منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   حصري خيرهـ كلمه بسيطه تجبر كل ماكسر بنا (https://www.liilas.com/vb3/t170679.html)

تَركِيـبَةْ ! 17-12-11 10:12 PM

خيرهـ كلمه بسيطه تجبر كل ماكسر بنا
 
بسم الله الرحمن الرحيم

صبـــــــــــ/حــكم ,, أحلى بسمه :yjg04972:
مســـــــــ/ئكــــــم ,, أحلى ذكرى
,,,
سكون الليل ليس كمثله اليوم سكون ..
سكون الليل اليوم مختلف مختلف بعدد كل خفه خفقهآ القلب ذآلك اليوم ..
ليست الذكريات بيدي .. لطآلمآ نسيت نفسي في عتمة الدنيا ,,
لكن اليوم ,, يوم لاينسى يوم يرسل الفوضى عبر السكوون ليسرري بكآمل جسدي
يرسل الحنيين بكل جوآنحي ,, لــ شخص لطآلمآ تعآآميت عنهـ ,,
الذكرى تحآصرني بكل عنفووآن كعنفووآنه ذآلك اليوم ,,
صوت الشاعر سالم سيار يأتي عبر المذياع ليحي تلك الذكرى بحق ,, ويرسمهاا بالخيال عبر الأفق
صوته وذكرى عبر السكوون يرسلان الحنيين بكل جوانحي ,, فـ يارب ارحمه ووفق سعيه وانر دربه ..
قل يآآآآآرب كن فيكون ..
,,


سكون الليل ,, وكوب قهوهـ ,, وسالم سيار ,, وأورآق كانت منه يومآ ,,

,,


...




الطيف




تجيني طيف ياعمري على جنحان شوقي لك
أخاف أرمش من عيوني وأبعثر صورة وصالك

حبيبي لاتجيني قول .وين أنت..وأنا أجيلك
أبيك تقول..وين أنت وعلى عيوني أنا اسعالك

وربي فوق روس الشوك لخلي القلب يمشيلك
واخلي ظلالي يسبقني قبل يحضني منزالك

ثواني بس أبي اتهندم من عيونك وباهديلك
في عينك ضحكة حتي تكحل عين عذالك

يقولو الناس بغيابي تشب القلب ويضويلك
حنيني ومن وهج شوقه يميل القلب لامالك

قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك

تعبت اهرب من الأشيا البسيطه من تفاصيلك
تعبت اسأل زوايا البيت عن اول واخر أحوالك

وحتى الشوق من صبح الدرايش قام يهديلك
عصافير الرضا ترفرف على بيبان مدخالك

هنا ترمي صباح الخير قبل لا تروح وأدعيلك
وهنا تضوي مساء الخير في عيني من هلالك

انا من الليل يقطفني شعوري لك واغنيلك
أنا من الصبح يليلني الحزن من لون موالك

حرام الليل ماهو ليل اذا ماكنت في ليلك
وحرام الصبح ماهو صبح اذا ما كنت بظلالك

تروح وقلت احط روحي على كفي واناديلك
نزعت العمر من شفت الغلا بالروح نادالك

بربك قول و ش سوى الفراق بوجه منديلك
تسيل الوان طيفي فيه الا من البكا سالك

حبيبي لايبكيك الفراق ولا يهد حيلك
أخاف الدمع من عينك يجفف صورتي فبالك

تعال احتاج اسولفلك عن الايام و أشكيلك
وافض غيم الحزن و انثر حنين الشوق بأقبالك

تعال وحط في قلبي هموم الفرقا وأشيلك
لأن القلب ماهو قلب اذا في نبضه ماشالك

وقف دمعي من عيوني ابي من عينك ابكيلك
أخاف ابكي على طيفك وأبعثر صورة وصالك




,,,,,


وضل بكل ابدااعه يسترسل ويرسل الذكرى تلوو الذكرى ويعبث بالحنين ..!!:cgE05050:

,




الأوراق




الليل هم وحزمة جروح وأوراق

وأنا أتناثر ب آخر الليل وأبقى

ما غير أولع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ضلوعي على الروح وأشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مروا على بحر الأحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل وإشراق الى ليل وإشراق

وارجع..أعيد حكاية الليل وأرقى

وأرقى انتظر بالليل نجمي إذا فاق

وأصاحبه حتى السما تصير زرقا

وأبقى وحيد ولا معي غير الأوراق

اكتب جروحي وسط الأوراق وأبقى


<<
ليس للأبدآع حدود ..
فشعره أرهق الوجدآن ..

,,,,


الطيب



تضحك تظن الحزن انك دفنته
اخفيت حزنك صح لكنه بانك

ظنك طعنك العمر والله طعنته
من قبل يكونك موت كونت كانك

ساكنك جوع وجوع غيرك سكنته
ماعشت نفسك يوم مره عشانك

الطيب صنته لكن البخل خنته
ماصنت نفسك لكن الطيب صانك

تبي الصراحه كل هالكون عنته
اسمك يسافر فيه وانت بمكانك

ماتنعوج بانذال والطيب صنته
لو تنعوج بانذال عدل شانك

لاماسجنك الطيب والله سجنته
اطلعت كفك قبل يطلع لسانك

الطيب صنته واعرفك كيف صنته
أن خان كفك قالو الطيب خانك





,,,,,,

تتسآقط الأورآآق لتنهش الذكرى بخط يده الأنيقه ..
لتكمل مآآآبقي من سكوون فآآآق الووصف ليعم الفووضى بكآمل الحوآس ..


,,,,




حفيف الجرح




اشعر بعض احيان عقلي ب مجنون
واحيان انا ألقى عاقل في جنوني

وأحيان أقول يدين عمري هي غصون
وقت المصافح شفتهم يقطفوني

دايم أردد وسط بالي يمونون
بس هاه.. ماعمري نطقت بعطوني

أرمي المراجل ياعسى فيهم تكون
ولا قد لقيت الا طلبتك تكوني!!

واثر المراجل هم لها وجه وعيون
ماتعيش في شخص ....ودوني

هذا حفيف الجرح من هبت شجون
ولا سقوط وجيههم من عيوني

معقول فوق الجرح دايم يغنون
ولافيهم اللي شاف زرقة طعوني

هذا انا من العام طايح ومطعون
لاالوقت وقتي ولا القصايد لحوني

الحر مكسور الجناحين ومغبون
فوق الكسر مرو علي وألعنوني

يعني أعيش بمثل ماهم يعيشون
لاطعم لا ريحة ولا اللون لوني

الناس صارو اشباح فيني يمرون
يسحبني الأول وعشره اقطعوني

قلت اتعلق بالاغاني على هون
حتى أيتقطع وصلهم في جفوني



,,,,

هي الذكرى تأخذني لتطووف بي بأعمآق الحنين ..
فـ اليووم عيده واليووم عيدي ,, واليوم ذكرى تؤرق القلب ..

,,,




الزبرجد




اذا هالقلب ماينبض معاليقه على الميعاد
أنا وشلون روحي في دروب المجد أصعدها

مشيت ولا معاي ألا جروح بالدروب جداد
ومعايه شيمة ترقى على ضلوعي تهودها

صحيح الروح مكسوره ولاتقوى تشيل شداد
ولافكرت أحط روحي على روح تسندها

رقيت جروح وخليت الصبر فوق الجروح ضماد
أنا لاقلت أضمدها أنا أعرف كيف أضمدها

تثور الخيل من قلبي وأقول ان الهقاوي جياد
وأشوف القلب من دم الجدود يفور يلكدها

يا أما موت من سيف الشعر يحييني للميلاد
يا أما النفس في صمت الشعور تموت وأغمدها

أنا البارح يناديني النعاس ولا يجيني رقاد
سهرت أنوم القمرى على عيوني وأقعدها

من بلاد قلايدها النجم في جيدها وقاد
وعرفت أن السما تلبس من بلادي قلايدها

وضوى هذا السهر يمشي على هذا الجفن بركاد
يموجني الغلا ويطيح من جفني على يدها

وأشوف الليل يترامى تحت عمري ويصير رماد
وأشوف الضوء يغتال الظلام اللي يسودها

هي الفضه من اللولو على هذا الفضا تزداد
أم أن هذي الرمال اللي ولدتها من زبرجدها

وكاد انها ضوت عمر القصيد ورحلت القصاد
وأجيب أقمار من دمي على فمي وتقصدها

وأصب النبض في قلب البلاد وينبض الأنشاد
ويطيب القلب ويتنفس شعوري من قصايدها

يوديني غلاها وجيت من أقصى الغلا وراد
عليها وجيت أخذها علي ورحت أوردها

أحبك ياعطر عمري وطلعة عمري بالأعياد
أنا همت أكسر ضلوعي في عيدك جيت موقدها

وأقول العيد فيك بخير لأنك خير كل بلاد
وأجيب أيام خير سنين عيدي وفيك أعايدها

لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها

وحتى الغيمه من تلمح يدينك تحضن الرعاد
تبي تنزل عليك من الوله تروي تنهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عفيفه لاقعد وجه الفجر من خشية العباد
يطيح الليل لارتفعت بذكر الله مساجدها

هي الرفعه من شموخ السجود وجبهة السجاد
أبوها لو يسجدها لوجه الله سجدها

يرتبها الفجر في فوضة طيوره ويبكي بعاد
ويتنهد على شمس تجي من أصبع تشهدها

وتفوح الشمس أذا قلب المدارس يحضن الأولاد
وبنت ترمي تلويحة وداع بعين والدها

صباح الشمس يا أرض العزاوي وعزوة الأسياد
صباح الأرض يانور الصلاه بروح ساجدها

يهيلها الكرم من صدر أهلها طيبين أجواد
يشبون الهلا للي يمر والطيب يوقدها

تشوف العز بعيون النشامى يلتفت هداد
شلع لارفرفت كلمة (كفو) يطلع ويظهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عزيزه حره ماترضى تلامس يدها الأصفاد
تحط الموت في روح الكفوف اللي تقيدها

عنيده لاركبت راس الحرايب تلتهب بعناد
تمر مثل الحرايق في هشيم الحرب ترمدها

أصيله مضمره بالمجد تقود المجد ما تنقاد
تمر مثل الوميض ولا قدرت عيني تجودها

مثل ما مرت وشبت عيوني بداخل الميعاد
انا قلت أشعل ضلوعي من عيوني وأعايدها


,,,,

سقطت السماعة سهوآ لتوقضني من ذكرى تسربل في مخيلتي بكل جنووح وأقدام
لتوقف سيل الذكرى وهطوولهااا بكل خفه وهدوء ..
ليعيد لي السكوون ولسعة القهوة البارده إفآقة عقلي الكآمله ..
ودعووآت مني خرجت لأعمآآآق السكوون لتسري لرووحه وتحوووم حووله .


,,




لكل من يمرني :361:

بوح قلم 18-12-11 07:51 AM

ابدعتي في التنقل بين القصااايد

الف شكر حبيبتي

صح لسان شاعرنا وتسلمين ع النقل فديتج

بسمه شوق 19-12-11 01:47 AM

قهوه ابيات جميييييييله منها مالااامس احساسي
يعطيك الف عافيه ياقلبي ولك ارووع تقييييم
وبالتوفييييييييييق الدااائم

(,,

بحفظ الله

روفـــي 19-12-11 02:31 AM

قهوة تحياتي
انا لا اعرف الشاعر .... حتى ان معرفتي بهذا الشعر محدودة جدا فما سمعت شعراً من هذا النوع الا على لسان الامير عبد الرحمن بن مساعد
لطالما ظننت ان صعوبة الكلمات او عدم فهمي لها سيقف حائلاً دون استمتاعي
ولكنني في هذا المرة حقأ تمتع بهذه الكلمات المدهشة وهذا الاحساس الرائع

هذا انا من الليل واقف ومشتاق

وهذي كفوفي من الوله دوم عرقى

من ليل وإشراق الى ليل وإشراق

وارجع..أعيد حكاية الليل وأرقى

وأرقى انتظر بالليل نجمي إذا فاق

وأصاحبه حتى السما تصير زرقا


.... الله ..... الله .....
سلمت لنا وجزيل شكراً لاطلاقي في هذا الافق الرائع .... احببت الاختيارات من القصائد بلا استثناء
وبانتظار الجديد بشوق
لك ودي

marygold 23-12-11 05:28 PM

[QUOTE=قَهوَهْ !;2953785]




,,,,,,





لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها

[/SIZE]

,,,,

[B][U][COLOR=#ff6347]




والله اكتر من راااااااااااااائعة
يسلمو اناملك الرقيقة


الساعة الآن 08:45 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية