|
كلآ على حزنه سرى
كلاً على حزنه سرى
أعزائي القراء حبيت أترك قصتي الأولى بين أيديكم وأتمنى تنال على أعجابكم أحداث قصتي فيها من الواقع وفيها أحداث من وحي مخيلتي وأتمنى أشوف تعليقكم عليها سواء كان اعجاب او نقد وهذا شيء يشرفني ويسعدني أترككم مع الأحداث وللأمانة اذا حبيتم تنقلون قصتي للمنتديات ثانية ياليت تكتبون اسمي تحتها كلاً على حزنه سرى للكاتبة : عشان الحب .. .. .. لــ تحميل الروايه http://www.liilas.com/vb3/t98514-18.html الجزء الرابع .. http://www.liilas.com/vb3/t169944-2.html الجزء الخامس .. http://www.liilas.com/vb3/t169944-3.html الجزء السادس + السابع + الثامن + التاسع .. http://www.liilas.com/vb3/t169944-4.html الجزء العاشر + الحادي عشر + الثاني عشر .. http://www.liilas.com/vb3/t169944-5.html الجزء الثالث عشر .. http://www.liilas.com/vb3/t169944-6.html الجزء الرابع عشر و الأاخير .. http://www.liilas.com/vb3/t169944-7.html .. .. .. منال : يمه ماودي اسافر هالسنة نتيجتي كانت زفت وانسدت نفسي عن كل شيء ريم وهي تصبغ اضافرها باللون الاحمر الصارخ : والله ماعندك ريحة السالفه بالعكس مفروض تونسين نفسك وبعدين شيء راح وقضى كل الي تسوينه ما منه فايدة ابد ام فيصل وهي ترتب طاولة العشاء : اختك كلامها صحيح وبعدين خلي هالقلق وارميه ورا ظهرك وشدي حيلك سنة التخرج ريم بهباااال : امووووووووووت ع الام الكول الي ماتهمها الدراسه ام فيصل خزت ريم ورجعت تكمل شغلها منال وهي تلف خصلة من شعرها الناعم حولين اصبعها وبدت تقتنع : تدرين يا ريم اول مره بحياتك تقولين شيء فيه خير ريم وهي تهف على اضافرها : منيب راده عليك بس تدرون ابد ابد السفرة مو رايقه لي نهائياً يعني ابوي وعمي متخاصمين لهم سنين والسبب الله وأعلم محد داري فيه مدري وش بتكون هالسفرة احسها بتكون متكهربة منال : ريم تصدميني ساعات يعني صحيح انك عليك لحسة مخ والعقل بجهة وانتي بجهه لكن اليوم اشوف الدررر تطلع منك عارفة يمه خبري بهم يوم عمري 5 سنوات وفايز اكبر مني بــ6 سنين ونورة بــ3 سنين ام فيصل : الله يعين إن شاء الله المياه ترجع لمجاريها ( وهي تناظر منال بخبث ) بس اللي ماتدرون عنه ان منال مقرية فاتحتها على ولد عمها فايز ريم ومنال فتحوا عيونهم من الصدمة منال بقهر وبحياء غطى ملامح وجهها : والله لو وشو ما سافرت بعيد عنكم ام فيصل وهي تضحك : هذا كلام اول والحين كل شيء تغير بعد ما صار الي صار والكلام اكيد انتسى ماوعوا الا ريم بعلو صوتها : هههههههههههههههههههههههههههه ياحلوك يامنال بتعرسين وبــ تفارقينا شكله خق الرجال على عربجتك الي مهجدة فيها عيال الجيراااان منال بنرفزة وتحذفها بــ ملعقة وملامحها حمراء : ورا ماتنثبرين انتي ووجهك ليش مايعرسون عليك ويفكونا من وجهك يالبثرة ريم بخبث ياعيني على يستحون هههههههههههههههههههههههههههههههههه ام فيصل بعصبية : ريم وبعدين معك ماصدقتي لقيتي موضوع تهذرين فيه قومي شيلي اغراضك صدع راسي من ريحة المناكير ولا والله مافي روحة لبيت صديقتك ريم وهي تلم اغراضها وتحطهم بشنطة الخاصة لأغراض اظافرها المهوووسة فيهم : لالالا كل شيء ولا روحة بيت منى عاد حفلة ميلاد وماتتتعوض ************* منال بطلة قصتنا اكبر اخوانها جميلة بكل ماتحمله لكلمة من معنى جمالها يجمع بين النعومة والحدة فيها رجة شوية ثالث سنة جامعة كانت ساندة راسها بشباك الطيارة وتفكر بالكلام الي انقال عنها وعن فايز خايفة ومرعوبة ومش متصورة انها تسافر وتبعد عن اهلها والدمام وتبعد عن صديقاتها وذكرياتها وتسافر للجدة تنهدت بضيق وهي تطلب من ربها ان كل شيء انتسى ع مرور الأيام التفتت على ريم الي أشغلتها من أول ما طلعوا الطيارة ساعه بالمجلات الي موجودة او ارشادات السلامة او حزام الأمان الي تفكه وترجع تربطه او بالشاشة الي قدامها وهذي حالتهم كل ما سافروا وبقهر قالتها ومهيب حاسة بنفسها :: ريم وعمى اذيتيني ما تبطلين حركات المبزرة كل ما سافرنا اركدي شوي تفشلت ريم خصوصاً انه السيد الي جنبهم كان في شابين كتموا ضحكتهم والي زاد الطين بله ان الفشيلة بانت بوجهها بعذر انها لألحين ماغطت وجهها ندمت منال لما طاحت عينها بعين الشباب على الي سوته خصوصاً لما شافت نظرات أبوها صحيح ان ابوهم مدلعهم ويحبهم لكن عند الغلط مايمسك نفسه نزلت راسها بندم والتفتت لشباك مره ثانيه تحاول تطلع نفسها من مودها ومزاجها المتوتر وريم تسبها ومقهورة منها وهي مو حولها ابد بمطار الملك عبد العزيز ال سعود بــــ جدة كان بإستقابلهم بكل هيبة وشموووخ وفيه جاذبية تغصب الواحد يناظر فيه بدون ملل صحيح ماكان بذيك الوسامة لكن جاذبيته رهيبة حيييل ضيق فتحة عيونه وهو مشببه على وااحد كأنه يدور أحد توجه له وهو مبتسم زادته جاذبية وبصوت رخيم :: عمي سعود يالله إنك تحييه ( وباس راسه بكل أدب ) ابو فيصل بإعجاب وذهول : فايز لا ما أصدق ماشاء الله تبارك الله ماعرفتك كبرت وصرت رجال تدري لو ماجيتني ماعرفتك فايز بإبتسامة : الله يحييك نورت جدة بك ياعمي ( وهو يأخذ العربة منه ) الحمدلله ع السلامة ياعمه عسا ماتعبتو ام فيصل : لا ماتعبنا يا فايز وشوفتك ترد الروح فايز : الله يسلمك يا عمة اخبارك يافيصل الحمدلله ع سلامتك فيصل بعد منال ثاني ثانوي : بخير الله يبقيك انت اخبارك فايز : الحمدلله تدري ياعمي فيصل نسخه منك اما عند ريم ومنال ريم وهي تلكز منال بكوعها : ماعندك ريحة السالفه هذا واحد ينرفض تدرين من ألحين اقولك لاتوافقين عليه انا بتزوجة وأنا مغمضه اما منال كانت مصدومة ماتوقعته كذا ابداً تغير تغير حيل عن اول فزت من سرحانها على لكزة ثانيه من كوع ريم : خير وش تبين يامال الي منيب قايلة ابو فيصل : فايز يسأل عن احوالكم رفعت نظرها وجات عينها بعينه ارتعشت وكسرت النظرة وهي ترد بصوت ما ينسمع : الله يسلمه فايز ابتسم على جنب وهو يسولف مع عمه و ولد عمه @@@@@@@@@@@@@@@@@@@ كللللللللللللللللللوليش ألف الحمد لله ع السلامة نورتو نورتو يا أم فيصل الله لا يجيب الفراق والخصام ثاني ويخلينا لبعض ( قالت هالكلام وهي ضامتها ) ريم وهي تساسر منال : وش السالفة ليكون في عرس وانا مدري منال بضحكه على تعليق ريم : يعني إني بسوي جو وهي من جنبها نورة بإبتسامة عذبة : حيا الله بنات عمي وراكم مستحيين افسخوا عبيكم أم فايز : هلا بمنال والريم هلا بكن تفضلن يا بناتي فسخوا البنات عبييهم ولأن منال هي الي متغطية أول مافسخت نقابها انهبلو على جمالها الجامع بين البراءة والحدة والنعومة نورة بحب : ما أصدق هذي منال الي مهجدة عيال الحارة منال استحت وضحكت بحياء ريم بطفاقة : حتى امي تقوله ودي اني شفتها وهي عربجية حسافة ماوعيت الا وهي منثبرة فـ الببيت و أم فايز إالي كانت متنحة بمنال وماشالت عينها من عليها منال استحت لأانها ماتحب أحد يطالعها بــ هالطريقة تموووت من الخجل قعدوا مع بعض وأخذوا أخبار بعض ومنال بداخلها متوترة حيل ومهيب مرتاحة ودق عليهم ابو فيصل وطلب من البنات يجون يسلمون على عمهم بما إن فايز و فيصل راحوا يجيبون العشاء راحوا منال وريم ونجلاء ونورة وكل وحدة فيهم سلمت على عمها وألي كان مأخذ الجو ريم بسوالفها والي انبسط عمها عليها وعلى هبالها وكأنها تعرفه من سنين وهو يلتفت على منال : أخبارك يابنتي وراك ماينسمع لك حس منال بحياء : الحمدلله بخير وريم ماهي مقصرة مأكلة الجو انت اخبارك ياعمي ابو فايز : انا بخير والحمدلله الا انتي أي سنة ألحين منال وهي تتحسس من هالأسئلة : ثالث سنة جامعة ياعمي ابو فايز بإبتسامة : ماشاءالله تبارك الله ها يبو فيصل لسى على وعدنا القديم ابو فيصل : مهو وقته يبو فايز منال شكرت الله بعد ما ابوها غير الموضوع @@@@@@@@@@@@@@@@@@@@@ ع الساعة 1 ونص بعد منتصف الليل طلعت صالة جناح بنات عمها عشان ماتزعجهم وتزعج اختها لما تذكرت انها ما طمنت صديقتها انهم وصلوا الا بــ مسج خذت جوالها وهي تعض شفتها لما شافت فيه 9 مكالمات من ( ايمان ) منال : أكيد انها تحاتيني ضغطت على زر الاتصال وجاها صوتها يصارخ ايمان : وينك انتي وينك ها ولا خلاص شفتي الحبايب ( منال حكت السالفة كلها لتوأمها وصديقة دربها ) منال بقهر : على تبن هذا الي يقولك اسرارة ايمان : قهرتيني خفت انك تلاقين بنات عمك خوات الحبيب وتنسين عشرة 10 سنين منال بغرور : مهيب حركاتي ذي ايمان : طيب قوليلي كيف شفتيه منال : بليز الموضوع ينرفزني خليني انام بدون توتر تكفين إيمان : اليوم بعديها عشانك جاية من سفر منال كانت تدور بالصالة وتسولف ومأخذة راحتها لأن صالة جناحهم أمان ومستحيل أحد يدخل لكن الي ماتعرفة ان باب الجناح كان مردود ومو مسكر تمام كان فايز جاي من عند أصحابة ورايح لجناحه ولازم يمر من جناح البنات لفته شيء خلاه يتنح وحدة معطيتة ظهرها وتضحك بــ هبال وشعرها غزير وطويل وناعم وجسم مرسوم انتبه على نفسه وتلفت حوله خوف ان احد شافة كمل طريقه لــ غرفته وهو مصدوم من الي شافه من تكون هذي ريم وشفتها ومهيب طويلة وشعرها قصير ممكن تكون منال لا لا لا منال خبري بها ولد نام على سريره وتفكيرة بالبنت وشعرها الطويل تنهد وهو يبتسم فايز : يا ويل حالي هذا وأنا شفت قفاها انهبلت اجل لو شفتها من قدام وش يصير فيني التفت على جنبة اليمين وأنا وش علي فيها حلوة مو حلوة هذا شيء يرجع لها انا غير غدير ما أخذ لو على جثتي @@@@@@@@@@@@@@@@@@@ بعد يومين .. نورة وهي تأكل ليز وبحماس : يلا بنات نبغى نستغل كل دقيقة بالإجازة ما نبي نضيع دقيقة وحدة منها ريم : ع قولتك بس مين الي بعطينا وجه الشيبان مالك امل فيهم وفيصل ما بعد يأخذ الرخصة نورة : مين يعني اكيد فايز منال بتعب وهي منسدحه على السرير رفعت راسها وهي رافعه حاجبهاا : من جدك انتي لو ايش ماسويتها نورة بخبث : ليش عادي الا ولد عمكم ريم حست ان اختها متوهقة : صادقة منال نستحي فايز ومستحيل نركب معه منال تغير عليها جو جدة وارتفعت درجة حرارتها وفقدت الوعي والبنات من كثر حماسهم ماخذوا بالهم منها ريم : منال الا وش رايك تعزمين صديقتك هنادي منه نشوفها ومنه نشوف مبزرتها نجلاء : ما شاء الله متزوجة هي ريم : ايه يا عمري عليها عندها اثنين وهي لسى مابعد كملت الــ20 نورة : من جد الله يعينها ريم : بس تعجبك عليها لحسة مخ مهيب صاحية ولا وش رايك يا منال الكل استغربوا سكوتها وانصدموا لما شافوا حرارتها نار ومولعة وشفايفها بيض ووجهها احمرر ريم بتوتر ونبرة صوتها تعلى : منال مسخنة يا نورة نورة بحدة صووت : نجلاء بسرعة قومي جيبي كمادات بسرعة ريم وبتصيح : لا يا نورة ماينفع منال اذا غيبت من سخونتها لازم نوديها الطوارئ نورة وهي الثانية متوترة : خلاص انا بروح اكلم فايز وانتي لبسيها عباتها كان يكلم غدير وهو مروق وميت عليها وعلى اسلوبها وبرائتها غدير بحياء : كيفهن بيت عمك إن شاء الله مناح فايز برواق : كلنا بخير انت ما عليك في أحد انت ماعليك الا فيني وبس غدير : أنا كتير خايفة فايز بخوف : من وشو حبيبي ليش تقولين كذا غدير بحياء وخوف : انا بسمع كتير انكن بتأخزوا بنات عمكن وبيت عمك فايز بخبث : كملي وبعدين غدير : فايز ما تلعب بأعصابي فايز : حبيتي دامك معي لا تخافين من شيء انا وعدتك انك تكونين لي وكلمتي ما تتثنى غدير براحة : بجد حبيبي جات نورة تصارخ ومتوترة : فايز منال هناك تعبانة ولازم نوديها الطوارئ فايز : اوكي حبيبي اكلمك بعدين ( وشحنات التوتر الي في نورة انتقلت له ) وينها بنت عمك نورة : هناك بالغرفة وريم تصرخ بالغرفة : نورة تعالي ساعديني البسها فايز راح مهرول جهة جناح خواته ودخل الغرفة وشافها وليته ماشافها كانت مرمية ع السرير وكأنها ميته كان شكلها يكسر الخاطر ويعور القلب وهي مو حاسة بــ أحد صد عنها وحملها بين يداته وكانت مثل الجمرة بحرارتها وخذا العباية الي جنبها ولفها فيها @@@@@@@@@@@@@ من حسن حظهم ان كان الوقت فجر والطوارئ فاضية بسرعه لقوا لها سرير واخذت ابرة خافض للحرارة ومغذي وبدأت الحياة ترجع لملامح وجهها برا الغرفة كان مصدوم ومشتت البنت الي داخل خذت عقله وسيطرت على تفكيره حتى في خفت وزنها بين ايديه شدته شعرها الطويل افتكر البنت الي شافها قبل يومين منال هي منال الي شفتها جسمها المرسوم كل شيء فيها ترك بصمة في عقله الباطن حس انه خاين وحقير كيف يخون غدير حتى لو كان خيانته لها بالتفكير مجرد ما يفكر بوحده غيرها هذه خيانه غدير ماتستاهل كيف اخونها وانا تعلمت على يديها الحب شفت فيها الطهارة والبراءه غدير علمته انه الدنيا بخير ما كانت من البنات الي بالجامعة خالطهم حتى مكالماته لها ما كانت راضيه عن هالشيء لكنه ارغمها ورضت هي بشرط انها تكون مرة بالأسبوع الي ينتظرونها بفارغ الصبر والي كان عزاهم الوحيد ويصبرون فيه انفسهم هي المسجات صحى من معمعة افكاره على صوت نورة نورة براحة : ما عليش تعبناك معنا فايز بلا مبالاه : كيفها ألحين نورة : لا الحمدلله بخير تخيل يا فايز كانت درجة حرارتها 41 يعني لو تأخرنا عليها شوي كان راحت فيها ( وهي تمد له الروشته ) خذ اصرف لها الدواء فايز وهو يناظر الروشته : خلاص انا بقرب لكم السيارة ولا اتصلت اطلعوا داخل الغرفة ريم : ها وش اخبارك ألحين منال بتعب : الحمدلله نورة بـــ إبتسامة : الحمد لله ع السلامة كيفك ألحين منال : الحمد لله طيبة نورة : فايز ينتظرنا برا ريم : نسيت نقابك جبت شيلتك بس منال بتعب وهي تلبس شيلتها: عادي بقط مو مشكلة نورة : ها منال فيك تمشين ولا ادق على فايز يجي يشيلك منال تنحت : حلوة ذي يشيلني أكيد فيني امشي ريم بخبث :بلاك مادريتي وش صار نورة بحزم : ريم منال انقبض قلبها : وش فيه نورة وهي تسندها : ولا شيء مافي شيء بالسيارة كان الهدوء مخيم ع أجواء السيارة الا من صوت تكييف السيارة والكل يفكر في أحداث هــ الليلة كانت ليلة متعبة عليهم جميعاً قطع عليهم صفو هدوءهم صوت أذان الفجر الي صدح بجميع ارجاء جدة ماكانت تشوف شيء من التعب رمت نفسها ع سرير ودخلت بنوم عميق بسبب التعب والإجهاد متشتت وتفكيره كله منحصر بشيء واحد منال منال وبس اياديه طول الوقت مفرودة والجواب ببساطة انه يحسها لألحين بيد ايدينه سمع الإقامة وبدل تيشرته وجينزه الي حسهم لهم مكانه خاصة بحياته ولبس ثوبه وتصادف بــ فيصل وابوه وعمه وهم يحاسبونه ع السهر الي مامنه فايدة ابتسم لهم بمجاملة و راسه بنفجر من الأفكار فتحت عيونها وكانت الساعة قبالها شافتها 9 الدنيا قدامها غشاش ومو مستوعبة انها بجدة غمضت عيونها وفتحتهم اكثر من مرة لين يروح الغشاش وتلفتت حولها وبدت تستوعب لما شافت بنات عمها من حولها نايميين بدأ قلبها يخفق بــ شدة وحست بــ حرارة وجهها لما تذكرت شيء ( بلاك مادريتي وش صار ) كلمة ريم اشغلت تفكيرها لكنها من تعبها امس نستها حمر وجهها اكثر لما مالقت تفسير لــ هــ الكلمة الا انه فايز شالهــ ماقدرت تكمل الكلمة حتى بينها وبين نفسها استحت وانقهرت بنفس الوقت كيف هالشيء يصير تذكرت انها ماصلت الفجر خذت روب الحمام تتحمم وطاحت عينها على نفسها بالمراية كانت لابسة بيجامة جبنيز برمودة غمضت عيونها بقهر وتوجهت للحمام الساعه 1 الظهر كانوا يقضون امورهم بــ صوت واطي خوف انهم يزعجونها بعذر انها مريضة وتعبانة حطت يدها على راس اختها تتحسس حرارتها منال وهي تفتح عيونها : مادريت انك حنونة لــ هالدرجة ريم شالت يدها بقهر : على تبن هذا جزاي دخلت نورة : الحمد لله ع السلامة ما كنا نبي نقعدك عشان ترتاحين نجلاء : كيفك الحين منال بــ إبتسامة : لا الحمد لله بخير ما قصرتم تعبتكم معي نورة بحب : افا عليك تعبك راحة نجلاء : انا بروح بشوف وش الغداء نورة وهي تسكر تلفونها : اوكي بنات هذا فايز يبيني بغرفته تأمرين ع شيء منال منال : لا سلامتك حبيتي ما قصرتي التفتت على ريم وبحدة : ريم وش قصدك أمس لما قلتي بلاك مادريتي وش صار وليش نورة سكتتك وش صار أمس ريم بإرتباك : ولا شيء ما صار شيء منال بعصبية : ريم تكلمي انا عارفة انه صار شيء بسرعة احكي قبل يجي احد وش صار ريم : ولاشيء بس حنا كنا نسولف وفجأة لقيناك مغيبة ووجهك احمر ومسخنه حاولنا انا ونورة نلبسك العباية فايز لما شافنا مطولين وما قدرنا نلبسك اياها جاء و منال بعصبية وماسكة نفسها لا أحد يسمع : و ايش يا ريم ريم بخوف : ولاشي بس لف عليك العباية وشالك منال بقهر وصوت عالي : أيـــــــــــــــش ريم قلك ترقعها : بس من جد ولد عمي شهم تخيلي ما قز شيء فيك اول مادخل صد ^_^ منال بقهر وحياء بنفس الوقت : انتي تستهبلين هو شالنــ ( ماقدرت تكمل الكلمة ) ليش ما قعدتوا ابوي ولا فيصل ليش يا ريم يصير كذا لو اني مت اهون من هالشيء يصير ريم : اسم الله عليك منال وش هالكلام والله انقهرت اكثر منك بس غصبن علينا انتي لو شفتي حالتك تعور تذبح كنتي مولعة درجة حرارتك 41 اول مرة ترتفع عليك كذا ( وبخبث ) بس والله موقف رومانسي يجي البطل يركض من الخوف يشوف حبيته تعبانة يشيلها بيدينه منال تقاطعها : شــــــــــــب ياتبن لا تقولين هالكلمة ريم سافهتها وتكمل : تخيلي يا منال كان يصرخ ع نورة يقولها افتحي الباب لأنه حاملك ما قدر يفتحه يلا تصير بـ أحسن العائلات !!!!!! @@@@@@@@@@@@@@ الشيء الي صار اليوم الفجر لاتدري عنه منال ونبهي ريم ونجلاء ما يقولون لها نورة : طيب بس ليش انت مهتم كذا فايز بلا مبالاة : بس عشان لاتنحرج وتراني بنام مانمت اليوم وداومت مواصل وحتى ع الغداء لاتقعدوني تغديت مع معاذ نورة بخبث : لايكون خقيت وسهرك التفكير فايز بحدة صوت وخز نورة بقوة : نووورة هالكلام ما أبغى أسمعه @@@@@@@@@@@@@@@@@@ تنورة جينز فوق ركبتها بلوزة سوداء ساتان جبنيز كيلون اسود مخرم فاله شعرها الطويل وملفلة درجاته ومعطيته حيوية روج احمر مناكير بنفس اللون وراسمة عيونها بـــ eye liner وجزمة سوداء شامواة كعب عااالي دخلت عليها بنت عمها وتنحت من جمالها وأناقتها وذوقها نورة : ما شاء تبارك الله يا منال تهبلين منال بحياء : لا تبالغين نورة : حرام عليك وين المبالغة منال : تسلمي حبيتي من ذوقك نورة : مطولة صديقتك منال بضحكة : مدري عنكم يـ أهل جدة انتي ادرى بزياراتكم نحنا حدنا 11 ومتأخرة بعد نورة ضحكت : لا نحنا هالوقت توها تبدي زياراتنا منال : اها انتم ليلكم طويل نورة : اجل ليه سموها جدة غير اممم صحيح منال بغيت كحلك التركواز وياليت ترسمين لي اياه منال : ابشري @@@@@@@@@@@@@@@@@@@ وااااو منولة طالعة تهبلين انا لازم اخطبك لــ أخوي منال تمثل الحياء وترمش : لا لا لا هنادي تحرجيني كذا الكل ضحك هنادي : ريم اخبارك ريم : اقوول لا تسوين فيها ذربة ويعني اني مرة عارفة الذوق ترا سجلك الأسود كله بنات عمي يدرون عنه هنادي بقهر : على تبن يا وصخه عاد من زين اللسان ريم تمثل الإستحقار : شفتم شفتم الاسلوب ايه طلعي ع حقيقتك نورة : حرام عليك ريم وش فيك ع المرأة منال : ما أنصحك تدخلين بينهم تراهم يعرفون لبعض نورة " تقولين قامت منال ونورة يجيبون الضيافة والعصير وهم معطين الباب ظهورهم كان فايز داخل بالأغراض كان بـــ يتنحنح لكنه جذبه يتبع ..~ قريب رآح آنزلكم الجزء الجديد بس آتمنى تشجعووني بردودكم آختكم ~ عشآن الحب |
عشآآن يكون الوضع يناسبني ويناسبكم
رآح أكون كل خميس أنزلكم جزء باذن الله كثير راح يسعدني تفااعلكم ويششرفني اكثر واكثر كل الششكر لكم |
تمنيت آآلقى التفااعل المطلووب ..
وااااو منولة طالعة تهبلين انا لازم اخطبك لــ أخوي منال تمثل الحياء وترمش : لا لا لا هنادي تحرجيني كذا الكل ضحك هنادي : ريم اخبارك ريم : اقوول لا تسوين فيها ذربة ويعني اني مرة عارفة الذوق ترا سجلك الأسود كله بنات عمي يدرون عنه هنادي بقهر : على تبن يا وصخه عاد من زين اللسان ريم تمثل الإستحقار : شفتم شفتم الاسلوب ايه طلعي ع حقيقتك نورة : حرام عليك ريم وش فيك ع المرأة منال : ما أنصحك تدخلين بينهم تراهم يعرفون لبعض نورة " تقولين قامت منال ونورة يجيبون الضيافة والعصير وهم معطين الباب ظهورهم كان فايز داخل بالأغراض كان بـــ يتنحنح لكنه جذبه الشعر الطويل الي صار يهوجس فيه والأناقة بكوم وجسمها المرسوم بكوم ثاني سحب نفسه بخفة خوف ان أحد ينتبه له وهو مو قادر ينسى خفتها بين ايدينه ضم أيدينه لبعض لا شعورياً وهو يحاول ينسى اقول ريم وين عيالي ريم بــ لامبلاة : رحت ألعب هم بالحديقة لزقوا بالمراجيح حشا تقولين لزقات ظهر الحمد لله والشكر ما شافوا خير هنادي بخوف : على تبن يا وصخه قومي جيبي عيالي لا يطلعون بالطريق ويصير لهم شيء ريم بــ لعانة : مهوب صاير فيهم شيء قرود استغفر الله نورة : لا تخافين عليهم الابواب مأمنة منال بخوف : حتى ولو انا بروح اجيب هم نورة اخوك برا صح نورة : ايه هو وفيصل طالعين بــ الملحق مساك الله بالخير يبه قالها ( وهو يبوس راسه ) ابو فايز : مساك الله بالنور والسرور مو من عوايدك جايني وش عندك فايز بــ إبتسامة : لا تظلمني يبه دومي فيك بار وشانك ع راسي من فوق بو فايز : الله يخليك لي فايز : يبه ابي اكلمك في موضوع ضروري بو فايز : وانا بعد ابيك بكلمة بس قولي انت بالأول فايز يتنحنح : يبه انت عارف ألحين انا متوضف بوظيفة الكل يتمناها وعندي خير ومو ناقصني شيء ( وبإبتسامة رااايقة ) ابي بنت الحلال الي أكمل معها حياتي بو فايز بفرح : كفو ولدي وهذا الشيء الي كنت ابي أكلمك فيه وبنت عمك زينة البنات ومو ناقصها ويا بخت من تكون من نصيبه فايز بتتنيح : يبه بس انا ما أبي بنت عمي بو فايز طير عيونة وبعصبية : وشـــــــــــــــو لك الشرف ان خذيتها فايز بــ إصرار : يبه الله يخليك ما ابي بنت عمي بو فايز : وتعيدها بوجهي يا فايز أجل من هي الي تبيها فايز بحدة : وحدة محترمة وبنت عالم وناس كانت تدرس معي بالأردن بو فايز يقاطعه : نحنا سفرناك تدرس ولا تغازل وتكلم وتتعرف ع البنات فايز : يبه انا ما غازلت انا بتزوج وانا منيب من الشباب الي يلعبون ع بنات خلق الله بو فايز مطير عيونه : مفضل بنت عمك الي من لحمك ودمك فايز يقاطعه : يبه لو سمحت لا تغلط وقلت لك البنت محترمة وبنت ناس وأتشرف لا خذيتها بو فايز : من ماتكون الله يستر عليها ويسهل لها لكن ان خذيتها يا فايز لا انت ولدي ولا اعرفك وممنوع تدخل البيت دامني حي تفهم فايز بقهر : يبه افهمني بنت عمي مو ناقصها شيء والله يرزقها بــ إلي أحسن مني لكني ما ابيها بو فايز بقهر : فايز اطلع براااا لا تذبحني اطلع برااا طلع فايز من القهر وشماغه بين ايدينه بــ يتقطع والأرض من تحته بتنصهر من قهره وعذابه كان الملحق يطل ع الدريشة خذت عيال هنادي بتدخل فيهم لكنها شدها صراخ طالع من الملحق وسمعت اسمها غصب عنها ركزت ووقفت تسمع الكلام الي انقال عنها أليم يقهر يعذب كلمة الرفض قاسية انقهرت وكرهت هالفايز وودها تنتقم منه بأي شيء وودها تنتفه بأسنانها انا انرفض ومن واحد مثل فايز مايسوى ضفري شافته وهو طالع من الملحق والقهر والعصبية باينين في تصرفاته والأرض بكسرها من تحته كسر نفسها وكسر شوقها وحماسها لشوفة صديقتها الي من ايام الثانوي ما شافتها وكملت السهرة وهي تجامل وتضحك ومن داخلها نيران تكوي قلبها @@@@@@@@@@@@@@@ ليه يبه أحد ضايقك بــ شيء أحد مزعلك قوليلي منال وهي ماسكة بكوتها : لا يبه بس احس منيب مرتاحة منيب متعودة ع كذا يبه الله يخليك اذا انت مشتاق لعمي وتبي تجلس معه قص لنا تذكرة وبـ ننزل الشرقيه مع فيصل بو فيصل بحكمة : لا يا منال جينا سوا ونرد سوا منال : يبه الله يخليك بو فيصل بحنان : منال لا تخوفيني أحد زعلك قوليلي منال بعد ما يأست : لا يبه تطمن ما في شيء كل الموضوع الي قتلك عليه دخلت الحمام وهي تبكي الدموع الي تمثلت بقوتها دقايق حستها دهور سكرت الباب بالمفتاح ودموعها تحرق خدودها بدون مبالغة شوي شوي بدأ يعلى صوت شهقاتها وهي تتمنى أعز الناس جنبها تسندها وتخفف عليها وتواسيها وتنسيها ايمان وينك انا محتاجتك جنبي صوت صياحها يعلي ومحد حاس فيها حست انها طولت بالحمام بدأت تمسح دموعها وتغسل الكحل السائل وتحاول ترتب نفسها لكن باين على ملامح وجهها التعب والبكى فتحت الباب وطرف الباب صقع بــ رجلها غمضت عيونها من الألم ودنقت رأسها تشوف الجرح رفعت راسها شوي شوي شافت رجوله ليما شافته كله سكرت الباب بقوة لــ سببين الأول من الألم والثاني من الكره والبغض الي حاملته لــ هالإنسان انقهر من تسكيرة الباب بوجهه : الحمد لله والشكر أحد يبكي بالحمام تذكر يوم انها بين ايدينه خفق قلبه لا شعورياً وهو يضم يدينه لبعض وتنهيدة طلعت من أعماق قلبه 22 @@@@@@@@@@@@@@@ بعد كم يوم .. تخيلي يا إيمان بمووت من القهر بمووت أنا انرفض انا الي الكل يتمنى نظرة مني قهرني يا إيمان كسر نفسي وحطمني إيمان بمواساة : منال حبيتي والله ثم والله انه ما يستاهل دمعه من دموعك ولا يسوى ضفرك الصغير الله يخليك منال لاتبكين لاتقطعين قلبي منال بقهر : أنا دارية انه ما يسوى وحقير ايمان تكذب عن نفسها قبل لاتكذب ع صديقتها : بعدين ترا هو مارفضك الا عشان وحده يحبها مارفضك من غير سبب منال بقهر : ايمان وش هلأعذار البايخة لاتجلطيني والي حارق دمي كل من جابت سيرته اغلي اموت قهر والكل يناظرني يحسبوني انا ميته عليه وابيه ومستحية ايمان بحب ودعم : منال ما خبرتك ضعيفة وأي شيء يبكيك منال بقوة وهي تمسح دموعها : والله لا اعرفه من هي منال وأخليه يعض اصابعه ندم ع هالكلمة الي قالها @@@@@@@@@@@@@ خلاص حبيبي ابيك ألحين تطمنين وتروقين وتثقين فيني غدير بفرح : بجد فايز فايز : ايه ياروح فايز خلاص جهزي عمرك هاليومين عشان اكلم ابو كمال وأطلبه بملكة وروح قلبي وابي الموافقة منه غدير بحياء : فايز بدي اسكر مرت ابي بدها اياني فايز بلعانة : لااااا غدير بتموت من الحياء : من شان الله فايز بضحكة : خلاص حبيبي مع السلامة استند ع سيارته وقفلها برموت كنترول والفرحة مو سايعته يحس ان الدنيا حلوة وجميلة فتح رسالة نصية ووصاها انها تهتم بنفسها ختم مسجه انها تصبح ع خير الفكرة الي فباله محتله تفكيره ابوه أمره سهل راح يتمم كل شيء ويرجع ويبلغه انه تزوج وما بقى الا رضاه عشان يجيبها ابتسم ع فكرته الي طمنته وزينت الطريق قدامه دخل البيت ولقى خواته بالصالة سهرانات فايز : السلام عليكم نجلاء وهي تعلي ع الفيلم : وعليكم السلام بليز فاايز وخر الفيلم حماسي رفع فايز حاجب من اسلوبها وهو مايبي يخرب مزاجه ناظرته نجلاء : اسفين يا كلمة وردي مكانك فايز وهو يجلس : من تكلم اختك نجلاء : اظاهر بنات عمي اتوقع منال فايز بضيق : اووووف وين ابوي نجلاء : نايم من وقت ليش تسأل فايز : ولاشيء وناظر نورة يعني قفلي ابيك بموضوع نورة : اوكي حبيتي منال انتبهي لنفسك وسخونتك هذه الدايمة تخوف تصبحي ع خير حبيبتي نجلاء : لا تقولين منال مسخنة نورة : تخيلي وأمس كانت بالطوارئ نجلاء : شكلها قلبة جو نورة : إلا أكيد وناظرت فايز تستناه يبدأ موضوعه وهو من سمع كلمة مسخنة رجع هذاك اليوم بتفاصيله قدام عيونه ولا إرادي ضم كفوفه لبعض نورة : فايز فايز بإنتباه : هلا نورة : بغيتني فايز : إيه صحيح بنات أنا بكرة بروح أقدم ع إجازة نورة : يا سلام نحنا لما قلنا لك قدم إجازة عشان تتفضى لنا عييت فايز برفعة حاجب : ليش قالولك سواق ونا مدري نورة : محشوم فايز : خليني أكمل وبسافر إن شاء الله نورة بحماس : نجلاء وبعدين وطي الصوت فايز يكمل : بروح أشم شوية هواء وعندي كم شغله أبقضيها نورة : وين بتسافر فايز بكذب : بروح الإمارات و بشوف سطام له وحشه والله نورة : وقلت لأبوي فايز : لا بكرة إن شاء الله بقوله نورة : ما أتوقع يرضى فايز بعقدة حواجب : ليش؟؟ نورة : اليوم سمعته يقول لـ أمي إنك أنت وياه بتنزلون الشرقية فايز وهو رافع حواجبه : والسبب؟ نورة وهي تناظر نجلاء الي مندمجة مع الفيلم ومبسوطة : عشان تخطبون منال فايز وهو يقوم بعصبية : اووووه وبعدين في هذه بنت عمك ما خلصنا منها قلنا سافرت إنقلعت إلا شكلها جات وجابت مصايبها معها نورة ونجلاء كانت ردة فعلهن الوحيدة الصدمة فايز يتنفس بقوة وينتفض من العصبية : أبد ماجات خيرة إن ابوك وعمك يتصالحون نورة وهي تبلع ريقها : فايز إنت ليش كذا تقول إنت ماتبغى منال بذات فايز وهو حس إنه زودها : أنا ما أبيها ولا أبي غيرها نورة : بس صدقني منال بنت عمي ما في منها وتجنن وتهبل حتى أسأل نجلاء فايز يحاول يمسك أعصابه : خلي حلاها لها وأنا وش دخلني فيها وقام من عندهم وتوجه لغرفته ومزاجه تعكر وهو يسب ويلعن ووده يشوف منال ويخنقها وترك خواته في حالة صدمة شديدة @@@@@@@@@@@@@ اليوم الثاني وين رايح إن شاء الله سمعت إنك شاد العزم وبتسافر فايز وهو يتغدى : ايه يبه بسافر بشم هواء من زمان ما سافرت بو فايز : أجل جهز عمرك واقضي أشغالك أنا وياك بنشم هواء جميع وقفت اللقمة بفم فايز وهو يدعي إن اليوم يمر ع خير : ليه يبه وين معزم ؟؟ بو فايز : بنروح أنا وياك الشرقية وعندي شغله ابيك معي فيها فايز وفاهم مخططات أبوه : وش هي الشغلة بو فايز : شغلة وبس لا رحنا هناك علمتك فيها فايز : من الآخر يبه بنت أخوك منيب مأخذها ولو مابقى من الحريم إلا هي ما خذيتها بو فايز : تراني ساكت عليك بكيفي ولا فعايلك ما تعجبني ام فايز تحاول تهدي النقاش : بو فايز مالهم اسبوع من رجعوا ديارهم خل يأخذون راحتهم وتالي يصير خير بو فايز : أم فايز ولدك شكله صرنا معاد نحنا ماليين عينه فايز يحاول يمسك أعصابه : يبه محشوم وينقص لساني لا فكرت فيها بو فايز : أجل سو إلي قاعد أقولك عليه فايز : يبه أنا قد حجزت كلها 5 أيام منيب مطول وتالي بسوي الي تبيه بو فايز بتفهم : خلص 5 ايام و6 يوم نحنا عند عمك ابتسم فايز وهو فرحان من قلبه إنه بجتمع مع حبيبة قلبه قرر اليوم ينزل السوق مع خوي عمره معاذ يتقضى له أغراض السفر واليوم إلي بعده يتقضى لها ويشتري لها هدية تناسبها كــ عروس واليوم إلي بعده يوم الإقلاع واللقاء بــ غدير روحه وحياته وقلبه قالها بفرح : تأمر أمر يبه أبشر بإلي يسرك @@@@@@@@@@@@@ بالشرقية عندي فكرة منال منال بلهفة : تكفين قولي لي عنها إيمان : لا خطبك دقي عليه وإحرقي قلبه وقولي له ما ابيك و وفر عليك الإحراج منال والفكرة جايزة لها : جبتيها يا إيمان بس المشكلة من وين أجيب رقمه إيمان : سهلة دقي ع نورة وقولي لها أبوي يبي رقم فايز إرسلي لي إياه منال : من جدك إيمان ابوي بدق ع عمي وبياخذه بعدين تخيلي سويت فكرتك يمكن تقوله عمي خذا رقمك دق عليك لالالا إيمان ماتنفع إيمان : طيب شوفي جوال فيصل أكيد إنه عنده منال بحماس وفرح: من جد إنتي مصيبة اليوم ما بنام إلا ورقمه عندي إيمان بضحكة : ما تحسين إننا نجهز الدواء قبل الضربة خل يخطب وتالي يصير خير منال بحزن : لا تحاتين راح يخطب إنتي لو شفتي إصرار عمي ونظرات مرت عمي وتلميحات نورة كان بصمتي بالعشرة إنه راح يخطب إيمان : إلي فيه خير يا منال بكون ولا تحرقين أعصابك ع أشياء ما تستاهل منال بصدق وحب : إن شاء الله إنها ماتستاهل إيمان بجد حاسة إني أتعبك معي بمشاكلي سامحيني أنا من غيرك ضايعة إيمان : شفتي كيف أنا مبتلية فيك ولا وش دخلني فيك ولد خالتي عندي وخالتي تبيني اليوم قبل بكرة وإنتي غثيتييني بمشاكلك منال بقهر : مالت عليك الشرهة علي معطيتك أسراري إيمان : أحسن تستاهلين عشان تبطلين تقولين كلام سخيف زي كذا .. منال حبيبتي صدقيني إني أنبسط لا سمعت أسرارك وشاركتك فيها إفهمي إنتي أختي وصدقيني لا دريت إنك تخبين عني شيء بزعل منال : أفا عليك ماعندي غيرك @@@@@@@@@@@@@@@ بجدة بالسوق فايز وهو محتار بين قميصين أسود وأبيض : معاذ أي واحد الأبيض ولا الأسود معاذ : خذ الإثنين الأبيض مع جيكات أسود والأسود ألبسه لوحده تطلع شخصية بالأسود يقلع إبليسك فايز بغرور : دوم أنا شخصية ووسيم ومبهذل قلوب البنات معاذ : خل الغرور عنك وتراك تلعب بالنار ومحد ما كلها إلا بنت بو كمال لأن كلام أبوك هو ألي بتم وبتأخذ بنت عمك فوق راسها وبتحرق قلب هالضعيفة فايز : أبوي خله علي لا وريته العقد بتفهم معاذ : شكلك ماتعرف أبوك لألحين وأنا فاهمة أكثر منك فايز : يرحم أهلك خلني مبسوط ومنتظر سفري برواق ولاتغثني معاذ : تكفى يا روميو زمانك أنا نصحتك وإنت بكيفك @@@@@@@@@@@@ مسك إيديها وضمهم بين أياديه الكبار وهو يناظرها بلهفة وشوق وعيونه مانزلت عنها ماتوقع شعرها بالجمال هذا ولا جسمها لأنها دومها تغطيه بالملابس الفضفاضة همس ومو مصدق مبروك يا غدير مبروك علي إنتي رفعت راسها والخجل مكتسيها ومبين ببرودة أطرافها ورجفتهم وعيونها تنطق فرح : ومبروك علي إنت ( وهي تشد على أياديه ) مو مسدئة إنك صرت إلي فايز وعشقه لها زاد أضعاف : صدقي يا غدير أنا تحديت الكل عشانك إنتي حبيتي وعمري والدم الي يمشي بعروقي ( وبخبث ) غدير رفعت راسها غدير ببراءة فايز : وش هالجمال هذا كله لي انا استحت غدير ودنقت راسها شد على إيديها وباسهم وكملوا قعدتهم بكل راحة مادام كل إلي بينهم تحت شرع الله والحب والشوق باين بنظراتهم لبعض ها نقول مبروك فايز بهيام وبتنهيدة : قول مليون مبروك يا معاذ ليتك معي تشاركني فرحتي مهوب ناقصني إلا أنت ياخوي معاذ : الله يسعدك تستاهل كل خير ولا يهمك لا رجعت بالسلامة لك عزيمة مع الشباب كأنها عرس بس إنت أبشر فايز بفرح : تسلم يا أخوي ( بلعانة ) ممكن تطس لأني أنا إنسان مالي ساعة متزوج وإنت أزعجتني بإتصالك معاذ : الشرهة إلي يفرح لك قوم فارق وسلم ع بو كمال وأهله فايز : الله يسلمك يا بعدي @@@@@@@@@@@@@@@@ أم فايز : بو فايز ولدك ما يرد علي أنا خايفة عليه وقلبي مو مطمن بو فايز : هذا ولدك منيب مطمن له دق علينا وقال وصلت بالسلامة وقفل جواله كأنه قاعد يسوي شيء ما يرضي الله ولا خلقه @@@@@@@@@@@@@ قعدت تسترجع سفرة جدة بجميع أحداثها إلي تسر وإلي توجع وكل شيء يوجع مربوط بإسم فايز وكله كوم ويوم السفر بالمطار كوم ثاني ** كانت بالمطار تكلم إيمان بعيدة شوي عن اهلها وماحست بالوقت ماوعت الا ع صوته يقول كلام ماستوعبته من الصدمة : وينك يابنت عمي لاحقه ع صديقاتك خلينا نحنا نشبع منك كلها ساعات والله يعلم متى نشوفك رمشت بعينها وإلتفتت له لقته مبتسم إبتسامة أربكتها ووقت الإقلاع حست نظراته تربكها لو ماسمعت كلامه لأبوه وإنه مايبيها كانت قالت إنه عاشقها تجاهلت نظراته وما عطته أي اهتمام سلمت ع بنات عمها وعمها ومشت ورا أهلها ** قامت من سريرها وتوجهت للمراية فكت شعرها وشافت وجهها أحمر مو فاهمته ولا هي فاهمة نفسها مشتتة نظراته ضيعتها لكن كل ما تذكر إنه قال ما يبيها تكرهه وتمقته وودها تحرقه @@@@@@@@@@@@@@@@ صباح الخير بأحلى وأرق إنسانة عررفها قلبي غدير بحب: حبيبي وحشتني كتيرررر فايز : وش رايك أمرك اليوم ونتعشى بمطعم غدير بخجل : يمكن أبي ما يرضى بتعرف البابا كيف فايز يقاطعها : حبيبتي إنتي ألحين زوجتي منيب أي أحد لو أخذك ألحين وأسافر بك لـ جدة ما حد له عندي شيء غدير بحياء : فايز كيف راح تصير حياتنا هلئ فايز بثقة : مثل ما قلت لأهلك راح أتمم كل شيء هناك وأضبط الوضع وبعدين نسوي زواج بـ جدة بخلي الغربية كلها تتكلم عنه وأعيش أنا وياك بقفصنا ومحد يشاركنا حياتنا غدير بحياء : حبيبي أنا لازم سكر كثير مشغولة فايز بخبث وعارف إنها تصرفه : لا غدير أنا زوجك وفرحتك وضحكتك وحياك وأنفاسك أنا أولى بهم وأنا إلي أسمعهم غدير كانت أنفاسها واضحة لمسامع فايز وفايز وجرائته كثيره حيل على حياء غدير وبرائتها فايز : أوكي حبيتي أخليك على راحتك بس جهزي نفسك ع العشاء @@@@@@@@@@@@@@@ بعد الغداء مجتمعين يشربون الشاي أخوي الأسبوع الجاي يقول بمرنا هو وفايز عندهم شغل هنا إنتفضت منال وحست رعشه تمشي بكل جسمها حتى ريقها نشف بــ حلقها معقول جايين يتممون خطبة 16 سنة راحت حست بها ريم وصرفت الموضوع : منال بغيتك بموضوع ضروري رمشت منال بتوتر : أوكي ألحين جاية ضمتها ريم وهي تعبانه لحال أختها شدت منال ع بلوزة ريم وهي تشهق : ريم أنا خايفة بموت خوف ما أبيه ما أبيه يا ريم أكرهه إلحقيني شوري علي وش أسوي ودي أموت وأفتك ريم وهي تبكي مضايقة ع حالها : منال لا تقولين كذا إسم الله عليك من التعب بس صدقيني مارح يصير إلا إلي تبغينه وإنتي عارفة أبوي ما يسوي شي بدون رضانا كل شيء يصير برضانا حتى لو على أسخف الأمور وفايز هذا الي منزل دموعك ما عرف قدرك ولا راح يبوس قاعٍ تمشين عليها @@@@@@@@@@@@@@33 سلامة الأسفار با بو فهد نورت جدة فايز وهو يسلم ع معاذ بحرارة : النور نورك حبيبي كيف الأحوال عندكم والشباب عساكم كلكم بخير معاذ : ما علينا نزقح ما على لسانا إلا سيرتك وسيرة زواجك فايز بضحكة جذابة : أثرني صرت حديث الساعة معاذ يبادله الضحكة : تعال اليوم الإستراحة وإنت تشوف بعيونك @@@@@@@@@@@@@@@@@@@ ضمته بحب وحنان : الحمد لله ع سلامتك حبيبي وينك ليش قافل جوالك نورة : وحشتنا فقدناك والله نجلاء : من جد البيت من غيرك مايسوى فايز : وأنا بعد إشتقت لكم وهداياكم بالشنطة لا توصون كل شيء حلو تستاهلونه جبته لكم نورة : أفا يعني نحنا ما نسأل عنك إلا عشان الهدايا فايز بإبتسامة تخقق : والله داري بغلاتي عندكم وإنت يا بو فايز ما في الحمدلله ع السلامة بو فايز : وشلون ما أتحمد لك وإنت وحيدي وسندي بدنياي من شفتك قلبي تحمدلك قبل لساني فايز باس رأس أبوه : عسا الله يخليك لنا يا يبه ولا يحرمنا منك بو فايز : ها فيك حيل بكرة ننزل الشرقية فايز بتنهيدة : يبه ما أقدر أخطب بنت عمي بو فايز بغضب : ما كان هذا كلامك وش الي تغير فايز وهو يطلع بوكه ويطلع منه نسخة من عقد الزواج : تفضل يبه بو فايز وهو يضيق فتحة عيونه : وش ذا فايز : هذا عقد زواجي من غدير أنا ما كنت بالإمارات أنا كنت بالأردن كل الشكر لاتحرموووني توقعااااااااااتكم |
الجزء الثالث...
فايز : هذا عقد زواجي من غدير أنا ما كنت بالإمارات أنا كنت بالأردن إهـــــــــــــــــــــــئ هذا الصوت الوحيد إلي صدر من خوات فايز وأمه بو فايز تمالك أعصابه : إيه ما عليه نروح بكرة نخطب مهيب مشكلة فايز التفت لأبوه بذعر وهذا إلي ما كان حاسب حسابه : يبه وشلون وأنا متزوج من 3 أيام ما يصير بو فايز : علبالك بتكسر كلامي يا فايز بكرة نازلين الشرقية والله لا يعوقنا بشر ونخطب بنت عمك فايز بقهر : يبه بنت أخوك منيب ما خذها وطلع من البيت وهو معصب بعد ما فجر القنبلة وغدير كلها أيام أخلص فيزتها وهي هنا بــ جدة @@@@@@@@@@@@@ في بيت ايمان سكيني جينز مع قميص فوشي رفعت شعرها ذيل حصان ومسكرة سوداء وروج فوشي كانت ناعمة وجذابة وجسمها محلي الملابس إلي محتضنة جسمها ما شاء الله ما شاء الله وش ذا الزين أخيراً شفناك منال وهي تغلظ روجها : من يومي مزيونة فديتني إيمان : أثر جدة حلتك ( وبغمزة ولعانة ) ولا شوفة الحبايب خزت منال إيمان بقهر وضمتها إيمان بحب: أستهبل معك فديتك منال : إبعدي عني وهذا وإنتي عارفة البير وغطاه إيمان بسماجة : أي بير من وين جاية أخاف من الربع الخالي وقصو عليك قالولك جدة منال : إيمان عن الظرافة إيمان : وش تبين بعد مصخرت حالي عشان ترضين يلا عشاني ابتسمي منال برقه مصطنعه : مطولة أنا عند المغاسل @@@@@@@@@@@@@@@@ نورة بقهر ودموعها مبللة نقابها : لو صار شيء لأبوي مارح يصير لك طيب تفهم فايز خز نورة بغضب نورة بألم : لا تخزني كذا إذا تبي تذبحني بس ابوي مايجيه شيء خرج الدكتور من العناية المركزة وملامح وجهه جامده وفايز توجه له بلهفة : بشر يا دكتور الدكتور : جلطة بس الحمد لله عدت ع خير صعقت نورة من كلمة جلطة ونزلت دموعها أكثر من أول فايز : طيب ألحين كيفه الدكتور : طيب بس لازم تبعدونه عن الإنفعالات وخذو بخاطره لأن هالمرة عدت ع خير المرة الثانية مانضمن وش يصير معافا إن شاء الله راح الدكتور وخلى فايز في حالة صدمة تايه مشتت وما حسب كل إلي سواه كذا راح تكون نتياجه وبغضه لــ منال يزيد كل ثانية عن إلي قبلها @@@@@@@@@@@@@@ بالشرقية كانت بالمطبخ قاعدة ع الطاولة وتسولف مع صديقتها المشغولة بالقهوة منال : تصدقين إيمان ودي أقص شعري أطرافه تعباانة إيمان إلتفتت لمنال بحماس : إنتبهي تقصينه شعرك يجنن وما يستاهل ينلعب فيه وإن سلمتيه لهن دمرنه يا حبهن يلعبن بشعور خلق الله منال : بس أطرافه وبزيد درجاته إيمان : كذا كويس بس لا تعطينها جوها إستقعديلها منال بضحكة : شكلك مقهورة منهن إيمان : إسأليني عنهن آخر مرة قلت لها تعدل أطرافه خلته كاريه قهرتني تصدقين عندي أنا أقصه لنفسي ولا لأسلمهن إياه لفت إيمان ولقت أخوها ماجد إلي يكبرها بــ سنتين واقف عند الباب ومسرح صرخت بدون إستيعاب وإلي مفروض ما تلفت منال لــ ماجد رفعت نظرها منال وشافته وبغمضة عين كان برا وايمان مقفلة الباب إيمان : سوري منال أكيد إنه مايدري إن أحد بالمطبخ منال ولون وجهها ما يفرق عن القميص إلي لابسته من الحياء : لا عادي ماصارشيء ما يمديه شافني إيمان بخاطرها وش إلي ما شافك فصلك تفصيل وإنتي منتي بدارية ومفهية @@@@@@@@@@@@@@@@@ سلامتك يا خوي لا بأس عليك بو فايز والأجهزة موصلة بصدرة وتعبان : الله يسلمك يا خوي ليه كلفت ع نفسك ما يحتاج بو فيصل : أفا يبو فايز شكلك مادريت بــ غلاتك عندي بو فايز : الله يعز مقدارك بو فيصل بو فيصل : يا لبيــه بو فايز : تعال يا فايز قام فايز ومرض أبوه كسره وهد حيله وبتعب جسدي من قل النوم ونفسي : سم يبه بو فايز : طلبتك يا بو فيصل بو فيصل : عطيتك وأنا أخوك ما يغلى عليك شيء غمض فايز عيونه بقهر وألم وغدير تمر قدام عيونه ببرائتها وحلاوتها وخجلها ونعومة ملامحها وبياض قلبها سمع الكلمة إلي زلزلته وزادته هم وقهر وعذاب بو فايز : بغيت منال حليلة لـ فايز وش قلت يا أخوي رفع بو فيصل نظرة لــ فايز إلي ابتسم له ابتسامة باهتة ماتدل ع الفرح أو أي نوع من أنواعه بو فيصل : مايغلى عليك شيء يا أخوي بس منال لها الحق بالقرار بو فايز : حقها عروسة البنات وقولها يقولك عمك كل طلباته عنده أوامر والغالي يرخص لها بو فيصل : الله يطول بعمرك إنت إرتاح وتالي يصير خير @@@@@@@@@@@@@@@ مين تكلمين إيمان رافعة حواجبها مستغربة سؤال ماجد : نـــــعم !!!!! ماجد بجدية : من تكلمين إيمان بقهر : خير وش عندك وش دخلــــك ماجد برقة ونبرة تتغير : خويتك ذيك إلي شفتها بالمطبخ إيمان : وش تبي إنت ماجد : ردي علي أول إيمان وتب تخلص منه : إيه هي ماجد بــ إبتسامة : سلمي عليها إيمان : أقول فارق بس فارق ماجد : وش إسمها إيمان بحدة : مــــــــاجد تراك مصختها ماجد : أول قولي لي وبقوم إيمان بقهر وشادة ع أسنانها : منال ماجد وهو يقوم : يالبى قلبها صدق صعبة المنال منال سمعت كلامه لأن إيمان شالت يدها من السماعة وقهرها وعصبها الكلام بس تجاهلته وكملت المكالمة وهي مهيب مرتاحة @@@@@@@@@@@@@@@@@@@ أهلين حبيبي وحشتني كتير كتير فايز وهو مخنوق وتعبان : وإنتي أكثر حبيتي وش أخبارك وأخبار عمي وام كمال غدير : كلنا مناح حياتي إنت شو به صوتك عمي كيفه إنتا حكيت إلي إنه صحته كتير منيحة فايز بغصة : لا أبوي الحمد لله بخير بس أنا شوي تعبان غدير بخوف ودموعها وتساقطت على خدودها : حبيبي شو بك إحكيلي ( وشهقت بدموعها ) فايز بألم وهو يسمع صياحها : غدير لا تبكين ما أحب أسمعك تبكين وأنا مو حولك تتعبيني تراك غدير وهي تشهق: حبيبي إحكيلي في شيء صاير معك فايز مو قادر يتكلم وإذا تكلم وش بقول لها بقول إني تزوجتك وتحديت الكل ولا طلعت قد كلمتي إني عشمتك ولا سمعت لإحتمالاتك الي اعتبرتها كلام ماله أي معنى واليوم قاعد يصير وأشوفه : لا حبيتي بس نفسيتي تعبانة ومرهق ونومي قليل غدير بــ إهتمام : حبيبي بدي اياك تهتم بصحتك انا مالي غيرك أنا بحبك ومابدي شيء بــ الدنيا هاي إلا انت عم تفهم علي فايز مو قادر يتكلم ولا يتنفس كلامها له يحسسه إنه خاين وقليل خاتمة وما يستاهل اهتمامها : ولا يهمك حبيتي غدير أبوي يناديني شوي وأرجع أكلمك سند راسه على جدار سيب المستشفى ووده يصيح من الهم مرض أبوه والألم إلي بسببه لغدير ومنال آآآآه منك يا منال كل إلي أنا فيه بسببك إنتي @@@@@@@@@@@@@@@@@@@@ منيب موافقة منيب موافقة أبو فيصل وأم فيصل ناظروا منال مستغربين اصرارها الغريب أم فيصل : طيب يا منال ليه من غير تفكير ومصرة على قرارك إنتي فكري واستخيري ربك وتالي يصير خير ريم تعاون منال : يمه يعني ماتعرفين منال وأسبابها تكمل دراستها وماتبي تبعد عننا لمعت الدموع بعيون منال خايفة من المستقبل تقدم ابو فيصل لــ منال وربت ع أكتافها : منال ليش منتي موافقة اعطيني سبب مقنع ومالك الا الي يرضيك انتي عارفة اني ما اغصبكم ع شيء منال ودموعها تسيل ع خدودها : بس يبه ابي اكمل دراستي وما ابي ابعد عنكم ابو فيصل : بس هذا نصيبك يا يمه وما نقدر نقول شيء يعني لو جاك واحد من برا وهو نصيبك ما نقول لا منال شهقت بدموعها لما حست ابوها موافق وجدي : يبـــــه ما ابغى بو فيصل : خلاص خلاص الي تبينه بصير خلي أخوي يصير تمام بتصل عليه وبقوله ردك @@@@@@@@@@@@@@@@@@44 خطب يا إيمان خطب إيمان بحب : منال اهدي حبيتي خلينا نفكر تمام ونلاقي حل للموضوع منال منهارة : وش نحل فيه الموضوع ما ينحل ما أبي أبوي وعمي يرجعون يفترقون بسببي سكتت إيمان عاجزة مهيب عارفة ترد منال : ايمان لا تسكتين ردي علي الله يخليك ردي @@@@@@@@@@@@@@@@@ وش السواة حاس إني جبان وخاين إتصالاتها ما أرد عليها وكل ما اسمع صوتها وخوفها علي أحس أني دنيئ وما أستاهل معاذ بــ مواساة : لا تقول كذا كل مشكلة ولها حل فايز: أي حل ليتني سمعت كلامك ولا صرت بإلي أنا فيه الحين معاذ : الندم ما ينفع ألحين وان اخوك وخل نشوف حل فايز : تكفى يا معاذ شوف لي حل معاذ : دق ع مرتك وصارحها فايز بذعر وخوف: معاذ انت انهبلت لو ايش ماسويتها وكسرت فرحتها مالها اسبوع متزوجها أقولها بــ أخذ وحدة فوق راسك ( وبــ استهزاء) والي يضحك بالموضوع انها كانت تقولي ما أبي افرق بينك وبين ابوك وكانت تقول لا تعشمني وتذبحني انا اعرف عندكم ان البنت لــ ولد عمها وانا كنت اضحك عليها واقولها هذا كلام اول وغيرك انا ما اتزوج مسوي فيها رامبو زماني آآآآآآه يا معاذ كلامها يتردد بــبالي ومو قادر انساه @@@@@@@@@@@@@@@@@@@ ها يبو فيصل اسبوع مر وما سمعنا ردكم وهذا ونحنا أهل ما يحتاج هالتفكير كله بو فيصل ومنال قدامه منهارة : الخير فيك وفي فايز افا عليك فايز شيخ الرجال لكننا كنا ننتظر تقوم بالسلامة أول بو فايز : أنا الحمد لله بخير وأنتظر رد عروستنا فايز كان يناظر التلفزيون ومسوي مو مهتم لكن باله مع مكالمة ابوه وعمه بو فيصل بــ ارتباك : الي ابيك تعرفه يا اخوي ان فايز ما عليه كلام لكن منال تبكي قدامي تقول ما تبي تقطع دراستها وتبي تكون قريبة مننا بو فايز : اني ولد ابوي منال تبكي ما عاش من ينزل دموع شيختنا ولك مني منال الي تبيه يصير لكن ما يخسرها فايز وتروح مننا ان بغت تدرس تدرس لكن نملك عليهم بالاول وان بغت قربكم لك مني فايز كل شهر ينزلها عندكم وان بغت كل اسبوع بو فيصل منحرج ومنقص وجهه من اصرار اخوه وفايز مقهور من ابوه كيف يرخص فيه وهو عنده الي تملي عيونه و فرحان انها رفضته وبنفس الوقت مقهور كيف ينرفض وهو الكل يتمنى نظره منه بو فايز : عطيني اياها اكلمها عطيني اياها بو فيصل مد الجوال لمنال ومنال عارضت لكن بعد اصرار ابوها خذت التلفون وهي تمسح دموعها وسمعت الكلام الي دار بين عمها وبين فايز فايز : من جدك يبه ما تبيني وتغصبها طايح من عينك انا منال : الو بو فايز : هلا بـ منال هلا بنور عيون عمها هلا ابوك قال انك تبين تكملين دراستك وماتبين تفارقين اهلك لك مني اخلي فايز كل ما بغيتي الشرقية يوديك لاهلك وان كان ع الدراسة مهيب مشكله نملك عليكم وكملي السنة الي باقية ولا خلصتي زوجناكم لكن انا ابيك من نصيبنا احد عنده منال ويضيعها وش قلتي منال برجفة بصوتها : مو افقة ياعمي @@@@@@@@@@@@@@@@ وربي منتي هينة وين الي تبكي وتبي حل لموضوعها عشان تتفركش الزواجة والحين انتي بنفسك تعطينه الموافقة منال : وش تبيني اسوي عمي يترجاني ويسهل لي الامور عشان اتزوج الي ما يتسمى وبعدين ما ابي اكون سبب قطيعة عمي وابوي من جديد ايمان : الله يوفقك ويكتب لك الي فيه الخير منال بضحكة : تدرين ايمان وش الي عاجبني بالموضوع ايمان : وشو منال : انه درى اني ما ابيه ايمان : يمه منك يا منال تخوفين منال بثقة : الا كرامتي الي يلمسها احرقه بالنار @@@@@@@@@@@@@@@ يبه ما يحتاج شوفة ما خذها ما خذها ولو علي من ألحين ما ابيها بو فايز : والله لو انك بس تشوفها كان عرفت قدرها وان الي عندك ماتسوى ظفرها فايز بقهر على غدير وغيرة : يبه كل شيء ولا غدير لا تغلط عليها انا سويت الي تبيه خلاص خليني براحتي ام فايز بحزن ع الحال الي وصلو له ومن سواة فايز : خلاص يبو فايز خل الولد ع راحته بو فايز: خلاص الي تبونه بصير وانتم يا بنات انتبهوا تدري بنت عمكم عن سواد وجه اخوكم فايز بقهر : يبه خلاص سبيت فيني عشان بنت اخوك اذا نسيت تراني انا ولدك بو فايز : ووحيدي وماعندي غيرك لكن انك تكسر كلامي هذا الي ماهقيته منك واذا علي حياتي ما ارخصها لك يا فايز لكني بغيت لك الزين والزين هي بنت اخوي الا ما قلت لي وش بتسوي بـ بنت الناس فايز : بخليها عذمتي غدير انا احبها وابيها ومستحيل افرط فيها ومثل ما قلت لك كلها شهر وهي هنا بإذن الله بو فايز بهيبة وثقة : الي تبيه سوه لكن بنت اخوي ما تنضام تفهم @@@@@@@@@@@@@@@@@ يوم الملكه .. هذا وجهي اذا ما كنسل شروطك وألحين خذاك لــ جدة منال وهي مبهورة بنفسها ومستحية : كلي تبن انتي ووجهك ايمان : فيه بنت بــ ليلة ملكتها تقول كلي تبن اقووول خلك من الهبل والخبال وسوي بريك لا تهورين وتقولين له كل تبن ريم : ما عندك ريحة السالفة هذا وانتي وياها عشرة عمر معقول ما قد قالت لك كلي تبن ترا هذه المدحة المشهورة فيها منال اتخيل بدل ماتقوله احبك يا فايز تقولـ منال تقاطعهن : اقول انتي وياها عطيتكن وجه منيب رايقة دخلو ام فايز ونجلاء ونورة وام فيصل من وراهم تسمي وتهلل على بنتها ام فايز بفرح : كللللللللللللوليش الف الف الف مبروك لكم عسا الله يبلغني اشوف عيالكم يااارب نورة : والله لو اني رجال خذيتك وش هالحلا اسم الله عليك منال بحياء ووجهها احمرر: الله يبارك فيك وعقبالك انتي ونجلاء ريم بثقالة دم طقت ظهر ايمان : وايمان ترا من اول تتنحنح تبي احد يحس فيها ويدعيلها بالعرس ايمان انقهرت واستحت بنفس الوقت خصوصا انها اول مرة تشوف اهل منال خزت ريم بقهر بمعنى حسابك بعدين منال ترقع الموضوع: هذي ايمان صديقتي واختي الي ماجابتها امي تعرفوا بنات عم منال ع ايمان وانبسطوا على عفويتها وشخصيتها ودخلت قلبهم بسرعة والشعور كان نفسه عند ايمان @@@@@@@@@@@@@@ جات اللحظة الحاسمة وقت زفة منال على فايز كان فايز غير بالنسبة لها كان هيبة جسمه الرياضي معطيه قوام رهيب البشت الأسود عليه يطير العقل والغترة البيضاء معطية بشرته القمحية نور وبياض كان جذااااااب بكل ماتحمله الكلمة من معنى اما منال ...................! مشاعر ماجد اتجاهه منال ! هل هو اعجاب ام الحب ايش رايكم تصرفه بخطوبة منال غصبن عن فايز ! توقعاتكم بعلاقه غدير وفايز وهل ممكن غدير تعرف بللي يصير من وراها ! تتوقعو ايش بيصير بالملكه هل بتم او منال بتخبي لنا مفاجأه ! توقعاتكم وتعليقاتكم تششرفني |
# تعديل
ابو فايز ايش رايكم تصرفه بخطوبة منال غصبن عن فايز ! |
صباح الخير
اهلين فيك في ليلاس عزيزتي .. مكان الرواية غير مناسب .. لهذا لم تلقي التفاعل الذي تتمنيه ينقل الى القسم المناسب |
اقتباس:
كل الشششششششششششششكر |
الجزء الرااابع ...
اما منال كانت بالنسبة لــ فايز شيء خرافي كانت ولا كأنها عارضة ازياء بقوامها واناقتها اما ملامحها كانت حكاية ثانية رسمة عيونها دقة انفها المسلول خدودها حتى رسمة حواجبها انبهر فيها كانت جميلة رفعت راسها بشموخ رغم الحياء الي فيها والي عجبها انها لمحت الاعجاب والانبهار في عيونه وهي اصلا واثقة من هالشيء كان فايز يشوف جمال غدير الناعم قدام منال جمال جداً عادي رغم انه كان مقهور منها لسببين الاول انها السبب في كل الي قاعد يصير له والثاني انه درا انها ماتبيه الا انه انبهر في جمالها وبان هالشيء بإرتباكه وتوتر حركاته وهالشيء خلى منال غصب تنكس راسها بحياء وخجل طلب منهم يوقفوا جنب بعض لزوم التصوير وتلبيس الشبكة كان فايز مع كل حركة يسويها وهو يلبس منال شبكتها يتذكر لحظاته مع غدير والفرق بين المرتين انه بالاولى كان مبسوط ودنيته مو واسعته واليوم تعيس تعبان ومو باينة الفرحة ابد بعيونه ^^^^^^^^^^^^^^^^^^ في جهه ثانيه ~ احكي لي بالتفصيل وما ارضى بـ اقل من التفاصيل منال : لا تفاصيل ولا شي كنا ساكتين طول الوقت وبصراحة كنت حاسته معصب مني ومقهور ( قالتها بشماته ) ايمان : منال ما تحسين غلطتي بكلمتك وجبتي لنفسك مشاكل من بدري منال بتشفي : احسن خليني احرق قلبه مثل ما حرق قلبي ايمان بعقل : منال بلاش عناد وحكي مبزرة تراكم بتعيشون مع بعض العمر كله مو فترة والسلام انتي مستوعبة وش يعني طول العمر منال : دارية اني بعيش معاه طول العمر لازم تذكريني بس الي سويته غصب عني هو يجرح على كيفه وانا اسكت لازم اخذ حقي منه واجرحه ايمان بندم : انا مدري كيف طاوعتك على سويتيه مفروض تكونين عاقلة وكأنك ما سمعتي شيء وش مصلحتك يوم عرف منال : ايمان من جدك تسألين وش مصلحتي مصلحتي اني ابي ارد اعتباري ايمان : وبعدين منال : ايمان الله يخليك يكفي ترا كبدي قالبة علي من مقابل وجهه وبعدين انتي مالك دخل انا الي خبصت بالموضوع ايمان : المهم هذا ماجد قاعد يدق هو برا الحين لا وصلت البيت كملنا سوالفنا شوي شوي ع باب السيارة كسر بيدك ايمان برفعة حواجب : خير ابو الشباب سلامات ليش تدعي ماجد بقهر والغصة خانقته : اليوم ملكة خويتك ونا مدري ليش ما علمتيني ايمان مستغربة : خير ياعمي وش دخلك ليكون انت الي تبي تملك عليهم ماجد يناظر ايمان بقهر وعيونه تقطر شرار : عن الاستهبال انا ما استهبل ايمان بخوف : ماجد وش فيك امزح معك انت ليش مهتم بالموضوع ماجد بغصة : كنت ناوي اكلمك تكلمينها اني ابيها وكلها سنتين اتخرج واتوظف وبخطبها ( وهو يضرب طارة السيارة بيداته الثنتين ) ليش ليش كل ما ابي شيء يصير عكسه ليتني ما شفتها ايمان مصدومة وكلام اخوها ابد مادخل مزاجها ولا هي قادرة تستوعبه ماجد اخوها الداج الي استاذ بالهبال والخبال يطلع منه كل هالحكي معقولة ماجد يحب منال ولا السالفة كلها اعجاب وبنتهي ما قدرت تستوعب الموضوع وظلت طول الليل تفكر وتعذرت لمنال انها تعبانة والصباح رباح @@@@@@@@@@@@@@@@@@ في الدمام .. في بيت ابو فيصل ~ وش رايك بــ بنت عمك فايز ببرود: وش يهمك زواج وتزوجناها وظلمت بنت الناس معي الي اختارها قلبي أوا مرثانية تبيني بكرة اروح اترجاها تعجل بالزواج أصلا هي ما تبيني وخلت سنة تبي تتهيأ على مقابل وجهي بصراحة الله يعنها حيل راحم حالها . نورة بتفهم : فايز حبيبي منال مو هذا قصدها مقصدها تبي تكمل السنة الي باقية لها وبعدين تتفرغ للزواج وحوسته ( وبتردد) محد غير منال مسكين أكيد بجي يوم وبتدري عن زواجك وبنحرق قلبها وبتدري انك مغصوب تأخذها عشان ترضي أبوي بو فايز بغضب : والله لو دريت إنها درت ولا إنضامت لعادني أبوه ولا اعرفه وعقب عيني ماله شيء عندي فايز بقهر وعصبية : أنا بــ حريقة إن شاء الله لكن منال ست الحسن والدلال ما ترضى عليها لكن ...... ( سكت ومسك أعصابه وطلع من المجلس وقابل فيصل جايب العشاء فيصل : وين يا فايز وصل عشاكم فايز ومو عارف كيف يصرف عصبيته ومستغرب حالته وإن الوقت ما يسمح انه يطلع : لا ولا شيء يا فيصل بس معاذ خويي سوى حادث وبروح أشوفه فيصل : عسى ما به شيء فايز والأرض تذوب من تحته ووده يحرق كل شيء قدامه : لا تطمن بس بروح أطمن عليه وهو هنا قريب مهوب بعيد يلا مع السلامة فيصل مستغرب : مع السلامة !!!!!!!! ارسل فايز مسج لــ نورة انه طلع عشان حادث صار لــ معاذ @@@@@@@@@@@@@@@@@@@@ بعد ايام بجده .. ما أنصحك يا خوي ان كانت هنا درت لكن لا صارت بــ بيت أهلها وش يدريها خلها بــ بلدها اصرف وكل ماتبي سافر لها وتعذر ان فيزتها ما خلصت صارت لك مشاكل بــ الشغل أي شيء تصرف ودبرها لكن ما انصحك تجيبها انت الي بتكره دنياك فايز قاعد ع صخر البحر الأحمر ولمح بــ كلام معاذ العقل : يا اخي انا من غيرك اضيع والله اني ما اطلع من جزاك معاذ : اقول قم فارق انت ووجهك بسوي فيها دراما ورومانسية اقول ( بخبث ) وفر رومانسيتك لــ حريمك يلعن ابليسك حرمتين بــ شهر واحد ناس يبون وحدة وانت ثنتين فايز بقهر : ايه من فرحتي قاعد اطامر ومبسوط دنياي مو شايلتني من فرحتي معاذ يحاول كتم ضحكته : حالك يا خوي يضحك اسمح لي ناظر فايز وهو رافع حا جب : لا تصير بخاطرك طلعها ما صدق خبر معاذ من سمع كلمة فايز ضحك بقوة لدرجة خلى فايز بعز ضيقته يبتسم بجاذبية مستغرب ضحك معاذ @@@@@@@@@@@@@@@@@ طالع ناظرها ماجد ببرود : تبين شيء ايمان وواجعها قلبها ع حال ماجد : لا سلامتك بس ابيك تقطني بيت منـــ ماجد يقاطعها وهو يفتح الباب : خلي ابوي يوصلك ( وردف الباب بقوة ) تأكدت ايمان الي يكنه ماجد لــ منال ما هو اعجاب الا عشق مجنون بغضت وكرهت نفسها وهي جاهلة السبب @@@@@@@@@@@@ هيك حبيبي اسبوع ما بسمع صوتك بصير هيك فايز وهو مبسوط عليها وعلى نعومة صوتها وحبه لها حب صافي عذب طاهر حب جمع قلبين انكتبوا لبعض وبنبرة رقيقة ما ينطقها الا لها : انشغلت حبيتي ولا انتي تدرين ما يهنالي بال الا لما اسمع حسك بس والله من سمعت حسك احس اني ملكت الكون بكبره وبعدين اخبارك وانك بخير توصلني اول بــ اول وهذا اهم شيء عندي انك بخير غدير بحياء: فايز فايز : يالبيه يا عيون فايز غدير : بحبك يا فايز وما بدي شيء الا اني اعيش معك فايز انهبل عليها اول مرة تنطقها له من بعد ماتزوجوا انهبل على طريقتها وحياءها وبنفس الوقت نغزه قلبه لما جات فكرة في باله ان ممكن هالنعومة والبرائة تنخذش وتتعذب @@@@@@@@@@@@@ وش فيك انتي منتي طبيعية اول من اقولك تعالي ما يردك شيء طيران وبــ بجامتك وألحين تقولين ان شعرك مزيت تعالي ياشيخة مشتاقة لك من ملكتي ما شفتك انا راضية تجين بــ عفنك وانتي عارفة ما عندي احد يوصلني ولا كان جيت ايمان وهي سرحانة : تتعوض مرة ثانية منيب طايرة منال مستغربة حال خويتها : لااااااا انتي اليوم منتي بــ طبيعية @@@@@@@@@@@@@@@ ممد رجوله ع الطاولة وصوت التلفزيون العالي ازعجه مد يده لـ طاولة الي جنبه ياخذ الريموت ينقص ع الصوت الا لقى جوال نورة بين ايديه كان بــ رجعه الا طرت في باله فكرة ما دور بــ دليل الهاتف بذهانة توقع اتصالات بينهم وضغط ع المكالمات الصادرة وشاف اتصال بــ اسم ميمو وتوقع انها هي خذا نظرة ع باقي الأسماء وكان اقرب واحد له ميمو بدون تردد ضغط الزر الأخضر وانتظر وثالث رنة وصله صوتها بــ بحته المميزة ما يدري ليه كل ما شاف شيء من منال يقارنة لا ارادياً بــ غدير وطبعاً كفة منال الي ترجح لكن حبه لــ غدير يخلي يتغاضى عن هالشيء وما يوليه ادنى اهتمام منال بحماس : هلا قلبي شالته هالكلمة من معممة افكارة وابتسم ع جنب وظل ساكت حست منال بــ شيء غريب بالموضوع سمعت أنفاس ثقيلة ولا أرادياً وصلت ضربات قلبها للحد الأقصى السكوت كان فترة من الزمن فايز : كيفك يا بنت عمي منال ماردت وهي تسب نفسها ع تسرعها وكيف تنطق هالكلمة من غير ما تسوي بريك فهم فايز سكوتها انها ما تبغى ترد عليه رفع حاجب وبتحدي : أوكي متعززة علينا بـــ أخبارك طيب أخبار عمي وعمتي انقهرت منال من ميانته كانت بتسب وتلعن خيره لكن استوعبت ان هالشيء غلط وحطت كلام ايمان بعقلها ما راح تستفيد شيء وبــ اختصار ردت : كلنا بخير فايز : الحمد لله سكتوا الاثنين فترة واستوعبت منال انها لازم تسأل عن احوال بيت عمها منال : وانتم وش اخباركم فايز رفع حاجب : بدري خليها بكرة انحرق وجه منال وبهمس سامج ابتسم فايز ورفع حواجبه: نعم منال تحس نفسها بــ تنفجر من الاحراج كل سالفة تسويها العن من الثانية فايز وابتساته تتوسع : وش قلتي قلتي سامج منال انصفق وجهها معقول سمع وردت بــ هجوم : ايه سامج تتريق علي وش تبيني ارد عليك اصفق لك مًثلا ضحك فايز وضحكته اربكتها منال : سلامات قلت شيء يضحك انا فايز باقي يضحك : تدرين كأني اكلم واحد من الشباب وش ها المصطلحات فيه وحدة تكلم زوجها ايام الخطوبة تقوله سامج اجل وين حبيبي و حياتي منال بقهر: اقول شيء ما أحسه سوري ماتعودت اكذب تذكر فايز يوم ان ابوه يغصبها عليها قالها وهو قاصدها : تكفين انا الي ميت عليك ومنال تذكرت كلامه لــ ابوه يوم يقوله ما ابيها فايز بقهر وعصبية ووده انها قدامها عشان يصفقها ويبرد حرته : سلمي ع عمي ( وقفل من غير ما يسمع ردها ) قفلت منال وهي مرفوع ضغطها كيف يقفل السماعة بوجهها : طيب يافايز تراك مابعد شفت شيء @@@@@@@@@@@@@@@ انتي مجنونة مجنونة وش ها اللسان الي معك : صدقيني بتخربين حياتك قبل تبتدي منال بعصبية : انتي ماسمعتيه وش قال ايمان بقهر : انتي الي بديتي الرجال يمزح معك وانتي تجرحين خلك يا منال ع هالاسلوب لين يتزوج ذيك عليك وعظي اصابعك ندم منال انجنت لما تخيلت ان تكون لها ضرة وردت تكابر : حريقه ما يهمني ايمان : انتي قولي كذا وبعدين بنشوف كيف كلامك ينفعك ويوديك بــ دواهي @@@@@@@@@@@@@ حبيبي اليوم كنت بالسوئ وشفت فساتين عرس كتير حلوة بس احترت شو أشتري فايز بوجع : حبيتي الفيزا شكلها مطوله غدير بحزن بس مابينت : حبيبي بتأخد وئت ما تأكل هم فايز قلبه يحرقه يحس انه ولا شيء قدام غدير واحساسه بالخيانة والغدر شيء يذبحه يومياً وبالبطيئ وما يستاهل قلب غدير الأبيض الطاهر @@@@@@@@@@@ ها منال وشلون النفسية منال : تمام ماشي الحال ريم : ما كلمك فايز بعد ذيك الهوشة منال : لا أحسن تصدقين اني كنت ابي اقوله لا يدق بس جات ها الهوشة من صالحي ومعاد دق احسن فكه ريم : من جدك منال كل هالكره له اسمحي لي كرهك له ماله أي معنى منال بقهر: هذا وانتي تعرفين السالفه وقايلتها لك ريم : هذاك قبل الزواج بس انتم الحين ازواج يعني أكيد تهمينه منال تقاطعها بقهر : يقصدني ما يقصدني كفايه انه قال منال منيب ماخذها هو شكله لسى ما عرف من هي منال ولا عرف ذيك الساعة بفكر اتقبله بــ حياتي ولا لاء @@@@@@@@@@@@@@ بـ الدمام ** سكيني جينزز توب اسود ساتان مشجر بالسماوي والذهبي فكرت وش تسوي بشعرها دايم تفله حبت تغير الستايل وتسوي جديد سوت شعرها ويفي ورفعته شنيون عطتها طلة اميرة وقذلتها القصيرة خلتها ع جنب ما تكلفت بــ عيونها مسكرت رموشها مع لاسينز بحري وروج احمر الي ما تقدر تستغني عنه ولبست دبلتها الي من يوم الملكة فسختها استحت تدخل عليه بــ توب ومستحيل تدخل عليه بــ الشكل هذا لبست عليه بلوزة سوداء شيفووون حددت خصرها أكثر وأكمامها واسعة إنفتح الباب بــ دفاشة : منال فايز برا تنحوا ريم ومنال في بعض ومنال خافت و بدت اطرافها ترجف وتبرد ريم : منال يقلع ابليسك ع حلا منال تبعد التوتر عنها : ريموه ضفي وجهك وروحي جيبي المدخنة ريم بخبث : ورا ما تضفين وجهك قبلي عشان الفارس الهمام ينتظر سمو الأميرة استحت منال وحمرت خدودها وبينت الرعشة بصوتها : ريم حرام عليك جلطتيني دخلت ام فيصل بالمدخن : منال خذي تدخني وأستعجلي ترا فايز جاي من سفر ويبي يشوفك خذت منال المدخن وبدت تدخن وهي خايفة من بعد آخر مكالمة لهم ما كلمها الا امس ارسل لها مسج انه عنده شغل بالشرقية وبمر يشوفها وغير كذا ما شافته من يوم ملكتها كان مقرر يمر الشرقية عنده شغله بقضيها وبمر بنت عمه الي تسمى زوجته وبينطلق للأردن قاعد بالمجلس ينتظر سمو الأميرة تشرف انفتح الباب ورفع راسه ببرود ابرد من الثلج يحس انه فيه كومة قهر ووده يطلعها فيها لكن كل شيء تبخر كلمة مذهول من الي قاعد يشوفه قليلة بحقه هو عارف انها جميلة وميقن بالشيء هذا لكن الي يشوفه الحين كلمة جمال ماتوفيه حقه تقدمت له بكأس العصير وكل جرائتها المتمثلة فيها تبخرت قام واقف رغم طولها الا انها بانت قدام طوله وعرضة متوسطة الطول خذا منها الصينيه وحطها بالطاولة الي جنبه لفت منال بتجلس الا حست يده ماسكتها من زنودها رمشت بتتوتر فايز : وين يابنت عمي منال لفت له مستحية: بجلس فايز بخبث : ايه عادي الكنبة توسعنا اثنينا ناظرت منال الكنبة هي مزدوجة لكن مستحيل تجلس بقربه بعذر انه اخذ اكثر من نصها ناظرته : لو سمحت ماسمعها فايز او نقدر نقول تجاهلها وسحبها تجلس جنبه : اخبارك يا بنت عمي وكانت يده تنتفض من كثر مايدها ترتجف وهو محتضن ايدينها ردت بهمس : طيبة طاب حالك فايز : مادريت ان بنت عمي كذا حلوة دنقت راسها اكثر مد يده تحت ذقنها ورفع راسها : لا تدنقين راسك خلني اشوفك واشبع منك !!!!!!!!!!!!!! @@@@@@@@@@@@ رمى الشماغ ع السيت الي جنبه وهو معصب ومقهور معقول اللي يصير معقول وغدير يافايز بــ هالسهولة خنتها ترى الجمال مهو بكل شيء ترا حب غدير حب سنوات وبنت عمك مالك شهرين من عرفتها كيف الجمال مهو كل شيء وانا من شفتتها نسيت نفسي ضرب طارة السيارة بيديه الثنتين بقوة : خاين خاين حقير نذل وش سويت أنا كيف سويت اللي سويته وغدير لــ متى قاعد اخونها واطعنها بغدري آآآآآآآآآآآآآآآآه يا غدير انا ما أستاهلك ماأستاهلك ** كان فايز ضايقه في دنيته حد الهلاك مقهور من نفسه كيف بكل سهوله مالت بمشاعره لمنال ولجمالها ولجاذبية شخصيتهاا وهيبتهاا .. وذي بعينه اكبر جريمة في حق غدير اللي بعيونه ملاك .. من طلع من عندها وهي مصدومة ابد ماتوقعت اللقاء بكون كذا هادي وحميمي كانت شايلة هم هوشة او تجريح مو مصدقة هذا الي ناوية تعلن الحرب عليه وتوريه نجوم الظهر بكلمتين حلوين منه نساني كل شيء ( حمرت خدودها لما تذكرته وهو يقول لها أحبك طيب اذا يحبني على ما يقول أجل حبيبته الي بالاردن وش تصير أكيد يكذب على وحدة فينا واللي هي انا طيب والي صار اليوم تحسست خدها مستحية وتذكرت همسته بأنذها بكلمة أحبك ترن بأذونها @@@@@@@@@@@@@ كان يناظرها بحب وقلبه يخفق بقوة وهو يتأمل عيونها الي تلمع بالسعادة يشوف حبها له بكل حركة وكل تصرف يصدر منها ايقن انه يعشقها لحد الجنون وايقن انه مايكن لــ منال الا اعجاب جمالها يسكره لحد الثمالة لدرجة من يشوفها ينسى نفسه لكن غدير دقة قلبه لما يشوفها توصف حبه لها واحساسه بالسعادة بقربها غدير ودموعها تلمع : حبيبي وحشتني كتير مني مسدئة مفاجأة كتير حلوة فايز بحب : صدقيني انا منيب داري وش مسوية فيني غدير بحياء : سدئني يا فايز انت ما بتحبني كتر حبي الك كلامها وجع قلبه وتذكر خيانته لها الي ماله أي ذنب فيها @@@@@@@@@@@@@@@@ والله يا ماجد اني حتى لو قلت لك مارح يصير الي تبيه البنت متكلم عليها ولد عمها من هم صغار يعني حتى لو تقدمت مارح يصير نصيب بينكم وراح تصير حساسيات بيني وبينها فهمت علي ماجد يمثل اللامبالاة ويشغل نفسه بــ اللاب التوب وعقله متمركز على كلام ايمان : خلاص يا إيمان انا نسيت الموضوع والله يسهل لها ويسعدها ايمان : طيب ليه زعلان علي وما تكلمني ماجد : ايمان انا ما فيني شيء بس مشغول عندي بحث ولازم اخلصة واسلمه بعد بكرة ايمان بـ حماس : تبيني اخطب لك اختها ترا تشبهها وتجنن ماجد : ليه هو بــ كيفي يوم قلبي حبها طارت عيون ايمان لما فهمت ان ماجد يسلك لها ماجد بعصبية : ايمان خلاص اطلعي وسكري الباب وراك ذبحتيني @@@@@@@@@@@@@@@@@@ بحبه يا آلاء بحبه وقت ما احكي معه ويكلمني بنسى وجع ئلبي مافيا احكيله ان غيابه عني واني مابشوفه بتعبني هالشيء وبحرئ لي ئلبي بس ما بدي اضغط عليه سافر اليوم وئت ما حضني وسلم علي ما كنت بدي اياه يتركني ما لحئت اشبع منه شهر العسل الي كل الصبايا بحلموا فيه انا ما بدي اياه انا الي بكفيني اني اضل معه هالشيء بغنيني عن مية شهر عسل الاء بقهر وحماس على حال صديقتها وبنت خالتها : انتي السبب يا غدير بكل الي يصير معك غدير وغصتها خانقتها : شو زنبي انا زنبي اني حبيته آلآء : انتي عطيتيه المجال انه بيأخذ راحته معك شافك مو سأله وبتستئبليه ( تستقبليه ) وبتضحكي معه ومبسوطة بــ هاليومين الي بــ قضيهن معك لما بجي الاردن المفروض تبينين اله انك مو راضية وهالشيء الي يصير غلط غدير تشهق بدموعها : تعبت من هالعيشة مرت ابي بتئتلني بالطالعة والنازلة شفته يا آلاء وحبيته حبه كان بالنسبة الي متل طوئ النجاة ( طوق ) بدي احكيله اني بحبه بس ما ئدرت المكان الي بكون موجود فيه هو واصحابه بختفي منه بحسه بطلع فيني بطريئة تربكني بتذوبني بس كنت بكزب ع حالي من شان ما أحلم ويصير كابوس يتعب لي حالي ويدمرني لكن يوم تعرضولي الشبين ( الشابين ) وئت ما طلعت من الامتحان حماني يا آلاء ضربن من شاني حسيت بغيرته وحميته علي وما كزبني ئلبي حكالي انتبهي لـ حالك واي شيء بدك اياه احكيلي وما تستحي كنت بكره off time و weekend لأني مارح أشوفه كان غير عن كل الشباب الي بالمحاضرات معنا كان ما بيتسلى حكالي اياها بالصريح أنا ما بتسلى ولاني من الشباب الي يصادق وحده وقت دراسته ووقت مابرجع بلاده ينسى كل شيء أنا يا غدير قصدي شريف وما أرضى عليك ان الطلاب يشوفونك معي ويحكون عليك لكن اوثقي اني مابفرط فيك وانك لك مكانة في قلبي حيل كبيرة كنت بنسى معاملة مرت ابي الي لاني بنتظر بكرة وبشوفه كان بلسم الي يا آلاء وكان الملاذ والحياة من العيشة الي عايشتها ولآخر يوم اله يوم التخرج كنت كتير تعبانة كنت بدي اياه يرسب كرهت حالي وكرهت انانيتي وظليت ادعيله ينجح ويتوفئ (يتوفق) اجاني وودعني وحكالي سدئيني مارضاها عليك بس انا ما اقدر ارجع من غير ما اعطيك شيء يوصلني بك انا تعلقت فيك يا غدير وبدي اعرف اخبارك عطاني رقمه ترددت كتير لما شاف ترددي قالي اكيد بتفكرين انك بتطيحين من عيني انا واثق فيك يا غدير وعارفك اكثر من روحي ومستحيل أشك بــ هالشيء تخليت عن مبادئي وصرنا نطمن ع بعض مسجات ونحكي تلفون مره بالأسبوع حكالي عن بنت عمه خفت كتير لكنه خيب ظنوني وشكوكي وكتب كتابه علي آلاء تقاطعها : مافكرتوا تسألوا ليش ماجاب ابوه معه حكالكم ظروف خلاص سدئتوا عمي كتير حئاني ( حقاني )ليش وافئ بــ هالسهولة غدير : انا اصريت ومرت ابي بدها تفتك مني ساعدتني ع كتر ما بكرها لكني حبيتها لما حاولت مع ابي واقنعته كتب لي الشئة الي بجنب شئتنا من شان ما احس بالوحدة بعمل لي أي شيء يسعدني ويريحني صوته بسمع فيها نبرة الحب نظرته تحييني وتذوبني بنفس الوئت بحبه يا آلاء وبموت فيه لكن ما بئدر احكي له انه بموتني الي يساويه معي في شيء مخبيه علي انا بعرفه اكتر من حالة في شيء وبخصوص زواجنا آلاء : اهله بعرفوا انه مجوزك ولا لاء غدير : خواته نجلاء ونورة حكوا معي وباركو لي وكمان امه لكن بيه ( بوه ) انا حاسه بشي وئلبي مابكزبني آلاء تحاول تلطف الجو : حبيتي روئي تئبريني تعالي اواريك صور جوازك مع البطل تبعك ضحكت غدير وهي تمسح دموعها وهي تشوف صور زواجها مع فايز نظراتها كلها توجهت له مهما تناظره ما تمل وتشتاق له أكثر ونار هجره لها تكويها ابتسمت على تعليق فايز يوم الحفلة فايز : ماعليش ابغطيك مابي احد يشوفك غيري حلوة وناعمة بـ فستانها الأوف وايت له ذيل طويل مع تاج ووجهها كان ملائكي طهارة قلبها عكست ع ملامح وجهها البريئة قمة بالنعومة تلمست فايز وهي تشوف هيبته بالبدلة السوداء وتمشيطة شعره ودقنه تنهدت بصوت مسموع وودها يكون جنبها وقربها كانت حفلة بسيطة بالبيت اهلها وعماتها وخالتها ومعاذ صديق فايز انبسطوا فيها واحتفلوا ببعض @@@@@@@@@@@@@@@@ أخبارك من جيت وانت مشين النفس فايز :....................... نورة : بعينا بالسوق يا شيخ فايز بألم وبحنين لـــ غدير : نورة فارقي عن وجهي تراها لايعة معي ابوك قهرني استغل محبتي له واني ما اعصي له طلب واني ما امشي خطوة الا ورضاه بالدنيا و داس ع قلبي ( وبألم ) نورة غدير قطعه مني ليش محد فاهمني أنا ظالم وخاين انا جارحها ومعذبها وأنا حاس فيها وشايف الصبر بــ عيونها أي كلمة مني بسيطة ترضيها واصلا عمرها مازعلت مني ( وبقرف ) مهوب مثل بنت عمك شايفه حالها وقوية وما تنبلع آآآآآآه ليتني ما درست ولا سافرت نورة : طيب أنا عندي لك خبر تخيل منال دقت علي وانت مسافر تطمن عليك !! فايز بقهر وبقرف : لااااا اصلا انا بموت اذا ما سألت عني الله يلعنها ويأخذها كل الي أنا فيه بسببها لا تجيبين لي سيرتها ما ادانيها ولا اداني اسمع اسمها ! تعتقدوآ هل انتهى دور ماجد في القصه بأنتهاء قصة حبه من منال اللي من طرف واحد ! رآيكم بتصرفات فايز ! رؤيتكم بخصوص علاقة غدير وفايز ! منال وعدم تقبلها الشديد لفايز راح يكون في تغيير جذري لمشاعرها ام راح تظل تكن له الكره توقعاتكم وتعليقاتكم تسسسسسعدني بقدر ماتشرفني ... |
UP
اتمنى تفاااعل ~ مو معقول رابع جززء ولا مششاركه !!!! |
مرحباا القصه من بدااايتهااا حلوووه ابدعتي فيهاا واتووووقع ان فااايز يتعلق ب منااال اكثرر
وكملي وتقبلي مرووري وزيدي بالمواقف الحلووه |
فاايز متنااقض بمشااعره حيل الله يعينه يحب ثنتين
ومناااال شكله جااب راسهااا بس اخت عشان الحب انا مافهمت شنوو صار بينهم منال وفايز وكملي بانتظاار البااارت |
اقتباس:
يحلي لي اياااامك والابداااع بطلتك توقعاتك مجتمله ! ابششري دعمك يساعدني اوصلك اكيد لك ماطلبتيه .. كووني بالقرب وأعدك ستجدين مايرضيك كل الشششكر لمرورك خيتك |
اقتباس:
وقد يكون قراره حيل صعب !!! ابششششششري الحين انزل البارت لك عشان تعرفي ايش صاااار .. يشششرفني تعليقك وتفاااعلك قد مايفرحني .. ماانحرم ابد يالغلا |
الجزء الخاااااااامس
شوفي يا بنت الناس من الأخير أنا انسان ما أحبك ولا أكن لك بــ قلبي أي مشاعربصراحة يعني لا أحبك ولا أكرهك بس شكلي ألحين بكرهك على سواياك وتعاملك الزين معي منال بتمرد وكرامتها فوووق كل شيء: شعور متبادل يا أخي تصدق من اول ما شفتك ما طقتك ولا بلعتك و مغصوبة عليك مو تفكرني ابموت عشان حضرة جنابك فايز بــ إستهزاء : ايه باين ما بلعتيني اول ما شفتيني تنحتي فيني ما بغيتي تشيلين عيونك من علي ع العموم مو هذا المهم المهم اني على بلاطة يا بنت عمي أنا احب وحدة ثانية وماخذة كل عقلي وتفكيري فيها على طول يعني لا تسوين فيها دراما فايز ما يحبني ولا يهتم فيني ترا طلباتك كلها بــ تتنفذ وما بخلي عليك أي قاصر لكن قلبي حدك عنده و stop منال وعيونها تغرق بالدموع الي قاعد يقوله كبير في حقها لو انها تكرهه وما تدانيه لكن قلبها ابد ما يتحمل أنه احد يقول لها اكرهك ردت عكس الاعاصير الي بــ جوفها : فايز مو تو تقول طلباتي عندك اوامر فايز بعقدة حواجب: اكيد منال بتمرد وجبروت : طلقني وانا بتحمل كل الي يصير صدقني تسوي فيني خير وفي الي تحبها حرام تظلمها فايز بعصبية : انهبلتي انتي انهبلتي اطلقك اولاً سمعتك ثانياً انتي بنت عمي والي يمسك يمسني ثالثاً ابوي لو سمع هالكلام بروح فيها يكون في علمك جلطته كانت بــ سببك وبسبب هالموضوع منال بكره وحقد : مالك دخل في سمعتي لا تسوي فيها أنا أكرهك أكرهك كيف تسمح لك نفسك تكلم وترتبط بــ وحدة تكرهك وما تبيك ماعندك كرامة ما عندك نخوة ما عندك رجولة ما عنــ فايز سكتها بعصبية افزعتها : شــــــــــــــــــــب سدي فمك لا قصيت لسانك لك تفهمين منال عرفت الكلام الي يقهره وزادت : ايه ما ابيك ولا تسوي فيها رجال علي روح قابل عمي وابوي وقولهم و ورييني مراجلك فايز بقهر وعناد : أجل كذا السالفة يا منال دواك عندي لا أخليك خدامة عندي وتتمنين موتك بالساعة الف مرة تراك لألحين ماعرفتي من هو فايز لا امرمطك واجيب لك ضرة أحرق قلبك فيها ومن ألحين ابدق على عمي نعجل بالزواج منال عضت ع شفاتها بألم : انت حقير تدري ( وألفت كذبة من عندها ) أنا ما أبيك اخو صديقتي خطبني وأنا أستلطفه ولما جيت بــكلم أهلي عنه طلعت بوجهي ما أبيك حس حس ما تفهم فايز : حلو حلو وكمان قصص حب من ورانا وينك يا عمي تشوف بنتك الجامعية المتعلمة الفاهمة الي بتموت عشان تكمل دراستها قاعدة تحب وتقول كلام فاضي هين هين يا منال دواك عندي منال تندمت ع هالكذبة السخيفة وكلمة وحدة نطقتها وهي تعض ع شفاتها : حقيررر وقفلت السماعة بوجهه @@@@@@@@@@@@@@@@@@ فسخ شماغه وعقاله وطاقيته وبشته وعلقها بــ الشماعة وتوجه لــ تلفون يدق ع room servies من غير مايتكلم ولا كلمة حتى مبروك قالها لها مغصوب عليها عشان الاهل ما يحسون بــ شيء بالمثل حتى الابتسامة كان مغصوب طلب العشاء وتوجه للكنبة وعلى فمه ابتسامة استحقار تستفز الي قدامه شغل التلفزيون ولا كأنة شايفها حست انها مالها داعي بوقفتها غبية هبلة حمارة وش مقعدك هنا منتظرة منه كلمة حلوة ولاغزل يرضي غرورك نزلت شيلتها ع كتوفها ومشت تتمخطر قدامه متوجة للغرفة ترفع ضغطه وتبين له شعور متبادل وترد حقها وقفت قدام المراية الطويلة تطالع بنفسها وتذكر مراسيم زواجهم كانت حفلة فخمة لحد ماينوصف مؤكد المعازين بحسدونهم ع الخير الي متنعمين فيه وبقولون اكيد معاريس ولا احسن من كذا تذكرت جمودهم ونظراتهم القاتلة لبعض حتى لحظات التصوير لامت نفسها للمرة 1000 على كذبتها الغبية انها حابة اخو ايمان ماجد كان الي بينهم كره لكن الحين نفور وحقد واستحقار ردت على نفسها انها ترد حقها كيف هو يقهرها ويقول احب وحدة ثانية وتذكرت كلام ايمان لها انها تعقل وتخف ولا تجادل فيما بينهم لمصلحتها قبل مصلحته عشان لا يأذيها بما انها حساسة صحيح هي تعرف تمثل القوة واللامبالاة لدرجة انها تستفز الي قدامها لكن من داخلها رهيف واي شيء يأثر فيها غمضت عيونها وهي تسمع دقته ع الباب وصوته الرخيم ينطق كلمة وحدة مافيه غيرها عشاء ردت تكلم نفسها مقهورة منه : مالت عليك مع وجهك اشحذك انا تناديني بذي الطريقة على العشاء خلي عشاك لك من زينك لو اموت جوع ما قابلتك فسخت فستانها ودخلت تسبح وهي طول الوقت تفكر بحقرانها له هي الوسيلة الوحيدة الي بتستخدمها معاه نشفت شعرها بالاستشوار وطلعت وانصدمت لما شافته رافع اللحاف وبينام منال : اقول اطلع برا ابنام مرا دايخة نام ولا كأنة يسمع طلعت من الغرفة تدور الكنبة العريضة رتبت مخدتين فوق بعض ونامت مثل الميتة من التعب والارهاق !!!!!!!! داخل الغرفة نيران شابه او نقدر نقول زلازل : لك وجه تتأمرين وهذي سواد وجهك اووف ودي اطلع وافقع وجهها اكيد الحين قاعده تطفح خل تخلص وبطلع اطلع حرتي وحرة غدير فيها فتح الباب وانصدم انها نايمة الاخت ولا عبالها وطاقة بالدنيا وراها ناظر العشاء لقاه نفس ماهو ماتحرك أحسن موتي جوع عبالها بدلعها وبغصبها تأكل خرج العشاء ودق عليهم يجون يأخذونه ودخل الغرفة وصفق الباب بقوة والغريب في الموضوع انها ولا كأنه شيء صار !!!!!!!!! @@@@@@@@@@@@@@@ حبيبي مشتائة لك كتير اذا فضيت حاكيني جنبت الجوال وهي تفكر في حالها هي سعيدة ومبسوطة مره لكن في شيء يخنق فرحتها ويخنق لمعة عيونها البريئة بدأت تدمع عيونها وهي تحاكي نفسها : فايز انا بفئدك ( بفقدك ) كتير وأنا حاسة انك مخبي علي شيء كبيررر بحبك وليتك تحس بحبي الك مسحت دموعها وهي تسمع نغمته ارتسمت على وجهها احلى ابتسامة غدير : كيفك حبيبي مشتائة لك كتيرررر فايز بحب ورقة وممزاجة ينقلب 180 درجة من يسمع نبرة صوتها البريئة : وانا بعد مشتاق لك كثير حبيتي طمنيني عليك وكيف امورك وصحتك غدير ودموعها تنزل من جديد : انا منيحة يا فايز . فايز فايز : امريني غدير : اطلع عنا يومين ثلاثة فايز بتلعثم : حبيتي هالفترة صعبة حيل مشغول ومضغوط بالعمل وإن شاء الله لو جات فرصة انا الي بجيك من غير سابق انذار آآآآآه يا غدير شوقي لك ذابحني غدير تقاطعه : اسم الله عليك حبيبي ما تئول هيك انا روحي فيك يا فايز وكل ما بذكر انك بحياتي بحس شيء كبير ما بئدر اوصف لك اياه ( وبحزن) فايز ساعات بحس انك بتلعب علي ومجوزني هيك فترة وبتتركني فايز وكلام غدير يعذبه : غدير ليش تقولين هالكلام انا مهما صار مستحيل اتخلى عنك انتي روحي وقلبي صدقيني يا غدير غدير : انا مسدئة كل الحكي الي عم تحكيه ومستحيل اكذبك بس الهواجس بتذبحني فايز يقاطعها : لا تعطينها مجال ولاتفكرين فيها وانتهت المكالة بينهم بأحسن ما يكون برغم ان العتب كان مختل بعض المكالمة @@@@@@@@@@@@@@@@ منال منال منال قومي فركت عيونها وهي تشوف فايز لابس وكاشخ وكأنة ليلة زواجهم امس لكن مبين عليه مانام من الهالات السوداء المحاوطة عيونه فايز بغرور: لا خلصتي تتنيح فيني قومي جهزي عمرك ترانا تأخرنا رفعت حواجبها وهي ودها تطعنه ما اعطته ادنى اهتمام وقامت للغرفة تجهز عمرها بوقت قياسي جلس ع الكنبة والارهاق مالي ملامحه والألم هاد حيله وهو يتذكر كلام غدير وعتابها له داخل الغرفة واقفة قدام المراية وهي تتذكر كلامه وتقلده بقرف لاخلصتي تتنيح فيني قومي جهزي عمرك مالت عليك لكن انا السبب انا الي قعدت اطالع بوجهه اوووف وش اسوي عادتي ومارح اغيرها افهي في الي قدامي ساعة من اقوم طالعت نفسها بالمراية بغرور بنشوف من الي بتنح في الثاني أهم شيء انها فلت شعرها الغزير الطويل الي واصل لنهاية ظهرها وهي قبل زواجها بــ اسبوع قصة اطرافه ودرجته وهالشيء اعطاه حيوية فستانها كان رايق ومناسب لصباحية مشمشي فتحة صدرة كبيرة نوعاً ما وقصير لركبتها ظل بلون الفستان لكن الي لعبت فيه هو كحلها غلظته ومسكرت رموشها مع جلوس شفاف وبلاشر لحمي هي جميلة واي شيء تسويه لو كان خفيف تبرز جمالها وهالشيء هي واثقة منه فكرت تلبس عباتها لكن جات في بالها فكرة مجنونة : بلبسها بالصالة عشان اشوفه كيف ينهبل علي طلعت من الغرفة وهي تطالع طريقة جلسته ممدد رجولة الطويلة على الطاولة ومغمض عيونه تحس انه يجذبها بحركاته العفوية شكله بالحظه هذي مثل البيبي فتح عيونه ولا قدر يغمضها من انبهاره فيها لما سمع كلمتها انا خلصت منال بغرور: لا خلصت قز خل نطلع معاد الا خير فايز بــ استحقار وبإبتسامة جذابه : دريت انك حلوة وماخذة بنفسك مقلب لكن ماتسوين شيء بعيوني ( قالها وهو يعدل شماغه بمراية الصالة ) منال ببرود : ايه احسن كود افتك من مقابلك وقريب إن شاء الله @@@@@@@@@@@@@@@@ بعد شهر بالاردن فتحت باب الشقة وهي مو مصدقة عيونها حضنته بكل قوة وهي تعزي نفسها بغيابه عنها شهرين بدأت تبكي بعنف وتشهق ومو قادرة توقف مسح ع راسها وهو منهبل من طريقة بكاها وفي باله شيء واحد كيف بكون حالها لاعرفت دنائته وبشاعته وحقارته بعد نص ساعة تقريباً فايز باهتمام : غدير ليش هاملة نفسك ومهملة صحتك ما اتفقنا على كذا غدير تمسح دموعها وتمسك يده بقوة : خليك مني انتا كيفك وكيف صحتك وامورك وشغلك طمني على كل شيء ما تخبي شيء عني بدأ فايز يحكي لها عن كل شيء وصحته واخباره بــ إستنثناه خبر زواجه الي اكيد راح يذبحها لو درت عنه @@@@@@@@@@@@@@@@@@ يلعن ابليسك اثر الزواج يحلي ونا مدري منال : قومي فارقي أي زواج واي بطيخ عارفة شهر كامل وحنا قرفانين من بعض تقولين حوامل وكل وحدة كبدها حايمة من الثانية ايمان تسدحت ضحك من تعليق منال منال بــ ابتسامة : ايه ايه اضحكي وش عليك عارفة حرام شهر عسل كامل ومصاريف على اثنين مثلنا تدرين ايمان انحطيت بموقفين مثل الزفت هناك شيء الله لا يوريك ايمان بحماس : وشو احس فيه اكشن منال : اكشن وبس الا احراج كنا بالسوق انا وياه قاعدين نتقضى هدايا وشغلات خلاص كانت بــ آخر الايام تقريباً دخلت بنوتة تعطينها 15 سنة تقريباً قعدت تقز فيه تبين الصراحة من غير كذب كان يخقق لو مو هو زوجي خطبته ايمان متسدحة ضحك : وش فيك انتي خبلة تراه زوجك منال : ماعليك انتي فوتي كان لابس جينز وقميص ابيض وشعره مسرحه بطريقة عذاااب ايمان : المهم ماعلينا خلك من الغزل فيه منال : من جد مالت علي المهم وين وصلنا ايمان : عند البنت الي عمرها 15 سنة منال : ايه وخليجية تخيلي راحت جهته وبصراحة البنت نعومة وكيووت سألته انت خليجي وأنا كنت أناظرهم من مكان بس هم مايقدرون يناظروني رد عليها الاخ بالله ايه امريني مسوي فيها جنتل البنوتة والدلع يقوطر منها مالت عليها لا بس حبيت أسأل رد عليها تبين مساعدة أي شيء تراني حاضر انتي مضيعة اهلك البنوتة لا شكرا ما قصرت عاد انا يا ايمان ماتحملت جيت وكأني بحاسب ع الاغراض ايه فايز انا خلصت يلا نحاسب فايز التفت لي زوجتي البنت هلا والله تشرفنا ترا زوجك وسيم حطي بالك عليه وراحت وانا منبطة منها شوي ولا اسمعه الكريه ما شاء الله وين الاغراض الي تبين تحاسبين عليهم انا انحرجت لان كانت ايديني فاضية طاح وجهي والي زادني ابتسم ذيك الابتسامة الي تنرفز ترا حركاتك مكشوفة وثاني مرة اقولها لك تراك ولا شيء بعيوني ايمان بقهر: عمى إن شاء الله غبي غبي والله شايف نفسه زوجك وماخذ بنفسه مقلب منال : قهرني ومسوي فيها رجال وشهم ويساعد وانا زوجته قدامه مفروض يحترمني ايمان بخبث: بصراحة ايمان انا اشم ريحة غيره منال بقهر : انا عارفة الموضوع بنفهم كذا بس بجد الموقف يستفز حتى لو كان قلبي حجر ايمان : والموقف الثاني وش هو منال : الثاني العن والعنين تخيلي كنا بمكان زحمة مرره وانا موتي ولا امشي جنبه واخلي مسافه بيني وبينه المهم ما وعيت الا وانا مضيعته وابكي ذاك البكى يا ايمان الي عمري في حياتي ما ابكي كذا وتجيني الافكار الي تفجع والحظ التافه جوالي بطاريته فاضية السالفة صارت 4 العصر وجاء وقت المغرب وظلمت الدنيا وانا بــ مكاني ماتحركت قعدت اسب نفسي مسوية كرامة حتى وانا بالغربة شوي الا يطلعون السكارى والي يترنحون من كل جهة انا ذاك الوقت قلت خلااااص انا انتهيت شوي الا اشوف سكران ومسكني وصار يخربط You are beautiful come with me plz انا صرت اصرخ وهناك كلن بحاله محدن حولي وهو ما خاف صار يخربط ويقولي do not shout no body hears you وشوي الا احس واحد ماسكني من زندني التفتت وانا أصرخ وابكي الا القاه فايز لو شفتيني كيف تعلقت فيه ومن بعدها ما حسيت بــ شيء الا وانا بالفندق ونايمة ع السرير وهو نايم على الكنبة الي جنبي وأنا أحمد الله انه ماصار شيء لي عارفة أيمان جاني احساس اقوم وابوسه واضمه واشكره على الي سواه معي كنت أناظره وانا ممنونة له كان تعبان ومجروح بــ جبهته فــ عرفت انه اكيد متهاوش مع ذاك السكران فتح عيونه وكسرت النظرة وغمضت عيوني وحسيت بـ ايده ع جبهتي وصوته لالحين يرن بــ اذني كان حنون بصراحه ذيك الساعه حبيته قالي كيفك الحين عساك طيبه تذكرت ان كرامتي الزم ما علي : مو شغلك وعطيته ظهري رد علي وصوته يخوف وأحسه بكفخني : قلعتك مالت عليك انا طالع وانتي انثبري هنا مو تسوين فيها قوية وبعدين تصيحين انا رديت عليه : احسن توفر اكسجين وتريح ايمان بذهول ورعب : موقف رهيب يخوف يا منال انا وقاعده اسمع السالفة و اتخيل الي تحكينه وقف شعر جسمي كيف انتي وشلون قدرتي تقعدين بالغرفة لحالك بصراحة لو انا اتعلق بــ فنيلته ما اخليه يفارق عيوني منال بغرور : لا ياقلبي انا الزم ماعلي كرامتي ايمان : بصراحة يا منال انتي تنرفزين اسمحيلي ع هالكلمة ايمان ايمان ايمان ايمان : حياتي منال ماجد يناديني شوي وارجع لك منال انقلبت ملامحها للاحمر ومستغربة ارتباكها : خذي راحتك @@@@@@@@@@@@@@@@@@@@ ها حبيبي شو بدك تلبس ع العشاء اليوم فايز وهو يأخذ منشفته وداخل الحمام وبخبث : ع ذوقك وأنا وش مهبلني غيرك غدير بحياء : تسلم لقلبي يا قلبي بدت تطلع له ثيابه وهي الدنيا مو سايعتها فرحانه فرحانه مره انها بعلم وان فايز عندها وقدام عيونها @@@@@@@@@@@@@@ بضحكه ردت : هلا بنوره هلا امداني وحشتك تو امس انا عندكم نورة : بصراحه انتي وزوجك ماينعرف لكم تقول كأنكم متهاوشين مانتم عرسان وجايين من شهر عسل منال بأبتسامة وتفتح الإسبيكر : ليه وش صاير نورة : ابد بس انتي شلتي شناطك ع الشرقيه وهو شل شناطه وســـ منال تقاطعها وهي عاقدة حواجبها : مسااافر وين مسافر نورة وتلعثمت وحست انها خارتها : منال اكلمك بعدين امي تناديني منال :باي نورة : باي منال بذهول وحيرة واستغراب: وش السالفه ايمان بنفس الذهول : علمي علمك عارفه منال السسالفه واضحة وضوح الشمس منال بحيرة : نوريني يا إيمان إيمان : لعثمت نورة مهيب طبيعيه شكل فايز بالأردن عند هذيك البنت الي حكالك عنها منال بقهر : مستحيل فايز لو كان أنجس الخلق وأخسهم مستحيل يسوي كذا فايز تربيت عمي كيف يترك زوجته ويسافر للوحدة ما تقربله شيء إيمان بقهر على حال صديقتها : منال إهدي والي بقولك إياه تسوينه @@@@@@@@@@@@@@@ الحال بالأردن غيرررر أحسن مايكون فرق السماء والارض بين فايز وغدير وبين فايز ومنال فايز كان وده يحط غدير بعيونه حتى نسمة الهواء مايبيها تخدشها او تأذيها ماسك يدها بحب ورقه خوف انه هو يأذيها ناسي كل شيء وناسي حتى انه متزوج منال وانها تنتظره بالشرقيه واسبوع اتفاق بينهم يخليها عند اهلها ويجي يأخذها من الشرقيه وعلى جدة على طول غدير ماسكه يد فايز بقوة ومتشبثه فيه خوف انه يروح منها وبنفس الوقت تخاف انها تحلم وان الي هي فيه مو واقع لحظات قصيرة وفايز وعى من سرحانه على صوت غدير وهي تغني بكل حب وصوتها يحلي الأغنيه الي تغنيها أول مرة تحب يائلبي اول يوم اتهنى يا ما على نار الحب ئالولي ولئيتها من الجنة ليه بئولو الحب أسيه ليه بئولوا شجن ودموع أول حب يمر عليا ئاد لي الدنيا فرح وشموووع افرح واملى الدنيا أغاني لا أنا ولا أنت حنعشئ تاني افرح واملئ الدنيا أغاني لا أنا ولا أنت حنعشق تاني اول مرة اول مرررررررررة فااايز وهو متنح بصوتها وجماله ورقته الي اول مره يسمعها وهي تغني : غدير وش هالصوت الي معك غدير : لاتكسفني حبيبي فايز بحب : والله ما أكذب ولا أجامل صوتك بجد رهيب خطيرررر غدير بحياء : اتركك من صوتي الغنية إالك فايز : غدير عارفه وش ودي الحين غدير : شو فايز : اصرخ بكل صوووووتي واقول يا ناس هذه حبيبتي ويابختي أنا بحبيتي @@@@@@@@@@@ 3 أيام مررت ريم بقهر : منال مال امك داعي ماصدقت يوم جيتي وقلتي بقعد اسبووع ألحين تخونين منال بقهر : والله حتى أنا بس في شيء هناك لازم اسويه ريم : بدينا نخبي خلاص تزوجنا كبرنا وصار عندنا أسرار منال : بقولك بس وعد ماتقولين لأحد سرر بيني وبينك ريم ::: أوعدك @@@@@@@@@@ بعد 5 ايام دخل الصالة وهو زعلان انه قضى أحلى ايام حياته مع غدير وهو مو شبعان منها كان وده يقعد معها طول العمر ظل يصبر نفسه لسفره الجاية كشت ابتسامته وعيونه تطيح على اول زوج من العيون تناظره بحده وقهر فايز وبو فايز ونورة ونجلاء : الحمدلله ع سلامتك فايز بغضب من الي جالسه هنا ومن يشوفها يتكدر ويرمي كل الاسباب الي مفرقته مع غدير منال هي السبب الوحيد الي عايق اتصالهم مع بعض فايز ويتمالك اعصابه : الله يسلمكم إن شاء الله منال وعيوونها تقطر قهر وغضب ونيران بتحرق فايز وبنبرة غريبه جداًً : الحمدلله ع سلامتك سلامة الأسفار فايز ومستغرب النبرة : الله يسلمك بو فايز ومو عارف عن سفرة فايز للأردن الا نورة وبس : وينك فيه رايح وتارك عروستك هنا فايز بضحكة وارتباك : الله يهدينا وياك يبه انا قايلك سطام خطوبته ولزم اننا نكون معه انا ومعاذ وقعدنا معه ورحنا لـ الجماعة الي خطب عندهم واتفقنا نحنا وياهم على كل شيء وبإجازة العيد بنحضر ملكته ام فايز : روح يمه ريح وتالي احكي لنا وش صار معك فايز: صحيح تعبان وهلكان توصون شيء الكل : سلامتك دخل غرفته ومن واجب منال إنها تدخل وراه عشان تشوف وش يحتاج وش يأمر فيه وهي تغصب نفسها ع الشكليات قدام اهلهم لف عليها ولقاها متكتفه ورا الباب وتناظره نظرات مستفزة فايز وهو رافع حواجبه : خير إن شاء الله تعالي اضربيني اصرف مع هالنظرات منال وهي تصد وبغرور وداخلها نيررران شابه : عسى ماشر اضربك وانجس ايديني بواحد لعاب ومسافر يقابل وحده صايعه مدري من وين ملتم عليها و ما تقرب له شيء تتوقعو كذبة منال "بخصوص قصة الحب اللي بينها وبين أخو صديقتها لها بيكون تأثير بعلاقتها بفايز ! رأيكم بمواقف شهر العسل تقيييمكم بخصوص مشاعر فايز ومنال رأيكم بسفرة فايز بعد شهر العسل ! وتوقعكم بحصزص علاقته مستقبلا بغدير الاهم توقعااتكم بخصوص موقف منال من فايز بعد ماعرفت بسفرته ! وتصرف فايز يوم يعرف انها عرفت كل شي هل بيعترف لها !! توقعااااتكم تشششرفني وتفاااعلكم يدعمني .. ومتابعتكم تسعدني .. |
رفع اتمنى تفاغل اكثر ..
اعتذر الاسبوع الجاي مااراح انزل بارت لانه بيكون في عز اختباراتي النهائيه دعواتكم لي بالتوفيق ان شااءالله لي تكمله معكم لأجزاء القصه بعد اسبوعين لاتنسسسووني من دعاااكم |
الفصل السسساادس
منال وهي تصد وبغرور وداخلها نيررران شابه : عسى ماشر اضربك وانجس ايديني بواحد لعاب ومسافر يقابل وحده صايعه مدري من وين ملتم عليها و ما تقرب له شيء فايز طير عيونه وش عرفها ذي منال تكمل : علبالك صدقت سفرتك للإمارات وخويك ياحرام ( وبتريقة) مايقدر يدبر اموره من دونك ولززم عليك تخيل لزم عليك انك تساعده اصله هو مايعرف يسوي شيء وسبحان الله الملكة بإجازة العيد يعني تراني بسافر مره ثانيه لا حد يناقشني فايز بغضب من اسلوبها المستفز وبنفس الوقت مستغرب كيف عرفت الموضوع وكانها كانت معاه : انتي وش قاعدة تخربطين ( وصوته يحتد ) امسكي لسانك واكتفي شري تراني منيب رايقلك منال وهي تتوجه لتسريحه وتاخذ جواله وبكل بروود : امسك اتصل بلي تروقك وتنسيك منال وقبيلة منال كلهم (وبغرور) اصلا واحد مثلك حقير ودنيئ والتربيه متبرية منه مايستاهل انه يشم انفاسي فايز بقهررر : شوفي يابنت الناس انا ماقد مديت يدي على احد ومنيب من الي يمدون اياديهم على حريهم لكن والله لو ماانقلعتي من قدامي بتترحمين على عمرك منال وهي تتكتف : سوها وشوف وش بيصير لك راح تنكسر يدك تفهم (ولفت بتطلع من الغرفه) مسكها فايز من زنودها ولفها له وهو وده يكفخها :شوفي يامنال هالاسلوب ماينفع معي وتراك لألحين ماشفتي وجهي الثاني صدقيني مهو من صالحك الي قاعده تسوينه منال نفضت ايدينه : قلت لك وريني مراجلك ببنت الأردن حبيبة القلب فايز ضحك بشماته : أهااااا قولي غيرانة كان سهلتي علي وعليك المشوار منال ناظرته من تحت لفوق : تدري مدري على وشو شايف نفسك قلت لها وبقولها لك مرة ثانيه تراك ماتسوى ظفري وطلعت من الغرفة والحال بينهم من سئ لاسوئ @@@@@@@@@@@@@@ منال تكفين انزلي الشرقيه من عرستي ماشفناك شهرين تقريباً ريم وايمان ومنال مشبكين خطوطهم ايمان : صادقة ريموه من جد تراك وحشتينا ريم : ريموه بوجهك تعدلي وانتي تناديني يستحسن تناديني عمتي ريم ايمان : ايه هين انثبري بس صحيح منال فاتك قبل امس انا وريم رحنا السوق ووقت صلاة العشاء رحنا المصلى نصلي وريحنا وريم الخبلة قلك بتلعب بنوتة تقريباً 4 سنوات قعدت ترفع نقابها وتنزله وتشقلب بعيونها ماسمعنا الى البنت راحت تصيح عند امها وتطالع فينا فشلتنا مع المرأة كان ودي اقول هذي ما اعرفها ولا تقربلي منال بضحكة : يلعن ابليسك ريم وش هاللعب عبالك بنات خلق الله بثرين زيك ايمان : قوليلها لما علمتها قعدت تتحلطم وتقول ان البنت مايعه ريم بقهر : اقول انثبرن لا اقوم امحطكن وانتي يلا خلصينا وقولي لرجلك يحجز لك منال : مسوي فيها مشغول رجل الأعمال على غفلة ايمان : اقول اسكتي بس لاتنكبين عمرك ويسمعك منال : مالت عليه ينقلع تونا امس متهاوشين وتافلة العافيه منه ريم : ليه فيه شيء صار حسيتي بشيء معه غريب منال : لا ابدا ايمان : ما حاولتي تشوفين جواله مثلا اوراق بجيبه أي شيء منال بحدة : لا ولا افكر اصلا اجيب لنفسي مشاكل ليش ريم : اوكي ياحلوات امي تناديني وتسلم عليكن وتقولك منال لاخلصتي دقي ع جوالها تبيك ضروري منال : اوكي سلمي على فيصل وابوي ريم : يوصل ايمان سلمي ع اهلك ايمان : اوكي طسي ماتعبتي هذرة من اول وانتي تهذرين يلا فارقي من اول تهذرين صدعتي بروسنـــ منال وايمان شهقوا لما سمعوا صوت تقفيلة السماعة وبعدين ضحكوا مع بعض . @@@@@@@@@@@@@@@ ها ياحلو اخبارك من عرست قلت جلساتك معنا فايز بسخرية : ايه تدري معرس ع ثنتين ومنبسط لآآآآآخر حد ( وبتريقة ويميع صوته) شيء ما اقدر اوصف لك اياه معاذ بضحكة : اللهم لا حسد ما شاء الله تبارك الله فايز : تطنز مع وجهك عساني اشوفك كذا متوهق بثنتين ياارب وقريب معاذ ضحكة : لا ياروح حريمك انت لاتحاول مابسوي سواتك لو وشو فايز قعد يضحك وهو يدعي على معاااذ ومعاذ معطيه جوهه ومو مهتم @@@@@@@@@@ شو غدير مافي بيبي بالطريئ غدير بحزن : لا يا آلاء بدي احمل بسرعه بدي ائول لفايز وبدي اشوف فرحته بعيوني بدي فرحه بدي اياه يجي لهون وفرحته مو سايعته من يسمع خبر حملي آلاء : ماتخافي حبيتي كل شيء بصير بس انتي ماتخافي وتدايئي نفسك غدير وهي تشد على يد آلاء : الله يسمع منك يا آلاء انا كتير محتاجة لدعائك @@@@@@@@@@@@@@@@@ نورة ونجلاء بغرفة منال وضحك وسوالف ووناسة نورة : خلاص منال المغرب جهزي عمرك بنروح السوق لاتقولين مالي خلق نجلاء : ايه صراحه عن الدلع منال بضحكة : لا خلاص منيب قايله بس وش عندكم تمشيه يعني ولا في شيء ضروري نوررة : الا في شيء ضروري صديقتي بالكلية ملكت وحفلتها قررريب مره مارح يمدينا نفصل فــ بأخذ شيء جااهز وبالمرة انتي شوفي شيء يمكن تلبسينه بالملكة منال : لا بروح معكم لكن اقضي مو حاطه شيء فبالي لأن في فسااتين كثيرة مالبستها من جهازي نجلاء : ما تدرين يمكن تلاقين شيء مناسب دخل فايز الغرفة واستغرب من هاللمة فايز بإبتسامة : وش عندكن هنا انتي واختك نورة بابتسامة : ولا شيء بس جينا نتونس مع منولة ياخي يابختك بمرتك جلستها ماتنمل فايز رفع حاجب وتلاقت نظرات فايز المستغربة بنظرات منال الي معناها ( شفت النعمة الي انت فيها ) فايز يتحلطم : ايه هين بلاكن ما عاشرتنها نجلاء : غريبة فايز جاي بدري اليوم العادة بعد العصر يخلص دوامك فايز بخبث : وش عليك انتي منولة حبيتي وزوجتي ما سألتني تجين انتي تحشرين نفسك وتسوين فيها ليش نورة بإستهبال : احلللللللللللللللللللللى اموت على الي يستحون فايز ناظر منال لقاها فعلاً بتتقطع حياء نورة اقول فايز منال تبي تطلبك طلب ومستحيه منال طيرت عيونها ونورة قعدت تغمزلها عشان لاينتبه فايز وتقوله عن روحة السوق فايز : وشو منال وهي تلوي فمها : ولا شيء مابي شيء خواتك يتبلن علي فايز : يلا منال وش تبين لاتستحين منال: نبي نروح السوق عندنا ملكة ونبي نتقضى لها فايز : طيب ومتى تبون نورة : نبي ع المغرب فايز وهو يفسخ شماغه : خلاص بوصلكم بس خليكم جاهزات بدري ويلا عاد ابي ارتاح بغرفتي فارقن نورة ونجلاء : طيب هد اعصابك بنطلع مابتطير مرتك جات منال بتطلع وراهم بس مسكها فايز : وين منال : معليش وخر يدك والله منيب رايقه اتهاوش فايز : ومن قلك اني ابتهاوش منال : انا لاني من اشوفك يفور دمي فايز بقهر نفضها : انقلعي فالحه تضحكين وتبوسمين لغيري وانا قالبة وجهك منال وهي تفتح الباب : عندك الي يسوونك وقفلت الباب @@@@@@@@@@ ليش؟ فايز وهو متنرفز من الزحمة : وشو الي ليه نورة : ليش تبي تنزل معنا السوق ماله داعي راح تضايق وتضايقنا معك بصراحه يعني من غير ماتزعل منال : ايه صادقه نحنا مطولين وانت راح تربكنا فايز : لا منيب رابكن يلا خلصن بسفط السيارة وبينا كول منال : اووف اخوك هذا عنادي بشكل ينرفززز نجلاء : ايه بصراحه دقه قديمه نورة : خل ندخل لا يجي يسويلنا سالفه في محل فساتين كانوا البنات ماخذين راحتهم ومو ماخذين بالهم من انفسهم ان اصواتهم علت نورة : من جدك البس هذا مره قصير تبين امي تكفخني منال عادي البسي معه كيلون ولا تجيبينه غليظ تصيرين لحجية جيبيه شفاف شوي عشان يبين انه في شيء تحته ( وبضحكة ) يعني انك سترتيه نورة والفستان مرا راقلها وينفع حق حفلة خطوبة قصة الصدر مررا فضيعه ومخصر جسمها الي مايل على الضعف راح يبين جسمها رويان هذي اقتراحات منال فنانة العايله نورة : لحظة منال وش معنى لحجية منال بضحكة : هذي كلمة شرقاوية يعني انك ماتعرفين تلبسين الذوق بجهة وانتي بجهة ثانيه نجلاء : اسم لله عليك ذووق وتفكير وروقان منال : من ذوقك حبيتي كان فيه شاب بالعشرينات شايف وسامع كل شيء قرب منهم وصار يرمي كلام قليل ادب وجريئ نوعاً ما والبنات من حماسهم ما انتبهوا قرب اكثر وصار قريب من مناال اكثر الشاب بمياعه : انتي الذوق والحلا آآآه عيونك تدوخني وجسمك يذبحني ممكن نتعرف طيروا البنات عيونهم من سمعوا الكلام وخذوا الفستان وحاسبوا عليه وطلعوا وصار الرجال يلحقهم من غير اهتمام او خوف نورة بخوف: والله لو يشوفه فايز حنتكفخ وبيرجعنا البيت منال بارتباك : الخايس شكله بايعها ( وتلفونها يدق ) هذا فايز وش اقوووله نورة ردي عليه وقوليله اننا بالحمام الي عند البوابه 3 ونقوله اذا وصل يعطينا دقه واذا شافنا الشاب معه راح يرووح منال: من جد جبتيها وردت منال وقالت له الكلام الي اتفقوا عليه منال وهي تدور بعيونها ولقت الشاب مستند على الجدار تقدمت لفايز بخطواات كبيرة لكنه كان اقرب لمنال اكثر من قرب فايز لها الشاب : والله مستعد انتظرك طول عمري طولتي علي منال هنا غمضت عيونها وهي عارفه انها حفرت قبرها بيدها بلحظة سمعت سب وكلام طالع نازل وبنات عمها جنبها فككوا رجال الأمن فايز عن الشاب ورجع فايز للبنات وعيونه حمرررر من كثر العصبية فايز : هالخايس من متى وراكم منال ردت بحزم عشان تثبت انهم مو غلطانين : كنا بمحل وشوي ماحسيناه الا هو ورانا وكلام طالع نازل ومن كذا دخلنا الحمامات فايز وهو يأكل شفايفه : وش قال نورة : ما ندري ارتبكنا وانحسنا فايز : اقول قدامي ع البيت انتي وياها ومعاد فيه سوق منال : لا ماحنا بطالعينا من هنا الا لاقضينا فايز بقهر قعد يناظرهن بغضب وكل وحدة خايفه من ردة فعله : تقضن وخلصني كان الجو عند البنات مره مرتبك خصوصاً ان فايز مره قريب وثاني شيء انه معصب يعني لو ارتفع صوتهم شوي بيقلب الدنيا مابقعدها ثواني دق تلفونه ومن شاف المتصل روق وموده انقلب 180 درجة رد وهو يبتعد وماسمعوا الا كلمة هلا والله منال انقهرت عرفت من الي داق عليه ونورة ارتبكت وخافت لمنال تحس بشيء لانها توقعت من الي دق نجلاء بدلاخه ^_^ : وش فيه افرج عننا يبيلي اروح ابوس الي دق عليه منال بقهر : خلونا نخلص واذا خلص بدق علينا وبيجي نورة : صادقة منال قعدوا البنات يدورون وفايز طول وهذا الي نرفز منال وحست بقلة الحيلة حست بشعوور غريب حست انها ولا شيء كيف شخص متزوج يكلم ويغازل الا اذا كانت مرته ناقصة او ماتسوى شيء ( جاها صوت ) طيب انتي مو شايف منك الا المنافخ وقلبة الوجه بس حتى ولو انا بنت عمه ع اقل يحترم ابوي الي هو عمه ماحست على نفسها الا وهي عند واجهة محل والي يشوفها يقول انها قاعدة تتفرج ع الفساتين غصت بعبرتها التفتت حولها مالقت احد من بنات عمها لكنها شافته جاي لعندها رجعت لفت ع الواجهه ولكأنها ناظرته فايز : ليه مشيتم من غيري وش قاعده تسوين لحالك وين البنات ماسوت شيء منال الا انها خزته خزة تذبح الي قدامها ولمعت الدموع بانت بعيونها مشت من جنبه ودخلت المحل وهي تهدي نفسها وتبين اللا مبالاة شافت نورة ونجلاء يتشاورون ع فستان نورة : وينك منال هذا كله تناظرين بالفستان منال : ايه وينه ابي اشوفه نجلاء بإستغراب: وش فيك منال هذا هو الي لنا ساعة نتناقش عليه غمضت عيونها منال وهي تسمع صوته وراها ويقول رايه بالفستان انه قصير وماينفع منال بعناد وهي توجه كلامها لنورة ولكأنه يكلمها : لا يجنن وانا ابي اخذه مره راق لي فايز :ماينفع تلبسينه برا ( وبخبث ) الا اذا كان لي هذا شيء ثاني نجلاء بهبال : ياااااااااهو في ناس هنا بريئين وما يعرفون هالسوالف منال لفت وهي تقلب با ألوان الفساتين وماهي معطيته وجه : لا انا راح البسه بالخطوبه فايز بحده : قلت لا هذا ماينلبس برا البيت نجلاء : وش فيكم فضحتونا منال ببرود : كلمي اخوك مسوي سالفه ع فستان فايز با استلعان : انتي خذيه وشوفي وش يصير منال وتناظره بقهر: انا بلبسه ولا راح اغير رأيي انا يوم اني ببيت اهلي البس الي ابيه وابوي الي هو ابوي ما تحكم بلبسي فايز ومقهور ووده يصفقها : بس الكلام عندي غير نورة وهي شايفة الجو محتد بينهم : وش فيكم خلاص مايسوى الموضوع شوفي لك فستان ثاني منال بعناد : بس انا عاجبني ومنيب طالعه من هنا الا وهو معي بدأ يأكل فايز بشفايفه وهو يصبر بنفسه منال تكلم البياع : can I find the smallest size, please ? البياع : sure ma,am فايز وهو مقهور : وش عندك انا طرطور منال : بليز مانحنا بالبيت البياع جاب طلبهم لكن رد عليه فايز وهو ماسك يد منال بقوة فايز Thanks , we have changed our mind : البياع No problem : طلعوا من المحل ونجلاء ونورة مستغربين الي بين فايز ومنال نفضت منال يدها من يده وهي مقهورة منه منال وهي ترتجف: ليش كذا ليش تفشلني انت مالك دخل فيني فاهم فايز بقهر: ايه هين مالي دخل فيك أجل من الي له دخل فيك ماقدرت منال تتحمل الضغوط الي هي تمر فيها معاملتهم لبعض وسواته الي يسويها وانه يكلم ويغازل ولا هو محترم وجودها جنبه هي صحيح تعرف تتمثل اللامبالاة والبرود لكنها من داخل غيرهي شفافة وحسااااسة قعدت تبكي وتشهق مسكت نورة منال ودخلتها اقرب دورة مياه ونجلاء دخلت وراهم اما فايز طير عيونه ابد ماظنها تبكي هو ماخذ فكرة عنها انها انسانه بلا احساس او مشاعر ودموعها مستحيل تنزل : معقولة هذا كله عشان فستان لالالا السالفه اكبر من كذا بكاها من قلب بكاها حق قهررررر @@@@@@@@@@@@@@ منال مالي دخل انا مو قادرة اشوفك واسكت انا لااازم اكلم ابوي منال تحاول تماسك نفسها عشان ماتشغل اختها : لا ريوم انا بخير لا تدخلين اهلي بينا انا قوية واعرف اتصرف لا عاقت معي انا بقول لأبوي بنفسي بس انا من جد ابي انزل عندكم ابي ارتاح ابي اخذ فترة نقاهه ريم بضحكة : الحمد لله وش فيك منال ضيعتي الناس يأخذون فترة نقاهه بدول سنعة انتي صراحة بتعبين نفسك بتجين الشرقية اوووم الرطوبة منال : تكفيييين جدة ألعن وألعنييين الرطوبة مغسلتنا ريم : وين بنات عمك مالهم حس منال : مشغولين بعمرهم عندهم ملكة خويتهم اليوم ومختبات بأعمارهن ريم : وانتي منتي برايحه منال : الا بس انا خالصة بس اسوي مكياجي وفستاني وتو بدري على هذا كله ريم : وش بتلبسين منال بقهر: اووف قهرني والله الفستان يجنن ياريم يخقق حتى القماش خقااق ريم : والله من جد دقة قديمة زوجك هيئته من برا تقولين هذا مفتل ومتحرر لكن سوالفك عنه منال : بصراحه احلى يجيك واحد متحرر كل شيء عنده عادي يحوم الكبد لالا بس فايز مزودها شوي ريم بلكنة جداوية: ياااهو يابويا ايش المودوع بدينا نحوبه ولا ايش منال : ههههههههه لا يا اومي ايش بك انتي ماحبيناه ولا بنحوبه ريم ومنال ضحكوا على لكنتهم الجداوية الي ما ضبطوها صح ريم :ماقلتيلي وش بتلبسين اليوم منال بحقد : بلبس اخلع شيء بالدولاب ايه ذكرت شفتي ذاك الفستان الي شريناه انا وياك وايمان من غير امي ماتدري ريم بشهقه : من جدك انتي انا مدري كيف قدرتي تحاسبين لالالا منال انتبهي منال وحلت لها السالفه : الا بضبط على وقت دخلته بخليه يموت حره وانا وياه متهاوشين يعني مايقدر يكلمني ريم بتحذير: لا راح يقلب مودك ويتهاوش معك فا إكتفي شره احسن لك منال: الا الا راح البسه ريم بضحكه : تخيلي منال يلحجك يخليك تلبسين بدي وتحت الفستان يلبسك بنطلون يظنه بلوزة ههههههههه منال : ما استبعد عنه شيء قلك يغار مالت عليه ريم : من جد اتخيل شكلك منال لاتلبسينه ظهره ثلاثة ارباعه مفتوح ومافيه اكمام ولنص فخذك وان جلستي فخوذك كلها بتبان منال بخبث : احلى شيء ريم وشعرك كيف بتسوينه منال بتفكير : اممممممم أنا ودي افله صاير يخقق من بعد ماقصيته عليها قص يجنن شكلي لانزلت عندكم بروح عندها تعدلي اطرافه ( بخبث ) بس بما ان فستاني مفتوح من ورا لازم ارفع شعري عشان يبان ظهري وارفع ضغطه ريم : منال البسي غير الفستان وفلي شعرك مالك داعي ترفعينه شعرك عذااااب منال : اممممممممممممم تقولين خلاص راح اسويه ويفي واحطه على جنب ريم : يقلع ابليسك احسك بتطلعين خقاااااق وقوليلي الهوشة الي بتصير منال : انتي من جدك بتصير هوشه مارح يصير شيء ريم بحماس : هو اسود صح سوي روج احمر ومناكير احمر وارسمي عيونك بالأينر منال : لاتوصين كله راح اسويه يلا ريومه معاد الا خير بقوم بصلي وببدأ اضبط عمري لا أخرهم @@@@@@@@@@@@@@@ كيف امورك هالأيام عساك مستقر فايز : آآآآآآآآآآآه يا معاذ خليها بالقلب تجرح معاذ : اووووف سلامتك يا خوي وش فيك فايز : حاااس أني مقصر مع بنت ابو كمال ما اكلمها تمام طول الصباح الى العصر بالدوام والوقت الثاني مقابلين التجار والمال والحلال والليل هوااش مع بنت عمي معاذ بتنهيدة : وش اقوولك يا فايز معاد ينفع العتاب بس هالكلام كله قلته لك وانت كنت واثق وما سمعت كلامي المهم الله يعينك فايز :آآآآآآآآآآه انا تعبان قلبي مقبوض احس اني من جهة بنت ابو كمال اني نذل وحقير كنت معشمها وبحط لها القمر بـ ايد والشمس بــ ايد واني بسوي فيزتها وبجيبها جدة والمصيبة بنت عمي حاسة ان فيه شيء وتحذف كلام وانا مسوي اني مو سامع ومو منتبه ( وبتنهيدة ) يلا انا ماشي معاذ توصي شيء معاذ : سلامتك حبيبي انتبه لنفسك، @@@@@@@@@@@@ اهلين بابا تفضل ابو كمال : كيفك بنتي شو عاملة غدير : منيحة من الله كيفك انت كيف كمال وماما ام كمال ابو كمال : كلنا بخيرر كيفه جوزك غدير : الحمد لله كل يوم بحاكيني ابو كمال : ما خلصت الفيزا تبعك غدير : لا يا بابا بئول انه بعامل فيها لسى ابو كمال : بدك السدئ بابا غدير : شو ابو كمال : جوزك هاد مني مرتاحله بنوب غدير : لا يا بابا ماتئول هيك فايز كتير منيح وبحبني ابو كمال بجدية : انا لازم اتصرف معه بشوف أي احد من ئرايبينا ( اقاربنا ) هونيك غدير بخوف : لا بابا ماتحكي هيك فايز بحبني ومنيح ابو كمال : ماتخافي إن شاء الله كل شيء بكون ok غدير بخوف والهواجس بدت تتلاعب فيها : إن شاء الله بابا إن شاء الله @@@@@@@@@@ فتح باب الغرفة والمواضيع الي فتحها مع معاذ هدت حيله تنح من الي قاعد يشوووفه هذي منال بنت عمي الملسونه ولا ملااك منال ما كانت منتبه له كانت مخلصة كل شيء شعرها مكياجها لبسها كل شيء مابقى الا رتوش كانت تحط البلاشر اللحمي على خدودها البارزة المرسومة حست في نفس في الغرفة وكل قواها ووقاحتها الي بتقابل فيها فايز تبخرت استحححححت حيل ولعنت هبالها وجرائتها لفت راسها وهي تكلم نفسها الي بديتيه يا منال كمليه تصنعت القوة وهي كذابة الرجفة في كل جسمها : في شيء تطالع فيه فايز بخققان ونسى الي قدامه منال : ليه في احد غيرك يستاهل اني اطالع فيه منال بغباء وردها ماله داعي : اسم لله علي ما شاء الله تبارك الله فايز رفع حاجب : يعني اني بنظلك مثلاً منال مرتبكة وتأخذ اشياء من التسريحه وترجعها وماتعرف وش تبي : ايه ليش لا فايز وهو ماشي جهتها وملاحظ احراجها حط العطر الي بيدها ورجعه : لا تخافين ما أحسد الناس الي أحبهم ناظرته منال من تحت لفوق : طيب فايز انقهر من ردها : وشو الي طيب منال : ممكن توخر ابي امر فايز بقهرر : مدري ليش انا من اشوفك تطلع اباليسي منال ابتسمت فايز : وشو الي يخليك تبوسمين منال : تذكرت شيء يضحك ما أضحك يعني فايز الي يبغى يهبل بها : وش الحلا هذا ربي يحفظك لي منال طارت عيونها اعتراف خطير هذا منه ابتسمت بحياء ماقدرت تخفيه : نورة ونجلاء ينتظرونا لا نأخرهم فايز ومية علامة استفهام : ليش وين رايحين منال بخبث : يعني انا ليش لابسة بنروح ملكة صديقة نورة ونجلاء فايز طير عيونه : ونا علبالي لابسة لي انا منال : وليش البس لك انت عندك الي يسوونك ( قالتها وهي تناظر عيونه بقوة ) فايز : انا ابي افهم وش قصدك ترمين كلام ونغزات عندك شيء قوليه صريح منال بجمود : انت فاهم وانا فاهمة لا نلعب على بعض فايز : فهميني منيب فاهم منال : فايــــ قطع عليهم حدة نقاشهم |
رآيكم بموقف منال من بعد رجعت فايز من السفر ؟؟
رآيكم بمكالمة غدير له بسوق وهل تحسون كانت حركه منه مالها داعي انه مااحترم منال اللي جنبه ؟؟ تتوقعو وش اللي قطع كلامهم ؟؟ رآآآيكم بالبارت بشكل عاام عذراا على التأخير الامتحانات اشغلتني مرآآ . |
الجزء السابع
منال : فايــــ قطع عليهم حدة نقاشهم دقة الباب وصوت نورة : منال خلصتي منال : تأخرنا كثير ممكن تتركني عشان ما ابي نتأخر زيادة فايز بحدة : وانتي بتطلعين بهــ اللبس منال بملل : رجعنا لموضوع اللبس فايز : نحنا مانتهينا منه عشان نرجع له منال بملل : اووووو فايز مو وقتك فايز بقهر وصوته اعتلى : مناااااااااااال اسمعي الكلام دخلت نورة منفجعة من صوت صرخة فايز نورة بخوف: وش فيكم فايز بعصبية : والله ثم والله يامنال ربع ساعه بطلع وان رجعت وانتي باقي ع لبسك ما تضمنين وش اسوي منال بقهر : وش بتسوي يعني وش بتسوي لا ربع ساعه ولا ساعة شيء عندك الحين سوهه فايز وهو ضاغط على اسنانه : نورة عقلي بنت عمك نورة : فايز وش فيك مشتط الحفلة حق بنات فايز ينهي الموضوع : نورة الي قلته مارح اعيده منال بقهر : منيب رايحه ارتحت فايز احسن نورة : حبيتي منال الله يخليك عشاني اكتفي الشر وخلينا نروح الله يخليك ودي بك وودي اعرفك على صديقاتي عشاني ( وباستها ) الله يخليك يلا قبل يخترب مكياجك منال وبدأت تهدى : والله عشانك نورة : اوكي ماعليك منه تراه معقد غيرت اللبس ع لون مناسب للمكياج ولبست فستان ابيض سواريه بين تفاصيل جسمها المنحوت الغريب ان فايز كان بعلق ع الموضوع لكن حس انه مصخها @@@@@@@@@@@@@@@@ ها يمه كيف فايز معك ترا ان سوا لك شيء حله عندي لا يردك الا لسانك وأنا اوريك فيه منال : لا عمي لا تشغل بالك نحنا تمام ومن أحسن مايكون ابو فايز: الحمد لله ولد عمك كل يوم بمزاج وما ينعرف له منال ابتسمت ابو فايز بضحكة : داخلين ع رمضان والله يعينك الصوم هنا مهوب مثل الشرقيه منال ضحكت : توني اقول لريم امس تعالوا ترمضوا عندنا قالت لا المغرب يبطي عندكم بنجي نعيد ابو فايز : يا لله انك تحييهم منال : الله يسلمك ياعمي ويعز مقدارك دخل فايز المجلس : هلا يبه مساك الله بالخير بو فايز : مساك الله بالنور والسرور بو فايز : ها بشر عساهم أعلنوا بكرة رمضان ولا لاء فايز : والله مدري يبه ( وهو يأخذ الرموت) دامهم تأخروا أكيد بعد بكرة منال بعقل : بكرة ولا بعده عسا الله يعينا على قيامه وصيامه فايز رفع حاجب وكأنه يقوول والله مغتشين فيك العيله بو فايز : الله يكملك بعقلك يمه والله ما غلطنا يوم أنا تخيرناك من بين كل البنات ناظرت فايز وفايز ابتسم بإستهزاء وهو يقرأ الشريط الأخباري الي أعلنوا انه بعد بكرة رمضان @@@@@@@@@@@@@@@@@@@ شووووووووو ابو كمال ومقهووووووور على حال بنته :الكلام الي سمعتيه يابنتي هيدا الشاب الي حاربتيني من شانه مجوزك هون وكل ماحب جاء لعندك يغير جو لئاك بإستئباله ارخصتي بنفسك يابنتي وأنا الي شاركتك بالي عملتيه غدير وحياتها معه وكل تصرفاته معها ماتتخيل انها كذب كانت تشوفها بعيونه وتشوف الصدق والحب والخوف سدت اذونها وهي ماتبغى تسمع كلام ابوها : بس يا بابا بس بكفي بككككككككفي خلاص ابو كمال ومن قهره قاعد يقسى على بنته : لا مابكفي ومجوز هونيك بنت عمه ومبسوط معها ومجوزها بالنووور وانتي بالسر غدير : لا يا بابا فايز أهله كلهم بيعرفوا انه مجوزني بو كمال : وليش ما إجوا معه ليــــش غدير بقهر : بابا مامته وخواته حكوا معي وباركو لي بوكمال : بكزب عليكي بئول الفيزا ماخلصت والفيزا لناس مثله مستحيل تكون صعبه عليه بفترة ئصيره بخلصها غدير بكت بعنف بكت حبها المكتوم بكت حياتها بكت كل شيء كل شيء وانهارت بكل قوة وهي ترتطم بالأرض وحالها يصعب على الكافر @@@@@@@@@@@ دخلت الغرفة تبغى تدخل دورة المياه لقته مسكر وعرفت انه فيه شدها شيء سمعت صوت غريب طالع من الحمام طيرت عيونها وهي تسمع فايز يبكي كان يبكي بعنف كان يتأوه وجعها قلبها عليه ما جاء فبالها مستحيل فايز يبكي فايز في بالها انسان مغرور ومستحيل تنزل دموعه او يضعف مهما كان السبب طلع من الحمام ولقاها بوجهه كان كارهها وكان كاره انها تشوفه بهــ الضعف هو مستحيل يبين لأحد ضعفه فكيف بإنسانه يبغضها وهي السبب بكل الي هو فيه فايز بكره وحقد وصوت عالي : وش تبين ها وش تبين واقفه هنا وخري عن وجهي الله يلعنك ويلعن ساعه عرفتك فيها منال بقهر : ليش تنافخ علي احترم نفســـ ماكملت كلمتها لأنها لقت نفسهاااا مرمية على الأرض بغمضة عين وباب الغرفة هز الغرفة من قوة التسكيرة @@@@@@@@@@@ ريم تمزحين وصلت معه لكذا ريم بقهر : شفتيه الحقير انا مستحيل اسكت لازم اكلم ابوي ويتصرف معه ايمان بدموع مكتومة : لا ريم لا تسوين شيء من غير ماتدري اخاف تزعل صدقيني مارح يعجبها حابه تقولين لأهلك اول شيء خذي الاذن منها ريم : آآآآآآآآآآآآآآآآآآآآه منال منال الي مستحيل احد يدوس لها ع طرف او يأذيها تنضرب ايمان اخاف يتعود ع هالشيء ايمان بقهر : مدري مدري وينها هي الحين ريم : هناك مع امي ايمان : وش عذرها انها عندكم ريم : انها مشتاقه لنا وتبي تقعد يومين عندنا @@@@@@@@@@@ مسك يدها بحب حبيتي سلامتك حبيتي غديـــ سحبت يدها منه ونظراتها تصعب على الكافر كانت نظراتها أليمة وتايهة كانت تعبانه شوي بوصفها كانت منهارة كانت ميته روحياً فايز بألم : حبيتي لاتقسين علي انا مالي ذنب مالي ذنب انا تعبان صارت غدير تصرخ بكلمات غير مفهوومة كانت تنطق كلمات مثل خاين – برا – كذاب – حقير فايز منهبل من انفعالها مستحيل الي قدامه هذه غدير مستحيل دخلو اللمرضات ومسكوه وطلعوه برا وهو يشوفهم يعطونها ابرة تخدرها وترحمها من حالها الأليم سند راسه على الجدار ووده الي هو فيه حلم ولا يتم للواقع بأي صلة @@@@@@@@@@@@@@@@@@@ بو كمال الله يخليك طمني عنها وش اخبارها ابو كمال : شو بدك منا شو بدك ذبحت بنتي وجاي تكمل عليها خليها تنساك حالة بنتي كتير حرجة من سيء لأسوء فايز بألم : تكفى خليني اكلمها اسمع صوتها بو كمال : بدنا اياك تطلئها وتتركها بحالها فايز طير عيونه : وشووووووو وشو تقول يبو كمال وش هالكلام بو كمال بقسوة : هي الي ئالت هالحكي انا ماجبت شيء من عندي فايز بقهر : خلني اكلمها ابي اسمعها تقولها لي بو كمال: نايمة الدكتور موصيها تهتم بصحتها فايز : برجع اكلمها وقولها فايز يبيك ضرروري مع السلامة بو كمال قفل السماعة من غير مايرد عليه غطت وجهها بيدينها الثنتين ودخلت بنوبة بكاء هستيري بو كمال بقهر والم وكل مشاعره متلخبطه مقهور منها وعليها : ليش عم تبكي ليـــــــــــــش هيدا الي بدك اياه غدير بألم : بابا بكفي بكفي مني نائصه تزيدني وتجرحني طلع بو كمال من الغرفة صافق الباب من وراه وهالشيء اعطى غدير المساحه بانها تأخذ راحتها بالبكي وتفريغ قهرها وألمها @@@@@@@@@@@@@@ مروا يومين جهزي عمرك بكرة بحجز ببات ليلة والي بعدها بنرجع جدة منال ببرود: وش المطلوب مني فايز يصبر نفسه : مدري كأني قلت جهزي عمرك منال : والي يقولك اني ما ابي ارجع معك وش تقول فايز بتنهيدة : منال ابوي مريض وما ابيه يطيح مرة ثانيه من غير مشاكل ولا شوشرة سوي الي اقولك عليه منال وصوتها اعتلى : يا سلااااااام وانا كل مرة بصبر واتحمل وبعدين تجي بكلمة تقولي عشان ابوي مريض شوف يا فايز ترا انا لي اهل تاعبين علي ويبوني ومو انت الي تجي تطلع عقدك فيني وقالتها بكره واستحقار ( يابو البنات ) فايز ووده يرميها بوجهها ويقولها غدير زوجتي من قبلك وحبيتي من قبل لا اشوف وجهك : استغفر الله انتي من وين تجيبين هالكلام منال بقهر : انا منيب هبلة ولا بزر تكذب علي انا عارفه انك كل مابغيت تسافر عند الي ماتسمى حطيتني عند اهلي وش قالولك انا ( وبصوت عالي) ماعندي كراااامه ولا ايش شوف يا فايز انا الزم ماعلي كرامتي والزم ماعلي نفسي تفهم يعني لو مابتحترم نفسك معاي راح اقلب الدنيا عليك من طيب اصلي لألحين ماقلت لأهلي ولا عمي بكلمة مني لهم راح تشوف قدرك انت وبنت الكلب الي مطيح لي عندها فايز بقهر: شــــــــــــــــــــــــــــــــــــــــــب لعاد اسمعك تقولين كلام مثل كذا تسمعين منال بدموع مكتومة : ياسلام الصدق ينزعل منه لو انها بنت ناس كيف ترضى تكلم واحد متزوج ومايقرب لها شيء ومتى مابغى كلمها وسافر لها ولا زهق منها سفطها فايز : انتي وش قاعدة تخربطين وش قاعدة تقولين منال مقهورة انه قاعد يتلاعب فيها ويعاملها مثل المجنونة الي تألف سالفه وتصدقها : فايز الحين الحين ترمي علي اليمين الحيييين فايز : منال كلامك عندك بكرة انا بالشرقيه وبعدها اثنينا راح نكون بجدة هذا الي عندي باي حذفت التلفون وهي مشتته مقهورة منه قاعد يهين ويذلني هو مو عارف مين منال الي ماينداس لها طرف صبرك علي يافايز ان ماربيتك ما أكون منال قامت لما سمعت اهلها ينادونها ع السحور ما امداها تشبع من اهلها بترجع ثاني للقهرر والتعب والالم مر اسبوع وكأنه يوم بنظرها @@@@@@@@@@@@@@@@ الحال بينهم أسوأ كانت السفرة الأخيرة مو من صالحهم اثنينهم لأنهم رجعوا لبعض وحالتهم النفسية سيئة لأبعد الحدود حتى الكلام بينهم قليل جداً بنسبة لــ منال كانت مقهورة منه ومتألمة كيف انه يمد يده عليها وغير كذا صارت تعرف سفراته ومكالماته لوحده غيرها عشيقه له هالكلام مؤلم بالنسبة لها وهالشيء كانت تكتمه بقلبها بحجة انه مايعنيها ولحد الآن هو مايعنيلها أي شيء لكن الامور وصلت لمكان مسدود الي قاعد يسويه هذا جرح لها وعدم احترام وذل واهانة وهي مو قادرة تتكلم قدام اهلها ويمكن هذا السبب الي مخليه مستقوي عليها أما الحال بالنسبة لــ فايز كان متدهور مرض ونفسية غدير السيئة هو السبب الأول والسبب الثاني يجهله لكن الي يعرفه ان معاملة منال له شيء متعبه مايحب يكون مهمش طول عمره هو المسيطر والقائد هو مايحبها وكانت تصرفاتها توتره بعض الشيء ومجرد ما يفترقون ينسى كل الي صار بينهم لكن الحين تصرفاتها واي شيء يصدر منها يضايقه حتى لو كان سبب جداً تافه والشيء الي تندم عليه مدة يده عليها حتى لو كانت دزة ًبسيطة لكنها تعتبر مدة يد هو مو كذا ولا يحب يكون كذا تعــب جداً تعب ونفسيته في الحظيظ دخلت الغرفة ولقته فيها لفت بترجع تخرج سمعته يناديها فايز: منال اسمعيني ولا تطلعين منال ما اعطته ادنى اهتمام وطلعت لكن فايز كان اسرع منها ومسكها فايز : لحظة منال خلينا نتفاهم منال من غير ماتناظره : شوف ترا حتى اسمك ما احب انطقه فتركني لأني ما اظمن وش يصير فيني ( وبحده بصوتها ) اتركني فايز بقهر :يعني لمتى ع هالحال لمتى منال : وبعدين معاك تراني متحمله مقابلك عشان ناس يعزوني واعزهم واحبهم فلا تخليني الحين افطر وبسببك ابعد عني فايز نفض يدها : صدقيني بتدفعين الي تسوينه غالي منال بنبرة استهزاء : صدقني ماتهمني مجرد ماطلعت قفل الباب وراها بقوة خلاها ترتجف من قوة الصوت خذت نفس عميق وهي مستغربة القوة الي متجلدة فيها عيشتها مع فايز علمتها صفة الصبر بالإضافة الى اللامبالاة وتمثيل القوة . @@@@@@@@@@@@@@@@ فديتها منوله العام مثل هالأيام كانت تتقضى معنا للعيد فديتها والله وحشتني ايمان بحنين : اسكتي لاتبكيني مدري كيف متحملة فراقها احس اني انجز انجاز وانا بعيدة عنها عمري بحياتي ماتصوررت أننا نبعد عن بعض كنا نقول حتى ازواجنا يا يكونون اصدقاء او اخواان ريم وماتبغى تقلبها دراما سوت نفسها تبكي وقعدت تشاهق وتستهبل : لا لا مستحيل مش عاوزه اسدئ ايه الي بتئوليه دا ايمان بقهر ضربتها بكتفها بقوة خلتها تميل عن مكانها ريم بصدمة : يلعن شكلك يا خايسه ترانا بالسوق لاتخربين برستيجي ايمان : احسن تستاهلين خلي هبالك ينفعك ترا لو اسمعك تتريقين او تستخفين دمك مايردني الا الصندل بخشتك ريم تتمثل اللباقة : ياااااي انا مع مين عايشة مع حوش مايحترمون الناس ولا يحترمون انفسهم no no no impassible ايمان بتهديد : ريمووووه ترا بتنضربين تعدلي اصرف لك ريم : اوووف ماينمزح معك وين منال فديت عمرها محد يفهمني غيرها خل ادق عليها اصرف @@@@@@@@@@@@@@@ هلا هلا والله هلا بــ أهل الشرقية فديتهم يالبى قلووبهم ريم : فديتك منال والله واحشتني انا بالسوق مع ايمان ومضدهتني تخيلي تضربني بالسوق قاعده اقول وين منال هي الي تفهمني منال بحنين : ياااااااااااااه والله وحشتوني ووحشتني دجة السوق ايام العيد ايمان : منال يالبى صوتك منال مالي دخل قولي لزوجك يسكنك هنا ماصارت يلعن ابليس بننسى شكلك منال : هلا ايمي وش اخبارك طيبة إن شاء الله ايمان : انا طيبة طاب حالك ( باستلعان ) من شفت ريم وانا حايمة كبدي خوفي ارجع قدام خلق الله ريم بقهر : تسولف بجوالي وتسب صدق قواة عين منال منال : هلا ريم : شفنا انا وايمان واحد يخقق شيء ما اقدر اوصفه لك عذااااااااااب ايمان : ماعليك منها هي الي خاقه الله يهديها اختك مشفوحة لازم نزوجها وقريب كان خليتوا فايز يعرس عليها ويفكنا منها ريم : لا ما ابي فايز ابي ذا الي بالسوق منال بضحكة : يلعن شكلك فضحتينا اسكتي وين امي عنك ايمان : ياعمري علي متحملتها ومتحمله هبالها وشفاحتها متى ربي يفرجها علي منال بصوت واطي : بنات اكلمكم بعدين باي ايمان وريم بصدمة : باي @@@@@@@@@@@@@ بألم : شو بدك فايز بحب : أخيراً ياغدير أخيراً رديتي علي اهون عليك هالايام كلها ماتكلميني غدير ودموعها تنزل تحبه وتحبه بجنون وماتقدر ومايهون عليها الي تسويه فيه : فايز احكي الي عندك فايز بألم وصدق : غدير احبك والله احبك فقدتك وفقدت كل شيء فيك غدير ماقدرت تتحمل بكت وهي تكلمه : فايز من شان الله اتركني بحالي انت عشت حياتك ولا فكرت فيني مافكرت شو بصير فيني كنت بحكي لك لي بنساويه غلط لاتعشمني يافايز وبعدين تتركني كنت بتئول لي مايهمك شيء دامك معي مارح تنضامين خليتني ارخص نفسي إلك ( بعد هالكلمة بكت بقوة وبدأت تشهق ) كلهم بئولولي ارخصتي بنفسك شافك بتعامليه كويس وئبلانه بالي يساويه فيكي تمادى معك حاربت ابي وئتله انا المسؤؤله عن كل الي بصير وهاي النتيجة فيك تئلي شو بساوي بحالي فيك تحكيلي مو انت بتحبني وريني حبك ولا حبك معي كلام وحكي فاضي ليه ما بسمع حسك خجلان من حالك سمعت كلام بيك وغدرت فيني ليتني ماعرفتك ولا شفتك ليت الشبين الي تعرضولي ذبحوني وئتلوني ولا كنت معك شو بدك متصل فيني شو بدك ماعندك حكي بس بدك تفتح جروحي عرفت اني بحبك ئلت بتسلى عليها هاي غبيه ومابتفهم ويتيمه ما عندا حدا يفهمها ويوعيها كل مابحكيلك ماخلصت الفيزا تبعي بتحكيلي لا وانا الغبية بسدئ كل شي تحكيه الي من غير تفكير او عقلانيه الكل عم يلومني وانا ماعندي سبب واحد دافع فيه عن حالي روح يا فايز روح عيش حياتك مع بنت عمك واتركني واتركني ومتل ماحكالك ابي طلئني طلئني مابكزب عليك ممكن روح فيها من بعد ما أسمعها منك بس سدئني ارحم من العيشة معك طلئني وهلىء لاتخليني اتعلئ فيك زيادة فايز بألم وقلبه من كلام غدير مجروح وطعون كل كلامها الي تحكيه صح كلامها عين العقل افحمته بان قدامها حشرة ولا شيء : غدير لاتقولين اطلقك لا تقولين انتي زوجتي ومستحيل افرط فيك صوت طيحة منال بالأرض كانت السبب الي انهى نقاش غدير مع فايز @@@@@@@@@@@@@@ بعد اربع ايام خرجت من المستشفى وحالتها من سيء الى اسوأ قد ماتقدر ماتتقابل مع فايز حتى نومها تنام بجناح بنات عمها ومحد عارف السبب بس الكل مخليها بمزاجها حتى لايتعبون صحتها الكل حاس ان الي بينهم شيء كبير الكل حاول مايتدخل حتى لاتكبر المشكلة بينهم حتى اهل منال محد درى بالي صار لها ولا هي قالت لهم هي حاسة انها تجهد نفسها كثيرر بسبب تسترها على الموضوع والهم الأكبر بالنسبة لها انها معادها لوحدها صارت تحمل رووح بــ أحشائها الكل فرح بهذا الخبرحتى أهلها كانوا فرحانين مره هالشيء راح يقوي الصلح والعلاقه بين الأهل الا هي ما اسعدها الخبر ابداً حتى فايز لمحت الفرحة في عيونه كان اهتمامه لها فطري وعفوي لأنه مهما كان الي داخلها روح من صلبه ومنه وفيه أما غدير من بعد أخر مكالمة لها ما كلمها حاول معها لكنها كانت صادته جوالها مسكرته وأبوها كان صده لفايز أكبر من صد بنته له كلي يابنتي مهو بزين لك ولا لولدك تغذي الله يعافيك وريحيني وانا امك تو امك متصلة علي وموصيتني عليك قلت لها اني مهتمة فيك من قبل لاتوصي لكنك معندة منال بألم وبقهر : ياعمة الله يخليك انا مالي نفس لو اني جوعانة بنفسي بــ أكل لا تحاتين صحتي انا طيبة وما علي ام فايز بحنان : يمه بسألك سؤال وجاوبيني بصراحة منال بتنهيدة : امريني ياعمة ام فايز : بينك انتي وفايز شيء وشي كبير صح يمه منال بلعت ريقها وبين عليها الارتباك : لا ياعمة مافي شيء ما اخبي عليك بيني وبينه شيء بس مهو كبير شيء بسيط يصير بين أي اثنين ببداية حياتهم لا تحاتين ( مسكت يدها ) خليك مرتاحة ام فايز بحنان الدنيا ضمتها : الله يكملك بعقلك يايمه ويستر عليك منال بصدق كانت محتاجة احد يطيب خاطرها بكلمتين تمسكت بعمتها وهي محتاجة تبكي لكنها مسكت نفسها وهي تتمثل القوة الي تربت عليها @@@@@@@@@@@@@@@@@@ يمه الله يخليك خلينا نعيد بجدة ونشوف منال وصحتها تكفين يمه ام فيصل : انا كلمت ابوك من قبلك وقال إن شاء الله خير ريم بفرح : يعني موافقة مبدئيه ( باست امها وراحت تبشر ايمان ) ايمان بقهر: خيانه خيانه خيانة انا بعد ابي اشوفها خلوها تجي ريم بعناد : حرررره وبعدين لاتنسين انها حامل وبشهورها الاولى وخطر ع صحتها السفر واذا تبين تشوفينها حزمي شناطك وتعالي ( وضحكت بشماته ) ايمان بقهر: جعلها تتكنسل السفرة ياااااارب ريم : اعوذ بالله من لسانك ياوصخة وش هالحقد ايمان : اجل تتشمتين فيني ريم : ايمي حبيتي ايمان / حبيتك بوجهك عارفة ما ورا حبيتي الا طلب ريم تتمثل الأدب : حبيتي انتي عارفة اني لسى ماقضيت من ملابس العيد بليززز خلينا نطلع اليوم نكمل تقضية ونجيب لمنال هدية كشخه مني ومنك ايمان: اممممم عشان منال لو انتي لو تبوسين رجولي ما عطيتك وجه ريم : ايمان خليك مؤدبة عشان اصير احبك ايمان بشماتة : ترا حاجتك عندي فــ سكري فمك اصرف لك @@@@@@@@@@@@@ انت خليك قد ماتقدر تمسك اعصابك لأني اعرفك اعصابك مفلوتة بنت عمك حامل ولا تأذيها ولاتنسى عمك كلها يومين وبجي لاتخليه يحس انك هاملها ترا مهو بزين لك صدقني ان حس انك هاملها راح يأخذها معه صحيح انت ولد اخوه بس هي بنته ومايرضى لها الي يصير فيها فايز : تدري معاذ ودي ان الي صاير معي كله حلم تندمت تندمت اني خذيت بنت بو كمال معاذ : انا داري انها هي الي بتروح فيها اولا بنت عمك منك وفيك ومحد بيرضالها الأذى وثانيا هي الي قدام عيونك دايم يعني هي الي بستحوذ كل تفكيرك وهذه هي بتجيب لكم الحفيد واكيد بزيد اهتمامكم لها فايز لا تفهمني غلط بس انا اخوك وابي مصلحتك فايز : وشو قول الي عندك معاد صارت تفرق معي معاذ : لازم تحسم الموضوع من ناحية بنت ابو كمال لا تعلقها وتذبحها من كلامك البنت منهارة وتعبانة فايز : آآآآآآآآآآه وهذا الي بصير شكلها هاد حيلي يا معاذ معاذ بصدمة : يعني بتتخلى عنها بسهولة ما هقيتك بتتخلى عنها بهــ السهولة وهي بحاجتها لك وكل الي هي فيه بسببك اسمحلي يا فايز انصدمت فيك فايز : وش تبيني اسوي يا معاذ شووور علي انا منيب طايق نفسي معاذ : شوف فكر وخذ وقتك لا تخطو خطوة وتالي تندم عليها تمهل كافي تهور يا فايز شوف وين وداك تهورك . @@@@@@@@@@@ الله أكبر الله أكبر ولله الحمد الله أكبر كبيرا والحمد لله كثيرا وسبحان الله بكرة وأصيلا وصلي اللهم على سيدنا محمد وعلى آله وصحبه وسلم تسليماً كثيرا كثيراً ملاااااااااك فستان ابيض قصير وجبنيز ومكياج بينك مطلعها كيوووت رغم انها تعبانة وحالتها النفسية وحملها متعبها الا انها عرفت كيف تخفي تعبها بشوية كماليات ورسمت على وجهها أحلى ابتسامة : صفررررررررت بإعجاب امووووت ياناس ع هالحلا لفت منال مثل الطفلة حولين نفسها وهي فاردة فستانها بيدنها الثنتين وهي تضحك بفرح كلهم صاروا يضحكون عليها ريم نورة نجلا ام فيصل ام فايز دخل فايز ببارك لهم بالعيد ولمح حركة منال وشاف ضحكتها الي له شهور ما شافها كانت ضحكة ولا أحلى عمره ماشاف بحلاة ضحكتها هالحظة شاف دلعها وشاف كيف روحها حلوة انا كسرت نفسها وكسرت أشياء كثير حلوة فيها تنهد من خاطر ودخل بكشخته وجاذبيته المعتادة واهتمامة بنفسه وحظوره يطغى ع المكان فايز وضحكه باقي على شفاته من موقف منال : كل عام وانتم بخير عساكم من عواده رد الكل بإبتسامة تنور شفاتهم من لمتهم الحلوة وقبل كل هذا بيوم العيد الي رب العباد جازا صيام العباد وقيامهم 30 يوم بأحلى هدية وأحلى جزاء جلس فايز جنب امة وباس راسها : كيفك يمه عساك من عواده ام فايز بحب لولدها : علينا وعليك يمه الله يبارك لي فيك فايز : اخباركم يا عمة كيفكم مع جو جدة ام فيصل : كلنا بخير وجو جدة حلو والي محليه انتم يا ولدي فايز بضحكة حلوة : الله يعز مقدارك ياعمة كيفك ياريم ريم وتجاهد نفسها ترد عليه طبيعي بتوصية من منال عشان لا يحس بشيء: تمام ياولد عمي انت كيفك وش خبارك فايز: نحمد الله كل عام وانتم بخير يا بنات نورة : تو بدري خليها لعيد الأضحى احسن فايز بضحكة: انا الكبير مفروض انتي الي تعاوديني نجلاء : بنعديها عشان اليوم عيد فايز وهو يقوم : يلا أخليكم لا أتأخر على الصلاة وين ابوي نورة : عمي وابوي وفيصل ينتظرونك بالمجلس فايز وهو يناظر منال الي جمالها طاغي عالمكان : منال تعالي ابيك شوي( وقام من غير ماترد عشان تلحقه) منال رفعة حاجب وهي تناظر ظهره ومعصبه من حركته تتوقعوو تصرف ابو كمال كان ناضج انه فاجأ بنته بحقيقة كل شي ! شعوركم بموقف بكاء فايز بالحمام ! وتصرفه القاسي بعد كذا مع منال ! رأيكم بسفرته لغدير مع تماديه ومدت ايده على منال ! هل فايز بيرضخ بلأخير لطلب ابو كمال ويطلق غدير ! هل كان الحل المناسب هو التجاهل كل واحد لثاني في وضع مثل علاقة فايز ومنال ! هل بعد فضفضة الخواطر بين فايز وغدير بيتغير شي بعلاقتهم ! حمل مناال هل بيكون له تأثير كبير على العلاقه وحياتهم اللي من سيء لأسوء ! تتوقعوو ايش ردت فعل منال وهل بتتجاوب معهه او بتسفهه ولا كأنها سمعته ! تفاعلكم وردودكم ومتاابعتكم شررررف يسسعدني كثيرااا |
الجزء الثآمن ..
منال رفعة حاجب وهي تناظر ظهره ومعصبه من حركته فايز بإبتسامة حلوة تخقق مسك ايديها : كل عام وانتي بخير منال ووسامته ذابحتها وتحاول قد ما تقدر ما تناظره : وانت بخير إن شاء الله فايز طلع علبة اسوارة من الماس من جيبه : ممكن البسك اياها مديت ايديها ولبسها اياها فايز وباس ايديها وهو مروق على جمالها ونعومتها منال : تسلم وابتسمت بحياء وهي تلعب بالأسوارة فايز :ارحميني وش هالزين هذا كله منال وماتبغى تضعف قدام كلامه الحلو وباقي الحياء طاغي على ملام وجهها : مشكور من ذوقك فايز : منال ناظريني ترا تعذبيني بحركاتك هذي منال بقواة عين : فايز فايز : يا لبيه منال : غدير تستناك ما بعد تعايدها @@@@@@@@@@@@ حالتها يدوب تحسنت شوي بلمة خالتها وحريم اعمامها كان الكل متعاطف معها و شفقان على حالها منقهرة من حالها ماتحب تكون محل لشفقة ابد او تكون محط انظار الجميع بموقف مثل هذا من آخر مكالمة لهم قفلت جوالها وما فتحته نهائياً هي بحالة ضعف ممكن أي وقت تروح تفتحه وهي الي تدق عليه بنفسها فاااااقدته لحد صعب انها توصفه لنفسها قلبها يموت منه ويموت عليه مع الموجودين هي جسد بس روح وعقل وقلب مع فايز فايز وبس @@@@@@@@@@@@@@@@@@ نورة ونجلاء وريم ومنال ملتمين لمة ولا أحلى عشان بكرة رحلت أهل منال وهذا الي مضيق صدر منال عاشت مع اهلها هالاسبوعين أيام ولا أحلى كانت ودها ترجع معهم لكن لازم الكل مايعرف حتى محد يشك الجو كان فيه هبة نسيم تشرح الخاطر وتريح المهموم مجرد ما يأخذ نفس عميق ريم بغرور : يا عمري اختي ذبحت عمرها تناهيد عشاني بكرة مسافرة ادريبها ما تقدر تعيش من غيري انا حاسه فيك زين منك متحملة العيشة من دوني هالفترة كلها منال وهي تصقعها بصحن بلاستيكي : انطمي بس انطمي مدري من قاص عليك وخلاك تأخذين بعمرك مقلب ام فايز : يا حلو ريومه تهبل هي وطفاقتها البنات كلهم ضحكوا وتسدحوا ضحك نورة : وااااااااااااااك سبوها وااااااك ام فايز بصدمة : ياعمري يا ريم قصدت اني امدح انك خفيفة على القلب ريم بإحراج : لاترقعينها يا عمة ضحكتيهم علي ام فايز : ما عليك منهم خليهم يضحكون لبكرة ريم : فديتك يا عمة محد عارف قدري الا انتي منال : اقول طلعوا الاونو خلوني اكسر روسكن نورة : ايه هين ما عرفتي من نورة لألحين بدأت اللعبة وصاروا يلعبون وكل ما جاء الدور على ريم يا تسحبهم يا توقفهم ياتغير الاتجاه لا عبة فيهم نجلاء بقهر: ياخي ذي كسرت راسي انا شاكة فيها شكلها وهي توزع غشت وخذت كل التسحيبات انا ماعندي ولا تسحيبة ريم : يوووه هذا الي يسمونه الحقد الحمدلله انك شفتيني وانا اوزع نورة: خياس انتي وصخه ام فيصل : ريم يمه ناوليني المناديل شوفي وراك ريم مدت يدها ومالت جلستها وبانت كل الاوراق الي مخبيتها وتغش فيهم ^_^ منال ونجلاء ونورة : شووووووووووووووووف الخاينه الوصخه ريم بكذب : وشو وشو ما ادري عنهم شكلي ماشفتهم نورة بطفاقة وناسية انها بالكورنيش ( دايم تنسى عمرها ) : اقوووول يا ماما منحنا بزارين قدامك ( وهي تضرب فخوذ ريم بقوة ) قومي قومي خل نشوف البنك الي تحتك قووومي ريم : وش فيك انتي فضحتينا نورة متحمسة : لا تضيعين الموضوع وقومي قامت ريم وبانت المصايب الي مخبيتها انتي برا وما تلعبين ريم بحراج بس فضحتينا خلق الله قاعدين يطالعون ام فايز : نورة ووجع يوجع ابليس هذا وانتي الكبيرة بينهم نورة وكأنها بزر : يمه ماتشوفينها تغش ام فايز : نجلاء لمي الأونو معاد فيه لعب نورة بحركة لا إرادية دنقت على الأنو وكأنها بتضمهم : لالالالا خلاص آخر مرة @@@@@@@@@@@@@@ خلاص يبه انتبهي لنفسك وماله داعي البكى كلها كم شهر وتجين تنفسين عندنا منال وهي تشهق : يعني بتخلوني هذه المده كلها 8 اشهر ابو فيصل وهو يضحك : امزح معك شهرين وانا عندك ابو فايز : والله بزعل منك يا منال منتي جالسة مع ابوك ولا منتي معتبرتني ابوك منال : لا ياعمي مو كذا بس من جد مشتاقة لأهلي يبه خذوني معكم بو فيصل : ماينفع يا يمه انتي حامل خل يثبت حملك وبجيك وبأخذك ام فيصل بهمس: يمه منال لا تشغليني فيك شيء منال وحست انها زودتها : لا يمه بس مشتاقه لكم وما شبعت منك اعلنت رحلتهم وسلمو على بعض وداع حار خاصة كان بين ريم ومنال علاقة ريم ومنال اكثر من انهم خوات ريم اهتمي بنفسك الله يخليك وأي جديد قوليلي لا تكتمين بنفسك أمانة انا وايمان كثير ننشغل عليك منال : لا توصين حبيتي @@@@@@@@@@@@ تكفين الله يخليك اخدميني هالخدمة نورة بحزم : فايز اعذرني انا ما اقدر اخون منال بنت عمي فايز : بليز البنت من رمضان ما عرفت احوالها مسكرة جهازها ومشغلتني معها نورة : وش تبين اسوي ممكن احكي غدير كمال: ايه لحضة شوي فايز وهو يأخذ الجوال : شكراً يلا اطلعي وسكري الباب خزته كأنها تقوله مالك داعي خذيت مني الي تبيه والحين تطردني ( طلعت وسكرت الباب) غدير : اهلين فايز بشوق وحنين : حبيتي غدير وحشتيني وحشتيني ليش قاعدة تسوين فيني كذا غدير بصدمة : فايز فايز ودقات قلبه رجعت تخفق بجنون من سمع صوتها : يالبيه يا غدير كيفك وكيف صحتك اشغلتيني معك وينك اهون عليك غدير خبت شوقها وغطت رجفة صوتها : ايه كتير باين انك مشغول علي لو انشغلت معي متل ما عم تحكي حجزت واجيت الي فايز ومستحي منها : انا مضغوط وتعبان و( بتردد ) بنت عمي حامل وعمي جاء جدة وماقدرت وماجتني فرصة واذا مو صدقتني افتحي جوالك وشوفي غدير بصدمة : حاااامل فايز بتردد : ايه حامـــ غدير تقاطعه : فايز اتركني بحالي انا مانسيتك لكني عم احاول وفعلاً ئدرت اتخطى المرحلة الصعبة الي مريت فيها بكفي يا فايز روووح خلاص شو بدك مني شوووو بنت عمك حامل الي ماتئدر تتركها خلاص انا صرت في الــ باي باي شو بدك بوحدة مريضة عندها انهيار عصبي وتعبانة وفوئ كل هاد عم تعملك مشاكل مع اهلك آآآآآآآآآآه يا فايز اتركني فايز : انا مستحيل اتخلى عنك مستحيل مستحيــــل انتي اول حب لي حتى لو بنت عمي مثل ماتقولين حامل وانا ما اخبي عليك فرحان بالحمل واني بصير ابو لكن هذا مو معناته الكلام الي قاعدة تقولينه لي غدير بألم وقوتها انهارت : بتعرف يا فايز شو الي عم يوجعني اني عرفت انك مجوز من وراي ومن غير ما بعرف كنت بتسافر لعندي كل 3 شهور اسبوع ابد ما إجى فبالي انك عم تخوني لكن ابي حكالي فايز ليه عم يعمل فيك هيك وكمان اصريت وحكيت اله فايز بحبني ومستحيل يسوي شيء بدايئني لكنك خيبت ضني فيك خيبتني با فااايز فايز : غدير حبيتي انا كان تفكيري معك حتى بليلة زواجي سهرت طول الليل اكلمك أي مكالمة لو كنت مشغول بــ أي أحد ما افوت ولا مكالمة لك غدير : فايز عم اترجاك طلئني طلئني لو كنت بتحبني متل ما عم تحكي فايز : معاد ابغى اسمع كلام مثل كذا فهمتي وبليز افتحي جوالك بليز راح اخليك تهدي واذا هديتي كلميني غدير : اوكي باي فايز : باي @@@@@@@@@@@@@ كيفها يادكتورة وكيف الحمل معها الدكتورة تحاول تداري : الحمدلله كل شيء تمام البيبي صحته كتير منيحه بس لزم منال تحسن نفسيتها وتأكل منيح حبيتي انتي حامل فتغزي منيح البيبي بأخذ كل شيء فيك كالسيوم دم كل شيء فايز وجه الدكتورة ابد ماطمنه : حاولي معها يا دكتوره ابد ماتهتم بصحتها ودايم زعلانة الدكتورة : منال حبيتي ما يصير هيك منال بدلع رباني : يا دكتورة انا اسوي كل شيء اقدر عليه بس بعض الأكلات ما أحبها الدكتورة : عشان الي ببطنك كله بهون وما أبكزب عليك يامنال وضعك ابد مو منيح منال انفجعت : كيف يادكتورة الدكتورة: انا كنت بخبي عليك واوصي جوزك عليك اذا ضليتي هيك منال تقاطعها : خوفتيني يادكتورة ممكن يصير شيء بالبيبي الدكتورة بحنان : لا ياحبيبتي البيبي كتير منيح بس انتي الي تعبانة بدنا اياك تئومي بالسلامة وتربي ابنك منال وما قدرت تخبي خوفها : معقولة يادكتورة وش فيني انا احكيلي لا تخبي علي شيء ضروري تهتمي بصحتك وانتي ياحبيتي بالشهر 7 يعني الله لا يئدر تتعبي وتولدي بالسابع عوضي اهمالك يا منال فايز خاف عليها من قلب حس انه كل الي هي فيه هو السبب تعب نفسيتها ومقهور من اسلوب الدكتورة : يا دكتورة ممكن تهدين شوي وتخفين علينا الدكتورة : انا لازم اشد عليكم شوي عشان تهمتمو في صحتها مسك فايز يد منال وشد عليها : اوكي يا دكتورة ينفع تسافر بالطيارة ولا خطر عليها الدكتورة : ينفع بس الرحلة تكون قصيرة افضل فايز : لا يادكتورة الشرقية ماتتعدى الــــ2 @@@@@@@@@@@@ تبكي بعنف وكل عضو فيها يهتز كل ماتبغى تهدي نفسها وتمسح دموعها ترجع تبكي اكثر واضعاااف فكت شيلتها ونقابها وضلت بعباتها وقعدت ع السرير غطت وجهها بيدينها ودموعها غاسلة وجهها دخلت بنت عمها عليها وانفجعت بشكلها جلست جنبها نورة بخوف وقلق : منال وش فيك تكلمي الدكتورة قالت لك شيء منال من غير سابق انذار طاحت بحضن نورة وبكـــت بحرارة وقلبها يعتصر الم منال بقهر تبكي وتشاهق بكلماتها : انا تعبااانة يا نورة تعباااانه ومحد حاس فيني اخوك عذبني ودمرني حرق قلبي صعبانة علي نفسي يا نورة لما كنت ببيت اهلي عمر دموعي مانزلت ولما اخذت اخوك ( صرخت بألم ) ليه زوجتوني اياه وهو متزوووج ليــــش نورة شهقت مستغربة كيف عرفت تكمل منال ومهي شايفة احد ونورة ضامتها ع دخلة فايز : هذه امانة ابوي لكم هذي والحين يبغى يسفرني عند اهلي كل مابغى يسافر لزوجته حطني ببيت اهلي ليــــــــــش انا ما عندي كرامة وانا اتحمل واسكت واصبر ليش عشان ما اسوي حساسيات بين ابوي وعمي ويكذب وبكل قواة عين يقول انا بسافر الإمارات نورة انا عمري ماحبيت اخوك والي يسويه فيني كرهني فيه زيااادة نفسيتي بالحضيض الدكتورة تقولي اذا ما اهتميت بصحتي ممكن اروح فيها يعني ممكن اموت قالتها بعظمة لسانها نبغاك تقومين بالسلامة وتربين ابنك اخوك حرق قلبي حرق قلبي الله لا يسامحه لا يسامحه نورة كانت تطالع فايز بنظرات عتب ولوم وقهر اشرتله بعيونه انه يطلع برا حست منال بسكوت نورة الغريب وشافته عند الباب انهارت : نووورة ما ابغى اشوف احد ما ابغى احد يتشمت فني الله يخليك خلوني لوحدي طلعت نورة وهي محترمة رغبة منال نورة بقهر على حال منال : وش سويت في منال عمري من عرفت منال ما شفتها بالحالة هذي حتى وهي صغيرة كاانت ابد ماتبكي وانت جاي سويت هذا كله فيها بكيتها وقهرتها صحيح بتسفرها وبتروح لغدير فايز توتر وقلقان وحالته حالة مهو عارف وش يسوي عذب غدير وقهرها والحين جاء الدور على منال صدقت نورة عمري ما شفت منال تبكي منهارة سمعوا صرخت منال وهم يركضون لها فتحوا الباب @@@@@@@@@@@@@@@@@@@ ايمااااااااان حالة منال صعبة امي تقول بالسابع لسى ما خلصت فترة حملها ايمان وهي تبكي : فايز هالحقير ذبحها اذا في منال شيء مستحيل نسكت مستحيل ريم وهي منهارة : بعد أيــــــــــــــــــش ليتنا ماسمعنا كلامها وعلمنا ابوي وامي ( وبكوا ثنتينهم بقهر وحسرة على حالة منال الصعبة ) @@@@@@@@@@@@@@@@@ نزيف حاد ولازم نتلاحقها ويتبرع لها بالدم المريضة حالتها صعبة و فصيلة دمها نادره جداً ومن حسن الحظ ان ام فايز كانت من نفس الفصيلة وما ترددت دقيقة وحدة وتبرعت لها الساعة 9 مساء من نفس اليوم ابو فيصل وام فيصل وريم وفيصل لقولهم حجز بالقوة حتى كانت مقاعدهم بعاد عن بعض كانت ريم جنب ابوها وفيصل جنب امه بالمستشفى مقابل قسم العمليات وفايز وابو فايز وام فايز ونورة ونجلاء ماكان قادر ينسى شكلها لما دخلو عليها هو ونورة كانت على وشك تطيح لكنها تمسكت بطرف التسريحه حتى لاتطيح وتذبحه فكرت في ولدها ونست عمرها والألم قمة الألم لما مدت ايدها له وتطلب معاونته وبصوت يقطع القلب : فاااايز الحقني الحقني ولدنا بموت بمووووووت بعد نص ساعة الكل توجه لباب غرفة العمليات بعد ماطلعت الممرضة الحمد لله ع السلامة ولد الكل رد برعب : والأم كيفها الممرضة بحزن : دخلت بغيبوبة @@@@@@@@@@@@@@@@@@@@ وش سويت بــ بنت عمك وش سويت بها دمرتها ذبحتها (وبعصبية ) اختك تقول انها درت انك ممعرس على بنت الأردن صحيح هالكلام يا فايــــز صحيـــــح تكلم فايز ناظر اخته بقهر ابو فايز : لا تناظر اختك كلمني انا تبي تذبحني تبي تذبحني منيب قادر أحط عيني بعين اخوي وانا داق الصدر وفايز بسوي وفايز بسوي الحين منال لو صار فيها شيء مايردني الا ذا الصايعة الي ما خذها هناك بلعنها وبلعن سنسفيل الي خلفوها فايز بقهر وخوف وندم : يبه لا تقول هالكلام لا تقوله ( وهو يمسح وجهه بإ يدينه بتوتر) يبه انت السبب انت السبب في كل شيء قلت لك ما ابيها بظلمها معي ابد راسك والف سيف منال انتي اولى بها من الغريب قلت لك انا تزوجت كود ترد الي براسك ما بغيت وش النتيجة يبه منال دخلت بغيبوبة عارف وش معنى غيبوبة يعني ما يندرى متى تقوم منها وان ما قامت منها هذي اكبر مصيبة منال تعبانة يا يبه تعبانة ابو فايز يقهر : بتعلمني يعني أنا داري انها تعبانة يشهد الله ان منال عندي مثل وحدة من خواتك ام فايز بخوف : بو فايز هد عمرك مهوب بزين على صحتك بو فايز : وولدك خلى فيها صحة ولدك قص راسي قدام اخوي ام فيصل بقهر : فايز ماصانها فايز عذبها انا شفتها ولقيتها تعبانة ومابغتنا نتركها لكني كذبت نفسي وقلت حامل وبشهورها الاولى لكن ما هقيت ان السالفة كذا تدري يبو فيصل منال انهانت هنا ولا تزعل من كلمتي منال تمثل القوة والصبر لكنها مهيب كذا بنتي واعرفها وضغطت على عمرها لما وصلنا لهذي النتيجة بو فيصل وكلام مرته مقنعه لكن مايبغى يصدقه هذي بنته وقطعه منه وذاك اخوه : عساها تقوم بالسلامة قريب ياااارب ومالها قعدة هنا وانا عايش اشم الهواء ما خلق ولا انولد الي يلمس شعره من منال او يأذيها @@@@@@@@@@@@@@@@ غدير لو تحبيني بصدق ادعي لمنال وانسي فايز هالفترة انا تعباااااان ادعي لي وادعي لمنال ولك مني لا صارت بخير لك الي يرضيك غدير بقهر قفلت السماعة @@@@@@@@@@@@@@@@@ حبيبي فديته شفتيه والله واجعني قلبي عليه خايفه عليه ريم وهي تتلمس الجدار الزجاجي وودها تأخذ ولد اختها وتروح به لها ويفرحون فيه لكن ما باليد حيله مسحت دموعها : نورة لا تفولين على منال نورة بعذاب ضميري : انا ما فاولت عليها يشهد الله اني احبها اكثر من روحي ريم وهي متندمة على اسلوبها : سامحيني يانورة بس ماقدرت امسك اعصابي نورة : مسموحة يا ريم مابينا جات نجلاء وكلهم التفتوا لها يبغون منها اشارة انها جايبة خبر حلو لكن روحتها كانت مثل جيتها ويمكن أكثر حزن بما انها شافت صحة منال المدهورة @@@@@@@@@@@@@ بعد شهر ونص تقريباً هد عمرك يا خوي إن شاء الله مابها الا كل خير فايز : وين اهدي عمري الولد منيب قادر اشوفه كل ما أشوفه احس انا السبب بالي صار لأمه انا ما أستاهل اني اكون ابو وجع الضمير بهلكني يامعاذ بهلكني تدري يا معاذ الي مريحني في الموضوع ان الولد لسى بالحضانة لأن لو جاء البيت كان شفته طول الوقت وبزيد عذابي وقهري معاذ وهو حاب يلطف الجو : ما باركت لأخوك فايز يناظره نظرات مشتته ما تنفهم : مبروووك بس على وشو معاذ بلمعة بعيونه : قررت أ أمشي على خطاك وأعرس فايز وفعلاً كل ضيقته باللحظة هذي انمحت ضمه بفرح : الف مبرووك الف مبروووك عسى الله يتمم لك بخير معاذ : تسلم حبيب قلبي والله يهونها عليك فايز وباقي الإبتسامة ما فارقت وجهه: تدري يامعاذ هالخبر جاء بوقته ريحني كثيررررر وفرحني عسا الله يسعدك ( وبخبث ) عساهن يصيرن ثنتين يااااارب معاذ بدون اهتمام : لا تحاول لو وش ما سويتها فايز : ومن تعيسة اووو اقصد سعيدة الحظ معاذ : بنت خالتي شكلنا مالنا نصيب ببنات جدة فايز ؟؟؟؟؟؟؟؟؟ معاذ : بالشرقيه هي !!!!!!!! @@@@@@@@@@@@ الساعة 8 صباحاً دق جوال فايز فايز بإنزعاج من الي صحاه من النوم من شاف الرقم فز ورد : هلا المستشفى : اخ فايز فايز : ايه نعم خير منال فيها شيء المستشفى : لو تجي احسن فايز : إن شاء الله بوقت قياسي كان في المستشفى وتوجه لغرفة الدكتورة السلام عليكم الدكتورة بإبتسامة : وعليكم السلام تفضل يا افايز أخبارك ايه فايز بقلق : الحمدلله تمام بشريني يا دكتورة عساه كل شيء أوكي هل تتوقعو كان موقف منال مع فايز يوم العيد جلف ولا يستاهل هالمعامله منها ! هل تتوقعو تصرف فايز كان صح لما صدم غدير بخبر حمل منال وهي بأسوء حالاتهاا ! هل تتوقعو انفجار منال راح يكون له نتاايج جاامده تأثر بعلاقتهم ! موقف ابو فايز من الوضع ؟! وهل بيكون له كلامه على فايز تحدد مصيره من ثاني تتوقعو بعد كلام ام فيصل بيكون لابو فيصل ردة فعل حازمه ! هل تحسوآ فايز ماصار يتصرف بعقلانيه حتى مع غدير بدآ يجرح أنوثتهآ ويطلب تدعي لانسانه تشاركهاا في اللي تعشقه ! هل ربي بيكتب للمولود الجديد .. يعيش دنيآهـ يتيم ولا بيتهنى بأحضانهاا ؟! تفآآعلكم شششرف لي بلآ حد مروركم - ردودكم - انتقادكم - اطرائكم .. ومجرد اطلالتكم هنــآآ { شي يسكن الفرحهه بعمق بأوصالي كل الشششكر لكم جميعـآآآ .. |
الجزء آآلتآآسع
المستشفى : اخ فايز فايز : ايه نعم خير منال فيها شيء المستشفى : لو تجي احسن فايز : إن شاء الله بوقت قياسي كان في المستشفى وتوجه لغرفة الدكتورة السلام عليكم الدكتورة بإبتسامة : وعليكم السلام تفضل يا افايز أخبارك ايه فايز بقلق : الحمدلله تمام بشريني يا دكتورة عساه كل شيء أوكي الدكتورة : اطمن منال صحيت من الغيبوبة الحمدلله دي معجزة وربي لطف فيها فايز بفرح : الحمد لله الدكتورة : بس في حاجة لازم انبهكم عليها صحتها يافايز صحتها كتير مهمة وبالأخص نفسيتها نفسيتها كانت سبب كبير بالي هي فيه فايز : لا يادكتورة لا توصين كل شيء بصير أوكي وينها هي الحين الدكتورة : تلاقيها بغرفتها فايز : ينفع أخذ فهد واروح فيه لها الدكتورة بضحكة : سبئتك وسالت عليه ووديناه لها فايز بقهر : لااااااا كان ودي ادخل فيه عليها @@@@@@@@@@@@@@@@ كانت حاظنته بكل مافيها كانت امومتها ذيك اللحظة متأججة رفعت راسها لما سمعت فتحت الباب وشافت فايز داخل وبوكيه ورد وابتسامته تنور وجهه تذكرت الي مرت فيه قبل ولادتها وكشرت ابتسامتها قعد جنبها بحنان الدنيا : الحمد لله ع سلامتك يا منال نورتي حياتي بشوفتك منال وهي تلاعب فهد : الله يسلمك مد يده ومسك يدها بلطف : ناظريني يا منال وخلينا نفتح صفحة جديدة منال ضحكت عطف و حنان وهي تشوووف فهد يعطس ضمته اكثر وهي خايفه عليه خافت عليه من هالدنيا ومواجعها والمها الي شافته مع ابوه هدها واتعبها كلام الدكتورة قبل ماتولد يرن بأذونها ( لازم تئومين بالسلامة عشان تربين ابنك ) حمدت ربها انها قامت وهو بيدينها الحين منال : اتركني يافايز خليني افرح بولدي اتركني ودق على اهلي يجون يأخذوني فايز انصدم : حبيتي وش تقولين مهوب بكلام نحنا بينا ولد الحين ولازم يتربى بينا منال : انا ولدي بعيش معي وانت عندك غدير وبتجيبلك الأولاد ( وبصعوبة قالتها ) وليتك تطلقني فايز ودايم متهور : تهبين تأخذين ولدي وتربينه لحالك تفهمين هذا ولدي اذا انتي ناسية منال بتعب : دق على اهلي الله يخليك دق عليهم @@@@@@@@@@@@@ حمد الله ع سلامتك يابنتي نورت دنيانا بشوفتك بينا منال بإبتسامة وتعب : الله يسلمك ياعمي ووجودك هو النور لنا منال ناظرت عمتها الي الطيبة تطفر من عيونها : تسلمين يا عمة عسا الله يطول بعمرك على سويتيه معي ام فايز بحنان: لا تقولينه ترا بعدين ازعل منك انتي مثل نجلاء ونورة نورة وهي شايلة فهد ومنهبلة عليه وتساسر منال: منال وش هالصفطة الأليمة لــ فايز ولا كأنه هنا منال بقهر : احسن يستاهل نورة بقهر منه : ايه احسن يستاهل على سواه فيك منال تتنحنح : عمي بو فايز : امريني يا بنتي وش اليي تامرين عليه منال وتحاول تقوي نفسها : ما يأمر عليك عدو دقيتوا على اهلي بو فايز :مايبيله كلام واذا لقوا حجز بجون ما سمعتي صوت ابوك و فرحة اخوانك حوله منال ناظرت فايز وناظرها بقوة وكأنه يقولها انتبهي تسوين الي براسك سفهته منال : عمي ما يحتاج يجون وخاصة اخواني عندهم مدارس كفاية الي راح منهم : بو فايز : ما يصير يابنتي هم بجون من غير كلام منال : عمي انا بروح عندهم ( وبتنهيدة ) وياليت معاد ارجع هنا كل الي بالغرفة شهقوا ومنال بلعت ريقها من الي قالته بو فايز بقهر بس يتمالك نفسه : وش هالكلام يا منال منال و حاسة دموعها بأي وقت بتنزل لكنها بالفترة الي عاشتها مع فايز يا كثر ما بكت وهذا ما تبغاه وفعلا مسكت نفسها فايز بقهر : منال مهو كلام ونحنا تفاهمنا في الموضوع وانتهينا منال وناسية تعبها : لا منتهينا ولا راح ننتهي انا الي شفته منك يكفيني يكفيني بو فايز ناظر ولده بغضب : منال استهدي بالله وخلينا نتفاهم منال : عمي الله يخليك انا ما ابغى ازعلك ويشهد الله علي ما شفت منكم الا كل خير ويعز علي فراقكم لكن قعدة مع فايز لا ياعمي وصدقني لو نورة ولا نجلاء مارح ترضونها عليهن حتى هو فايزمارح يرضاها عليهن نورة : منال الله يخليك لا تروحين عنا نجلاء : ايه والله منال مارح يسوى بيتنا من غيرك ام فايز بحنان : يمه انتي تعبانه وهالكلام لاحقين عليه منال : الله يسلمك يا عمة حتى انتي ماشفت منك الا كل خير الله يعلم حسيتك بـــ مقام امي ام فايز : وانا مثل ما قتلك انتي بمثابة نورة ونجلاء منال : فايز مارح يقصر بروح من هنا وبجيب لكم غدير من هنا صح يا فايز ولا لاء الكل ناظره وهم مقهورين منه وفايز استحى وتمنى الأرض تنشق وتبلعه منال تكمل : تدري ياعمي ان لألحين ابوي ما درى بإلي سواه فيني فايز بس الي يدري ريم لكني حلفتها ما تقول وتطمن مارح يدرون ولا راح اقطع الي بينكم وذا تحبني يا عمي وكرامتي لها شان عندك سو الي اقولك عليه بعد هالكلمة الي قالتها منال جاها الم لا يحتمل والكل لام نفسه كيف يتناقشون بموضوع مثل هذا ومنال تعبانة طلعوا من عندها والممرضة اعطتها مهدأ يرحمها من عذاب الألم الجسمي وقبله الروحي @@@@@@@@@@@@@@ منال الله يخليك مو قادرة اتركه لا رجعت الشرقيه تكفين بأخذه معي الكل ضحك ومنال تنهدت وضحكت مجاملة ريم : صحيح منال ايمان بتلعن شكلي قالت اول ماتوصلون خلينا نكلمها ونفتح اسبيكر منال بحب لإنسانة هذي تحس انها ساعات تاعبتها معها لدرجة هي نفسها تستحي من نفسها وخاصة لما تقابلها ايمان بكل رحابة صدر وحب منال : يا حبني لها كان ودي تكتمل اللمة فيها ريم : وهي تفتح الاسبيكر ايمان وماتدري انه سبيكر: ريموه يا خياااس يا وصخه نسيتيني هذا الي يعتمد عليك ريم باستلعان : اوووووووف من ناس كذا ترا بنات عمي موجودات وسمعوك وبصراحة بصراحة سبونا قالوا كيف تصاحبون وحدة مثل هذي منال دزتها وسحبت الجوال منها يصحلكم وحدة مثل ايمان وبصراخ : ايمممممممممممي حياتي وحشتيني وينك ودي بك معي ايمان غصتها العبرة : يا لبى قلبك انا وقلب فهودي مدري وش كان بصير لي لا صار فيك شيء منال بحب: اسم الله على قلبك لا تقولين كذا ريم بهباااال: اقووووووووووول خلن الدراما وصرف الفاتورة بجوال وحدة فيكن ايمان بقهر وبنفس اسلوب ريم : وجع يوجع ابليس منال انتي كيف متحملتها ريموووه ترا مردك الشرقية مالك مفر مو تستقوين وانتي هنا ريم بخبث : اقوووووول ايمان اقووول ايمان بحياء بان بصوتها : ريم انطمي ماصار شيء الا لما تقوم منال بالسلامة منال : لحظة لحظة وش الموضوع ريم : ايمان انخطبت وهنا يعني بتنشبن لبعض للممات منال بصرخه وناسية انها طالعة من عمليه : امااااااااااااااااااااااااااااااااااانة ايمي قولي والله ايمان بحياء : ماصار شيء ريم باستلعان : بس الحين بصير دام منولة قامت بالسلامة منال : حياتي ايمان موقفة كل شيء عشاني انا ريم : ما عليك منها عشانه ولد خالتها مستقوية ومدلعة قلك بتكبر بعين معاااذ عشان يقول بنت خالتي بالمصري قالتها ( جدعة ) ولا لو واحد غيره بتمسكه بأسنانها ورجولها نورة ونجلاء : مبروك ايمان ايمان بحياء : سوري بنات والله سوري هذرة ريم ما خلتني اسأل عن احوالكم نورة بضحكة: لا ياقلبي لا يهمك ايمان : ونجلاء وينها ما سمعت صوتها نجلاء : هذاني موجودة وش اخبارك اخبار الشرقيه ايمان : الحمدلله كل شيء تمام والشرقيه مضوية لو تشوفين شوارعها تقولين كأنه عيد عشان ريم سافرت ريم : ايه هين من الحرة ( بخبث ) الا عشان معاذ حبيب الطفولة والشباب ايمان : شب ياوصخه من قال اني احبه ريم ترمش بعينها وتميع صوتها وتقلد ايمان : لا ياريم مره مره جنتل يعني في استلطاف مابينا كلام مين هذا ايمان وتحمد ربها ما حد يشوف تقلبات وجهها : ريم راح تتكفخين انطمي انطمممممممممي ريم بخبث : ايمانوه لا اطلع فضايحك ايمان : منال حبيتي الحمد لله ع سلامتك وبينا تلفون على موبايلك لأني لو قعدت دقيقة راح انجلط ريم : لا لا ايمان ما تقفلين ايمان سافهتها : نورة ونجولة حبيابي انبسطت بكم ونتلاقى قريب إن شاء الله ريم بخبث : ليه ليه قريب يعني انك بتصيرين بجدة وبتشوووفيــــ تقفلت السماعة بوجه ريم والكل ضحك لكن ريم ما خلتها بخاطرها وارسلتها مسج ودخلت الشغالة معها بعض الخفايف واكل مناسب لصحة منال المدهورة @@@@@@@@@@@@@@@@ كيف يبو فيصل تراك تأذيني بكلامك بو فيصل مجبور علي قاعد يسويه : سامحني يبو فايز بس بنتي مهي بــ منال الي كانت عندي تغيرت يا خوك منال الي خلا صحتها تعبانة ودخلتها بغيبوبة هي نفسيتها يبو فايز اعذرني على كلامي لكن هي بنتي وقطعة من جوفي فايز : ياعمي كل هذا من الحمل طبيعي تتعب نفسيتها كلام الدكتورة بو فيصل : لا يا فايز مو من الحمل وحتى لو من الحمل مفروض ترعاها مو تزيدها بو فايز : يعني لمتى بتخليها عندك بو فيصل : ليما ترجع صحتها وتتحسن نفسيتها وبعدها يحلها الف حلال فايز بعقدة حواجب : كيف يعني عمي تراها بنتك وتهمك مصلحتها كيف تخرب بيتها بيدك بو فيصل : انا معاك بكل الي تقول لكن صحتها اولى @@@@@@@@@@@@@ دخلت تركض من المدرسة وهي ميته تشوف ولد اختها هذي حالتها كل يوم اختها بقا لهى اسبوع وتكمل اربعينها وبحركاتها الي تسويها كأنها لسى اليوم شايفته قامت منال من النوم مفجوعة على دخلت ريم الي ارعبتها منال بقهر وعصبيه : وجع يوجع ابليس يا مال الي منيب قايلة يا كلبة شوي شوي ابي انام ما نمت ريم ولا هي بحولها خذت فهد بحضنها وصارت تلاعبه وتضحك معه منال انقهرت أكثر وضربتها براسها بقوة : اكلمك يا وصخه ريم بألم : عمى انتي ووجهك احترمي نفسك لا رميته من الدريشة منال : اوووووووف ياربي اوووووف انا وش الي بلاني انتي دايم كذا معي ( وبصوت عالي) يمه يمـــــــــــه تعالي شوفي ريم مو مخليتني بحالي ام فيصل بقهر: ريمممموه وراك على اختك ماشفتيها متى نامت ريم : يمه انا ما جيت حولها خذت فهد وع قعدتي هذي منال طيرت عيونها : يمه والله لو شفتيها صرخت صرخه خلتني افز من الخرعة ريم بكذب : اقووول قومي بس قومي امس دقت علي ايمان وقالت لي انها بتجي تتغدى عندنا وتوريك شغلات اشترتها للملكة منال وهي صايدتها : اقول ضفي وجهك اولاً ليش بدق عليك وانا موجودة ثانياً اليوم الفجر توني مكلمتها ولا جابت لي سيرة ابد ريم وهي تلوي فمها : كيفك انا علمتك بعدين تجي وتشوف خشتك هالمخيسة كأنها شغالة مكروفة وملعون والدينها منال تمثل الاستحقار : ريم قومي انقلعي انتي ونكتك الي زي وجهك لا رجعت فيك بعدين هاتي ولدي لا يطلع سامج مثلك ريم بفشيلة : حسيتي انها سامجة منال : جداً @@@@@@@@@@@@@@@@@@@ اقولك منيب لاقية شيء وزني زايد وجسمي معتفس ابي شي على مقاسي حلو ريم بحقارة : منال الله يرحم ايام اول كلاً يتمنى جسمك الحين بتموتين وتلاقين شيء تلبسينه مو لاقية حتى لو كان شين منال بقهر وجابتها ريم ع الجرح : اقول انطمي لا لعنت شكلك الحين فاهمة ايمان : منال ماعليك منها بتأخذين بكلام هالمبزرة منال : ايه والله صادقة ما بقت الا ريموه هذا الي ناقص دخلو البنات محل ومنال وايمان بجهة وريم مسوية زعلانة وبالجهة الثانية من المحل والا تشوف شاب شكله اقرفها مطول شعره وماسك نصه ببكله بينك وسكيني جينز ضيييق قامت تطالع فيه وهي متقززه ما همها الموضوع وانجذبت تدور بالملابس ونست نفسها رفعت راسها تدور منال وايمان لقت نفسها لحالها بالمحل من هنا من هنا ما شافتهم قررت تطلع والا تشوف الشاب يكلم صاحبه وتسمعه يقول بتطلع بتطلع وصار يمشي بين الملابس يبغى يتصادف معها خافت ريم خصوصاً ان المحل فاضي صارت تهرول شافته جنبها وشوي يمسك يدها جنبت وصار يلحقها ويقول يا حلوة يا آية انتي يا حلو يا أية ردي علي انجلطت ريم وبغت تكفخه لفت عليه وقالت : اول شي اسمي ريم مهوب آيه مسوي فيها انك تعرف وثانيا ً لك وجه تغازل وهذي كشتك رح ضبط عمرك بعدين غازل وجع وراحت تهرول وهي ميته خوف لا يكون يلحقها شافت ايمان ومنال ميتات ضحك عليها وعلى شكلها المرتبك ايمان : وش كنتي تقولين له يالبطلة انتي ريم ونفسها بخشمها : مو شغلك انتي والبطة الي جنبك انطمن دق الموبايل وتنهدت منال والكل عرف من المتصل منال : هلا فايز : اهلين ليش تنافخين منال بصبر : ما نافخت فايز : اخبارك منال : تمام انتم وش اخباركم وعمي وعمتي والبنات فايز : كلنا تمام كأنك نسيتيني منال رفعت حاجب : هذاني اكلمك يعني انك بخير فايز : وش اخبار ولدي منال بإبتسامة من انذكر اسمه : بخير يسلم عليك فايز ابتسم من ابتسامتها الي حس فيها : الله يسلمه ويسلمك إن شاء الله انتي لسى بالسوق منال : ايه مره مختبصه منيب لاقيه شيء فايز بشماته : من عذر صايرة بطه منال بقهر : ها ها ها مايضحك بعدين وش دراك انت ما شفتني عشان تحكم بعدين لا عاد اسمع احد فيكم يقول لي بطه انا منيب بطه فايز بشماته : من غيري قالها منال : مو شغلك فايز : المهم انا داق عليك عشان اقولك اني نازل الشرقية هاليومين بحضر ملكة خويي وبعدين جهزي عمرك ع جدة منال انقبض قلبها : غريبة مين خويك انت ما قلتي لي تعرف احد بالشرقية فايز : هو بجدة بس زوجته تصير بنت خالته ساكنه هنا اكيد اني جبتلك سيرته معاذ شهقت منال فايز : وش فيك منال : معاذ خويك طلع خطيب خويتي ايمان وش هالصدفة ايمان طيرت عيونها وصارت تتكلم بصوت عالي من غير ماتحس : امانة قوليله وش اسمه خل نتأكد فايز سمعها وضحك على اسلوبها : معاذ ناصر الـــ منال قالت الاسم لإيمان الي تشققت من الفرح وقالت له انهم كلهم معزومين على ملكتها @@@@@@@@@@@@@@@@@@ واااااااااااااااااااااااااااااااااااااااو خيال يا إيمان يلعن ابليسه يهبل انا مدري كل ماعجبني واحد يكون زوج وحدة تقربلي عشان اشوفه واتعذب طول عمري منال مطيره عيونها : هي انتي استحي ع وجهك نحنا لازم نتلاحق عليك لاتسوين لنا بلوة ايمان ما كانت حولهم كانت تطالع بدبلتها وتبتسم بحياء ريم غمزت لــ منال وكأنها تقول شوفي وش تسوي رمت ريم حالها بجنب ايمان بثقالة دم وبصوت نشااااز : سوي نفسك مادريت وبوسيني سوها ثاني على انك تعتذر وقول اسف ما انتبهت وضمني والعذرمقبول ولك مني شكر سوي نفســـ ايمان وجهها احمررر منحرجة ليه انهم صادوها وهي سرحانة ومن الاغنية الي تستحي من كلماتها صقعت راس ريم بقوة : ريمووووه ووجع بلا قلة حياء وش هالاغنية منال تعاون ايمان : لااااا ولا من زين الصوت ريم بخبث تكمل : تكفى بعثرني شظايا ولمني في كفوفك يابعد كل البشر وراح اسوي نفسي دخت ولمني وراح اقول امزح وابوسك وأعتذر قالت اخر بيت وهي تضحك بشماتة منال بخبث : بصراحة بصراحة يا إيمان انا داريت بما فيه الكفاية بس من جد ابي اعرف وش سر ها الابتسامات ريم : يلاااا بسرعة وش عندك ايمان با إحراج : منال شوفي اختك ريم بدلع و مقصدها تتريق : يا مامي معاذ الحين الحين تجي تتزوجني وانا وياك نروح جدة في قفصنا الذهبي ضحكت منال ونورة ونجلاء وايمان زاد احراجها بوجود نورة ونجلاء هل توقعتو قومت منال بسلامه ! تتوقعو قرار منال وطلبها لطلاق الحل الانسب ! رأيكم بمفاجأة خطوبة ايمان بولد خالتها ! هل كان تصرف أبو فيصل منطقي ! الصدفه اللي خلت ايمان تنخطب على اعز اصحاب فايز بتكتمل وبأنها تجمع منال وايمان بنفس المدينه من ثاني ! توقعاتكم وتفااعلكم يشرفني بقدر مايسعدني كوونوو بالقرب دومآآ شآآآكره لكم |
** آآلجزء آلعاشر
ههههههههههههههههههه ( ضحك بفرح ) فايز : لالالا وش هالضحكة المدام خذت العقل والثقل وين ايام الثقل الي ضحكتك حدها ابتسامة معاذ بإبتسامة تأخذ العقل : الواحد كم مرة بتزوج في العمر بعدين اذكر ربك فايز بفرح : ما شاء الله تبارك الله عقبال الثانية يااااااااااارب يا كريم معاذ ضحك ببرود كالعادة وهو يدق ازرار الموبايل يطلب بنت خالته الي صارت حليلته من قبل لحظات @@@@@@@@@@@@@@ روحها بتطلع كانت تتختنق وتموت ببطئ ومحد حاس فيها الكل لا هي بحياته الكل فقدت ثقتها بالكل عرفت شقد الدنيا دنية وما تسوى ملت الدنيا وكرهتها او بالأصح يئست منها وهي بريعان شبابها حتى الإنسان الي وثقت وحبته وسلمته كل ماتملك خانها وغدر فيها ( في كلمة انقالت لها كثير وتكررت من اقرب الناس لها ( انتي ارخصتي نفسك ) بدت دموعها تنزل بحرارة وبدون مبالغة تحسها نار وجمر على خدها معقولة انا ارخصت بنفسي لما حبيت شخص طيب هو كذا الحب تسلم كل ماتملك لحبيبك ( جاها صوت ) بس انتي بينتيله ان ماعندك كرامة قبولك انك تكلمينه وما بينكم أي رابط بحد ذاته غلط بس هو كان صادق واحساسي معقول يكذبني يبين الكاذب من الصادئ هو عملي كل شيء بريحني وكان متواصل معي معئول انا ظلمته معئول هو تعبان ومضغوط من بيه ( ابوه ) وأنا ما بئدر تذكرت مرض ابوه وانه طاح بعد ملكتهم بيومين وبدت تربط الموضوع انه لازم يتزوج بنت عمه ولا ممكن يصير شيء ببيه ( ابوه ) آآآآآآآآآآه يا فايز مهما بتساوي فيني بضل بحبك حتى وانت هاملني ودايس على ئلبي كمان بحبك وكل الي بساويه فيك من كتر حبي الك لو بتعرف بس كيف انا بحبك ما عملت فيني هيك ناظرت نفسها بالمراية وهي تعبانه حست انها فعلا كبرت بهالاتها و بروز عظام خدودها وشعرها الناعم بدأ يتساقط رفعت راسها للسماء وبدت تشتكي لربها بألم وهي دارية انه كل شيء يصير لها أكيد في خير رغم كل الألم سلمتك يارب امري لا تخيبني @@@@@@@@@@@ الهم باين بملامحه والتعب ما خذ نصيب من صحته وحتى من شغله جات فباله فكرة ومستحيل يخليها فكره راح يخليها اكيد وواقع سمع صوت ولده يصيح ومن بحة صوته عرف انه من اول يصيح وهو مو حاس قبل اسبوع كمل ولده 4 اشهر سبحان الله من يشوف وجهه الملائكي تنزاح همومه ويبدأ ييتسم لا شعوري أما حياته مع منال جدً عادية وكلامهم مع بعض جداً قليل هو صحيح ذابحه اسلوبها معه لكنه بدأ يأقلم نفسه وفعلاً تأقلم ع الحياة المزعجة الي تحاوطه ا دخلت معها الرضاعة وصوت فهد وصياحه ارعبها انقهرت لما شافت ابوه واقف وما خذه بحضنه يسكته منال بقهر : فهد يصيح وانت واقف مثل قلتك خذته من سريره وضمته لصدرها ومن حس ولدها بالأمان بحضن امه بدأ يهدى بدت ترضعه بحب وحنان وهو الوحيد الي مصبرها على عشرة ابوه الي صارت معاد تتحملها لكنها صابرة وخايفه تفقد صبرها بلحظة ضعف ممكن تسوي شيء لا يحمد عقباه @@@@@@@@@@@@@@@@ مسكت ريم قطعة فستان مكن ينقال عليها قطعة قماش تبغى احد يلملمها كان جداًً عريان وقصير بدت ريم بثقالة دمها واستلعانها رفعت الفستان فوق تقريبا خلت الزبائن القريب منهم يطالعونها ريم بصوت شبه عالي : ايماان وشرايك بهذا يخقق بتخلين معاذ مجلس بالبيت ما يتحرك والله اني منيب هينه واعرف انصح وصلت حرارة ايمان اتش والي زاد احراجها حست بنظرات الي حولها مصوبه لهم : اسكتي يا كلبه يا وصخه فضحتيني ريم ومسويه تنصح : من جد اتكلم والله يخقق تذكرين الي شريناه لمنال قالت ان فايز تنح عليها اسمعي كلامي ايمان وكان طاشين بظهرماء بارد خذت الفستان ورجعته مكانه وهي تخرج من المحل وتحس الكل يطالع فيها لحقتها ريم وهي ميتة ضحك على مشية ايمان والي شوية تكسر الدنيا من تحتهاد @@@@@@@@@@@ خذا ورقه مهمة من شنطتة الدبلوماسية وهو مو حاسب نتايج الخطوة الي بخطيها دائم متهور وتهوره ما ارساه لبر الأمان مطلقاً كانت الورقة الي بيد جاهزة تقريباً بس محتاجة شيء بسيط وبنص يوم تخلص خرج من البيت ونظرات الاستغراب تحاوطه من الكل نورة مطيره عيونها : وش فيه رجلك حتى سلام ما سلم منال : مدري علمي علمك انا هنا قاعدة معكم ومنيب دارية عن شيء نجلاء : هالفايز عليه طلعات مدري وش تبي ساعة يضحك وساعة معصب ومتتشن وما ينطاق وساعة حليو ويهبل وطلباتك عنده اوامر منال ببرود : بتعلميني فيه عاشرته وشفت كل شيء منه لو فهودي ما قعدت دقيقة معه اول الأيام منفس وتصرفاته ينشك فيها بعدين اكتشف انه متزوج بعدين انصدم بحملي الي فرحني وزعلني بنفس الوقت وخلاني قاعدتله صابرة على تصرفاته سكتوا البنات وكتمانهم ع الموضوع مسببلهم الم الي يحسونها خيانه لها ومنال ابد ما تستاهلها @@@@@@@@@@@@@@ وش فيك انتي لا تطحين وتفشلينا هدي هدي يا بو الشباب ايمان ودموعها تلمع : وش تبين انتي وش تبين ريم ومسوية بريئة : هذا جزاي قاعدة اعلمك ايمان بقهر : ما ابيك ولا ابيك تعلميني فضحتيني خليتي كل خلق الله يطالعونا انتي وخشتك هالمخيسة ريم بثقالة دم ونشاااز : ما أبيك بحياتي ابتعد ما ابيك روح دور علي الي من تبيه وهو يبيك طلعت ايمان جوالها تدق على اهلها يجون يأخذونها مسكت ريم يد ايمان الماسكة الجوال : ليكون بتشتكيني عند معاذ ايمان بقهر : وخري ايدك يا مال الكسر ولا منيب داقة على معاذ بدق على اهلي يجون يأخذوني لان قعدة معك وتسوق معاد ابي تفهمين ريم بصوت عالي: نعــــــــم هو لعب عيال ولا لعب عيال ساحبتني وراك ومقومتني من عز نومي وانا من صبح ربي قايمة اكرف بالمدرسة عشان ترجعين البيت وما بعد قضينا ايمان بإستحقار: تكفين انتي والكرف تمر عليك شهور ماتعرفين وش بالكتاب ريم مسكت يد ايمان تقاطعها : تعالي تعالي خلينا نشتريلك طقم مكياج دخلو المحل واستقبلهم الموضف اللبناني بكلا مثل العسل : اهلين بـــ صبايا كيف بئدر ساعدكم ريم تساسر ايمان : وشرايك اقوله انك مدام وانا صبية طيرت ايمان عيونها لانها صارت معاد تأتمن ريم واي شيء بتسويه ريم : لو سمحت نبي طقم مكياج مرتب الموضف : هدية لعروس يعني لمعت عيون ريم وبخبث وأشرت على ايمان : ايه هذي عروستنا الموضف : عنا مجموعة روج كتير حلوة بتظل المدة الي بدك اياها ( وهو يختار روج احمر وبإسلوب خبيث) هيدا الروج لو عملتيه سدئيني جوزك مارح يطلع لحدا غيرك طيرت ايمان عيونها في الموضف وبعدها في ريم الي هي نفسها انصدمت من اسلوب الموضف ريم بقهر : احترم نفسك ومعاد نبي من عندك شيء طلعت من المحل لاحقة ايمان الي كسرت خاطرها وتضحك عليها بنفس الوقت من الاحراجات الي صادفتها اليوم تكفيها سنة كاملة @@@@@@@@@@@ هبطت الطيارة بمطار الملك عبدالعزيز آل سعود بدو ينزلون الركاب على ابتسامات المضيفة اما هي حطت رجلها بأول درجة تنزلها من الطيارة طالعت فيه وابتسامتها تنور وجهها ما كانت مصدقة الي هي فيه ناظرها وابتسامتها البريئه الي حبها فيها وفقدها بالفترة الأخيرة اعطته طاقة يكمل الي بداه من غير خوف او تردد @@@@@@@@@@@@@@@ بدأت ترضع ولدها وهي مستغربة غيابة المفاجئ صارت معاد تفرق معاها لأنها عارفه انه مسافر عندها هي خذت مناعة منه لكن الي ماتوقعته يصير ولا 1% انها تكون حياتها بمثل هذا الألم والقهر والضيم كانت بدون مبالغة ولا غرور طاغية ع الكل بكل شيء فيها كانت اذا حضرت مكان تجبر الكل يناظر فيها معجب بكل شيء فيها جمالها روحها الحلوة اخلاقها ابتسامتها شخصيتها الواثقة بنفسها والمتواضعة بالوقت ذاته حتى حبها للكل شيء الناس تحبه فيها حساسة شفافة بريئة كان الكل يحسدها ع الي هي فيه كل شيء من دون استثناء هذا اليوم الــ خامس الي غاب عن البيت وجوابها الوحيد على أسئلة الي حولها انها ماتدري عن شيء م في داعي تداري لان حياتهم صارت واضحة وضوح الشمس @@@@@@@@@@@ تمزح يامعاذ قول إنك تمزح معاذ بأسى تنهد : هذا الي قاعد يصير ايمان حبيتي لا تدري صديقتك ترا راح تروح فيها ايمان بقهر: حبيبي ما يصير كذا انا كذا أخونها ما اقدر معاذ بعقل : هي راح تدري راح تدري بس مو منك ايمان غصتها العبرة : بس يا معـــ واختنقت وما قدر تتكلم معاذ وجعه قلبه عليها : ايمان حبيتي تكفين لا تبكين قلبي يتقطع ايمان وهي تشهق : ليش صديقك يسوي في منال كذا ليــــش معاذ : والله اني نصحته بإلي اقدر عليه وهذا انا ما اعرف انها صديقتك ايمان : اعذرني يا معاذ انا ما اسمح لصديقتي بالإهانة انا اذا سكتت راح اتعذب يا معاذ تزوج عليها وسوت نفسها ماتدري وخبت وسكتت وهو ما قدر والحين جابها وخلاها تستقر أي ولد عم هذا أي ولد عم معاذ : اهدي يا ايمان اهدي @@@@@@@@@@@@@@ شرفت يا حبيب امك شرفت فايز وما يبي مشاكل : السلام عليكم بو فايز : وعليكم السلام شرفت وين كنت فيه اسبوع وينك فيه تارك مرتك وولدك زين منها انها هنا قاعدة اجل لو كانت لحالها بتخليها تستخف لوحدها اتقي الله يارجال انت ابد مو قد المسؤليه ما يعتمد عليك انت ابد فايز : يبه خلاص انا سمعت كلامك بما فيه الكفاية وشوف وين وصلت النتيجة شوف واذا كان قصدك منال عشان انها بنت اخوك ترا حتى غدير بنت ناس وهاملها اكثر وراميها هناك يبه خليني اشوف حياتي ارحمني ارحمني دخلت منال بكل قوة وجبروت وابتسامة تشفي القلب عكس قهرها الي داخلها : اهلين الحمدلله ع السلامة نورت فايز ناظر بــ أهله وهو مستغرب ورجع ناظر فيها : الله يسلمك منال : اكيد انك مسافر بس استغربت انك ما خذيت ملابس معك فايز : كنت مسافــ منال تقاطعه : وشلون غدير اخبارها الكل علامات استفهام بوجوههم من برودها وسؤالها الي ابد مو من المفروض هي الي تسأله @@@@@@@@@@@@@@ لو سمحت يالطيب ابي شريحة جوال من دون اسم البائع : ابشر تفضل اختار الرقم الي تحبه : لالا مو مهم أي رقم البائع : اوكي ( وهو يناولها الرجال ) : كم حقها البائع :__ ريال سلمه المبلغ وطلع من المحل والفكرة الي بخطو لها ممكن راح تغير حيااااته @@@@@@@@@@@@@@@@@ رتبت اغراضها وأغراض ولدها الي كمل الــ 5 شهور ولدها هو الشيء الوحيد الي ممكن يحببها بفايز انها جابت منه هالملاك سبحانه ربي من تشوفه تحس كل همومها تنزاح واحد من ورا الثاني يجي فبالها اذا ممكن تركت فايز وهو له الأوليه انه يسكن معه ما تستبعد ممكن يصير فيها شيء صاير نسخة من فايز ما تحبه يشبهه ولا تبغاه يشبهه من تناظره يجي فبالها كل شيء سيء مع ابوه لكن ترجع بنفسها الثانيه تحضنه وتلمه وتلعبه وساعات تسولف معه تعشق ولدها تعشقه حد الهلاااااااااااااااك سكرت شنطتها بمعونة نورة وقهر نجلاء منها وعليها ومن فاااايز الأكثر لوم من أي احد ثاني نورة ودموعها تحرقها : منال انتي مصممة علي قاعده تسوينه فكري لا تتهورين منال : وش فيك نورة الي يسمعك يقول أني منيب راجعة راح احضر عرس ايمان وبجي نورة : باقي ع عرس ايمان واجد كلنا معزومين وكلنا بنجي ليه ماتجين معنا منال : ما عليه انا قريبه منها وابي اكون معها هي ما قصرت معي ايام زواجي وانا ما ابي اقصر معها ايمان شيء بحياتي مستحيل أتخلى عنه نجلاء : الله يخليكم لبعض منال : آمين تسلمين حبيتي نورة بألم ونضرتها معبرة : مدري ليش انا حاسة انك بتروحين من دون ترجعين لنا منال بإبتسامة : وش فيكم لااكيد اني راجعة بس حيـــل اشتقت لأهلي نجلاء : اخليك انا يمكن انك تبين تريحين نورة : وأنا معك منال : لا خليكم معي انا مبسوطة فيكم نورة مسكت يد منال وبحب : منال الله يخليك لا تعاقبينا بفعايل فايز نحنا مالنا ذنب ونحبك ضمت منال نورة من غير سابق إنذار والبراكين الي بداخلها تنفجر واحد ورا الثاني هدتها نورة وحاولت تريحها بإلي تقدر عليه وخلتها بالغرفة لكن وين تهدأ والرسالة الي بجوالها كل ساعة تفتحها وصعبانة عليها نفسها فتحت جوالها ودورت ع الرسالة المجهول صاحبها ( زوجك الي هو ولد عمك يخونك ومتزوج عليك أنا داري انك دارية بالكلام هذا لكن الي ماتدرين عنه ان زوجته هنا مستقرة بـــ جدة ) فاعل خير ختم مسجه وهو يأكد الخبر ومستحيل يكذب فيه !!!!!!!!!!!!!!!!!!!!!!!!!! @@@@@@@@@@@@@@@@ مبسوطة كتير فيك خلك هون كمان شوي ما بدي اياك تروح هلأ فايز بحب : انا ما أملك نهائياً يا غدير انتي اول حب لي وماحد خذا مكانه ابد فايز وهو يناظر عيونها وفاهم وش الي تفكر فيه : لا يهمك حبيتي مثل ما تسهلت اني جبتك هنا صدقيني راح تسهل اوديك لأهلي وأعرفك عليهم شكرته غدير بكل حب ومن قلب وهي تطلب رب العباد انه يخليه لها ولا يحرمه منها ابد @@@@@@@@@@@@@@@ وش أخبارك اخبار ولدي وأخبار عمي منال ببرود : كلنا تمام وبخير فايز : عسى ما تغير الجو على فهودي منال : مالك دخل فيه خلك بإلي انت لاهي فيه فايز بصبر: بلا دق حكي معك كلام قوليه واضح منال : ما شاء الله عليك يا فايز تعرف تستغبي فايز وهو يبلع ريقه : وشو منال بإسلوب ينرفز : أبدً ما عندي شيء انت تبي تقول شيء قبل ما اقفل فايز : اول قوليلي وش قصدك منال انقهرت : اووووووووووووو لاتقعد تنافخ تراك ماهميتني ولا بتهمني فاهم وعلم يوصلك ويتعداك رجعة لك انا وفهد مستحيل تفهم مستحيل فايز بقهر : انتي بحريقه ما هميتيني لكن فهد انا ابـــــــــــــــــــــــــــوه منال : مستحيل اخليك تمسك شعره منه انا فاهمه وعارفه حركاتك القذرة تبغى تأخذه مني وتحرق قلبي عليه شفت اني مني مهتمة لك وسافهتك ولني حولك تبغى تجيني من ناحية فهد احلم تفهم احــــــــــــلم @@@@@@@@@@@@@@@@@@ كان ودي يا إيمان نكون مع بعض بجدة بس مو نصيبنا نكون مع بعض لما بتصيرين معي وجنبي ربي ما اراد ريم : وش فيكم فجعتوني انتم عارفين شيء انا مو عارفته .......... آتركم لكم حرية آلتعليق .. هو شرف لي بحجم السمآء آطلآآلتكم بمتصفحي هنـآآ .. كمآ هي فمة السعآده لدي بتفآعلكم .. بآنتقآدكم .. بردودكم .. وآطرآئآكم .. آترقب حروفكم لـ تبهرني .. آطوآق من ورد آلجريس لـ سموكم الرآقي .. |
الجزء الحآدي عشر ..
كان ودي يا إيمان نكون مع بعض بجدة بس مو نصيبنا نكون مع بعض لما بتصيرين معي وجنبي ربي ما اراد ريم : وش فيكم فجعتوني انتم عارفين شيء انا مو عارفته ايمان وخايفه ان منال عرفت : وش فيك منال تكلمي وقفتي قلوبنا منال وهي منهدة ع الآخر وقواها كلها خارت : جاني مسج قبل فترة قبل ما اجيكم بيومين ان فايز متزوج علي وصاحب المسج يقول انا داري انك دارية لكن الي ماتدرين فيه ان زوجته هنا بجدة هنـــا بجدة جابها الحقير السافل المنحط ودي اعرف من صاحب المسج ودي اعرف انا مافيني حيل تعبت تعبــــت ليش يسوي فيني هالسوات الله لا يسامحه ريم بذهول : قصدك غدير بجدة ايمان والي خايفة منه صار كانت تبغى تأجل الموضوع لما تتحسن نفسيتها شوي لكن : منال حبيتي اهدي منال : وين اهدا يا إيمان ويــــــــــــــن @@@@@@@@@@@@@@@ ليلة الحناء كانت ولا أجمل حتى منال نفسها نست نفسها ونست همومها كيف ماتنسى نفسها وهمومها وهي تشوف اعز الناس على قلبها مبسوطه وفرحانة ايمان شيء رائع كانت لابسة ساري زيتي مطرز ومشكوك بالذهبي وملثمة وجهها بنفس اللون ومسوية حركة الملكي ويداتها منقوشة بأنعم وأحلى رسمة عيونها تلمع فرح تمنت لها السعادة من كل قلبها وتصوروا كيف دعوة المظلوم مستجابة لسى مابعد زفوها وضحكت من قلب وهي تشوف ريم غاثتها ومطلعة قرونها بس شيء حلو من ريم تخفف توترها وخوفها ريم بــ إستلعان : ايمانوه تخيلي اول ماتدخلين تنشب رجولك بطرف السجاد وتطيحين على وجهك ام الأحراج ما يردني الا كاميرا فيديو وفوتغراف ايمان بخوف : يا خايسة انقلعي انتي وها الفال انطمي قومي من وجهي انا ناقصة ريم تمثل الجدية : مالك داعي هذا جزاي بخليك مشهورة ومعروفة والكل يتكلم عنك شفتي العروس الي طاحت احلللللللى شيء ايمان بقهر : إن شاء الله انتي تطيحين على وجهك ووتتكسرين منال تضحك : وش فيكم مقهورات من بعض هدن اللعب شوي الله يهديكن ايمان : ما تشوفين هالمخيسة وش تقول منال بليزززززز طلعيها برا ما ابي اشوف وجهها طلعيهااااا منال : ريم وبعدين معك خلاص ريم غمزت لمنال اننا شوي بنزيدها ريم بلعانة :ايمان وش احساسك اذا الحين دق معاذ وقلت له ايمان تصيح وهو يرد علي وش فيها طبعاً من كثر الخوف وأقوله تبيك تعرس عليها بلا زواج بلا حناء ايمان تسوي فيها قوية : ايه هين مناك بس مناك ريم طيرت عيونها : لا تتحدين الي سويته فيك ايام جهازك كفاية ايمان : ايه خايسة ينخاف منك انتي ريم : ايمان بأخذ جوالك تلفوني مفصول ايمان بقهر وتبي الفكة منها : خذيه الله يأخذ روح ابليسك يا معفنة خذت ريم الجوال وبدت تكتب مسج وعلى وجهها لمعة خبث ولعانة انسى كل الناس خليني أحضنك غمض عيونك وانسى بحضني نفسك انسى عمرك وانسى عمري امتزج بيا وصير عطري ليش انا ويااااك أحس الوقت يجرررررررري انسى كل النااااس كل الناس خليني احضنك دورت الاسم وهي ميتة ضحك وصوت ضحكتها يعلى ويعلى ومنال وايمان مطيرات عيونهم فيها ايمان قلبها نغزها : ريموه ووجع وش سويتي وش مخبصه بجوالي فتحت ريم الرسائل المرسلة وفتحت المسج وحذفت الجوال لـــ إيمااان صعقت إيمان من الشخص المرسول له المسج قبل ما تصعق من الرسالة نفسها وهي ميتة غيض ايمان بصراخ : عمى يا خا يسة وسافلة يا منحطة وش سويتي انا وش سويت فيك ليش تسوين فيني هالسوات منال انهبلت من عصبية ايمان : وش فيه ريم وش مسوية ايمان ردت بقهر : شوفي وش راسله لمعاذ شوفي منال قرأت المسج وماتت ضحك : عبالي عندك سالفة عادي خلك كووول طالعوا منال وريم في بعض وتسدحن ضحك ايمان خذت الجوال بترسل انه مو هي الي كاتبته وتبينله السالفه بس منال حذرتها وايمان ما ردت عليها وهي خايفة من نظرة معاذ لها من هالمسج الجريئ @@@@@@@@@@@@@@@ لحظة لودااااع ضحكات تتخللها دموع فررح وحزن وشوق كانوا ثلاثتهم مثل الخوات ويمكن أكثر كانت علاقتهم قووووية حيل حتى ريم الي فارقق السن بينها وبين منال وايمان كبير شوي لكنها كانت قريبة منهم وفاهمين لبعض وكأنهم بسن واحد ايمان وتشهق بدموعها : لا اوصيك بنفسك يا منااال الله يخليك منال بإبتسامة حلوة وروح ذابلة : لا تقلقين عمرك وانبسطي صدقيني انتي لا انبسطتي انا بكون مبسووووطة اوكي ايمي بليز ريم وبتلطيف الجو : اقول خيستنا انتي واياها وبعدين معكن وما قدرت تمسك دموعها : ايمي حبيتي بفقدك بفقدك موووووووووووت ايمان بكتها كلمة ريم : وانا بعد بفقد بثارتك ريم : لايهمك بطلع قرونك وحتى انتي مسافرة بس عطيني رقم جوالك هناك منال تضحك : انتبهي تسوينها بتخليك تلعنين الساعة الي ارسلتي رقمك فيها ايمان : من جدك انتي لو وشو ما سويتها حتى اذا بدق عليكم من جوال معاااذ وانتي منولة بيني وبينك مسجات وبليز لا تعطينها رقمي تكفيـــــــــن منال : ماينقدر عليها بس ابشري ما يهمك فايز خلك من تهورك تراك تلعب بالنار ولا تأذي بنات الناس معك خاصة بنت عمك من جبت بنت بو كمال وانت هاملها وهامل ولدك فايز : خلها ع ربك وبعدين هي سافرت بدل ما تتقرب لي شالت قشها ومشت معاذ : تدري ليه فايز : قلك تتعذر بزواجك وهي تبي الفكة مادرت اني ابي فراقها اليوم قبل بكرة معاذ بقهر : فايز وراك وش صاير لك تراها بنت عمك وام ولدك اذا انت ناسي انت فاهمني انت مغيب شارب شيء ترا مرتي قالت لي ان مرتك درت بإلي سويته فايز طير عيونه : وشو معاذ : انك جبت بنت بو كمال هنا جاء ماجد يستعجل معاذ بما انه هو الي راح يوصلهم فندق المرديان الي حجز لهم جناح فيه هدية منه لهم @@@@@@@@@@@@@@ قلت لك منيب راجعة معك لو تسسوي الي تسويه منيب راجعة معك بو فايز : يمه عشان ولدك مهوب عشانه هو بو فيصل : فهد مهوب ناقصه شيء مثل ما انت جدة يبو فايز انا بعد جدة وخلي بنتي عندي منال بنتي انضامت عندكم ولا شافت الهناء فايز بقهر وفجر القنبلة : بكرة انا ماااااشيء وان مالقيتك جاهزة ولدي تحلمين تشوفين ظفره بو فايز بغضب : فاااااااااااااايز مهوب كلام رجال الي قاعد تقوله احترم شيبتي فايز : محشوم يبه بس ابي ولدي مو كفاية خذته عندها هالفنرة وانا ساكت ومتحمل منال : لا تقعد مسوي فيها انك مره مهتم له ولا جبت خبره ( خذت نفس وعلا صوتها من القهر الي داخلها ) خلك مع مرتك المصون الي جبتها جدة وشوي شوي بتخليها تأخذ مكاني وغرفتي وانا أسهلها لك طلقني الحين الحين تطلقني بو فيصل طير عيونه ومصدوم ومو فاهم وش الي قاعد يصير من حوله بلع فايز وأبوه ريقهم من الي الحكي الي قالته منال وخايفين من ردة فعله منال تكمل وهي تبكي بألم أخيرا فجرت القهر والهم الي ساكن قلبها فوق السنة قالته لسندها وعضيدها وظهرها في هالحياة : ايه يا يبه ايه متزوج وحدة بالأردن حرق قلبي يا يبه فايز حرق قلبي والحين جابها هنا كيف يبه ترضى علي هالإهانه يبه الله يخليك مالي غيرك بالدنيا هذي وقف معي بو فيصل بغيض : الحشيمة لك والمقدار يا أخوي لك فايز ما يستاهل بنتي بناتي عندي بالدنيا ربيتهم تربية ملوك ويستاهلون الي يعيشهم حياة الملوك بو فايز ومستحي من اخوه : هد اعصابك يا خوي لا تخخرب بيت منال بيدك منال ونفسها متقطع من توترها : عمي الله يخليك ارحمني اعتبرني نورة الي ماترضى عليها بو فايز : يا منال عشانك انك بنتي ما ارضى عليك البهذلة منال صارت تبكي خوف من المستقبل وقهر من فايز الي شوفته تشعل النيران بصدرها وحزن على حالها ضمها ابوها وهو يهديها ويحاول يكون حكيم بموقف بنته المصيري @@@@@@@@@@@@ شهرين مروا والحال هو الحال منال عند أهلها وفايز جاء الشرقية كم مرة يشوف ولده ويحاول في منال انها ترجع لكن يرجع جدة مثل ما يسافر لها ايمان ومنال متواصلين اكثر من أول بما إن منال في حاجة لــ إيمان للي وإيمان ابد ما خيبت ضنها معاً منال ما تشتكي لها ماتبغى تزعجها بأيام زواجها لكن ايمان تحس بــ منال بنبرة الصوت حتى لو كانت تداري في نبرة صوتها في كم محاولة من معاذ إن يخلي إيمان تقنع منال برجعة لزوجها لكن إيمان موقفها صعب ما ترضى الإهانة لمنال وما تبغى تخرب بيتها بنفس الوقت وقاعدة تسوي الي تقدر عليه وأكثر اما من ناحية حياتها علاقتها مع معاذ ولا أحلى مثل ما كانت متوقعته وأكثر معاذ إنسان حكيم حساس موزونة تصرفاته وجنتل ع قولتها ويحتاجها لحياته مثل ما يحتاج عيونه الي يشوفها فيها ويكحل عيونه فيها ريم مهيب مقصرة مع منال وفهد حاطتهم بــ عيونها الثنتين ومنال كانت ممنونة لها حتى في بثارتها لها الفضل إنها تغير مودها وتسلي نفسها بوجودها حولها ابو فيصل وام فيصل حالة منال بكرهم تاعبتهم وكاسرة ظهورهم لكنهم من ناحية التقصير شايلينها على روسهم من فوق لكن حياتها مع زوجها متعبتهم كثير بو فايز مقاطع فايز ومحاولات فايز في صلح ابوه تنتهي بالفشل ومتواصل مع منال بشكل يومي يسأل عنها وعن حالها وهالشيء مريح نفسية منال بعض الشيء ام فايز معذبها الحال بين فايز وابوه وبما إن بو فايز شخصية عنيدة كل محاولاتها له في صلح فايز تنتهي بالفشل نورة ونجلاء :متواصلين مع منال وفاقدينها حيــــــــــــــــــل @@@@@@@@@@@@@@@@@@ انت وبعدين معك كم مرة قلت لك لا تدخل المكان الي انا فيــــ قطع كلامة لما شاف بنوتة في كامل برائتها وحيائها وارتباكها وخوفها فايز وهو يبلع ريقه : غدير مرتي تقدمت غدير لبو فايز بتبوس راسه لكن بو فايز رفع يده بمعنى لا تكملين طريقك ووجه كلامه لفايز : الكلام الي اقوله ما تفهمه ولا انت ماتبي تفهمه فايز بقهر من حركة ابوه لغدير : يبه بيني وبينك شيء لا تدخل غدير بينا البنت مالها ذنب اهتز فك غدير علامة البكا حاولت تمسك نفسها بس ما قدرت كانت عكس منال بـــ الصفة هذي الصد الي لقته من بو فايز وجع قلبها اكتئبت حست انها مارح تقدر تدخل بينهم وتخليهم يحبونها بو فايز يغضب : انت تبي تذبحني اطلع برااااااا مسك فايز يد غدير وطلع من المكان وهو يحاول يهدي غدير الي بدت تشهق وتبكي بألم الصد شافته كمان من البنات و ام فايز كانت انسانة محايدة شخصيتها ضعيفة تقريباً قدام بو فايز قابلت غدير بإبتسامة لكن غدير باللحظة ذاتها طلبت من فايز انها ترجع شقتها @@@@@@@@@@@@@ دخل الشريحة بـــ جواله وهو ناوي يسوي شيء ثاني حس ان رسالته الأولى سوت مفعول كبير هو نفسه ما توقعه بدأ يكلم نفسه : معقول اكون بالدنائه هذه اخرب بيوت حتى لو هالشيء فيه مصلحتي حرررررررام هالشيء يطلع مني ......................................................... كآنت صدمة منآل وردة فعلها بجية غدير لجده قويه هل تتوقعو ستسوء العلاقات اكثر ويكون موقفها قاسي؟؟ هل ممكن يوصل الموضوع لدرجه تطلب الطلاق بشكل جدي وتصر على تنفيذه ؟؟ وهل ممكن يكون تصرف منال متسبب في مشاكل مابين الاسرتين والقطاعه من بينهم من جديد ؟؟ رآيكم بحركات حرقة دم ريم وهبالها في حنة ايمان؟؟ ورآيكم من حركة ريم والمسج اللي آرسلته لمعاذ ؟؟ وتعليقكم على مووقف ايماان لو عشتوو نفس موقفهاا ؟؟ تعليقكم بخصوص موقف ودآع آلبنوتآت ؟؟ - ورآيكم بخصوص موقف فايز مع منال من الحوار اللي دار بينه وبين معاذ ؟؟ رآيكم بتصرف فايز وتهديده بآنه ياخذ الولد ويحرمها وسيله يجبرها ترجع له ؟؟ وتعليقكم بموقف كلمة منال امام الكل عن زواج فايز اللي كان كـ القنبله قدام ابوها ؟؟ تتوقعو ايش بيكون مووقف ابو فيصل ؟؟ وايش ممكن يكون مصير منال اللي مازال معلق ؟؟ تعليق منال لمدة شهرين شي صعب بس هل بيطول الوقت اكثر برآيكم ؟؟ رآيكم بموقف ايمان ماابين انه تحاول توفق بين عدم جرح كبرياء صديقتهاا ورضا زوجها ؟؟ رآيكم بموقف ابو فيصل وام فيصل - ريم - ابو فايز - ام فايز - نجلا - نورا ؟؟ تعليقكم عن موقف فايز ومفاجأته بجيت غدير لهم فجأه ؟؟ رآيكم بموقف كل من ابو فايز ؟؟ وام فايز والبنات ؟؟ والاهم غدير؟؟؟ توقعاتكم بخصوص الرساله وصاحبها وايش هو مقصده من تصرفاته اللي يسويها ؟؟ لـ آرآئكم وتعليقآتكم في نفسي آجمل معآآني وتعابير الفخر والسعآده آنتظر منكم تفاعلكم مع الاسئله ولكم ايضا الحريه في التعليق عن ارائكم .. فكلمآتكم وان كانت بسيطه لها اثر علي الكبير بحجم السمآء ممتنه لـ من قرآ – زآر – رد – تفاعل مع قصتي .. للعلم :- حآولت التحكم بطول الجزء هذه المره لـ يحوز على رضاكم ولكن عذرا طول الموقف وقصره تحكمه الجزء فهو خارج عن ارادتي .. قراءه ممتعه للجميع .. لكم مني كل الحب .. |
ماشاء الله بديت فيها ومانتبهت الا باخر جزء اسلوب بسيط ورائع
منحر قلبي كثر مانحر على الضعيفه منال فايز بجد اناني واي قوه بتمارسها عليها وش ذنب الولد يضيع في الطوشه بينكم <خلك مع نجودك سلمت الانامل ياربي ف عز الكلام سكت الكلام |
السلام عليكم ورحمه الله وبركاته
الروايه ماشاء الله رووعه وخلصتها كلهااااا من الحمااس اكثر وحده مظلووومه هي مناااااال ياقلبي عليها تحملت الي ماينتحمل بس عشان اهلها وعيال عمها والله انها خساره في فايز والله ماتنلام انها تهج من جده لانها خلااص الصبر الي عندها كمل وفايز ما خلا لها اي طاقه عشان تستحمل اكثر والي كان مصبرها على العيشه ولدها وان زوجته مو ديره لاكن بكل قواة عين يجيبها ويخبيها ولايقول لاحد فقالت اصرف اني اطلع بكرامتي احسن فايز احقرمنه ماااافيه لاعب على الثنتين واناني مايحب الا نفسه مسوي فيها انه بار بابوه وان اخذ بنت عمه وصابر عليها عشان خاطره الا اهو داااخ من جمالها ولا قدر يستغنى عنها ماحبيته بالمررره غدير ترى حتى هي مظلومه مع فايز بس هي ظلمها اقل على الاقل هو يحبها ويداري خاطرها وفي الطالعه والنازله يبين حبه لها بعكس بنت عمه الي صاطها والا اهت فيها بس الغلط غلطها هي وابوها الي زوجوها لواحد مايدرون عنه ولا اسالوا عن احواله ولا اهتموا ان اهله وياه همهم بس يزوجونخ بنتهم والغلط غلطهم وياه مع اني رحمتها اشوي بس ريم عسل عسل هالبنت عن جد حبيتها وحبيت اخبالها يوسع الصدر وكل تصرفاتها تضحكني حتى المسج مع انها قويه حييييل بس معلي شعشان تقرب بينهم اما ايماااان فهي فعلاا نموذج راائع للصديقه وكانت مثل الاخت واكثر لمنال وقفت معها وساعدتها في جميع ازماتها واتوقع ان صاحب المسجات هو مااااااجد يبي منال تتطلق عشان هو ياخذهااااا يسلمو يالغلاا على هالروااايه بس حبيت اسال متى موعد تنزيل لبابارتات |
الجزـــــ 12 ــــ ء
دخل الشريحة بـــ جواله وهو ناوي يسوي شيء ثاني حس ان رسالته الأولى سوت مفعول كبير هو نفسه ما توقعه بدأ يكلم نفسه : معقول اكون بالدنائه هذه اخرب بيوت حتى لو هالشيء فيه مصلحتي حرررررررام هالشيء يطلع مني ( رد ع نفسه يحاول يبري ذمته ) بس هي حياتها متزعزعة مع زوجها انا ماخربتها ولا سويت شيء أستحق اني الوم نفسي هالملامة طلع شريحته المجهولة ورجع شريحته الأصلية ووصله مسج فتحه ( ليش قافل جوالك ابيك ضروري ااول ماتفتحه كلمني ) دق ع المرسل وهو يسمع اخته ترحب فيه هلا ماجد !!!!!!!!!!!!!!!!!!!!!! @@@@@@@@@@@@@@@ هالمرة عدت على خير لو سمحت ياا أخ فايز انت مستغني عن ابوك الاجهاد والانفعالات مو زينة له ربي لطف فيه فايز :إن شاء الله يا دكتور نحنا قاعدين نسوي الي علينا لكن هو ما يسمع الكلام بو فيصل وهو شايل على فايز كثير : طمنا ألحين يا دكتور الدكتور : كل شيء اوكي بس لازم اعصابه تكون هادية ورايقه ضروري الهدوء لشخص مثل حالته بو فيصل بحزم : وش صار لأخوي فايز وبحدة يتكلم ولا كأنه غلطان : جبت مرتي تسلم عليه عصب علي ما وعيت الا وانا بالطريق البنات متصلين علي يقولون لي انه طاح @@@@@@@@@@@@@ كيفك يابنتي صدقيني من شفتك انا بصير بخير من بعد فضل ربي منال بإبتسامة : عساك دوم بخير يا عمي بو فيصل : لا بأس عليك إن شاء الله يا خوي بو فايز : الله يعطيك العافية يا خوي امسحها بوجهي سواة فايز في منال منال بتنهيدة : انت ارتاح ياعمي وتالي يصير خير بو فايز بحب : الله يكملك بعقلك يابنتي آآآه يابنتي منيب عارف وش اسوي عشان اريحك بو فيصل : راحتها من راحتك يا خوي انت ريح عمرك وهي بتصير بإحسن حال منال وهي تضغط على يد عمها : الي يقوله ابوي هو الصدق لا صرت بخير انا بخير بو فايز بإبتسامة : وين حفيدي شفقان على شوفته منال وهي تقوم : تركته عند البنات ألحين اروح أجيبه @@@@@@@@@@@@@@@@@@@ ألحين انا ابفهم كل دقيقة والثانية طلقني وطلقني وش براسك اصرارك مهوب بــ طبيعي ( وبــ إستحقار قالها : ولا لألحين براسك أخو صديقتك ( وبتريقة ) الا بسألك باقي الأستلطاف ما بينكم الا أكيد البعد أشعل نيران الغيرة والحب الدفين منال طيرت عيونها وبإستحقار لتفكيره : انت انسان مريض كيف تشك فيني هالشك الوصخ ولا شايفني مثلك الدنائة والحقارة متربية بدمك فايز بغصب وعصبية : كلمة زيادة ما تلقى الا كف يزين وجهك منال بــ قوة : شوف يا حبيبي هالكلمة لو تقولها لــ مية سنة قدام انت تحلم تطولني فايز مسوي فاهم : اها عرفته الحبيب المصون ماجد نسيب معاذ منال طيرت عيونها وفعلا الموضوع اربكها نوعاً ما بس قدرت ترد : تكسر خاطري ساعات الله يعين من يعاشرك ويقابلك @@@@@@@@@@@@@@ يا ويل حالي فهودي محلو ( وهي تناظر منال ) وانتي بعد محلوة شكل جو الشرقية يزين منال بإستهبال : الزين زين لو قام من النوم نورة : وانا اشهد منال : فديتك انتي الحلا كله نجلاء بحنان : يا عمري ع فهودي صار يحبي وحنا بعاد عنه الله يسامحك يا منال ع هالسوات منال بإبتسامة : شوفي اخوك وحاسبيه مهو بـــ شغلي ام فايز : الله يهديه ويهدينا جميع نورة : اذا منيب غلطانة عمره الحين 7 شهور منال وهي تحطه بحظنها وتلاعبه بحب وحنان : من اسبوع دخل بالسابع مابعد يكمله @@@@@@@@@@@@@@ وش فيك تبكين لا توجعين قلبي غدير بألم : بتسأل يا فايز بتسأل جوازي منك جاب الي وإلك التعب والهم سامحني يا فايز سببت لك كتير مشاكل مع أهلك ( وغطت وجهها بيدينها تبكي ) فايز ما يطيق يشوف بــ غدير ضيقه جلس جنبها وحاوطها من أكتافها : غدير حبيتي كلامك هذا يأذيني انا احبك واي شيء منك حتى لو كان أذى على قولتك راحة لي يكفيني شوفتك قبالي هذا يكفيني غدير : بس انا مني مرتاحة انت تتعذب بسببي وانا مرتاحة ومبسوطة فايز ماكان رده الا انه يضم غدير وهو يهديها ويمسح ع راسها وهي فعلاً هدت لكن الشيء الوحيد الي شاغل بالها موضوع الحمل تزوجته قبل منال وولدهم الحين عمره 7 شهور وهي للألحين مافي أي نتيجة @@@@@@@@@@@@@ أخيراً جيتي عندي بجد ماتستحين من عرست ما شفتي بيتي منال بضحكة : ياحلوهم الي صاروا كبار وعندهم بيت ايمان بدلع : شفتي كيف كبرت وصار عندي بيت ( وهي تأخذ فهودي من حضنها ) ياويلي انا بموت على الحلوين خلص اسمحيلي اليوم راح ينام عندي مستحيل تأخذينه منال : لا ياقلبي فهودي ما ينام بعيد عن حضني دقيقة وحدة ايمان بتريقة : يعني اني الام الحنون وانتي من جنبها منال ضحكت : اقول بدق ع ريم وحشتني ايمان : من جد فديتها ع كثر ما هي غاثني ومستلعنة معي الا اني احبها واحب بثارتها منال : يدق خلينا نضيعها وماتدري اننا عند بعض ريم وهي منفسة : هلا منال ايمان بقهر : مالت عليك انتي وهالنفس ريم بقهر: منال طسي عن وجهي لا ارتكبت فيك جريمة ايمان بضحكة : اسم الله عليك ماعرفتي صوتي من صوت منال ريم : هلا ايمان يلعن شيطانك والله فقدتك وفقدت لعانتي عليك منال : وش فيك مشينة النفس ريم : علي امتحان ومنيب فاهمة شيء وشياطيني تناقز قدامي ايمان : ايه هين صدقتك ريم زعلانة عشان امتحان منال : بجد جبتيها شكل امي لاعنة شكلك ريم : كيف عرفتي منال : يلا خلصيني وش صاير معك ريم : شفتي جيرانا ذيك البنت الخايسة الي ما ادانيها منال بضحكة : ايه عرفتها الي تحبينها ريم بقهر وعصبية : كلي تبن لا كفختك أي احبها منال تعاندها : الا الا عرفتها حتى كنتي تحبينها لما تسدحك بالأرض وتكفخك ايمان بشماتة : واااااااااااااااااااااااااااااااك ريم والله وجاء الي يكفخك ريم بقهر : ذاك اول يوم اننا صغار خل تجي جنبي بس تفكر تجلس جنبي والله لألعن جدها وانتي يالمخيسة اسكتي عني ايمان تقاطعها : يلا مناااااااك اتحداك تسوين شيء ( وبنبرة لعينة ) ماتقدرين منال : المهم وش تبي امي تزينين لها ريم : تبغاني اروح عندها قلك ايش بنزورهم اختها ولدت منال : اما عاد وش دخلنا فيهم علاقتنا فيهم حيل عادية ( وبلعانة ) أخاف تبيك تتميلحين قدام ولدهم الغثة الماصخ ريم : منال ووجع يوجع ابليس انطمي عني ايمان تسوي فاهمة : ايه ايه عرفته ذاك الي دايم يعطيك وردة سكتوا منال وريم فترة بعدين تسدحوا ضحك على تعليق ايمان منال : ايمان وش تحسين فيه وانتي سامجة ريم : من جد لو مكانك يا منال صقعتها بأكبر شيء جنبي ايمان : اقووول اسكتي يارب انها تكفخك بنت جيرانكم يااااارب ريم : بقوم اكفخك ايمان وهي تسمع دقة المجلس : بنات أخليكم معاذ بالمجلس بروح اشوف وش يبي وشوي الا يسمعون صرختها وهي تنادي وتهلي بــ ماجد @@@@@@@@@@@@@ هلا فايز غدير : حبيبي فايز شو بدك ع العشاء اليوم غمض عيونه فايز لما حس منال انها سمعت صوت غدير ورد بصوت طبيعي: هلا منال امري منال بقهر وبصوت واطي عشان لا احد يسمع : معاد ابي منك شيء خلك مع هالخايسة الي عندك فايز : منال وبعدين منال توهقت لازم تخليه هو يوصلها البيت ماحد عندها غيره : انا في بيت معاذ تعال خذني ( وقفلت التلفون ) @@@@@@@@@@@@@@@@@ كانوا مرتبكات وخايفات من ردة فعل بنت عمهم الي قاعد يصير لها يوم بعد يوم يقهرها ويتعب نفسيتها وحياتها مع زوجها تزداد سوء دخلت عليهم ومستغربة هيئتهم منال بإستغراب : وش فيكم نورة ترفع كتوفها تمثل اللامبالاة : ولا شيء نجلاء : ليش تسألين اشكالنا فيها شيء ء منال : لا بس ساكتات ومهيب عوايدكم الا وين فهودي حبيب مامته ناظروا البنات في بعض وردت نورة : عند ابوي بالمجلس @@@@@@@@@@@@@@@@@ تعال جدة لي شهر ماشفتك واذا كلمتني من فترة لفترة ما كأني اختك ماجد بضحكة : وش فيك اعصابك خلاص يومين وبتلاقيني بوجهك ايمان : كيف امي وابوي ماجد : كلنا تمام الا بسألك ايمان ايمان : امر ماجد : ما يأمر عليك عدو صديقتك وش اخبارها ايمان وهي عاقدة حواجبها : من قصدك منال ماجد ويمثل اللامبالاة : ايه اخبارها مع زوجها سمعتك زمان تكلمين معاذ وتقولين له انها مهيب مستقرة مع زوجها ايمان بإستغراب : ماجد ليش تسأل ماجد حاول يداري ارتباكه : وش فيك ايمان بس أسأل خلاص ما يسوى علي أسال ايمان بحزم : ماجد البنت متزوجة والي كنت تفكر فيه قبل زواجها انساه والبنت عندها ولد ماجد : ايمان خلاص ما صارت وادري البنت متزوجة يعني بتعلميني ايمان : المهم على هالطاري منت ناوي تتزوج ماجد بحزم : لا ايمان بإستغراب : وش الي تغير انت كنت مستعد للزواج ماجد : ايمان وبعدين انا اذكر اني قتلك كلميها بس والزواج بعد سنتين @@@@@@@@@@@@@@@ بصراحة انت ما تستحي فايز طير عيونه : معاااااذ معاذ بجدية : هذا الصدق تبيه ولا كيفك مشين النفس وبنت عمك ساكتة ع بلاويك ومتحملة عشان عمها الي هو ابوك وتجي انت تخربها وتروح بمرتك مسوي فاهم وبتعرفها ع أهلك طيحت ابوك وبغيت تذبحه والحين بتدمرها وبتعرف حريمك على بعض لاااا يا فايز انا الحين تأكدت انك منت بصاحي انا اخبرك متهور وتجيك هفات لكن ترد لعقلك ألحين لاا أكيد أكيد صاير بعقلك شيء فايز وهو يتكتف : طيب علمني وش أسوي شور علي يا أخي تعبت بنت بو كمال ما ارتاحت معي ابد وانا الي خربت حياتها وبنت العم مستقوية علي عارفه انه ما بصير لها شيء ووراها ظهر معاذ بطفش : يا اخي انت باليني بحياتي بلاويك ما تخلص غثيتني اقول قم فارق بروح لمرتي احسن من مقابلك فايز بقهر : تدري والله اني حاسدك من قلبي تدري ارقي نفسك عشان لا يصيبك شيء ترا والله ما اظمن عيوني معاذ بضحكة : يقلع ابليسك ( ويلوي يده بمزح ) اذكر ربك فايز بعناد : منيب ذاكره الا لا لقيت لي حل معاذ يشد على يده : اقول اذكر ربك فايز : لا الا اله الا الله وعساك من أحسن لأحسن @@@@@@@@@@@@@@@ الحمدلله ع السلامة ورا ما قلت لنا نستقبلك بالمطار بو فيصل : ماله داعي بس جاي اطمن على منال بو فايز : منال عايشة من أحسن مايكون ( وناظرها) ولا يا منال منال ابتسمت مجاملة : الحمدلله يبه بو فايز : كيفك يا ريم ريم : بخير ياعمي انت وش اخبارك بو فايز : الحمدلله على كل حال ودام فهد قدامي وعندي انا بأ حسن حال نورة بقهر: لاااا يبه انحرقت كروتنا أشوف نجلاء : من جد وش ذا يبه حرام عليك بو فايز يضحك: انتوا عيوني الي اشوف فيها نورة : الله يخليك يبه ويطول لنا بعمرك توجهت أنظار كل الي بالمجلس ناحية الباب وشافوا فايز وجنبة غدير كان لقاء صعب كان اول لقاء بين منال وغدير والي أصعب ان فايز مايدري بزيارة عمه وهالشيء ابد ما كان في صالحة بو فايز بقهر : اطلع براااااا اطلع منال ماكانت تشوف الا غدير كانت مصدومة كان لقاء صعب عليها هي تعرف تمثل القوة ولا مثلتها تحس ان القوة منها وفيها لكن بموقف مثل هذا كان صعب عليها تمثله مهما كان ومهما صار ومهما كرهته وبغضته تحس با إهانة لما زوجها يكون متزوج غيرها فايز دايم تحس بتهوره لكن حست في صفة بقلبه تشفع له عندها طيبة قلبه وحنيته الي تظهر فيه احيانا وبعفوية لكن فايز هز ثقتها بنفسها وهي الي ما يهزها شيء بو فيصل ودمه محروق على بنته ناظر بـــ فايز نظره ما تتفسر فايز وهو يبلع ريقه : الحمد لله ع السلامة يا عمي ريم بغت تتكلم وتلعن سنسفيله هو والي جنبه لكنها احترمت الموجودين بالمجلس بو فيصل بغضب وعيونه جمر: الله يسلمك يا فايز ( ناظر بمنال ) هزه شكلها كان وده دموعها الي تلمع ما تنزل شافها معلقة عيونها بــ فايز ومرته ولا رمشت راح جهتها ومسك يدها يقومها قامت منال وكأنها منومة مغناطيسي وعيونها لسى معلقة فيهم بو فايز ودمه محروق من تصرفات ولده ومفتشل منه : وين يا خوي خلك معي انت تدخل وغيرك هم الي يخرجون بو فيصل بتنهيدة : ما عليه يا خوي انا وبنتاتي بننزل الشرقية بو فايز بتعب : لا ياخوي خلك هنا وخل بنتي منال عندي بو فيصل بصبر: مع السلامة يلا يا ريم @@@@@@@@@@@@ عظم الله اجركم : أجرنا وأجرك @@@@@@@@@@@@@@ رايكم بالجزء هل انصدمتوا بصاحب الرسالة ؟ توقعاتكم في حياة منال وفايز بعد ما بان كل شيء واتضح لبوفيصل؟ وتوقعاتكم أيضاً في حياتهم والتوتر الي بينهم كل ماله ويزيد؟ غدير واستقرار حياتها مع فايز وش نهايته ؟ غدير وهاجس الحمل الي ملاحقها وش مصيرها ونهاية هواجسها؟ والأهم من هذا كله ماجد الي رجع دوره من جديد ؟ غير هذا كله أتمنى منكم تعلقون على كل شخصية في القصة بكلمتين من كلها النواحي ومن حبيتم ومن كرهتم ومن ساندتم ومن كان دورهم عادي بالنسبة لكم ؟ منال / فايز / ريم / ايمان / معاذ / بو فايز / ام فايز / بو فيصل وام فيصل /غدير / ماجد / نورة ونجلاء . كل الود مني أنا أختكم عشان الحب |
لــي بآآك مع الردوود ...
|
[COLOR="Black"]السلام عليكم ورحمه الله وبركاته
يسلمووا يالغلااااا على هالبارت الي يوجع القلب حسبي الله على هافائيز كانه يحر مدري هو وش يحس جالس يدوس على الكل عشان غديروه ياني كرهتها هي بعد وياه منال ياقلبي عليها تلاقيها منين والا منين من هالخايس زوجها والا من مرض عمها الي مربط يدها وزاد وغطى كلام فايز الي يغث يشوف روحه قبل ايمان ربي يخليها ويسعدها ونعم الصديقه والله الي تهون عل خويتها فايز ليتك بس تسمع كلام معاذ وتفهمه عدل وتاخذ بنصيحته وتلحق تصلح خطاااك قبل لايفوتك الوقت حبيبي بدك عشا جعله زقوم ببطنك انتي وياه حبيبي حبك برص ياقليلة الحياااا هذا هم الرجاجيل ماهمه الا شهواتهم وبطونهم الله ياخذه ابو فايز ليتك منزل عقالك ومادب هالهيس اربد هو ومرته غديروه كان احسن اجل مع وجهم رازين روحهم وجاينكم وجهم مغسول بمرقه اللحين طاردهم وجاينك ليتك مدبهم اكثر ياعمري يامنااااال حروك جعل قلوبهم تحتر ماتنلامين الشوف مو مثل السمع واكيد انك بتتاثرين اذا شفتي التيس وهو جار عنزه وياه [/COLOR] هل انصدمتوا بصاحب الرسالة ؟ انا مانصدمت لاني توقعت انه اهو من قبل توقعاتكم في حياة منال وفايز بعد ما بان كل شيء واتضح لبوفيصل؟ اتوقع انه راح يوقف مع بنته ويتفذ لهاا الي تبي غصب عن فايزوه وتوقعاتكم أيضاً في حياتهم والتوتر الي بينهم كل ماله ويزيد؟ واتوقع انه التوتر راه يزيد وخاصة بعد الموقف الاخير بينهم غدير واستقرار حياتها مع فايز وش نهايته ؟ مدري ليه تمنيت انه يتركها احسن غدير وهاجس الحمل الي ملاحقها وش مصيرها ونهاية هواجسها؟ يمكن تكون حامل او انه ماراح تحمل وهذا الشيء راح ينغص عليهم حياتهم والأهم من هذا كله ماجد الي رجع دوره من جديد ؟ اكيددددد راح يكون له دور كبير اما الشخصيات منال/ حبيتها واعجبتني شخصيتها ودورها روعه ومهم بالروايه فايز/ماحبيته احسه اناني ومتسلط يدور الي يبي ولا يهتم كذاب مخادع حقير كل صفه شينه فيه ريم/ هالبنت عسل عسل حيتها مررره هي فاكه الروايه وانسانه يقدر الواحد يعتمد عليه ابو فايز /انسان حازم حبيت دوره بس ماحبيت انه غصب فايز على بنت عمه والنتيجه ان منال هي التعيسه ام فايز/انانه طيبه وهمها سعادة عيالهااا ابو فيصل وام فيصل/ مال للوالدين الي همهم عيالهم وسعادتعم فوق كل شيء غدير/ تعاطفت معها وبعدين كرهتهاااا يعني عشان تفتك من مرت ابوها تاخذ واحد ماعرفه عدل ولاهمها ان اهله جو وخطبوها وفوق كذا ترز وجه عندهم وابنه طاردها ماجد/كرهته حركته بالرسايل جدا حقيره ومالها داااعي نوره ونجلاء/ حبوبات وحبيتهم بالروايه ويكفي معاملتهم الحلوه لمنال |
اقتباس:
كل الشششكر اطرااااااائك اسعدني كثيراااااا وتفالعك وحماسك فخر لي اسم الله على قلبك :smile: سلمتي |
اقتباس:
لبييييييييييييييييييييييييييه بس وش هالرد اللي يرد الروووح ويفتح النفس آآآول رد في الروآآآيه كلهآآآ يطيرني فرحهه بجد شششي حسيتهه طيب خااطري على كثر اني مااشفت تفاعل قوي بسسسطني ردك وتفاااعلك وتعليقااااااتك وحمااااسك والله ششي افتخخخخر فيه وشرف لي كوووني بالقرب كل الشششكر يعطيك الف الف الف عااااااافيه |
آلجزء الثــآلث عشـــ 13 ـــر ~
عظم الله اجركم : أجرنا وأجرك راح السند راح الظهر وراح العز من بقا لها في حياتها بعده غمضت عيونها ودموعها غرقت رموشها وخدودها ضمت ولدها لصدرها وهي حزينة قلبها يعتصر ألم يعتصر قهر بكت وبكت وبكت ومن البكا صارت تدعي على نفسها كثر كرهها له ضاعفت كرهها له اضعاف الأضعاف كان الكل يوجه اللوم لشخص واحد شخص ما في غيره ( فايز) من قهره على بنته ما بيت ليلتين من رجوعه للشرقية ما قام لصلاة الفجر بناته وزوجته وولده انفجعوا الكل بإلي صار لأبوهم ما أحد صدق وللألحين ماهم مصدقين بعزا الرجال كان فايز قايم فيه وبكل تكاليفه كان يبغى يكفر عن ذنبه الي سواه في العائلة يبغى ينسي نفسه وكيف ينسى كيف ينسى لألم الي شافه بـ عيون منال دموعها وشهقاتها كسرت ظهره هزت قلبه خصوصاً لما ضمها وحس بهزاتها بين ايديه صوت شهقاتها يرن بإذنه ورجفة اياديها وأسئلتها الي عجز يرد عليها اليوم آخر يوم بالعزا يبغى يشوفها لكنها كانت تعبانة كانت جالسة بغرفتها طول أيام العزاء والأنيس الوحيد لها هو ولدها فهد وصديقتها وتوأم روحها الي ما فارقتها لحظة وحده ايمان اخبارها يعرفها من أخواته انها تعبانة وما تتكلم ومصدومة ولده فيصل بين ليلة وضحاها حس انه مسؤل عن أمه وخواته ه ومن واجبه عليه انه يكمل الي بدأه ابوه ومايخلي خواته وامه يحتاجون لأحد لمن ما كان حتى عمه عزة النفس تربت فيهم وما يقبلون ان هالشيء يخسرونه ابوه كان يشتغل بالتجارة وتجارته كانت مرفهتهم ومعيشتهم عيشة الملوك ومحلات ابوه مالية الشرقية كان ابوه يعلمه وسبحان ربه وكأنه عارف الي ممكن يصير له وفيصل كان انسان ذكي وعاقل وواعي ويفهم بسرعة رغم صغر سنه كل مايشوف فايز شيء يجثم على صدره سواته بأخته تعذبه لكن كان يشوف ويسكت ويخلي ابوه هو الي يتصرف لأن عارف ابوه وعارف انه مارح يقصر عليهم وعارف مدى حبه لهم لكن ألحين هو واليهم وهو بكون سندها وبمنع فايز من أي شيء ممكن يتعب منال او يذلها او يهينها كان يصبر نفسه لما تخلص ايام العزاء وهو الي بوقف بوجهه ويعلمه ان الله حق @@@@@@@@@@@@@@@@ بعد اسبوعين معذبة قلوبهم بإالي يشوفونه والي صاير لها كانت بقايا انسانه لولا النفس الي يطلع منها ولا كانوا ممكن يقولون عنها ميتة دخلت وقلبها واجعها عليها وعلى حالهم كلهم ام فيصل بألم وقوتها انهارت من بعد رحيل عضيدها ونصها الثاني: يمه منال فايز يبي يدخل يشوفك اقوله يدخل ماكانت تسمع ولا كانت تشوف نظراتها اليمة وتايهة حتى غرفتها الروح فيها راحت من بعد ما كانت مفعمة بالحياة والروح والنشاط ريم بقهر وهي ترضع فهد ودموعها تحرق عيونها : قوليله يطلع برا كل الي نحنا فيه منه منه يا يمه حرمنا من ابونا ذبح ابوي راح مننا من قهره علينا خلي يطلع برا ليته هو الي مات ولا ابوي حطت فهد جنب منال وطلعت من الغرفة تحس نفسها مخنوقه وتعبانة لا يا عمي الي جانا منكم كفاية صلح ابوي لك انهى حياته وانهى حياة منال من قبله فايز مقهور من تصرف فيصل : فيصل استح على وجهك عمك يترجاك يشوف منال وانت ترادده فيصل من النوع الي كلامه قليل لكن هاللحظة نسى نفسه وهو يتذكر ابوه مرمي ع السرير ما يتحرك وكلهم من حوله يصرخون : وانت ما استحيت على وجهك رد علي انت ما استحيت على وجهك كل الي نحنا فيه منك تدري لو انا منك ما اوري وجهي احد اذبح نفسي اهج اروح المكان الي اروحه دمرت اختي وذبحتها ومرمرتها ما تنزل الشرقيه الا واسمعها تبكي بغرفتها وانا ساكت وصابر وتاليها جبت مرتك معك وقهرت ابوي وذبحته اطلع براااااااااا مانبي نشوفك منال مارح يتغير عليها شيء منال ماتبيك حس على دمك ماتبيك فايز بهت وجهه استغرب فيصل يطلع منه كل هالكلام وكلامه كان صحيح وفي الصميم كان كلامه قااسي واليم وروحه ما تتحمل اول مرة يحس انه مشتاق لــ منال لهذي الدرجة كان شفقان على شوفتها وعلى شوفة فهد الي اهمله كثير بو فايز : يا ولدي يا فيصل الله كاتب كذا هذا انا مريض ودخلت المستشفى اكثر من مرة والكل خايف على صحتي وانا متوقع اروح فيها بأي لحظة لكن ربك خذا السليم وخلاني انا المريض محد داري متى يومه يا ولدي انت انسان فاهم وعاقل وهالكلام مفروض ما اقوله لك انت المفروض تكون عارفه وتهدي به خواتك وامك فيصل كان تعبان طول الفترة الي راحت ماكان يبكي الا لا اختلى بنفسه وبغرفته لكن الحين خارت قواه حمرت عيونه وتبللت رموشه بدموعه الي حابسها @@@@@@@@@@@@ حبيبي صحتك كتير تعبانة من شاني تعال كل ( قالتها برجاء وخوف عليه ) فايز بألم وصوته يحتد: غدير اتركيني بحالي ما ابي اشوف احد ولا ابي اتسمم اطلعي وسكري الباب وراك طلعت غدير من الغرفة وقلبها واجعها عليه هذه حالته من موت عمه تعبان ما ينام ما يأكل كثير يتغيب عن الشغل صارله فوق الشهر وهو بحالة سيئة حتى هي ما كان يحب يشوفها ونظراته لها كلها اتهام ولوم وكأنه يقول لها كل شيء صار بسببك ظبت طاولة العشاء وهي تبكي بألم وخوف وحزن @@@@@@@@@@@@@@@ منال تعبانة يا معاذ تعبانة ووقلبي مايتحمل الي قاعد يصير فيها معاذ : تدرين كل الي صار والي بصير من عمي بو فايز ايمان طالعت معاذ وملامحها تستفهم كلامه رد معاذ وهو يتذكر الأحداث قبل 5 سنوات : فايز يا ايمان كان متولع بــ غدير كان يحبها ايام الجامعة حب لدرجة اني انا والشباب نتريق عليه ونقول يا قيس كان يسفهنا وهو يصر على الي فباله مرت سنين الجامعة ويوم التخرج كان متنكد ولكأنة ناجح وبرجع لبلاده وبين اهله وناسة سألته مارد كنت عارف وش فيه بس ابيه يتكلم ويقول الي بخاطره لكنه عيا يتكلم سحبته بالكلام وهو فعلاً كان تعبان ونفسيته بالحظيظ راح كلمها وبعد مارجع تعدلت نفسيته وكأنه واحد ثاني غير فايز الي تو كان عندي ستفسرت وش صار مارضى يقول قالي سر ومالك فيه رجعنا السعودية وبين كل فترة وفترة يجيب سيرتها توضفنا كلاً بالقطاع الي يناسبه قبل سنتين حكالي وش صار معه بينه وبين ابوه لما جو عمه واهله جدة وقالي وش صار ان ابوه يبي بنت عمه له انقهر وصار يشكيلي ويقولي ابوي معيي قالي بروح بــكتب كتابي عليها والي فيها فيها حذرته قلت له ان ابوه انسان عنيد وتمهل ولا تتهور قالي لا سويت الي سويته و وريته ورقة الملكة بهون كمان حذرته لكن ما طاع سافر 5 ايام ورجع وطلب ابوه انهم ينزلون الشرقيه لكنه عيا وقاله ان البنت الي يبيها ملك عليها وما ينفع اتزوج بنت اخوه ابو فايز طاح مريض وجاته جلطة من الي سواه وهالشيء ما جاء بصالح فايز ابد خضع لطلب ابوه وانجبر انه يتزوج بنت عمه بنت بو كمال كان يحبها ويعز عليه الي قاعد يصير فيها منه سافر تزوجها وشرا لها شقه جنب شقة ابوها عشان ماتحس بالوحدة حسسها بالأمان وحسسها انه معاها باي طريقة و انه ابد ما يتلاعب فيها وفي مشاعرها حياته مع بنت عمه ما كانت مستقرة كانت متذبذبة تبين الصدق يا إيمان كان يعز علي حاله يوم ختار شريكة حياته وصارع الدنيا من شانها كذا صار له وشيء ثاني ماحب يذبح ابوه سمع كلامه وداس على قلبه وخضع لأمر ابوه لا تظلمون فايز لو فايز انسان حقير وشين مثل ما تقولون كان طلق غدير وقعد مع بنت عمه وارضى الكل وشوي شوي راح يستقر مع بنت عمه وريح راسه من وجع الرأس وكل يوم شايل شناطه ومخترع كذبة عشان لا احد يحس بإلي يسويه صحيح انا معك فايز متهور لكنه طيب وقلبه كبير وحنون بس الفترة الماضية من الضغوط الي شافها اثرت عليه وصار يتأخذ قرارات هو نفسه ما يرضى عليها كان يشكي لي حاله ويلوم نفسه على القرار الي سواها فايز مشتت وتعبان ( تنهد وقلبه محروق على حال خويه ) لا تظلمون فايز انتي ومنال ترا فايز حبيب وحنون والله لو تشوفين حالته يكسر خاطرك وألحين احساسه بالذنب على الي صار لعمه فايز تعبااان يا ايمان تعبان ولو تكلمين منال وتحنين قلبها عليه وترجع له وتجيب ولدها ويطيب خاطره بشوفته عمري في حياتي ما شفت فايز بالحالة هذي رجعت ايمان راسها على مسند الكنبة صحيح عارفة القصة تقريباً لكن تفاصيلها وان فايز بتفكيره العاطفي ممكن تقول كبر بعينها لو فايز ما فيه من الخير ذرة اكيد راح يطلق غدير ويريح راسه من وجع الرأس والتعب خصوصاً ان منال قالت لها انه كان يتودد لها ويحاول يكسب قلبها وابد ماكان ظالم معها لكن تصرفات منال معه ممكن تكون هي الي وصلتهم لطريق مسدود @@@@@@@@@@@@ ابتسمت بحب وهي تشوفه قدامها يخفف عليها ويحاول يعطيها قد مايقدر و اكثر منال بحنان : اول مرة ادري يا فيصل انك بالحنان وهالعقل وين كنت مخبي هذا كله كنت اشوفك طفل لكني عرفت انك سند وظهر وعز يا فيصل رفع ياقته فيصل وهو يحاول يلطف الجو : مو عاجبك الشنب الي خاط وجهي منال بحب وحنان مسحت على راسه : على راسي من فوق ياحبيبي عسى الله يخليك لنا فيصل باس راسها بحب وبنبرة رجولة وصدق : صدقيني يا منال معي إن شاء الله ما تناظمين ولا تحتاجين لأحد تطمني منال : ألحين تطمنت علي نفسي ولدي معك يا فيصل فيصل باس فهد وطلع وقلبه يتألم وهو تايه ويحاول يسوي الي يرضي خواته ويعجبهم @@@@@@@@@@@@@@@@@@@ كيفك ألحين منال بتعب وانفاسها ثقيلة : الحمد لله بخير ايمان : اكيد يا منال منال : ايه تطمني يا ايمان ولا تشغلين بالك فيني انا بخير ايمان: كيف ما اشغل بالي فيك وحالك ما يطمن منال تلطف الجو : وبعدين معاك صايرة غثة ومسوية فاهمة ايمان تنحت من اسلوب منال ضحكت منال من تتنيحة ايمان ايمان : كلي تبن يا وصخة منال تسوي نفسها تكسر الخاطر : انا زعلانة ويتيمة وتزعليني كمان وين اروح انا وضمت ولدها ونزلت راسها وهي ماسكة ضحكتها ايمان انصدمت وصارت تنزل راسها عشان تقدر تشوف وجهها : منال انا آسفه والله مو قصدي لا تزعلين مني منال صارت تهتز من الضحك وايمان ضنتها تهتز من الصياح ايمان صارت تدمع : والله آسفة يا منال رفعت منال راسها وهي تضحك انقهرت ايمان وجنبت فهد عشان لا تأذيه وصارت تضربها وتضربها بالمخدات توصي شيء قبل لا أمشي فيصل قام وهوصافحه ويرحب فيه ويهلي ويطلبه بزيارة ثانية وماجد بالمثل !!!!!!!!!!!!!!!!!!!! @@@@@@@@@@@@@@ وش ناوي تسوي فايز بشووق : والله ما طعمت احساااس الشوق مثل ما انا مشتاق لهم هاللحظة معاذ بضيق : اهلي عندهم ألحين وتقول انهم بخير وأحسن من أول فايز يتمدد على الكنبة ويغطي عيونه : البنات يتصلون عليهم ويقولون انهم أحسن لكن انا منيب مطمن ابي اشوفهم قلبي شفقااان عليهم تصدق يا معاذ كلام فيصل لي ذاك اليوم مو قادر انساه دموعه وقهره اتعبني يامعاذ معاذ بضيق وتنهيدة : ما يصير يا فايز عمك عدى 3 اشهر وانت هذا حالك ما يصير فايز : وين انسى ما اقدر انسى انا ذبحته معاذ : مكتوب ومقدر لا تقول كلام مثل هذا خلك عاقل ومؤمن بربك فايز : ونعم بالله لكن انا كنت سبب من اسباب موته آآآآآآآآآه يا معاذ الي صار لعمي حسسني ان الظنى غااالي وانا عندي النعمة ورا ميها ورافسها ابي فهد وابي امه معاذ : ليش ماتزورهم يمكن تتصافى القلوب ما تدري فايز : زرتهم وارجع جدة مثل مارحتها فيصل ما يخليني اشوفها معيي اقوله بس ابي اتفاهم معها منيب ماخذها اتعذر بشوف ولدي يجيبونه لي واشوفه واحس بعطرها فيه لكن شوفتها صعبة علي @@@@@@@@@@@@@@@@@ بعد اسبوع من الأحداث الي مرت قرأت المسج والصدمة معتلية وجهها لما شافت اسم المرسل منال بخاطرها : ليتني ما فتحت المسج ماجد انهبل ولا وشو ايمان بقهر سحبت جوالها : ورا تفتحين مسجي يمكن من معاذ الصدمة الي انرسمت على وجه منال انتقلت لــ ايمان وهي تقرأ المسج......................... نجي لــ الأسئلة هل صدمتم بــ الفجيعة الي أصابتهم او توقعتم ان ابو فيصل هو الي راح يموت؟ وش رايكم بظهور الشخصية الجديدة الي كانت مختفية طوال أحداث القصة من جميع النواحي ( فيصل ) وكيف كان موقفه مع فايز ؟ الأهم والأهم فايز وغدير السؤال للمرة المليون وش نهاية علاقتهم؟ وفايز وتصرفاته الغير موزونة ؟ معاذ ومصارحته مع ايمان بخصوص موضوع فايز هل أثار الشفقة >> من وجهة نظري كثير !! نفسيات عائلة بو فيصل بــ الكامل وبالأخير ماجد وظهورة الي بغير بوقته وتصرفاته الجريئة وش توقعكم كتب لها بــ المسج ؟؟ وجودكم حيل يبسطني والأهم والأهم توقعاتكم مانحرم منها ودي لكم أختكم عشان الحب والي بيني وبينك |
السلام عليكم ورحمه الله وبركاته
يسلمو حبوبه على البارت الموجع لاخلا ولا عدم لااااااا حرااااااام عليك والله ماتوقعت ان ابو فيصل هو الي يموت توقعت ابو فايز والله صعب ان عامود البيت ينهم ووجود الاب يعزز الوحده بالثقه والعزوه والسند منال ياقلبي تلاقيها من خيال الماته فايز والا من موت ابوها الي هد حيلها والا من فهود الله يكون بعونها ويعوضها خير ويارب انها تريح قلبها وتسعدها فايز الله يخذك انت وشينة الحلايا غديروه جعل حوبة منال ماتعداكموربي ياخذ حقها من عيونكم لاولله فايزوه توك تحس باهميه منال عندك وانت الي بغيت تموت على بال ماجبت سحيله ام الخلاقين عند اهلك وانها الكل بالكل ومنال مغصوب عليها وين كلامك من قبل وغدير صحيح ان محالك مايسر بس هذا فعل يدك الي تاخذ واحد من غير رضا ولا علم اهله تستاهل الي يجيها ليتك ماطعتيه وخذتيخ وش استفدتي هذا هو محملك سبب الي صار فيص فعلاا انت مفاجاه الله يخليك عزوه وسند لامك وخواتك والله انك ارجل من فايزوه وامثاله هل صدمتم بــ الفجيعة الي أصابتهم او توقعتم ان ابو فيصل هو الي راح يموت؟ تنين الصراحه ماتوعته حسبته ابو فايز وش رايكم بظهور الشخصية الجديدة الي كانت مختفية طوال أحداث القصة من جميع النواحي ( فيصل ) وكيف كان موقفه مع فايز ؟ رهيب هالرجال والله انه رجال من ظهر جال وفعلا الي خلف مامات وموقفه عجبني مرره بس في نفس الوقت تاثرت من بكيه الأهم والأهم فايز وغدير السؤال للمرة المليون وش نهاية علاقتهم؟ يارب انهم يفترقون عشان يعرفون معاناة منال وفايز وتصرفاته الغير موزونة ؟ خبل طوول عمره خبل واناني معاذ ومصارحته مع ايمان بخصوص موضوع فايز هل أثار الشفقة >> من وجهة نظري كثير !! انا ولا حرك فيني شيء بالعكس قلت يستاهل كل الي هو فيه نفسيات عائلة بو فيصل بــ الكامل ماينلامون الي راااااح كان عامود البيت والسند زالظهر الي يحميهم من غدر الزمن والبشر بس الحمد اللهانهم متماسكين وعلى قلب واحد وبالأخير ماجد وظهورة الي بغير بوقته وتصرفاته الجريئة وش توقعكم كتب لها بــ المسج ؟؟ يمكن كتب انها تجس نبض منال اذا تطلقت انها ممكن تاخذه او لااااا او انها هل يمكن انها تنفصل عن زوجها او لازالت تحمل له مشاعر |
الجزـــــــــــ 14 ــــــــزء
بعد اسبوع من الأحداث الي مرت قرأت المسج والصدمة معتلية وجهها لما شافت اسم المرسل منال بخاطرها : ليتني ما فتحت المسج ماجد انهبل ولا وشو ايمان بقهر سحبت جوالها : ورا تفتحين مسجي يمكن من معاذ الصدمة الي انرسمت على وجه منال انتقلت لــ ايمان وهي تقرأ المسج ( كيفها طمنيني عنها بالي مشغول عليها ) ناظرت منال بــ ايمان طالبة تفسير للمسج سكرت ايمان المسج وهي مفتشلة من ماجد والموقف المحرج الي حطها فيه @@@@@@@@@@@@@@ كيفك يبه ؟؟ بو فايز بهم وضيق : الحمد لله يا فايز انت كيفك فايز بتنهيدة : انا منيب خير يا يبه بو فايز : ليتني ما زوجتك منال قلبي حارقني على بيت اخوي بو فيصل ما يستاهل فايز بقهر: يبه لاتحرق دمي الي فيني يكفيني يبه ابي منال وابي ولدي حاس اني بختنق بو فايز : ننزل الشرقية بكرة ونحاول فايز بضيق : يبه رحت وحاولت وفيصل معيي بو فايز معجب بــ فيصل : ونعم والله بـ فيصل طلع رجال ومن ظهررجال وقايم بــ امه وخواته وقايم بدراسته ومو مخليهم محتاجين شيء فايز بحرقة وحاس ان فيصل الي يصغره بــ عدة سنين افهم واعقل منه : يبه الكل لايمني ان الي صار مني وانا ما اتحمل الي فيني يكفيني حتى غدير مطلع حرتي فيها ومبكيها ومأذيها وكأني ابي اطلع الي فيني فيها وساعات ارتاح لا شفتها تضايق وارجع الوم نفسي و ان هي مالها ذنب انا تزوجتها وانا الي علقتها فيني وانا الي ركضت وراها مفروض ما اتعبها واصونها واحكم عقلي يبه انا مشتت وتعبان ومو قادر افكر او ارتاااح @@@@@@@@@@@@@ حبيبي فيصل خليني اشوف وش عنده فيصل بقهر : يحلم يشوف ظفرك لا عرف قدرك وعرف من تكون منال ساعتها اخليه يشوفك ريم بــ تأييد لــ فيصل : صادق فيصل انتي عطتيه وجه وشوفي النتيجة وين وصلتي منال وهي تلبس فهد الي صار سنة اشهر شيال جنينز وقميص ابيض وكاب جينز وبوت ابيض وطالع يزنن ويتأكل : ما عليه عشان عمي مو عشانه ريم بقهر : حتى عمي هو السبب بإلي نحننا فيه وما نبي نشوفه ولو نقطع الي بيننا مثل اول احسن ام فيصل : ريــــم عيب الي تقولينه هذا عمك وابوك كان يبغى هالشيء ولا تسويين شيء يغضب ابوك انتي ترضين يقولون ما عرف بو فيصل يربي بناته ريم بقهر: ينقطع لسان الي يقوله خفق قلبه وهو يشوفها ممشية فهد معها ورافعة شعرها بطريقة مهملة الي يموت عليه ويعجبه ضعفت ضعفت كثير ضغط على يده بقهر حاس انها مكسورة مو هي منال الي عرفها وتزوجها ابتسمت بحلاوة وهو الي يعشق ابتسامتها الي تجمع بين الدلع والغرور صدق ما يحس بالنعمة الا الي يفقدها لما حس انه بتضييع من يده عرف قدرهاا جلس لما شافها جلست وفيصل كانت نظراته تذبح ولو تحرق النظرات كان احرقته بو فايز بحب : كيفك يابنت اخوي منال بتنهيدة تتبعها ابتسامة : كلنا بخير يا عمي ما نشكي باس وهي تربت على كتف فيصل : فيصل ماهو مقصر علينا عساه ذخر وعز لنا بو فايز : ونعم بــ فيصل كلنا متأمنين عليكم معه فيصل بنظرة ما تتفسر : الله ينعم بحالك ما عليك زود تكلم فايز بعد فترة وبنبرة تقطع القلب وتحنن القساة على بعض : كيفك يا منال نبرته اوجعتها لكن ما عفت عنه ناظرته بطرف عينها : الحمد لله فايز معاملتها له تتعبه : كيف فهد منال وهي تبوسه بحب : بخير مو قاصره شيء نزلته من حضنها عشان يروح لأبوه لكن فهد عييا يروح كان متشبث بــ امه فايز وهو يبلع ريقه : منال منتي ناوية تنورين حياتي وتجين انتي وفهد فيصل بعصبية : معصي ترجع معك انا قلت لك رجعة معك مستحيل ترجع بو فايز بصبر : فيصل فيصل حس انه زودها ومفروض يحترم عمه لكن كلمة فايز استفزته : السموحة منك يا عمي بو فايز : لا يهمك بس انا ابغى اسمع راي منال خليها تتكلم ونشوف رايها ناظرت فايز ونقلت نظرتها لــ عمها : الي يشوفه فيصل انا ابيه يا عمي لأن ( واخنقتها العبرة ) محد يبي مصلحتي بعد ابوي الا فيصل بو فايز ويناظر فيصل : وش الي يبيه فيصل نحنا حاضرين فيصل بعد صمت ويتبعه تنهيده : الطلاق نبي منال تطلق @@@@@@@@@@@@@@@@@ الله يخليك اسمعيني ولا تقفلين جوالك ماصدقت تفتحينه منال بتنهدة : نعم يا فايز فايز : لسى على قرارك منال : فايز قلت لك الي يبغاه فيصل ابيه فايز بعذاب : بس انا ابيك ومستحيل افرط فيك منال بإستهزاء : هالكلام سمعتك تقوله لغدير فايز : منال لاتدخلين المواضيع ببعضها منال بقهر : المواضيع كلها متداخلة في بعض فاكر نفسك مين يا فايز تلعب ببنات خلق الله انت ما حترمتني يا فايز وبصراحة معاد صرت اثق فيك ولا امنك على نفسي و ولدي فايز : راح اخليك فترة تفكري وارجع اكلمك منال : شهر كامل اتوقعها فرصة كافية اني فكرت فيها واتخذت القرار الصحيح @@@@@@@@@@@@@@@ اثنينهم بالمجلس واحد منهم يصير صديقه والثاني يصير نسيبه وولد خالته ماجد ما كان حاب انه يشوف فايز يحس انه حقير وواطي وما يستاهل النعمة الي هو فيها اما فايز لما يتذكر كلام منال عنه يحس بــ نار تكوي قلبه لكنه مو متأكد بس هي قالت اخو صديقتها وهذا احتمال كبير انه يكون ماجد معاذ وهو داخل بالقهوة : وراكم ساكتين وما تأخذون أخبار بعض ابتسموا اثنينهم وبداخلهم اشياء دفينة ما توصف من الحقد والبغض وماجد بشوفة فايز تجددت اشياء بقلبه وفي خاطره افكار ممكن تكون من صالحه @@@@@@@@@@@@@@@ كيفك يا ريم ريم بجفاء : الحمد لله وانتي وش اخبارك نورة بألم من رد واسلوب ريم : ريم وش هالرد ترا حنا مالنا ذنب ويعلم الله ان قلوبنا محروقة مثلكم ويمكن اكثر ريم وعيونها تتغرغر بالدموع : ما يحس بــ النار الا الي واطيها نجلاء : افا يالريم هالكلام لنا منال تلطف الجو : ماعليكم ريم عصبية شوي بس تحبكم وتعزكم كثير نورة : ونحنا بعد والله كانوا البنات شفقانين على شوفة منال وفهد قرروا انهم يقعدون كم يوم بالشرقية وممكن يلينون منال ويخلونها ترجع لبتها @@@@@@@@@@@@@@@@ حالها أليم تعبانة ومقهورة ما رتاحت لا في بلدها ولا مع زوجها ساعات تفكر وتقول انها لو مارجعت وظلت في بلادها اكرم لها ما أحد يبيها ونظرات زوجها أليمة موت عمه بكمل 6 أشهر ويمكن أكثر ولسى تشوف اللوم بعيونه غمضت عيونها بقهر وألم ونزلت دموعها وهي تتذكر كلامه لخويه وهو يحكيله عن بنت عمه وانه شفقان عليها ويبي يرجعها بأي طريقة كان كلامه صادق من نبرته واسلوبه هالكلام من زمان صار بس بتفكيرها فيه دايم كأنها لسى سمعته امس والي حارق قلبها وجارحه كلام الدكتورة الإنجاب في مثل حالتك صعب ويبغى له صبر ما في شيء يربطها بــ فايز لألحين وصارت تشوف صده بشكل دايم ساعات تأخذ ما في خاطره لكنها ما تستفيد شيء يكون ساكت وساعات يعصب وساعات تحفظ كرامتها وما تسأله والجو بالشقة صاير كئيب ولا يطاق ضربت مسند الكنبة وهي تصيح وشهقاتها تعلى وتعلى ولا أحد حاس فيها حتى أهلها ان شكت لهم راح يلومونها وما حد راح يرحمها @@@@@@@@@@@@@@@ تصدقين يـــ إيمان ايمان : وشو منال بنبرة تحسس ايمان : ماجد تو كان عندنا و متصل بــ فيصل دايم فيصل يقول حتى ساعات يتغدون مع بعض ويتعشون ايمان بهتت من اسلوب منال وحاولت تغير الموضوع وبضحكة مصطنعة : تدرين منال رحت شفت البيبي طلعت بنوتة وراح اسميها منال منال ركزت على تصريفة ايمان وعدت الموضوع : ومن ألحين راح تكون لــ فهد ايمان بإرتياح : مايبيلها كلام مو بـــ كيفك @@@@@@@@@@@@@ ممكن نتفاهم فايز بتنهيدة : على وشو غدير تحاول تمسك نفسها : على حياتي معك مو مركز انك هاملني وبالطالعة والنازلة بــ تطلع فيني بطريئة مو منيحه فايز احكيلي انا خطأت بــ شو بترجاك احكيلي وان كنت غلطانة بــ شي واحد انا مستعدة لم اغراضي وروح لبلادي واخلصك مني وترتاح انا صبرت من شانك يا فايز وكمان بصبر اذا بدك لكن هيك بتعاملني طول هالفترة من غير سبب هاد شيء بدمر نفسيتي اطلع فيني يا فايز اطلع انا غدير الي بتعرفا كسرتني مثل ما كسرت بنت عمك ( وبقهر وصوتها يحتد ) انت أناني يا فايز وما تفكر الا بحالك وبس بتعمل تصرفات وبتحمل أخطائك ناس مالهم ذنب في شيء حتى لما مات عمك صرت بتحملني هالشيء انا مالي ذنب انا كان طلبي اني اتعرف ع اهلك واكون زوجتك بالنور وهاد الشيء أي بنت في حالتي بـ تريده وانت الي طلبت تعرفني انا ما أصريت هاد هو جزاتي منك هاد @@@@@@@@@@@@@@@@ وبعدين معاك وبعدين معاك انت تبي تذبحني ماجد ببرود : انا قايلك طلاق منال بصير على يدي ومن تخلص عدتها انا الي بتزوجها ايمان بقهر: مـــاجد انت وش قاعد تقول ترا زياراتك الي مالها سنع هذه مهيب عاجبتني ماجد : وش فيك تصارخين تعرفت ع الرجال كفرت سويت شيء خطأ ايمان : تواصلك معه مو لــ الله وبعدين مهوب من سنك عشان تصادقه خلي البنت في حالها الي فيها يكفيها خليها في حالها وبعدين لا تفكر لحظة وحدة انها بتوافق عليك انت فاهمني @@@@@@@@@@@@@@@@ تفكر وتفكر وتفكر حياتها صارت لغز وحله مو عندها بإختصار لانه صعب من كلام ايمان ان فايز تعبان ويبي يرجعها لكن كيف هالشيء يتصدق وهي شافت كل شيء بعينها لما كانت عنده طيب وزوجته وينها وش صار عليها برجعني وبتكون حياتنا مع بعض نفس أول ولا بطلقها ولا وش السالفة مسكت جوالها بترسل مسج تحيره وتسحبه بالكلام لكنها قرأت المسج الي وصلها قبل لحظات وهي مو دارية فتحت عيونها مذهولة من الي قرأته ( زوجك متنعم بحياته ووبعدك عنه فاتح له هالمجال وانتي الله اعلم بحالتك ) فاعل خيرررر !!!!!!!!!!!!!! @@@@@@@@@@@ فيصل يمه تتوقع ابوك لو انه هنا رضى ان منال تتطلق الي انتوا شايفينه ابووكم شافه الله يرحمه وما جاب سيرة الطلاق على لسانه فيصل بقهر : يمه افهميني فايز مستقوي علينا قال ان عمه مات بتصرف فينا لكن هو ما عرف لألحين من هو فيصل ريم كانت مأييدة لــ فيصل كانت منال ساكته ولا كأن الموضوع يعنيها وفي بالها فكرة وحدة تبغى تنفذها لكنها مترددة فيصل بحنان الدنيا : منال الكل تكلم في موضوعك وانتي صاحبة الشأن ما سمعنا صوتك منال : فيصل بكرة احجز لي لجدة !!!!!!!!!!!!!!!!!! @@@@@@@@@@@@@@@@@ الكل أخذها بالأحضان وكأنهم مو مصدقين ان منال بينهم وفي وسطهم كانت تدوره عيونها ومو لا قيته هي محتارة بين الكلام الي يوصلها هو متنعم بحياته وعاجبه فراقها ولا كلام ايمان هو الصح يبغى وصلها ومجيها بأسرع وقت ابو فايز : ام فايز قومي دقي على فايز وقولي له ان منال وولده بــ جدة ام فايز : إن شاء الله يبـــ دخل الصالة بالحظة نفسها وشاف شنط بالصالة خفق قلبه وهو يدعي ربه ان الي فباله صحيح سمع ازعاج بالمجلس وهرول ناحيته طاحت عيونه عليها هي الي كانت مواجهه الباب ام فايز : هذا هو يبه جاء قبل أدق ناظرته منال بطرف عينها وهالها منظره كان منعم دقنه وكاشخ وكأن كلام ايمان هو الخطأ كان هالشيء ماكان في صالح فايز قبضت يدها وودها تخنقه يترجاها تجي وصوته يقطع القلب وألحين كاشخ ومنعم شكله من صدق عاجبه فراقي بو فايز : وشرايك بالمفأجأة يا فايز فايز بحنان وشوق ووده يصيح من الفرحة : أحلى مفأجأة نورتي بيتك يا منال ماردت عليه فيصل عجبه ردة فعل منال وأبد ما كانة عاجبته الفكرة لكن هذا قرارها وما يقدر يقول شيء قدامه غرقت عيون منال هالمكان الي هي جالسة فيه كان ابوها جالس فيه ووقفة فايز على الباب نفسها وقفته قبل فترة بدت تدمع حالها اندمر وانكسرت نفسها منال الي ما كان احد يشوف ضعفها الحين صارت دموعها تنزل بـــ سرعة وقدام أي احد فيصل بقهر وحنان : منال وش فيك تبين نمشي شقه مفروشة مضايقة هنا هزت منال راسها وهي تمسح دموعها فيصل قام على استفسار بو فايز وفايز وام فايز فيصل بتنهيدة : ما عليش يا عمي نبي نشوف لنا شقة مفروشة فايز وجوده مثل عدمه عيونه مانزلت عن منال حتى ولدده ما سأل عنه وما حس بغيابه : فيصل خلكم هنا وان ما تبون تشوفوني انا بــ ستأجر شقة فيصل بحزم : لا مشكور مع السلامة راحت منال تأخذ فهد من عند البنات الي فايز ما لحق حتى يبوسه او يضمه لزم انه هو الي يوصلهم وما رفض له فيصل طلبه من كثر اصراره @@@@@@@@@@@@@ الووو ماجد : الووو كنت عارف انك راح تتصلين فيني منال : ممكن اعرف من تكون انت وش دخلك فيني وفي حياتي ماجد : لا مو ممكن تعرفين من اكون لكن وش دخلني بحياتك هذا اهم شيء وبعدين هذا جزاي اعلمك وما اخلي الماء تمشي من تحتك وانتي مو دارية منال بقهر وعصبية : مالك دخل مالك دخل وانا ابي اكون غبية ومغفلة بس ان شفت شيء منك والله مارح تتعدى قفلت السماعة في وجهه وهي تسمع اخوها يفتح باب الشقة وهي ترتجف @@@@@@@@@@@@@@@ كانت تبكي بألم وقهر لها يومين من رجعت وما شافت شيء منه وكأنه كان منتظر ها اللحظة من زمان حجز لها وقص لها التذكرة في يومين وخلص كل شيء ولأ كأنها عاشت احلى ايام عمرها معه شافها تلم اغراضها وثيابها وما حرك ساكن حتى ما ناقشها جرحها فايز جرحها وكوى قلبها وعذبها وذلها قدام اهله وأهلها غمضت عوينها وهي تسمع مرت ابوها تناديها من وصلت وهي خدامة لمرت ابوها لكنها ارحم من عيشتها معه @@@@@@@@@@@@@@@ بو فايز : الله يسلمك يا ولدي فيصل : وش فيه يا عمي كيفه ألحين ام فايز وهي كاتمة بكوتها : ضغطه مرتفع يا ولدي وتعبان غير الطيحة الي طاحها سوت له كسر بــ ذراعه فيصل برحمة : لا بأس عليه يا عمتي إن شاء الله بقوم بــ صحة وعافية ام فايز : الله يسمع منك وين منال يا ولدي خلها تجي تشوف زوجها فيصل يرقع : نايمة المغرب إن شاء الله بجيبها هي وفهد @@@@@@@@@@@@@@@ كانوا مضطرين يجون دخلوا الغرفة هي واخوها وولدها وهي تقدم رجل وترجع الثانية ماتبي يأخذ فكرة عنها انها رحمته او حنت له لكن ع قولة أخوها عشان عمه ومرت عمه تغطوا البنات لما سمعوا فيصل يتنحنح : السلام عليكم الكل : وعليكم السلام ابو فايز : يا الله انك تحيي فيصل وام فهد وفهد تفضلوا فيصل : كان مستحي من البنات سلم عليهم وبلغ منال انه ينتظرها برا منال بخجل : الحمد لله ع السلامة يا فايز فايز بإبتسامة متعبة : الله يسلمك ويخليك وحشتيني يا منال وو حشني فهد نجلاء : يا بختك يا منال هذه اول ضحكة تطلع من قام الكل ضحك ومنال مستغربة خجلها وهدؤها فايز بتعب : منال قربي لي فهد قامت منال وقربت له فهد واضطرت تجلس جنبه كان ميت عليها فايز بهمس : منال لعاد ترجعين الشرقية منال سوت نفسها ما تسمع بو فايز وكأنه حس بــ فايز : ها يا منال وش قررتي إن شاء الله بترجعين لبيتك ورجلك نورة : ترا غدير سافرت بلادها وما لك فيها والجو كله لـ فهد وأمه انحرجت منال وكان ودها فيصل يكون معها فايز بتعب : ريحيني يا منال منال : وغدير بالسهولة هذه تخليت عنها فايز استفهم نبرة منال منال : اذا الي تحبها استغنيت عنها بالسهولة هذه كيف تبغاني امن على نفسي وولدي معك ام فايز طرطعت ولدها مريض ويتعذب عشان ترجع له وهي تقسى عليه حتى في مرضه : يمه فايز نام وارتاح ولا تسمع الي يغثك منال بنبرة مختلطة بين القوة الضعف : سا محوني بس صدقوني هذا هو كلام العقل لو كل واحد يفكر بكلامي بشوفه صحيح أنا ابد مو كذا لا تظنون اني مغرورة او حابة اتسلى فيكم واقهركم انا تحملت كثيرررر عشانكم وانتم مرة وحدة انقهرتو مني وانا مو غلطانة مو غلطانة فايز : طيب قوليلي وش الي تبغينه وش الي اقدر اسويه لك عشان يريحك منال بتنهيدة: انك تطلقني فايز بتعب : هذا مستحيل يصير مستحيل أخلي ولدي يتربى بيد واحد غيري فيصل بقهر ونسى انه في بنات عمه بالغرفة : وانا مستحيل أخلي منال تنهان وتنضام فوق الإهانة الي شافتها منكم اسمح لي يا عمي عطيناكم منال قلنا بتعزونها وبتعيشونها ملكة لكن صدمتونا فيه حتى ابوي الله يرحمه ( تنهد ) ماتوقع هذا كله يصير منكم ما انسى شكله لما رجع من جدة ووجه مسود وتعبان ويحاول يضحك لكن الضيقة بوجهه كانت باينة ولا ننسى شكله يوم انه مرمي ع السرير وكلنا نصيح من حوله هذه رغبة منال قالت لي تبي جدة قلت هذا قرارها ما ناقشتها قلت يمكن تبي تعيش بين اهل ولدها معاً شايف بعيونها التعب والضيم والقهر ( حط يده على كتف منال ) هذي منال قدامكم الي تبيه انا حاضر فيه يمكن اكون متهور لين قلت نبي طلاق لــ منال ام فهد وش رايك بالموضوع و انسي الكلام الي قلته الكل وجهه انظاره لــ منال ينتظرون ردها وبــ هالكلمة بتحدد مصيرها @@@@@@@@@@@@@@ منال انتي لازم تغيرين رقمك هأ الأنسان راح يخرب حياتك منال بحيرة : مارح اغير رقمي اتعبني التفكير اتعبني ولازم اعرفه ايمان بخوف : حقك تتعبين بس خذي نصيحتي ريم : هالخايس لألحين يراسلك منال بقهر : ايه قاهرني يتكلم بثقة وينقلي كل الي صار حتى يوم طاح فايز صاير يتحمد له بالسلامة ايمان وودها تخنق ماجد ومستغربة كيف عرف رقم منال وكيف صار يعرف اسرار بيت منال @@@@@@@@@@@@@@ مستغربة نفسها وحالتها مشاعرها متلخبطة انفاسها محبوسة وغصتها خانقتها صحيح هذا هو الي تبغاه لكن...... ناظرت جوالها ولقته لألحين مضوي وكلمته الي انقالت ترن بأذونها انتي طالق حاولت تسند نفسها بــ الجدار وهي تشهق ومتألمة ومحروق دمها ماتوقعت النهاية كذا نهايتها اليمة وغير متوقعة طاحت من طولها بــ عنف وصياح ولدها يرثي حالها من حولها @@@@@@@@@@@@@ الكل عايش حياته ومتهني فيها الا هي الضربة الي طاحت فيها قبل 7 سنوات جاتها قوية افقدتها عقلها و افقدتها نص حياتها ماتعرف أحد ولا تعرف حتى نفسها جمالها هو هو لسى باقي لكن حياتها الصحية مهملة نظراتها تايهة مؤلمة حزينة توجع من يناظر لها وحتى أبسط الامور ما تقدر تديرها أمها قايمة فيها وكأنها رجعة طفلة من جديد ما تعرف أحد الكل يحاول يذكرها فيه لكن محاولاتهم كلها تنتهي بالفشل ابنها ماتعرفه لكن من تشوفه ابتسامتها الجميلة تنرسم على وجهها هو مستغرب هالإنسانة مين هذي ومين تكون يقولون له انها هي امه لكن يحاول مايصدق عمره الحين 9 سنوات حاول فايز اكثر من مره يردها له ويهتم فيها لكن ما وثقوا فيه وقالوا ما صنتها بصحتها لين تهتم لها في تعبها ومرضها فايز حياته ماشية عادية ممله الندم لاحقه في حياته وضميره مو مرتاح الألم متسيد قلبه لكن ما ينفع الصوت لين فات الفوت يسير على ولده و يشوفه و متعلق فيه وفهد متعلق في ابوه فايز من يدخل بيت عمه يتألم وينقهروما يحب يكون فيه وتهاجمة ذكريات أليمة ما يحب يتذكرها بيت عمه الكل ماهم معاه مثل الأول والشيء الوحيد الواصل بينه وبينهم هو فهد ريم صارت ام لتوأمين مثل القمر منال و سعود ( اسم ابوها) وحالة أختها مقطعة قلبها وما بيدها حيلة فيصل عايش حياته لأخته وأمه ويضحي لهم ومأجل زواجة وما هي براسه الفكرة ايمان حالتها صعيبه وحاولت في معاذ انها تكون وتستقر في الشرقية جنب صديقة روحها وعمرها ومعاذ ابد ما مانع وهي ام لـــ منال الي صار عمرها 6 سنوات وتزنن وكتكوتة ماجد لوم ايمان تاعبه ومجننة وهالشيء قاعد يتعبه نفسياًً تزوج أخت معاذ ومنال محتلة جزء كبير في حياته ومو قادر ينساها غدير تزوجت من ارمل بعد طلاقها من فايز بــ 3 سنوات وصارت ام لطفلين من زوجها وزوجة وفية وام حنونة لــ طفلين وتمر ذكرى فايزفي بالها وتظل ذكرى سعيدة في حياتها ومؤلمة بعض الشيء النهــــــــــــــــــــــــــــــــــــــــــــــــــــــــ ــاية حبيت أشكر كل من تابع معي القصة أول بــ أول جزء بــ جزء حدث بـ حدث القصة عاشت معنا فترة مو قصيرة وأبطالها لهم مكانة بـ قلبي وراح يوحشوني قبل ماهم يوحشوني انتم الي راح توحشوني وبتوحشني تعليقاتكم وتوقعاتكم واعجابكم وانتقادكم ولهفتي لتعليقكم ع الأجزاء.<<< خنقتني العبرة راح اوجه الشكر لكل من تابعني بصمت او علق بــ هالجزء طبعاً مارح أسأل وش توقعاتكم راح أسأل وش الحدث الي ماتوقعتوه وما خطر ع عبالكم وصار موقف ضايقكم موقف فرحكم موقف حزنكم موقف اعجبكم هل توقعتم هالنهاية او توقعتوها شي ثاني ووش هي النهاية الي توقعتوها اوصفوا لي وافرحوني لأنكم ما تتصورون كيف كل ما تتركونه يبث الفرحة في نفسي هل توقعتم ان هذا الجزء هو الجزء الأخير ؟ أتمنى ان قصتي حازت على اعجابكم الي بكون وسام على صدري افتخر به وشهادة أعتز فيها ووووووووووووبـــــس أحس إني هذرة واجد ^_^ أحبكم كلا على حزنه سرى لـــ عشان الحب . |
لي بآآآآآآآآآآآآآآآآآآآآآآآآك مع الردود
|
رواية حلو يسلمو
|
رد: كلآ على حزنه سرى
فكرة الروايه حلوة يمكن نهايتها الحزينه ما اعجبت الكثير
وعلشان كذا مهجوره !!!! علشان الحب واضحه موهبتك لكن ركزي اكثر بالتفاصيل اتمنى نشوفك بروايه جديدة |
رد: كلآ على حزنه سرى
تسلم ايدك حبيبتي ووفقك الله
كتير حلوه ورائعه جدا جدا |
| الساعة الآن 08:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية