منتديات ليلاس - درب درب درب المضغوط بالدجاج وصل

http://www.liilas.com/up/uploads/liilas_13248941721.gif

السلام عليكم ورحمة الله وبركاته

بحط لكم طريقة المضغوط وهي من ابتكاري ..والسبب تحدي بيني وبين ابو الشباب خخخخ ... اشترى مرة برمضان ايام الاصابع المحروقة ... فيس تدمع عيونه تذكر المعاناة ... المهم هو اشتراه من مطعم وانا لما اكلته حسيته عادي كأنو طباخ بيت وعلقت على هالشي عاد هو قال يالله ورينا السناعة وسوي مثله

انا جربته باللحم وبالدجاج وحبينا الي بالدجاج اكثر غير انو اسرع واريح ... فيس العجز

المقادير خمنتها من راسي وزودت عليها في بعض الاشياء وطلع شي ... وينفع للعزايم .... طولت عليكم اليكم المقادير هههههههههه

مضغوط الدجاج

المقادير :

دجاج مقطع انصاف او ارباع الكمية الي تناسبك / بصل مقطع مربعات / فلفل اخضر بارد مقطع مكعبات / معجون طماطم تقريبا ملعقتين كبار / كوب طماطم معصور بالخلاط / كزبرة وبقدونس وشبت مقطعين صغار / فلفل اخضر حار حسب الكمية الي تحبيها / فصين ثوم مفرومين ناعم / قرفة اعواد / هيل مطحون / ليمون اسود مايزيدون عن الثنتين / ملح وبهارات مشكلة وكمون

رز امريكي او مصري او صنوايت او اي نوع تفضليه تنقعيه الين وقت الاستخدام

الطريقة :

نحمر البصل والثوم الين يشقر وبعدين نضيف عليه الفلفل البارد ونتركه شوي الين تطلع ريحته ..... نحط قطع الدجاج ونحركها ونقلبها الين يتغير لونها

نجيب قدر الضغط ونحط عليه خليط البصل والدجاج الي ماعندها قدر ضغط تستخدم قدر عادي بس لما تضيف الرز تسويه على نار هادية ومغطى بقصدير علشان مايتسرب البخار ويعطيك نتيجة قريبة للي بالضغط

نحط معجون الطماطم وعصير الطماطم ضروري يكون الطماطم معصور مو مقطع علشان يظبط الطعم واللون

نضيف موية تغطي الدجاج ونضيف البهارات الصحيحة والمطحونة ونغطي القدر طبعا ماراح ياخذ معانا وقت طويل بقدر الضغط

بعد ماينضج الدجاج نطلعه من القدر ونتركه على جنب ....... نضيف الرز المغسول والمنقوع .... ونضيف البقدونس والكزبرة والشبت والفلفل الاخضر الحار ... طبعا مانستخدم موية كثيرة لانو بقدر ضغط نسكر عليه ونتركه من ربع ساعة لعشر دقايق

http://dc15.arabsh.com/i/03660/z7rd93plgzk4.jpg

نفتح القدر ونرجع الدجاج فوقه ونتركه ينشف زين ... نتركه عشر دقايق ونقدمه مع السلطة ...

http://dc15.arabsh.com/i/03660/ue1etmyctsyt.jpg

http://dc15.arabsh.com/i/03660/usubtuo53txo.jpg

وبالعافية عليكم

ملاحظة : اذا بتسويه باللحم نفس الخطوات بس اللحمة نسلقها قبل بس مانخليها تنضج تماما لانو بنتركها في القدر تتسبك شوي واللحمة مانطلعها لما نضيف الرز تندفن فيه .... اتمنى تعجبكم طريقتي