وصفتي او وصفتك ايهم اطعم ؟؟
 

فكره حلوه ام رنا ان قدرت نزلت بعض ماعندي ومشكوره

هلول فديت المتفاجأين ههههه اممم تهقين الموضوع بيمشي لو اورط والا نخليه ودي وحبي وكلن يشارك ويفيد ويستفيد

الله يحلي ايامس ام بنون واكييد لازم نستفيد من خبرتس

اهليين بندقه يا زيين الحماس معاس ونورتي يا قلبي

فكره رهييييييييبه أم رنووووو

إن شاءالله أشارك معكم

بس خل نشوف البدايه عشان أفهم الموضوع بالضبط..

عواااااافي^^

موضوع حلو وفكرته احلى

فيه حماس وتحدي يعني قمة الحمااااس والاكشن

راح اكون مشاركه باذن الله معكم

بس اشوف شلون الوضع معكم ^ ^

صبااااح الخيرااات ام رنو


تسلمييين على هالافكار الحلوة


بس اخاف تكون حلبة مصارعه بعدين كل وحده تمدح شغلها وتقول وصفتها الافضل


هههههههههههههه



معاكم ياقمر الله لايعوقني بشر

يعطيك العافيه ام رنا على الفكره الحلوه
وإنشاء الله اكون معكم
ونشوف تفاعل حلو
ودي لك

موووضوع مره حلوووو ام رنووووووووووو


نتظر اول طبببببببببق مع اول عضوتين

ام رنوووووووووو

فكرة عجيييبه.. ان شاء الله تحصلين التفاعل اللي تبينه..

تسلمين فديتج

وبانتظار العضوتين

السلام. عليكم اعضاء ليلاس

حبيت أشارك بالموضوع مع وسام. اول مشاركه. الله. يستر. لا اطرد من الموضوع. وأصير فاهمه غلط

أبشاركم بطريقتي في بعض الأكلات إبداء في. الفلافل.

2 كاس. حمص. بليلا

كاس. فول

بصل

كزبرة. او. كراث. او بصل اخضر وبقدونس. أنا افضل الكزبرة وكميته. يمكن نصف الربطه.

كزبرة. ناشفة. ملعقه


البليله والفول. ينقع يوم. أكيد.

بالفرامه . افرم البليلا والحمص. أخلطه مع باقي المقادير. وأعيد فرمه من جديد.


http://im22.gulfup.com/2011-12-10/1323555847951.jpg


اذا بغيت. أقليه. أضيف. بيضه. ملعقه بكنبودر. نصف ملعقه بكر بنات الصوديوم. ملح.[IMG] [/IMG]


أنا غالبا. الفلافل. صلصة البيزاء حتى. البصل المحموس البزار. اصلح. كميه وبالفليزر ًً. عشان ارتاح من الريحة اسبوع

الله يعطيس العافيه ام البنين

ماشاء الله عليس
ليتس صوريتها وهي مقليه


وصفتي بالفلافل
تقريبا مثلس

حمص وفول منقوع وكزبره وبصل اخضر وبصل وكمون ويفرم مرتين مع ملح وكمون

وعند القلي اضيف بس بيكنج بودر

السلام عليكم أختي ام رنا

والله كنت ابصوره لأكن. انزنقت انشغلت وقت العشاء. وما قدرت

مساء الخيرات ام رنو .......موضوع يجنن بس يخوف هههههههههههه لانو كل وحدة بتتردد تحط اطباقها لانو تحدي وحماس

انا الفلافل غير عن وصفاتكم ...انا استخدم بس الحمص انقعه يوم كامل او من الصباح الين العصر ...........بعدين بالخلاط اطحن بقدونس نصف ربطة وكزبرة نصف ربطة .......بطاطسة صغيرة ..... حبة فلفل اخضر بارد ... فلفل اخضر حار انا اكثر منه لانو يحبوه حار ملهلب ... حبة جزر ... ثوم وبصل

طبعا بعد مااخلطهم زين احط البهارات والملح والبيض على حسب الكمية الي مسويتها بس اذا ماراح استخدم ا لكمية كلها مااحط البيض ولا البهارات علشان طعمها مايتغير

الطعم لذيذ والكل يطلبه مني اذا بنجتمع على عزومة او جلسة لانو بعض الاحيان اسوي بفطيرة اذا تعرفونها الي معاها لبنة وتسوى داخل الفرن ... وبس ههههه

يعطيكم ربي الف عافية ام البنين وام رنو

غريبه. طريقتك. بطاطس. وجزر. لأكن. أحاول أطبقه.

والباقي. مثلنا تقريبن. أنا. أحيانن. اقتصر على البليلا. ومره. جربته. بالفول. طلعت لذيذه

مشكوره. على. التعليق. شكل. الموضوع. مهجور

مرحبا صبايا يعطيكم العافية ع الوصفات وبالتوفيق

لكن سؤال ألحين لما تطحنوها بأي جهاز تستخدموا ياريت وحده تنزل للجهاز صورة مشكورين

السلام عليكم

تقريبن جميعن متقاربين. الا. ورده. كنت. ابطبقه. لأكن. خفت

أختي. أنا كنت. اعمله بفرامة اللحم. ناشونال لأكن.

الان. استخدم. الة محضرة الطعام. براون. انزل لك. صوره. قريب

يعني. الخلاط. العادي

هلا و الله اموووووووووورة عيوني يعافيكي ربي


امممممممممممممم انا استخدم فرامة اللحم كينووود ميجور انا شاء الله انزلك الصورة قريبا انتظريني

i هلا امورة نجد انا بعد اسويها بفرامة اللحم .... ام البنين ليه خفتي هههههه خلاص راح اسويه واصوره وبحط الصور وشوفي اذا شكلها شجعك سويه واذا بعدك مترددة لاتسويه مع انك ماراح تندمي ههههه بس انتظريني


طيب خلينا نطرح موضوع ثاني ونشوف الفرق انا مسوية بسبوسة عادية واغلبنا يسويها بس تفرق في المقادير الي خلاني افكر فيها بنو لما خبرتها انو انا اسوي البسبوسة وتطلع معي طرية ومثل الكيكة ومافي مرة اسويها الا تنأكل لاخر قطعة واذكر كنت مسويتها في عزومة مع كذا حلا مااكذب ولا ابالغ لما اقول الكل فضلها ومدحها على باقي الحلويات غير الي اخذو وصفتها لاني قبل اسوي هذي الوصفة سويت عدة وصفات وماتعجبني ...

وبما انو البسبوسة اكيد لها عدة وصفات ماراح انزلها بموضوع لحاله شرايكم انزلها هنا تتوقعون ينفع انتظر رايكم وبنزلها على طول ... نبي نستفيد من خبراتكم

السلام عليكم. أهلين. ورده. لانه. كان عشاي. يعتمد. عليه. خفت. http://img688.imageshack.us/img688/8...uppimagegk.jpgماتنجح
وبالعكس. نزيله لانه. البسبوسه. له. عدة طرق. أنا. لي. طريقتي. تنجح. معي. وكثير. أخذوه طريقته لكن لي. سنه. مستحيل تضبط. معي. وأختي. نجد. أنا. اصلحه. بها لجهاز أريح

شكرا لكم على التفاعل واعذروني لانشغالي

زيزفونه ما يبي لها كلام حطي طريقتس شوقتيني لان دايم بسبوستي ناشفه ابي شي جديد
بانتظارس

صباح الخيرات ....... صباح الحلويات ...... صباح البسبوسة الطعمة والطرية امممممممم ..ههههه


طريقة البسبوسة الي بحطها جدا رهيبة والبسبوسة فيها تكون طرية جدا مو جافة ولافيها قساوة وشيرتها وسط يعني مو ثقيلة ولا خفيفة حيل اليكم المقادير والطريقة بالصور


المقادير :

كاس سميد / كاس جوز الهند / ثلاثة ارباع كاس سكر وممكن تقلليها الي نص كاس / ملعقة كبيرة بكنج بودر / ملعقة فانيليا / ثلاث ارباع كاس زيت / علبة قشطة / اربع بيضات

الطريقة :


نخلط المقادير الناشفة كلها بملعقة خشب


http://dc07.arabsh.com/i/03673/h0z30ql29tqq.jpg

بعدين نحط القشطة والبيض والزيت ونمزجهم عدل بملعقة خشب او المضرب اليدوي


http://dc07.arabsh.com/i/03673/xyyegew90snp.jpg


http://dc07.arabsh.com/i/03673/bmixa4pqgh0c.jpg
نصب الخليط بصينية مدهونة ... واذا حبيتي رشي عليها لوز مجروش واذا ماتبي فيها عادي مايفرق


http://dc07.arabsh.com/i/03673/j6fp4yjhxabc.jpg

ندخلها الفرن الين تنضج من تحت وبعدين نحمرها من فوق علشان يصير لونها ذهبي

http://dc07.arabsh.com/i/03673/u3q57lcfacpl.jpg

نشربها بالشيرة وهي حارة ونتركها الين تبرد شوي نقطعها ونقدمها وبالعافية


http://dc17.arabsh.com/i/03673/bql67v0y4653.jpg

هنا حطيتها بورق الكب كيك اسهل في التقديم خخخخخخخخخ

http://dc17.arabsh.com/i/03673/8bqkmhez9kp3.jpg


وهنا من قريب علشان شكلها يغريكم اكثر

http://dc17.arabsh.com/i/03673/2m64dvmhyykb.jpg


اتمنى تستفيدون منها يارب وعلى فكرة اذا جيتو تشيلوها من الصينية بشويش لانها طرية وانا دايم اول قطعة تخرب واكلها لانها تصير مفتفته ههههههههه

السلام عليكم ورحمة الله وبركاته

ياهلااااااا بزيزفونه هلاا وغلاا بالشيف المميز
تسلم يدينك يالغلااااا على هالبسوسه الحلوه
ترى انا واعده خواتي واقول لهم بجيب لكم طريقه بسبوسه حلوووه
وهم تحمسوا معي بس سبحان الله طريقتك هذي نفس طرسقة اختي دائما تسويه
لاخواني ويخلصون عليهااااا بسرعه ويقولون انها فعلاا روعه
بس انا ماحب البسبوسه مدري ليييه
عموما تسلم يدينك يالغلااااااا

مشاء الله زيزفونه زي طريقتي لكن البيض احط 3

سبحان الله يحوسون ويدوسون بها الحلويات ولا احب غير الحلويات الشرقيه من بسبوسه الى الكنافه الى البقلاوه <اشتهيت دلة قهوه ههههههههههههههههههه

ماشاء الله زيزفونه تسلم يدس ان شاء الله لي تطبيق باذن الله

يالله يابنات من تجيب وصفتها للبسبوسه ونشوف من اطعم

هلا عبوقة منورة المطرح ههههه الطريقة هذي اعتمدتها بعد عدة طرق فاشلة كل وحدة تعطيني وصفتها ماتطلع طرية تصير خشنة مثل الي يبيعوها بعض المحلات او الي نشوفها ببعض البوفيهات بالاعراس ماتنأكل والشيرة حيل ثقيلة تقولين قطعة شابورة مو بسبوسة خخخخخخخخ


عندي طريقة بسبوسة جدا مميزة وماشفتها ولا بمنتدى عندي بكتاب من قبل مااتزوج واذا بس لانو يبي لها شغل ومقاديرها كثيرة هي بسبوسة محشية بس مش بقشطة بس لا بمكسرات ويكون الطبقة الاولى كنافة مقطعة بعد مانشربها بالزبدة نحطها بالصينية وبعدين نحط نص مقدار البسبوسة وبعدين المكسرات وبعدين باقي خليط البسبوسة واخيرا باقي الكنافة شفتي مشوار هههههههههه


اذا تبين الطريقة بحطها لك وصدقيني لذيذة وشكلها يرفع الراس ومميزة بس ماعندي لها صور واذا بسويها يبي لك تنتظرين على بال ما اسويها ردي علي ومن عيوني

هلا وغلا منورة ياقلبي ...البيض اذا كان كبير الحجم يكفون الثلاث اهم شي قوامها مايكون خشن لما نخلطها وانا بعد احب البسبوسة بس في مثل هالايام بالصيف ماتجي على بالي هههههههههه الحين اجيب لك احلى دلة قهوة افا عليك ههههههههههههه .. مرورك اسعدني

هلا هلا بام رنو مشتاقة لك ياعسل ... يالله طبقيها وعطيني رايك فيسي الاحمر من الخجل خخخخخ .... وانا مثلك انتظر البنات يسدحون لنا وصفاتهم لاني احب التجديد بشرط تكون مظبوطة عندها علشان اذا طبقناها مانحصل تحطيم من الي بنجرب فيهم ههههههه

هلا فيك ياعسل .......الله يسلمك ياقلبي ... ومشكورة على كلامك الجميل الي يفرح القلب ... يالله خذي لك كم قطعة حلي فيها هههه

هلا دندونة منورة ياقشطة ههههههههه انا استعملت زبادي ماظبطت قالو حطي لبن مع اني ماكنت مقتنعة ماعجبتني قالو حليب نفس الشي ووحدة قالت لي حليب وقشطة صارت موبحلوة بعدين عرفت انو البيض هو الي يعطيها الطراوة لاني كنت اسويها ببيضة وحدة فتصير قاسية وحتى بالتقطيع هذي مثل الكيكة طرية حتى لو ظلت ليوم ثاني ماتتغير وكل مابردت صارت احلى

مشكورة ياقلبي على مرورك الجميل

انا. بيضه. وعلبة قشطه تقريبن ثلاث أرباع الكأس سكر. بيالة زيت. كاس ونصف سميد. ونصف كاس طحين ملعقة بكن بودر

الصينينه ادهنه 2 ملعقة طحينه سائله. وأخلي الخليط. شوي قبل مداخله الفرن

هلا ام البنين كيفك ياقلبي وكيف صحتك طمنينا عنك .......... اممم احس اذا انخلطت المقادير تصير الخلطة ثقيلة لانو السوائل قليلة انتي تستخدمي الطحين بدل جوز الهند ... جربي طريقتي وعطيني رايك اي وحدة اخف ... مشكورة على المرور والمشاركة رغم تعبك وظروفك لاخلا ولا عدم

السلام. عليكم ورده. اخبارك. ومشكوره. على. وصفة. البسبوسه. تمنيت. اني. بحاله. احسن. وو ريتك. طريقتي. بالصور

لكن. ماعليه. ابدخلكم. في. محنتي.

قبل. ايام. او. اسابيع. مثل العاده. لازم. حفلة. نجاح. متواضعه. او. واسعة النطاق. استراحه. والعاب. وملعب صابوني. وترتات وحركات.

لكن. عشان. ضروفي. قلت. ابد اليوم. اصلحه.

فبعد. ماوعدتهم. اجتمعت. الضروف. كله. ضدي. منهم. تعب ولدي الصغير. صرت بين. جهاز البخار. وبين. الخافظ.

وقدوم. جدة خالد. الينا.

فاكتفيت. بكيكة النجاح. فقط.

http://img823.imageshack.us/img823/1...uppimagegz.jpgًًًًً


http://img850.imageshack.us/img850/8...ppimagenya.jpg


http://img40.imageshack.us/img40/7962/phuppimageuu.jpg


واكيد. ماقصرو. الي يخلط. والي. يشكل الكيك. وعدتهم. بعد. مانرجع. بعد الاجازه. اعمل. لهم. حفله.

والبابا ابو الشباب رحمنا. على. الحوسه و الفوضى. ورجع. معه. كيكة النجاح. من براء

يالله. كل من يدخل. يعطين. افكار. جديده.

محاوله. اخرا. شبه. فاشله. الطبقه. الاخيره. خربت. علي. فاضطريت. اكمل. بالرسم. على. الكيكه. لكن. طعمه. كان. حلو.



http://img829.imageshack.us/img829/2...ppimageuqg.jpg

التزين كان بالمارشملو لكن. الطبقه. الاخيره. خربت. فكملته. بعجينت. السكر. ورسمت. عليه.


http://img841.imageshack.us/img841/1...uppimageek.jpg

تسلم يدس ام البنين ويجعل ايامس احتفالات ونجاح وفرح

ام البنين والله عليك افكار اهم شي ماراح تعبك والطعم خرب كان قهر على هالمجهود ...... وزين انك تلاحقتي وجبتي فكرة الرسم وانهيتي السالفة ........تسلم ايدك ...

السلام عليكم
بقدملكم اليوم نودلز بيتي
الطريقة اوحتلي فيها صديقتي بس انا طبقتها بشكل ثاني
المقادير:
كيس شعرية طويلة الملفوفة بشكل دائري ولازم تكون المتينة عشان الضعيفة ماتطلع طيبة
نسلقها مثل ماهي مانكسرها بماي يغطيها بشكل كافي مانبيه واجد ونحط بدال الملح مكعب ماجي
واول ما تبين معانل الشعرية تفك نوقف معاها ونساعدها للتحرر من قيودها عن طيق تفكيكها بالشوكة ونظل معاها لانها تستوي بسرعة واول ما تستوي نصفيعا انا ما اقط الماي لان عيالي يشربونه على انه شوربة بصراحة يفكني من العبالة ويحسسهم اني بدعت شوربة ونودلز(فيسي النصاب)وبعدين طعمة حلو
المهم نجي للخطوة الثانية نجيب صدور دجاج من غير عظم وجلد وتقصصها قطع صغيرة,جزر ,بصل,كوسا,فلفل اخضر واحمر واصفر وبرتقالي بارد واذا مافي الا نوع او اثنين عادي ما تدقيش,فصين ثوم مفرومين
الخضار كلها تقطع بشكل طولي (ترانش او جوانح)بس ماتكون لاسميكة ولا ضعيفة
نحمس شرايح البصل لين تذبل ونضيف لها الدجاج والثوم ونتبلها بملح وفلفل اسود او ابيض وبهار مشكل ورشة دارسين (قرفة)عشان تشيل زفرة الدجاج ومانكثر عشان مايغمج النودلز لما نحس خلاص الدجاج استوى نزيد الخضار مع بعضها ونشوحها ومانكثر طبخها عشان تضل محتفظة بلونها وقوامها وحتى تكون الذ
لين نحصل النتيجة اللي نبيها نحط النودلز ونقلب عدل لين تختلط عدل واللي تبيها تبين اصلية تحمس بزيت السمسم انا احب زيت الزيتون
انشاء الله عجبتكم وناطرة اشوف طرقكم

ماشاء الله عجبتني النودلز بس انا ما اسويها عشاان كذا انتظر وصفه من البناات
نمووره رهيييبه بطريقة الشرح الله يسعدس

الله يعاافيج نموره .. وصفتك حلوه وسهله وشرحج وااضح ..
وطريقتي اكيد الكل بيحبهاا .. الشكل والطعم رهيييب

القي نظره على مووضوعي

http://www.liilas.com/vb3/t174192.html#post3038703

فديت اللي رافع معنوياتي ياناس
ام رنوش حبيبتي تسلمين ياقلبي
بس في شي نسيته ان الخضار لازم تكون واجد يعني
2جزر كبير
3كوسا وسط وفلفل بارد مو اقل من 3
لان حلاتها بالخضار
وسلمتي ياقلبي عساج
محرمة على النار ياالللي رافعة من معنوياتي على طول.......نمورة ممنونة

فديتج انوثة طريقتج مبين تهبل
بس انتي جايبة الاندمي جاهز انا سويته بالبيت
ارتجال يعني
وهذي بصراحة الطريقة للفشلة عشان يبينون مبدعين من غير تعب
وانا عن نفسي عندي طرق للفشلة تبيض الوجه جدام الناس وسهلةجدا
اسعدني ردج وطريقتج الحلوة
يعطيج العافية........نموره

السلام. عليكم. نموره. حبوبه. وام رنا. موضوع. حلو. ومهم. وخصوصا. لي. اكله. خفيفه. وتغني. عن الاندومي. لانه ممنوع. دخوله

لبيتي الا للخادمه.

طبقته. اليوم.

فديت بنوتة ياناس اول من يطبق لي
مشكورة على الدعم المعنوي
وانشاء الله انها عجبتج بعد التطبيق
وفيها العفية حبيبتي.......نمورة

مسااكم الله بالخيرصبآآيآآ ..

اشوف البناات من قبل حااطين طرقهم بالبسبوسه ..
ورده الزيزفوون .. شكلهاا البسبوسه حيــــــل مشهي ..
صحيح كل الطرق تتشابه بس في اختلاف بسيط يغير بالطعم والشكل

اهم شي باي كيكه بتحطينهاا بالفرن
ان يكون الفرن حاار .. يعني لازم تشغلينه قبل مااتحطين الصينيه فيهه
من فووق وتحت ..
وبس تحطين الصينيه اطفي اللي من فووق ووطي عليه من اسفل ...

و اذي طريقتي بالبسبوسه اللي بلا مباالغه كل من ذااقهاا طلب المقاادير

http://www.liilas.com/upp/uploads/im...99a1616707.gif

هذة مقادير وطريقه عمل البسبوسه اللذيذه



نص كاس سكر
نص كاس زيت
بيضتين
نخلطهم الى ان يذوب السكر تمامآ

ثم نضيف فوقهم
كاسين سميد
ملعقه بكم بودر
علبه زبادي
علبه قشطه

ادهني قاع الصينيه بطحينيه وصبي الخليط بالتساوي

وبعد مااتستوي صبي عليهاا الشيره وهي حااره وزينهاا بالفستق المبشور او شي تحبينه

××

اماا الفلافل .. وبصرااحه مااقط صلحته بالبيت .. نشتريه جااهز اسهل واسرع

××

هلا والله بانوثة
انابالنسبة للباشاميل
احط 4مك زبدة ,1مك زيت نباتي ,5 مك طحين,وحليب سائل من 2 الى 3 اكواب
ورشة ملح وفلفل اسود وبس
وهذي اهي طريقة الباشاميل الاصلية
اما طريقتج الروعة اظن اسمها الفريدو بس انتي بدلتي جبن البرمزان بجبن قلاص
بس اعتقد انها اكثر من لذيذة ويشهد الشكل
سلم ادياتد الحلوة......نموره

نموره .. طريقتك هي الطريقه الاصليه لعمل الصلصه البيضاا
والاضاافات اللي هي المااجي والاجباان لاضاافة نكهه غنيه ولذيذه ..
اماا جبنه المزرولآآ عشاان تعطي الصلصه قواام مطااطي ..



ننتظر مشااركاات بقيه الصباايا ..

بما ان هالركن بدا يشكي من ركود وكسل الصبايا
قررت اليوم اتحدى بنات فلسطين والاردن باكلة شعبية
هالاكلة خاصة بس بالاردن وفلسطين واصلا اصلا فلسطينية
(الله يحفظلي ام يحيى اللي دخلتني المطبخ الفلسطيني وعطتني اسراره ويحفظ امها الغالية اللي فادتني اكثرواكثر)
الاكلة اسمها مشاط
لاتسالون ليش انا ما اعرف ولما سالتهم قالولي هذا اسمها من نوجدت هالاكلة
المهم مالكم بالطويلة
المقادير:راس زهرة(قرنبيط) ننظفه ونقصصه ياحجام لاهي كبيرة ولا صغيرة
ونسلقها بماي نحط عليه شوية كمون عشان اللي معاهم قولون بيتعبون من هالاكلة من غير الكمون
وعلى ما تستوي الزهرة بنسبة 95 بالمية
نحط خلطتنا واللي اهي عبارة عن:3 بيضات كبار,ملعقتين كزبرة خضرة مفرومة,ملعقتين شبنت او شبد او شبت مفروم ناعم
(ما ادري اذا له اسم ثاني لاني شفت وحدة من البنات سالت عنه لكن اهو نوع من الاعشاب العطريه اوراقه مثل الشعر وشديد الخضرة والنكهة)وعقب هالشرح اللي ما فهمت لا تحطه عادي ارتجلي تبدعي,يقدونس اومعدونس مفروم ناعم ملعقتين ,كوب ونص طحين,بصلة متوسطة الحجم مفرومة بالبراون محضرة الطعام واللي ماعندها لاياس مع الحياة اخذي مبشرة الجدة الاثرية وحكي البصل فيها نبيه رفيع جدا عاد هذي موجودة بكل بيت,في ناس تحط ثوم وفيه من يطنش ما يحب الثوم(عيني على ام نوتات)هالمكون براحتج بس يفضل مو اكثر من فصين,ملح وفلفل اسود وبهار مشكل وكمون مطحون,خميرة عشان ترفع العجين عن نفسي ما احطها لانها تخلي الاكلة تشرب زيت كثير ونحط جمبنا كوب ماي بارد وقت الحاجة ونبدى نخلط جميع المكونات ولمانشوفها محتاجة ماي نزيدها شوي شوي لين يصبح قوامها مثل قوام الكيكة بعد الخلط
نشوف الزهرة اذا وصلت لدرجة النضج اللي نبيه نصفيها ونبردها شوي لاتطبخ البيض بحرارتها
نحط زيت غزير وبعد ما تبرد الزهرة نحطها بالخلطة السابق ذكرها وحدة وحدة ونغلفها عدل بالخلطة ونزلها بالزيت الحامي
ولما يصير لونها بني مشقر مومحروق تكون جاهزة للاكل تتغمس بخبز او تتسوى سندويشات
واللي عندها عيال ما يحبون الزهرة تخلي الزهرة لين تنضج تماما واكثر شوي وبعد ما تصفيها وتبردها تنعمها بهراسه البطاطا وعقب تخلها كلها مع خلطتنا وتبدى تسويها فلافل مغشوشة
وبس عليكم بالعافية نصيحة بعد ماتعشون قلاص كمون بمرامية

ياللللللااااا ناطرة اشوف بنات من فلسطين والاردن يتحدوني ويقولون كويسة بس مش اللي هيييه انا بعملها اطيب

ولحبيباتي بنات المطبخ لي تحدي اخر بطبق شعبي بعد كم يوم اذا الله اراد..........نموره

على فكرة نسيت اقول ان هالاكله مع خالص حبي وتقديري مهداة
الى صديقتي ام يحيى وخالتي امها ام احمد
احبكم في الله..........نموره

والله الاكله دى حلوه وكنت باعملها عند ماما قبل الزواج
وهى اسمها عندنا قرنبيط مقلى وباعملها بنفس الطريقه
ماعدا البصل بس عجبتنى فكرة البصل ان شاء الله اعملها

تسلمى حبيبتى على الوصفه

الله يسلم قلبج الامبراطورة
وانشاء الله تعجبج بالبصل
واذا اعتمدتيها ادعي لخالتي ام احمد وبنتها ام يحيى
اسعدني ردج حبيبتي........نموره

ياربي. على. هالنموره الاموره. دائما. عندس. شي جديد. وغريب
فيس يبوس راستس :)
انا بالنسبه لي. جديده. الاكله الفلسطينيه وحسيت انها. لذيذه.
تسلم الايادي نمورتي وربي يسعدس انتي واللي علمس

يارب يسلملي قلبج وروحج ام رنوش
وربي احرجتيني
عاد البوسة جان نازلة على خدي فديتج
قدرج اكبر ياقلبي انتي
الله يسعدلي روحج........نموره

اهلين صبوحة
افااااا الوالدة ماتحب الزهرة
سوي الطريقة المغشوشة ما بتحس فيها واذا عجبتها قوليلها
ترى هذي زهرة من اليوم وطالع كلما تدشين الفرضة جيبي كرتون
وياحياج الله العين اوسع لج من المكان
بس لاتعيبين لا شفتيني غصب تقولين حلوة
اسعدني مروورج صبوحتي.........نموره

السلام عليكم
اليوم وبعد ما صابني احباط من تطنيش بنات فلسطين والاردن قررت اقنع نفسي بشي(اقص على نفسي )
اقنعت نفسي بان الفلسطينيات مو مطنشين لكن نسوا هالاكلة مع دخول البان كيك والباستا بالروز صوص
على مطبخنا العربي(اكسر الخاطر صح)
عموما جبت اكلةشعبية حلى معتبر الكل يحبه وخصوصا برمضان وهالاكلة مشتركين فيها كل العرب واكتشفت انهم بعد يسونها بالهند ويسمونها جولاب بس الجيم تنطق مثل اخوانا المصريين (بسج هذرة ودشي بالموضوع)
الاكلة اهي لقيمات او لقمة الفاضي او عوامة او فواشي
ما ادري شنو اسمها بالمغرب العربي (لبون محتاجة مساعدة صديق)
المقاديير:
2كوب طحين ابيض,1 مك خميرة,رشه ملح,رشة سكر , ماي دافي ,1خبزة لبنانية
الطريقة :
نقطع الخبزة ونحطها بالخلاط مع نصف كوب من الماي ونتركها لين تذزب وتندمج مع الماي وانصير ما نعرف انها كانت خبزة
وبعدين نخلط جميع المقاديير مع بعض ونخلط لين نحس القوام معانا صار تمام لاهو ماسك مثل الفطاير ولا سايح مثل
المصابيب او عجينة القطايف للي مايعرف المصابيب
نخليها تخمر وعقب نسخن زيت غزير ونحط العجينة وملة(صحن شوربة,بادية) فيها زيت وملعقة وسط
نمسك العجينة بايدنا اليسارونضفط عليها ونطلع كورة صغيرة من حلقة نسويها بالابهام والسبابة
ونشيلها بالملعقة اللي مقطسينها بالزيت البارد وهالحركة عشان نسهل نزول اللقيمات وتشكيلها بشكل كور مرتبة
ونسوي كمية نقدر نقلبها وعقب نحرك باستمرار اكيدعلى نار شبه واطية علشان نظمن النضج من الداخل والقرمشة من الخارج وبعد ما توصل للون البني المطلوب نشيلها من النار على القطر البارد (القطر عبارة عن 2كوب سكر وكوب ماي عصير نص ليمونة) عن نفسي ما احبها غرقانة بالقطر احطها واشيلها على طول
والحين وعقب ما حطيت هالوصفة ما ادري ليش حاسة اني منزلتها من قبل
واتمني تعجبكم واشوف من ينافسني فيها
تكفون لا تحبطوني تراني على طريف......نموره

اهلين. نموره. حياك والله. تحين الموضوع. النائم. انا. حاولت. مرتين. لكن. يعود. للنوم

اضافة الخبز. غريبه. يعني تعطي. نكهه. او ايش

انا اصلحه. في. رمضان. يومين. لازم. عبى. السفره.

لكن. طريقتي. غير. لي. عوده. الان. وقت. حرب. حل. الواجب

والله. اشتهيته.

كنت ناويه. اصلح كنافه. الضاهر. اغير.

انا. مقادير

فنجال. زيت. ملعقه. خميره

2. كاس طحين. دقيق

2 بياله. شاهي. نشاء

ملعقتين سكر او فنجال.

احيانن. اضيف. زبادي. اولبن

العجن. نفسكم. وقبل. ماقليه. اضيف. بيضه. وبيالة. حليب. بودره. اعجنه من جديد. ثمن. اقليه

نموره. اروح. اسحب لك. فتاة حره. و زهره. سوداء

اكلتك الاولى. اكلت. فلسطين. يبي له. جلسه

لاني. اذكر اني اكلت في مطعم. اكله قريب منه. كانه. فلافل. وهي لا يقولون. خضار جلست فتره ابي اتعرف الا ان خفت تبرد

ويطلعون وانا احلل الاكله من وين تتكون.

اذا. روقت. جربته.

السلام عليكم
اسمحولي بالاول ارد على اخونا زاهر
اولا وعليكم السلام والله يعافيك
اسمحلي يا اخوي اقولك ان هالاكلة انا ماخذتها من اخت فلسطينية من الضفة الغربيةوتحديدا من طول كرم
ولو ما اني اكلتها عند وحدة غزاوية وسمتها بعد مشاط
اللي اعرفه ان الخلطة من غير الزهرة تنطبخ بالزيت بمقلاة وتتسوى على شكل اقراص اهي العجة
لكن مع الزهرة اسمها مشاط وانا واثقة من هالمعلومة لاني سالت فيها قبل لا انزل بهالاكلة
وعلى كل حال مشكور على الرد الراقي
ونشكر المشاط اللي دخلت الرجل على المطبخ.........نموره

صبوحة الله يحفظلج جداتج اللقيمات شكلها يهبل
و وبصراحة انت عجبتني صراحتج من ايد جداتج
مو من ايدج الله يحفظهم لج يارب


بنوتة حبيبتي ترى الخبز يغني عن النشا والحليب والبيض
انا جربت طرق كثيرة بس بصراحة طريقة الخبز كانت الاخف والاسهل والاوفر
وعموما شكل لقيماتج طيبة لاني ذقت نفس الطريقة عند صديقة الوالدة كانت طيبة جدا
ومشكورة عالفزعة كسرت خاطرج اكيد


يعطيكم الف عافية على اللقيمات اللي بحلاوة روحكم........نموره

انوثة حبيت كلامج حسيتني شي
بس والله انتوا عاد غلطانين ليش ماتضبطون اجازاتكم معانا
عموما الزهرة مالت مبين حلوة موانتي مسويتها
ام اللقيمات بصراحة عجبتني وشكلها عجيب
بس حاولي تجربين طريقتي وعطيني النتيجة
صدقيني بتعجبج
وربي يسلم الايدين اللي ابدعت ويحرمها على النار.........نموره

نموووووره الاموره.
يا بطله. يا اميره. على قول ام البنين تحييين. هالموضووع النااايم وبعمق خخههه
الله يعطيس العافيه
اللقيمات للاسف ما احب اكلها ولا احب اسويها
ومن رحمة ربي فيني حتى ابو الشباب ما يحبها.
بس. يعطيكم العافيه. تعددت الطرق. وفي النهايه. االنتيجه. مبهره. للجميع

ام رنوش يابعد عمري والله ان كلامج مثل البلسم
تصدقين ما اعرف مشروب الطاقة بس والله من اشوف ردج
احس ان صارعندي جوانح وطلعت مكنوناتي الخفية
شديت حيلي بعصر هالمخ عشان اطلع لي بفكرة تعجبج انتي والبنات
والحمد لله هالمرةلقيت تفاعل من العسولات رفيقات المطبخ الله لا يحرمني منهم
ولا يحرم المطبخ من افكاري وارقيني تكفين حاسة بحسد عمري(على شنو ياخلاف والله مصدقة روحج)
الله يوفقني لاكلة تعجبج وتاكلينها وتعطيني وصفتج لها
وربي يخليج للمطبخ ورواده فديتج.......نموره

اهلين اخوي زاهر
انا سالتلك بهالموضوع
واللي صدمني ان زهرة سوداء ماتعرفه بعد
وبصراحة انا سالة ناس من الضفة وغزة والرملة وقضاء القدس بعد
سويت بحث عشان هالموضوع
بس لقيت الجواب المقنع لك والمرضي لي بنفس الوقت عند اخت عزيزة من فلسطين
قالتلي ان الاكلة اسمها مشاط من زمان بس شكل الجماعة ما عجبهم الاسم من بعد
النت والتطور فصار اسمها عند البعض عجة على اسم الخلطة اللي هي (البيض والبقدونس والمبعرف شو)
اتمني اني اكون ارضيتك وعن نفسي بطبخها اليوم ومالها اسم عندي غير مشاط
واختلاف الاسماء لايفسد للود قضية
يعطيك العافية ومشكور عالمرور......نموره

زين. نموره. تحمست. صوري لنا الاكله

انا الطريقه الي اعرفه. مثل. حبوبه.

بنوتة ليش الاحراج
ما اعرف انزل الصور ولو نزلتهم ما اعرف احطهم بالموضوع
اذا تبين الليلة انشاء الله اصورهم وتنطرين لين اتطور شوي وانزلها

نموووره الاموره انتي اللي كلامس بيعطيني جوووواااانح ربي يسعدس يا شيخه
ماشاء الله تبارك الله على افكارس الخطيره

فديتج ام رنوش وربي صرت معجبة بنفسي
وملاني الغرور اللي ام رنوش تعجبها مواضيعي وافكاري
عساني مانحرم منج يالغالية.......نموره

ماشاء الله موضوع حلو


وردة الزيزفون شكل بسبوستك لذيذه راح اجربها ان شاء الله
بس سؤال للكل لوحطيت البسبوسه بدل من الصينيه حطيتها بورق الكب كيك تصير اوكيه
واذا باحطها بالورق امسح الورق بالزيت ولا ايش
وكمان لو باحطها بالورق لازم احطها بصينية خاصه للكب كيك لو عادي اي صينيه وبعد ادهن الصينيه او لا

وجزاكم الله الف خير

مرحباا زهوور ..

عاادي عزيزتي لو تسووين البسبوسه بالورق الخااص بالكاب كيك ماايلزم تتدهنينهاا بزيت او اي شي ثااني

واذا الورق جاامد ومتماسك ماايحتااج صيينيه الكب ..
بس اذا استخدمتي الورق العاادي او الخفيف اكيد حطيهاا بلصينيه الخااصه عشاان مايخرب شكلهاا


واذا الصباياا عندهم راي ثااني مدري والله


عواافي زهووره

هلاااا يالغلاا

تسلمين خيه ماقصرتي

ربي يوفقك وان شاء الله اطبقها وتزبط

يسلمو

هلا زهوره. انا مع. انوثه. بكل اللي قالت
وحياااكي دائماً