منتديات ليلاس

منتديات ليلاس (https://www.liilas.com/vb3/)
-   الارشيف (https://www.liilas.com/vb3/f183/)
-   -   حوارى مع صديقى الفاشل .... (https://www.liilas.com/vb3/t169615.html)

عهد Amsdsei 04-11-11 08:39 PM

السلام عليكم

تعرف يا عبدالله اول ما رقيت العنوان زعلت

عارف ليـه

لأني حسيت انك انهزامـــــــــــــــي

تعرف يعني ايه الفشل ؟؟؟؟؟؟

دي حاجة كبيرة خااااااااااااالص

عايزة اقول لك أولا ان الرواية ماشاء الله عليها روووعة و مش مجاملة

بس المشكلة برواد القسم عندي انهم ......... مش بيردوا

بيدخلوا يقرأوا و يمشوا

و كم من مرة دخلت روايتك باشوف 3 او اربع مشاهدين بين اعضاء و زوار

بس الخلل بالقسم انهم مش بيردوا

عشان كده انت بتحس بانك فاشل مع ان المشاهدات كويسة

بالنسبة للرواية

هاقول لك حاجة

انت قلت يا ريت اكون مثل و مثل ..........

الكاتبات دول بدأوا بقسم قوي و لعلك لاحظت ان المشاهدين و الزوار للقسم ده كبير جداااااااا

و شوي شوي بيعلقوا و بيدخلوا يملوا الصفحات

اما انت صحيح بدأت بنشر رواية هناك بس ماكملتها

يعني ببساطة ما كونتش قاعدة جماهيرية

عشان كده لما جيت لقسم مغمور و جديد لاقيت اللي تبعك اعداد بسيطة اللي هم اصلا عارفينك

ثانيا .. كم القصص اللي بينشر دلوقتي كبير

و كثير من الناس ما بتلاحق تقرأ خاصة اننا مش اجازة

اذا استسلمت لعثرات التي حصلت لك لن تفوز ابدااااً

تعرف شيء كل فترة احاول اجدد و اجيب مواضيع او قصص بالقسم

روح شوف اجيب اجدد القصص و ابحث هنا ولا هنا

و بالنهاية اللي بيدخل يقرأ و يمشي و لا كأني تعبت نفسي

و لا لامواضيع اللي بتكون في مكان ثاني مكسرة الدنيا و المشاهدات بعشرات الألوف ......و عندي المشاهدات مش متجاوزة الالف

احبط و ايأس و أفكر أروح بالمكان الثاني انزل هناك

بس بعدين اعرف ان ليلاس هو بيتي ......... واكيد يوم هايشكرني فيه حد واحد ولا حتى يعلق على القصة او الموضوع

و تمر الايام مهماااا مرت

ربما اذا كتب لك ان تنشر الرواية برومانسيات عربية

أكيد راح تلاقي التفاعل اكثر و اكثر

لكن املي بالله كبير

فلماذا لا يكون أملك فيه كبير أيضا

اختك في الله ........... عهد



romantico triste 10-11-11 02:04 AM

اخواتي العزيزات

عدم ردى ليس نسيان او تجاهل و الله

لكنني اقسم لكن لم اجد الكلمات المناسبة

فكل واحدة منكن لم تبخل ابدا بالرد
فشكرا لكن بما تعني معزتكن في قلبي كما تتخيلونها وان تعدت ماتتخيلونه و الله

عملت بنصائحكن جميعا واسأل الله ان يوفقني و اياكم

تحياتي لكن جميعا و اعتذر عن عدم قدرتي على الرد عليكن واحدة واحدة

الف شكر ليكم

إحسآس الورد 01-12-11 02:34 PM

أهلا عبد الله
شوف وانا باقرا الموضوع كنت بتخيلك قدامي بتحكي
اتخيلتك منفعل جدا
وانا مش بتاعة مجاملة
انا لسا جديدة وملحقتش لسا اقرا روايات
بس بديت اقرا روايتك ( هارب إلى سجن العاصمة )
الفكرة بتعتك محدش طلع بيها قبل كده
وانا بقرا افتكرت موقف حصل معايا
كان في مرة مسابقة كتابة يعني
وكانت اني اكتب قصة قصيرة من 5 صفحات موضوع القصة كان عن الوطن
كتبت وانا بكتب حسيت اني كتابتي حلووووة
بس بعد ما خلصت كتابة وجيت اقرا قصتي لقيتها أبدا مش حلوة
بس ما كانش فيه وقت أكتب وحدة تانية عشان كان فاضل يوم واحد للتسليم و الأبلة مقلتليش من بدري
والأهم بدل ما أكتب 5 صفحات كتبت 4
وسلمت وقلت مش هيضر حاجة لو شاركت حتى لو كانت كتابتي مش حلوة
المهم سلمتها وانا متأكدة اني مش هفوز
بعد كم يوم جاه تعميم للمدرسة ان الطالبة اللي هي انا حصلت على المركز الأول
انا اتفاجئت كانت صدمة ازاي اجيب المركز الأول
ولسا كل ما أقرا القصة متعجبنيش وأقول اني كنت اقدر اكتب احسن
بس ايه اللي حصل مش عارفه !!!!!!!!
كنت فاكرة اني فاشلة في الكتابة بس جبت المركز الاول
انت اقنعت نفسك انك فاااااااشل عشان مفيش تشجيع بس صدقني هتتفاجأ في يوم ان كل كتاباتك كانت حلوة في نظر الآخرين و إن لم تكن كذلك في نظرك
خد عندك مندل بتاع الوراثة
فشل في المدرسة وعشان كده أصبح عالم يذكره التاريخ
في مقوله بتقول : ( الفشل هو مفتاح النجاح )
وإنك لو مفشلتش مرة مش هتنجح المرة الجاية
لعل نسمع في يوم ان عبد الله اصبح كااااتب كبيييير
ويومها هتفتكر الموقف ده
هتفتكر انك كنت مفكر نفسك فاااااااااااااااشل
بس الحقيقة عكس كده

وعلى فكرة شوف الجانب المشرق
ان فكرت انك فاشل هتطور كتاباتك
وده مش نهاية العالم
وإياك تعمل زيي ومتكملش حاجة بدأتها
إياك تبدأ تصنع جسر فوق النهر ومتكملهوش
ولا لن تقدر انك تعبر للناحية التانية من النهر
كم رواية بدأتها ولم أكملها بس من دلوقتي
خلاص أي حاجة هكتبها لازم أكملها
وانت كمان ممكن تبدأ الرواية بداية مش حلة بس في النهاية تقلب الموااازين
خدها نصيحة مني

دايما لما تفكر في حاجة هات ورقة وقلم واكتب ايجابياتها وعلقها ع الحيطة قدامك
مثلا كتابة روااااية الإيجابيات :
أتعلم وأستفيد
أفصح عما في عقلي للآخرين
أستمع لانتقاد الناس
أعرف عيوبي حتى في الروايات القادمة احسن كتاباتي
ولربما تكون الطريق لشهرتي
ولا يهمني ان كان هناك تشجيع
بل المهم أن أشعر بأني انجزت
شوف قد ايه بتفرح لما تنجز حاجة وقد ايه بتشعر بلذتها

مش مهم يكون فيه ناس بصفقوا
المهم يكون فيه واحد بس تابعني

وأنا أحيييك تحية خالصة على إبداعك
وصدقني كل المبدعين كانوا فشلة ووصلوا للقمة
بس انت مش فاشل
انت وااااهم
والأدهى والأمر انك تتوهم انك فاااااشل
بس مش هي دي الحقيقة


لك تحياتي
:)

romantico triste 01-12-11 02:48 PM

احساس الورد

مش عاوز اوصفلك فرحتي و انا داخل القسم النهاردة لاجد حوالي خمس موضوعات تم احياؤهم بفضلك
انا مش عارف اشكرك ازاى

انا بحب الموضوعات دي جدا لانها هنا في اكير قسم بعشقه في المنتدى

طبعا كلماتك دي غالية عليا اوي

وسعيد ان دا يكون رأيك فيا

بحييكي على صفة مشاركة الاخرين ما يراودهم من احساس مختلف

سبحان الله انتي جديدة لسه و رغم كده شاركتيني بضحكة و بزعل و باحباط

انا اشعر انك انسانة مدهشة وجودها بيننا هيكون مكسب لينا

مش بقول كده علشان رديتي على موضوعاتي

ابدا و ربنا

انا حسيت كده من طريقة ردودك

اهلا و سهلا بيكي بيننا اخت غالية و عزيزة

اعتقد انك عرفتي فريق القراصنة

اللى هو احنا

كلهم يحملون لقب ( انثى ) الا انا علشان كده بيسموني الشبح
انا عبد الله شبح القراصنة

ياريت تكوني عضوة معنا هتحبي المجموعة فعلا

بشكرك كمان مرة اختي العزيزة

الف تحية لك ^_^

إحسآس الورد 01-12-11 10:50 PM

أنا دخلت القسم ده وحبيتو جدا مش عارفة ليه
وانا بقوول ايه لقب الشبح ده اتاريك الشاب الوحيد في المجموووووووعة
شعورك ايه ؟؟؟ههههههههههههههههههههههه
تسلم أخويا
بالعكس انتو اللي مكسب ليا
صدقني انت متعرفش قد ايه انتو غااالييين على قلبي
وانا حبيتكو من أول ما دخلت المنتدى
انا بالفعل تعرفت على كم قرصوووونة كده
واتمنى اني اتعرف على أكثر
اتمنى انكو تقبلوني بينكم
وبعدين بتشكرني على ايه
أنا اللي لازم أشكركو
عشان حسستوني اني بين اخواتي

تسلم
ولك أرق وارقى تحياتي :)


الساعة الآن 12:20 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية