منتديات ليلاس - حوارى مع صديقى الفاشل ....

منتديات ليلاس (https://www.liilas.com/vb3/)

- الارشيف (https://www.liilas.com/vb3/f183/)

- - حوارى مع صديقى الفاشل .... (https://www.liilas.com/vb3/t169615.html)

هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
طويب الاول قبل ما تزعل وتفتكرنى بسخر منك
خد كلامى ثقة انا يا دوب قد مامتك
انت مش فاشل يا ولدى
انت بتمر بازمة منتصف العمر احم
اقصد ازمة بداية الكتابة مش اكتر
ولو رجعت لكل المبدعين اللى فاتوا اللى ذكرتهم هتلاقيهم مروا بيها بشكل حااااااااااااااااد
الموضوع بسيط والله
انا عن نفسى ليا شهر بدخل طيران واخرج لارتباطات العمل ومذاكرة البنات ومذاكرتى الشخصيه
اصل عقبال عندك بحضر دراسات عليا
بعد ماشاب بأه اهىءءءء
لازم تفكرنى وتحسرنى على روحى يعنى
وبرغم من هذا والله عمال اتابع الاستراحه واقول الشبح مش نزل فصل جديد
لكن مش دخلت سالت بصراحه لانى استاااااااذ تقصير بسبب الظروف
يعنى الروايه اللى بنقلها ف قسم روايات عبير المكتوبه ليها شهرين ولا نزل فصل جديد
ولانى بتمنى التماس العذر ليا فالتمست ليك العذر
خاصة وانك مختفى من اكثر ن موضوع رديت عليك فيهم ولم تظهر
بجد انا معتقد انك غايب ومش فاضى مش اكتر
وبمنتهى الصراحه من الرسايل اللى بتجينى من قرصوناتى الاحباء هنا
انى لسان الصراحه الناقد البناء
ههههههههههههههههههههههههههههه
اه وربنا اكتر من واحدة قالتلى لازم تردى بنقدلانى صريحة ومش بجامل
تفتكر ده مدح حضرتك ولا ذم
هههههههههههههههههههههه
لا انا واثق انه ثقة ف رايى وده شرف ليا طبعا
وبجد لو كنت دخلت روايتك ومش عجبتنى كنت مش هعلق اصلا لو مش اعرفك
ولو اعرفك هنتقد اللى معجبنيش
انا بعمل كده عامة وانت شفت انى علقت معاك على الحاجات اللى معجبتنيش
بلاش ثوب الاحباط يسبغك بهذه الطريقه
خاصة ان المجال اللى بتكتب فيه مش اى حد يقدر يبدع
ارجع لقلمك وربنا يوفقك
وان شاء الله تروق

اقتباس:

المشاركة الأصلية كتبت بواسطة dew (المشاركة 2921163)

مرحبا أخونا الشبح ..ايش هالكلام وهالحديث اللي يضيق الخلق ؟ ؟؟؟؟

شوف اللي فهمته من موضوعك انك محبط من قلة الردود في قسم مغامرات ليلاسية ..وتحس انك كاتب فاشل كما تزعم <فيس يناظرك بنص عين ....

اش هالكلام يابن الحلال ...والله زعلتني منك ..يعني القسم أكيد بيكون فيه ركود لأنه قسم جديد وانا كل ماأشوف الاعلان اللي فوق لروايتك أقول متى بخلص روايتي حتى أقرأ هالرواية ..لاتظن أبدا ان السبب لأنك كاتب *فاشل* أصلا اأنا أكره هالكلمة واتمنى اني أمحيها من الوجود ..
شوف يا شبح ..لاتتوقع انك راح تصعد السلم بسرعة ..سلم الكتابة طوييييييييييييييل جدا واسألني أنا ..أنا يمكن أكثر وحدة جربت الركود في الرواية ..لما كانت أول رواية لي في قسم قصص من وحي الأعضاء ماكان عليها إقبال لأنها أسماء أجنبية وكان مثل ماقلت يمر يومين وأكثر ومافيه الا ردين ثلاثة أربعة من البنات اللي بيتابعوها معي ..أصابني الاحباط وتركتها سنة من دون ماأكملها ..وفكرت بعدها اني أبطل أكتب وحسيت بنفسي غبية اني أفكر مجرد تفكير اني أكتب لكن لما فتح قسم عبير الأحلام حسيت بنفسي أتجدد ودخلت المعترك ..انا ماأفكر بنفسي اني كاتبة كبيرة مثل أنفاس قطر أو ليتني غريبة لكني أخذت فكرة الكتابة على إنها شي أتمتع اني أسويه .. هواية أحبها ..تخرجني من روتين الحياة أعيش مع أبطالها وأبكي معهم وأفرح ..لاتظن أننا وصلنا للي وصلناه لأننا نملك موهبة عظيمة أو اننا فعلا كاتبات كبيرات ..الصبر ثم الصبر ثم الصبر ...انا متأكدة ان الرواية راح تنال الاعجاب ..انت بس اصبر عليها ..انا تعمدت اني ماأضغط على أيقونة الشكر لأني زعلانة منك عالكلام اللي تقوله ..اوعى تقوله مرة ثانية ..أو بزعل منك يا شبح ..

ديو

اهلا و سهلا بك اختى العزيزة
انا لم اقصد ركود الردود فى روايتى يا ديو

الفكرة اننى فعلا اشعر ان جملى اصبحت ركيكة و هذا قد يحدث ........ و الله العظيم لا اقصد ان اطلب منكم زيارة اعمالى ابدا والله ...... طيب ماهى روايتك انا دخلتها برد واحد و فى فصل واحد بس لكنى اقسملك انى استمتعت بالفصل ده ......

الفشل مش معناه انعدام النجاح .... لا الفشل هو اختفاء النجاح مؤقتا اما انعدام النجاح فمعناه الاخفاق ...... شوفى ديو انا مش بقول انى فاشل ابدى لا بس افشل فى تحقيق كينونة لى فى عالم الادب ولو كينونة صغيرة ......

مش عارف القلم لا يطاوعنى هذه الايام ...... دى حقيقة عشان كده طلبت نصحكم ....... حاسس انى مش قادر اعبر عن افكارى بالكلمة ...... مش شرط الركود او قلة الردود ..... انا اقصد حاجة منى انا ....... انا كمان بكره كلمة فشل لكنها كلمة موجودة فى حياتنا وبنصادفها فعلا ...... و لازم لما نصادفها نفكر نعمل ايه علشان نبعدها عننا على الاقل عشان كده طلبت نصيحة تفيدنى عشان لما امسك قلمى تانى يكون عبد لافكارى مش انا اللى اكون عبده لمجراه ........

انا سعيد بردك و استفدت منه و متزعليش منى ديو ...... و الله مش قصدى احباط و تشاؤم و كده لكن احساس متعب انى اشعر بضياع موهبة اعشقها ..........

تحياتى لك ديو ^_^

اقتباس:

المشاركة الأصلية كتبت بواسطة easeel (المشاركة 2921174)

عبد الله
انت بتهرج
فاشل ايه وكلام ايه اللي انت بتقوله ده
يا بني لو انت فاشل اومال احنا نعمل ايه بس
انت مبدع بشكل انت مش متخيله
افكارك مبهره وطريقتك في السرد والوصف مبهره
انا بقعد اقرا مواضيعك وانبهر واقول امتى الواحد يوصل للعبقرية دي
والله مش مجاملة انا بتكلم بجد
وعلى فكرة انا صريحة ولو انت فاشل هاقولك
بس فعلا انا شايفة انك عبقري بالفعل
طيب والله مرة تانية مش بجاملك
واللي انت بتمر فيه فعلا احباط
انت محبط وانا عارفة الاحساس ده كويس
ومر عليا كمان
بس مش لدرجة الاعتزال
والله وانا بقرا عينيا كانت هتطلع من اللي انت كاتبه
رفعت ضغطي يا ابن الحلال من كلمة فاشل دي
بجد متعيدهاش وحشة اوي
ومش منطبقة عليك
اتنرفزت بجد

عبد الله
همسة : بجد والله انت مش فاشل

اسيل ههههههههههههههههههههههههه اومال انتوا تبقوا ايه ؟!
انتوا مبدعين و متألقين يا اسيل

انا مش هنكر سعادتى باطرائك وتمنياتى انى اكون زى ما بتقولى
لكن انا مش قادر افهم ليه مش بتيجى معايا الكلمات اللى عاوز اقولها ....... و الله دى مشكلة كبيرة عندى فعلا .......

من سنتين فى الجامعة كان اصدقائى يقعدوا معايا و يتحدونى ....... كان الواحد فيهم يقولى كلمة واحدة بس وبعد تلات دقايق اكتبلة خاطرة عن الكلمة وكنت انا ذات نفسى بندهش وبفرح كتير .......

دلوقتى بجد والله يا اسيل عندى احساس غريب ..... عارفه حاسس انى خلصت ..... حاسس انى قلت كل الكلام اللى فى اللغة العربية .... تخيللى ؟! ...... مش عارف هوصلك اللى عاوز اقوله ولا لا بس محتاجه كلمات جديدة اعبر بيها عشان مااحسش انى بكرر ........ فهمتينى .... دى كل المسألة وبشكرك على اطرائك وكلماتك يا اسيل و الله وربنا يخليك

تحياتى ليكى واسف انى رفعت ضغطك ^_^

اقتباس:

المشاركة الأصلية كتبت بواسطة Rehana (المشاركة 2921266)

السلام عليكم

صباح الخير .. اخوي الشبح.. عبدالله..

الكاتب المبدع بنظري .. عبارة عن رحال حول زمن .. يتطرق لكل باب .. ولكل لحظات الحياة
بمشاكلها وجمالها ..
الكثير من المبدعين قد يتوقفون عن الكتابة بسبب خمول .. او مشاكل الحياة اليومية
او عدم توفر الوقت ..او انتهاء الافكار في عقلهم ..
الكاتب يحتاج الى صفاء النفس من زوبعة الحياة اليومية ..والى الراحة النفسية .. والى القراءة ليثقف نفسه ويراقب مايحدث حوله .
وفي نظري يحتاج لمساعد كأن يكتب له كل مايأتي في خاطره من افكار ومواقف
اذكر العزيزة جواهر وهي تقول في احدى مواضيعها .. اذا شعرت بأن عقلك توقف فأنت كذلك توقف عن الكتابة
ثم عد اذا شعرت بالأفكار والاسهاب يعود لك من جديد

بعض الكتاب العالميين والشعراء لا يأتي اليهم الابدااع الا متأخرا ..ويظل لكل واحدا منا إبداعا خاص به
وفي كل المجالات..

عندما اطلقت عليك همس لقب استاذي .. كانت محقة لأنها وجدت فيك هذا اللقب
فلا تحرمها منه ..

في النهاية.. الابدااااع موجود في كل منا ..كل ماعليك ان تفعله هو ان تريح نفسك بما فيها من هموم
كأن تسافر .. اوتسمع الموسيقى .. وسيأتي ذلك الابداع لامحال

تقبل مروري وكلماتي
ولك كل التقدير..اختك ريحانة

مرحبا ريحانة اختى الكريمة

انتى محقة بخصوص الكاتب الحق ولكن ماذا لو جف بئرة و ماذا لو فرغت جعبته ؟ ما الحل عندها ؟
صدقينى انا احاول ان انمى موهبة اراها متواجدة فى قلبى على الاقل فانا عاشق للقراءة و الكتابة و الادب بشموله ولكن كما قلت نضب البئر ...

كلمات الاخت جواهر راااائعة فعلا و قد انفذها ولكننى سأبقى متعطشا لان املأ البئر من جديد
زيارتك عزيزة على قلبى واسعدتنى جدا
وردك فيه من النصح ما قد احتاجه بشده

اشكر لك كرمك وردك
تحياتى لك

اقتباس:

المشاركة الأصلية كتبت بواسطة jen (المشاركة 2921269)

صدقنى يا شبح انا مش مصدقة اللى قريته دة
اعدت قراءته عشان يمكن اصدق

بس معلش انا مضطرة اخالف طلبك واقولك..ايوة يا شبح انت مش فاشل انت محبط لكن نسبة الاحباط عندك عالية لان كلنا بتجيلنا فترات احباط بس مبنتهورش كدة ونرمى ثقتنا فى نفسنا عرض الحائط ونوهم نفسنا بالفشل
معقولة يكون دة رأيك فى نفسك؟؟ انت شايف نفسك كدة ؟؟ فين ايمانك بنفسك ؟؟
معقولة شايف انك تستحق الفشل ؟؟

يا عبدالله ..انا كمان بحلم انى اكون كاتبة كبيرة حظها وفير فى المتابعة والردود..وببقى عارفة فى قرارة نفسى انى جيدة بقدرها لانى واثقة فى نفسى وبقدر اقيم عملى ..وببقى متأكدة ان دة توفيق من عند ربنا ..ومحدش بياخد الا نصيبه حتى لو كان فى منتهى التميز ويمكن واحد اقل منه كتير فى التميز لكن يكون حظه اوفر ورزقه اوسع
شفت اعلانات فيلم شارع الهرم بتاع دينا وسعد الصغير..انت شايف ان فيلم زى دة يستحق تصدر الايرادات السينمائية فى وجود فيلم زى الفاجومى ؟؟ انت شايف ان دى معايير النجاح والفشل يا شبح ؟؟

انت بتقول عايز تبقى زيى ؟؟ انت عارف بدايتى كانت ازاى ؟؟ اول قصة كتبتها فى المنتدى من 3 سنين طول فصول الرواية كان مجمل الردود تقريبا سبع ثمن ردود على الرواية كلها
وبعدها كتبت رواية تانية ... كان فيه تحسن نوعا لكن برضه مش بالشكل اللى بشوفه مع غيرى
وصدقنى حتى الان ..
لكن على فكرة مفكرتش انى فاشلة ..فكرت بس ان حظى ليس وفير ..وان هو دة رزقى ونصيبى
زى الغنى والفقر كدة يا عبدالله..هو ربنا بيوزع الرزق على الناس الناجحة والفاشلة لا ؟؟؟؟ دة نصيب لا يعنى بمدى نجاحك ..والله دة نصيب ورزق من عند ربنا

لكن انا عارفة انى الحمد لله ناجحة من فحوى الاراء اللى بتوصلى .. مبدورش بقى على مضمون الاراء اللى مش بتوصلى وكأنها هى اللى هتأكدلى نجاحى من عدمه..
ازاى تسيب المعيار اللى فى ايدك اللى بيأكد نجاحك وتدور على معيار تانى لا تملكه ؟؟

يا عبدالله ..فيه اسباب كتير لانخفاض نسبة المتابعة معك
اقولك سبب منها انا متأكدة منه لانه يخصنى شخصيا
انا مثلا اتمنى اتابع معك ومع ديو وبلومى والبرنس محمد وغيرهم وغيرهم لكن فعلا مشغولة .. زفافى ان شاء الله فقط بعد 3 شهور ..ولك ان تتخيل مدى انشغالى
اهو دة سببى
وفيه مليون سبب لكل الناس بالاضافة زى ما قلتلك للرزق والنصيب

تعالى بقى نتكلم على جودة قلمك نفسه لانك مينفعش تقيمه تبعا للردود والمتابعة للاسباب اللى سبق وذكرتها لك
جودة قلمك يا سيدى تعرفه من تقييمك الشخصى وزى ما قولتلك من فحوى الردود اللى بتوصلك
وعموما هو هيفضل يتطور يتطور ..يعنى انا مثلا بقارن بين اول حاجة كتبتها واخر حاجة كتبتها الاقى الفرق شاسع وعارفة ان ان شاء الله لما اقارن بعد كدة بين اخر حاجة كتبتها دلوقتى واخر حاجة كتبتها فى المستقبل هلاقى برضه فرق ..عارف اهو دة بقى النجاح..انت يمكن تكون فاهمه غلط او بتقيمه وتحسبه غلط

اقف مع نفسك يا عبد الله وفكر فى كلامى واعرف الاول يعنى ايه النجاح ؟؟

مرحبا بك جين بنت بلدى الرائعة

اولا مبروك على كل شئ
نجاح رائعتك ( حارة سد )
زواجك
ابداعك

ماشاء الله عليكى

شوفى جين انا فاهم انتى عاوزه توصلى ايه ....... انا عارف ان النجاح طويل و مراحل لكن انا خوفى انى مكونش معايا الزاد اللى اقدر اكمل بيه رحلة النجاح دى .......

المقومات مثلا ..... و بعدين انتى عاوزانى بالله عليكى لما الاقى فيلم زى شارع الهرم ينجح كده و هو فيلم سطحى و تافه ويفشل الفاجومى اللى بيطل على شاعر كلنا بنحترم رأيه و شجاعته ويتلاشى العالم القيمة الادبية للفيلم من اجل بعض العرى ميصبنيش الاحباط ......

والله دى حاجة تحزن فعلا ....... لكن انا اللى خايف منه انى بدل ما اخد خطوات النجاح و ارتقى بسلمه اهبط بسلم الفشل لغاية ما اكتشف انى اصلا مش موهوب

فهمانى ....... الفشل احساس وحش لكنه لما بييجى بيكون فيه حاجات غلط وانا اللى عاوز اعرفه ايه اللى غلط عشان اصلحه ........ لكن انا مش محبط ولا هستسلم ..... لا هقاوم بس لما اعرف الحلول .......... موال كبير يا جين ورغم كده مش هبطل كتابة لكن هحرص اوى على اختياراتى .......

الف شكر عالمرور والنصائح الرائعة جين
ومبروك مرة كمان اختى و بنت بلدى ^_^