|
الفوتشيني بالدجاج
صباحكم / مسائكم طبخ و نفخ :) أخبااااااركم ؟؟!! امم قبل كم يوم طلعت بنده و شفت مكرونة الفوتشيني و اشتهيتها و قلت يالله يا بنت اشتريها و جربي سويها << فيس ياكلها في المطاعم بس المهم قمت ابحث في النت عن طريقتها و دوووووورت الين تعبت و خذت اكثر من وصفة و اخترت وحدة بس سويتها على مزاجي يعني ابتكرت فيها اشياء و اضفت عليها :) و ابشركم نجحت و كانت انجاز صورتها للذكرى لا اكثر خخخخخ و يوم شفت موضوع زوزو و سارونة تحمست و قلت بنزلها |
المقادير :: مكرونة فوتشيني صحن صدور دجاج بصل مقطع شرائح بصل مفروم او مقطع مكعبات فص ثوم مهروس فلفل اخضر حلو مقطع طولي كريمة خفق انا استخدمت ام 500 مل ملح فلفل اسود الطريقة :: اسلقي المكرونة و بعد ما تنسلق صفيها من المويه و الافضل انش تغسلينها في اثناء سلق المكرونة ابدئي سوي الخلطة قطعي صدور الدجاج الى مكعبات صغار و حمسيهم مع البصل المفروم و الزيت و الفلفل الاسود و الملح في قدر او صاج عميق بعد ما يخلص الدجاج و يتشوح مضبوط اذا كان فيه زيادة في الزيت طلعي الدجاج من الزيت و حطيه في صحن و حطي البصل الشرايح و الثوم والفلفل الاسود و حمسيهم مع بعض و زودي زيت اذا كان الزيت ناقص حطي عليهم الفلفل الاخضر و خليه شوي بعدين حطي الدجاج فوقهم و قلبيهم مع بعض حطي الكريمة عليهم و خليها تطبخ شوي زودي شوية ملح اذا كانت الخلطة محتاجة مملح الحين جيبي صينية و حطي فيها المكرونة و صبي الخلطة عليها |
|
روووووعه شكلللها
اشتهيييتها عوافي توريه |
الله يعطيج العافيه ،،، توري
حبيت الطريقه ،، سهله وخفيفه ،، تسلم ايدج يااارب ،، |
| الساعة الآن 08:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية