|
بيحبني ولا بيلعب بيا
يا جماعه انا عضوه جديده في المنتدي وبجد سعيده جدا لاني لقيت طريقه اقول بيها مشكلتي وياريت تساعدوني
انا فتاه عندي 25 سنه بشتغل يعني عديت من مرحله المراهقه بس حاسه اني مراهقه ومضايقه جداااا من 3 سنين كنت في تدريب وفيه اتعرفت علي مجموعه من الزملاء و كنا علي اتصال ببعض منهم واحد مازلت علي اتصال بيه حتي الان واقصد باتصال رنات ورسايل في الاعياد المهم لقيته كاتبلي علي الايميل ياريت تكتبيلي اخبارك اول باول الصراحه استغربت لان اللي بنا رنات مش صداقه بس بيقعد بالشهور ميرنش حتي .. وده كان عكس اللي طالبه مني المهم كلمني علي الايميل في مره وقالي انا عايز اعرف كل ظروفك وسألني عن اهلي واخواتي وكلمني عن ظروفه وشغله واهله وبيقولي انه (بيعزني في الله)ده زي ما هو بيقول المهم بعد الجمله دي مباشره قالي اتمني ربنا يرزقك بالزوج الصالح ويرزقني بالزوجه الصالحه قولتله امين رد عليا وقالي وياريت تكوني انتي الزوجه الصالحه ليا وانا الزوج الصالح ليكي وهنا انا سكت ومعرفتش اقول ايه انا استغربت ازاي واحد بيقول اني زي اخته وفي نفس الوقت يقول كده:lol: وازاي ده احساسه وازاي بيقعد بالشهور ولا بيسأل عني فلنفرض اني اتخطبت بس الي عرفاه انه انسان علي خلق و عيلته محترمه جدا و ساعات برجع موضوع عدم اتصاله بانه مشغول في شغله لان شغله في محافظه غير الي اهله فيها وشغل مرهق جداا وبعدين هو عنده 30 سنه ولسه مرتبطش واخوه الي اصغر منه اتجوز لان حاله ميسر عنه الغريب فعلا ان من ايام اتصل نا ببعض لان كان فيه تدريب بنسأل عليه فسألني ايه مفيش اخبار حلوه كنت عاوزه اقول باعلي صوت يالاااااااااااااااااااهوووووووووووووووووووووي انت عايزني اتخطب!!!!!!!!!!!!:52: وانا مبينه ليه انه شخص مثالي يعني مش رفضاه اعمل ايه بقي دلوقت اتعامل ازاي بيلعب بمشاعري ولا بيتكلم جد وظروفه مش مهيئه؟؟؟؟؟؟؟؟؟؟؟ |
أهلا بيك حبيبتي في المنتدي
واحنا هنا زي اخواتك أنا أول ما قرأت موضوعك فكرني بموضوع كنت اتعرضت له من قبل واحد أقعد يسأل عليه كتير وكلمني مرة وقال لي ايه رأيك فيه ؟ وأخته تكلمني وتلمح ان أخوها عايز يخطبني وحتي مرة سألتني مباشر وانا مش عرفت أرد ازاي وكده لحد ما فجأة لقيته خطب واحدة تانية هههههههههه فيه واحدة صاحبتي قالت لي ان ده عشان أنا مش بينت له ان انا موافقة لكن أرجع وأقول لو كنت بينت ان انا موافقة وبعدين هو مش خطبني منظري كان هيبقي عامل ازاي كان في واحدة جارتنا عمرها ما رفضت عريس كل واحد يتقدم لها بأقل امكانيات توافق وكل مرة العريس هو اللي يوقف الموضوع لحد ما جالها نصيبها الحقيقة ان الرجال في السن ده دايما بيفكروا بالزواج وبيقعد يفكر في كل واحدة ان كانت تنفع؟ لكن في الآخر كل شيء نصيب سواء الواحدة بينت الرفض بينت قبول اللي مكتوب لك هتشوفيه ممكن يكون زميلك ده مستني أي كلمة تشجيع منك لكن لو انتي مش واثقة في الموضوع انصحك انك تتعاملي عادي وتسيبيها لله واللي فيه الخير يقدمه ربنا |
امممممممممممممممممممم هايات مثل اخته ؟؟؟؟ لو بحبك وبده يخطب ماحكى هالكمله انا مابدي اقطع الطريق عليكي ...... اذا كان الك نصيب فيه راح يكون من نصيبك ان شاء الله بس كوني واقعيه وحذره .... يمكن يكون عاوزك وخايف من الرفض ..... والصراحه راحه يعني بالعربي احكيله باب البيت مفتوح وبرحب فيك ...... والله يوفقك |
اقتباس:
انتي كان موضوعك واضح هو صارحك واخته كلمتك وانتي الي مش بينتي القبول لكن بالنسبه ليا مش عارفه هو عاوز ايه مره يقولي ربنا يرزقك بالزوج الصالح ومره ياريت تكوني الزوجه الصالحه ليا ومره تاني انتي اختي يعني نفسي تقوليلي علي طريقه اعرف احساسه ايه من ناحيتي والصراحه انا جربت طريقه متبعه داااااااايما في الحالات دي وهي اني اقعد فتره مكلمهوش واشوف هيتصل ولا لأ ....وصدمتي انه متصلش ههههههههههههه:lol: فقلت خلاص يبقي انا مش في دماغه وبيثبتني بس بس اتفاجئت انه مش بيتصل حتي باهله ولا بيرد عليهم احيانا وقالي مش بتصل بيكي لاني مش عاوز اعملك احراج مع اهلك في البيت بكده الطريقه الوحيده الي عندي منفعتش يااااااااااااااااااااااااريت تقوليلي ع طريقه تانيه غير اني ابعد عنه لاننا بنقعد بالشهور مفيش رنات بنا حتي |
اقتباس:
فعلا كلمه زي اختي دي ملهاش غير معني واحد بس لما يقولها وبعدها يقول ياريت نرتبط يبقي في حاجه مش صح في علاقتنا ببعض بس حكايه اني اقوله بصراحه دي مقدرش اعملها خالص لاني خجوله جداااااااااااااااااااااا |
السلام عليكم و رحمه الله و بركاته
اختي العزيزه سأحاول ان اكون عقلاني في نصحك نحن لسنا متأكدين من إحساس هذا الشاب تجاهك هذا صحيح إذن ما العمل؟ اول شيء اقطعي علاقتك به فورا و إن حاول الاتصال بكي قولي له ماذا تريد إشعريه انكي لستي مباحه في اي وقت يريد الاتصال بكي فيه يجدك و لا تظهري به اي اهتمام و اشعريه بتغير و بعض الجفاف في المعامله إن كان ينوي خيرا فسيظهر كل ما لديه و إن كان عكس ذلك فسيظهر كل شيء و سيقطع علاقته بكي طيب اريد ان اعمل بنصيحتك و لكن قلبي لا يطاوعني فأنا متعلقه به ما العمل اختي صدقيني لن تنالي سوي الرزق الذي كتبه الله لكي هذا شيء ثاني شيء إن كان جدي و يستحقك فلا تعتقدي ابد ابدا انكي عندما تسدي عليه الطريق سيبتعد عنكي بل سيتمسك بكي اكثر و اكثر و ربما يشعر بالقلق أن هناك من يريد خطبتك و يسارع في إتخاذ بعض الخطوات الجدي ولو علي الأقل علي الأقل يبوح لكي انه يريد ان يتقدم لخطبتك حتي و لكن ظروفه تمنعه الآن حينها اخبريه ان يقابل والدك و انكي سوف تصبري عليه شرط إظهار بعض الجديه نصيحه اخيره اختي العزيزه بالمصري بما انكي مصريه (الواد مش بيحب البت اللي لازقاله و مدلوقه عليه و كل ما اتمنعتي عليه اكتر كل ما جري وراكي اكثر و اكثر بس لو حس انك مدلوقه و انك مستنياه يصرح بمشاعره هيسوء فيها زياده) و لا تقلقي من كلمه زي اختي تلك فالطبيعي من اي شخص محترم ان يعامل من هي ليست زوجته علي انها اخته اشعر و الله اعلم انه يريدك في الخير وفقك الله لما يحبه و يرضاه و آسف للإطاله و السلام عليكم و رحمه الله و بركاته |
انا رائى من راى جوست <اول مره خخخخخخخخخخخخ
اوقفى كل علاقتك بيه تماما مش علشان التقل والكلام دا لااا علشان انتى ما تنشغلى بيه شوفى فكرتي بيه قد ايه وهو مو موضح شيئ ممكن يكون من النوع المتردد اللى ما ياخذ رأى بسهوله وممكن اشياء كتير المهم ان الحل بايدينا وقفى كل اتصال بينكم واذا رن لا تردى الرنه وكذلك الرساائل اما اذا اتصل خليكى رسمى جدااااااا معاه واذا قال زى ماقال اتمنى انك تكونى زوجتى قولى له ان الكلام دا ما ينفع كدا اتفضل اتقدم للاهل هو دا الطريق الصح اما كلام غير ذلك اعتذرى له بأدب وانهى المكالمه . واستمرى والله يهدى بالك ويرشدك لطريق الصلاح والخير واخير مرحبا بك اختا بينناا |
مضطر اقول رأيى رغم انو ممكن يدايقك لانى بصراحه شفت نماذج زى دى ادامى بذات بالنسبه للشباب اللى اتأخر بالارتباط ببنت الحلال ز ما يمر به اخونا هيا حالة فراغ عاطفى تنتابه من حين لاخر وبالتالى يحاول نبش الذكريات مع اى بنت كان بيعرفها قبل كده لمجرد الحاجه الى الارتباط لانه لو معجب حقيقى بيكى ووصل للسن ده هتلاقى طول الوقت بيسال عليكى وهيحاول بشتى الطرق الوصول ليكى عشان يقتل الوحده اللى هو عايشها لكن طبعا دى مش الحقيقه
|
اقتباس:
انا خايفه اعمل كده ليفتكر اني مش طيقاه او مش عاوزاه كزوج مش هو فارس احلامي يفتكر اني ببعده عني |
اقتباس:
بس مقدرش مرودش عليه لازم هرد ولو بعت رساله في الاعياد لازم برضو ارد برساله والا هكون قليله الذوق ولما بيتصل بيكون كلامنا مش تسليه لأ بيكون كلام رسمي وجد وعن كورسات و الشغل |
اقتباس:
فعلا هو ممكن يكون في فراغ عاطفي بس حتي محاولته الوصول ليا بشتي الطرق دي مش بتحصل |
والله ممكن يكون من الفضل انك تقطعي أي اتصال بينكم
لكن من الأفضل انك تنبيهيه يعني لو انتي موافقة عليه وشايفاه شاب كويس قولي له كده وقولي انك عايزة ارتباط مش تضييع وقت وبعد كده مش تكلميه لكن لو قطعت مرة واحدة أظن انك هتفضلي تفكري انتي عملتي الصح ولا ايه؟؟؟؟ وبصراحة اعملي اللي تستريحي له ولو حسيتي في أي لحظة انك مش مرتاحة اعرفي ان الموضوع غلط وأتمني انك تنالي اللي في بالك وربنا يوفقك للي فيه الخير |
اقتباس:
يا اختي الا تريدين مساعده نفسك ابدا الم اقل لكي ان ذلك سيجعله إن شاء الله يتمسك بكي اكثر صدقيني ضعفك امامه هو المصيبه لا ترخصي نفسك بالله عليكي افعلي ما يعجبك اختي فقد اتيت ما عندي و انتهي الامر بالنسبه لي و السلام عليكم و رحمه الله و بركاته |
السلام عليكم ورحمة الله وبركاته
مرحبا اختي وعزيزتي شوفي بس عندي سؤال؟ ان كان فعلا لديه النية الجدية في الارتباط بك وربما يهتم بك جدا وقد يكون ما اخره ظروف معينة او انه شخص لا يقرر بسرعة او غيرها من الاسباب ان كنت واثقة من جديته و اهتمامه بك كشريكة للمستقبل فهل هذا معناه انه سيكون من نصيبك !!؟ لااا ... وبالتأكيييييد لا لأن كل شي قسمة ونصيب سواءا كان يهتم بك فعلا ام لا يهتم فانت لاتستطيعين يقينا ان تعرفي ان كان نصيبكم سيكون سويا ام لا لذا عزيزتي لما تشغلين افكاركي بشيء قد لايحدث؟ لماذا تبنيين امالك على شيء قد لايكون من نصيبك ؟ كل ما اريده هو ان وضح لك و كل بنت من الممكن ان تتعرض الى ان تتعلق بشخص معين اررجوك شيلي الموضوع من تفكيرك كليا واعتبريه مجرد زميل عادي وصدقيني الموضوع بسيط مجرد قرار تتخذينه في داخلك بان تعليق الامال على شيء لا تعرفين نهايته مضيعة للوقت و نصيحة من اخت لك اقطعي اي اتصال به حتى لو كان رنات لان هذا اولا لايجوز لانه ليس محرم لك حتى لو كان الكلام بينكما عن الدراسة وثانيا ستتضريين فيما بعد من هذه الاتصالات إذا كتب الله لكم ان تكونوا سويا فهي ستُذكر بالتأكيد تذكري دائما كل انسان لا ياخذ الا نصيبه في هذه الحياة وسواءا استمريتي او قطعتي كل اتصال به فلن يحدث الا ما كتبه الله لك فلماذا لا تسلكين الطريق الصحيح ؟ استريحييي و لا تفكري بالموضوع واذا الله كتب ان يكون نصيبا لك فسيأتي اليك وانت مرتاحة في مكانك دعوووووواتي لك بكل الموفقية أوان |
السلام عليكم ورحمة الله
مرحبا حبيبتي بصي انا ممكن وجهة نظري لا تعجبك بس حقولها لك انا رايي انك اول حاجة تقطعي علاقتك به اولا لانه ليس بمحرم لك وثانيا لان الرجل الشرقي عموما والمصري خاصة لا يحب الفتاة السهلة المنال يعني انه وقت ما يريد التدث معها وجدها ومرة يقول لها انتي مثل اختي ومرة يقول لها انتي تكوني زوجة صالحة لي هو مذبذب في تفكيره ولا اسفة في الكلمة انتي عنده احتياطي وقت ما يريد التحدث معك تحدث بصي انا نصيحتي لك انه لا تردي عليه وحتى لو ارسل لك رسالة لا تردي عليها واذا تحدث معك في الهاتف واضطرتي للاجابة عليه عامليه رسمي(ببرود بالمصري) وقتها اذا كان يريدك سوف يتحرك واذا قال لك اريد زوجة مثلك قولي له معك رقم التليفون اطلب ابي وحدد معه موعد وارجوكي لا تضعفي لان هذه حياتك اسفة جدا لو كانت كلماتي حادة بص والله من خوفي عليك ولانك قلتي انك بين اخواتك فارجو ان تقبلي اخوتي لك في الله سلام وفي امان الله |
نصيبك هيجيلك والله لحد عندك ..
وكمان اوعى تبينى موافقه او حتى قبول او اى حاجة .. وبردوا على العكس متغيريش المعامله او كمان قلليها بس مش بصورة ملحوظة .. لو بينتى موافقه هتتفهم بصورة وحشه فى حقك من جهته .. حتى ولو بعد حين مش هيفخمك صح انتى خلى الامور عاديه وربنا يختار لك الخير اللى مكتوب لك .. متسعيش وراه أبداً لانه هيجيلك |
| الساعة الآن 04:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية