|
انكساري ، للكاتبة : أنشودة المطر ..
.........................♪♪♪ السلآإم عليكم ورحمة الله .. وشلونكم آل ليلاس ؟ رجعت اليوم بنقل رواية كلن يمدحها لي بصراحة .. كنت ناوية اقراها بس هالاختبارات ماتخلي فرصة >_< .. بنقلها لكم وبقراها بنفس الوقت ^^ .. أتمنى تعجبكم .. برب .. ♪♪♪......................... |
انكساري للكاتبة دلووعةأهلهااو انشودة المطر الجزء الاول (انكسار أنثى) الرياض.. فندق الفيصليه.. الصباحيه..الساعة العاشره والنصف بعد ماخذت حمام بارد علشان يبرد النار اللي بجوفها حطت مكياج مع انها ماودها بس لازم محد يدري خليهم يفرحون هاليومين يكفي هي متنكده بس ماقدرت تطالع بالمرايه وصارت يدها تهتز.. ليلى:انا لازم اكون قويه وبعدين اللي يبيعني برخيص ابيعه بترااااب ومن هو شايف نفسه على ايش؟؟يحمدربه اني وافقت عليه ااااااااه طلعت هاتنهيده من قلبها المجروح وكملت تعديلها لنفسها...بعد ماخلصت لبست فستان أحمر ضيق على جسمها الرائع وفكت شعرها الاسود الطويل لبست صندلها وبعدين تعطرت وجلست على الكنب.. دق جوالها شافت الاسم وردت.. ليلى:هلا سلمى سلمىاخت ليلى)هلا بالعروس وشلونك وشلون ناصر ليلى:كلنا بخير..منتي جايه؟؟ سلمى:الا انا وسليمان بالطريق ..محد جاتس؟؟ ليلى:لا والله حتى امي وابوي للحين ماجو...وسمعت فتح باب.. كان ناصر ليلى:طيب جبتي معك ناصر وسديم.. سلمى:لا خليتهم بالبيت مره ثانيه ..بعدين بيحوسونا..تبين شيء.. ليلى:سلامتك سلمى:سلام.. ليلى:مع السلامه...نزلت الجوال على الطاوله..وسكتت ماتبي تتكلم معاه مو هذا شرطه.. ناصر:الاهل الحين بالطريق ورجاء مابي اي احد يدري ولا ترى بفضحك ليلى:كتمت بنفسهاودارت بدموعها لاتطيح.. بالسياره كانت راكبه جنب ابوها وتحاول تقنعه تنام ببيت خالتها.. عبير:يبه الله يخليك طلبتك.. ابو سليمان:لا يابنيتي انا ماقدر على فراقك وبعدين وشلون تخليني انام لحالي بالبيت(ام سليمان متوفيه) عبير:هههه تصدق يبه نسيت ان نويصر تزوج ..الله يوفقه يارب ابو سليمان:امين ووقف السياره عند بوابة الفندق والحارس يوقفها بالباركنج..وطلع هو وبنته للمعاريس.. اخذ نفس قبل فتح الباب ناصر:هلا والله طال عمرك ويحب راسه ابو سليمان:هلا بك اكثر..الف مبروك ياوليدي.. وينهي الشيخةلا يكون بس جيناكم بدري وازعجناكم؟؟ ناصر: لا بالعكس صارلنا مده ننتظركم ..هلا بروح اخوها ويحب اخته.. عبير:اشووووووا تصدق كنت خايفه ليلى تنسيك طوايف طوايفي.. كانت تقول هالكلام وهي رايحه تسلم على بنت عمها ليلى ناصر:ماعاش من ينسيني عبوره.. ليلى:كتمت بقلبها(سخيف)..هلا عبير عبير:هلا والله بمرت اخوي الللللف مبروك ياربي لك الحمد والشكر الغاليه خذت الغالي..وتجلس جنب ابوها.. ابو سليمان:والله من قد عبير واخيرا ليلى بتسكن عندها الحين افتكينا من قولة ودوني جيبوني.. ناصر راح يفتح الباب.. عبير:لايبه مافتكيتوا..نسيت انهم بيسكنون لحالهم.. عند الباب سليمان:صباح الخير يالمعرس الف مبروك ..ويسلم على اخوه ناصر:الله يبارك بعمرك.. سلمى:الف مبروك ناصر.. ناصر وهو يطلع علشان تدخل الله يبارك فيك ادخلي حياك...وانت خلنا ننزل نشرب لنا شيء تحت سليمان:طيب بس بسلم على ليلى..دخل وسلم بعد ماتغطت ليلى وبعدين نزل هو واخوه تحت.. بعد ماسلمت.. سلمى:شهالزين شهالزين.. عبير:ليلى من طول عمرها تهبل.. ليلى:احم احم اخجلتم تواضعنا.. وبعدين جلسو يسولفون مع عمهم لين جاء اهل ليلى ..وتغدو مع بعض الظهر على الغداء عهود:شفتي يمه طالعه امس تهبببل كل يوم تطلع احلى من الثاني.. ام مؤيد:من خلقتها حلوه.. اكيد ولد خالتك انهبل عليها زود.. عهود:تهقين يمه كلامنا معاه جاب فايده.. ام مؤيد:وهي تنزل ملعقة الاكل ..تصدقين يابنيتي اني ندمت..البنت ماسوت لنا شيء وناصرهو اللي يحبها.. عهود:تقاطع كلام امها..الا تلزقت فيه الله ياخذها.. ام مؤيد:حتى ولو هو حبها وخلااص المفروض اني ماخرب فرحته..انشاء الله بس مايسمع كلامنا.. عهود:يمه شفيييك انا ماهمك..يمه لا تخربين اللي سويناه..وصدقيني اذا خذته بنسيه ليلى واهلها.. منزل ابو فيصل:بعد مارجعو من ليلى.. ابو فيصل:وهو ياخذ الفنجال من زوجته..متى بترجع؟؟ خالد:طيارتي اليوم يبه على المغرب..ماودك انت وامي تجون معي ام فيصل:لا ياولدي مااقدر اخوك وراه دراسه محمد:يمه حنا عطله الله يخليك.. ابو فيصل:والله حتى انا ودي اغير جو.. خالد:يبه انت للحين زعلان ان ليلى تزوجت..اجل وشوله توافق؟ ابو فيصل:لا ياولدي انا فرحان بس تدري متعلق فيها واجد هي نور البيت.. خالد:افا يعني امي طاح كرتها.. ابو فيصل:امك نور عيني..وبعدين قم روح احجز لنا بدل هالهذره اللي مامنها فايده.. خالد:انشاء الله بس بدق على فيصل يمكن بيروح معنا؟؟ ام فيصل:اخوك يالله سمحوله يعطونه اجازه ساعتين بس علشان يسلم على اختك.. خالد:بعد احسن اصلا مايخرب سفراتي الا هو ..وطلع يأكد حجز اهله ------------------- العصر.. منزل سليمان سكرت السماعه من امها ..عدلت بلوزتها..وجلست جنب سليمان سليمان:تصدقين حبيبتي ذكروني بالذي مضى.. سلمى:الله يوفقهم يارب...بس حنا مافي زينا.. سليمان:تدرين افكر اخذ اجازه ونسافر شهر عسل شرايك؟؟ سلمى:بس يازوجي العزيز ماتقدر وتعطيه حبة فطاير بالسبانخ.. سليمان:ليش؟؟ تسلمين ...وياكلها سلمى:لان ابوي بيسافر وناصر بيسافر ومابقى الا انت وعمي.. سليمان:عمي بيسافر وين؟؟ سلمى:كل اهلي بيسافرون لجده امي توها داقه علي وهم بالطريق رايحين للمطار مابقى الا فيصل.. ..وتشرب العصير. سليمان:يالله خيره المره الجايه. سلمى:طيب عندي فكره...شرايك ناخذ لنا فندق يومين نغير جو.. سليمان:وانا موافق.. ----- دخل عليها وهي تصلي.. وقف عند باب الغرفه.. ناصر:ها خلصتي يا شريفة مكه..ابي اتكلم معك بموضوع.. ليلى:ايه خلصت تفضل.. ومازالت جالسه على السجاده.. ناصر:انا غيرت رايي بعد اسبوع بطلقك ليلى:بس انت وافقت ليش غيرت رايك؟؟ ناصر:ماستحمل اشوف رقعة وجهتس فهمتي الحين.. ليلى:ليش تزوجتني دامك بتطلقني؟؟؟ ناصر:مزااااج وماصار شيء الحين اطلقك ولا يهمك.. ليلى:حست انه جاد..انا مستعده اخليك ماتشوف وجهي بس الله يخليك اصبر علي شهر شهر بس... ناصر:لا ماعندي استعداد.. ليلى:طيب علشان ابوي الله يخليك انا بنت واكيد الناس مابترحمني وخصوصا انك ولد عمي الله يرحم امك انا مستعده اسويلك اللي تبي بس الله يخليك لا تطلقني الحين وصارت تبكي.. ناصر:مع انتس ماتستاهلين بس علشان عمي بخليك شهر فاهمه شهر.. بس لازم تنفذين كل شروطي ليلى:وتمسح ادموعها..موافقه ناصر:انا بغرفة وانتي بغرفه ومابي احد يدري ..سفره والغيناها وجامعه مافيه وقد ماتقدرين مابي اشوف وجهك يالحقيره.. ليلى:وقد ماتقدر تمسك اعصابها..موافقه بس الجامعه ناصر:ويقاطعها وش تبين بالجامعه وانتي ماخربك الا هي ليلى:اللي تبيه خلاص انا موافقه.. ناصر:طلع من الغرفه وراح لغرفته ليلى:انهارت على الارض وطلعت كل اللي بصدرها..انا شسويت له ليه يعاملني كذا اااااه حسافه ياولد عمي بس انا لازم انفذ اللي يبيه حتى لو لو على حساب كرامتي انا اهم شيء عندي ابوي وامي انا لازم افكر بسبب اقنعهم فيه بطلاقي اللي الى الان انا ماعرف شسببه.. |
--- كان مشغول بالحاله اللي عنده بس تلفون المكتب ماسكت طنشه لين خلص الحاله.. اخذ نفس ورد..عنده احساس انها هي.. الو..قالها بدون نفس.. نوال:وليش ماترد؟؟صارلي ساعة ادق.. زياد:عندي حاله..كان يحاول يمسك اعصابه.. نوال:اوكيه ماعطلك عن الشغل ..بس حبيت اقوولك اني ماادانيك اكرهك.. زياد:وش الجديد؟؟عارف هالشيء..يسوي نفسه بارد.. نوال:ودامك عارف ليش ماتطلقني يالذكي.. زياد:مو مطلق عندك مانع.. نوال:سخيف..ولا عندك كرامه ومو رجال..وسكرت السماعه بوجهه زياد:صبر جميل والله المستعان.. كان يلعب كوره مع ناصر وسديم بالحديقه رن جواله راح للطاوله واخذه ابتسم يوم شاف المتصل سليمان:المعرس شعنده متصل؟ ناصر:ليه ممنوع اتصل سليمان:لا الاخلاق شينه ..شفيك؟؟ ناصر:مافيني شيء...تدري انت وين؟؟ سليمان:انا بالبيت ناصر خرعتني شفيك؟؟ ناصر:مافيني شيء يلا معي خط.. سليمان:ناصر ..انا فاهمك زين فلا تصرف....قولي شفيك؟؟ ناصر:مافي..ويقاطعه.. سليمان:ناصر انا سألتك قبل وماجاوبتني..اتمنى تجاوبني الحين..انت متغير مره يوم مابقى على زواجك الا اسبوع تغيرت..بكون معك صريح ..كانك متضايق؟؟او زعلان..بمعنى اصح كأنك مغصوب على هالعرس.. ناصر:يمكن..مادري مادري سليمان:وشو اللي ماتدري...قولي ليلى مضايقتك...قالتلك كلمه وزعلتك؟؟تكلم ناصر:سليمان مالي خلق ..بسكر..مع السلامه سليمان:الله يهديك..مع السلامه ناصر انسدح على السرير..اففففففف ملل وزهق وطفش..انا من بكرة برجع للشركه..ويرن جواله..شاف الاسم ونور وجهه هلا بهالصوت هلا براعيته هلا الجده:مبارك عليك ياوليدي وشبلاك ماتصلت علي ولا بنت ابوها شيخة الزين نستك جدتك..عطني اياها ناصر:ويبي يصرف جدته افا دامتس تبينه ليه تتصلين علي.. الجده:والله ياوليدي تعرف غلاك عندي بس بباركله وبعدين اهذر معك ناصر:توهق..الا ياجدتي ياليتتس جايتن العرس كان تباركنابتس الجده:ياولدي انا معذوره..بس اوعدني انك تجي انت والعروس الا هي وينهي عطنياها ابي اباركلها ناصر:انا اخليها تتصل ياجدتي هي الحين مشغوله الجده:طيب خير ياوليدي..انت وشلونك معها ياوليدي ...تراها صغيره لاتزعل منها مع اني اعرف تربية عمك زين واعرف انها مستحيل تغلط عليك..وحطها بعيونك ياناصر هذي بنت عمك..وخلها تدق علي مع السلامه ناصر:الله يسلمك..سكر وعلى طول طلع من غرفته وراح لغرفتها طق الباب ثلاث مرات محد فتح طلع مفتاح الغرفه وفتحها واتجه لغرفة النوم طق الباب وبعدين دخل ...كانت نايمه على الارض شكلها نايمه بدون ماتحس..هز كتوفها هييييي انتي قووووومي هيييييي ليلى:بسم الله شفيك صاير شيء.. ناصر:مثل ايش؟؟ ليلى:مسكت اعصابها وسكتت.. ناصر:ليه ماتردين؟؟ ليلى:في شيء؟؟ ناصر:جدتي دقت تبيتس امسكي دقي عليها ليلى:شكرا ادق من جوالي.. ناصر:انا وشلون نسيت عطيني جوالتس ليلى:ليه؟ ناصر:بكييييفي فاهمه ..انتي ماتستاهلين جوال هاتيه ليلى:بس شلون اكلم ؟؟انا احتاجه يعني شيء ضروري ناصر:وشو الضروري اللي تبينه فيه؟؟هاتيه اخلصي ليلى:طيب فهمني ليش؟؟ ناصر:انا ماقلتلتس لا تسألين الظاهر تبين الطلاق؟؟ ليلى:خلاص خلاص امسك مابيه..وتعطيه الجوال ويعطيها الجوال علشان تكلم جدتها وبعد مانتهت من الكلام..مدت له بدون ماتتكلم ناصر:ناظرها باحتقار وطلع.. دخل غرفته ومسك جوالها وصار يفتش فيه مالقى اي شيء..قفله ورماه ----------- بعد يومين بالعصر بمنزل ابو سليمان.. عبير:حيالله المعاريس وتسلم على ليلى شفيكم جايين لنا تبون توادعونا.. ناصر:لا مو مسافرين..وين ابوي؟؟ عبير:ليه مومسافرين.. ليلى:بصراحه ماقدر على فراقك وبعدين شلون نخليكم لحالكم... عبير:ياااااااقلبي ياليلى طول عمرتس ذووووق..وتلتفت لناصر ..اما هذا اكيد زعل يوم درى انه مافي سفر.. ليلى:وين عمي ماشوفه عبير:ابوي بالشركه ...وفيه مفاجئه تنتظرتس ليلى:لي انا..وينهي؟؟ عبير:روحي المطبخ وشوفي.. ليلى على طول راحت للمطبخ عبير:ناصر حبيت اقولك معلومه ترى ليلى تموت على المفاجئات.. وتمسك ايده تعال سولفلي وش شعورك اول ماشفت حبيبة قلبك.. ناصر:عبير وجع وش هالسوالف؟؟ماتستحين انتي عبير:الحين مااستحي ويوم تسألني عنها كنت استحي..ولا يوم صارت ملكك استغنيت عننا.. المطبخ.. كانت ظامته وتنزل دموعها بصمت كان شلال من الدموع..ماتدري وش سبب هالدموع هل هو شوق او علشان حظها العاثر او انها تمنت تكون زيه طفله مالها ولا عليها ناصر الصغير:خالتي شفيك؟؟انتي تبكين ليش ليلى:كانت تزيد من ظمه كانت تبي اي احد علشان تفضي اللي داخلها حتى لوكان طفل.. ناصر:خالتي تعوريني .. عبير راحت للمطبخ هي وناصر يشوفون ليش تأخرت وانصدمو بالمنظر عبير:ليلى ذبحتي الولد اتركيه..ليلى اما ليلى ماكانت تسمع احدكانت بعالم ثاني عبير:وهي تحاول تفك ناصر من ليلى..ليلى شفيك ليلى:مافيني شيء بس اشتقت له مره وتمسح ادموعها وين سلمى؟؟ عبير:لاااا سلمى وسليمان خرفو راحو ياخذون شهر عسل وين ماادري وتركو بزرانهم عندي.. ليلى:سديم وين؟؟ عبير:نايمه.. ناصر:نصور تعال مع عمو ...وطلعو. عبير:امشي امشي قدامي ابي اخذ علومتس ليلى:ياللي ماتستحين تبين العلوم اعرسي.. عبير:الله لايقوله يالحماره عايفه عمري انا ليلى:اي والله صادقه.. عبير:اوووو وش عندتس لا انتي يبيلتس قعده وسحبتها وجلسو بالصاله.. ليلى:وش تبين ؟وتفصخ عباتها كانت لابسه طقم وردي ومسويه شعرها غجري.. عبير:ابي قصه اي والله صادقه ليلى:طلعت عفويه وبعدين انا اقصد انتس ماتكونين مسؤله بس عبير:طيب شخبار الحبيب.. ليلى:زين عبير:زين(تقلد صوتها)انا اقصد شلونه معاتس ياملا اللي ماني قايله ليلى:زيييييين خلاص يكفي ..عبوره ودي اروح اشوف جناحي. عبير:تقصدين الجناح المؤقت يالا قومي ...ويرن جوالها عبير:هلا عهود عهود:هلا فيك شخبارك عبير:زينه عهود:والمعاريس عبير:جو عندنا..وهذي ليلى فيه تبين تكلمينها عهود:ياليت.. ليلى:هلا عهود شخبارتس وشلون خالتي.. عهود:كلنا بخير..الف الف مبروك.. ليلى:عقبالك يارب.. عهود:طيب نبيكم تزورونا ليلى:انشاءالله باقرب فرصه..اقول لناصر وابلغكم عهود:طيب مع السلامه ليلى:الله يسلمتس..ومدت الجوال لعبير.. عبير:خلينا نروح لجناحك انشاءالله يعجبتس ترى كله ذوق ناصر . --------- راحت لامها بالمطبخ.. عهود:يمه هي عندهم وشكلها طبيعي يعني مافيء شيء ام مؤيد:تهقين انه ماسوالها شيء؟؟ قلتلك اكيد انهبل عليها ونسى كل شيء..احسن بعد.. عهود:عزالله انه مو رجال..الحين اقوله ان البنت تكلم واعطيه ادله وللحين مخليها على ذمته....يمه قلتلهم يزورونا ام مؤيد:زين ماسويتي .. ------ بالحديقه..كان يلعب مع نصور..ودق جواله. ناصر:هلا عمي ابو فيصل:هلا ناصر معليه ازعجتك بس ادق على ليلى جوالها مقفل ناصر:ماادري ياعمي على العموم اخليها تكلمك ابو فيصل:ليه مهي عندك ناصر:والله انا العب مع نصور بالحديقه وليلى مع البنات داخل ابو فيصل:اجل خلاص اكلم عبير مع السلامه ناصر:الله يسلمك...وش هالوهقه اكيد الحين بتقوله اني اخذت الجوال منها..خليني الحق عليها.. ---------- بالجناح.. عبير:هلا عمي كيف حالك؟وشلون خالتي؟ ابو فيصل:كلنا بخير يابنيتي وانتي شخبارك؟ عبير:الحمدالله بخير ابو فيصل:عندك ليلى؟؟ عبير:ايه عندي ..وتمد الجوال لليلى.. ليلى:هلا يبه وشلونك وشلون امي واخواني.. ابو فيصل:كلنا بخير يابنيتي..شفيه صوتك ليلى:مافيه شيء بس مشتاااااقه لكم مرره يبه لا تطولون.. ابوفيصل:لا ماحنا مطولين..مستانسه يابنيتي ليلى:يبه لاتشيل همي.. ابو فيصل:نسيت..جوالتس وينه ليه مقفل؟؟ ليلى:جوالي نسيته بالفندق واصلا انا ماحتاجه.. ابو فيصل:اجل طلعي خط ثاني ضروري ليلى:انشاءالله يبه...(ناصر دخل على هالجمله) ابو فيصل:وهذي امتس تبي تكلمتس.. ام فيصل:هلا يمه شخبارتس؟؟ ليلى:يمه انتي وشلونتس؟ ام فيصل:كلنا مبسوطين ليلى:وخالد اكيد فوق الريح مين قده الحلوين عنده ام فيصل:فيصل ماجاتس ليلى:ولا اتصل ام فيصل:انتي مادري شفيه جوالتس ندق ومقفل..وهو مستحي يجي بيت عمتس..دقي عليه يمه ليلى:انشاءالله ادق عليه..والمراهق الصغير شمسوي ام فيصل:مستانس يلا يمه طولت عليتس مع السلامه ليلى:الله يسلمتس..سكرت ومدت الجوال لعبير عبير:طيب ليه ماتدقين على الفندق وتسألين عن جوالتس اكيد حاطينه بالامانات.. ليلى:بقلعته مو من زينه بعدين ابي اريح اذني.. عبير:لا اكيد تبين الحبيب يشتريلتس غيره؟؟ ناصر:عطى لعبير نظره سكتتها..انتي شمجلستس بجناحي يلا فارقي.. عبير:بسم الله..اصلا من زين جناحك يكون بعلمك انا دخلته علشان ليلى..وتطلع وتصفق الباب.. ناصر:مسك يد ليلى ..وش قلتي لعمي؟؟ ليلى:مالك دخل.. ناصر:ويزيد من ضغطه..تبين تردين ولا اوريتس شغل الله.. ليلى:قلت انسرق الجوال..اترك ايدي ناصر:ويرميها بقرف..لا فاهمه الدرس...اسمعي بكره بنسافر لحايل عند جدتي فاهمه..وطلع ليلى:حسبي الله عليك..واخذت شنطها ودخلتها بغرفة الجلوس وقفلت الباب على نفسها.. --------- حايل الشمس غابت وكلن دور سراجه والشوق جمر محر الشوق لجمر دام اتجاهك شمال ومودعك حاجه سلم على حايل وسلم على شمر قدامك الخافق اللي ينشد علاجه كنه معلق على برزان ومسمر اهلا بكم في حائل.. الجده:وتضم ليلى..هلا ببنيتي هلا بالعروس ليلى:هلابتس اكثر..مشاء الله يمه طالعتن تهبلين؟؟لايكون تبين العرس؟ الجده:ناصر شف مرتك وش تحتسي.. ناصر:يمه وهي صادقه مشاءالله زينانه..اعترفي وش السر؟؟ الجده:ايه مالقيت الا فزعتك ياناصر وعلى مين على حبيبة القلب.. الا شفي وجيهكم تقل متضاربين؟؟ ناصر:قلبتي علينا يمه..مافينا شيء.. ليلى:يمه بروح لغرفتي وارتب شناطي واجي.. الجده:قصدتس غرفة ناصر انا زينتها لكم وبخرتها.. ليلى:ايه يمه انا اقصد غرفة ناصر..وطلعت الجده:ناصر ليلى فيها شيء؟؟ ناصرخاف)لا مافيها بس تعبت من السفر.. الجده:طيب قوم للمزرعه مجهزة جلسة تهبل... حطت شنطتها بغرفتها لان جدتها ماتقدر ترقى فوق فماحد بيدري.. ليلى:وهي تنسدح على السرير وتتذكر ايام اول يوم يزورون جدتها كان اكبر همها الخيل..اما الحين كل شيء تغير..ياليتني ماتزوجت..هذا ناصر اللي الكل مدحه لي كانو مغشوشين فيه ..هذا ناصر اللي عبير تقول انه يموت فيني حتى جدتي..الظاهر انهم ماسمعوه زين يمكن قال انه يكرهني...يمكن مغصوب علي..اكيد بس شذنبي انا ليش يظلمني ااااه كلها اسابيع واحمل لقب مطلقه..انا مايهمني بالعكس فكه من وجهه الخسيس احس يتلذذ بتذليلي..ياربي على الاقل يعاملني كبنت عم..لا وانا الصادقه هو قال بنت الناس..مدام قادر انه يطلقني وكان ناوي بيوم عرسي لولا ترجيته ليش مامنع هالزواج من الاساس؟؟ياربي طول عمري اسمع انه يمشي اللي براسه ليه هالمره؟؟ ياربي انا اصدع راسي على الفاضي وهو مارح يجاوبني الحقير اكرهههههه ماادانيه حسبي الله عليه مثل ماظلمني.. --------- الرياض.. كانت تكلم بنت خالتها وتاكل شيبس.. عبير:عهود تروحين معي للمحاضره؟؟بمسجدنا عهود:ايه ماعندي مانع ..شخبار ليلى..اففف لا تاكلين عبير:اجل بسكر.. عهود:خلاص امرنا لله كوووولي ياملا الاكله.. عبير: كش ..نسيت اقولك لاتدقين على جوالها لانه انسرق..وهم سافرو لحايل عهود:ياحليلهم سافرو..طيب متى وقت المحاضره؟؟ عبير:بعد المغرب على طول.. عهود:اتفقنا مع السلامه...يممممممممممممه يممممممه ام مؤيد:خييييييير شفيه صوتك واصل للجيران عهود:عطيني البشاره ام مؤيد:لاتقولين ناصر طلق؟؟ عهود:قرييييييبا ام مؤيد:وش دراك؟؟ عهود:عبير تقول ان جوال ليلى انسرق...اكيد ناصر خذاه منها.. ام مؤيد:سكتت ماتدري هي تفرح ولا تزعل.. عهود:بس سافرو لحايل.. ام مؤيد:سافرو!!! عهود:يمه لا تخافين لاتنسين انه الغى السفره كلها واكيد ابوه اغصبه يسافر لحايل علشان جدتهم..لا تخافين.. ايه ترى عبير تقول فيه محاضره بمسجدهم تبين تروحين معنا.. ام مؤيد:اكيد.. عهود:طيب بروح اخذ شور..اقول ماي فاذر ماجاء؟؟؟ ام مؤيد:لا يمكن يتأخر...عطلتيني وراي شغل بالمطبخ عهود:وهي ترقى الدرج..بلييز مامي لاتقولين شغل بالمطبخ ترى اتنرفز من سيرته.. ------- حايل: ليلى:هييييييييييي كل هذا نوم يوه فاتتني صلاة العصر..وبسرعه خذت شور ولبست جلابيه ناعمه وصلت وبعدين نشفت شعرها وسوته جديله كان شكلها جنان ولا حطت مكياج لانها مو محتاجه تعطرت ونزلت بعد ماخذت الجلال...مالقت احد بالبيت راحت للمطبخ.. ليلى:وين جدتي؟؟ووين ام مرزوق؟؟(هذي تشتغل عند جدتهم وهم اللي ربوها) الطباخه:في مزرعه ليلى:طيب في شيء جاهز فطاير اي شيء الطباخه :ايوه فيه وتحطلها صحن فطاير بالسبانخ..كلتها كلها لانها مرره جوعانه..وبعدين اتجهت للمزرعه ومالقت احد توجهت لاسطبل الخيول .. كان اصيل(فرس ليلى)هايج بناصر وناصر مو قادر يروضه.. ليلى شافت الوضع وبسرعه راحت لاصيل وصارت قدامه وتمسك لجامه وتحاول تهديه لين هدى.. ليلى:وتمسك يد ناصر..انزل بهدوء ناصر:نزل ولا قال ولاكلمه..تدرون ليش؟؟لان شكل ليلى كان جنان وخصوصا ان اشعة الشمس عليها.. ليلى:سلامات بس ترى اصيل مايركب عليه الا انا..وتسوق اصيل للاسطبل بدون ماتنتظر رد ناصر.. ناصر:ااااااه ياقلبي ..ليه ياليلى تسوين فيني كذا؟؟ الجده:ناصر عسى ماتعورت؟؟ ناصر:العوار هنا ياجدتي ويأشر على قلبه ويروح للبيت.. الجده:العيال فيهم شيء ياام مرزوق.. انا قايله الله يهديهم ويصلحهم.. ام مرزوق:ياعمتي لا تفاولين عليهم...مافيهم الا كل خير.. -------- وفي احد المقاهي بالرياض: الكل كان بتابع مباراة الهلال والنصر ومتفاعلين ..الا ثنين .. سليمان:لا يابو فواز مستحيل اسويها وبعدين انا متزوج ابو فواز:وانا متزوج ومسويها..صدقني بتعيش دنيا غير دنيا..وبعدين انت ماعليك الا الحضور وبس هي كل شيء عليها..صدقني مارح تخسر.. سليمان:لا الحمدالله انا مرتاح.. ابو فواز:يابن الحلال زيادة الخير خيرين..وبعدين اعتبرها سفره تغيير جو وكله بالسر.. سليمان:بس من يقبل؟؟ ابو فواز:انت اجزم وانا ادبرك... سليمان:افرض جابت لي عيال؟؟ ابو فواز:اشرط عليها صدقني منت خسران..طيعني وبعدين حلاته انه بالسر تحس بجو غير تحس بالمغامره.. سليمان:افكر واردلك.. ------- ام مؤيد مرت عبير علشان تروح للمحاضره معها..وعهود ماراحت.. عبير:الله يهداك انزلي عندنا ماعندي احد.. ام مؤيد:مااقدر يابنتي عهود لحالها بالبيت..مره ثانيه انشاءالله. عبير:طيب سلمي على عهود وماتشوف شرمع اني تمنيت تجي للمحاضره.. ام مؤيد:هي كانت تبي تروح بس خذت شور وراحت للمكيف.. وتعبت..انتبهي لنفسك يابنتي.. عبير:وتنزل من السياره..مع السلامه ام مؤيد:روح البيت ياكومار... دخلت البيت ووجهها اصفر شافت بنتها جالسه قدام التلفزيون واتجهت لها.. ام مؤيد:وهي تطفي التلفزيون...الله لا يعطيك عافيه بس الشرهه مو عليك علي انا ماادري شلون طعتك وين كان عقلي؟؟ عهود:يمه شفيه خير؟؟ ام مؤيد:اللي يسمع كلامك يشوف خير..مااقول الا ربي يسامحني ويعفو عني يااارب..وتجلس على الكنب وتنزل دموعها..انا شلون ظلمت البنت وشلون خربت بيت ولد اختي وانا داريه ان روحه متعلقه فيها وشلون ارتكبت كبيره من الكبائر شلووون؟؟بس لا انا لازم اصلح غلطتي عسى الله يغفر لي ذنبي.. عهود:يمممه بتهدمين كل شيء.. ام مؤيد:انتي اخر وحده تتكلم..وبعدين تأكدي يابنتي ان الله ماينسى ياخذ حق عبده المظلوم والدنيا دواره وانا خايفه يجي اليوم اللي انتي تنظلمين فيه.. عهود:اوووووف..وطلعت لغرفتها ام مؤيد:الله يهديك يابنتي ... --------- بعد ماقضو اسبوع بحايل ارجعو للرياض بالسياره بالطريق ناصر:ماله داعي حركات النص كم اللي تسوينه لجدتي.. ليلى:سكتت..وصارت تتفرج على الطريق ناصر:اسمعي زين ترى انا يالله متحملتس فلا تسوين شيء تندمين عليه ليلى:لا انا سويت شيء وندمت عليه لا تخاف.. ناصر:وش تقصدين؟؟تقصدين زواجتس مني صح؟؟احمدي ربتس اللي خذتتس وسترت عليتس ليلى:انت ماتستحي على وجهك ياخي ماتبيني مغصوب علي استحملني شوي مو على الطالعه والنازله تهزيء ياخي انا بنت عمك طيب اعتبرني اختك.. ناصر:مايخسى الا وجهتس تصيرين اختي يالحقيره يالخايسه ليلى:انفجرت وصارت تبكي .. ناصر اضطر يوقف السياره.. ناصر:بتسكتين ولا اكسر راستس؟؟ ليلى:انزلت من السياره تحس نفسها مخنوقه.. ناصر:اركبي السيااره .. ليلى:حسبييييييي الله عليك ياناصر انت ظااالم انا شذنبي اذا انت مغصوب علي..(ماكان عندها تفسير للي يسويه) ناصر:ويمسك ايدها..انا محد يغصبني على شيء فاهمه.. ليلى:اجل ليش تعاملني كذا ؟؟وتتألم من مسكته ناصر:مزااااجي كذا ماعجبتيني ما طلعتي البنت اللي اتمناها..عندك مانع؟؟ ليلى:انت وااااااطي حقيييير وصصصصصصخ..انا ماني قادره اعيش معك يوم زياده يالنذل.. ناصر:ماطلبتي شيء اول مانوصل احذفتس ببيت اهلتس..ويمسكها ويركبها بالسياره..ويتحرك ------- راحت تزور اهلها بعد مارجعو من جده رن جوالها طلعته من الشنطه وردت سلمى:هلا.. سليمان:حبيبتي انا بره انتظرك.. سلمى:ثواني واطلع..سكرت الجوال..يالله يمه مع السلامه ام فيصل:تو الناس يابنتي سلمى:وين توالناس الساعه عشر وسليمان بره وتسلم على امها وتطلع... اول ماركبت السياره سلمى:مسااااء الخير سليمان:مساء الخير والاحساس والطيبه.. وين العيال؟؟ سلمى:تركتهم عند امي تبيهم.. سليمان:.شرايك اعزمتس على عشاء خفيف.. سلمى:اي شيء تبيه انا موافقه.. ----------- لما وصلو للرياض: ليلى:اسسسسسفه اخر مرره بس الله يخليك طيب بكرة مو الليله طالبتك طلبه ناصر:انا قلت كلمه .. ليلى:انت وش تبي مني تبيني احب رجلينك..الله يخليك ارحم شيبات ابوي على الاقل خلها بكره وانا بنفسي ارجع بدون ماتوصلني..انت ماعندك قلب؟؟ ناصر:وهو يوقف عند بابهم...انزلي ليلى:ناصر لاتحرق قلب ابوي.. علشانه.. الله يخليك بس عطني مهله لبكره. ناصر:اقول فارقي عن وجهي.. ليلى:نا.. ناصر:قاطعهابانزل شناطك وان مانزلتي بالطيب انزلتس بالغصب ليلى:انزلت من السياره ووقفت عند البوابه..نزل شناطها وراح وهي وقفت عند البوابه وتشوفه يوم يروح.....وتنزل دموعها بدون صوت..(الله يحرق قلبك مثل ماحرقت قلبي يالظالم يعلك ماترجع لبيت اهلك سالم) ياربي شسوي الحين ادخل ولا ياربي حتى وقفتي بالشارع غلط..خليني ادخل ..وحمدت ربها ان مافي احد بالحديقه دخلت وعلى طول توجهت لغرفة السواق دقت الباب وفتح.. صابر:ايوه مدام؟؟ ليلى:اسمع طلع السياره بشويش انا انتظرك بره بسرعه صابر:اوكيه مدام...طلع السياره وركبت بالطريق قعدت تفكر وين تروح؟؟ياربي اروح لسلمى ولا ارجع له صابر:مدام وين روح؟؟ ليلى: اتخذت قرارها بسرعه روح بيت عمي..صابر انت مافي كلام بابا وماما خلاص صابر:حزر مدام..وصلت للبيت وصارت تمشي بهدوء لين وصلت للجناح دخلت وعلىطول راحت لغرفة القعده وقفلت على نفسها.. كان يفرفر بالشوارع وبعد ماجاه النوم قرر يرجع للبيت دخل الجناح وعلى طول انسدح على السرير وراح بنوم عميق.. الى هنا ينتهي الجزء الاول انتظر ردودكم وانتقاداتكم.. وش راح يصير لليلى؟؟ هل راح تعترف ام مؤيد باللي سوته؟ ايش راح يقرر سليمان؟؟ |
الجزء الثاني (اعتراف..) ليلى: كتمت صيحتها يوم سمعت صوته ..وبعدين حست انه نام رجعت تبكي.. حست باختناق ماهي قادره تتنفس..مسكت التلفون ودقت على رقم اقرب انسانه لها ..وبعد مده.. ميساءوصوتها فيه نوم)نعم؟؟ ليلىوصوتها رايح فيها من كثر الصياح)ميسااااء انا ليلى ميساء:اي ليلى؟؟ليييييييييلى شفيك؟؟ وتشيل راسها من المخده ليلى:بمووووت ياميساء بموت ذلني ذللللني مسح بكرامتي الارض..لا لا انا اللي مسحت بكرامتي القاع بس شسوي شسوي لو انتي بمكاني شتسوين..ترضين تتطلقين من اول يووم...تخيلي قطني باخر هالليل عند اهلي..شقوووولهم.. ميساء خلاص انا انا بمووت ماقدر اتنفس ميس... ميساء:ليلى ليلى ردي علي لييييييييلى الوووو الوووووووو وتسكر الخط وترجع تدق لكن الرقم مشغول حاولت مرتين ثلاث بس مافي امل ..وتدق على عبير..مره مرتين ثلاث.. عبير:الوووووووو(كانت قاعده تصلي ركعتين قبل لايأذن الفجر) ميساء:عبير انا ميساء .. عبير: وهي تفك جلالها ادري ..شفيييه؟؟ فيه احد يدق بهالوقت يالخبله.. ميساء:الله يخليك الحقي على ليلى دقت علي وبعدين مادري شصارلها؟؟بسرعه روحي شوفي شفيها.. عبير: ليلى؟؟؟متى دقت ؟؟ هم مسافرين لا يكون صار لهم شيء ياااااربي وبدت تدمع عيونها.. ميساء:هي داقه علي من بيت بسرررررررررعه روووووحي شوفي جناااااااحها بسرررررررررعه عبير:سكرت بوجهها واتجهت لجناح ليلى فتحت الباب ودخلت.. توجهت لغرفة النوم ومالقت الا ناصر وبعدين راحت لغرفة الجلوس شافت النور والع حاولت تفتح الباب بس مافي فايده تأكدت ان ليلى موجوده داخل وماهي بخير صارت تطق عليها بقوه الين ناصر قام ناصر:قام على صوت الطق.. واتجه لمصدره ..انجنييييييتي انتي شتسووووووووووين؟؟ عبير:ناصر الحق علي ليلى داخل وماترد اكيد صار فيها شيء..يارب استر.. ناصر:ليييييلى!!!!!! متى جت؟؟ عبير: ولا انتبهت لاستغرابه.. نااااااصر افتح او اكسر الباب خل نلحق على البنت.. ناصر:وخري..ويحاول يكسر الباب بس ماقدر..مافي غير حل واحد.. وطلع من بلكونة غرفته ونقز على البلكونه الثانيه ومن حسن الحظ انها مفتوحه دخل وانفجع من المنظر ..بسرعه راح لها وشاف وجهها الازرق وشفايفها ترجف وعندها سماعة التلفون..سمع طق اخته هو اللي خلاه يترك التفكير وبسرعه فتح الباب ناصر:ساعديني البسها العبايه.. عبير:يمممممممه شفيها لييييييييلى ردي علي وصارت تصفق بوجهها ناصر:عبيييييييير وش اقول انا.... بسررعه.. ---------- كان يفطر مع زوجته بعد ماراحو عياله..نزل كوب الحليب ... ام فيصل:شفيك يابو فيصل؟؟ ابو فيصل:مادقيتي على ليلى؟؟مادري قلبي مو متطمن.. ام فيصل:لا مادقيت وبعدين لا توسوس ..تعوذ من الشيطان..ماقلتلي شرايك نخلى زوارة ليلى الاسبوع الجاي وملكة فيصل الاسبوع اللي بعده.. ابوفيصل:بكيفكم انا ماعندي مانع....بروح للشغل تامرين على شيء.. ام فيصل:سلامتك. ابو فيصل:الله يسلمك...اذا دقت ليلى طمنيني.. ام فيصل:انشاء الله.. -------- المستشفى وبعد ساعات من الانتظار.. الدكتور:تعرضت لظغط نفسي حاد... عبير:اييييش؟؟يعني اقصد هي بخير الحين؟؟ الدكتور:حاليا الحمد لله بس مظطرين نخليها تجلس عندنا كم يوم.. وين زوجها؟؟ ناصر:خير دكتور؟؟ الدكتور:ابغاك بالمكتب شوي...وراح معاه...عبير دخلت عند ليلى اللي نايمه فأخذت التلفون ودقت على ميساء.. ميساء:الوووو عبير:هلا ميساء ميساء:بشري؟؟ عبير:لا الحين هي بخير..تعرضت لصدمه نفسيه..ميساء ماتدرين ايش قالتلك.. ميساء:لا ماقلتلي شيء.. عبير:ميساء وشلون دريتي اجل؟؟ ميساء:بس دقت علي وقالت الحقيني بس..(ميساء بنت خالة ليلى وصديقتها الصدوق ومستحيل تفشي الاحاديث اللي بينهم فكيف بالاسرار..وخطيبة فيصل من يوم هم صغار) عبير:طيب لحد يدري ترى حتى امها وعمي مادرو..مع السلامه ميساء:الله يسلمك.. فيصل طق الباب على صديقه الدكتور زياد.. الدكتور زياد:تفضل.. الدكتور فيصل:ويفتح الباب من دون لا ينتبه لناصر..اذا خلصت من الحاله ابغاك ضروري..استنا..انتبه...ناااااااصر..خير احد صاير له شيء؟؟ الدكتور زياد:انا قلت فيه تشابه بالاسماء..تطمن مافي شيء؟؟ فيصل:ناصر سلامات شفيك؟؟ ناصر:منزل راسه.. زياد:بصراحه هو مافيه شيء بس احد اهله.. فيصل:ميييييييين؟؟عممممي؟؟ ناصر:لا ليلى..وقام بيطلع.. فيصل:زياد شفيها؟؟ زياد:اجلس علشان اشرحلك حالتها.. دخل عليها كان باين على وجهها التعب وعيونها منتفخه.. حس بضيقه.. عبير:شيبغى فيك الدكتور؟؟ ناصر:ولا شيء..فتحت عيونها؟؟ عبير:لا.. ناصر:عبير شدراك انها تعبانه؟؟ عبير:انا قالتلي ميساء بنت خالتها.. ناصر:طيب انا راجع للبيت(كان يبي يتأكد من كانت تكلم)..انفتح الباب فجأه.. فيصل:ويمسك ناصر مع رقبته ويلصقه بالجدار...هذا انا اقوووووولك يانويصر ان طلع لك يد بالمووووضوع ورب البيت لاوريك شغل الله فااااااااااهم.. ناصر:اتررررركني...انت موفاهم شيء..ولا انا مضطر اقوولك وخر عني.. فيصل:انت ماااااااتهمني ..بس ان دريت انك مسوي لليلى شيء صدقني بتندم بتدفع الثمن غالي..والحييييين بررررررررى ويطلعه برى ناصر:طلع بدون اي كلمه... فيصل:وش سوى لها؟؟ عبير:مممادددري(كانت ترجف...فيصل يموت بشيء اسمه ليلى ومايرضى عليها حتى لوكانت غلطانه) فيصل:هين اوريه هالتعبان..علمتو اهلي؟؟ عبير:لا.. فيصل:طيب انتبهي لها انا شوي وراجع.. ----------- في منزل خالته..دخل عليها وحالته حاله.. ام مؤيد:يممممه ولييييييدي شفييييييك؟؟وتمسكه تجلسه.. ناصر:تعببببببببان ياخالتي تعبان.. ام مؤيد:شاللي يعورك يمه.؟؟ ناصر:ويأشر على قلبه..هذا اللي متعبني هذا..خالتي هي الحين بالمستشفى...انا خلاص تعبت.. ام مؤيد:بالمستشفى؟؟خير ناصر:ضغط نفسي...تهاوشت معاهاامس ونزلتها ببيت اهلها فجأة قمت الصبح لقيتها عندي ومغمى عليها...وماادري من اللي جابها..خالتي الشك بيذبحني.. ام مؤيد:يمكن اخوها جابها؟؟ ناصر:لا اهلها مايدرون..فيصل مايرضى ترجع لي اذا هي قالتله عني حتى عمي والمشكله انهم مايصدقون عليها...انا قررت اطلقها اليوم وارتاح .. ام مؤيد: طلاااق ؟؟؟... ناصر:ايه طلاق..واليوم بطلقها وافتك.. ام مؤيد:شبكت يدينها ببعض...بصراحه..يعني.. مادري شقولك ياولدي...بصراحه والله اني مفتشله منك.. ناصر:خير ياخالتي شفيه؟؟شصاير؟ ام مؤيد:بصراحه البنت اللي قالت لعهود ان ليلى تكلم طلعت متهاوشه مع ليلى بالجامعه ومن حقدها عليها اخترعت هالسالفه..شفت بنات هالوقت الظلم عندهم اسهل من شرب الماء.. ناصر:ايييش؟؟وشو يعني؟؟؟مافهمت؟؟؟ ام مؤيد:يعني البنت مظلومه.. ناصر: مظلوومه !!!وقف ..خالتي انتي شتقوولين؟؟؟تدرين انا شسوييت؟؟وبهالبساطه تقولون مظلوومه؟؟ انا انا ظلمتها ..انا دخلتها المستشفى.. وتغيرت نبرة صوته.. ...وعهووووود ماتدري انها متهاوشه معها لييييييش ماتأكدت هي يوم تقولي كانت متأكده....وصار ينادي عهووووووود عهووود..وكان حده معصب عهود سمعت صوته لبست غطاها وراحت له عهود:نعم؟؟ ناصر:وعلى طول اتجه لها ومسك ايدها بقوه وعيونه حمر وصار يضغط على ايدها..انتي شلوووون تقولين متأكده والحييييييين لاااا؟؟فاهميني؟؟تكلمممممممي..كان صوته مبحوح من كثر ماهو يصارخ ام مؤيد:وتحاول تفك بنتها...ناصر الله يهداااااااك اتركها.. عهود:عاد هذا اللي صار وش اسويلك؟؟ ام مؤيد:نااصر فكها.. ناصر:انا بتركها الحين بس ورب الكعبه ان دريت ان احدداري بالسالفه ياويلك مني ياعهود.. ام مؤيد:وييييين؟؟ وين رايح وانت حالتك حاله.. ناصر:لصقر ومااااااهر........وطلع وهو مايشوف الارض ام مؤيد:يااااااارب سامحني الله يستر مايصير فيه شيء.. عهود:وتدلك ايدها..هين يانويصر مارح اخليها لك.. ---------------- بالمستشفى.. كان خايف على بنته.. ابو فيصل:وشفيها بنتي يادكتور؟؟ زياد:تطمن ياعمي مابه الا العافيه.. فيصل:يبه مافيها شيء انت ادخل وتطمن...وشوي جت خالته وميساء دخلت ميساء من دون ماتسلم وانقهر فيصل .. ميساء:خالتي طمنيني؟؟ ام فيصل:الحمدالله وين امك؟؟ ميساء:برى تسلم على عمي.. الحين تدخل.. ام ميساء:السلام عليكم وتسلم على اختها وعبير وسلمى..وليلى لازالت نايمه... قعدو لين انتهى وقت الزياره وقدر فيصل يقنع امه ترجع وخصوصا انه هو اللي بيرافق..ميساء كانت اخر وحده تطلع..حبت ليلى علىراسها عدلت غطاها واول مابغت تطلع دخل فيصل.. فيصل:السلام عليكم.. ميساء:وعليكم السلام وراحت تفتح الباب.. فيصل:يعني تدرين اني مسلم مو يهودي؟ ميساء:طيرت عيونها.. فيصل:وليه ماسلمتي يوم جيتي؟؟ ميساء:طلعت وسفهته.......وهو مات من القهرررر فيصل:بتذبحني هالبنت احيان اشك ان عندها السان...بس تهبببببل...وجلس جنب اخته وقعد يقرى قران. دخل المستشفى وكل مايقرب من الغرفه يضيق صدره..قرر يدخل فتح الباب ..مالقى احد عندها قرب منها وحب راسها .. فتحت عيونها... ناصر: كان منزل عيونه بالارض ماتشوفين شر حبيبتي.. ليلى:سكرت عيونها.. ناصر:ليلى انا اسف..صدقيني كان غصب عني..انتي ماتدرين بالعذاب اللي كنت عايش فيه...ليلى قولي انك مسامحتني...انا غلطان والغلط راكبني..ليلى قولي شيء.. ليلى:مافي احد هنا...ماله داعي التمثيل.. ناصر:ليلى انا ماامثل..انا ابيك تسامحيني..صدقيني ماكان قص..قطعت كلامه ليلى:ليش سويت فيني كذا...وصارت تبكي... ناصر ماتحمل دموعها وصار يبكي معها... ناصر:مادري وش اقولك بس صدقيني انا احبك واوعدك اني مستحيل اغلط عليك مره ثانيه...ادري اني جرحتك..بس جرحي انا اكبر.. ليلى صدقيني كنت بحاله مايعلم فيها الا الله.. ليلى:وانا شذنبي؟؟خلاص طلقني .. ناصر:ايش؟؟ليلى انا احبك ومستحيل اطلقك.. ليلى:مو انت اللي تبي الطلاق؟؟ ناصر:قلتلك انا كانت عندي ظروف....ليلى انا شاريك صدقيني.. ليلى:انت مغصوب علي واكيد عمي الحين بعد غاصبك... ناصر:شايفتني مو رجال علشان يغصبوني..ليلى انسي الايام اللي فاتت وخلينا نعيش حياتنا..وهذا انا احلفلك اني مو مغصوب على شيء...انا كانت عندي ظروف اقوى مني ومنك... ليلى:اي ظروف هذي اللي تخليك تذلني؟؟ انا مستحيل ارجعلك..ورجاء اطلع برى قبل لا يجي فيصل.. ناصر:ليلى تأكدي اني احبك وشاريك..انتي حلم عمري اللي تحقق بس حسبي الله على من كان السبب..ليلى ارجوك سامحيني.. ليلى:صدت للجهه الثانيه وسكرت عيونها..... ناصر:عندي امل انك تسامحيني...لان قلبك كبير...بخليك على راحتك بس ياليت ماتستعجلين بأي قرار تتخذينه..وطلع.. ---------------- |
احتد النقاش بينهم وهو يحاول يكون هادي.. زياد:وش تستفيدين اذا تطلقتي..ومدد رجلينه على الكنب نوال:افتك من وجهك..هذي اكبر استفاده.. زياد:استفاده غير مقنعه..طيب انا شاريك.. نوال:وانا بايعه.. زياد:طيب وش بتسوين عقب الطلاق؟؟ نوال:تخصرت ..لحووول مالك دخل انت طلق ومالك شغل فيني زياد:افا اطلق وانا مااعرف مصيرك..لا مايصير.. عدل جلسته وحط رجل على رجل.. شوفي يابنت عمي..الزواج كان غصب..بالنسبه لي ماكان لي اعتراض عليك..كنت معترض على الزواج كله..ومارح اغصبك على شيء اذا تبين الطلاق بطلق..واذا تبين تستمرين معي ماعندي مانع..انتي فكري ولا تستعجلين..ترى الطلاق للبنت صعب.. نوال:ياخي اكررهك مااحبك واتمنى فراقك اليوم قبل بكره.. طلقني وفكني.. زياد:على بالك اذا طلقتك بيتزوجك.. نوال:كانت مصدومه...تتكلم عن مين؟؟ زياد:عن حسين..ولد خالتك ولا ماتعرفينه.. نوال:دامك تدري ليش ماتطلق؟؟ زياد:خايف تندمين..صدقيني حسين مارح يتزوجك وش يحده ياخذ وحده مطلقه وهو بعده ماتزوج..وعلى فرض انه موافق اهله مو موافقين.. نوال:حتى لو ماخذته انا اكرررهك طلقني.. زياد:شوفي انا ماقصرت معك بشيء وطول الفتره ماجرحتك بكلمه..ولا قلت مابيك او اني مغصوب عليك..لاني مابي احد يلومني ويقول انت ماحاولت..تقدرين تاخذين اغراضك وانتي طالق..وورقتك بتوصلك.. نوال:الله من زمان اتمنى هالكلمه...وراحت تجمع اغراضها.. وقبل لا تطلع..لا تنسى تحضر زواجي اول مانتهي العده..سي يو.. زياد:افففف فكه مابغينا. بعد اسبوعين طلعت من المستشفى وصحتها رجعت لها والى الان ساكته موراضيه تتكلم ..وناصر يحاول معها وماقال لها بعد شالسبب لانه لو قال لها مستحيل ترجع له.. كانت منسدحه على السرير ودق التلفون رفعته.. خالد:الوووووو ليلى:هلا خالد.. خالد:هلا بحياتي ..كيف صحتك؟؟ ليلى:الحمدالله بخير.. خالد:شفيك؟؟ ليلى:مافيني شيء....متى تجي؟؟ خالد:يمكن بعد اسبوعين..ليلى مو راضيه تتكلمين؟؟ ليلى:عن ايش؟ خالد:ليش دخلتي المستشفى؟؟ ليلى:سكر على الموضوع..... خالد:ليلى بقولك شيء...سامحي ناصر...ترى اخاف يصير فيه شيء وانتي اللي بتتحملين المسؤليه.. ليلى:لا تخاف مو صاير له شيء.. خالد:لا بيصير..ناصر يحبك ويموت فيك..من يوم حنا صغار وانتي حلم حياته..يوم كنت اسأله وش طموحك..كان يقولي اني اخذ اختك..ليلى انتي ماتدرين ناصر وش سوى علشان ياخذك..اذا غلط عليك اكيد فيه شيء اقوى منه.....ليلى انا اكثر واحد قريب لناصر واعرف انتي شتعنيله..ليلى فكري زين..واذا انتي مو مصدقتني اسألي فيصل وهو يقولك..او اسالي محمد او حتى سليمان..انتي ماتتذكرين وشلون كلنا فرحنا يوم وافقتي عليه..لاننا كلنا نعرف مين ليلى لناصر..فكري ولا تستعجلين وخلي قلبك كبير وسامحيه..اتفقنا.. ليلى:مارح اسامحه... خالد:ليش؟؟طيب قوليلي وش اللي صار.. ليلى:هو ليش مايقولك؟؟ خالد:قال صار سوء تفاهم...وهو ندمان ..انتي فكري قبل لا تتخذين اي شيء تندمين عليه.. ليلى:مو ندمانه.. خالد:يعني تبين الطلاق؟؟؟..ليلى ترى الطلاق صعب ..وبعدين لا تنسين انك انتي الوحيده بالعايله اللي بتكونين مطلقه.. ليلى:والله مافي غير هالحل.. خالد:لا فيه..وبصراحه انا مارح اسمحلك تتطلقين انتي ماتدرين بمصلحتك.. ليلى:يعني انت اللي تدري؟؟ خالد:طيب انتي فكري بكلامي وبعدين رديلي لا تستعجلين.. ليلى:طيب.. خالد:خذي راحتك مع السلامه ليلى:الله يسلمك....سكرت وصارت تفكر بكلام خالد موبس هو حتى فيصل ومحمد يقولون نفس الكلام...ياربي شالسر ليش عاملني بهالطريقه؟؟ورن تلفون غرفتها..اكيدهو دايما يتصل بهالوقت ليلى:الو ناصر:كيفك؟؟ ليلى:بخير.. ناصر:وهو طاير من الفرحه انه ردت عليه..انشاء الله دووم ليلى:ناصر..تبي شيء؟؟ ناصر:ابيك انتي..ليلى ماسامحتيني؟؟ ليلى:اسامحك بس اذا قلتلي السبب؟؟ ناصر:مااقدر...ليلى اترجاك سامحيني.. ماعمري زعلت منك ولا عمري قسيت بس حياتي أجبرتني أقسى على اللي حبيت غصب علي زعلت وغصب علي رضيت قلبي ماإحتمل الجفامع اللي معه صفيت لاتفكر أنه مع جفاي معك بحبي لك إنتهيت لا وربي زاد شوقي وحبي وما أكتفيت أحس نفسي بدونك كأني عن روحي تخليت يتعب بدونك قلبي وبالجروح أنا إكتسيت ماقدرت أسمع صوتك وأنت بعيد بالبيت بقلبي وروحي وبكل ماأملك إحتويت محتااج لك حييل بس أنت بقلبك ما حسيت بعترف لك أنا جرحت وهجرت وتغليت أسألك بعد ما قريت هذا بالله مابكيت وحن قلبك لرفيق الدرب وعنه عفيت.....((منقوول)) ليلى: مع السلامه وسكرت... ناصر..ما يأس دامها ردت علي يعني فيه امل... ------------- كانو يتقهوون باحد المقاهي سليمان:طيب انا موافق..بس هي بترضى اخذها مسيار؟ ابو فواز:هي طالبه مسيار ظروفها ماتسمحلها الا كذا سليمان:اي ظرووف؟؟ ابو فواز:يابن الحلال وحده عمرها 39 سنه وعانس ولا احد طق بابها وتبي تجلس عند ابوها وامها ترعاهم..بعدين انت بتكسب فيها اجر.. سليمان:طيب ماعندها اخوان؟؟ ابو فواز:عندها واحد عايش ببريطانيا ولا يسأل عنهم..ها شقلت؟؟ سليمان:توكلنا على الله.. ------------------- الصباح.. على الفطور ابو سليمان:مشاء الله قايم بدري اليوم عساك بتداوم؟؟ ناصر:وهو يبتسم..ايه انشاء الله.. عبير:كانت نازله من الدرج..صباح الخير يبه وتحب راسه..بعدين قامت تفرك عيونها وتكح..كح كح ابو سليمان:بسم الله عليك شفيك؟؟ عبير:وهي تطالع ناصر..غبااااار يبه..الا يبه الشمس من وين طالعه اليوم؟؟ ناصر:انتي كل ماتكبرين يطول لسانك معك يام لسان. عبير:هذا اللي يقول صمت دهرا ونطق كفرا..وتجلس تفطر.. ابو سليمان:انا سابقك على الشركه..وطلع عبير:شرقت بالحليب..كح كح ..وخذت نفس..بتدااااوم ؟؟ ناصر:عندك مانع؟؟ عبير:لا انا الحين باطلع اشوف الشمس من وين طالعه.. ناصر:اجلسي ابيتس بموضوع.. عبير:شفيه؟؟ ناصر:مافي شيء..انتي بتزورين ليلى اليوم؟؟ عبير:لا. ناصر:ابيتس تزورينه وتعطينه هالجوال ومده لاخته.. عبير:اكششخخ واخر موديل بعد..بس ترى مااضمن لك لان نفسي اماره بالسوء ويمكن اخذه.. ناصر:عبيرررر..ترى ان رجعتي لسخافاتك ومزحك الثقيل باوريتس. عبير:طيب طيب افف وشتبيني اقولها؟؟ ناصر:ولا شيء بس مابي احد يشوف الجوال فاهمه..ويبتسم لاخته..تبين جهاز. عبير:ايه. ناصر:من عيوني ..انا رايح تامرين على شيء؟؟ عبير:سلااااااامتك... ------------ دخل عليها بالغرفه.. وسولف معها شوي وقبل لا يطلع.. ابو فيصل:الغاليه تبين شيء؟؟ ليلى:سلامتك يبه ماتقصر.. ابو فيصل:طيب اليوم انا طالبتس طلبه..نبي نطلع للمزرعه.. ليلى:يبه اذا تحسب ان خلقي ضايق وقاطعها ابو فيصل:ادري بس انا من زمان ماطلعت معتس.. ليلى:وتحب راس ابوها تاامر امر.. ابو فيصل:خلاص العصر انشاء الله نطلع.. ------- المستشفى.. كانو جالسين بالكافتريا.. د.فيصل:ياخي زههقتتتنيييي. د.زياد:وقفها عند حدها..تدري اشتك عليها.. د.فيصل:لا حرام اذا هي مو خايفه على سمعتها انا اخاف.. د.زياد:تدري كلم وحده من صديقاتها..ترى بتخرب عليك حياتك.. د.فيصل:ماتقدر تسوي شيء..الا انت شسويت مع المدام؟؟ د.زياد:خلاص طلقتها.. د.فيصل:لا حول ولا قوة الا بالله..الواحد ياخوي مايدري وين الخيره.. زياد:كلنا مغصوبين على الزواج..وابشرك بعد ماتخلص عدتها بتتزوج على طول.. فيصل:شدراك؟؟ د.زياد: هي قالتلي..ولد خالتها...الله يهنيها..ويفكني من شرها.. ------------ كانت تاخذ الدرجه درجتين.. ام مؤيد:شوي شوي لا تطيحين وتنكسرين.. عهود:مررره متأخره..وتمر على ابوها وتحب راسه.. ابو عهود:طيب اشربي حليب على الاقل بتروحين من غير فطور.. عهود:شسوي مافي وقت..مع السلامه.. ابو عهود:انا بوصلك.. عهود:يبه لا تتعب نفسك ابو عهود:تعبك راحه..خوذي المفتاح واسبقيني بروح اجيب شوية اوراق واجي بسرعه.. عهود:انشاء الله لا تتأخر... وصلت للجامعه وفات على المحاضره عشر دقايق.. جلست جنب القاعه وارسلت مسج لصديقتها.. شوي جاها مسج.. ماانصحك تدخلين..هزئت قبلك ثلاث.. دخلت الجوال بشنطتها.. عهود:اففف ..استعجلت على الفاضي... ساره:صباح الخييير.. عهود:صباح النور..هلا ساره كيفك ساره:بخير وانتي عهود:الحمدالله..ماعندك محاضره؟؟ ساره:لا والله معتذره ولا قالت لنا..وانتي؟؟ عهود:لا انا فاتت علي...مؤيد شلونه؟؟ ساره:هو زين بس من زمان ماشفته...تدرين صاير وقته مشغول.. يجي البيت علشان ينام.. عهود:الله يعينه... ساره:طيب انا بروح مع صديقاتي ينتظروني..فرصه سعيده وبعد ماراحت.. عهود:وشو الشغل اللي يبعد الولد عن امه؟؟على الاقل بالتلفون يسأل عنها ويتطمن... بعد مارتبت غرفتها وبخرتها شافت عندها وقت..ليش ماادق عليها الحين؟؟مسكت السماعه ودقت على غرفة ليلى.. ليلى:الوو.. عبير: فديت الالو وراعيتها..شخبارك؟؟ ليلى:بخير انتي وينتس؟؟ بالجامعه.. عبير:لا مارحت اليوم مالي خلق..طيب بسير عليكم العصر.. ليلى:لا خليها بكره باطلع اليوم مع ابوي.. عبير:كللللللوووووش..واخيراا ليلى:فقعتي طبلتي.. عبير:لا اكيد فيه شيء..الناس اليوم غير ناس الله يدوم المحبه ليلى:وش تخربطين انتي؟؟ عبير:طيب وين بتروحين؟؟ ليلى:للمزرعه.. عبير:خلاص مع السلامه واول ماسكرت دقت على ناصر.. ناصر:الو عبير:هلا نصور.. ناصر:هلا عبور..شتبين؟؟ عبير:لا بس باقولك اني مارح اروح لليلى اليوم.. ناصر:وهو معصب..لييييش؟؟ عبير:لانها بتطلع المزرعه اليوم.. ناصر:مع مين؟؟ عبير:مع عمي بس .. ناصر:سكر السماعه وصار تفكيره يوديه ويجيبه. --------- --------------- الى هنا ينتهي الجزء الثاني ارجو كتابة توقعاتكم: ماهي مشكلة فيصل؟؟ ناصر وش راح يسوي؟ عهود هل بتنفذ تهديدها؟؟ ليلى هل بتعترف بسبب انهيارها؟ سليمان هل بيكمل الزواج؟ |
الجزء الثالث (مغامرة!!!!) أول ماعثر حظي على دربك...خذلتيني... الجامعة..الساعة العاشره والنصف مبنى 12 تحت الدرج.. ميساء:اوووف وش هالطفش..ورفعت ياقة بلوزتها البربري حتى لا مست وجهها... غدير:وهي تكمل كتابة محاضرتها(بحث)..وليش طفشانه ؟؟ ميساء:كذا مزاج..تركت البلوزه..الا اقول ماعندك اخبار عن تهاني؟؟ غدير:حبيبتي تهاني نستنا كلنا ..اصلا في وحده تتزوج وماتنسى صديقاتها مستحيل..وترفع القلم وتأشر عليها وكأنها تهددها..بس هي انتي لا تتزوجين قبلي علشان مااطفش.. ميساء:مو شرط..هذي ليلى تزوجت ومانستنا.. غدير:صار لها شهر مادقت علي وتقولين مانستنا.. ميساء:غدير لا تلومينها تراها تعبانه المسكينه.. غدير:خير شفيها؟؟انا اقول الزواج مافيه الا المشاكل.. ميساء:تعبت شوي والحين هي الحمدالله..شرايك نسويلها زياره؟؟ غدير:لللا انسي اهلي مسوينلي حضر على زيارة الصديقات المتزوجات..وتكمل كتابه.... ميساء:اجل مافي غير اعزمها عندي وتجين بس بعد ماتطيب.. غدير:وهو كذالك..طالعت ساعتها الذهبيه..وسكرت الدفتر.. والحين قومي مابقى شيء على المحاضره..ضبطو تنوراتهم وطلعو للقاعه.. --------------------------- لابسه بجامتها الورديه المنقطه بأبيض..منسدحه على سريرهاالملكي وتحاول انها تنام ليلى:اووف ليش مو راضي يجيني النوم؟؟قامت من سريرها وجلست على الاريكه الورديه (كل شيء بغرفة ليلى ذهبي ووردي)..وصارت تتذكر كلام ابوها لها بالمزرعه... ابو فيصل:والحين يابنتي حنا لحالناومابي اضغط عليك اذا ودك تتكلمين قوليلي.. ليلى:ساكته.. ابو فيصل:براحتك بس يابنتي ودي اقولك شيء وماودي تزعلين مني تدرين انتس غاليه ..يابنتي المسامح كريم والانسان معرض للخطاء..انتي ماتبين تتكلمين عن المشكله ولا هو راضي يتكلم..بس يابنتي طبيعي باول الحياة تصير مشاكل بين الاثنين..احيانا تستمر المشاكل معهم اربع سنين..وهذا طبيعي لان كل انسان له طبع وله شخصيه وله ظروف وطبيعي ناخذ وقت علشان نفهم بعض..بس المفروض علينا اننا نناقش هالمشكله ونحلها بس بهدوء وصبر واذا ماقدرنا نستشير اللي اكبر مننا ويكون يحبنا ومافيها شيء..اما اننا نسكت ونكبت رح نضر انفسنا ومابنحل المشكله...يابنتي الانسان يحاول مره ومرتين وعشر..لا تنسين انكم قررايب(وشدد عليها).. ..اذا هو غلط عليك اعذريه يمكن كان معصب او صايرتله مشكله او ضرف الواحد يقدر ويصبر..يابنتي انا مااقول هالكلام علشان مابيتس تجلسين عندي وانتي عارفه ان بيتك مفتوح لتس باي وقت ولا انا عجزان عنتس بس يابنتي انتي وازني الامور..ابدي صفحه جديده اسمعيه..يابنتي ناصر جاني اليوم وهو يبي يفتح صفحه جديده...وترى الناس بدت تتكلم وبعدين انتي ماتدرين يمكن اللي صار لكم خيره..وبعدين حاولي تصبرين عليه هو اكبر منك بسبع سنين يعني تفكيره شوي مختلف...انا مابيك ترجعينله الا وانتي مقتنعه واذا حاولتي ولا قدرتي مافيه غير الانفصال بس الواحد لازم يسوي اللي عليه ولا يستسلم من اول هزه...الطلاق يابنتي صعب... ليلى:وهي تجمع شعرهاالطويل وتحطه على جنب وتتمغط على الاريكه...اه يايبه ليتك داري كم صبرت..احسن شيء اروح اصلي الضحى وادعي ربي بالخيره.. -------------------------- جده ياهوى الولهان فيكي تجمعو الغزلان... في جده.. الضابط:وهو يصافحه..الف مبروووك خالد:الله يبارك فيك واخيرا جاني النقل ماني مصدق .. الضابط:لهادرجه تبي فراقنا..ورجع لمكتبه خالد:جلس بالكرسي اللي عند المكتب..وحط رجل على رجل ..ايه انت ماعليك جالس عند اهلك ومستانس وانا بهالغربه الضابط:والله ماحد قاللك لا تتزوج كان ماعشت بهالغربه خالد:كش برى وبعيد..انت ليش حاقد علي وتتمنالي الشر؟؟ الضابط:ايه هين ياخويلد الحين شر بس بعدين تتمنى تتزوج اربع.. خالد:ياخي حرام عليك انا مستانس بهالنقل وانت تبي تكدر علي ..بس تدري شلون مابي اقول لاهلي ابخليها مفاجئه الضابط:عز الله بيكون اسوأ يوم مرعليهم هو يوم تبلغهم بنقلك.. --------------------- الرياض بالشركه.. ناصر:السلام عليكم.. سليمان:ناااااصر هلا والله تو مانورت المجموعه ناصر:سليمان ابيك بموضوع..وجلس على الكنب.. سليمان:امر خير؟؟وقام من مكتبه وجلس قباله.. ناصر:ابيك تقول لسلمى تعزم ليلى عندها.. سليمان:انت مارحت لها المزرعه.. ناصر:وصلت عند البوابه ورجعت ماقدرت خفت تردني.. سليمان:والحين شيضمنلك انها ماتردك؟؟ ناصر:مادري بس بحاول..سليمان ساعدني.. سليمان: اشفق على اخوه ..ولا يهمك الحين اكلم سلمى واقولها..دق على سلمى.. سلمى:هلا حبيبي.. سليمان:هلا ..كيفك؟؟ سلمى:مشتااااقه.. سليمان:امداك..بعدين انتبه لناصر..اقول سلمى بغيتك بموضوع سلمى:امرني.. سليمان:مايامر عليك عدو..بغيتك تعزمين ليلى اليوم عندنا بالبيت سلمى:ليش؟؟ سليمان:بصراحه علشان ناصر ودي نصالحهم على بعض وترى لنا حلاوة الصلحه..وش قلتي؟؟ سلمى:بحاول بس مااضمن ليلى..وبعدين خايفه تزعل علي ولا تطب بيتنا مره ثانيه.. سليمان:علشان خاطري ..واذا زعلت نراضيها لا تخافين سلمى:اوكيه... سليمان:مع السلامه..دخل الجوال بجيبه..ارتحت.. ناصر:مشكووووووور سليمان:كله بثمنه ياحبيبي... ------------ العصر.. ميساء وهي تفتح باب الغرفه.. ميساء:السلاااااااااام عليكم..شرايك بالمفاجئه؟؟ ليلى:وهي تضمها...احلى مفاجئه وحشتيني يالدبا..سلمو على بعض بحراره ...تعالي نجلس بالبرنده الجو يهبل.. ميساء:طيب خليني افصخ عباتي اول..واتجهو للبرنده..ها شخبارك اليوم؟؟ ليلى:محتااااااره وجيتي بوقتك..وش تشربين؟؟ ميساء:ههه لا تخافين علي قلت للشغاله تجيبلنا عصير وفطاير..قوليلي شمحتاره فيه؟؟صار شيء جديد؟؟ ليلى:ابوي امس كلمني..وماادري؟؟ ميساء:ليلى انا لو مكانك ماارجع..وانتي بكيفك..وتحط رجل على رجل.. ليلى:لا ياميساء انتي لو مكاني مارح تقولين هالكلام صدقيني..اذا تزوجتي رح تتغير كل مفاهيمك..انا مااقول اني ابيه بس صعبه علي الطلاق وانا توني صغيره وماخلصت جامعه ومن ولد عمي بعد..ودي مايطلقني وبنفس الوقت ماودي ارجع...بس خالد وابوي احسهم مايبوني اتطلق.. ميساء:وفيصل؟؟؟ ليلى:بعد قلبي..انتي تدرين انه دايما معي بأي قرار.. ميساء:وتقلد صوتها..بعد قلبي..هيييه انتي ترى اغار.. ليلى:شوفي حبيبتي حطيني على بالك تراني مو سهله واللي يفكر يفرق بيني وبين بعد قلبي فصول اقضي عليه ولاني ساائله.. ميساء:يممممه خوفتيني..تشوفين ان ماخليته يجيكم بالسنه مرره انتي اصبري علي.. ليلى:وبعد تهدد..يوووه نسيتيني..الحين ارجع ولا لاء؟؟؟ ميساء:طيب ليه ماتتكلمين مع سلمى هي متزوجه واختك وتبي مصلحتك واهم شيء صارحيها..ليلى تراهم يحسبونك تتدلعين..وتدخل الشغاله ومعها العصير.. ليلى:ادري ادري ..بس كرامتي ماتسمحلي اقولهم.. انا كل ماتذكر كلامه لي احس بقرف من نفسي ....بتقولين وين كانت كرامتك يوم كان يهزئك ..انا كنت مضطره واذا اهنت كرامتي عنده فمابي اهين كرامتي عند الباقين..مابي اطيح من عينهم..ويرن الجوال..يووه ليتني جبت الجوال معي.. وتدخل غرفتها..شافت الاسم وردت ليلى:هلا سلومه.. سلمى:هلا بتس..شلونتس؟؟ ليلى:من الله منيحه..وانتي(تتكلم سوري) سلمى:بخير..لولي شرايتس تسيرين علي اليوم من زمان عنتس..العيال مشتاقين لتس.. ليلى:انا كنت ابي ادق عليتس تجين ابيتس بموضوع..خلاص.. بس ميساء عندي.. سلمى:طيب تعالو الحين عندي انا طفشانه بس تتعشون عندي ليلى:لحظه بسأل ميساء..وتنادي بصوت عالي..ميساء سلمى عازمتنا تبينا نروح؟؟ ميساء:ماعندي مانع ..وتمسك جوالها تدق على امها تستأذن ليلى:نص ساعه وحنا عندتس.. سلمى:انتظركم..مع السلامه. ----------------------- كان بالشركه الشغل زايد عليه كل هذا بسبب الاجازات اللي خذاها ورن تلفون المكتب.. ناصر:نعم.. سليمان:الله ينعم عليك يالطيب.. ناصر:سليمان ها بشر؟؟ سليمان:لا كل شيء اوكيه هي بعد شوي بتجينا.. ناصر:انتظرني ربع ساعه ونطلع.. سليمان:ههه لهادرجه مستعجل..لا لا مارح نجي الا اذا خلص الدوام وبعدين احسن علشان سلمى تمهد الموضوع وتحاول تقنعها.. ناصر:انت رايك كذا.. سليمان:ايه ناصر:امرنا لله.. ---------------------- المستشفى.. فيصل:ايه اعتبريه تهديد.. نسرينممرضه)انت مين حاسب نفسك؟؟ فيصل:ويرفع حاجب..انافيصل..واسمعي انا صابر عليك بمزاجي وعلى قولتهم للصبر حدود وانا مابي اكون سبب بقطع رزقك فتعدلي احسن لك..وطلع نسرين:هين يافصيل انا ينقالي هالكلام اوريك.. راح له الكافتريا وجلس على الكرسي وهو معصب.. زياد:خير عسى ماشر؟؟ فيصل:من غير هالخايسه صدق انها نشبه.. زياد:عاد لا تلومها تراك تهبل.. فيصل:زياد ان ماعقلت بوريك..احر ماعندي ابرد ماعندك.. زياد:وانا صادق كل يوم تجي وانت كاشخ.. فيصل:الحين هذي كشخه؟؟؟(قالها وهو معصب)(لابس بنطلون كاكي وقميص سماوي..فيصل هيئته كشخه يعني لو يلبس خيشه تطلع شيء عليه...شعره مو قصير قصير..يعني تحت الاذن بشوووي شعره اسود وكثيف وناعم مثل شعر ليلى..هو الوحيد بالعايله اللي عيونه سوداء..حواجبه مرسومه وخشمه سلة سيف..حاط له سكسوكه...بالمختصر رجاااال) زياد:طيب لا تصارخ... ياشينك وانت معصب.. ----------------------- نازله مع الدرج وبايدها عبايتها..وتمشي وراها ميساء يممممممممممممممه يممممممممممه ام فيصل:انا بالمجلس تعالي... ليلى وميساء دخلو للمجلس .. ليلى:حبيتي بنروح لسلمى انا وميساء..تامرين على شيء يالغاليه ام فيصل:سلمي عليها ولا تتاخرون على العشاء ليلى:لا يمه بنتعشى عندها.. ام فيصل:براحتكم اهم شيء تستانسون.. ليلى حبت راس امها وطلعت وبالحديقه شافت محمد.. ليلى:حموووووودي محمد:يابنت طلعلي شوارب وانت للحين تقولين حمودي ويلعب بالكوره ميساء: وهي تعدل طرحتها..احمد ربك تدلعك غيرك مو لاقي.. محمد:وش عندكم وين بتروحون؟؟بروح معكم ليلى:بنروح لسلمى...تدري شلون دام اليوم اربعاء تعالي بعد صلاة الاخير عازمتك على العشاء والمطعم اللي تبيه ميساء:هيييه انتي فيوزاتك ضاربه.. ليلى:ليييه؟؟ ميساء:لاننا بنتعشى عند سلمى يالعجوز.. ليلى:صحح وشلون نسيت..خلاص بكره انشاء الله.. محمد:حنا مناخذ الا الوعود ..روحو الله يستر عليكم وانتبهي للي معك ترى عندها نقص بالعاطفه..وهرب قبل لا ترفسه ميساء ميساء:مراهقين اخر زمن..ويركبون السياره ..كومار روح جهينه.. ليلى:ليش؟؟ ميساء:مشتهيه حلا عندك مانع؟؟ ليلى:لا دواس.. ------------------------- |
تدخل محل وتطلع منه وتدخل الثاني ومافي شيء يعجبها.. عهود:اووووووف شفي بضاعتهم خايسه..يوووه تاخرت الساعة تسع وتدق على السواق يجيب السياره عند البوابه.. راحت تاخذ لها عصير قبل لا تطلع.. وبعدين ركبت السياره وفجأة انفتح الباب.. عهود:خيييييييييييير؟؟ :لا بس نسيت اعطيك رقمي..تفضلي ويمدلها ورقه عهود:اقول سكر الباب لا تشوف شيء ماشفته يالوقح..برررررىىىىى :اعصابك يعني شبتسوين؟؟وفجأةاحد شده من ورى ولزقه بالسياره.. :ان شفتك مقرب للسياره ياويلك...وعلى طول هرب.. وقبل لا يسكر الباب..مره ثانيه لا تجين الا معاك احد هالمره الله ستر وكنت موجود.. عهود:مييين؟؟؟مؤييييييد..وبسرعه سكر الباب و اختفى.. صارت تنادي مؤيييييييد مؤيييد..نزلت دموعها غصب عليها..ليييش؟؟ مايدري اني مشتاقه له..حسافه يامؤيد... ********************** كملت عشاها...ولا كأن احد يناقشها.. الحمد الله ..جلست بالصاله العائليه بعد ماغسلت يدينها.. شيخه:ليش ماتردين علي؟؟وجلست جنبها على طول.. نوال:طالعتها من فوق لتحت..ماسمعت شيء.. شيخه:انتي شصاير لك؟؟ نوال:وهي ترمي الخداديه وتوقف...اوووه ترى ماصاارت على الطالعه والنازله تسألون..خلااااص طفشت زهقت..وتنزل التيشرت الابيض وتدخل يدينها بجيوب بنطلونها الجنز.. شيخه:لانك مو عارفه مصلحتك..الحين وش استفدتي يوم تطلقتي؟؟صار اللي تبينه؟؟ نوال:بيصير انشاء الله.. شيخه:ايه..هذا وجهي ان صار وساعتها محد بيخسر غيرك..اروح لبيتي احسن..وطلعت.. جلست على الكنب وصارت تهز برجلها اليسار ومشبكه يدينها...معقوله مايتزوجني؟؟؟ *********************** رجعت للبيت واثر الدموع فيها.. شافتها وعرفت انها كانت تبكي.. ام مؤيد:عهود خير شفيك؟؟ عهود:شفته يمه شفته..بس راح وخلاني..وتضم امها.. ام مؤيد:شفتي مين؟؟تكلمي عهود:مؤيد يمه.. ام مؤيد:ميييييييين مؤيد؟؟وليش ماجبتيه معاك ليييييش؟؟ عهود:يمه حتى ماسلم علي على طول هرب حاولت الحقه بس ماقدرت يمه .. ام مؤيد:صارت تبكي.. عهود: رفعت راسها لامها..يمه لا تبكين انشاء الله نشوفه قريب..يمه امسحي دموعك الحين ابوي بيشوفك ويسويلنا سالفه.. ام مؤيد:وتحاول تمسح دموعها حسبي على من كان السبب.. تضايقت عهود وطلعت لغرفتها..ماترضى احد يتحسب على ابوها حتى لوكان اقرب الناس لها.. ---------------------- رجع للبيت مهموم ومكتئب دخل غرفته وانسدح على السرير سمع طق على الباب...ادخل ساره:فتحت الباب اصلا داخله داخله غصبن عليييك ..خير شفيك؟؟وجهك مو طبيعي مؤيد:لا طبيعي..تعالي انتي اللي عندك سالفه ؟؟تعالي اجلسي.. ساره:يابعد قلبي ماحد فاهمني الا انت بس قبل قولي انت شفيك؟؟ مؤيد:طيب سكري الباب قبل مابي احد يسمعني...بعد ماسكرت الباب جلست على السرير.. مؤيد:شفت عهود اختي..بس حسافه ماشفت امي.. ساره:احمد ربك احسن من لا شيء ..طيب كلمتها مؤيد:لا..بصراحه شفت سالم ولد عمها وشكله بيطلع من السوق.. وخفت يشوفنا.. ساره:يالله معليش على الاقل شفتها تطمنت عليها.. مؤيد:ليتني ماشفتها..انتي ماشفتي شكلها وهي تناديني.. ساره:انت غبي كان سلمت على الطاير..وبعدين الله اكبر سالم بيطلع من السوق بنفس الوقت اللي بتسلم فيه(صارت تحوس فمها يمين ويسار علامه للتكذيب) ..وبعدين فيه اكثر من باركنج وش دراك انه بيجي بنفس المكان اللي انتم فيه؟؟؟ مؤيد:ياشييين الغبي اذا حب يسوي نفسه ذكي..اقوولك يالخبله انا شفته بالسوق وسلم علي..وتقهوينا مع بعض..نزلت انا للباركنج وهو كان وراي بينزل وفجأه وانا بطلع مع البوابه شفت سيارة امي ووو... ساره:ووو..وشو اخلص.. مؤيد:ومالك دخل..وهو اكيد كان بيطلع باي لحضه فهمتي.. ساره:طيب فهمت..مؤيد لا تضيق خلقك الله بيفرجها وبعدين نسييت اقولك تراها تسلم عليك.. مؤيد:وين شفتيها؟؟ ساره:ببيتنا..يعني وين؟؟اكيد بالجامعه وقلتلهااني ماشوفك لانك مشغوول مررره بالدراسه..امحق دراسه والله..الحين فشلتني عندها بتقول اي دراسه وهي شايفتك بالسوق... مؤيد:ساره تصدقين.. ساره:منك انت بالذات ماصدق اكبرشلاخ بالشرق الاوسط.. مؤيد:احمد ربي دايما انك اختي.. ساره:وانا دايما اسال امي ليش ترضعينه معي انقردت بسبتك..(اخته من الرضاع وبنت عمته) مؤيد:طيب قولي شعندك؟؟ ساره:لا مابي اقول شيء خلك ترتاح اعرفك اذا شفت احد من اهلك ماتركز معي..اجيكم بكرى ..صح انا جيتك اليوم بكره انت تعال ابوي يسأل عنك مؤيد:خلاص صار سلمي عليهم ساره:هذي طرده بطريقه مهذبه بس مقبوله ..سلام. ---------------------- رجعت للبيت بعد ماوصلت بنت خالتها..انا مره تاخرت..دخلت البيت لقتهم نايمين راحت لغرفتها رمت عبايتها وجلست على الاريكه(تموت على الاريكه لانها هديه من فيصل)..صارت تتذكر كلامه.. ليلى:ياربي كلامه مقنع حتى سلمى...يووه نسيت اتهجد..غيرت ملابسهاولبست قميص قطني طويل لونه وردي.. توضت وصلت ودعت ربها..(اللهم اني اسالك الخير كله عاجله واجله ظاهره وباطنه ماعلمت منه ومالم اعلم واعوذبك من الشركله عاجله واجله ماعلمت منه ومالم اعلم..)وبعد ماخلصت دعاء راحت للبرنده..اه اليوم الجو يهبل...وصار وجهها يحمر كل ماتذكرت كلامه...معقوله ياناصر تحبني كل هالحب..اكيد كان عنده ظرف..مو يقولون اللي من القلب يدخل القلب على طول..وانا كلامه دخل قلبي...بعطيه فرصه وانا اكون سويت اللي علي..وبنفس الوقت ابوي بينبسط ..الله يخليك لي ياسلمى انا ويني عنها من زمان..كأنها كانت تدري بجيته..اقنعتني قبل لا يجي وبعد ماجاء اقتنعت منه ميه بالميه..(ماكانت تدري ان السالفه مدبره) ------------------ على الغداء.. ابوفيصل:وهو ياكل من الكبسه..وين محمد وليلى؟؟ ام فيصل:عجزت عنهم نايمين.. ابو فيصل:اليوم العشاء عندنا..دق علي ابو سليمان ويقول انهم بيجون كلهم.. ام فيصل:الله يحييهم..وناصر بيجي.. ابو فيصل:اكيد.. ام فيصل:شكلك مستانس على جيته.. ابو فيصل:يام فيصل لاتشيلين على الولد..المسامح كريم ..تدرين انا كنت بسويها مفاجئه ..بس امرنا لله بقولك..اليوم ليلى بترجع لناصر ام فيصل:صدددق..الله يبشرك بالخير..على كذا بعزم الجيران واختي ابو فيصل:لا هم يبونها خاصه جدا.. ام فيصل:يعني بس اختي.. ابوفيصل:لا حتى ام فهد..حنا نبيها خاصه خاصه.. ام فيصل:خااصه..طيب على هواكم ابو فيصل:تسلم يدتس على الطبخه الحلوه..وقام من السفره.. ام فيصل:صحه وعافيه..وتنادي الشغالات علشان يشيلون السفره.. راحت تغسل يدينها ..كانت بتطلع لبنتها.. بس رن تلفون البيت.. ام فيصل:الو خالد:ممكن اتعرف على هالحلوه ام فيصل:والله هالحلوه ماتبي تتعرف عليكم.. خالد:افا صوتنا ماعجبك.. ام فيصل:لا حبيبي انت كلك مو عاجبني.. خالد:يؤيؤيؤ..لهالدرجه..شمسوين؟؟ ام فيصل:وتسأل بعد ..وتحط ايدها على خصرها..انت ماتترك حركاتك..ليش ماجيت ؟؟ تتمنن بجيتك.. خالد:شوي شوي علي..ولا تزعلين الخميس الجاي اجيكم..انتي شخبارتس؟؟ ام فيصل: الخميس الجاي حنا ماناخذ الا الكلام .ولا تسأل عني..لاني لو اهمك كان تجي تشوفني.. خالد:والله والله والله يمه اني مااقدرت اجي الخميس اللي فات مررره كااارفيني..مو انتي اللي تبيني ضابط..خلاص تحملي نتيجة اختيارك.. ام فيصل:انت الكلام معك ضايع..تغديت؟؟ خالد:من زماااااان..اقول يمه مو طالعين اليوم؟؟ ام فيصل:لا عمك وعياله اليوم بيجونا عندنا عشى..طيب حاول تجي بكره.. خالد:يوم مهي ساويه بس بحاول.. ماقلتيلي وش صار على ليلى؟ ام فيصل:لا ابشرك اليوم بيرجعها..الله يوفقهم يارب.. خالد:الله يبشرك بالخير..طيب مع السلامه يمه..ادق عليكم بالليل..سكر السماعه وابتسامة شاقه حلقه لدرجة بانت الغمازات...هذي بركات نقلي.. كان يعدل نسفته.. بيروح للشركه عنده شغل مهم سليمان:ماوصيتس لا تخلين شيء بخاطرتس كل اللي تبينه اطلبيه ترى الفرصه ماتتكرر حبيبتي سلمى:لا والله مارح اطلب شيء..يكفي انهم بيرجعون لبعض.. سليمان:تدرين انا بطلب منه انه يمسك الشغل بدالي ويحجزلنا على حسابه.. سلمى:بكيفك..عطرته ..على كذا بروح مع السواق سليمان:شوفي اذا قدرت اخلص هالشغل بدري دقيت عليك ورحنا مع بعض.. سلمى:لا تشغل نفسك فيني.. سليمان:اجل اشغله بمين؟؟؟ سلمى:لحووول سليييييييمان لاتغثني ترى حتى المزح بهالامور يزعج.. سليمان:ليش راح فكرك لبعيد انا كنت اقصد الشغل.. سلمى:لاتسوي روحك برئ..تراك خبز يدي.. سليمان:حب ايدها...مع السلامه سلمى:الله يسلمك...بعد ماطلع انشغلت بعيالها.. كانو مجتمعين على العشاء مؤيد:يبه اليوم ودي انام عند عمتي من زمان عنهم.. ابو مؤيد:براحتك..دام كذا ليه يام حسام ماتخلين بنتك تجي اليوم وتنامم عندنا؟؟ ام حسام:بحاول اخليها تزورنا على الاقل.. حسام:متأملين مره انها تنام عندكم..ابوها مايخليها.. مؤيد:بس انا مارح اكون بالبيت؟؟ حسام:ياخوي هو متخلف مايفهم بالعربي حمااار.. ابو مؤيد:حسام احترم نفسك لا تغلط على ابو اختك.. حسام:طيب يبه..مؤيد قام من السفره وطلع لغرفته.. بعدين دخلت عليه خالته(مرت ابوه) ام حسام:ممكن اتكلم معك مؤيد:اكيد ام حسام:انت ليش دايما تتعمد تضايقني؟؟ مؤيد:اناااااا!!!!كيف؟؟ ام حسام:لما تحسس نفسك بالذنب وتتوقع انك انت السبب من حرماني لبنتي وانك مضيق علينا..حبيبي مؤيد وللمره المليون اقولك حتى لو كنت مو موجود ابدا بحياتي هو بيحرمني منها هذا واحد نذل وخسيس حرمني منها وهي صغيره وانا ماتزوجت.. الحين تبيه يوم تزوجت مابيحرمني منها.. مؤيد:انا اسف..ويحب راسها ام حسام:هالمره سماح بس ياويلك يامؤيد اذارجعت تسوي هالحركات ترى من جد بازعل.. مؤيد:انا محظوظ فيك ..انا صدق انحرمت من امي بس الله عوضني فيك الله يخليك لي.. ام حسام:ويخليك لي يااارب ويحنن قلب ابو عهود ويخليك تشوف امك.. مؤيد:اميييييين... |
لابسه فستان ليلكي ضيق فيه قصات من تحت الخصر ولبست عليه طقم ذهب اصفر فخم.. وسيحت شعرها الطويل..حطت مكياج خفيف..لان ملامحها اصلا حاده..(ليلى جمالها شرقي..عيون وساع بعدسات بنيه ورموش طويله كثيفه..بشره بيضاء مورده انف صغير وحاد وشفايف صغيره ممتلئه جسمها رااائع اقصر الطويلات وشعرها اسوود لامع طويل) ليلى:والله احس شكلي غلط..لو اني لابسه طقم احسن.. سلمى:ليلووه تراتس رفعتي ضغطي.. عبير:زين وجهك وانتي لابسه طقم..كانت تجرب ارواج ليلى وتطالعها مع المرايه ..هييييي ترى انتي عروس..مايكفي مكياجك؟؟ ليلى:بس هذا عشى عادي.. سلمى:ومافي احد بيجي..وبعدين مو عادي لك..يعني انتي بتقابلينه بطقم عادي يالمتخلفه.. ليلى:اوووووووف الواحد مايقدر يتناقش معكم تنفذون اللي براسكم وبس.. سمعت طق على الباب..ادخلللللل خالد:تكرفت على طول داخل هللللللووووووو ..وعلى طول سلم على اخته ليلى:هللللللللا وغلا..الحمدالله على السلامه شهالمفاجئه؟؟ سلمى:صارله ساعه ويمكن اكثر..وتوك تدرين ..شكلك مانزلتي ليلى:لا مرابطه بغرفتي عبير:هيييييي نحن هنا..كانت الابتسامه شاقه حلقها.. خالد:هلا سلمى.. عبير:هين ياخويلد.. خالد:ياناس اسمع صوت بس مااشوف احد؟؟شكل غرفتتس مسكونه عبير:اوريك وضربت الارض برجلها.. وتطلع من الغرفه وقبل لا تنزل الدرج شالها..اقووووووووووووول نزلني نزلني خالد:صار يدور فيها..للحين زعلانه عبير: ومارح ارضى..نزززززززلني خالد:اكيد مارح ترضين؟؟ عبير:لو تحب السماء .. خالد توجه للدرج ..مايحتاج احب السما...تبين ترضين ولا بحذفك شوفي بعد الى ثلاث..واااااااااحد ثنيييييييييييييييييييين ثلاااااااا عبير:خلااااااااص خلاص رضيت.. خالد:ناس ماتجي الا بالعين الحمرا.. عبير:طيب نزلني..واول مانزلها على طول هربت منه ..زعلاااااانه ومارح ارضى عليك.. خالد:خليني امسكك وتشوفين الشغل..(اخوها من الرضاع راضع مع ناصر) --------------------- ناصر:فيصل انا بطلع الحين مو متعشي نتعشى بالفندق فيصل:من قاضبك؟؟ ناصر:فيييييييصل فيصل:ههه طيب الحين اقولها تجهز.. وراح فيصل داخل ومانتبه ان عبير موجوده..كانت تتهاوش مع خالد بالصاله واول ماشافه خالد خلى عبير تصير وراه لان ماعليها غطى فيصل:ليلى عندها احد؟؟ عبير:لا ماعندها احد بس سلمى فيصل:بسم الله (توه ينتبه لها)انتي صوت بلا صوره.. خالد:وش تبي بليلى؟؟ فيصل:اختي وانا حر..ممنوع؟؟ وطلع خالد:عبير بسألك سؤال مهم عبير:وهي لازالت وراه..تفضل ياخي.. خالد:ماتدرين وين يبيعون الاخلاق؟؟ --- طق الباب قبل مايدخل.. سلمى:ادخل فيصل:السلام عليكم البنات:وعليكم السلام.. فيصل:ليلى البسي عباتتس الحين بتمشين.. ليلى:الحيين تونا.. فيصل:شسوي بناصر..ويلتفت لسلمى..سلومه ممكن تتركينا شوي.. سلمى:يعني اسرار..طيب ..وطلعت. ليلى:نزلت راسها.. فيصل:جلس جنب اخته ورفع راسها..ليلى ابيتس توعديني.. ليلى:على ايش؟؟ فيصل:توعديني انتس تكونين معي صريحه وماتخبين اي شيء عني انتي تدرين اني احبك واخاف على مصلحتك اذا ضايقك ناصر باي شيء تقوليلي..انا مارح اسالك عن سبب خلافكم لانه صار وانتهى ورجعتو لبعض والله يوفقكم..بس اوعديني انتس ماتخبين اي شيء عني. ليلى:وتحب راس اخوها..اوعدك..الله يخليك لي يارب ولا يحرمني منك.. فيصل:ولا منتس...انتظرك تحت.. ليلى راحت تلبس عباتها وهي تدعي بقلبها لاخوها كان ينتظرها بسيارته bmw السوداء..طبعا بحوش الحريم..نزل يوم شافها وابتسم من كل قلبه..اخيرا رجعتله.. فيصل:ناصر مايحتاج اوصيك...كانت نغمة صوته تحذير ناصر:لا توصي حريص...فتح الباب لها وركبت..وراحو للفندق. ----------------- تتقلب وتتقلب..مدت يدينهاللطاوله وهي مغطيه وجهها باللحاف افففففففف اففففففففف شهالازعاج يااااااربي اخذت جوالها وردت.. عبير:الووووووو(ردت من غير ماتعرف مين المتصل) عهود:نايمه؟؟ عبير:شرايك يعني؟؟في احد يدق بهالوقت؟؟ عهود:طيب اسمي دقيت واسمك صحيتي..المهم ليش ماقلتولنا ان ناصر رجع ليلى؟؟ عبير:صارلهم يومين وتوكم تدرون؟؟على بالي ناصر قالكم.. عهود:وهم وينهم؟؟ عبير:سافرو بس ماادري وين؟؟عهود خلاص مافيني حيل على الكلام مع السلامه وسكرت السماعه على طول عهود:وهي ترمي جوالها..الله لا يوفقك يانويصر انت وليلوه الله لا يهنيكم..هين هين.. --------------------------- الصباح.. المستشفى.. بالممر كانو يتكلمون عن حاله.. فيصل:الله يعينهم ويصبرهم.. زياد:امييين يارب ..الى الان اتذكر شكل زوجته يوم درت.. فيصل:الله يعينها..توها صغيره بس الحمدالله ان الجنين بخير..شيء اهون من شيء..الله يكفينا شر الحوادث.. زياد:اقول ..شرايك اليوم نطلع للسوق.. فيصل:سبحان مغير الاحوال قبل شوي تتكلم عن الموت والحين السوق؟؟ زياد:هذا حال الدنيا..المهم بتروح معي؟؟ فيصل:شعندك؟؟ زياد:ابي اشتريلي هديه لبنت اختي واعدها من زمان.. فيصل:خلاص انشاء الله بعد مانطلع من الدوام...وتقطع حديثهم الممرضه نسرين.. نسرين:فيصل في حاله بانتظارك.. فيصل:اسمي الدكتووور فيصل.. نسرين:اسفه.. فيصل:اعتذارك مو مقبول..ومشى وهو معصب..وطلعت وراه زياد:الله يعينك على مابتلاك..ويسمع صوت يناديه زياد:هلا والله من زمان عنك مؤيد:طالب امتياز شسوي كارفيني كرف..زين قدرت اشوفك..فيصل وينه؟؟ زياد:توه طلع عنده شغل..انت بشرني عنك؟؟ مؤيد:الحمدالله كل شيء تمام..سلم على فيصل ..عن اذنك زياد:خلنا نشوفك.. مؤيد:انشاء الله... ---------------- |
الجامعه شارع خمسه..على الكراسي الخشب ميساء:والله ماعندي مانع.. غدير:انا عندي ظروف مااقدر لما:خلاص نروح انا وميساء..بينا اتصال ميوس وبعد ماراحت لما غدير:انتي صاحيه تطلعين مع هالاشكال.. ميساء:ليه شفيها؟؟ غدير:انتي فاهمه قصدي وعارفه هي ليش تطلع للسوق..لا تستهبلين .. ميساء:عارفه واستهبل شعندك؟؟حرام الواحد يغير جو وبعدين انا مالي دخل فيها..انا رايحه اتسوووق..وانتي تدرين اني مو راعية حركات.. غدير:القرين بالقرين يهتدي..وانتي فاهمه قصدي ميساء:الحمدالله وااااثقه من نفسي وعناد لك باروح معها.. غدير:انتي ماتعاندين الا نفسك.. ميساء:اففف بصراحه ودي اشوف وش تسوي؟؟يقولون كل يوم عندهم اكثر من مغامره... غدير:مغامرات؟؟؟؟..عصبت ..قوومي روحي جيبيلي شيء يبل ريقي نشفتيه حسبي الله عليك.. وشافت عبير..هذيك مو عبير..ياملحها هالبنت ميساء:الا هي شكلها بتطلع.. غدير:سبحان الله ماتشبه ليلى.. ميساء: ايه عبير تشبه امها..وتلتفت لها ..انتي شفيك متضايقه...اكيد نويروه سوت شيء غدير:هي خلت شيء ماسوته..كل يوم تخترع لنا مشكله...تصدقين كانت اغلى وحده على قلبي بعد فاتن اختها الله يرحمها...تغيرت مره بعد وفاتهم.. تقولين حاقده كارهه بس ليش ماادري.. ميساء:يمكن انتم ماتعملونها زين..يعني محسسينها انها غريبه.. غدير:اقول ميساء فااارقي عن وجهي ..هذا وانتي تعرفينا زين تقولين هالكلام شخليتي للغريب؟؟ ميساء:بفارق..بس وشتبين من الكافتريا؟؟ غدير:اي شيء بارد يبرد على قلبي..وعدلي شعرك طاير.. ميساء:عدلت شعرها وراحت للكافتيريا.. ---------------------- بعد من رجعت من الجامعه واخذت شور.. بغرفة عبير.. عبير:ومتى هالكلام؟؟وتنسدح على سريرها.. ساره:اليوم بعد ماطلعتي من الجامعه.. عبير:غريبه..طيب انا بكلمها واشوف شفيها.. ساره:اسفه اني دقيت عليك بهالوقت .. عبير:افا سويره حنا مابنا هالرسميات..سلمي على اهلك ساره:يوصل انشاء الله..مع السلامه.. عبير:وهي تضغط على رقم عهود.ياربي شفيها حتى اليوم كلامها معي رسمي اكيد صاير شيء..انتظرت ترد بس عهود ماردت..ونامت عبير وهي تفكر بعهود.. ------------- بعد صلاة العشاء السوق.. ميساء:لما خلينا ندخل هالمحل هذا.. لما:اوكيه ..دخلو ودخل وراهم شخص.. ميساء:لما شرايك بالبلوزه رووعه صح؟؟ الشخص:انتي اللي روعه.. ميساء:طلعت عيونها قدام..عصبت..خييير شفيه؟؟ لما:شوي شوي ميوس.. ميساء:انتي شتقولين صدق انك قليلة ادب ماتربيتي الشرهه مو عليك علي انا..وترمي البلوزه بوجهها وتطلع.. الشخص:شفيها ؟؟ لما:وحده معقده..شتبي فيها؟؟وقامت تتدلع عنده.. الشخص:انتي مافي احسن منك بس لازم اوريها قبل كل شيء..وراح يلحقها.. لما:صدق انه اعمى.. دخلت محل اطفال من القهر اللي فيها تفرجت شوي بعدين طلعت وراحت لجهة المطاعم تبي تشرب عصير بارد يبرد حرتها طلبت العصير ودقت على السواق بعد ماشربته انزلت للدور الارضي علشان تطلع وهي بالدرج المتحرك لقاها.. الشخص:مييووووس ميوس شده هالاسم وقرر انه يلتفت لجهته عنده احساس انه يعرفه وانصدم...نفس شكلها بالعبايه معقوله تكون هي؟؟مستحيل بعدين منهو اللي وراها؟؟ كانت منزله عيونها من الفشيله واول ماوصلت للدور الارضي ارفعت عيونها وليتها مارفعتها..معقووول وبهالوقت بالذات ..يارب مايعرفني ..بس ليه يطالعني كذا..حسبي الله عليك يالما الشخص:ميووس ليه ماتردين خلينا نتفاهم؟؟ ميساء:كانت بتنهار وخصوصا ان فيصل واقف بباب المحل ولا دخل كأنه شاك فيها او يعرف من هي؟؟.. الشخص:حني علي وردي..وصار يمشي جنبها.. ميساء:اضطرت توقف لانه زودها..انت قلييل ادب اذا ما رحت عن وجهي ترى والله لانادي السكيورتي ويعلمونك شغلك.. الشخص:طيب طيب لا تنافخين بس صدقيني بتندمين.. ميساء:مابقى الا انت تهدد فارق عن وجهي ..وطلعت على طول للبوابه الشخص على طول دق على لما... لما:نعم؟؟ الشخص:راسها تجيبينه لي فاهمه ولاترى مايصير طيب وسكر السماعه بوجهها لما:اففففف انا وين وهو وين..الله يستر منه.. تبعها لين تأكد من السياره وقبل لا تتحرك السياره فتح الباب.. فيصل:شغلك عندي ان ماربيتك.. ميساء: حطت ايدها على فمها..فيييييييصل.. فيصل:ايه فيصل...كومار روح للبيت على طول مافي روح اي مكان مفهوم..وانتي تشوفين شيبي يصيرلك وسكر الباب بقوه.. ميساء:دقت على غدير وصارت تبكي..غدير الحقيني.. غدير:شفيك؟؟ ميساء:شاااااافني شافني.. غدير:مييييييين؟؟ميساء ردي مين ؟؟ميسووووه ويييييييينك؟؟؟بس لا حياة لمن تنادي لانه ميساء سكرت وصارت تبكي مو قادره تتكلم.. كان يدوره بالمحلات القريبه بس مالقاه..طلع الجوال من جيبه ودق عليه.. فيصل:الو..كان باين عليه انه معصب زياد:ويقلد صوته,,الو...انت وينك؟؟ فيصل:طلعت.. زياد:طلعت روح العدو..وين طلعت؟؟ فيصل:برجع للبيت.. زياد:لا ياشيخ..انت تمزح؟؟ فيصل:اوووه زياد ترى من جد معصب ومالي خلق.. زياد:وخير ياطير انا من جد عبدالله ومالي راتب شهري وقدره فيصل:اففففف ياشينك ياصرت مروق وتستخف دمك.. زياد:طيب صدق الحين انت وين؟؟قصدي وقف عند اقرب كوفي.. فيصل:زيااد ترى انا معصب ومقهور .. زياد:طيب وش منه توك وش زينك.. فيصل:لحوووول كذا تغير مزاجي فجأة.. زياد:خلاص خلاص..روح البيت ونتفاهم بكره.. فيصل:لا بكره ولا بعده قلتلك مافيني شيء..مع السلامه.. ------------------------ ايطاليا في الفندق.. نسم علينا الهوى من مفرق الوااادي ياهوى دخل الهوى سلم على بلااادي.. ناصر:الله يااازين الصوت وراعيته.اخذ من الفواكه اللي على الطاوله حبت فراوله..واكلها وهو واقف.. ليلى:الله يجبر بخاطرك..كانت تتفرج على الرايح والجاي.. ناصر:شفيك حبيبتي؟؟شكلك مو طبيعي ليلى:ابد بس اشتقت لهلي مررره.متى نرجع.. كان الهواء يحرك شعرها ناصر:امداك تطفشين مني؟؟اخذ حبة فراوله ثانيه وجلس على كنبه منفرده.. ليلى:والله موقصدي كذا...يوووه ناصر لا تزعل.. ناصر:لا زعلان .. ليلى:ناااااااااصر.. ناصر:عيووووونه.. ليلى:تسلملي هالعيون وراعيها..وشرايك نطلع .. ناصر:وين تبينا نطلع؟؟ ليلى:ماادري اي مكان.. ناصر:طيب تجهزي ..والبسي جنز احسن.. ليلى:ليش؟؟ ناصر:المكان اللي بنروحله مايصلحله الا جنز.. ليلى:دقايق واخلص.. ناصر:انتي دقايقك ساعات.. ليلى:ههه الله يعينك..تحملني..وتدخل للغرفه.. ناصر:يالبى قلبي هالضحكه.. وبعد خمس دقايق.. ليلى :سكرت عبايتها..انا خلصت قالتها وهي تبتسم.. ناصر ذاب على ابتسامتها.. تضيق بي الدنيا بكبرها من معابيس الوجيه وهاذاك لامنه تبسم..شفت للدنيا طرف مني وألي احببته وهو..حبني منه وأليه من غير لا انا اعترف ومن غير لاهو يعترف ليه اتحاكا وكل بوي يعرف غاية كل بيه اليا فرح افرح..ودمعه لاذرف دمعي ذرف اغليه يعني اعشقه..اعشقه يعني اموت فيه يعني انا ميت معاعشقه..ومرتبة الشرف ميت ويعشق والسبب مافيه داعي احاكيه الغيد في الدنيا هواه..وهو لحاله محترف الشامخ اللي لا أقبل ..وحضن يديني في يديه تراعدت فرايصه بالغنج واتساقط ترف امشي معه من غير لا اين..؟ولا كيف..؟ وليه؟؟ من حيث مايجرفني اغمض عيوني وانجرف.. ان قال لا..اقول لا..ان قال ايه ..اقول ايه ماعرف ماسمع ماارى..ماارى ماسمع ماعرف اللي اعرفه اني ابيه..ايتجمل بي وابيه وكان العدل في صدته..سجلني اكبر منحرف.. يغفر لي الله ..والله يديمه ويرحم والديه علمني ان البعد نكسة حال والصده قرف.. ----------- رجعت للبيت وهي منهاره...عمرها ماتخيلت انها تنحط بهالموقف ومع مين مع فيصل..ياربي شهالمصيبه..احس نفسي مخنوقه..ااه ياليلى ليتك فيه كان شكيتلك همي..والحين غدير بتتشمت فيني..ياربي شسواة؟؟ وراح الليل وهي تدعي الله انه يستر عليها ويهونها...طق باب غرفتها.. ميساء:مييييين؟؟ ام فهد:يمه قومي صلي الفجر.. ميساء:انشاء الله يمه...وسمعت باب غرفة امها يتسكر...ياربي الساعة 4 ونص وللحين ماجاني النوم..ياربي وش ممكن يسوي فيصل؟؟ ---------------- |
الجزء الرابع (ندم..) ردني لك موتتي في غيابك موتتين يامحول ضيقتي من وجود اليا عدم لا تخليني مابين الثلاثه والثنين البكا والسخط فيك،....وشعوري بالندم رجع من المسجد بعد ماصلى الفجر.. ودخل غرفته على طول حاول ينام بس مو قادر التفكير يوديه ويجيبه.. فيصل:ااه ياميساء طلعتي داهيه..طلع للبرنده يبي ياخذ هوى..جلس على الكرسي وحط رجل على رجل...وصار يتذكر صوت الرجال..ميوووس...ويدلعها بعد..انا ابدا ماتوقعت تكونين من هالنوعيه..ميساء اللي الكل يشهد باخلاقها تطلع كذا...الظاهر كلنا انغشينا فيها..الظاهر حياتها بره نستها الحرام ..يمكن عندها مثل هالعلاقات عادي....لازم اربيها..اذا ماوقفتها عند حدها يمكن تسوي بلاوي اكبر من كذا...طحتي من عيني ..وانكسر شيء كبير بينا واللي ينكسر صعب يتصلح صعب...يااااااربي فيني حرررره ولازم اطلعها فيها...افففففف شالسواة؟؟؟ ضرب بالطاوله بايده ولا حس بألم..الالم اللي بقلبه اكبر..يووووه راح الوقت وانا افكر بوحده ماتستاهل..آخذ شور بارد احسن.. ------------------- الصباح.. ساره:تشوف شكلها بالمرايه...الحين انت داق بهالوقت علشانها..وتمسك ريشة البلاشر الوردي وتحط منه على خدودها.. مؤيد:سوير تكلمي زي الناس.. ساره:طيب لا تنافخ...ابكلمها اليوم طبعا مو هي ابي اكلم عبير.. مؤيد:وش دخل عبير بالسالفه؟؟ ساره:نسيت انها بنت خالتك..واقرب وحده لعهود.. مؤيد:طيب مافي مانع ساره:اخاف فيه دواس؟؟ مؤيد:هههه ماتضحك..دقي علي اول مايجيك خبر فاهمه..مع السلامه ساره:الله يسلمك..اخذت عبايتها وطلعت للجامعه.. في الجامعه.. عند البوابه كانت بتروح لصديقاتها في الكافتريا..بس لفتت انتباها..راحت لها.. عبير:شفييك شكلك مواصله؟؟ ميساء:هاه..ايه .. عبير:تعبانه؟؟اجيبلك شيء.. ميساء:لا لا مافيني شيء..عن اذنك غدير جت..وراحت لصديقتها.. عبير:غريبه اكيد صاير شيء البنت شكلها مو طبيعي..ويقطع تفكيرها صوت ساره.. ساره:صباااااااح الخير..وحطت شنطتها على الكرسي وفصخت عبايتها.. عبير:وتبتسم لها..صباح النور..كيفك؟؟ ساره:بخير الحمد الله ..ماشفتي عهود؟؟ عبير:لا والله ادق عليها وماترد..انشاء الله بس اشوفها اليوم..ساره اكيد ماصار شيء بينكم من قبل؟؟ ساره:والله ماصار شيء..انا شفتها صدفه سلمت عليها وهبت بوجهي وهزئتني وقالت انها ماتبي تشوفني او تسمع اي شيء عن مؤيد وبصراحه مؤيد من يوم درى وحالته حاله.. عبير:الله يعين..بحاول افهم السالفه اليوم واردلك خبر..والحين مع السلامه بروح لصديقاتي ينتظروني.. ساره:اوكيه ..ونزلت عبايتها تحت الكراسي..فتحت شنطتها وطلعت المرايه.. بالكافتريا.. غدير:نزلت كوب الشاي..ايييييش؟؟ ميساء:هذا اللي صار...تخيلي مانمت طول الليل افكر شيبي يسوي؟؟تتوقعين يقول لفهد ولا لابوي ولا لامي؟؟ كانت تاكل باصابعها.. غدير:ماادري..الله يستر اذا احد درى بتروحين فيها..تستاهلين ليه ماسمعتي كلامي؟؟ ميساء:انتي الحين تتشمتين فيني... غدير:شتبيني اقول....وهذي الزفته شسوت ميساء:الله لايوفقها حسبي الله عليها...انا اللي قاهرني اني ماسويت شيء ماسويييييت..والله مظلومه.. غدير:هدي هدي..خلينا نفكر بطريقه نخليه مايقول لاحد من اهلك.. ميساء:انا اللي يهمني هو.. غدير:ماتقدرين تكلمين ليلى؟؟ ميساء:لا مستحيل..خليها تستانس.. غدير:طيب اختها سلمى.. ميساء:استحي منها.. غدير:السالفه مافيها حياء انتي لازم تتصرفين .. ميساء:بس والله خايفه وش تبي تقول عني.. غدير:اللي تقوله خليك واثقه من نفسك..امشي الحين نحضر المحاضره.. ميساء:مالي خلق.. غدير:ياغبيه علشان نشوف هالزفته ونشرشحها ميساء:اذا كذا ماعندي مانع... --------------- لحووول..انتم شفيكم اللي بينا انتهى خلاااص ام فراس:ياوليدي اللي صار بينكم لحضة غضب..رجعها ياوليدي.. زياد:طيب انا ومالي خاطر عندكم امنا بالله..هي اللي تدارونها ومسوينها يادهينه لا تنكتيين ماااااتبيني ماتدانيني تغصبون البنت بعد؟؟..كان يتكلم وهو يمشي.. ام فراس:هي بزر وماتدري بمصلحتها.. زياد:علييك نووور..طيب انا الكبير والمفروض ادري بمصلحتي .. ويوقف..يمه خلاص مابيها اصلا الزواج من الاساس غلط..وبصراحه اكثر انا ماتحملها دقيقه وحده..وشلون الحياه كلها.. ام فراس:ايه قول كذا..اكيد انت اللي تقولها هالكلام لين طلبت الطلاق.. زياد:واللي رفع السماء بدون عمد ماجرحتها ولا قلت لها اي شيء يغث ..ويحب راس امه..يمه انتي ماتحبيني ماتبين سعادتي؟؟ ام فراس:الا ياوليدي..بس ابوك وش اسوي فيه؟؟ زياد:انا ماقصرت بشيء..قلتولي تزوجها تزوجت وهي اللي طلبت الطلاق..وسالفة الرجعه مستحييل..والحين مع السلامه تأخرت على المستشفى..طلع من البيت.. ركب سيارته الرنج السوداء ولبس نظارته الشمسيه.. وبطريقه جاه مسج.. ياااوييلك اذا سمعت كلامهم ورجعتني.. ترى بقلب حياتك جحييييييم اكررررررررهك... ضحك من كل قلبه..ههههههههه زياد:مجنون ارجعلك... -------- الشركه.. ابو محمد:ابي ازورك الليله ابو سليمان:الله يحييك والحين بقول لابو فيصل.. ابو محمد:اذا عزمته مااطب بيتك.. ابو سليمان:الله يهديك ياخوي انتم اخوان.. ابو محمد:اخوك انت بس انا لا..من متى ولدال...يصير اخوي؟؟(ابو محمد اخو ابو سليمان من الاب..وابو فيصل اخو ابو سليمان من الام) ابو سليمان:لا تنسى انه اخوي.. ابو محمد:وانا اخوك..ولد ابوك..المهم ابي اجي انا ومحمد.. ابو سليمان:الله يحييكم البيت بيتكم.. دخل عليهم سليمان..وحب راس عمه سليمان:الله حيه.. ابو محمد:الله يحييك..والحين اتركم عندي شغيلات ابي اقضيها واجيكم الليله ابو سليمان:مع السلامه... جلس سليمان بالكرسي.. سليمان:غريبه عمي شعنده جاي؟؟اول مره يجينا بالرياض؟؟ ابو سليمان:ويبي يسير علينا هو ومحمد ومايبي عمك ابو فيصل يجي..الله يستر منه..المهم شصار على الصفقه؟؟ وكملو حديثهم عن الشغل.. -------------------- لابسه بنطلون جنز ولابسه بلوزه طويله ذهبي ومسويه شعرها غجري..وحاطه روج احمر.. كان شكلها جنان.. جلست تنتظره بالصاله.. كان لابس جنز وتي شيرت اخضر اخذ البوك من الطاوله وطلع للصاله.. ناصر:تأخرت عليك ياجميل..وجلس جنبها.. ليلى:لا..نصور حاسه ان فيك شيء..انت ناوي على شيء؟؟ ناصر:مسك ايدها وصار يغني...ناويلك على نيه بس انت اصبر شووويه ليلى:اقول اسكت لا تسمعك احلام تعتزل.. ناصر:هذا بدل ماترفعين معنوياتي شوي.. ليلى:انا مااعرف اجامل.... ناصر:طيب دامك ماتعرفين تجاملين..شرايك فيني؟؟ ليلى:تهبل وتجنن وتاخذ العقل بعد...(ناصر وما ادراكم من ناصر..طويل مع اكتاف عريضه جسمه حلووو بشهادة الكل..شعره مو ناعم ولا خشن بس اقرب للنعومه..لونه اسود متوسط الطول يعني اذا لبس الطاقيه يطلع شعره من تحت..عيونه لوزيه بعدسات عسليه..وحواجبه مرسومه رسم..خشمه حاد ..حنطي وله شارب بس...اجمل شباب العايله هو) ناصر:بسسسس؟؟ ليلى:وطيب وحنون وكريم .. ناصر:وبسسسسس؟؟ ليلى:وبسسسسسسسسسس ناصر:وماانحب؟؟؟ ليلى:لا ..ههههه امزح امزح ناصر:على بالي بعد...ماجاوبتي؟؟ ليلى:نصووووووور انت ليش تبي تحرجني؟؟ ناصر:مو انتي مسويه نفسك قويه وصريحه جاوبيني؟؟ ليلى:استحي..الحين قولي وين بنروح؟؟ ناصر:ياحلو التصريف...والبسي عباتك لاننا تاخرنا.. ليلى:طيب وراحت تلبس عبايتها... ناصر:بعد لعشر.. ليلى:خلصت قبل لاتعد... ناصر:يالله مشينا..ومسك ايدها وطلعو... ------------------------- بعد صلاة العشاء.. في مجلس ابو سليمان.. ابو سليمان:ماادري شقولك بس لازم اخذ راي البنت.. ابو محمد:ومن متى البنات لهم راي..البنت مالها الا ولد عمها وهو اولى بها سليمان:حنا وين عايشين؟؟ ابو سليمان:سلييييييمان.. ابو محمد:اذا تكلمو الكبار يسكتون الصغار.. سليمان ماتحمل وطلع من المجلس..ودخل للبيت.. كانت جالسه بالصاله تنوم سديم.. سلمى:حبيبي شفيك؟؟ونزلت سديم واتجهت له..اجلس..وراحت تجيبله مويه..مدت له الكاس شرب شوي واخذت الكاس منه... سليمان:مشكوره.. سلمى:متهاوش مع احد؟؟ سليمان:عمي رفع ضغطي..استغفر الله العظيم يبي يمشي العالم على كيفه.. سلمى:وش صاير؟؟ سليمان:يبي عبير لمحمد ولا بالغصب.. سلمى:لا تحر نفسك انت داري ان عمي مايطيعه..لا تخاف.. سليمان:بس كلامه يقهر..وفتح زرار ثوبه.. سلمى:طنشه...تبينا نرجع للبيت.. سليمان:ليه..تعبانه؟؟ويمسك ايدها..تحسين بشيء..تعالي اجلسي.. سلمى:لا تخاف علي..شيء طبيعي..(حامل بالشهر الاول) سليمان:انتي كل حملك ما صارلك كذا..هذا شكله طالع على عمي ابو محمد.. سلمى:ههههههه بسمالله على جنيني..لا تفاول عليه.. سليمان:اما اذا طلع عليه بانتحر..هههههه سلمى:روح جيب ناصر تلقاه نايم بغرفتك وانا بقوم سديم.. سليمان:انا بقومهم انتي لا تسوين شيء..اهم شيء راحتك ياقلبي.. سلمى:ابتسمت..الله لايحرمني منك.. ورجعو لبيتهم.. --------------- غرفة ميساء: تكلم غدير بالتلفون وهي تدور.. ميساء:والله من الحظ..يوم بغيتها تطلع معزومه..افف اعصابي بتحترق غدير:حاسه فيك بس شنسوي..طيب ليش ماتقولين لامك؟؟ ميساء:مافي غير كذا...بسسسس غدير:شفيه بعد؟؟ ميساء:شتتوقعين يسوي؟؟ممكن يفك الخطوبه؟؟ غدير:وانتي تلومينه اذا سواها.. ميساء :جلست على كرسي المكتب..بس انا ماسويييييت شيء هو فاهم غلط.. غدير:بس اذا مافهم عذره معه احمدي ربك ماذبحك بالسوق.. ويقطع حديثهم صوت الشغاله.. الشغاله:مدام فهد يبي انت.. ميساء:فهد هنا..طيب الحين اجي..وترجع تكلم غدير...سمعتي اكيد درى غدير:لو درى كان شانققك الحين...تعوذي من ابليس وروحي شوفي شعنده ودقي علي طمنيني ميساء:طيب...سكرت من عندها وراحت تغير بجامتها وتلبس جلابيه ناعمه.. |
دخلت الصاله وقلبها يدق بقوه سلمت وجلست .. فهد:انتي وينك لا تسألين ولا تسيرين علي؟؟ ميساء:ارتاحت شوي وصارت تعدل شعرها..ابد انشغلت بالجامعه..وين ريم(زوجته) فهد:خلاص وديتها لاهلها لان ولادتها قربت..انتي ما تسألين عنها؟؟ ميساء:لا والله ادري اني مقصره..انشاءالله بادق عليها..امي وين؟؟ فهد:هذا وانتي عايشه معهم ماتدرين؟؟ ميساء:اليوم ماطلعت من غرفتي وهي ماقالتلي شيء..اكيد راحت للجيران..تبي احطلك العشاء.. فهد:بروح اغير ونتعشى.. ميساء:بتسكن عندنا.. فهد:اخاف عندك مانع؟؟ ميساء:لا مانع ولا شيء البيت بيتك..وطلع لغرفته.. ميساء:لا.. حظي شيييء....بحياتي مالتقيت معاه بمكان والصدفه جمعتني معه بالسوق ولا بموقف لا احسد عليه..ويوم ابي سلمى تطلع معزومه..ويجي فهد..الله يستر يااارب حاسه انه فيه شيء بيصير... ------------- ايطاليا.. دخلت محل هدايا واشترت ميداليه وخلته يكتب عليها ilove you دخلتها بشنطتها علشان ماينتبه وجلست على الكراسي تنتظره.. ناصر:عسى ماتأخرت عليك.. ليلى:لا ماتأخرت...قصيت تذاكر.. ناصر:ايه تبين شيء قبل لا ندخل السينما.. ليلى:لا مايحتاج.. ناصر:لا بناخذ بوب كورن وبيبسي ..ومسك ايدها ودخلو للسينما.. ------- مستحيل مستحييييل..انتي متأكده؟؟؟ شيخه:متأكددده... نوال:شالت الحاف من عليها..قامت من سريرها (لابسه بجامتها وشعرها منتفش..توها قايمه من النوم)وانتي مقومتني من النوم علشان هالخبر؟؟؟ شيخه:جلست على الكرسي اللي بجنب السرير...ليه هالخبر مايستاهل انك تقومين علشانه؟؟ نوال:انتي كذااابه..رجعت شعرها على ورى..تمزحين صح.. شيخه:اقوولك الملكه الشهر الجاي..تقولين امزح..اشتري جاهز لانه مايمديك تفصلين.. نوال:يملك على غيري؟؟؟ماصدق ماصدق...وشلون وانا؟؟ شيخه:انتي؟؟؟ انتي اغبى مخلوق شفته..ضيعتي حياتك على الفاضي..ارجعي لزياد احسن..هذا اذا وافق.. نوال:برررىىىى برررى شيخه:عن اذنك...وطلعت نوال:مستحيل يتم هالزواج مستحييل..حسين لي انا وبس...وانهارت على الارض تبكي.. ------- بعد ماخلصو الفيلم رجعو للفندق.. ادخلت الجناح واتفاجات معقوله هذا جناحنا.. ليلى: تبي ترجع للباب علشان تطلع وكان هو واقف عنده..ههههه ناصر شكلنا غلطانين دخلنا جناح غلط.. ناصر:لا غلط ولا شيء..ومشاها للداخل..شرايك بالمفاجأة..كانت الغرفه كلها مغطيه بالورد والشموع وبالطاوله كان فيه تورته ومكتوب عليها iloveyou loly ليلى:يجنننننننننن رووووووووعهالتفتت له.. متى سويت هالشيء ؟؟ ناصر:سر ..بروح اخذ شور.. لا تنامين..بنسهر اليوم سهره معتبره ودخل ياخذ شور.. ليلى: جلست بالكنب اللي بالصاله..وشلون اعطيه الميداليه؟؟؟خليني افكر بطريقه.... -------------- المستشفى كان عنده شيفت بالليل وكان جالس بالحديقه يفكر .. مؤيد:السلاااام عليكم.. فيصل:هلااااا ويسلم عليه..من زمان عنك.. مؤيد:ياخوي شسوي تعرف الامتياز مايخلونك تتنفس..شعندك بالحديقه فيصل:اخذ نفس..زهقان وملان..انت خلص دوامك مؤيد:لا بقالي ساعتين واطلع..خالد شخباره؟؟ فيصل: بخير..جاه نقل للرياض وترقيه.. مؤيد:انا جوالي انسرق وضاعت كل الارقام.. فيصل:وانا اقول الكل يسأل عنك حتى سليمان...تبي ارقامهم.. مؤيد:ياليت..واخذالارقام...تردد...اقول فيصل..امي ماتعرف اخبارها؟؟ فيصل:وهو مستغرب..انت ماتكلمها؟؟؟ مؤيد:غصبن علي يافيصل...ابو عهود مهددني انه يطلقها اذا درى اني اكلمها او اشوفها وبصراحه خفت على امي . فيصل:وامك تدري؟؟ مؤيد:لا ماقلتلها شيء..خفت تتهاوش معاه والضحيه تصير عهود...انا ابي عهود تعيش مع امها وابوها مابيها تصير زيي..وانا ادري انه بيحرم عهود من امي..اضحي انا احسن.. فيصل:صار يربت على كتفه..الله يصبرك ويعينك..بس تدري انا عندي فكره..شرايك نعزم امك عندنا وتشوفها ببيتنا.. مؤيد:وابو عهود؟؟ فيصل:شيدريه..انت توكل على الله ..بس انت ليه ماقلتلنا من زمان.. مؤيد:قلتلك ضاع جوالي وانا مو حافظ ارقامكم..وانشغلت بالدراسه بس الحمدالله اني لقيتك..وخفت اروح بيت خالتي واشوف ابو عهود هناك...لا تنسى انه صديق ابو سليمان..رن جواله وطلعه من جيبه..والحين اتركك يدقون علي.. اشوفك بكره فيصل:على خير..وبعد ماراح مؤيد..الحمدالله على كل حال كلن تهون مصيبته لما يشوف مصايب غيره.. سمع اخر جمله.. زياد:وش هي مصيبتك... وجلس بجنبه.. فيصل:بسم الله انت مارحت للبيت.. زياد:لا مارحت..قولي شفيك انت من يوم رحنا السوق وانت حالك مو عاجبني..الا اذا معتبرني غريب هذا شيء ثاني... فيصل:اااه يازياد...تدري وش اصعب شيءبهالحياه..انك تظن اللي قدامك ملاك ويطلع شيطان..تظنه ورد ويطلع شوك..تظنه دواء ويطلع سم..تظنه ماء ويطلع سراااااب.. زياد:وهذا اللي غاثك؟؟ طيب هذا حال الدنيا..قولي شصاير؟؟ فيصل:بفصخ خطوبتي.. زياد:ايييييييش!!!!! --------------- ايطاليا لبست فستان تركواز قصير ماسك عند الصدر بعدين يتوسع وفلت شعرها الطويل ولبست صندل فضي ناعم وحطت مكياج ناعم مع روج فوشي فاقع حطت عطرها المفضل وقبل لاتطلع للصاله اخذت الميداليه.. ليلى:هذا انسب وقت..ابتسمت لنفسها وطلعت.. كان جالس على الكنب والتورته قدامه على الطاوله..انتبه لها.. ناصر:...شخصت عيونه..وهمس..لا اله الا الله مشاء الله ليلى:شفيييك؟؟ ناصر:وتسألين بعد..وابتسم تعالي تعالي اجلسي جنبي.. ليلى:اجلست بجنبه وقبل لا تقول اي كلمه ناصر:غمضي عيونك.. ليلى:ليش؟؟ ناصر:حبيبتي بسس ثواني ..اصلا انا مااصبر عن عيونك الحلوه..بس مضطر اخليك تغمضين.. ليلى:وهذا انا غمضت.. ناصر:طلع شيء من وراه فتح العلبه المخمليه وطلع عقد الماس فخم ولبسها ..ليلى عطيني ايدك..مدتله ايدها ولبسها الاسواره والخاتم...قومي معاي بس لاتفتحين عيونك.. ليلى:انشاء الله بس انتبه لا اصقع لي شيء.. ناصر:لا تخافين...ووصلها لعند المرايه...فتحيييي. ليلى:ماصدقت عيونها..صارت تطالع المرايه وتطالع ناصر..بعدين دمعت عيونها.. ناصر:مسك ايدها..حبيبتي شفيك؟؟ماعجبك؟؟ ليلى:الا عجبني..بسس ناصر:بس ايش؟؟قولي ترى من جد خفت.. ليلى:مدت الميداليه له.. ناصر:اخذها وقرى الكلام اللي فيها..وطار عقله.. ليلى:ادري انها تفشل وتستاهل اكثر من كذا..قطع كلامها ناصر.. ناصر:تدرين عاد انها احلى واغلى هديه عندي..يكفي انها منك..حب راسها.ومسح دمعه نزلت من عينها.مابي دموع نبي نستانس..والا شرايك..؟ ليلى: ابتسمت...رايي من رايك... ------------- |
الصباح في الجامعه.. شافتها من بعيد وصارت تناديها بصوت عالي.. عهوووووووووود عهوووووووووود لحضه وقدرت توصل لها.. عبير:صباح الخير..انتي وينك؟؟ادق عليك وماتردين خوفتيني عليك؟؟ عهود:مافيني شيء..عندي محاضره.. عبير:انتي زعلانه مني؟؟سويتلك شيء؟؟ردي قولي عهود:لا ماسويتي ..ممكن اروح..وراحت بدون ماتعطي وجه لعبير.. عبير:غرييييييبه!!!شفيها علي؟؟الحين انا بسألها عن ساره تطلع زعلانه علي بعد!!اليوم لازم اعرف السالفه.. غدير:كيفك عبير؟؟ عبير:كانت سرحانه تفكر بعهود.. غدير:عبوووره عبير:هاه..اسفه مانتبهت..وابتسمت كيفك غدير:بخير..بس حبيت اسلم عليك..كيف ليلى؟؟ عبير:بخير..وين ميساء بالعاده مع بعض؟؟ غدير:غابت اليوم شوي تعبانه..انا باروح يالله يمديني محاضرتي باربعه.. عبير:الله يعينك على المشوره... غدير:سلام...وكل وحده راحت لمحاضرتها.. ------------ الشركه.. ابو فيصل:باين على وجهك انك متكدر..صاير شيء ياخوي؟؟ ابو سليمان:اااه ياخوي...انت دريت ان ابو محمد جاي للرياض.. ابو فيصل:متى جاء الحمدالله على سلامته هو ساكن عندك؟؟ ابو سليمان:لا رجع للشرقيه.. ابو فيصل:شعنده جاء يوم ورجع؟؟كان باين عليه الخوف.. ابو سليمان:جاء يخطب عبير لمحمد.. ابو فيصل:ابركها من ساعه..بس اهم شيء راي عبير.. ابو سليمان:وهنا المشكله..عبير رافضه وهو متأمل انها توافق...ياخوي انا خايف من المشاكل..يقول عبير ماتاخذ الا محمد ..ادري انه مافي شيء بالغصب بس انت تعرف طبعه زين ينكد عليك عيشتك..وبصراحه كاسر خاطري محمد انت داري انه جاء يخطب ليلى وانصدم يوم درى ان ناصر خطبها..اخاف يزعل ويحسبون انا مانبيهم.. ابو فيصل: الامور هذي قسمه ونصيب ياخوي هونها وتهون...وشرايك اكلمه.. ابو سليمان:لا لا..انت تدري انه مايواطنك..سامحني بس هذا الواقع.. ابو فيصل:ادري ادري..بس يمكن تغير.. ابو سليمان:لا تغير ولا شيء..هذا هو من يوم حنا صغار وهو مايحبك..يعتبرك ولد الغريب..المشكله ان كلكم اخواني..ويسمع دق الباب..ويدخل السكرتير السكرتير:طال عمرك بدا الاجتماع.. ابو سليمان:طيب انا جاي.. ------------ تلبس عبايتها مستعجله السواق عند الباب وبوابة 2 زحمه يعني مافي مجال انها ترد على اي احد..ركبت سيارتهاوتوجهت للبيت..وقبل لاتوصل البيت بدقايق تذكرت جوالها..فتحت شنطتها تبي جوالها شافت 3 مكالامات لم يرد عليها ومسج افتحتها لقتها كلها من مؤيد.. ساره:يووووه شفيه هذا مستعجل..خليني ادق عليه لا يكسر راسي....وبعد اول رنه رد.. مؤيد:انتي وينك؟؟ ساره:بسم الله الرحمن الرحيم..شفيييك؟؟ مؤيد:مافيني شيء..انتي وين؟؟ ساره:انا عند الباب.. مؤيد:اي باب؟؟ ساره:باب الحاره..يعني اي باب ؟؟باب البيت..شفيك؟؟ مؤيد:خلاص انا عندي بريك..احاول اجي اذا ماقدرت انتظريني الليله لا تنامين مفهوم..وسكر بوجهها ساره:الله يشفيك..ونزلت لبيتها.. --------- اليوم محاضرتها لعشره..راحت للبيت ونامت وقامت على الثنتين... عدلت بجامتها وراحت تتوضا..صلت الظهر ودعت ربها انه يغفرلها لانها ماصلت بوقتها ..نزلت للصاله شافت امها تتغدى لحالها.. عهود:جووعانه..وخذت الملعقه وصارت تاكل..يمه شفيك ساكته؟؟ ام مؤيد:مافيني شيء..اذا خلصتي اكل قولي للخدم يشيلونه.. عهود:يمه يعني ماتبين تتغدين انتي اكلك مادري شلون صاير..يمه مو زين لصحتك.. ام مؤيد:لا تخافين علي..انتي كولي وكأني انا اللي اكلت..وطلعت لغرفتها.. عهود:نزلت الملعقه..اففففف شهالعيشه ياربي...سيتي ياسيييييتي تعالي شيلي الاكل..راحت عند التلفزيون وصارت تفرفر بالقنوات .. ابوعهود:الحلوه جالسه لحالها.. عهود:هلا هلا يبه..احطلك غدى.. ابو عهود:لا مو مشتهي..امك وينهي؟؟ عهود:راحت تقيل ..بغيت شيء؟؟ ابو عهود:لا ولا شيء..وطلع.. عهود:ياربي شهالطفش...افففف ..كله كوم وامي كوم..انا ماادري شلون تفكر بواحد مايستاهل حقيير بس لو امسكه اقطعه تقطيع..هو سبب كل شيء حنا فيه..سمعت اذان العصر رددت مع المؤذن وراحت تصلي ... ----------- بالطريق وهو بالسياره كان يكلم.. سليمان:مادري والله..خلني افكر.. ابو فواز:اي تفكير وانا اخوك..انت وافق والليله يتم كل شيء.. سليمان:الليله؟؟ ابو فواز:ايه الليله...شقلت عندك شيء؟؟ سليمان:لا ماعندي..بس ابو فواز :لا بس ولا شيء..انتظرك الليله..صار سليمان:صار..سكر من هنا ودخل لبيته وهو يفكر..صار يسمع اصوات بعدين انتبه.. سليمان:نعم؟؟ سلمى:الله ينعم عليك ..الحلو سرحان بمييين؟؟ سليمان:انا!!!سرحان من قال؟؟ سلمى:ماحد قال..عطني ايدك.. سليمان:لييييييش؟؟ سلمى:باكلها..لا انت اليوم مو طبيعي.. سليمان:مين؟؟ سلمى:شكلك دايخ ...حطت ايديها على كتوفه وصارت تمشيه لين الغرفه علشان يرتاح. ------------------- يتفرج على التلفزيون زهقان ..تو سكر من زوجته وهي بخير بس مشتاق لها مره ومتشوق اكثر للبيبي..كان يتخيل شكله وقطع احلامه صوت التلفون ..اففف من هالغثيث اللي داق.. فهد:الو.. غدير:السلام عليكم.. فهد:وعليكم السلام.. غدير:لو سمحت ممكن اكلم ميساء.. فهد:لحضه خليك على الخط الحين احولك لها..وسكرالسماعه..الله ياخذها قطعت على شكل ولدي.. ميساء:الوو غدير:تصدقين حسبتك ميته..ياملا اللي مو قايله وييينتس عن جوالتس؟؟ ميساء:مالي خلق الصراحه... غدير:شفيه صاير شيء؟؟ ميساء:وترفع خصله من شعرها عن وجهها...لا مو صاير بس انا تعبت ..الى الان ماقال لاحد..ماادري شيقصد؟؟ غدير:طيب هذا خبر زين.. ميساء:زييين؟؟ غدير:ايه..يمكن قلبها بعقله ولقى انك مو راعية هالحركات.. ميساء:فرحت..تهقين؟؟ غدير:اتوقع...المهم بتداومين بكره؟؟ ميساء:بكره اف.. غدير:تصدقين نسيت..خلاص تعالي افطري عندي بكره.. ميساء:بحاول.. غدير:طيب سلام ..بصراحه تضيقين الخلق.. ميساء:شكرا على الاطراء كله من ذوقك.. غدير:زعلتي؟؟ ميساء:لاااااااااا..خلاص سكري.. غدير:لا صدق زعلتي؟؟ ميساء:افففففف وسكرت بوجهها.. غدير:ههههههههه ياحليلي رفعت الضغط عندها شووووووي.. ------------------- في الحديقه كانو مجتمعين ومافي احسن من جمعتهم خصوصا ان خالد رجع لهم.. ام فيصل:حبيبي يكفي سباحه تعال اشرب عصير .. خالد:الله يخلف علينا ..الحين هالقرد صار حبييييب؟؟ محمد:لف المنشفه عليه وجلس جنب امه..مووووت حره.. خالد:صدق انك بزر..قوم فارق خلني اجلس انا جنب امي.. محمد:رووووح بس انت وهالوجه انت من يتحمل قربك ؟؟ناوي على امي انت؟ خالد:حرام عليك صار لي اربع سنين محروم من حنانها مستكثر علي هالدقيقه..ويسوي نفسه يبكي.. محمد:تصدق حسبتها دقيقه ماكأنها اربع سنين ..ويهز راسه صدق ان الاوقات الحلوه تروح بلمح البصر بسرعه..الله يعينا على الجايات.. ام فيصل:انتبهت لفيصل ...يمه شفيك ساكت؟؟ فيصل:مافي شيء..مادقت ليلى اليوم؟؟ خالد:لا مادقت.. فيصل:انت من سألك يالملقوف.. محمد:ههههاي حلوووووه روح لقط وجهك شوف خشمك تحت الصحن.. فيصل:التفت لمحمدوهو معصب...محمد..روقنا.... خالد:ههههههههههههههه حلووووووووه بس المشكله ياحميدان ان كلك خشم يعني اذا طاح مصيبه.. سلمى:السلللللللللللللام وحبت راس امها وجلست جنب فيصل..ازايكو عاملين ايه؟؟ خالد:طيبين...وين عيالك؟؟ سلمى:خليتهم عند عبير.. خالد:خوش ام..صدق ام المستقبل..الحين عبير امهم والا انتي؟؟ سلمى:عمتهم حسبة امهم..وثانيا لا تتدخل يالعانس.. خالد:عانس وشباب احسن من عجوز متزوجه.. سلمى:ترى صجيتني بالعجوز ترى مابينا فرق كلها ثلاث سنين.. خالد:اهم شيء اني اصغر منك. سلمى:ومستانس؟؟ خالد:لا مس لبانون.. محمد:هههه سلمى:اقولك شيء بس ماتقوله لاحد.. خالد:قولي.. سلمى:تراك ثقييييل دم بالحيييل.. خالد:شكرا ..بس ممكن اقول للسبت او الاثنين. محمد:ههههههاي والله رهيب.. ام فيصل:خلاص يكفي هذره..اقول فيصل ماتبي نملك لك على ميساء.. فيصل:تفاجأ..ماتوقع امه تسأله بهالوقت..وشوووووووو؟؟؟ سلمى:وشو اللي وشو؟؟تملك على ميساء.. فيصل:ارتبك...ومن قال اني ابي اتزوج؟؟ ام فيصل:انت اللي قايل.. فيصل:قام وهو معصب..قلت زواج مافيه ...ودخل للبيت.. ام فيصل:شفيه؟؟ خالد:بروح اشوفه... سلمى:يمه تلقينه معصب بالشغل ومايدري شيقول.. في مكتبه كان جالس وقاعد يضغط على راسه بايديه.. دخل عليه.. خالد:شفيك معصب؟؟ فيصل:خالد مالي خلقك اطلع وسكر الباب.. خالد:طيب بس بعد ماتهدى نتفاهم..سكر الباب.. فيصل:انا لازم انهي هالزواج... ---------------- ببيت عمته كانو جالسين بغرفة ساره.. ساره:ياخي قلنا اسفين..خلاص. مؤيد:طيب دقي عليها الحين.. ساره:طيب طيب..مسكت جوالها وطلعت الرقم ودقت.. عبير:الوو ساره:هلا عبير..كيفك عبير:زينه..وانتي ساره:نحمدالله..اقول شفتي عهود؟؟ عبير:ايه بس ماقدرت اكلمها لان عندها محاضره.. ساره:طيب دقي عليها.. عبير:ادق ولا ترد.. ساره:طيب خالتي بخير؟؟ عبير:ايه بخير توني مسكره السماعه منها.. ساره:طيب اذا صار شيء كلميني..اسفه طولت عليك.. عبير:خذي راحتك.. ساره:مع السلامه... مؤيد:شتقول؟؟ ساره:مافي جديدوامك بخيير..رمت الجوال.. والحين قوم خلنا نتعشى لان مصاريني قامت تصفر... ----------------------- |
الشرقيه.. ام محمد:خليني اخطبله بنت الحلال ولا انتي شرايك يافضه؟ فضه:الشور شور اخوي واللي يامر فيه هو اللي يمشي..بس الله يهدي اخوك المفروض مايرفض لان البنت لولد عمها.. ام محمد:انا اخذت ابو محمد وهو مو ولد عمي..يافضه البنات واجد ولاتزيدين النار حطب.. فضه:وش تقصدين يام محمد؟؟ ابو محمد:خلاص اسكتو..محمد ماياخذ الا بنت عمه حتى لو بالغصب...وانا اعرف اتصرف مع هالاشكال.. ام محمد:مافي زواج بالغصب..انتم تدورون المشاكل.. فضه:وشلون حنا اللي ندور المشاكل انتي ماتنتبهين لكلامك.. ام محمد:انا ابي افرح بمرت ولدي وتفرح بي..مابي وحده مغصوبه.. ابو محمد:بتفرحين لا تخافين..بس اصبري علي.. محمد:السلام عليكم.. الكل وعليكم السلام.. محمد:عمتي زوجك عند الباب.. فضه:انشاء الله الحين اطلع..ولبست عبايتها وطلعت ام محمد:محمد ماتبيني اخطبلك؟؟ ابو محمد:انتي ماتخلين هالطبع..قلتلك بيتزوج بنت عمه.. محمد:يمه انا مابي الا هي...طبعا بالوقت الحالي بس علشان اضمن ان فيصلوه التعبان ماياخذها وصدقيني اتزوج عليها اربع وهي اطلقها وخليه ياخذ فضلتي...اجل انا يردوني.. ابو محمد:صدقني ياولدي بنردها لهم بس اصبر علي.. ام محمد:اروح اصلي ركعتين احسن من جلسه معكم... ---------------------- اففففففففففف كل هالوقت مر وانا على هالحال..مابقى شيء على الفجر..راح توضى وصلى التهجد ودعا ربه..(يارب يارب يارب اللهم افرج كربتي وهمي لا اله الا انت سبحانك اني كنت من الظالمين..) سمع اذان الفجر..غير بجامته ولبس ثوبه وتوجه للمسجد.. صلى الفجر وبطريقهم للبيت راجعين من المسجد.. خالد:عيونك حمراء..مانمت؟؟ فيصل:لا ماجاني.. خالد:تعبان؟؟ فيصل:لا.. خالد:ماعندك دوام اليوم؟؟ فيصل:علي دوام.. خالد:طيب زياد شخباره؟؟ فيصل:طيب... خالد:اف ....ماودك تقولي شيء؟؟ فيصل:مثل؟؟؟ خالد:الزواج مثلا.. فيصل:ماافكر فيه.. دخلو للبيت خالد:دخل يدينه بجيوب بنطلونه الجنز..ماتفكر ولا ماتبي ميساء؟؟ فيصل:تقدر تقول الاثنين وعن اذنك فيني نوم وطلع لغرفته وترك خالد مصدوم.. --------------------- على كف القدر نمشي ولا ندري عن المقسوم ولا ندري مع الايام وش اللي دايم مقدر.. نخاف البعض يتركنا ..يهاجر ويختفي في يوم.. يزيد النبض في بعده وينزف دمعه الاحمر..(منقول) تمضي الايام..وابطالنا منهم الحزين ومنهم السعيد..مر شهر ونصف..وكأنها سنين على البعض.. وأيام على البعض الاخر... اخر ايام الاختبارات .. كللللللللللللللللوش كلللللللووووووووووش ميساء:كل هذا فرحه.. غدير:تخرجنا وماتبيني افرح ابي افارق هالجامعه الكئيبه وماتبيني افرح.. ميساء:جلست على الدرج.. غدير:جلست جنبها وش يجلسك ..امشي امشي عازمتك اليوم على احلى مطعم.. ميساء:مابي مالي نفس..واخذت الشباصه ولفت شعرها.. غدير:لحووووول ..شفيك؟؟صاير شيء.. ميساء:هذا اللي قاهرني انه مو صاير شيء ..انا ماادري شناوي عليه..تصدقين غدير كنت اتمنى هذا اليوم تدرين ليه لاني بعدها على طول بتزوج فيصل..انا الغبيه لو اني وافقت على زواجي من زمان ولا اجلته ماكان صار اللي صار.. غدير:هذا اللي صار..يمكن خيره وانتي ماتدرين..بس تصدقين ماكنت احسبك تحبينه كل هالحب.. ميساء:انا اموت فيه مو متخيله انه يتركني او حتى يزعل علي..غدير احس دموعي بدت تنزل.. غدير:امسكيها لا تفضحينا امشي نطلع برى.. ------- عبير:شسويتي؟؟ عهود:زين ..وانتي؟؟ عبير:انا بعد..خلصتي امتحانات؟؟ عهود:ايه..وانتي عبير:بكره اخر شيء..اسمعي بكره ياتجيني تنامين عندي وهذا المفضل او اجيك اسهر عندك لاني من زمان عنك.. عهود:اسفه عبير كنت متضايقه الفتره الماضيه ...بس ولا يهمك بكره ادق عليك ونتفق..مع السلامه.. عبير:بتروحين؟؟ عهود:جاء السواق تبيني اوصلك؟؟ عبير:لا الحين ابي انتظر صديقاتي وبعدين بطلع..سلمي على خالتي.. عهود:يوصل ...وطلعت. -------------- ايطاليا في احد الاسواق الشهيره.. ليلى:شرايك بهذي؟؟تلبق لعبير صح.. ناصر:اشتري اللي تبينه ولا تسأليني عن اي احد الا انتي.. ليلى:وش معنى انا؟؟ ناصر:لانك انتي اللي تهميني.. ليلى:ماتبي تقولي رايك؟؟طيب ساعدني شوي.. ناصر:ذوقك مثلك يهبل.. ليلى:طيب باخذ اربع تيشرتات وبنروح نشتري شنط.. وهدايا لابوي وعمي واخواني ناصر:تامريييييييييين من عيوني. طلعو من المحل.. ليلى:خلينا ندخل هالمحل نشتري لنصور وسدوم..(كان محل اطفال) كانت منشغله تدور فستان لسديم.. ناصر:شرااايك..حلو ليلى:خذت الفستان من ايده..يهببببببببل يالبى قلبه..بس هذا لمواليد .. جيب مقاس اكبر لسديم.. ناصر:ومن قال انه لسديم.. ليلى:اجل لمن؟؟ ناصر:لبنتي حبيبتي.. ليلى:ابتسمت..الله كريم..خلاص خلينا ناخذه ناصر:اكيد.. ليلى:وشرايك بهالجزمه لابقه على ثوب بنتي صح.. ناصر:مرره ..لقيتي شيء لسديم ونصور ليلى:ناصر لقيتله بس سديم لا..لحضه شوف هذاك الفستان رووعه.. وبعد ماخلصو من السوق راحو للفندق يتريحون شوي بعدين يطلعون.. ------------- لحوووووول شفيه هذا مايسكت اففففففف وتشوف الرقم.. ميساء:خيييييييير؟؟ لما:الووو ميساء:قلنا خيييييييييييييييييييير..ماتسمعين صقها لما:ميساء شفيك؟؟ ميساء:شكلك راعية طويله وانا مو فاضيتلك.. لما:اسفه اذا ازعجتك خلاص ادق مره ثانيه ميساء:هيييي انتي اي ثانيه؟؟انا مو فاضيتلك الحين ولا بعدين يعني الواحد لازم يفشلك علشان تفهمين.. لما:ميساء انا اسفه صدقيني ماادري عن شيء ومالي ذنب..يعني اذا اي احد يعاكس لازم يصير من طرفي.. ميساء:اييييييييييه لازم تدرين ليش لانك مستنقع للوصاخه وهالاشكال ماتتجمع الا على الوصخين مثلك وشرواك..واذا انتي مبتليه لاتبلَين على غيرك يالحقيره ولا تدقين على هالرقم مره ثانيه فاهمه.. لما:هين ياميساء اذا ماخليتك تندمين .. ميساء:اعلى مابخيلك اركبي وصدقيني يالزفته هالمره خليتها تعدي على خير بس اذا سويتي معي حركه ثانيه صدقيني لاامرمطك عند اللي يسوى واللي مايسوى واخليك عظه وعبره لغيرك وانتي عارفه انا مين وبنت مين ..وسكرت السماعه.. ودقت على غدير.. غدير:الووووو ميساء:وش هالازعاج اللي عندك.. غدير:شيء طبيعي امي وغاده ونوره يتهاوشون.. ميساء:دقت علي الزفته.. غدير:اي وحده؟؟كثار الزفتات ميساء: ازفت وحده..لما.. غدير:وش تبي؟؟لا يكون بتطلعين معها انتي ماتوبين.. ميساء:حتى انتي صرتي ماتثقين فيني.. غدير:مااقصد..بس وش تبي؟؟ ميساء:ماادري..يمكن تعتذر او تبي تسحبني معها تحسبني غبيه بس هزئتها غدير:ليتك من زمان كذا..اخاف تسويلك شيء؟؟ ميساء: ماتقدر..صدقيني غدير اني ندمانه قد شعر راسي بس وش يفيد الندم ..وصارت تبكي غدير:سكري الحين واذاارتحتي دقي علي وسكرت منها وراحت بنوبة بكاء......... ------------------- |
الجزء الخامس.. (موطني عشت فخر المسلمين...) الطياره.. على الدرجه الاولى...كانت جالسه جنب الشباك وهو بجنبها.. جت المضيفه تقدم لهم عصاير بعد الوجبه.. ناصر:قلبي تفضلي .. ليلى:شدراك اني ابي عصير تفاح؟؟ ناصر:كل شيء يخصك ادري فيه..مستانسه.. ليلى:مرررررره ..مشتاقه لهم ماادري متى نوصل.. ناصر:باقي تقريبا خمس ساعات...انا باروح اتمشى شوي ليلى:ليش؟؟ ناصر:علشان رجليني ماتتنفخ..اذا رجعت تتمشين اوكيه ليلى:لا مايحتاج اسوي تمارين يكفي..وصارت تكمل قرايتها لكتاب صلاح الراشد عن البرمجه.. وبعد خمس دقايق رجع ناصر.. ناصر:تصدقين شفت احد اخوياي هنا..يقول ان شركتنا داخله صفقه ضخمه..تدرين اتمنى اننا نربحها.. انشاء الله من بكره بداوم حمستني الصفقه.. ليلى:سكرت الكتاب بقوه..وصارت تطالع بايدها اللي تفركهم ببعض...حمستك ولا مليت مني؟؟ ناصر:انبسط من حركتها ...فيه احد يمل منك الود ودي اني ماافارقك ثانيه..بس الشغل ضروري وبصراحه اخاف تملين مني وتقولين وش هالغثيث؟؟ ليلى:التفتت عليه..لا تخاف اذا مليت بقولك.. ناصر:شد نقابها لتحت..غالي والطلب رخيص.. --------------- الشركه.. سليمان:خله يتفضل.. السكرتير:حاضر طال عمرك.. ابو فواز:السلام عليكم سليمان:هلا هلا تو مانور المكتب..حياك تفضل.. ابو فواز:منور باصحابه..انا مو مطول بس بغيت اخذ حاجتي لاني مستعجل.. سليمان:تستاهل تستاهل..ويفتح الدرج ويطلع دفتر الشيكات ..تفضل ابو فواز:الله يكثر خيرك..اي شيء تبيه حنا بالخدمه..مع السلامه. سليمان:الله يسلمك الله يسلمك ..ويمسك جواله ويدق وهو مبتسم.. ------------- ابو فيصل:انا اقول نزيد من الانتاج..على العموم سولي دراسه وبعدها نقرر.. الموظف:طال عمرك لو نقدم الاجتماع احسن.. ابو فيصل:بكره الساعه تسعه نعقد الاجتماع.. الموظف:عن اذنك.. ابو فيصل:لحظه ..بس حبيت اقولك انك ربح للشركه عقليتك نظيفه وحنا محظوظين فيك..اتوقع لك مستقبل زاهر الموظف:مبتسم..مشكور على الاطراء ..وطلع السكرتير:تامر شيء طال عمرك.. ابو فيصل:بلغ الموظفين بالاجتماع..واطلبلي ابو سليمان.. السكرتير:طلب ابو سليمان بس مالقاه وجواله مقفل..فطلب سليمان.. كان يكلم بالجوال ورايق وفجأه دق تلفون المكتب..سكر جواله ورد.. سليمان:هلا ابو فيصل:هلا بك ..عسى منت مشغول . سليمان:ابد طال عمرك امر.. ابو فيصل:لا بس ابوك وينه شفيه ماداوم؟؟ سليمان:لا داوم بس راح ياخذ جوله ميدانيه ويبي يمر على شركة--- علشان يتفق معهم يدخلون معنا بالصفقه. ابو فيصل:زين ..طيب انا برجع للبيت اريح شوي تدري ناصر وليلى يجون اليوم سليمان:خذ راحتك ياعمي.. ابو فيصل:الله يعينك ..مع السلامه سليمان بعد ماسكر......ارجع اكلم احسن لي. --------------------------- في البيت كانو كلهم نايمين بعد ماتغدو....والهدوء يعم المكان فجأه..طلع ذيب اسودوعيونه تلمع ويلحقها صارت تركض تركض بس وين تروح حاولت تفتح السياره بس مقفله شافت ليلى من بعيد وهي تضحك راحت لهاوبعدين شافت الذيب ياكل ليلى وهي ساكته ماتصرخ صارت هي تصرخ ليييييييييلى ليللللللللللللى بعدين اختفى الذيب وليلى تنزف راحت تنادي فيصل ويوم رجعت لليلى لقتها تضحك ومافيها اي شيء بعدين طلع الذيب مره ثانيه وصار يلحقها قدر يجرحها جرح بسيط وبعدين اختفى..يمممممممممممممممممممممممممه سلمى:بسم الله بسم الله اعوذ بالله من الشيطان الرجيم بسم الله بسم الله..وش هالحلم اللهم اجعله خير...قامت من فراشها وراحت تشوف اولادها لقتهم نايمين رجعت لغرفتها وصارت تفكر بالحلم...سمعت صوت الاذان..غريبه سليمان ماجاء؟؟بعد مااصلي ادق عليه واشوف وينه.. وبعد الصلاة دق باب البيت وفتحت الشغاله.. خالد:دخل على طول..وين مدام العجوز.. سلمى:نازله مع الدرج..عجوز بعينك..حيالله من جانا.وسلمت عليه.تفضل تفضل..واجلسو بالصاله..واول ماجلست.. ايه كذا حسسني انك نقلت للرياض.. خالد:ولا يهمك كل يوم اجيك واغثك وين بزارينك؟؟ سلمى:ايه اكشف عن نواياك جاي للبزارين ؟؟ خالد:عصفورين بحجر..حط رجل على رجل...سلموه شفيك ماضيفتيني ماني خابرك زطيه؟؟ سلمى:ياحليلك خبرك عتييق..من يوم مانقلت لجده وانا اكبر زطيه..اللي يسير علي يجيب قهوته وعشاه معه.. خالد:وصل التلميح..حتى انا صرت ماجيب اي شيء معي اذا سيرت على احد..طالع بخيل على اختي .. سلمى:يمممممه منك لسانك حشى مو لسان اقول كلمه ترد بعشر الله يعين اللي بتاخذك.. خالد:تبطيييييين..مرتي للحين ماجابتها امها.. سلمى:اصلا انت من تقبل فيك يالمغرور..اروح اجيبلك عصير وفطاير افضل من نقاش عقيم معك... وهي بالمطبخ سمعت صوت ضحك وازعاج...راحت للصاله.. سلمى:زين قومتهم.. خالد:افا عليك حاضرين متى ماتبين تقومينهم دقي علي,,الله وش هالعصير التحفه..ويشرب ..يمي يمي سلمى:اعجبك..خلاص زورني كل يوم واشربك احسن العصاير.. سديم:ماما ابي لاوه سلمى:تعالي وتحطها بحضنها وتوكلها.. خالد:يكفي يكفي شوفي البنت وش صارت كنها بالونه انا صرت اخاف اجلس عندها اخاف تنفجر باي وقت واروح فيها.. سلمى:بنتي ومالك دخل ..كولي حبيبتي.. خالد:ايه وكليها وبعدين اذا كبرت ابلشي بالرجيم...نصور شفيك معصب؟؟ ناصر:ليش ماجبت هديه؟؟ خالد:الحين اجيبلك احسن هديه روح البس خلني اتمشى معاك وبالمره تشتري هديه. ناصر راح يلبس على طول.. سديم:وانا بلوح معاك خالد:بس سيارتي ماتتحمل واخاف تنفجرين يحسبونه عمل ارهابي واروح فيها سلمى:خاااااااالد لا تقول كذا لها ترى تفهم وبعدين تزعل حرام عليك خالد:طيب طيب روحي لبسيها الشكوى لله.. سلمى:احمد ربك ان سديم بنت سليمان تركب معك..وخذت بنتها تلبسها.. خالد:القرد بعين امه غزال..ويدق جواله.. خالد:هلا طال عمرك ابو فيصل:وينك فيه؟؟ خالد:عند سلمى..بغيت شيء؟؟ ابو فيصل:مو رايح تجيب اختك؟؟ خالد:ههه ياحليلك يبه..باقيلهم ساعتين شفيك مستعجل؟؟ ابو فيصل:طيب لا تنسى..وسكر بوجهه.. وبعد خمس دقايق.. سلمى:من كنت تكلم؟؟ سمعت صوت الجوال.. خالد:ابوي يالمحقق كونان..خلصو لبس سلمى:تفضل وطول بالك عليهم وانتبه لهم مفهوم.. خالد:المفروض هم ينتبهون لي مو انا..ومسك ايديهم سلمي على سلوم.. سلمى:الله يسلمك... --------------- بخرت البيت كله وزينت جناحهم وخلته كله ورود ووصت الطباخ يسوي عشاء محترم كانت تدور بالمبخره في الصاله..دخل عليها ابوها.. ابو سليمان:شعند حلوتنا اليوم ؟؟ عبير:ابد ابخر للمعاريس.. ابو سليمان:مسك ايدها تعالي قوليلي كل شيء صار من امس لليوم.. عبير:نزلت المبخره على الطاوله وجلست جنب ابوها..ابد مافي شيء..بعد ماخلصت اختباري امس قلت لعهود تجي عندي علشان اشتري بعض الاغراض للمعاريس قالت ماتقدر ورحت لحالي شريت كل شيء ومارجعت الا وانا دايخه حطيت راسي ونمت وقمت اليوم متأخر ورتبت كل شيء.. ابو سليمان:تدرين علشاني ماشفتك امس مارتحت بنومي.. عبير:الحين عطلت وبتمل مني....الا يبه وين نسافر السنه هذي؟؟ ابو سليمان:المكان اللي تبينه بس انا وياك...شرايك عبير:وناااااااسه واخيرابروح معاك لوحدنا..خلاص بنروح مكان للاسترخاء والاستجمام..بس حدد متى؟؟ ابو سليمان:بعد مااخلص الشغل..خالد مادق عليك عبير:لا ابو سليمان:من زمان عنه دقي عليه خليه يسير علينا.. عبير:انشاء الله.. ابو سليمان:كملي شغلك انا بريح شوي.. ---------------------------- المستشفى جالسين بالكافتيريا ويسولفون.. مؤيد:يوصل بالسلامه انشاء الله..شبك يدينه ببعض ..اقول ماسويت شيء بموضوعي؟ فيصل:يوووووه شلون نسيت ..خلاص بكلم الوالده الليله مؤيد:ازعجتك فيصل:حنا اخوان..لا تقول هالكلام..بس ليش ماتكلم عبير؟؟ مؤيدعصب)ماتقدر.. فيصل:صح شلون نسيت.. مؤيد:انا عندي شغل وقام من الطاوله وراح.. فيصل:شفيه معصب؟؟وكمل شرب الكوفي.. كان يمشي وباين انه ضايق خلقه.. زياد:افففففف ويسحب الكرسي ويجلس فيصل:شفيك انت بعد؟؟ زياد:خالتي دقت تبيني ارجع المحروسه.. فيصل:وصل الموضوع لخالتك؟؟ زياد:خالتي صديقة ام المحروسه.. فيصل:وش قلتلها؟؟ زياد:قلت نفسي طااااااااابت... فيصل:خلاص شفيك زعلان؟؟ زياد:ازعجتني تصور تدق علي يوميا تبيني ارجعها.. فيصل:لا ترد عليها..هي موتقول بتتزوج؟؟ زياد:وهذا اللي خايف منه..اللي بتتزوجه يبي يتزوج...وهي ماصارت ترسل رسايل لي وكأنه الوضع عاجبها.. فيصل:وش رسايله؟؟ زياد:احيانا ترسللي تهديدات اذا رجعتها .. فيصل:مافي شيء بالغصب.. زياد:المشكله فيني...تدري هو زوجني غصب وخايف يضغط علي علشان ارجعها...وانت تدري اني ماخالف ابوي.. فيصل:لا ماتوقع..هو داري انها هي اللي طلبت الطلاق...وبعدين الى متى بتبقى على هالحال ..زياد ابوك المفروض مايتدخل بحياتك...شاف ساعته..يووه عن اذنك زياد:بتطلع..ليش خلص دوامك وانا ماادري؟؟ فيصل:طبعا نسيت ان اختي جايه اليوم وبروح للبيت استقبلها..سلم على المحروسه زياد:ههه الا شرايك تتزوجها وتفكني من شرها.. فيصل:الله لا يقوله.. ------------------------ اعزائي الركاب هاقد وصلنا لمطار الرياض الدولي..نتمنى لكم قضاء اسعد الاوقات تقبلو تحياتي ومن طاقم الطياره وشكرا.. ناصر:لولي قومي حياتي وصلنا.. ليلى:وهي تتمغط..الحمدالله على السلامه ناصر:الله يسلمك..خلي الركاب ينزلون بعدين احنا.. نزلو من الطياره واخذو شنطهم وعند الاستقبال..خالد كان يأشر بأيده ليلى:ناصروسدييييييم..وبسرعه راحت لهم وضمتهم.. خالد:الحمدالله على السلامه ..ويسلم على ناصر.. ناصر:الله يسلمك..كيف حالك والاهل انشاء الله بخير.. خالد:كلنا بخير وينتظرونكم...ويلتفت لليلى اللي الى الان ضامه ناصر وسديم...انتي يالدبا المفروض والواجب تسلمين علي انا بالاول مو هالبزران بس الشرهه علي انا اللي جبتهم..خلاص يكفي قطعتيهم.. ليلى:مشتااااااااااقه لهم مره وش اسوي وتتركهم وتسلم على خالد.. خالد:يالله مشينا..وراحو للسياره وطول الطريق هم سوالف وضحك.. وبالسياره.. خالد:ليلوه اليوم السهره صباحي...اتفقنا(كان بيقهر ناصر) ليلى:اكييييد..بس شوف انت اليوم تباشر علي بالمطعم..كانت سديم بحضنها وناصر الصغير بجنبها... خالد:ابد ازهليه وتدرين شلون نبي نقول لسلمى تنام عندنا بعد..نبي نرجع ايامنا .. ناصر:ليلى انتي بتنامين عند اهلك؟؟ ليلى:اكييد مايبيلها كلام.. ناصر:لا والله..ويلتفت لها ورى...وانا ؟؟ ليلى:انت عند اهلك بعد.. خالد:ايه اليوم كل واحد يروح لبيت اهله..ويبتسم بخبث ناصر:انت رجاء لا تخفف دم..مافي نوم عند اهلك..ويرجع يشوف قدامه.. ليلى:تمززززح..مستحييييل..ناصر من جدك؟؟ ناصر:لا من عمي.. ليلى:ههههههه انا قلت انك تمزح.. ناصر:ومن قال اني امزح..انا جاد نومه برى بيتك مااااااافيه.. خالدحب يستهبل)هي انت لاتسويلي فيها زوج..قلتلك ليلى تنام عندنا وبلا سخافه لا اعطيك مخمس يلف وجهك لف.. ناصر:وانت لا تسويلي فيها فزعه وبعدين لا تتدخل.. خالد:غير نبرة صوته الى الحزينه..انتم كلكم اخواني وانا اللي يحقلي اتدخل واقرر عنكم بعد.. ليلى:خااالد مو وقت مزحك انت الثاني.. خالد:ههه ومنهو الاوووول؟؟؟ويطالع ناصر ناصر:شوف الطريق احسن لك....بعدين نتفاهم ليلى اذا صرنا بعيد عن العذال.. خالد:صاير نمر على غفله..الله يرحم الحال..ووصلو البيت ونزلو.. طبعا بهالوقت الاستقبال الحار و الدموع مالها حاجه... ----------------- |
طلعت من المطبخ وهي تاكل سندويشه وشعرها حايس وشكلها سرحانه.. فهد:ميسااااااااااااااااااااء ميساء:بسم الله فجرت طبلة اذني.. فهد:سرحانه فيني طبعا.. ميساء:ايه مره وتروح تشغل التلفزيون وتجلس على الارض فهد:راح جلس جنبها..هذا الحاله اللي تمرين فيها تسمى حالة مابعد التخرج..هز راسه ..هي صعبه بس لا تخافين لها علاج.. ميساء:التفتت له..ممكن تسكت علشان اسمع.. فهد:هههههههههههههههه ميساء:الظاهر ماقلت شيء يضحك؟؟؟ فهد:وشلون تسمعين وانتي مقصرته.. ميساء:انتبهت وطولته.. فهد:اخذ الريموت وسكر التلفزين...ميساء اذا خلصتي اكل تعالي بالقبو ابي اتكلم معك..ونزل للقبو ميساء ماقدرت تكمل سندويشتها.. ميساء:ياويلي لا يكون فيصل قاله شيء؟؟الله يستر..انزل ولا اروح لغرفتي..لا احسن شيء انزل واقوله عن كل شيء اكيد هو فاهم غلط بعد..تشجعت ونزلت.. كان منزل راسه ومغطس رجلينه بالمسبح ..طلعت صوت علشان ينتبه..رفع راسه.. فهد:ابتسم..تبين تجلسين جنبي ولا نجلس على الكراسي؟؟ ميساء:على الكراسي احسن... طلع رجلينه من المويه وجلس على الكرسي.. فهد:تكلمي.. ميساء:عن ايش؟؟ فهد:ميساء انتي عندك شيء وانا متأكد...انتي من متى تخبين عني؟؟مو كل اسراري عندك واسرارك عندي؟؟قوليلي شفيك؟؟ ميساء:ترددت بس لما شافت نظراته تشجعت...فهدبصراحه..شقول ياربي.. فهد:اذا ما ودك مو لازم.. ميساء:لا انا محتاجه اقولك..وصارت تفرك يدينها..بصراحه مره رحت السوق مع وحده من البنات وكان فيه واحد يلاحقنا وحنا مانتبهنا ونادتني باسمي وسمعه وصار يزعجني هزئته..رجعت خصله طاحت على وجهها ورى اذنها...وطلعت من السوق وهو كان يلاحقني وبنفس الوقت كان فيه فيصل ولد خالتي وهذاك لما شافني ماعطيته وجه ناداني باسمي وسمعه فيصل وعرفني..وفيصل يحسبني اكلمه او لي علاقه معاه..وانت عارفني زين.. فهد:وهذا اللي مضايقك...شوفي المواقف هذي تصير..بس غريبه فيصل ماسوالك شيء مع انه حمقي ويتصرف قبل لا يفكر؟؟بس ولا يهمك انا بقوله عن اللي صار ميساء:صددق..طيب متى؟؟ فهد:بكره العصر بمره في المستشفى.. ميساء:قامت حبت راسه..مشكووووووووووور يااحلى اخو بهالدنيا.. فهد:وعفوا يااحلى قرده ميساء:طارت لغرفتها ومانتبهت لكلمته.. ------------------- جالسين بعد ماتعشو بجلسه بالحديقه وضحك ووناسه.. ابو فيصل وام فيصل نامو..وسليمان وسلمى والعيال رجعو لبيتهم.. عبير:الحين الساعه 12 لازم نرجع تأخرنا على ابوي.. خالد:لا نامي عندنا الليله ..خلي القرد اللي بجنبك يروح للبيت.. ناصر:عدال يالغوريلا..انت شفيك اليوم؟؟كان يكلم فيصل محمد:هذا هو صارله حول الشهر ...شكله عاشق ولهان والحبيبه مو معطيته وجه.. ليلى:وانت شدراك بحال العاشقين؟؟؟ خالد:هههه تقول شدراك...حبيبتي هذا مدرسه الا جامعه تدرين وشلون هذا فوزيه الدريع بكبرها.. فيصل:تصبحون على خير... ناصر:تو الناس بدري.. فيصل:من عمرك ..بس انا جيت من الدوام ولا نمت..الجايات اكثر..وتركهم. عبير:وهي تفك غطاها..ترى صدق تأخرنا على ابوي محمد:هي هي انتي شايفتني بزر قدامك يوم تكشفين؟؟ عبير:لا شايفتك سيد البزارين..حمودي شوف لو يصير عمرك ميه مارح اتغطى عنك مفهوم.. خالد:لا عبير احترمي نفسك ...ترى محمد توه رضيع..وين طيرتيه وخليتيه بزر.. محمد:مالت عليكم ويقوم وهو منقهر... ناصر:دام كلهم قامو خلونا نروح للبيت ليلى:ناصر..ممكن ابيك شوي.. ناصر:قام معهاوراحو يتمشون بالحديقه.. خالد:وهو يطالعهم..اخس ياوضحى.. عبير:اسمع يالعانس ابوي يقول زورنا انت من زمان ماجيتنا.. خالد:بكره اجيكم..الا انتي نجحتي؟؟ عبير:افففف ياشين الاحراج..بعدين تو النتايج.. يوم صارو بعيدين.. ناصر:وش بغيتي؟؟ويجلس على الثيل ليلى:جلست جنبه..شقلت؟؟ ناصر:عن ايش؟؟ ليلى:نااااااااصر مو وقت استهبال..انا اتكلم جد ناصر:خلاص مارح استهبل..ممنوووووووووع ليلى:وشو اللي ممنوع؟؟ ناصر:الحين من اللي يستهبل؟؟؟؟ ليلى:طيب ليش؟؟؟ ناصر:سؤال وجيه ..لاني بكل بساطه ماتخيل ثانيه بدونك فكيف بيوم.. ليلى:لا صدق؟؟ليش؟؟ ناصر:مسك ايدها..ورب البيت هذا السبب..اذا انتي ماتبين تروحين معي بكيفك بس ترى مااقدر انام لين اشوفك..وعاد انتي وضميرك..وراح لخالد وعبير.. اما ليلى فقعدت فتره مو مستوعبه كلامه ..معقوله. ---------------- |
اضطر يسافر بدون مايقول لاهله ..جاه اتصال متأخر من اهل زوجته ويبونه يجي..على طول مسك خط الرياض الشرقيه..ولا وقف الا بالمستشفى..نزل بسرعه وسأل الاستقبال عنها قالوله بالدور الرابع.. شافه واتجهله بسرعه.. فهد:بشر طمني؟؟ جاسراخو ريم زوجة فهد)للحين تولد صارلها يوم كامل.. فهد:وهو معصب..وليش ماقلتولي؟؟ جاسر:هي وصتني مااقولك..تقول اذا ولدت هي تدق عليك وتبشرك...بعدين انا ماحسبتها بتتأخر لهالوقت..شوف الدكتور طلع.. فهد:بسرعه راح للدكتور..دكتور طمني عليها.. الدكتور:انت زوجها؟؟ فهد:ايه ..فيه شيء دكتور؟؟ الدكتور:بصراحه...حنا نبغاك توقع على العمليه.. جاسر وفهد:عمليه ؟؟؟؟؟؟وش عمليته..(كانو خايفين) الدكتور:ولادتها تعسرت..ولا تنسى انها حامل بتوأم..الاول طبيعي وصحته زينه بس الثاني حالته خطره ويشكل خطوره على امه..روح مع الممرضه علشان توقع على الاوراق.. فهد:انا موافق سو اي شيء يادكتور بس اهم شيء ريم الله يخليك.. الدكتور:توكل على الله..ودخل غرفة العمليات وفهد راح يوقع.. ---------------- الصباح الساعه 6 الصبح جاه اتصال منها كانت تبكي..خاف عليها وراح لها..اول ماوصل خذاه للطوارئ..والحمدلله قدرو يسعفونه .. سليمان:بشر يادكتور.. الدكتور:تطمن الوالد بخير..بس وقع على اوراق خروجه.. رجعو للبيت..كانت واقفه بالحوش تنتظرهم ويوم ادخلو على طول ضمت ابوها.. سليمان:شوي شوي عليه.. نها:وهي تبكي..يبه انت بخير.. ابو نها:يابنتي انا بخير تطمني..حياك ياولدي .. دخلو داخل البيت وجلس بمجلس الرجال..وابو نها خذته نها لغرفته علشان يرتاح..ورجعت للمجلس...جلست قباله.. نها:مشكور ياسليمان..اسفه اذا ازعجتك..بس شسوي امي تعبانه ومااقدر اخلي ابوي يروح لحاله مع السواق ماتطمن.. سليمان:نها شهالكلام..وبعدين تعالي اجلسي جنبي ..كذا تحسسيني اني غريب لا تنسين اني زوجك..ويقطع كلامه اتصال..شاف الرقم وارتبك.. نها:فهمت عليه..بروح اجيبلك فطور..عن اذنك.. سليمان:دخل الجوال بجيبه بعد ماحطه على السايلنت ..لا انا بطلع..تأخرت على الشركه..اي شيء تحتاجينه دقي علي.. نها:لا والله..وش تبي الناس تقول عني؟؟؟تخلي قلبها يروح بدون فطور؟؟؟ سليمان:ودي بس تأخرت... نها:انا بروح اجيب الفطور وانت بكيفك اذا تبي تزعلني روح..وراحت من غير ماتنتظر جوابه... سليمان:جلس ...الشغل يولي... دخلت المطبخ وقالت للشغاله تجهز الفطور بسرعه ودخلت غرفتها فكت الشباصه وخلت شعرها الاشقر يطيح على اكتافها ..اخذت القلوس وحطت على شفايفها ومسكت الكحل وخططت عيونها واخر شيء حطت البلاشر ..عدلت جلابيتها وبخت من عطرها الصيفي المنعش وكل هذا سوته بظرف دقيقتين..دخلت المطبخ واخذت الصينيه وودتها لسليمان.. نها:والابتسامه شاقه حلقها...خفت على زعلي؟؟؟وتحط الصينيه على الطاوله وتجلس جنبه.. سليمان:وهو مبسوط..اذا ماخفت على زعلك اجل على مين اخاف.. نها:فديييت اللي خايف على زعلي...مسكت التوست..الحين بسويلك سندوتش ماذقته بحياتك.. سليمان:كان يطالعها وهي تسوي السندوتش...عيونها متوسطه مو كبار ولا صغار لونهم رمادي..بس فيهم سحر غريب..وجهها بيضاوي ..بيضاء خشمها صغير..جسمها اقرب للسمنه ومو طويله مره..شعرها متوسط اقرب للقصر...فجأه جات صورة سلمى بباله...استغفر الله العظيم استغفر الله العظيم.. نها:تفضل حبيبي... سليمان:تسلم ايدك.. نها:استغربت..كأنه ضايق خلقه...فيك شيء؟؟ سليمان:لا مافيني.. نها:سكتت ماتبي تضايقه... بعد ماخلص الفطور.. نها:صحه.. سليمان:على قلبك..يالله تامرين على شيء نها:سلامتك..وايه نسيت...لا تنساني سليمان:فيه احد ينسى هالقمر..اذا صار شيء دقي علي..مع السلامه نها:الله يحفظك ويخليك لي... اول ماركب السياره..طلع الجوال وشاف سبع مكالمات لم يرد عليها ...اتصل عليها.. كانت جالسه على الكرسي اللي بجنب السرير وتهز رجلها بارتباك..رن جوالها وردت بسرعه.. سلمى: وبصوتها النوم ..سليمان وينك؟؟ سليمان:السلام عليكم.. سلمى:اشوووا انت بخير.. سليمان:هههه ايه تطمني بخير..بس طلعت بدري لان عندي شغل بخلصه بدري.. سلمى:ليش ماقومتني؟؟طلعت بدون فطور واشغلتني عليك.. سليمان:حقك علي...زعلانه(مايدري ليش حس بتأنيب الضمير) سلمى:انا مو زعلانه انا خفت عليك..طيب لا تنسى تفطر ترى اهم شيء الفطور..علشان تركز بشغلك.. سليمان:انشاااء الله..حبيبتي تامرين على شيء.. سلمى:سلامتك يابعد قلبي..سكرت منه نزلت الجوال على الطاوله وراحت تكمل نومها.. ------------------ قامو كلهم الساعه 8 ونص الصبح علشان يفطرون مع بعض.. ليلى:كانت لابسه جلابيه عودي وفيها نقش ناعم ذهبي..فكت شعرها الطويل وتبخرت حطت كحله بس..وطلعت للغرفه كان جالس على الكرسي يقرى ورده اليومي.. ليلى:جلست بجنبه بدون ماتتكلم.. ناصر:خلص الورد..ونزل القرآن على الطاوله..حبيبتي ننزل.. ليلى:ايه تأخرنا عليهم.. نزلو لهم وافطرو مع بعض وابو سليمان راح للشركه ..وناصر ماخذ اجازه.. جلسو بالمجلس العائلي..وقعدو يسولفون.. عبير:ليلى ترى الاسبوع الجاي بسوي لك عزيمه ليلى:ليش؟؟ عبير:توك جايه من شهر العسل وماتبنا نسويلك عزيمه؟؟وش تبين الناس تقول عني ماتعرف بالاصوول؟؟ ناصر:هي انتي لا تنافخين.. عبير:ومتى نافخت؟؟ولا ماتبينا نتكلم مع المدام؟؟(كانت تقولها وهي تهز راسها) ناصر:يكون احسن بعد. ليلى:هههه خلاص شفيكم تهاوشتو علي..خلاص انسه عبير موافقه على العزيمه.. عبير:وهي تعطي نظرات لناصر..اصلا مو بكيفك غصبا عليك.. ناصر:عصب:عبييييييير احترمي نفسك.. عبير:امزح والله امزح حتى اسأل زوجتك.. ليلى:يوم شافت ناصر عصب..ناصر شفيك كانت تمزح.. ناصر:مزحها ثقيل..وطلع لغرفته ليلى:عاجبك شوفيه زعل عبير:يالخبله احسن علشان تروحين تراضينه.. ليلى:والله مالخبل الا انتي..وطلعت لغرفتها.. عبير: اطلع اكمل نومي ابرك.. ------------------- بالشرقيه.. فهد:يعني ايش؟؟ الدكتور:هي تعبت ..لا تنسى انها ولدت طبيعي وقيصري بنفس الوقت..وطبيعي مرح تتحمل..احنا نخليها اسبوع بالعنايه المركزه وانشاء تقوم بالسلامه.. فهد:بلع ريقه بصعوبه..يعني هي بحاله خطره.. الدكتور:ياخوي انشاءالله تقوملك بالسلامه..عن اذنك. فهد:لحظه دكتور..ابي اشوفها.. الدكتور:اشفق عليه..خلاص مافي مانع.. لبس الكمام..ودخل عليها ..كان وجهها اصفر وسواد تحت عيونها كان باين عليها التعب..ماقدر يمنع دموعه يوم شاف حالتها..توقع كل شيء الا ان تكون بهالشكل..حاول يمسك ايدها بس ماقدر..تذكر خوفها من الولاده يوم كانت حامل تذكر وصيتها..وزادت دموعه.. ريم وهي تمسح على بطنها.. فهد:كان يلبس شماغه..حبيبتي مشينا..ماردت عليه شافها مع المرايه اللي عاكسه وجهها وشاف دموعها..راح لها وجلس جنبها..شفيك فيه شيء يعورك؟؟ ريم:وزادت دموعها..خايفه. فهد:من ايش؟؟ ريم:من الولاده..مابي اولد.. فهد:مسك ايدها..حبيبتي لا تخافين ..انتي لاتفكرين بهالموضوع انسيه..وصار يمسح دموعها.. ريم:ركزت نظرها على عيونه..اذا مت انتبه لعيالي..وصيتي العيال وتزوج وحده رحومه واذا ... فهد:اششش ولا كلمه زياده ان سمعتك تقولين هالكلام بزعل..محد بيربي العيال غيرك سامعه..ويالله البسي عباتك خلينا نروح للعشاء تأخرنا.. مسح دموعه..وحب جبهتها وهمس باذنها..الله يخليك لي يارب صدقيني بتعيشين وتربين العيال..وطلع..وحالته النفسيه صفر... جاسراخو ريم)وشلونها؟؟ فهد:الله كريم..وماقدر يكمل خنقته العبره.. جاسر:انتظرني ابي ادخل عليها ونرجع مع بعض للبيت..انصدم لماشافها وماقدر يجلس ثانيه عندها..طلع وجلس على الكرسي وصار يبكي..كيف مايبكي وهي مثل بنته هو اللي رباها بعد ماتوفى ابوهم..تلطم بشماغه حتى يكتم اي صوت ممكن يطلع منه.. فهد:ماقدر بعد يكلمه او يواسيه هو محتاج بعد من يواسيه..جلس جنبه والصمت هو سيد الموقف..قطع الصمت صوت الجوال شاف الرقم وقطعه..الان بهالوقت بالذات مايبي يتكلم.. جاسر:تماسك اكثر..خلنا نمشي جلستنا مالها اي فايده.. فهد:مشكور يابو رائد تعبناك معنا انت روح البيت وارتاح شكلك تعبان..انا ماقدر اعتب خطوه وحدده برى المستشفى الا اذاكانت معي.. جاسر:ماقدر يقنعه ورجع للبيت هو فعلا محتاج الراحه..بتسألون عن امها او خواتها..امها كبيره بالسن ومريضه وجاسر هو الكبير ومتزوج وعنده عيال الله مارزقه ببنات وعياله وزوجته مسافرين يصيفون..وخوات مالها فهد :راح لمصلى المسجد وصار يدعي ويصلي..وبعد مارتاحت نفسيته دق على امه.. ام فهد:فهد يمه وينك؟؟ فهد:بالشرقيه.. ام فهد:ريم ولدت؟؟ فهد:ايه..بس ام فهد:بس ايش صارلهم شيء؟؟ فهد:ريم بالعنايه المركزه ادعيلها يمه.. ام فهد:اييييييش..بالعنايه وليش؟؟؟ فهد:يمه ريم كانت حامل بتوأم واحد طبيعي والثاني قيصري.. ام فهد:تناست ريم من الفرحه..والله..اللللف مبروك ياجعلهم مواليد السعاده هم عيال..؟؟ فهد:يممه الحين اقولك ريم بين الحياة والموت تقولين وش هم؟؟يكون بعلمك اصلا ماشفتهم ولا ابي اشوفهم الا اذا قامت بالسلامه.. ام فهد:وش هالكلام يافهد تعوذ من ابليس وعيالك مالهم ذنب يمه..قولي هم بنات ولا عيال؟؟ فهد:يمه انا خلقي ضايق دقي على المستشفى واسأليهم..مع السلامه.. ام فهد:اخوك مو صاحي.. ميساء:انتي بعد يمه الله يهديك تشوفينه خايف على ريم وبعد مالومه الله يقومها بالسلامه يارب.. ام فهد:اكيد بتدافعين عن اخوك...روحي جيبيلي التلفون خليني ادق على المستشفى اسألهم.. ميساء:انشاء الله يمه.. ----------------------- احتد النقاش وارتفعت الاصوات ...انتي طالق.. ام جاسم:ايش؟؟كانت مصدومه معقوله.. غدير:ماقدرت تتكلم الصدمه اكبر منها..اكبر من انها تستوعبها.. ابو جاسم:انتي طالق.. ام جاسم:تطلقني علشان وحده ماتسوى.. ابو جاسم:روحي شيلي قشك مالك قعده بهالبيت..واللي ماتسوى تسواك وتسوى طوايفك.. ام جاسم راحت على طول تجمع اغراضها ولحقتها غدير.. كانت تشيل وتحط بهالشنطه.. غدير:تحاول تمنع امها..يمه يممممه الله يخليك تعوذي من ابليس صدقيني مايقصد.. ام جاسم:انا دقيقه وحده مارح اجلس عنده..اجل انا يطلقني علشان بنت اخوه.. غدير:يمممممه اسمعيني بس..يمه لا تتركيني يمه وين بتروحين طيب؟؟بتروحين لخالي؟ ام جاسم:بيت ابوي الله يرحمه مفتوح لي.. غدير:وانا من يجلس معي؟؟مايكفي جاسم طلع برى البيت لمين بتتركيني انا وغاده؟؟ ام جاسم:روحي جهزي شنطتك وتعالي معي..واختك اتركيها مع ابوها خلي بنت عمها تنفعها.. غدير:طيب..راحت خذت كل الاغراض اللي تحتاجها وقفلت غرفتها ونزلت مع امها..ومن حسن حظها ان ابوها من العصبيه طلع.. غاده:على وين العزم؟؟اتوقع ان ابوي طلق امي ماطلقك انتي..تقولها وهي مبتسمه ثواني وصار وجهها احمر من الكف القوي ام جاسم:انا ماني متخيله اني حملتك 9 شهور ببطني انتي منين مخلوقه؟؟في بنت بهالدنيا تدافع مع بنت عمها وتظلم امها؟؟ليييش انا قصرت معك بشيء؟؟قولي انطقي..ياحسافة التربيه عليك بس..بس الله يمهل ولا يهمل..ومصيرك بترجعيلي ..امشي ياغدير.. نوره:واخيرا طلعتي..اففف فكه الحين البيت بينظف من هالنجاسات.. غدير:النجسه انتي يالحقووود ياام قلب اسود..بس قهر شلون يعني ماتحضرين زواج حبيبي جاسم؟؟خساره وطلعت هي وامها وتركوهم منقهرين.. بالسياره.. غدير:يمه لازم نقول لجاسم اخاف يروح للبيت او يدق على البيت.. ام جاسم: لا تخافين اول مانوصل للبيت ادق عليه..ووصلو لبيت جدهم الكبير... ام جاسم اول مادخلت..صارت تبكي..الله يرحمك يايبه نفعتنا وانت حي ونفعتنا ميت.. غدير:الله يرحمه..دخلو الخدم الاغراض والبيت اصلا نظيف صحيح انه محد ساكنه بس الخدم موجدين فيه..اللي كانو موجودين بحياته ----------- لابسه بجامتها ومنسدحه على السرير..الافكار توديها وتجيبها..وحالها متردي ماصارت تطلع لاحد حتى لبنت عمها..ولا ترد على احد..كل هذا صار بعد ماسمعت بالخبر..انسدحت على الجهه الثانيه ..لفت نظرها الجوال..ولمعت فكره ببالها.. ترددت بس لازم تتأكد..ضغطت على الرقم..طالعت بشاشة الجوال...جاري الاتصال... نوال:الو حسين:هلا... نوال:كيفك؟؟ حسين:من معي؟؟ نوال:ماعرفت صوتي؟؟ حسين:لا والله .. نوال:انا نوال.. حسين:نوااال!!! نوال:هو سؤال واحد...انت صدق تبي تملك؟؟؟ حسين:انشاء الله... نوال:ومبسووط؟؟؟ حسين:ايه.. نوال:واناااا؟؟؟ حسين:انتي تزوجتي وشفتي حياتك.. نوال:بس تطلقت علشانك.. حسين:لا تقولين علشاني..انتي تطلقتي لان زياد مايبيك.. نوال:من قال ؟؟زياد يموت فيني..خفضت نبرة صوتها..انا تطلقت علشانك.. حسين:نوال رجااء مابيك تتصلين علي مرره ثانيه.. نوال:اسفه..وسكرت السماعه بوجهه..رمت الجوال بقهر...هييين ياحسيييييين تشوووووف... العين بالعين..والبادي اظلم.. ------------------- صار لها يومين وهي على هالحاله ماتطورت ولا تقدمت..وهو مافارق المستشفى يخاف تقوم وماتلقاه..دخل المصلى صلى ركعتين وبعدين صار يدعي قرى بداية سورة الحديد ونهاية الحشر وبعدين رفع يديه(اللهم اني اسألك باسمك المخزون المكنون الطاهر المقدس الحي القيوم الرحمن الرحيم ذي الجلال والاكرام ان تصلي على سيدن محمد وان تشفي زوجتي ريم وتقومها لي بالسلامه وتجعلها قرة عين لي ييييارب ياارحم الراحمين)..**منقول من مفاتيح الفرج لترويح القلوب وتفريج الكروب{ بعدين راح للكوفي الي بالمستشفى وطلب قهوه صارله يومين ماياكل ماله نفس عيشته القهوه..حتى نوم ماينام..بعد ماشرب القهوه وتمشى شوي بالحديقه يبي يغير جو شوي اتجه لقسمها..شاف الدكتور طالع من عندها.. فهد:بشر .. الدكتور:وهو يبتسم ابشرك..تقدمت حالتها شوي ..فيه امل انشاءالله. فهد:الله يبشرك بالخير..اقدر ادخل لها.. الدكتور:ايه مافي مانع بس بدون صوت رجاء.. دخل عليها وتطمن....هو صحيح مالاحظ اي تغير او تقدم بس الدكتور ابخص..يارب لك الحمد والشكر..طلع من عندها وشاف جاسر جاي.. جاسر:بشر ماقال الدكتور شيء.. فهد:ابشرك الحمدالله الدكتور يقول تقدمت حالتها.. جاسر:جلس على الكرسي ورفع ايديه اللهم لك الحمد والشكر اللهم لك الحمد والشكر يارب تقومها لنا يارب.. ------------- كان يلبس ثوبه.. ناصر:حبيبتي..شفيك ؟؟ ليلى:مادري..بروح اشبك المبخره..كانت رافعه شعرها ذيل حصان ولابسه برموده ابيض وبدي مشجر بألوان صيفيه..وروج فوشي مع بلاشر وردي وكحل..مسكت علبة العود وفتحتها وخذت قطعه وحطتها بالمبخره سحبت السلك واتجهت لناصر علشان تبخره.. ناصر:مشكوره يابعد قلبي..وبعد ماطيبته..بتطلعين مكان اليوم؟؟ ليلى:ليش انت بتتأخر؟؟ ناصر:يعني على اربع او خمس العصر..مافي وقت محدد.. ليلى:يعني بتغدى لحالي..وجلست على الكرسي.. ناصر:وش اسوي طيب...ماتبيني اداوم؟؟ ليلى:بصراحه ايه تو الناس على الدوام.. ناصر:حبيييبتي انا صارلي شهرين ماداومت وحنا الحين داخلين على صفقات قويه والمفروض اكون موجود..ويرفع وجهها بايده..يالله ابي اشوف ابتسامتك... ليلى:ابتسمت له من قلب..طيب حاول انك ماتتأخر.. ناصر:من عيووووني وطلع.. ليلى:احسن شيء اروح ارتب دولابي الحايس وانظم شوي الجناح..بدل جلستي الفاضيه...صارلها ساعتين وهي تحوس بهالجناح..بعد ماخلصت اخذت حمام بارد تكشخت وتعدلت ولبست جلابيه حمرا فيها عروق خضراء بخرت شعرها وحطت قلوس توتي ..صلت صلاة الضحى وبعدين اطلعت لجناح عبير..دخلت جناحهاولقتها ثلللج كأنها بالقطب الشمالي..وعبير مو متلحفه زين..قومتها.. عبير:همممم ليلى:عبير قوووووووومي بسك نوم عبير:وشو شتبين.. ليلى:قومي تكلميني وانتي مغمضه عيونك.. عبير:وشتفيدك فيه عيوني..؟؟لا يكون هي اللي بتتكلم؟؟ ليلى:عبييييييير عبير:اففففف ها قمت قمت شتبين؟؟كان شكلها تحفه..شعرها منكوش وعيونها متنفخه ليلى:ههههههه عبير:وووجع الحين مقومتني علشان تضحكين علي..وترجع تنام.. ليلى:اسفه يلا قومي طفشت لحالي.. عبير:وين رجلك؟؟ ليلى:راح للشركة.. عبير:احسسسسسسن خليك علشان مره ثانيه تروحين معه وتتركيني لحالي اسهر..خليه يجلس معك الحين.. ليلى:عبوووره تدرين ان ناصر ماينقدر عليه...يالله عازمتك على الغدى.. عبير:طيب طيب وتقوم ..شافت شكلها بالمرايه والتفتت لليلى..الحمدالله والشكر الحين تضحكين على شكلي..طيب شيء طبيعي الواحد اذا قام يكون شكله كذا..وراحت تاخذ شور وتغير لبسها..طلعت من غرفة الملابس ومالقتها لبست عبايتها ونزلت ..شافتها تتفرج على التلفزيون.. ليلى:على وين؟؟ عبير:مو تقولين عازمتني على الغداء؟؟ ليلى:عازمتك بالبيت مو برى بعدين حنا تونا الساعه 11 اي غدى بهالوقت؟؟ عبير:تعرفين تنكتين..روحي غيري لبسك بنروح نشتري شوية اغراض للعزيمه وبعدها بتغديني ورجلك فوق رقبتك..مو انا اللي ينلعب علي.. ليلى:طيب انتظريني دقايق..غيرت ولبست عبايتها اخذت شنطتها وقبل ماتنزل..دقت عليه..مارد..ارسلت مسج ونزلت.. ------------------------ |
بالشركه.. ابو سليمان:انا بسافر ويروح معي ناصر.. ناصر:واناموافق.. ابو فيصل:خلاص دام ناصر بيروح ليش تروح انت يابو سليمان؟؟ ابو سليمان:انت تدري انها صفقة العمر ولازم اكون موجود.. سليمان:على العموم بنهاية هالشهر تسافرون جهزو انفسكم..وبيسافر معكم المحامي والاستاذ طلال والاستاذ ركان..واكيد السكرتير.. وصارو يتناقشون بامور الشركه ..صلو الظهر ورجعو..دخل مكتبه ومسك جواله شاف مكالمه لم يرد عليها ومسج..فتحها.. حبيبي..اسفه ازعجتك دقيت ولا رديت شكلك مشغول على العموم بطلع انا وعبير نشتري اغراض للعزيمه وبعدين بنتغدى برى..باشتاقلك.. اشوفك العصر.. ابتسم..وارسلها مسج.. بعد ماشرو بعض الاغراض قررو يتغدون بزي نودل..جلسو على الطاوله.. ليلى:اااه ياظهري..كله منك .. عبير:والله انتي اللي صايره عجوز...قولي شتبين؟؟ ليلى:انا ابي جمبري..بالسمسم وابي رز وابي شوربه وابي.. عبير:ولا كلمه انا اللي اطلب.. ليلى:اجل وشوله تسألين.. ..طلبت وسكتت ليلى..عبير محد يقدر عليها تمشي اللي براسها..عنييده.. ليلى:فتحت شنطتها وشافت مسج فتحته.. غدى العوافي حبيبتي.. احببببببببك. ابتسمت.. عبير:وش مناسبة الابتسامه؟؟ ليلى:سر..دق جوالها..هذا خالد..الوو خالد:يالخاينه ياناكرة العشره ياللي مالك خاتمه يالل.. ليلى:بسم الله شفيك؟؟شصاير؟؟ خالد:شفيني ؟؟انتي وين الحين؟؟والا مالك وجه؟؟ ليلى:انا بزي نودل..وبعدين انت بالدوام شلون تبيني اعزمك؟؟ خالد: ادري انكم بزي نودل..اكيد الخايسه معك.. ليلى:ايه الخايسه معي..وعلى طول عبير سحبت الجوال.. عبير:والله الخايس وجهك يابو كرش يالعانس .. ليلى:فضحتينا قصري صوتك.. خالد:لا انتي يبيلك قص لسان.. عبير:والله موووووووت من القهر الحين بناكل ونشبع وبعدها بنام وانت اكرف خالد:طيب..وفجأه انفتح عليهم الساتر وكان خالد..ويكش عليها..حشى مو لسان..المطعم كله يسمع صوتك..(كان جاي يتغدى بالمطعم شاف سيارتهم بالباركنج..فقرر يتصل وينرفز عبير علشان يستدل بمكانهم لان عبير صوتها عاااااالي) عبير:كش انت شلون دريت اننا هنا؟؟ خالد:العصفوره قالتلي زحفيلي بجلس.. عبير:زحفتله..ناد للقرسون خليه يزود الطلبات..انت دب ماتشبع وبصراحه انا جوعانه.. خالد:عناد مرح ازود وموتي جوع يالعصلا.. ------------------ ببيت ابو جاسم.. جالسين بالصاله.. نوره:يابنت الحلال..مسكت الخداديه وحطتها ورى ظهرها...هي كلها طلعه مايسوي لك شيء وانتي بعد خليك ذكيه.. غاده:لا اخاف افرضي يكذب علي.. نوره:مو علشان تعرفين لازم تقابلينه..اسمعي نصيحتي واستغلي الوقت يمكن عمي يرجع امك ويروح علينا كل شيء.. غاده:خلاص بكره بطلع معاه بس تجين معي.. نوره:وهي تبتسم..ماعندي مانع..وسمعو صوت ابو جاسم.. ابو جاسم:السلام عليكم نوره:وعليكم السلام ورحمة الله وبركاته..احطلك العشاء ياعمي ابو جاسم:مالي نفس كولو انتو نوره:قامت وحبت راسه..واذا قلتلك علشان خاطري..ترى مارح اتعشى او احط شيء بحلقي الا اذا اكلت..روح غير ملابسك وتلقى العشى والم ابو جاسم:الله يحفظك يانوره..حنونه طالعه على ابوك الله يرحمه.. نوره:لمعت عيونها..الله يرحمه.. --------------------- كانو يشوون بالحديقه ومستانسين ويسولفون ويضحكون.. ابو سليمان:وش سويتي ياعبير عبير:حط ببطنك يبه بطيخه صيفي..كل شيء اوكيه بس مو ناقص الا اني ادق واعزم ابو سليمان:اتفقتي مع الحلويات والمطعم؟؟ عبير:كل شيء يبه تطمن.. خالد:كل هالزحمه علشان ليلوه وانا محد فكر بس مجرد تفكير يسويلي عشاء خفيف بمناسبة نقلي؟؟ ناصر:انت الحين تقارن نفسك بليلى حرم ناصر؟؟ خالد:والله والكوبه.. ناصر:وشووووووو وكان بيقوم خالد:اقصد والنعم.. عبير:افا ياخالد طحت من عيني هذا وانت ضابط يعني قوي..تخاف من ناصر...راحت الرجااال..وصارت تصفق يد بيد.. خالد:الاعتراف بالحق فضيله..ناصر وفيصل ماينقدر عليهم.. ناصر:صار يستعرض عضلاته.. عبير:صدق انك مخفه... ليلى:عن اذنكم.. ابو سليمان:شفيك ياليلى شكلك موطبيعي.. ليلى:لا بس راسي شوي يعورني..باخذ بنادول وارجع... ناصر:قام معها ومسك ايدها.. خالد:وانت ليش رايح معها؟؟ ناصر:عطاه نظره سكتته.. وراحو لجناحهم.اول مادخلو ناصر:بغير لبسي وانتي البسي عباتك.. ليلى: وهي تجلس على اول كنبه ..ليش؟؟ ناصر:انتي شكلك تعبانه امشي نروح للمستشفى.. ليلى:حبيبي مايحتاج باخذ بنادول واطيب.. ناصر:ليلى البسي عباتك وامشي.. ليلى:صدقني مافيني حيل خلها بكره واذا ماصرت زينه نروح للمستشفى..انا باخذ بنادول وبنام..قامت وراحت لغرفة الملابس غيرت لبسها ولبست بجامه اكلت بنادول ونامت.. في الحديقه.. خالد:شفيهم ذولي تأخرو؟؟ ابو سليمان:خلهم على راحتهم..سمو بالله وكولو عبير:انا بقيت لهم.. ناصر:سمع اخر كلمه...مايحتاج ليلى نامت..واكل معهم --------------- الشرقيه.. يعني ايش؟؟ الدكتور:مثل ماقلتلك يعني بتصير بالعنايه المتوسطه وكلها ايام وباذن الله تطلع.. فهد:بشوفها.. الدكتور:بتشوفها من القزاز لان الدخول ممنوع اليوم.. شافها وتطمن..طلع من المستشفى وراح للسوق يشتري له لبس لانه من العجله مااخذ شنطه معه..اشترى اللي يلزمه وراح للفندق اخذ سويت تحمم وحلق وضبط شكله..اليوم هو سعيد ومستانس..الحمدلله لك يارب..شاف السرير وماقدر يقاوم النوم ...صارله ايام مانام؟ وقبل ماينام ارسل مسج لميساء يبشرها.. ميساء:جاها المسج وفرحت علمت امها.. ام فهد:الله يبشرك بالخير..دقي عليه ميساء:دقيت ومارد..يمه بروح للسوق اشتري للعزيمه ام فهد:خلاص بعدالعصر بكره نروح.. --------------------- قامت الصبح بدري ...تسحبت من السرير بهدوء..شافت وجهها بالمرايه وخافت.. ليلى:بسم الله..شفيه وجهي اصفر...اكيد من قل الاكل..اخذ شور اتنشط.. وبعدين ابلع قبل مايقوم ناصر ويسويلي سالفه...مرت ساعة ..وجهها مازال اصفر ..ياربي ماخليت شيء ماشربته ومااكلته افف بطني امتلى..شسوي ياربي؟؟بحط مكياج واشوف.. بعد ماخلصت مكياج...كذا الحين اقدر اقوم ناصر.. على الفطور ابو سليمان:شلونك اليوم يابنتي؟؟ ليلى:الحمدالله.. ناصر:متأكده ماتبيني اوديك للمستشفى.. ليلى:لا مايحتاج..انا زينه مافيني شيء.. ابو سليمان:عبير وينهي؟؟ ليلى:عجزت اقومها..شكلها سهرانه ..وتشرب الحليب..وتخلصه وترجع تشرب الكوب الرابع.. ابو سليمان: ابتسم..الحمدالله..انا قبل لاروح للشركه في عندي شغيلات اخلصها والقاك هناك.. ناصر:كان محرج من ابوه..انشاء الله...وبعد ماراح ابوه...ليلى شفيك؟؟كان قصده على الاكل ليلى:ونزلت الكوب بعد ماخلصت..وبكل براءه..شفيني؟؟ ناصر:ابتسم لها..مافيك شيء بس انتبهي لنفسك تامرين على شيء.. ليلى:سلامتك..ولا تتأخر زي امس.. ناصر:من عيوني.. ليلى:تسلم عيونك..وتمشي معه لين وصلته الباب..انتبه لنفسك ناصر:مع السلامه ليلى :بحفظ الله..سكرت الباب..اه يازين النوم ورجعت نامت.. --------- بطريقه للدوام.. اتصل عليها.. سليمان:الوو نها:هلا بهالصوت..كيفك؟؟ سليمان:مشتاق.. نها:اذا مشتاق ليه ماتمرني مسويتلك فطور يهبل سليمان:لا بمرك على الغدى..شلون عمي وعمتي؟؟ نها:الحمدالله كلهم بخير ويسألون عنك؟؟ سليمان:بس هم اللي يسألون؟؟ نها:وقلبي يسأل..حبيبي وحشتني سليمان:وانتي اكثر..حبيتي مع السلامه نها:انتظرك على الغدى سليمان:انشاء الله ... سكرت منه وسرحت ..الى متى وانا عايشه هالعيشه..انا لقيت اصلا غيرها علشان ارفضها..بس سليمان مافي زيه لو تستمر حياتي بهالطريقه طول العمر انا موافقه..اهم شيء اكون معه.. ام نها:بيزورنا اليوم؟؟ نها:ايه ..بروح اجهز الغدى وبعدين اجهز نفسي.. ام نها:الا بيت ال...كأن فيه احد ساكنه نها:يمه تلقينهم الخدم .. ام نها:لا يابنيتي الخدم عمرهم ماولعو كل هالانوار.. نها:والله مادري.. |
الجزء السادس (صدف....) غدير: قمت من النوم متأخر...اكيد امي راحت للدوام..شسوي الحين؟؟نزلت افطرت..قريت الجرايد..ياربي ملل...ومالي خلق نت..احسن شيء اطلع اتمشى بالسوق اصلا في اغراض ناقصتني..مسكت التلفون ودقيت على امي.. ام جاسم:صباح الخير يالكسلانه.. غدير:صباح النور.. ام جاسم:قولي شتبين بسرعه لاني مشغوله.. غدير:بروح للسوق بشتري لي اغراض.. ام جاسم :طيب بس انتبهي لنفسك.. غدير:لاتوصين حريص..مع السلامه..وبسرعه رحت غيرت ملابسي ..ولبست عبايتي.. اخذت شغاله ورحت للسوق.. وبعد مافرفرت واشتريت اغراض لازمتني.. مريت المطعم علشان أتغدى.. شفت سيارتهم..معقوله الزفتات يكونون هنا..اففف .. غدير:قلت للسواق..روح مطعم ثاني ينعاف المطعم اللي هم فيه.. وقبل لايحرك شفتهم طالعين مع واحد بعدين سلمو على بعض وركبو سيارتهم وهو راح لحاله.. نوره:شرايك فيه؟؟ غاده:ماادري انتي شرايك؟؟ نوره:وانا شدخلني انتي اللي بتتزوجينه.. غاده:مبدئيا زين..وتفك غطاها(ولا كأن السايق رجال)..يعني حسيته صادق.. بس كأنه تضايق يوم رفضت اطلع معه نوره:وانتي الحين مو طالعه معه؟؟ شهالتناقض؟؟(كانت تقولها بنبره ساخره) غاده:فيه فرق بين اطلع معه بمكان فيه عالم ومكان مافيه احد.. نورههزت راسها)ايه يعني انتي تبين العالم علشان تنفضحين..يابنت اطلعو بمكان مافيه احد علشام تنسترون..افهمي غاده:رايك كذا؟؟ نوره:ايه.. غاده:خلاص موافقه نوره:ابتسمت ابتسامة نصر..(خطوه تجر خطوه..وانتقام يجر انتقام..وبتشوفون ياعيال عمي) ------------- المستشفى مؤيد:يعني؟؟ فيصل:قلتلك امي عزمتها وقالت ارد خبر..وليومك هذا مادقت علينا..انا اقول نقولها مؤيد يبي يشوفك مؤيد:لا لا اخاف يزل لسانها عند هالظالم وتروح فيها..خلاص متى ماجتكم اشوفها..مالي الا الصبر..اسف عطلتك عن شغلك.. فيصل:شوووي مؤيد:طيب خلنا نشوفك..مع السلامه.. فيصل:الله يعينك..ويكمل شغله... بعد عشر دقايق.. يسمع طق الباب فيصل:تفضل نسرين(الممرضه):اسفه على الازعاج..وتمدله الملف فيصل:شكرا تقدرين تتفضلين الحين.. نسرين:بس انا ماعندي شغل فيصل:نعم؟؟(مستغرب من وقاحتها) نسرين:بجلس وماازعجك.. فيصل:طيب اتفضلي(واشر على الكرسي) نسرين:ابتسمت..وجلست فيصل:وش تشربين؟؟ نسرين:اي اي شيء(ماكانت مصدقه) فيصل:عصير احسن..وبعد ثواني جاء العصير ونسرين شربته كله لان اللي طالبه فيصل ولاول مره بحياته فيصل:ابي اتكلم معك بموضوع خاص شوي ..ولمصلحتك نسرين:انا كلي لك.. فيصل:اول انا كنت اشك... الحين انا متأكد ميه بالميه..نسرين انتي حالتك بدت تطور انتي فعلا مريضه نفسيه..انا بحولك للدكتور عبدالله لانه هو متخصص ويفهم اكثر مني... صدقيني هذا الشيء لمصلحتك.. نسرين:قامت من الكرسي وضربت الطاوله بايدها..انت حقير وواطي والمريض هو انت.. فيصلرجع الكرسي على ورى وحط رجل على رجل)عادي قولي اللي تبينه مقدر حالتك.. نسرين:وتعض على اسنانها من القهر..هين هين يافيصل الزفت ان ماوريتك فيصل:هييي انتي تراك طولتيها كلمه زايده بوريك شغل الله.. يلا برى نسرين:بدفعك الثمن غالي..وتصفق الباب فيصل:افففففف فكه...ههههه اما شكلها تحفه..تستاهل الغثيثه ماينفع معها الا هالاسلوب.. ----------- في منزل ام جاسم.. رجعت من الدوام..لقتها بالصاله سرحانه..وقفت قدامها.. ام جاسم:الحلو بمين سرحان؟؟ غدير:يمه متى جيتي ام جاسم:صارلي خمس دقايق..تغديتي؟؟ غدير:لا ماكن لي نفس.. ام جاسم:ليش؟؟ غدير:ماادري.. ام جاسم:قوليلهم يسولي عصير بروح ابدل ملابسي وراجعتلك.. غدير: طلبت منهم يسوون عصير..وقعدت افكر ماادري اقول لامي باللي شفته ولا لاء؟؟ سمعت صوت..بعدين كل ماله يرتفع.. غدير:شسالفه؟؟طلعت لمصدر الصوت ولقيت رجال يتهاوش مع المزارع.. فرحت من قلب..واتجهت له.. وهي من وراه.. غدير:حيالله خالي.. التفت لها..وهو مستغرب.. غدير:عرفت انه مستغرب..صارلنا ايام هنا تعال معي علشان افهمك الموضوع.. دخل معها داخل البيت.. غدير:تفضل..خالي شفيك ساكت؟؟ الخال:حاس ان عندك مصيبه..صاير شيء؟؟ غدير:طيب اجلس علشان اقدر اقولك.. الخال:جلس...شفيه؟؟ غدير:شيء بسييييط جدا..انت تدري بالمشاكل اللي كانت بين امي وبنت عمي... الخال:ادري..بس شعلاقة هالمشاكل بوجودكم هنا؟؟؟ غدير:والدي العزيز طلق امي الغاليه علشان بنت اخوه..وبس. الخال:ايييش؟؟من متى وليش ماقلتولي؟؟انتم عاديني غريب؟؟ غدير:مو القصد بس انشغلنا من جد..خالي لا تزعل مو منزين الخبر علشان نبشرك فيه..خاااااالي لاتزعل.. دخل عليهم من غير ماينتبه لغدير.. ركان:يب....وطلع برى المجلس على طول.. الخال:مانتبه لولده المشكله ماخذه كل عقله.. غدير:بروح اجيب لك القهوه والبس طرحتي..وطلعت مع الباب الخلفي قلت للخدم يسوون قهوه وطلعت فوق لبست طرحتي ومريت على امي.. ام جاسم:متى جاء؟؟ غدير:قبل شوي.. ام جاسم:معه احد؟؟ غدير:معه ركان.. ام جاسم: حسيت بقلبي يرجف..اخذت الشباصه وجمعت شعري.. ونزلت مع غدير.. حبت راس اخوها.. ابو ركان(الخال):طالعها بنظرة عتب..كل هذا يصيرلك ولا تقولين.. ام جاسم:اللي صار صار..وانا اسفه و.. الخال:قطع كلامها..لاتعتذرين...وقام ام جاسم:على وين؟؟ الخال:يهمك..وطلع.. ام جاسم:جلست على الكنب..يعني انا ناقصه.. غدير:يمه بعد حنا غلطنا..وخالي مصيره بيرضى تعرفينه طيب..بس هو شرهان ام جاسم:ادري اني غلطانه..بس كنت مقهوره من اللي سواه ابوك ولهيت ونسيت اقول لخالك.. غدير:نسيتي ولا تناسيتي؟؟ ام جاسم:مااادري ماااااادري... غدير:يمه انتي بترجعين لابوي؟؟؟ ام جاسم:غدير لو تنطبق السماء على الارض مو راااجعتله..وطلعت لغرفتها متنرفزه... غدير:وبقلبها..يعني اليوم مافي امل اقولها عن اللي شفته.. ----------------------------- |
كانت طالعه معاه للعشى.. ياربي هذا وقته..راسي يعورني ودايخه مااقدر ارفع راسي زياده..بعدت الصحون اللي قدامها ونزلت راسها.. ناصر:خاف عليها..ليلى فيكي شيء؟؟ ليلى:دااايخه ناصر:شالها وراحو للمستشفى غصبا عليها.. ناصركانو ينتظرون التحاليل)..لو انك طايعتني ورايحين للمستشفى من زمان ماصار اللي صار.. ليلى:ناصر.. ناصر:عيونه ليلى:ابي انام.. ناصر:الحين نرجع البيت بس ننتظر النتيجه.. ليلى:خلها بكره انا تعبانه..ابي انام..وجت الدكتوره ناصر:طمنينا الدكتوره:اتطمن اتطمن..المدام حامل.. ليلى:صحصحت..اي اي ايش؟؟ ناصر:متأكده اني حامل(من الفرحه صار يلخبط بالكلام) الدكتور:هههه مالكم مش مسدأين..المدام حامل..بس فيه حاقه لازم تنتبهولها.. المدام في الشهر الاول ولازمها الراحه النفسيه..ولازم تنتبه على اكلها..علشان تحافظ على الجنين..انا حكتبلها مقويات... طلعو من المستشفى ومرو الصيدليه ورجعو للبيت والصمت كان سيد الموقف..طلعو لغرفتهم غيرو ملابسهم ..ارتاحت على السرير..وهو جلس على الكنب وكلهم ساكتين..وبعد مده.. ناصر:انا بصير ابو.. ليلى:وتمسح على بطنها..وانا ام وتبتسم.. ناصر:جلس جنبها على السرير..وحط اذنه على بطنها.. ليلى:تسمع شيء؟؟ ناصر:لاء..يرفع راسه ويمسك ايدها..مبرووك علينا حبيبتي.. ليلى:الله يبارك فيك..مبسوط.. ناصر:الا طاير من الفرح..تدرين ليش؟؟ ليلى:ليش؟؟ ناصر:لانه منك...لانه في غير الحب بيجمعنا.. ليلى:قول امين ناصر:اميييييييييين ليلى:الله يبارك لنا بذريتنا ..حبيبي لحد يدري اني حامل.. ناصر:ليش؟؟ ليلى:امي تقول الوحده ماتعلم بحملها الا اذا كانت بالشهر الثالث علشان يثبت الحمل.. ناصر:وانتي انتبهي بعد على اكلك ولا تعبين نفسك..الخدم مالهم حاجه ليلى:انشاء الله.. ------------------ ركبت السياره وسكرت الباب.. شيخه(اخت نوال الكبيره):والله ماصدقت يوم قلتيلي بمرك.. نوال:وليش انشاء الله.. شيخه:وشو اللي ليش؟؟انتي اقل شيء تسوينه انك ماتحضرين ملكتهم..مو هذا حسين اللي ازعجتينا فيه.. نوال:اذا ماحضرت بخليهم يتشمتون فيني..مالت عليه وعلى اهله الخايسين يحمدون ربهم اذا وافقت عليهم..اصلا هم من يناسبهم ..طلع ابوي معه حق يوم رفضهم.. شيخه:ليتك سامعه كلامنا قبل ماتتطلقين نوال:شيخه رجاء لا تفتحين هالموضوع معي مره ثانيه اللي فيني مكفيني...المهم اي سوق نروح؟؟ شيخه:وش سوقه انتي الثانيه..بنروح للمصممه...عندها اشياء جاهزه وحلووه.. نوال:ابي فستان يهببل ابي اكون احلى وحده بالملكه.. شيخه:لا تخافين بتكونين احلى وحده حتى لو لبستي خيشه..انتي مشاءالله عليك حلووه.. نوال:ماجبتي شيء جديدههههه... -------- في بيت ابو فيصل.. دخل غرفته وهو معصب..افف من هالخالد يوم بغيته مالقيته دايما طالع برى.. الحين امي شلون بتقتنع..لحووول شقولها؟؟اشوى ان ابوي نايم.. ولاصدق غسل شراعي..ادق على هالزفت احسن لي..دق مره مرتين ولارد.. اففف ادق على زياد مافي غيره..دق عليه ولا رد.. انا اليوم حظي زفت..لا يكون نسرين داعيه علي.. سمع طق الباب..فتح الباب.. فيصل:نعم؟؟وكان متضايق.. محمد:ياخي المفروض مايقبلون بالطب الا اللي يفتحون النفس.. مومثلك يالكئيب.. فيصل:بدت الفلسفه..(سند راسه على الباب)قول شعندك؟؟ محمد:ابي كتاب العادات العشر.. فيصل:ادخل لمكتبي ودوره مالي خلق ادور...محمد دخل المكتبه وفيصل طلع للبلكونه وبعد ساعه محمد:افف اخيرا لقيته..طلع وشاف فيصل بالبلكونه..راح له ووقف جنبه.. امي مو مقتنعه الا اذا قلتلها السبب الحقيقي.. فيصل:اتفاجأمن محمد..انت شتخربط شتقول؟؟ محمد:اقوووول امي مارح تقتنع انك ماتبي تتزوج ميساء الا اذا قلت السبب الحقيقي.. فيصل:عارف وداري..ماتشوفني مبتلش.. محمدبعد هالكلمه تأكد محمد ان في سر بين فيصل وميساء)شوف مو لازم تقول السبب الحقيقي بس قولها سبب انت مقتنع منه.. مثلا قول انها ماتناسبك..وهي بصراحه ماتناسبك دلوووعه مره ومايمزح معها.. فيصل:وانت شدراك؟؟ محمد:انا اللي ادري..وبعد انت خلك ذكي ..اجل في واحد يقول مايبي يتزوج علشان يصرف البنت.. فيصل:اجل شتبيني اقول؟؟ محمد:قول ابي اتزوج بس مو ميساء..اذا سألوك ليش قول ماتناسبني..اخطبولي غيرها وتبي رايي اخطب عبير بنت عمي هي اللي تناسبك فيصل:صاير خطابه..اقول ترى عطيتك وجه فارق عن ووجهي محمد:مشكور ويجي منك اكثر..وطلع وترك فيصل يفكر بكلامه.. ------------ الشرقيه الضيقه.. الحال في غيبتك تصعب على الكافر.. لوقلتلي شلون؟؟اقول الله من الضيقه.. القلب مسكين عقبك يكسر الخاطر.. يارب وشلون شااالنه معاليقه.. ياكثر من قال لي اصبر يجي باكر.. ياعلهم للعما فرقاك ماطيقه.. اروح فدوة لخاطر شعرك الثاير اللي سواده مثل حظي وتوفيقه.. هي ضيقة الصدر والا ضيقة الخاطر.. والله مدري ولكن ضيقه بضيقه..(منقول) لبس الكمام ودخل..كان بداخله يدعي انها تفوق..مسك ايدها البارده وضغط عليها.. كأنه يبي ينبها انها موجوده..همس باذنها.. فهد:قومي لو ثانيه بس علشاني...حاولي حاولي.. مالقى اي تجاوب منها..صار يقرى عليها القران.. دخلت عليه الممرضه وطلبت منه الخروج.. شد على ايدها مره ثانيه.. فهد:لا تخليني ياريم..انا من غيرك ولاشيء..تحررت دمعه من عينه.. مسحها وحب جبهتها..بتكونين بخير بحول الله..بس انتي حاولي.. وطلع من العنايه... ولا انتبه لايدها اللي تحركت.. قابل الدكتور.. فهد:خير طمني؟؟ الدكتور:خير انشاء الله..بس حبيت اعطيك خبر انه مافي تجاوب لحالتها.. فهد:يعني ايش؟؟دكتور الله يخليك اذا فيه مكان ثاني تتعالج فيه انا مستعد.. الدكتور:لا لا مو لهالدرجه...بس انا اعطيك خبر لانه احتمال تطول بالعنايه..استجابتها جدا بطيئه.. فهد:يعني ؟؟ الدكتور:وكل امرك لله...عن اذنك.. جلس على الكرسي..موقادر يوقف.. حس ريقه ناشف ومو قادر يتكلم..انتبهت له الممرضه خير اخوي فيك شيء..؟؟ فهد:اشرلها انه موقادر يتكلم.. الممرضه:نادت وحده معاها وشالوه لغرفة الكشف.. الدكتور:محتاج مغذي..انت مرهق جدا ومحتاج راحه حطوله المغذي ونام.. ------------------------ الرياض.. بعد الغداء.. في منزل ابو عهود.. طالعت شكلها بالمرايه..وابتسمت لنفسها.. عهود:هين يانصور تشوف وش بسوي فيك اليوم.. راحت لدولابها وصارت تدور لها لبس يناسب العزيمه دق جوالها وردت.. عهود:الوو عبير:عهود بدون نقاش تعالي الحين الحييين عهود:ليش؟؟ عبير:الشغل وااااااااجد وادق على خالتي ماترد.. عهود:طيب طيب..خلاص ساعه واكون عندك.. عبير:سي يو.. عهود:رمت الجوال على السرير..نهايتك قربت يانصور.. تحممت واخذت اللي بتلبسه معها وكل اغراضها حطتهم بكيس..خذت عبايتها ونزلت... نادت الشغاله تحط اغراضها بالسياره..وراحت لامها عهود:يمه ماتبين تروحين معي؟؟ ام مؤيد:لا روحي انتي وانا الحقك..ابنتظر ابوك يجي.. عهود:طيب براحتك..ركبت السياره وراحت لمحل حلويات ... نزلت تختار الحلويات والفطاير ومعها الشغاله.. دخل المحل وطلب طلبيه باسم ابو سليمان.. ماكانت منتبهه له ولا للاسم..اخذت اللي تبيه وحاسبت وطلعت كان جالس بالسياره والعمال(اللي يشتغلون بالمحل) يركبون الطلبيه.. انتبه لها يوم طلعت..لان الشغاله معها اربع صياني حلا.. خالد:شفي العالم اليوم محتفلين؟؟ بعد ماخلص ودفع الحساب حرك سيارته واتجه لبيت عمه.. وقف سيارته قريب من باب المطبخ..علشان ينزلون الاغراض بسرعه ومشى للحديقه الخلفيه علشان يلعب مع ناصر وسديم.. |
بالصاله.. بعد السلام عبير:كلفتي على عمرك.. عهود:لا كلافه ولا شيء..وين العروس؟؟ عبير:العروس مسكينه حابسها ناصر علشان ماتشتغل معنا.. جلست عهود:ناصر هنا؟؟ عبير:لا بالشركه..بس مقفل عليها وحالف بعد ومعطي شغالتها المفتاح علشان توديلها الاكل بس..مدلعها وحنا كارفنا.. دخلت عليهم سلمى مبتسمه سلمى:عاش من شافك يالقاطعه..وينك مختفيه؟؟ عهود:وهي تسلم عليها..والله دايما انتم في بالي..انتي شخبارك؟؟ سلمى:بخير لما شفتك..خالتي وينهي؟؟ عهود:ابوي ماجاء من الدوام جلست تنتظره.. عبير:انتي وياها خلاص يكفي هذره ورانا شغل.. عهود:غرفتك مفتوحه؟؟ عهود:ايه روحي حطي اغراضك وتعالي.. طلعت لغرفة عبير ومرت من عند جناح ناصر.. عهود:جعلك ماتتهنى ياناصر..ودخلت غرفة عبير -------- بعد مالعبو واستانسو.. شال كل واحد بيد وهم يصارخون ويضحكون.. دخل على البنات بالمطبخ سلمى:خالد انتبه لا يطيحون خالد:يبي يرفع ضغط سلمى..يرفعهم فوق وينزلهم..كأنهم اثقال سلمى:خالد الله يعافيك..نزلهم عبير:اخس اخس اثرك قوي منت بسهل..اشوف ورني استعراض ثاني سلمى:عبييييييير ترى بيصدقك الحين..وتلتفت لخالد..بليز نزلهم خالد:بشرط.. سلمى:امر تدلل.. خالد:تحطيلي الحين صينيتين حلا عبير:لا والله هذ الناقص..اقول ورنا مقفاك.. سلمى:اعطيك اللي تبي..نزلهم خالد:حطيهم الحين قدام عيوني..وتشيلينهم تودينهم غرفتي علشان اضمن محد ياخذهم.. عبير:طرار وتشرط اقول روح بس.. سلمى:عبير بلا نذاله عبير:يابنت الناس هذا شخص انتهازي وبعدين مو مسوي لعيالك شيء.. خالد:طيب خلا ص مو مسوي شيء بس اذا طاحو مع الدرج لا تلومون الا انفسكم وطلع من المطبخ وصقع بعهود عهود:حطت طرحتها على وجهها.. خالد:اااسف مانتبهت..ونزل العيال سلمى:ليتك جايه من زمان ياعهود..فكيتيني من الانتهازي وتاخذ عيالها.. خالد:هذي عهود بنت خالتي..كيفك وكيف خالتي عهود:الحمدالله كلنا بخير.. خالد:خالتي فيه؟؟ابي اسلم عليها عهود:بعد شوي بتجي.. خالد:ويلتفت لسلمى...انتي مصيرك بترجعيلي وطلع لغرفته يريح عبير:دائما هالولد خسران...عهود شفيك نزلي غطاك خالد راح.. عهود:طيب وتنزل غطاها ويشتغلون... --------------------------- في المستشفى .. بالبريك..جالسين بالكافتريا.. زياد:لاوالله مستحي..لو العزيمه ببيتكم كان مافي مشكله ..مره ثانيه فيصل:عاد انا مو ملزم تبي تجي حياك موجاي بكيفك زياد:بل عليك ماصدقت انت وهالوجه..بجي انشاء الله فيصل:ماشفت مؤيد؟؟ زياد:كأني لمحته بس مو متأكد..بس اللي متأكد منه ان السكنيه وراك.. فيصل:لا تقول..وراي وراي..هي من ايش مخلوقه ماينفع معها شيء زياد:انت شسويت علشان ينفع معها؟؟ فيصل:بلاك ماتدري..هذاك اليوم جتني وقلتلها انك مريضه نفسيا زياد:ههههه ..وش سوت فيصل:بغت تذبحني..اقول قوم ندور مؤيد بدل جلستنا زياد:قول انك خايف منها وبتنحاش فيصل:هذا الناقص اخاف من مره.. زياد:ايه مصدقك.. هيا(ممرضه):شوفيهم قامو نسرين:بكيفهم..وش تشربين؟؟ هيا:كوفي.. نسرين:لو سمحت...2 كوفي هيا:شفيك؟؟ نسرين:مافيني شيء..قوليلي انتي شمسويه؟؟ هيا:ابد..امس جاني ولدي خلاه يقعد معي ساعه وخذاه..لو تشوفين اثار الضرب اللي بايده حسبي الله عليها من مره.. نسرين:انتي المفروض ترفعين قضيه..وتصير الحضانه لك.. هيا:انطر يا...يماما على مابال يرفعون القضيه يمدي جروحه طابت ويمدي الولد يكبر ويعرس بعد.. نسرين:لهالدرجه؟؟ هيا:خليها على الله.. ----------------------------- في جناحها الفخم.. طلعت من الحمام(الله يكرمكم) وكانت لابسه روب ولافه شعرها تمددت على السرير... مسكت جوالها اللي كان جنبها..شافت 5 مكالمات وكلها من ناصر.. دقت عليه ..وعطاها مشغول.. ليلى:يمكن مشغول..غمضت عيونها..ورن تلفون الغرفه.. ردت..الووو ناصر:يابعد قلبي ياراعية الالو..كيفك ليلى:بخير ياجعلك بخير.. ناصر:عسى ماتعبتي اليوم؟؟ ليلى:ههه اي تعب الله يهداك وانت مقفل علي.. بس الله يستر من عبير.. ناصر:خليها تولي..هذا الناقص بعد..المهم تحسين بتعب؟؟ ليلى:كلوه تمام لا تشيل هم..والحين بتجي الكوفيره... ناصر:زين..ايه صح..الجوال قفليه ترى يضر الحامل.. ليلى:مولهالدرجه.. ناصر:طيب خففي استعمالك له..استعملي التلفون.. ليلى:طيب متى تجي؟؟ترى مت من الزهق.. ناصر:دقايق وانا عندك..مشتهيه شيء؟؟ ليلى:لا.. ناصر:مع السلامه.. سكرت السماعه من هنا وسرحت بأفكارها.. ليلى:ااااه ياناصر علقت قلبي فيك ..دايما اقول ان الزوج مستحيل يحب زوجته لهالدرجه ..ماكنت اشوف هالشيء الا بالروايات...حتى سلمى وسليمان..صحيح يحبون بعض بس مو مثل حب ناصر لي...فديييته مافي احد زيه.. سمعت احد يطق الباب.. ليلى:ادخل.. دخلت الشغاله وبلغتها ان الكوفير جت.. ليلى:اوكيه خليها تدخل... ---------------- |
لبست العقد اللي مكتوب عليه اسمها(هديه من امها) تعطرت من عطرها(نينا ريتشي) عبير:كانت توها طالعه من غرفة الملابس..شرايك دارت حوالين نفسها عهود:وتنزل عطرها..رووعه لونه جنان عبير:هين اللون هو حلو علي.. عهود:يهبببل.. عبير:اصلا داريه..كانت لابسه تيور لحمي مطرز بالذهبي ومسيحه شعرها الاسود ولابسه حلق ذهبي وصندل ذهبي.. عهود:شرايك بمكياجي؟؟ عبير:حلوو..وراحت للمرايه تضبط شعرها.. عهود:مادري احس لبسي غلط..(لابسه بلوزه طويله حرير شيفون لونها ذهبي وفيها شك من عند الرقبه والاطراف وبالوسط وتحته لابسه بنطلون جنز ..مررره حلو) عبير:علشانه جنز؟؟بالعكس يجننننننن وبعدين مره شياكه..ننزل عهود: مشينا.. --------------- دخلت عليها بالغرفه.. ام فهد:حبيبتي لبسيني العقد.. ميساء:من عيوني..ولبستها.. ام فهد:انا استناك تحت..ولا تنسين تقرين الاذكار ميساء:لا توصين حريص..نزلت امها..وهي راحت تلبس عباتها وقبل ماتطلع من الغرفه..طالعت شكلها بالمرايه.. ميساء:اليوم بقول لليلى..اليوم لازم يتوضح كل شيء..اااه يافيصل ..ابتسمت وطلعت.. ------------------ في الصاله كانو يضحكون ويسولفون مع خالتهم.. سليمان:خالد خلاص .. خالد:والله بكيف خالتي اذا بغتني اسكت سكت.. ام مؤيد:لا قول اللي تبي.. دخلت عليهم سلمى.. كانت لابسه فستان اسود ماسك على جسمها(تبي تتهنى قبل مايبرز بطنها) من الدانتيل ورافعه شعرها شنيون خفيف وحاطه روج احمر صارخ..مع شدو ثقيل..كان شكلها يخبل.. خالد:لا انا ماستحمل...اثرك حلوه سلمى..فعلا المكياج يزين ام مؤيد:اسم الله عليك يابنتي..وبعدين سلمى بمكياج والا من دونه تهبل.. سليمان:تعالي اجلسي جنبي سلمى:جلست جنبه.. سليمان:حط ايده على راسها وصار يقرى عليها..وبعد ماخلص قرايه خالد:هي من زين مرتك يوم تقرى عليها.. سليمان:والله من الغيره..ويكلمها..لاتطلعين للحريم واجد.. سلمى:انشاء الله.. ام مؤيد:ام فيصل متى بتجي؟؟ سلمى:بالطريق..البنات وينهم.. ام مؤيد:ماادري .. سلمى:بروح لهم..وطلعت ولحقها سليمان.. خالد:مامداها تطلع لحقها..اقول خالتي مؤيد شخباره.. ام مؤيد:زين زين.. --------------- فستان لؤلؤي ماسك على جسمها بعدين يتوسع على خفييف مع ذيل(تصميم عقل فقيه)..بين طولها وحلاوة جسمها مع شعر مموج ونفخه خفيفه..مكياج وردي مع الوان ترابيه..كان شكلها ملاك.. لبست الحلق الماس وطالعت شكلها.. كذا مو ناقصني الا البس الصندل... الله يستر مايشوفني ناصر.. دخل فجأه.. ناصر:وليش ماتبيني اشووفك..؟؟ ليلى:حطت ايدها على قلبها بسم الله ..ناصر خوفتني..من متى وانت هنا؟؟كانت تطالعه من المرايه ناصر: اسم الله عليك توني جاي..الله الله الله شهالزييييييييييين...تبارك الله مشاء الله.. لحضه لحضه...وبعد ثواني يعطيها كاس مويه. ليلى:وتاخذ الكاس منه...بس انا مو عطشانه.. ناصر:اشربي علشان خاطري.. ليلى:طيب...وشربت الكاس كله..كل هذا علشانك ياقلبي.. ناصر:صحه وعافيه..تدرين شربت منه قبلك..خفت اكون نضلتك..مو يقولون مايحسد المال الا اصحابه.. ليلى:مولهالدرجه..بعدين انت عينك بارده..وقامت من الكرسي تبع التسريحه.. ناصر:لا انا بروح فيها..ليلى حبيبتي مستحيل تطلعييييين انا مابي احد يشوفك غيري.. ياسنا الفضه وياجيد المهات.. ياشذى نبت الخزامى في وطاها.. قلت كن بوجنتك زهر النبات.. قالت ان الرمش يجرح لي صفاها.. تجرح الظلما عيون ناعسات.. سلهمت وأغضت تغطرس في بهاها.. حققو بالشوف في لون الشفاة.. هو خذا منها الشفق والا عطاها.. ولو ظلام الليل يعطينا ثبات.. فيه من لون الشعر والا كساها.. كيف اباصف زين كاملة الصفات.. كيف اباصل في حروفي منتهاها.. (منقوووول) ليلى:نااااااااصر يكفي ترى بديت انحرج... ناصر:فديييييييت اللي ينحرج انا.. ليلى:طيب تغديت اليوم؟؟ولا احطلك اكل.. ناصر:ايه الحمدالله..تعالي اجلسي جنبي ليلى:جلست بجنبه.. ناصر:همس باذنها...احبببببببك..وقام لغرفة الملابس علشان يغير.. ليلى:وهي مبتسمه..وانا اموت فيك.... ---------------------------- قفلت باب غرفتها..وهي تحاول ترتب افكارها.. بأيش تبدا الكلام معه وبأيش تنهيه.. انا اعرفه قلبه طيب ومستحيل يزعل علي.. شافت امها واقفه وشكلها سرحانه.. غدير:يمه شفيك؟؟ ام جاسم:قاعده افكر...انتي خلصتي؟؟ غدير:يمه ماتشوفيني لابسه عبايتي؟؟يمه انتي خايفه؟؟ ام جاسم:شوووي .. وصلو بيت خالهم.. جلست غدير مع مرت خالها(هي ماعندها الا اولاد خال) وام جاسم جلست مع اخوها بلحالهم.. ام ركان:حبيبتي..تخرجتي.. غدير:ايه ياخالتي..بس للحين ماستلمت وثيقتي.. ام ركان:وش ناويه تسوين ؟؟ غدير:بحاول اكمل دراستي..او اذا لقيت وظيفه توظفت ويرن تلفون البيت وتروح ام ركان ترد.. جلست لحالها تفكر بالنقاش اللي يدور بين امها وخالها.. اول ماسكرت السماعه.....دخل وماكان يدري ان فيه احد..وتراجع.. غدير تغطت على طول.. ركان:يمه يمه.. ام ركان:ادخل ياولدي حياك..وتبتسم لغدير..مافي احد غريب ركان:السلام عليكم.. الكل وعليكم السلام ام ركان:هذي غدير بنت عمتك ركان:هلا غدير كيفك؟؟ غدير:بخير الله يسلمك.. ركان:اسف ماكنت ادري ان فيه احد ام ركان:الله يهديك ياركان وغدير مو اي احد غدير منا وفينا وراعية بيت غدير:تسلمين ياخالتي.. ركان:يمه ابوي وينه؟؟ ام ركان:مع عمتك بالمكتب..شبغيت؟؟ ركان:لا مافي شيء ضروري..انا بطلع كشته مع الربع.. ام ركان:انتبه لنفسك ركان:انشاءالله..وطلع.. ------------------ رن جوالها ومع صوت الديجيه مو قادره تتكلم..وغير كذا ناصر محذرها ترد على الجوال اشرت لسلمى..بس سلمى مشغوله بالسواليف.. اشرت لعبير.. عبير:سمي.. ليلى:سم الله عدوك..خوذي ردي على خالد.. عبير:مسكت الجوال وردت..الوووووو الووووو مااسمع وييييييين لحضضضضضه فيصل:كان ماخذ جوال خالد..اطلعي بالمطبخ عبير:ولا انتبهت لصوته من الازعاج.....ويشتقوووووول؟؟ فيصل:الممممممطططططططبخخخخخخخ تلقيني هناك.. عبير:طيييييييييييييييب..وسكرت..راحت للمطبخ مالقته فيه..اكيد برى..طلعت ..شافته ومن العجله تبي ترجع على ورى زحلقت وطاحت..اييي فيصل:بسرعه راح لها.......تعورتي؟؟وين تحسين الالم فيه؟؟كان بيمسكها.. عبير:فيييييصل..شفيييييييك..وكانت مغطيه وجهها بايدينها.. فيصل:انتبه لنفسه...طيب اسف بس لا تتحركين..انا بروح وقولي للشغاله تجيب لك غطى..وبرجع خايف تكونين مكسوره.. وراح.. عبير:هذا الناقص تكشف علي..وقامت بشويش وطلعت من المطبخ انتظر خمس دقايق..ورجع مالقاها..سأل الشغاله قالتله انها راحت.. كانت جالسه بجنب ميساء وتسولف معها..دق جوال ليلى شافت الاسم وردت عبير.. فيصل:الوو عبير:هلا خالد؟؟؟ فيصل:لا انا فيصل.. عبير:ايييييه صح نسيت اسألك انت شكنت تبي؟؟والله انشغلت بالمعازيم.. فيصل:انتي رجلك زينه.. عبير:ههه ايه زينه يادكتور..تطمن..قولي شبغيت..(وهنا انتبهت ميساء) فيصل:اذا كنتي زينه تعالي الحين للمطبخ..بعطيك جوالي تشحنينه بغرفة خالد.. عبير:طيييب الحين بجيك صاروخ..وسكرت السماعه وراحت تلبس طرحتها..لحقتها ميساء.. في المطبخ.. فيصل:اكيد ماتحسين بشيء؟؟لاتخبين شيء عبير:والله مافي الا عوار خفييييييييييييييف لا تخاف فيصل:وشلون ماخاف..وانا السبب عبير:اشوا فيه احد بالعايله ضميره حي..عطني الجوال ترى تأخرت على الحريم فيصل:اسف شكلي بلشتك معي..ويعطيها جواله ويطلع ميساء رجعت قبل عبير وحاسه بشعور غريب.. عهود:بعد ماخلصت رقص..العروس ليش ماترقص ليلى:لا اليوم خليني عاقله.. عهود:وين عبير هي اللي ترقص معي..وشافتها توها داخله عليهم اشرتلها عبير:شو بدك؟؟ عهود:الاغنيه اللي بعدها ترقصين معي.. وبدت الاغنيه ورقصت عبير وعهود.. لنا الله ياخالي من الشوق..وانا المولع على نارييين كيييييييييف بعد المحبه والموده صرتو تنسووووني.. |
ميساء جلست جنب ليلى.. ليلى:شفيك ضايق خلقك؟؟ ميساء:بعذره يوم يضيق.. ليلى:شفيك؟؟ ميساء:مااقدر اقولك هنا..ابيك تزوريني ابي اتكلم معك.. ليلى:انشاء الله..بس شكل الموضوع خطير.. ميساء:بكره تعالي لي واقولك عن كل شيء.. ليلى:خلاص.. ------ في احد الفنادق... كانت اجمل الحضور لابسه فستان احمر فاقع ماسك الى الخصر وبعدين يتوسع على شكل طبقات.. ومسويه شعرها شنيون خفييييف ومكياج ثقيل يمحي اي اثر للحزن وروج احمر ..كل اللي حضر الملكه يسأل عنها... شيخه:ماقلتلك انتي نجمة الحفل.. نوال:ابي ارقص.. شيخه:ارقصي من قاضبك... نوال:قامت من الطاوله واتجهت لمنصة الرقص هي خاربه خااربه خلييييينا نعميها.. ياربي وش هالجنووون اللي سكن دمييييي خلاص مافيه طاري غير طاريهاااا هي خاربه خاربه..خلينا نعميييها كان تتمايل مع صوت الطقاقه وعايشه جو.. والكل مو منتبه الا لها.. فاديهاخت حسين وبنت خالة نوال)الله يستر هذي تهدد علني.. الجازياختها)والله ماتوقعت تجي..حليانه اليوم بزياده..الله يكفينا شرها... وبعد ماخلصت من الرقص..راحت لبنات خالتها.. نوال:ورسمت على وجهها ابتسامه..انا استأذن..وعقبال مانحضر العرس.. فاديه:الله معك... طلعت من القاعه ومن غير لاتقول لامها او لاختها.. وهي بالسياره رن جوالها.. الووو شيخه:وين رحتي؟؟ نوال:رجعت البيت.. شيخه:بهالسرعه!!تونا بدري.. نوال:خلاص طفشت من حفلهم البايخ..مازفت الشيفه؟؟ شيخه:الحين وهوبعد نوال:طيب..سكرت السماعه.. صبرك علي ياحسين ..مو انا اللي انعااف ------ بعد ماخلصو العشاء وراحت اكثر الناس ومابقى الا الاهل.. كان سليمان وخالد وناصر وبجنبهم الخاله وسلمى عبير وليلى وعهود.. خالد:رن جواله..الو امداك تشتاقلي فيصل:فوووق ماتتصور..اقول يالحبيب متى جاي؟؟ خالد:شعندك؟؟ فيصل:ابد الكل نايم وابي احد اسولف معه حاولت اقوم محمد عجزت خالد:طيب الحين جاي..بس اسمع سو لنا قهوه فيصل:ليش؟؟ خالد:جايب معي حلى من اللي يحبه قلبك.. فيصل:اذا السالفه فيها حلا انا مستعد.. سكر الجوال.. خالد:يالله تصبحون على خير الكل وانت من اهل الخير خالد:تبون الفكه مني ادري..قومي عبيرطلعيلي حلا عبير:شوفه على طاولة المطبخ خالد:قومي قدامي عبير:طيييييب اف... سليمان:وانا بعد ابي اروح تصبحون على خير.. ناصر:خل العيال عندنا سليمان:بعد فكه منهم..ويطالع سلمى خلونا نتهنى لو ليله.. سلمى:يالله تصبحون على خير..وبعد ماطلعو.. عهود:الا ياليلى تذكرين صديقتي وداد.. ليلى:لا والله؟؟ذكريني عهود:اللي شعرها بني وتمشي معي..تذكرتيها؟؟ ليلى:لا.. عهودكيف تتذكرينها وهي بنت خياليه)المهم المسكينه تزوجت بس زوجها طلع شكاك تخيلي كل يوم يهينها الين وصلت معها وصابها انهيار عصبي ودخلت المستشفى اسبوعين..وبعدين حاول يرجعها بس رفضت وتطلقت ناصر:كان وده يقوم ويلزخها وينتفها..كان عارف انه تقصده بس وش تبي توصله ليلى:اصلا لو رجعتله مو مره كل شيء الا الشك.. ام مؤيد:درت ان ناصر عصب..تصبحون على خير تأخرنا مره.. ليلى:وانتي من اهل الخير..عهود انتي ليش ماتنامين عندنا عهود:لا مره ثانيه انشاء الله وتاخذ شنطتها وتطلع ناصر:حبيبتي يكفي سهر خلينا ننام ليلى:وهي تتثاوب يازيييييين النوم.. ---------------------- الشرقيه ريم: فتحت عيونها انا وين؟؟.....حست بالخوف وبروده تسري بكل جسمها.. مو قادره أتكلم فيه شيء يمنعني من الكلام.. حاولت تحرك يدينها..بصعوبه حركتها..مافي احد هنا؟؟ هاجمها النوم مره ثانيه..وماقدرت تقاومه.. قام من النوم .. تعوذ من ابليس افف شهالحلم المزعج.. شاف الساعه..لقاها 3 ونص..دخل يتوضى فرش سجادته وصلى وبعد مانهى صلاته.. رفع يدينه لله وصار يدعي من كل قلبه انه يفرج كربته لا اله الا الله الحليم الكريم لا اله الا الله العلي العظيم سبحان رب السموات ورب العرش العظيم الحمد لله رب العالمين ياااااااااااارب يااااااااااااااااااري اللهم قلت وقولك الحق (ادعوني استجب لكم) اللهم اني ادعووووك فأجبني اللهم اني اسألك فأعطني ياربي فرج كربتي اللهم فرج همي اللهم اشفي زوجتي ومتعها بالعافيه اللهم اجعلها قرة عين لي يارب العالمين اللهم صلي وسلم على نبينا محمد وعلى اله وصحبه اجمعين.. بعدها صار يستغفر ويقرى قران صلى الفجر وراح للمستشفى.. ------------------------------- الرياض رجعت من العزيمه وهي تعبانه نفسيا وجسديا... ياربي ظهري متكسر..يووه مين اللي متصل الحين رفعت السماعه الووو(باين عليها انها نايمه) فهد:ميساء ريم طابت طابت خلاص رجعتلي(ماكان يدري شيقول من الفرحه) ميساء:صحصحت..الله يبشررررررررك بالخير قرة عينك ياخوي الله يطمنك عليها فهد:اللهم لك الحمد والشكر..بشري امي وسكر السماعه ميساء:قامت من فراشها وراحت تبشر امها.. ام فهد:اليوم بنذبح ذبيحه ونوزعها.. ميساء:فهد طاير من الفرحه..يمه ماتبينا نسافر له ام فهد:روحي احجزي لنا بالطياره.. ميساء:الحين بحجز...دقت على المطار ولقت رحله بالليل ام فهد:اكدي الحجز. ميساء:اوكيه عطني رقم الحجز ياخوي.. رتبو اغراضهم وبالعصر اذبحو ذبيحه ووزعوها وبعدين راحو للمطار.. ------------- جلست جنب امها وحطت راسها على كتفها.. غدير:اقول يمه الجيران مالهم حس؟؟ ام جاسم:ذكرتيني بدق عليهم علشان نزورهم تروحين معي غدير:اكيد وش يجلسني لحالي.. ام جاسم دقت على الجيران وبعد ماسكرت..قومي البسي غدير:هم عندهم بنت بس هي تزوجت ولالا؟؟ ام جاسم:لا ماتزوجت هي اللي ردت علي..يالله قوومي غدير:خمس دقايق واكون جاهزه.. بعد ماسكرت التلفون من ام جاسم.. مسكت جوالها ودقت عليه.. سليمان:هلا.. نها:هلا فيك حبيبي..عندك احد؟؟ سليمان:الله يسلمك(كانت بجنبه سلمى) نها:طيب لا تجي اليوم لان عندنا ضيوف سليمان:على خير نها:مع السلامه..سكرت السماعه وهي تتأفف الا متى هالحال؟؟ نزل جواله على الطاوله ..اقول شرايك نتعشى بمطعم؟؟ سلمى:ماعندي مانع بس بنروح لمطعم صيني سليمان:اي اوامر ثانيه سلمى:بعد العشى نمر العيال اكيد غثوهم سليمان:احسن خليهم يعانون شوي..ومد يده لها..قوومي سلمى:بدري على العشاء وش يقومنا الحين؟؟ومسكت ايده وقامت.. سليمان:نتمشى ونفرفر لين ندوخ وبعدين نروح للمطعم نتعشى.. ------------------ لابسه فستان صيفي وردي مع فوشي.. وجامعه شعرها بشباصه بس من فوق ..وحاطه مكياج نااعم.. نزلت السماعة وهي تتأفف.. ياربي شفيها ماترد علي؟؟ دخل وكان مبسووط..شافها سرحانه وباين انها متضايقه جلس جنبها ناصر:شفيك مكشره؟؟ ليلى:لا مو مكشره..بس ميساء تبيني بموضوع ضروري ناصر:طيب؟؟ويمسك الخداده يتوسد عليها.. ليلى:ادق عليها ماترد.. ناصر:يعني ماقالتلك شيء عن الموضوع؟؟ ليلى:ولا حرف.. ناصر:يمكن مشغوله..المهم ماسألتيني ؟؟ ليلى:عن ايش؟؟ ناصر:وش بسمي بنتي؟؟ ليلى:هههه وشدراك انها بنت؟؟ ناصر:احساس..شرايك بجوري..حلو ليلى:حلو..طيب اذا ولد.. ناصر:مسمي روحه سليمان طبعا.. ليلى:وليش مو باسم ابوك؟؟ ناصر:ابوي حالف علينا مانسمي باسمه الا احفادنا.. ليلى:يووووه نسيت..غمض عيونك.. ناصر:ليش؟؟ ليلى:ناااااااصر...ياربي ليش دايما انا اطيعك وانت لا؟؟ ناصر:الحين انا مااطيع..طيب غمضت.. ليلى:امسك ايدي وامش معاي..مشى معاها ودخل غرفة الجلوس...افتح ناصر:فتح عيونه..لولي تسوين احتفالات من وراي؟؟كانت الغرفه كلها ورد وشموع وبالطاوله تورته وبالونات معبيه المكان..وريحة الغرفه تجنن.. ليلى:شراااااااااايك.. ناصر:شالمناسبه؟؟ ليلى:بمناسبة الحمل..تخصرت ولا مو فرحان؟؟ ناصر:مسك ايدها وسحبها لين جلسها على الكرسي..غمضي عيونك ليلى:غمضت.. ناصر :طلع من جيب بنطلونه البيج علبه صغيره..مسك ايدها ولبسها خاتم الماس..فتحي ليلى:الله روووووووووعه يجنننننن ..تسلم ايدك حبيبي.. ناصر:هذي بمناسبة الحمل..والحين امشي نقطع التورته لان شكلها يمي يمي.. --------------------------- جالس يلعب بليستيشن بغرفته..منسدح على الارض وحاط رجل على رجل وتحت راسه وساده وقريب من التلفزيون لابس بجامه رمادي مع تيشرت ابيض...وفيصل جالس على السرير وراه.. خالد:انت ماتجي الا بالاوقات الحرجه..قووول.. فيصل:ابي اخطب عبير.. خالد:وشووووووووو؟؟ وشتقول؟؟ويوقف اللعب وينتبه لاخوه..ويعدل جلسته.. فيصل:شفيك انخرعت(خفت)؟؟قايل شيء موزين؟؟ خالد:تقولي تبي تخطب عبير وماتبيني اتفاجأ؟؟ فيصل:وليش تتفاجأ؟؟ خالد:لا والله..انت تستهبل ؟؟ فيصل :هذي المواضيع مافيها استهبال .. خالد:اقولك على بلاطه...ميساء.. فيصل:سكر على الموضوع خالد:الا هالموضوع مايتسكر..انا ادري والكل يدري انها قبل ماتصير خطيبتك انت تحبها..ممكن اعرف شهالتغير المفاجئ؟؟ فيصل:احب احتفظ بالاسباب لنفسي خالد:وعبير هي كبش الفداء فيصل:انا ماسمحلك تتكلم عليها بهالطريقه خالد:علمني شلون اتكلم يادكتور فيصل.. فيصل:انت تتمصخر؟؟ خالد:فيصل لاتضيع الموضوع.. فيصل:انت وش تبي؟؟ خالد:ابي اعرف السالفه كلها.. فيصل:مالك حق ولا لك دخل خالد:اوكيه مالي دخل بس لا تنسى ان عبير اختي تهمني مصلحتها واقدر ااثر على رايها.. فيصل:المقصد؟؟يعني شالمطلوب؟؟ خالد:ليش ماتبي ميساء وليش اخترت عبير بالذات.. فيصل:شوف اذا على ميساء هي مرحله وانتهت من حياتي..وموملزوم اشرحلك الاسباب لانها شخصيه ولا تهمك.. اما ليش عبير لانها عاجبتني واحس هي اللي تصلحلي.. خالد:تصلح لانتقامك... فيصل:اي انتقام؟؟انت صاحي.. خالد:تقدر تكذب على اي شخص الا علي..انت صاير بينك وبين ميساء شيء.. فيصل:ايه صاير...انا وميساء مانناسب بعض ارتحت...وابي عبير هي اللي تناسبني ماقتنع من كلامه... خالد:وين شايفها علشان تعجبك؟؟ فيصل:شفتها صدفه ..وبصراحه عجبتني كثييير.. خالد:ماادري شقولك..بس انت متأكد من قرارك..انا مابيك تظلم عبير.. فيصل:صدقني مو ظالمها ..هي فعلا ادخلت قلبي..بس ابيك تساعدني علشان اكلم امي خالد:يصير خير..ويكمل لعب..بس باله مو مع اللعب.. ------------------------- في السياره بالطريق لبيت ابوه..علشان يجيبون العيال سلمى:حبيبي سليمان:عيوونه سلمى:بكره موعد المستشفى..تروح معي سليمان:انتي تدرين اني مافوت ولاموعد لك....قولي وش اللي بخاطرك؟؟ سلمى:بقولك شيء ..بس اتمنى تكون صريح معي.. سليمان:عمري كذبت عليك سلمى:حاشاك..انت فيك شيء؟؟ سليمان:مثل؟؟ سلمى:ماادري احس انك متغير..حاسه انك مخبي عني شيء.. سليمان:مخبي حبك بقلبي سلمى:انا اتكلم جد.. سليمان:وانا جد الجد.. ووصلو لبيت ابوه وخذو عيالهم وراحو لبيتهم.. ----------------------- دق تلفون الغرفه ورد.. الوووو الوووووووووو وسكر السماعه ميساء:اففف هذا وقتك ياناصرترد.. انا ابدا مالي حظ مقروووده.. ادق على غدير احسن من زمان عنها ومن اول رنه غدير:لو لو لو سمحتيييييييييي فيني نووووووووووووم ادق عليك بكره اوكيه ميساء:طيب يالدبه غدير:باي يالعصلا .. ميساء:وحتى وهي نايمه ترد ..اففف شفيهم اليوم..تناظر الساعه..ههه انا اللي شفيني ادق على الناس الساعه 12 صدق مو بصاحيه.. وتنسدح على السرير..اه كل اللي فيني منك يافيصل.. جالس مع امه بالصاله..لابس جنز وتيشرت اخضر عليه كتابات.. ام فراس:ابد ماودك ترجعها؟؟ زياد:لحووول..نزل فنجال القهوه..قسم بالله نشبتو العيشه بحلقي...يمه الله يطولي بعمرك لو مايبقى الا هي ماااااأخذها.... ام فراس:مرت عمك كل يوم تدق علي...ياولدي رجعها زياد:ومن زين سواياها معي يوم ارجعها...يمه هي ماتبينييييي...هي اللي طالبه الطلاق.. ام فراس:طلبته وتحسفت..وعفا الله عما سلف... زياد:تحسفت؟؟؟ولا بعد ماتركها ولد خالتها وافلست منه ..قالت خليني ارجعله... ام فراس:ياوليدي انت تدري ان ابوك يبيك ترجعها زياد:وابوي يدري اني ماابيها من البدايه وغصبت نفسي...رجاااء يمه خلاص سكرو على هالموضوع.... أي موضوووع؟؟؟؟؟ زياد:يبه...كان متفاجأ ابو فراس:جلس..اي موضوع؟؟؟ ام فراس:موضوع شغله... ابو فراس:انا اسأله هو... زياد:مثل ماقالت امي...تصبحون على خير.. ابو فراس:لحضه...بكره تروح بيت عمك ترجع نوال... زياد:وشووووو؟؟؟؟ ابو فراس:اللي سمعته زياد:يبه انا طلقتها..مابي ارجعها.. ابو فراس:مو بكييفك زياد:الزواج غصب وقلنا ماعليش بس رجعه لا معليش..هذي حياتي وانا حر... وبعدين انا مو طرطور متى ماقالت رجعني رجعتها...خلها تروح للي تركتني علشانه...وطلع لغرفته ابو فراس:هذا انهبل... ام فراس:وهو صادق..هي اللي طلبت الطلاق وانت تدري..وماقصر معها حاول معها بس هي رفضت تعيش معه.. وطلقها...يابو فراس مهيب زينه بحق ولدك انت كذا تلغي شخصيته...والغلط من البنت مو منه خلها تتحمل فعايلها.. ابو فراس:تضايق..تصبحين على خير... جالس بالحديقه لحاله اهل البيت كلهم نايمين.. مايدري ليش اشتاق يسمع صوتها.. دق عليها.. كانت جالسه بغرفتها تريح شوي ..ابوها شوي تعبان بس الحمدالله انه قدر ينام..وامها بعد نامت.. جاها مسج ..فتحته كان من غدير..انبسطت اخيرا تعرفت على احد غير زميلاتي بالشغل..دارت بالصندوق الوارد واختارت مسج وارسلته لغدير.. راحت تاخذ شور... سليمان:دق مره ومرتين بس ماردت...شكلها نايمه..مدد رجلينه على الطاوله وحط يدينه ورى راسه وصار يطالع بالسماء.. طلعت وهي لابسه روب الى الركب ولافه شعرها بالمنشفه.. جلست على كرسي التسريحه واخذت الكريم وحطت على وجهها وبعدين اللوشن ودهنت يدينها..مسكت الجوال تبي تشوف الساعه ولقت فيه مكالمات لم يرد عليها..فتحتها لقته سليمان وعلى طول رجعت تتصل عليه.. رن جواله طالع بالشاشه وابتسم.. سليمان:هلااا نها:اسسسسفه ماكنت عند الجوال.. سليمان:لا يكون نايمه وازعجتك.. نها:لااا وييين شايفني دجاجه...قولي شخبارك وعلومك؟؟ سليمان:الحمدالله زين..شتسوين؟؟ نها:جالسه لحالي وطفشانه وزهقانه وملااانه بعد.. سليمان:لهالدرجه..طيب تفرجي على التلفزيون.. نها:مافيييه شيء..هذا بدل ماتقول الحين اجيك ياحبيبتي.. سليمان:لا صعبه.. نها:لانها صعبه انا ابيك تجي..ابيك تغامر علشاني ..ابيك تثبتلي انك تحبني.. سليمان:وبأثبتلك.. نها:صددددق..خلاص بجهزلك احلى سهره انتظرك..وسكرت الجوال وراحت تتجهز.. كان بيطلع بس لما شاف شكله.. سليمان:يوووه كيف اطلع وانا بهالبجامه...الله يستر ماتقوم سلمى...طلع لغرفته بهدوووء دخل غرفة الملابس..وانبسط لما لقى بالمعلاق الخارجي جنز وتيشرت يعني مايحتاج افتح الدولاب واطلع صووت..طلع من الغرفه ودخل غرفه فاضيه ولبس وطلع... لبست برموده ازرق وبدي ابيض بنقوش زرقاء استشورت شعرها الاشقر ..حطت كحله سوداء ابرز جمال عيونها الرماديه وروج وردي وبلاشر وردي..الشدو اكتفت باللون الرمادي الفاااتح مع لمعه ذهبيه تحت الحاجب.. اخذت عطر ستيلا وبخت منه..طالعت شكلها بالمرايه برضا..طفت انوار غرفتها وطلعت تجهز اغراض السهره.. بعد ماجهزت عشاء خفيف..رن جوالها ..الوو سليمان:انا عند الباب نها:ثوااني وافتحلك..سكرت وبسرعه راحت تفتحله.. هلاااا حياااك حياااك تو مانور البيت.. سليمان:وهو يسكر الباب من وراه..منور بالغالين والله.. نها:شبكت ايدها بايده..اليوووم السهره صبااحي مفهوم..ودخلو للبيت.... ------------------------------------------------- |
الجزءالسابع (ضيااااااع....) الرياض قصر ابو فيصل.. واقفه على اخر درجه ومعصبه.. دام دوامك بدري ليش ماتقوم قبل بوقت علشان تفطر زي الناس تبي تروح على لحم بطنك... خالد:يمه..ويحب راسها..انا متعود ماافطر.. ام فيصل:هذاك اول يوم كنت بجده..بس الحين شعذرك؟؟فيصل ومحمد حتى ابوك كلهم يفطرون وجميع..انت ليش شاذ؟؟ خالد:لا انتي شكلك معصبه من شيء ثاني وحطيتي الحره فيني.. ام فيصل:كلكم ترفعوووووون الضغط وجبتولي السكر على مين طالعين؟؟ انا بفهم متى تسنعون وتطلعون رجال؟؟تحسبون اعماركم صغيره يالشيبان خالد:كح كح كح..لو سمحتي يمه تكلمي عن اللي اكبر مني..انا توني شباب..توجه للمرايه اللي عند المدخل ولبس طاقيته العسكريه..طالع بامه وشاف اللي مايبشر بخير.. ام فيصل:طالعه عيونها برى من كثر ماهي معصبه..تقدمت خطوه لقدام..اعلان لقدوم العاصفه خالد:حط رجله وانحاش..مع السلامه يمه.. ركب سيارته بورش كاين..لبس نظارته الشمسيه حرك السياره.. وصل لمكتبه ..مسك الجوال ودق على فيصل..مارد عليه.. خالد:اذا جاء للبيت اعرف السالفه منه .. ------------------ منزل سليمان.. الفطور.. لابسه بجامه حرير ولافه شعرها بشباصه.. حطت ابريق الحليب على الطاوله وجلست.. سليمان:كان ياكل بشراهه..طالع بكوب الحليب ولقاه فاضي..طالع بسلمى ولقاها سرحانه..سلمى.. سلمى:هلا..انتبهت وخذت البريق وصبت بكوبه.. سليمان:سرحانه بمين؟؟واخذ الكوب من ايدها وشرب سلمى:نزلت الابريق..من قال اني سرحااانه.. سليمان:انا انتبهتلك..اعترفي بمين سرحانه؟؟ سمعت صوت سديم..شكلها تصيح..وبعدين سمعت صوت الشغاله عندها..تطمنت.. سلمى:انت وينك البارح؟؟ سليمان:كان بيشرق بالحليب..ارتبك..ها..انا هنا وين يعني؟؟ سلمى:ماحبت تحرجه بس بتنبهه...هنا!!!اووو سوري شكلي احلم او ماكنت مركزه.. سليمان:ايه الله يهديك مره ثانيه ركزي((وبقلبه الحمدالله))..الحمدالله اللهم ادمها من نعمه.. سلمى:وين حبي تو ماكلت شيء.. سليمان:وين ماكلت وانا نظفتلك الصحون.. سلمى:صحه وعافيه... سليمان:مع السلامه..وطلع سلمى:صارت تضغط على راسها بيدينها..اااه لو هالافكار تروووح من راااسي... --------- العصر.. في قصر ابو عهود.. لابسه جينز وتيشرت طويل ابيض الى الركبه..رافع شعرها ذيل حصان.. كانت بالمسبح جالسه..دائما اذا ضاق خلقها راحت له..وصارت تتذكر احداث الامس.. ام مؤيد:انتي ماتستحين..ماتربيتي..قليلة ادب.. عهود:ليش شسويت..وتنزل عباتها على الكنب ام مؤيد:كل اللي سويتيه وماتدرين وش سويتي؟؟ عهود:وتحط رجل على رجل..ارجع اقول وش سويت؟؟ ام مؤيد:لما اكلمك تنزلين رجليك..ولا خلاص قلة الادب صارت شعارك.. عهود:اسفه يمه.. ام مؤيد:انتي شناويه عليه؟؟ عهود:ولا على شيء.. ام مؤيد:قلبي مو متطمن..بس هذا انا احذرك ابعدي عن ناصر وليلى عهود:اسفه يمه..موضوعهم بالذات مااقدر ابعد عنه.. ام مؤيد:ليش؟؟ عهود:اسباب شخصيه..ومحد يقدر يمنعني عنهم..انا دايخه وابي انام.. وعند الدرج.. ام مؤيد:تمسكه مع ايدها..انتي شتبين توصلين له؟؟هم شسوولك عهود:يمه هذي اسراااااااااااار عن اذنك..وتطلع... غطست رجلينها بالمسبح..وحست ببروده.. ااااه يايمه لو تدرين بالنار اللي بجوفي.. اعيش بغربه وانا بوسطكم..مؤيد كان مالي علي الدنيا بس تخلى عني وراح لابوه ...خوات ماعندي..ليش؟؟ حتى ابوي زوجته الاوليه ماجابت اولاد... ياليت كان عندي اخت او اخو اسولف معهم اتضارب اتهاوش احس اني بالدنيا..ويوم حبيت ناصر وتعلقت فيه..وحسيت بالحياة تخلى عني وخطب ليلى ...كنت احبه لدرجة الجنون.. حاولت امنعه من الزواج..بس ماقدرت..هو يحبها ويموت عليها كان دايما يسولف لامي عنها..كنت اموت من القهر مو لانه يحبها وبس لااا ..لانها هي ماتدري عنه وبحياتها مانتبهت له..وانا اللي استاهله انا اللي احبه..قلت مافي غير اني اكذب عليه ..كنت مستعده اسوي اي شيء بس يبقى لي..هو كان بالنسبه لي سفينة النجاة لا هو كان يمثل مصيرلي..وهو بعد ماقصر صدقني ..فرحت واستانست..بس بعدين تبخرت كل احلامي يوم اعترفت له امي..يومها حقدت عليه وهددته...والاكيد اني كرهته وخذت على نفسي وعد اني افرقهم عن بعض...مو لاني اكره ليلى..بالعكس ليلى طيبه وصديقه لي..ضريتها بالبدايه لاني ماكنت بوعيي..والحين انا ابي انفعها ليلى ماتستاهل تعيش مع واحد شكاك ممكن يصدق اي احد ويظلمها.. اصلا انا مستغربه كيف يجتمع الحب مع الشك؟؟؟؟؟((سؤال ارجو الاجابه عليه)) ------------------------- في الصاله العلويه من قصر ابو سليمان الفخم.. (الصاله كلها قزاز وتطل على المسبح والحديقه اللي بقسم الحريم.. مرره شرحه..كنب ابيض فخم مع خداديات بالوان كثييره مع طاوله خشب دائري في الوسط...شاشة بلازما ..) تجرها مع ايدها علشان تطلع معها.. ليلى:بس مانطول..وتسحب ايدها من عبير وتوقف..صارت تتحسس ايدها((حشى مو بنت عورتني)) عبير:طيب بس دقايق اوكيه..وش فيك عورتك؟؟((تقولها وهي تتمصخر)) ليلى:لااا حاشاك..انتي تعورين!!!اصلا انتي ارق ادميه شفتها.. عبير:على بالي بعد..ياللا ياللا تأخرنا.. ليلى:بدق على ناصر.. عبير:اففففففففففف...وترمي عباتها بالارض..خلااااااااااص تنعاف الروحه وينعاف الزواج وينعاف البيت اللي انتم فيه.. رمت الخداده على الارض وجلست بالكنب ليلى:هههههه عبير:ضحكتي بلا سنوووووووون يالدبا.. ليلى:ووجع..انتي على بالك بهالاسلوب بتخليني اشفق عليك..مافي طلعه..وتجلس قريب من التلفزيون وتحط رجل على رجل.. عبير:احسسسسسسسسسن مو من زييين الروحه معك.. مسكت الريموت وصارت تفرفر بالقنوات شافت برنامج عن الحمل حطت عليه.. عبير:كششششششششفتك يالعوبا..ايييييه وانا اقول البنت شفيها متغيررره؟؟؟ ليلى:وش كشفتي؟؟ عبير:انتي حااااااامل صح؟؟ ليلى:برد وجهها...لا لا ..الله يسمع منك..الله كريم عبير:سبحان الله ماتعرفين تكذبين..اللللف مبروك ليلى:عبير لا تطلعين اشاعات عبير:تطمني مو بقايله لاحد..بس انتي ريحي عمرك..ماقلتيلي باي شهر؟؟ ليلى:لحوووول كذبتي الكذبه وصدقتيها عبير:خلاص بكيفك...وتركتها لحالها ليلى:بقلبها..صدق انك داهيه ياعبير ---------------- |
في احد العمارات..وبشقه للمعاصي.. اقوووووووووول وخرررررررررررر اتركنييي اتركني رجعني لبييييتنا رجعنيييييييي عماد:افففف تراك زهقتيني.. غاده:رجعني بيت اهلي عماد:ليه؟؟اقول بس انثبري ..وخلي عنك حركات البنات.. غاده:انت حقيييير.. عماد:الله يسامحك...ويمسك ايدها ويشد عليها...الحقيره الللي جابتها امك..ويدفها غاده:حيوووووان...لييييييش كذبت علي ليييييش..وصارت تبكي عماد:ويشرب كاس مويه...بايش كذبت عليك؟؟؟ غاده:مو قلت تبي تتزوجني؟؟ عماد:الحين تلوميني على كذبي...شيء غريب فعلا..نزل الكوب بالطاوله..وجلس على الكنب..وحط رجل على رجل...انتي تكرهين الكذب؟؟ غاده:والكذابين بعد.. عماد:بصوت عالي..هههههههههههههههه غاده:انا ماقلت نكته..وتكمل صياح عماد:قلتي تكرهين الكذب..وانتي الحين ماكذبتي على ابوك وامك؟؟ ليش ماتجاوبين؟؟على العموم انا مو كذاب..انا قلت اتزوجك على سبيل المزحه لان مستحييييييل ولا بالاحلام حتى اتزوج وحده خسيسه حقيره مثلك تكلم بدل الواحد مليون.. غاده:والله العظيم ماكلمت غيرك عماد:نصيحه وخليها حلقه باذنك..كلمتي واحد ولا الف كلمتي يوم ولا سنين المصير واحد..وانتي فاهمه والحين روحي البسي عباتك علشان ارجعك للسوق.. ركبت السياره معه..ووصلها وقبل لاتنزل عماد:لا تنسين تكذبين على ابوك علشان مايعرف وين كنتي..وصار يضحك غاده:جعلك الموت يالظالم حسبي الله عليك..ونزلت عماد:ترمي نفسها علي وتدعي صدق شين وقواية عين..وحرك السياره..ونسى ان فيه رب يراقبه.. -------------------- في قصر ابو شيخه.. لابسه بجامه بينك وفاكه شعرها وجالسه بالكرسي الهزاز تحس بسعاده ماتوصف.. نوال:ههههه...تذكرت هي وش سوت بعد مارجعت من الملكه..اتجهت لبيت خالتها الفاضي لانهم اكيد متواجدين بحفلة الملكه تسللت للبيت من باب المطبخ وبما انها تعرف وين مكان غرفته طلعت لها بسرعه..دخلتها وولعت النور..دار نظرها بكل الغرفه اللي ياما دخلتها قبل لا تتزوج..راحت لدرج تعرفه زييين كيف ماتعرفه وهو مكان البوم الحبيب..فتحته واخذت صوره دخلتها بشنطتها ورجعت الالبوم لمكانه..ومثل مادخلت طلعت.. ههههههههههههههههههههههههه والله اني خطيييييييييييره... سمعت احد يطق باب غرفتها نوال:ادددددددخل... ام نوال:اسمع ضحكتك...شالطاري؟؟ نوال:وحده مبسوطه ليه ماتضحك...طالعت بشياكة امها..على وين العزم؟؟؟وهي للحين تهز بالكرسي.. ام نوال:طالعه مشوار ...ترى كلمت زياد علش... نوال:وهي تقاطعها...وقفت هز..انا بفهم انتي بحياتك ماتدخلتي بأي شيء بحياتي شمعنى هالموضوووع؟؟؟ ام نوال:عاجبك حالك كذا.. نوال:مثل حالك... ام نوال:نوال احترمي نفسك... نوال:وانا صادقه انتي مثلي تمام الفرق اني مطلقه رسمي وانتي شبه مطلقه..وصارت تهز بالكرسي ام نوال:انت قليلة ادب... نوال:قامت من الكرسي الهزاز وتخصرت...وشو المشوار اللي رايحتله؟؟؟ ام نوال:مالك دخل..الشرهه مو عليك الشرهه علي اللي ادور مصلحتك...بس مالت مالوم زياد يوم طلقك ولا حسين يوم تزوج غيرك... نوال:انجرحت من كلامها...مشكوووره وكلامك مو مأثر فيني وزياد لو لوووووو رجعتله صدقيييني مارح انولك اللي ببالك... ام نوال:وشو اللي ببالي؟؟؟ نوال:تبين خالي المحترم ياخذ شموخ..بس هذا وجهي ان خذاها.. ام نوال:انتي انتي...وسكرت الباب باقوى ماعندها.. نوال:مع السلامه..وجلست على الكرسي تكمل خطط.. ----------------- مرت الايام ثقيله على البعض وهاديه على بعض حلوه وسعيده على البعض.. ------------------- ياربي هذي ثالث مره ادق عليها ولا ترد.. شكلها ماترد على رقم غريب..ارسلها مسج احسن..وبعدها دقت.. وبعد ثالث رنه..الووووو غدير:هلاااااااااااا والله هلا بهالصووووووووت ليلى:اشتقتلللللللللللللللللك مررررره غدير:باااااااااين بااااااااااين يالخاينه تزوجتي ونسيتيني ليلى:والله دايما على البال..وبعدين انتي ليش ماتصلتي؟؟ غدير:بصراحه استحييت.. ليلى:وانتي منين تعرفين الحيا غدير:حراام علييك..المهم شخبارك ليلى:انا عال العال بخير ولله الحمد ..وانتي كيفك وكيف امك غدير:حنا يابعد حيي كلنا بخيير ليلى:انتي للحين على حركاتك.. غدير:شخبار جدتك؟؟مازرتوها ليلى:الحمد الله زينه...ابوي يزورها كل اسبوع وعمي كل اسبوعين..وحنا لا غدير:يالله بالعيد روحولها.. ليلى:يووه نسيت..مبروووووووك غدير:على بالي نسيتي.. ليلى:وهديتك محفوظه..بس وش قررتي تسوين؟؟ غدير:بقدم ماجستير..وخالي واعدني بوظيفه..اقول ليه ماتسيرين علي؟؟ ليلى:انشاء الله اذا فضيت امرك.. وخذتهم السواليف --------------- بعد العشاء كانت العايله كلها مجتمعه..عدا محمد اللي راح ينام ام فيصل:وهي موصله حدها..وش تبيني اقول لخالتك؟؟ الولد مايبي البنت فيصل:قولي مافي نصيب.. ام فيصل:وليييييش؟؟ فيصل:يمه انهي الموضوع ترى تعبت من كثر ماازيد واعيد..خلاص مافي نصيب وبعدين انا ابي اتزوج.. ام فيصل:انت تبي تجنني.. خالد:يمه هدي اعصابك..مافي زواج بالغصب..والبنت الله يرزقها بالنصيب الزين.. ام فيصل:وانت واقف مع اخوك ابو فيصل:طيب ياولدي ليش ماتكلمت من زمان.. فيصل:صار اللي صار....وانا ابيك تخطبلي بنت عمي عبير ام فيصل:انصدمت..وشوووووووووو..انت تبي المشاكل..تبي الناس تقول عاف بنت خالته واخذ بنت عمه؟؟؟؟ خالد:يمه مافيها شيء..بعدين انتي تبينهم ينفصلون وهم على البر ولا اذا اتزوجو يتطلقون؟؟ ام فيصل:انت انطم و لا تتدخل..كانت مرره معصبه فيصل:يمه هي كلمه وبقولها زواج من ميساء مستحيييييييل لو تنطبق السماء على الارض وغير عبير مرح اخذ ..وقام وهو معصب.. ام فيصل:يافضيحتي يافشيلتي شلون بطالع بوجه اختي شلوووون؟؟ ابو فيصل:هونيها وتهون.. ام فيصل:طالعت بخالد ودها تحط الحره فيه.. خالد:تصبحون على خير..وحط رجله وانحاش... |
الصباح.. الشرقيه.. في المستشفى كان نايم على الكرسي.. فتحت عيونها ودارت فيها بانحاء الغرفه.. شافته نايم وشكله مو مرتاح..نادته.. حبيبي..حبيبي فهد:فتح عيونه..مسح وجهه وابتسم لها..صباح الخير ريم:صباح النور..ارجع للبيت ونام..انت شكلك تعبان فهد:انا اتعب اذا بعدت عنك..كيفك اليوم؟؟ ريم:الحمدالله..ماقالولك متى اطلع فهد:الاسبوع هذا انشاء الله.. ريم:والعيال؟؟ابي اشوفهم.. فهد:انتي تعبانه...وبعدين لا تنسين انهم في الحضانه..كلها كم اسبوع ويطلعون ريم:اكيد مافيهم شيء؟؟ فهد:الحمدالله كلهم طيبين.. ريم:ربي لك الحمد.. فهد:بروح اجيب لنا فطور..من زمان مافطرت مع روحي..والحين تبي تجي الممرضه علشان تسويلك فحوصات...مشتهيه شيء على الفطور.. ريم:اي شيء منك حلو.. فهد:ربع ساعه وراجع....طلع ريم:يارب لا تحرمنياه وتخليه لي ياااااارب....اميين ودخلت الممرضه علشان تعمل الفحوصات ----------------------- صباح الرياض.. بعد ماخلصو فطور ..اتجهو للكراج يطلعون سياراتهم.. خالد:وهو يلبس نظارته الشمسيه...انا اللي ابي افهمه ليش تفتح مواضيعك على الفطور؟؟ فيصل:فتح باب سيارته...اتوقع ان هذا انسب وقت..وبعدين انا ابنهي الموضوع.. خالد:وليش مستعجل؟؟ فيصل:ركب سيارته..والله بكيفي..وبعدين لا تنسى اني موصغير.. بس ابي اطلب منك طلب.. خالد:اطلب..وتركى على باب السياره.. فيصل:ابيك تفاتح عبير بالموضوع.. خالد:تسمع نصيحتي.. فيصل:قول.. خالد:اطلبها على طول..اذا سألتها بتحسبك مو جاد..بعدين مافي وحده من خواتك استشاروها قبل ماتنخطب.. فيصل:رايك كذا..طيب بكلم ابوي اخليه يخطبها لي.. خالد:بس حنا للحين ماخلصنا من موضوع ميساء.. فيصل:ليش وش فيه بعد؟؟ خالد:ماانهيناه..واقولك شيء.. فيصل:تراك اخرتني..قول خالد:انا ابي اخطبها.. فيصل:وقف الدم بعروقه...وبعد فتره..نصيحتي ماتصلحلك..وانت بكيفك..سكر باب السياره ومشى.. خالد:ركب سيارته وقبل لايحرك...هذا شكله صدق مايبي ميساء..زين تطمنت.. طول الطريق وصدى صوت اخوه يتردد عليه.. ابي اخطبها..ابي اخطبها..ابي اخطبها فيصل:وانا ليش زعلان..هو حر..وانا مااقدر اقوله شيء.. هي مهما سوت بتظل بنت خالتي..وواجب علي استر عليها.. --------------------- طول الليل وهي تبكي مانامت.. الاحساس بالذنب قاتل.. ايش راح يصير فيها؟؟..معقوله يفضحها؟؟ وانا شلووون رحت معه كله من المجرمه هي اللي شجعتني..طالعت بالساعه..اكيد ابوي راح للدوام.. مسحت دموعها وطلعت من غرفتهالا بسه بجامتها وراحت تدورها بالبيت.. كانت جالسه بالمجلس العائلي وتتفرج على التلفزيون هجمت عليها على طول..وصارت تضربها بكل قوه نوره:هي انتي انجنيتي اتركيييني فكي اقووول فكي ياحقيره غاده:انتي السافله الواطيه وتضرب..انتي السبب انتي نوره:حاولت تفلت منها..سبب ايييييش وخري .. غاده:ماتدرين يعني يالواااااااطيه نوره:اقووووووول لا تتبليييييين علي..والزمي حدودك لوريك شيء ماشفتيه.. غاده:هو فيه شيء ماشفته فيييييييه..جاوبيييييي جاااااوبي..وانهارت من الصياح.. انتي اللي شجعتيني كله منك..ضاعت حياتي ضااااااعت كل شيء انتهى.. نوره:والله انتي كبيره وفااااااهمه..منتي محتاجه احد يوجهك.. غاده:الحييين تقولين هالكلام لي...انتي السبب نوره:ايه انا السبب عندك مانع؟؟واسمعيني زين..ان سمعتك قايله شيء لعمي ماتلومين الا حالك.. هذا اذا تبين الستر.. غاده:تسوينها..مو انتي تبليتي على امي؟؟ نوره:هههههههه..وانتي كنتي معاي..ورجاء اطلعي برى ابغى اتابع التلفزيون غاده:الله يااااااااااخذك الله ياااخذك يالحقيره نوره:ترى احب الدعاوي هذي كثريها.. صفقت الباب بكل قوتها.. نوره:ههههههه. --------------------- الشركه.. سكر السماعه من ولده وهو متضايق..بس ماباليد حيله الولد مصمم.. توجه لمكتب اخوه..ودخل عليه ابو سليمان:هلا ابو فيصل جيت بوقتك ابو فيصل:جلس على الكرسي..خير ابو سليمان:الخير بوجهك..ابو حميد اتفقنا معه وبيكون شريك.. ابو فيصل:الله يبشرك بالخير..متى نويتو تسافرون؟؟ ابو سليمان:بعد اسبوع وثلاث ايام..عندك كلام جاي تقوله..وش هو ياخوك؟؟ ابو فيصل:ابد بس اليوم ابي اسير عليكم.. ابو سليمان:ياخوي قولي شفيك؟؟خوفتني ابو فيصل:تطمن..هو موضوع خاص شوي..ومايصلح اقوله في الشركه.. ابو سليمان:على راحتك ياخوي..متى بغيت تجي حياك الله.. ابو فيصل:اجل بعد صلاة المغرب موعدنا ابو سليمان:حياك الله.. ابو فيصل:اجل بروح للمكتب وانت كمل شغلك.. ابو سليمان:بحفظ الله.. لقى عمه عند الباب وسلم عليه بعدين دخل لابوه ناصر:تفضل يبه هذي كل العقود..يبه شفيك؟؟ ابو سليمان:ولاشيء..بس عمك بيزورنا اليوم وشكله ضايق..الله يستر ناصر:ماقالك شيبي؟؟ ابو سليمان:يقول موضوع خاص..المهم امسك هذا الملف ابيك تراجعه وتجيبه لي اليوم.. ناصر:تامر طال عمرك.. --------------------- |
رجعت للمجلس ومالقتها..راحت لغرفتها طقت الباب بكل هدوء ادخل فتحت الباب وهي موطيه راسها.. نوره:اففففف انتي شتبين خيرررررر؟؟وتكمل قراية المجله غاده:جلست على حافة السرير..ودموعها لا اراديا صارت تنزل.. نوره:لحووووووول بدى الفلم الهندي غاده:شسوووووي؟؟ نوره:في ايش؟؟ غاده:تسوين روحك ماتدرين؟؟ نوره:رجعنا لقلة الادب.. غادة:اسفه.. نوره:ايه كذا تعدلي..نزلت المجله..شوفي انا مااقدر اسويلك شيء..الا اذا طفشتيني ممكن اقول لعمي..وطبعا محد بيدري..فليش الدموع غاده:اخاف انكشف؟؟ نوره:مين بيكشفك؟؟ غاده:مصيرهم بيعرفون... نوره:فهمت عليك...لا تتزوجين..مايبيلها شيء.. غاده:هذا الحل عندك؟؟ نوره:شتبيني اعملك؟؟ غاده:انتي اللي قلتيلي قابليه.. نوره:قلت قابليه مو اغلطي معه..وفيه فرق بين الاثنين..ثانيا لا تسوين روحك ماتدرين...اصلا من يوم كلمتيه وانتي تدرين انه بيصيرلك كذا..مو لهالدرجه غباء.. غاده:لا ماكنت ادري وزادت دموعها نوره:اجل من البدايه ليش كلمتيه؟؟؟؟؟وشتبين توصليله؟؟؟؟؟ غاده:انتي قاسيه قاسيه وتطلع من الغرفه.. نوره:ههههههه صدق تضحكني..قال ايش ماكنت ادري!! وتاخذ المجله وتكمل قرايتها.. ------------------------- العصر.. في قصر الجد رمت عبايتها وشنطتها على الكنب بكل قوه.. جلست..اففففف كانت طالعه من قلب غدير:الله يعطيك العافيه يمه ام جاسم: الله يعافيك. غدير:شفيك متضايقه؟؟ ام جاسم:ماادري قلبي يعورني..عطيني التلفون خليني ادق على اخوك غدير:يمه توه مسكر مني..وهو بخير ام جاسم:معقوله تكون غاده؟؟الله يستر الله يستر غدير:يمه تعوذي من ابليس...شفيك؟؟ ام جاسم:قلبي مو متطمن حاسه انه فيه شيء..دقي عليها غدير:انشاءالله يمه ..دقت ....يمه ماردت ام جاسم:دقي على البيت غدير:دقت...الو نوره:اف خير داقه وش تبين؟؟ غدير:اكيد مو انتي ..وين غاده؟؟ نوره:غاده ماتبي تكلمك لا انتي ولا امك ورجاء لا تدقين ..وسكرت السماعه في وجهها غدير:وهي تطالع بالسماعه..مكسر يكسر هاليدين يالحقود ام جاسم:زين تطمنت..على الاقل لو فيها شيء كان قالت..انا بطلع غرفتي اريح شوي غدير:وانا شسوي لحالي؟؟ادخل على النت احسن.. ----------------------- بعد العشاء.. في المجلس كانو يسولفون.. ابو فيصل:والولد يقول مايبي الا هي.. ابو سليمان:بس انا على خبري ان فيصل لبنت ال..... بنت خالته ابو فيصل:ياخوي مافيه نصيب..وبعدين ماكان فيه كلام رسمي.. ابو سليمان:اسأل البنت وارد لك...وحنا اخوان مهما صار.. بعد ماتعشو وراح العم لبيته لقى بنته جالسه عند التلفزيون.. ابو سليمان:وين ليلى عنك؟؟ عبير:قصرت التلفزيون ..ليلى اي ليلى يايبه ..هذي غسل مخها ولدك..مو الاوليه تخيل يبه ماتطلع من غرفتها.. ابو سليمان:وليش؟؟ عبير:نويصر يخاف عليها تتعب من الدرج...الحمد الله والشكر ابو سليمان:نشوفك عاد اذا تزوجتي عبير:سمالله علي..يبه لا يكون تبي الفكه مني..تراني لصقة عنزروت.. ابو سليمان:يعني ماتبين تتزوجين؟؟ عبير:اكيد .. ابو سليمان:ليش؟؟ عبير:علشانك طبعا.. ابو سليمان:طيب ممكن تسمعيني اب اتكلم معك بموضوع.. عبير:كلي اذان صاغيه ياابي هاتي ما عندك ابو سليمان:الزواج قسمه ونصيب والواحد مايدري وين نصيبه فيه.. اليوم جاني عمك يخطبك لفيصل...وفيصل مايحتاج اقولك عنه رجال والنعم فيه.. وانا ياما تمنيتك تاخذينه..او يجيك واحد زيه..وبصراحه هو متمني انك توافقين..وشاريك وانا مااغصبك على شيء...اما سالفة مافي زواج فانسيها..واذا تبين رايي وافقي منها تكونين عندي ولا تفارقيني..انتي فكري زين ورديلي انا مستعجل..ابتسم لها تصبحين على خير.. عبير:ماردت عليه..لانها اتفاجأت من الموضوع..كان بالنسبه لها صدمه قويه خصوصا ان محد مهدلها من قبل.. -------------------------------- مد لها كوب المويه..وعطاها العلاج.. كلت الحبه وشربت المويه..نزلت الكوب على الطاوله.. ماقلتلي..متى ترجع؟؟ ناصر:ماادري..مافي وقت محدد.. ليلى:يعني في احتمال تطول.. ناصر:سكت مارد.. ليلى:تصبح على خير ..وقامت ناصر:مسك ايدها..لحظه..ممكن تجلسين ليلى:وش فايدة جلوسي وانت ماترد علي.. ناصر:ايه احتمال نطول.. ليلى:جلست..يعني اسبوع؟؟ ناصر:ابتسم..اسبوع مو شيء..يمكن اكثر ليلى:وانت مبسوط؟؟ ناصر:طبعا لا...بس شسوي هذا الشغل..واوعدك احاول ارجع قبل الوقت.. ليلى:ومافي غيرك.. ناصر:انتي كذا تزعليني..يعني تقارنيني بغيري؟؟ ليلى:حبيبي والله مااقصد...بس من القهر..طيب ليش سليمان مايروح؟؟ ناصر:سليمان مايقدر يخلي الشغل هنا لازم يجلس مع عمي..وبصراحه حنا معتمدين عليه.. ليلى:طيب بسافر معك.. ناصر:والحمل؟؟الدكتوره تقول في خطوره عليك.. ليلى:وانت شدراك؟؟ ناصر:انا سألتها.. ليلى:وليش تسألها من وراي...لا يكون عاجبتك بس.. ناصر:اموووت فيها.. ليلى:وشووووو؟؟؟وش قلت؟؟تموووت فيها.. ناصر:حط ايده على فمها... اششش ولا كلمه..انا كنت اتكلم عنك انتي.. وبعدين معقووله تشكين في حبي لك؟؟ ليلى:شالت ايده...انا مستحيييل اشك فيك...بس انا ماادري شصارلي.. صايره اغار عليك مررره وماتحمل اي شيء... ناصر:فديت اللي يغارون.. ليلى:طيب ارجع لبيت اهلي؟؟ ناصر:وعبير...لا مايحتاج تروحين..انا بخلي خالد يسكن معكم..وسليمان بجنبكم.. وبعدين السالفه كلها اسبوعين ثلاث بالكثير ونرجع.. ليلى:الله يعيني على فرقاك... ناصر:ويعيني...الوقت تأخر لازم تنامين لحين.. ليلى:وانت مونايم؟؟ ناصر:عندي اوراق براجعها بعدين انام.. ليلى:تصبح على ليلى.. ناصر:وتصبحين على ناصر..ابتسمت له وراحت تنام ------------------------------ في غرفتها بمنزل جدها.. فاكه شعرها الغجري ولابسه قميص قطني.. تدور بالكرسي وتدور وتدور.. طيب حلوه؟؟ ميساء:مين؟؟ غدير:الشرقيه.. ميساء:تستهبلين....انا وين وانتي وين..احر ماعندي ابرد ماعندك.. غدير:طيب اتحفيني باللي عندك..قالتها بملل ميساء:ماصار شيء جديد.. غدير:اجل اسمعي اخباري اللي تسر..ابوي طلق امي ميساء:ايييش؟؟متى؟؟وليش؟؟ غدير:منذ مده وليش..بسبة بنت عمي المصون.. ميساء:هالبنت هذي مجنوووونه..والحين غدير:ابد طلعت انا وامي لبيت جدي وتركنا غادة..هي ماتبي تجي معنا.. ميساء:الله يهدي القلوب وانشاء الله ترجع الامور لمجاريها.. غدير:لا من الناحيه هذي تطمني..امي حالفة ماترجع..وفي شيء بعد بس اذا جيتي بقولك.. ميساء:انا بكره او بعده راجعه..وبعد اسبوع او اثنين ريم وفهد بيلحقونا.. غدير:طيب ريم ليش تجي ليه ماتجلس ببيت اهلها ميساء:فهد مو راضي يقول ماعنده اجازه ومايقدر يخليها دقيقه وحده..تدرين عقب اللي صار.. فهد تعلق فيها بشكل واضح..الله يخليها له ويهنيهم يارب.. غدير:امييين...طيب كلمي ليلى الحين.. ميساء:لا مستحيه رجلها هذاك اليوم هو اللي رد...اذا جيت اكلمها.. انا طولت عليك..سلمي على امك غدير:الله يسلمك...سكرت منها يوووه الساعه ثلاث...فرشت سجادتها وصلت التهجد.. ----------------------- |
بعد ايام... انسدحت على السرير..انا مرتاحه.. كلام خالد مطمن ومقنع ...وابوي شكله متحمس مرره وانا ماعندي اعتراض عليه...كنت احسب انه يحب ميساء خالد كان يقولي كذا..بس الحين يوم عرفت انه هو اللي مايبيها ولا هي تبيه..ارتحت..انا استخرت والله يكتب اللي فيه الخير..على الاقل هو الوحيد اللي اضمن انه مايفرقني عن ابوي وهذا اهم شيء... قامت على صلاة الفجر...كانت مره مرتاحه وخصوصا لما حلمت .. كانت راكبه فرس ابيض وكانت تسابق فيه بسباق والكل مبهور فيها وهي كانت مبسوطه....ان شاء الله خير ..توضت وصلت الفجر..قرت الاذكار ..سمعت صوت خطوات على الدرج.. عبير:اكيد هذا ابوي..ماتدري ليش جتها رغبه قويه انها تقوله انها موافقه فتحت باب غرفتها وطلعت له.. عبير:تقبل الله وتحب راسه ابو سليمان:منا ومنك صالح الاعمال..حس ان بنته عندها كلام..تعالي يابنيتي..دخلو جناحه جلس على الكنب وهي جنبه..قولي اللي بخاطرك.. عبير:كنت بقولك عن عن عن.. ابو سليمان:فيصل عبير:ايه ابو سليمان:قولي عبير:انا انا انا... ابو سليمان:انتي ايش؟؟ عبير:موافقه وطلعت بسرعه من الغرفه ابو سليمان:وطاير من الفرحه..الله يوفقك يابنيتي.. رفع يدينه ..يااارب يااارب ياااارب اللهم اني اسالك ياذا الجلال والاكرام ياحي ياقيوم ان تسعدها وتوفقها في كل امور حياتها وترزقها بالذريه الصالحه ياااااااارب ياااااارب تحفظها وتحرسها من كل مكروووه ياارب .. ----------------------------- الشركه اللللف الف الف مبروك يالله انك توفقهم ابو سليمان:امين يارب.. ابو فيصل:شرايك نملك قبل السفر ابو سليمان:لا مافي وقت..وانا افضل الملكه والزواج بيوم واحد.. ابو فيصل:شورك وهداية الله..بروح ابشر فيصل ابو سليمان:بحفظ الله.. دق على ولده وبشره المستشفى.. كان يدوره ومالقاه الا عند الرسبشن.. فيصل:انت وينك وانا ادورك زياد:وهو يقرى ملف..انا هناك..يعني وين اكيد هنا..شفي عيونك طالعه برى لا تكون مخالفه بس فيصل:ههه بااايخه مثل وجهك...المهم نسيتني انا جاي علشان ايش؟؟ زياد:بشر.. فيصل:واااااااااافقت وافقت.. زياد:سلم عليه...مبروك مبروك مبروك...وعقبال العرس عن قريب فيصل:الله يبارك فيك..انا سعيد زياد:لحووول شكلك من الفرحه فقدت الذاكره..يااخي انت فيصل مو سعييد.. فيصل:اليووم بالذات راح استحمل ثقالة دمك..قول اللي تبي تقوله اخذتهم السواليف ونسو ان في اذان تتسمع لهم.. نسرين:ماعليه يافيصل تزوج... --------------------------------- |
الجزء الثامن (بعثر ورقنا هالزمان الرمادي) قصر ابو فهد.. الضحى الساعة 11 .. تنزل مع الدرج ورافعه طرف قميصها القطني السماوي المورد بالوردي بايدها.. وهي تحاول تركز بطريقها..الدرج حلزوني..عيونها موراضيه تفتح فيها نوووم.. سمعت صوت امهها عالي وهي تتكلم بالتلفون وكأنها معصبه باين من نبرة صوتها..ماهتمت لان عصافير بطنها تنادي..كملت طريقها للمطبخ ورجلينها تسحبهم سحب..جلست على الكرسي باهمال.. ميساء:حطيلي فطووور كوماري:اوو ميساء الحين يبي فتوور..وتطالع بساعتها مستنكره ميساء:لحووول وصايره تنكتين بعد..يلا اخلصي علي..وتنزل راسها على الطاوله..والله لو مالجوع ماقمت.. كوماري:اوكي اوكي.. دخلت ام فهد المطبخ وماكانت تدري ان ميساء فيه.. ام فهد:انتبهت لميساء وتحسفت انها دخلت لانها انقهرت زياده..فوقفت ساكته ميساء:رفعت راسها..يمه شفي وجهك احمر ومعصبه..مين كنتي تكلمين؟؟وهنا الشغاله صارت تحط الفطور على الطاوله.. ام فهد:ماردت عليها من كثر ماهي معصبه..كانت بتطلع من المطبخ ..بس صوت ميساء وقفها... ميساء:يمه... اقلقتيني شفيك؟؟؟؟وحاولت تفتح عيونها وتطرد النوم.. ام فهد:ماقدرت تستحمل وانفجرت...حسبي الله ونعم الوكيل..هم مين حاسبين انفسهم.. يحمدون ربهم اننا وافقنا عليهم..انا انا اختي تسوي فيني كذا..ماكان العشم يام فيصل.. ميساء:يمه شسالفه؟؟شصاير؟؟وصار قلبها يدق.. ام فهد:وش صاير؟؟؟اختي المصون اختي بنت امي وابوي تعتذر مني وتقول ان مافي نصيب بينك وبين فيصل..سمعتي سمعتي ..ماااااااااافي نصيب ..يعني كأننا حنا اللي ملزقين بنتنا وبايعينها عليهم..مسحت وجهها بيدينها ..انا بنتي تنرررد انا بنتي يقولون لها عفناااك..ان ميساء:كانت مصدومه..ماستحملت..يمممممه يكفييييييييي يكفييييييي مااااااااااابي اسمع كفاايه حرااااااااام والله حراااام.. وطلعت غرفتها بسرعه وهي منهاره تماما.. ام فهد:حسبي الله على الظالم...الله يرزقك يابنيتي باللي احسن منه مليووون مره .. دخلت غرفتها وطاحت على السرير كان صياحها يقطع القلب كانت تصيح اللي المفروض يكون زوجها كانت تصيح فيصل عشق الطفوله ليش لييييش تسرعت بالحكم علي ليييييش... لييييييش ظلمتني ليش ماتأكدت من الحقيقه ليييييش...كذا تتخلى عني كذا.. ----------------------- قصر ابو فيصل.. بعد مارجع من الدوام نام على طول ولا تغدى بعدها قام لصلاة العصر دخل غرفته وفصخ ثوبه لبس بيجامته البيج مع تيشرت سماوي نزل بالاصانصير وراح للمطبخ علشان يتغدى.. بعد ماخلص الغدى..راح للصاله ولقى امه جالسه لحالها جلس بجنبها ..وعلى طول صارت تناقشه بموضوع فيصل... خالد:يعني الحين وشلون؟؟؟هي اولا واخيرا بتدري..واخذ الجريده اللي على الطاوله يقرا.. ام فيصل:سحبت الجريده...اقول زعلاااااانه والله اللي سويناه ماينعمل كبيره كبيره خالد:يايمه هي بتزعل اكيد بس بعدين بترضى وبعدين الزواج مو غصب.. ام فيصل:كله من اخوك ماادري وش غير رايه؟؟انت ماتعرف شيء؟؟ خالد:لو اعرف كان قلت..ويبي يغير الموضوع...يمه حميدان وينه؟؟ ام فيصل:راح مع مدرسته للشرقيه في هناك بطوله.. خالد:حتى بالعطل مدارس.. ام فيصل:بس اسبوع وراجعين.. خالد:وانتم مو مسافرين؟؟ ام فيصل:ابوك يقول الشهر الجاي..وانا وحمودي بنروح مكه اول مايرجع.. خالد:وتتركينا؟؟وابوي يجلس لحاله.. ام فيصل:اسبوع مو ضار...الا شرايك ازوجك..ومامداها تكمل.. خالد:يمه زواج مو متزوج الا اذا صار عمري 35 وافكر بعد..الحين ابي استمتع.. ام فيصل:انت تبون تجلطووووني خالد:سمالله عليك جعله بعدويينك..وياخذ الجريده منهاويكمل قرايه.. --------------------------- منزل سليمان.. تطمنت على بنتها وغطتها زين..صارلها يومين تعبانه.. رمت نفسها على السرير من التعب..وتغطت بالحاف .. سليمان:كان يلبس شماغه يبي يطلع..وشلونها سلمى:احسن بكثير..الحمدالله.. سليمان:تعطر..انا طالع تبين شيء.. سلمى:وتنام على جنبها اليمين..سلامتك.. سليمان:الله يسلمك...وقبل لا يطلع تطمن على بنته وطلع.. ركب سيارته البنز..وقبل لا يحرك دق عليها.. شافت الرقم واستانست من قلب.. نها:هلا وغلا.. سليمان:هلا فيك..كيفك؟؟ نها:احترقت من الشوووق سليمان:وانا بعد.. نها:باين كم صارلك يالظالم مو مبين؟؟ سليمان:تدرين الشغل واجد..ولا تزعلين بسير عليكم نها:متى؟؟ سليمان:الحين بالطريق.. نها:الله يحييييييك..انتظرك.. رمت الجوال وقامت.. ام نها:مين يابنيتي؟؟اخووك نها:لا يمه.. هذا سليمان ام نها:لا يكون بيجي؟؟ نها:ايه..ليش؟؟ ام نها:في حريم بسيرون علينا.. نها:يوووه وهذولي ماسيرو علينا الا اليوم..ليش ماقلتيلي يمه..الحين شقوله..والله فشله ام نها:دقي الحين قبل لا يجي نها:طيب طيب..جلست واخذت الجوال وضغطت على رقمه..ومن ثاني رنه...الوو سليمان:امداك تشتاقين؟؟ نها:حبيبي انت وينك؟؟ سليمان:حواليكم.. نها:ماادري شقولك.. سليمان:في احد بيجيكم؟؟؟ نها:ايه..والله فشله سليمان:لا فشله ولا شيء..حصل خير... نها:....... سليمان:زعلانه؟؟ نها:وانت شرايك؟؟ سليمان:رايي..احسن علشان تشتاقيلي اكثر.. نها:الله يعيني ويصبرني..تامر على شيء سليمان:سلامتك.. نها:الله يسلمك....ورمت الجوال بقهر.. ام نها:عسى مازعل؟؟ نها:لا ماقال شيء..بس انا اللي زعلانه ومحترره بعد .. ------------------------ قصر ابو سليمان جناح ناصر وليلى.. لابسه بجامه حرير فوشي وفاله شعرها كان شكلها يجنن ومو حاطه اي شيء على وجهها اللون كان جنان عليها..منسدحه على السرير وتفكر بالاحداث اللي صارت.. قامت من سريرها على طول وراحت للتلفون ..رفعت السماعه وهي تحاول تتذكر الرقم..ضغطت على الارقام بخفه ..وهي مازالت واقفه.. جاها صوته..الوو.. ليلى:فيصل؟؟كانت بتتأكد.. فيصل:هلا .. ليلى:عرفتني؟؟وجلست على الكنب فيصل:اكيد..بس انا مشغول وعندي حاله.. ليلى:دق علي ضرووووري فاهم.. فيصل:اوكيه.. ليلى:بعد ماسكرت..والله فشله ادق على ميساء..خليني بالاول اعرف السالفه منه.. اكيد هذا هو الموضوع اللي كانت تبيني فيه ..ياربي معقووله اللي يصير؟؟ عبير تاخذ فيصل؟؟ قطع تفكيرها صوت ناصر.. حبيبتي بايش سرحانه؟؟ونزل شماغه وطاقيته على الكرسي.. ليلى:ناصر..متى جيت؟؟ ناصر:توني..وميت من التعب..رمى نفسه على الكنب بقوه.. ليلى:الله يعطيك العافيه..ماتبي تاكل شيء؟؟ ناصر:لا بس ابي انااااااااااام... ليلى:لا وييين تنام الحين بياذن المغرب.. ناصر:طيب سولفي علشان ماانام.. ليلى:ماعندي سواليف..انت سولف ناصر:وفجأه صحصح...نسييييت ليلى:وش نسيت؟؟ ناصر:قوووومي البسي عباتك بسرررعه ليلى:وين بنروووح؟؟ ناصر:سمع اذان المغرب...قام..بروح للمسجد ارجع والقاك جاهزه..وطلع بعد مااخذ شماغه.. ليلى:اروح اصلي والبس قبل مايجي...قامت بس تذكرت فيصل..يوووه شلون نسيت فيصل.. مسكت التلفون ودقت عليه..الوو فيصل:هلا ليلى.. ليلى:اسفه فيصل انا بطلع بس شوف بكره ضروري تجيني فيصل:لهالدرجه الموضوع مهم.. ليلى:مررره مهم..لا تنسى..مع السلامه.. فيصل:الله يسلمك..فصخ معطفه الابيض وراح لمسجد المستشفى.. السلام عليكم ورحمة الله..السلام عليكم ورحمة الله.. فيصل:بعد ماسلم..استغفر الله استغفر الله استغفر الله ..اللهم انت السلام ومنك السلام تباركت ياذا الجلال والاكرام..وصار يتلفت يمين ويسار يدور زياد..استغرب..معقوله طلع بدري؟؟ ...طلع من المسجد ركب سيارته ورجع للبيت..وبالطريق..رن جواله فيصل:الووو زياد:هلا فيصل وينك فيه فيصل:راجع للبيت.. زياد:لا تقووول.. فيصل:ليييش..زياد حاس ان فيك شيء اليوم شكلك مو طبيعي.. زياد:ايه فيني..خلاص بكره نتقابل فيصل:اسمع نتقابل ببلانت هوليود وبالمره نتعشى زياد:صار لا تتأخر انا قريب من المملكه فيصل:عشر دقايق بس.. |
قصر ابو جاسم كان وجهها اصفرررر وباين عليها التعب.. ابو جاسم:فيكي شيء يابنيتي؟؟ غاده:أأأ....أأأ..لالااا مافيني شيء.. ابو جاسم:بس وجهك اصفر..انتي تعبانه.. غاده:لا بسسسس شششششوووويييت ارار..ارهاق.. نوره:عمي هذا كله من السهر تصور من امس مانامت.. ابو جاسم:وليش يابنتي هالسهر؟؟ غاده:خخخخلاص مارح اسهر مره ثانيه..عن اذنكم.. وطلعت غرفتها.. دخلت الغرفه وتوجهت لدولاب الملابس طلعت بجامتها ..فصخت جلابيتها الناعمه ولبست البجامه وتركت الجلابيه مرميه بالارض..راحت تطفي النور ..وقفت شوي لين تتعود على الظلام...ارتمت على السرير وتغطت.. وبعدماخلص من فنجاله.. ابو جاسم:بس بس..ويهز الفنجال.. نوره:وتاخذ الفنجال منه..تبي نعناع ولا شاي ابو جاسم:صبيلي نعناع..اخذ الكاسه(البياله) ابو جاسم:ماتبين شيء؟؟ناقصك شيء؟؟ نوره:لا ابي سلامتك..انت طالع؟؟ ابو جاسم:ايه معزوم على عشاء..وبعد ماخلص من بيالته..انتبهو لانفسكم وطلع.. طلعتلها.. فتحت غرفتها لقت الانوار مطفيه والمكيف بااارد وباين عليها فعلا نامت.. نوره:الغبيه كانت تبي تورطنا ..وسكرت الباب.. سمعت صوت الباب وهو يتسكر ..رفعت نفسها من السرير..اشارة الجوال دلتها على مكانه اخذته ودقت ..بعد مده جاها صوته.. عماد:خيييير... غادة:ابي نتفاهم.... عماد:اوووو..على ايش(كان اسلوبه استفزازي) غاده:وبدى صوتها يخونها...باللي سويته فيني.. عماد:بعدييييين نتفاهم مو وقته انا مشغوول.. غاده:بس هالموضوع مهم..مايتأجل عماد:والله تبين نتفاهم اصبري ماتبين ..فارقي.. وتراك ازعجتيني.. غاده:مشكور..ورمت الجوال بالارض وضمت مخدتها وصارت تبكي دموع من غير صوت...تذكرت ابوها لودرى وش بيصير؟؟اااااه يايمه وييييييينك؟؟؟ انا الغبيه انا..وراحت بنوية بكاء... تدور بالبيت ..تدخل غرفه وتطلع من غرفه.. ليلى:يجننننن ..مو مصدقه عيوني ناصر:لا صدقي..الحين باقي الاثاث..ونسكن لوحدنا ليلى:ومتى نروح نختار الاثاث ناصر:بعد ماارجع من السفر..اكون فضيت وماخذ اجازه.. ليلى:ناااصر لا تجيب طاري السفر والله ضيقت خلقي.. ناصر:خلاص مو جايبه..وشرايك بغرفة الجوري؟؟ ليلى:ياسلام واثق انها بنت..وبعدين انا مابي جوري ناصر:ليييش والله حلو..بعدين الورد مايجيب الا الورد ليلى:اوووه من الحين تتغزل فيها وبرطمت.. ناصر:لووووولي..لووووولي..لحوول تغارين من وحده للحين ماطلعت.. ليلى:..... ناصر:لووولي..حبيبتي ليلى:انا بروح للسياره... طلعت من البيت وركبت السياره وساكته.. طفى انوار البيت..وقفل الباب ..قطف ورده من الحديقه ..وركب السياره.. ناصر:حبي للحين زعلان.. ليلى:ابتسمت..ناصر تحملني والله غصب عني..اغار عليك حتى من الهوى.. ناصر:غاااري وغاااري وغااري ياااابعد هالدنيا كلها ..قدم لها الورده..الورد للورد ليلى:شمتها وابتسمت..مو زعلان مني..قالتها بدلع ناصر:ليلى طالعيني.. ليلى:طالعت فيه ناصر:واللي رفع السماء من غير عمد ماحد يسكن قلبي غيرك.. ليلى:تنفست بعمق..((الله يخليييك لي ياااارب)) حرك السياره وتوجهو للبيت.. وبمكان ثاني وبنفس الوقت.. قصر الجد.. حمر وجهها من الحيا .. كانت تبي تقوم بس ماخلتها.. ام ركان:يابنتي حنا شارينك وخالك يتمنى تاخذين ركان اليوم قبل بكره..وانا ماني لاقيه احسن منك.. وركان موغريب وبعدين هو بعد يموت فيك..ها وش قلتي غدير:خللليني افكر ام ركان:افا السالفه فيها تفكير...يابنتي والله ركان مافي منه غدير:ادري ام ركان:اجل ليش التفكير؟؟يابنتي وافقي وفرحينا غدير:خلاص انا موافقه ام ركان:كلللللللووووش كللللللوووووش اللللللف مبروك يابنتي..وتضمها وتحبها غدير:الله يبارك فيك.. ام جاسم:دخلت ومعها الشاي..خير شصاير؟؟ ام ركان:غدير وافقت ام جاسم:اللف مبروك وركان مافي احسن منه.. غدير:استحت وطلعت لغرفتها ام ركان:بكره انشاء الله نخطبها رسمي..بس خايفه من ابوها ام جاسم:ابوها موقايل شيء..وين بيلقى احسن من ركان..بس في شيء ودي اقوله ام ركان:تفضلي.. ام جاسم:ياانكم تأجلون العرس لين يجي جاسم ولا انهم يسكنون عندي..انتي تدرين اني لحالي.. ام ركان:وغاده؟؟ ام جاسم:غاده باعتني ونست ان عندها ام..وخنقتها العبره..حتى مافكرت تتصل فيني.. ام ركان:صلي على النبي ووكلي امرك لله..هي مصيرها بتعقل وتتحسف.. وبكلم ابو ركان واشوف وش يقول ومايصير خاطرك الا طيب.. --------------------- مركز المملكه بلانت هوليود فيصل:لهالدرجه مسببلك رعب.. زياد:فيصل ترى قمت تخربط بالكلام.. فيصل:اسف..بس شسوي فيك رجال وش كبرك تقول خايف يغصبونك على الزواج.. زياد:تدري الشرهه علي اسولف معاك فيصل:زياد ترى هذي مو حاله كل ماقلت كلمه وعلقت تزعل زياد:لان تعليقاتك بايخه مثل وجهك بالتمام.. فيصل:مشكور.. زياد:لا شكر على واجب..حنا حاضرين وبالخدمه.. فيصل:.... زياد:.... وبعد فترة صمت زياد:موعد الزواج قرب فيصل:من زواجه؟؟؟ زياد:زواج حسين..الله يستر فيصل:انا بفهم هو ليش ماخذاها دام تقول انه يبيها وهي تبيه زياد:هو خطبها بس عمي رفض..وزوجونياها فيصل:ليه رفض؟؟ زياد:والله من القرد اللي مقصع براسي.. فيصل:ادري بس مافي سبب ثاني غير قرادتك؟؟ زياد:مايبيها تاخذ واحد اقل من مستواها..وبعدين هو معجب فيني ومن زمان يبيني لها وصار اللي يبيه.. فيصل:طيب وبعد الطلاق زياد:مايبي ياخذ مطلقه وهو بعده ماتزوج..وش اللي يحده.. فيصل:هي ماتبيك ليش خايف انها ترجعلك زياد:يووووه يافيصل انا مو مرجعها لو تنطبق السماء على الارض..انا خايف ابوي يزعل ..خايف من المشاكل..مهما كان هذا ابوي فيصل:والله ماعرفتلك..على العموم تبي تفتك تزوج .. زياد:اتزوووج!!وبهالوقت مستحييييل ----------------- علمتني وشلون احب.. علمني كيف انسى..؟؟؟ يابحر ضايع فيه الشط والمرسى.. علمتني وشلون احن.. علمني كيف اقسى.. قامت من السرير وراحت لدورة المياه تغسل وجهها شافت شكلها وزاد صياحها..هدت شوي غسلت بمويه بارده..توضت وصلت ركعتين..ودعت ربها ياارب ياارب ياعالم مافي الصدور ياذا الجلال والاكرام ياحي ياقيوم اللهم انك تعلم اني مظلومه..وزاد صيحها اللهم اللهم عوضني ياارب اللهم عوضني بمن هو اخير منه..اللهم اني اسألك الخير كله اللهم اصرف قلبي عن فيصل واقدر لي الخير حيث كان وارضني به..اللهم عوضني واخلف علي.. يااارب ياااااارب اللهم صلي وسلم على نبينا محمد وعلى اله وصحبه اجمعين سفطت سجادتها وطلعت بالبلكونه تشم هواء ..اليوم كله راح بالصياح.. حست بالجوع وماقدرت تصبر وراحت للمطبخ.. ميري:ميساء اش هادا؟؟ كانت عيونها متنفخه..وشكلها يخرع. ميساء:مافي شيء..ماما وين؟؟ ميري:ماما في نوم بدري.. ميساء:حطيلي اكل تراني ميته جوع..حطيلياه بالحديقه.. ميري:اووو ميساء هدا بابا فهد في اتصل كتير.. ميساء:اوكيه...وطلعت للحديقه..جلست على الكرسي.. ااااااه...انا يتسوى فيني كذا؟؟انا تنهان كرامتي ومن مين من بيت خالتي.. لا حترموني ولا قدرو امي..هم لو ملمحين انهم مايبوني كان فهمت ورفضت على طول.. بس انا فاهمه قصدك يافيصل..سويت هالحركه انتقام مني..الحين الناس بيقولون هو اللي مايبيها.. ميري:حطت الاكل على الطاوله..ولان ميساء سرحانه تفكر..فزعت من الصوت ميساء:بسم الله..شفيك دفشه ماتعرفين تنحنحين؟؟ ميري:سوري سوري.. ميساء:شيلي الاكل خلاص مابيه.. ميري:بس انتي مافي اكل كل يوم..بأدين يتعب.. ميساء:اي والله صادقه..اتعب نفسي على واحد مايستاهل..يخسى الا هو..تهجد صوتها وبدى يخونها..فيصل مايستاهل مايستاهل..بدت دموعها تنزل..غطت وجهها بيدينها ورجعت تبكي.. ---------------------- منزل سليمان.. الساعه 1ونص بالليل.. قامت من النوم مفزوعه.. خير وشصاير؟؟ ناصر:سديم ماما تبكي..ويبكي.. ركضت لبنتها ولقتها تبكي ضمتها لها.. سلمى:حبيبتي شفيك؟؟وش يعورك؟؟ سديم:ماما بتني وتكمل صياح.. سلمى:الحين بيطيب حبيبتي..حبيبي ناصر روح قوم ابوك.. ناصر:تيب.... طلعت ملابس لبنتها ولبستها ناصر:ماما بابا مو فيه.. سلمى:هذا وقتك ياسليمان...طيب روح جيب جوالي.. راح ناصر يجيب الجوال وعطاه لامه.. سلمى:دقت عليه مرتين ولا رد..تنرفزت وخصوصا ان بنتها يزيد عليها الالم.. احسن شيء اوديك للمستشفى.. وتنادي الخدامه الخدامه:وباين عليها النوم..يس مدام سلمى:سديم تعبانه وبنوديها للمستشفى لبسي ناصر والبسي علشان تروحين معي.. الخدامه:اوكي.. دخلت غرفتها وغيرت لبسها وغسلت وجهها اخذت كرت المستشفى حق سديم واي شيء تحتاجه ودخلتهم بالشنطه..لبست عبايتها نزلت ولقتهم ينتظرون السواق.. ناصر:ماما جوالك لقيته بالثرير..ويعطيها.. سلمى:اخذت الجوال ودقت على سليمان اخر محاوله..وللاسف مارد.. سمعو صوت تشغيل السياره وطلعو وصلت للمستشفى وانشغلت ببنتها.. بعد ماكشفو عليها.. دكتور بشر؟؟ الدكتور:لا تخافين..مافيها الا العافيه .. سلمى:بس ماقلتلي شفيها؟؟ الدكتور:فيروس منتشر هالايام وهو اللي سبب لها النزله..حنا عطيناها حقنه والحين هي بخير..وبكره تقدر تطلع.. سلمى:مشكور تعبناك معنا.. الدكتور:هذا واجبنا..وطلع سلمى:شالت نقابها..وزفرت...جوني قولي للسواق يرجع ..سديم بتتنوم..وانتبهت لناصر اللي نايم بحضن الشغاله..حطيه هنا ..وتأشر على السرير جوني:وانتي مدام.. سلمى:انا انام معه..وانتي روحي وتعالي الصبح.. جوني:اوكيه مدام.. |
دخل البيت ولا انتبه ان سيارة السواق مو موجوده.. تسلل بهدوء.. دخل الغرفه ..استغرب لانوار والعه وسلمى مو فيه؟؟ سليمان:اكيد عند سديم نايمه..لبس بجامته وناااام.. قام الصبح..واستغرب ان سلمى ماقومته..اخذ شور ولبس ثوبه وشماغه وتعطر اخذ البوك ومفتاح السياره ونزل..تذكر انه ماشاف سديم.. سليمان:يووه اذا رجعت بشوفها انشاء الله ماعليها شر..طالع بساعة الحائط..يوووه تأخرت الساعه تسع ونص..راح للمطبخ ومالقى احد..استغرب ..حتى الفطور مو مجهزينه..سمع صوت فتح الباب..وطلع للصاله.. سلمى:اول مادخلت باست بنتها اللي بحضن الشغاله ونايمه...طلعيها لغرفتها وغطيها زيين وخليك عندها... جوني:اوكيه مدام..وطلعت سلمى:حطت ايدها ورى ظهرها تحس بألم خفيف..كانت بتطلع لغرفتها بس وقفها صوته.. سليمان:كان توه طالع من المطبخ...سلمى!!!! سلمى:طالعت فيه بنظرات وكملت طريقها..ماعطته مجال حتى يسأل سليمان:سلمى..سلمى..سلمى..هذي شفيها؟؟طلع من البيت ولقى ناصر يلعب بالكوره في الحديقه..نااااصر نااااصر ناصر:ترك الكوره وراح ركض لابوه وضمه... سليمان:حبيبي وين رحتو؟؟ ناصر:وهو لا زال بحضن ابوه..بس بعد وجهه شوي وحط يدينه على كتوف ابوه..بابا رحنا للتكتور ..مسكينه سديم تبكي بتنها عورها..بس هي نامت بعتين(بعدين) قامت والحين خلاص بتنها تاب. سليمان:عصب لان سلمى ماقومته وخلت السواق يوديها...متى رحتو؟؟؟ ناصر:رحنا بالليل..وانت مو فيه ماندري وين رحت..(كان يقولها ببراءه) سليمان:حز بخاطره كلمة ناصر..يعني نمتو بالمستشفى.. ناصر:هز راسه بايه..نزل من حضن ابوه وراح يكمل لعب.. سليمان:حتى ولو المفروض تدق علي..هين ياسلمى شغلي معك بعدين..رن جواله..الوو ابو سليمان:سليمان وينك ؟؟ننتظرك سليمان:هلا طال عمرك..الحين انا بالطريق خمس دقايق واكون عندكم.. ابو سليمان:مع السلامه سليمان:دخل الجوال بجيبه وركب سيارته وتوجه للشركه وطول الطريق يفكر بسلمى.. دخلت غرفتها بعد ماتطمنت على سديم..رمت عبايتها ودخلت تاخذ شور بارد.. طلعت من الحمام وهي لابسه الروب ..استرخت على الاريكه بعد مااخذت التلفون الهوائي ودقت على ليلى.. سلمى:الوو ليلى:هلللاااا سلمى.. سلمى:اهلين.. ليلى:كيفك وشخبارك.. سلمى:بخير الحمدالله.. ليلى:شفي صوتك؟؟ سلمى:ابد توي رجعت من المستشفى.. ليلى:سلامات شفيك؟؟ سلمى:لا بس سديم تعبت علي ..والحمدالله هي زينه الحين ليلى:ماتشوف شر ياحياتي ..لا يكون عطوها ابره؟؟ سلمى:مافي شيء من دون ابره.. ليلى:يااااابعد قلبي..بسير عليك بالعصر..يوووه نسيت ان فيصل بيجيني سلمى:فيصل..مو امس قايلتلي انه بيجيك؟؟ ليلى:تذكرت الامس..ااااه ياسلمى سلمى:شفييك ليلى:ذكرتيني بأمس..رحت مع ناصر لبيتنا يجنننن ياسلمى يهببل.. سلمى:اكيد بيطلع يهبل مو ناصر وراه.. ليلى:ياربي ماتصدقين ياسلمى وشكثر اشتاقله صرت مااصبر عنه دقيقه..فديييته سلمى:لا انتي رايحه فيها..قوليلي شتبين بفيصل؟؟ ليلى:ابسأله ليش خطب عبير وترك ميساء.. سلمى:ههه ياحليلك..خلاص انسي وارضي بالواقع...الله يوفقهم ليلى:اكيد فيه شيء..هو يموت فيها وش غيره؟؟ سلمى:يابنت الحلال هذي هي الدنيا..اليوم يحبك وبكره يكرهك..مالها امان.. ليلى:عقدت حواجبها..وش هالتشاؤم؟؟انتي صايرلك شيء..قوليلي.. سلمى:سليمان.. ليلى:وش فيه؟؟ سلمى:متغير مررره مو سليمان الاولي..انا حاسه ان السالفه فيها مره ليلى:هههههه..وييييييين راح تفكيرك... سلمى:غمضت عيونها...انا متأكده.. ليلى:قبل شوي تقولين حاسه والحين متأكده..شيلي هالاوهام..بعدين سليمان محترم مو راعي خرابيط.. سلمى:بقلبها((وهذا اللي مألمني ومجنني هو مايعرف الخرابيط ولا الحرام..معقوله متزوج..مافيه غير كذا))قطع تفكيرها صوت ليلى.. ليلى:يوووه سلمى وش فييك؟؟..مايبيلها تفكير..اكيد منشغل بالشركه.. سلمى:محد يعرف سليمان كثري..وبتشوفين.. ليلى:لا تصيرين شكاكه..ورن جوالها...سلمى فيصل يدق علي سلمى:سلمي عليه مع السلامه ليلى:الله يسلمك..سكرت ..وردت على الجوال هلا فيصل فيصل:كيفك؟؟تلفونك شفيه مشغول ليلى:كنت اكلم سلمى وتسلم عليك فيصل:الله يسلمك والله من زمان عن سدومه ليلى:يابعد قلبي تعبانه وودوها المستشفى فيصل:متى ؟؟وهي شلونها الحين ليلى:لا الحين بخير..لاتنسى موعدنا اليوم فيصل:يعني ضروووري اجي ليلى:ضرووووووري فيصل:خلاص غالي والطلب رخيص..قبل المغرب بجيكم ليلى:انتظرك... --------------- |
في احد القصور الفخمه..وتحديدا بالدور العلوي..كانت تمشي بشويش.. وتحاول ترقى الدرج علشان توصل لغرفتها..توها طالعه من غرفة التعذيب.. يووووه نسيت اقولكم من انا...اسمي((عاليه))..عايشه مع ابوي ومرته..عندي من ابوي ثلاث خوات وولدين..وعندي من امي اختين صغاار واخوين ..يمكن للان ماتعرفتو علي..انا بنت شيماء((ام حسام))زوجة ابو مؤيد..وبنت عيسى((ابو صالح)).. وصلت لغرفتي بعد مابذلت مجهود كبير لين وصلتها..فتحت الباب...ولقيت التكييف بارد..انا دايما قبل لاادخل غرفة التعذيب اتعمد اشغله على البارد علشان اذا رجعت يمكن يبرد من حرارة الالم..سكرت الباب وانا اتمتع ببرودة الرخام اللي احسها تنعشني احس البروده وصلت لراسي وتدغدغ رجليني..رميت نفسي على السرير..وفجأة سمعت صوتها.. عاليه:استأذنتي قبل لا تدخلين؟؟كنت اقولها بملل غيوض:استأذنت بس مارديتي ودخلت..انتي تعبانه؟؟ عاليه:لا تخافين..بس انا سهرانه ولا نمت..غمضت عيوني..اطلعي وسكري الباب.. غيوض:هزت راسها..اوكيه..وطلعت.. ------------- قبل المغرب بشوي.. قصر ابو سليمان.. طلعت من غرفتها بعد ماكلمها فيصل وقال انه بيجي بعد نص ساعه..وراحت لغرفة عبير..طقت الباب.. عبير:اددخل..كانت تلبس حلق.. ليلى:اوووه عبوره قايمه..بالعاده بهالوقت نايمه.. عبير:طنشتها.. ليلى:اشوفك لابسه وين بتروحين؟؟ عبير:بروح مكان..فتحت الدرج وطلعت الارواج.. ليلى:للحين زعلانه؟؟انا اسفه عبير:مايهم..اخذت القلوس وحطت منه.. ليلى:جلست على السرير...طيب لا تلوميني انا تفاجأت.. عبير:قلت مايهم..وكملت مكياج ليلى:عبوور بلا سخافه..ردت فعلي طبيعيه.. عبير:اوووو طبيعيه وتلتفت لهاوبإيدها فرشاة البلاشر..تبيني اذكرك وش قلتي؟؟ قلتي..ايييييش خطبك انتي؟؟ وميساااء ليش سوى كذا ليش؟؟ ليلى:عبير انتي والكل يدري ان فيصل لميساء..وبعدين خطبك من غير مايقولي يعني طبيعي بستغرب..وبعدين انا مرح الاقي اغلى واعز منك لخوي.. وبلا ثقالة دم وسامحيني.. عبير:واذا ماسامحتك؟؟ ليلى:اصقعي راسك بالجدار عبير:اسلوبك مثل وجهك.. ليلى:يعني حلو... عبير:ياشين الغرور.. ليلى:خلاص سامحتيني..وتروح تضمها..اللللللللللللف مبروووووووووك عبير:من قلبك.. ليلى:لا من خشمي..شفيك صايره بايخه عبير:انتي ماتلاحظين انك ماخليتي صفه شينه الا وقلتيها؟؟ ليلى:والله بكيفي مرت اخوي وبكيفي..وتخصرت عبير:لا تسوين كذا مو زين للحامل.. ليلى:عدلت وقفتها.. عبير:هههههه كشفتك يعني اكييييد حامل .. ليلى:الله ياخذ بليسك..صدق انك داهيه عبير:بأي شهر؟؟ ليلى:توني الاول..بس لاتقولين لاحد ترى حتى امي مادرت.. عبير:طيب بس كله بحقه..وين ناصر ابي اذله شوي ليلى:الحين بيجي..انتظريه بالصاله(تكذب)..انتي ماقلتيلي وين رايحه؟؟ عبير:بروح لخالتي من زمان عنها..تبين تروحين؟؟ ليلى:مره ثانيه.. عبير:ضبطت تنورتها الجنز..لبست عبايتها واخذت شنطتها وحطت طرحتها على اكتافها ونزلت.. ليلى:مو منتظره ناااصر عبير:وهي نازله من الدرج..الا بنتظره تحت.. ليلى:هين ياعبير بتذلين ناصر تشوفين وش بسوي فيك؟؟ راحت لغرفتها واتصلت بناصر..الوووووو ناصر:هلا وغلا بروحي.. ليلى:اشتقتلي؟؟ ناصر:مررررره..وانتي ليلى:فوق ماتتصور..حبيبي متى بتجي؟؟ ناصر:والله اسف اليوم بطول تدرين الشغل كثير.. ليلى:خلاص مارح انام الا اذا جيت..مع السلامه ناصر:الله يسلمك.. سكرت من عنده وراحت تلبس جلابيه.. عدلت شعرها وتعطرت ونزلت..لقتها بالصاله.. عبير:رجلك متى يجي طول؟؟ ليلى:والله بكيفه متى مابغى يجي حياه الله.. عبير:طيب انا بروح بس تشوفين انتي وياه ان ماخليتكم على الحديده..هين هين.. ليلى:نشووووف..انتظريه طيب(ماتبي تلح عليها علشان ماتحس عبير) عبير:لا تأخرت وهو ممديه عليه..لبست طرحتها وتغطت وطلعت.. ليلى:افففففف يالقهر راحت وهو ماجاء .. -------------------- خلص شغله بالشركه ...ورجع للبيت..طول الطريق وهو يفكر بسلمى وبحركتها.. سليمان:اااه ياسلمى مو معدي اللي سويتيه على خيير.. وصل للبيت.. استغرب من الهدوء.. بالعاده ناصر يلعب بالحديقه وسلمى تستقبله..جاء بباله انه ممكن تكون سديم تعبت وودوها المستشفى..والله لاوريك ياسلمى..طلع الدرج بسرعه وفتح غرفة العيال...لقاهم نايمين..تطمن سكر الباب وراح لغرفته..شافها نايمه..استغرب هي بهالوقت ماتنام.. دخل لغرفة الملابس..لبس بجامته وطلع من الغرفه وراح للصاله.. حست فيه يوم دخل..قامت من النوم وراحت للصاله..شافته ماسك الجوال ويبتسم شكله يقرى شيء..نغزها قلبها.. حس ان فيه احد معاه بالصاله..التفت.. سليمان:سلمى!!ارتبك.. شفيك قمتي من النوم لايكون ازعجتك.. سلمى:لا مافي شيء..صدت عنه ورجعت لغرفتها والعبره خانقتها.. حس ان فيها شيء..نظراتها غريبه..وشكلها حاسه بشيء..انا اعرفها زين.. دخل للغرفه لقاها رجعت تنام..ولع الانوار صحيح ان الشمس للحين ماغابت بس الغرفه مظلمه وبنفس الوقت يبيها تقوم...بس ماتحركت..نادى ولا ردت.. راح وشال الغطى. سليمان:ليش ماتردين؟؟امداك تنامين سلمى:ابي انااام..وصدت للجهه الثانيه سليمان:لا يامدام مافي نوم قومي كلميني.. سلمى:......... سليمان:رفع صوته..سلللمى سلمى:رفعت نفسها وحطت الوساده ورى ظهرها..بعدت شعرها عن وجهها ورجعته لورى...هذا انا قمت.. سليمان:انتي وشلون تروحيين للمستشفى وتترقدون وانا ماعندي خبررر..لاتقولين اني ماكنت موجود..اتوقع فيه اختراع اسمه جوال وانتي تعرفين رقممي.. سلمى:ببرود..سحبت منديل وصارت تفرك عينها..طالعت بالمنديل وضمته بيدها .. اعرف هذا الاختراع واعرف رقمك بس الظاهر انت اللي ماتعرف رقمي.. انا دقيت علييك اكثر من مره بس انت مارديت..والبنت تعبانه ولا كان انتظرتك.. بس الحمدالله مانتظرتك لانك مانمت بالبيت مادري وين سهران.. سليمان:ومن قال اني مانمت بالبيت ..وبعدين لو انك صادقه كان طلع مكالمات لم يرد عليها.. سلمى:انصدمت..وبعقلها((معقوله نام بالبيت ولا حس اني موموجوده..لهالدرجه ياسليمان))قطع تفكيرها صوته.. سليمان:مارديتي علي ولا ماعندك رد...بس والله والله والله ياسلمى ان عدتي هالحركه لا تشوفين شيء ماشفتيه..هالمرره..قطعت كلامه سلمى:لحظه..مسكت جوالها اللي كان بجنبها..وفتحت على المكالمات الصادره..ومدته لسليمان..تفضل.. سليمان:شاف المكالمات وتأكد من الوقت...اكيد مسجله رقمي غلط.. سلمى:يمكن..لاني اول مرره ادق عليك.. سليمان:تتمصخرين وانتي غلطانه.. سلمى:طيب ليش ماتدق وتشوف.. سليمان:ضغط على اسمه ودق..جاري الاتصال..رن جواله..رفع عينه على طول لسلمى.. وسكر الجوال...غريبه طيب ليش مادق علي ؟؟ سلمى:افتح جوالك وشوف المكالمات وبتلقى رقمي..نزلت الوساده وصدت للجهه الثانيه.. سليمان:فتح جواله وفعلا لقى مكالماتها...حس انه ظلمها.. سلمى..سلمى سلمى:......... سليمان:سلمى لما اناديك ردي علي.. سلمى:طف النور.. سليمان:حقك علي ..طيب طالعيني سلمى:طف النور..انا تعبانه.. سليمان:جلس على طرف السرير..الحين بيذن المغرب...وش اللي متعبك.. سلمى:لفت له..وصارت تطالع بعيونه بنظرات سليمان:ارتبك..سلمى شفيك؟؟ سلمى:انت شفيك؟؟ سليمان:مافيني شيء.. سلمى:وانا مافيني شيء.. سليمان:انا متأكد انك مخبيه شيء عني..سديم صاير لها شيء؟؟ سلمى:وانا متأكده انك مخبي شيء عني..وسديم زينه..وصدت للجهه الثانيه سليمان:انتي ليش تتعاملين معي بهالطريقه؟؟ سلمى:سليمان انا تعبانه وابي انام..اجل اسألتك لبعدين.. سليمان طفى النور وسكر الباب ورجع للصاله.. سليمان:شفيها علي؟؟نظراتها مو مريحتني فيها شيء؟؟شكلها حاسه اني مسوي شيء من وراها..وبعدين ليش ماطلع بجوالي مكالماتها؟؟معقوله نها يكون لها علاقه؟؟مافي غيرها.. الله أكبر الله أكبر<<اذان المغرب سليمان:مسح وجهه بيدينه ..وصار يردد مع المؤذن ---------------------- |
قصر ابو سليمان جالسين بالصاله الارضيه.. الحين تعال وتعال وابيك ضروري واخرتها تسألين هالسؤال؟؟ وقام علشان يطلع..مسكته.. ليلى:بس انا اختك ومن حقي اعرف؟؟ فيصل:اختي على عيني وعلى راسي بس مالك حق تدخلين بقراراتي.. ليلى:انت تغيرت كثير.. فيصل:كل الناس تتغير...واولهم انتي ليلى:اناااا؟؟بس انا ماتغيرت.. فيصل:لا انتي تغيرتي ..وبعدين كل واحد حر بنفسه.. ليلى:طيب ممكن تجلس ولا عاجبتك الوقفه؟؟ فيصل:انا تعبان وبرجع للبيت ..مشى الى ان وصل للبيت ووقفته ليلى بسؤالها.. ليلى:فيييصل..حنا من متى بينا اسرار فيصل:وهو معطيها ظهره..من يوم ماخليتي بينا اسرار.. ليلى:انا ماخليت بينا اسرار؟؟ فيصل:التفت عليها..شكلك نسيتي..معليش اذكرك..ليش دخلتي المستشفى اول زواجك؟؟ ليلى:مو هذا موضوعنا.. فيصل:مصره ماتقولين وانتي حره ماضغطت عليك..وانا بعد حر .. وبعدين انتي ليش ماتبيني اخذ عبير؟؟ ليلى:لا تحور كلامي..انا عبير احبها ومافي زيها ..بس على مااعتقد انك كنت تبي ميساء.. ومن حق عبير تعرف السبب.. فيصل:بيني وبين عبير مافي اسرار.. ليلى:يعني هي تدري؟؟ليش ماقالتلي؟؟ فيصل:رفع حاجب..توك تقولين ان عبير هي اللي تبي تعرف..طلعتي انتي اللي تبين تعرفين .. ليلى رجاء لا تفتحين الموضوع انتي ليش تبين تنبشين بالماضي؟؟ ليلى:ميساء صارت ماضي!!!!! فيصل:رجع للمكان اللي كان جالس فيه..حط رجل على رجل..ماضي وناسيه بعد..واذا فتحتي الموضوع مره ثانيه ترى مارح اكلمك مره ثانيه.. ليلى:لهالدرجه؟؟ فيصل:واكثر..انا مابي عبير تزعل .. ليلى:وصار يهمك زعلها؟؟وجلست جنبه فيصل:اكثر مما تتصورين..عبير..ويقطع كلامهم دخولها.. عبير:سلااااا...وانصدمت..فيصل هنا كانت تبي تحط رجلها بس ليلى ماخلتها ليلى:وعليكم السلااام...شفيك رجعتي بدري؟؟ابتسمت..قلبك حاس.. فيصل:عصب..ليلى شهالكلام؟؟ماكان يبي عبير تنحرج... عبيرعلى مين ياليلوه اوريك)مالقيتهم بالبيت..مع اني قايلتلهم اني بزورهم..وجلست معاهم عناد بليلى..شلونك فيصل.. فيصل:الحمدالله بخير ليلى:طيب كان دقيتي عليهم بالجوال؟؟مايبيلها ذكاء.. عبيرهين ياليلى..تبي تفهم فيصل اني متعمده)دقيت بس محد رد..مادريتي؟؟ ليلى:ايش؟؟ عبير:طلعت حامل ..(ويوم شافت ليلى طيرت عيونها)غدير بماده.. ليلى:هاه...(فهمت تهديدها..انا شلون اتحدى عبيروه) مسكينه..صح ترى تلفون غرفتك دق كثير..تبي تصرفها عبير:لاحقه عليه ابي انتظر ناصر ابيه بشيء ضروري..ويدق جوالهااللي بيدها..ردت على طول الووو انتي وينك؟؟جحدتوني شفيكك خوفتيني ..اهدي كلميني زيييين...متى وين ؟؟اي مستشفى ؟؟ الحين اجيكم لا تخافين لا تخااااااافين..وسكرت السماعه.. ليلى وفيصل:خير شفيه؟؟ عبير:خالتي بالمستشفى وعهود تقول انها تعبانه كثير..بروح لها.. فيصل:انا اوديك..وطلعو ليلى:الله يستر.. وبالطريق للمستشفى دقت عبيرعلى ناصر وبلغته..دقت على سليمان بس مارد.. كانت عهود منهاره تماما جالسه بالارض وتصيح.. وصلت للمستشفى وسألت عن خالتها وراحت بسرعه لهم لقتها بالممر وتصيح..ضمتها عبير:عهود شفيك اهدي..انشاء الله موصاير الا كل خير.. عهود:الله يستر ياعبير انتي ماشفتيها..اقولك اغمى عليها .. عبير قوليلهم ابي اميييييي عبير:تعوذي من ابليس وخالتي بتكون زينه باذن الله..تعوذي من ابليس.. فيصل:السلام عليكم..ماعليها شر انشاء الله..وانا الحين بسأل عنها.. عهود:الله يخلييييييك روح اسأل طولو علي... فيصل:انشاء الله بس انتي اهدي وينادي الممرضه علشان تاخذهم بغرفه يرتاحون.. راح سأل وقالوله جلطه .. فيصل:لا حول ولاقوة الا بالله..طيب استقرت حالتها الدكتور:يادكتور فيصل لا تخاف هي جلطه خفيفه..كلها يومين وتطلع بس انت عارف انها تحتاج لعنايه مركزه بهالوقت..علشان صحتها بس..تطمن تطمن.. فيصل:الله يطمنك يادكتور ..طيب بطلب منك طلب..ابي بنتها تشوفها.. الدكتور:بس علشانك..وانت عارف انه موزين لصحة المريض.. فيصل:بس تشوفها من بعيد.. الدكتور:اوكيه.. طق الباب عبير:ادخل.. فيصل:وهو من عند الباب...ابشركم هي الحمد الله زينه.. عهود:قول والله وطلعت للباب..وينهي ابي اشوفها.. فيصل:نادى الممرضه علشان تاخذها..كانت عبير بتطلع..لا بس عهود.. عبير:لييييييش؟؟انا بعد ابي اشوفها.. فيصل:ممنووع.. عبير:وليش عهود؟؟ فيصل:عهود بنتها.. عبير:وانا بنتها..مالي دخل بروح اشوفها..ابي اتطمن عليها..كان باين على صوتها انها تبكي.. فيصل:تطمني هي زينه وبكره يسمحون بالزياره.. عبير:اقوووولك ابي اشوووووووفها انت ليش ماتبي تفهم انا مو جاييني نوم الا اذا شفتها فيصل:طيب طيب..امشي معي..شافوها وبكو على حالها وبنفس الوقت احمدو ربهم واشكروه.. فيصل:عهود الوالد وينه؟؟ عهود:مادري.. فيصل:طيب انا بوقع شوية اوراق وجاي...دخل مكتبه ومسك التلفون ودق على مؤيد.. مؤيد:الووو كان صوته فيه نوم فيصل:هلا مؤيد اسف على الازعاج.. مؤيد:مين فيصل..شتبي؟؟وصحصح شوي فيصل:ابيك الحين تجي للمستشفى.. مؤيد:شصاير؟؟فيك شيء؟؟ فيصل:ايه فيني..تعال بسرعه انتظرك ..وسكر السماعه مؤيد:الله يستر..غير ملابسه وراح للمستشفى....... ناصر كان توه واصل للمستشفى.. ناصر:وشلون خالتي؟؟طمنوني عبير:وتمسح دموعها..الحمدالله على كل حال.. ناصر:وينهي فيه؟؟ عبير:بالعنايه ومانعين الزياره.. ناصر:عنااااااايه..هي وش فيها.. عبير:مابغت تقول شيء قدام عهود..مادري ..هذا فيصل جاء ناصر:فيصل شفيها خالتي؟؟ فيصل:تعال معي علشان تفهم كل شيء..وراحو للدكتور.. عبير:عهود دقي على ابوك لازم يعرف.. عهود:مو داقه على احد..هو سبب كل شيء.. عبير:هو السبب كيف؟؟ عهود:تهاوش مع امي وطلع..وبعدها امي اغمى عليها.. وبعد عشر دقايق دخل عليه بالمكتب..انصدم لما شاف ناصر.. مؤيد:خاف..شفيكم؟؟ ناصر:هلا مؤيد من زمان عنك .. مؤيد:هلا ناصر..فيصل ليش داق علي؟؟ ناصر:نبي نسلم عليك.. مؤيد:الاسبوع اللي فات وانا مجتمع فيكم..انتم فيكم بلا وشو؟؟ فيصل:بصراحه..خالتي تعبت شوي.. مؤيد:امممميييي...شفيييييييييها قول يافيييييصل فيصل:تعبت شوي وتقدر..ماكمل كلامه لان مؤيد قاطعه مؤيد:وينهيييييي؟؟ فيصل:تعال معي..وراحو جميع علشان يشوفونها.... بكى من قلب قدر ناصر وفيصل انهم يهدونه.. مؤيد:ليش صار لها كذا؟؟كان يسأل ناصر ناصر:ماادري انا قالتلي عبير انها بالمستشفى وجيت.. مؤيد:يعني مو انت اللي جايبها؟؟ابو عهود وينه؟؟ فيصل:مو فيه..بس عهود موجوده.. طق الباب ودخل..عدلت جلستها بعد ماكانت منسدحه على عبير..يوم شافته.. عهود:مسحت دموعها..بررررىىى اطلع برررى عبير:حاولت تهديها..عهود شفيييييييييك هذا مؤيد.. عهود:هذا ساااااااس البلا ليييييييييش قلتوله ليييييييش؟؟ مؤيد:عهووودشصاير؟؟وشو ساس البلا؟؟انا اخوك عهود:اخوووي..هههه..تدري شلون انا متنازله عن هالاخووه.. مؤيد:زعل من كلامها وطلع بعد ماسكر الباب بقوه .. ناصر وفيصل كانو ينتظرونه برى.. ناصر:استغرب من تعابير وجهه..قالت شيء؟؟ مؤيد:ماقالت شيء..عن اذنكم بروح للدكتور..وتركهم جلس ناصر وفيصل..وطلعت لهم عبير.. عبير:مؤيد وينه؟؟ ناصر:ليش؟؟ عبير:تهاوش مع عهود وشكله زعل.. ناصر:تهاوشو!!ليه عبير:ماادري اول ماشافته قامت تهزئه..ناصر ترى بجلس معها مااقدر اخليها.. ناصر:خلاص ..ماتبيني اجيبلك شيء من البيت؟؟ عبير:لا مايحتاج..ودخلت للغرفه.. ناصر:انا برجع للبيت..انت مو راجع؟؟ فيصل:لا بجلس مع مؤيد.. ناصر:ابتسم..علييينا..تبي قرب الحبايب؟؟ فيصل:رد له الابتسامه..والله زوجتي وانا حررر ناصر:والله اذا ملكت عليها تكلم..ودام هذي نواياك ابي ارجع عبير للبيت..انت ماتنضمن.. فيصل:افاا يانويصر انا تقولي هالكلام؟؟ومن وقف معك غيري يوم خذت ليلى.. من اللي كان يصرف خالد علشان تقدر تشوفها.. ناصر:خلاص خلاص تراك ذليتنا..مع السلامه وانتبه لهم فيصل:لا توصي.. منزل سليمان اصبحنا واصبح الملك لله.. حطت الفطور على الطاوله وجلَست ناصر على الكرسي..ومن غير اي كلمه.. صبيلي حليب..كان بيكسر الصمت..صبتله وهي ساكته..قامت مسك ايدها سليمان:على وين؟؟ سلمى:ومن غير ماتطالعه..بروح لسديم اتطمن عليها.. سليمان:بس ماافطرتي؟؟ سلمى:مو مشتهيه..فكت ايدها منه وراحت لسديم.. قام من الفطور وراح لها..كانت تمسح على راس بنتها سليمان:ممكن اعرف شفيك؟؟ سلمى:البنت نايمه.. سليمان:ردي علي؟؟شفييييك؟؟ سلمى:طالعته بنظرات...((اللي فيني انك مو عارف وش اللي فيني)).. سليمان:سلمى ردي علي .. سلمى:اول كنت تعرف اللي فيني من غير ماتكلم..والحين لا..لييش؟؟ سليمان:سكت..ماتوقع سؤالها.. سلمى:انت تغيرت.. سليمان:اكيد كل واحد بيتغير.. سلمى:لا انا مثل ماانا...والدليل اني عارفه وش فيك؟؟ سليمان:انصدم من ردها..خاف وطلع من البيت رمت نفسها بجنب بنتها وصارت تصيح بصمت..ليش ياسليمان لييييش؟؟؟ بالسياره.. معقووله كشفتني معقوله درت..لهالدرجه انا مكشوف عندها.. لا انا لازم انهي كل شيء قبل لايصير احساسها اكيد.. انا مستعد اخسر العالم كله بس سلمى مستحيييييييل... ------------------------ المستشفى.. نام هو وفيصل بمكتب فيصل.. بس هو ماجاه نوم..يفكر بامه وبكلام عهود.. طالع بساعته الجلديه..الساعه 7ونص.. قام من السرير وراح يقوم فيصل.. مؤيد:فيصل ..فيصل فيصل:همممم.. مؤيد:فيصل الساعه ثمان قوووم فيصل:نقز من نوومه..وتلقائيا طالع بساعته..تونا سبع ونص ويتمغط.. مؤيد:غمض عين وفتح عين تلقاها ثمان..انا بروح اشوف امي...وطلع فيصل:تثاوب ..وراح لدورة المياه يغسل وجهه.. بعد ماشاف امه..راح لاخته طق الباب..ودخل.. مؤيد:صباح الخير عبير:صباح النور.. مؤيد:ماقامت؟؟ عبير:لا..مؤيد لا تزعل من كلامها.. مؤيد:انا عمري ماازعل منها..هي مهما سوت بتظل غاليه.. عبير:طيب انا اخليك معها.. مؤيد:وين بتروحين؟؟ عبير:بروح اجيب شيء اشربه..وطلعت.. كان فيصل جاي..لابس البالطو الابيض وشعره شوي محيوس بس شكله جنان فيصل:صباح الخير..وصار يخلل اصابعه بشعره يحاول يرتبه.. عبير:صباح النور..ضيقت عيونها..انت شكلك مانمت بالبيت..؟؟ فيصل:لا نمت هنا..شدراك؟؟ عبير:طالعته من فوق لتحت..نفس القميص والبنطلون حق امس.. فيصل:دخل يدينه بجيب بنطلونه بعد مارجع البالطو تلقائيا من حركته..ورفع حاجب..مشاء الله يعني ماعرفتي الا من لبسي..صار يهز براسه يمين وشمال وطلع ايده وصار يحك وجهه..انشاء الله تبيني كل يوم اكشخ عمتي؟؟ عهود:ههه..خلاص لا تكشخ ولاشيء بكيفك..انا بس ابيلك الزين..حطت شنطتها على كتفها.. فيصل:وين رايحه؟؟ عبير:بروح اجيب شيء نشربه..مؤيد داخل وشكله مانام ولا اكل.. فيصل:وانا؟؟؟؟..انحرج..حب يغير الموضوع..ماشاءالله وانتي جالسه معه عادي؟؟ عبير:مثل ماني واقفه معك عادي.. فيصل:بس انا ولد عمك.. عبير:وهو ولد خالتي..ومو غريب فيصل:انا زوووجك..وهو ولد خاله بس.. عبير:عورها قلبها..هو مثل اخووووي...وبعدين انت للحين ماصرت زوجي علشان تتشرط علي.. فيصل:افتشل... عبير:اسفه..ماكنت اقصد.. فيصل:لا معك حق انا شكلي ملقوف.. عبير:شافت نسرين جايه باتجاههم..تعرف ممرضه اسمها نسرين؟؟ فيصل:انصدم..تعرفينها؟؟ عبير:تعرفنا على بعض بالمسجد.. نسرين:السلام عليكم الكل وعليكم السلام.. نسرين:بغيت اسلم عليك قبل مااطلع لان دوامي خلص عبير:الله يسلمك..ولا تقاطعين ترى عطيتك رقمي يعني ماعندك عذر نسرين:اكييييد..مع السلامه... وبعد ماراحت فيصل:ليش عطيتيها رقمك؟؟؟ عبير:حنا صرنا صديقااات...هي طيبه مره وحبوبه...... فيصلالله يستر)انتي شقلتي تبين من الكوفي؟؟ عبير:ليش؟؟تبي تجيب.. فيصل:لا اخليك انتي تنزلين وتجيبين... عبير:هو صدق انك ملقوف...بس عندك ذوق..وجب اللي تشتهيه ..دخلت الغرفه فيصل:طالعها لين دخلت وشعور غريب ضيق صدره..تنهد ونزل للكوفي -------------------- قصر ابوفيصل بالمجلس العائلي.. لابسه جلابيه من الحرير وفيها تشجير باللون البنفسجي.. طالعت بالساعه.. ام فيصل:اكيد قايمه..مسكت التلفون وضغطت على الارقام بصعوبه وكأنها مغصوبه على الاتصال..الله يستر..جاها صوت الشغاله ام فيصل:وين ام فهد؟؟ الشغاله:موجوده لحده(لحظه) وبعد مده ام فهد:الو..قالتها بدون نفس ام فيصل:هلا حبيبتي شلونك ام فهد:بخير.. ام فيصل:وفهد وزوجته شلونهم؟؟ ام فهد:بخير.. ام فيصل:وميساء شلونها..كانت تبي اي تفاعل مع اختها بس شكل اختها عنيده ام فهد:بخير.. ام فيصل:انشاء الله دوم تكونون بخير..ام فهد ترى عازمتك على العشاء الليله.. ام فهد:مانقدر نجي.. ام فيصل:طيب بكره.. ام فهد:ولا بعد مية سنه... ام فيصل:ام فهد انا داريه انك زعلانه ومعك حق بس والله موبيدي.. ام فيصل:بيدك ولا مو بيدك انا مايهمني والحمدالله اللي فك بنتي منكم.. ام فيصل:الله يرزقها انشاء الله.. ام فهد:بنتي شيخة البنات وكل من يتمناها وانتي تدرين..ولحد هنا وخلاص.. ام فيصل:حنا خوات يام فهد.. ام فهد:والاخوه هذي انا بايعتها ام فيصل:شهالكلام؟؟ ام فهد:هذا كلامي..ورجاااااااااء انسي ان عندك اخت ولا عاد تتصلين او تزوريني ام فيصل:انا ادري ان قلبك كبير..قاطعتها ام فهد:قلبي كبير صغير مايهم اللي يهمني اني مابي اشوف رقعة وجيهكم مره ثاااااااانيه وسكرت السماعه بوجه اختها.. ام فيصل:لا حول ولا قوة الا بالله.... -------------------- في قصر عيسى(ابو صالح) لابسه برموده جنز وبدي وردي وشعرها مثل العاده سايح على اكتافها..تمشي ويدينها طايره بالهواء وكأنها تتصارع معه..دقت الباب وجاها صوتها انها تدخل.. غيوض:صباحووو..وتجلس على الكرسي بعربجيه عاليه:تمغطت ..اهلييين...وترمي لحافها الابيض على الارض ..مشينا غيوض:لا حبيبتي ماحزرتي..ام صالح موجوده..ماطلعت عاليه:جلست على السرير بقوه وارتفع فيها..افففف غيوض:ماقلتيلي شصار عليك امس؟؟ عاليه:رفعت البجامه عن رجلينها..كوتني من هنا ومن هنا وتأشر على مناطق برجلها..بس للا سف باقي للحين اماكن مانكوت.. غيوض:اصلا ماطالعت فيها..وش قلتيلها هالمره؟؟ عاليه:ههههه..قلتلها خرفتي.. غيوض:قوومي خلينا نفطر.. عاليه:العقرب راح لشغله؟؟ولا جالس مع المدام؟؟ غيوض:ضحكتيني والله..هذا يبيعنا علشان شغله..قومي قومي عاليه:لحظه وتروح للشباك تطالع..تتوقعين طلع؟؟ غيوض:سحبتها مع ايدها..امشي ياعاشقة زمانك ((غيوض))نسيت اعرفكم على نفسي..انا البنت الكبيره لامي اخت عاليه من الابو وزي ماتسميني توأم روحها مع انها اكبر مني بثلاث سنين..واخواني الباقين صغار ولا لهم علاقه بعاليه..اخر سنه لي بالجامعه..كلمتي مسموعه لان جدي يحبني موووت امي وابوي دايما قد مايقدرون مايزعلوني مايتدخلون بشيء لدرجة انهم نسو ان عندهم بنت اسمها غيوووض.. ---------- قصر ابو سليمان.. لابسه بجامه قطنيه لونها وردي وعليها ورد فوشي وشابكه شعرها بشباصه ونازله خصل عشوائيه على وجهها.. تحوس بالنت..تدخل منتدى وتطلع من منتدى..اخر شيء قررت تبحث بقوقل.. وكتبت الاسماء ومعانيها وضغطت Enter ...وبهاللحظه سمعت نغمة مسج ..تركت اللابتوب وراحت لجوالها..فتحته.. (ليلى ..رجاااء لا تحاولين تتصلين فيني.. انا ادري ان مالك دخل..بس لا تلوميني غصب علي اكره اي شيء يرتبط فيه او يذكرني فيه..اللي جاني منه كثير.. وانسوو ان عندكم خاله وبنت خاله ماقدرتوها ولا حشمتوها.. وفيصل بيشوف عقوبة الظلم..) نزلت الجوال وتحررت دمعه من عيونها.. ليلى:ليه يافيصل لييه؟؟ ---------------------------------- |
تعريف بالشخصيات الجده ام راشد لها ولدين.. راشد:ابو فيصل ام فيصل فيصل سلمى خالد ليلى محمد ------- عبدالرحمن..ابو سليمان ام سليمان:متوفيه سليمان:زوج سلمى ناصر:زوج ليلى عبير -------- عبد العزيز..ابو محمد<<اخو ابو سليمان من الابو..يعني ابو فيصل مايصير اخووه ام محمد محمد ------ فضه<<اخت ابو محمد من الام<<يعني ماتصير اخت ابو سليمان.. وباقي الشخصيات اتوقع عرفتوها خلاص ومايحتاج توضيح.. |
بسم الله الرحمن الرحيم الجزء التاسع (احساس أنثى..) لاترتبك لا تحاول تفضح أسرارك أقراك كلك على بعضك من عيونك بعد اربع ايام... الرياض مستشفى العسكري.. الصباح اليوم موعد خروجها من المستشفى.. تحسنت حالتها.. دخل عليهم..كشرت يوم شافته.. عهود:يمه انتظرك برى..ناظرته من فوق لتحت..تغطت وطلعت..وصوت صندلها يخترق اذنه.. مؤيد:حاول يكون طبيعي..يمه شلونك اليوم؟؟تحسين بشيء؟؟ ..لابس طقم كامل ازرق والسماعه حوالين رقبته.. ام مؤيد:لا ياوليدي..الحمدالله ..اقرب عندي.. قرب عند امه وحب راسها..ضمته.. ام مؤيد:تدري ..وصارت تمسح على راسه وهو دافن راسه بصدرها وكأنه طفل..الله يبارك بالمرض اللي جمعني فيك.. مؤيد:رفع راسه..يمه شهالكلام الله يطول بعمرك ويمتعك بالصحه والعافيه..نزل عيونه وصار يفكر بالكلام اللي ممكن يقوله لامه بدون مايسبب مشكله..يمه سامحيني ادري اني مقصر بحقك بس تدرين انتي عن دراستي و... قطعت كلامه.. ام مؤيد:يانور عيني لا تعتذر..انا دريت ان عمك ابو عهود تهاوش معك ومنعك من زيارتي..وعلشان كذا تهاوشنا.. مؤيد:وبدت ملامح الحزن تكسو وجهه..يعني تهاوشتي بسببي.. ام مؤيد:اجل تبيني اسكتله وهو يمنعني عنك.. مؤيد:كل شيء بالتفاهم ينحل..ومن اليوم ورايح.. اقدر اشوفك ببيت خالتي ام فيصل..هو المكان الوحيد تدرين علاقته بابو فيصل مو مثل علاقته بابوسليمان.. ام مؤيد:وحطت ايدها اليمين فوق ايدها اليسار اللي كانت بحضنها..ونقعد على هالحال طول العمر.. مؤيد:يمه نبعد عن الشر احسن..اتفقنا..بس انتبهي لايزل لسانك عنده.. ام مؤيد:عقدت حواجبها وهي تتذكر شكله اذا درى..الله لايقول..مدت ايدها لولدها ساعدني يمه مؤيد:مسك ايدها وحبها وساعدها تنزل من السرير.. ام مؤيد:نزلت غطاها وطلعت من الغرفه وهي لازالت متمسكه بولدها.. عهود:مسكت ايد امها..تقدرين تمشين يمه.. ام مؤيد:ايه ..مع السلامه ياولدي مؤيد:الله يسلمك وانتبهي لنفسك..عهود.. عهود:ردت من غير نفس..نعم؟؟ مؤيد:اقدر اكلمك اليوم في موضوع ضروري عهود:حنا مابينا مواضيع.. مؤيد:موضوع مهم.. ام مؤيد:ضغطت على يد بنتها وكأنها تعاتبها عهود:طنشت...يلا يمه مشينا... راقبهم لين طلعو من المستشفى.. ----------------------- قصر ابو سليمان الصباح الساعه 8ونص جناح ناصر.. لابس بنطلون بيج وقميص ابيض من ارماني وازارير اكمامه مفتوحه.. مسح دموعها..حبيبتي يكفي.. لحووول..هي كلها اسبوعين وراجع.. لووووولي يكفيييي..ورجع مسح دموعها.. مسكت ايده.. ليلى:لا تسافر.. ناصر:مااقدر..لولي بسك صياح ليلى:الله يخليييك لاتسافر.. ناصر:خاف ...رفع راسها..ليلى فيك شيء؟؟ ليلى:هزت راسها بايه.. ناصر:مسك وجهها بيدينه..وبصوت خايف..تعبانه وش اللي يعورك؟؟ ليلى:مومتطمنه لهالسفره ..وتصيح.. لا تتركني.. ناصر:ابتسم وبنفس الوقت يحاول يهدي قلبه اللي يدق خوف على حب عمره..الله يهديك خوفتيني..على بالي فيك شيء..اخذ نفس..حبي ممكن ترفعين عيونك ابي اشوفك.. ليلى:ولازال وجهها في يدينه..ارفعت عيونها بس ثواني ورجعت تبكي.. ناصر:لولي..موصاير شيء انشاء الله..وبعدين اول مره نسافر حنا؟؟؟هذا بدل ماتدعينلي ارجع بالسلامه.. ليلى:بسرعه قالت..الله يرجعك ساالم..بس ناصر والله قلبي مومتطمن..حاسه انه بيصير شيء.. ناصر:فالك ماقبلناه..تعوذي من ابليس هذا كله من الشيطان..مسك ايدها.. الحين تأخرت على ابوي..وريني ابتسامتك.. ليلى:ماقدرت تبتسم..مسحت دموعها.. ناصر:وقلبه متقطع على فراقها..انزلي معي علشان تسلمين على ابوي.. نزلو وسلمت على عمها.. وعند الباب.. ناصر:عبير..ليلى امانه برقبتك عبير:تخصرت..الحين من المفروض تصير امانة انا ولا هي.. ليلى:انفجرت من البكى..حتى انت حاس صح..لا تسافر ناصر:لاحول ولاقوة الا بالله..ليلى شفيك؟؟انت مو مؤمنه ليلى:طيب اوعدني.. ناصر:اوعدك.. ليلى:ماتفارقني...ولا تخليني..مره ثانيه ناصر:وعد مره ثانيه اخليك تسافرين معي.. ليلى:طيب انتبه لنفسك.. عبير:الحمدالله والشكر..وبسخريه..يمكن ناصر برابع ابتدائي..اقول هي انت وياها بلا فلم هندي.. روح لابوي مخليه ينتظرك بالسياره وانت قاعد تسولف مع مرتك.. ناصر:مو مع عبير اصلا مادرى انها تكلمت كان منشغل قلبه وعقله بليلى..مسح على راسها...مع السلامه.. ليلى:الله يسلمك... سافر وهو ضايق صدره على ليلى .. -------------------- |
قصر ابو فهد.. الساعه عشر صباحا دقت باب الغرفه.ماسمعت رد..اضطرت تدخل.. ام فهد:ميوس يكفي نوم قوووومي..وترفع اللحاف ميساء:طيب بعد شوي بقوم يمه..بس دقيقه..وتقلب للجهه الثانيه ام فهد:دقيقه..وتهز راسها الله يهديك..اخوك ومرته الحين جايين قوووومي ميساء نقزت من سريرها..صددق..وبسرعه راحت تغسل وجهها ام فهد:طلعت من الغرفة وبصوت عالي تتكلم انا بروح ارتب غرفتهم اذا خلصتي الحقيني.. دخلت على امها وهي ترتب جناح فهد ميساء:يمه تبين ريم فوق؟؟تعب عليها ام فهد:لا رتبت غرفة الضيوف لها..بس هذي لاخوك..ابتسمت ااه متى يجون ابي اشوف عيالهم.. ومن الحين اقولك ولد لك وولد لي.. ميساء:لو تبينهم كلهم علي ماعندي مانع.. تبين اساعدك بشيء.. ام فهد:هذولي الشغالات معي..روحي جهزي الغدا لهم.. ميساء:تأشر على عيونهامن عيوووني.. راحت للمطبخ وجهزت الغدى سمعت صوت التلفون وراحت ترد الووو ابو فهد:الوو الووو ميساء:بااااباااا كيفك شخبارك اشتقتلللك ابو فهد:ميوسة حبيبتي انا بخير ويالعياره اشتقتيلي باين.. ميساء:هههههه ادري ادري شبتقول ..عقدت حواجبها وهي تتذكر فيصل التهيت بفيصل ولا دقيت على ابوي..خمس ايام مادقيت عليه ..قطع تفكيرها صوت ابوها ابوفهد:الوووو ميوسه ميساء:معك يبه..اقول يبه منت جاي كم صارلك ماجيت ابو فهد:لا صعبه وخصوصا الصيف انا قلت لفهد يحجز لكم وتجون كلكم مع الكتاكيت.. ميساء:يبه لو تشوفهم تنهبل عليهم جامعين زين فهد وريم.. ابو فهد:ارسلي صورهم فهد قبل يومين..امك وينهي؟؟ ميساء:امي مرتبشه علشان فهد بيجي بعد شوي ابوفهد:قووولي كذا وانا مستغرب انك رديتي علي كل ماادق امك تقولي نايمه.. ميساء:حست بتأنيب الضمير لانها اهملت امها وابوها علشان فيصل وبنفس الوقت شعور بالامتنان لامها لانها ماجابت طاري لابوها..ايه يبه لازم استقبلهم.. ابو فهد:طيب حبيبتي سلميني عليهم كلهم وتحمديلهم بالسلامه نيابة عني.. ميساء:لا لا انا ماسلم على احد تبي تسلم تعال سلم عليهم بنفسك.. ابو فهد:افا ياميوسه وانا جايبلك خبر يفرحك.. ميساء:اسحب كل كلمه قلتها ولو تبيني احب روسهم ماعندي مانع ..ها وش الخبر؟؟ ابو فهد:لا خلاص زعلت ميساء:باااااابا..قووووول ابو فهد:انتي من يقدر على دلعك.. ميساء:محد..وتذكرت كلام فيصل لها يوم كانو بلندن كان عمرها 17 سنه..جالسه هي وخالد وفيصل وليلى يلعبون بحديقة بيتهم اونو وخالد نزل لها تسحيب ام اربع ..بلييييز خالد والله مابقالي شيء وافوز تراجع بليييز..خالد:نو نو ماتفوزين على حسابي..يالله اسحبي بلا دلع..ميساء:فيصل قوله انت ماتبيني افوز..فيصل:خالد خلاص اسحبها خل البنت تفوز..ليلى:لا والله كل هذا فزعه مع ميساء مافيه مايسحبها..فيصل:ليلى لا تصيرين حسوده ليلى:وانت بعد لا تصير مخفه كل ماقالت ميساء شيء قلت صار..فيصل:ليلى عييب ميساء:والله مالك دخل بيني وبين فيصل لا تتدخلين..خالد:طيب ماحنا متدخلين بس ممكن انسه ميساء تسحبين لا اسحبك غصب..ميساء:فيييصل شوف وش يقول؟؟خالد:اقول بلا دلع واسحبي ميساء:مو ساحبه ورمت الورقه الاخيره اللي بيدها على وجه خالد..وقامت وقبل ماتتركهم خالد:صدق انك دلوووعه واخر مره نلعب معك..ميساء:لفت وهي معصبه..ليلى انا دلووعه؟؟..ليلى:ايه دلووعه ..ميساء:التفتت لفيصل..فيصل انا دلووعه؟؟..فيصل:ومحد يقدر على دلعك...ميساء:عصبت زياده انا دلوعه ولا خويلد نذل بس اكيد ماتقولون عنه شيء مو اخوكم وتركتهم..نفضت ذكرياتها يوم سمعت صوت طوووووووووووط ..طالعت بالسماعه ابوي سكر!!!! نزلت السماعه وهي مستغربه ليش ابوها سكر.... في الشرقيه.. الظهر.. قصر تحاوطه الاشجار بارقى احياء الخبر.. قصر ابو محمد على الغدى..جالسين حوالين السفره وياكلون بهدوء .. قطع صمتهم صوت فضه.. فضه:دريت ياخوي ان عبير بنت اخوك عطوها لفيصل.. ابو محمد:وقف اكله..ايش؟؟من قالك؟؟من وين دريتي؟؟ ام محمد(الله ياخذك يافضه وارتاح من شرك..حتى الغدى ماتبيني اتهنا فيه)) فضة:دقيت على وحده من جماعتنا وهي اللي قالتلي..غريبه ماقالتلك ام محمد؟؟ ابو محمد:وانتي داريه ولا قلتيلي؟؟ ام محمد:بعد مااعطت نظره لفضه..حبت تهدي الوضع ايه داريه وفرحت بعد اصلا مع احترامي الشديد بس انا مابي بنت اخوك لولدي ابيله مرتن على كيفي .. ابو محمد:يرفض ولدي ويزوجها لولد الخايس..هين هين فضه:وش تقدر تسوي..خلاص الطيور طارت بارزاقها ابو محمد:انا اورييهم..طلع جواله يتصل على ولده الو.. انت وينك..اترك اللي بايدك وتعال الحين الحين.. بنروح للرياض..انت تعال وتعرف السالفه..بسرعه وسكر السماعه..هين يابو فيصل.. ام محمدبقلبها)حسبي الله عليك يافضه.. -------------------------- |
منزل سليمان.. العصر..الساعه 4 لبست طقم ناعم..بدي واسع لونه تفاحي وماسك مع الخصر وبلوزه بس اكمام من التل البني وتنوره بني وتشجير تفاحي ..حطت مكياج خفيف كحل وقلوس بس..لبست العيال ونزلت سليمان:بتزورين الحين؟؟ سلمى:ايه بنزل العيال عند امي كانت تتكلم وهي واقفه عند مراية المدخل وتلبس نقابها.. سليمان:انا بوصلك.. سلمى:خلك مرتاح..السواق موجود.. سليمان:عصب من اسلوبها..صار لها ايام وهي اسلوبها ينرفزه..انتظرك بالسياره.. وطلع.. ركب سيارته وشغلها وهو يفكر بالكلام اللي ممكن يقوله لها.. طلعت وركبت بسيارة السواق اللكزس السوداء.. انهبل...هذي وش ناويه عليييه.... نزل وهو معصب اتجه لها وصار وراها بالتمام وهي ماتدري بتركب السياره.. سليمان:صرخ فيها..انتي تعاندييين؟؟ سلمى:انتفضت..بسم الله الرحمن الرحيم ..والتفتت عليه وهي تحني جسمها علشان تجلس...وبابرد من البرود ..انا اعاند !!!!من قال؟؟ سليمان:مسك اعصابه..سلمى انزلي اركبي معي دام النفس طيبه.. سلمى:مسكت باب السياره تبي تسكره..سليمان رجاء تراني موناقصه سليمان:مسك الباب يمنعها تسكره..يعني انا اللي ناقص..انزلي .. سلمى:روحه معك مورايحه..هي السالفه موغصب..تتكلم بهدوء وباصرار ..وهالشيء استفز سليمان.. سليمان:طيب ..وصار يتكلم بنفس هدوئها وبتحدي اكبر..ياتروحين معي يامافي روحه من اصله.. سلمى:سليمان..انا قايلتلهم اني بزورهم موحلوه بحقي.. سليمان:وانا ماقلت شيء..انزلي اركبي معي.. سلمى:لحوول..قلتلك موووو رااااااكبه ترى مو غصب.. سليمان:لا مو غصب تركبين معي بس غصبا عليك مافي روحه الا معي.. سلمى:نزلت من السياره واتجهت للبيت وتركت عيالها بالسياره.. سليمان:لحقها..ومسك ايدها بقووه..ولفها له.. قوليلي شساااااالفتك؟؟؟ سلمى:فك ايدي انت تعووورني.. سليمان:فكها..قوليلي وش قصتك؟؟كان يحاول يكون هادي سلمى:انفلتت اعصابها..يوووه انا زهقت من اسألتك..تبيني اقولك شفيني.. انت اللي فيني..ونزلت دموعها غصب..انت ليش تخوني لييش انا شقصرت فيييه قول انطق.. سليمان:حس برجفه تسري بكل جسمه...انتي شتخربطين؟ سلمى:صرت على سنونها..انااااا مااااخربط مااااخربط .. سليمان:سلمى شهالكلام؟؟اناا اخووون ..انا!!!! سلمى:لا انت ماتخووون حشا...وبتردد..انت متزوووج.. سليمان:لااااا انتي انهبلتييي..كان قلبه يدق بسرعه سلمى:لا انا مانهبلت..فتحت نقابها ومسحت دموعها..طالعت فيه..طلقني. سليمان:ايييييش؟؟؟؟ --------------------------- وبنفس الوقت قصر ابو سليمان.. لابسه عبايتها وتظرب برجلها بالارض ..واقفه عند الدرج ورافعه راسه فوق وتنادي ليييييييلى ليييييييييلى عبير:ياربي يابرد هالبنت..ليلووووووووه دخل وسمع صوتها العالي خالد:بل بل بل حشى مو صوت.. عبير:لييييييييييييييييلىىىىىىىىىىىىى(تسوي نفسها ماسمعته) خالد:عبيروه يالدبا ترى بوريك اعقلي عبير:لييييييييييييييييييييييييييلىىىىىىىىىىىىىىى كانت تنادي وهي تطالع فيه.. خالد:نزل نظارته ولحقها..مسكها وضربها على خفيف عبير:توبه توبه خالد:ناس ماتجي الا بالعين الحمرا..وفكها..وهو ينفض يدينه كأنه متقرف..وين رايحين؟؟ عبير:حطت ايدها على خصرها ومالت...الكازينو.. خالد:انتي لو شافك الكازينو طردك..مايتقبل هالاشكال.. عبير:صادق مايتقبل الاشكال الراقيه..وصارت تدور حوالين نفسها ..تغديت؟؟ خالد:لا احتريك..وين بتروحون؟؟ عبير:لخالتي..تروح معنا خالد:لا بريح شوي...وبالليل عندي شغل..لا تتأخرون.. عبير:عشتووتحوس بفمها ..خويلد يتحكم فينا خالد:والله انتم امانه..مع اني اكره المسؤليه.. عبير:احيانا اشك انك رجال.. خالد:وانا اشك انك انثى.. عبير:ايه صح خالتي متى بتسافر خالد:ابتسم بمكر..قصدك ام رجلك؟؟ عبير:ثقيييييييل دم.. خالد:مافيها شيء يمكن قصدك خالتك الحقيقيه..انا شيدريني؟؟وحط رجله على اول درجه.. عبير:ماعلينا متى؟؟ خالد:بكره الصبح..تبين تروحين معهم ؟؟ عبير:وددي.. خالد:بس اخاف فيصل يرفض عبير:ليييييييييييييييييييييييلىىىىىىىىىىىىىىىىىىىى ىىىىى خالد:لسسسسسسسسسسسسسسنه يالحماره.. ليلى:جييت جييت..فجرتي طبلة اذني كانت تنزل مع الدرج وعباتها بيدها عبير:ودامك تسمعين ليش ماتردين؟؟ ليلى:علشان ينبح صوتك..هلا خالد خالد:ياااازين الذووق ياناس عبير:شكرا شكرا..امشي تأخرنا.. ليلى:خالد اذا تبي غدى قول للخدامه واذ..تقاطعها عبير عبير:هي انتي تراه راعي بيت قبلك..والبيت موغريب عليه..وبعدين هذا وجه بن فهره مايستحي.. امشي امشي اخرتيني ليلى:افف طيب.. وطلعو... ------------------- العصر الساعة خمس الا ربع قصر ابو صالح(عيسى) دخلت على اختها وهي واقفه على البلكونه وشعرها يطيره الهواء الحار اجواء الرياض بهالفتره لا تطاق... غيوض:حطت يدينها على كتوف اختها..ازايك ياجميل عاليه:التفتت هلا بسويهرةالليل.. غيوض:شعندك واقفه بالجو الجميل..ولفحها الهواء الحار..اوو عاليه انتي ماتحسين؟؟ عاليه:ههههه..احس ..هالكلمه مو موجوده بقاموسي.. غيوض:اقصد ماتشعرين بالحراره ؟؟ عاليه:عمرك سمعتي ان النار تحس بالنار؟؟هالهواء اللي مو متحملتيه ترى بالنسبه لي هواء بارد.. غيوض:مسكت ايد اختها ودخلتها داخل وسكرت البلكونه..لقت عاليه جلست على الكنب..تخطتها وجلست على سريرها وتربعت...يعني بالنهايه تحسين؟؟ عاليه:نزلت عيونها بالارض..رطبت شفايفها وهي تطالع برجولها المحرقه..ماادري ..عمري ماوقفت عند هالكلمه..يمكن النار اللي بداخلي ..القهر ..الحقدوالكره تسمونها احساس..وهزت راسها بس لي هي ردة فعل طبيعيه..يعني مو احساس..اااه ..قالت بملل.. ماعلينا..ماقلتيلي شصار على سفرتنا؟؟ غيوض:ابتسمت ..لا مافيه سفره جدي تعبان.. عاليه:كشرت..افف غيوض:عاليه تراني احب جدي لاتقولين افف عاليه:وانا اكررررهه وماادانيه..شافت اختها كشرت..اللي مايدانيني ماادانيه.. غيوض:مالومك..طيب قومي البسي بنطلع لصحارى شرايك؟؟ عاليه:اوكيه .. |
وبعد نص ساعة نزلو مع بعض ولابسين عباياتهم.. وقبل مايفتحون الباب انفتح.. ابو صالح:ماشاء الله انسه عاليه طالعه وين رايحه؟؟؟ عاليه:بروح للسوق.. ابو صالح:توسعين صدرك؟؟ عاليه:وهي تعرف زين لهجة ابوها هو بيرفع ضغطها بالاسئله وبعدين يمنعها بس ليش ماارفع ضغطه انا ..هي خاربه خاربه...طالعت فيه بتحدي..فيه مانع وانا ماادري ابو صالح:مسك ايدها..وعطاها كف...ايه وانا اللي مانعك عاليه:انت تمنعني!!خلك تصير رجال قبل وبعدين تكلم ابو صالح:وطال لسانك بعد..ومسكها مع شعرها.. عاليه:لحووول انت بفهم شتبي ؟؟اصلا شمرجعك للبيت.. ابوصالح:صقع براسها الجدار..انا مو رجال ها؟؟ عاليه:للاسف ولا بعمرك تفكر تصير رجال.. ابوصالح:طيب يابنت شيماء وصقع براسها الجدار..ها مو رجال غيوض:خلاص ترى تأخرت بروح للسوق وانت عطلتنا..طالعت بنظرات ابوها ..وكشرت..لو سمحت يعني ابو صالح:رماها على الارض..تفي ..فارقي الله لايردك وبتشوفين شبسوي فيك..وتركهم غيوض نزلت لاختها..وساعدتها توقف.. غيوض:كان لازم هالكلمتين يعني عاليه:احسسسسسسن خليه يرتفع ضغطه..مثل مايرتفع ضغطي..تكلمت او ماتكلمت ضاربني ضاربني..على الاقل اتكلم تبرد حرتي شوي.. غيوض:فيك حيل نروح ولا نأجلها عاليه:وهي تعدل غطاها..خبله انتي خلاص انا ماصار يأثر فيني شيء..امشي امشي.. مسكت ايد اختها والارض تدور فيها.. طلعو ولقو السياره عند الباب ركبو .. عاليه:افف راسي يفتر..اقول خلينابس نفرفر بالسياره مااقدر امشي غيوض:طيب خلينا نجلس عاليه:واخلي العقرب يستانس لا والله ماطرت.. طلعو من البوابه وبنفس الوقت فيه سيارة طلعت من بوابة جيرانهم غيوض:اكيد شموخ او نوال..سعيد(السواق) اظرب بوري لهم.. وقفت السيارتين بجنب بعض بنص الشارع وانفتح الشباك.. نوال:هاااااااي غيوض:هايين كيفك؟؟ نوال:بخير ..وين رايحه؟؟ غيوض:بنتمشى مافي مكان محدد..وانتي نوال:لا انا بروح لمركز التجميل عندي موعد..عاليه وين؟؟ عاليه:روحي لمستشفى عيون بدل التجميل يالعمياء نوال:هههههه والله ماشفتك كيفك مع عقربكم؟؟ عاليه:اووه نوال بالله غيري سيرته نوال:طيب ليش ماتروحون معاي دام ماعندكم مكان محدد؟؟ غيوض:التفتت لعاليه..شرايك؟ عاليه:لا مالي خلق انزل .. غيوض:نوال مالنا خلق..سلمي على شموخ نوال:اوكيه سي يو..وسكرت شباكها وكلن راح لوجهته.. غيوض:ياحبيلها نوال مررره كوول عاليه:الا غبيه ماتعرف مصلحتها..فيه احد عاقل يكره زياد غيوض:هو بشكل عام اللي تحب الرجال مجنونه..بس لحالتها هي تقول انها تحب حسين عاليه:ههه عجبتني مجنونه اللي تحب رجال.. غيوض:وانا صادقه..اصلا سبب كل كوارث الدنيا الرجال..واذا مو مصدقتني دوري اي مشكله وبتلقين ان ساس المشكله رجال.. عاليه:وتمسك راسها..لا حاقده بقووووه...لا يكون كرهتيهم بسبة هالعقرب..وييييه ماعندك سالفه.. غيوض:والله كل واحد حر برايه..سعيد معك سيجاره سعيد:مدلها باكيت..تفضلي عمتي غيوض:اخذت حبه وحطتها بفمها وفتحت شنطتها تطلع ولاعه..وفجأه..طالعت بأختها..ليه سحبتيها عاليه:انتي مو صاحيه ..انتي ماتعرفين اضراره غيوض:عاااارفه.. عاليه:اذا صرتي لوحدك دخني براحتك بس وانا موجوده لأ..اااه غيوض:عاليه راسك يعورك تروحين للمستشفى عاليه:اروح تنكتين انتي..لا انا اعرف نفسي شوي ويروح الالم..مري باسكن روبنز غيوض:انا مادري لمتى تكابرين..افف..سعيد روح باسكن.. ------------ بعد مارجعو من صلاة المغرب.. في بيت ابوفيصل.. كان جالس يلعب بلاي ستيشن وامه وابوه يتقهوون.. ابوفيصل:جهزت كل اغراضك؟؟ محمد:يبه الله يطولي بعمرك هذي عاشر مره تسألني.. ابوفيصل:هذا جزاي.. محمد:قول انك تبيني اترك اللعب.. ابو فيصل:انت مو خايف على عيونك..وبعدين سمعت ان هاللعبه تأثر على المخ.. محمد:يبه اشااعات..لو تأثر كان أثرت على اللي قبلنا.. هذولي اخواني وعيال عمي كلهم لعبو فيه ولاصار فيهم شيء.. ابو فيصل:طيب اترك اللعب ابي اسولف معك.. محمد:يبه انا باااخر اللعبه حرام اتركها.. ام فيصل:لاتحاول فيه ولدك مدمن عليه.. ابوفيصل:انتي مو تقولين سلمى بتنزل العيال عندنا..شفيها تأخرت؟؟ ام فيصل:يمكن غيرت رايها وخذتهم معها ابو فيصل:وليه تاخذ العيال معها؟؟صارلي اسبوع ماشفتهم.. محمد:اسبوووووع..يبه قبل امس وهم عندنا وناصر ابوه كل يوم يجيبه معه للشركه.. ابو فيصل:على طاري الشركه..جهز نفسك بتداوم معي.. محمد:يبه انا وش يوديني..تو الناس علي.. ابو فيصل:لا انت صرت رجال وابيك تفهم الشغل زين..مابيك زي اخوانك..انت بتصير ذراعي اليمين.. ام فيصل:انشاءالله يااارب.. محمد:يعني ماتبوني اكمل جامعه؟؟ ابوفيصل:اترك اللي بيدك وكلمني زي خلق الله.. محمد:حط ستارت..ولف على ابوه..تفضل طال عمرك ابوفيصل:انت خلص الثانويه اول وبعدين يصير خير.. ام فيصل:لا انا ولدي مو اقل من اخوانه..يدخل جامعه ويدخل ادارة اعمال.. ابوفيصل:يصير خير..فيصل وينه؟؟ فيصل:السلاااام عليكم..ويحب راس امه وابوه..ويصقع راس محمد.. محمد:اي يالدب..بدل ماتحب راسي.. فيصل:انت على طول للبلاي ستيشن..قوم سولفلنا عن الشرقيه.. ابو فيصل:عجزت عنه .. ام فيصل:وتمدله فنجال القهوه..وشفيك تأخرت.. فيصل:لابس طلعت مع خويي ..وبعدين تونا..خالد ماجاكم.. ام فيصل:لا ماجاء..هوخلقه يوم ساكن عندنا بالبيت مانشوفه..وشلون الحين.. محمد:تصدقون عاد هذا احسن خبر سمعته..خلوه ينحشر شوي..كل يوم يطلع وكل اربعاءتخييم..وكمل لعبه وبنفس الوقت يسولف معهم وهو معطيهم ظهره ابوفيصل:الله يهديه.. فيصل:يبه مافيها شيء..الواحد يحب ينفس شوي عن روحه..وبعدين اخوياه كلهم زينين وماشي مستقيم.. ام فيصل:الحمد الله..بس هو لو يتزوج..يمكن يهجد شوي محمد:انتم زوجو الشايب اللي جالس عندكم اول بعدين فكرو بخويلد.. فيصل:اي والله صادق محمد.. ابوفيصل:انشاء الله اول مايرجع عمك نملك..وبنهاية الصيف تتزوج ام فيصل:ودراسةالبنت؟؟انتم ماسالتوها؟؟خوذو رايها بالاول.. فيصل:دراستها تكملها وهي متزوجه..مافيها شيء.. ام فيصل:بس ماكان هذا كلامك يوم كنت خاطب ميساء؟؟ ابو فيصل:وش هالكلام؟؟ محمد:يمه خلاص كل واحد راح لنصيبه..الله يهديك.. فيصل:وقف..يمه انا يوم كنت خاطب ميساء هي اللي رفضت تتزوجني الا بعد ماتنتهي دراسه..ورجاء يمه مابيك تعيدين لي هالطاري..تصبحون على خير.. ام فيصل:وصلاة العشاء؟؟ فيصل:محمد يقومني..وطلع لغرفته ابو فيصل:انتي متى تمسكين لسانك؟؟ ام فيصل:لا حد يلومني..اختي مقاطعتني..وماتبيني انقهر..وراحت للمطبخ.. محمد:يبه شرايك تشاركني باللعب.. ابو فيصل:اقول طفه وتعال دق على جدتك لا اقوم اكسره على راسك.. محمد:تامر طال عمرك.. سكر باب غرفته بقوه وكأنه يفضي شحنة الغضب.. جلس على الاريكه وصار يضغط على راسه بيدينه.. فيصل:ااااه كل مااحاول انسى امي ترجع تفتح الموضوع..هي ماتدري اني اتعذب.. ماتدري اني مجروح ..ميساء ميساء ميساء..ياليت ماكان فيه ميساء..تذكر صوت الرجال ميوس..ضغط على راسه وكأنه بينفجر..سمع صوت طق الباب.. فيصل:ميييييين؟؟ محمد:انا..ادخل فيصل:ادخل محمد:دخل وانتبه لوجه اخوه اللي باين عليه الضيقه..جلس جنبه وحط ايده على كتفه وكأنه يهديه..دامك مو قد الشيء ليه تسويه.. فيصل:التفت لاخوه..وشو اللي مو قده؟؟ محمد:فراق ميساء فيصل:حس نفسه مخنوق..ومو قادر يتكلم..اشر لاخوه يسكت محمد:فيصل ترى اللي تسويه بنفسك مو زين..ياخي فضفض وسرك ببير.. فيصل:انت مو قلتلي اخطب عبير وميساء ماتصلحلك؟؟شغير رايك محمد:غير رايي حالتك..انت تحب ميساء ولازلت تحبها..ومو قادر تتأقلم مع غيرها فيصل:لا اقدر اتأقلم محمد:تقدر اذا طلعت من دايرة ميساء وتركت التفكير فيها وتركت الحساسيه الزايده اذا جبنا طاريها..حاول تتقرب من عبير صدقني تحبها فيصل:حاولت بس حاس اني اكذب على نفسي محمد:معليش اكذب لين تصدق..انا مابي اسألك وش بينك وبين ميساء لانه اكيد شيء كبير ماينغفر..بس حاول ماتظلم عبير..سمع صوت المؤذن..قوم توضاء خلينا نروح للمسجد.. فيصل:ابتسم لاخوه..الله يكملك بعقلك.. محمد:نعم نعم يقالك مجنون علشان يكملني بعقلي قوم قوم.. فيصل:انتظروني تحت اتوضاء وانزل محمد:قصدك انتظرك ابوي مشاء الله عليه مايمدي المؤذن يقول الله الا وهو بوسط المسجد.. |
قصر ابو جاسم بعد صلاة العشاء في الصاله الارضيه جالسين يتفرجون على التلفزيون.. حطت ايدها على فمها..تحس نفسها بترجع..بس مو قادره.. نوره:شفيك؟؟ غادة:ماادري شكلي دخلني البرد.. نوره:روحي لغرفتك وتغطي زين..انتي هالايام صايره تشغلين التكيف على ابرد شيء.. غاده:صايره احس بحراره..حست نفسها بترجع وراحت للمغسله.. نورهوهي مبتسمه..اكيد حامل..والله وقرب يومك ياغويد) غاده:رجعت وهي تمسح وجهها بكلينكس ..جلست جنبها..اقول امي مادقت علينا؟؟ نوره:امك؟؟ياماما انسي ولا بالاحلام امك وحده شريره ماتحب الا نفسها.. ويدخل ابو جاسم.. ابوجاسم:شلونكم؟؟ البنات:بخير.. ابو جاسم:بروح اغير والقى العشى والم.. وبعد ماجهزو العشى على السفره.. ابو جاسم:باركو لاختكم غدير انخطبت كلهم شرقو بالاكل ابو جاسم:شفييكم؟؟ نوره:لا بس من المفاجأة..مين خطبها؟؟ ابو جاسم:ولد خالكم راكان..وبكره انشاءالله الملكه..عقبالكم نوره:الملكه بالبيت.. ابو جاسم:اكييد..بس الحريم الله يهديهم يبون يحتفلون ببيت جدكم.. نوره:قلوبهم قاسيه..بس معليش بسوي احتفال صغيرون علشان غدير غاليه علي ابو جاسم:الله يكملك بعقلك.. غاده:طالعت بنوره بنظرات ..الحمدالله ابو جاسم:ماكلتي شيء.. غاده:شبعت..وطلعت لغرفتها تبكي.. ابو جاسم:انا حال هالبنت مو عاجبني.. نوره:وبكل لئم..ولا انا مادري شاللي مغيرها..اكيد فيه شيء.. ابو جاسم:ماحاولتي تتقربين منها تعرفين شفيها نوره:بحاول..واكيد بقولك.. -------------------- وصلو للرياض وسكنو بفندق الفورسيزون المملكه.. طلع من دورة المياه وهو لابس روب الحمام.. دقيت عليه؟؟وراح لشنطته يطلع لبس.. محمد:يقولون مسافر ومافيه الا اخوه ابومحمد:التفت على ولده..وين سافر؟؟ محمد:ماادري سفر شغل..الحين شالسواة.. ابومحمد:نروح للبيت..يمكنه فيه ويبي يصرفنا محمد:لا ماتوقع.. ابو محمد:حنا نروح وش بنخسر.. ------- الساعه 12 بالليل قصر ابوسليمان.. رجعو للبيت ولقو خالد ينتظرهم خالد:مساءالخير..كان نمتو عندهم ليلى:خالد مالي خلقك وطلعت لغرفتها خالد:شفيها معصبه؟؟ عبير:وش يدريني عن اختك..من يوم ماطلعنا منهم وهي معصبه.. خالد:كذا من الباب للطاقه تعصب بدون اسباب..غريبه؟؟ويحك جبهته.. عبير:جتنا التلميحات..حبيبي لو انا اللي معصبتها باعترف..مو خايفه من احد.. خالد:اخس يالقويه..تعجبيني وياخذ الريموت ويقلب بالقنوات.. عبير:انا ولله الحمد كل احد يعجب فيني..بس في شيء غريب خالد:اني جالس بالبيت .. عبير:عليك نور.. خالد:مو انتي ياوجه العنز والمعصبه اللي فوق ربطتوني.. عبير:احسسن تستاهل..كانت تبي تروح خالد:لحظه على وين..تبين تنامين.. عبير:لا ..لا تخاف بغير لبسي واسهر معك. خالد:تلقيني بالقبو..وجيبي معك مكسرات عبير:وهي بالدرج..طييييييييييب خالد:حشى مو صوت..وينزل للقبو... نزلت عبايتها بقوه ورمت نفسها على السرير.. ليلى:معقوله معقوله ..طيب هي وش دراها بالمشاكل اللي كانت بينا..مستحيل..ناصر كان يشك فيني لا لا ماصدق.. بس عهود معترفه وتقول انها هي اللي قالت..يعني مستحيل تكذب.. لا انا ماصدقها اكيد هي تبيني اتهاوش مع ناصر واخرب حياتي بايدي..وبعدين انا واااثقه بناصر ومستحيل احد يزعزع هالثقه..ااااه ياناصر اشتقتلك مررره الله يعيني على غيابك.. قامت من السرير..خذت حمام منعش لبست بجامتها ونامت.. وقبل لاتنام رن التلفون.. ليلى:الو ناصر:هلا حبييييييييبتي ليلى:نااااااااصر ناصر:عيون وقلب وحياة ناصر.. ليلى:وصلت.. ناصر:صارلي يمكن اربع ساعات بس شسوي تعرفين ابوي اول ماوصلنا كرفنا بالشغل..المهم انتي شلونك ليلى:مالي لون عقبك.. ناصر:ليلى..صوتك موعاجبني.. ليلى:بكت... ناصر:ليلى..حبيبتي..لووووولي ردي.. ليلى:معك..وتمسح دموعها ناصر:ليش هالدموع ليلى:اشتقتلك مره..ناصر ارجع ناصر:وانا مشتااقلك مررره..حب يغير الموضوع..وشلون البيبي ليلى:يسأل عنك.. ناصر:وخالتي زرتوها؟؟ ليلى:ايه تونا رجعنا منها..تذكرت كلام عهود وتنهدت..اه ناصر:عسى محد غثك..انا مادري شلون تركتك مع عبير وخالد.. ليلى:لا حرام ماسوولي شيء.. ناصر:وش كنتي تسوين قبل ماكلم؟؟ ليلى:ولا شيءاول مارجعت حطيت راسي وانت دقيت..وانت شكنت تسوي ناصر:انا....وراح الليل كله يسولفون على بعض... ------------------ انفتحت البوابه وبنفس الوقت انفتحت بوابة جيرانهم.. غيوض:حنا وشفينا اليوم ..نطلع يطلعون ندخل يدخلون.. عاليه:سعيد وقف شوي..كانت تشوفه ماسك الجوال وينتظر البوابه تتكرم تنفتح.. اااااه يازينه ياناس غيوض:عاد هاللي عاجبك عافته نوال..يوه عاليه شكلنا مو حلو وحنا واقفين عاليه:بالله اسكتي وش يدريه ان بالسياره فيه احد غيوض:حتى لوكانت السياره مظلله عيب..ابتسمت لما شافت الرنج تدخل لبيت جيرانهم..ندخل ولا بعد للحين ماشبعتي عاليه:لا خلاص ادخلي ...تحركت السياره لين وصلت للباب الرئيسي بقسم الحريم |
قصر ابو فيصل غطت عيالها زين ونزلت وهي لابسه قميص قطني خفيف وخصل طايحه على وجهها وباين عليها شوية تعب..سمعت صوت التلفزيون بالمجلس العائلي سلمى:يمه للحين سهرانه ام فيصل:قصرت صوت التلفزيون..تعالي تعالي واشرت لها تجلس جنبها سلمى:جلست جنب امها..سمي يمه ام فيصل:فيه شيء بينتس وبين رجلتس؟؟ سلمى:ابتسمت ابتسامه صفراء..يمه مافي شيء..انا اول مره انام عندكم؟؟ ام فيصل:لا مو اول مره بس شكلتس مايطمن..حاسه ان بتس شيء وبعدين ليه مارحتي تزورين ام مؤيد؟ سلمى:قلت يمه انا تعبانه من الحمل والدكتوره تقول لازملي راحه.. ام فيصل:انشاء الله يابنتي مافيه شيء..الله يسهل عليتس وييسر امورتس..دريتي ان جدتتس بتجي سلمى:غريبه اول مره تسويها..شعندها؟؟ ام فيصل:مادري بس ابوتس بيسافر ويجيبها..الله يهديها هي لو تسكن عندنا احسن لها سلمى:انتي اكثر وحده تدري بطبع جدتي..ودي اروح معكم لمكه ام فيصل:وش يوديتس وانتي تقولين انتس تعبانه؟؟ سلمى:يمه انا قلت وددي.. ام فيصل:وهي شاكه بكلام بنتها..تصبحين على خير سلمى: وانتي من اهله..مسكت الريموت وصارت تفرفر بالقنوات وكأنها تمنع نفسها من التفكير بسليمان.. -------------------- كان بسيارته البنز قريب من بيتها وشاف اخر سياره طلعت من بيتهم.. منزل شماغه عن راسه وراميه ورى..مسك جواله ودق عليها.. انتظر..بس ماحد رد..زادت عصبيته..دق عليها مره ثانيه..وماحد رد.. رمى الجوال بعصبيه..وصار يمسح وجهه..سمع جواله يرن..رد على طول انتي وينك؟؟ نها:بسم الله شفيك حبيبي معصب.. سليمان:راحو الناس اللي عندكم؟؟ نها:ايه كلهم راحو سليمان:انا جاي الحين..وسكربوجهها قامت بسرعه.. ام نها:شفيك مستعجله من كنتي تكلمين؟؟ نها:يمه مادري شفيه سليمان..الحين بيجي..بروح افتحله.. قصر عيسى دخلو البيت اللي مافيه صوت .. غيوض:نزلت طرحتها على اكتافها ونفضت شعرها..غريبه امي وينهي.. عاليه:وهي تتجه للمصعد..تكفين بس.. عاد همها اذا جيتي ولا رحتي..انفتح المصعد وركبو.. غيوض:ولو ستظل امي مهما حصل.. عاليه:هههه حلوووه..ااه ياراسي..افف انفتح المصعد غيوض:بروح اغير لبسي واجيك عاليه:لا تجين بنام..ودخلت غرفتها غيوض:دخلت وراها..عاليه تحسين بشي ترى شكلك ابد مو عاجبني عاليه:التفتت على غيوض بعصبيه..غيوووض بررررى غيوض:اوكي اوكي لا تعصبين..وطلعت رمت نفسها على السرير وانفجرت تبكي وكأنها تنتظر هاللحظه من زمان.. عاليه:اااه ياربي متى اموت وافتك من هالعذااااب متى.. منزل نها ماسكها مع ايدها وعيونه حمراء من كثر ماهو معصب.. انطقققي قوووولي نها:سليمان هذي مو طريقه للتفاهم..اترك ايدي سليمان:نها تكللللللمي تراني ماسك اعصااابي..صرخ.. تكللللمي نها:طيب ..ايه انا اللي ..انا اللي تعبثت بجوالك .. سليمان:رماها وكأنها شيء وصخ..وانتي اللي قلتيلها اني متزوج؟؟ نها:لا والله..طالعت بعيونه اللي مشككه بكلامها..سليمان ورب الكعبه اني ماسويت غير اللي قلته..والله والله والله اني ماقلت لجنس مخلوق اني متزوجه..قامت ومسكت ايده..سليمان سامحني والله مو قصدي سليمان:نفض ايده منها..قصدك ولا مو قصدك انتي خربتي حيااتي .. ...جلس على درج المدخل ومسك راسه بيدينه وصار يضغط..شالسواة الحين.... نها:قربت منه وبصوت حنون..مو صاير الا كل خير سليمان:اي خيررر اي خير..اقولك سلمى رااااحت تقولين خييير نها:غارت ..هي مهما كان انثى..وتروح فيه غيرها سليمان:طالع فيها..سلمى مافيييه غيييرها...قام واتجه للباب وقبل مايطلع.. انتي طاالق وورقتك توصلك مع ابو فواز..وطلع نها:سليمااااان لحظه سليييييمان..وانهارت على الارض تبكي ركب سيارته والدنيا سوداء بعيونه.. حط راسه على الدركسون ..تفكيره كله محصور بسلمى.. رفع راسه وطلع جواله..تردد..ادق ولا ماادق.. ضغط اتصال...جاري الاتصال.. |
♪♪♪ تعبت :lol: .. برجع اكمل بعد شوي .. ♪♪♪ |
(انتقام عاشق..) تدري بطبعي حبيبي حيل وتعرفه العين بالعين والبادي هو الظالم ماني ورا العاطفه بالحيل منجرفه طبعي على صد ردات الفعل والم سليمان: ركب سيارته والدنيا سوداء بعيونه.. حط راسه على الدركسون ..تفكيره كله محصور بسلمى.. رفع راسه وطلع جواله..تردد..ادق ولا ماادق.. ضغط اتصال...جاري الاتصال.. عفوا ان الهاتف المطلوب لايمكن الاتصال به الان.. رمى الجوال بقوه وضرب راسه بالدراكسون..ليه ياسلمى ليه.. انا استاهل كل شيء ..انا اللي جنيت على نفسي..رفع راسه وحرك السياره.. وين اروح؟؟البيت ومستحيل ادخله وسلمى مو موجوده..يااارب رحمتك.. بعد نص ساعه وقف السياره ببيت ابوه ونزل.. دخل البيت..مالقى احد طلع لغرفته..فتح النور ..وترك الباب مفتوح.. جلس على سريره..ويفكر.. رن جواله..اكيد هي..طلع الجوال من مخباه ورد بدون ماينتبه للاسم الووووو :سليمان سامحني الله يخلييييك..والله ماكان قصدي سليمان:تنهد..الحين انتي وش تبين ؟؟مايكفي اللي صارلي باسبابك.. نها:بحياتي ماغلطت معك غلطه..سامحني ياسليمان..انا احبك..وبدت تبكي سليمان:اللي بينا انتهى..وانا خلاص طلقت.. نها:بكل بساااااطه هانت العشره ياسليمان وين الحب اللي تقولي عليه ويييينه.. سليمان:باللي سويتيه هدمتي كل شييء..نها ورقة طلاقك بتوصلك ولا عاد تتصلين علي.. نها:مو على كيييييفك..انا احببببك انت ماتفهم سليمان:نها واللي يسلمك سكري على الموضووع.. نها:انت ماتحبني؟؟ سليمان:اللي احبها تركتني..وانسدح على ظهره..وانتي السبب نها:انجرحت من كلامه..طيب ياسليمان مو نها اللي تسكت عن حقها سليمان:نها ..اسمعيني انا مابي اضرك بشيء..بس لاتحديني..انتبهي تغلطيين معي لانك ماتدرين شممكن اسوي..وانتي عارفتني.. نها:تهددني سليمان:رفع نفسه..لأ انا احذرر..ومن هاللحظه انسي ان فيه بالعالم واحد اسمه سليمان..قفل بوجهها..رمى الجوال..ودخل يتوضى مابقى شيء لصلاة الفجر بعد صلاة الفجر.. قصر ابو سليمان الساعه6 ونص صباحا بغرفة خالد.. منسدح على السرير..ويفكر بكلام عبير له..طول الليل ماغفت عينه.. عبير تقول انها تسرعت..لو ميساء ماتحبه ليش قطعت العلاقه..وبنفس الوقت مستحيه من امي..تحس نفسها السبب بالقطيعه.. حاس نفسه ظالم لاخته ولاخوه ..بس انا مالي دخل ..ماغصبت احد.. انا ماقلت لفيصل اخطب عبير..بس مامنعته يترك ميساء..قام من السرير ..مايبي يفكر.. طالع بالساعه اللي معلقه بالجدران..اروح البس وافطر واشغل نفسي على مايجي وقت الدوام احسن من التفكير... بعد نص ساعه.. طلع من غرفة الملابس وهو يسمع طق خفيف على الباب..ابتسم لانه عارف من اللي يطق.. خالد:ليلى ادخلي ليلى:لابسه جلابية بيت زيتيه ورافعه شعرها بكلبس..فتحت الباب..صباح الخير..كنت بقومك خالد:صباح النوور ..مسك المشط بايده..الفطور خالص ليلى:رفعت حاجبها الايسر..فيك شيء؟؟ خالد:وهو يمشط شعره..لا مافيني شيء..ليش؟؟..نزل المشط..وخذى البوك من التسريحه والجوال واتجه لها بيطلع.. ليلى:قايم بدري..واول مره تفطر؟؟ خالد:مسك يدها وطلعو من الغرفه بعد ماسكرها..بعد الفطور لي معك كلام.. ليلى:شفت انا قايله ان فيك شيء.. خالد:وهو ينزل معها بالدرج..اصبري وتعرفين... دخلو المطبخ وسحب لليلى كرسي وجلست ..وسحب كرسي قبالها وجلس.. ليلى:تبي اصبلك حليب ولا عصير خالد:يوووه ياليلى حركات البزران للحين..اكيد عصير ليلى:وش دخل الحليب بالبزران..صبتله حليب..امسك امسك بكره يجيك هشاشة عظام وشوف من اللي بيفطنلك(ينتبهلك) خالد:يفطنولي عيالي مايبيله كلام ليلى:انت تعرف بيض الصعو اللي يذكرون..ترى هم عيالك..وتصب لنفسها حليب.. خالد:اييه هين بكره ياجو ماخليتس تشوفينهم..بس اصبري ليلى:يجيب الله مطر..لوت فمها..والله ياليتن رايحتن لامي اودعه قبل ماتسافر خالد:ترى كلها يومين وترجع مو مستاهله.. ليلى:وبيتنا ترى مو من بعده خالد:رجع راسه على ورى وصار يضحك..هههههه ليلى:حمر وجهها خالد:اثريك مقومتني والاخلاق تجاريه كل هذا علشان اودييتس..حررر مافي روحه انا ماحب الانسان المصلحجي..ويبلع من الساندوتشات اللي قدامه ليلى:خالد الله يخليييك خالد:ترجي بعد ليلى:خالد الله يرزقك انشاء الله خالد:بعد بعد..ابي رجا زياده ليلى:والله انت ماينفعلك الا عبير..ممشيتك على الصراط المستقيم.. خالد:الا على طاري هالخبله هي مضايقتتس البارحه؟؟ ليلى:لأ ..ليش خالد:اجل ليه معصبه؟؟ ليلى:بانت ملامح الحزن على وجهها..بس سرعان ماختفت لما سمعت تنحنح سليمان خالد:ورااك ياولد سليمان:والله متشيخ ياخويلد..ويقلد صوته ..وراك ياولد..ماولد غيرك يالتعبان. ليلى:ههه ايه دونك ياه غاثن من الصبح فقع مرارتي سليمان:افا ياذا العلم ..وش مسويلتس علميني؟؟ ليلى:ابيه يوديني لامي ابي اسلم عليها قبل لا تسافر ومعيي.. سليمان:ليلى روحي البسي وانا انتظرتس بالسياره.. ليلى:طارت من الفرحه..والله..ثواني وانا برى خالد:مسك يدها:اقول انثبري وانطقي مامن روحه سليمان:عسى ماشر يالاخو؟؟ خالد:ابد طال عمرك..بس امي الحين تلقاه بوسط مكه ليلى:هييء يالدب ليه ماقلتلي ..خليتن اذل نفسي لك خالد:استمتع وانا اذل احد ..الله خالقن كذا.. سليمان:وانتم مطولين تسولفون ترى فطست جوع ليلى:ادخل هذا انا طلعت..وطلعت من الباب الثاني اللي يودي على الصاله..وطلعت على غرفتها خالد:اقلط اقلط..حيالله الشيخ سليمان.. سليمان:الله يحييك ياشليويح..سحب كرسي وصب لروحه شاهي.. خالد:الشرهه مو عليك على اللي مخليك شيخ..استغرب من لبس سليمان..لابس بجامه..انت نايم عندنا سليمان:الله يشفيك مو طلعنا من المسجد مع بعض..صبلي شاهي.. خالد:حسبتك بتلت لبيتك اثريك داخلن وراي ..ويصبله شاهي ويمدله..وش عندك؟؟ سليمان:ليه فيه مانع..وبدى يفطر بعد ماسمى... خالد:لا فيه دواس..ابتسم بمكر..سليمان طاردتك سلمى من البيت سليمان:مايخسى الا انت..خويلد ابعد عني ترى مالي خلقك.. خالد:طيب لا تنافخ ..بعذرها يوم تطردك..وحط رجله قبل مايمسكه سليمان.. قصر ابو فيصل.. الساعه تسعه قامت على صوت سديم وهي تقومها سديم:ماما..ماما دووومي سلمى:هممم سديم:ماما..ماما... سلمى:قامت متململه من صوت بنتها..خير ماما شتبين؟؟ سديم:ابي اليب.. سلمى:طيب ياماما روحي لجوني خليها تسويلك حليب..وغطت وجهها بالحاف سديم:عادي سلمى:ايه عادي ..(سلمى مستحيل تخلي احد يطبخ لزوجها او يسوي اكل لعيالها غيرها).. سديم:ماتدعلين سلمى:افف ..حبيبتي انا تعبانه..انزلي وسكري الباب وراك.. نزلت للدور الارضي..ونادت الشغاله تسويلها حليب.. سمعت طق الباب مره ثانيه سلمى:يالييييل...رمت الحاف عن وجهها..مييييين فيصل:سلمى ماتبين فطور قومي افطري معنا سلمى:طيب طيب الحين نازله..رفعت الحاف عنها ودخلت دورة المياه وغسلت وجهها بمويه بارده .. جالس بالمطبخ ويلعب مع حياته.. فيصل:من اكثر واحد تحبينه.. سديم:فييييييسل فيصل:يازينووو يانااااس..وانتي احلى بنت بالعالم.. سديم:ابي الوح معاك فيصل:وهو يحطها بحضنه..تدرين انا وين بروح؟؟ سديم:لأ..بس بلوح معاك فيصل:انا بروح للمستشفى.. سديم:رفعت راسها له ..لانها بحضنه وشوي وتنكسر رقبتها..ليش تأبان فيصل:حب جبهتها..لأ ..بس بزور واحد بيعطونه ابره.. سديم:حلاااام.. فيصل:كملي حليبك علشان ماتصيرين زيه.. دخلت عليهم وهي لابسه جلابية بيت لونها رمادي نااعمه مره السلام عليكم.. فيصل:وعليكم السلام حيالله سلمى تو مانور البيت سلمى:بابتسامه صفرا..ايه منور بوجودي ولا بوجود سديم؟؟ فيصل:كلكم منورين..ويضم سديم اكثر..بس هذي غييييير سلمى:جوني..جووووني..سحبت كرسي وجلست.. جوني:جت بسرعه..يس مدام سلمى:ناصر وينه؟؟ جوني:فيه روح مع مستر ابو فيصل.. سلمى:وش لبستيه؟؟ جوني:مستر ابو فيصل كلام البس توب .. سلمى:اوكي روحي..تنهدت وشربت عصير فيصل:ابوي رايح الدوام بدري علشان نصوور..يازينه وهو لابس الثوب.. سلمى:صارت تضغط على جبهتها باصابعها.. فيصل:سلمى تعبانه سلمى:لا بس مانمت زين.. فيصل:ليه ؟؟ سلمى:لا بس علشان المكان تغير..اتعود لا تخاف.. فيصل:تعودين!!..نزل سديم من حضنه..حبيبتي روحي لجوني تمشط شعرك.. سديم:تيب..وراحت تركض فيصل:سلمى متهاوشه مع سليمان؟؟ سلمى:لأ..ليش فيصل:مادري وجهك مو طبيعي..بعدين شفت سليمان بالمسجد وشكله متضايق.. سلمى:لا مافي شيء.. فيصل:طالع بساعته الجلديه..تأخرت على الدوام ..مع السلامه سلمى:الله يسلمك..نزلت راسها على الطاوله وغمضت عيونها..واخرتها ياسلمى..الى وين بتوصلين..انتي اكثر وحده تدرين انك ماتقدرين تعيشين من دونه..هذا سليمان ابو عيالك..قطع افكارها صوت سديم سلمى:نعم حبيبتي.. سديم:بابا على التلفوون سلمى:قوليله ماما نايمه..ومسكت يد بنتها وراحت لتلفون الصاله وعطت بنتها السماعه..سمعتها تقول ماما نايمه..وبعد ماسكر.. سلمى:حبيتي انا بروح انام..جوني انتبهي لها..واذا جاء ناصر خليهم يتغدون لحد يصحيني..وطلعت لغرفتها وافكارها متلخبطه..ومشاعرها متناقضه.. |
الساعه 11 ونص الظهر قصر ابو شيخه.. دخلت على اختها النايمه .. شيخه:يووووه نوال قوووومي قووووومي وراحت للستاير تفتحها.. نوال:عقدت حواجبها من نور الشمس..وحطت ايدها على عيونها..اففف شيخوه يالزفته ليه تقوميني شتبين؟؟ شيخه:استحي على وجهك انا متزوجه وتقولين لي يازفته..قووومي متى يمديك تتجهزين ناسيه ان اليوم زواج حبيب القلب نوال:الله ياخذ بليسك هذا طاري من الصبح..وقامت من السرير بعد مارمت لحافها على الارض..قالت بنرفزه..هذا انا قمت استانستي شيخه:خوذيلك حمام بارد يروقك وانا وامي ننتظرك تحت نفطر ونطلع لمركز التجميل.. نوال:طيب طيب..ودخلت للحمام(الله يكرمكم) شيخه:طلعت من غرفتها وهي مو عارفه وش سبب هالتغير..معقوله نوال تحضر زواج حسين.. فتحت الدش على البارد..ياما تمنت هاليوم ..بس هي اللي تكون عروس..ياليت ابوي وافق وش كان بيخسر؟؟بس كسر بقلبي وانا الخسرااانه..كله من عمي ومن ولده هم السبب لو ماخطبوني كان الحين انا زوجة حسين..اااه ياقلبي..انا لازم ماحسسهم بشيء لازم اكون طبيعيه..اخذت شور جل بنكهة اللفندر يمكن يهدي اعصابها شوي.. طلعو من فندق الفورسيزون واتجهو للشركه..اشكالهم ماتدل على خير.. وقفو قدام الشركه.. محمد:يبه وصلنا.. ابو محمد:مارد عليه..فتح الباب ونزل سألو السكيورتي وقالهم ان ابو سليمان مسافر ومافيه الا ابو فيصل وسليمان.. محمد:وهو يضغط على زر المصعد..يبه شناوي عليه؟؟ ابو محمد:اشر لولده يسكت.. وصلو للدور المطلوب وللغايه المنشوده.. دخلو على السكرتير.. محمد:بنقابل ابو فيصل السكرتير:من معي؟؟ محمد:انا..وطالع بأبوه..انا محمد ال___ السكرتير:هلا والله ماعرفتك..عطني دقيقه ابلغ فيها طويل العمر..ودخل للمكتب.. محمد:يبه قولي شناوي عليه؟؟ ابومحمد:ابتسم لولده ابتسامه ماكره ,,ودخل للمكتب بعد مااذن لهم ابو فيصل.. منزل نها.. راح كل الليل وهي تبكي ..وطلع الصبح وهي على حالها..متكومه على نفسها بالسرير وضامه رجولها لها..تبكي بألم على حظها .. نها:ليه ياسليمان تسوي فيني كذا وين كلام الحب اللي تقولي عليه..طااار بالهواء ..علشان غلطه وماهي مقصوده ترميني ..بس بتشوووف بتشووف ياسليمان بدفعك الثمن غالي..مددت رجلينها وحطت راسها على مخدتها مسحت دمعه حاره احرقت خدها..وتلحفت بالحاف وشدت عليه وكأنها بردانه..سمعت طق الباب.. نها:وبصوت مهزوز..مييين الشغاله:مدام يبي انتي.. نها:طيب الحين بنزل..تنهدت وقامت من السرير ونزلت لامها.. ام نها:نها!! نمتي بلبسك؟؟ نها:ماتحملت ورمت نفسها على حضن امها وتبكي.. ام نها:خافت على بنتها..مسحت على شعرها..حبيبتي شفيك خوفتيني؟؟ نها:يمه طلقني طلقني.. ام نها:عورها قلبها بس ماتبي تزيد على بنتها..اكيد بيطلقك انتي زوجه بالسر.. نها:بس انا ابيييه ..رفعت راسها لامها..يمه مو راضي يصدقني.. ام نها:على ايش يصدقك؟؟ نها:مسحت دموعها..يقول اني انا قلت لزوجته انه متزوج.. ام نها:ابتسمت بحنان لبنتها..يابنتي وش تبينه يقول ..تبينه يقول مابيك مليت منك..زين ابن الحلال عنده ذوق..وانا قلتلك قبل لا تتزوجين بهالطريقه لانك بتندمين.. نها:هو على كيفي الزواج شفتي احد طق بابي ورفضت..بس بيشوف والله ماخليه وبخرب حياته صدق.. ام نها:لأ يابنتي لا تصيرين حقود وناكره للجميل نها:قالت بقهر..الحين انا اللي ناكره ولا هو. ام نها:يابنتي تذكري وقفاته معنا ومع ابوك..عمره ماقصر معنا ويعتبرنا مثل اهله..وبعدين هو ماغصبك تتزوجينه والرجال رايته بيضاء..واذا خربتي حياته مو راجعلك وش بتستفيدين.. نها:لا يرجعلي بس مايعيش متهني ام نها:ومن قال مو متهني..بيلقاله مره ثانيه وتسعده..وزوجته هي اللي بتخسر وعياله بيضيعون..يابنيتي والله سليمان مافي منه ولا جاء منه الا كل شيء زين..فكري بعقلك يابنتي وخلاص الله يوفقك بابن الحلال اللي يسعدك.. نها:مابي الا هو ام نها:هو ماهو لك خلاص ارضي..واذا صدق تحبينه تمنيله الخير علشان الله يوفقك.. نها:ضمت امها..ورجعت تبكي.. قصر ابو صالح.. طلعت من غرفتها وهي تتثاوب..مواصله مانامت.. فتحت الغرفه بدون استئذان..واتجهت لسرير اختها وانقزت عليه.. عاليه:فتحت عين وحده..انتي متى تعقلين؟؟ غيوض:اذا الله اراد..وشلون راسك؟؟ عاليه:اسكتي مانمت زي خلق الله..ماقدرت حتى ارفع راسي..صلاة ربي ماصليت الا وانا منسدحه..ااه بس شقول.. غيوض:طيب اجيبلك فطور عاليه:لاوالله ابيك تنقلعين عن وجهي ابي انام..وغطت وجهها بالحاف غيوض:ماطرت..وانسدحت بجنبها..بنام عندك..وغطت بنوم عمييييق.. عاليه:انسدحت على الجهه الثانيه وصارت مقابله لاختها..تأملتها..لو علاقتها معي شينه شلون بتكون حياتي..مين بيخفف عني..نزلت دموعها غصب عنها..ااه يادموعي كل مااقول انها جفت ترجع من جديد..مكتوب علي العذاب طول العمر..انسدحت على ظهرها..لوماكنت موجوده بهالحياه..استغفر الله استغفر الله..بديت اخربط بالكلام..غمضت عيونها كمحاوله للنوم..بس سرعان ماطار لان جوال غيوض رن..بس غيوض باين عليها انها بسابع نومه.. سحبت الجوال من جيب بجامة غيوض بخفه..وطالعت بالشاشه بعد ماحطت على الصامت..سكت..حطته على الكومندينه اللي بجنبها..ومره ثانيه رجع دق..افف وبعدين يعني..طالعت بالاسم..نونو..ارد ؟؟قررت ترد.. عاليه:الو نوال:اففف ساعة على شان تردين عاليه:نوااااال!! نوال:هههه انتي عاليه..وين اختك المصون؟؟ عاليه:والله نايمه نوال:طيب قوميها ابيها ضروووري عاليه:وشتبين فيها؟؟ نوال:اليوم زواج هالعله..وبصراحه ودي تروح معي عاليه:انسي الفكره..جدها تعبان ومااتوقع تروح نوال:طيب وانتي ليش ماتروحين؟؟ عاليه:ابتسمت بمراره..انسي الموضوع..اصلا انا تعبانه نوال:لا تقولين علشان الحروق..انا عندي فستان كااااامل ورووووعه عاليه:تنهدت..لا راسي يعورني نوال:عاليه حبيبتي شفيك؟؟هالعقرب سوالك شيء؟؟ عاليه:نوال والله زهقت طلعت روووحي..كل شيء صار ماله طعم..حتى الضرب ماصرت احس فيه..ماصار يأثر فيني..هو لو يذبحني ويفكني قاطعتها.. نوال:عاليه شهالكلام خابرتك قويه..تدرين شلون روحي معي اليوم وغيري جو وشوفي شبسوي فيهم ..واذا هالعقرب تكلم والله لاوريه عاليه:ههههه نوال:ايه سمعينا هالضحكه.. عاليه:تصدقين الى يومك هذا اضحك كل ماتذكرت هوشتك معه..انتي من جد رهييبه نوال:ايه حبيبتي انا محد يدوسلي على طرف..ها شقلتي تروحين؟؟ عاليه:لا مو رايحه... نوال:طيب انا تأخرت على شيخه تنتظرني ..سي يو عاليه:سي يو..طالعت بالجوال وابتسمت..هذي هي نوال مجنونه وعنيده تطلعلهم بأفكار غريبه..الله يهديها..ويسعدها..دائما متسرعه بس حنونه وتندم بسرعه..نزلت الجوال على الكومندينه ونامت.. |
الشركه.. دخل عليه السكرتير وبلغه باللي صاير..رمى الاوراق اللي بيده وهرول لمكتب عمه.. دخل وسكر الباب وراه بعد ماقال للسكرتير لحد يقرب من المكتب..وطلب من السكرتير ياخذ ناصر الصغير معه.. النقاش كان حامي والفاظ عمه محد يتحملها..وطلباته اغرب.. سليمان:شفيكم اصواتكم واصله لبرى.. ابوفيصل:جلس على الكرسي بعد مافتح ازاريره...اعوذبالله منك ياابليس.. ابو محمد:ابوك وينه ولا مستحي من سواد وجهه.. سليمان:عقد حواجبه..سواد وجهه!!..شسالفه؟؟ ابومحمد:هي كلمه وحده..عبير ماتاخذ الا محمد.. سليمان:ليه ماعندك خبر انا زوجناها لفيصل ابومحمد:ومستانس انك مزوج اختك واحد خسيس ابوه اردى منه.. سليمان:طالع بعمه بنظرة رجاء..يعني امسحها بوجهي..والله البنت تبيه..ثانيا على علمي الرديين اللي على قولتكم كنتم تبون تناسبونهم..والا شرايك يامحمد محمد:مسح جبهته بيدينه المرتجفه لمجرد ذكر طاريها.. ابومحمد:انت ماتستحي تقول هالكلام..البنت تبيه..هذا كلام رجال.. سليمان:عمي رجاء ماابي اغلط عليك.. محمد:لا تغلط ولا نغلط..عبير ماتاخذ الا انا..وهالخسيس فصيل يدور وحده غيرها.. سليمان:والله كانك رجال امنع هالزواج..واعلى مابخيلك اركبه.. ابومحمد:هين ياسليمان هالعرس مايتم وبتشوف..لو على جثتي.. ابوفيصل:يابومحمد شهالكلام تعوذ من ابليس وانا ماخطبتها الا بعد مارفضتكم.. ابومحمد:وبنتك يوم جاكم ولدي يخطبها بعد كانت ماتبيه!!هذاني اقولك يابو فيصل قول لولدك يترك عبير ولا ورب البيت مااخلي هالعرس يتم.. سليمان:لحووول زواج بالاكراه يعني..وبعدين ليلى شلون يتزوجها محمد وهي كانت مملكه على ناصر..ياخي خلاص مافيه نصيب ..وماله داعي المشاكل على شيء تافه.. ابومحمد:والله انا براسي حب مانطحن ..وبتشوف يابوفصيل..وطلع هو وولده ركب السياره وهو مقهور.. ابومحمد:انتبه لولده..شفيك محمد:مافيني شيء وحرك السياره ابومحمد:ياولدي لاتزعل وبتشوف شلون باخذ حقك منهم محمد:يبه انت السبب لو انك موافق كان خطبت ليلى قبل نويصر.. ابومحمد:هم مايبون يزوجونا وشفت شلون ردونا بعبير..بس لا تخاف باخذ حقك منهم.. سليمان حب راس عمه.. سليمان:هونها وتهون ياعمي..تراهم قول بليا فعل ابوفيصل:الا ابومحمد..انا اعرفه زييين..من يومه وهو مايدانيني..تقل اني ماكل حلال ابوه.. سليمان:ياعمي مايقدر يسوي شيء..يعني بيغصبنا علىشيء مانبيه..ولا مو شايفنا رجال ياعمي ابوفيصل:انا خايف على فيصل..ياولدي افتح الدرج وتلقى حبوب الضغط احس بدوخه.. سليمان:على طول فتح الدرج وطلع الحبوب وعطاها عمه مع كاس مويه..عمي برجعك للبيت انت تعبان ابوفيصل:نزل الكاس..ومد يده لسليمان يساعده على الوقوف..اي والله تعبان..ناصر وينه.. سليمان:وديته لمكتبي..ارجعك للبيت ابوفيصل:وصلني ياوليدي للبيت.. مسك يد عمه ورجعه مع ولده للبيت.. قصر ابوعهود.. دخل البيت بعد مااعطى الشغاله شنطته علشان تطلعها غرفته.. راح للمجلس العائلي اللي دايما يجلسون فيه..ومالقى احد..طلع الدرج.. وراح لغرفة بنته..فتحها ولقاها نايمه..قرب منها وحب جبهتها بهدوء..اشتاقلها مره.. وانشاء الله بتسامحه اذا درت هو وش سوى..بس هي ماتعرف مصلحتها..غطاها زين ..وراح لغرفته..دخل واتفاجأمن شكلها..تقدم منها.. ابوعهود:سلامات..وطالع بالكومندينه اللي بجنبها مليانه ادويه..عسى ماشر ام مؤيد:سوت نفسها زعلانه..تسألني وانا دخلت المستشفى باسبابك.. ابوعهود:رفع حاجب متعجب..باسبابي..وجلس على السرير.. ام مؤيد:حتى سماعة التلفون يالظالم مارفعتها تسأل عني وتتطمن.. ابوعهود:يابنت الحلال علميني شصار .. ام مؤيد:ماتدري انك بعد ماهاوشتني دخلت المستشفى؟؟ ابوعهود:لاوالله محد قالي..افا كل هذا زعل..وحب راسها..ماهقيت ان هوشه صغيره تدخلك المستشفى.. ام مؤيد:كل اللي صار وتقول هوشه صغيره.. ابوعهود:الحين جاي من السفر ومسوي روحي زعلان ابيتس تراضيني طلعتي انتي تبين مين يراضيتيس..ماتشوفين شر يالغاليه..ومد يده على احد هالعلاجات اللي بالكومندينه.. كل هالادويه ليه؟؟ ام مؤيد:مابغت تخوفه..عادي بس انت تعرف مستشفياتنا.. ابوعهود:رجع العلاج مكانه..بروح اخذلي شور بعد هالسفره اللي ماقلتيلي حتى الحمدالله على السلامه ام مؤيد:ابتسمت..مايحتاج انت تدري باللي بالقلب.. ابوعهود:رد لها الابتسامه..وانا مو ذابحني الا اللي بالقلب..ودخل ياخذ شور.. (ابوعهود عمره 47 سنه كان متزوج قبل ام مؤيد بس للاسف ماجاه عيال والاطباء قالوله انه مايجيب..تزوج ام مؤيد وحبها من كل قلبه وربى مؤيد واعتبره مثل ولده..اقنعته ام مؤيد يتعالج بره وفعلا الله رزقه بعهود..وحب ام مؤيد اكثر وأكثر..الخلاف اللي بينه وبين مؤيد خلاف بالرأي..ابوعهود ربى مؤيد وتعلق فيه واجد بس مؤيد كبر وطبيعي بيزور ابوه وينام عنده وينفذ اوامره..ومن هنا بدت الخلافات ..حس ابوعهود انه ماله اي قيمه عند مؤيد..) قصر ابو سليمان.. نايمه بس تسمع صوت..افف..انقلبت على الجهه الثانيه..بس الصوت مستمر.. فتحت عيونها بصعوبه ..ركزت بالصوت..هذا صوت التلفون..رفعت نفسها ..وسحبت السماعه.. الووو..صوتها فيه بحه من النوم :والله خفت عليييك مادريت انك نايمه..اسف ليلى:ابتسمت..خفت علي ولا اشتقت لصووتي..ورجعت خصله طايحه على وجهها ورى اذنها.. ناصر:هههه دايما كاشفتني.. ليلى:ايوه دايما كاشفتك فلا تلعب بذيلك من هنا ولا من هنا.. ناصر:اجل كلامنا امس ماجاب نتيجه.. ليلى:طالعت بساعتها..يوووه ماصليت الظهر..ورفعت نفسها ناصر:تتهربين ليلى:صارت تحرك رقبتها يمين ويسار لانها تعورها..انا بحياتي ماتهربت..ايه كلامك ماجاب نتيجه..وقالت بدلع..لاتحاول قلبي مو متطمن وانت مو تحت نظري.. ناصر:تدرين حلو التواضع.. ليلى:استغربت كلامه..تواضع؟؟وش دخل هذا بكلامنا؟؟ ناصر:انتي الحين من كل عقلك اطالع غيرك..انتي فووق انتي مو بشر اللي يطالعك مستحيل يطالع غييييرك..لاتقارنين نفسك بغيييرك..حبيبتي والله مايسكن القلب غيرك..انا احبك.. ليلى:تدري اني اموووت على كلامك.. ناصر:بسس.. ليلى:ايه بسس.. ناصر:متأكده؟؟ ليلى:لالا مومتأكده.. ناصر:ايه اعقلي.. ليلى:تعال علشان اعقل..ناصر والله اشتقتلك ناصر:وانا مكلمك علشان.... ليلى:شفيك سكت..علشان ايش؟؟ ناصر:علشان اشتقتلك..ليلى ماقلتي تبين تصلين ليلى:طيب لا تقاطع.. ناصر:مجنون اقاطعك ناوي على عمري ..حبيبتي مع السلامه ليلى:الله يسلمك..سكرت السماعه..استودعت الله عيونك ياناصر .. نزلت من السرير ورفعت شعرها بكلبس..دخلت دورة المياه وخذت شور سريع وتوضت..اطلعت وطلعتلها جلابية بيت ناااعمه لونها ارجواني مع تطريز ناعم بالذهبي..لبستها وفرشت سجادتها وصلت الظهر.. الشركه.. رجع للشركه بعد ماوصل عمه وولده لبيتهم.. دخل المكتب..وضايق خلقه.. شدراها اني بجي ولا احساسها بعد..ااه ياسلمى.. اشتقتلك..اخخخ يالقهر لو ماقفلت غرفتها كان قدرت اشوفها وهي نايمه.. بس معاليش اليوم وانا راجع امرها واشوف اخرتها ياسلمى.. قطع تفكيره صوت السكرتير وهو يدخل.. السكرتير:طال عمرك هذي الملفات اللي المفروض يوقعها ابو فيصل اليوم ارسلها لي سكرتيره سليمان:خلاص نزلها..واطلبلي الاستاذ علي |
المستشفى مافي مواعيد كثيره اليوم.. دق عليه زياد وكان باين من صوته انه متضايق.. فاقترح عليه يجيه بمكتبه اريح له.. دخل عليه بعد ماستأذن وجلس على الكنب بقوه وزفر فيصل:اوووه الاخلاق مقفله اليوم.. زياد:وليه ماتقفل وعرس الحبيب الليله.. فيصل:الله يهنيه زياد:الا الله ياخذه..وش كان بيضره لو خذاها فيصل:زياد ماني خابرك حقود؟؟ زياد:انا مقهووور..مرر اصابعه على شعره الاسود واللي طوله مقبول..الحين دبرني شالسواة؟؟عمي بعد يومين بيجي من السفر واكيد بيرجعونها لي..انا ماادري شلون يفكرون..وحده ماتبيني ولا ابيها وش يبون يغثونا.. فيصل:طيب حاول تقنع نفسك فيها زياد:اي اقنع اي خرابيط..اقووولك ماعتبرها الا اخت..ياخي غصب عني فيصل:زياد ترى والله ماعرفتلك..اقولك لا تاخذها تقول بيغصبوني اقولك اقنع نفسك فيها تقول ماتبيها شسويلك؟؟ زياد:فيصل افهمني..انا مستحييل ارجعلها مستحييل..بس انا ابي حل شلون مايكون فيه مشاكل.. فيصل:عقد حواجبه..وتذكر اللي صارله مع ميساء..يعني عمك بيقطع علاقته فيكم.. زياد:كله يهون بس الخوف من ابوي يقطع علاقته فيني.. فيصل:واذا قطع..بتاخذها؟؟ زياد:لأ..راسي بينفجر.. فيصل:طيب شرايك تسافر زياد:يعني اتهرب..المشكله مو منحله اذا رجعت بلقاها فيصل:لا انا اقصد تاخذ اجازه وتفكر بروقان..واكيد بتوصل لحل.. زياد:والله فكره ماهي شينه..وشرايك تخاويني فيصل:افكر واردلك خبر قصر ابو صالح قامت مفزوعه من النوم..وبسرعه صارت تهز اختهااللي تئن بصوت مسموع وتضرب وجهها على خفيف غيوض:عاليه عاليه..تسمعيني عاااليه عاليه:اااه..ااه غيوض بسرعه راحت لغرفتها وبثواني لبست عبايتها ونادت الشغاله.. اخذت عباية عاليه ولبستها بسرعه وراحت فيها للمستشفى بمساعدة الشغاله.. وبعد مده.. غيوض:بشريني؟؟ الدكتوره:وتسألي كمان؟؟دي البنت تعرضت لضربه اويه كانت حتروح فيها وبتسألي..وبعدين ايه الحروق اللي بكل قسمها..انا مزتره ابلغ البوليس غيوض:بلغي اللي تبيين بس اهم شيء هي كيفها؟؟ الدكتوره:دلوأتي كويسه وكلها ساعتين وبتفوأ..عن ازنك.. راحت لاختها وضمتها..الحمدالله انشاءالله ربي بياخذ حقك الشرطه اكيد بتحقق ,,عاليه اذا تسمعيني حركي اصبعك.. عاليه:__ غيوض:رمت نفسها على الكرسي..ورجعت راسها على ورى وتفكر باللي ممكن يصير.. طلعت جوالها من الشنطه..يووه مافي ارسال..طالعت حوالينها وشافت التلفون.. قامت ورفعت السماعه ..تفكر تدق ولا تطنش؟؟خليني ادق احسن..ضغطت رقم البيت وبسرعه سكرت.. غيوض:اصلا مادرو عني اذا انا موجوده ولا لأ..نزلت السماعه..واتجهت للشباك تشوف اللي رايح واللي جاي.. العصر.. بعد ماخلص من شغله قرر يروح لبيت عمه.. ويحط النقط على الحروف.. رن جواله ورد سليمان:هلايالطيب.. خالد:هلا بحبيب قلبي والله..اشتقتلك سليمان:وععع ياشينها من حلقك.. خالد:يسوي روحه يبكي..لألأ ارجوك انا احبك سليمان:وقف عند الاشاره..حبتك القراده يالماصخ خالد:طيب حبيبي ممكن تجي ابي اتفاهم معك.. سليمان:على وشو نتفاهم خالد:كل الحب اللي بينا وتسألني على ايش؟؟ماهقيتها والله سليمان:ضرب بوري للي قدامه علشان يمشي..انت وينك؟؟ خالد:والله ياحليل نويصر يعطي وجه..بس انت مادري على منهو طالع..انا بفهم شلون سلمى متحملتك؟؟ سليمان:والله مالك دخل..وبعدين انا مع سلمى غير... خالد:والله ماظنيت..المهم تعال عندنا جالس انا وابوي بالدكه والجو حلوووو سليمان:ايه بالحيييل حلو خالد:لا تخاف مدام فيه المكيف الصحراوي بيطلع يهبل..هاشقلت ابوي يقول مرنا سليمان:اصلا انا كنت بمر قبل لاتدق خالد:صح شلون نسيت ان المحقق كونان عندنا.. سليمان:منهو كونان؟؟ خالد:مرتك بعد منهي سليمان:ههههه والله لقيتها خالد:طيب اعلمها وبتشوف شتسوي فيك سليمان:خالد طلبتك لاتقول تراها زعلانه.. خالد:والله اني حاس..يابن الحلال لا تعطيها وجه وبتشوفها تركض وراك سليمان:انت الظاهر بتضيع مستقبلي خالد:بكيفك..المهم وانت جاي جب لنصوري باسكن وحت انا جبلي ولا ترى بقول لسلمى سليمان:انا وشلون ازل عندك..خلاص بجيبلك..مع السلامه خالد:الله يسلمك..سكر من عند سليمان واخذ الترمس وصب لنفسه قهوه ابوفيصل:بيجي؟؟ خالد:ايه الحين بيجي.. ابوفيصل:دق على فيصل خله يجي بعد الدوام على طول لايروح يفرفر مع اخوياه خالد:يبه سامع شيء عن فيصل؟؟ ابوفيصل:لا ابيه بموضوع..وشاف ولده بيتكلم ..سكر حلقك لين يجي سليمان.. خالد:سند ظهره على المركى ومدد رجلينه.. بالداخل جالسات بالمجلس العائلي ويسولفون عن الموديلات والزواجات ليلى:اشوا الموديلات الحين كلها الواسعه يعني مايبين بطني عبير:يووه ياسلمى ماشفتي فستان صديقتي بزواج اخوها يهبببل.. سلمى:شلون موديلها؟؟ رن جوالها وابتسمت لما شافت المتصل.. قامت من عندهم وراحة للصاله..وردت.. الوووو غدير:هلا بالقاطعه ليلى:هههه..هلا بام لسان غدير:حرااام عليك وهذا انا داقه واسأل عن اخبارك ليلى:لافيك الخير..حقك علينا..طمنينا شخبارك شمسويه.. غدير:والله الحمدالله وبخير وانتي كيفك ليلى:انا عال العال..مشتاقه لك ولسواليفك غدير:احم احم..ماادري شقول والله مستحيه ليلى:لا تستحين قولي غدير:ملكتي بكره وودي تحضرين .. ليلى:مبرووووووك الف مبرووك مابغيتي ترضين وتوافقين ياراويه غدير:شفتي شلون النصيب اخر شيء توقعته اني اخذ ولد خالي.. ليلى:الله يوفقك انشاءالله..شفتيه عجبك غدير:بصراحه بصراحه..على قدماكنت كارهته لأ مو كارهته بس مو متقبلته زوج..على قد مارتحتله يوم شفته حسيته..مادري شلون اوصفلك ليلى:الله البنت طايحه بدباديبه.. غدير:ليلوه شهالكلام استحي..المهم بكره ضروري تجييييين ليلى:طيب..ميساء بتجي؟؟ غدير:ايه عزمتها وتقول يمكن علشان عيال اخوها جو..ليلى ترى ميساء قالتلي كل شيء..وبراضيكم بالملكه شرايك ليلى:خلاص انشاءالله بجي..بس وين ؟؟ غدير:ببيت جدي بعطيك الوصف ليلى:لأ..بكره بكلمك وباخذه تراني نسايه غدير:وانتي بشريني عنك ..ماحملتي؟؟ ليلى:مسحت على بطنها وابتسمت..ابشرك حامل غدير:من جدك..مبرووووك..هههههههه ليلى:شفيك تضحكين؟؟ غدير:اتخيل شكلك وانتي حامل ليلى:اشوف فيك يوم.. غدير:طيب طولت عليك ..مع السلامه ليلى:الله يسلمك.. ورجعت للبنات.. المغرب المستشفى.. ساعدتها تقوم من السرير..لبستها العبايه ..ومسكت يدها وطلعو.. شافوه ينتظرهم بالسياره البنتلي السوداء.. ركبو كلهم ورى.. ابوصالح:التفت وهو معصب..شايفيني سواق وحده تركب قدام غيوض:نزلت وركبت قدام.. حرك السياره..ورجعو للبيت.. نزلت من السياره بمساعدة اختها ..دخلو واتجهو للمصعد..وقفهم صوته.. ابوصالح:تعااالي هنا عاليه:طالعت باختها وبعدين طالعت بعيون ابوها..ابتسمت ابتسامه سخريه..حررت يدها من غيوض واتجهت للمكان اللي أشر عليه..رفع ايده عليها..حست بحراره بوجهها وسائل دافئ ينزل على فمها..حطت ايدها على وجهها تبي تمسح الدم.. ابوصالح:انتي رايحه لامك امس؟؟ عاليه:.... ابوصالح:عطاها كف ثاني خلاها تطيح..على بالك اذا رحتي المستشفى او اشتكيتي بترجعين لامك..انتي مو راجعه الا مكفنه فاااااهمه..ركلها برجله..وطلع ركضت لها غيوض وساعدتها على المشي..طلعت غرفتها.. ودخلت دورة المياه تمسح الدم.. غيوض:عاليه بروح اخذلي شور واجيب اكل اوكيه..وطلعت قبل ماتسمع رد اختها.. دخلت غرفتها الفخمه جدا..هديه من جدها اللي صممت خصيصا لها بايطاليا.. دخلت تاخذ شور سريع..طلعت وهي تنفض شعرها..طلعت الاستشوار ونشفته بسرعه لبست بيجامه حرير وفوقه روب وقبل لاتطلع اخذت التلفون ودقت على المطبخ يجيبون لهم عشاء..وراحت لغرفة عاليه.. غيوض:علووشه..علوووشه عاليه:تعالي انا بالبرنده.. غيوض:فتحت الستاره..وطلعت لاختها اللي جالسه بالارض.. عاليه:قلتيلهم يجيبون عشاء غيوض:ايه..جلست بجنبها..طلعت الباكيت وسحبة سيجاره..ولعتها وصارت تنفخ بقوه عاليه:مدت ايدها واخذت سيجاره وحطتها بفمها غيوض:ههههههه عاليه:بدون ماتلتفت لها..شاللي يضحك غيوض:نفخت..وصارت تطالع بالسيجاره..تصدقين انا تعرفت على وحده تدخن..كنت انصحها وشوي شوي صرت انا ادخن..وانتي صجيتيني حرام وحرام ومضر واخرتها تدخنين عاليه:انا ماسوي شي حرام..انا بس ابي اشوف هي تولع ولا لأ غيوض:وشلون تولع وانتي ماولعتيها يالذكيه عاليه:من النار اللي بداخلي..عفطت السيجاره بايدها ورمتها غيوض:سحبت نفس..انقهرتي علشان طلعوك بدون مايسووله شيء.. عاليه:ههه ضحكتيني انتي على بالك يسوون له شيء..يماما انا بنته وله الحق يسوي فيني اللي يبي.. غيوض:فعلا شيء يقهر..طيب ليش ماتهربين وتروحين لامك عاليه:امي...تصدقين بديت احقد عليها ..دامها ناويه الطلاق ليش جابتني..بتحس بالامومه..وتعذبني غيوض:سحبت دخان ونفخت..ابوي ليه يسوي كذا؟؟ عاليه:التفتت عليها..من حبه لامي.. غيوض:طفت السيجاره بالارض..يحب امك!! عاليه:ايه يحبها وينتقم منها فيني..على باله اني اكبر همها ونسى انها انشغلت بعيالها.. اللي تسمينه ابو يموت على امي وانا اللي دايما اذكره فيها فيفضي شحنة الغضب فيني..حتى امك بالبدايه علاقتي معها عاديه ماتحبني ولا تكرهني..بس يوم اكتشفت ان زوجها العزيز الى الان يحب زوجته الاولى صارت تكرهني .. غيوض:طيب ليه طلقها؟؟ عاليه:ماادري بس اللي اعرفه انها طلبت الطلاق و غصبن عليه طلق..وانا الضحيه.. غيوض:مددت رجلينها بالارض..ياخي اللي مو مستعد يصير ابو لا يتزوج..تدرين انتي لو جدي يحبك بتنحل كل مشاكلك.. عاليه:يحبني وانا مصدر تعاسة بنته..يووه شلون نسينا نوال غيوض:ليه شفيها بعد؟؟ عاليه:اليوم زواج حبيب القلب.. غيوض:بالله..بروح ادق اشوف شسوت.. عاليه:قامت مع اختها مو راده عليك تلقينها مشغوله.. |
قصر ابو فيصل بعد مارجعو من صلاة المغرب مجتمعين بالدكه ويتناقشون بمواضيع عامه.. خالد:لابس بنطلون جنز وتيشرت ابيض نص كم..وناصر بحضنه..انا مادري شمعجبك فيه يبه..والله احسن مافيه انه جاب هالبطل..ويحب راس ناصر ابوفيصل:ليتك بس تجي ربعه.. خالد:بسمالله علي لا تفاول يبه ابوفيصل:خاالد اعقل سليمان:عمي ماعليك منه..فيصل شكلك دايخ فيصل:فرك عينه بيده..ايه والله بس احتري صلاة العشاء.. ابوفيصل:والعشاء؟؟نبي نتعشى جميع.. فيصل:عجلو فيه والله يبه ان راسي صاكن ويدور الفراش خالد:اقول طال عمرك جدتي مهي ناويه تزورنا؟؟ ابوفيصل:الاسبوع الجاي انشاءالله بروح واجيبها..هي ماتجي الا بطلبات وترجي خالد:طق على صدره..خلاص ازهله يبه انا اجيبه سليمان:كل هذا علشان تسافر ترانا عارفين حركاتك.. خالد:وهو يتوعد سليمان بقلبه..ماقصدي بس مابي اتعب ابوي ياكونان سليمان:طير عيونه على خالد خالد:هههههه ونزل ناصر من حضنه..والله اللي يدق الباب وش يسوي ياناصر ناصر:بصوت عالي..يسمع الجوااااااااب خالد:عفيه على البطل..سمعو المؤذن يذن لصلاة العشاء الله اكبر الله اكبر الله اكبر الله اكبر اشهد ان لا اله الا الله اشهد ان لا اله الا الله اشهد ان محمد رسول الله اشهد ان محمد رسول الله حي على الصلاة حي على الصلاة حي على الفلاح حي على الفلاح الله اكبر الله اكبر لا اله الا الله وبعد مارددو وراه اللهم رب هذه الدعوة التامه والصلاة القائمه ات محمدالوسيلة والفضيله وابعثه اللهم مقاما محمودا..انك لا تخلف الميعاد.. ابو فيصل:انا سابقكم على المسجد..اخذ شماغه اللي على المركى وراح فيصل:تمغط وهو يتثاوب خالد:سد حلقك سليمان:والله انت يالتعبان اللي تسد حلقك..اثرك مو رجال ولا عند كلمتك خالد:ههههههه سليمان:ضحكت بليا سنون..ولا بس فاضي تبلع وتنسى العهود..وياخذ علبة الباسكن اللي اكلها خالد ويرميها على وجهه خالد:هههه والله امززززح بس شسوي فيك رفعت ضغطي فيصل:شفيك عليه<<يكلم سليمان سليمان:والله ياخويلد ان جبت طاري والله لاوريك خالد:لحوول شكل السالفه اللي بينكم قويه..علمنا يمكن افزع معك..تراني ضد المرأه وقانوني للرجال فقط سليمان:قام ومد يده لناصر..قوم يابطل.. خالد:افا سليمان من كل عقلك زعلان..وقام مسك ناصر ..اترك ولدي سليمان:ياخي تبي ولد اعرس خالد:علشان اصير زيك..انا يكفيني ناصر..وسبقهم على المسجد ومعه ناصر بالمطبخ.. سلمى تطبخ العشاء..مسويه مرقوق ومحشي كوسه وسلطه يونانيه وسلطة جرجير وورق عنب.. عبير:واقفه عند طاولة التحضير ولابسه تنوره جنز وتيشرت وردي ناعم من زارا..امممم اااه يازين طبخك ياسلووومتي ليلى:لابسه طقم كامل شيفون انيق..اي والله فنانه سلمى وتاخذ ورقة عنب وتبلعها عبير:تقلد صوت ليلى..اي والله فنانه..ليه ماطلعتي عليها ليلى:والله كل انسان وله هوايه..رن جوالها وحمر وجهها وطلعت عبير:والله مو مخربها الا هالناصر سلمى:حاسدتها ..بدى شغل الحماوات.. عبير:ايه بدى لازم اسنعكم مابي حريم اخواني رفل.. سلمى:نشوفك بكره اذا تزوجتي عبير:تنكدت من الطاري...بترجعين اليوم لبيتك ولا تنامين هنا سلمى:لا بنام هنا..تعبانه شوي عبير:ماحبت تدخل..احسن اصلا خالتي مو موجوده والمفروض انتي او ليلى تجلسون بالبيت ليلى:رجعت وهي مبسوطه..لايكون حشيتو فيني..وتاخذ ورق عنب وتبلعه عبير:هي انتي خلصتيه ..متوحمه فييه؟؟ ليلى:شكلي..ناصر يسلم عليك.. عبير:الله يسلمك ويسلمه..باين هالفرحه وش قايلك هالمره؟؟ ليلى:يقول مسويلي مفاجئه.. عبير:تراه يخرع هو ومفاجئاته..وضربت يد ليلى ..يكفي بلع ليلى:عبيرووه وخري عني..وتاخذ حبه وتبلع.. بعد ماخلصو صلاه بطريقهم راجعين..ابو فيصل وخالد وناصر قدامهم يمشون وسليمان وفيصل وراهم بمسافه.. فيصل:ايه باين عليها انها زعلانه..الله يهديك سليمان:عاد انا ابيك تفزع معي اذا تأزمت الامور فيصل:ماعليك بقنعها ترجع معك...انا اعرف سلمى سليمان:الله كريم..ماقلتلك شصار اليوم.. فيصل:شصار؟؟ سليمان:قال كل شيء لفيصل عن ابو محمد.. فيصل:وانا اقول شفيه ابوي كل خمس دقايق متصل يتطمن علي.. سليمان:ترى ماقلت لحد ولاحنا بقايلين ..بس انت اللي قلتله علشان تاخذ الحرص فيصل:مايقدر يسوي شيء وعناد فيه بتزوج بهالعطله سليمان:تراه متهور ويسوي اي شيء..انت احتاط..ودخلو للبيت رجعو جلسو بالدكه اللي محاوطها الياسمين وملكة الليل.. روائح منعشه تريح اعصابهم وتحلي الجلسه.. ابوفيصل:ناصر قل لامك تحط العشاء ناصر:طيب جدي سليمان:وشو طيب..قول تامر جدي ناصر:تامر جدي..ودخل للبيت فيصل:انا ابي منك شغله ياسليمان..وغمز له..قوم معي خالد:وين رايحين سليمان:تسمعه يقول يبيني بموضوع خاص ..انت ليه ملقوف..وقام مع فيصل..دخلو داخل وعند باب المطبخ فيصل:يااولد سلمى:مشغوله تحط العشاء..حيااك مافي احد فيصل:دخل..واشر لسليمان يدخل لان ليلى مو فيه.. سلمى:لابسه جلابيه ليمونيه نااعمه ورافعه شعرها الاسود بكلبس ومو حاطه اي شيء على وجهها..معطيتهم ظهرها..هافيصل سمعت انك جوعان فيصل:تقدم واخذ ورق عنب وبلعها..الا فاطس هلكان جوع..الله يازين طبختس ياسلمى هذي المره ولا بلاش سلمى:وتاخذ ملعقه سلطه وتأكلها فيصل..ها حلوو فيصل:يمي يمي..ليلى وينهي سلمى:هههه ليلى حاشرتها عبير تقول خلصت ورق العنب.. فيصل:طيب عجلو بالعشى ترى فطست جوع سلمى:التفتت على ورى تبي تشوف اللي على النار وطاحت عيونها عليه.. سليمان:ابتسم..شلون حلوتي اليوم سلمى:طالعت بفيصل..ماحبت تبين له انهم زعلانين..بخير وانت شلونك سليمان:ابتسم لها ..وغمز لها انتي تدرين وشلوني.. سلمى:ارتبكت وخصوصا ان فيصل موجود صحيح لاهي يبلع بس يسمع وهي تبي تأدب سليمان بطريقتها..علشان مره ثانيه مايفكر يغلط معها..سوت نفسها مشغوله بالتحضير وطنشته فيصل:طلع بدون ماتنتبه.. سليمان:قرب منها وحط يدينه على كتوفها..زعلانه سلمى:التفتت عليه ..طالعت حواليها مالقت فيصل..رمت ملعقة الغرف على الطاوله واشرت للشغاله تكمل شغلها..وطلعت برى المطبخ.. سليمان:زفر..ورجع للدكه.. دخلت على البنات ووجهها احمر.. عبير:جتنا الثانيه..شفتي سليمان سلمى:لأ ماشفته شفت فيصل..قالتها وهي معصبه عبير:حمر وجهها ليلى:هههههه.. عبير:استانست ليلوه.. ليلى:وليه مااستانس..واشرت لها تسكت لان سلمى باين عليها معصبه واحتمال كبير تتهور وتذبحهم.. بعد العشاء ابوفيصل وفيصل نامو وخالد وسليمان سهرانين بالدكه سليمان:طالع بساعته..خالد ماوراك دوام؟؟ خالد:الا..بس تونا سليمان:اي تونا الله يهديك يالله خل نرجع للبيت خالد:بتنام عندنا؟؟ سليمان:ايه وش يوديني للبيت وسلمى هنا خالد:شرايك اجل دامك زعلان علي ننام هنا وبالمره تراضي الزعلانه سليمان:والله جبتها..وحب راس خالد..يسلم هالراس خالد:علشان تعرف اني ابي مصلحتك..قوووم داخل خالد دخل على طول ومالقى احد تحت.. خالد:سليمان اددخل مافيه احد سليمان:غريبه ام لسان وينهي خالد:تلقاها مع ظلها ليلى..امش فوق طلعو للدور الثاني.. خالد:لحضه بدخل اشوف اذا فيه احد معها دخل ومالقى الا سلمى منسدحه على السرير وحاطه يدها على عيونها ومو متغطيه اشرله يدخل وطلع.. سليمان:دخل وسكر الباب بشويش..مشى بهدوء سحب الحاف وغطاها وراح للمعلاق وفصخ ثوبه وعلق شماغه.. سلمى:تشوفه بس سوت نفسها نايمه.. سليمان:دخل يتوضى ويصلي ركعتين زي ماهو متعود قبل لا ينام.. كان بيدخل غرفته بس سمع اصوات ضحك وقرر يدخل شتسووون عبير:بسم الله مره ثانيه استأذن خالد:وش مخوفك مامن احد غريب انا اخوك وفيصل زوجك وابوي عمك.. عبير:كشرت بوجهه..تصدق انك ثقيل دم ليلى:خالد متى نروح ترى جانا النوم خالد:نامو هنا عبير:لاوالله خالد:اي والله ..وطلع ليلى:تصدقين عاد راسي معوورني وابي انام.. عبير:اوماي قاد انا وين اروح ابي انام ومستحيل انام عندك انتي تكفخين الواحد ليلى:انزلي ونامي بغرفة الضيوف..ولا روحي لغرفة محمد.. عبير:تثاوبت ..لابروح لغرفة محمد ,,تصبحين على خير..وطلعت..دخلت غرفة محمد..وقفت لين تتعود على الظلام..مشت لين وصلت الاباجوره اللي بجنب السرير وشغلتها..هههه ياحليلك يامحمد والله لو تدري اني نمت بسريرك لايطير عقلك..رجعت وقفلت الباب..كانت بتنام بس متضايقه من لبسها راحت لغرفة ملابس محمد..فتحته ودورتلها بجامه ولبستها..هههه لا محمد اذا درى مو يطير عقله الا تجيه جلطه ويمكن تودي بحياته..رجعت للغرفه وحبت تستكشف المكان..عبير تدخل غرفة وماتفتش مستحييل..صارت تدور بالادراج وطلعت البوم صور ..تفرجت على صورهم وهم صغار وكل صوره تضحك من قلب..سكرته واتجهت لمكتبه فتحت الادراج ولقت كتب المدرسه..ياحليلك ياحميدان مايرمي كتبه..الله يخلف علي اول مايخلص الاختبار ارميه ولا يهمني..وش عندك بعد ياحميدان..اووو شهالدفتر الكشخه..شكله دفتر خواطر او مذكرات..وافتحت اول صفحه..وبدت تقرى. ----------- |
في قاعة متوسطه من قاعات الرياض ترقص ومستمتعه بالرقص.. وتوزع ابتسامات..اللي يعرفها بس هو اللي يدري انه ناويه على شيء.. جلست على الطاوله المخصصه لهم واشربت كاس المويه.. شيخه:اليوم شعندك ماخليتي اغنيه مارقصتي عليها.. نوال:حراام؟؟..ودي اروح للمرايه بعدل مكياجي وشعري.. شيخه:مايحتاج كلوه حلوووو.. نواللابسه فستان ذهبي مطرز بتطريزهندي باللون الذهبي ورافعه شعرها البني...نوال حلووه عيونها بنيه بس صغيره خشمها صغير وشفايفها صغيره ملامحها اجنبيه..شعرها متوسط الطول ولونه بني..ماتحضر زواج الا تكون النجمه...) نوال:لا بروح...اخذت شنطتها الذهبيه وراحت للمكان اللي تبيه..شافت الكل منشغل استغلت الوضع..راحت لدفتر ذكريات العروس وابتسمت وهي تكتب..ودقايق خلصت..كانت تبي الصوره(صورة العروس اللي بالاستقبال) بس ماقدرت المشرفه موجوده... وراحت للمرايه وعلى وجهها ابتسامه خبيثه...جلست على الكراسي اللي عند الاستقبال..شافت ام العروس تتفاهم مع المشرفه وبعدين نزلو الستار ودخلت ام العروس للقاعه والمشرفه طلعت للعروس...هذا الوقت المناسب..مسكت شنطتها وطلعت على الدرج بخفه..فتحت شنطتها وطلعت سبلاش(بخاخ للعطر)..فكتها وبدت من ثالث درجه من فوق وكبت الزيت.."(كانت حاطه بدل العطر زيت)لين وصلت لاخر درجه..دخلت زجاجة العطر بالشنطه..ورجعت للكراسي اللي عند الاستقبال..مع اني اتمنى حسين هو اللي يتكسر..بس يالله العوض ولا القطيعه..سمعت نداء الطقاقه ان الزفه بتبدى..راحت تاخذ عبايتها..وقبل لا تدخل القاعه..الله يستر ماتنزل من الدرج الثاني ويروح شغلي على الفاضي...ليتني حطيت فيه...دخلت للقاعه وجلست جنب اختها.. وتنتظر الاحداث... ثواني وبدت الزفه..وطلعت العروس والكل يدعي لها بالتوفيق.. نوال:يوووه نزلت مع الدرج الثاني شوفو القهرررر... جلست العروس بالمكان المخصص وسلمو عليها اقاربها..وبعد مده اعلنو ان العريس بيدخل..انتظرو وانتظروو بس مادخل..وشوي شافو فاديه تتجه لام العروس وبدت الطقاقه تغني استعدادا لوداع العروس... الحضور استغرب وين العريس اللي بيدخل..وبدى الكلام.. شيخه:وشفيه مادخل لا يكون هون؟؟ نوال:انشاء الله اللي ببالي تحقق.. شيخه:انتي ماقلتي انك ماتبينه؟؟؟ نوال:مو معها كانت تفكر باللي صاير فيه.. وبنفس المكان منصوراخو حسين)وشلون انزلق؟؟ فاديه:ماادري نزل مع الدرج ويمكن مانتبه.. منصور:روحي تأكدي اذا عنده احد.. فاديه:ماعنده احد بس انت عجل..وصلو له ولقوه جالس على الدرج ولا يقدر يتحرك.. منصور:سلامات ويمسك ايده.. حسين:شوي شوي احس اني منكسر... منصور:نزل شماغه وعطاه اخته..وشال اخوه بعد ماساعده يفصخ البشت..فاديه دقي على وليد(اخوهم)خليه يجيب السياره بسررعه.. فاديه:دقيت وهو برى ينتظركم..طمني اول ماتوصلون..وراحو للمستشفى....رجعت للدرج..ولمسته..زييييت!!!! ------------------------------ الساعة ثلاث ونص اخر الليل.. قصر ابو فيصل غرفة سلمى جاه اتصال من ناصر واستغرب..رد عليه وهو يحاول يفتح عيونه لانه كان بنوم عمييق .. سليمان:الوو ناصر:سليمان هو سؤال واحد وابيك ترد علي سليمان:رفع نفسه من السرير ..ناصر شفيك؟؟ ناصر:قبل ابيك تحلف تقول الصدق سليمان:عصب..خابرن اكذب؟؟وهنا قامت سلمى ناصر:محمد جاكم اليوم وتهاوشت معه سليمان:ايه..شدراك؟؟؟ ناصر:وليه؟؟ سليمان:سالفه اذا جيت اقولك؟؟بس انت شدراك؟؟ ناصر:الحين تقوولي علشان ايش تهاوشتو..كان باين عليه انه معصب.. سليمان:تنهد..علشان عبير..الوووو..ناصر..الووووووو ونزل الجوال وهو مستغرب سلمى:نست الزعل من الخوف..شصاير؟؟ سليمان:طالع فيها..مااادري..هز راسه...غريبه شدراه بسالفة محمد؟؟ سلمى:سليمان شكل المكالمه اقلقتك..من مين؟؟ووش فيها عبير؟؟ سليمان:من ناصر..اتركك من ناصر الحين بكره اعرف شيبي..خلينا بالمهم..سلومه انا اسف.. سلمى:صدت عنه..تصبح على خير.. سليمان:سلمى سلمى:____ سليمان:سلمى تدرين اني اكره هالحركه فلا تنرفزيني.. سلمى:وهي مغمضه عيونها..والله انا وحده ماغصبتك تتكلم معي ولا ابي اساسا اسمع منك شيء.. سليمان:الى متى يعني؟؟ سلمى:والله منت مجبور تنتظر..طلقني وافتك مني وعيش حيااتك.. سليمان:من قلبك هالكلام.. سلمى:ايه.. سليمان:طيب ليه تقولينها وانتي صاده عني..طالعيني وقوليها.. سلمى:فتحت عيونها والتفتت عليه بعد مارفعت نفسها ..منت مجبور تنتظر.. سليمان:الا مجبوور.. سلمى:وش اللي حادك؟؟صدقني مو زعلانه..وبنكون اصدقاء ..وانت تزوج اللي تسعدك .. سليمان:تنهد..انتي تدرين انك تعذبيني بهالكلام.. سلمى:انت اللي طلبت مني اتكلم..طلقني ومابتسمع هالكلام سليمان:عصب ومسك ايدها وضغط عليها..طلاااق مو مطلق لو تحبيين رجووولي فاهمه سلمى:سحبت ايدها منه بقوه وصدت للجهه الثانيه وسكرت عيونها..وتحس بالانتصار..توك ماشفت شيء ياسليمان.. سليمان:وانتي من اهله..بس بكره بنتفااااهم ..وحط راسه ونام.. في غرفة ليلى.. رن جوالهاالي حاطته على الكومندينه اللي بجنبها..مدت يدها من تحت الحاف وخذته وردت الووووو ناصر:الووووو ليلى:بعدت الحاف عن وجهها..حبيبي نايمه ادق عليك اذا قمت ناصر:عمرك ماقمتي..شيلي قشك واطلعي برى البيت ليلى:صحصحت من النوم..هلا ناصر ماسمعتك ..شتقول ناصر:اقووول انقلعي برى البيت وانتي طااااااالق ليلى:بدى صدرها يعلو ويهبط..ايش ..قالتها وهي ترجف ناصر:طاااااااااااالق طااالق طالق .. |
الجزء الحادي عشر) (فلسفات انثويه...) في غرفة ليلى.. رن جوالهاالي حاطته على الكومندينه اللي بجنبها..مدت يدها من تحت الحاف وخذته وردت الووووو ناصر:الووووو ليلى:بعدت الحاف عن وجهها..حبيبي نايمه ادق عليك اذا قمت ناصر:عمرك ماقمتي..شيلي قشك واطلعي برى البيت ليلى:صحصحت من النوم..هلا ناصر ماسمعتك ..شتقول ناصر:اقووول انقلعي برى البيت وانتي طااااااالق ليلى:بدى صدرها يعلو ويهبط..ايش ..قالتها وهي ترجف ناصر:طاااااااااااالق طااالق طالق ..وبدى تدريجيا يختفي صوته.. ليلى:بتردد..انت ن..نا..ناصر..قالتها بصعوبه ناصر:وبدى يتكلم بالم..يعني تعرفين غيري..تطمني.. انا الغبي انا المغفل صح؟؟ ليلى:انت صاحي ولا سكران؟؟؟ ناصر:انا اصحى منك ياحقييييييره..وتوك ماشفتي شيء هي كلها يومين يالوصخه وبتعرفين شبسوي...طووووووووووووووط ليلى:الوووو..الوووووووووو..طالعت بالجوال..انا بحلم ولا علم..ناصر طلقني. قامت وهي تحس انها بأي لحضه ممكن تطيح..تماسكت لين وصلت دورة المياه..فتحت المغسله وبدت تغسل وجهها..مره ومرتين وثلاث..سكرت المويه ورفعت راسها تطالع المرايه..ناصر طلقني.. تناولت فوطه وبدت تنشف وجهها..طلعت ورمت الفوطه بالارض..جلست على الاريكه وتحاول تستوعب الموقف..بدت انفاسها تتسارع..حطت يدها على صدرها وكأنها تهدي نفسها.. وبعد دقايق..قامت توضت ..لبست شرشف الصلاة وفرشت سجادتها.. وصلت ركعتين..سلمت ورفعت يدينها لله اللهم اني امتك ابنةعبدك ابنة امتك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استأثرت به في علم الغيب عندك ان تجعل القران نور صدري وربيع قلبي وجلاء حزني وذهاب همي.. <<فضله:الا اذهب الله همه وابدله مكان حزنه فرحا..قالو يارسول الله ينبغي لنا ان تعلم هؤلاءالكلمات قال((اجل ينبغي لمن سمعهن ان يتعلمهن)) ياحي ياقيوم برحمتك استغيث لا تكلني الى نفسي طرفة عين واصلح لي شأني كله.. اللهم اني اسألك الخير كله عاجله واجله ماعلمت منه ومالم اعلم واعوذ بك من الشر كله عاجله واجله ظاهره وباطنه ماعلمت منه ومالم اعلم.. تنهدت..حاسه ان اللي صار حلم..ليش لأ اكيد كنت احلم..لمعت براسها فكره.. قامت من سجادتها واتجهت للسرير واجلست عليه وهي لابسه الشرشف..مسكت الجوال وتمت تطالع فيه..قررت تدق..انتظرت وانتظرت لين جاها صوته..تبي تتكلم تبي تقول الو..بس ماقدرت حلقها نشف ويدينها ترجف.. ليلى:.... ناصر:..... ليلى:خافت انه يسكر..وبصوت مخنوق ويااالله ينسمع..ناصر ناصر:....زفر انتي لك وجه تتصلين؟؟ ليلى:تبي تبكي..بس دموعها مو راضيه..تحس بالاختناق..وبكل صعوبه قدرت تتكلم..ليش.؟ ناصر:وتسألين يا___تسأليييين ليلى:انا اسأل ليش؟؟من حقي اعرف.. ناصر:انا ماارد على وحده زيك..وسكر بوجهها ليلى:رمت الجوال..وجهها ويدينها بدو يعرقون..فصخت الشرشف..وطلعت للبلكونه..تبي تتنفس ..ياناس ابي هواااا...ابي ابكي بس ليييش مو قادره لييش.. في نفس الوقت بغرفة محمد سكرت دفتر مذكراته ورجعته لمكانه..انسدحت على السرير ..وتحررت دمعه حاره على خدها.. عبير:هذي معالم حياتي معك يافيصل انرسمت..تحب ميساء وتنتقم منها فيني..ليش انا بالذات..ضايق خلقك لانك الى الان مو قادر تنساها..والكل عارف الا انا..خالد ليش كذب ..ليش قال ان فيصل مايبي ميساء؟؟..رفعت راسها وضمت رجولها..ودفنت راسها فيهم..كله منك يامؤيد لو خطبتني قبله كان الحين انا لك..فيصل خرب حياته وخرب حياتي معه.. وفيصل وش سوتله ميساء ؟؟ياربي وش اسوي اقولهم خلاص ماابيه..ياربي ساعدني.. اذان الفجر الله اكبر الله اكبر الله اكبر الله اكبر اشهد ان لا اله الا الله اشهد ان لا اله الا الله اشهد ان محمد رسول الله اشهد ان محمد رسول الله حي على الصلاة حي على الصلاة حي على الفلاح حي على الفلاح الله اكبر الله اكبر لا اله الا الله وبعد مارددو وراه ليلى.. سمعت اصوات المؤذنين وبدت تردد وراهم ..وبدت ترتاح شوي..ضمت يدينها لها وتحس برجفه غريبه..دخلت داخل علشان تصلي..صلت ركعتين قبل الفجر وبعدين صلاة الفجر..قرت الاذكار اليوميه..انسدحت على سجادتها ومادرت الا وهي نايمه.. الصباح الساعه ثمان غرفة سلمى.. رفعت نفسها من السرير وهي تتثاوب..لفت لجهته وكتمت ضحكتها على شكله..مسكين ماقدر ينام الا بعد مارجع من المسجد..ونايم وباين على وجهه انه متضايق ومعصب.. قامت من السرير بهدوء ودخلت تاخذ شور بارد ينعشها..لبست جلابيه بيت بالوان صيفيه منعشه..رفعت شعرها بكلبس وحطت قلوس مشمشي..بخت عطرها مس ديور ونزلت تشوف الفطور.. جهزت الفطور لعيالها وفطرتهم..وبدت تجهز الفطور لابوها واخوانها وزوجها..حطت ابريق الحليب وهي تسمع صوت ابوها وهو نازل من الدرج وينادي على ناصر.. سلمى:بصوت عالي..صباح الخير يبه.. دخل عليها بالمطبخ.. ابوفيصل:صباح النور يانورالبيت..عسى انتي اللي مجهزه الفطور سلمى:ايه وثواني وهو جاهز.. ابوفيصل:ونصوري وينه؟؟ انادي عليه مايرد سلمى:نصوري برى يلعب مع سديم بالحديقه.. ابوفيصل:اباخذه معي للشركه..وطلع للحديقه.. قالت للشغالات يحطون الفطور بالحديقه تغيير جو.. وطلعت تقوم اخوانها.. اول ماطلعت للدور الثاني قابلها فيصل سلمى:ياعيني على النشاط ياحظ اللي بتاخذك عزالله مو غاثها بالقعده فيصل:وياحظها بس علشان كذا..وغمز لها بالله انا مو حلو.. سلمى:الا تاخذ العقل..انزل تحت للحديقه نبي نفطر فيها جمييعا.. فيصل:ولو اني مستعجل بس ولا يهمك نتأخر علشان سلومتنا ومسك خدها وقرصه.. سلمى:انشاء بس يعجبك فطوري ..قالتها وهي تمشي لغرفة خالد.. فتحت الغرفه على طول ودرعمت على الستاير وفتحتها فجأه وطفت التكييف وسحبت الحاف.. وصرخت..خاااااااااالد خالد:نقز على طول..شصاير منهو مين؟؟ سلمى:هههههههههه وجلست بالارض من الضحك خالد:رمى المخده عليها...عز الله مايسوي هالحركات البايخه الا انتي..وقام يقرى على نفسه سلمى:مسحت دموعها..انت ماتقوم الا كذا.. خالد:والله لو مانتي حامل كان شلتتس ورميتتس مع هالدريشه بس ماابي احط بذمتي روحين.. جاهم صوته.. والله اللي بايعن عمره يقرب من سلومتي.. خالد:التفت عليه..والله مااردى منها الا انت..قام ودخل ياخذ له شور قامت من مكانها تبي تطلع وهو واقف عند الباب.. سليمان:سد الباب بيده..ابتسم..صباح الخير.. سلمى:ببرود..صباح النور..بروح اقوم عبير وليلى..واشرتله بعينها يعني وخر سليمان:مسك ايدها..ليش ماقومتيني؟؟ سلمى:ابيك تتعود تقوم لحالك..وطالعت فيه بتحدي..مصيرنا بنفترق..وابتسمت.. سليمان:ترك ايدها ونزل سلمى:وهي تشوفه ينزل..ياحليلك ياقلبي انت اصبر وبتشوف شبسوي فيك.. راحت لغرفة ليلى..طقت الباب بس مافتحت ولا ردت..تركتها ونزلت.. قصر ابوشيخه.. من امس مانامت ..تتفرج على التلفزيون شكليا بس عقلها مو معاها.. عقلها عند حسين..تتخيل شكله مع عروسته.. نوال:هي حلوه بس انا احلى..وش فيها زود عني ياحسين؟؟علشاني مطلقه يعني..طيب انا مطلقه بالورق مثل مازواجي كان عالورق بس..ادري انك ماقصرت وخطبتني واهلي رفضوك بس بعد انا ضحيت وحافظت على نفسي وتطلقت علشانك..بس خذلتني..الحين بتستانس مع زوجتك وبتنسى ان فيه وحده بالدنيا اسمها نوال..تذكرت اشكال الحريم اللي يسألون عنها ولما تقولهم اني مطلقه يهربون..هههه ياحليلي عمري 23 سنه ومطلقه..هذا اللي تبينه يمه وهذا اللي تبيه يايبه..الحين بقعد طول عمري عندكم..اففف لوماعندي عيال عم كان الحين حياتي غير..كله من هالزفت زيادوه الشايب لومعرس وانا بالثانوي كان افتكيت منه.. مددت رجلينها على الكنب ونامت وهي تتابع التلفزيون.. قصر ابو جاسم.. طلعت من دورة المياه وتحس ببروده فضيعه..يافضيحتك ياغادة..الله يستر معقوله اكون حامل..ارتمت على السرير..وصارت تطقطق باصابعها بتوتر..لو طلعت حامل ابوي بيموت هذا اذا ماذبحني..نزلت دموعها تلقائيا..حاولت توقفها بس ماقدرت..ياربي سامحني يارب استر علي..تناولت الجوال بيدين مرتجفه ووجهها مليان دموع..ضغطت الرقم..مافي رد.. دقت مره ثانيه..رد ياعمادالكلب ردد رد الله يقلعك الله ينتقم منك..ومارد رمت الجوال..غطت وجهها بيدينها وراحت بنوبة بكاء.. الظهر.. الشرقيه.. عند قلوب امتلأت بالحقد وتربت عليه..عند السنه ظلمت اناسا لمجرد الكره.. في قصر ابو محمد.. مجتمعين بعد الوليمه الدسمه اللي اقامها ابومحمد لاخته فضه..في مجلس كلاسيكي.. حطت الشغاله الشاي على الطاوله وطلعت..قامت ام محمد واخذت كاستين وصبتهم لابومحمد وفضه وقدمتها لهم.. ابومحمد:تناول الكاسه منها..انتي وشفيتج ماده البوز فضة:طول عمرها وهذا شكلها..لو تطيعني اعرس عليها اللي تبتسم لك بكل وقت.. ام محمد:فضه رجاء مابي اسمع صوتج مايكفي اللي سويتيه حسبي الله عليج من مره..انتي ماتخافين ربج..ماعندج بنات..قاطعها ام محمد:بس بس سكتي وخلينا الطيبه لج نشوف شنفعتج فيه.. ام محمد:بس يابو محمد والله اللي سويتوه حرااام حراام ابومحمد:ام محمد ياتنقطينا بسكوتج ولا فااارقي.. فضه:ويفضل تفارقين.. ام محمد:اكيد بفارق انا مااقعد مع وحده حقود وظالمه..وتركتهم ابومحمد:لاتزعلين منها تراها طيبه فضة:الا حيه من تحت التبن..وتشرب كاستها.. قصر ابو فيصل قامت على صوت جوالها يرن..تمغطت.. ليلى:اخخخ ياظهري شفيني نمت على السجاده..قامت وهي تحس بدوخه بسيطه..اخذت الجوال وردت..الو غدير:هلا ليلى..نايمه ليلى:لا صاحيه خير شبغيتي غدير:وتقلد صوتها..خير شبغيتي..مالت على العدو عليك اسلوب..المهم تعالي بعد صلاة العصر ميساء بتجيني وبصراحه ابيكم معاي خاايفه.. ليلى:بتطلعيله..وجلست على السرير غدير:لا بتفرج عليه..شرايك يعني اقولك ملكه يعني طبيعي اطلعله ليلى:مو شرط هذا حنا نملك ونتزوج وبدون مانشوف بعض..يعني مثل اللي مدخل ايده بحفره مايدري شيطلعله.. غدير:طيب مدام فلسفه لا تتأخرين.. ليلى:خلاص قبل المغرب بجي.. غدير:مع السلامه ليلى:حطت جوالها على الكومندينه..وانا دخلت ايدي ياغدير وطلعلي ناصر..الله يوفقك ولايرزقك بواحد مثل ناصر..حست باختناق تبي تبكي بس دموعها مو راضيه تنزل..قامت من سريرها وصارت تمشي بشويش فصخت شرشف الصلاة وحطته مع السجاده بالصندوق ودخلت تاخذ شور.. قصرابو فهد.. جالسين بغرفة ريم وقاعدين يلعبون مع التوأم.. ريم:ميساء شتلبسين اليوم؟؟ ميساء:سرررر..اذا خلصت كل شيء اجيك واخذ رايك.. ام فهد:دخلت وبيدها رضاعه..مسكت احد هالتوأم وحطته بحضنها ورضعته.. ميساء:اقول ريم شرايك اقص شعري.. ام فهد:خليه يطول انتي دايما تقصينه.. ميساء:يمه مو حلو علي الطوييل شوفي اطرافه تتقصف وقلييل.. ريم:طيب قصيه كوكتيل بيطلع عليك حلوو ميساء:وشو بعد هذي؟؟منين جبتيها؟؟ ريم:ههه اول مره تسمعينها.. ميساء:ايوا بحياتي ماسمعت فيها..طيب حلوه ولا تبين تخربين شكلي.. ريم:وليه اخربه؟؟ ميساء:من الغيره اكيد ريم:عشتو انا اغار ..يممممه ام فهد:خافت عليها..شفيييك؟؟ ريم:لا لا بس حسبت بطني انفتح..كله من ميساء تعصبني والتعصيب مو زين ميساء:انااااا ام فهد:ميساء قومي شوفي الكوفيره ليش تأخرت الحين بيذن العصر قووومي ميساء:طيب انشاء الله يمه..قامت وهي تتوعد ريم.. قصر ابو مؤيد.. حطت الدله على الطاوله وبدت تقهوي زوجها وولدها حسام بعد مارجعو من صلاة العصر ابومؤيد:تسلمين واخذ الفنجال..اجلسي وخلي حسام يقهوينا.. ام حسام:مدت الدله لولدها..وجلست جنب زوجها..اقول مافاتحت مؤيد بالموضوع حسام:صب لنفسه وجلس وبيده الدله واليد الثانيه يشرب القهوه..وش موضوعه يمه؟؟ ابومؤيد:نبي نزوج مؤيد.. حسام:ومشاءالله من تبون تناسبون؟؟وقام ياخذ الفنجال من ابوه ام حسام:بخطبله بنتي عاليه.. حسام:طلعت عيونه..تمزحوون ام حسام:وليه شفيها عاليه؟؟ حسام:مااقصد عاليه اقصد ابوها الحقيير..اكيد مو موافق.. ابومؤيد:حنا نحاول وامرنا لله.. ام حسام:ابومؤيد انا ابي بنتي تعيش عندي ومؤيد مولاقي احسن منها ابومؤيد:داري يابنت الناس بس انتي تعرفين ابوها.. ام حسام:حاول معه..علشان خاطري سوي اللي يبيه.. حسام:يمه الله يهديك ابوي مو مقصر... ام حسام:داريه بس والله من الحرقه اللي بقلبي.. حسام:فار دمه..نزل الدله وطلع.. ابومؤيد:شفيه عصب.. ام حسام:انا ادري عن ولدك المزاجي.. |
ركب سيارته وعرق بجبهته بيطلع من التعصيب..الى متى وحنا ساكتين لهالظاالم..والله لاخذها واعلى مابخيييله يركبه.. وقف عند باب بيتهم ونزل ودخله البواب للمجلس وفهمه ان ابو صالح مو موجود.. طلب منه يقابل اي احد ضروري.. رن تلفون البيت وردت الشغاله.. البواب:مدام ام صالح فيه الشغاله:لأ البواب:هنا فيه نفر كلام لازم فيه كلام احد الشغاله:اوكيه انا كلام غيوض سكرت من عنده وراحت لغيوض..طقت الباب.. غيوض:اففف..مييين كانت نايمه الشغاله:فيه واحد نفر تحت كلام يبي كلام انتا.. غيوض:قامت خايفه لايكون صار لجدي شيء..فزت من السرير وفتحت الباب بسرعه..مين؟؟ الشغاله:مافي معلوم.. غيوض:طيب الحين نازله..غسلت وجهها بسرعه ولبست عبايتها على بجامتها مافيه وقت وخذت طرحتها وشنطتها..تحسبا لاي طارئ..نزلت الدرجه بثلاث وطلعت على طول للمجلس الخارجي.. تحجبت بسرعه وتلثمت..مين ؟؟كان باين على صوتها الخوف.. حسام:انا حسام انتي عاليه؟؟ غيوض:تنهدت براحه وطالعت بالشنطه اللي بيدها وضحكت على افكارها كيف تفاولت على جدي..قطع افكارها صوته.. حسام:وين رحتي؟؟ غيوض:معاك ..اسفه كيفك حسام انا غيوض حسام:هلا غيوض انا بخير..عاليه موجوده؟؟ غيوض:الحين بقومها وتجيك..رجعت مو مثل ماجات رجعت بنفسيه عاليه وروح فرحه..دخلت المصعد ..وانفتح على الدور الثاني ..دخلت لغرفة اختها..ولقتها قايمه.. عاليه:على وين لابسه عباتك.. غيوض:مو لمكان انتي الحين انزلي اخوك حسام تحت يبيك عاليه:ياويلي الحين يجي هالظالم ..وبسرعه نزلت ونست انها لابسه بجامه برموده والحروق اللي برجلينها طالعه... اول مادخلت عليه..تجمدت رجولها..ياااه شكثر اشتقتلك ياخووي.. حسام:اشتقتلك يالدبا وفتح يدينه عاليه:بسرعه ارتمت عليه وبدت تبكي بألم..وتشهق..وترجع تبكي حسام:رفع راسه لها..ومسح دموعها بيده..تدرين انك ماغبتي عن بالي لحظه وحده..وتدرين اني اكره شيء اشوفه دموعك..تكسرني دموعك ياعاليه تكسرني.. عاليه:دفنت وجهها بصدره ورجعت تبكي..حساام احبك حسام:وانا اموت فيك..تعالي اجلسي عاليه:رفعت راسها..لا لا الحين بيجي العقرب حسام الله يخليك روح.. حسام:لأ مورايح الا معك وبشوف وش بيسوي..عاليه بسرعه روحي البسي عباتك مافي وقت..بسرررعه عاليه:ماردت بسرعه راحت.. حسام:انتبه للحروق اللي برجلها..اذا طلعو بيسألها.. دخلت غرفتها واخذت عباتها ولانتبهت لاختها.. غيوض:عاليه وين بتروحين؟؟ عاليه:وهي تلبس عباتها..بروح مع حسام..ولاعطتها مجال لانها بسرعه نزلت.. غيوض:هذي ماتتوب مايكفي اللي سوالها ابوي قبل..هي تبي تذبح نفسها..انا لازم امنعها..نزلت مثل البرق ولحقتها لبرى وهم بيركبون السياره..مسكتها مع ايدها..عاليه لاتتهورين نسيتي وش سوالك قبل.. عاليه:مسكت يد اختها وكأنها تهديها..غيوض انا غلطت ولاماغلطت هومعذبني معذبني..لاتخافين علي وش بيسوي اكثر من اللي سواه..ضمت اختها الله لايحرمني منك.. حسام:غيوض لاتخافين..اهم شيء لايدري اني اخذتها.. غيوض:تطمن..تركت اختها..ودخلت لداخل البيت.. في السياره.. حسام:عاليه وين تبين نروح قبل لاوديك لامي.. عاليه:ابتسمت بمراره من تحت الغطا..انا ابي اشوفك انت بس..واذا بتوديني لامي رجعني احسن.. حسام:مسك ايدها وشد عليها..اللي تبينه يصير..والحين عازمك على احلى كوفي شوب نشرب ومنها اخذ علومك.. في خارج ارض الوطن.. بريطانيا.. الفندق: ابوسليمان:لاماصدق ..انا اعرف اخوي والاعيبه..وعارفن بنت اخوي وتربيتها.. ناصر:يبه صدق انا سألت سليمان وماانكر.. ابوسليمان:مستحيل اقولك اناعارفن اخوي وبناته وعارفن اخوي وولده..لاتضيق خلقك ياولدي هم بس بينكدون عليك..وشرب قهوته .. ناصر:لا يبه انا مااقبلها على نفسي.. ابوسليمان:ههه ياحليلك ياولدي عنيييد الله يهديك..مسك جواله واتصل على سليمان بعد ماحطه على السبيكر.. الوو سليمان:حي هالصوت شلونك يبه ابوسليمان:بخير الله يسلمك ..انت بالشركه سليمان:اي والله انضغطت بالشغل من روحة ناصر..وصار يقلب بالاوراق..بشر يبه ابوسليمان:لا كل شيء تمام..واحتمال كبير نرجع عقب بكره سليمان:اجل عجبتوهم.. ابوسليمان:اي والله..ربي لك الحمد..بس ودي اجلس اتريح شوي سليمان:رجع راسه على ورى وصار يضحك..هههه..تتريح ولا شايفلك شوفه؟؟ ابوسليمان:تقدر تقول سليمان:طيب الحين بوصل الخبر لعبير.. ابوسليمان:علشان تجيني بأول طياره..امزح لاتصدق سليمان:لادام ناصر معك انا متطمن.. ابوسليمان:على طاري ناصر..بغيت اسأل وش سالفة عمك ابومحمد.. سليمان:انتم دريتم..من قالكم ؟؟ ابوسليمان:سمعنا بس قولي شالسالفه سليمان:يبه لاتهتم..سالفه تافهه وماتنقال ابوسليمان:قول وانا اسمعك سليمان:جانا هو وولده وطاح سب بعمي ابوفيصل يقول ليش تخطب لعبير وانا خاطبها قبلك.. ابوسليمان:عسى ماتكدر عمك سليمان:والله اول يوم تعب..بس الحين ابشرك بخير.. ابوسليمان:طيب وسالفة محمد مع ليلى.. سليمان:مافي سالفه..بعدين تذكر..ايه صح هو بعد زعلان يقول انتم متعمدين ماتناسبونا ..وانا قلتله اننا تكلمنا على ليلى قبل لايخطبها محمد ..وعبير ماحد غصبها هي ماتبي تتزوجه ومافي شيء بالغصب..عاد حلف انه مايتمم هالعرس.. ابوسليمان:هههه سليمان:وشفيك يبه؟؟ ابوسليمان:لا انشاءالله بيتم وبيحضره هو.. سليمان:الله كريم.. ابوسليمان:تصدق ان ولده محمد دق على ناصر وقايله انه رايح لبيتنا واستقبلته ليلى وتهاوشت معاه وانها مو متغطيه وقايلتله انك مورجال ومايتغطى عنك ومن هالكلام وانك جيتهم وهم يتهاوشون وتهاوشت معاها ودخلتها بالغصب للبيت..هههه وانك طالبه مايعلم ناصر واذادرى ناصرو سألكم عن الهوشه يقول بسبة عبير... سليمان:هههه وانا اقول ناصر معصب..قوله يبه لايعصب علشان واحد حقير مثله.. ابوسليمان:تعرف اخوك يفور دمه بسرعه وعنييد..طولت عليك سلم عليهم سليمان:الله يسلمك.. ابوسليمان:نزل الجوال وهو يضحك..سمعت.. ناصر:مااصدق مااصدق..وطلع برى الفندق.. يمشي ولاهو حاس بالناس ..مستحيل يكذب مستحيل انا لازم اتأكد بنفسي.. قصر ابوفيصل.. بعد صلاة العصر..غرفة ليلى.. نزلت جوالها بعد مادقت على جسي(كوفيره) علشان تجيها..هي تحس بالاختناق وموقادره تبكي ولاقادره تتكلم فحبت تغير نفسيتها شوي تبي تلتهي بأي شيء.. جلست على الاريكه ومسكت المصحف وبدت تقرى وردها اليومي.. عبير بعد مالبست تنورتها وتيشرتها اخذت طرحتها وحطتها على اكتافها وهي متأكده انه مافي احد بالبيت..طقت الباب.. ليلى:خلصت وردها على الطق..نزلت المصحف على الكومندينه القريبه لها..ادخل عبير:هلووو ليلى:توك قايمه.. عبير:ايه وانتي ليلى:لا انا منزمان..اكلتي شيء عبير:الحين بنزل بس متى نروح لبيتنا ليلى:ذكرتيني شلون نسيت فساتيني؟؟خلاص بناكل شيء خفيف ونروح للبيت بعدين برجع عبير:وليه ترجعين ليلى:اكيد برجع..اقصد اليوم ملكة غدير وقلت لجسي تجيني هنا.. عبير:اوكيه...نزلو مع بعض سلمى:تشوفهم نازلين مع الدرج وهي جالسه بالصاله..صباح اقصد عصرالخير عبير:عصرالنور..واتجهوللمطبخ بسرعه.. لحقتهم سلمى.. سلمى:سحبت كرسي وجلست قبالهم..شفي وجيهكم تقل مسوين مصيبه؟؟ عبير:مافيني شيء.. سلمى:انتي مافيك طيب وحرم ناصر ليلى:عصبت ..انا ليلى مو حرم ناصر.. سلمى:هههه مزعلك عبير:لاتخافين هي تتعمد تزعل علشان يراضيها هههه انا علمتها هالحركات ليلى:عبير اخلصي ابلعي انا مستعجله سلمى:لا اخلاقك اليوم..قطعت كلامها يوم شافت ليلى بدت تعصب.. عبير:ليلى خلاص امشي ناكل ببيتنا ترى مايمدي ليلى:شربت كوب مويه..يلا... قصر ابو فهد.. طالعت بشعرها اللي قصته كوكتيل على راي ريم وصبغته بني غاامق وصارت تحركه وتهز راسها..وااااو يجنن يابسكال فعلا انتي فنانه باسكال:ولو ميساء هلأ اعرفتي اني فنانه ميساء:ههه لا اقصد دايما انتي تعرفين اللي ابي..يلا نبدا بالمكياج باسكال:اجلسي على الكرسي خليني ابدا.. رجع من دوامه بعد ماكلم امه واقترحت عليه يمر خالته ويباركلهم على التوأم ويمكن تهدى النفوس ..هوصحيح علاقته بفهد زينه وباركله بس خالته اللي مثل امه مايهون عليه انها ماتكلمهم..وبنفس الوقت في سبب ثاني يخليه يزورهم.. ضرب بوري للبواب اللي يعرفه وفتحله البوابه دخل السياره ورتب شكله خالد:افف ياليتني رجعت البيت وكشخت بدل هالبدله(بدلته العسكريه) اللي لابسها.. ضبط شعره بيده..ونزل من السياره وتوجه للباب وضرب الجرس.. فتحتله الشغاله وقالتله يدخل على ماتنادي ام فهد.. جالسه مع العيال لان ريم نايمه..وقاعده تلاعبهم والدنيا مو سايعتها.. الشغاله:مدام مستر كالد موجود ام فهد:خالد ماغيره؟؟ الشغاله:ايوا ام فهد:قلتيله ان فهد مو موجود.. الشغاله:ايوه بس هوا كلام يبقى انتي.. ام فهد:روحي حطيله قهوه وحلا وانا جايه الحين.. غطت التوأم واستودعتهم الله ..وراحت لولد اختها.. كان جالس بالمجلس ومنزل راسه والقهوه قدامه على الطاوله الرخاميه..يفكر شلون بتستقبله.. ام فهد:نعم وش جايبك؟؟ خالد:رفع عيونه لعيونها المرتبكه..قام لها وهويبتسم..والله ياخالتي مو لايق علييييك ابد ماتعرفييين وحب راسها ام فهد:وشو اللي ماعرفله انشاءالله.. خالد:الزعل ادري انك تمثلين..مسك ايدها وسحبها معه وجلسها وصار يقهويها.. ام فهد:مو شاربه.. خالد:افا ياذا العلم..اجل ماعجبتك؟؟ كخه..جلس جنبها..ورفع حاجبه..عاد تصدقين غريبه مره رحت لبنده وكنت لابس بدلتي ماتصدقين الحريم تجمعو علي كأنهم ماشافو وسيم وحلو قبلي.. ام فهد:ههههه.. خالد:فديت هالضحكه والله..بس نصيحتي ماتعرفين التمثيل انتي خليك على عرض الازياء احسن ام فهد:ضربته مع كتفه بخفه..حسبي الله على الظالم ياخويلد محد يعرفلي الا انت.. خالد:غمز عينه..هذا غزل علني.. ام فهد:خويلد اعقل..تدري صب قهوه .. |
فوق: ميساء:نزلت الجوال بجنبها..افف باسكال عجلي البنت بتذبحني باسكال:دقايق وبكون خالصه... قصر ابوسليمان دخلت جناحها ودارت عيونها على كل اركانها مشت لين وصلت لصورة ناصر وهو راكب الخيل ومبتسم.. ليلى:ابتسمت..هين يانويصر ان مادفعتك الثمن غااالي..ورمت الصوره بالارض.. دخلت لغرفة الملابس واخذت الفستان اللي بتلبسه وتركت كل شيء مكانه ماتبي تاخذ اي شيء هو جابه لها ماتبي تتذكره بأي شيء..حطت الفستان بكيس وقبل ماتطلع..طالعت شكلها بمراية التسريحه. وتذكرت صورها..رمت الكيس بالا رض وطلعت البومها اخذت كل الصور بس فيه صور مشتركه مع ناصر..راحت للتسريحه وفتحت احد الادراج وطلعت مقص..رجعت للصور وبدت تفصل صورتها عن صورته... بعد ماخلصت حطت صورها بالكيس وصوره مرميه بالارض..رجعت المقص لمكانه وفتحت درج الارواج وطلعت روج احمر من شانيل وكتبت على المرايه.. انتهى. رمت الروج وطلعت من هالجناح الكريه وانطلقت لبيتها.. في غرفة ميساء.. طالعت بمكياجها.. ميساء:وااااو يجنن..بروح البس فستاني باسكال:وهي تلم اغراضها ميوسه انتي اللي بتجنني.. في المجلس خالد:والله وصرتي عجوز ام فهد:انا شباب استح على وجهك وبعدين فهد توه صغير خالد:وهذا مربط الفرس فهد صغير لاتزعجوني وتقولون اعرس نبي نشوف عيالك ام فهد:ياربي منك دايما تطلع منها..انا بفهم ليه ماتبي تتزوج خالد:لا خلاص بتزوج ام فهد:احلللف خالد:قلت ابي يعني مستقبلا ..ويبي يصرف الموضوع..وين التوأم ابي اشوفهم ام فهد:قوم داخل للصاله وانا بجيبهم لك لوتشوفهم بتنهبل عليهم خالد:احسن من نصور وسدوم ام فهد:فرررق تعال شوف باسكااال شرايك..وتدور حوالين نفسها لابسه فستان فوشي ناقع وماسك على جسمها ومطلعها ولا مليكان والاكمام مسويه فيهم حركه فمعطي الفستان شكل حلو وانيق.. باسكال:عرووسه الله يحرسك ميساء:تضايقت من كلمة عروسه..طيب خلينا ننزل بوريهم شكلي النهائي وخذت معها عبايتها وشنطتها وسبقتها باسكال.. حاط ايده على الدربزاين وينتظر خالته..نزلت من عنده وحده وعرف انها كوفيره من الاغراض وطلعت بسرعه.. كانت تنزل وهي تنادي امها ميساء:مااما .ماااااما كانت تنزل وهي تطالع بالدرج خايفه تنزلق خالد:رفع عينه عليها وهو مو مصدق انا بحلم ولا بعلم.. ميساء:ماااما ما.. طيرت عيونها..وهمست خاالد خالد:ابتسم لها..ونزل عيونه ميساء:تذكرت العبايه اللي بيدها وسترت نفسها على طول.. خالد:شلون دلوعتنا ميساء:وقلبها يرقع رقع..ب..بخير.. خالد:كل هالكشخه على وين؟؟ ميساء:..... خالد:وين لسانك ياام لسانين ؟؟ ميساء:نزلت..موجود لا تخاف..ووقفت قباله.. خالد:يافرحه ماتمت..معاليش انا اقصهم لك بعدين ميساء:ضحكتني..اذاقصيت لسانك قبل انا اقصهم..وبعدين شتسوي هنا خالد:ابي اشوف خالتي وعيال فهيدان..وانتي علشان ماتزعلين ميساء:مشكور كلك ذوق..وين امي ام فهد:وماسكه التوأمين..وهذولا عيال فهد خالد:اخذ واحد منهم وضمه..يازينو ياناس يهبل بس صغير.. ميساء:ايه لانهم جو قبل شهرهم.. خالد:رفع عينه عليها وابتسم..ورجع يشوف الولد الثاني ميساء:انا بروح يمه تـأخرت خالد:وين بتروحين ميساء:ياربي انت ليه ماتترك اللقافه.. ام فهد:بتروح لصديقتها اليوم ملكتها.. خالد:اها..تبيني اوصلك تراني طالع الحين ميساء:لا هي مو بطريقك..مع السلامه.. وطلعت وقلبها تحس انه بيطلع منها.. قبل المغرب بشوي.. قصر ابوفيصل.. طلعت من غرفتها ولابسه فستان اخضر دانتيل فخم ممسوك مع الصدر بفيونكه من التافتا وواسع من تحت الصدر..طالعه كأنها اميره وخصوصا بعد ماقصت شعرها الطويل الى تحت الاكتاف بشوي.. مستقيم وقصت غره تنزل غطت جبهتها(تقريبا مثل قصة البنت اللي بدعاية بانتين..تشعري وكأنك كليوبترا) لبست حلق طويل ذهبي من ديور واساور ذهبيه بعد من ديور..رسمت عيونها بكحل اسود بس وروج احمر صاارخ..طلع شكلها وكأنها من الستينيات.. طلعت من غرفتها وتركت جوالها.. نزلت ولبست عبايتها عند الباب.. سلمى:وهي توها جايه من الحديقه تلعب مع عيالها..ليلى!! ليلى:التفتت عليها..وبوجه بدون تعابير..هلا..ولفت الطرحه عليها سلمى:وين رايحه؟؟؟ ليلى:ماقلتلك؟؟ سلمى:وهي تقرب منها..لأ ليلى:غريبه..على العموم بروح لملكة غدير..تبين شيء سلمى:بشوف كشختك فصخي عباتك.. ليلى:فصخت عبايتها وطرحتها..حلوو سلمى:هيييئ..قصيتي شعرك يالمجنووونه..انهبلتي ليلى:والله شعري وبكيفي وبعدين ملييييت ابي اغير شكلي.. سلمى:وناصر شلون وافق؟؟ ليلى:تنرفزت ولبست عبايتها..تراك زهقتيني ناصر وناصر..وطلعت سلمى:عزالله انهبلت..شفيها؟؟ انفتح الباب ودخل خالد وفيصل مع بعض.. كلهم..السلام عليكم وشلون كونان؟؟ سلمى:كشرت..وعليكم. خالد:طالعها من فوق لتحت..انتي مطوله عندنا؟؟ سلمى:والله بيت ابوي وبكيفي فيصل:تركهم ومشى بيطلع لغرفته..وقف..اقول سلمى ليه مارحتي مع ليلى؟؟ سلمى:مالي خلق وبصراحه اصلا توي دريت انها رايحه ماقالت لاحد..اسكتو مادريتو خالد:لأ ياكونان سلمى:علشان هالكلمه لوووتموت ياخويلد العانس اللي مالقيتلك وحده تتقماك مااقولك وسبقت فيصل على الدرج وطلعت غرفتها خالد:مسكييييينه ماتدري اني بغمزة عين اطيح عشره.. دخلت بيت غدير على اذان المغرب.. وطلعتها ام جاسم لعند غدير وميساء.. طقت الباب..السلاااااااام غدير:هلااااااا يالدبا..ضمتها..وحشتيني ليلى:وانتي اكثر..طالعت باللي وراها..وسكتت ميساء:ماتبين تسلمين علي.. ليلى:على طول ارتمت بحضنها تبي تبكي بس دموعها موراضيه تطيعها..صارت ترجف غدير:كل هذا شوق ميساء:ادرى وحده بطبع ليلى..صارت تمسح على شعرها وهمست..ليلى صاير شيء ليلى:تمسكت بميساء اكثر.. غدير:وبعدييييين الحين انا ماسويتيلي كذا..وش معنى ميساء ليلى:رفعت راسها وابتسمت..هذا اللي تعالي وتعالي خايفه اشوف هالخوف ماقصر من لسانك يالعوبا غدير:خذت اقرب شيء لها وكان خداديه رمتها عليها.. ليلى:ليييش انقهرتي من جمالي وتبين تخربينه..وفصخت عبايتها وطرحتها..وهم فاتحين عيونهم بقوه غدير:ياحمااااره قاااصه شعرك صدق بطراانه صاحيه انتي ليلى:انتي معاليك شرهه والتفتت على ميساء..حلوو ميساء:يجنن بس ليش قصيتي شعرك والله كان يهبل حرام ليلى:اووه طفشت منه ..نيولوك حبيتي غدير:اخاف وحام لوك هو اللي لاعب فيك ليلى:وكأنها توها تتذكر اللي ببطنها..زاد اختناقها.. ميساء:يوه اقامو الصلاة وحنا نسولف خلونا نصلي.. ومع الصلاة والاذكار ارتاحت ليلى.. قصر ابو فيصل.. دقت على ابوها تسأله ليش تأخر..وقال انه بيجي بعد المغرب لانه طالع مع سليمان لمشروع وهم بالطريق..وبهذي الطريقه تعرف متى يجي سليمان من غير ماتدق عليه.. جهزت العشاء بدري علشان فيصل اللي فيه نوم وينتظر صلاة العشاء وقاعد يلهي نفسه مع ناصر وسديم..وخالد راح لبيت عمه لان عبير هناك لحالها.. طلعت غرفتها وخذت شور سريع ينشطها..لبست جلابية بيت ناعمه حطت قلوس وردي وبلاشر وردي وكحل نشفت شعرها بالاستشوار ورفعت بكلبس وخصل عشوائيه طايحه على وجهها..حطت من عطر ستيلا ونزلت بعد مارتبت الغرفه.. جلست مع فيصل بالمجلس العائلي ..تصميمه اقرب للمجالس الشاميه القديمه ..كل شيء فيه من اثاث وطاولات وتحف يوحي بذلك..الكنب اللي فيه وااطي ومريح بنفس الوقت.. كانت القهوه والقدوع على الطاوله الخشبيه المنقشه بفضي.. سلمى:اشوفك صحصحت.. فيصل:احد يشوف سدومه وناصر مايصحصح..الله يخليك لهم ويخليهم لك وعقبال ماتشوفين عيال عيال عيالهم.. سلمى:اميييين ومن قال يارب..دريت ان خالد صالح خالتي فيصل:ايه قالي..الحمدالله الحين امي تجي وهي راضيه.. سلمى:خالد يقول كلم امي ومن الفرحه سكرت بوجهه واتصلت على خالتي.. فيصل:اهم شيء ان امي رضت علي سلمى:انت تحسب امي زعلانه عليك..الا اقول فيصل متى تبي عرسك؟؟ فيصل:مادري.. ليش؟؟ سلمى:يابعد قلبي خله بعد مااولد..مايصير عرس اخوي حبيبي البس عليه لبس اي كلاام ولاتنسى ليلى بعد حامل الله يخليك فيصل:خلاص مافي عرس الا بعد ماتولدون..انتي مابقالك شيء بسسس ليلى.. سلمى:اهم شيء انا وبكيف ليلى.. فيصل:عناد بخلي العرس يوم ولادتك سلمى:سمعت صوت سياره..ابتسمت جو . فيصل:مين؟؟ سلمى:ابوي وسليمان فيصل:المفروض مااسأل لانه هالابتسامه خاصه بس بسليمان.. سمعو تنحنح سليمان.. فيصل:حياااك يابوناصر دخل..السلااام عليكم الكل وعليكم السلام.. سليمان:ابتسم لسلمى اللي ماردتله هالابتسامه وجلس جنبها.. فيصل:ابوي طلع لغرفته سليمان:ايه..اقول محد بيقهويني.. فيصل:والله شف زوجتك قدامك سليمان:لا كلش ولاتعب حبيبتي انا اصب لنفسي.. سلمى:قامت فيصل:على وين؟؟ سلمى:بروح اشوف العشاء واتطمن على ابوي وطلعت.. بعد ماصلو العشاء ورجعو.. دخل عليها وهي بالمطبخ سليمان:وش طابختلنا اليوم سلمى:طابخه اذان الشايب(ششبرك) ومصقعه وصينية دجاج.. سليمان:امممم الريحه تجنن سلمى:لهادرجه جوعان سليمان:موووت.. سلمى:عطته صينية الدجاج..ودها على السفره سليمان:اشر على عيونه وخذاها وطلع.. سلمى:تنهدت..مهما حاولت اعاقبه ارحمه.. بالملكه نزلو علشان غدير تلبس.. جلسو جنب بعض.. ميساء:ليلى شفيك؟؟ ليلى:مخنوووقه..ابي ابكي بس دموعي مو راااضيه.. ميساء:ليييش؟؟ ليلى:من قرادتي من حظي.. ميساء:استغفري ربك وقوليلي شصاير ليلى:طلقني السافل ميساء:ماستوعبت..ماسمعت؟؟ ليلى:مسكت يدينها ببعض..وابتسمت بمراره..سافر ومادري يمكن عجبته ووحده هيناك ودق علي وقالي انتي طالق وبس.. ميساء:ناصر يطلقك!!! مستحييل..ابوك شسوى؟؟ ليلى:ماقلت لاحد..خاايفه ياميساء خايفه.. ميساء:مدت يدها ومسكت يدين ليلى اللي ترتجف..من ايش؟؟ ليلى:انتي اكثر وحده تدرين بابوي..هوصحيح يحبنا ومدلعنا وحنا عنده بالدنيا بس الطلاق عنده شيء مرفووض..انتي تدرين اني رجعت لناصر قبل علشان خاطر ابوي وخالد.. خايفه يصير فيه شيء..خايفه ميساء:لاتخافين...صيري قويه..وانااقول قولي لابوك بهدوء اوقولي لاي احد يقوله هالخبر بدون مايزعجه ليلى:ومن بقوله؟؟ اقول لفيصل اللي من يوم ماتركك وهو موطبيعي ولا لخالد اللي لودرى بينهبل ولا لامي ومحمد اللي مسافرين..وسلمى حساسه..ماتوقع تقدر تقول لابوي.. ميساء:ليلى الله بيدبرها لاتخافين..بس انا ابي اعرف السبب ماقال ليلى:سكر السماعه بوجهي..الله ياخذه وافتك منه ميساء:لاتدعين ياليلى لاتنسين انه ابو اللي ببطنك ليلى:والله لاحرمه يشوفه..انا مابي ولدي يطلع حقير ونذل مثل ابوه.. ميساء:اهدي اهدي الناس بدت تلاحظ.. ليلى:اصلا غيري الموضوع لانه بينرفزني..وشلون خالتي؟؟ ميساء:بخير ..وابتسمت خصوصا بعد ماجاءخالد.. ليلى:اي خالد؟؟ ميساء:اخوك..جانا وصالح امي..وماطلع الا وقلوبنا راضيه ليلى:والله زعلت منك..انا شدخلني يوم ماتكلميني ميساء:خلاص انسي..انا ماكنت بعقلي وصدقيني الحين مبسووووطه..وفيصل الله يوفقه مع عبير.. ليلى:والله مادري شفيهم احسهم مايبون بعض بس يجاملون..مادري شاللي حادهم.. ميساء ماودك تقوليلي ليش فيصل سوى كيذا؟؟ ميساء:ابتسمت..ليلى سالفه ونسيتها وصدقيني اني مبسووطه وفرحانه..وعلشان ترتاحين فرحانه ان الله فكني من فيصل.. ليلى:طلع من قلبك بهالسهوله ميساء:ويمكن ماكان بالقلب.. ليلى:ميساء انا اعرفك زين واعرف شكثر تحبينه ميساء:اليوم بالذات اكتشفت انه مو حب..وقطعتهم القهوجيه.. ليلى:نست السالفه حالتها خلتها ماتتذكر شيء..اقول وين اخت غدير؟؟ ميساء:ماجت ولاهي جايه..اختها وبنت عمها مايكلمونهم..صارت بينهم مشكله.. ليلى:خساره وانا ابي اشوف نوره من كثرماتتكلم عنها غدير ابش اشوف وش هالانسانه اللي يطلع منها كل هالشر.. ميساء:الله يهديهم ياارب.. بعد مارجعو من الكوفي ورفضها انها تشوف امها رجع لبيتهم واخذ بطاقة العائله وسافر هو واخته على مكه ..يبي يعتمر معها..وياخذولهم كم يوم بعدين يرجعون.. بطريق الرياض مكه السريع.. كاشفه وتشرب عصير<<الوقت ليل ومحد يشوف حسام:عاليه..ابي اسألك.. عاليه:نزلت العصير..اسأل حسام:تكرهين ابوك وماقلت شيء بس امي حرام.. عاليه:هههه حسام:ههه وشفيك تضحكين عاليه:وانت ليش تضحك؟؟ حسام:ضحكتك تضحك..بس انتي ليش؟؟ عاليه:حسام انا ماعندي لا اب ولا ام..انا عندي حسام وغيوض بس.. حسام:بس امي ماسوت شيء عاليه:امك جابتني ..وهذي بنظري اكبر جريمه حسام:عاليه شهالكلام استغفري الله .. عاليه:استغفرالله..حسام لاتزعل علشان امك.. حسام:اولا انا ماازعل من روحي..وثانيا هذي امك بعد عاليه:اوكي اوكي ..هالكلمات اذا كانت بدون احساس بدون مشاعر تطلع مالها اهميه..ايش يعني يكون عندي اخ وهو مايسأل عني..مسمى اخ فقط اذا تعب او مرض او حتى مات مارح اتأثر.. حسام:كلام الدم مهما كان يحن.. عاليه:لا صدقني مايحن..كل مايمر الوقت كل ماتحجرت مشاعرنا ويموت الاحساس فينا..الحين لوقلتلك انه عندك اخ بامريكاوبحياتك ماتدري عنه اصلا مادريت الا يوم مات بتبكي؟؟؟ حسام:وصايره فيلسوفه.. عاليه:انا واقعيه والفلسفه شيء خيالي وماحبه وطالعت بالشباك حسام:عاليه تغيرتي كثير.. عاليه:فووووق ماتتصور..صرت احس نفسي كبرت مية سنه قدام..حسام مافي اصعب من انك تموت والناس تشوف وبيدهم يساعدونك بس يرفضون... حسام:عاليه لاتحسبيني ساكت بس شسوي اذا الكل ضدي..انا حاس فيك وهالمره مستحيل ارجعك له..وترانا بنخطبك لمؤيد.. عاليه:ومن قال اني بتزوج..شيل هالفكره من راسك.. حسام:محد بيغصبك على شيء بس هذا من صالحك عاليه:مصلحتي اعرفها والله يخليك قول لامك لاتخطبني.. حسام:طيب..وشرايك نصيف بالطايف ولا جده عاليه:خلنا نروح لمكه ويصير خير.. حسام:تتوقعين درى عاليه:هومايجيني الا اذا خسر صفقه او تهاوش مع مرته..وانشاء الله مايمرني مع اني اعرفه عقرب وقلبه يحس حسام:بقلعته اعلى مابخيله يركبه كان هوصادق يدورك..وهذا وجهي ان لقاك.. عاليه:ابتسمت..حسام دمعت عيونها,,والله احبك..الله يخليك لي..ويكفيك شر هالعقرب خايفه يذبحك..تذكر اخر مره يوم جيتني وش سوى حسام:ابتسم..كله يهوون علشانك يالغاليه لاتشيلين همي وبعدين انا اخوك واولى اني اخذك من هالسفيه..وبنسكن لحالنا بعد.. قصر ابوسليمان الساعه 11 خالد:عبيييير عبييييير عبير:جت..نعم خالد:ليلى ماترد وانا بروح اجيبها شكلها ناسيه جوالها دقي على ميساء علشان اجيبها عبير:يمكن ميساء ماراحت؟؟ خالد:لا راحت انا شفتها عبير:رفعت حاجب..شفتها وين؟؟ خالد:وين يعني ببيتهم يلا دقي عبير:انت متأكد انهم رضو يعني مابتسكرالسماعه او تهزئني خالد:انا اكلمها بس عطيني رقمها عبير:تعرف رقمك؟؟ تراها ماترد على رقم غريب.. خالد:برسلها مسج..يلا ولا عطيني جوالك ادق منه عبير:لا لا خذ الرقم علشان تدق عليها اذا وصلت وتخلي ليلى تطلعلك خالد:فتح جواله..يلا كم عبير:******055 خالد:دق على طول..وماردت..ارسل مسج..انتظر لين صل تقرير انه انفتح المسج..دق على طول..وردت ليلى الوو خالد:هلا ليلى..وينك ادق على جوالك ماتردين ليلى:نسيته..وش بغيت؟؟ خالد:ماتبين ترجعين ليلى:لاخلاص برجع مع ميساء خالد:مع فهد ليلى:لحظه..وردت ..لأ ميساء تقول مع السواق والشغاله لان فهد نايم خالد:لا مافي رووووحه انا اجيكم الحين هم وين بيتهم؟؟ اخذ الوصف وطلع يجيبهم.. |
غرفة سلمى انا مدري وش احساسك ومدري وش تظنيني انا الصادق في عينك كنت وصرت الكاذب الخوان انا اخطيت ماانكر ولا فيه عذر يكفيني سوا اني احبك حيل واني دايما انسان انا ادري بمدى جرحك وادري الحظ جافيني يطول الوقت مااخطي واذا اخطيت كل شيء بان انا شفت الزهر مايل وظنيته يناديني قطفته..يوم ضميته..لقيته للاسف ذبلان عرفت انك زهر عمري عرفت انك بساتيني وغيرك قيض مايروى..سراب يشقي العطشان انا لو ماحصل ماكان وشهو اللي يدريني بانك ماسواك انتي..سكنتي القلب والوجدان انا اسف على اعذاري عجزت القى عذر فيني يليق بغلطتي في حقك ويرجع كل شيء كان احبك كثر اخطائي وادري انك تحبيني وادري لو تفارقنا فلا نقدر على النسيان اذا تقوى على فراقي وبعدي عنك..خليني انا مليت من دور الكرامه ولعبة الغفران قليل العمر ياللي انتي دموعك ماتساويني حرام انه يضيع فراق هي من قلها الاحزان جالس بجنبها على الكنب عجز يقنعها فبدى يلعب على الوتر الحساس.. سليمان:سلمى ترى ملييييت من اسلوبك سلمى:---- سليمان:لف وجهها بيده ومسك ذقنها...الحين وش اللي مزعلك؟؟ سلمى:ماتعرف؟؟ سليمان:ادري اني قصرت والتهيت عنك بس كل هذا بسبة الشغل صدقيني.. سلمى:قلبي يقول غير كيذا سليمان:وقلبك يقول عذبيني لانك تدرين اني احبك ومااقوى على زعلك ولا على فراقك ..نزل راسه..تعتبرين حبي لك ضعف ومستغله هالنقطه.. سلمى:عورها قلبها ورفعت وجهه بيدها..لاتقول هالكلام مابي اسمعك تقوله مره ثانيه سليمان:الحين لو مت.. قاطعته سلمى:بسم الله عليك سليمان لاتقول كيذا سليمان:لا بقول اذا مت وانتي زعلانه ..حطت يدها على شفايفه تمنعه يتكلم سلمى:اششش مابي اسمع ولا كلمه..هالطاري لاتجيبه على لسانك سليمان:مسك ايده..سلمى ليه مو راضيه تريحيني سلمى:وشو اللي يريحك؟؟ سليمان:طالع بعيونها..ترضين عني. سلمى:ابتسمت..راضيه عنك..ولفت عنه ..بس انتبه تعيدها مره ثانيه.. سليمان:توبه مره ثانيه بجيب الشغل للبيت علشان ماتشكين اني اعرف غيرك..حب راسها الله لايحرمني منك سلمى:ولا منك(وبقلبها..احبــك) قصرابو جاسم ضامه رجلينها وتكلم بالجوال وهي حاطه السماعات.. عماد:افف شهالورطه..انتي متأكده غاده:متأكده..عماد تعال اخطبني والله بنفضح عماد:اها على بالك اذا قلتي كيذا بتزوجك..مسكينه انا شيضمني انه مني غاده:احلفلك ماعرفت غيرك.. عماد:وانا مومجبور اصدقك اوحتى اتزوجك انا ماغصبت احد ولاضربتك على ايدك ..بس ممكن اساعدك..بدبرلك دكتوره تطيحه بس بشروط طبعا اذا ماتبين تنفضحين غاده:وانا مستعده عماد:اذا قلتلك اطلعي معي تطلعين فاهمه.. غاده:اللي تبيه يصير بس ارحمني ارحمنـــــي..وشالت السماعات ورمت الجوال وصارت تبكي.. وبنفس المكان ولكن بغرفة ثانيه نوره: فاتحه الالبوم وتبكي بحرقه..ليييه تركتوووني لييه..كله منهم كله منهم.. طلعت صوره لابوها من الالبوم وكان مبتسم..يبه لاتخااف بنتقم منهم واحد ورى الثاني ..غدير صح قدرت تفلت من ايدي هالمره بس صدقني لانتقم منها..كلهم انتقمت منهم..ام جاسم وجاسم وعمي وغاده ...وغدير بالطريق ..مسحت دموعها ورجعت الصوره وقلبها يزيد سواد.. بالسياره.. ليلى:هههه ههههههه ياربي خلاص مااقدر شكلها يفطس من الضحك ميساء:ههه اي والله..بس العريس حلوو ليلى:اي والله الله يهنيهم خالد:هذا اللي فالحين فيه الحش ..وبعدين ماتستحون تقولون العريس حلو ليلى:وش فيها حنا نقول شيء واقعي ماكذبنا خالد:هذي المتزوجه هذا كلامها اجل مااشره على ميساء ليلى:بدت تختنق.. ميساء:حست بليلى من سكوتها..وليه ماتقول انك تغار؟؟ خالد:الحمدالله واثق من نفسي ..وسيم وجذاب وحلو ومركز ومال واخلاق كلن يتمناني.. ميساء:لا انت ماتغار انت مغروووووور خالد:احسن من المدلعه..يلا وصلنا ميساء:ليلى اذا وصلتي دقي علي ليلى:بكره بدق..لاني بنام خالد:سلمي على خالتي ميساء قبل ماتسكر الباب..الله يسلمك.. خالد:بنمر دومينوز عبير موصيتني تبين شيء قبل لانرجع البيت ليلى:اي بيت!! انا برجع لبيتنا خالد:ليش؟؟ ليلى:تعبانه وابي سلمى معي خالد:طيب عبير موجوده ليلى:عصبت يااااخي كييفي ميزااااج ابي ارجع لبيتنا مو راجعه معك خالد:طيب طيب ليه هالتعصيب مو مستاهله.. ليلى:هدت شوي..اسفه معك حق .. خالد:طنش دومينوز ونزل ليلى ببيتهم ورجع لعبير.. دخلت غرفتها ورمت عبايتها راحت تغير وتتوضى علشان تصلي التهجد لبست قميص قطني لونه زهر..تهجدت..ودعت ربها يفرج كربتها وينتقم من الظالم حطت سجادتها بالصندوق وتوجهت للسرير..حطت المخد ورى ظهرها ومددت رجلينها..تناولت الجوال وشافت 10 مكالمات لم يرد عليها و5 مسجات..استغربت فتحتهم لقت 3 من خالد و7 من ناصر فتحت المسجات وكلها من ناصر يبغاها ترد عليه..رمت الجوال ليلى:وهذا شيبي بعد..رن جوالها وشافت المتصل وقررت ترد..بصوت جامد الو ناصر:لييييه ماتردين كم صارلي ادق انا هاه؟؟؟كان معصب ليلى:عدل اسلوبك لا اسكر بوجهك..انت مالك حكم علي وثانيا من تكون علشان ارد عليك انت مجرد زوج سابق ومتحسفه اني تزوجته.. ناصر:هو سؤال ..انتي قابلتي محمد.. ليلى:وشو محمد؟؟ ناصر:محمد ولد عمك.. ليلى:اها..وليه تسأل؟؟يعني بصفتك ايش؟؟ ناصر:صر على اسنانه..ردددددي ليلى:هههه غصب ..مو راااده وشتبي تسوي؟؟ ناصر:بصوت مكسور..احلفي انك ماقابلتيه.. ليلى:لحووول صدق انك نشبـــــه..انت ليش متخيل اني ممكن ارد عليك؟؟يماما انسـى ارد عليك مره ثانيه..تبي شيء ثاني قبل ماسكر ناصر:عصب..يعني قابلتيه..ماتنكريين ليلى:يعني ماعندك سالفه اوكيه ..اقلب وجهك.. وسكرت بوجهه.. رجع يدق مره ومرتين وثلاث وهي بقمة السعاده تدري انه يحترق..وبالرابعه قررت تقفل الجوال من اصله.. حطت راسها ونامت.... (سبحانك اللهم وبحمدك اشهد ان لااله الا انت استغفرك واتوب اليك) قراءه ممتعه.. |
الجزء الثاني عشر ( بلا رحمــــــه ...) العمر محسوب والجرح لامن فاق ..فاق ماتغمضبه دكاتره وقرية مهتدي ابشع اشياء الحياة الظليمه..والفراق.. والغباء... والمعصيه..والبناعم الردي .. في قصر ابوسليمان.. رجع للبيت بعد ماوصل ميساء وليلى..راح لدومينوز واخذلهم بيتزا وبيبسي .. نزل للقبو ولقاها جالسه قبال التلفزيون وشكلها سرحانه.. خالد:احم احم عبير:التفتت..شفيك تأخرت..لهالدرجه بيتهم بعيد؟؟ خالد:لا بس رحت اجيب لنا بيتزا واليوم مادري شفيهم زحمه..نزل الاغراض بالارض..شكلهم درو اني بجيهم وتعرفين حركات المعجبين..يوه صح انتي شدراك اصلا بحركات المعجبين.. عبير:انا بفهم من اللي لاعب عليك وقايل انك مارح اقول مزيون لانه هالشيء الناس اتوقع متفقين على شينك..انك مملوح؟؟؟ورفعت يدينها وكأنها تدعي..يارب تاخذ حقنا من اللي لعب عليه يارب ارسل عليه واحد يلعب عليه.. خالد:اف من الغيره..طلعي الاغراض ولا تنتظريني عمتي عبير:جلست بالارض وفتحت الاكياس وطلعت البيتزا..فتحت كيس ثاني ولقت بيبسي.. عبير:مشاءالله جايب بس حبه ليه؟؟ خالد:بعد مافصخ جزمته الرياضيه ..رجع وجلس جنبها وفتح علبة البيتزا..مو انتي تقولين ماتشترين منتجات امريكيه مادري يهوديه..ولا بوقت الجد تنسين؟؟ عبير:ايه قلت ولازلت على رأيي..بس المفروض تجيبلي مثلا عصير خالد:اخذ قطعه وقبل لاياكل..وليه اجيب وفيه بالثلاجه ولا عاجزه ترقين عبير:انا اشهد انك بخيل وزطي خالد:الرسول عليه الصلاة والسلام يقول فيما معناه يكفرن العشير..فقولي اللي تبين عادي مقدر حالتك..بسم الله وبدى ياكل عبير:بروح اجيبلي عصير وارجع لاتاكله كله..طلعت للمطبخ.. خالد:وهو ياكل رن جوال عبير..طنشه..وبعدين رجع رن مره ثانيه..طل بالشاشه..ابتسم ورد..هلاااا بنصوور ناصر:خااالد!! خالد:ايه شفيك ؟؟ ناصر:هاه..لأ مافي شيء وين عبير خالد:افا يانويصر مافي شلونك ..على طول(قلد صوته)وين عبير؟؟ ناصر:ها!!ايه شلونكم؟؟ خالد:حنا كلــنا بخيــر..بس حبيبة القلب مادري شفيها ناصر:استغرب معقوله مادرو باللي سويته.. خالد:يارجال وين رحت خفت عليها..لاتخاف بس على قولة عبير شكله من الوحام..وتراني وديتها لبيتنا لان سلمى هناك وبتهتم فيها..انت ماتصلت عليها ناصر:ارتبك..الا..اقصد لأ ..خالد بسرعه عطني عبير خالد:طيب لحظه..عبيــر عبيــر عبير:نازله مع الدرج وتركض ورافعه طرف قميصها..نعـــــم..نعم خالد:نعامة ترفسك.. عبير:انشاءالله قبلي .. لايكوون بلعته كله خالد:لأ تطمني..خوذي ناصر يبيك عبير:قالت بفرح..والله.. ونزلت العصير وخذت الجوال..هلا نصور ناصر:عبير اطلعي برى عن خالد ابيك بموضوع خاص ولاابيه يدري عبيرماتبي خالد يشك)..صدق بس انتظرني الرقم فوق الحين اجيبه سولف على ماارقى..هههه ...اول ماوصلت للدور الاول..دخلت وحده من الغرف وسكرتها..الحين انا لحالي ناصر:اول شيء احلفي انك تقولين الصدق اول عبير:والله العظيم اقول الصدق..ناصر خرعتني قوول ناصر:محمد ولد عمي جاكم للبيت او لبيت عمي وقابلته ليلى وتهاوشت معاه..عبير تراك حلفتني واذا كذبتي مانتي بحل ليوم الدين عبير:لبيتنا ماجاء يمكن جاء امس وحنا ببيت عمي ..وبيت عمي انا فيه امس ولا جانا هناك ويمكن جاهم قبل بس ليلى ماقابلته الا اذا توها بس مااعتقد لانها توها راجعه من ملكة صديقتها والوقت متأخر..بس ليه تسأل ناصر:متأكده عبير:متأكده ناصر:طيب مع السلامه..رمى الجوال على الطاوله اللي قدامه وبدى يطقطق اصابعه بتوتر..دامه كذب بالسالفه هذي اجل اكيد كذب بالسالفه الثانيه..معقوله ياربي احترت احترت.. رجعت لخالد وهي مستغربه من سؤال ناصر..جلست بجنبه وخذت قطعه وبدت تاكل.. خالد:سمي يالمشفوحه عبير:بسم الله اوله واخره.. خالد:شفيه ناصر شيبي؟؟كان يتكلم وهو ياكل عبير:لا يبي رقم محل ..اقول خالد خالد:همم عبير:فيصل ليه ترك ميساء؟؟ خالد:كح كح ..شرب البيبسي عبير:طقت ظهره..ليش خفت من سؤالي؟؟ خالد:خذا نفس..ماخفت..وش تقولين نسيت عبير:اقول فيصل وميساء ليه تركو بعض خالد:قلتلك قبل..مايناسبون بعض.. عبير:بس فيصل يحبها .. خالد:طير عيونه..من قال؟؟ عبير:يعني يحبها خالد:لأ..هو قال انه مايحبها عبير:مو كل شيء نقوله يعني صح..يمكن هي ماتبيه؟؟ خالد:مادري..بس انتي ليه تسألين عبير:بصراحه تحسفت اني وافقت.. خالد:وليه؟؟ عبير:فيصل للحين يحبها..وماتقدر تنكر..اللي قالي مصدر موثوق..وهو خذاني علشان يحاول ينساها..قالت بصوت مخنوق بعد مانزلت قطعة بيتزا ماكله نصها..انا ماطلب انه يحبني بس مابيه يظلمني انا مو لعبه ولاتسليه تنسيه ميساء.. خالد:تضايق اكثر واكثر..بس مو هذا كلامك قبل عبير:ادري..بس الحين الصوره توضحت لي..خالد انا قاعده اشوف مصير حياتي معاه..مااقدر اعيش مع واحد قلبه مع غيري ..نفترق الحين احسن من بعدين.. خالد:كيف تحكمين وانتي ماجلستي معاه ولاتعرفتو على بعض..عبير يمكن يحبك مو يمكن الا اكيد..انسي ميساء وانسي ان فيصل حبها..وتذكري ان فيصل هو اللي تركها يعني بايعها ..وبعدين دام قال انه مايحبها يعني مايحبها انتي لاتدققين ..خلي اللي بالقلب بالقلب..عبير لاتنبشين بالماضي وصدقيني اي قرار تتخذينه انا بوقف معك بس فكري زين عبير:مادري مادري..قامت خالد:على وين؟؟ماكلتي شيء عبير:جاني النوم..تصبح على خير بعد يومين.. في اطهر بقاع الارض..مكة المكرمة..اجواء روحانيه تشرح الصدر وتنسي المهموم همه.. تشعر الانسان بسعاده غير عاديه..وتطمن قلبه.. العصر.. جالسه على الدرج الرخامي ومقابله الكعبة مباشره..تشوف الناس يطوفون..تحس انها بعالم ثاني .. عاليه:لو اهرب من حسام واعيش هنا..ايه انا اشوف الاجانب ينامون هنا ومدبرين انفسهم.. حسام:رجع بعد ماشرب من زمزم<<اللي بالترامس<< جلس جنبها..الله ودي اعيش هنا.. عاليه:ياحظ اهل مكه..سمعو صوت من وراهم.. حسام:امر احد الكشافه:لو سمحت جلوسكم على الدرج بيسبب زحمه.. حسام:حنا على الطرف اخوي مو بالوسط.. احد الكشافه:طيب طال عمرك علشان التنظيم.. حسام:انشاءالله..بعد ماراح الكشاف..عاليه امشي خلينا نجلس هناك..واشر على مكان بعيد شوي عن اللي يطوفون..يجلسون بالارض . عاليه:لأ حسام خلينا نرجع للفندق..ابي اتريح قبل صلاة المغرب.. حسام:اوكيه..رقو الدرج ومشو لين وصلو ترامس ماء زمزم..تشربين عاليه:اكيد..خذت كوب بلاستيكي وصبت فيها المويه شربت ورجعت الكوب للمكان المخصص<<الاكواب المستعمله اتجهو لباب الملك فهد..وعنده لبسو صنادلهم واطلعو لفندق الانتركونتيننتال(دار التوحيد) وعند البوابه شافو محمد ومعه امه محمد:حساااام حسام حسام:كانت عاليه وراه..هلااا..وسلمو على بعض.. انت يامحمد ياخالد صح<<كانو يجتمعون احيانا مع مؤيد ومؤيد ياخذ اخوه معه محمد:لا انا محمد..جاي مع الاهل حسام:جيت انا واختي ..انتم كلكم جايين محمد:لا والله بس انا وامي واليوم بنرجع بس نصلي المغرب ومنها على المطار.. حسام:توصلون بالسلامه انشاء الله محمد:عن اذنك وسلم على مؤيد.. بعد ماراح محمد حسام:يلا عاليه.. عاليه:ماسكه ايد حسام..من هذا؟؟ حسام:هذا ياطويلة العمر يقرب لمؤيد.. عاليه:اها... دخلو الجناح فصخت عبايتها على كرسي جانبي.. ورمت نفسها على السرير حسام:كان بيغطيها.. عاليه:لا مايحتاج.. حسام:كيفك..انا بطلع بتصل على واحد وراجع تامرين على شيء عاليه:سلامتك..واول ماسمعت صوت الباب يتسكر..قامت من سريرها وراحت للشباك..صارت تشوف اللي بالساحه الخارجيه اللي مجتمعين يسولفون او ياكلون..تنهدت..اهرب ولا لأ.. في قصر ابو عهود.. جالسين بالصاله ويسولفون بأمور عامه.. عهود:بابا.. ابوعهود:سمي.. عهود:قامت جلست جنبه بالضبط وحطت يدها ورى ظهر ابوها..شفيك ماطريت السفر..ترى العطله بتخلص وحنا للحين قاعدين بالرياض ابوعهود:ومن قالك اني ناسي...بكره انشاء الله السفر.. عهود:بفرح..والله..طيب ليه ماقلت بدري علشان اتجهز ام مؤيد:كان يبي يسويها مفاجئه.. عهود:طيب وين بنسافر ابوعهود:مفاجئه..وبتنبسطين متأكد.. عهود:اوكيه ..بروح ارتب شنطتي..طيب بابا اخذ لبس ثقيل ولا خفيف؟؟ ابوعهود:فهم على بنته اللي بتستدرجه..خوذي الاثنين..وابتسم عهود:هزت راسها وهي واقفه بمعنى مافي امل اعرف..وطلعت لغرفتها ام مؤيد:ابوعهود شفيك؟؟ ابوعهود:خايف تزعل علي اذا درت ام مؤيد:انت الله يهديك مادري شلون تفكر..هو خطبها ورفضت.. ابوعهود:ماتعرف مصلحتها..انا متأكد انه بيسعدها..ولد اخوي واعرفه ام مؤيد:انا داريه..بس ابوعهود:بس ايش ام مؤيد:انت متأكد هو رجع يخطبها من نفسه..يعني الحركه اللي سوتها بنتك معه ماهي حلوه ابدا..واسمحلي اي رجال عنده كرامه قاطعها ابوعهود:سكري الموضوع.. دخلت غرفتها ورفعت سماعت التلفون ودقت على بنت خالتها.. الووو عبير:هممم عهود:ياالهي كل ماادق تطلعين نايمه؟؟ عبير:عهود اخلصي عهود:خبر طاااازج عبير:امدى يصير خبر طازج وانا الفجر داقه عليك؟؟ عهود:ياماما بالثواني تطلع اخبار..المهم اسمعي بنسافر بكره عبير:متى حجزتو..؟؟ عهود:لا طلع ابوي حاجز من زمان بس مسويها مفاجئه ووين مادري.. عبير:يووه كذا بطفش..تدرين ابوي بيجي بكره بقوله يحجزلي وبسافر لكم.. عهود:مافي غير كذا..طيب تعالي الليله عندنا خلينا نستانس عبير:خلاص انشاء الله.. عهود:كملي نومك مع السلامه.. |
في المستشفى.. بعد ماخلص الدوام يمشون بالممر ويسولفون.. زياد:انت لو تسمع كلامي وتخلينا بطياره فيصل:لا السياره احسن..بكره نطلع جميع بسيارتي.. زياد:خلاص امرك العصير..ونطلع من بيتكم.. ووصلو للباركنج وكل واحد ركب سيارته وطلع.. ---------- وبنفس الوقت بمكان ثاني.. مشغله الاستريو على الاخير.. لابسه برموده بني وبدي تركواز وفاكه شعرها.. وترقص بجنون.. ادللللع... ادلع ياكايدهم وادلع ياكايدهم.. خليهم يشوفونك.. علمهم اصول الحسن علمهم اصول الحسن عطهم درس بعيوونك.. دخلت وقصرت الصوت.. نوال:يوه شفيه..انتبهت لاختها..شوشـــو..وسلمت على اختها شيخه:ياعيني ياعيني..وش عندك محتفله؟؟؟ نوال:بدلع..كييييفي.. شيخه:بخبث..علشانه انكسر صح؟؟ نوال:ابتسمت..ماتقدر تخبي الفرحه..صحححح.. شيخه:شكلك داعيه عليه من قلب..الله يستر ينخاف منك. نوال:انتي لاتخافين لاني امووت فيك شيخه:ههه هذا حسين كنت تعشقين الارض اللي يمشي عليها.. نوال:هذاك اول..مسكت ايد اختها وسحبتها معها وجلسو على كنبتين منفردتين ومقابلين لبعض..شـوشـو وجهك منور..وحاسه ان عندك خبر شيخه:هزت راسها بايه نوال:قولي شيخه:اليوم رحت المستشفى.. نوال:حامــل!! شيخه:ايوه نوال:ضمت اختها وبكت..مـــبـــروك(شيخه متزوجه لها سنتين واهل زوجها غاثينها علشان الحمل ونفسيتها تعبت كثير) شيخه:شدت على اختها اكثر..وهمست تخيلي بصير ام نوال:مسحت دموعها..واحلى ام بعد.. قامت تبي ترفع على الاستريو شيخه:لألأ.. نوال:نبي نحتفل شيخه:انا ماقابل النعمه بالمعصيه..انا المفروض احتفالي يكون بصدقه بصلاة شكر لله اللي استجاب لدعائي.. نوال:اي والله صادقه..قلتي لامي شيخه:مارح تهتم او حتى تفرح..وبعدين مو موجوده بالبيت نوال:تعالي بوقت النوم وتلقينها..شيخوه اذا جبتي البيبي لاتصيرين زي امي.. شيخه:مستحيييل..امشي ننزل تحت نوال:اوكيه اسبقيني انا بكلم غيوض .. شيخه:لاتتأخرين..وطلعت نوال:ههههههه...ياحبيلك ياشوشواي دعوه!!!كل شيء مخطط له وتوك ماشفتي شيء...مسكت جوالها واستغربت فيه مكالمتين من غيوض..دقت.. غيوض:بدري نوال:سوري بس ماسمعته كنت مشغله الاستريو غيوض:محتفله وانا الهم بيذبحني نوال:عاليه فيها شيء؟؟ غيوض:ابوي درى انها مو فيه وقامت القيامه صارخ وانهبل علينا وتحلف فيها..وبدت تبكي نوال:اهدي غيوض خليه بس يولي وش يقدر يسوي يعني؟؟ غيوض:اقولك مجنـــــــون مجنــــون خايفه عليها ودي اتطمن بس ماعرفلها رقم نوال:كنت مبسوطه ونكدتي علي الله يهديك..انتي لو ابوك يموت ابرك..اخخخخخ بس لو انه ابوي كان ذبحته... غيوض:ياربي اتركك منه الحين وفكري بعاليه نوال:لاتخافين مايقدر يسويلها شيء..وبعدين لاتنسين انها مع حسام يعني ماينخاف عليها..تعالي عندي جات اختي شيخه.. غيوض:مالي خلق..تراجعت..تدرين الحين جايه... رمت السيجاره من فمها..وهزت راسها تبعد صورة ابوها عنها..دخلت غرفة الملابس وطلعتلها جنز ازرق وبلوزه طويله توصل للركبه لونها بيج لبست صندل واطي وطلعت على طول بعد مالبست عباتها... بعد صلاة المغرب والناس بدت تطلع من الحرم.. طلعت من القسم المخصص للحريم وراحت للمكان اللي مواعده فيه حسام..شافته ينتظرها عاليه:تأخرت عليك.. حسام:عادي..تبينا نطوف..ولا نجلس نتفرج؟؟ عاليه:لأ خلينا نطوف..كانت ماسكه ايده وهو شاد عليها..الطواف زحمه ويخاف تضيع منه.. وبعد اول شوط..حسـام حسام:تعبتي؟؟ عاليه:ترددت ..اذا دعيت على ابوي او على امي يجوز؟؟ حسام:لجمته الصدمه ماتوقع هالسؤال..سكت مارد. عاليه:ماكانت مستنيه جواب..وبالشوط الرابع..حسـام حسام:هلا.. عاليه:تعبت.. حسام:اوكيه..ومشو بشويش لين طلعو من الزحمه.. عاليه:خلاص مابقى شيء على اذان العشاء بجلس هنا والقاك عند باب الملك فهد حسام:باقي ساعه..ماجعتي خلينا نروح ناكل عاليه:طيب بس اخاف ارجع مالقى مكان..الحين فاضي حسام:بتلقين انا ادبرك..امشي تراني جوعان.. عاليه:طيب يالمشفوح دايما جوعان حسام:مسك ايدها..لاتصكيني عين تراني ابيني.. عاليه:مسكت ضحكتها..وشو بعد ابيني؟؟منين جايبها.. حسام:من سوير بنت عمتي..انشاءالله بخطبها قريب وانتي اللي بتزفيني.. عاليه:الله يلحق على خير..وطلعو من الحرم واتجهو لابراج هيلتون وكانت المطاعم مره زحمه فقررو يرجعون للفندق ويطلبون بغرفتهم .. جالس بغرفته بالفندق بكره رجعتهم.. جاه اتصال من رقم غريب.. ناصر:الوو :ناصر الــ ناصر:من معي؟؟ :مادري شقولك ياولدي..بس قبل كل شيء ابيك توعدني ماتجيب طاريي بالسالفه ولاتضر اولدي ناصر:انتي مين؟؟ :قبل اوعدني ناصر:وعد :ترى وعد الحر دين..انا ام محمد مرت عمك.. ناصر:هلا خالتي ام محمد:هلافيك..ياوليدي ابيك تسامح وليدي ولا تلومه ترى عقله مو معه..داريه ان اللي سواه غلط بس كله من ساس البلا عمتك فضه هي اللي خلته يفكر بهالطريقه..وانا والله مو راضيه عن اللي سووه هذا قذف .. ناصر:وبدى يفقد اعصابه..ممكن تدخلين بالموضوع.. ام محمد:بدخل ياوليدي..السالفه اللي قالها عن مرتك كذب..هو لايعرفها ولا اخوياه يعرفونها الله ينتقم من اللي وزته..وانا ياوليدي مارضى بالظلم..وادري انك ماتصدق عليها..وانت وعدتني ناصر:كـذب..همس.. تقولين كـذب.. ام محمد:ايه كذب..بس تراك وعدتني.. ناصر:كان يكلم نفسه..انا طلقتها وسكر جواله.. ام محمد:سمعته قبل لايسكر..طلقها!!! ضغط على راسه لحد ماصارت اصابعه من الضغط بيضاء..يحس بألم فضيع..انلعب علي.. انلعب علي...مرتين العبو علي..متفقين علي..بينكدون عيشتي..ليه مايبوني اعيش مبسوط معها..ونزلت دمعه حاره منه..طلقتها ياناصر خلاص طلقتها.. وضرب راسه بالطاوله من القهــر. ------------------- يوم جديد..يحمل معه الكثير من المفاجئات.. ابوفيصل اضطر يسافر لحائل عند امه وبيجيبها معه رجعت سلمى لبيتها ..ووصلت ام محمد ومحمد للبيت امس بالليل ..وليلى زي ماهي ماتكلمت ولاقالت ان ناصر طلقها..وابو عهود وعائلته سافرو.. ---------- صحت على صراخ وهوشه..فزت من سريرها وراحت تشوف وش فيه..نزلت الدرج بسرعه وشافت ابوها يهاوش امها.. ابوصالح:اللي ماتربت هجت(هربت)مع خويها,,وربي لاذبحها ام صالح:تقرى مجله وحاطه رجل على رجل..يمكن يكذبون عليك ابوصالح:فتشت بيتهم وهددتهم ويقولون ماجتهم..انا اعرف شلون اطلعها الحيوانه ببلغ الهيئه وخليهم هم يذبحونها ام صالح:قالت بملل..افف تراك زهقتنا وترى مالومها يوم طفشت منك.. ابوصالح:ماتلومينها!!!هذا كلام جديد...صار يضرب يد بيد..قلبي حاس من زمان انها ماشيه غلط ياليتني ذبحتها.. ماتحملت الكلام اللي ينقال عن اختها وانفعلت.. غيوض:اختي اشرف من الشرف وينقطع لسان اللي يجيب سيرتها ابوصالح:مشى لعندها ومسكها مع ايدها..عارفه انتي منهو معه هربت انطقي غيوض:خلصت نفسها منه..ايه راحت مع اخوها حسام.. ابوصالح:حســـــــــام...يعني بيتحداني مايتوب..هين هين..وطلع من البيت بسرعه.. غيوض:طلعت لغرفتها بسرعه وقفلت على نفسها..ياربي سامحني بس والله ماارضى احد يتكلم عليها..ونزلت دموعها..سامحيني عاليه.. كل البيت متوتر..واولهم ام حسام..بنتها اختفت وماتدري وينها .. ابومؤيد:اهدي يابنت الحلال ام حسام:وين اهدى الله يستر الله يستر..انا خايفه ان حسام له يد بالموضوع.. ابومؤيد:واذا له يد..اخوها ام حسام:انت مو خايف على ولدك..ابوصالح مايخاف الله ياخوفي يذبحه..دق عليه شوفه وينه ابومؤيد:لاتخافين وبعدين ولدك مسافر مع اخوياه لجده..شلون تكون عاليه معه.. ام حسام:مادري مادري..انا خايفه عليه..قلبي مو متطمن.. الظــهر جهزت الغدى لانها بتاخذه معها لبيت اختها.. تجهزت ولبست جلابيه وقبل ماتطلع مرت على بنتها..طقت الباب مرتين ودخلت.. لقتها نايمه ومومتغطيه زين.. ام فيصل:ليلى..ليلى ليلى:همممم ام فيصل:قوومي صلي الظهر وامشي معي لبيت خالتك مسويتلهم غدى وباخذه معي.. ليلى:انقلبت للجهه الثانيه..يمه روحي انتي واذا شبعت نوم لحقتكم..انا اصلا بجيهم العصر.. ام فيصل:بس انا ودي نتغدى جميع..حتى سلمى عندهم..قومي الله يهديك ليلى:حبيبتي والله فيني نوم..اسبقيني وانا اجيكم ام فيصل:طيب..بس اول قومي صلي بعدين كملي نومتك..وطلعت ليلى:تمغطت..وقامت تصلي... الشرقيه.. دقت على فضه تتحسب عليها وتهاوشها.. ام محمد:الله لايوفقك دنيا واخره بليتي ولدي هالبلوه..وبعدين وشهالكلام اللي قايلته فضه:والله بكيفي وولدك يتمنى هاليوم..تصدقين الفرحه مو سايعتني واخيرا تطلقت ام محمد:انتي من ايش مخلوقه ..ماتخافين على بناتك فضه:انقلعي بس..وسكرت بوجهها..ورجعت تدق على الناس اللي مادرو تنشر الخبر السعيد.. |
بالطياره.. هذا اللي صار.. ابوسليمان:الله لايعطي العدو خير..انت انهبلت ناصر:ايه انهبلت..يبه ماكنت بوعيي ابوسليمان:ليه كنت شارب؟؟؟ ناصر:يبه ابيك عون تصير فرعون.. ابوسليمان:اعاونك على سواتك الشينه..تطلق البنت وهي مالها ذنب وتسوي سواتك بدون ماتسألني اوحتى تعطيني خبر..والحين تبي مساعدتي.. ناصر:يبه والله مادري شصار فيني..انت تعرف طبعي ماتحمل كلمه..وبعدين ماتوقعت محمد نذل لهالدرجه..ماجاء ببالي انه يتبلى عليها وهو ولد عمها.. ابوسليمان:انت ماسمعت البيت اللي يقول <نوبن من الادنين ياتي بلاها>..ولد عمها ويبيها من الله..وانت تدري انه يموت فيها..الله ياخذ بليسك على الاقل علمني عطني خبر ..وين اودي وجهي من اخوي وشلون اقابله حسبي الله حسبي الله ناصر:الحين انا ابي ليلى وانت تفكر بخوك.. ابو سليمان:لااااه..ودامك تبيها ليه طلقتها..تدري هي مو مره ان رجعتلك انت ماتستاهلها.. ناصر:هذا انا اقولك ان مارجعتلي يمين بالله لارتكب جريمه بولد اخوك وانت حر ابوسليمان:ولك عين تهدد..شين وقواية عين..اعنبو دارك مايكفي خسرت مرتك تبي تخسر حياتك.. ناصر:مالي حياه من غيرها.. ابوسليمان:لحول ولا قوة الا بالله..ستـــرك يارب..ستـــــرك.. العصـــر: طلع لغرفته علشان يرتب شنطته..وزياد ينتظره بالملحق.. تحس بالم خفيف..وروحها ضايقه..ماتدري ليش.. لبست تنوره جنز وتيشرت اصفر حطت بلاشر يخفي صفار وجهها..وتركت شعرها مفلول لبست عبايتها وخذت نظارتها الشمسيه وطلعت.. نزلت وتلفون البيت يدق..ردت بعد ماجلست على الكرسي.. الو ميساء:ليلى خوفتيني ليه ماتردي على تلفون غرفتك.. ليلى:فاصلته..شفيك صوتك مو عاجبني.. ميساء:بقولك لاني ابيك تكونين طبيعيه.. ليلى:اسمعك.. ميساء:ريم قبل شوي دقت عليها امها..وسألتها اذا كنتي مطلقه قاطعتها ليلى:شدراها؟؟؟ ميساء:تقول من عمتك فضه.. ليلى:امي درت..وتحس ان قلبها بيطلع من القفص الصدري ميساء:لا ..هي سألتني وانا انكرت..بس فيه شيء ثاني.. ليلى:وشو بعد.. ميساء:الله لايوفقها تقول انه طلقك لانه شافك مع واحد.. ليلى:لمين قالت؟؟؟ ميساء:ريم تقول ان هالعجيز المخرفه ماخلت احد ماقالتله..وتقول ان امها هاوشتها وسكرت السماعه بوجهها بعد..اسمعيني اكشخي وسوي نفسك عادي اذا ريم جابتلك طاري.. ليلى:انتي شتقولين ..انا صدق مطلقه..مااقدر انكر. ميساء: لين تهدى الامور ليلى:اي امور اي امور..هي شدراها؟؟بستخف بستخف ميساء:ليلى اهدي..اسمعي تعالي الحين انا انتظرك يلا ليلى:خلاص هونت مو جايه.. ميساء:لا بتجين ليلى:طيب..سكرت..مسكت شنطتها بيد مرتجفه..لبست النظاره وطلعت ولسانها يردد اللهم لاتكلني الى نفسي طرفة عين.. وقفت عند المدخل وطلعت جوالها تبي تدق على السواق يجيب السياره..بس قطعها صوت خالد.. خالد:هلووو..كان جاي من بيت عمه ويبي يسلم على امه.. ليلى:هلا.. خالد:امي فيه ليلى:لأ عند خالتي خالد:اها..وطالع فيها..اشوفك كاشخه بترجعين لبيتك ليلى:لا بروح لخالتي هناك مجتمعين.. خالد:طيب مورايحه لبيتك!!انتي ماتدرين ان ناصر بيجي؟؟ ليلى:حست ببروده من قال اسمه..بيجي اليوم!! ناصر:ماتدرين!!يوووه لايكون مسويها مفاجئه لك وانا خربت كل شيء.. تبي تهرب منه نزلت درجات المدخل وبسرعه راحت لقسم الرجال لان المواقف هناك.. خالد:ليلى وين رايحه..ومشى وراها ليلى:تمشي وبدون ماتلتفت عليه..بروح للسياره خالد:ليلى فيك شيء؟؟ ليلى:تنرفزت...لألألأ خالد:مسك ايدها ولفها عليه بقوه..شفيك؟؟ وصار وجهها على الملحق اللي واجهته كل زجاج عاكس ولايدرون ان فيه احد.. ليلى:مافي شيء مااافي افف خالد:لأ فيه..بينك وبين ناصر شيء ؟؟ ليلى:ايه فيه.. خالد:انا قلت..لايكون زعلان عليك علشان قصيتي شعرك؟؟ ليلى:هو..هو.. خالد:وشهو؟؟؟ ليلى:طلقني.. خالد:ههه..طيب فيه غيرها ليلى:خالد انا ماامزح..ناصر طلقني خالد:عقد حواجبه..ماسمعت.. ليلى:انفعلت..طلقنـــــي ناصر طلقني.. وفجاه حست بحراره بوجهها وصوت نظارتها اللي تكسرت بالارض يرن باذنها..حست ان رجولها موعلى الارض..رفعت راسها وانفاس خالد تحرق وجههاوتطير خصل شعرها اللي على وجهها خالد:وبكل بساطه تقولين طلقك مستانسه..وش انتي مسويه انطــقي ليلى:تبي تبكي بس دموعها مو راضيه والعبره خانقتها..وبصوت كسير..مو مسويــــــه شيء مو مسويــــــــــه خالد:من الباب للطاقه يطلقك!!! انطقــــــــي لا اكسر راسك ليلى:حررت نفسها منه وبصوت عالي..ايــــــه مسويه ارتحت..تدري شسويت..ذليـــت نفسي له ..اهنت كرامتي..بعدت خصل طايحه على وجهها لانها تضايقها..هو يطلق وانا اللي اسوي..ليه متسأل العاشق الولهان اللي شافله وحده وترك مرته وولده علشانها..كله منكم انتم اللي رجعتوني له..هو من اول يوم لي قالي وبالصوت العالي..مــــــو انتي البنت اللي اتمناها..ميــن اللي تقبل هالكلام قـــول من اللي بترضاه على نفسها..قعدت اترجاه علشان مايطلقنـي تدري ليــــش علشانكم ايــه علشانكم مافكرت الا فيكم تحملت صراخه وطقه وذله لي بس علشان يصبر علي شهر واحد بـــس..والحين تقولي الغلط مني..انتم السبب انتم اللي رجعتوني له..وبالاخير داس علي وذلني اكثر من اول..انا مالومه تدري ليش لاني بلا كرامه..رضيت بالذل على نفسي علشانكم والحين هو الصح وانا الغلط..مايكفي انه طلقني فضحني عند العالم والكل يتكلم بعرضي.. اذا اخوي ابن امي وابوي مارحمني وركبني الغلط..مالوم الناس اذا صدقته ..ولاهو اخوك وانا بنت الشارع..مشكور ياعزوتي ياسندي مشكـــــــــــور خالد:هزته كلماتها..ضمها .. ليلى:ضمته اكثر..شفت ياخالد هذا اللي قلتلي ارجعيله شفت وش سوا فيني..قهرني وذلني...وبدت ترجف.. خالد:ماعاش من يذلك..ونويصر دواه عندي..ترك اخته وطلع برى البيت بسرعه.. ليلى:انهارت على الارض..الالم فضيع وزاد عليها..حلقها جف تبي تنادي احد بس مو قادره.. زياد ماقدر ينزل عينه..منصدم باللي صار..معقوله.. شاف خالد طلع والبنت مرميه بالارض ..يبي يتدخل بس مو قادر.. فيصل: طلع من البيت وماسك شنطته..انصدم لما شاف ليلى طايحه..رمى شنطته ركض لها..وحاول يرفعها..ليـــــــلى..ليـــــــــــلى.. ليلى:كانت متمسكه بالعشب وفجاه حست انها تخدرت..وبدت تفقد الوعي زياد:اضطر يتدخل..طلع من الملحق بسرعه وهو يتحاشى يشوفها..فيصل خلنا نلحق عليها بالمستشفى.. فيصل:كان مرتبك..شغل السياره بسرعه انا بشيلها.. بالسياره.. فيصل:وكان راس ليلى على رجله..زياد وش صار؟؟ زياد:ماادري بالضبط بس سمعت صراخ ونقاش اتوقع بينها وبين خالد..وبعدين راح خالد ولا ادري شصار..(كان يدري بكل شيء بس منحرج) فيصل:اكيد هالخايس عصبها وهي ماتحمل اوريه..بسررعه يازياد.. دخلو المستشفى وعلى الطوارئ ومعها فيصل... بعد ساعتين فيصل:طمنيني دكتوره الدكتوره:لا هي بخير بس محتاجه وقت حتى ترتاح فيصل:وش عندها الدكتور:انت شتصير لها فيصل:اخوها..شفيها دكتوره الدكتوره:لا تخاف..هي كانت حامل واجهضت..وبصراحه اكتر حالتها النفسيه صعبه.. فيصل:اجهضت!!! الدكتوره:الله يعوضها..بس زي ماقلت حالتها النفسيه لازم تراعوها..الحين بننقلها للجناح..عن اذنكم.. زياد:ماتشوف شر فيصل:مشكور زياد..واسف تعبتك معي وضيعت سفرتك زياد:افا حنا اخوان..وبعدين وشو سفرتي قول سفرتنا..بنعوضها انشاء الله.. فيصل:خلاص زياد خذ سيارتي وارجع لبيتكم ارتاح وانا بجلس معها زياد:بس اذا احتجت شيء دق علي..وطلع فيصل دخل للجناح اللي حطو ليلى فيه كانت حاطين فيها المغذي وايدها مزرقه..ووجها مثل الليمونه.. ونايمه ولاتدري شاللي حصل لها.. بالمطار.. سليمان وخالد بيستقبلونهم.. اول ماشافوهم سلمو عليهم وتحمدولهم بالسلامه.. وبعد مااخذو شنطهم.. خالد:سليمان انت خذ عمي وانا ناصر..ياني مشتاقلك ياناصر مو مصدق عيوني.. ناصر:ابتسم ابتسامه صفرا..حتى انا ..بس انا تعبان ومالي خلق اتمشى سليمان:يبه جبت هديه لعبير..ترى مو مدخلتنا للبيت ابوسليمان:ايه جبتها..بعد قلبي عبير متى اشوفها بس.. خالد:همس باذن ناصر..ابيك بموضوع..ومو مطولين..دق جواله..ورد.. هلا فيصل فيصل:هلا خالد انت وينك؟؟ خالد:انا بالمطار عمي وناصر جو فيصل:لاتقول خالد:ليش؟؟ فيصل:ليلى تعبت علي ووديتها للمستشفى وقالو انها سقطت.. خالد:وصار يضغط على الجوال بيده..طيب انت وينك فيصل:انا عندها..ابيك تروح لامي وتقولها..بتقول لناصر؟؟ خالد:اشوف..طيب ..مع السلامه..دخل الجوال بجيبه..وابتسم لناصر...شقلت؟؟ ناصر:توقع ان خالد درى..وشو الموضوع؟؟ خالد:اقولك خاص ومابي سليمان يدري..نصور عمري طلبتك؟؟ ناصر:تطمن من كلامه..اوكيه ركب ناصر مع خالد..وابوسليمان وسليمان رجعو للبيت.. بعد ربع ساعه.. وقف السياره بالاراضي الفاضيه اللي عند المطار.. ناصر:صدق انك مروق..اقولك دايخ تطلعني هنا خالد:انت انزل علشان اقولك الموضوع واخلص.. نزلو.. ناصر مانتبه لخالد اللي جاه والشرر بعيونه وعطاه بقس على وجهه.. ناصر:عصب..صاحي؟؟؟ خالد:بعلمك الحين...وبدى يضربه..ان ماطلعت روحك مثل ماقهرتها...ان ماادبتك ناصر:كان يقاومه..بس خالد ثاير..خالد ..خالـــــد.. خالد:انا اختي تسويلها كذا..ويضرب بقوه.. ناصر:استسلم لخالد..وكأنه يعاقب نفسه.. خالد:رفعه مع ياقة قميصه اللي ازاريرها تقطعت..ليه طلقت؟؟وبدى يصفق وجهه..ليــه ناصر:زهق من خالد..واستجمع قوته..مسك يدين خالد ولفهم ورى ظهره..صرخ خـــــــــلاص يكفي..يكـــــــــــفي خالد:هدى شوي.. ناصر:ترك يدين خالد وجلس على الارض..زفر بقوه.. لحظة صمت.. خالد:ماقدر الا يجلس جنبه..اخر شيء توقعته انك تطلقها ناصر:خــــــــــالد واللي يرحم والديك اللي فيني مكفيــــــــــــني لاتزيد همي خالد:ابي اعرف انت اكيد صاير معك شيء.. ناصر:صاير اني خسرت ليلى..وطالع بعيون خالد..فيه اكبر من هالخساره.. خالد:ناصر افتح لي قلبك..يمكن اساعدك ناصر:---- خالد:سمع جواله يدق بالسياره..قام نفض جنزه وركب السياره ورد.. هلا محمد محمد:خالد انت مو بالبيت؟؟ خالد:لأ..ليه تسأل محمد:لان ندق على ليلى وماترد والشغاله تقول انها مو موجوده ..خلاص انا برجع للبيت واشوفها امي خايفه عليها خالد:لا تتعب نفسك..ليلى بلمستشفى وهي بخير..بس اجهضت.. محمد:متى صار هالكلام؟؟؟ خالد:مادري دق على فيصل وهو يقولك.. محمد:فيصل مقفل جواله..طيب هي بأي مستشفى؟؟ خالد:مادري ماسألته...حاول تدق عليه مره ثانيه يمكن يمسك معك .. محمد:طيب.. خالد:اسمع اذا مسك قولي..وانا بدور بمستشفى____لانه اقرب شيء لنا محمد:خلاص..مع السلامه خالد:ناصـر..ناصـــــــر ناصر:مومعاه.. خالد:نزل..ناصـــــر ناصر:انتبه..نعم خالد:ماتبي ترجع..امش تأخرنا.. ناصر:هز راسه..ورجعو للبيت.. في مركز الشرطه.. رجعوهم من مكه بعد ماعممو الاسم على اساس انه خاطف بنت.. حسام:اقولك اخوهــــــــا كان منفعل الضابط:حتى لو كنت اخوها مايحقلك تاخذها وبدون اذن ولي امرها..هذا يسمى خطف حسام:فيه احد يخطف اخته..انت صاحي الضابط :تأدب ياحسام...واسمحلي اقولك موقفك صعب..اذا ابوصالح ماتنازل عن حقه بنظطر نسجنك حسام:الحين تسجنوني انا وهو لأ...انت ماتدري عن شيء..هذا انسان مو طبيعي انت شوف شمسوي ببنته قاطعه.. الضابط:حسام هذي امور عائليه .. حسام:طيب الحين اقدر ارجع الضابط:للاسف..الليله بتبات عندنا... بالسياره.. ماتسمع الا صوت انفاسه.. عاليه:تكلم نفسها..لو اني هربت بمكه كان افتكيت..بس ماتوقعته يدري..ااه ياعاليه لو نسوي حادث الحين واموت انا او هو ونرتاح.. ابوصالح:انـــــــــزلي عاليه:انزلت..وقفها صوته.. ابوصالح:لحضه..تحسبين الطلعه مثل الدخله ياعاليوه..كان بيده كيس فيه علب كوكاكولا الزجاجيه..رماها بالارض وتكسرت.. غيوض كانت تطالعهم بالبرنده وحتى امها.. ابوصالح:فصخي جزمتك..وامشي عليه..يـــــــــلا عاليه:فصخت جزمتها بهدوء وسكرت عيونها خذت نفس ومشت عليه وهي تغتصب ابتسامه من الالم علشان تقهره غيوض وام صالح ماتحملو ودخلو.. ام صالح:ابوك مجنون وسكرت غرفتها غيوض:تخيلت نفسها بدل اختها واقشعر جسمها.. نزلت مع المصعد ودخلت المطبخ تنتظر ابوها يطلع.. سمعت خطواته على الدرج..وطلعت بسرعه لاختها.. غيوض:عاليــــــه!! ... |
كانت جالسه تقرى روايه على النت..وقطع قرايتها صوت جوالها نوال:افف..شافت المتصل وردت ها يالغثيثه غيوض:نوال الحقي عاليه نوال:خافت..شصار؟؟ غيوض:كل جسمها قزاز ومااقدر اشيله ولااقدر اوديها المستشفى نوال:من ايش؟؟ غيوض:من ابوي..شسوي عجزت لاشيله وهي تتألم نوال:يابقره بسرعه وديها لمستوصف قبل لاتتسمم غيوض:ياشينك اذا قفل عقلك..اقـــــــول ابوي هنا ما اقدر..والله ان درى اني وديتها ذبحني.. نوال:اجل وشوله داقه علي انا مااعرف غيوض:قولي لولد عمك مو دكتور خليه يجينا الله يخليك نوال:صاحيه علشان ابوك يفضحنا..اسمعي ابوك نايم؟؟ غيوض:اكيد.. نوال:انشاء الله نومة اهل الكهف..المهم حاولي تجيبيها عندي وانا بكلم زياد يجي غيوض:طيب تعالي انتي والله خايفه نوال:طيب ..سكرت ولبست عبايتها بسرعه وهي تنزل الدرج بسرعه دقت على زياد.. زياد:كان نايم ورد يحسبه فيصل..الو نوال:زياد الله يخليك تعال لبيتنا زياد:من انتي؟؟ نوال:ترد وماتدري من انا..انا نوال..وطلعت للشارع زياد:نوال!! شفيه ليه اجيكم؟؟ نوال:بنت جيرانا دخل برجلينها قزاز بسرعه الله يخليك.. زياد:طيب طيب.. سكرت منه وهي عند البوابه دخلت..وركضت لعاليه اللي تتألم عند المدخل .. نوال:عاليه!! انصدمت لما شافت وجهها...الله لايعطيه عافيه هذا متخلف مجنون شلون يسوي كذا عاليه:نوال وانهارت تبكي.. نوال:اهدي اهدي..الحين كلمت زياد وهو ببيتنا..فتحت الباب غيوض وكانت لابسه عبايتها.. نوال:ساعه غيوض:كنت بتأكد اذا نايم..شالوها مع بعض وبما انهم بالصيف فأغلب حارتهم مسافرين..فالشارع فاضي..تناقلوها بشوي شوي..الى ان دخلو بيت نوال زياد كان بالحديقه ومعه شنطته ولابس بجامته من العجله ماغير.. نوال:زياد انزلها هنا..قصدها على الكراسي اللي بالحديقه زياد:جيبوها داخل احسن.. دخلو وجلسو بالصاله ونزلوها على الكنب.. زياد:فتح شنطته..وطلع ادواته..شاف رجلينها وانصدم..كل هذا!!! نوال:لا توك ماشفت شيء..الله يخليك بسرعه ترى يعورها زياد:طيب طيب..وبدى يطلع القزاز..وعاليه كاتمه صرختها ومتحمله.. غيوض:بسرعه قبل لايقوم ابوي.. زياد:ماقلتوله!! نوال:عطت نظره لغيوض سكتتها..زياد خذ راحتك ماعليك منها زياد:لا من جد ليه ماقلتوله؟؟ نوال:تقوله وهو سبب اللي فيه.. زياد:وشلون سبب؟؟ عاليه:تجرأت ..نــوال. نوال:طيب خلاص بنطم.. زياد:سكت وكمل شغله... بعد ساعه الاربع قدر ينظف رجلينها .. زياد:انتهينا الحمدالله.. نوال:باقي وجهها زياد:انتي شلون طحتي؟؟ عاليه:طحت وبس..ومشكور زياد:واللي بوجهك عاليه:لا مايحتاج نوال:عاليوه اعرف حركاتك مستحيه منه ترى عادي ماياكل وبعدين هو مو جاي يتفرج جاي يعالجك زياد:لو سمحتي خليني اكمل..ترى مو زين يبقى نظفيه وارتاحي غيوض:عاليه يــلا اخلصي عاليه:طيب.. فتشت وغمضت عيونها من الحيا.. زياد:طلعت عيونه برى..وكمل شغله وهو يفكر فيها.. بعد ربع ساعه غيوض وعاليه رجعو وساعدتهم نوال.. وزياد اظطر يوقفلها عند الباب لان الوقت متأخر وهي تمشي لحالها بالشارع.. رجعت.. نوال:زياد شموقفك؟؟ زياد:واقف علشانك نوال:مشكور زياد..قالتها وهي تدخل وزياد يسكر الباب زياد:لا شكر على واجب..دخلت بيتهم وهو دخل بيته.. طول الطريق وهو يحاول بناصر يقوله ليه طلق ليلى.. وناصر ساكت مايرد.. وصلو للبيت وقبل لاينزل ناصر خالد:مسك ايد ناصر..مونازل الا اذا قلت ناصر:انفعل..شتبيني اقول ..اقول ان ولد عمك محمد(طبعا عيال ابو فيصل يقولون عمي ابو محمد من باب الاحترام فقط) جاء من الشرقيه علشان يقابل حبيبة القلب ويتفقون على الموعد ويتقابلون وينصدم انها ليلى..تبيني اقول انه جاب الرقم من خويه اللي قابلها اكثر من مره..تبيني اقول انه تهاوش معها وطردته من البيت وسليمان ترجاه مايجيب طاري بس هو ماقدر لانه ولــــد عمي ويخاف على عرضي...تبيني اقول انهم لعبوها صح..ونزل من السياره خالد:كان فاتح فمه من الصدمه..نزل من سيارته بسرعه ونادى عليه..نـــــاصر ناصر:التفت على خالد..ووقف خالد:مشى لين صار مواجه له..وانت صدقته ناصر:ـــ خالد:تفــو علـــــــيك..وهذا الشنب مو على رجال اذا رجعتلك ليلى..ركب سيارته وحرك..وترك ناصر مصدوم. تسللت من البيت حتى من غير ماتقول لنوره.. طلعت من البوابه وركبت السياره اللي منتظرتها.. غاده:حرررررك بسررعه عماد:وش خايفه منه؟؟ابوك فيه غاده:يمكن يجي بأي لحضه..انت قولي انت واثق من الدكتوره؟؟؟ عماد:تطمني... وصلو عند عماره عماد:انزلي وصلنا... غاده:وانت مو نازل معي؟؟؟ عماد:انزل وش اسوي معك؟؟؟ غاده:اخاف انزل لحالي.. عماد:لا تخافين..انزلي بسرعه وهي تنتظرك اذا خلصتو دقي علي.. غاده:عماد خايفه اموووت عماد:خلاص خليه ببطنك وانفضحي...احمدي ربك دبرتلك دكتوره تنزله لك وماسكتت الا لما دفعتلها دم قلبي..وكل هذا علشانك ياقلبي مابغاك تنفضحين... غاده:صدق تخاف علي؟؟ عماد:غاده الوقت يمر بسرعه وحنا ماعندنا وقت.. غاده:طيب..سكرت الباب وطلعت للشقه ..رنت الجرس.. ...:مييين غاده:انا من طرف عماد... ...:انفتح الباب..ودخلت غاده . |
الجزء الثالث عشر.. (قلوب مشتته...) تخيـــلت انك تخـــوني.. وخابـــت نظرة عيــووني.. خذانـــي بعيــد انا ظـني.. عســى الله يجازي ظنونـــي... بعد مرور يومين على الاحداث السابقه.. الظهــــر: المستشفى.. طلعت من الجناح ..هي اليوم مرافقه مع ليلى بعد مااقنعت خالتها البارح ترجع تتريح.. راحت للكافتريا تاخذ لها شيء خفيف تحس نفسها جوعانه .. اخذت عصير وكلوب تونه..حطتها بالمكروييف ..دار نظرها بالموجودين بالمكان..طبيبات وممرضات..بعضهم محترمه نفسها والبعض كأنه رايح زواج وناسيه انها بمكان مختلط واللي تعمله لايرضي الله ولا رسوله ثانيا انتي بمستشفى يعني من له خلق يحط ميك اب..مادري اصلا شلون صارلهم وقت يحطون..لا والادهى والامر اللي تسولف وتنكت بمواضيع مالها دخل بالطب مع الاطباء او حتى الموظفين بالمستشفى..ناس على قد ماوصلو بالعلم تفكيرهم محدود..والله مالوم اهالينا يوم منعونا اننا نشتغل بالمستشفى..هيييء شلون نسيت فيصل؟؟؟اكيد هو يسوي هالحركات..لا لا فيصل محترم..قطع تفكيرها صفير المكروييف..اخذت الكلوب واطلعت للجناح.. فتحت بدون ماتطق الباب..شالت نقابها .. ميساء:اهتزت كتوفها بشكل غير ارادي)..ياربي شهالبرد..ولا انتبهت ان فيه شخص .. حطت اكلها على الطاوله والتفتت وطاح وجهها.. ميساء:بســـــــم الله من متى هنا..تذكرت غطاها وتغطت بسرعه خالد:صر على سنونه )مره ثانيه تأكدي ان مافيه احد مو على طول تدرعمين ميساء:هزت راسها بملل من كلامه وزفرت.. خالد:طنش حركتها...وطالع بليلى..ماقامت؟؟ ميساء:بتقوم ان شاءالله..طيب ممكن تلف وجهك ابي اكل خالد:رفع حاجبه..وتكلم بلهجه تقهر ميساء)..كولي وانتي متغطيه... ميساء:خويلد لف وجهك لا الفه لك بالغصب خالد:ميسوه طالعلك لسان ثالث اشوف؟؟ ميساء:برجاء)..خالد بليـــــــز والله ميته جوع خالد:رحمها..ليه ماقلتيلي اجيبلك شيء قبل لااجي ميساء:مادريت..(وبقلبها..اكبر همي انك تجي..ماخذ بنفسه مقلب) خالد:وش جبتي طيب ميساء:كلوب تونه وعصير خالد:انتي بتصرعين اختي بريحة التونه..قومي طلعيها عطيها اي احد وانا بروح اجيب غدى وش تبين ميساء:ابي ماك رويال لحم مودجاج خالد:قام من مكانه وراح لها ..مد يده واخذ الكلوب)..انتي ماتحبين الدجاج؟؟ ميساء: لا بس خايفه من الانفلونزا..اترك العصير ابغاه..تصبيره لين يجي الغدى خالد:قلد صوتها..تصبيره..وبعدين انتي لاتخافين الانفلونزا تهج منك..وطلع ميساء:هههههه بعد خمس دقايق سمعت صوت دق على الباب.. تغطت..ومشت تفتحله الباب.. ميساء:فتحته وصارت ورا الباب(حركه تلقائيه) ولا انتبهت..منت بهين ياخويلد طلعت سوبرمان على غفله :احم احم ميساء:فيـــصل!! فيصل:السلام عليكم ميساء:وعليكم السلام..اسفه حسبتك خالد.. فيصل:دخل....خالد جاكم..وجلس على الكرسي اللي بجنب ليلى ميساء:ايه وراح يجيب غدى..(وجلست على الكنبه المنفرده بعيده شوي) فيصل:ماقامت..(وبدى يمسح على راسها) ميساء:لأ.. فيصل:حب راسها..وبدى يقرى عليها.. رن تلفون الجناح وردت لانها الاقرب.. الوو ام فيصل:هلا ميساء..طمنيني ميساء:لا الحمد الله الدكتوره تقول اليوم احسن من امس.. ام فيصل:الله كريم..اقول يمه برسلك غدى ميساء:لا خالتي مايحتاج خالد راح يجيبلي..بس لاتنسوني على العشاء.. ام فيصل:ههه لاتخافين وبجيبلك العصر تشيز كيك ميساء:اجل تعالي بدري.. ام فيصل:ان شاء الله..ماحد جاكم اليوم؟؟ ميساء:لا بس خالد وفيصل ..وعمي ابو فيصل دق يتطمن.. ام فيصل:زين يمه تبين اجيبلك شيء معي ميساء:سلامتك ام فيصل:مع السلامه سكرت التلفون.. وانتبهت لفيصل اللي يطالعها.. فيصل:نزل عيونه لما حس انها انتبهتله.. سمعو طق الباب.. فيصل:قام علشان يفتح الباب.. خالد:تأخرت ياام ثلاث السانات..(كان مطلع جواله يشوف المكالمات اللي مارد عليها) فيصل:ههههه خالد:رفع راسه..فيصل!! متى جيت؟؟(دخل جواله بجيبه) فيصل:قبل شوي.. خالد:زين اني جبت وجبتين زياده..دخل وشاف ميساء جالسه..(ابتسم)..اشوى حسبتك فطستي ميساء:بسم الله علي.. خالد:نزل الاكياس بالطاوله اللي عندها.. ولف وحده من الكنبات على ورى يعني تعطيهم ظهرها.. فيصل:ليش؟؟ خالد:علشان ميسوه تجلس تاكل براحتها فيصل:ماله داعي حنا نطلع خالد:انا واحدن جوعان واباكل هنا..تبي تطلع بكيفك.. فيصل:لا بروح مابقى شيء ويخلص البريك..مع السلامه.. وطلع.. ميساء:هجمت على الكيس وطلعت وجبتها وجلست على الكنبه اللي لفها خالد كشفت وبدت تبلع.. بعد ماخلصو اكل.. خالد:شبعتي.. ميساء:وجبتين ولا اشبع اكيد بشبع..كثر الله خيرك خالد:صحه وعافيه.. ميساء:قامت تنظف المكان وجمعتهم بالكيس..وحطتهم بالزباله خالد:انا بروح للبيت اخذلي غطه واجي..تبين شيء ميساء:سلامتك..ايه خويلد لاتنسى الله يعافيك جبلي بطانيه والله تجمدت من البرد.. خالد:اسمي خالد موخويلد..تبين شيء ثاني بعد.. ميساء:لا خلاص مشكور ياخويلد خالد:ميسوه ميسوه ماتتغير..مع السلامه.. منسدحه بسريرها ماتقدر تتحرك الدكتوره محذرتها..صدمتها بطلاق اختها ماتحملته.. رن التلفون اللي بجنبها وردت..الوو سليمان:حلوتي شلونها.. سلمى:بخير.. سليمان:متأكده سلمى:ايه لاتخاف علي.. سليمان:كلتي علاجك سلمى:ايه سليمان:تغديتي سلمى:ايه سليمان:اشتقتيلي سلمى:ايه سليمان:تحبيني سلمى:لأ سليمان:افا زعلانه اليوم علي؟؟ سلمى:لأ سليمان:اجل ماتحبيني!! سلمى:اموت فيك.. سليمان:ايه قولي كذا من اول ماتصدميني وتقولين لأ.. سلمى:متى تجي سليمان:اذا خلص الدوام سلمى:ياربي مت طفش.. سليمان:يابعد قلبي حاس فيك بس شسوي الشغل واجد..تدرين مافيه الا انا وابوي.. عمي مسافر وناصر الله يرحم حاله سلمى:ضيقت خلقك على الفاضي اسفه سليمان:انتي تضيقين الخلق!!..الا تفتحين نفسي..بكلم عبير اخليها تجي هي والعيال سلمى:لا خلاص مابي اتعبها معي..يكفي متحمله البزران..خلاص انا بنام سليمان:على راحتك..الحين بسكر وبعد ساعه بدق اوكيه سلمى:اوكيه..سكرت منه واخذت المصحف تقرى.. ---------- اليوم ذكرى الفراق ومرت اول سنـــه اليوم لي عام متغرب وحيد وحزيــــن اليوم انا ضيف جرحي جيت بطمنــــه اني جمعت الدموع وجبت امانة امـــين مايجرح الصادق الا غدر من يامنــــه لاجت من احبـــاب قلــبك لاتلوم السنـــين مليت من هالاماني دام هي مو ممكنــه لاهي تحقق وانا يــاسي بوجهي يبــين الوين انا وانت مثل الشمس والازمنه مع كل صبح يجددني لشمسك حنـــين لاقلت احبك احبك كنها دندنـــه اوكنها وردة مابين اصابع جنـــين يااجمل الناس لك بين الملا هيمـنه كثير غيرك ولكن مين مثلك وويــن ياعاذلي خذ عيوني يمكن تثمــنه تشوف عيبه وانا اشوفه ملاك حســين امس افترقنا وانا احسب مرت اول سنـــه ياطولها ليلة الفرقا سنه للحزيــــن..(من روائع طلال الرشيد) قام من نومه وشكله مبهذل ووجهه اصفر وهالات سوداء تحت عيونه ..لابس تيشرت اسود وجنز..هذا حاله من يوم هوشته مع خالد..ولادرى عن ليلى..نادى على الحارس .. احمـــــــــــد..أحمـــــــــد احمد:جاء مسرع وبيده ملعقه..سم(احمد جنسيته سودانيه) ناصر:قام يحوس شعره بيده..شب النار وجهز القهوه احمد:ان شاءالله ..ماتبي غداء ناصر:لأ احمد:عمي صارلك مده على هالحال وانت ماتاكل بس عايش على هالقهوه.. ناصر:طالع فيه بنظرات فارغه..احمد تهقى ترجعلي؟؟ احمد:اكيد ..(احمد اذا ماقال هالجواب كان ناصر يضربه ويفرغ شحنة الغضب فيه) ناصر:بس انت ماتعرفها.. احمد:لا بترجع لاتشيل هم ناصر:اصلا غصبا عنها مو برضاها..هي تقدر تعيش من دوني بس انا لألأ مااقدر..انا اموت من غيرها..بس والـــله يااحمد انا مالي شغل هم السبب هم مايبوني اعيش معها حاسديني عليها..مايبوني اتهنى..ماتوقعت ان القريب ممكن يغدر فيني...اثريها هي اللي تجرح القلب.. احمد:اللي مو فاهم اي شيء..ياعمي ربك فوق ..وطلع من الخيمه ناصر:اعوذ بالله..قام يغسل وجهه ويتوضى لان ماباقي شيء على صلاة العصر.. وبعد صلاة العصر..قرر يدق على سليمان..ركب سيارته اللاندكروزر وراح لمنطقه فيها ارسال.. دق جواله وهو منشغل بالاوراق اللي قدامه..الشغل كله عليه..ان شاءالله محمد يمسك الشركات معنا..رمى القلم من ايده.. طالع بالشاشه ورد على طول هلا ناصر وشلونك ناصر:بخير..انتم شلونكم سليمان:حنا بخير بس ابوي وعبير منشغل بالهم وانت الله يهداك ماتكلمهم.. ناصر:هذا انا كلمت.. سليمان:ناصر ارجع..ترى الشغل واجد وكله علي.. ناصر:اذا هديت برجع..أ..أقول سليمان:قول.. ناصر:بصوت مرتجف..ليلى شمسويه.. سليمان:ماكان يدري ان ناصر ماعنده خبر)..الحمدالله وفيصل يقول الاسبوع الجاي تطلع من المستشفى.. ناصر:مستشفـــى!!!ليــــــــش؟؟؟ سليمان:هذا كلام الدكتور ناصر:توتر ..اقصد ليـــــــه دخلت المستشفى؟؟؟ سليمان:ناصر شبلاك علشان الحمل اللي طاح ناصر: وش قلت..طـــــــــــــاح!! سليمان:ناصر انت ماتدري!!!!!الووو الوووو ناصر رد علي ناصرسكر جواله وضرب راسه بالدركسون..الامل اللي متمسك فيه راح العصـــــر: في مكتبه جالس قدامه المحامي..يفكر بالرقم اللي يطلبه.. المحامي:محامي حسام)من حيث المبدأ متفقين ابوصالح:اوكيه..طيب علشان التنازل..ابي قاطعه المحامي.. المحامي:انا مابيك تبني احلام على المبلغ وترى هالخطوه انا اقنعت موكلي فيها ..القضيه ان شاءالله بنربحها..اسبوع بالكثير وحسام طالع..يعني المبلغ اللي بتطلبه خلني احدده انا..وانت مو ملزوم بالموافقه.. ابوصالح:طالع بالمحامي الشاطر..كم؟؟ المحامي:10 الاف ريال فقط لاغير ابوصالح:ايـــــش؟؟لا مستحيل اوافق المحامي:بابتسامه ماكره..اوكيه هذا من حقك..قام وقبل لايطلع..ابوصالح الفرصه لك اليوم فقط..وبعدها بابدأ بالاجراءات..خذها نصيحه مني انا ابيك تستفيد..القضيه ربحانه واسأل اي محامي وبيقولك نفس الكلام..فاستفيد احسن..عن اذنك.. ابوصالح:قلبها براسه..لحظـــــه المحامي:التفت عليه وهو ساكت ابوصالح:موافق المحامي:ابتسم ابتسامة نصر..طيب خلنا نمشي للمركز توقع التنازل وتستلم المبلغ هناك.. وبنفس الوقت بس بالمستــــــشفى: تسمع اصوات..حاولت تركز..بس ماعرفتهم..طلع منها صوت ليلى:هممممم كلهم اجتمعو عليها.. ام فيصل:ليلى تسمعيني.. ليلى:ــــ ميساء:ليلى اذا تحسين فيني حركي يدك.. ليلى:ــــــ محمد:ليلى حاولي..بس بنتطمن عليك.. ليلى:بصعوبه فتحت عيونها..وصارت تدور بانحاء الجناح وفجأة سكرتهم ام فيصل:ليلـــــى ليلى ردي محمد:بنادي الدكتور..وطلع ميساء:خالتي اهدي.. جاء الدكتور المشرف عليها وكشف.. محمد:بشر يادكتور الدكتور:لا الحمدالله صحتها تحسنت كثير..اليوم او بكره بالكثير بتقوم وتسولف معكم..تطمني ياخاله ام فيصل:الله يطمن قلبك يادكتور..ويفرحك مثل مافرحتني الدكتور:عن اذنكم..وطلع ميساء:بدت تقرى على راس ليلى ايات الشفاء الست(الايه 14 من سورة التوبه_الايه 57 من يونس-ايه 69 من النحل-ايه 82 من الاسراء -ايه 80 من الشعراء-ايه 44 من فصلت) للفائده:روى الشهاب عن القشيري انه مرض له ولد يئس من حياته فراى الرسول صلى الله عليه وسلم في المنام فشكا ذلك اليه فقال عليه الصلاة والسلام اقرأعليه ايات الشفاء اواكتبها في اناء واسقه مما محيت ففعل ذلك فعوفي الولد.. طق الباب.. ودخل..بعد ماتنحنح..تغطت ميساء خالد:السلام عليكم..وبيده كيس كبير داخله البطانيه الكل وعليكم السلام خالد:تقدم لليلى وحب راسها..بشرو محمد:قبل شوي فتحت عيونها ورجعت تنام..والدكتور طمنا.. خالد:الحمد الله.. محمد:طالع بالكيس ...ليه جايب بطانيه؟؟ خالد:جلس جنب امه..علشان الانسه ميساء بردانه محمد:برد بهالحر ميساء:انت ماجربت النومه هنا والله تموت من البرد مو تموت الا تناقز.. خالد:وبعدين انت شعليك هي قالتلك جبلي..اقول يمه ترى مريت سلمى ام فيصل:وشلونها خالد:لا الحمدالله..ومريت بيت عمي وشفت سدومه ونصور نايم..وعبير تسلم عليكم ام فيصل:حسبي الله على من كان السبب خالد:يمه الله يهديك.. محمد:يبي يغير الموضوع..خالد ترى فيه تشيز كيك اذا تبي خالد:اذا انا ماابي منهو اللي يبي.. ام فيصل:طلعتله قطعه وصبتله قهوه.. خالد:تسلمين يالغاليه..وقبل لايبدا بالاكل..ميساء اكلتي ميساء:لا تخاف علي تدري فيني مااقاوم تشيز خالتي خالد:اكل لقمه..اممم ..يهبل يمه محمد:كل طبخ امي يهبل.. خالد:تكلم الدلوع ترى شهادتك بامي مجروحه ..زين وجهك ماتمدحها وهي مدلعتك ام فيصل:خويلد تراني امكم استح على وجهك خالد:يـــــمه امزح.. ميساء:انت كل احد عندك دلوع.. خالد:لأ..بس الخاصين.. محمد:اقول خالد يازينك ساكت..يمه بطلع للنادي تبين شيء خالد:لا ماتبي بس اقلب وجهك محمد:انت من كلمك يالملقوف ام فيصل:لا ماابي وانتي ياميساء ماتبين ترجعين للبيت ميساء:الا بروح اشوف امي واتطمن عليها بس برجع مع العشاء انا اللي برافق وتراني حلفت ام فيصل:براحتك يابنتي خالد:بطرف عينه يناظرها..من غير ماتقولين اجل ليش جايب البطانيه انا.. ميساء:تراك ذليتنا على هالبطانيه.. محمد:يلا ميساء تأخرت.. وطلعو.. |
دخلت عليها بالمطبخ.. غدير:يمه ..شتسوييين؟؟؟ ام جاسم:اصنع طياره..يعني شسوي؟؟؟ غدير:طيب اعصابك يالغاليه.. ام جاسم:لفت على بنتها)مشااااء الله..رووووحي البسي غدير:وش البس..وتدور بجلا بيتها التركواز المطرزه بعنابي...مو حلوو.. ام جاسم:حلو ماقلنا شيء بس روحي البسي طقم تنوره وبلوزه مو جلابيه.. غدير:لييش؟؟من بيجينا غير مرت خالي؟؟؟ ام جاسم:عازمه صديقاتي بسرررعه روحي البسي.. غدير:طيب البس تنوره جنز عادي ام جاسم:جنز بعينك..روحي البسي طقمك الشيفون الاخضر ..اللي من السواني..وحطي مكياج خفييييف فاهمه وفكي شعرك.. غدير:وووع افك شعري..بعدين اللي تقولين عنه هذا مايصلح لعشاء عادي.. ام جاسم:قسما بالله يغدغود اذا ماسمعتي كلامي لاذبحك..بسررررعه غدير:طيب طيب..وقبل ماتطلع من المطبخ..يمه وانتي بتطلعين بجلابيتك؟؟؟ ام جاسم:غديييييييير.. غدير:طيب ..وتركض لغرفتها تغير... ام جاسم:الله يستر من هالضيقه اللي بصدري.. توها راجعه من المستشفى ..تزور جدها اللي تحسنت حالته كثير.. رمت عبايتها ونفشت شعرها اللي بدى يضايقها وخصوصا انه حر.. طقت الباب بخفه ودخلت على طول.. غيوض:هــــــــاي عاليه:اهلين. غيوض:لما اقول هاي قولي هايين..مو اهلين عاليه:والله انا عربيه مو اجنبيه وثانيا انا مسلمه اذا دخلتي قول السلام مو هاي غيوض:يوه بدت محاضرة الشيخه.. عاليه:ياليتك بس تسمعين كلامي..اشوفك مبسوطه غيوض:هزت راسها بايه..اليوم جدو بيطلعونه عاليه:طنشت لان الموضوع مايهمها..دقت عليك نوال غيوض:ايوه..جلست على كرسي التسريحه..تقول انها بتسافر عاليه:وين؟؟ غيوض:لايطاليا..هههه عاليه:شفيك تضحكين..ورفعت نفسها عن السرير وحطت المخده ورى ظهرها غيوض:رهيبه هالنوال..تقول الشيء اللي يعجبها بأمها السفر.. عاليه:استغفر الله انا مادري شلون نسميهم اب وام وهم ولا شيء جايبينا علشان نتعذب.. غيوض:انتي حاله شاذه..وبعدين من قال انا نتعذب بالعكس فراقهم عيد.. عاليه:لا بالاذيه يتدخلون..زوجوها واحد ماتبيه وتطلقت وهي صغيره.. غيوض:لاتخافين بترجعله عاليه:متـــــــــى؟؟ غيوض:خفتي؟؟ عاليه:من ايش غيوض:انها بتاخذ حبيب القلب اللي داوى جروحنا.. عاليه:رمت خداديه صغيره على اختها.. غيوض:تفادت الرميه)..لا يكون انحرجتي عاليه:غيوض انتي تتخيلين اني بتزوج غيوض:وليش لأ؟؟ عاليه:بعدت الحاف عن رجلينها..من اللي يبي وحده محرقه ومجرحه..من اللي يبي ياخذ وحده يتقرف منها..خليك واقعيه غيوض:لا تخافين عمليات التجميل على افى من يشيل.. عاليه:حتى لو عالجت الجسد.. الروح من يعالجها.. غيوض:تبي تغير مود عاليه..صارت تطق بالتسريحه.. ياهلي الـــروح تعبــانه .. جيبولي دكتـــور نفسيه جيبولي دكتور نفسيه.. دخلت عليهم نوال فجأه وهي ترقص.. غيوض:عاشو ياهلا ورى ورى.. عاليه:واااااااااو نوال:وهي تحرك شعرها يمين ويسار..حلوو(قصته قصير مره من ورى وطويل من قدام وغره متساويه) غيوض:وقفت طق...ياحماره انا كنت بقص زي كذا..سبقتيني نوال:طيب حلـــو عاليه:روووعه مره لابق عليك غيوض:من جد احلويتي.. نوال:حمرت خدودها..خلاص ترى استحي..يلا يلا البسو عباياتكم بنروح للسوق عاليه:لا مااقدر امشي غيوض:اوكيه انا بروح.. نوال:طيب نجيبلك عربيه تمشين عاليه:لا ابي ارتاح روحي انتي وغيوض..وجيبولي شيء معكم..وياليت تغيرون لبسكم.. غيوض:علوش شفيك غثيثه اليوم؟؟ عاليه:اووه نسيت ان الحق يزعل.. نوال:خلاص غيوض امشي ..سي يو علوشه..وطلعت مع غيوض ومطنشين كلام عاليه.. بعد صـــــلاة المغرب: جالس مع بنت اخوه ويتقهوى معها.. ابوجاسم:هز الفنجال بيده..بس) نوره:اصبلك شاهي ابوجاسم:لا يابنيتي..ومد لها ورقه.. نوره: نزلت الدله من ايدها..خذت الورقه..وشي هذي؟؟.. ابوجاسم:افتحيها نوره:فتحتها وقرتها..طالعت بعمها..ليش ياعمي والله كثير ابوجاسم:كتبلها بيت باسمها ومزرعه وعماره)ابي اتطمن عليك يابنتي نوره:دمعت عيونها ..والله كثير وبعدين حلال ابوي كله لي وانا مو محتاجه ابو جاسم:وانا ماتعتبريني مثل ابوك..وفتح يدينه لها نوره:ضمته وبدت تبكي.. ابوجاسم:ليه هالدموع..رفع راسها ومسح دموعها..غاده وينهي صار لها يومين ماشفتها.. نوره:تقول تعبانه.. طلع من البيت..ونوره حست بتأنيب الضمير بس هالتأنيب ماطول لانها اقنعت نفسها انهم يستاهلون اللي يجيهم.. |
طالعت شكلها بالمرايه.. ياربي..بصراحه مو حلو المكياج الخفيف..وبعدين لازم اكثر انا عروس.. مسكت علبة الشدو..وصارت تضبط عيونها..بعد ماخلصت.. ايه كذا مضبوط..مسكت علبة الاكسسوارات واخذت حلقها الذهبي الدائري ولبسته..اوو باقي شعري..كانت مموجته..مسكت طوق اخضر ولبسته..ايه كذا حلو..اوو باقي عطري..تعطرت. سمعت طق الباب..ادخل الشغاله:مدام يقول انزل ضيوف فيه غدير:طيب الحين نازله...لبست صندلها الذهبي ونزلت.. دخلت المجلس وماكان فيه الا مرت خالها.. ام ركان:هلا هلا بمرت ولدي..وتسلم عليها بحراره غدير:هلا خالتي..شلونك.. ام ركان:انا بخير.. سمعت صوت من وراها..السلام عليكم تجمد الدم بعروقها..الصوت مو غريب..يارب مايكون هو وزادت تمسكها بام ركان ومعطيته ظهرها.. ام ركان:هلا ركان تعال عندي سلم على مرتك غدير:بقلبها(او ماي قاد)صار وجهها احمررر ام ركان:غديير..عيب معطيه ركان ظهرك لفيله..وتلفها غدير:كانت ترجف..ومنزله راسها ركان:هلا غدير شلونك.. غدير:....كانت تحس قلبها بيطلع ام ركان:انا بروح اساعد ام جاسم وانتم خوذو راحتكم..طلعت ركان:جلس)..مطوله..اجلسي.. غدير:.... ركان:اوووه تبيني اشوف كشختك..بصراحه تجننننيين..بس اجلسي غدير:طلعت عيونها قدام..لا والله ومن قال اصلا اني استعرض عندك؟؟؟ ركان:اجل ليش واقفه؟؟ غدير:مزااج..والحين بطلع بعد ركان:اجلسي بكلمك بموضوع...اتكلم جد.. غدير:طيب..جلست.. ركان:شلونك شخبارك؟؟ غدير: زينه الحمدالله.. ركان:طيب متى تبين نطلع مع بعض غدير:حطت رجل على رجل...ليش!! ركان:ابتسم..علشان نختار الاثاث ..ولا تبين تسكنين بيت فاضي!! غدير:خالتي ماقالتلك؟؟ ركان:عن ايش؟؟ غدير:عدلت جلستها..اننا بنسكن مع امي هنا ركان:لا انا مو موافق غدير:ليش؟؟ ركان:والله بكيفي انا واحد حر..فيه مانع غدير:ايه فيه مانع اكيد..بعدين خلاص حنا اتفقنا ركان:مشاء الله واتفقتي مع مين ياحلوه ؟؟ غدير:مع خالي وخالتي وامي وابوي.. ركان:قلتيها ..يعني ماتفقتي معي ولا ناقشتيني.. غدير:عصبت..بلا سخافه عاد ركان:طالعها من فوق لتحت..وقام غدير:مسكت ايده وحاولت تجلسه غصب بس هو سحبها بقوه.. ركان:كان بيطلع بس وقفه صوتها غدير:لحظه فيه حريم(تكذب وبعدين المجلس اللي هم فيه بعيد عن مجلس الحريم)..وقامت عنده وصارت قباله...رفعت حاجب..تستهبل انت تدري ان فيه حريم لايكون متعمد؟؟ ركان:صبر جميل والله المستعان...غدير خوذيلي طريق بسرعه غدير:هزت راسها بــ لأ ركان:ترى والله اطلع احسن لك خوذيلي طريق غدير:طلعه مافيه وان طلعت بقص رجولك قص هذا الناقص ببيتي وتغازل ركان:مسح وجهه بيدينه..لاحول ولاقوة الا بالله..وبعديــن غدير:تخصرت..ولاقبلين..اجلس بكمل معك الموضوع ركان:الظاهر قلت اني مو موافق.. غدير:بس انا ماقلت رايي للحين ركان:عصب..ورايك مو مهم غدير:تكلمت بالمصري) خش بعيني خش بعيني..اتحدى اذا رايي مو مهم.. ركان:سيطر على ضحكته لاتطلع ..واثقه بزياده غدير:غمزتله..اعجبك.. ركان:حب يفشلها..ابدا..مادخلتيلي مزاج.. غدير:فصخت طوقها ورجعت تلبسه..طيب احلف ان كنت صادق.. ركان:مارح احلف شعندك غدير:والله طفرانه ما معي ولا ريال..ههههه يحليلك تصدق بسرعه ماحد يمزح معك..وسحبته غصب عنه وجلسته..تصدق ركان:وشوو غدير:كل شيء فيك الى الان طبعا حسب اختباراتي اللي اجريها عليك ..عجبني الا شيء واحد ركان:وشو غدير:انك زعول.. ركان:وانتي تجرين علي اختباراتك!! غدير:اجل اتزوجك على عماي لازم اعرف اطباعك.. ركان:يعني كل اللي قلتيه قبل شوي اختبار؟؟ غدير:افكورس حبيبي..(قالتها عفويه) ركان:ابتسم..يعني انتي متعمده تطفرين فيني..اوكيه بس موضوع السكن عند عمتي انا جاد فيه.. غدير:ابتسمت..شوف الليله عندنا عزيمه ومو حلوه اطلعلهم وانا زعلانه..اجل النقاش لبكره.. ركان:لأ بنتناقش اليوم غدير:بكره احسن..علشان يصير لك عذر تجي.. ركان:هههه.. غدير:اللي حست على كلمتها...مع السلامه وطلعت بسرعه.. ركان:هالبنت بتجيب اجلي.. طلع وهو مبسوط ومرتاح..وراحت للضيوف وهي مبسوطه ومرتاحه...(ارتاحو لبعض بشكل سريع..ودخلو بمرحلة الاعجاب..بس هل سيستمر؟؟؟)) جالسه لحالهابالحديقه تفكر بالاحداث اللي صارت.. عبير:يعني انربطت فيك يافيصل مافي امل نترك بعض..الله يهديك ياناصر شسويت فينا ..اه ياليلى ودي ازورك بس مستحيه..والله مالي وجه..الحين شالسواة مع فيصل؟؟يارب تهدى الامور وتفكني منه يارب..بدت تتذكر كلام محمد في دفتر مذكراته.. ( تعلق بالهوى.. مسكين اخي..يصارع حبه ويحاول جاهدا ان يهزمه.. ولكن من يهزم الحب..تسرع بانتقامه واحسه نادما .. مالسر؟؟لما تركها.. مسكينة عبير..كانت ولازالت برأيي الانسب له..سيصبحان ثنائي رائع.. ولكن اخي تعلق بالهوى..) قطع تفكيرها رميه من ناصر على راسها عبير:ووووجع ناصر:مادريت عمتي عبير:خذت الكوره..اعلمك شلون مادريت..وراحت تلحقه.. بعد صلاة العشاء.. رجعت ميساء للمستشفى وام فيصل رجعت لبيتها.. قعدت تقرى قرآن على ليلى.. بعد مده.. ليلى:فتحت عيونها..آآه ميساء:نزلت المصحف على الطاوله..ليلى الحمدالله على سلامتك..تحسين بشيء ليلى:ابي ماء.. ميساء:ضغطت على الجرس وجت الممرضه..لوسمحتي تبي مويه الممرضه:اوكيه..اخذت قطنه وحطتها بكوب مويه.. وبدت تقطر المويه بفم ليلى..لترطيب الحلق فقط.. ليلى:ابي مويه الممرضه:لا ممنوع ..الحمدالله على سلامتك..تبون شيء ثاني ميساء:مشكوره..مسحت على راس ليلى..ليلى اشتقنالك ليلى:انا وين.. ميساء:انتي تعبتي علينا ووديناك للمستشفى ليلى:همم..ورجعت للنوم.. ميساء:غطتها زين وراحت تتصل تبشر ام فيصل.. بعد مانومت عيال اخوها بدري..جلست على الكنب بتوتر.. رايح جاي رايح جاي..منشغل على ولده ..الحارس يقول من طلع الظهر مارجع للحين.. ابو سليمان:وين راح ويـــن؟؟ عبير:يبه الله يخليك لا تخوفني ..انشاءالله مافيه الا العافيه..يمكن سافر ابوسليمان:وجواله ليه مقفل..ياربي هالولد مستخف عبير:يبه استريح اللي تسويه مو مرجعه.. ابوسليمان:مـــــــااقدر..بروح ادوره.. عبير:يبه وين بتدوره وتتركني ابوسليمان:طلع على طول ولا رد على بنته.. رن جوالها واستغربت..ابوي من زمان مادق علي او حتى سئل..تركت الضيوف وردت هلا يبه.. ابوجاسم:هلا غدير وشلونك غدير:بخير الحمدالله انت شلونك يبه ابوجاسم:انا زين بس انتي ليه ماتزورينا غدير:ان شاء الله ازوركم..يبه لاتحسبني مااتصل بس كل مااتصل عليك يكون جوالك مقفل وادق على مكتبك السكرتير يقول مشغول ابوجاسم:ادري والله بس انا اللي انشغلت..انا قريب من عندكم اطلعيلي بالمجلس ابي اشوفك غدير:حياك الله..وسكرت بسرعه وراحت تقول للشغالات يسوون قهوه ويودونها للمجلس..رجعت للضيوف واشرت لامها تجي ام جاسم:خير؟؟ غدير:ابوي بيجي ام جاسم:بدى قلبها يرجف)وش صاير اختك فيها شيء غدير:لا يمه بس يبي يسلم علي ام جاسم:اللي لون وجهها تغير)..غريبه اول مره يسويها غدير:الله كريم يمه..يلا بروح استقبله.. بعد ماخلصو من التسوق ..قررو يتعشون بتشيليز.. غيوض:افف اكره هالمطعم كأننا داخلين غرفة تحقيق نوال:وهذا اللي يعجبني احس اني بجو أكشن..دخلو وجلسو على طاوله وطلبو.. غيوض:اف حر ياناس حر.. نوال:كأنك اول مره تجربين الصيف بالرياض غيوض:بس السنه هذي مـــوت حر احس اني بموت.. نوال:ههه شوفي شمكتوب وراك غيوض:التفتت تقرى..الحمدالله ..ذكريات..صدق سخافه نوال:فاضين..اخذت منديل وحطته على اللمبه النازله غيوض:شالت المنديل بتحرقينا انتي نوال:اعمى عيوني غيوض:هذا اختيارك..اقول نسيت اسألك..شسالفتك مع زيود كأنك بديتي تميلين له؟؟ نوال:مادري..تقريبا..يمكن غيوض:ترجمي مافهمت؟؟ نوال:يوم كلمته علشان عاليه..حنيت لصوته..ويوم جانا اول مره اركز فيه..زياد حلوو مره ووسيم..مادري شلون كنت عميا غيوض:معميك حسين..الا هو شخباره مع زوجته نوال:اخر همي اخبارهم.. غيوض:طيب متى الرجعه نوال:اذا جينا من السفر.. غيوض:لاتنسين نبي حفله..وتغطو لان الطلب وصل. ----------------- يكـــفي مافيني كــفى.. مل قلبي من العنـــى.. مل مابــه من ذنـوب.. مل مما قـد عصــــى.. قد بكى في ذلــــة.. نادما مما جــــنى.. الانوار مطفيه والستاير مسكره..جو الغرفه كئيب.. ماينسمع الا صوت نحيبها..وجوالها اللي رن.. مسكت الجوال بيد مرتجفه..وردت بتعب..الو عماد:شسويتي؟؟ غاده:ـــــ عماد:غادة مو وقت بكي..اهدي خلينا نشوف حل بهالمصيبه غاده:تعال تزوجني وانا مستعده اصير خدامه و قاطعها عماد:هي انتي لاتحسبيني يوم اساعدك لاني خايف من الفضيحه..لا انتي ماتقدرين تسويلي شيء..بس انا خايف عليك ياقلبي..وبعدين انا مابي اتزوج الحين..اذا فكرت بالزواج ثقي انك انتي اول وحده افكر فيها.. غاده:ــــ عماد:افف وبعدين متى توقفين بكي ابي اتكلم.. غاده:مسحت دموعها)..قول عماد:كلمت الدكتوره اليوم وقالتلي بتحاول وعساه ينزل غاده:بس انا تعبت..اخاف اموت عماد:الموت ولا تنفضحين يالغبيه..بمرك الليله غاده:خلاص مرني..مافي غير هالحل.. سكرت منه..ودفنت راسها بالوساده..آآه والله مليـــت خلاص تعبت.. حتى الحمل مو راضي يطيح وكأنه مكتوب على الشقا طول عمري.. ----------- حط راسه يبي ينام بكره وراه دوام بدري.. بس التفكير مانعه..وتأنيب الضمير يعذبه.. خالد:معقوله انا نذل..ايه نذل انا شلون احب اللي يبيها فيصل ويوم تركها شجعته.. لا انا ماشجعته..انا احب ميساء من زمان بس عمري مالمحت لفيصل او حتى لها ..وبالعكس كنت دايما ادعيلهم بالتوفيق..بس مااقدر امنع نفسي عنها والفرصه قدامي..بس خايف فيصل يزعل..لا ماتوقع انا قلتله قبل وقال بكيفك ..وهي بتوافق؟؟ ياربي شلون اعرف.. اكلمها؟لأ اكيد ماترضى..افف من هالتفكير اللي صدع براسي.. الشرقيه.. الحمدالله على السلامه ماتشوف شر ياوليدي.. ارتاح على سريره.. محمد:الشر مايجيك يمه.. ام محمد:مكسسسر يكسر ايده اللي سوى فيك هالسواة..ماعرفتوه ابو محمد:لا ماعرفوه..روحي سوي اكل لولدك بدل هالمداعي.. ام محمد:ثواني ويكون جاهز.. ابو محمد:متى قال الدكتور يفكون جبسك؟؟ محمد:بعد 6 شهور.. ابو محمد:الله يشفيك.. تبكي بدون صوت..كل شيء داخلها يبكي.. كانت تبيه وتنتظر اليوم اللي يطلع فيه ويقول ماما.. كان هو اللي مخفف عليها..على الاقل تطلع من تجربتها بشيء.. بس الحين..انا الخسرانه الوحيده..حست بحركه..غمضت عيونها ماتبي احد يشوف دموعها..ماتبي شفقه من احد.. سمعت باب دورة المياه يتسكر.وبعدين سمعته ينفتح اسمعت استغفار ميساء وحست انها تقترب منها..ماقدرت تقاوم فتحت عيونها..وانفجرت بالصياح..كان فيه صرخه داخلها وتبي تطلعها ..كان صياحها يقطع القلب..تركتها ميساء تطلع اللي بقلبها..ماتدري كم قعدت وهي تصيح.. ميساء:حست انها هدت شوي..ارتحتي.. ليلى:ليـــش ليش ميساء:ليلى استغفري لا تعترضين.. ليلى:كل شيء خسرته.. ميساء:الله بيعوضك.. ليلى:ميساء..فيه احد درى..ابوي شقال.. ميساء:كلهم درو..بس المسكين ناصر مايدرون وينه ليلى:بقلعته الحقيــر ميساء:ليلى ترى ناصر مسكين ماله ذنب..لعب عليه ولد عمك محمد وقال انك تكلمينه ومن هالكلام..سامحيه هو بعد انظلم ناصر يحبك ليلى:يعني انا اللي ظلمته..ماكفاه اللي سواه فيني قبل مايتوب..ميساء عهود قالتلي قبل انه كان شاك فيني يوم خذته..والحين رجع لنفس الموال..ليش مايثق فيني تبيني اسامح واحد ذلني وشمت الناس فيني وفضحني ليتني تطلقت منه من زمان ولاشفت اللي شفته..سمعتي اللي يتكلمون فيها وولدي اللي خسرته بسبب مـــــــين قوليلي..وتبيني اسامحه.. ميساء:ليلى ارتاحي بعدين بنتفاهم..الانفعال مو زين..اذكري الله علشان تهدين.. ليلى:لا اله الا الله..خذت نفس وسكرت عيونها..وصوت ميساء وهي تقرى عليها ريحها كثير.. رجع للمخيم والدنيا ضايقه فيه.. والحارس اول ماشافه راح لمكان فيه ارسال علشان يطمن ابوسليمان.. جالس لحاله ببيت الشعر..وصدى صوت سليمان يتكرر..الحمل طاح ..طاح..طاح.. اخذ الفنجال وحذفه من القهر بعمود بيت الشعر وانكسر.. ليش ليش ليش..الامل اللي متعلق فيه ..بح بحححححححححححححححح وصرخ بصوت عالي..بححححححححححححححححححححح... وصار يبكي مثل الطفل...دافن راسه بالمركى ويبكي... طلعت من الحمام(اعزكم الله)بعد ماخذت شور ينعشها ويروق اعصابها.. تذكرت كلام غيوض.. غيوض:كلميه واعتذري منه رمت الفوطه اللي على راسها بعد ماتاكدت ان شعرها تقريبا نشف.. وراحت لشنطتها طلعت جوالها موتورلا الذهبي ..دقت عليه... بعد مده.. الوو نوال:مسكت خصله من شعرها تلعب فيها..هلا زياد زياد:اهلين..صاير شيء نوال:ههه يعني ماكلمك الا اذا فيه شيء زياد:اجل ليه متصله؟؟ نوال:ابي..حمر وجهها..لابس حبيت اشكرك زياد:العفو بس على ايش؟؟ نوال:انك عالجت بنت جيرانا ومافشلتني زياد:هذا الواجب.. نوال:.... زياد:نوال تبين شيء نوال:ايه..اقصدلأ.. زياد:نوال حنا اخوان لا تترددين.. نوال(اخوان طل)..لابس انا بسافر بكره توصي على شيء زياد:لا مشكوره..اتركك الحين لاني مشغول نوال:تصبح على خير.. زياد:وانتي من اهله..سكر وقلبه قابضه من مكالمتها.. |
كان الوقت متأخر.. ماتدري شتسوي ليلى انهارت فجأه والدكتوره عندها وهي خايفه.. راحت للرسبشن وطلعت رقم فيصل من جوالها ودقت عليه.. رد وبصوته النوم..الو ميساء:هلا فيصل اسفه ازعجتك فيصل:طار النوم من عينه..خير ميساء ليلى شفيها ميساء:ماقدرت الا وتنزل دموعها..مادري فجأه قمت من النوم وهي تصارخ..فيصل خايفه فيصل:لا تخافين الحين جاي..رمى لحافه على الارض وبسرعه لبس جنز وتيشرت واخذ المفتاح وقبل مايطلع تذكر انه ماغسل وجهه ..رجع بسرعه غسل وجهه وطلع.. ----- وبمكان ثاني بنفس الوقت... تمشي باطراف اصابعها ماتبي احد يكشفها..لبست عبايتها على السريع ولفت الطرحه على وجهها والدموع ماليته..تحس برجفه تسري بانحاء جسمها النحيل.. ولسانها يردد ياليتني مامشيت بهالطريق..بديت من نظره ووصلت للحاله هذي..لهالدرجه انا غبيه طول عمري اسمع بالمواعظ والمحاضرات الدينيه عن الذئاب البشريه وكنت اضحك على هالمحاضرات واقول شيء بالعقل مين بتتزوج بهالطريقه اصلا من بيرضى ياخذ وحده تعرفت عليه قبل..بس تغير كل شيء لما تعرفت على عماد.. غمضت عيونها تتذكر شلون تعرفت عليه.. في مكتبة جرير الدور الثاني في قسم الكتب العربيه.. غاده:تدور بين الرفوف عن الكتاب..يوووه...لو سمحت المسؤل:نعم اي خدمه غاده:ابي اسأل عن كتاب لا تحزن لعايض القرني.. المسئول:للاسف خلص الكتاب امس.. غاده:يوه علي حظ.. قاطعهم صوت.. عفوا..انا عندي كتاب لاتحزن اذا بغيتيه.. غاده:لا شكرا مو لازم ادوره بمكتبه ثانيه.. عماد:ابتسم..شكلك تحبين هالنوعيه من الكتب..على العموم انصحك تقرين كتاب محمد العريفي يدور حول الموضوع.. غاده:ببراءه..يعني حلو عماد:انا ماانصح الا بالحلو والجيد واللي يستفاد منه..وتراني على كلمتي اذا تبين لاتحزن تراه موجود عندي.. غاده:لا خلاص بشتري كتاب العريفي..وبعدين لاتحزن يمكن تحتاجه عماد:انا احب اقرا الكتب واحتفظ فيها..بس لاتحزن انا عندي نسختين..واعتبريها هديه مني غاده:مااقبل هدايا ومشكور.. تركته وراحت تدور كتاب العريفي.. وعند الكاشير.. عماد:عفوا..الحساب مع بعض غاده:نــــعم؟؟ عماد:مافيها شيء وبعدين سعره مو مستاهل التعصيب..ولاتنسين انا اللي نصحتك تشترينه اخاف مايعجبك وتتخسرين على الفاضي.. حاسب بدون مايناقشها.. مد لها الكيس... عماد:لو سمحتي انا اعتبرك اخت لااكثر لاتفهميني غلط.. غاده:ــــ عماد:طيب ابي اطلب منك خدمه لو سمحتي..شكلك جامعيه غاده:ليه السؤال؟؟ عماد:ابد بس انا مسوي بحث وودي اوزع استبيانات وهي خاصه بالبنات وانا ماعندي الا اخت وحده كتكوته عمرها سنتين اسمها ريتاج..وودي تساعديني بالبحث..اذا ماعندك مانع غاده:لا ابدا ماعندي مانع..بس وين الاستبانات ويين اقدر اسلمك اياها عماد:بعطيكي الايميل واتمنى تراسليني..كتبلها ايميله.. فتحت عيونها على صوت تكرهه..واخر شخص تتمنى تشوفه لابسه عباتك على وين ياانسه غويد غاده:مالك دخل نوره:لا لي دخل..تبين تطلعين مع عماد صح؟؟ غاده:انتي مااااالك دخل وفارقي عن وجهي احسن لك نوره:لا مو مفارقه وطلعه مافي طلعه ووريني شتقدرين تسوين غاده:بطلع وغصبن عنك وخـــــــري نوره:قلتلك مافي طلعه ... غاده:وخــــري ...وصارت تحاول تبعدها عن طريقها بس ماقدرت هي جسمها تعبان ومافيها حيل.. نوره:قلتلك مافي...حاولت تمنعها...وتشابكت الايدي ببعض.. غاده:اقولك وخري وخري ..حاولت تدف نوره بس نوره الاقوى ودفتها .. غاده:اااااااااه.....عقدت حواجبها من الالم....طالعت بنوره بحقد...بس ماستمرت هالنظره لان الالم اعتصرها وصرخت بـ ااااااااااااااااااااااه نوره:شفيــــــــــــــك؟؟؟ غاده ردي علي غاده..غـــــــــاده في الشارع ينتظرها..تأخرت عليه..دق عليها.. نوره:غاده غاده ردي قوليلي شاللي يعورك وبدت دموعها تنزل.. غاده:ااااااخ يمــــــــــــــــه (وجهها مليان دموع) اااااي ااااي نوره لحقيني بمووووت ااااااااخ رن الجوال بشنطة غاده... نوره:غاده غاده.. غاده:بدت تفقد الوعي...وصوت الجوال ماوقف.. نوره:مسحت دموعها بسرعه وطلعت تقوم عمها من النوم علشان يودونها للمستشفى.. الصبــــــاح.. الساعه 6 .. جالس بجنبها ويقرى القران عليها..وميساء نايمه وهي جالسه على الكنب.. رن تلفون الجناح ونقزت ميساء من الخوف.. فيصل:بسم الله عليك ميساء:حطت يدها على قلبها..بسم الله بسم الله..وراحت ترد..الو ام فيصل: هلا ميساء ..صاير شيء؟؟ ميساء:لا ليش تسألين ام فيصل:فيصل مو فيه..متأكده ان ليلى بخير ميساء:ايه بخير..وفيصل عندنا.. ام فيصل:عطيني اياه.. ميساء:فيصل خالتي تبيك.. قام من عند ليلى وبياخذ السماعه من ميساء بس يده لمست يدها.. ميساء:راحت لدورة المياه تغسل وجهها فيصل:صارت يده ترجف..ضغط على السماعه يحاول يوقف هالاحساس..هلا يمه ام فيصل:هلا فيصل وشفيها ليلى؟؟ فيصل:هو عارف طبع امه فاختصر الوقت..لا بس امس كانو يبون توقيع اوراق والذي منه ودقو علي جيتهم وتعيجزت ارجع للبيت قلت اجلس عند ليلى ام فيصل:الله يصلحك خوفتني واكيد ميساء سهرانه فيصل:ايه.. ام فيصل:طيب انا الحين بجي وقول لميساء تتجهز علشان ترجع للبيت وتريح فيصل:خلاص انشاء الله..سكر من امه..وهو يطالع بايده ميساء:تطمنت؟؟(تقصد خالتها) فيصل:تنهد..ايه وتقول تجهزي الحين هي بتجي علشان ترجعين للبيت.. ميساء:اوكيه...فيصل ارجع للبيت او نام على السرير انا بجلس مع ليلى..انت سهران وباين عليك التعب.. فيصل:طالع بعيونها وسرح.. لا جيت انا بـ سامحك تبكي الجراح ماودها.. مشتاق ودي اصافحك.. عيت يدي لامدها.. آه يالجراح ..راح اللي راح وراحتي من ياترى بيردها ياحب ياذكرى واسم مادري انا ابكي عليك من العذاب او ابتسم صدقني في يأسي..نفسي تبي نفسي تبيك لا يادفا شمسي تبيك ليه خنتني الله عليك آه يالجراح ..راح اللي راح.. وراحتي من ياترى بيردها لا تحاكي عيوني ..يمطر سحاب الملح ولا تلمس شجوني..ينبت في قلبي جرح ناظرني ياخلي..جــرح انا كلي وشلون ابـ ارضى الصلح.. فصل الخريف حبي..حزن وورق اصفر ودعني ياقلبي..وخل العذاب اقصر آه يالجراح..راح اللي راح وراحتي..من ياترى بيردها.. ميساء:ماقدرت تقاوم دمعتها تحس انه يلومها ويعاتبها بداخله..صدت عنه قبل لاتضعف وراحت تجلس عند ليلى.. فيصل:توجه للسرير ..وانسدح عليه..ونام سود وجهه وملامحه انكمشت.. همس::شقلت يادكتور؟؟ الدكتور:الام بخير والجنين الله يعوضها ابوجاسم:طالع بنوره..ورجع يطالع بالدكتور..دكتور انا اسألك عن غاده الدكتور:عارف وانا قلتلك انها بخير بس الجنين طاح..تركهم ابوجاسم:فتح ازارير ثوبه بصعوبه يبي يتنفس..الجنين طاح!! دخل لبنته.. مرميه بالسرير والمغذيات على يدها وجهها اصفر والارهاق والتعب باين عليها.. ماقدر الا يبكي..ايه يبكي بنته اللي نزلت راسه بالارض يبكي بنته اللي عمره ماقصر معها يبكي بنته اللي خانت ربها قبل ابوها يبكي بنته اللي استغفلته... صــــرخ..لــــــــــــيه ليه جالسه بالممر تبكي انا السبب انا.. شافت الممرضات يركضون ويدخلون غرفة غاده.. خافت..خانتها رجولها تبي تتحرك بس ماهي قادره..خايفه من الخبر اللي تسمعه اكيد عمي صار له شيء..شافت الدكاتره يركضون...وبعدها طلع الدكتور وهو معصب على الممرضه ماتدري شلون قدرت تتكلم.. نوره:دكتور فيه شيء؟؟؟ الدكتور:فيه مصيبه..البنت ذبحها ابوها نوره:شهقت..ماتت الدكتور:للاسف.. نوره:ماصدق مستحيل.. دخلت للغرفه وشافت صوت الجهاز يصفر وعمها جالس على الارض ووجهه اسود..شوي وطاح.. نوره:صرخت..عمــــــــــــي عقد حواجبه فتح عينه ثانيه.. وبعدين رجع للنوم.. ابوسليمان:وش صار بالضبط؟؟ احمد السوداني:والله ماعارف..سمعته يصرخ ويقول بح بح..وبعدين صار يبكي الليل كله..فقدت صوته ورحت اتطمن عليه ولقيته فاقد وعيه..وعلى طول جبته للمستوصف..ودقيت عليك.. ابوسليمان:لا حول ولا قوة الا بالله...بروح اكلم الدكتور علشان ننقله للرياض احسن من المركز..انتبه له.. اخ ياظهري.. كان لا بس وبيطلع للشغل..بس انتبه لها وراح يمها.. خير حبيبتي تحسين بشيء؟؟كان ماسك ايدها.. سلمى:لا..مافيني شيء..حاولت ترفع نفسها بس ماقدرت..اخخخ سليمان:وتقولين مابتس شيء ..قومي معي للمستشفى.. سلمى:لا مايحتاج انت ساعدني بس ارفع نفسي وعطني الحبوب.. سليمان:مد لها الحبوب...اكلت الحبوب وشربها المويه..رجعت سندت نفسها على الوساده.. سلمى:شفيك تطالعني؟؟ سليمان:مو متطمن عليك...اسمعي كلامي وخلينا نروح للمستشفى.. سلمى:صدقني مافيني شيء..(شافت الساعه اللي معلقه على الجدار 8 ونص )تطمن وبعدين ترى تأخرت على شغلك.. سليمان:انا وين وانتي وين؟؟ سلمى:ابتسمت واشرت على قلبها..انت هنا.. سليمان:ابتسم من كل قلبه..حتى وانتي تعبانه تتغزلين فيني؟؟؟ لا تضيعين الموضوع..اذا تبيني ارتاح قومي اوديك للمستشفى.. سلمى:طيب امري لله..ساعدها توقف وتبدل لبسها وراحو للمستشفى.. لحححححضضضضه انتظررررررررر يالدب خالد:بقلبه..بعذر امي يوم راحت وتركتك..)اففففف اخرتني على الشغل روح مع السايق..كان واقف عند باب غرفته محمد:بغرفة الملابس..خلصت خلصت..وطلع وهو ماسك الجزمه بايده وباليد الثانيه الشراب..يالله امش البسهم بالسياره.. مر من عند خالد..مطوول؟؟ خالد:ويضربه مع راسه..امش وانت ساكت..ركبو سيارة خالد..وراحو للمستشفى وصلو للمستشفى.. فتحو الباب بكل هدوء..لانهم متأكدين ان ميساء رجعت لان ام فيصل راحت الصباح بدري.. السلام عليكم.. ام فيصل:وهي تأشرلهم يقصرون اصواتهم)..وعليكم السلام.. خالد:وهو واقف فوق راس ليلى بالضبط)..ماصحت؟؟ ام فيصل:الا صحت قبل شوي بس بسرعه نامت.. خالد:الله يبشرك بالخير..وصار يمرر ايده على شعرها...الله يقومها بالسلامه.. محمد:طيب يمه ما تكلمت؟؟ماقالت وين محمد؟؟ خالد:ويضربه بخفه..ترى انت ماخذ بنفسك مقلب.. ام فيصل:بسسس لا تصحون فيصل مسكين مانام الا قبل شوي.. محمد:هو مرافق معها؟؟ ام فيصل:ايه رافق معها..افطرتو محمد:انا ولله الحمد..(ويطالع بخالد بطرف عينه)..والقرد لاء.. خالد:ابو خشم شفيه؟؟ ام فيصل:لحووول رجعتو لمناقركم..خالد ماوراك دوام خالد:الدوام لله...تامرين على شيء يالغاليه.. ام فيصل:انتبه لنفسك... طلع خالد من هنا ودخلت الممرضه من هنا.. ساعدها تنزل من السرير.. سلمى:شفت سمعت وش قالت الدكتوره...(ونزلت نقابها) سليمان:وهو ماسك ايدها)..يعني حرام اتطمن؟؟ الدكتوره:اهم حاقه ياسلمى الفتره ديت ماتتحركيش من السرير الا لضرووره فاهمه والادويه تنتزمي عليها.. سلمى:انشاء الله دكتوره... سليمان:تقدرين تمشين ولا اجيبلك كرسي؟؟ سلمى:لا اقدر امشي..طلعو من غرفة الدكتوره وهم يمشون مرت دكتوره وشكلها مستعجله وصقعت بسليمان.. الدكتوره:سوووري..ومطيره عيونها بسليمان..(سليمان طويل وجسمه حلوو حنطي وعيونه لوزيه وعدساته عسلي وحواجبه حاده مع خشم حاد وشارب اسوود يعني بالمختصر يصلح يكون عارض ازياء) سليمان:لا عادي.. سلمى:تنرفزت من مطالعها)..تبين شيء ثاني؟؟؟ الدكتوره:انتبهت على نفسها)..لا..وراحت سليمان:ليش كلمتيها كذا؟؟ سلمى:طالعت فيه..زعلان علشانها؟؟؟؟؟روح راضها ..ومشت بسرعه.. سليمان:لحقها..شوي شوي انتي تعبانه..وهي معطيته طاف.. ركبت السياره وسكرت الباب بقووه.. ركب السياره وحرك.. سليمان:وش فيك معصبه؟؟ سلمى:..... سليمان:طيب على راحتك...وصلو للبيت.. فتحت باب السياره ونزلت وسكرته بقووه ودخلت للبيت.. ابتسم ...وراح للشركه وبالطريق ارسل لها مسج.. لبست بجامتها وتمددت على السرير.. تذكرت الموقف اللي صار وتنرفزت..سمعت صوت مسج ..قامت من السرير وجلست على الكنب وفتحت شنطتها طلعت الجوال وفتحت المسج.. فديييييت اللي يغااارون احبك حمرت خدودها.. سلمى:ياالله كشفني... دخل لمكتبه..وطلب له قهوه ساده تروق اعصابه.. دخل عليه السكرتير.. سليمان:وهو يفتح الملف اللي قدامه..هلا فرحان(السكرتير) فيه شيء فرحان:ايه طال عمرك الاجتماع باقيله عشر دقايق والعم ابو سليمان ماوصل وجواله مقفل.. سليمان:طيب الحين بشوف الموضوع.. فرحان:تامر على شيء سليمان:لا مشكور...مسك تلفونه ودق على جوال ابوه وفعلا طلع مقفل..دق على البيت ورد من اول رنه.. عبير:هلا سليمان(الرقم طلع بالكاشف) سليمان:هلا عبوره اشوفك قايمه من الصبح عبير:انتظر ابوي وناصر سليمان:ابوي راح له؟؟ عبير:ايه ..امس دق علينا الحارس وقال ان ناصر تعبان وراح له ابوي على طول سليمان:تعبان!! وليه ماقلتولي وابوي راح لحاله والا السواق معه عبير:لا السواق معه.. سليمان:طيب بحاول ادق على الحارس وانتي اذا دقو عليك علميني ضروري.. عبير:ان شاء الله.. سليمان:قفل من اخته ..يارب سترك..رن تلفون المكتب سليمان:هلا فرحان فرحان:الكل جاهز طال عمرك سليمان:خلاص الحين جاي..طلع من مكتبه وهو حايس لحاله..شايل هم اخوه وهم ابوه وهم هالشركه.. --------------------------- العــــــــصر.. بعد مانقلو ناصر للرياض.. طمنهم الدكتور وقال انها مسأله يوم بالكثير ويطلع.. سمع صوت يعرفه زين ناصر:همم.. ابو سليمان:ناصر ياوليدي طمني عنك..افتح عيونك.. سليمان:يبه لا تخاف شوية ارهاق بس.. فتح عيونه.. ابو سليمان:الحمدالله على سلامتك..وشلونك الحين؟؟ ناصر:سكر عيونه وبعدين فتحها اشاره لنعم.. سليمان:اليوم تطلع من المستشفى ..بس لازم تنتبه على صحتك... ناصر:ليلى.. سليمان:ناصر خلاص انساها الحين هذا مو وقته...ولا تخاف عليها هي بخير... ابو سليمان:ياوليدي الحين القلوب شايله عليك..لا تفتح الموضوع الحين خل الجرح يبرى.. ناصر:غمض عيونه دلاله على اليأس تبكي لحالها بالبيت..امها بالمستشفى وابوها بالمستشفى تحس نفسها وحيده..اه ياجاسم وينك تشوف حالنا من بعدك..ااااه ياغاده ليه سويتي فينا كيذا انا السبب لو علمت امي من زمان ماصار اللي صار..الله يرحمك نزلتي روسنا بالارض.. السلام عليكم.. غدير:وعليكم السلام..حاولت توقف دموعها بس ماقدرت ركان:جلس جنبها..خابرك قويه.. غدير:منين تجيني القوه..ابوي وامي بالمستشفى واختي ماتت.. ركان:غدير لاتصيرين ضعيفه وبعدين هذا قضاءالله وقدره..كلمت جاسم وقلتله ان غاده توفت فجأه..اذا دق لاتخربطين بالكلام غدير:ركان انا اللي ذبحتها مو ابوي..انا مره شفتها مع واحد وسكت ماقلت لامي لان امي كانت زعلانه عليها ركان:غدير انتي مالك دخل...هي اللي مشت بهالطريق..الله يرحمها.. غدير:الناس مو راحمتنا ياركان بيقعدون يتكلمون علينا..وغطت وجهها بيدينها.. ركان:شعليك من الناس..مصيرهم بيطفشون وينسون غدير:رفعت راسها وعيونها منزله بالارض..وانت تقبل تاخذ وحده اختها قاطعها.. ركان:اي كلمه زياده ترى بزعل..روحي البسي عباتك بنروح نزور عمتي غدير:ومتى بيدفنونها؟؟ ركان:الضابط يقول يومين بالكثير وتنتهي الاجراءات.. غدير:تنهدت..الله يرحمها.. اتصل على خالد يجي ياخذ امه لان جدته وابوه بيجون الليله ولازم احد يستقبلهم.. وبعد اقناع من فيصل وخالد رضت ام فيصل تترك بنتها.. واقف معه بالممر ويتناقش معه.. خالد:اقطع ايدي اذا مو انت.. فيصل:...... خالد:صدق انك داهيه..وطلعت مجرم وينخاف منك.. فيصل:بقول وامري لله..ايه انا ورى الموضوع.. خالد:والله ماشكيت الا فيك..بس وشلون رحت لمحمد انت ماطلعت برى الرياض؟؟؟ فيصل:خالد انا ماوصخ ايدي بهالاشكال...ارسلت له واحد ودفعتله المقسوم... خالد:والله انك برردت حرررتي..كفو كفو.. فيصل:كان يتكلم وكأنه يهدد...خالد انا اللي يدووس على ليلى او بسسس يزعلها بوريه شغل الله حتى لو كاان اخووووي.... خالد:فيصل لاتقرب لناصر..انت تدري انه اكبر عذاب له فراق ليلى.. وتقطع كلامهم ام فيصل ام فيصل:انا جاهزه وانت يافيصل انتبه لاختك... فيصل:ليلى بعيوني..بس دقي على ميساء علشان ماتجي ام فيصل:الحين اذا طلعت ادق عليها..مع السلامه فيصل:الله يسلمك.. دخل عليها..الحين صارو لحالهم ويقدر ياخذ راحته معها..ناداها لانه متأكد انها قايمه.. فيصل:ليلى ليلى:فتحت عيونها..وثواني نزلت دموعها...وهالدموع تحولت لبكاء..ماقدر يستحمل ضمها له وصار يمسح على شعرها..ويحاول يهديها... فيصل:ليلى ..لا تضعفين صدقيني مايستاهل هالدموع.. ليلى:انا ماابكي على ناصر...انا ابكي على نفسي..ابكي على عمري اللي ضاع معه..ابكي على سمعتي اللي صارت بكل لسان ابكي على ولدي اللي راح..خلني ابكي .... فيصل:صدقيني بدفعهم الثمن غالي... ليلى:محد دفع الثمن الا انا...بس الثمن غالي غاااالي... فيصل:بتشوفين اذا ماخليته يجي ويحب رجلك علشان ترضين.. ليلى:مابيه ولا ابي اشوفه....ومسكت ايد فيصل..اوعدني.. فيصل:اوعدك..بس على ايش ليلى:ماتقرب لناصر ولا لمحمد..مابي يصيرلك شيء بسببي.. فيصل:اسمي اللي وعدتك..من حظ ناصر اللي الله فكه مني... ----------- بعد مارضعت واحد من التوأم ونام بحضنها حبته ونومته بسريره بهدوء.. جمعت شعرها على جنب وجلست.. ريم:مو رايحه.. ميساء:لا فيصل بيرافق ريم:قلتيلي فيــــصل وتغمز لها ميساء:ايه فيصل ليه في شيء؟؟ ريم:هههه..يازينك وانتي مستحيه ميساء:من ايش استحي..انتي ماتتركين الالغاز ريم:قوليلي بس متى العرس ميساء:من عرسه ريم:انا كل مااسأل تسألين..بفترض انك عبيطه..عرسك ميساء:ليه احد خطبني وانا مادريت.. ريم:هذي اللي بتجيب اخرتي..ميسوه تكلمي زين ميساء:ههه اموت عليك وانتي معصبه.. ريم:وبعديـــــــن دخل عليهم فهد.. الســــلام عليكم ياحلوين الكل وعليكم السلام فهد:جلس جنب ميساء وحط يده على كتفها..اليوم عندنا ميساء:جيت يمكن على 6 ونص الصبح ونمت..اشتقتلك يابو كرش فهد:وهو يحرك خشمها باصبعه..وانا بعد..طالع بريم..الريم شلونها؟؟ ريم:كانت متنرفزه من ميساء..بخير فهد:تعبانه؟؟ ريم:لأ فهد:اجل شفيك؟؟ ريم:مافيني الا العافيه ميساء:خلك منها ترى عطيناها وجه وهي تتدلع علينا فهد:ضربها مع راسها بخفة..حدك كلش ولا الريم.. ريم:ايه هاوشها ترى كل ماتشوفني لحالي استفردت فيني وقامت تعصبني وانت تدري التعصيب مو زين لي.. فهد:ميسوه مو امي هاوشتك انتي متى بتعقلين ميساء:لحوول..قامت وحبت راس ريم ريم:مسكتها..الحين مو رايحه الا اذا قلتيلي يــــلا اقري واعترفي ميساء:فهد فكني منها فهد:اعترفيلها خليها تريح قلبها ميساء:افف..ريم حبيبتي مااافي عرس استانستي ريم:وليه انشاء الله؟؟ ميساء:طالعت بفهد اللي مركز معهم..لاننا انهينا كل شيء..انا بطريق وهو من طريق ريم:ليــــه والله ماعندك سالفه ترفضينه وهو يموت فيك فهد:من متى هالكلام ميساء:من زمان..وبعدين هو اللي تركني مو انا..مو مكتوبين لبعض فهد:ميساء ابغاك شوي.. ميساء:ابتسمت..اذا قصدك على السبب ..تذكر سالفة السوق. قاطعها.. فهد:خلاص فهمت..انا بحل الموضوع معه ريم:تتكلمون بالالغاز ..افف ترى ماحب اكون مثل الاطرش بالزفه ميساء:لا فهد لاتكلمه ولاشيء..انا خلاص مابيه.. فهد:براحتك..امي نايمه ميساء:من زماان ريم:جوعان حبيبي فهد:لا ياقلبي ..تصبحون على خير..وطلع ريم:تعالي احكيلي كل شيء ماادري عنه ميساء:اوكيه اسمعي.. دخلت على اختها وهي طايره من الفرح.. علـــــــــو علـــــــــــو قومي عاليه:قايمه شفيه غيوض:واقفه عند راس عاليه..بشـــــــــــاره عاليه:خير غيوض:حجزنا حجـــــــزنا عاليه:بنســـــــافر غيوض:يس عاليه:وجدك غيوض:السفره علشان جدي...امي توها قايلتلي..كلنا بنسافر مع خوالي بنروح للتشيك علشان بالمره جدي يسوي فحوصات.. عاليه:يعني مابروح معكم غيوض:من قال؟؟انا كلمت جدي قبل شوي وقلتله يحجزلك معنا ووافق..تدرين مايرفضلي طلب عاليه:تعالي احبك على هالخبر الحلووو وضمو بعض.. دخلت البيت وهي مزيج من المشاعر حزن غضب الم انكسار..طلعت الدرجات بخفه وفتحت الباب بقوه وانصدمت باللي تشوفه قاعده على السرير والصور حوالينها وتبكي.. هجمت عليها..ومسكتها مع كتوفها وتهزهاانــتي السبب انـــتي السبب نوره:وهي بين يدين غدير..غدير عمي شلونه غدير:تبين تتأكدين انه مات..تبين تحتفلين..حنا شسوينالك ماكفاك اللي سويتيه ناويه تذبحينا واحد واحد..جاسم وطردتيه من البيت وامي وابوي طلقتيهم من بعض وهذاهم بين الحيا والموت وغـــــاده ماتـــــــت شتبين قولي شتبين وتبكين بعد..تقتلين القتيل وتمشين بجنازته..وانهارت على الارض وتبكي بصوت مسموع نوره:نزلت من السرير وضمتها..(وهي تبكي تتكلم)..ماادري ياغدير انا تعبانه تعبانه انا ابي اموت ابي اهلي..انتم اللي خليتوني احقد عليكم انتم اللي قلتولي نامي عندنا واقنعتو ابوي انام عندكم..وراحو ولا رجعو سوو حادث وكلهم ماتو..لو اني مانمت عندكم كان انا مت معهم بس انتو السبب انتم..والله انا مو شريره بس مادري شفيني غصب علي اسوي كيذا غدير:رفعت راسها وضمتها(ضمت بنت عمها اللي ماتخطت محنة وفاة اهلها..ضمت بنت عمها اللي تغيرت من بعد اللي صار لاهلها..) ..الله يرحمهم يانوره الله يرحمهم نوره:غدير والله غصب عنــــي سامحوني قولي لعمي ولخالتي يسامحوني..انا احبكم بس غصب عني(كانت ترجف وهي تتكلم) غدير:خلاص يانوره مسامحينك..(حاولت تهديها..مسحت دموعها)والحين خلينا ندعي لابوي وامي ان الله يشفيهم..ويرحم غاده نوره:بصوت يرجف...يعني هي الحين لحالها بالقبر...نزلت دموعها ماتت وهي حامل بالحرام.. غدير:تنهدت من قلب مجروح..مالها الا الدعاء .. نوره:انــا السبب انا اللي شجعتها .. غدير:خـــــلاص يانوره خلاص غاده ماتت ...وهي مو صغيره علشان احد يلعب عليها..هي اللي مشت بهالطريق ووطت روسنا بالارض..الله يسامحها ويرحمها.. نوره:همست بصوت مبحوح..ابي اشوف عمي غدير:الحين مافي زياره..بكره ان شاء الله نزوره.. نوره:ضمتها..خايفه انا خايفه غدير لا تتركيني غدير:اللي تأكدت ان بنت عمها مو طبيعيه)..لا تخافين..انا بنام معك...قومي معاي نصلي وندعي وصدقيني بنرتاح.. نوره:قامت معها بدون تردد.. مــــاهو مصير أبطالنا؟؟ |
الجزء الرابع عشر (تمضي الايام...) ماجا على بالي خطاك انت... بالذات لاتعتذر... كافي يجي منك اكثر. هاهي مرت العطله الصيفيه برياحها وعواصفها على ابطالنا.. قلوب تحجرت وقلوب لانت...احقاد تجددت واحقاد لازالت.. بسمة شقت طريقها في محياهم وحزن لم يبرح قط.. هاهم ابطالنا يترنحون يمنة ويسرة .. يتخبطون في هذه الدنــيا..يبحرون في المجهـــول..ولكن اين سترسو قواربهم..على موانئ يحبونها..او لاتزال قواربهم ضائعه تصارع الامواج..؟؟؟ ليـــلى: اول الفتره اقولها بصراحه..ماتأقلمت مع وضعي تقدرون تقولون جاني اكتئاب..اللي صارلي مو سهل ..الكل غدر فيني ..عهود محمد فضه...وآآآه من نـــاصر. قلبي انجرح منه..كل حبي له تحول لحقد ولكره.. قضيت العطله بالرياض..سافرت مع فيصل لمكه تغيير جو وعلشان تهدى نفسي..وفعلا ارتحــــت كثيـــر..اعتمرت ودعيت ربي يعوضني خير..ودعيت ربي ينصرني على اعدائي وكل من اراد فيني شر..ويحميني من الحاقدين.. طول العطله وانا رافضه اقابل ناصر او حتى اسمعه..ووقف معي اخواني فعلا الاخوان عزوه..وحتى انتم اشكر وقفتكم معاي وتعاطفكم.. بس اللي خذلني ابوي وجدتي..حاولو يرجعوني بس رفضت..والله يستر من الجاي.. قررت ارجع للجامعه واخلص الترم اللي باقيلي واتخرج..كنت مستصعبتها بالبدايه وخصوصا ان سالفتي انتشرت بشكل كبير يعني مثل ماتقولون صارت فضيحتي بجلاجل والفضل يعود لفضه.. بس ميساء وسلمى وحتى عبير اقنعوني وحمسوني اكمل وانه مايهمني كلام الناس.. ومن محاسن الصدف لقيت صديقتي تهاني ..وطلعت معاي بنفس المستوى والكلاسات.. عبيـــر: بعد اللي صار لناصر وليلى ارتبط مصيري بفيصل..صرت كبش الفداء للمره الثانيه.. خوفا على مصالح العايله وحتى مانفترق ومانخلي المشكله اللي صارت لناصر وليلى تبعدنا عن بعض لازم اتزوج فيصل..علاقتي مع ميساء رجعت زي اول ..بس انا ماصرت زي اول.. ماادري مهما حاولت ترجع العلاقه زي ماكانت انا ابتعد ..صرت مااتقبلها.. ميـــساء: سافرنا بالعطله مع التوأم الى بريطانيا عند بابا..وكانت هالسفره بوقتها.. قعدت مع نفسي ورتبت افكاري وسويت جلسة مصارحه..لازم انسى فيصل..اللي باعني ابيعه. نـــاصر: حالي مايسر عدو ولا صديـــق..كرهت كل شيء..الدنيا مالها طعم او لون..ليلى مو راضيه حتى تكلمني..على الاقل تسمعني..رافضه نهائيا تشوفني..جناحي من يوم ماتركته وانا ماتجرأت ادخله..صرت انام بغرفة الضيوف ...عندي امــــل انها ترجعلي.. فيصل: افف هالعطله ازفت عطله...الهموم من كل مكان..ليــلى والحاله اللي وصلتلها تغيرت كثير تفكيرها تغير.. عبير واللي ماقدرت اتركها لسببين خايف اجرحها..وخايف ان عمي يتحسس من الموضوع ويحسبنا تركناها علشان اللي سواه ناصر بليلى.. ميـــساءوآه منها..كذبت على نفسي يوم قلت اقدر انساها..بالعكس اكتشفت اني مااقدر اعيش من دونها..وخصوصا بعد ماجاني فهد وعلمني بكـل شيء.. علمني من باب اني مااخذ فكره غلط عنها ..انا ادري عن اخلاقها ومتأكد بس الشيطان شاطر..كنت اظن اني بأدبها..واكتشفت اني اادب نفسي.. خالدوتلميحاته لي انه بياخذ ميساء..بس لا والف لا.. مستحــيل اخليه ياخذها..حتى لو ماتبيني.. تاخذ غيري بس اخوي لأ... خالد: صرت اكره فيصل..هو شدخله بميساء..يعني ياتكون له او مستحيل تاخذ غيره.. اناني ومايفكر الا بنفسه..بس امي موافقه وماعلي منه انا ماصدقت على الله انهم يتركون بعض وتصير ميساء حـــره..ادري بتقولون اني نذل..ايه نذل بس اخذ اللي تمنيتها.. محمد: الوضــــع جدا كئيب..ويجيب الامراض..سافرت انا مع اخوياي ولاول مره يسمحلي ابوي..وهالشيء سبب ازمه بيني وبين خويلد ابو خشم..يحسبني بزر...بس الشيء اللي استجد ان ابوي قرر اني اداوم بالشركه واترك دراستي..لانه محتاجني..والى الان انا محتار.. سليمان وسلمى: عصافير الحب.. العطله طبعا ماسافرنا بسبب سلمى حالتها ماتسمح..والحمد الله علاقتنا عال العال.. نوره: بعد اللي صار لغاده الله يرحمها جتني صدمه..وحسيت بالعذاب وخصوصا بعد ماصار عمي مشلول وعينه منكسره..ماتحملت وقررت اروح لطبيب نفسي..وقلتله كل شيء صارلي.. وبديت اتعالج..عمي مشلول بالكامل وهالشيء خلى الشيخ يعفو عنه لان ظروفه ماتسمح ابدا والدكتور يقول رح يبقى طول عمره على هالحال.. غدير : تزوجت ركان زواج عائلي لان ظروفنا ماتسمح..ابوي مشلول كليا..وامي اجزائها السفليه مشلوله وفيه امل تطيب..ركان خفف عني كثير واحمد ربي مليون مره باليوم ان الله رزقني فيه..صدق ان الرجل موقف..طبعا كلنا عشنا ببيت واحد اللي هو بيت جدي خصوصا بعد اللي صار لابوي مااقدر اخليه لحاله مع نوره ..وطبعا امي وابوي ماارجعو لبعض.. جاسم يقول قريب بيخلص من دراسته ويتخرج..يارب يرجع سالم.. ميساء وليلى انقطعت عنهم..بصراحه مالي وجه اشوفهم بعد اللي سوته غاده وفضيحتنا بين الناس.. عــاليه: كانت السفره مره حلوه لولا خال غيوض الغبي..اكرررهه..على ايش شايف نفسه.. كنت كل مااطلع مع غيوض لحالنا يتلزق فينا..اشوف بعيونه نظرة الخبث بس على مين.. قبل لا نرجع بيوم هاوشته وغسلت شراعه قدام اهله..وعلمته ان الله حق نوال: سافرت واستانست..ورجعنا للرياض..وابوي قالي اتجهز لان برجع لزياد.. وانشاء الله ابدا حياتي من جديد..بس انا مبسووطه مو علشان هالشيء لأ..لان حسين طلق زوجته..وحاله مايسر وهذا جزاء اي احد يخون نوال.. غيوض: الدكاتره قالو ان جدي بايامه الاخيره..المرض الخبيث انتشر بكل جسمه..نفسيتي زفت.. اصعب شعور انك تترقب وفاة شخص مو غالي وبس الا هو كل حياتك..يعني انا من لي غير جدي.. زياد: انا طحت ولا حد سمى علي..هالبنت سيطرت علي..اقوم افكر فيها ..انام احلم فيها.. كل ملامحها اتذكرها..حافظها..اااه يوم حبيت حبيت المستحيــل..هي فتاة احلامي هي اللي دايما اتمناها..لو دريت انها قريبه مني لهالدرجه..كان تزوجتها من زمـــان.. الجــــده :لا العيال وضعهم مو عاجبني...سكتلهم بما فيه الكفايه..وصار وقت اللي ينحط لهم حد.. ----------------- ----------------- الظهــــر: وصلت البيت وهي هلكانه جوع..رمت عبايتها وشنطتها بالصاله.. وركضت للمطبخ.. عبير:خلص الغداء؟؟ الشغاله:ايوه.. عبير:يلا حطوه بسرعه...طلعت من المطبخ وهي تنادي جدتها...جدتي..تيته..جدووه.. اين ذهبتي يام والدي..جدتي ..قراند فاذر..استغربت..وينهي..راحت لغرفة جدتها وفتحت الباب..لقتها منسدحه على سريرها وتستمع للراديو.. الســــــــــــــلام عليكم..وباست راسها الجده:هلا وعليكم السلام ..علامتس ابطيتي يابنيتي(ليش تأخرتي) عبير:توي خلصت..يلا جدتي خلينا نتغدى تراني جوعانه..(مسكت يد جدتها تساعدها على الوقوف..) الجدهمسكت عصاها بيد واليد الثانيه ماسكه يد عبير)..ماشفتي ليلى؟؟ عبير:الا شفتها.. الجده:اجل ليه ماجت معتس؟؟ عبير:تقول عندها محاضراتن ماخلصن.. الجده:انا ادري ان ماعندها..هي ماتبي تجي.. عبير:ساعدت جدتها تجلس على السفره..وجلست ..مدة الملعقه لجدتها .. الجده:عندي ماتشوفين عبيرطاح وجهها)..علامتس معصبه ..وبدت تاكل الجده:سكتت ماردت على عبير.. وبعد مده.. الجده:عقب الغدى ابيتس تدقين على عمتس.. عبيربقلبها:لوتدري ليلى ذبحتنا) ان شاءالله. ********** طلعو من محاضرتهم وهم بحالة ملل ..ولسان حالهم يقول..يارب الطف بنا.. ليلىلبست نظارتها الشميه)وطلعت من المبنى..التفتت على تهاني..اقول لايكون بتولدين؟؟ تهاني:تمشي بتعب وعاضه على شفتها السفليه..لا بس الظاهر تعودت على الراحه.. جلسو على الكراسي اللي بالممرات.. ليلى:شرايك اروح ولا مااروح.. تهاني:روحي..ليلى تعلمي تواجهين الناس ولاتنسين انك انتي على حق.. ليلى:مادري بس خايفه ..تدرين اروح واللي فيها فيها.. تهاني:كم باقي على عدتك.. ليلى:بنص رمضان اطلع الله لايعوق بشر.. تهاني:تنهدت..الله يستر. ليلى:شفيك متوتره؟؟ تهاني:زوجي عنده مهمه وخايفه عليه.. ليلى:استودعتيه الله؟؟ تهاني:لا..اللهم اني استودعتك زوجي انت خير حافظا وانت ارحم الراحمين.. ليلى:تهاني تعودي تحصنين نفسك واللي ببطنك وزوجك.. تهاني:انشاء الله..رن جوالها وابتسمت..ردت :هلا..طيب لاتزعل..ههه..خلاص اخر مره...الحين بس انتظر اختي..الله يسلمك.سكرت جوالها وطالعت بليلى..الحمدالله هو بخير ليلى:الحمدالله..طيب انا استأذن اشوفك السبت.. تهاني:ان شاءالله..وخليكي قويه.. ليلى:تنفست بعمق..بحاول..وحطت شنطتها البربري على كتفها وطلعت.. ******************** العــــصر.. بعد ماصلت العصر ..مسكت المصحف وقرت الورد اليومي..صفحه ووجهها من القران يوميا.. فصخت جلالها..وطلعت من غرفتها وهي تسمع صوت ريم تكلم بالجوال.. نزلت تحت ولقت امها توها مسكره التلفون وشكلها متنكده.. جلست جنبها.. ميساء:خير يمه؟؟ ام فهد:هذي خالتك متضايقه..تقول خايفه ان ليلى ترجع لناصر اليوم.. ميساء:لاتخاف ليلى مستحيل ترضى ام فهد:بس جدتهم من يقنعها..الله يستر..روحي يمه البسي خلينا نروح بدري ميساء:اوكيه..طلعت فوق..سمعت صوت ريم تبكي..خافت ودخلت عليها..ريم شفيك ريم:مسحت دموعها وضحكت..هههه ميساء:خافت ان البنت انهبلت..وش فيـــــه.؟؟ ريم:ياخبله مافي شيء..بس من القهر..عجزت اتحملهم ولاني قادره اخليهم مع الشغالات..شكلي بسكن عندكم على طول ميساء:الله ياخذ عدوك خوفتيني.. ريم:اسفه ماقصدت.. ميساء:طيب قومي البسي امي تقول بنروح بدري ريم:خلصي لبس انتي اول ..وبعدين تعالي اجلسي عندهم علشان البس ميساء:طيب..وراحت لغرفتها.. *************** بالسيـــاره بعد مارجعت من الجامعه اخذت شور سريع وصلت العصر وقرت اذكار المساء ووردها اليومي..لبست بنطلون اسود مع جاليه طويل اسود..ربطت شعرها ذيل حصان ووزعت الواقي على بشرتها...اخذت كريم النهار والليل وحطته مع الواقي بالشنطه..واخذت ملابس لليومين اللي بتقضيهم بالمزرعه.. ركبت مع ابوها وامها لحالهم..وخالد ومحمد لحالهم..وفيصل يجيهم بالليل او بكره طول الطريق وابوها يسولف عن الصبر وقصص من الاولين ووشلون الوحده صبرت ونالت..وامها ساكته وباين انها موعاجبها الوضع..وهي اكتفت بالصمت.. وصلو للمزرعه.. وقف السياره بقسم الحريم..وسيارة ابوسليمان موجوده.. نزلو ..وسبقهم ابوهم بالمشي..مسكت ايد امها وكأنها تطلب تمدها بالقوه.. ردت عليها امها ام فيصل:قولي (حسبي الله لا اله الا هو عليه توكلت وهو رب العرش العظيم )سبع مرات.. ليلى:طول الطريق وانا اقولها..وكررتها مره ثانيه قبل لاتدخل..سمت اول ماحطت رجلها على المدخل.. ********* بسيارتهم النقاش حاد.. خالد:انا نبهتك ولا ترى يمين بالله لاوريك الشغل محمد:ياخي انا عمري تدخلت فيك..وشتبي ناشب بحلقي وبعدين انا موبزر خالد:شافه بطرف عينه..ولانك مو بزر قاعد اكلمك رجال لرجال..انتبه لاتجلس مع هالاشكال محمد:طيب .. دخلوالبوابه واتجهو للمواقف.. وشافو السيارات كلها موجوده.. التفت محمد لخالد..:اقول تهقى بيغصبونها؟؟ خالد:والله جدتك تسويها..بس هذا وجهي ان رجعتها له محمد:اقول انثبر بارضك هذا الناقص ترادد ابوي وتحداه خالد:يعني عادي عندك انها ترجع؟؟ محمد:لا مو عادي بس كل شي بالعقل ...السالفه مو تحدي خالد:اسمع كلامك يعجبني اشوف افعالك اتعجب.. محمد:نزل من السياره قبل لايرد على خالد وتصير هوشه.. ******* تبي تفلت من جدتها بس مو قادره.. البنات كلهم داخل..ميساء وعبير وسلمى.. وجدتها ماسكه يدها وكأنها خايفه تضيع.. ابوها وعمها يسولفون..وامها وخالتها داخل.. ابتسمت يوم شافت محمد وخالد داخلين.. الســـلام عليكم الكل وعليكم السلام.. حبو راس جدتهم ومحمد راح يسلم على عمه.. خالد:وشعندتس ماسكتن ليلى تقل معرس بالكوشه؟؟ الجده:والله بنيتي وبكيفي.. خالد:اتقي الله هالحركات ماتصير..تبين الله يسخطبنا..وحاول يفك ايد ليلى منها الجده:انزح وراك(ابعد).. ومدت العصا عليه خالد:غمز لها..ترانا حلوين ونعجبك..وسحب يد ليلى غصب وقومها وجلس مكانها..وليلى على طول هربت الجده:مدت العصا بتضربه.. خالد:ضمها علشان ماتقدر تتحرك.. الجده:فكني الله يقلع بليسك..فكني خالد:احبــــــــك الجده:ياولـــد ابعد فكني خالد:مش عــــاوز..مأدرش على بعدك..ارحمي ألبي بأى..امتى حاتحسي.. الجده:انت وش تهذر؟؟خويــلد عويذت الله من شرك ابوفيصل:ههه يمه هذا اذا لزق بواحد لزق الجده:الينه نشبتن بالحلق..(وزقرته بعصبيه)..خويـلد خالد:تركها..يازيــــن اللي يستحون..وقرص خدها اللي التجاعيد ماليته..اذا صرنا لحالنا بناخذ راحتنا اكثر الجده:ضربت يدينها ببعض..ابوفيصل ولدك منتهي خالص مامن عقل..مستخف مستخف ابوسليمان:خالد شبلاك عليها.. خالد:عمي ماعليك منها تغلى..تسوي نفسها حركتات.. الجده:وش قلت؟؟؟؟ خالد:ابد طال عمرتتس بس اقول لمحمد يجيب من السياره كتكات الجده:حبت يدها..الحمدالله والشكر.. ********** جالسه مع عبير وسلمى..وباين ان عبير مو متقبلتها.. شافت ليلى داخله ومبين عليها التعصيب.. ميساء:عقدت حواجبها..شفيك ليلى:رمت عبايتها وطرحتها...لا بس مت من الحر..وجلست جنبها ميساء:همست باذنها..اكيد من الحر ليلى:اكيد لأ..بعدين اقولك سلمى:شفيكم تتساسرون عبير:اوه عاد من يفككم من كونان سلمى:عبيروه كم مره قلتلك لاتقولين كونان.. ليلى:ريم ليه ماجت؟؟ ميساء:بتجي بس فهد بيتمشى معها ويوريها المزارع.. عبير:ليلى عندي لك مفاجئه.. ليلى:ايش؟؟ عبير:اصيل جابوه امس ليلى:قامت من مكانها..صــــدق قومو معاي خلينا نشوفه سلمى:انتم روحو وانا بروح لجدتي.. لبسو طرحاتهم وطلعو للاسطبل.. **************** حطت ثلج على عينها المتنفخه بعد العلقه اللي خذتها امس..يمكن تقدر تفتح عينها.. ولا ليش تفتحها من بتشوف يعني..اب ظالم وام مافكرت الا بنفسها.. طلعت من غرفتها بتروح لاختها اللي صارت بالاسابيع تشوفها.. طقت الباب وماحد فتح..حاولت تفتح الباب بس مقفل.. عاليه:غريبه ..غيوض ولا مره سوتها..هالبنت حالها متغير.. رجعت لغرفتها وقبل لاتدخلها وقفها صوته.. لحضه.. عاليه:طالعته بالعين اللي سلمت.. ابوصالح:وين كنتي؟؟ عاليه:طفشت من اسلوبه..(قالت بعصبيه)..مد يدك مايحتاج مقدمات.. ابوصالح:انتي يبيلك قص لسان..وعطاها كف خلاها تدور على نفسها..وطلع عاليه:حست ان فيه عرق بخدها انقطع..تماسكت وقامت لغرفتها.. ************ رجع من المستشفى وهو تعبان..استغرب اخوانه كلهم فيه حتى ابوه..غريبه هم بالعاده جمعتهم الجمعه مو الاربعاء.. زياد:السلام عليكم الكل..وعليكم السلام.. كان بيروح يريح بس .. ابوفراس:زياد على وين؟؟ زياد:بريح تعبان شوي ابوفراس:اجلس ابيك بموضوع زياد:حاضر طال عمرك..جلس جنب اخوه فراس.. ابوفراس:عبد المجيد صب لاخوك قهوه.. زياد:لا مابي..وابتسم لعبدالمجيد ابوفراس:عمك بعد اسبوعين بيرجع.. زياد:يوصل بالسلامه ابوفراس:وجهز نفسك بعد اسبوعين ملكتك زياد:بس انا ابي ميتين الف ابوفراس:علشان ايش؟؟ زياد:مهري بعد..ويالله يمديني افصل فستان انا برايي اخروه شوي شرايكم بالعيد ولا قاطعه ابوه معصب ابوفراس:انت ماتستحي تقول هالـــكلام..استح على وجهـــك واحترم اللي جالس معهم زياد:وقف..والله افعالك معاي تقول اني مره واني ولا شيء عندك... فراس:زياد اجلس خلنا نتفاهم زياد:نتفاهم على وشو؟؟؟ انا الموضوع حسمته من زمان..زواج من نوال مـــافيه وطلع لغرفته ابوفراس:يعني يتحداني هين يازياد فراس:يبه الله يهديك هو ماتحداك ومن حقه يرفض..واحد مايبي العرس وجربه مره وعافه ابوفراس:الا هي عافته انت من يتقبل اخوك فراس:يبه زياد ماهو صغير خله على راحته ابوفراس:بخليه..بس ماياخذ الا نوال.. ************* الخميـــــــس.. الصبـــــاح.. مانامت بعد ماصلت الفجر..قرت اذكار الصباح واستودعت اهلها..لبست بنطلون جنز وعليه بلوزه طويله الى تحت الركبه بشوي..رفعت شعرها ذيل حصان..ونزلت للاسطبل.. جاء الفجر بعد الصلاة..ولقى الكل نايم.. لقى خالد نايم ببيت الشعر ولاهو متغطي.. ناصر:خالد..خالد خالد:قام بسرعه لانه مو مرتاح بنومته..فرك عيونه بيده..متى جيت ناصر:قبل شوي..صليتو الفجر ولا نايمين خالد:لا كلنا صلينا بس بعد الصلاة جيت هنا وراحت علي نومه ناصر:طيب قوم داخل نام.. خالد:تمغط وقام.. ناصر:مشى ورى ناصر ودخل معاه لغرفته وبيده شنطه صغيره حاط فيها ملابسه.. خالد نام على سريره على طول..وناصر بدى يرتب لبسه بالدولاب.. طلع للصاله ومالقى فيها احد.. طلعته من الاسطبل وركبت عليه..مافيه احد هنا العمال كلهم نايمين وهذا انسب وقت .. حبته وصار يصهل وكأنه يبادلها الحب.. ليلى:ابتسمت..يلا اصيل..وصار يمشي بهدوء وبعدين بدى يجري وهي في قمة السعادة تحس نفسها بالسماء..توها تحس انها ليلى الاوليه.. دخل المطبخ وصلح له كوفي ..طلع برى عند النافوره.. جلس وصار يشرب ..وبعد اخر رشفه قرر يدور على المزرعه.. قامت على ازعاج سديم وصوت الجوال اللي ماسكت.. ردت على الجوال وصوتها مليان نوم واشرت لسديم تسكت سلمى:هلا سليمان:نايمه بالعسل ها؟؟ سلمى:وين العسل وبنتك صاجتني سليمان:وانا برسلك ناصر..لحول نشب بحلقي ومحمد تعرفينه اذا عصب.. بغى يحذفه مع الدريشه سلمى:خلاص قوم معاه سليمان:ماشبعت نوم..انتي خلاص يكفي نوم سلمى:حرام عليك انا تعبانه..شوف دق على امي يمكنها قامت سليمان:والله هذي مو حاله كل ماطلعنا للمزرعه نكدو علي عيالك..تدرين من بكره بجيب عمال وابيهم يهدمون المسبح.. محمد:وهو نايم يتكلم..علشان اهدم المزرعه كلها عليك وعلى مرتك وعلى عيالك هذا الناقص مانسبح علشان هالبزران سلمى:شيقول هذا بعد سليمان:اتركك منه يحلم.. سلمى:خلاص سليمان الحين اجي واخذه..الشكوى لله بخليهم مع جوني مع اني مااقدر اامنها عليهم تقعد تسولف وتنساهم سليمان:عاد انتي الام وتصرفي.. سلمى:وانت وشو؟؟ سليمان:انا مادري..يلا مع السلامه.. *********** تفاجأت...نــــــــــاصر!!! كان لابس بنطلون جنز وتيشرت ابيض وشعره الاسود الكثيف صار يغطي رقبته..نحفان مره بس وسامته زي ماهي..عيونه الحاده اللي تعشقها فيها نظرة حزن وتحتها هالات سوداء.. وقف قدام الحصان ومسك الجام بيده وصار يمسح بيده الثانيه وجه الحصان وكأنه يهديه.. ليلىتنفست بعمق وبقلبها تستغفر تحاول تهدي نفسها)..ممكـــن تتركه.. ناصر:طالع بوجهها اللي حافظه.. يبي يشبع من شوفها..وهمس بحب وبصوت مبحوح.. اشتقتـــلك.. ليلى:ناظرته من فوق لتحت باستحقار...سخيــف.. ناصر:تنهد..ليلى ماشتقتيلي؟؟ ليلى:هزت راسها وقالتها بمسخره..مـــره فوق ماتتصور.. ناصر:نزلها من الحصان بخفه ومهاره..(صارت قباله انفاسها تحرق وجهه).. احس نفسي بحلم.. ليلى:بعدت يدينه اللي ماسكه كتوفها بقرف...وانت قلتها حلـــم.. ناصر:مافهمت؟؟ ليلى:قربت منه مره..وابتسمت بمكر..مدت يدها لخده ..لوت فمها وهي تشوف عيونه الولهانه..همست بدلع..تدري حبيبي لك عندي امانه.. فجــــأة ناصر:تحسس مكان يدها ..خده احتر من ضربتها..مافي رجال يقبل مره تضربه..لوى يدها ورى ظهرها..خلاص سويتي اللي تبينه..الليله ترجعين معي.. ليلى:فكنــي..ورجعه مو راجعه الا اذا ناوي على عمرك.. ناصر:ضغط على ايدها..اي عمــررر..اي عمررر تتكلمين عنه..انتي من يوم تركتيني وانا ميت ميــــت ..صرخ..ليه ماتحسين ليـــــه ليلى:انا اللي تركتك والا انت؟؟ ناصر:تركها..ولفها قبالها..غصب غصب غصب ماكنت بوعيي ليلى انتي تدرين اني احبك واغار عليك بجنون..ليلى سامحيــــني انا ناصر نسيتي.. ليلى:ههههههههه...رفعت حاجب تغار علي ولا تشك فيني؟؟ اقول ناصر انت ليش طلقتني؟؟ ناصر:انتي تدرين.. ليلى:ابي اسمعها منك ليه طلقتني؟؟ ناصر:ــــ ليلى:ماتقدر تقولها!!! مفتشل من نفسك..تصدق انت انسان واطي وغبي وحقير..وانا رجال زيك مايلزمني.. ناصر:صر على سنونه..يعني بتتزوجين غيري.. ليلى:لا ماتوقع..مين بيقبل وحده تطلع مع شباب..هزت براسها لألأ ناصر:لاتقولين عن نفسك كذا.. ليلى:ليه انت وولد عمك خليتو لي مجال اتكلم مشاء الله ماقصرتو سويتو اللي عليكم..حتى عمتك فضه ماقصرت..الله يخليكم لبعض.. ناصر:طيب انا شعلي هم السبب حرام تظلميني علشانهم.. ليلى:لا انت ماسويت شيء..انت بس اثبت الكلام اللي يقولونه بطلاقك حتى ماصبرت لين تجي من السفر.. ناصر:طيب ارجعيلي علشان الناس تسكت.. ليلى:انت ماتفهم عقلك صغـــير..زفرت..اتركني ناصر:هز براسه لأ..مو تاركك.. ليلى:حطت يدينها على صدره تبعده..ناصر ان مابعدت ترى والله مايصير طيب ناصر:خلينا نتفاهم ليلى:حطت يدينها على اذنها..مـــــــــابي اسمع شــيء انت مجنون..اكررررررهك.. ناصر:سحب يدينها بقوه علشان ماتروح وتتركه ناصر:وانا اعشقك.. ليلى:غمضت عيونها..ماتبيه ماتبيه ناصر:ليلى سامحيني..ليلى طالعي فيني.. ليلىطالعت فيه وباصرار قالت)..قلتلك ماابيك انت ليش ماتفهم..خلاص انت طلقتني ناصر:ليلى افهميني طالعي فيني ..عاجبك حالي..انا مااقدر اعيش من دونك.. ليلى:ركزت على عيونه..بس انا اكرهك..احقد عليك..ماادانيك..انت ذليتني انت شمت الناس فيني..تحديـــت فيك وخذلـــــتني..انت طلقتني من دون حتى ماتسمعني..تبيني اذكرك شقلت.. ناصر:اكرهيني ولا تحبيني بس ارجعيلي انا ابيك انا احـــبك ليلى:ابتسمت ..علشان تطلقني للمره الثانيه؟؟ ناصر:انتي ليه ماتحسين فيــــني ارحميـــني ارحميني انا اتعذب ليلى:كل اللي انت فيه منك..بس اللي انا فيه منكم..النار اللي بداخلي منكم.. ناصر:ليلى والله ماادري شلون تصرفت..ادري اني غلطان ومستعد اعوضك عن كل شيء..انتي سامحيني بس.. ليلى:انفجرت بوجهه...تعوض ايش والا ايش..تعوض سمعتي اللي صارت بكل لسان بسبتك انت وولد عمك..تعوض ولدي اللي طاح بسببك..تعوض قلبي اللي حبك وجرحته وكسرته..تعوض ايـــــش.. ناصر:ايه كل شيء بيتعوض والله بيرزقنا بدال الواحد عشر..وانا متأكد انك بترجعين تحبيني بس ارجعيلي.. ليلى:ناصر رجعه مو راجعه لو تنطبق السماءعلى الارض.. ناصر:صر على اسنانه وضغط على ايده بقوه..لاتحديـــني ارجعك غصب ليلى:تقدر ترجعني بس بدون روح ســــامع.. ناصر:انتي ليه تعذبيني ليلى:ابتسمت..احس بسعاده ماتنوصف وانت تتعذب.. ناصر:بصوت مكسور..سامحيني وصدقيني بعوضك عن كل شيء عذرك خله معك .. يمكن في يوم ينفعك عذري انا... ياللاسف ..اني فهمتك في الاخير يومي عرفتك.. اكتشفت حبك .. مثل شمس الهجير.. وكل الحقايق.. لي بدت تنكشف.. عذرك خله معك..لا تعتذر عذرك وهم.. فيه الدعاوي تحتضر حبك ظما.. وظامي السراب.. يغريه لامر السحاب.. وجرحـــــك عذاب.. ودربـــــك عنــا.. ولو قـلت ذاتك هي انـا..ماصدقــــــك ابـــشرك كـــاس العنا..مامــل مــني بــــس انا مليت..مليتــــك انا عـــذرك خله معك لاتعتــــذر... (منقـــول) ليلى:انا اكرهك اكرهــــك فك ايدي ناصر:الليله برجعك.. ليلى:وهي تحرر يدها منه..تحلم..مستحيل ارجع للجحيم...وهربت منه ناصر:مستحيل ياليلى تتركيني..مستحيــــــل.. ******* دخلت للصاله ووجها احمر تكررهه وتحقد عليه ودها تقطعه ..لقت جدتها وعمها يفطرون سلمت عليهم ومسكتها جدتها.. ليلى:جدتي افطرت الجده:اجلسي ابيتس عقب الفطور بسالفه ليلى:انا اجيتس بس الحين بدخل اريح..توي كنت مع اصيل الجده:لا ريحي هنا.. ليلى:جدتي بتروش مت من الحر.. سمعو صوت تنحنح.. ناصر:يــاولد الجده:حياك ليلى:وش حياك انا ماعلي شيء..لحـــضه لاتدخل..قامت بس الجده مصره تمسكها الجده:هذا رجلتس مو غريب ليلى:جدتي كــــان كان.. الجده:ولحد الحين هو رجلتس توتس ماخلصتي العده ليلى:تعرف جدتها عنيده..لفت لعمها..عمي داخلتن على الله ثم عليك ابوسليمان:يمه خليها على راحتها..يمكن مستحيه ليلىبقلبها:كملت خلوني مستحيه منه) الجده:ماله داعي هالحياء..اقلط ياناصر سمعت اصوات خطواته تقرب..تنفست بعمق تحاول تكون هاديه.. خالد:ناصر انتظر....ليلى البسي شيء ولاقومي داخل سليمان الحين بيدخل الجده:لا ماعليها اذا جاء سليمان يطلع برى شيدخله عند الحريم خالد:هز راسه من عناد جدته..قرب منها وضمها..صبحتتس بالخير ياعجوزي ليلى:ابتسمت ابتسامة شكر لخالد بعد ماحمدت ربها انه جاء بالوقت المناسب..خالد امسك ايدها خالد:عجوزي علامه متجودتن بليلى(متمسكه) الجده:انقلع من وجهي وخل ناصر يدخل خالد:همس باذن جدته..ترى ماعندي مانع يدخل بس ترى ليلى ماهي سامحه وترى مايجوز وتتعذبين يوم القيامه على شيء تافه الواحد يفكر باخرته والا الدنيا موليه.. الجده:فلتت ليلى واعجبها الحديث..يعني شلون؟؟ خالد:لحضه..ناصر اقلط الجده:ضربته بالعصا..الا يملعون ابو التسديد تلعب علي..خليت ليلى تهج(تهرب) ناصر:حب راس جدته وجلس جنبها..شبلاتس عليه خالد:هي بس اليوم كل يوم وهي علي..بس على قلبي مثل العسل..ويغمز لها.. ياعسل.. الجده:هههه ناصر:اشوف عجبتس الحتسي؟؟ خالد:ياشين العذال..وراح للسفره يفطر الجده:قبل شوي هي هنا بس البنيه مستحيتن منك ناصر:ابتسم لفكره براسه..معقول هي تتدلع علي ؟؟...ابتسم لجدته..طيب قلتي لعمي الجده:ايه وماعنده مانع ويقول لو يبي اليوم ياخذها عادي ناصر:ايه ابيها اليوم خالدوالزيتونه بفمه)عجوزي تلعب بذيله من وراي..وش تقولين له الجده:صك افمك وانت تاكل..وين عمك خالد:يسلم عليتس ..يصوتلتس من اليوم يبيتس تمشين معه بس انتي سرحانتن بي.. الجده:ناصر ياولدي زوجوه هالولد مو صاحي ناصر:من يقبل فيه خالد:والله لو ااشر باصبعي هذا(ويهز اصبعه الخنصر) تشوف البنات يتناقزن عندي .. ناصر:ياللا اشر.. خالد:ليه عايفن عمري انا...انا عجوزي مكفيتن ..ويرسل لها بوسه الجده:لا انت ان شاء الله بدورلك مره وعرسك مع فيصل.. خالد:ماعندي مانع..دوريلي وانا موافق.. ناصر:لا فيه تطور؟؟وين كلامك اول عن الزواج؟؟ خالد:دوام الحال من المحال..وبعدين انا ماقصدي شيء ان تزوجت بس علشان هالعجيز.. الجده:عصبت..عجز عدوك ان شاء الله خالد:افا ياذا العلم عصبتي الجده:لا تحتسيني..ناصر قوم مشني على المزرعه شوي خالد:قام ومسك ايدها..لا انا اللي بمشيتس ناصر تعبان ومانام.. الجده:التفتت على ناصر..ياوليدي لاتعب عمرك اللي تبيه يصير.. ناصر:متـــى؟؟ خالد:لحووول الحين انا بسالفتك والا بسالفتي ..قومي قومي..ساعد جدته على الوقفه.. وطلعو وهم يتناقرون ناصر:فرك عيونه وطلع لغرفته ينام.. ********** |
العـــصر.. لبسو طرحاتهم وطلعو يتمشون بالمزرعه.. جلست تحت نخله وقالت بصوت مبحوح.. شفته.. ميساءعقدت حواجبها)..شفتي مين؟؟ ليلى:ناصر ميساء:جلست جنبها..وش قلتيله ليلى:عطيته كف.. ميساء:شهقت..كف مره وحده!!! ليلى:كنت مقهوره منه..(التفتت عليها..ورفعت حاجب..) ..تخيلي بكل بساطه يجي ويقول اشتقتلك..صدق ماعنده دم ولا يستحي.. ميساء:سكت لما عطيتيه كف؟؟ ليلى:اكيد لأ...ولا يقول بعد انه بيرجعني لو غصب عني..مسكين يحسبني لعبه..مايدري منهي ليلى.. ميساء:انا اللي اعرفك.. لحظة صمت.. ميساء:ا..اقول ليلى ليلى:نعم ميساء:عبير شفيها علي؟؟ ليلى:اكيد علشان فيصل تسوين نفسك ماتدرين؟؟ ميساء:وانا شدخلني..لايكون تغار!!! ليلى:اكيد.. ميساء:ماعندها سالفه..اللي بيني وبينه انتهى.. ليلى:طالعت فيها بعيون مشككه..اكيد انتهى؟؟؟ ميساء:عصبت..ليلى ليلى:ماقلت شيء..اقول شرايك نروح للاسطبل.. ميساء:آآآآف اكره الخيول..خلينا نتمشى بالمزرعه احسن.. سمعو صوت يناديهم.. عبير:بنــاااات وينكم ليلى:قامت..هنـــا هنا.. عبير:خذت نفس..شفيكم ابعدتم.. ميساء:نمشي ونسولف ومادرينا عبير:اها..طيب خالتي تقول تعالو.. ليلى:اصلا مابقى شيء على المغرب.. ورجعو.. ****** وقف سيارته الرنج بعد مااخذ جوله على المزارع القريبه.. لابس ثوب ابيض ومفسر اكمامه ومسوي حمدانيه وشعره مغطي رقبته..لابس نظارته الشمسيه الكلاسيك من ارماني..نزل من السياره وراح للباب الخلفي وفتحه..فتح حزام الامان..وفتح يدينه لها.. ضمته بسرعه..قفل الباب..ومشى لقسم الجريم.. سألها..استانستي؟؟ سديموهي متعلقه برقبته)ايوه..بث ناثر ذعلان(بس ناصر اخوها زعلان) فيصل:ياروحي انتي مايكفي انه زعلك وشايله همه..وباسها..بكره الصبح ان شاء الله بخليك تركبين معي الحصان.. سديم:ايوه ابي اركب بث ماما وبابا عيون(يعيون) فيصل:محد له شغل فيك..انتي بنتي انا..اي احد يزعلك قوليلي اتفقنا.. سديم:اتفننا(اتفقنا) فيصل:باسها مره ثانيه..يازينو ياناس.. وقف عند المدخل.. فيصل:سلمــــى..سلمــــــى.. كانو وراه توهم واصلين.. ليلى:مشاء الله رايح تمشيها وتاركني لحالي؟؟ التفت على صوتها ولا درى ان معها احد.. ناصر:ههههه..اختفت ابتسامته وهو يشوفها..طالع بليلى..ا انتي وينك ارسلت لك سديم وقالت انك مو موجوده..واشر بيده للبنات..كيف حالكم.. ميساء وعبير:بخير...ودخلو.. ليلى:مو عذر كان دورت علي.. فيصل:خلاص المره الثانيه تروحين معي..سمع صوت اذان المغرب.. ليلى:عطني سدومه وانت روح.. فيصل:باس سديم وعطاها ليلى..وراح يلحق عيال عمه للصلاة.. *************** طلعت من غرفتها وهي تدندن باغنية اصاله لو مارجعتش ليا بقلبك تاني هنا لو ماحلفتش ان السانيه في بعدي سنه مبقااااااش انا.. قاطعها صوت امها اللي لابسه عبايتها.. على وين؟؟ نوال:وين انتي؟؟ ام شيخه:مسكتها مع كتفها وهزتها..انتي متى بتتركين الوقاحه؟؟ نوال:اذا مت .. ام شيخه:الله ياخذك وافتك منك ومن فضايحك نوال:ايوه نسيــت انك مع خالتي امس واكيد اشتكتلك.. ام شيخه:شمتي الناس فينا..كل الناس تقول انك داعيه عليه علشان كذا ماتوفق بزواجه.. نوال:هههه والله حاله حتى لساني يبوني اربطه...ايه دعيت عليه وبظل ادعي عليه..وبعديـــن انا بنتك المفروض توقفين معي مو معه.. ام شيخه:اوقف معك!!! نوال:لا توقفين معي خلاص..ونزلت.. ام شيخه:ياربي من هالبنت ماادري متى بتعقل..رن جوالها وردت..الوو...عند الباب..خلاص دقايق ونازله.. ******* دخلت بيت عمها بدون عبايه او حتى طرحه.. لابسه بنطلون جنز ضيق وتيشرت وردي مقلم بازرق ..وتاركه شعرها القصير مفلول..حاطه ماسكارا وقلوس وردي وبلاشر وردي .. سلمت بفرح لجمعتهم.. هــــــــــاي الكل.. هااااايين يالقاطعه.. مدت يدها وصافحتهم كلهم بدون استثناء.. وباست بنت عمها ومرت عمها.. نوال:يووووه مره مغبرين وينكم من زمان.. عبدالمجيد:يازين القصير علينا..متى قصيتيه نوال:من زمااااااااان ببداية العطله فراس:تبين الصراحه ..الطويل احسن.. نوال:بالله اسكت ماخذت الاذوقك.. ام فراس:امك وينهي؟؟ نوال:طالعه اكيد.. عبد المجيد:شيخه شلونها نوال:ماباركت لها عبد المجيد:على ايش؟؟ نوال:طلعت حامل.. فراس:مبرووك واخيرا بتصيرين خاله.. نوال:الله يبارك فيك..اقول حريمكم وين؟؟ولا مايجون الا الجمعه بس شموخ:لا خميس ولا جمعه..من متى يجون هم.. فراس:شموخ نوال:وهي صادقه يافراس..ترى حريمكم يجيبون المرض يكفي اساميهم..وووع..الله يهدي خالتي مادري شلون اخترتيهم ام فراس:وانا شيدريني عن اطباعهم..وبعدين هذا انا زوجتك زياد وتطلقتي منه شنفعتيني فيه.. نوال:خااالتي ام فراس:وانا عند ربي صادقه انا ابيك بس انتي اللي ماتبينا..حتى شيخه الله يهديها..كنت اتمنى فراس ياخذها..بس شنسوي بالنصيب.. نوال:باست راس ام فراس..خلاص كل شيء بيتصلح..لا تزعلين شموخ:من جد نوال.. نوال:هزت راسها بايه ام فراس:ضمتها..ايه هذا الكلام السنع.. فراس :رن جواله..رد..هلا زياد..لاتونا..خلاص اعتذر لهم..طيب سلام عبد المجيد:مورايح؟؟ فراس:يقول عنده شغل وبيتأخر.. نزل ابو فراس.. ابو فراس:يلا مشينا.. نوال:هلا عمي ابوفراس:هلا نوال وسلم عليها...وينك امس ماجيتينا.. نوال:كنت مشغوله..وبعدين هذا انا جيت.. ابوفراس:لا انا مارتاح..الا اذا سكنتي عندي.. فراس:يبه نمشي..ترى تاخرنا ابوفراس:يلا..اخوك وينه عبدالمجيد:يقول بيتأخر..اذا جاء بدري لحقنا.. وطلعو للعزيمه.. ******** نزلت بعد مانادوها للعشى.. لابسه قميص صيفي نص كم وجامعه شعرها بشباصه.. السلام عليكم.. الكل..وعليكم السلام.. سحبت الكرسي وجلست..اخذت الملعقه بيدها وهي تدور بعيونها على الاطباق.. ام عهود:شتبين احطلك.. ابوعهود:خليها تذوق الشوربه اول صبت لها شوربه.. ابو عهود:وبيده الخبز..حبيبتي ترى دخلت المهر بحسابك.. عهود:شرقت ..كح كح كح ام عهود:بسم الله عليك عهود:نزلت الملعقه..الحمدالله ابوعهود:ماشربتي شيء.. عهود:مومشتهيه..نزلت دموعها غصب عنها وطلعت لغرفتها ام عهود:عاجبك حالها هذا اللي تبيه ابوعهود:انا اسوي اللي بمصلحتها..وسالم مافي منه.. ام عهود:الله يهديك بس.. رمت نفسها على السرير.. خلاص انتهيــت ..انا اخذ سالم..والله يذبحني..ليه يايبه ليييه سويت كيذا.. اكيد ابوي غصبه علي ..مافي رجال يرضى ياخذني بعد اللي سويته فيه.. ابوي مايدري انه يزفني لقبري..اااااه ... تذكرت الموقف اللي صار يوم كانت تدرس بالثانويه.. تو الناس بدري عليها ياعمي.. ابوعهود:يامؤيد انا اقول ملكه والزواج اذا تخرجت.. مؤيد:بس هي ماتبيه ابوعهود:هي ماتعرف مصلحتها..انت اقنعها وبتوافق مؤيد:مااقدر.. ابوعهود:خلاص بس لا تتدخل... دخلت عليهم.. هلا يبه ناديتني ابوعهود:اشر لها تجلس جنبه.. عهود:جلست جنبه ابو عهود:اسمعي ..اليوم كلمني ولد عمك..سالم تعرفينه اكيد..جاني يخطبك..شررايك عهود:اكيد لا..انا اخذ سويلم.. ابوعهود:ليه؟؟ عهود:كيذا مزاج مو عاجبني مؤيد:عهود عيب ابوعهود:طيب انتي وافقي الحين وتعرفي عليه ومتأكد انه بيعجبك عهود:لا وععع..اناابي واحد مزيــون.. مؤيد:عهـــــود ابوعهود:مؤيد اطلع وخلني مع هالدلوعه انت بتتنرفز وتخرب كل شيء مؤيد طلع ابوعهود:يابنتي اسمعيني زين..انا ابوك وادرى بمصلحتك..انا مارح ازوجك اي واحد..انا بزوجك رجال يقدرك ويصونك..وسالم والنعم فيه..والولد عاجبني..اذا تبيني ماازعل عليك وافقي عهود:نو نو..مستحيييل اخذه ابوعهود:لا بتاخذينه وبكره ملكتك عهود:تمــــزح ابوعهود:لا ماامزح...شقلتي موافقه عهود:يعني بتغصبني عليه ابوعهود:لا مابي اغصبك..قولي انك موافقه.. عهود:زمت شفايفها وقالت بقهر..موافقه ****** يوم الملكه.. الكل مجتمع بالمجلس..كل اهلها..عيال عمها وابو سليمان وسليمان وناصر .. جاء المملك.. طلب يسمع موافقتها.. كانت بزر تدرس بالثانويه ومدلعه وحب ناصر متمكن منها..لبست عبايتها وتغطت وفتحت باب المجلس ووقفت عنده وقالت بصوت عالي.. ياشيخ تراهم غاصبيني على اللي اسمه سالم وانا مو موافقه ابوعهود:عهــــــــود عهود:ليه تبيني اسكت...عاد لوانك غاصبني على واحد يسوى كان قلت معليش..بس سالم ووع نفضت ذكرياتها على صوت امها.. فتحت الباب.. ام عهود:كنتي تبكين عهود:ويهمكم.. ام عهود:يابنتي لاتقطعين قلبي اللي فيني مكفيني.. عهود:خلاص يمه اللي تبونه بيصير.. ام عهود:الله يهداك ان شاء الله..وراحت لغرفتها عهود:سكرت الباب...انا شلون نسيت..مافي غيره.. مسكت جوالها ودقت عليه.. جاها صوت غريب..الوو عهود:السلام عليكم..عفوا هذا مو جوال مؤيد.. :نصير لك مؤيد ولا يهمك.. عهود:قلة ادب..وسكرت بوجهه..آآآف مغير جواله..رن جوالها وكان رقم مؤيد..ياربي الحين بيلصق فيني صدق ناس ماعندها ذوق..سكرت بوجهه وقفلت جوالها...ياربي شلون اجيب رقمه؟؟؟...مافي غير ساره..ياربي اشوفها السبت علشان اخذ رقمه.. ************ يوم جديد.. قام من نومه اللي ماتهنى فيه..اخذ شور علشان يتجهز لصلاة الجمعه.. فتح الدش..وهو يفكر بايش يقنع ابوه..مهما كان هذا ابوه وطاعته واجبه.. هو تربى على هالشيء..بس هو الوحيد اللي يحس باختناق..يمكن الحظ مقاطعه.. اكيد..هذا اخوه فراس تزوج بالغصب بس مستانس وحياته عاجبته..لانه توفق بزوجته.. حتى اخوي عبدالمجيد تزوج بنفس الطريقه صحيح مو مغصوب بس بعد ماختار البنت يعني زواج تقليدي..ونجح وهذا هو مبسوط..انا مغصوب وشايفها من قبل ولا توفقت..افف لو عبد المجيد اللي ماخذها هو اكبر منها بسنتين مو مثلي جيل كامل.. سكر الدوش..ولف الروب عليه وشده..طلع لغرفة الملابس وفتح دولاب الثياب.. طلع ثوب ابيض وغتره .. جالسين يفطرون..والصمت يعم المكان الا من اصوات الصحون ابو فراس:شموخ روحي شوفي اخوك وينه شموخ:بصوت ناعم..اوكيه بابا.. جلسها صوته اللي تحبه.. مايحتاج قايم.. مال على ابوه وحب راسه.. زياد:صباح الخير..وراح لامه وحبها ام فراس:صباح الورد.. زياد:جلس جنب شموخ.. شموخ:بدلع..زياد مانسيت احد زياد:لا مانسيت.. شموخ:مدت بوزها..وكملت فطورها زياد: سحب خصله من شعرها..مولايق الزعل ..وحبها على خدها ابوفراس:شموخ عزمتي نوال على الغدى زياديالله صباح خير) شموخ:لا..اصلا هي ماتحب تطلع الظهر.. ام فراس:ماطلعت على امها ابو فراس:ام فراس ام فراس:ماقلنا شيء.. ابوفراس:لا انتي ماتقولين شيء..وانت اخلص الخطبه بتبدى زياد:بلع قطعة جبنه..وطالع بساعته رولكس ..باقي يبه فيه وقت ام فراس:خل الولد يفطر..شمستعجل عليه شموخ:ماما عطيني خبز زياد:الحمد الله.. ام فراس:ماكلت شيء ابو فراس: امش اخلص تأخرنا زياد:ابوي صادق تأخرنا... وطلعو ام فراس: شموخه دقي على حريم اخوانك قوليلهم الغدى عندنا شموخ:ماما يدرون..بس هم مايحبون يجون عندنا ام فراس:وانا مابي يكون لهم حجه..قومي بسرعه شموخ:اها خلاص الحين بدق..قامت من السفره وهي لابسه بجامه برموده وبدي وردي.. وشعرها لاكتافها ناعم.. ضغطت على الاتصال السريع لبيت فراس.. ماحد رد.. ضغطت على بيت عبد المجيد.. ماحد رد.. رمت السماعه بقوه وراحت لامها.. ماما ماحد يرد ام فراس:متعمدين مايردون..مادري شمسوين لهم بس هين اوريهم الشغل.. روحي جيبي جوالي بدق على اخوانك اخليهم يجيبونهم غصبا عنهم.. شموخ:ماما بقلعتهم اهم شيء اخواني من زين الجلسه مع زهوه..والا مع الصديقه نوف.. ام فراس:لا بس ابي اقهرهم..بسرعه روحي جيبي الجوال شموخ":طيران... *********** جالسين حوالين الجده.. وبيت ام فهد رجعو للرياض.. ليلى:كلمه وقلتها رجعه انســـووووو ام فيصل:ليلى لا ترفعين صوتك عيب الجده:ماهو على كيفك انتي عاجبك قعدتك مطلقه..تبين الناس تاكل وجيهنا ليلى:بقهر..الناس كلت وجهي انا .. الجده:هو رجلتس ومالتس حق ماترجعين معه ليلى:ليه لعبه متى مابغاني خذاني ومتى ماعافني رماني...رجعـــه للزفت نويصر مو راجعه.. عبير:ليلى.. ليلى:بلا ليلى بلا بطيخ..ايه اخوك زفتيــــن الجده:ليلى اعقلي شهالكلم استحي.. ام فيصل:خلاص ليلى اسكتي ليلى:بسكت يمه بس ورب البيت ان رجعتله يااذبحه يااذبح نفسي دخلو على كلمتها.. ابوفيصل:بكيفك تذبحينه او ماتذبحينه بس بترجعيله ليلى:غرقت عيونها..بس ماتبي تبكي...مو راجعه ابو فيصل:لا بترجعين الليله ليلى:ب قاطعها ابوفيصل:ليـــلى ابو سليمان:يابو فيصل شوي شوي على البنت..هي بترجعله انا متأكد..صح ليلى ليلى:زمت شفايفها بقهر..مو راجعه وقامت قبل لاينفجر فيها ابوها.. دموعها ماتخليها تشوف طريقها زين..وفكرها مشغول بهالمصيبه..ليه يبون يصلحون غلط بغلط..ليه دايما انا اللي انذل ليه انا غلط وهو صح ليه مايعقبونه بدل مايرجعوني له ..ليه ترخص فيني يبه ليييييــ..طررررراخ ماتشـــوفين رفعت عيونها وغمضت ونزلت دموعها..ثواني وهي بحضنه..شهقت.. مسح على راسها.. همس:شفيك يابعد الدنيا..من مضايقك ليلى:ضمته اكثر..كلهم كلهم..كانت مثل الطفله بحضنه.. فيصل:رفع راسها ومسح دموعها باصابع يده..وانا منهم؟؟ ليلى:انت الوحيد اللي معي.. فيصل:يبون يرجعونك لناصر ليلى:ايه فيصل:طيب روحي البسي عباتك وخلينا نرجع ليلى:ياليت حاسه نفسي مخنوقه فيصل:ضمها..لاتختنقين طول ماانا عايش ورجعه له مو راجعه الا اذا انتي بغيتي.. كانت بتتكلم..حط يده على شفايفها المرتجفه..خلاص روحي البسي عباتك.. ليلى:تعال معاي.. فيصل:طيب...وطلع معها لغرفتها.. لبست عباتها... وطلعو للرياض.. ************ بعد ماخلصو غدى جالسين بالصاله ويتناقشون بأمور الشركه.. شموخ:همست لزياد..افف هذولا مايملون زياد:ماظن..قوليلي شمسويه بالجامعه شموخ:يعني..مو مثل ماتوقعت.. زياد:طيب قسمك مرتاحه فيه.. شموخ:ايوه..اقول زيود شوف وجه امي كيف زياد:ضربها بخفه..استحي هذي امك شموخ:ههه ادري ..مسكينه ماتوفقت بحريم عيال سنعين.. زياد:مادري شفيهم انقلبو فجأه.. شموخ:انت السبب زياد:انا؟؟ شموخ:ايه..كل وحده متأمله تاخذ اختها بس بالاخير خذت نوال زياد:الله والاخذه عاد.. شموخ:حرام عليك والله نوال مافي مثلها زياد:ادري بس ماتناسبني...تنهد..اللي تناسبني غير غير شموخ:زيود لايكون تحب من وراي زياد:وين عايشه بامريكا.. قاطعهم صوت ابو فراس.. ابوفراس:زياد شصار على موضوعك؟؟ زياد:ان شاء الله قريب بتزوج.. ابو فراس:هذا الكلام .. زياد:بس مو نوال ابو فراس:اجل مين؟؟؟ زياد:مادري.. فراس:يعني اسمها مادري..والله حلو طيب شاسم ابوها عبدالمجيد:اسمه ماعرفش هههههههههه هههههههههههههههه ابوفراس:عصب..بـــــــس عبد المجيد:لا الوالد عصب.. فراس:حتى الوالده..اسأل اللي ساكنين معهم تراهم هم السبب شموخ:والله ماعمري زعلت امي ولا ابوي زياد:حتى انا..شوفو انتو شمسوين ام فراس: لاتسألونهم يمكن مايقدرون يجاوبون ماخذو الاذن من حريمهم.. فراس:يمه الله يهداك..والله تعبانه شموخ:والجمعه اللي فاتت واللي قبلها... ابوفراس:شموخ يكفي..عيب تكلمين اخوك بهالطريقه شموخ:سوري فراس..قامت وعدلت بلوزتها الكت الطويله على جنز برموده..عن اذنكم وراي بحث.. زياد:يبه الله يطولي بعمرك بكلمك بموضوع ابوفراس:قوم معي للمكتب.. طلع مع ابوه.. عبدالمجيد:قرب من امه وحب راسها..زعلانه مني ام فراس:ليه يهمك زعلي.. فراس:افا يمه تشكين بهذي.. ام فراس:هذا اللي فالحين فيه..كلام وبس..طيب ورى ماجبتو العيال عبدالمجيد:يمه توه عمره شهرين مااقدر اجيبه فراس:بجيبهم لك بكره ولاتزعلين.. ام فراس:نشوف.. ********** الليل.. قفلت غرفتها زين..فتحت دولابها وطلعت علبه فاخره.. بعدت خصله وحطتها ورى اذنها.. فتحت العلبه ..اخذت سيجاره من النوع الفاخر..سيجاره غيـــر.. سيجاره تخليها تطير وتطير.. حطتها بفمها وولعتها..استنشقت اكبر قدر ممكن.. وطلعته بمهاره من خشمها... ضحكت لنفسها.. ههههه..هذي السيجاره مو اللي يبيعونها.. سمعت طق الباب.. غيوووض غيووض افتحي.. غيوض:يووه مو وقته...كملت نفخ وطنشت عاليه.. ******* الصبـــــــاح.. يافتاح ياعليم..يارزاق ياكريم.. طالعت بالساعه..تونا 6 سكرت المصحف من ايدها بعد ماخلصت قراءة سورة البقره.. تعودت على هالشيء..بعد ماتصلي الفجر وتخلص من اذكار الصباح تقرى سورة البقره.. دخلت تاخذ شور سريع .. طلعت وهي شاده الروب عليها وشعرها تاركته مبلول..فتحت دولابها.. شلبس؟؟فتشت بين البلايز..اووه هذي حلوه طلعت قميص مقلم من فـندي وانيق جدا.. راحت للتسريحه وشغلت الاستشوار على شعرها واستشورته.. خلصت بعد ربع ساعه.. فتحت الدرج وطلعت علب المكياج .. وزعت الواقي على بشرتها الثلجيه والنقيه.. مسكت الكحل وخططت عيونها من فوق بس..عيونها اساسا مو محتاجه.. اخذت البلاشر الوردي ووزعته على خدودها وانهت الميك اب بقلوس فوشي.. طالعت بساعتها نينا رتشي الذهبيه..الساعه سبع الا ربع.. اخذت القميص وتنورتها السوداء ولبستهم بسرعه.. طالعت شكلها بالمرايه..واااو ..اهبـــل..الله يعيني على البنات.. لبست صندل زحف من ديور .. اخذت عبايتها وشنطتها بيدها ونزلت تفطر.. سكرت غرفتها وكان طالع من جناحه.. صباح الخير ليلى:ابتسمت صباح النور.. خالد:محاضرتك بدري ليلى:ايه.. نزلو الدرج.. ام فيصل:زين انك قمتي كنت بروح اقومك ليلى:صباح الخير وحبت راسها.. خالد:يلا مع السلامه ام فيصل:الله يسلمك انتبه للطريق.. جلست جنب بنتها اللي تفطر.. ام فيصل:حصنتي نفسك. ليلى:ايه..مسكت قطعة توست واخذت شريحة جبنه ام فيصل:عطيني انا بسويها لك.. ليلى:مدتها لامها.. ام فيصل:ابوك مامرك امس.. ليلى:لا ماشفته ام فيصل:عطتها السندويتش..طيب اذا كلمك اليوم لاتزعلين..طنشي ليلى:ليه صاير شيء بعد ام فيصل:لا ماصار.. ليلى:ابوي ليه يسوي فيني كيذا ام فيصل:ابوك خايف عليك..بعدين سكري على الموضوع وافطري وروحي لجامعتك تأخرتي ليلى:بكمل السندويتش واروح ام فيصل:انا بروح اكمل نومي..تبين شيء ليلى:سلامتك.. ********* دخلت البوابه وهي تدعي انها تشوف ساره اليوم..ضروري .. طالعت بالبنات اللي جالسين بالكراسي وماشافتها..دخلت عبايتها بالشنطه..وبخت من عطرها المفضل نينا رتشي..مالبست نظارتها تخاف ساره ماتعرفها.. طلعت من البوابه واتجهت لمبناها وعيونها تدور على ساره.. دخلو ورى بعض وهم يضحكون.. تهاني:نزلت طرحتها على كتفها..صدق انك رايقه.. ليلى:بقوه بعد..نفضت شعرها الحرير بيدها ورتبته.. تهاني:لاااااا انتي ناويه علينا..كم مره قلتلك انتي بدون شيء عذاب شلون وانتي حاطه مكياج.. ليلى:شكرا على المجامله..طلعت نظارتها قوتشي من العلبه ولبستها ..اخذت عطرها المفضل الين وبخت منه..ورجعته للشنطه..شعري مضبوط.. تهاني:دخلت عبايتها..ايه مضبوط..تدرين ليلى مالوم ناصر اذا انجن على فراقك.. ليلى:ههههه تهاني:شفيك؟؟ وحطت شنطتها على كتفها ولبست نظارتها.. ليلى:ترى انتي ماشفتي ناصر..لو ماحذفت صوره كان وريتك اياه..واخليك تحكمين تهاني:لايكون مزيون؟؟ ليلى:الزين ياخذ منه..مشاء الله عليه طلعو من البوابه..واتجهو لمبناهم.. تهاني:وهذا انتي ماتحبينه تمدحينه ليلى:انا اقول الصدق هو مزيون بس اكرهه.. تهاني:مااصدق.. ليلى:ابتسمت..بوريك صورته وبتصدقيني... كانت ملفته للانظار..الكل يطالع بابتسامتها.. دخلت مبنى 12 ورفعت نظارتها على شعرها.. كل اللي بالمبنى كان منتظر يشوفها..جمالها حاد شرس..اللي يطالعها مايقدر ينزل عينه.. ابتسمت وهي تشوف بنات تعرفهم وتسلم عليهم بيدها من بعيد.. سمعت احد يناديها.. ليـــــلى.. التفتت على مصدر الصوت.. عهود!!! عهود:قربت منها وابتسمت..نورت الجامعه مادريت انك رجعتي ليلى:منوره بوجودك ..كيف خالتي عهود:استغربت من برود ليلى..بخير.. ليلى:طيب عن اذنك تأخرت على محاضرتي.. عهود:وهي تشوف ليلى ترقى الدرج..شفيها علي؟؟ ******* لبست فستان حمل وماحطت شيء بوجهها.. جالسه على الكرسي تستغفر على بال مايطلع.. سلمى:سليمـــان يلا تأخرت على دوامك سليمان:طلع من غرفة الملابس ويعدل شماغه..خلصت..مد يده وساعدها توقف..الحمل ثقيل عليها..نزلو..ولقو سديم جالسه تنتظرهم.. سديم:يلا اخترنوني(اخرتوني) سليمان:طالع بسلمى..هالبنت قاضيه يبيلها تربيه.. سديم:انت تبريه سليمان:شالها بيدينه..وش تقولين يالنتفه.. سديم:ادوووول بثررعه سليمان:قولي بسررعه مو بثررعه سديم:ضربته كف على خفيف..تذحك علي سليمان:الا ياللي ماتستحين تضربين ابوووك..عيييييب سديم:هزت راسها.انت عيب سلمى:هههه شيفكك الحين من لسانها..لبست عبايتها ..انا بنتظركم بالسياره سليمان:ماما راحت وتركتنا.. سديم:بثرعه الحقها لاتروح.. سليمان:حاضر عمتي... وصلو لبيت ابو سليمان.. سليمان:امرك عقب ماارجع من الشغل..اذا احتجتي شيء دقي علي سلمى:ان شاء الله..مسكت ايد بنتها ودخلو للبيت.. ************* رافعه شعرها ذيل حصان وسرحانه..عيونها ذبلانه..والسواد كاسيها.. انتبهت الدكتوره لسرحانها...قومي جاوبي على المسأله.. غيوض:ماعرف احلها.. الدكتوره:ليش؟؟ غيوض:تعبانه وماركزت معك.. الدكتوره:اذا تعبانه معليش...بس احب انبهك ان الماده يبغالها تركيز والسرحان مو نافعك... انتهت المحاضره بعد نص ساعه.. طلعو البنات وهي لازالت بمكانها.. سألتها زميلتها.. جمانه:غيوض شفيك..من يوم ماداومتي وانتي حالك متغير..فيه شيء.. غيوض:لا مافي بس تعبانه..ونومي ماتعدل..دايم اجي وانا مواصله.. جمانه:اليوم حاولي ماتنامين اذا رجعتي..علشان يتعدل نومك غيوض:بحاول.. طلعو من الكلاس..وبنفس الوقت طلعت ليلى من محاضرتها.. جمانه:يااااربي اسم الله عليها هالبنت تجنننن..جمالها مو طبيعي غيوض:اي والله صادقه..تلقين امها اجنبيه جمانه:اقول انقلعي..اي اجنبيه وملامحها عربيه الا بدويه..عليها خشم.. غيوض:عيونها تكفي..يووه تذكرين يوم شعرها طويل..صدق عذاب هالبنت..اقول امشي للكافتريا ابي بايسن يمكن اصحصح شوي.. جمانه:تصدقين انا افكر باللي يحضرون معاها احس ماينتبهون للمحاضره بس مركزين عليها.. غيوض:تلومينهم..امشي امشي.. ***** (سبحانك اللهم وبحمدك أشهد ان لا اله الا انت استغفرك اللهم واتوب اليك) |
(الجزء الخامس عشر) (أنا.....والحـــظ) اسف ماعاد لك في خفاقي اماكن.. راحت مع دموع العين يامبكيني.. الجرح يمكن يداويه الزمن...لـــكن.. شلي يرجعك لامن طحت من ...عيــــــني.. فـــــي جامعة الملك سعود.. حاطه جوالها على الصامت..وودها ترد على ناصر اللي ازعجها..بس مافي امل ..الدكتوره عصبيه ويمكن تطردها وتفشلها قدام البنات اذا انتبهت انها تكلم.. عبير:افف باقي ساعه ونص على ماتخلص المحاضره..احسن شيء ارسله مسج.. حطت الجوال بحضنها وبدت تكتب المسج .. جالس مع عمه بالمكتب وفرحان..واخيرا حلمي بيتحقق.. رن تلفون ناصر ورد.. ناصر:الوو السواق:انا اجي..فيه باركنج ناصر:خلاص انتظر لين اجيك..سكر التلفون.. ابوفيصل:جاء السواق؟؟ ناصر:ايه وهو تحت..بس عبير ماردت.. ابوفيصل:يمكن مشغوله.. ثواني وجاه مسج.. (خير صاير شيء انا بالمحاضره.. عبير..) ناصر:ارسل لها مسج....خلاص عمي علمتها..وانا بنزل اتفاهم مع السواق.. قام من مكانه وحب راس عمه.. ناصر:تأكد ياعمي اني بحطها بعيوني.. ابوفيصل:انا متأكد ياناصر.. ******* حست بأحد يتحسس وجهها..قلبت للجهه الثانيه.. انفاس ساخنه تحرق خدها..فتحت عينها السليمه بتثاقل.. شهقت..هيييييييييييييييئ.. تمسكت بلحافها.. عاليه:شتسوي يالحقـــــير..برررررررررررى سلطانخال غيوض)..ماسوي شيء..تدرين شكلك يخبل وانتي نايمه.. عاليه:اقـــول انقلع قبل لا اصرخ وافضحك قدام اختك.. سلطان:لا تخافين مافيه احد هنا..انا اخاف على سمعتك اكثر منك..عاليه انا شاريك.. عاليه:وانـــا بايعه..ضف وجهك احسن لك.. سلطان:عاليه الى متى وانتي تتجاهلين احساسي ناحيتك..عاليه انا احبك .. عاليه:حبـــك برص يالحقير..انت صر رجال بالاول بعدين تكلم يالوصخ..هذي سواة تسويها تتهجم على وحده لحالها بالبيت صدق مافيك مروه ..بررررى بررررررررى سلطان:عاليه لا تظلميني انا عجزت معاك كل مااكلمك تصديني..عاليه انا طالع وصدقيني ماكنت ناوي اسويلك شيء بس اشتقتلك وهالشيء غصب عني.. وطلع.. عاليه:الحمد الله ماسوالي شيء...تنفست بارتياح..(قامت من سريرها وراحت للباب تقفله..)..طير النوم مني حسبي الله عليك ياسليطين..انا لو اعرف بس شناوي عليه..الله يستر منه.. *************** دخل مكتبه وبيده ملف لاحد المرضى.. تفاجأ بوجوده.. فيصل:وانا ادورك اثريك هنا..جلس على كرسي مكتبه..شفيك مكشر.. زيادحط ايده على خده وتركى عليها)..من وجهك كشرت..ياخي كل مااشوفك اكتئب.. المهم ماعلينا ترى اخوي فراس وافق على المشروع.. فيصل:والله..زين يارجال..انا كلمت سليمان وقالي بيدرس المشروع وبيردلي خبر..بدق عليه اليوم واشوف شصار.. زياد:فراس يقول اذا سليمان مو داخل شريك بيدخل اخوي عبدالمجيد معاه.. فيصل:اوكيه مافي مانع..فتح الملف وصار يقرى فيه.. زياد:صار يدقق بملامح فيصل وكأنه اول مره يشوفه..اقول فيصل.. فيصل:همم.. زياد:غريبه خالد ماطلع عليك؟؟اقصد مايشبهلك ابدا..يعني ماكأنكم اخوان.. فيصل:خالد طالع على جدي ابو امي..وحنا كلنا طلعنا على عمامي..شعندك تسأل ؟؟ زياد:لا بس كيذا..اقول شصار على عرسك ترى تأخرت.. فيصلسكر الملف)...بيني وبينك ودي انه مايتم..تحسفت اني خطبتها.. زياد:افــا..ليه..اقصد ماعجبتك.. فيصل:لا عجبتني..بس مابيها زياد:علشان سالفة ناصر يعني؟؟ فيصل:طبعا لأ..اصلا حنا اهل مهما صار.. زياد:الا شصار على موضوعه..رجع اختك؟؟ فيصل:هو يبي اليوم قبل بكره..بس هي رافضه..بصراحه مايستاهلها.. زياد:طيب ليه ماتبيها؟؟ فيصل:قلبي للحين معلق ببنت خالتي.. زياد:انت ماقلت خلاص نسيتها وماادري وشو فيصل:كنت اكذب على نفسي..تدري ابرجع اخطبها زياد:حط رجل على رجل..الااااا ياموافقه عليك..استريح بس فيصل:هي تحبني وانا متأكد انها بتوافق..بس المشكله بنت عمي شلون افتك منها.. زياد:طيب تزوجهم ثنتينهم.. فيصل:جبتها زياد:يالخبل امزح معك..مجنون انت تتزوج ثنتين.. فيصل:مافي غير هالحل.. زياد:طيب يابو الحل ..وطلع من مكتب فيصل.. ************ جالسين حوالين القهوه ومشغلين التلفزيون على سبيس تون.. سلمى:سديم حبيبتي ابعدي عن التلفزيون سديممنسدحه تحت التلفزيون)..ماااابي.. سلمى:قومي سديم:مااااابي الجده:خليها ماهي سامعتن حتسيتس(كلامك)..اقول كم باقي على شهرتس؟؟ سلمى:ثلاث شهور تقريبا.. الجده:زين الله يسهل عليتس يابنيتي..شلون سليمان معتس؟؟ سلمى:الحمد الله زين..سليمان مايقصر معي.. الجده:وانا اشهد انه رجال..الله يهدي اختتس وترجع لناصر..والله مافي منه..ليه ماتنصحينها؟؟ سلمى:جدتي مااحب اتدخل.. الجده:بس اختتس ماتدري عن كلام الناس للمطلقه..هي توها بزر وماتفهم وامتس الله يهديها ساكته.. سلمى:بصراحه ماالومها اللي صارلها موشوي..جدتي نسيتي الكلام اللي طلع عنها.. الجده:هي شعليها من الناس..محدن بيرضي الناس كله.. سلمى:انا مالي دخل... رن تلفون البيت وركضت سديم ترد.. سلمى:يمه منها ماتصبر عن التلفون.. سديم:الووو مين ابوفيصل:هلا بحبية جدو..شلونك سديم:ذينه انت وينك ابوفيصل:انا بالشغل..واذا جيت بجيبلك حلاوه سديم:جيب كثييييير.. ابوفيصل:ان شاءالله..ماما وين؟؟ سديم:هنا...ماااااماماااااما سلمى:جيبي التلفوون هنا..بسرعه سدوومه سديم:اخذت التلفون وعطته امها ورجعت للتلفزيون سلمى:الوو ابوفيصل:السلام عليكم سلمى:وعليكم السلام هلا يبه شلونك ابوفيصل:الحمدالله بخير..امي صاحيه سلمى:ايه هذي هي بجنبي تبي تكلمها ابوفيصل:ايه عطيني اياها سلمى:لحظه...جدتي ابوي بيكلمك...مدت لها التلفون.. الجده:هلاا ابوفيصل.. ********* بعد صلاة الظهر.. كانت طالعه بالبلكونه وتنتظرها..شافت البوابه تنفتح وتدخل سيارتها.. طلعت من غرفتها..وانتظرتها بالصاله الفوقيه.. نزلت من السياره وهي تحس جسمها هلكان وممكن تطيح بأي لحظه.. دخلت البيت بهدؤ..ركبت المصعد وطلعت لغرفتها.. انفتح المصعد وطلعت بوجهها.. عاليه:اخيييرا جيتي..ومسكت ايد اختها البارده وسحبتها لغرفتها.. جلستها على الكنب .. غيوض:عاليه تراني تعبانه ومالي خلق سواليف ..اذا قمت من النوم قولي اللي عندك عاليه:السالفه ماتتأجل..تخيلي الحقير سليطين جاء هنا.. غيوض:خالي عاليه:ايوه غيوض:طيب خير ياطير..واذا جاء عاليه:جاء هنا...بغرفتي وانا نايييييمه غيوض:ايييش!! عاليه:لاتخافين ماسوالي شيء..خالك ناوي على شيء.. غيوض:هو قالي انك عاجبته..ووده يخطبك عاليه:يماما اسأليني انا عن الرجال..هذا نظرته لي نظرة انتقام حقد كره..احسه بيوصل لشيء من خلالي..غيوض ترى حتى نظراته لك مو مريحتني غيوض:هههه..عاليه شفيك هذا خااااااالي عاليه:واذا خالك...انا سبب عذابي بهالدنيا ابوووي..جت على خالك يعني..غيوض انتبهي منه.. غيوض:اوكي ..فيه شيء ثاني بروح انام.. عاليه:صلي الظهر قبل لاتنامين..تراني ملاحظتك مهمله صلاتك.. غيوض:طيب طيب...طلعت و دخلت غرفتها وانسدحت على السرير وراحت بنوم عمييييق..ونست او تناست صلاتها الواجبه.. ************ **** في هذا المقطع رح تتكلم الشخصيات عن نفسها{{ الساعه 2 ظهرا.. اتصلت عليها بنت عمها وقالت لها انها عازمتها على المطعم الايطالي وبيطلعون مع بعض.. ليــــــلى: طلعت من محاضرتي وتهاني تمشي معي ببطئ شديد..صدري ضايق مادري ليه.. نزلنا مع الدرج والمبنى شبه فاضي..لان محاضرتنا متأخره..طلعت جوالي من شنطتي ودقيت على عبير..ومن اول رنه ردت علي.. عبير:هلا ليلى خلصتي؟؟ ليلى:ايه خلصت..انتي وينك.. عبير:انا..انا ببوابه 6.. ليلى:تنهدت بتعب..ااه..خلاص الحين بجيك.. عبير:لا لا خلاص انتي روحي لبوابه 2 وانا ارسلك السواق وبعدين مريني.. ليلى:اوكيه بعد احسن اصلا انا تعبانه..طيب ماعرف رقمه عبير:شوفي انتي اذا لبستي عباتك وخلصتي ..دقي علي وانا ادق عليه.. ليلى:خلاص.. سكرت الجوال وهو لازال بيدي..واستغربت من عبير صوتها فيه ربكه.. قطع تفكيري صوت تهاني.. تهاني:وهي حاطه يدها ورى ظهرها..متى يمديك تذاكرين..ليلى ترى حنا اخر سنه.. ليلى:شتبيني اسوي لمحتلها بس هي مو راضيه تفهم..وبعدين انا حاسه انها زعلانه مني وخصوصا بعد سالفتي بالمزرعه.. دخلنا البوابه.. حطينا شنطنا على الكراسي وطلعنا عباياتنا مع بعض.. تهاني:الحمدالله بغيت انسى..امسكي الملزمه ومشكوره.. ليلى:اخذت الملزمه..لاشكر على واجب.. لبست عباتي ولفيت طرحتي.. وتهاني كانت اسرع مني لان اليوم زوجها اللي بيجيبها.. تهاني:بعد ماخلصت لبس عبايتها جلست وحطت جوالها بحضنها علشان اذا دق تطلع بسرعه.. ليلى:شفيك؟؟ تهاني:اقول ليلى..غدير ليش انقطعت فجأه.. ليلى:مادري..يمكن مثلك.. تهاني:مثلي!! ليلى:نسيتي انك انقطعتي فجأه..وندق عليك وجوالك مو موجود بالخدمه.. تهاني:شسوي بالمعقد اللي عندي..يوم مابقى الا المستوى الاخير رفض اكمل..حتى الانسحاب عملته لي اختي..وجوالي انسرق.. ليلى:تدرين احسن...لو مانسحبتي كان الحين انا لحالي ادرس.. رن جوال تهاني وردت بسرعه.. تهاني:هلا..الحين طالعه..سكرت..قامت ومعها الشنطه..يلا مع السلامه ليلى:الله يسلمك وسلمي على زوجي.. تهاني:يوصل.. دقيت على عبير وقلتلها اني خلصت..وقالتلي اطلع.. شفت سيارة عبير bmw العنابي..توجهت لها ودق جوالي..فتحت الباب..ورديت وانا احسب انها عبير.. ليلى:الوووو سكرت الباب..وفيه ريحه ماهي غريبه علي..بس ماطولت بتفكيري لان اللي على الخط رد.. معاذ:الوووو(ولد تهاني الصغير) ليلى:هــــلا والله بهالصووووت ..كيفك حبيبي.. معاذ:انا بخير..وانتي ليلى:بخير يابعد قلبي..وينك لاتسأل عني ومطنشني.. معاذاستحى منها)..مادري..اقول ليلى:نزلت الملزمه من حظني وحطيتها بجنبي ورديت عليه..قول آآمر وتدلل معاذ:بتروحين للمطعم.. ليلى:ضحكت من قلب..هههه..امداها تقولك(تقصد تهاني)..ايه بروح للمطعم معاذ:مسوي نفسه معصب..وليه ماقلتيلي؟؟ ليلىكنت اسمع صوت تهاني وهي تحرضه)..اسفه حبيبي اخر مره..مره ثانيه مااطلع الا لما اقولك..رضيت علي معاذ:لأ ليلى:طيب شسوي علشان ترضى.. معاذ:تجينا بكره للبيت ليلى:ههه بس كيذا..ولا يهمك بكره اجيك بس بشرط..ابيك انت اللي تطبخلي..ابي اذوق طبخك حبيبي.. نــــاصر: كنت طاير من الوناسه..اليوم بترجعلي ليلى..حجزت المطعم كله علشانها وحاجز لنا سويت بفندق الفورسيزون..ومجهزه بالكامل..كنت ابي اسويلها مفاجئه.. اتفقت مع عبير انها تكلم ليلى وتعزمها على المطعم..وانا اخذت سيارة السواق ..خفت اذا شافت سيارتي ترفض تطلع..وبعدين احسن علشان تصيرلها مفاجئه.. شفتها وهي تطلع من البوابه كان الجوال بيدها اليمين وملزمه بيدها اليسار..كان قلبي يدق بسرعه..انفتح الباب وركبت وانا اسمع صوتها وهي تقول الوو..حركت السياره وانا اطالعها من المرايه..كان منشغله بالمكالمه ولاانتبهت علي.. شدني لمكالمتها كلمة حبيبي..ركزت معها..توقعت انها تكلم احد اخوانها..مع اني اعرف زين انها ماعمرها قالتها لهم..كنت اصبر نفسي بهالتوقع..مادري شصارلي يوم سمعتها تقول.. ههه بس كيذا..ولا يهمك بكره اجيك بس بشرط..ابيك انت اللي تطبخلي..ابي اذوق طبخك حبيبي.. سحبت بريك قوي والحمدالله ان الشارع فاضي..التفت عليها وانا اشوف عيونها المرتجفه..صرخت.. ناصر:عطــــــــــــيني الجوااااال.. ليلى:نااااصر!!! ماعطيتها مجال سحبت الجوال بالقوه منها ورديت وانا من كثر ماني معصب احس موقادر امسكه.. ناصر:الووووو ..رد يالحيوووووان معاذ:انت مين؟؟ ناصر:ولك عين ترد يابن ـــ يا ـــ معاذ:ماااما ماااااما فيه رجال يزاعق علي(يصرخ علي) تهانيبعد مااخذت الجوال )الوو ليلى ناصر:ــــ تهاني:الووو ليلى ردي..الووووو ناصر:سكرت الجوال..وضغطت عليه بيدي..كانت تكلم بزر..هذا هو حبيبها..بزر.. قطع تفكيري صوتها.. ليلى:عاجبتك الوقفه بنص الشارع..مانت سامع الازعاج اللي وراك..ولا شارع ابوك هو.. ناصر:شغلت السياره وحركت والجوال بحضني..كنت مو قادر اتكلم..اكيد جرحتها..انا عارفها حساسه..شلون اعتذر منها..ليه سويت كيذا..انا جاي اراضيها رحت زعلتها.. وقفت عند الاشاره.. ليلى:عطني الجوال.. ناصر:مديت يدي لورى وعطيتها الجوال من غير مالتفت..فاجئني سؤالها.. ليلى:انت متفق مع عبير صح؟؟ ناصر:ايه.. ليلى:وطبعا قايل لابوي صح؟؟ ناصر:ايه.. ليلى:وفيصل مايدري صح؟؟ ناصر:ايه.. سمعتها تنهدت..جوالها رن وسكرت بوجهه..كنت اراقبها مع المرايه.. فتحت الاشاره وحركت.. ليلى:لوسمحت روح لبنده او التميمي..(سوبر ماركت) ناصر:استغربت طلبها..ليه ليلى:مالك دخل..ياتودي يا لأ.. ناصر:ان شاء الله.. رن جوالي وكانت عبير رديت عليها.. ناصر:نعم عبير:الله ينعم عليك..اقول ليلى معك؟؟ ناصر:ايه.. عبير:اوكيه سلام والله يهنيكم.. سكرت منها وانا اضحك بنفسي..تحسبني بقمة السعاده الحين..ماتدري اني اتعس رجل بهاللحظه.. وقفت عند التميمي.. وقبل لاتنزل ليلى:نص ساعه وراجعه..ونزلت.. ناصر:حسيت باختناق وانا اشوف زولها بعبايتها اللي على الراس..فتحت الباب ميلت جسمي حطيت رجل على الباب ورجل على الارض..وقعدت افكر ..نروح للمطعم ولا الفندق ولا بترفض وترجع للبيت.. بعد نص ساعه.. شفت الهندي يجر عربيه مليانه..وهي وراه بمسافه..وانا على نفس وضعيتي ضغطت الزر علشان تنفتح الشنطه .. ليــــــلي: بعد اللي سواه معي هالحقير قررت احط حد للي يصير.. رحت للتميمي وتقضيت..وتعمدت اتأخر علشان يموت بالحر هالزفت..اكرررهه كلمه قليله عليه..احس بقهر مو منه لا من ابوي..ليه سوى كيذا..احيانا اشك اني بنته.. طلعت من السوبر ماركت وانا اشوفه ..كاشخ مع هالوجه..(لابس ثوب ابيض وشماغ احمر واحد اطرافه متعلق بالعقال والطرف الثاني نازل عادي على كتفه..لابس نظارته الكلاسيكيه السوداء)..ملامحه واضحه..محد ينكر انه جميل ومو بس جميل الا ملك جمال..بس من برى الله الله ومن جوى يعلم الله..ركبت السياره وهو نزل منها وترك الباب مفتوح.. سمعت اصوات بنات.. :ياااااي يجننن شوفيه يالخبله :يكفي زوووله واااااااي واااي كشخخه شفته ركب السياره وعليه شبح ابتسامه..وماسكر الباب وكأنه قاصد يسمًعني.. لين تجرأت وحده من البنات وبكل وقاحه قالت.. :ممكن نتعرف يالطيب.. ناصر:قلللة ادب..صدق انكم ماتستحون انا خابر الرجال يغازلون..شكل الايه انقلبت..ضفي وجهك يــــلا..سكر الباب والتفت علي.. ترى انا مالي دخل هم اللي تلزقو فيني.. ليلىكنت ادري شيبي يوصله..يحسبني اغار..مسكين..رديت عليه بصوت راكز)..لو يعرفونك على حقيقتك صدقني بيتفلون بوجهك.. ناصر:أ ..انا..انا ادري اني غلطان..اسف.. ليلى:بلا كثرة حكي واسفك خله لك مااحتاجه لانك اساسا ماتهمننننني فاهم.. ناصر:حرك السياره ومارد.. ليلى:كنت سرحانه ومو مركزه بالطريق..كنت افكر بأهلي وتحديدا افكر بأبوي.. رن جوالي وانتبهت..سكرت بوجه المتصل وقفلت الجهاز..استغربت وقلت بصوت مسموع.. ليلى:وين موديني انت؟؟ ناصر:مفاجئه.. ليلى:تستهبل انت ولا تخفف دم..رجعني البيت ناصر:لا مافي رجعه..ليلى قاطعته ليلى:انت من ايش مخلوووووق ابي افهم ماتحس انت جددددااار..اقوووولك اكرررهك ماادانيك مااواطنك بعيشة الله..رجعني البيت ولا ترى والله لادق على فيصل ويتفاهم معك.. ناصر:مايهمني احد..وانت تعرفيني زين.. هنا ماقدرت امسك نفسي..انفجرت كنت مقهوره من اسلوبه..فعلا شممكن اسوي وابوي بصفه..كان يتكلم وهو واثق من نفسه..بكييت وبكيييت..وكنت اشاهق..واتكلم.. ليلى:ان..انت شتبي..ا..اق..اقولك ماببيييك..ت تحسبني لعبه..زي ما.. زي ماتبي ترميني..وز..وزي ماتبي ترجعني..انت..انت اللي تغلط وانا..المفروض اسامحك وارجعلك..لليش..ماعندي..احساس..شا ..شايفني بلا كرامه...اكرررهك اكرررهك.. الله ياخذك..ويريحني منك..الله ينتقم منك..اكرررهك ...تسوي نفسك مظلووم وانت ظالم..اول مره وقلنا مالك دخل عهود هي السبب وثاني مره وقلنا ماعليه محمد السبب والحييييين من السبب ها؟؟؟ميـــــــــــن؟؟ وحطت راسها على التكايه وهي تبكي ناصر: ماتحملت بكاها وصياحها..هي معها حق..انا دايما اخذلها من يوم ماخذتها وهي مو متهنيه معي..الظاهر صادقه جدتي بيننا نفس.. ..قررت ارجعها للبيت.. على الاقل تهدى..وانا بعد اهدى..كلامها مو سهل..اصعب شيء علي ان الانسانه اللي اموت فيها تقول اكرهك..وتبكي بسببي..ادري اني غلطان..بس الواحد شيسوي اذا الحظ معانده.. ********** الحين نرجع للحوار العادي{ جالسين مع ابوهم ومعصبين.. وام فيصل ساكته..ملت من نقاشهم وطلعت لغرفتها تريح.. خالد:يبه ليه رجعتها؟؟ ابوفيصل:بنتي وانا حرره.. محمد:بنتك ماقلنا شيء..بس هييي ماتبيييه ..الغصيبه ماهي زينه الله يطولي بعمرك.. والله ان درى فيصل لا يقوم الدنيا علينا ابوفيصل:بسسس ولا كلمه زياده..ان سمعت انكم متكلمين بهالموضوع مايصيرلكم خير.. خالد:حنا مو متكلمين بس تفاهم مع ولدك.. ابوفيصل:فيصل عاقل وماهو مسوي شيء..وبعدين خلاص هي راضيه والدليل انها ماراحت للمطعم اللي ولد عمك متكلف وحاجزه كله علشانها وراحو للفندق.. محمد:ولووو المفروض يتأدب..يايبه والله مو زينه بحقنا..وانا اعرف ليلى تلقاها سكتت علشانك.. ابوفيصل:وانت ليه ماتسكت علشاني.. خالد:عن اذنكم.. انفتح الباب.. دخلت وهي تنادي على الشغاله.. ليلى:سنتيااااا سنتيااااااا الشغاله:يس ليلى:روحي برى تلقين اغراض طلعيها لغرفتي.. الشغاله:اوكي.. فصخت عبايتها ودخلت للصاله..تفاجأو فيها.. ليلى:السلام عليكم الكل وعليكم السلام ابوفيصل:ليلى؟؟ من جابك؟؟ ليلى:جابني ناصر.. ابوفيصل:ابتسم..وارتاح قلبه..وينه ناصر ليلى:نزلني وراااح.. ابوفيصل:بيرجعلك يعني ولا ايش.. ليلى:ابتسمت..طلعت بوكها وفتحته اخذت البطاقات الاتمانيه اللي فيها ونزلتها على الطاوله الزجاجيه القريبه منها طالعت بابوها.. ناصر خلاني..يقول شيبي بوحده ارخص ابوها فيها..طحت من عينه..ورجعني.. شكلي ثقلت عليك بعيشتي..على العموم انا تقضيت من مكافئة الجامعه وشريت اكل لي وشموع علشان مااخسرك بالكهرب والماء فاتورته علي..وهذي البطاقات رجعتها لك ومشكوووور على اللي سويته معاي..عن اذنكم.. لفت بتطلع لغرفتها بس وقفها صوته لحــــــظه.. ليلى:وقفت ابوفيصل:تقدم لها..صار وراها بالضبط..طالعي فيني ليلى:لفت عليه... طررررررراخ بعدت شعرها عن وجهها..خدها توهج من حرارة الكف..بس دموعها مارضت تنزل ابوفيصل:انتي ماتربيتي ويبيلك تربيه من جديد..هذا جزاي يابنت ابوووك خالد:مسك ابوه المعصب..يبه تعوذ من ابليس هي ماتقصد محمد:ليلى حبي راس ابوي واعتذري منه.. ابوفيصل:مابيلها اعتذاااار خلها تنقلللللع عن وجهي لارتكب فيها جريمه محمد:سحب ليلى وطلعها لغرفتها.. *********** ركن السياره بالمواقف واخذ جيبه اللاندكروزر وطلع يتمشى برى الرياض.. يبي يبعد ويبي يرتاح..كل شيء ضده..كل مايبي يقرب منها ..يبعد اكثر واكثر.. دق على ابوه علشان مايقلق عليه.. ابوسليمان:هلا ناصر على البركه ناصر:هلا يبه..اقول تراني طالع برى الرياض ويمكن مايكون فيه ارسال لاتخافون علي ابوسليمان:ليه؟؟ ناصر:ضايق خلقي..يبه اسمحلي بسكر ابوسليمان:على راحتك بس انتبه لنفسك.. *********** نزلت الدرجات بخفه وبمرح.. وشعرها يتمايل مع حركتها.. قالتها بفــرح.. اشتقتــــــــــلك ضمتها بقوه.. شيخه:ههههه خلاص كسرتيني خفي علي نوال:ضربتها بخفه..يالحماره هذا جزاي؟؟ شيخه:اسفه حقك علي..تعالي اجلسي وسولفيلي اشتقتلك مرره وحشتيني نوال:جلست جنبها ويدينهم متشابكه..باين وحشتك.. نازله مع الدرج والخدامه ماسكه شنطتها وعبايتها.. ابتسمت.. ام شيخه:اهلين شوشو متى جيتي شيخه:سلمت على امها سلام بارد..توي ماصارلي دقيقه.. ام شيخه:اوكيه انا طالعه معزومه ..كان ودي اجلس معك.. شيخه:اغتصبت ابتسامه(هذا حال ام ماشافت بنتها شهرين)..عادي خذي راحتك ام شيخه:انتي الله يهديك ماقلتيلي انك جايه نوال:يعني شبتفرق؟؟ انتي كذا ولا كذا مايهمك الا نفسك.. ام شيخه:طالعتها بنظرات..عن اذنكم.. جلست شيخه.. نوال:انتي قلتيلها انك حامل شيخه:علشان تذبحني..تدرين انها ماتبي احد يقولها انها كبرت.. نوال:مشكله المراهقين شيخه:ههه نوال عييب نوال:وانا صادقه..ابو من ديره لديره وام من بيت لقاعه لمادري ايش..عايشين حياتهم شيخه:وانتي عايشه حياتك نوال:مرره عايشتها..اقول نسيتي انه هو اللي غصبني على زياد وحرمني من حسين شيخه:الا على الطاري سمعت انه طلق نوال:ايه من زمااااان ماقعدت معاه الا اسبوع بس.. شيخه:ياحرام..طيب ليه مايرجع يخطبك نوال:هذا الناقص بعد..حبيبتي اللي يبيعني ابيعه..وبعدين انا خلاص ابي ارجع لزياد.. شيخه:لا في تطورات بغيابي..احكيلي احكيلي نوال:حمرت خدودها..شوشو ترى انحرج شيخه:هيييئ نوال تحبيييينه؟؟؟ نوال:هزت راسها بإيه.. شيخه:ضربتها بخفه..من ورااااي..هييين.. ********* جالسين بحديقة البيت .. عبير:لابسه جلابيه ناعمه وتاكل من الحلا اللي سوته سلمى.. الجده:وش يبي منك اخوك ابوسليمان:لا بس يقول ان ناصر مارجع ليلى ومايدري ليه.. عبير:فتحت فمها..يبه تقول مارجعها؟؟ سليمان:سكري فمك عبير:ياويلي..اكيد بتلعن ابوجدفي سلمى:همست باذنها..تستاهلين ليه تتدخلين بينهم عبير:يعني تبيني اشوف ناصر يتعذب واسكت..لو انه اخوك ماقلتي هالكلام.. سليمان:عبـــــير شهالكلام؟؟استحي على وجهتس عبير:اسفه سلمى سلمى:لا تعتذرين..حنا خوات الجده:طيب ليه ماينشد ليلى كود انها تعرف..هالبنت مادري متى بتعقل..اكيد غثته بكلامها سلمى:كتمت بقلبها..هي تعرف ان جدتها تموت على ناصر.. ابوسليمان:يقول انه الله يهديه ضاربها..ومقفله على نفسها وماترد على احد.. عبير:عمــي يضرب!!!اول مره ادري الجده:هي بنته وهو حر فيها والضرب ينفع ابوسليمان:ولو انا مابي اظلم البنت ومالومها..بس الولد متعلق فيها الجده:لاتخاف بيرجعلها غصبن عليها..هو وينه؟؟ ابوسليمان:طلع يتمشى..يقول ضايق خلقه الجده:يابعد عيني.. سليمانعرف ان سلمى متضايقه)...يـلا انا بروح للبيت ابي اريح الجده:تعشى معنا سليمان:مره ثانيه..يـلا سلمى.. سلمى:مع السلامه..ودخلت للبيت تنادي عيالها وتاخذ عبايتها.. **************** قامت على صوت المنبه..مددت يدينها وسكرت المنبه..انتبهت انها نامت بملابس الجامعه.. قامت من سريرها وهي تدلك راسها تبي تبعد الصداع.. دخلت تاخذ شور.. طلعت وهي ترجف..راسها بينفجر..افتحت الدولاب وطلعت العلبه واخذت سيجاره ولعتها بسرعه وصارت تاخذ نفس بسرعه ..جلست على الكرسي..طلعت دخان ودخلت دخان..حست براحه.. غيوض:اخخخ غريبه هالسيجاره مااهدى الا عليها...بس مفعولها يجنن..فرق عن السجاير العاديه..هههه صدق من قال كل رخيص مخيس.. نزلتها على الطفايه وتركتها.. طالعت بالساعه 5 ونص...يووه تأخرت على جدي.. طلعت من دولابها برموده جنز ازرق ولبست بدي اخضر غامق بدون اكمام..تركت شعرها على طبيعته اخذت عبايتها وطلعت.. ************** قررو يروحون لبيت عمهم وخصوصا ان شيخه اشتاقتلهم.. جالسين بالصاله ام فراس:مابقى شيء على جية زياد..عز الله بيستانس شموخ:لو درى عبدالمجيد انك هنا وماقلناله بيذبحنا شيخه:والله انا اشتقتلهم..الا شلون زهوه ونوف ام فراس:ماعليهم طيبين.. شيخه:والله ليتني لحقت على عمي قبل لايسافر شموخ:بيرجع بكره لاتخافين..تعالي وسلمي عليه.. قطع حديثهم صوته الجهوري.. الســــــلام عليكم كان لابس بنطلون اسود وقميص ابيض ومفسر الاكمام والجاكيت ماسكه بيد واليد الثانيه بجيبه..داخل وهو مبتسم .. نوال:رفعت عينها عليه..(بقلبها:الله يقلع بليسك يازياد اثريك مزيون..اخخ وين كانت عيوني قبل) الكل وعليكم السلاااام زياد:طلعت عيونه قدااام...وقال بصوت عالي..شــــوشــــو!!! شيخه:قامت..شرااايك بالمفاجئه؟؟ زياد:احـــــــلى مفااجئه..وتقدم وصافحها بحراره..يالدبا لا تزورينا ولا تكلمين على الاقل..ومبرووووووك على الحمل شيخه:الله يبارك فيك..من قالك شموخ:انا قلتله.. جلس بجنب امه وهي جلست بمكانها.. زياد:شوفي اذا ولد ترى على اسمي مالي دخل شيخه:لاوالله انا احمل واتعب وانت تسمي.. نوال:احمدي ربك ان طلع مثل زياد..نزلت عيونها من الاحراج.. زياد:مانتبه لاحراجها..اي والله..تدرين شلون ياويلك ان سميتيه زياد.. شيخه:من غير ماتقول.. ام فراس:شموخ حبيبتي دقي على المطبخ خليهم يجيبون عصير لاخوك.. اذن صلاة المغرب.. الله اكبر الله اكبر الله اكبر الله اكبر اشهد ان لا اله الا الله اشهد ان لا اله الا الله اشهد ان محمد رسول الله اشهد ان محمد رسول الله حي على الصلاة حي على الصلاة حي على الفلاح حي على الفلاح الله اكبر الله اكبر لا اله الا الله.. ردد بنفسه(اللهم رب هذه الدعوة التامه والصلاة القائمه ات محمد الوسيلة والفضيله وابعثه اللهم مقاما محمودا اللذي وعدته انك لاتخلف الميعاد) جت الشغاله وحطت العصير.. زياد:ابوي وينه؟؟ وشرب العصير ام فراس:ابوك سافر.. زياد:يرجع بالسلامه..نزل الكوب..شوشو الليله بتنامين عندنا(يقصد ببيت عمه بس لانهم ساكنين جنب بعض وحوشهم تقريبا مشترك) شيخه:لا مااقدر..بكره معزومه على زواج لاهل رجلي زياد:طيب عازمك الليله على عشاء..وانا برجعك لبيتك شرايك شيخه:مادري بدق على عزام(زوجها) واساله زياد:ماهو قايل شيء انتي قولي زياد ملزم.. شيخه:ان شاء الله يوافق نوال:غصبن عليه يوافق..والله من زمان ماطلعنا مع بعض زياد:لا بيوافق..انا بروح للمسجد وانتم تجهزو.. شموخ:وين بدري على العشاء زياد:نتمشى على الرياض وبعدين نتعشى..وطلع ام فراس:يلا شموخ روحي البسي وانتم يابنات جيبو عباياتكم بسرعه ترى تعرفون طبع زياد مايحب اللي يتأخر عليه.. ********** دخلت القصر وهي ترجف..توقفت شوي عند الباب الخشبي الكبير وصوت النافوره يتغلغل بروحها..تخاف تدخل ويقولون مات.. انفتح الباب وتفاجأ فيها.. غيـوض!! غيوض:هلا خالي..تنفست بعمق..(الحمدالله ماصار شيء) سلطان:شفيك واقفه مادخلتي؟؟ صارلك وقت هنا غيوض:هزت راسها بلا..مرت من عنده تبي تدخل.. مسكها مع ايدها.. سلطان:لحظه غيوض:طالعت فيه بعيونها الذبلانه..خير؟؟ سلطان:ابيك تعتذرين لي من عاليه.. غيوض:اوكيه..بس نصيحه مني ابعد عنها هي ماتفكر بالزواج.. سلطان:انتي اعتذريلها وماعليك.. غيوض:صح نسيت..ترى السجاير اللي عطيتني اياها بقى ثنتين منها.. سلطان:عجبتك؟؟ غيوض:مره..بس راسي صار يصدع ومايهدى الا عليها.ههه تصدق لو يستخدمونها بدل البنادول احسن.. سلطان:اها..ابتسم..طيب اذا خلصت دقي علي..وانا بجيبلك.. غيوض:خلاص صار..ودخلت سلطان:غيووض غيوض:وقفت ولفت عليه..نعم سلطان:عيسى فيه؟؟ غيوض:من عيسى؟؟هههه قصدك ابوي..مادري يمكن سلطان:اوكيه روحي.. *********** دقت عليه بعد ماخذت رقمه من اخته من الرضاع وبنت عمته ساره.. عهود:الووو مؤيد:هلا.. عهود:كيفك مؤيد شخبارك.. مؤيد:مين..عهووود!!!..امي فيها شيء؟؟ عهود:لا لا مافيها الا العافيه مؤيد:اجل من اللي فيه؟؟ عهود:كلللنا بخير..ترددت..مستغرب من اتصالي.. مؤيد:ـــ عهود:ادري..وبصوت مكسور..مؤيد ترى انا محتاجتلك..لاتخليني ..وبكت.. مؤيد:تنهد..لاتبكين ياعهود..الدنيا ماتسوى.. عهود:انت ماتدري ماتدري...مسحت دموعها..ابي اشوفك ضروري.. مؤيد:خلاص بكره اجي للجامعه واخذك..الحين ارتاحي ولاتفكرين بشيء..صلي ركعتين ونامي.. عهود:ارتاحت من كلامه..طيب..تصبح على خير مؤيد:وانتي من اهله.. حط راسه على المخده وهو يفكر بكل شيء..شلون عهود بتتقبل الصدمه..شلون بتتقبل ان ابوها مريض بمرض خطير ..اااه ياعمي الله يشفيك.. وبدى يتذكر مقابلته له.. |
مؤيد:السلام عليكم ابوعهود:رفع راسه من الاوراق...مؤييد اخيرا جيت..وراح له وضمه..ضم ولده اللي رباه.. مؤيد:شد على ابو عهود..وحب راسه..راضي عني؟؟ ابوعهود:طول عمري راضي..بس انا عنيد..اجلس اجلس.. جلسو قبال بعض بالمكتب.. ابوعهود:مؤيد..انت تدري انك مثل ولدي..واللي صار بينا من القهر..ماكنت ابي ابوك يتدخل فيك..كنت ابيك لي انا وبس..ونسيت ان ابوك طاعته واجبه..واني انا رحت ولا جيت زوج امك قاطعه مؤيد:لاتقول هالكلام..عمري ماحسيت انك زوج ام ..عمي انا يوم مااطيعك واطيع ابوي..مابي اخسر ابوي..مابيه يتكلم عن امي ويقول ماعرفت تربيه ومابي الناس تتكلم وتقول ان امي نستني ابوي.. ابوعهود:وهذا اللي فهمته بالاخير..وكبرت بعيني..مؤيد مسامحني مؤيد:قام وحب راسه..اكيييد..بس ان شاء الله انت سامحتني ابوعهود:الابو عمره مايزعل من ولده..مؤيد اجلس جنبي ابي اتكلم معاك بموضوع.. مؤيد:جلس جنبه..اسمعك ابوعهود:بدون مقدمات..انا..انا عندي ورم بالراس مؤيد:ايـــــــش؟؟؟ ابوعهود:مؤيد خلني اكمل...ايه انا عندي ورم خبيث..وانتشر بكل مكان..ولا له علاج الا الكيماوي ..وانا مابي استخدمه لاني بتعذب بدون فايده.. مؤيد:من متى هالكلام ابوعهود:من زمااان...وهذا الشيء سر..ومابي احد يدري وخصوصا عهود..مؤيد انا مادري متى اموت وابي اتطمن على عهود..ادري انك مو مقصر..بس انا ابي اشوف عيالها واتطمن..وعلشان كذا ملكتلها على سالم لاني ادري انه مايصونها غيره..وابيك تقنعها.. دفن راسه بالوساده ونزلت دموعه غصب.. ****************** الصبـــــــــاح.. بعد ماصلت الفجر وقرت الاذكار وسورة البقره ماقدرت ترجع تنام .. تمدد على سريرها وارخت راسها على الوساده..تحسست خدها..ونزلت دموعها.. ليلى:مسحت دموعها اللي تحسها تحرق..حاولت تفكر بشيء ثاني..وين اروح؟؟ ..حتى اختباري ماذاكرته..شكلي اغيب احسن..اصلا مالي وجه اروح ووجهي ازرق..اه يايبه تذلني علشان ولد اخوك..واذا صرت مطلقه..يعني انا اللي طلقت عمري..هو طلقني انا مااالي دخل ..غطت وجهها بيدينها ورجعت تبكي.. مادرى باللي صار..محد قاله خوفا من المشاكل..بعد مارجع من المسجد جلس بالكرسي اللي قدام جناحها ينتظرها علشان يستشيرها بموضوعه..يبي يعرف رايها.. شاف الساعه اللي معلقه 6 ونص..تأخرت وهي بالعاده تقوم بدري..دق الباب..وماسمع جواب..دق مرتين ولافتحت..نادى عليها..ليلى..ليــــلى.. مسحت دموعها بعد ماسمعت صوته..شالت اللحاف ورمته بالارض وراحت تفتح له الباب.. فيصل:صباح ال؟؟؟؟ليلى شفيك ليلى:دخلت لغرفتها وارتمت على السرير تبكي.. فيصل:لحقها وحط يده على ظهرها..ليلى خرعتيني قولي شفيك؟؟ ليلى:وهي على نفس وضعيتها....ابوي ضربــــني فيصل:ابوي يضرب!!! ليلى:عدلت جلستها..ايه شوف وجهي..وورته خدها.. فيصل:حط يده على خدها وباصبعه يمسح دموعها..شاللي يخلي ابوي يسوي كذا؟؟ ليلى:وفكها يرجف من القهر..علشان الزفت الحقير..تخيل امس خذاني من الجامعه لو ماتهاوشت معاه كان الحين انا عنده.. فيصل:طيب اهدي..انا بحاول اكلم ابوي..واذا مارضى بتفاهم مع ناصر..الحين روحي غسلي وجهك بمويه بارده وانزلي افطري معاي ليلى:لا ابيك توديني لميساء فيصل:الحين!!! ليلى:ايه الحين.. فيصل:خلاص بروح البس والقاك جاهزه..طلع من غرفتها وهو يفكر بحل لمشكلة اخته.. بعد ربع ساعه طلعو من البيت واتجهو لبيت خالتهم.. بعد ماقالت للخدامات يجهزون الفطور ويودونه للحديقه.. ..لابسه جلابية بيت ناعمه وجامعه شعرها بشباصه.. ولافه على نفسها شال .. طلعت تنتظرها عند باب الحريم(الداخلي)..كانت سرحانه.. انتبهت على صوت السياره وتغطت بسرعه..ووقفت.. شافت ليلى تنزل..راحت لها وضمتها.. ميساء:الله واخيرا بنفطر مع بعض.. ليلى:ابتسمت من تحت النقاب..انا وين وانتي وين.. قطعهم صوت فيصل.. فيصل:صباح الخير ميسو.. ميساء:فتحت فمها من تحت الغطاء..ميسو؟؟ ليلى:ميساء فيصل يقول صباح الخير ميساء:صباح النور.. فيصل:ابتسم..تراني ماافطرت..وليلى تقول انك عازمتنا على الفطور.. ميساء:حياك الله..الحين اقولهم يحطونه.. فيصل:خليهم يحطونه بالحديقه..نبي نفطر سوا.. ميساء:من غير ماتقول..اقصد انا كنت احسب ليلى لحالها و.. ليلى:شالت نقابها..خلاص فهمنا.. ميساء:عصبت من ليلى..وش فهمتي فيصل:وين نجلس؟؟ ميساء:اشرت على الطاوله البعيده..هناك احسن.. راحت ليلى وفيصل للمكان وميساء دخلت تجيب الفطور.. ************ قام من النوم بعد ماارهقته الكوابيس.. خايف من كل شيء..ابوه عصبي بس ماتوصل لدرجة الضرب..ومن يضرب ..يضرب ليلى.. اجل لو درى عني شيبي يسوي فيني..والله لايقطعني.. لبس ثوبه وشماغه حطه على كتفه واخذ شنطته ونزل.. لقى خالد وامه يتناقشون.. محمد:صباح الخير..وحب راس امه ام فيصل:صباح النور..روح افطر بسرعه تراك تأخرت على المدرسه.. خالد:تعال حب راسي ولا بس امي.. محمد:تبطي..وسحب الكرسي وجلس..ونزل شنطته على الارض.. خالد:جلس جنبه..اقول عمي محمد متى نايم امس؟؟ محمد:ارتبك واندفق شوي من الشاهي على يده من الربكه..الله ياخذ بليسك مافيه اسلوب على طول تخرعني.. خالد:ابتسم بخبث..خرعتك..اسف ماقصدت..بس انا صوتي كان عادي واعتقد انك منتبه اني جلست جنبك..فاترك عنك هالحركات ام فيصل:خالد مو وقتك خل اخوك يفطر ويروح مدرسته.. خالد:تامرين ياطويلة العمر..قام وحط طاقيته العسكريه على راسه..سي يو ماذر وارسل لها بوسه بالهواء.. ام فيصل: بحفظ الله..يمه محمد افطر زين..وطلعت تكمل نومها.. محمد:الواحد يقدر يفطر عند ابو خشم..اخذ شنطته وراح لمدرسته.. ********** مدت له كوب الحليب بالنسكافيه.. فيصل:مشكووره..اخذ رشفه..الله تسلم يد سوته ليلى:اختصر وقول تسلم يد الطباخه ميساء:هههه..لازم الاحراج يعني فيصل:خلاص تسلم يدين مدتلي الكوب..كيذا زين؟؟ ميساء: ايه زين..والتفتت على صوت فهد.. فهد:يامـــــــرحبا يامـــرحبا..طفو نور الكهرباء.. فيصل:قام من الكرسي وسلم على فهد..والله عجزت المحلك ابيك تعزمني بس مافي امل..ورحمتني ميسو وعزمتني ميساء:رجعت تفتح فمها.. فهد:لاتفرق بيني وبين اختي..هلا ليلى ليلى:بعد ماتغطت..هلافهد شخبارك فهد:بخير الله يسلمك.. ليلى:اجل حنا بندخل وانتو خذو راحتكم فيصل:مرتاحين حنا فهد:ههه يعني لازم يقولولك انهم هم اللي متضايقين..خلهم براحتهم.. ليلى وميساء راحو وناداهم فهد بصوت عالي.. فهد:اقــــول دامكم صاحين وشبعانين نوم روحو خوذو عيالي وخلو ريم ترتاح..وافطر ولا انتظر ردهم.. دخلو للبيت وعلى طول ميساء سحبت ليلى من يدها وجلسو على الكنب.. ميساء:اخوك شسالفته ليلى:فكت نقابها وبملل..هذا هو ماتغير..موشيء جديد عليه ميساء:قلدت صوتها..موشيء جديد..اقول فارقي مناك من يوم ماخطب عبير ماكلمني بهاطريقه اصلا ماكلمني من الاساس..هيييئ ليلى خدك مورم(متنفخ).. ليلى:من كف ابوي..ميساء امشي لغرفتك ابي انام تعبانه..يووه وارسلي مسج لتهاني قوليلها اني مو مداومه ميساء:طيب.. ************ العصـــــــر.. تحس راسها بينفجر والسقاير خلصت..اخذت حبت بندول ولا فاد..ضربت راسها بالجدار علشان يوقف الالم بس مافاد..دقت على جواله ولا رد.. غيوض:اااااخ ياراااااسي وصارت تدور بالغرفه وهي ضاغطه على راسها بيدها.. رجعت تدق على جوال سلطان مره رابعه..ولا رد..اخذت عبايتها بسرعه وطلعت وهي لابسه بيجامتها الشورت .. سمعت صوت خطوات سريعه وصوت شيء انكسر..استغربت طلعت من غرفتها ودار نظرها بالمكان..مالقت احد وغرفة غيوض مفتوحه..دخلتها ولا لقتها..طلعت من الغرفه وهي رافعه حاجب... عاليه:الله يستر لايكون جدها فيه شيء..والله تروح فيها.. ابوصالح:كان حاط شماغه على كتفه..اووه انسه عاليه من زمان عنك.. عاليه:كشرت بوجهه..وراحت تدخل غرفتها.. ابوصالح:مسكها مع ايدها..على وين ماشبعت منك.. عاليه:تنفست بعمق..تهدي نفسها..غمضت عيونها..ماتبي تشوف وجهه.. ابوصالح:صار يمرر اصابعه على وجهها..بدت يده ترتجف..ماتحمل..دفها بعيد وركلها برجله مع بطنها..اكررهك اكرررهك..ورجع يركلها ويردد اكرررهك.. دخلت القصر وهي ترجف..بسرعه دخلت جناحه..مالقته..راسها ماهي متحملته..راحت تفتش بجناحه ..ترمي الاغراض بشكل هستيري..وتكسر اي شيء قدامها.. دخل عليها وهو مبتسم..متوقع انها بتجي..وهذا اللي يبيه.. سلطان:تصنع الغضب..شتسووووين؟؟ غيوض:بلمح البصر صارت قدامه...الله يخلييك بموووت الحقني بسررعه..بسررعه سلطان:شتبين؟؟ غيوض:وهي ترجف وكل شيء فيها يرجف والعرق يتصبب منها..ابي سيجاره بسررعه.. سلطان:طيب طيب..شوفي الدرج هذاك(وأشر على مكانه)..تلقين فيه وحده.. غيوض:ركضت وفتحت الدرج وطلعت السيجاره وصارت تحوس تدور ولاعه.. سلطان:تعالي..وجلس على السرير وطلع الولاعه من جيبه..وولعها غيوض:جلست جنبه وحطت السيجاره بفمها اللي يرجف ..وولعها . قامت من مكانها وهي تحس بشيء غريب..فيه شيء انكسر احس ان عظامي تغيرت اماكنها..احس اني تفككت..حاولت تقوم ماقدرت ..صارت تسحب نفسها بيدينها على الرخام وتجر نفسها جر..ووصلت لغرفتها..وسكرت الباب..حاولت ترفع نفسها على السرير ماقدرت.. تكورت على نفسها والرخام البارد مااثر فيها.. سمعت طق على الباب..ردت.. عاليه:مين؟؟ نوال:فتحت الباب..ها؟؟؟عاليه!!..وبسرعه جلست جنبها على الارض..الله يكسر يده الله ياخذه جعله للموت المجرم...يعورك شيء قوليلي.. عاليه:اخخخ يانوال بطني بطني..وعظامي..اخخ.. نوال:امشي بوديك للمستشفى.. عاليه:لا لا..مابي..انا مادري شفيه تغير..اول يضربني بالاسبوع مره وان كثرت مرتين..الحين كل يومين يضرب..ماعدت اتحمل كل شيء فيني يعورني..ونزلت دموعها.. نوال:ضمتها..خلاص لاتبكين..بلقالك حل..انتي اصبري علي والله لاخليه يندم.. عاليه:اااه نوال بطني مره يعور..عطيني اي مسكن بسرعه نوال:لا اسمعي بدق على زياد ووديك له..شرايك؟؟ عاليه:مااقدر امشي وهو مستحيل يجي هنا نوال:اشيلك بيديني لاتخافين..طلعت جوالها ودقت عليه.. جالس بمكتبه بعد ماكشف على المريض.. زياد:لا الحمدالله صحتك عال العال..والحين بنبدا نقلل الجرعات لين نستغني عن العلاج نهائيا..ويكتب بالملف اللي قدامه.. المريض:مشكور يادكتور..والله يجزاك خير..اقدر استأذن زياد:مد له وصفة العلاج..مع السلامه.. رن جواله واستغرب..رد زياد:الوو نوال:هلا زياد لايكون ازعجتك زياد:لا مافي ازعاج..خير فيه شيء نوال:ابي اطلب منك طلب ممكن زياد:آمري نوالحمرت خدودها) مايامر عليك عدو..تذكر بنت جيراننا بنت ابوصالح زياد:قصدك عاليه؟؟لايكون فيها شيء نوال:استغربت اهتمامه..ها..ايه مره تعبانه ولاهي راضيه تروح للمستشفى اصلا ماتقدر تمشي..تقدر تجي لبيتنا الحين وانا بجيبها هناك.. زياد:اكييد ..مسافة الطريق وانا هناك..بس هي شفيها بالضبط.. نوال:مادري بس بطنها يعورها ورجولها تحسها متفككه..واحتمال تكون متكسره زياد:خلاص وديها للبيت وانا جاي.. ارخت جسمها على السرير..تحس براحه عجيييبه..ماتدري ليه حست بحاجتها للضحك.. غيوض:ههههههههه ههههههههه سلطان:ارتحتي.. غيوض:مرررره فوووق ماتتصور..تدري احس نفسي فوووووووق طااايره ولي جنحاان سلطان:ان شاء الله دوم تنبسطين...بس ترى المره الجايه مااقدر اعطيك الا بعد ماتنفذين طلبي.. غيوض:اي شيء تبيه انا حاضره..كم تبي؟؟ سلطان:لا لا مافهمتي قصدي..انتي ناسيه انا ولد ميين...انا اغرق منطقه كامله بالفلوس.. غيوض:اجل شتبي.. سلطان:انتي روقي الحين وبعدين افهمك.. نزل من السياره وبيده الشنطه..كان يمشي بسرعه.. دخل البيت ونادى بصوت عالي.. زياد:نواااال نوااال نوال:مافصخت عبايتها..هنا هنا زياد.. زياد:راح لمصدر الصوت ولقى بنت متمدده على الكنب.. نزل شنطته على الطاوله اللي بجنبها وهو جلس على ركبته.. شتحسين فيه وين الوجع.. عاليه:كانت معقده حواجبها من الالم..كللي.. نوال:هنا زياد..(واشرت على بطنها) زياد:شصار بالضبط؟؟وفتح شنطته وبدى يطلع ادواته ونوال تسولفله باللي صار.. ************** رجع للبيت وهو مستغرب من زياد اول مره يسويها..اكيد احد اهله تعبان.. شاف خالد جالس بالصاله ويقرى جريده.. فيصل:السلام عليكم وجلس بالكنبه اللي جنبه وهو مريح جسمه خالد:وعليكم السلام..وكمل قراية الجريده فيصل:امي وينهي؟؟ خالد:عند سلمى.. فيصل:اها..طيب غريبه ماطلعت خالد:مالي مزاج..يمكن عقب المغرب اروح لجدتي.. فيصل:اقول..شصار امس؟؟ خالد:قصدك سالفة ابوي وليلى..ورمى الجريده على الطاوله..تستاهل صايرة قليلة ادب..انت لو شايفها شلون تتكلم على ابوي..تستاهل الكف.. فيصل:خالد شهالكلام..يعني عاجبك انها بترجع لناصر؟؟ خالد:تدري ..ايه عاجبني..ياخي احسن من تبقى كيذا طول عمرها.. فيصل:وشو تبقى كيذا..ليه مضيقه عليك بعيشتك..حسن الفاظك واعرف عن مين تتكلم.. خالد:فيصل بلا مثاليات..انا اقتنعت براي ابوي..ولقيت انه على حق..يعني عقب اللي صار ماظن احد بيتزوجها..اصلا لمجرد انها صارت مطلقه حط عليها اكس..وشلون مطلقه وسمعه مشوهه..خلك منطقي واترك العواطف فيصل:والله انا واثق بليلى واللي يبي يتكلم اقص لسانه ودام انها ماتبي ترجع يعني مارح ترجع وانا راسي حي..فاااهم..وبعدين خير ياطير تصير مطلقه احسن من عيشه مع واحد شكاك.. خالد:والله كل واحد حر برايه..انت موديها لخالتي فيصل:ايه وافطرنا عندهم..تدري خالد خالد:وشو فيصل:قررت اخطب ميساء..اقصد ارجعها..انا ابيها وهي تبيني خالد:لا والله تعرف تنكت..تستهبل وعبير؟؟ فيصل:انا اعرف ميساء بتوافق انها تصير زوجه ثانيه خالد:وعبير مو موافقه..ولاتحسبها لعبه قدامك..فيصل ترى مااسمحلك فيصل:لا تخاف..بكلمها واتفاهم معها..اصلا انا حاس انها وافقت بس كيذا.. خالد:على كيفك..اصلا هي تموت فيك(كان يكذب) فيصل:وشو؟؟هههههه عبير مستحيل مااصدق خالد:لا صدق..بس انت ماعندك احساس...وطلع. فيصل:معقووله..لا انا عارف عبير.. ********** بعد جلسة عتاب ..وتراضو وتصافت الانفس.. جالس معها بالبيت وتحديدا بغرفته..اللي مادخلتها الا مره او مرتين.. ضغط على جبهته باصابعه..اخذ نفس وتكلم.. مؤيد:عهود..انتي تدرين اني احبك ومستحيل اتخلى عنك..صح؟؟ عهود:ادري..اجل ليش لجأتلك..مو انت اخوي الوحيد..المفروض توقف معي مؤيد:بس بالصح بوقف..اسمعيني زين وافهميني..سالم مافي منه..وعمي معه حق..انت توك صغيره ولا فاهمه شيء..اذا تبين مصلحتك وافقي عهود:ابوي ماشاورني ابوي عطاني خبر بموعد الزواج.. مؤيد:انا فاهم عمي زين..وادري انه مايحب بهالدنيا كثرك..عهود ابي اسألك سؤال..عمره قصر معك او حتى هاوشك عهود:لأ ..وهذا اللي قاهرني ليه الحين يغصبني مؤيد:اتركي اسبابه..وافضل ماتنبشين عنها..نفذي شيء يبيه ويحبه..خليه يستانس عهود:كنت بوافق على اي احد الا سالم...مؤيد نسيت انا شسويت فيه.. مؤيد:مانسيت..بس انتي تقدرين تنسينه..عهود اللي بأبوك وبأمي يكفيهم لاتزيدين عليهم..وسالم طيب ويسامح وانا متأكد انك بتعيشين معه مستانسه..صدقيني.. عهود:خافت من كلامه..مؤيد ابوي فيه شيء؟؟ مؤيد:لا مافيه..خلاص عهود انسي الماضي..ابدي حياتك من جديد..وحاولي تصالحين سالم..من يوم ماملكتي عليه كلمتيه؟؟ عهود:لأ..هو ماكلم مؤيد:على الاقل ارسلي له مسج..عهود انتي مو بزر علشان اعلمك باللي المفروض تسوينه..وصدقيني بيرضى..مو شرط الحين..يمكن بعد سنه سنتين بس بالاخير بيرضى.. عهود:ارتاحت من كلامه..وضمته..الله لايحرمني منك..رن جوالها وطالعت فيه..مؤيد هذا ابوي مؤيد:سحب الجوال منها ورد..هلا عمي ابو عهود:مؤيد!! هلا شلونك وشلون الوالد مؤيد:الحمدالله كلنا بخير ابوعهود:عهود عندك اجل..ولا قالتلي..طيب دامك عندها تعال انت وياها وخلينا نسويها مفاجئه لامك.. مؤيد:لا الله يخليك امي ماتتحمل مفاجئات..انت علمها وحنا بالطريق.. سكر الجوال وعيون عهود طالعه.. مؤيد:بروح اغير لبسي وارجعك للبيت..ولا عطاها فرصه تسأله ********* سكر الشنطه.. زياد:انتي لو تسمعين الكلام وتخليني اوديك للمستشفى عاليه:لا ماابي نوال:خلاص زياد خلها على راحتها..الحمدالله ان ماطلع عندها كسر زياد:ولو مو متطمن..اخاف متضرر وانا ماعرف الا اذا سويت اشاعه عاليه:لا خلاص انا طبت..مشكور تعبتك معاي زياد:تعبك راحه..وراح يغسل يده نوال:يلا تبين نرجع للبيت.. عاليه:ايه.. نوال:نادت الخدامات يساعدونها.. زياد:كان يمسح يده بالمناديل..بتروحين عاليه:ايه تأخرت.. زياد:اوكيه بس انتبهي لاتتحركين واجد..نوال خوذي الكريم والحبوب اللي على الطاوله.. ورجع يكلم عاليه..تاخذين الحبوب عند الالم والكريم تدهنين فيه كل 6 ساعات..اوكيه وابتسم عاليه:ابتسمت من تحت نقابها..اوكيه.. وطلعت بمساعدة نوال والخدامات وعيونه تراقبهم.. **************** الساعه تسعه بالليل.. جالسه معها بالغرفه ويسولفون ويضحكون..رن جوالها وردت ليلى:هلا فيصل فيصل:هلا بهالصوت..اشوف النفسيه ارتاحت ليلى:ومن يكون عند ميساء ومايستانس فيصل:وانا اشهد ليلى:هاه فيصل شعندك..ترى بعلم عبير ميساء:سمعت طاري عبير وتنكدت فيصل:لا تخافين..اقول ..ليلى ابيك تسألين ميسو عن..عن ليلى:عن ايش..وحطت السبيكر فيصل:ابيك تسألينها اذا رجعت اخطبها توافق علي.. ميساء:حطت يدها على فمها.. ليلى:وشووو؟؟وعبير فيصل:انا اتكلم عن ميسو مو عن عبير..اسأليها الحين وردي علي.. ليلى:الحيين الحين!! فيصل:ادري انها تحبني وانا والله اموت عليها..بس شسوي انقهرت وخطبت عبير..قوليلها تسامحني.. ميساء:نزلت دموعها..ومنعت صوتها يطلع.. ليلى:اول قولي شسالفتكم وليه تركتو بعض فيصل:مالك دخل..ليلى انتي اسأليها وبس.. والحين بمرك وابي الجواب معك..مع السلامه ميساء:مسحت دموعها..يابعد قلبي ليلى:رمت الجوال...خيرررر وشو بعد يابعد قلبي.. ميساء:قوليله اني موافقه ان شاء الله ياخذني انا وعبير ماعندي مانع.. ليلى:هيييئ صاحيه انتي؟؟؟وش اللي غيرك ميساء:غيرني اعتذاره..انا اللي غلطت بحق نفسي قبل مااغلط عليه..ومع ذالك اعتذر..انا اللي حطيت نفسي بهالموقف..غدير انصحتني بس انا ماطعت..على بالي اتحدى الناس واوريهم اني مو شرط اكون قليلة ادب اذا كنت امشي مع وحده قليلة ادب..ونسيت ان الناس مالها الا الظاهر والقرين بالقرين يهتدي..ومهما حافظتي على نفسك الا يرميك بوصخه.. ليلى:شسالفه؟؟انا مو فاهمه شيء ميساء:مو ضروري..انتي بس قوليله اني موافقه ********* رجع البيت مع ابوه وابتسامة شاقه حلقه..واخيرا حقق اللي يبيه.. ابوفيصل:اخوك تأخر.. خالد:محمد؟؟؟؟ ابوفيصل:لا اقصد فيصل..وبعدين ابي اقولك لا تتدخل بمحمد ترى امك بدت تشكيلي من سوالفك معه خالد:والله ماسويتله شيء..بس هين اوريه.. ابوفيصل:خالد انا شقاعد اقول؟؟؟ دخل البيت وهو طاير من الفرح..وماسك بيد ليلى.. السلاااام عليكم الكل ..وعليكم السلام فيصل:ضغط على يد ليلى ..وراح لجهة ابوه وميل نفسه وحب راسه.. ابوفيصل:الله يرضى عليك فيصل:وهذي ليلى بتراضيك ابوفيصل:اشر بيده..لا..اجلس انت وياها ابيكم بموضوع.. فيصل:جلس وجلست جنبه ليلى خالد:يطالعهم وهو مبتسم ابوفيصل:ترى عرسك بثاني العيد رحت لعمك اليوم ودفعت لهم المهر واتفقنا على كل شيء والملكه قبل العرس بيوم..وليلى بكره بيدي بوديها لبيتها .. ليلى:قلت موووو راجعه خالد:ليـــــلى ليلى:اسكت انت..يبه قلت مووووراجعه ولا ترى بهج واخليكم تدورون علي خالد:علشان احش رجلينتس حش..ورجعه بترجعين ليلى:مووووعلى كيفك تبي ترجع انت ارجع انا لأ ابوفيصل:بسسسس..ولا كلمه زياده..انا مااشاور انا آآآمر..وان ماطعتيني ياليلى بيصير لتس شيء ماشفتيه..ارجعي برضاتس احسن لتس.. الكل سكت بعد كلمة ابوهم.. ابوفيصل:ايه ونسيت اقولكم الاسبوع الجاي او اللي عقبه بنخطب ميساء لخالد.. شخصت عيونهم..ابوهم يتكلم من جد ولا يمزح.. فيصل:يبه شقلت؟؟ خالد:وهو مبتسم..اقول يالطيب ابي اخطب ميساااء وانت عرسك بثاني العيد سمعت ولا اعيد؟؟؟ ليلى:معقوووله..ليه لييييه فيصل:فهم على خالد..طالعه باستحقار..وكلم ابوه...اوكيه..يبه تبيني اتزوج عبير ماعندي مانع بس بشرط..ليلى ماترجع لناصر.. ابوفيصل:وشوو فيصل:هي كلمه ومو متراجع عنها..تبوني لعبير اوكيه بس ناصر مايرجع لليلى..وانا عند كلمتي والظاهر انكم تعرفوني زين..اسويها.. خالد:دامك ماتبيها ليه تخطبها؟؟ فيصل:انت انطم ولا تكلم معي يالخسيس..انا كلامي مع ابوي..شقلت يبه؟؟ ليلى:فيصل فيصل:ليلى مابي اسمع شيء..انتظر ردك يبه ابوفيصل(بقلبه..اعرفك يافيصل تسوي اي شيء علشان ليلى..)تنهد..خلني افكر بالموضوع فيصل:ماعندي مانع..اشر لليلى تقوم معه وطلعو خالد:يبه انت قوله انك موافق ..وعقب ماياخذها نرجع ناصر لليلى.. ابوفيصل:يصير خير يصير خير.. ************ ((سبحانك اللهم وبحمدك أشهد ان لا اله الا انت استغفرك اللهم واتوب اليك)).. |
( الجزء السادس عشر ..) ( ليـــــــلة القرش ...) قادر الله يشفي كل ..جرح خطير لو جروح الليالي.. تتعب اصحابها ايه لي قلب عانا منك ..شيء كثير ولك بحقي خطايا.. تهت بحسابها .. ماقدرت تنام عقب اللي صار..تحس نفسها تايهه..راحت تاخذ شور بارد يروق اعصابها.. وصلت ركعتين تطلب ربها يستر عليها ويعينها.. تمددت على السرير وحطت يدها بين الوساده وخدها.. ليلى:معقوله خالد ياخذ ميساء؟؟اصلا هم دايما يتناقرون..وميساء مستحيل توافق..بس ليه اليوم بالذات..خالد يدري انهم يحبون بعض..شيقصد بهالحركه..رن جوالها فجأه ونقزت حطت يدها على صدرها وسمت..بسم الله الرحمن الرحيم..اخذت الجوال واستغربت..هذا مايتووووب...قررت ترد.. ليلى:خيـــــر؟؟ ناصربصوت مبحوح) ليلى سامحيني.. ليلى:انت شتبي مني؟؟ماتفهم ماتحس.. ناصر:ليلى خلاص يكفففي يكففي واللي يرحم والديك اللي فيني مكفيني.. ليلىخافت عليه من نبرة صوته)..انت وينك؟؟ ناصر:استغرب سؤالها..ليه؟؟ ليلى:انت بالبيت؟؟ ناصر:لأ برى..طالع للبر..ابي اتنفس بس مو قادر ليلى:ناصر بر الحين انت صاحي..معك احد؟؟ ناصر:كان ماسك صورتها بيده..انتي معي. ليلى:ومن غيري؟؟ ناصر:محد.. ليلى:طيب ارجع للبيت ناصر:عقد حواجبه مستغرب من طلبها..ليه ليلى:قلتلك ارررجع وبس..ولا تدري انا شدخلني فيك ناصر:لا لالا..خلاص برجع لا تزعلين علي.. ليلى:الحين ارجع وسوق على مهلك..اذا وصلت البيت دق علي ناصر:صـــــــدق..الحين ثواني وانا بالبيت ليلى:انا شقاعده اقوووول لك..سوووق على مهلك..يلا بسكر ناصر:مع السلامه ************ تنهد..جالس على الكرسي بالبرنده..ماتوقع هالحركه ابدا.. ارخى راسه على طرف الكرسي..حس بيد تربت على كتفه.. تمنى يكون هو ..بس خاب ظنه لماشاف محمد جالس قدامه.. محمد:ضايق صدرك.. فيصل:مادري..متضايق ومقهور حزين منكسر..مااادري محمد:انسى كل شيء..وان شاء الله تتهنى مع عبير فيصل:محمد ليه سوى فيني كيذا..انا اليوم جيته بنفسي وقلتله اني ابي ارجعها..واليوم هي قالت انها موافقه ترجع لي..وصدقني ماكنت بظلم عبير..هي مهما صار بنت عمي..عبير ماتحبني واحسها وافقت كذا..وكانت بتتركني وهي راضيه انا وااثق..بس اخووك غدر فيني.. لعبها صح..ضغط على راسه بيدينه.. محمد:خالد طول عمره مايفكر الا بنفسه.. فيصل:لاتظلمه.. محمد:مشكلتك انك على نياتك..انت تدري انه هو الي اقنع ابوي يدفع المهر اليوم..وهو بنفسه اللي جاب الفلوس..يبي عبير تلزق فيك غصب... فيصل:انا مالومه يمكن من حبه لعبير.. محمد:خالد يحب مصلحته..اصلا لو يحب عبير كان قالها انك تحب ميساء بس هو انكر هالشيء..والدليل ان علاقته بعبير مو لهذاك..لان عبير درت انك تحب ميساء .. فيصل:انت شدرااك؟؟ محمد:اسرااار..ولعلمك ادري بكل شيء..وخالد يحب ميساء فيصل:بعد ماتركت ميساء..انتبهت عليه وجاني احساس انه يبيها..بس متى امداه يحبها؟؟ انا حسبته يغيضني .. محمد:بس مارح توافق عليه..اذا درت بحركته بترفضه.. فيصل:مارح تدري..انا مونذل..وهي ..(غمض عيونه)..انا متأكد انها بتوافق..بتنتقم مني..بتفهمني غلط..بس معليش..يكفي اني انا تعيس..خل خالد يستانس..ويشوف حياته..دامه يحبها..والله يوفقهم.. محمد:شوف فيصل انا ادري انك تحب ميساء وتموت عليها..بس الحب مو كااافي..انتم مولابقين على بعض.. فيصل:لاتحاول يامحمد..ماتقدر تكرهني فيها.. محمد:انا ماقلت اكرها..بس حاول تقنع نفسك بعبير..على الاقل تذكر انها بتصير مرت اخوك.. فيصل:انا قلتله قبل اني احبها وهو داري..خله يتحمل..انا مااقدر اكرهها..مااقدر اعتبرها اختي..وهو يدري.. محمد:اقنع نفسك وبتقدر.. فيصل:تنهد..خلاص بقنع نفسي.. محمد:وليلى؟؟ فيصل:مايقدرون يسوون لها شيء.. محمد:على بالك انهم بينفذون تهديدك؟؟ فيصل:اصلا من قال اني بنفذ تهديدي..انا قلت هالكلام ابي خالد يحتر..انا مستحيل عقب ماعطو عبير المهر اجرحها..وليلى بدون ماهدد مايسوون لها شيء.. محمد:حب راس فيصل...بتظل طول عمرك كبير..تشيل همومنا لو على حسابك.. *************** بالغرفه..خلص من قراية الورد اليومي..جلس قبالها.. ومسح على راسها..ابتسمت له.. ام مؤيد:مبسووط انها وافقت.. ابوعهود:وانتي؟؟ ام مؤيد:مبسوووووطه..علشان تصالحت مع مؤيد ورجعتو زي قبل..ومبسووطه ان عهود ريحت بالك.. ابوعهود:الحين بس اقدر اتطمن عليكم.. ام مؤيد:رجف قلبها من كلمته..الله يخليك لنا فووق روسنا ويحفظك يارب.. ابوعهود:ماحد مخلد ..كلنا بنموت.. ام مؤيد:دموعها نزلت غصبا عنها...ابوعهود انا حاسه ان فيك شيء..انت مرييض؟؟ ابوعهود:ليه ؟؟شخلاك تقولين هالكلام؟؟ ام مؤيد:سفرياتك اللي كثرت..النوبات اللي تجيك..انا موووومتطمنه..مسكت يدينه بيدينها اللي ترتجف..صارحني قوولي.. ابوعهود:ماتحمل لازم يعلمها...ايه انا مريض.. ام مؤيد:بقت عيونها معلقه بعيونه..تنتظره يتكلم.. ابوعهود:والمرض..خطيير ام مؤيد:و..وش..وشوو؟؟ ابوعهود:ورم بالراس.. ام مؤيد:جف حلقها..مو قادره تتكلم.. ابوعهود:رحمها..ولاهو قادر يتحمل صدمتها..حرر يدينه منها..وطلع برى الغرفه.. ام مؤيد:غطت وجهها بيدينها ..بكت..بكت زوجها اللي عوضها عن كل شيء..بكت زوجها اللي عمره ماقصر مع ولدها واعتبره وولده..بكت ابو بنتها وحيدته..بكت الابو والاخو والصديق والحبيب.. *********** الصبـــــــــــاح.. مانام من امس يدق ولاحد يرد عليه..انا متأكد انها قالت دق علي..معقوله اتخيل.. ناصر:مرر اصابعه على شعره ..ايه ياناصر تهلوس..ليلى ترد عليك عقب اللي سويته..مستحيل..فتح جواله اللي بيده على المكالمات الصادره..شاف اسم روحي وفيها مده يعني ماقفلت بوجهي..ليه تسوي كيذا فيني ليــه..سمع دق على الباب.. ادخــل.. عبير:صباح الخير..قالتها وهي مبتسمه ناصر:هلا..صباح النور..اشوفك لابسه عباتك.. عبير:ايه بروح للجامعه..وغمزتله..ماودك تخاويني..والله لاينهبلون عليك البنات.. ناصر:تنهد..وليلى مو من البنات؟؟..(رفع حاجبه..وكأنه تذكر شيء)..صح ليلى غيــــر..اصلا بظلمها اذا شبهتها بالبنات..هي فووق فوووق.. عبيريابعد قلبي ياخوي)..احم ..طيب جدتي تبيك تفطر معها.. ناصر:طالع ببجامته..طيب بغير واجيها.. عبير:مع السلامه..وطلعت..وتركت وراها بقايا انسان.. طلع من غرفته بسرعه..مايبي يشوفه..خصوصا بهالوقت.. سمع ضحكه..التفت.. خالد:هذا انت ياوجه البومه من وجهك محمد:علامك تتسحب تقل حرامي..او تقل عاملك عمله وخايف؟؟ خالد:تقدم وصار قباله..اقول يابزير اعقل وخل عنك هالتلميحات..انت تعرفني زين.. محمد:انا اللي اعرفك وفاهمك..انت ..ولاتدري بلاش اجرح مشاعرك على هالصبح خالد:لاتكفى اجرح..اقوول تلايط لاالخبط وجهك..محمد احترم نفسك.. محمد:انا محترم نفسي وماصغرتها قدام اخواني..يامحتررررم خالد:قرب منه لدرجة انفاسهم اختلطت..تبي تسكت ولاشلوووووون سمعو تصفيــق.. براااافو براااااافو خالد:فيصل!! محمد:ابتسم بخبث..فيصل!! فيصل:خوووش اخوان..تخانقون على الصبح..(تتهاوشون)..الواحد يقوم يقول يالله صباح خير وانتم خششكم لازقه ببعض.. محمد:اسف خالد:هوقليل ادب.. محمد:وانت قليل حيا فيصل:لا كبـــار ..استحو على وجيهكم شيبان شيبـــان وتتناقرون.. محمد روح افطر بسرعه وانت اتوقع انك ماتفطر فروح لدوامك احسن.. خالد:عن اذنكم محمد:بهمس..عن خشمكم احسن خالد:طالع بمحمد نظرات..وطلع فيصل:وانت شتنتظر روح لمدرستك..ودخل لغرفته ********** لبس ثوب عادي وشماغه نسفه باهمال..طلع من غرفته والجوال بيده يحاول.. شافته وبدت تهلي فيه.. يالله ان تحييه..يالله ان تخلليييه..هلا هلا بولدي.. ناصر:دخل الجوال بجيبه..وحب راس جدته..صبحتس بالخير الجده:يصبحك بالنوور والسرور..تعال اجلس هنا ناصر:جلس جنبها..قايمتن بدري اليوم الجده:والله ماقدرت انام عقب الفجر..اصبلك حليب ناصر:خلي عنتس..انا اصب لروحي سمعو صوته الجهوووري يالربـــــــــع..يااااولد...طررريق طرييق.. ناصر:نزل البريق..شرف..الظاهر جالسين بقهوه وانا مادري.. خالد:والابتسامه شاقه حلقه..هلااااا بنوووور عيني..والله ان عندي احساس انتس قايمه.. وصار يغني ويؤشر على قلبه..انـــا ألبي دليلي .. الجده:تعااال تعال..انت قااااضي قاضي خالد:وهو يضمها..يالبى قلبتس كم مره اقوولتس انا موو قاضي انا ضاااابط ..شوفي النجوم اللي على كتفي.. الجده:لحووول..ناصر فكني منه خالد:خلاص دام السالفه فيها ناصر..ابعد احسن..هذا ماينقرب صاير كبريت والعياذ بالله ناصر:خويلد عويذة الله من شرك ..ابي افطر وانا مروق خالد:انت من كلمك..اقول يارووحي شرايتس تجين معي للبيت الجده:ياوليدي انا مااقدر اخلي بيت عمك..والله ان غلاكم واحد..بس انتم عندكم مره تسنعكم الله يخليها لكم..وهذولا يتمان.. خالد:اخذ الدله وصب لنفسه فنجال..يعني انتي جالستن عندهم شفقه..وكتم ضحكته ناصر:طووول عمرك بتبقى بزززر..ها ينعاف مجلسن انت فيه خالد:مسك يد ناصر..نصووور بلاسخافه انثبر لاتوطى ببطنك.. ناصر:عصب خالد:اسففين انثبر عاد ناصر:اعوذ بالله منك يابليس خالد:اشوا حسبته انا ناصر:رمى يد خالد وطلع خالد:ول ول ول كبريت ماينقرب ابد الجده:بلاه اختك.. خالد:اووه حبيبتي كم مره قلتلتس لاتدخلين امور العايله بينا الجده:رفعت يدينها وصارت تدعي...يااااارب يتزوج خالد ويفكن من شره.. خالد:اميــــــــــــن.. *********** جامعة الملك سعود.. رافعه شعرها ذيل حصان..والارهاق باين عليها..الشحوب كاسيها.. وعيونها ذبلانه وصفرا..متربعه على الكرسي برى المبنى تنتظر صديقاتها.. كانت متمسكه بيدينها..حررتها بسرعه لماشافتها..وهمست..روح حبيبي الحين.. راح(ت) وهو مكشر.. عدلت تيشرتها وراحت لها.. شموخ:واخيــرا شفتك.. غيوض:رفعت راسها ببطئ..والتقت نظراتهم..انتي شموخ؟؟ شموخ:لا ياشيخه تستهبلين...وسلمت عليها..كيفك غيوض:زينه شموخ:يووه ياغيوض عسى ماشر..تعبانه غيوض:لا مافيني شيء..بس مانمت زين.. شموخ:هههه شكلك مو متعوده على السهر..طيب انا عندي محاضره..ولاتنسين تزوريني.. غيوض:ان شاء الله.. ******************* تكلم وهي تطالع بشكلها بالمرايه.. ليلى:لا ماقدر..خدي مورم تهاني:حشى ماصارت..حطيتي ثلج طيب ليلى:ايه..هو مابقى الا اثار..بس ولو مااقدر اروح تهاني:خلاص حتى انا مو رايحه.. ليلى:ليش؟؟ تهاني:اتريح شوي..ولاتنسين بعد بكره علينا اختبار ليلى:مو ناسيه..اصلا انا من القهر ذاكرته..الله يعين بقول لفيصل يجيبلي عذر علشان الاختبار اللي فاتني.. تهاني:قوليله يجيبلي عذر بعد انا..بليييييز ليلى:كله بحسابه تهاني:هين بخلي معاذ يكلمك..ههههه اجل ناصر يحسبك تكلمين شاب.. ليلى:والله والله والله لوريه نجوم القايله..اخخخخ من القهر لو بيدي قطعته..حقييير وواطي.. تهاني:تكذبيييين..ليلووه ادري انك تحبينه..الوووو الوووووو...ههههههه سكرت بوجهي.. ليلى:رمت الجوال بقهر..افف نرفزتني..طلعت من غرفتها ونزلت تفطر..الساعه تسعه والكل رايح لشغله.. راحت للمطبخ وسوتلها كابتشينو..طلعت للصاله وتلفون البيت يرن.. ليلى:هلا سلمى:اهلين شخبارك ليلى:بخير وانتي والعيال والبيبي اللي جاي سلمى:كلهم بخير..انتي شلون خدك ليلى:ان شاء الله احسن سلمى:طيب وراك جامعه اليوم؟؟ ليلى:ايه وراي بس مو رايحه..تبين اروح وخدي كيذا..(وصارت ترشف من الكابتشينو) سلمى:طيب تعالي عندي..بعد مالك عذر تستحين مني ليلى:لا اصلا انا ضايق خلقي..كنت بكلم ميساء اجيها .. سلمى:افطرتي ليلى:قلبي حس انك بتفطريني.. سلمى:يلا معك خمس دقايق مو من بعد البيت ليلى:والله لو فيني حيل مشيت مشي.. سلمى:لحووول ترى ابطيتي تهذرين..يلا بسرعه تعالي ليلى:يلا يلا.. ************ ماداومت اليوم لان اخوها نايم عندهم..وودها ترجع ايام زمان.. جهزت الفطور..هي مسويته على حسابه.. عهود:الحين كل شيء جاهز مو باقي الا اقومهم..طلعت لغرفته..دقت الباب ثلاث مرات.. حسام:ادخل..(كان جالس على سريره) عهود:صباااح الخيرر حسام:مسح وجهه بيدينه..صباح النور..كم الساعه عهود:الساعه 9.. حسام:اف راحت علي نومه..(وقام من سريره) عهود:ليه بتروح للمستشفى؟؟ حسام:ايه ضروري وراي مواعيد مرضى.. عهود:طيب استعجل بلبسك..وترى الفطور جاهز نبي نفطر جميع.. حسام:لا مايمدي(قالها وهو يدخل غرفة الملابس) عهود:بصوت عالي..يمدي اذا استعجلت..وسكرت الباب.. راحت لجناح امها ودقت الباب.. انفتح الباب ام مؤيد:عهود ماداومتي!! عهود:صبااح الخير ام مؤيد:صباح النور..قوليلي ليه ماداومتي عهود:يعني اذا ماداومت شيبي يصير..عاادي..ابوي قام ام مؤيد:ايه يلبس..جهزو الفطور عهود:انا جهزته.. ام مؤيد:مسكت يد بنتها ونزلو..بشوف فطورك قبل لاتفشليني عند ابوك.. عهود:ههه ابوي لو احطله علقم من ايدي بيقول حلوو.. ام مؤيد:انتي ماخربك الا ابوك...تعلمي الطبخ علشان زوجك عهود:يمممه لاتسدين نفسي على هالصبح ام مؤيد:عهود شقلنا عهود:اسفه.. ********* نادت على الشغاله علشان تروح معها.. ركبت السياره وراحت لبيت اختها.. رافعه شعرها بكلبس ولابسه روب حمل.. سلمى:سديم يكفي صجيتيني سديم:لا ماابي اثمعيني.. سلمى:يالله قوولي سديم:اخاثمك اه اثيبك اه ودوى الرووووز سلمى:ماشاء الله ومن علمك هالخرابيط؟؟؟ سديم:خالي محمد سلمى:اوريه هالدب بيخربك علي..تعالي بجنبي ياماما سديم:جلست جنبها.. سلمى:حبيبتي اي شيء يقولك اياه محمد لا تقولينه سديم:حطت اصبعها الصغير بفمها..مين محمد؟؟ سلمى:خالك محمد..ماتعرفينه بعد سديم:ايييه تيب دولي خالي محمد.. سلمى:طيب خالي محمد..المهم سمعتي كلامي سديم:لأ سلمى:ليش؟؟ سديم:لان خالي فيثل يدول اللي ما ابيه ماسويه.. سلمى:لا والله..بتسوينه غصبا عليك.. سديم:لألألأ.. سلمى:لوا يلوي حنوك العدو..وشوو لأ..عيب استحي انا ماما سديم:تيب بثري امكي..(طيب بشري امك) سلمى:سديمووووه منين جايبه هالالفااظ.. سديم:ايش الفاذ سلمى:الحين تعرفين بشري امك وماتعرفين الفاظ..سمعت طق الباب..روحي افتحي لخالتك سديم:نقزت بسرعه..فتحت الباب.. ليلى:ياااااااااهلا والله بحبيبة قلبي..وشالتها..يازينوووو سلمى:ههه طيب تعالي ادخلي اول ولا عاجبتك الوقفه عند الباب.. ليلى:وهي حاضنه سديم..سلمت على اختها..ها وين فطورك قبل كل شيء تراني فاطسه جووع سلمى:السفره جاهزه..وراحو يفطرون.. ********* ماااااااااااااات!!!!! السكرتير:بلغني ابو عبدالعزيز..وبيصلون عليه الظهر ابوصالح:الله يرحمه ويحسن اليه.اريحله ..مسكين تعذب بمرضه..بلغ كل الموضفين يصلون عليه السكرتير:تامر طال عمرك.. جلس على كرسيه الجلدي الفخم.. ابوصالح:الحين شيماء(ام صالح) بتورث ملاااين..لازم اعدل اسلوبي معها.. ****************** قامت من نومها على صوت تلفون غرفتها المزعج.. رفعت السماعه وعيونها مغمضه.. نوال:الوووو عاليه:نايمه نوال:ايه عاليه:طيب اسكر ولا تستوعبين نوال:اوووه عاليه اخلصي علي عاليه:جد غيوض توفى اليوم نوال:الله يرحمه شسويله يعني عاليه:شكلك نايمه..وسكرت نوال:رمت السماعه..ورجعت لنومها.. *********** الشــــركه.. سليمان:انا دق علي ولده عبدالعزيز ابوفيصل:الله يرحمه..والله قصرنا بحقه بالايام اللي فاتت..ومتى الصلاة سليمان:مع صلاة الظهر.. ابوسليمان:الله يرحمه..خلاص نطلع جميع من هنا..وبلغ ناصر خله يصلي معنا سليمان:الحين اقوله..عن اذنكم.. دخل مكتبه ولقاه يحوس بالملفات.. سليمان:شتسوي؟؟ ناصر:ابي الملف اللي عطيتك اياه وينه مو لاقيه سليمان:الله يلعن الشيطان..نسيييته بالبيت ناصر:لحووول كم مره قلتلك لاتدرس الملفات برى الشركه سليمان:مو شسوي كنت بخلص شغلي ..المشكله سلمى ماتعرفه ولاكان ترسله مع السواق ناصر:ماتعرفه من كثر الملفات والله.. سليمان:طيب روح جبه دامك مستعجل ناصر:طيب بروح..هي بالبيت سليمان:حتى لو مو بالبيت اكيد وحده من الشغالات بتكون موجوده..خلها تدخلك للمكتب وانت تلقاه بواحد من الدروج.. ناصر:طيب سلام سليمان:لحظه ناصر:التفت عليه..خير سليمان:ترى اليوم بنصلي على فرحان ال---.. ناصر:الله يرحمه..متى مات سليمان:اليوم الصبح ناصر:بأي مسجد بيصلون عليه سليمان:مسجد الراجحي.. ناصر:خلاص القاكم هناك... ************ دقت على السواق يجي ياخذها..تحس بتعب ورجفه.. غيوض:لبست عبايتها وتحجبت وطلعت..ركبت السياره.. سعيدالسواق) وين نروح عمتي؟؟ غيوض:وين يعني للبيت .. سعيد:عظم الله اجرك عمتي غيوض:راسها بينفجر ولا سمعته شيقول..همست..سلطاان.. رفعت راسها..روح لبيت جدي بسرررعه..طلعت جوالها ودقت على سلطان.. كان جالس جنب اخوانه بالمسجد..ماقدر يحضر تغسيل ابوه.. رن جواله ورد سلطانوخانقته العبره) نعم غيوض:انا رايحه البيت انت وييينك رااااسي بينفجر سلطان:اقول فارقي عن وجهي ..شايفه الوقت مناسب لخرابيطك غيوض:خاااالي والله مووووقادره سلطان:سكر بوجهها غيوض:رجعت تدق عليه... سلطان:زفر لما شاف الرقم.. ابوعبد العزيزاخوه الكبير) رد شفيك سلطان:هذي غيوض..شكلها مادرت عن ابوي ابوعبدالعزيز:الله يرحمه كان يموت عليها..رد عليها وقولها سلطان:طيب..الووو غيوض:انت مااااتفهم سلطان:غيوض اسمعيني زين..وقصر صوته..روحي لغرفتي وافتحي الدرج اللي جنب السرير وبتلقينه..وانا اكلمك اوكيه غيوض:اوكيه... ************ كانت جالسه بالصاله مع سديم وبيدها كاميرا فيديو..تشوف اول يوم دراسي لناصر..وسديم كل شوي تمد يدها تبي تاخذ الكاميرا ..فمسكتها بيد واليد الثانيه للكاميرا..وسلمى بالمطبخ تجهز الغدى وتسوي عصير.. سمعو جرس البيت.. فتحت الشغاله.. الشغاله:يس..هلو مستر ناسر.. ناصر:هلوو جوني..سلمى هنا الشغاله:يس..ان كتشن..كمن كمن.. ناصر:دخل مع الشغاله ووصل للصاله ووقف مبلم...معقوله؟؟؟ليــــلى.. ليلى:مالتفتت تشوف مين..والشغاله مستحيل تدخل احد انا اتغطى عنه..كملت تشوف الكاميرا .. سديم:ماااااااابي ابي اسوووووف ليلى:بعدييييين سديم:موعلى كيفك الكمره حقت بابا ليلى:شششش سديم:بس انتي يعني..مااابي جيبيها والله اقول لفيثل ليلى:سديم ممكن تسكتين ابي اسممممع سديم:مااابي..والتفتت شافت عمها واقف...عمممممممي وحررت نفسها من ليلى ونقزت ليلى:ماركزت معها..سمعتها تقول عمي..بس طنشت.. ناصر:نزل لمستوى سديم وفتح يدينه لسديم اللي تركض باتجاهه..وبثواني شالها..هلا بروح وقلب عممو.. سديم:عمي قول لولي تعتيني الكمره ناصر:وشي الكمره سديم:الكمره الكمره (وتأشر على اللي مع ليلى) ناصر:اها..اسمها كاميرا..مساء الخير لاحلى وارق انسانه شفتها بحياتي.. ليلىبقلبها:يؤيؤ مالقيت اجي سلمى الا اليوم..)وهي تناظر بالكاميرا..اهلين.. ناصر:مشى الى ان جلس جنبها وبحضنه سديم..كيفك؟؟ ليلى:من الله بخير ونعمه ناصر:غثتك سديم ليلى:لأ..غاثيني ناس ثانين.. ناصر:نزل سديم بالارض..وسحب الكاميرا وقفلها وعطاها سديم.. سديم:هربت قبل لاتمسكها ليلى.. ناصر:ممكن تشوفيني وانا اتكلم.. ليلى:اللي منزله راسها..لأ..ماتبي تعرف ليش؟؟ ناصر:رفع وجهه بيدينه..وخدها المورم باين..لمسه بيده..وهمس من سوى كيذا؟؟ ليلى:التقت عيونها بعيونه..وفكها بدى يرجف..ابوي.. ناصر:عمي!!مستحيل ليلى:بعدت يده بقرف..نسيت انك ماتصدقني.. ناصر:صرخ..ليــــــلى... ليلى:تزعل من الحقيقه!! ناصر:ياقلبي انا مو مو مصدقك ..انا اقصد ماعمري سمعت ان عمي ضرب وخصوصا انتي وسلمى.. ليلى:ابتسمت بخبث..لا يضرب اذا سوينا الشينه.. ناصر:مسك يدها..انتي مستحيل تسوين الشينه ليلى:والله العظيييم..تصدق ضربني علشان ركبت مع واحد غريب..مادري شفيه ابوي مخه مقفل.. ناصر:مهما قلتي مارح اصدق..لاني اعرفك.. ليلى:ههههه ورجعت جسمها لورى وهي تضحك ناصر:ان شاء الله دوم..هالضحكه الله لايحرمني من راعيتها ليلى:الحين شيء غريب..تصدق الناس وتكذب حبيبتك.. ناصر:ياليلى خلاص انسي انا تأدبت..سامحيني.. ليلى:ناااصر(قالتها بدلع) ناصر:ياعيون ناصر.. ليلى:تحبني؟؟ ناصر:تسألين ياروحي..انتي شوفي شسوى فراقك فيني وبتعرفين ليلى:ماسوى شيء..نفسك ماتغيرت..بعد احسك احلوييت ناصر:لانك تحبيني ياقلبي تقولين هالكلام..ليلى انتي سكنتي هنا ومارح تطلعين الا اذا طلعت الروح.. ليلى:طيب اي شيء اطلبه بتوافق عليه؟؟ ناصر:اطلبي عيوني ومارح ابخل عليك ليلى:لا خل عيونك..انا ابي شيء صغيروووون وبيخليني اسعد انسانه ناصر:قولي.. ليلى:ابي ..فراااقك..ابيك تنقلع من وجهي الحين لان وجودك ينرفزني..ويقرفني..قامت ومسك يدها جلسها غصب.. ناصر:بصوت مكسور...لولي الى متى ؟؟؟؟ الى متى ببقى كذا وانته بتبقى هاكذاك؟ والى متى وانا اتعثر فـ الوصل واحاوله والى متى وانا امدحك بحروف شعري واهجاك والى متى وانا ارسمك على محيط الطاوله والى متى وانا اتضموامن خطاك اليا خطاك والى متى واقرب نهر تبخل علي جداوله والى متى والى متى والى متى والا متاك بتقهوي اللي خاوي لمواصلك وتفاوله اموت فيك ومايكثر من غلاك الا حلاك ياتحفة ماهيب فـ يدين البشر متداوله.. سلهامة عيونك متاهة وادي..وعضة شفاك صفة قطع سكر تعضبها على فراوله الله يجيرك من صدوف الوقت وعيون الهلاك والله يحفظك من سخافة الالسن المتطاوله والله يخليك لخفوق عاش يتنفس هواك يمرر اسمك في عروقه والضلوع تناوله عيد بعيني جعل من ذمك من العالم فداك واعطف على من صكته بقعا فراقك واوله اللي ليا منه تذكر حلو وصلك عن جفاك؟ بكى بدمعة من يكابر ..والحزن متحاوله .. ليلى:انا والا انت؟؟؟انت ليه ماتصدق اني اكرهك..ياخي ترضى تاخذ وحده ماتدانيك.. افف اترك ايدي.. ناصر:انتي ليه ماتصدقين اني انتهي اذا تركتيني لييه؟؟ ليلى:لانك كذااااب..تقول تثق فيني وشوف شسوت ثقتك؟؟..ناصر افهم ماااقدر ارجع لك ماااقدر.. ناصر:مو على كيفك ولاتنسين انك بالعده يعني مرتي ومن حقي ارجعك.. ليلى:والله اذا انا موافقه بترجع لي..وخررر.. وفكت يدها ..بدل ماتضيع وقتك فيني روح دورلك على مره غيري..وبليز اذا تبي تكلمني كلمني وجها لوجه مو تقول لابوي..وتسببلي مشاكل..اخذت عبايتها وطلعت.. ناصر:ضغط على راسه باصابع يدينه..ليلى انتي لي.. دخلت سلمى وهي متغطيه.. سلمى:ناصر لاتزعل.. ناصر:رفع راسه..ازعل!!..عمي ضربها على شاني؟؟ سلمى:ايه ناصر:هم ليه يبون يكرهونها فيني مايكفي اللي جاها مني يروحون يضربونها..وطلع من البيت.. ********* |
العــــــصر.. دخل عليها بجناحه بعد ماطلب ان محد يدخل عليهم..لسببين..حتى ماتنكشف انها تتعاطى حشيش وخصوصا اذا لقو اثار للزقاير..والسبب الثاني حتى يفهمها على رواق.. جلس جنبها على السرير..ومسح على راسها بهدوء ونادى عليها بصوت مسموع.. غيووض غيوووض غيوض:انقلبت للجهه الثانيه.. سلطان:صار يضرب خدها بخفه..غيوووض غيوووض غيوض:فتحت عيونها بكسل..همم شتبي؟؟ سلطان:ماشبعتي نوم يكفي.. غيوض:اتركني ابي ارتاح سلطان:لقيتي اللي تبين غيوض:ايه سلطان:اجل وشو اللي متعبك؟؟ غيوض:وبصوت مليان نوم..ماادري..يوووه شلون نسيت جدي اكيد فقدني..ساعدني اقوم سلطان:مد يده لها والعبره خانقته..وصلها لدورة المياه وجلس على الكرسي اللي بالغرفه ونزلت دموعه غصب.. غيوض:ووجهها فيه قطرات مويه مانشفتها..اخخ ياز..انتبهت لخالها.خالي شفيك؟؟؟؟ سلطان:مافيني شيء بس عيوني جافه واضطريت ابكي..المهم تعالي جايب لك غدى مسويه الطباخ الفرنسي الجديد تاكلي صوابعك وراه غيوض:لا خلنا ناكل عند جدي سلطان:جدك عنده ضيووف واجد..اجلسي كولي وبعدين نروح له غيوض:طيب..بس بشرط تاكل معي سلطان:لا انا مالي نفس..بروح اتروش واذا خلصت ننزل لابوي..بس ها لاتفتحين لحد..ولاتدرين اناباخذ المفتاح معي..راح للباب وسحب المفتاح.. غيوض:بسرعه تروش .. سلطان:وانتي ابي اطلع مالقى شيء بالصحون.. غيوض:اصلا انا ميته جوع لاتوصي..وبدت تاكل.. سلطان:طالع فيها وهي تاكل..عوره قلبه ...دخل للحمام..وفتح الدش ونزل تحته بملابسه ..دموعه اختلطت بالمويه..كاتم صوته مايبي يعذب ابوه بقبره.. بعد نص ساعه.. غيوض:افف مليت شفيه تأخر..راحت تطق عليه بس هو طلع..ساعه؟؟ سلطان:كان صوته مبحوح من كثر البكي..اسف غيوض:خالي شفيك..عيونك حمرى وصوتك باين عليه التعب.. سلطان:دخل فيني الشامبو..وصوتي من وقفتي معك ذبحني البرد..اطلعي للغرفه ابي البس.. غيوض:ههه سوري ..وطلعت..فتحت الستاير وشافت سيارات في المواقف وسيارات برى البيت..استغربت..يمكن هذولا الضيوف اللي يقول عنهم..بس مره كثيرين..رن تلفون الغرفه وراحت ترد..الو صفوقيشتغل عندهم) عمي سلطان موجود؟؟ غيوض:ايه..بس الحين مشغول صفوق:طيب عمي ابوعبدالعزيز يبيه ينزل الحين.. غيوض:ان شاء الله..سكرت طلع وهو لابس ثوب ابيض وغتره بيضاء بدون عقال.. سلطان:شيبي صفوق غيوض:يمه منك شدراك انه صفوق سلطان:لانه مايدق علي الا هو..شيبي غيوض:يقول ان خالي يبيك..الحين شلون انزل لجدي شكله فيه ناس واجد سلطان:جلس على السرير..تعالي جنبي..ابيك بكلمة راس.. غيوض:جلسة جنبه..خير؟؟ ********* كلمها مؤيد وطلب منها ترسل مسج لسالم.. طالعت بأمها تستشيرها.. عهود:شرايك؟؟ ام مؤيد:يابنتي هذا زوجك ومافيها شيء اذا حببتيه فيك.. عهود:احس اني قاطه نفسي عليه..مايكفي انه مغصوب علي ام مؤيد:ماحد غصبه..هو شاريك عهود:متأكده يمه ام مؤيد:متأكده..ارسليله وفكيني عهود:امري لله برسله.. *************** مجتمعين بالصاله الارضيه ابوسليمان:هالولد تعبني .. الجده:لاتلومه ياوليدي.. ابوسليمان:ليه مالومه..خلاص دام البنت ماتبيه يدور غيرها الجده:والبنت من بياخذها..ياوليدي البنت سمعتها الله يجازي من كان السبب مهي زينه وان ماخذاها ناصر محدن ماخذها..علشان خاطر اوخيك لازم يرجعها ابوسليمان:بس البنت ماتبيه.. الجده:البنت صغيره وماتفهم..لاتحتسي(لاتتكلم) هالسالفه عند ابوفيصل بعدين يزعل عليك.. ابوسليمان:لاتخافين.. السلام علـــيكم.. حبة راس ابوها وجدتها وجلست.. عبير:هايبه اشوفك ماداومت اليوم؟؟ ابوسليمان:حط يده على كتفها..داومت الصبح وبعدين رحت اصلي على واحدن اعرفه الله يرحمه وبعدين مالي خلق للدوام ورجعت الجده:وانتي شعليتس انا امه ماسألته عبير:ياربييه من الغيره..جدتي تغارين مني واخزياه بس ابوسليمان:ههه عبير لاتطولين لسانتس على امي ترى ماارضى عبير:يعني هي تطول عادي.. ابوسليمان:ضرب راسها بخفه..هذي امي عبير:وانا بنتك يعني اقربلك منها.. الجده:ثووري ثوري(قومي) للمطبخ جيبي لابوتس عصير عبير:غمزت عينها لجدتها..دام فيها عصير يعني فيه سالفتن ماتبيني اسمعه(اسمعها؟) الجده:خلاص اجلسي واسمعي..اقول ماقصيتو بطاقات العرس عبير:بفرحه..من عرسه الجده:استحي على وجهتس زايغتن (طايره)من الفرحه..الله يرحم ايام اول اللي البنت تهج يوم يجيبون طاري العرس.. ابوسليمان:يمه ماتدري .. عبير:لحوول تكلمو بالالغاز..من عرسه جاوبوني الجده:عرستس ياملا الغنيمه عبير:وجهها صار الوان..وهربت ابوسليمان:يمه الله يهداتس ليه احرجتيه(تنطق بفتح الياء وهي للمؤنث بمعنى احرجتيها) الجده:تستاهل صايرتن مليقيفه..المهم ماقالولك متى العرس ابوسليمان:ابوفيصل يقول بثاني العيد ان شاءالله .. الجده:ايه علمونا انا بجهز لبنيتي ويالله يمدينا ابوسليمان:ان شاء الله يمديكم.. السلام عليــــــكم.. الكل وعليكم السلام.. ابوسليمان:انت وينك؟؟ ناصر:جلس جنب جدته..بالشركه..كان عندي شغل واضطريت اجلس ابوسليمان:وماصليت على فرحان طبعا.. ناصر:لا صليت..بس ماقدرت اعزي عياله بالمقبره الناس زحمه قلت باتسر اعزيهم.. ابوسليمان:اي والله واجد اللي صلو عليه الله يرحمه.. الجده:ياوليدي احطلك غدى ناصر:لا مو مشتهي..بنام وقعدوني لصلاة المغرب الجده:لا مافيه نومه هالحزه..نومة العصر مهي زينه ناصر:بس شسوي دايخ..قام..لاتنسون تقوموني...وراح لغرفته الجده:ان شاء الله مايجي رمضان الا ومرته معه ابوسليمان:امين.. *************** بعـــــــــد مرور اسبوع.. غدا رمضـــــان .. الاربعاء في جامعة الملك سعود.. طلعو من قاعة الاختبار .. ليلى:يجننن ماتوقعت الاسئله كيذا..الله يوفقها يااارب تهاني:الا الله ياخذها الحقييره هذي اسئله ليلى:حرااام والله سهله تهاني:والله صعبه.. ليلى:ماعندك سالفه..امشي امشي تهاني:لا مارح احضر المحاضره بطلع ليلى:ليش ؟؟خلاص مابقى شيء تهاني:بروح الحق على السوبر ماركت بشتري اغراض رمضان ليلى:ياحليلك توك تشترين ..حنا صارلنا اسبوعيين تهاني:شسوي مانزلت الرواتب الا توها..يالله واذا قدرتي تحضريني معك اكون شاكره ليلى:لا مااقدر هذي تنادي بالاسماء واخاف اتوهق تهاني:خلاص..مع السلامه.. ليلى:الله يسلمك..واتجهت لمبناها..كانت الساعه وحده الظهر..والجامعه تقريبا فاضيه.. وهي بالطريق تمشي..شافت بنات قليلات ادب ضامين بعض بطريقه استفزازيه ونظراتهم مو صاحيه..كانت البويه(تانيث البوي) تطالع ليلى بنظرات تفحصيه.. ليلى:كشرت بوجهها ودخلت المبنى..استغفر الله استغفرالله الله لايبلانا..بعذر الله يوم يقطع عنا المطر من هالاشكال..والله حاله فاضين يفتشون على اللبس وتاركين هالاشكال بالهواء الطلق(تقصد الامن).. بشتاقلك حمد هيفاء(حمد):بالها مع ليلى..اخخ لو اقدر اجيب راسها..صاااروخ هالبنت شموخ:هيفاء اكلمك انا هيفاء:كم مره قلتلك اسمي حمد شموخ:زعلت هيفاء:وخري عن وجهي..وراحت شموخ:ياربي..شسوي الحين لازم ارجع البيت الحين..بكيفها اراضيها السبت.. ********** في غرفة امها.. ميساء:يممه الله يخليك خلينا نروح لهم ام فهد:ما نقدر..عشى عمامك مستحيل نتركه..وبعدين ماشتقتي لهم ميساء:الا..بس شلون يعني نفوت ليلة القرش.. ام فهد:يعني ماتصير هالليله الامع ليلى ميساء:يمه بنات عمي كلهم كبار..وهناك مو بس فيه ليلى ..عهود وعبير وبنات جماعتهم كثار وخفيفين دم..يمه الله يعافيك ام فهد:انسسي ..وبعدين اخاف مرت عمك تزعل وتحسبنا مو فرحانين لجية ولدها وبنتها..قولي امين عقبال ماافرح بشهادتك الدكتوراه يااارب ميساء:اميين.. ************ في الصاله الارضيه ماسكه التلفون وبجنبها نوت الارقام.. تسكر من البيت الفلاني وتدق على البيت الفلاني.. الجده:ها لزمتي عليهم.. عبير:ايه ..الوو..اهلين ..الحمدالله وانتي كيفك..ههه ..طيب اسمعي ترى القرش عندنا اليله..ايه جدتي هنا..الله يحييكم...سكرت وطالعت بجدتها..خلصنا الجده:متأكده مانسيتي احد عبير:لا مانسيت..اوووه جدتي ترى ماعزمت بيت عمي استحيت الجده:ايه انا كلمت ام فيصل ..روحي للمطبخ شوفي شسوو الطباخات عبير:ان شاء الله..وقبل لاتقوم رن تلفون البيت الوو سلمى:مبارك عليك الشهر عبير:علينا وعليك يتبارك.. سلمى:جدتي صاحيه عبير:لا مجنونه سلمى:عبيرووه اعقلي عبير:شيدريني عنك قولي قايمه مو صاحيه..امسكي هذي هي.. ****************** ليلة القرش:هي ليلة رمضان..يجتمع فيها الناس في استراحه او منزل احدهم..هي بالعاده تكون نسائيه اي لايلتزم بها الرجال ولكن لامانع من ذلك..تحضر كل عائله طبق ويسهرون في هذه الليله ويتناقلون اخبار الاولين..تلبس النساء اللباس التقليدي..احيانا اذا كانت هذه اليله في منزل احدهم فأنهم يقومون بالعشاء ولا احد يحضر طبق.. يقال سميت بالقرش..لان الناس تقرش الاكل قبل الصيام .. ******************** |
قامت على صوت ناعم ومبحوح..فتحت عيونها ببطئ لان الاضاءه قويه.. غيوض:حطت يدها على عيونها..نعم؟؟ عاليه:ينعم عليك..قوومي جبتلك غدى وبتاكلينه غصب عنك.. غيوض:مالي نفس..بعدت يدينها لانها تعودت على الاضاءه.. عاليه:لاوالله بتاكلينه غصب عنك ..قوومي يالله غيوض:قلتلك ماااااااابي ...ماااابي عاليه:طيب خلاص لاتصارخين..اوووف منك.. غيوض:عاليه صدق جدي ماات عاليه:رحمتها..لا حول ولاقوة الا بالله..غيوض اللي تسوينه حراااااام انتي قاعده تعذبينه بالقبر لوانك صدق تحبينه روحي تصدقيله وادعيله بصلاتك مو جالسه تبكين وعايشه على هالزفت السقاير..اللي تسوينه موت بطئ..غيوووض اصحي على نفسك..انتي تعذبين نفسك وتعذبينا.. غيوض:تكومت على نفسها وصارت تنزل دموعها بلا صوت.. عاليه:انتي مامنك فايده..وطلعت نادت الشغاله تاخذ الصينيه منها.. اخذت تلفون الصاله ودقت على جوال نوال.. عاليه:الوو نوال:اهلين عاليه:وينك؟؟ نوال:بالبيت عاليه:تعالي عندنا.. نوال:مالي خلق عاليه:يووه نوال تعالي غيوض رفعت ضغطي احسها بتموت علي بأي لحضه.. نوال:تدرين احسن شيء نوديها للمستشفى يحطونلها مغذي.. عاليه:حاولت فيها بس رفضت وخصوصا خالها سليطين النحيس نوال:اجل مافي غير زياد(قالتها بلهجه خبيثه) عاليه:لا مايحتاج..انتي تعالي وحنا بنغصبها على الاكل..سمعتالشغاله تناديها..لحضه نوال.. الشغاله:مستر سلتان موجود عاليه:طيب بعد 10 دقايق خليه يدخل لغيوض اوكي الشغاله:اوكي عاليه:الو نوال تعالي بسرعه سليطين جاء نوال:روحي لغرفتك قفلي على نفسك وانا الحين جايتك..انا بس اللي مستغربه منه العقرب ليه سافرمع ام صالح..اللي خابرته انه مايدانيها عاليه:نسيتي انها ورثت ملايين ..يبي يلعبها صح.. نوال:يلا روحي وانا جايتك..سكرت منها وتقلبت على سريرها.. الحين تأكدت ياعاليه انك تحبين زياد..هذا جزاي تغدرين فيني وانا متعبه نفسي وجايبه لك حل يفكك من ابوك..بس زياد يحبها ولا لأ؟؟ نفضت هالافكار من راسها وقامت لصديقتها.. دخل على بنت اخته.. ونادى باسمها.. سلطان:غيووووض غيووووض غيوض:مسحت دموعها..هلا سلطان:جلس جنبها..شلونك؟؟ غيوض:مو بخير.. سلطان:محتاجه زقاره غيوض:لأ..ابي جـــــــدي..وانفجرت صياح سلطان:لحوووول غيوض خلاص يكفي ترى مصختيها..انتي تبين تعذبينه قومي غسلي وجهك اشوف قووومــــــــــي غيوض:هدت بعد تعصيبته..وقامت وهي تجر رجولها تحس ان اللي حولها يرقص..الاشياء تروح يمين ويسار..وفجأه سلطان:غيــــــــــــوض كانو جالسين بالغرفه.. نظرات غريبه يتبادلونها ولاحد راضي يتكلم.. سمعو صرخه ونقزو.. كان شايلها بيدينه بيحطها على السرير دخلو كلهم.. عاليه متلثمه ونوال كاشفه.. عاليه:شفيها سلطان:نزلها على السرير..والتفت عليها..وتاهت عيونه باحسن وجه شافه بهالدنيا..وقف مبلم.. عاليه:شفيــــها؟؟ سلطان:ها..داخت ومافيها الا العافيه..قولي للشغاله تجيب لها اكل شكلها من زمان ماكلت نوال:وهي لاويه فمها وعاقده حواجبها..انت متأكد انك ماسويت لها شيء؟؟؟ سلطان:شتقصدين؟؟ نوال:مادري عنك..اطلع اطلع برى جيتك مثل وجهك خليت البنت تطيح علينا شكلك ناوي تذبحها..تقدمت للسرير وصارت تضرب بخفه على وجه غيوض ومالقت اي تجاوب..التفتت لعاليه..قولي للسواق يجهز السياره بوديها للمستشفى سلطان:مايحتاج نوال:والله انا اللي اقرر..ولو سمحت الزياره انتهت..ورنا مقفاك.. سلطان:دينه ودين اللي يتحداه..اتوقع انك مو من اهل البيت والمفروض اني اقولك انتي الزياره انتهت نوال:ههه تعرف تنكت..وبدت تحرك اصبعها الخنصر فوق تحت عليه..انت تطردني..والله حاله.. عاليه روووحي نادي الشغالات يساعدوني بشيل غيوض..وطالعت فيه باحتقار..واللي يبي يعترض او عنده مانع..فيه اربع حيطان غير الارض والسقف يختار ايهما افضل ويصقع راسه فيه سلطان:جلس على السرير..بشوف شلون تاخذينها يا..ورفع حاجب ماتعرفنا نوال:سوري اسمي غالي علي ماينطقه حثاااله عاليه:شافت الوضع متأزم والبنت مغمى عليها...الحـــــــين شلووون غيوض بتموت نوال:اي والله ضيعت وقتي على الفاضي..وراحت تشيل غيوض بس ماقدرت نادت على عاليه.. سلطان:وقف يمنع عاليه..لا تبين تودينها وديها لحالك..وريني قوتك ؟؟ نوال:عناااد مارح اوريك..هذا الناقص عاليه:لحوووول سلطان الله يخليك والله مو وقته سلطان:انتي ماعليك روحي جيبي لها اكل وبتقوم عاليه:هي ماتبي تاكل سلطان:لا بتاكل غصب عنها.. عاليه:الله يستر...وراحت تجيب اكل نوال:الحين انت ليش خايف؟؟ سلطان:رجاء لاتكلميني نوال:عشتوووو احمد ربك اني كلمتك..هي انت اعرف مين تحكي معه..لما اسألك تجاوبني فاهم سلطان:مو مظطر اجاوبك..وبعدين ليه اتنازل وارد عليك ..بريستيجي مايسمح.. رن جوالها وكان عبدالمجيد ولد عمها..ردت.. هلا عبود عبدالمجيد:هلا وينك مريت البيت مالقيتك نوال:انا عند الجيران..غريبه شجايبك عندنا عبدالمجيد:كلنا مجتمعين وجبت البيبي نوال:من جدك عبدالمجيد:لا من عمي نوال:يوووه مو وقتك..خلاص انا شوي واجيكم عبدالمجيد:لا تتأخرين لايجيك فراس ويتوطى ببطنك نوال:ماعوزه .. عبدالمجيد:ايوه ياقويه..يلا ننتظرك نوال:اوكيه..سكرت ..ولاانتبهت للشخص القريب مره..انتفضت..خيــــــــــــر؟؟ سلطان:تراجع خطوتين ورى وهو يضحك..هههه..خفتي؟؟ نوال:مااخاف من اشكالك يالحقير سلطان:بس تدرين..انتي حلوه من بعيد ومن قريب..فيكي جاذبيه غير..انا شفت بنات كثير بس زيك ماشفت.. نوال:ههه من ناحية جمالي انا واثقه فيه ولا احتاج شهادتك..اصلا شهادتك فيها تنقييييص من قدري..واسلوبك المعفن القديم ترى مكشوف وغبي.. سلطانبقلبه..والله لاجيب راسك)..حرام عليك ماقصدت شيء.. عاليه:دخلت والصينيه بيدها..نزلتها على السرير..يلا سلطان.. سلطان:ابتسم لعاليه..مشكوره..وراح للسرير وجلس جنب غيوض حط يد ورى ظهرها ورفعها..مسك كوب العصير باليد الثانيه وبدى يشربها بشويش.. ******************* الليــــــــــــــــــل.. لبست جلابيه بناتيه فخمه من اليشمك..كانت عباره عن قطعتين..متداخل فيها الالوان الناريه مع الالوان البرونزيه..كان معطيها منظر خيالي..اكتفت بكحل اسود وروج احمر ثقيل..برزت شراسة جمالها..فلت شعرها الحرير والكثيف اللي سواده من سواد الليل.. ورفعت غرتها بكلبس كرستال احمر.. سمعت طق الباب..عرفتها.. ليلى:حياااك يمه ام فيصل:فتحت الباب وبنفي الوقت نزلت الجوال من يدها..ها خلصتي ليلى:شرايك يمه حلوو ام فيصل:والله اللي محليه انتي..قريتي على نفسك ليلى:لاتخافين انا ماانسى اقرى الاذكار ابد..بس روجي يمه ام فيصل:شفيه؟؟ ليلى:مادري احسه قوي ام فيصل:قوي بس حلو ويناسب المناسبه ولاتنسين انها اول طلعه لك للناس عقب طلاقك.. ليلى:والله خايفه يمه ام فيصل:لاتخافين..واللي يتكلم ردي عليه..يالله محمد ينتظرنا.. ليلى:يمه ترى قلت لفيصل يرجعنا.. ام فيصل:كل هذا خوف ليلى:والله ابوي وجدتي ماينضمنون.. وطلعو.. ****** لابسه جلابيه حمل من تصاميم كبرى القصير..كانت قطعه وحده باللون النيلي.. ورافعه بس شعرها من قدام بشباصه فضيه..ومسويه نقش بيدينها.. مكياجها وردي خفيف.. واقفه تحيي بالضيوف .. عبيرلابسه بنجابي من تصاميم انسام الخلف)..سلمى الله يهداك اجلسي سلمى:لا ماتعبت..وراحت تستقبل اللي عند الباب ام فيصل:مبارك عليك الشهر سلمى:وهي تحب راس امها..علينا وعليك يتبارك... تركت امها وراحت تسلم على ليلى.. ******** جالسه متململه ..كلهم كبار..وماعزمو احد غريب.. طلعت منها اف بصوت عالي وانتبهو عليها لجينبنت عمها وتوها ماخذه الدكتوراه من برى والعزيمه لها ولاخوها)..اشفيك ميساء:انحرجت..لاتذكرت شيء ماسويته..سوري لجين:ههه..اقول ميساء كيف تأقلمتي هنا؟؟ ميساء:عادي.. لجين:انا درست برى اربع سنين ويوم رجعت جاني اكتئاب.. ميساء:غريبه انا طول عمري برى يعني ماجيت للسعوديه الا علشان ادرس الجامعه ولا جاني اكتئاب بالعكس مرره مبسوطه..الواحد ماله الا ديرته.. لجين:وهي رافعه خشمها..كل واحد له وجة نظر.. ميساءاف ليتك مارجعتي)..وش ناويه تسوين لحين لجين:بقدم على الجامعه وبدرس فيها.. ميساء:ايه بس ترى بنات الجامعه مايحبون الاستاذه اللي تقلل من قيمة بلدهم او تنتقده بأي شكل من الاشكال..انتبهي لجين:لانهم مايبغو اللي يكشف عيوبهم.. ميساء:طيب عن اذنك بروح اكلم.. لجين:خذي راحتك.. ************ تحس ان الكل مايبي يسلم عليها..كأنها شيء نجس او قذر..ماتدري هو مجرد احساس ولا هم صدق مايبون يسلمون.. قبل لا تطلع من المجلس سمعت.. (قوية وجه هال...) (شين وقواية عين..لواني داريه انها بتجي ماجبت بناتي..) (الله يستر بس ماتخربهم,,,هالاشكال ماتخاف الله) حبست دموعها..وقلبها مثل النار..طلعت من المجلس بس صوت جدتها وقفها.. الجده:ليلى وين رايحه ليلى:بروح اسلم على البنات..بغيتي شيء الجده:لا سلامتك طلعت وهي تحس ان الكل يطالعها..وبنظرات احتقار..سبت نفسها بداخلها هي تستاهل المفروض ماجيت.. دخلت على مجلس البنات.. السلاام عليكم.. الكل وعليكم.. سحبت نفس..وبدت تسلم على كل وحده.. ونفس الشيء ..كلهم يحتقرونها.. الا وحده..ضمتها وقالت بصوت مسموع.. روان:ياااارضي احفظي ماااعليييك... ليلى:ابتسمت من قلب..للحين على حركاتك.. روان:شسوووي كل يوم تزينين..ابفهم منين تجيبينه..سلفينا ترانا محتاجين ليلى:مشاءالله عليك مو محتاجه..وجلست جنبها.. موضي:بصوت مسموع..من برى الله الله ومن جوى يعلم الله.. هيا:ياما تحت السواهي دواهي..ههههه موضي:هههههههه روان:الله يشفيكم صدق مهابيل شدخل اللي تقولونه الحين بكلامي..ولاتتكلمون من دون مناسبه.. جميله:والله اللبيب يفهم بالاشاره.. موضي:ههه الله يهداك ياجميله اي لبيب وهو صايدينها..لو هي ذكيه كان ماقدرو يمسكونها.. روان:اقول انتي وياها ياتكلمو زي الناس ولا انطمو..خلو شغل الغيره بعدين..وهمست لليلى..لاتسمتين لهم ترى يغارون منك ليلى:همست لها..عادي ماهموني(على مين تلعبين ياليلى وانتي قلبك يعتصر) دخلت عبير ووراها القهوجيه.. عبير:حيالله من جانا.. موضي:الله يحييك..نسينا نباركلك.. عبير:جلست جنبها..على ايش؟؟ موضي:سمعنا ان زواجك قريب عبير:حمر وجهها..مادري..المهم انتي شسويتي عقب التخرج مابغيتي تفارقين الجامعه روان:هههه تلقين الجامعه نجحتها تبي فراقها موضي:بايخه.. عبير:ههههه بالعكس حلوه...امززح لاتزعلين..والتفتت لباقي البنات..وانتم شخباركم شمسوين من زمان عنكم روان:والله انتي ام العلوم اهذري علينا.. ليلى:بصوت مخنوق..عن اذنكم روان:بروح معك ابيك بسالفه.. طلعو للصاله.. جلسو جنب بعض.. ليلى:امري.. روان:ليلوه شهالرسميه؟؟شفيك؟؟ ليلى:تنهدت..مافيني شيء.. روان:ليلى لاتخلين هالغيورات يأثرون عليك.. ليلى:روان انتي مو مصدقه الكلام اللي انقال عني صح؟؟ روان:اكيد..ليلى الكل مو مصدق حتى موضي وهيا بقرارة انفسهم مو مصدقين..بس يتكلمون لانهم منقهرين منك.. ليلى:عادي اصلا ماهموني.. قطعت حديثهم سلمى.. سلمى:شتسوون ياحلوين روان:موخابره الا حلوه وحده..وانا الله يخلف علي ليلى:قولي مشاء الله لاتصكيني عين واتحول لقرد.. روان:لا اله الا الله...تبارك الله عليك استانستي.. سلمى:روان صدق اللي سمعته؟؟ روان:وش سمعتي سلمى:انك ملكتي قبل اسبوعين روان:ايه صدق.. ليلى:مبرووووك والله يوفقك ان شاء الله..من اخذتي روان:واحد من معارفنا وماتعرفونهم.. سلمى:الله يلعن الشيطان..ليلى جدتي تبيك ليلى:وين...عند الحريم؟؟؟ سلمى:ايه ليلى:لا مو رايحه سلمى:اقول روحي لاتفشلك.. روان:ليلى شفيك من متى الحياء قوومي ليلى:خلاص بقوم.. رتبت جلابيتها ومشت بهدوء..هي كارهه الجيه اساسا لولا حلفان جدتها كان ماجت.. دخلت والكل طالع فيها..منزله عيونها بالارض..مشت بخطوات سريعه ووصلت لجدتها..نزلت لمستواها.. ليلى:امري جدتي.. الجده:تعالي اجلسي جنبي علشان احاتيتس ليلى:ان شاء الله..جلست جنبها وهمسات الحريم تنخر باذنها..ماعاد تحتمل ماكانت تسمع اي شيء من جدتها..يتكلمون عنها وهي بينهم موجوده..بغيابها شيبيسوون..حست دموعها تجتمع بعيونها..قامت ولاتدري اذا جدتها انهت حديثها او..لأ... ماكانت تشوف الارض..وقفتها عبير وبجنبها هيا .. عبير:على وين؟؟ ليلى:كانت تحاول ماتناظرهم..ب..بروح عبير:سحبتها من يدها..امشي نبي نلعب.. دخلت المجلس.. عبير:لقييتها.. روان:وين لقيتيها؟؟؟ عبير:والله ليه اقولك وانتي عييتي تعلميني وينهي روان:ليلى ترى بنت عمك نشبتلي هنا..وتأشر على بلعومها..بس ماعلمتها انتي وين ان شاء الله ماكشفتك موضي:وين بتكون يعني..اقول هيا شفتي جميله تتلزق ببعض الناس وترمي حالها عليهم هيا:جلست وحطت رجل على رجل..اكيد تحاول فيه عقب ماعافها..بس تراه غلطان هو ولد عمها والمفروض ساتر عليها.. جميله:طيب شسوي..من بياخذني؟؟..اقول ترى الجوال بيدي لايكون كلمت حبيبي وانا مو داريه عبير:اللي مافهمت نغزاتهم..جميله شسالفة ولد عمك الكل انفجر من الضحك.. ههههههههههه ههههههههههههههههههههههههه هههههههههههههههههههههههههههههههه التفتت حوالينها مقهوره تبي اي شيء يكسر سنونهم.. صرخت.. روان:بـــــــــــــــــــــس.. صدق انكم قليلات حيا وماتربيتو..الحسد والغيره ملو قلوبكم..كلكم تدرون انها اشرف من الشرف بس شنقول بالغيره..تخيلو انكم مكانها..ماتستحوون هذي صديقتكم تسوون فيها كذا بدل ماتوقفون معها..ماقول الا مااااالت عليكم يالتافهات.. كانت تبي اي مكان تفضي فيه شحنة القهر والكبت.. فوق ماتقدر تطلع..مستحيل.. والحديقه مليانه بزارين.. راحت لجهه في القصر ماتنسكن الا اذا جاها ضيوف.. دخلت وحده من الغرف وقفلت الباب على نفسها.. مسكت جوالها وضغطت على رقم ميساء..وطلع مقفل.. زاد قهرها..دقت على تهاني وماردت.. رمت الجوال على السرير وهي جلست على ركبتها بالارض وراسها على السرير وطلعت كل شيء بقلبها.. كانت تتنهد وتتألم ودموعها يحرقونها.. تحس انها موقادره تتكلم..صارت تلعن الكل..وتسب نفسها.. رن جوالها رفعت راسها ووجها احمر ومغطى بالدموع..ردت بصوت جريح.. الووو تهاني:بسم الله ليلى شفي صووتك تبكين!!! ليلى:ته..تهاا..تهاااني قه..قهروووني ياتهاني قهرووني تهاني:مين؟؟ليلى اهدي وخوذي نفس وكلميني ليلى:رحت للعزيمه وياليتني مارحت..انتم اللي قلتولي اطلع واني حساسه..شستفدت..صرخت..شستفــــــــــــدت..ورجعت تبكي تهاني:فهميني شصار؟؟ ليلى:تخيلي يطقونها بالوجه..اللي تقول اني---- واللي تقول اني قوية وجه واني مااستحي واللي انا وجهي مغسول بمرق والمفروض مااطلع للناس عقب اللي سويته..واللي تقول اني ابوي دافع دم قلبه علشان ناصر يرجعني ويستر علي واللي تقول اني اتلزق فيهم وا..ماقدرت تكمل حست بنااااااار تسري بكل جسمها رمت الجوال باقوى ماعندها على الجدار ودفنت راسها بالسرير ورجعت تبكي بصوت عالي تبي تطلع كل شيء بداخلها.. كان جالس بمكتبه يصلح بعض الاوراق.. سمع صوت تقفيل الباب وخاف ان عبير تحسبه مو موجود وقفلت الباب عليه.. طلع من المكتب وانصدم باللي يشوفه.. ليلى!!! سمع كل شيء..رجع لمكتبه وقلبه ينزف..صوت بكاها يعذبه يزيده الم.. ماقدر يستحمل..قام لها..دخل الغرفه ..وهو واقف مسح على راسها.. ليلى:ارتجفت من هالحركه..ماتبي احد يشوف ضعفها..رفعت راسها والتقت عيونها بعيونه.. وبصوت يرجف..شجايبك هنا؟؟ ناصر:جلس على ركبته..وبصوت مكسور..لاتبكين والله مايسوون دمعه من عيونك ليلى:تضحك ودموعها اربع اربع..ههههه..ههههههههه...وانت ماتدري من سبب هالدموووع..ورجعت تدفن راسها بالسرير.. ناصر:ليلى..ليلى.... كان بكاها يزيد..شالها بخفه وجلسها على السرير ورفع وجهها بيدينه.. ناصر:ادري اني مااستاهلك..ومعك حق تكرهيني..مثل مانظلمتي انا انظلمت بعد.. وانا مستعد اسوي اي شيء تبينه بس ارجعيلي..ليلى انتي تدرين اني احبك..اتركي كلام الناس ولا يهمونك..اهم شيء انا..ماعليك منهم.. ليلى:ووجهها مليان دموع..صعب ارجعلك..ناصر انت خذلتني..انت حطمت شيء كبير فيني.. انت كسرت قلبي..وصرخت عليه..انت قهرتـــــــــــني خليتني اكلم نفسي واقول شسويت له ليه طلقني..كل شيء توقعته منك الا انك تطلقني..انت وعدتني ماتتخلى عني..تذكر قبل ماتسافر شقلتلي..وماوفيت بوعدك..ناصر انا اكرهك صدقني اكرهك.. ناصر:اللي كل كلمه من كلماتها يجرحه..طيب لاترجعين علشاني..ارجعي علشان الناس تسكت.. ليلى:وعلشان الناس مو راجعتلك..الظاهر انت ماتسمع الكلام اللي انقال..اذا رجعتلك الكلام بيثبت علي.. ناصر:ليلى حرام عليك تعذبيني..والله حرام.. ليلى:مسكت يده وشدت عليها..ناصر انت بس قلبك اللي يعورك..والكل معك..انت عند الناس مثل الثوب الابيض..ونزلت راسها..اما انا قلبي ينزف ومو راضي يطيب..والكل ضدي..ابوي اللي الى يومك مايكلمني..تحسبها سهله علي يمر رمضان وهو مو راضي يقول لي مبارك عليك الشهر ..واخوي خالد اللي صار مع ابوي وتخلى عني..وجدتي اللي ماهمها الا انت والناس وانا ولاشيء..وانا بنظر كل الناس شيء نجس عار المفروض محد يجلس معي..خايفين اخربهم..كلكم تفكرون بأنفسكم وبالناس..ولا احد سأل عني او قال شتبين.. رفعت راسها..الوحيد اللي وقف معي هو فيصل..ومارح انسى وقفته طول عمري.. ناصر:خلينا ننسى كل شيء..ليلى انتي مستحيل تكرهيني انا متأكد..اللي يحب مستحيل يكره.. ليلى:ناصر..صدقني اكرهك..ناصر اذا انت تحبني صدق خلنا نفترق بهدوء..انا مااصلحلك ولا انت تصلحلي..هذا قدرنا..ناصر الله يوفقك ببنت الحلال..صدقني انا مااتمنالك الا كل خير.. كانك على قولك تمنى لي الخير ساعدني انسى حبك اللي خذاني خلي حياتي تنقلب كلها غير وانسى الحبايب والزمن والمكاني حبي لك ابلغ من كل الاساطير مالها بقاموس الهوى وصف ثاني لاشك انا اشعر بالنهايه وش تصير واحسب حساب فراقنا بالثواني بيني وبينك واقع الحال تحذير وعند الموادع ماتفيد الاماني كرهني بنفسك ولو بذنب صغير القى به اعذاري واعود لزماني المشكل انه مابدى منك تقصير وهذا يزود واقعك في كياني ... ناصر:ليلى مايسكن القلب غيرك..والحريم حرامن علي عقبك..انا شاريك لاخر لحظه بحياتي وتأكدي اني ببقى لك طول عمري..لولي شقلتي؟؟ ليلى:الفراق.. ناصر:مارح اضغط عليك..وبيبقى عندي امل .. ليلى:صدت للجهه الثانيه..لاتتعلق بالامل... ناصر:الامل هو اللي مخليني اعيش..ومخلي لحياتي طعم..تصدقين اني مادخلت جناحنا من يوم ماجيت من السفر..ماقدرت ادخلها وانتي مو فيها ليلى:تنام هنا.. ناصر:ايه.. ليلى:مسحت دموعها براحة يدها..ناصر ابيك ترجعني للبيت..ضاق صدري هنا.. ناصر:من عيوني..ثواني بس اجيب مفتاح السياره .. ليلى:طيب وعباتي؟؟ ناصر:وين حطيتيها؟؟ ليلى:عند المدخل..من بيجيبها ناصر:طيب شرايك تنامين هنا؟؟ ليلى:نااااصر ناصر:ياقلب ناصر ليلى:لحووول ناصر:خلاص انا الحين اقول لعبير تجيبها ليلى:لا قول للشغاله هي تعرفها.. ناصر:طيب تعالي لمكتبي ودقي من التلفون وكلمي الشغاله ليلى:التلفون داخل؟؟ ناصر:تلقينه على مكتبي .. ***************** ماراحو لبيت ابو سليمان والسبب ان ابوعهود عازم عيال اخوه بالبيت ويبي سالم يجلس مع عهود... دخلت وبيدها صينية فيها قهوه وحلا..كارهه نفسها بهاللحظه بس ابوها غصبها.. حطتهم على الطاوله.. ابوعهود:خوذو راحتكم..انا طالع سالم:وين ياعمي اجلس مابعد شبعت من شوفتك.. ابوعهود:لا عندي شغيلات..وطلع سالم:مد يده واخذ قطعه من الحلا وصب قهوه لنفسه.. عهود:تشجعت وجلست جنبه.. سالم:نزل الفنجان بعد ماشرب طالع بساعته..عن اذنك تأخرت عهود:وهي تتذكر كلام مؤيد..حاولي تكسبينه..انا غلطت عليه...قامت معه..بس انا ماسولفت معك.. سالم:مابينا سواليف.. عهود:وقفت قباله..وقالت بدلع..متأكد.. سالم:رفع حاجب..عندك شك.. عهود:ايه..تدري اني جلست علشانك .. سالم:مافهمت شتقصدين؟؟ عهود:اقصد فيه اشياء كثيره ماتفقنا عليها..والمفروض تشاورني فيها سالم:تكتف..مثل؟؟ عهود:مثل وين بنسكن؟؟ سالم:عندي بيت..وجاهز عهود:لاوالله يعني اثثته بالكامل..كله ذوقك بس سالم:اوو نسيت ان ذوقي مايعجبك.. عهود:ماقلت كيذا..اوكيه راضيه بذوقك..ماقلتلي شيء عن الزفه سالم:اي زفه..انا مو مسوي عرس.. عهود:وشووو..ليييه؟؟ سالم:تذكر انها ماتعرف شيء عن مرض ابوها..بسوي عائلي.. عهود:سالم انت مغصوب علي؟؟؟ سالم:خاف تفضحه عند عمه..لا.. عهود:بصدقك..ومدت له ورقه مكتوب فيها رقمها..شكلك ماتعرف رقمي..لاني ارسلك مسجات وماترد علي.. سالم:مااهتم كثير بالمسجات..ومااعرف رقمك.. عهود:اذا بغيت شيء اتصل علي سالم:اكيد...طلع.. ركب سيارته والرقم بيده..قطع الورقه ورماها بالشارع.. وهمس...ماشفتي شيء ياعهود انا ترفضيني..هين.. ************ |
مو منتبهه لسواليفهم وضحكهم..تفكر باللي صار.. نوال:معقووله عاليه تكذب؟؟مستحيل..ياربي تصرفه مع غيوض وشكله لما اكلها..كل هالشيء يدل على انه حنون..غيوض وتعلقه فيه..ااخخ بس عليه وسامه على غرور يذبحون.. شموخ:وهي تلوح بيدها..هااااي وين وصلتي نوال:ااااف خير شتبين؟؟؟ شموخ:ابد بس قاعده اسألك وانتي مطنشه.. نوال:عن ايش؟؟ شموخ:عمي ماقالك متى يجي؟؟؟ نوال:متى كلم اصلا..بس ليه تسألين شموخ:مليت انا وامي متى ترجعين لزياد..حتى ابوي ماصار يفتح الموضوع ابدا نوال:وزياد شرايه بالموضوع شموخ:زياد واقع على شوشته...باين عليه الحب..والله وبدى يحبك زياد يانوال نوال:ومن قالك ؟؟؟ شموخ:اخوي واعرفه..ميه بالميه يحبك..بس يتغلى عليك.. نوال:حقه يتغلى..مسكت عبايتها بيدها ..يالله تصبحين على خير.. ******************** وصلها للبيت وقبل لاتنزل.. ليلى:ناصر قول لابوي يسامحني.. ناصر:اكيد بقوله..لولي لاتخافين مو راجعتلي الا برضاك..مارح اسمح احد يتدخل فينا..بس انتي اوعديني تفكرين.. ليلى:نااصر انساني..ونزلت.. ناصر:وهويشوفها تسكر الباب..انسى نفسي ولا انساك..وحرك السياره.. *********************** جالسين بالصاله.. مستانسين برجعة ليلى..كانو يدورن على ليلى والشغاله قالت لهم انها راحت مع ناصر.. دق فيصل على امه وقال انه بيدخل علشان يسلم على جدته.. ابوفيصل وابوسليمان والجده وخالد وسليمان ومحمد وسلمى وعبير وام فيصل.. دخل وبصوت جهوري .. السلام عليكم.. الكل وعليكم السلام.. راح لجدته وسلم عليها وباركلها بدخلة رمضان.. الجده:وينك انت ماشوفك الا مره بالشهر سليمان:جدتي البدر مايطلع الا مره.. فيصل:ابتسم لسليمان..يالاخو تراك مضيع سلمى هناك.. سلمى:هذا جزاه يمدحك.. خالد:تكلم المدافع.. فيصل:ليلى وينهي مااشوفها سلمى:هذي هي..وأشرت على عبير فيصل:لا..هذي عبير.. سلمى:وشدراك انها عبير وهي متغطيه.. فيصل:صار يسب سلمى بداخله..هذا وقتك ياكونان...ابتسم لها..لانها متغطيه يالذكيه.. سليمان:يالغبي انت ناسي اني موجود يعني اكيد ليلى بتتغطى..دورلك عذر ثاني.. ورجع يكمل نقاش مع ابوه وعمه بأمور الشغل.. فيصل:يمه منه قاط اذنه معنا..المهم وين ليلى؟؟ خالد:رجعت مع ناصر..مبرووك فيصل:وش قلــــــــــــــــت؟؟؟؟؟؟ الكل سكت.. فيصل:ليــــلى وين؟؟؟ سليمان:فيصل اعصابك..قلنالك ليلى رجعت فيصل:ومن قالكم ترجعونها..وينهي هي؟؟ خالد:ماندري طلعو.. فيصل:عصب وقام على خالد ومسكه مع ياقة ثوبه..قوووولي وينهي لاكسر وجهك.. سليمان:قام يفكهم..فيصل تعوذ من ابليس.. فيصل:سليمان ابعدددد..خوييلد انطق وينـــــــــــهي؟؟؟ ابوفيصل:فيــــــــــــــــصل.. فيصل:مارد على ابوه..لانه معصب وخايف يغلط.. ابوفيصل:فيـــــــــــصل اترك اخوك.. فيصل:رمى خالد بعيد..والتفت على ابوه..وينهي؟؟وين وداها؟؟ ابوفيصل:اختك رجعت بكيفها محد غصبها..هي خذت عبايتها وطلعت فيصل:انتم مالكم شغل فيني جاوبوني وبس..ولاترى والله العظيم لاذبح ناصر وافتك من شره.. ابوفيصل:عصب..اعقل لااعقلك انا..بزران يوم تصارخ علينا..انت شعليك مره ورجلها بكيفهم تتدخل ليه فيصل:طلع جواله ودق على ليلى..عصب اكثر لما شافه مقفول..صرخ عليهم.. ورب البيـــــــــــــت ان سوى فيها شيء لاخليكم تصلووون عليه بكره..والتفت على امه..هذي وصاتي ..ماقلتلك اذا صار شيء دقي علي.. ام فيصل:ياوليدي مادريت عنها الا قبل نص ساعه وسألت الشغاله وقالتلي انها هي اللي راحت معه فيصل:مو على كيـــــــفها ترجعله..اكيد رجعتله علشان ابوي..انا عارفها.. ناصر: قاطعهم..ليلى بالبيت..مارجعتلي فيصل:راح له..وصار قباله بالضبط...زم شفايفه...سويت لها شيء ناصر:لا تخاف..بس هي طلبت مني اوصلها لانها متضايقه..واذا مو متأكد رح لبيتكم تأكد.. فيصل:بروح..وياويلك مني ان دريت انك مسويلها شيء..طلع الجده:صدز الحتسي..مارجعتها ناصر:صدز..وبصوته الجهوري...رجاااااء مابي اي احد يتدخل بينا..تقدم لعمه وحب راسه..عمي الله يخليك سامحها...تراها متضايقه انك مارضيت تبارك لها بهالشهر ولاراضي انك تكلمها..عمي طلبتك سامحها ابوفيصل:مسامحها ياناصر.. ابوسليمان:استريح يابوفيصل..واشر للعيال يجلسون.. عبير روحي حطي السحور نبي نتسحر مع بعض.. ************************************** ((سبحانك اللهم وبحمدك اشهد ان لا اله انت استغفرك اللهم واتوب اليك)) |
لابس بجامته ومتمدد على السرير يحاول يهدي اعصابه..اللي صارله مو شويه.. مجرد التفكير ان ليلى رجعت غصب عنها توتره ..قام من سريره وصار يدور بالغرفه.. فيصل:زفر..الحين شيبي يقولون عني ..مرر يدينه على شعره بتوتر..ماعلي منهم اهم شيء ليلى ماصار فيها شيء..طيب وخالد؟؟اكيد زعل علي.. طلع من غرفته وراح لغرفة خالد..دق الباب بشويش..وفتح الباب.. قرب من السرير ..يبي يشوف ملامحه..اذا نام وهو زعلان يبي يبين.. فتح عيونه لماحس ان فيه احد يشاركه التنفس.. خالد:فيصل!! فيصل:حك حاجبه..يعني مو نايم؟؟ خالد:عدل جلسته..خيـــر؟؟وش بغيت فيصل:جلس جنبه..ابو الخلد زعلان مني.. خالد: ميل شفايفه ..شرايك؟؟ فيصل:ياربي منك..انت تدري بطبعي اذا عصبت ماشوف قدامي..وانت بصراحه قهرتني خالد: انفعل..قهرتك بوشو؟؟ فيصل:مستانس ان ليلى رجعت.. خالد:ايه مستانس..انت لو تفكر فيها بعقلك تلقى ان ابوي معه حق.. فيصل:لاتدخلني بمتاهات ابوي..انا اللي يهمني صاحبة الشان..هي ماتبيه خلاص.. خالد:الظاهر حنا مارح نتفق..بس حتى ولو مو مبرر انك تمد يدك على وقدام الكل .. فيصل:تبينا نتفق ابعد عن ليلى مالك دخل فيها..انا اتحمل مسؤليتها..ومدت يدي عليك انا اسف وحقك علي واذا تبيني اعتذر قدامهم ماعندي مانع.. خالد:..... فيصل:عطى خالد كف على خفيف..يلا ارضى خالد:ابتسم لاخوه..رضيت يالدب فيصل:غطى وجه اخوه بالحاف..يلا ترى عطيتك وجه...وطلع.. خالد:الحين من عطى وجه للثاني.. *************************** رن جوالها بالنغمه الاعتياديه للارقام الغريبه.. تقلبت بفراشها.. نوال:افففف من هالغثيث؟؟ سكرت بوجهه وقفلت الجهاز.. *************************** من بعد صلاة الفجر وهي ماسكه القران..الحين وصلت للجزء الثالث.. سكرت القران..وانسدحت على سريرها..غمضت عيونها وجت صورته.. عبير:فتحت عيونها...يمه يخوف مثل ناصر..هذا شلون بعيش معاه؟؟الظاهر لو اقول صباح الخير عطاني كف.. لا لا مااتوقع..هذا ناصر مع ليلى مايقول ولا كلمه ورومنسي لابعد حد..يمكن فيصل مثله؟؟ انقلبت للجهه الثانيه...والله من الغباء اللي فيني..ناصر يحب ليلى بس فيصل مايحبني.. والله ان مد يده علي لاوريه الشغل ومااجلس معه دقيقه وحده..اصلا فكه منه.. واستسلمت للنوم ******************* اول يوم رمضان... العـــــــــــــــــــصر: الوقت سريع ولازم كل شيء يكون جاهز..مابقى الا ساعه على الفطور.. الجده والعيال بيفطرون معهم.. ام فيصل:وشو هذا؟؟ ليلى:عصير من اختراعي..ان شاء الله يعجبكم.. ام فيصل:ماظنيت شكله مايهيء..والتهت مع الطباخات تساعدهم.. ليلى:دخلت الجيك بالثلاجه..وطلعت.. قابلها محمد.. محمد: وهو ماسك بطنه..خلص الفطور تراني فطست ليلى:طالعته باستهزاء..الحين اذا خلص بتفطر..يعني هي موقفه على الفطور يالغبي؟؟؟ روح اقرى لك قران واذا اذن المغرب مالك الا تشوف الاكل قدامك.. محمد:رن جواله ورد..هلا ناصر....متى؟؟ خلاص ان شاءالله..لا انت قوله ابوخشم مادانيه.. ههههه...موخايف..خلاص..اشوفك على الفطور...طيب مع السلامه..سكر الجوال.. ليلى:شيبي ناصر؟؟ محمد:لا بس...ورفع حاجبه..انتي شعليك صدق الحريم ماينعطون وجه..وتركها.. ليلى:صرت على سنونها ومسكت اعصابها..اللهم اني صاااائم.. كان بيطلع برى يمشي قبل الفطور..انفتحت البوابه ودخلت سيارة بيت عمه.. ابتسم..وراح يستقبلهم.. وقفت السياره قريب من باب الحريم.. فتح الباب لجدته.. محمد:حيالله من جانا انورت واسفرت.. الجده:الله يحييك ..امسكني زين..ووقفت..وهي لازالت ماسكه يده.. عبير:نزلت من السياره..هلا محمد محمد:التفت عليها..هلا عبوره.. ودخلو داخل.. همست بالله يستر..يوم شافت جدتها.. مسكت طرف جلابيتها بيد وراحت لها.. ليلى:وهي تحب راس جدتها..نورتي البيت.. الجده:وهي تقرص خدها..النور نورتس..الله يهديتس ويفتح على قلبتس.. ليلى:فهمت شتقصد جدتها..طنشت وراحت لعبير..هلا عبوره شفيك متغطيه؟؟مابه احد محمد:هي انتي مو شايفتني؟؟ عبير:عناد بكشف يامحمد محمد:كيفك خلي صيامك يخرب..اللهم انت الشاهد انا مالي دخل هي اللي تبي توريني وجهها عبير:بس علشاني صايمه محمد:يعني تدرين ان اللي تسوينه حرام..وساعد جدته تجلس..تامرين على شيء يالغاليه.. الجده:وين تبي تنهج؟؟(اين ستذهب) محمد:بروح لمجلس الرجال الحين بيجون العيال.. الجده:خالد وينه..ماجاء؟؟ محمد:خالد راح للبقاله القريبه من هنا..تعرفين طبعه كود يشتري قبل الفطور حتى لوكان موجود.. الجده:الله يهديه..انهج ماعطلك محمد:يلا سلام..وطلع عبير:فتشت..الله يقلع بليسه هزمني ليلى:اووعاد عبير لاترضى بالهزيمه.. الســـــــــــــلام عليكم.. عبير تغطت بسرعه.. كان بيطلع بالمصعد لانه تعبان..ولا انتبه ان فيه احد ليلى:فيصل تعال سلم على جدتي... فيصل:اسف مانتبهت..وتقدم لهم..حب راس جدته..يالله ان تحييها وش اخبارتس مع الصيام؟؟ الجده:والله ماغير الدوخه والرجفه..مااقوى اثور ياوليدي(اقوم) فيصل:جلس جنبها وحط يده على ظهرها...الحين انا مو داق عليتس قبل الفجر وقايلتس لاتنسين تاخذين حبة السكر.. الجده:تسبدي اوجعتن ومابغيت ازيده بالحبه.. فيصل:ليه بعد علامه تسبدتس من متى توجعتس الجده:والله له ثالث يوم وهي مو بالحيل فيصل:مابتس الا العافيه ان شاء الله عقب الفطور اوديتس للمستشفى واشوف شقصة هالتسبد.. الجده:وا..(كانت بتحلف انها ماتروح) فيصل:حط يده على فمها...والله انتس تروحين معي..خلاص حلفت قبلتس الجده:الله يهديك...انا مااداني اطب المستشفيات فيصل:خلاص تبين تقطعين حلفي بكيفتس الجده:لاوالله مااقطعه..بس علم يوصلك ويتعداك نومتن فيه مانام فيصل:ان شاء الله ماتحتاجين..والتفت على عبير..هلا عبير كيف حالك.. عبير:بخير الله يسلمك.. الجده:همست باذنه..ماراضيت خيك..(اخوك) فيصل:الا راضيته..انا انفعلت غصب عني.. الجده:الله يهديك ويصلحك مادري ليه هالمعارض.. مابه شيء اذا رجعت لناصر والله ماتلقى احسن منه.. فيصل:حب راسها..الله يسلمتس ويخليتس لي انا مااقوى اغصبه على شي..هي عندتس اذا رضت انا راضي.. الجده:انت لو ماتقوي راسه هي بترضى.. فيصل:ههههه الحين انا اللي مقوي راسه...التفت..ليلى انا قايلتس لاترجعين لناصر.. ليلى:اللي كانت جالسه جنب عبير وتسولف معها...استغربت سؤال فيصل..ليه؟؟ فيصل:انتي ماعليتس بس جاوبي.. ليلى:لأ.. فيصل:مسك يد جدته..سمعتي انا مالي دخل..يـــاللا بروح اغير لبسي واتوضى قبل الفطور.. الجده:الله يسهل عليك... مر من عندها وطلع.. عبير:وهي تفكر بالانسان المتقلب..مره حنون ومره عصبي.. ليلى:عبوره خلاص راح افتشي.. عبير:فتشت..اقول خالتي وينهي؟؟ ليلى:بالمطبخ.. الجده:قومي يابنيتي ساعدي خالتتس.. ليلى:لا خليها مرتاحه انا بقوم الجده:لا انتي اجلسي ابيتس بسالفه..عبير قومي عبير:ان شاء الله فصخت عبايتها وخلت الطرحه عليها وراحت للمطبخ.. ليلى:هلا جدتي شبغيتي الجده:اقربي جاي(تعالي عندي) ليلى:جلست جنب جدتها...سمي الجده:يابنيتي انتي توتس صغيره وماتفهمين ..البنت مالها الا رجلها.. قاطعتها .. ليلى:ورجلها طلقها.. الجده:لحوول قلنالتس غصب عليه..يابنيتي انتي شفتي الحريم امس واكيد سمعتي حتسيهن الماصخ(كلامهم).. ليلى:تنهدت..سمعت الجده:وزين انتس سمعتي..واللي ماحتسى امس بيحتسي باتسر..والكلام الشين ينتشر..وانتي عقب اللي صار محدن بيخطبتس ليلى:من قال اني ابي العرس..خلاص عفته ..جربته وطاب الخاطر الجده:اتركي عنتس هالكلام..المره مالها الا رجلها وعيالها..وابوتس مو دايمن لتس..واخوانتس ماتدرين عن حريمهم..الدنيا يابنيتي ماتامنينها..فكري بعقلتس..والولد شاريتس وميتن عليتس ..خوذي اللي يحبتس تسعدين.. ليلى:خذت اللي يحبني وشفتي بعيونتس وش جاني منه..جدتي الله يخليتس مابي احد يتكلم معي بهالموضوع خلوني على راحتي... دخلت وايد على بطنها وايد على ظهرها..والشغاله معها صينيتين.. سلمى:السلام عليكم...ومشت بشويش لين وصلت جدتها وحبتها على راسها وجلست جنبها.. ليلى:ليه ماتسلمين سلمى:شفتك امس.. عبير:جت من المطبخ...طيب حتى جدتي شفتيها امس.. الجده:اعوذ بالله من الشيطان الرجيم ..هالبنت انا مادري متى تعقل..اهجدي تراني جدتتس مو جارتتس.. سلمى:ايه ادبيها ياجدتي.. عبير:عادي اصلا متعوده عليها.. *************** في نفس المدينه لكن بمكان ثاني..وبغرفه ثانيه.. نست او تناست ان اللي تعمله من اكبر الكبائر.. نست او تناست انها بشهر فضيـــــــــــــل...نست ان هالزائر اللي فيه انزل القران مايجي الا مره بالسنه.. نست انها احتمال ماتلحق عليه السنه الجايه... نست ان الصيام ركـــــــن من اركان الاسلام... لابسه بيجامه بيضاء حرير..وبفمها سيجاره غير عن كل السجاير..تاخذها لعالم اخر .. بعدتها عن فمها وهي تطلع نفس..حطتها بالطفايه..وانسدحت على السرير...وبدت تسوي مساج لراسها لعل وعسى يروح الصداع..دقايق وحست براحه.. سمعت الباب يندق.. غيوض:ميـــــن؟؟ عاليه:انا عاليه يلا قومي مابقى شيء على الفطور..دقيقه بالكثير ويذن.. غيوض:طيب الحين جايه..انقلبت للجهه الثانيه وكملت نومها.. *************** بعد مارجعو من صلاة المغرب.. جالسين مع بعض بطاوله وحده.. بكامل زينتهم..بدون مايقدرون حرمة هالشهر..بدون مايتخلون عن معاصيهم..اما كبرياء او شيء متعودين عليه..بنت عمك ومرت اخوك مثل اختك...الغطاء شيء غير معترف فيه.. لابسه تنوره لنص الساق لونها احمر بتشجيرات متنوعه..مع تيشرت احمر ساده..وتاركه شعرها على طبيعته.. جالسه جنب شموخ.. نوال:همست وهي تشرب الشوربه..اقول شفيها مرت اخوك تقل مغصوبه على الجيه.. شموخ:ضربتها مع رجلها..بعدين بعدين.. عبد المجيد:يمه الله يخليك حطيلي سلطه.. نوف:هذي السلطه عندي.. عبدالمجيد:عطاها نظره..انا قلت لامي..ثانيا مابي اللي عندك.. نوف:على خبري تحب سلطة الجرجير.. زياد:يووه يانوف قديمه انتي..عبود صار يحب سلطة ..وطالع بامه تسعفه.. ام فراس:حركت شفايفها وقالت سيزر بس مافهم عليها نوال:السيييزر..وقالتها بحركه مسرحيه علشان مايحسون على زياد انه توهق وكأنه ينتظرها تقولها.. نوف:تعبتي حالك.. نوال:لاتعب ولا شيء.. زياد:حرك شفايفه لنوال..مرسي بوكو نوال:ابتسمت له.. فراس:اللي جالس يمين ابوه...اقول زياد ترى قلت لابوي عن المشروع.. شموخ:فراس شفيك حنا نفطر.. فراس:وانا قايل شيء يحوم الكبد لاسمح الله.. قامت بهدوء مثل حضورها بينهم.. ام شيخه:اللهم ادمها من نعمه..كثر الله خيركم.. الكل صحه وعافيه.. شموخ:همست لنوال..امك شفيها نوال:ابوي بعد يومين بيجي..مادري شفيها عليه..كل مايجي تتأزم .. شموخ:مغروره ولاعمي يهبل ومافي احسن من اخلاقه نوال:مادري.. ابوفراس:زياد بعد الفطور تعال لمكتبي..وقام من السفره.. عبدالمجيد:وش مهبب يازيود ابوي شكله معصب زياد:اخذ حبة سنبوسه..والله اللي معصب جالس جنبك.. نوف:افف..وقامت. عبد المجيد:بعد ماراحت نوف..زياد شفيك عليها؟؟؟ زياد:يعني مو شايف اسلوبها معنا..ياخي ماتبينا خلها تضف وجهها مثل مرت اخوك الثانيه وتنقلع لاي مكان فراس:الحين شدخل مرتي؟؟فاكتكم من شرها ورايحه توكل عيالها علشان مايحوسونكم بالاكل وهذا جزاها نوال:فراس ترى ماله داعي تغطي عليها وحنا عارفين انها رايحه داخل لانها ماتحب تاكل معنا فلا تخلي العيال عذر.. فراس:وانتي اسكتي انا داري انك ماتحبينها.. زياد:هي اللي ماتحبها ونوال عمرها ماتعرضت لها.. عبدالمجيد:تكلم المدافع..زيود ترى موناقصين مشاكل زياد:عاد ناقص ولا مو ناقص اللي بتقول نغزه بامي مو ساكت لها.. فراس:زياد شهالكلام ..متى هم تعرضو لامي؟؟؟وطالع بامه..يمه عمرها غلطت عليك؟؟ ام فراس:تعوذو من ابليس..قوم زياد روح لابوك شوفه شيبي زياد:ان شاء الله... في المجلس العائلي.. جالسه تفرك بالجوال تبي تلهي عمرها.. وبالجهه الثانيه من المجلس جالسين مع بعض.. نوف:افف قهرني زهوه:طنشيه..اسمعي ترى خلاص انا موجايه عقب اليوم ..بعيد الفطر بجيهم.. نوف:من غير ماتقولين..بس هالعله اللي عندي من يقنعه زهوه:اقول شفيها هذيك مكشره<<تقصد ام شيخه نوف:الله يقلعها هي وبنتها الغثه..اصلا ماعمري شفتها مستانسه.. زهوه:غريبه هالادميه..لاتهش ولاتنش تجي ساكته وتروح ساكته..مع ان امي قد شافتها قبل عند وحده من صديقاتها وتقول انها تاخذ المجلس كله من سوالفها.. نوف:اقول شكله البلاء من هالبيت محد يدخله الا يضيق صدره.. *********************** بالمكتب.. واقف بعد ماحب راس ابوه اللي اقتنع اخيرا بكلامه.. ابوفراس:اجلس انا للحين ماكملت كلامي.. زياد:جلس على كرسي من الجلد الفاخر وحوافه خشب فيه نقوش زادته فخامه..حط يده على المكتب ..اسلم طال عمرك.. ابوفراس:انا بتفاهم مع عمك بطريقتي..بس اللي يهمني اذا البنت ماوافقت او ابوها رفض ..تتزوج نوال على طول..بدون نقاش.. زياد:ان شاء الله بيوافق علي.. ابوفراس:واذا وافق..بعد بتتزوج نوال.. زياد:يبه انا مابي اتزوج ثنتين...ونوال الله يرزقها ابوفراس:شكلك مو ناوي تجيبها لبر.. زياد:اللي خاف من تغير لهجة ابوه...خلاص طال عمرك انا موافق.. ابوفراس:الزواج وخلصنا موضوعه..المشروع متى ناوي تبدا فيه؟؟ زياد:انتظر راي ولد عم فيصل..كانك تعرفه يبه اسمه سليمان عبد الرحمن ال... ابوفراس:ونعم والله فيه..انا شفته اكثر من مره..رجال ذكي ومايفوته شيء..على صغر عمره الا انه يعتمد عليه.. خلاص اجل اذا وافق اعرف ان مشروعك ناجح ميه بالميه..بس ليه ماتدخل اخوك عبدالمجيد معكم.. زياد:والله ودي بس سليمان يوم رضى بالمشروع رفض يدخل شريك خامس.. ابوفراس:ان شاء الله تصير بينا مشاريع ثانيه..شركة راشد ال----(ابوفيصل) معروفه وناجحه..قطع نقاشهم صوت التلفون... ابوفراس:الو :مبارك عليك الشهر رمضان كريم الله يطولي بعمرك ابوفراس:هللا هلا بام ايمان شلونك شخبارك واخبار ايمان وزوجك.. تماضر:كلللنا بخير الله يخليك لنا ..يبه امسك ايمان ازعجتني ايمان:هلووو جدوو(عمرها خمس سنين) ابوفراس:هلوو بعيون وروح جدو..شمسويه يابطله..لايكون ماصمتي ايمان:نو مامي تقول لسا انا بيبي زياد:اشر لابوه يبي يكلمها... ابوفراس:حبيبتي كلمي خالوو...وعطاه السماعه زياد:هلووو يالدبا سوري اقصد البطه ايمان:خالووو ترى بزعل..ومدت بوزها زياد:اكيد مديتي البوز...ميمي ..ميمي ترى بسكر ردي ايمان:اش تبغى؟؟ زياد:امزح معك اصلا انتي احلى وحده بالعالم.. ايمان:استانست..اعرف زياد:عطيني ماما... ايمان:مامي خالو يبغاك... تماضر:اهليييين بشيخ الشباب ...اهلين بالمعرس زياد:بسم الله علي انتي تتجسسين علينا توه ابوي موافق شدراك يالسكنيه تماضر:ياحليلك شموخ قالتلي قبل اسبوع..بعدين مافهمت شلون ابوي توه موافق وانت اللي رافض.. زياد:عرف ان اخته مو فاهمه السالفه...لااااا راح بالك لبعيد...خلاص دامك موفاهمه شيء اجل بخليها لك مفاجئه.. تماضر:يعني فيه عرس وفيه سالفه...بليييز زياد علمني والله مااقول لاحد زياد:قلتلك مفاجئه..شخبار زوجك؟؟ تماضر:يوووه وانا داقه علشان ابشركم...باركولي نجح واخذ الدكتوراه زياد:على البركه واخيرررا مابغى..اجل مانتم مطولين تماضر: شهر شهرين بالكثير وراجعين.. زياد:ياني مشتاق لهالبطه بنتك.. تماضر:ههه ياحليلها ماتنام الا مع العروسه اللي منك زياد:يابعد قلبي.. تماضر:طيب انا طولت عليكم..بشرهم لاتنسى زياد:مو ناسي..مع السلامه.. (تماضر..اختهم الكبيره..بين فراس وزياد..متزوجه واحد من معارفهم..سافرو بره علشان يحضر الدكتوراه.. ((تتذكرون يوم راح زياد وفيصل للسوق وشاف ميساء هناك..زياد كان رايح يشتري هديه لبنت اخته ايمان)) ********************** قبل صلاة التراويح.. لابسه عبايتها ..وامها واقفه مع ريم تكلمها.. ريم:لا ياخالتي انا بصلي هنا وبنام والله تعبانه..اعتذرولي منهم ام فهد:خلاص براحتك..اذا احتجتي اي شيء دقي علي.. ميساء:يمه يالـلا مابقى شيء على الاقامه.. ام فهد:طيب طيب..لبست عبايتها وراحو للمسجد ومن بعدها بيروحون لبيت ام فيصل.. |
ماسكه يد جدتها وتمشي بشويش..تحس نفسها بتموت من هالمشيه..هي تحب تسرع.. عبير:ليلى.. ليلى:تمشي قدامهم مع ام فيصل وسلمى..هلا عبير:تعالي امسكي يد جدتي ابي سلمى بسالفه.. الجده:تعالي تعالي ياليلى فكيني من هالمرجوجه ماتقوى تمشي بالهون كود عباته تطير(ماتقدر تمشي بهدوء) عبير:ام راشد شفيها علي.. ام فيصل:ليلى روحي امسكي جدتك وانتي ياعبير تعالي ليلى:ان شاء الله.. مسكت يد جدتها.. عبير:راحت جنب ام فيصل ..هلا خالتي.. ام فيصل:جهزتي للعرس.. عبير:سكتت ماتدري شتقول ام فيصل:يعني ماجهزتي..ليه؟؟انتي ماتدرين انه بثاني العيد..يعني متى بيمديك..ادري حنا تأخرنا بالمهر بس المفروض تستغلين الوقت.. عبير:بصوت واطي..مادري..ماعرف كيف اشتري..خالتي<<تقصد ام مؤيد...تعبانه ..وسلمى ماتقدر تطول بالمشي.. ام فيصل:مسكت ايدها وضغطت عليها..افا ياعبير وانا وين رحت؟؟ولا ماتعتبريني مثل امك..الليله عقب صلاة التراويح بنروح السوق مفهوم.. عبير:اللي تشوفينه.. ام فيصل:وهي ترقى مع عبير درجات المسجد..لاتستحين مني..عبوره انتي مثل بنتي..وزوجة الغالي. عبير:ابتسمت من تحت غطاها بألم..الله يرحمك يمه.. ************* كانت معصبه بقوه ..حالت هالبنت مو طبيعيه.. فيها شيء.. عاليه:شالت الحاف ورمته بالارض....اصحيييي وكلميني زين غيوض:افففففف ..عدلت جلستها...خيررررر شتبين عاليه:قومي غسلي وجهك وانقلعي افطري للحين صايمه .. غيوض:ماني جوعانه عاليه:وش دخل الجوع بالموضوع..هي السالفه غصبا عليك الله ماقال اذا جعتو افطرو قااااااال اذا اذن المغرب افطري لو بكاس مويه..فهمتتتتتي ولا اعيييد غيوض:تناولت كاس مويه جنبها وشربة منه...نزلته على الكومندينه اللي جنبها...هاااا ارتحتي.. عاليه:انتي شفيك شاللي غيرك؟؟؟ غيوض:عاليه عندك غير هالسالفه قوليها ماعندك فاااارقي ابي انام.. عاليه:ايه عندي ..امك وابوك جايين بعد شوي.. غيوض:اكبر همي..في شيء ثاني؟؟ عاليه:حسبـــــــــــــي الله على سليطين اللي قلب حالك غيوض:انفلتت اعصابها...لاتحسبـــــــــــــــين عليه انتي مالك دخل انا ماسمحلك هو شسوالك انتي شتبين شتبين..برررىىى بررررى عاليه:ماردت عليها وطلعت.. شافت اخوها صالح توه راجع من المسجد.. نزلت لمستواه..ضمته.. عاليه:دعيتلي صالح:لأ.. عاليه:بعدته..ليييش؟؟..انت ماصليت مارحت المسجد صالح:لااا مارحت رحت لغرفه كبيييييره عاليه:هههه ياقلبي هذا هو المسجد..اخخخ الشرهه مو عليك مالومك ماتعرف المسجد الشرهه على ابوك اللي ماعلمك..جايبكم تعلمون انفسكم..تعال حبيبي معاي.. ************** رجعو من صلاة التراويح مع بعض.. ابوسليمان وابو فيصل مع واحد من اصدقائهم يمشون مع بعض.. والعيال مع بعض.. فيصل:والله ودي بس فيني نوم.. سليمان:ياخي كلنا نداوم ومايجينا نوم فيصلقل اعوذ برب الفلق)..حاسدني انت خالد:وهو ماسك طرف ثوبه بيده..ورمى برجله حصاة اعترضت طريقه..يحسدك على الكسل يالسوداني.. فيصل:والله بنظري النوم راحه مو كسل ولكل انسان طاقه..اقول سليمان شصار على المشروع سليمان:لا كل شيء اوكيه..موافق بس لي شروط.. فيصل:وش شروطه الله يهديك..ترى زياد خويي سليمان:هذا بزنس والعلاقات الاجتماعيه ملغيه مالها وجود..اسمع ابيك تعطيني رقم اخوه فراس..ابي اجتمع معاه فيصل:خلاص ارسلك رقمه.. خالد:يوم سمع سواليف سليمان وفيصل راح لناصر ومحمد اللي يمشون قدامهم ومعهم واحد من جيرانهم ويعرف ناصر زين.. ناصر:ابد مامن احد..كلهم تعرفهم.. طلالصديق ناصر وجارهم)..شوف اذا بيجي سلطان تراني مو جاي ناصر:افا ياطلال انت تدري ان هالاشكال ماتطب الاستراحه..كرشه خالد قبل فتره..(طرده) طلال:كفو عليك ياخالد والله انه يستاهل.. خالد:وش على بالك..انا ماداني اللي يمشي بطالي مااارحمه محمد:بلع ريقه بصعوبه.. سمع كل كلام ابوه لعمه...اذا جاء ابو فهد هالاسبوع بيخطبون لخالد..او بيخطبونها من فهد.. طالع باخوه اللي يضحك مع طلال..ورجع لكلام ابوه مع عمه.. خالد:حط يده على كتف محمد..ها شقلت تجي معنا ..يارجال نبي نستانس واليوم المباراه قويه..ابوشنب بيجي طلال:اذا ابو شنب بيجي خلاص ان شاء الله جاي.. وصلو لبيت ابو فيصل خالد:حياك تقهوى طلال:بعد بتتقهوون اقول امشو نبي نلعب من اول الليل علشان نرجع لبيوتنا بدري..تحسبنا عزابيه مثلك ناصر:خلاص اجل امرك بعد خمس دقايق بروح اغير لبسي.. نطلع جميع احسن طلال:حميدان تراك من الحين محجوز لفريقي ناصر:مايبيله كلام انا متفق معه محمد:ابشرو بالفوز اجل خالد:لاتحلمون..دام ابو شنب وسليمان معي طلال:نشوف... ************** |
بعد مارجعو من صلاة التراويح .. مارمت عبايتها لانها بتطلع.. تكلمت بهدؤ..وهي تطالع ببنتها ام شيخه:انا بروح لخالتك تبين تجين معي نوال:وععع هذا الناقص اجيهم عقب الكلام اللي قالوه.. ام شيخه:اوكيه انا طالعه..لا تتأخرين بالسهره نوال:ضحكت..ههه..سكتت فجأه وهي تشوف امها تطلع..وراح خيالها لبعيد..لو امها قايلتها صدق..من قلبها.. شموخ:لابسه بنطلون جنز فاتح مع بلوزه حرير اسود كم حاير وضيقه على جسمها..امشي معي للحديقه ابي اوريك اشياء على جهازي.. نوال:اوكيه... طلعو للحديقه وجلسو جنب الشلالات الاصطناعيه.. فتحت جهازها تو شيبا.. نوال:شتبين توريني شموخ:اصبررري...ثواني وفتحت ملف موجود عندها وطلعت الصور..شرااااايك نوال:الحمدالله شهالصور؟؟كلهم ووووع<<كانت صور لبنات ووممثلات ومطربات.. شموخ:نوال يلا قولي من احلاهم نوال:ليه؟؟ شموخ:ابي اسوي عملية تجميل..شرايك نوال:ليه شينه ولا خشمك مكسور ووجهك متعفط شموخ:قاطعتها..اششش هذا زياد جاي نوال:التفتت على ورى وشافته جاي لهم وابتسامته الجذابه شاقه حلقه..رجعت تناظر شموخ..سكري جهازك بسرعه.. شموخ:ههه كل هذا غيره مو قبل شوي كلهم وعع نوال:زمت شفايفها..شششموووخ شموخ:سكرت الجهاز وهي كاتمه ضحكتها... زياد:وصل عندهم..عسى ماقطعت سالفتكم.. نوال:لا ..اصلا ماكنا نسولف..حياك اجلس زياد:ابي اجلس بس شموخ روحي جيبي لي مويه.. شموخ:دق على المطبخ يجيبون لك زياد:شايفه فيه تلفون هنا شموخ:من جوالك زياد:ماجبته..شموخ يــلا قومي شموخ:طيب..نزلت الجهاز وراحت نوال:زياد عندك شيء بتقوله لي زياد:عندي بشاره لك بس مؤقته نوال:ايش؟؟ زياد:اقنعت ابوي يزوجني غيرك.. صدمـــــه.. جــــــرح.. إهانــــه.. طعنه في الصميـــــــم.. الم الم الم بشــــــاره...هذي هي البشاره.. زياد:طالع فيها..استغرب صمتها وعيونها اللي تدور بكل مكان..فسره فرح..كمل وهو يبتسم..بس ابوي اشترط علي شرط.. نوال:اخيرا قدرت تطالع فيه..وهمست..ايش شرطه زياد:يقول اذا ماوافقت البنت علي اتزوجك على طول..واذا وافقت اتزوجك عليها نوال:انجرحت اكثر..(لهالدرجه انا حمل عليك يازياد)..قالت بصوت مسموع وماتدري شلون طلع..زياد انا مااقبل اصير الثانيه ساااااامع زياد:ادري اصلا انا مابي اتزوج عليها وبعدين انتي مالك ذنب..انا مادري لمتى مصرين يعذبونا..نوال ادعي ان البنت توافق علي..اذا وافقت بتنحل كل مشاكلنا .. نوال:منهي البنت زياد:ااااه يانوال..قولي منهي اللي اشغلت قلبي وعقلي.. نوال:يعني شايفها؟؟؟ زياد:ابتسم..وللحين طيفها يمر قدامي.. نوال:ماتحملت..خلاص هي مهما كان تحس لها مشاعر لها قلب ..التفتت حولها وشافت شموخ جايه ومعها كوب مويه..انا برجع للبيت.. زياد:نوال اللي بينا سر.. نوال:ههههه.. زياد:شفيك تضحكين نوال:مو غريبه اننا كنا اعداء وحنا متزوجين..والحين بعد الطلاق صارت بينا اسرار زياد:نوال حنا من زمان اخواان وانا ماغيرت تعاملي معك بعد ماتزوجنا بس انتي اللي انقلبتي علي..شكلك خفتي اتزوجك صدق نوال:همست..يمكن..عن اذنك.. ****************** جالسه جنب بنت خالتها وسرحانه بكلام اخوها.. فيصل قبل لايطلع للاستراحه طلب من ليلى انها ماتقول اي شيء لميساء وتخلي الوضع طبيعي.. حست بأحد يهزها.. ليلى:نعم ميساء:نعم الله عليك..اقول بمين تفكرين؟؟ ليلى:افكر بفستان لزواج فيصل..انتي لقيتي شيء ميساء:قطبت حواجبها..انا موفاهمه..يعني هو بيتزوجني على عبير ليلى:مادري..انتي بتوافقين ميساء:ليلى هذا سؤال..اكيد ..وعبير تتركه اصلا هي تدري انه لي ليلى:لا ماتدري عبير مالها شغل..ميساء لاتصيرين نذله ميساء:من النذله انا ولا هي اللي اخذته ليلى:خذته عقب ماتركتو بعض..اوووه ميساء سكري على الموضوع..اقول بكره بنروح لمحل عقل فقيه ونشتري جاهز منه..اخر عرض له كان مررره حلو ميساء:ماابي..وابتسمت على فكره طرت على بالها...ابي اشتري فستان ابيض ليلى:اقول امشي لجدتي وسلمى وخالتي نسولف معهم احسن ميساء:وهذي عبير ماطرى على بالها السوق الا اليوم ليلى:من الحين بدت الغيره.. وراحو للمجلس ************ بعد مرور يومين.. ارامل الفرح ..: أصمت حين رحيل الليل أعيش مع لحن المطـر واهمس حين تقرع حبّاتها على نافذتي في إعلانها عن وصوله أرحل مع الأيام ... وتعاودني الذكرى ... لترسمني أنفاسي المتلاحقة هالات من ضباب على ألواح الزجاج ولوحات حزني ... تعلن الحداد ... سطّرتها ريـشة فنّان ... ذبلت فيها آخر دمعه فتظهر كالفجرٌ الجديد السابح .. في كبد السماء !! ترسم لوحة ... بلا ملامح تشعل شموعها التي انطفأت وتعلن بعد رحيلك دهشةَ الألم ... والوفاء حتى أغلق عليك باب الروح وأكتفي ... وسأغلق عنك باب الروح ولن أرتوي منتهى آمالي : السفر في عينيك والتنزه في عشب رموشك باتجاه رئتيك سبقتني أشواقي ... ولكن ...!!! منقووووول... مسحت دموعها باطراف اصابعها.. رمت صورته بالارض ودعستها برجلها...ليييييش لييييش.. نوال:بشاااااره يازيااد...تبشرني بحبك لعاليه ..وانـــــــــا انا مافكرت فيني...ماحسيــــت فيني.. يوم حبيتك واقتنعت فيك تتركني ليش؟؟ انا ليه حظي كيذا ليـــه ياربي ليه..انا استاهل انا اللي عرفتهم على بعض..والله كنت حاسه من نظراتها له لما نجيب طاريه..حتى هو احسه مهتم فيها.. رفعت يدينها تدعي.. ياااااارب زياد ماياخذ عااليه يااااااارب عاليه ماتاخذ زياد.. ياااارب ياحي ياقيوم ياسميع ياعليم.. يارب ماياخذون بعض.. نزلت يدينها بسرعه وهي تشوف ابوها داخل وباين عليه ان معصب... ابوشيخه:امك وينهي؟؟؟ نوال:مااادري... ابوشيخه:انا اوريها ..ماتترك حركاتها..بس انا اللي بأدبها مايكفي اني صابر عليها علشانك انتي واختك..هين هين..وسكر الباب بقوه نوال:ابتسمت بمراره وهي تمسح اخر دمعه..حتى ماكلف نفسه يسألني ليه تبكين... رن جوالها بالنغمه الاعتياديه للارقام الغريبه.. نوال:افف من هالنشبه..ردت..الوو..الوووو..وجع وسكرت رجع يدق مره ثانيه.. نوال:الظاهر يحسبوني فاضيه..ردت وهي معصبه..الوووووو...الووووو..سكرت ...رجع دق مره ثالثه سكرت بوجهه ..احسن شيء اقفله وافتك.. ************* لا شكر على واجب.. قالتها وهي واقفه..جلست قريب منها مايفصل بينهم الا كنبتين.. عاليه:استانستي معاه..قالتها باستهزاء.. ام صالح:هههههه..هههههه....خذت نفس..وطالعت بعاليه بحده...عاليه انا موغبيه علشان ابوك يلعب علي.. عاليه:يعني تدرين انه يتمصلح علشان ورثك..ليه رحتي معاه.. ام صالح:مادري..تكلمت بألم..يمكن ابي اكذب على نفسي شوي واصبرها..ويمكن ابي احس اني انثى تنحب..يمكن ابي احس اني زوجه لها زوج يحبها ويخفف عنها..اسباب كثيره عاليه:انا اتعذب لان مالي مكان اروح له..بس انتي ليه صابره ليه تتألمين وانتي مو ملزومه ام صالح:لاني بحاجه له...ادري انه مايحبني وجالس معي بس كذا..بس اللي ماتعرفينه اني ماطيق اجلس ببيت اهلي دقيقه وحده وخصوصا بعد وفاة ابوي...خواتي كلهم سعيدات مع ازواجهم ومتهنين وحريم اخواني بعد..الا انا ومستحيل اخليهم يتشمتون فيني.. عاليه:على طاري اخوانك..سلطان فيه شيء بينه وبين غيوض..وحالتها صراحه مو عاجبتني ام صالح:شتقصدين؟؟؟ عاليه:مااقصد شيء ...بس ياليت تنتبهين لهم ام صالح:مو معناته اني شكرتك على اهتمامك بخوانك وسولفت معك يعني تتأمرين علي دخل على هالجمله.. ابوصالح:بسرعه راح لعاليه ومسكه يوقفها..انتي تتأمرين عاليه:يوه بتدخلني انا بعد بمسلسلك...بثواني حست انهاطايره بالهواء.. بلعت شيء..فيه طعم دم..اخخ اكيد سني طاح وبلعته.. رفعت راسها ويدها على خدها وشافته يمشي وهو حاط يده على كتف ام صالح ويمشون..ساعدت نفسها على الوقوف وحمدت ربها انه ضربها عقب الفطور ولاكان الحين بطل صيامها.. راحت للمغسله وغسلت وجهها وتمضمضت.. طلعت وهي تنشف وجهها..شافت غيوض بتطلع..لحقتها بسرعه وجرتها لناحيتها.. عاليه:على وين غيوض:هههه ضحكت يوم شافت خد عاليه متورم..رجع العقرب..متى؟؟ عاليه:صارلهم يومين..ماتدرين غيوض:قلتلك مو اكبر همي..بطلع لسلطان تجين معي عاليه:هزت راسها ..هذا الناقص..غيوض انتبهي لنفسك غيوض:اشرت بايدها..اوكيه اوكيه طلعت ودخل صالح وبيده حلاو.. عاليه:صالح تعال هنا صالح:تبين حلاو..ترى معي كثير عاليه:لا مابي..ها دعيتلي اليوم.. صالح:ايوه طول الطريق وانا ادعي حتى لما رحت للغرفه كان فيه ناس واااجد مو مثل اول ماكان فيه الا نزار عاليه:طيب حبيبي روح البس بجامتك ونام.. ***************** الساعه 11 ونص بالليل... رجع من بريطانيا صارله يومين وبيقعد اسبوع وبيرجع.. اجتمعو عنده ابو فيصل وابو سليمان يتحمدون له بالسلامه...ودام انه مو مطول ..خير البر عاجله.. مسك اعصابه واغتصب ابتسامه وهو يطالع بفهد ولد خالته.. ابوسليمان:شقلت يابو فهد.. ابوفهد:انا ماعندي مانع بس بالاول لازم اخذ راي البنت..وخالد ماعليه كلام ابوفيصل:وحنا شارين البنت..وشارين نسبكم يابوفهد.. سليمان همس باذن خالد.. سليمان:ماابي اتزووج مجنون انا...اشوفك غيرت كلامك خالد:بدال ماتقول مبروك وزين انك اتخذت هالخطوه تقولي هالكلام سليمان:والله الواحد يثبت على مبدأه ولا شرايك خالد:لا حبيبي تارك المبادئ لك.. سليمان:اقول ليكون غرت من فيصل خالد:ماغرت ولاشيء.. سليمان:والله ينخاف منك ياخويلد خالد:اخخخ بس لوانك منثبر وجاي بدالك ناصر ابرك سليمان:افا..يعني هذا جزاتي اللي قدرتك وتركت اشغالي علشانك..طيب ياخويلد نشوف من بيوقف معك بالعرس خالد:حب خشم سليمان..فديت هالخشم والله انك ماقصرت.. ****************** الصبـــــــاح: جالسه بالكرسي قدام القاعه..تهاني اليوم غايبه تقول انها تعبانه.. طلعت ملزمتها تعطيها وحده طالبتها.. رن جوالها بنغمة الجرس..واستغربت ..ردت.. هلا ميساء ميساء:الحين ابي افهم من اللي خطبني؟؟؟ ليلى:انا بالجامعه اذا رجعت افهمك قاطعتها ميساء:الحيـــــــــن الحين تقولين ليلى:طيب اصبري...حطت شنطتها على كتفها وطلعت برى المبنى علشان ماحد يسمعها.. جلست على طاوله مافي احد حوالينها.. وش تبين تعرفين ميساء:من اللي خطبني؟؟؟ ليلى:خالد.. ميساء:...... ليلى:ميساء انتي معي ميساء:خالد!!!!...وفيصل؟؟؟انتي تمزحين معي ليلى:ميساء خالد هو اللي خطبك وفيصل انسيه خلاص هو مايبي الا عبير ميساء:انتي تقولين هالكلام مستحيــــل...انتي باذنك سمعتي يوم كلمك وقالك تسأليني..اكيد ماسمعني زين..ليلى قوليله اني موافقه عليه ليلى:اخذت نفس..ميساء فيصل مايبيك...هو اللي قالي هالكلام... ميساء:ههههههه تنكتين...ليلى ترانا صيام..الكذب حرام ليلى:مااادري هو اللي قالي...ميساء اسمعي رايي وارفضي خالد علشان ماتتعذبون ميساء:نتعذب..يعني معترفه انه يبيني...قوليلي شاللي غير رايه ليلى:مااااادري ميساء:ليلى ان ماقلتيلي والله والله والله لاخذ خالد ليلى:ميسااااااء ماااااااااقدر..بعدين شلون تضحين بحياتك ميساء:ماالك دخل...وسكرت طالعت بالجوال..ورددت الله يهديك.. دخلته بالشنطه وحست ان واحد واقف فوق راسها.. ابتسمت لما رفعت راسها....هلا عهود عهود:اهلين سلمت مع وجهها.. كيفك شخبارك مبارك عليك الشهر.. ليلى:علينا وعليك يتبارك..بودي اجلس معك بس عندي محاضره ..وراحت قبل لاتسمع رد عهود عهود:لواني ساكته ومنطمه وماقلت لها عن سالفتي مع ناصر كان مادرت بس انا ملقوفه..هالسان هو اللي وداني بداهيه.. كانت تمشي الدرجات بسرعه خافت ان الدكتوره جات.. فجأه ليلى:اخخخ..رفعت راسها..سوري هيفاء:لابسه تيشرت وااااسع وطوييل لونه ابيض مع خطين على اكمامه اللي ثانيتها ..وشعرها البوي موقفته بالجيل.. ابتسمت لها ابتسامه وهي تغمز لها..حاضرين قالتها بصوت رخيم.. ليلى:طالعت بالبنت اللي بجنبها وباين عليها انها متضايقه..وطلعت لمحاضرتها هيفاء:ااه يالبنت هذي...صدق انها انثى.. شموخ:حررت يدها اللي شابكتها مع هيفاء..حمد انا طالعه تأخرت على البيت.. هيفاء:يكون احسن..قالتها وهي تنزل الدرج بسرعه لانها متأكده ان شموخ بتلحقها.. *********** ضربت يدها الناعمه على الطاوله وماحست بالالم...الالم اللي بقلبها اكبر.. رددت بداخلها..ماتبيني همست..مايبيني.. طالعت شكلها بالمرايه .. بكت..نزلت دموعها وسط ضحكها الغريب.. ههههههه ههههههههه ميساء:يضحك علي...بينتقم مني...يقولي شرايك فيني وانا الغبيه على نياتي صدقته.. انا بغبائي اعترفتله اني ابيه ومستعده اعيش معه..انا انا.. رمت نفسها على السرير...ليييه يافيصل لييييه تعلقني فيك مره ثانيه ليييه جرحي للحين ماطاب ترجع تجرحني مرره ثانيه...ليه تكـــــذب علي ليه تخدعني.. وانت تحبني تسوي فيني كيذا...ليييييه..ليع عطيتني حبل الامل وانا كنت يائسه منه ثم ترجع تقطعه.. ليه ليه ليه.. والله حرررام حرررررام .. دخلت ريم عليها يوم سمعت صوت صياحها.. وبدت تهديها.. ريم:ميساء خلاص والله مايستاهلك ميساء:ضمت ريم..انا ابيييه..بس هو يلعب فيني ..انا الغبيه صدقته..تخيلي من حقارته قبل لايجي يخطبني خالد دق على ليلى وهي عندي وقالها تسألني اذا انا موافقه عليه ...شيقصددددد بهالحركه..ليييه ياريم فهميني ريم:هذا حقير ماعليك منه..بقلعته هو واخوه..خلاص ماحنا موافقين ميساء:وكأنها تذكرت شيء...طالعت بريم بعد مارفعت راسها عنها...عرررفت الحيين.. ريم:شعرفتي؟؟ ميساء:ليه سألني...هو اكيد درى ان خالد بيخطبني ..ومايبيه ياخذني علشان مايتعذب..لانه يحبني بس مايقدر ياخذني ولايقدر يستحمل ان اخوه ياخذني..قال ادق عليها علشان يتأكد اني ابيه ومااوافق على خالد..يبيني انا اتعذب وهو لا.. ريم:لا ماتوقع.. ميساء:لا هذا اللي صار اكيد..مايبيني اخذ خالد ...وهو علقني فيه وجرحني...بس والله لاردها لك يافيصل واقلب السحر على الساحر واالله لاحول حياتك لجحيم وادفعك الثمن غالي..انا تلعب بمشاعري.. ريم:ميساء شهالغباء..وش هالتفكير؟؟ اعقلي ولاتخلين الانفعال يأثر على قراراتك ميساء:خلاص انا ماعادت تفرق معي علي وعلى اعدائي ريم:انتي مجنونه ميساء:رجعت تبكي..هو ماخلى فيني عقل.. ********************************* بعد الفطور.. كانت تتناقش مع امها..الى متى وهي مغروره وماتهتم بابوها ..متى بيعيشون مستقرين الى متى وهم مشتتين تبي تحس بالعايله هي الحين محتاجتهم اكثر من اول.. ام شيخه:لاتتدخلين..واخذت الريموت وصارت تفرفر بالقنوات نوال:ابوي عمره ماقصر معك يسافر بالاشهر علشان يعيشك بهالعيشه وانتي جاااااحده ومغروره وماتفكرين الا بنفسك ام شيخه:يعني الحين انا اللي مقصره بحقه.. نوال:الكل يقول..تدرين انا اتمنى يتزوج عليك بس علشان يكسر غرورك ام شيخه:يعني بتطلعين على مين مو على احد غريب..على ابوك.. نوال:ولي الفخر ..اول مايجي بقوله يتزوج عليك.. ام شيخه:تسوين فيني خير.. نوال:انتي ماتحسين ابدددا مايهمك ..مادري لمتى صابر عليك المفروض يطلقك بس مادري شاللي مصبره ام شيخه:ههههههه روحي اسأليه.. دخل وسمع اخر نقاشهم..ابتسم لبنته وحضنها.. ام شيخه:طالعته باستحقار..وكملت تتفرج على التلفزيون ابوشيخه:تدرين شاللي مصبرني يانوال...ويأشر على قلبه..احبها.. ام شيخه:التفتت عليه..احتررررم الفاظك ولاتنسى ان نوال هنا فماله داعي اسلوبك الرخيص نوال:عصبت..وتسمين حبه لك اسلوب رخيص..وتقولين انك مو السبب بحياتنا..اجل مين؟؟؟ابوي اللي يدور راحتك..هو السبب ابوشيخه:نوال عيب هذي امك.. نوال:ايييي ام وهي ماتفكر الا بنفسها وبمصلحتها..ماتفكر الا بجمالها ومهملتنا.. قاطعتها وهي تبعد يدين ابو شيخه عن طريقها اللي ماسكها يمنعها من نوال ام شيخه:يكــــــــــــــــــــــفي خلاااااااص مليييت تعبت منك ومن ابوك ومن الناس... مو عاجبتك قوليله يطلللللقني ويفكني من شررره ابو شيخه:اهدي اهدي ام شيخه:مو هاااديه خلااااااص طفح الكيل ماعدت استحملك ولا استحمل نظراتهم لي وكأنننني انا المذنبه...راحت لنوال وجرتها مع يدها ودخلتها معها لجناحها دخلت غرفة الملابس ورمت نوال على الكرسي ..طلعت الشنطه اللي جاء فيها ابوها..وفتحتها ورمت كل الملابس اللي فيها..كانت منهاره.. ابو شيخه:دخل وهي ترمي بالاغراض وتفضحه..ماتحمل..راح هجم عليها وضربها.. ام شيخه:ابببععععععععد وخرررر ..اتركني يالحقير..تبيني انا اطلع مقصره وانت الملاك... ابوشيخه:رماها على الارض وطلع.. ام شيخه:رمت على نوال قمصان النوم...تشميييين ريحة العطور النسائيه تشمين... هذا هو ابوك اللي يغيب بالاشهر كل سفره يجي ويجيب معه هدايا..بس هدايا غير شكل.. يوريني خيانته قدام عيني...يحسبني مافتش اغراضه...كل يوم مع حرمه شكل...وانا ساكته ومنطمه وتلوموني اني خايفه على نفسي منه... كل مره اسأل نفسي شنااااقصني ...يبي ولد..طيب يتزوج على الاقل اعرف من هي مااخاف على صحتي...ولااااا الحين صار يحب بنات بلده..وكل يوم سهره شكل..تدرين انه بجده من ثلاث شهور وعمك متستر عليه وساكت...قامت وراحت لنوال المصدومه وبدت تهزها.. مين الللي غلطـــــــــان مين اللي متحمل الثاااااااني..من اللي ساكته علشانكم ماتبي تشوه صورة الاب المثالللللي ميــــــــــن؟؟؟؟ ماتحملت انهيار امها وخافت على نفسها حررت نفسها من قبضة يدينها وهربت لغرفتها وقفلت على نفسها... الموقف اكبر منها..تحس نفسها بكابوس... امي مجروحه وتتألم طول المده وحنا نلومها ابوي يسافر علشان الشغل ويطلع اكبر عربيد.. صرخت وهي تضغط على راااسها لاااااااااا مااقدر استحمل ماااااااستحمل.. ********************* |
لااا مابي ابي احضر زواج عبير.. ام مؤيد:يعني تبينا نأجله شهر..ياحبيتي مافيها شيء احضري زواجها من مانعك عهود:عادي اطلع ثاني يوم من زواجي ام مؤيد:عااادي عهود:طيب اخاف نسافر ام مؤيد:لا مو مسافرين انا اقوله...خلاص لاتغثين ابوك اللي فيه مكفيه عهود:ابوي شفيه.. ام مؤيد:مافيه شيء..ليه عهود:لاني كل ماسوي شيء قلتو اللي بابوي مكفيه...هو وش فيه؟؟؟ ام مؤيد:ماااافيه شيء وقومي عطيني التلفون خليني امر عبير انشغلت عنها خلينا نمرها قبل لانروح السوق.. عهود:سكتت خافت تسأل ومايعجبها الجواب..راحت تجيب التلفون دخل الصاله ولقى امه جالسه ومو منتبهه لاحد..وعهود معها التلفون وتناظر الارض وهي تمشي مؤيد:الســــــــــــلام عليكم ام مؤيد:تهلل وجهها يوم شافته..وعليكم السلام والرحمه عهود:هلا مؤيد.. راح لامه وباس راسها.. جلس جنبها.. مؤيد:عمي وينه عهود:من بعد الفطور طلع ماقال وين مؤيد:طيب شفيك مكشره؟؟ حطت التلفون على الطاوله اللي قبال امها وجلست جنب مؤيد.. عهود:مااافي شيء..اقول شرايك توديني السوق مسكت التلفون ودقت على بيت ابو سليمان.. ام مؤيد:الوو عبير:هلا بهالصوت ام مؤيد:هلا ياقلبي كيفك مع الصيام عبير:ههه خالتي تراني مو بزر ام مؤيد:علشانك بتتزوجين تحسبين نفسك كبيره..مهما كبرتي بتظلين بنظري بزر..شخبار جدتك واخوانك عبير:الحمدالله بخير.. ام مؤيد:اقول عبوره الحين بمرك علشان اجهزلك مع عهود مره وحده.. عبير:خلاص اجل بكلم خالتي ام فيصل لانها قالت بتمرني بعد شوي ام مؤيد:ايه كلميها وجهزي نفسك...مع السلامه سكرت السماعه..والتفتت على عيالها.. ام مؤيد:شفيكم عهود:الدب فاضي ومايبي يودينا السوق.. ام مؤيد:لا بيودينا غصب عليه..حنا بنتأخر بالسوق وصعبه نرجع مع السواق.. مؤيد:وعبير متى عرسها؟؟ عهود:بثاني العيد مؤيد:بعدك على طول..اجل مو حاضره العرس.. عهود:لابحضره امي تقول عادي.. ام مؤيد:عهود روحي البسي عباتك و جيبي عباتي معك...يـلا مافي وقت.. ******************* كانو مجتمعين على التوأم .. ام فهد وريم يتناقشون عن فضائل هالشهر وابوفهد لاهي مع احفاده.. وفهد جالس يطالع مكه على القناة الاولى.. بدى السديس بالدعاء.. الكل ترك اللي لاهي فيه ومدو يدينهم يأمون معه اللهم اقسم لنا من خشيتك مايحول به بيننا وبين معااااصيــــك.. ومن طاعتك ماتبلغنا به جنتك..ومن اليقين ماتهون به علينا مصائب الدنيــا.. اللهممتعنا بأسماعنا وأبصارنا وقوتنا مأحييتنا واجعله الوارث منا واجعل ثأرنا على من ظلمنا وانصرنا على من عادانا ولاتجعل مصيبــــــتنا في ديننااااااا...وتهدج صوت السديس هنا وبدى يبكي ولاتجعل الدنيااكبر همنا ولا مبلغ علمنا ولا تسلط علينا من لايخافك ولا يرحمنا... اللهم هون على اخوااننا في فلسطين والعراق وساااائر بلاد المسلمين امييين انتهى الدعاء وخلصو من صلاة التراويح.. ام فهد:اقول ابوفهد اذا حصلك روح اعتمر ابوفهد:ودي بس مااقدر..انتم بتروحون فهد:حجزت العشر الاواخر هناك .. ابوفهد:الله يعظم اجركم .. دخلت عليهم بقميصها الطويل السماوي.. وعيونها جامده..وجهها مافي اي تعبير.. ميساء:بابا.. التفتو عليها وانتبهو لها ابوفهد:هلا ميوسه..واشر لها تجلس جنبه ميساء:لا بس حبيت اقولك اني موافقه على خالد.. فهد:طالع بريم بعدين طالعها..موافقهّ!!! ميساء:ايه موافقه..قالتها باصرار ابوفهد:طيب تعالي جنبي وقوليها ميساء:تعدت فهد وجلست جنب ابوها.. ام فهد:يابنتي فكري زين ميساء:هذا قراري..يبه كلمهم وقولهم اني مواافقه ابوفهد:هذي الساعه المباركه..مااطيب من فيصل الا خالد.. ميساء:اعتصرت قلبها هالكلمه..حتى هنا لاحقني.. فهد:ميساء متأكده ميساء:لحوول يعني اعلنها لكم بالاخبار...وقامت وهي متنرفزه.. ابوفهد:فهد خلاص دق على ابو فيصل او خالد وقلهم عن موافقتها فهد:يبه شفيك ادق عليهم وانت موجود..موزينه بحقهم ابوفهد:انت تحب تكبر الامور عادي مافيها شيء فهد:يبه حننا بالسعوديه ..اضحك على الشباب اللي يغيرون طبايعهم طلعت مثلهم ابوفهد:ههههه شفيك محد يمزح معك..روح هات تلفوني وبالمره ادق على عمك اعلمه.. ********************* صعب السؤال...ليه نفترق!! صعب السؤال..وين نلتقي انتي الجنوب ..وانا الشمال ومابيننا بحر ..ورمال لكن نحب..والله نحب..وفوق الخيال.. صعب السؤال.. ياللي اجمل من كلامي عنك واقرب من سكوتي اه ياطول المسافه بين احساسي وصوتي ماهو غريب اني اسألك وانتي انا..كيف اوصلك!! لا مستحيل هذا الرحيل.. من يقطع الصمت الطويل ويدلني.. ماااابي اسمع شيء..ليلى الله يخليك سكري على الموضوع ليلى:وهي تسكر باب غرفته وراها...لا مو ساكته حررررام عليك يافيصل تعذبها فيصل:جلس على سريره...مو بس هي اللي تتعذب..انا بعد اتعذب على بالك سهل علي اشوفها تتزوج اخوي وكل يوم بشوفها معه وانا قلبي متعلق فيها...شتبيني اسوي؟؟؟عندك حلوووووول ليلى:فيه مية طريقه..روح كلم خالد او على الاقل قول لميساء علشان ترفضه انت تدري انها بتوافق علشان تقهرك فيصل:ماااقدر..تبيني احرم خالد منها...انا مستحيل اخذها عقب مادفعت المهر لعبير..وبعدين هي بتتزوج فتاخذ خالد احسن..وبعدين شفيه خالد؟؟ ليلى:انا ماقلت شيء بخالد..بس حراااااام انت بالطريقه هذي ماخسرت حياتك بس..انت قاعد تدفع اللي حوالينك الثمن..انت تظلم عبير وميساء وخالد قبل نفسك.. فيصل:عصب..وانا شعلي...محد يتعذب غيري ..انا اللي مضحي بنفسي علشانهم...مابي اظلم عبير واجرحها عقب مادفعت المهر..ومابي اخوي يتعذب وهو يشوفني اخذ اللي حبها...ليلى خالد كان مايبي يتزوج تدرين ليش؟؟؟علشان ميساء تبيني احرمه اياها..وميساء هي اللي جنت علي بغبائها ودفعتني الثمن قبل ماتدفعه هي.. ليلى:هذا الكلام بنظرك انت...انت بتجبر عبير تعيش مع واحد مايحبها ورافضها لان قلبه معلق بوحده ثانيه..وبتخلي خالد يموت ميه مره باليوم كل ماشاف ميساء تطالعك..وبتعذب ميساء بعد اللي قلبها متعلق فيك...انت بتحول حياتهم لجحيم...اوكيه ماتبي تاخذها بس لاتخليها تاخذ خالد حرررام عليك صدقني بتجني على خالد..خالد مصيره بيعرف ان ميساء مارح تحب غيرك..تخيل شعوره وزوجته اللي يحبها تحب اخووه وممكن بأي وقت يلتقون لانهم بيعيشون مع بعض..بيروح لشغله وقلبه وعقله هنا يفكر شممكن يصير بغيابه...فيصل قاطعها فيصل:خلاااااااااص مابي اسمع شيء...خالد كلمته وهو اللي جنا على عمره اناماغصبت احد.. ليلى:خالد مايعرف مصلحته فيصل:مشكلته..انا نصحته وهو حر..وميساء الله يوفقها..واذا على السكن انا مستحيل اسكن مع خالد ببيت واحد..انا بسكن ببيتي ليلى:بيتك كبير على عبير وانا متأكده انها بترفض فيصل:مورافضه...ليلى الله يخليك خليني انام وقوميني قبل السحور علشان اتهجد ليلى:طيب اخر طلب..اقول لميساء اللي صار فيصل:ليلى انتي وعدتيني.. ليلى:كشرت..طيب... طلعت وسكرت باب غرفته بعد ماطفت الانوار.. فيصل:ولع الاباجوره اللي بجنبه..جمع رجلينه وقربهم لصدره..وحط راسه على ركبه.. وصار يفكر بميساء..الحين بتقول عني نذل وحقير..بس والله ياميساء غصب عني..حاولت بس ماقدرت.. الله يوفقك بحياتك..وان شاء الله اللي بتاخذينه ينسيك فيصل..قالها بألم. رجعو بعد ماوداهم لمطعم وتعشو وتسحرو بنفس الوقت.. نزلها لبيتها ومعها اكياس ساعدتها الشغاله تنزلهم...ماسمع صوتها ابدا..الا يوم قالت مع السلامه نزل مع امه واخته للبيت ودخل غرفته ورمى نفسه على السرير.. مؤيد:صار يضحك على نفسه..والله شيء يضحك...انا بنفسي اوديها للسوق تتجهز للعريس.. تتجهز للي خذاها مني..ااااه ياعبير معقوله ماتدرين عني..وفيصل؟؟تحبينه..تبينه..عاجبك زفر..وعدل جلسته.. الله يوفقها يارب ويهنيها معاه...فيصل يستاهلها..وانا الله يعوضني.. ************************* في مكان تجرد فيه الخوف من الله..في مكان بدل مايستغل شهر رمضان بالتوبه يستغله بالمعاصي.. وكأنه مخلد على الدنيا..في مكان الجبروت والطغيان والعصيان والانتقام يملأه.. في مكان تفوح منه روائح عفنه..قذاره... اخذت عبايتها بسرعه وهي تحس بشعور غريب.. شيء خارج عن الفطره..فيه شيء غلط..بس مو مفهوم.. ركضت مع الدرج وكانت بتطيح مع اخر درجه..بس توازنت ..بسرعه طلعت برى القصر وركبت السياره وتحركت لبيتها... ******************** في غرفة يملئها صوت القراءن يملئها كلام الله.. تحس بروحانيه وانت تدخله..باطمئنان...تحس فعلا انك مخلوق هنا لشي واحد ..لعبادة الله.. انك مهما كبرت فانت ولا شيء... مسك يد جدته يساعدها على الوقوف.. الجده:اختك رجعت ناصر:ايه رجعت من زمان.. الجده:اصفط السجاده ياوليدي ناصر:جلس جدته على طرف السرير..اخذ السجاده وبحركه سريعه صفطها وحطها بمكانها المخصص..رجع لجدته ومسكها الجده:وهي توقف..الله يوفقك ويجزاك بالخير..الله يهدي سرك ويريح بالك ناصر:امين..الله يسمع منك دق تلفون الغرفه الجده:هذا اكيد فيصل..الله يسعده يارب يدق يتطمن اذا خذت علاجي.. ناصر:عاد هذا دكتور العايله..رفع السماعه لما وصل عند الكومندينه ورد..هلا فيصل:هلا فيصل عطيت جدتي علاجها..قالها وهو يتثاوب.. ناصر:ايه عطيتها.. فيصل:زين يالله مع السلامه ناصر:الله يسلمك... طلعو من غرفة جدته وراحو يتسحرون كانو جالسين على الارض ..ابو سليمان وعبير جلّس جدته جنب ابوه وجلس هو جنب عبير.. الجده:سمو بالرحمن..مدت يدها وكلت..اقول عبير وش شريتي اليله عبير:ابد شريت لي بدلتين فخمه..وشريت فستان العرس.. الجده:زين هذا اهم شيء..وماشريتي شيء ثاني عبير:شريت خرابيط مكياج وعطور وملابس للطلعات..بس باقي الذهب... امي تقول بكره تمرني ونشتريه الكل سكت عند كلمتها اللي طلعت منها عفويه..لا مو عفويه هذي زلة لسان هذا من كثر تفكيرها فيها..طلعت منها من غير قصد.. أمي.. بلع ابوسليمان اللقمه بصعوبه.. ابوسليمان:الحمدالله ناصر:طالع بابوه اللي بان عليه الضيق..يبه ماكملت اكلك ابوسليمان:لا شبعت.. عبير:يبه الحين هاللقمه شبعتك؟؟؟لايكون ماكل بمكان ثاني ابوسليمان:فتح يدينه لها..تعالي عبير:ابتسمت لابوها وطالعت بناصر تقهره..وضمته..بوكلك بيديني ابوسليمان:فتح فمه يــلا.. ناصر:هههه الله يشفيك ياعبير تراه ابوك مو ولدك عبير:ولدي مايجي نص ابوي..وتوكل ابوها بيدها وهي بحضنه.. ناصر:جدتي وكليني ترى غرت من ابوي الجده:استح على وجهك رجال بشنبات تبيني اوكلك ناصر:ياسلام وليه ابوي ابوسليمان:انا وعبير لاحد يتدخل فينا.. وكملو سحورهم.. ******************************* بعد ماخلصو من السحور رجع لغرفته يقرا القران.. هو الحين بالجزء الخامس.. دخلت عليه وهي مصره على رايها ولازم تقنعه.. عدلت جلابيتها الخضراء الناعمه بتطريزاتها..وجلست جنبه..جمعت شعرها بكلبس..وانتظرته يخلص قرايه.. سكر القران بعد ماحط الخيط..والتفت عليها..بفمك كلام ام مؤيد:ابو عهود انسى العمليه.. ابوعهود:انا ميت ميت قطعت كلامه.. ام مؤيد:استغفر ربك الاعمار بيد الله..لا انا مستحيل اخليك تجازف..العمليه انساها خطورتها كبيره ونسبة نجاحها ضعيف.. انا ابيك تتعالج بس بشيء ثاني ابوعهود:اذا الكيماوي انسي..الكيماوي عذاب بدون فايده ام مؤيد:انا ابيك تتعالج بالقران..انا سمعت كثير تشافو من هالمرض بالقران..اكيد اللي فيك عين او حسد..ابوعهود طلبتك من بكره نبدا..علشان خاطري.. ابوعهود:بس اذا تأخرت على العمليه قاطعته ام مؤيد:عملييييه لألألأ..دمعت عيونها...علشان خااااطري اسمعني وطيعني ابوعهود:مسح دموعها بصبعه...اللي تبينه بسويه..اهم شي ترضين عني ام مؤيد:راضيه عنك الله يشفيك ويخليك لي ياااااارب...لاتفقد الامل خل ظنك بالله خير.. ابوعهود:بس انا مابيك تتعلقين بالامل وتتعذبين امؤيد:انا ابي اتعلق ..الرسول صلى الله عليه وسلم يقول تفائلو بالخير تجدوه..وانا عندي احساس انك بتطيب ابوعهود:مسح على راسها بحنان...الله يعينك ويصبرك.. **************************** |
رجع من المسجد مع ابوه واخوه وعمه وعيال عمه.. طلع الجوال وارسل مسج.. كانت تقرى قران لماسمعت صوت المسج...كملت قرايتها وطنشته.. بعد ساعه..سكرت القران وراحت لسريرها تنام قبل ماتصحى للجامعه.. اخذت جوالها علشان تضبط المنبه..لقت مسج وتوقعته من تهاني.. فتحته..وكان وسائط.. انتي بكف وباقي الخلق بكف متعليه في وسط قلبي ولك شان في غير وصلك مل لقلبي ترى شف محتــــــــاج لك يانور عيني وشفقان لاجابو اسمك صرت انا تقل مختف مالي على نفسي الى طروك سلطان من غير حبك غضت عيوني الطرف ياللي جمالك صار للزين عنوان اريد انا قربك ترى ياغذا الحرف وان ماحصل موتـــــي ودنــــياي سيان... ((ماتبيني امر واخذك..للحين زعلانه ياروحي)) ليلى:هههه ياحليلك ياناصر للحين عندك امل..الله يعينك..طلعت من الرسائل وراحت للساعه وضبطت المنبه ونامت.. ************************** تقلبت على فراشها تبي تنام بس مااقدرت... فيه شيء مو مفهوم...ابوي صحته متغيره صاير مهموم..حتى امي تغيرت..شلون ابوي رضى على مؤيد بهالسهوله.. شلون زوجني لواحد يدري اني جرحت كرامته.. ياارب سترك..يالله يارب تصير افكاري مجرد خيال..يارب تحفظ امي وابوي واخوي لي يااارب.. مسكت جوالها ...ولا مكالمه.. عهود:دامه مايبيني ليه ياخذني...ماتحب المسجات ياسالم وفهمناها...ليش ماتدق؟؟..على الاقل جاملني.. ااه ياسالم شكلك بتعذبني معاك..نزلت الجوال على الكومندينه وتلحفت زين وغمضت عيونها محاوله النوم.. ************************* حط راسه على المخده والسماعه باذنه.. محمد:خلاص اجلوها انا ماااقدر.. رابح:يابن الحلال لاتفوتك السفره...والله تندم محمد:ياخي مسافر مسافر اسافر لمكه احسن.. رابح:بيفوتك العرض يالغبي ..وبعدين ابيك تشوف اللي قلوبهم قويه ابيك تتعلم..علشان تصير عضيدي محمد:انسى انسى..كل هالشهر هذا ماني مسوي شيء..ابي اتعبد الله رابح"ليه انا قايلك اكفر محمد:لا ماقلت بس انا بستغل وقتي عقب رمضان يصير خير..يــلا تراك صجيتني وانا بنام فارق رابح:اوكيه نتفاهم بالمدرسه محمد:مع السلامه... ********************************** كل شـــــيء صار بسرعه..شلون كيف؟؟... ناس مجتمعين..فيه صوت صراااخ..وصوت الاسعاف ملأ المكان.. خافت وهي تشوفهم مجتمعين حوله..بعدتهم عن طريقها وهي تتمنى مايكون هو.. الدم على الارض..وماتسمع الا انا لله وانا اليه راجعون.. اخوانها يطالعونها وعمها منهااار.. شالت الشماغ عن وجهه..هو..هو..هو صرخت بصووت عالي.. ليلى:ناااااااااااااااااااااااااااااصر. ************************************ * (( سبحانك اللهم وبحمدك أشهد ان لا اله انت أستغفرك اللهم واتوب اليك |
(الجزء الثامــــــن عشر) (فـــــــــــراق...) الهــــــــــــوى لو تمنى..سلوته مستــــــــــــــحيله.. واعذاب المعنّـــــــى كان روحه عليله.. بعد ماارسل لها المسج انتظر ردها..بس ماردت.. فسر سكوتها رضى..ومن الفرحه راح لها على رجوله..ماهمه الوقت ..المهم عنده ليلى.. كانت جالسه بالبلكونه يوم سمعت صوت ارتطام قوي..تعوذت من ابليس..ورددت بالله يستر..قلبها قابضها.. خمس دقايق عدت.. شافت فيصل وخالد يركضون ويطلعون للشارع..وبعدها شافت ابوها..خافت..نزلت الدرج بسرعه وهي لابسه عبايتها.. ناس مجتمعين..فيه صوت صراااخ..وصوت الاسعاف ملأ المكان.. خافت وهي تشوفهم مجتمعين حوله..بعدتهم عن طريقها وهي تتمنى مايكون هو.. الدم على الارض..وماتسمع الا ...انا لله وانا اليه راجعون.. اخوانها يطالعونها وعمها منهااار.. سليمان جاثي على ركبته ويبكي بحرقه والناس تهدّيه.. شالت الشماغ عن وجهه..هو..هو..هو صرخت بصووت عالي.. ليلى:ناااااااااااااااااااااااااااااصر. ناااااااااصر لاااااا...وبدت تهزه وتحاول انه تصحيه..لاااا ناااصر الله يخليـــك ناصر رد علي.. وبدى شلال من الدموع ينهمر على خدودها..تحرقها ..عندها امل انه يرد عليها.. ناااصر رد علي حرك اي اي شيء..ناصر والله ارجعلك والله بس رد علي..لااااا نااااصر لاااااا بس مافي امل..الحادث كان قوي..ونزف كثير.. طالعت باللي حوالينها تستنجدهم..بس وجيهم ماتبشر بخير..ماتسمعهم الا يرددون انا لله وانا اليه راجعون.. صرخت بصوت عاااالي..بسسسسسسسسسسسس بسسسسسسسسسسس مااااااااااامااااااااااااااااااات لاتفااااااااااااولووووووون عليه..فييييييييييييييييصل فيييييييييييييييييييييييييصل صارت تدور بعيونها تدوره تبيه يسعف ناااصر.. تقدم منها محمد وضمها.. محمد:ليلى خلااااااص ناصر الله يرحمه.. ليلى:وهي تتشبث فيه وكأنها تدور على الامان...لا لا ..هو الحين بيصحى..فيصل وينه؟؟ محمد:فيصل راح لعمي ماتشوفينه منهااااار..ليلى خلاص ترى حنا مو ناقصين..تعوذي من الشيطان وقومي ليلى:وهي تتركه..مااااقدر شلون اخليه محمد والله انه حي..صدقني مستحيل يموت..هو توه ارسلي مسج.. محمد:ليلى تعترضين على قضاء الله.. ليلى:والله ماااالي دخل..انا ماقلتله يجي اصلا مارديت عليه..هو اللي جاء من نفسه..ورجعت تنتحب وهي تضمه..محمد والله ماااالي دخل.. محمد:وهو يمسح على شعرها..اهدي اهدي..اللي مات مو راجع لك.. ليلى:انا السبب انا..لو قايلتله اني ماابيك ماكان جاني وصار اللي صار..الحين شلون بطالع بعمي.. محمد:انتي مالك دخل..مسح دموعها بيده....ليلى تحبينه؟؟ ليلى:زادت دموعها.. محمد:يعني كنتي بترجعيله ..الله يرحمه ليلى:لا ماكنت برجعله..مستحيل ارجعله..بس..بس..طالعت حوالينها بخوف.. تبي تتأكد هي وين؟؟..تمسكت بيد محمد وسمت بالرحمن.. بسم الله الرحمن الرحيم اعوذ بالله من الشيطان الرجيم..محمد!!! شتسوي هنا؟؟؟ محمد:مسح على شعرها وهو يبتسم..بسم الله عليك..صحيتي؟؟ ليلى:وهي تعدل جلستها..تنهدت براحه..كنت احلم؟؟...ربي لك الحمد محمد:ههههه اما حلم..قولي مسلسل تعمقتي فيه واجد... ليلى:اي والله حلم يخرع..الله يكفينا شره..انت شجايبك؟؟؟ محمد:جيت من صراخك كنت بطلع للمدرسه ومريت لقيتك تصارخين والمنبه يصرخ معك..المنبه طفيته بس انتي عجزت ..قلت خلني ادخل معها بالحلم واشاركك بمشاعرك..شرايك بأخوك ليلى:وهي ترمي عليه المخده...امحق اخوو والله..بدل ماتجيب كاس مويه وترشه علي علشان اصحى من هالكابوس جاي تتفرج.. وشهقت فجأه..هيييييييئ..الساعه كم؟؟ محمد:9 ونص ليلى:لاااا يالله يمديني على الجامعه تأخرررررت ورمت الحاف بسرعه وراحت تلبس بسرعه. **************************** بعـــــــد صلاة التراويح.. كانت لابسه عبايتها تنتظر امها علشان يروحون للسوق.. عهود:جلست على طرف الكنبه اللي بالصاله ومقابله للدرج تنتظر امها تنزل..وتهز رجلها وبيدها ورقه تقراها.. دخــل وهو يقول ياااااولد.. التفتت على طول لمصدر الصوت وطاحت عيونها عليه.. لابس ثوب ابيض عادي وشماغ احمر ..كان طويييل..وله هيبه..السبحه الفضيه معلقها بيده وضاغط عليها.. سالم:السلام عليكم..قالها بدون اي تعبير..كان وجهه جامد عهود:وهي متحجبه..وعليكم السلام ..ابتسمت وهي تفكر انه جاي علشان يشوفها.. سالم:عمتي وين؟؟ عهود:ضاعت ابتسامتها من سؤاله..امي فوق الحين تنزل..ليه؟؟ سالم:نبي قهوه..فيه رجال بيجون.. عهود:انقهرت منه ومن اسلوبه..قالت بتغيضه..روح للمطبخ وقول للشغاله تسوي سالم:اقول قهوة رجال تقولين الشغاله..صدق مامن سنع.. عهود:والله انا وامي بنروح للسوق ومو فاضين.. سالم:حس بانزعاجها..انا بسويها..وين المطبخ؟؟ اهلييييييييييين بسااالم قالتها وهي تنزل من الدرج راح لها ورقى الدرجات يقابلها وحب راسها.. سالم:هلا بالطش والرش..كيف حالك مسكت يده ونزلو مع بعض.. ام مؤيد:الحمد الله انا بخير..انت شلونك وشلون اخوانك سالم:كلهم بخير.. ام مؤيد:ضغطت على يده..جاي تسلم علي ولا تبي عمك.. سالم:جاي اسلم عليك ودق علي عمي وقال انه بيجي ومعه رجال.. وقهوجيكم مادري وينه..قلت اسوي القهوه ام مؤيد:عقدت حواجبها..لا والله ماتسويها..هي بس قهوه ولا فيها عشى سالم:لا بس قهوه.. ام مؤيد:خلاص الحين اسويها ..والتفتت على عهود..روحي يمه جيبي عود وعطيه سالم يدخن المجلس.. عهود:ان شاء الله.. طلعت فوق تجيب عود من غرفة امها.. نزلت ولا لقت احد..راحت لقسم الرجال وفتحت الباب بشويش ..حست بيد على ظهرها ونقزت.. يممممممممممه...هذا انت سالم:شايفه في احد هنا غيري؟؟شتسوين هنا؟؟ عهود:ادورك..ومدت له العود.. سالم: يعني كذا الناس يسوون بالعود؟؟انا خابرهم يجيبون فحم ومبخره ويحطونها فيه علشان الناس يتبخرون عهود:وانا شيدريني حسبتك شاب ضو.. قاطعها ينهي النقاش سالم:لا مره ثانيه لاتحسبين عهود:وصلت معها..انت ماتعرف تكلم الناس بأدب وبدون تريقه.. سالم:رفع حاجبه..تقصدين اني قليل ادب.. عهود:افهمها مثل ماتحب..وخر عن طريقي سالم:هز راسه بلا.. عهود:وبعدين.. سالم:قولي لو سمحت...انتي ماتعرفين تكلمين الناس بادب عهود:تصدق انك سخيف.. سالم:مشكوووره..انتي اول وحده ترفعين معنوياتي..الكل يقول اني متين عهود:ها ها ها ماتضحك.. سالم:ماطلبت منك تضحكين.. عهود:ماتحملت كلامه ...مهما كان هي ماتقبل باحد يهينها او يتمسخر عليها..بدت عيونها تلمع.. سالم:انتبه وخاف انها تقول شيء لعمه..تدارك الموقف..امسكي العود لو سمحتي وولعي فحم وجيبيه.. عهود:طالعت بعيونه..وقالت برجاء..انت قلبك شايل علي..ليش تزوجتني؟؟ سالم:زم شفايفه ..حط العود بيدها وطلع...ماعنده جواب عهود:سمعت امها تناديها وراحت لها وعقلها مع سالم.. المطبخ.. ام مؤيد:ميري روحي ودي الدلال(جمع دله) لسالم...عهود شفيك؟؟ عهود:مافيني شيء..هذا العود ام مؤيد:هاتيه ..وحطته على الفحم اللي جهزته ومدت المبخره لبنتها..وديها لسالم.. عهود:مابي..ارسلي الشغاله توديه ام مؤيد:طيب انا بوديه..وانتي اسبقيني على السياره تأخرنا عهود:مو رايحه..وطلعت لغرفتها ام مؤيد:شفيها؟؟...جتها ميري وسألتها اذا فيه احد غير سالم.. دخلت المجلس ولقته قاعد يرتب المجلس(حتى لو هو مرتب طبع فيهم لازم يحوسون) شم ريحة العود والتفت .. سالم:هاتي عنك.. ام مؤيد:تعال اجلس ابيك.. سالم:اخذ المبخره..الحين اجيك...وراح للباب الخارجي للمجلس ونزلها ورجع لام مؤيد..جلس جنبها.. ام مؤيد:شقلت لعهود؟؟ سالم:تورط..ماقلت شيء..هي اشتكت ام مؤيد:تنهدت..سالم ياوليدي انا ماالومك ..اقصد انا مابيك تضغط على نفسك وتحملها فوق طاقتك..انا ادري والكل يدري انك تزوجت عهود بس علشان عمك..وادري انك ماتبيها..بس ماتقدر تقول لا لعمك..سالم انت باسلوبك مع عهود بتخليها تشكي لابوها وهو اللي فيه مكفيه.. انا حاولت معه انه يكنسل هالزواج بس هو معاند..انت رجال والف بنت تمناك..بس ادري ان عهود جرحت كرامتك..بس هي كانت بزر..مو واعيه ولا فاهمه..انا ابيك تعاملها عادي لو تبي تمثل عليها مثل..بس لاتجرحها هي مهما كان بنتي وماارضى عليها..انا متأكده انك بتحبها..اصبر عليها لين يطيب عمك وساعتها انا بطلب منك تطلقها..شقلت سالم:انا والله مادري وين اودي وجهي منك..اسف ماكنت اقصد.. ام مؤيد:تبيني اسامحك روح لها واعتذر..رفضت تروح السوق معاي.. سالم:خلاص ان شاء الله.. كانت تتكلم ودموعها تنزل.. جالسه على السرير وتكلم مؤيد من جوالها.. عهود:شفت مو قلتلك..مغصوب والله مغصوب مؤيد:مافي رجال ينغصب..عهود انا الحين مشغول اليوم ماسك الطوارئ اذا خلصت ادق عليك عهود:طيب..سكرت منه وهي مقهوره..تافه يطقها بالوجه مغصوب عليك..صدق ماعنده ذوق ولا احساس...مسحت دموعها الحاره وهي تتذكر انها سوت اللي اسوأ فيه يوم فشلته عند الناس..الحين هو قاعد يردها لك ياعهود..جربتي الاحساس اللي مر فيه..مسحت دموعها وهي تسمع طق الباب..زفرت..خيييييير استمر الطق ولا احد رد عليها.. عصبت وراحت تفتح الباب.. عهود:خيييييييييي!!!!!!!! طلعت عيونها....سااااااااااااااالم؟؟؟؟ سالم:ابتسم..يلا البسي عباتك انا بوديك للسوق.. عهود:مووورايحه..ودخلت وخلته على الباب سالم:تسند على الباب..زعلانه مني؟؟ عهود:لأ..اييييه زعلانه..قالتها بقهر سالم:لا والا ايه اختاري عهود:اففففف..كانت معطيته ظهرها.. سالم:انا ماحطيت بين الاختيارات افففف..الظاهر الصيام مأثر على مخك عهود:التفتت عليه وقالت بغيض ..الحين انت شتبي سالم:ابي اتفرج على غرفتك.. عهود:ماتدري ليه حست بالفرح يوم قالها..ابتسمت غصب عنها..حياك ادخل اتفرج.. سالم:هههههه لا وين ادخل.. عهود:تقدمت منه ومسكت يده وجرته لداخل..لايكون مو قد المقام بس.. سالم:حاشا لله ماقلت..طالع بأثاث الغرفه الانثوي الوان هاديه وناعمه وفخامه بنفس الوقت..والله عندك ذوق عهود:توك تدري...طرى على بالها كلام مؤيد..تشجعت وقالت..اجل شلون وافقت عليك.. سالم:طيب امشي تأخرنا على عمتي عهود:قالت تبي تحرجه..اي عمه ماخبر لي عمات؟؟ سالم:عمتي يعني امك عهود:قربت منه وصارت قباله..عقدت حواجبها وكأنها مو فاهمه..وليه تقولها عمتي؟؟ سالم:لانها امك يالذكيه.. عهود:واذا صارت امي تقولها عمتي؟؟؟من زمااااان وهي امي ودايما تقولها ياخالتي سالم:لانها ام زوجتي الحين فهمتي عهود:اهاااا.. سالم:انا بنزل .. عهود:لا انتظرني ننزل مع بعض.. سالم:ليه ماتدلين الطريق عهود:خلاص روح بس تراني مو نازله... سالم:ياليييييييل..طيب اخلصي. عهود:اجلس هنا بس دقيقه..واشرت على كنبه سالم:طيب..جلس وهو يطالعها .. عهود:راحت لوحده من المجلات وفتحت صوره لاريكه.. جلست جنبه وهي توريه الصوره...شرايك فيها؟؟ سالم:حلووه.. عهود:نزلت المجله بحضنها..ابيك تشتريها وتحطها تحت الدرج لانك مو حاط فيه شيء.. سالم:وش دراك اني مو حاط فيه شيء؟؟؟ عهود:رحت لبيتنا..وشددت على بيتنا...مع مؤيد وشفت تأثيثك...فيه اشياء كثيره ناقصته..اقصد كماليات.. سالم:افتشل منها..خلاص قوليلي شالناقص وارسليلي الصور وانا اشتري عهود:لاكذا ماينفع..مااعجبني من الصور الا هذي..اسمع بكره او اللي بعده تعال خذني وبندور على كل المحلات نشتري النواقص انا رايك يهمني بعد..(كانت متعمده تحرجه) سالم:ماقدر يقول لا..ان شاء الله.. عهود:ابتسمت لانتصارها..يلا الحين ننزل..رمت المجله..مسكت يده وسحبته معها.. *************************** الساعــــــــــــه العاشره مساء.. كانو مجتمعين بالاستراحه.. سهره لاتغضب الرحمن..شباب وضحك ووناسه وتناقل خبرات بعضهم.. دخل عليهم وهو يسلم ويلوح بيده.. فيصل:السلااااام عليكم جميعا الكل رد السلام بأصوات مختلفه .. طلال(واحد من اخوياهم):تعال تعال واشر لمكان جنبه.. راح له والابتسامه ماليه وجهه..وقال قبل لايجلس جنبه.. فيصل:وشلون النفسيه عقب الخساره..وجلس جنبه وتربع.. ناصر:اللي مايفصله عن طلال الا مركى..عادي اصلا حنا عطيناكم فرصه.. طلال:التفت لناصر..اقول لاترقع..اهزمونا هزيمه ساحقه.. فيصل:اي ساحقه الا ماحقه..9 صفر وتقول ساحقه..واشر لناصر ..عطني بس الدله خلني اتقهوى.. ناصر:انا اصب لك..مد له الفنجان وهو يضحك.. فيصل:اخذ الفنجان..وش سر الضحكه ناصر:هههه تذكرت طلال يوم طاح ههههه فيصل:وهو يتذكر الموقف نزل الفنجان من الضحك..هههههههه طلال:ماعمركم شفتو احد يطيح..مالت..اقول وين خالد فيصل:الحين يجي.. دخل محمد ومعه عبدالله(ابو شنب) وباين انهم مو طبيعيين.. جلس محمد مع شلة شباب مجتمعين..وابو شنب راح لطلال.. كان عاقد حواجبه..وجهه مايطمن..رفع حاجبه علامة الاستغراب لما شاف فيصل.. عبدالله:هلاا بابو الشباب..حي من جانا..وجلس جنب ناصر..وينك ماشفتك عقب الفوز.. طلال:خلااص ترى زهقتونا ترى والله احرم العب معكم..تكرهون الواحد باللعب.. فيصل:عاد هو وش قال..والتفت لعبدالله..وش فيك ياقائدنا تقل خاطرك مش ولابد ناصر:شقصتك انت ومحمد؟؟رجعتو معصبين.. طلال:يلا افرغ مابي جعبتك ياغلام.. عبدالله:هز راسه علامة الاستياء..ياشين اللقافه..قال يقطع اي حديث يتعلق بالموضوع..اقول ابو الخلد وينه طلال:بيجي بعد شوي.. دخل وهيبته تفرض ان الكل يسكت.. قال بصوت عالي وجهوري.. وهو يبتسم.. السلاااااام عليكم دار قوم مؤمنين الكل رد عليه السلام وهم يردون له الابتسامه.. اشر على بعض اخوياه ولوح لهم بيده.. خالد:اقول يالربع لاتجلسون مع خسرانين اخاف يعدونكم وحنا ورانا مباريات.. :لاتخاااف ابو الخلد الخساره ماتعدي..وابشر بالفوز بس هالمره كم تبي؟؟ خالد:خلها واحد صفر تراهم مو قد صدمات.. وبدى الكل يضحك.. اتجه لعند اخوياه.. وقبل لايجلس فك شماغه ورجع ينسفه بطريقه عربجيه وجلس جنب عبدالله.. طلال:وش جايبك مو تقول اننا نعدي خالد:جالسن جنب حبيبي ابو شنب..عطني خشمك يابو شنب..حبو بعض..فديت هالوجه والله ناصر:سبحان من جمع ابو خشوم مع بعض..كل واحد خشمه اطول من الثاني.. فيصل كان يسولف مع واحد جنبه.. عبدالله:وينك تأخرت.. خالد:فقدتيني حبيبتي.. عبدالله:اخذ العقال من راسه..والله ياخويلد ان ماتأدبت لاامرمدك بذا.. ناصر:ابعد عنه الاخلاق قافله.. عبدالله:التفت على ناصر..وبعدين؟؟ طلال:اقول ابو شنب معك اخلاق انثبر مامعك فارق لبيتكم حنا جايين نستانس.. عبدالله:اعوذ بالله من الشيطان الرجيم..استغفر الله العظيم.. ناصر:انت ليه ماتقولنا شجايك؟؟ احد من اهلك صاير له شيء؟؟ عبدالله:لا مافيهم شيء..بس انا شفتلي واحد وعصبت.. خالد:همس لصديقه الصدوق..تبينا نطلع.. عبدالله:قام على طول.. طلال:وين يبي؟؟ خالد:وقف وهو يعدل شماغه..عن اذنكم..ولحقه.. طلع برى الاستراحه..وركب سيارته وهو يحاول يكون هادي.. ركب خالد السياره وهو ساكت..وتحرك عبدالله.. شوي شوي بدت العماير والمباني والاسواق تختفي..وضجيج السيارات وخصوصا بهالوقت من رمضان بدى يخف.. وقف عند محطه ونزل يشتري كل شيء لانهم بيتسحرون هناك..طلع واشر لبياع حطب يحطله بالسياره حزمة حطب.. وصلو لمكانهم المحبب..للمكان اللي يشيل هم كل شخص يضيق صدره.. يقدر فيه يفضفض عن كل مكنوناته بدون خجل او حياء..لانه مافيه احد حوالينك.. بهالمكان الكل يحترم خصوصية الاخر..ويعرف انه ماجاء للمكان هذا الا علشانه متضايق يبي يرفه عن نفسه.. ترك الطريق وقف السياره ..نزل بعد مارمى شماغه وراه يتأكد من هوى الكفرات و ينسمها..ركب وهو يحط على الدبل..وانطلق.. وبدى يصارع الرمال ويحرك السياره يمين يسار لين وصل لغايته المنشودة..راس الطعس..وقف السياره باحتراف .. عبدالله:التفت على خالد..تفضل.. خالد:نزل وهو يحاول يثبت عقاله بشماغه..رجع لشنطة السياره يساعد عبدالله..اخذ الاكياس وعبدالله نزل الحطب وفسر اكمام ثوبه..بدى يحفر بيده حفره صغيره..حط حطبه وحده كبيره واللي فوق صغار علشان بسرعه تشب.. عبدالله:خالد جب الكبريت من درج السياره.. جاب خالد الكبريت وعطاه اياه.. عبدالله:ولع ثلاث اعواد ورى بعض وبدى ينفخ بفمه..دقايق وولعت..نفض يدينه..وجلس جنب خالد وهو ممدد رجلينه.. خالد:معجبتك الجلسه..ربي لك الحمد احد يطلع وهي مو قمره.. عبدالله:والله البر بكل الاوقات حلوو..عطني مويه ابي اشرب.. خالد:فتح واحد من الاكياس..ومد له المويه..وهو مستغرب..ليه جايب ليبتون معك؟؟ عبدالله:فتح علبة المويه وشرب قبل لايرد..اخذ نفس..علشان نصلحلنا شاهي.. خالد:جايب ابريق؟؟؟ عبدالله:افا عليك..الابريق ماينزل من سيارتي..وقام يجيبه.. ************* بالســـــــــوق.. تعبت من كثر المشي..جلست على واحد من الكراسي.. عبير:تعبتي؟؟ ليلى:شوووي..طلعت جوالها من الشنطه تبي تتأكد اذا فيه احد دق عليها.. عبير:ليلى يلااا ما فيه وقت ليلى:طيب طيب بس ابي اخذ نفس.. بمحلات المجوهرات.. سلمى:وهي تشوف الطقم...يمه هذا مرره غالي.. ام فيصل:مافيه شيء يغلا على عبير.. سلمى:ادري بس مو لهالدرجه..يمه هي مو محتاجه بعدين انتي الى الان كله اشتريتيه من فلوسك وماشريتي شيء من مهرها.. ام فيصل:تستاهل عبوره..بعد قلبي هالبنت تدرين انها مثل بنتي واكثر وغير كذا خذت بعد قلبي فيصل..تستاهل.. سلمى:انتي ماحد يقنعك..اشريلها اللي تبين.. بمحل ملابس.. ليلى:جنااااااان ياعبير..يهبل والله يطلع عليك شيء عبير:مادري احسه مو ضابط علي ليلى:بيطلع يهبل صدقيني..خوذيه بسرعه خلينا نقيسه عليك.. حاسبو وطلعو من المحل ووراهم الشغالات يشيلون الاكياس.. ************************ |
فار الماء..شاله بشماغه ونزله حوالين الضو على قطع قليله من الجمر اللي تكوّن ..وفتح غطا البريق وحط فيه كيسين لبتون.. عبدالله:وهي يحرك الليبتون..قال ..طلع المكسرات.. خالد:هذهي قدامك..انت مو ناوي تتكلم.. عبدالله:عن ايش..عطني كاستك خالد:انت شبلاك منعمي..قدامك..قال يكمل كلامه..ليه متضايق رفع الابريق وصب الشاهي بالكاسه وصوتها يعطي للسكون اللي حولهم صدى عبدالله:..مافيني شيء..خذ كاستك خالد:علي يابو شنب؟؟ عبدالله:خلنا نستانس عقبين اسولفلك..اقول شصار..(رشف من بيالته)..اللـــــــــــه تسلم يدي على الشاهي..شصار على خطبتك خالد:مادري ماردو علي..قال وهو ياخذ عود ويحركه بالضو..تدري.. ماصارت تفرق معي.. عبدالله:وهو ياخذ من المكسرات بيده..ليه مو انت خطبت اللي تبيها؟؟ خالد:اخذ منه المكسرات..ولازلت ابيها..بس انت مو عارف شيء.. عبدالله:قول خالد:خلها بالقلب تجرح.. عبدالله:احترم خصوصيات خالد..دامه سكت يعني شيء كبير... قعدو فتره ساكتين..والصمت يعم المكان الا من صوت المكسرات ورشفات الشاهي والاصوات اللي تنتقللهم من الهواء وماهي مفهومه.. قطع الصمت سؤال عبدالله.. عبدالله:خالد انت تعرف اخويا محمد.. خالد:رفع راسه ..محمد اخوي؟؟ عبدالله:ايه خالد:انسدح على جنبه متكي على كوعه اليمين وكفه اليمين ساند بها على راسه..اعرفهم بس مو الكل.. عبدالله:وبدى يثار اهتمامه..وليه مو الكل؟؟ ركز على عيون عبدالله اللي تعطي لمعان من الضو.. خالد:لانه فيه ناس وراء الكواليس وهذولا اللي خايف منهم..هالولد صعب..مراهقته مجننتنا..ماحد يعرف شلون يفكر.. عبدالله:رمى حبة كاجو بفمه بمهاره وقال...ماحاولت تتقرب منه..تكلمه تسمعله خالد:عجزت معه..عاملته بالطيب بالشده ومانفع..المشكله انه ماحد مهتم له..ابوي ماهمه الا انه يشتغل معه بالشركه ..تدري كان يبي يفصله من المدرسه.. عبدالله:وهو موافق؟؟ خالد:محمد ماعارض..كلمت ابوي امنعه وقال مالك دخل فيه خله يحقق اللي انتم ماقدرتو تحققونه لي..والحمدالله فيصل قدر يقنعه ووافق يخليه يكمل الثانوي بس.. عبدالله:يمكن مو مهتم بدراسته.. خالد:اللي مخوفني انه مايدري عن شيء بهالدنيا..بس فالح يقرى بهالكتب..يعني تقدر تأثر عليه بسهوله وانا خايف عليه من عيال الحرام.. تردد..هو لازم يتكلم.. انسدح على الرمل اللي حبيباته تعملّه مساج طبيعي يهديه..قال بهدوء وهو يحط يدينه تحت راسه .. عبدالله:بصراحه ياخالد..انا شفته اليوم مع واحد اعرفه..سمعته لك عليها.. خالد:عدل جلسته بسرعه ..وين شفته؟؟ عبدالله:شفته يكلمه برى الاستراحه والولد راكب سيارته.. خالد:بخوف واستعجال...لايكون عطاه شيء؟؟؟ عبدالله:لا تخاف راقبته وكتمت على نفسه..وبعد ماراح الولد كلمت محمد وفهمته..بس ولو انا مو متطمن.. خالد:ابن اللذين اعرفه حميدان..والله اني شاكن فيه..بس هين انا اوريه .. قال يبي يبعد شحنة الغضب عن صديقه.. عبدالله:انسدح يارجال ترى الرمل زين للظهر.. مارد عليه رفع نفسه وحط يده على كتف خالد.. عبدالله:خالد الضرب ماينفع..حاول تكلمه هو شكله عنيد..او تدري كلم واحد يفهمه.. خالد:التفت عليه..المشكله محد يفهمه عبدالله:انت افهمه وتقرب منه..خالد هالدنيا مليانه بلاوي وانت اكثر واحد يدري.. ************************ |
************************ الساعه الثانية عشر مساء.. سمعت ضربات خفيفه على الباب..مسحت دموعها..وقامت تفتح الباب.. حطت ايدها على مقبض الباب وهي تقول.. نوال:طيب طيب...فتحت الباب شموخ:هااااااااااااي..وصارت تطالع بشكل نوال من فوق لتحت..تعبانه؟؟ نوال:تركت المقبض..ودخلت للغرفه وهي تحاول تربط شعرها القصير بكلبس..لامافيني شيء.. شموخ:دخلت وراها..اها..طيب ليه ماجيتينا اليوم..الكل سأل عنك..وخصوصا زياد نوال:التفتت عليها وهي معصبه..شموخ بلييييز مابي اسمع شيء..وبعدين انا كيفي اجي مااأجي ماحد له شغل فيني..افف قالتها وهي تحط المخده بحضنها وتحضنها.. شموخ:ميلت فمها على جنب..طيب تروحين معي نتمشى..<<في رمضان المحلات ماتسكر الا مع اذان الفجر.. نوال:مااااالي خلق..روحي لحالك.. رن جوالها ب من يقول اني لغيرك انا لك ماني لغيرك فتحت جوالها الموتورلا الذهبي وهي ترد بلهفه.. الووو زياد:هلا نوال وينك؟؟ نوال:وهي تتهرب من نظرات شموخ اللي تحرقها..انا بالبيت..ليش؟؟ زياد:نوال بسرعه روحي لعاليه شكل ابوها مسوي فيها شيء.. نوال:عاااااليه!!! شدراااااك؟؟؟؟؟ قالتها باستنكار زياد:وانا جاي للبيت شفته يتطاق مع واحد ويالله فكيتهم ..طلع اللي يطقه اخوها حسام..وهو اللي قالي لو عندكم احد يتطمن عليها.. نوال:طيب الحين بروح..بس لايكون هو موجود زياد:مين؟؟ نوال:مين يعني العقرب.. زياد:عقرب!!!! نوال:اقصد ابو صالح جعله للمرض اللي مايشفى منه زياد:نوال هو تعرضلك من قبل.. نوال:لا مايقدر..بس مالي خلقه..هو فيه ولا لأ؟؟ زياد:ماادري..بس اخوها موجود عندي نوال:خلاص الحين اروح اشوفها..سكرت الجوال ..رفعت عيونها لشموخ..خير ليه تطالعيني كيذا؟؟ شموخ:لا مافي شيء..زياد اللي كلمك.. نوال:وهي ترمي المخده من حضنها..وقالت وهي تروح لغرفة الملابس..ابي اروح لعاليه تروحين معي.. شموخ:لا وش يوديني انا ابي اروح للسوق وافرفر بالشوارع واجي..باااااي نوال:ماردت عليها ..تفكيرها كله باتجاه عاليه..اخوها وش يبي..افف منه الغبي مايتأدب ..طلعت لها بنطلون اسود طويل عادي وتيشرت اسود عليه كتابات بالابيض..كان هذا اول شيء طاحت عليها عينه..لبست عبايتها واخذت شنطتها ..راحت للسرير واخذت جوالها وطلعت.. بالمجلس.. كان يفرك يدينه ببعض..باين عليه التوتر..من تعديله لشماغه كل شوي وحركة يدينه ومطالعه بالساعه..وترديده بيااارب سترك.. تكلم يبي يبعد التوتر.. زياد:حسام انت تشتغل؟؟ حسام:رد وهو يشوف الساعه..ادرس اخر كورس بالجامعه..اقول ماكأنها تأخرت.. زياد:لا تخاف..اسمحلي حسام..وودي اسألك بس مستحي.. حسام:لاتفضل اسأل زياد:انتم ليش تاركينها عند ابوها.. حسام:غصب عننا..وتكلم وهو مقهور..كل شيء معه مافي شيء ضده..القانون يحميه ويظلم اختي.. زياد:القانون معه لو كانت معاملته زينه للبنت.. حسام:زينه ولا مو زينه دامه يبيها فالقانون معه.. زياد:جربتو تسألون محامي حسام:جربنا..وكلهم قالو نفس الكلام..دام امي متزوجه ..ومالها جده.. فهي تعيش معه ولاتنسى انه مايبي يتنازل عنها.. زياد:والضرب اللي يجيها؟؟معقوله محد اهتم لهالشيء؟؟ حسام:الضرب محد يقدر يثبته..كل ماتدخل مستشفى تطلع منها بسهوله..حتى هي بالاخير قررت تسكت وترفض تروح للمستشفيات لانها تنقهر بزياده..حسبي الله عليه..والله الموت فيه حلال.. زياد:الله يعين..رن جواله نوكيا n70 ورد..هلا نوال:زياد قول لحسامووه المعفن لا يجي مره ثانيه لعاليه وان جاء ترى بحش رجوله..اذا ماعنده ماعند جدتي ولاقادر يسوي شيء وشوله يجي يبي يسمع صوتها ويتطمن عليها ويبي يباركلها برمضان يدق علي وانا اخليها تكلمه..ايه وقوله انها بخير جت سليمه.. زياد:اللي ماسك ضحكته..طيب بقوله.. حسام:بكلمها.. زياد:اقول عطينا اياها يبي يكلمها نوال:ماتقدر تكلمه ..اسمع قوله هي تدق عليه وتطمنه..يلا..وسكرت ورمت الجوال على الكومندينه اللي جنبها ونادت الشغاله بصوت عالي.. عاليه:اااااه..ااااااااي نوال:هاوشت الشغاله لانها بطيئه..واخذت حبة بنادول وعطتها عاليه..امسكي ابلعيها وبيهدى راسك.. عاليه:احس الدم للحين بفمي..وراحت لدورة المياه تغسل.. نوال:وهي ترفع يدينها للسماء..جعله ان شاء الله بالمصيبه اللي مايطلع منها ياااااااارب جعلني اشوف فيه يوم هالتعبان العقرب ياااارب .. طلعت عاليه وبيدها الفوطه تمسح بلطف على فمها.. نوال:فيه احد يضرب بقس مع الفم..هذا مايبي يخلي فيك شيء زين..مايكفي مخك اللي رجه.. عاليه:ضحكت غصب عنها وضمت نوال..شدراك انه ضربني نوال:تذكرت زياد..وقالت قلبي دليلي..شفت اخوك من الشباك يتضارب مع العقرب وجيتك على طول.. عاليه:غيوض ماجت للحين..واخذت البنادول من يد نوال وبلعته..نوال كلميها نوال:افف فاضيتلكم انا اللي فيني مكفيني..هي مو بزر شسويلها عاليه:وانتي شفيك؟؟ نوال:قالت بغرور..مافيني شيء تطمني..يلا انا بطلع تبين شيء عاليه:لا سلامتك رن جوالها وهو بيدها طالعت بالرقم وزفرت.. نوال:اففف ياليييييييل هالرقم اللي نشبلي ولايرد..عطته مشغول.. لفت الطرحه على شعرها وتلثمت فيها.. طلعت نوال بعد ماسكرت باب الغرفه وراها.. عاليه:سحبت الحاف البارد لصدرها ..ااه يانوال ودي يوم تفضفضين لي وتشكين..اكبر مكابره شفتها.. وبدى تأثير البنادول يشتغل وحست بالخدر ونامت.. ************************ الســـــــــــاعه الثانيه والنصف صباحا.. دخل البيت وهو ناوي على شيء..بس تغيرت نيته لما انصدم بناصر.. كان يتكلم مع محمد وشكله معصب ..ومحمد باين عليه مايبي يسمع اللي يقوله ناصر.. كانو واقفين عند ملحق الرجال.. فجأه شاف ناصر يمد يده على محمد ..عطاه كف من قوته خلى محمد يدور على نفسه.. ناصر:وهو معصب..يميـــــــــن بالله يامحمد ان شفتك تعيدها لا اكسرك ومااخلي فيك شيء صااااااحي..وصرخ بوجهه فاااااااااااااااااهم محمد:اللي يبي يثأر لكرامته..انت مااالك دخل فيني اسووووي اللي يعجبني وكان فيك خير تكلم ناصر ماتحمل وراح رفع محمد مع ياقته وعيونه فيه الشرر.. ناصر:انت بعدين معك..ليه ماتفهم..تكلمت معك رجال لرجال ومعاند تعاملت معك باسلوب المبزره ومعاند ..حميدان ابعد عن الشر احسن لك ترى انا ماسك اعصابي..ان انفلت عليك مووووو احســـــن لك.. محمد:اللي خاف من ناصر...طيب فكني.. رماه ناصر وكانه شيء قذر ورفع يده السبابه وهو يقول ناصر:محمد ترى خلاص حطيتك ببالي وبراقبك وبشوف..ان ماتعدلت صدقني مو مربيك غيري..اللي صار الليله مابي احد يدري عنه فاااااااااهم.. محمد:طيب ناصر:روح انخمد ..طلع ناصر مع بوابة الرجال ومحمد يسب ويلعن ويتوعد.. راح خالد لورى نخله ينتظر محمد يدخل للبيت علشان ماينتبه عليه وبنفس الوقت قاعد يفكر شاللي يخلي ناصر يعصب من محمد..اااه يامحمد شكلك تبي تتعبنا.. دخل غرفته وهو يسب ويتوعد وبنفس الوقت منقهر.. محمد:شاللي رجعه وانا متأكد انه طلع..(يقصد ناصر)..معقوله احد قالّه..ماشافني الا ابو شنب وابو شنب طلع.. اخخ يالقهر حرمني من التجربه.. راح لجناح جدته يتطمن عليها..لقاها نايمه والراديو مشغل على برنامج ديني.. سكر الباب بهدؤ وراح لغرفته.. بغرفة الملابس..فصخ ثوبه وعلقه بالشماعه مع شماغه وعقاله ..اخذ بيجامته الكحليه الكاروهات بعد مالبس.. راح لمكتبه وجلس على كنبه جلد اسود.. ناصر:ياربي لايكون الولد مو اول مره يسويها؟؟..بس شكله مايهيء..صح اللي يدخن يبان عليهم..بس ولو انا مو متطمن.. وهالزفت اللي معه شايفه من قبل بس وين؟؟؟..مسك قبضة يده وهو يتذكر الموقف.. الاستراحه.. طلع فيصل بدري كالعاده.. كان جالس مع طلال لوحدهم..وباقي الشباب مسوين قروبات ويسولفون.. طلال:تثاوب..اقول يالحبيب ماودك نرجع للبيت..والا المدام معطيتك الضوء الاخضر ناصر:اي مدام واللي يرحم والديك..خلها ترجع ولو مااطلع طول عمري ماعندي مانع.. طلال:قال مستغرب..مارجعتلك للحين؟؟؟..غريبه وامي تقول انها رجعتلك ناصر:الله يسمع من امك..قال بينهي سيرتها اللي تزيده هم..يلا امش حتى انا زهقان.. قامـــوا مع بعض .. شاف محمد جالس مع الشباب.. ناصر:محمد انا بروح تبيني اوصلك بطريقي.. محمد:لا وين تونا بدري.. ناصر:الساعه وحده ونص اي بدري.. محمد:لا برجع مع خالد اذا جاء..هو رايح مع ابو شنب وتارك سيارته.. ناصر:طيب..تصبحون على خير ياشبــــاب.. وصّل طلال لبيته.. طلال:نزل من السياره وهو يلوح بيده..نوما هنيئا عزيزي ناصر:ابتسم..نزل الشباك اكثر لما جاه طلال بيكلمه طلال:وش يضحكك.. ناصر:معجبتني سنوني وابي اوريك اياها..ثانيا انا ابتسمت ماضحكت وفيه فرق.. طلال:سنون طلال قالولك..وبعدين لاتصرف ..هذي ابتسامه تنذر بالضحك ناصر:هههههههه تبي الصدق تذكرت شكلك وانت تطيح..ههههههه تحفه طلال:الشرهه مو عليك علي اللي راكب معك..فارق فارق لااحوس وجهك ناصر:سكر الشباك وهو يودعه بيده... وحرك السياره... وصل للبيت وقبل لاينزل تفقد جواله وتذكر انه نساه بالاستراحه.. رجع مره ثانيه للاستراحه شاف محمد واقف مع واحد بسيارته ..وشاف بيده مصيبه..نزل من سيارته بسرعه .. مسك ذراع محمد اللي مو منتبه له ولفه عليه.. طاحت السيجاره من فم محمد..طلعت عيونه..ناااااصر.. ناصر:زم شفايفه..تنتظر خالد ها؟؟؟ محمد:احم..انت شمرجعك ناصر:رجعت علشان اشوفك يارجاااااال...صر على سنونه وهو يقول..امش قددامي محمد:اخذته العزه وخصوصا ان خويه معهم بالموقف..ماني راجع معك ناصر:لوى يده ورى ظهره..تمشي غصب عنك.. تدخّل خويه.. :انت شدخلك فيه هو رجال بشوارب ومالك حق عليه..<<كان يبي محمد يزيد بالعناد.. عصّب اكثر..ولد اصغر منه وشكله راعي سوابق يكلمه بهالاسلوب .. ترك محمد وعطى بقس لخويه خلاه يطيح من قوته.. ناصر:انت واشكالك ماتكلموني وحركاتك فاهمها وفاهم قصدك يازفت..محمد روح جيب جوالي من داخل وانتظرك بالسياره بسرعه وانت يالتعبان فارق لايجيك شيء مايرضيك.. :والله لاوريك..ركب سيارته وراح راح محمد لان ناصر اذا عصب يموّت ولا يسأل عن احد.. قعد ينتظره بالسياره وهو يستغفر ..يحاول يهدي اعصابه.. فتح باب السياره بهدوء ..وسكره بشويش..نزل الجوال بمكانه .. ناصر:مشكور محمد:التفت عليه مستغرب..على ايش؟؟ ناصر:لانك جبت جوالي.. محمد:طالع قدامه..العفو ناصر:محمد..انا اسف بس غصب عني..واسفي مايدل على ان اللي تسويه صح..والا شرايك؟؟ محمد:حرك السياره فيني نوم وتعبان.. كانو ساكتين طول الطريق.. وقبل مايوصلون للبيت بدقايق.. ناصر:انت تدري ان اللي تسويه غلط..وتدري ان محد بعايلتنا يدخن..يرضيك تكون اول مدخن بالعايله محمد:انا ماادخن..اول مره..وبعدين هذي حريه شخصيه وانا كبير وفاهم.. ناصر:ادري انك كبير ورجاااال..وهذا اللي خلاني استغرب هالتصرف.. محمد:وانت قلتها رجال يعني مو محتاج وصايه من احد.. ناصر:افف ..شوف انا اكبر منك..ومريت باللي مريت فيه..يعني فاهمك قاطعه محمد.. محمد:انا رجااااااااال مو مرااااااااااااااهق سامع ناصر:طالعه بنص عين..وليه معصب..انا ماقلت انك مراهق وبعدين شفيها المراهقه مرحله مثل الطفوله والشيخوخه والشباب.. يعني الحين لو قلتلي ياشاب بزعل؟؟؟ محمد:طيب طيب فكّنا بس..قالها بطريقه استفزازيه هنا ماقدر يمسك اعصابه.. ناصر:لاااااااا تراااااااك زودتها..ترفع صوتك علي وسكتلك.. غلطان وترادد ومشيتها لك تستخف بكلامي ماااااااااااااسمحلك سامع.. محمد:----- ناصر:ساااااااااااااااااامع...ووقف عند باب بيتهم محمد:فتح باب السياره وقبل لايسكر الباب...موسااااااااااامع..انا رجااااااااااال واعرف مصلحتي ولا تتدخل فيني وكلامك خله لك انا مو محتاج نصايحك انا مو بزر وصفق الباب بقوه.. ناصر ماتحمل نزل من السياره ولحقه.. فرقع اصابعه وطالع بساعته.. ناصر:ماصليت القيام..راح توضى وفرش سجادته وبدى صلاته... ************************************ مسّد حواجبها بيده وقال.. ليه تقولينها كيذا؟؟ ميساء:تحررت دمعه غصب عنها..خلاص بكيفكم انا زهقت.. ابو فهد:ضمّها.. وهي فضّت كل دموعها على صدره الحنون.. بعد دقايق.. بعدت عنه مد لها منديل..ومسحت دموعها.. ابوفهد:ارتحتي الحين.. ميساء:هزت راسها بأيه.. ابوفهد:احد مضايقك؟؟..فهد مسويلك شيء.. ميساء:لا..بس انا خلاص زهقت اذا ماتبونه قولو .. ابوفهد:لا نبيه..بس حرام نتأكد من رايك..ميوسه هذا زواج المفروض تاخذين وقتك.. ميساء:بنفاذ صبر..وانا قلت رايي.. ابوفهد:خلاص لاتزعلين..برد له بكره.. قامت من عنده بصمت.. كل مأقفيت ...ناداني تعــــــــال وكل ماأقبلت عزّم بالرحيـــــــــــل وكل ما أجنبت واعدني شمـــــال ياأهل الحب ضيّعت الدليــــــــــــل الحقيقه غدت مثل الخيـــــال هو عدوّي...وهو اغلى خليـــــــــل.. دخلت غرفتها وشافته جالس على سريرها ووجهه بين يدينه.. ميساء:فهد..شتبي؟؟ فهد:تعالي جنبي .. ميساء:عاندته وجلست على كرسي التسريحه ..قول شعندك فهد:تضايق من حركتها..صدق شين وقواية عين.. ميساء:نعم!!! فهد:انا ملّيت منك..وبقولك على بلاطه وافقي على خالد وتحملي نتيجة اختيارك..وبكره ياويلك اذا طلبتي مساعدتي لاني ساعتها بذكرك ان هذا اختيارك..تبين تنتقمين انتقمي بس خالد مو لعبه بين يدينك..ومحد بيخسر غيرك..وبعدين فيصل تلومينه على شيء انتي غلطانه فيه وانتي معترفه..عن اذنك...وطلع وتركها .. ميساء:بدت دموعها تنزل من جديد..بس هو رجعلي مره ثانيه..وتركني مره ثانيه... ******************** هاهو ضيفنا يغادرنا..ناس ربحت فيه وناس خسرت..ناس افتقدته وتبكي لفراقه وناس تنتظر لحظة مغادرته.. ناس تقضيه بالمسلسلات وكأنها لاتعاد بعد رمضان..وناس تستغل كل ثانيه فيه بطاعة الرحمن وترقّب ليلة القدر.. رمضان..اللهم اعده علينا واجعلنا ممن يقومونه ويصومونه.. مرت الايام سريعه.. تمت الموافقه على خالد وصارت خطوبه رسميه..بدون لقاء طبعا ولاحتى نظره شرعيه.. رجع ابو فهد لبريطانيا.. ليلى تنفست الصعداء عندما مر اليوم الخامس عشر من رمضان بدون مشاكل..انتهت عدتها وصارت حره طليقه.. ناصر لازال متشبث بالامل ولازال يطلب منهم عدم التدخل.. فيصل وعبير..اقترب موعد اللقاء.. عهود وسالم اي حياة تنتظرهم.. ************************** ومــــــــــــــــــــــن العايدين ومـــــــــــــــــــــن الفايزين ان شاء الله. اول ايام العيـــــــــــــــــــــد.. يوم زفــــــــــاف عهود وسالم.. العصــــــــــر.. اخذت شنطتها وهي تقول.. عبير:مااقدر ياجدتي لازم احضر بعدين هي عااائلي محد بيجي..الله يخليك لاتكسرين بخاطري.. الجده:واااامصخي(واعيباه واخزياه) تبين تفضحينا عند العرب يقولون العروس حاضرتن عرس قبل عرسه بيووم..وحطت يدينها على راسها.. عبير:والله مااطلع اصلا بروح بجلابيتي علشان مااطلع بس لازم اوقف معها جدتي تكفـــــــــــــــــــــــــــــــين.. دخل ناصر وهو يقول.. ناصر:شهالازعاج شبلاكم؟؟ حط يدينه ورى ظهره وميّل ظهره على ورى..بعدين رجع على قدام وبدى يمسد ظهره بيدينه.. عبير:راحت له..ناصر تكفى بحضر زواج عهود لازم اوقف معها ناصر:اللي يكره هالاسم وصاحبته..مو لازم تحضرينه.. عبير:نااااااااااااااااااااااصر ناصر:افف طيب احضريه شسويلك...وكأنه تذكر شيء..اقول لولي بتحضره؟؟؟ عبير:وانا شيدريني اعزموهم او لأ... ناصر:تكتف وهو يقول..وليه مايعزمونهم؟؟؟ عبير:لانه عاااااااااااااااااااااااااااااائلي تعبت وانا اقول...يلا قول لجدتي ابي ارووووح ناصر:التفت على جدته وهو يمسك ذقنه ويقول..خليها تروح علشاني الجده:خلاص بخليها تروح بس بكره ابيها تحني يدينها ولامافي روحه.. عبير:لااااااامستحيل وش حناه بعد مااابي والله مو حلو الجده:الحين الحنا مو حلوه..بنات هالوقت مايعرفن الزين ناصر:حطي حنا وفكينا..عن اذنكم الجده:وين بتروح نومة العصر مي زينه ناصر:لا بريح شوي ظهري يوجعن(يعورني) الجده:اصلّحلك حلبه.. عبير:علشان ريحته توصل للمريخ.. الجده:يتروش وابد تروح ريحته.. ناصر:لا مايحتاج..بس يبيلي راحه.. الجده:ماقلتلي شلون غدى ال ----- ناصر:والله حلو بس ماجاهم ناس واجد..ابريّح ياجدتي واجيتس اسولف عليتس.. راح لغرفته الجده:طالعت بعبير..هاشقلتي؟؟ عبير:زفرت..امري لله..خلاص بحط..اروح الحين الجده:ايه الحين اقضبي الباب(روحي)..ودقي على خالد ابيه يجيني ماجاء يعيدني اليوم..مادري ليه عبير:وهي تلبس نقابها..بكره يجيتس هو بالدوام ماسكينه اليوم..وطلعت.. ببيت ام فيصل الكل مرتبش علشان زواج فيصل بكره..ام فيصل وسلمى وليلى.. وببيت ام فهد طلعو معزومين ببيت عمهم.. الليـــــــــــــــــــــــــــــــــــــــل.. قصر ابو عهود.. امتلى مجلس الرجال والملحق..كل معارفهم حضروا...ريحة العود والبخور ملت المكان.. الكل فرحان ومبسوط..وخصوصا ابو عهود..ومؤيد.. ابو فيصل وابو سليمان وسليمان جالسين مع بعض.. وفيصل وناصر مع بعض.. فيصل:شبلاك متكدر.. ناصر:مافي شيء..اقول محمد ليه ماجاء فيصل:يقول تعبان..خله لبكره ابي اكرفه.. بالغرفه.. ماكان فيه الا عهود وعبير والكوفيره.. عبير:صليتي عهود؟؟ عهود:ايه..ياربي بطني يعورني الكوفيره:بليز لوسمحتي بطلي حكي خليني اعرف اشتغل.. سكتت عهود..وصارت تتخيل لو هي مكان عهود...نفضت هالفكره وهي تقول.. ترى وعدتيني بكره تجين عندي مثل ماوقفت معك توقفين.. عهود:اكيييييييييييد..وسكتت لما شافت نظرات التهديد من الكوفيره... ****************************************** طالعت ببنطلونها الضيق واللي مبين حلاوة جسمها ..جنز غاامق بين الاسود والرمادي..فيه جيبين من ورى مزينين بالكرستالات ..وكامل البنطلون فيه لمعه حلوه بالفضي..لووست..ولابسه عليه بدي حرير فضي..صندل رايق لونه فضي..ومستشوره شعرها وبانت قصته الحلوه.. مكياج يناسب المناسبه..شدو رمادي بلمعه فضيه وبلاشر وردي وروج وردي وزادت القلوس فوقه..تعطرت من اسكادا واخذت شنطتها ونزلت.. وصوت كعبها العالي يصدح بأنحاء القصر الخالي..الا من الخدم طبعا..مااخذت عبايتها طبعا .. طلعت من بيتهم تبي تروح لبيت عمها..مرت من عند حوض فيه ورود حمرا بس.. قطفت وحده وشمتها وهي تبتسم.. مشت وهي تتمايل..والسواقين والامن كلهم يطالعونها بشراسه..وهي مو معبرتهم..لانهم ببساطه حشررراااات.. فتحت الباب الخشبي اللي متداخل معاه قطع زجاجيه ملونه تعكس الاضاءه وتعطي صوره حلوه.. دخلت وكانت شموخ بوجهها وباين انها مستعجله.. نوال:هااااااي..باستها مع خدها وهي تقول كل عام وانتي بخيررر.. شموخ:مرتبكه..وانتي بخير..ادخلي انا بروح اشوف صديقتي تبي تعطيني اغراض ..طلعت بدون ماتسمع رد نوال.. طلعت وهي تتمنى ان محد يشوفها.. بخطوات سريعه كانت تمشي الى ان وصلت للهمر اللي واقف عند نافورة المدخل.. اخذت نفس وفتحت الباب.. شموخ:وهي تركب..هاااااي.. هيفاء(حمد):ماردت عليها وكأنها زعلانه..قالت للسواق بجفاء وبصوت تحاول يكون خشن..انــزل.. نزل السواق .. شموخ:حمد شفيك..باستها مع خدها وهي تهمس..عيدك شموخ حبيبي.. هيفاء:ابتسمت لرقة شموخ..وقالت..خلاص رضيت عليك بس لاتعيدينها..اخذت الكيس اللي جنبها وعطته شموخ..هذي هدية العيد.. شموخ:حمرت خدودها..تسلم ياقلبي..يلا الحين روح اخاف يجي احد ويشوفنا.. هيفاء:وخير ياطير..الله شهالكشخه..لا عاد تلبسين كذا قدام اي احد.. كانت لابسه تنوره صفراء قصيره مره مع بدي نفس الخامه بس متداخل مع الاصفر الوان ثانيه..ومجعده شعرها مع مكياج هاديء يخفف من حدة الوان لبسها.. شموخ:حتى لك ماتبيني البس كيذا؟؟ هيفاء:لي البسي اللي تبين..بس غيري لأ..سامعه انا واحد اغار.. شموخ:قربت منها اكثر وحطت اصابعها الصغيره على خدها ..من جدك تغار.. هيفاء:مسكت اصابع شموخ وباستهم..اذا مااغار عليك على مين اغار.. شموخ:سحبت يدها ونزلت من السياره بسرعه وهي تلوح بيدها لها وترسل قبلات بالهواء.. هيفاء:نادت على السواق وحركو السياره.. حطت رجل على رجل وزفرت..والتفتت بسرعه وقالت بطفش.. نوال:انا بفهم ليه اللقافه؟؟؟ زهوه:الحين علشاني اسأل عن امك وينهي تقولين لقافه..مالت على هالوجه.. نوال:ابتسمت بثقه..هالوجه هو اللي قاهرك يالشينه..ابتسمت اكثر لما شافت علامات الانزعاج من زهوه.. زهوه:روحي من وجهي بس يالمطلقه..وش انفعك فيه وجهك ربي لك الحمد ماخبرت احد بغاك..حسين تزوج وزياد طلقك.. نوال:انا اللي مابغيتهم..لمعت فكره براسها وابتسمت لهالفكره..قالت بثقه..بصراحه صعب تاخذين واحد وانتي تحبين اخوه..ماتقدرين تتأقلمييين.. زهوه:فار دمها..وقامت عنها.. نوال:بصوت عالي..هههههههههه دخلت شموخ على الضحك شموخ:جلست جنبها..على ايش تضحكين؟؟ نوال:ولا على شيء...اقول بتروحين لزواج صديق زياد شموخ:لا ماني رايحه نوال:اجل انا بروح..باخذ بطاقتك شموخ:خلاص خوذيها.. والتهو بالحديث وبدت الناس تجتمع عندهم.. ****************************** |
بدت تقرى الايات اللي حافضتها..ساعة الصفر بدت.. قالت وهي خايفه..عطيني الجوال.. عبير:جوال؟؟ليه من بتكلمين عهود:عطينياه مو ناقصتك بسررعه.. جابت لها الجوال اخذته منها وبدت تدق على الرقم اللي محتاجه منه كلمه وحده.. وبعد فتره رد وباين من صوته الاستغراب.. الوو!!! عهود:ليلى كيفك ليلى:الحمدالله انتي كيفك.. عهود:انا بخير اذا ..اذا ليلى:عهود اش فيك..بعدين الليله مو زواجك؟؟؟؟؟ عهود:الا الليله..ليلى سامحيني وادعي ان الله يوفقني..ليلى الله يخليك ليلى:عهود انا مادعيت عليك.. عهود:ليلى والله اني مو فرحانه وفيه شيء مضيق صدري انا حاسه ان هذا عقاب من الله ..ليلى واللي يسلمك سامحيني وادعيلي ليلى:عهود مسامحتك..والله يوفقك ان شاء الله ويسعدك..ارتحتي عهود:الحين ارتحت..مع السلامه ليلى.. ليلى:الله يسلمك... بدت الزفه عاديه جدا.. الا من دموع ابو عهود اللي اثرت بكل الموجودين..وخصوصا سالم.. تمسكت بأبوها اكثر ودموعها مو راضيه تنزل..تحسها نشفت من الخوف..حتى مو قادره تتكلم.. كان مؤيد يحاول يلطف الجو..بس لاحياة لمن تنادي الكل يعرف بمرض ابو عهود ويعرفون ليش زوج بنته لسالم.. ركبت الليموزين وصوت ابوها يتردد باذنها..جعلني اشوف عيالك قبل مااموت..الله يطول عمري واشوف عيالك.. كانت تحس بقشعريره وببروده تسري بكل جسمها.. وصلو للفندق.. دخلو مع البوابه الخاصه..وركبو المصعد وهو ماسك يدها يساعدها.. دخلو للجناح .. ******************************* بعد ماراحو المعازيم دخلو العيال زي ماهم متعودين.. قامت اول ماشافته وهي ترسل نظرات ناريه لزهوه.. نوال:فراااااااااااس...قالتها بمرح.. فراس:ابتسم لها وهو يقول..اثري العيد يزين الواحد..صافحها ورفع يدها علشان تدور.. وقفت دوران وهي تقول.. نوال:شرااااايك حلووه فراس:وهو يخربط شعرها..حلوه بس لو ماقصيتي شعرك.. نوال:بطوله علشانك ..لاتخاف على شعري يطول بسرعه.. تعداها وراح لمرت اخوه نوف وصافحها بعدين راح جلس جنب امه وهو مطنش زهوه.. راحت نوال وجلست جنبه.. وقالت بدلع ماصخ .. نوال:وهي تمد يدها..ابي العيديه.. فراس:استانس على دلعها..وضرب يدها بخفه وهو يقول..خلاص كبرتي العيديه للبزارين.. نوال:مدت بوزها..وصار شكلها مثل الاطفال.. فراس:مسك خشمها باصبعينه ..خلاص بعطيك..طلع بوكه من لويس فويتون وطلع خمسمية ريال..تفضلي.. نوال:تسلم يااااقلبي انت.. زهوه:ودها تقوم تكفخها كانت بتتكلم بس دخل عمها ابو زوجها والعيال وراه.. جلس ابو فراس شوي بعدين طلع يريح ووراه ام فراس... قال وهو متضايق بعد ماراح ابوه.. زياد:شموخوه شهاللبس؟؟؟ فراس:خخخخخ والتفت على زوجته نوف..اذا صار عندنا بنوته نبي ناخذ تنورتها بس اي مقاس تلّبس..اتوقع شهرين شموخ:والله مالكم شغل بلبسي.. زياد:طنشها والتفت على نوال..شفيك لازقه بفراس نوال:معجبه فيه..اقول زياد ترى بكره بروح لزواج خويك.. زياد:ماعطاني الا بطاقتين شموخ:انا مو رايحه زياد:وليه؟؟؟قالها وهو متنرفز.. شموخ:غصب هو زياد:ايه غصب.. زهوه:انتي شفيك ماتفهمين ماتعرفين الواحد شلون يصرف..كانت تقصد نوال نوال:انقهرررت بس مابينت زياد:اللي ماعجبه الوضع وهو اساسا ماكان هذا قصده..قال..نوال بتروح انا بدبرلها بطاقه بالعكس جزاها الله خير اللي مو مفشلتني عندهم بس انا ابي شموخ تروح ضروري نوال:ضوقت عيونها ..ادري لاتهتم بكلام غيري.. شموخ:وهي تقوم عنهم..اشرت بيدها..مو رايحه لاتتعب نفسك... زياد:هالبنت عليها حركات ترفع الضغط... زهوه:كلها ترفع الضغط.. فراس:زهوه قومي البسي عباتك نبي نرجع للبيت.. ******************* جالسه على كنبه لشخصين ويدينها مشبكتهم ببعض.. وقع كلمات ابوها للحين صداها مأثر عليها... فرقع اصابعه..وقال يكسر حدة الصمت.. العشاء بيبرد..ماتبين تتعشين؟؟ رفعت عينها عليه.. عهود:نعم؟؟ سالم:اقول ماتبين تتعشين.. عهود:الا الحين بتعشى..بس بغير لبسي واجي.. قامت بفستانها الابيض اللي مغطى بشوارفسكي مع الصدر بطريقه تعطيه فخامه ونعومه بنفس الوقت .. دخلت الغرفه وفتحت دولابها ولقت كل شيء مرتب..رجعت للباب وقفلته ..راحت للتسريحه ونزلت التاج .. طالعت بشكلها..وهمست..اللي تفكرين فيه مو صحيــــــح انسي انسي انسي انسي..ابتعدت عن المرايه وكأنها تهرب من افكارها واعترفاتها الخطيره.. جلس على الطاوله وويدينه مشبكهم مع بعض وحاطهم تحت ذقنه.. يفكر بحياته مع اللي انفرضت عليه وهو يكرهها وحاقد عليها..شلون بيتعامل معها.. سمع صوت الباب ينفتح التفت عليها.. كانت لابسه جلابيه قطعتين ابيض وذهبي من انسام الخلف.. كانت تمشي بهدوء..سحبت الكرسي وجلست والحمره اللي بوجهها مغطيتها.. سالم:اللي استغرب حياها وكأنها اول مره تشوفه..فتح الاطباق..وقال..تبين تبدين بالسلطات قبل.. عهود:بصوت خجول..باللي تحب.. *********** الساعه 12 بالليل.. كان للحين لابس ثوبه ..من بعد رجعته من الزواج.. الكل نايم يستعد لزواجه بكره..صار يطالع بكل ركن بغرفته وكأنه بيودعها.. نزل غترته على كرسي بالركن..وطلع للبلكونه..النوم مجافيه.. جلس على كرسي من الخوص وحط رجلينه على الطاوله الخوص اللي قدامه ويدينه ورى راسه.. رفع نظره للسماء وكأنه يكلم النجوم..سرح بالمستقبل..تنهد من كل قلبه فيصل:اكيد الحين تبكي..اعرفها حساسه وماتحمل..ياااارب تسعدها وتوفقها وتعوضها باللي احسن مني.. نفخ هوى من فمه بقوه...لاااااازم انساها..خلني افكر بعبير احسن..حلوه مرحه..ذكيه ..وزوووووووجتي هذا اهم شيء زوووجتي يعني اخاف الله فيها..ابتسم بألم وهو يقول..على الاقل وافقت علي ومافشلتني لما حبيت انتقم من ميساء..اااااااه ياميساء متى تطلعين من راااسي.. رن جواله بنغمة نوكيا..زفر وهو يقوم...دخل الغرفه ..وقف الصوت.. راح للتسريحه يشوف المتصل..مسك الجوال بيده ورن فجأة..رد بسرعه فيصل:بدررري كان انتظرت بعد.. زياد:اوب اوب ..هذا وانت زواجك مابقاله شيء وللحين ماتعلمت الذوق..الواحد يقول هلا مرحبا اهلين..على الاقل وينك خوفتني عليك.. ماقول الا الله يعينها فيصل:جّلس نص جسمه على طاولة التسريحه..شسوي تعبان ومافيني نوم وادق عليك ماترد.. زياد:مانتبهت لجوالي ..تبي شيء فيصل:مرني ابي اطلع واتنفس .. زياد:تامر امر كم معرس عندنا..خلاص مسافة الطريق وانا عندك... ***************** الساعه 12 ونص.. رجعت من البيت وهي تحس بخوف .. اللي صار لها مو شويه..شلون صار هالشيء.. قفلت الغرفه على نفسها ورمت العبايه على طول وراحت تاخذ شور يهدي اعصابها.. طلعت وهي لابسه بجامه قطنيه ساده لونها سماوي وشعرها رطب.. مسكت الدبدوب اللي مرمي على الارض وحضنته ..رجع لها الموقف من جديد.. رمته بسرعه وهي ترجف..معقوول ..لا مستحيل..طلعت من غرفتها لانها حست بالخوف.. راحت لغرفة اختها ودقت الباب وفتحته على طول..شافتها تصلي..حست بالخوف اكثر.. طلعت بسرعه ورجعت لغرفتها رمت نفسها على السرير ضمت الحاف لعل وعسى يخفف من روعتها.. رن جوالها ونقزت..تنفست بعمق... بعدت الحاف وراحت تفتح شنطتها برادا.. وطلعت منه جوالها سوني..ماردت لما شافت الاسم.. سكت الجوال ثانيه ورجع يدق مره ثانيه..ماردت...رجع دق ثالثه.. تنهدت..شكله عنده شيء مهم..ردت وهي متوتره غيوض:الووو.. سلطان:كان معصب.ويـــــــــنك يالزفــــــــــــــته؟؟؟ غيوض:خير؟؟ سلطان:نعم نعم؟؟؟شقلتي؟؟؟ غيوض:خافت من نبرته..كان بالشنطه وماسمعته.. سلطان:اسمعي يابنت ابوك..مابي احد يدررررري باللي صاااار فااااااااااهمه..وعلى فكره ترى انتي الخسررررانه.. غيوض:قالت والدمعه تنذر بالنزول..تههددددد؟؟؟ سلطان:غير نبرته من التعصيب للحنان..غيوض حبيتي انا ماكنت بوعيي حتى انتي..اسف ..ههههههه بعدين يالغبيه انا خااااالو.. غيوض:بس هذي مو اول مررره.. سلطان:ياقلبي قلتلك غصب عني..اصلا انتي تفكيرك وين رااح انا محرم لك مثل ابوك وعمك..انا مابيهم يدرون علشانك انتي ..بيهاوشونك وانا بقطع علاقتي فيك..لان كلامك مايدخل العقل.. غيوض:وش تفسير اللي صار اجل؟؟ سلطان:ماله تفسير..عادي بنت اختي واطالع بجمالها حررام؟؟؟..يلا بلا سخافه وتراك زودتيها وتتهميني بأشياء انا بعيد عنها..المفروض انتي اللي تعتذرين..انتي اللي غلطتي بحقي والفتي علي قصه.. غيوض:اقتنعت بكلامه وقالت بحرررج شديد..اسفه سلطان:مارح اقبل شيء لان قلبي شايل عليك..انا اللي المفروض احميك تفكرين فيني هالتفكير..غيوض بسكر .. غيوض:لح....افف سكر بوجهي.. دخلت عليها وهي تطالع بالجوال اللي بيدها وتزفر عاليه:مساء الخير يالدبا.. انتفضت لما سمعت صوتها.. غيوض:خوفتيني..ابتسمت..حاطه بلاشر على خدك عاليه:بس على خد واحد...هدية العيد من العقرب..انتي اللي جيتيني وانا اصلي غيوض:ايه انا لاتخافين..ماطلعتي اليوم ..قالتها وهي تروح تجلس على الكنب عاليه:وين اطلع وانتي مو موجوده...تثاوبت..فيني النوم..رمت نفسها بسرير غيوض غيوض:راحت لها وانسدحت جنبها..حطت يدينها على صدرها وهي تطالع بالسقف ..من زمان مانمنا مع بعض.. عاليه:اللي نايمه على بطنها ووجها لجهة غيوض..انتي ابتعدتي كثييييير عني.. غيوض:همست..جدي هو اللي ابتعد..نزلت دمعه حارقه على خدها وصدت للجهه الثانيه عاليه:هو ابتعد وانتي ابتعدتي عن كــــل شيء..غيوض انتبهي لنفسك.. ماسمعت رد منها..خلتها على راحتها ونامت.. ********************** الساعه الواحده صباحا.. هي الخــــــــــيره!!! قالها وهو مستنكر.. زياد:اللي مركز بالطريق..ايه انت قلتلي انك استخرت والله يسر امورك..لاتنسى انكم مريتو بظروف ومافرقتكم.. يااخي ارضى بما قسمه الله لك..وحط باعتبارك دايما انك لو اخذت ميساء كنت بتكرهها او بتطلقها او بتصير بينكم مشكله.. انت استخرت والله مايخيب من يستخيره... فيصل:التفت على الدريشه وصار يطالع بالسيارت والطريق....ضحك فجأه..هههههههه زياد:وقف السياره لان الاشاره حمراء..سكنهم بمساكنهم فيصل:زياد تصدق ريحتني كثير..ابتسم..الله يريحك يازياد مثل ماريحتني.. زياد:يعني اقتنعت.. فيصل:اكيد.. زياد:طيب فيصل..ودي اكلمك بموضوع .. فيصل:عن ايش؟؟ زياد:خل الاشاره تولع خضراء ونوقف عند كوفي واقولك الموضوع.. ********************************* قاعده على مصلاها وبيدها القران تقرى..النوم مستحيل يجيها ومابقى شيء على لحظة الصفر.. خلصت من قراءة سورة البقره..نزلت المصحف.. عبير:ياربي الحين شتسوي عهود؟؟ يااارب وفقها واسعدها..ااااه ياقلبي احسه بيوقف.. خلت الشرشف عليها ونزلت تحت وهي مو قادره تركز بخطواتها تحس ان الارض تهتز.. عبير:لحول تقل الارض فيها زلزال..تمسكت بالطاوله الرخاميه اللي بالمطبخ علشان تضبط اعصابها.. هدت شوي..فللتت يدها وراحت تعمل ساندويتش خفيف يسد جوعها..مع انها مو مشتهيه وتحس انها اذا كلت بترجع.. بس لازم علشان صحتها .. دخل يبي يسوي شاهي..استغرب من اللي جالسه ومعطيته ظهرها ولابسه شرشف.. توقع انها هي.. اووووه عروستنا الفاضله هنا..ماذا تفعلين بالمطبخ ياام كرشه التفتت على ورى .. عبير:وحمره اعتلت خدودها لما شافته..همست كنت جوعانه.. ناصر:هههه يازين اللي يستحون..قرب منها وضمها وهي جالسه..ماني مصدق انك بتتزوجين..رفع وجهها باطراف اصابعه وقال.. امس طلعتي على الدنيا واليوم بتتزوجين..اااه.الايام تركض..من يصدق ام لسان تتزوج..ضمها اكثر وهو يقول..مادري شلون بعيش بالبيت من دونك .. عبير:ماتمالكت نفسها وبكت..خلاص مابيه والله ماااابيه اصلا مادري شلون وافقت عليه.. رجع رفع وجهها باطراف اصابعه وهو يقول ناصر:اششش مابي اسمع هالكلام..مسح دموعها ..همس لها بحنان..عبوره حبيتي انتبهي تقولين هالكلام لفيصل..انتبهي..هالكلام يجرح..حتى لو ماقصدتيه بيجرحه ..الرجال كل شيء يتهاون فيه الا كرامته..عامليه زين وكأنك مالك بهالدنيا الا هو..الرجال يحب المره المطيعه ..اللي تفهم عليه من نظرة عيونه..لاتخلينه يمسك عليك شيء..لاتقصرين بحقه..ناقشيه بهدوء..دلعيه ولاتخلينه يشوف غيرك بهالدنيا.. عبوره حظك من السماء انك خذتي فيصل..والله ماكنت اتمنى ياخذك غيره..رجال بمعنى الكلمه..اعرفي شيحب وشيكره..الرجال يحب المره اللي تغار عليه بس بحدود..اهم شيء الثقه.. تركها وجلس على الكرسي اللي بجنبها وركى راسه على يدينه.. شوفي انا شصارلي وتعلمي.. عبير:تقطع قلبها على اخوها..ناصر بترجعلك ان شاء الله ناصر:متى متى متى..مابقى شيء ويصير لنا اربع شهور وهي رافضه.. عبير:انت اللي طلبت منا مانتدخل ناصر:انا وعدتها..ومابي اخلف وعدي مره ثانيه..رجع الكرسي بسرعه وطلع من المطبخ.. عبير:مسحت دموعها..الله يريح بالك ياناصر ويرجعلك ليلى... ********************** بأحد الكوفيات الشهيره.. ليه ساكت؟؟ فيصل:احاول استوعب اللي تقوله.. زياد:ليه اللي قلته شيء غريب او.. قاطعه فيصل:انت تدري انها مطلقه.. زياد:ادري.. فيصل:وتدري بسبب الطلاق؟؟؟؟ زياد:ادري.. فيصل:ومصر عليها؟؟؟ زياد:اذا مافيه مانع..رشف من قهوته.. فيصل:من قالك عليها؟؟؟ماخبري امك شافتها ؟؟؟ زياد:احم..لا ..اقصد..تنهد..اقصد صديقة اختي تعرفها وهي اللي قالتلنا عليها..وانا جيت اعرف رايها وابيك تسألها علشان مااحرج اهلي .. ادري ان طريقتي غلط بس انت خويي وامون عليك.. فيصل:وناصر؟؟ زياد:تبيه.. فيصل:هي لا ماتوقع..بس هو يبيها..ماادري حيرتني يازياد.. زياد:فيصل استعجل بالموضوع انا ابي اعرس ياخي غرت منك.. فيصل:رجع نفسه على الكرسي وتكتف ..زياد شيحدك تاخذ مطلقه وانت ماتزوجت؟؟؟ زياد:انا متزوج قدام الناس ومطلق..وبعدين انا شاري نسبكم..فيصل اذا ماتبيني قول ولا تستحي فيصل:بصرااااحه..يوم شاف انتباه زياد كله عليه..مادري ماابيها تاخذك.. زياد:مااالت على هالفره مع خشتك يافصيل ليه وشفيني؟؟؟ فيصل:هههههه يازينك وانت تعصب تضحك..خلاص بسألها واردلك زياد:الله يخليك تراني مستعجل.. فيصل:طالع بساعته وقال..خلاص تأخرنا امش.. ***************** الصـــــــــــــــــــــــــــــباح.. طلع من الحمام وهو لاف روب الحمام عليه.. رن جواله..طنشه..فتح الدولاب وطلّع ملابسه.. بعد نص ساعه.. طلع للصاله وريحة دهن العود تسبقه.. انتبهت من ريحته ورفعت راسها له..ابتسمت بخجل.. لابس ثوب بكبكات فضيه وقلم فضي ..جزمه سوداء جلديه وغترته البيضاء طايحه على اكتافه..مو منتبه لها لانه مشغول بالجوال.. دققت بملامحه اكثر..خشمه حاد وصغير حواجبه حاده وسخيفه تتناسب مع خشمه..شارب اسود خفيف..عيون شفايف صغيره..عيونه وسط اقرب للصغر..نقدر نقول مملوح ووسيم.. رفع عيونه عن الجوال..طالعها ببرود.. سالم:تأخرت عليك؟؟ عهود:لا عادي.. سالم:دخل الجوال بجيبه ..يلا.. اخذت عبايتها ولبستها على طقم التنوره الشيفون اخذت شنطتها ومشت وراه.. راحو يفطرون بالبوفيه تغيير جو.. ووصلو لمطعم الفندق وجلسو بالطاوله المحجوزه لهم.. ************ رمت نفسها على السرير.. بعد ماقفلت الباب وزادت درجة البروده ..سكرت الستاير..ماتبي اي اضاءه.. تمسكت بالحاف وشدتها عليها وهي تحس باسنانها تطقطق من البرد.. طول امس وهي سهرانه..والحين تبي تنام.. ميساء:ان شاء الله امرض ولا اروح للعرس.اهتز فكها اكثر لما تذكرتهم..الحين شقاعد يسوي..وعبير شتسوي.. مبسوطه اكيد..ااااااااااه خلااااااااص ناااااااااااامي نااااااااااااااااااااااااااااااااامي ننننننننننننننننناااااامي.. ********************** |
اخذت قطعة الجبنه بالشوكه وكلتها بذوق..بلعتها وقالت وهي تحط الشوكه على قطعه ثانيه.. عهود:اليوم زواج بنت خالتي..ممكن اروح سالم:اكيد مو بنت خالتك..ورجع يكمل اكله عهود:تبي يشاركها بكل شيء...بس مادري مستحيه اروح.. سالم:رفع راسه لها فجأه ..هالشيء اربكها لانها كانت تطالعه..قال..ليه مستحيه؟؟ عهود:حمر وجهها..مادري لاني توي امس متزوجه.. سالم:انا عندي عادي..بس مادري عن تفكيركم انتم عهود:عقدت حواجبها..مين احنا سالم:انتم الحريم..اخذ كوب الشاهي وبدى يشرب.. رن جوالها..نزلت اللي بيدها ومسحت يدها بالمنديل ..فتحت شنطتها وطلعت الجوال وردت.. عهود:بهمس..هلا يمه ام مؤيد:هلا ياقلبي..اسمعي نسيت اقولك انا بروح لعبير بدري وانتي الحقينا بالقاعه اوكيه.. عهود:لا والله استحي ادخل اقابلهم لحالي.. ام مؤيد:عهود خلاص سوي اللي قلته انتي كبرتي عهود:مادري اذا قدرت جيت ام مؤيد:عهود بتجيــــن مع السلامه سكرت الجوال ورجعته للشنطه.. رفعت عيونها له ولقته يشرب الشاهي وشكله يفكر بشيء.. عهود:هذي امي تقول اروح لحالي للقاعه.. مارد عليها.. عهود:سالم سالم:انتبه لها..نعم؟؟ عهود:اقول امي تقول اروح للقاعه لحالي سالم:طيب عهود:اقولك استحي تقوللي طيب.. سالم:ابتسم بسخريه..(وبقلبه وينه الحياء يوم فشلتيني عند خلق الله) ************** بعد صلاة الظهر.. دخل هو ومحمد وهم يغنون.. لا اله الا الله.. وخويتم باليمين.. لا اله الا الله.. وخويتم باليمين.. محمد معه الطبل ويطق ويصفر.. وخالد يرقص ويغني.. فيصل:ترك شنطته اللي يجهزها ..وشاركهم بالرقص.. وماخلو اغنيه بالموروث الشعبي ماقالوها.. فيصل:مشكووورين مشكوورين اردها لكم ان شاء الله قريبا.. محمد:الله لايقوله..انا اترك الحريه وادخل القفص الاسود خالد:طالعه بنص عين..بشوف وين توصلك الحريه.. فيصل:طيب دامكم عندي وماعندكم شغل وبما انه هذي ساعاتي الاخيــره اللي اقضيها بالعزوبيه ابيكم تساعدوني بترتيب شنطتي.. محمد:انا ارتبها لك من هالعين..وراح لغرفة ملابسه يرتب اغراضه خالد:اكدت حجزك بالفندق..متأكد من الجوازات واوراقك فيصل:ايه تأكدت..بعدين السفر بكره مو الليله.. خالد:طيب انا بروح للقاعه اشوف الوضع هناك..عطاه ظهره بيطلع.. بسرعه مد يده ووقفه.. فيصل:خالد.. التفت عليه خالد:سم.. فيصل:مافيه روحه..بتقعد معاي ونروح للقاعه مع بعض..ابشبع منك قبل لا اسافر.. خالد:ابتسم لاخوه..وضمه..همس باذنه..اسف فيصل:بعّده عنه..على ايش؟؟ خالد:على اللي صار..فيصل ادري اني المفروض مااخذ مـ... قاطعه..وهو يحس بالالم اللي بخالد.. فيصل:هههههه ضم اخوه...عاد سويت فيني خير.. خالد:عقد حواجبه..خير!! فيصل:حط يده على كتف خالد...خالد ميساء ماتحبني وعمرها ماحبتني..يمكن حتى انا..الا اكيد ماحبيتها.. انا وياها كنا نسمع من يوم حنا صغار اننا لبعض..وتكيفنا على هالوضع..بس حب ابدا ماحبينا بعض.. صدقني مشاعري لعبير غيييير فعلا حسيت انها زوجتي..بس ميساء ماشعرت معها هالشعور.. طلع محمد وبيده الشنطه..وقاطع حديثهم محمد:اخترتلك بدل يحبها قلبك ويخلي عبور تنجن عليك.. فيصل:نزل يده من كتف خالد وابتسم لمحمد..الله يعافيك انا ابيها صاحيه مابيها مجنونه محمد:صاحيه مجنونه اللي هو..يلا يلا خلنا نوديك للحلاق بسويلك زفه .. خالد:اي والله ترى تأخرنا متى يمديك ترجع وتتروش وتضبط نفسك.. **************** العصـــــــــــــــــــر.. في قاعة المقــــــــــصوره.. الجده جالسه على وحده من الكنبات اللي داخل قاعة الحفل ومعها سديم.. والعاملات حوالينها يجهزون ويرتبون.. في احد الغرف.. ليلى بيدها المصحف تقرى وردها اليومي بعد ماصلت العصر وقرت الاذكار.. وسلمى حاطه بوجهها قناع الخيار.. دخلت عليهم ام فيصل.. ام فيصل:ههههههه والله ياسلمى لو احد يدخل بيهج من الخوف سلمى:....... ام فيصل:وين فلورا؟؟(الكوفيره) سلمى:أشرت بيدها انها تصلّي.. طلعت فلورا من غرفه جانبيه صغيره.. فلورا:يس ام فيسل ام فيصل:يلا خلصت صلاة ابدي شغلك.. جلست ام فيصل وبدت فلورا شغلها.. ************************ ابتسمت وهي تشوف شكلها بالمرايه.. عهود:تسلمين مرفت تعبتك معاي مرفت:ولو تأبريني تعبك راحه..يلا بدك شي عهود:لا خلاص.. طلعت الكوفيره وعهود راحت للصاله تشوف وين سالم.. عهود:غريبه..رجعت للغرفه وراحت تلبس فستانها لانها بتروح للقاعه وهي خالصه.. طلّعت فستانها الشيفون الوردي مع تل ذهبي من تحت الصدر وينزل على شكل عروق لكامل الفستان..قصير من قدام لنص الساق ومن ورى طويل سيور ذهبيه ..كان روعه عليها.. طلعت صندلها بكعب عالي ذهبي لبسته وراحت لصندوق مجوهراتها تلبس شيء يناسب الفستان.. اخذت عقد ذهبي ناعم سلاسل ادوار واخذت معاه اسوارته وحلقه الطويل والخاتم .. احتارت تبخ عطر ولا لأ..بس سالم بيجي ولازم اتعطر.. سمعت صوت فتح الباب مدت يدها على ديور وبخت منه..رتبت الاغرض اللي على التسريحه وهي تسوي نفسها انها مادرت انه جاء.. السلام عليكم.. عهود:سوّت نفسها خافت..وحطت يدها على صدرها..بسم الله متى جيت.. سالم:الحين جيت..مشى بخطوات ثقيله لين وصل للدولاب فصخ غترته وعقاله وعلقهم..وراح للتسريحه يفك كبكاته وينزل جواله بنفس الوقت.. ولا علّق على شكلها كانو واقفين قدام مراية التسريحه.. عهود:احم..متى تبينا نروح..كانت واقفه بجنبه بالتمام.. رفع راسه وطالعها من المرايه.. سالم:متى تبينا نروح.. عهود:حمّر وجهها..مادري بكيفك بس الحين احسن..اذا ماكنت تعبان.. سالم:لا خلاص بوديك الحين ..رجع لبس كبك احد الاكمام ..البسي عباتك.. عهود:انقهرت منه معقوله مانتبه لي..طيب شرايك بلبسي.. سالم:دخل الجوال بجيبه..حلو..مادري انا ماعرف بلبس الحريم..وراح للدولاب ياخذ غترته عهود:صرت على سنونها وراحت تلبس عبايتها.. ركبت السياره.. كان هدوء قاتل..طول الطريق ساكتين.. وصلو للقاعه وقف عند البوابه.. عهود:مشكور.. سالم:العفو.. كانت بتنزل بس وقفها سالم:لحظه عهود:هلا.. سالم:فيه شيء ناقصك..معك فلوس محتاجه شيء ودك تشترين شيء لبنت خالتك.. عهودوهي تغلي من داخلها..يعني يعرف بالذوق..)..لا مشكوره..ونزلت قبل لاتنفجر على هالانسان البارد.. دخلت ولا رمت عبايتها..اتصلت على امها.. عهود:يمه انتم وين ام مؤيد:انتي جيتي عهود:ايوه.. ام مؤيد:اطلعي فوق عهود:طيب..رمت الجوال بشنطتها الذهبيه..ومشت ..دخلت لقاعة الحفل وهي تشوفها بلمساتها الاخيره.. كل شيء لونه موف ودرجاته..فراشات تتوزع وورود وباين الذوق والفخامه.. تقدمت للداخل لما شافت الجده.. عهود:نزلت راسها وحبتها...السلام عليكم كيف حالك..كان وجهها احمر الجده:هلا هلا بالعروس..تعالي تعالي..وفتحت يدينها لها..وضمتها..مبروك عهود:بحياء وهي تحاول تتحرر من الجده..الله يبارك فيك.. الجده:مشاء الله مشاء الله يابخت رجلتس والله.. عهود:تسلمين..انا بروح اسلم على البنات.. مسكتها الجده .. الجده:يابنيتي حصني نفستتس ترى الناس ماتعطي خير.. عهود:ان شاء الله..وطلعت فوق وهي تتعوذ.. *************** قلت مو راااااااااااااااايحه ريم:لا بتروووووووووحين...انتي تبين تفضحينا ميساء:غصب مو رايحه..ضمت ريم..والله مااااااقدر ماااااااقدر حسي فيني ريم:مسحت على ظهرها..ميساء اللي تقولينه مااايجوز انتي الحين زوجة خالد ..تراك تذنبين وانتي ماتحسين ميساء:للحين انا مو زوجته..بعدين شسوي بقلبي اللي مو راضي ينسى..وبدت تنتحب ريم:ميساء هو مايستاهل ليه الدموع...ماتذكرين كلامك قبل ..مافي رجال يستاهل دمعه.. ميساء:صعب صعب.. ريم:مافي شيء صعب..بعدتها عنها..مسحت دموعها باصبعها...ميساء طالعي فيني...هو الخسران وانتي مالك نصيب فيه..انتي بطريق وهو بطريق..انتي تذلين نفسك وتهينينها ميساء:طيب خلاص بسكت بس مو رايحه ريم:بتروحين سامعه..تبينهم يتكلمون عنك... ميساء:خليهم يتكلمون ريم:لحووووول ..اسمعي....... وبدى نقاش طويل مع ميساء ********** الســـــــــــــــــــــــــاعه 9 والنصف.. كل شيء تمام.. قسم النســــــــاء بدت الناس تجتمع بالقاعه ..اللي تحولت 180 درجه..كل شيء مختار بعنايه.. الورود والفراشات اللي زينت القاعه والكوشه اللي تتناسب مع الديكور.. تدخلين وكأنك بعالم ثاني.. الكل متحمس للحضور..ام فيصل علاقاتها واجد... واقفين عند مدخل قاعة الحفل..يستقبلون الناس.. ام فيصل لابسه فستان كامل وضيق على جسمها حرير فيروزي ورافعه شعرها الاحمر شنيون.. لابسه طقم الماس..ومكياجها فيروزي..بين حلاوة عيونها البنيه.. وبجنبها ام عهود وام فهد..والجده داخل القاعه.. والبنات مقابلينهم سلمى وليلى وميساء وريم..وعهود عند عبير.. ساعه ونص وامتلت القاعه.. ثواني واعلنو وصول مطربة الحفل..نوال الكويتيه.. كانت ناعمه مره بلبسها ومكياجها.. في جناح العروس.. الـــــــــــــــله مرررره روووعه عبير:والله خايفه تدرين مابي ازف عهود:اقول بلا دلع..مافي شيء يخوف ..تخيلي نفسك انك معزومه لهالعرس.. عبير:والله ارجف..مدت يدها..شووفي.. عهود:بااااارده..انتي اكلتي شيء..اخاف مافيك دم عبير:مالي نفس عهود:على الاقل عصير.. عبير:اقولك بطني يعورني .. عهود:هههههههه والله ياعبير مايخوف..عاااااادي..خوذي اشربي عصير اخاف تنصفرين وتطيحين بالزفه عبير:يممممه تخيلي..لا لا خلاص مابي ازف والله يضحكون علي عهود:بكحلها عميتها...يابنت الناس هذي ليله العمر استاااااانسي فيها علشان ماتندمييين..(ااه ياعبير انتي اخذتي واحد يحب ثانيه وانا واحد مايبيني ...علينا حظ) في داخل القاعه.. هذي قصدك ام رقبه طويله.. :ايه هذي ..لا ومخلينها تجي للعرس.. :المفروض ذابحينها شبلاهم سكتو.. مشت خطوات مبتعده عنهم.. تدرين ماجيت الا علشانها..يخرب بيتها تجنن :كامله هالبنت جسم وشعر وجمال.. :اصلا معروفه بجمالها..ودي اعرف شلون تتكلم :ههههه زيّنا اكيد :والله ماظنيت..طالعي شفايفها وتخيلي الكلام اللي بيطلع منه..اكيد ناعم مشت خطوات مبتعده عنهم.. :فستانها يهبل بنت الذين..دااايما كشخه :ياحبيبتي الجسم اللي يزين الفستان.. :ليه وشفيه جسمي..ياحبيتي تلقينها مسويه مليون عملية شفط ونحت..هذي بنت الــ ــ مو ناقصها فلوس مشت خطوات مبتعده عنهم..: هذي استغلت جمالها بما يعصي الله..لا حول ولا قوة الا بالله :بنت عز ومدلعه وتلقين اهلها اهملوها... :اقولك خااينه زوجها..اهلها شدخلهم هي خانتهم وخانت ثقة ربها قبل..لا وبكل وقاحه تجي.. :اهلها ساكتين عنها مايبون الفضايح :لا سمعت انهم مايطلعونها الا اذا امها معها وحرموها من الدراسه.. :المفروض ذابحينها.. مشت خطوات مبتعده عنهم.. :شرايك فيها.. :تجننننن..لا اله الا الله.. :ااااخ بس لو شفتي زوجها...ماتصدقين عذاااااااااب :وين شفتيه؟؟؟ :زواجها كان بعطلة الربيع ..وزفو هذيك الزفه..ااااااه ياقلبي كل مااتذكر يطري علي وجهه.. :هذولا شلون بيطلع ولدهم او بنتهم..ماقلتيلي حلو زواجهم.. :ياحبيتي هذولا ال---- اكيد زواجاتهم تجنن.. وصلت عند سلمى وريم.. ليلى:مشاء الله جالسين .. ريم:وشتبينا نسوي..اجلسي واشربي عصير يبرد على قلبك.. ليلى:وين ميساء طيب.. سلمى:شوفيها وراك جالسه مع بنات ليلى:التفتت على ورى..خلاص بكيفها...شربت عصير الكوكتيل على دفعات الى ان انتصف.. سلمى:مارحتي لعبوره.. ليلى:الحين بروحلها..ريم شفيك مارقصتي؟؟ ريم:لا مااعرف ارقص..مخليه الرقص لك مشاء الله عليك.. سلمى:اخخ بس لو ماني حامل ليلى:استغفري ربك...وقفت وعدلت فستانها..تبون شيء ريم:سلامتك راحت عنهم..سلمت على صديقات امها اللي ماشافتهم وطلعت فوق.. مشت بالممر الطويل وصوت نوال الكويتيه يوصلها.. وقفت عند مرايه معلقه تطالع بشكلها..ابتسمت.. ليلى:على قولة ريم..من غيرتهم يتكلمون عني..الله لايحرمني هالابتسامه.. كملت طريقها.. فجــــــأه.. شافته من بعيد جاي..وقف اول ماشافها.. بسرعه دخلت اقرب غرفه لها وانصدمت لما ماشافت فيها مفتاح.. مسكت الكولون بيدها وتسندت على الباب.... بعد 10 دقايق.. نزلت يدها من المقبض..وتنفست بعمق.. فتحت الباب وطلعت.. كل شـــــيء صار بسرعه.. لقت نفسها بوسط الغرفه اللي طلعت منها.... سكر الباب وراه.. تقدم منها وصار قبالها بالضبط.. استنشق ريحة عطرها اللي يعشقه.. ناصر:همس ..وحشتيني.. ليلى:اللي خافت من نظراته..قالت برجاء..ناصر حرررام مايجوز ...خاف الله حرررررام ناصر:اااااه ياني مشتاق لصوتك .. مشتـــــاق ومضنيني الفراق.. ياعيونها خذي من عيوني تعب واعطيني من جفنك فتور.. وابكي علي لو بالكذب.. مليت بك طبع الغرور ياعيونها مشتاق وللدمع مع جفني عناق مشتاق ومضنيني الفراق.. ليلى:تراجعت لورى..نااصر اطلع بررررى...حررررام انا مااحل لك..واخذت خداديه مرميه على الكنبه اللي موجوده وغطت بها وجهها.. لابسه فستان احمــــر متداخل فيه اكثر من قماش حرير شيفون دانتيل موديله غريب ..اكمام طويله متشابكه مع الفستان وهاي نك بين طول رقبتها..كان الفستان تحفه عليها..(تصميم وليد عطالله) مسويه بف خفيفه بشعرها اللي موجته تمويج ناعم.. مكياج ثقيل.سموكي اسود وروج احمر صارخ.. ناصر:الحرام اللي تسوينه فيني..تقدم منها اكثر..يالظالمه كم صارلي ماشفتك.. ليلى:عصبت..انا موووووزوجتك...طلعت العده ومالك شيء عندي.. ناصر:مسك يدها ورمى الخداديه وسحبها لعنده..انفاسهم اختلطت ببعض..تراني مليت من الفراق..خلااااااااص ليلى:وانا شعلي تقوللي هالكلام..كانت تطالع عيونه بتحدي ناصر:واللــــــــه تأدبت..خلاص تووووبه.. ليلى:تتأدب ولا متتأدب مشكلتك..ماااايهمني ناصر:همس ..احبــــــــك.. ليلى:اتركني اتركني..حاولت تحرر نفسها بس ماقدرت..كان ماسكها بيدينه بقوه ناصر:وبعدين.. ليلى:اتركني..ناصر اتركني والله حررام ناصر:مو تاركك انتي حبيبتي..وبعدين انا خايف عليك من عيون الناس.. ليلى:انت خاااااف من الله اول بعدين خاف علي..اتركني ناصر:الليله برجعك.. ليلى:تحلم.. ناصر:تنهد...ليلى والله ماااقدر على فراقك..عجزت اتأقلم..مسك يدها وحطها على قلبه وهو ضاغط عليها علشان ماتتحرك..ماتحسيـــن.. ليلى:مالي دخل فيك..اتركني ...اتركني الله يخليك ناصر:مو تاركك لين تحسين.. ليلى:حاسه خلاص..بدورلك الليله على عروس.. ناصر:انتي العروس ليلى:حست باختناق..همست ...نااصر..مو راجعتلك.. ناصر:معليش تحمليني واضغطي على نفسك وارجعيلي..حبيبتي علشان خاطري.. ليلى:انت مالك خاطر عندي.. ناصر:غمض عينه ورجع فتحها بسرعه..اسف برجعك..حتى لوغصب عنك ليلى:انت تحبني؟؟؟ ناصر:...... ليلى:همست..ناصر انت تحبني ناصر:اموت فيك..مو بس احبك..انا اعشقك لولي ليلى:لي خاطر عندك.. ناصر:لاتحاولين بترجعين بترجعين..قال بصوت مكسور..لولي انا تعبــــــــــــــان.. ليلى:طيب ممكن تتركني ابي اتفاهم معك.. ناصر:مسك يدها اليمين وشدها علشان ماتهرب وجلسو بالكنب.. ليلى:ناصر اسمعني زين..انت تبيني ارجعلك علشان تعيش سعيد..صح؟؟ ناصر:صح.. ليلى:مارح تعيش سعيد..تدري ليه..لان مابينا ثقه.. كان بيقاطعها حطت يدها على شفايفه تمنعه.. اسمعني ولا تقاطعني..ناصر انا ماقصدتك..انا اللي مااثق فيك..واظن من حقي عقب اللي صارلي منك مااثق.. زواج بدون ثقه ماينجح.. ناصر:انا راضي..انتي بس ارجعيلي ليلى:وانا مو راضيه..ناصر انا اكرهك اكرهك اكرهك..كل ما التقي بالناس يزيد كرهي لك..كل مااسمع كلمه يزيد كرهي لك.. ناصر:وانا احبــــــــــك.. هزت راسها بيأس.. ليلى:انت مايهمك الا نفسك..اناني ..صدت بوجهها ناصر:ايه اناني بس احبك..الليله بترجعين معي..قام ووقفها معاه..يلا خلينا نروح ليلى:طلعت عيونها قدام...وين نرووووح صاحي انت..ترى عطيتك وجه..وخر وخر ناصر:لولي اعقلي.. ليلى:بعقل اذا تركتني.. ناصر:قلتلك مو تاااااركك انا ماصدقت قابلتك.. هيييييييء وشو اللي عليك؟؟؟؟؟ ناصر:ارخى يدها وطالع بكتوفه..وشو؟؟ ليلى:سحبت يدها بسرعه وفتحت الباب وهي تركض .. طلع وراها بسرعه بس ماشاف الا غبارها.. ناصر:وين بتروحين مني... ناااااااصر التفت على وراه.. ناصر:سليمان متى جيت؟؟؟ سليمان:جيت اصور مع عبير قبل الزفه..انت وين رحت ؟؟عبير تقول انك ماجيتها ؟؟؟ ناصر:تذكر ليلى..تنهد..ااااه ياقلبي.. سليمان:ناصر شفيك؟؟؟..لايكوون!!!! مجنون انت بتفضحنا..(كان يحسبه رايح لقاعة النساء ويتفرج على ليلى) ناصر:مافضحتك..وبعدين وش شايفني يوم اروح ليه ماعندي مروه..عبير عندها احد سليمان:لا عندها سبت ناصر:هههههههههههه...مر من جنبه بيروح لجناح عبير سليمان:والله اني شاك فيك.. ناصر:طنشه..متى بيزفون... سليمان:بعد نص ساعه.. ناصر:ابتسم بمكر..ودخل للجناح ************************ ((سبحانــــــــك اللهم وبحمدك أشهد ان لا اله الا انت استغفرك اللهم واتوب اليك)) |
الجزء التاسع عشر. )نحو...المجهول( لقد خذل إحساسي الجميل وجعلني اركض وراء سراب خادع.. رحل عني مثلما رحلت عني أيام العمر وسرقت معها ابتسامتي التي كانت لا تفارقني.. ـ كسر معه أحلامي بقسوة ليترك بعد ذلك في قلبي جرح باتساع الفراغ الذي تركه خلفه.. ـ كم بكيت وأنا أراه يمضي في طريقه.. يبتعد عني بخطى واضحة وجريئة .. ]<<طبعا مافي معازف عائلة ابوفيصل طلبت بس طق(دف) بصوت مخملي من حنجرة نوال.. يبيني على كيفه ولا يفكر بحالي.. صوابي وخطايا بواقعي او خيالي.. ليته يفهم ظروفي او يهدي لي خوفي التفتت عليها بنت عمها .. لجين:امشي خلينا نرقص.. ارتبكت واستنكرت بنفس الوقت.. ميساء:لا لا مابي..(انا ارقص بزواجه..معقوله..لا مستحيل) لجين:ميساء اش فيكي؟؟ مارقصتي ابد..هذا زواج ولد خالتك المفروض ترقصين.. عقدت حواجبها وهي تتخيل تفسيرات الناس لجلوسها..الكل يدري انها كانت له..بس معقوله يدرون انها تحبه.. لجين:ميساء تبغين ترقصين والا اقوم لحالي..ورجّعت الكرسي لورى تستعد للوقوف ميساء:بتحدي..ابي ارقص.. مشت وهي تغتصب ابتسامه..تحس انها مراقبه..لازم يعرفون انه ماهمني بدت تتمايل مع كل كلمه .. دلع ..غنج.. ليه الهوا يبدا بنظره وابتسام عالم نشوفه في بداياته غريب وليه المشاعر تنتشي بأحلى الكلام لما تلاقي بالهوا اغلى حبيب غمضت عيونها ورجعت فتحتهم بتحدي اكبر تمنع اي دمعه ممكن تنزل... ليه..مهما كبر عمر الفرح وقته قصير تبقى مساحات الحزن اكبر كثير ليه التساؤل يستمر واحنا نغيب وتبقى مشاوير الالم ذكرى وحبيب.. ماقدرت تستحمل..لهنا وخلاص...بسرعه طلعت لبرى القاعه..تبي تستجمع شجاعتها..تبي تلملم شتاتها.. تبي تتنفس..تحس باختناق.. دخلت دورة مياه منزويه ومافيها احد..لان فيه اكثر من دورة مياه وهذي الابعد.. طالعت شكلها بالمرايه.. ضربت يدها بطاولة المغسله الرخاميه والمزينه بالورود وهمست لنفسها.. اناااا قويه ...قويييييه انهارت.. انا أنثى.. انا احس.. انا موحجر.. انا ضعيفه.. انا.. انا.. انا.. أحبــــــــــــــــــــــــــــــــــه جلست على كرسي بالركن ودفنت وجهها بين يدينها.. بكت..وبكت.. بدت تنتحب..وصوتها يعلى.. ماهي قادره تتحكم بمشاعرها.. ليتني مارقصت.. كله منك يالجين الزفت.. رفعت راسها.. وانصدمت باللي تشوفها.. عهـــــــــــــــود..!!!!!!!!!! حطت يدها الناعمه على كتفها عهود:كنت متوقعه انك بتنهارين... ميساء:مسحت دموعها اللي اختلطت بالكحل بظاهر يدها...انهار!!! عهود:ابتسمت لها..ميساء الكل يدري انك لفيصل.. ميساء:انتي شتخرفين ان... قاطعتها.. عهود:ميساء يمكن حنا مو قراب لبعض مره..يعني دايما كلامنا سطحي..علاقتنا مو قويه..بس انتي زيي..بنت.. وانا جربت اللي جربتيه...بعّدت خصله من شعرها..بس انتي احسن مني..وأشرت على قلبها..قلبك طاهر مو زيي.. ميساء:مافهمت.. عهود:انا كنت احب ناصر..وحقدت على ليلى لانها خذته..كان قلبي معميني...وبليتها ببلوى..خليتها تتنكد بشهر عسلها.. وتنهدت..وربك يمهل ولايهمل.. ميساء:كانت عارفه بهالموضوع قالت لها ليلى...عهود انا..انا تعبانه ماابكي على فيصل..انتي فاهمه غلط عهود:ميساء الكلام اللي قلته سر..واللي شفته محد بيدري فيه..بعد شوي الزفه..لاتفضحين نفسك..اذا مو قادره قوليلي وانا بجلس معك ومحد بيشك.. ميساء:هزتها الكلمه..بيزف..يعني واقع مو حلم...دفنت راسها بحضن عهود ولوت يدينها على خصرها..ورجعت تبكي بصمت.. عهود:مسحت على راسها..ميساء...ميساء.. ميساء:من بين دموعها..ن..عـ...م.. عهود:طالعي فيني.. ميساء:رفعت راسها وشفايفها متوهجه.. عهود:اذا مانسيتيه الحين مارح تنسينه طول عمرك..انسيـــــــــه..عندك استعداد ولا لأ ميساء:------ عهود:انتي قويه.. ميساء:------- عهود:اللي يبيعك تبيعينه.. ميساء:------- عهود:نفسك عزيزه..؟ ميساء:------ عهود:باصرار وتحدي قالت..ماجابته امه اللي ينزّل دمعة ميساء ال----ويخليها تبكي فراقه..تحضرين؟؟؟ ميساء:ا..ي..ه عهود:حررت نفسها من يدين ميساء وقومتها للمغسله..فتحت المويه ..يلا غسلي وجهك.. ماعارضت..غسلت وجهها بالمويه البارده وحست بانتعاش وبروحها تهدى.. اخذت الكلينكس وبدت تنشف وجهها وتشيل بقايا الكحل اللي انعدم.. طالعت بعهود بحيره.. عهود:لاتخافين العده معي..فتحت شنطتها الصغيره وطلّعت روج وكحل وعلبه صغيره لبودره سائبه.. اجلسي علشان اعدّل مكياجك... فتحت علبة البودره وبدت تحطها على خدودها تخفي اثار الكحل اللي بقى منه شوي.. رجعت رسمة عيونها على نفس الرسمه اللي قبل..والشدو ثابت ماخرب.. اخذت الروج ولونت شفايفها بالوردي.. خلصنا.. ميساء:قامت تشوف شكلها بالمرايه..والتفتت على عهود..مشكوره عهود عهود:دخّلت اغراضها بشنطتها..لاشكر على واجب..بس ترى مافي ماسكارا.. ميساء:ماقدرت الا تضم عهود..هي كانت محتاجه غدير..بس الله عوضها باللي تفهمها اكثر..صرخت بداخلها..احبك ياعهوووود.. عهود:هههههه ميساء خلاص..ياللا امشي الحين بتبدى الزفه.. جلسو على طاوله وحده ومامعهم احد بعد مااخذو عباية ميساء من الرسبشن..(عهود معها عبايتها بيدها) جلست نوال الكويتيه لان الزفه بتبدى.. ثواني.. تحولت الاضاءه الى موف خافت.. قاعه شبه مظلمه.. اضاءة الشموع تعكس على الفراشات اللي مزينتها وتعطي شكل شغّلت المصوره كاميرتها.. الكل عيونه على المدخل.. بدت الزفه.. قلبها يرجف وتحس ان الكل يرجف.. سمّت بالرحمن ودخلت. دخلت للقاعه الناس ضباب.. ماتشوف احد.. الاضاءه قويه عليها.. شافت ام فيصل وام مؤيد يلوحون بيدهم لها انتبهت لسلمى اللي تناديها بصوت عالي ابتسمي..ابتسمي تحس ان كل شيء فيها بارد.. حاولت تحرك خدودها اللي تحولو لقالب ثلج واغتصبت ابتسامه.. وعلى كلمات قصيده واصلت زفتها .. ماصدّقت على الله توصل للكوشه.. في قاعة الرجال.. مؤيد:وانت يازياد مالك نيه تلحق خويك.. زياد:ان شاء الله ..الله يسمع منك.. مؤيد:اوو يعني معزم... زياد:قال يسوي نفسه ناصح..يابني كل شخص يبحث عن الاستقرار.. جاهم خالد.. خالد:زياد يبيك المعرس زياد:ليه عروسه وانا مادري؟؟؟ ..وراح لفيصل.. جلس جنبه وقرب لاذنه وقال زياد:شتبي؟؟ فيصل:مادري بس ..لاتروح زياد:ههههههه فيصل:طير عيونه..فضحتنا الله ياخذ شيطانك زياد:بعذري...طيب خلاص ماني تاركك فيصل:تدري قوم قوم انت ترفع الضغط زياد:متى الزفه؟؟ فيصل:بعد ربع ساعه..الله يستر زياد:بتدخل لقاعة الحريم.. فيصل:ماودي بس امي الله يهديها وجدتي مصرين ادخل.. زياد:كلها خمس دقايق ورهم وجهك واطلع..شكلك قلقان.. فيصل:قلقان وبس..الله يستر..اقول زياد انت زيي يوم تزوجت زياد:الله لايعودها من ذكرى...لا ماكنت قلقان..لانه اساسا كان تمثيل.. فيصل:يارب سترك...ليتني ماتزوجت زياد:خفت لانه صار واقع وصارت زوجتك رسمي...قرّب من اذنه اكثر وهمس له...فيصل عيش حياتك خاف الله فيها لاتظلمها..الزواج مره بالعمر وانت هذا زواجك حاول تكون سعيد علشان تسعد.. فيصل:تنفس بعمق..صادق هي مره بالعمر ولازم يكون زواجي ناجح.. زياد:ابتسم..ايه تعدّل..وسرعان ماختفت الابتسامه يوم شافه مقبل عليهم.. ناصر:ياللا يالمعرس الزفه بدت..وراح لابوه ولعمه.. زياد:لاتنسى الدعاء .. وقفو مع بعض وسلمو على بعض.. زياد:الله يوفقك فيصل:وياك.... ************************* في قاعة النساء.. همست وهي تمسك ايد خالتها برجاء.. عبير:خالتي والله احس بيغمى علي بلييييز ... تفهمت خالتها الوضع وراحت لام فيصل دقايق وأعلنو رحيل عبير.. الحضور ماستغرب هالحركه لانه من الاساس مااعلنو دخول فيصل فكان الوضع طبيعي.. عند الرسبشن.. سلمىوهي تلبس عبايتها وتتغطى لان اكيد بيدخل ناصر سلمى:يلا ليلى بسرعه .. ليلى:ها؟؟ سلمى:يلا بسرعه الحين بيدخل فيصل..انا بطلع فوق وانتي الحقيني.. طلعت فوق سلمى وبقت ليلى تفكر.. ليلى:ياربي لازم اروح اباركله واصور معه ..بس هالناصر يخوف شكله مايطمن..اخاف اجازف بروحتي .. كانت تمشي ببطىء..حملها ثقيل..حاطه يد ورى ظهرها ويد على بطنها البارز.. سمعت اصوات الضحك والتبريكات تطلع من الجناح.. سلمى:اخخ يالقهر دخل عليها وانا مو موجوده..وكملت مشيها.. دخلت الجناح سلمى:الســــــــلام عليكم..وراحت لفيصل الواقف وضمته...مبرووووووك اللف الف مليون مبرووووك.. فيصل:ابتسم لها بحنان..الله يبارك فيك وعقبال مانفرح بولدك ان شاء الله.. سلمى:امين يارب..راحت لابوها وعمها وباركت لهم.. سليمان:سلمى تعالي اجلسي...ومسك ايدها وجلّسها على كرسي قبال المعاريس.. سلمى:اااه يازين الراحه نزل راسه لها وهمس سليمان:قلبي تعبانه تحسين بشيء؟؟ سلمى:وهي تتنفس بشكل سريع..لا مافي شيء بس تعبت وانا امشي.. سليمان:كان قلتيلي وانا اشيلك سلمى:فاتتني هذي..خلاص المره الجايه شيلني.. بدى يصورون مع بعض.. خالد وناصر وسليمان وابوفيصل وابو سليمان. . كان يطالع بالباب ينتظرها..شفيها تأخرت.. طلع ابو سليمان علشان ام فيصل تتصور مع العيال.. وصورو صوره جماعيه..بعدها طلع ابو فيصل وخالد وبقى ناصر وسليمان.. سليمان:وهو يعدل سكبة غترته..الاخو خلاص صورت ليه ماتفارق ابي اصور مع حرمتي ناصر:استحى من سلمى..طيب..سلم على فيصل وعبير وطلع وهو خايب.. فصخت عبايتها ونفضت شعرها الحرير ووقفت جنب عبير وسليمان جنب فيصل صورو مع بعض اكثر من مره.. بعدين صورو مع ام فيصل سليمان:يلا نبي نصور لحالنا.. سلمى:وين مافي مكان..كان الجناح مافيه الا كوشة للمعاريس وكرسي واحد سليمان:بمكان عبير وفيصل فيصل وعبير ماكانو يسمعون اي شيء الا دقات قلوبهم.. حسو بايد تشيلهم سليمان:يلا قومو بس نبي ثلاث صور يلا يلا *********************** بغرفتها اللي تصدح فيها اغنيه فرنسيه.. متمدد على الاريكه واللابتوب على فخوذها .. مسكت كوب النسكافيه واخذت رشفه منه ونزلته على طاوله بجنبها.. تنتظره يدخل..صارله اسبوع مايدخل.. سجلت خروج وطلعت وراحت للمنتدى اللي تعرفت عليه فيه.. ضغطت على ملفه ولقته غير متصل.. شموخ:غريبه وين راح..لايكون صار له شيء...افف رن جوالها شافت المتصل وردت بصوت ناعم.. الووو هيفاء:فديت هالالو..جهزي نفسك خمس دقايق وبمرك.. شموخ:اوكيه..بس وين بنطلع؟؟ هيفاء:لمكان يحبه قلبك..يلا تجهزي.. شموخ:سي يو...رمت جوالها وسكرت الموقع..وقبل ماتسكر الجهاز..راحت للمسن سجلت دخول.. وطلع لها على طول.. ماتغلبني لو الحب غلابـــــــ مســــاء الحب لاحلى حب عشته اللي مايطول العنب حامض عنه يقول ويـــــــــــنك انت خفت عليك.. ماتغلبني لو الحب غلابــــــ ههههه شفيك على طول طبيتي بوجهي.. اللي مايطول العنب حامض عنه يقول سوري بس من خوفي عليك.. ماتغلبني لو الحب غلابـــــ يابعد قلبي اسف..بس غصب عني صارتلي ضروف قاهره.. اللي مايطول العنب حامض عنه يقول ممكن اعرف الظروف اللي ابعدتك عني؟؟؟؟ ماتغلبني لو الحب غلابـــــ بصفتك ايش ؟؟؟ اللي مايطول العنب حامض عنه يقول بصفتي زميله..مايكفي ماتغلبني لو الحب غلابــــــ بس انا ماعتبرك زميله وثانيا الزماله ماتخلينا نبوح لاسرارنا لبعض ولا شرايك؟؟؟؟ اللي مايطول العنب حامض عنه يقول مشكور واسفه اني تدخلت بشيء مايعنيني ماتغلبني لو الحب غلابـــــ بس هالاشياء المفروض تعنيك... اللي مايطول العنب حامض عنه يقول مافهمت عليك ممكن توضح ماتغلبني لو الحب غلابـــ انتي اكثر من مجرد زميله بالنسبه لي... اللي مايطول العنب حامض عنه يقول قصدك صديقه لك.. ماتغلبني لو الحب غلابــــ مااؤمن بصداقة الرجل والمرأه.. اللي مايطول العنب حامض عنه يقول معقووووله...ماتوقعتك بهالتخلف ماتغلبني لو الحب غلابـــــــ هذا واقع..الصداقه تكون بين مراه ومراه رجل ورجل بس بين مراه ورجل مستحيــــل وقبل ماترد عليه رن جوالها وردت.. هيفاء:يلا انا عند الباب شموخ:ياقلبي مااقدر امي جات..بليييز لاتزعل هيفاء:بدري ليه جات..انتي مو تقولين انها معزومه على زواج شموخ:ايوه بس ماعجبها ورجعت..سوري هيفاء:اوكيه اوكيه..وسكرت بوجهها شموخ:قفلت الجوال ورمته ورجعت للمسن... **************** كانو بيطلعون بس ضروري يسلمون على ام فيصل.. خمنو انها بنتها.. تقدمت منها ..وسألتها نوال:عفوا لو سمحتي..وين خاله ام فيصل.. ليلى:امي طلعت مع العروسه للفندق.. نوال:اها..اوكيه..واشرت لام فراس.. تقدمت ام فراس.. نوال:تقول انها مو موجوده ام فراس:طيب انتي من بناتها؟؟؟ ليلى:ابتسمت ابتسامه تذوب..ايه ياخاله.. ام فراس:مشاء الله تبارك الله الله يحفظك..انا ام زياد صاحب فيصل ليلى:ياهلا والله ياخاله شرفتينا..انا ليلى اخت فيصل.. ام فراس:عاشت الاسامي..لا اله الا الله..طيب سلمينا على امك كان ودي اسلم عليها.. ليلى:الله يسلمك يوصل ان شاء الله وتشرفت بمعرفتكم.. ******************** |
بالسيــــــــاره.. قصّر صوت المسجل.. ماسمعتك يمه .. ام فراس:قاعده اتكلم مع نوال مو معك.. زياد:طيب شكنتو تقولون ابي اسمع سواليفكم..شخبار العرس عجبكم ام فراس:يهبل وراقي مره.. زياد:وانتي يانوال؟؟ نوال:لا حلووو مره..بس خويك مازف زياد:فيصل مادخل على الحريم؟؟؟؟غريبه ام فراس:ليش؟؟ زياد:هو قايل انه بيدخل..شكله هون باخر لحظه...طيب تعرفتو على امه ام فراس:لا والله كنت ناويه اتعرف عليها بعد العشاء بس مالقيتها طلعت تزف ولدها للفندق... زياد:ولا على خواتـــــــــــه؟؟؟ ام فراس:الا تعرفنا على وحده لا اله الله الله يحرسها وقلنالها حنا من طرف زياد زياد:فز قلبه..ماعرفتو شسمها؟؟؟ ام فراس:اسمها ليلى..لا اله الا الله زياد:شفيك يمه كل ماجبتي طاريها قلتي لا اله الا الله لهالدرجه حلووه؟؟؟(كان بيعرف راي امه فيها) ام فراس:حلوه وبس ..الا ملكة جمال .. نوال:بملل وهي تطالع الشارع..عاديه زياد:حرام عليك تهبل..(او ماي قاد زليت) نوال:وانت شدراك شايفها؟؟؟؟ زياد:على وصف امي.. ام فراس:فات شموخ هالعرس نوال:بتنهبل اذا درت ان نوال هي مطربة الحفل.. زياد:احسن تستاهل الحماره.. ************************** تستهبل انت؟؟؟مستحيل تروح اصلا انا مو رايحه.. واخذت عبايتها بيدها سلطان:خلاص بكيفك.. رمت عبايتها وشنطتها بالارض وتقدمت منه صارت قباله..مايفصل بينهم شيء.. غيوض:ارحمنــــــــــي.. سلطان:ويجاول يظبط اعصابه..(الله يلعنك ياغيوض انتي وهاللبس)..وخري عن وجهي غيوض:صدت بوجهها ودموعها نزلت غصب..جثت على الارض وغطت وجهها بيدينها سلطان:جثى على ركبته وضمها..خلاص لاتبكين..بدت دقات قلبه تزيد ..(لا مابي اتهور)..دفها بيده وقام..قووومي البسي عباتك وفارقي غيوض:طالعت فيه..بطلع بس والله مااااااااقدر ماااااااااااقدر سلطان:مافي احد بيجي..بس انتي وياها.. غيوض:قامت وتناولت عبايتها لبستها وطلعت... وصلت للبيت ودموعها مغطيه وجهها... شتسوي بهالمصيبه..ليش انا بالذات...المشكله مااقدر استغني عنه.. دخلت غرفتها ورمت نفسها على السرير..شالحل؟؟؟ غيووض؟؟؟ غيوض:نعم.. عاليه:تقدمت من السرير...شفيك نايمه بعباتك؟؟؟ غيوض:مادري..الحين بغير لبسي.. عاليه:جلست على طرف السرير..غيوض متضايقه من شيء؟؟ غيوض:لا مافي شيء..بس ابي انام عاليه:اوكيه..تصبحين على خير دخلت غرفتها وفرشت سجادتها تتهجد وتدعو الله يحفظ لها اختها ويكفيها شر هالسلطان.. *************************** الفنــــــــــــــــــــــــــدق.. قطع صمتهم صوت مسج لجوال فيصل.. فتحه.. ((ياعريس اسفين على الازعاج بس لاتنسى الدعاء والصلاة..الله يوفقك استانس لاتنكد على عمرك..زيود)) ابتسم..الله يذكرك بالشهاده يازياد.. طالع فيها..لازالت منزله راسها..الى الان ماشافها زين.. فيصل:احم..احم..ا..ا..ابي ..ابي اقول الدعاء عبير:------ فيصل:قام من مكانه ووقف على راسها..حط يده على جبهتهاوقال: ((اللهم اني اسألك خيرهاوخير ماجبلتها عليه واعوذ بك من شرها وشر ماجبلتها عليه)) حســــت براحه تغمرها صوته وهو يقول الدعاء هز كيانها.. ثواني وشافته جاثي على ركبته قدامها فيصل:يلا الحين دورك.. عبير:حررت يدها من مسكتها..كانت يدها ترجف الى ان وصلت لجبهته..توها تحس ببرودة يدها يوم مسكت جبهته الحاره.. غمضت عيونها وقالت.. ((اللهم اني اسألك خيره وخيره ماجبلته عليه..واعوذ بك من شره وشر ماجبلته عليه)) كان صوتها رنان..ناعم وفيه رجفه.. اللي احسه وشو؟؟؟ راحه ولا سعاده.. عبير:شالت يدها ورجعتها لمكانها.. فيصل:ابتسم لها..باقي الصلاة.. عبير:استغربت..اي صلاة؟؟؟ فيصل:صلاة شكر لله انه رزقني فيك.. كلماته نبرته وهو يقولها نظراته..معقوله فرحان فيني.. فيصل:وقف ومد يده لها يساعدها توقف.. عبير:مدت يدها ووقفت..نزلت المسكه من يدها وطالعت حوالينها تدور عبايتها.. فيصل:انا بجيب عباتك..دخل للغرفه وجاب عبايتها ومدها لها.. لبستها ومشاعرها متضاربه..قلبها يرجف..انا بحلم ولا بعلم.. فيصل:عدّل بشته ونزل عقاله على الكنب..ورفع يدينه..اللــــــــــــه أكبــــــــــــر.. ***************************** تشهدت التشهد الاخير وسلمت.. اذن صلاة الفجـــر.. رددت ورى المؤذن.. قرت دعاء مابعد الاذان..((اللهم رب هذه الدعوة التامه والصلاة القائمه ات محمد الوسيله والفضيله وابعثه اللهم مقاما محمودا اللذي وعدته انك لاتخلف الميعاد)) ضمت رجولها لصدرها ودفنت راسها وبكت بحرقه.. ليلى:يارب اغفرلي ذنبي ياااارب من لي سواك يغفر الذنوب اللهم انت اعلم مابي نفسي اللهم اغفرلي..يارب ياارب يارحم الراحمين يامن رحمته وسعت كل شيء اللهم ارحمني يوم اموت ويوم ابعث اللهم ياذا الجلال والاكرام اغفرلي ذنوبي..يااااارب .. اللهم انك تعلم مافي نفسي..اللهم اغفرلي زللي..اللهم استر علي واحفظني بما تحفظ به عبادك الصالحين.. <<من رجعت من القاعه وهي تصلي وتطلب المغفره على ذنب هي انجبرت عليه وماكان لها حيله..تستغفر علشان ناصر شافها..قلبها حي يخاف الله ويعرف ان اخرته حفره وتراب ...<< سمعت صوت الاقامه كبرت وصلت ركعتين قبل الفجر وبعدها صلاة الفجر..قرت وردها اليومي وحصنت نفسها بالاذكار وبالمعوذات.. وراحت تنام ****************** الصبــــــــــــــــــــاح.. الفنــــــــــــــــــــــدق.. فز من نومه..طالع حوالينه ..لا شلون الصبح طلع مستحيــــل.. رمى الحاف وركض يتوضى.. طلع وهو يتشهد ويستغفر.. فصخ بجامته ولبس ثوبه وشماغه وفرش سجادته وصلى.. دخلت للغرفه وشافته يصلي..تثاوبت واخذت الحاف وانسدحت على السرير علشان تنام.. عهود:تقلبت وتقلبت..افف ارق شفيني..نامت على بطنها..حطت الوساده فوق راسها..ماقدرت تنام راسها مصدع.. انتهى من صلاته.. سالم:عهود.. عهود:شالت الوساده وعدلت جلستها..نعم؟؟ سالم:انتي قمتي للفجر؟؟؟ عهود:ايه.. سالم:ودامك مشاء الله قايمه ليه ماقومتيني؟؟؟عاجبك اصليها متأخر.. عهود:سكتت..(هي مو متعوده تقوّم احد على الصلاة..مؤيد وابوها ماتدري من يقومهم..بالعكس هم اللي يقومونها احيانا) سالم:راحت علي البراءه كله بسببك عهود:وش برائته؟؟؟ سالم:براءه من النار ومن النفاق..صارلي 39 يوم محافظ على وقتها بالتمام ولا فوتها واصليها كامله مع الجماعه واليوم اللهي اليوم الاربعين اللي تنكتب فيها البراءه حضرتك ماقومتيني وفوتي الاجر علي.. عهود:مادري انت ماقلتلي اقومك سالم:لاني اعتمدت عى المنبه ..مره ثانيه بدون مااقول قوميني.. عهود:ان شاء الله..ورمت نفسها على السرير.. سفط سجادته وحطها على الكرسي..راح لها.. سالم:شفيك؟؟ عهود:مادري مانمت الا ساعه وعيا لايجيني النوم راسي مصدع .. سالم:طبيعي مو راجعه من عرس وطقطقه..تبين بنادول.. عهود:ياليت اذا عندك.. سالم:ايه عندي..وراح للكومندينه اللي بجنب السرير من جهته..فتحه وطلع كرتون بنادول ..امسكي وبروح اجيبلك مويه.. عهود:اخذت من ايده..فتحت الكرتون وطلعت مغلف اخذت حبه وحطتها بفمها.. عطاها كاس مويه وشربته.. عهود:مشكور.. سالم:العفو..افطرتي؟؟ عهود:مالي نفس.. سالم:اكلتي الحبه وبطنك خالي..قومي قومي بطلب فطور لهنا عهود:مالي نفس سالم:سحبها غصب عنها.. طلعو من الغرفه وهو ماسك ايدها ويجرها جر..جلّسها على الكنبه وراح يدق على خدمة الغرف يطلب فطور.. جاء الفطور واكلت لقمتين وبعدها راحت تنام لان مفعول البنادول بدى.. وهو تمدد على الكنبه وشغل التلفزيون على الاخبار... ******************* بعـــــــــــــــــــــــــد مرور يومين.. موريشيوس.. منتجع الشيراتون.. واقفه على البلكونه تستمتع بالمناظر اللي تشوفها.. المنتجع بهالوقت مافيه سياح كثير..الا من بعض الاجانب كبار السن.. امطار غزيره بدون رعد او برق..اشجار خضراء وتلمع اوراقها من المويه..والعشب اخضر غامق .. طلع من الغرفه وهو لابس بنطلون اسود وقميص اسود من ارماني فاتح ياقته ومفسر اكمامه بطريقه مرتبه.. الاسود بين لون بشرته ولون عيونه.. شافها واقفه ومعطيته ظهرها.. شعرها لنص ظهرها لونه بني شوكلاته.. فستان ابيض قصير بلا اكمام مع ورود ورديه ولابسه صندل ابيض زحف..كان شكلها منعش.. تقدم منها وحط يده على كتفها.. كانت سرحانه وحركته خوفتها فصرخت والتفتت على ورى.. فيصل:بسم الله عليك..اسف ماكنت اقصد.. عبير:قامت تنفث على نفسها وتسمي..طالعت فيه..مره ثانيه انتبه تنحنح مو تخوفني كذا..افف فيصل:قلنا اسفين..ومارح اعيدها ارتحتي.. عبير:ايه ارتحت..وتعدته ودخلت للصاله.. لحقها.. فيصل:ماتبين تطلعين.. عبير:الحين.. فيصل:ايه الحين..هنا يسكرون بدري بحدود خمس العصر عبير:وين بنروح؟؟ فيصل:مافي مكان محدد..بنتمشى على كل موريشيوس.. عبير:خلاص بروح انتظرني بس فيصل:خذي راحتك... جلس على الكنبه المنفرده واخذ مجله يقراها.. لبست بنطلون جنز وبلوزه الى الركبه..ربطت شعرها ذيل حصان ولبست كوتش اريح لها.. اخذت عبايتها الفراشه الساده والخاليه من اي نقوش وتنقبت وطلعت.. ***************** استسلمت لجدتها والتفتت على سلمى.. ليلى:ماتدرين عن اخبار عهود سلمى:لا والله حتى ام مؤيد ماكلمتها..ان شاء الله ادق عليها بكره..الحين مايمدي.. جتهم سديم تركض وشعرها الطويل يتحرك معها سديم:ماما ماما بابا جاء.. ليلى تغطت بطرحتها سلمى:الله يحييه.. السلاااام عليكم.. الجده:هلا هلا يالله انك تقويه.. سليمان:راح لجدته وحبها على راسها..شخبارتس ليلى؟؟ ليلى:بخير الله يسلمك.. سليمان:ياللا سلمى نروح للبيت.. مسكته جدته بيدها الجده:لا والله ماتنهجون امرحوا الليله عندي(نامو عندي) سليمان:والله بس علشان احلفانتس..ولا انا ماارتاح الا ببيتي.. سلمى:بس انا ماجبت غيار للعيال الجده:مايضرهم ان نامو بلبسهم ليله.. سمعو صوت ضحكه.. ثواني وبدى الصوت يقرب جاهم صوته وهو يقول ياحرم سليمان تغطي تراني جيت معك خمس ثواني وبدخل ماعلي منتس.. بسرعه اخذت طرحتها وتغطت فيها سليمان:حياااك نصور ادخل.. دخل وعلى وجهه ابتسامه..اتسعت هالابتسامه اكثر يوم شاف اللي جالسه يسار جدتها.. ماكان يدري شيقول او وش يسوي..كان قلبه هو اللي يحركه..بحركه مفاجئه ومتجاهل كل الاصوات.. جلس جنبها بالضبط وهو يقول ناصر:اخيــــــــــرا جيتي يابعد هالدنيا.. كانت مصدومه من حركته..قامت بسرعه بس يده مسكتها.. ناصر:على وين؟؟مافي طلعه ليلى:ارتجفت ..اترك ايدي ياحيوان.. سليمان:قام من مكانه وسحب ايد ليلى من ناصر وخلاها وراه..نااااصر استح على وجهك ناصر:وقف..انت شدخلك لا تتدخل بيني وبينها.. الجده:سليمان خذ مرتك وروح للبيت واترك ناصر ومرته يتفاهمون تمسكت بشماغ سليمان.. قرّب من سليمان يبي يسحبها ..بس سليمان مسك ايده يمنعه.. سليمان:نااااااااااااااااصر استــــــــــح تبي تفضحنا ليلى:صرخت من الخوف..يممممممممممه يمممممممممممه سليمان عصّب زياده ..دف ناصر على الارض وصرخ بليلى.. سليمان:اطلعي بسرعه الظاهر انه مو صاحي.. الباب بعيد واقرب لناصر منها..وقفت محتاره.. استفزته كلماته.. ناصر:احتررم نفسك ياسليمان وشو مو صاااحي ليه مجنون؟؟؟ سليمان:ايه اللي تسويه جنون.. ناصر:قاطع كلامه..اعلمك وش الجنون وبسرعه راح لليلى ومسكها.. صرخت بأعلى صوت وسليمان يهجم عليه تشابكو بالايدي وبعدها تحول لضرب.. سلمى الصدمه الجمتها كانت جالسه بمكانها ومفهيه الجده اخذت عصاها وهي تحاول تفكهم.. استغلت الوضع وبسرعه طلعت ..كانت تركض..تركت شنطتها داخل..طلعت للحوش وبعدها للشارع تهرب.. بيتهم قريب من عمها..الشارع فاضي وصارت تركض تستغل الوقت.. قطعت الشارع بدون ماتلتفت يمين او يسار.. صوت البريـــــــــــك القوي هو اللي اوقفها.. طاحت على الارض من الروعه..كانت بتسوي حادث بسببه.. طلع ابوفيصل والسواق من السياره..كانو بيعتذرون من المرأه ابوفيصل:سلامات سلامات.. غصب عنها يوم شافته بكت.. ليلى:يبـــــــــــــــــــــه..وبدت تبكي بصوت عالي ابوفيصل:ليلى!!! بسرعه مسكها وهو يسألها عسى ماتعورتي قوليلي فيك شيء تحسين بشيء ليلى:ماردت عليه استمرت بالبكاء.. اشر للسواق يفتح الباب الخلفي...ساعد بنته تمشي وركبها السياره.. ابوفيصل:روح للمستشفى ليلى:مسحت دموعها ..يبه مايحتاج نروح مافيني شيء ابوفيصل:اكيد ليلى:اكيد..ورجعت تبكي دخلت السياره للبيت.. اللي كان مره قريب.. نزلو وهو ماسك يدها يساعدها.. انسدحت على السرير ومددت رجلينها اللي حست انهم انكمشو يوم صار الحادث.. غطاها بالحاف.. ابوفيصل:اكيد مو محتاجه مستشفى.. ليلى:اكيد.. ابوفيصل:انتي وين كنتي ليه تمشين برجولك؟؟ ليلى:انا كنت عند جدتي..والسواق تأخر علي..والبيت قريب ابوفيصل:ولو مره ثانيه لاتمشين الا ومعك احد هالدنيا مالها امان وعيال الحرام واجد..ومسح على شعرها.. ليلى:ان شاء الله.. كان يركض واول ماوصل الغرفه وشافها وقف يسترجع نفسه.. محمد:الحمدالله..تقدم منها..صارلك شيء؟؟سوالك شيء؟؟ ليلى:مسحت دموعها..لا ربي ستر.. محمد:هال---- شغله عندي ..ومسك جواله ودق على رقم سليمان..الوو..لا بخير مافيها شيء...مع السلامه.. طالع فيهم ابوفيصل وهو مستغرب ابوفيصل:شالسالفه؟؟فيه شيء وانا مادري ومنهو اللي سوالها شيء؟؟؟ محمد:انت مادريت..؟؟؟اجل ليش انت عندها؟؟ ليلى:محمد اسكت خلاص.. ابوفيصل:يسكت عن ايش؟؟محمد قول محمد:ناصر انهبل وكان ................. .......................................... ************************ اخذت الديتول وغطست القطنه فيه..وبدت تمسح الجرح اللي بوجهه.. عقد حواجبه من الالم..قال يخفف من التوتر.. سليمان:ايييييي يعور ..شوي شوي علي سلمى:ياربييي شسويلك..استحمل حبيبي سليمان:مسك القطنه من يدها ورماها...خلاص مايحتاج هي تطيب من حالها سلمى:لا بعدين تتجرثم سليمان:انتي فيصل مأثر عليك..من يوم انا بزر انجرح واتركه يطيب من حاله وهذا انا قدامك عايش ولله الحمد.. سلمى:طيب براحتك..وقفت سليمان:على وين؟؟ سلمى:بجيبلك عصير يروق مزاجك سليمان:وقف وسحبها وهو يأشر على السرير..نامي وارتاحي وبعدين انا مروق..شال الحاف عن السرير ونومها وبعدين غطاها سلمى:وانت ماتبي تتريح.. سليمان:بروح ادق على هالتعبان نويصر.. سلمى:الله يهديه انهبل سليمان:هبّلت فيه اختك..مثل ماهبلتي فيني سلمى:والله اغلطو علينا وانهبلو..وغطت وجهها بالحاف سليمان:طفى انوار الغرفه..وطلع..مر على غرفة العيال وتأكد انهم نايمين..ونزل للمطبخ ياخذله عصير ليمون.. كان ماسك الجوال بيده وهو يحاول يدق عليه.. رماه على الطاوله وسحب كرسي وجلس.. مسك الجوال مره ثانيه ودق..رد عليه ناصر ناصر:سكر انا بدق..وسكّر بوجهه سليمان:وهو يطالع بالجوال اللي رجع يدق مره ثانيه..ورد ..شتقصد بهالحركه ناصر:ههههه مااقصد شيء..بس المفروض انا ادق عليك واعتذر مو انت يالشايب.. سليمان:زين قبلت عذرك ياللا تصبح على خير.. ناصر:لحظه سليمان..ابيك تعتذر من سلمى..انا مادري شلون سويت هالحركه البايخه سليمان:هي من جهة بايخه بايخه اكثر من وجهك..الله يستر مايدري عمي والله لايتوطى ببطنك.. ناصر:الله يستر..يلا تصبح على خير.. ***************** لبست عبايتها وحطت شنطتها على كتفها.. عهود:يلا مع السلامه.. ام مؤيد:بكره لاتجين كلمينا بالتلفون وخلاص..لاتخربين شهر عسلك بزياراتنا عهودامحق شهر عسل)..ان شاء الله يمه.. ركبت سيارته اللكزس البيضاء .. سكرت الباب بشويش.. عهود:تأخرت عليك.. سالم:عادي..حرك السياره .. الصمت يقطّع عهود.. بارد بارد بارد هذي هي الكلمات اللي ترددها بداخلها.. ماتدري كم مضى من الوقت الا يوم سمعته.. عاجبتك القعده بالسياره؟؟؟ طالعت فيه بحقد..باااااااارد ياناااااااااااس ثللللللج ماعنده احسااااااس بالمره.. فتحت الباب وسكرته بقوه لدرجة ان السياره اهتزت.. سالم:عسى ماشر شفيك؟؟؟ عهود:طنشته(اخيرا حسيت ..افففف)..سبقته وهي تدخل للفندق.. راحت لجهة المصاعد ولا استنته انفتح المصعد وركبت فيه وضغطت على رقم الدور .. جلس بالبهو وطلب عصير.. حط رجل على رجل ... مرّت ربع ساعه..بعدها قام وطلع بالمصعد.. كانت واقفه عند باب الغرفه..مامعها بطاقه ..وهو تأخر وماتدري وينه.. عهود:الحقير وين راح لطعني هنا..افف ليتني استنيته.. شافته يمشي بهدوء وهو يفرك بجواله.. عهود:قطّعت شفايفها من كثر ماضغطت عليهم بسنونها من القهر...يمشي ببرود عااااادي عنده..اففففف طلّع البطاقه من جيبه وفتح الباب ودخل قبلها.. عهود:ربيييييييييييييييييييييييييي....صبررررررر الهمنييييي الصبررررررررررررررررررررر دخلت ولقته بالحمام..سمعت صوت المويه شكله يتروش.. رمت عبايتها وطلعت للصاله تنتظره يخلص علشان تتروش وتنام.. ******************* على البيتش ماكان فيه احد..حتى الامن بعيد.. المنتجع مافيه ناس واجد..كان الجو بين العصر والمغرب..فيه نسمات لطيفه ترطب الجو.. افصخي عباتك..مافي احد عبير:طلعت عيونها..صاحي افصخ عباتي.. فيصل:وقف قبالها وسحب نقابها..ايه صاحي تشوفين احد حولك.. عبير:اخذت النقاب من يده..افرض احد مر..لا ماابي فيصل:انا احرص منك..تبين تفصخين افصخي ماتبين انتي حره.. جلس على الكرسي وهو منزل راسه ..كان يرفع بنطلونه ..خلاه يوصل لركبه..رمى جزمته وراح للمويه.. كان شكله جنان.. قعدت تطالع فيه وبحركاته..اخذت الكاميرا وبدت تصوره فديو وصور فوتاغرافيه.. انتبه لها..وراح لها بسرعه اخذ الكاميرا منها وقومها رمى عبايتها بيده اليمين وطرحتها ونقابها.. فيصل:يلا يلا افصخي جزمتك خلينا نلعب بالمويه.. حركته الجمتها خلتها ماتقدر ترفض رمة جزمتها وراحو يغطسون رجلينهم بالمويه.. عبير:دخلت رجلينها بالمويه..اخاف فيه حجر ولا شيء يجرحني.. فيصل:طالع برجلينها..مافي حجر كله رمل..وبعدين ارفعي بنطلونك امتلى ماء.. عبير:لا لا افرض احد جاء.. فيصل:لحووول ..مد لها الكاميرا..امسكي امسكي.. اخذت الكاميرا منه وهو ميل ظهره لقدام وبدى يرفع اطراف بنطلونها.. هذا صاااحي.. مجنون.. يستهبل علي.. هو صدق كذا.. ماحست الا لما سحب الكاميرا منها وقال يلا ابتسمي علشان اصورك.. عبير:ابتسمت من كل قلبها.. صورها.. فيصل:سحبها لجنبه وحط يده اليسار على كتفها وباليمين الكاميرا ..حاول يبعد الكاميرا على طول يده..عبوره ابتسمي عبير:هههههه بتطلع صورتنا قررريبه مره وتخوف.. فيصل:ضغط على الزر..والتقط الصوره..التفت لها..مو شرط تكون صوره حلوه المهم انها ذكرى جميله..ولا شرايك؟؟ عبير:لمعت عيونها..صح كلامك.. فيصل:شكل الصلاة بدت..الشمس غابت(للعلم موريشيوس بلد اسلامي واهلهم يتكلمون اللغه الفرنسيه طبعا هي جزيره على جنوب من قاره افريقيا ) عبير:ايه ادنيا حمرا..مشت بشويش على المويه علشان توصل للرمل ..حست فيه وهو يضربها مع كتفها ويسبقها... فيصل:تسااااابقين..كان يقولها وهو يركض وملتفت عليها عبير:ماردت عليه ..لانها ركضت تسبقه.. ****************** دخلت للغرفه ولقته لابس بجامته وبينام..راحت للدولاب واخذت بيجامتها سالم:عهود ترى بكره مسافرين ان شاء الله عهود:التفتت عليه وهي فرحانه..ويين؟؟ سالم:بريطانيا..لندن..وتغطى بالحاف عهود:لنـــــــــــــــدن!!!! من جدك سالم:اي والله.. عهودهذا بيجلطني)..لندن شهر عسل!!!!اول مره اسمعها سالم:ليه لندن حلوه..وبعدين ليه ماتنفع شهر عسل؟؟؟ عهود:لانها ماتصلح شهر عسل..معروفه الاماكن المخصصه للعرسان.. سالم:خلاص انا حجزت وانتهى الموضوع...وقلب للجهه الثانيه.. استفزتها حركته..راحت للحمام وصقعت الباب بالقوه علشان ينقهر.. بس ماسمعت له حس.. عهود:الهمننننننني الصبررررررر ياااااااارب *********************** حبت رجوله وبيده الكاميرا يصورها.. غيوض:خااااالي الله يرحم والديك ارحممنننننني بمووووووت بمووووت سلطان:ليه ماجبتيها معك؟؟...وطالعها بنظرات خبيثه..وصار يتلمس جسمها.. غيوض:بعدت يده..شتسوي؟؟ سلطان:لبسك حلووو دايما ستايل.. غيوض:لبسي عادي(برموده زيتي وبدي اورنج وكان مره ضيق)..خالللي بس سيجاااره.. سلطان:نو نو..لاتحاوليييين.. غيوض:والله بموووووت ارحمممننننننننني..راااااسي رااااااااااسي..شتبي شتبي وبدت تحب راسه ويديه قول شتبي سلطان:ابي شيء واحد وانتي تعرفينه.. غيوض:والله مو متذكرررره قووووووول شتبي وخلصنننننيي.. سلطان:ابي نوال تجيبينها هنا.. غيوض:مين نوال؟؟؟ سلطان:بنت جيرانكم..تذكرتيها ولافقدتي الذاكره.. غيوض:ايه تذكرتها خلاص بخليها تجي بس عطني سيجاااره سلطان:هههههه ايه صيري مطيعه..طلّع سيجاره ورماها بعيد.. *********** شفيها تأخرت؟؟هي متعوده تنام عنده.. عاليه:لا مو متعوده..نوال والله خايفه عليها..وجهها اصفر وتخيلي ماتنام زي الناس كل شيء قايمه من نومها وتصرخ.. نوال:انا اقول نوديها لطبيب نفسي.. عاليه:ليش؟؟ نوال:هي من وفاة جدها وهي مو طبيعيه...كم صارلي ماشفتها كل مااجي مالقاها..شكلها صار عندها اكتئاب.. عاليه:ماادري.. نوال:خلاص انا برجع للبيت عاليه:امك رجعت نوال:ايه رجعت ..لبست عبايتها وهي تقول ..تقول ماتقدر تخليني لحالي بالبيت...مادري هي تضحك علي ولا على نفسها عاليه:يمكن عليك ..ههههههه شفيك نوال:انا اتكلم بكيفي انتي لا سامعه.. عاليه:طيب طيب.. وصّلتها للباب الخارجي ...ورجعت للبيت.. راحت للمطبخ واخذت معها قارورة موية صحه وطلعت فوق.. مرّت من غرفة اخوانها..فتحت الباب بهدوء.. طلعت عيونها وهي تحاول تستوعب اللي تشوفه.. شهقت وطاحت القاروره من يدها.. عاليه:ويدها على فمها..هيييييييييييء!!!!!!!!!!!!!! ***************************** وين نروح وين قلت..؟؟؟ ووقف لعب بلستيشن.. رابح:بنروح للكويت الاسبوع الجاي محمد:انت ومين؟؟ رابح :حازم بيروح ومهند سبقنا هناك..هاشقلت محمد:لا مااقدر اروح صعبه رابح:قول انك خايف واهلك مانعينك محمد:عصّب.. راااااااااابح..انت اكثر واحد تعرف اني مااسوي الا اللي براسي وعلشان اثبتلك برووح.. رابح:ايه هذا الكلام اللي يجمد على الشارب..يلا سلام.. رمى جواله ..ورجع يكمل لعب..دقايق وترك اللعب.. محمد:شلون اشكالهم..ليه يسوون كيذا...انا شيوديني؟؟؟ راح يسكر غرفته ورجع يفتح واحد من ادراجه طلع باكيت دخان..اخذ حبه.. هههههه انا اسوي اللي ابيه يانويصرر الزفت.. ******************** كانت تضحك ومستانسه وخصوصا بعد ماريحت راسها بالسيجاره.. فجأه حست بدوار..وبعدها طاحت على الارض وبدت ترجع كل اللي ببطنها.. تقرف من شكلها.. سلطان:الله يقرفك..وسكر كاميرته وطلع لجناحه وتركها لحالها.. حست ببروده اطرافها..ساعدت نفسها على الوقوف..وراحت لدورة المياه.. فتحت المويه وبدت تغسل وجهها.. طالعت شكلها بالمرايه..عيونها حمره.. طلعت بسرعه وتركت المويه..اخذت العبايه وطلعت للبيت.. *************** الصبـــــــــــــــــــــاح.. جلست قدام ابوها..اللي كان يفطر وباين انه متضايق.. ليلى:يبه.. رفع راسه لها.. ليلى:لاتضيق خلقك..ولاتزعل ..هو مو بوعيه..الله يخليك سامحه مابي مشاكل.. ابوفيصل:لاتخافين.. ليلى:اوعدني انك ماتسويله شيء..اعمل نفسك مادريت..ترى سلمى كلمتني وقالتلي انه مفتشل..الله يخليك يبه ابوفيصل:طيب يصير خير.. ترك الفطور وراح للشركه.. ام فيصل:الله يستر بس ماتصير مشاكل..الله يهديك ليتك ماقلتيله ليلى:مو انا اللي قلت..محمد .. اخذت قطعة توست ودهنتها بزبده..كلت نصها وقامت ام فيصل:على وين..؟؟ ليلى:بروح ادق على ميساء ودي اسير عليها.. ام فيصل:تدرين الساعه كم؟؟ ليلى:ادري الساعه تسع..بس مافيني نوم ولازم اطلع... **************** ردت على الجوال .. ميساء:وصوتها مليان نوم...همممم ليلى:نايمه صاحيه قومي الحين بجيك عندي علوم ميساء:بس انا ابي انام ليلى:مالي دخل ابي اجي..يلا نص ساعه وجايتك.. قامت من السرير بصعوبه ..تحس راسها ثقيل.. شافت الساعه اللي على الجدار وضحكت.. ميساء:الحمدالله والشكر احد يجي بهالوقت صدق مخرفه ليلى.. اخذت شور سريع وطلعت وراسها مبلول.. صلّت الضحى..وجلست على التسريحه علشان تمشط شعرها.. ليلى:السلااااااااااااااااااااااااااااااام التفتت عليها ميساء وهي تضحك ميساء:وعليكم السلام ماسرع ماجيتي ليلى:طالعت بالساعه..الحين عشر وربع وانا قايلتلك نص ساعه يعني جيت متأخره.. رمت عبايتها وطرحتها وجلست على السرير بقوه لدرجة انه ارتفع فيها ميساء:شوي شوي على سريري.. ليلى:يلا بسرعه خليني اسولفلك ميساء:لا بدري على السواليف..ابي انشف شعري واستشوره وبعدين ابي افطر.. ليلى:رمتها بالمخده..كل هذول يالظالمه.. ميساء:علشان استوعب اللي تقولينه.. *************** انا مو مكلمه..بس وصلّه هالكلام..ومابي ابوك يعرف بسواد وجهه.. حب راس عمه.. سليمان:هو ماكان يقصد..وهو بيعتذر منك ومنها.. ابوفيصل:دار بالكرسي الجلدي الفخم وعطا سليمان ظهره.. هالاسبوع لايجي مو متحمل اشوف وجهه .. سليمان:والاجتماعات؟؟؟ ابوفيصل:الشغل شغل..انت دري اني افرّق بين حياتي الخاصه وبين الشغل.. سليمان:مثل ماتبي طال عمرك.. طلع من مكتب عمه وراح لمكتب اخوه.. كان لاهي مع السكرتير بالملفات.. سليمان:ناصر ابي اكلمك بموضوع خاص السكرتير فهم.. :عن اذنكم ...وطلع ناصر:طالع بسليمان..خير شفيه؟؟ سليمان:عمي يقول مايبيك تكلمه على الاقل لمدة اسبوع ..لين ينسى سواتك ناصر:تضايق..بس قاطعه سليمان:وازيدك من الشعر بيت يقول عقب سواته ماله مره عندي.. ناصر:شيقصد؟؟؟ سليمان:يعني انسى ليلى.. ناصر:مو على كيفهم..هي زوجتي..ومحد له خل سليمان:وقف..ايه اقعد على عنادك ..ياااخي اصبرررر اصبرررر خل النفوس تهدى..وطلع.. ناصر:وانا شلون اهددددى شلوووووون ضرب المكتب بقبضة يده.. *************************** صدددددق الله يبشرك بالخير.. ليلى:والله..يااااني فرحانه قولي طاير عقلي.. ميساء:ليلى من جدك ماتبينه ولابس زعلانه ليلى:ميساء والله والله مااابيه..ناصر كسرني واللي ينكسر عمره مايتصلح.. ميساء:فرقعت اصابعها .. ليلى:قولي شعندك؟؟ ميساء:هههههه فاهمتني..اقول شخبار عهود؟؟ ليلى:مادري عنها ماشفتها الا بالعرس ميساء:اها..طيب وعبير ماتصلت عليكم.. ليلى:يوووووه طايرين من الفرحه..مستاااااانسين.. ميساء:كشرت بوجهها..يعني قاطعتها.. ليلى:ميساء انسي فيصل..هذا هو انهبل على عبير ونسااااااك ولا كأنك موجوده..عيشي حياتك وانبسطي..والله خالد مافي منه ويموت عليك.. ميساء:حتى فيصل يحبني.. ليلى:كاااااااااااااااان كاااااااان ياميساء..وبعدين لاتنسين انك بحكم زوجة خالد وهالكلام اللي تقولينه مايصير.. رن جوالها ..الطيب عند ذكره..الوووو خالد:ليلى اطلعي انا عند الباب.. ليلى:طيب..يوووه الساعه 2 .. ميساء:طيب اجلسي وش وراك ليلى:لا اسم اللي خالد جاء مره ثانيه..وضربتها على كتفها انتي يالدبا ماصرتي تجينا.. ميساء:ان شاء الله اجيكم.. اخذت عبايتها وطلعت... ***************************** ]((سبحااانك اللهم وبحمدك اشهد ان لا اله الا انت استغفرك اللهم واتوب اليك)) |
بسم اللــه الرحمن الرحيم (الجزء العشرون) (1) (سقـــــــــــوط الأقنـــــــــــــــعه...) الحيـــــــــــاة..مســـــــــــرح.. ونحــــــــــــــن ..أبطالـــــــــها.. نضحك..وبداخلنا نبكي.. نبكي..وبداخلنا نضحك.. يثقون بنا....ونحن نخون.. انا صديقك...عدوك اللدود.. ندّعــــــي المثاليه..ونعيش الفسوق لا نرى لانسمع لانتكلم.. لكــــــــــــــــــــن.. حيـــــــــــــن تسقط الاقنعه..لاتنصدم بالوجوه القبيحه..!!! عضت على شفتها السفليه وحمرة الخجل تعتلي خدودها.. ابعدت خصله تحررت من شعرها ورى اذنها وهي تهمس.. عهود:هو قال كذا؟؟ مؤيد:ههه يازين اللي يستحوون عهود:مؤيد اخلص علي ..احلف هو قال كذا؟؟ مؤيد:ايه قال..مسح خشمه بالمنديل وعطس مره ثالثه..رفع راسه..ااااه الزكمه متعبه عهود:اعرفك تنام بدون ماتتغطى.. مؤيد:شسوي طيب مافي احد ينتبهلي.. عهود:تزوج وبتلقى اللي تنتبهلك.. مؤيد:افكر بالموضوع عهود:وشو تفكر البنات كلهم تزوجو مابقى الا الشينات..حسافة عبير كنت اتمنى تاخذها.. مؤيد:الزواج قسمه ونصيب..سالم مو كأنه تأخر؟؟ عهود:مادري.. مؤيد:طيب انا بروح دوامي بدى..وقف ووقفت معه..مسك خدها وقرصها..شوي شوي على سالم ابيه يرجع صاحي.. عهود:حمرت خدودها مره ثانيه..سلّم على سويره مؤيد:لا مااقدر هذيك القاطعه من يوم ماخطبوها لحسام وهي لاترد علي ولاتطب بيتنا..السكنيه اثريها ترفض اللي يخطبونها وانا اساعدها على نياتي علشان حسامووه... عهود:مو مبين عليها شكلها بريء مؤيد:هو مايخوفك الا البريء ..ياما تحت السواهي دواهي..يلا مع السلامه واذا وصلتي دقي علي.. عهود:ان شاء الله..ضمته وحب راسها..طلع وهو معطيها امل.. ركب سيارته وهو يستغفر..كذبه بيضاء..ايه كذبه للاصلاح.. مسك جواله ودق على اغلى الغوالي..جاه صوتها اللي يعشقه.. مؤيد:صباااح الخير ياجميل ام مؤيد:صباح النور والسرور هلا يمه..وينك ابطيت علي مؤيد:بعد الدوام اجيك.. ام مؤيد:رحت لاختك.. مؤيد:توي طالع منها ام مؤيد:وشقلتلها؟؟؟ مؤيد:استغفر الله العظيم..قلت انه ميت عليها ومنهبل ويحب يستفزها يبي يعرف شخصيتها وانها تعجبه ومن هالكلام.. ام مؤيد:وصدقتك؟؟ مؤيد:من اللي شفته حسيت انها صدقتني..بس يمه مادري حاس بالذنب.. ام مؤيد:لمصلحتها ياولدي..علشان تقدر تعيش معه..ان شاء الله بس انها تصدق..اقول يمه ترى حجزت موعد مع الشيخ.. مؤيد:حلو خلاص اجيكم على العشاء.. ام مؤيد:ايه يمه لاتنسى علاجك ترى انت مهمل بنفسك..وياويلك ان شغلت المكيف والبس ثقيل المستشفى بارده مؤيد:ان شاء الله تامرين على شيء ام مؤيد:سلامتك.. ****************** يللااا قووووم يااااربي فييييصل يكفي نوووووم قووووووم الصلااااة فااااتت قووووووم انقلب على بطنه وتغطى بالحاف متجاهل ندائها.. عبير:ياربي ياثقل نومه..هذا شسوي فيه..صلاة الظهر ماصلاها والحين بيدخل العصر...اخاف اجيب مويه وارشه ويكون يوم حتفي.. تذكرت ناصر يوم سوت معه نفس الحركه راح شالها فووق وهي تصارخ وبعدها رماها على السرير بقوه.. ضحكت بصوت عالي وهي تتذكر الموقف وكأنه صار توه..هههههههههههههه سكنهم بمساكنهم..قالها وهو يرفع راسه وعين مفتوحه وعين مسكره.. حطت يدها على شفايفها ووجهها احمر.. عبير:بيقول عني مجنونه ..خخخ فيصل:بسم الله الرحمن الرحيم..تضحكين مع نفسك؟؟ عبير:لا ..كنت اضحك عليك شكلك يضحك.. فيصل:رجع دفن راسه بالسرير..بنام وبصحى القى عذر ثاني.. عبيرخخخ كشفني)...فيصل قووووم الصلاة بتفوتك.. فيصل:والله العظيييم صليييت خليني انام عبير:لاتكذب حرام..متى صليت؟؟ فيصل:صليت بوقتها ورجعت نمت.. عبير:متى ماشفتك؟؟ فيصل:كيف تشوفيني وانتي نايمه..واللي يرحم والديك خليني انام.. عبير:والله انت ادرى بكيفك.. طلعت من الغرفه وراحت للصاله.. شغلت التلفزيون قعدت تفرفر بالقنوات ومالقت شيء..هي لقت بس تفكيرها بفيصل هو اللي اشغلها.. ضمت خداديه لها وارخت راسها عليها.. عبير:معقوله حبيته..ومؤيد؟؟..لا اللي احسه مع فيصل غير..اللي مع فيصل يخلي كل شيء فيني يتحرك يخليني ابتسم غصب عني مايخليني ارجف..لا يخليني ساكنه ومو خايفه من شيء..ايه انا حبيته..وليه ماحبه..كل شيء فيه ينحب..تصرفاته عفويته اخلاقه شكله لبسه..عيونه خشمه ابتسامته..تنهدت بصوت مسموع..اااااه سلامتك من الاااااااه قالها وهو مبتسم.. طلعت عيونها وطاحت الخداديه منها.. عبير:فيصل من متى انت هنا..؟؟؟شافت ساعة يدها وانصدمت..ساااااعه افكر فيه فيصل:توي جيت ..لايكون ماتغديتي.؟؟ عبير:لا ماتغديت..لحظه اذن العصر؟؟؟ فيصل:من زماااااان.. عبير:استغفر الله شلون غفيت عنها...راحت للغرفه وهو وراها.. دخلت دورة المياه تتوضى وهو اخذ جواله وطلع بالبلكونه يكلم.. جلس على الكرسي الخشبي..وضغط زر الاتصال على الرقم اللي حدده.. كان يكشف على مريض يوم رن تلفون المكتب.. استأذن من المريض ورد زياد:الو نعم نعّم صوته قد مايقدر.. فيصل:اها دكتور زياد ال--- ماني مسدقه عيوني الحلوه زياد:لا صدقي يافصيله هنا فيصل ماقدر يمسك ضحكته ههههههههههههههه هههههههههههههههههههه زياد:بصوت واطي ضحك العدو بليا سنون الشرهه مو عليك علي انا اللي معطيك وجه صايم صايم وتدق علي وان مشغول فيصل:مسح دموعه..شسوي فيك يالبثره غاثن حتى بشهر العسل زياد:اوو صرنا نتكلم عن شهر العسل من قدنا...اسمع بعد ربع ساعه دق علي فاااااااااهم ولا ترى والله لايصيرلك شيء ماشفته.. فيصل:خلاص ان شاء الله..مع السلامه التفت على ورى يبي يشوف اذا خلّصت عبير من صلاتها ..لقاها جالسه على سجادتها وشكلها مخلصه بس تحرك شفايفها..(تتحصن) ناداها فيصل:عبيير خلصتي؟؟ عبير:اشرتله بدون ماترد ..شوي.. فصخت جلالها وسفطته مع سجادتها وحطتهم على السرير..عدلت شعرها وراحت له.. عبير:هلا فيصل شبغيت فيصل:التفت عليها ..يلا البسي بنتغدى على البيتش احسن..ولا شرايك عبير:رايي من رايك.. قبل المغرب بشوي.. رمت الجوال بقهر..لازم اسوي اللي يبيه..مستحيييل..اصلا خلاص مو محتاجه هالسقاير.. طلعت من غرفتها..مشتهيه حلا.. عاليه شفيها من امس ماطلعت..دقت الباب عليها ولاردت.. غيوض:غريبه..تركتها ونزلت كانت ضامه الحاف وشادته عليها كل ماتتذكر الموقف تزييد رجفتها .. عاليه:يااارب رحمتك ياااارب لاتسخط علينا.. اخوي صالح يطلع كذا..هالطفل يطلع كذا.. ومع مين مع اسامه(اخوها اللي اصغر من صالح)..مستحيل ليش وشلون وكيف مو مصدقه وش اسوي يااارب يااارب الهمني.. من اللي علمه؟؟هو كذا انخلق..لا لا ..اقول لامه؟؟ولا لابوه.؟؟اخاف بدل مااحل المصيبه ازيدها...هالعقرب متخلف وهذيك ماعندها سالفه .. لاحول ولا قوة الا بالله يااارب غفرانك.. فجأه شهقت..شلوووووووووووووووون؟؟؟؟معقوووووووووله؟؟؟ انا شلون ماااااانتبهت!!!! السوووووواق ماغيره!!!!....صح صالح برمضان كان يقولي انه يروح غرفه كبيره ومافيها الا هالسواق...ضغطت على راسها بيدينها المرتجفه..ويجيب معه حلاو..وبعدها قال انه فيه رجال كثار..شهقــــــــــــــــت...الحقير انا ارسله معه علشان يصلي بالمسجد وهو يستغل طفوووووووولته!!!!!!!...وصااااااالح شبسوي معه؟؟؟؟؟...هالسواااااق لازم اطردده... ******************* موريشيوس نزّل الملعقه على نغمة جواله وهو يخفي ابتسامته.. فتح الخط بدون مايرد زياد:فصيل ..الووووو...فصييييل...الووووو الله ي----الخط..وسكر الخط ضحك بصوت عالي هههههههه هههههههههههه عبير:ابتسمت..وشفيك؟؟ فيصل:رجع اخذ الشوكه وغرسها بقطعة روبيانه وغمسها بالصلصه ..هذا زياد بهبل فيه.. عبير:ماعلقت وكملت اكلها.. رن الجوال مره ثانيه.. عبير:هو؟؟ فيصل:ايه بس مو راد عليه خليه شوي بعد..رهيب هالولد اذا عصب.. وباخر رنه لما حس انه زودها رد فيصل:الوو زياد:لوا لوا لوا لوا يلووووووووويك يااازفت..انت متى تعقل تحسبني ميت عليك انت وهالوجه الله يعين مرتك على ثقالة دمك .. فيصل:هههههههههههههههه...شوي شوي ..وياخي اذا مو معجبك وش تبي داق علي؟؟والله ثقيل الدم اللي يدق بشهر العسل.. زياد:هي كلها اسبوع وبترجع وباتوطى ببطنك..ومو داق لسواد عيونك..شصار على موضوعي؟؟؟ فيصل:حب يستهبل..شفط من العصير اللي قدامه..اي موضوع؟؟ زياد:فصيل شوف قدامك خمس ثواني ياتصير رجال ياتصير رجال فيصل:خلاص بصير رجال الاولى الثانيه مادري ماحبيتها.. زياد:12345678910...وبعدها اخذ نفس.. فيصل:عرف انها خلاص وصلت اتش عند زياد..خلاص خلاص..تووبه..والموضوع ماسويت فيه شيء زياد:ليه اخ فيصل؟؟؟ فيصل:طال عمرك انت ماخطبتها الا بيوم عرسي وانا وين وانت وين وبعدها سافرت يعني مامداني اقعد معها..انتظر لين ارجع.. زياد:مو منتظررر مااااقدر ابوي عطيته خبر من زمان وكل شوي ساائلني..فيصل استعجل ياخي كلمها فيصل:لا كلام صعب لازم وجه لوجه زياد:فيصل مافي وقت وبعدين دامك تبي تكلمها وجه لوجه ليه ماكلمتها قبل.. فيصل:ياخي تدري خلاص بكلم خالد يسألها وانا بكلمها بعد واردلك زياد:فيصل رد علي خلال هاليومين..مو اكثر فيصل:طيب بحاول بس انت لاتغثني.. قعد يسولف معه شوي..سكر وكمل اكله عبير:اخذت حبة بطاطس مشوي وقبل ماتاكلها سألت...وش سالفة الخطبه؟؟ وكلتها فيصل:لا بس زياد خويي خاطب ليلى كح كح كح كح .. بسرعه عطاها ماء... فيصل:سلامات سلامات عبير:صارت تسترجع انفاسها..شتقول خطب ليلى!!!!..وناااصر؟؟؟ فيصل:ناصر خلاص ماله نصيب عندنا عبير:وليه ان شاء الله؟؟؟ مو قد المقام؟؟؟ولا سكير وراعي مخدرات؟؟ فيصل:استغرب حدتها ورد بهدوء..لا..وحنا زوجناهم لبعض وماتوافقو مع بعض..فماله داعي كلامك.. عبير:لا واالله..قول لخويك مافي نصيب يدور غيرها.. فيصل:رفع حاجب..وبأمر مين ان شاء الله مافي نصيب؟؟ عبير:بأمري وبأمر اخوي وليلى ياترجع لناصر ياتقعد طول عمرها كذا..ناصر بينهبل اذا تزوجت.. فيصل:استفزته بكلامها..اخوك هو اللي ضيعها وبصرراحه اكثر هو مايستاهلها ولاهو قد ثقتنا فيه..ومحد يقدر يجبر ليلى على شيء وانا حي..سكتها وهو يكلم خالد.. كان راجع من صلاة المغرب..ويمشي للبيت..وقدامه ناصر وسليمان وابوه وعمه خالد:هلا بالمعرس كيف حالك فيصل:بخير الله يسلمك وانت اخبارك.. خالد:مافي شيء جديد..شلون عبوره فيصل:الحمدالله..انت وين خالد:راجع للبيت..بغيت شيء فيصل:ايه بكلمك بموضوع يخص ليلى.. خالد:خير.. فيصل:اسمع تعرف زياد خالد:ايه وشفيه؟؟ فيصل:يبي يناسبنا خالد:مافهمت؟؟؟ فيصل:خطب ليلى.. خالد:رفع حاجب..متــى؟؟محد قاللي؟؟ فيصل:يوم عرسي..ماكلمو ابوي هو كلمني براسه يقول اول شيء بيعرف راي البنت منعا لاحراج اهله..ابيك تسألها ومايحتاج اقولك عن زياد انت تعرفه اكثر مني.. خالد:وقف علشان اللي قدامه مايسمعون...طيب هو درى بسبب طلاقها والك.. قاطعه فيصل:بكل شيء يدري.. خالد:الله يبشرك بالخير والله اني شايل همها وزياد مافي منه غصب عليها توافق فيصل:خالد خلها تفكر براحتها وياويلك ان غصبتها ترى اعرف اسلوبك اللي مثل وجهك خالد:يعني حلو فيصل:ايه حلو..مع السلامه خالد:الله يسلمك..لحظه لحظه فيصل:هلا خالد:انا اقول لحد يدري بالموضوع..اقصد عمي وناصر.. فيصل:ليه؟؟ خالد:فيصل مانبي مشاكل.. فيصل:خلاص لاتقولهم خالد:انا موقايل بس انت لاتخلي عبير تدري فيصل:وهو يطالع بعبير اللي تهز رجولها بتوتر...لاتخاف.. خالد:يالله مع السلامه فيصل:الله يسلمك...نزل الجوال قدامه...خير شفيك؟؟ انقهرت وجاوبت بحده.. عبير:تستهبل معي انت..شلون تقول لخالد يكلمها والموضوع منتهي..؟؟ فيصل:انتي ليلى؟؟ عبير:لأ.. فيصل:اجل اسكتي ولا اسمع صوتك وان دريت ان عمي او واحد من اخوانك درى مايصيرلك طيب.. عبير:رفعت حاجب..شمخوفك؟؟ فيصل:مسك اعصابه..هو مو متعود يهاوش حريم..بس هي تستفز وبتكسر قاعدتي بالحياه..تعوذ من ابليس بصوت مسموع.. عبير:كلّم خويك قوله مافي نصيب..وباسلوب استفزازي..ولا بعلم ابوي.. بزر بزر بزر هذي الكلمات اللي رددها بداخله.. فيصل:كلمتي سمعتيها وانا مااعيد كلامي.. عبير:بتحدي ..وانا قلت كلمتي..وقدها بعد.. فيصل:مارد عليها ولا طالعها اخذ جواله وانسحب من هالمكان قبل لايرتكب فيها جريمه.. بسرعه طلّعت جوالها من الشنطه ودقت على خالد.. ************* ادخـــــل خااااالد فتح الباب وهو يبتسم.. خالد:شدراك انه انا؟؟؟مركبه كاميرا برا ليلى:كانت جالسه قدام المرايه تمشط شعرها...لا اعرفك من طقك الدفش..مادري متى تتعلم اصول الاتيكيت.. خالد:ياي ياتيكيت.. طالعته من المرايه وهي تلم شعرها بكلبس.. ليلى:ترى حرمكم المصون اهم شيء عندها الاتيكيت..لاتفضحنا عندها خالد:ماعلّق او حتى ابتسم..طالعها بنظره جامده..ابيك بموضوع.. ليلى:يلا بس ثواني .. رن جوال خالد جلس على السرير ورد خالد:هلووو مستره عبوره عبير:خالد اسمعني خالد:خاف من صوتها..عبير شفيك؟؟ عبير:مافي شيء ..اسمع لاتقول لليلى شيء خلاص ماله نصيب عندنا.. خالد:عقد حواجبه..ماله نصيب؟؟ليش؟؟ عبير:يعني ليش لانها لناصر.. خالد:ضحك باستهزاء... الله يقلع بليسك خوفتيني..وانتي شدخلك بالموضوع.. عبير:قالت بنرفزه..ناصر اخوي خالد:واخوي بعد بس هو مو كفو ليلى.. عبير:خااالد لاتزيد النار حطب انت بتسوي مشاكل والله ناصر ينهبل خالد:وينهبل بقلعته..عبير ياااااويلك مني ان شميت ريحة خبر واصله..ترى بتوطااك توطي.. عبير:خاااااالد لاتقهرني انهبلت انت شلون ليلى تتزوج؟؟؟ خالد:عبير للحين ماصار شيء..وان تزوجت الله يهنيها ويسعدها.. عبير:مع ناصر مو مع غيره خالد:والله عاد شيء راجعلها يلا تبين شيء ولا سكري.. عبير:اففففففف وسكرت بوجهه.. جلست جنبه وهي مستغربه من الكلام اللي انقال.. ليلى:خالد شفيه؟؟ خالد:ابتسم لها..مافيه الا الخير..فيصل كلمني قال جاك معرس مادري جاك شيراك.. ليلى:ههههه..حلووه..لامن جد شفيها عبير ؟؟ خالد:ليلى اتكلم جد وعم بعد..تعرفين خوي فيصل..اصلا مافي غيره زياد..عرفتيه ليلى:ايه شفيه؟؟ خالد:خاطبك من زمان وفيصل انشغل..وهو يبي ردك خلال يومين ليلى:خاطبني انـــــــــــــــــــــا!!!!!!!!!!! ***************************** الطيـــــــــاره.. كان مغمض عيونه ومنزل الكرسي .. كانت تعرف انه يحس فيها..ويحس بأي حركه تسويها.. الحين كل شيء معها..هين ياسالم صح انك باارد بس بخليك مثل ماابي دامني عاجبتك.. طالعت حوالينها مافي احد..كشفت وجهها..وقربت من وجهه تتفحصه وانفاسها تختلط مع انفاسه.. عهود:بهمس وهي تدري انه يسمعها..اخخ لو اقدر اغطي وجهه ومااخلي احد يشوفه غيري..انا لو متزوجه واحد شين اصرفلي.. الظاهر بقعد طول عمري على اعصابي..مسكت يده وبدت تلعب باصباعه... ماتحرك.. مافتح عينه وطالعني.. مازاد تنفسه.. ماشفت حتى شبح ابتسامه.. معقوله نااااايم؟؟؟ ماحست الا لما سحب ايده منها وقال ببرود وعيون جامده سالم:بروح احرك رجليني..وتركها عهود:حمر وجهها من القهر..وصرخت بداخلها..الهمني الصبررررررر يااارب... *********************** طالع فيه الشيخ..وقال لمؤيد.. الشيخ:الوالد؟؟ مؤيد:ايه الوالد.. الشيخ:من خلال خبرتي..اللي فيه عين.. مؤيد:يعني فيه امل.. الشيخ:علاجه صعب..لاتنسى ان العين من زمان والمرض اللي جاه خطير حسب قولك..يعني الاعمار بيد الله.. مؤيد:ونعم بالله.. الشيخ:ولاتقنطو من رحمة الله ياولدي..انا مابي فلوس على علاجه..انا ابيه لوجه الله..وابي اتفرغ له..بس هو مايروح للمستشفى؟؟ مؤيد:ماله علاج الا الكيماوي والكيماوي حل مؤقت للي مثل حالته..وهو رافض انه يتعذب الشيخ:الله اذا حب مؤمن ابتلاه..هدي بالك ياولدي وثق بالله تعالى..شوف انا بجيكم من بعد صلاة العشاء.. وابي اعطيكم ماء مقري فيه وزيت وسدر وعسل وحبة سوداء وابيكم ياولدي تتصدقون للمحتاااجين انتم تأكدو من حاجتهم بنفسكم داوو مرضاكم بالصدقه..وابي اي معصيه بهالبيت تنشال..والدعاء ياولدي فماخاب من دعا الله..وان شاء الله ان شاء الله انه بيطيب.. مؤيد:حب راس الشيخ..الله يسمع منك... دخل على امه بعد ماراح الشيخ وهو ساند عمه اللي تعب من القرايه.. ام مؤيد:شقال؟؟ مؤيد:خليني ادخله للغرفه بعدين اقولك...فتحت له باب الغرفه ونزله على السرير وغطاه..وطلع مع امه.. ام مؤيد:هاشقال؟؟ مؤيد:يقول عين..واحتمال يشفى واحتمال لأ..يقول انها من زمان فيه وصارت بدماغه ام مؤيد:الله يعمي من صابه..طيب متى بيجي اخذت منه موعد مؤيد:يقول بيجي كل يوم هنا بعد صلاة العشاء..بس فيه مشكله ام مؤيد:وش فيه؟؟ مؤيد:انا احيانا تصير عندي مناوبه من بيجلس معه..وعيال اخوه كلهم بالشرقيه..وسالم مسافر ام مؤيد:سليمان ولاناصر يجي عندي مؤيد:خلاص اجل بعلمهم.. ********************* بالمطبخ.. كانت تاكل الحلويات بنهم تخلص من هذا وتبدا بهذا.. استغربت هالشيء الشغاله.. :غيود انتي فيه اكل وازد بعدين سيري دببا غيوض:كيفي مزاااااااااج...خلصت الموس اللي بيدها ومسحت على بطنها..الحمدالله..عطت نظره للشغاله وطلعت راحت للصاله ومالقت فيها احد.. غيوض:يوه امي وابوي مغبرين مره..مادري شصار على العاشق الماكر..ههههههههه ضغطت زر المصعد وانفتح وهي تغني.. لا لي ليه لالالا لي ليه بنســـــــــى حالي لما بشوفك ياحبيبي يااااقمر طالع بالعالي لالي ليه انفتح المصعد وراحت لغرفة عاليه.. طقت مره ومرتين نادتها بس محد رد.. طنشتها وراحت لغرفتها..اخذت جوالها ودقت على نوال.. بتسافرين!!!! وين؟؟ ام شيخه:بروح لمصر مع خالتك اغير جو..وتعالج حسين نوال:كشرت يوم جابت طاريه وبقلبها جعله مايطيب..وانا؟؟ ام شيخه:انتي شيبي يضرك؟؟هذا انا صارلي اسابيع غايبه عن البيت وحالك مثل ماهو نوال:صح وجودك مثل عدمك.. ام شيخه:وقحه على ابوك نوال:ماخذتها منكم الاثنين.. ام شيخه:الكلام ضايع معك..وطلعت نوال:صرخت..اكررررررررررررررررررررهك....اففففف.. رن جوالها شافت المتصل واستغربت..عدلّت صوتها وردت.. نوال:هلا غيوض غيوض:هااااااااي من زمااااااان عنك يادبا نوال:اسألي نفسك.. غيوض:او ماي قاد جت النسخه الثانيه من عاليه نواااال بليز خلاص انسي ادري انا غلطانه ارتحتي نوال:ماارتاح الا اذا جيتيني غيوض:ليش؟؟ نوال:علشان اصفقك.. غيوض:ههههههه طيب اسمعي عاليه نايمه وبصراحه انا طفشااانه شرايك نطلع نوال:نو بروبلم.. غيوض:يلا عشر دقايق وانا عندك.. *********** |
الصبــــــــــاح.. طقت الباب بهدوء بعكس الاعاصير اللي تحس فيها داخلها.. انفتح الباب وتراجعت لورى.. ابتسم وهو يشوفها..دخّل المسدس بجيبه..وعدّل بنطلونه.. خالد:القمر عندنا الصبح؟؟ماذا لديك يافتاة.. طالعت فيه..يمزح مو وقته ابد..لفّت عنه بترجع لغرفتها ومسكها بيده.. خالد:تعالي تعالي وين ليلى:خالد واللي يعافيك موفاضيه لمزحك خالد:خلاص مو مازح معك..قوليلي شعندك؟؟ ليلى:مابي شيء خالد:ليلوه جايه هنا علشان توريني جمالك الفتان..انطقي واقري يافتاة ليلى:انا موافقه.. ضرب جبهتها باصبعه خالد:وكل هالزحمه والاخلاق التجاريه علشان انا موافقه.. ليلى:لانك ترفع الضغط خالد:على البركه خلاص بقول لفيصل.. ليلى:بس ترى على ضمانتك خالد:انتي ضامنه فيصل ليلى:هزت راسها بايه خالد:اجل اضمني زياد..القرين بالقرين يهتدي.. ليلى:الله يستر..ورجعت لغرفتها.. طالع فيها الى ان اختفت .. كان بينزل بس مايدري ليه حب يشوف محمد.. مسك المقبض ونزله بس ماانفتح الباب..استغرب ؟؟من متى وهو يقفل الباب اذا جاء بينام؟؟ طق الباب ولا جاه رد.. طق مره ثانيه.. جاه صوته..ميــــــن؟؟ تعمد خالد انه مايرد.. رجع له صوته وهو يقرب..ميـــــــن؟؟ ثواني وتحرك المقبض وانفتح الباب.. محمد:خاااالد!!! وليه ماترد ياحمار؟؟؟ خالد:ياعيني على الاخلاق..تسند على الباب..وليه مقفل غرفتك؟؟خايف من شيء؟؟ محمد:والله غرفتي وبكيفي..تبي شيء؟؟الظاهر انا بعطله والدراسه توها.. خالد:مط شفايفه..طيب ..ابعده عن طريقه ودخل للغرفه..طالع فيها كل شيء فيها مايبعث على الريبه..تنفس بعمق!!!هالريحه مو غريبه عليه؟؟ التفت على محمد والشرر طالع من عيونه...شهالريحه؟؟؟؟؟؟ محمد:صار يشم معه..اي ريحه؟؟مافي ريحه.. خالد:شم زين وبتعرف شريحته؟؟ محمد:شميت زين شريحته..ريحة غرفتي حلوه بخور.. خالد:بخوور؟؟ محمد:يمكن بعد..لاني ماشم ريحه خالد:هز راسه بعدم اقتناع..يمكن..رجع على ورى وهو يقول..ومره ثانيه لاتقفل غرفتك.. طلع من الغرفه وهو يفكر..يدخن؟؟لا مستحيل.. ******************* ااااااااااااااااااااااااااااااااااااااااه كانت نازله تجهز الفطور يوم سمعت صرخته..رجعت وهي تركض.. دخلت الغرفه واتجهت للسرير..لقته ماسك راسه ويضغط عليه.. بسرعه مسكت يدينه وبدت تهديه ام مؤيد:شفيك شتحس فيه؟؟ ابوعهود:رااااسي راااسي اخ..سكت فجأه وهو عاقد حواجبه كان باين انه يتألم..صرخ عليها..اطللللللعي اطلللللللعي ام مؤيد:اطلع ليش؟؟؟ابوعهود قول اوديك للمستشفى .. ابوعهود:ماااافي شيء بس اطلعي ..وبدى يضغط على راسه بدون مايطلع صوت احترمت رغبته وطلعت.. اخذت التلفون ودقت على مؤيد.. جاها صوته بعد ثالث رنه ام مؤيد:مؤيد يمه الحق علي مؤيد:خير يمه ام مؤيد:عمك تعبااااان تعبان وبدت تبكي مؤيد:شفيه بالضبط؟؟ ام مؤيد:ودموعها تنزل..مادري راسه يعوره مؤيد:طيب الحين جاي.. ********************** الظهــــــــــر.. جلس على كنبه قبالها ببجامته وشعره حايس حط ايده تحت خده وسوى نفسه يتابع التلفزيون.. طالعت فيه بعيون مرتبكه..ودها ان الارض تنشق وتبلعها..غبيه ليه سويت كذا.. جاها صوت اخوها اللي على الخط.. سليمان:عبوره كملي..وافقت ولا لأ؟؟؟.. اخذت نفس ..احم احم عبير:الله يسلمك والله انا مشتاقه لكم اكثر وسلمى شفيها مادقت علي؟؟ استغرب من اخته..شفيها دخلت بسالفه وطلعت بسالفه.. سليمان:عبير انتي تسمعيني؟؟؟ عبير:ايه ..وبدت تشد على قبضة يدها..خلاص مااطول عليك..سلّم على ابوي سليمان:رفع حاجبه ..عبير شفيك؟؟ عبير:ولا شيء يلا مع السلامه..نزلت السماعه من اذنها وهي تحس برجفه غريبه.. التفت عليها وهو ينزل الريموت من يده على الطاوله اللي قدامه.. فيصل:بنظرات احتقار..من كنتي تكلمين؟؟ عبير:سليمان..واخذت مجله علشان تبعد عن نظراته.. فيصل:قلتيله شيء عن موضوع ليلى؟؟ عبير:ها..اقصد لا ماقلتله.. فرقع اصابعه وقام.. دخل للغرفه بعد ماسكر الباب.. رمى نفسه على السرير.. فيصل:تكذب علي..وماتنأمن على سر..خذت وحده مو قد الثقه..اذا بدايتها كذا .. غمض عيونه وهو يشوف الباب ينفتح.. حس بقربها من صوت نفسها.. عبير:احم ..فيصل..فييصل فيصل:هممم عبير:قوم نبي نتمشى انقلب للجهه الثانيه.. فيصل:روحي تمشي لحالك.. عبير:بخيبه..طيب نام.. راحت للبلكونه وجلست على الكرسي.. ***************** من جدك تتكلمين؟؟ قالتها وهي تعلق عبايتها على الشماعه.. ليلى:يعني هالامور فيها كذب.. جلست جنبها وضمتها بحب.. ميساء:شفتي يالمعقده وانتي تقولين محد يفكر يرتبط بوحده سمعتها سيئه..قلتلك الناس تنسى.. ليلى:بعّدت ميساء عنها..ومن قالك ..هو تقدملي وهو داري عن سالفتي كلها من فيصل..ويدري اني مظلومه..بس مادري ليه خطبني.. ميساء:لان الكلام اللي انقال عنك كذب.. ليلى:هو يدري بس الناس ماتدري..ليش جازف بسمعته؟؟يعني شاللي يحده ياخذني وهو يقدر ياخذ احسن مني وماتزوجت بعد وسمعتها نظيفه.؟؟ ميساء:هو مو مطلق؟؟ ليلى:الا.. ميساء:حطت اصبعها السبابه على خدها...لايكون فيه عيب ويحسب انه بيتكرم عليك لما ياخذك؟؟؟؟ ليلى:اذا فيه عيب يعني فيصل فيه عيب.. ميساء:رطبت لسانها وهي تحس اوصالها ترجف من طاريه ..خلاص لاتفكرين كل شيء يبي يبين بوقته..انتي وافقتي وانتهى الامر.. ليلى:خااااااايفه ميساء:اجل ليش وافقتي.. ليلى:رفعت نظرها لفوق وكأنها تشوف لبعيد..اقول بس ماتضحكين.. ميساء:مااضحك قولي ليلى:ابي..اصير ام.. نزلت دمعه حارقه على خدها.. انا مارح يتقدملي احد عقب اللي صار..وزياد هو اللي تقدملي..ماانكر انا خايفه من فكرة الارتباط..بس ..بس ابي ولد او بنت.. لو اللي ببطني ماطاح كان مافكرت بهالفكره ابدا ولايمكن ارتبط برجل عقب اللي صار.. ميساء:لو تفتح عمل الشيطان..استغفري وبعدين انتي ماتدرين وين الخيره فيه مو هذا كلامك لي قبل..يمكن ولدك او بنتك نطفه فاسده.. رن جوالها وردت.. ميساء:هلا يمه...متى؟؟..والله توي جلست مع ليلى بانفراد...ساعتين كلها مع خالتي....طيب طيب..الله يسلمك..سكرت من امها وطالعت بليلى اللي مطيره عيونها..خير؟؟ ليلى:لاتقولين انها تبيك ترجعين؟؟؟ ميساء:تعرفين امي لازم اتغدى عندها..يلا اشوفك على خير.. ليلى:احتمال اجيكم الليله ميساء:لا لا لا ..زهقت من مقابل وجهك ليلى:خلاص مو جايه ميساء:وهي تقلد صوتها..خلاص مو جايه..انثبري بس صايره ماتتقبل مزح الله يعين زيد عليك ليلى:زياااااااااااااد مو زيد ميساء:اللي هو.. لبست عبايتها وطرحتها وطلعت ليلى معها توصلها للباب.. كان راجع من الدوام وباين عليه انه فرحان.. دخل للبيت وهو يصارخ.. يممممممه يمممممممممه مااااااااااااااااااااااام مااااااااااااااااااااام طلعت من المطبخ على صراخه.. ام فيصل:خير خير؟؟ راح لها بسرعه وحضنها.. خالد:بااااااركيييلييي بااااااركيلي.. ام فيصل:مبروووووووك بس على ايش؟؟ خالد:نجحت بالدوووووووره وبيرسلوني بعثه على امريكا.. ام فيصل:وتحضنه اكثر..اللف الف مبرووووووك.. كانو واقفين على الدرج ومستغربين.. نزلت الدرجات بسرعه ..ومسكت كتف خالد اللي محتضنه امه.. ليلى:وش فيه خالد.؟؟ خالد:التفت عليها..وترك امه.. وقال بطريقه مسرحيه نجحت بالدوووره.. ليلى:صدددق..الف الف مبرووووووووووك وضمته.. ام فيصل انتبهت لميساء.. ام فيصل:تعالي ياميساء باركي لخالد ..مازرتينا من زمان ويوم زرتينا جتنا بركاتك.. رفع راسه وانصدم.. موجوده عندنا؟؟؟ ميساء:استحت من كلام خالتها..وهمست بصوت مو مسموع..مبروك.. ام فيصل:لانها ماسمعتها ضحكت وهي تطالع بخالد..زوجتك مستحيه منك.. رفعت عيونها واصطدمت بنظرات عيونه.. ميساءبقلبها)..زوجته ياخالتي..ياما سمعتها منك ومن فيصل..ووينه فيصل؟؟..ااااه...حست بدموعها تتجمع..نزلت الدرجات بسرعه وانسحبت من هالمكان متجاهله كل الاصوات اللي تناديها... **************** نزل الجوال على الكومندينه اللي بجنبه بعد ماكلم سليمان وفهمه الموضوع ووعده سليمان ان محد بيدري.. طلع للصاله ولا لقاها..دخل للغرفه وراح للبلكونه لقاها نايمه وباين انها مو مرتاحه بنومتها.. نادها بجفاء.. فيصل:عبير..عبير عبير:رفعت راسها وهي تتثاوب..ااااي وصارت تحرك رقبتها.. دخل وتركها.. اخذ روب الحمام وراح ياخذ شور ينشطه.. دخلت ورمت نفسها على السرير... فتحت عينها لما شمت ريحة عطره..واقف قبال المرايه ويمشط شعره.. استغربت ليه ماقومها وين بيطلع عبير:سندت نفسها على ستاند السرير..بتطلع؟؟ فيصل:ايه.. عبير:وين؟؟ فيصل:بتمشى..وانتي اذا بغيتي غدى اطلبي عبير:لحالك بتتمشى ابي معك فيصل:لا ابي اكون لحالي..نزل المشط على التسريحه وراح للكومندينه اللي جنب السرير واخذ جواله وساعته عبير:وليه تتمشى لحالك؟؟...اكيد تبي تسترق النظر الى ماحرم الله صح؟؟؟ انصدم من كلامها..ومن تفكيرها الصغير.. فيصل:قال يبي يقهرها..ياليت.. بس حنا وقتنا غلط مافي الا هالشيبان الاجانب بس العوض ولا القطيعه حتى حريمهم الكبار يفتحون النفس.. عبير:قامت بسرعه وراحت للباب وقفلته بالمفتاح..وقالت بقهر..والله ماتطلع . فيصل:قرّب منها وصارت بينه وبين الباب..هاتي المفتاح.. عبير:وعيونها تلمع..ماااافي.. صبر جميل والله المستعان.. فيصل:عبير هاتي المفتاح..بسرعه عبير:ماااافي.. فيصل:ليه مااافي؟؟ عبير:مزااج..رايح تتفرج على ماحرم الله على اللي مايستحون وتبيني افتح لك الباب تحلم... فيصل:انا حر وبكيفي اتفرج مااتفرج الذنب علي انتي شدخلك؟؟؟ عبير:انا..بلعت ريقها..انا مابيك تاخذ ذنب فيصل:باستهزاء...اوولهالدرجه حريصه علي؟؟ عبير:ايه.. فيصل:والحريص المفروض يمسك لسانه وماينشر الاسرار..عبير هاااااااتي المفتاح.. درى!!!! معقوله سمعني؟؟؟ ماحست الا لما بعدها عن الباب وطلع.. عبير:وهي تطالع بيدها..اخذ المفتاح بدون مااحس..نزلت دموعها ..زعلان مني..انا حماره ليه علمت سليمان.. ******************** بعـــــــــد مرور ثلاث ايام..ردو على زياد بالموافقه..وتحددت الزياره الرسميه بالخميس الجاي.. ************************ الســـــــــــــــــــــــــــبت.. اول يوم دراسي بعد اجازة العيــــــــــــد.. المــــــــدرسه.. قامـــــــــت الصبح تبي تلحق على اخوها..مستحيل تخليه يركب مع السواق.. جهزتله سندويتش وقدمتها له..تحس بالقرف منه وبنفس الوقت الشفقه وتأنيب الضمير.. من يوم اللي صار وهي قاعده تفكر بحل..بس شلون؟؟ماعندي اي طريقه.. ماصحت من سرحانها الا لما قال صالح:شكرا..واكل الساندويتش عاليه:العفو حبيبي...التهت بمطالعه وهو ياكل بنهم..اااه ياخوي..تاكل ولاتدري بمصيرك..حسبي الله على...ماقدرت تكمل..اناااا السبب!!!.. لا انا مو السبب..بس انا اللي ارسلته معه..حست براسها يدور من الافكار.. قطع افكارها هزه ليدها.. صالح:عاليه.. عاليه:نعم؟؟ صالح:اقولك مع السلااامه عاليه:لحظه بخلي سعيد يوصلك..مسكت كتوفه الصغار بيدينها المرتجفه وشدت عليهم ..صالح حبيبي مابيك تركب مع اي سواق بالبيت فاااهم بس تركب مع سعيد..اي واحد ماتركب ..واي اي شيء يصير ابيك تعلمني ..فاهم صالح:فاهم.. عاليه:اشرت للشغاله تاخذ شنطته وتركبها مع سعيد..وطالعت فيه..يلا مع السلامه..وزي ماتفقنا صالح:زي ماتفقناااااااا..وطلع وهو يركض... رمت زجاجة العطر بقوه على المرايه اللي تحولت لخريطه من الخطوط.. صرخت بداخلها وهي تضغط على راسها.. اهدى اهـــــــــــــــــــدى خلاااااااااااااااص يكفي يكفي.. جثت على ركبها متجاهله برودة الرخام اللي تسللت لعظامها..الصداااااع بيذبحها.. غيوض:ااااااي..اااااااي..لييييش الحييين ليييييييييش...اسبووووووع وانا مو حاسسسه بشيء..لييش الحييين... نزلت دموعها وهي تحاول تقاوم...بس هي محتاجه سجاره..مايهديها الا السجاااره.. مافي حل لاااازم اكلمه.. بسرعه راحت للجوال اللي بصعوبه قدرت تمسكه..يديها ترجف بشكل مو طبيعي..ضغطت على رقمه.. غيوض:رد ياحقيـــــــــــــــــر..رد ..رد.. دقت عليه مره ثانيه وثالثه ورابعه.. غيوض:ااااااااااي راااااااسي اااااااااه..وبدت تضرب راسها بيدها..ماهي مستحمله.. وباليد الثانيه تنتظره يرد.. جاها صوته وهو يضحك وكأنه متأكد انها محتاجته سلطان:ههههههههههه..مدموزيل غيوض متصله.. غيوض:راااااااسي رااااااااااااسي ابي سيجاره ضروري الحين بجيك..راحت تلبس عبايتها وبيدها الجوال.. سلطان:تزو تزو تزو...ياحرام راس حبي يعوره..ولو يامدموزيل غيوض احنا اهم شيء عندنا راسك.. بس شالطاااري؟؟على اساس انك مو محتاجتنا وتخلصتي من الادمان .. طلعت من الغرفه واخذت المصعد لانها مافيها حيل تمشي.. غيوض:مادري مادري شصارلي... سلطان:اممم..طيب ياقلبي تبين سيجاره جيبي نوال معك..ماتبين لاتجيبينها.. غيوض:كييف ماااقدر انا تعبانه مااقدر اجيبها مافي وقت احس راسي بينفجر سلطان:ولعنه ينفجر تبين حياك ماتبين ضفي وجهك..وسكر بوجهها صرخت اول ماانفتح المصعد.. غيوض:ااااااااااااااااااه رااااااااسي طاح الكوب من يدها وتحول لقطع صغيره على الارض.. بسرعه راحت لمصدر الصوت..بس مالقت احد.. مين اللي صرخ؟؟؟ طلعت الدرج بخفه واول ماخطر ببالها غيوض.. لقت بابها مفتوح..دخلت ونادت عليها.. عاليه:غيوض وينك غيوووووض.... دخلت غرفة الملابس..ولا لقتها ..رجعت للغرفه وانتبهت للمرايه .. شصااااااااااااير؟؟؟ طلعت بسرعه تدووورها.. صرخت بصوت عالي لما حست بشيء يجثو عليها.. نوال:يممممممممممممممممممممممممممممممممه غيوض:نوال بسرعه بسرعه قومي نوال:وهي تحط يدها على صدرها وتسمي...غيوض شفيك فجعتيني شصاير ..طالعت بساعتها..وصرخت..عاليه فيها شيء؟؟؟ ماتركت لها مجال وسحبتها من ايدها غيوض:بسررررررعه مااافي وقت بمووووووت بموووووت يلا يلا نوال:حررت يدينها منها بصعوبه..شفيك غيوض ليش تبكين قول ي شصاير؟؟؟؟ غيوض:اقووووولك بس بسررررررررررعه بسرررررررعه البسي عباتك نوال محتاااجتك محتاااااااجتك..وصارت تبكي بشكل هستيري.. نوال:خلاص خلاص بروح معك ..سحبت عبايتها حتى من غير ماتغير بجامتها او تغسل وجهها على الاقل.. نادى على الخادم يلم اغراض السهره وينظف المكان ويرتب غرفته لضيفته العزيزه.. *********************** نزّل نظارته الطبيه الكبيره اللي مغطيه نص وجهه وسكر الملف اللي بيده.. التفت عليه مستغرب.. ابوفيصل:رحله للكويت!!!...ليه شالمناسبه؟؟ حك رقبته باصبعه ومسح خشمه وحاول يثبت صوته محمد:احم..عندنا درس بالجغرافيا عن الكويت..احم ومدرستنا بالتعاون طبعا مع وزارة التعليم قررو ياخذونا رحله هناك.. رجع لبس نظارته وهز راسه وهو يقول ابوفيصل:على كذا بيودونكم كل دول الخليج..مومعقوله تدرسون بالجغرافيا بس الكويت.. لا يبه مو وقت ذكائك الحين.. محمد:لا هم سوو قرعه وطلعت الكويت.. وقفت السياره ابوفيصل:رفع راسه وطالع بأسوار المدرسه..يلا انزل.. محمد:والرحله؟؟ ابوفيصل:روح..مع انها مالها داعي لانك بالنهايه مارح تدخل للجامعه..بس يلا تغيير جو لك.. محمد:قرب من ابوه وحب راسه..مشكوووووور يااحلى ابو بهالدنيا...نزل من السياره وهو مبسوط.. *************************** دخلت معها القصر وهي مستغربه.. من بيته هذا..بس مشت معها حالة غيوض غرريبه.. بسرعه طالعت بالصاله اللي اول شيء دخلت عليه.. كل شيء فيه كلاسيك..مافي اثاث كثير.. غيوض:وينه وينه..سلطاااااااااااان سلطااااااااااااااااااااان فتحت فمها وعيونها على وسعها.. نوال:سلطان!!!..التفتت على غيوض...بيت سلطان؟؟؟ غيوض:ضغطت على راسها كثر وهي تصررخ....سلطاااااااااااااااااااااااااااااان ياعيـــــــــــــون سلطان بلعت ريقها وهي تحس بأنفاسه الحاره تلفح علباها(الرقبه من الخلف) التفتت على ورى صرخت برعب لما شافت قربه نوال:هيييييييييييييييييييء وتراجعت خطوتين لورى.. غيوض:مسكت ايده..يلا وين السيجاااااااره اخللللص سلطان:مسح شفايفه بيده..دامك نفذتي طلبي وجبتي الحلوه..تستاهلين..روحي للمكتبي وبتلقينه عليه غيوض:وينه مكتبك ؟؟ سلطان:مكتبي تلقينه على اليسار اول ماتطلعين فوق.. ركضت وهي تحاول تحفظ كلامه كانت تبي تلحقها للحين مو مستوعبه.. مسك ايدها بقوه سلطان:على وين..ماضيفناك نوال:وخخخرررر اترك ايدي.. سلطان:سحبها بقوه ورماها على الكنبه بعنف.. وبسرعه ثبتها بيدها وقرب من وجهها لدرجة الانفاس اختلطت سلطان:نوال قلبي ليه تبكين..اهدي.. نوال:تحس ان كل شيء فيها انشل حتى الكلام مو قادره تتكلم ..الشيء الوحيد اللي يتحرك فيها هو دموعها.. مسح دموعها باصبعه.. وضحك فجأه.. سلطان:تسوين نفسك قويه وتطولين لسانك علي وتهدديني ابعد عن صديقتك..رفع حاجب..شسمها نوال صديقتك؟؟ذكريني..انا اقول.. صديقتك غيوض.. مد بوزه وهو عاقد حواجبه..غريبه هي اللي جابتك لي بنفسها..ماتستاهل التضحيه صح....حبي تكلمي ابي اسمع صوتك..من زمااان عنه..ماكنت اسمع الا الو ورد ياحيوان وياقليل الادب..فتح فمه على وسعه وهو يضحك على نظراتها له.. هههههههههههههه...ايه ياحلوه انا اللي ادق عليك..ورقمك بعد اخذته من خويتك غيوض..ههههههههه زادت دموعها وحاولت تصرخ لما شافته يشيلها.. بدت تحرك راسها يمين يسار واخيــــــرا استجابت يدينها وبدت تضرب وجهه وتحاول تدفه صارت تجرح وجهه بأظافرها وهو يضحك اكثر واكثر.. راح لجهة المصعد وضغط عليه بصعوبه لانها قاعده تضربه.. ******************************* ((سبحانك اللهم وبحمدك أشهد ان لا اله الا انت استغفرك واتوب اليك)) |
(الجــــــزء الحادي والعشرون) ((2)) (سقـــــــــــوط الأقنــــــــــعه) عــــــــــــــــــزيزي القــــــــــارئ..المدينه الفاضله ليس لها وجود.. لاتريد ان تصدّق سوى.. ان مجتمعك مثالي ومحافظ ولايخطئ.. فلا تقرأ اذا سطوري القادمه.. بدت تحرك راسها يمين يسار واخيــــــرا استجابت يدينها وبدت تضرب وجهه وتحاول تدفه صارت تجرح وجهه بأظافرها وهو يضحك اكثر واكثر.. راح لجهة المصعد وضغط عليه بصعوبه لانها قاعده تضربه.. صرخ بصوت عالي مع انفتاح المصعد وطاحت من يده سلطان:اااااااااااي وبدى يتحسس اذنه..حرك اصبعه بأطراف اذنه وهو يتأوه من الالم..حس بشيء مو بمكانه الطبيعي.. صرخ فيها..وش سويتي يامجنونه..(عضت اذنه وقطعت جزء منها) نوال:رجلينها مو قادره تحركها..وبدت تدف نفسها بيدينها تحاول تبعد عنه.. جن جنونه اكثر.. سلطان:انا اورييك ياحيووووواااانه .. اقترب منها وصار يحاول يشيلها.. بدت تصرخ وتضرب بهستيريه .. وهو يحاول يبعد يدينها او يمسك فيها..بس هي فقدت الصيطره على نفسها .. حس بيدين ثقيله تحاوط رقبته..ويزيد الضغط عليها.. رفع يدينه يبعد اليدين اللي ماسكته..بس ماقدر ..اليد قويه وتزيد الضغط.. بدى يحس بالاختناق.. صار يضرب برجلينه ويحاول يصرخ..بس مافي امل..اليدين تزيد وتزيد من الضغط شوي شوي صار يشوف الظلام.. وطاح على الارض. ****************************** اخذت قطعة من البان وبدت تمضغها.. ردت باقتناع.. شموخ:اوكي حبي..الليله.. هيفاء:الله يصبرني لليل..سي يو شموخ:بايو قلبي.. نزلت الجوال على التسريحه وراحت تعدل مكياجها للجامعه.. بعد مرور ساعه.. طلعت بعبايتها المزركشه وعطرها الفايح وصوت طقطقة علكها نزلت الدرجه بدرجتين.. وعند اخر درجه شافت ابوها على السفره يفطر.. عدلت من شكلها..وقالت بصوت عالي شموخ:صبااااااح الخير فاااااذر.. ابوفراس:ابتسم لبنته..صبااااح النور.. حبته على راسه ومع خدوده.. ابوفراس:اجلسي افطري شموخ:لامااقدر تأخرت..بس علشانك باخذ هذي..(تقصد حبة زيتونه) ابوفراس:هذا موفطور شموخ:افطر بالجامعه لاتخاف علي قلبو..وطلعت بسرعه ******************** شافته بعيون تايهه..تطالع فيه وتطالع بالجثه المرميه على الارض.. حست بحراره تسري بانحاء جسمها وغشاوه تمنعها من الرؤيا.. راسها بدى يدور ماقاومت ولاتبي تقاوم.. طاح راسها على الارض بقوه صرخ نوااااااااااااااااااااااااااااااااااال *********************** في الجامعه حطت شنطتها على كتفها وابتسامه كبيره على وجهها اقتربت منها وضمتها وهي تسلم عليها.. تهاني:من العاااااااااايدين ليلى:من الفايزين ان شاءالله...بعدت عنها وهي عاقده حواجبها..ماولدتي للحين تهاني:لا ماله نيه يطلع.. ليلى:خليه يتهنى وشيلقى بهالدنيا يعني.. تهاني:اووه الناس بعد العيد يفرحون وانتي كئيبه..فيه شيء صاير.. ليلى:لا ماصار شيء..خلينا نروح للكافتريا نشتري مويه قبل المحاضره.. ******************************* تحس باحد يخنقها تبي تصرخ بس مو قادره تحاول تحرك اطرافها بس حاسه انها انشلت.. بدت تقرى بنفسها سورة الكرسي والفاتحه والمعوذات وشوي شوي راح عنها هالشيء.. قامت بسرعه من السرير وهي تسمي ووتعوذ من الشيطان.. عهود:بسم الله بسم الله..ايش هذا..بغيت اموت.. التفتت على جهة سالم ومالقته نايم.. طلعت للصاله ولقته متمدد على الكنبه وبصدره القران وشكله نايم بدون مايحس.. قربت منه وهزته بشويش.. سالم ..سالم سالم:هممم عهود:قوم نام على السرير.. فتح عيونه وضيقهم بسبة الاناره اللي تسلطت على عيونه.. سالم:ماحسيت بنفسي..عدل جلسته ونزل القران على الطاوله ومسح وجهه بيدينه..رفع راسه لها..ليش قمتي؟؟ عهود:مادري حسيت بشيء ضيق على صدري وقمت.. قام من الكنبه الطويله وعطاها ظهره رايح للغرفه سالم:لاتنسين تقرين الاذكار قبل لاتنامين.. عهود:كنت تعبانه ومامداني .. جلست على نفس الكنبه ومددت رجلينها..ورجعت لنومها.. ****************** بعد مرور ثلاث ساعات.. مسح العرق اللي كسى جبينها وغطاها زين.. طلع من غرفتها بعد ماتطمن عليها.. جلس على كرسي من المخمل باطراف من الحديد المشغول بدقه وذوق.. ضغط على راسه باصابعه وبدى يمسده يحاول يهدي الشحنات اللي براسه.. بنت عمه كانت بتروح بغمضة عين لولا ستر الله..شالسواة الحين؟؟ ضرب راسه بيده..يحاول يشغله بحل...هو الحين بمصيبه..هو مو متحسف على ذبحه بالعكس لوبيده سوى اكثر..بس القانون مايرحم.. قطع سكونه وتفكيره صوت اخوه اللي يلهث من التعب فراس:شصار يازياد؟؟؟طمني تراك اقلقتني بغيت اسوي حادث قول انطق رفع راسه وطالع بأخوه وهو يفكر بالطريقه اللي يصيغ فيها كلامه..بس اللي صار ضيع الحروف وبعثر الكلمات.. ماتحمل برود اخوه وهزه مع كتوفه وكأنه يصحيه من الدوامه فراس:زياد قول انطق ترى والله مو ناقصك..واستطرد كلامه وهو رافع حاجبه..عمي صار فيه شيء؟؟؟ ابتسم باستهزاء وضيق عيونه وكأنه حاقد على عمه.. زياد:الله والعم..ليته يموت وجوده مثل عدمه.. عقد حواجبه وهو مستغرب من كلام اخوه قال بنفاذ صبر وقلة حيله فراس:زياد شصاير؟؟ مسد جبينه بايده ثواني وبعدها شبك يدينه ببعض.. زياد:نوال كانت...كانت ...رفع راسه فجأه وقال بدون مقدمات..انا ذبحت واحد.. ماستوعب الكلام اللي قاله وتوقع انه يمزح معاه..قال بلهجه عصبيه فراس:وجايبني من الشركه وتارك اجتماع مهم علشان ..وقلّد صوته..ذبحت واحد.. طلعت عيونه فجأه وهو يستوعب الكلام اللي انقال..فسّر كل شيء بعقله ..وجود اخوه ببيت عمه ..حالته وارتباكه وتعصيبه.. استطرد كلامه وهو يرجع شماغه على ورى..انت شتقول؟؟ ادرك ان اخوه مو مستوعب زياد:اقول ذبحت قتلت موّت واحد نذل وحقير وواطي ولاني متحسسسف.. تاه من كلام اخوه حس نفسه غبي وعقله مو راضي يفهم..تقدم وجلس جنب اخوه مايفصلهم الا طاوله زجاجيه واطرافها من الحديد المشغول بنفس نقش الكرسي اللي جالس عليه.. فراس:فهمني شتقول .. مسح وجهه بيدينه..وفرقع اصابعه مره وحده.. زياد:كالعاده كنت بطلع للمستشفى..حبيت اطلع للبلكونه اشم شوية هوى قبل لااروح....وانا طالع وانت تدري ان غرفتي تكشف بيت عمي كله قال يبي اخوه ينهي حديثه فراس:ادري ادري.. بلع ريقه وعقد حواجبه زياد:شفت وحده تركض اتوقع انها بنت الجيران..بنت ابو صالح..وكأنها تبكي....خفت يكون صاير فيهم شيء ونزلت بسرعه ابي اعرف السالفه..اول مادخلت حوش بيت عمي شفت البنت ساحبه نوال سحب ونوال تهديها وتحاول تلبس عبايتها.. لحقتهم وشكلهم مانتبهو لي..شفتهم يركبون سيارة السواق..ركضت بسرعه لسيارتي اللي حمدت ربي اني قلت للسواق يجهزها ويفتح البوابه..على اساس اني بطلع للدوام... فراس:ايه بعدين؟؟؟ مرر اصابعه على شعره..وكمل زياد:قدرت اني الحقهم لان الاشاره اللي بالشارع الرئيسي حمراء وزحمه.. بعدها دخلنا بحي ال---- ضيعتهم شوي بس بعدين قدرت اوصلهم..استغربت لما شفتهم يدخلون ببيت سلطان الفرحان.. بانت المفاجأه على محياه ورطب شفايفه وهو يحاول يكذب اللي يسمعه من اخوه فراس:سلطان ماغيره.. قال بعصبيه ممزوجه باحتقار زياد:ماغيره..انتظرتهم برى خمس دقايق حتى اضمن انهم يدخلون للفيلا..كان الفضول بيذبحني..انت تدري ان فرحان مات الله يرحمه والبيت مايسكنه الا الحقير سلطان..كنت بعرف شاللي يودي البنات عنده..دخلت والبواب مامانع خصوصا اني عارف اسم صاحب الفيلا..شكله متعود على الاشكال الغريبه..فتحت الباب بهدوء..ماحس علي احد..وانصدمت لما شفت هالحقير يتوعد ويهدد بنوال.. قطع كلام اخوه ودمه فاير وقال بلهجة وعيد فراس:بنت ال--- ال---- انا اوريها ان ماااذبحتها تبي توطي روسنا ..وقام وهو ينزل العقال من راسه تدراك اخوه بسرعه وقبض على يده وشدها له وجلّسه غصب عنه.. زياد:ماكملت كلامي فراس:وش باقي بعد هو فيه باقي سودت وجوهنا الله يسود وجهها حرام تعيش ماني فراس ان خليتها تلحق على الليل شد على يد اخوه اكثر وصرخ فيه يمنعه من التهور زياد:هي مالها ذنب انلعب عليها..هو كان يضايقها والظاهر انه هزئته وسمعته يقول انه كان يدق عليها بس ماعطته وجه واتفق مع بنت الجيران اللي ماادري اش علاقته فيه تلعب على نوال وتجيبها له ...بس ايش قالت لها مااااااادري وهذا اللي مجنني... مسح وجهه بيده وفجأه نزلها بسرعه وقال بخوف فراس:وانت شسويت؟؟؟؟؟؟؟؟؟ قال بلهجه تطمن اخوه زياد:لاتخاف ذبحته.. فراس:كفوو كفوو ...استطرد كلامه بلهجه جاده..لايكون سوالها شيء؟؟؟ زياد:لا مالحق عليها... بلع ريقه بصعوبه.. فراس:احد شافك وانت تذبحه؟؟؟ زياد:اللي توه يحس بخطورة الموقف...البواب اكيد.. وماادري يمكن الخدم اللي بالبيت..مسد جبهته يبي يريح اعصابه.. فكر بحل..انا تعبان وابي انام...قام من كرسيه... دخل على غرفة جنب غرفة نوال وقال قبل لايسكر الباب زياد:انتبه لنوال..انا عطيتها مهدئ وطمنها مو تهاوشها..ولاتعلم احد ابوي مابيه يدري عن شيء حتى امي وشموخ.. وسكر الباب بقوه.. نزل الشماغ والطاقيه من على راسه وجمعهم مع العقال ورماهم بالكرسي اللي كان جالس فيه زياد..حط راسه بين يدينه يحاول يلقى حل لهالمصيبه..برأيه اخوه ماسوى شيء غلط..بس القانون مايرحم هذي قتل نفس.. لمعت براسه فكره..اخوه عبدالمجيد دارس قانون صحيح مو متخصص بهالامور لانها متخصص بالقانون التجاري بس اكيد عنده خبره.. ***************************** دورت بكل انحاء جناحه .. هو مايكلمها المتخلف نايم على الارض ولا يتحرك.. فتحت الادراج كلها...لقت اشرطه كثيره ولقت صندوق .. قتحت الصندوق ولقت مبتغاها.... غيوض:هههههه لقيتكم.. حطت سبابتها على خدها وهي تفكر بايش ممكن يشوف خالها العظيم.. مدت ايدها على الاشرطه واخذتهم بايد واليد الثانيه فيها العلبه.. نزلت للدور الارضي ومرت من جهة المصعد ولقته نفس ماهو عليه.. تعدته وطلعت برى البيت.. ********************************* طالعت بساعتها فندي يوه بقى عشر دقايق على المحاضره.. دخلت دورة المياه تضبط شعرها ماكانت منتبهه لنظراتهم المتفحصه لها وهي جالسه على الكراسي...دخلو وراها دورة المياه.. وحده على جنبها اليمين والثانيه على اليسار.. هي متعوده ماتطالع بأحد..كملت ترتيب شعرها ولاانتبهت لهم الا لما سمعتهم يقولون هيفاء(حمد):مايحتاج حلووووه وغمزت لصديقتها مها(جابر):قمر مو بس حلووه..وتجرأت ومدت ايدها ترجع خصله متحرره ورى اذن ليلى مسكت ايدها بكل قوه تمنعها وكل نظرات الاحتقار توجهها لها صرخت فيها وهي تشد على كل كلمه تقولها ليلى:انتي وحده حقيييره وشااااذه انا مااتعامل مع وحده ماينعرف لها هي بنت او ولد مضيعه طريقها..انتي مرفووووضه عند الاولاد وعندالبنات..روووووحي دوريلك وحده على شااااكلتك يازززفت ورمت ايدها بالهوى حمد:لااا ترى حنا مينلعب معنا احترمي نفسك والله لو ماجابر يبيك كان وريتك الشغل جابر:حمد رجاء خلها تسوي اللي تبيه خلها تتغلى ..الحلو يحقله..وغمزتلها بطريقه مقرفه.. ليلى:انا اسمع صوت بس مو شايفه احد...ورجعت تطالع بالمرايه وتكمل تسريح شعرها.. حست بيد تحاوط خصرها..حست بأوصالها تهتز..ماتوقعت هالحركه..واكتملت بقبله ساخنه ومايعه على وجهها... الصدمه الجمتها اول الوقت..بس كل شيء له حد.. دفتها بكل قوتها ولزقتها بالجدار اللي من السيراميك الابيض ..ومدت ايدها وصفعتها مع وجهها.. ليلى:حيواااانه وحشررررررره زيك تلمسننننننيييي...ليييييييه اش قاااااالولك عني ..حثااااله مااخااااااااااااف الله ياحقيره.. انا وحده يهتز عرش الرحمن غضب عليها تلمسسسسسسسسني لييييييييييييييييه اش قالللووووولك انطقي ياوصخه..تفي عليك وعلى من دخلك للجامعه ...انقللللللللللللللللعي من وجهي لااوريك شيء مااااشفتيه الظااااااااهر ماعرفتيني زين ياحثالة عايلتكم يامنبوذه ياشاذه فااااااااااااارقي روحي عالجي نفسك ولاتزوجي احسنلك من هالطريق قرف يقرفك ياااا ياااا.......تفي علييييييييييك...... طلعت برى دورة المياه وهي تشوف البنات اللي مجتمعين حولها..ابعدتهم من طريقها وراحت لكرسي منفرد فيها شنطتها للكلاس وهي تتوعد بنفسها وتسب وتلعن..انا تلمسني وصخه والله والله لاوريها..اخخخ يالقهررر.. كانت الدكتوره واقفه عندالباب لما سمعت الصوت العالي والهوشه... شافت ليلى وباين انها تاكل بنفسها.. الدكتوره:ليلى خير شصاير؟؟؟؟ ليلى:من القهر ماقدرت تتكلم...همست ممكن اطلع .. الدكتوره:قدرت حالتها...ممكن خلاص بسجلك حضور بس بينا كلام اكيد.. رجعت على ورى خطوتين وهي وتشكر الدكتوره بنفسها..بس سرعان ماغيرت رايها وهي تقول بصوت عالي ليلى:ماادخل المحاضره علشانهم واخرب يومي علشانهم معصصصصي والله....ودخلت للكلاس وباين على وجهها التعصيب.. الدكتوره ماقدرت تمنع ضحكتها بس سرعان ماكتمتها ودخلت للكلاس تعطي المحاضره.. بدت الدكتوره تنادي الاسماء تاخذ حظور.. لبنى ال---- سمرال---- تهاني ال---- استوعبت ان صديقتها مو معها وشهقت.. ليلى:استاذه تهاني كانت معي بدورة المياه...حطت ايدها على فمها لايكوووون...وطلعت بسرعه بدون ماتاخذ اذن الدكتوره.. دخلت دورة المياه تدورها.. تهاني تهاااااااني فتحت الباب بهدوء وطلع راسها بس.. تهاني:ويدها على قلبها...رااااحو اشوا ليلى:شفي وجهك اصفر تهاني:بلاه من الخووووف حسبي الله عليهم.....هههههههههههه ليلى:هههههههه خفتي منهم الله يقرفهم.. تهاني:بس عجبتيني بنات اللذين شسووولك تصدقين عجزت لااطلع وادعي انك تسامحيني تدرين اني حامل وخفت يسوون شيء لي ليلى:تخافين من حشرااات هذولا هم المفروض يخافوون...امشي امشي فضحتيني عند الدكتوره قلت صار فيها شيء تهاني:لا عدت على خير..فتحت المويه وغسلت يدينها..ليلى تراهم متوعدينك..تهقين شيبي يسووون ليلى:خلهم يسوون علشان ماارحمهم ...سكري على موضوع هالحشررات . تهاني:طيب..تامرين ياقويه انتي ينخاف منك..... ****************** قام على اصواتهم العاليه..فز من نومه بسرعه وهو يتذكر الاحداث اللي صارت.. فتح الباب بقوه اللي ضرب بالجدار واحدث صوت ارعبهم.. كان فراس يبعد عبدالمجيد من غرفة نوال ويحاول يهديه.. زياد:خير شفيه؟؟ نزل ايد فراس عنه وتوجه لاخوه وقال بلهجة غضب.. عبدالمجيد:شبعت نووووم ياعنتر زمممانك......تاركها نايمه ومرتاحه..عاجبك اللي سووووته هذا بدل ماتذبحها وتنتفها ترووح تنااااااااااااام كفو كفو ياولد ابوي يا ماكمل كلامه لان صفعه قويه الجمته.. صر على سنونه وهو يصرخ في فراس زياد:هالبزززززززر ليه تعلمه نااااااااقص فضايح انااااااااا اسرع خطاه نحوهم يمنع مشاجرتهم فراس:خلاص انت وياااااااااااه ماني ناقصكم ..بداااااااااال هواشكم دورو حل الله يقلعكم نفض ايده من اخوه وكأنه شيء قذر.. زياد:اذن العصر والا للحين؟؟؟؟؟؟ عبدالمجيد:اذن العشاء ياعنتر زمانك وانت نايم.. تمالك نفسه من لهجة اخوه الساخره.. ودخل للغرفه يتوضى ويصلي الصلوات اللي فاتته ويستغفر ربه.. دف اخوه بعيد وهو يهدده فراس:عبدالمجيد ياتعطينا حل ياضف وجهك وانقلع خلاص مانبي منك شيء انا الغلطان اللي قلتلك.. سكر ازرار ثوبه واخذ شماغه بيده ونزل الدرج بسرعه... دقايق ورجع ..نفخ هوى من فمه بقوه وزفر عبد المجيد:هو متأكد انه ماات؟؟؟ فراس:ايه .. رجع فك ازارير ثوبه وحرك رقبته يمين شمال علامه على الضيق.. عبد المجيد:اذ ماحد شافه..نقدر نطلعه .. فراس:بلهفه..شلووون؟؟ عبدالمجيد:شركتهم مديونه لشركتنا...وقبل اسبوعين تقريبا تقابلت مع اخوه الكبير عبدالعزيز وعطيته مهله للسداد.. قاطع اخوه فراس:مافهمت قصدك شدخل هذا بهذا؟؟؟ عبدالمجيد:نتفق مع عبدالعزيز اننا نتنازل ونفهمه ان اخوه هواللي غلط علينا وتعرض لشرفناونخليه يتنازل عن القصاص..ونكتفي بالحق العام اللي هو السجن..هنا نتفق مع واحد فقير وعلى قد حاله انه يتحمل هالقضيه ويعترف بالجريمه..بس الاهم مايكون فيه شاهد.. فراس:الظاهر تحسبنا بفلم..هي انت وين حنا عايشين يتلبس قضيه مو له؟؟؟ عبدالمجيد:ياحبيبي نص اللي بالسجون داخلينها فزعه...المهم الحين مانبي شاااهد... ****************************** مامااااا بليييييييييييييز ام فراس:وابوك اش اقوله؟؟؟ شموخ:مدت بوزها ..تكفين شلون بيدري...والله ارجع بكره ماما ماتعرفين هيفاء انتي ماعندك ثقه فيني ام فراس:صعبه اخليك تنامين ببيت ناس غرب شموخ:ماما هي وحيده وامها وابوها مسافرين وتاركينها لحالها مااااااما خليني اسليها الله يخلليك.. ام فراس:خلاص روحي بكيفك بس بكره على الغدى لازم تكونين موجوده... طبعت على خد امه قبله بللون الكرزي اللي تلون من شفايفها وراحت ركض لغرفتها تكمل تجهيزها .. ********************** صاحي انت بعد اسبوعين مايمدي خالد:يمدي وماله داعي هالخرابيط ميلت فمها على جنب اعتراض على كلامه.. ليلى:يمه عاجبك يعني كلامه ام فيصل:مو عاجبني بس لازم يسافر ومافي وقت .. ليلى:مارح توافق خالد:ايه نسيت خلاص اللي بتنتقم منه مسافر لازم يكون موجود علشان توافق انصدمت من كلمته..تنتقم..شدراه ليلى:رطبت شفايفها..شتقول انت..انا وين وانت وين انا اتكلم عن حرمك المصون خالد:اسأليها ورديلي.. قام والدنيا ضايقه بعيونه مايشوف فيها الا السواد.. الكلام اللي دار بين فيصل وليلى للحين يدور براسه..مو مخليه يتهنى بنومه.. وصل لغرفته بس تعداها وراح لغرفة محمد..محتاج يفضفض..صحيح محمد صغير ويرفع الضغط بتصرفاته بس كلامه مثل البلسم يداوي ويعرف شفيك وش تبي توصله.. ضرب الباب بخفه وانفتح بسرعه محمد:خويييلد!!! خالد:اجل من تحسبني علشان تفتح الباب بسرعه محمد:حسبتك الشغاله تبي تناديني على العشاء.. خالد:عاد انت وهالوجه ماااقليت تشبهني الا على الشغاله.. محمد:والله تصدق فيه شبه بينك وبينها مع العلم انها املح منك... راسه مصدع ومشغول بالتفكير وماله خلق على مرادد اخوه قال بملل خالد:انت ماتعشيت؟؟العشاء حاطينه من زماااان محمد:لا بس قلت ابي ستيك مو مشتهي المرقوق الله يهدي ابوي طاح فيه طيحه قشراء.. تعدى اخوه ودخل للغرفه ورمى نفسه على سريره.. دخل ورى اخوه واستغرب محمد:ابو خشم شفيه؟؟ وجلس على طرف السرير خالد:متضااااايق محمد:خويلد يتضايق..غريبه خالد:حميدان ممكن تنطم.. سكت ثواني بعدين تجرأ.. محمد:امم..ميساء؟؟ غمض عيونه ورجع فتحهم بسرعه.. خالد:بسافر لامريكا عندي دوره هناك..واب اتزوج قبل لا اسافر محمد:طيب.. خالد:خايف انها ترفض... محمد:واذا رفضت تبي تفصخ الخطبه صح؟؟؟؟ رفع حاجبه مستغرب من ذكاء اخوه وقدرته على معرفة اللي بدواخل الناس خالد:صح.. محمد:ليش؟؟انت مو تحبها خالد:ولا زلت..بس هي ماتحبني محمد:تبيها تحبك قبل لاتتزوجك.. خالد:لا مو هذا قصدي...هي تحب..هي تحب فيصل .. محمد:اها..قول كذا..شوف لو ماتبيك ماوفقت عليك من الاساس.. تنهد وهو يسمع صدى صوت كلمات ليلى تدور بذهنه..بتاخذ خالد علشان تنتقم منك.. خالد:وافقت علي علشان تقهر فيصل..يعني يتنتقم منه فيني... مسد جبينه وهو يدور على كلام يحل فيها مشكلة اخوه ويخليه مرتاح اللي صار صار والحين لابد من حل محمد:هالكلام صحيح انا ماانكره..بس قبل زواج فيصل وعبير.. خالد:وش فرقت يعني؟؟؟ محمد:فرقت انا فيصل يحب عبير واللي كان بينه وبين ميساء مجرد تعود.. استطرد كلامه وهو يشوف اخوه بدى يهتم شوف يمكن فيصل زعل منك يوم خطبت ميساء ويمكن ميساء زعلت من فيصل يوم خطب عبير بس هذا مو علشانهم يحبون بعض..لا بس مجرد حب تملك..هم متعودين انهم لبعض..خالد اترك عنك خرابيط الحب اللي قبل الزواج..الحب الحقيقي يجي عقب الزواج..علماء النفس يقولون ان الرجل هو اللي ماينسى حبيبه الاولي بينما المرأه تنساه وتنسى ابوه لانها عاطفيه وبسرعه تتأقلم..وفيصل وهو الرجال نسى ميساء وطوايف ميساء عاد شلون ميساء..اسمعني زين علشان تبدى حياتك صح انسى كل شيء وارميه ورى ظهرك..وابدأحياتك .. ابتسم لاخوه وهو يحط يدينه تحت راسه.. خالد:يمكن كلامك صح..بس اذا رفضت تسافر بفصخ هالخطوبه.. محمد:لحووول رجعنا لطيري اللي ..ابو خشم عندك شيء ثاني.. انسدح على جنبه واتكى على يده.. خالد:ايه فيه موضوع...تعرف زياد محمد:ايه شفيه؟؟ خالد:خطب ليلى محمد:خطب ليلى!!!!!!!!!!!!!!!!!! ****************** |
تنرفزت من عناده وصرخت مقهوره عاليه:قلتلك ماتنااااام عنده سااااااااااامع..يلا روح لغرفتك صالح:ماابي اخااف عاليه:تخاف ولا لك مآرب اخرى مافهم كلمتها لصغر عمره ورد عليها ببراءه صالح:اش يعني مارب اخرى؟؟؟ حست نفسها حقيره ونذله..حست انها تعاقبه على شيء هو مايدري بمدى خطورته ويسويه وكأنه شيء عادي.. نزلت لمستواه وحطت يدها على كتفه.. عاليه:صلوحي..انت كبرت والمفروض تنام لحالك.. صالح:بس اخاف انام لحالي... عاليه:خلاص بنام معك الليله..بس بعدين بتنام لحالك... صالح:طيب.. دخلت معه للغرفه .. غطته بالحاف وخلت نور الاباجوره الخفيف شغال..سندت راسها على الجدار غمضت عيونها بتعب وقلة حيله عاليه:يااااارب رحمتك..مافي غير هالحل..ابعده عن السايق واخليه ينام لحاله يفك بلاه من اخوه.. فتحت عيونها بسرعه وهي تتخيل شكله مع اصدقاه بالمدرسه...لا مستحيل..يااااارب سترك وعفوك... رمت السيجاره بعد ماماتنفست اخر نفس ممكن تطلعه هالسيجاره.. حست بصدرها يعول ويهبط بشكل واضح ودقات قلبها تزيد.. تمددت على السرير وغفت عينها.. قامت مفزوعه وهي تصرخ..ضمت المخده لها تبي تبث الامان بنفسها.. بعمق تفكيرها افزعتها الصرخه اللي صارت تتكرر على مسامعها وماتعرف اسبابها..نزلت من السرير بهدوء وهي تدعي بسرها ان صالح مايفقدها..مشت باطراف اصابعها وهي تحس بالالم يسري لكل ظهرها.. دخلت غرفة اختها وهالها منظرها..بسرعه راحت لها وضمتها وتهدي من روعها.. عاليه:بسم الله عليك غيوض سمي بالرحمن شفيك؟؟ غيوض:تشبثت باختها وهي تنتحب..عاليه بيذبحووني لاتخليييني..وزاد نحيبها عاليه:من اللي بيذبحونك؟؟؟ غيوض:ماادري ماادري لاتتركيني لاتتركييني.. دخل عليهم بثوب البيت المخطط ووجهه مايبشر بخير..الشرر يتطاير من عيونه.. كان مايشوف غيرها..متجاهل اي شيء ثاني .. راح لها وجرها مع ايدها بكل قوه وتناسى انه سحبها من قلب خايف يبي الامان والراحه .. ابوصالح:يابنت ال--- ..مسك شعرها بكل يدينه وبدى يسحبها ويطلعها من غرفة غيوض.. تماسكت وتجاهلت الالم اللي تحس فيه واشغلت حواسها بالتفكير بغيوض وصالح..كان يسحبها من شعرها بدون رحمه... كانت تسمع طقطة شعرها وهو ينتزع من جذوره ويتعلق باصابع ابوها ..حطت يدينها على اذنها تمنع هالصوت اللي يثير الام اكثر بس حست انه زاد لانها بدت تسمع الصدى معاه .. اااااااااااااااااااااه تحررت من شفايفها المرتجفه غصبا عنها يوم رماها بقوه على طرف الكنب اللي كانت من خشب واستقرت بنص عمودها الفقري.. عضت على شفاتها بقوه لين طلع الدم وكأنها تعاقب نفسها على انتصاره.. ابوصالح:وابتسامة انتصار ارتسمت على وجهه...مابغيت اسمع صوتك.. تقدم منها ودعس على اصابع رجلها بقوه وبدى يفركها بالرخام وكأنه يبي يطحنها طحن.. كانت تصرخ بداخلها..ليه تحس بالالم للحين..ليه مايموووت الاحساس ويرحمنيييي...ليييييييييييييييه.. دعس عليها بقوه وركلها بقهر انها ماصرخت.. وتركها وهويسبها ويلعنها .. حست ان كل قواها تخور..ومستحيل تتحرك..مددت جسمها بصعوبه على الرخام وهي تحس بسكاكين تزيد بظهرها.. **************************** استـــــــــــراحه فخمه..فيها قاعه مجهزه بالكامل.. كوشه وطاولات مجهزه بأفخم مايكون.. اشهر طقاقه تحيي الحفــــــــــل.. هـــــــــــــذا مو اي زواج... هـــــــــــــــذا زواج ..حمــــــــد ال---. طالعت شكلها بالمرايه بفستانها الابيض اللي مبرز انوثتها بشكل فاضح شموخ:ها شرايك بفستاني؟؟؟ :واااااو رووعه والله طلع لهيفاء ذووق تنرفزت من كلمتها وقالت بعصبيه شموخ:حمد حمد مو هيفاء...وبعدين لو ماعنده ذوق ماختارني انا من كل البنات :اوووه لا ليلته ليله حمد...البسي التاج ويلا علشان نصور وبعدين تزفين شموخ:اوكيه.. صوت المطربه يصدح بانحاء القاعه متخللا اجسادا لاتعرف جنسها.. بنات في قمة الانوثه ..وعلى النقيض منها بنات او عفوا اجساد بشريه تصنف على انها جنس ثالث.. حمام جانا مسيان ولاسلم عليا حمام جانا مسيان ....حمام القيصريه.. رقصات واجساد تتمايل بشكل مقزز مع بعضهم.. حمام جانا مسيان..ولا سلم عليا لقيت الكل ولهاان...على فرقا خويه... 0 0 0 0 انتهت الطقاقه من اغنيتها لتبدأ بأغنيه اخرى..البعض اكمل الرقص والبعض ذهب يستريح.. قربت وجهها لدرجة شوي ويتلازقون ببعض وهمست وهي تحاول تخشن صوتها قد ماتقدر.. جابر:ماودك نعلن زواجنا.. مدت بوزها بدلع وهي تلعب بخصله من شعرها الذهبي :مو قبل ماتطلق الزفته جودوه جابر:ههههههههههه يالبى قلبي ..بس كذا..خلاص بكره ورقة طلاقها توصلها.. :امم لا مو بس كذا..ابيك تقهرها قبل وتقولها انك اخترتني وفضلتني عليها خليها تعرف قدرها.. ردت بخشونه وهي عاقده حواجبها جابر:لا مااسمحلك مو انا اللي انكر العشره..هي مهما كان زوجتي والعشره ماتهون طبعت قبله ساخنه وهمست بصوت مبحوح وتطرب له الاذن :يلوموني فيك..انا الحين متطمنه على نفسي معك..مسكت يده وشدت عليها..احبك ابتسم وهو يحس بنشوة الانتصار .. ********************** رتبت ملابس المولود القادم وحطتها بالدولاب وهي متعجبه من كلام زوجها.. سكرت الدولاب ..وجلست جنبه وهي تعض على شفتها السفليه.. سلمى:سليمان وين راح تفكيرك؟؟ لا لا ماعتقد سليمان:اجل شتسمين اللي صار؟؟...اول شيء عرضو علينا موضوع الشراكه بالمستشفى..وبعدها يطلبون النسب منا ...الله يستر شناوين عليه ؟؟ سلمى:صدقني صدفه..بعدين موضوع شراكتكم بالمستشفى شيء تافه يعني مو لدرجة انهم يطمعون.. سليمان:هم يبدون بالاشياء الصغيره على قولتهم فتافيت وبعدين اكيد بيدخلون بالمواضيع الكبيره اللي يسعون لها... سلمى:سليمان لايكون بس علشان ناصر تقول هالكلام؟؟؟ هز راسه مستنكر اللي قالته سليمان:حريييم تفكيركم صغير مطت بوزها وتظاهرت بالزعل.. سليمان:سوسو زعلتي؟؟؟ سلمى:------ سليمان:سوستي ردي علي لفت عليه وهي رافعه حاجب سلمى:انااااا سوستك؟؟؟؟؟؟؟ استوعب كلمته اللي ماقصد المعنى اللي فهمته سليمان:والله والله والله حطت اصبعها السبابه على فمه تمنعه من الكلام سلمى:مصدقتك لاتحلف..امزززح معك مسك اصبعها بيدها وضغط عليها سليمان:بكل شيء امزحي الا زعلك سامعه ترى مااستحمل... ابتسمت له ابتسامه تذوب قلبه. سلمى:سامعه.. ************************ ضمها لصدره وهو يهدي من روعها ويحاول يمتص توترها.. طالع بأخوه بحقد وقال بصوت حاول انه مايكون عالي حتى ماتفزع اللي بين يدينه زياد:عبدالمجيد انقلع من وجهي الحييييين ...ماااابي شيء منك فاارق ورجع يمسح العرق اللي ينضح فيه جبينها من التوتر والخوف.. جلس على الكنب بقوه وهو ينفخ هوى من فمه.. عبدالمجيد:ايه خربها بدلعك وطبطب عليها خلها تصيع وتضيع وهذا انت رحت بداهيه بسبايب دلعها.. فراس:عبدالمجيد وبعدين معك انت ماتفهم قلنالك ماااااالها دخل انت ماتفهم... هز راسه بعدم اقتناع.. عبدالمجيد:انا طالع ماتحمل اشوف رقعة وجهها سودة وجهي الله يقلعها..ومرني بكره الشركه نشوف شصار على مصيييبتك.. زياد:انت فارق عن وجهي الحين الله ياخذ بليسك وبعدين نتفاهم... حس فيها ترتخي بعد ماكانت شاده..ضمها اكثر وهو يرفعها يوديها للسرير.. فراس:اساعدك.. زياد:جيبلي مويه شكلها رجعت لحالتها... تضايق من اللي شافه ولام نفسه..هي مهما كان بنت عمه ومثل اخته ومتربي معها بس اللي صار قهره انسحب من غرفتها بهدوء.. ضرب خدودها بشويش وهو ينادري عليها زياد:نوال نوال تسمعيني نوال:هممم تنهد بارتياح.. فراس:وبيده المويه..شصار؟؟ زياد:لا ماصار شيء..وين الشغاله تنام عندها وانا بنام بالغرفه اللي بجنبها..وانت ترى تأخرت على بيتك فراس:يابروودك ذابحلك واحد وتنام ولا على بالك زياد:مو متحسف على موته..راح للتلفون ودق على المطبخ يجيبونله قهوه وتجي وحده من الشغالات تنام مع نوال.. سكر التلفون وهو يودع اخوه.. طلع من الغرفه وراح للغرفه اللي يبي ينام فيها وتمدد على السرير ونام قبل لايشرب قهوته.. ***************************** كانت زفتهم غير شكـــــــــل.. موسيقى صاخبه واضاءه خافته الا عليهم.. كانت ماسكه يده وهو (هي)شاد عليها .. كل الموجودين كانو واقفين والابتسامه مافارقتهم.. لابس ثوب ابيض وغتره وبشت عسلي.. كانو يمشون ويوقفون اذا طلبت المصوره انهم يوقفون.. :وااااو طالعي شموخ تجنن.. :بس باين عليها خايفه..عاد حمد حنون شتخاف منه :طبيعي مو زواجها لازم تخاف..ههههههه ****************************** اللـــــــــــه أكبر الله أكبر اللـــه أكبر الله أكبر اشهد أن لا اله الا الله اشهد ان لا اله الا الله اشهد ان محمد رسول الله اشهد ان محمد رسول الله حي على الصلاة حي على الصلاة حي على الفلاح حي على الفلاح الصــــــــلاة خيـــــــــــــر من النـــــــــــوم الصلاة خيـــــــر من النــــــــوم الله اكبر الله اكبر لا اله الا الله تقلبت على فراشها وهي تسمع صوت ابوها يقوم اخوانها للصلاة.. مدت ايدها من تحت الحاف علشان تسكر منبه الجوال اللي ازعجها .. تمتعت بالنوم ثواني معدوده لان منبه الساعه اللي حاطتها على التسريحه بدى يرن.. (طريقه حلوه علشان نقوم لصلاة الفجر..نبعد المنبه عننا واذا رن مضطرين نقوم نطفيه) فزت بسرعه من سريرها وهرولت تطفي المنبه..طفته ومدت يدينها الثنتين لفوق وهم مشبوكين.. ليلى:ااااااخ يازين النوم زيناه...طالعت بسريرها بنظرات عاشق..راجعتلك بس بعد ماصلي.. نزلت كوب المويه بعد ماخذت حبة بنادول يريح راسها.. ماقدرت تنام طول الليل تفكر بكلام ليلى وقرار خالد انه يتزوجها.. ضغطت على راسها وهي تقنع نفسها بالفكره اللي طرت على بالها ميساء:شلون درى خالد؟؟اكيد الزفت فيصل هو اللي قاله اني اخذته علشان اقهره..على باله بيلعبها صح..هين يافيصل..بذوقك المر.. رجع من المسجد وتظاهر انه يدخل غرفته علشان ابوه مايحس بشيء..سمع صوت باب جناح ابوه يتسكر.. نزل بسرعه وكأنه يسابق الريح.. فتح باب غرفتها بدون مايستأذن.. كانت حاضنه الشغاله ودموعها على خدها.. رفعت عيونها تشوف اللي واقف عند الباب ..وبدون شعور منها دفت الشغاله وركضت له وحضنته وهي تبكي نوال:ليه تركتني ليييه.. بدى يمرر ايده على ظهرها وكأنه يبعد شحنة الخوف اللي فيها.. همس بصوت حنون زياد:هذانا عندك ..وحولك..اهدي اهدي تشبثت فيه اكثر وتكلمت باللي كاتمته بقلبها من امس..الصدمة الجمتها..بس الحين استوعبت كل اللي صار لها.. نوال:شفت شسوو فيني..كانو بيودوني بداااهيه..والله يازياد مالي دخل..اصلا اصلا...وعجزت تنطق اسمه...ماشفته الا مره وحده عند عند ..وبكت بمراره ..بكت صديقتها اللي وقفت معها ..بكت صديقتها اللي ياما سهرو مع بعض ومزحو مع بعض وتسوقو مع بعض... حس فيها ورفع راسها زياد:انا ابي اعرف كل شيء..بس بعد ماترتاحين.. هزت راسها بالنفي.. نوال:لا مااابي ..انا ابي اتكلم احس فيه شيء هينا..وأشرت على حلقها...يمنعني من كل شيء.. زياد:طيب على راحتك... سحبها وجلسو على السرير ويده ورى ظهرها واليد الثانيه ماسكه يدها.. اشر للشغاله تعطيه كاس مويه وتطلع.. حرر ايده منها علشان ياخذ كوب المويه من الشغاله ..مده لها زياد:اشربي..وقربه من شفايفها اللي تهتز شربت وشربت وشربت لعل وعسى تروح الضيقه اللي حاسه فيها.. مدت ايدها وبعدت الكوب عن فمها نوال:خلاص زياد:صحه... كان يبي يقوم علشان يحط الكوب على الطاوله بس خاف منها.. زياد:اقول نوال..صليتي الفجر.. هزت راسها بلا زياد:قومي توضي وصلي ..بعدين نتكلم.. شافها ماتحركت..وكأنها مو معاه..وقف وهو ماسك ايدها وسحبها معه..نزل الكوب على الكومندينو وراح معها لدورة المياه.. وصلها للباب .. زياد:شوفي روحي توضي..وانا بجلس هينا..وأشر على كرسي جنب الحمام...لاتخافين مو تاركك دخلت تتوضى بدون نقاش... ******************* الساعه الثامنه صباحا.. دخل على جدته يصبحها بالخير كالعاده.. استغرب انها للحين نايمه.. ميل راسه ناحية اذنها علشان تسمعه ناصر:يمه يمه.. ماقامت..هزها بشويش.. ناصر:يمه..يمه.. فتحت عيونها بصعوبه وهي تحاول تمد يدها اللي مليانه تجاعيد وعروقها الخضراء باينه وكأنها محفوره حفر..مسحت وجهها وهي تتعوذ من الشيطان وتسمي بالرحمن.. ناصر:صبحتس بالخير..عسى ماتوجسين من شين؟؟ ابتسمت وزادت تجاعيد وجهها وهي تحاول تخفي اللي تحس فيه.. الجده:يصبحك بالنور والسرور..لا مابي الا العافيه... ساعدها توقف ومد لها عصاها.. ناصر:تقوين تمشين لحالتس والا اسندتس الجده:اقوى اقوى .. اتكأت على عصاها وتوجهت لدورة المياه.. رتب سريرها وشغل الراديو على اذاعة القران.. وجلس ينتظرها..سمع صوت ارتطام..هرول بسرعه وراح لدورة المياه وطق الباب ناصر:يمه بتس شيء يمه تسمعيني تحاملت على نفسها وهي تحاول تسحب العصى اللي انفلت من يدها بسبب رجفه اجتاحت اوصالها.. الجده:لا مابي شيء..بس العصى ابي اركده على الجدار وطاح.. حمد ربه بقلبه ناصر:تبيني ادخل اساعدتس.. الجده:لا لا ياولدي خلاص .. **************** متى ليه محد قاللي؟؟؟ابوك شقال؟؟ خالد:يالغاليه اجلسي يعني تبين اكمل وانتي واقفه... جلست وهي ماودها تجلس.. ام فيصل:يلا قول ترى مافيني صبر خالد:الله يسلمك..زياد عنده اخت بالجامعه مع ليلى..وعاجبتها وقالت لزياد عنها..وزياد ماحب يحرج اهله فقال لفيصل وانتي تعرفين صداقتهم يمونون على بعض..وسألت ليلى ووافقت ..زياد يمه رجال ينشرى.. ماعجبها الكلام ام فيصل:وامه ليه ماكلمتني؟؟؟ انا خابره ان الحريم اول يسألن..مو الرجال؟؟ خالد:يمه وش انا قايل قبل شوي..هو يمون واكثر من اخو..وبعدين اهله مانعرفهم ولاهم يعرفونا يعني بتصير بالغصب خطبه رسميه..وهو مستعجل فليش يطول بهالشكليات اللي مالها داعي ام فيصل:طيب..هو داري بسالفة طلاق البنت..خالد نبي نكون واضحين من البدايه انا مابي بنتي تتطلق مره ثانيه.. خالد:من هالناحيه تطمني يدري وموافق..بس الحين ابيتس تكلمين ابوي بالموضوع وكأن الحريم كلموك..هم يوم الخميس بيجون..اتفقنا.. ام فيصل:خلاص ان شاء الله..اكلمه اليوم.. خالد:ولاتنسين تكلمين خالتي عن موضوعي.. ام فيصل:لاتخاف مارح انسى ان شاء الله.. حب راس امه واستأذن يروح للدوام.. ************************ غطاها بالحاف ومسح على شعرها..كان باين عليها التعب.. طلع من الغرفه ..وراح للغرفه اللي ينام فيها..مسك جواله ودق على اخوه..لازم يعرف باللي صار.. ثلاث رنات وجاه صوته عبدالمجيد:هلا زياد.. زياد:هلا فيك..بالشركه؟؟ عبدالمجيد:لا..بالبيت زياد:ليش؟؟عسى ماشر عبدالمجيد:مانمت زين امس..كنت ادور بالكتب اشوف اذا فيه منفذ لك.. زياد:مالقيت شيء؟؟ عبدالمجيد:مافيه الا حلين..يا اننا ننستر ومايكون فيه شاهد ويتحمل القضيه واحد ثاني...يااننا ننفضح ويكون فيه شاهد ان القتيل هو اللي اعتدى علينا وبعد بتنسجن.. زياد:طيب..طلع فيه شاهد.. عبدالمجيد:مين؟؟؟ زياد:بنت اخت ال---..كانت موجوده بنفس البيت انا نسيتها مع اللي صار..وشكلها شافت كل شيء.. عبدالمجيد:بنت الجيران..بنت ابوصالح؟؟؟..فرحان ال--- مناسب ابو صالح.. زياد:ايه تقوله نوال عبد المجيد:طيب حلو..ابوصالح نقدر نخليه يضغط على بنته ويخليها تسكت..هالرجال يموت على الفلوس..نقدر ندهن سيره.. زياد:انت ادرى..بس ياعبدالمجيد انا خايف اننا ننفضح قبل لانوصل لحل..خايف احد يدري او يسمع من فهم قصد اخوه وقاطعه عبدالمجيد:لاتخاف اذا قصدك نوف هي عند اهلها..وماتدري بشيء تطمن..اصلا حنا بس بنفكر مارح نتحرك الا اذا شمينا ريحة الشرطه ضحك على تعبير اخوه.. زياد:طيب اخليك تنام..مع السلامه عبدالمجيد:الله يسلمك.. ********************* الظهـــــــــــــــر.. بعد الغداء كان البيت خالي ..فهد وريم والعيال مسافرين للشرقيه.. حطت راسها على فخذ امها.. ميساء:انا بعرف بس..شلون ابوي قادر على فراق اكلك..لذيييذ خبطت راس بنتها بخفه ام فهد:يعني بس علشان اكلي ابوك مايستحمل فراقي.. ميساء:ههههههه..لا مو بس علشان كيذا..اقول يمه شرايك نسافر له..والله اشتقت له.. ام فهد:مادري افكر بالموضوع ميساء:اي تفكير حنا ماورانا شيء..دراسه وتخرجت حتى وظيفه مالقيت وفهد ومرته بس ماسكين خط الشرقيه انا اقول لو يسكنون هناك احسنلهم.. ام فهد:ومن قالك ان ماورانا شيء..انتي اللي ورانا..خالتك دقت علي وتقول انهم يبون الزواج عقب اسبوعين.. حطت ايدها على فم بنتها تمنعها من الكلام..الولد عنده دوره وام فيصل ماتبيه يسافر بدون مره..وانتي اخرتك بتاخذينه الحين ولابعد شهرين..ماتفرق.. كانت عارفه بالموضوع ويم بغت تتكلم وتقول انها موافقه امها حطت يدها على فمها تحسبها بتعارض..ضحكت بداخلها على نية امها وتفسيرها لتصرفها.. ميساء:وانتي شرايك؟؟ ام فهد:ماعندي مانع.. ميساء:وانا موافقه.. ******************** رنة الجوال ازعجتها..ماكانت حاسه هي وين..فتحت عيونها على المكان اللي هي فيه..وتذكرت احداث الامس.. ابتسمت اكثر وهي تشوف ايد تطوق رقبتها.. بعدتها بشويش..وقامت من السرير ماتبي تزعجه(تزعجها).. مسكت الجوال وانصدمت لما شافت الساعه ثلاث الا ربع..شافت المكالمات ولقتها كلها من امها.. طلعت برى الغرفه وضغطت على زر الاتصال...ثواني وجاها صوتها ام فراس:شموخ وينك؟؟؟ شموخ:انا بالجامعه..اقصد توي طلعت من الجامعه ام فراس:طلعتي مع مين؟؟؟انتي داقه على السواق؟؟ شموخ:لا ماما..طلعت مع هيفاء..عازمتني على مطعم توه فاتح..سوري ماما كنت حاطه جوالي على الصامت ومانتبهت الا لما طلعت من المحاضره.. ام فراس:اوكيه اهم شيء تطمنت عليك..لاتتأخرين... شموخ:اوكيه..س يو مام ********************* حاولت تتحرك بس ماقدرت..دموعها مارضت تنزل تحجرت بمكانها من هول الصدمه.. معقوله انشليت..لا مستحيل..رجعت تحاول تتحرك بس ماقدرت..صرخت عى الشغاله عاليه:حركيني سوي اي شيء ابي اتحرك مسكت لشغاله رجل عاليه وحاولت ترفعها وتنزلها لكنها ثقيله.. وعاليه ابدا مو حاسه بشيء..زادت جراحها جرح ثاني ماينغفر...اخيرا نزلت دموعها.. عاليه:خلاص روحي.. طلعت الشغاله وتركت وراها بقايا انسانه.. كانت عيونها حمراء وتنفسها واضح..شافت الشغاله تطلع من غرفة اختها ..وقررت تدخل تشوفها.. غيوض:هااااي.. صرخه هزت كل البيت قبل ماتنتفض منها غيوض وتهرب عاليه:برررررررررررررررررررررررررى برررررررررررررررررررررررى ماااااااااااااااااااابي اشووووووووووووف احد برىىىىىىىىىىىىى برى برى برى.. رجعت لغرفتها وهي ترجف.. غيوض:المتخلفه روعتني شفيها علي...احسن بقلعتها..الحماره الدبا..راحت لجوالها واستغربت ان خالها ماتصل عليها.. دخلت على الاسماء واختارت اسم نوال واتصلت وهي ناسيه انها سوت لها شيء.. انفتح الخط وردت.. غيوض:هاااي ياحلوه زياد:الله لايحلي ايامك ولك وجه تتصلين..انشفتك داقه على الرقم مايصيرلك طيب..وسكر بوجهها رجعت تشوف الشاشه وتتأكد انها دقت على نوال.. غيوض:غريبه من هذا؟؟؟ *********************** 0 0 0 0 مرت الايام على زياد كئيبه كان متوتر ..بس ماسمعو خبر او حتى شمو ريحة خبر..وهذا الشيء وتره زياده.. نوال قرر زياد انها تسكن عندهم وطلب منها انها تنسى اللي صار وتتصرف طبيعيه.. خالد انصدم وبنفس الوقت فرحان من موافقة ميساء.. ابوفيصل:طار من الفرحه لما درى ان زياد هو اللي متقدم لليلى.. عاليه:محد درى عنها..ولاعن شللها الا الشغاله.. وتركت اخوانها يصارعون الحياه.. *********************** الاربعـــــــــــــــاء.. رتب شنطة سفره وهو يتحاشى نظرات خالد اللي تاكله اكل بس ماله حيله الا النظرات لان ابوه موجود وراضي بسفره.. خالد:انا بوصلك للمطار.. محمد:ماله داعي..اروح مع السايق خالد:صر على سنونه من القهر..قلت انا بوصلك واساسا ماله داعي هالسفره ابوفيصل:خالد شقلت انا خالد:السموحه منك..بس ماله داعي ولاتنسى ان بكره بيجونا ناس ولازم يكون موجود ابوفيصل:ماله داعي انت تكفي وتوفي..يلا يامحمد ترى بتتأخر على الطياره سلم على ابوه وعلى امه..وطلع مع خالد.. طول الطريق كانو ساكتين..وصلو للمطار واصر خالد انه ينزل معه.. محمد:ماله داعي انت روح خالد:لا بروح اشوف مدرسينك واسلم عليهم..انت مو تقول انك رايح مع المدرسه رحله.. بلع ريقه بصعوبه وهو يحاول يدورله مخرج.. محمد:طيب بكيفك..انا بروح للكافتريا ابي عصير..تبي شيء خالد:جبلي بيره.. راح للكافتريا وطلع جواله واتصل على رابح وطلب منه مايجي لهم..اتصل على ابوه محمد:طال عمرك هذا فشلني وغثني عند المدرسين قوله يرجع تراني مو بزر ابوفيصل:ليه شسوى بعد؟؟ محمد:يمسك مدرس مدرس ويوصيهم علي وكأني اصغر عياله ترى ان ماراح برجع وبترك هالرحله.. ابوفيصل:ا خلاص انا الحين اتصل عليه محمد:بس الله يطولي بعمرك لاتقوله اني اتصلت عليك ..قوله انه تأخر على جدتي او انك تبيه بشغل .. ابوفيصل:خلاص ... سكر من ابوه واشترى عصير وبيره وراح لاخوه.. ابتسم لما شاف اخوه يرد على جواله..وايقن ان ابوه اللي متصل ..سوى نفسه بريء.. وجلس بجنبه.. سمع كل الحديث اللي دار بينهم.. خالد:تامر طال عمرك الحين جاي..الله يسلمك... سكر الجوال ودخله بجيبه.. محمد:ابوي اللي متصل؟؟؟ خالد:ايه يبيني قبل لاروح مع جدتي للمزرعه..يلا انتبه لنفسك ودق علي اول ماتوصل...سلم على اخوه وراح محمد:افف مابغى...طلع جواله واتصل على رابح .. *************************** موريشيوس ملت من هالبرود..ملت من الجفاء..كان يكلم خالد ومعطيها ظهره..يتكلم بالالغاز مو فاهمه شيء ابدا.. جلست قدامه بثوبها الصيفي المورد بالوان زاهيه وبارده لنص الساق ومسيحه شعرها ومحررته ..مكياجها وردي وقلوس وردي لامع.. كانت تفكر بطريقه تعتذر فيها بس بدون ماتهين كرامتها..هو ماسوالها شيء ولا حتى هاوشها بس تعامله تغير مو نفس اول الايام.. انشل تفكيرها وهي تسمعه يقول فيصل:الله يوفقك انت وميساء.. ماغاب عن بالها ابد الاختلاجات اللي لاحظتها بوجهه لما نطق باسمها..تعقيدة حواجبه ..عيونه اللي على الارض.. حست بالقهر..والغبن ان فيه وحده ماخذه عقل زوجها..فيه وحده تشاركها زوجها... بسرعه قامت ماتبيه يشوف دموعها..اللي تجمعت غصب عنها.. ******************* الله ييهديني وياتس والله ماتنفع بهالوقت ماتنفع.. وساعدها تركب سيارته.. الجده:انا ضايقن صدري وابي اشوف البرتقال شصار عليه سكر باب جدته وراح يركب السياره..حرك السياره.. خالد:روحتن للمزرعه انسيه..لاتقعدين تحالفين علي تراني رجال ماسمع للحريم..فاحفظي ماء وجهتس الجده:الا ياقليل الحيا انا تحتسي هاللون معي.. خالد:ايه احتسي واحتسي عجزنا عنتس..تقل عمل مراهقه تدلعين علينا ومشيتن هالدنيا على كيفتس..لا تراني خالد والاجر على الله ماني واحدن من عيالتس تتأمرين علي.. لمح جدته تاخذ العصى ومسك بريك قوي بغى راس جدته يصقع بالقزاز الامامي.. خالد:سلامات سلامات..عسى ماتعورتي الجده:انا وش يركبني مع واحدن مطفوق وخبل رجعني رجعني للبيت الله لايبارك بالعدو خالد:امين..بس شسويلتس مادتن عصاتس تبين تفضحيني قدام خلق الله..بالبيت سوي اللي تبين بس عندالناس عييييييييييييييب عيييييييب.. وسحب العصى ورماه ورى..وكمل كلامه..بصراحه انتي ماتنومنين..الحين اقدر اسوق وانا براحه.. الجده:حسبي الله على العدو..خويلد اعقل لاوريك شينن ماشفته خالد:هو فيه شين ماشفته..الله يخليتس لي ماخليتي شيء ماوريتنن ياه..اهدي وروقي ياحلوه وخلينا نستانس بطلعتنا تراني من زمان عنتس.. تاركتس مع نصور اثريه مهملتس ولا يمشيتس..الحين بوديتس للثمامه واشبلتس هكالضو على هكاحطيبات اللي يحبهن قلبتس على هكالشاهي والقهوه وسوالفتس الحلوه ونقعد لين يفضى راستس من السواليف ثمن نرجع... شاف ابتسامة جدته والتجاعيد اللي حاوطت عيونها مع اتساع ابتسامتها خالد:ااااااااااه يااااااااااااااااالبى هالعيووون فديتهم وفديت راعيتهم ... الجده:ياملا العرس قول امين.. خالد:اميييييييين...وابشرتس عن قريب بس لاتزعلين ترى مكانتس بالقلب محفوظ انتي اول عشقن عشقته ..ومالحب الا للحبيب الاووول.. ************************ وصلو للمكان المطلوب واللي شدو الرحال اليه... شقه كبيره مكتظه بناس اشكال والوان بنات وشباب..من مختلف الجنسيات بس اغلبهم من الجنسيه الشرق اسيويه.. موسيقى الروك الصاخبه مع الكاس الملعون هي السمه الغالبه...بعضهم اشكالهم عاديه..وكأنها مألوفه له..والبعض يندرج تقريبا تحت مسمى الشاذين..اشكالهم غريبه .. الاغلب ان ماكانو الكل لابسين قلادات غريبه ..نجمه خماسيه..رعد مزدوج.. كانت كل هالاشياء يسجلها براسه..هو اساسا جاي علشان يستكشفهم... تعرفو عليه وحيو رابح بشكل حااار.. تعرفو فيها على بعض وعرفوه على جماعتهم..اللي رمزها بالحياه.. استمتع بأي طريقه كاانت.. اسدل الليل ستاره.. كان اكثر شيء يلفته انهم مو طبيعين..هم صحيح سكارى..بس ..بنت مع بنت وشاب مع شاب..وشاف واحد او اثنين بس هم اللي ماخالفو الفطره.. مد له الكاس رابح:اشرب اشرب..وعدل مزاجك محمد:لا مابي اشرب.. رابح:لحوول رجعنا للمبزره...جلس جنبه..هيه لاتفشلنا عندهم اشرب وفكنا.. اخذ الكاس وشرب شوي لانه ماستساغ طعمه..بس ماقدر مايكمله بسبب نظرات رابح المحفزه والمشجعه.. رابح:شوف اذا عاجبتك وحده روح ولايهمك احد حنا جايين نستانس... محمد:لا الله يقرفهم..عيني عينك يسوون اللي يبون..مافي غرف بهالشقه رابح:ندبرلك غرفه اذا بغيت..شرايك بهذيك البنت.. محمد:قلتلك لا مابي... دقايق وبدى مفعول المسكر مشتغل حس بكل شيء فيه مخدر.... 0 0 0 0 بعد ساعه...كان مايشوف الا الضباب قدامه..يشوف اشخاص مسوين دائره ورابح بالنص.. وشكله عريان..ماكان متأكد..كان يسمعهم يتمتمون بكلمات مو مفهومه..شافهم يجرحون رابح وهو يلعق دمه بعدين بدو يلعقون دمه.. ثواني وفقد الوعي.. 0 0 0 شهق بصوت عالي من المويه البارده اللي اندفقت عليه.. :صباااح الخيررر اخيرا قمت طالع بالمكان وهو جاهله..شاف اللي يكلمه ببدلته وتوقع انه اكيد بمركز الشرطه.. محمد:انا وين :انت بالمخفر ياحلو..اخلص علينا وش اسمك؟؟ محمد:مخفر!!!! ليش شصار.؟؟؟ ورابح وينه؟؟ :ماتدري شصار؟؟تستهبل انت...مااقول الا حسافه بس عليكم حسافه..قولنا اسمك ومتى جيت للكويت وش علاقتك بهالجماعه؟؟ومتى وشلون تعرفت عليهم محمد:انا محمد وجيت امس من السعوديه معزوم مع خويي هنا :خويك رابح؟؟ محمد:ايه..هو اللي قاللي اسافر معاه علشان اتعرف على فرقه هو مسويها مع اصدقاه :هههههههه تكلم زين وبلا اسلوب البراءه...متى تعرفت عليهم وش سويت علشان تنضم لهم؟؟ محمد:مين اللي تعرفت عليهم؟؟؟انا مادري شتبي بالضبط ووشو اللي سويته علشان انضم؟؟؟ :ماتدري وش الفرقه اللي رايح لها ومتعني من السعوديه علشان تزورها؟؟؟ محمد:الا ادري وانا قلتلك فرقه مأسسها خويي وقاللي انها بتعجبني وكلها شباب..وماسويت شيء علشان انضم لهم؟؟ :وماقالك خويك ان الفرقه اللي مسويها اسمها ..عبـــــــــدة الشيطاااان؟؟ انبلم ماعرف وش يقول بس تمتم يردد اللي قاله الضابط.. محمد:عبدة الشيطـــــــــــــــــان!!!!!!!!!!!! 0 0 0 قـــــــــــــــــراءة ممتعه اتمناها لكم.. ************************************************** **************** ((سبحـــــــــــانك اللهم وبحمــــــــــــدك أشهد ان لا اله الا انت استغفرك اللهم واتـــــــــــوب اليك)) |
الجـــــــــــزء الثاني والعشرون) (لا تـــــــــــــــــــروح....) تعبت وانا ألف في كونـــــك وأدور.. أواصلك..والا اتصبر وأسفهك.. مدري..ولكن هالشعور أبشع شعــــــور إنــــك تحب إنسان وهو يكرهـــــــــــــك صباح الخميس.. الكويــــــــت.. بدى يردد هالكلمه براسه ..عبدة الشيطان..وين سمعتها فيه؟؟ قطع تفكيره الضابط.. الضابط:بشنو تفكر يامحمد؟؟ قال بالفضول وحب معرفة اي شيء وكل شيء.. محمد:عبدة الشيطان اسمع فيهم برى..معقوله يكونون هنا؟؟؟..مستحيل.. بخبرة الضابط وفراسته العاليه..عرف ان محمد تورط بدون مايدري..فرد على سؤاله..يرضي فضوله اللي بان على محيا محمد.. الضابط:وليش مستحيل يامحمد...رفع ايده يمنع محمد من الكلام...ادري بتقول اننا ببلاد اسلاميه وكلنا نعبد الله.. بس هذا ابتلاء..وفتنه..كثير ينضمون لهالمنظمات تمرد على مجتمعاتهم اهاليهم ..وبعضهم تقليد لااقل ولا اكثر والبعض والعياذ بالله يدخلونها وهم مقتنعين تماما...وللمعلوميه الغرب بعد يشتكون منها ...لانها اساسا قامت ضد المسيحيه..علشان كذا تشوف الكثير من معتقداتهم تشبه المسيحيه.. محمد:طيب..والدم ..التعري ..ليش؟؟ الضابط:قلتلك طقوس يسوونها..لما الشخص يرضي الشيطان تماما..يعني يسجد له يذبح له..يزني وخصوصا زنا المحارم وهذا اللي يدعون له..يسرق يخرب يرهب المجتمع يقتل وخصوصا الاطفال.. يشذ.. عندها يرضي الشيطان وتكريم له يوصل لمنزله يكتسب فيها قوه من الشيطان..فيجتمع الكاهن والاعضاء حوالين هالشخص طبعا باعتقادهم علشان ماتروح الطاقه اللي بيكتسبها ويطلبون منه يتعرى ويجرحونه ويجرحون الاعضاء ويشربون الدم..اشياء كثيره يامحمد يقشعر له البدن .. كان مصدوم من اللي يسمعه..تمتم وهو يتمنى ان الضابط يكذبه..بلع ريقه بصعوبه وسأل.. محمد:طيب ..رابح..سكت ماقدر يكمل الضابط:رابح عضو من هالمجموعه ومو اول مره يجي للكويت..بس اللي انا مستغربه انت شنو اللي خلاك تجي للكويت؟؟؟ محمد:قلتلك قبل..رابح قال انه مؤسس مجموعه ..فريق يعني.. وكلها شباب..وشرحلي عنهم بس مو بهالشكل.. الضابط:محمد انت موقفك صعب..واللي مصعبه انا ماسكينك بالشقه وسكران..وبعدين هالمنظمه تندرج عندنا تحت قضايا الارهاب.. طلعت عيونه قدام..يطلع من مصيبه ويدخل بمصيبه محمد:ارهاااااااااب!!!!!!!!!...انا ولله مالي دخل اساسا مادريت والله اول مره اجي لهم قاطعه الضابط الضابط:احنا اتصلنا بالسفاره ..بس اذا حبيت تتصل بأحد معين ماعندنا مانع.. لا انفضحت..الله يستر انا شسويت بعمري..بمين اتصل؟؟ابوي مستحيل والله يروح فيها..فيصل مو فيه..خالد يذبحني قبل لايعرف السالفه..سليمان بتوطى ببطني...ناصر لا لا والله لو اني مجنون مادقيت عليه ناوي على عمري..اهون شيء سليمان.. محمد:ابي اتصل على ولد عمي.. الضابط:وين هني بالكويت ؟؟ محمد:لا بالسعوديه.. الضابط:اوكيه اكتب لنا اسمه ورقمه واحنا بنتصل فيه..هذي يامحمد اجراءات امنيه وسبق قلتلك قضيتك صعبه.. محمد:طيب واللي يعافيك..لاتخرعه وقوله لايقول لاحد..تدري الوالد كبير وخايف عليه.. الضابط:توه يطلع خوفك عليه؟؟..اكتب اكتب كتب رقم سليمان وطلع للتوقيف.. **************************** على الغــــــــــــــداء نزل الملعقه وهو مستغرب من كلام ابوه.. خالد:يبه صادق باللي تقوله.. ابوفيصل:شايفني انكت يعني.. ام فيصل:بس هذي خطبه عاديه مو محتاجه تعلم اخوك وتصير مشكله.. ابوفيصل:هذا اخوي والمفروض يكون موجود بخطبة ليلى..وبعدين ان مادرى الحين بيدري بعدين..بس الحين احسن من بعدين.. خالد:يبه الله يسلمك مانبي مشاكل..انا حتى عجوزي ماعلمتها علشان ماتحلف علينا .. ابوفيصل:وش مشاكله اللي بتصير؟؟؟ بنتي وانا حر فيها ..لايكون على بالك ان عمك بيمنع الزواج.. خالد:وحنا ليه نصير بين يمكن ومايمكن...يبه خلي هالخطبه تتم على خير.. ابوفيصل:خالد ولعنه كم مره قلتلك لاتراددني...خلاص قلتلك بيجي عمك يعني بيجي.. ترك السفره وهو معصب.. ام فيصل:ابوك شناوي عليه؟؟؟ خالد:انا شيدريني عنه..هذا هو دايم مخليني صفر على الشمال.. طول الوقت ساكته تاكل وهي تسمع لهم.. ليلى:الحمد الله اللهم ادمها من نعمه.. خالد:وين توك ماكلتي شيء ليلى:شبعت..دارت بظهرها خالد:لحظه لحظه التفتت عليه.. ليلى:هلا خالد:مادق عليك محمد ليلى:لا مادق ام فيصل:ياربي لايكون صار بولدي شيء..خالد روح دق على مدرسته شوف شصار عليهم خالد:الحين وقت غداء..وبعدين خميس واجازه وشهي المدرسه المفتوحه؟؟ ام فيصل:روح اسأل اخوياه اي احد راح معه للرحله.. ليلى:يمه لاتخافين محمد بارد وتلقينه مااهتم بالشحن وتقفل وهو مايدري.. ام فيصل:لا انا قلبي مو متطمن.. شرب كاس المويه دفعه وحده..ويخالجه نفس احساس امه.. خالد:الحمد الله..تسلم يدينتس يالغاليه ام فيصل:صحه وعافيه.. طلعت ليلى لغرفتها وخالد راح لغرفة محمد ينبش بالاغراض.. ********************** عقد حواجبه واكفهر وجهه وهو يتذكر اللي ناسيه..قال.. زياد:ايه طال عمرك قلت لفراس ولعبدالمجيد..وقالو انهم بيجون بعد المغرب ونطلع على بيت ابوفيصل جميع.. نزلت الملعقه بعصبيه.. ام فراس:وانت مالقيت تاخذ الا مطلقه؟؟؟ صاحي انت..صاير لعقلك شيء.. حس بنفسه تضيق..مايكفي المصيبه اللي هو فيها تزيد امه همه هم.. زياد:يمه الله يطولي بعمرك خلاص الموضوع وصار..وبعدين شفيهم المطلقات؟؟ ام فراس: لو فيهم خير ماتطلقووو... من البدايه وهي مصدومه باللي تسمعه..زياد خطوبته الليله..والحين خالتي تقول ماتطلقت لو فيها خير.. انسحبت بهدوء وكان باين عليها الزعل.. انتبه لها.. زياد:نوال وين رايحه..وطالع بصحنها...مااكلتي شيء؟؟ شافته بعيون مكسوره وطلعت بدون ماترد عليه.. التفتت على امها شموخ:ماما ليش قلتي كذا..نسيتي ان نوال مطلقه؟؟؟ ابوفراس:نوال مو مطلقه..بس مسألة وقت وبترجع لزياد.. بلع لقمته بصعوبه..وهو يشوف امه معصبه ام فراس:نوال بترجع لزياد؟؟؟ اجل ليه تخطبله؟؟ ابوفراس:الدنيا مصالح..وبعدين يحلله يتزوج اربع مو ثنتين ام فراس:لا انت وولدك مو صاحين...طالعت بزياد....وانت عاجبك المووووضوع؟؟؟ ماعلق ولارد..فضل ينسحب من هالمكان قبل لايتفركش هالزواج.. **************************** العصــــــــــــــــــــــــــر.. على الارض بزوليه ايرانيه متوسطة الحجم وتناسب الكنب ومايفصلهم عن التلفزيون الا سنتميترات قريبه متجاهلين الاضرار اللي يسببه هالقرب جالس يلعب بلايستيشن مع ولده ناصر وسديم تزاعق وتشجع لابوها.. اخذت فطيرتين جبن من الصينيه اللي بالطاوله ونادت بنتها تعطيها ابوها واخوها سلمى:سدومه تعالي ودي هذي لبابا وهذي لاخوك.. راحت لامها وهي تمشي خطوه وترجع تلتفت تشوف اذا فيه احد فاز.. اخذت الفطيرتين..ورن جوال سليمان بنفس الوقت وكان بالطاوله.. طالعت بالرقم واستغربته.. سلمى:سليمان جوالك يرن..تبيه كان منشغل باللعب..ومتحمس بقوه سليمان:مين المتصل؟؟؟ سلمى:مادري رقم غريب شكله رقم من..من؟؟ اااااااه من الكويت اكيد محمد كانت بترد بس منعها صوته سليمان:لااااااااا ..لاتردين محمد معه جواله..لحظه..اخذ الفطيره من سديم وحط ستارت على اللعبه.. جلس جنب سلمى وهو يصرخ بالعيال يسكتون.. مسك الجوال باليسار والفطيره باليمين ورد.. سليمان:الووو :سليمان ال---- :ايه من معي؟؟ :معك مشاري من السفاره السعوديه.. نزل الفطيره اللي مااكل منها شيء بالصينيه وقام من عندهم علشان مايسمعونه.. رد بعد ماتأكد انهم مايسمعونه.. سليمان:اهلين اخ مشاري..خير صاير شيء؟؟؟ مشاري:بصراحه ياليت تجينا بأقرب وقت..محمد ال-- عليه قضيه هنا.. مسك اعصابه بطلوع الروح وسأل سليمان:قضية ايش؟؟؟ مشاري:قضية ارهاب..القضيه صعبه يااخ سليمان فياليت تجي بأقرب فرصه حس انه بدوامه ..محمد ارهااااااابي!!!!..سترررك يااااارب.. سليمان:خلاص ان شاء الله اقرب وقت وانا عندكم.. مشاري:مع السلامه سليمان:الله يسلمك.. ضغط على الجوال بكل يدينه..هو بحلم ولابعلم..قضية ارهاااااااب يامحمد..هذي اخرتك ارهابي... ********************* الكويـــــــــــــــت رمى الملف على المكتب وطالع بالشخص الملثم.. تركي(مكلف بقضية محمد من السفاره):يعني انت مو من عايلة ال---- بدى الارتباك عليه..وش هالمصيبه اللي وقعت نفسي فيها..الاخ طلع يعرفنا.. محمد:لا قلتلك تشابه اسماء.. تركي:رفع حاجب..غريبه ..طيب شفيك متلثم؟؟تراني جاي اساعدك مو ااكلك.. ماعجبته هاللهجه الساخره..بس تمالك اعصابه وفك لثامه وهو يدعي من الله انه مايعرفه.. تركي:اخيرا شفنا هالوجه...تدري شلون.. تلثم انت حرام ينشاف وجهك.. محمد:اذا مو عاجبك وجهي اقلب وجهك..ولاني بمستحي انا ماسويت شيء... تركي:اوو ولك لسان..فهمني شلون ماسويت شيء؟؟ وهم ماسكينك متلبس؟؟ لايكون بس خاطفينك محمد:والله كلامي قلته للضابط ولاني ملزوم اعيده تبيه روح للملف.. تركي:انطم ولاكلمه زود اسمعها...شاب تافه وسخيف مضيع وقته بهالمسخره واخرته بالسجن..حسافه بس انك ولد ابوفيصل.. محمد:قلتلك تشاااااااااابه اسماء .. تركي:هز راسه بملل..ايه تشابه اسماء.. جلس بالكرسي ورى مكتبه ورجع فتح ملفه.. تركي:الحين قولي شلون تعرفت على رابح..هز راسه بسخريه..قال رابح قال هذا المفروض يسمونه خاسر..يلا قولي شلون تعرفت عليه..الى ان جيت للكويت.. محمد:طيب ابي اشرب اول.. تركي:صدق انك وقح وماتتأدب..احتررررررررررم نفسك واعرف انت مع مين تتكلم ويين تتكلم..حنا مو شلتك ولا حنا ببار تشرب عندنا.. لا انا ماطحت الا على هالاقشر..شوف كيف يفسر الامور بس.. محمد:انا ابي اشرب مووويه .. رفع التلفون وطلب له قهوه ولمحمد مويه.. تركي:تكلم على مابال يجيبون المويه.. ********************** طالعت فيه ..وهو يكلم يدور حجز..انقلب حاله بعد هالمكالمه.. سكرت شنطته بعد مارتبتها وحطت كل اللي يحتاج له.. جلست جنبه تنتظره ينهي حديثه... دقايق ولقى حجز للكويت..سكر التلفون وماعطاها مجال للمناقشه لانه مسك جواله ودق على شخص ماتعرفه.. نزل الجوال بتوتر وهو يتمتم بعصبيه ..ليش مارد مو وقته.. سلمى:حبيبي شصاير قوللي.. سليمان:مو صاير شيء..قلتلك فيه صفقه بتروح علينا ولازم اسافر الحين..والزفت المحامي مايرد...جهزتي شنطتي رجعت شعرها على ورى سلمى:ايه جهزتها..بس.. (كانت بترجع تسأله ليه بتسافر ومن اللي اتصل عليك..بس شافت عيونه )..خلاص خلاص بسكت سليمان:طيب لبسي العيال بوديك لبيت اهلك ولاترجعون لهنا لين اجي من السفر اخاف اطول ولا شيء سلمى:تطول!!..يعني كم بتقعد وقف وقال وهو متجه لغرفة الملابس يغير لبسه علشان يلحق على الرحله سليمان:ماادري انا قلت يمكن مو اكيد... لحقته لغرفة الملابس وطلعتله ثوب اخذ منها الثوب سليمان:سلمى لاتقولين لاحد اني مسافر للكويت ..قوليلهم مسافر للامارات سامعه.. سلمى:اها يعني فيه شيء..قولي ومارح اقول لاحد سليمان:حبيبتي بدل هالاسئله اللي عجزتي تقتنعين بجوابي عليها روحي لبسي العيال خليني الحق على الرحله سلمى:عجزت اقتنع لاني حاسه ان فيه شيء..وبعدين انا وعيالي بنروح مع السواق لاتخاف..البيت لازم انضفه قبل .. لبس شماغه وعقاله سليمان:طيب انتبهي على نفسك زين..التفت عليها وحب جبهتها ..استودعتك الله الذي لاتضيع ودائعه هو خير حافظا وهو ارحم الراحمين ********************* مجتمعين حوالين القهوه ..يحاول يفكر بطريقه ..شلون يقول لولده.. كان يسولف مع جدته وضحكه مالي البيت..ولاهو بداري عن شيء..مايدري انه ممكن يفقد حياته بعد ساعات قليله.. ام ناصر:يمه دق على اخوك ومرته خلهم يجونا..ابطو علي ناصر:قبل شوي وحنا طالعين من المسجد قال بيمرنا وبيتعشون عندنا.. انتبه لابوه ناصر:يبه شفيك؟؟...تعبان؟؟ ابو سليمان:لا مافيني شيء..صب لي قهوه.. الجده:ابو فيصل شفيه اليوم مامرني.. اخذ الفنجان من ولده واخذ رشفه يسلك حلقه قبل مايرد على امه.. ابو سليمان:عنده عشاء الليله وانشغل.. ناصر:عشاء؟؟..غريبه محد قاللي حتى خالد ماقال شيء.. ابوسليمان:عشى خاص ..ماله داعي تروح رجال كبار عازمهم..حتى سليمان مو حاضر.. الجده:منهم هالرجال؟؟ ابوسليمان:من..من..ناس نبي نسوي معهم اقصد معنا لهم شغل...اقصد بينا عمل..ايه عشى عمل.. ناصر:عشى عمل؟؟..سكت لما رن جواله..ورد..هلا ابو ناصر سليمان:هلا ناصر..وينك بالبيت.. ناصر:ايه عندي جدتي وابوي..تعال تقهوى معنا سليمان:لا وين مااقدر اسمع انا الحين بطريقي للمطار بروح للامارات ناصر:امارات؟؟ليه شالطاري سليمان:عندي شغيلات هناك بخلصها ناصر:مثل ايش..ماخبر لنا شغل هناك بالوقت الحالي.. سليمان:لا صار فيه..دق علي مندوب شركة ال---- علشان مواصفات اجهزه لمشروع فيصل ولازم اروح.. ناصر:هههه الله يهديك مشروع فيصل اللي يسمع يقول ناطحة سحاب انا مادري شاللي دخلك شريك معه وانت مالك بشغل المستشفيات.. سليمان:تنويع ..خلاص بلغ الوالد وسلم على جدتي مع السلامه ناصر:اذا وصلت دق علي..مع السلامه.. سكر جواله وهو يرد على ابوه اللي يسأله وش يبي اخوه.. ناصر:لا بس يقول انه سافر للامارات عنده شغل ويسلم عليكم الكل رد..الله يسلمك ويسلمه.. ************ منسدحه على سريرها متملله من حياتها..كل شيء يحيطه الجمود حياتهم مثل جو لندن البارد..ومثل شوارعها الموحشه بهالوقت.. رمت الحاف عنها ونزلت اقدامها على الارض لين استقرت بشبشب فرو.. مشت لوين هو جالس..بالصاله ومنتبه لبرنامج .. جلست جنبه مايفصله عنه شيء...تبي تحس فيه وبوجوده بحياتها..زهقت من دوره معها وكأنه يؤدي واجب عليه او التزام.. مدت يدها واخذت الريموت وكتمت على الصوت..التفتت عليه عهود:عن ايش يتكلم البرنامج.. سالم:طولي عليه وبتعرفين عن ايش يتكلم.. عهود:لو ابي اعرف منه ماقصرت عليه.. هز راسه بملل كعادته سالم:عن كل شيء مافي موضوع محدد عهود:وانت تعجبك مثل هالبرامج..اقصد اللي مالها موضوع..مالها خط واضح سالم:ايه تعجبني..ممكن تطولين عليه.. طولت عليه وريحت راسها على الكنب..اخيرا عرفت شيء عنه..اها..دام انه يحب التنويع اذا هو شخص ملول ..لايكون بس مل مني؟؟ لا مااعتقد..وانا شاللي يخليني انتظره لين يمل مني ..اغير شكلي من الليله.. قامت من عنده وراحت لغرفتها تفكر بشكلها.. *************************** تدخن وتعطر وحاول قدر الامكان يشغل باله بيومه اللي ينتظره.. يومه اللي قعد ايام وشهور يفكر فيه ويتحلم فيه... طلع من غرفته ونزل وهو يسمع صوت ابوه بالصاله الارضيه .. زياد:جيت جيت..ونسف غترته على ورى.. ابو فراس:قلد صوته..جيت جيت..اخلص علينا نبي نصلي العشاء بمسجدهم وانت تتمطط..واخوك عبدالمجيد ليه قافل جواله انت اكدت عليه الليله.. زياد:ايه اكدت عليه..يمكن مافي شحن..وبعدين مولازم يجي.. فراس يكفي وهذي مو ملكه خطبه بس.. ابوفراس:الخطبه زي الملكه..وانت وقفت معه بخطوبته وبملكته وبزواجه..امش قدامي تأخرنا.. زياد:ان شاء الله طال عمرك.. ماصارت تهتم بشكلها..جالسه تسمع صوت الشلال الصناعي اللي بالحديقه خلف البيت.. ببجامتها الواسعه وضامه رجلينها لصدرها وشعرها يغطي الحزن اللي انرسم على وجهها جتها تركض وهي لابسه شورت بيج وتيشرت ناعم لونه ابيض ..جلست جنبها وهي تسترجع انفاسها شموخ:فاااتك شكل زيااد..يضحك يفطس من الضحك..ابوي يهزأه وهو مايرد عليه.. ايه صح يقولي انك شفتي زوجته يامجررمه كيف شكلها قوليلي؟؟ زوجته..وانا؟؟..يتركني لمين؟؟ ااااه يازياد..قلبي تعلق فيك..بس انت..مو لي.. شموخ:نوااااااال وين رحتي قاعده اسألك شلون شكلها؟؟ قامت من عندها قبل لاتنهار قدامها..تجاهلت نداء شموخ لها..بس هي مو متحمله انه بيتزوج ..كيف تبيني اوصف له زوجته.. اااه ياااارب..دعيت انه مايكون لعاليه والله استجاب لي..بس ماصار لي ..صار لغيري...يااااارب يااااارب يرجعلي زياد ياااارب.. ********************* سمعو صوت ارتطام قوي..الشيخ وقف عن القرايه..ومؤيد طلع بسرعه يشوف اللي صار.. كانت مو بوعيها ..ممده على الارض جنب باب المجلس الداخلي..خاف عليها وجثى على ركبته ..رفع راسها وبدى يضربها بخفه.. مؤيد:يمه يمه..يمه تسمعيني يمه.. نزل راسها على فخذه ..وميل راسه يسمع نبضاتها..كانت سريعه... توتر..هو طبيب..بس لما تكون اللي بين يديك امك يتغير الموقف..ضيع كل شيء.. شاف الشغاله واقفه فوق راسه ومعها كوب مويه مدته له..وكأنه توه يستوعب..اخذ الكوب وبدى يرش على امه ويمسح على وجهها مؤيد:يمه..يمه..تسمعيني زين..اذا تسمعيني حركي يدينك ابي اتطمن..او اضحكي..يمه..(كان خايف يكون فيها جلطه) كانت تسمعه زين..بس تحس بخمول غريب..ابتسمت علشان تطمن ولدها.. ارتاح شوي على الاقل نسبة ان فيها جلطة قلّت.. مؤيد:يمه شتحسين فيه.. قالت بصوت مخنوق وماتوقعت انه ينسمع ام مؤيد:مادري..مافي شيء يعورني..اصلا شلون طحت؟؟.. مؤيد:حسيتي بدوخه..برجفه ..صداع اي شيء قوليلي ام مؤيد:ولا شيء..بس حسيت بضيقه.. قاطعهم صوت الشيخ اللي واقف قريب من الباب يتطمن عليهم الشيخ:مؤيد عسى ماشر...اهلك فيهم شيء؟؟ مؤيد:لا الحمد الله مافيهم شيء.. ساعد امه على الوقوف وراح معها علشان تتريح بغرفتها.. رجع بعد ماتطمن على امه..دخل المجلس ولقى عمه توه يقوم من الغفوه بفعل القراءة الشيخ:ابو عهود تحس بشيء مسك راسه وضغط عليه.. ابوعهود:يعني..احس بشوية ضغط.. التفت على مؤيد واللي سمعه اعطاه امل جديد الشيخ:مؤيد الوالده اول مره تسمع قرايتي مؤيد:ايه اول مره..تدري خافت على عمي وفضلت تكون قريبه.. انرسم على وجهه ابتسامه ماخفت عن مؤيد الشيخ:مؤيد امك وابو عهود علاقتهم زينه..يعني معروفين بهالشيء قدام الناس.. مؤيد:هم علاقتهم زينه..بس الناس ماادري..ليه ياشيخ؟؟ الشيخ:مادري بس طرى علي عقب ماشفت حالة امك انها ممكن هي سبب مرض ابوك... عقد حواجبه من تخريف الشيخ واتهامه لامه.. مؤيد:شلون سبب مرض عمي؟؟؟ الشيخ:يمكن هي محسوده على عيشتها مع ابوعهود..او صايبتهم الاثنين عين..ابو عهود اكيد فيه عين..بس والدتك ماادري وبصراحه افضل اني اقرى عليهم جميع..وان شاء الله انها تفرج.. كان دايخ ولاهو مركز مع حديثهم..ووده يرتاح بعد القرايه ابوعهود:مؤيد ساعدني ابي اطلع ارتاح .. الشيخ:ابوعهود لاتنسى الادويه والماء والزيت.. ابوعهود:ان شاء الله مو ناسي.. الشيخ:انا اطلع الحين بس يامؤيد لاتنسى اللي قلتلك عليه وافضل من بكره نبدا مؤيد:ان شاء الله.. وصل الشيخ لبرى..ورجع يساعد عمه يطلع لغرفته يريح.. ************* موريشيوس قلتلك مابي اطلع..مااالي نفس.. جلست على السرير وهي تداري دموعها.. هذا حالها من يوم حست انه للان يحب ميساء..تحس نفسها ضايقه ..وخصوصا ان الليله خطوبة ليلى.. تفكر بحال ناصر وش ممكن يسوي.. طلّع يدينه من جيب بنطلونه الجنز..وتقدم ناحيتها.. قال بصوت هاديء يعاكس عصبيتها يوم جات تكلمه فيصل:كم صارلك ماتتطلعين ..مامليتي؟؟ نزلت عيونها على يدينها اللي شبكتهم ببعض..وهمست عبير:انت ماتبيني اطلع معك.. حس بالالم من نبرة صوتها..هو طبعه كذا..مايتحمل انثى تتألم او حتى تنزل دمعتها.. جلس جنبها وحرر يدينها من بعض ومسك ايدها بيدينه الثنتين.. فيصل:انا بهذيك الفتره كنت زعلان منك..واتوقع انه من حقي ازعل..يعني حطي نفسك بمكاني..تقوليلي سر وماتبين ليلى تعرف عنه وانا اروح اقول لليلى..بصراحه ماتزعلين مني؟؟؟ ماردت عليه..اصلا مافيه جواب عندها..حست نفسها صغييره..صعب عليها ان احد يقولها ترى غلطتي..فكيف باللي تعلق قلبها فيه بدون اذنها.. صدت عنه ودفنت راسها بالمخده وبكت..بكت خجل من نفسها..وبكت انه مايحبها..وبكت ان ليلى بتترك ناصر.. بكت وبكت وبكت.. وهو تركها تبكي تطلع كل اللي فيها.. حس انها مو موقفه بكى سحبها غصب عنها وهي غطت وجهها بيدينها..مسك يدينها وشد عليهم وبعدهم عن وجهها.. كانت منزله عيونها وانفها احمر وشفايفها متوهجه..وخدودها تغطت بالدموع مسك وجهها بيدينه فيصل:طالعي فيني..عبير طالعي فيني.... مارد عليه الا صوت نحيبها وبكائها فيصل:الحين ليه البكا؟؟..عبير..خلاص...والله مايسوى تبكين...عبير يكفي ..ادري اني حمار وماعندي سالفه خلاص والله مايسوى تبكين علشاني..عبوووره يكفي..اسسسف اسف..طيب قوليلي ليه تبكين..اذا علشاني تراني مااستاهل..عبووره .. بعّدت يدينه عن وجهها ورجعت دفنت راسها بالمخده.. وصارت تتكلم وهي تبكي وتشاهق.. عبير:ابي..اب...ابي ارررجع..ماابي اجلس هييناا. تنفس بعمق ..مد يده لشعرها وبدى يلعب فيه.. فيصل:ليه تبين ترجعين؟؟ عبير: اب..ابي ابووي وجددت..وجددتي.. فيصل:اشتقتيلهم.. عبير:اي..ايه ابيهم.. فيصل:انتي ماكلمتيهم؟؟ وبدت تهدى شوي.. عبير:الا كل يوم اكلمهم..بس ابي اشوفهم.. فيصل:خلاص بحاول القى حجز بدري ونرجع..الحين ممكن تقومين تغسلين وجهك وتلبسين علشان نطلع.. عبير:مااابي اطلع فيصل:يعني للحين زعلانه ... انفعلت وزادت عصبيتها للي مو راضي يفهم عليها عبير:اففففف تراك زهقتني قلتلك موووزعلاااااانه اصلا من انت علشان ازعل منه..قلتلك ماااااااابي اطلع غصب.. بعّد يده عن شعرها..وقال بمزحه لانه مقدر حالتها واكيد ماقالت هالكلام الا لانها متضايقه فيصل:صح من انا...وطلع من الغرفه ماكان يدري بأثر هالكلمه اللي قالها بمزح على قلب عبير.. حست بمشاعرها تتلخبط..حست بروحها تطلع..ليه قلت كييذا..هو ماسواالي شيء.. احساسها انها بتفقده او انه ممكن يتركها هو اللي خلاها تصرخ وهي لازالت دافنه راسها بالمخده عبير:فيــــــــــــــــــــــــصل سمع صرختها وبسرعه رجع للغرفه جلس جنبها فيصل:عبير شفيك..تبين شيء؟؟ ولازالت دافنه راسها بالمخده عبير:لاتــــــرووح.. مافهم عليها..وابتسم فيصل:خلاص انتظرك يلا قومي البسي.. رفعت راسها والتفتت عليه..بوجهها اللي تورم من كثر الصياح وصار لونه احمر وخصلات شعرها تبللت من الدموع.. تكلمت وكأنها طفله تخاف تضيع.. عبير:انا مابي اروح..بس انت..انت لاتروح وتخليني.. ماتحمل برائتها وضعفها وطفولتها..كانت تتكلم وهي منزله عيونها..وصله احساسها ومقصدها.. سحبها وضمها لصدره ومسح على شعرها..وقال يطمنها فيصل:مارح اتركك ابدددا... تكلمت وراسها بصدره.. عبير:بس ناصر طلق ليلى..وليلى تركته..ورفعت راسها له وهمست..وهم يحبون بعض. نظرتها..لمعان عيونها..همسها..طريقتها بالكلام..فجر عنده مشاعر غريبه..مشاعر ماجربها قبل ولاحسها..ود ..طمأنينه..راحه ..امان.. مسك ذقنها باصابعه وهمس لها بحب.. فيصل:طول مانتي معاي لاتخافين..مستحيـــــــل اتركك بعد مالقيتك...ورجع دفن راسها بصدره .. وكأنه يبيها تسمع نبضات قلبه اللي تنبض لها.. ************************* بعد صلاة العشاء المسجد.. سلم عليه وهو مستنكر هالزياره..مارتاااح قلبه قابضه.. ناصر:شلونك عساك بخير زياد:بخير الله يسلمك..وين سليمان؟؟ خالد:سليمان مسافر.. طلعو من المسجد مع بعض وراحو لبيت ابو فيصل.. كان يحس بأحساس غريب...هالزياره غريبه..زياد وابوه واخوانه..كلهم جايين واول مره يسوونها..اصرار ابو فراس على امام المسجد انه يروح معهم لبيت ابوفيصل..وكلمة ابو فراس للامام..تعال معنا علشان نتبارك فيك.. ارتباك ابوه..توتر خالد..فيه شيء مو مفهوم..سأل خالد اللي يمشي بجنبه متقدمين الجموع اللي وراهم ناصر:شمناسبة هالزياره..؟؟ بدى يفتل اطراف شنبه..يفكر شيقول..مالقى جواب..ترك اللعب بشنبه والتفت عليه وكأنه مايدري عن شيء خالد:مادري..يمكن شغل..مادري مادري ناصر:حنا مابينا شغل..اكيد ماتدري ؟؟ خالد:وانا شيدريني شفتهم جوونا بالمسجد وانا بجنبك يعني شلون بدري؟؟ ناصر:بس ابوي يقول انكم الليله مسوين عشاء خاص واكيد كان لهم.. سوى نفسه توه يدري بسالفة العشاء خالد:عشاااء!!! محد قالي..امش امش اخاف ماذبحو ذبايح.. ناصر:اهااا..طيب روح انت وانا بروح للبيت اقول لجدتي واجيبها لكم.. الحين ابي افتك منك تروح تجيبلي العجوز عز الله تزوجت ليلى.. خالد:خلاص.. مجـــــــــلس كبيــــــــــر..ارضيته رخام سكري ..كنب كلاسيك سكري ومذهب الاطراف.. وبوسط المجلس نافوره وايضا من الرخام..كان المجلس فخم..والنافوره بصوتها يبعث بالمجلس الكبير الفه وراحه ابو فراس وبجنبه الامام وولده فراس بكنبه متصله ..زياد وعبدالمجيد بكنبه وحده.. اخذ خالد الدله من القهوجي احترام للضيوف وبدى يقهويهم.. وصل عند عمه بيقهويه..مد له الفنجان ومسك ايده قال بصوت واطي ماينسمع ابوسليمان:وين ناصر؟؟؟ خالد:راح يجيب جدتي.. ترك ايد خالد ورشف من فنجاله وقلبه يردد بالله يسترر ************************** |
الصاله سكرت الستاره وهي متنرفزه.. ميساء:كله منكم ماخليتوني اشوفه.. سلمى:اللي يسمع يقول انتي اللي بتتزوجينه.. رمت نفسها على الكنب بقوه ميساء:ابي اتطمن على مستقبلها..والله ياخوفي يطلع شين؟؟ نزلت بيالة الشاهي اللي بيدها ليلى:جربت المزيون وشوفي شسوى فيني.. ميساء:ياويلي ياويلي تتغزل فيه... ليلى:ميسأاااااااااااااء..خلاص يكفي سلمى:ليلى شفيك عصبتي ماقالت شيء..وغمزت لميساء.. ليلى:اوووه عاد مالقيت الا انتم الثنتين..بطلع لغرفتي احسن لي .. وطلعت ميساء:هههه احسن بهبل فيها لين يطلع لها قرون..تشوف الدبا سلمى: يوه عاد انتي دكتوراه بالتهبيل...بروح اشوف امي وخالتي تروحين معي ولابتجلسين ميساء:ووووع اروح للمطبخ شسوي..لابروح لليلى اكمل الهبال.. سلمى:لايسمعك خالد بس...ترى يموت بشيء اسمه اكل بيت ميساء:حتى انا احب اكل البيت..الله يخلي الطباخين سلمى:قال طباخين قال..نشوووف ياميساء .. ********************** دخل لغرفة المكتب وفتح درج المكتب.. وطلعها.. كانت تبتسم بوجهه..وشعرها الطويل مغطي يدينها.. كانت لابسه فستان ليموني للركبه.. هذي الصوره لما كانو بايطاليا..واخذها من البوم الصور لما سافر مع ابوه..(ناصر مايدري ان ليلى اخذت كل صورها لانه مادخل جناحه ابدا..وليلى بعد ماتدري ان ناصر محتفظ لها بصوره) كل ليله يطالعها..ويملي عينه بشوفتها..يكلمها ويتخيل انها ترد عليه.. ناصر:ليه اشوفك وانا خايف..ليلى ردي علي.. ليــــــــه أحس اني وانا اشوفك..حزيــــــــن وقلبي الليله بهمي ممتلي.. كــــــــــانها الفرقى طلبتك حاجتين.. لاتعلمني ولاتكذب علـــــي.. خلني مابين شكي واليقين السكوت رضاي عنك وزعلي باكر اللي خافي لازم يبين والوعد بلقى مكانك به خلي وانتظر لي ليله او ليلتين لين مايقفي السحاب وينجلي ولا طويت الياس بذرف دمعتين للهـــــــوى الغالي وباوادع هلي صاحــــــــبي بمـــــوت من كثر الحنيــــــــن خلني بختار لحظو مقتلي.. قطع حديثه مع حبيبته وروحه صوت التلفون..السنترال رد والصوره بيده.. ناصر:الو الجده:ناصر يمه تراني لبست وخلصت ناصر:خلاص الحين اجيتس.. سكر التلفون ورجع الصوره لمكانها.. وطلع لجدته ******************* دبيييييه ..افتحيييلي....ليلووووووه افتحي ابي اسولف سوااالف بريييئه.. دباااااا ..ردي علي..ترى بكسررر البااااااب رددددي ليلى:ضففي وجهك ياحماره ماني فاتحه.. ميساء:ايداه..يامصيبتي..لولي زعلتي عللللي ليلى:اقوووول فارقي مو لابق عليك ابدا سندت ظهرها على الباب وطوت رجلها بحيث باطن القدم يلامس الباب.. ميساء:لا من جد افتحي الباب ومارح اقل ادبي عليك.. ليلى:روحي انقلعي عند سلمى..خليها تنفعك ميساء:طيب ليه زعلتي ؟؟ ليلى:كيذا مزززااااااااااج.. لوت فمها على جنب وهي رافعه كل حواجبها ميساء:طيب دامك زعلتي هذا دليل ان كلامي صحيح..جرح مشاعرك ودغدغ احاسيسك..صححح ليلى:ياشين الفصحى عليك..وععععععع بس...فارقي فارقي .. ميساء:ههههههههه انقهرتي احسسسسسسسسن .. فتحت الباب وبغت تطيح ميساء اللي متسنده عليه..بس تداركت نفسها وتوازنت.. ليلى:هههههه ياليتك طايحه ميساء:بسم الله علي ان شاء الله عدويني...ابتسمت ابتسامة مكر..طلعتي مدام ناصر.. ليلى:ميسسساااااء انطمممممي ترى بسطرررك.. ميساء:يووووه يازززينو اللي يستحي..ذكرتك بالحبيييب.. غسلت يدها من ميساء فحبت تقهرها ليلى:وانتي جايه فوق شتبين؟؟تدورين الحبيب؟؟ تراه تحت يامضيعه..وبعدين مكشوفه هالحركاااات يعنني جايه بدون غطاء وكأنك ماتدرين انه فيه ويشووفك..قديمه قديمه.. فكت شباصتها ونفضت شعرها البني اللي يوصل لتحت الاكتاف ..جمعته على جنب وهي تسوي حركات دلع تقهر ليلى ميساء:ياشين العذال ...ياختي شتبين ناشبه رجللي وانا حرره اشوفه بأي وقت..مايحتاج اسوي حركات..موووتي حررره..ولعلمك..سبلت بعيونها..انا الحين بروح لجناحه واتنفس الهواء اللي يتنفسه.. ليلى:تسوينها اعرفك فاصختن الحيا على قولة جدتي.. ميساء:اش هالالفاظ هذي..وازيد من الشعر بيت..اذا جاء باخذه بالاحضاان... ليلى:هيييييييييييء ياقللليييييييييلة الادب شهالكلام ياوصخه ميساء:ياختي رجللللللللللي كيييييييييفي شدخلك شتبين.. يااااااااااااولد.. يااااااااااااولد.. التفتو على بعض على طول... ضحكت ليلى على شكل ميساء وهي تدخل الغرفه وتقفل على روحها الباب..كان باين عليها الروعه ليلى:ههههههههههه...خالد تعال مافي احد.. سمع اغلب الحديث اللي دار بينهم..كان يطالعها وهي تتكلم وتتدلع بدون ماتحس.. كان يبي يسمع كل كلامها..كان مستمتع بهالاحساس اللي يحسه..ولايبيه يروح.. تقدم لليلى وابتسامته يحاول يخفيها علشان مايحرج ميساء... خالد:اشوا اني مادرعمت على طول .. هزت راسها وكأنها مصدقته ليلى:ايه باين باين...وقربت من الباب وعلّت صوتها علشان تقهر ميساء...اصلا ماكان فييييه احد بس وحده لسسسانها طوييل ويبيله قص.. كانت حاطه ايدها على المقبض وتسمع كلامها ومقهوووره ودها تطلع وتكفخ ليلى.. خالد:من تقصدين..؟؟ ليلى:جانا الاستهبال..اقصد مين غير مرتك ام لسان .. خالد:لا ترى مااسمحلك..كله ولا مرتي.. تخصرت ليلى:تكلم المحامي الولهان...طيب قولي شعندك..لايكون جاي بعد تاخذ مرتك بالاحضااان.. هنا ماتحملت كانت تتمنى يكون معها مسدس بعشرين طلقه تفضيه براس ليلى..بس ماكان عندها الا تعض ايدها من القهر والفشيله.. مال براسه لورى يضحك.. خالد:هههههههههههههه...هههههههههههه توها تحس اللي قالته..ميساء مستحيل تمررها مرور الكرام..بدت تأشرله يسكت .. ليلى:هس هس لا تفضحني..والله ماتخليني على قيد الحياة ثواني تمالك نفسه وسكت.. خالد:طيب طيب..ااه يابطني..الله لايقطعني من سواليفك يالولي.. ليلى:والله ماضنيت بتتهنى بسواليفي عقب اليوم..هذي بتسويلي عاهه مستديمه.. خالد:يووه نسيت..ترى جدتي بتجي الحين..مابي اي كلمه زياده وسوي نفسك ماتدرين بالخطبه سامعه..واي اي كلمه تسمعينها اسكتي مو لازم تردين.. ليلى:وليه كل هذا ان شاء الله..؟؟؟ انا مو مسويه شيء حرام خالد:ادري ادري..بس مانبي مشاكل..علشاني.. ليلى:خلاص ان شاء الله خالد:شطووره.. دار بظهره يبي ينزل..والتفت عليها خالد:نسيت..قوليلها حلياااانه بزود..ورجع دار بظهره ونزل حطت ايدها على صدرها.. ليلى:ربي لك الحمد..اشوا انه سمعها..حتى لو ماكانت من قلبها..بس اهم شيء انه تطمن وصدق.. **************************** موريشيوس.. بالمنتجع اللي ساكنين فيه كانو مسوين مهرجان..العاب ناريه واستعراضات.. وهم اخذو طاوله منزويه شوي علشان عبير تاخذ راحتها.. نزل الصحن قدامها وجلس.. فيصل:تبين شيء ثاني.. طالعت بالصحن اللي جايبه كان مشكل من كل نوع بالبوفيه.. عبير:لا تسلم.. سم بالرحمن وبدا ياكل وهو يتفرج على العروض..طالعت فيه ثواني ورجعت نزلت عيونها وكلت.. فيصل:عبير ماجبتي الكاميرا معك.. عبير:لا ماجبتها.. فيصل:حساافه..كنت بصور ..وطالع بساعته..ان شاء الله يمديني..بروح اجيب الكاميرا واجي.. عبير:وعشاك؟؟ فيصل:الحين بجي.. عبير:مو مستاهله..اجلس تعشى..احسنلك مسك ملعقته ورجع يكمل اكله.. فيصل:شورك وهداية الله.. رفعت عيونها تشوف اللي حوالينها..وانصدمت باثنين اوربيين يطالعونها ويسوونلها حركات قليلة ادب.. وشكلهم مو طبيعين.. رجعت كملت اكلها وهي تسترق النظر لهم..بس مازالو مصرين...واحد منهم وقف وتقدم منهم شوي بعدين رجع وهو يضحك وكأنه يتحدى صديقه..وفيصل معطيهم ظهره ولاهو منتبه لهم.. خافت يسوون لها او لفيصل شيء.. عبير:فيصل خل نرجع.. فيصل:ليش؟؟ عبير:مليت ..زهقت.. فيصل:طيب بس بكمل اكلي واقوم عصبت عبير:يووووه فيصل قوم وبعدين اطلب لك عشى هناك بالغرفه سكت مارد عليها وكمل اكله.. عبير:الظاهر اني ماكلم جدااار ..فيص قطع كلامها وهو يصر على سنونه فيصل:اصص ولا كلمه زياده..انتي يبيلك تربيه من جديد..انا مو اصغر عيالك تكلميني كيذا..قوومي قدامي قوووووومي.. شالت شنطتها وقامت وهي تسب لسانها اللي مو راضي يتعدل... ابتعدو عن المكان..وصار الجو هادي.. عبير:فيصل انا اسفه.. التفت عليها فيصل:مابي اسمع صوتك...ولا كلمه فاااااااهمه سكتت لان العبره خنقتها..وصلو للغرفه فتحلها الباب دخلت وسمعت الباب يتسكر وراها..التفتت ومالقته.. عبير:اففف..وين راح بعد..الله ياخذهم نكدوو علي..لاتعشيت زي الناس وفيصل زعل علي.. ********************************* لبست عبايتها وهي تهاوش ليلى ليلى:ميساء والله مالك داعي انثبري ميساء:انثبر عقب اللي صار ..اسفه مااقدر...اصلا كله منك ليلى:الحين كل هذا احراج من خالد..اجل شلون لودريتي انه قاللي قوليلها حلياانه عضت على شفايفها ميساء:هييء يعني شافني..اااااااااااااخ بس لو بيدي سكين ..مسدس اي شيء علشان اذبحك..وخري وخري عن طريقي وتبيني اجلس بعد.. في مجلس الرجال ابوفيصل:والله زياد رجال والنعم فيه..ومايحتاج اسال عنه..حسبة ولدي..ومنسبكم يشرف يابو فراس ابو فراس:تسلم يابو فيصل وماعليكم زود..وهذا العشم فيكم.. هو بحلم ولا بعلم..اللي يصير قدامه واقع ولا يتخيل.. كان بيصرخ فيهم ويقول ان ماعندهم بنت للزواج..بس اللي يبي يسويه يبي يفشلهم قدام الناس.. وقف ونادى عمه ناصر:عمي ابيك بكلمة ..ابي اكلمك برى ابوفيصل:عن اذنكم... طلع معاه لبرى المجلس ..وتعمد ابو فيصل يبعد .. ناصر:عمي زياد بيتزوج من؟؟ ابوفيصل:بيتزوج ليلى.. طلعت عيونه قدام.. ناصر:مستحيييييييل..ماياخذها..وانا.. عمي شلون تزوجها وهي لي..وين كلامك؟؟؟ ابوفيصل:انا زوجتك اياها وانت ماحافظت عليها..وهذا نصيبكم وماعترضت..وهي ماتبيك وانا ماارضى اوقف نصيبها علشانك..ناصر انسى ليلى وخلك رجال..ومابي اي كلمه..حنا عطيناهم موافقتنا وصار كل شيء رسمي... ماكمل كلامه لان ناصر طلع *************************** الكويــــــت.. حط راسه على المخده يريح شوي..مسك جواله وارسل رساله لسلمى.. (مساء الخير والاحساس والطيبه.. حبيبتي تراني وصلت والحين بنام .. طمني ابوي وجدتي..وبوسيلي العيال.. اعشقك.. عاشقك الولهان..) الرياض كانو يتعشون مع جدتهم..وام فهد اضطرت تروح مع بنتها.. كانت تتعشى والجوال بجنبها تخاف يدق وماتكون عنده..فتحت المسج..وابتسمت سلمى:سليمان وصل..الحمد الله الجده:اشوا الحمدالله...ان شاء الله يرجعلتس بالسلامه الكل امين ********************** صارت تسوي حركات بوجهها وهي تطالع بالمرايه.. ابتسمت اكثر وخدودها حمرت.. ميساء:اجل حليانه..يعني اساسا اساسا انا حلووه..ههههههه..والله غريبه خالد يمدح؟؟ بالعاده يسب.. راحت لدولابها وبدت تستعرض كل شيء شرته لجهازها..وتقيسه وتجرب المكياج اللي يلبق عليه.. *********************** الساعه الثانيه ليلا.. في جناح زياد..جالس بمكتبه فتح دفتر مذكراته على صفحه كاتبها من زماان اجهلك..ولي سنين اتخيلك وجهك اللي قد حبسته داخلي في غمضة عيوني واللي ياما قد رسمته ..من عبث طيشي وجنوني وجهك اللي دوم يظهر لما القى نشوة الفكر الجديده داهمتني لما القى انكساراتي قصيده واكتبتني وجهك اللي دوم يظهر في اعاصيري وسكوني في الجبال الشاهقه في اجمل خيالي في السفوح الخافقه بين نبضي وانفعالي وجهك اللي قد نحته في عظامي والجوارح وجهك اللي قد حفظته وبتفاصيل الملامح بالنها في بسمته..بالضيا اللي في وروده بالعبوس في غضبته..بالتضاريس وحدوده من جنوحه في البها..لين اقصى نقطه في كاسر جماله للعذوبه..من شروق النور في ضيه للشعر في غروبه من شطوط الكحل في عيونك لنحرك من بياض الثلج في خدك لجمر قاد في ثغرك وجهك اللي ماابد يوم لمحته..او عرفته لي سنين اتخيله واتخيلك ياللي كلي بك معرفه واجهلك مااصعبك كيف الاقيك مااسهلك لو الاقيك ياللي دوم اتخيلك مملكة حسن الزمن..وانا الملك.. كتب تحتها ملاحظه..تحقق الحلم واصبح واقع..لم يعد هناك مجهول..رأيتها وعرفتها..وخطبتها وستصبح لي وحدي.. *********************** طالع بفستانها وبمكياجها وبالعشى اللي على الطاوله..وبنظراتها المستفسره عن رأيه.. مسك ايدها وسحبها معه وجلسها على الكنب وجلس جنبها.. مسد جبينه ..مسح وجهه وهو يستغفر..والتفت عليها سالم:شوفي انا بقولك كل شيء.. عهود:قول اسمعك.. كان يبي يجرحها بس باحترام.. سالم:شوفي انا ماابيك واخذتك علشان خاطر عمي..يعني مو مغصوب..كنت اقدر اقول لا ماابيك واظن انتي تعرفين اسبابي..بس انا ماتعودت ارفض لعمي اللي مااعده الا مثل ابوي الله يرحمه واكثر..فلا تحاولين تلفتين انتباهي لك..للانك مارح تلقين اللي تبينه.. عهود انتي بتظلين بنت عمي وام عيالي..وغيره لاتتحلمين..تصبحين على خير.. تحررت دموعها اللي اختلطت بكحلها الاسود..وحطت ايدها على فمها تمنع شهقاتها.. ******************* الجمـــــــــعه.. قامت على صوت ازعاج وصراخ..طالعت بساعتها ولقتها وحده الظهر..قامت من سريرها.. ليلى:الحمد الله الذي احيانا بعد ما اماتنا...ودخلت دورة المياه تتوضى وتصلي الظهر.. 0 0 0 خلصت من صلاة الظهر بعد ماسبقتها بركعتين وانهتها بركعتين..مسكت القران وقرت سورة الكهف.. صارت تسمع الاصوات تزيد..وتعلى..فصخت جلالها وطلعت من الغرفه..ولمحت خالد ينزل مع الدرج وهو مسرع.. زادت نبضات قلبها ولحقته.. كانو كلهم مجتمعين ..عمها وجدتها وابوها اللي يحاول يهدي من اخوه ويطمنه.. ليلى:السلاام عليكم..وتقدمت تحب راس عمها.. اشر لها توقف مايبي سلامها.. ابوسليمان:لا تسلمين علي..روحي مابي اشوف وجهك.. التفتت على جدتها اللي قالت الجده:والله مااسامحتتس ان صار بوليدي شيء.. ابوفيصل:الله يهديكم هي شعليها مالها دخل..والولد ان شاء الله بيرجع ياخوي تلقاه بالمزرعه ولا بالمخيم.. ابوسليمان:اقولم اتصلت على احمد واتصلت على عمال المزرعه وكلهم قالو ماشفناه...وطالع بليلى اللي واقفه ومتصنمه...حسبي الله على من كان السبب.. تاهت نظرتها..وقلبها عورها..كانت دموعها بتنزل..بس حاولت قدر المستطاع تمنعهم..طالعت بأمها اللي تترجاها بعيونها تطلع..ليه انا شدخلني.. انا ماسويت شيء علشان اصير متهمه..كرهته وكرهته وكرهته...الى متى وهو مكرهها بعيشتها..الى متى والكل متعاطف معاه وكأنها هي اللي المجرمه.. تكلمت بصوت مخنوق.. ليلى:انا شسويت؟؟ علشان تتحسب علي..؟؟ ابوسليمان:ابد طال عمرتتس ماسويتي شيء..بس وافقتي على عريس الغفله وولدي اللي هو من لحمتس ودمتس ماندري وينه عقب اللي صار مااااادري اذا هو بخيــــــــر ولا صار معه شيء..رفع سبابته لها وهو يهدد..والله ان صار بولدي شيء اني ماخلي قاطعه ابو فيصل وهو يمسك ايده ويهديه ابوفيصل:مو صاير الا كل خير..تعوذ من ابليس..والتفت على بنته...ليلى اطلعي لغرفتك.. كانت بتصرخ وبتدعي عليه جعله مايرجع ..بس حبستها بصدرها..ونطقتها نبضات قلبها..حقدت عليهم كلهم.. على عمها وعلى جدتها وعلى ناصر اكثر اكثر..دارت بظهرها وهي تسمع جدتها الجده:هذا انا اقولك يابو فيصل..تراها طالت وتشمخت..والبنت دلعناها بما فيه الكفايه..ترى ان زوجتها غير ناصر لاانت بولدي ولا اعرفك..سااامع كتمت بقلبها وطلعت الدرج وهي تركض ماتبيهم يشوفون دموعها.. ابوفيصل:يمه الله يخليك ماله داعي هالكلام..الله يطولي بعمرك ..ام فيصل خوذي امي للغرفه تريح.. وقفت ام فيصل بجلالها الطويل واللي مو مطلع منها اي شيء..مسكت ام زوجها وساعدتها على الوقوف.. **************** طلع من مركز المرور مع صديقه عبدالله .. ركبو سيارة خالد البورش كاين الكحلي..نزل عقاله وشماغه وطاقيته ورماهم ورى.. وحرك السياره.. عبدالله:على الاقل تطمنا ان ماصار عليه حادث.. خالد:باقي المستشفيات..لازم اتطمن عبدالله:ليه تدور وحنا تأكدنا ان ماصار عليه حادث.. خالد:يمكن تعب يمكن اغمى عليه يمكن احد دعسه مادري مادري..افففف .. اخذ جواله اللي بالشاحن ودق على رقم اخوه محمد..وعطاه مقفل.. رمى الجوال وهو يسبه عبدالله:خالد شفيك شوي شوي لاتسوي حادث فينا خالد:من هالزفت ماتصل علينا مسافر ولاطمنا والمشكله مااعرف اي شيء عن اخوياه..والله لاتوطى ببطنه بس خله يجي.. عبدالله:انت ركز الحين بناصر واترك محمد عنك...اقول ليه مانتصل على طلال يمكنه عنده؟؟؟ خالد:يوووه شلون راحت عني..اتصل اتصل.. طلع جواله من جيبه واتصل على طلال.. طلال:هلااا ابو شنب.. عبدالله:هلا فيك..كيف حالك..لايكون تتغدى وازعجتك.. طلال:اي غدى الله يخليك.. عبدالله:افا يعني راح علي الغدا وانا جاي بتغدى عندك.. طلال:والله انك متأمل..اصلا ماحطيت شيء بفمي من يوم جاني هالكئيب.. التفت على خالد اللي يسوق وعلى وجهه انرسم امل.. عبدالله:تقصد ناصر..يعني هو عندك؟؟ طلال:ايه عندي ..ليه تسأل؟؟ عبدالله:لاننا قاعدين ندوره الله يصلحه مقفل جواله وخالد ماخلى مكان مادوره عليه.. طلال:والله مادريت..بس هو تعبان شوي حتى الصلاة صلاها بالبيت.. وقفت السياره فجأه ..اخذ خالد الجوال خالد:وانت ياغبي دامه عندك ليه ماقلتلي وحنا متقابلين بالمسجد؟؟..وبعدين ليه ماجاء يصلي؟؟ طلال:وانا شيدريني انكم تدورون عليه..وهو جاني الصبح وافطر معي ونام..وتركته على راحته وماقالي اصلا شيء..وقومته للجمعه وقال انه تعبان مايقدر عطيته بنادول وارتاح شوي... خاف على ناصر..هو مايفوت صلاة بالمسجد الا بالشديد القوي.. خالد:انت متأكد انه بخير..عطني اياه ابي اكلمه طلال:نايم هو الحين..وبعدين تكمن اذا صار اي شيء بدق عليك..هو وش السالفه..؟؟ليه تدورون عليه خالد:ماصار شيء بس اهم شيء تطمنت عليه..اهتم فيه ياطلال مايحتاج اوصيك والله يرحم والديك لاتخليه يروح لحاله..وطمني عليه طلال:لاتوصي حريص.. خالد:مشكور وماتقصر مع السلامه طلال:تعال تغدى معي انت وعبدالله خالد:لا مااقدر عمي يدوره ولازم اطمنه...مره ثانيه ان شاء الله طلال:لا مره ثانيه ولا شيء انا عزيمتي مره وحده..يلا مع السلامه ********************* وجهه سود من الفشيله..مد يده وهو يحاول يغتصب ابتسامه.. سليمان:ايه عرفتك..كيف حالك.. تركي:بخير الله يسلمك..انا شفت الاسم وعرفتكم على طول..بس شلون تصير ولد عمه؟؟..اسم الجد يختلف؟؟ سليمان:عمي اخو ابوي من الام.. تركي:والله انا مااعرف الا ابو فيصل..هو وشلونه.. سليمان: بخير الله يسلمك.. تركي:استريح استريح.. جلس على كنبه منفرده جلد اسود..وجلس تركي قباله يفضلهم طاوله خشبيه سليمان:انا تراني جاي على وجهي ماادري عن شيء..قلتولوي فيه قضيه على محمد..شالقصه؟؟ تركي:اول شيء لازم نضيفك..شتشرب سليمان:شاهي سحب التلفون واتصل على القهوجي يجيبلهم اثنين شاهي..سكر السماعه تركي:عسى ماتعبت من السفر.. سليمان:لا الحمد الله..تركي ممكن تقولي الموضوع.. تركي:شوف ..محمد ماعليه شيء رسمي ضده..يعني مافي سوابق ممكن تقول مبتدئ..وان شاء الله بحاول يطلع منها سليمان:وشي قضيته؟؟ تركي:قضيته.. قطع عليهم القهوجي اللي دخل بصينيه معدن وفيها بيالتين شاهي.. نزلهم على الطاوله..وطلع تركي:اول شيء اشرب بعدين نتكلم اخذ رشفتين ونزل البياله تركي:سليمان انتم مالاحظتو شيء على محمد..اي شيء غريب سليمان:لا..تركي قولي قضيته ارهابيه؟؟؟ تركي:هو شبه..يعني حنا ماسكينه مع عبدة الشيطان.. سليمان:عبدة الشيطااااااان!!!!!!!!مستحيل شتقول انت...محمد مايسويها.. تركي:لا سواها..وماسكينه وهو متواجد بشقتهم وسكراان..وهالقضيه تندرج تحت مسمى الارهاب.. سليمان:مااصدق اكيد فيه غلط بالمووضوع مستحيل مستحيل انا اعرفه زين واعرف اخلاقه تركي:الحين بخليك تشوفه وتتأكد...هو موجود بالمخفر موقفينه هناك.. سليمان:اي مخفر الحين بروحله تركي:بنروح جميع.. 0 0 0 0 0 |
وصلو للمخفر..وتمنى مايطلع محمد..بس خاب امله يوم شافه.. تمو يطالعون ببعض.. تركي:انا اترككم تاخذون راحتكم...عن اذنكم.. كور ايده اول ماشاف الباب يتسكر ورماها بقوه لتستقر بخد محمد اليمين..ورجع بسط ايده وعطاه كف.. كان راضي باللي يجيه يستاهل..جزاه واقل من جزاه سليمان:ليييييييييييش لييييييييييييييييش ؟؟هذي اخرتك...هذي اخرة الثقه ..كان يهزه مع ياقته محمد:سليمان ادري ادري اني غلطان بس صدقني والله مادريت عن شيء والله والله سليمان:بسسسسسسسسس ولا كلمه مابي اسمع صوتك فشلتنا عند خلق الله ..الله ياخذك.. محمد:ليش فيه احد درى..؟؟ سليمان:شرااااايك انت ..انا مادري شقول..يعني ..اخخخخ يالقهررر... حرر نفسه من سليمان الهايج..واستراح على كرسي وحط راسه بين يدينه وهو منزله.. محمد:سليمان الله يخليك اللي فيني مكفيني ..صدقني ماكنت ادري عن اي شيء لعبو فيني.. سليمان:مارح اسمع منك شيء..اجل رايح لرحله ..بس الشرهه مو عليك على ابوك اللي واثق فيك..مادرى عن فعايل ولده لمحترم اللي الكل يسأل هو ولد ابوفيصل..انت تدري شسويت ..انت شوهت سمعتنا يامحترم لابارك الله فيك من ولد..انا كنت اتمنى اموت ولا اشوف شماتت الناس فينا..ولد عمي من عبدة الشيطان..ونعم التربيه والله محمد:سليمان انت مصدقهم..قلتلك والله ماعبدت احد..انت صاحي اكفر بالله سليمان:انت من متى تشرب؟؟؟ بلع ريقه بصعوبه وحس بالعرق يتصبب من جبهته محمد:اول مره.. سليمان:لا متربي صح..ان طحت تطيح على شيء قوي..ماتلعب .. محمد:ورب البيت اول مره ..وماعيدها بس طلعني ياسليمان والله قرفت بعيشتي.. كان مصدوم بمحمد..مو متخيل اللي يشوفه ويسمعه..هذا محمد اللي يمدحه.. سليمان:خلك تخيس ..مثل ماخيست سمعتنا..يالتعبان..وطلع... ********************* بعد صلاة العصــــــــــــــــــر.. مانزلت من غرفتها من بعد اللي صار.. فصخت جلالها وسفطتهم مع سجادتها وحطتهم بالصندوق..مسكت القران وبدت تقرى وردها اليومي.. خلصت من وردها وقرت اذكار المساء..راحت لغرفة الملابس وطلعتلها تنوره طويله بقصه مستقيمه مع جيوب على جنب لونها موف ..ولبست عليها تيشرت موف غاامق مع زخرفه ذهبيه على جانب التيشرت..رفعت شعرها الاسود ذيل حصان ولبست صندل ذهبي ..اخذت شنطتها لويس فويتون ولبست عبايتها ونزلت تبي تروح لميساء تساعدها بجهازها اللي مابقى على زواجها غير اسبوع...مالقت احد بالصاله..سمعت اصوات بالمجلس العائلي ودخلت.. كان جالس وباين عليه الضيقه..شابك يدينه ببعض ومركي جبهته عليهم... وخالد بجنبه وحاط يده على ركبته..وامها وسلمى سكتو لما شافوها دخلت طالعت فيهم وهي خايفه..لايكون صاير شيء وانا ماادري.. ليلى:خالد شصاير؟؟ ابعد عيونه عن ابوه..وطالع فيها يطمنها خالد:لاتخافين ان شاء الله مو صاير الا كل خير.. صرخت فيهم وهي تطالع حال اغلى ماتملك.. سلمى:وشو اللي مو صاير شيء..تلعب على مين انت؟؟والتفتت على اختها..انا اقولك شسويتي...انتي وافقتي من هنا وابوي عطا كلمه للرجال بالمواقفه وجدتي وعمي حالفين انهم مايكلمون ابوي ويقطعون علاقتهم فينا اذا تزوجتي غير نااصر.. ام فيصل:سلمى يكفي.. سلمى:يكفي ايش ولا ايش كلنا تعبنا من سالفتها..خلاص قلنالهم ماتبييييييه غصب هو تتزوجه.. خالد:سلمى مو ناقصين حنا قومي اطلعي برى.. سلمى:افف خلاص بنطم واسكت..وانت القالها حل يابو العريف خالد:سلمــــــــــــى بلا قلة ادب.. ام فيصل:خلااااااااااص يكفي..سلمى قومي شوفي عيالك.. كانت بتقوم بس طيحة ابوها المفاجئه افزعتها وشلت رجولها.. خالد:يببببببببببه...وبسرعه رفع راسه ويضربه خدوده بخفه..يبببه يبه يبااااااااااااااه رد علييي صرخت فيه وهي بمكانها ام فيصل:بسرررررررررعه بسرررررررعه للمستشفىىىى هالصرخه رجعته للواقع..حط يد تحت راس ابوه واليد الثانيه تحت ركبه وشاله بقوه.. تمسكت فيه وخالد يحاول يشيله ويصرخ تبعد عن طريقه.. ليلى:يبه يباااااااااااه يباااااااااااه لاترووووح يبببه يباااااااااااه اللي تبيه يصير يبه لاتخلييييييييييني يبه وتلاشى صوتها وهي تجثي على ركبتها وخالد يركض وهو ماسكه بين يدينه بكل قوه خايف يطيح منه.. بسرعه راحت تلبس عبايتها وقلبها يرجف ويردد بالله يخليه لنا يارب تحميه كانت بنتها سلمى تركض وراها وهي حامل بدون شعور لبسو عباياتهم وطلعو مع السواق يلحقون خالد وتركو ليلى تبكي لوحدها.. كانت ترجف بشكل مو طبيعي وتشاهق ..التفتت حوالينها ومالقت احد..الكل تركها.. لبست عبايتها بسرعه وطلعت برى البيت وهي تركض وتبكي..مالقت احد..مالحقتهم..كانت بترجع للبيت وتروح مع السايق لحالها بس انتبهت لاكره شخص بحياتها..وهو يناديها من سيارته.. كان طالع من بيت طلال بسيارته وبيروح لبيتهم اللي يفصله عن بيت طلال شارع وملزوم يمر من عند بيت ابو فيصل.. ركضت له وفتحت الباب وركبت بجنبه وهي تصرخ فيه ليلى:بسرررررررررعه بسرررررعه لايروح ويتركني بسرررعه حرك السياره وهو مايدري وين يروح سألها ناصر:لولوي شفيه من اروح له ليلى:روحله بسرعه ابو بسرعه طاااح طاح..ورجعت تنتحب..ابوي ابوي ابووووي اااااه كله مني كله مني..بسرعه ابي اشوفه لا يروح لايروووح لايروووح .. طلع من الحي وهو جاهل الوجهه اللي يروحلها .. ناصر:لولي اهدي اهدي وكلميني زين عمي شفيه ووين راح؟؟؟ ليلى:خلوووني ومادري وين راحو فيه..بسرعه روحله بسررعه..وحطت ايدها على فمها من ورى الغطى تمنع شهقاتها.. خاف عليها وخاف على عمه..وش صاير وهو مو قادر يفهم.. الا انه طاح..اكيد صاير شيء كايد...راح لاقرب مستشفى لهم.. وقبل لايوقف نزلت بسرعه وبغت تطيح..ضرب بريك قوي ولحقها وهو موقف السياره بمكان غلط وتارك الباب مفتوح والسياره مشغله.. ماكان يبيها تضيع منه...ركض لها بسرعه لين صار بجنبها ومسك ايدها بقوه وسحبها معه للاستقبال.. ناصر:لو سمحت اخوي في حالة طوارئ جتكم الحين؟؟؟ :ايه فيه ثلاث حالات..عن مين تسأل ناصر:راشد ال--- :روح من هنا ثاني غرفة على اليسار.. هرول بسرعه وهي بجنبه وودها تسبقه بس هو ماسك بايدها..وصلو ولقو خالد يروح ويجي بالممر وسلمى وام فيصل جالسين يبكون..عجزت تسحب ايدها من ناصر وسحبته معه لاخوها ليلى:ويين ابوي ياخالد وييينه حط يدينه على اذونه من كثر ماهو خايف ومتوتر..وصرخ خالد:مااااااااااااااادري ماااااااااااااااادري لحد يسأأأأألنننننننننننننني ..وطلع من المكان بسررعه.. زاد بكى ام فيصل وهي تشوف خالد بهالحاله..حضنتها سلمى وهي تبكي معها.. خلاص ماعاد لها حيل تتكلم تحس دمها نشف وقلبها بيطلع من صدرها دموعها تحجرت وحست باطرافها تبرد.. التفتت عليه وهو لازال ماسك ايدها..وتكلمت بصوت قوي بعكس الضعف اللي تحس فيه ليلى:انت شتبي؟؟..تبي تذبح ابوي مثل ماذبحتني.. وذبحت ولدي ..انتم ليش تكرهونا؟؟..ليه جدتي تسوي كيذا؟؟ابوي مو ولدها؟؟ انا انا مو بنت ولدها مثل ماانت ولد ولدها..ليه يسوون كذا؟؟ ماتهمكم الا سعادتكم وحنا بالطقاق ..ماتهمكم كلمة ابوي للناس...حنا شسوينالكم؟؟فضحتوني انت وولد عمك وطلقتني واتهمتوني بشرفي ..وانا اطلع المذنبه..هم مايشوفون؟؟ ..انت المفروض يعطونك الاوسكار..افضل ممثل شفته بحياتي..تقلب الامور لصالحك..كل شي يمشي مثل ماتبي...يااكون لك ياماكون لغيرك..ليه انا مالي حق اعترض؟؟ مالي حق ارفض...مالي حق اعيش حياتي اللي خربتها مثل اي بنت..مالي حق اصير ام ويصير عندي عيال..حاسديني..انا من بيجيني عقب اللي سويته فيني؟؟ والحين يوم جاء بتقطع نصيبي..انت شتبي ليه مااتفهم ليه ماتحس؟؟؟ قلتلك اكرررهك اكررررررررررهك اكررررررررررررهك الله ياخذك انت كاااابوووووس تسمع كاااااااابوووس... ناصر:خلا خلاص اهدي اهدي ليلى:ليييييييه شايفني مجنونه ولابتحرمني بعد من الكلام..قولي بعد علشان اقطع لساني وترتاح جدتي.. كانت ترجف وهي تتكلم ..مسكها مع كتوفها وجلسها على اقرب كراسي انتظار.. ناصر:خلاص اهدي اللي تبينه يصير..ارتاحي ولاتتحركين بروح اشوف شصار... 0 0 0 0 كان واقف بالحديقه ويمنع دموعه تنزل..لو عليه شماغ كان تلثم وهانت بس هو ماعليه الا ثوب ومفسر اكمامه..حتى جواله مو معه.. كان مشبك يدينه ببعض وحاطهم على فمه ..ويدور بالحديقه..وده يروح وده مايروح..يبي يتطمن وبنفس الوقت خايف.. مصيبه اذا صار شيء لابوه..شيبي يسوون بحياتهم..هم ايش من غيره؟؟ ..شلون يجلسون بالبيت من غير صوته.. تحررت دمعه من عينه معلنه العصيان..كانت حاارقه مثل الحراره اللي يحس فيها..مامسحها لانها تبخرت بسرعه.... ************************ كانو جالسين بكراسي خوص بالحديقه قبال المسبح.. فرقع اصابعه.. عبدالمجيد:انت متأكد انك ذبحته؟؟ حك حاجبه باصبعه.. زياد:متأكد..مادري بس مو معقول مايموت..انا خنقته وبس..بس اكيد ماات فراس:طيب لو مات ليش ماكتشفو للحين... عبدالمجيد:مو انا علشان كيذا شاك...لازم نتأكد فراس:انهبلت انت تبي تفضحنا..صدق من قال ان المجرم يدور حوالين المكان اللي ارتكب فيه جريمته.. عبدالمجيد:اجل شلون نتأكد؟؟؟ زياد:من بنت اخوه فراس:ماخبل منه الا انت..يعني شبتقول لها..شخبار خالك اللي خنقته هو مات ولا للحين حي؟؟ عبدالمجيد:فراس شفيك تتمسخر علينا فراس:قولو شيء يدخل العقل علشان ماتمسخر.. زياد:افف شهالبلشه...مو وقته ابد عبدالمجيد:لا وبكل ثقه رايح تخطب بنت الناس..الله يسترر.. فراس:انتم فكرو بحل اذا مات فعلا..ولاتشغلون بالكم بشيء ثاني..اكتشفو ولاماكتشفو بقلعته .. زياد:مو قادر افكر بغيره..مسبب لي قلق عبدالمجيد:لا خلاص انا بدور على واحد اعرف ظروفه زين ومارح اقوله عن شيء الا اذا اكتشفت الشرطه الموضوع.. فراس:ايه هذا الراي..وش اللي بايدك؟؟ كان لابس تيشرت بني كت..مع برموده جنز فاتح.. زياد:ههههه هذي اثار الجريمه.. عبدالمجيد:ههههههه هز راسه مستهزأ فراس:اضحكو اضحكو مالت عليكم .. ************************* لقاه مثل ماتوقع بالحديقه..تنفس بعمق وراح له .. ربت على كتفه..والتفت عليه خالد:ناصر!! هاشصار..؟؟ ناصر:لا الحمد الله..ان شاء الله بتعدي على خير..انقلوه للعنايه الفائقه..يقول الدكتور بكره بينقلونه للعنايه المتوسطه.. خالد:فيه جلطه؟؟؟ هز براسه معنى ايه.. خالد:وين فيه؟؟؟ ناصر:بالقلب...قوم معي علشان تتطمن عليه خالد:مابي..مااقدر اشوفه بهالحاله..خلني جالس هنا.. ناصر:براحتك..انا بروح اكلم السواق يقرب السياره علشان اهلك يرجعون ماله داعي قعدتهم عنده.. خالد:عطني جوالك خلني اكلم سلمى علشان يرجعون مو سامعين منك.. تضايق من كلمته ..ومد له جواله.. ******************* غطى وجهه بالحاف وشده عليه.. فيصل:مو قايم وخري عني.. فصخت صندلها ونقزت على السرير بقوه وارتفع فيهم ونزل.. عبير:فصوول قووم خلاص والله اسفه.. فيصل:0000000 عبير:فييييصل رد علي..قلتلك اسسفه فيصل:000000 سحبت الحاف منه بقوه وتبعثر شعره الاسود زياده صار شكله راايق وخصوصا ببجامته الكحليه اللي زادت من نضارة وجهه ووسامته.. ابتسمت غصب عنها يوم شافته.. فيصل:ليه تبتسمين؟؟؟ عبير:حرام بعد ابتسم..مشاء الله عليك مرره حلوو ..انقطع كلامها وهي تستوعب ان اللي تقوله بنفسها يسمعه فيصل..هييييء وحطت ايدها على فمها.. ضحك بصوت عالي هههههههههههه هههههههههههههههههههههه حمر وجهها من الفشيله ..بسرعه تحركت وقبل لاتنزل من السرير طاحت على الارض.. طراااااااااااااااخ ماتحملت الفشيله اكثر وبكت وهي بمكانها.. وهو ماقدر يمسك نفسه وزاد بالضحك.. ههههههههههههههههههه زحف على السرير لجهتها بعد مانتهى من نوبة الضحك..ونزل من السرير وجلس جنبها على الارض كان يبتسم وهو يكلمها.. فيصل:يعورك شيء.. عدلت جلستها وغطت وجهها بيدينها..كانت مرره منحرجه.. فيصل:خلاص يكفي لاتبكين بجيبلك حلاوه عبير:مابي حلاوه فيصل:طيب تبين اوديك لمدينة الالعاب وخرت يدينها عن وجهها وهي مميله فمها على تحت.. عبير:شتقصد يعني انا بزر؟؟؟ رفع كل حواجبه.. فيصل:اناااا!!! لا شجاب لجاب.. عبير:تتمسخر علي انت؟؟؟ فيصل:من قال؟؟؟ عبير:انت تقوول عقد حواجبه مستنكر فيصل:انا؟؟ متى قلت؟؟ مسحت خشمها بظهر يدها مثل الاطفال عبير:حركاتك تقول.. فيصل:طيب شفيهم الاطفال..هم احسن شيء بالدنيا.. سبلت بعيونها وطالعت على جنب وهي ماده بوزها عبير:طيب انت للحين زعلان مني فيصل:ايه.. طالعت فيه وكأنها مابكت قبل شوي عبير:والله يافيصل ماقصدت بس انت ماتفهم علي اصلا انا سويت كذا لان فيه اثنين سكرانين وخوفوني ماخلوني اتهنى بلقمتي وخفت عليك وانت ماتسمعني بسرعه رفعت ضغطي.. عصب.. فيصل:وليه ماقلتيلي انهم ضايقوك؟؟؟؟؟سوولك شيء ضايقوك بشيء قولي عبير:لا ماسوو شيء...بس انت اللي سويت فيني مرر يدينه على شعره متوسط الطول ورجعه لورى.. فيصل:عبير من جد صايره ترفعين الضغط تغلطين وماتبين احد يحاسبك..انا مو زوجك ليه ماقلتيلي ان فيه احد يضايقك.. عبير:قلتلك خفت يسوولك شيء.. فيصل:ليه طايح من عينك لهالدرجه ولا مو شايفتني رجال.. عبير:شفت يعني كنت بتتمشكل معهم.. فيصل:لا تبيني اصفقلهم عبير:الرجوله عمرها ماكنت بالضرب الرجوله بالعقل فيصل:عنييييييييده مادري على مين طالعه كتفت يدينها عبير :عليييك فيصل:انتي مستحيل تعقلين..مافي امل منك..تصلحين من هنا وتغلطين من هنا...اففف عضت على شفتها عبير:والله اسفه فيصل:عبير من الاخر ترى صبري له حدود..اعقلي ..انا ابي اعيش بهدوء مو كل شوي منرفزتني.. عبير:طيب اللي تبيه يصير.. قام من عندها وراح لدورة المياه وهو يقول فيصل:ماضنيت.. ***************** رجع للشيخ بعد ماوصل امه لغرفتها ترتاح ولقاه مستمر بقرايته على ابو عهود.. جلس بكنبه على الزاويه وهو يتابع معهم..انتهى الشيخ من القرايه.. الشيخ:ماتشوف شر يابو عهود..روح ارتاح ولاتنسى مثل كل يوم الاذكار والقرايه والمويه والزيت والسدر..لاتنسى حرك رقبته يمين ويسار ابوعهود:ان شاء الله..مؤيد ياولدي تعال ساعدني قام لعمه وساعده يوقف.. الشيخ:انا استأذن مع السلامه وموعدنا بكره..ومؤيد قول لامك لاتنسى اي شيء من اللي وصيتها مؤيد:ان شاء الله..الله يجزاك بالخير.. ******************************* الساعه 9 الا ربع مساء.. طلع للحديقه وابوه فضل يجلس بالمستشفى رافض انه يطلع بدون اخوه.. لقاه بنفس مكانه على الكراسي..ووقف قباله ناصر:خالد ماتعبت خالد:عمي فيه ولا رجع ناصر:لا فيه مو راضي يرجع...بيني اجيبلك شيء تاكله خالد:مالي خلق لشيء... ناصر:روح ارتاح بالبيت انا بجلس عنده خالد:افف ناصر تراك غثيتني انا مو راجع وابوي مو معي..عطني جوالك ناصر:ليش؟؟من تبي تكلم خالد:ابي اكلم فيصل لازم يجي ناصر:ماله داعي عمي مافيه الا العافيه..خله يتهنى بشهر العسل لاتكدر عليه خالد:انت ماتعرف فيصل يعني..والله يسوي فينا النون ومايعلمون اذا درى ان ابوي بالمستشفى ولا قلناله.. ناصر:خلاص انا بدق عليه خالد:لا انا احسن علشان يتطمن اكثر.. ************** طلع وشعره رطب ينقط مويه وخصل على وجهه..كان شكله جنان.. لبس بنطلون رمادي مع تيشرت اسود بكتابه رمادي.. دخلت للغرفه وابتسمت لما شافته عبير:نعيــــــــــــما فيصل:الله ينعم عليك.. راحت لازرار التكييف وطفتهم.. عبير:ليه تخلي شعرك رطب والتكييف والع..تبي تنمرض انت.. طالع فيها وهو يتخيلها تقوله مثلا.. حبيبي لاتطلع وشعرك رطب تراني ماتحمل انك تتألم وتمرض..اسلوبها ابدا مايعجبه.. هو يحب البنت بنت..يعني تكون انثى ورقيقه..هي حنونه وحلووه ومعجبته بس اسلوبها بالكلام ابدا مو عاجبه.. ماحس فيه الا لما صارت قباله وبيدها مشط.. عبير:عادي امشط شعرك.. رفع كتوفه علامة الاستسلام للواقع اللي يعيشه..جلس على كرسي التسريحه وهي وقفت وراه وبدت تمشط شعره وهي طايره من الفرررح.. رن جواله عبير:خلك مكانك انا اجيبه...اخذت الجوال من الكومندينه اللي جنب السرير وبدون ماتشوف المتصل مدته له فيصل:هذا ناصر... ورد...الوو خالد:هلا فيصل.. فيصل:خالد..انت تدق من جوال ناصر ولا يتهيألي؟؟؟ خالد:ايه ادق عليك من جوال ناصر..انت طالع ولا بغرفتك؟؟ فيصل:لا مو طالع..خالد شفي صوتك؟؟..صاير شيء امس؟؟ خالد:لا امس ماصار شيء واتفقو على كل شيء فيصل:زين الحمد الله..اجل شفيك؟؟..لايكون ناصر فيه شيء؟؟؟ خالد:لا ناصر مافيه شيء..انت متى تجي للسعوديه؟؟ صر على سنونه فيصل:خالد من الاخير شصاير ؟؟؟ خالد:تنهد..ابوي تعب علينا اليوم ووديناه للمستشفى فيصل:ابوووووي!!!! شمنه ؟؟شصار له؟؟؟ خالد:الحمد الله هو بخير مافيه شيء بس انا قلتلك علشان ماتزعل بس فيصل:اقوووووووولك شفيه انطق ؟؟؟ خالد:احم..الدكتور يقول ..يقول فيه جلطه خفيفه فيصل:جلطه!!! شلون ؟؟ووين ؟؟ خالد:جلطه بالقلب بس صدقني هو بخير وتوه مكلمنا والدكتور يقول يومين ويطلع بالسلامه فيصل:انتم اي مستشفى؟؟؟ خالد:مستشفى ال---- فيصل:طيب..مع السلامه... سكر بدون مايسمع جواب اخوه... عبير:من اللي فيه جلطه؟؟جدتي؟؟ فيصل:لا ابووي..روحي جيبيلي مويه نشف حلقي... عبير:ان شاء الله.. دق على رقم زياد اللي جاه صوته وهو يهلي فيه زياد:هلاااا بالمعرس واخيرا تكرمت ودقيت اكيد تباركلي فيصل:زياد تراني مو ناقص..اسمعني ابيك تروح لمستشفى ال---- تعرفه زياد:ايه اعرفه..ليش عسى ماشر فيصل:ابيك تسأل الدكتور عن ابوي..اليوم تعب عليهم وودوه للمستشفى وانا مو متطمن..واسمع تدق علي وتقولي اللي صار بالضبط..وابيك تحاول تنقله لمستشفى العسكري.. الدكتور خير الله ممتاز.. زياد:طيب الحين بروح واسأل...ولاتخاف بنقله عندنا وبهتم فيه.. فيصل:يلا انتظرك وانا بدق على مدير المستشفى وعلى خير الله بعد..علشان اوصيهم زياد:مايحتاج انا اقولهم فيصل:طيب طيب بس انت روح... زياد:مع السلامه فيصل:الله يسلمك... حط الجوال على التسريحه واخذ المويه من يد عبير وشربها دفعه وحده بعد ماسمى.. عبير:تبينا نرجع.. نزل الكوب على التسريحه.. ووقف ياخذ جواله وراح لدرج الكومندينه وطلع تذاكر السفر.. فيصل:الحين بشوفلنا حجز...وطلع.. عبير:الله يحفظك... ******************* جالسه على كرس هزاز بغرفتها..تفكر بطريقه تدبر فيها السقاير.. خالها مايرد عليها..ولاتعرف احد غيره ممكن يعطيها...هي الحين مو محتاجه ..بس تخاف تجيها حالتها وهي ماتتحمل الالم.. مسحت وجهها بتوتر..لازم تدبر نفسها..بس كيف.. وقفت هز وطلعت برى غرفتها..مرت على غرفة عاليه.. غيوض:ااااه ياعاليه....اللي فيك يكفيك..لمين اشكي الحين.. كملت طريقها وسمعت صوت صراخ اخوها الصغير متعب..فتحت الباب بسرعه.. وانصدمت باللي تشوفه.. غيوض:صاااااااااااااااااااااااالح!!!!!!!!!!!! ارتبك..بالفطره حتى لو كان صغير يدري انه يسوي شيء غلط..ارتبك وراح للزاويه..ومتعب ركض لغيوض.. رمت متعب بعيد وهجمت على اخوها وبدت تضربه بقد ماتقدر كانت مقهوووره..كانت تفضي شحنة الغضب اللي تحس فيها.. اللي فيها مكفيها..واللي في عاليه مكفيها..يجي هذا يكمل علينا.. كان يصرخ من الالم..ويحاول يتفاداها بيدينه الصغار بس مو قادر.. كانت تسمع الصراخ وهي بسريرها ودموعها زادت وهي تصررخ.. كان احساس العجز يقتلها..ماتبي احد يبكي غيرها..هي تعودت عليه بس اخوانها ماتبيهم يجربون اللي تجربه.. كانت تصرخ وتصرخ بس محد يسمعها.. عاليه:غيوووووووووض..غيووووووض يكفففي غيوووووووووض... كل البيت سمع الصراخ والخدم تجمعو..طلع ابو صالح من جناحه ووراه ام صالح.. دخلو غرفة صالح ولقو غيوض تضرب بلا رحمه.. مسكها ابوها ودفها بقوه خلاها تطيح على الارض.. ام صالح:اش فييييييك عليه ..مجنووونه وركضت لولدها كان تنفسها سريع وهي تطالع ابوها غيوض:شفيني عليه اسألوو متعب شمسوي فيه هالحقييير..خاااايفه عليه مااايهمك بالبيت الا هو...شوفي شلون جازاك.. وانت يالعقرب مو قادر الا على عاليه..ورني شلون بتربي ولدك المحترررررم.. عطاها كف قووي ابو صالح:الظاااهر تبيني الحقك فيها.. غيوض:انا لحقتها وخلاااص..وصالح لحقنا..ومتعب بالطريق وانت الهى بجمع الفلووووس تقدم منها وعيونه حمراء..مسكها مع زندها وهو يصر على سننوونه ابوصالح:انتي يبييلك ترببيه .. تركت ولدها وراحت تفك بنتها من ابوها.. ام صالح:اتررركها اتررركها.. ابو صالح:وخرررري عنننني ..ودفها وطاحت على الارض.. ركض لابوه وتعلق بثوبه متعب:بابا هي ماسوت شيء هو اللي بدى..بابا اسمعني..هي شافته معي بالسرير وانا كنت اصررخ وهو مايبي يخليني وانا كنت ابكي هي ماسوت شيء بابا بابااتركها حست بعظام يدها تتفتت من كثر ماضغط عليها..كانت تقدر تحرك رجلينها بالهواء لانه رافعها.. ابوصالح:وكللل هالضرب وطولة السان علشانه هاوش اخووووه هي ماتبي تأذي اخوها..بس تبي تقهر ابوها تبيه يموت بحرته وهو يشوف ولده على هالطريق.. غيوض:لا مو علشانه هااوش...علشااانه شاااااااااااااااذ...تسسسسمع شااااااااااذ وكل ليله مع اخوووه ..تسسسسمع شفت ولدك اللي ينادونك عليه..يابو صااالح..الحين بيسموونك ابو المنحرف ابووو الشاذ.. ماتدري كيف صارت فوق السرير..طيرها بأعجوبه.. طلعت من الغرفه بسرعه وهي تسمع بكا وشهقات صالح وامها اللي تحاول تمنع ابوه عنه.. قفلت الغرفه عليها ورمت نفسها على السرير تبكي .. غيوض:سامحني ياصالح ساامحني... رن جوالها اكثر من مره ولا ردت..سمعت صوت مسجات وطنشته...ومن كثر مابكت نامت.. ************** كان بيطلع من المستشفى بيروح لبيت عمه يتطمن على جدته ويطمنها على ابوه.. تذكر انه نسى سيارته مشغله وعند الباب فتوقع ان مفتاح سيارته عند الاستقبال.. ناصر:السلام عليكم :وعليكم السلام ناصر:اخوي لو سمحت ابي اسأل اذا السكيورتي ترك عندكم مفتاح سيارتي.. :وشهي سيارتك لوسمحت؟؟؟ ناصر:بي ام..سوداء.. :ايه موجوده..الله يهديك تاركها مشغله لو مالسكيورتي انتبه كان الحين انسرقت ناصر:مشكورين ماتقصرون بس انا كنت مستعجل وتعرف.. :بس لحظه انادي السكيورتي يـتأكد من شكلك.. دخل وانتبه لناصر اللي واقف عند الاستقبال وراح له بسرعه.. زياد:السلام عليكم.. التفت وراه ..زم شفايفه وهو يشوف زياد.. ناصر:وعليكم..قالها بدون نفس زياد:شلون عمي عساه بخير؟؟ قال بلهجة مستهزأ ناصر:عمك!!..والتفت على موظف الاستقبال اللي عطاه المفتاح اخذ المفتاح وطلع بدون مايعطي وجه لزياد زياد:هذا شفيه؟؟..ابتسم...يمكن علشاني خطبت بنت عمه.. :اي خدمه؟؟ انتبه لموظف الاستقبال زياد:ايه لو سمحت ابي اسأل عن الدكتور المشرف على حالة راشد ال--- :لحظه من فضلك... *************************************** كانو جالسين على عتبة المدخل..ومتحجبين لانه فيه خدم واحتمال يمرون من جهتهم... سلمى:خلاص طنشي ليلى:يعني انا ناقصه هم تحملني مرض ابوي..جدتي شفيها علي..افف سلمى:الحين اهم شيء صحة ابوي...ومسحت دموعها..يارب تشفيه وتخليه لنا.. ليلى:يااااارب ياااااارب تشفيه وتخليه لنا..لو فيصل فيه ماكان صار اللي صار..حتى سليمان سافر بيوم الخطبه سلمى:الله يرجعهم بالسلامه ياارب..روحي ادخلي انا تعبانه شوفي امي شتسوي..تراها ماكلت شيء..ليتنا داقين على خالتي تجي تجلس معها محد يعرفلها غيرها ليلى:حنا ناقصين بعد ندق على الناس نقولهم تعالو..والله انك فاضيه سلمى:هذي الاصول يابنت الاصول..قوووومي شوفي امي ليلى:افف طيب سلمى:ومري على جدتي..شوفيها اذا خذت علاجها ليلى:تراني مو بزر ادري..ودخلت داخل.. دخل سيارته بعد مانفتحت البوابه..ودار حوالين النافور الخارجيه ووقف سيارته قبال باب الحريم.. طفى السياره ونزل.. ناصر:سلمى شفيك جالسه هنا؟؟؟ تغطت اول ماسمعت صوت سياره سلمى:ننتظرك بشر.. ناصر:لا الحمد الله هو بخير والدكتور طمنا عليه..شلون جدتي عسى ماتعبت عليكم سلمى:لا الحمد الله زينه...نامت بعد ماصلت العشاء.. ناصر:اشوا ..وعمتي شلونها؟؟ سلمى:ماطلعت من غرفتها..راحت لها ليلى.. ناصر:الله يشفيه....انا برجع للمستشفى ..تبين شيء ؟؟ سلمى:ايه.. ناصر:امري سلمى:ناصر واللي يسلمك ترى تعبنا خلاص ..هذا ابوي انمرض والسبه انت..ناصر واللي يرحم والديك خلاص انسى ليلى هي ماتبيك.. ماله داعي هالمشاكل خلها تشوف نصيبها وانت شوف نصيبك..صدقني لو فيه امل واحد بالميه انها ترجعلك كان وقفت معك بس انا ادرى وحده بليلى..مستحيل ترجعلك..حتى هالازمه مستحيل تخليها ترجعلك..وحنا عطينا كلمه للناس وانت ماترضى ابو يتفشل قدامهم..واللي يخليك ياناصر اررحمنا ارحمنا..وتهدج صوتها مارد عليها..ركب سيارته وطلع.. ******************** اففف هالجوال ازعجها..قامت من سريرها ولاهتمت اذا صالح صار فيه شيء او لا..مسكت الجوال ولقت ثمان مكالمات واربع رسائل وارده.. فتحت المكالمات وكلها ارقام غريبه..فتحت الرسايل وانصدمت وهي تقراها.. 1 ((حنا بالخدمه اذا احتجتي اي شيء..اضنك فهمتي)) سكرتها وفتحت الثانيه 2 ((شكلك مافهمتي لانك ماتردين..اذا تبين تمويل ترى عندنا اللي تبين)) سكرتها وفتحت الثالثه 3 ((ااه شكل عندك احد يعطيك سجاير ويمولك..على العموم هذا رقمي عندك اي شيء تحتااجينه من اي نوع متوفر..)) سكرتها وفتحت الرابعه 4 ((عزيزي العميل نأمل ان تحوز خدماتنا على رضاكم ونذكركم انه قد تم اصدار فاتورتك للجوال *****550 مبلغ 140،76 حساب **********)) غيوض:مين هذا؟؟؟ وشلون عرف رقمي؟؟ ...اووه فاضيه اسأل خلني ادق عليه..لا لا مو الحين بعدين..لا اخاف مايرد علي..خلني ادق اشوف اذا صادق او لأ... دقت على الرقم.. غيوض:الوو :ااوو انسه غيوض تدق علينا مااصدق غيوض:انت مين وشلون تعرفني؟؟؟ :انتي من زباينا vip شلون ماعرفك..امري ياطويلة العمر واذا تبين توصيل ترى عندنا موجود ابتسمت وهي تسمع هالدلال.. غيوض:صاادق :ليه متعوده احد يمزح معك بهالمواضيع غيوض:وبأي وقت توصلون؟؟ :وبأي وقت تبين حنا حاضرين وبالنوعيه اللي تبينها..ترى فيه انواع انتي ماجربيتها وصدقيني بترتاحين فيها.. غيوض:لا لا انا بس ابي سجاير...خلاص بينا اتصال :ننتظرك..بس لاتنسين ترى اسعار توصيل المنازل تختلف غيوض:مايهم مايهم.. :اوكيه..باي غيوض:باااي.. ******************** الساعه الثانيه والنصف ليلا.. طلعت من غرفة جدتها بعد ماتطمن عليها ومرت على غرفة سلمة وشافتها تصلي وعيالها نايمين..راحت لغرفة امها وكفاها تعرف انه قايمه صوت دعاها..دخلت لغرفتها وفرشت سجادتها ولبست جلالها.. وكبرت وبدت تصلي..اول مالامس وجهها الارض..بكت بحرقه..تبكي وشكي لخالقها..تبكي للي بيده الحل ..تبكي للي مايرد دعوه من عبده.. ((اللهم اني امتك ابنة عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استأثرت به في علم الغيب عندك ان تجعل القران نور صدري وربيع قلبي وجلاء حزني وذهاب همي ..)) يارب يابديع السموات والارض ياحي ياقيوم اللهم انك الشافي والمعافي اللهم اشفي ابي يااارحم الراحمين اللهم لاتكلني الى نفسي طرفة عين واصلح لي شأني كله..يااارب يااارب )) ****************************** ميــــــــــــن اللي بيحصل على ليلى؟؟؟ زيـــاد ولا ناصــــر... ((سبحانك اللهم وبحمدك أشهد ان لا اله انت استغفرك واتوب اليك)) قراءه ممتعه |
بسم الله الرحمن الرحيم (الجزء الثالث والعشرون) (النصيـــــــــــب...) حبيبتي مابيدي حيله.. لاصرتي الصوره وعيوني البرواز.. وشلون ابنسى مساء الاثنين.. بعد مرور يومين..انتقل ابو فيصل لمستشفى العسكري..وحالته مثل ماهي.. 0 0 0 المطار ركب السياره بالمقعد الامامي وهو يلتفت وراه يتأكد انها ركبت..التفت على السواق.. فيصل:روح المستشفى.. سكتت ماعلقت..هو صاير متوتر هالايام من يوم درى بمرض ابوه..وتخاف ينفجر عليها بأي لحظه..كان ودها تقوله يروح للبيت ويريح..بس صعب.. طول الطريق كانو ساكتين..وصوت العجمي وهو يقرأ جزء عم بعث بالانفس الطمأنينه.. وصلو للمستشفى..وبحركه تلقائيه فتح باب السياره بسرعه وركض..بعدها بثواني رجع وهو معصب انه نسى في مخلوق بالسياره.. فتح الباب الامامي والتفت على ورى يكلمها.. فيصل:عبير ارجعي للبيت عبير:مابي.. ابي اشوف عمي رص على سنونه كمحاوله اخيره لضبط النفس.. فيصل:اررجعي البيت.. عبير:طيب طيب.. شاف ابوه مره وحده بس..وماقدر يتحمل..صارله يومين جالس عند الباب..بس مايتجرأ يدخل او حتى يطالع مع الزجاج.. مفسر اكمام ثوبه باهمال..ولاهو لابس شماغ..كان شكله مبهدل..رفض يرجع البيت من غير ابوه..متجاهل رجاء جدته وعمه.. رفع عيونه وهو يسمع صوت ناصر اللي يسولف مع الدكتور.. ناصر:دكتور شصار على موضوع السفر.. الدكتور خير الله:يابني مافيش حاقه قديده..اللي بنعمله هنا بيعملوه هناك..سدأني..هيا مسألت وأت وبيرجعلكو متل اول واحسن.. ناصر:انت متأكد.. الدكتور:امال ايه..ربت على كتف ناصر..ومشى.. التفت على خالد ومدله لسانه..وضحك خالد غصب عليه.. ناصر:ايه ياخوي سمعنا الضحكه..اضحك تضحكلك الدنيا... خالد:شقال..؟؟<<كان يقصد الدكتور جلس جنب خالد وهو يفك شماغه ويرجع يعدله.. ناصر:يقول اذبحو خالد قربان لله وبيطيب.. خالد:هههه..والله انك رايق رفع حاجبه وهو مستغرب.. ناصر:فيصل !!! فز قلبه لما سمع الاسم..طالع بالمكان اللي يطالعه ناصر..وانتبه للشخص اللي لابس جينز فاتح مع تيشرت عنابي نص كم .. هذا فيصل..متى جاء؟؟وليه ماقالنا؟؟ كان يهرول بالمشي..وقف عند الممرضه المبتسمه وتسلم عليه..ماعطاها وجه وطلب منها تجيبله كمام بسرعه..نفذت طلبه..ماكان يشوفهم او حتى يسمع اصوات خالد وناصر اللي ينادونه..كان همه يوصل لابوه..يوصل لعزوته..يوصل للغالي..دخل العنايه بدون ماياخذ اذن..والممرض مامانع خصوصا ان فيصل دكتور بنفس المستشفى.. انصدم لما شافه..الاسلاك مغطيه جسمه..ووجهه اصفر..عيونه مغمضه بتعب..كأنه ميت.. تقدم خطوه منه..ووقف قبال ابوه بالضبط..صار يتفحصه بعيونه..مو مصدق ان هذا ابوه..معقول..ااااه..طلعت هالتنهيده وهو يحاول يكبت مشاعره..قبل مايضم ابوه وينهار بالبكي على صدره وكأنه طفل..كان يبكي من قلب ..ابعد عن ابوه والدموع مغطيه وجهه لما سمع الجهاز.. وبسرعه نادى الممرضه..طلع من العنايه وكان بوجهه خالد وناصر.. سلمو على بعض..وهو يغتصب ابتسامه ويربت على كتف خالد.. فيصل:خالد ليه شكلك مبهذل..شكلك تعبان ومو نايم..؟؟ خالد:شفته... التفت على ناصر ورجع التفت على خالد وهو يقول بتأكيد.. فيصل:ماعليه خلاف ..صحته زينه.. خالد:بس هو مافاق صارله قاطعه فيصل فيصل:تفائلو بالخير تجدوه...عمي وينه ياناصر..؟؟ ناصر:رجع للبيت يريح... فيصل:وانت اكيد مرابط مع خالد؟؟ ناصر:شتبيني اسوي.. فيصل:خلاص ارجعو البيت وانا اللي بجلس عند ابوي..ورجاااء مابي اي نقاش..انا بروح للدكتور وبارجع ومالقاكم فيه سامعين خالد:مااقدر ادخل البيت وابوي مو معي...صعبه ناصر:تعال معي للبيت..لا تتعذر وبعدين تراك اهملت امك وهي محتاجتلك الحين..يلا امش قدامي.. اقتنع من كلامهم وخصوصا ان فيصل هو اللي بيرافق.. خالد:فيصل توصي على شيء؟؟تبي شيء فيصل:انتبه لامي ولخواتي..لحظه محمد وينه جواله مقفل ؟؟ طالعو ببعض بحيره..هم مايدرون وينه..او بالاصح هم مو مقتنعين بالكلام اللي وصلهم من سليمان.. ناصر:سليمان يقول انه معه..كان عنده شغل بالامارات بعدين راح للكويت وتقابل مع محمد هناك وقال احتمال يرجعون الاسبوع الجاي..وتراه مايدري شصار بعمي.. فيصل:وهو شوداه للكويت؟؟؟ خالد:يقول رايح مع المدرسه..بس هذا وجهي ان كان صادق.. فيصل:خالد ترى مو ناقصين حنا..يلا مع السلامه واستأذن يروح للدكتور خير الله علشان يشوف حالة ابوه.. ******************************* كانت بتروح لبيتها..بس هي مامعها مفتاح وغير كذا تخاف تروح لحالها.. عبير:ياربي وين اروح؟؟؟اروح لبيتنا او لبيت عمي؟؟؟اخاف مالي غرفه عندهم..احسن شيء اروح لهم واسلم عليهم واجلس لين يجي الليل وارجع مع جدتي .. دخلت البيت وهي مستحيه..هي مو اول مره تجيه..بس هالمره غير هالمره هي مرت ولدهم الكبير.. مالقت احد بالصاله او حتى بالمجالس..سألت شغاله وقالتلها انهم بغرفة مدام ام فيصل .. طلعت فوق ..ونادت بصوت عالي عبير:لييييلىى ليلىىىى.. طلعت من غرفة امها بقميص البيت السماوي وهي تركض.. ليلى:عبييييييييييييييييييييييييير....وضمتها وبكت.. عبير:لوووولي اشتقتلك وهي لازالت ضامتها ليلى:شفتي شصااار فبوي؟؟ بعدت عنها وهي تمسح دموع بنت عمها عبير:دريت..وان شاء الله يقوم بالسلامه..وين جدتي وخالتي ليلى:داخل بالغرفه.. عبير:امشي بسلم عليهم... ودخلو.. كانت ام فيصل مستلقيه على سريرها وباين عليها التعب والحزن..وبجنبها جالسه اختها ام فهد وعلى الكنب جالسه ميساء وسلمى..وعلى الارض فارشين اسفنج جالسه فيه الجده..وقدامهم طوفريه فيها شوربه وفطاير وسلطات.. فزت ام فيصل اول ماشافتها..وفتحت يدينها..بسرعه راحت عبير لها وضمتها..كانت ام فيصل تضمها بقوه وتستنشق ريحتها وكانها تستنشق ريحة ولدها من خلالها..ماكانت تعرف شتقول بس همست عبير:طهور ان شاء الله..وانشاء الله يقوملنا بالسلامه.. ام فيصل:وين فيصل؟؟؟ بعدت عنها وهي تمسح دمعه تحررت من عيونها عبير:من المطار راح على طول للمستشفى..ويسلم عليك..واحتمال يبات هناك.. ام فيصل:الله يسلمك ويسلمه ويسعدك ويسعده.. ابتسمت لدعاء خالتها وقامت من السرير وراحت لجدتها اللي ماقصرت فيها ضم وحب.. سلمت على سلمى وبعدين راحت لام فهد وسلمت عليها رجعت تسلم على ميساء.. سلمت عليها وكأنها مغصوبه ومدت ايدها ببطئ ميساء:الحمد الله على السلامه كانت كارهتها والحين كرهتها اكثر.. عبير:الله يسلمكم..وتعدتها وجلست جنب جدتها على الارض.. ********************* ياوليدي مانويت تعرس؟؟ ابتسم لابوه ووقف وهويقول مؤيد:اذا اعرس حسام اعرست حسام:على وين؟؟ مؤيد:جوعان نوم..ابي اريح ابو مؤيد:حسام بيعرس ان شاء الله.وانت بخطبلك عاليه مؤيد:يبه انت تمزح.. حسام:احمد ربك ان قبلت فيك.. التفت على اخوه وهو معصب مؤيد:انت لاتحرف كلامي..انا ماقصدت اللي فهمته.. ابو مؤيد:اجل شكنت تقصد؟؟ مؤيد:ابو صالح مارح يعطينا...فلا تعبون انفسكم..تصبحون على خير.. طلع لغرفته وترك ابوه وحسام يتناقشون ابو مؤيد:تهقى مايعطينا حسام:الا متأكد ابو مؤيد:بس امك مو متهنيه الا اذا جابت بنتها عندها..انا بحاول معاه وبشوف.. ********************* بسيارة ناصر ..اللي يشوفه يقول مركز بالشوارع وبالسيارات..بس بالواقع التفكير ذابحه..وماكان يشوف اي شيء.. التفت على ناصر بشكل مفاجئ خالد:ناصر شصار على موضوعك؟؟ عقد حواجبه وركز بالطريق متجاهل السؤال.. قال بملل وهو يرجع يشوف السيارات من شباكه.. خالد:بعد اللي صار..تحلم ياناصر ترجع لليلى.. سكت مارد عليه ولا علق.. خالد:حتى لو ماخذت زياد..يتاخذ غيره..بس انت لأ..انا يمكن كنت ابيها ترجعلك لاني كنت مضطر..كنت خايف انها تبقى طول عمرها بدون زواج..ماكان قدامنا اي خيارات..انت مر..وتبقى بدون زواج مر..بس اهون المر هو انت..حتى ابوي..هذا كان تفكيره..والا شيللي يحده يرجع بنته اللي مثل روحه لواحد ماصان كرامتها..ناصر حنا تعاملنا معاك وكأنه مافي شيء صار..كل هذا علشان ماتتفكك عايلتنا..بس انتم قابلتو احسانا بشر..و..انقطع كلام خالد لما ناصر مسك بريك قوي وضرب بووري ناصر:بسسسس مابي اسمع شييييء.. خالد:لا بتسمع وبتسمع..واذا ماسمعت بنوريك افعالنا.. ناصر:وكل شيء يطيح على راسي...انتم شتبون مني..كل واحد يتصرف من حاله وكأنه مسئول عني او عنها..انا صاحب الشان وهي بعد..مالكم دخل فينا..انتم كل ماتدخلتو بعدتونا عن بعض اكثر واكثررر..انا ماطلبت لامنك ولا من عمي ولامن ابوي ولامن جدتي انهم يرجعونها لي بالغصب..انا ماطلبت منكم مساعده..وصرخ فيه..ليييييه تفرقونا عن بعض.. حرك السياره وكأنه يقول النقاش انتهى.. ********************* قوومي قومي انطبعت على خدودها حمرة الخجل وخصوصا ان كل الانظار عليها.. بللت شفايفها وتمتمت بصوت خجول عبير:بعدين اروح..تو الناس ضحكت سلمى من قلب والكل استغرب هالضحكه..لانه من زمان ماسمعو صوت ضحك بالبيت.. سلمى:عبوره وليه كل هالحياء..مافيها شيء روحي ريحي بغرفة فيصل..خلاص يابنت هو الحين زوجك.. زوجك زوجك زوجك زوجك رددت هالكلمات بقلبها علشان تستوعبها..خلاص ياميساء..فيصل راح..فيصل مو لك..عقدت حواجبها وبان على وجهها الضيق.. ماحد حس فيها الا عبير..هي اللي ركزت بملامح وجهها ..وحست بنار بقلبها..قالت تبي تأكد هالكلمه..وتبي تأكد ان فيصل لها ومو لغيرها.. عبير:ادري انه زوجي..ولاني مستحيه..بس ابي اجلس معكم..ولا ماتبوني الجده:لا يابنيتي روحي ريحي بدارتس انتي جايتن من مشوار طويل كود انتس تعيبينه..قومي قومي عبير:خلاص ان شاء الله..تصبحون على خير الكل وانتي من اهله التفتت على امها اللي جلست جنبها وهمست بأذنها ميساء:يمه خلينا نرجع..تعبانه ام فهد:طيب الحين نروح.. دخلت جناح فيصل..ووراها ليلى ليلى:سامحينا ياعبير مادرينا انكم بتجون وماتوقعنا انكم بتنامون عندنا يعني على اساس بتروحون لبيتكم.. عبير:ليلوه انا موغريبه..شهالرسميه؟؟وبعدين شفيها الغرفه بالعكس مررره حلوه.... غمزت لها وهي تضحك بمكر ليلى:ايه بعيونك بتطلع حلوه.. عبير:انسه ليلى مطوله؟؟ ليلى:تبيني اروح عبير:ياليت.. ليلى:هذي كلمه عاديه وطردتيني بكره شتبين تسوين فيني.. عبير:يعني ناويه علي؟؟؟ ليلى:انا!!! بالعكس...تصبحين على خير..اقصد على فيصل..وهربت قبل ماتمسكها عبير.. ******************** الساعه الثانيه والنصف ليلا.. دخلت ومعها صحن حلى وقاعده تبلع منه بنهم.. عاليه:اخيرا تذكرتي ان عندك اخت.. غيوض:ههههه عاليه:غيوض شصايرلك؟؟قوليلي.. غيوض:ليه شفيني..مافيني شيء...دريتي باخر خبر..امي طلعت مع اخواني من البيت..وانا جلست علشانك..والعقرب منهبل خططه راحت بالفتوش..مانال من الورث اي هلله..ههههههه اااه بس لو شفتي شكله ..تحححفه... تنفست بارتياح وهي تسمع هالخبر..اخيرا قررت ام صالح تعالج ولدها عند طبيب نفسي.. عاليه:اقول غيوض نوال وينها؟؟من زمان ماجات ولا حتى اتصلت حست بالتوتر وجاوبت وهي تبلع قطعة تشيز كيك غيوض:مااادري ..انا ابي اروح انام تبين شيء عاليه:ايه اعطيني الجلال..ابي اصلي صلاة التهجد..بأخر الليل الله ينزل للسماء الدنيا ويقول هل من داعي فأستجيب له..وبعدين انا فيني ضيقه ومايريحنا الا الصلاة والشكوى لله..وصدقيني جربيها وبترتاحين مدت لها الجلال..وطلعت على طول..دخلت غرفتها وسكرت الباب بالقفل..هي الحين محتاجه سجاره..طلعت الصندوق الخشبي واخذت لها سيجاره.. غيوض:مابقى الا ثلاثه..يكفوني هالاسبوعين.. ********************************* النفس عيت تقبل النوم والزاد مماحصلي في زماني وجالي صار الحزن في داخل القلب وقاد دايم تناجيني هموم الليالي من عقب مافارقت انا بنت الاجواد الدمع من عيني على الخد سالي حل الفراق وصرت انا بهم وجهاد من عقبها والله عليم بحالي بنت عفيفه مامشت درب الانقاد على النقاء تمشي ولابه جدالي القلب في غيابك مع الحزن ميعاد متى يجي شوفك ويرتاح بالي قلت اتصبر لكن الصبر مافاد وياطول صبري ياحسين الدلالي تمدد على حبات الرمل البارده اللي تعكس ضوء القمر..ماكان فيه احد حوله..بس اصوات مبهمه تجي من بعيد.. حط يدينه ورى راسه بعد مافصخ شماغه..كان يطالع بالسماء وبالنجوم الساطعه.. ناصر:سبحان الله..فعلا النجوم زينه السماء..لا اله الا الله..سبحانك ابدعت.. ***************** كانت لابسه بجامه موف حرير..وتاركه شعرها مفتوح..راحت للتسريحه واخذت كريم الليل ووزعته على بشرة وجهها.. بخت من عطرها اديكت..وراحت تتمدد على السرير..حطت راسها على المخده وتغطت بالحاف..كانت ضامتهم وتستنشق ريحتهم.. عبير:يازين ريحته..والله وحشني..لمعت ببالها فكره..قامت من السرير وراحت لشنطتها وطلعت جوالها نوكيا 95 البنفسجي.. ضغطت على رقمه بعدين تراجعت عبير:يمكنه نايم..احسن شيء ارسله مسج.. كان جالس بالحديقه وبيده كوفي..طلع يغير جو .. سمع صوت المسج..نزل الكوب على الكرسي اللي بجنبه..وطلع الجوال وفتحه.. ((هاض الخفوق وداعب الفكر نسناس.. والقلب شوقه للحبايب يجره.. يبقى غلاك معلقن بين الانفاس.. غلاك يبقى في خفوقي مقره.. وان صار في دنياك ضيقه وهوجاس.. فأنا معك في خير وقتك وشره..)) تحرك شيء بداخله..وزادت نبضات قلبه..خانته اصابعه وضغط على رقمها.. وجاه صوتها الخجلان عبير:هلا فيصل.. ابتسم وهو يتخيل شكلها رقيقه لهالدرجه..صوتها تغير..اول مره يسمع صوتها بهالطريقه..رجعه للواقع صوتها اللي بان عليه الخوف عبير:فيصل انت معي؟؟ فيصل:ايه معك.. رجعت نغمة صوتها اللي باين فيه شوقها عبير:وشلونك..ووشلون عمي فيصل:الحمد الله..حالته مستقره.. عبير:ربي لك الحمد..وانت؟؟ فيصل:انا شفيني.. ضمت رجولها لصدرها وهمست عبير:متضايق.. فيصل:كنت متضايق..بس سمعت صوتك راح كل شيء.. عبير:شكرا على المجامله فيصل:بس انا مااجامل..انا كل كلمه اعنيها.. عبير:بس انا ماسمعت غير هالكلمه.. ماكان يصدق اللي يسمعه..هي عبير ولا يتهيأ له..هذي عبير العنيده اللي بس تتهاوش معاه..معقوله تطلع بهالرقه.. فيصل:وش تبين تسمعين..؟؟ مددت رجلينها وكتفت ايدها وسندت راسها على ستاند السرير.. عبير:خالتي زعلت انك ماجيت لها حتى جدتي والبنات.. فيصل:دقيت عليهم وماكانو زعلانين.. عبير:متى دقيت؟؟ فيصل:من زمااان..وقالولي انك نايمه.. عبير:ههه لا مانمت..اقتحمت غرفتك ورتبتها .. فيصل:شرايك بغرفتي.. عبير:تشبهلك..احسها انت.. فيصل:بكره اذا تبين تروحين لبيتنا عادي..تراه جاهز.. عبير:مو رايحه الا وانت معاي..تدري.. فيصل:لا ماادري.. عبير:كنت اتمنى ادخل هالبيت وانت بجنبي..اتخيل شكلي وانا معاك ونسلم على جدتي وعلى ابوي وعمي وخالتي والبنات.. فيصل:ظروف وتعدي..وبندخل مع بعض كل يوم وبالواقع مو بالخيال..عبوره.. عبير:سم.. فيصل:اشتقتلك..لك وحشه..سامحيني عبوره عبير:على ايش اسامحك؟؟ فيصل:على شهر العسل اللي انقطع عبير:الايام جايه..واهم شيء صحة عمي..وبعدين انا مو غريبه تعتذر مني..صح؟؟ ابتسم من كل قلبه فيصل:ياحظي فيك يا...ياحبيبتي.. هي سمعتها..لا لا اتخيل..الا اتخيل..مستحيل اكون حبيبته.. فيصل:حبيبتي وينك؟؟ عضت على شفتها باحراج لما سمعتها وتأكدت..وهمست بصوت مبحوح قبل ماتسكر بوجه فيصل.. عبير:احبك.. حس براحه عجيبه وهو يطالع بشاشة الجوال..استحت وسكرت بوجهي..يالله معقوله هذي هي عبير..طول عمره يحلم ببنت رومانسيه رقيقه..عاقله وكلامها موزون..تحيره بحبها..فتح جواله على قائمة الاسماء وطلع اسمها وغيره..من عبير الى حبيبتي.. دخل الجواب بجيبه ومسك كوب الكوفي..وكان بارد..رماه بالزباله وهو راجع لابوه داخل المستشفى.. ************************* (غــــــــــــدا سأزف اليه...) قامت من نومها بعد محاولة نوم استغرقت ساعه بعد صلاة الفجر..غسلت وجهها بالمويه البارده.. طلعت من غرفتها ونزلت تحت..لقت ريم ماسكه واحد من التوأم ترضعه.. ميساء:صباح الخير ياجميل.. ريم:اي صباح ماقدرت انام ..هالتوأم بهذلوني وبهذلو بفهد.. ميساء:ايه الله يعينك واحد ينام والثاني يقوم..كأنهم متفقين انهم مايهنونكم بالنوم.. ريم:شكلك مانمتي؟؟لايكون خايفه؟؟ ميساء:مانمت الا ساعه...مو خايفه وخايفه..بطني يعورني ..ريم غيري الموضوع الله يخليك.. ريم:متى رجعتو امس؟؟ ميساء:على الساعه 10 تقريبا..بس ليتك جايه معاي مسويه سبا.. ريم:اتفقت مع ميريام تجيني بالظهر تسويلي.. ميساء:بروح اسويلي هوت تشوكلت تبين؟؟ ريم:لا مابي...وبدل هلتشوكلت اشربيلك عصير افودلك.. ميساء:ماتفرق.. راحت ميساء وفهد ينزل من الدرج ببجامه زيتي.. قال وهو يتثاوب ويحط يده على فمه فهد:مانام؟؟ ريم:للحين.. فهد:عطيني اياه وانتي روحي نامي.. ريم:لا انت طول الليل سهران ماخلوك تنام..روح ريحلك ساعه قبل ماتروح للشغل.. فهد:مو مرتاح وانتي هنا..اطلعي معي علشان يجيني النوم ريم:ياحبي انت تعرف ولدك اذا شاف اخوه قام يصارخ ومو مخليك تنام.. فهد:مد يده لها..انا ماعليك مني.. ريم:لا علي وعلي..بقوم لاني عارفتك مو تاركني لين اطلع معك..بس بشرط ابيك توعدني ماتاخذهم بدالي..انت بس نام ولاتشغل بالك فيهم فهد:اوعدك.. غسلت ايدها بالمويه البارده بعد مانكبت المويه الحاره عليها.. ميساء:يالله تنجينا من عذاب النار..يالله تنجينا من عذاب النار..مويه حاره وماستحملتها..كيف بنار جهنم..يارب رحمتك.. مر ببالها طيف فيصل..تعوذت من ابليس واستغفرت ربها..سكرت المويه ورجعت تصب المويه بالكوب ..ومعها انصبت كل ذكرياتها.. معه ..من طفولتهم لمراهقتهم لشبابهم..ولفراقهم الغامض..الكل كان متأكد انها له وهو لها...بس بكره زواجها..بكره هي عروس بس هو مو العريس..ريحة التشوكلت رجعتها لواقعها..اخذت الكوب وطلعت لغرفتها..فتحت الستاير كلها وفتحت البرنده وانتعشت الغرفه.. فتحت درجها وطلعت دفترها...دفترها اللي مارح ينتقل معها بكره..لانه المفروض شيء خاص ومايحق لخالد يقراه..حست بغصه وهي تنطق اسمه..خالد... *********************** طبعت على جبهة ابوها قبله وهمست له بـ مع السلامه.. مسكت ايد امها وطلعت معها برى الجناح ام فيصل:الله يهديك زواجك بكره وانتي رايحه للجامعه؟؟؟ ليلى:انا مارح افرط بمستقبلي..اليوم علي اختبار ولازم اروح..لاتنسين اني اسبوعين مارح اداوم.. ام فيصل:بس لو قلتي للدكتوره كان عذرتك ليلى:هذا اخر ترم لي..لازم اتخرج يمه..ادعيلي يمه احل كويس.. ام فيصل:الله يوفقك وييسرلك امورك ويحميك ياحي ياقيوم.. ليلى:ضمت امها بحب..الله لايحرمني منك... كان طالع من غرفته وكاشخ بالثوب. محمد:صباح الخير..وحب راس امه ام فيصل:الله يصبحك بالنور والسرور...تبي تروح للشركه من الحين ابتسم لاخته محمد:وراي شغل لازم اخلصه..ابوي صاحي ام فيصل:لا نايم.. محمد:اجل بروح اسلم عليه بدون ماقومه لاتخافين..لولي تبيني اوصلك للجامعه لفت الطرحه عليها ولبست نقابها ليلى:السواق ينتظرني...مع السلامه.. ركبت سيارتها البانوراما الفضي رمت شنطتها بجنبها وهي تقول للسواق يمشي.. سندت راسها على السيت وهي تتذكر الاسبوعين اللي مرو... حالة ابوها تحسنت..وطلع من المستشفى قبل اسبوع..واعتذر عمها من ابوها.. وهو اللي فاتح ابو فراس بموضوع الزواج يوم زارو ابوها بالمستشفى.. واتفقو انه زواج وملكه بعد اسبوعين ويكون عائلي تقديرا لحالة ابوفيصل..والجده رضخت للواقع وخصوصا بعد ماكانت بتجني على ولدها..وخالد اللي الغى دورته ورفض يسافر..وقرر يكون زواجه مع زياد ببيت ابوفيصل..محمد اللي من رجع من السفرقبل اسبوع مع سليمان وهو متغير..صاير 24 ساعه مع سليمان..مايفارقه ابدا..صار مايجتمع مع احد ولا يطلع مع اصدقاه..بس همه الشركه وابوي اللي فرحان ان محمد داوم بالشركه.. فيصل اللي رفض ينتقل لبيته مايبي يفارق ابوي وطلب من خالد انه هو يطلع من البيت اذا يبي..بس حتى خالد رفض..وامي فرحت لانهم مايبون يفارقونها..انا وحياتي مع زياد اللي ماعرف شكله ..حتى اهله ماجونا..غريبين..صحت من ذكرياتها على صوت السايق وهو يقول..وصلنا جامعه.. ************************** تمغطت وهي بفراشها توها تقوم من النوم..مددت يدينها على وسعها ووتركتها تهوي وخبطت راس فيصل.. غطى وجهه بالحاف وهويقول فيصل:اخخخ ماقدرت تمسك نفسها وضحكت عبير:ههههههههه بعد الحاف عنه وهو مضيق عيونه لانه الشباك قباله بالضبط والستاير مو مسكره.. فيصل:شفيك؟؟ عبير:اضحك عليك..خبطتك بدون مااقصد..بس انت ماتدري مين.. فيصل:ومن قال اني ماادري..هي مو اول مره...حبيتي تدرين افكر البس خوذه وانا نايم طلعت عيونها عبير:حرام عليك لاتكذب..اول مره اخبطك...قوم قوم دوامك مابقاله شيء..وقامت من السرير وهي ترتب شعرها.. فيصل:ماخذ اجازه اليوم علشان موعد ابوي..سكري الستاره معاك ولاتقوميني الا الساعه عشره اوكيه عبير:والله انت قوم نفسك..مالي دخل فيك..اعتمد على نفسك.. غمض عيونه وهو زهقان من تصرفاتها..لازم تعانده..وبالاخير بتنفذ اللي تبيه..بس كيذا تحب تنرفزه.. انتبهت لحركته ولامت نفسها..هي الى متى بتبقى كيذا..مااعرف شلون اتعامل معاه..اذا شفته قدامي تضيع علومي..واتصرف مثل الاطفال..ابيه ..بس انا ابيه لي لحالي..مابي احد يشاركني فيه...استغفرت ربها ..فيصل مستحيل يفكر بمرت اخوه..هو مو من هالنوع....اخذت روب الحمام ودخلت تاخذ شاور.. ****************** لا لا ابي احضر زواجهم..لاتتفاول علي.. اخذ كلينكس ومسح جبهتها برقه .. سليمان:ياقلبي اهم شيء صحتك..وبعدين تراني زهقت ابي اشوف ولي العهد الجديد.. طبقت شفايفها على بعض تمنع اه من الالم.. سلمى:يارب اولد بعد بكره..ابي احضر زواج خالد..يارب لاتحرمني سليمان:سوسو اهم شيء صحتك ولزواج نصور عصبت عليه سلمى:وانت شفيك كأنك متأكد ان ولادتي بكره.. سليمان:انا اهيأك نفسيا.. سلمى:روح روح لشغلك... سليمان:قومي معي بوديك عند خالتي ام فيصل.. سلمى:اف طيب روح شوف سديم اذا هي قايمه...وانا بروح البس.. سليمان:سديم تفطر تحت.. سلمى:طيب روح انت افطر على مااجهز ..يلا رووح سليمان:خلاص بروح لاتاكليني..انا هالولد ان جاء بتوطى ببطنه..خرب اخلاقك سلمى:سليماااااااااااااااان سليمان:اسفين اسفين...وطلع.. ********************* كانو جالسين حوالين ابوفيصل.. ام فيصل والجده وسلمى وعبير وخالد اللي ماخذ اجازه.. مدت الفنجان لاخوها وهي تبتسم عبير:تفضل ياعريس..ترى ذبحتك القهوه عز الله منت نايم الليله.. خالد:وانت شعليك..حتى على شربة القهوه تحسدين.. سلمى:يوووه وبعدين معاكم اسكتو لاتعصبوني ولاتضحكوني رجاااااء خالد:وليه ان شاء الله؟؟؟ قالت بضيقه.. سلمى:اخاف اولد هههههههههههههه هههههههههههههههه الكل ضحك حتى ابوفيصل ام فيصل:سلمى يمه قومي تريحي بغرفتك ترى عبير وخالد مو ساكتين الجده:الله لايبلانا بالعين راديو..اهجد انت وياها ترى صجيتو روسنا ابوفيصل:خالد خلوه يسكت بس عبوره لأ..تعالي تعالي جنبي قامت من عند خالد وهي تحره بيدها وحاوطت رقبة عمها بيدينها وحبت راسه.. عبير:يابعد قلبي ياعمي.. خالد:الظاهر اني انا ولدك الاصلي مو هذي.. ابوفيصل:الغلا مايعرف ولدي ولا ولد الجيران.. عبير:هههه خشمك خشمك التفت على جدته خالد:عاجبتس فعايل ولدتس..انا خابرن انتس حقانيه..يلا مااشوفتس نطقتي؟؟؟ فتحت يدينها له..قام من مكانه وضمها بحرص خايف يكسر عظامها..والتفت على ابوه خالد:انا امك تحبني..خل بنت اخوك تنفعك.. قالت بانفعال وبدون ماتنتبه لكلماتها عبير:على الاقل انا اللي يحبني سيد الشباب..مو العجوز طقها مع راسها بخفه ابوفيصل:ها عبور كن لسانك يبيله قص.. الجده:عجزت عظام العدو ياقليلة الادب والحيا ام فيصل اللي حست باحراج عبير ام فيصل:عبير ماتقد...يمه عبير روحي قومي فيصل مابقى شيء على موعد ابوه قال وهو يحس بنشوة الانتصار ويسوي حركات لعبير يقهرها خالد:مايحتاج انا اودي ابوي للموعد ام فيصل:لا مايوديه الا فيصل..انت تعرف طبع اخوك بيعصب علينا.. خالد:الحين ابوي ابوه لحاله وانا مادري ابوفيصل:خالد روح شوف اشغالك وتأكد من الفندق وحجزك خالد:اللي تشوفه.. طلعت بالاصنصير .. سكرت باب الجناح وفتحت باب غرفتها..راحت للستاير وفتحتها .. عبير:فيصل فيصل ...فييييييييصل قوووووم الموعد بتتأخرون عليه.. راحت للسرير وشالت الحاف عنه.. عبير:فييييييييييصل قوووووووووم ...وصارت تقول فيصل بنغمات مختلفه مره عاليه مره واطيه .. لفت على ورى بتجيب كوب مويه..وماحست الا باللي يسحبها ويطيحها على السرير.. وجهه قبال وجهها.. فيصل:انتي مو قايله انك مو مقومتني.. عبير:ها..كنت امزح.. هز براسه علامة لا فيصل:هذا طبع فيك لازم تعانديني.. صدت بوجهها عبير:تأخرت على الموعد..ينتظرونك مسك وجهها بيده ولفها عليه.. فيصل:حبيبتي مره ثانيه اذا بتقوميني بهالطريقه لاتقوميني..تراني فيصل مو سليمان ولا ناصر.. حست بنبضات قلبها تزيد..هي ودها تصير مثل مايبي..ياما سمعته يلمحلها..بس ماتقدر ماتقدر..اذا شافته يتغير كل شيء.. حس فيها..ولام نفسه اكيد احرجها فيصل:انسي اللي قلته...قام من السرير وتركها.. طلع بعد مااخذ شور وهو لابس ثوبه وشماغه دخل للغرفه ومالقى احد فيها..طلع وراح لغرفة القعده ومالقاها فيه..طلع من الجناح .. شافها تتناقر عند باب غرفة خالد ناداها بصوت عالي فيصل:عبير شفيه؟؟؟ التفتت عليه وهي عاقده حواجبها عبير:الحقير مو راضي يدخلني لجناحه..ابي اشوفه.. طلع خالد من الجناح وهو يقفل الباب بسرعه.. خالد:صباح الخير.. فيصل:هلا صباح النور..توك تقوم خالد:لا من زمان...تراني قلتلهم اني انا بودي ابوي بس امي وابوي عيو وارسلو عبير تقومك.. طالعها بنظرات فهمتها..واحرجتها..يعني هي قاصده انها ماتقومني.. فيصل:ليه ماتبي توريها جناحك خالد:هذا الناقص عبير تدخلها اقول خلها تفارق.. عبير:هين ياخويلد اوريك اصلا من زينك ولا من زين مرتك يالله لك الحمد.. فيصل:عبير خلاص يكفي هذره..ونزل.. خالد:ههههه لقطي وجهك.. قالت بقهر عبير:الله ..الله..صرت على سنونها ورجعت لجناحها خالد:ههههه ماتت من القهر تستاهل... ************** رتبت شنطتها وشنطته بعد مارجعو من بريتن واستمتعو بسواحلها.. وبيرجعون للسعوديه بكره.. ربطت شعرها ذيل حصان وطالعت شكلها بالبدى الحرير الليلكي وتنورتها الجنز لنص الساق لبست صندل ليلكي ورشت من عطر ستيلا..حطت ميكأب خفيف بس مبرز جمالها..وقلوس توتي ..طلعت للصاله وصوت الصندل يخترق اذنه..تجاهلها وركز انتباهه على البرنامج اللي يذاع.. جلست قباله متعمده..وحطت رجل فوق رجل.. عهود:انا جوعانه..ابي اكل.. رفع عينه عليها وبان الاعجاب للحظه وبعدين تحول لاستهزاء.. سالم:اطلبي عشاء ولا ماتعرفين تتصرفين.. ابتسمت بمكر وهي تريح ظهرها على الكنب عهود:والله انت ابو عيالي..وانت مسؤل عني.. سالم:والله للحين ماصرتي ام عيالي علشان اهتم فيك.. غمضت عيونها..هي صحيح عروس..وتوها..بس الحمل قلق وكابوس تعيشه اي امرأه لين الله يكتبلها حمل..هي تدري انها ماصارلها شهر.. بس لهجته المؤكده انها ماتحمل تخوفها..حست بيدين تمسح دموعها اللي اختلطت مع كحلها بدون ماتنتبه لنزولها فتحت عيونها وصدت بوجهها عنه.. عهود:مو محتاجه شفقه منك ابعد.. سالم:عهود كم مره قلتلك لاتحاولين معاي لاني بجرحك.. عهود:خلاص وخر عني..حتى الكلام معك ممنوع.. رجع لمكانه ومسك الريموت بيده .. سالم:اذا تبين عشى اطلبلك.. وقفت عهود:انا..انا ابي فرااااااقك سااامع..اكرررررهك اكرررررهك.. ودخلت للغرفه.. ***************** |
طالعت بالساعه لقتها وحده الظهر...ودها تتغدى مع خالتها وتجلس معها للعصر.. مسكت جوالها ودقت عليه..رد عليها وباين من صوته العجله فيصل:هلا عبير:هلا فيك..ماطلعتو من المستشفى للحين فيصل:لا باقي فحوصات..ساعه بالكثير ونكون عندكم..تبين شيء.. ابتسمت.. عبير:ابي اشيااااااءاااات كثيييره.. ابتعد عن زحمة الممرضين اللي بالاسياب ..هو مو فاضي لها..بس غصب عنه يبي يسمعها..لانه يحب صوتها وهي تكلمه بهالطريقه.. فيصل:وشي هالاشياءات عبير:اول شيء من هالاشياءات واهمها..ترى والله والله انا كنت بقومك من غير ماتقولي خالتي.. فيصل:هالكلام ماخوذ خيره..وشو الشيء الثاني.. عبير:حبيبي صدقني..مارح اكمل هالاشياءات وانت مو مراضي عني.. ابتسم فيصل:راضي.. عبير:قول راضي حبيبتي.. فيصل:راضي حبيبتي..غيره عبير:قلبي انا ودي اروح اتغدى عند خالتي ناصر يقول انها ماتفضى الا بالغدى وودي اجيها.. فيصل:خلاص روحي..بس لا تتاخرين..وغيره عبير:احبك.. فيصل:وغيره.. عبير:امم بعد احبك.. فيصل:وغيره.. عبير:لاتحاول مافي غير احبك.. طالع بالدكتور اللي طلع من غرفة الكشف.. فيصل:ماودي اسكر ..بس ابوي طلع... عبير:مع السلامه فيصل:الله يسلمك...سكر الجوال وراح للدكتور... لبست تيور شيفون فرنسي فيه تدرجات من الفوشيا والاورنج... موجت شعرها بلفافات البخار وبدت تتمكيج على بال مايتلفف شعرها.. حطت شدو اورنج زاهي وكحل داخلي زيتي وبلاشر اورنج وختمته بقلوس مشمشي.. فكت اللفافات وحركت شعرها يمين يسار حتى يتحرك..اخذت شنطتها وعبايتها ونزلت.. مرت على جدتها وعلى سلمى وقالتلهم انها بتروح..ودعتهم ووقفتها سلمى اللي لحقتها سلمى:عبير استأذنتي من فيصل؟؟؟ عبير:ايه.. سلمى:وقلتي لامي.. عبير:لا..انتم قولولها.. زفرت وهي تركي ايدها على طاولة المدخل سلمى:عبوره قلبي..الاصول اذا كنتي ساكنه عند حمولتك تستأذني من ام زوجك..ادري ان امي طيبه وانتي على نياتك..بس المنقود منقود..وانا مابي احد يتكلم عليك..روحي استأذني من امي..واذا رجعتي شكلي بعطيك انتي وليلى كورسات بالتعامل مع الحموله اخاف تفشلونا.. عبير:مصدقه نفسك انك عاقله وسنعه..روحي بس مناك خليني اروح لخالتي استأذن.. ********************************** الليـــــــــــــــــــــــل.. الساعه 12 مساء.. أتدري حلمت بك كثيرا" !؟ كانت أحلامي بـك كالأمطار حين تغيثني .. كالرحمة حين تأتيني .. حلمت بطفل منك يناديني ماما ماما ماما وتماديت بخيالي حتى سمعته يناديني . . !؟** غدا" سأزف إليه غدا" سأقف بكامل زينتي امام عينيه غدا" سيترك طوقه الماسي في عنقي غدا" سأترك خاتمي في خنصر يديه غدا" سيناصفني قطع الحلوى ويطبع قبلته فوق جبيني ** غدا" سأزف إليه غدا" سأغمض عيني في حضرته خجلا" غدا" سترتجف يداي منه رهبة غدا" سـ أرتعش كالريشة تحت مساء لا يحتويك غدا" سأموت ألف مرة تحت مقصلة الحنين ** غدا" سأزف إليه غدا سأرتدي ألف قناع لديه غدا" سأترك أحمر شفاهي على يديه غدا" سأغمض عيني بقوة وأردد هو أنت !! هو أنت !! هو أنت !!؟ كي لا أموت ألفا حين يحتويني !!!** غدا" سأزف إليه غدا" سأقرأ كل ما نزفته بك عليك غدا" سأراقصه على بقاياك على رسائلك على هداياك غدا" سيدركني معه الصباح غدا" ستموت في حضرته سنيني** غدا" سأزف إليه غدا" سأنثر تحت قدميه أوراقي غدا" سأرقصه على أمسك رقصة الاحتراق غدا سأقاوم في حضرته ارتباكي واختناقي غدا" سأسدل على حكايتك أثواب النهاية غدا" سيبكيك الليل في شراييني ** غدا" سأزف إليه غدا" سينحرك النبأ العظيم غدا" ستصرخ في ظلام الليل كاليتيم غدا" سيطل رأسك من قلبي يتابع طقوسي معه وسأضع يدي على فاهم وأنت تصرخ بي ارحميني ارحمييييييييييني ارحميييييييييييييني** غدا" سأزف إليه غدا" سيأخذك خيالك إلى ليله وليلاه غدا" ستتخيل كيف تحضن يدي يداه وكيف أنثاك أمست أنثاه وكيف بجنون عشقه سيحتويني وستضرب رأسك بالجدار غيرة كالمجانين** غدا" سأزف إليه غدا" سيأتيك الليل بلهب الجحيم غدا" سيصبح المساء ليس المساء الذي تعرفـه ولا الوجوه التي ألفتها هي الوجوه غدا" سيكويك خيالك وليلي معه كما كان خيالي وليلك معها يكويني .. !؟** غدا" سأزف إليه غدا" سيكرهك قلبك غدا" سترفضك نفسك وأنت تتسلل إلى أطلالي وتقرأ " أوصيك به خيرا" " وتنظر إليها ذاكرا" وصاياي وتفر منها إلى زوايا وحدتك و ......... تبكيني ؟** غدا" سأزف إليه غدا" ستعود إلى ما نزفته تحت قدميك غدا" سيصبح الكون أضيق من القبر عليك غدا" ستقرأ" " أحبك مع الاعتذار إليها " غدا" ستقرأني وتقرأ وتقرأ غدا" ستمزقك حروفي خلي كالسكاكين** غدا" سأزف إليه غدا" ستعلم أي عذراي عشقتك في داخلي غدا" ستكتشف لماذا لم تكن أنثاك تجيد التجاوب غدا" ستدرك أنها لم تكن ملطخة بالتجارب لم تكن تتفنن بالكيد كالصبايا لم تكن تمتهن الخبث كالبغايا كانت معك بطهر المصلين** غدا" سأزف إليه غدا" لن أخبره انك كنت لي فرحة العمر واني تمنيتك في جنة الرحمن واني وهبتك يوما آيات من القرآن واني حلمت بك بما يباح ومالا يباح وان حلما معك كان يميتني وحلما بك .. كان يحييني سكرت دفترها وهي توعد نفسها انها بتكون اخر ذكرى لها مع فيصل...كل شيء تتقدر تتهاون فيه الا بعلاقتها مع ربها..فيه خطوط حمراء ماتتعداها..عشات مشاعرها واحتفضت بها لنفسها..حطت الدفتر بصندوق وردي ودخلته بدولابها وقفلت عليه مع اغراضها.. فرشت سجادتها ولبست شرشفها وقبل لاتبدى للصلاة رفعت يدينها تدعي ان الله يطهر قلبها.. ******************************** ماجاها النوم مع انها تحس بتعب..بس هي خايفه من كل شيء..شلون بتعيش معه..بيحبها وبيثق فيها ولا بيوريها الويل..بطلقها مثل ناصر ويشمت الناس فيها..اخذت القران وبدت تقرى لعل وعسى روحها تهدى.. رن جوالها وقطع خشوعها وتركيزها مع القراءه..نزل القران ومسكت الجوال وطالعتب الشاشه وردت ليلى:خير؟؟ ناصر:ماظن فيه خير وانتي بتتركيني.. ليلى:ناصر تراك تعبتني..انت اللي تسويه غلط وانا مارديت عليك الا لاني بحط حد لهالموضوع..انا خلاص وحده متزوجه وماظنتي ترضاها لي.. ناصر:مابعد صرتي زوجته ليلى:انا حتى لو مو زوجته مايصير تكلمني..ولا خلاص ماتعرف الحرام من الحلال.. ناصر:انتي لو تعرفين الحرام ماتسوين كيذا فيني.. ليلى:ناصر خلاص انسى انسى مابينا نصيب..عيش حياتك مثل ماانا بعيشها ناصر:اي حياه بعيشها من غيرك...وين كلامك اول عني..وين حبك لي..وين اللي مستحيل تتركني..صرخ فيها وييييييين غمضت عيونها بألم ليلى:كنت اكذب عليك...مثل ماكذبت علي.. جمع حبات الرمل بيده وضغط عليه ناصر:اناااا مااااكذب..وهمس..لولي انتي تعرفين زين اني مااكذب.. تنهدت ليلى:غلطان..كنت احسب اني اعرفك..وطلعت مااعرفك..ناصر قاطعها ناصر:لولي انا مو مصدق اللي اسمعه منك..لولي معقوله انتي ماتحسين فيني..انا قاعد امووووت امووووت حسي فيني ليه ماتحسين نزلت دموعها وهي تسمع صوته المجروح.. ليلى:انا اكثر وحده حاسه فيك...لاني جربت طعنة الحبيب.. مرر يده على شعره وشده.. ناصر:يعني انتي تبيني بس بتنتقمين مني.. صرخت فيه ليلى:انا مو تافهه لهالدرجه..ثانيا انت ماتعنيلي اي شيء سامع اي شيء...ورجاء لاعاد تدق على هالرقم انا قاطعها ناصر:حتى انتي مثلهم..مافي فرق بينك وبينهم..كلكم تبوني اعيش بحزن..انتي مظلومه وظالمه بنفس الوقت..محد فكر فيني او بسعادتي.. اهم شيء مصلحته..خلاص الله يهنيك .. تنفست براحه ليلى:ناصر صدقني كيذا اريحلك واريحلي..حنا بنظل عيال عم واخوان.. ناصر:انتي بتبقين حبيبتي وبس.. ابعتذر عن كل شيء.. الا الهـــــوى...ماللهوى عندي عذر.. ابعتذر عن اي شيء.. الا الجراح..ماللجراح الا الصبر.. ان ضايقك اني على بابك امر.. ليلة الم.. واني على دربك مشيت عمري وانا قلبي القدم.. ابعتذر..ابعتذر..كلـــــي ندم عن كل شيء ..الا الهـــــوى ماللهوى عندي عذر.. تصدقي..ماخترت انا احبك.. ماحد يحب اللي يبي.. سكنتي جروحي غصب.. ياحبي المر.. العذب.. ليت الهوى وانتي..كذب.. كان اعتذرلك عن هواي.. مااقول انا..كونــــــي معاي ان ضايقك اني على بابك امر.. ليلة الم واني على دربك مشيت عمري وانا.. قلبي القدم ابعتذر..ابعتذر..كلــــــــي ندم.. عن كل شيء الا الهوى.. ماللهوى عندي عذر.. الله كريم..حبك ...يكون.. همي القديم.. وجرحي القديم.. والله عليم...يااحلى العيون.. ان الفراق..جزا الفراق.. ابوعدك...كان الطريق بيبعدك.. بامشي الطريق.. وكان الجحود بيسعدك.. مالي رفيق.. ابجمع اوراق السنين...واودعــــــك... كان الفراق اللي تبين...اللــــــــه معك ***************************************** الخميـــــــــــــــــــــس.. طالعت بساعتها نينا رتشي الذهبيه..وهي تسمع نداء الكابتن يعلن الوصول لمطار الملك خالد بالرياض.. مابقى شيء على الفراق..مارح ارجع معه..احقر شخص قابلته...ماخذني ينتقم مني..وانتقم..ليه اجلس معه واهين كرامتي اكثر.. فكت حزام الامان وبقت مكانها تنتظره يقوم..قام من مكانه وفتح الدرج العلوي وطلع شنطة صغيره.. سالم:يلا مشينا.. سكرت عبايتها الفراشه وقامت... كان ينتظرهم بصالة الانتظار وبيده عصير برتقال... شاف سالم ووراه عهود...بسرعه راح لهم وهو يلوح بيده.. مؤيد:الحمـــــــــــــــــــــــد الله على السلامه...وسلم على سالم سالم:الله يسلمك.. مد يده يصافح اخته..اللي شدت على ايده مؤيد:بالبيت سوي اللي تبين بس هينا لافضحينا مصافحه بس..ياني مشتاقلك.. عهود:وانا اكثرررر...ابوي ليه ماجاء معك؟؟؟ طالعو ببعض...مؤيد سكت سالم:ماله داعي يجي..حنا نجيه.. طالعته بطرف عينها من خلال النقاب.. مؤيد:يلا خلونا نمشي ولا عاجبكم المطار... ركبو سيارة مؤيد..وطول الطريق سالم يسولف مع مؤيد ويعلقون على بعض... وهي ماتشاركهم الا بنعم او لأ...هذا اذا تذكروها... وصلو للبيت..وعهود اول من نزل من السياره.. فتحت الباب ولقت امها باستقبالها... عهود:مااااااااااااااااماااااااااااااا ...ارتمت على حضنها وبكت... كانت ام مؤيد تبكي معها.. دخل مؤيد وسالم مع بعض.. مؤيد:يلا يكفي ..الحين دوري تراك ماسلمتي علي.. وهي دافنه راسها بصدر امها عهود:مابعد شبعت... ام مؤيد:عهود خليني اسلم على سالم... بعدت عن امها هي تمسح دموعها اللي رجعت تنزل مره ثانيه وهي تضم مؤيد.. عهود:والله لك وحشه... مسح على راسها مؤيد:وانتي بعد... بعد ماسلم على عمته... سالم:عمي وينه؟؟؟ بعدت عن مؤيد وهي تعيد السؤال عهود:ابوي وينه؟؟؟انا شفت سيارته بالباركنج... ام مؤيد:ابوك بغرفته...اطلعيله انتي وسالم... عهود:مادرى اني بجي؟؟؟بروح اسويله مفاجئه... ام مؤيد:شوي شوي يمكنه نايم.. عهود:ينام وانا جيت والله يحلم فيه ماصدقت اشوفه..مررره وحشني...وطلعت فوق ام مؤيد:سالم لاتستحي روح اطلعله البيت بيتك ومافي احد... سالم:بس انا ماادل الغرفه... مؤيد:روح الحق عهود.... سالم:الحين تلقاها جنبه...امش معي... مؤيد:يلا امش قدامي يابو نسب... قبل لايدخلون جناح ابو عهود..كانو يسمعون صوت نحيب..وشهقات... بلع ريقه بصعوبه قبل لايدخل كانو ضامين بعض..وهو دافنها بصدره ودموعه تنزل على شعرها..وهي متشبثه فيه وتنتحب وتشاهق.. عهود:يبه شصار فيك...ليه ماقلتلي انك تعبان...ليه خبيتو عني... ابوعهود:ماصارلي يومين من تعبت... رفعت راسها ومررت يدينها على وجهه .. عهود:وهالتعب كله من يومين...هالهالات السوداء من يومين انا حاسه ان فيك شيء من زمان..بس ساكته خايفه من الجواب.. رجع ضمها ابوعهود:يابعد هالدنيا..لاتخافين علي..ولاتسألين... عهود:لا بسأل...لاني مو مرتاحه لين اعرف الجواب.. تقدم منها وهو يربت على كتفها مؤيد:عهود شجاك اليوم على البكي..قومي قومي خلي سالم يسلم على عمي..وروحي البسي بنروح لزواج خالد.. عهود:مااااابي ومو قايمه.. راح حب راس عمه سالم:شلونك عساك بخير... ابوعهود:بخير يوم شفتكم قال يبي يرطب الاجواء مؤيد:افا يعني طاح كرتي..يعني اشيل اغراضي واطلع ابو عهود:ههههههه لا انت الخير والبركه...هم الطالعين وانت الداخل رفعت راسها ومسكت ذقنه وهي لازالت بحضنه عهود:يقالك الحين مرقعها.. مسك اصابعها وباسها..وغمز لها ابوعهود:اقصد سالم.. سالم:يعني الحين كحلتها... كلهم ضحكو يوم شافو ابو عهود يرفع يده علامة الاستسلام... ************************* قبل صلاة المغرب.. كان متوتر واي شيء يعصبه وينرفزه.. طق باب غرفة ليلى..وطلعتله بروب صيفي طويل وشعرها مبلول.. ابتسم فيصل:ليه مو لافه شيء بشعرك؟؟؟ ليلى:الحين بتبدى فيه الكوافير..امر بغيت شيء.. فيصل:انتي محتاجه شيء تبين شيء.. مدت ايدها لخشمه وقرصته ليلى:سلامتك مابي شيء...الله يخليك لنا.. رجع ابتسم لها بحنان ورجع راح لغرفة محمد وطق الباب... محد فتحله..دخل ولقا الغرفة مظلمه ومحمد نايم...ولع اللمبات.. فيصل:محمـــــــــــد قوم فز..محمد...محمــــــــــــــد فتح عيونه بشويش لين يتعود على النور... محمد:مين؟؟؟ فيصل:محمد صحصح قوووم البس مابقى شيء ويجون الناس قووووم.. محمد:الساعه كم؟؟؟ فيصل:افف يابرودك...هاتسمع اذان المغرب.. محمد:طيب خلاص قمت..رمى الحاف على الارض وراح لدورة المياه... طلع فيصل وهو ماسك الجوال بيده وضغط على رقم خالد.. جاه صوت خالد.. خالد:هلا فيصل.. فيصل:خلصت حلاقه؟؟؟ خالد:يلا انا عند الاشاره جايكم فيصل:يلا بسرعه يالله يمديك تكشخ وتروح للمسجد خالد:ماني لابس البشت الا بروحتي لصلاة العشاء...مايمديني اتروش واتضبط واتدخن .. فيصل:بلاه من برودك يالسامج..وسكر بوجهه..وراح لابوه علشان يلبسه ويحطه بالعربيه ويروحون للمسجد مره وحده.. ***************************** امتعض وجهها وهي تسمع ان ليلى زواجها الليله... هي صدفه..ولا كل شيء مخططله قبل..ايه قدر..قدري وقدر ناصر..اننا نفترق بنفس اليوم.. هو بيفترق عنها بسببي..وانا بفترق عن سالم عقوبه...نتايج افعالي وعقوبتي كلها اشوفها بيوم واحد.. فعلا ربي يمهل ولا يهمل... انتبهت لامها عهود:يمه شقلتي؟؟؟ ام مؤيد:اقول روحي بدالي احضري الزواج اخاف خالد يزعل ويشيل بخاطره.... عهود:مو رايحه..تبيني اروح وانا اللي فرقتهم عن بعض... ام مؤيد:انتي مالك دخل...مو انتي السبب عهود:انا فتحت الباب..انا اللي شككته من البدايه..هي سامحتني بس هو موراضي يسامح.. دخل مؤيد وسالم راجعين من صلاة المغرب.. مؤيد:يمه جاء الشيخ.. ام مؤيد:الله يحييه..بروح البس عبايتي واجي.. مؤيد:اجل انا بروح اجلس مع الشيخ ومع عمي.. جلس بمكان ام مؤيد سالم:بتروحين للزواج.. طالعته باستحقار.. عهود:اروح وابوي بهالحال..صدق ماعندك سالفه.. سكت ماعلق.. عهود:الليله تطلقني سامع..انا مابيك.. مسد جبهته يحاول يبعد الصداع .. سالم:طيب ..رفع السماعه وطلب من الشغاله تجيبله بنادول.. عهود:وشو اللي طيب..انت تتمسخر..تراني ساكته وماقلت لاحد عن فعايلك معي.. عقد حواجبه مستنكر اللي قالته.. سالم:انا قصرت معك بشيء؟؟؟ عهود:بكل شيء قصرت... اخذ البنادول من الشغاله وطلب منها تنزل كوب المويه بالطاوله.. رفع حاجبه سالم:مثل ايش ؟؟؟نوريني..بلع حبة البنادول انقهرت منه وسكتت يوم شافت امها نازله.. سالم:اروح معك عمتي ام مؤيد:لا مايحتاج..روح ارتاح تراني جهزت لكم جناح..وبيتكم انسوه انتم بتسكنون عندنا لين يطيب عمك.. سالم:اللي تشوفينه... ردت عليه وهي معصبه بعد ماراحت امها عهود:شلون تريح وانت بتطلقني؟؟؟فهمني يااخ سالم.. سالم:من قال اني بطلق..وانا بروح اريح مثل ماطلبت من عمتي..وقوموني لصلاة العشاء... طلع فوق وهي تاكل بنفسها من القهر *************************** لبست فستان طويل حرير لونه فضي وبأكمام طويله استشورت شعرها اللي واصل لتحت الاكتاف بطول واحد الا من غره غطت جبهتها كانت حاطه مكياج فوشي صارخ مخفي اي اثر للحزن..جلست على الكرسي تلبس صندلها..سمعت طق الباب.. نوال:شموخ ادخلي... انفتح الباب ودخلت شموخ بفستانها الاصفر اللي يوصل للركبه من تصاميم شانيل ومموجه شعرها شموخ:شرايك فييني؟؟؟ نوال:مركبه توصيله.. شموخ:وهي تتدلع بشعرها...حلو صح.. وقفت بعد مالبست صندلها.. نوال:نايس.. ((لعــــــــــــــن الله الواصله والمستوصله...)) شموخ:ثانكس..يلا ماما تنتظرنا..اقول شوشو مو جايه نوال:زوجها معيي..فتحت عيونها بقوه لانها اذا رمشت بتنزل دموعها...لا اب ولا ام ولا اخت..جالسه عاله ببيت عمي.. شموخ:..شخص متخلف مادري شلون عمي زوجه..يلا انا نازله .. راحت لمعلاق العبايات واخذت عبايه ضيقه على جسمها ومسكره ومزخرفه بشوارفسكي على اطرافها.. ******************************** كانت جالسه على التسريحه تلبس حلقها الالماس.. دخل يبي يغير كبكاته وساعته..هو يحب يهتم بشكله ..بس هذي المره الالف اللي يغير فيها..من توتره مو حاس بشيء دخل غرفة الملابس ولقاها جالسه على الكرسي المخملي المدور الذهبي قبال التسريحه.. ابتسم لها من المرايه.. فيصل:ياااهووو على الازرق.. ماردت عليه..استحت منه..وبدت يدها تتوتر وعجزت تلبس الحلق.. لاحظ توترها.. فيصل:عطيني انا البسك اياه..ومد يده بيسحب الحلق منها دفت ايده وهي عاقده حواجبها..لانها كرهت نفسها لما عرف انها توترت من كلمته.. عبير:مايحتاج..ياشين اللقافه..ماطلبت منك مساعده انا مو معاقه..وبعدين انت شجايبك هينا؟؟؟ هو جاي يبي احد ينسيه ..يبي ينساها الليله وللابد..بس مالقى الشخص المناسب..هو يدري انه مايجوز يفكر فيها وهي حليله لاخوه من هالليله..بس مين اللي بتنسيه؟؟..غمض عيونه ورجع فتحهم.. وفتح الدرج بسرعه وطلع صندوق الكبكات وعلبة ساعه وطلع للغرفه.. كشت على نفسها مرتين عبير:مالت ..مالت..ياشين اللقافه..الا الله يقطع لساني اللي مايعرف يتكلم قدامه..افف وبعدين معي.. طلعت للغرفه ومالقته..رجعت تلبس حلقها وتنزل لانها تأخرت.. ******************************** الساعه 11 مساء.. غطت امها بالحاف بعد مادهنتها بزيت مقري عليه..وخففت التكييف..طلعت وراحت لغرفتها.. انصدمت لماشافته جالس على الاريكه وحاضن راسه بيدينه..وقال بصوت هادي لما حس انها موجوده.. سالم:نامو.. عهود:ايه..ممكن اعرف شجايبك لغرفتي؟؟ سالم:اجلسي ابي اتكلم معك.. كتفت يدينها.. عهود:لاتحاول معي..رجعه مو راجعه.. رفع راسه.. |