|
أبدفا من شعورك دقايق(اكلات شعبية)
كيف الحال ياغاليات ادري اني من زماااان عنكم بس وش اسوي شتا وكسل والواحد بس يبي يدفا وياكل اكلات تدفيه ولا يطلع للبر وكشتات وفله وموضوعي اليوم عبارة عن ثلاث اكلات شعبية لذيذة مره وراح تحسون بالدفا معها نبدا باول اكلة http://www.liilas.com/up/uploads/liilas_13226964711.gif الحنيني: المقادير: تمر خالي من النوى قرصان رطبة لينة اصبع زبدة حليب سايل الطريقة: نغلي الحليب السايل ونغمس فيه القرصان اللينة عشان تطون رطبة ونضيف التمر معها وبعدين بالفرامة نحطهم سوا وبعدين بقدر نذوب اصبع الزبدة ونضع عليه التمر والقرصان وشوي هيل وزنجبيل ونخليه على نار هادية مع التحريك عشان مايحترق لمده نصف ساعه قابلة للزيادة على حسب الكمية والافضل يكون شكله لين ومتماسك زي كذا الفريك: المقادير: قرصان ناشفة مطحونة ناعم حليب زبدة تمر منزوع النوى منكهات(زنجبيل-قرفة-هيل) الطريقة: اذوب الزبدة في قدر ثم اضيف لها التمر واحمسه معها والمنكهات واقلبه حتى تطلع منه ريحه حلوة ثم اضيف القرصان المطحونة واقلبها واضيف الحليب الحار واقلبها واشوف كيف قوامه الافضل انه مايكون لين ويكون نثري وخليه من ربع لثلث ساعة ويقدم http://www.liilas.com/up/uploads/liilas_13243165111.jpg http://www.liilas.com/up/uploads/liilas_13243165112.jpg http://www.liilas.com/up/uploads/liilas_13226964711.gif التاوة: انا ياحلوات عندي طريقتين للتاوة هذي الاولى والثانية بخليها لين اسويها لكم يوم ثاني ومع اكلات شعبية اخرى باذن الله المقادير: نصف كاس ماء نصف فنجال شاي زيت نصف فنجال شاي سكر بيضة ثلاث ملاعث كبيرة جبن سايل ملعقة صغيرة هيل ناعم نصف ملعقة صغيرة:زنجبيل-كركم-قرفة ملعقة كبيرة خميرة فورية ملعقة صغيرة حبة سوداء كاس دقيق ابيض كاس دقيق بر قابل للزيادة حتى تكن العجينة متماسكة الطريقة: * تُخلط المقادير جميعها في خلاط كهربائي ماعدا الدقيق والحبة السوداء * يخلط الدقيق والحبة السوداء ويضاف المزيج ويعجن جيدا * تقسم العجينة الى قسمين وتكور وتترك لتخمر لمدة ربع ساعة * تُفرد العجينة فردا ليس خفيف جدا وسط يقطع دوائر متساوية وتقلى حال تقطيعها في زيت متوسط الحرارة * يجب ان تُفرد وتقطع وبنفس الوقت عند وضع التاوة بالزيت تقلب على الجهة الاخرى ثم تضرب عدة ضربات على سطحها بالملعقة الى ان يتضاعف حجمها وتنتفخ * ترش بالشيرة الشيرة يضاف له كركم وزنجبيل وقرفة وليمون اسود وتقدم وبالهناء والعافية كشخت بأيقوناتك الحلوة ياصبوحه الله يجعل يدك ماتمسها النار تعليقاتكم وتقييمكم والشكر بعد لاتنسونه تراني حرب وضرب لين نزلت الموضوع ومقفلة علي من زود الحماس عشان ماحد يزعجني الله الله بالردود السنعه:lol: |
أنا اول من رد. ام شهد. جئت طائره يوم شميت ريحة الحنيني
الطبق الاول ما عمري صفحته. مادري ليش قليل الي يضبطه. الطبق الثاني احبه لأكن. أنا. ماضيف تمر. التاوه. شكله تجنن حمستين أطبقه الله يعطيك العافيه |
ام شهووووووووووووووووووده
واخييرا نزلتي موضوعج<<فيس نسى انج تنزلين ف هالقسم خخخ تسلم ايديج حبيبتي بانتظار يديدج عقب سنه |
ماشا الله شكلها أكلات تشهي ^^ يسلمو دياتك ياعسل في حفظ الله |
التاوه شكله خطير
تسلم اناملك ام الشهد |
ام شهوووووووودة .. الحنيني خطيييييييييييييييييييير .. نفس اللي منعملوا ونفس الاسم كمان .. بس نحن مامنحط حليب سائل ولا قرصان .. بس تمر وزبدة أو سمنة ^^ .. والاكلات البااقي شكلها خطييير والله .. عوااااافي حبيبتي ولا تحرمينا جديدك .. |
الله الله يا ام شهوده موضوع حبيب على قلبي احب الاكلات الشعبيه وذاتا الحنيني ولاجا معاه كوب حليب بالزنجبيل الله الله
موضوع قيم ويستااهل التقييم الكامل والتميز |
ماشاء الله وش هالزين والله ماي نفع في الشتاء الأكلات هذه
الأكلات مره حلوه راح اجرب طريقتك في خبز ألتا وهـ لانها ابد متضبط معي تسلم الأيادي ام شهد تستاهلين التميز |
ام شهودة تسلم ايدك يم يم شهالزين من الصور حسيت بالدفى تصدقين هالاشياء مااعرف اضبطها احسها صعبة والحنيني جربت اسويه وكل مرة يخرب لاني مااضيظ المقادير فتعقدت وتركته
فصرت اكلها عند بيت اهلي اول اهل زوجي اذا سووها بس ماشاء الله تبارك الله شكل الاطباق تنطق يم يم احس اللعاب سال هههههه احلى تقييم لاحلى ام شهودة وننتظر الباقي من اكلاتك |
أم شهووووده
شغل متعووووووب عليه الله يسلم يديك يااارب الحنيني رهييييييييييبه وكلهم يهبلووون بس أنا أحب الحنيني أكثر تستاااهلين الشكر والتقييم وكل شي عوااااااااااافي^^ |
ام شهوده تسلم يدينك على هالاكلات الحلوووه
ابدعتي يالغلاا وكل طبق يقول زود عندي ما شاءالله تبارك الله كني اشتهيت الحنيني وودي فيه تستاهلين احلى تقييم واحلى شكر |
تسلم ايدك يام شهد
تعرفي على ماشفته قدامي ولاومره فكرت اذوقه شكلها تشهي والله عواااافي |
تسلم ايدج ام شهوووده ,,, غرااامي لأكلااات الشعبيه الأصيله ,, واسمحي لي ,, صغررت الصور ,, أيقونة الشكر ماطلعت لي الا بعد ما صغرتها ,, تستاهلين أحلى شكر وأحلى تقييم ,, وماقصروا المشرفااات في تمييز الموضوع ,, متألقه دايما أم شهوووده ,, |
ام شهوده قلب ينبض وش هازين حرام اشتهيتم
ابي خبز تاوه بحاول اجربه على خير يعطيك العافيه |
اقتباس:
الله يحيك ياعمري ههههههه جبت الكل ليه ماتصلحينه والله سهل بس اهم شي نوعيه القرصان تكون زينه الفريك فيه ناس تحط بدال التمر سكر بس انا افضل التمر الثالثة لاتفوتك من جد روووعه وسهله وماتاخذ وقت ابد نورتي غلاي العائلة بالقروب كلهم طبقوها واع |
اقتباس:
شفتي بعد طول انتظاااار وكسل هههههههههههههههه من جد مغبره الشكوى لله الله يسلمك حبيبتي هههههههههه لايمكن قبلها منورة |
اقتباس:
الله يسلمك حبيبتي واياااااك نورتي |
اقتباس:
الله يسلم عمرك حياااااااك |
اقتباس:
فاجاءتيني انه نفس حقكم بدور عليه بالنت الله يسلمك غلاي مرورك اسعدني |
اقتباس:
هههههههمتوقعه انه بيعجبك ياعمري ياسلام مايحتاج مع الحليب شي بيكون مشكورة غلاي على كل ابو شي نورتي |
اقتباس:
الله يسلمك من ذوقك ياعمري لاهذي مضبوطه بس اهم شي لاتصغرين تقطيعها حيااااك غلاي |
اقتباس:
الله يسلمك يالغلا ههههههه ياحياتي اكيد انك متجمده والله سهله مايبي لها شي دام اهلك عندك تدللي وكلي عندهم حنا ماحدنا الا البعد ولا كلمنا قهرونا بها وتعلمنا غصب ههههه والله اسعدتيني بكلامك العسل لاخلا من هالطله |
اقتباس:
مشتاقه لك واالله الله يسلم عمرك عوااااااافي غلاي مشكورة ياقمر نورتي |
اقتباس:
الله يسلمك حبيبتي ماعليك زود والله هههههههههههه الكل مجمع على الحنيني مشكورة غلاي نورتي |
اقتباس:
تسلميييين ياقلبي هههههههههه ليش يالدلوعه لاتكوني ماتحبي هالاكلات الله يعافيييك منورة ياعسل |
اقتباس:
هلا وغلا هيول الله يسلمك حبيبتي اكيييد مالنا غنا عنها مسموحه يالغلا الله يجزاك خييير ماقصرتي ياعمري وجودك الراقي اسعدني |
اقتباس:
ياحيااتي تسلمييييين جربيه وبتدعين لي ان شا الله مرورك العطر اسعدني |
| الساعة الآن 05:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية