منتديات ليلاس - قلبي خويي مالقلبي معازيب

الســلام علـيكم ,,!

مدخل :

تدري وش اصعب شي في عالم الطب
.................................... طـب القلـوب الغافـلات السواهـي .. !

هبت جنـوب وطـاح بـرد المكاتيـب
........................... ويا كثر مـا هـب الجنـوب وذكرتـه
.,

يملا حضوري في حضوره وانا اغيب
........................... وياما غيابـي فـي غيابـه حضرتـه
.,

ان جا مطر صارت له اضلوعي شعيب
........................... وان راح ريحٍ طير اللـي بذرتـه
.,

طال السكوت ومال صمتـي مطاليـب
........................... غير الكـلام اللـي وقـف وانتظرتـه
.,

جنبت لو مالي عـن الدمـع تجنيـب
........................... من وين ما هـج بجروحـي شعرتـه
.,

واصمتي اللي صـار فعيونهـم عيـب
........................... واجرحي اللي لـو فضحنـي سترتـه
.,

لي صاحبٍ يملا كفوفـه تراحيـب
........................... لولا الحيا من ضحكتـه مـا اعتبرتـه
.,

يا صاحبـي ماهـي عليـه مقاضيـب
........................... عذروبي انك ذخـري اللـي ذخرتـه
.,

عذروبـي انـك شوهتـك الاكاذيـب
........................... عذروبي انـك جـاك طيـب ونكرتـه
.,

و ان جيتني بفـراق كثـر العذاريـب
........................... بجيك انا من زود صبـرٍ صبرتـه
.,

للطير جنحانٍ وريـش ومخاليـب
........................... لكـن يضيـع صيدتـه فـي غبرتـه
.,

ومن جزم نفسي يوم صار الردى طيب
........................... حلمـي قبـل لا يكسرونـه كسـرتـه
.,

ومن راح عني قلت يا علـه مصيـب
........................... دورت لـه عـذرٍ كريـم وعـذرتـه
.,

للي يبـي بعـدي انـا مانـي قريـب
........................... هو ماربحنـي وإلا انــا ماخسـرتـه
.,

قلبـي خويـي مالقلـبـي معـازيـب
........................... واللـي حقرني مـن رداه احتقرتـه
.,

رغم الجروح اللـي بقلبـي معاطيـب
........................... حبيـت كفيـن الـزمـان وشكـرتـه

مـخرج

إن كان شمسك تساومني على ضلك
........................... ماعاد ابي منك لا شمس .. ولافيه .. !

اما تعال لقلبٍ .. فز لك كلك
........................... والا اتركني ما ابي لك بالهوى جيه .. !

مما راق لي