارب اوعدنا ريم:تكلمي عن نفسك انا مابي زواج بكمل دراستي نوف:جوري اسمعي اختك وش رايك باللي تقوله جوري:والله اتوقع هالشي ريوما دافوره وتحب الدراسه زي خالد تماما ساره:ماعليك منها لو يطق الباب شطبت على ابو الدراسه هههههههه اسأليني انا ولو ما دحوم قال ابيك تكملين دراستك كان ماكملت ريم:بكل بساطه لانك فاشله ساره:شف الخايسه انا بنت عمك واكبر منك احترميني وجع ضحكت ريم عليها جوري:كل وحده مصيرها تتزوج ان شاءالله نوف:الله يسمع منننننننك دانه:وجع وش مشفوحه عليه انتي نوف:ابي استقر واسوي كل شي خاطري فيه.. وابي الدلع والدلال دانه: والله يا ان ابوي وفيصل وحمد مدللينا ومدلعينا جوري:ولايهمك نوف مالها الا طارق اخوي يطلق سراحها ساره:وشو تهج معه يعني والا تهج معه جوري تطالع نوف:تهج بالحلاااال نوف تغير لونها والبنات ضحكوا على شكلها دانه:مو توك تتمنين.. هذا وهو ريحة كلام اختبصتي اجل لو جد وش بتسوين؟ نوف زاد حمار وجهها:اقول انكتموا ويلا نزلنا خالتي قالت لاتتأخرون ريم:هههههههه ليتك تشوفين وجهك بالمرايا نوف قامت:انا نازله ..وطلعت من الغرفه دانه:فديتها اختي استحت وهي مزحه جوري:لاياماما مو مزحه دانه:اجل؟! جوري:لكل حادث حديث وصرفت الموضوع الا وين منى وندى ساره:قبل شوي دق علي دحومي وقال راح يجيبهم من المشغل دانه تطالع جوري:دبلت كبودنا دحومي ودحومي اجل كلها كم يوم وتنادين تركي تروكي زي هالخبله ساره:زووووجي حلااااالي يانااااااس ادلعه بكيفي جوري:وهي صادقه اذا مادلعناهم ندلع مين دانه:الله يعين الاخوان عليكم يلا يلا ننزل بقوه صيفنا ساره:ايه يلا وتلتفت على جوري:اقول جوري قلبو جوري:هلا ساره:فديتك اقري الاذكار وتحصني زين الناس ماتعطي خير لان جوري فعلا كان شكلها رووووعه دانه:اي والله جد طالعه خيال ماشاءالله.. اقري لين تجي وقت زفتك والا اخلي خالتي تجي تحصنك جوري: هههه لا انشاءالله انا بحصن نفسي ....................... تركي لابس البشت وقاعد بالوسط كان رزه ويدوخ من وسامته بس خرب عليه انه باين عليه التوتر والضيق اللي فسرها البعض بالارتباك من الزواج ومنهم ولد عمه فيصل فيصل:مرتبك الاخ؟! تركي بدون نفس:جايز فيصل:خلك طبيعي وكل شي بيكون تمام تركي:انشاءالله فيصل مبتسم:ماتبي نصايح؟؟ تركي رد له ابتسامه باهته:اتحفنا .. فيصل:احذر غضب الليديز الله لايوريك ناااار تركي وعلى ثغره شبح ابتسامه يالله طلعت شكل اختي موريتك العين الحمراء فيصل:ههههههه شف ... تركي:انا ادري عنك فيصل:والله ياتركي مو عشانها اختك ..منى ماشاءالله عليها متفاهمه لابعد درجه ماقد شفت منها شي.. عشان الزوجين يكسبون بعض لازم يكونون متفاهمين وهذا اللي طبقناه انا ومنى تركي:اجل ليش تقول احذر غضب السيدات فيصل:امي الله يطول في عمرها ويهديها انت عارفها مايحتاج اشرح تركي:تعلمني في خالتي حصه الله يخليها لكم بس خالد اللي توه جا:فيصل عمي ابو طارق يبيك انقزله بسرعه...وقام فيصل خالد يكلم تركي:ياخي نكد الاعراس والله من الصباح واقف وفيني نوووووم تركي:هانت مابقى شي وكلن بيروح على بيته سيدا... ونام لين بكرا تركي جت عينه في عين ابوه اكثر من مره وكان يتحاشاها خالد:ورا عمي يطالعك كذا وبمزحه:لايكون غاصبك على اختي هههههه تركي حس بتأنيب الضمير وكسر خاطره خالد اللي قال الكلمه مزح وهي صحيحه مليون بالميه.. بس هو فعلا مغصوب وصعب يجبر قلبه ونفسه على انسانه مايبيها وابتسم يصرف: لا شدعووه تركي شاف عمه ابو فيصل جاي يسلم عليه وقف حب راسه ابو فيصل:مبروك تركي والله يرزقك الذريه الصالحه تركي متشائم من هالدعوه بس مابين:الله يبارك فيك ياعمي ابو فيصل:خويلد وش مقعدك هنا؟ خالد:بس برتاح شوي ابو فيصل:لا ابو اشكالكم يبون يرتاحون يلا قوم خالد:هههههههه زين زين ..وقام ابو فيصل:وين دحيم للحين ماجاء تركي يطالع ورا عمه:هذا هو وراك جا التفت ابو فيصل لعبدالرحمن وأشر على ساعته:شايف الساعه؟! عبدالرحمن يسلم عليه:والله ياعمي حايس مع خواتي توهم يخلصون من المشغل ابو فيصل:اها طيب يلا قوم بالواجب مع الشباب.. عبدالرحمن ابشر وشاف عبوس تركي وسوا له حركه بمعنى ابتسم وافردها...وراح جا نادر ابو فيصل:شف هالعيال نقول لواحد قوم يجي الثاني يجلس.. يلا نويدر قوم مافي قعده لين يروح المعازيم نادر:ههههههه والله ياعمي رجولي تخدرت ابو فيصل:مثلك مثلهم يلا قوم انا رايح الحقني ابو فيصل هو الكبير عياله ''فيصل وحمد وساره ودانه ونوف'' وابوه ترتيبه الثاني عياله''تركي عبدالرحمن ومنى ونادر وندى'' وبعده ابو طارق عياله''طارق وخالد وجوري وريم '' نادر جا يروح وتذكر:اووووه نسيت تروك جهز نفسك يبونك تدخل تركي ضاقت فيه الدنيا:نادر دق على امي ابيها.. نادر:طيب.. ودق ام تركي:هلا نادر نادر:يمه تركي يبيك.. وعطا تركي الجوال تركي:يمه ام تركي:هلا بالمعرس تركي:متضايق يمه والله بنفجر ام تركي:عطني نادر شوي تضايق تركي من الحركه:طيب نادر:سمي يمه ام تركي:جيب تركي الحين زفته نادر:يمه بندخل معه ترا ام تركي:داريه بس قبلها ابي احاكيه بروحه جيبه من المدخل الصغير نادر:وهو كذلك وراحوا مدخل القاعة من ورا وشافوا امهم واقفه نادر:هذا هو ولدك دقي علينا اذا جا ينزف لاتنسين ام تركي تأشر على عيونها مسكت ايد تركي ورقت الدرج ومشت معه غرفه فاضيه جنب الغرفه اللي فيها جوري بلحالها دخلوا الغرفه وقعدوا جنب بعض ابتسمت له ومسكت ايده وايدها الثانيه على صدره وقعدت تقرا عليه خلصت:ع البركه وليدي تركي ساكت يطالعها ام تركي فهمت النظره:حبيبي انت تعرف لو كلنا نعارض هالزواج ماراح احد يقدر يلغيه تركي بقق عيونه ام تركي ابتسمت كثير:تدري ليش؟؟لانها مشيئة الله.. الله مقدر لك هالشي تركي:يمه ا.. ام تركي تقاطعه:عارفه وش بتقول والله ياقلب امك اني ماني راضيه باللي سواه ابوك.. بس صدقني ابوك ماهو الا سبب في اتمام هالزواج والا ربي خلاص كاتبه عنده انك بتاخذ هالانسانه.. فما اشوف له داعي تضيق صدرك.. توكل على الواحد الاحد ولاتسخط فديتك.. والله لو ادري ان السخط والضيقه بتلغي كل شي كان ماشفتني الحين مبتسمه قدامك.. تركي كأنه مصدع مسك راسه وقفت ام تركي ومسكت راسه وبابتسامتها المعهوده:صدعت من كلامي؟ شال تركي ايدها وباسها ورد لها ابتسامه طالعه من قلبه:يابعد قلبي يمه كلامك ريحني كثير بس!! وأشر على مكان قلبه بمعنى وش يسوي بقلبه مايبيها ام تركي:تروك ترا جوري والله ماشفت مثلها والله تنحب على طول ..وكلنا نحبها وبالذات انا والله ياحبها في قلبي يوازي حبي لكم ومع العشره بيروح الكره اللي ضامره لها وانا متأكده هالكره اللي تحسه تجاهها سببه ابوك اللي اجبرك عليها وهالشي خلاك تحس بنفور منها..بس صدقني مع العشره بيختلف الوضع وتقول امي قالتها تركي كل حرف من كلام امه انساب على صدره وخلاه يرتاح شوي''الللللله امي ذي تنحط ع الجرح يطيب'':الله يخليك لي يارب ام تركي:ويخليكم لي ....................... البنات يرقصون ومستانسين ماخلوا اغنيه ماطلبوها.. منى:ياحظكم ترقصون.. وتطالع بطنها دانه:اكيد حنا رشيقات مو مثلك برميل..هههههه برميل خانم ندى:بسم الله عل اختي لايطيح اللي في بطنها دانه:يمه فديته ولد اخوي انشاءالله مايجيه شي منى:كشششش عشان ولد اخوك والا انا في قريح دانه:هههههههه لاااااه كلكم عينين في راس ام طارق:منى امك وينها مابقى شي ع الزفه منى:تو كلمتني قاعده مع تركي ام طارق:طيب حبيبتي كلميها الحين بنزف جوري ندى:انا انا اللي بدق ندى:الو يمه ام تركي:ها نداوي ندى:خالتي ام طارق تقول تعالي بنزف جوري ام تركي:هذاني جايه .......................... جوري اللي كانت وحيده وخايفه بالغرفه كانت تبي امها والا اختها معها .. بس شلون تناديهم.. سمعت صوت ام تركي شافت انها فرصه تقول لها تبلغ امها او ريم انها تبيهم. طلعت بس ماشافتها.. مشت في السيب وين راحت خالتي.. سمعت صوتها جاي من الغرفه اللي جنبها راحت تشيل فستانها جت بتطق الباب سمعت صوت ام تركي لان الباب كان مردود: (((تروك ترا جوري والله ماشفت مثلها والله تنحب على طول وكلنا نحبها وبالذات انا.. والله ياحبها في قلبي يوازي حبي لكم.. ومع العشره بيروح الكره اللي ضامره لها وانا متأكده هالكره اللي تحسه تجاهها سببه ابوك اللي اجبرك عليها وهالشي خلاك تحس بنفور منها..بس صدقني مع العشره بيختلف الوضع وتقول امي قالتها))) رجعت الغرفه مثل الريح حست زي المطرقه هوت على راسها وصحتها من احلامها اللي بنتها من يوم ملك عليها ..حست كأنه مقص قص كل رسمه رسمتها لمملكتها ''يالله معقوله اللي سمعته تركي مايبيني لا وغصبه عمي علي..ليش ياعمي ليش. علشان كذا طول فترة الملكه ماقد كلمني ولاحتى زارني.. وش اسوي وش اسوي اقول لمين اشكي لمين'' قطع تفكيرها دخول امها ام طارق والفرحه مو سايعتها:يلا جوري زفتك جوري تطالع امها والدموع اربع اربع ام طارق:ياويلي وش تسوين انتي وجوري زادت دموعها ام طارق:ياخبله حستي مكياجك جوري كانت بتصرخ باعلى صوتها وتقول اللي ماااااايبيني ما ابييييييييه بس فرحة امها خلتها تتراجع ..حرام تقتل فرحتها وفرحة الجميع اللي كانوا مستانسين ومسكت نفسها عن البكى ام طارق:لاتخافين كل يوم بنكلمك ماراح تحسين انك فارقتينا جوري تهز راسها ام طارق:وبسك صياح.. زين ان الكوفيره لسه هنا تعدل هالحوسه نهاية البارت .. .. .. |
يالبيه يالدنيا العجيبه ....................... زفوا العرسان جوري كانت في قمة الاناقه والجمال وكانت ملكة الحفله باطلالتها وكان تركي عابس وحاس بنفور منها صح جوري كانت جميله جمال طاغي بس ماقدر يتقبلها وهذي ثاني مره يشوفها المره الاولى كانت النظره الشرعيه اللي اصر عمه ابو طارق عليها والمره الثانيه الحين قدامه اما الملكه فتحجج تركي انه كان منوم بالمستشفى بشهادة بعض من اصدقائك ونادر اللي غطى عليه جوري كانت في عالم ثاني مافي الا هي والحزن بس حز في خاطرها وصعبت عليها نفسها ان الكل يتمناها ورفضت الجميع ومارضت الا بالشخص اللي كارهها ومايبيها''الله يسامحك ياعمي'' تركي طول ماهو قاعد مطنشها ولاحتى قال لها مبروك ندى شافتها فكسرت خاطرها هي عارفه موقف اخوها من زواجه منها قالت لها في اذنها:حبوبه لاتزعلين ترا هذا طبعه دايم ساكت وكتوم عاد انتي وشطارتك تغيرينه.. ندى عارفه في قرارة نفسها ان تركي ماصار كذا الا من بعد المشكله الاولى اللي عرض فيها ابوها عليه انه يخطب له جوري وبعد جزر ومد وافق عشان يرضيه ..ومن بعدها انقلب حاله وصار حزين وقليل الكلام وعلى اتفه شي يعصب وعازل نفسه. جوري كانت تحس نفسها زي اللي يستغفلونها على بالهم انها مادرت انه مغصوب وكانت طول الوقت تفكر حتى اخوانها وعيال عمانها وعمانها دخلوا من غير ماتحس كل اللي حست به يوم تغطيها امها بالطرحه ويوم تشيلها ثاني مره.. تركي:يمه ام تركي:هلا تركي:خلاص بمشي ام تركي مبتسمه:زين امسك ايدها ويلا توكلوا تركي تأفف :مو لازم امسكها منى:اصصص صاحي انت لاتسمعك لاتفشلنا يلا خذ مرتك ياكثر ما انصدمت اليوم كانت تسمعهم وهي ساكته.. كان ودها ترتمي في حضن امها وتبكي. مسك ايدها وطلعوا وتوجهوا للفندق والكل راح بيته ....................... فيصل يطالع منى اللي واقفه عند التسريحه كان شكلها يجنن بالحمل منى تطالعه في المرايا:شكلي بايخ صح.. فيصل:من قال؟؟ منى:دانه عقدتني اليوم تصدق تقول لي برميل فيصل:ههههههههههه والله انك تهبلين ماعليك منها.. ها واستانستي؟؟ منى:حيل بس كان ودي افلها وارقص مع البنات كل اغنيه رقصوا عليها فيصل:قد شفتي عروس تفلها وكل اغنيه ترقص عليها؟؟ منى:حبيبي ما اقصد جوري ..انا اقصد نفسي قام فيصل لعندها وحضنها من ورا وهمس لها في اذنها: داري تقصدين نفسك بس انا اسألك قد شفتي عروس تفلها وكل اغنيه ترقص عليها؟؟؟ منى تمسك ايدينه اللي لافها عليها وحاطها على بطنها: امممم لا فيصل بكل حنان:اجل شلون تبين تفلينها رقص.. اليوم انتي العروس في عيني.. وكل يوم اعتبرك عروس منى بدلع وتغمز له في المرايا:اكيد لفها فيصل له:اكيدين ياروحي انتي ...ولفها عليه وجا يضمها منى:اااي بطني فيصل نزل لمستوى بطنها وسوا نفسه معصب:الحين انت متى بتطلع حتى ضم ماصرت اضمها زي الناس منى ماتت ضحك عليه:حرام عليك فيصل مسك ايدها:وش اسوي مشتاقلك حييييل.. اذا ولدتي بخليه عند امي والا امك ونسافر منى:يمه واخليه فيصل:هذا بلا ابوك ياعقاب عزالله بتجطلوني انت ولدك ورمى نفسه ع السرير منى قعدت جنبه:ههههههه لاعاد محشوم بس هذا ضناي فيصل اتكى على ايده: انا غلطان خليتك ام منى تغير وجهها وحمر حست باحراج فيصل فاطس عليها قام باس خدها: الله لايحرمني منها الخجلانه (فيصل ومنى لهم متزوجين 8 شهور وهي حملت في الشهر الثاني يعني لها 7 شهور حامل.. زواجهم كان تقليدي عن طريق الاهل بس حبوا بعض بعد الزواج ومنى بفطرتها الانثويه قدرت تتملكه وتكون المتربعه على عرش قلبه .. فيصل 28 ومنى 24 ) ....................... بعد مادخلوا الجناح اللي حجزه لهم ابو تركي في افخم فندق كانت الصاله كبيره فيها مطبخ تحضيري مكشوف كان ع الطاوله انواع الاكل..راح تركي يشوف الاكل ماجاز له فتح الثلاجه اخذ عصير وجلس ع الطاوله يشربه وماكلمها بكلمه.. وبعدها دخل غرفة النوم اللي كان فيها سرير كبير روعه وفيها حمام اخذ شور دخلت جوري الغرفه غصبا عنها ملابسها وكل مستلزماتها اللي رتبتها الليله السابقه جوتها.. قعدت جوري على طرف السرير كانت ملاحظه تطنيشه من دخلوا السياره اللي بتجيبهم الفندق بس ماتوقعت بيطنشها لها الدرجه وبالذات اذا وصلوا.. فصخت جزمتها وقعدت تشيل البنس والفراتك اللي مثبته التسريحه.. طلع تركي شافها قاعده في صراع مع شعرها:اخلصي بسرعه بطفي النور نعسان جوري ضايقها اسلوبه بس ماردت انسدح وعطاها ظهره وغطى نفسه وماعلق خلصت وحمدت ربها انه معطيها ظهره عشان تقدر تتخلص من فستانها الكبير.طفت النور .. وراحت اخذت لها شور سريع طلعت كانت لابسه بجامه شورت بنك وشافت عيونه تطالع السقف اول ماشافها طلعت رجع لوضعه الاول عطاها ظهره.. جوري تحس بألم من حركاته ..جففت شعرها بالمنشفه وراحت تنام جنبه مع انها ماتبي وكان بينهم مساحه كبيره غطت نفسها وعطته ظهرها تركي:الغطا مايكفينا خذي غطى ثاني واصلا الغطا كان كبير حيل بس مايبي يكون معها تحت غطا واحد انقهرت بس كتمت قهرها''هين انت و وجهك'': طيب وقامت دورت غطا مالقت شالت عبايتها وراحت الصاله كان في كنبه كبيره انسدحت وغطت نفسها بالعبايه وفتحت جوالها وتجي الرسايل دفعه وحده من صديقاتها تهاني وتبريكات وتريقه تركي:افففف ترا بنام لا اقوم اكسر جوالك الحين جوري ماتحملت.. نرفزها اسلوبه: الله يعينك ع الخساير بتجيب واحد ثاني تركي بقق عيونه وراح لها كانت منسدحه ولاهمها شي:وش قلتي عطته ظهرها:مو وقتك الحين فيني نوم جرها من ايدها ووقفها جوري:هييييه انت عورتني تركي فك ايدها: وش قلتي رجعت تقعد ع الكنبه وتتحسس ايدها وبنظرة تحدي: اقول الله يعينك ع الخساير لانك لو تكسره بتجيب لي واحد ثاني تركي متفاجأ هذي اللي يقولون عنها طيبه: وبعد تتحدين ولسانك وش طوله ..طلعتي حيه من تحت تبن جوري استجمعت قوتها هي لازم تكذب عليه انها هي بعد مغصوبه ماتبيه وانها تكرهه وابوها جبرها عشان ماتحس نفسها ذليله فقالت بهدوء: مادمنا لحالنا قول اللي تقوله ماتفرق عندي.. بس اتمنى هالاكشن مايحصل قدام اهلي.. انا تهمني سعادة اهلي وبضحي عشان يشوفوني مستانسه حتى لو مثلت هالدور.. تركي:وش قصدك؟؟ جوري دق قلبها هي دايم كذا اذا جت تكذب بس استقوت: يعني ماتدري اني اكره ماعلي في هالكون انت.. وان ابوي جبرني عليك تركي استصعب الموضوع ماتوقع هالشي ابد.. جوري:ليش انصدمت عادي حتى انت مغصوب علي على بالك ما ادري.. ليش نلعب على بعض مادمنا بروحنا ..انا عن نفسي قدام اهلي بمثل دور السعيده بصير زي الشمعه اللي تحترق عشان تنور لغيرها وتخليهم مستانسين.. وانت بعد من الافضل تسوي كذا مو عشان احد عشان اهلك وبالذات عمي اللي قلبه تعبان والا لو علي تراني شاريه فرقاك اليوم قبل بكرا تركي كان وده يعطيها كف بس هو ضد ضرب المرأه احسن شي يهددها:جوري ولعنه وقسم بالله لا احوسك واقص لسانك تركي كان حاس بالنقص ..هو اللي البنات يبون اشاره منه وتجي هذي عكسهم تكرهه والادهى مغصوبه عليه.. ماحبت تزيد الوضع سوء:طيب ممكن انام عاند وفتح التلفزيون وخلاه اعلى صوت يبي يزعجها ولقاها فرصه عشان يكلم رشا بدون ماتسمعه لان مايبيها تكشفه وتعلم اهله وراح للسرير لفت ع الكنبه وتدفت بعبايتها وفي سرها''الله يشفيك'' عدلت منبه جوالها ع صلاة الفجر ونامت دق تركي على رشا رابع رنه ردت بصوت مبحوح:هلا حبيبي تركي:نايمه؟؟ رشا:لا صاحيه بس ماتوقعتك تدق تركي:يعني تحسبينها كذبه يوم اقولك بدق رشا:لا حبيبي بس انا عارفه الوضع و.... تركي:ريوشه حبيبي لو يحطون العالم بكفه وانتي بكفه رجحت كفتك.. رشا:طيب وينها؟ تركي:منهي..؟ رشا:المدام زفر تركي زفره طويله: كرشتها الصاله رشا:جد تركي: قلت لك انا اذا ماكنت لك مستحيل اكون لغيرك رشا:الله لايحرمني منك ياتركي تركي:ولامنك يا اغلى البشر.. حبيبي تعشيتي رشا:مو مشتهيه تركي:لا مايصير ابيك تاكلين وتتغذين زين رشا: انت عارف اني ما اكل الا اذا دريت انك اكلت.. فما ادري انت اكلت؟؟ تركي:صراحه لا بس شربت عصير برتقال.. رشا: حظ الكاس اللي شربت منه ..تدري لو اشرب من نفس الكاس بنام مرتاحه.. تركي قعد: الحين بجيبه لك .. خلي السايق يقابلني ضحكت ضحكه عذبه:لا لا يامجنون من جدك.. امزح رجع انسدح: والله اسويها كم عندي ريوشه رشا:ياااروحها وتموا سواليف لين سمعوا صوت الاذان رشا:اوووه خذانا الوقت معليش سهرتك وانت تعبان و وراك قومه.. تركي بعذوبه:كلي حلالك.. رشا:طيب حبيبي خل نروح نصلي وننام.. تركي:طيب ابيك تنامين زين ولاتفكرين بشي فكري بشي واحد تركي لك لوحدك.. رشا:لاتوصي حريص ..وقفلت قام توضى وشافها تصلي وهو طلع المسجد .. .. .. |
يالبيه يالدنيا العجيبه الصباح الساعه9 يحترون جوري خالد:والله البيت كئيب من غير جوري ام طارق:فديتها الله يوفقها لازم نتعود طارق يستهبل: اما نتعود يمه خلي تركي يطلقها وترجع تعيش معنا.. ام طارق تضرب كتفه:اعووووذ بالله خالد وطارق:هههههههههه ريم نزلت:وش عند الثنائي ضحك مع الصباح خالد:ابد طارق اقترح اقتراح ماعجب امي ريم تصب لها قهوه وتقعد:وشووو طارق:بما اننا فاقدين جوري اقترحت على امي تقول لتركي يطلقها شرقت ريم في قهوتها:كحح كح كح خالد مات ضحك ام طارق:حسبي الله على ابليسكم.. ريم:وجعه لاعداكم انهبلتوا انتم.. طارق:صدق انكم مخفات يالحريم تصدقون اي شي.. طبعا ماعدا امي العزيزه تبسمت ام طارق ريم:يمه متى طيارة جوري وتركي ام طارق: 12الظهر ريم:يالله وللحين ماشرفت متى يمدينا نسولف خالد:يمديكم يمديكم لكن انتم يالحريم قرقكم واجد .................... تقلبت ع الكنبه جسمها يعورها ''هو مرتاح ع السرير وانا تكسرت عظامي من الكنبه'' تثاوبت وخذت جوالها تشوف الساعه:اووف الساعه 9 ياالله تأخرت بشوف اهلي قبل اسافر.. راحت الحمام خذت شور نست ملابسها برا:يحووول شلون اطلع كذا والبجامه تغرقت مويه.. لفت جسمها بالفوطه وطلعت على روس اصابعها ماتبيه يصحى ويشوفها بهالوضع وصارت بنص الغرفه طالعت في الفراش مافيه احد ''شكله نزل'' وجلست تدور ع الاستشوار تذكرت ان ريم حطته بدرج التسريحه.. وهي تفتحه حست بأحد واقف وراها ورفعت راسها طالعت المرايا شافته واقف وراها.. تجمع الدم في وجهها وتسمرت اقدامها. تحس بخجل مو طبيعي اول مره احد يشوفها بها الوضع.. حتى ريم اختها ماقد شافتها كذا تستحي.. تركي واقف يطالعها اخر شي مشى . وجوري خافت ولفت له ومسكت بإحكام الفوطه ورجعت على ورا.. تركي ببرود واستحقار: لاتخافين ماراح اوصخ نفسي وألمسك ومد ايده واخذ جواله اللي كان ع التسريحه وراح.. قهرها برده قالت له: وانت تطول تلمسني وقف مكانه والتفت بحركه آليه ضوق عيونه واشر على اذنه: ياليت تعيدين لاني ماسمعت جوري ماتت رعب وحبت تنهي الموضوع قبل يصير مالايحمد عقباه ومشت تبي تروح الحمام.. مسكها من زندها بكل قوته جوري:آآاااااااااي تركي: مو ترمين كلمه وتمشين ..اذا قلت تعيدين يعني تعيدين.. حست جوري بحجم الغضب اللي كان فيه لازم تهدي الوضع: كلمه وطلعت وانا اسسفه ممكن تفك ايدي حس انه انه انتصر ع الاقل اعتذرت: زين انقلعي.. حست بالاهانه بس سكتت ..وعلى طول راحت الحمام وبكت من الموقف.. حسسها انها قذره حسسها باشياء كثيره.. اهمها انه جرحها مهما كان هي انسانه وتحس.. اخذت دش ثاني يطفي النار اللي تحس بها في انحاء جسمها:والله ياتركي لا اخليك تندم والله بتندم.. استشورت شعرها ولفته كله في لفافات عشان يبان مضبوط وخلتها في شعرها لبست بجامه ساتره وطلعت من الحمام.. كان تركي ع السرير وبيده اللاب.. تجاهلت وجوده وراحت التسريحه خذت عدة المكياج وفتحت الدولاب وطلعت كيسه وراحت.. تركي كان ضغطه مرفوع وحس كراهيته لها زادت بالذات بعد ماصارحته انها هي بعد مغصوبه عليه واللي قهره اكثر كلمتها يوم قالت اكره ماعلي الا انت واني شاريه فراقك اليوم قبل بكرا.. طلعت جوري كانت فعلا جوريه انبهر بجمالها بس رجع اشتغل ع اللاب وطنش اللي شافه .. كانت قمة الانوثه كانت مذهله ماكانت تحب الميك اب الثقيل لانها تعودت تكون اقرب للطبيعه حاطه كحل خفيف وكثفت الماسكرا وقلوس مايل للأورنج برز حلاوة شفايفها وكانت لابسه فستان لونه بألوان الطيف وقصير لتحت الركبه اكمامه جبنيز ومن عند الصدر مزموم وفتحة الصدر نازله وتحتها ورده كبيره لونها برتقالي ومن تحت واسع ومزينه جيدها بعقد فخم.. راحت للدرج خذت صندل لونه برتقالي وقعدت ع السرير بحيث انها معطيته ظهرها لبست الصندل اللي اظهر جمال سيقانها.. فكت اللفافات وتماوج شعرها واصل نص ظهرها وكان مدرجات ولونه اسود جنااااان كان في قمة الروعه.. طالع شعرها عجبه منظره.. وقامت تدور في شنطتها وطلعت كلونيا وبخت بختين.. لكن هالبختين داعبت خشم تركي وانهبل ع الريحه قام يطالع يبي يشوف نوع هالكلونيا لفت والتقت نظراتهم.. ارتبكت جوري وماحست بنفسها الا وهي تقول:خير؟!! ماتدري شلون طلعت منها هالكلمه تركي عصب وكره نفسه''يعني حبكت اشوف نوع الكلونيا ...الحين وش بتفكر وش بتقول..اوووهوو تفكر اللي تفكر العين بحر'' قال بسخريه: ماناقصك الا السيرك طالعه مهرجه.. جوري:اهاا حلو..طيب ياليت تبطل بحلقه في المهرجه وتقوم تبدل لاننا تأخرنا اهلنا يستنون.. تركي صار ضغطه اتش وده يقوم يخنقها. جا بيتكلم بس انقذها منه جوالها اللي دق جوري:هلا يمه ام طارق:صباح الخير.. جوري:صباح الورد لأغلى ام ام طارق:كيفها عروستنا؟ جوري:تمام وانتم ام طارق:بخير منتظرينك تأخرتي.. جوري:ايه توه تركي يقوم يبدل ام طارق:عطيني بسلم عليه.. جوري تعطيه الجوال تركي:الو ام طارق:هلا والله بتركي شخبارك يمه تركي:بخير خالتي شلونك انتي ام طارق:دامكم بخير فأنا بخير.. مو كأنكم تأخرتوا واجد نبي نلحق نقعد معكم قبل تسافرون تركي:على امرك الحين جايين ..وقفل رجع طالعها كانت تطالع اثار ايده اللي على زندها واضحه تركي:ترا مو كل مره بعدي اي شي تقولينه احذريني ياجوري .. جوري بكل هدوء: اوك من اليوم ابعرض عنك وانت نفس الشي تركي: ثالث اعيادي .. حست بقهررررر فظيع دايم ردوده قاتله بس ليش هي ماتكون زيه لانها كل ماسكتت تمادى وماراح تسمح له يتمادى معها ................. راحوا لاهلها اول شي .. استقبلوهم احلا استقبال وسط دموع ام طارق وتوصياتها على جوري وطول الوقت تركي يهز راسه.. على كثر ماكان يحب يجي بيت عمه ابو طارق الا ان هالمره حاس بكره لهالبيت واللي فيه.. وودوعهم لان مافي وقت يادوب يلحقون يسلمون على اهله.. راحوا لاهله استقبلتهم ندى وسلمت عليهم هلا وغلا بالعرسان تركي ساكت جوري:هلابك زود.. وين خالتي ومنى وماقدرت تقول وين عمي لانه هو سبب الي هي فيه ندى:امي الحين نازله ومنى تو كلمتني قالت اسلم عليك رجولها تعورها من عقب امس جوري:ايه ماتنلام تعبت فديتها تركي كان بينفجر ضيقه وملل منها وهي تتكلم شاف امه نازله ام تركي:يالله حيهم قام تركي وراحت له امه وضمته ضمه طويله ندى:الله لنا تركي حب راس امه:يمه كل ذا شوق ام تركي تمسح دموعها: شوق وفرحه.. انت بكري واول فرحه لي تركي:ياجعل ايامك كلها افراح راحت تسلم على جوري ام تركي:هلا بحبيبتي وتضمها جوري:هلا فيك خالتي ام تركي بعد ماقعدوا : ها يمه متى رحلتكم جوري تبتسم وجت تتكلم قاطعها تركي:12 دعواتك يمه ندى شافت وجه جوري صار الوان''يالله شكل الحرب بدت'' وهي ماتدري انها بدت من امس ندى:جوري تعالي معي دانه عطتني شي اعطيك اياه وقاموا ام تركي: اتمنى ماتتصرف معها بهالطريقه قدامي مره ثانيه تركي يطالع جواله:ابشري وفوق كانت ندى وجوري جوري:وش الشي؟ ندى:اكذب بس ابي اشوف لبسك مير لافه نفسك بالعباه طلعي الزين انتي و وجهك.. جوري:مالت عليك ماعندك سالفه ندى تشلحها العباه وجوري تضحك اخر شي شهقت ندى جوري تطالعها:بسم الله وشو ندى تبتسم ابتسامه خبيثه:ماتوقعت اخوي كذا لهالدرجه.. واشرت لها على الاثار اللي على ايدينها جوري تدور وجهها ندى:حشا بينقض على فريسه هههههههه وجع وش ذا يدينه باينه جوري ودها الارض تنشق وتبلعها ..صح ان ندى فهمت غلط بس هالشي حسسها بالخجل ومع ذلك حمدت ربها انها ما أولتها بالشي اللي بتسعى طول بقائها مع تركي اذا استمر على اسلوبه انها تغطيه عن الكل .. جوري:ياحماره هاتي العباه ندى:ههههههههههههه اخذت جوري عبايتها ونزلت بسرعه مالها شده لندى لانها عارفه انها بتنهال عليها بالاسئله.. شافت عمها قاعد مع تركي وامه سلمت عليه مع ان ماكان ودها بس الواجب حتم عليها.. واستأذنهم تركي وسلموا ع الكل وطلعوا ندى''الحمدلله هذي بداية خير'' >> فاهمه غلط ........................ وصلوا الفندق كل واحد يجهز اغراضه ويرتب شنطته.. راحت جوري وبدلت لبست بنطلون اسود وبلوزه حمراء ولبست عبايتها وقعدت بالصاله تنتظر.. وتركي بعد راح يبدل لبس برمودا بيج وبدي اسود ماسك اظهر جمال عضلاته وشعره لرقبته مرجعه على ورا باهتمام وترتيب دق جواله:هلا قلبي لفت رقبتها زي الصاروخ لجهته مو مستوعبه اللي سمعته بس كان معطيها ظهره تركي زلق لسانه وحس الدم تجمد بعروقه شلون يرقع بس للاسف ماتترقع:اكلمك بعدين .. جوري اخيرا فهمت سبب كرهه له اثره طلع حقير وراعي بنات.. ماتدري تسكت والا تكمل مشوارها وتضغط على نفسها والا تفرق بين العايله.. حست بركان يغلي داخلها بس لازم تصبر''يامصبر ايوب صبرني'' وراحوا المطار توجهوا للبوابه ..وطيران على لندن عاصمة الضباب ووصلوا مطار هيثرو طبعا تركي دايم يجيها لان هو اللي يخلص اشغال العائله في لندن بالتناوب مع شباب العائله فيصل وعبدالرحمن وطارق.. وكان الدور على فيصل واللي المفروض هو يجي بس مايمدي مدة الشغل 3شهور ويبي يكون مع منى اذا ولدت..لقاها تركي حجه عشان مايكون تحت المجهر عند ابوه وامه ويتصرف بحريه زي مايبي معها بعيد عن النصايح.. وجوري اخر صيفيه جتها قبل سنه توجهوا لمبنى كبير كان غالبية سكانه عرب والباقي اجانب دخلوا المصعد شافوا حرمه متحجبه مع ولدها الرضيع واضح انها عربيه وبابتسامه ابتدأتهم بالسلام:السلام عليكم جوري وتركي :عليكم السلام وجهت الكلام لجوري اللي كانت بعد متحجبه فقط: جداد هنا ماهيك؟؟ جوري:ايه نعم.. وانتي؟؟ حست جوري بغباء سؤالها:اقصد ساكنه هنا والا زائره احد الحرمه:لا انا ساكنه هون صار لي سنه وشهرين.. انا اسمي سميره وهيدا ابني مهند جوري:ماشاءالله عاشت الاسامي.. سميره:يسلمو ماتعرفنا جوري تطالع تركي اللي كان لاهي بأوراق معه:اسمي جوري.. و وهذا ز ز زوجي تركي سميره:اهلين تشرفنا تركي اومأ لها براسه بدون ماينطق ..فتح المصعد وطلعوا وطلعت وراهم سميره:طلعنا جيران تبسمت جوري سميره:اي شي بدك اياه ماتستحي قولي اللي تبينه..والا بزعل ها جوري تضحك على لهجتها الا تتسعود:طيب انشاءالله كانت شقتهم جنب بعض دخلوا شقتهم كانت كبيره حيل وتنطق بالفخامه كان بالصاله قطع انتريه فرادي وكرسي هزاز مقابل التلفزيون الكبير .. دخل تركي بشنطته احدى الغرف وطلع رمى لها جوال: خذي هذا جوال شريته امس ودولته اذا بتكلمين اهلك وحطه وطلع عطاها الجوال اتقاء المشاكل عشان ماتطلب جواله لانه ملغم رسايل وزود عن هذا رشا في اي حزه بتدق .. كانت عارفه قصده من الحركه واضح مايبي يعطيني جواله واكشفه مع انه مكشوف خالص.. وقامت تفر الشقه.. كانت روعه فيها نوافذ من الزجاج كبيره بحيث انها تشوف المباني والشوارع وكل شي والحلو في الامر انه عاكس اي احد من برا مايشوف اللي جوا ..راحت للابوب المغلقه.. فتحت اول باب لقتها غرفه كانت صالون للضيوف ..فتحت ثاني باب كانت غرفة مخصصه للغسيل واضح من الات النشر المتوزعه فيها وغساله اتوماتيكيه كبيره وسلات وعده كامله من المنظفات رتبت بعنايه.. فتحت ثالث باب هي الغرفه اللي دخلها تركي كانت كبييييييييييره فيها سرير خشب مزدوج له نقوش يعني هي الغرفه الوحيده اللي كانت تحسسك بالفعل انك في لندن من اثاثها وتصميمها ..وكان فيها تلفزيون بلازما ومكتب وغرفة ملابس وحمام مجهز .. فتحت الباب الاخير لقتها غرفه فاضيه تماما اصغر من الغرفه الاولى وفيها حمام وغرفة ملابس صغيره.. رن الجرس:غريبه يدق الجرس هو عنده مفتاح!! راحت تفتح:مين؟ سميره: انا انا سميره ابتسمت جوري ماتدري ليش دخلت قلبها هالانسانه فتحت الباب شافتها جايبه صينيتين جوري:ياااالله وش ذا ليش تتعبين على نفسك سميره:انا طبخت كثير لزوجي واصحابو بس هلأ تلفن وقال ماراح يجي فحرام كبو واحنا ماراح ناكلو كلو..تفضلي جوري خجلانه من كرمها: تسلمين دخلت سميره وحطت الصواني بالمطبخ سميره:عملت محاشي و ورق عنب وكبسه متل كبستكم واطيب هيك حكالي عبدالعزيز جوري تضحك الحين اثبتت انها تبي تتسعود لازم احد ينقذها ويجنسها:ههههههه بعد تعرفين الكبسه سميره:معلوم بدي اعرفها زوجي يحبها كتير جوري: ماشاءالله شكله يبي يجرب اكلات غير اكلات بلده سميره:هههههههه تؤبريني هو سعودي جوري انحرجت عشان كذا لهجتها كانت مره كذا ومره كذا.. مسكينه ظلمتها وتضحك في سرها: اهااا كلنا واحد مافي فرق بينا سميره: متل ماقلتي.. هلأ بدي اروح مهند لحالو وهيدا تلفوني ..وحطته على الطاوله في ورقه.. وطلعت وجوري راحت ترتب ملابسها ...................... مر ساعه وهو ماسك الجوال ويتجول في شوارع لندن تركي:والله تمنيتك انتي اللي معي رشا: اااااه ياتركي لاتقلب المواجع تركي:انا وعدتك اني ماراح احسسك باختلاف عن قبل وانتي مع الوقت بتحسين بهالشي رشا: مشكلتي هالراس كل ما اتخيل انك مع غيري ابكي تركي: ياجعلي فدوه دموعك.. يلا عطيني بوسه رشا ضحكت غصب عنها:الحين بدل ماتواسيني انت وتعطيني تركي:ههههههه عادي مو حنا واحد رشا: تروكي تركي:احبببك رشا:ياشيييينك خربت علي يادب تركي:افا انا ينقال لي دب بعد كل النوادي اللي سجلت فيها.. والدورات والتعب لين طلعت بهالجسم الرياضي.. كله عشان اطلع بالمستوى المطلوب واخققك رشا:هههههه يوووه كل ذا عشان قلت دب.. والله اني داريه انك خقق من غير.. حتى صديقاتي يوم شافوا صورك تهبلوا عليك . وعلى فكره كثير يحلم بالجسم الرياضي اللي زي جسمك تركي:احم احم ترا بشوف نفسي رشا: ماتقدر ياااادب تركي: فدا راسك هالدب.. رشا:فديت روحك.. تركي:والله ريوشه محد يرفه ويخفف عني اللي انا فيه الا انتي.. رشا: يارب لاتحرمني تروك حبيبي وكل دنيتي تركي: ولايحرمني من ريوشتي رشا:اميييين.. يلا عاد بقفل طولت عليك تركي: ياشيخه لو انك جنبي كان عضيتك رشا:هههه دب وحاقد بعد.. ليشش؟ تركي:انا ادري عنك.. كم مره اقولك كلي حلالك وكل شي يرخص لك رشا:تيب تيب لاتعصب ياعمري.. المهم تركي:هاتيه رشا: طفشانه بطلع اغير جو تركي:متى و وين رشا:متى بكرا ..وين مدري اي مكان تركي:لا مافيه رشا:بلييييز ترا مو مع احد غريب مع دانه واختك ندى تركي:اممم اوك بس ما اوصيك ..مثل كل مره انتبهي لجوالك لاتعطينه احد لا خواتي ولابنات عمي.. انا عادي بالنسبه لي لكن خايف عليك من كلامهم و... رشا:داااااريه حبيبي مايحتاج توصي لنا 3سنوات على هالوضع.. اسمع امي تناديني تركي:طيب حبيبتي روحي لها وانا برجع البيت حاس بارهاق باخذ شور وانتي اذا كنتي فاضيه دقي رشا:لا ارتاح ماصارت كل اللي نمته من امس 3ساعات تركي: ماعليك مني دقي رشا:تروك اسمع كلامي ..شوف انا ابيك ترتاح وتنام واذا من بكرا بدق تركي:بس لو تقلبت وصحيت بدق رشا:زين ياقلبي وقفل منها فرحان ومستانس ,,,,,,,,, ,,,,,,,,, ,,,,,,,,,, ,,,,,,,,,, .. .. .. |
يالبيه يالدنيا العجيبه ....................... في بيت ابو فيصل كانت دانه قاعده ع اللاب تتصفح النت دق باب غرفتها دانه:تفضل ودق الباب رفعت صوتها:تفضضضل ورجع دق الباب دانه:يوووووه وش ذا ادخلوووووووا ورجع دق دقات كثيره ورا بعض عصبت دانه وراحت للباب فتحت مافي احد طلعت من الغرفه تطل يمين وطلت يسار وفجأه طلع صوت بووووووووووووووووووووووو دانه :يممممممممممم طلعت نوف:هههههههههههههههههه خواااااااااااااااااافه مسكت دانه على صدرها وكانت مغمضه وشكلها تتألم.. نوف خافت:دانه وش فيك ماردت وغمضت عيونها بقوه خافت نوف وبكت:دانه وش فيك والله ماكنت اقصد ورب الكعبه امزح دانه لارد وراحت تمشي على اقل من مهلها وتدور طريقها بيدها مسكتها نوف ودموعها تجري على خدها وتقعدها ع السرير: دانه والله ما اعيدها وش صار لك...ياااربي وش سويت.. قسم بالله اسفه وشفيك ردي علي اول ماجلست دانه ع السرير طلعت لسانها قالت: عسى ماتعبتك معي خخخخخخ انصدمت نوف وظلت تطالعها ودها تذبحها ودانه ماتت ضحك على نظراتها دانه:عشان تتوبين تخوفيني بهالطريقه ههههههههههه.. نوف:كلي تبن.. ياليته توقف قلبك صدق والا انعميتي عشان تبطلين تمثلين دانه:ههههههههههه بعيد الشر.. والله شكلك يحزن ليتك شفتيه طلعت نوف من الغرفه وصفقت الباب وراها ودانه فاقعه ضحك.. دخلت ساره ساره:وش في نوف ماده البوز دانه:ضربني وبكى سبقني واشتكى ساره:لا والله ماشكت قلت لها وش فيك قالت كلي تبن دانه:ههههههه لعينه هالبنت.. شوفي وش صار وحكت لها......... ساره:هههههه والله انكم خبلات من جد دانه:والله سويره ليتك شايفه وجهها تحزززززن كنها شارلي شابلن ساره: ههههههههه.. المهم ها باقي بنطلع دانه:يس ساره:وانا على بالي كنسلتوا.. لان دحومي نايم مارد علي وبيزعل لو اطلع بدون اذنه دانه:يالفاهيه الطلعه بكرا ..تستأذنين اليوم ساره:انتي ماتعرفينه لازم انسق معه من اليوم دانه:الحمدلله والشكر.. اذا رفض اطلعي محد بيقول له.. ساره:جد دانه: واتوقع لو تطلعين من غير شوره بيعلقك مع قرونك ساره:هههههه ماعرفنالك ضد ومع.. اجل اتق شر الحليم اذا غضب ...الحين مافي امل يصحى بس بزعجه ياكثر ما ازعجني.. وطلعت دق جوال دانه دانه:اهلييييييييييين رشا:وسهليييييييين دانه:زعلانه عليك آآآآآد الدنيا رشا:وليييش دانه: قطوعه ماتسألين.. لو ما ارسلت لك مسج اعلمك فيه بطلعتنا مادقيتي رشا تشهق : اناااااااا!! دانه:ههههههههه رشا:الله اعلم من القطوع.. دانه:والله الايام اللي راحت انشغلنا في زواج تركي ولد عمي رشا:لاتبررين ياقلبي عادي كل انسان وظروفه دانه:وربي تمنيناك معنا بس انتي عارفه الوضع بين الكبار.. متى عمي محمد وابوك يرجعون زي قبل رشا:اااه يالييييييت كانت اجمل 3سنوات مرت في حياتي كأني اعرفكم من زمان ولولا الخلاف بين ابوي وعمك كان الحين لازلنا مع بعض دانه:والله بتظلين بنفس المكانه بقلوبنا مافي شي تغير.. رشا:اكيد مايحتاج تعلميني دانه:مع وجهك الحين ليش تذكريني في الماضي داقه تختبرين ذاكرتي؟ رشا:هههههههه لاوالله بس سيره وانفتحت ع قولهم.. داقه بشوف اكيد بكرا بتطلعون؟؟ دانه:ايه لايكون هونتي رشا:وخري مناك قال اهون ..والله فيني اغلقه ودي اطلع دانه:اجل بكرا نتقابل في الفيصليه رشا:بخلي سواقي يوصلني وبجي معكم واذا جيت برجع دقيت عليه يجي دانه:اووكيشن واستمروا سواليف ................. الغرفه مظلمه وباااااارده رن جواله ورن ورن ورن ورن عبدالرحمن:يااااااااااااالله مايخلون الواحد ينام.. الوووو ساره:ياليت توزع ع الفقراء خيش نوم من اللي عندك ابتسم عبدالرحمن وتثاوب:يادبه يامزعجه اذكري ربك ساره:لا اله الا الله.. من زمان ادق شايف كم مكالمه عبدالرحمن:اكلمك وانا مغمض ماشفت المكالمات والله تعبان كأن لي سنه مانمت ساره:سلامة روحك بس داقه ابي الاذن وبعدها ارجع كمل نومك عبدالرحمن:امري ساره:بطلع مع البنات عبدالرحمن:متى ساره:بكرا عبدالرحمن:ااخ منك من الحين داقه ساره:لازم انسق معك من الحين ادريبك عبدالرحمن:ههههههه لا بجيك ساره بمزح:اقصد اليوم بطلع عبدالرحمن: اها طيب بجيك ساره:حدد متى بتجي؟ عبدالرحمن:انتي متى بتروحين؟ ساره :اليوم وبكرا عبدالرحمن:طيب كلها بجيك ساره:دحومي والله حرام كل ما اقولك بطلع قلت بجيك عبدالرحمن:افا يعني ماتبيني اجي ساره:المشكله تقول بتجي وماتجي عبدالرحمن:نصابه بس مرتين قعدتك وماجيتك ساره:يعني قاصد عبدالرحمن:هههههههههههه ساره:شفت.. زي اللي يقول لاتطلعين بس بطريقه ثانيه عبدالرحمن:وربي مايردني عنك الا شغل وبعدين اغار عليك ساره:طيب زهقانه ابي اطلع عبدالرحمن: طيب ساره فرحت:يعني اروح عبدالرحمن:لا بجي ساره:والله يادحوم ان ماجيت اني ما اكلمك ثلاثه ايام عبدالرحمن:ههههه زين اطلعي بس رجاء'' لاتتأخرين ساره:من عيوني اي اوامر ثانيه عبدالرحمن:بوسه قووووويه ساره:اسفه يلا باي عبدالرحمن:اجل انسي تطلعين ساره:لالالالا خلاص بعطيك عبدالرحمن:لحظه لحظه ساره:وشوووو عبدالرحمن:ابي استعد واتخيلك قدامي.. وغمض عيونه:يلا هاتي ساره:هههههه طيب اممممممممووووووووووووواح عبدالرحمن ساكت ساره:الووووو عبدالرحمن:معك ساره:وش فيك عبدالرحمن:دخت وتخيلتها ع الطبيعه اااخ بس لو انها لايف كان جبت العيد ساره استحت:يلا باي عبدالرحمن: اسمعي ساره:وشو عبدالرحمن:والله مقدر اخليك تطلعين بتاكلني الغيره ساره:لالالا واللي يخليك ابي اطلع عبدالرحمن:لا بجيك الحين وبكرا بعد بجيك ساره:والله مالك داعي ادري من الاعيبك عبدالرحمن:جايك اليوم وبكرا الله لايعوق بشر ساره بقلة حيله:طيب .................. في لندن رجع البيت مستانس دخل الشقه شافها بالصاله مبين انها توها متحممه لابسه بجامه طويله خضراء ورابطه شعرها ذيل طالعه كيوت.. وقاعده ع الانتريه وقدامها طاوله حطت عليها الاكل اللي جابته سميره ..كانت بتاكل على طاولة الطعام بس بعيده عن التلفزيون.. ماطالعته وظلت تاكل وهي تتفرج شاف الاكل ماقاوم قرب له كرسي قبالها وجلس ياكل.. تفاجأت من الحركه وكانت مستحيه منه ويالله تبلع اللقمه.. اما هو قعد ياكل عاادي بدون مايطالعها تركي:انتي طابخه؟ جوري:سميره جارتنا جابته مارد وكمل اكل بعد ماشبع دخل ياخذ شور وتأخر في الحمام كان محتاج هالشور يبي يريح اعصابه.. طلع ولبس شورت بدون فانيله وكان يدور الفراش يبي ينام.. حس حلقه ناشف طلع المطبخ بيشرب.. شافها واقفه تغسل المواعين.. راح للثلاجه .. جوري شافته وشافت صدره العاري ارتبكت وطيحت الصحن قزها تركي باحتقار وصب له مويه وقعد يشرب خلصت جوري وراحت الغرفه وهو كان مبقق عيونه ليش تدخل الغرفه!!!! .. حط الكاس بسرعه ودخل وراها كانت توها بتنسدح تركي:هييييه هيييييييييه انتي وش تسوين جوري طالعته وانسدحت وغطت نفسها:بنام حرام تركي:نامي في اي مكان اما هنا لا جوري:وين بالظبط تركي:الصاله والا الغرفه الثانيه جوري:الصاله انتريهات والغرفه الثانيه مافيها ولا اثاث.. انام بالارض والا بغرفة الغسيل يعني؟! تركي:موشغلي يلا قومي ماردت عليه وطفت الاباجوره اللي جنبها قرب منها:جوري بسرعه قومي ترا ماهو في صالحك جوري:ماراح اقوم مو كافي نمت في الفندق ع الكنبه الحين دورك وبعدين انت رجال تتحمل انا لأ شال الغطا عنها:يلا اخلصي علي وقومي جوري:لو تذبحني ذبح ماراح اقوم تركي بخبث:ماراح اذبحك بس بسوي شي تندمين عليه لاتنسين انك زوجتي جوري فهمت قصده وتوترت: ماراح اخاف من تهديدك حنا زوجين على ورق فقط تركي عصب:لاااااااه ومن قال جوري:طبيعي انا اكرهك وانت تكرهني فياليت تشيل هالشي من بالك نهائي تركي قرب منها وهي ع بالها بيضربها غمضت عيونها وانكمشت على نفسها وماحست الا ببوسه قويه على شفاتها لقط شفايفها بعنف جوري وخرته:يانذذذذل تركي:شفتي اخذتها ببساطه.. انا لو ابي اخذت اللي ابي بابسط من كذا جوري ارتفع ضغطها وماردت عليه وهو انسدح:اجل تحملي نتيجة عنادك.. وقرب منها ولصق فيها وضمها وكان يتعمد مضايقتها جوري ماتحملت وقعدت:انت وبعدين معك.. ماظنيت اننا اطفال تركي:يا انا يا انتي ع السرير يا جوري:يا وش؟ تركي:انتي عارفه جوري قامت:اوك اشبع به تركي تنفس الصعداء مرتاح ع الاخيرررررر :فكككككه.. طلعت جوري من الغرفه بعد ماخذت معها بطانيه صغيره وانسدحت ع السرير الهزاز اللي بالصاله طريقته كانت زي كرسي الاسنان بس خشب مخرم ويتحرك ورا وقدام نامت عليه واستسلمت للنوم وتركي نفس الشي كان مجهد فنام على طول في الصباح قامت جوري منهد حيلها مانامت زي الناس تحس بارهاق فظيع طول الليل تتقلب ماتعودت تنام على كرسي دخلت الغرفه ع اساس تاخذ ملابس لها وبتروح حمام الغرفه الثانيه عشان ماتضايق تركي.. بس ماشافته حمدت ربها واخذت شور لبست بنطلون ابيض سكني وبلوزه حمراء طويله خيوط من فوق وجعدت شعرها ولبست صندل احمر وحطت قلوس هي دايم كذا تحب تتكشخ لنفسها وراحت للمطبخ فتحت الثلاجه واخذت لها عصير برتقال مالها نفس تاكل تحس ودها تنام وقعدت بالصاله وفتحت التلفزيون.. فتح باب الشقه ودخل كان لابس بنطلون اسود وبلوزه سوداء ونظاراته فوق راسه شافها قاعده ماعبرها دخل الغرفه اخذ اوراق ورجع الصاله وقعد ويحوس فيها دق جوالها جوري:هلا مليووووووون منى:هلابك مليارات مساء النور جوري:قولي صباح النور عندنا الصباح منى:يؤ يؤ نسيت دايم انسى فارق الوقت بين الرياض ولندن جوري:طيب دبدوبه لاتنسين مره ثانيه وش اخبارك و وش اخبار الكل بدون استثناء منى:كللللللللنا بخير والله فقدناك عن بكرة ابينا جوري:ههههههههههههه اتشقق انا.. والبيبي شلونه منى:والله متعبني.. جوري : مابقى شي وترتاحين وتهيصين بعد منى:اي وربي حتى اليوم البنات طالعين يتمشون السوق وبيتعشون برا وانا مو قادره امشي يادوب حركتين الا وتنفخت رجولي.. احلم باليوم اللي ارتاح فيه جوري :لاحقه ع الطلعات ياروحي اهم شي صحتك وصحة النونو منى تقلد العجايز: على قولتس الا وينهو بعلتس فيذا جوري:ههههههههههههههه ياطعسه ايه موجود منى:لعيونك طعسه.. وكيفه معك زين جوري: لا ماعليه ماشاءالله خوش انسان تركي كانت اذنه معهم منى:ها وكيف الامور جوري:تمام منى:اقصد الامووووور جوري انحرجت:اقول تقلعي منى:هههههههههههههااااي يانبي مثتحيه جوري:والله انك فاضيه منى:المهم عطيني تروك بسلم عليه جوري ماتبي تحاكيه:دقي على جواله بعيد عني تركي مستغرب منى:زين حبوبه باي وقفلت ورجعت تشوف التلفزيون دق جوال تركي تركي:هلا مناوي منى:هلابك تروك شلونك تركي:بخير شلونك وشلون فيصل والاهل منى:نسأل عنكم ودنا ترجعون اليوم قبل بكرا طبعا جوري ماكانت تسمع منى تركي: انتم تخليتوا عني منى:افااا زين انها بعيده ماتسمع تركي: وخير ياطير اخر همي منى: تركي فديتك تقبل الموضوع مثل ماهو صدقني مع الايام بتحس انك تقبلتها هي بعد تركي:يكفي نصايح انا اعرف كيف اتجاوز المحنه جوري عرفت انهم يتكلمون عنها وحست ان ودها تبكي مو لشي بس لانها كانوا معتبرينها زي الاطرش في الزفه تضايقت منى من كلام اخوها.. وتركي حب يغير الموضوع لانه كسر بخاطرها تركي:الا وش اخبار تركي الصغير منى:مااااااشاءالله سميته خلاص تركي ضحك:ههههههههه عادي امون جوري اول مره تسمع ضحكته وتشوفه فارد وجهه كان جنااااااان ومع هذا كانت تحسه شيطان قدامها منى:تمون على راسي تركي تركي تركي:لالالالا امزح اكيد فيصل بيسميه على عمي سلطان مانبي نحرجه منى:لكل حادث حديث.. ممكن طلب تركي:تم منى:اوووف بدون ماتعرف يمكن تغير رايك تركي:ماراح اغير راي رجال من ظهر رجال منى:والنعم والله تركي:ها وش طلبك والله لو تطلبين عيوني ماتغلى عليك منى ''الله يستر'':كن ن نت ا اب ي تركي:وشوو منى:ها لابس طلبتك عشان ابوي الضعيف عامل البنت باحترام ..مو مثل يوم العرس والله احرجتها ..ع الاقل قدامنا اما بينكم انتم احرار بكيفكم.. اتمنى اذا رجعت تعاملها وكأنك متقبلها وتبين لهم انك غيرت نظرتك فيها ..والله تروك انت مايرضيك فيصل يعاملني كذا.. والعشم كبير انك تتغير جد مو تمثيل تركي زالت ابتسامته وبانت محلها التكشيره بس مسك نفسه:ابشري ماطلبتي شي منى:يلا عاد اخليك باي... وقفلت كره نفسه انه صار بهالموقف يعني هو مظطر ينافق ويجامل على حساب نفسه بس على الاقل عنده فرصه اذا صاروا لوحدهم يسمعها اللي يبي تركي يبي الشر: ثاني مره اذا كنت جنبك وأحد يبيني تعطيني الجوال.. فاهمه جوري مفوره اعصابها وتطالع التلفزيون ماتبي ادنى احتكاك معه وهي بهالحاله لانها تعرف نفسها بتغلط عليه: انشاءالله تركي ماعجبه البرود كان متوقع بترد: والا بشيل الجوال منك جوري: مو اتفقنا تعرض عني واعرض عنك..! ليش تحاول تستثيرني بكلمه عشان ارد وتقوم تحطها براسي واذا عشان الجوال خذه ما ابيه وحطته ع الطاوله اللي جنبه تركي مايدري وش يقول مالقى شي يعصب عليه: احسن هاتيه.. وحطي في بالك اني مزاجي وبأي لحظه بقلب عليك واخلق مشكله انقهرت جوري من اسلوبه''الظاهر ماينفع معه شي ذا'': اجل توقع المثل تركي:وش قلتي جوري:مثل ماسمعت ورب البيت ياتركي ما اسكت لك عن كلمه تركي:وش قصدك جوري: ماعندي وقت اشرح تركي:يعني كذا سكتت جوري تركي:زين نشوف.. وشال الاوراق وطلع .................... اليوم الثاني في السوق دانه: خلاص تعبت دايخه وجوعانه خل نتعشى رشا:بدري ع العشاء خل نشوف هالسوق عندهم فساتين تهوس دانه:لالالا مو قادره ابي هم هم ندى: شكل معدتك مفقوعه مو قبل مانطلع وحنا ماكلين دانه تكش عليها: خمسه وخميسه مالك دخل رشا:ههههه بس ازين مافي دانه جسمها مايتأثر بالاكل من يوم عرفتها وهي نفس الوزن دانه:ياروووووحي انتي.. لسانك يقوطر عسل مو هذي ندى:وجع امززح.. خلاص ولايهمك بعشيك على حسابي دانه صارخت:ياااااااااااااااااااااااربيه البناات:وش فيك دانه:لا بس تذكرت اللي كانت تعشينا على حسابها ندى:اااااااه قصدك جوري.. والله فديتها دايم نقول لها معنا فلوسنا تكفينا وزياده بس كانت تقول لا.. عشان اذا تذكرتوا اني اعشيكم تدعون لي بظهر الغيب يارب اسعدها رشا اسودت الدنيا في عينها من بعد ماجابوا سيرتها مو هي اللي خذت حبيبها دانه:الله يوفقها دنيا واخره والله غيابها مأثر علينا وتلقينها نايمه في العسل ورشا حست بقهر قاعده تغلي منه ندى:والله شكله بصل دانه:افا ليش ندى:والله خايفه عليها اخوي مو شي معها رشا لانت تقاسيم وجهها اصلا هذا اللي تبي تسمعه وتصنعت الحزن:مسكينه ليش اخوك مايبيها ندى: مايبيها!!! دانه: شف بتكذب البنت مو توك تقولين بصل يعني واضحه ندى:يامتنحه اقصد الله يعينها انا شفت ايد تركي مطبعه بجسمها ويوم سألتها انخطف لونها صار قوس قزح عاد افهموها دانه:هههههههههههههههه اوووخس ياتركي منتب هين اجل شرس والله راحت فيها جوري ندى:والله ماكنت اتوقع انه كذا صدق ان الساكت سم ناكت دانه:خليهم على راحتهم اهم شي مرتاحين.. وبعدين وش دخلنا بخصوصياتهم عيب ندى:ههههههههههه وانتي الصادقه يلا مشينا نتعشى رشا كانت في عااالم ثاني كانت تغلي من القهر هذا اللي قال انه لي لوحدي.. طيب ليش يكذب ليييش يقول انه مايبيها وكارهها.. اجل واللي سمعته الحين وش اسميه ..ع الاقل كان قال لي هو مايغطي علي هو وعدني اي شي يصير بيعلمني ..بس ماتوقعته يغطي ..انا كل شي بتحمله بس يصارحني ..ما اختلفنا هي زوجته ويحق له بس لااااااااااااااااا هو قال يكرهها دام يكرهها ليش يقرب منها .. هو وعدني انه لي.. لي انا بس وانا وعدته اكون له ما اكون لغيره.... ااااااه ياتركي ياكذاااااااااااااااااااب قعدوا ع الطاوله ندى:والله حسافه ليت نوف معنا دانه:هههههه والله عقب اللي سويته فيها كرهتني يوم جيت اقولها يلا معنا قالت اذلفي وتغطت ونامت ندى:هههههههه مصيرها ترضى قلبها ابيض طيب وريم دانه:دقيت عليها قالت اخوالها معزومين عندهم ندى: يلا البركه في رشا معنا ع الاقل نغير وجيه.. وتكلم رشا:صح ريوشه رشا:هااه ندى:وش فيك من قعدنا وانتي ماش دانه:قبل شوي وش حليلك لايكون طفشتي رشا:لا بالعكس بس نعست بدق على سواقي يجي دانه:اوك حبيبتي اللي يريحك ...................... .. .. .. |
يالبيه يالدنيا العجيبه البارت السابع بعد عدة ايام جوري مرتاحه بعد ماخلصت من الغرفه اللي أأثتها بمساعدة سميره.. وطلعت من اروع مايكون احلى من غرفة تركي بشي كثير.. وزودتها بعد بثلاجه فيها كل شي كله عشان ماتطلع برا وتصادفه لانها قاطعه الصله فيه.. وماتطلع المطبخ الا اذا طلع من الشقه او دخل غرفته وتركي طول وقته بغرفته يدق على رشا كل دقيقه والثانيه بس مافيه فايده تعبت نفسيته حتى ماصار يطلع وان طلع راح السوبرات .. ومايرد على احد مين ماكان بيت ابو طارق كانت ريم بغرفتها تذاكر ام طارق:السلام عليكم ريم:وعليكم السلام هلا يمه تفضلي ام طارق:لاياقلبي جايه اشوفك محتاجه شي ريم:فديتك سلامة راسك ام طارق: زين لأن الخدامه نايمه خفت تبين شي ريم:مشكوووووره ام طارق:طيب انا بدخل انام ريم:نوم العوافي.. ولاتحاتين اذا بغيت حاجه صحيت الخدامه ام طارق: لا حرام انزلي انتي لاتخافين خالد بالصاله ريم :ان شاءالله.. وطلعت امها دق جوالها ردت بسرعه لأنها كانت تنتظر وحده من صديقاتها تدق ريم:هلا -حي هالصوت عرفت الصوت هالصوت مميز:انت وبعدين معاك ترا ماصارت -لاتعصبين بس وجع ريم:يوجع بطنك يلا فارق ياحمار -ريم احترمي نفسك يازفته ناسيه من انا ريم: اقول لايكثر ترا عطيتك وجه.. وربي لأعلم عمي عن سواياك ياعديم المرجله -عديم المرجله!! اهاااا طيب شرايك ماني خايف عادي قوليله وانا ببهذلك اشاعات اذا ماخليتك تبكين دم ريم: على تبن وانا الحين بدق على عمي محمد واقوله نادر مأذيني نادر: زين وسلمي عليه ياقشطه قفلت منه مقهوره''هذا مايحس هذا من وش مصنوع .. ليش يلاحقني كذا هذا وانا من لحمه ودمه ومن عرضه'' كانت بتدق على عمها محمد (ابو تركي) بس تراجعت.. نادر مايخاف من أحد واللي براسه يسويه.. وزود على هذا ماتبي مشاكل بين العايله.. رجعت للكتب اللي قدامها لازم تركز هذي اخر سنه وتبي تجيب نسبه تبي تدخل طب في الاستراحه التابعه لبيت ابو تركي كان نادر قاعد مع حمد ولد عمه(ابو فيصل) حمد: والله انت منت ناوي تجيبها على بر نادر:وش سويت حمد:بكل برود وش سويت نادر:يس حمد:واللي تو وشو نادر:عادي حمد: ياخي الحين تلقاك شلعت قلبها ترا الامتحانات ع الابواب وانت تمارس ضغطك عليها نادر:طيب؟! حمد: انت شفيك كذا وش فيك عليها نادر: خلني ساكت بس حمد يستدرجه:لايكون عشان السر اللي قاله لنا ابوي لاتنسى تراه حلفنا مايغير شي ابد نادر:والله انا ماكان لي نيه اسوي اللي سويته بس ياخي كم مره نتصادف والله العظيم تعاملني زي الحثاله.. تخيل يوم اروح اجيبها هي وندى من المدرسه لاطعتني برا نص ساعه في الشمس .. وكلمتها بحسن نيه كان من المفروض ماتتأخر تدري وش ردت قالت كنت عند مدرسة الأحياء تشرحلي جزئيه.. قلت لها كان أجلتيها بكرا قالت هذا كلام الفاشلين بكرا وبكرا تبيني زيك فاشل حمد بقق عيونه: وانت وش قلت لها نادر:والله من صدمتي مارديت.. انت عارفني ما أحب أتمشكل حمد:طيب وهاللي تسويه الحين نادر:هذا تأديب عشان آخر موقف حمد:ليش ماتقول لي طيب نادر: ماله داعي ينقال بس صدقني لو تعرفه وربي بتقول هذي ......... حمد:طيب ماراح اضغط عليك واقول لك قول بس يانادر خلك اعقل منها واتركها نادر:يمين بالله ما أتركها الا عقب ما أمردغ دميجتها اليابسه في التراب حمد: وش تبي بالفضايح ترا محسوبه علينا بنت عم قدام الناس نادر:لاتخاف ماراح اسوي شي يضر سمعتنا لأنها زي ماقلت محسوبه علينا بنت عم واذا صار شي بيشمل العايله كلها حمد: اجل أكيد بتقول لها السر اللي قال لنا اياه ابوي نادر: هذا آخر حل يمكن ألجأ له وماتدري يمكن استخدمه اليوم بكرا بعده.. اهم شي اعطيها درس عشان تعرف كيف تعامل الناس من وراهم وقدامهم هالحيوانه حمد:انا استأذن بتقعد تلمح وانا واحد ماعندي صبر ابي اعرف.. عشان كذا بروح ابرك لي ...وطلع لف نادر شريط الذكريات وتذكر الموقف اللي صار له معها (( كان بغرفته حس بالجوع نزل المطبخ ياكل كان جالس على الطاوله..سمع خطوات اقدام جايه تذكر ان ندى قالت له لاينزل لأن بنات بيجونها قام دخل مستودع صغير في المطبخ فيه بعض الاغراض القديمه وماقدر يسكره لان صاحب الخطوات وصل خلاص فما حب يثير جلبه وينتبه له -خلاص انا مليت -........ -كلهم معقدين وجهله -......... فضول نادر قاده انه يشوف من صاحبة الصوت قام يطالع لين شافها واقفه عند المغسله وعينها على باب المطبخ خايفه أحد يجي.. جلس يطالعها اخر مره شافها عمرها 12سنه وبعد كذا صار يشوفها بالعباه... كل شي تغير فيها كانت دبدوبه وبيضاء وجميله تغيرت كثير الا زفارة لسانها على ماهي عليه وتذكر نفسه كان يعايرها بالمنطاد ابتسم بس ابتسامته زالت اول ماسمع اللي قالته ريم:تصدقين انا اصنف نفسي اني عايشه في حضيره انتي ماتدرين اعمامي متخلفين وعيالهم كتله من الغباء هههههههه تحسين انهم حمير مايفهمون مدري شلون طلعنا انا واخواني غير -......... ريم:ايه وأكثر انا الوحيده في العايله بدخل طب والا كلهم ينرحمون -........ ريم:ههههههه تبين موجز ابشري.. اممممم شوفي انا بقولك عمي سلطان هذا مسكين إمممعه اكثر واحد يطبق مثل مع الخيل ياشقرا تصدقين يطيع زوجته -........... ريم:لالالا مو متفاهمين هو يطيعها طاعه عمياء والله احيان اشك انها تجلده ههههههههه -.......... ريم:الا عنده خروفين وثلاث صخلات فيصل عمره 28سنه تخرج تجاره حره وانضم في الشركه ماخذ الطعسه البلهاء منى بنت عمي محمد لا وحامل الله يعين ولدهم بيطلع ابله ههههههههههه والخروف الثاني حمد هذا اكبر لوووووح في العالم يقولون طيب وانا اقول ساذج ساره ودانه توم اعمارهم من عمرمنى 24سنه تعرفين وش معنى اكرههن مسويين فيها حنا بنات سلطان والله والتبن عل التراب -........... ريم:يوووووووه انتي بعد وخير ياطير واذا عمي ترا كلمة الحق تنقال -............ ريم: لا مابالغت .. المهم بكمل لك اما نوف عمرها 18 سنه هي القراوه بعينها ياكثر ماتفشلني الله يغربلها استحي امشي معها -............ ريم: عمي محمد هذا يقولون انه درس برا بس اشك في عقليته احسه غبي وديكتاتوري اكبر عياله تركي عمره ثلاثين شايب مترزز بعمره لاومغرور ودي اعرف على وشو الغرور.. صايع ضايع والا واحد بهالعمر ماتزوج الا الحين.. خلف الله على اختي ماتعرف مصلحتها قلت لها لاتتزوجينه بس طنشتني بعمر الزهور 23سنه وتاخذ هالشايب -........... ريم:لا ياشيخه من قال .. انتم مخربتكم هاالاقوال قمة النضوج وكلام فاضي -........... ريم:زين زين وعبدالرحمن اتوقع اصغر من تركي بسنه دبسوه في ساره عزالله طاح المتعوس على خايب الرجاء -............ ريم:الا عندهم اختين وحده تدرس معي اسمها ندى اعمارنا 19 تأخرنا في تسجيل المدرسه من زود فهاوة عمي وندى اتقبلها نوعا معا احب اذا رحت المدرسه وسووا مقارنه وقالوا انتي علمي ليش بنت عمك ادبي احس بوناسه لأن هالمقارنه ترضي غروري انا وين وهذي وين والثانيه منى اللي قلت لك ماخذه فيصل -............ ريم تفكر:لا مانسيت احد -......... ريم:اللي جا اخذنا امس! -.......... ريم:شكلك تقصدين اخوي طارق صح؟ -............ ريم:حتى طارق صغير ترا عمره27 سنه -........... ريم:اجل شكله اخوي خالد هو اصغر عمره 25سنه -........... ريم:ايه صادقه قد شفتيه اجل مين تقصدين -............... ريم:امممم سيارته بي ام دبليو وجا ياخذنا امس مين مين ايييييييييييه قصدك نادر ههههههههههههههههههههههههههه نادر ومااااااااا أدراك مانادر حمااااااار خالص ثور جحش اعجز عن وصفه يقولون اهله ذكي يدرس ثالث جامعه قسم انجليزي الحين الذكي يدش هالتخصص<<من وجهة نظرها -............ ريم:وخري باااااااس وش هالطموح البيئه -............ ريم:اما مزيون لا وينه عن الزين شكله ها ها مقبول -......... ريم: انا اتزوج هالاشكال هذا ااعتبره هامش ..هذا رأيي لايهمك شكله تراه فاااشل -........... ريم:والله انتي اللي ماعندك سالفه مدري وش لاقيه فيهم وليش تسألين عنهم اصلا وفجأه سكتت دخلت ندى المطبخ ندى: ريومه وش مقعدك هنا يلا الخيمه مافي احد.. تعالي بسرعه بنبدأ المسابقه وطلعوا.. طلع نادر من قوة حر المستودع جبينه وجسمه كله عرق .. كان حرااااااان بس حرارة اللي داخله كانت اضعاف ... انصدم من كل اتهام سمعه ..ماخلت احد في حاله حنا عايلتها تتكلم فينا عند الاغراب وياليته صدق.... هذاك اليوم مانام ابوه كان مسافر لازم يكلم احد لازم احد يوقفها عند حدها... راح بيت عمه فيصل ماكان موجود قعد مع حمد لين يجي وسط تساؤلات حمد بس كان مطنشه جا ابو فيصل وشاف التوتر اللي كان ظاهر ع الشباب حمد على طول طلع يجيب مويه لنادر ونادر على طول سرد لعمه كل الحكايه بالحرف الواحد وكان يتوعد ويهدد.. أخذه ابو فيصل المكتب وقفلوا عليهم رجع حمد شاف مكانهم خالي.. نغزه قلبه ابوه مايروح المكتب الا اذا صاير شي كبير ولأنه كان قاعد قريب من المكتب فسمع ابوه يصرخ:خله سرررررر والله ان يطلع ذبحتك بيدي ترا بتدمر ناس وناس لو تكشفه.. وباقي الكلام ماسمعه بعد ساعه طلعوا وكان هادي نسبيا .. السر اللي قاله له خلاه كأنه يشوف دراما مصريه ...بس الغضب واضح على قسمات وجهه حمد:عسى ماشر ابو فيصل: خير ان شاءالله حمد:يبه وش السر ابو فيصل:قاعد تتنصت ياولد حمد:لاوالله يبه تربيتك ما اسوي هالحركات ابو فيصل:اجل كنك ماسمعت ابد .. والتفت لنادر: وانت لا اوصيك هنا حفرنا وهنا طمرنا نادر:بس ريم حمد:وش دخلها ريم وش السالفه ابو فيصل: شوف انا بقول لك بس مصيرك من مصيره لو يطلع حمد:وشو يبه خوفتني قال له ابو فيصل السر بس ماقال له اللي سمعه نادر لأن دام هذي ردة فعله وهو اطيب واحد من الشباب وثار كل هذي الثوره عاد مابال الشباب العصبيين امثال تركي وفيصل والباقي.. وكل الخوف يروح هالكلام لأخوه ابو طارق حمد مبلم من السر بس كان حاس ان فيه شي ثاني اكبر اثار هالسر ولكن فضل السكوت ماحب يكون ملقوف اكثر من اللازم ونادر ماقدر يتحمل يقعد دقيقه اكثر توجه لبيته وقد اقسم انه بيعطيها درس ماراح تنساه طول حياتها((كسرة خشم ويمكن أكثر تستاهلين اللي بيجيك)) يتبع .. .. .. |
تابع البارت السابع بعد مرور شهر كان حابس نفسه بغرفته اهمل نفسه وشغله بعد ما أنهك روحه بالاتصالات ولكن لامجيب والسبب ان رشا مغيره ارقامها كلها.. ماكان متصور انها بتتركه بالطريقه ذي ولا كان متصور انه بيتدمر بهالطريقه.. في اعتقاده ان السبب ورا اللي هو فيه ابوه وجوري هالشخصين الوحيدين اللي زلزلوا حياته وقلبوا اعلاها سافلها.. تعب من التفكير ويبي شي يبل ريقه له كم يوم ما أكل وشربه قليل قام من فراشه ماقدر يسند طوله يمشي خطوه ويتعثر خطوتين طلع الصاله يجر رجوله جر وقعد ماقدر يواصل سيره للمطبخ يحس نبضات قلبه ضعيفه وجسمه مخدر والشي الوحيد اللي كان يفكر فيه وهو بهالحاله رشا وجوري كانت بغرفتها تتفرج وقدامها صحن شيبس وسلطه ومافي مشاكل بينها وبينه طالما هي بعيده عنه فبتقدر تعيش بعيد عن ممارسته الضغط النفسي عليها اكلت بعد ماخلصت طلعت المطبخ تغسل الصحن.. شافته كانت بتغير رأيها وترجع بس كملت وارتاعت من شكله لها اكثر من يوم ماشافته تحسه ذااااااابل حيل ونحفان مو تركي نهائي كان بالاصح حطامه ''يارب استر وشفيه'' تجاهلته وراحت المغسله وقلبها يدق طبول خايفه من المنظر اللي شافته وتمت تغسل الصحن وكانت تسمع صوته ماتدري وش يقول بس كبريائها خلاها تطنشه.. خلصت ومشت من عنده ولكن يده استوقفتها !!!!!.. وفضولها خلاها تطالعه استقرت عيونها بعيونه اللي كان تحتها هالات سوداء.. ولاحظت استرسال شعره بطريقه فوضويه ونمو عوارض خفيفه اتصلت مع ما كان يسمى باالسكسوكه اللي حالت العوارض دون ظهورها تركي يالله يتكلم:ججوري جوري زادت ضربات قلبها: شفيك تركي:عط ط طششان نبرة صوته خوفتها وراحت مثل الآله تجيب له مويه ماقدر يمسك الكاس كان ينتفض حطت ايد ورا راسه والايد الثانيه فيها الكاس تشربه:سم بالرحمن شرب شوي و وخر راسه جوري بحنيه:تركي وش فيك هز راسه مو قادر يتكلم جوري زاد خوفها:تركي وش تحس فيه وش يوجعك ماتحمل قام رجع راسه ع الكرسي وبكى بحرقه وكانت تطالعه لأول مره تشوف ضعفه .. تركي الجامد الصلب صار ضعيف لا ويبكي... كان فوق راسها علامة استفهام كبيره وش صار وش اللي خلاه بهالحاله ليش يبكي معقوله حس فيني وأنبه ضميره علي اكيد اكيد والا ليش يبكي قدامي.. فرت دمعه من عيونها مهما كان ولد عمها وزوجها اللي تحبه جوري: تركي وش فيك طيب.. اشر ع المكان اللي يآلمك قام أشر لها على جواله اللي كان بجيبه طلعته من جيبه بيد ترتعش: ايه وش فيه طالع بعيونها وحست فيه انه يستنجد بس مو قادر يتكلم جوري:تبي ادق على عمي محمد؟ هز راسه لا جوري ماتمالكت نفسها وبكت:طيب قوووول والله خوفتني تركي:م م ششاري وغمض عيونه جوري:تركي تركي رد علي وتطشر على وجهه بالمويه بس مافي فايده خذت جواله وتدور اسم مشاري مشاري:هلا تركي من طول الغيبات جوري تبكي:لا انا زوجته انت مشاري مشاري بارتباك:ايه انا وش فيه تركي جوري:مدري قال لي ادق عليك والحين مايرد علي بسرعه تعال ..الله يخليك تعال وبكت مشاري:لاتبكين قولي وش فيه طيب؟ جوري: مااااااادري تعال بسرعه بيروح مني مشاري: استهدي بالله انا الحين جاي وجت توصف له البيت مشاري:ادل ادل الحين جاي وخذوه المستشفى وهي قاعده على اعصابها خايفه عليه ماتدري وش صار له بس احساسها يقول انه ندم ع اللي سواه معها وغروره منعه يعتذر ويعترف بغلطه.. ((رغم الجراح كانت تمشي في مسرات ووهم)) وقررت اذا قام بالسلامه بتسامحه من كل قلبها دامه اخيرا حس لكن ظاهريا لا ماراح تبين له.. تبي بتحسسه بالذنب شوي ((هذا تفكير جوري)) بعد مادخلوه الغرفه كان مشاري رايح جاي في الممر ويضرب كف بكف.. وكان يسمعها تدعيله وسط دموعها يارب قومه بالسلامه يارب مايجيه مكروه يارب تعافيه وتخليه لنا يارب يارب ما أبي افقده بعد فتره طلع الدكتور كان عربي وقفت جوري بتروح له بس مشاري اللي كان واقف كان اسرع منها وكلم الدكتور:ها دكتور وش فيه تركي الدكتور تجاهل مشاري وكلم جوري: اديناه ابره منومه ..يارشا اتمنى اول مايفوق يشوفك راح يرتاح كثير !!!!!!!!!!! مشاري تغيرت الوان وجهه وده يرقع بس عقله توقف يبي يفكر في أي كذبه عشان ينقذ صديقه بس لسانه انربط كلش وجوري تحسبه غلط في الاسم: ايش الدكتور: عمال ينادي عليك رشا ورشا خليك جنبه.. حالته صعبه اوقفي معاه .. حست الدنيا تلف فيها وقعدت مصدومه مشاري وده يصفق الدكتور ويحشره بصندوق.. واخيرا فك فمه:اكيد لانه تعبان يهذي بس هو وش فيه الدكتور:صدمه نفسيه.. وسوء تغذيه أدى لانخفاض شديد في الضغط مشاري مسك راسه:لاحول ولاقوة الا بالله طبعا عرف ان الصدمه سببها رشا: طيب نقدر نشوفه الدكتور: دلوأتي نايم ساعتين ويفوق مشاري:لا نبي ندخل الحين نتطمن الدكتور: بس بدون ازعاج لو سمحتوا ودخل مشاري وجوري وراه .. هي ماودها بس وش يقول عنها مشاري انها ماوقفت مع زوجها .. مسكينه كان في بالها انه مايعرف رشا اللي يهذي فيها تركي دخلوا عليه وكان زي الميت متغير كثير قعد جنبه تركي.. وجوري واقفه عند الباب مسك مشاري يده وكان متأثر مره فجأه تحرك تركي وكان يالله يطلع كلامه: رييو وششه و والله احبك وا ااحب التتر ررااب اللي تمششين عععليه جوري كأن واحد حط ايدينه على عيونها وشافت الظلام الدامس.. دموعها تجري مجرى الانهار على خدودها.. توها كانت تفكر فيه بالخير وان الامور بتتعدل وفي الأخير تنهان بهالصوره البشعه حتى وهو بهالحاله قاعد يهينها بدون مايحس والا الاحراج موقفها صعب قدام مشاري كانت تحس بقمة الذل والاهانه والاحراج المنقطع النظير.. شافت مشاري يضغط على ايده يسكته بس لاحياة لمن تنادي تركي نزلت دموعه:رششااا واللله احبك ياعمري يااااالله ياجوري مابقى فيها مكان ماطعن فيه ومشاري حس باحراج هو بعد مايدري وش يسوي لازم يصرفها مشاري:يا اختي يلا مشينا ماراح نستفيد شوفيه يقلب الحكي شكله شايف له فيلم جوري ماانطلت عليها الكذبه.. الدكتور قال رشا وهو الحين قال رشا واخيرا عرفتك ياالبطله المجهوله ماتدري تهنيها انها كسرت خشم تركي المغرور وطعمته من نفس الكاس اللي هو طعمها منه.. والا تندب حظها ان في وحده قدرت تسيطر على عقله وقلبه وهي واقفه تتفرج عليها مشاري:يلا يا اختي مشينا مشت جوري من غير ماتنطق بحرف ركبوا السياره هي ورا.. ووصلها لين الشقه وعند باب الشقه قال مشاري:اكيد جوال تركي معك اي شي تبينه دقي دخلت ولا ردت وكان مشاري مقدر الوضع دخلت غرفتها ورمت نفسها ع السرير بعبايتها وبكت بأقوى ماعندها: ااااااه ياعمي انت السبب وربي انت السبب وش سويت لك انت و ولدك وش سويييييييييييييييت لكم والله اني اضعف من اني اتحمل هالأشياء اللي قاعده تصير لي.. كنت شاكه ان بحياته احد بس ماتصورت ان علاقتهم متطوره لهاالحد وكنت اكذب هالشك واتناساه ليش لأني احبه عيوبه بعيوني مزايا بس اليوم خلاص كل شي انكشف.. خلاص ياتركي الحياه بيننا صارت مستحيله'' واستسلمت لنوبة بكاء عنيفه بكت ع المعامله اللي عاملها اياها بكت من طعون الاهانات القاسيه بكت من الكائن الحي اللي اسمه رشا والموقف اللي اذلها واحرجها قدام مشاري.. ندمت كثير على دموعها اللي ذرفتها خوف عليه ''والله ماتستاهل دمعتي ولاخوفي عليك'' .................... مشاري رجع المستشفى بعد ماصرف جوري وقعد بالانتظار على بال مايصحى تركي دق جواله شاف رقم عبدالرحمن مشاري:هلا عبدالرحمن عبدالرحمن:هلا مشاري.. وش اخبارك مشاري:الحمدلله وانت عبدالرحمن: ماشي الحال الا تركي ماشفته مشاري:ليش عبدالرحمن:مايرد على جواله له فتره وكل ماسألنا جوري قالت طالع مشاري: يمكن مشغول عبد الرحمن:والله انا بعد قلت كذا لامي بس مارضت .. الا تدقون وتوني داق على جوري مدري كم مكالمه ولا ردت ابد .. اخر شي قالت امي ندق عليك مشاري حاول يغطي ارتباكه: انا بأمره البيت وادق عليك عبدالرحمن:لاهنت ياخوي ولو ان فيها كلافه..بس هذي امي جنبي ماراح تنام الا لين يجي منك خبر اووك مشاري حس انه محاصر:ان شاءالله.. وقفل جته الممرضه تقول له ان المريض صحي وراح له على طول دخل الغرفه وكان تركي مركز نظره على النافذه مشاري:السلام عليكم مارد ولازال مركز نظره ع النافذه مشاري:كيف الصحه الحين تركي ساكت قعد تركي قدامه وبابتسامه:حمدالله ع السلامه برضه سكت مارد مسك مشاري كتفه:تركي كانت الدموع مغرقه رموش تركي طالعه بعيون يكسوها الحزن مشاري: لاتفكر بشي ابد..بس ارتاح تركي غمض ورجع ينام والدموع على خدوده .. مسحها مشاري ودعى له وانسدح ع الكنبه اللي جنب السرير.. هذا صديق عمره ماينفع يخليه وهو بهالحاله.. حط جواله صامت ونام ع الكنبه وهو يتذكر موقف جوري رحمها من كل قلبه... بعد4ساعات.. صحى مشاري شاف الساعه وشاف تركي يصلي.. راح هو بعد توضى وصلى.. بعد ماخلص قعد جنبه مشاري: ها شلونك الحين تركي:وش صار لي مشاري:ابد تعبت وجبناك هنا.. ريح بالك يابو الشباب صحتك ألزم ماعليك تركي تذكر اللي صار وبصوت مخنوق:بتتزوج مشاري:انت ناسي اني متزوج تركي:رشا بتتزوج مشاري انصدم ومسك راسه:اوووووف تركي:انصدمت؟! سكت مشاري تركي:اجل وش اقول انا مشاري يهدي الوضع: لاتتكلم خلاص قول الله يستر عليها بس تركي:مشاري ابي اتكلم حاس اني بنفجر ابي اطلع اللي جواتي تعبااااان مشاري:تكلم .. تكلم وانا اخوك وشرع تركي يحكيله كل القصه وكيف اتهمته رشا بإتهام غبي وساذج وغيرت ارقامها.. وانه دور لها بكل طريقه وسأل ربع له في الاتصالات يعطونه اي رقم بس مالقوا الا ارقام اخوانها وابوها.. وكلم واحد من اللي يشتغلون عند ابوه انه يتحرى عنها وجاب له الخبر اليوم ان زواجها بعد اسبوعين من ولد التاجر ابو ابراهيم وكانت هذي هي الشعره اللي قصمت ظهر البعير.. تركي دموعه تنزل:ااااااااااااه يامشاري باعتني برخص الاثمان ليتني صدقتك ليييييييييييييتني مشاري كان متأثر حيل: تركي ماتنفع ليت انت لازم تكون اقوى من كذا واللي باعك بيعه تركي:والله حبيتها من كل قلبي قسم بالله عشقتها بس الحين خلاص مو تركي اللي ينباع بهالطريقه انا اللي يبيعني ابيعه بتراااب مشاري:كفووو والله هذا تركي الصلب اللي اعرفه خلك قوي لاتخلي عذالك يوصلون لها انك تعبان من عقبها تركي:يخسووووون.. خلاص تركي الاول مات.. مشاري: شد حيلك واثبت لنا.. نبيك تقوم بالسلامه بسرعه وتترك المستشفى ترا ماهو الا للضعاف وانت قوي تركي:شرواك مشاري:وانا الحين طالع بروح البيت ابدل وبجي ماراح اتأخر.. وانت ريح نفسك فاهم تركي:ان شاءالله وطلع مشاري من عنده كان توه بيشغل السياره.. طلع جواله بيحطه ع العام شاف كذا مكالمه من عبدالرحمن :اووووه نسيت منه ياذا الفشله بس.. وماكمل كلامه مع نفسه الا وعبدالرحمن داق مشاري:هلا عبدالرحمن:والله اسف يامشاري.. امي جنبي هي اللي اصرت ادق والله اني خجلان مشاري:لا شدعوه انا اللي تأخرت عليكم العذر والسموحه وتركي بخير ماعليه شي عبدالرحمن يكلم امه:يمه يقول تركي بخير ارتحتي ام تركي تاخذ الجوال منه:السلام عليكم حط مشاري راسه ع الدركسون زي اللي انتهى امره هو يعرف ام تركي على طيبتها الا انها في هالمواقف محد يكذب عليها ويفلت:وعليكم السلام هلا ام تركي ام تركي بدون مقدمات:وينه تركي مشاري وضعه منيل بستين نيله جا بيكحلها أعماها: توني مريت عليه وقلت له يفتح جواله.. كان نايم ام تركي:نايم لأيام؟؟ مشاري: هااا بس ام تركي: مشاري اسمعني زين مشاري:سم ام تركي: الله لايحللك ولايبيحك اذا بولدي شي انت مغطيه مشاري رفع راسه وفتح عيونه:هااه ام تركي:اللي سمعته ويالله مع السلامه مشاري:لحظه خاله ام تركي:وش تبي مشاري: تترركي في المستشفى جبناه اليوم ام تركي:ياقلب امك ياتركي.. وش فيه.. والله كان قلبي حاس مشاري:خاله هدي نفسك والله العظيم توني طالع من عنده مافيه الا الخير ام تركي: ابي اكلمه تكفى ياوليدي مشاري:يا خاله انا حلفت بالله مافيه الا العافيه انتي نامي وارتاحي ومن بدري اذا صحيتي دقي عليه انا بجيب له جواله ام تركي حست براحه:زين ياوليدي الله يعطيك العافيه .. وقفلت .................... رن جوالها جت ترد عليه فصل شافت الساعه انصدمت معقوله نامت كل هذي المده وشافت المكالمات ثنتين من مشاري و3 من طارق وثنتين من ابوها فتحت عيونها زين ودققت في الأرقام :ياااالله وبعد من عمي وندى ومن امي وريم وندى وكل العايله يالله لايكون تركي صار له شي طعون مآسي آلام دموع قهر تحطيم معنوي ذل اهانه احراج ((يالرغم من هذه المشاعر اللي تشعر بها داخلها وقد احدثت جراح جسيمه إلا انها تفكر فيه حتى آخر لحظه)) دلعتكم اليوم من قدكم كل اللي ابيه التفاعل فديتكم *وش تتوقعون دور نادر وريم في الروايه؟ *هل بيتوصلون لحل؟ والسر وش تتوقعون يكون؟ *وش تتوقعون صار لتركي؟؟ *وش تتوقعون تكون معاملة جوري له بعد اللي صار؟؟ *وليش الكل داق عليها وياترا وش تتوقعون يكون السبب الرئيسي ورا هالاتصالات؟؟ قراءه ممتعه تهمني تعليقاتكم وتوقعاتكم .. .. .. |
البارت الثامن ملاحظه: تذكير بالعائله للي ماحفظها ابوفيصل (( عياله فيصل حمد ساره دانه نوف)) ابو تركي ((عياله تركي عبدالرحمن نادر منى ندى)) ابو طارق ((طارق خالد جوري ريم)) ................ ................ في المقهى كانوا الشباب متجمعين نادر وحمد وخالد مع اصدقائهم منذر متعرفين عليه من شهور.. وفواز صديق طفولة نادر شخص حبوب وفرفوش وعلى نياته واللي فقلبه على لسانه حمد:خلاااااص جبتولي الصداع منذر:هههههههه سلامتك يعني اني محترم حمد: لابس لاتنسى عندنا خوات نادر:اي والله صادق خلاص قفلوا الموضوع فواز:لحظه لحظه جبتوا طاري ال..... الكل:اووووووووووووف فواز:ههههههههه والله بس باقي هذا وبعدين نقفله لساني يحكني لازم اقول نادر: فوازوه خلاص مافي بنت الا وتكلمنا عنها خالد: لا لا خله يقول خل نستانس منذر: تفضل فواز افصح فواز: جبتوا طاري ان البنات حيات من تحت تبن تدرون ان هالمثل واقعي نادر: مو كلهن فواز: داري يالوح بس تخيل وحده تكلم خويها قدام اخوها نادر:اما عاد كثر منها فواز:والله تكلمه على انه بنت خالد: ومايزل لسانها فواز:لا تعودت خلاص زي اللي يكلمها منذر ولايوم قد غلطت حتى يقول لها اذا صرتي بلحالك كلميني ع اساس اني رجل ودي احس برجولتي شوي قالت له خلاص تعودت الكل:هههههههههههههههههه الا منذر لاحظوا انه ارتبك وحمر وجهه حمد: اوووووخس يالبا يستحي فواز:ههههههههههه والله كذاب مايستحي قبل فتره جمعنا حنا يالشباب وكانت تكلمه وهو حاط سبيكر خالد تحمس: تكفى تكفى علمنا وش قالوا منذر : فواز يلا مشينا خلاص وبعدين وش دخلك نادر: فواز ماعليك منه اسدح السالفه هههههههههه فواز: اذا بديت في سالفه لازم انهيها خالد: يلا عطنا فواز: ايه المهم كانت بارعه والله لو اني اخوها وهي تكلم جنبي ماشكيت ابد فيها.. بس الحمدلله ماعندي خوات المهم اخذهم الغزل منا ومنا كانت فووووولاه والله جازتلنا رومانسيتها خققققق خالد:ياسلاااااام كل هذا يطلع منك يامنذر فواز: بس العيب فيها تتكلم في اهلها يعني اسرار بيتها كلها تقولها لمنذر منذر ارتفع ضغطه: فواز ياااااهووووه خلاص انطم وش دخلك انت نادر: ياخي تستاهل انت اللي كلمتها قدامهم وش اللي وش دخلهم فواز كان ساذج وعلى نياته: على نفسها جنت براقش بكمل السالفه الله لايعوق بشر.. وين وصلنا والشباب يضحكون خالد: عند اسرار بيتها تقولها لمنذر فواز: ايه ايه تخيل ان ... منذر:فواز وقسم مالك داعي ياخي حس على دمك شوي وانلدم.. خليتني اندم اني قلت لك خالد: مافي احد غريب خل الرجال يتكلم والشباب فاقعين ضحك على منذر كان وجهه متلون فواز: والله لو اني ادري انه سر كان انطميت بس شباب الاستراحه كلهم يدرون لدرجة انهم ينتظرون الوقت اللي تدق عشان يلتفون حولك ويسمعونها...!! منذر بدا جبينه يعرق وكان صدره يرتفع وينزل من قوة تنفسه ودقات قلبه يبي يتكلم مو قادر حمد: اجل الوعد قدام ضيفنا مع الشله نبي نستمتع .. تحمست فواز: تصدق اكثر من مره اقول له عطني رقمها يرفض يقول هذي بنت حموله ووراها رجال لو يدرون محونا من على وجه الارض سألته من بنته رفض تماما يقول... منذر: فواز اتفل ابليس ترا لسانك بيوديك في تهلكه وراح نخسر بعض نادر:تعوذ من ابليس مو لهالدرجه والله هالبنت حماره تستاهل وين اهلها عنها ما اتوقع بنت حموله الا بنت شوااااارع فواز: تكره اهلها طبيعي تنجرف ورا هالطريق وشكل العيله كلها خربانه خالد: في احد يكره اهله فواز: اقصد اعمامها وعيال اعمامها تكرههم لدرجه ماتتصور.. حتى اذكر مره طلع يكلمها برا وانغبنت واااااااجد يوم جا وشافني ضايق قال مافي رومانسيه بس عطته موجز عنهم هههههههههه والله انا بنفسي كرهتهم من اوصافهم وفطست يوم قال لي انها تقول اعمامها متخلفين وعيالهم كتله من الغباء هههههههههههه فصيحه والله حمد:هههههههههههههههههههههههههااااي ومات الشباب ضحك الا نادر ومنذر نادر كان زي البركان انفجر جواة صدره تذكر هالكلمه وجواله بيدينه من كثر ماضغط عليه كان بينكسر عرف ان البنت هي ريم واللي اثبت اكثر نظرات منذر كان خايف ومرتبك ماتحمل النظره القاتله اللي موجهها له نادر وخايف فواز يجيب العيد ويذكر ماكان اعظم فواز: شكلي تماديت<<< لاياشييييييخ منذر: صدق من قال لكل داء دواء يستطب به الا الحماقه اعيت من يداويها... وطلع مسرع ركب سيارته ومشى نادر مصدوم: انا بمشي!!! حمد:خذني معك لاهنت خالد: عن نفسي بقعد اسمع الباقي هههههههه نادر مايبيه يقعد: لا امش معنا ابيك بشغله فواز: اذا'' اروح البيت اصك امها نومه نادر تراجع وحب ينفرد في فواز قبل لاينشر السالفه عند غيرهم: لا لحظه ابيك.. شباب روحوا السياره الحين بجي خالد: ياشيخ مناك بس تبي تعرف التكمله هاا نادر عصب: اي تكمله واي زفت انت بعد خالد: لاتنافخ انت و وجهك قول من البدايه تبي تصرفنا قرب منه نادر وتشابكوا بالايادي حمد وفواز قاموا يفكونهم حمد: شباب اهجدوا شفيكم نشبتوا في بعض خالد: انا ادري عنه فواز: نادر تعال معي وانت ياحمد خذ خالد وتوكلوا خالد: انا رايح واشبع بالسالفه.. وراحوا فواز: وشفيك ياخوي هبيت هبه وش صار نادر مسك دقن فواز: طلبتك فواز: تم نادر مبين عليه الضيق: انا ادري ماعندك خوات بس طلبتك لاعاد تطلع هالكلام لأحد طلبتك يافواز فواز بقق عيونه: نادر شفيك نادر: مافيني شي قد كلمتك انت يوم تقول تم فواز:قدها وقدود بس وش دخلك بالسالفه يعني ماجت الا على البنت ذي نادر:فواز خلاااااااااااص قد كلمتك والا لا؟؟ فواز:قددددددها بس تعال لايكون البنت تطلع أخ نادر:لالالالالالا فواز: اجل .. لاتغطي علي والله انا عمري ما أفشيت لك سر انت بالذات نادر:ادري والله ادري فواز: يعني هي أختك نادر: الله لايقوله والله لأدفنها حيه ...بس هذذذي تطلع اخت خالد وسألتك بالله مايطلع لأحد فواز مسك راسه من قوة الخبر والاحراج : والله اسف اسف اسف ماكنت ادري منذر ماذكراسماء كان حريص على هالشي... والله مدري وين اودي وجهي منك.. والله مستعد اصلح الغلطه نادر: خلاص ماتتصلح بس كل اللي ابيه منك تكون بالمرصاد لمنذر اوقف له زي العظمه في البلعوم لاتخليه يتكلم عنها قدام الشباب والباقي خله علي فواز:ماطلبت شي.. طيب تهقى خالد عرف نادر: لا ما أتوقع فواز: وانت ليش متأكد انها اخته نادر: انا سمعتها مره كانت تكلم على اساس بنت ونفس الكلام اللي قلته سمعته بإذني يوم تقول و... وفجأه وقف كلام: تدري شلون قفل ع الموضوع تكفى ...وانا بروح ولا اوصيك فواز: والله العظيم مايطلع خذها كلمه وانا اخوك وتوجه لسيارته شاف حمد وخالد واقفين لانهم جايين معه خالد باستهزاء: خلاص عرفت السالفه نادر:ترا مانيب رايق لك حمد: لاحول ولاقوة الا بالله يلا بس خل نركب خالد: والله حقاره نادر: حمد اركب وانت ياغبي خذ لك ليموزين عشان تشوف الحقاره على اصول خالد:ابركها من ساعه ................. بعد ماوصل نادر حمد بيته راح للبيت على اساس يرتاح بس للأسف ما ارتاح هو لآآآآزم يقول لطارق عن مصيبة ريم ويوقفها عند حدها ويقص لسانها.. دق عليه يتأكد اذا كان في البيت وطلب منه يقعدون بالخيمه لأنه مايبي اي احد يسمع حرك سيارته وهووووا راح له دخلوا الخيمه وبدون مقدمات سرد القصه من الألف للياء مسك طارق راسه كان يحس بصداع نادر: انا اسف والله بس انت لازم تتصرف الموضوع خطير طارق: ابوي لو يدري احتمال ينجلط نادر: فال الله ولا فالك لاتقعد تتشائم خل ندور حل لهالمصيبه طارق: ذابحها ذابحها نادر بسخريه: ايه شاطر جبتها يالذكي وبعد ماتذبحها ؟ طارق معصب: بالطقاق وشو يعني بدخل السجن لاني اول شخص ولا اخر شخص بالدنيا اهم شي ابرد قلبي وهالنجس والله لا اوريه اجل بيوطي روسنا نادر: يابن الحلال مو حل خل نفكر قبل لايتفاقم الموضوع طارق: وش افكر عقلي خلاص طار ..ماتوقعت ريم ابد توصل فيها الدناءه وتسوي هالاشياء والا تنقل كل شي عننا عند غريب نادر: ابي اعرف ليش تكرهنا وش سوينا لها ليش تفتري علينا وتحط اشياء ماهيب فينا وليش تسب اعمامها بهالطريقه.. انا ماهمني منذر الوقح بس خوفي تقوله لأحد من جماعتنا وينتشر والله مشكله كبيييييره طارق: صدق ان العرق دساس!!!!!!!!!!! نادر:وش قصدك.. هو انت تدري؟؟؟؟؟؟؟؟؟؟؟؟ قطع عليهم دخول خالد وتفاجأ بوجود نادر كشر بوجهه: وش جايبك هنا يا اللئيم طارق: خالد احترم نفسك وعدل كلامك نادر: اتركه عنك اخوك مريض خالد:والله انت المريض ياوصخ والا اذكرك بالحركه اللي تو في المقهى طارق عارف كل السالفه عشان كذا واقف مع نادر: تراك زودتها وبعدين معاك.. اطلع من هنا نادر: خلاص خله ورع ماينشره عليك انا طالع طارق: والله ماتطلع وهو اللي بيطلع خالد: لاياشيخ كل تراب طارق من زود ماهو معصب عطاه كف خلاه يطيح من طوله وقف نادر بينهم:خلاااااااااااااص انتواا وشفيكم .. خالد:تمد ايدك ياحيوان تمدها طارق: خالد اذلف والا ترا بيصير شي اليوم تندم عليه تطول حياتك.. وقعد من قوة توتره نادر :خلاص لاتكبر الموضوع روح خالد ياخذ سيخ من المنقد: يمد يده علي انا اوريه وتشابكوا الثلاثه نادر كان ماسك بحذر مايبي احد يتأذى وطارق يبي يدافع عن نفس وبكل قوته ماسك السيخ اما خالد كان يبي يرفعه عشان يضرب راس اخوه وخلال ماهو يبي يرفع ايده آآآآآآآآآآآآآآآآآآآآآآآآآآآآآآآآآآآآآآآه واحد منهم اطلق هذي الصرخه المروعه ............... في لندن بعد ماشافت اتصالات مشاري واهلها ..من خوفها دقت على اقرب واحد من تركي مشاري:هلا اختي جوري ماتبي تبين خوفها: شفت لك مكالمات مشاري:ايه معليش ع الازعاج تبين تجين المستشفى جوري:ليش تركي صار له شي تركي:لا الحمدلله زين بس قلت اذا تبين تزورينه جوري: الخير والبركه فيك مشاري نغزه قلبه: وبوجهك ها تبين تجين اجي اخذك جوري:لا مايحتاج تحمد لصديقك بالنيابه عني.. احتمال يطلع وانا في الرياض مشاري:شلون جوري:بكلم اهلي يجون لي ياليت تبلغه مشاري مايدري وش يقول:ان شاءالله.. وقفلت.. رجع دق جوالها فكرت مليون مره تقول او لا.. تشكي او تسكت رجعت شعرها ورا ورفعت راسها فوق ماتبي دمعتها تنزل هذي هي الانسانه الوحيده اللي ماكانت تبي تكلمها تخاف تضعف قدامها بس الاحترام يفرض عليها جوري:الو ام تركي: السلام عليكم جوري:وعليكم السلام هلا خالتي ام تركي بيفضحها الارتباك: و وش اخخبارك جوري تدافع العبرات واضح من صوتها: بخير ام تركي ارتاعت: جوري وش فيك ليش تصيحين جوري:مافيني شي سلامتك ام تركي بخوف قوي: كلموك اهلك؟! جوري:لأ ليش ام تركي ارتاحت: هاا لابس .. طيب ليش تبكين ياقلبي جوري''اقول لها انا ابكي بسبة ولدك اقول لها انا متضاااااااااايقه من اللي صار لي والعذاب اللي عشته والا اقول له عن رشا'' وتنهدت ام تركي: ياروحي انتي تكلمي وشفيك ليش هالصياح طيب متأكده اهلك ماكلموك جوري بلا مبالاه: شفت لهم مكالمات بعدين ادق عليهم ام تركي حمدت ربها : طيب شفيك ترا عقلي بيطير جوري قررت خلاص تشكي وتصرخ بأعلى صوتها: تركي .. وبكت ام تركي: ياحبيبتي انتي لازم تكونين اقوى من كذا جوري خافت لايكون درت باللي سواه :اقوى من ايش ام تركي: تركي مافيه الا العافيه لاتحاتين يمه مشاري كلمنا وتطمنا كفكفي دموعك فديتك جوري نزلت دموعها كانت تأشر براسها لالالالالالالالالا كان ودها تنطقها بس طلعت شهقة البكا محلها ام تركي:لايمه لاتصيحين انا امه لو ادري الصياح بيفيد كان صحت بس مشاري طمني وحلف بالله انه بخير وانا بعد كلمته وقال لي كم يوم يطلع ام تركي كانت تتكلم وجوري عاضه ابهامها ماتبي ام تركي تسمع قوة صياحها ام تركي:قومي غسلي وجهك كفي صياح والله انا مايعزيني الا انك جنبه كفايه خوفك عليه ودموعك الغاليه جوري: ان شاءالله.. وعضت المخده قهررررر هي وين وخالتها وين ام تركي فسرت بكاها خوف على تركي وهي تبكي على نفسها واللي جاها من تركي ام تركي:جوري جوري:سمي ام تركي: شوفي حبيبتي اا اان جوري:شفيك خاله ام تركي:والله مدري وش اقولك بس خليك قويه واصبري جوري سمعت ربكة ام تركي وحشرجة صوتها: خاله توك كنتي تهديني على تركي خلاص ماراح يصير الا كل خير ام تركي: والله مادقيت عشان تركي بس ابوك قال لي اخبرك عن شغله توقعت اني اكون قدها جوري:خاااااله وش صاير تكفين ام تركي: كلمي طارق انا مانيب قادره اقول جوري:خاله أ.. ام تركي:ابد لاتحاولين والله ماعندي القدره والله يعينكم.. وقفلت جوري دقت على اهلها مافي رد كانت خايفه كل الخوف وتدعي وش اللي صار ................. ................. ابو فيصل:لا وانا خوك هذا غلط ابو طارق: والله ماعاد دريت وين عقلي ابو فيصل: لا حرام عليك البنت في ديار الغربه حرام تشغلها عليكم.. وتوصل لها هالخبر ابو طارق يمسح دموعه بطرف شماغه: انا قلت لام تركي تكلمها الحق عليها قبل تقول لها ابو فيصل: ولايهمك انا الحين بدق ابوفيصل:الو عبدالرحمن شهق: لا لا لاتقووووول مات ابو فيصل: اذكر الله لاتتفاول بالشر مابعد طلع من غرفة العمليات.. بس ابيك تقول لامك خلاص لاتقول لجوري وكلكم لاتطلعون الخبر.. لا احد يجيب لها طاري لين ترجع عبدالرحمن: زين عمي على امرك انا ببلغهم .. وقفل جا فيصل مسرع فيصل: يبه عمي هابشروا وش صار ابو فيصل: هذا هو داخل له ثلاث ساعات والدكاتره معه ادعي له فيصل: الله يقومه بالسلامه.. ابوطارق:امين يارب اميييييين فيصل: وين الشباب ابوفيصل: بالانتظار.. بس اسمع انت بعد خبر البنات وقول لهم يقول ابوي والله ان يروح هالخبر لجوري ماتلومون الا انفسكم فيصل: ان شاءالله ..ورا ح شاف اثنين مافي الا هم قاعدين بالانتظار.. ماميزهم من بعيد لانه مو لابس نظارته وقام واحد منهم وعلى طول في حضن فيصل:انا السبب والله يافيصل انا السبب فيصل: لاحول ولاقوة الا بالله والله لو انكم بزران الحين وش استفدتوا هذا هو خالد بين الحياه والموت طارق: لاوالله مو انت السبب.. هو اللي كان و... فيصل: هو محتاااااااااج دعائكم بس في هاللحظه خلوا الامور هذي بعدين وراحوا كلهم عند ابو طارق وابو فيصل بعدها بساعه جا عبدالرحمن وحمد وبعدها بربع ساعه وصل ابو تركي ابو تركي:السلام عليكم الكل:وعليكم السلام ابو تركي:باقي في غرفة العمليات؟؟ ابو فيصل: ايه الله يستر ابو تركي: تو ام تركي علمتني وش هالخبر الشين وش صار ابو فيصل: بعدين يا محمد ابو تركي مصر: لالالا الحين ابو طارق: الله يلعن الشيطان تذابحوا العيال ابو تركي بحزم: ماشاءالله خوووش والله وش حكاية السيخ بعد طارق: دخل علي انا ونادر وقام يتلفظ عليه طلبت منه يطلع برا رفض وتلفظ على نادر انا ماعجبني.. تهاوشت معه ومديت يدي عليه وهو ماتحمل خذا السيخ ويبي راسي .. بس كلنا الثلاثه مسكنا السيخ واللي يجر واللي يسحب اخر شي سحبه بالقوه .. وطاح عليه وانغرز راس السيخ في بطنه ابو تركي: والسبب؟ طارق: سبب وشو ابو تركي: سبب هالخلاف طارق: أ أ أ ابو تركي: شوف هي ماتوصل لهالمواصيل الا في ثلاث حالات يا إن السبب مخدرات او انكم سبيتوا خوات بعض والا ان هالهوشه بسبب بنت هوى!!! كل الشباب طيروا عيونهم من جرأة ابو تركي ابو تركي: لاتبقق عيونك انت وياه.. ترا عارف هالحركات اخلصوا علي.. لاني اذا مادريت منكم بالسبب والله ان تطلعه الشرطه غصبا عنكم خافوا المعنيين بهالكلام وكل واحد يهيئ نفسه للكلام بس مالقى اجابه لأن الدكتور طلع ابو طارق فز: مات؟ ابو فيصل:اذكر الله ياعبدالله الدكتور: لا تم السيطره ع الوضع والجرح ماراح اقول بسيط .. بس الحمدلله ماوصل للاعضاء اللي كان السيخ قريب منها وبقدرة قادر نجا ابنكم ابو طارق:الحمممممممدلله الحممممممدلله الدكتور: طبعا لازم نبلغ الشرطه انتم تقولون انه هو سبايب اللي صار يعني انتحار واذا القصه مزعومه واحد سوى له كذا فهي محاولة قتل ابو طارق: انتحار ومحاولة قتل الدكتور: نعم.. وللأسف مضطرين نبلغ الشرطه ابو تركي: دكتور تعال ابيك شوي وبعدوا عنهم شوي.. وقال له كم كلمه ومن هنا ومن هنا اقتنع الدكتور الدكتور: والله يا استاذ محمد لولا مكانتكم الاجتماعيه كان وصلناها للشرطه.. بس ما اقدر الحين اعطيك كلمه.. اذا فاق المريض يصير خير ............. جوري لازالت تحاول على اهلها والكل رافض يرد''اللهم اجعله خير'' واخيرا دق ابوها اثناء ماهي تحاول تدق عليه جوري:هلا يبه ليش ماتردون ابو طارق: وش صاير.. ماصار شي نايمين يبه جوري: طيب قبل ساعه كلمتني خالتي لطيفه خوفتني عليكم وش صار لاتخلوني زي الاطرش في الزفه.. وصوتك مايطمن ابو طارق: تبين الصراحه الوضع سيئ جوري:يبه وش صاااااار وخذا طارق الجوال:الو جوري جوري:عطني ابوووووووووووي وش فيه طارق: هدي هدي واحد من موظفينه لعب في الحسابات وضيع عليه مليونين ريال وتونا جايبين ابوي من المستشفى ارتفع ضغطه جوري: الله لايوفقه بلعنه الفلوس بس اهم شي ابوي طارق: مافيه الا العافيه.. حنا رجعنا البيت ولازم يرتاح جوري:ايه تكفى طارق خلك جنبه وقول لامي تداريه و ... طارق:جوري حبيبي تعلمينها بشغلها.. انتي ماعليك ارتاحي وانا بطمنك من وقت لوقت.. وقفل منها والتفت لابوه وحب ايده:يبه والله اسف مرضتك وكذبت قدامك ابو طارق: مسموح ياوليدي زين ماسويت.. حاولوا تتكتمون ع الامر لين ترجع طارق: ان شاءالله ............... بعد ايام في المستشفى حالة تركي تحسنت وشاف الدكتور ان قعدته مالها لازمه فكتب له خروج تركي كان جالس ع الكنبه ومشاري يرتب ملابس تركي ويحطها في الشنطه تركي:والله مدري كيف ارد جميلك ووقفتك معي مشاري:باااااااااااايخ تركي ابتسم مشاري:خل عنك كلام الشياب ذا سامع تركي:والله لوما الله ثم انت كان ضعت مشاري يمسك كتف تركي:اخوي واغلى من اخوي شلون ما اوقف معك تركي: مو مثل اللي يسمونها زوجتي وصل حقدها انها ماتطل علي قعد مشاري جنبه:تركي بقولك شي واسمعني للاخير تركي:اكيد نصايح مشاري:ماعاد تنفع النصايح وضعك صراحه حررررج تركي:شلون مشاري:اسمعني للاخير ولاتقاطعني تركي:اسلم مشاري: اليوم اللي تعبت فيه دقت علي جوري تركي:وشششو دقت مشاري:ياخي لاتستعجل اسمع تركي:زين مشاري: انا على طول حركت وجيت اخذتك كانت تبكي والله ياشفت خوف يعيونها ماقد شفته بعيون احد .. واللي فهمته منها انك تعبت بالحيل وانك طلبت منها تدق علي وهي دقت على طول.. اول مادخلوك الغرفه ودخلوا الدكاتره طول الوقت تبكي وتدعي لك قطعت قلبي والله ورفضت ماترجع البيت الا عقب ماتشوفك وخفت عليها لاتنهار هي الثانيه تركي:لا انت تقول كذا تبرر لها عشان مازارتني ولا وقفت معي مشاري: ابرر لوحده ما اعرفها صاحي انت.. والله هي اللي دقت لوما عناية الرحمن ثم هي كان الله اعلم بحالك.. وبعدين يحق لها ماتزورك اذا تبي الجد تركي:والله انت اللي منتب صاحي ناسي اني زوجها شلون يحق لها مشاري:ياخي والله يإنك فضحت روحك.. حتى انا وجهي صار صغره كذا ويأشر بيده تركي:لا تهبل بي وش صار مشاري: طلع الدكتور ................ وسرد له كووووووووول الحكايه تركي:يااااااااااااااالله مشاري:والله بغيت ابكي على حالتها وربي اخنقتني العبره وانا اشوفها واقفه متكتفه وانت ماخليت شي ماقلته وهي تطالع ساكته وحسيتها تبكي ومحرجه مني تركي:عشان كذا ماجت ياااربي انا وش سويت كله عشان رشا اللي باعتني مشاري: رشا باعتك مرتين بس انت ويا قلبك الغبي تركي:والله غبي وصاحبه غبي يعني المفروض ما أنسى اول موقف لها وتجي تكمل بالثاني... حسافه يارشا والله حسافه مشاري:تروك هذا مو وقته تلوم نفسك انت المفروض تلحق على جوري قبل تطير من ايدك ومن لندن تركي مو مستوعب: هااااااااه مشاري:هي قالت لي ابلغك انها بتكلم اهلها يجون لها ويمكن تكون طلعتك من المستشفى بعد سفرها تركي:قوووم يامشاري وصلني قبل تروح هي ناويه تذبح ابوي والا وش قصتها مشاري:يعني هي ماهمتك تركي:محد يهمني غير نفسي ........... في بيت ابو طارق ام طارق:ياحبيبي ياخالد ليته فيني ولافيك ابو طارق:يابنت الناس عيني خير.. الدكتور قال انه بخير ام طارق:من وين بيجي الخير وهو بين الحياه والموت .. وليش تاركينه بلحاله طارق: ابوي انتي داريه فيه الضغط ومايتحمل يقعد اكثر.. لذلك اصر عمي محمد ارجعه البيت.. وانا ببدل وارجع ام طارق: ااااه ياخالد فديته ماتهنى بشبابه طارق: يمه تعوذي من ابليس ان شاءالله بيقوم بالسلامه.. ابو طارق: انا القاها منين من طيحة خالد بالمستشفى والا جوري فديتها طارق: والله كاسره خاطري من تو كلمتني تبيني قطعت قلبي تبيني اروح لها يبه ام طارق: وش تروح لها انت الثاني والله لو انها ورا الحاره.. تبون تجننوني كلكم بتتفرقون طارق:لحظه لحظه انا الثاني؟؟ ليش من الاول ام طارق: من غيره ابوك ..والله كان بيحجز يروح يجيبها طارق طالع ابوه:لا انا بروح ريم:انتوا وشفيكم ترا الامر مايستدعي.. شايفين خالد بالمستشفى وعادي بكل بساطه بتروحون ام طارق:لاتزيد همي ياطارق اختك بإذن الله مافيها الا العافيه.. خلك مع اخوك اللي حالته اصعب ابو طارق: يا ام طارق خايفين عليها ريم:رجلها بالمستشفى طبيعي تخاف عليه وتبكي ابو طارق: والله يابكاها في اذني ماقدرت انساه اول مره تبكي كذا طارق:انا ماتمالكت نفسي دمعت عيوني ريم اللي كانت تهدي فيهم قاعده جنب ابوها غطت وجهها بيدها وبكت ضمها ابو طارق: يبه لاتبكين ..شكلنا كبرنا السالفه وجوري بخير ام طارق: يااااااااارب انها بخير يااااااااارب اشفي وليدي ابو طارق:الله يجيب الخير ............... في لندن مشاري وصل تركي الشقه ولزم عليه الاخير يدخل بس ماطاع يبيه يرتاح بروحه دخل الشقه كانت هدوء اتجه لغرفتها على طول اتجه لغرفتها وشد على مسكة الباب وتفكيره في حاجتين يا انها جالسه فيها او انه بيشوفها فاضيه اخيرا فتح الباب اول مره يدخل الغرفه بعد ماتأثثت شاف ملابسها ع السرير .. ارتاح شوي '' وين راحت ذي شكلها تتسبح''.. وفجأه طلعت من الحمام كانت لابسه قميص تحت الركبه ورافعه شعرها بطريقه مهمله شافته قدامها طنشته وقعدت ع التسريحه تدهن ايدها ورجلها بلوشناتها تركي كان مجهد قعد السرير بحيث يشوف وجهها في المرايا وهي نفس الشي تركي بهدوء:مافي حمدالله ع السلامه جوري:حمدالله ع السلامه تركي:الله يسلمك جوري: ابي انام تسمح! تركي:خذي راحتك جوري قامت تفتح الباب فهم تركي الحركه ''يعني اذلف'' تركي:بس قبل ما اروح بسألك ليش غيرتي رأيك عن السفر جوري ماتحملت السؤال كيف بتجاوب عليه قعدت عند الباب رفعت رجولها وسندت راسها ويدينها على ركبها زي الاطفال تركي حز بخاطره شكلها مهما كان هي انقذته وهو حطمها قام لعندها وقعد قدامها مسح على شعرها تركي:خلاص قومي انا طالع.. ارتحتي جوري توخر ايده وترفع راسها وعيونها كانت حمر: اللي بيريحني الطلاق.. تركي:طلاق!!! مافكرتي في اهلنا ابوي ابوك امي امك جوري: صح بيزعلون علي لان ماراح يعجبهم اني احمل لقب البنت الوحيده المطلقه في العائله بس لازم يرضخون للي ابيه .. يعني لمتى وانا اجامل على حساب نفسي ومتحمله اهاناتك.. تركي ركز على كلمة طلاق:جوري وش طلاقه الظاهر استخفيتي والا انطفقتي جوري: والله هذا هو الحل لان اهانتك لي والله حتى عدوي مايرضاها عاد مابالك اذا رجعنا السعوديه تركي: مع انك سبب البلاوي اللي انا فيها الا اني راح اعاملك زين قدامهم.. مو عشانك عشان ابوي بس والا انا للآن عايفك مو معناه انك انقذتيني يعني بسوي فيلم واتغير وارجع واقول سامحيني وخرابيط جوري: والله لو علي ما اقعد معك دقيقه وحده ماكسبت منك الا كل هم وحزن بالذات بعد ماعرفت السبب اللي كنت تكرهني عشانه.. اللي سمعته في المستشفى اكبر من اني اتحمله.. طلعت غرقان لشوشتك ومكرس حياتك لها... وبكت تركي عصب :كيييييييييييفي !! ابفهم انتي ليش تحاسبيني جوري تقاطعه وسط بكاها ودموعها صوتها مخنوق مره:لااا تفكر هالدموع غيره.. لاوالله ياتركي هذي دموع شفقه على نفسي لانك كارهني ومو طايق اي شي مني بسبب اللي تحبها وطول وقتك اهانات فيني.. تركي مايدري وش يقول:طيب انتي بعد ماقصرتي اهنتيني.. لاتمثلين انك بريئه جوري:انا طول عمري محد قد شاف مني اهانه ومحد قد اهاني بس انت زودتها معي وانا اخذت حقي بلساني .. القطوه وهي القطوه برغم انها اليفه بس والله اذا احد داس ذيلها تاخذ حقها .. ماتوقعت نصيبي بيكون كذا.. الله يسامح عمي اللي اجبرك تركي وقف وحط يده بجيبه والثانيه على شعره: صراحه انا راجع تعباااااااااااااان وانتي نكد .. من الاخير وش المطلوب جوري: كنت بطلب الطلاق بس في اخر لحظه سمعت صوت امك وماهان علي اكسر بخاطرها رغم المعاناه الللي انا فيها تركي:وش دخلها امي جوري:سمعتني ابكي قعدت تهدي علي تدري ليش؟ يوم حست بانهياري وبكاي تحسب هالانهيار من خوفي عليك وحبي لك والله استحيت اخيب ظنها فيني وهي اللي عادتني مثل البنات وازود.. شفتها صعبه صعبه صعبه اكسر بخاطرها وهي اللي عمرها ماقد كسرت خاطري لو بنظره .. بدعس على كرامتي عشانها وعشان اهلنا.. والا انت خلاص ما أعتبرك شي تركي باستحقار: ليش كنتي تعتبريني شي جوري:انتهى كلامي معك ياليت ماعاد اشوف رقعة وجهك في غرفتي تركي: تقديرا لسوء حالتك راح اتغاضى ومو انا اللي احد يعاملني بدون احترام جوري: لو سمحت خلني بروحي تركي: زين جوري رجعت تبكي:الله يسامحك ياعمي انت السبب باللي انا فيه وقف تركي عند الباب:ويسامح ابوك هو بعد له يد في اللي احنا فيه لاتنسين انه اجبرك علي هو الثاني جوري على وضعها:والله ياتركي محد اجبرني .... انا كنت راضيه فيك ... واعترف اني كنت اتمنى اليوم اللي نكون في لبعض.. كنت راضيه فيك تركي مذهول:وليشش واللي سمعتيني اياه وين اللي قالت تكرهني جوري:بغبائي كذبت الكذبه وصدقتها انا حتى عدويني ما اعرف اكرههم.. تركي:وليش كذبتي جوري:كل يوم تحسسني اني ولاشي حتى كرهك لي باين في عيونك مابيك تحس انك الوحيد المجبور على هالزواج ضروري اكذب.. صعب الانسان يحس انه دخيل على احد اول مره تركي يتأثر من كلامها كان حاس بصدقها: طيب ان..... جوري:خلاااااااااااااااص .. طلبتك تطلع.. الكلام ماعاد ينفع بشي قدر تركي الحاله اللي هي فيها وطلع ودخل غرفته.. ''لا ................ مرت الايام على تركي وجوري بدون اي تصادم كان يتحين خروجها من الغرفه عشان يسألها اذا تبي شي او اكلت مهما كان هو زوجها ولازم يصرف عليها ولكن كبرياءه مايسمح له يروح عندها الغرفه ويسألها وله كم يوم ماشافها واليوم سمعها قفلت الباب الظاهر طلعت خذت شي من المطبخ ورجعت طلع بسرعه يبي يصادفها بس مالحق.. وهو تعدلت حالته ورجع وزنه وكان يتخذ علاجاته بنفسه مايبي يرجع الرياض وهو ذبلان عشان مايوصل لرشا الكلام انه تعبان من عقبها هذا كلام مشاري اللي حفزه يكون قوي دق الجرس راح فتح سميره:جيت بوقت غير مناسب تركي:لا عادي تبين جوري سميره:والله ياليت صار لي مده ماشفتها تركي:طيب ادخلي هي بغرفتها دخلت سميره ومشت وشافت غرفة النوم مفتوحه جت تدخل تركي:لا لا الغرفه الثانيه سميره:اووه سوري وراحت الغرفه الثانيه طقت الباب مافي رد تركي:ادخلي عادي.. شافها تدخل وهو نزل يتمشى يبي يغير جو دخلت سميره وتفاجأت غرفتين نووم غريبه سميره:مساء النور قامت جوري تسلم عليها:اهلين مساء النور تفضلي حياك قعدت سميره ع الكنبه والقت نظره سريعه على الغرفه جوري:وش اخبار مهند سميره:مغلبني عقبال مايصير عندك عشره مهند اختطف لون جوري وماردت سميره حست ان الموضوع فيه ان ..بس غيرت السالفه:صار لي زمان ماشفتك خفت لاتكوني تعبانه جوري اللي كان مبين عليها السهر والتعب:شوي بس الحمدلله سميره:شوبيك يا البي جوري:هااه زكام مسكت سميره ايد جوري:انا بعتبرك متل اختي ارتحتلك كتير وعطيتك اسراري.. قولي شوبيك هيدا مو زكام جوري نزلت راسها سميره:كنت عارفه انو فيك شي هيدا موش زكام بكت جوري سميره:شوفي يا ألبي ماضروري تحكي لي بس بدي اقول لك شغله وبدك توعديني تحطيها حلقه بودانك جوري ساكته تغالب دمعاتها سميره:لفت نزري انو في غرفتين نوم ولو هيدا شي مو طبيعي.. انتو لساتكم متزوجين معقوله يصير هالشي اخيرا تكلمت جوري:احسن لي وله سميره:لاااه ماتقولي هيك عبدالعزيز بيحلف انو ماشاف رجال متل زوجك وانا بحلف اني ماشفت زيك .. ومادام انتوا ثنائي ولا احلى مفروض قلوبكم بتصير هيك وشبكت اياديها في بعض جوري دموعها اربع اربع سميره:ولك تؤبريني الدموع مابتنفع بشي شوفي ياجوري بغض النظر عن اللي بيناتكون سواء مشاكل زغيره او كبيره حتى لو كانت خيانه تمسكي في زوجك والمره بتغير زوجها ازا كان عندها اراده وانتي مبين قويه حتى لو ماكان عندك عضلات وضحكت ابتسمت جوري من كلامها سميره:تسلملي هالبسمه بدي اياكي دايم تكوني هيك جوري:بس انتي ماتدرين ان.. سميره:مابدي اعرف شي كل اللي بدي تعمليه انك تتملكي زوجك وتحافظي عليه بكل الطرق وماتخلي حدا ياخذو منك اكسبيه فهمانه شو اكسبيه جوري تطالع فيها كانت بحاجه لنصايح وأحد يدلها ع الطريق سميره:الكلمه الطيبه سر سعادة الزوجين حاكيه بكلمه حنونه ودلليه ودلعيه اعمليلو اكلاتو اللي بيحبها البسي اللي بيعجبو وتغنجي انتي مابتعملي شي حرام كلو لزوجك لاتقولي مقدر انا حاسه انك بتقدري ماهيك جوري تهز راسها سميره:والاهم من هيدا مامفروض تكونوا بعاد عن بعض كل واحد عازل نفسه بغرفه.. وليه على آمتي هيدا مابيرضي لا الله ولا رسوله لكان لشو سموا الزواج شراكه جوري منزله راسها وماتكلمت سميره:بتحبيه جوري بحركه لا اراديه حضنت سميره وبكت من كل قلبها سميره: لكان ارمي كل شي ورا ظهرك وماتخسريه.. وترفع راس جوري: مفهووم جوري مسحت دموعها وهزت راسها بايه سميره:انا جيت اليوم منشان اقول لك انك راح توحشيني جوري:ليش وين رايحه سميره:زوجي اخذ اجازه وبدو يفرجيني ع العالم جوري:بالتوفيق انتي تستاهلين كل خير سميره:وانتي كمان وعقبال ما اسمع اخبار تفرحني جوري: ان شاءالله ودعت سميره وكانت تحس ان همومها زالت نسبيا والسبب سميره اللي قدرت تحتويها في هالساعه جوري بالرغم من انكسارها بس تحاول تظهر العكس حتى قدام نفسها.. حست بالام في بطنها تذكرت ان اللوازم ماكانت كافيه ومابقى الا وحده وتبي احتياط!! مالها الا تنزل هي شافت سوبر ماركت قريب مره تلحق تشتري وبرضه تشتري بنادول هو اللي يخفف عليها تحاملت على نفسها ولبست العبايه وتحجبت ونزلت وصلت السوبر من حسن الحظ ان اللي عند الكاشير كانت بنت ارتاحت واخذت اغراضها وحاسبت وطلعت وهي راجعه شافت واحد شكله خليجي يتلكع: هلا والله باهل الخليج كله طنشته ومشت.. وظل يمشي وراها وتزيد لكاعته وهي تحاول تخبي اللي اشترته تحت العبايه تركي كان توه بيدخل بوابة البنايه شافها من بعيد وشاف اللي وراها جن جنونه '' وش تسوي ذي توي تاركها في البيت'' والرجال اول ماقرب تركي وشاف نظراته انحاش تركي:ياااحيووووان تعال ان كانك رجال.. ياكلب انتظر وجوري حست ان امرها انتهى بس هي مالها ذنب هو اللي جا وراها اما تركي مسكها وصار يمشي فيها والشرر يتطاير من عيونه جوري تتألم:تركي انت كذا تعورني وبعدين مو كذا قدام الناس فك ايدي تركي حاقرها دخلوا البنايه و واقف قدام المصعد ينتظر يفتح الباب تركي: اذا ماربيتك جوري: متربيه قبل لا اشوف وجهك تركي:بعععععد جوري:انت افهم السالفه مو تجي كذا خبط لزق ماعندك مخ تفكر تركي: والله والله والله اني لأحوسك مبدأ اني ما أمد يدي على حريم وطول حياتي ماسويتها اليوم بدعس عليه وبدعسك عشان تعرفين كيف تتكلمين ياتبن وانا شايفك بعيوني تتمخترين تحت جوري عرفت ان هذا مو مجرد تهديد لازم تهدي: قسم رحت السوبرماركت ابي شغله تركي بتريقه:ايه صح ماشاءالله الاغراض كثيره.. وهو اصلا ماشاف الاغراض لان جوري كانت موزيتها عدل تحت العباه فما كانت باينه _ يااااتركي تركي التفت كان عبدالعزيز زوج سميره يناديه''موو وقتك انت'':هلا هلا وفك ايد جوري عبدالعزيز:زين شفتك حنا ماشين اليوم و... فتح المصعد وهي ما انتظرت لين يخلص شافتها فرصه دخلت بسرعه وتركي واقف مع عبدالعزيز اللي كان توقيته غلط اول ماوصلت الشقه دخلت الغرفه وقفلت على نفسها الباب :معقد وربي معقد وتسمع باب الشقه يفتح ويصكه باقوى ماعنده يدورها: جوري ياجوري جوري ساكته جا فتح باب الغرفه: افتحي الباب ياحيوانه جوري هذا وش فيه يحسب سكوتي خوف منه والله ما اخليه يتمادى معي عجزت افهمه وتكلمت بجرأه:احترم نفسك ياحقير تركي عصصصصب:اناا حقييير افتحي الباااااب بسررررعه والله لا اكسره جوري:انا ماسويت شي غلط والله رحت السوبر جبت اغراض ليش انت كذا تركي يرفس الباب: جوووووري ياتبن افتحي احسن لك .. على بالك بتلعبين علي جوري: ماراح افتح واعلى مافخيلك اركبه انت كذا تعامل الناس وش هالاسلوب ليش كذا صدق انك معقد الظاهر جننت بك رشا تركي كسر كل شي قدامه:انا معقد والله لا اطلعها من عينك ان ماوريتك ياجوري جوري:ياشيخ فارق تحط رجولتك على حرمه بالله انت رجال تركي فقد سيطرته على نفسه: ايييه يحقلك تشككين في رجولتي لاني للان مالمستك انا اوريك الرجوله جوري هنا خاااااااااااااافت''يمه مجنون ذا ياااربي وش خلاني استفزه لاحول ولاقوة الا بالله وبكت'' سمعت صوت باب الشقه انفتح ورد تقفل''الحمدلله طلع يارب عدي الليله على خير'' قطع تفكيرها صوت باب الشقه انفتح وانقفل بوحشيه تركي : الحين اوريك الرجال جوري ضااااعت فيها الدنيا ياااربي رحت فيها تركي راح جاب مفتاح(مفك) من عند الحارس يبي يفك صواميل الكيلون ( اللي فيها مسكة الباب) جوري عرفت هو وش قاعد يسوي ضغطت ع الباب بكل قوتها استعداد واخيرا فتح الباب وهي ماقصرت دفت الباب بس قوته اكبر دخل تركي ومسكها من شعرها واستلمها كفوف مالها عدد وجرها ع السرير ويوخر عبايتها اللي كانت متمسكه فيها كنها درع جوري تصاارخ:يعني بتثبت رجولتك كذا تركي: انتي الحكم عطيني رايك اذا كسرت خشمك جوري تحاول تغطي نفسها وبكت بحرقه: وخر عني ياتركي ترا هذا مايرضي احد تركي قدر يشيل عنها العبايه وبدا يفك عنها الملابس: انا يالحقيره ينقالي منتب رجال اناااااااا جوري صااااااارخت وبكت: الللللللللللله لايوفقك علي الدوره وهو زي المجنون صار يقطع عنها ملابسها:العبي على غيري جوري:اقسم برب العزه اني صادقه.. شوف الكيس اللي بالارض هذا اللي جبته من السوبر ماركت تركي لف ع الكيس عرف انها صادقه وطاح وجهه وقام عنها ورجع ثاني مره وعطاها كف جاااامد:وين بتروحين مني وطلع من الغرفه جوري كانت في حاله يرثى لها مررره تحزن لازم تدق على امها لازم تدق على ابوها والا على طارق وتقول لهم كيف ضربها وحول حياتها لجحيم وهي اللي عمرها ماقد احد مد يده عليها اخذت الجوال وهي تبكي وفجأه دخل: والله العظيم ان تعلمين احد باللي صار مايصير طيب قسم بالله لأحرمك من اهلك ((هو عارف كيف كانت متعلقه باهلها حتى هو متعلق بأهله بس شافه تهديد لها عشان يضمن سكوتها)) كانت تبكي تبكي تبكي تبكي تركي: تراي حالف والله هونت وحطت الجوال وقررت تواجه مشاكلها بنفسها وهو راح الصاله ''كلكم زي بعض يالحريم دموع ودموع وانتم مصايب.. تدعون الضعف وانتم السنتكم تكنس ديره ..معروووووفه حيلكم.. زين اني كفختها عشان تعرف ان الله حق واني ماراح اسكت عن طولة لسانها .. من اليوم ورايح ماراح اتعامل معها الا بهالطريقه كفوها '' ((جمع في كلامه القاصي مع الداني والمسلم مع المجرم.. اللي شافه من رشا خلاه يكون سلبي ضد الاناث)) وهي مسكينه من قوة حرته من رشا كان يقتص منها ............................ طلع خالد من المستشفى ماتعافى كليا هو لازمه راحه في البيت .. طبعا ابو تركي بعد مادرى بالسالفه شاف ان الموضوع لازم يحسم ومايحتمل التأجيل.. دق على ابو فيصل وقال له يقابله عند ابو طارق ودق ع الشباب وقال لهم ياخذون امهاتهم واخواتهم ويسبقونه هناك... وسبب هالاجتماع هو كشف الاوراق بكل مايتعلق بريم...........!!! ياترى وش ينتظرها نهاية البارت أبي توقعات حلوه زيكم *وراكم وراكم ابيكم تستنتجون وش قصة ريم.. فكروا بعمق؟؟ *وش رايكم بتركي؟؟ وتوقعاتكم هل الحاله اللي هو فيها بتخليه يرجع لرشا؟؟ *هل بيتراضى خالد مع الشباب؟؟ *ليش ابو تركي مجمع العائله؟؟ أي مصير ينتظر منذر وترا له دور قوي بالروايه؟؟ قــــــراءه ممتــــــعه اختكم/ معانده جروحي .. .. .. |
البارت التاسع البارت الاجواء مشحونه جوري بغرفتها تبكي حظها لمتى بتظل على هالحال وصلت فيه المواصيل انه يمد يده عليها.. وتذكرت تهديده وانه بيحرمها من اهله ليش هالضعف اللي هي فيه قعدت تلوم نفسها بنفسها سمعت الباب تقفل'' فكه طلع اختنقت من الغرفه خل اسوي شي'' وقررت تنظف الشقه وتضيع وقت ماكمل 5 دقايق الا وهو جاي شافت بيده اغراض بيض واجبان وعسل وزيتون يعني نواشف فدخلت بسرعه وهي كارهه تواجدها في المكان اللي بيكون فيه وهو راح المطبخ وحطها شمر عن ايدينه جايع قعد يفكر ''خاطري في البيض بس شلون ما اعرف اسويه صدق ان خدمة النفس عباده.. مالي الا اقول لها تزين لي اكل ليش متزوجها واصرف عليها بلاش '' وراح لها غرفتها مسرع وطراااااااااااااااااخ صقع فيها كانت راجعه تاخذ ساعتها من ع المجلى ..والتقت نظراااااااااااااااااتهم تركي ركز فيها ''يااويلي تذبح جد صاروووخ ول عليها قشطه تنلحس'' وجوري تطالع عيونه دققت في كثافة رموشه معطي عيونه سحر مو طبيعي والا هالغمازات محفوره حفر حتى بدون ابتسامه والا هالشعر اللي رابطه معطيه شكل خوقاقي'' خساره فيك هالوجه وهالشعر استغفر الله بس'' نزلت عيونها وتدور طريق تبي تطلع وهو انتبه انه ساد الطريق بس عناد قام حط ايده ع الباب .. جوري ضايقتها الحركه لفت بتدخل الغرفه مسك ايدها ورجعوا يطالعون بعض جوري:وش تبي؟ تركي وبلهجه مستفزه:زيني لي اكل جوعان وطلع جوري : خدامه لك تركي معطيها ظهره: اهااا طيب جوري: طيبين رجع لف لها: تدرين اني احب اللي يعاندني يعطيني دافع اطلع وجهي الثاني على حقيقته جوري: ايه مايحتاج عرفته اهنيك عليه تركي: طيب ياست جوري وقسم بالله لو ماتروحين الحين تزينين لي اكل اني لا ألعب فيك لعب جوري: طريقه ملتويه وبدائيه تركي: وبعد تتفلسفين.. طيب طيب.. شفتي الاغراض اللي جبتها ما ابيها.. افتحي الثلاجه عامره فيها كل شي وان ماطبختي زي الحريم بيجيك شي عمرك ماشفتيه جوري تعرف انه متهور وبيسويها فشافت انها تدحر ابليس وتطبخ له اللي يبي تفاديا لأي ضرر وكان يطالعها بنظرات التحدي وماكان وده ينزل عيونه عنها شاف فيها شي ماعرف يوصفه جوري: مطول تركي: وش تبين جوري: ابي اطلع اطبخ لك السم الهاري تركي بعدم مبالاه: طيب كثري عشان ناكل السم مع بعض.. و وخر عن طريقها ودخل غرفته وخلى الباب مفتوح يبي يراقب تحركاتها جوري في نفسها '' والله لوما الخوف من ربي صدق كان زينت له سم يااربي استغفرك'' وراحت المطبخ فتحت الثلاجه شافت خضار ولحم وسمك ودجاج وقعدت تفكر وش تطبخ وهو بعد ماراح لغرفته فتح النت يتابع الاسهم ومره يطالع التلفزيون ومره يشيك على ايميله ومره يمسك جواله ومرت ربع ساعه وهو يشم روايح حلوه ومختلفه كل مره يقول الحين بتزهم علي وانتظر اخر شي استغرب تأخرها تأخرت حيييييل بعد نص ساعه تركي''وش تحوس في المطبخ حشى والله لو انه مفطح'' ماكمل جملته الا ويشوفها تحط قلاسات وعصير على السفره طلع من الغرفه وبحده:تزينين بعير انتي جوري طناااااااااااااش ماردت تركي:ليش تأخرتي؟ احقرته ودخلت المطبخ تركي: نشوف اخرتها وجابت جوري الاكل وبضمير زينت له كبسه وسلطه وادام ايطالي اللي دايم تسويه لأخوانها.. مهما كان هي محاسبه قدام ربي لانه زوجها ع الاقل ربي يعرف نيتها ويفرج كربتها من اللي هي فيه تركي يطالع في الاكل ريحته مشهيه ومرتب قعد بدون مايعزم عليها كانت شهيته مفتوحه وجلس يطفح بروحه.. وهي خذت الريموت وحطت على فيلم كان ياكل مبهور من اكلها''لا وطبيخه منتيب هينه يا ام لسان'' جلس ياكل على اقل من مهله وكانت تراقبه من طرف عينها ماقدرت تقول الا''بالعافيه''!!! ويوم شبع لازم ينكد عليها: الله يكرم النعمه لو اني ماكل في مطعم احسن لي ...سااامج طبخك اكل المستشفيات احسن منه جوري انقهرت ماحبت ترد وقالت في نفسها''مالت عليك كفوك تونه ويخب يامتيم رشا'' وقامت تلم الاكل تركي شاف وجهها باين انه رفع ضغطها استانس ع الاخييييير ..................... بيت فيصل ومنى الساعه 2 الفجر منى:ااااه فز فيصل من نومه:منى وش فيك منى:فيصل شكلي بولد فيصل:بدري على ولادتك يمكن آلام .. انتي ماسمعتي امي قالت بتزيد عليك منى:تكفى فيصل خل نروح يطلعونه مني فيصل ضحك:وشوو هو على كيفك باقي اسبوعين على ولادتك منى:ايه اضحك مرتاح ماتحس باللي انا فيه فيصل:والله ماني مرتاح وحاس فيك منى:نصاب منت حاس فيصل:مناوي ماعاد بقى الا اقول ياليت اللي فيك فيني منى: عادي وش فيها فيصل:اتخيل شكلي حامل تصدقين بطلع اخقق منى ضحكت فيصل:يلا نامي لو هي ولاده ماقعدتي تسولفين واضح انها كانت انقباضات وراحت منى تحسس على بطنها راح الألم: ايه راح.. والله يافيصل احلم باليوم اللي ارتاح من هالحمل فيصل بغمزه:ليش مستعجله؟ منى:على وشوو فيصل:اللي بسببه انتفخت هالكرشه منى انحرجت:يوووووه والله فاضي نام احسن فيصل:ههههههههههههه منى: وبعد تضحك فيصل: والله لو تعرفين وش جواتي كان قلتي كل هذا فيك وتضحك منى بخوف: ليش وش صار فيصل: نامي نامي بكرا بنعرف كل شي .............. في بيت ابو تركي تحديدا غرفة نادر نادركان يكلم طارق نادر: انت متأكد؟؟ طارق: مثل ماني متأكد انك قاعد تكلمني الحين نادر: والله ماني متطمن طارق: والله ماجبتله خبر سالفتها مع منذر قسم بيقلب الدنيا انت ماتعرفه .. كفايه الشاب يوم دروا كانوا بينصرعون.. خل نحل السالفه بروحنا مانبي الكبار يتدخلون نادر: ايه تكفى ترا هالموضوع حساس حيل فيه عار وسمعه وابوي سمعته فوق والله بيقتلها طارق: وانا اللي بقتل منذر نادر: ياغبي بتضيع مستقبلك عشانه طارق: مو قتل قتل بس بتشوف مع الايام بخليه يكره هالطريق هالواطي نادر: اهم شي مانجيب سيره لهم عنها وعن منذر.. طارق: ياخي خلاص فقعت مرارتي خلنا في المصيبه اللي تنتظرنا بكرا.. انت ناسي بتجتمعون عندنا نادر: طيب وش الفايده؟ طارق: حل للخلافات بطريقه مدروسه ومنهجيه ووضع خطط فعاله ومجديه للمستقبل نادر: انعن هالراس ايه استهبل فاضيلك انت و وجهك طارق: والله ما استهبل هذي جملة ابوك اللي دايم يقولها ماجبت شي من عندي .. بكرا بتجينا علوم وتنتظرنا اشياء الله اعلم فيها.. خل نفكر نادر: انا عقلي متوقف والله ماني قادر افكر المصايب اذا جت تجي مره وحده طارق:بما ان الكذبه مشت عليهم اتوقع بكرا بيصير تحقيق ملعون جدف يعني هيئ نفسك لأي شي نادر: يحوووول يعني بكرا بنشوف الجانب المشرق من وجه ابوي .. طارق: لا خلاص دام اتفقنا ان شاءالله بيعدي الموضوع نادر: ايه مررررره انت داري انه بكرا بعد ناوي يقول لهم سر ريم طارق: احلللللللللللف لااااه نادر: والله سمعته يكلم عمي سلطان.. يعني بكرا الحرب العالميه الثالثه طارق: الله يستر بس نادر: الا تعال انت وش دراك عن سالفة ريم طارق: انا من زماااان ادري بس ابوي حلفني اسكت نادر: المهم طارق:وشوو نادر:خلنا من سالفة هالريم الزفت وخل نتفق عشان مانخورسالفتنا طارق: مالنا الا ندعي يعدي الموضوع على خير.. عذر خلافنا مع التبن خالد لازم يصدقونه بأي حال من الاحوال نادر: طيب حبه حبه يوم سألوا خالد عن سبب الخلاف وش قال لهم بالضبط طارق: قال لهم بعد ماطبخناها انا وياه ان السبب انكم تكلمون وصادف ان اللي تكلمونها هي وحده نادر: وشششو وشششو وشششو طارق: ايييييييه هذا اللي نبيه سبب كبير مو سبب صغير يخلي شكوكهم تزيد ضدنا .. انا يوم سمعت الاحتمالات اللي قالها ابوك قلت ليش ما اخذ وحده منها بس بجيبها بطريقه ثانيه نادر: اصلا انا مو حق بنات مالقيت الا هالسبب طارق:وش اسوي ضاقت بي السبل نادر:طيب كمل وش قلت طارق: قلت ان خالد كان واعدها بالزواج ويعرفها من فتره ونادر كان يكلمها يلعب عليها .. سألوني شلون عرفوها قلت صديقة ريم هي اللي عطتهم نادر:ياااااااااااكبر شرهتك ... ياكبرها عندالله وش سويت وليش ماقلت لي طارق: اعرفك حمار ماراح توافق عشان كذا غطيت هالنقطه عنك نادر: سخيييييييييييييف .. ما اتوقع يصدقون احس واضحه انها كذبه طارق: هذا لانك حاط فبالك انها كذبه.. وابشرك عمي استانس ان لريم يد في الموضوع هو يبي لها طرف بأي طريقه.. عشان كذا عجل باجتماعكم عندنا نادر: ياااخي ذي اختك وش سويت.. لو انا سويت كذا عادي ما أنلام بس اختك ذي عارف وش معنى اخخخختك طارق: ما اتشرف بوحده مثل ذي والله اني انتظر متى اشوف وجهها بعد مايقولون لها االمفاجأه نادر: قصدك مفاجعه طارق :اللي هو ..وعلى فكره بقول لك شي يمكن يمكن تكرهني نادر: اكيد مصيبه طارق:شبه نادر:زين اخلص وشو طارق: زدت بهارات وطلعت فيك اشياء قلت ان نادر نذل عيا لايترك البنت المزعومه وكان يلعب عليها بالرغم من ان خالد كان متعلق فيها ويبيها بالحلال.. واخر مره قام نادر يستهين فيه ويتكلم عن مكالماته مع البنت وخالد ماتحمل وتطاقوا وصار اللي صار نادر: سود الله وجهك الله ياخذك قل امين....والله ياعقابي عند ابوي شين طارق: عندك عقاب والا دم عار وسجن وحاجات حنا في غنى عنها نادر: والله اني حاس بتصير علوووووم.. ........................ اليوم الثاني الساعه 11 الظهر خربت خطة ابو تركي لان الوضع ماجا على ما اشتهاه كان وده يضرب عصفورين بحجر بحل خلاف الشباب وبمعرفة اسبابهم وبكشف ريم وكان كشف ريم هو الشي الوحيد اللي زاد حماسه لانه ينتظر هالفرصه من زمان.. بس جت سفره طارئه لام تركي خالتها بالقصيم توفت فاضطر عبدالرحمن يوديها هي وندى ومنى... وطارق انشغل بصفقه مع واحد جاي خصيصا لهالمهمه من البحرين بخصوص منتجعات ولأن ابو تركي حريص على الشغل سمح لطارق يتخلف عن الروحه.. وبكذا شاف انه يأجل الكشف عن سر ريم ويخليه على مشكلة الشباب المزعومه وكان طول الليل يفكر كيف يحلها وكيف ينتشل نادر وخالد من براثن هالبنات الضايعات وكان حريص كل الحرص انه يبعد الشباب عن هالطريق عشان مايتهور اي واحد فيهم بعلاقه شريفه او آثمه ويضطر يقبل دخول دخيله ع العائله والسبب انه مايبي حلال العائله يطلع برا.. يعني كان الموضوع بالنسبه له فلوووووس.. بعد العشاء اجتمعت العايله التوتر سائد الكل كان يترقب مصير نادر وخالد وكانوا ضايعين بالطوشه لأنهم مو قادرين يتنبأون باللي في راس ابو تركي دخلوا البنات عند ريم والحريم بالصاله والشباب مع الاباء في المجلس نجي عند البنات.. كل وحده تفكر وتحلل وتستخلص وش اللي بيصير .. مية تحليل وتفسير وكلها غلط ساره:الاكيد انه بيصالح العيال مع بعض دانه:والله يسوي خير ريم:لا ما اتوقع.. عمي محمد يحب يكبر المواضيع احساسي يقول انه ناوي على شي دانه: يعني جت على ابوي.. ليش ماتلومين خالد السفاح سبب المشكله ريم:احترمي نفسك تلقين نادر غلطان عليه واخوي بياخذ حقه دانه:احلفي بس.. يعني كل ماصارت مشكله حتى لو انها كبيره يسوي فيها رجال ويذبح اي احد ريم: يدافع عن نفسه اكيد المغفل نادر هو اللي بدا دانه: يعني حكمتي خلاص.. اقول انثبري ياتتكلمين زي الناس والا اقفلي بلعومك نوف: والله انكم ماتستحون.. وش رايكم انتم بعد تسوون اللي سووه دانه: ماتشوفينها شلون.. نجي يمين تجي يسار نجي يسار تجي يمين نوف: ان شاءالله انه بيصالحهم ونفتك.. مافي الا ذا العذر لسبب وجودنا هنا ريم:مدري يمكن.. ولو فكرتي بتلقين الاعذار واجد ساره: المشكله مافي سبب شين وزين الا قلناه ريم: لا اكيد فيه اسباب بس حنا مانشوفها نوف: والله انا اللي متلهفه اعرفه الا اموووووت سبعين موته واعرفه هو سبب هواش نادر وخالد وطارق والله احس شي كايد ساره: الله ياخذ ابليسكم قولوا امين البنات:ليش ندى: تضيقون الخلق وش فيكم مكتئبين تفائلوا بالخير.. دانه: ان شاءالله انه خير.. بس يختي والله شي يحير هواشة الشباب ماهيب شي وتوصل المواصيل للذبح والمذابح نوف: والله صرنا في امريكا قتال الشوارع وسلاح ابيض ودم ريم: انا اللي اعرف ان خالد عصبي بس عمره ماتهور ساره: على ماسمعت ان طارق هو السبب ريم بحده: الا نادر هو راس الفتنه دانه: حسني الفاظك تراه ولد عمنا ريم: انتي ليش ندافعين عنه ترا حتى طارق وخالد عيال عمك دانه انحرجت وسكتت ساره تهدي الوضع: خلاص اقصروا الشر الا ياريم انتي ماشميتي خبر منا والا منا ريم: لا والله بس نادر كان معصب علي مره مدري وش فيه ساره:والله عايلتنا صار فيها اسرار.. ................... نهاية البارت التاسع .. .. .. |
البارت العاشر عند الرجال ابو تركي: طارق لاهنت خل البنات وامهاتهن يجون خمس دقايق وهم هنا الكل كان متفاجئ ومستغرب راح لهم طارق وقبل لاتخلص الخمس دقايق دخلوا الحريم اول ووراهم يتدافعون البنات وكلهم لابسين جلالات قعدوا وهم متسائلين اكيد فيه شيئ مو اشياء وصاروا يتهامسون ابو تركي:بنات لا اسمع صوت وحده سامعه انتي وياها عرفوا ان السالفه فيها إن ابو تركي شاف الكل اكتمل ابو تركي: اظن كل واحد منكم فكر وخمن ليش حنا مجتمعين.. كل الحكايه وضع النقاط ع الحروف فيما يخص نادر وخالد داري انه موو وقته وان خالد باقي ماتشافى كليا بس كل ما اسرعنا كان احسن.. وهذانا الليله جينا كبيرنا على صغيرنا وكان خالد منسدح على فراش بالارض ابو طارق: حياكم الله البيت بيتكم ابو تركي: اليوم االسبب ورا اجتماعنا حل للخلافات بطريقه مدروسه ومنهجيه ووضع خطط فعاله ومجديه للمستقبل على طول نادر تذكر كلمة طارق'' ياليته موجود'' كان بيضحك بس الموقف مايساعد.. ابو تركي: ماجازلك كلامي يانادر نادر: والله على راسي يبه ابو تركي: اجل ليش هالنظره! نادر: والله صراحه من زمان نسمع هالجمله وماشفنا شي ابو فيصل: نادر احشم ابوك شلون تتكلم معه كذا لا وقدامنا فيصل: يبه الله يطول لي في عمرك خلوا هالمجلس مجلس خير شوفوا وش عند الشباب.. مشاكلهم طلباتهم يبون مساعده.. خلوهم يقولون اللي عندهم ثم احكموا عشان مايتكرر اللي صار ابو تركي: وهذا اللي بيصير اليوم.. واول واحد بنسمعه نادر نادر مايدري وش يقول لانه مستحي من البنات وخايف تجيه اي كلمه منا والا منا من عمه او ابوه ويطيحون وجهه:هااه ابو فيصل: توك كانت تتفلسف وشفيك بلعت لسانك والا ماعندك شي نادر بيسوي فيها قوي: كنت ابي اقول ان هالجمله تعودنا عليها بس للاسف مانشوف شي لاحلول ولاشي .. فأكيد هالمره زي كل مره ابو تركي يمسك شنبه: قص هذا اذا ما أثبت هالجمله الليله ابو طارق: قدها وقدود يا ابو تركي وابو فيصل يناظر في نادر نظرات توبيخ ابو تركي يوجه كلامه لنادر: اولا السبب الغبي اللي كنت انت وخالد بتذابحون عشانه هذا لزوم نحط له حد نعنبو داركم هاللي تسوونه عشان بنت شوارع اكيد تكلم غيركم وهالاستاذ خالد يبي يتزوجها ليش هو على كيفك تاخذ اي وحده بنات مانعرف ساسهن ولاحسبهن ولانسبهن لا وزود عن هذا ماتخاف الله وماتعرف كم واحد تكلمه هذي ماراعت الله ولا راعت اهلها وسوت سواتها من وراهم بالله تضمنها في بيتك ومع عيالك.. ابو طارق: عين العقل ياخوي.. ويلتفت لخالد اللي كان منسدح : مالقيت تتزوج الا من هالبنات لا ويصير اللي يصير عشانها ابو فيصل: عبدالله ترفق ع الولد ترا الذنب مايشيله بروحه لاتنسى نويدر له يد هو اللي حاول يثير عصبيته ويتكلم عن البنت نادر: عمي انت وشفيك علي انا بالذات من قعدنا وانت حاط دوبك ودوبي ابو تركي: والله انك ماتستحي وش قلة الحياء هذي نادر: والله اني احترم عمي سلطان بس ماسويت شي ابو فيصل: ماسويت شي والله قاهرني انت الساكت تطلع راعي مكالمات ماهقيتها منك توقعت اي احد الا انت نادر كره طارق وقعد يسبه في نفسه اكيد نزل في عيون ابوه وعمانه وسكت مارد ابو تركي: اذا هذي شفاحه ع البنات ورا ماتتزوج بالحلال.. بنات العايله ماشاءالله موجودين كان قلت لي يبه ابي فلانه والله لااوافق ولاتروح لها الطريق القذر نادر تضايق من ابوه مره بس مايقدر يرد ابو تركي: انا واخواني اتفقنا على اشياء ان شاءالله تجر بمنفعه ع الجميع ومن الحين اقول لكم اللي بيعارض سواء من عيالي او انتم ياعيال سلطان وانتم ياعيال عبدالله والله ينحرم من الميراث وماله قعده بالشركه ولا البيت.. سامعين ((والاساس انه ماأخذ رأي اخوانه هذا هو يقرر من نفسه وكان الكل يراعي مرضه وان تعبان ومايبون يزعلونه)) والشباب كانوا خايفين لانهم عارفين قرارات ابو تركي جامده ويقدر يأثر على ابائهم بدون مايلقى منهم معارضه والبنات مايدرون عن شي ولا يدرون وين الله حاطهم فيه كانوا مستمعات فيصل كان الواعي والوحيد اللي تكلم: تكلم ياعم ابو تركي: بغض النظر عن الاسباب اللي خلت نادر يتجه لهاالطريق ماتهمني.. قد مايهمني اني احل هالمشكله ابو فيصل: عطنا حلولك يابو تركي اول الحلول نادر يتزوج دانه!!!! الكل مستغررررب نادر زي الصاعقه نزلت على راسه ودانه حطوا نفسكم مكانها وبتعرفون وش حست فيه في هاللحظه ابو فيصل: وانا موافق فيصل: لحظه لحظه كذا على طول طيب اسألوا البنت خذوا رايها ابو فيصل: دانه دانه تكلمت بصوت غير مسموع:سم ابو فيصل: وينك اي وحده فيهم انتي ((لانهم متغطين)) رفعت ايدها دانه:انا هنا ابو فيصل: بنزوجك نادر .. موافقه دانه مافهمت الحين هو يؤمرها والا يسألها ماقال وش رايك تتزوجين نادر لأ قالها بطريقة الامر بنزوجك نادر.. ففضلت السكوت نادر كان محتر من الحركه يعاملونه كنه بزر وكان بيعاند بس ماكان يبي يحرجها ويقول لا اصلا كان يميل لها من هم صغار بس الزمن فرقهم عقب ماتغطت عنه ابو فيصل بعصبيه: هاا وش قلتي؟! بكت دانه يعني فوق ماهو احرجها بالطريقه ذي قاعد يرفع صوته ويعصب عليها قدام الكل وهي دمعتها على طريف قام فيصل عند دانه وضمها: شوفي دانه كانك تبينه قولي موافقه واذا ماتبينه قولي مانيب موافقه ابو تركي: لاغصبا عليها تاخذه.. قررنا نادر: يبه لا مو غصي على طول كذا تبونا نتزوج بعض وشو هو لعبه وحتى لو لعبه مالنا راي حنا.. طيب وافقت انا وهي رافضه مالكم حق تغصبونها ابو تركي: بتاخذها يعني بتاخذها.. ولاتكثر حكي فيصل: استهدوا بالله حل الامور مو بالطريقه هذي ابو فيصل: اللي يطلع من شورنا ماهو منا.. فيصل: يبه الله يسلمك وليش تاخذ رايها دامك مقرر ابو فيصل سكت لان فيصل خلوق وقدير ويفرض ع الكل احترامه ابو تركي: فيصل وانا عمك ا... فيصل حس انه خسران بالمناقشه قدام عمه ابو تركي لان ابو تركي لازم ينتصر في نقاشاته حتى لو كان على غير حق فقاطعه: خلاص عمي اللي تشوفونه حمد : انا اشوف الامر يتأجل هذا زواج ابو تركي: كم مره اقول لكم خلاص قررنا.. وترا خوفنا عليهم من الفتنه هو اللي خلانا نتسرع.. ابو طارق: اي والله صادق وخالد بعد لازم يتزوج خالد تفاجأ وطالع في ابوه ابو تركي: لاتطالع في ابوك كذا.. الحين الحين تقرر من تبي من البنات خالد منصدم: حتى لو ابي بس بالطريقه هذي اسف ماراح اتزوج ابو طارق: خالد مافي مجال انت لازم تختار خالد ببرود: وانتم مافي مجالين وماني متزوج بالطريقه ذي خلاص الناس تطوروا وانتم رجعتوا فينا لزمن جدي ابو تركي: مثلك مثل نادر ويلا اخلص علينا خالد: اسف ابو طارق: خالد يا انك تختار الحين او نختار لك خالد:لاتحاولون ابو طارق: واذا قلت لك قلبي غضبان عليك ليوم الدين سكت خالد وام طارق تبكي ابو طارق: هيا اذا ماتبين تخسرين ولدك للأبد اقنعيه ام طارق: وافق وانا امك وافق والله البنات مافي احسن منهن خالد: يمه قسم بالله ادري ويشرفني بس مين اللي بقى في هالزمن يتزوج بهالطريقه انتم تبونها بالعناد ترا ماحنا بصغار.. عطوني اجابه مقنعه من اللي بهالزمن باقي يتزوج بهالطريقه ابو تركي عارف الاجابه وتذكر تركي فسكت ام طارق: ياخالد خلاص قرر الحين ما ابي اخسرك .. ترضى ماعاد تشوفني ولا اشوفك خالد: لا والله ما أرضى ابو فيصل: اجل اخلص علينا خالد حاس انه بفيلم مو مصدق الاشياء اللي تحصل وجلس يفكر بيختار اصغر وحده واذا قالوا لا بيعاندهم وبعدها بيقول خلاص مابي: نوف ابو فيصل:نوف!! خالد بتحدي: ايه ما أبي الاهي ارتمت نوف في حضن امها وبكت بأعلى صوتها:لا لا لا ما ابي ما ابي اتزوج خالد استانس يعني خطته نجحت ماراح توافق وهم شايفين ردة فعلها ابو تركي: ابكي من الحين لبكرا خلاص اجل البنتين عندنا يا ابو فيصل ام فيصل اخيرا كسرت صمتها وبصوتها الجامد والثابت اللي يعكس شخصيتها اللي ينم عن ثقه قالت: انا ساكته من اليوم بشوف النهايه .. انتم وش قصتكم ليش هم بضاعه من بضاعتكم اللي في السوق... خذينا وما خذينا عسى ماشر ابو تركي: ياام فيصل ماعندنا حريم يتكلمن ام فيصل:بأمر مين ان شاءالله اناسكت لعل وعسى واحد من هالسمرمد اللي مسوين فيها رجاجيل يعارض والا كلهم طلعوا مثل بعض حريم مالهم راي ولاكلمه ياحيف باس((كان قصدها ع الشباب)) يعني بعتوا حياتكم بحفنة فلوس كله خوف تنحرمون من الميراث.. والا اذا انطردتوا ماتقدرون تعتمدون على انفسكم ابو تركي: ماشاءالله تحرضينهم ع العصيان ام فيصل: انا ما أحرض أحد بس اسلوبك اسمحلي اقول لك غلط ابو تركي عصب: سلطاااااان سكت مرتك ام فيصل: مانيب اصغر عياله يسكتني هو عارف اني ما أتكلم الا بحق وعمري ماعصيت اوامره لكن تجي السالفه عند بناتي وينجبرن بهالطريقه لا والف لا ابو تركي: اقول خلك بعيده بس.. بناتك ماهم صغار هم في سن زواج خلاص جا الوقت ام فيصل: وليش انت تقرر.. ليش مو هم اللي يقررون.. انا وانا امهم مستحيل اتدخل بهالشي ابو تركي: نوف موافقه تاخذينه؟! نوف تطالع مره في ابوها ومره في امها ومره في اخوانها خايفه وجواتها صراعات شلون توافق على خالد وهي تميل لطارق وكانت تتمناه من كل قلبها يعني خلاص ضاعت احلامها وتخطيطاتها.. ومع ذلك ودها توافق وتنهي هالخلاف : اذا قلت رأيي بتاخذون فيه والا مصيري من مصير دانه ام فيصل: ماراح تاخذينه دام راسي يشم الهواء خالد: وانا ما أبي الا نوف غير هالكلام ماعندي ابو فيصل: خلاص انا ابوها موافق ام فيصل قامت: يعني كذا هاا ..وانا امها في قريح!! ابو فيصل: محشومه بس خلاص قررنا انا واخواني ام فيصل:سلطان ترا ماهيب صفقه من صفقاتكم هذول بشر قبل كل شي شفيكم انتم ابو طارق شاف ان معها : والله يا ام فيصل مالي كلام كان ماتبون خالد فوالله على راسي ابو تركي: عبدالله شفيك انت ابو طارق: حنا نبي نحل الامور مانبي نعقدها اكثر اذا هالشي بيجر مشكله خلاص خالد عاجبه الوضع لانه في الاخير راح يتغاضون ويكنسلون لأن ام فيصل اذا قالت الشي قالته: وانا والله بسماه ان ماخذيت نوف انسوا اخذ غيرها.. ام فيصل: نوف ماهيب لك .. انت ونعم فيك والله لو انك طلبت نوف بظرف غير هذا انا اول وحده بوافق بس قبلها باخذ رايها ماهو مثل اللي سواه ابو طارق وعمانك ابو تركي: عاجبك ياسلطان اللي يصير ابو فيصل بعد سكوت جلس يدور بالسبحه والكل عينه عليه تم فتره من السكوت تكلم ابو فيصل: حصه.. لو نوف ماتاخذ خالد فوالله ان تحرمين علي !!!!!!!!!!!!!!!!!!! مصدووومين متفاااااااجئين مذهوووولين مو صدق اللي قاعد يصير فيصل:يبه ابو فيصل: انا قلت اللي عندي ابو تركي:كفوو ابو طارق: وش اللي كفو مايصير يا سلطان ام فيصل: كثر الله خيرك يا ابو عيالي كثر الله خيرك.. اجل اعتبرني من اليوم ماضي لان نوف ماراح تاخذ خالد نوف:لالالالالا يمه انا موافقه وربي موافقه بس لاتتركينا ام فيصل: ماعليك مني انا.. كبرت وعندي فيصل وحمد عسى الله يخليهم ذخر لي .. ماراح يأثر علي الطلاق نوف: لا يمه خلاص انا موافقه والله.. تكفين يمه لاتروحين ابوس يدك يمه وبكت بحضنها ابو تركي بابتسامه صفراء: على بركة الله خالد لنوف ام فيصل: لاتوافقين عشاني ماعليك مني تسمعين ابو تركي: مالك حجه البنت وافقت فيصل بعتاب: والله يبه امي ماتستاهل هذا منك ابو فيصل كان مبين عليه الندم: خلاص يافيصل انا لايمكن اتراجع نوف: والله يبه موافقه خلاص ام فيصل تطالعها بعتب: ليش يانوف ليش كل ذا عشاني نوف: يمه واللي يخليك لاتتركيني تكفين ام فيصل: اجل الله يوفقك.. والتفتت لابو تركي:ارتحت يا ابو تركي ابو تركي: ع الاقل ضمنتي عدم طلاقك من زوجك ام فيصل: حمد قوم حمد: وين يمه ام فيصل: ابطلع منا .. وانت يا سلطان بكرا اورقة طلاقي عندي وحط فبالك ماهيب حصه اللي تتهدد ابو فيصل ضاعت علومه حس انه حاس السالفه والسبب ابو تركي: وين بتروحين ياحرمه ام فيصل حاقرته: قوم ياحمد وفز حمد ابو فيصل: اقعد ياولد لاتوديها ولامكان ابو تركي: خلك منها يومين وترجع لك هم كذا الحريم.. حمد: كلكم على امي ترا وراها رجال انا بخسر الدنيا كلها ولا أعصي امي ابو تركي: يعني ابوك عادي تعصيه؟؟ طالع فيه حمد بنظرة تشاؤم وخذا امه وطلع نادر: يبه انت وش سويت هذي هي خططك قلبت الدنيا فوق روسنا ابو تركي: لاتشوف الجانب المظلم ترا في ايجايبات كثيره ماتشوفونها دانه: قصدك انت اللي تشوفها بروحك ابو فيصل: اننننننطمي يابنت نادر: الله يسامحك يبه.... وكلن رجع بيته بعد ماقال لهم ابو تركي ان ملكتهم في يوم واحد بعد اسبوعين على رجعة تركي وجوري ....................... في مكان اخر - الله يبارك فيك ان شاءالله - حركااات والله ودخلت عش الزوجيه - لا توني وطالع ساعته بعد ساعتين بالضبط بدخله - بالتوفيق يالغالي.. ولو اني عتبان عليك - بايش - ماشريت من البضاعه الجديده - افا عليك بس وانا ليش داق.. ابيك الحين ترسل لي - كفووو.. عاد الليله ليلة العمر لازم تكون مكيف - ايه لااااازم.. اهم شي الكيف.. -طيب والدفع - ابشر بالضعف ماطلبت شي - اجل ربع ساعه وهي عندك -وهو كذلك.. هذي أقل من النبذه عن زوج المستقبل لرشا يعني منها راح تستخلصون وش معدنه دامه ورا هالاشياء اليوم زواج رشا.. كان زواج مبالغ فيه بذخ فاحش وغير طبيعي.. كانت متضايقه كل ماتذكرت تركي ..بس خلاص دامه عايش في نعيم هي بعد بتعيش زيه خذاها العريس وتوجهوا لبيتهم بطلب منه مايحب خرابيط الفندق وبرضه فرصه عشان ياخذ راحته في الكيف دخلت غرفتها اللي كانت تدلها مايحتاج عارفتها شبر شبر هي اللي جابت اثاثه ورتبته على كيفها دخل كان مستعجل بدل ع السريع واخذ كيس وطلع الغرفه الثانيه وقفل على نفسه.. كانت مستغربه وش فيه بس طنشت ..وراحت تاخذ شور وتتأنق كانت لابسه احسن ماعندها على انها ماتعرفه زين.. بس ماكانت تحس بخجل بحكم انها كانت عايشه برا 14 سنه وقعدت ع السرير تنتظره كأنها بهالحركه بتاخذ حقها من تركي.. هو كان في الغرفه كانت الغرفه سحابه كبيره من الدخان كان مروق ع الآخر يحس نفسه عانق اطول ناطحة سحاب خلص فتح النوافذ وطلع لها الغرفه شافها انهبل عليها قرب منها طبع قبله على جبينها وقال: جوعانه رشا: لا - بس انا جوعان انا جايب عشا خل نطلع ناكل رشا بدون نفس: طيب طلعوا الصاله وحطت الاكل جلس ياكل بنهم شبع تمدد ع الكنبه وحط على قناة الجزيره>>> شوفوا المزاااااااج رشا كان ودها تسطره '' الحين هذا وقته'' قامت شالت الاكل ودخلت المطبخ على طلعتها سمعته يتكلم بجواله - ياحياتي ياحياتي مستحيل احد ياخذني منك بصوت انثوي ودلع: حتى زوجتك - حتى زوجتي الحين ليه تجيبين طاريها لييييش رشا واقفه عند الباب مو مصدقه اللي تسمعه اول ماشافها ارتبك قفل الجوال مشى لين وقف عندها: تتجسسين؟؟! (اصلا هي ماتجسست بس الا يلفق لها شي عشان يقلبها عليها) رشا: تكلم وبليلة زواجنا؟ - حياتي انتي زوجتي وهذي ولاشي >> ينقاله يرقع انقهرت من رده: حرام عليك دامك ماتبيني طلقني وما ابي منك شي.. - اوووف من اول ليله طلاق.. هدي ياست الكل ترا عادي ماصار الا الخير قهرها بروده: ترا جد طلقني مستحيل اعيش مع واحد مثلك لو اني ادري انك كذا والله ما اوافق عليك ((واصلا هي ماوافقت عن قناعه ابوها جمل لها الموضوع ومافي صفه حلوه الا حطها فيه عشان كذا وافقت بسرعه وفي بالها تبي تقهر تركي ماتدري انها جنت على نفسها بنفسها)) دق جواله: هلا وغلا صوت انثوي اخر: هلا فيك وينك - دبا انا مع حرمي - لالا تزوجت - ايه عقبالك - آمين - طيب اكلمك بكرا او نتقابل في المنتدى -اوووكيشن وانا راح انزل موضوع وابلغهم ان مدير الموقع تزوج - هههههههههه فديتك راعية واجب.. وقفل منها رشا كانت دايخه من اللي تشوفه: انت وش قاعد تسوي لا وقدامي - حياتي هذي صديقتي مراقبه عامه في منتداي رشا:وخير ياطير بكل بساطه تقول صديقتي - يااااااالله صدق انكم نكد رشا دخلت الغرفه وهي معصبه: انا مالي قعده معاك بتطلقني يعني بتطلقني راح وراها وبنفس البرود انسدح: الله يهديك بس.. اقوول خل انام ماودي اعكر مزاجي رشا: ياحمار انت تسمع اقول طلقني طالع فيها بنظرات مليانه غضب: اقول لاتتمادين والا نهايتك اليوم على يدي رشا: اصلا خلاص انتهيت - اقول لايكثر وضفي فيسك بس.. رشا :انا ما ابيك طيب غصب هو.. هو حس انها اهانه(طبيعي الرجال اللي يحس انه غير مرغوب فيه وبالذات من زوجته يحس بالنقص) -: ايه غصب .. ومن اليوم ورايح اي شي بيكون بالغصب .. وباخذه بالغصب..وقام بيطلع بيروح ينام في الغرفه الثانيه ولانها ساده مدخل الباب خافت تحسبه يبيها رشا:اصلا مافيك خير لو تلمسني فتح عيونه استغراب: يعني انا اللي ميت ألمسك .. ترا كنت طالع واصلا ماكان لي نيه ولا مزاج ألمسك بس عناااد فيك انا ب .. وسكت تنفس بقوه واستأنف كلامه: الحين انا ليش اكثر حكي سحبها داخل الغرفه وقفل الباب رشا: وخر عني مسكها وحاسها ضرب وجرها ع السرير وسط بكاها وصراخها وشتايمها له ووو ............................ .................... رجعت ام تركي ودرت هي والبنات وعبدالرحمن باللي صار.. ام تركي تضايقت وراحت له المكتب على اساي تتفاهم معه بس كعادته طردها شر طرده من المكتب.. طلعت من عنده وراحت لنادر تبي تشوف رايه او بالاصح تواسيه لان ماله راي نادر: توني احس بمعاناة تركي ام تركي: حسبي الله عليه نادر: لايمه لاتقولين كذا.. والله دانه ماني كارهها بالعكس متقبلها ولو انعاد الزمن واختلفت الاحداث كنت بقول لكم اخطبوها لي ام تركي استانست: جد نادر: اي والله.. وان ربي كتب وتزوجتها والله لأسعدها ام تركي: والله انك رجال نادر: بس البلا اذا هي ماتبيني ام تركي تمسح على ظهره: لا يمه تبيك انا دايم استدرجها وكنت اشوف قبول نادر:الله يبشرك بالخير يمه رفعت ايدها: الله يوفقكم ويسعدكم.. ويهدي ابوكم ................... عبدالرحمن: احس اني مو مصدق .. مدري مادخل كلامي اللي انقال ساره: والله هذا اللي صار تحس انه شي خرافي صح عبدالرحمن:بقوه ساره: الحمدلله انها عدت على خير عبدالرحمن كان تفكيره للبعيد كان عارف السبب الرئيسي ورا هذا كله ساره:دحومي عبدالرحمن: عيونه ساره:شفيك سكت علدالرحمن: انا صراحه ما أغطي عليك وبقول لك كل شي ساره خافت :وشو عبدالرحمن: توعديني مايطلع ساره: ايه قول وش صار وحكى لها كل شي وعن منذر وريم ومضاربة العيال.. ومع ان الشباب محرصين عليه مايقول بس هو مايغطي عليها ساره: الحيوانه كل ذا من وراها ليش تقول عننا كذا لا وبعد تكلم وتنشر اكاذيب للأغراب عبدالرحمن: كنا متوقعين بيصير هالشي انتي ماتدرين هذي مريضه ساره ساكته تبي تستوعب عبدالرحمن: تخيلي واحد من اخوالها عنده انفصام في الشخصيه و واحد ذهان .. والصدفه ان ريم خذت نفس مرض امها لا وبالعمر نفسه اللي انجنت امها فيه رسميا اصلا كل اهلها فيهم صفة الجنون الله لايبلانا بس هي كربوووووون عن امها ساره شهقت: عبدالرحمن جد جد عيب عليك تقول هالكلام والله عيب عبدالرحمن: وربي ستين مريضه ونفس مرض امها .. امها بالعربي مجنونه ومنتهيه وياما اذت ناس وليومك هذا تتعالج ساره: عبدالرحمن شفيك انت والله ماتوقعتك كذا.. عيب هاللي تقوله في خالتي هيا والله ماترضى علينا ابد عبدالرحمن: ساره انا عارف وش تكون خالتي هيا وهي ارفع عن اني اقول عنها هالكلام ساره:لاياشيخ ترا هبلت بي توك قايل عن الحرمه وعن اخوانها اللي ماينقال انا عمري ماشفت منها شي ولاقد اذتنا عبدالرحمن بعد تفكير: ساره ترا ريم ماهي بنت خالتي هيا.. خالتي هيا بس ربتها ساره:لاااااااااااااااااا عبدالرحمن: والله العظيم بس لاتنسين انك واعدتني مايطلع ساره تبكي: ريم لقيطه؟؟ عبدالرحمن: لاهي بنت عمي عبدالله من زوجه ثانيه ساره: بشويش علي فهمني شلون دريت وكيف ومتى وكل ذا وحنا ماندري عبدالرحمن: زين زين انا بحكيلك كل شي وراح تتأكدين من كلامي مع الوقت لأني حاس ان النهايه قربت لهالموضوع وكل شي بينكشف ....................... نهاية البارت |
البارت الحادي عشر له فتره سافط امور الشغل .. كان فاقد التركيز مشكلة زواجه من جوري والمشكله الاعظم هجران رشا له وزواجها خلته متجمد فكريا مو قادر يتصور ويتخيل ان نهاية حبه برشا بتكون بالطريقه هذي.. انهتها بطريقه عوجاء ومؤلمه ضاربه بسنين الحب في عرض الحائط '' الله يالدنيا تركتيني يارشا وانا اللي كنت مستعد ابيع الدنيا باللي فيها عشانك'' جلس يفكر في الاسباب والدوافع اللي خلتها تتصرف معه كذا وكانت نتيجة افكاره انها ما انهت اللي بينهم الا عشان تتزوج مثل ماهو تزوج.. لمتى بتضل كذا .. ''لا بس انا كم مره عرضت عليها الزواج وهي رافضه بحجة المشاكل .. وهي وعدتني تكون لي فليش تتزوج؟؟ معقوله تكون طماعه وجشعه زي ابوها وجاها عريس هامور واثرا مني و وافقت.. بس والله ماخليتها محتاجه شي صح ابوها كريم معها بس كنت ارفض تماما انه يصرف عليها.. كانت لي كل شي كنت مستعد اخسر اللي وراي ودوني وتوافق وتكون لي انا وبس'' نهاية افكاره ماجابت نتيجه.. كان يحس بحنين غير طبيعي لايامه معها.. تذكر لما كانت تسافر بالاجازات لبرا.. وكان يسافر وراها زي الاهبل.. يطاردها من بلد لبلد مو قادر على فراقها.. وكانت يتحين سفرها لان من خلاله بيكون قريب منها.. يجلس معها.. يسولف معها.. يتمشى معها.. بعيدا عن عيون المقربين وبعيدا عن العادات والتقاليد اللي كانت تطبق بحذافيرها في ديرته.. حس بضعف لما استرجع ذكرياته معها.. هو كان عازم ينساها لأن اللي سوته فيه ماهو بالأمر الهين.. معقوله بيفقد كرامته ويرجع لها وهو اللي يعتبر كرامته فوق اي شي وماقد فقدها بأي ظرف من الظروف الا بحاله وحده قدام امه وابوه الكرامه ملغيه .. انتفض زي البردان من القشعريره اللي سرت بأوصاله لما تذكر ان امس زواجها.. اللي جاب له الاخبار كان دقيق في التفاصيل ماخلا شي الا وقاله.. ويوم جا يقول له اسم العريس استوقفه تركي.. ماكان يبي يعرف الشخص الدنيئ اللي خذا جوهرته الثمينه .. فضل انه مايعرف على انه يعرفه ويترصد له..هو لازم ينساها هي باعته شر بيعه لازم يكون قوي بس شلون وهو ضعيف عند طاريها وكل دقه من دقات قلبه تنبض باسمها..... تعب حييييييل من افكاره حاس بغصه وده يعبر عن مشاعره بالبكاء بس تذكر كلام مشاري اللي كان يمر زي الشريط قدامه.. كان يناقض نفسه بنفسه مو قادر يرسي نفسه على بر كل شي يذكره فيها.. تسللت يده للجوال يشوف رسايلها ((حبيبي دقيت عليك مارديت.. كنت بقول لك اني طالعه ملكة اصايل.. هذاني قلت لك مو تسويلي سالفه .. وترا راكان هناك وماكنت بروح بس امي اصرت... لاتنسى احبك)) تذكر اليوم اللي ارسلتها له كان يكره راكان لانه يبيها ..بس هي رافضته ماتبي الا تروك حبيبها ..قفل جواله يوم كامل زعلان وهي ماخلت طريقه الا وسوتها عشان توصل له .. اخر شي ارسلت السايق بباقة ورد كبيره من احسن محل والعطر اللي يحبه ومعها بطاقه مكتوب فيها : يامجنون احبك كان هالشي بمثابة اعتذار سامحها على طول وقعد يلوم نفسه ويدور لها اعذار.. ''طبيعي تروح الملكة لان اصايل بنت عمها واعز صديقه لها بس انا كبرت السالفه''.. فتح رساله ثانيه (( شوف انا اليوم ماراح أكلمك عقابا لك فلا تتعب نفسك ماراح تسمع صوتي)) رجع فيه الزمن ورا .. تذكر ليش ارسلت هالرساله ..كان يومها منهمك بالشغل وكان داخل اجتماع فما رد يوم بعد ماخلص شاف اتصالاتها رجع دق عليها بلهفه كانت تعطيه بزي .. عرف انها زعلانه ارسل لها رساله: ريوشه ياويلك لو ماتردين اقل من الدقيقه وجته رساله: آوص هذا اقل عقاب اسويه لك لأنك مارديت على مكالماتي ابتسم وهو يقرا وكتب لها رساله: والله الجوال سايلنت وانا بالشغل اجتماعات ودووووخه.. والا انا احمد ربي يوم اشوف اتصالاتك.. جاه مسج: طس عني انا قلت بعاقبك يعني بعاقبك .. تراي مقهوره ذبحني شوقي لك وقلت اسمع صوتك لو الو تكفيني لأني طفشانه بالبيت لوحدي وقلت تسليني آخرتها ماترد.. ضحك من كل قلبه هالبنت بتجنني انبسط على دلعها.. تذكر ان اهلها كانوا رايحين الشرقيه ومافي الا اخوها الصغير عماد عمره 9سنوات رد لها مسج: طيب يادبا دقي بقول ألو وقفلي بوجهي استاهل ثانيه بس وارسلت له كلمه وحده:نو قام من مكتبه وعطا السكرتير خبر انه بيطلع واذاسأل عنه ابوه يقول له راح مشوار ضروري ركب سيارته البورش وتوجه لاقرب محل شرا قاتوه كبير بالفراوله لانها تحب شي اسمه فراوله وكتب عليه عباره.. بعدها راح وأخذ عقد ألماس وحطه بعلبه فخمه طلب من العامل لايغلفها وتوجه لسيارته ركب فيها وفتح الدرج قعد يحوس فيه واخر شي طلع مقص وقص من طرف شعره المنسدل على رقبته ..حطه بمنديل وخباها في قطعة الفلينه اللي كان فوقها موضوع العقد.. قعد يفكر شلون يوصلها لها.. طيب شلون يدق الباب صعبه.. طيب تنزل له برضه اصعب.. والامر من هذا كله هي رافضه ترد عليه عشان يتفقون.. واخيرا بعد تفكير راح لمحل العاب شرا كل شي جت عينه عليها.. وتوجه لبيتهم.. كان حيهم هدوء وهذي هي طبيعة الاحياء الراقيه.. لبق سيارته في مكان بعيد وطفى السياره ارسل لها رساله: حبيبي خلي عماد ينزل انا تحت كانت عينه على نافذة غرفتها لحظات وانزاحت الستاره ودقت عليه تركي: تهبليييييييييين الله لايحرمني هالوجه رشا: انت من جدك جاي هنا روح قبل لا احد يشوفك تركي: انتي حديتيني.. عموما خلي عماد ينزل بسرعه رشا: وش تبي فيه.. انت مو صاحي ؟ وشافها تهف بفمها الخصلات اللي جت على عيونها خلته يبلم فيها ويسرح رشا: الو تركي: معك رشا: خلاص روح.. لاتوقف موقعك شبهه تركي: زين بروح بس مو قبل عماد ينزل لي رشا: انت بتوهقني والا وشو.. تركي: انتي عارفتني ما اخطي خطوه الا وعامل حساباتي.. رشا: بنشوف تاليها .. وتوارت خلف الستاره دقايق نزل عماد من حسن الحظ ماكان عماد يعرف تركي حرك سيارته وقرب من بوابة الفله سلم على عماد: حبيبي انا جايب لك هديه عشان انت متفوق عماد كان واعي برغم صغر سنه: وش دراك اني متفوق تركي: استاذ فهد قال لي و وصاني اجيب لك الهديه لين هنا هو مشغول عماد انبسط يوم جت سيرة الاستاذ فهد لانه يحبه تركي شاف وجهه يشع وناسه.. نزل الاغراض قبل يباغته بسؤال ثاني خذا عماد الاغراض على دفعتين ودخل بيتهم.. وتركي دق بسرعه على رشا: ريوشه شوفي الكيس الابيض خذيه بسرعه وحلفتك ماتفتحينه لين ادق عليك باي رشا:بس ان.... تركي: باي باي برجع اكلمك دقايق بس.. وجلس يدور بين الارقام واتصل تركي: السلام عليكم - هلا من وين اشرقت الشمس تركي: ياسمجك زي كل يوم.. المهم اسمع ترا استعنت فيك اليوم - يعني الدور علي اليوم اصير كوبري تركي: هههههههههه .. عاد انت فهد مايحل طاريك الا بالمواقف الصعبه فهد: الله لايحرمك مني .. هاا وش بغيت تركي: متهاوش انا وبرينسيستي وجايب لها اغراض فهد: تبيني اوديها ماعندي مشكله اخت افضل التلامذه عندي تركي: اقطع واخس فهد:هههههههههههههههه اجل تركي: جايب لعماد هدايا بعد عشان ماينكبنا ويقول لاهله في واحد جاب اغراض لرشا فهد: خلاص فهمت قلت له ان الهدايا مني تركي: تعجبني تفهمها وهي طايره فهد: والله زين سويت كنت واعده بهديه لانه الطالب الوحيد المتفوق عندي وابي اقهر باقي التلامذه لانهم قهروني مايفهمون تركي: وليش موهق عمرك و وعدته فهد: والله زلة لسان ماكنت ادري ان هالشهرين بصير مضغوط تركي: اجل تبادل مصلحه اعتبرها فهد: تستاهل والله سويت خير وسمع نغمة الانتظار كانت رشا لازم يقفل قبل تسوي من الحبه قبه تركي: خلاص اخليك عندي اتصال وزي ماتفقنا فهد: اوكيشن رد ع الانتظار رشا:مع مين انتظار؟؟ تركي: صبر خل اطلع اول من حيكم.. خليك ع الخط وراح وسط الشارع قدام بقاله عشان محد يشك فيه وهو ملبق في الحي ويكلم تركي: ايوووا ياستي رشا: اول من كنت تكلم تركي: ابد هذا فهد عشان يضبط وضع هدايا عماد رشا:الحممممدلللله والله قلت هذا وش جاه يوم انه يجي ويعطي عماد الهدايا بكل بجاحه طيب وش قلت له تركي: قلت له من استاذ فهد رشا: والله قال لي بس قلت اتأكد.. وربي خفت لو يدرون اهلي مرمطوني تركي: ياحبيبة روحي انتي .. انا داري ماحنا برا عشان اسوي اللي براسي بحريه تراي اخاف عليك اكثر من نفسي رشا: طيب وش المناسبه جايب لعماد تركي: مناسبة حبي رشا:لاياشيخ يلا يلا لازم اعاقبك وبزيد عليها بكرا تركي: لاااااا واللي يرحم امك .. شوفي قبل اسأليني عن الكيس اللي قلت لك تاخذينه قبل رشا: ايه وش فيه يالله خذيته من عماد غافلته وانحشت به كني سراقه تركي: هههههههه. طيب يلا روحي جيبيه رشا: هذا هو قدامي تركي:افتحي الكرتون الكبير رشا: طيب وقعدت تفتحه..وااااااااو واتبعتها بضحكه تركي:شفيك رشا: وش اللي كاتب عليها لافديتك محشوم تركي: والله حتى العامل يوم اقول له يكتب الغبي تركي يعتذر قعد يضحك علي يحسبني مجنون رشا بدلع: حيااااااااتي تركي: طيب افتحي العلبه الصغيره فتحتها رشا وتفاجأت بالعقد اللي فيه كان مره روعه رشا: ليش ياقلبي كل ذا ..والله مايحتاج عشان ارضى عليك تركي:يحتاج ونص المهم شفتي الفلينه اللي بالعلبه وخريها بس بشويش رشا مستغربه: طيب..صارت توخر الفلين وشافت المنديل وفيه شعر: وشذا تركي: قصيت لك من شعري اذا مارديت عليك سويلي سحر عشان ما أتعودها مره ثانيه رشا ماااااااتت ضحك: مجنوووووون وربي مجنون تركي: وش اسوي والله انتي داريه ما أرد الا اذا كنت مشغول للآخر.. رشا: لاحرااااااام وش عقابي عند ربي توصل لسحر مالي الا اصبر تركي:هههههههههه صدقتي والله ياويلك تسوينها كنت امزح.. استغفرالله الله لايحدنا على هالشي رشا: لا ان شاءالله ماننحد تركي: خلاص طاح الحطب رشا: طايح من زمان بس لزوم التغلي تركي:اهون رشا:لاوربي ماتهون انا ماصدقت على الله رجعنا لبعض مستحيل اخسرك تركي: الا انا اللي اخاف من هالطاري مو كافي موقف قبل بغيت انهبل رشا: خلاص انسى الماضي الله لايعيده تركي: ما اقول الا الله لا يفرقنا يارب رشا:آآآمين كذا كان عايش تركي مع رشا تزعل يراضيها.. يزعل تراضيه.. خلافات شقيه ولكنهم يرجعون لبعض مسك راسه يبي يطرد هالذكريات اللي انهكت ذهنه.. خمس سنين راحت في غمضة عين ..على قد ماهو متحسر عليها على قد ماهو يبي ينسى اي شي يتعلق فيها.. هو ماصدق على الله رجعت حالته لطبيعتها.. بس كان يبي شي واحد يبي يعرف دافعها؟! اكيد عندها اسباب ومازال يفتش لها عن عذر يجملها بعينه ..مالقى عذر لها الا غيرتها من زواجه بجوري.. جوري الكريهه اللي فرقت بينهم.. طلع ثاير يبي يفجر ثورة غضبه فيها كان حاط بعين الاعتبار انها سبب للحال اللي هو فيه.. متناسي ان ابوه اكبر الاسباب واولها راح لها الغرفه كانت تكلم تركي: بسرعه قفلي ماردت عليه وكملت كلامها في الجوال: ليش انت ماكلمته...... اها مدري..... خلاص من عيوني انا ابلغه تركي رفع صوته: وش اقول انا.. ماتسمعين بسرعه قفلي لا الحين اكسره فوق راسك جوري معطيته اشكل ورجعت تكمل: لا عادي ...... يمكن متضايق..... والله عادي ماله داعي..... لالالا خلاص بعطيك وحدجته بنظره قويه: خذ استلق وعدك هذا عمي تركي اول شي جا في باله لازم يلقى له مبرر قدام ابوه.. اكيد بيسأل عن سبب عصبيته تركي: هلا يبه ابو تركي: اولا ماكنت ابي اكلمك لانك عاق ماتسأل عني ولاتدور اخباري تركي:والله يبه اني ابو تركي: ولاكلمه ما ابي اسمع اعذار واهيه.. الحين ليش رافع صوتك ع البنت لاتكون اصغر عيالك تركي ولم لها غلط من نسج خياله: مهمله واتكاليه ابيها تشوف شغلها وهي طول اليوم نايمه .. وش مزوجيني بوحده رفله زي هذي ابو تركي: والله لو اشوفها بعيني تسوي كذا اكذب عيوني.. جوري سنعه قبل لاتشوف وجهك تعلمني فيها واستح على شنبك طول وعرض وتكذب تركي:يبه انت ... ابو تركي: لايكثر بس.. وتعال ليش تارك الشغل انت ماعندك مسؤوليه.. تركي: لا بس عقب ماتعبت كن.... ابو تركي: طيب وللآن تعبان وش هالتسيب اللي انت فيه .. تركي: يبه اقول لك كنت تعبان ابو تركي: والله ما الوم الا امك هذي نتيجة دلعها.. شف انت لازم ترجع الرياض مالك قعده بلندن.. برسل واحد من الشباب يكمل الشغل تركي كان معصب بس كاتم عصبيته مايصير هذا ابوه ومع ذلك ارتاح يوم قال له ارجع...قفل من ابوه.. وشافها جالسه على ثغرها ابتسامه واضحه لانها عرفت ان ابو تركي هزأه بعد ماتبلى عليها ولانه تارك الشغل '' والله هذا مايكسر راسه الا عمي محمد''.. حست ان هذا قليل في حقه عقب ماكان بيغتصبها تركي: ممكن اعرف ليش هالابتسامه كانت تلعب بشعرها وابتسامتها زادت شافت ان السكوت حكمه بهالموقف تركي: ترا ما اكلم جدار.. ردي ليش تبتسمين جوري: هالطووووول كله وتتبلى علي وتكذب .. والله اني عكس افتراءاتك تركي: يعني عشان الكم صحن اللي سويتيها تبين تقنعيني انك سنعه جوري: ماراح انتظر منك هالكلمه لأني الحمدلله عارفه نفسي والاهم ان الكل عارفني.. واحمد ربك اني اسوي لك اللي تبي تركي: غصبا عليك موب رضاك فاهمه جوري: تركي انت وشفيك علي انا احاول اتجنبك وانت تدور الزله علي وياليتها زله والله اني ما اسوي كل هذا الا عشان تخف وطأة المشاكل تركي: طيب شرايك انتي لو تسقيني عسل مابين بعيني وبخلق مشكله من لاشي جوري: تركي والله تعبت من اللي انا فيه.. جد تعبت لمتى بنتم على هالحال تركي: طول منتي على ذمتي لاتتوقعين تشوفين يوم حلو جوري: حسافه اني لك.. حسافه صبري على معاملتك لي.. حسااااافه انك ماقدرت سكوتي بعد مادريت بغرامياتك والا انت ماتستاهل تركي: ترا والله لو ينعاد الزمن ومايبقى الا انتي بالكره الارضيه ماخذيتك.. قال ايش قال حسافه اني لك.. انتي اللي احمدي ربك ماخذتني هو انتي تطولين ظفري جوري: احمد ربي؟!! والله جد المفروض احمد ربي الذي لايحمد على مكروه سواه... قالتها بحركه بطيئه تركي: ياشيخه قسم بالله لوما الخوف من ربي كان خذيت فيك اعدام جوري: خوفك من ربي.. والا خوفك تنعدم وتترك رشا تركي حس في هاللحظه انه كاره رشا لان لها يد في تدهور حالته وكاره جوري انها سبب رئيسي لها الاوضاع: لاتجيبين طاريها على لسانك جوري: ايه عاد هذي حبيبة القلب تصدق لايقين على بعض انت ماعندك لاذمه ولاضمير تمشي بهالطريق.. وهي بايعه اهلها .. وقالت بسخريه حلو اختيارك تدور البنات المتربيات صرخ فيها بكل قوته لانها ضربت ع الوتر الحساس: جوري احترمي نفسك واي شي يخصني مالك دخل فيه .. جوري :ولايشرفني واثنينكم ماهميتوني.. لانكم وبكل بساطه اعتبركم شي جامد زي هذا .. وتأشر ع الجدار تركي بلغت عنده العصبيه ذروتها: اقضبي لسانك لآخر مره اقول لك جوري: وش بتسوي ترا ماني خايفه والله ماني خايفه .. سامع.. بدون شعور رفع ايده لأقصى حد وطاحت على خدها.. اختل توازنها بس ماطاحت مسكت على مكان الكف وطالعت فيه بتحدي بدون ماتنزل دمعه وحده تركي: شفتي هالكف والله بيجيك اكثر منه لو تتمادين معي مره ثانيه وطلع وسكر الباب وراه بأقوى ماعنده كأن صوته زلزال.. هو لازم يطلع مايبي يقعد دقيقه في البيت يبي يشم هواء يبي يشكي.. ماله الا مشاري هو اليوم اجازته.. دق عليه قال انه في الكوفي مع بعض الشباب ركب سيارته وتوجه له وصل شافه قاعد مع مجموعة شباب يوصل عددهم للسته سلم عليهم والضيقه تاكل فيه اكل.. مشاري لاحظ اللي كان فيه.. استأذن منهم وخذا بايد تركي وطلعوا من الكوفي طالع مشاري ايد تركي: بسم الله وشفيك تنتفض؟ تركي بحده: ولاشي مشاري: طيب امش ودنا لكوفي ثاني ماجيت بسيارتي انا ركبوا السياره وراحوا قعدوا حول العشر دقايق ساكتين مشاري يدري ان فيه شي بس حب انه هو اللي يتكلم.. قطع الصمت صوت تركي.. كان يحشرج تركي:اشوفها قدامي ماني قادر انساها مشاري: وين كلامك قبل وانك بتنساها تركي: ماقدرت هي خذت عقلي وقلبي معها مشاري كان عارف وحاس بعمق حبه لرشا: والله مدري وش اقول.. تركي انت لازم تنساها لازم تركي: مو قادر والله مشاري: البنت بتتزوج هذا اذا ماتزوجت تركي: تزوجت وهذا اللي تاعب قلبي مشاري: شفت .. يعني لازم تنساها هذي ماتستاهل منك ذرة اهتمام وتفكير تركي: انا اللي قاهرني ليش سوت كذا ليييييييش مشاري: انت وش اللي قاهرك بالضبط تركي: رسايلها واتهاماتها واخرها زواجها مشاري: مايبي لها تفسير كانت خدعه البنت تبي تتزوج قالت خل اخلق سالفه تركي:لالا مو رشا اللي تسوي كذا مشاري: يابن الناس اصحى فوووووق لنفسك شفيك انت تركي: والله مدري بعادها مأثر علي لدرجة ماعاد صرت احاسب لتصرفاتي مشاري: ترا وضعك مايطمن جاهد نفسك قبل ماتتغير وتنتكس حالتك تركي: للأسف انتكست وخلتني اسوي اشياء عمري ماسويتها مشاري: وش سويت تركي: مديت يدي على جوري مشاري بصدمه ضرب في الطاوله خلتها تهتز : لييييييش كل اللي في المقهى طالعوا فيه باستغراب طالع فيهم تركي وبلهجه انجليزيه: وش تبووون وخروا وجيههم بسرعه اللي طالع قهوته واللي رجع يكلم اللي قدامه .. كانوا خايفين من نظرات تركي مشاري سيطر على انفعاله: صادق انت؟! تركي:ماكنت بوعيي مشاري: انت عمرك ماسويتها حتى مع خواتك وين مبادئك وين اللي كان يسيطر على اعصابه تركي: والله يامشاري مايرجع لي عقلي الا بعد ما احس بنفسي اني ضربتها مشاري: خساره ياتركي والله خساره هذا اسلوب مو حضاري ابدا والا وين خوفك من الله.. انا اعرف ان الزوجه ماتنضرب الا في الحالات الكبيره.. واسمحلي اقول لك ان جوري احلف عنها انها ماغلطت غلط كبير تركي: الا غلطت تطول لسانها وتحاول تستفزني بسخريتها تستاهل ماجاها مشاري: طولة اللسان حلها مو الضرب.. اهجرها في الفراش حسسها بغلطها بصدك.. لا تنسى ترا هالشي درسناه في مناهجنا بالسعوديه.. اكيد انت زودتها معها والا وحده مثلها تتطاول مستحيل تركي: وليش متأكد مشاري: اقرب موقف يوم بالمستشفى كانت مسيطره على نفسها مع ان اللي صار قدامها شي ماينسكت عنه.. بس سكتت تركي: لايغرك سكوتها .. انت ماشفتها اليوم مشاري: اكيد هي فقدت السيطره على نفسها بشي شافته منك.. والا والله ما اصدق من الباب للطاقه بتسوي كذا تركي عارف في قرارة نفسها ان مشاري معه حق بس سكت عشان مايزيد لومه له مشاري: تركي لايكون دايم تمارس معها هالاسلوب الملتوي تركي زي الطفل خايف يعترف ويلقى توبيخ بس ماله الا يعترف: ثاني مره مشاري: انت صديقي الا اخوي.. بس والله لو ان جوري اختي كان سويت فيك اللي مايتسوى تركي: انا جاي اشكي لك لاتزود همي مشاري: انت اللي جايبه لنفسك.. حرام اللي تسويه فيها وعشان مين عشان رشا وياليتها تستاهل.. تضربها وجاي تشكي لي تركي: وش اسوي طلعت من البيت مدري وين اروح مشاري: يعني توك الحين ماد يدك عليها؟؟ تركي:ايه مشاري: انت ماتحس؟! ومخليها وجايني تركي: شرايك يعني اقعد اطبطب عليها مشاري: اقل شي ممكن تسويه لها ترا اللي سويته مو صغير تركي حسسسه مشاري بالذنب فوق ماهو حاس بأحاسيس مختلفه تعصره من الداخل عصر مشاري: والسواة تركي: مدري مشاري: انا ماراح اقول لك وش تسوي عقلك في راسك تعرف خلاصك.. منتب بزر بس بقول لك شي واحد والله العظيم حرام اللي تسويه فيها.. هذي بنت عمك قبل كل شي ومالها يد بزواجك منها.. اذا فيك مرجله واجه ابوك سبب اللي انت فيه تركي: مشاري مو كنك تماديت مشاري ماكان يخاف من قول الحق: والله مافيك مرجله ولانخوه .. تفرد عضلاتك وقوتك على هالمسكينه.. انا بس ابي اعرف شي واحد وش سوت لك وش سوت لك وش سوت لك وش سوت لك جلس يفكر تركي في هالكلمه.. فعلا وش سوت لي ليش اعاملها كذا هي مالها ذنب.. انا صدق ماني رجال لأني ماوقفت قدام ابوي وقلت ما ابي.. لو عارضته بيزعل بس مصيره يرضى مع الزمن.. لو افكر تفكير منطقي بلقى نفسي سبب كل شي لاني وبكل بساطه ماقلت لا.. وقف مشاري: وين تركي: مدري.. بس قبلها امش بوصلك عند الشباب مشاري عرف انه رايح لها: لا روح ماعليك مني وراح تركي البيت وهو يفكر شلون بيقابلها مايدري وش يقول لها بس ع الاقل بيحسسها انه ندمان عند جوري بعد ماتلقت الكف قعدت على طرف السرير مسكت راسها دايخه وحاسه بألم فظيع بس مو زي الألم النفسي اللي تحس فيه ودها تبكي بس الدموع رافضه تطلع.. '' ياقو قلبك ياتركي'' وصل تركي وتوجه لغرفتها شافها على وضعها.. ضميره انبه قرب منها وقعد جنبها تركي: جوري لفت رقبتها بحركه آليه طالعت فيه بنظره حس انها تسأله وش سويت لك مسك ايدها وبهالحركه طاح قناع القوه وضعفت وانهمرت دموعها .. تخلصت من ايده وقامت ماتدري وين تبي ومشت لين وصلت نص الغرفه تركي كان يطالع مشيتها البطيئه وفجأه طاااااااااااااااااااااااااااااااااحت تركي ماقام من مكانه: ادري انها لعبه قومي>> وده يتصفق جوري لا رد قام عندها وقعد على اطراف اصابعه: جوري لاتمثلين انا داري اني غلطان وهي ماردت ركز في صدرها يبي يشوف تتنفس ماشاف فيه تنفس.. خاف كان بينجن ''ماتت'' حط ايده قريب من خشمها كان التنفس متقطع حمد ربي .. ضربها على خفيف على خدها: جوري جوري جوري ولاحركه قام زي المجنون يدور عبايتها لبسها اياها وطيران ع المستشفى ...................... في بيت ابو فيصل دانه: احس اني بحلم نوف تبكي: وانا باحلام دانه: وش هالحظ.. وربي ماكنت اتوقع بيصير لنا كذا نوف: حنا بالطقاق .. لكن امي لا .. والله قلبي يتقطع عليها دانه: ياحبيبتي يمه البيت من غير حسها مايسوى نوف: كله من عمي ودي ادعي عليه بس تربيتي ماتسمحلي دانه: والله انا ما ألوم الا ابوي.. ولايمكن اسامحه طول عمري وحضنوا بعض ويبكون دخلت ساره وشافت وضعهم انضمت لهم وصاروا يبكون طالعت دانه في ساره وضحكت غصب عليها ساره وهي تمسح دموعها: وش يضحكك هذا وقته دانه هي بعد تمسح دموعها وتضحك: مدري جيتي على طول تبكين معنا ساره ابتسمت: والله شر البلية مايضحك .. اكيد تبكون عشان الحاله اللي حنا فيها.. نوف: كله من خالد ونادر حسبي الله عليهم ساره: لاتتحسبين والله مساكين دانه :مساكين!! ساره: اي والله.. بنات حنا لازم نقول الحمدلله اللي حنا فيه احسن من اللي غيرنا فيه ونعانيه دانه: انتي وش تقولين نوف: خليها انهبلت ذي ساره: لا والله انتم بكرا بتقولون نفس كلامي دانه: انتي عارفه شي مخبيته علينا؟؟ ساره: خليها ع ربك.. بس انتي يادانه بقول لك شي حنا عارفين ان نادر يميل لك وانتي نفس الشي دانه باستنكار: انا ساره: ايه لايكون بتكذبين عيوننا ياويلك تنكرين ترا مفضوحين وقولي الحمدلله انكم خذيتوا بعض دانه: بس ولو الطريقه هذي غلط.. عمي تركي يرفع الضغط ساره: قولي الحمدلله انه صار من نصيبك نوف خبت وجهها بالمخده وبكت لفوا عليها : شفيك وهي لازالت مستمره في البكي حضنتها دانه: نوف وش فيك نوف: ماتضررتي من اللي صار.. لكن انا كثييييير تضررت ساره: نيوفه قلبي اي ضرر وشفيك نوف: تبونها على بلاطه انا احب طارق ما ابي خالد دانه غطت على فمها متفاجئه ساره:وشو نوف: ايه احبه وعمي محمد خلاني اخذ اخوه شلون بعيش معه شلون ساره:يااااالله نخلص من مشكله نطيح في مشكله.. شوفي انتي لازم تكلمين ابوي دانه: ساره صاحيه انتي ابوي قال كلمته .. انتي شفتي مصير امي نوف: وهذا اللي خلاني اوافق عشان امي والا والله لو انها مو في الموضوع كان قلت لهم يقتلوني ولا اخذ خالد دانه:لازم ترضين بالأمر الواقع وبعدين خالد ماشاءالله عليه الغلط الوحيد اللي شفناه منه هو اخر موقف والا هو ينطرى بالخير في المجالس ومشهود برجولته نوف: هذا كله مايعنيلي شي دامني احب طارق ساره: يا انك تكلمين ابوي او ترضين بالامر وادعي الله بصلاتك يفك كربتنا ويسهل امورنا ..................... في بيت ابو طارق في المجلس العربي كان ابو طارق ممدد رجوله وقدامه ريم تهمزها ابو طارق: خلاص يبه يكفي الله يرضالي عليك جزاك الله خير طارق: الخير مايجي الا اهل الخير واللي كفوه ام طارق فهمت قصده: طارق طارق: وش سويت ابو طارق ماكان فاهم السالفه: شفيك ع الولد ام طارق: هو يعرف ريم طنشت: يبه ابي اشتري فستان عشان الملكه طارق: الله ياخذك قولي آمين حنا في وش وانتي في وشو صدق انك ماتستحين ابو طارق: صدق انت اللي ماتستحي وش فيك عليها ريم: والله هو له كم يوم وهو يزفني مدري وش سويت له ام طارق: ريومه ماعليك منه طنشي طارق: خل اقوم احسن من مقابل وجهها الله يحرمني شوفت هالوجه بأي ثمن.. وطلع قبل لايسمع اي كلمه ابو طارق: هالولد انقلب حاله وش فيه على اخته ريم: والله ماسويت له شي حتى لاجا يهاوشني ما اسأله ليش تهاوشني والله اني انطم ام طارق: ماعليك منه اهم شي لاتضايقين نفسك.. طلعت غرفتها ودقت على معاذ تبيه يخفف عنها كانت تحبه بصوره جنونيه ..وهو باعتقادها بر الامان اللي تحس في قربه بالراحه.. مارد عليها هو له فتره مايرد.. بعد خمس دقايق دق عليها ردت عليه من اول رنه ريم: هلا حبيبتي منذر: هلا قلبي شلونك ريم:بخير وينك ماتردين علي منذر: من عندك؟! ريم: محد منذر: طيب لاتخاطبيني بصيغة المؤنث رفعتي ضغطي كم مره اقو لك ريم: وانا كم مره اقول لك تعودت منذر: اجل يلا سلام ريم: منذر لحظه بليز منذر: خير ريم: خلاص بحاول منذر: عندك احد ورضيناها اكون حرمه..بس ماعندك احد ماراح ارضها ... وش هالسخافه صدق مجنونه ريم: احترم نفسك انا مو مجنونه منذر: باللهي.. انتي عارفه من تكلمين ريم: حبيبتي اقصد حبيبي والله اسفه ماراح اكررها بس بليز لاتقول لي هالكلمه مره ثانيه منذر: هالمره سماح.. لكن المره الجايه انسي منذر ريم: والله ماتنعاد.. ولاتقعد تهاوشني مو كافي اللي يجيني من طارق منذر: شفيه وش صار حكت له كل السالفه من إلى عرف ان السالفه ماهي كذا لانه عارف السالفه الحقيقيه وانه هو سببها.. هو لازم يتحاشاها مو بعيده انهم يسوون فيه شي ....حطيت العشاء تعال..... منذر ارتبك: خلاص باي ريم: تعال من عندك منذر: اهلي حطوا العشاء ريم: تصالحت معهم منذر: ايه ايه يلا باي .................... في المستشفى تركي في الانتظار حددده خايف وش صار لها الدكتور طلع اول ماشافه تركي:بشر دكتور الدكتور: قريب المريضه؟؟ تركي:زوجها الدكتور: كم عمرها تركي: سنه23 الدكتور:توقعت تكون في بداية العشرينات.. غريبه يزيد خطر الاصابه بارتفاع ضغط الدم بعد سن 30عام.. من متى عندها الضغط؟؟ تركي:ضغط!! الدكتور: اي نعم.. فيه احد من العائله عنده الضغط تركي: ابوها وابوي فقط الدكتور: بينكم صلة قرابه تركي: هي بنت عمي الدكتور: ممكن يكون السبب عامل وراثي تركي: بس هي ماقد شكت الدكتور: طيب هي تستخدم حبوب منع الحمل لانه من العوامل اللي ترفع الضغط تركي: لا ماتستخدم الدكتور:الضغط كان مرتفع مره الله ستر ماراحت فيها.. انت تعرف ان ارتفاع الضغط ممكن يصيب الشخص بعدةامراض.. امراض القلب او ذبحه صدريه او اعتلال الشبكيه(فقدان البصر) او تصلب الشرايين تركي خاف: هااه الدكتور: يا ابني حاول انها تنتظم لعلاجها تركي: صدقني يادكتور اللي اعرفه ان مافيها ضغط اول مره يصير لها كذا الدكتور: اكيد فيه حاجه قويه اثرت عليها جايز تكون اسباب نفسية والتوتر النفسي له دور كبير في ارتفاعه .. هي لازمها راحه تامه بعيد عن اي ضغوط وكمان حرارتها مرتفعه اعطيناها خافض للحراره .. تركي:طيب دكتور ممكن ماتقولها لانها بتخاف.. ياليت تقول لها انه ارهاق او سوء تغذيه شي زي كذا.. وانا بتابعها في الادويه الدكتور:اتمنى تتابعها لانها محتاجه رعايه والاهم تاخذ الادويه في مواعيدها عشان مايستفحل الامر اخذها ع السياره فتح لها الباب الامامي رفضت عجزانه تجلس كانت تبي تركب ورا عشان تتمدد.. طول ماهو يسوق كان من فتره لفتره يطل عليها الخوف ماخذ منه كل مأخذ شافها نايمه ..وطول الطريق تنادي امها.. وصلوا البيت اول ماوصل حطها ع السرير وجاب بطانيه ثقيله وصار يدفيها وكانت بردانه وتبي تنام عشان المغذي.. قعد جنبها تركي: جوري جوري مغمضه:همم تركي بحنيه:تبين تسافرين لامك جوري: لا لا تركي: ليش جوري: ما ابيها تشوفني بهالحاله تركي: الدكتور يقول ماتاكلين زين ويبيلك رعايه و قاطعته: ان شاءالله بطيب اهم شي امي ماتدري انا برعى نفسي بعد الله.. ورجعت تنام تركي كان شفقاااان عليها وقعد طول الليل عند راسها ''منك لله ياشيطان منك لله.. لو صار لها الانسانه شي بلوم نفسي طول عمري'' حلف ماينام ويسهر على راحتها كان يحط لها كمادات مرت ساعات وجوري تهذي كان يبي يعرف وش تقول بس كلامها غير مفهوم وهو قلبه متقطع جوري: تركي تركي:شفيك وش تبين حاسه بشي جوري: حرام اللي تسويه لي انا يوم طولت لساني كنت ادافع عن نفسي قدام جبروتك.. تركي:بس... جوري:يمه تكفين خلي تركي يطلقني انا عايشه بجحيم.. تكفى يبه قول له يطلقني تراه يطقني وانت اللي عمرك ماطقيتني ولاحتى واحد من اخواني.. ندى تكفين ابعدي هالشرس عني ابعديه تركي في الاخير عرف انها تهذي لان حرارتها مرتفعه مالها الاتزيد.. مامسك دموعه تأثر وضمها لصدره''وش ذنبها عاملتها كذا وش ذنبها.. طالع الصحن اللي كان يكمد لها منه ذاب الثلج وصارت المويه دافيه.. وراح المطبخ حط مكعبات ثلج في الصحن رجع الغرفه وصار يبلل الفوطه ويحطها على راسها واطرافها مرت ساعه ثانيه وانخفضت كثير الحراره ورجع حطها بحضنه والذنب أكل كل قطعه من قلبه.. جلس يطالع فيها كانت عاقده حواجبها وكانت مرسومه رباني بشكل حلو لفت على جنبها وصارت مقابلته وخصلات شعرها جت كلها على وجهها وخرها وحطها ورا اذنها شاف حبة شامه كبيره تحت اذنها تذكر يوم هم صغار وكان يعايرها ويقول لها لو ان هالشامه على ارنبة خشمك كان سميناك الساحره وكانت تبكي وتروح تشكي عند ابوه وكان يهاوشه علشانها انتبه انها تتحرك كانت تحاول تفتح عيونها..الظاهر صحت جوري تحركت كانت تحس بدفا فتحت عيونها على خفيف''انتبهت انها في حضنه'' وتركي كان يطالعها بدون اي تعابير تركي:حاسه بتعب تبين شي سحبت نفسها بشويش وجت تقوم تركي:وش تبين انا اجيبه جوري: شكرا.. عطشت بروح اشرب مسكها ورجع نومها ع السرير :ارتاحي انا بجيب لك جوري ''غريبه وش فيه'' دقيقه وجاب المويه: انا بروح اصلي وبجيب فطور قومي صلي وانتظريني لاتنامين صارت تهز راسها مو مصدقه السكينه اللي نزلت عليه وقامت صلت ودعت ربها في صلاتها خلصت صلاتها كانت تحس بصداع قوي انسدحت ع السرير تفكر ''من رجعنا من المستشفى وهو متغير ياويلي لايكون فيني مرض خلاه يحن علي يمممه لايكون عندي السرطان.. اماا سرطان هبله انا يعني بيخلوني ارجع بهالسرعه البيت بدون اي تحاليل مكثفه .. لالا بسم الله علي هو قال سوء تغذيه واكيد لانه حس بالذنب.. بس اللي سواه فحقي كبير .. جرحني بكلامه وضربه وصعب تلتئم هالجروح اااااخ ياراسي اباخذ بندول راسي بينفجر '' فتحت درج الكومدينا طلعت الحبوب وجلست تفكها وتوها بتشرب الحبه على دخلة تركي:لحظه لحظه وش تسوين جوري:مصدعه باكل بنادول تركي:افطري واشربي علاجك وردي نامي يخف الالم جوري:معليش تركي مو مشتهيه تركي:لا انتي اللي معليش لازم تاكلين حتى لو شي بسيط جوري ماحبت تطول المسأله الصداع اللي فيها مكفيها جاب لها اكل واكلت مجامله.. بعدها اخذت الادويه باشرافه ونامت وهو نام ع الكنبه اللي جنبها ....................... يو جديد منذر: اهلين صباح النور - ماشاءالله صاحي منذر: ايه اليوم فاضي - منذر منذر: عيوووونه - متى اشوفك منذر: حددي المكان والزمان اجيك طيرااان - تعال الحين عندي منذر:وينك فيه قلبو؟؟ - انا في البيت محد عندي منذر:نوووو وي ..انا حق فرفشه في الاستراحات.. اي نعم بنات وشباب بس حدنا رقص وفله - طيب عادي حتى عندي بنرقص ونفلها منذر يستهبل:ياللهول الشيطان ثالثنا وانا حمااااار خالص ما امسك نفسي - عادي حلالك منذر مافي راسه:اعوووذ بالله مايندرى عنكم امراض وبلاوي متلتله - الشرهه مو عليك الشرهه علي انا يلا ضف وجهك مو وجه نعمه وقفلت بوجهه منذر ماتأثر وبهدوءه المعتاد:هههههه اجل نعمه بايع نفسي انا... طيب ندق ع الجو الثاني بصوت ناعم:هلا عمري منذر:هلا بالحب كله - وحشتني منذر:وانتي موووووووت وكمل سواليف على موعد يتقابلون في استراحة واحد من الشباب مسوي حفله بمناسبة نجاح خويته والحفله اكيييد خليطي ......................... بعد يومين كان يوم جمعه استتب الامر نوعا ما في العايله ابو تركي يكلم نفسه وهو نازل من الدرج: هالعيال بيجننوني وين عيال الا شيبان مابقى شي على الاذان وماني شايف واحد منهم قام.. يا ام تركي .. يالطيفه طلعت من المطبخ: سم يا ابو تركي ابو تركي: سم الله عدوك للحين ماصحوا هذول ماعندهم احساس مايدرون ان اليوم جمعه نزل نادر كان فاقد البسمه اللي يشوفها ابو تركي كل يوم هو راضي بدانه خلاص.. بس تسلط ابوه وغطرسته وتدخله بحياتهم هو اللي ماكان راضي فيه.. وابو تركي عارف ان الموقف باقي مأثر عليه .. نادر: السلام عليكم ام تركي وابو تركي: وعليكم السلام راح لابوه كانوا كلهم بنفس الطول اضطر نادر انه يوقف على رجوله عشان يحب راس ابوه ودنق على ايده وحبها ابو تركي كان يحمد ربه انه عنده عيال زيهم بالرغم انه شديد عليهم بس يدورون رضاه وراح نادر لامه وسوى نفس الشي ام تركي: الله يرضالي عليك يانادر ويعطيك ماتتمنى نادر: الله لايحرمني من هالدعوات الحلوه .. يلا يبه مشينا ابو تركي: وين عبدالرحمن ام تركي: انتم روحوا لحقوا ع الخطبه وانا بروح اصحيه وراحوا توها بترقى شافته نازل حب راسها ام تركي: تحب الكعبه ان شاءالله.. شفيك متأخر عبدالرحمن: والله انشغلت اخر الليل باوراق قلت اخلصها لان زي منتي عارفه اخلاق ابوي جمر هاليومين ام تركي: الله يعينك بس لاترهق نفسك واجد عبدالرحمن: ان شاءالله ام تركي: إلحق على ابوك ونادر عبدالرحمن: يلا يلا رايح.. سلام ..................... بيت ابو فيصل رجع ابو فيصل من الصلاه شاف الصاله مافيها احد راح قعد مكان ام فيصل .. كان اذا رجع من المسجد يشوفها قاعده تتقهوى.. بعدها تقوم تحط الغداء من طبخ ايدينها معودته كل جمعه تخلي السفره عامره وكلها الاكلات اللي يحبها''الله يلعنك يا ابليس'' دخل حمد وشاف ابوه سرحان حمد: طلعت على طول من المسجد قعدت ادورك ابو فيصل: شفيك حمد: لا بس عشان اجيبك للبيت بالسياره ابو فيصل: كنت محتاج امشي حمد: الله يهداك يبه المسجد باول الشارع والشمس حاره ابو فيصل: الحمدلله ماجاني شي.. جت الخدامه: بابا احط الغداء وابو فيصل رد يسرح حمد: ايه حطيه.. ونادي البنات راحت الخدامه وحطت الغداء ونادت البنات نزلت ساره ودانه والتموا حول السفره ابو فيصل: ونوف؟؟ ساره تطالع دانه:هااه ابو فيصل: واضحه كلمتي ساره: تقول ماتبيه ابو فيصل: روحي ناديها راحت ساره لها ودقايق وهم نازلين قعدت نوف وكان واضح عليها اثار البكاء خشمها احمر وعيونها كذلك ابو فيصل حنون عوره قلبه عليها: تعالي يبه جنبي راحت نوف وقعدت جنبه قعدت على يمين ابوها نفس الكرسي اللي تقعد عليه امها ابو فيصل: تغدي معنا وانا ابوك نوف: مو مشتهيه والله اخذ الملعقه وقربها من فمها نوف بكت: والله مو قادره آكل وامي مو معنا دانه ماتحملت على طول بكت حمد: يابنات مايصير بنروح لها اليوم وبتشوفونها ساره كانت خايفه تبي تشوف وش ردة فعل ابوها من كلام حمد ابو فيصل: وين تروح انت؟؟ حمد: لأمي ابو فيصل: مافي روحه امك حطت راسها براسي دانه: وحنا وش دخلنا ابو فيصل: انكتمي ولا اسمع حسك ساره: يبه الله يهداك مايسوى عليه اللي صار ابو فيصل: مافي روحه حمد: يبه اسمحلي عن نفسي بروح والله مايردني عن امي الا الموت ابو فيصل: تتحداني حمد: وانا اقدر.. بس هذي امي مثل مالك حق علينا فلها حق نوف:يبه الله يخليك والله بموت من غيرها وجلست تبكي بطريقه هستيريه قامواالبنات عندها وصاروا يبكون>> لزوم المشاركه الوجدانيه اما حمد ماتحمل وراح لها وضمها وكانت بعيونه نظرات عتاب لأبوه ابو فيصل صار يطالع في نوف الفرق بينه وبينها انها بينت فقدها لامها بالبكاء بينما هو زي السكاكين تقطع في صدره جلس يفكر ويعيد حساباته.. استحضر كل يوم مع ام فيصل وين بيلقى مثلها: لعنة الله عليك يا ابليس لعنة الله عليك.. طالعوا فيه ابو فيصل: قوموا يلا روحوا لها.. حمد مستغرب: يبه ابو فيصل: هذي افعال الشيطان وصلتني لها الشي قوم وانا ابوك ود خواتك لامك حمد ماصدق خبر والبنات فرحوا وطاروا يجيبون عبايتهم حمد: يبه وانت بتجي ابو فيصل: روح وانا ابوك وراحوا رجع يفكر وبراسه مليون فكره وفكره اخذ منه التفكير ربع ساعه وبعدها قرر يسوي اللي في راسه.. ودق على فيصل ................. له يومين ينام ع الكنب .. ظهره يعوره منه.. طالع ساعته لقاها تعدت بعد منتصف الليل.. حمد ربه انه صلى صلاة العشاء قبل ماينام والا كان طافته جلس على حيله وطالع السرير فاضي.. طلع من الغرفه شافها مستلقيه ع الكرسي الهزاز ومشغله جوالها قرآن بصوت عبدالله المطرود راح لغرفته دخل الحمام غسل وجهه وطلع.. حس بجوع تذكر انه ما أخذ عشاء هو له يومين يجيبه من برا مراعاة لحالتها لانها ماتقدر تطبخ .. وكان يغصبها تاكل عشان الادويه.. فكانت تاخذ الاكل وتدخل غرفتها وهو قدر هالشي اللي جاها مو قليل.. بس اليوم راحت عليه نومه من الارهاق والتعب.. اخذ مفتاح سيارته وطلع عشان يجيب شي ياكلونه وكان كل همه تاخذ علاجها ولو كان متأخر راح المطعم حك راسه .. اكيد طفشت من الاكل اللي كل يوم اجيبه لها ..وش تاكل مايدري وش تحب و وش اللي ماتحبه دق عليها جوري:نعم تركي: انا في المطعم وش اجيب معي جوري: شكرا تركي: بلا دلع يلا قولي عشان ناكل مع بعض جوري بسخريه: انا آكل معك؟! تركي: ليش وش فيها جوري: لو مابقى الا انت ماجلست على سفره معك تركي:كني ماسمعت.. بسرعه وش اجيب معي عشان تاخذين العلاجات وماني ماكل معك جوري: ما ابي وان بغيت انا بسويلي اي شي تركي: لازمك راحه انتي ناسيه انك تعبانه جوري: وش فيني زي الحصان.. كفايه تمثيل انك تخاف علي تركي: واذا قلت لك خايف عليك جوري: خوفك المصطنع ذا ما ابيه .. اذا كان هذا خوف من ابوي واخواني فماراح اقول لهم وان حصل ودروا بخليك بطل وبقول انه كان شهم معي ومابخل علي تركي'' الحين ذي مريضه'': انا خايف؟؟! جوري: اكيد خايف لايحوسونك لو يدرون تركي: هذا وانتي تعبانه ويطلع منك هالكلام جوري: مافيني الا العافيه يلا بس مع السلامه تركي: اها طيب شوفي الساعه الحين قسم بالله لو ارجع البيت بعد ساعه وانتي مو طابخه مايحتاج اكمل انتي عارفه وش بيصير.. الظاهر انك تبلدتي ماصرتي تمشن الا بالضرب..... وقفل بوجهها وراح المطعم طلب اكل وقعد ياكل ولاهمه شي جوري شوي وتكفخ نفسها وش سوت هي '' جعل لساني القص والله تعبانه مافيني حيل اطبخ'' وقامت وهي تسب في نفسها دخل تركي البيت وهي بالمطبخ شم طباخها ''ايه تحسب اني عقب اللي صار بنسى وبرضخ والله هذا بعدك مابعد شفتي شي'' : جووووري طلعت:شفيك تركي:صقهاء ماتسمعين جوري باستغراب:شفيك على طول جيتك تركي يدور الشر: ساعه انادي جوري :والله على طول جيت من ناديت تركي:يعني انا كذاب جوري'' استاهل انا جبته لنفسي'' :لاحول ولاقوة الا بالله تركي:بععععد جوري:اخلص علي وش تبي قام لها وجوري خافت صارت تقرا ''وجعلنا من بين ايديهم سدا ومن خلفهم سدا فأغشيناهم فهم لايبصرون'' تركي:والله ياجوري مراعاه للحاله اللي مريتي فيها بعديها لك هالمره جوري ببرود:كثر الله خيرك احط لك الاكل الحين تركي انقهر من برودها: ما ابي ولا زفت جوري:وليش قايل ازين لك اكل تركي:كذا لعانه جوري :وشو يعني اكبه؟ تركي:كيفي بفلوسي جوري:وتعبي تركي :انتي كلك على بعضك شاريك بفلوسي جوري فيها الصيحه ماقدرت تتكلم تحس بصداع فظيع تركي تذكر كلام الدكتور اي ضغوط مو في صالحها لان هالشي بيرفع الضغط عندها'' تركي: يومين ونرجع السعوديه.. ع الاقل ارتاح من غثاك راحت الغرفه مافيها حيل تصيح.. اكلت كيك واخذت علاجها ونامت ....................... بعد مارجع ابو تركي وعياله من المسجد شافوا نادر مو على بعضه .. كان متضايق وهو من النوع اللي تبان عليه الضيقه مهما حاول يداريها قعد الكل بعد الغداء بالصاله ندى تأشر لنادر وش فيك رد لها الاشاره مافيني شي كان ابو تركي متابعهم من طرف عينه ابو تركي: نادر شفيك من طلعنا من المسجد وانت مو على بعضك.. حتى غداء ماتغديت زي الاوادم نادر: سلامتك يبه ام تركي: وشفيك ياقلبي نادر: لابس تأثرت من الخطبه عبدالرحمن: والله من جد كانت مؤثره.. تخيلي يمه اللي القاها ولد امام المسجد عمره 17 سنه ندى:ايه ماشاءالله خطيب مفوه سمعته ابو تركي: وين سمعتيه ندى: المسجد قريب وصوته واضح وعالي يوم سمعت انه مو صوت الامام اللي تعودت عليه كل يوم جمعه والله انشديت اسمع من هذا كان واضح من صوته انه دون العشرين ام تركي: وش عنه الخطبه عبدالرحمن: عن ذم الخصومه ام تركي: ياالله ذكرت خطبة الشيخ سعود الشريم عن هالموضوع .. تأثرت واجد والله.. تذكرها يانادر يوم نسمعها انا وانت مع بعض؟؟ ندى: يمه قصدك الخطبه اللي سجلها وصار يرددها ام تركي: ايه نادر: ايه اذكرها ام تركي: عساك حافظها للحين نادر: نسيت معظمها ام تركب: طيب اذكر اللي حافظه نادر : حافظ البدايه يقول الله يحفظه:فإنَّ وصيَّتي المبذولةَ لكم عباد الله هي تقوى الله.. ولزومُ الجماعةِ.. وصفاءُ القلوب والفكاك من العوالقِ البغيضةِ.. التي تورث الإحنَ وتوقظ الفتنَ .. وتَذهب بلُبِّ المسلم.. وإيّاكم والاختلافَ والفرقه.. فإنهما يهلكان الأممَ ويأكلان الأخلاقَ كما تأكل النارَ الحطَب.. ام تركي: والآيه نادر: قال تعالى ''وَمَا اخْتَلَفْتُمْ فِيهِ مِن شَيْءٍ فَحُكْمُهُ إِلَى اللَّهِ ذَلِكُمُ اللَّهُ رَبِّي عَلَيْهِ تَوَكَّلْتُ وَإِلَيْهِ أُنِيبُ'' ام تركي: الله يعطيك العافيه وعقبال ما اشوفك خطيب ابو تركي: خطيب وهو اطردي ورا البنات ماظنيت!!! تضايق نادر بس سكت.. لان الخطبه جد كانت مأثره عليه ومن هو في المسجد وهو عازم الامر يتصالح مع خالد ومع كل واحد تخاصم معه مع انه نادرا مايغلط يعني كان اسم على مسمى ام تركي تضايقت على ولدها.. ابو تركي الا وينكد عليهم نادر: المهم دحيم ابيك تروح معي انت وحمد وفيصل بروح اتصالح مع خالد ام تركي: عين العقل الله يكملك بعقلك ياوليدي عبدالرحمن: طيب خلها بعد المغرب نادر: اوك ................. في بيت ابو جمانه ابو جمانه اخو ام فيصل الكبير.. كان شديد ومثل اخته حقاني ومايخاف في الله لومة لائم كان ساكن في البيت مع بنته عقب ماتوفت زوجته.. جمانه بنته الوحيده مكرسه حياتها لابوها وهو نفس الشي وصلوا حمد وخواته سلموا على خالهم وتبادلوا الاحضان مع امهم واختلطت دموعهم.. وكان حمد يهدي عليهم طبعا ابو جمانه كان عنده خبر بالمشكله اللي صارت وكان وده يحل الخلاف بس ام فيصل رغم انها تشكي الا انها تحب تحل مشاكلها بطريقتها.. وهو ماحب يتدخل وكل اللي قاله لها بضعة استشارات ونصايح بحكم انه اخوها الكبير ابو جمانه: والله هذي الساعه المباركه اللي شفتكم فيها حمد: تسلم والله.. ابو جمانه: من مبطي ماشفتكم حمد: مو طال عمرك كنت مسافر والا احنا دايم عندك ابو جمانه:ايه صادق.. والله الكبر شين صرت انسى كثير ام فيصل: بعز شبابك ياخوي هذا وحنا نبي نزوجك طالع في جمانه اللي كانت قاعده بآخر الكنب وحاطه جلالها: جمانه شرايك جمانه بصوت اقرب للهمس: والله كم مره وانا اتحايل عليك تتزوج بس رافض ساره: اجل مالك عذر ابو جمانه يضحك: لايا ابوكم انا راحت علي ان شاءالله اشوفكم انتم كل وحده في بيت رجلها حمد: وانا ابو جمانه: لا انت ماله داعي الكل:هههههههههههه الا نوف كانت في حضن امها زي الطفله ومتشبثه فيها خايفه تفقدها ابو جمانه: نيوفه وش فيك يبه نوف: لا ولاشي ابو جمانه: والله ماتنلامين اجل هذي سواة يسويها ابوك.. والله لو امك تأشر بالبنان وتطلب اتدخل اني لا أودي ابوك ورا الشمس جمانه: يبه مايصير هذا ابوهم مايرضون فيه ابو جمانه: ولاحتى يرضون في امهم حمد: والله الاثنين تاج على روسنا بس وش نسوي انت تريد وانا اريد والله يفعل مايريد ابو جمانه: ونعم بالله.. الا ليش ماجا معكم والا ميببس راسه حمد: مدري عنه.. جت الخدامه: بابا في ناس يبغى انتا برا ابو جمانه :مين الخدامه: 3 رجال واثنين حرمه ابو جمانه: غريبه من هذول.. وجا يقوم حمد قام: خلك ياخال انا بروح راح حمد ... لحظات ودخل وكان خلفه الضيوف!! ................... نهاية البارت الحادي عشر .. .. .. |
البارت الثاني عشر مساكم رضى الرحمن **الردود المقتضبه زي يسلمووو واااااو جوناااان مع اني احسها تسليك لكن هذا مايمنع اني اقول لصاحبها مقدما جزاك الله خير ع المرور يكفي انه شرفني.. **تعقيبي راح يكون على التعليقات اللي تناقش جانب معين في الروايه فقط او تحلل الشخصيات.. **كل نهاية بارت بكتب فيه موعد البارت الجاي وبخليه بخط كبير يعني مو تدخل الوحده وتقول متى البارت واذا ماكتبت الموعد فهذا يعني اني مخليته ع حسب ظرفي . . . . بداية البارت .................. في بيت ابو تركي نادر: ياخي انت تحب القرق واجد لايكثر عطني من الاخير فواز: والله جياته صارت قليله للاستراحه وان شفته وصدته وهو يكلم.. و صراحه من كثر اللي يكلمهم ماعاد دريت اي وحده بنت عمك نادر: شلون يعني.. انت عارف ان الموضوع بيزيد لو يتغافلك ويكلمها من ورانا فواز: والله حاولت بس مافي امل اعرف... البنات كثااااااااار اللي يكلمهم نادر: طيب طيب كثر الله خيرك فواز: على راسي نادر: طلب اخير.. ممكن تعرف تحركاته هالشهر.. بس هالشهر فواز: ماطلبت شي غالي والطلب رخيص نادر: ماتقصر يلا باي... قفل منه وصار يحك بدقنه هذي ريم لازم يعلمها درس مو كافي اللي صار لهم من ورا راسها دق عليها مره خمس عشر ماعنده هدف من هالحركه غير انه يخوفها وانه قريب منها لو فكرت تزل وتغلط غلطه كبيره ردت: انت والنهايه معك؟ نادر: فاضي قلت اسولف.. ريم: مابي اسولف يلا ضف.. نادر: ليش عندك جو ثاني؟ ريم: ياحقير.. نادر: لعيونك اصير اكبر حقير.. ريم: انا بعرف وش تبي بالضبط مني.. نادر: ابد مكالمات و وناسه وسعة صدر.. ريم: شوف لك غيري.. نادر: صدك يثبت لي انك مكتفيه.. ريم: مالك شغل فيني واقلب وجهك.. نادر: شوفي انا بقلب وجهي بس ياويلك ان دريت ان تكلمين احد وانا بكلم واحد ويسحب برنت شامل ومفصل عن رقمك والله لو يطلع احساسي صح فضيحتك بتكون بجلاجل ريم خافت لانه لو سحب بيلقى اكثر المكالمات هو رقم واحد رقم منذر: شي واحد بعرفه ليش تترصدلي نادر: مزاج ويلا ضفي.. قفل قبل لايسمع منها اي كلمه حط جواله ع الهزاز .. خدراااان للاخير فيه نوم غير طبيعي توسد مخدته ونام ............. عند رشا - الليله بنروح اليوم عند اختي احسبي حسابك رشا: والله مالي نفس - لاياعسل لازم تروحين معي رشا: جد مالي خلق تكفى خلها يوم ثاني - ياليل الزفت طيب وش اقول لاختي وانا واعدها ومتعوده علي ازورها كل يوم اربعاء رشا: الله يخليك خلها بكرا - زين زين مو يجي بكرا وتكنلسبين تراها اختي الوحيده ومالها الا انا عقب وفاة امي.. وابوي لاهي عنها فحرام نخليها رشا"ياليتك تعرف الحرام وتخاف الله فيني": طيب - يلا سلام ياحلوه ............... لااااااااااااااااااااه اعوذ بالله من الشيطان الرجيم فز من نومه يتصبب عرق وينتفض بقوه جلس وصار يقرا المعوذات كان كاره فراشه دايم احلامه تخوف قام وراح الكنبه.. صار يفكر في الحلم يشوف ان في اثنين يجرونه بسلاسل على وجهه.. خاف اكثر وفسر الحلم ان هالاثنين خالد وريم تذكر الخطبه وشفيه مو قال بيصالح خالد.. لازم يعجل بالمصالحه لااااازم. والحين. وفكر في ريم.. يخليها باللي فيه والا يعلم اهله والا وش يسوي.. مالقى حل ابد لها شاف انه يترك اللي يمارسه معها ويجلس مع طارق ويفكرون في حل لان اللي يسويه ماراح يجيب نتيجه الا زيادة تعقيد انتبه لصوت جواله يهتز ع الكومودينا ماله خلق له بس قام يرد شاف الرقم ارتاح هذا تركي نادر : هلا تركي.. تركي: شفيك تلهث كنه راكض وراك احد.. نادر: مافيني شي.. عاش من سمع صوتك.. تركي: تعيش ايامك وش اخبارك نادر: الحمدلله.. وش اخبارك انت تركي: عايش.. الحين ورا ماتسأل عني والا ناسي اني اخوك نادر: انا ناسي نفسي تبيني اذكرك تركي: وبوجه قوي.. نادر: والله ضايقه فيني الدنيا تركي: شفيك نادر: ماعليك مني.. المهم متى بتشرفون؟ تركي: بس قبلها قول لي ولاتصرف وينكم عني انقطعتوا فجأه نادر: والله صارت بلاوي زرقاء ماحبينا ندوخك معنا نبيك تنتبه لجوري وشغلك تركي: جوري ام لسان!! نادر: وانا قلت الولد تغير تركي: ولاراح اتغير.. المهم وش هالبلاوي.. اسمعك نادر: تركي والله حرام ماتستاهل تركي: تراي داق اسأل عنكم تكفى لاتغثني بطاريها نادر: ماراح اقول.. خلك بشغلك انت تركي: حاط ايدي على خدي لاشغل ولامشغله نادر: حاط ايدك على خدك؟! تركي: نفسيتي زفت عقب ماطحت في المستشفى وركنت الشغل على جنب حتى ابوي دق علي وزفني زفه محترمه نادر: ابوي ماعنده تفاهم ابد الله يهديه المشكله دحيم وامي قالوا له عن حالتك تركي: انا ادري عنه هو كل شي ولا الشغل عشان كذا قال ارجع الرياض نادر: والله احسن لك ع الاقل تجي هنا عند الوالده توكلك زين عقب سوء التغذيه اللي جاك.. تركي نسى: سوء تغذيه نادر: ايه امي تقوله .. مو عندك انيميا صح؟ تركي تذكر الكذبه اللي قالها مشاري لامه.. حركات التمويه عشان مايعرفون سبب تعبه الرئيسي: ايه ايه صادق.. عشان كذا ابيك تقول لامي تجهز جناحي نادر: قريب بتجي؟؟ تركي:ايه بعد بكرا نادر: زين الحين امي مو موجوده اذا رجعت كلمتها تركي: الساعه 4 العصر عندكم وش يطلعها هالحزه امي من عرفتها مو عوايدها تطلع هالوقت نادر: تغير حالنا 180 درجه يعني توقع اي شي تركي: عسى ماشر وش اللي صاير نادر: اذا رجعت بتدري تركي: وش يصبرني لبعد بكرا .. قول الحين نادر: سالفه طويله والله.. تركي: شكل الموضوع كبير قول ماعندي شي.. حكى له نادر موجز سريع من كل اللي صار مكالمة ريم .. كشف منذر في المقهى.. اللي صار بينه وبين خالد وطارق.. دخول خالد المستشفى.. الاجتماع اللي سواه ابوه والقرارات.. والأمر الجلل اللي صار بين ابو فيصل وام فيصل.. تركي:ياااااااااالله كل ذا صار وانا مو موجود ومافكرتوا ماعلمتوني نادر: والله في البدايه التهينا ياخي من له مخ يفكر بعد اللي صار وبعدها امي قالت لاتعلمونه كافيه اللي فيه تركي: وجوري تدري؟! نادر: لاوالله عمي سلطان حرص علينا مانطلع الخبر لان خالد صراحه فقدنا الامل انه يعيش تركي: زين وانت وش رايك بالزواج نادر: نفس الكلام اللي قلته لامي انا راضي في دانه بس كنت اتمنى مايكون بالصوره هذي تركي: والله ابوي صراحه مدري وش اقول عنه.. غرييييييب نادر: تبي الجد والله من خوفي عليه بسوي اي شي حتى لو ماكنت مابيه تركي: مثلي كنت مراعي هالنقطه .. نفس اللي سواه معي بس السيناريو غير.. نادر: الله يجازي اللي كان السبب تركي: الحيوانه ريم انا اوريها والله اذا ماغربلتها وخليتها تكره نفسها اجل هذي سواة وانتم ساكتين نادر: لا واللي يرحم امك انا بنفسي والله كنت ناوي نيه عليها.. بس والله توني متحلم حلم مفجع تركي: ياخي وقتها احلامك.. احلامك زفت تلقاك الحين تراجعت! نادر: اي والله تراجعت وفكرت ان شي زي كذا يبيله تفكير برويه مانبي نتسرع هالامور تروح فيها نفوس.. وخالد اكبر دليل مع ان الموضوع كان سوء فهم بس شوف اللي صار.. تركي: مالي شغل هذي يبيلها تأديب جد حيوانه نادر: انا شايل ايدي من الموضوع اذا تأديبك لها بيكون بطريقه مدري وش تبي تركي: ماهقيتك جبان نادر: لاوالله مو جبان انت تعرف ما اخاف من شي واللي براسي اسويه بس عقب الحلم جد جد تراجعت احسه تحذير لي تركي: احسن خلك بعيد وانا راجع ان ماخليتها تعض الارض ندم نادر: ياخي لاتخليني اندم اني قايل لك تركي: والله فيني غبنه تتكلم عننا كذا وعند مين عند المحشش منذر معبي الطاسه.. وكله كوم وانها سبب اللي صار بينك وبين خالد كنتوا قراب من بعض ويصير بينكم كذا نادر: لاتاكل هم بنرجع زي اول واحسن ان شاءالله.. اصلا كنت ناوي اروح له بعد المغرب مع الشباب بتصالح معه بس من اللي شفته ما ابي اضيع دقيقه وبروح الحين.. تركي: اااااخ يالقهر والله بموت من القهر متى ارجع بس نادر : تركي ترا التفكير زين لازم نلقى حل جذري لموضوعها تركي: ماراح اكثر حكي انا راجع وبحل الموضوع بطريقتي نادر: يا ابو الشباب هدي ان شاءالله ينحل الموضوع تركي: طيب خالتي حصه وش وضعها!! ورن تلفون غرفته نادر: اقول تركي هذا تلفون بيت عمي عبدالله خل ارد تركي: زين مع السلامه.. وقفل رد نادر على التلفون: هلا طارق: وينك فيه؟ نادر: في الشارع يعني وين وش هالغباء انت داق على تلفون البيت طارق: والله ناسي .. المهم شفيك مارديت ع الجوال نادر: شكلك ناوي تذبحني بغبائك مو شفته انتظار طارق: يااااااا إالهي عقلي مو معي عشان كذا دقيت ع التلفون نادر: الحمدلله انك عرفت.. اسمع قبل ما انسى حنا جايين الحين ابتصالح مع خالد يعني لاتطلع وجودك مهم طارق: أجل هالكلام ..ابوي دق علي قال الحين الحين نروح بيت ابو جمانه نادر: وش ابو جمانه؟؟ طارق: اخو خالتي حصه نادر: ايه ايه داري بس كنت اقصد ليش طارق: والله مدري ابوي قال لي عمي سلطان يقول تعالوا كلكم نادر: ليش ابوك هناك؟ طارق: من ربع ساعه طلع هو وامي.. يوم انه بنص الطريق دق عمي سلطان وقال له جيب الكل معك وابوي مافي حيل يرجع.. كلمني وقال تعالوا ووصاني ابلغك نادر: اها اجل معروفه بيرد اعتبار خالتي حصه طارق: الله يسمع منك نادر: وانا اقووول ليش البيت فضى يوم اسأل الخدامه قالت بابا سلطان جا هو ومنى وفيصل وخذوا عبدالرحمن وامي طارق: طيب عجل خل نروح لهم نادر: زين مروني انا وندى بنمشي وراكم.. .وقفل دق باب غرفته راح يفتح ابو تركي: وين امك من عقب الغداء صعدت غرفتي ماشفتها نزلت ادورها مو تحت نادر: عمي سلطان جا اخذها ابو تركي: وششو؟؟ نادر عرف مقصد سؤال ابوه واستغرابه: معاهم عبدالرحمن ومنى وفيصل ابو تركي: عسى ماشر؟!! نادر بفرحه: شكل عمي سلطان بيراضي خالتي حصه ابو تركي عصب: انت وش .. ودق جواله كانت مكالمه خارجيه بخصوص صفقه فرد على طول لان له اكثر من ثلاث ساعات ينتظر هالمكالمه فصار يأشر لنادر بمعنى لاتروح نادر مافهم وش يبي او فهم بس لبس ثوب الغباء.. ما اهتم وصعد لندى وطلعوا وعيون ابو تركي تطالعهم وهو بقمة غضبه .................... بيت ابو جمانه كان صوت سبحة ابو فيصل هو المسيطر الوحيد على اجواء المجلس كان يحركها بحركه انفعاليه له عشر دقايق من اول ماوصل وهو على هالحاله حمد اول ماشاف ام تركي وعبدالرحمن ومنى وفيصل بمعية ابوه عرف ان ابوه جاي يراضي امه وهم جايين يحضرون محضر الصلح.. تفائل بالخير وحمد ربي.. وابو جمانه لحظة مادخل ابو تركي طلب من اخته والبنات يدخلون داخل..لكن ابو تركي رفض وطلب كلهم يجلسون لان عنده كلام لازم الكل يسمعه وافق ابو جمانه على مضض بعد ماتدخل فيصل اللي كان مايرفض له طلب.. ام فيصل طبقت مثل ياجبل مايهزك ريح ثقتها بنفسها ماخلتها تتأثر من اللي يصير قدامها لأنها عازمه الامر على الطلاق.. شافت جمانه انها تقطع هالصمت لو بحركه مو معقوله الكل ساكت.. قامت تصب القهوه ابو فيصل: جمانه اصبري شوي بها الحركه عرفوا انه كان منتظر احد وبالفعل اقل من خمس دقايق وصدقت ظنونهم وتأكدوا انه هالشخص اللي بيجي له دور في الصلح هالمره راح فيصل يفتح ثواني واقبل وكان وراه ابو طارق وام طارق دخل ابو طارق وكان يكح باين عليه الانفلونزا بعد ماسلموا وقعدوا.. لفت ام طارق بعيونها المجلس شافت الكل متغطي ماعدا ساره ابو فيصل: اعذرني ياعبدالله خليتك تجي وانت تعبان ابو طارق يالله ينسمع صوته: لاتقول كذا حنا اخوان ورجع الصمت يخيم ع المكان ابو جمانه: وش فيك يا ابو فيصل ابو فيصل: اعذرنا يا ابو جمانه الوقت مو مناسب بس ياليت تنتظرون لين يجتمع الكل طالع ابو فيصل ساعته وكلم ابو طارق: وين الباقي؟؟ ابو طارق: جايين.. برهه من الزمن ووصل طارق وخالد وريم وندى ونادر.. تغطت ساره فكان المجلس اغلبيته حريم متغطيات ابو فيصل جال بعيونه بنظره سريعه لجميع اللي في المجلس واستقرت عينه في ابو جمانه: انا اليوم جاي ارجع ام فيصل من بعد اذنك يا ابو جمانه! ابو جمانه عرف من البدايه سر جيتهم: هذي هي قدامك اسألها ابو فيصل: حصه وش قلتي ام فيصل بحزم: اقول ابي ورقة طلاقي الحين ابو فيصل: ياحرمه اعقلي تطلقين وانتي بهالعمر ام فيصل: احسن من اني انهان بهالعمر ابو فيصل: قدرك محفوظ وماعاش اللي يهينك.. هذا انا بنفسي جاي اعتذر وقدام الجميع واللي تبينه انفذه الحين ام فيصل: عن نفسي ما ابي منك شي .. والبنات ربي معهم.. ابي طلاقي وهذا اخر كلام عندي ابو فيصل: قول كلمه يا ابو جمانه ابو جمانه كان منتظر اشاره من اخته عشان يشن هجومه على ابو فيصل ام فيصل: يعني بتقتنع باللي يقوله اخوي؟ ابو فيصل: ان شاءالله ام فيصل: اجل لك الحريه ياسطام تتكلم بلساني ابو جمانه: والله ياابو فيصل يحز في خاطري بعد هالعمر تعامل حصه كذا.. وجاي تبي ترجعها بكل سهوله.. ترا لايغرك ان مامعها الا انا تراي عن مية رجال باقي ماعرفتني ابو فيصل: والله انك ارجل واحد شفته بحياتي.. واناجاي اليوم وكلي ندم .. واعترف قدامهم كلهم اني غلطان وندمان واسف ام فيصل: اسفك ماقبلته ابو فيصل:يرضيك ياحصه انزل من عيون عيالك والباقي برفضك لاعتذاري وانا اللي عمري ماعتذرت ام فيصل: واللي سويته فيني مانزلني من عيونهم؟ حمد: والله كلكم بنفس المكان فوق روسنا وماتغير شي والمشاكل لابد منها في كل بيت فيصل حس ان ابوه معه حق هم ماتعودوا عليه يكون في هالموقف وقال ينقذ الموقف ويحفظ موية وجه ابوه قدامهم: يمه تكفيك جية ابوي انتي لو تدرين وش ناوي عليه والله ماتردينه بهالطريقه ابو جمانه: ابوك ماخلا شي الا وسواه والا في واحد يزوج بناته بهالطريقه وعشان مين عشان واحد مخه رايح في خرايطها والتفت لام تركي اسمحيلي يا ام تركي زوجك متسلط بالحيل ام تركي ماتدري وش تقول هو صادق في كلامه ابو طارق: يا ابو جمانه والله معاك حق بس ع الاقل اسمع اللي بيقوله سلطان ابو جمانه: يتكلم مامنعته ابو فيصل: نوف .. دانه .. تعالوا يبه عندي وقاموا البنات عند ابوهم وحده على يمينه ووحده على يساره ضمهم بحنان: بنات يعلم الله اني مانيب قايل هالكلام عشان امكم ترضى مع اني محتاج رضاها علي.. لكن والله انا فكرت في اللي سويته وشفته حرام علي انفذه دايم نوف ضعيفه دفنت وجهها في صدر ابوها وبكت ابو طارق: لاتبكين يانوف اذا ماتبين خالد منتي مجبوره عليه.. والزواج قسمه ونصيب والله يرزقه ببنت الحلال شرواك خالد شاف ان العناد مو في مصلحته كفايه عناد عشان شي تافه: انا ماعندي مشكله اهم شي النفوس ترضى ابو فيصل: ها وش قلتي يانوف؟؟ نوف انحطت في موقف بايخ اقرب عذر جا على لسانها قالته: يبه ابي اكمل دراستي ابو فيصل: ولك اللي تبين ولف على دانه: وانتي يادانه؟؟!! دانه تحس انها واقفه في طريق متشعب لازم تمشي في واحد منها وش تختار... ماتدري وش تقول ابو فيصل: ماتبينه؟؟؟! كانت بتصرخ بأعلى صوتها الا ابيه واحبه بس شلون لا العادات ولا القيم ولا المبادئ تخليها تتكلم بكل وقاحه وتقول هالكلام قدامطابوها واخوانها وقدامه شخصيا.. ام تركي عارفه تماما انها تبيه: خلاص دام سكتت فهي تبيه نادر حس بسماجة الموقف من سكوتها.. حس كأنه لعبه في يدينهم وكأن ماله رأي.. مو كفايه ابوه مهمش رأيه يجون هم يكملون الباقي نادر: لاتجبرونها هي ماتبي وانا ما ابي !!!! ......دايم العناد يا ابن ادم يخليك تتخذ قرارات سريعه...... نزلت دموعها بدون مايحس احد فيها وحمدت ربها انها متغطيه '' ليش يانادر خليتني افقدك بعد ماعلقت عليك آمالي وفرحتي بان ربي بيجمعنا'' ام تركي: نادر انت...... قاطعها نادر: يمه خلاص ماينجبر قلب على قلب ابو فيصل: خليه يا ام تركي هو رجال يقدر يتخذ قراره بنفسه.. ودانه كبيره تعرف مصلحتها دامهم مايبون بعض ماراح نعيد الغلطه ونجبرهم ابو جمانه: والله مدري وش اقول غير الله يجزاك كل خير الحمدلله ان ربي خلاك تفكر هالتفكير دق الجرس واتجهت الانظار لأبو جمانه: منتظر احد؟ ابو جمانه: لا والله.. ثواني وجت الخدامه وهي خايفه: بابا في واحد وماكملت كلمتها الا ويدفها ابو تركي ويدخل بكل جبروته ابو فيصل: محمد!! ابو تركي: ايه محمد سويتها ياسلطان ابو طارق بصوت تعبان: هدي نفسك يا ابو تركي ابو تركي: وانت معه بعد؟؟ ابو جمانه: انت وين تحسب نفسك.. داخل تتهجم والله لوما التقدير لزوجتك وعيالك كان عرفت اتصرف معك ابو تركي: وش بتسوي ياساس البلا كله منك ومن اختك.. ابو جمانه:: ترا والله بتلفون مايعرفون اراضيك ابو فيصل كان عارف ان ابو جمانه بيسويها: هدي نفسك ياسطام ابو تركي بسخريه: ايوا وش قررتوا ووش ماقررتوا؟! ابو فيصل: بناتي ماراح ازوجهن بالغصب ابو تركي: سلطان خل الزواج يتم مانبي البنات يتزوجون من برا ويروح الحلال للغريب ابو فيصل: طز في الحلال ابو تركي: أثرت عليك حصه انت لازم تطلق هالنسره وبعدها بتنحل الامور حمد: سلاماااااااات وش يطلقها ذي ابو فيصل: حممممد خلك بعيد حمد: ماتشوفه وش يقول يحسب انه في شركته يامر وينهي.. هذي اممممي عارف وش معنى امي والله لاوقف في وجه اكبر كبير عشانها فيصل: حمد خلااااااااص مايحتاج تصعب الامور ابو تركي: عدااااااال يافيصل سوي فيها الانسان اللي مافي مثله ..والله لوما اللي في بطن ساره كان قلت لك تطلق بعد.. وانت ياحمد لوما تنطم وريتك شغلك ام تركي: محمد هذا الشيطان قاعد يلعب بعقلك تعوذ منه ابو تركي: انتي مالك شغل صدق ان الصاحب ساحب ..والله وقدرت هالأفعى تخليك تفتحين فمك يالبومه نادر: يبه شفيك انت ترا مايصير تكلمها كذا ابو جمانه: لااااه هذ شي ماينسكت عنه. جمانه قومي عطيني جوالي انا اوريه ابو فيصل: ياسطام لاتكبرها كثر ماهي كبيره ابو جمانه: انت ماتشوفه على باله الكل اراجوزات يحركها بخيوط مثل مايبي ابو تركي: يا... ابو جمانه: اطلع برا انت منتب اهل للحشيمه ابو تركي:زين انا طالع وحط الاوراق على الطاوله وأشر على ابو فيصل وعلى ابو طارق : انت وانت وقعوا على هالاوراق عشان تعرفون ان الله حق و وروني بعدين شلون بتعيشون والا كل واحد منكم حافي منتف ولحم اكتافكم من خيري ابو جمانه:على اي اساس حكمت ان الخير لك؟؟ لاتنسى ان عيالهم ساعدوك ابو تركي: انا اللي درست برا وتخصصت بالتجاره وفتحت شركتي هنا وبديت من الصفر وكبرتها واستثمرت وتصدقت على هالاشكال ابو جمانه: لثاني مره اقول لك لاتنسى ان عيالهم ساعدوك ابو تركي: مالهم شي عندي.. ابو جمانه: صدق ان مافيك خير.. ابو تركي: دام مافيني خير حالا ابيهم يوقعون والا والله لأجرجرهم في المحاكم ابو فيصل: انا اخوك الكبير تسوي فيني كذا؟؟ ابو تركي: انت بالذات تسكت ادري ماسويت كذا الا عشان عجوز النار فيصل وحمد: عممممممي ابو فيصل: لابارك الله في الفلوس اللي بتخليني تحت رحمتك ابو تركي: اخلصوا بس ..ماعندي وقت.. نادر قوم شيل الاوراق عطهم قام نادر مكره ابو جمانه: اقروا اول اللي بالاوراق هذا ماعنده لاذمه ولاضمير مايندرى يمكن يستغفلكم ابو تركي: لابارك الله فيك ولا في اختك ابو جمانه: بسرعه وقعوا خلوا هالحقير ينقلع من بيتي جلس ابو تركي من قوة الانفعال متهالك على اقرب كنبه.. قام له نادر:يبه!! ابو تركي: وخر عني خلهم يوقعون بسرعه.. تناقلوا الاوراق ووقعوها على مرأى من طارق وفيصل الا ورقتين ورقه كانت في يد فيصل والثانيه في يد طارق فيصل: هالورقه ماراح يوقعها لا ابوي ولاعمي لان هذا حقهم من ورث جدي ابو تركي: لهم راس المال ..والباقي لي مالهم شي فيه.. انا اللي تاجرت فيه ونميته فيصل: وانت الصادق ياعمي انا اللي كنت ماسك كل شي يخص هالورقه وبتوفيق من الله قدرت اخلي راس المال اضعاف اضعافه طارق يحرك الورقه اللي بيده:وهالورقه ابوي ماراح يوقعها.. لان الحق اللي فيها بمجهودي عقب ماستغلك ابو ورجتعها ابو تركي: تركي هو اللي كان له الفضل طارق: الفضل بعد الله لي وله اذا كان هو متنازل انا ماراح اتنازل ابو تركي: طيب انت يافيصل خل الورقه اللي عندك معك لان ورث جدك الله يرحمه ماراح يعيشكم.. ومالكم ريال زياده عليه فيصل: الا لنا وراح ناخذه.. ابو فيصل: خلاص عن نفسي راضي ما ابي زياده عن ورث ابوي فيصل: يبه الله يهديك وش تقول؟ ابو فيصل: اشتري راحة بالنا وانا ابوك.. ابو طارق: وانا بعد موافق.. ابو تركي:زين زين علموني شلون بتعيشون باللي بتاخذونه.. والله هذا وجهي اذا مامتوا جوع ابو جمانه: محد يموت من الجوع ورقبتي سداده في اي شي يبونه.. ويلا برا ابو تركي : ماني طالع والورقه اللي عند طارق يوقعونها هذا حقي ماراح تاخذون منه قرش ابو طارق: هات الورقه ياطارق .. عطاه طارق وهو وده يذبح عمه ابو تركي بعد ماوقع وقع وراه ابو فيصل اتقاء المشاكل والفضايح ماكان يبي الناس يضحكون عليهم بعد هالعمر يتجرجرون في المحاكم ابو تركي: سلطان لآخر مره اقول لك طلقها.. وخل زواج خالد ونادر يتم ابو طارق: انت وراك كذا ترا الدعوه مو على كيفك.. البنات ضايعات .. كأنهم بمعركه وش هالصراع المرير اللي يشوفونه.. جمدت قلبها ونطقت بكلام ودها تقوله من زمان:كل اثنين انت لازم تفرقهم انت وش فيك .. وش تبي بالضبط.. ماخليت احد في حاله صدق انك ظالم!!!!! طارق: انتي بالذات تنطمين.. ريم: وليش انطم .. ابو طارق كان منخفض صوته بس حركة ايده خلتهم ينتبهون:ريييييييم اسكتي ندى: عسى لسانك القص ياحقيره.. ياللي ماتستحين ابو تركي: هذي مو كفو احد يرد عليها ساره: ماعلى المجنون حرج مجنوووونه وملحوس مخها ريم: انا؟؟ ساره:لين تموتين.. ام فيصل: ساره ولانفس عبدالرحمن حط ايده على وجهه ماكان متوقع ساره بتطلع السر اللي أأتمنها عليه ابو تركي ارتبك: اصلا الكلام مع هالاشكال ضايع هي مجنونه من يوم يومها ابو جمانه: محمد لاتبربر واجد خلاص خذيت اللي تبي ورني عرض اكتافك ريم: هو صادق مجنونه لاني سكت عن حقي.. صار الموجودين يطالعون بعض مو مصدقين اللي يحصل ابو تركي ارتبك ماكان يبي الموضوع يكون بهالطريقه.. كان وده هو اللي بدأ فيه عشان يقدر ينسقه ويوصله لعقولهم بدون عناء.. وبالطريقه المرجوه اللي كان مخطط لها.. ونادر كانت فوق راسه سحابه كبيره كان ينعاد فيها الحلم بالبطيئ وده يأكد جنونها بس خايف ماعرف سر خوفه الا هالحلم وتوقيته الزفت عبدالرحمن: خلاص لحد هنا وانتهى لاتكبر السالفه ابو فيصل: صبر بشوف الآنسه اي حق تتكلم عنه شكله بدت اثار الهلوسه ابو طارق : ريم مجنونه... وهلوسه!! محد سمع صوته اللي كان واطي.. الكل من الشباب والبنات ماعدا عبدالرحمن ونادر وطارق وساره ماكان عارف طالعوا في بعض باستغراب شلون يتكلم عن ام طارق بهالطريقه خالد: وش هالخرابيط؟؟ ابو فيصل: مو خرابيط هذا عمكم محمد عندكم اسألوه تراها هبله وامها هبله خالد:لاااااا تراك زودتها ما اسمح لك... ام طارق: حمد تكفى اسكت.. اسكت خلاااااااص خالد: مارااااح اسكت تسمعين شلون يتكلم عنك ابو تركي: والله وطلع لسانك اطول من ايدك ياراعي المغازل طارق هنا خااااف كثير لايعفس خالد الدنيا ويدخلون في مشكله جديده: خالد الله يرحم امن جابتك يكفي خالد فهم طارق: بتغاضى عن هالكلام لكن قسم بالله لو يتكلم عن امي بالشينه اني لا... ابو تركي: وقصصص ...لا ترفع صوتك وتهدد بعد ابو جمانه: مو توك رافع صوتك على اخوك الكبير وقدام مين.. قدام عياله.. خله هو بعد يتبع نهجك نهج الاختلال العقلي ابو تركي: وش دخلك انت.. اطلع منها ابو جمانه: دخلني انك في بيتي وللحين صابر بشوف النهايه عبدالرحمن يبي ينهي الموضوع: خالد خلنا بعاد عن الموضوع الافضل مانتدخل خلهم يحلونه هم.. ترا والله مو في صالحنا اللي يصير وكل كلمه محسوبه خالد: الحين صارت محسوبه .. تو اخوك كان يدافع عن امك وش معنى انا ما ادافع عن امي طارق كان يفرك ايدينه في بعض من شدة توتره ومع هذا ساكت لانه عارف كل شي.. وهو في الاصل ماكان عارف الخافي العظيم وعبدالرحمن عطى ساره اللي فتحت الموضوع نظرات قاسيه.. ندمت على زلة لسانها ابو تركي: خالد لاتسوي فيها دفاع وشغل محاماه هيا ماهيب امها ارتحت ياكثر ما انصدموا بس هالمره الصدمه قويه عليهم كلهم الا ريم ماكانت مصدومه!! ابو طارق الله اعلم بحالته فوق مالانفلونزا هاده حيله صار يتهرب من نظرات عياله وطالع في الارض.. رد يتكلم ابو تركي: هذي امها الله اعلم من اي مستشفى خذاها ابوك وتزوجها ام طارق: حرام عليك اللي تقوله.. ابو تركي: تنكرين انه ماخذها من مستشفى خالد وده يكسر اللي قدامه مو مصدق ابو فيصل: هالكلام جد والتفت صوب ابو تركي: قول لهم ابو تركي صار وجه خالي من اي شي ماقدر يفتح فمه بكلمه وده ينسحب قبل لاينقلب السحر على الساحر خالد: وش ابو فيصل:على بلاطه ام ريم وحده ثانيه ابوك تزوجها ويوم درينا انها مجنونه الا عايلتها كلها مجانين طلقناها من ابوك وامك اخذت ريم تربيها ابو طارق كح ويبي يتكلم قعد يحاول بس ماطلع منه الاصوت اوطى من الاول: انتم وش تقولون!!!! بس محد سمعه بسبب ارتفاع صوت خالد: طيب متى شلون وكيف ماعرفنا ولاحسينا طارق برغم حقده على ريم بس شفق عليها وحن يوم شافهم يحطمون فيها وهي تنقل نظرها من واحد للثاني: خلاص يلا مشينا ابو فيصل: محد بيمشي لين يوضح كل شي. تذكر ياخالد ابوك وين كان يشتغل و وين كنتوا عايشين خالد: ايه بالدمام ابو فيصل: طيب تذكر مره جابوكم وقعدتوا عندنا كنتوا صغار وقتها.. وكنت دايم تسأل عنهم خالد:ايه وش تبي توصل له ابو فيصل: ابوك نقل هنا الرياض ورجع وهو امك ومعهم ريم قلنا لكم ان امكم ولدت هناك وجابتها كلكم صدقتوا الا طارق اللي صار يفتش ورا الموضوع لين عرف خالد: طارق صحيح هالكلام.. امها وحده ثانيه غير امي .. واهلها مجانين لكل انسان جانب سيئ مهما كانت جوانب الخير كثيره فيه الا ان السيئ دايم يفرض نفسه لو بأقل كلمه وقت احتدام المشاعر وهذا اللي صار مع نادر: اجل ماينشره عليها يوم تتكلم علينا بالشينه عند الاغراب ابو تركي طير عيونه: وشو نادر ماشاف لسكوته داعي هو لازم يتكلم واذا تكلم خلاص ماعاد يسكت: ايه انا سمعتها واتحداها تجحد والله كني الآن سامعها وهي تقول عمي سلطان هذا مسكين إمممعه اكثر واحد يطبق مثل مع الخيل ياشقرا ابو فيصل: ايييييش.. انت ماقلت انها تكلمت فيني.. قلت بس تكلمت عنكم نادر: يعني كان بيختلف الوضع وتدافع عن نفسك و حنا عادي يوم تسكت لا وازيدك من الشعر بيت ريم المصون شاكه ان خالتي حصه تجلدك بسبب طاعتك لها ابو فيصل : ايا قليلة الادب ريم ماتدري وين تودي وجهها انكشفت وطاحت في شر اعمالها ماكانت تدري ان فيه احد سمعها ذاك اليوم نادر: وحده مثل هذي وش تتوقعون منها اذا ابوي اللي يعالج امها على حسابه تقول انها تشك في عقليته وتحسه غبي وديكتاتوري.. هذا غير الحش اللي فينا لسانها متبري منها ياجعلي احشه لها ريم صارت تبكي.. وابوها جنبها وخر نظارته الطبيه وصار يمسح دموعه ابو تركي بلسان مرتعش: من قال لك نادر: عمي سلطان ابو فيصل: والله ماكان ودي اقول بس كنت ابرر افعالها يوم طلع منها اللي طلع ابو طارق: ويعالجها!! وش تقولون انتم للمررررره الالف يقاطعونه ومطنشينه ام طارق تبكي: ريم صدق اللي انقال.. تكفين لاتقولين انه صدق نادر: والله انا سامعها باذني ولمين طلعت هالحكي طلعته ل عبدالرحمن:ناااادر ماكان يبيه يزيد الوضع دمار اكثر مما هو متدمر نادر تراجع عن الكلمه '' جبت العيد ياليتني انطميت'' ندى: يامجنووووووونه ابوي اكبر من اللي قلتيه واختلطت اصواتهم كل واحد يقول كلمه هذا يسب وهذا يهدي وهذا يبي توضيح ابو طارق رمى نظارته ع الارض عشان يثير انتباههم له وكان صوت تحطمها قوي سكتوا فجأه ابو طارق: اسمعووووني ابو تركي: لايكون بتدافع بعد؟ ابو طارق:خلصتوا اللي عندكم.. ابو تركي يتهرب: خلصنا وماشيين ابو طارق: حنا سمعناكم والحين دوركم تسمعون وش عندي و وش عندها ابو تركي: وش تبي ابو طارق: مثل ماقلتوا اللي عندكم انا بقول اللي عندي وبنسمع من ريم وانا باخذ حقكم منها لو هالكلام اللي تبلت عليكم فيه صدق والله لاغسل شراعها ابو تركي: تسمع من وحده قاضيه وخسيسه مثل ذي ابو طارق: ريم صدق الكلام اللي سمعناه ريم بعد تردد جففت دموعها وبكل ثقه: انا سمعت كل اللي عندكم وش يضمن لي محد بيقاطعني اذا جيت اقول اللي عندي ابو جمانه: تكلمي ومحد بيقاطعك مثل ماسمعتيهم اجباري يسمعونك ريم بكت شوي ومسحت دموعها كان برقعها غرقان من كثر مابكت: نادر صادق كل الكلام اللي قلته عنكم صح بس والله ماني مجنونه ندى: ايه هين عبدالرحمن: ندى ترا بيجيك شي لوما تنطمين ندى: انت سامع وش تقول.. وش حدها تتكلم كذا ريم: بعذري كنت حاقده على عمي سلطان وعلى عمي محمد .. حقدي اعماني وخلاني اشوه صورتهم قدام اي احد حتى انتم مارحمتكم .. بس والله غصبا علي ورب البيت غصب علي.. كان ودي انتقم بأي صوره ابو فيصل: تنتقمين منا !! سكتت ريم وقعدت تبكي ابو جمانه:يبه ليش هالحقد ماتعرفين ان الغيبه والبهتان حرام.. هذول اهلك عزوتك ظلمتيهم وحطيتي فيهم اشياء ماهي فيهم وحتى لو فيهم عيب يا ابوي يطلع ريم: والله كرهي خلاني اسوي هالاشياء يعني تخيل ان هالاثنين سبب طلاق امي وابوي.. هم ع بالهم اني مغفله ما ادري .. انا عارفه كل شي عارفه ان امي هيا ماهيب امي بس والله انها اطيب قلب قابلته في حياتي ..وطارق كنت ادري انه يعرف اني ان امنا مو وحده ..وكان يعاملني معامله الله اعلم بقسوتها علي ومع ذلك كنت احبه واتسائل حتى لو ماكنت اخت شقيقه له.. حرام يسوي فيني كذا بس بعدها عرفت اشياء واجد خلتني اصبر على معاملته مهما كان هو اخوي وسكتت ابو جمانه: كملي ياريم كملي ريم: كنت متوقعه ان عمي محمد بيقول لهم اني مجنونه.. عشان اذا اكتشفت الحقيقه وجيت اقول لهم يكون عندهم علم مسبقا اني مجنونه ومحد بيشره علي او بالاصح محد بيصدق وربي كنت متوقعه انه كان خايف من اليوم اللي اكشفه فيه.. بس لعبها صح وصار يسرب لعقولهم جنوني وهذا اللي اشوفه الحين في وجوههم.. لكن والله ماني مجنونه ابو تركي مع انه على قولتها لعبها صح ومع انه مخطط لكل شي بدقه الا انه هالشي الوحيد اللي ماكان حسابه : الا مجنونه ونص انا اخاف من اكاذيبك ! اصلا محد بيصدقك.. ابو طارق: والله يا هالريم ان عقلها يوزن بلد وانها اعقل مني ومنك ابو تركي: تخسي ماعاد بقى الا هذي الظاهر اثرت عليك وصرت مجنون زيها ابو فيصل: انا ماني فاهم شي.. محمد وش اللي تقوله ريم الكلام اللي انقال عن جنونها كذب.. طيب وامها ابو تركي: كلامها يثبت لك ترا ان كان ماسمعتها زين تقول انا وانت سبب طلاق امها ريم: ايه ولآخر يوم في عمري بقولها.. الله يفرق شملكم مثل مافرقتوا شملنا ابو فيصل: يااللي ماتستحين والله الشرهه على ابوك اللي ماعرف يربيك وساكت عليك.. ابو طارق: والله اني مربي عيالي وعارف مايفتحون فمهم الا باسوأ الحالات ابو تركي: ماشاء الله يعني مأيدها على قلة الادب هذي وتطاولها علينا ابو طارق: انا ما أيدتها على شي لان كل الامور معقده في اشياء اول مره اسمعها هنا ابو فيصل: اول مره تسمعها؟؟ كنك نسيت ان سبب طلاقك من امها عشان جنونها اللي وارثته عن اهلها.. وشوف ثمرة زواجك منها هذي نتيجته بنت بعمر الزهور لكن عقلها قد نواة التمر مختله رسمي تنشر اكاذيب وقصص من التنكه اللي براسها واللي ينقال عنه مخ ابو طارق: مو معقوله اللي اسمعه ريم:قولوا اللي تقولونه عني انا غلطانه اني تكلمت فيكم وربي غلطانه تكفى عبدالرحمن سامحني عبدالرحمن قلبه طيب ماتحمل الموقف اللي هي فيه كان يطالعها بنظرة شفقه بعد اللي قالوه عنها : انا مسامحك دنيا واخره ريم: وانت يانادر وانت ياحمد وانت يافيصل تكفون سامحوني.. صعبت حالتها عليهم كانت عيونهم تقول مسكينه ماهي في عقلها ولاحرج ع المجنون نادر بعد تفكير: كلنا مسامحينك وقفت ريم وراحت عند البنات وقعدت عند رجولهم: وانتم بنات الله يخليكم سامحوني والله غصبا علي اللي طلع مني وربي غصب اول غلطه تغلطها في حقهم وياكبرها من غلطه ريم بنت عمهم اللي مافي مثلها واللي بحياتها ماقد اذت احد تغلط هالغلط الجسيم بس بعذرها هذا مو منها من حالتها العقليه وبكذا شافوا مافي مناص انهم يسامحونها كان بكاهم وضمهم لها طريقه في قبول اعتذارها قامت ام طارق ومسكتها: قومي يمه قومي مشت معها خطوات معدوده.. وتحررت من ايد ام طارق.. ومشت لحالها بخطوات متثاقله.. كانت تعرف وجهتها اللي تبيها وهم خايفين عليها رحموها من قلب شكلها يكسر الخاطر.. تألموا لمنظرها كل واحد فيهم يقول بخاطره '' مسكينه'' وصلت عند ابو تركي وابو فيصل وبصوت جامد يحمل ضغينه : اما انتم الله ينصرني انا وامي عليكم الله لايسامحكم دنيا وآخره قام ابو تركي من محله وعطاها كف طاحت بالارض ابو طارق زي المشلول مانطق بكلمه ابو جمانه : جعل ايدك الكسر ياعديم المرجله ابو فيصل: خليه يربيها ياسطام صدق ان العرق دساس مهويه البنت على امها جلست ريم تتحسس مكان االكف: امي مربية اجيال.... امي اذا ماتعرف تراها عميده بالكليه بتقولون شلون دريت وانا لاقد شفتها ولا احد منكم جاب طاريها بقول لكم بنت خالي عبدالعزيز تدرس معي بنفس الفصل مقربه مني بالحيل حتى ندى اذا شافتنا مع بعض ابتعد عنها اخاف تشك فيني ندى: قصدك الهام...؟ الهام بنت خالك؟ ريم: ايه بنت خالي وهي اللي تجيب لي اخبار امي وتوصل لامي اخباري.. ابو طارق: محمد وش اللي اسمعه؟؟؟ .. ابو تركي ألجمته مفاجأة الموقف الغير متوقعه وسياط النظرات الموجه له ابو طارق: ريم امك عميده ؟؟متأكده؟؟ امك مو مجنونه؟؟ تعرفين كل هالاشياء ومغطيه عني ؟؟.. كثير اسئله طرحها وكان عنده الاكثر منها تتدافع في راسه شاقه طريقها للسانه .. ختمها بسؤال ليش ماعلمتيني؟؟ ريم: خفت اقول وينقلوني من المدرسه وتضيع حلقة الوصل اللي بيني وبين امي وتنقطع اخبارها عني ترا امي اللي تقولون عنها عنها مهويه ترا والله اني تعبت تعب على ماعرفت سبب طلاقها من ابوي.. على كثر ماعانت منك ومن عمي محمد بس ماكانت تبيكم تنزلون من عيني.. صح انا عتبت على ابوي في خاطري بس ابوي طيب اكيد اثرتوا عليه.. ومن نظرته الحين انه ماعنده خبر بالمؤامره اللي حكتوها ضدها.. كان وقع هالدراما عليهم قوي.. مو مستوعبين من اللي انقال لانه كبير وصعب احد يصدقه.. وبالذات ان الاغلبيه حاط في باله انها مجنونه فما هي بعيده تكون حبكتها في راسها.. ابو فيصل: ريم لاتهبلين بي انتي وش تقولين.. اي مؤامره .. انا اللي اعرفه ابوك شافها بمستشفى الامراض العقليه ريم: ايه صح واذا؟... هي بعد طلاقها الاول والبهذله اللي لقتها من خالي احمد جاها اكتئاب.. وراحت لطبيبه نفسيه هذا مو عيب ولا حرام.. ليش تصنفون الناس اللي يروحون عند اطباء نفسيين على انهم مجانين.. امي اذا تبون الدقه اخذت ثلاث جلسات بس وطابت.. كانت محتاجه تشكي لان ماعندها خوات ..ماعندها الا اثنين من خوالي الكبير خالي احمد موريها الويل واللي اصغر منها خالي عبدالعزيز لاهي بالحياه واسرته وشغله.. فما لقت الا الطبيبه تشكي لها والحمدلله بعد هالثلاث جلسات الدكتوره قالت لها لاعاد تجي حتى ادويه ماصرفت لها لان حالتها ماتستدعي.. بالله اي جنون اللي تتكلمون عنه؟؟؟! ابو فيصل من كثر مالعبت الافكار في راسه شد على السبحه وتناثرت : عبدالله صدق اللي اسمعه ابو طارق: ايه نعم صدق.. ابو فيصل: انتم تبون تجننوني معكم.. محمد قال انكم تقابلتوا في المستشفى كانت حالتها صعبه وانت شفقت عليها وحبيت تاخذ اجر وتتزوجها لاتقول بعد هذي ملفقه ابو طارق:لا صحيحه بس السالفه مو كذا.. ابو تركي وله وجه يتكلم: بتألف هااه ابو جمانه: حتى لو ألف حنا عندنا عقول وبنميز الكذب من الصدق ابو طارق:على ايام الدوره بالدمام كانت ام طارق والعيال معي قبل مانجيب جوري.. كنت دايم اوديها بيت اهلها بحكم طبيعة عملي.. صادف ان وحده من بنات خالتها كانت طبيبه نفسيه صارت تقول لهم عن المريضات اللي يجونها وتسرد قصصهم بشكل مطول ..هيا شد انتباها قصة وحده اسمها الهنوف فصار ماعندها الا سيرتها من ارجعها البيت.. وصار يكح زادت كحته.. عطوه مويه بس ماقدر يكمل ام طارق كملت عنه: بنت خالتي ماخلت شي الا وقالته.. انا منعتها في البدايه وقلت لها لازم تكون عندك امانه طبيه واسرار مرضاك لاتطلعينها مهما صار بس اذن من طين واذن من عجين.. ومن اللي قالته لي انه الهنوف اول حاله تمر عليها قالت لي ماكان فيها شي كل السالفه كانت بحاجه انها تتكلم وتشكي ومصره ان فيها شي عشان كذا اضطرت تقول لها ان عندها بداية اكتئاب خفيف.. واللي فهمته منها انها تعاني من اضطهاد اخوها الكبير وعلى طول تزوجت من اول واحد طق بابها للزواج.. وبعد شهر طلقها لانه مدمن ومن الحسن ما انجبت منه.. ورجعت عند اخوها الكبير وسكنها في غرفه في الحوش قريبه من غرفة السايق والمشكله ان غرفتها بابها مكسور وهم جوه البيت قافلين عليهم فتضطر انها تروح الحمام تقفل على نفسها من الليل للصباح خوف من السايق لايلعب براسه ابليس بيقول ليش رامينها اهلها هالرميه.. هذي ام ريم الله يذكرها بالخير وبكت ام طارق بحرقه وكملت: انا والله عورني قلبي عليها صرت ادعي لها في صلاتي رحمتها والله.. لين اتخذت قراري اني ازوجها لابو طارق ماقلت له الا بعد ما استخرت ان الله يريحني للي ابي وعسى ربي بهالعمل يدفع عننا شر والا يدخرها لنا في الآخره.. تزوجها ابو طارق وبعد ماطلعت من الاربعينيه فاجأني بطلاقها واخذ ريم ماسمعوا الا صوت ام فيصل وام تركي يبكون لان كان عندهم علم بهالشي طارق افكاره متشابكه مو قادر يكذب او يصدق الموضوع بس ابوه وامه عمرهم ماكذبوا واذا كان صدق ليش يصير لها هذا كله من ابوه ماتوقع ان ابوه قد ظلم احد بحياته:يبه ليش طلقتها وليش حرمتها من بنتها بعد اللي صار لها ابو طارق سكت ودنق خجلان يقول الاجابه ريم: عمي سلطان وعمي محمد اجبروه يطلقها بعد مادروا انها كانت تروح للدكتوره وكان يرفض يطلق بس يوم قالوا له انهم بيتبرون منه اشترا قربهم وباع امي بارخص ثمن مع انها كانت بحاجته طارق: يبه صدق عشانهم ابو فيصل: والله هالشيطان ماترك احد في حاله سيطر علينا الخوف من السنة الناس ان ابوك يتزوج وحده لاهي من ثوبنا ولاشي والادهى ان عمك محمد قال لي انها مجنونه واخوها فيه انفصام في الشخصيه.. كنا نفكر وين نودي وجيهنا من الناس وقطعنا ابوك لين يطلقها وابوك ماوافق الا بعد ماوعده عمك محمد انه بيتكفل بعلاجها.. لأن اللي عرفناه من محمد ان حالتها ميئوس منها.. وطالع في ابو تركي: سودت وجهي يامحمد.. والا وين عقابنا من الله.. افتريت ع الحرمه ريم: عشان كذا عمي محمد يكرهني لاني اذكره بماضي ابوي وكان خايف من اليوم اللي اعرف فيه هالشي واقوله للعايله وتهتز صورته قدامهم انه فرق شمل اسره عشان كذا مالقى الا يقول لهم اني مجنونه على امي ابو فيصل: حلليني ياريم والله كنت غافل ل19 سنه وماكنت ادري بالحقيقه بالفعل كنت احسبك مجنونه بس خلاص اتضح كل شي عبدالرحمن يتفرس ابوه : يبه قول اني في تمثيليه شكلي نايم تكفى صحني من هالكابوس نادر كان يطالع ابوه مشمئز: يبه تكلم قول صار ابو تركي يمسك على صدره هو عنده القلب واللي صار قدامه ماكان حاسب له حساب: اجل كنتوا تبون يصير في عايلتنا اختلاط انساب فيصل: عمي اختلاط الانساب مفهومه مو كذا ابو فيصل: المشكله انه اخذ اعلى الشهادات ومايعرف اختلاط الانساب .. اختلاط الانساب بالزنا والعياذ بالله اختلاط الانساب اذا نسبت الزانيه لزوجها طفل ماهو منه . اختلاط ال.... نادر شاف ابوه ضعيف مره مهما كان هذا ابوه:عمي تكفى خلاص قام ابو تركي بتثاقل واخذ الاوراق وطلع يجر اذيال الخيبه والهزيمه من المعركه اللي كان متوقع انه بينتصر فيها وقف نادر وطالع فيهم بعين مكسوره من اللي سواه ابوه وقام معه عبدالرحمن مو قادر يطالع في احد من الموجودين ابو طارق فهم نظرتهم:رايتكم بيضاء يشهدالله انكم بنفس المكانه مافي شي بيتغير.. ان كان بتشره بتشره على ابوكم.. اللي غسل مخي وانا كنت كمخه للأسف طارق: محشوم يبه ابو فيصل:الحقوا على ابوكم لايصير له شي وطلع نادر وعبدالرحمن ورا ابوهم على طول ............. في لندن متردده تقول له أو لا اكثر من مره تقدمت في خطواتها ثم تغير رايها وبعدها ترجع ماتبي تتصادم معه وتفتح باب على نفسها كان مسترخي ع الكرس الهزاز يسمع وقع اقدامها .. '' اكيد تبي شي'' فتح نص عين ومن طرف خشمه: وش عندك جوري كانت بتنحاش بس خلاص صادها بتقول له واللي فيها فيها: ابي اروح السوق تركي: وراه جوري: باخذ هدايا ما ابي ارجع ايد ورا وايد قدام تركي: مو لازم جوري خذتها من قاصرها : اوك.. ودخلت حرك نفسه ع الكرسي الهزاز مستانس ع الاخير.. كان يستشعر بفرح وقت هالمواقف كان اول يمارس هالهوايه مع الكل مايدري ليش يحس بنشوه عارمه تجتاحه اذا رفع ضغط احد قدامه بس تراجع ''لا هي خلقه الضغط عندها مو ذاك الزود ''.. فز كأنه قرصته نحله وراح لها: وين قلتي بتروحين جوري: اولا سمعتني.. ثانيا هونت تركي: زين يازعول يلا بسرعه قومي البسي نروح جوري: ماعاد ابي تركي: لا قومي بسرعه انا بنزل لاتلطعيني جوري: تعال تعال موب رايحه خلاص.. وش الدعوه لعبه تركي: فاضي ماوراي شغله قلت العب معك جوري بلهجه كأنها تخانق: وش سالفتك انت الا تعاند تركي ماعجبه الوضع انجبر الا يرد عليها: مدري حسيت اني ابي استلعن فيك جوري :صبر جميل والله المستعان تركي:انا نازل احتريك.. بسرعه ثلاث دقايق ونزلت وراه.. كان الوقت صباح شوارع لندن مغطاه بالضباب كانت ساحره راحوا اكثر من سوق ذوقها صعب مالقت شي مناسب ..كانت تبي الهدايا تكون على حسب اهتماماتهم وهو مأتشه معه صحيح يروح السوق ويحبه بس يكرهه كره العمى اذا كانت حرمه معه يأست انها تلقى شي كانت بتعود ادراجها بس لمحت محل في ناصية الشارع.. فرحت اخيرا لقت ضالتها.. دخلت خذت اللي تبي وكانت واقفه مع العامل غلفهم باللون الفلاني .... حط لهم شرايط كذا .... لا لاتحط هذا .... مافي شي غير هذا.... خلص العامل.. فتحت شنطتها وطلعت الكردت كارد توها بتعطيه.. سحبه تركي من يدها وطلع الكردت كارد حقه: شوف حسابك جوري: عندي ترا مايحتاج.. تركي: ادري.. ورجع لها الكردت حقها فيما كانت تحطه في الشنطه لفت نظره حرمه كانت تتفحص جوري من فوق لتحت.. قام يناظر جوري بيشوف فيه غلط بس كان لبسها عادي عبايه واسعه وطرحه كل اللي كان ظاهر منها وجهها.. دقق في وجهها يمكن فيه شي ماشاف اي شي كانت تلبس نظارت شمسيه ووجهها خالي من اي صبغات قربت الحرمه من جوري وسلمت عليها ودار بينهم الحديث وتركي كان مستمع الحرمه: باين انج خليجيه؟؟ جوري: ايه نعم سعوديه.. الحرمه: هلا والله باهل السعوديه.. شخبارج حبيبتي جوري: الحمدلله الحرمه: شوفي قلبي ممكن اسألج سؤال؟! جوري: تفضلي الحرمه: متزوجه انتي؟ جوري ارتبكت: ليش؟!! الحرمه:اسأل.. انزين يايه بروحج هنيه؟! جوري: لا الحرمه: اها اكيد مع اهلج طيب حبيبتي انتي وايد عجبتيني ودي اخطبج حق ولدي وينهم اهلج بقول لهم تركي وده يفتح الارض ويدفن الحرمه اطلقت جوري ضحكه مدويه ولسان حالها يقول '' ماعندها وقت على طول السالفه خبط لزق" تركي" بعد تضحك شكلي بدفنها معها" حمر وجه جوري من الضحك صارت تغطي على وجهها بطرف طرحتها الحرمه: وفديتج خجلانه.. زاد ضحكها.. اولا هي متزوجه وكله كوم وانها حسمت الامر تكلم اهلها كوم ثاني.. مسكينه كان واضح انها على نياتها الحرمه: جعله دوم هالضحكه جوري اكتفت من الضحك لكن الابتسامه لازالت تزين ثغرها الجميل: تدوم افراحك الحرمه: يلا دليني على اهلج طنشت وصارت تمشي وخلفها تركي.. والحرمه كانت وراهم فكرت انها اشاره يعني تعالي اوريك اهلي توها بتكمل مشي .. ماشافته ''وين راح هذا'' لفت لقته وراها كانت عيونه مولعه جمر والحرمه وراه كتمت ضحكتها غصبا عنها بس قالت خل اسوي حركه من زمان عن المقالب والضحك جوري: خاله شوفي هذا من اهلي كلميه اذا وافق انا موافقه.. الحرمه: السلام عليكم تركي بدون مقدمات: ترا لو انتي رجال والله مايردك الا البوكس من الجدار.. اقول تقلعي لأحوس هاللي بتزوجينه لها الحرمه انحاشت على طول رفعت راسها فووووووووووووووق منتهيه ضحك كانت تضحك من قلب الله ياحلاة الضحكه من قلب من زمان عنها..وطاحت طرحتها على اكتافها زعزعها من وناستها وجرها هي واكياسها للسياره وهو يرفع لها الطرحه بلعت الضحكه بس الابتسامه باينه من جوانب فمها.. ركبت السياره بعد ماشال منها الاكياس وهو متنرفز.. ركب وصفق الباب وطالع فيها: وش هالحركه السخيفه ؟ جوري كانت رافعه ايدينها تسوي نفسها تعدل الطرحه ماتبي يشوف وجهها تركي: انا اكلمك ونزل ايدها شاف دموعها اربع اربع انفجع!! وهي انفجرت ضحك هالدموع اللي شافها ماكانت الا من نتيجة الضحك كانت تغالبه وتبي تتكلم: هههههههههههه والله هي دخلت عرض مدري وش اقول ههههههههه انا.... ماكملت وصارت تضحك تركي مامسك نفسه ماتحمل ابد ماتمالك نفسه ورغما عن انفه باغتته ضحكه رجوليه جذابه بس مكتومه.. ماقدر يتحكم فيها ويخفيها.. شافت وجهه حمر من كثر ماضحك بس مالها صوت كان ودها تطرب اذنها فيها افتقدتها كثيييييير.. كانت دايم تسمعها اذا جا يزور اخوانها كانت من الضحكات اللي لها رنه ووقع خاص ع القلب ضحكوا مع بعض وعلى بعض لاول مره وفجأه سكتوا معروف بتقلب مزاجه ورجع لحالته: من الافضل ماتعيدين هالحركه جوري: الله لايقولها اول مره والاكيد انها آخر مره تركي: ليش تقولينها وكنك قرفانه.. جوري: ابد مستخصره ضحكتي في هالمواقف الباااايخه..... تركي: ترا حتى انا مو معنى اني ضحكت يعني خلاص اني .... جوري:قلت لك آخر مره.. تركي بلهجه حاده: بعد تبين شي من السوق؟؟ جوري: ايه ابي.. بس مو من السوق تركي: وش تبين؟ جوري: شي بسيط يبيله مجهود جبار تركي: عن الفلسفه قولي.. جوري: هاللحظات اللي مرت ابي اذا رجعنا نمثلها على اهلنا تركي: بس كذا ؟!! جوري: بس.. تركي: مقدور عليها وياليت نلعب اللدور صح مو عشان شي.. عشان اهلنا بس ................... نهاية البارت .. .. .. |
البارت الثالث عشر كومنت لبيبي انا و دفا الايام *بيبي انا يختي عليك بس.. ماشاءالله عليك قارئه ذكيه ولاهان الباقي.. كأنك قاعده معي يوم كنت اكتب.. احد توقعاتك صوووووح ميه بالميه .. منوره يالغلا *دفا الايام لباااااااك.. ما أقول الا الله يعطيك العافيه حسستيني انك انكبيتي ع الروايه وقريتيها بدقه متناهيه. ماشاءالله محلله... اعجبني تحليلك لاحد الشخصيات وتوقعاتك لها وللمصير اللي مقررته يكون .. منوره يالغلا . . . . . في لندن مشاري:جد؟؟ تركي: ايه.. مشاري: خل عنك بس.. مابعد تونسنا.. تركي: الجايات اكثر.. تحسسني اني اخر مره بجي لندن.. مشاري: مايندرى يمكن تموت.. تركي: ماتت عينك شف النذل.. مشاري:ههههههههههه تركي: وتضحك انت وخشتك.. مشاري: ياجعل يومي قبل يومك ياتركي.. تركي: ايوووووا كذا حلو مشاري: الله اعلم من النذل الحين تركي: هههههه.. والله ياني بفقدك يالشين.. صح مانطلع واجد هنا بس ع الاقل احسك قريب.. مشاري:بقوه صراحه.. يمكن معدوده الطلعات اللي طلعناها تركي: على قولهم العوض ولا القطيعه شي احسن من لاشي.. مشاري:اي والله صدقت.. تركي: عموما انا لازم اقفل بروح اجهز اغراضي واللذي منو.. مشاري: موفق حبيب ألبي.. لاتقطع خل بيننا ألو.. تركي: ابشر ماطلبت شي.. مشاري: بشروك بجنة الخلد.. تركي: يلا مع السلامه.. مشاري: صبر يالاطخم.. تركي: لبيه.. مشاري: لبيت حاج ايدك في ايد جوري.. تركي: االي بعدو..! مشاري: ابد بس ابي اسمع اخبار حلوه تركي: مثل؟؟ مشاري: مثل شي يناديني يا أونكل! تركي فهمها.. قصده الاطفال .. هالنقطه الوحيده اللي غطاها عن مشاري لأن ذي اسرار زوجيه بحته فما حب انه يتطرق لها معه خصوصا ان محد يدري انه ماقد لمس جوري: يجيب الله خير.. مشاري: اللهم آمين.. يلا ما أعطلك اذا وصلت تلفن لي.. تركي: تامر أمر.. مع السلامه.. مشاري: في امان الكريم.. .............. بيت ابو تركي ندى: للآن مو مصدقه اللي صار..! نادر: وش عاد انا اللي مصدق.. ندى: الله ياهالدنيا.. نادر: عجيبه غريبه.. مستحيل احد يتنبأ باللي بيصير فيها.. ندى:بس ع الاقل صار شي زين.. نادر:أي زين عفسنا ابو جد السالفه.. قسم بالله حرب اهليه.. ندى: نادر قول الحمدلله وصارت تعدد على اصابعها اولا/عمي سلطان ماطلع من عند ابو جمانه الا وهو ماخذ خالتي حصه.. مع انها رفضت رفض قطعي.. بس ماقاومت دموع بناتها.. هذا غير انه تعهد يسوي برد اعتبارها قريب ثانيا/ تفركش زواج البنات وهذا شي حلو.. مافي عاقل يتزوج بالعناد.. ثالثا/بعد ماعرفنا قصة ريم كلنا سامحناها.. صحيح اخطت وابن آدم خطاء لكن ابوي ظلمها كثير بعذرها.. قاطعها نادر: ما اتوقع بيوم من الايام بحط عيني بعينها.. وربي بهذلنا البنت يمكن لو اشوفها في مكان بمشي وانا منكس راسي.. ندى:والله يانادر لو اقول لك اللي في بالي بتقول استخفت! نادر:وشو؟؟ ندى:قسم تمنيت ابوي غير ابوي.. كارهه نفسي اذا ذكرت اني بنت محمد ال... نادر:نداوي استحي شوي .. ندى:اللي سواه مو شي بسيط.. نادر:ولو مايصير تقولين كذا.. سكتت ريم فكر ثواني: بس تبين الجد فعلا مو بسيط.. انا بنفسي متفشل كني انا اللي غلطت.. ندى: المشكله ماقصرنا فيها عطيناها كلام يسم البدن.. نادر: ماننلام يعني تصوري طول هالعمر وكانوا حاطين في بالنا قصه وهميه عنها.. وعلمونا اياها وصرنا نتناقلها وماندري عن صحتها.. ندى: احيانا الكره يخليك تسوي اشياء خارج عن ارادتك.. وهذا اللي سوته ريم نادر: بس تصدقين رغم كرهها لنا امس تأكدت انها عاقله والله مافي احد مثلها ندى: شلون؟! نادر في خاطره'' كانت كبيره وماقالت لهم عن اللي اسويه معها.. كانت كبيره وماتظلمت واشتكت مني.. والله ياريم ان عقلك فعلا يوزن بلد" : مو مهم شلون.. واردف يصرف: أما والله ابوي خبصها خبص .. ندى:تكفى خلاص لاتقلب المواجع قسم بالله مو قادره حتى اطالع نفسي بالمرايا من الخجل نادر: انا كل تفكيري محصور في نقطه معقوله ابوي يطلع منه هذا كله.. ندى: كله يهون الا يوم فشلة لامي.. ياحبي لها هالآدميه توقعتها تروح بيت جدي نادر: وشو الدعوه سماجه كل مازعلت الوحده من زوجها كبرت الشنطه وحشرتها بهالهدوم ندى: مدري بس اكثر الحريم مايرضون ان احترامهم يتقلل قدام احد بطريقة ابوي نادر: والله امي عاقله عمرها ماشكت لأهلها من ابوي مع ان.. كانت ندى بتكمل الفراغ بس آثرت الصمت نادر:كان يتمادى بإهانتها ولازال.. ندى: والله توها على طرف لساني.. نفسي اعرف ليش ابوي كذا؟ نادر:مآآدري مآآدري.. ندى: اتمنى ينصلح الحال كافي مشاكل ملينا نادر: ربك كريم.. ندى: طيب و د.... نادر:وشو ندى: لا ولاشي نادر:ترا اكره السخافات ذي والله ان تقولين ندى: دانه!! نادر:شفيها؟ ندى: ليش رفضتها كذا قدامنا؟! نادر: اصلا هذا اللي تبيه.. ندى: حرام عليك اتوقع كانت منحرجه نادر: لا ماتبيني براحتها.. انا اول رضيت لان امي قالت لي انها جست نبضها وكان فيه قبول.. بس اللي شفته منها العكس .. الظاهر جاملت امي... والله ياندى براحتها خلاص.. ندى: متأكد براحتها؟ نادر: شوفي انا اميل لها من كنا صغار بس مو مره متعلق فيها.. فما فرقت عندي.. ندى: زين فكر وخلنا نخطبها رسمي يمكن حياها منعها من التصريح ذاك اليوم نادر: لالا هي ماتبيني خلاص خليها.. الله يوفقها ويسعدها مع غيري ندى: آخر كلام؟! هز راسه بمعنى ايه قام متوجه للباب ندى: وين؟ نادر: بطلع اغير جو.. ندى: لاخلك معي .. نادر: روحي اقعدي مع امي تسلينها وتسليك ندى: مو قادره اطالع بعيونها.. اليوم شفتها في المطبخ كانت تتحاشى نظراتي.. نادر:اجل قومي قومي خل نقعد معها ومانحسسها بشي.. .............. عند رشا - ها جاهزه رشا: تعال شرايك بلبسي - تفرس فيها من فوق لتحت: روووووعه رشا: تسلم - يلا مانبي نتأخر دق جواله: خذي المفتاح اركبي وانا بجي وراك.. خذته على امتعاض عارفه ان ذي وحده منهم نزلت فتحت السياره وركبت ثواني نزل وراها قعد يضبط المرايا ويطالع نفسه فيها بغرور: حياتي.. رشا بدون نفس: هاه.. - البيوت اسرار .. طيب!! رشا: وش مناسبتها؟! - لابس يزل لسانك عند اختي هيك والا هيك رشا: خايف؟ - لاياقلبو مو خوف بس بتعطيني موشح وانا صراحه احترمها ماراح اقدر ارد عليها.. ما احب اكون في موقف المتلقي للتهزيئ وانا ساكت.. فهمتي ياسووكر؟! رشا: يصير خير - تسلكيني؟؟ نافخت رشا: شفيك قلت لك يصير خير.. - كووووشخه تنافخ السنيوره.. طيب شوفي واللللللله ان يزل لسانك اني لأطين عيشتك.. فاااااهمه؟؟؟ حقرته وصارت تطالع النافذه رفع صوته الجهوري المناقض شخصيته: فاااااااااااااهمه ارتعدت فرائصها من الخوف: ايه فاهمه رجع يطالع المرايا: تصدقين السكسوكه مو مضبوطه صح رشا'' غبي وش يحس فيه هالمريض'' راحوا بيت اخته.. كانت حرمه في الاربعين خط المشيب شعرها معطيها وقار وجهها شرح مليان حنان.. رحبت فيهم .. وضيفتهم.. كانت عكس اخوها تماما في كل شي.. ام ايمن: والله هذي الساعه المباركه اللي تشرفيني بهالزياره انبسطت فيها.. رشا: تسلمين.. ودام انبساطك فيها من عيوني بصير ازورك دايم.. ام ايمن: ماشاءالله زوجتك اخلاق وجمال - بدون نفس: ايه مايحتاج رشا: من ذوقك.. ام ايمن: اسمع لاتكرفها كثير اعرفك اتكالي حتى المويه ماتسكبها لنفسك.. - لاشدعوه اصلا انا مدلعها انا اللي اجيب لها كل شي.. ام ايمن: اهاا زين صارت تطالع فيه بعين بارده شلون يكذب كذا لاوقدامها - تمقل فيها متجاهل هالنظرات: اشتقتيلي انحرجت رشا: عن الهبال.. طلعت منها بطريقه عفويه مسكها بطرف عبايتها من فوق كتفها: ايشش ام ايمن: والله كنت شاكه انه هذا هو الدلع - سمعتيها انتي؟ ام ايمن: سمعتها بس مايعطيك الحق تمسكها كذا - رشا قومي البيت بسرعه.. وصار يدفها قدامه.. وهي ولاحرف.. كانت تلعن اليوم اللي وافقت تاخذه.. .............. بيت ابو طارق ابو طارق مع ام طارق في الصاله ابو طارق: وينهم العيال ام طارق: طارق راح يجيب عشاء وخالد حرارته مرتفعه الجرح صار يصب دم ابو طارق: لاحول ولاقوة الا بالله وليش ماقلتيلي ..قومي قومي نوديه المستشفى ام طارق: هالولد مايريح نفسه وحنا غلطانين طلعناه من المستشفى.. بس لاتحاتي طارق وداه الصباح وقال له الدكتور لايتحرك كثير وعطاه مسكنات ابو طارق: الله يشفيه ويقومه بالسلامه ام طارق: آمين.. ابو طارق: وريم؟؟ ام طارق: ياعويني رافضه حتى اللقمه.. ابو طارق: يحق لها..! ام طارق:بس وش الفايده تذبح نفسها من الجوع؟ ابو طارق: لو انا بمكانها ما أكلت سنه ..والله ندمان كثر شعر راسي ولازم اعوضها ام طارق: ياليت ابو طارق: انا رايح لها راح لغرفتها طق الباب ماجاه رد فتح الباب شاف الغرفه ظلام.. تلمس الجدار يدور على مفتاح النور وبكبسه اضائها.. دنا من سريرها وجلس جنبها ابو طارق: ريومه فتحت اجفانها المتثاقله من آلام البكاء وزاد من الآلام حدة الاضاءه.. غطت عيونها بيدها البيضاء: يبه! ابو طارق: ايه.. يلا قومي طارق على وشك وصول راح يجيب لنا عشاء ريم: لا ما ابي عليكم بالعافيه.. قومها بحنان جلست وايدها لازالت على عيونها: تكفين يا ابوي قومي.. لاتحسسيني بالذنب اكثر .. انتي ماتدرين وش اللي بصدري.. ريم: عشان؟! ابو طارق: علي انا ياريم.. انا وعمانك سوينا اللي... ريم: طلبتك لاتكمل ابو طارق: سامحيني يابنتي ريم: وربي مو شايله عليك ولازعلانه عشان اسامحك.. عتبت عليك عتب خفيف وقدرت اتجاوزه لاني عارفه نقطة ضعفك الطيبه الزايده مع الكل.. ابو طارق: الله يرضالي عليك ريم:وانا وراضيه بعقابك.. لاني اخطيت بعد ابو طارق:مانيب معاقبك ادري ان الحميه خذتك على امك وخلتك بهالموقف شالت ايد ابوها وطبعت عليها قبله ابو طارق صار يمسح على راسها: قومي فديتك ماراح تنزل لي اللقمه من زور الا وانتي معنا ريم: ابشر ............... في لندن واقف قدام مراية الدولاب يدقق في شكله مايبي يرجع ويقولون ضعيف ومتغير.. يبي يظهر بشكل قوي يعكس الحطام اللي جواته.. لف يمين لف يسار لامو نحفان صحته رجعت.. قرب اكثر يشوف وجهه عيونه ذبلانه لا لا هي عيونه اصلا ناعسه .. كل شي تمام بس شعره طايل بزياده وتذمر يوم شاف انه مربوط يالله الحين امي تستقعد لي وقصه وقصه وعيب تربطه و ... جوري: لو سمحت بدون مايطالعها: وش جوري: ابيك تنزل لي الشنطه فوق الدولاب ما أطولها تركي: ومين طلعها فوق جوري: العمال يوم يجيون يأثثون الغرفه تركي: خليهم هم ينزلونها جوري انقهرت وطلعت بدون ماتعقب راحت الغرفه تطالع لعلو الدولاب شلون انزلها.. كانت لابسه بنطلون جنز بني وبدي علاق قصير ومحزق لونه بيج واورنج كاروهات معطيها اشراقه بوجهها وفوقه جاكيت بني.. فصخت الجاكيت وكان في طاوله بنص الغرفه سحبتها ورقت فوقها "يحوووول ما أطول بعيد مره" مع انها ماكانت قصيره بس الدولاب شاهق حيل "انا من قال لي اشتريه لو اني ماخذه دولاب اقصر واصغر كان.... الحين ليش اقعد اتحلطم هذا وقته" وصارت توقف على روس اصابعها مسكت طرف الشنطه وسحبتها على خفيف ما امداها تسحبها اختل توازنها وطاحت:آآآآآآآآآآآآآآآه كان بغرفته محتظن المرايا نازل تدقيق في تفاصيل وجهه.. سمع الآه القويه تبعتها صرخه مروعه .. راح يركض لها وفي باله مليون احتمال للي صار فتح الباب لقاها جالسه تبكي والطاوله مقلوبه وكانت ماسكه رجلها وتتألم بشده تركي: وش سويتي انتي!! جوري: اطلع برررررا جلس ع الارض قدامها ومسك رجلها جوري:آآآه وخر عني تركي جطلها وصار يدلك في رجلها ماكان في كسر الظاهر التواء: لاتخافين مو كسر جوري: مالك خص ولو سمحت برا تركي: هذا جزاي جوري: انت السبب مو قلت لك ما اطول و... قاطعها بحركه خلتها تسكت شالها وجلسها ع السرير رفع رجلها على فخوذه وصار يدلك فيها من هول الصدمه والمنظراللي تشوفه نست الألم اللي كانت تحس فيه تركي ببرود: شوفي بتطيب بس لازم تمشين عليها حتى لو تعرجين مو مشكله ودها تهاوشه بس تخاف تنتهي هاللحظه يكفي ان عضو منها ماسكه بيدينه.. تناست كل شي حولها وصارت تطالع فيه" والله ياتركي احبك بس حبك ماشفع للي سويته فيني'' كان يتكلم ماتدري وش يقول بؤرة شعورها مركزه على ايده اللي يمررها على رجلها سألها تحسين بشي بس ماجاوبت رفع نظراته لها : تحسي.. كانت سرحانه فيه ماخلت مكان فيه الا وتتفحصه سكت ..اربكته نظاتها.. اول مره يرتبك كذا نزلت عيونها ورجلها بنفس اللحظه تركي بانزعاج: عندي كريم خل اروح اجيبه جوري: مو ضروري طنشها وراح يجيبه.. جلس جنبها او بالاحرى ملاصق لها: هاتي رجلك بحطه لك جوري: اذا مصر جيبه انا بحطه تركي: لا انا بحطه ماراح تعرفين جوري: طفله شايفني.. سحبت الكريم من يده وفي غفله طاح ع الارض هو مال بجسمه لقدام يلتقطه هي مالت بجسمها تبي تسبقه ضرب راسها في راسه جوري: آآآآخ مسكت مقدمة راسها وهي مغمضه الاصتدام ماكان قوي بس هي حساسه استجمع قواه والتف لها بيهاوشها .. لفت انتباهه لبسها .. عيونه كانت تبي المزيد صار يطالع البدي اللي لابسته ماسك على جسمها مطلعه بشكل فاتن لمحته من تحت ايدها مبقق عيونه صارت تغطي بيدها نفسها بدون شعور سمح لنفسه ينزل يدها مو حلاله يبي يمتع عيونه هي استحت ودنقت كثير تبي تنهره كيف ينزل ايدها وبنفس اللحظه ماقاومت نزلتها واستقرت بحجرها التهمها بنظراته اعجبته مره ماقاوم رغبته ورفع باصبعين من اصابعه فكها الدقيق شاف بعيونها اشياء كثير مالقى لها معنى شاف صورة رشا قدامه انت ماتحبها لاتتهور.. بس بالنهايه هو رجل ماقدر يقاوم سحر الانثى وبالذات لاصارت بين ايدينه وقدامه متحجج بإنها زوجته حلاله قرب منها تلامس خشمها مع خشمه برقه.. رفع ذقنها ولثم ثغرها زي العطشان غمضت عيونها وابحرت في عالم مافي الا هي وتركي حبيبها.. سألت نفسها هي بحلم والا بعلم استقرت ع الاولى مستحيل تركي يسوي كذا في ارض الواقع.. استسلمت لافكارها وسلمت انه حلم وياليت ماتصحى منه سرت قشعريره بارده فيها يوم حست بقوة انفاسه اخذ نفس طووووووويل كأنه يستنشقها هالحركه خلتها تتأكد انها مو في حلم هذا تركي اللي يكرهك ياجوري تماسكي رجعت راسها على ورا مسكت ايدينه وبصوت متهدج: تأخرنا!! تركي ماتوقع انه بيضعف قدامها انواع الاحراج منها مو يكرهها ويضربها ليش يضعف ليش: زين.. سحب رجلينه للباب ماوده يلتفت بس التفت: حطي في بالك اني رجال طبيعي ما اقاوم حتى لو قدام وحده شينه وبالذات اذا كان الشي حلال جوري'' اعتراف مبطن اني جميله ".. كان ودها تضحك على شكله بس الموقف مايساعد: زين نزل الشنطه نزلها وطلع فرحه كبر الدنيا ومافيها فرحه غامره اجتاحت اركان قلبها فرحه ليس لها حدود " معقوله هذا تركي معقوله.. وربي حسيت ان اللي صار من قلبه.. مستحيل احساسي يكذب .. والله والله والله فرحااااااااااااااانه" .............. بيت ابو تركي الساعه 10 الصباح كلهم صاحين .. صحتهم ام تركي من فرحتها بجية ولدها وجوري نادر: يمه الجناح جاهز؟؟ ام تركي: جاهز مابقى الا الدخون شوي وارقابه ندى: والله متحمممممسه مره نادر: زين يمه صحيتينا بدري خل اروح انام شوي بس ام تركي: لااااه ومين اللي بياخذهم من المطار نادر: دحيم يروح ندى: اروح اصحيه؟ ام تركي: لا خليه ينام عبدالرحمن نومه ثقيل ماظنتي يقوم.. انا بنفسي ماصحيته بيدبل تسبدي نادر: وش الدبره طيب ابتسمت ام تركي: مالي الا نادر حبيب امه وقلبها وعينها هو اللي يجيبهم ندى:هههههههههههه مافي مفر نادر: هههههههه ام تركي: دام ضحكت موافق نادر: أمري لله وانا اقدر اخالفك.. دق جوال ام تركي ام تركي: فيصل!! غريبه داق الحين الو فيصل:معليش ازعجتك خالتي قلب الام دليلها على طول قالت:منى بتولد صح فيصل:ايه انا في المستشفى فزت ام تركي:تو بدري على ولادتها فيصل: مدري الدكتوره قالت عندها ولاده بسرعه تعالي ياخاله ام تركي:ليش امك ماهيب معك فيصل:مايردون نايمين متأخر ام تركي:زين زين جايه.. وقفلت ندى:ندى بتولد! ام تركي: ايه.. نادر هز طولك قم ودني ندى: بروح معك نادر: يلا يلا مشينا بأي مستشفى ....ولادة منى خلتهم ينسون جية تركي.... ............... بنفس الوقت في بيت ابو فيصل ساره بدلع: دحوووومي عبدالرحمن:هممم ساره: يلا قوم عبدالرحمن: طيب.. رجع نام ساره: عبدالرحمن وش ذا قووم يلا امي ان شافتك نايم هنا للحين وربي تحوسنا طنش ولف ع الجهه الثانيه وكمل نوم ساره: قوم واللي يعافيك لاتسويلي مشكله انا في غنى عنها عبدالرحمن وفيه النوم: طيب طيب بقوم اعوذ بالله امك ذي مدري شتبي ساره عاذرته عشان اخلاقه اول مايصحى تكون تجاريه بس لازم تحسسه ان هذا غلط: اشوف الحشيمه راحت تبطح وتوسد ايدينه: آسف انتي خابرتني شلون أك.. ساره: المهم يلا قوم عبدالرحمن بعناد: لا.. بقعد عندك ناسيه اني متملك عليك ساره: هذاك قلتها متملك.. لامن صرنا في بيتنا اقعد معي عبدالرحمن: باللهي ساره: ايه.. عبدالرحمن: انا غلطان اللي قعدت اسمر عندكم من فرحتي بجية خالتي حصه والله هلكان نوم ومع هذا قعدت ساره:مو عشان كذا رحمتك.. خفت انك تسوق وفيك النوم .. ولعلمك حتى هي قالت خليه ينام في المجلس.. بس ماقالت يسكن عندنا ضوق عيونه ورفع حاجب وقال: رحمتيني!! اللي يسمعك الحين نايمه طول الليل باحضاني من خوفك علي ساره: شف قلب الكلام عبدالرحمن: وانا صادق لاطعتني بالمجلس وانتي ولا داريه عن هوى داري ساره: اطل عليك بين حزه والثانيه عبدالرحمن: كثثثثر الله خيرك صراحه انجاز تشكرين عليه ساره بحزم: انا الحين انادي امي تتصرف معك جت بتقوم مسكها وحط عينها بعينه: المفروض تحمدين ربك وانا نايم ومابقلبي ذرة زعل.. تذكري وش سويتي ساره:يووووووووه كم مره تأسفت ماتشوف انك طول هاليومين مستقعد لي تذكري وتذكري.. والله زل لساني ووعدتك ماعاد اطلع سر عبدالرحمن:آآآآآآآوش خلاص ساره: تسكتني ! عبدالرحمن: احبببببببببك ياشينه حطت ايدها على صدرها عبدالرحمن: ههههههه خفتي ساره: مالك داعي والله احتضنت وجهه بكفوف راحتها وقربت منه وجلست تتأمله.. هو متحمس وش بتسوي و وش بتقول وبعد لحظة صمت قالت له بنبرة رومانسيه ودلع: دحومي عبدالرحمن: هااااه قربت منه حيل وبصراخ: قوووووووم والا بعلم امي فز فزه مابعدها مانتبه لها الا وهي واقفه عند الباب:هههههههه شكلك يضحك تعيش وتاكل غيرها آلاف عبدالرحمن: آآخ بس لو تطيحين بيدي لأوريك شغل الله ساره: هههههههههه اتحداك ويلا لك 5دقايق لو لقيتك هنا بسوي نذاله واعلم الهيئه((تقصد امها)).. وقفلت الباب مع طلوعها ضحك ورفع صوته: تعالي .. طيب ياسويره تذكري هالحركه يالدبه.. وقام بيروح البيت وهو يقول في نفسه '' اه ياحبي لهالبنت بتهبل بي" ركب سيارته وتوجه للبيت مافيه احد" وين راحوا" دق على امه ماترد دق على نادر نادر: هلا عبدالرحمن: وينكم انتم؟ نادر: بالمستشفى منى بتولد عبدالرحمن: جد نادر: لا العب معاك.. فاضيلك الحين عبدالرحمن: طيب طيب طمنوني عليها اوك انا بنام نادر: لا ويييين روح استقبل تركي وجوري.. الله يلعن الشيطان نساني اياهم عبدالرحمن: اوك الحين آخذ شور واروح... وقفل .............. في المستشفى بعد عدة ساعات طلعت النيرس وقاموا كلهم النيرس:وين هازبند فيصل:انا انا شلون المدام النيرس:كللللو كويس ولاده طبيعي..مدام تمام وبيبي تمام .. وراحت فيصل :الحمدلله يارب الحمدلله ام تركي تدعي وتحمد ربها على سلامة منى والبيبي: مبروك ماجاك يافيصل فيصل: الله يبارك فيك نادر:شف شف راحت وماقلنا لها و جابت تعالي انتي هيييه النيرس:ايوا نادر:وش جيب ولد والا بنت؟ النيرس:جيب توم ولد شوفوا فرحتهم كيف.. فيصل ضم نادر طاير من الفرحه.. وام تركي فرحتها توازي فرحته وضمت ندى ندى:يمه بشري ابوي ام تركي: ابوك!! ناسيه انه سافر بعد اللي صار ندى: مايخالف انا برسل له رساله ابشره فيصل يكلم النيرس:هيييه نيرس تعالي النيرس تضايقت كل شوي وناداها واحد:كلاااااس ..تعالي تعالي>> هع فيصل يطلع من بوكه خمس مية ريال ويعطيها:تعالي يابنت الناس خذي والله تستاهلينها النيرس انحولت من الزرقاء اللي تشوفها وقام نادر وطلع خمس ميه نفس الشي:وهذا الدبل لعيون فيصل ومنى مسكينه النيرس بغى يغمى عليها من الفرح نقلوا منى غرفه ثانيه بطلب من فيصل وكانت غرفه خاصه واستأذنوا الدكتور يدخلون عليها .............. بيت ابو طارق ريم:تكفى منذر اللي بيننا خلاص منذر: ليش حياتي ريم:انا قررت اترك هالطريق منذر:ليش وش صار احد ضايقك من الحمير اهلك ريم: لو سمحت إلزم حدك منذر:حركااااات فيه تطورات والله وصرنا ندافع.. ريم: اهلي ماتبيني ادافع عنهم منذر: لاياشيييييخه الحين صاروا اهلك وين كلامك قبل عنهم.. عاد تصدقين والله حسبتك بنت حرام وجابوها من الشارع والا مستحيل احد يتكلم عن اهله كذا ريم: ياحقير.. امسح رقمي ولاعاد تدق.. وقفلت '' والله هو صادق الحين صرت ادافع عنهم ما ألومه يوم يتكلم فيهم انا الغلطانه.. كله مني.. انا لازم اقطع علاقتي فيه" ................ وصل عبدالرحمن المطار وخذاهم .. طول الطريق كان كلامهم عادي مافيه شي جديد تركي مرتاح انه وصل لان براسه مواويل كثيره لاتعد ولاتحصى.. وصلوا البيت.. شافه فاضي استغرب مفروض يكونون موجودين تركي: وينهم ضرب عبدالرحمن جبينه: اوووو نسيت ما اقول لك راحوا المستشفى منى بتولد تركي: مالك داعي باقي هالنسيان ماراح منك عبدالرحمن: ماظنيت يروح تركي: ما أقول الا الله يعين ساره عليك عبدالرحمن: بتنعان بس اطلع منها انتبه لجوري اللي كانت واقفه تنتظره تركي: يلا يلا عن اذنك عبدالرحمن: ماراح تروح لمنى تركي: والله تعبان ابشوف المساء والا بكرا عبدالرحمن: اللي يريحك.. مسكها وصار يرقيها على الدرج عشان رجلها دخلوا جناحهم مكون من غرفتين مفتوحه على بعض الغرفه الاولى كان فيها بلكونه كبيره وجنبها كان فيها تسريحه دائريه عليها عطور رجاليه ونسائيه كثيره ولوشنات .. وبوسط الغرفه كان فيه درجتين تمشي خطوات يجيك السرير دائري كان وسط مو كبير ومن الجانبين اباجورات على شكل حلزونات وقدامه صوفا طويله .. والغرفه الثانيه فيها الدولاب وعلاقة الملابس والحمام تركي: بنزل اجيب الشنط.. ونزل اول سؤال طرأ على بالها''وين بنام'' تلفتت يمين لعل وعسى فيه باب ماتشوفه بس مالقت ''ياااالله يعني اليوم بيخليني انام ع الارض او الصوفا مالي الا اقول له يخليني اروح بيت اهلي لين يجيب سرير ثاني.. طيب واذا جاب وش بيقولون اهله.. يووووه من هالافكار'' جاب الشنط وكان يكلم يكلم نفسه: والله وصرت خال جوري تحسب الكلام موجه لها:مبروك تركي: الله يبارك فيك عقبالك ((هو قصده عقبال ماتصيرين خاله وجوري فهمت غلط)) جوري''ياليت بس مستحيل يتحقق ورشا بحياتك'': لا ان شاءالله مافهم قصدها وطالعها بود: لا بالعكس مفروض تتمنين هاليوم ((ومازال قصده انها تصير خاله بتمنيها زواج ريم)) دخلت الحمام وصفقت الباب في وجهه تركي عصب وراح لها وفتح باب الحمام تركي: وش قلت انا!! غلطت؟ جوري تكتفت: ولا شي وقف عند مدخل الباب: قسم بالله ماتستاهلين احد يعبرك ويكلمك جوري: عن نفسي مستغنيه عبر رشا هي الاولى كان بيقول لها ان علاقته برشا انتهت بس خلاها عايشه في اوهامها اللي نسجتها لنفسها تركي: هين ياجوري.. وطلع بعد عشر دقايق طلعت شافته لابس بوكسر والفوطه على كتفه يبي يتسبح بعد ماتخلص نزلت عيونها بالارض: ياليت تعجل عشان تودنيي لاهلي بسلم عليهم طنشها وراح لباب الغرفه وقفله بالمفتاح واخذه جوري مطلعه عيونها:ماراح انحاش انا اقول لك ودني عند اهلي تركي: والله ماتطلعين من الغرفه لين تتعدلين معي جوري: هذا اسلوبي من اليوم ورايح ارضابه تركي:اجل خيسي هنا.. ودخل الحمام.. جوري''وش عليه هو يبيني على كيفه هين ونومه ع الصوفا معصي والله ما انام الا ع السرير يا أنا يا إنت ياتركي'' فصخت عبايتها ودقت على امها تطمنت عليهم وخبرتهم بوصولها.. اثناء مكالمتها خلص شور وطلع عطته ظهرها ماتبي تشوفه وهو يلبس.. لبس بجامه وانسدح وسط السرير من لعانته وبينام جوري" يعني الدعوه عناد طيب".. قفلت من امها وجابت لها لحاف: وخر شوي تركي: السرير ضيق ماراح يكفي جوري: بيكفي بس وخر زحف تركي حاجه بسيطه ..وهالمره عطاها وجهه مو ظهره شافت الحيز كان صغير كتمت قهرها ''ياربي ماراح يكفيني ..يالله وش هالبلشه وبعد عاطيني وجهه'' توها بتنسدح داخت خاف: بسم الله شفيك مسكت لحافها تحس نفسها بصحن دوار تركي'' انا غبي غبي غبي الا اذبحها والا وش قصتي":قومي المستشفى انسدحت :شكرا تركي: مستمره على علاجك هي طنااااااش وحقراااان على مستوى تركي: احاكيك.. جوري: لا تركي: متى اخر مره جوري: امس تركي: طيب انا نازل بجيب اكل و... دق جواله تركي: الحين بجي لاتنامين طلع البلكونه وقفل الباب جوري كانت بقمة قهرها بس تكابر على نفسها ''اكيد هذي رشا .. يارب مالحقت اتهنى باللي صار - تقصد موقفها الاخير معه بلندن- بكيفه يسوي اللي يسويه'' .. وحاولت تنام عناد تركي في البلكونه مشاري:حمدالله ع السلامه.. قلت اتطمن عليكم تركي تنهد:راعي اوله لاخلا ولاعدم مشاري:شفيك تركي: عادي مشاري: الا قلقان حاس فيك وش صار تركي:تو داخت خفت يجيها شي مشاري: اكيد استلعنت تركي: قهرتني مشاري: حتى الاطفال مو زيك.. ترا لو تموت دمها برقبتك تركي:كل اللي اتمناه بهاللحظه يزين الوضع مشاري: يبي يزين بس همتك.. تركي: وش اسوي مشاري: مثل الناس اللي عندهم عقول ويفكرون.. شكل عقلك ديكور تركي:بقوه ديكور.. ياخي التبست علي الامور.. مره تقول مجبوره واعذرها لمعاملتها معي ومره تقول كانت تتمنى اليوم اللي يجمعنا والقى قبول من ناحيتها بس تنقلب فجأه كنها تنين شوي وتطلع نار مع خشمها مشاري: مستحيل تكون مجبوره تركي:ياحليلك متأكد مشاري:قل الله حلاك.. انا شايف بكاها عليك من المحال ذا بكاء وحده مجبوره تركي: مدري مشاري: هذا اللي طلع منك تركي: طيب وش اسوي والله جد مدري.. مشاري: ع الاقل عاملها زين المره تعبانه تركي: هذي هي النقطه اللي كاسره خشمي.. والله اني احاول اترفق معها بس احس انها كرهتني وانا ماراح اهين نفسي وش بتقول اكيد بتقول انه رضخ لي مشاري:اقول خل عنك الهبال ياشين عزة النفس لاجت في موقع غلط .. لاتخسرها تراها تحبك حتى لو قالت ما احبك ترا اللي جاها مو شويه تركي:كأنك تقول روح حب راسها عشان ترضى عليك مشاري تنرفز:والله تحب راسها يدها خشمها اذانيها اظافرها مالي شغل تركي ضحك غصب عنه:هههههههههه مشاري:ياخي تقهر منت راضي تستوعب انها تحبك تركي:يامشاري انت ماتشوف تصرفاتها شكلها كرهتني خلاص مشاري: لا ماكرهتك يمكن حبها لك قل وانت لازم تنقذ الباقي ومع الايام بيكبر تركي:وليش متأكد كذا مشاري:وااااضحه وضوح الشمس ماطلبت الطلاق يعني لو وحده غيرها وهي باقي ماجابت اطفال بتنفد بجلدها تركي: لا صدقني هي كانت بتطلبه بس زي ماقلت لك عش..... مشاري:لا لا لاتقول عشان ابوك والا فلان وعلان ترا المره اذا كرهت مستحيل تبقى مع زوجها حتى لو ضحت بعيالها فلذة كبدها اتوقع مافي اغلى منهم تركي:والله محتااااار وش اسوي يعني.. اكثر شي خايف عليها منه يرجع يرتفع الضغط مشاري: هي كلمه وحده بقولها عاملها بالحسنى تركي:بحاول.. مشاري:تركي اذا ماقدرت تحاول ففي ايه تقول''تسريح باحسان'' خلها تجي منك انت وطلقها خلها تعيش حياتها احسن من البهذله والطق.. تركي:هيييه انت وش تقول مشاري:اجل لين متى بتعذب البنت اكيد طايح فيها بهذله .. تركي معليش بسألك وتحمل هالسؤال! تركي متضايق:وشو؟ مشاري:كنت عاشق رشا وهي انهت عشقك لها بالقسوه ذي.. هذا غير موقفها الاولاني ايام ماكنت تدرس برا..!!! تقدر توصف شعوورك؟ تركي:اااااااااخ يامشاري مشاري:خلاص لاتكمل شفت الاحساس اللي تحس فيه الحين!؟ تراه هو نفسه اللي تحس فيه جوري.. اللي سوته اللي ماتتسمى معك هذا انت تسويه معها.. هي تحبك وانت معيشها قسوه في قسوه.. ياخي حس فيها شوي.. بالله لو تموت وش بتسوي تركي: تموت مشاري: ماراح اتفلسف عندك النت شوف الضغط كيف يسبب وفيات بالهبل.. والله العظيم حرام قفل من مشاري والشعور الوحيد اللي يحس فيه تجاهها كان علامة تعجب كبيره من جد حرام .. جوري تموت ولاتهنت بحياتها والله بيعذبني تأنيب الضمير.. ع الاقل اعاملها زين مافيها شي.. ومادقق كثير في كلام مشاري انها تحبه شكله يبالغ طلع شافها منسدحه على طرف السرير شوي وتطيح قعد قريب منها يتأملها.. تحركت وشافته جوري:نعم!! تركي:نعم الله عليك تبين تروحين لأهلك جوري:بكيفك تركي: بشرط! جوري: مو لله وراك شي تركي:طيب اسألي وشو؟ جوري:مو مهم ما ابي تركي:يعني ما اشتقتي لأهلك ماتبينهم دمعت عيونها وخنقتها العبره قرب منها تركي وباس جبينها: بروح احط لنا اكل ناكل مع بعض وبعدها تشربين علاجك وبعدها اوديك.. تمام؟ بكت جوري مو عشان شي بس انقهرت كيف كان اسلوبه معها قبل ساعه والحين في اعتقادها بعد ماكلم محبوبته صار مسالم شكله انتشى وروق.. ............. بالمستشفى ام تركي: مبروك ياقلبي منى:الله يبارك فيك نادر: مبروووووك مناوي تقطعينهم بالعافيه فيصل: هههههههههه ياجعلي ما اقطع عيالك الشيون ام تركي: لاتقول عن عيال اختك كذا نادر: دام جايين بغير موعدهم اتوقع اشكالهم زي السنافر ههههههههههههه ندى:ههههههههههههه اوووما سنافر كبيره ضحكت منى : والله حرام عليكم انا متأكده يجننون فيصل:بقوه يجننون الله يحفظهم ندى: ابي اشوفهم منى:ايه انا بعد ابي اشوفهم طيب ؟؟ ام تركي:حبيبتي هم في الحضانه باقي لهم 15 يوم ويطلعون .. منى:يااااااالله يعني اقعد هنا 15 يوم فيصل:لا ياقلبي بنجي نشوفهم كل يوم ام تركي: ايه ضروري علشان ترضعينهم.. الرضاعه الطبيعيه زينه لسلامتك وسلامتهم فيصل:الا تعالي تعالي يا أنا بذبحك منى:بسم الله ليش فيصل:ليش ماقلتي ان عندنا توم منى:والله الدكتوره قالت لي احتمال توم ما أكدت لي عشان كذا ماحبيت اطير بالعجه واقول لكم فيصل:اهااا كله منك آخر مره راجعتي يوم كنتي بالشهر الرابع.. نادر:ماقلتوا وش بتسمونهم فيصل:اكيد الكبير فيهم على ابوي سلطان منى:اجل الثاني على تركي فيصل:توقعت تسمينه على ابوك والا على هالاهبل نادر: اهبل بعينك.. واصلا ما ابي احد يسمي علي انا نادر اسم على مسمى منى:والله تركي هو اللي سماه من يومه في بطني وما ابيها بنفسه ندى: لا تركي ماله في هالحركات منى: ولو فيصل: اجل تم تركي ام فيصل: يلا حنا نستأذن تركي اكيد وصل فقدته بروح اشوفه فيصل: قرت عينك ياخاله ام تركي: تسلم فديتك.. وطلعوا جلس فيصل يفكر منى: وش فيك فيصل:عمي محمد بيزعل منى:من وشو؟ فيصل: ماسمينا عليه.. تدرين شلون المولود الثاني اقصد الثالث على ابوك منى:لالالالالالا خلاص ماعاد ابي اللي شفته مو شوي فيصل:هههههههه مصيرك تنسين منى:وش اللي انسى بغت تطلع روحي فيصل: سلامة روحك الله يخليك لي .............. نزل المطبخ فتح القدور شافها مليانه "فديت امي هذا اكيد مزينته لنا" الحين لازم يدور اماكن الصحون وتاه في اماكن الاغراض وياااالله بعد مشقه لقى وغرف لهم.. شاله وطلع حطه ع الطاوله.. تقدم منها ساعدها توقف وجلسها قدامه جوري:والله ما أبي تركي:اقعدي يلا اذا تبين تروحين قعدت بس عشان اهلها سمع طرق خفيف ع الباب هب مثل الريح هذي ايد امه اللي تطرقه فتح الباب وشافها واقفه فتحت ايدينها وضمته وضمها وسلم عليها وصار يحب راسها وايدها ام تركي:من متى جيتوا تركي:مالنا كثير وراحت تسلم على جوري:يابعد قلبي تو مانور المكان جوري:منور باهله خالتي ام تركي: ندددددى يانددددددددددى تركي وجوري هنا... وعلى طول جت وسلمت على اخوها وجوري ندى:والله لكم وحشات موووووت ماتوقعت تجون قلت يمكن نسيتونا تركي اخذ ايد جوري باسها:واحد يشوف هالوجه وماينسى جوري حمر وجهها من الحياء والسبب وجود ام تركي اللي كانت فرحانه هي وندى ومتفاجئين بتغيره ام تركي حست بنوع من الاحراج:يلا نداوي خليهم يكملون اكل زين اني طبخت بدري.. يلا يمه ندى .. وطلعت اما ندى ظلت ندى:جوري شلون لندن جوري لازالت على كلامها انها بتمثل ع الكل انها سعيده وانها بتصير زي الشمعه اللي تحترق عشان تنور للغير:جناااان وتروك فديته ماقصر ماخلى مكان الا وداني وتأبطت ذراعه وحطت راسها على كتفه وتركي ضغط على ايدها حس بشعور غريب ندى انحرجت من الحركه:طيب اخليكم تكملون اكل جوري:والله ماتروحين تعالي كلي معنا تركي:خلاص دلوعتي حلفت تعالي قعدت ندى وهي ودها الارض تنشق وتبلعها ليش مالحقت امها جوري:ها ندى كيف اجواء الرياض ندى: زينه ودنا لو سافرنا بعد بس تعرفين دراسه وحوسه تركي:ولايهمك انا مجهزلكم سفره ماصارت ندى:صدق تركي:صدقين ندى: بس على شرط المكان اللي تختاره جوري جوري :بس كذا ياشيخه ماطلبتي شي وجا يكمل كلامه بس جوري باغتته بلقمه وهو طير عيونه وجت الملعقه على جزء من سكسوكته وتلطخت ع خفيف شالت جوري المناديل وقعدت تمسح بدلع: حبيبي كم مره اقولك اذا جيت اوكلك لاتحكي تركي مره مره مره مو مستوعب:هاااااااه ندى وجهها انصبغ مية لون: كني اسمع امي تناديني.. وطلعت بسرعه ضحكوا عليها وكان تركي قابض على يد جوري ويطالعها جوري:تسمح!! تركي:آمري جوري:انتهى الدور فك ايدي.. تخلصت من ايده وقامت تركي كأن واحد كب عليه مويه بارده وصحاه من حلم ''معقوله اللي تو جوري.. دلع ورومانسيه واسلوب.." كان متعود من رشا تدلعه كانت تعيشه فوق اعلى سحابه عشان كذا ارتاح من تصرف جوري حتى لو انه تمثيل راضي فيه قرر قرار بينه وبين نفسه " وينك يامشاري عني وينك تسمع اللي عزمت عليه" عزم وبت في الامر انه يعاملها من احسن مايكون ماراح يخسر شي بالعكس هو الكسبان ع الاقل يرتاح من الضغط النفسي اللي هو فيه ومن زفارة لسانها وبهالطريقه يضمن انها ماراح تتعب حاط بعين الاعتبار الامراض اللي سردها الدكتور له لو احتد ضغطها.. تركي:جوري جوري:وشوو تركي:برجع اخذك الساعه 7 من بيت اهلك عشان نروح الزياره جوري:لا بقعد اليوم عندهم اشتقت لهم بكرا تعال خذني تركي:لاوييين مالك الا اللي كل يوم يوديك جوري:تركي هذول اهلي تركي:وانتي كلك اهلي طنشت وراحت تغسل ايدها وتمددت ع السرير ''الظاهر الاخ باقي متقمص الدور '' تركي: لاتنسين العلاج.. من اليوم ورايح يمكن اكثر كلمه تسمعينها مني العلاج ............. . . توقعاتكم/ * ريم ماتظلمت عند اهلها ولاشكت لهم من نادر وش تتوقعون يسوي؟ *رشا هي وزوجها تتوقعون يصير مستجدات تخليها تطلق منه؟ * هل ريم بتترك منذر فعلا.. وهل هو بيخليها بهالسهوله بالرغم من خوفه من اخوانها وعيال عمها؟ *عطوني افكاركم للكناري وش ممكن يصير لهم؟ قراءه ممتعه .. .. .. |
البارت الرابع عشر . . . . تضايقت من صوت االلي يصحيها: ساره ماما حصه قول كافي نوم.. غداء الحين يجي ساره:زين زين.. شافت الساعه 1 .. وقبل ماتقوم شيكت ع الجوال كعادتها.. شافت اتصالات فيصل واتصال من عبدالرحمن حول الساعه 10: وش يبون ذولي.. دقت عليهم مافي رد راحت اخذت شور وصلت ونزلت الصاله كان فيها خالد وامها وابوها حبت روسهم .. خالد: وين الباقي وربي جايع خلاص ام فيصل: بيجون ارسلت الخدامه لهم ساره :يمه كلمك فيصل شفت اربع مكالمات له دقيت عليه مايرد خالد: اكيد نايم ما ألومه من الصباح صاحي ساره: غريبه اليوم خميس مافيه دوام وش يصحيه ام فيصل: كان بيبشرك صرتي عمه ساره:اماااااانه منى ولدت؟ خالد: بدري وانا احسب ان عندك خبر.. ساره: لا والله .. يعني عشان كذا دق علي ام فيصل: ماقال لك عبدالرحمن انحرجت ساره: هاا واطرقت رأسها خجل ماتبيهم يدرون انها تكلمه هو عادي بس كان يشكل لها احراج ابو تركي: مافيها شي يا ابوي هذا زوجك خالد:هههههههههههههه وكزته بكوعها.. سكت ساره: رحتوا لهم ام فيصل: لاوالله ماشفنا اتصالات فيصل الا عقب ماصحينا.. زيارة العصر بنمشي لهم ابو فيصل: والله كان متشقق من فرحته.. من حقه جايب توم استانست ساره ع الاخير:ياااااااااربي وش هالاخبار الحلوه ام فيصل: يارب لك الحمد.. يارب لك الحمد ابو فيصل:يستاهل الحمد .. والله هذا وجه امك فال خير من رجعت خالد: فال الخيرات الله يحفظها ابو فيصل: والله يالطيفه لك رد اعتبار لاصار ولا استوى يالغاليه ام فيصل: لا غضيت النظر اهم شي انك حسيت بغلطك ابو فيصل: حسيت بغلطي وانا حلفت مايردني عن اللي براسي الا الموت ام فيصل: عسى عمرك طويل ساره: مبرووووك مبروووووك ام فيصل وابو فيصل:الله يبارك فيك خالد: خلوا التبريكات وهالسوالف بعدين وحطوا الغداء الظاهر البنات ماهم نازلات ............... بيت ابو تركي نام الساعه 11 وتوه يصحى من التعب قام يصلي وعقبها ماجاه نوم ..نزل تحت يسولف احسن شاف امه بلحالها حاطه على قناة المجد تركي: السلام عليكم ام تركي : وعليكم السلام هلا بولدي تركي: ليش جالسه لوحدك ام تركي: استجمم تركي:هههههههههههههههه ياااااحبيلك يمه والله وتعرفين استجمام وحركات.. وش مناسبتها ام تركي: مدري سمعتها جازتلي وضربته على كتفه مداعبه: وبعدين لاتضحك علي نازله من عينك انا شال ايدينها وماخلا مكان فيها الا وحبه: العفو ياكل الغلا انتي ..ماعليك اي كلمه تعجبك اطلقي عنانها ماعليك من احد ههههههههههه ام تركي: جعله دوم اسمع هالضحكه تركي: فديتك ياتاج راسي.. ماقلتيلي تغديتوا ام تركي: اتغدى مع مين كلكم نايمين تركي: الساعه 2ونص معقوله ابوي نايم للحين وغريبه ماشفته ام تركي: ابوك قصته قصه.. هج مدري وين تركي: هج؟! ام تركي: استجد علمن جديد بعد مايصحى اخوانك وتتغدون نحكيلك تركي: اصحيهم؟ ام تركي: مدري والا اقول خلهم ابيهم يريحون عقب قومة الصبح تركي: مافي راحه انا الحين بصحيهم راح للكل غرفه غرفه وماطلع من عندهم الا وهم صاحين ختمها بغرفة عبدالرحمن رفس الباب وولع الانوار كلها وطفى المكيف وصار يخبط في الدواليب عبدالرحمن لا احساس قرب منه بيشوف راسه من رجلينه كان نايم بالعكس وسط السرير لابس الفنيلة والسروال حقة الثوب .. وشعره منفوش وحالته حاله.. صار يحرك فيه: هيه انت قوم.. قوم .. هيه.. دحيم .. ياولد.. قوم.. بسرعه.. انت عبدالرحمن: هاااا وشعندك تركي: قوم ابيك بسرعه عبدالرحمن:ترركي والله فيني النووووم.. تركي: عجججل يلا عبدالرحمن: ترا جبت لي الصمرقع تركي: ساره طالبه الطلاق قام مفجوع وجلس شوشته طايره: وشوووو تركي: ابد الغداء يلا قوم عبدالرحمن: ياشيخ الله يقطعك قل آمين تركي: يقطعنا مع بعض يلا قوم الغداء عبدالرحمن: ما ابي زفت واطلع برا.. وانسدح وحط الغطاء عليه سحب تركي الغطاء: مااااافيه نوم يلا اخلص علي نبي نتغدى عبدالرحمن: وأحد ماسككم.. تريك ترا قسم بتخرب بينا فالافضل تتلايط وتنقلع برا تركي: ابشر ماطلبت شي تاكد انه تغطى.. مشى على اصابع رجلينه وجره من فوق السرير للارض حاول عبدالرحمن يتخلص بس مافي فايده شاد قبضته على رجوله وصار يجر فيه وسط شتايم عبدالرحمن له وتركي فاطس ضحك: ها بتقوم عبدالرحمن: ايه بقوم والله انك بزر فك رجله: والله شكلك يحزن عبدالرحمن على كثر ماتنرفز من الحركه الا انه مستانس وهو يشوف تركي مبسوط ويمزح طبعا تركي على طول نزل لاينقلب الوضع عليه عبدالرحمن" الله ياتركي واخيرا رجعت زي ايام قبل والله اشتقت لايامك واستهبالك.. مااقول الا الله لايغير عليك" ................. عند رشا كان ماسك جواله وش يسوي؟ الله اعلم! رشا: ممكن آخذ من وقت شي - :......... رفعت صوتها: اقول ممكن آخذ من وقتك شوي - : خير! انقهرت من رده بس لازم تسايسه عشان تروح حفلة صديقتها: لا بس حبيت اخذ اذنك بشي - طنش وعيونه ع الجوال:....... رشا ''حشى اكلم جدار'': ها وش قلت اروح؟ - ببرود:اخلصي وشو رشا: وحده عازمتني على حفله عادي اروح -ماشال عينه ع الجوال كان شغال فيه توقعت انها مسجات مسج رايح ومسج راد:........ طفشت منه : ترا قاعده اكلمك انا ببرود اكثر: خذي الشبشب احسن وهفيني رشا ارتبكت:انا اكلمك وانت لاهي بالجوال عصب: انتي وش عليك لاهي بالجوال والا لاهي بأم أمي ..ان سمعتك تتكلمين بهالاسلوب مره ثانيه سويت بوجهك خريطه.. سامعه؟؟ خافت هي باقي ماطابت من اللي جاها بعد ماطلعوا من عند اخته ماتقدر تتحمل اكثر قامت بتروح عنه لان لو تقعد اكثر بتبكي قدامه - بصرامه: تعالي!! وقفت : وش تبي - : بسألك متى بترجعين رشا كان ودها تقول انا هونت الله ياخذك سديت نفسي بس بلعت ريقها او بالاصح الصيحه اللي فيها وقالت: ماراح اتأخر بس بغير جو - : ومتى بتروحين رشا: مدري ماحددتها بس قلت اعطيك خبر من الحين - : ومنغصه علي ومعكره جوي من الحين ياشيخه انقللللللعي .. رشا: طيب.. مشت لين الباب واردفت: اسمع انا بكلم ابوي اتطلق ما اقدر اصبر على هالعيشه - : وش اسبابك اللي بتقولينها له رشا: اكبر اسبابي بقوله راعي حبوب وخرابيط وحشيش تحسب اني نايمه على اذني.. ترا عارفه كل شي بس منطمه لعل وعسى تتغير.. - : اها يعني كذا رشا: مثل ماسمعت - : والمطلوب الطلاق! رشا: كلك نظر - : والله مشكلتكم مشكله اتفه مشكله قلتوا طلاق رشا: اتفه مشكله؟! اذا انت شايف اللي يحصل تافه فهذي وجهة نظرك انت حر فيها - : طيب تبين اطلقك او تخلعين نفسك رشا: اي وحده اهم شي افتك منك -: انا ماعندي مانع بس تسديلي خدمه وابشري بسعدك رشا: وش عندك -: ابد حاجه سخييييفه وكلي عشم توقفين معي رشا: وشو - : في وحده في المنتدى حقي شايفه نفسها بس خاشه مخي وابيك تضبطينها لي رشا: بكل بساطه تقول كذا - : لاتقولين تغارين رشا: اغار عليك انت - بغمزه: تسلم ياقميل على الروح القميله.. رشا: بتطلق والا وشلون - : يوم المنى بس وافقي على الشرط رشا: اسفه.. وطلاق بتطلق - : الدعوه تحدي اووووك اووووك .. والله لا انتي ولا مليون واحد من اهلك بيخليني اطلق .. واذا بتخلعينن نفسك تدفعين كل ريال حتى ثمن الاكل اللي تزرطينه كل يوم حست باهانه: ليش مافي قانون - : حلووو يعني بتوصلينها للمحاكم ..زين من الحين اقول لك ارتاحي لاتتعبين نفسك.. لاني فوق القانون رشا: انت من تحسب نفسك - :ينقال لك ماتعرفيني ولايهمك ياشربات طلع بطاقته المدنيه من جيبه وعطاها: شوفي انا مين وركزي على اسم ابوي استفزتها الحركه كان واثق من كلامه " مالي الا اسوي اللي يقول لي عليه وافتك منه الله ينتقم لي منه" وبتردد: موافقه - : تعجبيني تعالي جنبي اقعدي عشان اشرحلك قعدت وهي بتنفجر - : شوفي ابيك تدقين عليها و .. رشا: مو تقول في المنتدى - : ايه بس حولناها جوال فيها شي ..عيب والا حرام رشا مستغربه من جهله: كلها عيب وحرام اذا ماتدري - : يااابغضي لك.. ............ بيت ابو طارق طارق: والله راحم ابوي ام طارق: الحمدلله على كل حال ريم: وش هالمصايب اللي تتحذف علينا.. نخلص من مصيبه نطيح في مصيبه لين متى زجرتها ام طارق: ياريم حرام هاللي تقولينه حرام يايمه هذا اللي ربي كاتبه لنا لازم نرضى ريم: يمه مالحقت افرح واسمع هالخبر طارق: اذا على فرحتك بالروحه لامك اللي وعدك فيها انا بوديك ريم: ياطارق المشكله ماهي هنا المشكله فرحتي ناقصه ام طارق: الدين وبيتسدد لاتشيلين هم ريم: الا بشيل ونص الرجال يوم جاء من طرف عمي ويهدد ويتوعد سمعته من غرفتي طريقته تخوف ام طارق: والله ابوك ماعنده دين ابد .. مدري من وين طلعت هالاوراق هذا غير الشيكات اللي بدون رصيد ..واصلا مستحيل ابوك يتدين هالمبلغ طارق: 700 الف والله ماهيب سهله.. اللي عطانا من ورث جدي تقاسمه ابوي هو وعمي سلطان.. ونصيب ابوي مايغطي ام طارق:حسبي الله عليه نشوف فيه يوم ...لا يا هيا لاتدعين عليه .. يشهد الله كنك داعيه علي انا!! التفتت لقت ابو طارق يشق طريقه بينهم يبي يقعد بوسطهم: اعذرني يا ابو طارق من حر مافيني يارب سامحني ابو طارق: عمر الظفر مايطلع من اللحم ما اقول غير الله يهديه ريم: يبه حالتك ماتطمن من الصباح وانت على هالحاله ابو طارق: شل مضجعي هالخبر والله ياابوك ماعرفت ارجع انام قريت الاوراق مية مره طارق: يبه التوقيع توقيعك؟ ابو طارق:ايه بس المشكله مدري متى وقعتها ريم: يعني استغفلك عمي ابو طارق: ان بعض الظن اثم ما ابي اظلمه ويمكن اكون ناسي طارق: يبه خل نشكيه ابو طارق: انا لو ابي اكبرها اكبرها بس ماهوب انا عبدالله ال.... اللي يشكي اخوه ام طارق: انت ماسمعت الرجال قال لك مهله هالثلاث اسابيع ان مادبرت الفلوس وسددت اللي عليك بتدخل السجن والله مايسوى عليك ياعبدالله.. طارق: والله يبه لو ان بيدي شي كان ماخليتك بهالموقف .. بس زي منت عارف دخلي كان من الشركه ومن عقب ماطردني عمي هذاني كل يوم ادور على شغل.. وحتى لو لقيت يبيلي فتره على بال ما اجمع المبلغ ريم: من حسن الحظ خالد ماكان يشتغل بالشركه والحمدلله انه على راس العمل يعني يقدر ياخذ قرض وندور منا والا منا احد يسلفنا.. طارق: عمي سلطان اكيد وضعه نفس وضعنا صعبه نتسلف منه.. عنده زوجه وثلاث بنات والا حمد شغال ويصرف على نفسه ابو طارق: لاتتعبون انفسكم مستحيل امد يدي لاحد المبلغ كبير.. اذا كانت الاوراق صحيحه مع اني اشك فأنا استاهل ماجاني.. واذا في تلاعب فلي رب هو الوحيد اللي بنصاه دون البشر ام طارق: يا ابو طارق الناس للناس وانت عندك ربع واجد كلم واحد فيهم ابو طارق: ابدا.. واتمنى تقفلون السالفه انا بروح ارتاح .... وراح ام طارق: يارب من هنا لين آخر الاسبوع افرجها .................. بيت ابو تركي عقب الغداء جوري منهاره بكاء: وليش انا آخر من يعلم ام تركي: ياحبيبة قلبي كنا خايفين عليك مو كفايه طاح تركي بديار الغربه تطيحين انتي جوري: ماني مصدقه كل ذا يحصل وانا غافله وصارت تغطي وجهها بالجلال وتبكي لان عبدالرحمن ونادر موجودين ضمتها ندى وجلست تهدي فيها أشر نادر لتركي يعني تعال وراي وراحوا الاثنين طبعا عبدالرحمن كان وجوده غلط يبي البنت تاخذ راحتها ..راح وراهم دخلوا المجلس وقفلوا الباب تركي: عارف وش بتقول نادر: وفرت علي الوقت تركي: طيب السواة نادر: علمي علمكم صح هي مظلومه بس حركاتها النص كم مدري شتبي((قصده علاقتها مع منذر)) عبدالرحمن: مالنا الا نكلم ابوها.. هو الوحيد بيوقفها عند حدها نادر: لا والله عمي عبدالله ينرحم مانبي نزيده تركي: خلوا الموضوع علي ظلمناها مره مانبي نظلمها مره ثانيه عبدالرحمن بسخريه: ايه حلو خلوكم كذا لين يطيح الفاس بالراس تركي: وهذا اللي خايف منه.. شف نادر حاول تحتك فيها بس هالمره غير حسسها ان كلنا حولها وبنحتويها تدري شلون قول لها على بلاطه انك عارف وضعها مع صديقك ذا نادر: بشوف تركي: قلت لي اي واحد هو؟ نادر: منذر تركي: ما اعرفه اعرف فواز وهيثم وهالشله نادر: لا مو منهم تركي: ان شاءالله ينحل الموضوع.. انا بروح لجوري وطلع لقاها بنفس وضعها.. جلس مايدري وش يسوي ارسلت له امه نظرات هو فهم القصد تركي: يلا جوري غرفتنا جوري: لا مابي مسك ايدها: لاقومي راحوا جناحهم قعدوا ع الصوفه ماقدر يقول اي كلمه يحس شكله بايخ فجأه ينقلب للقلب الحنون بس هي فعلا كانت تكسرالخاطر تركي: جوري اهدي.. ابي اعرف ليش تبكين جوري: شايفه شي سهل اللي صار؟ تركي: لاوالله مب سهل انا يوم دريت ضقت فمابالك انتي وانتي اختها جوري: والله اكسرت خاطري تركي" وانتي كاسره خاطري لاقيتها مني والا من هالمصايب": ان شاءالله كل شي بينحل وسعي صدرك جوري: تركي لاتمثل دور المهتم ترا عادي مايحتاج ماتوقع ردتها بهالموقف بتصير كذا: اهاا.. جوري: ممكن اجلس لوحدي تركي: طيب..بس ممكن طلب جوري:وش تركي: لاتفتحين هالموضوع مع اهلك وان افتحوه حاولي تهدينهم وان الموضوع بينحل وانتي عارفه مايحتاج اعلمك جوري: ان شاءالله تركي: وهالدموع ما ابي اشوفها عليك جوري:وشوو! تركي: اقصد لايشوفونها اهلك خليك قويه مقابل ضعفهم جوري: طيب تركي: يلا قومي بدلي بوديك لهم وزي ما اتفقنا برجع اخذك على 7 جوري: يعني مصر ماتخليني اقعد عندهم تركي: من هنا ل7 الله العالم وش بيصير.. قومي بدلي ........... ريم: خلااااااااص انت ماتفهم منذر: لا ما افهم غبي.. ريم: والله تعبانه اللي فيني كافيني حرام عليك منذر: وش فيك مافيك الا العافيه ريم: منذر ارجوك اتركني.. لاتزيد اللي فيني منذر: وش فيك تلقينه سبب تافه.. عطيني سبب عشان ابتعد ريم: مشاكل في العايله صارت هوايل واخاف يكشفون اني اكلم وانا يعلم الله اني غلطانه وندمانه اني مشيت بدروب الردى وتبت لربي.. منذر: تبتي!! طيب ريم تتزوجيني انصدمت من الطلب منذر: انا احبك وبتغاضى عن اي شي قلتيه ومستعد اتزوجك واوقف معك ريم: صدق منذر: ايه صدق لو تبين اخر الاسبوع اخلي اهلي يجون يخطبونك ماعندي مانع ريم: والله يسعدني اننا نكلل علاقتنا بالزواج بس ليتك تدري بالظروف اللي انا فيها منذر: وش صار ريم: عمي سحب كل شي من عندنا ومطلع اوراق وشيكات بدون رصيد على ابوي وبيدخل السجن لو مايسددها خلال الثلاث الاسابيع الجايه وابوي ماراح يتحمل ..فيه الضغط والله بيروح علينا منذر: طيب!!! رشا: بالله شلون يسددها منذر بعد تفكير: لاتحاتين انا موجود لك كم مديونية ابوك؟ رشا: 700 الف منذر: سهله ان شاءالله ريم: وش قصدك منذر: انا بدفعها بس عشان تصدقين ان الكلام اللي سمعتيني اياه ماهمني لاني اعرف انه من ورا قلبك ريم: والكلام اللي قلته لي؟ منذر: اسف .. مو قلت بخطبك مستحيل افكر اتزوجك وانا عارف انك مو متربيه ادري انك بنت حموله واهلك كفو وندمان ع اللي صار.. اردف:شوفي عطيني رقم حسابك ريم: ماعندي منذر: وصعبه ارسل على حساب اخوانك ريم: لا واللي يرحم والديك منذر: طيب شلون اوصل لك المبلغ ريم: مدري منذر: عادي اخلي امي او وحده من خواتي يجيبونه عندك البيت ريم: لالالالالا اهلي بيشكون منذر: قولي لهم صديقتك ريم: لا هم عارفين صديقاتي ما ابي افتح علي باب منذر: طيب عادي تقابلين اختي في منتزه او اللي تبين؟ ريم: والله بتعبك معي منذر: اعتبريها مقابل اعتذاري منك ريم: ياعمري يامنذر.. اوك واعتبره سلف منذر: كذا بتزعليني منك.. انتي فكري بالمكان والزمان وماراح اجي انا لاتخافين .. زي ماقلت لك بخلي امي او وحده من خواتي يقابلونك ريم: الله يفرحك مثل مافرحتني منذر: انا بوقف معك عشان ربي يسامحني ع اللي قلته لك قذفتك وقذف الناس حرام ريم: الله يهدينا جميع ................ . . . وصلها عند اهلها اول ماشافتهم اختلطت دموعهم وضحكاتهم.. سلم عليهم تركي وقعد شوي واستأذن عنده شغله بيخلصها جوري حاولت تبين لأهلها انها عايشه بسعاده مع تركي وبنفس الوقت ماتبي تبين لهم ضيقتها من اللي صار .. كان الكل مجتمع خذتها السواليف مع امها في مواضيع مختلفه كانت من لحظه للثانيه تشوف ابوها شارد ولا كأنه معكم ونفس الحاله مع ريم بالمختصر وجيههم واضح عليها الهم جوري: كل شي وله مخرج ام طارق: مخرج وشو جوري: انا دريت بالسالفه اللي صارت وان شاءالله كل الامور بتنحل ريم: والله ياجوري غصب...... جوري: ريومه لاتقولين شي كثر الكلام ماراح يجيب نتيجه لازم العايله ترجع تتماسك طارق: ماظنيت عمي شن حربه علينا وعلى ابوك..................... وعلمها عن المرسول والاوراق كان تماسكها لنفسها بيتفكك لولا انها ردت برباطة جأش: كل ماضيقت فرجت.. والله لو تتعقد اكثر من كذا مصيرها تفرج بالنهايه.. ابو طارق: والله ياجوري ماتدرين كيف هالجمله ريحتني خالد: جوري دايم تعطيك امل حتى لو انك بقمة احباطك جوري: الامل بالله قوي مفروض مانفقده ابو طارق: ونعم بالله وغيرت جوري كل الموضوع تبي تسليهم واخترعت قصص عشان تلهيهم واحلوت الجلسه واخذهم الوقت.. دق عليها تركي وقال انه على وشك وصول ريم:توقعتك تنامين عندنا؟ جوري:الجايات اكثر خالد:طيب استأذني تركي يخليك تقعدين ابو طارق:خلوها على راحتها بيت ابوها مفتوح لها متى مابغت تجي ريم: بس تركي ماراح يمنعها! ام طارق:وحتى لو منعها كيفه زوجته وحنا موافقين ماتبات الا بشوره ابو طارق:عين العقل كلامك يا ام طارق جوري منحرجه من اصرار اخوانها: لاتركي ماراح يعارض واوعدكم بالجايات بس لاننا بنروح نزور منى ام طارق:اجل نتقابل هناك جوري:خلاص تعالوا معنا.. ام طارق:بعدي بنتي لا طارق بيودينا وصل تركي ع الساعه 7 تماما كلمها تنزل نزلت له وركبت السياره كانت منزله الطرحه فوق البرقع لقتها فرصه تتمقل فيه كان مرسم لابس ثوب وغتره بيضاء برغم المشاكل اللي بينهم خقت عليه.. كانت مقهوره كل ذا الكشخه وهو رايح مستشفى ماتدري ليش القهر فسرتها بغيرتها عليه مع انه مايستاهل تركي:شوفي انا مريت اخذت باقات ورد بناخذها معنا لمنى جوري: وينها تركي: ورا لفت جوري تشوفها كانت تبي تقول له اي كلمه من قهرها: طيب ليش ماقلتلي كنت باخذ لها على ذوقي والا بتتدخل بعد في ذوقي رفع حاجب.. زم شفايفه.. ونزل من السياره طالع يمين يسار مبين انه يدور شي.. مالقى.. ركب السياره ومشى قعد يتلمح في الشوارع وبعدها وقف السياره فجأه ونزل فتح الباب الخلفي واخذ الباقات وراح عند النافذه حقتها: جد مو حلوه!! جوري: لا تركي: طيب ولايهمك وحطها بحاوية النفايات اللي وقف سيارته عندها جوري كانت مرعوبه من الحركه دام سوا كذا فهو اكيد عصب .. ساق السياره وهو ساكت تعابير وجهه كانت عاديه جدا وهي ماعلقت ع الحركه.. بعد ماساق لفتره وقف مره ثانيه تركي: انزلي جوري:وين ؟ نزل تركي وفتح لها الباب: اخلصي جوري بيأذن نزلت ومشت وراه ماتدري على وين اشر لها على محل: يلا اختاري على ذوقك بحلقت في المحل كان محل ورود'' يالله فشله ما اعرف اختار'' جوري:لا خلاص مسك ايدها وينزلها من السياره:اما تخليني ارمي الباقات ذيك وتقولين خلاص.. ومو زينه نروح ايد ورا وايد قدام جوري توهقت اصلا ماتعرف في الورود شي وراحت وكل ما اختارت ضحك راعي المحل وماتبيه ينسقها لان تركي ماراح يرحمها بالتعليق.. شافت وحده بآخر المحل في عمرها راحت لها وطلبت مساعدتها من غير مايشوفها تركي ساعدتها البنت ونسقت لها شي مختلف حركه جديده في الباقات حاسبوا واخذوها وركبوا السياره طول ماهي في السياره تحس انها مع انسان ثاني مستحيل يكون هذا تركي ليش يعاملني كذا؟؟ لو قدام اهله قلت عادي بس بيني وبينه من جد غرييييييبه وصلوا المستشفى جت تنزل أمن البيبان ناظرت فيه وهو ناظر الباقات تركي:ماشاءالله حلو ذوقك جوري:تتتسلم شال ايدها: مع انها مو من اختيارك ومو انتي نسقتيها بس تسلم الايادي وباس ايدها جوري انكشفت مايحتاج تبرر ولو بغت تبرر حركته شلت تفكيرها سحبت ايدها وطلعوا للمستشفى بعد ماسألوا عن الغرفه وراحوا شافوا فيصل واقف برا توه طالع منها.. دخلت جوري بعد ما ألقت السلام وباركت له وتركي وقف معه تركي:مبروووك يا ابو الشباب فيصل:الله يبااارك فيك وعقبالك تركي: بس مابي 2 في1 فيصل:ههههههههه اذكر الله يامال الصلاح تركي:لا اله الا الله انا خالهم ماراح انظلهم فيصل:مايحسد المال الا اصحابه تركي:الله يخليهم لك ولامهم فيصل:عقبال ما ادعي لك هالدعوه تركي:اميييييين فيصل :تريييك تركي:وجعه فقعت اذاني شفيك فيصل:على قول اخواننا المصريين لايكون السناره غمزت تركي:وش سنارته؟؟ وفهم :اوووووه هههههههههههههه عليك طلعات يلا يلا بدخل مين جوه؟ فيصل مستانس وهو يشوف ضحكته هذا شي يبشر بخير.. لانه ماعارض يوم دعاله امهاتنا والبنات تركي:ماشاءالله كلهم.. وانت وش مطلعك هنا؟ فيصل وهو يشم الورود: ابد كنت نازل اجيب اغراض.. تركي: بسك شم وما اعطلك انا داخل ودخل المدخل طق الباب ردت ندى:مين تركي:انا تركي تغطوا بنات عمه قرب تركي من سرير منى وحط الباقات على الطاوله وسلم عليها:الف الحمدلله ع السلامه ومبروووك منى:الله يبارك فيك وعععقققببببالك كانت متردده وهي تقولها تركي:وش فيك فحطتي عندها ..ورفع ايده امييييييييييييين يارب منى كانت زيهم ماهي مصدقه وام تركي وندى منذهلين واخيرا رجع عقل تركي سلم على امه وحريم عمه ودار بعيونه الغرفه يدور على محل يقعد ندى:تعال تركي هنا وجلس بينها وبين ام فيصل جوري كانت قباله على يمينها دانه ويسارها ساره والكنبه الثالثه ام طارق اما ام تركي كانت قاعده مع بنتها ع السرير نوف وريم ماجوا كل وحده فيهم تذاكر منى:تسلم ع الباقات جنان تركي:هذا اختيار جوريتي جوري بدلع: بمساعدتك ساره تتكلم بصوت واطي:جوري وش سويتي بولد عمي جوري بعد بصوت واطي:وشو ساره: هو مزيون بس الحين كنه فلقة قمر لا والا الاسلوب يذبح جوري: طيب اذا ماعلمت عبدالرحمن ساره:امزح ياوجهك دانه كان الحزن مستوطنها حبت تشاركهم بدال ماهي ساكته لان سكوتها وزعلها ماراح يرجع لها نادر: نسخه من عبدالرحمن سبحان الله بس فيه اختلافات بسيطه ساره:لا دحومي احلى جوري:لا ياماما تركي فديته احلى تأففت دانه منهم: كلهم قرود ارتحتوا ضحكت ساره وجوري.. الا دانه اشتدت وطأة حزنها تمنت انها بموقف البنات كل وحده تدافع عن زوجها والحريم كانوا يسولفون بس تركي كان مركز على جوري ام فيصل علت صوتها:تررركي احاكيك ماتسمع تركي:هااه سمي خاله ام طارق:حصه روعتي الولد ام فيصل:لي ساعه اناديه مدري وين عقله تركي:كله من خالتي هيا ام طارق:ول وش سويت لك تركي:انتي السبب جبتي هالجوري خذت عقلي جوري كأن واحد عطاها كف صار جهها احمر ام تركي:الله يهداك احرجت البنت ام فيصل: زوجته يالطيفه حله وحلاله وش اللي احرجها تركي:ينصررر دينك ياخالتي زين وقفتي مع المظلوم ندى:اماااا عاد انت مظلوم تركي:وليش وش شايفتني ندى:لا ولاشي شايفتك تهبل تركي بغرور:من يوم يومي اهبل منى: مشكله صراحه.. اتخيل تركي الصغير يطلع عليك مغرور تركي:هين انتم الثنتين حسابكم في يوم واحد واذكركم وبعدين فرحانه بولدك النزغه الكل:ههههههههههه ام فيصل: حدك عاد انت جيب واحد مثله بس طالع تركي في جوري تعمد احراجها:اذا رضت جوري.. اتجهت الانظار كلها لها وهي دنقت من الحياء ام طارق:على كيفها هو تركي: هذي بنتك قدامك اقول لها نبي بيبي تقول بدري ام فيصل:يااااااااكبر شرهتس.. اقول جوري خل عنتس هالكلام سامعه جوري ماجتها الجرأه انها تكذبه بعد ما احرجها قدامهم وخايفه من تعصيب ام فيصل: ان شاءالله تركي:يازين الاحراجات تحس بانتعاش جوري شافت البنات يهزون من كثر مايضحكون''هين احراجكم على يدي'' طالعت اكثر وحده تضحك كانت ساره : انشاءالله انا وساره نحمل مع بعض ساره شوي وتدخل جوات الكنبه ام فيصل: الله يكتب اللي فيه الخير واقر عيني بشوفة عيالها ساره اختفت خلاص في الكنبه تركي: والله جلستكم ماينمل منها بس مضطر استأذن عندي مشوار جوري: لحظه تركي ابيك تركي: آمري جوري: بقول لك برا مسك ايدها وطلعوا برا تخلصت من ايده: ابي ارجع البيت مع اهلي ممكن! تركي: وانا؟ جوري: ماينخاف عليك مدبر نفسك وانت معي اكيد بتدبرها بدوني تركي صر على اسنانه: انتي وبعدين معك. يوم اشد راخيتلي الحبل ويوم ارخيه تشدينه وش نظامك انتي؟! جوري: ممكن والا لا تركي: بكيفك.. ومشى وخلاها جوري: دقيقه تركي: ترا واصله معي شتبين جوري: خلاص روح.. ادارت ظهرها وتوها بتدخل مد ايده عشان ماتدخل: وش بغيتي جوري: خلاص غيرت رايي تركي: لاقولي والا بنقعد كذا لين الصباح جوري:ودي اشوف التوم تركي:اصلا انا رايح لهم.. تبين تجين معي يعني هزت راسها بايه وصلوا الحضانه واشرت لهم النيرس عليهم جوري:حيييييااااااااتي ماشاءالله كانت تبي تبوسهم بس الزجاج يحول بينهم وبين رغبتها تركي:صغاار مره قعدت تتأملهم تركي طول ماهو واقف كان يطالع في نظراتها لهم: جوري جوري:هممم تركي: لو اقول لك اللي في بالي ماراح تصدقين جوري: وشوم تركي: من شفتهم ودي اصير اب حكت الزجاج باضافرها من كثر ماوترتها هالكلمه: الله يرزقك بس انسى يكون مني تركي: وليش جوري: للمره الثانيه اقولها لك حنا زوجين على ورق لاتنتظر مني شي ولاتفكر ابد تركي: مو على كيفك جوري: اجل بكيف مين! الا كان بتجبرني فهذا شي ثاني غمض واخذ نفس طويل يبي يسيطر على نفسه: لاتخافين ماراح اجبرك.. يلا بوصلك الغرفه قبل ما اروح وصلوا الغرفه: جوري دخل ايده بجيبه وطلع بوكه فتحه طلع منه فلوس وعطاها جوري: لاشكرا تركي: ترا اعصابي تلفانه لاتزودينها معي.. بسرعه خذي بروح مشغول خذتها ودخلت ...................... مرت اسبوعين بحلوها ومرها ضغط وكرف واختبارات.. نادر خلص اول واحد والبنات نوف وندى وريم اليوم كان آخر اختبار لهم في الصاله حمد: لو تشوفين نادر مستانس انه نجح نوف: يااااارب عقبالي ام فيصل: متى قالوا لك..؟ نوف: قالوا لي السبت.. عاد اليوم طفشاااانه ابي اغير جو من حكرة هذيك الايام مذاكره وغثه حمد:قومي نتمشى ام فيصل:لا مافي طلعه كل ماتدلعوا شغلت السياره ماهيب حاله ذي نوف:ههههههه الله يوفقك يمه طفش خلينا نطلع ام طارق:حتى انا طفشانه اقعدوا عندي حمد:خلاص دام امي طفشانه مافي طلعه نوف:لاااا عاد... ماراح نطول يمه بس فرفره ونجي ام فيصل:لا دانه نايمه ..وانتم بتطلعون.. وساره رجلها عندها مير لاصق ذا الدبشه حمد:يمه حرام عليك والله انه خوش رجال ام فيصل:دحيم رجال من خيرة الرجال ما اختلفنا.. بس ماهوب زين كل يوم ناط(ن) فيذا.. ابلحطه بكلمتين كوده يتسنع ويحدد الزواج حمد يضحك:لايمه الا تلحيط لسانك والله يوجع انا بكلمه ام فيصل:لا خله عنك انا بكلمه نوف: والله يابيجيه شي معتبر... يا ابضايه انتي ام فيصل:ماينفع معكم الا كذا دخل ابو فيصل وقعد:حتى انا ياحصه؟ ام فيصل: تاج راسي وزوجي وابو عيالي حمد:ههههههههه والله خطيره ابو فيصل يغمز لحمد:سكتتني قدني ناوي شر ام فيصل:وشوووو وليش ان شاءالله عسى ماشر لايكون ا... ابو فيصل:بل بل بل حصصصصه امزح امزح امزح امزح امزح خلااااااااااص نوف فطست ضحك حمد:يبه مافي مجال للتراجع خلاص نوف: لا خلاص ..يمه فضوها سيره والا بنطلع وابوي اللي بيطلعنا ام فيصل:مابوه طلعه كلكم بتقعدون معي ابو فيصل: تامرين امر.. قم ياحمد اقرب مطعم وجيب لنا حلا ومعجنات واي شي قدامك جيبه خل نقلبها الليله صباحي ام فيصل:يقالك تراضيني الحين ابو فيصل:افا عليك جبتي لي فيصل وحمد اطلق الرجاجيل وجبتيلي هالوردات الثلاث اكيد براضيك حتى لو بدون زعل حمد:اجل انا قايم وصحوا دانه على بال ما اجي وخلونا ننبسط نوف: يمه عشان الكلمتين الحلوه اللي قالها ابوي بروح مع حمد بس بشم هواء وانا بالسياره ام فيصل:مافي طلعه اليوم.. ادريبكم بتخونزون هااه الكل ضحكوا عليها ام فيصل: انا بروح لساره وانتي تقصد نوف صحي دانه ابو فيصل:تعالي يامره رجلها عندها ام فيصل:بروح اعطيه قرصه صغيره وبجي ابو فيصل يضحك:عزالله راح فيها دحيم راحت المجلس اللي كان مفتوح بأوامرها ودخلت:السلام قام عبدالرحمن حب راسها:وعليكم السلام هلا خالتي ساره:هلا يمه تبين قهوه ام فيصل:مابي شي.. وقعدت عبدالرحمن ساكت يطالع ساره بمعنى وش فيها امك وساره تهز اكتافها بمعنى ما ادري ام فيصل: سويره ابكلم عبدالرحمن قامت:ان شاءالله يمه.. وطلعت عبدالرحمن:آمري خالتي ام فيصل:حددت الزواج عبدالرحمن:هاااه لا ا ام فيصل: لاهاه ولاغيره شف انت لازم تحدد الزواج ماهيب حاله كل يوم مبسطين انت وياها عبدالرحمن:لابس قلنا عشان نعرف بعض و..... ام فيصل:خل عنك هالخرابيط لو شهر مايخالف.. شهرين وتأشر على بلعومها ينبلع.. اما 4 شهور لا .. وش قاصرك والا تبي تطول شعرك والا تنحف عشان الثوب يجي قوسك عبدالرحمن غرق ضحك يبيها يسكتها ماقدر . مسك ايدها ويأشر بيده لحظه ام فيصل توخر ايده وتمسك اذنه:وش تبي وبعد تضحك هاه عبدالرحمن فاقع ضحك عليها:طيب طيب ابشري يالغاليه انا بكلم اهلي وش تبين بعد آمري ام فيصل تبتسم: والله من حلاة هاللسان اللي ضيع الخبله سويره عبدالرحمن:هههههههه الله يحلي ايامك ياخاله ام فيصل:وايامنا جميع الله يرضالي عليك يمه تراني اشد لمصلحتكم عبدالرحمن:داااااري والله ولاعمر واحد في العايله زعل منك لانك ماتقولين الا الحق باس ايدها وقام ام فصيل:وين؟ ابتسم: طالع ام فيصل:لا اقعد الليله تعشى مع ساره.. وقامت طلعت ورجعت ثاني مره:لاتروح يمه والا بزعل عبدالرحمن يأشر على عيونه دقيقتين ودخلت ساره:وش صار عبدالرحمن:والله امك ذي اندر تيكر تخوف ضربته:دحوم عيب عليك عبدالرحمن حط ايده مكان الضربه: ماشاءالله كلكم مصارعين ياحظكم ساره:ههههههه استهبل على راسي ..جد عاااد وش قالت لك امي عبدالرحمن: ابد اتفقنا على شي ساره:وشو عبدالرحمن: حاجه حلوه تعرفينها بعدين بيت ابو تركي رجع تركي من مشواره واهله من الزياره بدل وصلى وتمدد على السرير بيسترخي شوي.. جت عينه على شي خلاه يغير رايه عن الاسترخاء..نزل كان لابس برمودا ابيض وتيشيرت احمر ورابط شعره كالعاده تركي: انا طالع تبون شي ندى ظلت تطالع فيه بدون ماتتكلم تركي:ليه تطالعيني كذا فيه شي غلط؟؟ ندى تأشر له على شعره تركي مافهم:وشوو ام تركي طالعت ندى :على بالك ما اشوف ندى كتمت الضحكه تركي حس ان فيه شي احسن شي ينحاش:يلا انا طالع سلام ام تركي: تعال تركي''الله يستر'':سمي ام تركي:اقرب عندي اشوف تركي تذكر''اووووه نسيت نبهتني مااربط شعري'':شفيك ام تركي:تعال هنا وتأشر على مكان جنبها تركي''يااااااالله'' وجلس جنبها مسكت شعره: الحين انا كم مره اقولك لاعاد تربط شعرك وخر ايدها ويبوسها:هههههههه والله اسف اسف ويفك الربطه ام تركي: اناسكت قلت يمكن يلتفت لنفسه تركي: اسف يمه ماراح اربطه ثاني مره ام تركي:وش اسف تتشبه بالحريم هذا طبعك من رجعت من برا دايم انهيك وانت اذن من طين واذن من عجين..شف انت لازم تقصه ندى:اف هههههههههههههه تركي: لا لا لا لا يممه تكفين اطلبي اي شي ام تركي تضحك:زين اوعدني ماعاد تربطه تركي:يمه حر ام تركي:اجل قصه مايبيلها حط راسه في حضنها:والله يمه لو تطلبين هذا حلالك.. بس!!! ندى تكمل عنه :والله حرام يقصه ام تركي:والله دام ندى وراك اتوقع السنه الجايه واصل ظهرك وحاط فيونكه بعد تركي:ههههههههههههااااي يمه الله يهداك وش قالوا لك ام تركي:قالوا لي انك سيد الرجال.. بس ربط الشعر ماهوب من عوايدنا وانا امك.. اثرت عليك العيشه برا تركي: طيب احاول لعيونك ام تركي:الله يصلحكم جميع ياعيالي تركي: اللهم آمين.. يلا تبون شي ام تركي: وين تبي تروح تركي: ابد جوري ناسيه ادويتها بروح اوديها ام تركي: اسم الله عليها وش ادويته؟؟ تركي : هاه لا بنادول و .. انا ماشي ام تركي: تعال تركي وتسحب الكيس اللي بيده طلعت الحبوب منه.. قلبت فيها..:هذي مو بنادول وش ذي ماجاوب عليها ام تركي: ندى مو نفس الحبوب اللي ياخذها ابوك ندى: اشوف.. عرفت انها حقة الضغط لفت رقبتها باقصى سرعه تدور اجابه عند تركي اللي كان منزل راسه: جوري عندها الضغط؟؟ ام تركي:يااااويلي ضغط بهالعمر تركي: ايه بس مو حاد يجيها وقت الانفعال وان شاءالله تطيب ام تركي: وش سويت للبنت ماقدر يكذب وينكر كل اللي قاله: بتعدل.. ورجائي لاحد يفتح هالموضوع تكفين يمه ماحبت تكبر الموضوع وبتتصرف بطريقتها شال نفسه وطلع ركب سيارته وقعد يدور شوي مايبي يروح بيت عمه وهو متضايق كان متوقع ان محد بيدري عشان مايحطون اللوم عليه لانه بدون شك هو السبب ارسل لها رساله: انا في الطريق بجيب الادويه حقتك نسيتيها.. مادق عليها لانه عارف بتسمعه كلمه تسم بدنه شافت رسالته دمعت عيونها" اجل هذا وقته افاتحه بالموضوع" دقت عليه شاف رقمها: هلا جوري جوري: اهلين فاضي تركي:ماشفتي الرساله جوري: الا بس اقصد ماعندك شي بعد كذا تركي: مليون شغله جوري: اهااه طيب تركي: ليش؟ جوري: كنت ابي اكلمك في موضوع وجها لوجه قدام اخواني خاااااااف: وليش قدام اخوانك؟! جوري: هذا المفروض تركي مايبي ينصدم: لامشغول تبين اجي اخذك واذا فضيت تكلميني جوري: لا تعال بيت اهلي خاف: وش السالفه طيب؟ جوري: موضوع مايحتمل التأجيل ياليت تأجل اشغالك تركي: بشوف .............. اليوم الثاني بيت ابو فيصل ساره: بتروحين؟! دانه: مدري بشوف.. نوف: دندون خل نروح نستانس ماصدقت على الله وانا خلصت من الزفت المذاكره ومقابل الكتب دانه: بشوف.. ساره: خلاص خليها على راحتها مع ان جمانه بتزعل نوف: اول مره تسوي حفله حرام نكسر بخاطرها دانه:قلت لكم بشوف نوف: براحتك.. عندك من الحين لين العشاء تفكرين دانه: يصير خير.. طيب ممكن تخلوني بروحي طلعوا البنات من غير مايتكلمون هم شايفين وضعها عقب رفض نادر لها دق جوالها رقم غريب ماردت رجع دق عليها:الو دانه: هلا مين - :ماعرفتيني دانه: بلاسخافه مين - :وحده دانه: ترا اكره ماعلي هالحركات ياتقولين من انتي والا بليز قفلي -: لا تكفين طيب شوفي بلمح لك وانتي قولي دانه: بسرعه -: رشة عطر دانه: لااااااااااه انتي رشا والله ماني مصدقه رشا: بشحمها ولحمها شلونك دانه: بخير وينك قطعتيني وادق عليك يردون علي ناس رشا: مين دانه: مدري يقولون شارين هالرقم رشا: اي والله بعت كل ارقامي وطلعت جديد دانه: انا صديقتك ماطرالك تسألين عني وتعطيني رقمك الجديد رشا: والله كان عندي ظروف نستني دانه: نستك اعز صديقاتك!! رشا: لاتدققين اهم شي دقيت عليك وسجلي رقمي عندك دانه: بس اختفيتي فجأه عسى ماشر رشا: تزوجت دانه:تزوجتي؟؟؟ رشا:هاه اإاي..اإايه دانه:يالئيمه ولاعزمتينا رشا: جا الزواج بسرعه وكان عائلي دانه: خساره والله.. وين كلامك انتي بتزفيني لو افكر اتزوج.. وماراح اتغير.. وهالكلام رشا: معليش لاتزعلين بس كان مقتصر على اهلي واهله دانه:لا عادي مو مشكله رشا: وانتم وش مسويين دانه مقهوره من حركتها: الحمدلله رشا: ها اشوفكم اليوم عند جمانه دانه: عزمتك؟ رشا: ايه بتروحين دانه: باقي ماقررت رشا: تعالي وحشتيني دانه: الحين وحشتك.. لو وحشتك صدق كان قلتي عندي صديقه واخت اسأل عنها مو كذا تقطعين وتفاجئيني بزواجك رشا: يعني شايله دانه: لاوالله بس مقهوره على نفسي مامر يوم الا افكر وين اختفت هالبنت رشا: كنت بزورك والله دانه: كنتي!! عموما اسفه مالي حق احاسبك رشا: لاعادي ومالك الا يرضيك دانه: سلامتك رشا: اوك خلينا نتقابل الليله.. وبكرا بجيك دانه: على راحتك رشا بتردد: كلكم بتجون دانه: والله مدري رشا: اذا جيتي مثلا من بيجي معك؟؟.. >>تبي تتأكد ان جوري بتجي دانه: خواتي وندى وجوري وريم رشا: اهاا طيب حبيبتي نتقابل الليله باي ............. بيت ابو تركي امس مانام زين عقب اللي قالته جوري.. دموعها أججت بداخله نيران مشتعله.. مايدري شلون يطفيها.. سكت عن الموضوع بس خلاص هو كان متخذ قرار في باله ولايمكن يتراجع عنه.. انتزعته ندى من افكاره:السلام تركي: هلا عليكم السلام ندى: وش مقعدك هنا لوحدك تركي: شوفة عينك.. ابوي سافر وخلى كل شي علي ندى: ادق عليه مايرد تركي: لاتخافين توه كلمني قال ايام ويرجع.. وخلى الشغل دبل علي ودي اطلع واستانس ندى:زين اطلع لاحق ع الشغل تركي: والله عاد الشركه يبي من يداريها في ظل غيابه.. واي تسيب مو في صالحنا.. يعني لازم امشي الامور مثل ابوي ندى: وعبدالرحمن؟؟ تركي: والله ماقصر ذيب اغلب الحمل عليه بس يد وحده ماتصفق لازم اضاعف جهودي ندى:عسسسااااكم ع القوه تركي:آميييين بتردد: ومتى بتروح الشركه تركي: خمسه وبرجع على عشر اغلب الشغل خلصته الحين ندى: طيب اليوم معزومه وابيك توديني تركي:وين؟ ندى: عند جمانه تركي: عادي بس المشكله ماني فاضي.. ندى: تكفى تركي كل البنات بيروحون تركي:نداوي ياحبيبتي مانيب فاضي والا وديتك ندى: والله كنت متأمله نروح الحفله ماتتعوض حاول تروك تركي: كلمي نادر والا دحيم ندى: نادر راح مع اخوياه وعبدالرحمن بيرجع تعبان والله مايودينا.. فمالي الا انت تركي: والسايق ندى: مع امي.. تركي: اجل مالك نصيب ندى: لا تكفى الله يخليك ماصدقت على الله وتجي هالفرصه ابي استانس شوي تركي: لاتزنين على راسي لو فاضي تبشرين ندى: ترووووك والله نفسي اروح تركي: لا اله الا الله طيب انا ميم شين غين واو لام م ش غ و ل ضحكت عليه يجزأ لها الكلمه حسسها انها ماتفهم:فاااهمه فاااهمه طيب وش الحل تركي بتريقه وعيونه ع الملفات: تشربين الحليب وتنامين بدري ندى:يووووووووووووه تركي :يووووووووه منك انتي.. اشد شعري يعني ضحكت على شكله:لاتشده خلاص ودني بعد ماترجع تركي:ياااااكثر ماتزنييييين ندى:هههههههه والله متلهفه ع الروحه تركي: صدق من قال كثر الزن يفك اللحام ندى:يسسس يعني موافق تركي: ايه وياويلك تزنين مره ثانيه بالطريقه هذي والله لأشوتك مع وجهك ندى:هههههههههههههه تركي:ههههههههههههه قسم بالله عله انتي.. الله يعين اللي بياخذك.. المهم اذا رجعت القاك جاهزه والا والله اروح عنك ندى: من عيوني ولاتنسى جيب جوري تركي: ليش ندى: مو بتروح هي تركي : مدري يلا انا طالع الشركه ندى: توافيق ................ المساء الساعه 8 جاها صوت من وراها.. خافت بس حمدت ربها انها توها ضاغطه ع الزر الاحمر.. انهت مكالمتها بسلام جوري:بسم الله وشفيك ريم:وو ولا شي جوري على نياتها: مو زين توترين كذا ان شاءالله كل شي بينحل ريم: ايه.. ان شااءالله جوري: نسيتيني وش كنت بقول.. ايه بتروحين عند جمانه ريم: والله نفسي وانتي جوري: مدري متردده ريم: مافي وقت قرري من الحين جوري: اللبس موجود بس ما ابي اروح بيدي فاضيه ريم: مو لازم هي حفله عاديه جمعة بنات بس جوري:لا فشله ريم: كلمي تركي يجيب لك شي جوري: لالا ما ابي ريم: يعني ماراح تروحين جوري: ويدي فاضيه لا ريم: اوك براحتك طلعت جوري دق جوالها:الو منذر: كلمتك اختي ريم: ايه توني قفلت منها.. والله مدري وشلون ارد لك هالجميل منذر: اهم شي تنبسطين وينحل موضوع ابوك ريم: الله يخليك لي منذر: على ماقالت لي بتقابلك في مستشفى ال..... ريم: ايه اختي عندها موعد وشفتها فرصه ماتتعوض عشان محد يشك منذر: اوك.. يلا انا اخليك الحين بروح اسحب الفلوس من الحين ريم: طيب.. وقفلت والكون مو سايعها من سعادتها ودها تسوي اي شي دقت على ندى: ندى ندى:هلا ريم ريم: باختصار جوري ماتبي تروح ويدها فاضيه خلي تركي يشتري اي شي ندى: ليش ماتقول له ريم: مدري.. خل نفاجئها ونحطها قدام الامر الواقع .. نبي اليوم نجتمع كلنا ونستانس ونعوض ايام النكد ندى: ابشري الحين اقول له ريم: مشكوره ياندى ندى: بدينا بالسخافات.. اتركي عنك هالرسميات حنا خوات مو بنات عم بس.... ريم:هههههههه فديتك انا.. يلا مع السلامه قفلت ندى توها بتدق عليه شافته يفتح الباب ندى: وش مرجعك بدري تركي:عشانك يالهطفاء لايكون غيرتي رايك ندى: لاااااا ماغيرته وحلو جيت بوقتك تركي: شعندك ندى: امش نروح ناخذ هديه وحده لي و وحده لجوري بناخذها معنا تركي:ياحبك للمشوره ندى: ها وش قلت تركي: الله يصبرني عليكم ندى: اجل اصبر بروح اجيب عبايتي تركي: تعالي تعالي انا بروح لوحدي ندى: بس.... تركي: مررررررره لاتحاولين والله ماتروحين ناقص غثاك بعد هناك ندى: هههههه طيب.. وقالت له وش ياخذ طلع وراح لمحل عارفه شبر شبر.. كان يشتري منه هدايا لرشا دخل المحل كلم العامل يضبط له هديتين معتبره ..... بسرعه ياتبن انا غلطان جبتك هنا....... التفت لمصدر الصوت وضحك في سره" بايعها الرجال قدام هالأمه يهزئ" ...... اعوذ بالله ماتنعطين وجه....... رجع التفت له وكانت اللي معاه لابسه عبايه راس رحمها تهزأت قدام الناس.. كانت تكلمه بهمس ....... امشي بس خل نحاسب...... تركي سوى نفسه ماكأنه سمعهم وعطاهم ظهره مايبيها تنحرج منه قرب الرجال يكلم المحاسب: شوف حساب هالاغراض والمحاسب كان عنده كومة اغراض سأله: احاسب هذي؟ الرجال التفت للي معه وبعصبيه: هذي اللي تبينها الحرمه: ايه هذي وهذي حالة جمووووووووووووود.. عقل يقاوم اعصار اجتاحه .. لسان متلعثم يتحدث به في سره مع نفسه.. تركيز متشتت فكره وحده مو قادر يجمعها على بعض لان كل فكره في فلك تدور.. "هذي رشا والله العظيم رشا بس ماخبرتها تلبس عياية راس " التفت كان الرجل حائل بينها وبينه يبي يشوف منها اي شي عشان تصدق ظنونه بس هو متأكد مليون بالميه انها رشا .. تفرس في ملامح الرجل مايعرفه وماقد شافه قبل كذا "هذا اكيد زوجها" انتحى الرجل شوي.. شافها تكلمت: لاخلاص رجع هذي ما ابيها "ياااااااااه وربي هذا انتي!!" اخذوا الاغراض وطلعوا صمت....... حيرة احزان...... دمعة وكتمان....... سافر بعيداً نحو الأفق البعيد...... يجهل المكان........ تستحوذه عبارات وتخنقه آهات....... الى أين؟؟؟ والى أي مدى؟؟؟ لايعلم ؟؟؟ >>مقتبسه ................... قراءه ممتعه توقعاتكم لكل من الابطال *رايكم بتغير منذر؟ *تتوقعون ريم تنكشف؟ *وش تتوقعون قالت جوري لتركي قدام اخوانها؟ *وش رايكم بزوج رشا هل بيطلقها عقب ماتسديله الخدمه؟ *هل تركي راح يتأثر ويرجع يحاول يتقرب من رشا وهي على ذمة رجل؟ *وش راح يصير بالحفله؟ .. .. .. |
البارت 15 نزل خالد وقف بنص الدرج كان يمشي على اقل من مهله: يمه وين جوري ام طارق: تو كانت عندي..رقت غرفتها خالد: مريت غرفتها مافيه احد.. ام طارق: يمكن عند ريم.. شفيك تسأل عنها خالد: تركي دق علي يقول ماترد.. ام طارق: لايكون متهاوشين؟ خالد: لا ما اتوقع هو بالطريق جاي يقول بيوديها حفله ومدري وش ام طارق: ايه حفلة جمانه ............. فوق في غرفة ريم كانت ريم مخلصه وجالسه قدام التسريحه تحط اللمسات الاخيره وجوري متوسده المخده ومنسدحه ع السرير ريم: متى بتقومين ياكسلانه يالله على غرفتك اجهزي جوري: بقوم بقوم.. وماقامت ريم: مالك داعي والله بنتأخر وانا متحمسه ابي اشوف وجه ساره لما تعرف ان الحفله تمويه وجمانه مسويتلها عيد ميلاد جوري: عشان كذا انا متحمسه ريم: أي متحمسه وانتي منسدحه! دخل خالد وشاف اوضاعهم خالد: ماشاءالله ريم جاهزه ريم: ايه احتري جوري تجهز طالع في جوري كانت ماسكه صدغها وتضغط ( الصدغ جوانب الراس خلف العين) خالد: شفيك؟ جوري: شوية صداع.. خالد: كليتي بنادول جوري: ايه لاتخاف خالد: على كذا ما اتوقع تروحين جوري: وليش ان شاءالله خالد: شوفي وجهك وعيونك تعرفين السبب جوري: لا بروح.. انت بتودينا؟؟ خالد: والله ياليت.. بس انتي عارفه المسافه من بيتنا لهناك طويله.. وانا ما اقدر اسوق هالمسافه.. جوري: معذور.. خلاص بنقول لطارق خالد:لاتقولين لطارق ولاشي زوجك في الطريق جاي.. جوري:تركي جاي ماعلمني خالد: دق عليك مارديتي ليش جوري: والله جوالي بغرفتي" اكيد بيسويلي مشكله" خالد: طيب قال لي ابلغك.. مايبي ينلطع تحت لاتنسين تراه يكره شي اسمه انتظار ريم: اجل خلاص تكشخي والبسي في بيتكم.. مو توصلين وتغيرين رايك جوري: لا بعد ماقالت لي جمانه بعيد الميلاد رايحه رايحه خالد: قولي ان شاءالله جوري: مشيئة الله فوق كل شي بس ماراح اغير رأيي وبروح الله لايعوق بشر ريم: اجل نتقابل هناك.. لاني بطلع الحين بعد عشر دقايق دق على خالد وقال له انه تحت.. مادق عليها خايف يكون مصير اتصاله مثل الاتصالات الباقيه فتحت باب السياره وركبت ارتعدت فرائصها وجهه مايبشر بخير استنتجت انه بسبب عدم ردها عليه لان آيات الضيق كانت واضحه وضوح جلي على ملامحه جوري: السلام عليكم تركي: عليكم ساد الصمت فتره استأنف: ليش مارديتي ضغطت بطرف أناملها على راسها: مادريت انك داق كان بغرفتي تركي: وش فيك جوري: قلتلك والله مادريت كان.... تركي: اقصد وش فيك ماسكه راسك جوري: مصدعه.. يلا بس سوق مانبي نتأخر طنش وكمل سواقه .............. قبل ماتنزل من السياره - : ساعه وراجع .. رشا: وش اللي ساعه تراها حفله مو زياره - : احمدي ربك اني جايبك رشا: تمن ؟؟.. - : لا بس هالساعه تقدرين تقولين عربون شكر مقدما عشان العضوه اللي كلمتك عنها رشا: يعني الدعوه مصالح - : عليك نوووور تعجبيني.. امووووت على ذكائك رشا"الله ياخذك" ونزلت .............. وصلوا هي دخلت جناحهم على طول وهو راح لندى عطاها الهدايا وقال لها كلمه وطلع بدون ماييسمع منها رد اتجهت جوري لغرفة الملابس وغاصت في الدولاب تدور شي يناسب الحفله دخل وشافها عقد ذراعه على صدره وطالع فيها تظاهرت انها ماتشوفه تركي: الحين حنا يوم ناخذ الادويه عشان تتصورين معها ابعرف ليش ماتشربينها كل يوم وش بيضرك؟؟ جوري: ترا والله مالي خلق للمشاكل بحده: ولا انا بس بعرف هالحركات اللي منك جوري ببرود: ماراح تخاف علي اكثر من نفسي.. وبعدين تطمن اصلا المفروض استخدمها وقت اللزوم شكلك سمعت الدكتور غلط اتسعت حدقة عيونه: ايش مشت من قدامه وحطت الفستان ع السرير وراحت التسريحه سحبت الكرسي وقعدت: اقول شكلك سمعت الدكتور غلط ماقال كل يوم .. يمكن قال تنتظم يعني استخدمها وقت الضروره.. هم كبار السن اللي يستخدمونها كل يوم .. اما اللي في عمرالعشرينات فهي كمثبط للدم يساخدمونها عند اللزوم.. يعني ماراح يجيني شي حتى لو ما استخدمتها اسبوعين تركي: وش دخل هالموضوع جوري: ترا ادري فيني الضغط!!!! !!! تراجع بصدمه: وش هالخرابيط وش هالكلام اخذت البلاشر ومررته على خدودها ولفت عليه: حتى الغبي بيعرف.. سوء التغذيه ادويته فيتامينات ولاحديد اما هالحبوب شكلها غريب.. ما اكذب عليك انا يوم شفت اهتمامك قلت اكيد فيني سرطان حتى قعدت كم من يوم افكر وين شايفه هالحبوب قبل.. من سخرية القدر ان ابوي يستخدمها وانا اللي اعطيه اياها بيدي لسانه مربوووط للاخر جوري: الحمدلله عندي ضغط ولا سرطان.. واردفت باستهزاء: وسع صدرك سمع صوت امه متوجهه لبابهم.. وراح يفتح قبل ماتدق هروب منها ................ نوف: يمه الحين شلون ام فيصل: عطتكم البنت خبر عن الحفله من فتره ليش ماجهزتي بدري؟ نوف: شعري يالله ضبط هو اللي أخرني ام فيصل: تستاهلين نوف: والله ماتوقعتهم بيروحون عني هذا حمد كله منه.. وقعدت تتحلطم: ليت السايق هنا ولا هالذل ام فيصل: ومن بيعطيه راتبه حنا يالله يكفينا اللي معنا علشان كذا فنشناه سكتت نوف معبيه قهر فل ام فيصل قلبها رق عليها: طيب روحي مع ندى نوف: دقيت عليها توها طلعت ام فيصل: وريم نوف:اي والله شلون طافتني.. بروح ادق عليها شالته من اول رنه:هلا نوف نوف:هلابك وينك ريم:بالسياره نوف: تقدرين تمرين لي ريم: سحبوا عليك هههههههه نوف:ههههههه بقوووه يلا انتظر ................ المكان حافل بالبنات رقص واستهبال و وناسه جمانه: ياااربي ليش ماجت دانه: والله انتي ماشفتي حمد مستعجل ولو حنا بعد تأخرنا كان ماشفتي وجيهنا جمانه: يعني تفركشت الخطه دانه: لا تطمني تو ريم كلمتني قالت بيمرونها جمانه: الحمدلله حلو.. طيب تكفين اتفقي مع نوف ت... دانه: لاتوصين كل شي تمام خمتها وباستها مع خدها: وه ويلوموني فيك يابنت عمتي تبوسمت دانه في الحفله عند المرايات اللي بالمدخل ندى: ها شكلي مضبوط ساره: رووووعه ندى: من جا ومن ماجا ساره: كثييييييير ادخلي وتشوفينهم.. الا وين جوري وجودها مهم ندى: يختي مدري دخل علي تركي معصب الا بركان عطاني الهديتين وقال هذي لك وهذي لجوري خذيها عطي جمانه لان جوري ماراح تروح تعبانه.. وطلع كنت بروح اطل عليها بس من شفت نظراته خفت.. ويوم جيت اطلع سألتني امي عنها قلت تركي يقول انها تعبانه ماراح تروح ساره: يمكن اللي خبري خبرك ندى: لا ماظنيت هي اصلا ف... وسكتت واردفت: ماعلينا ان شاءالله تطيب ساره: ان شاءالله لاحظت ندى ان ساره فيها شي ندى: مو على بعضك وشفيك ساره: وساوس ابليس ندى:عسى ماشر ساره: تبين الصراحه ضايقه ما ابي اشوف ريم من بعد اللي صار ندى: سويره والله حرام عليك مفروض نسامحها وحنا عرفنا اعذارها ساره: مدري بس احس اني مدري شلون تجاهها ندى: والله مسكينه تنرحم لاتكونين قاسيه معها ساره: زين امشي ندخل كانت رشا قاعده على طاوله اختارتها بعنايه ليتسنى لها رؤية الداخل من الخارج مانزلت عيونها من البوابه متى وتجي جوري قربت دانه والبنات يسلمون عليها بس مانتبهت لأنها مشغوله بتفرس وجوه الموجودات جمانه: هيييه انتي رشا: هلا هلا وسلمت عليهم وحده وحده جمانه: ياحلاة الجمعه والله ناقصنا جوري ومنى دانه: منى نفاس جمانه:طيب وجوري ليش ماجت ياندى ندى: تعبانه شوي جمانه:لايكون تتوحم ساره: ملقووووفه امشي امشي بس خل نرقص كرهت كل الموجودات ودها لو تبيدهم من الوجود دانه بدون نفس: بتجين معنا رشا: لابقعد نوف: بقعد معها دانه: اجل عن اذنكم ............... نرجع لام تركي اللي توها داخله جناح تركي وجوري دخلت بوجهها البشوش وبخطوات سريعه مشت لين عند جوري: يمه جوري شفيك باستغراب: وش فيني ام تركي: ندى قالت لي انك تعبانه جوري: من قال لها تركي: انا ام تركي: وش يوجعك؟ جوري ونظراتها على تركي كان ودها تقول له من "سمح لك تقول لها": ابد صداع بس كنه خف.. ام تركي:اكيد من الضغط انا طالعه بجيب لك شي جوري" وش دراها!!!": لاخاله مايمدي لاني بلبس والحين تركي يودينا انا وندى ام تركي:ندى راحت منذو مبطي جوري: راحت؟؟ ام تركي: ايه راحت ومنتيب رايحد بهالحاله.. واردفت: شوفي دقيقه وبجي.. وطلعت التفتت لتركي:ليش تقول لها ان فيني الضغط تركي: هي كشفتني جوري: ومن سمح لك تقول لندى تروح بدوني تركي: لمصلحتك كانت اجاباته قصيره مايبي اصتدام معها كفايه عليه الالم الحبيس المتأجج في صدره من شوفته لرشا رجعت ام تركي كان بيدها مشروب ساخن:خذي حبيبتي اشربي بينفعك للضغط تناولت الكاس من يدها ميزت ريحة المشروب كان فيه حبة البركه السوداء جوري: لاخاله والله مقدر ام تركي: اجل لو اني قلتلك كل صباح تشربين ليمون مع فص ثوم جوري: لالالا واللي يعافيك خاله استغفرالله انا اكرهه في الاكل تبيني اشربه ام تركي: والله اني قايلته بترفضين بس ياحبيبتي بيفيدك وانا بنفسي بتابع الضغط معك بجهاز عمك محمد واذا تعدل نوقف الثوم جوري: لا وربي مقدر وتأشر ع اللي بيدها كافي ذا مدري شلون بستصيغه ام تركي: اجل شدي الهمه ما ابي اشوف قطره ترددت مره تقربه من فمها ومره تبعده تقدم منها تركي واحاط ايدها اللي ع الكاس بيدينه وقام يشربها: حياتي عشاني حاولي قبضته الدافيه محت الشعور اللي كانت تحس فيه تو تجاهه .. "صح هو يمثل بس حلو هالاحساس وانا لازم اجاريه قدام خالتي" : حبيبي والله مو قادره بس بحاول عشان خالتي وعشانك وصار يشربها حبه حبه ام تركي شافت وجودها ماله داعي: اذا خلصتوا وفيكم حيل انزلوا ونسوني تركي: ابشري طلعت ام تركي.. وهو لازال ماسك ايدها جوري: خلاص وخر تركي:انتي ليش مو طايقتني بنظرات تعجب: مو انت تكرهني؟؟ ارتبك: وش هالسؤال جوري: نفس سؤالك توقعتك تعرف الاجابه وترا المسأله نسيبه اللي يكرهني اكرهه تركي: والله العظيم حالتي النفسيه في القاع لاتزيدين الطين بله جوري: طيب تفاداني وابعد عني تركي: كملي هذا وببعد جوري: انت وبعدين معك ما ابيه شد قبضته على ايدها: ارجووووك ياجوري كمليه انصاعت لطلبه اول مره يقول لها هالكلمه حست ان فيه شي ودها تعرفه بس مستحيل تسأله خلصت الكاس تركي: بالشفاء ان شاءالله وقفت: انا نازله عند خالتي تركي: انا بتسبح وانزل وراك ................ بعد ماوصل رشا توجه للاستراحه شباب / وبنات / ومنكر حفله صاخبه وماجنه كل انواع الفساد فيها .. على قولهم الفاضي يعمل قاضي .. كل من فتره وفتره يسوي حفله والمناسبات تافهه.. المناسبه الاخيره كانت احتفال بانضمام عضوه جديده لشلة الدمار.. وكان القائم على تنظيم الحفل ثلاثه هذول الثلاثه حاطهم على يمناه.. الاول ملقب بتوت ..متخصص في توزيع كاسات الخمر ع الضيوف لزوم الضيافه.. الثاني ابو المجد.. كان جالس بالوسط قدامه طاوله دائريه كبيره عليها انواع الخرابيط .. كان يضبط للموجودين المزاج ويسوي دعايه لبقية الاصناف الموجوده اما الثالث ينادونه النمر كان يتصيد بنات من مختلف الاماكن ويجبيهم الاستراحه بعد اغوائهم ورضاهم التام ويرتب وضعهم مع رواد هذي الحفلات ويجزلون له العطاء نظير هالخدمه.. كان مستعجل شرب كاس صغير تصبيره وبيروح ياخذ رشا وبعدها يرجع ويمخمخ زين .................. دقت عليها: حنا برا دقيقه وطلت جمانه: ادخلوا دخلوا ماشافوا شي المكان ظلام دامس مشوا اربع خمس خطوات ووقفت جمانه ريم: وربي اخاف من الظلام لحظه بطلع جوالي جمانه: لا لاتطلعينه هاتي ايدك تعثرت نوف في بعض الشجيرات الصغيره: آآه جمانه: ها شفيك نوف: مافيني شي جمانه: زين يادبه لاتنفخين ريم: والله مو بس نفخ الا قبص جمانه: افا ليش ريم: حفله ويعنني واخرتها الكهرباء مقطوعه شكلكم ماسددتوا الفاتوره ههههههههه جمانه:ههههههههههههههه تعالت همسات مكتومه و وشوشه وفجأه اضيئت انوار ساطعه في انحاء الحديقه.. happy birthday To You happy birthday To You happy birthday To rayoma happy birthday To You وصفقوا وريم مبهوره ماتوقعت ان الحفله لها طالعت في جمانه بود ودموعها تحكي فرحتها.. القت بنظره سريعه ع المكان شافت الحديقه منسقه تنسيق سمبل بس جذاب وفيه لوحه كبيره عليها صورتها بأكبر حجم التفتت يسار شافت حول المسبح طاولات وكراسي وبلونات باللون الفوشي اللي تحبه.. التفتت يمين شافت البوفيه طويل وكبير ومرتب وفيه طاوله فيها قاتوه كبير يالفانيليا نفس ماتحبها.. سحبتها جمانه وراحت فيها للكيكه عشان تقصها.. للحين ريم تعتبر نفسها في حلم فيه احد يفكر فيها.. قصت الكيكه وشغلوا الدجي وحطوا اغاني اعياد الميلاد والتموا حولها يرقصون وهي الفرحه مو سايعتها مستانسه وتضحك والانبساط يشع من وجهها بعد ماخلصوا كل وحده تقدمت منها وعطتها هديه جمانه تكلم دانه: وين المايك دانه: هذا هو شبكت المايك وتكلمت زحمه وضجه محد سمعها ارتفع صوتها :بنات لو سمحتوا شوي هدوء سكتوا جمانه: اليوم اول مره اسوي حفله وبالذات عيد الميلاد والله ماعندي قناعه فيه بس لقيته فرصه نعبر عن محبتنا لصديقتي واختي الصغيره ريم.. طبعا كنت ابي كل وحده منكم تاخذ المايك وتقول كلمه لريم بس عندي فكره اتمنى تعجبكم وهي ان كل وحده مننا تسحب _كان فيه اوراق في قزازه كبيره _ اللي تبي تقول شي لريم ومو عارفه كيف ماعليها الا تسحب ورقه وتاخذ المايك وتقول وش مكتوب فيها.. دانه:يعني كل وحده وحظها جمانه: مضبووووط .. وطبعا الاوراق فيها كلمات مختلفه ممكن دعوى ممكن شعر ممكن استهبال وزي كذا عطت المايك دانه تقدمت دانه سحبت ورقه وقالت: عساني حي .. وأحضر كـــل أعيادك .. واهديك وردات الـــغلا فوق صرحه .. ازداد عمـــرك .. صح!.. لكنه ازداد لك .. في خافقي لك بالــغلا ألف صفحــه .. والثانيه كانت من صديقات ريم سحبت ورقه : يطول عمرك في ظل والدينك وملتمه حول اخوانك ارتفعت الايادي آمين تقدمت نوف: كل عام وآمالك وأمانيك تتحقق كل عام وأنت أغلى ما في الحياة يا كل الحياة بعدها ندى جلست ساعه تختار ورقه دفتها جمانه اخلصي ندى: ههههههه طيب طيب واستقرت على ورقه فتحتها وغرقت ضحك ضحكوا معها من غير مايعرفون لان ضحكتها كانت تضحك واخيرا قالت: يطول عمرك وتتزوجين اصلع واكبر عيالك تسمينه قضعان ههههههههه الكل ضحك لان طريقتها وهي تقول مره مضحكه وكل البنات مروا على المايك بالسرا تعليقات وتريقه يوم جا دور رشا قامت وهرولت للحمام مالها نفس لهالسخافات آخر وحده كانت ساره كان باقي 4 اوراق احتارت اي وحده تاخذها ورست على بر فتحت الورقه !!!!اتقي شر من احسنت اليه!!!! راحوا تعشوا .. وبعدها اتفقوا ان كل مره وحده ترقص.. ومشت الامور على خير مايرام تعدت الساعه ثلاثه وراحوا المعزومات ماباقي الا البنات تراخوا على الكراسي كل وحده تهمز رجلينها جمانه: اليوم الفايزه في الحفله صراحه دانه كانت شييي دانه:ياااااااالبا بس ندى: وع دانه: وع في عينك ساره: لاتقولين وع ندى: يمه كلوني بقشوري التوأم القبيح قامت لها دانه ودغدتها لين طاحت من فوق الكرسي: انا قبيحه؟! البنت مو قادره تتكلم من الضحك انقذتها ريم: خلاص دندون مايحتاج انتي حلوه تهبلين دانه كانت بهية الطلعه كانت قمة البساطه لابسه فستان اسود كت وشعرها مسيحته نفس طريقة جنيفر انستون ملامحها حلوه وجذابة الطلعه بوجه عام بس بملامحها الدقيقه جذبت العيون جمانه: خلونا من دانه بسألكم رشا متى راحت دانه: ماطولت حتى ما امداها تشوف المفاجآت والوناسه جمانه: اصلا كانت متوتره مدري وش فيها انتي صديقتها مفروض تعرفين دانه: هذاك اول اما الحين اقلبت البنت ساره: اكثر شي يقهر بعد هالعشره تتزوج ولاتعزمك جمانه: امااااانه بالله جد؟ ساره: اي والله حتى دانه طرطعت يوم درت جمانه:بنت اللذين والله لو ادري ماعزمتها دانه: ع الاقل معرفتك فيها سنه ونص لكن انا 3سنوات قمة القهر وربي ريم: يمكن عندها ظروف وش يدريكم دانه: انا عن نفسي مستحيل اعزمها على مناسبه ثانيه لنا نوف: والله قلت لها تمايم عيال اخوي قريب وهي عزمت نفسها دانه:لاااااه وقلتي لها متى نوف: لا قالت بينا اتصال دق جوال ساره كان حمد حمد: دقيقه وحده ما القى وحده بالشارع باتوا عند جمانه ساره: لالالالا طالعين دانه : الحمدلله عبايتي عندي بلبس وانتظره برا نوف:ياحماره عشان تركبين قدام دانه: هههههه ندى كانت داخل تكلم امها تطمن على حالة جوري.. خلصت قفلت رجع دق الجوال نادر ندى: هلا ندور نادر: صرت قريب اذا دقيت اطلعي ندى: اوك ................. طلعت الشارع شافت السياره موقفها بعيد وقاعده تتحلطم:شف الخايس وين موقف السياره.. راحت وفتحت الباب الامامي بتسبق البنات ركبت وخرت الطرحه وقعدت تدور على ربطه بالشنطه:ياربي وينها ذي.. واخيرا لقتها.. ورفعت شعرها بنعومه ياااااربي افففف ماحب الشعر الطويل لو امي توافق اقصه كان ارتحت واردفت:ااخ بس تخيل يادب يقولون انا الفايزه شكلي لفت نظرهم هههههههه والله ماتصدق استانست وناسه مابعدها احب اذا احد مدحني ماعلق استغربت شفيه ساكت طلت من طرف عينها شافت الايد اللي ماسكه القير فيها خاتم .. خااافت هذي مو يد حمد دارت بعيونها بحركه بطييييييئه للي قاعد جنبها التفتت له كان رافع حجانه ويطالعها في هدوووووء صااااااااااارخت:يمممممه بسم الله.. حط يده على فمها: وش شايفه جني.. انتي الغلطانه ماله داعي الصراخ ..شيلي قشك وانزلي بهدوء.. امسكت يدينه اللي مغطيه فمها تحاول توخرها وتشاهق دموعها اربع اربع تبي تغطي نفسها ارخى ايده: اسف وهي لبست طرحتها ونزلت مثل الريح من السياره ودخلت تو ندى بتطلع وشافتها تبكي: دانه قلبي وش فيك حضنتها دانه وبكت وعلمتها السالفه ندى: هههههه رب صدفه خير من الف ميعاد دانه: اخوك مايبيني وانا والله ابيه مقدر اتحمل بعده عني ندى:هااااه دانه: ادري تماديت وربي فشله الله يلعن هالقلب وتأشر على صدرها ندى مصدومه: لاتفكرين بشي ياقلبي خليها على واحد كريم دانه : ونعم بالله اليوم الثاني لقاها نايمه -: رشا رشا: هممم -: قومي جهزي ملابسي رشا: والله مافيني حيل -: لوما الخدمه اللي سويتيها لي كان مسحت بشعرك البلاط سكتت -: بسرعه بلا كسل قومي جهزي ملابسي رشا: والله مافيني حاسه بالم في بطني -:رشا ترا والله مزفته اخلاقي لاتزيدينها رشا: والله العظيم تعبانه سكاكين تقطع بطني بكل خشونه جرها للدولاب وقفت حست بغرق تحت رجولها انتبه للدم:اووف اوووف قومي قومي قومي المستشفى لي ماقلتي انك تعبانه( والله الغباء توها قايلتله) دق جوال على ام ايمن:مها بسرعه الحقيني المستشفى رشا تعبانه ينزل منها دم وصل المستشفى وساعتين تحاليل وروحه وجيه كان متوتر جت ام ايمن طايره: وش صار قبل مايجاوب طالع الحرمه اللي جنبها فهمت:هذي جارتي ايمن ادق عليه مايرد المهم وش صار للبنت -: مسكينه حالتها تقلق ام ايمن:الحين مسكينه توك تحس فيها -: مها اسكتي عني ام ايمن: ماتبي كلمة الحق الحرمه:مها خلاص اللي فيه كافيه.. ادعو لها طلع الدكتور مها نطت بوجه الدكتور:هابشر دكتور وشفيها رشا مسكين الدكتور ارتاع من مها:هدي نفسك هو فين قوزها -: انا زوجها شفيها الدكتور:هي محتاقه عمليه فورا ام ايمن صاارخت:ول وشفيها -: يابنت الناس اركدي خليه يكمل كلامه الدكتور:نزيف حاد هي كانت حامل في الشهر الاول وواضح انها مش كانت عارفه واجهدت نفسها ولازم نستأصل الرحم حفاظا على سلامتها هي بتشتغل فين مها تبكي:ياتسبدي عليها ماتشتغل لكن هاللي مايرحم كرفها الله يكرف حظه الدكتور:هي بتقول ايه الحرمه بهمس:مها ترا فضحتينا -:"" اهم شي ماماتت"" :طيب يادكتور مافي حل ثاني الدكتور:للاسف -: طيب سوي اللي تشوفه بمصلحتها ام ايمن: ياقلبي عليها ياقلبي عليها الحرمه:مها مايصير تعوذي من ابليس ام ايمن:من حر مافيني على هالضعيفه يارب ارحمها برحمتك -: '' انحرمت من الخلفه بس الحمدلله اهم شي انا لو ابي تزوجت اربع وانجبت " ............... كان قاعد بغرفته طفشااان منتهي من الطفش ويطالع في السقف حفظ الرسومات اللي فيه دق الباب:مين ندى: انا ماقال لها ادخلي سمحت لنفسها تدخل كان مطنش عارف انها هي سمع خطوات بس ما التفت كل مالها تقرب منه الخطوات وتقرب وتقرب ماحس الا اللي تحب راسه انصدم من هالحركه اقعدت جنبه على طرف السرير ومسكت يده: نادر والله اسفه حقك علي والله اني ندمانه قد شعر راسي شال ايده منها: طيب!! ندى: تكفى سامحني والله امس مانمت من تأنيب الضمير.. نادر:عادي دانه: نادر لاتحبطني تكفى ترا كلهم علي من امس عشانك نادر''والله اني مسامحك بس لازم تتأدبين مهما كان انتي تماديتي معي'': قلنا خلاص عادي غطت وجهها بيدها وانفجرت تبكي ماتحمل مسك ايدينها يوخرها عن وجهها : خلاص ياشينه مسامحك ندى تشاهق: والل والله اسفه و ... نادريمسح على راسها: اووووص خلاص بس والله كنتي مدري شلون معي ندى: رحمت البنت وربي تكسر الخاطر وانت تحبها وتكابر وانا ابي لكم الخير نادر: بس مو تكلميني بطريقه هجوميه ندى: اعترف بس كل كلمه قلتها لك وربي صادقه .. تقدر تقول لي وش احساسك بعد ماشفتها نادر سوى بيده علامة استفهام كبيره بمعنى مو متأكد من احساسه ندى: بكيفك اهم شي انك سامحتني وانا اوعدك ما اتدخل بخصوصياتك ابد نادر: حصل خير.. ندى اول مارجعهم نادر بعد الحفله قالت له قدام البنات عن الموقف.. قال خلاص مايبيها وهي اصرت عليه الا يرضى واول مره ترفع صوتها عليه من قهرها على دانه زعل منها وقال لها لاعاد تكلميني ابد شافت انها سخيفه الحب مو بالاجباري والبنات طول الفجريه يزنون على راسها اعتذري واعتذري مالك حق تدخلين في خصوصياته" ................ ام فيصل: لااااه.. ماقالت لي.. شكلها غلطانه.. السبت الجاي يعني ماهوب ذا... اها مشكوره حبيبتي.. وقفلت ساره: وش يمه ام فيصل: مالتس دخل.. ياحبتس للقافه ساره: اجل خلاص هونت ما ابي اعرف ام فيصل يالبا قلبها سويره حساسه ولايهمك بقول هذي اسماء بنت الجيران تقول النتايج موب السبت ذا لا اللي بعده شكل نوف غلطانه ساره:طيب نوف تدري ام فيصل: ماقد لمحتها لا ع الفطور ولا الغداء.. فيه احد ضايقها امس ساره: والله مدري عنها انا شفتها صفنانه سألتها احقرتني ام فيصل : هذا طبعها ماتشكي كثير ............. في يوم آخر بعد الفطور والسوالف راحت جوري غرفتها تريح طبعا ماشاركتهم الفطور لان عندها موعد وتحليل.. فتحت التلفزيون تتفرج كان البرنامج عن الاطفال المشاغبين بعدها بربع ساعه دخل تركي الغرفه وقعد جنبها ع الكنبه تركي:تأخرت عليك جوري:عادي طالع معها التلفزيون وشاف ولد شقي مره: اتخيل نجيب واحد زيه سكتت جوري بس من كثر ما استحت حتى صيوان اذنها حمر تركي:تحبين الاطفال؟ جوري:ومن مايحبهم.. هذول احباب الله تركي بدون مقدمات:جوري تبين طفل مني صدمها سؤاله ماكانت متوقعه.. واصلا هالموضوع بالذات حساس بالنسبه لها جوري:لا تركي:نسيتي كلامك قبل مده قلتي بتحملين انتي وساره مع بعض جوري:كلام عابر تركي: بس عشمتيني جوري:مشكلتك تركي:جوري كم لنا متزوجين جوري:من الاخير وش تبي تركي:حقوقي جوري:حقوق من وحده تكرهها سوري تركي:جوري اكيد بتقولين اني كذاب بس احس بعاطفه تجاهك وابي طفل يربطنا جوري:ايش؟؟ تركي: مثل ماسمعتي والله احس بعاطفه تجرني لك جوري تطنز: اها حلو حدد اي نوع من العاطفه تركي طنش طنازتها: ما ادري جوري:اشووا على بالي بتقول حب تركي:طيب واذا؟! جوري: ماتخاف تركي: ليش جوري:بتسمعك ريوشتك ياويلك منها حمر وجه تركي قهرر لانه حس بالاهانه:تستخفين فيني يال... جوري:يا وش كمل عادي تركي:حتى لو قلت ماراح تحسين صدق ان الضرب في الميت حرام وطلع من الغرفه بقمة غضبه خمس دقايق ورجع :موعدك بعد ساعه اجهزي جوري: بمر ريم عشان... تركي:زين وقفل بدون مايسمع منها شي ............. ريم: ايه كلمتها من اول قالت خلاص منذر: ماراح تشك ريم: لاعادي اذا دخلت عند الطبيب بكلمها تجيني منذر: اتفقنا.. انا بكون في السياره برا ريم: اوك .................. عند الرسبشن واقفين كل واحد من الثلاثه فيه من الهم مالاتقواه الجبال وقف تركي عطاهم معلومات .. كانت الممرضه تطالع فيه وتدلع قدامه وتركي مو معبرها جوري كانت تراقب الوضع ومفوره خلص والتفت لها: يلا مشينا ريم: انا بنتظركم في صالة الانتظار جوري ارتاحت من طلبها واصلا حتى لو طلبت تدخل معها بترفض اصلا هي للآن ماعرفت سر جيتها دخلوا للدكتور دقت على منذر: الو منذر: هلا قلبي ريم: دخلوا عند الطبيب وينها اختك مندر: الحين بتجيك انتي بصالة الحريم؟ ريم : ايه منذر: اوك ريم عيونها على الستاره المنسدله اللي كانت تفصل صالة الانتظار عن السيب.. ماكان بالصاله الا هي دخلت بنت في اواخر العشرينات حاطه كيلوا مكياج وعطرها قوي: انتي ريم ريم مرتاعه من الشكل: ايه سلمت عليها: انا اخت منذر ريم: أأأهلين جلست ع الكرسي القريب منها وفتحت شنطتها طلعت منها حزم فلوس ريم كانت شاكه 1% ان منذر يلعب.. تبسمت اول ماشافت الفلوس طلعت الفلوس وصارت تحطها في شنطة ريم وفجأه وقفت: اوووه هذي 500 نسيت الشنطه الثانيه فيها الميتين الباقيه ريم: ياالله يعني شلون خلي منذر يجيبها هي: لا يمكن احد يشوفه وتصير لك مشكله قومي معي قبل لايطلعون ريم: الله خايفه هي: حبيتي حتى ثلاث دقايق ماراح تاخذ امشي بسرعه وراحت معها شافت منذر بكل اناقته في سيارته الفارهه هي: امشي اركبي عشان احطها بالشنطه صعبه قدام الخلق ريم: زين بس بسرعه وركبوا السياره منذر: ياااالبيه ياريم اخيرا شفتك ريم ابتسمت مع انها خايفه لايطلع تركي وجوري وهي مو موجوده منذر: وش اخبارك ريم: الحمدلله.. بس تكفى بسرعه قبل يكشفوني منذر: ياعسل بسألك قد سمعتي بالمثل اللي يقول اللي يقول اذكريني ريوف ريوف: اي واحد منذر: لاخلاص ذكرت يقول المثل جوع كلبك يتبعك ريم بضحكه مغتصبه:هه كيف منذر: الكيف عند العطار ريم: غدرت بي يامنذر عطا ريوف نظره فهمت عليه بحركه سريعه حطت قطنه مبلوله على خشمها كان فيها منوم وريم غطت في سابع نومه منذر: مشكوره ريوفه ع الوقفه ريوف: خدامتك ................ .. .. .. |
البارت السادس عشر . . . . ترك البيت وراح الحديقه يبي الوحده جلس في ظل شجره.. الجو عليل وصافي دق جواله اكثر من مره ماشاله طفشان وضايق خلقه طول وقته الافكار توديه وتجيبه " الحين ليش متضايق قلتلهم ما ابيها وانتهى ابعرف ليييييش ضايقه فيني الوسيعه" ورجع بافكاره يوم تدخل عليه السياره كانت متغيره كثير الشي الوحيد اللي ماتغير فيها انها نفس الشعر يمكن تغير لونه بس ماتغير حركته دايما مسيح معطيها شكل ملفت كانت اقل من خمس دقايق اللي شافها فيها بس دقق في كل قطعه منها بدايه من طريقة كلامها كانت تميل شفتها بدلع وهذا الكل تعود عليه لانه طبع فيها.. الى طريقتها اذا تخوصرت تعبيرا عن امتعاضها.. حس باحساس حلو بس كل ماحس تراجع لانه شايف ردها يوم يستشيرونها كأنها ماتبيه بس هو امس شاف اشياء كثيره وكبيره في عيونها".. تزوجها!!! "ايش لا هي ماتحبني ورفضتني" توك قايل شفت اشياء في عيونها "ايه بس يمكن ماتبيني" ماتبيك ؟! تقدر تحلف بتأكيد انها ماتبيك؟ " لا" .....خلك من التبريرات ولاتكابر انت عارف احساسها ونفس احساسها انت تشعر فيه.... هذا كلام نادر مع نفسه يعني الشي اللي صار بالسياره مايستدعي هالضيقه والحزن يمكن ضيقته انه فرط في دانه صح ندى قالت له انها تحبه بس خايف تكون كلمه عابره زي ماكانت مع امه " انا بقطع عرق واسيح دم هذي اخر محاوله بخطبها رسمي ولو اتأكد انها تحبني وتبيني والله ما أفرط فيها" ومن حدة توتره كسر الغصن الصغير اللي بيده صحاه من افكاره.. شاف جواله يدق برضه طنش ومااااارد وش مقعدك هنا؟؟ لف رقبته للصوت شافه واقف بكل شموخ وأنفه: هلا يبه متى جيت ابو تركي: الحين معقوله ما انتبهت لصوت لسياره وقام يسلم على ابوه: والله ما انتبهت حمدالله ع السلامه شدعوه يبه وشهالغيبه ابو تركي: كاره الرياض عشان بعض الاشخاص اللي فيه نادر: امش ندخل عشان ترتاح.. غير موجة الحديث بطريقه سهله ابو تركي: زين اني شفتك ابيك تروح الحين الشرقيه ولاترجع الا ومعك ورقه من عبدالله ... نادر: الحين عاد ابو تركي: لا بعد ماتتغدى حرك جيب الورقه لانها مهمه نادر بامتعاض: ابشر ................. داخل البيت طلع غرفته بدون مايقول كلمه ولا حتى نطق السلام نادر: يمه انا ماشي الشرقيه ام تركي: وش عندك نادر: شغل للوالد وبكرا وانا هنا ام تركي: زين يمه لاتسوق بعجله التأني طيب نادر: ان شاءالله.. وطلع يزهب عمره ندى: مو كأن منى تأخرت ام تركي: تقول الحين بيجي الدكتور ويكتب لها خروج .............. تركي: سمعتي الدكتور قال تحسنتي كثير وهالصداع اللي يجيك من الافكار.. لاتفكرين كثير جوري: ليش هو بيدي ..الوضع اللي اعيشه مخليني مجنونة افكار تركي: ماشاءالله عليك قويه بتقدرين تتغلبين على الافكار وصلوا صالة الانتظار مالقوا ريم جوري: وين راحت ذي .. نغزها قلبها تركي: تعالي يمكن في حمامات النساء وقف لها برا وراحت طلت طلعت وعيونها تقول مالقيتها تركي: طيب انا بلف المستشفى وانتي روحي صالة الانتظار وخلك هناك في حال رجعت وتفرقوا نص ساعه ساعه ساعتين مابينت وطول هالوقت كان تركي يحاول في جوري يرجعون بس رافضه ماتبي تطلع الا فيها وش تقول لأهلها تركي: جوري شايفه الساعه كم لين متى يعني جوري: والله ما اتحرك من هنا لين اشوف اختي تركي: طيب يمكن رجعت البيت خليني ادق ليش معنده انتي جوري: اخاف مارجعت وابوي يصير فيه شي لا تكفى دور حله تركي: الحل نمشي اوديك البيت جوري: واختي تركي: حتى لو فكرت ابلغ الشرطه ماينفع لازم يمر على اختفائها 24 ساعه مانبي نسبق الاحداث يمكن راحت هنا او هنا جوري: ماني متحركه ارتفع ضغط تركي ومسك ايدها بحنان ويمشيها معه.. وكل مايقدمها ترجع شافهم رجل الامن: وش عندك معها تركي: زوجتي رجل الامن: وليش تجرها كذا وين اثباتك طلع تركي الاثبات وعطاه: اختها جت معنا والحين لنا حول الثلاث ساعات ندورها رجل الامن: كيف اوصافها جوري: سمينه شوي وقصيره رجل الامن: كان بيدها شنطه؟؟ تركي: وليش ركزت ع الشنطه رجل الامن: ابتأكد جوري: ايه رجل الامن:بيضاء صح جوري : ايه وين شفتها رجل الامن: دخلت وحده شكلها استغفرالله مو صاحيه ملفته للنظر بعبايتها وعطرها ومكياجها الصارخ كل اللي بالمستشفى طالع فيها جلست ربع ساعه وطلعت معها وحده بالاوصاف اللي ذكرتيها وشنطتها بيضاء بحجم كبير جوري: والله هي هذي ريم راحت مع مين تركي: اهدي يابنت الناس دام مع حرمه ان شاءالله مايجيها شي جوري: انت سامعه وش قال عن هالحرمه قطب جبينه: امشي بسرعه البيت جوري: أ سحبها قدامه ع السياره ................... الساعه 4 العصر الكل متوتر وينها وكيف و وشلون ومن هالحرمه اللي راحت معها نزلت ام طارق ودمعتها على خدها: طارق قم ودني لجوري شلون تاخذ اختها وفجأه تختفي وتخليها وتروح البيت وطارق جواله مانزل من اذنه مكالمه ورا مكالمه ماخلا واحد من اخوياه اللي وقال يسأل اللي في المستشفى واللي في المرور وفي كل مكان بس مافي حس ولاخبر اخذها وتوجهوا لبيت ابو تركي وكان معهم ابو طارق ................ فتحت عيونها راسها حيل ثقيل هذا كله نوم لا مكانت نايمه هي كانت في المستشفى و وحده جت.......... لااااا منذر يانذل.. ابي اهلي الله لايوفقك الله لا ركل الباب وفتحه على مصراعيه دخل بكل غرور اساريره منفرجه وابتسامه واضحه ريم: وربي انك حقير حرام اللي سويته منذر: انا ولد الأكابر تعاملني وحده حثاله زيك بنفور ريم: انت ماخليت فيها نفور انا اكرهك اكرهك منذر: انطمي بس ريم: بس بعرف وش سويت لك والله ما اذكر غلطت عليك منذر: هو صحيح ماقد غلطتني بس آخر مره غلطتي الحين انا اللي انهي علاقاتي بالبنات تجين انتي بكل بساطه انا تبت الى الله ههههههههههههه ارحمك صراحه ريم: والله لو تطيح بإيد اخواني بتكون نهايتك بشعه باستهزاء: انتظر هاليوم بفارغ الصبر.. انا بعرف اخوانك وعيال عمك على وش شايفين انفسهم ريم: ياجبان اخذتني منهم على غفله منذر: لا يابابا طمعك جابك لين عندي وصرتي تحت رحمتي شفتي ان مثل جوع كلبك يتبعك لايق عليك ريم ببكاء مرير: والله عشان ابوي والا انا في الطقاق انا مستعده اسوي شي بس ترسل الفلوس لابوي منذر: الحين من جدك بعطيكم 700 الف ياشيخه لو تحبين آخر سما ماشفتي مني ريال ياساقطه ريم: كل تبن ياحيوان انا اشرف منك منذر: باين عليك معصبه خلاص ولايهمك انا بعطيك شي انما إيه يريحك ويخليك تطيرين مع العصافير توارى خلف الباب دقايق وجا ومعه ابره قرب منها بس ماقدرت تتحرك كان القيد محكم ريم: تكفى يامنذر الله يخليلك امك الله يستر على خواتك لاتسوي لي اي شي وانفضح وربي وثقت فيك وحبيتك من قلبي لاتسويلي شي لاتسوييييييييييييلي شي منذر: تدرين ليش سويت كذا لسببين عشان اخوانك وتركي.. تركي اللي ماقد شفته ويلحقني بالحكي لامت نفسها لانها هي اللي وصلت له كلام تركي عنه.. ريم: منذر لاتتهور وانا وش ذنبي هو اللي تكلم فيك يمكن سامع عنك شي منذر: طيب انا بقطع السنتهم وبنزل روسهم تحت رجلي .. على فكره ترا جلست مده افكر كيف انتقم منهم ولقيتك صيده سهله والا انا ناوي على شي اكبر .. ريم: فيه اكبر من كذا منذر:لدرجه ماتتصورين واعتبري هذا تربيه لك يالحيوانه وعطاها كف مالت بجسمها ع الارض .. مسكها تقعد: هذا عشان كلمة نذل وعطاها كف ثاني مالت بجسمها من الناحيه الثانيه: وهذا عشان توبتك ياخي تقهرون الوحده تلف من ورا اهلها لين تشبع وقالت انا تبت واستمرت كفوفه لها وهي تبي تبكي بس مافيه دموع.. صدمتها من الموقف ماتخففه الدموع انتقام غير مألوف وسبب تافه لتبرير افعاله بينما يعد الحقد والضغينه والحسد السبب الأوحد لما يمارسه مع ريم كان يعاني من عدم تماسك اسرته ويحلم بالترابط الاسري اللي كان يقول له عليه نادر كان يحلم يكون سليم معافى زيه زي باقي الشباب مع انهم مرتاحين ماديا بس ما انجرفوا خلف السموم اللي يتجرعها يوميا وكان المساعد في تدهور حالته غياب الرقيب فشافها طريقه يسوي فيها اللي براسه بدون خوف مسك عضدها وصار يبحث عن وريد ريم: انا اسفه والله اسفه بس فك قيدي ولاتسويلي شي.. خلني اروح والله ابوي بيصير له شي طنشها ودخل الابره في الوريد . . . مانيب داخله جيبيلي بنتي ياجوري جوري: والله يمه دخلنا للدكتور ويوم طلعنا مالقيناها ام طارق: اه يابنتي اه تركي: بس تطمني السكيورتي قال شاف وحده باوصاف ريم طالعه مع وحده يمكن صديقتها ام طارق: يعني احط يدي على خدي وانتظر لين تشرف مع هالصديقه جوري: يمه ادحري ابليس وادخلي اطلعوا برا ياحثالة المجتمع ابو طارق: انا جاي اسأل عن بنتي يامحمد ابو تركي: وتدورونها هنا؟؟ دوروها في الشوارع بعيد عن بيتي ام طارق: اتقي الله حرام تظلمها ابو تركي: اطلعوا برا بيتي ام طارق: ماراح اطلع لين تطلعين اختك ياجوري انتي خذيتيها من البيت ترجعينها تركي: خاله انا اللي بجيبها مايصير خاطرك الا طيب مانبي نسبق الامور يمكن عندها عذر ابوتركي: انسى انك تساعد هالاشكال فاهم تركي: يبه مايصير نتنكر لهم في هالمصيبه ابو تركي: يطلعون برا وانت شيل ايدك من السالفه ما ابي اعيد كلمتي جوري: عمي الله يهديك هذول اهلي واخوك من لحمك ودمك ابوتركي: بعآآآد ياجوري والله وطلع لك لسان ابو طارق: لو ادري انها اخطت والله لاقص لسانها جوري: ولاراح استرجي اخطي عليك بس موقفك مو موقف اخو مع اخوه ومع بنت اخوه الضايعه ابوتركي: شفتي طولة هاللسان ان ماخليت تركي يعرس عليك جزاء لك تركي: يبه انا ب ابوتركي: اسكت انت.. والحين تلمين قشك وتنقلعين مع اهلك .. وانهى الحديث بدخوله للبيت تركي واقف بلا حراك صار بين نارين التزم الصمت لان البيت بيت ابوه ومايقدر يعارض طلوع جوري ابو طارق: جوري جيبي عبايتك يا ابوي ام طارق: حسبي الله ونعم الوكيل حسبي الله ونعم الوكيل حاسه انه هو ورا اختفاء ريم ابو طارق: ان بعض الظن اثم لاتظلمين احد ياهيا تركي: عمي انا بجيبها بس تلم اغراضها وبتلقونا وراكم نزل فيصل ومنى من السياره وشافوا منظرهم "اكيد مشكله جديده" فيصل: السلام عليكم ابو طارق رد السلام واخذ مرته وتوجه لبيته منى تناظر في تركي وش صار ماشافت الا الاسى مختلط مع ملامحه جوري ماكانت فيه لان من لحظة وصول فيصل دخلت منى: وش صار تركي: ادخلوا ادخلوا .............. اهل رشا بعد ماعرفوا انها اجهضت اصرت امها تاخذها عندها وتطلق لكن ابوها رفض لانه مايبي يخسر فلوس اذا بتخلع نفسها لان زوجها رافض مايطلق الى ماترجع له كل شي ام رشا كان عندها استعداد لأي شي المهم ان بنتها تتخلص من حياة البؤس اللي عاشتها وللآن مارسوا على بر رشا كانت ساكته تبي تخف وبعدها تفكر وتتخذ القرار المناسب ............... وصل الشرقيه وبعد ساعتين عنده موعد مع الشخص اللي معه الاوراق الخاصه بالشغل دق جواله تأفف فواز من اليوم يدق عليه وحالته النفسيه ماتسمحله يرد على احد.. قرر يرد يمكن عنده شي مهم: هلا فواز: يا ابن الناس وينك نادر: بالشرقيه وش فيك فواز: والله مدري وش اقول نادر: لاتخوفني وش فيك فواز: مو قبل فتره قلت لي اراقب منذر نادر: ايه فواز: هاليومين سمعته يخطط على وحده وصرت ملازمه مثل ظله.. اليوم كنت بالدوام و وكلت واحد يراقب بدالي وقال لي انه اخذ وحده من بنات الاستراحه وراح ياخذ وحده ثانيه من المستشفى ودام اخذ وحده من بنات الاستراحه فأكيد الدعوه فيها استدراج نادر: طيب!! فواز: يمكن تكون بنت عمك نادر: لا ويييين بنت عمي ماتطلع بروحها ابد يمكن وحده من صديقاتها فواز: والله يمكن .. قلت اخبرك بس الحمدلله ماطلعت هي... وقفلوا دقيقه ودق جواله مره ثانيه وهو مرهق وده ينام: هلا تركي تركي: اسمع يانادر فتح مخك نادر: معك معك شفيك توه تركي بيتكلم شاف نادر انتظار مكالمه من صاحب الموعد والاوراق نادر: تركي تركي هذا عبداللطيف ال... برد عليه مابي مشاكل من ابوي تركي: زين دق علي لاتنسى نادر: ان شاءالله.. يلا سلام ............. اتجهت للشماعه خذت عبايتها ولبستها بكل هدوء.. دخل وراها واتكى عل الباب كاسره خاطره من خذاها ماشافت يوم حلو لبست الطرحه: من قدك تركي: ليش جوري: اخيرا بنتحرر تركي: وش قصدك جوري: مايبيلها واضحه ومبروك مقدما تركي: وش تخربطين انتي جوري: انا بصراحه ارشح رشا الله يوفقك معها ونزلت دمعه يتيمه على خدها راح لها وضمها حاولت تفك نفسها احكم لف ذراعه حولها: روحي مع اهلك وان شاءالله باخد لنا بيت وننقل انا وانتي جوري:خلاص ياتركي قاطعها: فكري في ريم وادعي لها لاتفكرين في شي ثاني وانا ماراح اتخلى عنكم.. طبع قبله على جبينها وهي بين مصدقه ومكذبه . . . . . ابو فيصل: مابي اشوف واحد منكم في البيت سامعين ام فيصل: ياسلطان وش يسوون يعني? ابو فيصل: لايرجعون الا وهم جايبين علم عن ريم فيصل: ماطلبت شي يبه ماراح اخلي مكان الا وسألت فيه حمد: والله خايف ان عمي محمد ورا غيابها لانه وصوله صادف اختفائها ابو فيصل: لا عمك محمد ماظنيت يسويها فيصل: حمد خل عنك وقوم لانظلم احد. ............... على رجعته من بيت جوري دق جواله: هلا دحيم عبدالرحمن: اسمع انا بمسك الدائري وانت الشمال نبي نتوزع مدري وش فايدة الشرطه تركي :هم اعرف بالاجراءات حنا نسوي اللي علينا والباقي على الله عبدالرحمن:زين يلا سلام دق جواله كان نادر:الو تركي:هلا توك تفضى نادر: لاوالله باقي بقابله وش بغيت تركي: طايحين بمشكله وين مشكله الا مصيبه يانادر نادر: وشو تركي: جوري كان عندها موعد في المستشفى اليوم وراحت معنا ريم .. دخلنا عند الدكتور نادر بقمة عصيبته: لالالالالا لاتكمل تركي: وشفيك نادر: بنت عمك مع منذر!! تركي: وش دخل منذر نادر:الحيوانه معه.. تو فواز قال لي ىان مراقبه وخذاها من مستشفى ال..... ضرب الدركسون بكل قوته: قول غيرها قول اي شي نادر: بسرعه الحق عليها قبل لاتنزل روسنا بالارض واذبح هالمنذر الله لايوفقه تركي: اخ لو يطيح بيدي انا ما اعرف فيه الا سمعته البايخه من الشباب مو هو ولد مطلق عبدالله ال..... نادر:ايه هو بسرعه تركي: وش بسرعه اقولك سمعته واصلتني والا انا ماقد شفته بحياتي نادر: تصرف ياتركي.. دق ع العيال وقال لهم وبلغ الشرطه على اساس البنت مختطفه بس احساسه يقول راحت برضاها ............. فاقت مخدره تماما والدم تجمع حول معصمها من ربط الحبل منذر : صح النووووووم.. جوعانه استرجعت اللي صار: وين انا منذر: في الكره الارضيه ريم: تكفى رجعني منذر: اوووما عاد تونا في بداية اللعبه ريم: منتب خايف يكشفون انك مختطفني منذر: لا انتي جايه برضاك ريم: استغليتني واستدرجتني منذر: ليش طفله ريم: الحين تلقاهم قالبين الدنيا علي منذر:قضايا الاختطاف تاخذ احكام سنين بس فيما لو وانا اقول لو كشفوني بطلع بنفس اليوم ريم: وين بتروح من ربي منذر: لاتتبعين هالاسلوب معي وزين انك صحيتي موعد الجرعه الثانيه حان ريم: وش بتستفيد منذر: اشياء كثير اولها مسمى مدمنه الحين انا مدلعك كل جرعاتك بلوشي بس اذا تمكن مفعول الكيف وتغلغل في دمك بصير ابيعه منك نذاله.. واتحداك تلقين هالنوع عند غيري يعني زي الكلبه مهما رحتي بترجعين ريم: حسبي الله عليك الله ينتقم لي منك الله يسلط عليك اعدائك منذر: انطمي بس والله لو ماتسكتين لتشوفين شي عمرك ماشفتيه وجا بيعطيها الجرعه ريم:لحظه لحظه تكفى منذر: وش تبين ريم: بصلي الفروض اللي طافت منذر: شكلك بتلعبين بس من الحين اقولك الفله مافيها الا انا وانتي والابواب كلها مقفله وطلع كومة مفاتيح قدامه ريم: بس بصلي منذر: اوك.. وقام اخذ جوالها وفك قيدها وطلع من الغرفه وسمعته يغلقها بالمفتاح تحسست مكان الحبل وشافت نقطه صغيره كانت اثر الابره : الله لايوفقك انا غبيه اوافق مدري كيف وثقت فيه الحين وش بيقولون اهلي وانا ربي يشهد اني ماسويت كذا الا عشان ابوي قامت توضت وطلعت تدور سجاده مافيه ..وحتى لو لقت شلون بتعرف اتجاه القبله شافت غروب الشمس تذكرت طريقة ابوها في معرفة القبله دعت له في سرها ولبست عبايتها واتكلت على الله وصلت الفروض ............... راح ابو طارق وطارق وتركي للشرطه وقدموا بلاغ ضد منذر سألهم الضابط تشكون في احد ثاني طارق كان وده يقول عمي محمد بس تقديرا لتركي وفزعته تغاضى ................. في الاستراحه كان واقف عجزان يسلم فما احد انتبه له غير النمر لانه بعيد.. سلم عليه : وينك انت - : المدام تعبانه بس ها بيني وبينك ما ابي احد يعرف اني متزوج النمر:خلاص حفظت هالاسطوانه ماتشوف شر -: مايجيك الشر النمر: وسع صدرك انا جايب بنات يهبلون شف هذيك وحده من العينه -: خلها تجي تسليني راح النمر وجاب بنتين:سوسو لي وميمي لك وطالع في البنات: صبايا هذا المعزب سلموا عليه وقعدوا -:يسلم لي هالقد المياس ميمي بضحكه سافرره:يسلم لي طولك وعرضك وتمد له الكاس -: شكرا ياعسل بس مابي الحين ميمي :ههههههههههههه وتكلم النمر الظاهر صديقك مستعجل يلا قوم معي عرف قصدها:لا ياعمري انا جاي ابربر اسولف .. مو كفايه حبي؟؟! ميمي وعيونها بعيون النمر:الظاهر صديقك مطوع استحقرها واستحقر استهزائها:مو مطوع بس تبينها على بلاطه انا عمري مازنيت ميمي بضحكه فجرت المكان:ههههههههههههههههااااااااي اجل وش جايبك هنا وليش فاتح هالوكر .. اصلا دخولك هنا وانت تدري انه حرام هذي بحد ذاتها اكبر معصيه ياشيخ فوق لنفسك ههههههههههههاااااي مطوع زمانه قام عنها لان كلامها استفزه وده ينحرها وكل مامشى صدم بأحدالاستراحه صارت زحمه :اقول شباب حركوا نروح الاستراحه الثانيه اكبر بكثير هنا زحمه مره يلا قوموا مانبي نضيع اي دقيقه وقام الكل بسرعه طلع هو وتقدم قبلهم وشغل سيارته كان بيسبقهم ع الاستراحه الثانيه دق جواله:وش عندها الزفته -: خير طلعت اخته استغرب: سود الله وجهك ولك عين تنافخ -: ترا مالي خلق وش تبين ام ايمن: الحين تجي توديني لرشا -: اجليها يامها الحين ما اقدر ام ايمن: احتريك اخلص علي -: مانيب جاي مشغول ام ايمن: لايكثر تعال الحين لاتفور لي دمي "اصلا احس اني مخنوق من كلام هالسافره ميمي وماودي اقابلها" كان عارف في قرارة نفسه ان معها حق وحس باحاسيس غريبه وماكان مرتاح من اللي هو فيه وحول اتجاهه لاخته ................ خلصت صلاتها رفعت ايدها يارب اغفرلي يارب تب علي واسترني .. يارب ارحمني برحمتك يارب والله ندمانه ادري هالطريق نهايته شينه بس الله يلعن ابليس زين لي المعصيه يارب انت تدري ماسويت كذا الا عشان ابوي والا انا عمري ماطلعت مع احد يارب اوعدك اتوب عن هالطريق وما ارجع له مهما صار يارب يارب يارب رد كيده في نحره وانتقم لي منه الله يفضحه اذا كان ناوي يفضحني وبكت بكت بألم وبحزن يقطع القلب كانت ضربات قلبها تنبض بقوه ودايخه وتنفسها صعب اكيد مفعول الجرعات اللي عطاها اياها.. شافت شي ع الطاوله قامت بسرعه له بالرغم من الالم اللي يسري في اوصالها شافت ان هالشي كان بالنسبه لها طوق النجاه .. ومسكته قبل يجي منذر .. ............ مرت 3 ايام والوضع متردي ومتأزم الشرطه ماخلت مكان الا وتدور منذر كأنه فص ملح وذاب ماخلوا احد ماسألوا عنه وكانوا متكتمين الا فواز الوحيد اللي كان واقف معهم.. ام طارق وابو طارق حالتهم تشكي لله العايله كلها مو مستوعبين من اللي صار معقواه اختطفت بس رجل الامن قال كانت تمشي عادي مو باين انها مختطفه كانوا يفكرون معقوله برضاها راحت .. اكثر وحده متأثره ساره لان ريم اكيد احد احتواها يوم كانوا ضدها ولعب في مخها واكثر شي راسخ في ذهنها يوم حفلة عيد ميلاها والورقه اللي مكتوب فيها "اتق شر من احسنت اليه" كانت رساله تحذيريه ............. كان في غرفه عند اخته يحس بضياع حابس نفسه فيها ثلاثه ايام ومقفل جواله مايبي اي احتكاك مع احد ومايدري وش يسوي لين متى هالنفسيه مازالت كلمة ميمي ترن في اذنه مطوع زمانه "اسكر واحشش واسوي اشياء تغضب الرب يعني بسوي فيها اني رجل صالح لاني ما اقرب الزنا" وتذكر ام ايمن بعد مارجعوا من عند رشا حطت شريط بالمسجل لان ماعندها تلفزيون كان الشريط من المحاظرات اللي تشلع القلب بس في نفس الوقت مؤثره مكان يبي يسمع شي لانه حتى صلاه مايصلي ويخاف لزمت عليه يسمع ومن يومها انقلبت نفسيته يعني لمتى هالحال لمتى بيعيش حياة الضياع هذي اول شي سواه توجه لتوت بيقول له لاعاد يجيب ام الكباير ذي حرك سيارته وراح لبيته ............... تأخر نادر في الشرقيه وقلبه معهم بس الرجال كل يوم له كلمه وكل يوم موعد كلم ابوه يبي يرجع الرياض لين مايفضى الرجال بس رفض ... كان يغلي قهر وده لو يطيح منذر في يده ............... وصل بيت توت لقى فيه سيارة شرطه واقفه عنده" اكيد كشفوا الاستراحه والبلاوي" وانحاش كان عنده شقه بالخرج وصلها زي البرق دق على اخوياه محد يرد نزل الكابينه عشان بيدق على تلفونات بيوتهم دور على اي رقم بيت يخص واحد فيهم لقى رقم توت دق ردت عليه وحده عارف صوتها هذي امه: نعم -: وين طلال امه: اتركونا بحالنا الله لايوفقكم قولوا امين وقفت بوجهه استغرب شفيها وش قال هو وطلع من الكابينه شاف رجال هيئه ارتعد وخاف حده مشى من عندهم لان سيارته كانت وراهم فجأه شاف واحد ملتزم بعد التدقيق تذكر انه صديق له ايام الجامعه''ماشاءالله يهدي من يشاء'' نواف من بعيد: يالاخو التفت له: هلا هلا نواف.. صافحه بايد ترتعش نواف وزاد وجهه نور:هلابك والله وش اخبارك عاش من شافك كان يطالع في هالملتحي سبحان اللي يغير ومايتغير-: تعيش ايامك يهدي من يشاء ابتسم نواف: اي والله يهدي من يشاء بعد ايام الدشره الله لايعيدها بانكسار:الله يهدي الجميع نواف:وش جابك للخرج عساه خير -: هاا خير بس جاي لواحد هنا تعبان وكذا عبدالرحمن: الله يشفيه -: لاوالله جاي اسلم ع الوالده وراجع الرياض.. عندي قضيه ياشيخ هالدنيا بلاوي انت تدري اني اشتغل في الهيئه بعد ربي ما اكرمني بالهدايه بلع ريقه: ماشاءالله وش القضيه استأنف: كنت انا والاخوان ندرس وضع القضيه الله لايبلانا ويستر على الجميع وقبل ثلاثه ايام جابوا لنا شله الله لايوريك بنات وشباب كانوا في حفله ماجنه نسأل الله الثبات فكر انه من رواد وداعم هالحفلات وقال مستنكر:اناااا لله نواف:الله يهدي شباب وشابات المسلمين -:امين ويجي واحد يكلم نواف التفت نواف:يلا عن اذنك الواجب ينادي لازم امشي الحين الرياض حاول يبتسم:في امان الكريم مشى نواف مع الرجال مسافه يعني كان بامكانه يسمعهم نواف يكلم اللي معه:انا اللي اثر فيني نهاية بعض اللي كانوا متواجدين في هالحفله تخيل لقوهم متفحمين تماااما ويحاول يتذكر على ماقال الضابط كان خمسه شباب وثلاث بنات الرجال:سبحان الله وشف السبب التماس في الاسلاك ادى الى هالموته البشعه ارتعش اول ماجا يفتح باب السياره سوا نفسه كان يطالع السياره او ان الباب مانفتح مايدري بالضبط وش يسوي اهم شي يبي يسمع اللي بينهم نواف:انا مارحمت الا ام واحد منهم يوم حكالي الضابط عنها يقول منهاره وتتحسب على اصدقاءه اللي ضيعوه تدري اني بكيت وهو يحكي لي ذكرني وش اسمه؟ الرجال:كان اسمه هشام مبارك اعوذ بالله موتته جدا بشعه كانت زي الصاعقه نزلت عليه مو مصدق اللي يسمعه''اكيد تشابه اسماء انا لازم اتأكد'' طلع شقته دق صديق قديم بعد السلام والتحيه صديقه: ثلاثه ايام مختفي وينك خفنا عليك -: شفيك صديقه: كنت متأكد بيأثر عليك موت النمر والشله ضحك ضحكه هستيريه:يارجال حرام عليك تتفاول عليه صديقه:استغفرالله مااتفاول عليه الناس كلها تدري حتى الاخبار بالتلفزيون انشل لسانه وطلع الرياض الهروب ماراح ينفعه وصل البيت وقف بالصاله ومره يمشي بينجن ''انا ليش ما ادق على النمر كلهم كذابين يتفاولون عليه''كانت حالته صعبه دق على جواله مغلق وكلهم مغلقه جوالاتهم رجع دق على النمر مره مرتين ثلاث عشر ويأس يلقى رد بس باقي عنده امل دق على صديقه مساعد هو ضابط مساعد:الو -:السلام عليكم مساعد:وعليكم السلام هلا -: تمام ا ا ... مساعد:شفيك اي خدمه لاتردد خيرك سابق -:هااا لابس في واحد اعرفه يبي يتأكد من هالخبر اللي هابين فيه الناس مساعد:اي خبر -:حريقه ومدري وشو مساعد:قصدك الحريقه اللي بالاستراحه احتقن وجهه اكثر من اول:و وشش ص صار بالضبط مساعد:هذا طال عمرك واحد ابوه تاجر اهمل تربيته دايم يسوي حفلات ماجنه في استراحاتهم لكن تجري الرياح بما لاتشتهي السفن اخر حفله ماجنه وزي ماهو واضح عندي بالاوراق ان واحد بلغ بعد ماشاف حريقه مالها مثيل والسبب كان التماس زي ماقال لي الضابط المسؤول ويوم راحوا الاسعاف والشرطه لقوا نص هالشله محاصرين بين النيران ولقوا كذا جثه لشباب وبنات متفحمه تفحم كلي ماتعرفنا عليهم الا بعد تحليل الدي ان اي فك ازار ثوبه يحس باختناق: اققق اقدر اعرف اسماءهم مساعد:الكل يدري عن اسمائهم وطالع الاوراق وقعد يقوله الاسماء وصل اخر اسم ورعد مبارك هذا ساعد في تفحمه اكياس النايلون اللي كانت بجيوبه تحتوي على حشيش وحبوب كان يبيعها لصاحب الاستراحه -: طيب سمعتهم يقولون كان معهم واحد ينادونه النمر مساعد: نص التحاليل ماطلعت يمكت يكون واحد منهم ... قعد عالارض تنفسه صار سريع:ط طيب ممم مشكور مساعد:ليش مهتم وتذكر اووووه نسيت انك قايل ان واحد تعرفه يبي يتأكد قفل منه رمى شماغه انهمرت دموعه بغزاره "لو مت مع رعد وانا بينهم ابعث ذلك اليوم على هالصوره " تذكر عناية الرب الالهيه هو كان بيروح واصلا هو اول واحد حرك سيارته بس في اخر لحظه دقت عليه مها وقام من مكانه مصروع وراح ............. .. .. .. |
البارت(( 17)) . . . . طول يومه يدق عليها ماترد حاس ان فيه شي ناقصه ردت بصوت تعبان: هلا تركي: هلابك جوري سكت مايدري وش يقول جوري: ايوا تركي شفيك تركي: بتطمن عليك استنكرت الكلمه: مشكور بس اظن انت عارف الوضع تركي: ياقلبي لاتشيلين هم بترجع لنا ريم جوري: ايش؟؟ تركي: اقول لاتشيلين هم بترجع لنا ريم لوما اختها للآن ماتدري عنها شي كان صارخت باعلى صوتها من فرحتها بس هالفرحه ماتدري بتدوم او لا ماتدري اذا كان هذا شفقه منه عليها او حقيقه ضايعه بكل معنى تحمله كلمة ضياع.. مو عارفه هل هذا هو تركي فعلا او غيره.. جوري:ابوي وامي تعبانين عليها.. تكفى ياتركي لاتتخلى عننا حتى لو وقف عمي ضدك.. تركي: ماراح اتخلى عنك لو وش مايصير جوري: مشكور تركي: لاتشكريني انا زوجك بسوي اي شي عشانك جوري: مصخن انت؟؟ تركي: ليش جوري: مدري عنك تركي: لاني مسالم! جوري: تقدر تقول تركي: تعودي جوري: انت عارف وانا عارفه قاطعها: اسمعي انا بقول لك حاجه ..وعارف انه موب وقتها تنقال جوري: تركي لاتكمل.. قرارات عمي اكبر مني ومنك تركي: طيب اسمعيني.. ممكن جوري: تفضل تركي: داري كلام ابوي مأثر عليك.. بس صدقيني انا انجبرت مره وحده ولايمكن انجبر مره ثانيه تحت اي ضغط جوري: براحتك.. اصلا حنا مو لبعض من البدايه تركي: من قال جوري: انا اقول وتصرفاتك معي تدعم هالكلام تركي: ماني معصوم عن الغلط جوري: افهم انك ندمان؟؟ تركي: اللي ابيك تفهمينه لو تنطبق السماء ع الارض ماخذيت غيرك وفسري هالجمله مثل ماتبين صدق ظنها انه ماراح يعتذر ولاراح يصرح انه ندمان.. بس هي محتاجه لهالتصريح عشان يخفف وطأة اللي تعانيه من افعاله الماضيه واختفاء اختها وتكالب المصايب اللي احاطت العايله من كل جهه: كيف؟ تركي: لكل حادث حديث جوري: طيب انا بقفل تركي: جوري سكتت تركي: بمرك اوك جوري: ليش تركي: خلاص انسي يلا باي جوري: لحظه تركي: خير ترددت بس كملت: وش صار ع الموضوع اللي كلمتك عنه تركي: حليته جوري: ماتقصر يلا مع السلامه.. وقفلت سبت نفسها في نفسها.. ليش تبعد عنه حتى لو انه شفقان عليها مفروض ماترده كذا لانه تحبه من اعماق قلبها بس هالكلام وهالافكار ماهيب وقتها لازم تحاتي اختها وزي ماقال لكل حادث حديث ............ رجع نادر الفندق بعد ماتقابل مع عبد اللطيف ووضب اغراضه وبيمشي للرياض يبي يكون متواجد في ظل الظروف المؤسفه طول جلسته مع عبداللطيف عقله مو معه مو قادر يركز .. رتب الاوراق في حقيبه دبلوماسيه بس كانت ناقصه ورقه دورها مالقاها اكيد نساها بس مايدري وش فيها بالضبط.. رجع الرياض.. واتجه على طول لفواز الموضوع مايحتمل التأجيل بعد عناء لقى فواز خذاه بسيارته لاقرب كوفي بس رفض فواز ماينزل اي مكان خايف واصر انه يقعد بالسياره نادر: شفيك بخوف: ولاشي نادر: انت مالك يد في الموضوع منذر الحيوان هو راس الموضوع.. وابيك تدلني على مكانه فواز: الشرطه بأنفسهم مالقوا له اثر نادر: تبي تفهمني انك ماتعرف مكانه فواز: والله ما اعرف مكانه ولا ابي اعرف بتوسل: تكفى فواز لاتخذلني المسأله فيها عار وانت عارف عايلتنا شلون تثأر في هالمسائل فواز: مدري والله العظيم مدري وين اراضيه ضرب الدركسون بكل قوته: يعني شلون خلاص نستسلم؟؟ فواز: انا خايف نادر: تخاف منه.. ياحيف ع الرجوله بس عصب: انا ارجل منك ومنه نادر باستهزاء: ايه مايحتاج باين سحب فواز القلم اللي بجيب نادر ومسك ايده وجلس يكتب نادر: هييييه انت وش تسوي فواز: هذا رقم لوحة سيارته .. وطلعني من هالموضوع خير شر.. وجا بيفتح الباب بيطلع نادر كان اسرع منه وبضغطة زر تقفلت ابواب السياره فواز: افتح الباب نادر: آسف .. ابي اعرف سر خوفك.. اذا مو من منذر وش خايف منه فواز: نادر الله يرحم امك انا واحد على باب الله اصرف على امي وابوي ومالهم غيري نادر: ماسك عليك شي هالقذر؟؟ شفيك كنت في البدايه معنا والحين تراجعت تردد يقول او لا.. وبعد تفكير انهار وطلع كل المستخبي وحكاله وعيون نادر بتطلع من اللي قاعد يسمعه .............. ام تركي: يارب جيب العواقب سليمه منى: لاتشيلين هم العيال والشرطه ماراح يقصرون ان شاءالله يلقونها ام تركي: خالتك هيا تكسر الخاطر.. صح مو بنتها بس يعلم الله اني ماقد شفت احن وحده على ريم زيها ندى: والله اللي سوته ريم شي كبير.. ياويلها منهم.. اول وحده بعايلتنا تنحاش مع واحد ام تركي: استحي على وجهك واتقي الله لاتظلمينها ندى: وش قلت انا .. هم اللي قالوا طلعت مع واحد.. منى: والله شي محير بس مانبي نظلمها ام تركي: اي والله ترا الظلم من ظلمات يوم القيامه ندى: والله يمه ماظنيت فيها الشينه ..تربية عمي عبدالله ماعليها غبار بس ترا الشيطان شاطر منى: هذا انتي قلتيها الشيطان شاطر وهو اللي قاعد يخلينا نفكر افكار غريبه عنها.. ام تركي: مالنا الا ندعي لها ندى: الله يرجعها بالسلامه ومايصيبها مكروه ام تركي: امين.. دخل عبدالرحمن: منى رجلك برا ام تركي: قول له يدخل منى:لا يمه مافي وقت جاي ياخذني بروح لعيالي ام تركي: روحي يمه هذول حشاشة جوفك لايلهيك شي عنهم منى: طيب.. وراحت ندى: عبدالرحمن بشر مافيه اخبار تهالك على اقرب كنبه: للاسف مافيه سود الله وجهها الفاجره ام تركي: دحيم عبدالرحمن: وانا وش قلت يعني عقب اللي سمعتوه بتدافعون عنها؟ ندى: يمكن السكيورتي غلطان عبدالرحمن: اوك غلطان.. طيب وصديقه بعد غلطان ؟ ام تركي: الله يرضالي عليك اذا مابيدك شي تسويه الافضل تسكت ............. راح لرشا.. هذا اول شي فكر فيه طلع له اخوها الصغير -: وين رشا عماد: لحظه اختفى عشر دقايق بعدها جت الخدامه: بابا يقول روح -: ترا بفقع وجهك بسرعه ناديه خافت وقفلت الباب بوجهه حط ايده ع الجرس وحلف مايشيلها لين يطلعون له طلع ابوها بعيون كنها جمر من العصبيه -: عمي ابو عماد: عمى يعمي هالثنتين اللي تناظر فيها -: مقبوله منك ابو عماد: غصبا عنك وعن اللي جابك -: ممكن اكلم رشا ابو عماد: ياللي ماتستحي بكل بجاحه جاي برجلك هنا.. انسى انك كنت متزوج رشا -: بنسى بس تكفى ابي اقول لها كلمه وحده ابو عماد: ولانص كلمه ويلا انقلع برا اسوار بيتي -: تبيني اطلق؟ ابو عماد: بالطيب بالغصب بتطلق.. وانا اللي بدفعلك كل شي ياظالم -: انا الظالم والا انت اللي اعتبرتها صفقه ناجحه عشان توسع مشاريعك ابو عماد: ماراح انكر وانا معترف.. والاعتراف بالغلط مو عيب.. لكن العيب ان الواحد يستمر بغلطه.. وانا بصلح هالغلطه لو دفعت اللي وراي ودوني.. حرمتها الخلفه الله يحرمك نفسك قل آمين -: آمين ابو عماد: وبوجه قوي تقول آمين -: لاتفتحلي محاظرات ابو عماد: فلوسك بتجيك ع الجزمه ويلا برا -: مابي فلوس ولها الدبل تعويض.. مع ان مافيه شي بيعوضها.. وقول لها تحللني وتبيحني وهي طالق بالثلاث!! تفااااااجأ ابو عماد كان مجهز محامي شاطر عشان يرفع قضيه عليه وكان حاط في باله انه بيشن حرب معاه ومع ابوه بس جد تفاجأ من ردة فعله ............. مهمومه على بنت عمها بس همها الاكبر كان نادر خذت رقمه على غفله من ندى اكثر من مره تفتح جوالها بتدق عليه وتتراجع اللي تسويه غلط بس وش تسوي بقلبها واذا دقت وش بتقول له احبك... تعال تزوجني لا مستحيل تسوي كذا كان عندها اطنان من المشاعر المكبوته لازم تطلع منها شي بأي طريقه ارسلت له رساله كم لي وأنا أقابلك في النوم وأصحى بك.. وإن هلت دموع عيني أنت مبكيها! كم جابني الشوق ملهوف على بابك.. وأنا أردع النفس في بعدك وأعزيها! إن جيت للجد ماأقوى لحظة غيابك.. هذي حقيقة شعوري مقدر أخفيها! ............. تعب من الفرفره يدور اخته بلهفه ماهمه اي شي غير انها ترجع لهم سالمه.. كان وقت آذان دخل اقرب مسجد بيصلي وقف بآخر الصف وكبر مع الامام خشوع وتذلل وانكسار في سجوده لعل الله جل وعلا يفرج كربتهم انتهى من الصلاه جلس شوي ثم قام بيصلي السنه.. على رفعته لايدينه ولعيونه الله اكبر لمح شخص مو غريب هو الشخص المنشود هذا منذر كان يصلي على يمين مدخل المسجد مايدري وش يقول بصلاته كان وده يخلص قبل يفلت من ايدينه مو هذا اللي اشتبهوا فيه انه كان مع ريم يااااالله ركعتين كنها خمسين ركعه توه بيسلم شاف منذر طالع من المسجد خلص وراح وراه بس انطلق بسيارته " اكيد ساكن في هالحي" دق على طارق: طارق طارق: هلا خالد: توني شفته بحي.... طارق: لاتقول منذر خالد: بشحمه ولحمه طارق: امش وراه لاتضيعه خالد: ضيعته خلاص طارق: ياااابردك بكل بساطه يضيع منك خالد: لاتهاوش.. اتوقع انه ساكن بالحي طارق: طيب وش استفدنا خالد: ع الاقل نبلغ الشرطه تسوي للحي تمشيط طارق: زين زين بتصرف ............ راح نادر للشرطه وعطاهم رقم لوحة سيارة منذر وطلع من عندهم وكله امل انهم يلقونها شاف جواله اكثر من مسج بس فيه رقم غريب رسالته مؤثره بس كالعاده طنش ماهي اول مره تجيه رسايل من ارقام غريبه رجع البيت ما ارتاح من عقب وصوله من السفر شاف امه وابوه واخوانه سلم عليهم كانت وجيههم تعبر عن اللي فيهم ماحب يفتح الموضوع معهم ابو تركي: وش صار على الصفقه نادر: كل شي تمام ابو تركي: هات الاوراق وتعال نراجعها ام تركي: خل الولد يرتاح توه راجع من السفر ابو تركي: وش هاللقافه اللي فيك وش دخلك بين الرياجيل انصدمت من حدة رده عبدالرحمن: يبه الله يهديك شفيك ابو تركي: لاتتدخل انت الثاني نادر: لاحول ولاقوة الا بالله ابو تركي: اخلص علي وتعال نادر بحده: عقب ما ارتاح بجيك.. وش شايفني ما احس حتى الحمير تحس صدمه قويه.. نادر الطيب يطلع منه كذا جانب سيئ للغايه وعلى مين يظهر هالجانب على ابوه ابو تركي ماتكلم من هول الصدمه عبدالرحمن: نادر ترا مايصير رفع ايده من ورا كتفه: بصعد غرفتي انتم راعين طويله وطلع وخلاهم بذهولهم دخل سيدا الحمام اخذ له شور وطلع لبس وتمدد محتاج للراحه شاف جواله يومض لانه كان صامت ضيعتني من يديك .. وانا اللي مجنون فيك.. ياخسارة حبي فيك.. ضيعت احلامي بيديك.. " وش قصة هالرقم" دق مع انه مو من عادته بس محد يشيله اقل من الدقيقه وجت رساله أنا عمري بقايا شمع أحرقني الأسى والدمع إذا مافيك ترحمني أحرق مابقى مني.. نادر" ياليل البعارين" وارسل اكره هالسماجات من انت جاه مسج بسرعة البرق وحده تحبك ارسل: اها وحده ..الله يعينك .. من عطاك رقمي ارسلت: جبته بطريقتي بس عشان اقول لك اني احبك والله احبك ارسل: منتي خايفه اشوف الشريحه باسم مين ارسلت: عادي كل مايهمني يوصل لك احساسي ارسل: عموما انا مو من هالنوع ماراح اسأل وراك.. وياليت تفكيني شرك ارسلت: بعطيك قلبي ودور داخل اشواقي .. يمكن تشوف الغلا وشلون ذابحني .. قراها وطنشها وتلحف بينام دخل عليه تركي بكل قوته فز: وش عندك تركي: وشلون تكلم ابوي كذا نادر: شكى لك تركي: ياخي استح انهبلت انت يوم ترد عليه كذا نادر: ابوي يرفع الضغط تركي: نادر وش تقول انت اشوف الحشيمه راحت نادر: والله من حر مافيني تركي: داري احر ماعندنا ابرد ماعنده بس هذا ابوك تعرف معنى ابوك نادر: والله ياتركي ندمان في لحظة غضب طلع هالشي .. طلع وقفل الباب وراه ............. طلعت البوم زواجها كان القصد تبي تشوف ريم لان مالها صور ماكانت تحب تتصور بسبب سمنتها مع انها مو سمينه مره.. ويالله وافقت يوم تتصور بالحاح من دانه يوم عيد ميلادها بدون ماتدري ان هالصوره بتتكبر ويسوون لها مفاجأه شافتها بالصوره ابوها على يمينها وجنبه طارق وخالد وعلى يسارها امها وريم دققت في ريم كانت مبتسمه " ااااه ياريم وينك ان كانه ملعوب عليك الله يرجعك لنا بصحه وسلامه .. وان كان برضاك فياحسافه مليون حسافه" انسابت دموعها على وجنتيها تذكرت ايامها معها كانت الاخت والصديقه وكل شي.. يمكن عيبها الوحيد انها تتحسس من جمعات العايله وكانت تتعذر عن الروحه بأي طريقه .. ماكانت تدري وش سبب تصرفها دايم تنهرها وتخانقها على كلامها فيهم ..بس اثاريها كانت شايله بقلبها مالاتقواه الجبال " ياحبيبتي ياريم مالحقتي تتهنين بروحتك لامك الله اعلم اي مصير ينتظرك" قلبت الالبوم شافت تركي بعيونه الناعسه ورموشه الكثيفه اللي معطيه ظلال على عيونه مخليها تبان كأنه مكحل امعنت النظر في الصوره كان طويل وشامخ بس اقصر بحاجه بسيطه من نادر كان قريب من عبدالرحمن شكلا وطولا " ليتك حلي وحلالي انا لوحدي بس .. لكن الظاهر ماراح يتحقق هالشي.. ودي احارب عشانك بس وش الشي اللي يحدني على قربك.. قرب الألم والقساوه" ........... دخل المستشفى متخفي لابس نظارات ونابت له عارض كثيف غير ملامحه مايدري وين يروح ومين يسأل مايبي احد يشك فيه كذب الناس والتلفزيونات يبي يتأكد بنفسه دخل على صديق له دكتور بنفس المستشفى حمود: اهليييييين -: هلابك زود سلموا على بعض وقعدوا حمود: ياخي تفجع ورا شكلك كذا انت لازمك سرير خل نفحصك -: لالالا مايحتاج انا جاي في خدمه بس حمود: آمر -: مايامر عليك عدو بس خل هالشي بيني وبينك.. تدري عايلتي سمعتها فوق ما ابيها تتدنس حتى لو بشكوك حمود: افا عليك بس ارقد وآمن -: ابسألك عن حريقة الاستراحه لاني عرفت انهم جابوا الضحايا هنا حمود: يااااالله صراحه مؤسف اللي صار ومرعب.. اشكالهم استغفرالله قمة الشناعه -: ليش وش صار علمني بالضبط؟ حمود: غريبه تسأل عنهم -: لا بس فضول ودي اعرف كل شي حمود: والله ابد التماس في احد الاسلاك. ادى للحريقه واصلا ربي كان رايد هالشي يصير عقاب لهم ويكونون عظه لغيرهم.. ياخي تعرف الرماد بعضهم اطرافه من قوة ما احترق صارت رماد سرت قشعريره بارده في اطرافه حمود: معظم الضحايا ماتوا من الاختناق اما الباقي تفحموا -: سمعت ان اللي تفحموا كلهم ماتوا حمود: لا هذي شاعات تسربت بفزع: من اللي مامات منهم حمود: طال عمرك هذا واحد اسمه سعد يلقبونه بالنمر والثاني مشعل يلقبونه بتوت حالتهم خطيره ما اتوقع يعيشون دمعت عيونه حمود: والله الكل تأثر عليهم وخاصه على صديقهم الثالث.. ينادونه ابو المجد اسمه رعد مبارك..مات موته مفزعه الله لايوريك ساح مع الاكياس اللي بجيوبه اعوذ بالله كان مروج خبره في الدموع من هو صغير لكن الحين بكى من قلب حمود: بسم الله شفيك -: حاجه تعور القلب والله حمود:انا اللي اتمناه يمسكون الراس الكبيره محد راضي يعلم عليه الظاهر مهددهم بعايلاتهم والا ليش يسكتون.. والله امنيه ينمسك ويسوون له تعزير دخل دكتور ثاني شاف التجهم على وجيههم السلام عليكم الكل: عليكم السلام حمود: هلا دكتور احمد الدكتور احمد: هلابك وطالع في وجه الجالس قدامه عليه اثار الدموع الدكتور احمد: شفيكم.. حمود: متضايق الاخ شوي حساس وانا مدري -: حمود روقني حمود: هدي اعصابك لاتزعل مزوح وشفيك صراحه مستغرب ما اخبر قد شفتك تبكي الدكتور احمد: ليش وش صار حمود: متأثر من حريقة الاستراحه الدكتور احمد: والله يستاهلون هذا اقل من جزاهم حمود: خاف ربك الدكتور احمد: استغفرالله بس والله ربي يمهل ولايهمل.. انا اللي قاهرني للآن مامسكوا صاحب الاستراحه هو راس ابليس حمود:مو كثير اللي يعرفه على ماسمعت مو اي حفله يحضرها مايحضر الا حفلات معينه وان كان فيه ناس جدد فالمرات الجايه يرفض تواجدهم وان تواجدوا مايكون فيه.. حمود: شكله ذكي -: من قال لكم هالمعلومات؟ الدكتور احمد: كلام الناس كثير والا المقربين منه من اصدقاءه كلهم متسترين عليه حمود: طيب الاستراحه من باسمه الدكتور احمد: بإسم وهمي حمود: شكله حابكها صح لكن وين بيروح من الشرطه الدكتور احمد: الا قول وين بيروح من ربي طلع واصواتهم وراه تناديه مشى في الاسياب على غير هدى توه بيتوجه للبوابه بس تراجع في آخر لحظه وراح يسأل عن اصدقاءه اللي بين الحياه والموت راح لقسم ضحايا حروق الدرجه الثالثه رفضوا رفض قطعي يدخل حالتهم ماتسمح لكنه غافلهم ودخل على واحد منهم ماشاف انسان حي ..كأنه شاف مومياء قدامه بياض في بياض شاش ابيض في كل مكان بجسمه جال بعيونه المكان يبي يشوف اي شي يوضح له من هاللي قدامه النمر سعد او توت مشعل تقدم خطوتين ثلاث يبي يعرف من ذا سعد او مشعل طالع فيه من فوق لتحت الشاش مغطيه وبلحظه شهق شهقه مكتومه حبس بكاه من اللي شافه بس الدموع شقت طريقها على خدوده غصبا عنه.. زي الطفل مسح دموعه بطرف كمه دقق في الايد عرف انها ايد سعد النمر لان كان له اصبع زايد من طرف الخنصر زاد بكاه وهو يشوف هالنهايه الشنيعه حط نفسه في هالوضع مليون مره وكل ماتخيل نفسه بهالمكان تشنجت عضلات صدره من الخوف -: سامحني ياسعد سامحني ........... -: النمر انت تحب نناديك النمر خلاص بناديك النمر الحين بتقوم ........... -: تكفى سعد لاتموت قبل تحللني شاف عيونه من تحت الشاش تدمع -: وشو مسامحني سو اي شي طلع منه صوت خفيض: بدخل النار -: لا لاتقول كذا ان الله غفور رحيم سعد: الخير والبركه فيك عدل من حالك وادعي لنا بصراخ وعويل يشبه عويل المرأه الثكلى-: سعد لاتقوووول كذا سعد ان شاءالله تقوم ونعدل حالنا كلنا ونروح المسجد مع بعض دخلوا الممرضات على ارتفاع صوته اجبروه ع الخروج وهو ماقاومهم لانه لو مايطلع بينادون الامن وهو في غنى عن ذلك طلع وهو بايع الدنيا بتراب دام نهاية الانسان اللي يتبع هواه كذا طلع للمواقف عند سيارته وخر النظارات طلع منديل من جيبه مسح فيه وجهه ورجع لبس النظارات ومشى ............ فقدت انوثتها فقدت تصير ام فقدت حياتها ونفسها وكل شي من كان يتصور ان حالها بيكون كذا اكثر شي خفف عليها انه طلقها حمل كبير ونصه انزاح شي وضاع لمتى بتضل حزينه ومنطويه على نفسها اللي راح راح وماراح يتعوض لازم تعيش حياتها بالطول والعرض اول شي جا في بالها حبها القديم تركي ............ نزل من الدرج باقصى سرعته ام طارق: تعال شفيك روعتني طارق: بعدين بعدين صفق الباب بكل قوته وطلع نزل وراه خالد بنفس السرعه ام طارق: خالد شفيكم مارد وراح خافت: يااااويلي عبدالله ياعبدالله ياويل قلبي نزلوا على صوتها ابو طارق: وشفيك ياحرمه تولولين ام طارق: الحق على عيالك جوري: وش فيه ام طارق: مدري نزلوا مثل البرق شلعوا قلبي والله انه صاير شي ابو طارق: تعوذي من ابليس لاتفاولين عليهم جوري:يمه استهدي بالله الحين اكلمه دقت عليه مايشيله ام طارق: شفتوا مايرد دقت جوري على خالد نفس الشي نظراتها لهم كانت رد للاسئله اللي بعيونهم .............. .. .. .. |
البارت ((18)) . . . . منى: مدري ليش احس ان حظي نحس ندى: ليه منى:على ولادتي تجي هالمصايب كلها ندى: كل ماضيقت فرجت ان شاءالله كل هالمآسي تتبدل افراح منى: والله ياليت ندى:اذا بتروحين لم السنافر علميني بروح معك منى: انتي تشطري بس وجيبي زيهم ندى:اجيب من الهوى.. خل بس يجي النصيب يطلعون عيالي اطلق من عيالك منى: ايه طيب نشوف يالبطه ندى:ههههههههه نشوف.. المهم بروح معك منى:صدق ندى: ايه ليش منى: مو اقولك حظي نحيس التهيتوا عنهم ندى: والله ما التهينا بس الظروف قاهره منى: الله يفرجها طق الباب ندى:تفضل دخلت ام تركي: ماشاءالله تسولفون منى: تفضلي يمه ام تركي:والله ودي بس فيصل تحت يبيك ندى:كل يوم بيجي ذا ضربتها بكتفها: زوجي يختي وش دخلك ندى: ااااح وجع خلاص انزلي لاتعصبين منى: هههههههه طيب ونزلت له كان بالمجلس دخلت عليه قام لها وحاوطها بيدينه: يالبا هالطله منى:لبا قلبك بس وخر اخاف امي تجي فيصل: ماسويت شي زوجتي ومشتاق لها منى: زين انك مشتاقلي على بالي نسيت مني فيصل:لو انسى العالم مانسيتك خل نرجع بيتنا منى بابتسامه عذبه: توني مابعد خلصت الاربعينيه زوم شفته وقوسها: اقعد بلحالي في البيت لمن تخلصينها يرضيك اكون وحداني مسكت شفايفه مداعبه زي مانمسك الاطفال:لا مايرضيني خلاص نص المده واقنع امي ارجع.. تدري نفاس وما اعرف اتصرف والحين بيطلعون عيالك وببتلش فيهم طبع قبله بين عيونها:تشرفين بيتك بأي وقت البيت وصاحب البيت تحت امرك يادنيتي كلها مسك ايدها وجلسوا ع الكنبه منى: شفيك فيصل: وش فيني قولي وش مافيني منى:عشان ريم فيصل:اي والله مصيبه وطاحت فوق روسنا منى:يمكن راحت لامها اسألوا عنها هناك فيصل: اي والله جبتيها بس مانبي نخرعها يمكن ماهيب عندها منى:جربوا وش بينقصكم فيصل: نجرب وش عليه منى: دق الحين فيصل:على مين منى: على العيال اتفق معهم يروحون اثنين ع الاقل الشرقيه ويسألون هناك فيصل: ترا جاي ابي اغير جو خلينا فيك ويسحبها في حضنه منى: لا اول اسأل فيصل: ياااربي منك زين دق على طارق مايرد ودق على تركي نفس الشي مايرد دق بعدها على عبدالرحمن فيصل: السلام علي قاطعه: فيصل بسرعه روح حي ..... شارع ...... فز: ليش وش فيه عبدالرحمن: مافي وقت روح ..انا في طريقي لهناك بس انت اقرب تحرك.. وقفل منى:يمه وش صار فيصل: مدري بلحق عليهم وطلع.. ............. دخل البيت مرهق وتعبان نفسيا وجسديا القى نظره سريعه عليه شاف كعب ناسي منهو له مصيــــــــــــــــــــــيبه واكبر من مصيبه هذا كعب ريم شلون نساها مسك راسه ودار على نفسه اكثر من مره خلاها لا اكل ولاشرب ومربوطه شلون ينسى انسانه بهالوضع رقى اول ثلاث درجات بخطوه وحده بس استوقفه صوت الخبيط الهمجي ع الباب وقف مكانه خاف لدرجة الهلع " من جاي هنا'' نزل الدرج بخطوات متثاقله وراح يفتح فتح الباب هجم عليه طارق وخالد ونادر وحمد تحرر منهم وصار يجري وهم وراه جا بيرقى الدرج تصدى له نادر كان مجسم وفارع الطول مسكه وكتفوه منذر استسلم وماقاوم اكثر طرااااااااخ كف من ايد طارق: وين اختي ياحيوان منزل راسه ولانطق بحرف خالد: ماتسمعه وش يقول وين اختنا نادر: منذر الشرطه ورانا مافي مفر لازم تدلنا على مكانها منذر: والله اسف.. اسسسسف جاه بوكس من طارق تطايرت قطرات دم من فمه وخشمه على ثوبه حمد: طارق لاتتهور الشرطه جايه طارق: وش علي من الشرطه باخذ حقي بيدي حمد: لاتوصخ ايدك بهالنجس دق جوال نادر: الو تركي: وصلتوا نادر: ايه مسكناه بسرعه تعالوا منذر: تكفون سامحوني والله اني ندمان هجم عليه طارق وصار يركل فيه وبهذله من حر مافيه .. انكب منذر على وجهه وغطا وجهه شعره المبلل بالدم مسكه نادر: علامك انهبلت .. التفاهم مع الناس موب بهالطريقه خالد: هذاك قلتها مع الناس مو الحيوانات امثاله انطق وين ريم منذر: ف فو وق والله ناسي منها ومالمستها طارق: ياويلك تكون لعبه من الاعيبك خالد انت دور هنا وانا بطلع وحمد ونادر يمسكونه خمس دقايق ودخل فيصل شاف الرجال منكب على وجهه مو باينه ملامحه فيصل: الحقير الحين بيجي من يربيك على بالك بنات الناس لعبه ياواطي دخل تركي بعد فيصل ووراه عبدالرحمن ناظر فيهم وناظر الشخص اللي على الارض تفرس تركي بوجه منذر ماشاف ملامحه لانه مغطاه بدمه قرب منه : جلسوه ماراح اوصخ ايديني فيه جلسوه على حيله تفرس تركي في وجهه.. عقد حجانه وقرب اكثر.. مايذكر انه قد شافه حط ايده بجيب بنطلونه عبدالرحمن: وش تسوي انت تركي: مانيب بايع عمري لاتخاف طلع من جيبه منديل ومسح فيها وجهه صار يمسح وجهه ودموع منذر هماليل فوق خده وصدره منذر: سوا اللي تسونه فيني انا استاهل انــــــــــــــــــــــــــــت؟؟؟ آآآيا الواطي وجا بيخنقه مسكوه الشباب فيصل: ياااااتركي توك قايل ماراح توصخ ايدينك اعقل تركي: فكوني عليه فكوووووني منذر: تركي اخيرا شفتك.. خلوه هذي بنت عمه خلوه ياخذ حقه تركي تناسى كل اللي حوله: انت عارف من خذيت اول .. خذيت اغلى انسان بحياتي والحين ضيعت بنت عمي والله لو اخذ منك الضعف ماتبرد الحره اللي بقلبي نادر: انت تعرفه؟؟ سكت غصبا عنه سكت مجبور سكت وكل ألم بالكون تغلغل بصدره هـــــــذا زوج رشـــــــا رشا حبه الاول اللي خذاها منه في غمضة عين متأكد مليون بالميه بس يبي اي كلمه منه تكذب ظنونه تركي: رشا زوجتك طالعوا في بعض من ذي رشا تساؤلات وعلامة استفهام بجانبها علامة تعجب فوق راس كل واحد فيهم ماجاوب تركي: انطق منذر: ايه ماشالته رجوله وجلس ع الكنبه من حسن الحظ خالد وطارق مو موجودين دام يسأل عنها اكيد علاقه قديمه ماحبوا يطرحون اسئله كفايه عليهم المصيبه اللي هم فيها فيصل: وين طارق وخالد نادر: يدورون على ريم.. امش نلحقهم توهم بيروحون نزل طارق: مالقيتها يكذب علي ال.... في اثناء ذلك دخلوا الشرطه وانتشروا في كل مكان وفي مقدمتهم كان فواز اللي دلهم ودل الشباب عليه عقب ماشافه بالصدفه في مواقف السيارات في المستشفى بعد خروجه من عند سعد ومشعل (النمر وتوت) فواز: سامحني يامنذر غصبا علي منذر وكله ندم: مسموح الضابط: فتشوا المكان طارق: قوله وين اختي الضابط: حنا عارفين شغلنا طارق: طيب تحرك واقف زي الصنم اسأله دور معهم تركي: طارق لاتزيد الطين بله منذر: تلقونها بغرفة الملابس آخر غرفه من عند الدرج الخلفي طلع نادر ووراه كم شرطي تركي: معليش حضرة الضابط الضابط: مايحتاج تعتذر لاااااااااااااااااا مصدر الصوت من فوق طلعوا ركض واحد ورا الثاني صاروا يفتحون في الغرف واخيرا لقوه باحد الغرف وتحديدا بغرفة الملابس مثل ماقال منذر عاطيهم ظهره وفيه احد بحضنه يبكي زي الطفل نادر: طارق وش فيك طارق: ريم ماترد.. ريم ردي علي وانا اخوك ردي وصار يغطيها مهما كان المرأه عوراء تقدم الضابط وامرهم يوخرونه عنها جس نبضها.. دنق: البقى براسكم انتحب خالد وصار يضرب براسه الارض: لا ياريم تكفين لاتروحين.. اذا مو عشاننا عشان ابوي.. ريم طلبتك رجال ولكن هزتهم الدموع منظر مؤثر ريم اللي كانت زي الورده اصبحت ذابله شاحبة اللون.. كل اللي يشوفونه من وجهها اللون الازرق ومقيده من خلف الضابط: بكلم الطبيب الشرعي لازم نحدد سبب الوفاه و وقتها طارق: لا ماماتت ..ريم ارجوك ردي يلا قومي والله بيزعل ابوي لو ماتقومين ما اصعب الزمن نهايه مؤسفه ومؤلمه لتلك الفتاه كم عانت عانت وحيده عندما اتحد ضدها الجميع ذاقت طعم يتمها من الام بالرغم من انها لازالت على قيد الحياه والمر والعلقم في الامر عاشت دون ان تراها وماتت دون ان تراها كم هي قاسيه هذه الحياه نزل الضابط لمنذر ماسكينه ومابعد كلبشوه منذر: لو سمحت الضابط: لاتقول اي كلمه لانك بتتحاسب عليها .. والله وطحت ومحد سمى عليك اخيرا طحت عقب سنين محد راضي يعلم عليك الشرطي: خايفين منه مستغل مشيخة ابوه بالباطل الضابط: شف ادري ان ابوك الشيخ .... لكن انسى انك تطلع من هالقضيه منذر: ابي اروح الحمام الضابط: خذوه الحمام وانتبهوا لاينحاش دخل الحمام طالع المرايا وبكى: شيخ ولد شيخ وبي كل عيب استغليت الناس ومنصب ابوي مافي شي ماسويته خربت نفسي وخربت غيري دماري طالني وطال اللي حولي مات رعد وسعد ومشعل الله اعلم بحالهم ورشا خسرت شي ثمين وريم البنت البريئه وش الذنب اللي اقترفته عشان اسوي فيها اللي سويته لو هربت من الناس وين بهرب من ربي واذا تحاسبت الله مابينظر لحسبي ونسبي ولا بتكون فيه واسطه زي الحين كل انسان عاشرته تضرر مني وش فايدتي في الحياه فتح الصيدليه كان بآخر القواير وعلب الادويه علبه قزاز صغيره كان فيها حبوب هلوسه ما احصى عددها كبها بفمها ماقدر يبلعها لان حلقه جاف فتح الحنفيه وشرب منها ............. بيت ابو طارق ثاني يوم في العزاء كأنه اللحظه التي رحلت فيها ريم حزن عميق داخل كل فرد من افراد العائله جت امها الهنوف ولاول مره تطأ قدمها الرياض معها بنتها اماني وحريم اخوانها وبناتهم كل بالمجلس عيونهم على اماني كانت تشبه ريم لدرجه كبيره الهنوف: ياحرقة قلبي عليها ام فيصل:ياحرقة قلوبنا كلنا والله يالهنوف ان قلبي متقطع كنها وحده من بناتي الهنوف: لاتعلميني فيكم ادري ماقصرتوا معها وصارت تطالع بالمجلس: مدري وين بناته ولا اعرف زوجته لكن حسبي الله ونعم الوكيل عليه منى ماعجبها على ابوها كانت عارفه انها تقصده: خاله محد يموت قبل يومه كل شي مقدر ومكتوب الهنوف: انتي بنت محمد منى تاشر على نفسها وعلى ندى: حنا بناته الهنوف:يرضيكم اللي صار تنكرون ان ابوك ماله يد في اللي صار نزلوا روسهم تكلمت وحده من حريم اخوانها اسمها ام ريان:هنوف مهما كان هذا ابوهم.. قولي اللهم اجرني في مصيبتي هذه واخلفني خيرا منها.. كثر اللوم مااراح يرجع اللي كان بكت ام طارق: الله يلوم اللي يلومها ياليته انا اللي مت ولاهي جوري: بسم الله عليك يمه لاتقولين كذا.. ترحموا عليها ترا البكاء ع الميت يحرقه الهنوف: خذوها مني لحمه بيضاء وحرموني منها ياحرقة قلب قلبي عليك ياريم ام ريان: الخير والبركه في اماني الله يخليها لك احمدي ربي على ماعطاك وعلى ماخذاه منك الهنوف: الحمدلله .. الحمدلله الذي لايحمد على مكروه سواه ام طارق عينها على اماني: يعني اماني بنتها ام ريان:ايه نعم بنت بنتها ام طارق: اماني تعالي يمه انتي من ريحة الغاليه طالعت اماني بأمها اعطتها نظره بمعنى روحي راحت وضمتها ام طارق على صدرها بالمجلس ابو طارق: والله ماتنام عيني لحين ياخذون راسه ابو فيصل: عبدالله مو وقته هالكلام ترحم عليها انا واخوك عبدالعزيز خال ريم: والله لو اشوفه قدامي ثورت فيه من غير رحمه اخذ هالضعيفه ابو طارق: الله لايوفقه دنيا وآخره طارق: يبه لاتنفعل هو في غيبوبه الله العالم يقوم منها والا لا ابو طارق: والله ابيه يقوم واشوف بعيني يوم يقصون راسه اللي مايخاف الله عبدالعزيز: كله من الابليس محمد الله يحرمك الجنه مثل ماحرمتها شبابها عبدالرحمن: هيييه انت ابو تركي:دحيم خل هالاشكال تقول اللي تقوله عبدالعزيز: ياساس البلا ليتك مكانها ابو فيصل: اقصروا الشر مابعد اندفنت وانتم تخانقون بعض عبدالعزيز: لاحول ولاقوة الا بالله انا لله وانا اليه راجعون دق الباب راحت الخدامه تفتح كان شرطي تطوع بتوصيل خبر مهم للعائله بحكم معرفته لتركي دخل مجلس الرجال سلم ع الموجودين ناصر: اول شي عظم الله اجركم وغفر لميتتكم الجميع آمين تركي: عسى ماشر ياناصر ناصر: وكلني الضابط بحكم معرفتي فيكم اني اوصل لكم هالمحتويات ابو طارق: من ريم؟ ناصر: ايه بعد التفتيش لقينا مفكره صغيره في شنطة الضحيه وفي جيب الشنطه ورقه بيهمكم اللي فيها طارق: هاتها وينها.. الضابط: كاتبه فيه امانه اول واحد تطيح بيده هالورقه يقراها قدام العايله كامله.. وانا اول من طلعها من الشنطه كانت بجيب سري داخلي طارق: طيب هاتها ناصر: هذي دليل بس بقراها لكم وباخذها معي هذي اوامر الضابط تركي: تفضل ياناصر ناصر: كلكم موجودين ابو طارق: كلنا موجودين وفرت دمعه من طرف عينه ناصر: خواتها وامها والكل لازم يتواجد ابو فيصل: قم ياطارق ونادهم وخلهم يوقفون برا والصوت بيوصلهم ثواني وكان الحريم برا والرجال كانوا على اهبة الاستعداد فتح ناصر الورقه وبدأ يقرا . . . لا أعلم مابي !! لا أعلم ماهويه هذا الحزن الذي تسرب البارحه لي.. وأبقاني على قيد الالم والاستيقاظ حتى الآن !! أهو الخذلان ؟؟ خذلان من !! ومن من ؟؟ أم هي الحياه والاحساس ؟؟ أم هم الذين أحببتهم ولم يشعرو بي !! أم أولئك الذين أحبوني ولم أشعر بهم !! أم هي نفسي خذلتني حين منحت من لايستحق مالا يستحق !! لا اعلم ..... !! حزينه أنا فووووق عاده الحزن حزينه لدرجه الاحساس بطعم الحزن في فمي حزينه لدرجه أستنشاق الحزن في كف يدي عذرا احبتي .. من أنا ؟ لا تندهشون لغباء سوالي الاحمق !! أو حماقه سؤالي الغبي أخبروني من أنا ؟ فربما عرفتموني أكثر مني !! ربما كنت اكثر وضوحا مني أمامي بي حنين بي أنين بي سنين وآآآآه من السنين فـ بي من السنين مالا أقوى على حمل تفاصيلها تراودني أساله كثيره لعلي أجد أجابتها لديكم !! كيف اتخلص من عاده الكتابه عنها ؟؟ كيف سـ اصل الى قناعه أنه لم يتبقى فوق الكره الارضيه مكان يقوى على جمعنا واحتمال وجودنا معنا !! علموني كيف أطير الى الفرح وأجنحتي مهشمه تحت عجلات رحيلها !! علموني كيف أتوقف عن الحلم بها دون أن تتوقف بي الحياه علموني كيف أخترع حبوووب النسيان كيف ؟؟ كيف أرها تحدث سواي ولا أشتعل بالغيره ؟؟ أخبروووني كيف اموووت بهدوء كيف اموووت بهدوء كيف اموت بهدوء !! هل بينكم من يخبرني ؟؟ وسكت سمع ازيز لكل واحد فيهم قلب الورقه: وهنا كاتبه بسم الله الرحمن الرحيم مدري اذا كنت بقول لكم هالكلام بنفسي او تقرونه.. بالحالتين يهمني تعرفون ليش انا سويت كذا يبه انا ادري اني غلطانه وادري الطريق اللي مشيته غلط.. ووالله اني مادنست راسك وبعد ماعرفت ان هالشي غلط قررت اتوب وماذلني للرجعه لهالطريق الا عمي محمد مابيك تنسجن على كبر منذر كذب علي وقال انه بيخطبني منك بس انا بحسن نيه قلت له اجل الموضوع لحين خروجك من المأزق وعرض علي مساعادته انه بيعطيني المبلغ ماتتصور وش قد كانت فرحتي.. وقال لي بيخلي امه والا اخته تقابلني في اي مكان عشان يعطيني انا صدقته لانه ماقال انه بيعطيني شخصيا والا كان شكيت بالموضوع جوري اسفه ياقلبي اني حطيتك في موقف حرج يوم اطلع من المستشفى بس الكلب خدعني وارسل لي وحده الله اعلم من تكون على بالي اخته عطتني نص الفلوس في المستشفى وتحججت ان المبلغ ناقص وقالت لي اروح معها السياره اجيبه بس اكتشفت ان منذر مخطط لها الشي بالذات يوم قال لي جوع الكلب يتبعك عمي محمد الله يسامحك انت اللي خليتني اصير كلبه وتبعته بغبائي يمكن الحسنه الوحيده في منذر انه فك قيدي عشان اصلي لعل الله يفرج علي اللي انا فيه ولقيتها فرصه بعد ماشفت كومة اوراق واقلام اكتب فيها اعذاري لو حصل لي شي بس ان شاءالله مايحصل انا قويه وان شاءالله اواجهكم بنفسي وماكتبت هالورقه الا تحسبا لأي طارئ يارب فك كربتي وقابلني بامي واذا ماقابلتها قولوا لها وش سويت عشانها الهنوف من داخل وبأعلى صوت: اقابلك بالجنه اذا اراد الله.. حسبي الله ونعم الوكيل حسبي الله على اللي كان السبب بكاء مرير وصدور مثخنه بالجراح صادره من الجميع وخصوصا من ابو طارق ام طارق: ياعويني ياريم رحمة الله عليك رحمه واسعه الله لايحلل ولايبيح من ظلمك ابو طارق: تفكر فيني بعز ضيقتها كله عشان الفلوس.. انا من بكرا ببيع اي شي قدامي ابو تركي تأثر بس مايبي يبين مايبيهم يحسون انه معترف بغلطه: مابي منك شي ابو طارق: علي الطلاق روح هالطاهره ماتروح هدر وفلوسك بترجع لك لو بعت هدومي اللي علي تركي: مايحتاج عمي ابو طارق: يحتاج ونص هذي الفلوس اللي خلتنا بهالوضع تركي:خلاص دفعت المبلغ من حر مالي والله العظيم ماخذيت ريال من ابوي ابو طارق: ايش تركي: ايه نعم دفعته من زمان عشان كذا الرجال معاد جاك.. ماكان لي نيه اقول بس لازم تعرفون طارق: ضحك عليها الكلب ناصر: بس بنتكم ماتت شريفه وبكر ابو طارق كان منتظر الاجابه على هالسؤال اللي كان خايف يقوله مكان يبي ينصدم انها دنست شرف العايله هلل وكبر هلل وكبر اكثر من مره وسجد شكر لله: خلاص انا كذا مرتاح ناصر: باقي ملاحظه كتبتها ع الهامش انصت الجميع كمل ناصر: تقول امانه لاتعاملون اختي اماني مثل ماعاملتوني ولوما رغد ماعرفت ان عندي اخت ابو طارق: بنت الهنوف بعيوننا الهنوف من داخل: اماني بنتك ياعبدالله اماني توأم ريم وقف على حيله: ايش عبدالعزيز: اماني بنتك الهنوف غطت عليكم انها جابت توم كانت عارفه انك عقب ماتطلقها بتاخذونهم الهنوف: يعز علي اني فرطت بوحده من بناتي بس وش اسوي كل ذا سويته هروب منكم ومن طغيانكم..يااااليتني فرطت بعيوني ولاخذيتوا وحده فيهم.. ............. اسوأ الايام مرت اسرار محد يدري فيها لمدة 19 سنه كانوا عاجزين عن استيعاب هالواقع المرير ناصر: هو ماعنده الا اخت وحده وكبيره ومشهود لها بالصلاح الظاهر كان يستدرج البنات بعائله وهميه ووعود كذابه بخطبه او زواج انهوا الحديث وطلع ناصر وكلن راح بيته عشان اصحاب البيت يرتاحون ............ تركي: خالد لو سمحت ابي جوري خال: الحين اناديها ودخل مرت دقايق وجت باين عليها الحزن خشمها احمر وعيونها كذلك بصوت منخفض: ناديتني؟؟ تركي: عظم الله اجرك جوري: اجرنا واجرك وبدون شعور ارتمت في حضنه تشبثت بثوبه من قوة اندفاعها في حضنه رجع على ورى خطوه كانت شاده ثوبه من ورى وتبكي تركي: جوري مايصير كذا اهدي .. ادعي لها بالرحمه ومازالت تبكي ضمها وصار يمسح على راسها قعدها ع الكنبه وشهقات البكى مستمره دنقت طاح شعرها على وجهها رفع دقنها وبحركه رجع شعرها على ورى مسح دموعها وقرب وعطى كل عين قبله: ما ابي هالعيون تبكي .. ريم وراحت لو بترجعها الدموع والله بنبكي عليها سنه انتي مؤمنه بقضاء الله والله يخلفكم خير جوري: كل شي هنا يذكرني فيها وصارت تأشر بيدينها ع المكان شافها ترتجف شال يدينها وغطى بها وجهه واستنشقها من ثم باس اليمين وبعدها اليسار: انا من بكرا بدور لنا بيت و جوري: لاتكمل ترا تعبت من هالسالفه اضرب الحديد وهو حامي طلقني الحين ماراح اتأثر كثير لان موت ريم اخذ كل ذرة حزن بداخلي تركي: انا ماقلت لك نرجع البيت عند ابوي انا قلت بدور بيت لي ولك بس جوري: مافرقت تركي: الا فرقت ماراح يكون الا راسي وراسك محد بيضايقك ولاتسمعين كلام جوري: والله ياتركي الطريق مسدود مسك وجهها بيدينه: طالعي فيني تحاشت نظراته تركي بحده: طالعي فيني اقول طالعت مو خوف بس مشتاقه لهالعيون اللي تضيع من تشوفها ركز عيونه بعيونها: اسمعيني زين طلاق مانيب مطلق انسي هالكلمه نجوم السماء اقرب لك.. اذا على ابوي بنهج من عنده وماراح انفذ اللي يبيه والله ما آخذ غيرك جوري: وش اسبابك تلعثم وفك وجهها ودنق هالمره هي مسكت دقنه ورفعته تحسست مكان السكسوكه المهمله بس معطيه شكل جذاب: تركي تحبني؟؟!! رفع حاجب: وش هالسؤال جوري: جاوبني وخر وجهه وشبك ايدينه واتكى عليها تحت دقنه وصار يطالع قدامه: انتي وش شايفه جوري: كنت تكرهني ومن بعد ماجينا هنا تغيرت تركي: نقطه في صالحي جوري: نقطه سلبيه لانك ماتتغير معي الا اذا كنا قدام احد والحقيقه المره انت ماتغيرت الا عقب مامرضت احساسك بالذنب هو اللي خلاك تلين شوي معي زفر زفره طويله وبطيئه: انتي حره بافكارك انا ماعندي اجابه جوري: تكفى تركي حتى لو انك تكرهني قول لي تركي: عشان تكون لك حجه للطلاق جوري: على قد ما ابي الطلاق بس اني اتراجع عنه مو عشانك عشان اهلي بضغط على نفسي لو جرعتني الضيم كل يوم كاس تركي: شيلي من بالك تشوفينه من اليوم ورايح جوري: تصدق تركي الحين عرفت انك جبان تركي: لااااه جوري: والله لانك رافض تطلع اللي جواتك تركي: افرضي انه سلبي وبيحطم كل شي فيك بابتسامه ساخره: ماعاد بقى فيني مكان يتحطم كلي متحطمه ومع ذلك اقدر اكون اقوى منك وافصح عن اللي داخلي تركي: مثل جوري: احبك اكثر من نفسي باستنكار:هااااه جوري:ايه احبك ياتركي.. غبي هالقلب ماحبك الا انت تركي يبي يشد شعره مو مستوعب هالتصريح منها:تحبيني انا؟! جوري: واعشقك تركي:لااااااا الظاهر تبين تجننيني جوري: والله انا المجنونه اللي طلعت لك هالحكي بس ابي اثبت لك اني اقوى منك في جميع حالاتي مسك ايدها: جوري انتي سحبت ايدها: بدينا عشان اهلنا وماعندي مانع نكمل عشانهم ع الاقل نعيش مع بعض باحترام والا حبي لك بحاول امحيه لان الحب من طرف واحد محكوم عليه بالاعدام... انهت جملتها بخروجها من الغرفه مع خروجها اصتدمت بأماني جوري: ريم ماتشوفين وسكتت اردفت: معليش اماني والله اشوف ريم فيك اماني: مثل ماهي اختك انا اختك ومافي قوه بالارض بتبعدني عنكم عقب اليوم جوري: مستحيل والله مايفرقنا غير الموت ............... تو ابوها طالع من عندها وتأثرت عقب مادرت بس زين انه طلقها قبل ينجن انجن!! ايه انجن ابوها جاب لها اوراق طلاقها من ابوه بعد تبليغه ان منذر فاق من الغيبوبه وتجنن رسمي تأثير الحبوب واودع احد المصحات النفسيه خارج السعوديه بطلب من ابوه اللي ماهمه شي غير سمعته صحيح كانت تبي الحريه بس ماكانت تبي يصير له كذا طلعت ورا ابوها بتروح لامها بتسألها كم عدة المطلقه استوقفتها عدة جمل واخوياه كلن لقى جزاه فواز حكموا عليه حكم تخفيفي لانه ساعد الشرطه سعد مات بعد كم اسبوع متأثر بجراحه ومشعل باقي له كم شهر ويطلع تشوه تشوه كلي اللي يشوفه مايقول هو.. صار يكتب مذكرات دعويه يبي الناس يشوفون نهايته ويتعضون.. والبنت اللي كان يستعين فيها لاستدراج البنات تم القبض عليها واعترفت بكل شي طبقت مثل علي وعلى اعدائي اخبار موجزه سمعتها من ابوها اللي كان يحكي لامها " ياربي الحمدلله ان محد يدري اني كلمت البنت اللي في المنتدى حقه الحمدلله'' الظاهر بيبقى سر مدى الحياه ومحد بيكتشف انها هي اللي كلمت ريم وبنت المنتدى ماهي الا خدعه منه.. هي مكالمتين لاغير وريوف اللي كملت الباقي.. كل ذا واكيد بيندفن .... ........... يدور غرفته مايبي يشوف احد رمى نفسه ع السرير وحط يده على عيونه: ياااااااااااااااه كل ذا ماحسيت فيه منك ياجوري.. كنت اعمى والسبب رشا اللي ماكنت اشوف بالدنيا غيرها.. ااااااااه يارشا ضيعتيني وانا ضيعت جوري تركي كان حاس انها كبرت في عينه لانها بدت اهلها على مصلحتها ومن زود طيبتها ماكانت تبي تطيح من عين احد.. لهالدرجه التفاني وصل فيها لها المواصيل .. كان وده يبكي بس مافي مجال للبكا هو لازم يصلح اللي خربه بيدينه دق جواله رفعه بدون مايشوف الرقم: الو مشاري: السلام عليكم تركي: هلا والله مشاري وعليكم السلام مشاري: عظم الله اجرك تركي: اجرنا واجرك مشاري: والله مادريت الا امس بالخبر واسف ع القطاعه انت تدري الدنيا تنسي الواحد نفسه تركي: لاتبرر خيرك سابق وانت راعي وقفات مشاري: مابيننا هالكلام.. والله ودي لو اني بالسعوديه واوقف جنبك تركي: ماتقصر فديت راسك مشاري: صدق رشا طلع زوجها منذر ال....؟؟ تركي: ايه نعم مشاري: اتعب اقول هالدنيا عجيبه تركي: تصدق من كثر ماني مصدوم ماعطيت نفسي وقت افكر في هالشي مشاري: ولاتفكر ابد.. احصر افكارك في جوري وبس تركي: بس والله اوجع قلبي اللي صار لها شف نصيبها شلون مشاري: حكمة الله.. وبعدين محد ياخذ غير نصيبه.. اقول تركي تركي:هلا مشاري: لايكون حنيت تركي: لاوييين.. بس تدري عشره وزي كذا والعشره ماتهون الا على ولد الحرام والله يستر عليها مشاري: وش هاللي اسمعه .. يعني رشا خلاص بح ماعاد تطري لك تركي: شف يامشاري قلبي فيه صمامين الاول يشتغل عشان امي والثاني عشان جوري مشاري:........... تركي:هههههههههههههههه مشاري:.......... تركي:شفيك سكت مشاري: مدري تركي:ياحبيلك احسن شي انك ماعلقت مشاري: ما اقول الا عسى الله لايغير عليك.. تركي:آآآمين.. ومشكور على اتصالك انشهد انك عز الخوي مشاري: اسوي المستحيل عشانك اذا ماوقفت معك الحين متى اوقف.. انتبه على نفسك وبيننا اتصال تركي: على خير.. وقفل هو خويي وهو لي فالوغى "راس مال" وهو دليلة خويآ "في طريقه غوى" ان ذكرته وبي هم "تجلى وزال" وان فزعلي جلى همآ "طواني طوى" .......... .. .. .. |
البارت ((19)) . . . . . يوم السبت موعد نتايج الثانويه راحت ندى بمعية نادر اللي وصلها ربع ساعه وطلعت ركبت السياره نادر: ها بشري بكت ندى نادر: لاتقولين راسبه رمت له ورقتين فتح اول وحده: دبه ناجحه ونسبتك 88% وتصيحين زاد بكاها واشرت له ع الورقه الثانيه فتحها كانت نتيجة ريم ناجحه بنسبة 98% نادر: افرحي لها مو تبكين رفعت راس ابوها وهي ميته الله يجعل مثواها الجنه ندى: آمين .............. بعد مرور شهر على وفاة ريم الاوضاع استتبت ريم محفوره داخلهم بس لازم الحياه تمشي رجعت الهنوف للشرقيه مافيه شي يقعدها وبعد استعطاف جوري انها تخلي اماني عندهم رضت مهما كان هم اخوانها وابوها له عليها حق ام فيصل: هيا والله اللي اعرفه العزاء ثلاثه ايام حرام وانا اختتس تطولين خلي البنت ترتاح في قبره ام طارق: وش اسوي كل شي قدامي اسود ما اقول الا الله يرحمها ام فيصل: بعد يومين بنسوي تمايم التوم حرام ياعويني سافلين بهم والتهينا فيهم ام طارق: ايه وانتي الصادقه سوي اللي تشوفينه ام فيصل: بس ها تحضرين نبي كلنا نجتمع نغير جو شوي والله اللي شفناه مو هين ام طارق: صدقتي ياوخيتي .. متى التمايم ام فيصل: الخميس ان شاءالله نبي الكل فاضي ام طارق:على بركة الله ............. ساره: وين الاحلى هذا والا هذا دانه: الاسود روعه ساره: وانتي وش بتلبسين دانه: والله مدري بشوف نوف: على قد فرحتي الا اني احس الفرحه ناقصه جلست ساره وحطت الفساتين بحضنها: يااااربي انتي لازم تنكدين ع الواحد دانه: والله صادقه تدرين امس مانمت كنت افكر في حفلة عيد ميلادها اتذكر انبساطها وفرحتها ساره:سبحان الله ماكنا ندري اننا بهالحفله بنودعها للأبد واللي حاز في خاطري معاملتي لها ماكنت طايقتها يارب تسامحني نوف: بس والله اللي سوته ماينتسى خاطرت بنفسها عشان تأمن المبلغ لابوها كله من عمي محمد ودي اعرف من وش منه مصنوع قلبه دانه: ياليت ع الاقل جوري تكلمت وقالت ان تركي دفع المبلغ عن ابوهم ماكان صار اللي صار ساره: ليت ماتعمر بيت.. لازم ندعي لها كل ماذكرناها نوف:شرايكم نسوي لها براده سبيل والا نبني مسجد وقف على نيتها ساره: والله هذا اللي كان في بالي ويوم كلمت امي قالت امها سبقتنا دانه: مافيها شي حنا بعد نبي الاجر لنا ولها ساره: الله يساعدنا على فعل الخير استقبلت القبله ورفعت ايدينها فوق ساره:خير وش عندك دانه: وخري بدعي ضحكت على اختها: ادعي دانه:يارب ياكريم بدل همومنا افراح ومسرات واعط كل واحد مايتمناه البنات آمين دانه: يارب اجبر خواطرنا انت مطلع ع الحال اللي نعانيه.. يارب فرحنا بأي شي خطبه والا سفره والا جوري تحمل او اي شي المهم نفرح شوي دخلت ام فيصل على اصواتهم: وش عندكم ساره: ابد نبتهل الى الله ام فيصل: طيب من بتروح معي السوق نقضي لوازم التمايم ساره: انا ام فيصل: اجهزي بسرعه والا حمد بيروح عنك ساره: جاهزه بس بلبس عباتي وجت تطلع ام فيصل ورجعت: نسيت اقول لكم جمانه بتنخطب طالعت دانه في ساره ونوف وتناقلوا النظرات وفجأه ضحكوا هههههههههههههههههههههه ام فيصل: خير عسى ماشر دغدغتكم الكلمه نوف: هههههههههه تو دانه تدعي ام فيصل: دعت ان جمانه تنخطب دانه: لا بس ان ربي يبدل حزننا بافراح ام فيصل: ربي مهما ابتلى عبده ماينساه وتراه رحيمن علينا ارحم من الام بضناه صلوا تالي الليل واطلبوا الله بينكم وبينه كل اللي تبون وماخاب من نخا رب العباد ساره: ونعم بالله ام فيصل: يالله عجلي وانا امتس انا نازله .............. رجع تركي هلكان ابو تركي: وين كنت تركي: ادور بيت ابو تركي: وشوله تركي: مو ماتبينا ابو تركي: رجع مرتك ياتركي هذا بيتها متفاجئ: مو طردتها ابو تركي: زلة لسان قول لها عمك محمد يقول ارجعي ولو تبي اعتذر لها والله اعتذر لها قدام الكل تركي: لامحشوم انا بكلمها وبشوف ابو تركي: دق عليها بكلمها دق عليها وردت: الو ابو تركي: السلام عليكم جوري: عمي ابو تركي: ايه عمك جوري: تركي فيه شي؟؟ خالتي فيها شي ابو تركي: كلهم بخير.. شوفي الحين بيجي تركي ياخذك ما ابي اعذار جوري: جاي ياخذني ابو تركي: ايه نعم زهبي حالك اختفى صوتها كان واضح ان فيه احد جنبها يكلمها بعد برهه: طيب قول له يجي ابو تركي: الله يكملك بعقلك هذا اللي تعودناه منك وقفل جوري: يبه ليش كذا ابو طارق: جل من لايخطئ هو حاس بالندم ويكفي قال ارجعي لاتشوهين الصوره اللي ماخذها الكل عنك.. مهما قست الظروف ومهما قسى عليك احد خليك على طبعك وانا ابوك واذا الله يغفر ويسامح مو صعب علينا حنا عبيده نسامح جوري: اللي تشوفه ............. راحت نوف ودانه عند ندى ومنى بيشوفون المواليد يمكن ماشافوهم الا مره وحده ومنى متشرهه عليهم كانت الجلسه حلوه وممتعه بحضور اماني الفرفوشه اماني: تركي مره يشبهك يامنى يهبل دانه: لو اني ماخذه عليك كثير كان زبدت لك يعني وش فيه سلطان والا عشانه يشبه فيصل اماني: والله انه يجنن وبعدين ازبدي يختي عادي تمونين ..ترا ماتعودت اكون اخلاق احب المناقر واجد نوف: اجل تصلحون على بعض اماني: لاعوذه من اختك ندى: هههههههههه بدت الحرب دانه: صبر خل افلعها بشي اماني:لالالا الا الطقاق تكفين انا حيلي وقوتي بلساني دانه:والله ياريم ان ماوريتك!! اماني: ريم!!! والله ودي شفتها لو مره ندى تصرف: تشبهينها مره.. المهم يلا انا بروح اجيب الحلا والقهوه منى تغير دفة الحديث: دانه شوفي الرضعه حقة عيالي بغرفة نادر ارقي جيبيها تغير وجهها: ما ادلها منى: اول غرفه ع اليمين قامت وعيون نوف تتبعها نوف: وش موديها هناك منى: ناسيتهم رحت اسولف عنده مع هالمزايين وه ياحبي لهم ياناس وبوستهم شافت بعيون نوف شي وتذكرت الموقف اللي صار لدانه معه في بيت ابو جمانه سبت نفسها بس ماكانت قاصده للمره الثانيه تصرف: وين ساره ماجت معكم نوف:راحت مع امي السوق .. بتلحق علينا منى: اهااا حلو وجوري بعد جايه نوف تكلم اماني: ورا ماجت معك اماني:بتجي توضب اغراضها.. طلعت وتركي يستناها قلت لها بنتظرك بس ابوي قال اسبقيها راحت دانه غرفة نادر وقعدت تدور شافتها جنب الطاوله راحت خذتها لفت بتطلع الغرفه شافت اللاب ع السرير مفتوح ع المسن فضولها جرها جر له قعدت ع السرير خطرت في بالها فكره فتحت صفحة مسن ثانيه ودخلت ايميلها اضافته وحذفت الصفحه ورجعت لايميله قبلت الاضافه وتنهدت تحس انها مستانسه وقفت والقت نظره ع الغرفه دق جوالها صارخت:يمه طاح جوالها ضحكت على نفسها وردت: هلا منى منى: هالقيتيها دانه: ايه نازله انبسطوا وضيعوا وقت ضحكوا وكانت الجلسه مزح وذبات بين دانه واماني واحلوت الجلسه عقب ماجت جوري وساره ............... يوم الخميس حفلة التمايم وبعدها باسبوعين قرروا يكون زواج ساره وعبدالرحمن . . . ارسلت له رساله يبقى الغلا ما بيننا والمشاريه والشرهه اللي بالخواطر تروحي كلن يعاتب بعض الاحيان غاليه والحب يبقى فوق كل الجروحي الحب لوشانت علينا لياليه نصبر وبسرالغلا مانبوحي طبع الوفا بيننا مانخليه يسري بروحك مثل ماهو بروحي توه طالع من عند الحلاق جا بيفتح سيارته جاه المسج شافه تبسم" ياحليلها لسه عايشه" ارسل لها رساله: طبع الوفا بيننا مانخليه يسري بروحك مثل ماهو بروحي لاتكونين واثقه في هالبيتين ارسلت له: ملكت القلب ولا تكثر ظنونك ولو قلبي يبي غيرك نهرته يمر البال ناس يشبهونك كثر ما مر غيرك ما ذكرته رياح الشوق تستأذن سكونك بها من الوجد فوق اللي انتظرته يكفيك العمر فدوه عيونك وكل الحب بدربك نثرته ارسل لها: طيب ياشاطره من انتي ارسلت:قلت لك وحده تحبك ارسل: وناسه بجي اخطبك دام تحبيني ارسلت: تتريق على قد كيسك ارسل: كيسي مليان وبيزيد على مهرك الفايض ارسلت: ههههههههههههه لآخر عمري احبك ارسل: جد انتي مين ارسلت: انا اللي كل شي اسويه لعيونك ياولد محمد ارسل:بعد تعرفين اسم ابوي ارسلت: واكثر من كذا ارسل: طيب فاجئيني بشي ثاني ارسلت: اعرف ايميلك استغرب وش عرفها لاتكون هكر والا الاعيب اكيد تلعب باعصابي تأخر رده عليها ارسلت: هالدقايق اللي معك عيشتني بسعاده شكرا لانك عطيتني من وقتك اشوفك الليل ع الايميل حقرها لازم يعرف من هذي سالفة الايميل خلت شكوكه تزيد دق على خالد :هلا نادر نادر:بالله شوف لي هالرقم من باسمه خالد:ياليتني ماقلت لكم اني اشتغل بالاتصالات طلعتوا ريحتي نادر: وجعه اول طلب وآخر طلب تكفى نفذه خالد:آسف انا مانفذته لغيرك انفذه لك نادر:انت خابرني ما أأذي احد خالد:ايه داري بس ياخي ماينفع لو نفذته لك بكرا بيجيني واحد غيرك ويسوي نفس ماسويت نادر: اوك تبي شي فكر: خلاص هات الرقم نادر: لاخلاص عادي خالد: ياحمار بسرعه مانيب فاضيلك نادر:ههههههههههه الحمار اللي جابته خالتي هيا ينادونه خالد خالد: انعن هالراس قليل خاتمه وانا بساعدك نادر: هههههههه اكتب اكتب ********05 خالد: خلك معي ثواني . . . خالد: باسم مجهول حظك بايخ اكيد وحده نادر:وحده ثنتين مو شغلك خالد: زين يلا اقلب فيسك ضحك نادر على خالد مايدري ليش يضحك يمكن انه ارتاح ان شكه مو في محله رجع البيت ام تركي:زين الله جابك ابيك تودي هالصحون الاستراحه نادر: بتسبح وتالي انزل أخذهم ام تركي:طيب لاتتأخر نادر: ان شاءالله رقى غرفته تسبح وتأنق وتوه بينزل شاف اللاب لازم يشيك فتح اللاب مافي احد متصل شاف ايميل غريب التوبيك البارونه بعمره ماضاف بنت شلون قدرت تضيف نفسها عندي فتح نافذه وارسل لها على بالك خفت يوم تعرفين ايميلي رحمتك صراحه ............... سعيده باللي حصل تو مع نادر حتى لو انه مايدري انها هي كفايه انها طلعت شوي من مشاعرها تجاهه دق جوالها رقم رشا وش تبي ذي ردت: هلا رشا: هلابك كيفك دانه:الحمدلله وانتي رشا:بخير دانه: وش قصتك تختفين ايام وترجعين رشا: ظروف دانه :الله يعينك.. تعالي وين اللي قالت بتجيني رشا:هااا دانه:هاااا حلوه الاجابه رشا: تطلقت دانه:لاحول ولاقوة الا بالله كلمتيني ذيك المره عقب انقطاع وقلتي تزوجت والحين تنقطعين وترجعين تطلقت وش حكايتك انتي رشا: خليك مني المهم ماشاءالله اليوم تمايم عيال منى دانه:من قال لك وانتي منقطعه رشا ارتبشت: يعني خبر حلو مثل كذا كل الحريم يتناقلونه دانه:اهااا ماكملت عدتها و ودها تحضر باي شكل من الاشكال عشان تشوف جوري : بيجون كثير دانه:ايه العايله وكل من يعز علينا رشا:وانا مو عزيزه تضايقت دانه : عادي حياك رشا:اوك نتقابل الليله ............... عبدالرحمن:يلا يمه تبون تمشون معي ام تركي:لا بنتأخر شوي خذ نص الاغراض ذي ونادر بياخذ نص يمكن نجي معه او مع تركي عبدالرحمن:اها طيب اخذ الاغراض على ثلاث دفعات ورجع:باقي شي؟ ام تركي:لاخلاص مانبي نكرفك واجد عرسك قريب عبدالرحمن:ههههههههه عز الله ماقصرتي يعني اللي تو مو كرف ام تركي: والله هذا قليل من اللي يشوفه نادر الله يخليكم لي يارب عبدالرحمن يبوس راسها: ولامنك ياست الحبيايب يلا سلام ابو تركي توه نازل:اصبر يادحيم خذني معك وراحوا ندى:يمه ام تركي:هااا ندى وهي تدور:زين شكلي ام تركي:حلو يمه .. يلا اصعدي لجوري شوفيها خلصت نبي نمشي مع بعض ندى :طيب طلعت لجوري لقتها قاعده ندى:اووف ماخلصتي جوري:موب رايحه ندى: قووومي اخلصي والله كلهم بيزعلون عليك.. قويه ماتحضرين جوري: ماعندي ولافستان صاحي ندى:خلي عنك ياكثر فساتينك الجديده تنقي واحد ويلا جوري:تبين الجد مالي نفس وامانه اذا سألوا عني قولي اي شي صرفيهم ندى:جوووري والله شينه ماتحضرين جوري :تكفين ندى اول مره اطلبك ندى:ان شاءالله... وطلعت دخل تركي بعد اخته كنه البخت ومرسم وكل ماله يحلو استغرب جوري اللي منسدحه راح عندها وجلس:شفيك جوري:ولا شي مسك جبينها يشوف حرارتها: حاسه بتعب جوري:مافيني الا العافيه بس بنام تبسم تركي:ودي اقولك جعله عوافي بس انتي ناسيه اليوم التمايم ورا ماجهزتي للحين جوري:لا مانيب رايحه تركي: لا يادبا قومي ماعندك عذر جوري:ماعندي فستان تركي:كان قلتيلي ونروح وناخذ اطلق فستان جوري: وشششو هو غصب اروح تركي: لا والله مو غصب بس كنوع من المجامله نكمل فرحتهم جوري: روح جامل بروحك انا مابي تركي تحامل نفسه : ترضين امي تزعل عليك ترا اول مره تصير جده جوري:اففف لا ما أرضى وخلاص الجايات اكثر ..روح الحين تلقى نص المعازيم احضروا تركي وده يخنقها بسبب اسلوبها بس تحامل مره ثانيه على نفسه وسكت وقومها:عادي الحين نروح السوق وتاخذين اللي تبين وانا بحتريك ماراح تطير الدنيا جوري: ياخي وش هالملاغه وش ثقالة الدم ذي ماابي ارووووح افههههههم عداد القهر والعصبيه وصل اخر مدى عنده وخر الشماغ ببطئ وفك ازارير ثوبه ودخل يدينه بشعر ودنق :بكل الوسائل كنت ابي اتقرب منك ..ليش مدري .. ابي شي حلو في اسلوبك يفسر ليش ابي قربك مالقيت.. وش اللي حدني اتحملك لاخذيت منك لاحق ولاباطل.. جوري:والله عاد هذا انا تركي رفع صوته هزها هز كان بيفقع طبلة اذانها: اصلا انا حـ ـ ـ ـ ـمـ ـ ـ ـ ـار اللي اعطيك وجه واكلمك. تسسسمعين حـ ـ ـ ـ ـمـ ـ ـ ـ ـار.. انكمشت جوري على نفسها حست انها تمادت وحست انه خلاص عصبيته شينه وكيله طفح وبيقتلها شال شماغه وقام يجر رجوله لين وقف عند الباب.. تركي: كنت بوافق اكون اي شي تبينه لكن اني اكون حمار وطرطور والله تعقبيــــــــن.. ومن بكرا بوديك لأهلك خلااااااااص مليت ابي ارتااااح وصفق الباب جوري صارت ضايعه بين جوري الطيبه وجوري القاسيه تسأل نفسها وترد بنفس الوقت تحس نفسها تحررت بس هل ياترا هذا اللي تبيه..؟ لا هي ماتقدر تستغني عنه هي تحبه وتموت فيه.. اجل ليش سوت معه كذا ليش عاملته كذا.. كانت تبي تاخذ حقها منه.. هو اللي خلاها تستحقر نفسها وتحس نفسها غير مرغوب فيها.. بس هو اعتذر صحيح ما اعتذر بصريح العباره بس اعتذر بطريقته كان يداريها ويتلافى اي حاجه بتأدي لمشكله.. خلاص الظاهر بينتهي كل شي.. ليش ماسمعت كلام سميره ..سميره اللي كانت مثال حي على فن التعامل مع الزوج.. ليش نست نصايحها هي قالت حتى لو كان الامر فيه خيانه مفروض ماتخسره وبالذات اذا كانت تحببببببه.. لاياجوري اصحي قبل لايضيع حبك وانتي تطالعين . . . . في الاستراحه كان ودهم يحطون دي جي بس مراعاة لوفاة ريم خلوها بدون كانت رشا موجوده تراقب متى تحضر جوري من بعيد كانت واقفه دانه مع اماني اماني:شفيك تحقرينها كذا دانه: تؤمنين بالله اماني: آمنت دانه:شفتي ذي كنت انا وياها مثال يضرب به في الصداقه اماني: طيب شي حلو دانه: ايه حلو لكن تغيرت علي 180 درجه غيرت ارقامها وقطعتني اماني: اووف دانه:لا وازيدك من الشعر بيت تزوجت ولاعزمتني اماني:اوما عاد وليش عازمتها دانه:والله هي اللي عزمت نفسها انا خلاص تغيرت نظرتي لها اماني: مع اني ما اعرفها بس خذيت منها موقف دانه:لالالا اللي بيني وبينها ما ابي اي احد يأثر فيه.. عادي يمكن معكم تكون احسن مما تكون معي اماني: يمكن.. ندى:رشا تعالي تبين تشوفين التوم رشا:ايه يالله راحوا وشافوا البنات ملتمين عليهم كل وحده تبوسهم وتحط لهم هديه سلمت عليهم هي بعد.. وطبعا بدون هديه هالمره حماسها انها تشوف زوجة تركي نساها رشا:ماشاءالله الله يخليهم لك مايشبهون لبعض مره ندى:اي واحد فيهم احلا؟ منى:ندى وجعه كلهم حلوين رشا:كلهم كنهم البدر بس هذا احلا ندى:قصدك تركي رشا:تركي!! >>>-:ايه تركي الصغير على حبيب قلبي تركي فديته!!!! طالعت صوب الصوت شوي ويطلع الشرر من عيونها تبي تشوف من هالوقحه بنظرها اللي تقول عن تركي حبيبها ندى:دبدوبه جيتي رشا:من هذي؟؟ ندى:هذي جوري زوجة تركي اخوي ماتشوفينها تتفداه علني كانت لابسه فستان سماوي طويل ماسك من الصدر ومن تحت كل ماله يكون اوسع كانت مروله شعرها وحاطته على جنب وحاطه ورده سماوي والميك اب بسيط هي عيونها وساع فركزت على رسمة العين فطلع شكلها توب سلمت ع الموجودين ساره:وليش قالوا تعبانه وانك منتب جايه؟ ندى تكلمت قبل جوري تجيب عذر ثاني: ايه انا طلعت وكانت مصدعه جوري:ابشرك صرت ازين معليش اشغلتكم معي ندى:الا شكلك اشغلتي حبيب الألب جوري:ايه بعد قلبي تروكي تعبته معي رشا انسحبت الحمام تبكي.. "الكذاب عايش بنعيم وانا عشت بجحيم ماكنت اتصور ان وحده بتاخذه مني" والبنات في هيصتهم ونكتهم والحريم في سوالفهم منى بهمس:جوري وش فيك جوري:وش فيني منى:شايفه تغيرات ترا افهمها وهي طايره جوري ارتبكت:وشو منى:تعالي داخل راحوا غرفه من غرف الاستراحه من سوء الحظ ان رشا في الحمام اللي فيها .. اول مادخلوا حطت ايدها على فمها تكتم بكاها وكانت الغرفه هدوء يعني اكيد بتسمع اصواتهم واضحه منى:يلا بسرعه اعترفي جوري:اعترف بايش منى:ليش لابسه هالفستان جوري تطالع نفسها: شككتيني بنفسي ليش مو حلو منى:لا حلو بس شكلك تغطين شي جوري: فريتي مخي وش تقصدين منى:فستانك واسع انتي حامل صح؟! جوري انهزمت قدام عواطفها وارتمت في حضن منى تبكي كان ودها تشكي لأي احد منى:بسم الله وش فيك لايكون ماتبين الحمل جوري:اي حمل يامنى اي حمل ..تركي ماقد لمسني ليومك منى:ايشششش.. فيه عيب هو جوري: العيب في تعامله معي منى: وش سوالك طيب جوري:عيشني بظلم وضيم كله عشان اللي يحبها منى:لاااااااه مانتي صاحيه شكلك تمزحين جوري:والله العظيم اني صادقه حتى يوم طاح في المستشفى بلندن طول وقته يهذي باسمها والله انجرحت وانحرجت قدام صديقه مشاري منى:ول ول ول قومي نروح الغرف اللي ورا وعلميني كل شي اخاف احد يجي هنا ويشوف حالتك.. وطلعوا رشا ماتدري تبكي او تضحك تحزن او تستانس كل جمل التناقض تشوفها قدامها يعني تركي مازال يحبني تركي يموت فيني بس ليش ماسأل عني.. شلون يسأل وانا غيرت ارقامي كلها.. يابعد عمري تروك دامك منت مرتاح معها فلازم نرجع لبعض راحت منى وجوري الغرفه اللي ورا وفضفضت جوري بكل شي ماخلت في نفسها شي من اول يوم تزوجوا الى اللحظه اللي قاعده تكلم منى منى:والله هذا الشيطان كان يردك عن الفعل الصحيح يعني مو كفايه كانت سميره زي المرشد والدليل لك.. جوري:يعني بتوقفين مع اخوك وتغلطيني منى:اخوي الغلط راكبه من راسه لرجلينه بس انتي تستاهلين تحملي النتيجه جوري:يامنى حرام عليك ليش اتحمله وش دخلني منى: مافي مره ترادد زوجها بهاالطريقه اتخيل نفسي ارد على فيصل كذا والله ان يذبحني طق.. احمدي ربك انه مو من النوع اللي يمد ايده جوري: والله مدها منى: ياااااااااااربي وش هاللي اسمعه والله انه مايمدها مهما فقد سيطرته.. اكيد تماديتي جوري: ما انكر اني تماديت بس وش اسوي احط ايد على ايد واسكت على اهاناته منى:الرجال يجي بالمسايسه مو بهالطريقه كذا بيفكر انك تتحدينه وين عقلك جوري:والله ماعرفت افكر ماكان عقلي براسي منى: دامه تغير معك فأكيد انه تركها جوري:ما اتوقع منى:طيب لنفرض انه ماتركها بتخلينها تاخذه منك وانتي مكتفه ايدينك والله لو انا لأقلبها حرب جوري:خلاص الكلام ماينفع.. قال بيرجعني بيت اهلي.. وكنت في حاله صعبه كنت بروح ارتاح عندهم بس خفت يفسره اني راضيه بقراره وانا ما ابي ابعد عنه.. عشان كذا جيت هنا الهي نفسي منى: عقلك في راسك تعرفين خلاصك بس نصيحتي لاتخسرينه وهالحين الحين تكلمينه وترجعين فرصه البيت فاضي بتاخذون راحتكم جوري:وش تخربطين مع وجهك منى: اجل اقعدي بها يالغبيه ............ في غرفة تركي رجع بدري وماشافها .. انسدح بالثوب:ااااااه ياجوري ماصدقتي على الله قلت لك بوديك لأهلك ورحتي حتى من غير ماتقولين .. انا استاهل ضيعتك من يدي وبديت عليك وحده مثل رشا... والله بضيع من غيرك وربي بضيع ماتنعرف قيمة الشي الا اذا افتقدها الشخص.. ونام وهو حاط ايده على وجهه .............. دخلت شافته نايم بثوبه مغطي وجهه بذراعه رق قلبها راحت قعدت جنبه و وخرت ايده شافته عاقد حواجبه الظاهر نام متكدر جوري:تركي تركي:همممم جوري:تركي قوم بدل وعدل نفسك تركي يحسب نفسه يحلم'' جوري غريبه وش جابها'' فرك عيونه يبي يتأكد هي اللي قدامه:جوري!! جوري:ايه تركي:وين رحتي جوري: طعتك وحظرت عشانك.. خالد وداني قعد تركي على حيله: جايه مع اهلي جوري: لامطولين وجابني بعد خالد تركي: كان رحتي لأهلك.. انا خلاص طابت نفسي منك .. مامر يوم الا تنكدين علي انا صح غلطت في حقك بس تغيرت معاملتي معك مفروض تكون كفيله توصل لك اعتذاري جوري:يعني هذا جزاي وانا جايه اراضيك تركي: محد طلب منك جوري:قسم بالله انك ماتستاهل الا التراب رشا اعمت عينك خلاص وقامت عنه قام وراها وسحبها: انتي الظاهر يبيلك تربيه جوري: متربيه قبل اشوف وجهك ماحس بنفسه الا وهو يدفها وطاحت على طاوله كانت قريبه:ااااااااااااااه وسكتت تركي''الله يلعنك يا ابليس انا وش سويت'' وطالعها: جوري جوري:...... تركي''لايكون ذبحتها'':جووووري ماتحركت رفعها شافها مغمضه حط راسها بحضنه ويضرب في خدها على خفيف:جوري تسمعيني وانتبه لغرق في اخر راسها قلبها شاف ثوبه دم بغى ينصرع''والله ذبحتها'' شالها والمستشفى على طوووول في الانتظار وحالته حاله ''ياااارب ااوعدك والله والله والله ماعاد امد يدي عليها واحاول اتعدل هذي ثاني مره البنت كانت بتروح فيها اوووووعدك يارب ماتتكرر بس نجيها'' جوري جوا سوولها كم غرزه الحاله كانت عاديه وماكانت كبيره.. تسائل الدكتور عن سبب الاصابه فهمه تركي انها كانت تنظف وطاحت اخذها ورجع البيت الحاله ماتستدعي تمكث في المستشفى جوري ساااكته لابكا ولاغيره كان ماسكها دخلها الغرفه وبيوديها للسرير فكت نفسه من ايده ورمت نفسها ع الصوفه ونامت بعبايتها تركي ''انا وش فيني كنت بقضي عليها والله لو احد يعطي منى او ندى كف واحد اني لأوديه ورا الشمس.. المشكله ان السبب كان تاااااافه يارب انا وعدتك وانا عند وعدي هالمره'' ............. رجعوا الكل لبيوتهم ام تركي:نادر نادر:سمي يمه ام تركي:وينه تركي مارجع لايكون ماحظر نادر:الا حظر بس رجع بدري قال نعسان بينام ام تركي:جعله عوافي ابو تركي:ولدك هذا مو عاجبني حاله هاليومين ماصدقنا على الله ويرجع لطبيعته الا وينتكس حشى صار دلع بنات حتى الدوام مايداوم زي الناس ام تركي:ترفق عليه.. لايسمعك وانت تشبهه بالبنات ابو تركي:تهدديني بولدك وش بيسوي يعني ام تركي:لك الحشيمه بس رجال طول وعرض وتنقال له هالكلمه قويه ابو تركي:والله الظاهر يبي يجيك كلمه اقوى منها نادر:استهدوا بالله وبإذن الله مايصير الا الخير ابو تركي:سكت امك ماتعرف تحكي نادر:يبه الله يهداك وش هالكلام ام تركي:نادر خلاص يمه ارقى غرفتك ابو تركي: ناس تجيب الهم .............. ندى: الخاينه راحت وخلتنا منى مبسوطه: خليها وش عليك منها ندى: وليش مستانسه منى: كذا!! .............. راح يشيل الثوب ولبس بجامه وفتح اللاب انفتحت نافذه والمرسله البارونا احبك توه بيكتبلها كتبتله: >>البارونا: صباح الخير >>ليه في كل ابتسامه القى دموع: صباح النور >>البارونا: توقعت تطنشني ماترد هههههههههههه >>ليه في كل ابتسامه القى دموع: ليش ما ارد عادي >>البارونا: يعني متقبلني >>ليه في كل ابتسامه القى دموع: لا >>البارونا: اجل >>ليه في كل ابتسامه القى دموع: طفشان وانتي نطيتي بوجهي >>البارونا: اهاااا >>ليه في كل ابتسامه القى دموع: ايييييه مع اني مو حق هالحركات >>البارونا: طيب احبك >>ليه في كل ابتسامه القى دموع: وبعدين >>البارونا: اهواك >>ليه في كل ابتسامه القى دموع: وبعدها >>البارونا: اموووووت فيك يانادر >>ليه في كل ابتسامه القى دموع: طيب ياللي تموووتين فيني وش اسمك >>البارونا: مكتوب عندك مو طالع >>ليه في كل ابتسامه القى دموع: طالع عندي البارونا >>البارونا: برافوا عليك تعرف تقرا هذا اسمي >>ليه في كل ابتسامه القى دموع: اهاااا >>البارونا: اييييه ماتمالك نفسه وضحك كتب لها >>ليه في كل ابتسامه القى دموع: تقلدين انتي و وجهك >> البارونا: بالله اذا ماقلدتك اقلد مين وراس امي وابوي اني احبك >>ليه في كل ابتسامه القى دموع: حرام الحلف بغير الله محد قال لك انه شرك اصغر >>البارونا: ماشاءالله مطوع >>ليه في كل ابتسامه القى دموع: ما ازكي نفسي بس والله اني محافظ شوي >>البارونا: افهم انك مو راعي بنات ولاقد كلمت >>ليه في كل ابتسامه القى دموع: ابداااا >>البارونا: والحين وش تسوي >>ليه في كل ابتسامه القى دموع: الصراحه انا للآن شاك انك واحد من اخوياي بس بجاريك بشوف نهايتها >>البارونا: قلتلييييي >>ليه في كل ابتسامه القى دموع: يب >>البارونا: بسألك >>ليه في كل ابتسامه القى دموع: تفضلي >>البارونا: تؤمن بالحب >>ليه في كل ابتسامه القى دموع: اكيد >>البارونا: يعني قد حبيت >>ليه في كل ابتسامه القى دموع: لا بس تقدر اقصد تقدرين تقولين ملت لشخص معين >>البارونا: ايه وبعدين >>ليه في كل ابتسامه القى دموع: مو من خصوصياتك ياحلوه >>البارونا: ايه صح >>ليه في كل ابتسامه القى دموع: وانتي >>البارونا: حبيت مره وحده بحياتي >>ليه في كل ابتسامه القى دموع: اقول لك كلمه بكل صراحه >>البارونا: ايه عادي قول مابدالك >>ليه في كل ابتسامه القى دموع: اذا انتي بنت جد ياحظ اللي تحبينه >>البارونا:يسلموووووو >>ليه في كل ابتسامه القى دموع: بس نصيحه ترا اللي تسوينه غلط انتي هالمره طحتي علي الله اعلم اذا طحتي بأحد ثاني ترا اغلبية الشباب يفهمون غلط ولعابين >>البارونا: والله انت اول شاب اضيفه عندي واراسله من جوالي لاني واثقه فيك >>ليه في كل ابتسامه القى دموع: لاتثقين بأحد ترا ماضيع البنات الا الثقه >>البارونا: اذا الثقه فيك يانادر تستاهلها >>ليه في كل ابتسامه القى دموع: امانه انتي مين >>البارونا: الحين أذن اخليك تروح تصلي وانا بعد بروح اصلي >>ليه في كل ابتسامه القى دموع: تصرفين؟ >>البارونا: انتبه لنفسك وتغطى زين غير متصل طلعت قبل يرد عليها ............... رجع من المسجد شافها ترتب ملابسها في شنطه تركي:وش تسوين جوري:شوفة عينك بس لاتخاف ماخذيت ولاشي شريته بفلوسك تركي:اعقلي ورجعي الشنطه جوري:اصلا بصير مجنونه لو اقعد دقيقه وحده تركي:جوري قلت لك رجعي الشنطه تركي:والله لو تجيب السكين وتحطها برقبتي ماتراجعت اخذ منها الشنطه:طلعه من البيت مافي جوري:وانا بطلع بدون الشنطه.. انا شفت الموت وماني خايفه منه الحين.. فاذا بتكمل ياليت بسرعه لاني ما اتحمل اشوف وجهك او اقعد معك تحت سقف واحد دقيقه وحده ودموعها كانت تنزل بهدوء تأثر من كلامها كان معها حق هو حملها مالاتطيق :شوفي طلاق ماني مطلق واخذ جوالها وطلع من الجناح بعد ماقفله عليها جوري:ااااااااه يمه يبه ليتكم تدرون باللي حصل لي عارف المكان اللي يبيه طق الباب منى: ادخل دخل وكان مرتبك منى:اللهم اجعله خير شفيك ياخوي تركي:طايح بمشكله وابيك تساعديني تكفين لاتخذليني وما ابي اسمع ولانصيحه منى:امر تركي: ما ابي اسمع ولانصيحه اذا بتساعديني بدون نصايح بتكلم منى: زين بس تكلم تركي:دفيت جوري بالغلط وفتحت راسها غطت على فمها تركي حس ان اللي سواه كبير منى:الحين؟؟ تركي: لايوم ترجع مع خالد منى:المطلوب تركي: تبي تروح لاهلها الحين منى:ايه تركي: ابيك تروحين لها الحين وتخلينها تتراجع تكفين يامنى انا داري انك تقدرين تأثرين عليها .. شوفي انا كنت بقول لامي بس بتسويلي مشكله.. عشان كذا ابيك انتي الحين الحين تروحين لها منى ساااكته تطالعه متفاجئه وتركي يطالعها ينتظر ردها تركي:تكفين منى وقفت : وعيالي تركي:بقعد عندهم لحد ماتجين وانتبهي احد يحس فيك.. ورمالها المفتاح التقطته وراحت اول مافتحت الباب لقتها قاعده وماسكه عبايتها جوري ''ارسلها واسطه'':هلا منى قعدت جنبها: بدون مقدمات شوفي تو تركي كان عندي وحكالي..داريه انه غلطان وحتى هو بنفسه معترف بهالشي جوري:حلو منى:وانتي بعد غلطااااااانه واحملك اللوم كله جوري:الله يسامحك مها: والله الكلام اللي بقوله لك الحين مافي وحده بتقوله عن اخوها وانتبهي انتبهي تركي يدري عنه جوري:ادري راعي بنات صح منى:طاااح حظ عدوك.. وش تقولين انتي.. تركي من عرفته ماقد صدته يكلم بنت جوري ماحبت تزيد الامور سوء وماقالت لها عن مكالماته منى: ما ابي ازيد ع الكلام اللي قلته لك بالاستراحه بس فتحي اذنك زين واسمعيني لاتعتبريني حماتك اعتبريني اختك جوري:طيب منى:الرجال ماتنفع له المره الضعيفه اللي دايم تصيح خليك قويه وذكيه حاولي تمتصين غضبه اذا شفتيه معصب .. وسليه اذا شفتيه رايق.. ترا الرجال طفل والله على ماتعودينه خليك رومانسيه انا متزوجه وادري بكل شي ركزي ع الدلع الله الله في الدلع دلعيه لين يدوخ خليك ذكيه والعبيها صح لاتخلين ضعفك يفقدك ثقتك في نفسك جوري:والله يامنى ماعاد ابي اخوك اللي شفته منه كرهني في حياتي منى: انتي طبقي اللي قلته لك وانا بقول له ان هالشهر فتره اختبار لكم ولزواجكم.. واذا الله كاتب لك تستمرون في هالزواج فبيستمر بس هالشهر واذا ماتعدل شي والله انا اللي بطلقك منه جوري ساااكته منى:ها قد التحدي جوري بتردد:قده منى:والحين انا بطلع له واقوله انك ماوافقتي الا بعد طلوع الروح جوري حطت على تحت كلام مها باللون الاحمر مية خط (((الرجال ماتنفع له المره الضعيفه اللي دايم تصيح خليك قويه وذكيه حاولي تمتصين غضبه اذا شفتيه معصب .. وسليه اذا شفتيه رايق.. ترا الرجال طفل والله على ماتعودينه خليك رومانسيه انا متزوجه وادري بكل شي ركزي ع الدلع الله الله في الدلع دلعيه لين يدوخ خليك ذكيه والعبيها صح لاتخلين ضعفك يفقدك ثقتك في نفسك ))) طلعت منى وراحت له:يالله وافقت ياشيخ الله يلوم اللي يلومها حايس البنت الله يحوس ابليسك تركي:الله يبشرك بالخير منى:بس هااا لك هالشهر واخلي سبيل البنت محمد:منى منى:وانا صادقه الحين لو صار لها شي وماتت وش يكون موقفك قدام الله والا قدام اهلها وخصوصا عمي عبدالله تركي:يحووول منى:اذا مافيك شده تتعدل فخلي البنت تعيش حياتها معززه مكرمه في بيت اهلها تركي حس ان منى تتحداه لازم يثبت لها عكس اللي تقوله ''انا بحاول والله بحاول اتعدل بحاااااااول يارب ساعدني واتخلص من عقدتي وانا وعدتك ما امد يدي عليها عقب امس'' جوري''يارب مدني بالقوه واسوي اللي قالته منى بس وش بيقول اكيد بيقول هذي ماعندها احساس لالا ياجوري لاتخلين الشيطان يلعب براسك انتي توكلي وسوي اللي قالته منى.. نفس كلام سميره الله يوفقها وين ماكانت مفروض سمعت كلامها من البدايه وماخليت الاوضاع تتدهور قطع تفكيرها دخوله دخل وراح غرفة الملابس بيبدل بينام جوري''يلا جوري ابدي من هاللحظه.. والله ماااااااااابي بس انا قدها ايه قدها ونص'' راحت وراه استغرب قعد يطالعها جوري:خلاص اطلع انا بجيب لك البجامه مو مستوعب ماحب يعقد المسأله وطلع دقايق وطلعت وبيدها البجامه راحت للتسريحه حطت فيها عطر وعطته اياها جوري: تبي تاكل شي قبل تنام فاتح فمه''اكيد منى سوت لها سحر استغفرالله وش اخربط انا'':هااا لاعادي مو جوعان بنام جوري:انا بعد بنام بدل وانسدح وهي خففت انارة الغرفه وانسدحت جنبه بس بينهم فاصل جوري''والله شكله يضحك مو مصدق.. صدق من قال شر البلية مايضحك اجل خلي اسوي هالحركه''والتفتت له وغطته باللحاف:اقرا وردك تركي ''لايكون ناويه تقتلني يحووووول وش هالافكار خل انام احسن قرا ورده ونام جوري ''اول الغيث قطره والله لايضيع محاولتي سدى " .............. الصباح الساعه10 تركي بفراشه نايم قعدت جنبه:تركي لف للجهه الثانيه جوري:تركي تركي:شفيك جوري:قوم جهزت لك الحمام وحطيت لك الفطور يحس انه يحلم ..قعد جوري:يلا قوم ياكسلان تركي"يعني اللي كنت فيه امس مو حلم'' ودخل ايده في شعره اللي زاد طول: طيب مسكت شعره: شعرك مررره طال لازم تقصره يعطيك شكل احلى وشيل هالعارض اللي بدا ينبت ماتكلم كل تركيزه في يدينها اللي تخلل شعره:هااا بدلع:مثل ماسمعت ويلا قوم انا بطلع اسخن الفطور ع بال ماتخلص.. وطلعت وقلبها يدق طبووول''يمه انا وش سويت والله بغى يغمى علي ياارب استمر لين اوصل لمرادي'' طلع تركي وقعد ع الفطور تركي:صبي لي شاهي جوري:سويت لك نسكافيه وتعطيه اخذه منها بدون مايعلق وقعد يفطر من هالاصناف اللي مسويتها كل صنف احسن من الثاني جوري:جازلك الاكل تركي:وش ناويه عليه انتي ارتبكت بس مابينت له:البنت مالها الا بيت رجلها هذا اللي فهمتني اياه منى وان شاءالله بنتخطى كل الصعوبات تركي:يعني ماراح تعلمين اهلك باللي صار جوري:مستحيل مو انا اللي تطلع اسرار بيتها وبعدين انا مو انانيه ابوي واخواني لو يدرون طبيعي ماراح يسكتون وبتخسرون بعض وانا اكبر من كذا تركي''والله ماراح القى مثلك'':زين سويتي.. بس والله العظيم اللي صار امس حادث عرضي ماكنت قاصده ماردت وسكتوا بيكسر الصمت:مابقى شي على زواج عبدالرحمن وساره شريتي شي جوري:لا تدري انشغلت و... تركي:تبين تروحين اليوم السوق جوري:لاوالله راسي يألمني خلها بوقت ثاني تركي: على راحتك دق جواله تركي:عن اذنك وطلع برا الحديقه كان محتاج يشم شوية هواء جوري''اكيد هذي هي والله ماتاخذه مني لوتموت'' دخل سيارته اللي كانت بالحديقه وخلا باب السياره مفتوح تركي:هلا مشاري مشاري:وش اخبارك يالغالي تركي:الحمدلله مشاري:كيف الاجواء تركي:غيوم بس ان شاءالله تروح مشاري:والله عندي لك غيمه سوداء تركي:عسى ماشر مشاري: رشا دقت علي ((طبعا رشا كانت تعرف رقم مشاري لانه كان الكوبري اللي تقدر من خلاله توصل لتركي اذا مارد عليها سواء كان تعبان او زعلان او حتى نايم فتدق تسأل عنه)) تركي:رشا اللعين... استغفرالله العظيم وش تبي ذي بعد وحكاله مشاري القصه وانها داريه ان تركي مازال يحبها وانه بعد هي تحبه وانها تبكي تبي اي طريقه توصل له تركي:شكلها خرفت.. هي مارجعت الا عقب ماراح عنها منذر مشاري:والله حالفه ترجعك لها..ليتك تسمعها ماغير تبكي تركي:شوف رشا صالح ال.... ماتت بنظري والله والله والله لو تبكي دم ما ارجع لها .. خلاص هي ورقه لها معي 3سنوات وشقيتها رشا انتهت صلاحيتها مشاري:انا قلت لها هالشي وقلت لها انك غيرت رقمك لانك ماعاد تبي ايش شي يوصلكم لبعض ومع هذا ترجتني اعطيها تركي:لايكون عطيتها مشاري:افا عليك بس.. اصلا سبتني يوم رفضت وقعدت تهدد وانها بتجيب رقمك بطريقتها تركي: احقر هالاشكال واعلى مافي خيلها تركبه مشاري: لاتوصي حريص.. كان في شخص في الخيمه سمع كلام تركي كانت السياره قريبه من الخيمه وماكان هالشخص الا منى اللي نزلت تجيب باقي الهدايا اللي نزلها فيصل امس وراح انصدمت:رشا صالح ال..... يالله معقوله هي اللي كان يحبها تركي طيب كيف ماعرفنا ولاحسينا طول هالثلاث سنين... وزوجها منذر اللي قص ع المرحومه والا تشابه اسماء يووووه مو وقته هالكلام انا لازم اقول لجوري انها ناويه شر تبي تركي بأي طريقه.. ............ دق جواله بنغمة رساله نومه حساس قام شاف الرساله طالعها وتبسم ودفن وجهه بالمخده كانت الرساله منها جمعه مباركه لاتفوتك الصلاه ............... رجع فوق الغرفه شافها لابسه بجامه حرير ورافعه شعرها شينون اول مادخل طلعت له ثوب وغتره: جهزتلك ملابس الصلاه تركي: تعبتك معي جوري:تعبك راحه عطته الملابس: انا نازله اخوانك تحت تركي: ايه بس نروح انزلي جوري: اها طيب اجل بساعدك تلبس ارتبك مو من عوايده يكون بهالموقف شافت ارتباكه استانست لكن هي بعد مرتبكه ياااكبرها بتلبسه "عادي زوجي ماسويت شي حرام" وصارت تلبسه زي الطفل.. خلصت وهو راح للتسريحه يدور عطر جوري: لا لحظه تركي: ليش جوري: عندي دهن عود روعه بطيبك منه فتحت شنطتها وقربت منه وصارت تحط له في رقبته تركي: طيب الله ثراك جوري: وثراك.. وقربت منه واستنشقت عبق العطر: ماشاءالله ريحته حلوه عليك وجهه حمر مستنكر معاملتها جا بيطلع جوري: تركي تركي:هلا جوري: تعال بقول لك شي باذنك وقف مكانه.. راحت له ..رفعت نفسها على اطراف اصابعها وهو نزل اذنه لها ضمته حيل وباست خده: ادعيلي وقف شعر جسمه اللي سوته كبير وجديد: ان شاءالله .. وطلع جوري: ليتك حيه ياخاله غزيل وتشوفين فرحتي اللي اكبر من فرحتك.. غزيل هذي ام جمانه جلست فترة ماتنجب عشر سنين وماغير مطامر من مستشفى لمستشفى عشان تتعالج وتاليها يأست وفجأه قامت من النوم دايخه راحت المستشفى وقالوا لها بكل بساطه مبروك حامل.. هذا هو شعور جوري وازود عن كذا .............. نهاية البارت قراءه ممتعه .. .. .. |
البارت ((20)) . . . . . كان يتابع الاسهم ابو طارق:بشر طارق:بعت وباعلى سعر ابو طارق: على نياتكم ترزقون طارق: توفيق الله ثم دعواتك ودعوات الوالده طارق:مابعد ضيق الا فرج الحمدلله خالد: اجل النص بالنص طارق: صادق نص لنا ونص لامي وابوي ابو طارق: لا يابوك تنقسم بالعدل وعطوني حقي وبعطيه لتركي.. فك زنقتي الله يجزاه خير ويجعلها بموازين حسناته خالد: لا يبه كلنا نتقاط وندفع ابو طارق: لا انتم خلوا فلوسكم لكم وبالذات طارق وراه عرس طارق: يعني وافقت؟ ابو طارق: العلم عند امك ام طارق:ايه موافقه وبعد عرس ساره نخطبها رسمي طارق: الله يبشركم بالخير اماني: اجل انا تعطيني نص اللي بيعطونك طارق: مانيب رادك تبشرين والله اماني:شف صدق خل فلوسك لك زي ما قالت خالتي وراك عرس ام طارق: افااا خالتك اماني خافت: اسفه وش يقولون لمرة الاب عندكم خالد: ياعبيطه قصدها قولي لها يمه اماني: والله اني اعدها بمثابة امي ام طارق: ويشهد ربي اني اعتبرك بنتي وغلاتك من غلاة ريم رحمة الله عليها وجوري الجميع: الله يرحمها خالد: والله يبيلك ياطارق تتصدق بجزء من الفلوس ام طارق: عين العقل مانقص مال من صدقه طارق: مسوي حسابي مايحتاج وباخذ بعد جزء وادخل به الاسهم مره ثانيه واذا بعت وجا مبلغ حلو نبني مسجد على نية ريم ابو طارق: والله ياطارق اذا هذي سواتك مع اختك الميته فلو غمضت عيني ماراح اخاف على اماني والا جوري معززه مكرمه في بيت رجلها وخالد رجال ماينخاف عليه طارق: عسى عمرك طويل يارب .............. ايام جميله بالنسبه له كانت معيشته من اروع مايكون.. وكان يفكر كيف لو ان هالتعامل على طول الوقت ماراح يلتفت لمليون رشا حس ان عندها طاقه كبيره وقادره انها تعطي حس بحبها له من نظراتها ولمسة ايدها تولد اصرار في داخله الا يكسبها مستحيل يخسرها اذا اللي شافه منها للحين خلاه يستانس فالخافي العظيم بيخليه يكون اسعد انسان في العالم سمع اصواتهم متجمعين تحت نزل لهم امه وندى ومنى وجوري تركي: السلااااام عليكم الكل وعليكم السلام جلس جنبها تركي: ندى صبي لي شاي قامت جوري: لا انا بصب لك صبت له وحطته قدامه تركي: ماشاءالله اصواتكم واصله لفوق ندى: نبي نحلل اليوم بالسوالف تركي: وش معنى اليوم بالذات ام تركي: منى آخر ليله لها عندنا تركي: افا مناوي شبعتي مننا من: لاوالله بس خلاص حان وقت الرحيل برجع لبيتي جوري: هو صحيح بنفقدك بس والله بنفقد النونو اكثر ام تركي: اي والله ما اقوم الا على اصواتهم.. ومن كثر ماني متعلقتبهم اسبحهم والفهم وطول يومي اشيل فيهم منى: كل خميس بجي لاتخافين ندى: لانبي نونو عندنا في البيت مانفارقهم ام تركي بحسن نيه: اي والله صدقتي .. يمه تركي متى تفرحني والا جوري مصره على رايها وانه بدري جوري:هااا لا بس قاطعتها منى: يجيب الله خير ام تركي: حبيبتي ماظل كثر اللي راح الايام تمشي ومحد ضامن عمره تركي: عسى عمرك طويل يمه وتشوفين عيال عيالي صح جوري جوري: ايه صح ندى: يعني بتغضين النظر عن كلمة بدري ام تركي: ندى مالك دخل بهالسوالف ندى: يمه عادي صرت خاله ابي اصير عمه والله بي شف على قولة ياعمتي ام تركي: اجل انا وش اقول وبالذات عيال تركي بكري ومشتهاي جوري: ان شاءالله خالتي.. بس ربي ماكتب ام تركي: الله يرزقكم حبيبتي كالعاده هالموضوع حساس واحرجها تركي ماعلق شلون يعلق وهو عارف البير وغطاها وانها للآن مانامت بحضنه ولا خذا حقوقه الزوجيه زي اي زوجين في الحياه وجا بيشرب الشاي ندى: لا لا لاتشرب شاي تركي: ليش ندى: اشرب قهوه واستمتع بهالحلا تراه من صنع ايديا وحياة عنيا تركي: لا ما أبي وشال بيالة الشاي واردف: دام ذي جت من يد جوري فهي اطعم من مليون حلا منى: ياااااااهووووووه مقدر على كذا من قدك جوري تركي: والله اني صادق.. تدرين جوري لو تشرب منه بيزيد حلاه قامت ام تركي وضربته مع كتفه: استح شوي احرجت البنت تركي: وينك ياخاله حصه توقفين معي ام تركي:عاد هي حقانيه ماشاءالله عليها وشافت ان وجودها ماله داعي:انا بروح غرفتي بحفظ لي كم سوره مابقى شي واختم الجزء العاشر تركي: موفقه يمه الله يجعله شفيع لك يوم القيامه ام تركي: اللهم آمين... وراحت ارتاحت جوري شوي لان ام تركي كانت مسويه عائق وخجلها منها خلاها تكون بوضع حرج.. وهنا جا دورها قامت وحطت بصحن حلا وصبت فنجال قهوه وعطته اياه رفع ايدينه الثنتين وتناول الفنجال والصحن جوري: لاخذ الفنجال بس! خذاه وهو ساكت جوري: حبيبي لاتشربها حاره مو زين انقلبت الآيه وانحرج ماتعود على كذا وبالذات قدام خواته ضحكت منى في سرها وندى كذلك بس ماتدري وش السالفه خذت الملعقه: افتح فمك لازم تذوق حلا ندى هو اصلا كان فاتح فمه مبلم .. واكلته ندى: وشرايك حلو صح تركي:هااا منى انفجرت ضحك تركي: خير كتمت ضحكتها وضحكت بدالها جوري من شكله تركي: وانتي بعد تضحكين ندى: وش ضحككم تركي: من جد وش اللي يضحك ضحكونا معكم منى: ابد مستانسين ندى:دوووووووم ولايغير عليكم يارب.. ها ما قلتلي شرايك تركي:الصراحه لذييييذ جوري: اجل يالله خذ بعد لقمه مسك الملعقه: لا الحين دورك.. جوري: لاتوني ماكله تركي: لاكلي من يدي وفتحت فمها الصغير واكلت اللي براس الملعقه: خلاص يكفي تركي: كملي اللي بالملعقه جوري: خلاص تروك والله اكلت ندى:شكله ماعجبك من اول وتجاملين جوري:لاوالله يجنن تسلم ايدك تركي:هني جوري: على قلبك منى:ماودكم نغير جو ونوسع صدورنا جوري: والله محتاجين سعة الصدر نبي نفلها شوي تركي: ماطلبتي شي قوموا امشيكم منى: ياااااسلااااام.. لامافيه وعيالي وين احطهم ندى:ترا صجيتينا عيالي وعيالي جوري: وهي صادقه خالتي لطيفه ماتقوى على صياحهم.. خلونا نفلها هنا تركي: وشو نلعب حبشه مثلا ندى: والله فكره تركي: ياشيخه فكينا يازين شكلي اطامر وانا سافط الثلاثين جوري: توك بعز شبابك تهبل الله لايحرمني من مطالع هالوجه انحرج من قوة استغرابه منى طالعت في جوري وعطتها نظره بمعنى تعجيبني ندى: خلوا هالكلام بعدين وقولوا لنا شلون نفلها تركي: مصدقه الاخت جوري: ايه عادي خل نلعب اي لعبه تركي: اقووول جوري: لا.. لاتقول خلاص قررت بنلعب لعبه وحنا قاعدين ندى: لاتقولين لعبة الصراحه ترا طقت طبولي منها من كثر ما أقراها في الروايات منى:ههههههههههههه اي والله صادقه نبي شي ثاني جوري: نلعب لعبة الحكم.. تركي: وش قوانينها جوري:نسوي اوراق وكل واحد يختار ورقه اللي يجيه الحاكم يختار رقم ثم يقول حكمه منى: حلوه .. انا موافقه ندى:وانا بعد تركي: اوك وانا معكم بس الحين مايمدي فيني النوم مانمت منى:نخليها آخر الليل كل واحد فينا فاضي لان حتى حنا مايمدينا بنروح السوق تركي: ماعندي مانع شرايك جوري جوري: اللي تشوفونه ندى: مو تخونزون تركي: لا تخافين انا اللي بجمعهم.. يالله انا برقى غرفتي وقف ومد ايده لجوري مدت ايدها له بدون اي تردد وطلعوا .............. ساره: آسفه عبدالرحمن: هذا آخر كلام ساره: دحومي لاتزعل بس والله مقدر عبدالرحمن: انا ماقلت اخترعي ذره عشان تقولين مقدر ساره: والله اللي طلبته مني اصعب منها عبدالرحمن: ساره ترا مابقى شي على زواجنا ليش هالحياء ساره: مدري والله اني مستحيه عبدالرحمن: تراها اسئله عاديه ساره: عندك عبدالرحمن: يعني يومين انتظر تجاوبين عليها وفي الاخير مستحيه.. والله كل ماتجيني رساله قلت بس هذي هي جاوبت عليها ساره: والله محرجه.. وبعدين وش بتستفيد منها عبدالرحمن: مالك دخل انتي جاوبي عليها وبس وهالشي حلو كثير خطاب وازواج يتبعونها واحمدي ربك ماسألتك مباشر ساره: دحومي اعفيني ليتك تشوف وجهي صار طماطه عبدالرحمن: تستحين من اسئله ساره: مو اي اسئله انت قاريها قبل ماتعطيني عبدالرحمن: ايه عاديه والا كنت ناوي اجيب اقوى منها ساره: قصدك ابيخ عبدالرحمن: اهااا طيب شرايك والله ما اقفل لين تجاوبين عليها ساره: لا واللي يرحم والديك ترا بصيح عبدالرحمن: صيحي من هنا لبكرا مانيب متراجع ساره: اهون عبدالرحمن: احبك واعشقك وماتهونين وبتجاوبين ساره: يحووووول عبدالرحمن: انا بقول لك سؤال سؤال وانتي جاوبي ساره: لا انا برسلك الاجابات عبدالرحمن: ارسليها وانا معك الحين ساره: وشذا ماصارت عبدالرحمن: اخلصي والا والله بزعل منك ساره: طيب بدق على تلفون غرفتك عشان اقدر ارسل من الجوال عبدالرحمن: طيب... وقفل ساره"ياكافي الحين حبكت على هالاسئله كان انتظر وش بيضره" ودقت عبدالرحمن: هلا حبيبي ساره:هلا عبدالرحمن: يلا ارسلي ساره: طيب وقعدت تكتب وتمسح تكتب وتمسح: ياااااربي عبدالرحمن:ههههههههههههههههههه ساره: ايه اضحك وش عليك.. بعد ثواني:ها جاك شي عبدالرحمن:ايه لحظه ساره:والله فشله مارد عليها ساره: دحومي عبدالرحمن: عيووووونه ساره: ها ارتحت عبدالرحمن:اقوى شي.. يلا اللي بعده وجاوبت برساله عبدالرحمن: يااااااااااالبيه بس.. حبي ع السريع كملي استوقفها سؤال: عاد ذا والله ما اجاوب عليه من جد احراج عبدالرحمن:هههههههههههههههههههههه لاتكفين ساره: مافيه امل ساااااااااااااره انزلي امي تبيك ساره:هههههههههههه عبدالرحمن: هادم اللذات هذا صوت دانه ودي احفر خندق واحطها فيه واحرقها ساره:هههههههههه حرام عليك والله ربي جابها من السماء هذا وقتها.. يلا اشوفك وقت ثاني عبدالرحمن: اذا خلصتي دقي ساره: لا خلاص ماراح اكلمك الا يوم العرس عبدالرحمن: والله ان اذبحك ساره: والله جد أحكي يلا سلام عبدالرحمن:ساره ساره: امي تبيني باي.. وقفلت تبوسم " يارب قدرني على رضاها" .............. اماني: والله ققدتك كثير تصدقين بكيت اول مره افارقك الهنوف: حبيبتي انتي بين اهلك بس يخلص زواج بنت عمك ترجعين لي اماني: اي والله مشتاقتلك يمه الهنوف: تشتاقلك العافيه ياقلبي مو كثري.. ها كيف الاوضاع عندكم اماني:ابوي للآن متأثر صح يضحك معنا بس باين عليه وبالذات اذا شافني الهنوف: الله يرحمها ع الاقل هو شافك وشافها لكن انا ماقد شفتها الا يوم كان عمرها اقل من شهر اماني:يمه لاتقلبين المواجع وتضيقين صدرك الهنوف: الله لايجيب ضيقه.. شوفي حبيبتي استانسي وعوضي ابوك بطاعته والكلمه الطيبه.. انا بعد حرمته منك اماني: لاتخافين يمه هذا ابوي مهما صار.. واللي فات مات الهنوف: واخوانك وجوري عامليهم بالحسنى وبالادب مثل ماربيتك اماني: والله تربيتك عن تربية الفين رجال الهنوف: فديتك ولا اوصيك على خالتك هيا ترا هالحرمه وقفت معي وقفه ما انساها طول حياتي اماني:بحطها فوق راسي.. والله يمه كل ماشافتني تلمني وتبوس فيني الهنوف: معلوم من ريحة ريم الغاليه اماني:وانتي شلون اوضاعك الهنوف:ريان جا سكن عندي لين ترجعين مو مقصر علي بشي فديته اماني: مالك نيه ترجعين لخالي لان زي منتي عارفه انا بصير اجي هنا كثير ومابيك تقعدين بلحالك الهنوف: وهو قال لي عشان ارجع؟؟ اماني:يمه طيب تعالي الرياض عند خالي عبدالعزيز الهنوف: الله لايخليني منه كل ماكلمته قال تعالي اماني: اهاا على كذا مالك حجه الهنوف: وشغلي اماني:قدمي تقاعد الهنوف: ناسيه اني انا اللي اصرف عليك اماني: خلاص ابوي بيصرف علي ابشرك طارق كسب بالاسهم نعمه وخير الهنوف: الله يرزقكم اماني:ها وش قلتي الهنوف: الله يكتب اللي فيه الخير اماني:اوك فكري.. عاد يالله يمه اخليك بطلع السوق مع البنات الهنوف: انتبهي على نفسك اماني:تامرين أمر ............... دخلوا الغرفه تركي: ابي بجامه مريحه اذا ماعليك امر جوري: ان شاءالله وراحت الدولاب جوري: تبي قطنيه والا ستان تركي: اللي تشوفينه مناسب طلعت له قطنيه.. وجابتها له: جبتلك قطنيه عشان برودة المكيف خذ البسها تركي: ماراح تلبسيني جوري: من عيوني.. ولبسته وودها الارض تنشق وتبلعها بس حاربت الحياء اللي متكمن في داخلها وتأملت فيه وهي تسكر الازارير وهو عيونه مركزه فيها: جوري جوري بدلع:لبيه تركي: لبيتي حاجه ايدي بايدك.. بسألك بذمتك مقتنعه باللي تسوينه معي جوري: وش سويت تركي: تغيرك الفجائي! جوري: تبي الجد تركي:اي والله تكفين مسك ايدها وحست بالامان والراحه والاطمئنان.. وجلسوا اشرت على عقلها: هذا مقتنع رفع اصبعه وحطه على صدرها: وهذا؟ جوري: بالنسبه لي هذا المتحكم في كل شي منبع القناعه صادره منه تركي: اعتبريني غبي وما افهم.. و وضحي اكثر حطت نفسها بحضنه:تغيرت لاني احبك.. ومحتاجتلك ذاب قلبه حس باحتياجها له.. هذا يمكن مايتكرر لو طاع الشيطان وكابر.. لفها بيدينه وضمها على صدره لو الود وده دخلها بين ضلوعه عشان ماتضيع منه تركي:جوري جوري: لاتقول لي ولاكلمه ابيك تحس فيني بس تركي''والله حااااااااس فيك'' جوري:والله ياتركي اني ندمانه على كل كلمه وتصرف بايخ طلع مني.. وابيك تسامحني واذا علي انا مسامحتك ع اللي صار تركي: اششششش فكته جوري وطالعت عيونه:ليش تركي يكابر وده يقول لها انا مسااااامحك بس ماقدر وخايف تكون هذي نزوه وبتنتهي: انا تغيرت انتي بتتغيرين جوري:ايه بتغير تركي:ماراح تقدرين لان اللي اشوفه احسه تمثيل مدري ليش جوري:بثبت لك مع الايام انه مو تمثيل تركي: وش بيجبرك جوري:حبي يجبرني تركي:اهاا جوري:تركي انت تبيني او لأ تركي:والله ابيك اكثر من وقت مضى بس انتي جوري: نفتح صفحه جديده تركي:انا فاتحها من زمان جوري: طيب اوجهلك نفس السؤال تركي:وشو جوري: انت بعد كان تغيرك فجائي!! تركي:صح جوري: شفقه تركي:شيلي من بالك يكون تعاملي معك شفقه جوري:اجل تركي: خلي الايام تقول لك "يا انه يحبني ومو قادر يقولها او انه بيحاول يحبني ..شي احسن من لاشي" من كبر حبها له راضيه بالقليل منه بدلع: اممممم اكيد تركي: اكيد يابعد طوايف هلي جوري: وش اثباتك تركي : ماعندي اثبات بس شوفي معاملتك لي شلون خلتني معك.. دبدوبه سحرتيني تطور مذهل من يصدق هذا تركي اسلوب جميل.. لسان معسول معامله رقيقه حسسها بالدفئ اللي كانت تنشده منه وتتمناه ماكان ناقص منه الا يسمعها كلمة احبك هذي هي الكلمه الوحيده اللي كانت تتمنى تسمعها منه بس رضت بالمقسوم دامه متقبلها هذي بدايه حلوه وهي راضيه فيه طالما انها بتعيش معه هو وفي حاجه في داخلها تقول لازم تخلينه يحبك الا يموت فيك واكثر بعد لازم تطبق كلام سميره ومنى بالاخير هو زوجها يعني اي تصرف بيطلع منها ماراح يكون لاعيب ولا حرام بس يبيله شوية قوة وجرأه منها وهي قدها اهم شي تكسبه وتنسيه رشا واللي جاب رشا قربت منه وغافلته ببوسه طويله تحت شفته لثواني دققوا بعيون بعض كل واحد يبي يقرا عيون الثاني تركي: هذا اللي قدرتي عليه بدلع: الجود من الماجود تركي:ههههههههههههه ومسد شعره اللي واصل نهاية رقبته جوري: حبيبي انت لازم تشوف لك صرفه في شعرك تركي: جت امي الثانيه.. ليش بايخ شكله جوري: وربي يهبببببببببببل.. بس لين وين بتخليه يطول تركي: عاجبني جوري: قصه وبدعيلك كل يوم ان ربي يحقق لك اللي تمنى تركي: والله ما ابي من هالدنيا الا شي واحد ويكون منك جوري: افا عليك قول وابشر تركي: يعني ماراح تسطريني ضحكت وطاحت خصلات شعرها على وجهها رفع هالخصلات ورجعها ورا اذنها وتأمل ابتسامتها الجميله وخدودها المورده: دااااايمه هالضحكه يارب جوري: في ظل وجودك.. ضمها كثير له وهي تراجعت فيه خوف يمنعها مثل ماهو خايف ان تعاملها معه يكون نزوه هي خايفه نفس الشي لانه انسان مزاجي ومتقلب صرفت:ماقلتلي وش امنيتك تغير وجهه من التصريفه: على بلاطه امنيتي طفل منك! اختلف لونها تركي: كم صار لنا متزوجين جوري: مده طويله تركي: وانتي شايفه هذا عدل جوري: بصراحه تبي طفل مني والا تبي حقوقك تركي: الاثنين لاتنسين اني رجل ولي رغبات جوري: بس ا تركي: جوري والله تركي الاول بفعايله الشينه وعلومه السوداء راح وتركي اللي قدامك شخص ثاني انتي بهالايام القليله طبعتي فيه الخصال الزينه جوري: بس انا ماترك لها مجال تحكي تركي: تبين الجد صدك ينرفزني ويثبت عكس كلامك.. معقوله الحب يحسسك بنفور مني جوري: لاتفهم غلط بس وسكتت انتظرها تكمل جوري:والله مدري وش اقولك طبع قبله حاره على مقدمة راسها: بتروحين مع البنات والا اوديك انا جوري: لا نام بطلع مع البنات تركي: شوفي البوك بالثوب خذي اللي تبين منه ولا اسمع اي كلمه.. جوري: طيب وانهى الحديث بوضع الغطا عليه .............. بعصبيه:ساعه تجين ساره: اسفه يمه وش بغيتي ام فيصل: اليوم تخلصين اغراضتس ماعاد به طلعه بوديتس بكرا ويسوون هذا اللي تقول عنه دانه دانه: هههههههههههه حمام سونا ام فيصل: اللي هو اخلصوا و وروني مقفاكم ولاتبطون ساره:زين يمه دانه: نوف بتجي معنا ام فيصل:مدري عنها هالبنت زعلانه على وشو مدري دانه:يمكن متضايقه ام فيصل: بنات داروا اختكم انتم اقرب لها اسألوها وش قاصرها اذا محتاجه شي.. انا عجزت اقول لها وهي كل شي لا ولا ساره: ان شاءالله يمه بس لاتحاتينها صراحه مفروض تفرح عشان زواجي ام فيصل:زواجتس والحين بتنخطب جمانه حتى ماكلفتوا على انفسكم تباركون لها دانه:الحين يمه بتنخطب والا انخطبت ام فيصل: يعني كلام وبعد زواج ساره بتتوثق المواثيق دانه: الا تعالي يمه من يبيها ام فيصل: هو ليش ماقلت لكم انا ساره:لاوالله ذاك اليوم قلتي بتنخطب وطلعتي ما امدانا نسأل ام فيصل: علي !! يعني جوري ماعلمتكم ساره:لاوالله ام فيصل: طارق يبيها دانه:ايييييييش ام فيصل: بسم الله عليك شفيك اخترعتي دانه:هااا لا بس فرحانه ساره:يلا يلا مشينا ............. منى: حبيت اعطيك خبر فيصل: فديتك والله.. مين من الشباب بيوديكم منى: لا مع السايق فيصل: ياصبره عليكم اغراضكم ماتخلص ابد منى: عشان كذا مانبي نغثهم الا كان انت بتطوع بدال السايق فيصل: اذا بلحالك موافق منى: والبنات فيصل:خليهم يولون منى:هههههههه لا اجل السايق اصرف تدري خواتكم ماعندهم فيصل: اي والله حالتهم تنرحم انا مشغول بهالدوام العله باقي ماتأقلمت عليه اتجاهه غير عن اتجاه يوم كنت اشتغل عند عمي محمد منى: تبيني اكلمه يرجعك فيصل: والله اذا تبين تخسريني كلميه منى: اعووووذ بالله فيصل:عمي محمد طردنا طردة كلاب الله كريم منى:ونعم بالله.. يالله الحين طالعين توصي شي فيصل: سلامة قلبك منى: ماتبي بوسه فيصل: ما اقتنع فيها بالتلفون.. المباشر اطعم منى:ههههههههه انت الخسران فيصل:ههههههههههه لاوالله ماني خسران مو بترجعين بيتك اليوم منى: امممم ومحضرتلك مفاجأه فيصل:وشو منى: اجل ماصارت مفاجأه فيصل: عاد انا اموووووت بالمفاجآت احتريك ياقلبي منى: اوك.. يلا مع السلامه فيصل: بحفظ الرحمن ............... بالسوق منى: بنات روحوا مناك بروح انا وساره ناخذ شغلات دانه: بروح معكم ساره: عن اللقافه دانه: مالت اصلا عارفه جوري: عادي روحوا بس بنلحقكم نتفرج ساره: اجل هونت جوري:ههههههه لاخلاص روحوا دانه: اجل انا وانتي واماني وندى نروح قسم العطور ندى: مشينا ساعه يشمون في الاعطار ............ سمع الباب يطق.. ما امداه ينام من افكاره يادوب خذاله غفوه قام يفتح الباب نادر: نايم تركي: غفيت نادر:آسف والله مدري تركي:لاعادي شفيك نادر:ابد شفت البنات طلعوا قلت خل نطلع مشوار صغير تركي: وين نادر: نبي ناخذ لدحيم هديه سبرايز يعني تركي:متى نادر: الحين خير البر عاجله تركي: طيب انزل قدامي ببدل واجي نادر: اوك ............... اماني:لاوالله ماله داعي دانه:خل عنك بس عادي حنا خوات اماني: وربي كلفتي نفسك دانه: ياربيه ماصله خلاص المره الجايه انتي اشتريلي عطر اماني: ولايهمك ابشري.. جوري: ماخلصتوا دانه: تونا باول الليل مابعد رحنا للفساتين جوري: جعت يختي ودي آكل ندى: بس نروح نشتري الفساتين ونرجع جوري: انتم راعين طويله صراحه.. نتعشى ونرجع دانه: اوك خل اكلم البنات ودقت على ساره: سويره وينكم ساره: وش تبين دانه:تعالوا نتعشى ونكمل شوبينق ساره: خلاص الحين نجي... وقفلت راحوا المطعم توجهوا لطاوله وكل وحده خذت مكانها على كرسي وطلبوا اللي يبونه وتعشوا وسولفوا من ضمن السوالف كان اللي سمعته منى من تركي يوم يكلم مشاري دانه:والله ماني مصدقه ندى:اول مره احس اننا مغفلااااااااات منى:والله انصدمت فيها كانت خوش بنت ماقد شفت شي شين منها ندى:ياما تحت السواهي دواهي.. شلون ماشكينا فيها دانه: والا انا وش اقول يقالي صديقتها.. لنفرض انها كانت تحبه قبل مايتزوج وكان بينهم علاقه ياناس مفروض تبعد عنه بعد ماتزوج وهي تعرف ان جوري بنت عمي ومقربه مني وما راح ارضى بش يأذيها او يخرب بيتها منى: والمشكله هي بعد تزوجت وش تبي منه.. تدرون من يقولون زوجها ..؟ سمعته يقول منذر دانه: اماااا عاد ساره: يمكن تشابه اسماء منى: مدري بس كل شي توقعيه دانه:انا بعد زواجها وانها ماعزمتنا وانا غاسله يدي والا هذي يسمونها صداقه ندى تطالع جوري اللي كانت ساكته وحاطه ايدها على خدها ندى: جوري مطوله وانتي حاطه ايدك على خدك سوي اي شي تكلمي جوري: وش اسوي يعني منى:تصرفي يالخبله جوري: ان شاءالله شافوا مزاج جوري تغير بس لمصلحتها تكلموا يبون يوعونها غيرت ساره الموضوع: وش شريتوا دانه: مارحنا الا محل العطور بس.. كل وحده شرت لها عطر اماني: وعطر مجانا من دندون دانه: وانتم وش شريتوا منى: انا هذي وطلعت بدلتين ولادي تشبه بعض واغراض الاطفال جوري: ياقلبي تجنن منى: والله كان ودي اشتري بعد زياده.. بس ذي ماخلتني كل مره ورجعتنا سوق ال.... وكزتها ساره بكوعها دانه: كش وش شايفتنا اطفال ماتبينا نعرف قاطعتها اماني: واااااااااااطر برطمي طراااااااااااه جوري: يمه اختي شفيك كحت اماني منى: عطوها مويه بسم االله عليها شربت وضحكت جوري:حماره خوفتينا عليك شفيك اماني: شفت واحد سبحان اللي خلقه يجننننن الله لايظره تلفتوا يمين يسار مافيه احد اماني:خساره راح دانه: وش لابس اماني: تي شيرت اصفر وبرمودا بني تلفتت دانه: مافيه اماني: يشبه اسير الشوق بس ذا طويل وانحف جوري: تروك ياخذ منه شفايفه ونفس السكسوكه اماني:لا هذا مسوي ديرتي فيس منى: لو ماني متزوجه كان قلت لك قدام نشوفه دانه: والله فيني فضول دامه يشبه اسير الشوق لازم اشوفه.. وقامت ساره: ياغبيه اقعدي بتطاردين الرجال دانه:بس بشوفه من بعيد.. مسكت ايد اماني: دبه خل نروح نشوفه.. وراحوا طالعوا البنات في بعض وراحوا وراهم وصارن يمشون ومرت ربع ساعه يدورون عليه دانه: خلاص تعبت ويأست جوري: والله فراغه تاركين الاهم وطاوعناك هياته بالممرات اماني: ياويلي شوفوه وشوفوا اللي معه لابس بدي ازرق وجنز تناقزت عيونهم:وينه اماني: هناك عند البوابه اللي معه رابط شعره ساره:هههههههههههههههههههههههه ندى:هههههههههههههههههههه اماني:شفيكم منى:ههههههههههههههههههههه هذول اخواني عيال عمك يامتنحه اماني:احلفي منى: اي والله يحقلك ماقد شفتيهم ندى: ياحليلها جرجرتنا على اخواني هههههههههههه ساره: والله من قالت اسير الشوق كنت بقول تركي بس سكت قلت يمكن واحد ثاني طلعت تقصد اخوه راااااااااحت عالم ثاني تأملت فيه من بعيد.. كأنها كانت في سباق قلبها يدق بقوه "لبا طولك يانادر وكل شي فيك" جوري في عالم آخر "يقول بينام ماعليه ياتركي" ندى: على قولك اللي مسوي ديرتي فيس هذا نادر واللي رابط شعره تركي اماني: ماشاءالله وربي جوووونان ندى: تركي ماخذ جوري.. تامرين على ندور تضايقت دانه من الكلام اماني: والله بقول لكم بس ها بيني وبينكم.. ريان ولد خالي يبيني بس امي تقول كملي دراستك ويحلها الف حلال بنفس اللحظه تبدلت مكان الضيقه رفرفه في قلب دانه واستانست منى: خل نكمل كلام وحنا نكمل تسوق لايروح علينا الوقت ومشوا آخر وحده مشت فيهم جوري التفتت عليه شافت وحده واقفه معهم.. خنقتها العبره" معقوله ذي رشا ليش ياتركي ليش" ............... خلصوا البنات من السوق كل وحده شرت لها فستان وتوابعه الا جوري ماكان لها نفس لأي شي عقب ماشافته بعيونها معها منى: لحظه بنات من بتروح معي المشغل ندى:وش عندك منى: ابي نيو لك برجع بيت رجلي وابي افاجئه اماني:انا بروح معك بختار لك قصه مناسبه وصبغه تليق بلونك منى:يمه منك 18 سنه وتعرفين كل شي اماني: 18 سنه بس مفتحه ومثقفه وذويقه اعجبك .. بنات خالي دايم يستشيروني والله منى: اجل يلا نروح جوري: بروح معكم اما الباقي قرروا يرجعون البيت ندى: اذا خلصتوا دقوا علي اخلي السايق يجيلكم منى:اوك ............. اول مارجعت شبكت اللاب توب ودخلت المسن منتظرته مافيها صبر عقب ماشافته مستانسه لابعد درجه وفرحانه بشوفته نادر فارس احلامها . . . . . الساعه 11 رجعت جوري ومنى بعد ماوصلوا اماني البيت دخلوا شافوا تركي ونادر وعبدالرحمن وام تركي بالصاله منى: السلام عليكم الكل: وعليكم السلام جوري طلعت بدون كلام ولا سلام تركي: وش فيها منى:يمكن مستحيه عشان دحيم ونادر عبدالرحمن: لا انا بقوم خلوها تجي نادر: انا بعد فيني النوم بروح غرفتي تركي:لا انا بطلع لها نادر: اصلا انا طالع غرفتي من غير ........... دخل الغرفه تفاجأ من شكلها.. مدرجه شعرها طبقات اكثر من الاولى طالعه خيال قرب منها ومسك شعرها: ولو انك ما استأذنتي بس طالعه تهبلين بحده: لو سمحت وخر تركي:سكنهم مساكنهم وش فيك جوري: ولا شي تركي: جد وشفيك بحده اكثر: قلت لك ولا شي ابتعد عنها: صراحه انتي غريبه جوري: مافيه اغرب منك قدامي بوجه ووراي بوجه تركي: كلام كبير.. انتي ناسيه ان الكلام مفروض يتثمن طنشت تركي: من الافضل تقولين وشفيك.. اذا زعلتك بشي ابشري برضاك جوري: مو قلت بتنام ليش طلعت تركي:جاني نادر وقال لي نطلع جوري: ومن قابلت تركي: محد جوري:تذكر لاني شفتك لاتنكر ابتسم وضرب جبينه باطراف اصابعه جوري: انت حر بتصرفاتك بس بعرف ليش تكذب اقترب منها ويحاول يمسك ايدها وهي تتهرب.. ولكنه التقطها: تدرين احس ان راسي مناطح السحاب جوري: ليش تركي:تغارين علي يافرحة لطيفه فيك ياتركي جوري: تستهبل تركي: الله يهديكم يالحريم دايم متسرعات جوري: طيب ممكن تشرحلي وش صار تركي: طيب طلع جواله من جيبه وسوا اتصال جوري:وش تسوي تركي: اصبري., وبحطه على السبيكر عشان ماتسيئين الظن هلا تركي تركي: هلا ابو النوادر.. انا في التحقيق ابي شهادتك نادر:ههههههههههههههه اكيد ع السبيكر تركي: اي والله نادر: ها وش عندكم تركي: من البنت اللي قابلناها نادر: قصدك اللي ضاع اخوها تركي:ها سمعتي جوري بهمس:ليش جت تسأل عندكم قول له ليش ماراحت للامن تركي: يقولون ليش ماراحت الامن نادر استحضر اللي صار قبل ساعات "نادر: كم عمره البنت: 6 سنين تركي: طيب كلمتي الامن البنت: ايه هم يدورون من جهه وانا ادور من جهه والله ابوي بيهاوشني ضيعت اخوي نادر: خلاص بندور معك .. من جاي معك انتي البنت:انا وهو بس نادر: طيب ان شاءالله نحصله تركي: انا بودي الاغراض السياره وبجي ادور معكم" اردف: والحمدلله لقينا الولد كان يلعب تركي:تشكراتي نادر: على الرحب والسعه... تركي: ارتحتي تفشلت تركي: سيئة الظنون حدك.. ونزل ............. نوف: كان ودي رحت معكم ساره: والله كنتي بتستانسين نوف: الجايات اكثر.. ساره: وش مزعلك دبدوبه نوف: عاديه مو زعلانه دانه: نوف بقول لك شي بكل صراحه وادري بتتضايقين ويزيد زعلك اللي تنكرينه نوف وهي تفتح الاكياس: طارق بيخطب جمانه!! باستغراب: من علمك؟؟ نوف بدون اكتراث: دريت وبس.. والله ماني زعلانه ساره: وانطوائك وش تسمينه نوف:تأثرت شوي بس فكرت لقيت من حقه يختار شريكة حياته واصلا انا مره سمعته يقول يبيها كبيره شوي لان اللي بعمري معتبرهم بزران دانه: متى سمعتيه نوف: كان يكلم ريم الله يرحمها يوم يجون ياخذوني نروح للحفله وهي كانت واسطه بينهم دانه:احلفي لاتقولينه نوف: اي والله راقبتهم لين عرفت.. دام يبون بعض الله يوفقهم ساره: والله زين سويتي بدعاك لهم والله يعوضك دانه: بتكبرين وتقولين هذا حب مراهقه نوف:على قولك ............ جد سيئة الظنون "ياحبيله ياناس" ((اكسبي زوجك لاتضعينه وتخلينه لغيرك)) ونزلت بعد ماغيرت وخذت جلالها احتياط شافت تحت منى وندى وتركي ندى: الله جابك بنبدا اللعبه جته رساله طلع جواله.. من رقم غريب زفر ورجعه بجيبه تركي: والله مالي نفس عرفت انها هي السبب جلست جنبه وهمست له باذنه من غير مايسمعون:اولا اسفه ثاني شي نلعب واسوي اللي بخاطرك بتحدي: نصابه جوري: والله اللي تامر عليه بنفذه تركي: اي شي؟ جوري:اي شي.. تركي: اوك بلعب وين الاوراق منى:يمممممه منه لنا ساعه نتحايل عليه رافض.. تركي:حكم القوي ع الضعيف جوري: طيب انا بقوم اجيب ورقه وقلم وراحت تركي: والله ياني مجهز لكم احكام لاصارت ولا استوت منى: يمكن مايجيك الحكم عاد اذا جاني والله بتمنذل فيكم جت جوري وصارت تقسم الاوراق على اربعه كتبت في وحده الحاكم والباقي ارقام من الواحد للثلاثه جوري: تركي وخر الطاوله شوي بنقعد تحت تركي: من عيوني وقام وجلس الكل تحت وسحبها جنبه نثرت الاوراق وكل واحد خذا ورقه جت ورقة الحكم عند جوري:هههههههههه انا الحاكم تركي: ياغشاشه جوري:ههههههههههه وربي ماغشيت ندى: انا احتج صراحه.. هاتي الاوراق نخبصها مره ثانيه جوري: ياشينكم طيب ونثروا الاوراق واختاروا منى:آآوووحيم تركي:لااااا تقولين عندك عزالله ضعنا منى: اختار رقم 2 مين تركي:لامايصير مفروض تقولين الحكم ثم تختارين الرقم جوري:لا كذا مافيها حماس لازم تعرف صاحب الرقم عشان تتلذذ بالحكم منى: ها مين رقم 2 سكتوا منى: اقول ذبوا اوراقكم خل نطلع المجرم ضحك تركي من قلب ندى:يادب انت رقم 2 تركي:كفشتوني منى: طحت ومحد سمى عليك احكم عليك امممم وشو وشو ايه تقرص جوري قرصه حاره جوري:لاااحرااام عليك منى:تركي بسرعه نفذ تركي: والله مايطاوعني قلبي بس مالي الا انفذ جوري: لا مابي تركي: تعالي بقولك شي وهمس لها في اذنها جوري: لاااااااا. خلاص اجل موافقه اقرصني تركي:هههههههههههههههههههههههه منى: والله رحمتها خلاص بشويش تركي: ماعليك انا رقيق وقرصها صاااارخت:آآآه سااااامج تركي:عياره والله انها بشويش ندى:ايه انا شايفتها جوري: ياكافي اجل شلون القوه عندكم.. طيب يامناوي اوريك تركي: استلقي وعدك يادلخه منى: ماعليك طنشها تكبر وتنسى ونثروا الاوراق واختاروا تركي:يااااااالبيه ندى: بنات ترحموا على انفسكم تركي: بقوووه.. اختار رقم 1 والواحد الله ندى: انا بس بذمتك احكم برأفه تركي:والله اني ابو الرأفه احكم عليك تروحين لغرفة نادر وتطفين المكيف وتفتحين الشبابيك وتنزلين ندى: والله مانيب بايعه عمري نادر صح طيب لكن لاعصب نار اعوذ بالله تركي: لاتجيبين اعذار بتنفذين ندى: والله ياتركي بيهاوشني وبيعاقبني تركي: بحمايتي لاتخافين ندى: طيب وراحت دقيقه وجت ركض:ههههههههههههههه سمعوا صوته جاي تركي:لاتجي جوري هنا نادر: طيب ان ماوريتك ياندى ندى: تركي حكم علي نادر: ما اعرف امي انا اوريك.. وراح جوري:والله شكله زعل تركي:بيرضى رموا الاوراق وكلن اختار تركي:برضه علي.. صراحه مقدر على كذا منى: هات انا بحكم بدالك تركي: لا وخري... اختار رقم 3 جوري: خلاص بطلت اصلا اللعبه بايخه تركي:والله ماتقومين بتنحاشين ندى:ههههههههه جاك الموت ياتارك الصلاه تركي:احكم عليك يادبدوبه تقومين تبوسيني منى:لاعاد مايصير ياتركي ما اتفقنا على كذا تركي: مالكم شغل اقلبوا وجيهكم جهة التلفزيون جوري مستحيه من الموقف لفوا البنات قربت منه وباسته بوسه خطافي تركي:لا لا لا مو كذا جوري: هذا اللي عندي منى: حطوا الاوراق لاتماطلون ابي الحكم يجي عندي رموا الاوراق وندى حظها سيئ ماجا الحكم عندها.. جا عند جوري جوري: اختار رقم 2 ندى: ليش مركزين على اثنين اختاروا غيره جوري: لا ابي 2 ما ابي غيره تركي: شفتي الورقه صح جوري: ههههههههه مو شغلك انت رقم 2 تركي: حسابك عسير لو تحكمين بشي شين منى:ماعليك منه احكمي جوري: وش يضمن لي انه بينفذ تركي: لاتخافين بنفذ ندى: يعني قدها تركي: ونص جوري: طيب احكم عليك يازوجي العزيز تقص شعرك تركي:لالالالالالالالالا قولي اي شي جوري: والله بكيفك اذا بتتراجع منى: هههههههههههه لا تركي مايغير كلمته ابد تركي: سويتيها جوري: منتب مجبور قول انك منتب قدها واحتفظ بشعرك تركي: حسابك بعدين ندى:ها اجيب المقص تركي: خير انتي بعد خلاص بروح بكرا الحلاق منى: وش يضمن لنا ماراح تغير رايك تركي: توك تقولين اني ما اغير كلمتي خلاص وعد بقصه جوري:يمه حاقد شكله ناويلي نيه تركي: من ناحين ناويلك ناويلك والوعد قدام واستمروا باللعب احكام مضحكه خلتهم هاللعبه يطلعون من روتينهم الممل على الساعه وحده جا فيصل ياخذ منى والتوم.. ............. جته رساله ممكن تدخل المسن ملت وهي تنتظره يدخل ارسل لها: موجود بس اوف لاين ودخل متاح >>البارونا: من زمان احتريك >>ليه في كل ابتسامه القى دموع: شفيك >>البارونا: فقدتك >>ليه في كل ابتسامه القى دموع: ماتفقدين غالي >>البارونا: ضايقتك صح >>ليه في كل ابتسامه القى دموع: لاعادي >>البارونا: هاليومين مو على بعضك >>ليه في كل ابتسامه القى دموع: لاعادي >>البارونا: ترا بكره كلمة عادي والسبب انت >>ليه في كل ابتسامه القى دموع: ههههههههههه يمه عصبت >>البارونا: دوم يارب هالضحكه ماتفارقك ايه خلك كذا >>ليه في كل ابتسامه القى دموع: انا كذا اصلا >>البارونا: يعني معي يتغير مودك >>ليه في كل ابتسامه القى دموع: انتي اعرف >>البارونا: ماشاءالله محلو >>ليه في كل ابتسامه القى دموع: عيونك الحلوه شفتيني بحلمك اكيد >>البارونا: لا >>ليه في كل ابتسامه القى دموع: اجل مخترقه الكام >>البارونا: لا.. شفتك اليوم بالسوق >>ليه في كل ابتسامه القى دموع: كذااااابه >>البارونا: والله العظيم مو انت لابس تي شيرت اصفر وبرمودا بني >>ليه في كل ابتسامه القى دموع: الا >>البارونا: الله لايضرك >>ليه في كل ابتسامه القى دموع: وش عرفك اني بطلع السوق يابنت لايكون حاطه كاميرا تجسس في بيتنا >>البارونا: كل شي جايز >>ليه في كل ابتسامه القى دموع: اهاا.. طيب لمتى بتكونين كذا متتبعتني >>البارونا: ليش تبيني ابعد >>ليه في كل ابتسامه القى دموع: في صالحك >>البارونا: عادي ابعد عنك؟ >>ليه في كل ابتسامه القى دموع: لمصلحتك هالطريق ماراح يفيدك وازيدك من الشعر بيت معي بالذات نهايته حتميه >>البارونا: وش النهايه >>ليه في كل ابتسامه القى دموع: بسولف معك عادي بس لاتتوقعين مني شي ويمكن اختفي بأي لحظه >>البارونا: بتحذف ايميلي يعني >>ليه في كل ابتسامه القى دموع: وبغير رقمي >>البارونا: موصعب علي اني اجيبه >>ليه في كل ابتسامه القى دموع: انتي اللي بتتعبين >>البارونا: اهاا.. اوك انا انخطبت وببعد عن هالطريق >>ليه في كل ابتسامه القى دموع: فرحتيني من قلب.. عقبالي >>البارونا: ليش تبي تتزوج >>ليه في كل ابتسامه القى دموع: شرايك يعني بتم طول حياتي عزوبي >>البارونا: ليش فيه وحده معينه في بالك >>ليه في كل ابتسامه القى دموع: يمكن >>البارونا: ممكن اعرف >>ليه في كل ابتسامه القى دموع: انا ماسألتك عن خطيبك ليش تسأليني انتي >>البارونا: بس انت لسه ماخطبت >>ليه في كل ابتسامه القى دموع: يمكن يكون قريب >>البارونا: بما انها آخر محادثه بيني وبينك خل نكشف اوراقنا لبعض >>ليه في كل ابتسامه القى دموع: اكشفها لك بصفتك ايش >>البارونا: صديقه عابره وبيطوي ذكراها الزمن وماراح يضرك شي لو قلت >>ليه في كل ابتسامه القى دموع: اممممم اوك >>البارونا: يعني موافق >>ليه في كل ابتسامه القى دموع: امري لله >>البارونا: طيب اسألني >>ليه في كل ابتسامه القى دموع: ماعندي اسئله .. اسأليني انتي >>البارونا: انت تقول ماحبيت صح >>ليه في كل ابتسامه القى دموع: بس قلت اني ملت >>البارونا: وش الفرق >>ليه في كل ابتسامه القى دموع: فرق كبير >>البارونا: طيب اذا فكرت تخطب بتخطب اللي تميل لها؟ >>ليه في كل ابتسامه القى دموع: مو قبل ما اتأكد من شعورها تجاهي >>البارونا: هي تعرف انك تميل لها؟ >>ليه في كل ابتسامه القى دموع: لا >>البارونا: اجل شلون بتصرح لك بشعورها وكيف بتعرفه >>ليه في كل ابتسامه القى دموع: تصدقين مدري >>البارونا: نصيحه صارحها >>ليه في كل ابتسامه القى دموع: اذا انصدمت بلومك انتي >>البارونا: مافيه وحده بتردك >>ليه في كل ابتسامه القى دموع: لاترفعين فيني >>البارونا: والله يانادر ما اتوقع تنرفض من اي وحده >>ليه في كل ابتسامه القى دموع: وليش من اكون >>البارونا: ولد الشيخ اللي بعيدن عن العيب وعشر الاصابع بالمراجل بصمها >>ليه في كل ابتسامه القى دموع: ههههههه اخبره بنت الشيخ مو ولد.. بدلتي كلمه من البيت >>البارونا: انا كاتبه ولد.. والله لو يحصل وابدل مكانك في الارض واحطك مكان نجم في العالي كان بدلت >>ليه في كل ابتسامه القى دموع: يابنت ترفقي علي بقي لخطيبك شوي >>البارونا: سؤال اخير >>ليه في كل ابتسامه القى دموع: تفضلي >>البارونا: اللي تبيها قد شفتها >>ليه في كل ابتسامه القى دموع: ما اكذب عليك شفتها مره >>البارونا: وشعورك >>ليه في كل ابتسامه القى دموع: عادي لا انتي تكرهين هالكلمه خل نقول متقبلها >>البارونا: وليش رافض فكرة الحب >>ليه في كل ابتسامه القى دموع: ليش عرفته عشان ارفضه >>البارونا: يمكن تكون تحبها >>ليه في كل ابتسامه القى دموع: مدري >>البارونا: طيب بساعدك عشان تعرف بنفسك اذا كنت تحبها او لا >>ليه في كل ابتسامه القى دموع: اوك >>البارونا: وش شعورك لو من بكرا قالوا لك انخطبت وهي وافقت >>ليه في كل ابتسامه القى دموع: بزعل >>البارونا: بس! >>ليه في كل ابتسامه القى دموع: بتضايق ما ابيها تروح مني >>البارونا: ليش >>ليه في كل ابتسامه القى دموع: قلت لك اميل لها وانا منتظر بس احس في شعورها تجاهي >>البارونا: تقدر تصارحها >>ليه في كل ابتسامه القى دموع: لاوييييين صعبه >>البارونا: ليش >>ليه في كل ابتسامه القى دموع: آخ منك تجرجريني في الحكي >>البارونا: هنا دفنا وهنا طمرنا.. ولاجنس مخلوق بيدري عن اللي تقوله >>ليه في كل ابتسامه القى دموع: ماراح اقول واثق بس شكلك واعيه وفاهمه ومالك بالقيل والقال >>البارونا: افهم انك بتنشر غسيلك هههههههههه >>ليه في كل ابتسامه القى دموع: هههههههههه بنشره لك خرقه خرقه بما ان هذي الوداعيه >>البارونا: كلي آذان صاغيه >>ليه في كل ابتسامه القى دموع: اعرفها من كنا صغار حبيت براءة الطفوله فيها ياكثر ماتهاوشنا لانها دايم تناغرني اذا جينا نلعب ويحتك احد اخواني او عيال عمي فيها اكرهها وما اكلمها لفتره وهي تجي تصالحني تشتريلي علك والا حلاو وتجي تعطيني ياااااه ايام حلوه والله ما انساها >>البارونا: وش اللي تغير >>ليه في كل ابتسامه القى دموع: ابد كبرنا وفرقتنا الحياه قالت لي الوالده انت صرت رجال عيب تروح بيت عمك وتلعب مع البنات.. حبيت الفكره صرت رجال بس ماتقبلتها الا عقب ما اخذتلي كم لسعة خيزران من ابوي >>البارونا: ونسيتها >>ليه في كل ابتسامه القى دموع: خضت معترك الحياه والدراسه يعني تقدرين تقولين شبه نسيتها >>البارونا: للحين ناسيها >>ليه في كل ابتسامه القى دموع: رجعها لذاكرتي كم موقف بس كلها مدري شتبي اول موقف عائلي بحت اسمحيلي مقدر اقوله بس كان مشكله لسبب ما واصر ابوي الا آخذها حسيت من دموعها رافضتني >>البارونا: متأكد من احساسك >>ليه في كل ابتسامه القى دموع: والله مدري الاحساس احيان يخيب بس وش تفسرين بكاها >>البارونا: اي شي الا الرفض >>ليه في كل ابتسامه القى دموع: واثقه >>البارونا: بقووه.. طيب الموقف اللي بعده >>ليه في كل ابتسامه القى دموع: قصدك الموقف الثاني والاخير >>البارونا: اللي هو >>ليه في كل ابتسامه القى دموع: هذا سلمك الله يوم ما انساه ابدا كانت غلطانه ودخلت سيارتي.. وبنفس العفويه جلست تتكلم وما انتبهت الا بعد ماخارت اومين الدعوه.. وتبكبكت وانا مدري وانا كذا وانا وانا >>البارونا: فتحت عليك ابواب؟ >>ليه في كل ابتسامه القى دموع: لدرجه ماتتصورين دبريني وش اسوي >>البارونا: انت وش شفت فيها ذاك اليوم >>ليه في كل ابتسامه القى دموع: قلت لك مازالت على عفويتها بس تغيرت كثير صارت انثى بكل ماتحمله كلمة انثى >>البارونا: مادق قلبك >>ليه في كل ابتسامه القى دموع: الا والله من الخرعه >>البارونا: ههههههههههه جد عاد >>ليه في كل ابتسامه القى دموع: والله قعدت ايام افكر فيها لكن وانا اخوك انا فيني عقده >>البارونا: وشهي؟! >>ليه في كل ابتسامه القى دموع: انا ارفض الرفض بحد ذاته واخاف منه.. >>البارونا: خايف ترفضك >>ليه في كل ابتسامه القى دموع: من ابسط حقوقها >>البارونا: عادي لو تضيع من ايدك وتكتشف بعدين انها تبادلك الميول الا ميته فيك >>ليه في كل ابتسامه القى دموع: لاوالله مو عادي بحس بغبنه وبنقهر مو بعيده انهبل >>البارونا: اهاا ..تصدق؟ >>ليه في كل ابتسامه القى دموع: وش >>البارونا: انت تحبها >>ليه في كل ابتسامه القى دموع: احبها!! >>البارونا: ايه واضح عليك.. واتوقع منها نفس الشي >>ليه في كل ابتسامه القى دموع: لا هي ماتحبني.. حسستني برفضها يوم انعرضت عليها زي السلعه >>البارونا: لاتحكم عليها من اول موقف >>ليه في كل ابتسامه القى دموع: انتي شايفه كذا؟! >>البارونا: اسأل نفسك لاتسألني انا >>ليه في كل ابتسامه القى دموع: مشكووووره ع النصايح.. >>البارونا: ممكن سؤال اخير >>ليه في كل ابتسامه القى دموع: اكيد >>البارونا: وش نظرتك لي وانا اكلمك! >>ليه في كل ابتسامه القى دموع: ماتعدى الموضوع شاتينق بالمسن وماشاءالله عليك خلوقه >>البارونا: طيب وش رايك في البنت اللي تخطي الخطوه الاولى وتصارح بحبها >>ليه في كل ابتسامه القى دموع: يمكن ماتصدقيني لو اقولك اتمنى هالشي يصير معي >>البارونا: طيب انا صارحتك >>ليه في كل ابتسامه القى دموع: ياااحبيلك انتي مدري من وين جيتي حاس وراك شي >>البارونا: طيب تجهز للصدمه وبعدها بحذفك من الايميل >>ليه في كل ابتسامه القى دموع: انت ولد؟ >>البارونا: لا انا دانه بنت عمك.. وسجلت خروجها ....البارونا غير متصل.... ............ نهاية البارت قراءه ممتعه .. .. .. |
البارت ((21)) . . . . . . دانه!!! ماني مصدق معقوله دانه طلعت تحبني صدق؟؟ وصدرت منه آه طويله وضرب بيده الكيبورد باقوى ماعنده وقف مايدري وش يسوي مشى مايدري وين يروح شاف نفسه بالمرايا دنا منها وبلهجه ساخره: ارتحت يانادر؟؟ ارتحت؟؟ هذي هي انخطبت.. تحبني وماكنت عارف ويوم عرفت تضيع مني بسهوله خلاص ارتحت؟؟ رجع على سريره مايبي يجلس لكنه تهادى وجلس حاس بنار تتأجج في صدره " من حقها تتزوج.. انا ضعيف ماقدرت اسألها ؟؟ اسألها وش اقول لها تحبيني؟! لا مفروض اسألها لو تقدمت لك عادي؟ ع الاقل اسوي شي وما اندم اني ضيعت فرصه وحاجه كان من السهل اني اسويها طلعت اقوى مني وصارحتني بحبها مع اول فرصه توفرت لها بالبوح بمشاعرها بالرغم من خطبتها ماتخاذلت انها تتعترف لي طيب ليش قالت اني احب وش عرفها؟؟ وليش كانت متأكده؟؟ صدق ان اللي يحب مايتكلم من فراغ احاسيس اللي يحب من قلب دايم صادقه هي حست ان اللي اضمره بهالقلب هو حب شلون ماعرفت اني احبها! الحين وفي هاللحظه عرفت اني احبها يااااه الحين قدرت اقولها؟!! ليش؟؟ ليش ماقالوا لي دانه انخطبت وليش يقولون لي مو انا فهمتهم اني مابيها انا ضعيف.. ضعيف!! وش رايك في البنت اللي تخطي الخطوه الاولى وتصارح بحبها؟؟ هذا سؤالها تحققت امنيتي وخطت هي هالخطوه بس عقب وشو؟؟ عقب ما بياخذها غيري سؤال متمرد ينتقل مابين عقله وقلبه وش اسوي الحين؟؟؟؟ ............. فيصل: مناوي منى:هآآ فيصل: ماشبعتي منى: لآ فيصل: قومي يلا قلتي ربع ساعه واقوم وكرما مني عطيتك ساعه منى: فيصل والله فيني النوم فيصل: ترا أذوني عيالك راسي قام يفر من صياحهم كل ماسكت واحد قام الثاني.. وعاد تجيك المشاركه الوجدانيه يبكون مع بعض منى: معليش حبيبي تحملهم بس خمس دقايق واقوم فيصل: يعني الخمس دقايق ذي لها فايده اقول قومي يادلوعه قعدت على حيلها:يآآآلله فيصل ترا والله مانمت الا متأخر وانت السبب منى:هههههههههه حاقده منى: والله كله منك فيصل: والله محد قال لك اطلعي قمر وانا صراحه ما اقاوم سحر الانثى وبالذات لا كانت الانثى انتي.. هبلتيبي بالنيولك الجديد منى: يعني اندم فيصل:افاااا ما استاهل حضنته: تستاهل اكثر يانصفي الثاني فيصل: حياتي الله لايحرمني منك منى: يلا خلني اقوم.. ربع ساعه ثانيه امسك حبايبي لين آخذ شور وابدل فيصل: دقيقه.. ضميني بقوووه ضمته بدلع وغنج سمعوا اصوات بكاء فيصل:يافرحه ماتمت منى:ههههههههه فيصل: شوفي من بكرا باخذهم واخليهم عند امي منى: ليش فيصل: ابي اخذ راحتي معاك والله مشتاقلك منى وهي تقوم: ههههههههه لالالالا ما افارقهم ابد .. وروح لهم لين اخلص فيصل: الله يعيني ............. فرت كل القنوات مافيه شي جديد دخل على عجله وراح للدولاب وقام يفتش طلع شنط وفتحها وحده وحده جوري:وش تدور عليه تركي: اوراق لابوي جوري:اساعدك تركي:ياليت تعالي افتحي هالشنطتين وانا بفتح هذي اتجهت للشنط وفتحت اول وحده مالقت الا هدومه من بعد مارجعوا مارتبتها بالدولاب فتحت الشنطه الثانيه شافت الهدايا اللي شرتها للكل من لندن تركي: وش هذي؟ جوري: الهدايا ماعطيتهم تركي: مخليتها للحين جوري: خذتنا مشاغل الدنيا ونستني ...ماقالت الحاله النفسيه والمشاكل اللي عشتها معك نستني اياها... تركي فهم: طيب لاتعطينهم الحين.. جوري:ليش تركي: بدون ليش.. بس هي حاجه بتعجبك جوري: طيب وقلبت الهدايا ولقت كيس بحجم حقيبة اليد فيه فراشي رسم وعلب الوان تركي: مالقيت شي بهالشنطه بس ات.... وسكت.. شافها تغالب دموعها رافضه تنزل تركي: وش فيك رفعت له الفراشي والعلب تركي: ضروري تتصدقين بها.. لان وجودها هنا بيعذبك اكثر جوري: كانت تحب ترسم و تركي: لاتقولين شي اسكتي جوري: هذي اختي ياتركي اختي.. تركي: ادري بس الحين بتبكين وانا والله ماقدر اشوف دموعك شالها من ايدها وحطها بالشنطه ورفعها فوق الدولاب بعيد عن متناول يدها جذبها عنده:ايام الدموع والشقاء ما ابيها ترجع لاتخلين شي يضايقك ابد مسكت الصمت تركي: انا طالع تبين شي جوري:سلامتك ضغط على ايدها كان متردد يقرب او مايقرب آخر شي قفى وابتعد وطلع من الغرفه ............... ساره:نعنبو ابليسك تهورتي الحين وش بيقول دانه:غصبا علي والله ساره: قسم انك فاصخه الحياء بكل قوة وجه تاخذين ايميله لا وبعد تقولين له احبك دانه: والله كنت بمشيها كذبه حتى اني قلت له انخطبت بس يوم سمعته يمدحني ذاب قلبي وقلت له انا دانه ساره: يااااااااويلك وياسواد ليلك وش سويتي انتي دانه: اجل اخليه يضيع مني؟ ساره:يعني بها التصرف يقالك شبكتيه فيك.. ياخبله يمكن ياخذ منك موقف دانه:اماااانه قلدتها بإزدراء:اماااانه.. هاااااا كش عليك طاح حظك بعد تفكير:اصلا حتى لو أخذ مني موقف عادي ماعلقت عليه آمال كثيره هو ماقال انه يحبني وخايفه افقده زي قبل ساره:نصيحه يادانه خلي هالخرابيط هو صح ولد عمنا.. بس لو كان هو اللي اخذ ايميلك واحتك بيكون ردي مختلف.. لكن انتي تراكضين وراه واعيباااه مير دانه: لو انك منتي توأم لي كان قلت عجيز انتي وكلامك ذا اللي مدري وش يبي ساره:تلايطي بس.. وكملت:دانه اسمعيني انا اختك خذيت منك موقف اجل هو شلون.. كان مشيتيها كذبه ليش علمتيه انك دانه دانه: جرجرته بالحكي ومن ضمن كلامه انه يميل لبنت عمه اللي هو انا واشرت على نفسها.. وقال كلاااااام كثير لو يتأكد ان شعوري ايجابي نحوه بيتقدم لي من فرحتي ماحسيت بنفسي الا وانا اكتب له انا دانه بنت عمك ساره: قلتي له انا احبك وانا دانه بنت عمك يعني افهمها وتعال اخطبني دانه: معترفه تهورت بس انتي عارفه نادر بارد تلقينه سمع من اذن وطلعه من اذن.. ساره: حسك عينك تكلمينه والله العظيم اعلم امي دانه:اعتراف واعترفت له.. انزاح ثقل كبير عن صدري كذا انا ارتحت ساره: مالت.. يارب يخيب ظنتس ومايخطبتس كوتدتس تعقلين دانه:كح كح يااااااربي طعسه من جد ههههههههههههههههههههه ساره: ههههههههه ماتطلع اللهجه الا اذا عصبت تذكرت امي لاعصبت دانه: عاد انتي مثل امي ساره: فديت امي واهلها دانه: انتي الوحيده اللي طالعه لخوالي ضابطه اللهجه سار:يالبا طاريهم وريحتهم ولهجتهم والله احب ذيك الديار دانه: بعد زواجك لازم نحدد يوم نروح عندهم منها نزورهم ومنها نغير جو ساره: ان شاءالله ............. نزل متوجه للسياره طبطب على جيوبه يبي المفتاح تذكر انه نساه ع الطاوله.. ودخل البيت "فرصه عشان اقول لها اني عازمها ع العشاء برا" فتح الباب وده يفاجئها بحركه قبل لاياخذ المفتاح ويعزمها ع العشاء استوقفته جملتها الله لايوفقه الخاين الكذاب حست فيه التفتت:حبيبتي اكلمك بعدين قفلت اردفت:هلا تركي وش مرجعك تغير مزاجه اختنق واقف متجمد ومصوب نظراته تجاهها تبسمت: وشفيك؟.. فيه حاجه غلط بشكلي؟! قطب جبينه:....... بخطوات ساحره مشت لعنده: شفيك معرق كذا اخذت مناديل من فوق الطاوله ورفعت يدها بتمسح جبينه ووجهه ضغط على يدها بعصبيه حتى ابيضت مفاصل يدها جوري: ترررركي شفيك اوجعتني تركي: ماتوقعت انك مازلتي تمثلين حسافه ياجوري جوري: وش صار بصراخ: توني ساآآآااآآآمعك بتنكرين باستنكار:وشووووو طيب تركي: تدعين علي انا؟؟ جوري: تتجسس؟ تركي: جيت آخذ مفتاح السياره وسمعتك جوري: طيب استهدي بالله وخذ المفتاح وتوكل تركي: وش هالبرود.. او تدرين مالك وجه تبررين واصلا انا سمعتك باذني هذي جوري: بسألك هل تعتبر نفسك خاين وكذاب؟؟ تركي: وش قصدك بهالسؤال جوري: اسألك.. والا على راسه بطحاء يحسس عليها تركي: ايه طلعي انيابك ضمته: تركي لاتهدم السعاده اللي بنيناها مع بعض هالايام تركي: انتي هدمتيها والا انا والله العظيم محافظ عليك وماعاد ابي شي يضرك حتى لو مني جوري: اذا تعتبر انك كذاب فأنت اصدق الخلق عندي.. واذا تعتبر انك خاين فيكفيني هالحضن اللي احس فيه كل الوفاء شجاعه ياجوري تعلمت فنون المسايسه ماضاع تعب سميره ومنى سدى تركي: اعتبريني مجنون.. طيب الكلام اللي سمعته ليش انقال؟؟ خذت جوالها المرمي على طرف السرير: شوف آخر مكالمه صادره و وارده من مين تركي: ماله داعي.. ولو سمحتي ابعدي جوالك عني تبسمت اكثر: اذا لي خاطر بتشوف تركي: ما ابي وش بتوصلين له بالضبط جوري:اخر المكالمات كانت مع اماني تشكي لي من سايق خالها تحرش في بنت خالها الصغيره خان الامانه وخان الثقه ويقول ان هي راودته تخيل عمرها 13 سنه وش عرفها تراود احد مارفع عيونه لها رفعت الجوال وحطته قدام عيونه: امانه شوف وخر وجهه: خلاص مصدق قرصت خدوده مداعبه: انا سيئة الظن هااا تركي: آسف بس والله بعذري ..بس والل جوري: قلبي لاتكمل.. انا التمست لك العذر من نفسي بابتسامه جذابه اظهرت صف اسنانه الناصعة البياض: ويلوموني فيك جوري: اللي يحب يسوي اي شي لحبيبه تركي: اي والله جد جوري: اي والله وشو تركي: مثل ماقلتي جوري: مستخصر تقولها تركي يصرف: عازمك ع العشاء جهزي نفسك الساعه 9 بتنهيده: ان شاءالله وطلع جوري" مغروووور كبرياءه مانعه من التصريح لكن والله اموت فيه" .............. ابو تركي: فيه لخبطه بالحسابات السكرتير: تونا مراجعين كل شي والاوراق سليمه ابو تركي: بس فيه تلاعب والله ما اغفر للي تلاعب دخل تركي: السلام عليكم السكرتير بس اللي رد السلام ابو تركي: كل ذا تأخرت عشان ورقه تركي:قلبت اغراضي كلها مالقيتها ابو تركي: هذي ورقة التأمين تدري لو مالقيناها كل شي بيضيع لان البنوك والناس يبون حقوقهم.. شف انت لازم تجمع الموظفين وتسوي جرد لكل ورقه تجي بيدك تركي: ابشر بس هدي نفسك شاف السكرتير ايد ابو تركي المرتعشه: طال عمرك انت لازم تروح البيت وانا وتركي بنصلح الوضع ابو تركي: انا راجع الساعه عشر لو ارجع وانتم مالقيتوا الورقه اعتبروا انفسكم برا الشركه توه بيطلع دخل عبدالرحمن ابو تركي: وش جايبك انت عبدالرحمن: اداوم ابو تركي: لاتداوم لين عقب زواجك خلص اشغالك مو انلام من عمك اني مقصر معك بزواجك من بنته لاقيها من هنا والا من اعمامك عبدالرحمن: ان شاءالله طلع ابو تركي وصفق الباب وراه عبدالرحمن: شفيه معصب؟ السكرتير:لان... تركي:تفضل شف شغلك مشكور السكرتير: العفو... وطلع عبدالرحمن: وش صار تركي: ورطه.. الحسابات متلخبطه والبنوك والناس يبون فلوسهم ومافيه سيوله كويسه عشان نتلافى هالضرر عبدالرحمن: والتأمين تركي: الورقه ضايعه بصدمه: اماااا عااااد تركي: ايوالله عاد هو حالف لو يرجع الساعه عشر ومايلقاها بيطردنا عبدالرحمن: لا بس يهدد.. بس الحمدلله عندي في البنك مبلغ يعيشني عشر سنوات قدام تركي:انت ماهمك الا نفسك.. لو كل واحد بيحصي وش يملك فتراي عندي اضعاف مبلغك لكن لازم نسوي شي هذا تعبه وشقاه عبدالرحمن:تصدق اللي صار احس انه حوبة فيصل وطارق وخالد تركي: اقول مامنك فايده زي ماقال ابوي لاتداوم.. يكون اصرف عبدالرحمن: افا عليك ياولد ابوي موب انا اللي ادير ظهري لابوي وهو بعز احتياجه لنا تركي: اجل انت اجمع الموضفين وراجع معهم الاوراق وانا بمسك قسم المحاسبه عبدالرحمن: وهو كذلك تركي: قوم الحين عبدالرحمن:زييييين وخرج دق جواله:هلا فهد فهد: هلابك يالقطوع تركي: لا والله مو قطاعه لكن اشغال مافضيت احك راسي فهد: هذي هي الدنيا وش اخبارك تركي:نحمده .. وانت بشرني عنك فهد: الحمدلله.. قلت اسأل عنك واتطمن عن اخبارك تركي:راعي واجب فهد: ايه راعي واجب احسن من غيري مايدقون الا لمصلحه ضحك تركي: كنك تذب؟ فهد: وانت كنك فهمت تركي: والله دايم اقول للشباب فهد ابو الفزعات فهد: من كثر فزعاتي لك ناسي عددها تركي: احسن تسوي خير فهد: اللي اتذكره كانت تخص الحوووب القديم تركي:خلاص كبرنا ع الشغلات هذي فهد:مبروووك وصلت سن اليأس تركي: عداااال يالمتشبب ترا مابينا الا اسبوع فهد: اقول قفل موضوع الاعمار مانيب احبه تركي:زي الحريم مايحبون هالاسئله ماغير تلاقيهم كل وحده تسوي لها عيد ميلاد ولامن سألت عن العمر قالوا 18 .. سبحان الله الحياه الحياه عند هالعمر ماعاد يزيد فهد:ههههههههههه والله صادق تركي:بس الحمدلله حنا يالشباب الكبر مايأثر فينا واجد فهد:حتى في مسألة الانجاب الرجل لو كان عمره ميه يقدر ينجب لكن المرأه عمر معين واستوووووب ماعاد فيه امل تنجب تركي: لله حكمه فهد: على طاري الخلفه قبل يومين شفت عماد اخو الحوووب سابقا تركي:تكفى لاتجيب طاريها فهد: لا سالفه تحزن القلب والله اسمعها تركي: طيب فهد:شفته ضايق مره ومستواه متدني ويقوم المرشد الطلابي ياخذه على جنب يبي يعرف سبب هالتدني تركي:اكيد رفض مايفصح الا لك فهد: اكيدين..عاد آخذته مكتبي سحبته بالحكي تدري هو ذكي يالله طلعت منه باللي بتسمعه تركي:ايوااا فهد: تخيل يقول ابوي لاهي بشغله وامي ماعندها وقت كل ما اقول لها ذاكريلي قالت بعدين تركي:اخبر رشا اللي تذاكر له والا امه وابوه ماهم حوله فهد:ايه بس بعد ماتزوجت الولد اللي انهبل وسفروه براا سمعت فيه انت؟ تركي بزفره:ايه وتطلقت فهد:ايه يقول بعد ماتطلقت ورجعت البيت كانت حزينه.. قلت له وليش ماترجع تذاكر عندها قال طاقه الزعله لان ماعاد بتقدر تجيب اطفال تعجب تركي:شلون؟ فهد: والله يالله علمني يقول ما ابي اهلي يدرون والا بيحرموني من المدرسه.. طبعا انا خليته يوثق فيني وقلت له ماراح اعلم اهلك الولد ارتاح يبي يفضفض قال لي انها نزلت البيبي تركي"كانت حامل" استأنف فهد: ايه يقول سوت عمليه وقالوا ماعاد تقدر تجيب اطفال.. طبعا انا توقعت مادام ماتقدر تجيب اطفال فأكيد استأصلوا لها الرحم تركي كان كبير عليه اللي يسمعه: استأصلوا لها الرحم فهد: هذا تفسير كلامه حتى انه يقول عادي تتبنى طفل؟.. فهمته انه حرام بس قال لي ان اخته مصره تبي تتبنى تركي:لاحول ولاقوة الا بالله فهد: والله هالدنيا دواره والا من يصدق عقب الحياه الرغده والهاديه اللي عاشتها معك بينقلب حالها لها الوضع السيئ تركي: هي اختارت والله يفرج همها فهد: ماشاءالله تركي تدعي لها عكس الشباب لامن ترك الوحده حط فيها كل العذاريب تركي: انا تركي فهد: ونعم والله.. ياخي ماتحس اني تكلمت واجد تركي:بقووووه فهد:ههههههههه والله خذتني السوالف معك والا انا كنت ناوي اسلم واقفل تركي: ماتقصر والله واعذرني ع القصور فهد:لا وانا اخوك مامنك قصور وانا داري ماتردك عني الا ظروف تركي:اي والله وان شاءالله تعدي فهد:الله يسهلها.. اي خدمه تركي:سلامة روحك بحفظ الرحمن فهد:الله يسلمك ..مع السلامه تركي: مع السلامه راح لقسم المحاسبه وبعد جهد مظني لقوا كل الاوراق سليمه ومافي اي دليل على انه فيه تلاعب قرروا يرجعون البيت وابو تركي ماعاد رجع لان حالته الصحيه مو ذاك الزود .............. ام طارق: ايه حتى ابوك قال نفس الشي!!!! طارق: ليش وش كان يبي؟ ام طارق: خالتك الهنوف وصتني اقول لابوك يشتري لها هالارض تبي تبنيها مسجد على نية المرحومه طارق: حسافه والله هي الوحيده القريبه وكبيره وبرحه كثير كنت متأمل بعد مانبني المسجد نصلي فيه لانه بيكون قريب مره ام طارق: ومن شراها؟؟ طارق: مدري عرضت اعلى مبلغ متوفر عندي بس الدلال قال ان اللي شاريها دفع فيها مبلغ ضخم! ام طارق: بيبنيها بيت طارق: لاوالله شوفي الصدفه قال يبيها مسجد ام طارق:اجل الله يجزاه خير ماقصر ............. ندى:يمه انتي كلميها ام تركي:يابنت الناس مالك شغل بهالسوالف وش تحسين به تحكين في مواضيع اكبر منك ندى: طفش والله من عقب ماراحت مناوي وتروك وسلطان صار البيت سامج.. صراحه لازم تكلمين جوري طولت كثير ام تركي: انا لله وانا اليه راجعون.. وشو انتي بالعه رادو طولوا ماطولوا وش عليك.. الله مابعد كتب والا هم ياعويني يبون الضنى ندى:لاااا اصلا تروك شكله مايبي كل مافاتحتوه قال جوري تقول بدري.. الله اعلم وش وراهم ام تركي: وقسم بالله لو ماتسكتين لازعل منك خلااااااص انلدمي دخل تركي اللي سمع معظم الحديث لان اصواتهم عاليه: السلام عليكم الكل:وعليكم السلام حب راس امه: ندى تعالي وراي خافت:ليش تركي: انا رايح المكتب لو التفت ومنتي وراي بتشوفين علوم!! .............. . . . . ماطلع طول اليوم من البيت اكثر واحد من اصدقاءه يدق عليه ويعتذرهم طفشان زهقان متملل ضحك كم ضحكه على الفيلم اللي يتابعه لكن سرعان مايتسرب لمخيلته الموقف اللي صار له معها وتزول الضحكه لاشعوريا دق عليها واصيب بخيبة امل ..(نرجو معاودة الاتصال في وقت لاحق).. كان مغلق شكلي ابسأل امي والا ندى واللي فيها فيها!! لالالا وش بيقولون احسن شي اتصرف بعقل.. وبدعي بصلاتي انها تكون من نصيبي وحتى لو ماوافقت اهم شي اني سويت اللي علي ولا اعيش طول عمري ندمان اني ماصارحتها وان شاءالله ماراح اخلي خوفي من الرفض عائق بيني وبين اللي ابيه رجع به الزمن سنوات طويله ورا كانوا صغار في الابتدائيه جالس على بركة السباحه ورمى كل المصاقيل فيه حبه حبه هي جايه من بعيد وفي يدها كيس وجلست جنبه نادر: لاتجلسين عندي وخري تناشق وهي تبكي: كلكم ماتبوني تركي يقبصني وفيصل معه بعد نادر: خلاص روحي العبي مع البنات دانه: ما ابي .. ابي العب معك شف جبت معي كتكات مو انت تحبه.. نادر: ما ابي الحين انا مو قلت لك لاتلعبين مع العيال واليوم لعبتوا وعطيتي طارق حلاو دانه: خلاص خذ الكيس كله وبروح اطلب من ابوي عشره ريال ونشتري زياده مسك الكيس وحطه بحضنه: شوفي بسامحك لكن والله تلعبين معهم اذا كبرت بسافر واخليك تبسم على انانيته وبراءتها وتذكر موقف آخر قبل مايبلغ بسنه كانت تلعب بالمراجيح دانه: تعال العب معي.. خالد وخر عن المرجيحه خالد: ياسلاااااام والله ما اوخر انتي وخري نطت من فوق المرجيحه:تعال نادر نادر: خلاص انا رجال ماعاد العب دانه:هههههههههه وناسه يعني بتتزوجني نادر:من قال دانه: خالتي لطيفه دايم تقول نادر بيتزوج دانه اذا كبر نادر: لا بتزوج ريم دانه: ريم الدبه خالد: بلا في شكلك لاتقولين عن اختي كذا بكت: نادر يقول عنها دبه ومنطاد بعد طارق يكذب: نصابه ماقلت دانه: الا انت قايل لي امس خالد: ليش تقول عن ريم كذا ها طارق: والله ماقلت هين يادانه والله ماعاد تشوفيني دانه: لا انا امزح ماقال خالد:ياكذابه رضت تكون كذابه عشانه من بعدها ماعاد صار يشوفها الا متغطيه وفرقتهم الحياه.. لين يوم حفلة ريم حس في هذيك اللحظه كأن الجمال مكتوب باسمها عاند احساسه واستل سيف العناد وقطع طيفها من باله لكن ترجع له بهالطريقه .. هذا اللي ماكان حاسب له حساب.. مازالت متعلقه فيه بدون مايدري... ........... جلس ع المكتب ويقلب الاوراق ومره يفتح الدرج صار لها نص ساعه واقفه آخر شي نطقت:تركي وش تبي .. كم لي وانا واقفه؟ طالعها: انطقي لين اخلص حاولت استعطافه: والله تعبت يرحم والديك خل اجلس باستغراب: وانا منعتك؟؟ اجلسي ندى"ياقوة غبائي وانا متعبه نفسي و واقفه".. وجلست تركي كان متعمد يأخرها عنده عشان يحسسها انها غلطت بتدخلها فيما لايعنيها فضل انه يعاقبها بأقل قدر من الضرائر: وش اللي سمعته تو؟ ندى:لابس كنت استهبل تركي:لاتضيعين وقتي ندى: بس قلت لين متى ماراح تفرحونا بطفل صار لكم متزوجين بغير اهتمام:واذا؟ ندى:مدري انا قلت كذا وبس تركي بحزم: نصيحه لاتفتحين عليك ابواب وخليك بنفسك وبس ردت بسرعه: والله ابشر قسم بالله ما اعيدها .. والحين اروح بيرفع ضغطها:لا خليك ع الاقل اريحهم من لقافتك مع اني ماتعودت عليك ملقوفه قربت منه وحبت ايده:لا حراااام عليك والله ما اعيدها تووووبه سحب ايده بسرعه ومسك اذنها:اه منك خلاص روحي تبسمت وطلعت جري"يارب توبه من جد اتدخل في شي يخص تركي بالذات" طلع وراها ام تركي: اقتصيت تركي:معطة اذن كفايه ضحكت ام تركي تركي:يمه انا طالع مع جوري بنتعشى برا.. ومن باب المجامله اردف: تعالوا معنا ام تركي: زين سويت يمه روحوا انتم تعشوا بالعافيه تركي:الله يعافيك وصعد جناحه ماشافها بالغرفه.. توجه لغرفة الملابس بياخذ فوطته وبيدخل ياخذ شور اصتدم فيها تركي:آسف والله انحنت تلتقط البلوزه الكستنائيه اللي طاحت من ايدها:لاعادي.. مشت ورجعت لفت:اقول تروك وش رايك ذي حلوه والا اللي علي حلوه تركي: لا اللي عليك احلى انا احب اللون الاحمر جوري:اوك.. ومشت استوقفها بيده: بخصوص اللي صار اليوم والله آسف جوري: ليش هو صار شي تركي:ههههههههههه تعجبيني.. ودخل ............. ابو طارق: ماسألت وش اسمه؟ خالد:قالوا فاعل خير طارق: يمكن خالتي الهنوف ام طارق:توني مكلمتها الحرمه حالفه ذيك الأيمان ان مالها يد في الموضوع ابو طارق:غريبه.. خالد: حيييييييل.. والله انا يوم اسأل من باب الفضول وش بتبنون هنا قالوا مسجد قلت لهم لمين قالوا فاعل خير .. طلعت ريحتهم وانا اسأل فيهم قالوا محد يعرفه وفهموني انهم ماقد شافوه وكل علاقتهم مع المسؤول عن البناء طارق: انلحس مخي خالد:اجل انا وش اقول لان كان فيه واحد كان يوزع زي البطاقات الصغيره وفيها ادعوا للمغفور لها باذن الله ريم ومكتوب تاريخ انتهاء بناء المسجد وانه بيكون اول صلاه فيها جماعه ابو طارق:يمكن واحد من الحاره طارق:لا ماظنيت اهل حارتنا مايعرفون شلون ماتت ريم وهالعمل مايطلع الا من شخص عارف كيف ماتت اماني:اتوقع عمي محمد يمكن هذي طريقه عشان يبين لنا انه ندمان ع اللي صار لها ابو طارق:مع انه اخوي من امي وابوي بس ماهقيت يسوي كذا ام طارق: الاكيد انه واحد من العايله.. طلبتكم ادعوا له اللي سوى هالشي للغاليه ابو طارق: بإذن الله مااصلي صلاه الا وانا داعي له.. وانتم كذلك الجميع: ان شاءالله ............. في السياره تركي: وش رايك اي مطعم نروح جوري: لا اول بنروح مشوار وبعدين نقرر المطعم تركي: الحين؟ جوري: ايه ماراح ياخذ وقت طويل تركي: اوك وين جوري: انت سوق وانا بدلك تركي: طيب قولي هو سوق والا وش جوري: ماعليك بس خذ يمين انصاع لأوامرها وابتع تعليماتها وهو دايخ من اليمين واليسار جوري: خلاص اوقف هنا تركي:وين جوري:لاتمشي كثير هنا هنا يمين تركي: وش تبين مافيه الا حلاقين ضحكت تركي:يممه منك مانسيتي جوري: لامانسيت يلا بسرعه انزل ولاتتأخر تركي: شوفي انا دايم احلق عند واحد اوعدك بكرا اروح له جوري:لاهذا شغله عدل دايم طارق وخالد يتضبطون عنده جرب ماراح تندم طلع المفتاح من السياره: على مسؤليتك طقت الصدر:على مسؤوليتي ونزل الحلاق السياره معتمه تعتيم خفيف فكانت تطالع المحلات الموجوده اللي جنب الحلاق سمعت نغمة رساله شافت جواله ماشاله معه تسللت يدها بكل خوف للجوال وفتحت الرساله تركي انا عرفت كل شي اسفه ع اللي صار ورجعت لك بلهفه الافضل تتحرر من جوري ونرجع لبعض جوري"ارجعلك؟! نرجع لبعض؟! ليش هم تركوا بعض؟؟ يعني هو تعدل معي من بعد ماتركته وجحدته.. والله انه ارحم علي معاملة الشفقه ولا انك تخليني اسبير لها .. ودي اشوف وجهك اذا واجهتك وماراح تقدر تنكر لان الدليل بيدي وبرميه بوجهك.." ''ازا بتحبي زوجك اكسبيه وماتخلي حدا ياخدو منك'' كلمه محفوره داخلها كمثل الناقوس دق في عالم افكارها المتضاربه جوري"اذا احبه"؟ اي ورب الكون احبه ياااااالله ياسميره دايم اتذكر نصايحك في وقتها.. لكن واذا احبه ابلع اللي صار والله لأموت غبنه وقهر توترت وودها لو تكسر الجوال غمضت عيونها خذت نفس عميق وبكل ثقه سجلت رقمها بجوالها "احبه و والله ماتاخذينه ولاتربطينه مره ثانيه بحبايلك يالدنيئه" تصرف سليم حكمت عقلها قبل قلبها في المواضيع اللي زي كذا ماينفع فيها الجدال لانه دائما يأخذ منحى الهجوم من قبل المرأه والمرأه اللي تبي زواجها يستمر وماتبي بيتها ينهدم كل ما أخطأ زوجها تكنس هالاخطاء وراه وتحاول تدله لطريق واحد مافي غيره طريقها هي وبس واستأنفت كلامها مع نفسها" انا اوريك يالنجسه" انتشلها من افكارها صوته وهو يركب السياره حطت الجوال بهدوء جوري:اللللللللله وربي انك مووووووووت عبس بوجهه وش عندها ماسكه الجوال تأتأ في كلامه وهو ياخذ الجوال: صددقق ححللووو جوري: ايه والله تحت اذنك مناسب الحين خالتي لطيفه ودها لو انك تقصه كله بس شي احسن من لاشي ماكان معها تفكيره محصور بالرساله اللي شافتها لانها ماقفلتها وهي قاصده هالشي تبيه يعرف انها كشفت سره مع رشا بدلع:هاا ماودك نروح نتعشى حط الجوال: الا الا .. ومشى بالسياره من غير مايسألها عن قرارها باختيار المطعم جوري تمنت من بعد ماعرف انها كشفته انه يبرر لها لو بكلمه وصدمها تكتمه ع الموضوع خذاها لمطعم هادي فيه ناس قليلين راح لقسم العوائل جلست قدامه فتح المنيو ومانسى اللي صار بالسياره بس لازم يحسسها ان الامر عادي وان الرساله ماهمته ومنتظرها تتكلم عنها عشان يبرر موقفه ويحلف لها انها لاهي ولا رسالتها هموه: وش بتطلبين جوري:مدري بشوف تركي: استعجلي لاني جوعااان جوري:اطلب لنفسك لين افكر تركي: لا بحتريك لاني بطلب نفس طلبك ذوقك حلو في الاكل جوري:من قال لك؟ تركي:محد قال لي.. لكن المأكولات اللي كنتي تسويتها لي بلندن مافي اطعم منها تضايقت من هالطاري وهذيك الايام بس ضغطت على نفسها وتركي حس انه فتح عليها جروح جوري: وليش ماتطلب مني اسويلك اكل تركي: عندك نفس في الطبخ الله لايضرك طباخه ماهره بس ماودي اثقل عليك.. جوري: لا شدعوه من اليوم ورايح ماراح تاكل الا من يديني تركي : اطعم اكل من اطيب يد عشاء جميل وامسيه رائعه مرت بسلام ظاهريا على الطرفين ........... يوم جديد قبل المغرب عبدالرحمن:الوو بحده: شف كم مكالمه بجوالك عبدالرحمن: اتوقع كثيره دامك متنرفزه عصبت: طيب قوم يلا بسك نوم عبدالرحمن:ويلااااااه ع التعصيب بس ياسوسو ساره: لاتصرف قوم عبدالرحمن:والله داااايخ ساره: طيب تعال سولف معي طفشانه نقز:قولي والله.. عادي اجي؟ ساره:مو توك دايخ بجديه:ماعليك مني جد عادي اجي ساره: تبي امي تذبحني عبدالرحمن:يوووه عاد والله فرحت ساره:عادي نسولف كذا عبدالرحمن:بس السوالف وجها لوجه اكيد بيكون لها طعم ثاني امسك ايدينك العب في شعرك احط راسي بحضنك ساره:بس هذي مو سواليف عبدالرحمن:وربي احلى سواليف ساره:الظاهر النوم باقي مأثر على خلايا مخك ضحك:وانا قلت شي غلط تصدقين سوسو اذا صرنا في بيت واحد ماراح افارقك دقيقه اسيل:طيب افرض بروح اتسبح عبدالرحمن: عادي وراك وراك ساره: المهم انا بقفل دقيت عشان اقولك تجي تاخذ باقي اغراضي عبدالرحمن: والله بينور البيت ساره:اقولك شي وماتزعل عبدالرحمن:تفضلي ياروحي ساره:تصدق امي امس كانت موش ولابد تقول ليش ماياخذ لك بيت عبدالرحمن: ذي امك وش تبي بالضبط ساره:راحتي عبدالرحمن: قد هالكلمه ساره:اي ام تتمنى لبنتها هالشي..ما اختلفنا حلو الوحده تعيش مع حمولتها بس تدري عشان اخوانك وزي كذا عبدالرحمن: طيب ياقلبي مو حنا اتفقنا على هالموضوع.. مو اتفقنا اني ما اقدر اشتري بيت هنا لان ابوي بيرسلني بعد شهر لندن اباشر اعماله هناك وبنسكن في بيت تركي واذا حبيتي نغير اثاثه ماعندي مانع ساره:ادري هذا كلامها هي.. عموما لا اوصيك حذاري تنسى عبدالرحمن: يالبا تهدد يازين تهديدك بس ساره:ههههههههههه عبدالرحمن: دوووووم هالضحكه.. الا تعالي بقولك ساره:هلا عبدالرحمن:اذا جيت اخذ اغراضك ابي اشوفك وحشتيني ساره:ممنووووع.. بكرا زواجنا مابقى شي.. عبدالرحمن: يعني مالي نصيب من هالمشوره ساره: لا عبدالرحمن: اذكرك فيها طآآآآيب تشوفين ساره:هههههههههههه طيبين يلا سلام عبدالرحمن:سلام ياقلبي.. .............. زواج عبدالرحمن وساره اماني: بسم الله ماشاءالله جناااان يابنت ساره: جد يعني تهقين بعجب دحومي دانه: اعجب فيك يوم انك حاطه تقويم وشعرك يخرع اجل الحين ماراح تعجبينه! ساره:ماراح ارد عليك ندى:حرام عليك هذا شكلها ايام المتوسط والا هي تغيرت كثير طالعه قمر ساره: ياحبيلك نداوي.. فديتك والله دخلت ام فيصل: انا بعرف ليش مجتمعات هنا يلا انزلوا يامال العرس ضحكوا البنات.. ونزلوا قربت منها امها وصارت تحصنها من عيون الحساد.. وطولت ساره:هههههه يمه بتقرين القرآن كامل ضحكت: الله يحرستس يابنتي الحافظ الله بس الناس ماقامت تعطي خير.. خايفه عليتس يمه.. ساره: والله قريت على نفسي قبل ماطلع من البيت ام فيصل: شوفي ياقلبي اللي قلته لتس في البيت تخلينه في بالتس استحت واطرقت رأسها بخجل ام فيصل: لاحياء في الدين هذا شرع الله وانا امتس اكتفت انها تهز راسها ام فيصل: انا نازله باقي نص ساعه لزفتك اقري وادعي لين يحين موعدها ساره: ان شاءالله دخلت دانه ام فيصل: وش مرجعتس دانه: زحمه بقعد هنا مع ساره والله يمه انتي خابرتين ماحب الزحمه ام فيصل: زين زين.. ونزلت ............. عبدالرحمن اللي توه داخل القاعه: حمد حمد: هلا قطع عليه صوت ابو تركي: بالله انت وجه زواج جاي الحين عبدالرحمن: والله كن ابو تركي:لاتبربر روح اقعد بس ضحك حمد على شكله راح جلس ع الكرسي المخصص له بالصدر واشر لحمد يلحقه حمد:وش عندك عبدالرحمن: جبت مسكه هديه لساره حمد: وش مسكه ذي عبدالرحمن: وش عرفك انت.. المهم هي بسيارتي خذ المفتاح وعط ساره خذا المفتاح: طيب وشق طريقه للبوابه ابو فيصل: حمد تعال ابيك حمد: يبه الحين بجي ابو فيصل: لا تعال.. شوف فيصل وينه فيه وقلطوا الرجال ع العشاء حمد" وش اسوي الحين بالمسكه": ان شاءالله.. وشاف نادر راح له ركض وعطاه المفتاح باستغراب: وشو ذا حمد: افتح سيارة دحيم تحصل مسكه مدري وشو نادر: ايه اللي تمسكها العروس حمد: مدري عنك انت واخوك المهم يقول انها هديته لها.. خذها وعطها وحده من البنات تعطي ساره نادر: وانت؟ حمد: مشغول قال لي ابوي اقلط الرجال ع العشاء و نادر: خلاص انطم بروح حمد:ياشين وجهك ضحك نادر عليه وهو طالع ........... اماني:هههههههههه والله دانه بتنصرع لو تشوفها منى: وش جابها مع وجهها اعوذ بالله ع الريحه جمانه:مين؟؟ منى: صديقتك انتي ودانه جمانه: رشا؟؟!! ندى: بشحمها ولحمها جوري: والله يابنات ودي اكوفنها ندى:تبين فزعه جوري: مايحتاج انا اوريها اماني: والله ماعندها دم ندى: ودي اروح لها واقول لها تركي مايبيك فارقي بس انا وعدته ما اتدخل منى: انا بروح لها وخروا ودق جوالها:هلا نادر: اطلعي عند البوابه بعطيك المسكه حقة ساره منى: عندها مسكتها انا شايفتها نادر: مدري يقول هديه منى:اهااا الحين بجيك.. وقفلت اردفت:خساره بس بعد ما ارجع بتفاهم معها جوري: لاتحاتين الحين بطردها طلعت منى بسرعه ودقت عليه:نادر وينك نادر:عند البوابه واثناء ماهي تمشي شافت مصوره منى" بتصور ابي اوري فيصل" ودقت على نادر:ندور فيه مصوره وش رايك تدخل نتصور عاد هو يموت بشي اسمه تصوير: قدام منى: خلاص تعال مع البوابه الثانيه وقابلته وشافت المسكه كانت كرستالات بقمة الروعه زي الطوق الكبير ودائريه ومثبته فيها فلوس من فئة الخمس ميه وصوره له انهبلت عليها: والله منتب هين يادحيم نادر: والله لو استشارني كان اخترت له احلى من هذي منى: وش عرفكم انتم نادر: مافي تلفزيون مافي نت يالطعسه منى: وجع احشمني اكبر منك تقول عني طعسه نادر:هههههههههه المهم اخلصي ابي اتصور منى:يلا امش معي وطلعوا فوق انتظروا تأخرت المصوره منى:خلاص بعد الزفه اناديك نادر: وش ذا الخياس.. تعال وتعال وآخرتها بعدين منى:ياخي خلاص قلت لك بعدين نادر: ماعاد ابي.. وطلعوا من الغرفه ............. ساره: دانه تعالي بختنق فكي العقد شوي قربت منها وصارت تفكه وتثبته بحيث يكون اوسع ساره: ايه كذا حلو دانه: وجع حتى فمك معطرته ساره:هههههههه لاوالله مو عطر هذا علك دانه:يهبل عطيني منه ساره:بشنطتي قامت: وينها ساره: موهنا بالغرفه الثانيه وراحت دانه تاخذه دخلت الغرفه وينها وينها .. صارت تفتش بين كومة العفوش والشنط اللي بزاوية الغرفه واخيرا لقتها فتحتها وجلست على جزء من الكنبه من زحمة الاغراض منى من برا بدون ماتدخل: خلك هنا لين تجي والله رحمتك.. وأحكمت اغلاق الباب عشان مايطلع لانه تنرفز تمشوره وتاليها تقول له بعدين ماحبت تكسر بخاطره.. ونزلت تدور ع المصوره حست بخطوات ثابته تمشي دخل معطيها ظهره ووقف عند المرايا يضبط الغتره البيضاء عرفت انه نادر.. هالهيئه وهالطول مستحيل ماتعرفه واللي اثبت انه هو صورته المنعكسه بالمرايا تجمدت ماقدرت تسوي اي حركه خايفه ومستانسه مرتبكه وسعيده ما انتبه لها وجلس على اول كنبه وكانت دانه باقصى اليمين بين الاغراض طلع جواله وحط على اغنيه محمد عبده يقتل الوقت على بال ماتجي منى صدح محمد عبده بصوته العذب حبيب الحب..الحب و حبيببي نفس روحي بعد روحي وحالي عسى دايم وشمسك ما تغيبي عن عيوني وعن قلبي وبالي اذا بعدك قدر هذا نصيبي واذا حظي قدر ياطيب فالي سنين العمر تسألني واجيبي على ذكراك وحظورك سؤالي تواريخك تمر وتلتقي بي وتنساني و تذكرك الليالي احسك حيل من قلبي قريبي عساني مانحرم شوفك قبالي شموعك كل ليلة تحتفـي بي لقلبي ظي ولعمري ظلالي عرفت الحب منك يا حبيبي وشكرا لك يا حبي لحالي حبيب الحب..الحب و حبيببي نفس روحي بعد روحي وحالي عسى دايم وشمسك ما تغيبي عن عيوني وعن قلبي وبالي خلصت الاغنيه دق جواله حمد:ها عطيتها نادر:ايه منى بتوصلها لها حمد:ووينك للحين نادر: اسمع ابو نوره حبيب الحب ألييييييمه هالاغنيه.. والله مانيب احب اسمع الاغاني واجد بس هالاغنيه بالذات حبيتها لانها تعبر عن نفسي حمد: ايه مايحتاج رهيبه هالاغنيه المهم تعال بسرعه نادر: عندي شغله اخلصها واجي.. وقفل قام وتوجه للمرايا مره ثانيه بس هالمره شاف زي التمثال المتحجر التفت بلمح البصر تأكد ان ذي كائن حي:دانه؟!!! ............... غاصت بنفسها في الكرسي مختفيه خلف احدى الحاضرات تقدمت منها جوري: ممكن آخذ من وقتك عدلت جلستها:هلا جوري جوري:ممكن تجين معي كان وقوفها معها هو الاجابه راحوا مدخل القاعه بعيدا عن ضوضاء المكان باغتتها بسؤال قوي:من عازمك رشا: دانه عزمتني جوري: مع اني اشك بس المكان يتعذرك رشا:تطرديني جوري: واطردك من حياتنا كلنا رشا:وش قصدك جوري:لاتستعبطين انا عرفت كل شي رشا:عن وش تتكلمين انتي جوري: علينا ياريوشه مو انتي المتيمه في تركي.. ؟ رشا:عرفتي؟؟ حاولت تغيضها:ايه عرفت احب اقول لك تركي زي الخاتم في اصبعي ماراح يلتف لك ياخرابة البيوت والافضل تمسحين رقمه ولاعاد تدقين عليه رشا بسخريه: ماشاءالله خاتم في اصبعك شلون تجي وهو يكرهك ولاقد لمسك هزتها الكلمه لكن بينت عكس الخافي: من قال لك رشا: انا سمعتك لاتفكرين تنكرين جوري: ماراح انكر .. بس بقولك شغله دوام الحال من المحال هو كااااان يكرهني والحين يموت فيني وكان يموت فيك والحين يكرهك كره العمى انقهرت: ايه واضح تصدقين احيان تكسرين خاطري جوري حبيبتي لاتنسين انك حامل التوتر موب زين عليك لو حصل لك وللبيبي شي تركي بيجن جنونه اكثر من جنونه الحين فيك بنظرات حقد لفت رقبتها عارفه ان صاحبة الصوت منى جوري : ماراح اوتر نفسي بس تكفين خليها تنقلع برا منى: يامدام رشا سمعتي.. اطلعي برا ام فيصل: واخزياه تطردين ضيوفتس يامنى منى: هذي مو ضيفه هذي من اردى الخلق ام فيصل:منى عيب اللي تقولينه كليتي البنت منى قاهرها ان ام فيصل واقفه معها :خاله ترا ذي تصير زوجة منذر اللي ذبح ريم مايندرى وش ضامرته لنا ام فيصل: وي وي هذا انتي يامال الضربه اللي تضرب راستس وش جابتس هنا يلا ضفي خنافرتس برا منى أكد لها سكوتها ان منذر زوجها مو تشابه اسماء مثل ماكانت مفكره رشا بتحدي: والله ان تندمون ام فيصل: اقول اندزلعي لابارك الله في الساعه اللي جيتي فيها طلعت رشا وجواتها كل معاني الكره والحقد ام فيصل:من عازمها ذي جوري:خاله لاتضيقين صدرك اهم شي انها فارقت ام فيصل:الله لايبلانا بهالاشكال.. انا رايحه اقول لساره زفتها منى:خلي عنك حنا بنروح نقول لها ام فيصل: تسوين خير والله رجيلاتي تعورن من الدرج جوري: مشكوره منى:على وشو جوري: وقفتك معي منى: انتي اختي وبنت عمي وزوجة اخوي شلون ما اوقف معك جوري: حديتك ع الكذب منى:وش اسوي هو الحمل اللي بيكسر احلامها .. جوري: والله ما انسى لك هالوقفه.. منى: لا انسيها من الحين.. وتشعلقي في ارقبة تركي سامعه والتفتت وراها.. المصوره واقفه منى:معليش اخرتك يلا نطلع.. وكملت: جوري روحي لساره على بال مانخلص انا ونادر تصوير جوري: طيب.. ............ نادر:والله اسف مادريت انك هنا ارتجف فكها السفلي يصارع دموع توشك على النزول نادر: بتبكين ابكي.. اخذت شالها وغطت وجهها ونفسها بحزن:عديم الاحساس بجمود: مو اكثر منك.. تصارحين بحبك وتهربين دانه: ماهربت نادر:لاااه دانه:يعني تأثرت من اللي صار نادر: انا غبي خليتك تسحبيني في الحكي ويوم دريتي ماكلفتي على نفسك تقولين بفصخ خطبتي عشانك يانادر دانه"خطبه اي خطبه.. وتذكرت انها كذبت عليه انها انخطبت.. مشت الكذبه" :يفرق عندك نادر: مع ان الكلام ماعاد له فايده بس بسألك عندك استعداد تفصخين خطوبتك دانه: ليش نادر: بشتري حبك وبتقدم لك دانه: بس حبي؟ نادر: وحبي لك دانه: حبك لي نادر: ايه لازم اقول احبك.. احببببببك ارتحتي.. دانه: وليش ماقلت من اول .. ليش رفضتني قدام الكل نادر:مارفضتك انتي بحركاتك حسستيني انك ماتبيني.. دانه: وش اللي خلاك تغير رأيك نادر:ماحب وحده تطلع اقوى منك دانه: اضعف مخلوقه في الارض انا نادر:ضعفك اقوى من قوتي ..بكل ثقه صارحتيني بحبك هذا مو ضعف هذا ذروة القوه دانه: مو كأنه متأخر هالاعتراف نادر: انا مستعد اسوي اي شي بس ماتتزوجين غيري كانت بتقول له اني اكذب عليك لا انخطبت ولا شي بس قطع عليها صوت الباب هذا صوت منى نادر: قومي الحمام بسرعه راحت الحمام فتحت منى الباب:يلا ندور تعال الغرفه الثانيه هالغرفه مكركبه وطلع معها ........... دخلت جوري: يلا ساره الزفه وشافت المسكه:تهبببببل وربي ساره: من دحومي والله دايم يتحفني بافكاره جوري: الله يخليكم لبعض ويتحفك طول عمرك ساره: آمين جوري: هو يحب المظاهر؟؟ ساره:ليش جوري: لا بس طريقة وضعه للفلوس وصورته بالمسكه ساره: واما بنعمة ربك فحدث جوري:مايخالف بس مو كذا ساره:هههههه فديتك تدرين هذي موضه الحين بدال مايعطي المعرس عقد الماس او هديه في ليلة العمر صاروا يحطون فلوس بالمسكه والوحده هي وكيفها وش تسوي فيها جوري:اهااا اجل طافت علي الموضه ساره: تعوضينها بشي بأحلى من كذا جوري: الله كريم يلا دبه قومي ساره: والله خايفه جوري: طبيعي بس لاتخلينه يسيطر عليك ساره: طيب .............. على موسيقى كلاسيكيه اختالت ساره في الممر المؤدي للكوشه تبخترت كالطاوس ليس لانها عروس بل لان في هذه الليله سوق يكون عبدالرحمن لها فقط بمرسوم ملكي الا وهو الملك المسمى بالحب مالك القلوب الرهيفه بعدها دخل عبدالرحمن قبل جبينها وسط هتاف البنات ودخل بعده اخوانه واخوانها وابوه وابوها.. ماشافها.. هو مادخل الا عشانها ماعرف يميزها لان الكل متشح بالطرح السوداء طبيعي يتغطون حس بوحشة غيابها في هالكم ساعه "والله فقدتك ياجوري" رقص اللي رقص وهو واقف ماوده يتمادى ويطالع يمكن تكون جوري مو من ضمن اللي يرقصون.. لمح ندى ناداها ندى:هلا تركي: وين جوري ندى: والله مدري من الزحمه ففضل يغض النظر ويحتفظ بصورتها في مخيلته نفس الاسلوب اللي اتبعه نادر.. دخل مجامله لاخوه واستعجل خروجه وطلعوا وراه بعد خروجهم اعتدل عبدالرحمن واقفا امر ساره بتأبط ذراعه معلنا ذهابه الى الفندق وانتهى الزواج على مايرام ............. من بعد ماراحت مع البنات المشغل ماشافها اول ماشافها تشيل عبايتها انقلب مخه ''هذي ناويه تجنني'' ابتسم غصب عنه طالعت فيه وردت له الابتسامه تجرأت:حلوه؟ وخر عيونه وسوى نفسه يدور شي جوري:هههههه حس انه غبي: ايه جوري: ايه امدح انا احب المدح كثير وخصوصا منك ماحس بنفسه الا يقرب منها: بس كذا تامرين امر ياسيدة اهل جيلك جوري:ههههههه اغرته ضحكتها وحاوطها بيدينه لكنها تهربت : حبيبي انا بروح اغير .. ودي اناااام جاه احباط فك يدها وراح يغير هو بعد جوري" ماراح يصير اللي براسك الا لما تقول لي انك تعشق الارض اللي امشي عليها وانك نسيت العقربه.. وعلى قولهم كل وحده وطريقتها وانا هذي هي طريقتي": تروووك تركي:هلا جوري: تعال افصخ عقدي ماعرفت له تركي:مو انتي لابسته شلون عرفتيله جوري: غير عن لما البسه تركي:انا بعد ماعرف عطته ظهرها:حاول اذا ماعرفت بنام فيه داعبت خصلات شعرها وجهه حس انه ذاب مع ريحته حاول يلبسها بس ايده كانت ترتجف جوري:هااا عرفت ترك العقد وضمها يشم ريحة شعرها حست بشعور غريب بس تداركت الموقف:خلاص مو لازم عصب: احسن.. وارتمى عل اللسرير راحت غرفة الملابس كاتمه ضحكتها "يابعد عمري ياتركي والله قلبي يعورني ع اللي اسويه فيك بس مو بيدي" .......... عبدالرحمن:ياااااااعمري واخيرا صرنا تحت سقف واحد ابتسمت بخجل عبدالرحمن: فديت الخجلانه ماقلتيلي وش رايك بالهديه ساره: صراحه تفاجأت بس وربي احلى مفاجأه بحياتي عبدالرحمن: تستاهلين اكثر ياروحي.. بغرقك مفاجآات ودلع ساره: الله لايحرمني منك عبدالرحمن: ولامنك .. سوسو طرتلي قصيده كنت دايم ارددها بقولها ساره: اسمعك عبدالرحمن: لاتستحي من ضمة الروح للروح دايم يضمون الحبايب حبايب هي لهفة فيها الغلا دوم مسموح حتى ولو كانت من اشواق ذايب ضمة غلا ماهي تعابير ومزوح لاتحسب ان ضمة غلانا مصايب لو تكسر ضلوعك بتحيا بك الروح صدقني ادري في ألمها عجايب ساره: صح لسانك ولسان قايلها عبدالرحمن: اعجبتك ساره:خيال قليله في حقها روعه عبدالرحمن: طيب يلا ضميني تغير مزاجها: يووووه ترا مالك داعي عبدالرحمن: ههههههههههههههههه لاياشييييييخه.. ساره: بروح ابدل بنام ضمها وبهمس: لا تعالي تكفين ضميني تكفييييين ساره:امانه وخر عبدالرحمن: خايفه؟ هزت راسها عبدالرحمن: افا انا حبيبك تخافين مني لا وصرت زوجك بكت عبدالرحمن:لاااا عاد ليش هالدموع ماتحبيني ساره:إلا عبدالرحمن:طيب خلي الخوف انا داري احد مخوفك اعرفكم يالحريم كل وحده لها قصه لا وتبالغون عرفت انه فهم اللي في بالها عبدالرحمن:اذا بتحبيني بتضميني حييييل والله مشتااااااااااق لك.. وضمته ضمة شوق نابع من قلبها....................... .......... . . . نهاية البارت قراءه ممتعه .. .. .. |
البارت ((22)) . . . . ملاحظه/عذرا ع التأخير و ترا ماراجعت البارت فسامحوني لو شفتوا اخطاء . . . اليوم الثاني فتحت اجفانها المتثاقله تبي تشوف هي في واقع والا حلم.. المكان مو بيتهم !! جالت بنظرها المكان عرفت انها في واقعها السعيد وفي الفندق مع فارسها ابتسمت ولفت ع الجهه الثانيه ماكان موجود !.. استغربت مدت ايدها للكومدينا وتناولت جوالها شافت الساعه 11 شهقت: ياويلي لهالحزه نمت وماصحاني وقامت من السرير وتوجهت لشنطه كانت حاطه فيها لبس الصباحيه في اثناء ذلك دخل : صباحيه مباركه ياعروسه.. زين انك صحيتي الفطو..... تحجرت مكانها حتى التفات ما التفتت ماشال نظره عليها كانت لابسه قميص نوم لؤلؤي وقصير خلاه يذوب وهو واقف يطالعها وفجأه تطمر للسرير وتغطي نفسها عبدالرحمن: بسم الله شفيك... حمر وجهها بصوره مذهله: مافيني شي.. لو سمحت اطلع بغير عبدالرحمن: ههههههههههههههههه ساره من جدك انتي بحده: الحين وش تضحك عليه ماقلت نكته انا رمى نفسه ع السرير غشيان ضحك ساره: وربي مالك داعي قعد: الحين كل ذا مستحيه ساره تذكرت اللي صار امس وزاد وجهها حمار: عبدالرحمن وتاليها معك عبدالرحمن: افا يعني ايام دحومي راحت باسلوب هادئ: مو كذا.. بس والله.... وسكتت ماسكه غصه .. دفنت وجهها بالمخده وبكت عبدالرحمن: ليييه ياقلبي ليه تبكين دفنها بدوره في احضانه واردف: كل ذا حياء.. حلو البنت تصير حياويه بس بطريقتك مو زين.. لاتتعودين على كذا بيأثر على حياتنا مستقبلا.. ساره: غصبآ علي عبدالرحمن: يارووووحي ياعمري تغلبي عليه.. هذي سنة الحياه كفكفت دموعها: بحاول عبدالرحمن: ماعندي بحاول والله ان اهبل فيك انا لين تتركين هالطبع الماصل ساره: ماصل والا جرأتك هي اللي ماصله عبدالرحمن:حلاااااااالي.. فيها شي .. وانتظرها ترد كمل: ردي ساره: مدري مسك ايدها بقبضة يديه الدافئتين: حلالي والا مو حلالي ساره: حلالك باس ايدها بحنان:ويازين الحلال مع اللي تحبه.. ساره: طيب انا بقوم آخذ شور عبدالرحمن:طيب عيوني انا بنتظرك برا وخلينا نقنق خفافي وطالع ساعته: ان شاءالله بنتغدى عند امي ساره: طيب وتربع ع السرير ساره: خلاص روح بقوم عبدالرحمن: لا..بكسر الخجل من الحين ابتسمت: ياشينك عاد مو اليوم عبدالرحمن: اليوم وكل ابو دايم غطت نفسها باللحاف وجت تبي تقوم مسكها:نو نو .. توك قايله حلالي ابي امتع عيوني ساره: خلاص برجع انام عبدالرحمن: اجل وناسه ننام مع بعض زفرت:يااااالله دحوووومي عبدالرحمن: عيون دحومي وقلبه.. ياتقومين من غير اللحاف.. ياننام.. عاد بكيفك اختاري وبسرعه عشان يمدينا نروح لاهلنا ساره:طيب.. وقامت بقدها المياس للشنطه طلعت منها فوطتها الخاصه ومستلزماتها عبدالرحمن: ياااااالبيه كل ذا وينه عني ما اقول الا الحمدلله صرتي لي وبلحالي بخطوات سريعه ركضت للحمام تتبعها ضحكات عبدالرحمن عبدالرحمن في خاطره"فديتهاااا والله ياهي بتهبل بي" ............ في مكان آخر لا لااااااا ايش لاااااااااااااااا دخلت على صوته:بسم الله تركي وش فيك شافت صدره يرتفع وينخفض من قوة تنفسه جوري: اهدأ واقرا .. اكيد شايف حلم ماكان قادر يسيطر على نفسه عشان يقدر يقرا قربت جوري منه وحطت ايدها على صدره العاري.. ارتبكت بس كملت لان الوضع مايستدعي خجل وبدت تقرا آية الكرسي والمعوذات خف تنفسه وانتظم للوضع الطبيعي بصوت تعب: الساعه كم جوري:11 وعليها تركي: ليش ماصحيتيني عندي دوام.. جوري: اي دوام رجعنا امس متأخر وتبي تداوم تركي: ابوي ماتمشي عنده هالاعذار وبعدين موصيني على شغله ضروريه واعتدل ع السرير تمهيدا لوقوفه جوري: وين تركي: بروح الدوام جوري: وانت بهالحاله! تركي: عادي تراه حلم مدري شقصتي كأني نادر هو واحلامه جوري:ليش هو بعد زيك تركي:سبحان الله نادر اذا حلم ..احيانا جزء من حلمه يتحقق شفتي قبل فتره حلم في ريم وخالد وتحقق حلمه وربي اخذ امانته في ريم جوري:سبحان الله.. واردفت:بسم الله على خالد لايكون بيجيه شي بعد تركي:اقولك نص حلمه يتحقق .. تعودنا عليه من هو صغير كذا سبحان الله بس الحمدلله زي ماقلت لك مو دايم يحلم جوري:لايكون انت زيه تركي:لاوالله اول مره جوري:ان شاءالله مو شين مره تركي: نقول ان شاءالله خير وجا يقوم وللمره استوقفته جوري: طيب تكفى لاتداوم تركي: والله مشغوووول جوري:اوك براحتك تراجع حس انه كسر بخاطرها:الا كان تبيني جوري:ابيك كيف تركي:تقعدين معي تداريني او نطلع نتمشى حاس اني بختنق من الحلم جوري: كل شي بسويه لك بس لاتداوم جاه مسج وبحركه مختلسه ضغط زر اغلاق الجوال وراح للحمام انقهرت من الحركه ونزلت تصلح له نسكافيه يفك ريقه فيه لين تسويله غداء من صنع ايديها وصل القهر عندها لأبعد مدى هي عارفه الا متيقنه ان المرسله رشا تذكرت انها ماخذه رقمها خذت جوالها اللي بجيب بنطلونها ودقت رشا:الو جوري : انتي ماعندك دم ماعندك احساس ماعندك كرامه ياعديمة الكرامه ببرود: من انتي؟ وش تبين جوري: انا جوري.. انتي ماتستحين على وجهك ببرود اكثر وقاتل: لايكون وصلته الرساله وانتي جالسه معه واطلقت ضحكه لبرهه شعرت جوري ان هالضحكه بمثابة دوي انفجار اجتاح المكان جوري: انتي وش تبين منه بالضبط رشا: الرجال ساكت عاجبه الوضع وش حرق رزك انتي طعنتها الكلمه بس مافيه مجال تخلي اي مخلوقه تخرب مملكتها وتاخذ منها تركي جوري: وين احترامك لها العائله؟؟ اي تصرف منك يمس فرد منها كأنك ترمين بعشرتك مع دانه والباقي بعرض الحايط والا انا ما اعرفك الا هالفتره رشا: عادي جوري: عادي؟؟ رشا: ايه اصلا دانه كانت وسيله عشان اقرب منكم واعرف اخبار تركي عن كثب.. ليش ماقال لك ان هذي فكرته عشان يشوفني جوري: ايش بسخريه:اوووه سوري على بالي عندك خبر.. والله مثل ماتوقعت حاطك صفر ع الشمال والا قلبه انا من ملكه جوري: تصدقين اعرف اسب واذب وسبي يصك بالعظم بس مدري ليش احس اني شفقانه عليك باستهزاء:شفقانه اهاا خذت نفس طويل: اي والله عاد اللي زيك مفروض نعاملهم بلين ورفق ماتوفقتي في زواجك لا وزوجك حق بلاوي نسأل الله العافيه.. والله اعلم هو بأي ارض راح بجنونه وخلالك شوي منه اللهم لاشماته ماتنلامين الحين تبين من يعدل هالعقل المختل يامختله رشا:ياحقيره جوري: اقول توكلي والعبي بعيد ياشاطره.. تركي لي انا وبس موتي بحرتك رشا:شوفي انا بإمكاني قاطعتها: طسي بس قفلت الخط بوجهها اخذت كأس النسكافيه وتوجهت لجناحهم لقته قاعد وبيده الجوال زاد قهرها "انا لازم اصارحه الظاهر ماله نيه هو اللي يصارح" تمالكت نفسها حطت له الكاس وجلست ملاصقه حيل له استغرب بس ماعلق رجع اغلق الجوال وحطه جنبه جوري:ها وش ودك تتغدى تركي كان يطالع فيها كانت قريبه منه مره: مدري اي شي من ايدك حلو جوري: اوك بخليه مفاجأه تركي واضح عليه انه مو على بعضه:اوك جوري: وش مضايقك تركي: ماني متضايق بابتسامه:عيني بعينك.. واحتضنت وجهه بكفوف راحتيها ووجهته لوجهها تركي بعيونه الناعسه: ها وش شفتي تغصبت ابتسامه كبيره: اممممم مدري هو واحد من الاثنين مالهم ثالث ولا رابع ولاخامس بادلها بابتسامته الرجوليه الجذابه: ههههههههه طيب ياستي وشهي اخذت نفس عميق واحكمت رباط السيطره على نفسها: يا انه الحلم او رجوع رشا لحياتك!! باستغراب ملأ الدنيا بقلب ازدادت نبضاته من الصدمه بعيون تريد الاختباء من نظراتها وبصوت مبحوح:وش تقولين انتي!!!!!! تأبطت ذراعه والقت برأسها على كتفه: مجرد تخمين بحده وبدأ يراوغ: جوري والله تعبان جوري: شفيك معصب عادي كل انسان له ماضي.. تركي اتسعت عيونه: انتي وش تخربطين جوري: تروووك انا ادري بكل شي من زمان وماحدني اني اتكلم الا ابيك تفضفضلي لا اكثر تركي: انا داري ماخلاك تقولين كذا الا الرساله وداري ان عندك خلفيه عن رشا من ايام لندن بس ليش حكمتي انها منها ..الرقم حاط عليه علامة استفهام .....حكت له السالفه من اول وآخرها يوم يوم مامنى سمعته ويوم تقابلوا في الزواج واللي حصل .. الا حاجه وحده اهملت ذكرها مستقصده وهي اخذها لرقمها..... بعد سكوت اردفت: وزي ماقلت لك لكل انسان ماضي بوجه يكسوه الاحمرار من الشعور بالذنب: هذاك قلتيها ماضي جوري:طيب وش رجعها لك تركي: مدري.. والله ماعطيتها وجه ابد جوري: اكيد بتفكر سكوتك معناه الرضى تركي: كيفها.. انا الحين انسان متزوج وسعيد معك جوري: وهي تركي: ماعاد تجي ضفرك بفرحه غامره ملأت اركان قلبها: يعني الحين وش هي بالنسبه لك بدون تفكير:هي بكل بساطه ولاشي.. جوري: وانا؟؟ سكت وطال سكوته جوري: ما انصفك السكوت.. تركي: انتي عارفه قدرك من غير ما اقول جوري: قدري؟! تركي: شوفي انا بقولك حاجه اذا انتي مفكره انها بتاخذني منك فلو تسوي ماتسوي هي صفحه شقيتها ودست عليها جوري: افهم اني ماقارن نفسي فيها بحده بانت فيه البحه: تخسى تجي مواطي رجلك ساد الصمت فتره تركي: انا لك وبس سالت دمعتها مسحها باطراف اصابعه وباس مكانها الرطب تأملت فيه وهو يبوسها "وجهه ينطق انه يحبني لكن لآخر يوم في عمري بنتظر تصريحه فيها" ............ ابو طارق: ايه بس بترجعين لخطبة طارق اماني: اكيد ان شاءالله طارق:ياويلك تبزوطين اجيلك الشرقيه وامردغك اماني:ههههههه يمه متوحش ام طارق:لا بتجي فرحتنا ماتكتمل الا بوجودها اماني: والله انتم فرحتي يمه هيا.. وهالايام اللي عشتها معكم كأني اعرفكم من زمان خالد: احسنا وفادة سموك الكريم اماني: العين ماتعلى على الحاجب يا اخوي ام طارق:ماشاءالله ذربه ولسانك يقوطر عسل خالد:خلف الله علينا طارق:عندها اسلوب ومثقفه بس من طالعه عليه اكيد على اخوها الكبير خالد: لا اكيد طالعه علي ابو طارق:لا انت ولا انت .. الوكاد انها طالعه على ابوها اماني:والله لي الفخر ياتاج راسي ابو طارق: والله بنفقد هالوجه اماني: كل بعد ويك آند بجيكم ابو طارق:الله يقدم اللي فيه الخير طارق:يمه الحين متى بتخطبون لي جمانه رسمي ام طارق: بنسألها ونحدد موعد ............ راح عبدالرحمن وساره اول شي بيت ابو فيصل.. سلموا عليهم .. مافيه شي يذكر عندهم.. استأذنوهم بعد اصرار ام فيصل يقعدون يتغدون عندهم ولكن عبدالرحمن اعتذر لهم بطريقه لبقه وده ياكل من ايدين امه قبل لايسافر .............. تو الخدامه انتهت من تجهيزالسفره وكالعاده اللي طبخت ام تركي وصلوا عبدالرحمن وساره سلموا ع الكل.. وجلسوا ام تركي: ع البركه فديتكم عبدالرحمن وساره:الله يبارك فيك عبدالرحمن: طيارتنا بعد ساعتين ابي اطفح اشم ريحه طباخ ندى:على قولهم حماتك تحبك امي طابخه سفره معتبره عبدالرحمن: حطوه والله جوعان ام تركي: خل عنك الشفاحه.. نبي ناخذعلوم ساره.. ها يمه ساره عساك مرتاحه ساره: الحمدلله خالتي همست لها ندى: من وين لك هالرزانه ساره: بعدين ارد عليك ياسلقه ندى:هههههههههه عبدالرحمن:ودي لو يوم يمر بدون ماتضحك هالبنت ضحكت ساره ووكزته ندى: الله يسامحك تبيني مبوزه طول الوقت وبعدين والله مافيه اكثر من ساره تضحك ام تركي: ندى وجع عبدالرحمن:خليها يمه هي صادقه.. بس يازين ضحكة سويرتي مو مثلك ها وكش عليها رجعت ضحكت ندى ام تركي:عاد هالله هالله ادعوا لنا عبدالرحمن: بدون توصيه والله يمه ادعي لك بظهر الغيب في كل حزه وحين ساره: وانا ماراح اقصر ندى: غريبه ماسافرتوا برا عبدالرحمن: كلها اسبوعين ونرجع ونقعد ايام ونسافر لندن فحبينا هالسفره تكون لمكه والمدينه ام تركي:زين ما اخترت تروحون وترجعون بالسلامه عبدالرحمن:الله يسلمك هآ بتجهزون الغداء ضحكت ام تركي:ايه يلا قوموا قبل مايبرد قام عبدالرحمن: يعني جاهز.. والله ما اشوف من الجوع وراحوا للسفره ساره:وين جوري ام تركي: ياحبيلها زينت لتركي غداء وطلعت به له عبدالرحمن: توني بسأل عنه.. ونادر وينه وابوي بعد ام تركي: نادر يقول مو مشتهي.. وابوك كالعاده هالحزه وفي هاليوم بالشركه قاطعتها ندى:يمه الحين ورا ماينزلون جوري وتركي يتغدون معنا عبدالرحمن: ترا بفك راسك بالملعقه وش اللي ينزل جوري وانا موجود.. ام تركي:ماراح تاخذ راحتها ولو نزلت بينزل تركي وساره بعد ماراح تاخذ راحتها عبدالرحمن:انا ادري عن بنتك ندى: اسفه نسيت.. كليتوني بقشوري ام تركي:الله من اللقافه شكلك ماتبتي تبيني اعلم تركي الظاهر ندى تذكرت: لا تكفين يمه لاتجيبين له حتى طاري ساره:ههههه وش سوت ام تركي: دخلت عصها في شي مايخصها عبدالرحمن:غريبه ندى:اول مره وآخر مره ............. عند تركي وجوري ماسكه الملعقه تأكل نفسها مره وعشر تركي تركي مستانس ع الأخير: قلبو ترا ماراح اشبع الحين.. أكلك يجنننننننننن بابتسامه عذبه: جعله مداخيل العافيه تركي: محد يعاف ياكل من هاليدين الله لايحرمني منها ومن راعيتها بس كلي انتي ماكليتي شي وانا بآكل لاتخافين جوري:اوك ابيك تفضي الصحون تركي:مقدور عليها.. ترا عايلتنا مشافيح في الاكل ماعدى منى جوري:بالعافيه عليكم تركي: شرايك اليوم نبات في غير البيت جوري: وين يعني تركي: اي مكان ناخذ راحتنا وتاخذين راحتك بعد انا داري وجود نادر صاير عائق لحريتك جوري: لاوالله عادي تركي: بس اليوم نبي نكون في مكان انا وانتي بس جوري:امممم طيب.. وين تركي بتردد: نروح فندق! ارتبكت:فندق تركي: عآدي جوري: هآ لا خلاص نبات هنا تركي بجرأه: جوري بربك لاتحرميني هاللحظه خلاص ذبحني شوقي لك جوري: انا شبعت الحمدلله.. وقامت تضايق: ترا ماراح اتراجع ............ بعد نص ساعه من امس وهو يمكن مانام الا 3ساعات والباقي راح بالتقلب في فراشه متوتر لابعد صوره دق على ندى ندى:هلا نادر .. نادر:وش تسوين ندى:تونا مخلصين غداء نادر:اها اطلعي لي ندى: شمس حاآآآااآآره نادر:ياغبيه اقصد غرفتي ندى:طيب طيب خمس دقايق وطرقت بابه نادر:ادخلي دخلت:ها تبيني اجيب لك غداء نادر:لا اجلسي وجلست نادر اندفع: من الآخير وبدون لف ولادوران من خطيب دانه؟ وليش ماقلتولي .. يعني خلاص قلت ما ابيها تغطون عني.. وش شايفيني انتم.. وش هالتصرف ندى:هيييييييه انت وشفيك نادر:مدري عنكم ليش ماقلتولي ندى:حبه حبه.. نقول لك على وشو .. وش قصتها دانه نادر: انخطبت وانا آخر من يعلم.. واذا قلت لكم ما ابيها قاطعته:من قال لك نادر:مو شغلك من قال لي ندى: الا شغلي لان اللي جاب لك هالخبر كذاب نادر: كذاب؟! ندى:ايه دانه لا انخطبت ولا شي نادر: وش دراك ندى:حنا مانشك خيط بابره الا وعند الثانيه خبر.. بس ليش تسأل تجاهل سؤالها :دقي عليها ابي اتأكد ندى: والله اقولك ما انخطبت نادر:وش عليك انتي دقي وبس ندى:طيب.. بس جوالي بغرفتي نادر:انقزي جيبيه غرفتك جنب غرفتي يعني ماله داعي التأخير .. لك دقيقه ندى: طآآآآآآيب وراحت تجيبه في اقل من الدقيقه ندى: وش اقول لها نادر:مدري استدرجيها سوي اي شي دقت ندى عليها دانه:هلا نداوي ندى:هلابك وحشتيني دانه:وحشتيني..! وداقه الظهر!! اخلصي علي وش تبين ارتبكت:مابي شي اسلم وابي آبي شسمه دانه:عادي وش تبين ندى: ابي آخذ رايك بشغله دانه: وشو ندى: انخطبت ومتردده دانه:مبرووووك من ولده سكتت بتجيب لها اسم بس مالقت: ولد جيرانا دانه: ياكثر جيرانكم اي واحد تقصدين ندى:هآآآ مبارك دانه: والله اهله خوووش ناس وخواته عسل لاتترددين بس اسألوا عنه ندى: عقبالك!!! دانه: لا الله لايقوله خليني كذا ندى:لين متى دانه: ما افكر حاليا.. لاحقه على الزواج لازالت متمسكه بكذبتها: على قولك دانه: الله يوفقك مع!! ذكريني وش اسمه ندى:هشام دانه: انعن هالفره والله اني داريه انك تنصبين.. من تو كان مبارك ندى:هههههههههههههههه.. دانه:تضحكين مع وجهك ندى: بس بشوف ردة فعلك بتفرحين لي والا لا دانه: اكيد بفرح لك اشر لها نادر تقفل ندى: دندون شوي واكلمك دانه:اوك.. وقفلت نادر:فاااااااشله ندى: وش اسوي ما اعرف اكذب حاول يهدي نفسه:خلاص روحي ندى: تأكدت نادر:ايه ندى:اوك اخليك نادر: ندى ندى:هلا نادر:مع انها محاوله فاشله بس آسف اني حديتك ع الكذب تبسمت له بدون تعقيب نادر: طلب أخير.. ندى: وشو نادر: عطيني رقمها(( لانه كان حاط في باله ان رقمها الثاني اللي تدق منه مقفل)) ندى:عاد بذي اسمحلي نادر: والله العظيم بمسحه وعشان تتأكدين انا الحين برسل رساله وامسحه قدامك ندى: ياااربي يانادر ماصير نادر: وربي انا حلفت وعطته كتب لها رساله من جواله وارسلها نادر:وهذا رقمها مسحته خذي تأكدي ندى: لاخلاص مصدقه نادر: لاخذيه تأكدي اكثر فتشت الجوال ومالقت لرقم جوالها اثر ندى:فاضي نادر:تقدرين تروحين الحين ونزلت . . . . . . . شافت تركي وعبدالرحمن وام تركي ندى:بسم الله وين ساره ام تركي: رقت عند جوري ندى:بلحقهم وطلعت عبدالرحمن: مبروووك ولو انها متأخره تركي: على وشو عبدالرحمن: قصيت شعرك طالع خقق ام تركي: ماهقيت محمد يقصه عبدالرحمن: انا شفته امس ماصدقت ام تركي:ابدااا ماصدق تركي: الا بس ماتعودت على شكلي عشان كذا حاط هالعمامه ((نفس طريقة الاماراتيين)) ام تركي: ما اصدق لين اشوف بعيوني عبدالرحمن: وخرها وريحها رفعها من فوق راسه: هاشرايك ام تركي بفرحه:ايه كذا مقبول.. اخيرا قصيته غريبه ضحك تركي في سره عبدالرحمن:كيدهن عظيم تركي يصرف:هههههه.. الا ابوي للحين ماجا ام تركي: تراه زعلان حيل دق علي وسمعني كلام ماينقال عشانك عبدالرحمن:الله يهديه ابوي مدري ليش كذا تركي:زين اني لابس بروح له.. عبدالرحمن: وعلمني بالمستجدات تركي:ان شاءالله.. وسلم عليه وراح .............. سمعت اصواتهم ضحك دخلت:وش عندكم تضحكون جوري:شوفي الحوادث اللي في ساره ندى: واناااا اقوووول ليش مكوفنه بالعبايه.. نفسك ياجوري يوم تجين عندنا في اليوم الثاني هههههههه تظاهرت جوري بالابتسامه ساره:يلا استأذن دحومي قال خمس دقايق وانزلي ندى:لاوين نبي الاخبار ساره:يرحم امك اسكتي لو اقولك تموتين ضحك علي جوري:وش صار ساره:هههههههه بعد ما أرجع اعلمكم ندى:يانذله ساره:امشي ننزل بس ونزلوا ام تركي: :يمه شفتي جناحك واي تعديل خذي راحتك ساره:ايه شفته ماقصرتوا روعه عاجبني مايحتاج تعديلات ندى:احم تراه ذوقي عبدالرحمن:احم احم احم مو بلحالك ساره تبسمت:كلكم مذوقين والله ام تركي:ساره ما اوصيك على عبدالرحمن ساره:بعيوني لاتشيلين هم ندى:الحين بتقعدون شهر؟ عبدالرحمن:وش معنى؟؟ ندى:مدري مو اسمه شهر عسل عبدالرحمن:لا مو شرط.. وعلى حسب.. يمكن اقل يمكن اكثر كل واحد وقدرته.. عن نفسي انا وساره بنقعد اسبوع ونص ندى:انت مقتدر فلوسك على قلبك ليش ماراح تطولون ام تركي:اللهم لاحسد يمممه من عينها اذكري الله ندى:ماااااااااااااشاااااااااااااءالله عبدالرحمن:دبا مو حكاية مقتدر بس والله تنتظرني اشغال قد شعر راسي لو بيدي خليته شهر وازيد عليه .. بس من بيفكني من ابوي ندى:بغض النظر حتى لو ماكان عندكم التزامات ساره ما اتووقع تحب تطول لانها متعلقه بخالتي حصه وااااجد ساره:اي والله حتى الحين شايله هم فراقها ام تركي: لاتحاتين استانسي وباذن الله ترجعين وتكحلين عيونك بشوفة امك وابوك واهلك كلهم والله يجعل ايامكم كلها عسل مو شهر بس عبدالرحمن :اميييييييين ويطالع الساعه:مابقى شي حنا لازم نمشي ام تركي:دحيم حبيبي انت بعد حط البنت بعيونك وخلوا قلوبكم على بعض عبدالرحمن :لاتوصين حريص وطلعوا المطار ........... بالطياره ساره:تصدق على كثر ما اسافر بس لازم احس بغثيان ودوخه عبدالرحمن:طيب ياقلبي حطي راسك على كتفي ونامي لين مانوصل والمسافه ماهي طويله ساره: مستانسه اننا ماسافرنا برا عبدالرحمن:ليش ساره:عشان ماتشوف الحمران العطران عبدالرحمن:ههههههههههه باللهي وليش ساره:اي والله اغاآآآاااار عليك عبدالرحمن: ايه يوم حنا بالجو طلع الريق الحلو هاآ ساره:هههههههه عبدالرحمن: والله اني اشك اذا وصلنا ما اسمع هالضحكه ساره: طيب قفل الموضوع.. وحطت راسها على كتفه عبدالرحمن: الوعد مو هنا ماحس الا وهي تهز وهي تضحك عبدالرحمن يهمس لها: والله العظيم احبك يادنيتي كلها ............... وصل الشركه وشاف الموظفين مو على طبعهم وسمع جلبه بالداخل المصدر مكتب ابوه دخل عليه شافه واقف والشرر يتطاير من عيونه وعنده كم موظف ابوتركي:تفضلوا انتم واياني واياكم اعيد اللي قلته طلعوا مطأطئين رؤوسهم تركي: يبه ابو تركي:لاتقول يبه ولا اسمع صوتك وتهالك على كرسيه الوثير تركي:يبه هدي نفسك قلبك ضعيف الفلوس تجي غيرها طز فيها.. الزم ماعلينا صحتك ابو تركي: انت السبب انا مو موصيك ع الورقه شوف وش صار لي كساد في التجاره وحسابات الشركه ملعوبن فيها هذا غير الديانه تركي: والله يبه ماخليت شبر في الشركه الا وسويت له تدقيق وتمحيص.. وكل شي سليم وين ادورها ابوتركي: خلاص ضعت.. عندي مهله كم يوم وكل الشركات اللي هنا بتصير مرهونه واللي في الخارج بتنباع شلون اعطي الناس رواتبهم؟ والبنك بعد يطالبوني بسداد سندات .. صرت مديون على آخر عمري تركي: طيب يبه انا وعبدالرحمن بنحط كل اللي عندنا على الاراضي اللي عطيت كل واحد منا وتبي تجيب مبلغ شوف كم ارض بنبيعها لك خمس على عددنا ابوتركي: اصبر كني ذكرت شي الملف اللي جابه نادر انا عاطيه وكان فيه 11 ورقه رجعه عشر باقي ورقه!! تركي: ورقة التأمين؟ ابوتركي:يمكن والله ناسي.. طول اليوم اوراق رايحه واوراق داخله انا من قال لي اعطي الدلخ نادر تركي: طيب انا بدق عليه ودق على نادر نادر:هلا تروك تركي: نادر شفت يوم تروح الشرقيه الملف اللي اعطاك ابوي كم ورقه كانت فيه نادر:اما عاد بتذكر وش دراني تركي: اعصر مخك شوي نادر:عساي اتذكر وش متعشي قبل يومين سحب الجوال من ايد تركي وبعصبيه بلغت قمتها: يالدلخ تذكر ضيعتنا بسبة هالورقه نادر:وش صار صرخ:الملف اللي عطيتك ناقص ورقه وينها نادر:يبه الله يهداك وشوله تصارخ انا من البدايه قلتلك لاترسلني انا.. قلت لي مجرد تاخذ توقيع صاحبك حتى ناسي اسمه وتمشي والحين تلومني ابو تركي: انت عارف تكلم مين نادر: ايه ابوي وتاج راسي ابو تركي برجاء: طيب عشان شيبتي وانا ابوك تذكر نادر:والله يبه نااااسي.. انا مالي بالشغلات هذي بس انت اصريت الا اروح وياليتني اشتغل معكم عشان ترسلني بتخاذل: يعني تعب السنين راح نادر: طيب ليش ماتدق على صاحبك وتسأله وهو امين ماشاءالله وعارف ربه ومستقيم ماراح يخش عنك شي ابوتركي:جبتها.. طيب مع السلامه .. وقفل ............. مغرورقه عيونها بالدموع اكثر من مره قرت الرساله رجعت تقراها عشان تتأكد خلنا ../نفترق.. !! ولآ تنسج لي ،،(أعذآر)،، ولآ آرسم ''لك'' أسبآب !! نقول../ نصيب؟! ونكتفي !!! و يآآآمآ |..فرق..| هالنصيب ..[أحباب واغراب].. تأكدت من الرقم عشرات المرات هذا رقم نادر "آه يانادر ياقو قلبك" وبكبرياء رفضت ان تدع دموعها تأخذ مجراها ولسان حالها يقول "من تغلى تخلى" ............. سافرت اماني لامها وسط دموع ام طارق وابوها .. خالد: قالت لكم كل بعد اسبوع بتجي يعني هالاسبوع ماراح تجي والاسبوع اللي بعده بتجي وهكذا دواليك طارق:خلهم يفضفضون ياخي خالد:ملينا من الدموع طارق: وملينا من الغرايب بعد ام طارق: غرايب وشو طارق: شفتي المسجد تخيلي وش بيحطون جنبه ام طارق:وشو طارق: دار خيري لتحفيظ القرآن خالد:وش الغريب فيه طارق: الا غريب ونص ماتشوف ابوي طلع اول ماودع اماني راح ينقب ورا الموضوع.. ام طارق: وش الحكايه طارق: الدار نسائي تبين لنا انه من نفس فاعل الخير وبرضه على نية ريم خالد:امااا طارق:ايه انا ماصدقت وكان بيخليه باسم ريم بس يلزمه اوراق لكن خلاه باسم المؤسسه المشرفه على البناء.. لكنه ذكر في الاوراق يهدى لروح الاخت الفقيده ريم بنت عبدالله ال.... ام طارق: من هذا ؟؟ والله اني اشك انه عمك محمد طارق: بروح له اليوم واشكره ......... لاحول ولاقوة الا بالله لاحول ولاقوة الا بالله تركي:استهدى بالله يبه توك مكلم الرجال وحالف يمين ان ورقة الإئتمان ماهيب عنده وان الورقه اللي نساها نادر ورقه مرفقه مالها اهميه ابو تركي: داري انه صادق.. اجل وين راحت.. وييييين تركي:قم معي يبه وجودك ماله داعي هنا قام ابو تركي معه مكسور العين والقلب قبل مايروحون البيت توجهوا للمسجد صلوا صلاة العصر وبعدها رجعوا البيت راح تركي لغرفته تركي:السلام عليكم جوري: وعليكم السلام تركي: اخلفت الوعد صح! جوري:لاعادي خالتي علمتني السالفه تركي: كنتي على بالي؟ جوري: انا! ليش تركي: يعني عشان ماعطيتك خبر جوري:اهااا طيب نام شوي وبنطلع عقب المغرب ابي اتمشى تركي: مافيني نوم.. مسكت راسه وحطته على فخوذها:لابيجيك باين انك مرهق تركي: طيب صبر ابدل.. وقام جوري" الحمدلله شكله نسى سالفة الفندق": طيب دخل غرفة الملابس لبس شورت وفانيله وارتمى عليها وهو مغمض عيونه داعبت شعره:تركي تركي:هممم جوري: تروووك بلاشعور:عيونه جوري"فديتك": شرايك بسألك اسئله وتجاوب ايه ولا تركي:مو تقولين نام جوري:اعتبر اني اقرالك قصه تركي:هههههه طيب بس مو محرجه جوري:مدري بس ما ابي غير هالاجابتين تركي: طيب قولي جوري: اول سؤال انت راضي عني؟ تركي:ايه جوري: مرتاح معي؟ تركي:ايه جوري: بيجي يوم وتتخلى عني؟ تركي:لا جوري: فيه شي مضايقك فيني تركي:اممممم ايه جوري: بإيش تركي: شلون اجاوب بايه ولا جوري: مو مهم ابي اعرف وش مضايقك فيني تركي: لالالا ما اتفقنا انتي قلتي ماتبين غير هالاجابتين جوري:هالسؤال مستثنى تركي: لااااااه جوري:بليز جاوب تركي:ماراح تعجبك الاجابه جوري:عادي بتقبلها وشي طيب تذكر عيوبي عشان اعدلها تركي: اقرب شي اليوم اقولك نروح الفندق وانتي رافضه جوري:هذا اللي مضايقك؟ جلس على حيله واخذها بحضنه وامطرها بقبلات من رأسها لحدود عنقها تهاوت بين احضانه وقبلاته الحاره ولكن لم تخضع له افاقت من ماكان يحدث وسحبت نفسها منه تركي: ترا ماني جماد.. انا احس سكتت تركي:ماتدرين كيف صدك يعذبني والله العظيم الشوق نخر عضامي مو بس قلبي كم لنا متزوجين وكل يوم اقول بكرا بتلين بكرا بترضخ بس عنيده ياجوري جوري: يمكن الفراغ العاطفي عقب رشا خلاك تحس بهالاحساس تجاهي تركي: كذا تفكرين؟؟ جوري: مدري ابي منك تبرير لشوقك تركي: يااالله ياجوري .. تبرير للشوق! جوري: تركي أأأ... حط ايدها على فمها: قلبي لاتقولين شي.. انسي سالفة الفندق.. ولاتفسرين كلامي اني بجبرك على شي ماتبينه والله ماراح اجبرك بأي حاله من الاحوال لو اعيش عشرين سنه قدام ماراح يكون شي بغير رضاك.. بصون كرامتك واحافظ على وجودك بحياتي جوري: وانا نفس الشي وماتدري الدنيا وش مخبيه لنا ........... بعد خمسة ايام منى:اسمع بروح السوق فيصل:ماشاءالله عليك ماتشبعين من السوق منى:قصدي بنده ناقصتنا اغراض المطبخ فيصل: اللي تشوفينه كم تحتاجين منى: لا عندي والاغراض قليله فيصل:لاقولي.. مو معناته ماعاد اشتغل عند ابوك يعني ما أقدر أأمن لك اللي تبين من: وش هالافكار والله ماجا في بالي ابد خلاص هات اللي عندك فيصل:من عيوني.. بس منضغط اليوم مقدر اوديك منى:لا بروح مع البنات فيصل: اللي يريحك.. الا تعالي بلوط وعلقم ما اسمع لهم حس منى:بسم الله عليهم.. نايمين فيصل: ماغيرتي رايك منى:عشان! فيصل: نشوتهم عند امي والا امك منى:هههههه شفيك حاقد عليهم كذا فيصل: اما حقد لاتنسين هذول قطعه مني بس والله مناوي خذوك مني منى: طيب خلاص قبل ما اروح بشوف من فاضي امك والا امي واقولك توديهم .. فيصل: صدق!! منى:ايه.. بس وش بتقول لهم فشله والله فيصل:يااااحبيلك ماعليك انا بتصرف ............ ام تركي: محمد عند الباب ضيف ابو تركي:مين ام تركي:قوم شوفه بنفسك وقام استوقفته:محمد تراه ضيف وبوسط بيتك ابو تركي: طيب!! ام تركي: ولا شي روح له راح للمجلس وتفاجأ بوجود طارق قام طارق وسلم عليه وحب راسه وايده وجلسوا ابو تركي كان بحاله غير استيعابيه للوضع ويمكن خسارته خلته بهالوضع طارق كان متوقع ردة فعل جامده من عمه بس خاب ظنه: عمي آسف يمكن جيت بوقت غير مناسب ابو تركي بهدوء غير مألوف: حياك البيت بيتك وانا عمك طارق:الله يبقيك.. ماراح آخذ من وقتك كثير بس جيت اشكرك ابوتركي: على ايش طارق: عرفنا انك فاعل الخير كل الاصابع تشير لك انك انت اللي مسوي المسجد والدار الخيري على نية ريم الله يرحمها ابو تركي: وش تقول انت طارق: عمي لاتنكر والله روسنا مرفوعه باللي سويته وهذا ان دل على شي فيدل على طيبك وكرمك لاول مره في تاريخ العايله احد يشوف دموع ابو تركي طارق: لا ياعمي مانيب كفو اشوف دموعك.. وصدقني هالعمل اللي سويته غسل اخطائك معها ابو تركي:بعد اللي سويته فيكم وفيها للآن تحسنون الظن فيني طارق: عمر الظفر مايطلع من اللحم والانسان مو معصوم عن الغلط ابو تركي: والله بسماه انا مالي يد في اللي تقولون عنه.. ماقدرت اعطي الموظفين رواتبهم ولا اسدد ديوني عشان اسوي مسجد ودار طارق: مو انت!! اجل مين ابوتركي: ياليتني اقدر اسوي لو شي بسيط عشانها ..ظلمتها كثير وهذي حوبتها طارق: تقول ديون عليك وش صار .....وحكى له ابو تركي بضعف مأساته..... طارق: عمي ما ادري اذا بتوافق لكن انا امد يد العون ابو تركي: والله انه طايح وجهي من طلبك ماني قادر اوافق وماني قادر ارفض لاني محتاج فزعتكم جميع طارق يطق الصدر: ابشر بعزك حنا عيالك ومافي شي بيخلينا نتخلى عنك ابو تركي: ما اقول الا بيض الله وجهك والله يجزاك خير ........... توه موقف سيارته وجاه طفل 11 سنه:لو سمحت تركي:هلا شطور الطفل: فيه واحد راعي ددسن عطاني هالورقه وقال اي واحد يطلع ايو يدخل هالبيت تعطيه تركي: ورقة وشو الطفل: خذ هذي هي.. وراح تركي حاس انها لعبه: تعال تعال لاتروح الطفل: وش تبي تركي: انت ولد ابو مبارك الطفل:ايه سامي تركي: شف ياسامي ان دريت انها لعبه بعلم ابوك سامي: والله العظيم ما أكذب حتى انه عطاني مية ريال وانا ماقبلت آخذها تركي:شلون شكله سامي: متلطم ماشفت الا حواجبه كثيره وقريبه من بعض شاف الصدق بعيون سامي واخلى سبيله فتح الورقه ..."خشمك اللي رافعه يا استاذ محمد جبته بالقاع وخليتك ع الحافه بس لاتخاف كل ريال صرفته ماراح بحرام .. سويت فيك خير وبنيت مسجد ودار لانسانه ظلمتها من يوم ولادتها ليوم وفاتها وعسى هالعمل الله يغفر لك ويتجاوز عن ظلمك للباقي.. الورقه الضايعه تنتظرك بالشركه .. مارجعتها الا شفقه عليك ورأفة في عيالك وعلى فكره ما أخذت الا بقدر الحاجه لاتقول كيف قدرت آخذ فلوس من خلال هالورقه!! لأن الاجابه ماراح تعرفها طول عمرك كل اللي اقوله الذكاء والاصرار يخلق الصعوبات.. بما ان الورقه رجعت لك تقدر ترجع توقف على رجلينك .. المرسل/فاعل خير قطب جبينه دهشه دس الرساله في جيبه وراح للشركه يبي يتأكد .. وعزم الامر انه مايقول لابوه ويتصرف.. .............. منى: ابي زيتون بعد نوف:ذبحتي اخووووووي زيتون ولبنه ومدري وشو منى:اكل صحي احسن من الدسم نوف: وانا اقووول نحفان منى: دندون امانه فيصل نحفان دانه بلامبالاه: لاعادي منى:شفتي فيه عين كانت تراقبهم دق جوال -:الصيد في بنده *: خلك وراهم شوي وتجيك تعليمات -: اوك .......... دخل الشركه وتأكد من وجود الورقه ووين لقاها ع مكتب ابوه! سأل السكرتير من دخل ومن جا اجابه السكرتير محد دخل المكتب سأله ماراح اي مكان اجابه راح مرتين دورة المياه امره بالانصراف وكله حيره وماهي الا لحظات ويدخل طارق وخالد وفيصل اندهش وفهموه انهم جايين فزعه>>يالبيـــــه ع الفزعاااااات قال لهم تركي عن الرساله وطلع ورقة الائتتمان فيصل:بعدين نفكر في اللي صار.. الحين لازم نسوي التأمين على بعض الشركات ومو مشكله لو جابت نص القيمه اهم شي ننقذ الباقي تركي: ما ابي اي احد يدري ..هالكلام بينا حنا الاربعه.. وانا بدخل شريك بس الخساره واجد ماتتغطى طارق:انا بحط اللي عندي فيصل: وانا بعد خالد: انا للأسف ماعندي شي تركي:اجل ندخل حنا الثلاثه بشراكه مع ابوي بدون مادري فيصل:شلون تركي:بخليه مؤقتا باسم مشاري وبعدين يحلها الف حلال واتفق الجميع ............. ام فيصل بالصاله مع عيال فيصل دق التلفون شالته:هلا ساره:يمه فقدتـــــكم موت واللـــــه ام فيصل: هلا وغلا حبيبة قلبي وحنا فقدناتس ياروح اميمتتس ساره: وش اخباركم وكيف ابوي والبنات وحمد وفيصل ام فيصل: كلنا بخير ياروحي ماناقصنا الا انتي ها بشري مرتاحه ساره: الحمدلله يمه كل شي تمام ام فيصل:بعدي بنتي مايحتاج اوصي واعيد ساره: يمه كني اسمع صوت بيبي.. عيال فيصل عندك؟ ام فيصل:ايه يناغون فديتهم ساره: اجل منى عندك عطيني اكلمها ام فيصل: لا فيصل جايبهم قال منى بترفع الاثاث واكيد بيطلع غبار والغبار موب زين عليهم عشان كذا جايبهم ينامون عندنا هالليله ساره بشك وضحك"غبآآآآر اهآآ": طيب يمه بوسيلي اياهم وسلمي ع الكل ام فيصل:من عيوني يبلغ .............. بغرفته يقرأ قرآن ابو تركي وهو مار سمع هالصوت ودخل نادر:يبه حياك جلس ع الكنبه:كمل كمل نادر وكان يقرأ بخشوع وابو تركي كان غرقان بالسكينه خلص نادر وقفل القرآن ابوتركي:ماشاءالله صوتك حلو ومؤثر نادر مو مستوعب اللي يصير.. ابوه بغرفته لا ويثني عليه: تسلم الله يخليك ابو تركي: ماشفت تركي نادر:لا والله .. ابو تركي: جاني طارق و .............. ...قال له القصه بحذافيرها... ابو تركي: ومحد احسن من احد عشان كذا اليوم ابيكم تروحون معي لعمك سلطان وعمك عبدالله نادر:عسى ماشر! ابو تركي:بروح اطلب رضاهم واعتذرلهم باستنكار: اللي تشوفه ابو تركي: طول عمرك مطيع يانادر نادر:وبالوالدين احسانا ابو تركي: الله يبلغني بعرسك وعرس ندى نادر:عسى عمرك طويل.. وزين فتحت الموضوع انا ناوي اخطب ابو تركي:هذي الساعه المباركه واالحمدلله اني مأمن مستقبلكم ولكم شي تستندون عليه نادر:بفضل الله ثم بفضلك ابو تركي: ومن تبي؟ نادر: بكلم امي تدور لي ابو تركي:على راحتك وتوافيق ان شاءالله.. يالله انا رايح نادر:تو الناس ابو تركي:بريح شوي.. حاس بألم في قلبي نادر:يبه واللي يعافيك والله مانبي في الدنيا غير سلامتك والفلوس حنا نجيبها مو هي تجيبنا ابو تركي:صدقت.. وطلع ........... رجع فيصل البيت وعقله مشتت من جهتين الشغل.. وحاجه ثانيه!!!! كانت بالصاله وكاشخه اول ماسمعت مفاتيحه راحت وضمته بحنان: اجل وديتهم وخر ايدها:ايه منى:شفيك فيصل:مافيني شي.. مع مين رحتي ؟ منى:انا وندى ونوف.. فيه شي فيصل:لا منى:طيب يلا قوم بدل بسوي لك عشاء يحبه قلبك فيصل: لا مابي.. وقام رجع لف لها: ماقلتي متى رجعتي؟ باستغراب: ماطولت ساعه ونص فيصل:اها بعد عشر دقايق طلع لها الصاله جلس بعيد عندها منى: وشفيك علي فيصل: وشفيني منى: ولاشي.. وراحت الغرفه لحقها وجلس جنبها: مناوي اسف بس مضغوط شوي منى: اول مره تعاملني كذا باسها برفق: خلاص لاتعكرين الجو .. ماصدقت على الله صرنا بلحالنا منى: ماتبي عشاء فيصل:ابيك انتي........ . . . . نهاية البارت قراءه ممتعه .. .. .. |
البارت ((23)) توهم طالعين من الشركه توجه تركي لسيارته طارق:تركي تركي:هلا طالع طارق في خالد وكان واضح عليهم الضيق تركي:شفيكم طارق: شوف ياتركي انا ماحبيت اقول هالكلام قدام فيصل.. انا ادري انك شاك فينا لكن والله العظيم اني ما اعرف شي عن هالورقه تركي:وش تقول انت؟ خالد: اي واحد في مكانك بيشك يعني مو عشانها اختنا بنتهور ونسرق عمي تركي: والله الامر محير وانا اخوكم وانا بتكلم معكم بصراحه طارق:وهذا اللي نبيه تركي:لو نفكر تفكير منطقي بنلقى انكم الوحيدين اللي لكم مصلحه خالد:هذا اللي خفنا منه تركي: بس والله العظيم لو اني شاك فيكم واحد بالميه ماكان شفتوني الحين واقف معكم طارق: ولو انا عن نفسي مستعد احلف ع المصحف الشريف ان بريئ من اللي صار خالد: وانا والله ربي شاهد علي ان لالي يد في الموضوع لامن من قريب ولا بعيد تركي: خلوا عنكم بس بدون حلفان طارق: اجل خل نروح الشرطه تركي:شرطه! خالد: ايه عشان نشوف من اللي خذاها تركي:خلاص الورقه وجت وش بيحققون فيه طارق:ع الخساير اللي خسرها عمي تركي: اصلا ماراح يوافق ابوي انا اعرفه هو لو يبي يوصلها للشرطه كان وصلها من اول يوم خالد: والله مشكله والسواة تركي: الله يسهلها.. طارق: وش بتقول لعمي تركي: ماراح نجيب له خبر وعلى اتفاقنا.. انا راجع البيت.. حاس بتعب غير طبيعي ورجعوا بيتوهم ............... بيت ابو طارق دخلوا طارق وخالد:السلام عليكم ام طارق:وعليكم السلام حي الله عيالي طارق: يبقيك يالغاليه وين ابوي ام طارق: فوق الحين بينزل خالد: انا بروح ارتاح تبين شي يمه ام طارق:لاحبيبي نزل ابو طارق ام طارق:هذا ابوك جا ابو طارق:شفيكم طارق: سلامة راسك بس لاني ماشفتك قاعد مع امي كالعاده ابو طارق: رحت لعمك محمد؟ طارق:ايه رحت له والله يكسر الخاطر عقب خسارته ابو طارق: ايه قال لي عمك سلطان اسأل الله يفك ضيقته .. ام طارق: وشكرته؟ طارق: وش اللي اشكره عمي مايدري عن شي ابو طارق:والله انا عقب ما عمك سلطان قال لي عنه قلت اجل ماهوب هو.. طارق: والله حالته من جد دمار انا تصدق يبه بكى قدامي ابوطارق:صادق انت؟ طارق:اي والله آلمني قلبي عليه وعرضت عليه اساعده ابو طارق: والله اني ربيت.. الا وين لقيتوا الورقه طارق: في المكتب.. ام طارق: وكل ذا الحوسه والورقه بالمكتب ابو طارق: محمد احيان ينسى.. ولازم نوقف معه انا بشوفه اليوم والله يعين طارق:وشووو ابو طارق:ايه نعم عمك سلطان قال لي انه يبينا بيتصالح معنا ويعتذر.. وانا والله شوفته عندي عن مليون اعتذار طارق: وانا اشوف امي مبتسمه وفرحانه ام طارق: عقبال ما افرح فيك طارق: حلو انك ذكرتيني كلمي خالتي حصه وقولي لها مانسيت من جمانه بس خلي الاوضاع تهدى ابو طارق:عين العقل ((والسبب الرئيسي ان فلوسه كلها حطها مع تركي وفيصل)) طارق:بس ها يبه لاتفتح له الموضوع اللي فيه كافيه انا يوم قال لي للآن تحسنون الظن فيني حسيت انه متألم من جد ابو طارق: لاتخاف وانا ابوك.. بتجي معي طارق: ماني قادر اشوف الموقف ابو طارق: الله يعين بس ............. ياتركي لاتهبل بي انت متأكد؟ تركي: ايه يبه حتى اسأل العيال قلبنا المكتب ولقيناها بين المستندات على واحد من الرفوف ابو تركي: سبحان الله وانا قالب الدنيا عليها تركي: اهم شي اننا تداركنا الوضع بس يبه يلزمك شريك ابو تركي: شريك؟؟ بعد انجازاتي وتعبي وجهدي تبي يشاركني احد تركي: لازم والا من بيغطي رواتب الموظفين وسداد البنوك.. الا اذا انت راضي نبيع نص الشركات ونسد الخلل ابو تركي: ابيع شقاي وتعبي تركي:اجل مالك الا ترضى هذا هو الحل الوحيد المتوفر في ظل الظروف الراهنه ابو تركي: ومن تقترح علي يكون شريك انا بعد ابو سامي((ابو رشا)) وانا غاسلن يدي تركي: لايبه مشاري انت عارفه وعارف ابوه ماعليهم كلام ابو تركي:والله انهم خوش ناس وعندهم ذمه وامانه تركي:اجل نتوكل على الله ابو تركي: توكلنا.. تركي: انا بروح اريح حاس باجهاد وراسي ثقيل ابو تركي:رح وانا وابوك ............... سوسو والله دخت خلينا نروح مطعم ثم نرجع السوق ذا اللي مدري متى بيخلص ساره:دحومي مابقى شي بس هالمحل وتاليها نروح عبدالرحمن:انا بجلس في السياره وانتي ادخلي ساره:لا ياشيخ احلف ادخل بلحالي عبدالرحمن: من بعد المحل الحين .. لاتخافين عيوني عليك ساره: طيب.. وفتحت باب السياره عبدالرحمن:سوسو التفتت:هلا عبدالرحمن: احد قال لك اني احبك ساره: وانا اموووووت فيك عبدالرحمن:يااارباااااااااااه خققتني ساره:ههههه مو بس اموت فيك الا اعشقك واعشق ذرات روحك عبدالرحمن: يابعد عمري انتي ساره: طيب انا ماراح اتأخراحسب لي عشر دقايق ونزلت وعبدالرحمن يطالعها لان سافط السياره عند المحل فبإمكانه يشوفها دخلت المحل وهي خايفه وكل شوي تطالع عبدالرحمن عشان تحس بالامان وهو يأشر لها ويرسل لها قبلات في الهوى تمشت تشوف الشي اللي يناسبها ومن ممر لممر.. شافت بناطيل اعجبتها ساره: عطني هذا العامل: كم مقاس صادفها واحد من الهمج وجلس يقط عليها كلمات: احلى مقاس واضح من الجسم ساره بحده: على تبن وظف وجهك هو: ليش الحلو معصب ساره تبين انها قويه وهي العكس: اقول وقسم بالله بالنعال يانعال هو: لا لا خليك اتكيت وش هالالفاظ أشر لها على جواله اذا تبي الرقم ساره خافت وطالعت بعبدالرحمن ماشافته بالسياره خنقتها العبره ساره تكلم العامل: ياطبل قول له اي شي والعامل يدربي براسه انقهرت منه هو: على كذا محد جاي معك.. صراحه مو زين وحده مثلك تمشي لوحدها انتي لازمك حارس يحرسك.. -:تقصد مثلي!!! التفتت ساره شافت عبدالرحمن هو: وانت وشدخلك مسكه عبدالرحمن من ثوبه:انت ماعندك عار هو:اقول فكني وش دخلك انت والا عاجبتك بعد عبدالرحمن:أيا قليل الحياء.. ورفع ايده بيسطره بس كان مار واحد من جنبهم وفرقهم عن بعض:استهدوا بالله شفيكم عبدالرحمن: متطاول على زوجتي اسكت له يعني الرجال: اجل يستاهل ماجاه والغزلنجي اول ماقال عبدالرحمن زوجتي انحاش مسك عبدالرحمن ايد ساره وطلع بها من المحل.. ركبوا السياره وكان متوتر ساره:خلاص دحومي الامر عدى على خير عبدالرحمن:اي عدى على خير انتي ماشفتيه شوي ويلزق فيك ساره:بس الحمدلله جيت بالوقت المناسب لاتعصب عبدالرحمن: حلوه لا اعصب اقول روقيني بس ساره:هههههههههه عبدالرحمن:خير وش عليه تضحكين ساره:معصب وحركات والله اني دايم اقول لخواتك انك بارد.. وه بس تغار علي وبدم يفور عبدالرحمن:شرايك يعني اصفق له ساره: تكفى خلك على هالموجه ابي استمتع وانت معصب لحظات تكتب في التاريخ عبدالرحمن: تتطنزين ساره: هههههههههه وربي تهبل اول مره اكتشف هالجانب فيك ابتسم: هين يادبه ساره: مليون دبه لعيونك عبدالرحمن:سوسو شوفي بقولك شي ولاتعتبرينه امر من اليوم ورايح تلبسين عباة راس باستنكار:ليش عبدالرحمن: عقب اللي شفته أ... قاطعته:تدري شلون طلباتك اوامر وهالحين ننزل واشتري عباة راس عبدالرحمن:الله لايحرمني منك ساره: ولامنك ياعمري.. ............ بعد المغرب ام فيصل:والله يا ابو فيصل مانيب مصدقه ابو فيصل: وش عاد انا اللي مصدق.. ام فيصل:اذا طق الباب في ذيك الساعه عرفت ان ابو تركي جاي يعتذر ابو فيصل:والله جيته بدون اعتذار على راسي تكفيني جيته ام فيصل: الله يحنن قلوبكم على بعض ابو فيصل: آمين.. الا وين حمد ام فيصل:غاط هالولد ماينشاف دايما طالع واذا جا وتوسد فراشه والصباح يروح الدوام ابو فيصل: والحين ام فيصل:شفته طلع ابو فيصل: شوفي لو يجي آخر الليل وحسيتي فيه خليه يجيني الغرفه حتى لو كنت نايم ام فيصل: ان شاءالله .............. جمانه:واخيرا رديتي شفيك يابنت لي كم يوم ادق ماتردين كل ما اسأل عنك قالوا نايمه دانه: طفش وش اسوي جمانه:اطلعي شمي هواء مو من عوايدك اذا طفشتي تنامين او تجلسين في البيت دانه: ماعليك مني.. فرحانه بتنخطبين جمانه: مدري دانه: وش ماتدرين جمانه: مافي شي رسمي افرح على كلام دانه: لاتخافين طارق لك هو يبي وحده بمواصفاتك قريبه من عمره وثقل وملح وقبله جمانه:من بعض ماعندكم تسلمين ياقلبي ............ جوري: مو خلاص تركي: شفيك جوري: اولا فاتتك صلاة المغرب وعمي محمد ارسل عليك مرتين فز: ليش ماصحيتيني جوري: اكثر من مره صحيتك عجزت فيك كان باين عليك الاجهاد تركي:ابقوم اصلي وانزل لابوي جوري: تقبل الله مقدما تركي:منا ومنك صالح الاعمال راح الحمام وطلع وصلى وجوري على نفس حالتها كانت تفكر خذتها افكارها ابعد مايكون ماحست فيه الا وهو ضامها : تفكرين فيني صح بدلع: شوي بس تركي:اهاا ولمين النصيب الاكبر اشارت باصبعها على قلبه: لهذا تركي:اجل يابخته جوري:ويابخت كلي فيك.. الا تعال بسألك تركي:آمري جوري:رجعت وانت مو على بعضك شفيك تركي:هلكان من الدوام والنفسيه مآآش جوري: متضايق عشان الورقه تركي: لا ابشرك الحمدلله انحلت.. لقيناها جوري: الله يبشرك بالخير.. وين لقيتوها تركي يحاول يتهرب : في المكتب.. خلاص فكينا ما ابي ادوخك معي خليناا من هالاشياء جوري:لا شدعوه قول.. كيف لقيتوها في المكتب وانتم دورتوا فيه مليون مره حسب كلامك تركي: لقيناها وخلاص جوري:منتب واثق صح تركي:شوفي انا واثق فيك.. و والله العظيم كني واثق بنفسي عشان كذا ابعلمك جوري فهمت عليه: والله مايطلع تركي: هالورقه قصتها قصه تخيلي اليوم جاني ولد ابو مبارك سامي الصغير ماعرفته في البدايه بس سألته وقال لي جوري: وش يبي تركي:جاب لي رساله وقال من واحد راعي ددسن وقال له عط اي واحد يدخل هالبيت ومن حسن الحظ طاحت بيديني والا لو طاحت في ايد ابوي مدري وش بيصير عليه جوري:الله ستر.. وش مكتوب فيها تركي قام يجيب الرساله: اقريها بنفسك خذتها جوري وقاعده تقراها كانت تقراها بدون تعابير.. خلصت وعطته جوري: شاك بأحد؟ تركي:لا جوري: عادي قول تركي: وربك ماشكيت في احد وحتى اخوانك سألوني هالسؤال جوري: طيب؟! تركي: ماراح اغطي عليك بس صدقيني هالشخص مو من اخوانك جوري:وش خلاك تكون متأكد كذا تركي: لان اللي بيتصرف يلزمه الختم والختم تدرين وينه فيه جوري:وين تركي: ابوي يا يحطه هنا في البيت او في الخزنه في الشركه والمفتاح معه مايفارقه عشان كذا مستحيل اخوانك يوصلون له جوري: يعني انت تلمح انه شخص من هنا تركي: والله مدري بس اتوقع ان الورقه كانت بتطول ويمكن ماكانت بترجع بس هالشخص خاف على ابوي لايطيح بالفراش وان المده تنتهي وبتروح املاكه.. وبيني وبينك شاك انه يادحيم يانادر جوري: معقوله يسوونها!!! تركي: مآآآآآآدري جوري: واذا طلع واحد منهم وش بتسوي تركي: من ناحية اللي سووه تفكير سليم بس من ناحيه هالطريقه اعتبرها سرقه وتصرف في مال خاص.. واللي افكر فيه شلون قدر ياخذ فلوس جوري: اهم مافي الموضوع انه ما اخذوا واجد لو طلع احساسك صدق فأنا اقولك اكيد ماسووا كذا الا من حبهم لريم تركي: معقوله واحد من اخواني لا ويكتب خشمك جبته بالقاع؟؟! جوري: يمكن تمويه تركي: وهذا اللي متوقعه جوري: طيب عمي يستناك تركي باس عيونها بعمق: يلا انا نازل له تبين شي جوري: سلامتك ............ والله ماكنت متوقع انك تدق يانادر نادر: افا عليك يافواز والله وقفتك ماتنسى ومستحيل تحت اي ظرف بانسالك هالمعروف.. وانت مالك يد في الموضوع فواز: كل واحد خذا عقابه وكوني كنت من هالشله فأستاهل نادر:قول الحمدلله ماحكموا عليك الا سنه بس عشان هالخرابيط.. والا دم ريم انت بريئ منه فواز: الحمدلله على كل حال نادر: ومنذر ماسمعت عنه اخبار فواز: آخر شي سمعته ان راح الخارج في وحده من المصحات نادر:الله يشفيه فواز: تدعيله؟ نادر: ايه ادعي له عشان اذا رجع له عقله ياخذ جزاه الكلب فواز: والله مدري وش اقولك نادر:لاتقول شي .. الا تعال وش صار على امك وابوك فواز: ابوي جاني مرتين وامي تعبانه عقب اللي صار لي.. حالتهم تشكي لله.. انا اللي معور قلبي شلون ياكلون و وشلون يشربون نادر: لاتشغل بالك انا ماراح اقصر معهم وان شاءالله اني ما اخليهم محتاجين شي فواز: لاوالله لاتتعب نفسك نادر: يا ابن الحلال لاتقول كذا اعتبرني اخوك فواز:اجل اي شي بتعطيهم سجله وان شاءالله يرجع نادر:ما ابي منك شي.. اهم شي تطلع وتتحمل مسؤوليتهم من اول وجديد وتترك عنك هالشغلات فواز:اكيد وانا قطعت وعد على نفسي اني امشي مواري الساس نادر: احسن شي فواز: بس طلبتك نادر:آمر فواز: ما ابي اهلك يدرون عن وقفتك مع امي وابوي نادر:ليش فواز:وش بيقولون.. واكيد انهم ماراح يرضون نادر: شف يافواز يكون بعلمك اهلي مايعرفون من هم اصدقائي عشان يعرفون وش اللي بسويه معهم يمكن مايعرفون الا ثلاثه او اربعه بالكثير فواز:غريبه نادر:لا مو غريبه كلن لاهي بنفسه واحيانا تجينا اوقات والله مانسأل عن بعض فلاتستغرب لو اكون اعرف واحد ونكون مع بعض سنه وهلي مايعرفونه فواز:اقولك بس ماتزعل نادر:عادي فواز:هذا عيب الطبقات اللي زيكم تتوقع انهم قريبين من بعض وهم في الاصل بعيدين نادر:لاوالله مو كلهم اعرفلك ناس علاقتهم متينه في بعض بس حنا خلف الله علينا فواز: ربك كريم نادر:على قولك فواز:خلاص طولت عليك.. واتمنى ماتقطع نادر:بإذن الله ماراح اقطع واي شي تبيه مايردك الا اتصال فواز:ماتقصر يابعدي نادر:يلا فمان الله فواز:فمان الله ........... راح ابو تركي مع تركي بيت ابو فيصل اول ماشاف اخوه سلم عليه وضمه وانا اسف وانا وانا ومن هالكلام مسكه تركي وجلسه ابو فيصل: جيتك بالدنيا.. وانا نسيت كل شي دخل ابو طارق اول مادخل المجلس متركي على عصاته قام له ابو تركي وسلم عليه وسوى اللي سواه مع ابو فيصل ابو طارق: والله يامحمد ان الاعتذار مو هو اللي جابني.. اهم مافي الموضوع ان قلوبنا من اليوم ورايح بتصير على بعض ابو تركي:وهذا سبب جيتي لان ربي ماطيحني في اللي انا فيه الا عقاب لي وانا راضي بعقابه ابو فيصل:لاتقول كذا وانا اخوك واللي صار لك كلنا بنوقف معك تركي: الحمدلله ياعمي لقينا الورقه في المكتب ابو فيصل: والله بشارة خير ابو تركي: هذي وجيهكم علي.. وانا والله قررت بعد مايرجع دحيم نروح مزرعتنا اللي بالشرقيه واطلق ذبايح لها الوجيه الطيبه رد اعتبار ابو فيصل: ولا لك لوا يا اخوي .. تركي:لاياعمي مافيها شي لاترده ابو طارق: مابينا هالكلام ياتركي هذا اخونا ابو تركي: اقل شي اسويه لكم ابو فيصل: اجل على خيرة الله وفرصه عشان اوفي بوعدي واسوي رد الاعتبار لام فيصل تركي: وانت ياعمي عبدالله منتب مسوي رد اعتبار ابو طارق يضحك: مدري بتهاوش مع احد ثم ارد اعتباره ضحكوا عليه تركي استناس وهو يشوفهم راضين عن بعض .................. بعد اسبوعين وبعد عودة عبدالرحمن وساره الساعه 2 الفجر الكل متجهز لروحة الشرقيه بيمشون على 5 ندى ومنى وجوري بغرفة ندى يسولفون ندى: وساره الحماره ليش ماتجي معكم بروح اقول البنات متجمعات عندي منى:يابنت الناس خليها ندى: وش يحس به دحيم قافل عليها منى: لاحول ولاقوة الا بالله وش تبين انتي جوري:ههههههههه نداوي ماعندها تحطها كاش ندى:هههههههه مع اني توبت من اللقافه بس اغار على اخواني منى: يارب تتزوجين ويفتكون منك.. المهم انا بروح انام لي كم ساعه جوري: لا لا تعالي انتي مو على بعضك شفيك منى: مافيني شي عادي جوري:الا والله ملاحظه لك يومين هنا وعلى كلام ندى اول مره تسوينها منى: والله مدري وش اقول بس الافضل نبعد شوي عن بعض ندى: ياااويلي وش صار منى: ماصار الا الخير لاتخافين بس فيصل صار سطحي مره ويعاملني بجفاء جوري:قلبي يمكن عشان البيبي اخذوك منه وماصرتي تلتفتين له منى: ايه هو قال لي هالشي بس والله العظيم اني ماسفهته وان اهتمامي فيه الدبل عن اول.. بس هو الله يهديه يبي وقتي كله له اجل وش اسوي بعيالي مو راضي يفهم ان وضع قبل تغير ندى: اها .. اجل يمكن فيه شي ثاني مكدره منى: الا اكيد.. جوري: اسأليه طيب منى:والله سألته.. فيصل مره متغير بس احسسه ان الوضع عادي جوري:مايحتاج انتي ام الاسلوب اكيد بتخلينه يقول ليش متغير منى:والله تعبت فيه احاول استدرجه صعبه ع الطالعه والنازله اسأله الرجال مايحب اللي الحرمه اللي تزن ندى:والله لو انا منك اقعد له ع الحبه واطلع ريحته لين يقول منى:لا كذا ماينفع نهائي.. انا يوم شفت وضعنا كذا زدت الاهتمام اكثر بكثير من اول وانا والله ربي يشهد اني مهتمه فيه ومداريته احسن من نفسي كله عشان ما ازيد الوضع ندى: الله يالدنيا تذكرين كيف كنتي معنا منى:ايه اذكر بس انتم حتى لو تشاديت معكم او غثيتكم فمكاني هنا وين بروح لكن الزوج يختلف جوري:بقوه يختلف.. يعني مو مقبول ابد تناغرينه في كل شي وبالذات الوحده لو ربي رزقها واحد ماعنده صبر ماتفتح عيونها الا وهي مطلقه في بيت اهلها منى: بعيد الشر بعيد الشر جوري:ههههههههه بعيد عننا كلنا دخلت ساره وبيدها كمبل وراحت للسرير: وخري بسرعه استغربوا وطالعوا في بعض عطوها مساحه من السرير وانسدحت وغطت نفسها اشرت جوري للبنات وشفيها كل وحده رفعت كتوفها بمعنى ماندري منى بهدوء: ساره حبيبتي شفيك ساره: بنام فيها شي منى: لاعادي .. ندى: متهاوشه مع دحيم ساره تتثاوب: الله لايقوله بس صراحه اخوكم راعي طويله وانا ابي انام الحين لان ورانا سفر بالسياره وانا ماحب انام فيها الكل:هههههههههههههههههه منى: اجل بعذرك نامي هههههههه للحظه حست جوري بغبن ليش ماتدري وحست بغيره من ساره برضه ليش ماتدري مع ان الاجابه تملكها في عقلها الباطني .........الساعه 5.......... ام فيصل: دانه متى بتجي جمانه تأخرت الحين بنمشي دانه تتثاوب: تو كلمتني قالت نمرها ام فيصل:الله يهدي سطام لو انه رايح معنا دانه: من قال لك ماراح يروح ام فيصل: انا كلمته دانه:خبرك عتيق كلمته وتحايلت عليه يجي ام فيصل: ابمسكه بحق الحين انا احاول فيه يروح ويقول مافيني شده للروحه دانه:ههههههههه ام فيصل: ايه اضحكي عاد انتي ما يرفضلتس طلب دانه: ياحبيله ام فيصل: يلا روحي صحي نوف تصلي دانه: طيب وانتي نازله خلي حمد والا فيصل ينزلون الاغراض ام فيصل:طيب ................ قام عبدالرحمن على صوت الدولاب طخ وطيخ فتح نص عينه ساره بدلع:سوووري حبيبي ازعجتك عبدالرحمن: لاتحاكيني زعلان ساره:افااا ليييييش عبدالرحمن :ايه تطنزي جلست جنبه ومسكت ايده:والله ما اتطنز انا مسويه شي زعلك؟ عبدالرحمن:اجل تاركتني بلحالي ونايمه بعيد عني ضحكت: هههههههه والله خفت قلت وش مسويه له عبدالرحمن:ايه اضحكي خليتيني وحداني ساره وهي تبوس خده:وهذي بوسه رضاوه انت تدري لو طاوعتك عز الله مانمت وانا نوم السياره اكرهه عبدالرحمن يضحك:ههههههههههههههههههاي ساره:ايه داري ان معي حق تبسم وباس يدها:بس تكفيييين لاتعودينها ساره:من عيوووووني عبدالرحمن:تسلم لي عيونك ساره: يلا قوم صل.. واذا جيت نزل الاغراض عبدالرحمن: ابشري .............. قامت تصلي وماشافته اكيد راح المسجد صلت وخلصت وكل شي جاهز من الليل بس شنطة ايدها جلست تحط فيها لوازم تعودت تكون فيها دخل: صباح الخير جوري:صباح النور تركي:جاهزه جوري: ايه خلاص بنمشي؟ طالع ساعته:ايه خلاص .. بس صبر بروح ابدل راح بدل ولبس جنز وتي شيرت طلع حط نظارته بجيبه شال الشنط: انتي وندى ومنى معي لان النذل نادر سبقنا مع خالد.. واكيد دحيم بياخذ امي وابوي وساره وفجأه وقف جوري:شفيك غمض عيونه ومارد جوري:تركي تركي:هلا جوري: وش فيك تركي:صداع بيفتح راسي ماراح اقدر اسوق بنروح طياره.. وبشحن السياره جوري: طيب خلاص ارتاح وانا بقول لهم تركي: طيب ................ طارق:يلا يمه كلهم برا يحترون ام طارق: خلصت... ابوك نزل طارق:ايه بالسياره ام طارق:يلا مشينا.. بس احس اني ناقصه شي مدري وشو طارق: لامانسيتي شي بس تعودتي على ريم تطلع اخر وحده ام طارق:اي وربي صدقت طارق:يمه لاتقلبينها مناحه خل نستانس تكفين ام طارق: الله يونسنا بالعافيه طارق:اجل سواها النذل ام طارق: منهو طارق:خويلد ام طارق:وش الجديد دايم هو ونادر يسوونها ماهيب جديده.. طارق: طيب ان ماوريتهم هالشيون نزلوا السياره وكان في بسيارة فيصل ابوه وامه وابو جمانه وقش ام فيصل ماخلت شي في البيت وبسيارة حمد:دانه ونوف وجمانه وبسيارة عبدالرحمن ابوه وامه وساره طبعا ندى ومنى بيروحون بالطياره مع تركي وجوري وطارق امه وابوه معه وتوجهوا للشرقيه ................ وصلوا على الساعه 10 كانت المزرعه عباره عن ثلاثه اقسام القسم الاول بيوت شعر للرجال وغرفه قريبه من البوابه للحارس والقسم الثاني الحريم عباره عن فله دبل اكس والقسم الثالث كان فيه مسبح ونخل كثير فيه اجود التمر ومكان للعب كرة الطايره وكل المزرعه كانت محاطه بسور اول مادخلوا استقبلوهم نادر وخالد يضحكون نزل ابو جمانه:ياعرض وجيهكم وتضحكون بعد نادر:ههههههه كنا عارفين بتتأخرون في الخط عشان كذا خذينا المده في ساعتين ونص ابو تركي: الركاده زينه خالد: وين تركي ابو تركي: جايين بالطياره مالقوا حجز الا الظهر نادر: وليش مو سياره ام تركي:ياعويني ذابحه صداع مايقدر ابو فيصل: لو انك ما انحشت كان انت جبتهم خالد:ههههههه حاقدين عليك ابو طارق: اما انا مانيب حاقد عليك لانك بالرجعه انت بترجعنا خالد:هههههههه لايبه تكفى وضحكوا عليه ابو تركي: ام تركي لاهنتي حطوا الفطور نبي ننام نرتاح ام تركي:ابشر وتوزعوا ............. البنات على طول راحوا يختارون الغرف وكل غرفه فيها سريرين دانه: انا وجمانه هنا نوف: احلفي وانا وين اروح دانه: روحي مع ندى نوف: اوك بس ابي هالغرفه جمانه: خلاص نروح حنا غرفه ثانيه دانه: لاياشييييخه اسفه انا اخترتها اول خليها تروح غرفه ثانيه نوف: مالت عليك.. طيب ساره:بنات مايمدي دحومي يجي معي بغرفه دانه:الا اكرشوا الحارس وروحوا غرفته البنات:هههههههههههه ساره:انقلعي بس حطوا الفطور وفطروا وكلن راح ينام يريح . . . . . صحوا على الظهر وصلوا وبدوا الحريم يسوون الغداء على الساعه2 وصل تركي ومنى وندى وجورري واكتملت العائله حطوا الغداء وتغدوا وسواليف وضحك الكل تغدى الا تركي كان يبي بس ينام واتفقوا ان بعد العصر يروحون البحر عند الرجال الشباب بجهه والشيبان بجهه خالد: والله الجلسه من غير تركي مو ذاك الزود نادر: خويلد اغار خالد:هههههههه ايه نسيت طارق: ماشاءالله خالد خويتك حلوه متى شبكتها خالد: قبل يومين نادر حط اصبعه بفمه: عيونك الحلوه طروق طارق:ههههههههه مايجي اشبكك انا بعد ياقمر خالد:ماتغلى عليك عبدالرحمن: افاااا خويك باعك يا انسه نادره نادر:نادره في عينك عطتكم وجه طارق:هههههههههههه توك كنت تتميع عبدالرحمن: وععع مره موب لايق نادر:رجاااال واطنخكم وش تتوقعون يعني خالد: اوووخس فردت عضلاتها خويتي نادر:هههههههههه.. وشاف فيصل وحمد كلن بوادي: فيصل حمد شاركونا فيصل ماقدر يخفي ضيقته: يكفي اسمعكم خالد: وانت ياحمد حمد: هاا عبدالرحمن:لاااااه اللي واكل عئلك شفيييييك حمد:مافيني شي بس مانمت زين طارق:اجل نام الحين ورانا طلعه العصر للبحر حمد:ان شاءالله وراح بيت الشعر الثاني عند الحريم ساره: وحشني دحومي ندى:ياحظ اخواني وحده واحشها والثانيه عنده منى: عنده وين؟ نوف:فوق منى:تركي فوق وش جابه ندى:يبي الهدوء.. قالت له امي يجي يريح دانه:ياسلام وش هالحكره يعني بينام فوق ندى: جعلك الوجع بس الحين عشان ازعاج الشباب دانه:اهاااا نوف: الله وناسه بنروح البحر جمانه: والله حتى انا مستانسه ندى: مناوي امي ماراح تروح خلي عيالك عندها تاخذين راحتك منى:ايه قالت لي بتمسكهم فديتها ماقصرت دخلت ام طارق:بنات عندي لكم مفاجأه الكل طالعها ام طارق: والا خلاص ما ابي اقول البنات تعالت اصواتها:لالالالا تكفين قولي ام طارق تضحك: الحين اجيبها وكلهم عيونهم ع الباب ودخلت اماني صارخوا البنات وقاموا يضمون فيها ويسلمون عليها دانه:والله ياخاله احلى مفاجأه ام طارق: فكوا بنيتي شوي خلوها تتنفس واماني مبتسمه ومتشققه من الفرح ان عندها بنات عم مثلهم: اول مادريت انكم بالشرقيه استأذنت امي وقالت لي روحي منى:ورا ماجت معك اماني:بتجي بكرا ان شاءالله زياره هي وحريم اخوالي منى:والله حتى لويقعدون ان ماشالتهم الارض تشيلهم عيوني ام طارق: انا رايحه وضيفوا بنتي دانه:افا عليك انا الحين اضيفها وراحت المطبخ فتحت الاغراض اللي امها جايبتها وبتطلع البن والذي منو حطت الدله ع النار وطلعت الفناجيل وحطتها بطوفريه تذكرت انها جايبه معها كيس فيه جلاكسيات وبسكويت وطبعا الكتكات اللي مستحيل تعوفه راحت تجيبه وحطته بسله كبيره خلصت القهوه شالتها و ودتها نوف:الحين هذي الضيافه مع وجهك قهوه حاف دانه: مطيوره هالبنت ماعندها صبر ........... حس بعطش مابعد حطوا في الثلاجه اللي بقسمهم مويه .. كلم امه تقول لخدامتهم تجيب كميه بس شكلها انشغلت راح قسم الحريم نادى على شغالتهم اكثر من مره ماجت الظاهر بعيده دخل المطبخ فتح الثلاجه لقى فيها قوارير موية صحه اخذ له وحده وشرب مستانس خلص وجا يطلع شاف اسله مليانه فوق طاولة الطعام قرب منها شاف الجلاكسيات ابتسم :اكيد ذي للبنات وقام يعبي بجيوبه وشاف الكتكات ابتسم اكثر طلع اللي اخذه واخذ الكتكات كله ضحك من قلب: حلوه المقالب من البدايه سمع صوت قام توزى تحت الطاوله دخلت دانه وشافت السله مو على حطة ايدها لا ولا الكتكات مافي ولا واحد" بسم الله من اخذه" دقت على حمد حمد:هلا دانه: شوف البنات كانوا معي وامي وخالاتي مالهم بهالسوالف.. يعني مافيه الا انتم تعودنا على هالحركات حمد: دندون ترا اصله معي دانه:ايه سوي نفسك ماتدري حمد:صبر جميل والله المستعان وش تبين بالضبط دانه:الكتكات كله ترجعونه لا والله اعلم خالي سطام حمد: والله مدري عنه يمكن واحد من الشباب دانه: مين اللي موب عندكم منهم حمد: تركي وخالد دانه: تركي نايم فوق .. اجل مافيه الا خالد هين ياخالد حمد: ايه نسيت نادر بعد مو فيه ارتبكت تذكرت ان عشقه الوحيد الكتكات:اهااا حمد: ولاتزعجيني .. سلام.. وقفل دانه بصوت عالي: ان كانه خالد برجع له المقلب واذا نادر ماراح ارجعه ولاحتى بتنازل له طلع من تحت الطاوله وهو معطيها ظهره خافت:يمه نادر صار يطلع الكتكات من جيبه: اصلا انا اللي ما اتنازل ولو اني ادري انه لك مافكرت مجرد تفكير اخذه سكتت وهو لف وطلع من المطبخ ........... حس ان الصداع خف شوي شافها قاعده عنده تبسم ردت له الابتسامه: صح النوم تركي:صح بدنك.. وش مجلسك هنا جوري: خفت تحتاج شي وانا بعيده تركي:عساني ما انحرم جوري: كنت تحلم صح تركي:لا جوري: الا كنت تتكلم تركي:ماحسيت بنفسي جوري: كنت تقول جوري لاتقتليني سكت جوري:يعني كنت تتحلم تركي: كوابيس مالها تفسير اضغاث احلام .. جوري: حالتك مو عاجبتني تركي: ولا انا يمكن بمرض جوري: اعمل حسابك نروح الدكتور تركي:لا مايحتاج جوري: اذا لي قدر بتوافق تركي: لك قدر ونص قومي جهزيلي ملابس وحطي لي اكل جوعان وبعدها نروح فرحت:صدق تركي:ايه.. جوري: طيب الحين اجهز لك ملابس وبحط لك اكل لاني انا بعد جوعانه تركي:ماتغديتي جوري:لا ابي معك تركي:يالبا روحك تبسمت ......... نادر:هذي كل السالفه ابو جمانه: والله السالفه معقده يا ابوك وماتجي كذا نادر: مدري انا ابيها كذا ابو جمانه: انا بسوي اللي علي نادر: خال تكفى اول مره ابي فزعتك ابو جمانه: على هالخشم والله.. بس نادر: واللي يعافيك لاتبسبس ادري كلمتك مسموعه ابو جمانه ضحك: طيب ابشر ............. ساره:وعشان كذا قال البس عباة راس ندى:هههههههه ياحليله نوف: انا عن نفسي الحمدلله البس عباة راس يعني مانيب بجاجه لاتزوجت يقول لي هو منى:لا ياحبيبتي مو شرط انا عندك ليومك هذا فيصل ماقد قال لي ندى: بس لو قال لك عادي تطيعينه منى:اكيد مايبي لها كلام ندى: سمعتي دندون بتطيعه نوف:ههههههههه عاد هي تقول مستحيل احد يفرض عليها ندى:صحيح دانه ودانه مومعهم جمانه: هالبنت من جد غريبه قبل خمس دقايق وكانت تمام وش اللي قلبها ساره: والله ماكانت كذا انتظروا منها تتكلم بس ماردت ندى:هيييييه انت نكلمك عصبت دانه:انا طالعه لحد يكلمني استغربوا من ردة فعلها نوف:اعوذ بالله نفسيه نزلت جوري: بنات تركي بينزل وشافت اماني بينهم راحت لها وضمتها:متى جيتي اماني:مالي كثير جوري:يابعد عمري والله كنت ناويه اكلمك تجين اماني:ما احتاج عزومه انا جيت جوري:من قال لك اننا هنا اماني: امممم حزروا البنات:مين اماني:عمي محمد اول واحد دق علي وبعدها ابوي ندى:ابوي؟ اماني: ايه ابوك شفيكم مستغربين منى:مانقول الا سبحان الله سمعوا صوت تركي:جووووري جوري:ول نسيت رجلي .. بسرعه تغطوا ندى: وين رايحين ماسكه عباتك جوري:بنروح المستشفى ذابحه الصداع نزل تركي وجوري لبست عبايتها وتوهم بيركبون السياره جات ام تركي تهرول وتبكي:يمه تركي شفيك تركي انفجع:شفيك ام تركي: انت اللي وشفيك ضمها :يابعد قلبي يمه هذاني قدامك مافيني الا العافيه ام تركي: ليش رايح المستشفى تركي: عشان الصداع يروح ويجي وماودي اذبح عمري بالبنادول..واالا عادي اذبحها ام تركي:سلامتك جعل يومي قبل يومك تركي: لا ان شاءالله ..الله يطول في عمرك جوري كانت تتأمل في ام تركي شافت الحنان متجسد في هالانسانه حبها لعيالها اكبر من اي شي ام تركي: اصبر بجيب عبايتي تركي:لاياقلبي ماراح نتأخر..ولاتشغلين بالك جوري:لاتخافين عليه انا معه ام تركي: اجل طمنوني اول ماتطلعون مو اذا وصلتوا هنا تركي: ابشري يالغاليه وراحوا المستشفى تو ام تركي بتدخل نادر:يمه يمه ام تركي: هلا نادر: وين يبي تركي ام تركي:عشان هالصداع بيروح المستشفى ورفعت ايدها يالله ان تشفيه نادر:وانا بعد ادعيلي ام تركي: يشفيك من وشو نادر:ههههههه لا ادعيلي دعاوي حلوه ام تركي:بدعيلك تتخرج وتتزوج نادر: الثانيه انقبلت الحين شكلها صادفت ان باب السماء مفتوح ام تركي: لاتقول تبي تتزوج نادر: وليش وش ناقصني ام تركي:كامل والكامل الله الحين اروح اقول لها نادر:مين ام تركي:دانه نادر:لالالالالالالا .. ام تركي تضايقت: شفيك نادر:لابس نادلي ندى ام تركي:الله يصلحك.. طيب وراحت تناديها خمس دقايق وجت ندى:هلا نادر بغيتني نادر:بخطب بفرح:امااااانه نادر:اي والله ندى:بروح ابشرها ونااااااااااااسه نادر:تعالي مو دانه هي انا ابي وحده ثانيه ندى:هآآآ نادر:بلا هآ ابي وحده ثانيه كيفي ندى:اللي تشوفه منهي نادر: اخت واحد من اخوياي ندى: من وين تعرفها .. لايكون ... نادر:لاتفكرين غلط.. بس انا اعرف ان عنده خوات بسن مناسب للزواج ندى: ودانه؟ نادر: تبون راحتي ...... قاطعته:خلاص اللي تشوفه بس اول بقول لامي نسأل عنهم وبعدين نادر: تعرفينهم انتي اخت هيثم ندى:هيثم ولد جيراننا اللي بحينا القديم نادر:وصلتي خير ندى: ماعليهم بس ناسيه البنات كنا صغار يوم نقلنا من الحي وقتها نادر:اسألي منى ندى: ان شاءالله ............ منى: فقدتك فيصل:وانتي بعد منى:يارب دوم تفقدني فيصل:ان شاءالله وش اخبار البيبي منى: واحشهم فيصل:اجل جيبيهم انا عند المسبح لحظات وجابتهم في العربه شافهم وجلس يلاعبهم وتناساها او يحاول يتناساها منى تتغصب الابتسامه: ماشاءالله اجل فقدتني فيصل: اشوفك قمتي تغارين من عيالك منى:اي اهتمام منك لهم يوصلني.. يكفيني هالشي فيصل:يكفيك؟؟ منى: يافيصل لاتفسر الشي على مبتغاك الله يصلحك حتى الكلمه الوحده مني تفسرها غلط فيصل:انا رايح وراح وخلاها واقفه وراه .......... طلعوا من عند الدكتور جوري:الحمدلله يعني اللي فيك دلع تركي: اه ياجوري لو تحسين باللي احس به تصدقين اني توقعت عندي ورم جوري:بسم الله عليك.. هذا انت سمعت الدكتور يقول التحاليل سليمه ومافيك الا العافيه تركي:اللهم لك الحمد.. خليني اكلم امي اقول لها ............ بالمطبخ زينوا القهوه والشاهي والحلى وكل شي منى: نصااابه ندى: والله العظيم منى: ماله داعي من جد ودانه ساره: بنات عادي لاتحطون دانه بطريقه منى: والله طايحه وجيهنا منكم ساره: والله عادي الله يرزقه ويرزقها نوف كانت توها بتدخل وسمعت الكلام بس تراجعت مادخلت وطيران عند دانه تعلمها دانه: يمه شفيك روعتيني نوف:خبريه بتعكر مزاجك دانه:يارب استر ناقصه انا .. وشو نوف: نادر بيخطب بنت جيرانهم اللي بحيهم القديم دانه:طيب؟ نوف: وش طيب.. اقول لك بيخطب دانه: الله يسعدهم ويوفقهم نوف: توقعت تزعلين دانه: نادر ماهوب لي وانا موب له فليش اتعلق في سراب او بمعنى اصح ليش اتضايق نوف:يعني مازعلتي ابد دانه: شوي بس ههههههه تركتها نوف وهي الخبر مأثر عليها وتفاجأت بردة فعل دانه راحت دانه قفلت الباب ودفنت نفسها بالفراش وبكت بحرقه" ليش يانادر ليش" .......... عند الشباب عبدالرحمن:انا باخذ ساره ولو تنطون السماء ماخذيت احد معنا نادر: قلعتكم طارق:ههههههههه مافي وقت الرد والم عبدالرحمن: ماراح ارد عليكم ورفع جواله يدق على ساره وطلع برا يكلمها ساره:هلا دحومي عبدالرحمن:هلا بهالصووووووووت ساره:هلابك زود ياروحي عبدالرحمن:هاحبيبي جاهزه ساره:اننتظر البنات يخلصون واشوف من بتجي معنا عبدالرحمن:احقريهم مانيب ماخذ وحده ساره:هههههههههه لا وش بيقولون ع الاقل ثنتين بس ناخذهم معنا عبدالرحمن:اسف ابيك انتي بلحالك سمع صوت ندى: مالي دخل بجي معكم عبدالرحمن: والله ألحطها بالعقال لو اشوف ظلها عند السياره ساره فطست ضحك: يقول بيلحطك بالعقال لو يشوف ظلك ندى:ههههههههه لا اجل هونت مانيب بايعه عمري عبدالرحمن:سوسو انتظرك اوكي ساره:اوك انا طالعه وراحوا البحر كان زحمه فما امداهم ياخذون راحتهم قعدوا مع بعض وكلهم طبعا متغطين عيون فيصل على منى اذاها كل مره ونزلي الغطى على عيونك ونفس الشي مع عبدالرحمن وساره بس شتان مابين الاسلوبين والمغزى وراح الوقت كله مع البعض بوناسه وتريقه وذبات خالد: نادر ماتحس انك مخنوق نادر فهمها: مخنوق وبقوه اللي يعيني تركي:هههههههه بنات ترا يقصدونكم ندى: والله اني داريه بس معهم حق ماتوقعت بيكون زحمه ليتنا جايين الصباح احسن نادر:بارد على قلبي ليته دايم زحمه منى:حررااام عليك فيصل: يبي يستانس لوحده مع خشته تركي:انا بتمشى شوي مع جوري وبنرجع المزرعه فيصل:حتى انا مو راضي عن الوضع بمشي الحين منى:ع الاقل نتمشى شوي فيصل:لامايمدي منى تضايقت حيل من اسلوبه نادر: من جدكم انتم وش هالتعقيد عادي تركي: لا انتم خلوكم بس انا باخذ جوريتي وحاس اني بردان نادر:الجو رطوبه اي برد جوري: هو من اليوم يشكي.. خلاص تركي يلا رجعنا طارق:اجل روح ارتاح وبكرا الصباح من بدري ماراح يكون فيه ناس واجد بنجي تركي: حتى انا هذا تفكيري قام فيصل:يلا منى نادر: خلاص فيصل انا ارجعها معي فيصل: لا لا ترجع معي كلهم مستغربين من اسلوبه وتعامله وراحوا الاربعه عبدالرحمن: نفسيه قسم بالله خالد:ههههههههه حمد شوف وش يقول عن اخوك حمد: ينقص من ذنوبه نادر:عزالله هواء البحر خطف عقولكم وشفيكم كذا ندى:يمكن عشان ما اخذنا راحتنا نادر:اجل يلا المزرعه ونفل ابوها طارق: ونشوي عبدالرحمن: ونطقها لعب ودي ارجع لايام الطفوله جمانه بهمس: الحين توها تجيهم الافكار اماني: خل نشوف النهايه جمانه: والله ودي لو مترنا البحر طول وعرض بالتمشيه اماني:انا مليت منه وربي جمانه: طيب قولي لهم لايرجعون علشانا ع الاقل طارق: وش عندك اماني اماني: لا بس جمانه تقول طفشت وجو المزرعه احسن بكثير من هنا جمانه شاهقت دانه: بسم الله بنت خالي شفيك اماني تضحك طارق:شباب خلاص انا قدامكم مع البنات بنرجع المزرعه ونقلبها هيصه وش تبون بعد وعيونه على جمانه وجمانه حاقده على اماني ساره بهمس: دحومي والله خاطري اقعد عبدالرحمن:يابعد قلبي انتي شوفي المكان زحمه يخنق لكن بكرا الصباح اجي انا وانتي وناخذ شاليه لي ولك ساره: وناااااسه طيب خلاص بسوي حفله لي ولك عبدالرحمن: وش المناسبه ساره: بدون مناسبه كذا عبدالرحمن:اهااا.. ياشيخه لو تقولين حفله تنكريه مارفضت ساره:هههههههههههههه عبدالرحمن مبتسم: ياجعلي ما افقد هالضحكه نادر كان يطالع في البنات كلهم يسولفون الا دانه نادر:نداوي تعالي شوي جلست جنبه نادر: علمتي البنات ندى:هاااا والله نادر:ايه والا لا ندى: ايه نادر: ودانه درت ندى: والله مادريت الا يوم حنا بالسياره اثاري نوف سمعتني وانا احكي لمنى وساره وراحت قالت لها نادر: اهااا ندى: والله حرام عليك نادر: هههههههه احسن.. وقام ندى:وين نادر: بكلم امي اشتقت لها دق جوال عبدالرحمن:هلا يبه.... ايه...... طيب...... لا خلاص بنجي....... انت ماقلتلي وقفل طارق:خير عبدالرحمن: ابوي يقول اروح المطابخ اشيك ع الذبايح اثاري الليله عشاهم طارق: وش عشاه عبدالرحمن: عشاء عمي سلطان لخالتي لطيفه وعشاء ابوي للجميع طارق: وناسه اجل مفاطيح خالد: مفاطيح عاد عبدالرحمن: ابوي عليه طلعات متى امداه خالد:ومتى امداه يوديها المطابخ اصلا عبدالرحمن:ما اقول الا عساه القوه.. طارق: اجل يلا شدينا الرحال ع المزرعه ................ تركي: تعالي نتمشى من هنا جوري: والله ودي بس حالتك ماتسمح تركي: لا بطيب عشانك جوري:لا امش البيت مو بنجي الصباح ان شاءالله خلاص تركي:بعد قووووويه ههههههههههههه هامت في ضحكته رنتها تسللت لاذنيها وذابت مع اوتارها "اه ياتركي احب كل شي فيك" مرت وحده متبرجه: دووووم الضحكه.. طالعت فيها جوري بنظرات قاسيه تركي انتبه لنظرات جوري التفت للبنت: تسلمين يدوم نبضك وجوري طيرت عيونها تمادت البنت: الله يسلمك تركي: رايحين نعشى تتجين تتعشين معنا البنت صدقت: اكلم اختي ونجي جوري: تعالي تعالي مصدقه انتي تركي: عادي خلي... جوري:اسسسكت انت.. شوفي انتي ضفي وجهك لاقسم بالله تشوفين شي عمرك ماشفتيه البنت: اختك شريره .. سلام تركي كان ميت على شكل جوري جوري : وبعد تبي تعشيها طبعا ما جاوب لانه كان غرقان ضحك جوري: مافيه شي يضحك تركي: ياحبيلها العربجيه جوري: عربجيه في عينك.. يلا امش المزرعه ركبوا السياره وتركي لازال الضحك مستمر معه.. شافها مفوره كتم ضحكته وطالعها: جوريه ترا والله مزوح يكون بعلمك اول مره بحياتي اسوي كذا جوري: براحتك عادي تركي: راحتي معاك.. بس بشوف ردة فعلك جوري كأن رد لها عقلها" فشله الحين وش بيقول بس اغار عليه يانااااس" تركي: فديتها انا اللي ماتبي احد يقرب مني تبسمت ابتسامة دلع تركي: وربي هالابتسامه ترضيني.. اشوف فيها حبك لي وراحتك معي وهذا اللي ابيه جوري: وانا وش لي تركي فهم قصدها: يمه منك تبين مقابل جوري: الدنيا اخذ وعطا تركي: امممم شوفي انا اغلى حاجه فيني هذا .. وأشر على قلبه جوري:طيب!! تركي: بس ما اقدر اعطيك اياه بصدمه: ما اجبرك تركي: اكيد ماتقدرين تجبريني جوري: طيب مشينا تركي: طيب اسأليني ليش ما اقدر اعطيك جوري: تركي خلاص ماله داعي تركي:له داعي ونص..تدرين ليش ما اقدر اعطيك اياه وسكت اردف: لانك ياجوري سكنتي فيه جوري: هاا تركي: وش تفسرين شوقي لك وش تفسرين تغير معاملتي معك وش تفسرين اشياء كثيره.. ابسطها اني لاضقت بمجرد شوفتك تتبخر الضيقه واحس اني مالك الدنيا بكفه جوري الكلام اللي تسمعه اكبر من طاقة تحملها ماتدري تضحك والا تبكي من كبر سعادتها تركي: لاتعبترينه تكفير اخطاء عن اللي سويته صدقيني هو اللي يتكلم معك الحين مو انا ماتحملت بكت لو تبيع أيامي يالغالي شريتك لوتزيد أحزاني من فرح قلبي عطيتك انت أقرب الناس وانت محبوبي انت القريب البعيد ومني وفيني انت الأمل انت عمري انت مطلوبي انت القصايد وشعري وفرحة سنيني وش فيه لاصرت " أحبك " وانت محبوبي ............. وصل فيصل ومنى ينتظرها تنزل من السياره فيصل: وصلنا اذا ماتشوفين منى: فيصل شفيك.. وش صار.. معاملتك معي تعبتني فيصل: عادي مافيه شي منى:الا فيك.. ترا نظراتهم لي يوم كنت تكلمني بنبره ماقد سمعتها منك وربي قتلتني فيصل:مافيه شي انزلي منى: ماراح اضغط عليك مع ان كان ودي اعرف وش ضايقتك فيه او اذا كنت شايف مني قصور.. فيصل: خلصتي منى: الوقت اللي تحس نفسك تبي تكلمني دق علي بدون ماتردد فيصل:ادق عليك؟؟؟؟ نزلت وخلته بتساؤلاته ............. على الساعه 8 رجع الكل المزرعه وشافوا البخور والفله مرتبه والحريم يضحكون نوف: الله يازين البخور.. اكيد امي مبخره ام فيصل: ايه انا مبخره ساره: عاد انتي ماتبخرين بهالبخور بالذات الا في وقت خاص ام تركي: هذا هو الخاص ولايكثر قرقكم يبون يجونا ضيوف تكشخوا نبي نشوف زين بناتنا كانوا بيتكلمون ام فيصل: ولاكلمه روحوا البسوا وطلعوا بدون تعقيب دانه:يمه انا شوي والبس بروح الحديقه اشم هواء ام فيصل:لا وش بيقولون الضيوف ام تركي:خليها ياحصه ام فيصل: زين روحي بس لاتطولين دانه: ان شاءالله ............ البنات فوق اماني: يووووووووووووه ندى:وجعه ان شاءالله شفيك اماني: وقسم بالله اسمع صوت امي ندى:يتهيأ لك لانك مشتاقه لها اماني:والله العظيم صوتها ندى:مو تقولين بتجي بكرا اماني:مدري اكذب اذوني دخلت نوف:سبرايز امك وحريم خوالك تحت اماني: شفتي والله عرفت صوتها بس غريبه ماقالت لي ندى:يمكن تبيها مفاجأه لك .............. دق الباب الخلفي للمطبخ:يمه فيه احد ام فيصل:تعال ياحمد مافي الا انا وخالتك لطيفه دخل حمد:يمه وين خواتي ام فيصل:ساره ونوف رقوا يلبسون مدري متى بينزلون للضيوف هالبنات بوريهم حمد: طيب يمه ابي دانه شلون ام فيصل: بالحديقه.. اذا شفتها قول لها تقول امي اطلعي بساع البسي لا اوريها شغلها ام تركي:ههههههه حرام عليك ام فيصل: دلوعه هالبنت ماحب بناتي يتقفون بالضيوف وخاصه وانتي عارفه لازم هي اول وحده تلبس حمد :طيب انا بروح لها شافها توها بتدخل تبسم:تعالي يادبه تغصبت الابتسامه :شفيك حمد: وليش مفجوعه دانه: لابس كم لك يوم نفسك بخشمك والحين مبتسم حمد: يعني منصدمه دانه:شبه حمد:طيب ذكريني بالكلمه اللي كنتي تقولينها اذا انصدمتي دانه:هههههه فاضي ياحمد انا بروح البس قبل لا يجيني موشح من امي حمد:لا لا لا قولي دانه:هههههه طيب مووووش مصدعه مووووش معجووون ضحك:يااالله من زمان ماسمعتها اجل مش مصدقه ومش معقول هاا دانه: ذكريات حلوه كنا نقلب الحكي وجدتي الله يرحمها كانت تتضايق مننا حمد:الله يرحمها دانه: هذي الدنيا نزول وارتحال مسكها وراحوا على كراسي بالحديقه قعد جنبها:ياحبك للفلسفه دانه:طيب انا بروح امي ماراح تهاوشك انت حمد:اي والله وبالذات ان ام اماني وحريم اخوالها جوا دانه: وش عندهم حمد: زياره خاااااصه دانه:طيب قول من الاخير وش عندك حمد:دبه عاد اللي يسمعك يقول ما اكلمك الا اذا ابي شي دانه: لا مو كذا والله.. حمد:عموما ما ابي شي بس مستانس دانه:دووووووم ونسنا معك حمد:جاك عريس لقطه ماشاءالله عليه جنتل وكشخه ومحترم.. دانه بققت عيونها حمد:ههههههههههههه هيييييه حاسبي عيونك لاتنقز... دانه ضاع الحكي منها:انا بطلع بروح انام حمد: وش تنامين والله ان امي تسحبك مع كشتك.. انا رايح بس حبيت اشوف ردة فعل البنات اذا جوهم خطاب صرااحه تفطسووون ضحك.. وراح وصوت ضحكته واصلها بكت يعني ام اماني جيبه لها عريس" ياربيه وش هالاخبار الزفت ماتجي الا بيوم واحد" ............. الساعه عشر ابو فيصل: فيصل جبت العشاء فيصل: ايه جبته ومثل ماوصيت ابو فيصل: زين قلطهم وقول لهم هذا عشاء ابوي لامي رد اعتبااار ركز على رد اعتبار .. ابو تركي: وانا عشاي بالطريق بيجيبه دحيم وتركي اللي بيقلطهم رد اعتبار لكم ابو طارق:كفيت و وفيت يامحمد وصل عبدالرحمن بالعشاء وقام تركي وفيصل يقلطونهم ابو جمانه: انا ماني ماكل لقمه وحده لين تسمعون اللي عندي ابو فيصل:افاااااا ابو جمانه:ايه نعم ابو تركي:ابشر بعزك ابو جمانه:بس السالفه ماهيب عاديه فيها شوي تعقيدات ويخص فرد من العايله ابو فيصل: وش السالفه وانا اخوك ابو جمانه: ابي الكل يكون متواجد ابو طارق:كلنا موجودين.. قصدك خالد وحمد برا الحين ينادونهم ابو جمانه: ايه وابي البنات وامهاتهم بعد ابو تركي استغرب: ليش ابو جمانه: اذا ماتبون انا ماشي ابو فيصل: استريح الحين نناديهم.. فيصل روح نادهم ابو جمانه: ابو تركي تعال شوي برا وطلعوا مع بعض وفيصل راح للحريم ودق الباب:يمه يمه ام فيصل:ها فيصل فيصل:كلكم تعالوا الخيمه نطت نوف من ورا امها :ياربي اكيد فيه مشكله انتم ماتجمعونا الا اذا فيه مشكله ام فيصل مبتسمه:لا انشاءالله ام فيصل:عن اذنك يام ريم ام ريم:اذنك معك ام تركي:لا الغاليه تبي تجي معنا ام ريم:يشهد ربي انك انتي اللي غاليه.. بس بقعد هنا ام تركي: الله يسلمك .. على راحتك وراحوا كلهم وقعدوا بالجلسات اللي بآخر الخيمه ابو جمانه: صلوا ع النبي الكل:اللهم صلي وسلم عليه ابو جمانه: يا ابو فيصل ابو تركي عنده شي بيقوله لك طالع في اخوه وهو خايف من اللي بينقال لانهم حاطين في بالهم ان ابو تركي ماتجي من وراه الا المشاكل تكلم ابو تركي: المقصود خير ياسلطان وانتم على راحتهم ابو طارق:قول يامحمد شلعت قلوبنا ابو تركي: انا شفتها فرصه مناسبه والكل مجتمع فحاب اقول ان نادر يبي دانه زوجه له على سنة الله ورسوله جمود غطى المكان محد تكلم بكلمه ودانه بغى يغمى عليها ابو فيصل ماقال كلمه لايكون هذا قرار من قرارات ابو تركي وبيخرب الدنيا عليهم تكلم نادر: عمي انا شاريها وابيها وامي وخالتي حصه قالوا لي موافقه ام فيصل: ايه نعم موافقه ابو تركي: يبه دانه انتي راضيه في نادر ام تركي قربت لها وهمست لها: دانه انا ادري انك تبينه خلاص وانا امك خلونا نفرح فيكم دانه:أأأ ام تركي بهمس اكثر: موافقه هزت راسها بايه ام تركي: دانه موافقه ابو جمانه: اجل على بركة الله نادر لدانه ودانه لنادر ابوتركي: واذا وصلنا الرياض بنخطبها رسمي ابو طارق: خطبة طارق ونادر بيوم واحد اذا الله كتب لنا عمر ابو فيصل يبي يتأكد ان مافيه احد مأثر على نادر: نادر وانا عمك اعرف انك رجال قاطعه: اسمحلي اقاطعك ياعمي انا مقتنع في دانه وابيها هي والله ان ربي وفقنا ما اقصر عليها واحطها بعيوني ابو جمانه:اجل يلا نقوم العشاء ركبي طاحن من الجوع الكل:هههههههههههه ............ ام ريم:مبروك عليكم والله انا من قلتيلي يا ام فيصل وجيت ركض نشارككم الفرحه ام فيصل:عقبال ماتحضرين عرسهم ............ ندى:مبرووووووووووك دندون والله نادر مليئ بالمفاجآت ودانه لارد ساره: من حقها ماترد مو مستوعبه انا بنفسي ماصدقت اجل هي شلون دخلت ام تركي وجلست جنب دانه:مبروك ياقلبي دانه:الله يبارك فيك ام تركي:نادر مافيه مثله مو عشانه ولدي لكن والله ادري انه شاري قربك بروحه واذا وصلنا الرياض مالك الا خطوبه تليق فيك ساره: ومن حقه ياخاله يشوفها ام تركي: اذا طلب نادر و وافقت دانه كان بها وتذكرت شي: الله يلعن ابليس نسيت.. ندى يقول نادر ردي على جوالك ندى:متى دق وراحت تشيك على جوالها لقت له اكثر من مكالمه .. دقت عليه نادر: بدون مقدمات اعطيني رقمها ندى:بسم الله نادر: بسرعه ندى: ماصارت زوجتك نادر:بتصير ان شاءالله.. يلا بسرعه ندى: طيب وعطته الرقم كتب لها: اتمنى انك حسيتي بالشعور اللي حسيت فيه من قبل.. كنا بنضيع بعض.. بس الحين حنا لبعض يانجمة غطت الكون تضوينا بسماها ياوفاء يا كل الزين ونادر خذاها الف مبرووووووووك نهاية البارت قراءه ممتعه .. .. .. |
البارت ((24)) . . . . . بعد ماتعشوا آثرت ام ريم واماني الرحيل على انها تزورهم في اليوم الثاني.. الرجال راحوا الخيمه المخصصه لهم ينامون وكذلك الحريم والشباب ف خيمتهم كلن يفكر كيف يقضي الليل عبدالرحمن:شباب الحين حنا جينا ننام هنا والا وش قصتكم خالد: انا ادري عنهم نادر: ما انتم كفو طلعه قسم تركي: صجيتوووني نادر:جاك الشايب خالد:ههههههههههههههااااي تركي: ودي ارد عليك بس ماودي اخرب مزاجك وانت خاطب اليوم يابزر اخيرا ضحك فيصل:ههههههههه اوما بزر عبدالرحمن: شباب ما اسمحلكم نادر: كفو بعدي اخوي طارق: ترا مادافع عنك الا عشان ماتروح تبكي عند خالتي لطيفه تركي:ههههههههه اه ياراسي فيصل: ماخف الصداع تركي:يجي ويروح فيصل:اجل شباب خل نقوم منا تركي: والله تسوون خير وقاموا الا فيصل جلس وتركي نام رجع نادر: حمد وانت حمد: لا مالي نفس نادر:ياخي لاتصير سامج امش معنا حمد:والله مالي نفس نادر:اوك براحتك طلعوا برا وجلسوا ع العشب يلعبون بلوت واصواتهم حيل مرتفعه طلع ابو فيصل وشافهم: الله واكبر عليكم ازعااااج حيل فيصل: السموحه يبه ابو فيصل:لاخذوا راحتكم انا البلى في نومي حساس نادر: خلاص عمي بنروح ورا عند المسبح احسن ابو فيصل:لاخلوكم صح ازعاج بس ياحلاته وانا اشوف هالجمعه الطيبه.. الا وين تركي وحمد نادر: طلعنا مانبي نزعج تركي راسه يعوره وحمد ماله نفس ابو فيصل تذكر انه كان يبيه بس ماسمحت الفرصه: طيب انا رايح اشوفهم دخل عليهم حمد حس في ابوه:هلا يبه اشر له يتكلم بشويش عشان مايزعجون تركي جلس جنبه حمد: شفيك يبه ابو فيصل:انا والا انت حمد:انا؟! ابو فيصل:ايه انت.. علامك ياولد متغير ماهيب من عادتك تصير كذا وشفيك محتاج شي قاصرك شي حمد:لا يبه ما ابي الا سلامتك ابو فيصل:طيب وشفيك وانا ابوك حالك مو عاجبني حمد:يبه قلت لك مافيني شي ابو فيصل: شوف ياحمد ان كانك مغطي علي شي فتراي زعلان عليك ليوم ال قاطعه: لايبه لاتكمل ابو فيصل:يعني صدق ظني فيك شي؟ ارتبك حمد:يبه انا بقول بس اوعدني ل كح تركي وسكت حمد تركي: حمد حمد:هلا تركي:بردان جيب لي غطى ثاني.. وكان صوته يرتجف ابو فيصل قام يشوف حرارته لقاها مرتفعه: وش ذا حرارتك .. حمد:تركي مو رحت اليوم المستشفى تركي بصوت واهن:ايه بس قالوا لي سليم ابو فيصل:حمد قوم ناد امه تسويله كمادات حمد: طيب راح حمد الفله ودخل الدور الاول مافيه احد سمع اصوات البنات اعلى صوت فيهم صوت دانه ونوف وقف بنص الدرج وصار ينادي: نوف يانوف طلعت نوف:حمد وش مرقيك هنا حمد: خالتي لطيفه وينها نوف:وش صار حمد: تركي حرارته مرتفعه نوف: طيب انت روح وانا بنزل انا و وحده من البنات لاني مدري بأي غرفه نايمه حمد: طيب بس بسرعه دخلت الغرفه ساره:صوت حمد صح نوف: ايه يلا وحده منكم تقوم معي خايفه انزل ادور خالتي لطيفه منى: ليش نوف:يقول تركي حرارته مرتفعه جوري: بسم الله عليه انا بروح له لاتصحينها ندى: وانا بعد بروح ساره: لاياشيخه شرايكم بعد كلكم تروحون نوف: بسرعه قرروا والا بنزل لخالتي لطيفه طالعوا في بعض منى:خلاص جوري تروح جوري:يابعد قلبي يامنى منى:ان شاءالله ماعليه الا العافيه حطيله ثلج و جوري:ادري ادري يلا قوموا وصلوني ............. عبدالرحمن: انا غلطان العب مع غشاشين مثلكم نادر:ههههههه ياخي ماغشينا تقبلوا الخساره فيصل: بنتقبلها اذا اللعب نزيه ياغشاشين خالد: ندور اسفههم غشيم وبليد مايعرفون يلعبون ههههههههه نادر: لاعيب فيصل صار نسيبي خالد: ايه خلاص اجل اخوك الغشيم عبدالرحمن: ما اقول الا طاح المتعوس على خايب الرجاء.. اشر له نادر بحركه مبطنه تحتوي الغموض: روح كلم بس زوجتك بس عبدالرحمن فهم:اي والله خل اروح اكلمها اصرف لي نادر: ها يالنسيب لايكون بتنحاش زيه فيصل: لااا بكمل .............. ساره:يلا بسرعه روحي جوري: طيب طيب منى: وانتي راجعه دقي علينا جوري:زين.. بس عطوا الشباب خبر اني عند تركي ساره: اناالحين بكلم دحومي.. ودخلت جوري وتو ساره بتكلم عبدالرحمن دق جوالها ساره:هلا حبيبي توني بدق عبدالرحمن:هلا بروحي انا شفيك ساره: اولا وحشتني مووووت عبدالرحمن: وانا متقطع من وحشتي عليك ساره: يابعد قلبي.. ايه اسمع جوري عند تركي تسويله كمادات لاتروحون وخبر اللي عندك عبدالرحمن: من عيوني ساره:فديت عيونك عبدالرحمن:سوسو ماودك تسويلي كمادات بعد ساره:هههههه ليش وشفيك عبدالرحمن:مريييييض ساره:قصدك تستمرض عبدالرحمن: اللي هو.. دبه جد فاقدك ابي اشوفك شوفي لنا مكان ساره بدلع: مووووبي عبدالرحمن:تكفين ساره ساره: قلت لك موبي عبدالرحمن: اجل ما اشتقتيلي ساره: لو تحس باللي بقلبي بس عبدالرحمن: طيب شوي بس اشوفك واسولف معك ساره: امممم بحاول عبدالرحمن: ياشينك.. ساره: دحومي نبي نفلها شوي عبدالرحمن:شلون ساره: مدري اي شي نغير جو نسوي مرح عبدالرحمن: طيب لقيتها انزلوا انتم وتعالوا ورا عند المسبح عشان مانزعج احد ساره:اوك ............... تذكرت يوم كان يسوي لها كمادات والحين جا دورها كانت تكمد له بكل نعومه وتسمع همهمه منه جوري:تركي تبي شي تركي:بردان ومصدع جوري:مبين من عيونك منتفخه هونها ان شاءالله ايام وتروح عنك ............. اجتمعوا الكل طارق:ها وش عندك مجمع السحالي عبدالرحمن: اول شي فيكم شده وحماس للركض الكل:عادي عبدالرحمن:بنسوي مسابقتين الاولى للشباب في المسبح والثانيه للبنات منى:لا وين يازين اشكالنا قدامكم في المسبح عبدالرحمن:لا يالهطفاء انتم سباق عادي ندى:ماش مافي حماس طلع عبدالرحمن مفتاح سيارته وحطه ع طاوله صغيره : اذا وحده منكم فازت تاخذ المفتاح وتسوق بس مو هنا في البريه ندى:احلللللف عبدالرحمن: والله جاد ومحد بيردكم جمانه بهمس:قولي له موافقين دانه: والله صراحه مستحيه جمانه:لايكون من نادر ندى:اكيد ماتشوفينها متوزيه ورانا دانه:والله بنات مو قادره امشي اجل شلون تركض ساره: دندون ترا والله تتحسفين على هاليوم وبتمنين لو انك شاركتينا دانه: امري لله ساره: زين اننا لابسين بناطيل. ندى:هههههه عبدالرحمن:ها وش قلتوا ندى:خلاص دحوم موافقين نادر: طيب وحنا عبدالرحمن: لا حنا العكس اللي يخسر نحبسه ساعتين في غرفة الحارس خالد:ههههههههههههههههه فيصل: انا موافق نادر:ههههههههه وانا بعد عبدالرحمن:ها طارق انت وحمد حمد: ماعندي مانع طارق: مابقى الا انا اوك معكم عبدالرحمن يكلم البنات:نبي وحده امينه فيكم هي اللي تحكم ندى:انا انا خالد: لا ندى من يومنا صغار وهي خبيثه دور غيرها ندى بهمس تكلم اماني: الله ياخذ ابليسه تسمعين اخوك اماني:هههههههه والله هو ادرى هو عاش الطفوله معك شدراني انا ندى:هااا كش طارق: جمانه كبيره وعاقله اكيد بتكون امينه خالد صفر:ياااااهووووووه وجمانه انحرجت عبدالرحمن:جمانه موافقه جمانه بحياء: طيب نوف حست بنوع من الغيره بس هي خلاص شايلته من بالها ودايم تدعيلهم عبدالرحمن: وحنا من اللي بيحكم ع البنات خالد:انا ندى:وقسم اخبث منك مافيه طارق:ههههههههههه كفو يابنت العم ردتها بوقتها خالد: ههههههههه طيب يا ام قرون فيصل: خلاص انا الحكم عبدالرحمن: اوك اتفقنا يالله اول شي البنات خالد:بسرعه ياسحالي صفوا هههههههه نادر: لاتغلط فيصل:خلاص انطموا انا الحكم يلا بنات صفوا وتاخذون دوره حول المزعه اللي توصل اول وحده قاطعه عبدالرحمن: تعتبر المفتاح عندها وبكرا الصباح تسوق خذت كل وحده مكانها وهم ميتات ضحك وبدا فيصل العد وانطلقوا فيصل: شباب شوفوا هالخط اول وحده تدعسه هي الفايزه طارق:حلو اشر عبدالرحمن لنادر بحركه بحيث محد يشوفهم نادر فهم: شباب عن اذنكم بروح دورة المياه واخيرا سمعوا اصوات البنات جوا والشباب يضحكون عليهم كانوا المتقدمين فيهم جمانه ودانه ومنى عبدالرحمن:بسسسسرعه منى اول وحده داست الخط كانت منى ندى بتنفس بطيئ:غشااااشه عبدالرحمن:خلي عنك بس واصله اخر وحده انتي فيصل:خلاص مناوي الفايزه منى:يسسس نوف: مالي دخل قسم تعطوني سياره بسوق فيصل:ههههههه لا حنا قلنا الفايز حمد:يالله دورنا خالد:مستعجل ع السباحه والا السجن حمد: الله لايقوله بس ابي احس بانتعاش شوي طارق: يالله وين نادر مابعد جا حمد:لا بروح اناديه عبدالرحمن ارتبك: لالالا الحين بيجي دقايق وصل نادر خالد:حشى كل ذا حمام ندى: الا بينحاش الظاهر انا شايفته داخل الفله يوم نركض فيصل: وش عندك هناك عبدالرحمن:يلا يلا دورنا الهمه ياشباب فيصل: ايه يلا بسم الله نادر حمد ربي ان عبدالرحمن انقذه ................. شافته معرق خذت منديل بتمسح رقبته فتح عيونه فجأه ومسك ايدها: تعبتك معي جوري: والله كنت داريه انها اثار سخونه والغلط منك كل ماقال الدكتور تحس بشي قلت لا بس صداع وما استفدت الا بنادول مستشفى خايس تركي: طيب دفيني جوري: لاقوم نروح مستشفى ثاني تركي: تعباااان ابي الدفى بس مو ضروري المستشفى جوري: ع الاقل يعطونك شي يهديك تركي:اعرف نفسي ما اعرف استخدمه جوري: طيب تعال بحضني بقرا عليك بابتسامه: هذا دواي جوري:ههههه يعني كذا تركي: ان شاءالله بطيب جوري: بس تدري لازم تقاوم قوم امشي عشان مايزيد تركي: والله الحين مو قادر خليني بحضنك بس ............. هتفات البنات عاليه كل وحده تشجع واحد كان المتقدم نادر لان عنده لياقه بدنيه عاليه والباقي متساويين كان نادر شوي ويوصل الطرف الثاني من المسبح بس وقف وتقدم حمد بسرعه هائله ولحقوه الشباب والخسران اكيد نادر والشباب ضحك على نادر نادر: بسرعه الحقوني شد عضلي وجع عبدالرحمن:غرفة الحارس تستناك بلا شد عضلي نادر:قسم بالله جد طلعوه الشباب وطلع بالفعل عنده شد عضلي ومع شوية تدليك من عبدالرحمن راح الشد نادر:حسافه كنت بفوز طارق: ها شلون رجلك نادر: لا خلاص زال الشد طارق: زين الله لايهينك قوم نفذ الحكم نادر: طيب مردوده حمد: كلها ساعتين وتطلع عبدالرحمن: لا ساعه فيصل: والله مايقعد الا ساعتين نادر:زين ان المسكين ماراح يجي الا الصباح والا كان ازعجناه خالد:هههههههه لاتخاف بردها لهم وراح الغرفه سويعات جميله قضوها استطاع عبدالرحمن ادخال الفرح والسرور على قلوبهم وافترقوا وكلن يعلق ع المسابقه راح عبدالرحمن خلسه ورا نادر دخل عليه:ها بشر نادر: للاسف عبدالرحمن:آآخ تدري اني ماجمعتهم الا لهالغرض نادر:داري بس وش اسوي وماكان فيه وقت كافي عبدالرحمن: مافي وقت كافي والا مالقيت نادر:الاثنين.. وما ادري يمكن لو كان فيه وقت لقيت عبدالرحمن: يعني خطتي بائت بالفشل المشكله فرصه جهنميه لان تركي كان تعبان وهو العائق الوحيد لانه دقيق الملاحظه ومايطوفه شي نادر: عاد هذا اللي صار عبدالرحمن: طيب.. طيب.. .............. ندى:ياقلبي يا اخوي والله حرام ساره: بقوووه.. الله يعينه شد عضلي وسجن نوف: انا بروح اتسبح منى: اي والله كلنا يبي لنا نتسبح دانه:نداوي تعالي شوي قامت معها ندى ندى:هلا دانه:قلبي يعورني على نادر ندى:حركااااات دانه:بلا استهبال ندى: زين ماراح استهبل.. طيب وش اسويلك دانه:ودي اجازف ندى:شلون دانه:ممدري ندى: دندون لاتقولين بتروحين له صح انه اخوي بس عيب عليك وبعدين ندور مايحب هالحركات ومو بعيده تطيحين من عينه دانه:مالت لاتفهمين غلط ندى: واضحه.. اجل وش قصدك دانه: بسليه بدق عليه ندى:اهااا براحتك دانه:عادي ندى:هو يبيها من الله دانه:يعني عادي ادق راحت عنها ندى:هههههههه شوفي قلبك وش يقول لك فكرت دانه وقررت انها تدق بس ماشاله تحسفت انها دقت ثواني وشافت اتصاله ابتسمت بتردد: الو نادر: هلا وغلا دانه: ا ا ا وشسمه نادر:شفيك ليش خايفه دانه:مو خايفه نادر: اجل دانه: شلون رجلك نادر: يالبيه داقه تطمنين علي دانه:شرايك نادر:ابي اسمعها منك دانه: ايه داقه اتطمن عورني قلبي عليك نادر:فديت قلبك انا.. ولا بعد كنتي بتحرميني منك دانه: مو موضوعنا نادر:موضوعنا ونص تصدقين دانه والله اذا فكرت اني كنت بخسرك تصير الدنيا بعيوني سوداء دانه: كلنا كنا نكابر نادر: توووووبه ما اكابر على حساب نفسي دانه: اتمنى نادر:بس انتي تذكرين قبل يوم اكلمك يالبارونا دانه:هههههه نادر: ايه من حقك.. تذكرين وش قلت.. دانه:قلت لو تتأكد من اللي تحبها انها تبادلك الشعور ماراح تتردد تخطبها نادر: ايه نعم دانه: طيب كيف تأكدت نادر:سالفه طويله دانه:عادي قول وفرصه تقطع الوقت لين تطلع نادر: طيب بصراحه انا كنت قاعد جنب ندى يوم تكلمك عن الخطيب ولد ابو مبارك دانه: امانه نادر:اي والله وكانت حاطه ع السبيكر وسمعت ردك دانه:ودي اقول انا اوريها بس زين سوت اهم مافي الموضوع عرفت ردي نادر: وربك فرحان اكثر من اي يوم راح.. دانه وربي جد جد جد كنت بضيع لو اخسرك دانه: انا معك طول العمر نادر: ثاني يوم من رجعتنا الرياض بجي اخطبك رسمي سكتت نادر: وابي نظره شرعيه دانه: يعني ماقد شفتني نادر: الا بس حلاتها بها اليوم دانه: بكيفك نادر: خذيني على قد عقلي وجاوبيني على سؤالي دانه:اي سؤال نادر:تحبيني؟ دانه: انت عارف نادر:لا واللي يرحم والديك ابي اسمعها منك .. تكفين يالله جت هالفرصه دانه: ايه احبك نادر: وانا والله احبببببببببك من كل قلبي دانه:بس صراحه زعلانه منك نادر: ليه دانه:عشان يوم تاخذ الكتكات جرحتني بردك نادر: قهرتيني وربي وقام يقلدها لو انه نادر مارح اتنازل اردها له دانه:ههههههه نادر: بس عوضتك دانه:بايش نادر: بالمفاجأه دانه:اووووه احلى شي سويته من جد انقهرت في البدايه لان حمد جا قال لي جاك خطيب ومن هالكلام توقعت من طرف ام اماني نادر:انا قايل له روح اقهرها دانه:حرام عليك يعني كنتم متفقين علي نادر:ببركات عمي سطام والله ماقصر كان معنا في الخطه دانه: زبدةالكلام اليوم يوووووم ولا احلى بدايته كانت غلط بس ختمتها بالشي اللي كنت احلم فيه نادر: انتي بكبرك حلمي وامنيتي والحمدلله تحققت دانه: ممكن سؤال نادر: اسألي مابدالك دانه: ماخذيت مني موقف الحين لاني داقه عليك نادر: شوفي انا ماخذيته قبل عشان اخذه الحين ويمكن لو كنت غريب عنك بفكر هالتفكير بس انتي بنت عمي والكل داري نبي بعض وجهلنا خلانا نكابر.. عشان كذا بالعكس انا فرحاااااااااااان والله دانه:دوووووم يارب نادر: بقول لهم بكرا نرجع دانه:وليش نادر: مافيني صبر وابشرك بسوي ملكه على طول دانه: لا ويييين نادر: والله خلاص قررت تكفين لاترديني دانه:بس مايمدي ا قاطعها:الا يمدي بس رتبي اولياتك دانه: مدري قول لهم نادر: بكرا راجعين الله لايعوق بشر واليوم الثاني ملكتي عليك ابي احس انك ملكي دانه: والله حتى الحين ملكك نادر:فديييييييييييييييتك انا وقضوا هالساعتين مع بعض كنها دقايق كل واحد فيهم عرف الثاني اكثر ماتغيرت انفسهم كثير فكانوا زي الكتب مفتوحه عل بعض ............ رجعت جوري عند البنات ندى:فاااااااتك لعبنا جوري:ايه سمعتكم ندى:ليش ماجيتي جوري:الجلسه مع تركي بالدنيا ندى:يااااااااااارب اوعدني ساره:ههههههههه مشفوحه منى:ها جوري كيف تركي جوري:لا الحمدلله صار زين انا اتوقع الصداع من الاجهاد والشغل والتفكير وحاشته السخونه وكملت الباقي دانه:يمكن العقربه مسويتله شي بسخريه:قصدك رشا منى: ومن غيرها يمكن عندها شي يخصه وسوت له سحر جوري بثقه:صدقوني ارهاق وسخونه عادي وان شاءالله يطيب جمانه:بس تبون الصراحه ما اتوقع سحرته دانه: توقعي منها اي شي جوري: حتى انا متوقعه تسويها بس صدقوني تركي مافيه شي منى: وش دراك جوري:ادري وبس !! ندى: طيب فهمينا وش اللي يخليك تكونين واثقه كذا انها ماسحرته مثلا جوري بثقه اكثر وبابتسامه واضحه: ادري وبس .. وماراح تقدر تمس شعره وحده منه وعن اذنكم بروح انام!!!! ياترا وش اللي مغطيته جوري و وش اللي خلاها متأكده كذا ............ اليوم الثاني الصباح تحسنت حالة تركي وقبل مايروح عبدالرحمن مع ساره الشاليه اللي وعدها فيه راح بريه فاضيه وقريبه من المزرعه وعطى منى مفتاح السياره وطبعا ماتعرف تسوق بس مجرد انها تجرب وكان معها فيصل اللي كان يضحك عليها متناسي اللي في باله وبعدها راح الكل البحر مافيه احد واخذوا راحتهم وتركي استعاد نشاطه وكانت طلعه حلوه ع الكل يقولون كثر الزن يفك اللحام قعد نادر يزن عليهم ع اساس يرجعون الرياض وبالفعل وافقوا لكن بعد حطوا عشاء لام ريم واماني اللي اوفت بوعدها وزارتهم وحركوا واتجهوا للرياض راح اليوم الاول ودانه ونادر يعدون الدقايق لليوم الثاني وكان الكل على استعداد لها اليوم اليوم الثاني وصل نادر وابوه واخوانه وخواته وكان باستقبالهم ابو فيصل وفيصل وحمد وابو جمانه موجود قضوها سواليف عاديه لحين حضور ابو طارق وعايلته جوا وتكلم ابو تركي من الكلام اللي انتم خابرينه>>اختصار ^_^ ابو جمانه: اذا ماعليك امر يا ابو فيصل خله يشوف البنت ابو فيصل:حق من حقوقه فيصل قم معه يشوف دانه ابو جمانه:لا انا بروح اوديه قام ابو جمانه ووداه مجلس ثاني وراح للحريم من عند الباب: خلوا دانه تجي وقف عند الباب ينتظرها بس مابينت جت ساره:خالي تقول ماتبي مستحيه ابو جمانه: فيه احد في طريقي سارها:حريم عماني داخل ابو جمانه:سويلي طريق و راح لدانه:قدامي يلا دانه:خالي والله ما ابي ابو جمانه: ترا بشعرك اجرك لين عنده على كيفك هو تراها نظره شرعيه دانه:هههههههه ابو جمانه ابتسم:ما اعرف اعصب صح دانه:بقوووه ابو جمانه:اجل قومي قبل ما اسويها دانه: هههههه طيب وراحت وراه ودخلت المجلس وقعدت قبال نادر ابو جمانه:نادر هذي دانه شوفها اذا جازتلك فمن الله التوفيق واذا لا الله الرازق نادر:لا راضي فيها من قبل ابو جمانه:وانتي يا دانه هذا هو نادر اذا تبينه الله يوفقك واذا ماتبينه كيفك انتي حره في قرارك محد بيجبرك على شي وانا طالع خمس دقايق واجي طلع ماجد نادر كان يطالعها مبتسم فرحان باللي يشوفه كان شعرها اشقر مسيحته زي ماقلنا مثل جنيفر انستون لابسه تنوره بيضاء طبقات وحزام احمر وبدي احمر ومو حاطه شي في وجهها امها محذرتها عشان يشوفها ع الطبيعه نادر: ماشاءالله ماعنده وقت اتخيل انفسنا عقب هالعنا مانعجب بعض ونهون وهي ساكته مدنقه نادر:وش اخبارك دانه بصوت مخنوق:بخير وانت نادر:اذا بتصيرين زوجتي بكون بخير.. وسمعتي خالك محد بيجبرك راضيه فيني ومقتنعه صارت تهز راسها بايه ولا ومره ايه ومره لا مارست نفسها ع بر نادر مات ضحك:وشو ايه والا لا تبسمت: ايه مقتنعه نادر:اممم وانا بعد واسأل الله انه يوفقنا لما فيه الخير دخل ابو جمانه واخذ نادر وهي طلعت للبنات وصاكتها ام الركب ابو طارق: والله كان دونا لو ان فرحنا بطارق بعد اليوم ابو تركي: مستعجل اولدي طارق: وانا والله عندي التزامات بس هالشهرين ونجيك ياعم سطام ابو جمانه: لاتضغط نفسك البنت مو طايره ومادام ام فيصل عطتكم كلمه فهي لك الا اذا تراجع ابو طارق: لا والله موب متراجع هو شاريها ويبيها وياما ازعجني بس الظروف ماهي في يد الواحد ابو جمانه:صدقت وحياكم الله في اي وقت البنت بنتكم وطبعا اتفقوا على كل شي يخص نادر ودانه وكان تركي محضر كل شي وجايب معه المملك وعقدوا القران بعد العشاء راحوا بيوتهم حاول فيصل ان منى ترجع معه بس تحججت بطريقه لبقه ان عندها اغراض في بيت اهلها وتبي ترتبها عشان تجيبها وهو حاس بالذنب عارف انه هو السبب مسك جواله وفر الرسايل وهو بين مصدق ومكذب وش يسوي اللي بيكون بموقفه يحاول يهتدي لطريق بس مو قادر لان فيه حاجات لاعبه في مخه ............ في غرفة ابو تركي وام تركي ام تركي: حددتوا الزواج ابو تركي: ولدك مستعجل يبيه بعد شهر ام تركي:الله يهديه متى يمدي البنت تخلص اغراضها ابو تركي:ملزم يكون بعد شهر وانا ما ابي اكون حجره في طريقه ام تركي:الله يوفقه ............. . . . . .دخل ابو فيصل غرفة حمد وحمد سوى نفسه نايم اول ماسمع الخطوات الثابته من ابوه ابو فيصل:حمد استسلم ورد: هلا يبه ابو فيصل: اعذرني صحيتك.. بس شي بداخلي يبي يعرف وش كنت بتقول يوم كنا بالمزرعه من بعد ماجينا هنا ابي اصيدك لكن ماتنشاف حمد:هااا لا ولاشي ابو فيصل:انت كنت بتقول شي.. قول وانا ابوك مسوي شي انت حمد: لا يبه الله يسلم لي راسك ماسويت شي بس صراحه محتاج فلوس ابو فيصل: مو قلت مو محتاج حمد:هااا الا بس ماكنت ابي اضغطك وانا عرف ان وضعنا المادي مو ذاك الزود ابو فيصل: وراتبك؟ حمد: وش فيه ابو فيصل: مايكفيك؟؟ راتبك ممتاز وش بتحتاج الفلوس فيه حمد: واحد طالبني مبلغ وماحبيت احطها بخاطره وارده ابو فيصل: طيب وانا ابوك لاتشغل بالك وحنا نعين ونعاون لو كنا ع الحديده حمد:ماتقصر يبه بس خلاص دبرت له المبلغ مشكور ابو فيصل: ثاني مره اذا بغيت شي لاعاد اشوفك متنكد كذا انت علمني اذا عندي كان بها واذا ماعندي ادبرها من تحت الارض باس راس ابوه: ماتقصر يالغالي الله يخليك لنا ............... بعد اسبوعين تو ابو تركي راجع من الشغل ومعصب ام تركي:حياك يامحمد تأخرت واجد ابو تركي: مو كله من تركي مخلي الشغل علي ام تركي:حرام عليك حنا ماصدقنا هالصداع يروح عنه بلاه من الاجهاد والارهاق وقل النوم ابو تركي بحده: انا طالع انام ام تركي:والغداء ابو تركي:اطفحي بروحك ............. دق جوال عليها دانه: هلا والله نادر:هلابك زود ياكل الذوق دانه: اولا سوري ماكنت عند الجوال نادر:معذوره اكيد مارديتي مشغوله دانه:اي والله كنت اتمسكن عند حمد يوديني السوق ابي شغلات نادر: عادي اجي اوديك دانه: هو عادي وابوي وامي ماراح يعارضون بس ما ابيك تشوف مني ظفر لين الزواج نادر:امااا عاد دانه:ايه نادر: هذا شرعك والا متعارف عليه عند البنات دانه:لا متعارف عليه نادر:وش الحكمه دانه: امممم مدري يمكن عشان تتلهف لشوفتي نادر: من ناحية متلهف متلهف ابي اشوف الانسانه اللي بسكن معها تحت سقف واحد وبعيش معها طول العمر دانه: تصدق نادر نادر:وشو حياتي دانه: للآن مو مصدقه انك متملكين نادر:قصدك زوووووجتي وانا زووووجك ياحلو هالكلمه دانه:بالضبط نادر:لا ياعمري صدقي دانه: مالي الا اصدق ودق تلفونها الثابت اردفت:نادر قلبي هذي اماني تبي تروح معي السوق ممكن ارد عليها وارجع لك نادر:خذي راحتك ودقي علميني من بيوديكم اوك.. دانه:اوك ردت:هلا امونه اماني:اهلين ها جاهزين دانه:ندى ماردت لي خبر لاني قلت لها تشوف سواقهم اذا فاضي اماني: اه من هالبنت.. انا بدق على جوري دانه: بسرعه مو تزلبين انتي الثانيه اماني :افا عليك بس .............. جوري:تروك بروح السوق مع البنات تركي كان يفكر: طيب وانتي عارفه مكان البوك جوري: في وشو تفكر تركي: حاجه جوري:اهاا طيب وخر الحاجه ذي من مخك شغل وارتحت منه هالاسبوع فبليز لاتجهد راسك ماصدقت على الله راح عنك الصداع تركي: والله مدري مشغول بالي جوري: طيب يادب علمني تركي:حمد طالعت فيه بغرابه:حمد!! تركي:ايه حمد وشفيك؟؟؟ جوري:لا بس وش فيه تركي: ملاحظ عليه من مده متغير وسبحان الله يوم اتعب في المزرعه جاله عمي عندي الخيمه الا ويعلمه وش فيه جوري:وقال له؟؟؟؟!!!! تركي: كان بيقول بس حسيت نفسي منحط وانا اسمعهم بدون مايدرون عشان كذا قلت له قوم غطني جوري:يعني ماقال شي؟!! تركي:لا ماقال جوري:كل واحد ويتضايق يمكن فيه شي تركي:يمكن وجلست تفك علك معها جلس جنبها: وش ذا جوري: علك.. انا لازم اي علك اجربه تركي:ما احبه كثير جوري: انا عكسك تركي: انا ما احس بنفسي الا وانا بالعه ضحكت: زي الاطفال حط راسه على كتفها: ايه طفل انا طفلك جوري:فديت الطفل تصدق تروك ماشاءالله وجهك منور كثيييييير تركي:تدرين ليش لان نورك عاكس عليه جوري:ههههههه لا ماااا اقدر على كذا تمقل فيها تركي: تدرين وش يجذبني فيك جوري:وشو تركي:كل شي فيك وخصوصا ضحكتك اموت عليها جوري:اجل كل يوم بضحك تركي: ايه تكفين احس بانشراح بصدري جوري:طآآآآآيب.. وعطته علك :ماودك تجرب تركي:بشرط جوري:وش تركي:آخذ اللي بفمك جوري: بس كذا اوك.. وجت تطلعها تركي:لالالا خليها جوري: مو تقول تبيها اعتدل بجلسته وقرب منها: باخذها انا جوري:شلون تبسم بخبث: بطريقتي انحرجت: يوووه عاد تركي مسكها: حالف اخذها بطريقتي دنقت خجل ووجهها صار احمر تركي : طلعي بس طرفها وانا باخذها جوري: جريئ مره ياتركي تركي: مدري متى تقتنعين انك حلالي حتى ذي حارمتني منها ياشيخه خافي ربك رحمته وطلعت طرف العلكه قرب منها احتضن وجهها بكفوفه وباسها بوسه طويله واخذها منها تركي:خسرتي شي؟ ماردت عليه تركي: ماخسرتي شي ولانقص منك شي .. كثير تتغلين يادبه دق جوالها تركي:هذا وقته جوري: اماني وش عندها وردت:هلا اماني اماني: ندى جنبك جوري:لا ليش اماني: نبي سواقكم وهي واعده دانه عشان تبي السوق جوري: والله زين انا بعد ابي السوق انتي بتروحين اماني:قدام جوري: خلاص اجهزوا وعلمي دانه بنمركم اماني:اوك وقفلت تركي:ليييييش بتروحين وتخليني جوري:خلاص اجل بقعد تركي:لاياقلبي امزح.. روحي..وانا بروح الشركه عندي شغل متكدس بخلص كم شغله منه وارجع جوري:اوك غلاي .............. في السوق دانه: منى شوري علي وش اخذ من:وش ناقصك بالتحديد دانه: متلخبطه مدري والله منى: خلاص انا معك بعلمك وش تاخذين دانه:اهم شي يعجب نادر منى:اها على كذا نداوي مقربه منه تعرف وش يحب وش مايحب دانه:اجل انقذيني نداوي ندى: تعالي معي بس تكفين ادعيلي بزوج لو حافي منتف راضيه ساره:اعوووذ بالله يابنت اثقلي شوي ندى:تلايطي انتي خلاص مكتفيه اماني فاطسه عليها جوري:فشلتينا قدام اختي ندى:ماعلي من احد ابي اعرس حالي حالكم ياختي نوف: ومن بياخذك مطفوقه اماني:عادي تاخذلها مطفوق البنات:ههههههههههههه ندى:ترا بالشنطه على راسك اماني:وانا بوكس يطير ضروسك جوري:اقوووول يلا كل وحده تروح الحل اللي تبي ندى:ههههههه الله فكك مني اماني مبسوطه على عفويتها:ايه هين وتوزعوا دانه وندى ومنى مع بعض وساره ونوف مع بعض وجوري واماني مع بعض اماني بعفويه: ليش ماتروحين معهم جوري:وين اماني:شوفي اسم المحل وانتي تعرفين جوري قرأت اسمه وتلعثمت: اماني توك صغيره على هالخرابيط اماني:ماعاد فيه احد صغير الطفل وهو الطفل صار عقله وافكيره هالكبر جوري:بهذي صادقه اماني: على فكره بنت خالي انا اللي رحت معها اقضيلها حاجاتها جوري: وش عرفك اماني: كنت اروح اول مع بنات خالي الكبار تقدرين تقولين تعلمت شوي منهم جوري:اهااا اماني:ها تبين ذوقي جوري: لا لا شكرا اماني: جوري انا ماحبيت اقولك بس ترا كذا مره اذا جيت عندك وطلبتي اجيب لك شي من الدولاب صراحه ما اشوف هالنوعيه من الملابس لاتعتبرينه تطفل اط لقافه بس جد شي محير جوري: فطينه اسم الله عليك اماني: مو مدحا في نفسي لكن اكثر مما تصورين جوري: شوفي امونه انتي اختي وبقولك على سر اوعديني يكون بينا وقالت لها بموجز بسيط عن اللي صار والخلافات الاولى وانها للآن زوجه على ورق اماني:معقوله كل ذا يصير لك..طيب امي هيا تدري؟ جوري:لا بس منى اماني:احسن مافي الامر ان هالاشياء كلها زالت وقلوبكم صارت على بعض جوري:بفضل الله.. والله ماكان لي نيه اقول بس انتي يام راس جرجرتيني في الحكي بس بيني وبينك مابيه يطلع اماني:انعن راسها وش قالوا لك جوري: لا بس احرص عليك اماني تجس نبضها:سؤال ورا ماتطلقتي ليش صابره عليه طول هالمده جوري: وشووو اتطلق؟؟ اماني تحسم الامر:بس خلاص انتي جد تحبينه.. ومادام تحبينه اسمحيلي اقول لك ولو انه مو من خصوصياتي عطيه حقوقه جوري"اعطيه حقوقه" اماني:هييييه انتي شفيك احاكيك جوري:هااا اماني:جوجو شوفي بقولك شي وكيفك اذا تزعلين جوري:قولي امري لله اماني:اذا ماتبينه تطلقي .. اما انك تحرمين الرجال من حقوقه وانتي اربع وعشرين كاشخه.. ياشيخه لو انه لوح كان نطق . .تراه له احاسيس ومشاعر وزين مادورها بالحرام .. جوري" يدورها بالحرام لالالا اركي مايسويها" اماني:يحووول احاكيها وهي سرحانه جوري:معك والله معك اماني:زين انك معي بقولك شي مهم اصحي تنسينه ترا اذا تمنعتي تعطينه حقوقه الملائكه تللللللللللللعنك عارفه يعني وشو تلعنك جوري منصدمه من حاجتين الاولى رجاحة عقل اختها وتفكيرها بالرغم من صغر سنها والثانيه ماكانت تحسب ان تمنعها بيجر هالاشياء فخافت كثير طبت عليهم ندى: وش عندكم هاااا اماني:ابد جوري تبي حركات الدلع لتركي جوري بققت عيونها ندى: اوك امشي مع اني اشك بتستفيدين مني من تو البنات كرشوني ههههههه اماني:هههههههههه يالله مشينا ومشت معهم جوري وتحس نفسها منقاده وراهم اماني: بنات ادخلوا وبلحقكم بشتري هالفستان قبل لاتسبقني عليه وحده من البنات جوري: اوك المحل قريب دخلوا المحل وجوري خلاص بتت في الامر تبتدي الحياه مع تركي خلاص مافيه شي يخوفها تعديل وتعدل ومو مقصر معها بشي وبكل رباطة جأش وجرأه كانت تقلب في القطع كلام اماني يرن في اذانها كل ماتاخذ راي ندى قالت:مدري عنك يمه فشله بتلبسينه كذا تعقدت كل ماجت تشتري شي ما ايدتها ندى جوري: ندى ياحماره وليش جايه ديكور ندى:مدري تصدقين انا بنفسي مستحيه اطالع هالملابس عشر دقايق وماشرت شي جت اماني وبيدها الكيس اللي فيه فستانها اماني:هاا خلصتوا؟ جوري:ماخذيت ولاقطعه ندى عقدتني ندى:والله جد مصاخه هالملابس.. والا اقول اسألي منى او ساره اماني:جوري ماعليك منها تعالي معي وكان ذوق اماني روعه عرفت تختار المناسب وكانت تقول لها هذا البسيه يوم كذا وهذا يوم كذا وهذا يبيله شوية تعديلات خلصوا وبعدها جت جوري تحاسب اماني:هيييييه انتي وش تسوين جوري:وشووو يعني بحاسب اماني:اقول مناك بس لا كف يطيرك ندى:لبا ابو الشباب خليه يدفع جوري: لا كفايه عليها تعبتها معي والله اماني: انا بدفع انتهى جوري:لا والله مايحتاج وربي عندي وو قاطعتها اماني ومدت الكردت كادر وتكلم اللي يحاسب :خذ حسابك جوري:مدري وش كنت بسوي من غيرك اماني:عشان تعرفون ان العقل مو بالسن ............... عبدالرحمن: عقلي افتر من جد ياليت تركي مو موجود نادر: بيجي يوم ويطلع عبدالرحمن: ابي اعرررررررف نادر: ياخبر اليوم بفلوس بكرا ببلاش عبدالرحمن: من جدك انت مافيني صبر اللي صار كبير لازم نلقى طريقه نادر:احسن شي نقول لتركي عبدالرحمن:انسى.. تركي لاتجيبه في السالفه موقفه حساس ومانبي مشاكل نادر: وش نسوي طيب عبدالرحمن: مدري.. بفكر وسمع اصوات البنات عبدالرحمن: ساره جت بروح نادر:خيخه تباع ساره ههههههههه عبدالرحمن:سقها نشوفك ياتباع دوينه نادر:هههههههههههه ........... ام تركي تكلم منى اللي دخلت اخر وحده: منى فيصل جا ياخذك ومالقاك .. انتي ماعطيته خبر! منى:لا ام تركي:ليش يايمه منى:لاتشغلين بالك الحين اكلمه ام تركي:انا ابيك في عيوني لكن اليوم ترجعين معه وما ابي اعذار فيصل متربي على ايدي وما ارضى فيه منى:يمه انتي ماتدرين ام تركي:ولا ابي ادري .. حبيبتي لاتتهربين من مشاكلك.. وين منى اللي تحل مشاكل غيرها اشوفك منتي قادره تتصرفين لنفسك منى:والله معك حق.. انا بكلمه وارجع ام تركي: لا انا مزينه شوربه وسنبوسه وادامات يحبها قلبك كلي معنا والله يسهل عليك منى: ليش وش الطاري ام تركي: كنت صايمه وانتم طلعتوا بعد المغرب وتوكم تجون ابي آكل معكم منى:من عيووووني يالغلا ............... عبدالرحمن: مابغيتي تجين بسرعه ضميني ساره: انا اللي جايه انت ضمني عبدالرحمن:هالبنت بذبحها ماعمرها قالت ابشر سم ان شاءالله ساره:هههههههه عبدالرحمن: صراحه بتزوج قررت ع الاقل احس بالدلع شوي ساره: دحيم ترا زعلتي شينه قسم بالله اذبحها اللي تقرب عبدالرحمن: كفووو ساره: امش اضمك قال يتزوج عبدالرحمن:هههههههههههههههههههههههههااااااااي ضحكت سااره عبدالرحمن: الله لايحرمني منك من جد توسعين الصدر قربت منه وضمته مارا افكك لين بكرا عشان ماتتزوج عبدالرحمن: ضميني اكثر وانا اهون ساره:هههههههه طماع.. دقت الخدامه عليهم عبدالرحمن:مين الخدامه: حطي عشاء ماما قول انزلوا عبدالرحمن: طيب ............. الكل قاعد ع السفره تريقه وضحك بين تركي ونادر وعبدالرحمن ام تركي: يالله لاتحرمني من جمعتكم نادر: والله كننا برمضان تركي: فعلا اجواء رمضانيه ندى: ان شاءالله مايجي رمضان الا وهالسفره عليها ضيوف ام تركي:الله يسمع منك عبدالرحمن:اول مره ندى تقول شي صح وجوري وساره يضحكون من تحت الجلالات ام تركي: منى وين عيالك منى: ناموا.. انتي مسبحتهم ام تركي: ايه فديتهم واكلتهم بعد منى: الله لايحرمنا منك يمه وابو تركي من هذا كله ماقال كلمه كانت اعصابه مفوره خلصوا العشاء وحطوا قهوه وشاي والتموا حول بعض جوري جلست شوي واستأذنتهم طلعت فوق وقلبها يطق طبول حسمت الامر تدخل عالم الزوجيه وطلعت القمصان اللي شاريتها وكانت قمة الخجل حتى من نفسها اخذت شور واستشورت ولبست واحد منها كان روعه عليها وله حطت بارفان على جسمها وشعرها اخذت نفس ودقت على جواله تركي:هلا جوري جوري: ليش ماطلعت تركي: انتي استأذنتي قلت يمكن تبين ترتاحين او تنامين جوري: طيب اسمع تركي: لبيه جوري: شاريه قميص نوم وله اربطه من ورا ماعرفت اربطها تركي بهمس: قميص نوم جوري: ايه اطلع شوفه قفلت ومسكت على صدرها تحس نبضات قلبها بتشقه:يمه وش سويت انا ياربيه فشله والله.. وراحت توزت في غرفة الملابس دخل تركي: ها جوري وينك.. جوري.. جوري جاه الصوت من داخل:تركي تعال هنا راح تركي لها وانصدم من اللي يشوفه حاس انه بحلم جوري عارفه انه ماراح يعرف:تعال ساعدني ماعرفت اسكره تركي:هاااه طيب.. وقرب منها مو عارف اصلا يسكره بس المنظر قاده لها غصب عنه جوري : تعرف تركي ماوده يقول لا وتنتهي هاللحظه:بحاول جوري شالت شعرها كلها ولفته على قدام وبان ظهرها كللللله بشكل واضح: سهل تراه انا بعلمك وانت طبق تركي يبلع ريقه مهما كان هو رجال وهي زوجته .. واتبع تعليماتها وكان شعور غريب تملكه .. خلص ولفت له جوري:ها شرايك حلو تركي كان يطالعها مو قادر يسيطر على نفسه يبي يثني على جمال جسمها بس خايف يلقى صد منها وبلحظه ضعف اقترب منها حيل: ااا.... قطع عليه صوت جواله وطلع بسرعه من غرفة الملابس كان يحمد ربه انه ما انجرف والخوف الاكبر خايف تصده مع انه كان ينتظر هاللحظه وجوري تنهدت تنهيده طويييييييييله غمضت عيونها تبي تتحكم في تنفسها مو قادره.. انتظرت خمس دقايق وطلعت وراه شافته منسدح وماسك الجوال ووده يكسره بسبب الرسايل جوري كانت منحرجه منه بعد اللي صار قبل شوي بس استقوت وبينت انه عادي: وش فيك تركي:لا بس فيني النوم جوري:لا تو بدري تركي مرتبك: لا مو بدري حط الجوال وغمض انسدحت جنبه واتكأت على يدها اليمين كانت تطالع فيه. حطت يدها على صدره جوري:مقرر تنام؟ تركي:ايه لعبت بسكسوكته تركي حس بتوتر بس ضبط نفسه:ترا اذا مافيك نوم وبتنزلين عند البنات عادي جوري بدلع:اممم لا ابي ننام سوى ونصحى سوى.. تركي: جوري انتي بعقلك جوري: انا حلالك ياتركي كان متفاجئ من ردها لفت وعطته ظهرها ووصله ريحة عطرها له سرت قشعريره بجسمه حاول يقاوم بس ماقدر لف عليها وقرب منها وضمها له حست بحرارة انفاسه في رقبتها كان تنفسه سريع جوري خافت وحست انها تسرعت التفتت له كانت بتقوله انا خايفه بس بمجرد التقت نظراتهم لثم ثغرها.. شعوره بين مصدق ومكذب جوري الحين باحضانه.. هالقبله كأنها جسر تواصل بينه وبينها كانت جسر وصلت مشاعرهم لبعض للمره الثانيه قطع عليهم صوت بس هالمره كان الباب.. كره تركي اللي جا في هاللحظه بس طنش مو قادر يسوي كنترول على نفسه.. اللي برا كان يدق الباب بصوره مزعجه.. تأفف بعصبيه وبعد عنها وغطى نفسه.. قامت جوري وكومة مشاعر مختلطه تحس فيها.. خذت جلالها وفتحت الباب ندى:تركي صاحي؟ جوري:وش فيه كان وجه ندى متغير:ابوي يبيه جوري:خلاص انا اقول له ندى:بسرعه الله يخليك.. وراحت جوري حست بخوف وش اللي صار جوري:تركي تركي مارد جوري: امداك نمت تركي من ورا اللحاف :جوري ترا حدي معصب جوري مامنعها خوفها انها تتبسم ودها تضحك على شكله:طيب انزل عمي يبيك تركي:وش يبي جوري:مدري تو ندى قالتلي يبيك بسرعه قام تركي: يااااا هالليله... بدل ونزل ............. نزل الصاله وتنحنح ام تركي: تعال البنات رقوا يريحون دخل شاف امه وابوه وعبدالرحمن وندى تركي: وينها منى ونادر ندى:منى اخذها فيصل ونادر فوق التفت لابوه: آمر يبه شفيك ابو تركي: وش عندك فوق استغرب:بنام ابو تركي: الساعه كم طالع ترركي الساعه اللي كانت بالجدار:9ونص ابو تركي:بتنام الحين تركي:اي والله تعبان.. امر بغيت شي ابو تركي:يعني بتصحى بدري تركي:ان شاءالله ثار ابو تركي: نايم الحين ؟؟ والشركه مايطلع الموظفين منها الا 11 وانت اللي يقالك راعي الحلال تاركه وبتنام الحين تركي: بس هالاسابيع حيلي مهدود والا اليوم داومت ومن بكرا ان شاءالله يبه بداوم من 7 لين 3العصر.. ابو تركي: والليل من بيقابل الحلال ان شاءالله عبدالرحمن: يبه وانا وخالد وفيصل وطارق... ابو تركي:وليش هو موب رجال والا جايزتله القعده هنيا مثل الحريم دلوعة امه تركي انحرج:يبه انت وش تقوووول ام تركي:ندى اطلعي فوق .. ماتبي هيبته تنزل من عيون اخته ..وطلعت عبدالرحمن:تركي ياخي خلاص.. والتفت لابوه والله يبه الاسابيع اللي راحت ان تركي شايل الشغل كله على راسه ام تركي:يا ابو تركي تركي ماعاد هو بزي قبل الحين عنده حرمه يعني زين انه يداوم من 7 الصباح لين 3 العصر ابو تركي:مو شغلي انه ماقدر يوفق بين شغله وزواجه تركي:انا ماقصرت في شغلي ولاتنسى انت من اجبرني ع الزواج والحين يوم رضيت فيها تبيني احقرها طول اليوم واقابل الاوراق ابو تركي: تداوم غصب عليك وجوري ماهيب طايره عايشه معززه مكرمه وش تبي بعد تركي: ودي لو مره تتفاهم معي بهدوء .. ودي لو مره تشكرني بعد اللي سويته لك .. يبه انت ليش كذا نسيت وقفتنا معك والحين اطلب الرحه تسوي بي كذا اسمح لي ماراح اقعد وطلع.. وطلع عبدالرحمن وراه يهديه ام تركي: انت كل شي عندك تجبرهم وتامرهم ابو تركي:انتي وش تقولين يامره عطيني شي واحد بس انا اجبرتهم فيه ام تركي تبكي:دايم تقول هالجمله والله يا ابو تركي مابيك تزعل مني انت داري عمري مازعلتك بس الحق ينقال.. كل شي عندك اوامر والا تفرض عليهم اشياء مايبونها وخااااااصه يعني شف عندك تركي اقرب مثال زوجته غصب عليه مع انه كان من حقه يختار شريكة حياته بنفسه ماهو عيب ولا حرام.. ابو تركي:يعني جوري ماهيب كفو يعن... ام تركي تقاطعه:والله كفو وشيخة البنات وكل وحده تتمناها لولدها بس انت قايل اعطيك شي واحد على انك تجبرهم والانسان ينغصب على اي شي الا الزواج ابو تركي:يامره انتي بتجنيني وش هاللي قاعده تقولينه.. انا اجبرت تريك لانه مايعرف مصلحته ام تركي:رجال طول وعرض فاهم و واعي اكيد يعرف مصلحته واكثر واحد بعد يعرف مصلحة غيره في كل شي وانت بنفسك تعتمد عليه بعد الله واخر دليل يوم تضيع الورقه ابو تركي:لطيفه اسكتي عني خلاص وفارقي ام تركي:انت ماتعصب بالطريقه ذي الا اذا كنت غلطان.. بحياتي ماغلطتك بس تجي على تركي ماراح اسكت واللي يصير يصير مو كفايه سلبته حقه انه يقرر مصيره ويختار طريقه.. وجاي الحين تلومه بعد ماتزوج وتبيه يكرس حياته للشغل ابو تركي عصب:وبعد تغلطيني اصلا كلكم ماتعرفون مصلحتكم لوما انا كان ضعتوا وبالذات تركي اللي ماسكه راسك فيه ام تركي ترفع صوتها: ترا ماهوب صغير عمره 30سنه يعرف مصلحته ويقدر يتخذ قراراته بنفسه.. ولو اخطأ في قراراته هو المسؤول عنها.. المهم علينا اننا نوجهه ونخليه يختار ابو تركي بسخريه:انتي يالجاهله توجهيني وتعلميني مصلحة عيالي ام تركي:والله ماغيرك الجاهل والا وش نفعتك شهاداتك ابو تركي استجمع قواه وبكل قوته عطاها كف مسكينه طاحت ع الكنبه وانصدمت اول مره يمد يده عليها صح هو قاسي معها بس طوال زواجها فيه ماقد رفع ايده عليها وانصدم نادر اللي توه نازل شاف ابوه واقف والشرر يتطاير من عيونه وامه قاعده ع الكنبه وكان تنفسها بطيئ ووجها احمر نادر:يبه وش سويت ابو تركي طنشه ويكلم ام تركي اللي كانت مبققه عيونها من غير دموع:معك شهادة الثانوي وجايه تعطيني دروس ومواعظ مو كفايه علي متحمل جهلك ياجاهله .. لا وبعد تقارنين نفسك فيني انا وين وانتي وين.. الغلط مني ماخذ وحده مو من مستواي والله بتضيعين عيالي بعقليتك نادر ماتحمل الوضع وصرخ في ابوه:يبه مو عيالك وحدك حنا عيالها ونفتخر فيها ابو تركي:ا ياقليل الحيا وترفع صوتك علي عشان هذي نادر قاطعه:هذي امي وام تركي وام عبدالرحمن وام منى وام ندى عيالها مثل ماحنا عيالك .. حتى في هذي تبي تتملكنا لحالك ورفع ايده بيعطي نادر كف لكن ام تركي قطعت عليه بصرخه قويه ومحزنه تقطع القلب طلعت منها وطالعوا فيها لقوها يالله تتنفس وماسكه على صدرها نادر مسك ايدها:يمه وش فيك.. ام تركي تبي تتكلم مو قادره ابو تركي قعد جنبها حس بندم فظيع:لطيفه وش فيك تكلمي ام تركي دموعها تنساب على خدودها وصار وجهها ازرق نادر دمعت عيونه:يمه وش تحسين فيه.. يمه واللي يخليك ردي ابو تركي :قم قم جيب عبايتها خل نوديها المستشفى .. طلع نادر زي الخبل تركي شافه اللي كان قاعد مع عبدالرحمن في المجلس طلع على طول تركي:هيييييه نويدر وش فيك نادر يلهث :امي تعبانه بجيب عبايتها .. وهبوا الشباب للصاله شالوها وحطوها بالسياره عبدالرحمن كانت معه ندى اللي سمعت اصواتهم واصرت الا تروح وهي تبكي وساره وجوري كانوا ورا والسياره الثانيه ابو تركي يسوق ونادر اللي اصر انه مايسوق هو وتركي قعدوا معها ورا كان تركي يدلك يدها وخايف مره وابو تركي كان بنفس الحاله وازود ونادر اكثر واحد كان متأثر ومنهار.. سمعوها كأنها بتقول شي ابو تركي مرعوب:وش تقول؟ نادر:مدري ماهي قادره تنطق ام تركي تهمهم تركي:يمه خلاص لاتحكين اهدي الحين نوصل ام تركي بصوت متقطع:ترركي تركي دموعه تنزل:سمي ام تركي: سامحني يمه انا ماوقفت معك تركي عرف قصدها:والله يمه اني راضي فيها الحين.. والله مرتاح معها والله وفقني والسبب رضاك يالغاليه ام تركي:ولا اوصيكم على ندى ابو تركي زاد في سرعته:اذكري الله يالطيفه اذكري الله ماله داعي هالكلام ام تركي:ابو تركي ابو تركي دموعه تنسكب انسكاب على خدوده:سمي يالطيفه ام تركي تنفسها صار ضيق: الله يسامحك دنيا واخره نادر انهار وبكى في حضنها:يمه واللي يعافيك لاترهقين نفسك ارتاحي ولاتتكلمين ام تركي ماسكه على صدرها وعيونها شاخصه تركي:يمه يمه افتحي عيونك الحين نوصل وصلوا الطوارئ وعلى طول جوا بالعربه حقة الاسعاف ............. فيصل:لاحول ولاقوة الا بالله من قال لك ابو فيصل:عمك تو قال لي وانا وامك رايحين المستشفى وانت بطريقتك قول لمنى فيصل ارتفع صوته:يبه شلون وش اقولها ابو فيصل:تصرف يافيصل منى كانت بالمطبخ سمعت صوت فيصل يقول وشلون وش اقول لها خافت ودخلت وعيونها عليه .. تمت واقفه فيصل ارتبك قام لها وقعدها ع السرير وقعد جنبها منى خافت اكثر:وش صار وش ..اللي وشلون تقول لي فيصل ضمها:هدي نفسك حبيبتي ماصار الا الخير منى تبعده عنها:فيصل الله يخليك قول اهلي صار لهم شي ابوي صار له شي فيصل ماقد انحط في هالموقف ومايدري شلون يتصرف:منى ياقلبي ابوك مافيه الا العافيه بس خالتي شوي تعبانه الحين نروح نتطمن عليها منى:امي وش فيها وش صار لها فيصل رجع ضمها:استهدي بالله الحين اوديك وتطمنين عليها..اووك حياتي.. منى:طيب بقوم البس ............ بالمستشفى كان الكل موجود هذي الغاليه ام تركي ياما ساعدت الكل والحين هم جايين عشانها كان نادر جالس باول كرسي وحاط ايدينه على راسه وجالس قدامه خالد يهديه وعبدالرحمن لاف الغتره على وجهه بدون عقال وحمد معه منى تبكي وفيصل قاعد جنبها يهديها وامه من الناحيه الثانيه تقرا عليها وندى منهاره وام طارق ضامتها على صدرها والبنات حولها وتركي رايح جاي بالسيب شاف ندى مره حالتها صعبه راح عندها تفرقن البنات وضم اخته:امي تبي تقوم ان شاءالله بس ادعي لها .. ندى متمسكه في اخوها جوري قعدت جنب دانه دانه: وش صار لخالتي لطيفه جوري:والله مدري كنت فوق وسمعت صوت ندى تبكي نزلت اشوف قالت امي تعبانه وجينا هنا وجرت دموعها على خدها لان ام تركي تعتبرها امها الثانيه تحبها لابعد درجه ام طارق:جوري يمه اذكري الله مو زين الصياح الحين وتركي لازالت ندى في حضنه تبكي بحرقه اخر شي شال شماغه وغطى على عيونه واهتزت اكتافه بدون صوت عبدالرحمن مسك ندى وقعدها جنب ساره تهديها عبدالرحمن:تركي قول لا اله الا الله توك تهدي ندى تركي بصوت مخنوق:هذي الغاليه ياعبدالرحمن الغااااااليه قام ابو فيصل وراح لتركي ومسك وجه تركي:تررررركي تركي غمض عيونه تمنى ان اللي فيه كابوس وبيصحى منه وبعدها بيتعوذ من الشيطان ويرجع ينام بس قطع افكاره صوت ابو فيصل:تركي اسمعني زين فتح عيونه وتأكد انه على ارض الواقع ابو فيصل ركز في عيونه:امك بتقوم بالسلامه ادعوا لها بسس وفجأه جا ابو تركي وقال بصوت هادئ: تركي هدي نفسك انت الكبير خلك اقوى من كذا عشان خواتك يستمدون منك القوه اول ماسمع نادر صوت ابوه شد على شعره وطلعت منه ااااه مكتومه كان اكثر واحد تعبان لانه شاف امه ويدري باللي صار والسبب اللي جابها المستشفى طلع الدكتور قام الكل ابو تركي:بشر دكتور الدكتور:ذبحه صدريه مفاجأه والواضح اول مره تجيها بتأثير صدمه قويه.. نادر ماشالته رجوله قعد ع الارض تركي مستغرب''صدمه'': ذبحه صدريه .....وصدمه قويه.. الدكتور:اه والحاجه ماتحملت.. نادر:ااااااااااااااااه تركي مسك الدكتور:تعال انت وش تقول الدكتور نزل راسه:البقاء لله منى:يمممممممه لااااااااا.. ضمها فيصل خايف عليها ندى انهارت:امممممي رااااااااااااااحت لااااااااااا يممممه طلبتك لاتخليني وتروحين يمممممه ما اقدر اعيش من دونك.. ااااااااااااه يايمه حبيبتي لاتروحين تركي:يعني خلاص امي راحت ماراح ترجع ماراح نشوفها بعد اليوم... ياااااااايمه ليته انا ولا انتي لييييييييييييييته انا وقعد في الارض مع نادر وضمه وبكوا من قلب اشكالهم تحزن عبدالرحمن غطى وجهه بغترته وبكى بكاء مرير :الله يرحمك يمممه الله يرحمك والكل بكا على فراق ام تركي القلب الحنون اللي ماقد غلطت على احد وابو تركي جالس ع الكرسي يحس سكاكين تقطعه من تأنيب الضمير نادر ماسك في تركي ويبكي:امي راحت ياتركي راحت وخلتنا تركي يبكي بحرقه مو قادر يتكلم جا حمد وخالد وفكوهم عن بعض وقوموهم عن الارض حمد:تركي استخلفوا خير فيها نادر راح وقف قدام ابوه:ارتحت الحين..خلاص ارتحت؟؟ ابو فيصل:ولد عيب تكلم ابوك كذا مو كفايه اللي هو فيه ابو تركي يمسح دموعه بطرف شماغه:خله يا ابو فيصل خله نادر بوقاحه:ايه اكيد بتقول كذا لانك انت السبب عبدالرحمن ماتحمل وقاحة اخوه على ابوه:نااااادر كفايه اللي صار لنا نادر يطالع في عبدالرحمن ويأشر على ابوه:تدافع عنه والله انه سبب موت امي سمعها كلام ماينقال وضربها وهي ماتحملت اللي صار لها اندهش الكل تركي رفع راسه:ضربهااااا!! نادر يبكي:ايه وماخلا كلمه ماقالها لها انتي جاهله.. ومو من مستواي.. والله ياتركي حرقها حرق بكلامه وكمل بالكف اللي خلاها تطيح ابو فيصل مسك نادر وطلعه معه بالقوه تركي وعبدالرحمن وندى يطالعون ابوهم اما منى ماتحملت واغمى عليها ابو تركي تم ساكت وكان ابو طارق خايف عليه لايلحق مرته . . . . نهاية البارت قراءه ممتعه *سر جوري! *سر حمد! *قصة منى وفيصل! *سر نادر وعبدالرحمن! *موت ام تركي! *اختفاء رشا! فرحوني بتوقعاتكم عليها.. وش وراهم هالاشخاص . . .. .. .. |
البارت((25)) والاخير . . . . . . بعد مرور شهر من وفاة ام تركي دانه ونوف كانوا ينامون عند ندى مايبون يفارقونها دقيقه طول وقتها تبكي مافارقت غرفة امها دقيقه تشم ريحة هدومها وحاضنتها بس تسلت عقب هالشهر مع البنات ورضت بقضاء الله وقدره عبدالرحمن كان يداوم ويرجع البيت ينام ماله خلق احد وساره كانت تهيئ له سبل الراحه تقديرا لحالته وطبعا ماتخلو مواقفهم من خفة دم ساره اللي كان يبتسم عليها رغم المعاناه اللي مرت عليه نادر من غرفته للمسجد ومن المسجد للغرفه رافض اي احتكاك مع الكل.. حتى اتصالات دانه مايرد عليها شوفته لامه تموت قدام عيونه منغص عليه عيشته منى كان فيصل جنبها و واقف معها واثبت انه يعتمد عليه في المواقف اللي زي كذا .. وعيالها قدروا يسلونها بس كل ماتذكرت امها فرت دمعه من عيونها وابو تركي من بعد ام تركي ماصار يدخل البيت كل مكان فيه يذكره بأم تركي وطول وقته ونومه واكله وشربه في الخيمه وكان ابو طارق وابو فيصل يطلون عليه يوميا وتركي استقل بشغله وناوي بعد يستقل في بيت بروحه بس يبي ندى تتسلى شوي وينقلون ............. يوم جديد ام طارق اللي كانت في بيت ابو تركي تجي يوم عن يوم:جوري فيه وحده تبيك ورافضه تدخل جوري: من هي ام طارق:قومي شوفيها راحت لقتها واقفه سلمت عليها:عظم الله اجركم وغفر لميتكم جوري: صوتك مو غريب علي.. انتي؟!! الحرمه:ايه السموحه مادريت والله والا لو اني سمعت الخبر بوقته كان جيت جوري مو مستوعبه وحبت راسها: صراحه والله مدري شلون اشكرك انتي واقفه معي باتصالاتك من مده في مواقف كبيره واخيرا تحققت امنيتي وشفتك وربي جميلك بشيله طول عمري فوق راسي والله يمدني بالقوه وارجعه لك الحرمه:يشهد الله اني ما ابي شي وانا وقفتي معك خالصه لوجه الله سبحانه جوري: وربي كفيتي و وفيتي وانا والله ان طال عمري ماغير ارده لك الحرمه تبكي: انا ما ابي شي من هالدنيا الا حاجه وحده ومستحيل تحقيقها جوري:لاتبكين ياخاله ان شاءالله ابيض وجهي قدامك الحرمه: فديتك.. يلا انا استأذن جوري: ادخلي ياخاله الحرمه:ولدي برا مستعجل جوري: الله معاك وبينا اتصال كالعاده الحرمه:ان شاءالله وطلعت جت جوري بتدخل قابلها تركي شافت الشحوب بوجهه تركي: جوري التفتت له:هلا تركي: من هذي جوري: معرفه قديمه ماقصرت جت تواسينا وتعزينا تركي:جزاها الله خير جوري: وين كنت تركي: بمكتب العقار شريت لنا بيت كلها ايام وننقل جوري:صادق تركي: ايه.. وشال ايدها وباسها واردف: وتكفين بدون اسئله لاني ماراح اتراجع جوري: مايخالف على راحتك بس كان صبرت شوي تركي: لاتخافين موب الحين بننقل جوري: اللي تشوفه ............ نوف:قسم بالله بقوه كاسرين خاطري دانه: الله يجبر كسر انفسهم ماينلامون دخل حمد:السلام عليكم البنات:وعليكم السلام حمد: دانه شوفيلي اكل جوعان دانه: الحين اقوم نوف: حمد دق عليك واحد يقول يبيك ضروري حمد:ماقال اسمه نوف:اسمه غريب نسيته بس اتوقع قال لقب حتى ضحكت في نفسي عليه حمد:لقب؟ نوف: ايه بس نسيته.. اووووه تذكرت قال الفقير الى الله حمد ارتبك:انا طالع طلعت دانه بالاكل:تعال وين واللي جبته لك حمد:ما ابيه ما ابيه وطلع دانه:شفيه نوف:مدري عنه ........... كانت جالسه بالصاله مع عيالها منى: بسم الله مالك خمس دقايق طالع نسيت شي فيصل: انكب زيت السياره علي ببدل واطلع منى قامت معه: ابقوم اساعدك راحت معه الغرفه وطلعت له ملابس في اثناء ذلك جته رساله قراها وتهالك ع السرير منى:شفيك مارد عليها وتم ساكت منى: هذا حالك من تجيك رساله تتغير علي ياخي قدر اللي انا فيه ان كان بحياتك وحده ثانيه فهذا مو وقتها فيصل: وش تقولين انتي منى:اللي سمعته.. انا كنت اسدي نصايح للكل وعلى قول امي الله يرحمها انا عاجزه في مواجهة مشاكلي واني القى لها حلول فيصل: ممكن اتكلم منى: تتكلم وش بتقول خلاص الكلام ماعاد يفيد ا لله يهنيك معها فيصل: مجنونه منى: صدقت لاني بالرغم من هذا ماراح اطلع من البيت ع شان عيالي بس والدور اللي فوق خذه لها ع الاقل تاخذها بالحلال احسن من اللي تسويه فيصل: تصدقين اني فرحان هاللحظه لدرجه ماتتصورينها منى: اكيد بتفرح انسانه ساذجه مثلي تسمح لك بالزواج قام لعندها وضمها منى: لو سمحت فيصل وخر فيصل: انا مكتوب لك وانتي مكتوبه لي واسف والله والله والله اسسسسف منى مستغربه:على ايش فيصل: الشيطان ماخلى احد في حاله لعب في مخي وربي اسف منى:طيب من ايش لاتجنني فيصل: قسم خجلان اقولها بس آسف اني شكيت فيك منى:انا تشك فيني؟؟! فيصل: والله حتى اني ما اصنفه شك شك.. ولو اني شاك مره كان واجهتك منى: شوف انا بسكت وبسمع اللي عندك ابي افهم وش اللي صار فيصل:انا اعلمك... دايم تجيني رسايل عنك وانك مو مضبوطه سكت بيشوف ردة فعلها ومنى ماردت تبيه يكمل فيصل:عشت بعذاب الرسايل ماتجيني الا اذا طلعتي.. منى:وليش ماواجهتني فيصل: كنت مكذب اللي يجيني بس الكتمان اثر على نفسيتي وودي لو اواجهك بس جد خجلان لان مو انتي اللي تسوين كذا بس الشيطان شاطر لعبها صح تكفين مناوي سامحيني هذي اول غلطه اغلطها معك وبإذن الله آخر غلطه منى بكت:وياكبرها غلطتك فيصل:منى حتى سيدنا ادم افضل البشريه غلط وعرف غلطه وعفى ربي عنه.. و الله محد معصوم عن الغلط منى: ممكن اعرف وش اللي خلاك تغير النظره فيصل:هالرساله توها جتني منى خذت جواله قبل مايقراها لها "يا اخ فيصل زوجتك المصون في احد عندها في البيت ا ستغلت عدم وجودك في البيت وواعدته.. انا خايف على مصلحتك وبصير اوافيك بالاخبار لين تطلقها لانها للاسف ماهي كفو" منى:وهذا اللي رجعك فيصل:شفيك منى الرساله جتني قدامك منى: يعني هذا مراقب البيت وعارف تحركاتك ومايحسبك بترجع سبحان الله خيره يوم ينكب عليك الزيت فيصل: الشي المحير من له مصلحه منى: انا بعمري ماقد غلطت على احد وانت بعد مسالم مع الكل فيصل: يمكن وحده من صديقاتك حاقده عليك منى:مستحيل كل صديقاتي يحبوني لاتشككني فيهم فيصل:من جد غريبه منى: آآآخ شلون ماجت في بالي فيصل:مين منى:اكيد رشا الحيوانه فيصل: رشا مين منى: زوجة منذر,, صديقة دانه فيصل:رشا صالح ؟؟!! وليش تسوي كذا فينا منى:الحماره لاني عرفتها قدرها اصلا هي واطيه فيصل:حبه حبه وش السالفه منى: خلاصة الكلام كانت خوية تركي وانا اكتشفت كل شي فيصل: امااا منى: والله ياما وراها بلاوي ومو بعيده اتفقت مع واحد يراقبنا فيصل: هذي يبيلها احد يوقفها عند حدها الحمدلله ربي فضحها منى: والحمدلله هالرساله جت وقتها فيصل:تصدقين منى طول ما انا عايش بعتذر لك وصدقيني ندمان منى: تتوقع اسامحك فيصل: بالحالتين استاهل.. لو ما سامحتيني استاهل لاني مفروض ما اخلي الكتمان يدمرني والشيطان يلعب بي.. ولو سامحتيني استاهل لاني زوجك وحبيبك وابو عيالك والله شاهد انك كل حياتي ولو اني مثل اي رجال كان سويت من الحبه قبه وكبرت الموضوع وانتي اكبر من كذا.. حبك بقلبي خلاني اتجاهل الرسايل لكن ارجع واقول الكتمان هو اللي خلاني سلبي معك والا لو واجهتك من البدايه ماصار الا صار بس وربي مستحي من نفسي اسألك انتي سويتي كذا منى لا رد فيصل: هااا وش ردك لاتعذبيني قامت منى من عنده وطلعت لحقها: وين منى: شفيك فيصل:افهم انك بتتركيني منى: وش رايك فيصل: اه بس منى: ممكن اقول لك كلمه فيصل: بتدمريني بعد تفضلي منى: لاعاد تعيد هالحركه والا طيبة قلبي بفقدها بسببك شالها من فوق الارض وصار يدور فيها:يعني مسامحتني منى تضحك: فيصل نزلني والله دخت نزلها:جد مناوي سامحتيني منى:ايه بس زي ماقلت لك لاتعيدها حنا من بداية زواجنا بنينا كل شي بينا ع الصراحه و قاطعها: واوعدك ع الصراحه طول ما هالراس يشم الهواء ............. دخلت ندى عليها قفلت بسرعه ندى:اسفه جوري:لاعادي كنت اكلم خالد ندى:جد الخبر اللي سمعته جوري: اي خبر ندى:بتروحون وتتركونا دخل تركي: عبدالرحمن وساره عندكم وبعد نادر ندى: تركي لاتروح يعني خلاص امي ماتت بتتفرقون ابشرك حتى نادر بيطلع من البيت اذا تزوج ضمها ومسد على شعرها: ندى حبيبتي ماراح نقطعك واعملي حسابك كل يومين بجي اخذك تقعدين عندي جوري: فديتك ماراح تحسين اننا فارقناك ندى: اللي يريحكم اهم شي اشوفكم تركي: بتشوفينا ياقلبي ندى: اسفه مره ثانيه جوري قطعت مكالمتك مع خالد تركي:خالد ندى:ايه ماكنت ادري انها تكلمه تركي:خالد كان معي له ساعه ماشال الجوال جوري ارتبكت ندى تصرف: لا الظاهر قالت اماني مدري صرت الخبط... وطلعت تركي يتفحصها بعيونه: وش السالفه جوري:سمعتها قالت متلخبطه تركي: جوري حبيبتي انا شايف مكالماتك كثيره مو عادتك جوري: اكلم اخواني وامي من بكلم يعني تركي: حياتي لاتفكرين اني شاك بس الله يهديك ارتباكك مو في صالحك جوري: مرتبكه لاني اشوف بنظراتك شي عجزت افسره تركي: ولو فسرتي حطي في بالك اي شي الا اني شاك فيك.. ل اني لو شاك فيك مسكت جوالك وشفت المكالمات جوري دق قلبها وبثقه : ادري مو شاك فيني ومن حقك تاخذ جوالي في الوقت اللي تبي تركي تبسم: لامايحتاج واثق فيك اكثر من نفسي واردف: انا بنام شوي.. تبين شي قبل انام جوري:نوم العوافي خش بفراشه جوري" الحمدلله لو انه ماخذه وشاف الرقم الغريب وشاف انه ولا اتصال صادر لاهلي كان صارت علوم.. يارب لك الحمد" تركي: جوري خافت:هلا تركي:جايع اذا يمديك تسويلي شي جوري بوجه بشوش: من عيوني بس بخليه بالصاله عشان الريحه تركي:مشوار انزل جوري:لا بالصاله اللي هنا واخوانك مو فيه تركي:اذا كذا اوك اختفت نص ساعه ودخلت الغرفه جوري:تركي تركي: لبيه جوري:يلا قوم راح معها الصاله وكان اكله مو ذاك الزود بس اسم انه يسد جوعه جوري لاحظت عليه واكيد ماسوى كذا الا عشان امه فما حبت تنغص عليه تعشوا وخلصوا وانسدح ع الكنبه.. شالت الاكل ورجعت قعدت جنبه تركي:ااااي جوري:وشفيك تركي:جسمي يوجعني جوري:والله حرام اللي تسويه في نفسك من توفت خالتي الله يرحمها وانت ذابح نفسك تركي بحزن:الله يرحمها جوري حست انه تضايق:تدري شلون قوم معي تركي:وين مسكت ايده و ودته الغرفه جوري: بسوي لك مساج عشان اعصابك تسترخي شوي تركي:ماراح اقول لا وراح معها الغرفه وسوت له مساج وهو حس انه خدران تركي:والله من غيرك مدري وش بسوي جوري مبتسمه: لاتسوي شي انا اللي اكيد بسوي تركي:وشو جوري:اول شي ابيك توعدني تركي:على جوري:انت اوعدني وبس تركي:اخاف اتوهق لاماراح اوعد ضحكت جوري:اجل انت الخسران تركي:لا خلاص وعد بس على ايش جوري:انك تعدل جدولك وماتجهد روحك ترا لنفسك عليك حق واذا شفتك تعدلت بسويلك مفاااااااجأه تركي:والله سويت كذا عشان ماتذبحني الافكار.. صدددددعت بي الافكار جوري: طول ما انا جنبك لاتفكر في شي واذا جت في بالك خالتي ادعي لها بالرحمه بس تركي:ان شاءالله.. اه ياجوري انتي ماتدرين وش كانت بالنسبه لي جوري: مو بس لك.. لنا كلنا وربي للان مو مستوعبه انها.... تركي:ماتت.. اه ياقو هالكلمه الواحد مايحس فيها الا اذا فقد له شخص ومو اي شخص جوري:تركي لاتقلب المواجع على نفسك كذا بتتعب حالتك وانا حمدت ربي انك رضيت بقضاء الله تركي: والله راضي بس هذي امي ياجوري جوري: ترحم عليها فديتك تركي: الله يرحمها رحمه واسعه جوري: طيب حبيبي ماقلت لي وش المفاجأه تركي:ايه صح وش المفاجأه جوري:اول شي اعتبر انك وعدتني هز تركي راسه بالموافقه.. جوري:اوك.. وقامت تركي: تعالي وين ..وش المفاجأه جوري: من اسمها مفاجأه ماراح اقولها تركي:شف تبوسمت له وطلعت وفي بالها تجيب له بنادول يخفف الصداع دق جواله طنشه شكل اللي يدق تعب قام قفل شال جواله شاف رقم رشا ياكثر ما ازعجته.. "خلاص طنشتها هذي ماتحس وش تبي".. جته رساله فتحها كانت نفس الرسايل اللي قد ارسلتها كلها توسلات انه يرد لكن هالمره فيه اضافه حلفته براس امه يرد اذا دقت دق جواله ثاني مره خلاه يدق وبعدها رد تركي:خير رشا:افاااا تركي:وش عندك رشا:وحشتني تركي:ايه وبعد رشا:انا ريوشتك تطنشني كل هالمده تركي:اخلصي وش تبين رشا:اول شي عظم الله اجرك تركي:اجرنا واجرك مع السلامه ولاعاد تدقين رشا:لحظه لحظه تركي تركي:ياااااااذا الليل وش تبين انتي ..خلي عندك دم رشا:انا ادري انك باقي تحبني تركي:بأحلامك رشا:تركي حبيبي خل قاطعها:لو سمحتي انا انسان متزوج والشخص الوحيد اللي له الحق يقول لي حبيبي هي زوجتي وبس رشا: دايم تكابر طيب ممكن تسمعني تركي:اسف رشا:بس خمس دقايق وانا متأكده بتغير رأيك تركي داري انه ماراح تغير رايه بشي بس يبي يسمعها عشان ما ترجع تزعجه:عندك خمس دقايق لا اكثر رشا: انا فهمت كل السالفه وكنت اتمنى ترد علي عشان ا عتذرلك انا يوم كلمتك وانت في لندن وانهيت اللي بيننا كان بسبب سوء فهم .. تركي:اهاا رشا:انت وعدتني حتى لو تتزوج بتضل لي لحالي ووعدتني ماتلمسها وانا وعدتك اكون لك بس سوء الفهم اني سمعت البنات يتكلمون عن اثار ايدك على جوري تركي فهم ان قصدها يوم يمسكها مع زندها اذا عصب رشا:عشان كذا دمرتني الغيره وفسرتها بانها اللي انت خابر وحسيتك لحظتها انك كذاب وخاين لكن يوم سمعت جوري تشكي لمنى وانا والله ماكنت قاصده اتجسس عليهم بس القدر ساقني اني اسمعهم سمعت جوري تشكي منك وانك معذبها وشايفه منك الويل والله فرحت لاني تأكدت ان الاثار ماكانت الا نتيجة ضربك لها تركي:فرررحتي؟؟؟ رشا:ايه لاني تأكدت انك منت طايقها وانك لازلت تحبني وتموت فيني تركي ياخذها على قد عقلها:طيب وليش تزوجتي رشا:ابوي اجبرني ولقيتها طريقه عشان اقهرك تركي:حللللووو رشا:ايه ياعمري بس تطلقت وهو راح في حالسبيله عقب اللي صار لبنت عمك رشا:اهااا تطلقتي عشاني؟ رشا: خلنا من الماضي انا رجعت لك وكلي شوق وانا داريه انك تبادلني نفس الشعور بالذات عقب ماسمعت انك طحت في المستشفى بسبب فراقي تركي:شوفي ما اكذب عليك اني تعبت وتدرين وش جاني.. جتني صدمه عصبيه كنت بروح فيها لأنك ماتركتيلي فرصه ا عرف وش فيك وكنت ابي اعرف ليش بعتي ايام حبنا بهالسهوله احلامي ضاعت ونفسيتي صارت في الحضيض لا اكل يهنالي ولانوم يحلالي ولا اي شي كل تفكيري كان فيك احيان افكر في الاسباب اللي ابعدتك عني واحيان انا من نفسي ادور لك تبريرات واقول ماهمني الا انها ترجع وبحتويها ... رشا:ياعمري ياتركي والله حاسه بالذنب تركي: مفروض تحسين بأكثر من كذا رشا: تروك حبيبي كل المسأله طلعت سوء فهم خلنا نرجع لبعض انت تبيني وان ابيك لاتخلي قوه بالارض تفرقنا.. تركي: جيتي متأخره رشا: لا تكفى تركي لاتخلي سوء الفهم يهدم اللي بيننا تركي:للأسف يا أخت رشا تدرين كلامك زادني اصرار على اني اتمسك بالموقف العدائي تجاهك رشا:اخت؟؟!! وموقف عدائي؟؟!! تركي: انتي بعتيني بسبب سوء فهم اجل لو كانت مشكله او عشتي اللي عاشته جوري معي وش بتسوين رشا: انت نسيت انك ماتحبها وهي ماتحبك تركي:اذا بإعتقادك انها ماتحبني ترا ماكانت مجبوره تصبر علي وانتي ياللي تقولين انك تحبيني تخليتي عني بسبب تسرعك.. وعلى فكره لو تفتحين قلبي ماراح تلافين الا جوري ما أحب الا هي ومستعد افني حياتي لها رشا تبكي: ادري من ورا قلبك تبي تعطيني درس عشان ما اتعودها وانا والله اسفه والله ما اتعودها تركي: المشكله هذي ثاني مره.. تذكرين ايام ماكنت ادرس برا وش سويتي رشا وتعالى نحيبها: والله خلاص تعلمت من هالدرس بليز تركي انا محتاجتلك تركي:من ناحية درس هو درس لكن تتعودينها مو مهم عندي انا اللي يبيعني برخيص ابيعه بتراب.. ووقتك انتهى.. وقفل ونام وهو مرتاح جوري اللي رجعت عشان تعطيه البنادول لأنه مصدع سمعت كل شي وكانت بتطير فرح بحياتها ماقد فرحت زي هاليوم ..ا ستانست تركي يقول يحبها وشطب رشا من حياته ورفعت ايدينها ''الله يسعدك ياسميره انتي ومنى'' ........... . . . . . . حمد:خلاااااااص بتصرف هي معها حق -:........ حمد: اليوم فرصه هم يتجمعون بعد وفاة ام تركي في بيت عمي كل بعد ثلاثه ايام -:........ حمد: على قولك لازم تبان الحقايق -:......... حمد:اوك ومثل ما اتفقنا -:......... حمد:الله يسهلها .............. كلهم كانوا مجتمعين عند ابو تركي في الخيمه سوالف عاديه وتكاد تكون ممله بس مؤازره لابو تركي تواجد الكل عشانه مرت ساعتين ثلاث على نفس الموال سمعهم حمد فتحوا موضوع المصالحه ومن هالكلام فاتجرأ وتكلم حمد: يبه انت والحاضرين بسألكم ابو فيصل: وش عندك حمد: ابي اسمع رأيكم بشغله ابو جمانه:قول نسمعك حمد: لو انا اخطيت في حقكم بخطا كبير بتسامحوني اذا اعتذرت ابو جمانه: اكيد بنسامح تركي:صح في البدايه بتصير توترات بس في النهايه نبي نسامحك حمد: وانت عمي عبدالله ابو طارق: ان الله غفور رحيم حمد: وانت ياعمي محمد ابو تركي: ابسامحك لوجه الله طارق:وش السالفه حمد: انا غلطت غلط جسيم وابيكم تسامحوني كل واحد في الموجودين يطالع الثاني ابو فيصل: وش سويت ياحمد قول حمد: حبل الكذب والدس قصير وانا راضي باللي تحكمونه علي تركي: لاتقول انت اللي اخذت ورقة تأمين ابوي سكت حمد ابو تركي: انت ياحمد؟! ابو فيصل: واخزياه انت اللي خذيت الورقه دخلت جوري متغطيه ومعها الحرمه تفاجئوا الرجال وش عندها عصب تركي:جوري وش مدخلك عند الرياجيل ها وقام ومسكها بيطلعها جوري:ترررركي اصبر شوي ابو جمانه:مع انه عيب اللي سويتيه بس خلها ياتركي تتكلم ابو طارق:تركي خلها وانا عمك جوري مايطلع منها تصرف بدون ماتدركه ومن هالحرمه اللي معك جوري: وحده الحين بتعرفون قصتها جلس تركي والغيره تاكل فيه هذا عرضه و واقفه كذا قدام عيال عمه جوري: تركي اطلع والا اتكلم؟ مادر عليها مستحقر الحركه اللي سوتها جوري :خلاص بطلع ومسكت ايد الحرمه وتوجهت للباب تركي: قولي اللي عندك رجعت جوري : انا ادري انه عيب اللي سويته بس انا جايه هنا باتفاق مع حمد تركي انصدم:يعني المكالمات اللي الكثيره مع حمد ابو تركي: اي مكالمات جوري:لاتطلقون احكامكم ولاتتسرعون خلوني اقول اللي عندي كل شي كل شي ابي اطلعه اليوم ولا اني احس ان تركي شاك فيني طارق: قولي ياجوري بنشوف آخرتها جوري: هالحرمه اللي تشوفونها داخله على الله ثم عليكم تنقذون لها بريئ شخص متأكده من برائته.. والتفتت لابوها :يبه وش موقفك منها لو تنصاك ابو طارق: اذا صادقه احلق ذا ويأشر على شنبه اذا ماوقفت معها طبعا بوجود البراهين والاثباتات جوري:هذا شبيه بموقفي الحرمه هذي عندها اثبات ان هالشخص بريئ وانا ابي اساعدها وتقدرون تقولون هي بنفس الوقت ساعدتني حتى قبل لا اسدي لها خدمتها تركي: جوري لاتعصبيني اكثر لاتتكلمين بالالغاز جوري: الحرمه ذي ام ايمن او بالاصح اخت منذر استغرب الكل وصار فيه همهمات في المجلس طارق:وش جايبها هنا بعد ها ابو جمانه يسكتهم:خلونا على قد كلمتنا وخلو البنت تكمل جوري: اللي جابها انها متأكده من براءة منذر ام ايمن: والله العظيم منذر بريئ من دم ريم براءة الذيب من دم يوسف ابو طارق بكل ركاده : وش اللي خلاك تقولين كذا خالد:اكيد عشان ينفذ بجلده من القصاص طارق: من حسن حظه انه مصاب باختلال عقلي يعني يا ام ايمن ليش تبرئينه جوري:خاله قولي اللي عندك لاتسكتين ام ايمن: منذر مافيه الا العافيه ا لحبوب اللي تناولها ما اثرت على عقله هو جته غيبوبه بس الحمدلله استعاد وعيه وطلعه الوالد برا خوفا عليه من القصاص لاننا متأكدين من برائته وشاكين يطلع منه هالتصرف ابو فيصل: خذينا على قد عقولنا وجاوبينا الاوراق اللي قدمتوها للمحكمه اللي تثبت جنونه ام ايمن:هذا واحد الله يجزاه خير من اخوياه يشتغل بالمستشفى كان متيقن مثلنا انه بريئ وتولى امر هالاوراق خالد:شلون بريئ وريم ماتت لانه حشرها بجرعات زايده فوق طاقتها الله يحشره بنار جهنم ام ايمن:لا ياولدي لاتدعي عليه لكن يحقلك تتسائل وتقول كذا وانا والله نفس اللي فكرت فيه.. صحيح منذر اعترف لي انه ماعطاها الا ابره وحده مدري ليش سوى كذا والغلط راكبه من راسر لرجوله لكن فيه احد كان يتجسس عليه وحاك ضده مؤامره وكإنتقام ذبح ريم عشان التهمه تلبس منذر خالد:انتي وش تخربطين ابو طارق:خالد الحرمه كبيره في مقام امك احشمها خالد:اسف بس يبه هي قاعده تألف روايه ام ايمن: انا حرمه كبيره صايمه مصليه واخاف الله ا سألوا عني والله مايختلف اثنين في الحكم علي عشان كذا مستحيل اكذب.. صدقوني منذر بريئ والسبب في موت ريم رشا حسبي الله عليها تركي:رشاااا؟؟؟!!! ام ايمن:ايه رشا دايم تدق علي تتشمت وتتبجح انها قدرت تحرم منذر من السعاده زي ماحرمها من الخلفه اذتني باتصالاتها وجا يوم دقت علي وايمن ولدي كان موجود وسجلها تركي بدا يصدق: وين التسجيل طلعت ام ايمن التسجيل بجوالها ام ايمن: جوري شغليه ما اعرف له شغلت جوري التسجيل وجاهم صوت رشا: وجه الانسانه المسالمه اللي تقابليني فيه خليه ينفعك انا الحين دريت انك تدرين بعمايل منذر معي والحين ذوقوا اللي ذوقتوني اياه ام ايمن: انتي ماتتعبين من هالاسطوانه رشا: ولاراح اتعب لازم اذكرك وينه فيه منذر بمصحه عقليه وان تشافى بيقصون رقبته ويحرمونه الحياه مثل ماحرمتوني الضنى ياحثاله ام ايمن: الله لايشمت اعداك فيك قولي امين رشا:انكتمي بس وعلى فكره انا ايدي طايله والله لا اجيبه ياخذ القصاص ام ايمن: هذا شرع الله ومافيها شي ياخذ جزاه مع ان قلبي يتقطع عليه رشا بقهر كان واضح من صوتها انها ماقدرت تقهر ام ايمن فانرد عليها القهر: تبين تعرفين شلون ايدي طايله طال عمرك كلها كم ريال وادفعها ويسوون اللي ابيه ام ايمن بسخريه:ماشاءالله وش سويتي رشا: ابد خليت واحد يراقب منذر ويعرف مكانه مع هاالواطيه ريم ام ايمن:حرام عليك البنت ميته رشا: جينا لمربط الفرس تدرين ان منذر ماذبحها وانا وصيت هالشخص يدخل الفله وقلت له يحرق الفله كأنتفام بس دق علي وقال فيه وحده فيها قلت اكيد هذي من البنات حقاته وقالي وجنبها ابره قلت لها دور على الابر وين حاطها فيه وماقصر دورها وقلت له يفضيها بجسمها كل ابووووها ام ايمن:حسبي الله عليك الله لايوفقك والله اني لأبلغ الشرطه رشا بضحكه مزعجه: من بيصدقك يامخرفه اصلا مافيه دليل... وقفلت بوجهها ابو طارق ماسك راسه:ول ول وش اللي سمعته خالد: وش يثبت ان ذي رشا جوري بثقه: الا صوتها انا اعرفه طالعها تركي باستغراب جوري: الحين صدقتوا ان منذر بريئ ام ايمن:بريئ من دمها والا الباقي هو لازم ياخذ جزاه مع انه والله طيب تركي: انا بعد اللي سمعته صدقت انه بريئ بس اسمحيلي اقولك مو طيب لان فعايله شينه ورديه ام ايمن: يعلم الله انه طيب صحيح انه ينجرف ورا ملذات الدنيا بس هو يضل انسان في جانب خير مهما تعددت مساوئه ابو تركي: طيب جوري انتي وش موقعك من هذا كله جوري: اولا حمد ماله يد بالورقه فز نادر بقوه: قسسسسم بالله ادري وكنت شاك فيك انا وعبدالرحمن رجعت نظرات الاستغراب تعلو وجوههم تركي يبلع ريقه: نادر وش تقول نادر: شاك مليون بالميه وكنت ابي دليل بس للاسف ماقدرت عبدالرحمن: حتى يوم كنا في المزرعه جمعتهم نلعب عشان يروح يفتش باغراضها عن اي شي بس ما امداه تركي:انهبلتم انتم جوري: معاهم حق وانا برضه كنت عارفه انهم شاكين فيني.. وكنت بتستر ع الموضوع بس شكوكهم وشكوك تركي ضدي ونفسية حمد اجبرتني اقول ابو تركي:خليك من هذا كله انا بعرف شلون خذيتيها من المكتب جوري: من حرصك على شغلك كنت تتكلم عن اشغالك قدام الكل وعن مكان الورقه وهذاك اليوم بالذات كانت الورقه في البيت تركي:ماهقيتها ياجوري تخونين ثقتنا فيك جوري:مو انا اللي اخون ثقة احد ابو تركي: اجل وش تسمينه هذا جوري: آخذ حق اختي منك مسكينه عاشت مظلومه وماتت مظلومه ابو تركي:تاخذينه بهالطريقه جوري: هذا اقل شي اسويه لها تركي: انتي اللي بنيتي المسجد والدار جوري:ايه انا تركي: شلون قدرتي وانتي ماتطلعين من البيت وان طلعتي يامعي يامع البنات جوري: منذر ماقصر بواسطاته قدر يساعدني بهالورقه تركي:هذ اخرتها ياجوري تتفقين من وراي مع رجال غريب جوري: لاتفهم غلط تركي:شلون ما افهم كل شي واضح ام ايمن:جوري بنت حمايل ماتخونك انا كنت اوصل اي شي بينهم ابو تركي: عال العاااال والله تركي:يعني هو اللي عطى سامي الرساله يسلمني اياها حمد: انا اللي عطيته!!!!!!؟؟؟ تركي:انصدم انت ياحمد حمد:ايه انا كنت بسوي اي شي لعيون ريم عمي حرمني منها وساعدت جوري بالمهمه تركي يضرب راسه: شلون طافني يوم قال حواجبه كثيره شلون ماجيت في بالي ابو تركي:اي رساله وش تقولون انتم فيصل يصرف عمه: ماعلينا من هذا نبي نعرف ياحمد كيف اتفقت مع جوري حمد: منذر اول ماسافر دق علي في البدايه رفضت اسمعله لانه بنظري هو وعمي اللي حطموا احلامي.. لكن شفت اصراره وسمعت اللي عنده كان ندمان كثير وحاط في باله انه هو اللي ذبح ريم وقال لي هو مستعد يسوي اي شي عشانها انا وبكل صراحه كنت ناوي اخسر عمي اللي وراه ودونه واسحب فلوسه واحتفظ فيها ابو فيصل:بكل بساطه تقول كذا حمد: كنت ابي احسسه كيف الخساره تكون بس منذر رفض وطلب مني اي شي غيره بعدها بكم يوم دق علي وقال انه ارسل اخته ام ايمن لجوري وجوري برضه ما أيدتني ع الفكره بس كانت تبي طريقه عشان نخسره مبلغ بسيط واقترحت تبني فيه دار ومسجد ابو طارق: جد ياجوري انتي جوري: ايه نعم ومو ندمانه تركي: طيب شلون قدرتوا تتصرفون بالورقه حمد: جلسنا ايام نفكر ودق علي منذر وقال لبعض الشركات ورقة ائتمان واذا شركتكم عندها ارسلوها لي وخلوا الباقي علي.. وقلت له ما ادري رجع ارسل ام ايمن تتصل عليها وتكفلت جوري بالمهمه خذتها من البيت وعطته سايقهم يوصلها لايمن وايمن ارسلها لواحد من اصدقاء خاله ومنذر ماقصر خالد:عن نفسي مفتخر بجوري طارق:كفووو والله انك بنت رجال والباقي ساكتين ابو جمانه: والله مدري وش اقول كنا نتوقع اي احد الا ان جوري تكون ورا هذا كله حمد: بسوي حاجه اخيره وبعدها احكموا باللي تبونه ابو فيصل:سودت وجهي ياحمد وش ظل ماطلع تركي:اصلا هي خاربه وش بتسوي حمد:ثواني.. وطلع ودخل ووراه منذر بهي الطلعه طويل عريض المنكبين بالرغم من انه كان وسيم الا ان الشحوب مغطي وجهه.. وكان بيده شنطه ماتكلم واحد منهم بكلمه.. كانوا يطالعونه راح منذر صوب ابو تركي وابو طارق وجلس قدامهم موطي راسه: انا غلطان ومعترف وخذوا حقكم الحياه مانيب كفو لها ام ايمن: والله انه بريئ حرام عليكم قام ابو طارق ورفع راس منذر: قلتها اول والحين بقولها ان الله غفور رحيم ارفع راسك والله يسامحك دنيا وآخره حب راس ابو طارق وعيونه مدمعه والتفت لابو تركي بدون مايتكلم قام ابو تركي ووقفه وصاروا متقابلين وجها لوجه ومنذر منزل عيونه ابو تركي بحده: طالع فيني والكل خايف من وعلى ابو تركي طالعه منذر بنظرات كلها ندم ابو تركي:امك حيه مندز مستغرب من السؤال:لا ابو تركي : الله يرحمها والله انها جابت اطلق رجال عرف يلقني درس طول حياتي ما انساه ام ايمن بكت وتهلل:الله يجزاك خير ويوفقك يا ابو تركي انت وابو طارق الله يعوضكم خير ويجعل هالغفران في ميزان حسناتك ابو تركي: وهذي حبة راس قسم بالله اللي سويته بينحفر في مخي حفر ومستحيل عقبها اظلم احد والله ياخذ روحي قبل ما اخطي هالخطوه وحلال اللي خذيتوه مني مفروض واحد من اخوانها والا عيال اعمامها مسويه منذر: عسى عمرك طويل وهذي الشنطه فيها كل ريال خذيناه حمد: ومبلغ الخساير عندي وفلوسكم ورجعت لكم ابوتركي:علي الحرام ماترجعون ريال ومن بكرا بكتب املاكي باساميكم كلكم تركي:منذر ممكن سؤال منذر:تفضل تركي:بكل ذمه وامانه وش خلاك تسوي هالاشياء منذر: الندم تركي:لكل انسان نقطة تحول بس انت اكيد احد مأثر عليك منذر: والله العظيم كنت متوقع السؤال تركي:متوقع منذر:ايه تركي: كيف منذر: مشاري قال لي تركي مسك راسه: وش هالاسرار اللي اسمعها اليوم ياناس انا بحلم والا بعلم منذر: انا رحت اتعالج في لندن وكان دايم يزورني وكان يلقي علي مواعظ في البدايه كنت كاره وجوده لكن بعدين ارتحت له وعرفت انه صديقك سمعني كلام جارح وين خوفك من الله وليش و وين عقلك.. بعد ماشفيت كان ياخذني للمسجد وانا كنت انتظر يقول اللي عنده آخر شي قال لازم تسلم نفسك ما اكذب عليكم خفت لكن قلت له ابسوي اي شي لريم قبل مايقصون فيني ابو تركي: الله عليك يامشاري يعني انت جاي تسلم نفسك منذر: انا جيت وفي نيتي كذا لكن بعد مادريت ان رشا الكلبه ورا كل شي ابيكم توقفون معي داري ما استاهل بس.. قاطعته ام ايمن:والله انه يعز علي اقول كذا بس لازم اقول انت صحيح بريئ من دم ريم لكن الاشياء اللي سويتها لازم تاخذ جزاك فيها منذر يستعطفهم:عادي وبسلم نفسي بس اقصد بوقفتهم معي انهم يشهدون لصالحي اني ورب البيت مو انا اللي قتلتها والدليل التسجيل ولاتنسين بعد اني سويت اشياء خير لهم وبدون منه انا بطريقتي عرفت ان رشا راحت عند اكثر من ساحر ع شان تسحر تركي وتتملكه والله تعبت راحت حياتي كلها وانا يا اما اراقبها او ارسل احد وكل ماطلعت من عند ساحر كان ودي انحر هالساحر وكلمت مشاري وش اسوي قال لاتتهور وخل احد يبلغ الشرطه ان فيه ساحر بالمكان الفلاني بدون ماتذكر لهم شي تركي ماقدر يقول كلمه جوري: وام ايمن ماقصرت كانت توافيني بالاخبار حتى مره شكيت بتعبه الاخير بس طمنتني انه مافيه الا كل خير ابوتركي: وش دخلك انت من وين تعرف بنت صالح تركي: كنت اعرفها وموب وقت لوم هالحين ابو جمانه فهم الموضوع:اهم شي انه ماضي تركي:اخيس ماضي ولاتخافون جوري عندها خبر بهالماضي ابو جمانه:الكلام لكم كلكم خير الخطائين التوابون منذر: وانا والله تبت لوجهه الكريم والبركه في مشاري وترا هالفلوس هو اللي دافعها لان فلوسي كلها حرام بحرام ومابي اتصرف بريال والوالد رفض يساعدني مو مصدق اني اهتديت ابو طارق:رح الله يحللك دنيا وآخره ابو تركي: ومن عندي بعد رح وتراك محلل منذر: نادر اسف يا اخو قلبي نادر: ولاتزروا وازرة وزر اخرى منذر:توووووبه خالصه لوجه الله منذر: انا بسلم نفسي حالا وابيكم تروحون معي ابو طارق : كلنا معك امش يتبع .. .. .. |
.تابع / ... عند الحريم ام فيصل:ماتوقعناها منك ياجوري جوري:خالتي حصه انتي تعرفين اني ماقد رديت لك كلمه بس صدقيني واقولها قدامكم كلكم مو ندمانه ع اللي سويته واللي عنده كلام يقوله الحين لان ماعندي استعداد ينفتح هالموضوع قدامي مره ثانيه وارد منى: جوري اسمعيني,, انا بنته لكن والله العظيم مالمتك هذي اختك ويكفي انك ماتغيرتي علينا عقب اللي سواه ابوي في ريم جوري تبكي: قسم بالله موانتقام لكن قهر عليها كلكم مافكرتوا تخطونه او تاخذون حقها منى: ابونا شلون ناخذ حقها منه صعبه والله.. لكن انتم محد بيقول شي وحنا الناس بتاكل وجيهنا دانه: معها حق وحنا كلنا والله ماخذينا موقف منك حبيبتي هذي اختك ام فيصل: الله يلوم اللي يلومها بس ياقلبي ماكنا متوقعين ان انتي ورا هذا كله.. هذي كل السالفه جوري:ندى ماقلتي رايك ندى: مقهوره على ابوي لنفرض صار له شي جوري:لاتخافين كنت حاسبه حسابي في هالشي وقلت لهم يرجعون الورقه يوم شفته بدا يتعب.. مهما كان عمي من لحمي ودمي واذا على خسارته تكفل صديق تركي فيها بس ابوكم رفض نوف:والله وطلعتي شي يابنت اللذين ضحكت جوري وهي تمسح دموعها: البلا في تركي ماعاد بيثق فيني منى: حكمي هذا وحطت اصبعها على راس جوري جوري:طيب ........... في الشرطه ابو طارق: وهذي كل السالفه الضابط:بس صعب نعتمد على تسجيل يلزمنا دليل قوي تركي: واذا كلمتها قدامك الضابط :تقدر تركي: انا اقدر اكلمها بس مدري اذا اقدر استدرجها الضابط: اذا اقدرت تستدرجها وطلعت باعتراف قدامنا فاعرف انك بتنقذ انسان بريئ بذكائه قدر تركي يستدرجها وخارت كل شي لكن بصعوبه وتبريرات واهيه مالها داعي استمرت ساعتين حتى انهم فقدوا الامل لكن في الاخير اعترفت انها استعانت بشخص من العماله البنقاليه.. والضابط اخذ ضدها الاجراءات اللازمه ........... يوم جديد جته رساله غيمة غلاك وسط قلبي لها رعود لامن ذكرتك رش قلبي مطرها دق عليها دانه:اهلين نادر:هلابك وسكتوا دانه: كيفك نادر:طيب وانتي دانه:اذا انت بخير انا بخير نادر: تسلمين دانه: مو خلاص نادر:وشو دانه:حزن نادر:مو بيدي دانه:يعني بتم كذا على طول نادر: مدري دانه: خلاص التفت لنفسك كل زين اطلع شم هواء ندى تقول لي انك قاضب الغرفه نادر: كذا مرتاح دانه: هي تبي منك الدعاء بس ماتبي تسوي بنفسك كذا نادر: بدعيلها دانه: وحاول تطلع من اللي انت فيه نادر:حاولت وماقدرت دانه:خالتي راحت خلاص وش بتستفيد نادر:تعبااااان من غيرها دانه:طيب اللي انت فيه بيرجعها نادر:اكيد لا دانه: طيب؟! سمعت شهقاته يبكي بكت غصبا عليها معه: نادر لاتعور قلبي تكفى خلاص نادر: لو انها ماتت مرتاحه ماحزنت هالكثر.. ماتت وهي بعز الضيقه دانه: استغفر ربك هذا يومها والحمدلله ماتت وانتم حولينها نادر:استغفرالله العظيم دانه: نادر الله يخليك عشانها انت لازم تطلع من هالحاله كفكف دموعه ورجع صوته لطبيعته: وانا اسف دانه:على نادر:قاطعك طول هالفتره دانه: والله مازعلت ولاشلت بخاطري انا مقدره وضعك واحيان ادق وارسل وعارفه انك ماراح ترد بس ابي احسسك اني جنبك نادر:الله لايحرمني منك.. والله محتاجك دانه: وانا جنبك نادر: براسي فكره باخذ رايك فيها دانه:وش نادر: انا يوم اختفيت هالفتره تسليت نوعا ما بتتأثيث البيت دانه:وش بيته نادر:بيتنا انا وانتي شريته وثثته وابي نسوي الزواج باسرع وقت دانه:فاجأتني صراحه بس خل نطلع اول من هالحاله محد له خلق ابد نادر: قصدك عشان امي دانه:اكيد نادر: بنسوي حفله عاديه بس مدري بترضين دانه:اذا انت راضي انا راضيه نادر: والله ماسويت كذا الا ابيك قريبه حاس اني بموت وانا بهالحاله دانه: انا ماعندي مانع اللي تشوفه نادر:الله يقدرني واسعدك ........... دانه:وين بتروحين خليك معنا ساره:من العصر عندكم وحشني رجلي يختي نوف: ماشافت خير ساره:انتي تزوجي واحد تحبينه قسم بالله ان الدقيقه بعيد عنه بتحسينها دهر دانه: خلاص روحيله لاتصيحين ساره:هههههههه طيب يلا عن اذنكم زوووووجي يحترني تحت نوف: يارب تدعسين على زجاجه ضحكت عليها ساره وهي نازله استأذنت امها وابوها ورجعت مع عبدالرحمن البيت عبدالرحمن: طفش صح ساره:اذكر الله توني حتى ماشلت العبايه عبدالرحمن:ليش بتدغدغيني مثلا ساره: لو تبي اصير لك مهرج اهم شي اشوف ضحكتك الله لايحرمني منها ساره: ولايحرمني من روحك الطيبه شالت عبايتها وجلست جنبه ساره:تصدق دحومي صديقاتي وش يقولون عبدالرحمن:ها وش يقولون بعد ساره: الرجال اذا قام يطري زوجته ويمدحها يعني وراه شي عبدالرحمن:مثل ساره: خيانه او يفكر بالزواج عبدالرحمن: وانتي وش شايفه ساره: والله ماشفت الا كل علمن زين بس ها مو عشان قلت كذا تستغفلني وتسويها عبدالرحمن يبي ينرفزها:خيانه ماراح اخون لكن لاتنسين الشرع حلل اربع ساره: تبي الجد عبدالرحمن:وشو ساره: مو بعيده اتهور عبدالرحمن: لنفرض سويتها كيف بتتهورين ساره:شف انت ماراح اقدر اسوي لك شي لكن هي قسم بالله لأحوس مريرها تبي الزبده يمكن اخذ فيها اعدام عبدالرحمن ضحك من قلب:ياليل الاعدام بعز القوايل ساره: انت جرب وشوف عبدالرحمن:تدرين انا متى بغض النظر ساره:متى عبدالرحمن:اذا جبتيلي نونو ساره:لو تبي درزن عادي انت كل مره لك شرط عبدالرحمن:ههههههههه والله ياساره احبك محد يعرف يسليني الا انتي وتركي ساره:اسفط تركي على جنب الحين ضحك وضمها وهي مستانسه عليه انه بهالمود مرحه ساره تعامله على حسب الموقف احيان زوج واحيان صديق وأحيان اخ واحيان اب ... ذكيه الزوجه اللي تعرف متى تكون كذا وبأي موقف ........... ابو فيصل: الله يرحمها صار لها صار لها شهرين متوفيه والحي ابقى من الميت هذي سنة الله في خلقه والحياة ماتتوقف على انسان.. ونادر من حقه يوم يطلب تحديد زواجه ام فيصل: اجل خلاص رد لنادر خبر وقول له موافقين ابو فيصل:ودانه موافقه تنزف له في حفله عاديه ام فيصل: اهم شي الستر ياسلطان والزواج موب بالمظاهر ابو فيصل: انشهد انك بنت رجال واخت رجال ........... يوم جميل لناس وكئيب لاناس آخرين عبدالرحمن:اما انك نذل تركي: بالعكس هذا احسن شي اسويه مع انها ماهيب من عوايدي اصير كذا عبدالرحمن: اهم شي انها اخذت عقابها وصدر الحكم اليوم عليها هي واللي معها تركي: لكن والله فيني غبنه على منذر 10 سنوات ماهي قليله عبدالرحمن:زين انها جت على كذا ولاتخاف ابوه زي الاخطبوط مافيه مكان الا ويعرف له ناس فيه تركي:ههههههههه حرام عليك بتنظل الرجال عبدالرحمن:وانا صادق الحين اكيد بيوكل محامين وبيستأنفون الحكم وببياخذها باقل دخل نادر بالبشت:ماخلصتوا عبدالرحمن:اووووخس يامعرس من قدك نادر:كيف يجي تركي: يجي ونص نادر: حلو دام عجبت خششكم فانا بعجب دندونه تركي: ياخي هالتوم مدري وش لاقين فيكم نادر:يعني بالله جوري لاقيه فيك شي تركي: كل شي لاقيته فيني عبدالرحمن: نادر امش وجه بن فهره قام يمدح نفسه تركي:هههههههه هين يادحيم عبدالرحمن:ههههههههههه وش اسويبك دخلت ندى مدرعمه: ابوي يسأل عنكم تأخرتوا نادر:يلا جايين ........... دانه:والله توني احس بخوفكم يوم تتزوجون ساره: من الحين اقولك الله يعينك دانه:والله حشرني هالفستان والا كان وريتك شغل الله مالت شدي من ازري شوي منى:اعوذ بالله وش انتي بحزن والا معركه تشد ازرك دانه:تعالي اسمعي قلبي قسم تقولين حرب عالميه ثالثه وخايفه منها تحصل جوري:ههههههههه ماعليك منها ساره: والله انا قلت لك وانتي بكيفك منى:ساره وجع خليها قسم اعلم خالتي حصه ساره:لا لا دام فيها امي بنطم جوري:احسن بعد.. ها جموون وشلون احساسك انتي بعد جمانه:مرتبكه صراحه ندى:بالعكس عادي دندون معك مفروض تشوفيهنا يهون عليك اللي انتي فيه جمانه:اي والله جد دانه:لاتفرحين كثير كلها بعد فتره وتتزوجين اماني: يعني ساره تخوفك وانتي تخوفينها ساره:ههههههههه شفتي شلون اماني: جمووون حبيبي انتي اليوم ملكتك انبسطي ولاتفكرين بشي منى:عقبال مانفرح فيك يارب دانه:اصلا شميت ريحه تحوم حول اماني ندى:مين يبيها؟ جوري:دانه ياحماره مو وقته ندى:يعني جد فيه دانه:هههههههه كل شي بوقته حلو اماني: يادبه المشكله قلتلك ريان ولد خالي يحوم وحاط عينه علي بس اتخرج من الثانويه بيخطبني جوري:تستاهلين ياقلبي ندى:والله العظيم نذلات كل واحد ياخذ له وحده ومطنشيني نوف:ههههههههههه نفس الحاله لاتنسين ندى:بالناقص عادي انا بكرا بكتب في اي جريده مطلوب عريس جوري:واعيباه ههههههههههه سمعوا صوت ام فيصل تقول لهم نزلوا اول جمانه وبعدها بربع ساعه دانه واستعدوا ونزلوا امسيه جميله ورائعه وهادئه مرت ع الكل والاكثر طارق بملكته على دانه ونادر بزواجه من دانه بعد الحفله قعد طارق يسولف مع جمانه واخذ رقمها على انه يكمل سوالفه معها بالجوال لان ماقدر ياخذ راحته في بيت عمه ونادر خذا دانه لعش الزوجيه بيتهم بطلب من دانه لانها تكره الفنادق وصلوا بيتهم وتوه بيدخل الغرفه دق جواله نادر:هلا تركي تركي:اهليييييييييين حي هالصوت نادر:البقى وش عندك تركي:ابد فقدناك انا ودحيم نادر: امداكم مو من شوي كنت مقابلكم تركي:اشتقنالك اخونا فيها شي نادر: اها طيب شرايكم ياطحاطيح تجون تركي يضحك:متى الحين نادر:ايه فاضي قلت اعزمكم تركي:راعي واجب ندور خلاص هذا جنبي دحوم مسافة السكه نادر:قسم بالله نتراشق بالحجار زي اطفال فلسطين تركي ههههههههههههههههههههههه فققققع ضحك وشرق نادر:هههههههه بسم الله عليك تركي:الله يرجك نادر:عاد عطيتكم وجه يلا ضفوا تركي يضحك: الله يوفقك نادر ويسعدك دنيا واخره نادر: وياك يالغالي وقفل وابتدى حياه جديده مع دانه .............. عند جوري وتركي جوري:مبروكين تركي:الله يبارك فيك عقبال ماتزوجين عيالك جوري:هههههه اميييييين الله يسمع منك تركي مستغرب وجواته فرحه ما أظهرها وماعلق ع الموضوع جوري: اكيد تعشيت صح تركي:الحمدلله وانتي جوري:بعد الحمدلله بس ودي اشرب شي بارد تركي:عاد انا ودي بشاي صراحه جوري:غالي والطلب رخيص تركي: دحيم فيه جوري: مافي الا راسي وراسك في البيت ندى جلست عند نوف ومعهم اماني تركي:ودحيم وساره؟ جوري: راحوا فندق تركي:ماشاءالله على دحيم عايش يومه جوري:قول الله يسعدهم تركي:امين ويسعدنا راحت المطبخ فكت مفتاح الغاز تذكرت انها لابسه الفستان رجعت الغرفه تبدل وخلت المفتاح شغال ومن ثم رجعت المطبخ تركي كان مستانس بجملتها وفجأه صوووت انفجاااااااااااااااااااااااااااااار فز :جووووووري ونزل يطوي الدرج بسرعته راح المطبخ شاف دخان سكر اسطوانة الغاز ومن بين الدخان شافها طايحه ع الارض شالها ووداها الصاله ع الكنبه:جوري حبيبتي... جوري ردي علي.. جوري تكفييييين ردي علي.. الله يخليك لاتخلين تركي بروحه وضمها وقعد يبكي زي الطفل.. فاقت وطالعت فيه حاضنها ويصيح كحت:تركي تركي يطالع فيها والدموع ماليه عيونه:حبيبتي فيك شي تتنفسين زين جوري:مافيني شي بس الظاهر اغمى علي من الخوف تركي ودموعه تنزل على خده:نصابه تكابرين يالله المستشفى تكفين ابي اتطمن يلا قلبي قومي تكفين جوري تبكي ''مصدومه من دموعها عليها'' تركي ضمها:شفتي انك تعبانه واللي يخليك ياجوري لاتروحين وتتركيني.. لاتخليني افقدك بعد ماحبيتك.. ياقلب تركي ياروحه ودنيته قومي معي طلبتك طلبتك جوري تضمه باقوى ماعندها:والله مافيني شي وربي اغمى علي من الخوف بس بس تصدق ياليت ذا حاصل لي من زمان واسمع كلمة احبك منك تركي: لوتدري ليش كان صعب علي اقولها يمكن تعذريني ورجعت به ذاكرته لورا ايام ماكان يدرس اخر سنه برا وجلس يحكي لجوري كانت رشا تدرس بعد برا حبها بجنون وكان يبي يتزوجها بس اكيد ابوه بيرفض فقرر انه يأجل هالمسأله لين يتخرج ولو رفض ابوه كان بيتزوجها من غير علمه... شرا لها شقه وسكن معها خالها وبنته اللي تدرس مع رشا عيشها عيشه ولا احلى من كذا كان يعشقها لحد الجنون يلبي طلباتها من الى لو تطلب لبن العصفور جابه لها لو تقول له لون الحليب احمر قال صادقه وجا اليوم اللي قلب موازين كل شي بينهم شااف اسمه مدرج من ضمن الناجحين وشاف اسمها الدنيا مو سايعته قدروا يتخطون كل العقبات مع بعض "اللللله بروح ابشرها وخلاص برجع الرياض وبواجه العالم وكلي فخر اني بتزوج حبيبتي" راح لهم الشقه رن الجرس لامجيب وخبط الباب بيده طلع رجال من شقه مجاوره كان معصب من ازعاجه رماله المفتاح ودخل شقته طالع باستغراب المفتاح اللي بالارض شاله وكان يبي يسأل الرجال بس طنش ودخل الشقه :رشا رشا دورها في الغرف والمطبخ :يحووووول وينها ذي اكيد يوم شافتني تأخرت راحت تشوف النتيجه بنفسها بس ليش تركت المفتاح عند الجيران قعد بالصاله يعد الدقايق على امل ترجع يااااااالله كنها ساعات اخر شي شاف ظرف على التلفزيون وشاف الكااااااااااااااااااااااااااااارثه حس بوغزه في صدره شال الظرف وفتحه مكذب ظنونه ((يحق لك تستغرب بس قبل كل اشكرك على كل لحظه عيشتني فيها بسعاده انت اللي مديت لي يد العون يوم تنكر لي الناس انت اللي صرفت علي ولوما انت ماكان وصلت لهالمستوى وماكان نجحت اصلا ا نت اللي صرفت على دراستي وساعدتني ومع انك تدري ان اهلي مادتهم زينه الا انك رفضت اخذ منهم ريال... انا ماسويت هالشئ الا بعد ماشفت انك مصر اصرار عجيب انك ترجع السعوديه بينما انا احس اني في بداية المشوار ابي احقق احلامي ومالي نيه ارجع السعوديه ابي استقر هنا انا دريت من الدكتور انور امس اني نجحت مع مرتبة الشرف وبصراحه طلب يتزوجني وعرض يساعدني ويدعمني في طموحي ... وانا وافقت فرصه ماتتعوض على فكره: الفلوس اللي حطيتها باسمي في البنك ما احتاجها اعتبرها حق ورجع لصاحبه بدون مشاكل خل نترك بعض معليش طموحي اكبر من الحب)) ....رشا يعني حالة تركي وقتها صعبه ان احد يوصفها علاقتهم كملت سنه و راحت في لمح البصر كنها يوم تركي ضاقت دنياه وطلع الشارع دموعه تحكي الالم الفظيع اللي يحس فيه يمشي على غير هدى مايدري وش يسوي معقوله كان مغفل لهالدرجه معقوله كان مخدوع طول هالمده معقووووو............ الدكتور:الحمدلله ع السلامه تركي:وين انا الدكتور:انت في المستشفى الله انقذك كنا بنتصل على اهلك بس للاسف مالقينا معك اي اوراق تثبت هويتك تركي:وش تقول انت وجا بيقوم اااااااه كان متجبس وراسه ملفوف بالشاش الدكتور:لازمك شهر زياده عشان نفك الجبس وتقدر تمشي الحمدلله الاصابه في الارجل ماهي كبيره بس ااكبر الضرر كان على راسك والحمدلله ان ربي انقذك تركي باستغراب:يعني انا لي شهر هنا الدكتور:اذا تبي الدقه فلك شهر و18 يوم ولازمك زي ماقلت لك شهر عشان الجبس تركي مارد لانه كان بصدمه نفسيه عنيفه'' وهذا السر كان مغطيه عن اهله الا مشاري تذكر كيف كان مشاري يأنبه ويهاوشه اذا استدعى الامر وقف معه كالعاده وبعد شهر رجع لاراضي السعوديه بعد هالشهر دقت عليه كان يتهرب منها وكان مشاري يحرضه على تطنيشها بس رشا كان لها سحر عجيب تمت تدق لين رد وقالت له انها ماتزوجت الدكتور لانها كانت تحبه وانها الآن بالسعوديه وتأسفت له وحسسته انها ندمانه كثر شعر راسها وهو ماصدق خبر نسى كل شي كان ميت فيها لوما خوفه من الله وانه يعرف انه بيشرك بالله والا كان عبدها وقرر يرجع لها ويتزوجها بس صادف حدوث المشكله اللي بين ابوها وابوه لذا رفضت هالزواج اللي بيزيد المشاكل وقررت تعيش حياتها اذا ماتكون له ماراح تكون لغيره جوري:ياقلبي ياتركي كل ذا يصير لك تركي: والله بعذري يوم ماتقبلت حبك كنت حاط في بالي كل الحريم زي بعض بس اللي قال هالمعلومه غلطان وانتي اكبر دليل جوري:اهلك يدرون تركي: ولا ابي احد يدري .. انتي ومشاري بس تعرفون جوري:والله احبك تركي: وانا وربي احبك من كل قلبي ................ بعد عدة ايام قلائل نقل تركي والبيت صار شبه فاضي لان ندى اغلب وقتها يا عند نوف ياعند اماني اللي صارت ساكنه بالرياض مع امها اللي هي بدورها تقاعدت وشرت لها بيت جنب اخوها عبدالعزيز ومابقى الاعبدالرحمن اللي اصر انه مايطلع ............... يوم جديد في بيت ابو فيصل كل بنات العم مجتمعات ندى:الهمه ساره وجوري ودندون ابي اصير عمه دانه: اعوووووذ بالله ماتملين من هالاسطوانه وقامت دانه اخذت ثلاث وسايد وحطت وحده على بطن جوري و وحده على بطن ساره و وحده على بطنها والبنات يضحكون جوري:وش ذا وش تسوين دانه: صرتا حوامل لاتخافين بكرا مولد ساره:ههههههههه مجنونه دانه:انا ادري عن ندى وتقلدها شدوا الهمه اعنبوا ابليسك ليش على كيوفنا هو الكل انبسط منها وضحك ندى:هههههههههه وانا اطالع وش تسوي كش مالت عليك ساره: خلاص نداوي اصبري علي انا بخليك عمه انشاءالله دانه:اهب ياوجهك مستعجله نوف:عادي بالعكس حلو دانه:ع الأقل تتهنى شوي مو كذا على طول ساره:بالحالتين متهنيه جمانه:الله يعينكم ساره:ويعينك انتي بالطريق جمانه:امين يارب جوري:وعقبال نوف وندى ندى:ااااخ بس خليه يجي بس والله ان اتعلق به زي الشنطه قال ما ابي بس الحمل لاحقين عليه الكل:ههههههههههههههههه ندى:بس ارجع واقول شدوا الهمه ياجوري انتي وسويره ودندون جوري:كل ذا عشان تصيرين عمه ندى:اي والله صرت خاله باقي اصير عمه تذكرت جوري ذاك اليوم اللي ماتت فيه ام تركي لوما موتها كان طبق تركي اللي براسه ويمكن انها الحين حامل بعد مشيئة الله وبعدها تدهور حالته وهي خلته على راحته لأنه اغلب الاحيان ينام بروحه جوري:الله كريم .......... . . . . . . كانت تنظف البيت هو ماكان فيه شي بس تبي تشغل وقتها دق جوالها طالعت فيه رقم غريب جوري:الو -:صباحوو جوري:هلا مين -:شو نسيتي من انا جوري بصراخ:سمييييييييييره سميره:ههههههههه وحشتيني كيفك جوري:انا بخير ياوحشه عاش من سمع صوتك سميره:تعيش ايامك .. مبين نسيانه مني جوري:والله مانسيتك بس ضيعت رقمك والله كل ما تذكرتك دعيت لك سميره:هيدا رأمي اوعك تضيعيه فهمانه جوري:افا عليك لا انا ماصدقت جمعنا القدر مره ثانيه سميره:وكيفك انتي مبينتك فرحانه كتير جوري:كثيييييير ياسميره كثيييير سميره:الله يوفقك انا كنت عارفه انك انسانه فاهمه وماراح تخسري زوجك جوري:بفضل الله ثم بفضل نصايحك الحلوه سميره:ثم بفضل تحكيمك لعئلك جوري:هههههههه.. تعالي مارجعتوا لندن سميره: امبلا.. وهلأ احنا في لبنان اشتقت لبلدي كتييير جوري:عاد لبنان حلوه سميره:بتعرفيها؟ جوري:لا والله شفت صورها مع اخواني زمان كانوا يروحون سميره:طيب تعي انتي وزوجك غيري جو ومنها بنشوف بعض جوري:اممم ما ادري هو يشتغل سميره:حبيبة ألبي فيه شي اسمو اجازه خليه يكلم مديره وبرضه يرتاح من جو العمل جوري:هههههه هو مدير نفسه سميره:هههههه لكان ماعندك حجه هيدا رأمي وايمتى ماوافق دقيلي جوري:ان شاءالله.... وقفلت وكملت تنظيف البيت ونامت لين الظهر.. قامت صلت وقعدت تحوس في المطبخ تسوي الغداء لين الساعه 2ونص وبعدها تسبحت ولبست لبس حلو .. على 3 وصل تركي شافها تبسم حب جبينها وقعد جوري:قوم خذ شور على بال ما أحط لك الغداء.. راح تحمم وطلع لقى السفره فيها كل الأكل اللي يحبه تركي:عسى ماتعبتي جوري:تعبك راحه تغدى وهو مرتاح باللي يشوفه كل يوم تسويله اكل مختلف.. شبع وساعدها بشيل الأكل.. طلع الصاله وبعد ماخلصت تغسيل الصحون طلعت بيدها صينية فيها حلا والقهوه مثل ماعودته وجلست تأكله وهو مستانس جوري:بالعافيه تركي:يعافي قلبك ياقلبي تبسمت جوري تركي:تصدقين اليوم فرحان مررررره صار لي شي حلو جوري:فرحني معك تركي: قبل الدوام مرني ابوك جوري:ابوي عسى ماشر تركي:خير خير ..ومرني عمي ابو فيصل وين تتوقعين رحنا جوري:مدري تركي:ايه نسيت ومرينا عبدالرحمن جوري:ايه طيب وين رحتوا تركي:ايه نسيت و جوري:يووووووه تركي تركي:عيونه استحت جوري تركي:نادر حلم جوري:الله يستر تركي:لا حلم حلو جوري:اشواااا واردفت:والله ياعليك حركات تقول لي سالفه ثانيه ومابعد خلصت سالفتك الأولى تركي ضحك:جايك بالكلام.. المهم نادر حلم بأمي الله يرحمها شافها توصيه على ابوي وقالت له انا مسامحته وقالت قول لأخوانك يبرون بأبوك جوري:ياااااااالله حتى وهي ميته يوصل خيرها تركي:الله يرحمها رحمه واسعه ,,ا لمهم نادر كلم عمي ابو فيصل وهو على طول جاني هو وابوك وقالوا لي وفهموني انها رساله من امي وطبعا مرينا دحيم ورحنا لأبوي وتصالحنا وفتحنا صفحه جديده جوري:عمي ماهو الا سبب والا هي ماتت في اليوم اللي الله كاتبه تركي:عليييييك نووور نفس كلام نادر اللي قاله يوم دق على ابوي واستسمح منه جوري:يعني بعذرك تكون مستانس.. تركي: الحمدلله جوري:طيب بهالمناسبه .. انا بنفذ وعدي واسوي المفاجأه تركي:جد ... واخيرا جوري:ايه بس قبلها لازم تاخذ اجازه تركي:اصلا اخذتها اليوم ودي نسافر انا وانتي جوري:يااااالله وش هالصدف تركي:ليه ناويه تسفريني جوري:ايه بس لاتقول وين ولاتقول اي شي ابد تركي:يمه يمكن بتغتاليني جوري:امممم بغتالك بحبي تركي:فديت حبك ياكل الحب ............ بالمطار كانوا جالسين وتركي مرهف السمع يبي يلقط اي خيط عن المكان اللي بيروحه وجوري تضحك على شكله دق جوالها سمعها تتكلم بهمس وتتفق وابي كذا وكذا. بس ماعرف وش تقصد ومافهمها اصلا.. بعدين سمعوا نداء للركاب المتوجهين للبنان وهو قاعد مايدري وين الله حاطه جوري:يلا قم تركي:وين جوري:نرعى وين يعني تركي رفع راسه وضحك:هههههههههههههههه جوري تطالع فيه''الله ما أحلاك وانت كذا'' ركبوا الطياره وعرف انهم رايحين لبنان تركي:تصدقين على كثر ماسافرت بس لبنان ماقد جيتها جوري:وانا مثلك تركي:ول اجل عز الله بندبل كبودهم وحنا كل شوي موقفين واحد هيييه وين المكان الفلاني هييييه وين الفندق العلاني جوري:لا لا ماراح نسأل تركي:اها يعني مخططه جوري:تقدر تقول.. وخلني انام شوي والله نعسانه وصلوا مطار بيروت وسوت جوري اتصال وبعدها قفلت تركي: اكره سيارات الاجره لو اني جايب سيارتي جوري: لالالا مايحتاج بتلهى بالسواقه وانا ابي اقعد جنبك تطالعني واطالعك تركي:اهاا اجل كذا .. بكيفك بشوف نهاية تخطيطاتك جوري:هههههههه طيب اركب تركي طالع شاف سياره ليموزين طويله وسوداء تركي:وييييييين اتخيل نفسي طامر على صاحب الليموزين جوري:طيب انا بطمر وفتحت السياره ودخلت تركي عصب:جوري وش تسوين طلت سميره من السياره:استاز تركي تعى بلم تركي وش جابها ذي بعدين تذكر ان زوجها المحامي المشهور يصير جاره بلندن وكان يجيبها لبنان وكان مرتاح ماديا دخل السياره كانت جوري تضحك قرب منها وهمس لها بأذنها:طيب يادبه اوريك وصلوا لفندق (........) كان فخم لأبعد درجه.. سميره بعد ما أعطت جوري المفاتيح: اطلعي فوق ماتروحي الريسبشن واي شي بدكم نحنا حاظرين بع مانزلوا من السياره واستقبلوهم اللي يشيلون الشنط بيودونها الغرف>>> ما اعرف وش يقولون لهم خخخخخخ طلعوا المصعد وفجأه قالت جوري: بقولك شي بس اوعدني ماتزعل تركي:وشو جوري: حجزت لك غرفه وانا غرفه تركي تضايق حييييل يعني هي مصره مايصير بيننا شي عقب هالمده والتغير:بسلامتك جوري: جناحي جنب جناحك مو بعيد تركي:اها ماخذه جناح لحالك جوري:ايه تركي:طيب وصلوا الطابق اللي فيه اجنحتهم جوري:انا هنا وانت هناك تركي بزعل:اوك عطيني تعبان بريح جوري حست انه متضايق: نام لك ساعتين على ماتجي صلاة العشاء صل وبعدها بدق عليك نطلع نتمشى تركي: بس تعالي لايكون صديقتك دافعه كل شي جوري:لا والله هي اصرت بس انا رفضت كل شي انا دفعته تركي:بس انتي ماطلبتيني ريال واحد جوري:بحسابي فلوس تركي:ماعليه ياجوري يعني كذا.. جوري تصرف:طيب يلا اشوفك بعدين تركي:طيب ادخلي دخلت جوري وقفلت الباب بسرعه تضاعفت ضيقته من حركتها وراح غرفته ونام بعد ماصلى بعد ساعتين دقت عليه :تركي انا جاهزه يلا تركي: اصبري شوي جوري:وين اصبر انا عند غرفتك طلع معصب:يعني انتي والنهايه معك شلون تطلعين بلحالك حطت يدها على فمه وباسته:تكفى لاتخرب علي هاليوم سكت وهو بيفور غضب .. نزلوا تمشوا بالليموزين اللي ارسلته سميره وتعشوا وهو استانس شوي مايبي يكدرها جوري:خلاص تعبت ابي ارجع تركي يتطنز: خووش سفره ضحكت جوري في سرها وصلوا الفندق وراح يوصلها جناحها جوري قبل ماتفتح الباب: اسمع نسيت فيه مشوار بنروح له بعد ساعه تركي:اسف بنام جوري:عشاني الله يخليك تركي:عشانك جوري:ايه وابيك تكشششخ رضخ لتوسلاتها: وش البس رسمي والا كاجوال جوري:اممم عادي تلبس ثوب وشماغ؟ تركي:ياحليلي اتمشى في لبنان كذا وبعدين ماجبت جوري:ماعليك خل الموضوع علي.. روح لغرفتك تلقاه تركي:ثوب وشماغ!!! جوري:ايه انا جبتها معي ووصيت سميره عليها تركي:انا انلحس مخي مدري لوين بتودينا افكارك دق جوالها:يلا عن اذنك ودخلت الجناح وقفلت بوجهه وهو واقف راح لغرفته تسبح ونعم وحدد سكسوكته وفتح الدولاب لقى الثوب والشماغ والطاقيه لبسهم طالع المرايا حتى هو اعجب بشكله تعطر بعطره الرجالي المفضل وقعد ينتظر دق عليها جوري:هلا تركي:جاهزه جوري: لا باقي تركي:ترا ماصارت كم لي مخلص وحضرتك باقي جوري:ياششينك لاعصبت هذا وانا احبك تركي: حتى انا جت تتكلم شرقت بريقها:كح كح وش انت تركي:هههههههههه.. ولاشي يلا اخلصي والا بنام.. جوري:لاقولها هذا وقتها وربي تركي: ا ح ب ك... احببببببك جوري: طالعه منك زي العسل تركي: انتي العسل كله فديت قلبك.. وقفل.. بعد ربع ساعه دقت عليه وقالت له يجي طق باب الجناح فتحت له الباب وهو وقف برا محد طلع له قام دخل وشاف الانوار طافيه تركي يحسب نفسه غلطان:اسف اسف والله غلطان.. وجا يطلع مسكت ايده بتوتر:تركي انا جوري ادخل دخل وقفلت الباب تركي:ليش ظلام ماسمع لها حس تركي: والنهايه معك وهي للآن ساكته اكتفت انها تمسك ايدينه وكانت تنتفض تركي: اصلا انا..... وضمممممته وسط الظلام وبادلها الضمه وسط الظلام لاشعوريا سكوووون الا من دقات قلوبهم تركي:جوري فيك شي وجوري ساكته تركي:جوري لاتخوفيني عليك وش فيك جوري:ولاشي تركي: وليش الغرفه ظلام ولعي النور جوري:لا ما ابي تركي: جوري ترا انتي من اليوم وحركاتك مدري وش تبي.. مو عشان ساكت عليك تحسبين انه عاجبني.. انا بس سويت كذا عشا................ وفجأأأأأأأأأأأأأأأأه ولعت اضاءات خافته كلها احمر في احمر في احمر وارضية الجناح كانت سيراميك ابيض رسمت عليه بالورود الطبيعيه قلب كبير ووسط احبك ياتركي وكان السرير له اعمده حطت فيها بحركه دائريه اضاءات حمراء روعه طالع مبهور باللي يشوفه والتفت لها شافها لابسه قميص احمر حرير لنص الفخذ وفاتحه شعرها الاسود كان من اروع مايكون وكانت منزله راسها ووجها احمر>> متضامن مع الاضاءات هع تركي مو مصدق عيونه :هذا كله لي جوري لارد ضمممها لصدره:ااااااه ياجوري اخيرا حسيتي فيني اخيرا حسيتي بشوقي لك.. اكتفت انها تضمه تركي:طالعي فيني طالعت فيه بابتسامه كانت حاطه ميك اب كالعاده خفيف بس طالعه جناااااااااااان: شرايك في هالمفاجأه تركي: وربي اروع مفاجأه بحياتي ورجع ضمها جوري كانت مجهزتله كلام ودها تقوله بس انربط لسانها كل اللي قالته: تعال بوريك شي راح معها لطاوله ولعت شمعتين عليها وكان فيه قاتوه صغير حلو على شكل قلب بالكاكاو مثل مايحبه وكاسين فيها عصير وكان ع الطاوله دفتر وقلم قعدوا وهو ماشال عينه عنها تركي:ليش خليتيني البس ثوب جوري:امممم ابي احس اني في ليلة العمر تركي عرف قصدها انها تبي تعوضه وحب يلطف الجو:اجل لو ادري جبت البشت بعد جوري:ههههه.. تركي:تسلم لي هالضحكه جوري:انا جبت لك بجامه عشان ترتاح فيها تركي: ماشاءالله مخططه لكل شي.. جوري: ايه بس خل ناكل اول تركي:على امرك ياقلبي قصت جوري الكيكه واكلوا كان يختلس نظرات لها بين الفينه والاخرى وهي مو مستوعبه اللي يصير جوري:تركي تركي:يالبيه جوري:هالدفتر ابيك تكتب اللي تحس فيه هاللحظه تركي أشر على عيونه: بس وشو بالضبط جوري:اي شي اعتراف حاجه ما اعرفها.. امنيتك.. شعورك.. اي شي تركي:اممممم شوفي لاتقولين واثق انا ادري ومتيقن انك تحيبني عشان كذا انا ابي منك اعتراف ما ابيك تكتبين شعورك ابتسمت:مالي ماضي الا معك تركي:لا ياروحي انتي.. وش هالتفكير جوري: اعتبره اعترف تركي:ولو الي اعتراف او امممم مثلا اعتذار جوري:اوك وقعد يكتب يوم خلص فتح صفحه جديده :يلا اكتبي كتبت جوري وخلصت وحطته ع الطاوله.. تركي:متى نفتحه جوري: بكرا ..بعده.. اللي تحب تركي:اجل بنفتحه الصباح وسكتوا وجت اللحظه الحاسمه جوري زادت ضربات قلبها وتلون وجهها تركي:وش فيك جوري:هاااه لا ولاشي وقف تركي ومسك ايدها ووقفها قدامه كان بيلتهمها بعيونه جوري:بشيل الاغراض وجت تروح مسكها ورجعها عليه وحضنها من ورا ولف ايدينه عليها وحط راسه على كتفها وباس رقبتها واخذ نفس طووووووويييييييييل:احبببببببببك سعادة الكون بالنسبه لجوري تجمعت في هالكلمه مسكت ايده اللي على بطنها وضغطت عليها.. شالها للسرير يبدون حياتهم كزوج وزوجه صح ^_^ و.............................. ............ قام تركي وشافها نايمه كانت زي الملاك قعد يتأملها مو مصدق انهم خلاص دخلوا عالم الازواج الحقيقي تحركت وشافته يناظرها تذكرت اللي صار وغطت وجهها شال عنها الغطا:مبروك ياقلبي ماردت عليه.. وجت تقوم تركي:وين وين جوري بإحراج:اا الحمام بروح اجي هنا شوي تركي:ههههههههههههههههه ضربته على صدره بحنان وقامت تركي:يالبى حتى بدليات ماهي بدليات ضحكت عليه وراحت الحمام تمشي بحياء دخلت تسبحت طلعت واستشورت انهبل عليها تركي اللي كان يتفحصها قام لعندها وضمها وشالها للسرير جوري:شفيك تركي:زوجتي حرام جوري: لاتكفى تركي: انتي اللي تكفين معيشتني بحرمان جوري: تروووك والله تركي:اشششش مافي امل تخليني اتراجع مابعد طاح اللي براسي و............... .............. كانت من اجمل الايام بالنسبه لتركي وجوري.. كابروا وعاندوا بعض ..بس الحب فوق كل شي قدروا من خلاله يتجاوزون الصعوبات... ليالي شاعريه قضوها مع بعض بمساعدة سميره اللي كانت ترشدها بحكم تجربتها وذوقها ختموا لياليهم في لبنان بجمعه مع سميره وزوجها رجعوا السعوديه وبطلب منها وداها لأهلها.. الكل كان فرحان بعودتها ............ طارق:تصدقين نعست كأنك الحين واصله جوري:لي كم من ساعه قاعده معكم طارق:ماشبعنا منك مابغيتوا ترجعون جوري:ليش وحشتكم ام طارق:لدرجه ماتتصورين طارق:يارب اتزوج واسافر واوحشكم الكل ضحك جوري:خلاص مابقى شي على زواجك ام طارق: ننتظره بس يأشر طارق:قريب ان شاءالله جوري: اجل خلونا نلتفت لخالد قررت اخطب له خالد:تسوين فيني خير ابوطارق يمسك اذنها: تخطبين له وانا قاعد جوري:ههههههه لا خلاص اجل خالد كنسل خالد:لالالا موافق دام من اختيارك جوري:تصرف مع ابوي ابو طارق:ههههه انا موافق باللي تقول عنه جوري دق جوالها... استأذنت منهم وراحت تكلم جوري:الو تركي:ها قلبي اجي جوري:تركي والله ماشبعت من اهلي تركي:جوري ترا لك خمس ساعات والله زهقت بلحالي يرضيك جوري: لا والله مايرضيني خلاص روح لأهلك تركي:شففف تصرف وبعدين رحت لهم وسلمت عليهم ورجعت البيت داااااايخ نوم جوري:طيب انت بتنام وانا وش اسوي تركي:اممم طالعي فيني وانا نايم في حضنك جوري:ههههههه يعني الا ترجعني البيت تركي:يس جوري:ابعوضك بس تكفى خلني عندهم الليله تركي:والله ودي بس قلبي مايطاوعني جوري:تروك ترا لهم حق علي بعد تركي: يااااالله مشتااااااقلك سكتت جوري تركي:ههههههههههه ياااالبا استحت .. خلاص حبيبي ولايهمك اقعدي عندهم اممممم الين الين الين.. وش رايك الين متى جوري:مدري عنك انت قول تركي:طيب غلاتي اللي يريحك.. اقعدي هالليله عندهم جوري:وانت تركي:انا المسيكين انا المظيليم انا اللي باعوني جوري:ههههههههههه فديت المسيكين تركي:هههههه تسلم لي هالضحكه فديت روحك.. يلا قلبي اخليك وفكري فيني جوري:انت دايم بالبال تغطى زين واقرا وردك ........... ندى:ساره ساره:هممم ندى:ساره وش منيمك هنا ساره:ندى وخري عني ندى:قومي فوق ارتاحي على سريرك ساره: مافيني حيل اقوم عبدالرحمن دخل وشافهم:وش فيكم ندى:اقول لمرتك تطلع فوق تنام رافضه عبدالرحمن قرب منها:ساره ساره:هاااا مسك ايدها كانت مولعه جمر:اووف حرارتك مرتفعه ساره: اجل اتركني تكفى حيلي مهدود اشر لندى تجيب عبايتها وعلى طول شالوها للمستشفى القريب منهم دخل معها الغرفه كشف عليها الدكتور وقال لازم تحاليل يعني بيقعدون حول ربع ساعه ينتظرونها.. وهي ارتاحت عقب المغذيات والابره ندى:سلامااااات سويره خفنا عليك وساره يالله طلعت منها ابتسامه عبدالرحمن:يلا شدي حيلك وقومي دحومك بيطير عقله وانتي تعبانه ندى:الا وش قال الدكتور عبدالرحمن:قال ربع ساعه ويطلع تحليل دمها ساره:ابي مويه وقام عبدالرحمن وعطاها شوي مويه ساره:بردانه قام غطاها وندى تقرا عليها جت الممرضه تقول له الدكتور يبيه عبدالرحمن:ندى انتبهي لها ندى:بعيوني وطلع مع الممرضه نزلت طرحتها:اوووف حر ساره:والله انا احس اني بردانه موووت ندى:اما سويره لو تدرين وش في بالي ساره بتعب:وشو ندى:اتخيل ان كل ذا الدلع وتطلعين حامل واااااي وناسه بصير عمه قامت ساره رفعت ايدها ويالله غطت نفسها باللحاف ندى:هههههههههه كل ذا حيا ساره:غطي نفسك بسرعه ندى:ليش من جا والتفتت كان فيه واحد واقف اول ما التفتت الشخص:اسف والله ندى كانت بتصيح وحطت الطرحه عليها اي كلام وطلع على طول شاف عبدالرحمن يمشي عبدالرحمن:يووووووه غبار فهد هنا ماني مصدق فهد:لا صدق ..وسلمو على بعض عبدالرحمن:وش جايبك هنا عسى ماشر فهد:والله ابد اخوي يشتغل هنا وسيارته مبنشره جيت اخذه وبنطلع نتعشى عبدالرحمن:وش يشتغل عامل ههههههه فهد:تلايط انت و وجهك لاتقول عن اخوي كذا تراه طبيب باطنه عبدالرحمن:اوووخس والله يستاهل كل خير.. اجل انت جاي تاخذه وتتعشون برا فهد:ايه نعم عبدالرحمن:ماشاءالله عليكم نادرا نشوف اخوان زيكم فهد: وانتم بعد مايحتاج ماشاءالله عليكم الا وش اخبار الهيس تركي والله يا اني فاقده عبدالرحمن: ماعليه ليش ماتكلمه فهد:يا اخوك الدنيا مشاغل لكن ان شاءالله بكلمه عبدالرحمن: وانت بشرنا عن اخوانك والوالد فهد:كلهم بخير والله ايام حلوه يوم كنا جيران عبدالرحمن:بقوه ليتها تنعاد فهد:وانت وش جايبك هنا عبدالرحمن:احم احم جايب المدام فهد:ياااااهووووه بعد.. لاتقول حامل عبدالرحمن:والله مدري تو الدكتور قال لي بيسوون تحاليل ثانيه يبون يتأكدون من شي فهد:يمكن يبي يتأكد انها حامل عبدالرحمن:الله كريم بكرا نعرف فهد:وليش بكرا عبدالرحمن:مدري هو قال.. تبيني اعلمه بشغله فهد:اجل خلك لاتروح انا بحاول استعجله.. وشو التحاليل ما تتأخر عبدالرحمن:حركات صرنا واسطه فهد:هاااا كيف يجي عبدالرحمن:يجي وبقوه... بس لا يارجال روح لاخوك وبكرا وخير فهد:اقول انثبر انا بروح اشوف وارجع عبدالرحمن:اوك وشافه يدخل نفس الغرفه اللي كان طالع منها حك راسه ومشى يتبع .. .. .. |
تابع / ... بعدها بربع ساعه ثانيه راح فهد لعبدالرحمن طق الباب ودخل ندى شافته خافت وش عنده ذا كل شوي وطامر عبدالرحمن:هلا فهد فهد:هلابك .. استعجلت الدكتور قال شويات ويناديك عبدالرحمن:تعبناك والله فهد:لا حبيبي هذا اقل شي اسويه لك.. ياليتني دكتور كان تبشر بسعدك انت والاهل عبدالرحمن:ياااااالله تذكر ندى ندى في قلبها ''ليش هو يعرفني '' وكمل عبدالرحمن:يوم تقول لها بطلع دكتور وهي تعايرك وتقولك انت حدك سواق عندنا ندى''يووووه هذا فهد صديق تركي ولد جيرانا تغير كثير'' فهد:ايه ذيك الدبه ماغير تفلع روس عيال الحاره عبدالرحمن يأشر على وحده متغطيه:اسسسكت لاتفلعك فهد''ااااخ ذي اللي كانت دبه ماشاءالله تهبل'':بالله جد لالالالا لاتقول هي عبدالرحمن:اي والله هي فهد:وش اخبارك ندى ندى بصوت مخنوق من الاحراج: بخير وجت الممرضه وقالت الدكتور يبي عبدالرحمن.. مشى عبدالرحمن وراح معه فهد دخلوا ع الدكتور الدكتور كان يطالع الاوراق اللي عنده شافهم وخر النظاره:تفضلوا وجلسوا فهد:بشر دكتور الدكتور: خير ان شاءالله وعبدالرحمن ساكت الدكتور يكلم عبدالرحمن: حضرتك زوج المدام عبدالرحمن:ايه نعم الدكتور رجع لبس النظاره وطالع الاوراق عبدالرحمن نفذ صبره:دكتور وش فيها زوجتي فهد:عبدالرحمن اركد الدكتور:شوف يا ابني التحليل الاول اثبت ان المدام مصابه باللوكيميا عبدالرحمن فهم غلط وقاطعه : اول مره ادري ان عندها انيميا طالع الدكتور في سطام باستغراب فهد بلا مبالاه: قصده سرطان الدم صااااارت الدنيا سوداء بعيونه ساره فيها سرطان الدم .. ه و ماله شهور من تزوجها وتنتهي الحياه بينهم بهالطريقه المأساويه الدكتور يبي يستأنف كلامه:وطبعا.... قاطعه عبدالرحمن بحزن:بتموت فهد: شفيك خل الدكتور يكمل مايصير تقاطعه سكت عبدالرحمن يدافع العبرات هو لازم يرضى بقضاء الله وقدره ومستعد يخسر اللي وراه وقدامه عشان يعالجها.. وقليل اللي ينجون منه وتمنى لو تصير له معجزه الدكتور:النهارده كان بيقع اول خطا في دا المستشفى والسبب الاهمال من شخص عبدالرحمن:مافهمت الدكتور:هو انتا ايه ماتسيبني اقول كلمتين على بعضيها فهد:دكتور خلاص كمل معليش الدكتور: شوف هم عملوا التحليل الثاني عشان يتأكدوا واثبتت انها سليمه بس شوية انفلونزا وتعدي عبدالرحمن يمسح دموعه:توه يقول سرطان فهد:وتوه برضه قال لك انه صار خظأ.. الدكتور مرفوع ضغطه:الممرضه غلطت وحطت اسم ساره سلطان على تحليل دم واحد مريض الله يشفيه عبدالرحمن مايدري هو بعلم والا بحلم مااااااا أرحمك ياربي توي قايل ياليت تصير معجزه الدكتور:والجنين وضعه كويس!! طالع عبدالرحمن فيه بدون مايقاطعه الدكتور:لازم ترتاح راحه تامه الجنين في بداية تكوينه قام عبدالرحمن بكل هدوء وسجد شكر لله وراح طيران لساره وضمها بدون شعور قدام ندى.. وندى تحس موقعها غلط بينهم ساره:دحوم آلمتني شفيك عبدالرحمن عيونه مدمعه:مبروك ياقلبي ندى:احلللللللللللللللللللللللللف عبدالرحمن:اي والله ندى:افرح وشوله الدموع عبدالرحمن: والله لو تعيشين الموقف اللي عشته ان تروحين شهار ساره ضحكت بتعب: بسم الله عليكم .. ندى:ليش وش صار وحكالهم القصه بالتفصيل الممل بكت ساره وندى ... و نذر على نفسه نذر خلاه بينه وبين نفسه لين الوقت المناسب ........... الساعه 3 الفجر دق جوال تركي.. من اول رنه رد تركي:الو جوري: مانمت تركي:الا جوري:وترد من اول رنه تركي:هههههه كفشيني.. جوري: ليش مانمت تركي:انتي ليش مانمتي جوري: امممم مافيني نوم ..وداقه بسولف معك اهلي ناموا تركي:الله جابك والله ياني طفشاااان وادور النوم.. جوري: طيب حبيبي ليش ماتنام تركي:لا ماراح انام الا بعد ما ارجع من الدوام جوري:صاااحي انت تركي: ايه وازيدك من الشعر بيت يمكن ما انام وبواصل لين تجين جوري: ياتركي ليش كذا تركي: حالف ما انام الا بحضنك جوري: طيب يلا تعال خذني تركي: ياااااشين المقالب تالي الليل العبي غيرها جوري:والله جد تعال اصلا اهلي نايمين وانا طفشت تركي:والله اجيك هوااا وراح لها بعد ما استأذنت اهلها وهم في السياره جوري: عشان تعرف انك ماتهون تركي:ياحبيبة زوجها الحين ارجع واصك ابو جدها نومه جوري: والله حتى انا ماجاني النوم اخذت شور لعل وعسى عقبه انعس بس ماجا تركي:احسن شي عشان ننام سوى وصلوا البيت وتمدد على طول ع السرير راحت جابت الدفتر جوري:نسينا ماقريناه تركي:قولي نسيتي جوري:يعني قريته انت تركي:اي والله ماكان فيني صبر جوري:حتى انا قريته تركي بضحكته الجذابه: اجل تعادل بس خل نقراه مره ثانيه مع بعض جوري:اوك قرا لها اللي هو كاتبه الحب الحقيقي هو اللي يكبر مع الايام وانا كل ذره فيني تغلغل حبي لك فيها صدق من قال انت البدايات وآخر ساحل ومينا يا أحلى حب واروع حب تبسمت :بروعة وجودك في حياتي.. طبعا مايحتاج انت شايف قريت اعترافي هو مو اعتراف بس شي حلو تركي:عادي ابي اسمعه هههههههه جوري: يوم تبوسني يوم كنا في لندن هالبوسه ما انساها بحياتي تملكتني اكثر فيها تركي:آوووحيم جوري:ايه ياعم انبسط تمددت جنبه وهو زي الطفل تكور بحضنها تبسمت جوري وحطت ايدها على شعره تركي:قلبي جوري:هلا تركي:وش العطر اللي حاطته يجنن جوري: اليوم عطتني اماني هديه تركي يشمها:ريحته تخقق جوري:زين يلا نام تركي قام وطالع فيها قرب منها وعض على شفته جوري تضحك:هييييه وين اللي بينام تركي:اسكتي ترا بذبحك ............ درا الكل بحمل ساره وفرحوا كثيييييير وتحسنت حالتها قرر عبدالرحمن يوفي بنذره وسوى عشى للعائله فقط ذبح الذبايح واستعان ببعض العاملين وسووا بوفيه كبير بس كان داخل البيت خايف على ساره من الجو اجتمع الكل .. الرجال بالخيمه وام طارق وام فيصل مع الخدامات في المطبخ مايستغنون رجالهم عن اكلاتهم الشعبيه... والبنات في مجلس الحريم ندى: واخيرا تحقق حلمي بصير عمه دانه:لا باقي جوري ساره:احساسي يقول في الطريق جوري:وليش واثقه ساره: علامات الجوده اللي فيك تخليني اثق البنات:ههههههههههههههه ندى:والله وطلع تركي رومانسي جوري:وجع استحوا.. والا وربي لأقوم اماني:بنات وش فيكم على اختي خلاص.. ياكبر عيونكم الا تطالعون نوف:شوفي اختك بكل مكان علامه والله شكل الختم اصلي ندى:وججججع اذكري الله لايجي اخوي شي جوري فاقعه ضحك .......... فيصل يسولف: ودق علي ونشب بحلقي الا اجي وان الشغل مابيطير وان عليه نذر ههههههههه شايب هو ونذره تركي:ياخي بعذره صارت له معجزه خله ينذر لله وينفذه قبل مايروح لندن يباشر اشغال ابوي ابو تركي: الا بقول لكم شغله هذا وقتها وزين ياتركي فتحت الموضوع.. بما ان العيال كبروا وصاروا فاتحين بيوت فمايصير كل مره يسافرون وياخذون حريمهم وعيالهم ابو فيصل:اجل ابو تركي:انا اشوف اننا ننقل اشغالنا هنا في السعوديه ابو طارق:وفلوسنا نستثمرها في ايش ابو تركي: البركه في الشباب يشوفون بلدهم وش محتاج منها يفيدون ويستفيدون ابو طارق:شورك وهداية الله ياخوي طارق:يبه انت وعماني واللي يرحمكم خلاااص من طاري الشغل نبي نغير جو عبدالرحمن:ايه صح خلوكم من الشغل الحين مو وقته.. وعندي لكم مفاجأه ثانيه طارق: قول يا ابو المفاجآت عبدالرحمن:الكل فاضي هالاسبوع واخوكم الفقير لله حجزت لنا شاليهات بجده واحد لابائنا الكرام وعزمت ابو فهد واخوانه والثاني لامهاتنا وخواتنا وحريمنا.. وكل شي وفرته فطلبتكم محد يدفع ريال لان كل شي على حسابي حمد:ونااااسه اجل اخلي بوكي في البيت خالد: هههههههههه اجل خذ بوكي يونس بوكك حرام يقعد في البيت بروحه تركي: احللللللللى شي... اول مره دحيم يسوي مفاجآتين في يوم واحد عبدالرحمن: بعد فيه مفاجأه ماتكمل روحتنا الا فيها ابو تركي: مايصلح الشي الا بوجود نادر صحيح صالحني بس موب زي زمان معي ومن مبطي ماشفته.. واكبر دليل انه ماجا اليوم عبدالرحمن: يبه لاتقول شي انت اسمع المفاجأه طارق:طيب قول بسرعه عبدالرحمن: موب انا اللي بقول خلوه يقول لكم بلسانه تركي:منهو عبدالرحمن:شوفوه وراكم والكل طالع.... وشااافوا نادر قام ابو تركي له وضمه ويحب كل شي فيه ونادر مستانس على ابوه ... انبسطوا الكل وكان يوم روعه بالنسبه لهم وخططوا للروحه لجده اللي بتكون بعد اسبوع .......... قبل روحتهم لجده بالحديقه كان يوم خميس العصر الكل كان متجمع بهاليوم نفس اليوم اللي كانت تحلم ام تركي انها تجمعهم بس لان الكل لاهي بشغله ماتحققت امنيتها وكثير ماكانت تجلس لوحدها فقرروا كل خميس يقعدون فيها عبدالرحمن:ساره تعالي تعالي جنبي ساره:هلا حمد:ياعيني ياعيني عبدالرحمن:تشطر عاد وابي اسمعك تقول لزوجتك كذا حمد:بدري بستنانس بعمري الا وش عندكم مجمعين اللاب توبات حقتكم تركي: مشاري تاج راسي فتح منتدى محترم وحنا اعضاء فيه نادر: طبعا انا المدير العام تركي: بعد ماطريته نادر: هههههههه لاوالله انت يوم اعتذرت عطاني المنصب دانه:مع اني مانيب راضيه عن هالشغله نادر:وليش دانه: فيه بنات بعد ليش نادر: لاتخافين اقولك محترم وكل اللي فيه محترمين تركي:مع ان بعض البنات اساليبهم وه بس جوري:لاياشيخ احلف تركي:ههههههههه خالد:استلق وعدك عبدالرحمن:لا بس الجد ينقال بعضهم فارضين نفسهم وبقوه ومشاركاتهم تدل على وعيهم عندك مثلا العضوه بيبي انا هالبنت ماشاءالله عليها خطيييييييره تحسسك بانتعاش وتتحمس تكتب موضوع عشان تشوف ردودها ساره: دحيم وبعدين عبدالرحمن:هههههههه لاتخافين انتي اللي بالقلب وبس.. وبرضه عندك موها الحبوبه استانس على تعليقاتها متواصله اول بأول لو اني مدير المنتدى على طول مراقبه هع طارق: وبكتني مشاعره خوش عضوه فيصل:وفيه... قاطعته منى: لايكون انت بعد عاجبك اسلوب وحده فيصل:مشاركات وليس اسلوب لان الاسلوب كله عندك تركي:كح كح منى:هههههه وش قصدك فيصل:احقريه ماعليك منه بس حبيت اثني زيي زي دحيم منى:ايوااا ومين تبي تثني عليها فيصل:عضوه نكها واشرقت شمس يوم جديد الله لايضرها ويخليها لاهلها منى:خير تدعي لها بتتزوجها مثلا فيصل:اووووما عاد يابنت الناس قلنا نثني عليها بس شفيك وصراحه تستاهل نوف: انا شايفه ردودها مثقفه دايم اتابع ردودها دانه: عادي نادر قول كمل الرصه نادر:بدون زعل دانه:انا ادري اني المتربعه في قلبك فعادي قول نادر: اثني على دفاء الايام ذووووووق ذووووق ذووووق بجد دانه:طيب سؤال ليش مطيت ذووووق نادر:مدري تعبر ههههههههه حمد:والله وطلعت الفضايح نادر: والله الجد جد من رد واحد تفرض وجودها ماشاءالله عليها.. وما انسى وردة التوليب البيضاء تشدك تقرا تعليقها ولو كان طويل ماتمل منه لو تعيده دانه:ندور خلاص يكفي جوري: حركااات كلكم مولعات يالله تركي باقي دوري خلني اولع مثلهم تركي:هو من ناحية بتولعين بتولعين الكل:هههههههههههههه جوري:عادي عادي ههههههههه محد احسن من احد تركي:بدون منافس كل الثناء لعضوه نكها كلمه الماسه ياعيني عليها تفكيرها شي وتفسيرها للاشياء منطقي ذكيه وبرضه اسلوب حمد:اجل بخطبها يجي تركي:مايمدي قريت لها تعليق انها مخطوبه لا وخطيبها اسمه تركي والا لو فاضيه كان خطبتها انا وطالع وجه جوري جوري:ايزي الشرع حلل اربع تركي:ياااااالبا لانك واثقه ما احب غيرك ولا افكر بغيرك نوف: جوري انتي دخلتي المنتدى جوري:ايه امس كنت اقرا روايه فيه نوف: من الكاتبه جوري:معانده جروحي دانه:ايه انا بعد قريتها عاد ماشاءالله فيه عندها متبعات يقوطرون عسل بس اللي رسخ في ذهني عيون ولهانه ,,هايمه بحبه,, يضيع العمر,, بسكوته بالعسل,, نرجس الحزن,, بنت ابوي.. العوبا ولاهان الباقي جوري: بس تصدقون الكاتبه فيها عيب؟؟؟!!!! نوف:وشو جوري:حزات تبزوط دانه:هههههههههههه ومين مايبزوط بس اعذريها يمكن صاير لها شي ياملغي للي مايقدروووون>>> دقه خخخخخ جوري: بس احسن شي انها اوفت بوعدها وكملت الروايه.. وان شاءالله نشوف جديدها تركي: حتى حنا متحمسين بس في حاله وحده نادر: وشو؟ تركي:اذا اللي ذكرناهم بيكونون من متابعينها الكل:هههههههههههههههه ............. تحسنت اوضاع ابو تركي الماديه بل صارت حالته فوق المستوى بمساعدة الشباب وقرر يرجع كل ريال لمشاري لانه حاط في باله انه هو الشريك ويبي تكون الشركه عائليه بحته.. لكن تركي فهمه ان مشاري شريك بالاسم وانه هو وطارق وفيصل الشركاء الاصليين فتولد اصرار بداخله انه يوفي بوعده ويكتب كل شي باسمه واسم اخوانه والشباب ورجعت حالتهم زي قبل واكثر... الا تركي اللي رفض قطعيا يرجع للشركه بعد ما استقل وحاس براحه بعيدا عن ضغوط ابوه ومع انه وعده مايضغطه لكن تركي اصر على رايه ........... موعد الروحه لجده نادر:يبه ها جاهز ابو تركي:اي نعم بس بروح مع عمك سلطان وانت خذ البنات نادر:وينهم ابو تركي:كلهم بالحديقه مستعدين طلع نادر الحديقه وشاف العايله كلها بنات عمه متغطيات وخواته ومناقرتهم اللي بيركب في سيارة تركي واللي مع عبدالرحمن واللي مع طارق ندى:جوري اذلفي مع رجلك ابو تركي:نداوي احترمي بنت عمك والا بخلي نادر يفحط فيك ندى:هههههههه لالالا توبه ابو طارق:يلا يا ابو تركي مشينا ابو تركي:من بيجي معنا ام طارق:انا واماني وخدامتنا اماني:لايمه ابي مع البنات ام طارق:اجل ناخذ خدامة ابو تركي ابو تركي:يلا اجل توكلنا ابو فيصل:وانا ماالي شده ع السواقه بخلي السايق يسوق ومعي حصه الغاليه وبس الكل صفروا وصفقوا تركي:والخدامه عمي ابو فيصل: مدري دوروا لها مكان فيصل:انا باخذ منى وعيالي من بيجي معنا ابو فيصل:اجل خذ خدامتنا معك البنات:ههههههههه ام فيصل:لاخلهم ياخذون راحتهم وعفشهم كثير خل ناخذ خدامتنا حنا تركي: وانا باخذ الهمر وباخذ البنات كلهن عبدالرحمن:اجل انا معك دام سويره معك طارق: اجل معاد بقى الا هالتماسيح حمد وخالد ونادر تركي:هههههههههههه شرواك الكل:ههههههههههههههههههه نادر: بس التمساح اللي قدامكم متزوج وباخذ الدانه معي يعني مابقى الا ثلاثه تماسيح اللي هو انتم طارق: يعني اني متزوج نادر:هههههههه ليش مقهور طارق يحك راسه: المشكله مقدر انكر ابو طارق يضحك: تساهيل وانا ابوك ماعاد بقى شي وركب الكل وحرك لجده كان طارق هو المتقدم ومره يسبقه تركي ومره يرجع لان البنات يخافون من السرعه.. اما الشيبان وفيصل كانوا يمشون على اقل من مهلهم تركي كان يسوق وجنبه عبد الرحمن ووراه كانت جوري اللي من وقت لوقت تداعب خصلات شعره والاخ مرتاح.. وورا عبدالرحمن ساره كل شوي ترسل له رساله ويرد لها برساله.. والبنات ورا فالين ام الشغله... وقفوا عند محطة بنزين قرب ابو طارق:وش فيكم تركي:بعبي بنزين وبننتظر فهد واهله نبي نمشي سوا ندى''ياحليله بيجي معنا'' ............ وصلوا على الساعه 11 الليل نزل تركي من السياره:آآآخ والله تعبان حظهم السواقين مرتاحين ع الاخير عبدالرحمن:ههههههه ودخلوا الشاليهات وارتاحوا اللي نام واللي ياكل اما الشباب طلعوا يتمشون دق جوال جوري جوري:هلا حبيبي تركي:هلا بك انا برا تعالي محد فيه جوري:طيب ... وراحت له اول ماشافها ضمها:اشتقت لك جوري:وانا بعد تركي غمض:اجل يلا بوسيني بقووووووه جوري:ههههههه تركي:انا اقول بوسيني مو اضحكي جوري: طيب وتركي غمض مستعد للبوسه لكن جوري عضت خشمه بحنان تركي:آآآوح جوري:ههههههههه اذا رجعنا لك احلا بوسه تركي:وعد جوري:امممم مدري اخذ تركي اصبعها وعضه: وعد جوري:اااااي ايه ايه وعد ضحك تركي:اووووك يلا عاد روحي نامي عشان بكرا ورانا قومه ودبابات جوري:جد تركي:جدين جوري:بتخليني اسوق تركي:اللللللي تبينه ولاتخلين بخاطرك شي انتي اشري بس جوري باغتته ببوسه من اجمل مايكون وهو ماصدق على الله مافكها.. وبعدت عنه تركي:ليييييه كملي جوري:لا هذا عربون.. اذا خليتني اسوق لك اللي تبي تركي:هههههههههه نذله وسمعوا صوت.. وخروا عن بعض عبدالرحمن:فيه احد تركي:وقتك غلط عبدالرحمن:انلدم لا افقع وجهك ترا بفلوسي انت موجود هنا ماتحملت جوري وضحكت تركي:هين يادحيم تضحك علي جوري هااااه عبدالرحمن:هههههههه اقداك ماجاك جوري:يلا انا بروح تركي: اوك ياقلبي وجت تروح عبدالرحمن:تركي قول لها تنادي ساره مشى تركي وطالعه من فوق لتحت:اسف روح نادها بنفسك ياعنتر عبدالرحمن:هين ياقيس زمانك سمع ضحكة تركي وهو يمشي دق على ساره ساره:الو عبدالرحمن:بسسسسرعه بلقي نظره عليك قبل لا أنام ساره:ثواني واجي نوف:اثقلوا يامال الصمرقع انا قايلتها بيتحدون عليكم الاخوان ندى:هيييييه حدك عن اخواني نوف:انطمي انتي فرحانه بأخوانك اماني: وش عليكم خليهم على راحتهم ندى:كلي تبن انتي وش عليك بتنخطبين وتسيرين في الركب وانا اللي اكبر منك باقي جوري:ههههههه وش دخلها ندى:وانتي كلي تبنين قامت دانه وقبصتها: اثقلي ياغيوره ندى:يااااربي تجمعوا علي المتزوجات نوف:رحمتك هههههههه انا بصفك ماتزوجت منى:هههههههه خلاص اهجدوا ابي انام قبل ماتجي امي وتقول عيالك قاموا دانه:لاتنامين دورك جاي بعد ساره الحين تلقين فيصل ماسك سرا هههههههههه ساره:يووووه نسيتيني دحومي ينتظر وراحت له ندى: اما انتي ما اتوقع يمسك سرا يمكن يطمر علينا من الشباك دانه:وفديتووووووو وفديت زوله بس شافته واقف تحت عبدالرحمن: امشي بشويش ساره: خايف علي عبدالرحمن:عليكم كلكم ساره:مدري بيقدر ينافسني في غلاك وينافسك في غلاي عبدالرحمن: وقسم لو تجيبين درزن يا ان غلاك بقلبي محد بينافسه ساره:الله يخليك لي يارب.. يعني ماراح تجيب طاري العرس عبدالرحمن:هوو انا مفكر بس حرام الحين بيصير عندنا ولد مدري بنت ولو ذبحتي العروس الجديده ببتلش فيهم بلحالي ساره:شفففف.. وشو وشو وشششو عبدالرحمن:ههههههههههههه عصبت ساره:دحيم بروح انام احسن مسكها عبدالرحمن: انتي الغلا كله ياروح دحيم انتي .............. في الصباح بدري راح عبدالرحمن وحجز دبابات على حسابه واخذ الفطور ووزعه ع الشاليهات بعد مافطروا قال لهم عبدالرحمن يتجهزون لانه اخذ دبابات.. الحريم ماراحوا بس البنات كان الشباب كلهم لابسين سبورت واشكالهم شي والبنات عباياتهم عليهم ومتلثمات وشافوا العيال يلعبون لعب في الدبابات عبدالرحمن كان ماسك ساره وواقفين بعيد:والله لو انك منتيب حامل كان خليتك تركبين ساره:تكفى ابي اركب عبدالرحمن:لاتحلمين اوعدك اول ماتولدين اجيبك هنا انا وانتي بس نادر:دندون مصره بتركبين الدبابات دانه:ايه ما اعرف اسوق نادر:احسن شي عشان تركبين وراي دانه:لا ندور انت متهور نادر:ماراح اتهور وانتي معي اخاف عليك اكثر من نفسي دانه: جد نادر: بقووووه دانه: لا على كذا يبيلي اسوي لك شي نادر:وشو دانه: اقرب بقول باذنك قرب منها وهمست له بضع كلمات نادر بلم:هااا دانه بدلع:امممم اللي سمعته شفيك نادر: بتهبليبي انتي.. ليتني متزوجك من زمان وربي الحياه معك نعيم وراحة بال دانه: احبك نادر:وانا اموت فيك وخلينا بسرعه نخلص من الدبابات ذي واشوف انتي قد كلامك دانه:هههههههه نادر على كثر ماكان يكره جرأة البنات الا انه حب الجرأه من دانه اللي كانت تصدر منها بذوق باعتبار انه زوجها ومافيه شي يخجل تركي يطالع البنات:وين منى منى:هنا هنا تركي:تعالي اركبي معي منى:لا فيصل قال لي اركب معه تركي:انا حالف ان تركبين معي منى فهمت انه تحلف فيها يوم تولد وقالت له يارب مايطلع تروك الصغير عليك:لالالا تكفى تركي تركي:انا حلفت يلا امشي لابكشتك اسحبك قدام الكل ندى:ههههههههههه تركي:وانتي بعدها.. قلت لكم ياويلكم واذكركم البنات:هههههههههههههه ركب الدباب: امسكي فيني زين منى:ورب البيت حرام عليك تركي: ولانفس تستاهلين فحط في منى لين قالت بس وهي حالتها تحزن مره تضحك مره تبكي واخر شي وقفوا واستفرغت فيصل:نعنبو دارك حست البنت مالت عليك من اخ تركي:ههههههه إلفقه بس .. وطالع ندى:ندى يلا ندى:واللي يعافيك تركي والله توبه جوري:خلاص خلها تروك تركي:ياشيخه لك عيوني بس انا حالف وانتي ماترضين يروح حلفاني كذا منى وحالتها حاله:لا مالي دخل تسوي فيها نفس اللي سويته فيني ندى:والله ياتركي ما أعيدها تكفى تركي:اسف عاد انتي حكايه ثانيه حاشره هالخشم في كل شي خليني أأدبك شوي وجرها معه وهي صراخها فوق الدنيا فهد اللي كان مع الشباب فهد:وش السالفه نادر:اكيد ثار قديم هو مايستلعن كذا الا اذا بياخذ حقه من احد فهد:ههههههه راحت فيه زوجته نادر:لا هذي اختي ام قرون الدبه نسيتها فهد:اييييه ندى هههههههه.. وفي خاطره هذاك اول اما الحين كنها غزال وقف تركي وكانت حالة ندى زي حالة اختها تضحك اشكالهم وراحوا يرتاحون الدنيا تلف فيهم جوري:كلهم معروفين الا هذول تقصد فهد واخوانه منهم ساره: هذول اللي كانوا يمشون ورانا جوري: ما انتبهت ندى:الا فهد ولد جيراننا صديق تركي واللي معه اخوانه عبدالاله وزياد جوري:طيب اعصابك ندى:شفيني جوري:ههههههه ولاشي.. جوري تنادي تركي:تركي جاها ركض وشعره على عيونه رفعت شعره: ها حبيبي وين اللي بيخليني اسوق تركي:مانسيت بس خلي الشباب يروحون عشان كل البنات يركبون ا كيد بيغارون وكل وحده تبي تسوق جوري:الله لايحرمني منك... وبعد فتره بعدوا الشباب شوي وركبوا البنات الدبابات وطلعوا مواهبهم وتركي كان مستانس وهو يشوف الفرحه باينه عليهم وفجأه وقفت جوري في الوسط وصارت تأشر له وهي ماسكه راسها كان بعيد فدقق النظر يبي يشوف وش معنى اشارتها.. شافها تقول له تعال خافوا البنات ووقفوا دباباتهم يطالعونها وفجأه طاحت وراحوا جري لها تركي كان مفزوع طلعت عيونه تركي:جوري جوري جوري ماترد والبنات مرتبكات شالها بيوديها المستشفى حطها بالسياره وجوا البنات يركبون تركي معصب:مو كلكم ثنتين بس وبالاخير قرروا تروح اختها اماني ومنى.. وودوها المستشفى كان خايف لاينعاد مشهد امه طرد الافكار وطلعت الدكتوره تركي وقف مكانه مايبي يروح منى:هابشري دكتوره الدكتوره:هو فين قوزها تركي:أ أ أن نا الدكتوره:انتا خايف ليه مبروك المدام حامل.. منى:مبروووووووك ياخوي مبروك تسند تركي على كرسي رجوله ماتشيله:الحمدلله يااارب..الحمدلله ودخلوا عليها وهي مبتسمه اماني:والله خفنا عليك وضمت اختها منى:مبروك الله يتتم لك بخير جوري:الله يبارك فيك وطالعوا في تركي اللي كان واقف طلعوا البنات وخلوهم مع بعض .. اقترب منها وطبع قبله طويله على جبينها:مبروك ياقلبي جوري بإبتسامتها الساحره:مبروك علينا كلنا.. تركي:انتي قلتيها انك انتي وساره بتحملون مع بعض جوري تلعب بشفايفها: صدفه تركي:سبحان الله اللي يغير ولا يتغير جوري:شلون تركي: شوفي كيف كنا و وشلون صرنا.. لاوبعد بيكون بيننا طفل جوري:حال الدنيا.. عجيبه هالدنيا ضمممممممها تركي على صدره: يالبـــــــــــــــــــيييييييه ياالدنيا العجيبه ............ بعد 9 اشهر جوري كانت متوقعه ولادتها خلال الايام المقبله وبعد الاشعه قالوا عندها ولد وتركي فرحاااان وميت من الفرح ينتظر ولادته على احر من الجمر طارق تزوج جمانه وسافروا يفرون العالم وبعدها بيرجع الرياض وندى تزوجها فهد اللي كانت عينه عليها واخوه فتح عياده خاصه الح عليه يحط بلوحتها النداوي ووافق بعد جهد ودانه عايشه احلى حياه مع عشقها نادر قرروا يأجلون موضوع الحمل لين ينتهي من دراسته ساره ولدت وجابت بنت زي القمر سمتها جوري وعبدالرحمن من فرحته فيها خلا الحديقه كلها كأنها ملاهي وكله يهون لجل جوري الصغيره من حبه لأمها فيصل ومنى متعبينهم عيالهم فقرروا مايجيبون اطفال الا بعد مايدخلونهم الروضه ابو رشا نصب على واحد ثاني وصارت مشاكل ومحاكم وقضايا بينهم وانسجن بقضية نصب واحتيال وطاح صيته بالسوق وخسر كل امواله .. وبنته مسجونه لحين موعد قصاصها منذر استأنفوا له الحكم افضل المحامين واشطرهم وبيطلع بعد ثلاث سنوات وقرر انه يصير امام مسجد المرحومه ريم اماني انخطبت والزواج بعد سنه حمد وخالد مابعد قرروا الزواج حبوا يعيشون حياتهم مثل باقي الشباب . . . . . [/i (((نهاية الروايه)))) قراءه ممتعه ............. امممم والله مدري اذا النهايه بالنسبه لكم حلوه او لأ.. انا حبيت تكون كذا لاني لو اترك لخيالي الابحار في التفاصيل بلاقي نفسي دخلت في احداث جديده... اعذروني ع االقصور . . . في لحظة ما .. في يوما ما .. عند ناصية الطريق نفترق .. عند ناصية الطريق يقول كل منا كلمات وداعه ، ثم نمضي كل إلى طريق .. ربما إلى لقاء ، .. فمن يدري ما يصتع القدر بنا أخواتي اسأل الله ان يجمعني بكم في جناته وكل الشكر لكم دون استثناء اختكم/ معانده جروحي .. .. .. |
.~. قــــــــــــــــــــتراءة ممتعه .~.
.. .. .. |
رد: يا لبيه يا الدنيا العجيبة ، للكاتبة : معاندة جروحي ..
شكرا حبيبتي روايه رائعه
وقمة الابداع ما شاء الله وجزاك الله خير |
| الساعة الآن 10:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية