<يجيلك يوم تفقدني وعيونك
بالغلا تدمع لي>

البــــــارت الأول البيت الكبيره وهو عباره عن دورين الدور الارضي صالأت استقبال وغرفتين نوم لجد والجده وغرفه لجابر.
والدور الثاني عباره عن شقق

الجد مبارك والجده موزه وعيالهم

متعب البكر متزوج مريم ويحبون بعض كاف خيره شره مايحب احد يتدخل في شوؤن حياته وله من الأبناء
فارس. 25 متوظف في وزاره التربيه والتعليم العالي
فجر.23 متوظفه في البنك وهي ثنائي مرح مع ايمان
ملاك.22 تدرس في معهد سكرتاريه
____
نجلاء ارمله ولها من الأبناء
نوره.22 مدرسه في رياض الأطفال
مبارك . السمي 19 وخالص رابعه متوسط ودخل الجيش
علي.18 خالص دراسه ومقدم اوراقه للجامعه قسم الجغرافيا
____
جابر 27عازب مستهتر راعي سهرات
___
راكان حبيب الكل طالع على ابوه سواء شكل او اخلاق ومتزوج عذاري وابنائهم
محمد.21 يدرس في معهد باقي سنه ويتخرج
احلام. 23 مدرسه مع نوره في رياض الأطفال
العنود.17ثالث ثانوي قسم ادبي
ايمان . 16 فاشله في دراسه تعيد السنه مرتين

هذولا في بيت واحد

عائله مناحي
هو اخو مبارك بيته ملاصق لخوه زوجته متوفيه واهي اخت موزه يعني خوان ماخذين خوات.
وابنائه
بندر 25 موظف في البترول
منيره16 هي مسترجله وينقال عنها في بعض مجتمات بويه او صبيك لقبها ابوتركي.

في البيت الكبير

الكل مجتمع ماعدى جابر

ايمان.جدي فديتك
الجد.لبيه ياالحبيبه
ايمان.لبى روحك
محمد.استحي على وجهش
ايمان .ليه وش سويت لك
محمد.أحترمي الي قاعدين
ايمان .والله محترمتهم بعدين ماسويت شي وجدي حبيبي وروحي وجرحي وكل شي عندك شي
محمد.اقصري الهرج احسن لش
فجر. مسلسل بدووي
<ايمان وفجر > ههههاي
محمد. وش يضحكش انتي وياها ياملغكم
متعب.الى وين جابر
ايمان.اي والله جويبر مختفي
الجده.وش جويبر
ايمان.ادلعه ياموزتي
محمد.عاد والله ان انطمتي ذلحين لألعن خيرش
الجد مبارك.بس اترك اللعن ياولد
جابر دخل عليهم وهو متنشط فاصل حده.

السلالا لأم عليهم وهورافع يده

ايمان فجر بندر مبارك .نفس الطريقه عليهم السلام.
ايمان .هلا وغلا بجبورتي
فجر. مرحبا يالله تحي بوشباب
جابر. هلافيكم ماشاء الله مكثركم ياهلي
الجده. لاالله الا الله قول ماشاء الله مرتن ثانيه
جابر. ماشاء الله
احلام.وش فيش ياجده محد بموت قبل يومه
الجد مبارك.اعوذ بالله منكم.

الكل يسولف ويضحك الي بوتركي .منيره مالها خلق سوالفهم وتلعب في تلفونها ماكان احد يدري انها بويه الى ايمان وعنود بس ماخذين السالفه عادي يعني بالمدرسه برستيج.
العنود تنادي نوره بصوت واطي
نوره.هلا
العنود.شوفي علي فديت روحه محلاه
نوره . والى بندر ياجعل يومي قبله

في جهه ثانيه ايمان وفجر يتساسرون
ايمان .فجوره
فجر.لبى قليبش
ايمان.شوفي منيره
فجر. شفيها
ايمان.ماتحب احد
فجر.ههههاي ماادري بس احس انها ماتحبني اناوانتي
ايمان.امشي نروح نسولف معها
فجر .يالله مرحبا الغاليه
منيره. هلا

ايمان وبدفاشه انتي ليه ماتحبينا
منيره. وليه ما أحبكم
ايمان. انا الي اسألش لاتستعبطين
منيره. ايمان بليز روحي مالي خلق لش
ايمان .يعني وش بتسوين خوفتيني .

دقاااايق

الي ايمان ومنيره هواش وضرب وتنتف شعر .اما ايمان حرام نتفت شعر منيره
الشباب بندر ومبارك يشجعون ويضحكون طبت هوش وطبت هوشه
الأهل عصبو عليهم.

عذاري ام ايمان .وجع ان شاء الله ليه على منيره
ايمان.ماسويت لها شي هي الي مغروره وشايفه نفسها علي
محمد. خلاص جب ولا كلمه ولأترفعين صوتش على امي
ايمان. انت محد كلمك
محمد تسرع وعطاها كف على وجها

الكل انصدم

الجد مبارك .كسر في يدك تمد يدك على ايمان وقدامنا لأاحترمتنا ياشيبانك
محمد طلع بره نوره خذت ايمان راحت فوق وفجر وملاك صعدوا معهم احلام وعنود اقعدوأ وبندروعلي خذو منيره وطلعوها بره.
الجدمناحي .لاحول هم وش فيهم
متعب .ماندري وش جاهم
جابر .خلوهم علي مالكم شغل

وقت الغداء الرجاجيل في صأله وحريم في قعده صاده منهم

ام ايمان .وين منور
ايمان.شوفو عاد امي تسئل عنها
فجر. اسكتي ماكافي شعرها تنتف
ايمان .هههاي
ام ايمان عصبت روووحي ناديها
ايمان .لاوالله اسمحيلي
الأم .روحي احسن لش
ايمان .انا اتنزل لها سوري
الأم .وش فيهأ صيري احسن منها
ايمان .لاماني بصايره احسن منها موكفايه لطراق الي خذيته من حمود بسبايبها.
نوره. يمه منش خلاص بروح اناديها
ايمان .روحي روحي لجل عين تكرم مدينه.

البنات يضحكون وعجاير مايدرون وص السالفه.
منيره قاعده في حديقه تفكر شوي نوره جاتها منور قومي تغدي
منيره .ماني مشتهيه
نوره .قومي فديتش ماعليش منها
منيره .مالي خلق لها
نوره .والله ايمان قلبها طيب وحبوبه وتحاول تقنع فيها
بندر يبي يطمن على منيره وشاف نوره عندها وطبعا طأر من الفرحه
بندر .مرحبا
نوره .هلا بندر شوف منور ماتبي تغدى
بندر .ليه ليه ياحياتي في احد القمر جايه بنفسه يناديه ويقنعه يتغدى ولايروح
نوره وجها احمر تسلم
منيره قامت بهدوء وراحت تغدى.
بندر.على وش
نوره. على كلامك
بندر.اي كلام

نوره انحرجت خلاص لاتستهبل علي قول لمنور تروح تغدى
بندر.منور
نوره. يوه كله منك ومن سوالفك رأحت
بندر. خليني يانور عيني اشبع منش
نوره .خلاص بروح افقدوني

ايمان فجر احلام ملاك. يغنون ياسلام ياسلام اديه حلو الغرام.بندر تفشل وراح نوره وجها جميع الألوان
احلام.بندر تعال تعال
بندر معطيها ظهره خير
احلام. تعال يابندر عطي وجهك بشوفه
بندر .ماني فاضي لش
احلام. امانوره فاضي لها حتى غداء ماتغدت بسبايبك وخلص الغداء الحين وش تأكل.

راح بندر

نوره. عصبت يوه منكم ليه كذا احرجتوه
احلام.مالش شغل بينا
نوره .يوه.
بندر راح للمطعم وجاب لها احلى غدا مشويات ومن هل السوالف
وصل بندر وبيده الغدا وينادي على احلام
احلام .هلا
نوره .ياولي شوفو بندر وش جايب
بندر .تعالي
احلام.جايه وش تبي
بندر .بندر ماتقولين اني ماخليت نور عيني تغدى
ااحلام. ايه
بندر .هذا غداها عطيها
احلام. يالله على تأنيب الضمير كل هذا الأكل لنوره
بندر. مالش شغل عطيها وبس
احلام. زين زين لاينط فيك عرق

ارجعت احلام لهم هاش من حبيب القلب ويقول عافيه
نوره فديته يالبى قلبه تلوموني في حبه جعل يومي قبله.

البنات .يوه افتحي خلينا نزط الريحه شقت خشومنا.
في جهه ثانيه.
جابر ينادي منيره وايمان
منيره.هلا جابر
جابر.هلا فيش ياالغاليه شخبارش
منيره.الحمدالله انت شلونك
جابر .مادامني شفت ذا الوجهه فأنا بخير.
منيره.ههاي مشكور

كان الوضع عندمنيره عادي بس جابر متيم فيها
جابر .ارتاحي اانا اناديها
معروف بالذرابه عندها بس.
ايمان يا ايمان
ايمان .بصوت عالي هاء
جابر.تعالي تعالي وانا عمش
ايمان.خير وش عندك ياجويبر
جابر .تعالي
ايمان .لبيه
جابر .تصالحي مع منوره
ايمان . هذا الي ناقص انا اروح لأم كشه المغروره اي هين
جابر .بيأس زين عشان خاطري
ايمان .انت تحب وانا ابتلش
جابر.قصري صوتش فضحتيني ايمان. انت تقص علي كلن يدري انك تحبها الى هي غبيه
جابر.محد يدري بس تعالي راضيها
ايمان. والله العظيم مدري وش لاقي فيها غرور ونفس شينه الله يعينك عليها
جابر. خلاص اروح اراضيها
ايمان.عشانك بس
جابر. بس ذا المره وعقبها خلاص

الكل درى ان جابر راضاهم وانحل الأشكال بينهم.

اذن العصر وتفرقوا ألي صلى و إلي قيل .....الخ.

في شقه راكان
احلام .انتي وش جاش على منيره
ايمان .يوووه راسي مصدع خلاص مالي خلق طاري ذي المغروره
احلام .طيب ليه راضيتها
ايمان.عمش عاشق ولهان
احلام .شنو
ايمان. لاولاشي بس عمي ناشب في حلقي قال يتيمه ومسكينه وكسرت خاطري
العنود .اموت يأم قلب رحيم وحنون
ايمان.ياكرهش
العنود .شفتي السخيف محمد مالا داعي يوم سطرش <عطاها طراق>
احلام.اي والله مليغ
ايمان. شغله عندي ماعليكم

شوي دخل محمد

مرحبا
احلام عنود.هلا
ايمان قامت راحت ولا كلمه قالت له<الحقران يقطع مصران>
محمد يناديها ولاردت
احلام . ليه عليها
محمد.ماأدري بس زله وهي ماتستاهل
عنود. انت يامحمد بذات ماتوقعتها منك بذات مع ايمان قويه صح احلام
احلام .اي الله
محمد .بروح لها

دق الباب
ايمان. خير
محمد.أنامحمد
ايمان .وش تبي نسيت طراق بعد ماتعطيني
محمد.؟ تفشل افتحي نتفاهم
ايمان. ماني فاتحه ورجاءا مالي خلق لك
حاول محمد معها بس بدون فايده.....
..ياشينها <الصفعه>من كفوف غالي ياشينها لاجت كذا بدون اسبااااب..

في جهه ثانيه...

جابر.هلا وغلا بنور العين
الطرف ثاني _ هلا بك
جابر. ليه ذا التغلي
_بس كيفي
جابر.اموت فيج
_ياحبيبي حتى انا احبك واعشقك بعدامواإأإأه على خدك.
جابر.ياويل قلبي ماأقدر لاتسويلي كذا
_ ليه
جابر.بس انتي مانعتني اشوفك بعد انتي تقهريني بحركاتك
_ زين خلاص انت كاسر خاطري اول شي وش اسمك الحقيقي ماأبي المستعار
جابر.جاسم
_اكيد
جابر. اكيد
_اي ياجاسم تبي تشوفني
جابر.ايه فديتك متى
_ على راحتك بس شرط باليل مومكان عام يعني بحر اومطعم
جابر .خلاص اليوم الساعه 12 في الليل في بحر
_ خلاص تم
جابر. يالله حبيبتي اخليك
_اوكي...

توقعون من الطرف الثاني انا اقولكم

كان مبارك وبندر مسوين مقلب في جابر..

جابر طار من الفرحه راح تعدل وتكشخ وينطر الساعه 12 متى على الله تجي
امابندر ومبارك ميتين من ضحك
مبارك . شفت خالي والله ماهوبهين يذوب البنات
بندر. اي والله انه داج ولد العم
مبارك. زين البس النقاب عدل
بندر.يوووه من وين لنا
مبارك.بروح اخذ من الأهل بس
.محد يتنقب ألى العجايز
بندر.روح دبر عمرك
مبارك. راح السوق شرى نقاب وكحل والشيله وعبايه خذأها من نوره وهي مجهزتها لدوامها

صار الموعد ...

الساعه 12

مبارك.بندر جاهز
بندر.جاهر
مبارك .يالله بدق عليه
جابر.هلا وغلا بالزين كله
مبارك .هلافيك جسومي
جابر .الله وش قلتي
مبارك.قلت حبيبي جسومي
جابر.اه اه احبك.
مبارك.وانااموت فيك يالله متى اشوفك
جابر .انتي وين
مبارك. انطرك في مكانا بس ترى أخوي الصغير معنا
جابر.خق وليه
مبارك .ماعليك لاتخاف اصلا هومختل عقليا
>بندر ماعليه انامختل عقليا هين يابروك>
جابر .خلاص عادي ألحين لاف عليك
مبارك.اي هذا انا اشوفك.
... مبارك يالله بندر انزل عشان مايشوفنا وانا اصور عسى يضبط بس
بندر.والله خايف
مبارك.شوف تميع عليه بس بحدود والا اقول مصخره
بندر .ولايهمك لاتوصي
نزل جابر يطالعهم بس ماشك ابدأ
نزل بندر
مرحبا بصوت نسائي تعرفون الجهاز الي يغير الأصوات
جابر هلاوالله ومتنقبه اروح وطي انا
بندر ههها ي جسومي شلونك
جابر.بخير اقعدي خلينا نسولف بندر.شوف بحدود وادب انت فاهمني
جابر.والله فاهمج بس عيونج ماأقاومها
بندر خلاص بليز ترى ما اقدر اتأخر
جابر.واخوج هذا
بندر ماعليك منه
جابر.حطي نقابج بشوف وجهج
بندر لاوش تقول انت مستحيل
جابر مسك يد بندر وبندر ميت من ضحك هو ومبارك.دروا انه باعها
بندر.هد يدي مايجوز تمسكني
جابر.بس يجوز تطلعين معي ذا الحزه
بندر. بس معاي محرم حبيبي فكنا من هالسوالف
جابر.ابشري بس تكفين بشوف وجهج
بندر خلاص اناوثقت فيك صراحه بس ابي بوسه من فوق النقاب
جابر.ماطلبتي شي بس بوسه حلاتها سيده على الخد بس بعطيج ولايهمج قرب جابر وشوي ويبوسه بندر

حط النقاب ومبارك نزل وبطوها ضحكه
ا
ماجابر عمره ماتوقع انه مقلب وانصدم وظل واقف مصدوم
بندر.جسومي عطني بوسه
جابر استوعب لابوك لابو مبارك معك ياكلاب والله ماخليكم وخذى تراب ويقطه عليهم وهم انحاشوا سياره وماتوا ضحك واسفطوا على جنب يكملون ضحك ويشوفون تصوير.
ا
ماجابر كلمه قهر شوي عليه حس عمره تمصخر ومصخره كبيره بعد بس هدى شوي وتذكر اشكالهم ومات من ضحك.

في صباح يوم جديد...

عنود .ايمان قومي الباص عند الباب
ايمان .زين زين
عنود.خلصي تعرفين راجوا مايوقف لحد
ايمان .الله يزولش يزول راجوا معش
ايمان.خلاص بطقاق ماني بناطرتش
ايمان طافها الباص وغابت تبيها من الله

الكل راح لدوامات ماعدى نوره دور عباتها وشيلتها

نوره عصبت ياربي وين عباتي يووه تأخرت يمه يمه

لأم. نعم
نوره.يمه مالقيت عباتي
الأم.دوريها زين يعني من خذاها ودوري غيرها
نوره.والله مافي والباقي ماتصلح لدوام
مبارك سمعهم وصحصح
وش عندش
نوره. مالقيت عباتي
مبارك.خلاص بروح اجيبها لش من تحت
نوره .تحت وش موديها تحت
مبارك مارد عليها

دق على بندر
بندرمابغى يرد بصوت ثقيل هـــــــــاء
مبارك.ياهي عبات نوره في سيارتك
بندر . ايه
مبارك.روح جيبها اناناطرك بره
بندر .ليه
مبارك. ليه يعني قلت عليها العبي
مبارك. يوؤؤه روح جبها مالي خلق
بندر. زين لاتزف
بندر قام وهومتعيجز وراح جابها
مبارك. اوف وش ذا القرف كله
بندر. خلاص بوديها المصبغه
مبارك. كيفك
بندر ودها ومبارك صعد لنوره
نوره .وينها
مبارك.بندر بجيبها انزلي
نوره.ليه وش وداها له
مبارك.يوه سالفه طويله مالي خلق اتكلم
نوره نزلت وهي حده متوتره
بندر .صباح الخيرياوجه الخير
نوره. صباح النور
بندر.تفضلي واسفين على الأزعاج
نوره. لا مافي ازعاج بس اخرتوني عن الدوام واليوم عندي اجتماع
بندر.خلاص قلنا اسفين
نوره. مسموح يالي تعذر مسموح لوما تعذر!!
بندر. ياووويلي قلبي يانوره عزالله احسن صباح يوم اشوفشئ
نوره. تسلم انابروح تبي شي
بندر . ابي سلامتش

بندر حط الأجتماع في راسه.......

مهما طالت المده وزاد البعد عن حده
ومهما بعادكم طول يظل القلب متأمل
يحن لذكريات الأمس ويتمنى شروق
الشمس ولقيا تجدد العشرة تذكرنا
بجلستنا تجدد دوم شوفتنا ترجع بيننا
الألفه عسى ربي يجمعنا



البـــارت الثـــانـــي ...

تستاهلــہ حيــل تستاهـلــہ
گل ´´الغـ♥ــلا والحـ♥ـب´´
يا☼نــورعــيني☼
ياأول وتــالي من
ذبحــني حنينـــــہ..!!
حبـ♥ـگ بقـ♥ـلبي
شــوووق يروي حــنيني◦◦
‏
إنـت غنــاتي◦◦
وإنـت ذگرى دفينـہ◦◦‏
وإنـــت بقـ♥ـلبي
‏ ´´نقطةالضعــف فيني´´
وأناأعــــترف لگ
وإطلب ماتبيـہ◦◦
´´گلي فدى لگ يافدايـاسنيني´´
‏
ياللي غرامـ♥ـگ
في الحشـــا تعرفـہ..
جيتــگ وقلـ♥ـبي لگ تشيلـہ ايديني،،
‏
سلمت لگ؛
عــمري وروحـــي رهينـہ..
ماأحسب حساب
العـــــمر بينــگ وبينــي..
‏
جمرالغـ♥ـلاوالشـ♥ــوق
لگ تشعلـہ
زيدي بحياتي گلـہا وإشعلني..
‏
تستااااهلـہ،،
´´العـــــــمر´´
تستااااهلـہ،،
‏
وگل ´´الغــ♥ـلا والحـ♥ــب´´
☼يانورعينـ♥ــي☼


فارس قاعد على مكتبه ويفكر أه اه ياوسميه متى اشوفش اشتقت لش حيل ياربي انها تبادلني نفس الشعور احبها واموت فيها يارب محد يتقدم لها ويتزوجها غيري

ليتك تشوف الجرح لحظه غيابك
وانا اتذكرصورتك في عيوووني..

في المدرسه في صف ايمان
الأبله. منو غايب يابنات
البنات. ايمان راكان
الأبله. ليه عسى ماشر
البنات .ماندري ابله
الأبله.حسافه فقدناها
البنات .اي والله بدوونهاالصف ولاشي

في ناحيه ثانيه

ابوتركي >منيره< مهربه مع ليدي بشاير
منيره .بشوره حبيبتي
بشاير .هلا بحبيبي وزوجي بوتركي
منيره. امشي نروح مكان محد يشوفنا نأخذ راحتنا
بشاير.يالله امش انامعاك وين ماتروح
منيره.ياحياتي

كانت علاقتهم جريئه بس بالخفا محد يشوفهم وتقتصر على بوسات من النوع الخفيف
<الله يهدي بنات المسلمين ويسترهم>
عند العنود
الأبله. بنات منو مو حاله الواجب تقوم توقف
عنود .مها حالته
مها.لا وانتي
عنود.لا
مها .خلينا نكتب اي شي بسرعه
عنود. يالله
الابله . ماشاء الله كلكم حالين البنات.اي ابله
الأبله. يالله كل وحده تفتح دفترها بمر اشوف
عنود.يوه يامها خاف تقرأه هو كله خرابيط
مرت الأبله ولادققت ماشاء الله حالين شطار كل يوم ابيكم جذي
مها عنود ان شاء الله ابله
عنود.صج مصخره
مها.حرام عشانها طيبه أتقولين مصخره
عنود.اي والله

بندر قرر يحضر اجتماع نوره

في صاله كبيره تجمع الابلات واولياء الأمور

بندر يدور نوره بس مالقاها سأل مدرسه عنها ودلته وشاف نوره تبتسم لولي امر وعصب وراح لها

السلام عليكم
نوره انصدمت وش جايبه الروضه

وعليكم السلام هلا اخوي
ولي الأمر استأذن ومشى
بندر.ليه تضحكين معه
نوره .اول شي اسمها ابتسامه ثاني شي لوسمحت قصر صوتك لاتفضحنا وليه جاي
بندر . جاي عشانش
نوره. ألحين روح ومشكور على الزياره
بندر. ليه اروح اناجاي اسأل عن ولدي حرأأأم
نوره.هههاي استغفرالله تكفى روح ماأبي تطلع على سوالف وخرابيط
بندر.انابروح بس علم يوصلش وتعداش ان ضحكتي مع احد ياويلش ويلأه
نوره ماعجبها تدخل بندر هو توهم على البر
نوره.اظن يابندر مالك حكم علي ولا لك شغل
بندر .اناماراح ارد عليش تدرين ليه
نوره.ليه
بندر.لانش مرأه والمرأه دايم مسكينه
وراح

بندر راح وهو معصب وبنفس الوقت مستانس انه شافها يالبيـــــــــه يانوره احبـــــــــش
امانوره انقهرت منه ومن كلامه...


في البيت الكبير..

الساعه 11 الظهر

عذاري .صباح الخير يمه
موزه.صباح النور والسرور مابغيتي تقومين.
عذاري.اي والله مدري وش جايني عليه
موزه.نجلا ماقامت
عذاري.مدري بنادي خدامه تقعدها هي وايمان
موزه.ايمان
عذاري.ايه
موزه .ليه
عذاري طافها الباص
موزه.ليه ماخلت واحد من لعيال يوديها
عذاري .راحت عن بالي
موزه .لاعاد تغيب فشلتنا الله يفشلها دايم تسقط
عذاري. عجزت فيها يمه كلميها عساها تفلح وتطلع من الثانويه
موزه.ابشري بكلمها
ايمان قامت مروقه خذت لها شور ولبست دراعه وانزلت
صباح الخيرموزتي
الجده.الله لايصبحش بالخير
ايمان .اوف اوف ليش
الجده.ليش وعينش قويه بعد ليش غايبه
ايمان.تعبانه
الجده.مافيش الى العافيه
ايمان.خلاص اول واخر مره.
الجده.وقوليلي لي متى وانتي ساقطه يمش شوفي خواتش وبنات عمامش خلصو وانتي توش
ايمان . من عيوني بشد حيلي
الجده.قدني بشوف ذا السنه
ايمان.ابشري الى جدي وينه
الجده.في المزرعه
ايمان.انابروح له
الجده.روحي قعدي عمتش نجلا
نزلت نجلا عليهم
نجلا .صباح الخير
الجميع.صبأح النور
نجلا .شلونش يمه.
الأم.بخيرالله يسلمش
نجلا.وش عندش غايبه
ايمان.تعبانه
الجده.نعنبوا الكذب
نجلا.يمه ايمان شدي حيلش
ايمان .من عيوني بس تكفون ارحموني من طاري المدرسه
نجلا.انابروح عندي شغل
الأم.وين
نجلا.بروح سوق مع مبارك
ايمان.عمه تكفين بروح معش
نجلا.يالله بس مارأح اطول
ايمان.عادي بس اهم شي اطلع من البيت
مبارك أول ماشاف ايمان طار من الفرحه.....
ايمان اركبت وسلمت..
مبارك.عليكم سلام وش عندش غايبه
ايمان.ياربي ارحمني كم مره انسألت هذا السؤال في نص ساعه
مبارك.ليه غايبه مارديتي
ايمان.طافني باص
مبارك.والله خوش عذر
ايمان.يوه ان ماسكت تراني بنزل
مبارك.لاتكفين بموت ان نزلتي
ايمان .خلاص اصفط البيت قريب
نجلا.خلاص مبارك خلها وانتي يمه خلاص
مبارك.بس عشانش بسكت
مبارك يطالع ايمان من مرايا ويتبسم.
ايمان.مبارك
مبارك.هلا وفي خاطره لبيه ياعيون مبارك.
ايمان .متى داوم
مبارك.والله مدري ذا الأسبوعين
ايمان.يحليلك بتوظف يابروك
مبارك.ليه طايح من عينش
ايمان.لاوالله محشوم ياولد العمه.

مبارك ابتسم وشغل مسجل على اغنيه تدري اني موت احبك وان مالي غير حبك والي ينبض في ضلوعي هذا قلبك ماهو قلبي.

وصلوا السوق ونزل معهم مبارك ... .

نجلا.انابروح شوي واجيكم وانتي خلش مع مبارك.
ايمان .لاعمه بروح معش
نجلا.لا اقعدي
راحت نجلا ... .
مبارك.ايمان
ايمان.هلا
مبارك .وش فيش خايفه
ايمان.لاخايفه ولاشي بس فشله اذا احد شافنا وش بقولون
مبارك.يعني وش بقولون بنت خالي خير يعني
ايمان.اقول امش ودني مكتبه
مبارك.ليه
ايمان .ابي كتب ومن سوالف
مبارك.تحبين قراءه
ايمان.واموت فيها
مبارك.يابختها والله
ايمان .اقول امش خلصني
مبارك. من عيوني
ايمان.تسلم عيونك.
تفرقوا وكلن شرى الي يبي
مبارك شرى ديوان شعر واخذ قلم وكتب فيه< حبيبتي> حبك مسوي سوايا والقوي الله
... .وإلي احبه اموت لخاطر عيونه...
واشترى ورده حمراء وحطها داخل الكتاب..
وصلت نجلا وراحو للبيت...

نزلت نجلا وايمان قبل ماتفتح الباب.
مبارك.ايمان
ايمان.هلا
طالعها وابتسم ابتسامه من الخاطر ممكن تقبلين هذا الكتاب هديه مني
ابتسمت ايمان ممكن
نزلت وهي اول مره بحياتها تحس بشعور غريب معقوله مبارك يحبني واناماأدري...
اوف ياطلال ليه احبك ليه...
في البيت كبير تحديدا الصاله
نجلا ايمان.سلام عليكم
موزه.عليكم السلام
ايمان.والله استانست لبى قلب عميمه.
نجلا.تبتسم
ايمان.وين جدي عااده بالمزرعه
موزه.في المقلط
ايمان.انابروح له
موزه.هاصار شي
نجلا .والله مدري
موزه.وش ماتدرين
نجلا.شوفي يمه اناقلت بروح عندي شغل وخليتهم ورحت
موزه. اشوه هي مبينه انها مستانسه أكيد قالها شي
نجلا. والله مدري بس في سياره هواش هي وياه
موزه .والله مدري بس هو يبيها ولازم يتزوجون
نجلا .خلاص كيفش سوي الي تبينه
ايمان راحت لجدها..
ايمان .السلام عليكم.
الجد.الله تحي الغاليه
ايمان.الله يحيك شلونك ياغالي
الجد.بخيرجعلش بخير اليوم عطله
ايمان.لابس انا غايبه
جد.ليه عسى ماشر
ايمان.ماشربس زهقت دروس معيوده
جد .غيبي على كيفش بس اهم شي أخر سنه ناجحه
ايمان.يالبى روحك هذا الكلام الي يشرح صدر جدي بسألك
جد.اسألي
ايمان .انت ماخذ جدتي موزه عن حب والى قد حبيت قبلها
جد.وش عندش تسألين
ايمان.بس كذا ودي اعرف.
جد.شوفي انتي فتحي جروحن قديمه بعلمش بس لحد يدري
ايمان.ابشر
جد.برومانسيه حبيت وحده واناكنت كبر بندر عليهاجمال وذا العيون الوساع كنها سميره توفيق وفم خاتم وخشم سلة سيف والاشعر الي سواده سواد الليل
كنا نتواجهه عند الحلال
ايمان.الحلال
جد.اي يابوش مكان الأبل انتو ماتعرفون ياذا الجيل شي
ايمان.أها كمل فهمت
جد .نتسامر واجيب لها حليب البل
ايمان.اف اف امحق سالفه
جد.وش تقولين
ايمان .اقول ياحلاتكم وحلات حبكم
الجديسولف لايمان ومستانس دخل محمد وسلم ايمان شافته وقامت مسكها وحب راسها انا اسف والله ما اعيدها
ايمان .ليش تعطيني كف قدام الله وخلق وعشان من منور
محمد.تخسي جعلها فداش
ايمان.بكت اناماسويت لك شي فشلتني
محمد. خلاص ماأعيدها اسمحي لي ياغاليه
دخل مبارك وشاف ايمان تبكي
مبارك.عسى ماشر
محمد.ماشر ان شاء الله
ايمان رأحت الحديقه
مبارك لحق ايمان
مبارك.ايمان ايمان
ايمان مشت دموعها
مبارك. ترى الدنيا بكبرها ماتسوى دمعه من دموعش الغاليه
ايمان.ابتسمت مشكور مبارك

مبارك.
على وش
ايمان. على كلامك
مبارك. خلينا من هالكلام وقولي لي قريتي الكتاب
ايمان .صراحه مامداني
مبارك .اوكي اقريه وتأكدي ان كل كلمه طالعه من قلبي
اسرحت ايمان في كلامه وراحت بها الأفكار عند طلال وصار فلم رومانسي في سرحانها
مبارك يناديها
هي مندمجه في تفكير طلعت كل بصوت هادي ورومانسي
احبك احبك
مبارك انصدم استوعبت ايمان قالت انااسفه وراحت بسرعه..
امامبارك الفرحه موسايعته ياربي أحبك مره وحده ياكبر فرحتي والله ياأمونه لأسعدش واسوي ألي يفرحش أحبش ..يالغاليه...
اما ايمان راحت لغرفتها منقهره من نفسها ليه وش سويت ياربي يظن احبه اوف وش اسوي اه ياطلال ليه احبك ليه
مسكين مبارك يحبها وهي تقصد غيره...


ساعه 2 ظهر الكل رجع من دوامات

نوره.وين ايمان
عنود. نايمه
احلام. هب ياوجها هذا وهي غايبه
الجده.لا هي تعبانه توها جايه من سوق
عنود. ياحظها اما انا اذا غبت محد يعطني وجهه
نجلا.صدفه
نوره. انتي وش حارش حظها حلو
الجده. زين اكلوا وانتوا ساكتين
عند رجاجيل
جد. الى وش رايكم نروح البر
محمد.يوو ه ياجدي والله متفرغ
جد.وش ورانا
علي.دوامأت ومدارس
جد.انا بروح والي بخاويني حياه الله
فارس. ابشرك محد برايح
جد. مالي بكم بتروح معي ايمان وفجر وخلاص
مبارك.خلاص بخاويك وبدق ع بندر يروح معنا
جد.حياكم الساعه 3 بروح
علي .يعني مافي نوم
مبارك.لا طبعا

الكل درى عن البر و قرروا يروحون الجده ونوره وفجر وعنود وملاك وام ايمان ونجلا ومنيره
الجد مبارك ومناحي وابوايمان ومبارك وبندر وعلي ومحمد
اركبوا سيارتهم وحركوا...
مبارك.يوه ياعلي ايمان ماجات
علي. ليه وش عندك تبيها
مبارك. اناأقولك بس خلها بينا
علي. قول
مبارك قاله سالفه كامله..
علي.هههـــــــــاي اثاريك متيم وعاشق
مبارك.أكيد مستحيه مني
علي.أكيـــــــــد
مبارك. زين متى ناوي تخش في قلبك حب العنود
علي. العنـــــــــود بعد تنهيده
مبارك.ياخطير وش ذا التنهيده
علي. ودي اقولها بس خايف هي ماتحبني وعقبها بموت من القهر
مبارك. لا ان شاء الله انها تحبك
علي.انابروح اصارحها ولا فيها فيها
مبارك.اي تهور وذا الناس
علي.ماعلي منهم
مبارك.اقول امسك ارضك اذا انتو بروحكم صارحها ولا اقول دز لها مسج
علي .ماعرف رقمها
مبارك.افى عليك اجيبه من نوره
علي. لا انا بروح بدالك
نوره كانت قاعده مع عنود وفجر وملاك..
عنود. علي جاء ياويل قلبـــــــــي
علي. مرحبا بنات
_ هلا علي
علي. شلونكم
_ بخير
عنود تسوي نفسها تطقطق بتلفونها تحاول تخفي ارتباكها ودقات قلبها إلي لايوقف
رفعت عينها فجأه إلي عينها بعين علي
علي. شلونش عنود
عنود. بأرتباك بخير
علي. نوره تعالي شوي
نوره.هلا
علي.ابي رقم عنود
نوره.ليه
علي . أخلصي علي
نوره.اوكي هاااك
راح علي وهو يبتسم
مبارك. ها بشر
علي.خذيته
مبارك.انت وشطارتك

علي بعد تفكير دز لها
لودريت اني احبك كثر حبات الرمال
وان نبضك في خفوقي اقوى من دق الحديد
وان سحرك ياحبيبي اقوى من سحر الخيال
وان حبك صار اقرب من دفأ دم الوريد
وان اشواقي تدور في متاهات المنال
وعن اماني لوتلاقت ينصهر فيها الجليد
لودريت انك بقلبي جرح مايوفق سيال
وان حبك في خفوقي يبرى جروحي ويفيد
واسمك في ضلوعي نقش مايعرف محال
وانك الحلم بحياتي يحفظك رب العبيد
وان روحي ياجروحي يامعاناه الوصال
ماتبي تصحى وتلاقي انك بعمري فقيد
وان عمري لك حبيبي كلمتين بلا حبال
افني سنيني لأجل ماتمضي سنينك بعيد
وان ايامي تعاني من ظمأ كلمه وسؤال
بعد هذا كله ياحبيبي وش تريد

وصل المسج لعنود وقرأته

واستغربت من داز لها ودز لها بعد

الغلا لبعض الخلايق حسوفه وإلا غلاك ماتطوله حسايف..

عنود .دزت له
منو
دز لها اناعلي ولد عمتش
عنـــــــــود انتفضت من قال انه علي وخقت ياويل حالي ليه يدز لي ومنو عطاه الرقم وحطت تلفون صامت واسرحت بفكارها
علي ابتسم واهم شي درت عن مشاعري...

نوره انقهرت من بندر دزت له اغنيه احلام
بالله ياولد الناس ابعد عن دروبك لأنتى ولي علي وثوبك ماهو بثوبي...
وصل لبندر وضحك من قلب
ودز لها
ياورد من علمك تجرح والجرح ماهو من اطباعك مغليك من شوفتك يفرح هون على قلب محبوبك ... .
نوره .ماتت ضحك
فجر .اوف يابختكم اناماعندي احد
البنات.هههـــــــــاي
الجده.نادت البنات
والشباب شافوهم وراحوا لهم على طول
شباب.مرحبا
الجميع. هلا
الجده. ألحين جيتوا يوم جاو البنات
شباب..؟ ؟
بندر يطالع نوره يتبوسم لها
عنود ذبحها السحى

مع سوالف

منيره. يبه
الاب.لبيه
منيره .ابي أجر بقي
الأب. بس ماطلبتي شي
البنات .الله وناســـــــــه
علي محمد رافضين انهم يركبون البقي
ألبنات.ماردو لهم خبر راحوا على طول
استأجروا 6 بقيات 3 بنات 3عيال

عنود بروحها ملاك وفجر مع بعض ومنيره ونوره مع بعض
اماشباب كل خذى بقي وراح
الجو كان حماس كانوا يتسابقون

بندر يحد بقي نوره ومنيره مستانسه وكل ماقربوا تصارخ اماعلي يراقب العنود ملاك وفجر مستانسين
العنود اسرحت ودعمت تل صغير وقف البقي ومحد حولها
تحاول فيه ولافاد وتلفونها في شنطه...
ياربي وش اسوي.
علي يراقبها من بعيد لي بعيد قام يتمشى لين وصل لها عنود اول ماشافته دمعه عينها
عنود.علي
علي .ياعيون علي
ليه تبكين
عنود اول شي خافت وزاد عليها علي اذا شافته تضعف ماتدري ليه
علي.عنايد
عنود.نعم
علي.ليه ذا الدموع
عنود.بس
علي.ههـــــــــاي وش هو إلي بس
عنود.انا خرب البقي وخفت محد عندي وتلفوني في شنطه
علي.اوف اوف بتقولين قصه حياتش خلاص انا ربي جابني لش
ا
بتسمت عنود

علي.خلاص امشي البقي خربان ماراح يضبط
فرصه جات علي سبحان الله اساسا البقي مافي شي
عنود.شلون اركب
علي .بثقه وراي
عنود صج مايستحي قليل ادب طبعا في خاطرها
لاماراح اركب
علي.خلاص انا رايح وانتي اقعدي وركب البقي وراح
عنود بكت ونادته
رجع علي وهو ميت من ضحك
علي.بتركبين
عنود.تدري انك تافهه وسخيف
علي.بكل برود اوكي انارايح
عنود.لا بروح
علي .بتركبين
عنود.بكل انكسار ايه

< حبيت اوضح شغله ان عادي عند الأهل لأن هم رابين مع بعض>

ركبت عنود على طرف وضامه رجولها جنب بعض
علي. عنود تمسكي عدل فيني
عنود قامت ترجف من حطت يدها على خصره
اماعلي ارتعش جسمه من اول مالمست اطرافه اصابعها الناعمه خصره
علي يارب لاتهور
علي. بكل رومانسيه عنايد انا داري صعبه عليش بس بجي وقت وتصير عـــــــــادي
عنود.صابها طرم
علي .عنود تمسكي
علي من اللهيب إلي فيه
اسرع اقوى ماعنده عنود ضمت علي وبكت تكفي وقف مااقدر وقامت ترتجف
علي خفف سرعه عنود ليه ترجفين
عنود.بصوت باكي حرام عليك تدري اني أخاف من السرعه
علي .خلاص ماعيدها شوي ونوصل

مرت لحظه هدوء

علي.عنود
_هلا
_ليه مارديتي
_على شنو
_مسجات
_ سكتت
_ليه ساكته
_مدري
_قولي اي شي
_ماعندي شي اقوله
_طيب ليه ترجفين
_مدري
_وانتي كل شي مدري زين بقولش شي وتأكدي انه من واشر على قلبه

عنود زادت رجفتها

علي_هذا واناماقلت كذا
ا
سمعي قبل نوصل صدقيني اني احبش واموت فيش وصدقيني ورى هالحب الزواج لوتنطبق سما على الارض ماعرفتي غيري
عنود دمعت عيونها
علي _شوفي والله ان ماقلتي شي ان اسرع
عنود ساكته

علي انقهر واسرع وفحط بعد اماعنود في حاله يرثى لها صوت شهقاتها واصل لأخر الدنيا

علي_تحسف انه سوى كذا اصلامايدري ليش سوى كذا
لف عليها انا اسف

وصلوا

نزلت عنود وراحت عند البنات وشافت عنود نوره وضمتها

البنات_استغربوا حالتها وخافوا عليها

على تفكير محصور عليها مبارك ينادي علي وعلي يهوجس
مبارك . سرحان الأخو
بندر. علي علي
علي .هـــــــــاء
مبارك . وش فيك مفهي صار شي
بندر.خير في شي
مبارك. الأخ عاشق
بندر.ههههـــــــــاي
علي.بهدوء اعترفت لهاوصارحتها
.......................

عسى السعـــــاده في حياتك
تخاويك
والحظ يضحك لك على
طول دنيـــاك



البـــارت الثـــالـــث ... .



إذا ودك تحس شلون ~محتاجك~ و ~ أبييك ~ أبي تحبس ''نفس صدرك'' وتحس بحاجه ‎ ‎‎ ‏'الزفره'
عنود بعد موقفها مع علي وحالتها حاله ماتدري وش تقول او تسوي بعد تفكير قررت تصارح خواتها


في غرفه احلام

كانوا قاعدين في سرير
دخلت عنود على أحلام وشوي دخلت ايمان
احـــــــــــلام... حياكم وش عندكم

ايمان. عندي سالفه
عنود. وانا بعد
احلام. تكلموا
ايمان.هذا من مبارك
احلام.اهــــــــــا وانتي
عنود.علي قالت السالفه
احلام. وانتو شرايكم
عنود وايمان . مــــــــــدري
احلام. اوكي انا بقول
اولا.ايمان المفروض حكمتي مشاعرش وسكتي والهديه ماترد بس كان رديتها مو على طول قبلتي
وانتي ياعنود المفروض ماسويتي إلي سويتي
ايمان. وش نسوي
احلام .انتي ياإيمان بقولش نصيحه اخذي الي يحبش ولاتأخذين الي تحبين
ايمان. بس انا احب طلال
احلام.خلاص لاتأملين مبارك بشي
عنود. وانــــــــــا

أحلام. انتي حكايه بنتقاضى على اشياء بهدف الزواج
بأن علي صرح بها شي
خلي علاقتكم بحدود
عنود.بس فشله
احلام.الى صدق قولي احساسش
عنود.احساس متفشل
ايمان.إلى العن امها من ونــــــــــاسه
قضوا الليل ضحك وسوالف

اما احــــــــــلام من راحو منها البنات

وهي في حاله ثانيه تذكرت فــــــــــواز اه اه اه يافــــــــــواز سافرت واخذت القلب معك...

<< اروي ظمــــــــــا غيري وانا يابس الريــــــــــق
اضحــــــــــك وأجــــــــــامل ولو ماني بــــــــــرايق >>

الشباب ... .

على سرحان في عالم ثاني تفكيره بعنــــــــــود ... .
مبارك.قال لبندر سالفه
بندر.يالله يامبارك طحتوا ولاحد سما عليكم
علي. يــــــــــوه يابندر متفرغ
بندر. هههــــــــــاي خلاص اخطبها وتزوجو
علي. بــــــــــس ماتوظفت
مبارك.سهالات اخطب باقي كم سنه وتوظف
بندر.اي اهم شي امسكها
مبارك.وانــــــــــا
بندر.انت جاهز بس اخطب
مبارك. وانت ونوره
بندر.لاعــــــــــاد حنا خلونا بحالنا

........

منيره في عالمها تكلم بشاير
منيره.بشوره لاتزعلين
بشاير.ليه مطنشي
_ كنا رايحين البر مع الأهل ولافي مجال اكلم
_ بس اشقت لــــــــــك
_وانا أكثر
_واستمرو في مكالمتهم لي الفجـــر...
...

كل عاده جابر رجع البيت الفجر

سكران

نـــام في صـــاله
قاموا يصلـــون الفجـــر شـــافوا جابر
الأب.جـــابر ياجـــابر
جابر غاطس في ســـابع نـــومه
راكان.خلاص روحوا صلوا وانا بلحقكم
راكان قعد يهز فيه هز ولافاد خذى بطل ماء وكبه عليه..

قـــام جابر هـــاااااء

راكان درى انه مافيه فايده عقب ماشم ريحته الفايحه شاله وداه غرفتـــه

رجعوا

لقـــو موزه قاعده وحولها الحليب بالزنجبيل وقرص المفروك وشاهي وقهوه
مبارك الكبير.صبـــاح الخير ياشيخه
موزه .صباح النور وسرور
_ كيف اصبحتي يالغاليه
_اجمل صباح إلي صبحتني فيـــه
محمد. ألله على الغزل مع صباح الله
موزه. خلني ياوليدي ان ماتغزلت في مبارك نور دنيا من اتغزل فيه
مبارك الكبير.ياحبنـــي لش
علي. صدق يامبارك فاضين مع صباح الله
مبارك.انا اشهد انا بروح انـــام
علي ومحمد. أخذنا معك

في مدرســـه

ايمان دوامت وكـــل عـــاده تهريب ومن هالســـوالف
اماعنـــود.
قالت لمها إلي صار معها
مها.الله ونـــاسه ياحظش
عنـــود .اه اه يامهـــوي احبه ولوشفتي دقـــات قلـــبي اومبيـــه احسه سمعهـــا



مــــــرور فتـــره بسيطه ... .

عائلـــه ام فـــواز



فواز. 26 مسافر يدرس في دبي
طلال. 20يدرس في معهد
نجد.18 تدرس ثانويه عـــامه


ام فواز تصير اخت ام ايمان
فواز بيوصل بعد يومين وامـــه مسوي عزيـــمه صغيرونه لـــه
نجد اشتاقت لبنات خالتها ودقت على رقم البيـــت
محمد كان مار ومحد عند التلفـــون
نجد.ألـــو
محمد. هلا
_ سلام عليكم
_عليكم السلام
_ عنـــود اوايمان موجودين
_اي من نقولهم
_نجد بنت خالتهم
محمد مايدري ليه فز قلبه
هلا نجد شلونش
_ بخير انت محمد
_اي
_شلونك
_بخير جعلش بخير
_ وين البنات
_بعيد مني بقولهم يكلمونش
_مشكور مع سلامه
_مع سلامه
يالبيـــه محلا صوتهـــا
محمد نادى ايمان وقـــالها
ايمان دقت على بيت خالتها

طلال رد ع تلفون
مرحبـــا بيت طلال يرحب بالمتصـــل
ايمان. استحت وبكل ذرابه
السلام عليكم
طلال.عليكم السلام
_ شلونك طلال
_بخير منو
_ايمان
_هلا ومرحباشلونك
_بخير نجد عندك
_اي لحظه
طلال نادى نجد
نجد . هلا بالقاطعه
ايمان. هلا بش
_ شلونش
_بخير الله يسلمش شخبارش انتي
_ بخير الله يسلمش تمام
_شدعوه هل قطاعه
_والله اشغال
_اي والله صادقه ترى بعد بكره فواز بيجي وامي مسويه عزيمه صغيرونه له يعني بس حنا وانتو
_الحمدالله على سلامته شخباري عنه
_اي فديته ماراح يطول بس يومين وبيرجع عشان كذا ماسوت عزيمه كبيره
_اهـــا يحليله خلاص بقول لأمي
_اوكي يالله جـــاو
_جـــاو حياتي

دخل مبارك وايمان تبي تطلع

مبارك. شدعوه اذا دخلت شياطين خرجت ملائكه
ايمان. لابس خلصت من تلفون
_ زعلانه
_ليه في احد يزعل على أخـــوه
_اخـــوه
_إيـــه وراحت

امـــا مبارك وقف مصـــدوم ويردد أخـــو أخـــو

ايمان قالت لأمها وأكدت انهم بروحون...

جابـــر يبي يطلع وناداه راكان
جابر . خير راكان مستعجل
راكان. لي متى وانت على هالحال
جابر.اي حـــال
راكان. السكر إلي كل يوم جاي لنا فاقد
جابر . يـــوه خلاص انا مستعجل
_ كل ماتكلمنا قلت مالي مزاج ومستعجل قلي غاضب ربك وعاق بوالدينك من يرضى يقبل فيك كزوج
_ وش المطلوب
_اترك عنك الخرابيط وصر رجال واتر سفريات
_ابشر اي خدمه ثانيه
_لامافي شي بس انت ماأنت بحاسب حساب ربك لاصلاه ولاطاعه
_خير ان شاء الله بطيع كلامك خلني اروح عندي موعد
_الله يكفيك شر هالمـــوعد
_ لاحـــول خلاص هـــونا من المـــوعد


بعد مرور يومين_

ام فواز. كل شي جاهز
نجد.اي يمه خلاص لاتحاتين
_ لاتلوميني يابنتي فرحانه
_عساها دوم انابروح البس عشان نروح المطار

احلام نايمه ولا تدري عن فواز
اماقعدتها
احلام. هـــا يمه بنام
الأم.ماتبين تروحين
_وين
_بيت خالتش ام فواز
_ليش
_ماتدرين فواز وصل اليوم
_ف ف فواز يمه
_اي بسرعه البسي

_احلام مامستوعبه شلي يصير فركته عينها بيدها تبي تستوعب متى وشلون وكيف
معقوله متى وصل وليـــه محد قالي بسرعه خذت شور ولبست احسن لبس وضبطت شكلها وايمان وعنود نفس الشي اكشخو

ونزلوا ينطرون محمد

نوره. اموت على هل كشخه
احلام. تسلمين
نوره. على وين
احلام.بروح بيت خالتي
دخل مبارك وعلي ومحمد ...

مبارك يالله ناوي على ذبحني هالبنت
اما علي دز لعنود..

من عرفتك وانت يتزايد غلاك
وصار قلبي بالمشاعر يحتويك
ماحسبت العمر من دونك هلاك
لين بأن الشوق في عيني إليك
انت امر بس قلي وش مناك ومن عيوني غصب عني يجيك

راحوا بيت خالتهم وبعد الترحيب وسوالف
الأم .والله ياوليدي لوانك متزوج كان انامرتاحه
فواز.ابشري يمه قريب ان شاء الله
نجد.والله منو هذا إلي حظها حلو
ايمان.لايكون من البنات إلي يدرسون معك
فواز.يبتسم لا انابأخذ شيختهم كلهــــــــم

بعــــــــد العشا

ام فواز وايمان قاعدين في مقلط يسولفون وطلال صعد شقته ينأم وبنات في صاله
نجد.بنات قوموا نصعد غرفه طلال
احلام.ليش
نجد .نشبك ونستانس
ايمان.اي والله وناسه
عنود .يالله نروح
احلام انابقعد مالي خلق

طلال سمع صوت البنات يدخل مع باب شقته وعلى طول نزل وانخش تحت سرير
نجد .بنات بروح اجيب اكل لنا
عنود.بروح معاش

دخلت ايمان وشافت صورته معلقه وقفت قدامها وقالت
اه ياطلال وش كثر احبك لبى قلبك
وقامت تقصد بنت ابوها
ياطلال جعل مخاليق تفداك ويفداك كل الكون عرضه وطوله
ياطلال لك صاحب ماتناساك يذكر ملامح ضحكتك في عيونه
اما طلال تعالوا شوفوا وجهه علامه استفهام كبيره عليه منصدم
ايمان اشبكت وحطت أغنيه حربي العامري
اه من قلب غدى حبه جنوني وأه من خل على بالي طرى بالمحبه ياعرب لاتعذلوني لأنه حبه في فوادي قد سرى

جاوالبنات وطقوها سوالف وضحك وطلال اختنق

في صاله احلام قاعده تطقطق في تلفونها
دخل فواز وابتسم من خاطر يوم شافها بروحها
فواز.مرحبا
احلام.هلا فواز
_ شخبارك
_ تمام انت اخبارك
_الحمدالله والله كبرتي واحلويتي
_هههــــــــاي يعني كنت جيكره
_لابالعكس
_تسلم
_ممكن تصبين استكانت شاهي

_ان شاء الله ومن ربكه ووجوده انكب على يدها الشاهي
احلام _ اه
فز فواز ومسك يدها وغسلها في ماي فناجيل
اما احلام تخدرت من لمست يده راح المطبخ خذى ثلج وحطه على يدها
بسم الله عليش يعورش
احلام. اي
فواز. كل مني لوماطلبت شاهي
احلام. ابتسمت حصل خير
فواز في خاطره هذي فرصتك صارحها احسن لك
فواز.احلام
احلام.هلا
_ شرايش فيني
_ارتبكت بشنو بالضبط
_ كــــــــزوج
_زوج مافهمت
_انا بخطبش وش رايش فيني
احلام حمروجها وقامت بسرعه
فواز ياربي وش هل غباء علي ماعرف اتكلم وش سويت
اماأحلام حدث ولاحرج ماتقدر حتى تفكر من صدمه


نرجع لطلال خلاص حاول يمسك نفسه بس ماقدر عطس عطسه هزت المكان اما البنات صارخوا وانحاشوا تحت
ايمان. بسم الله بيتكم مسكون
نجد.اعوذبالله اناخايفه
احلام .خير وش فيكم
قالوا لها سالفه

طلال طلع من باب الخارجي عشان مايحرج ايمان
امابنات صعدوا مالقوا شي شغلوا قرأن ونزلوا
في ليل

طلال في فراشه معقوله تحبني بس انامااحمل اي مشاعر من إلي هي تحس فيها
فواز.النوم جفى عينه يارب تجعلها من نصيبي

مــــــــع اطلاله يوم جــــــــديد


قامت فجر في قمه نشاطها
وتغني وتدندن
ملاك.يــــــــوه يامزعجه خلاص اطلعي
فجر.قومي نزل لجداني
_روحي بروحش انابنام
_يالخبله ترى محمد تحت
_ جــــــــب لاتفتحين هالسالفه قلت ماحبه ماتفهمين
_كذابــــــــه

نزلت فجر وشافت العايلــــــــه الكريمــــــــه في مزرعــــــــه
فجر. صباح الخير
الجميع.صباح النور والسرور
قامت ايمان وضمت فجر وقاموا يسولفون ويضحكون
كان في المزرعه جدمبارك وراكان ومتعب وموزه ونجلا ومبارك ونوره
موزه. اسمع يامتعب دامك موجود
متعب. لبيه يمه
_ لبية بمنى فارس قده رجال ومتوظف وخالص ماعاد إلى العرس
_والله ماعندي مانع بس هو يأشر
_الى بتزوج هو وبندر وذا الأشهر
نــــــــوره نتزوج اه يابندر ... .
البنات يطالعونها ويبتسمون
فارس .السلام عليكم
_ عليكم السلام
فجر. هلا حياالله معرس
فارس .من
فجر.انت
فارس.انــــــــا
موزه.اي انت من صغر يالله شد الهمه
فارس.اول زوجو جابر
موزه.جابر امره هيــــــــن
فارس. اناموافق بس من هي العروس
نجلا.شرايكم في الهنــــــــوف
فارس.لاهنوف ولاغيرها انافي وحده بالي

الجميع.مــــــــــــــــن
فارس ابتسم وراح
... .

جابر قعد من نوم
وراح للمزرعه
الســــــــلام
_ عليكــــــــم سلام
الاب_هلايابوك شلونك
جابر.بخير
الأم .شلونك يمه
جابر.بخير انتي شلونش
الام.بخير
جابر.ايمان روحي جيبي لي فطور
ايمان.ابشر من عيوني
جابر.مبارك رح غرفتي وجيب غترتي وسويكي
مبارك. قول لعلي
جابر.بــــــــروك قم ياراعي سالفه
مبارك.ههههاي ان شاء الله
تواجهه ايمان ومبارك عند الباب وقام يدندن
حبيبي اسف ازعجتك
كملت طريقها
ايمان.تفضل
فجر.الى مادريت عمي
جابر.بشنــــــــو
فجر.جدتي قررت تزوج بندر وفارس
جابر.هههاي على البركه
فجر.وانت متى ناوي
جابر.لي تو النــــــــاس
ايمان.جده الى كني سمعت ان منيره بنت جدي مناحي انخطبت

جابــــــــر. عصب يمين بالله ماتخذ أحد غيري
راكان.ياسلام واذا البنت ماتبيك
جابر.غصب ماهو بكيفها

جد.خلاص صكوا الموضوع
وانابروح لمناحي اتغدى عنده احد بخاويني
قرروا كلهم يروحون

دقوا على بندر وعطوه خبر...
منيره قالت لطباخه تضبط كل شي...
بندر.هلا الله تحي من جانا
_ الله يحيك
بندر. تفضلو
قعدوا بالصاله كبيره ومفتوحه قوس بعدين الحريم
قاموا يسولفون
منيره ونوره إلي تمر بالحلو وثانيه قهوه
وصلت عند جابر
جابر.هلا بالزين كله
منيره.هلابك
كان احساس منيره ميت عادي ماتحس اتجاه بأي شي
نوره. يالله عطلتوا السير
وصلت عند بندر
بندر. هــــــــلا بالحبيبه
نوره.هلا بك
منيره.مع ابتسامه نادت نوره تبــــــــي تقهرها
البنات راحوا الحوش وسوا دائره وشــــــــوي الشباب وصلوا لهم وكبرت الدائره
جابر.والله زمان منكم
نوره.اي والله خالي
جابر.اشغال اشغال
مبارك.زين وش رايكم نروح الشاليه بندر.يالله يامبارك افكارك رهيبه
نوره.اي والله زهقنا
ايمان.تكفى عمي وافق
جابر.اوكي بس بشرط
الجميع.شنو
جابر.اذا منيره ماراحت مافي روحه

البنات وشباب ..حــــــــركات وش معنى هي
< منيــــــــره لاحياه لمن تنادي عادي عندها كأنه واحد من ربع>
منيره. اوكي موافقه
استانسوا واتفقوا على الاسبوع الجاي روحتهم

بندر .دز لنوره
الناس قالوا من تغلى تخلى وانت تغلى بس والله ماخليك
خلك على كيفك تدلل تغلى محلى تدللك ومحلى تغليك
ابتسمت نوره ودزت له
محلى الرساله منك لاجت على شــــــــوق
تهزني هــــــــز الهبايب لأوراق
اذن العصر والكل راح...
... .



ياالله يارب لاتحرم عيوني من شوفته
حبيبي لوحده قدر ياخذني من بد البشر
واذا الله عطاني عمر بقضيه وبعيشه وياه
عندي حبيبي وماابي شي غير الله يخليه لي
وان ضاقت الدنيا علي خلوني معاه
يشهد علي الله ابيه ومن كل شي خايف عليه
والغالي مايغلى عليه
كلي على بعضي فداه


انتهى البارت