|
ارتحتي الحين خوفتيني على الفاضي..قالتها وهي تطلع من الغرفه ليلى:سوري تماضر ..بس مادري شفيني ..سوري مره ثانيه ربتت على كتفها وقالت بابتسامه تماضر:ام اللووول شفيك امزح معك..خلاص الحمد الله خفت حرارته الحين ارجعي نامي وراك جامعه ليلى:ان شاء الله...تصبحين على خير... تماضر:وانتي من اهله... سكرت باب الجناح ودخلت.. حطت ايدها على جبهته وحمدت ربها... جلست بجنبه على السرير...ودها تنام بس النوم طار منها...ولا تقدر تذاكر بهالاضاءه الخافته ولاتقدر تتركه... تخاف يصيرله شيء وهي بعيده عنه... قعدت على الحال لين صارت الساعه سبع الا ربع... راحت تاخذ لها شور سريع ولبست على الطاير...طلعت من غرفة الملابس وراحت للمكتب واخذت ملزمتها وحطتها بالشنطه وطلعت...دقت الباب على تماضر بس مافتحتلها واظطرت تدخل لقتها نايمه وقومتها ليلى:تمااضر..تمااضر تماضر:همم شتبين ام اللول ليلى:ههه والله ادري ازعجتك بس بروح للجامعه وزياد ماعنده احد ..روحي نامي عنده الله يخليييك تماضر:يوووه ياليلى تراك معطيته وجه ومدلعته انتي كذا بتخربينه ليلى:تمااااضر بليييز ولا ترى مو رايحه للجامعه بليييز تماضر:طيب طيب..ووقفت وعين مفتحه تشوف الطريق والثانيه مسكره وضامه الحاف لها وشكلها مبهذل... دخلت جناح ليلى ونامت على الاريكه على طول.. ليلى:تماضر ارفعي راسك بحطلك الخداديه تماضر:مو لااازم..خلاص روحي وحطي ببطنك صيفي بطيخه ليلى:ههههه صيفي بطيخه...نامي نامي... راحت لزياد وغطته زين وحبت جبهته واستودعته الله واخذت المنبه اللي بجنبه وعيرته على وقت العلاج وحطته جنب تماضر وطلعت... وهي نازله مع الدرج التفتت لمصدر الصوت المبحوح والغريب بالنسبه لها وانصدمت... بانت الرجفه بعيونها وهي تطالع بليلى وبنظراتها للشخص اللي معها.. شموخ:ليلى!! تمسكت بالدرابزين بقوه لدرجة البياض..وطالعت بالشخص اللي بجنبها باحتقار ليلى:يااالله صبــــاح خيييير..هالاشكال هذي شجايبها هنا؟؟؟ هيفاء:اقول اقضبي طريقك وابلعي العافيه..تراني مروقه ومو فاضيه لكلامك... زادت عصبيتها اكثر لما سمعت كلمة مروقه ليلى:مروووقه؟؟؟؟ هيفاء:حبيبتي امشي امشي تأخرنا... ومرو من عندها...ونزلو تاركينها مصدومه... ******************* نزّل الجريده على الطاوله اللي قدامه.. وقال وهو يشيل النظاره الطبيه من عيونها مؤيد:انا ماكنت ابي الفضايح..بس مافي غير هالطريقه...طول عمرها تنضرب وتدخل المستشفى وتطلع بكل هدوء.. مافيه احد وقفه عند حده.. الدكتور جلال:على قولتك مثل هالقضايا لازم تنتشر وتصير قضية رأي عام علشان يقدرون يوقفون ابو صالح واشكاله.. مؤيد:تدري شيء يقهر...حقوق الانسان والشرطه والمحكمه..ماتحركو الا لمن نشرنا الصور بالجرايد.. جلال:ياشيخ احمد ربك انهم تحركو وهي حيه..اغلبهم توفو وهم ماتحركو... مؤيد:ان شاء الله نقدر ناخذ حقها منه...وان شاء الله ترجع زي اول واحسن جلال:مؤيد هذي سنين من المعاناة فلا تتوقع انها بتتعالج بهالسهوله..لازملها علاج جسدي ونفسي طوييل.. راح لهم وبيده كوب قهوه فيصل:السلاااااااااام...وسحب كرسي وجلس جلال:وعليكم السلاام...وطالع بساعته..عندك مناوبه اليوم فيصل:لا والله بس قمت بدري وجيت... مؤيد:ااااه يازين النوووم... فيصل:مابقى شيء وتطلع..واشبع نووم مؤيد:لا ويني وين النوم..عمي ابو عهود اليوم نتايج تحاليله ولازم اروح معه فيصل:عاد بشرنا مو تنسى..عندي احساس انه بيطيب مؤيد:امين يارب العالمين... جلال:اقول فيصل تنصحنا نتأهل ولا لأ؟؟ فيصل:خلك ببيت اهلك احسن..العرس وجع راس وغثى مؤيد:ههه فيصل شكلك متعقد..ترى بعلم المدام وبتتوهق فيصل:اكبر همي... تكلم بجديه جلال:فيصل مو مرتاح بزواجك؟؟؟ فيصل:لا...انا طلقتها خلاص مؤيد:طلقتها!!!!!! فيصل:ليه ماتدري؟؟ ..ورشف من القهوه مؤيد:توي ادري منك..ليش؟؟؟ فيصل:صارت بينا مشاكل.. جلال:طبيعي بتصير مشاكل ببداية الزواج..بس حلها مو بالطلاق.. فيصل:ماكان عندي حل غيره.. جلال:الطلاق عمره ماكان حل..الطلاق هروب من المشكله..ممكن اعرف وشهي المشكله يافيصل؟؟؟ عقد حواجبه فيصل:مادري.. جلال:وعلى اي اساس قلت ان فيه مشكله وانت اساسا مو عارف المشكله.. فيصل:قلتلك فييه مشاكل بس مادري شالاسباب...ماتوافقنا مع بعض..هي شرق وانا غرب.. لاهي راضيه تفهمني ولا انا راضي افهمها...حاولت معها بس ماقدرت..وبصراحه مليت.. جلال:اكيد فيه مشاكل..انت من المريخ وهي من الزهره.. فيصل:هههههه والله تصدق نسيت اقرى هالكتاب.. جلال:مافاتك شيء اقراه وبتفهمها اكثر...وحدد مشكلتك واذا تبي حلول انا بالخدمه..وان شاء الله ترجعون لبعض.. فيصل:لا لا مالها رجعه..خلها بعيد احسن لي..ولها..ماحنا متقبلين بعض.. جلال:تذكر حسناتها وبتتقبلها فيصل:لا تحاول ونصيحه لاتجربون الزوااج.. ******************* الســــــاعه العاشره صباحا.. طلعت من الامتحان وبجنبها تهاني تمشي وحاطه يدها على بطنها الكبير.. تهاني:الحمد الله واخيييييرا تخرجناااااا وااااااااااااااااااي مو مصدقه ليلى:ايام وسنين مرت وكأنها لحظه...تتذكرين غدير وميساء وخططنا اذا تخرجنا... غدير اختفت ونستنا وميساء تخرجت قبلنا... تهاني:اي والله من يصدق اننا بنفترق...انا مو قاهرني الا غدير ..قطعت فجأه ..وهانت عشرتنا ليلى:ماندري عن ظروفها..الله يوفقها بحياتها...وانتي يالدبا لا تقطعييين تهاني:لا تخافين وان قطعت بيتي تدلينه طقي على الباب وابد بتلقين اللي يفتحلك.. طلّعت جوالها من الشنطه ودقت على شموخ..اللي جاها صوتها مع ثاني رنه شموخ:ايوه ليلى ليلى:شموخ يلا السواق برى.. شموخ:للحين ماخلصت هي تدري ان ماعندها اختبار وجايه استهبال للجامعه ليلى:بس فيه غدى كبير مسوينه اليوم دقت علي خالتي قبل شوي وقالتلي اقولك..لازم نرجع بدري يالله يمدينا نتكشخ شموخ:اوكيه اوكيه القاك عند البوابه...باي تهاني:عندكم غدى ليلى:لا ماعندنا بس ابغاها ترجع بكسر راسها..فيني حره ولازم اطلعها فيها.. لبست شبه العبايه وحطت طرحتها على اكتافها شموخ:سي يو حبيبي هيفاء:لاتنسين اللي اتفقنا عليه شموخ:ضروري يعني والله خايفه هيفاء:لمصلحتك..علشان ماتفتح فمها بكلمه شموخ:اوكيه بحاول ادبرها اليوم..خايفه تقول شيء لامي.. هيفاء:لاتخافين مارح تقول..انتي بس دبريلي الصور وبترتاحين..هالزفته تجاوزت حدها معي شموخ:صار...يلا بااااي.. ********************* رشت عطر اسكادا على رقبتها وتركت شعرها مفتوح.. لابسه بدي ابيض مع عقد لولو ابيض وتنوره بيضاء غجريه لنص الساق وصندل ربط ابيض..مكياج خفيف بلون البينك اظهر نعومتها.. شافت ساعة الحائط وابتسمت بمكر..وطلعت من غرفتها.. دخلت الجناح وهي تسمع اصواتهم.. نوال:صبااااااااح الخييييييييييييييييير.. تماضر:هلا صبااح النوووور ام فراس:اليوم مبكره بالقعده.. نوال:نمت بدري امس...وراحت للجهه الثانيه من السرير وجلست جنبه مايفصلهم الا خداديتين.. طالعها بابتسام زياد:للحين زعلانه يالدباا نوال:لا خلااص..اصلا قلبي مايطاوعني ازعل عليك..ومسكت ايده..شلونك اليوم زياد:الحمد الله بخير... تماضر:ياعمري على ليلى مادري شسوت بالاختبار..والله ماانسى روعتها عليك.. ام فراس:هالبنت دخلت قلبي..متربيه ..وتعرف السنع نوال:خالتي هالاشكال لاتغرك..جربنا نوف وزهوه..المفروض يصير عندك خبره سحب ايده منها زياد:نوال وبعدين معك انتي شفيك عليها قلتلك موووو زيهم قربت من اذنه وهمست نوال:اغااااار عليك افهم سكر عيونه ورجع فتحهم..يبي يستوعب اللي قالته واللي هز كيانه تماضر:نوال شعندك على زياد شقلتيله نوال:ماقلت شيء..خلي عنك اللقافه..ايمان وينهي؟؟؟ تماضر:راحت لبيت جدتها..بتقعد كل اليوم عندهم.. ام فراس:بعد قلبي هالبنت...زياد يمه شفيك؟؟ عقد حواجبه والتفت على امه زياد:يمه فيني النوم ممكن تتركوني تماضر:والله انا مو ميته علييك بس فيه ناس بيذبحوني اذا تركتك.. ابتسم وهو يتذكر طيفها اذا عصبت زياد:لا تخافين على مسؤلييتي... *************** سكرت الباب وراها وفصخت نقابها.. ليلى:قداامي اشوف كلامي للحين ماانتهى معاااك.. شموخ:انتي مااااالك دخل ساامعه..وهين والله لوريك تكذبين علي وتقولين فيه غدى.. ليلى:شين وقواية عين..ليه حرمتك من جلسه غراميه يا محترررمه..ماكفاك امس؟؟؟؟ خير خير شهالصرااخ قالتها وهي تنزل من الدرج.. ليلى:خالتي!! تماضر:شفيكم ؟؟؟ عضت على شفتها السفليه خايفه..لايكون بتقول؟؟ وصارت تطالع بليلى ليلى:ماصار شيء..عادي هواش خوات..انا كنت تعبانه وبرجع للبيت ورجعتها غصب معي وهي تبي تجلس مع صديقاتها.. نوال:والله اذا صرتي تمونين تهاوشي على كيفك..انتي مالك كلمه على شموخ سامعه التفتت على بنتها ام فراس:شموخ هذا اللي صار شموخ:ها..ايه.. تماضر:وانتي زعلانه على وشو صديقاتك مو طايرين بس ليلى تعبانه ..ليلى روحي ارتاحي ليلى:اسفه على اللي صار..وراحت لخالتها وحبت راسها..عن اذنكم... كشت على ظهرها نوال:ماااالت على هالوجه..تسوي نفسها بريئه.. تماضر:نوال تراك زودتيها البنت ماسوت شيء نوال:يعني انتظرها تسوي شيء... دخل فراس السلااااااااام عليكم وعليكم السلااااام ام فراس:جاي بدري اليوم اجل وين ابوك فراس:لا انا استأذنت ساعتين اريح شوي واتغدى معكم..فيه عندي خبر بيفرح نوال نوال:خير فراس:عمي الليله بيجي.. نزلت عيونها بالارض..ونحتت ابتسامه هزليه على وجهها..و انسحبت بهدوء وطلعت لغرفتها.. اسودت الدنيا بعيونها يوم انذكر طاريه..الوحده تفرح اذا قالو ابوك بيجي..وهي تكتئب.. رمت نفسها على السرير.. كل المعاناة اللي عاشوها بسببه..اهماله لنا ..ديكتاتوريته..مغامراته النسائيه وخيانته لامي.. حياتي البائسه..حرماني من اختي بسبب تسلط نسيب داري ان ابوي مو موجود..عيشتي عاله ببيت عمي.. وش جايبه الحين؟؟..جايب مصيبه معه اكيد.. ********************** دخلت الجناح وسكرت الباب وراها وهي تسمّي.. مشت بشويش خايفه يكون نايم وتزعجه... اول مادخلت الغرفه وقّفت وهي مستغربه... ليلى:السلام عليكم ورحمة الله وبركاااااته...ومشت لعنده..وهي تلوح بيدها...ولا انتبه لها.. جلست على السرير ومسكت يده..زيااااد وشفيك.. انتبه لها و نزل عيونه من السقف اول مامسكت ايده وصار يطالع بعيونها.. استغربت من حاله.. ليلى:حبيبي شفيييك.. زياد:ولا شيء..شسويتي بالاختبار حررت ايدها منه وشالت الطرحه من كتوفها وسفطتها وهي بحظنها ليلى:نقول ان شاء الله انجح..الدكتوره طيبه..و....زيااااد شفيييك؟؟؟ عقد حواجبه زياد:مافيني شيء قاعد اسمعك..كملي ابتسمت وقرصت خده.. ليلى:انا اعرف اذا كنت معي او لأ..قولي شفيك؟؟؟ اصطنع ابتسامه زياد:فيني النوم بس.. تنهدت اول ماجاب طاري النوم ليلى:انا مو بس فيني نوم..انا جوعاااااانة نووم..بروح اخذلي شاور منعش وبنام..تبي شيء حبيبي.. زياد:سلامتك.. قامت من عنده وهي تطالع بالسقف..ورجعت تطالع فيه وهي تقول ليلى:بغطي السقف مو احسن زياد:ليش؟؟ ليلى:لانك من اليوم تطالع فينه وانا مرتن اغاااااااااااااااااار...ودخلت غرفة الملابس وهي تسمع ضحكته.. ******************* حطت قلوس على شفايفها وهي تقول يررفع الضغط..خلاص مابيه ماااابيه..دفش دفش ريم:ارسيلك على بر..مره تقولين تحبينه ومره ماتبينه.. نزلت القلوس بعصبيه ميساء:لا لا خلاااص مااابيه..قررت ومارح اترااجع..تخييلي طول امس وانا زعلانه ولا راضاني..ويقولي بالطقاقين بعد.. والصبح مفطر من دوني وطالع مادري وين ولا كلّف نفسه يعطيني خبر..حتى اتصال ماتصل.. ريم:انتي الظااهر تبين كل ايامك عسل..الواحد يعني مايمل مايطفش مايزعل مايتكدر..تبينه كل يوم يقولك حبيبتي قلبي عمري تنهدت ميساء:مابيه يقوللي كذا بس مابيه يزعلني..انا مابي هالعيشه..انا طول عمري احلم وشلون تكون حياتي..ومو هذي احلامي اللي عشتها... ريم:ميساااااء لايكون بتتطلقين علشان فييييصل!!!! بلعت ريقها بصعوبه وتخربطت مشاعرها فجأه..ليه هالرجفه اللي تحسها..معقوله كانت تلبي مشاعرها اللي تخفيها بدون ماتدري...قالت وهي تحاول تسيطر على رجفة ايدها ميساء:ريم شهالكلااام؟؟؟ ريم:ميساء قوليلي الصدق..انتي يوم فيصل متزوج خالد كان زوج مافي مثله..صحيح ماكان معجبك ميه بالميه بس مافكرتي ابددا بالطلاااق..والحين بعد ماطلق عبير تبين تتطلقين..فسريلي؟؟؟ غمضت عيونها وهي تسمع نبض قلبها اللي زادت دقاته ونزلت دمعه حارقه مختلطه بالكحل الاسود اللي علّم على خدها الايمن قالت تكذب احساسها وتكبته.. ميساء:لو هذا تفكيري كان مارجعت لخالد عقب اللي صااار..على الاقل بتكون فرصه لي اني اتركه ومحد بلايمني ريم:ميساء انا ماقلت هالكلام الا من خوفي عليك..فاهمتني صح ميساء:طيب ريم اكلمك بعدين ريم:يعني زعلتي من كلاامي يالدبببا ميساء:لا مازعلت..تمونين مدام ريم.. ريم:لوو سمحتي اسمي حرم فهد.. ميساء:هههههه..طيب ياحرم فهد.. ريم:ايه سمعينا هالضحكه...ميساء ياقلبي انتبهي تجيبين طاري الطلاق قدامه..تراها تجرح الرجال مهما كاان.. ميساء:طيب ريم:وشو طيب.. ميساء:مارح اطلب الطلاق ارتحتي ريم:وتبقين على هالحاااله..بدون ماتحلين مشكلتك معاه... ميساء:مو انتي تبيني اجلس معاه ريم:وانتي تعتقدين ان الطلاااق حل..ميساء الطلاق مو حل الطلاق هروووب من مشكله.. ميساء:طيب يام الحلول عندك حل..نوريني ريم:عندي بس ابغاك تطبقينه بكل حذافيره سامعه.. ميساء:طيب... ********************* الســــــاعه الواحده والنصف ظهرا.. طالع بالساعه اللي معلقه على الجدار ..تأخر الوقت..لازم يصحيها تصلي الظهر..وبنفس الوقت شفقان على حالها.. مد يده لوجهها ومرره على كل ملامحها..الشحوب والصفار والارهاق باين عليها..طول الليل تسهر معي ومن الصبح تكون قايمه.. والاختبارات وهمها..وكله وماشتكت..اخلاقه المتأزمه وزهقه الدايم ومقابلته له بابتسامه.. انقلبت للجهه الثانيه حاول قد مايقدر يقرب منها وهمس بأذنها زياد:حبيبتي..لوولي..لووولي.. ليلى:همم.. زياد:حبيبتي..حبيبتي الساعه وحده ونص..ماتبين تصلين الظهر.. فتحت عيونها بصعوبه وهي تحس بصداع شديد..كانت مرهقه..التفتت عليه ليلى:الساعه كم؟؟ زياد:وحده ونص.. شبكت يدينها ببعض ورفعتهم فووووق وهي تستغفر كتمت تثاوبها ودمعت عيونها.. رفعت نفسها عن السرير..وشعرها متبعثر والتفتت عليه ليلى:ماصليت الظهر؟؟؟ مد يده ورجع كتله من شعرها لورى.. زياد:لا صليت بوقتها..بس ماقومتك علشان تشبعين نوم تنفست بعمق وشالت الحاف عنها وقامت تتوضى وتصلي رجع طالع بمكانها وهاجمه صوت نوال وهي جالسه بنفس المكان.. ((نوال:اغااااار عليك افهم...)) عقّد حواجبه وهو متضايق وقال بصوت عالي زياد:أستغفر الله العظييم..استغفر الله العظيييييم... مرّت ربع ساعه وبعدها حس بريحه يعشقها تهاجم انفاسه.. التفت ولقاها بجنبه.. زياد:تقبل الله ليلى:منا ومنك صالح الاعمال...بروح اجيبلك الغدى.. زياد:انا تغديت جابتلي امي الغدى.. ليلى:الباب مقفل؟؟؟شلون دخلت خالتي؟؟.. زياد:لا مو مسكر..ودخلت عادي.. حطت يدها على فمها تمنع شهقتها ليلى:دخلت وانا نايمه وشكلي كذاااا. زياد:وشفيه شكلك يجنن..وبعدين امي مو غريبه.. حطت يدينها على صدرها فوق بعض ليلى:زيااد انت بتجلطني ..خالتي تدخل وانا نايمه ولا ببجامتي هذي (كانت لابسه بجامه حرير لؤلؤي طويله مع بدي)) زياد:طيب وش فيها بجامتك..حلوه وتهبل علييك..عااادي مافيها شيء هذي امي بعدين لاتخافين ماكان طالع شيء منك..انا غطيتك زين ودخلت..خلاص لولي لاتطولينها رمت نفسها بقوه على المخده وتغطت بالحاف وشدته عليها ليلى:انت غريب اطواار..ماتغار علي ابددا..احيانا اشك انك تحبني.. ابتسم بعذوبه ومد يده لشعرها وبدى يلعب فيه زياد:انا امووت فيك..بس كل واحد له وجهة نظره.. ركزت بعيونه ليلى:اللي تبيه انا اسويه..ووجهة نظرك احترمها..بس كل شيء له حد.. اخذ خصله من شعرها وبدى يلعب فيها بخشمها زياد:لا بس اليووم بتنفذين طلبي.. بعدت ايده عن خشمها ليلى:وشهو الطلب زياد:عمي عشاه الليله عندنا..وبتحضرين ليلى:ابو نوال..ياحليله اخيرا جاء زياد:والله يستر من جيته.. ليلى:ليه زياد:لا ولا شيء.. ليلى:اكيد نوال بتطير من الفرح..مسكينه كم لها ماشافته..الا اقول زياد زياد:قولي ليلى:نوال تروح لامها؟؟ زياد:ليش تسألين.. ليلى:ودي اعرف كل شيء عنها..ماعمري سمعتها تجيب طاري اهلها..وانا مااعرف الا ان ابوها مسافر وماسك فرع لشركتكم بجده وامها تطلقت منه واختها متزوجه وماتجيكم كثير.. زياد:وكل هذا وتقولين ماتعرفين..؟؟؟ بعدت يدينه عن شعرها وهي تبتسم..وانقلبت على ظهرها ليلى:بصراحه دخلت قلبي مرره مادري ليش..وهي مادري شفيها علي ماتأقلمت معاي..مو نفس تماضر وشموخ.. زياد:بتتأقلمين معها قريب.. ليلى:ان شاء الله...يلا نام علشان انام زياد:ههه انتي نامي وماعليك مني انقلبت على جنبها الايمن وسحبت يده وحطته تحت خدها.. ليلى:بتنام غصب عنك..انا مو جاييني نوم وانت تفكر بمادري مين..يلا يلا نام غمض عيونه زياد:وهذي نوومه.. ليلى:يووووه نسيت الباب ماقفلته.. كانت بتقوم بس منعها صوته زياد:نامي نامي محد داخل بدون مايستأذن...الباب مسكر يكفي قالت وعيونها بدت تسكر غصب عنها.. ليلى:والله حتى انا عااجزه اقووم...وراحت بنوم عميق... **************************** |
سلّمت على عمها وحبت راسه..قالت بصوت خجل ووجه مورّد.. عبير:كيف صحتك عمي ابو فيصل:الحمد الله انا بخير..انتي شلونتس..احتريناتتس على الغدى ويقولون انتس نيمه ماتدري شتقول او حتى شترد..رجعت خطوتين على ورى ووجها له.. وجلست على الكنب.. عبير:ايه..انا صايره اسهر هالايام... الجده:قوومي يامال العافيه صبي لعمتتس القهوه صار وجهها احمر من الفشيله..قامت بسرعه ومسكت الترمس وصبتله فنجان.. اخذ منها الفنجان وهو يقول ابوفيصل:لا ماعليه خلااف..الشيخ حكم بثلاث سنين بس اذا مارضى ابو محمد بالصلح نقدر ناخذ تمديد..وان شاء الله مانضطر لهالشيء..ان شاء الله يحن على ولد اخوه ويفرج عنه... الجده:انا قلت لفيصل ابنهج لام محمد كود انها تحشمني وتوافق على الصلح.. جلست وبحضنها الترمس عبير:عمي الحين اذا ام محمد تنازلت يطلع ناصر؟؟؟ ابوفيصل:ايه يصير علينا ندفع الديه الشرعيه...يايمه حنا بنسوي كل شيء علينا..بس مو الحين اكيد للحين هي زعلانتن على فراق ولدها..وقلبها شايلن علينا..وهز الفنجان بيده قامت بسرعه وتناولت الفنجان وهو يقول ..بس بس.. عبير:اصبلك شاهي عمي ابوفيصل:لا لا تصبيلي..يلا انا بروح للشركه الجده:وش يوديك للشركه ماني خابرتك تداوم بالظهر ابوفيصل:هذاك يوم ولدي سليمان فيه..الحين مافيه غيري انا ومحمد..يلا يمه تبون شيء الجده:ايه ياولدي لاتنسى تكلّم فيصل يرجع مريته اخوك ماهو ناقص اللي فيه مكفيه.. ابو فيصل:ان شاء الله يمه تامرين ..مع السلامه... اول ماطلع نزلت الترمس على الطاوله بعصبيه عبير:جدتي ليه قلتيله كذا..انا مااااابيه ليه ماتفهمين..الحين يحسبني قاطه نفسي عليه الجده:ايه وتبين تقعدين مطلقه عندي..اهجدي بس غلطانتن على الرجل وتتشرط..قومي ساعديني بروح اقيّل بغرفتي راحت لجدتها ومسكت يدها تساعدها *********************** نزّل الملف اللي بأيده ورد على الجوال.. نعم..قالها وهو يمسد جبهته.. خالد:السلاااام عليكم .. فيصل:وعليكم السلام.. خالد:شخبارك.. فيصل:الحمد الله..انت شلونك خالد:انا مو صاير بخير لين ترضى عني.. فيصل:انا عندي حاله الحين..مع السلامه..وسكرها بدون مايسمع اعتراضات خالد.. ضغط على الجوال مقهور من يوم اللي صار وهو يحاول فيه..يكلمه عادي بس اذا فتح سيرة هالموضوع قال عندي حاله... وفتح باب الشاليه وهو يزفر قال وهو متضايق قبل لايسكر الباب وراه ميساااااااء.. كانت جالسه بالصاله بتنوره ستريت لتحت الركبه لونها زيتي وتوب خليط من الزيتي والتركواز وعقد تركواز طويل وخاتم بفص تركواز.. حاطه رجل على رجل وتقرى المجله.. ابتسم اول ماشافها ومشى وهو يشد على رجله اليمين من التعب.. خالد:السلاام عليكم.. رفعت عيونها عن المجله وطالعت بشكله..كان لابس سبور بنطلون اسود برموده من نايك وبلوزه كت ابيض من نفس الماركه..وكاب اسود...ورجعت نزلتها للمجله وهي تقول ميساء:وعليكم السلااام.. جلس جنبها وشال الفوطه اللي محاوطه رقبته وحطها بحضنه.. خالد:تأخرت عليك.. ميساء:لا.. خالد:طيب اطلبي الغدى على مابال اخذلي شور باااارد..اليوم تعبت وانا العب الجيم طرت على بالها فكره..نزلت المجله والتفتت عليه.. ميساء:وشلون مافكرت فيها.. خالد:وشهي؟؟ ميساء:اني اروح للجيم..حاسه وزني زايد هالايام.. خالد:لا زايد ولا شيء..يتهيألك.. ميساء:يعني انتظره يزيد.. وقف وهو يقول خالد:وشوله جيم وخرابيط انتي جايه هنا تتمشين مو تسوين رياضه..وعطاها ظهره ودخل للغرفه... مسكت المجله وهي مقهوره..علّم نفسك بالاول..اااف هالمجله لو سوو عليها اختبار نجحت..عشرين مره قريتها.. بعد مرور خمس دقايق..رمت المجله ومسكت التلفون تطلب غدى.. طلع من الحمام وهو لابس الروب وشاد عليه..دارت عيونه بالغرفه ولا لقاها.. استغرب بالعاده هي تجهز ملابسه وتنتظره..حتى قبل لاياخذ شور كانت تجهزله الحمام.. طلع للصاله وقبعة الروب على راسه.. كانت تجهز الغدى على الطاوله.. كانت اضاءة الشمس القويه ساطعه على الرخام ومحاوطه ميساء بهالة.. كان شكلها مثل الخيال او الحلم.. تقدم منها وسحب كرسي وجلس.. خالد:وش طلبتيلنا اليوم..؟؟ ميساء:مشاوي ورز...وجلست بهدوء.. فتح الاطباق وهو يطالعها..فيها شيء..شكلها متغير.. غرفتله بدون اي كلمه..وغرفت لنفسها وكلت.. مسك الخبز بيدينه وهو لازال يطالعها.. خالد:ميساء صبيلي مويه نزلت الملعقه واخذت الكوب اللي قدامه وفتحت قارورة الماء وصبتله وعطته بدون ماتطالع فيه وكملت اكلها عادي.. شرب المويه المثلجه ونزل الكوب بقوه على الطاوله شافت الكوب من طرف عينها وكملت اكل.. انقهر..حتى ماكلفت نفسها تقول شفيك..وبدى ياكل بنهم من القهر... ****************** العصــــر.. بالسياره وقدام بيت خالتها الله يرحمها.. مسكت ايده وفردتها ونزّلت اول اصبع وهي تقول.. عهود:ساعه بجلس هنا..ونزّلت الاصبع الثاني..وبعدها تجيني بنروح نتمشى ساعه ونزّلت اصبعين وبعدها بتنزلني للصالون عندي شغل هناك..ونزلت اصبعه الاخير وهي تقول واخييرا بتوديني المطعم نتعشى..ونرجع للبيت اوكيه حبيبي.. سحب ايده منها وهو يحس بكهرباء تسري بجسمه سالم:انا مو فااضي بجي باخذك من عبير وترجعين للبيت عهود:بس انا قلت لامي ولابوي اننا بنتأخر وبتعشيني برى.. صد عنها وهو يطالع بحديقة ابو سليمان سالم:طيب ..بس مره ثانيه لا تقولينلهم قبل لاتستشيريني مدت ايدها ولفت وجهه له وقالت بدلع عهود:تامر امر يابعلي..ونزلت حرك السياره بسرعه وكأنه يسابق دقات قلبه... فصخت عبايتها وهي تضحك.. عهود:جدتي شوفي عيادات التجميل مليااااانه بنات وكلهم يبون تنفيخ خدود ..وعبير جتها من الله حتى بلاشر مايحتاج.. ضربت بنت خالتها على كتفها عبير:اشوف فيك يوم ياعهييد الجده:استحي على وجهتتس تدعين على البنت جلست على الارض وهي متربعه ورجعت شعرها على ورى عهود:شفتي ياجدتي ترى كل مااجي تسوي فيني كذا حطت ايدها المتجعده على فخذ عهود وقالت بحنيه الجده:وشلون ابوتتس عساه تشافى عهود:ان شاء الله ياارب..الدكتور اللي يتابع حالته يقول انه يتحسن..الله كريم ادعيله جدتي الجده:الله يطول بعمره ويخليه لكم..هالرجال اجودي ومايستاهل عبير:جدتي حرام تقولين مايستاهل هذا اعتراض على حكم الله الجده:استغفر الله استغفر الله والله ماقصدت...الله يلعنك يابليس..قوميني قوميني بروح لام فيصل تأخرت عليه(ها) عبير:تبين تروحين لهم الجده:لا انا قايلتن بمرّه عازمتنا ام طلال.. ابتسمت بمراره وهي تتذكر هالاسم..اعز اصدقاء ناصر.. عبير:سلمي عليه(ها) الجده:الله يسلمتس... وبعد ماراحت الجده لام طلال عهود:هابشريني عسى كلمك عبير:لا.. عهود:طيب كلميه طلعت عيونها برى وهي تقول عبير:الله لا يقوووله..انا انزل كرامتي له..خليه ينقلع.. عهود:هو الله العالم انه انقلع وخلاص قالت بخوف بان من صوتها عبير:تهقين؟؟؟ عهود:صبيلي نعناع علشان افكر اذا انقلع او لأ.. رفعت حاجب ورمتها بنظرات ناريه عبير:تستهبلين وانا مو رايقه...صبي لنفسك منتي غريبه مدت ايدها واخذت الابريق وصبت لنفسها بالبياله.. عهود:وش فيك عبير:مقهوره..وكبتت صيحتها وقالت بابتسامه..متعرف على وحده ويكلمها.. نزلت البياله من يدها عهود:يكلّم بنت؟؟؟ شدرراك عبير:نسرين..ولا غير كذا مو محترمني ويقول قدام الدكتورات والممرضات اني نشبه وغاثته...واحد مو محترمني ولا يبيني وتبوني ارجعله..مايستاهل عهود:انا هالنسرين مو متطمنه لها..وبصراحه مقتنعه بكلام امي..يعني اسمحيلي ماعمري شفتها داقه عليك عندها سالفه غير فيصل سوى وفيصل عمل...عبير انتي حتى صداقتك فيها غريبه..تعرفتي عليها يوم امي الله يخليها كانت بالمستشفى وهي اللي لزقت نفسها لك..حتى امي سألت مؤيد عن فيصل وقال انه محتررم عبير:انتي ماتعرفين يعني بطبايع الرجال..ماحد يعلّم على الثاني عهود:ياختي مؤيد معترف ويقول احيانا يعطي وجه ويسولف معهم..يقول صداقه عادي..الله يعين مرته عليه..بعدين لحظه ونسرين هذي شدراها ان فيصل يكلّم بنت..؟؟؟ عبير:هي ماقالت انه يكلّم بنت..انا استنتجت...هي قالتلي اني انا كلمته مره ومارد علي وقال عني اني نشبه..وانا ماكلمته وهي تقول اني كلمته كثير وهو مطنشني..فشلون فسريها اذا مو انا اللي مكلمته لاني متزاعله معاه؟؟؟ عهود:ونسرين تدري انك متطلقه؟؟؟ عبير:لا ماقلتلها.. تلفّتت حوالينها ومالقت شيء ورفعت نفسها شوي واخذت الخداديه اللي على الكنب ورمتها على عبير مقهوره عهود:تبين تجلطيني تبين افارق هالحيااااه يالخبله..صدق انك غبيه..وكل هذا ولا عرفتي انها تكذب...شفتي ان امي صادددقه.. رمت الخدايه على جنب وهي ترفع خصلا تحررت متمرده على وجهها عبير:مافهمت؟؟ عهود:هذي تكذب علييييك..والدليل انها تقول انك كلمتي عليه وهو مارد اولا ليش على طول قالت انها انتي.. لاتقولينللي فيصل..لانه مستحيل وخصوصا انه بعد زعلان منك...هي ألَفت هالسالفه من عندها تبيك تتمشكلين مع فيصل.. واكيد كالعاده قالتلك لاتعلمين فيصل..صح؟؟؟ عبير:مسويتلي فيها ذكيه يالذكيه..هي قالت انه هو قال انها زوجتي النشبه وهي قالتها لي بحسن نيه يعني لو كانت بتكذب على قولتك مارح تجازف بكذبه مثل هذي وهي تدري اني بكشفها لاني وبكل بساطه بكشفها لاني مادقيت.. هي وبدون ماتدري كشفتلي هالخاين وانه يكلّم وحده من وراي عهود:بكيفك..اسمعي كلامها ولاتصدقين عليها...وبعدين ماحد لايمه يكلّم وزوجته تاركته عبير:والله هو اللي تركني ولا حتى كلّف نفسه يعتذر.. رن جوالهاوطالعت بساعتها عهود:يووه راح الوقت بسرعه هذا اكيد سالم.. ***************** |
ضحك بصوت اقرب للعالي ورجع خفّض صوته.. فيصل:هههه الله يقطع سواليفك..خلااص خلاص بسكر زياد:ترى ماهي حاله يابن الناس اقفل الجوال تروح تدق على الثابت خلاص خلك فطين وافهم اننا مانبيك سحبت السماعه منه وهي تسمع فيصل فيصل:ياخي احب اختي شتبي... ليلى:وهي تموووت فيك الله يخليك لها.. فيصل:اخيرا رديتي ..هاشلون اختبارك..حليتي زين ليلى:الحمد الله.. فيصل:يعني اقول مبروك للتخرج ليلى:ان شاء ...ماكمّلت لان زياد سحب السماعه زياد:يعني انت ..شسوي فيك..اذبحك اسلخك..قووووطي ماتفهم ياااخي خلاص سمعت صوتها فااارق فيصل:زيياد اهجد لاتخليني اتهور واجي للبيت وشوف شيصيرلك زياد:شوف من بيفتحلك بس..يلا يلا مع السلامه... طالع فيصل بالجوال ورجع دق مره ثانيه بس ماحد رد.. فيصل:اكيد فصله...اوريك يازياد ان مارفعت ضغطك...والتفت على ورى وهو يسمع صوت انثوي رقيق نسرين:فيصل فاضي ابتسم وهو يتحسس ذقنه المهمل فيصل:لا ملياان.. ضحكت بعذوبه نسرين:رايق فيصل:وليه ماروق..وانا ..سكت نسرين:وانت ايش؟؟؟ فيصل اللي كان بيقول وانا اشوفك..تلعثم..موو وقته..لازم مابين شيء الحين.. فيصل:انتي شعندك..مو المفروض تكونين طالعه.. نسرين:لا مو طالعه..وترى اليوم بعد عندي مناوبه..وفرحت كثير لما عرفت انك مناوب بعد.. يعني بتقنعيني انها جت صدفه فيصل:لاا زين..على الاقل القى احد اسولف معاه...يلا اشوفك بالبريك..سي يو وقفت وهي متخصره ليلى:على الاقل لاتفشلني قدااامه على طول تسحب السماعه ولا تسكر بوجهه بعد..يمكن يبي شيء مني .. طالعها من فوق لتحت زياد:والله بكيفي..تعالي تعالي...وأشرلها تجلس جنبه راحت له وجلست جنبه.. زياد:الليله عمي بيجي صح ليلى:صح زياد:وعمي يعني عمك..يعني تكشفين عنه صح عقدت حواجبها وحط يدينه على شفايفها يمنعها تتكلم زياد:تحجبي بس ماله داعي تتغطين..ليلى علشاني مابي احسك غريبه بينهم شاحت بوجهها عنه وقالت وهي تحس نفسها مخنوقه ليلى:خلاص مو نازله..انتم اساسا ماتبوني..والا هذا انا اجلس واسولف اذا جو اخوانك وعادي وانا متغطيه..مامنعني هالشيء.. بس انت مصر اني اكشف مادري ليش...زياد اذا السالفه كذا مارح انزل.. لف وجهها عليه وشد على ذقنها باصبعينه زياد:لا خلاص بتنزلين وبراحتك بعد..اهم شيء لااسمع هالصوت المخنوق منك..ترا اختنق ليلى:بقول اني معزومه عند اهلي..واروح.. زياد:لاا بتجلسين..ليلى انا ماقصدي شيء بس مابي احد يقط عليك كلمه ولا كلمه وانا مااستحمل برد على طول ليلى:لا استحمل علشاني..لاتخاف علي..انا مايهمني كلام غير كلامك.. زياد:طيب اخر شيء ليلى:ايش زياد:عمي تراه شوي..لا مو شوي الا كثيرر فري..فلا تتضايقين من تعليقاته..هو عمي ومااقدر ارد عليه ليلى:اوكيه ..زياد ليتك ماقلتلي خوفتني زياده منه... سحبها ودفن راسها لصدره بشويش علشان العمليه زياد:لا تخاافين وانا معك... ************************* الليــــــــل.. الساعه 8:30 قصر ابو سليمان دخل وهو يضحك على شيء قاله له فيصل على الجوال.. نزل الشنطه عند المدخل وهو يراقب ابوه اللي سبقه لداخل وشافه يحضن عبير.. سليمان:خلاص ان شاء الله غداك بكره عندنا راضي علينا يادكتور فيصل:لا خلها عشى..اشوا طلع فيك خير مو مثل نسيب الغفله زياد..واسمع قول لسلمى ابي العصير اللي احبه.. سليمان:طرااار وتتشرط..اقول يلا يلا ضف وجهك.. فيصل:ترى ماعلي بكره انا بعد صلاة العشاء وانا عند الباب سامع..مع السلامه.. دخل الجوال بجيبه ودخل للصاله.. سليمان:السلاااااام عليكم...وراح لجدته اللي تهلي فيه وحب على راسها.. الجده:حي هالصوت حي هالصوت والتفت على اخته اللي منزله عيونها بالارض سليمان:القرده ماتبي تسلم علي... ابتسمت وهي تمد يدها اللي سحبها وحضنها.. سليمان:انتي حتى السلام ماتعرفين..وبعدها عنه..وقرص خدها..شخبارك ياحلو عبير:الحمد الله زينه..ورجعت تحضنه..اشتقتلك سليمان:والله..قالها بدلع بعّدت عنه وضربت كتفه عبير:الله يعين سلمى عليييك..دب والتفتت على ابوها اللي جلس جنب جدتها ويسولف عليها عبير:يبه نحط العشاء.. ابوسليمان:ايه قولولهم يحطونه...وانت ياسليمان شفيك واقف اجلس سليمان:لا الله يسلم عمرك انا بروح لبيتي..تعبان وودي انام الجده:ايه روح روح هالمسيكينه طلعت من الاربعين وللحين ببيت اهلها.. سليمان:يلا تصبحون على خير... $$$$$$$$$$ منزل سليمان... فتحت الباب وعلى وجهها ابتسامه مشرقه مثل وجهها.. الحمد الله على السلااااامه... ابتسم بعذوبه وهو يطالعها..ياهو مشتاقلها.. سليمان:الله يسلمك يااابعد هالدنيا كلها..وحب راسها وهو يهمس..اشتقتلك ابتسمت والحمره اكتست ملامح وجهها وهمست بحب سلمى:وانا اكثر ... وبلحظه كانو سديم وناصر بحضنه.. سديم:باابا جبت هديه ناصر:بابا جبت سياره.. حضنهم بقوه سليمان:ايه جبت كل شيء لكم... سلمى:حبايبي خلاص خلو بابا يدخل ويرتاح.. سليمان وهو شايلهم بحضنه ويمشي لداخل.. سليمان:خليهم اشتقتلهم مره.. ************************* ملامحه الحاده اللي تدل على الدهاء والذكاء..طوله المهيب وكتافه العريضه اهتمامه بأناقته اللي باينه من كبكات ثوبه الفضيه والقلم الفضي اللي يزين جيب ثوبه العلوي حذاء اسود جلدي لامع وسكبة شماغه الاحمر بطريقه رائعه ..طريقة مشيته وكأنه تقول ياارض اتهدي ماحدش ادي.. شعره الطويل لحد ما..وسكسوكته اللي محاوطه شفايفه العريضه المورده.. ماتدل ابدا على ان اللي قدامنا هو شخص عربيد..وزير نساء..واكبر عطالي.. كانت تحس بشيء بين هالعم وعيال اخوه..نظرات فراس وعبدالمجيد وزياد..حتى بنته.. تدل ان بينهم عداوه..هم رسميين بسلامهم وهو مطيح الميانه.. شافته كيف ضم تماضر وشموخ..وحتى ام فراس..وكأنه اخوها.. شبكت يدينها ببعض يوم جاء دورها بالسلام.. مد يده بيصافحها وهو راسم ابتسامة سخريه على وجهه.. اسفه عمي مااصافح...واتبعتها..بالحمد الله على السلامه..كيف صحتك.. طالع بيده لثواني والتفت على زياد وهو يقول..بلهجة سخريه واستهزاء ابو شيخه:متزوج مطوّع### هههه ابو فراس:ابو شيخه حياك اجلس اجلس.. رماها بنظرة استحقار وجلس جنبها قاصد...حط رجل على رجل وهو يقول ابو شيخه:اجلسو شفيكم... طالعت بزياد..وقالت بهدوء قبل لاتنسحب ليلى:عن اذنكم...وطلعت... قال وهو جالس بكنبه منفرده ومقهور من حركة عمه زياد:ياغريب كن اديب... ابتسمت ابتسامة تشفي..وهي تطالع بأبوها اللي يسوي نفسه ماسمع... ابو شيخه:شفيكم واقفين اجلسووو تراني من اهل البـــيت.. دخلت جناحها وسكرت الباب وراها..شالت جلالها اللي عليها ورمته بالسرير.. ورمت نص جسمها على السرير وتتنفس بعمق...تريح اعصابها شوي.. وقح ..وقح...وقح...رددتها بنفسها وهي تتذكر كيف جلس بجنبها .. مرّت عشر دقايق..رفعت نفسها ودار نظرها بغرفتها..ابتسمت.. ليلى:خلني اغير ترتيب الغرفه..اكيد زياد بيجي وهو زعلان..خلني اسويلها مفاجئه.. وبالمره اسوي احتفال بمناسبة العطله..وقفت وراحت لغرفة الملابس..وهي تمشي..بجنب التسريحه.. حست انها دعست شيء...نزلت نظرها تشوف ايش...وعقدت حواجبها ..العطر شمطيحه بالارض؟؟...انا متأكده قبل لاطلع ان كل شيء بمكانه... *************************** الساعه 9:30 جده.. رتّبت شنطتها وهي تغني ..مطنشته ولا كأنه موجود.. سكرت سحاب الشنطه وراحت للتسريحه تلم باقي اغراضها.. متمدد على السرير ويراقبها..فيها شيء متغير.. رفع نفسه وحط الوساده ورى ظهره.. خالد:ميسااء.. ميساء:نعم.. خالد:انتي تعبانه؟؟ رفعت عيونها له وهي عاقده حواجبها ويدينها ماسكه فيهم الفرش.. ميساء:لا..ليش؟؟؟ خالد:لا ولا شيء..كملي شغلك.. 0 0 0 بعد عشر دقايق.. خلّصت من جمع اغراضها..نفضت شعرها وطلعت من الغرفه.. جلست بعد ماشغلت التلفزيون وهي حاضنه رجل ورجل ممددتها.. قلّبت بالقنوات واخيرا استقرّت على قناتها المفضله..تنتظر مسلسلها التركي.. ******************* اعتذرت عن العشاء بحجة الرجيم..وطلعت فوق.. وقبل لا تدخل غرفتها..مرّت من عند غرفة شموخ..كانت تسمع صوت..دخلت واتفاجأت لما شافتها..قالت بعصبيه نوال:خيـــــــر شتسويييين... كانت مندمجه بشغلها..ولاانتبهت ان فيه احد دخل.. وصرخت بيماااه ويدها على صدرها قبل لاتلتفت لنوال ليلى:بسم الله خوفتيني.. تقدمت ناحيتها وصارو وجه لوجه.. نوال:لاتبوق ..لاتخاف...قوليلي شتسووين هنا لا افضحك الحين قدااام الكل... ليلى:اللي جابني هنا..هذول..ومدتلها صورها.. نوال:مافهمت.. ليلى:نوال انسي انك ما تأقلمتي معاي..خلي كل همك مصلحة بنت عمك..بس ابغاك توعديني ان محد يدري بالسالفه غيري وغيرك وشمووخ.. تكتفت ورفعت حاجب.. نوال:يوووه السالفه طلعت سر بعد...يلا قوليلي كذبتك شكلها قويه.. طنشت مسخرتها ليلى:شموخ مو بوعيها..شموخ تمشي مع بنت شاذه واظن من اشكالهم مع بعض ان علاقتهم تجاوزت الحدود.. عصّبت ودفت ليلى بقوه على الارض وهي ترفع سبابتها تهدد نوال:حقييره علشان تبررين وجودك هنا تتهمين بنت عمي..صد قاطعتها ليلى:اشششششش خلااااص يكفي نسيت ان عقلك محدود وماعندك سالفه وانا الغلطانه اللي قلتلك.. وطلّعتلها صوره وحيده لقتها بالصدفه...شووفي بنت عمك شمسويه اخذت الصوره وطالعت فيها بتركيز..مو مصدقه..ارمشت بعيونها تبي تستوعب... كانت صوره عاااااديه جددا.. شموخ وهيفاء وايد هيفاء محاوطه خصر شموخ...هالصوره بتكون عاديه لو هيفاء بنت عاديه.. نوال:وانتي شدراااك...شلون عرفتي ليلى:بالجامعه شفتها معها...الحين المشكله في صوري نوال:صورك؟؟؟ ليلى:شموخ ماخذتهم اتوقع بتعطيهم هالزفت اللي معها..انا اليوم كلمت شموخ وتهاوشنا مو راضيه تسمع كلامي..وانا وهيفاء بينا ثار..واكيد ماخذين صوري بيبلوني ببلوه..لقيت كل الصور..بس باقي وحده مالقيتها... تغيرت ملامحها بلمح البصر وتكرمش وجهها من كثر ماهي معصبه.. نوال:هييين ياشموووخ..انا اللي بربيها...قالت كلمتها الاخيره وشموخ تدخل... خافت اول ما شافتهم ..بلعت ريقها بصعوبه وهي تنقل نظرها للي بيد ليلى قالت بصوت قد ماتقدر يكون ثابت شموخ:شتسوون هنا؟؟؟؟ وكأنها تنتظرها..التفتت على ورى وراحت لها بسرعه والشرر يتطاير من عيونها ومسكت اكتافها العريانه بقوه وبدت تهزها نوال:انتي تطلعين كذا انتي يااااشمووووخ...شاااااذه ليييش ليييش.. لمعت عيونها منذره بسقوط سيل من الدموع شموخ:نواال صدقييني تكذب تكذب راحت ليلى لهم وصارت بين شموخ ونوال..وطالعت شموخ بحقد ليلى:أكــذب...ويين كلامك الصبح وثقتك وانك مو مسويه شيء غلط ؟؟؟ليييش خايفه دامك على صح؟؟؟ وبعديييين شلووووووون تتجرأين وتاخذين صوري...اناااا زووجة اخوووك مانتي خااايفه على سمعة اخووك..هاا؟؟؟ حسّت بالغلط..وأقرّت فيه بداخلها.. شموخ:ماادري كنت مقهوره منك..وبعدين خلاص هذي هي معك..ماعطيتها هيفاء ليلى:وبس؟؟يعني ماتشوفين غلطك الا انك اخذتي صوري....وعلاقتك بهيفاء عااااادي؟؟؟؟ نوال:ردددي قووووليلي..عااادي..؟؟؟ ميلت فمها على جنب شموخ:اييييه عاااااااادي وكل البناااااات لهم بوي فرند..على الاقل انا ماطلعت مع شباب ولا عمري كلمتهم نوال:يعني هيفووووه هي البديييييل... شموخ:ماااالكم شغل فيني.. ليلى:اذا ماتعرفين مصلحة نفسك بيصير لنا شغل معااك...والحين قوليلي وين صوري؟؟؟ شموخ:كلها في الدرج ليلى:باقي صوره وحده مالقيتها...وينهي نوال:روووحي طلعيها لاطلع روووحك..يلللااااا.. راحت للدرج وبدت تدوّر..ولا لقت شيء..التفتت على ليلى شموخ:كم معك صوره؟؟انا ماخذت الا ثلاث.. ليلى:مستحيييل انا متأكده ان فيه صوره ناااقصه.. شموخ:والله والله والله ماخذت الا ثلاث..وريني اشوف..وطالعت بصور ليلى...والله ماخذت غيرهم.. ليلى:شموخ لاتكذبين ولا ترى بقول لزياد وهو يتصرف معك.. شموخ:ورب الكعبه ماخذت غييرهم حاوطت رقبتها بيدينها وهي تسمع جدال ليلى وشموخ.. تنهدت وهي تقول بقلبها..الله يستر ماانكشف.. نوال:ليلى خلااص انا اعرف شموخ ماتكذب..يمكن انتي مضيعتها هنا ولا هنا.. ليلى:شموخ..اعتبريه تهديد ترى والله ان صار شيء ولا شيءماتلومين الا نفسك... شموخ:قلتلك ماااااااااااخذت غير هذولي..شفيك؟؟ نوال:ليلى خلاص روحي ارتاحي وانا بتصرف..وخليني اتفاهم معها على راحتي.. طلّعت هو من فمها تهدي اعصابها فيه ليلى:اوكيه..وطلعت.. ****************************** دخل غرفته وهو طفشان وزهقان...البيت فاضي..ابوه وامه نامو..وفيصل مناوب.. اااه يازين ايام اول يوم الكل موجود...سلمىوليلى وخالد... تمدد على السرير وثنى يده وحطه على عيونه يريح شوي... رن تلفون غرفته ..ورفع السماعه باليد الثانيه محمد:نعم البواب:عمي فيه واحد يبي يقابلك ويقول انه زميل بالدراسه.. محمد:قلطه قلطه...وبسرعه سكر السماعه وراح يلبس ثوبه... رفع راسه للقهوجي واخذ الفنجان ..شربه دفعه وحده ومده للقهوجي وهو يهزه.. دخل محمد المجلس الخارجي وهو يهلي بصوت عالي... محمد:حيا الله ال...انبترت الكلمات وهو يركز بالشخص اللي قدامه.. شخص ملتحي بثوب قصير وشماغ بدون عقال او غتره.. ابتسم وهو يمسح خشمه من الصدمه محمد:رااابح!!!! |
************************** ضمت المخده وهي تمنع دموعها تنزل..مندمجه مع مسلسل نور.. جاء وقت الاعلان...وارخت راسها على المخده... وبدت تفكر..ليش خالد مو زي مهند...اااه قالتها وهي تتخيل شكل خالد يمطرها بكلمات تحسسها بأنوثتها وبحبه لها... ميساااء رفعت راسها ميساء:خالد!!..وكمّلت نعم خالد:كنتي نايمه؟؟؟ ميساء:لا بس افكر...انت شمقومك؟؟؟ خالد:ماجاني نوم...وجلس جنبها واخذ الريموت ميساء:لااااا لا تغير الحين بيخلص الاعلااان خالد:هذولي اعلاناتهم حلقه كامله لاتخافين..وبعدين وش تتابعين ميساء:مهند التفت عليها وهو رافع حاجب خالد:وش من طير هالمهند ميساء:اااااه بس لو تشوفه عذاااااا..ونحتت على وجهها ابتسامه بلهاء وهي تشوف نظراته الناريه خالد:عيدي عيدي شقلتي..؟؟؟ ميساء:اقصد المسلسل حلووو يهبببل..لايروح فكرك لبعيد.. خالد:خلاص انتظره واشوف...وحط يده ورى ظهرها وسحبها لجنبه... تذكرت المقاطع الوصخه اللي تنعرض بالمسلسل ..هي صحيح تغير بس خالد مايهمه يتابع كل شيء.. سحبت الريموت ميساء:خلنا نحط على الخراز احسن.. خالد:ليش ومهند؟؟؟ ميساء:مليت منهم..انا اتابع الخراز والحين هذا وقتها..حطت على القناة ووقفت.. خالد:على وين؟؟؟؟ ميساء:بروح اجيب عصير..ماتبي.. خالد:الا ابي... رجعت وبيدها علبتين عصير تفاح..مدتله واحد وراحت جلست بعيد عنه.. خالد:ليش جلستي هناك؟؟؟ ميساء:هنا اريح... انقهر واخذ الريموت ورجعها على نور... كانت ساكته بمكانها وتشيح بنظرها كل ماجاء مقطع وصخ..وتنقهر لماتشوف خالد متابع ولا فاتح فمه... حافظت على برودها ولا هي ودها تقطعه..بس ماتبي تخرب خطتها... انتهى المسلسل وخالد التفت عليها خالد:الله يلعن###شلون يعرضون مثل هالاشياااء ميساء:كل القنوات تعرض مثل هالاشياء..ليش دققت على نور يعني؟؟؟؟ خالد:دققت على نور لاني اسمع خويي يقول ان عياله قبل العشر لازم يكونون بالبيت..تدرين ليش علشان ماتفوتهم حلقة نور.. وعياله اعمارهم اقل من عشر سنيييين...ميساء عشرررر سنين يتابع مثل هالاشيااااااء؟؟؟؟؟ ميساء:والله الشرهه مو على القناة على اهلهم خالد:لا على القنااااة اللي اهم شيء عندها الربح وناسيه مين يتابعها...طيب ماقلنا شيء جيبو هالمسلسل بس قطعو هالمقاطع اللي انا استحي اطالعها... فتحت فمها بتقول باين وقدرت تتمالك اعصابها...انتبه لحركتها خالد:شكنتي بتقولين؟؟؟؟ ميساء:لا بس كنت بقول الاهل المفروض يراقبون عيالهم..كلكم راع وكلكم مسؤول عن رعيته... خالد:ميساء انتي تدرين ان هالجيل صعب تسيطرين عليه..وغير كذا كل واحد تلقين التلفزيون بغرفته يعني بيتابع براحته.. لاتقولين لي الاهل بعد يحذفون القنوات اللي ماهي زينه...اولا مافي احد بهالوقت مايقدر يرجع القنوات المحذوفه..وثانيا مافيه قناة زينه 100%..كلهم يدسون السم بالعسل....ويد وحده ماتصفق.. ميساء:وبعد هم مو ملزومين يحرمون الكبار علشانهم خالد:ويحرموونهم من وشووو؟؟؟اصلا وش الاستفاده من عرض مقاطع مثل هذي غير الافساد؟؟المراهق والشاب والمتزوج كللهم بأيش راح يستفيدون لو شافو هالمقاطع...مافيه غير انحراف وتحلل مجتمع... ميساء:والله الحرام بين والحلال بين...ليه الواحد ماينزل عيونه اذا جاء مقطع وصخ؟؟؟؟ خالد:حب الاستطلااع يمنعه...غريزته تمنعه... ميساء:عاد حنا وش دخلنا بقلعتهم..لا عندنا بزران ولا شيء.. خالد:ايه مو كل القنوات نفس تفكيرك..مايهمهم شيء الا انفسهم... ميساء:نعـــــــــم؟؟؟؟كنك تسبني خالد:لا ابدن ماسبيت احد...وقف وراح لها ومد يده...قوومي قومي نجلس برى على البحر ميساء:لا مالي خلق..فيني النوم...تصبح على خير... خالد:قبل شوي مافيك نوم؟؟؟؟ ميساء:النوم يجي فجأه...ووقفت..اذا قمت لصلاة الفجر او قبلها قومني لاتنسى...وتعدته وتركته مقهور.. ************************** قوليلي علشان اساعدك..انتي تحتاجين طبيب نفسي شموخ:يووووه قلتلك كذا بس..مافيه شيء نوال:اجل ليش مشيتي مع هالاشكال؟؟؟ شموخ:مووضه تغييير تقلييد..جذب انتباه.. نوال:لهالدرجه انتي تافهه..وتفكيرك وكأنك وحده مو متعلمه شموخ:خلاص قلتلك بقطع علاقتي معها ارتحتي نوال:اسمعيني زين شموخ...انتي لازم تكونين صريحه معاي..لابعد حد..ولاتستحين..اللي زيك اقصد اللي صادقو بنات زي كذا من باب التقليد وجذب الانتباه..فهم تدريجيا يصيرون غصب عليهم مثليين..بمعنى لوطيين..بمعنى شاذيين...لانه هالاشكال الغرض من انها تصادق اشكالك انها تحس برجولتها المزعومه...والبنت اللي تصير كذا..مارح تقدر تعيش سويه اذا تزوجت...وبتنقرف من زوجها وبتشوفه شيء شاذ ..لان فطرتها انقلبت..وبتعيش بعذاب معه..وغير كذا فيه بنات والعياذ بالله واللي اتمنى ماكونين زيهم..يصادقونهم علشان يمتعون انفسهم بدون ماتفقد شرفها...يعني مثل مايقولون درب السلامه..تشبع غريزتها بدون خسائر فادحه بعكس لو كلمت شاب..والمسكينه ماتدري انه تفقده ببعض الاحوال...وبعضهم جهل بنفس الطريقه تسمع انه اي علاقه مع شاب حررام...وتحسب علاقتها بالشاذه حلال..ولاتدري انها تهز عرش الرحمن..تعرفين ليه الله عذب قوم لوط...مو بس علشان شركهم..لا لانهم خالفو الفطره وابتدعو الرجل يأتي الرجل والمرأه تأتي المرأه..ولهم وزر كل من يفعل هالفعله ليوم الدين... شموخ انا اقول هالكلام لانه مصيرك بتتزوجين..وابغاك تعيشين عيشه طبيعيه...فاهمتني.. حطت ايدها على شفايفها المرتجفه وهي تضغط عليهم وتنزل دموعها اربع اربع... حضنتها نوال وهي تمسح على شعرها نوال:خلاص فهمت..تجاوزتي الخطوط الحمراء؟؟؟ ايه قالتها وهي تشهق نوال:خلااص لاتخافين..بس اهم شيء تقطعين علاقتك بهالزفت...متى تعطلين؟؟؟؟ شموخ:من زمااان خلصت اختباراتي قبل ليلى... نوال:وكنتي تروحين تقابلينها هناك...الله يهديك الله يهديك.... *********************** حضن صديقه مفتخر فيه محمد:الله يقبل توبتك الله يقبل توبتك رابح:اامييين...وانت ماتبت محمد:الحمد الله.. رابح:وش سويت علشان تقول الحمد الله تبت...يامحمد حنا لازم نكفر عن جريمتنا بحق الله... حنا اشركنا بالله.. محمد:اي والله صادق..بس شسوي؟؟؟ رابح:اول شيء بنروح للعمره..ولازم يامحمد نترك هالدنيا باللي فيها..لازم نزهد..اللي سويناه شيء مايغتفر... محمد:لاتقول هالكلام...ربي رحمته وسعت كل شيء ومحدن داخل الجنه الا برحمة الله...وخير الخطائين التوابون.. رابح:شفت قلتها..خطاائون..مو المشركووون.. محمد:رابح لاتحرف بالايه..ياخي دام كذا اجل لا تتوب واستمر على معاصيك...ربي ارحم رابح:انت ماتدري ولا عندك سالفه..تسمع كلام عبدة الدينار وتصدقهم...خذ العلم مني..انا قابلت الشيخ وقالي ان الله مايغفر ذنبي الا بعمل صالح مساوي له..تدري انت عن جهنم..تدري ان نار الدنيا مغسوله سبع مرررات من نار جهنم...تدرري اننا نحشر مع الكافرين..تدري منهو اخف عذاب من الكافرين بجهنم..عم الرسوول ابو طالب..وتدري وشهو عذابه... ((يوضع تحت اخمص قدميه جمرتاان من نار جهنم يغلي منهما دماغه كما يغلي المااء في القمقم)) فتح فمه محمد وهو يحس بالقشعريره تسري بكل انحاء جسمه وان شعر راسه وقف... محمد:يعني شلووووون بنخلّد بالنااااار..... ******************* الساعه الثانيه بعد منتصف الليل.... لبستها عبايتها بسرعه وهي تقول يباااه بسررعه بسرررعه شال امه بين يدينه وركض فيها وهي وراه... ركبها السياره ابوسليمان:جبتي كرتها عبير:ايه معاي كل اوراقها...قالت هالجمله وهي تسكر الباب... ********************** مد يده ومرر اصابعه على شعرها ببرود بعكس البراكين اللي يحسها بداخله.. حسّت عليه وفتحت عيونها وهمست.. ليلى:مانمت... ابتسم بحب وهمس زياد:واللي يشوفك يقدر ينام... ابتسمت بكسل لان النوم مسوي فعايله معها ليلى:أجل..ابقى..سهران..وطالعنـ ي...ونامت والابتسامه على وجهها غمّض عيونه بألم وهو يردد بداخله مستحيييل اجرحك ياليلى... مستحييييييل اجرحك... مستحييييل اتزوج عليك... وعد مني ياليلى.. ********************* مركيه ايدها على طاولة الاستقبال وتطالع بفيصل فتى احلامها اللي يتناقش مع موظف الاستقبال ويضحك... فيصل:قول مشااء الله لاتنضلني..ترى تفطن علي اهل الارض وانت ماتدري الموظف:مشاء الله تبارك الله..يووه مامداني خلاص راحت عليك..قالها وهو يشوف الرجال اللي يهرول بمره كبيره بالعربيه هز راسه وهو يقول فيصل:عينك مجاريه عصر السرعه..الله يكفينا شرك.. الموظف طارت عيونه على فيصل وطلع شكله يضحك.. قالت بدلع وشفايفها تصيغ سمفونيه ضحك ماجن.. نسرين:فييصل شوف وجهه كيف صااار.. مابتسم والتفت علىورى وهو يسمع صوت موغريب عليه فيصل:عمـــــــي!!!! ابوسليمان:زين لقيناك يافيصل الظاهر انه مرتفع عليها السكر ماهي بلحيل صرخ بنسرين وهو يسحب الكرسي من عمه ويركض بجدته فيصل:بسرررعه غرفة الكشف.... لحقته نسرين بسرعه .. كانت تشوفه من بعيد وهي تحس قلبها يطلع من مكانه...وكانت تهرول مع ابوها..وكأنه تبي تلحق على ملامحه اللي اشتاقت لها.. وقفت على بعد متر وهي مصدومه ..نسرين!!! وكاشفه!!! وتضحك بدلع مع فيصل!!! وكأنهم عشرة عمر!!! حست بحرارة تسري بجسمها وتحرق قلبها مع كل نبضه ينبضها...وهو يسحب الكرسي من ابوها..حتى ماكلّف نفسه يرفع عينه ويشوفني..تجااهلني تجاااهلني...زااد غيضها اكثر وهي تشوف نسرين تلحقه...ليش تلحقه..ليييش؟؟؟ انا زوووجته مو هي اناااااااااااااااااااااااااا... ماحست بنفسها الا جالسه على كرسي الانتظار...وبجنبها ابوها اللي سحبها بدون شعور منها... كانت تضرب رجلها بالارض ..لانها تحس بسكاكين تقطعها..والتفتت على ابوها عبير:يباه خل ندخل ابو سليمان:ماله داعي.. عبير:لا له داعي..اجل نخلي فيصل ونسرين لحالهم؟؟؟؟ ابوسليمان:من نسرين؟؟؟ عبير:الممرضه ابوسليمان:ايه ..انتظري لا تستعجلين سرحت بكلمة ابوها وبدت تقلّب هالكلمه براسها انتظري انتظري انتظري تنفست بعمق وهي ترخي ظهرها على الكرسي وتسند راسها على الجدار وهمست انتظري ياعبير.... ... ((سبحانك اللهم وبحمدك اشهد ان لا اله الا انت استغفرك واتوب اليك)) ((سبحــــــــان الله وبحمده...سبحـــان الله العظيم)) |
الجزء السابع والعشرون ((دوّامـــات...)) انْـتظـر ياعمــر تكفــى..هد خُطوات السنيــن أعطـنا فرصه أخيـــره ..نكتشف سِــرْ الوصـــول المســــتشفى... بعد مرور 6 ساعات.... طالَع بالدٌكتور خير الله بنظرات شكر وامتنان ... شال الكمّام عن فمه وضم الدكتور على طول وهو يردد فيصل:مشكوووور مشكووووووور الله يعطيك العافيه.. دفّه بشويش عنه وشال الكمام الدكتور خير الله:مالك يابني رافعني فووأ وكأني محرر فلسطين..دي عمليه سهله وعاديه..ماتخافش.. فيصل:وكل هذا وماتبيني اشكرك..طلّعتك من بيتك بآخر الليل ومسوي عمليه مستعجله وتقول ماسويت شيء الدكتور خير الله:داه وااااجب مش علشانك يافيصل..دنا دكتوووور...يلا بأأ...سبني اكمّل شغل داه النهار طلع..والمواعيد اد كده اهوه...عن ازنك فيصل:الله يجزاك خير الله يجزاك خير... كانت واقفه بجنب ابوها اوّل ماطلع الدكتور من قسم العمليات ابوسليمان:بشّر بشّر.. الدكتور خير الله:لا ماتخافش كله تمام..وهيّا دلوأتي حتطلع وتطمنو عليها...عن ازنكو... ضمّت ابوها.. عبير:الحمد الله على سلامتها.. ابوسليمان:الله يسلمك ...وانتبه لفيصل واللي معاه بالسرير..وراح لهم بسرعه.. ضم عمّه وحب راسه.. فيصل:الحمد الله على سلامتها.. ابوسليمان:الله يسلمك ياولدي..وطالع باللي ماتدري عن اي شيئ حولها..الله ستر.. أشّر للمرضات يجرون السرير.. فيصل:الحين بنوديها للجناح...ماعليها خلاف ان شاء الله..وربت على كتف عمه..عمي تعبان؟؟؟ ابو سليمان:لا مافيني شيء..خلنا نروح لها..عبير يلا مشى وهو ماسك يد فيصل...وهي وراهم.. كانت تطالعه وماودها ترمش..تبي تروي عيونها من شوفه..ياهي مشتاقتله.. وصلو للجناح ووقف فيصل.. فيصل:انا عندي شغل مضطر اروح وبمر عليكم اذا خلصت.. ابو سليمان:الله يعينك ياولدي... راح وهي تراقبه بعيونها..مربيله ذقن خفيف..وكأنه ناحف.. لمحته بنهاية السيب كيف وقف مع ممرضه وبيدها ملف...حست بنار بصدرها.. اكيد الحين تسبّلّه بعيونها..و...التفتت على ابوها ابو سليمان:عبير فيك شيء؟؟؟ عبير:ها؟؟..لا يباه مافيني شيء ابوسليمان:اجل ليه واقفه؟؟؟دَخَلْت ومالحقتيني افْتَشْلَت ..ابوها دخل للجناح وطلع لمّا تأخرت..ضاع وقتها وهي تتفرج على فيصل.. عبير:كِنْت اتْكلًم مع وَحْده مِن المُمَرٍضَات..خلاص خَلْ ندخل.. ***************************** الليــل كله مانامه..والحين الساعه ثمان الصبح..ولاهو قادر ينام..خايف ينام ويموت وهو مرتكب هالكبيره.. وش يسوي..وشهو العمل اللي بيسويه ويكفّر هالجريمه اللي ارتكبها... يتصّدق؟؟...يبني مسجد؟؟..يحجّج..؟؟..يطبع كتب مفيده؟؟؟..يسوي ماء سبيل..؟؟؟ يبني مدرسه..؟؟؟ يبني مستشفى..؟؟؟...يساعد بالابحاث الطبيه..؟؟؟..يتكفل بدراسة شاب..؟؟؟ كل شيء قلته لرابح وقال مايكفي... آآآآآه...اخترقت صدره وطلعت .. محمد:يارب يارب يارب ارحمني...والله كنت جااهل جاااهل..يارب عفوك... تررررررررن...نقز اول ماسمع الصوت .. بسم الله بسم الله..ومسك المنبه وخبطه بالجدار....ناقص انا تخرّع.. رمى لحافه على الارض وراح يغيّر ملابسه عشان يروح للشغل... نزّل كوب المويه بعد مااخذ علاجه..ومد يده ياخذ قطعة خبز علشان يفطر.. ابو فيصل:والله هالبيت مايسوى من غير عيال سلمى... ام فيصل:ان شاء الله يمتلي بعيال فيصل وخالد ومحمد...وبيغنونك عن سلمى وعيالها... ابوفيصل:جهزتي بيت خالد... ام فيصل:الحمد الله كل شيء خلص..ان شاء الله يعجبهم تأثيثي.. ابو فيصل:بيعجبهم..انتي ذوقك مايعلى عليه...اقول ام فيصل:سم ابوفيصل:سم الله عدوينك..شصار على موضوع فيصل..ماكلمتيه؟؟؟ ام فيصل:كلّمته..اوّل يقول ابي اادبها وبعدين يرجعها..والحين غيّر كلامه..ويقول انه مايبيها ولا يبي العرس بعد.. ابوفيصل:ليه؟؟؟ ام فيصل:مادري عنه...والله هالبنت كاسره خاطري..والله مااعدّها الا مثل بناتي..مسكينه لاعبه عليها بنت ابليس ومصدقتها.. ابوفيصل:من هي بنت ابليس؟؟؟ ام فيصل:الله يسلمك مو عبير نست جوالها وعطانياه خالد بالمزرعه...ازعجني بالطريق من كثر المسجات..فتحتها ..وشفت المصايب.. وعطيت الجوال لفيصل اوّل مارجعنا للبيت..وقرى الرسايل وعصّب..وطلب مني اني مااعلّم احد بسالفة هالرسايل.. طلعت وحده تشتغل ممرضه بالمستشفى ومخاويتن عبير ..وتكذب على عبير وتقول ان فيصل يسوّي ويفعل..من هالسوالف البطاليه..وعبير تصدّق...قعد الجوال عند فيصل اسبوع..وقلتله عن موضوع عبير وقاللي انه بيرجعها بس مو الحين...وبعدها عطاني الجوال وقاللي ارجعه لعبير واقول ان عامل المزرعه هو اللي جابه...وبعدها مادري شصار عليه ووشو اللي غيّر رايه... ابو فيصل:لا حول ولا قوة الا بالله...الله يكفينا شر شياطين الانس... السلاااااام عليكم...قالها وهو يعدّل سكبة شماغه...وتوجّه لابوه وحب راسه..وراح لامه وحب راسها.. سحب الكرسي وجلس جنب امه.. ام فيصل:صباااح النور والسروور.. رد بابتسامه..واخذ ابريق الشاي وصب لنفسه.. ابوفيصل:ام فيصل..دوري على مره نبي نزوّج محمد.. ام فيصل:من الحين بدوّرله.. ماكان معهم..كان يطالع بالدوّامه اللي اتشكلت بكوب الشاي..تشابه حالته اللي يعيشها.. ولا انتبه الا لما هزته امّه.. محمد:هلا ام فيصل:مضيّع شيء بالكوب..افطر بسرعه ابوك ينتظرك بالصاله.. محمد:طيب ان شاء الله...اخذ رشفتين من الشاهي وقام بسرعه ام فيصل:الحين هذا فطورك محمد:يماه مالي نفس...مع السلامه... ركب السيّاره جنب ابوه بالمقاعد الخلفيه.. وتحركت السياره ..زي ماهي متعوده كل يوم..وراحت لبيت ابوسليمان... وقبل لايدخلون وقفهم البواب.. فتح محمد شباكه.. محمد:وش فيه؟؟؟ البوّاب:طال عمرك عمي ابو سليمان مع عمتي راحو للمستشفى... التفت على ابوه ورجع التفت بسرعه على البواب محمد:ماتدري بأي مستشفى؟؟؟ البواب:لا والله... سكر شباكه وهو يسمع ابوه اللي يقوله يتصل على سليمان يشوف السالفه... جاه صوته بعد ثالث رنه سليمان:هلا محمد محمد:سليمان انت وينك؟؟؟ سليمان:قريب من الشركه..وش بغيت محمد:طيّب وش سالفة المستشفى؟؟؟منهو اللي وديتوه؟؟؟ سليمان:محمد انت نايم؟؟؟ صحصح معاااي محمــــــد ابعد الجوال عن اذنه ورجعه محمد:وصمخ فجرت اذني..انا صاحي وابوي بجنبي..حنا مرينا بيتكم والبواب يقول انهم راحو للمستشفى..الظاهر ماتدري شالسالفه سليمان:مستشفى!!!!!!! مع السلامه... طالع بأبوه محمد:مايدري وسكّر بوجهي..خل ندق على عبير احسن ابو فيصل:بسرعه وش تنتظر دق على رقمها وطلع انتظار.. محمد:يباه شكل سليمان يكلمها...تبيني ادق على عمي ابوفيصل:لا لا..انتظر عبير.... بالمستشفى ابعدت الجوال عن اذنها تشوف من معها على الخط..ورجعته لاذنها وهي تقول عبير:سليمان تبي تتطمن تعال للمستشفى بسرعه محمد معي على الخط... سليمان:خلاص يلا مع السلامه وردت على محمد.. عبير:هلا محمد محمد:عبير انتم وين.؟؟؟ومن اللي بالمستشفى؟؟؟ عبير:مافيه شيء ..جدتي انخفض الضغط عندها شوي واضطرينا نوديها للمستشفى.. محمد:يعني هي الحين بخير عبير:الحمد الله.. محمد:انتم بأي مستشفى؟؟؟؟ عبير:العسكري.. محمد:خلاص الحين نجيكم...مع السلامه التفت على ابوه ومسك ايده يطمنه محمد:ماعليها خلاف..منخفض الضغط شوووي... قال للسواق وهو يشد على ايد محمد ابو فيصل:بسرعه على المستشفى... ******************** افهم اغار عليك..صوتها يتردد بأذنه..وشتبي؟؟وش تفكرين فيه يانوال؟؟؟ مدّت ايدها له علشان تساعده.. ليلى:زياااد..وين رحت؟؟؟ نفض افكاره وابتسم لها زياد:عندك..مارحت..ومسك ايدها ووقف.. ليلى:زياد فيك شيء؟؟؟شكلك مو طبيعي زياد:ها..لا مافيني شيء..يلا تراني جوعان وودي نفطر جميع.. حطت جلالها فوق راسها وهو مسك كتوفها ومشًاها قَبْلَه... طلعو من الجناح وكانت طالعه من غرفتها... هرْوَلَت لهم بسرعه وهي تقول صبااااااااح الخيررررر ابْتَسْمَت ليلى لها.. ليلى:هلا نوال صباح النور..شكلك مِسْتَانْسَه ..يووه نسيت ان الغالي فيه(تقصد ابوها) ابتسمت على جنب وقالت وهي تناظر بزياد.. نوال:الغالي كل يوم اصبح بوجهه..زياد شفيك تطالعني كِذَا لايكون لِبْسي مو عاجبك.. شتبين توصليله..ضيّق عيونه وهو يحط ايده على كتف ليلى ويقرّبهْا له.. زياد:ماعمري انتبهت لشكلك..ولافكرت..امْشي ليلى مشت معاه كان بجنبها ويدينه محاوطه اكتافها..رفعت راسها لثواني له.. احساسها بمكانه..نوال تبيه..هي ماتعامله كأخو..هذا سر عداوتها لي... ***************** العصــــــر... جالسين حوالين السّرير... ابو سليمان ومحمد بجنب بعض على الجانب الايمن من السرير... وابو فيصل وسليمان جالسين على الجانب الايسر..وعبير على السرير وام فيصل بكرسي منفرد.. الجده:طلعووني طلعووني..والله مااجلس ابوفيصل:يماه الله يطولي بعمرتْس تبين تطلعين ان شاء الله بس بعد يومين لين ترتاحين الجده:مامن راحه وانا بهذا..انتم تبون تغثّوني ابوسليمان:الله يصلحتتْس تراتتْس الصّبح مسوْيِتِنْ عمليّه وان طلعتي تبين تِشْتَمّين ومانتي مرتاحه..بهَذَا احسنْلِتْس.. الجده:والله والله ....قاطعها وهو يدخل بدون استئذان.. فيصل:بدووون احْلِفَااااااان خلاص اللي تبينُه يصير... نزّلت نقابها بسرعه وهي تحس وجْهها احترق تحس كل الانظار عليها... الجده:ايه كفو كفو والله قول وفعل..يلا يلا نمشي.. اتجه لجدته وهو يسلّم على الجميع..ووقف بجنب السرير..كان يبي يجلس بس مايبي يضايق عبير اللي بالجهه الثانيه.. فيصل:انا توني مسوي اوراق خروجتْس..بس عيّا المدير يقول ماهْنَا طلعه لين يقوم بواجِب الضيافه..يَبيتْس تجلسين ثلاث ايام... وحب راسها الجده:انزح وراااك مابيلك حُبّه فيصل:افا زعلتي.. سليمان:جدتي خلاص انسي وهالثلاث ايام تبي تروح بسرعه..اهم شيء صحّتتْس.. الجده:انت اسكت .. سليمان:الاخلاق خربانه.. التفتت لجهة عبير ورفعت عيونها لها.. الجده:وانتي شبلاتتس متغطيه ماني خابرتتس تغطين عن محمد قال بانفعال بعد ماكان هادي محمد:لا بتتغطى غصب عنها انا مو نااااقص ذنوووووب..وطلع وهو منفعل.. الكل استغرب ردة فعله.. ابوفيصل:شفيه؟؟؟ سليمان:مادري..اليوم شكله مو طبيعي ابدا...بس ساكت موعادته فيصل:يمكن متضايق من شيء...وحط الحره بهالموضوع.. طالعته بطرف عينها..وهي تردد بداخلها.. مايبي ينطق اسمي..لهالدرجه كارهني.. انتبهت على اللي يصوتلها.. عبير:هلا ام فيصل:بترافقين الليله..و قاطعتها عبير:ايه انا اللي برافق..وانتي ارتاحي خالتي... ام فيصل:الله يجزاتتس خير..اجل برسل اغراضتتس مع العشاء مشتهيه شيء.. عبير:اللي تطبخونه.. الجده:سويلي مرقوق فيصل:ممنوع انتي مسويلتس عمليه ولازم تاكلين اكل المستشفى..حلفت وماترديني الجده:اطلع اطلع انت غاااثّن فيصل:خلاص بطلع..يماه ماله داعي احد يرافق..انا جالس هنا سليمان:اي والله دام فيصل هنا ارجعي ياعبير عبير:لا لا بجلس..مااقدر اخليها...بس يباه انت روح مع سليمان لا تنام لحالك بالبيت علشان خاطري ابتسم لبنته وقال بحنان بان من صوته.. ابوسليمان: خلاص ان شاء الله ************************* الليــــل... الساعه التاسعه... جالسين بالحديقه اللي ورى البيت..ويشوون.. شموخ ونوال على الطاوله.. وليلى ونوف وتماضر على بساط احمر لحالهم والعيال مع عمهم وابوهم وامهم على بساط ثاني لحالهم... ابتسمت ليلى من ورى نقابها لايمان بنت تماضر اللي تحاول فيها تكشف.. ليلى:عييب فيه رجال هنا ايمان:ماافي احد..اكشفي بلييز ليلى:ايمان حبيبيي روحي العبي مع عيال خالك..يلا ترى بيزعلون تماضر:ايماااان خلاص يكفي ..اااوووت.. سمعت كلام امها وراحت.. نوف:اقول ليلى..امك واختك ماشفتهم مازاروك هنا ليلى:الا والله يزوروني بس ان شاء الله بخليكم تجتمعون يوم.. عدّلت حجابها اللي تحرر غصب عنها..وكمّلت كلامها نوف:طيب شرايك تزوريني بكره..حتى اهلي بيتعرفون عليك.. ليلى:بكره..مادري والله بشوف زياد واردلك..بس شوفي مسيار عصر.. مابي تتكلفين بعشاء ترى حنا خوات نوف:لا والله ماني عازمتك على عصريه وانتي اوّل مرّه تزوريني.. ليلى:حلفت عليك ماتسوين عشى..يابنت الحلال انا مااحب الرسميات..تدرين وشلون شكلي بجيك زياره مفاجئه.. على الطاوله.. نوال:خير هذي شتبي؟؟؟..ولا متحجبه!! من متى؟؟؟ شموخ:تتلزق بليلى..اكبر مصلحجيه بالعالم.. نوال:علميها ان ماعند ليلى اخوان شاغرين.. شموخ:لا عندها واحد بالثانوي...انا بعلمها انهم مايناسبون هالاشكال..تتحلّم نوال:وليه ان شاء الله ؟؟ لايكون بس اهل ليلى عندهم زيادة ايد ولا رجل؟؟؟ شموخ:بلا مصخره وانتي فاهمه قصدي..ليلى واهلها فووق الريح..انا كل مايطري علي جهازها(بقشتها..دبشها)) يغمى علي..انتي بس شوفي بيتهم وانطمي على البساط الثاني((الشباب)) همس بصوت واطي لاخوه اللي جالس بجنبه عبدالمجيد:متأكّد ..الناس كلها تحكي عنّه زياد:يعني سليطين عايش مامات... عبدالمجيد:ان شاء الله مايطلع منها هالمرره..خلّي يفك هالناس من شره.. زياد:اي والله..خسيس ..بس الحمدالله اني افتكّيت من شره.. عبدالمجيد:ربّك يحبك..اقول كلّمت ابوي زياد:ايه كلمته..لو يدري فراس ذبحني عبدالمجيد:احسن من جلسته بلا مره..ياخذ نوال ويفكك من شرها زياد:ان شاء الله بس يوافق..بس لو نفتك من تماضر..تزن فوق راسه تبيه يرجع مرته... عبدالمجيد:ماعندهم سالفة..انت متزوج شيبون فيك زياد:كذا يحبون ينكدون على الواحد.. ابو شيخه:اقول ابو فراس شصار على الموضوع... ابوفراس:هذا زياد قدامك اسأله... ابوشيخه:زياد متى تبي تملّك..تراني مستعجل ولاني مطوّل هنا رفع عينه على طول وهو يتمنى تكون لاهيه وماسمعت..وتحققت امنيته لانه ماشافها جالسه معهم.. زياد:عمّي لو سمحت تبينا نتناقش نتناقش لحالنا مو هناا ابو شيخه:بس انا مااتناقش..انا اسأل ..متى..تبي..الملكه؟؟؟ التفت على الطاوله (اللي نوال وشموخ كانو جالسين فيها) ولا لقى فيها احد..كمّل كلامه زياد:انا متزوج ومرتاح مع زوجتي...ولا لي نيّه اتزوج عليها..وبنتك الله ييسر لها النصيب الزين.. ابوفراس:زياد وين اتفاقنا؟؟؟ زياد:يباه الله يطوّلي بعمرك..تراني مو بزر..وحياتي وانا حر فيها..ياخي زوجوها لفراس ابو شيخه:بس هي زوجتك..وماضنتي فراس ياخذ مرة اخوه..انا ماارضاها له زياد:والله هذي مشكلتكم..وزواج ماني متزوج..واللي تبونه سووه.. ابو فراس:يعني تتحدااااني زياد:انا ماتحديـــت..انا انحدّيـــت على هالاسلووب..انا مادري شتبون البنت ماتبيني ولا انا ابيها حنا اخواااااااااان وبس وغير كذا انا ماعندي استعداد... ابوشيخه:اوكي اوكي..خلك على رايك.. نوف:والله عمّك ماعنده سالفه..وشجاب ليلى بنت الحسب والنسب لنويلوه تماضر:نوف تراها بنت عمممي نوف:والله والكوبه تماضر:نوووووووف نوف:افف خلااص خلااص تماضر:هالسالفه مابي اسمعها تنقال لليلى فاهمه نوف:ليه هي ماتدري تماضر:لأ..والحمدالله انها راحت مع شموخ ونوال لداخل..ربي ستر.. نوف:ايه مصيرها تدري... |
| الساعة الآن 05:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية