|
حوارى مع صديقى الفاشل ....
السلام عليكم ازيكم يا جماعة عاملين ايه ؟! بتسائل بصراحة هل يا ترى فيه حد بيدخل القسم دا لسه ؟؟ اخر حد شفته دخل هنا هى ( الشجرة العالية ) و كانت داخلة بتودع الناس عشان مسافرة بكرة ...... موضوعى دا حوار مع صديقى الفاشل مين صديقى الفاشل ده بقى لو حد قرأ كتاب الدكتور مصطفى محمود اللى كتبه عن صديقه الملحد هتعرفه انا اقصد مين القسم دا ماشاء الله ملياااااان مبدعات ...... و مبدعين كل مبدع بقى يا جماعة محتاج نصيحته لانى بعد حوارى مع صديقى الفاشل اكتشفت بلاوى ماشاء الله صديقى طلع هو اللى صح عكس كتاب الدكتور مصطفى محمود هل الفشل ممكن نكتشفه فى فترة سابقة على وصف التميز او الابداع او ماشابه ؟! بصراحة انتوا مش غرب يعنى اخوكم الشبح بيمر بفترة روووووووووووعة ....... يا ختى عليا فشل ايه و حلاوة ايه ......... و محدش بالله عليكم يدخل ينثر بذور الامل و يقولى بتأثر : " لااااااا يا عبدالله يابنى ...... انت مش فاشل ...... انت مصاب باحبااااااااط ....... مش عيب انك تقع 365 مرة ...... المهم تتعلم " . شوفوا ياجماعة انا عاوز منكم نصيحة لو واحد ابن حلال فشل فجأة او اكتشف انه فاااااشل متأخر يعمل ايه ؟ انا اللى عاوز اعمله اتوقف عن الكتابة شوية لكن دا صعب عليا و الله ...... لان الكتابة ادمان عندى ....... انا مش هعمل دعاية لانى زهقت من المجاملة ....... جايز لو حد قاللى من الاول انى فاشل و لازم اطور من كتاباتى احتمال كنت صحصحت وبقيت انيس منصور وسطكم دلوقتى ...... انا بقرأ كتب كتير وبحاول اتعلم من كل حاجة حاجة ....... لكن برضه مش عارف اعبر ....... بتجينى افكار لكن مش بطبق ...... بكتب و ابدأ فى حاجة لكنى مش بكملها لما بحس انى بكتب عالفاضى ......... فى الفصل الاخير من روايتى جانى ردين فقط ...... رد من ( حسن الخلق ) تلك الانسانة التى حصلت على الوسام الذى تستحقه فعلا و اللى مش بتسيب رواية الا لما ترد عليها و تشجع صاحبها الله يكرمها يارب ...... و ( همس الفراشات ) تلك البنت الرقيقة الطيبة التى تنعتنى بلقب تأكدت الان فقط اننى لا استحقه ( استاذى ) ........ و و الله العظيم مش عارف ارد عليهم بقالى اسبوعين ....... هرد اقول ايه ........ اسبوعين يا جماعة محدش دخل وقاللى ليه مكملتش الرواية ....... انا مش بجبر حد يقرالى لكن بسأل اذا كانت اعمالى وصلت لهذه الحالة من السوء ازاى وصلتونى انى امسك القلم و اعبر ....... ليه نجامل بعض لحد الواحد ما يوصل للثقة المهلكة ...... اتمنى ان اكون يوما مثل ( بيرو ) او ( هبه الفايد ) او ( مايا مختار ) او ( جين ) او ( امورة نجد ) او ( زهرة سوداء ) او ( البرنس محمد ) او ( الشجرة الرااائعة ) او ( ديو ) او ( ميرا ) او ( نيو مون ) او ( هدى ) ....... نفسى ابقى كل دول مع بعض ...... قام شعب ليلاس بثورة من اجل عودة ( انفاس قطر ) ....... رواية ( ملامح الحزن العتيق ) على قيد الحياة منذ سنتين تقريبا ........ ( قال الزهر اه ) و ( اقدار ) ....... ( بين الامس و اليوم ) ....... ( صدووود ) تتألق ....... ( منصور السديرى ) غائب بشخصه حاضر بقلمه ....... ( اوان ) التى تتمايل مبدعة ما بين الخواطر و الروايات ........ لا اريد ان انسى اية اسماء ربما لا يكون مهما بالنسبة لكم ....... ولكننى اعتزل عالم الكتابة مؤقتا بكل انواعه بخاطرتى الاخيرة التى سأنشرها الان ان شاء الله و ثمرة صغيرة فى الروايات سترونها قريبا باذن الله ....... اعذرونى سأترك قلمى ....... و حتى اعود اليه مرة اخرى لا تبخلوا بنصائحكم ...... همسة : عهد : سأكمل روايتى ( هارب الى سجن العاصمة ) والله لانك تعبتى معى فقط ...... رغدة : بالتوفيق ....... لم اعد استاذا ...... ظهرت الحقيقة . حسن الخلق وبيرو : شكرا لانكم ادخلتمونى عالمكم ..... جميع القراصنة و الكاتبات المبدعات : احسنتم . انتظر نصائحكم و بالتوفيق لكم ......... الشبح ^_* |
مرحبا أخونا الشبح ..ايش هالكلام وهالحديث اللي يضيق الخلق ؟ ؟؟؟؟
شوف اللي فهمته من موضوعك انك محبط من قلة الردود في قسم مغامرات ليلاسية ..وتحس انك كاتب فاشل كما تزعم <فيس يناظرك بنص عين .... اش هالكلام يابن الحلال ...والله زعلتني منك ..يعني القسم أكيد بيكون فيه ركود لأنه قسم جديد وانا كل ماأشوف الاعلان اللي فوق لروايتك أقول متى بخلص روايتي حتى أقرأ هالرواية ..لاتظن أبدا ان السبب لأنك كاتب *فاشل* أصلا اأنا أكره هالكلمة واتمنى اني أمحيها من الوجود .. شوف يا شبح ..لاتتوقع انك راح تصعد السلم بسرعة ..سلم الكتابة طوييييييييييييييل جدا واسألني أنا ..أنا يمكن أكثر وحدة جربت الركود في الرواية ..لما كانت أول رواية لي في قسم قصص من وحي الأعضاء ماكان عليها إقبال لأنها أسماء أجنبية وكان مثل ماقلت يمر يومين وأكثر ومافيه الا ردين ثلاثة أربعة من البنات اللي بيتابعوها معي ..أصابني الاحباط وتركتها سنة من دون ماأكملها ..وفكرت بعدها اني أبطل أكتب وحسيت بنفسي غبية اني أفكر مجرد تفكير اني أكتب لكن لما فتح قسم عبير الأحلام حسيت بنفسي أتجدد ودخلت المعترك ..انا ماأفكر بنفسي اني كاتبة كبيرة مثل أنفاس قطر أو ليتني غريبة لكني أخذت فكرة الكتابة على إنها شي أتمتع اني أسويه .. هواية أحبها ..تخرجني من روتين الحياة أعيش مع أبطالها وأبكي معهم وأفرح ..لاتظن أننا وصلنا للي وصلناه لأننا نملك موهبة عظيمة أو اننا فعلا كاتبات كبيرات ..الصبر ثم الصبر ثم الصبر ...انا متأكدة ان الرواية راح تنال الاعجاب ..انت بس اصبر عليها ..انا تعمدت اني ماأضغط على أيقونة الشكر لأني زعلانة منك عالكلام اللي تقوله ..اوعى تقوله مرة ثانية ..أو بزعل منك يا شبح .. |
عبد الله
انت بتهرج فاشل ايه وكلام ايه اللي انت بتقوله ده يا بني لو انت فاشل اومال احنا نعمل ايه بس انت مبدع بشكل انت مش متخيله افكارك مبهره وطريقتك في السرد والوصف مبهره انا بقعد اقرا مواضيعك وانبهر واقول امتى الواحد يوصل للعبقرية دي والله مش مجاملة انا بتكلم بجد وعلى فكرة انا صريحة ولو انت فاشل هاقولك بس فعلا انا شايفة انك عبقري بالفعل طيب والله مرة تانية مش بجاملك واللي انت بتمر فيه فعلا احباط انت محبط وانا عارفة الاحساس ده كويس ومر عليا كمان بس مش لدرجة الاعتزال والله وانا بقرا عينيا كانت هتطلع من اللي انت كاتبه رفعت ضغطي يا ابن الحلال من كلمة فاشل دي بجد متعيدهاش وحشة اوي ومش منطبقة عليك اتنرفزت بجد عبد الله همسة : بجد والله انت مش فاشل |
السلام عليكم
صباح الخير .. اخوي الشبح.. عبدالله.. الكاتب المبدع بنظري .. عبارة عن رحال حول زمن .. يتطرق لكل باب .. ولكل لحظات الحياة بمشاكلها وجمالها .. الكثير من المبدعين قد يتوقفون عن الكتابة بسبب خمول .. او مشاكل الحياة اليومية او عدم توفر الوقت ..او انتهاء الافكار في عقلهم .. الكاتب يحتاج الى صفاء النفس من زوبعة الحياة اليومية ..والى الراحة النفسية .. والى القراءة ليثقف نفسه ويراقب مايحدث حوله . وفي نظري يحتاج لمساعد كأن يكتب له كل مايأتي في خاطره من افكار ومواقف اذكر العزيزة جواهر وهي تقول في احدى مواضيعها .. اذا شعرت بأن عقلك توقف فأنت كذلك توقف عن الكتابة ثم عد اذا شعرت بالأفكار والاسهاب يعود لك من جديد بعض الكتاب العالميين والشعراء لا يأتي اليهم الابدااع الا متأخرا ..ويظل لكل واحدا منا إبداعا خاص به وفي كل المجالات.. عندما اطلقت عليك همس لقب استاذي .. كانت محقة لأنها وجدت فيك هذا اللقب فلا تحرمها منه .. في النهاية.. الابدااااع موجود في كل منا ..كل ماعليك ان تفعله هو ان تريح نفسك بما فيها من هموم كأن تسافر .. اوتسمع الموسيقى .. وسيأتي ذلك الابداع لامحال تقبل مروري وكلماتي ولك كل التقدير..اختك ريحانة |
صدقنى يا شبح انا مش مصدقة اللى قريته دة
اعدت قراءته عشان يمكن اصدق بس معلش انا مضطرة اخالف طلبك واقولك..ايوة يا شبح انت مش فاشل انت محبط لكن نسبة الاحباط عندك عالية لان كلنا بتجيلنا فترات احباط بس مبنتهورش كدة ونرمى ثقتنا فى نفسنا عرض الحائط ونوهم نفسنا بالفشل معقولة يكون دة رأيك فى نفسك؟؟ انت شايف نفسك كدة ؟؟ فين ايمانك بنفسك ؟؟ معقولة شايف انك تستحق الفشل ؟؟ يا عبدالله ..انا كمان بحلم انى اكون كاتبة كبيرة حظها وفير فى المتابعة والردود..وببقى عارفة فى قرارة نفسى انى جيدة بقدرها لانى واثقة فى نفسى وبقدر اقيم عملى ..وببقى متأكدة ان دة توفيق من عند ربنا ..ومحدش بياخد الا نصيبه حتى لو كان فى منتهى التميز ويمكن واحد اقل منه كتير فى التميز لكن يكون حظه اوفر ورزقه اوسع شفت اعلانات فيلم شارع الهرم بتاع دينا وسعد الصغير..انت شايف ان فيلم زى دة يستحق تصدر الايرادات السينمائية فى وجود فيلم زى الفاجومى ؟؟ انت شايف ان دى معايير النجاح والفشل يا شبح ؟؟ انت بتقول عايز تبقى زيى ؟؟ انت عارف بدايتى كانت ازاى ؟؟ اول قصة كتبتها فى المنتدى من 3 سنين طول فصول الرواية كان مجمل الردود تقريبا سبع ثمن ردود على الرواية كلها وبعدها كتبت رواية تانية ... كان فيه تحسن نوعا لكن برضه مش بالشكل اللى بشوفه مع غيرى وصدقنى حتى الان .. لكن على فكرة مفكرتش انى فاشلة ..فكرت بس ان حظى ليس وفير ..وان هو دة رزقى ونصيبى زى الغنى والفقر كدة يا عبدالله..هو ربنا بيوزع الرزق على الناس الناجحة والفاشلة لا ؟؟؟؟ دة نصيب لا يعنى بمدى نجاحك ..والله دة نصيب ورزق من عند ربنا لكن انا عارفة انى الحمد لله ناجحة من فحوى الاراء اللى بتوصلى .. مبدورش بقى على مضمون الاراء اللى مش بتوصلى وكأنها هى اللى هتأكدلى نجاحى من عدمه.. ازاى تسيب المعيار اللى فى ايدك اللى بيأكد نجاحك وتدور على معيار تانى لا تملكه ؟؟ يا عبدالله ..فيه اسباب كتير لانخفاض نسبة المتابعة معك اقولك سبب منها انا متأكدة منه لانه يخصنى شخصيا انا مثلا اتمنى اتابع معك ومع ديو وبلومى والبرنس محمد وغيرهم وغيرهم لكن فعلا مشغولة .. زفافى ان شاء الله فقط بعد 3 شهور ..ولك ان تتخيل مدى انشغالى اهو دة سببى وفيه مليون سبب لكل الناس بالاضافة زى ما قلتلك للرزق والنصيب تعالى بقى نتكلم على جودة قلمك نفسه لانك مينفعش تقيمه تبعا للردود والمتابعة للاسباب اللى سبق وذكرتها لك جودة قلمك يا سيدى تعرفه من تقييمك الشخصى وزى ما قولتلك من فحوى الردود اللى بتوصلك وعموما هو هيفضل يتطور يتطور ..يعنى انا مثلا بقارن بين اول حاجة كتبتها واخر حاجة كتبتها الاقى الفرق شاسع وعارفة ان ان شاء الله لما اقارن بعد كدة بين اخر حاجة كتبتها دلوقتى واخر حاجة كتبتها فى المستقبل هلاقى برضه فرق ..عارف اهو دة بقى النجاح..انت يمكن تكون فاهمه غلط او بتقيمه وتحسبه غلط اقف مع نفسك يا عبد الله وفكر فى كلامى واعرف الاول يعنى ايه النجاح ؟؟ |
| الساعة الآن 11:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية