|
أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروحها .
.~. بسم الله الرحمن الرحيم .~. .~. السلام عليكم و رحمة الله و بركاته .~. .~. صباح الخير و مساء الرضــا من الرحمن .~. .~. كيفكم أل ليلاس عساكم بــ خير و عافية .~. .~. جبت لـكم رواية جديدة لـ الكاتبة " قلب أمي و روحها " .~. .~. بعد روايتها الأولى " شامخة و بنت رجال و جاء من يغلبني " .~. .~. رواية جديدة غريبة " أنين , كره , انتقام , حب , نهاية مجهولة لعبة شطرنج " .~. .~. إن شاء الله تعجبكم .~. .~. قـــراءة ممتعة مقدما .~. .. .. .. |
البارت الاول قاعده في غرفتها تطالع نفسها في المرايه وجهه ملائكي طفولي غايه في الجمال من شافها ما عطاها24سنه بشره بيضاء وعيون وسيعه وشعر بسواد الليل ورموش كثيفه تكلم نفسها:بكره راح يتحقق كل شي بكره راح ابدا مشواري من بكره راح انهيهم كلهم راح ادفعه الثمن هو وعيلته كلهم وهذا نذر علي طالعت الفستان المعلق نزلت دمعت حقد ...كره .....وانتقام........وانين مثل اسمها سمعت طق الباب مسحت دمعتها بسرعه وعدلت صوتها:تفضل حياتي فتح الباب دخل وهو يعتبر نسخه ثانيه منها بس الفرق في لون البشره السمراء طويل القامه وشعره اسود على رقبته وجسمه معضل ووسيم ما يقل جمال عن اخته هذا هو بشار اصغر من آخته بسنه عمره23سنه بشار:نمتى أنين:لا حبيبي صاحيه جلس على سريرها وهي تعرفه وتفهمه أكثر من غيره كيف ما تفهمه ويفهمها وهم مالهم غير بعض قامت من مكانها وجلست جنبه وحطت يدها على يده:وش شاغل بالك طالعها وحط يده يمسح على راسها:أنتي أنين:لا تشغل بالك كل شي تمام مثل ما نبغى...وتحول الوجه البريئ لوجه شيطاني:بكره بنبدا وواحد واحد راح ندمرهم واحد واحد راح نخليهم يكرهون بعض ويطرون في الشوارع بكره بنبدأ اللعبه بشار اللي تغير وجهه مثل آخته:مدام احنا مع بعض راح نعلمهم ان كل عمل وراه عقاب أنين:أول ما نقدر ندمرهم لاننا من برا ما دخلنا بينهم بس الحين انا داخل وانت برا راح نقضي عليهم وتحولت عيونها لآخوها وشافت في عيونه نظرة الحقد:راح يكون كل شي مثل ما حلمنا وحظنها أخوها هو الشخص الوحيد اللي تحسه أمان لها هو وبس بعد عنها ويقول بنبره تسليه وكأنه ما كان اللي يتكلم قبل لحظات: صح نسيت أقول لك عن سبب جيتي لك طالعته بوجهها البريئ وابتسامه طفوليه وكان هالوجه ما كان قبل ثواني ماكر وخبيث ومخيف:وشو بشار بابتسامه:جبت شريط جديد آخر فلم نزل للممثله انجلينا جولي أنين :حبيبي انت تدري إني أحب أفلامها بشار :يس يله ترى جهزت كل شي علشان السهره أنين بفرح:يله هذا بارت بسيط وإذا شفت تشجيع أكيد أكمل علشان انزل لا تردوني خايبه ويا ويلكم لو أشوف المشاهدات عاليه وما أشوف ردود (تهددين من زين الوجه يله برااا) وإذا كان في تنبيه قولوا لي استقبله بصدر رحب دمتم بود .. .. .. |
البارت الثاني استاذنت من أخوها بعد ما خلص الفلم بعذر انها تبغى تنام علشان تستعد لبكره بس طبعا تبغى تنفرد بروحها وتفكر وترتب خططها الخبيثه وصلت غرفتها قبل لا تدخل شافت الغرفه بآخر الممر وظلت واقفه من ماتت صاحبة الغرفه ما عاد دخلوها لا هي ولا أخوها ظلت مسكره تقدمت علشان تدخلها حست رجولها ثقيله وكأنها مربطه بسلاسل مشت وهي تستند على الجدار مدت يدها وفتحت الباب كانت الغرفه مظلمه حست بوحشه وخوف فتحت الأنوار شافت الغرفه اللي كانت باللون الذهبي وش كثر ما كانت صاحبة الغرفه تحب هاللون حاولت تسحب نفس تشم ريحتها اللي لحد الحين موجوده مشت ومشت وجلست على السرير فتحت الدرج وطلعت الألبوم فتحت الألبوم بيد ترتجف مو من الخوف إلا من الحزن والضغط النفسي اللي ما تتحمله شافت صور وكل صوره تذكرها بشي ذكريات وذكريات حست انه شريط يمر قدام عيونها صكرت الألبوم وضمته لصدرها وغمضت عيونها على أول ذكرياتها مع أمها وأبوها كان عمرها6 سنين أنين:يبه راح نروح البحر أبوها يبتسم بحب :ايه حبيبتي أنين:ياسلام بشور سمعت أمها: يله حبيبتي لا نتأخر أنين:ان شاء الله ركبوا السياره كانت هي وأخوها وراء ورابطين حزام الأمان وأمها مع أبوها يسولفون وكل شوي أمها تلتفت لها تتطمن عليهم وهم يمشون ومع السوالف سمعت صوت انفجار وبعدها صوت أمها الخايف:سالم سالم انتبه ، وفجاه حست بالدنيا تدور وأصوات صراخ وبعدها الدنيا صارت ظلمه صحت على ريحة المستشفى وسمع الدكاتره يتكلمون ما فهمت كل الكلام بس اللي فهمته ان أبوها وأمها ماتو وبشار صار له إصابات وهي شوية كسور وكدمات صارت وحيده مالها أهل أمها وأبوها مقطوعين من شجره فتحت عيونها وقامت لحد ما وصلت الدريشه وهي ما سكه الألبوم وصارت تطالع القمر غمضت عيونها مره ثانيه وتذكرت الدكاتره وكلامهم الدكتور الاول :بتصل على دار الأيتام بما ان مالهم أهل الدكتور الثاني:لا حول وال قوة إلا بالله الدكتور الاول:حرام بتفترق هي وأخوها الدكتور الثاني وهو يحط يده عل دقنه:انا أقول نخلي احد يتبناهم أحسن وان اعرف احد مناسب الدكتور الاول:مافهمت الدكتور الثاني:تعرف صديقي محمد أل(....) وش رايك به الدكتور الاول:رجال والنعم بس بعد ما فهمت الدكتور الثاني:انت عارف الرجال ما عنده عيال ليش ما نخليه يتبناهم ويخليهم عياله الدكتور الاول:والله ما ادري الدكتور الثاني:نطلعهم من هنا على أساس ان في احد من أهلهم مستلمهم ونأخذهم ونعطيهم لمحمد وهو بيعتبرهم عياله وبكذا يتربون تربيه حسنه وما تضطر البنت تفارق أخوها الدكتور الاول بخوف:ايه بس لو مسكونا بروح فيها هذا تزوير الدكتور الثاني:لا تخاف هالموضوع راح يتم بيني وبينك وبعدين فيه منفعه للكل الدكتور الاول:خلاص ما دامك تشوف كذا على بركه الله وبعد فتره طلعوا وراحو لمحمد وزوجته سلمى اللي كانوا طيبن واحتواهم بحنانهم وتعودوا عليهم وما قصروا عليهم بشي عاشت بخيرهم ونعيمه حبتهم لدرجه انها نادتهم ببابا وماما وعوضوها عن كل اللي خسرته هي وأخوها لحد ما جاء اليوم وكان عمرها 12 سنه وأخوها 11 سنه اليوم اللي دخل فيها أبوها محمد وهو تعبان وكان قابض جهة صدره اليسار قامت له أمها سلمى وهو خايفه:حبيبي وش فيك محمد :خسرت كل شي راشد العالي خسرني كل شي آه آه تعبان وجلسته على الكرسي فتحت أزرار ثوبه علشان يتنفس وصار التنفس عنده صعب جات لامها :ماما بابا ايش فيه وهي تبكي أمها سلمى :مافي شي حبيبتي وتنادي على الخدامه واتصلوا على الإسعاف ونقلوه ظلت خايفه بس اسمه تردد في عقلها كثير راشد العالي....... راشد العالي ......راشد العالي خربت حياتي ما مر وقت إلا سمعوا خبر وفاته راح الغالي راح السند والظل راح من كان يشلها ويمسح على راسها راح راح كله منك يا راشد العالي سمعوا صوت امهم وهي تصارخ وتصيح وأختها الوحيده صفى معاها تهديها:حسبي الله عليك يا راشد العالي حسبي الله عليك بشار وهو خايف :أنين ماما تدعي على من أنين وهي المفروض تهديه قالت :على اللي قتل أبونا بشار :مين قتل أبونا أنين :راشد العالي وإحنا بس نكبر راح نقتله بشار :لا لا انا ما أبي اقتل احد أنين وهي تطالعه بنظره تخوف بالنسبه لطفله:لا انت بتقتله وآنا بساعدك وصارت فعلا تعلمه على الحقد والكره والانتقام بعدها بشهور وهي راجعه من المدرسه لمحت اللي يسمونه راشد العالي كان يكلم أمها وهي تطرده وسمعته يقول:اذكريها يا سلمى هذي ثاني مره اجيك وتطرديني المره الأولى خسرتي حبيب القلب المره الثانيه بتخسرين أكثر وطلع فتحت عيونها المليانه بدموع مستحيل تنزل وراحت وقعدت على السرير رجعت الألبوم في الدرج وصار تمرر يدها على السرير وتذكرت أبشع ذكرياتها كانت ليله زي باقي الليالي بس خالتهم صفى كانت مضطره تروح لبيتها تجيب أغراض حطتهم امهم في سريرهم سمعت صوت طلعت وصكرت عليهم الباب سمعوا أصوات وصراخ قامت من سريرها طلعت شافت باب غرفة أمها سلمى مفتوح وصوت الصراخ طالع منه قربت طلت من فتحت الباب شافت الوحش راشد وهو يتهجم عليها عيونها ثبتت ما قدرت تتحرك شافته كيف يطرح أمها على السرير وهي تدافع عن نفسها كيف تهجم عليها بكل وحشيه تراجعت على وراء ودخلت الغرفه وصكت الباب وضمت أخوها وهي ترتجف بشار وهو خايف:أنين وش صاير حطت يدها على فمه وهي تاشر له:اششششششش سمعت صوت الصراخ تحول لونات فتحت الباب وطلت منه شافت راشد العالي الوحش الحقير طالع من الغرفه وفي وجهه علامة تركتها أظافر أمها وأزراره مفتوحه وشكله مبهذل طلع وهي ظلت في مكانها لحد ما جات صفى اللي تفاجات بشكل أختها وحاولت تسعفها مامر شهر إلا وأمها منتحره لأنها فقدت عقلها ما تحملت اللي صار فيها خذتهم خالتهم وعاشوا عندها وكل ما تشوف خالتها تتذكر الكره لراشد خالتها ورثت الورث اللي كان كاتبه أبوها محمد بيع وشراء لامها سلمى لأنه حاس انه بيفلس كبرت وأدخلت قسم إدارة أعمال وأخوها بشار لحقها وكبر الحقد ....والكره..والانتقام...وقربت لعبة الشطرنج تخرجت هي وبدأت تساعد أخوها في إدارة الشغل اللي كان يدرس ويشتغل بنفس الوقت مرو بكثير صعاب بس مع بعض تجاوزوها أنعرف أخوها بذكائه وقدرته القياسيه في تكبير الحلال ووصلوا لحد اللي وصلو له صحت من ذكرياتها وطالعت صورة خالتها اخت المره اللي عطتهم كل شي تذكرت كلماتها ووصيتها بالانتقام وهي وعدت ونذرت انها تأخذ منه كل شي انتبهت على اليد اللي على كتفها التفتت لها وبصوت هامس :وعدناها وراح نريحهم كلهم بقبرهم بعد ما استاذنت تروح تنام حسيت انها فيها شي تبعتها لقيت باب الغرفه اللي صار لنا سنين ما دخلناها مفتوح والنور شغال دخلت لقيتها تتأمل الصوره قربت منها وحطيت يدي على كتفها أنبهها بوجودي التفتت لي وقالت : وعدناها وراح نريحهم كلهم بقبرهم أشرت لها براسي بمعنى ايه ما ترددت أخذتها بحظني وآنا عارف انها ما راح تبكي إلا بين يدي لأنها مستحيل تبين لأحد ضعفها ولا تظهر حقيقتها إلا قدامي شديت عليها وآنا اطلب منها تبكي بشار وهو يشد عليها:ابكي... ابكي يا أنين سمع صوت شهقت بشار:بصوت أعلى ...أعلى بدء يسمع صوت بشار :طلعي كل اللي بقلبك على صدري تشاركنا كل شي شاركيني بكاك ولا تحبسين كل القهر بقلبك أنين وما عاد تتحمل: آه آه آه آه آه آه وهي تشد تيشيترت أخوها وتشاهق :آه آه آه آه آه يا اخوي حرمونا من كل شي سرق الفرحه منا آه آه آه يا اخوي بشار ودمعته على طرف عينه يموت ولا يشوف مثاله الأعلى التمثال الصامد ينهار رفع وجهها بيده:وراسك الغالي يا أختي والله ثم والله لأخليهم يذرفون أضعاف أضعاف دموعك أنين هزت راسها وبشار صار يمسح دموعها بيده وباس راسها :يله حبيبتي لازم نروح نرتاح بكره ورانا أشياء كثيره ومسكها من يدها يقومها أنين وهي تقوم مع أخوها:يله طلعوا بعد ما طفو النور وصلو لغرفتها أنين:الله لا يحرمني منك حظنها بشار وهو يقول :ولا منك يالغاليه أنين:تصبح على خير وهي تبوس خده بشار بابتسامه:وأنتي من أهله ودخلت الغرفه وبشار راح لغرفته وكل واحد ينام استعداد لبكره اتمنى يعجبكم البارت واستنى تعليقكم عليه دمتم بود .. .. .. |
البارت الثالث صحت الصبح شافت الساعه :افففف تاخرت في النوم قامت تروشت ولبست وقررت تنزل تفطر نزلت وتفاجات بشوفه أخوها اللي ظنت انه بالشغل أنين:صباح الخير بشار:هلا والله قصدك مساء الخير أنين:اشوفك هنا بشار :ليه وين المفروض أكون أنين وهي تصب شاهي:فكرتك رحت الشغل بشار:لا قلت افطر معاكي وبعدين أروح لاحقين على الشغل أنين:انت لحد الحين ما فطرت بشار :لا استناك تصحين أنين:كان قلت للخدامه تصحيني بشار:لا قلت أخليك تأخذين راحتك في النوم وبعدين هذا أخر فطور لنا مع بعض وأكيد يستأهل إني استنى أنين:طول ما انا حيه انت بتكون معاي أصلا احنا ما لنا غير بعض بشار:أكيد وهو يشرب الحليب افطروا وراح بشار الشغل وهي راحت تخلص بعض الأشغال قبل ما تجي الكوافيره ___________ في بيت ثاني على طاولة الغداء - أكيد انتم تمزحون من جدكم عادي تخلون أبوي يتزوج وحده ثانيه عادي عندكم سالم:وش الجديد أصلا أبوي طول عمره يتزوج ويطلق وبالسر ولا تقولين انك ما تدرين العنود:ايه بس هذا الزواج مو زي باقي زواجاته هذا غير هذا علني يعني مبين انه مطول سمر:يا حبيبتي يا عنود أنتي تدرين ان أبوي من حقه يتزوج ما يصير نحكم عليه انه يظل طول عمره كذا بدون زواج جاها صوت عالي من وراها سليمان:لا تكفين اللي يسمعك يقول الحين أبوك ما يتزوج محرم على نفسه جنس النساء هو أصلا مو حارم نفسه من شي علشان تطلعين له أعذار سالم وهو يقوم :الحمد لله سمر:وين اقعد كمل أكلك سالم:شبعت بعد الكلام اللي يقولونه وين الواحد له نفس يأكل وراح سمر:كل منكم يعني لازم تتفلسفون وتفتحون السيره قدامه وانتو تدرون انه ما يرضى على أبوي بولا كلمه سليمان وهو يأكل ولا همه شي:وأنتي بعد ما ترضين وانا أنصحك تقومين من الحين لاني مالي نيه اسكت والكلام ماراح يعجبك سمر:معاك حق ..انا ما ارضى على أبوي...وقامت:بس اعرفوا أننا ما لنا حق نحاسبه هو الابو مو احنا وراحت العنود:هذولا بيبطون كبدي ما عندهم إحساس ابد يا ربي سليمان :ما عليكي منهم هذولا متخلفين اللهم يا كافي أو أغبياء العنود:هذي اللي أبوي بيتزوجها تعرف عنها شي سليمان:كل اللي اعرف انها اخت رجال يشتغل مع أبوي في مشروع ويقولون ان عمرها اعتقد 23 أو 25 العنود: يا ويلي وتكمل :عاد شف إذا طولت وحملت وجابت بزر لنا ويشاركنا في كل شي سليمان:والله أموتها هذا اللي ناقص اخوان على اخر زمن انا قايل ان أبوي كبر وخرف والله شي يقهر يتزوج وحده اصغر من عياله والله شي يقهر وقام وبقت العنود لحالها على الطاوله ___________ أعرفكم بالشخصيات علشان تمشون صح معي راشد العالي عرفتوا عنه أشياء بسيطة والباقي راح تعرفونه من الروايه والأحداث عياله سالم:27سنه شاب طيب وما يحب يتدخل في شؤون احد مكبر عقله يحب بنت خالته غزلان ويساعد ابوه في الشغل سليمان:عمره21 سنه شاب يحب طلعات البر وجمعات الشباب يدرس تخصص انجليزي سمر:24 سنه بنت متخرجه بس ما تبغى تشتغل بالواسطه تنتظر الديوان هادئه تحب القراءه درجه أولى وتنسى نفسها قدام القراءه والكتب العنود:عمرها 17 سنه أخر سنه لها في الثانويه أدبي كسلانه ولا تدري عن هواء الدراسه راسها عنيد ولسانها منشار عكس أختها تماما وراح تتعرفون على الشخصيات أكثر وأكثر ____________________ طق الباب على اخته - تفضل بشار بابتسامه:وش تسوين انين :ولا شي حياك كانت تتامل الفستان وهو معلق كان عباره عن فستان بسيط باللونين الأسود والأبيض وجماله كان في بساطته سالها بشار بهدوء:مستعده انين بابتسامه:انا من سنين مستعده بشار:في شغله مو فاهمه الناس ف يوم زواجهم المفروض الفستان فخم واخر تصميم وأنتي فستان بسيط ولا بالون الأبيض والأسود هذا بدال ما يكون احمر زهري انين وهي راجعه تتامل الفستان مره ثانيه:انت ما تدري يا بشار ان البساطه والجمال ابلغ من الفخامه بشار ابتسم:طيب والالوان انين:الشطرنج بشار مستغرب:انا كله اسمعك ترددين هالكلمه لبش بذات الشطرنج ما ادري انين:انت تذكر ابونا بشار:أي ابو فيهم انين:ابونا محمد بشار :أكيد يوم يتوفى انا عمري تقريبا 11 سنه يعني اذكر انين وهي تطالعه :كان يحب لعبة الشطرنج من بين كل الالعاب كان يحب هاللعبه كان دائما يقول لي هاللعبه لعبة الاذكياء خطط علشان تفوز احسب حركتك علشان تربح واحنا بنلعب هاللعبه بس على الواقع بشار ظل ساكت وما عنده رد ويقول في نفسه:والله انا خايف عليك يا انين لا تغرقين في بحور افكارك انين ابتسمت وكانها عارفه في ايش يفكر:لا تخاف علي انا عارفه ايش أسوي طقت الباب الخدامه تخبرهم ان الكوافيره وصلت بشار:انا بطلع قبل ما تطرديني واروح اقضي كم شغله ابتسمت أنين وأشرت برأسها له طلع ودخلت الكوافيره تشوف شغلها *********************** في بيت ابو ناصر أم ناصربضيقه:الله لا يوفقه في زواجه ان شاء الله غزلان:يمه لا تدعين مو زين تدعين على الناس ودخل ناصر وحب رأس امه:اخبارك يالغاليه أم ناصر:الحمد لله على كل حال ناصر:من مزعل نور عيوني عزلان:ابد زعلانه علشان اليوم زواج عمي بو سالم أم ناصر:اللي ما يستحي مو كافي زواجاته المسياروالسر اللي الكل يعرف فيها ناصر:هدي عمرك يالغاليه لا يرتفع الضغط عندك أم ناصروهي تمسح دمعتها:ما فكر في عياله المساكين بعد هالعمر يجيب لهم زوجة ابو ناصر:اذكري الله دق جوال غزلان:عن اذنكم بروح اكلم صديقتي وراحت ودخلت غرفتها اعرفكم ابو ناصر متوفي أم ناصرخالة عيال بو سالم :مره طيبه عمرها 47 سنه غزلان:بنت متوسطة الجمال شعرها لنص ظهرها متخرجه مع سمر وهي عقليتها قريبه من سمر هاديه مثلها ولد خالة سالم ناصر:يشتغل محاسب في بنك 26 سنه اخو غزلان ____________________ سالم وهو عند البحر ويفكروهو بعد مو راضي عن عمايل ابوه بس ما يقدر يعانده أو يغضبه ولا يقول له لا ولا يعارضه محتار يحس إخوانه معاهم حق في بعض الكلام ويحس ان ابوه بعد معاه حق في انه جاء الوقت اللي يستقر فيه ويترك عنه زواجات المسيار رفع جواله محتاج احد يكلمه ويريحه أو يمكن يلقى له حل دق على جوالها ما قعد ثواني إلا وصله صوتها غزلان:هلا سالم:أخبارك غزلان:انا الحمد لله انت اللي قولي أخبارك سالم:ااااه ما ادري يا غزلان ما ادري غزلان:سلامتك قولي وش فيك سالم:و أقول وش اخلي أبوي وزواجه ولا إخواني وكلامهم اللي يضيق عن أبوي ولا البيت والجو المتوتر وش أقول بس غزلان:خلها على الله هو بيحلها من عنده سالم:والنعم بالله أحيانا أحس أبوي معاه حق وأحيانا أحس إخواني معاهم حق غزلان:والله ما ادري وش أقول لك ليتني اقدر انهي حيرتك وأريحك سالم:حبيبتي كافي انك تسمعيني غزلان:حبيبي شكلك تعبان روح ارتاح سالم:شلون عرفتي إني ما نمت من يوم صحيت أمس غزلان:أحس بك إذا انا ما أحس فيك من يحس سالم:الله يخليكي لي غزلان:ويخلك لي انت بعد &&&&&&&&&&&&& قاعده قدام المرايه بعد ما خلصت الكوافيره وتطالع نفسها برضى مكياج بسيط وتسريحه بسيطة مرضيه الكوافيره:ما شاء الله طالعه حلوه أنين:تسلمين طلعت وخلتها وهي تطالع عمرها وتذكرت كيف شبكت أو صادت راشد العالي تذكرت يوم طلبت من أخوها يعزمه وقالت علشان نتقرب منه وأخوها وافق بما انها العقل المدبر وجاء ذاك اليوم وراشد العالي في صالة بيتهم وبدأت تشتغل على تطبيق خطتها مسكت جوالها ورنت على أخوها أنين:هلا بشار بشار وهو قاعد مع راشد العالي:هل حبيبتي بغيتي شي أنين بمكر:ابد بس انت مرسل احد من الخدم عند سيارتك بشار باستغراب:لا ليش أنين بتمثيل:ما ادري طليت من البلكونه وكأني لمحت احد عندها لايكون حرامي بس بشار وهو يوقف :خلاص خاص انا بتأكد يلا سلام أنين:اوكي سلام وظلت واقفه عن الدريشه لحد ما شافت أخوها يمشي في الحديقه رايح جهة سيارته وقفت قام المرايه وضبطت شكلها وهي لابسه البجامه ووقفت عند الدرج وأخذت نفس لازم تنفذ بسرعه قبل ما أخوها يرجع وهذي أول الأغلاط من وراء الانتقام نزلت وهي متظاهر انها ما تدري ان فيه احد وهي تصفر وبكل وقاحه ولما شافته تفاجات ورجعت صعدت الدرج مره ثانيه بس بعد ما تأكدت انه شافها وهي واثقة ان بو سالم ما راح يقول شي لآخوها مع انه ما هان عليها تكذب عليه بس هي عارفه ان بعض الخطط ما لازم تشمل أخوها . وقفت عند باب الغرفه وابتسمت بكل خبث ودخلت وصكت الباب بعد ما تأكدت من نظرة عيونه ان السناره مسكت كان قاعد لحاله بعد ما استأذن بشار سمع صوت تصفير ودندنه لف لجهة الدرج شاف البنت اللي نازله وهي ما تدري بوجوده هنا وصعدت بسرعه ظل يطالع الدرج وما يدري متى بشار رجع وانتبه ان بشار يكلمه التفت له بشار:بو سالم وين رحت بو سالم(راشد):ها معاك بشار: على العموم حبيت أكلمك عن مشروع .......... ابو سالم صار يسمع لبشار وعيونه تطالع جهة الدرج رجعت لواقعها وهي تضحك لان خطتها نجحت وفعلا ما مر أسبوعين إلا وخطبها بو سالم وهي شرطت لا عرس ولا حفله ملكه وبس علشان تمشي تمام في مخططاتها هي تعرف نوع بوسالم يحب الجمال والبراءه وهذا اللي راح أعطيك إياها يا ابو سالم ومعاها هدايا مجانيه ههههههههههه قامت تلبس فستانها وتجهز وبعد فتره وهي جالسه ومتوتره أنين:لا لا انا انتظرت هاللحظه من زمان وما له داعي التوتر انا جهزت نفسي لها الدور زين والتفتت على وراء تطالع صورة أمها سلمى وخالتها صفى وكأنها تستمد الشجاعه وتعبي نفسها من الحقد سمعت طق الباب أنين:نفضل بشار وهو يدخل ومعه الدفتر حطه على الطاوله اللي قدامها وعطاها القلم بدون أي تعبير في وجهه : وقعي خذت القلم وقبل ما توقع مسك بشار يدها:خاص أنتي متاكده من قرارك حطت يدها على يده :انا متاكده من هالقرار من يوم كان عمري 13 سنه هز رأسه وهي سمت بالله ووقعت بشار حب راسها:مبروك أنين بابتسامة والوجه الحاقد:قلي مبروك لما أفوز ابتسم لها بشار وخذا الكتاب وطلع &&&&&&&&&&&&&&&&&&&&&&&& سمر وهي لابسه وتنزل الدرج علشان تستقبل مرت أبوها العنود:لا أنتي جنيتي وبتجننيني معاك سمر:وش فيك العنود :كاشخه لها من زينها عاد سمر:استغفر الله من قال لها علشان أبوي العنود:والله ان ما فيك عقل سمر وهي تجلس:خليته لك جاء سالم:وصلوا سمر:لا ما بعد العنود:انت بعد والله بتجلطوني سالم:أقول أكرمينا بسكوتك الله يخليك قعدت العنود وهي مفوره من إخوانها *************** في واحد من محلات الكوفي وهو يشيش سليمان:أحس إني بموت من القهر سلطان :ليه عسى ماشر يا خوي سليمان:اليوم زواج أبوي سلطان: وش الجديد أبوك معروف عنه كثير زواج سليمان بعصبيه :سلطان سلطان:انت ليش معصب ايه هذا الصدق سليمان:اووووف بس هذا غير علني مو مسيار زي عادته سلطان:اوووه ومن هذي الله جابت رأسه سليمان:وحده انا أعلمك فيها راح أخليها تكره اليوم اللي فكرت فيه تأخذ أبوي _______________ دخل عليها بشار:جاهزه أنين:ايه .....الخدامه أخذت الشنطه اللي فيه ملابسها ونزلتها علشان يحطونها في السياره أخذت عبايتها ولبستها ونزلت وهي ماسكه يد أخوها وقفت قدامه رفعت نظرها شافته هذا هو وتذكرت أمها وشافت اثر الجرح على خده هذا أثار جريمته على أمي بس والله لأدفعك الثمن غالي حست بضغط أخوها على يدها وكأنه يقول نزلي عيونك لا يحس وفعلا نزلت عيونها بشار:حط بالك عليها يا ابو سالم ترى أنين أختي الوحيده ابو سالم :لا تخاف في عيوني ....ونظرة عيونه تحكي الإعجاب أنين لفت لجهة أخوها وهو يحبها على راسها وبصوت هامس :في أي وقت تبغيني أخذك علميني بس أنين:انا ما سويت هذا كله علشان أتراجع وأنت بعد ما راح تتراجع بشار:انا معك للأخر انتبهي لنفسك بشار:لا تخاف أختك ما ينخاف عليها اشر برأسه ولفوا لجهة ابو سالم ابو سالم: يله بشار:يله ركبو السياره وانين أصرت على بشار ما يروح معاهم وهو فهمها توقعاتكم كيف لقاء أنين بعايلة ابو سالم هل راح تقدر أنين تتعامل معاهم ولا راح تضعف وتتراجع هل خطتها وأمورها راح تمشى تمام انتظروا في البارت الجاي .. .. .. |
البارت الرابع أنين ..........كره ........انتقام..........حب ........نهاية مجهوله (لعبة الشطرنج) ركبت السياره اللي كان يسوقها سواق بعد ما ساعدها أخوها وهو جنبها أنين:ركب جنبي وآنا أحس إني منكتمه مو قادره أتنفس يالله اللي ذبح أبوي ...اللي تهجم على أمي قدام عيني جنبي وآنا زوجته يالله لمحته بطرف عينها يطالعها ويبتسم أنين في نفسها:عجبتيه يا أنين وهذا هو المطلوب براءتك وعفويتك وجمالك هي أسلحتك في بيته هو راح يدخلك بيته وهو ما يدري انه راح يدخل الجحيم لعائلته ولاحظت انه يمسك يدها راشد:راح أعيشك بقصر وجنة دنيا وكل شي يجي لحد رجولك يالغاليه .....وهو يضغط على يدها ويكمل:ادري ما عليك قصور بس معاي راح يكون كل شي غير حمدت ربها ان على وجهها غطا علشان ما يشوف نظرة الكره وابتسامة السخريه اللي على وجهها وفي نفس الوقت هذا هو المطلوب رن جواله ورد عليه راشد:نعم سالم:وينكم فيه يا يبه راشد وهو يطالع أنين ويبتسم:قريب سالم:طيب احنا نستناكم راشد:طيب وسكر الجوال والتفت لها وهو يبتسم :عيالي ينتظرونا علشان يرحبون فيك أنين لا طالعته ولا اهتمت للي قاله ...وصلوا للفله ونزلوا وأول ما دخلت فسخت الغطا عن وجهها تبغى عياله يشوفونها و تبغى تشوف علامات الصدمه على وجههم مشت معاه لحد ما وصلا للصاله وأبو سالم مسك يدها وكرهت لمست يده ليدها دخلت شافت بنتين وولد ابو سالم:السلام عليكم الكل كوعليكم السلام ...وهم يوقفون وعلى عيونهم نظرة الدهشه وهذا اللي هي تبغاه أبو سالم:حبيبتي هذولا عيالي هذا سالم الكبير وذراعي اليمين في كل شي سالم وهو يحب رأس ابوه :مبروك ابو سالم :الله يبارك فيك سالم وبدون ما يطالع أنين:مبروك أنين بهمس وخجل:الله يبارك فيك ابو سالم:وهذي بنتي سمر العاقله سمر وهي بدورها تحب رأس أبوها:مبروك وتسلم على أنين وكأنها مغصوبه وبابتسامة مجامله:مبروك أنين وطبعا ما فاتها منظر وجهها وعرفت من نظرة عيونها انها مو راضيه بس مجبوره علشان أبوها :الله يبارك فيك ابو سالم:وهذي اصغر وحده في عيالي العنود العنود تطالعها بكره وحقد ابو سالم:تعالي سلمي على عمتك العنود:تخسي هذي عمتي ابو سالم بعصبيه:العنود العنود وهي تركض وتصعد الدرج :هذي لا يمكن تجي مكان أمي ..وصعدت وهي تبكي ابو سالم:معليك منها توها صغيره أنين وصوت هادي:لا عادي انا أصلا مقدره شعورها ابو سالم وهو يبتسم لها:الله يكملك بعقلك ابو سالم وهو يلتفت على عياله:وين سليمان سالم:والله ما ادري عنه اتصلت عليه جواله مقفل ابو سالم:انا ما قلت الكل يكون موجود ولا هو عناد وبس سمر:لا عناد ولا شي يبه والغايب عذره معه وبعدين جواله يمكن خلص شحنه ابو سالم:أوريه خله يجي بس أنين:معليش مو لازم يستقبلني وأنت لا تضغط عليه انا ما ألومهم ابد لو سوو أكثر من كذا بو سالم:يصير خير ان شاء الله....وقال لسمر:جهزتوا العشاء سمر:ايه يبه وقلت للخدامه تطلعه لجناحك ابو سالم:تفضلي خلنا نروح الجناح علشان نرتاح أنين:ان شاء الله وراحوا وخلوا سمر وسالم يطالعون بعض وفي عيونهم كلام كثير وخوف من بكره صعدوا الجناح وقبل ما تدخل ابو سالم:برجلك اليمين أنين في نفسها:مصدق نفسك يالشيبه أنين بابتسامه كذابه:ان شاء الله ...ودخلت برجلها اليمين وقعدت تطالع الجناح كان ذوق كلاسيكي أنين في نفسها:ههههه اللي مثلك المفروض ما عندهم لا ذوق ولا إحساس ولا حتى حق بالحياه حست بلمسه على كتفها انتفضت ابو سالم بابتسامه:بسم الله عليك لاتخافين أنين:لا بس كنت سرحانه ابو سالم:اقدر اعرف في ايش أنين:مو مهم ابو سالم:تفضلي ...ودلها على غرفة النوم وفرجها على الحمام وغرفة الملابس وباقي الجناح وهي تتفرج تحس ابو سالم يقرب والتفتت لقته في وجهها وقفت مكانها أنين:كوني قويه هذي تذكرتك لدخول البيت لما قرب أكثر رجعت وهي هي تحس باشمئزاز وطالعته بنظرة كره ابو سالم طالعها باستغراب لفت عنه وهي تبرر:ابغى أبدل ملابسي علشان اخذ راحتي أكثر ابو سالم:طيب وآنا بستناك برا علشان نتعشى أنين بابتسامه:طيب طلع وصك الباب وراه وهي رمت نفسها على اقرب كرسي تأخذ نفس وبهد ما ضبطت أعصابها راحت تأخذ لها شور وتغير ملابسها كان يستناها ولما طلعت طالعها بابتسامه وهو يتأملها كانت بقميص نوم ابيض جاها وباسها على خدها وهي حاولت تمسك نفسها وصارت تضغط بيدها على قميصها وكأنها تفرغ كل اللي فيها في هالقميص المسكين ابو سالم:يله نتعشى راحوا على الطاوله وصار هو يأكل أما أنين ما كان لها نفس وكانت تفكر وأبو سالم يعتقد انها خجلانه ابو سالم :ليش ما أكلتي لا يكون الأكل مو عاجبك أنين:لا مالي نفس ابو سالم:الحمد لله وقام يغسل أنين:انت ما تعرف الله إلا بالاسم بس انا بعرفك قدرك زين بس مو اليوم ولا الأيام الأولى لا لما اثبت رجلي في بيتك وقبلها في قلبك واعرف من اقدر استغل في هالبيت لمصلحتي رجع ولقاها في مكانها مسكها من يدها وقومها وراحوا غرفتهم &&&&&&&&&&&&&&&&&&& في مكان ثاني في البيت لحاله بشار يفكر ويفكر بكل اللي يصير :ااااه يا أنين الله يعينك ان شاء الله كل شي يمشي تمام والله ما ادري اللي يصير صح ولا غلط بس انا لو ما مشيت معاها بأفكارها راح تنفذها بدوني أختي واعرفها ما في شي يوقف في وجهها الأفضل أكمل معها ..تنفذ كل شي بعلمي وقدام عيني أحسن ما تسوي شي من وراي ..الله يعين بس هم يستأهلون هم اللي بدوا العين بالعين والسن بالسن والبادي اظلم وهم ظلموا أنفسهم ما رحمونا وإحنا ما لازم نرحمهم وراح أسوي كل اللي تقولي عليه أنين راح أسويه بدون جدال وآنا متأكد من خططها وأفكارها (والشيطان صار يوسوس له ويغطي كل بقعه بيضاء من قلبه بسواد ويغرقه أكثر في الظلام) &&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&& كان قاعد مع ربعه في الكوفي وطلب انه يروح معهم الاستراحه وبعدها قرر ينام فيها لأنه لو رجع البيت بيحرق البيت باللي فيه ما يتحمل ابد يروح ويلقى وحده ابوه حاطها مكان أمه وقعد يفكر في كلام صديقه هل هو متضايق لان ابوه تزوج ولا علشان الورث والفلوس وخايف احد يجي ويشاركه فيه وتذكر كلام العنود(تخيل لو عاد حملت وجابت لنا اخو) سليمان:علشان احرقها هي وولدها هذا اللي ناقص يشاركونا في شي هو ملكنا احنا وبس انا اعترف ان كل اللي همني هو الفلوس وبس ولا أبوي ما يهمني يتزوج ولا لا أهم شي الورث ما يشاركنا فيه احد وانا لازم ارجع البيت واطفشها قبل لا تحمل وتجيب لنا بزر ونتورط وهالشيبه يكتب كل شي باسمها هي وولدها فتح جواله شاف مكالمات من إخوانه دق على سالم لقاه مشغول ودق على سمر سليمان:الو سمر: سليمان وينك ليش ما جيت البيت سليمان:في استراحة واحد من الربع سمر: أبوي معصب منك سليمان:وإذا وش الجديد سمر:الله يهديك مالك نيه تجي البيت سليمان:أكيد بجي ولا كيف أنحش مرت أبوي هذي سمر:سليمان الله يخليك ما نبغى مشاكل شكل البنت طيبه سليمان:ههههه حلوه طيبه ذي..تقدرين تقولين لي ليش وحده صغيره مثلها تتزوج واحد كبر أبوها أو جدها مثل أبوي سمر:ما ادري ولا ابغى ادري هذا شي ما يخصنا سليمان:هجل خليك بعيده عن الموضوع على العموم انا بكره جاي ان شاء الله سمر:طيب انتبه على نفسك سليمان:طيب باااي سمر:باااي سكر جواله وطفاه مره ثانيه وانسدح وهو لحد الحين يفكر &&&&&&&&&&&&&&&&&& أول ما نام قامت ما قدرت تنام حست عمرها بتموت قامت على الحمام وأول ما دخلت وصكت باب الحمام طالعت نفسها بالمرايه وحست بقرف ورجعت مع انها ما كلت شي وبعدها غسلت وجهها و خذت لها شور وهي تردد :لازم تكونين قويه أنتي قويه وبعد الشور لبست روب الحمام و خذت نفس وطلعت وراحت لغرفة الملابس ولبست لها قميص وطلعت لوسط الغرفه طالعته نايم أنين:نام نام راح تجي عليك أيام ما تقدر تنام فيها وتأكد ان هذا اللي راح يصير واسود وجهها وعيونها أمتلت بسواد الحقد والكره والانتقام والأنين راح أدمرك وأكسرك وأخليك تندم وتكره عمرك بس مو الحين العد التنازلي ما بدأ وطلعت للصاله ومعاها جوالها وجلست وسط الظلام مثل ظلام أفكارها _______________ بو سالم:حسيت انها قامت ودخلت الحمام خفت عليها لا يكون صار لها شي بس لما سمعت صوت الماء ارتحت ورجعت أنام وآنا أقول بكرا معاها أحلى _________________ جلست في الصاله وكتبت مسج وأرسلته وهي تبتسم لازم يصير كل شي مثل ما تبغى _________________ في غرفته يكلم ما قدر ينام مثل ما الكل مو قادر ينام سالم: والله صغيره غزلان:كأنكم ما تدرون سالم: احنا ندري بس ما توقعنا لها لدرجه غزلان:ليه هي كم عمرها سالم: أتوقع 23 أو 24 سنه مو أكثر غزلان:لا الصراحه بديت اشك ان أبوك مو صاحي سالم بعصبيه: غزلان وش هالكلام غزلان:الصراحه انا مقهوره لاتنسى ان أبوك تزوج بعد أمك اللي هي خالتي الله يرحمها سالم: أنتي قلتيها أمي غزلان تنهدت وبرقه:أسفه حبيبي لمفروض أهون عليك مو أزيدها عليك سالم: لا يا عمري حتى أنتي ما تنلامين غزلان:حياتي خلاص مو زعلان سالم: وآنا اقدر ازعل من روحي غزلان:فديت قلبي يا ناس وكملوا سوالف وسهر طول الليل &&&&&&&&&&&&& ناس تفكر وناس تفضفض اللي بالخاطر وناس تبكي قهر راسها على مخدتها وما ينسمع إلا صوت شهقاتها العنود:والله ما أخليها تتهنى يعني هالمعفنه الحقيره تجي مكان أمي لا والله وقعدت:آه وينك يا سليمان ليه ما جيت على الأقل اعرف وشلون المفروض نتصرف انا لازم أتسلط عليها واطفشها لحد ما يجي سليمان ونعرف كيف لازم نتصرف مع إشكالها ....وتأخذ جوالها وتتصل عليه:وهذا سليمان لحد الحين مقفل جواله وقامت تغسل وجهها وتحاول تنام وبكره يوم جديد &&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&& الساعه:8:15 صحى ما لقى احد جنبه قام وغسل وجهه وتروش ولبس وطلع لقاها بالصاله لما طلع لها استقبلته بابتسامه وهو بدوره ابتسم لها...باسها على خدها ابو سالم:صباح الخير أنين بابتسامة خجل متقنه:صباح النور ابو سالم:نمتى زين أنين أشرت برأسها بمعنى ايه ابو سالم:راح أقول لهم يصعدون الفطور أنين وهي تمسك يده:لا حبيبي أحسن احنا ننزل ابو سالم:وش قلتي أنين وهي ترمش عيونها ببرائه:قلت ننزل نفطر تحت يعني علشان يتعودون عيالك علي وأتعود عليهم ابو سالم:أنتي فاهمه قصدي زين أنين: قصدك حبيبي ابو سالم:طالعه منك زي العسل أنين بخجل:تسلم ابو سالم:مثل ما تأمرين بقول لهم يجهزون الفطور تحت وأنتي غيري وألحقيني طيب يا عمري أنين:ان شاء الله بعد ما راح رفعت يدها ومسحت خدها بقرف أنين:هذي هي الخطوه الأولى لازم اعرف من اقدر استغل في هالبيت ولازم اعرف من ابدأ معه وأعطيه شرف البداية ولازم في كل مره انا اطلع البريئه المسكينه ههههههه...ودخلت علشان تلبس وتنزل تحت &&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج)&&&&&&&&&&&&&&&&&&&&&&&&&& صحى متأخر ورأسه مصدع لأنه ما نام إلا متأخر من كثر التفكير قام اخذ له شور يمكن يصحصح ولبس ملابس الشغل ونزل الصاله بشار:صوفي...صوفي.. (صوفي الخدامه) صوفي:نام بابا بشار سوي لي نسكافيه صوفي :حادر (حاضر) وراحت مسك جواله يحوله على العام بعد ما كان صامت علشان ما يزعجه وهو نايم شاف رساله من أخته فتحها (سلام بشار انا تمام ادري بك أكيد تحاتيني .المهم ابغى منك ما تخلي ابو سالم يسافر لمدة شهر ابغاك تدبر طريقه تخليه ما يسافر وآنا بعدين أوضح لك ..انتبه على نفسك ) بشار عقد حواجبه مستغرب :ليش ما تبغاه يسافر ما شاء الله عليك يا أختي توك اليوم أول يوم لك جات صوفي ومعها النسكافيه وصار يشربه وهو غرقان في أفكاره &&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج)&&&&&&&&&&&&&& نزلت تحت لقت ابو سالم جالس على الطاوله هو وسمر أنين بخجل:السلام عليكم ابو سالم وسمر:وعليكم السلام ابو سالم يأشر على مكان جنبه :تعالي اجلسي هنا من اليوم ورايح هذا مكانك أنين:ان شاء الله سمر تطالع وبدون تعليق وبدوا يفطرون ابو سالم:سالم وينه سمر:يبه تعرف سالم ما شاء الله عليه زي عادته من الصبح راح الشغل ابو سالم هز رأسه :و العنود سمر:راحت مدرستها ابو سالم:طيب....والتفت لأنين بابتسامه:جهزي أغراضك اليوم ان شاء الله بنسافر انين في نفسها:ان شاء الله بشار شاف الرساله ورن جوال ابو سالم معلن عن الرد لسؤال انين ابو سالم :هذا أخوك بشار انين ابتسمت ابو سالم:هلا والله بشار:صباح الخير ابو سالم:صباح النور والسرور بشار:كيف الحال ان شاء الله بخير ابو سالم:بأحسن حال ......وهو يطالع انين بشار:دوم ان شاء الله وأخبار أختي ابو سالم:هذي هي جنبي وبخير وتسلم عليك بشار:الله يسلمها إلا أقول يا ابو سالم ابو سالم:هلا بشار:انا ادري انك توك معرس والمفروض ما اقطع عليك ولا أخرب بس لازم تجي الشركه ابو سالم:سالم ما يكفي هو هناك ويسد مكاني انين عارفه وواثقه من أخوها انه راح يسوي اللي هي قالته بشار:والله في كم شغله ما ينفع فيها سالم يسويها عنك انت تدري ان سالم ما عنده وكاله وفي كم ورقه تحتاج انك توقعها واجتماع لازم انت تحضره (للمعلوميه ابو سالم ما يثق في احد علشان يسوي وكاله حتى في عياله) ابو سالم بضيق:خلاص خلاص عطني ساعه وأكون عندك ان شاء الله بشار :ماشي وسلم على أختي ابو سالم:الله يسلمك صكر جواله وباعتذار لأنين:ما عليه حياتي ما نقدر نسافر أنتي تدرين انا واخوك شركاء في مشروع وفي أشياء وأوراق محتاجه ان أكون حاضر بنفسي بس أوعدك أعوضك إياها ان شاء الله في اقرب وقت انين في نفسها:لو تدري إني السبب في عدم سفرتك هذا اللي ناقص أسافر معاك بروحنا علشان تقرفني أكثر من القرف اللي انا فيه انين بابتسامه:عادي حبيبي انا مو منزعجه وان شاء الله تعوضني إياها لما تقدر ابو سالم:يسلم لي الحلو سمر كان مجرد متفرجه وأعصابها تغلي هي صحيح تبغى ترضي أبوها بس في داخلها مو راضيه مهما كانت طيبه ما يهون عليها تشوف احد جالس مكان أمها بو سالم وهو يقوم:انا بروح أبدل وأنتي كملي فطورك انين:ان شاء الله قام وانين ظلت جالسه مع سمر وبعد لحظة صمت سمر:ممكن اسأل سؤال أنين: تفضلي حبيبتي سمر:ليش تزوجتي أبوي انا اقصد ان بنت مثلك تملك المال والعلم والجمال وش اللي يخليها تتزوج واحد مثل أبوي وشباب كثير يتمنونها أنين بقناع الحزن وتمثيل مقنع:انا صحيح املك هذا كله بس ما املك العائله اللي طول عمري تمنيتها انا أمي ماتت وآنا صغيره هي وأبوي وآنا اتمنى ان يكون عندي عائله ولما تقدم لي أبوك وعرفت ان عنده عيال وافقت قلت يمكن ألقى عندهم دفئ العائله اللي طول عمري أدوره أنتي يمكن ما تصدقيني بس انا ابغى منك شي بسيط سمر:نعم وشو أنين برجاء:ابغاكي تعتبريني صديقه أو أي شي إلا مرت ابوكي عطيني فرصه اثبت إني ابغى أكسبكم وأكون وحده منكم سمر بعد تفكير:اعتقد ما يضر لو عطيتك فرصه بس تراها فرصه وحده بس انين:ما ابغى أكثر من كذا سمر وهي تقوم:اوكي انا لازم أروح غرفتي عن إذنك انين بابتسامه:إذنك معك حبيبتي لما راحت انين :مثل ما توقعت غبيه وطيبة قلبها راح تكون مفيده لي وقامت للصاله وجلست فيها وطلبت من وحده من الخدم وقالت تسوي لها نسكافيه وسمعت صوت ودخل وشافته قدامها والشرر يتطاير من عيونه هل انين راح تقدر تخلي ابو سالم يثق فيها مع انه ما يثق حتى في عياله ؟ انين مين شافها؟ هل فعلا انين بتقدر تصادق سمر وتخليها في صفها؟ انتظر توقعاتكم أعزائي أنين ..........كره ........انتقام..........حب ........نهاية مجهوله (لعبة الشطرنج) .. .. .. |
البارت الخامس قامت من النوم على صوت المنبه وخذت لها شور وغيرت ملابسها ونزلت تحت تفطر مع أمها غزلان:صباح الخير يا أحلى أم في الدنيا ..وهي تحب رأس أمها أم ناصر: صباح الخير غزلان:فديت هالوجه والله ما أحلاه أم ناصر وهي تناظر بنتها :وش عندك منتي خاليه غزلان:يمه ابغى أروح لسمر أم ناصر:لا غزلان:ليه يا يمه لا تنسين ان سمر ما لها علاقه في زواج أبوها وبعدين هذي بنت أختك ولا نسيتي أم ناصر بعد تفكير:زين روحي بس زوجته هذي مالك شغل فيها سامعه غزلان سامعه يا الغاليه انا لي شغل في سمر وبس أم ناصر أشرت برأسها برضا غزلان وهي تبوس يد أمها:لا خلا ولا عدم يا الغاليه ..وكملت فطورها &&&&&&&&&&&&&&&&&& قاعده في الفصل وهي ما تدري عن هواء شرح المعلمه المعلمه:العنود قومي قولي الاجابه العنود سرحانه:لا رد المعلمه بصراخ:العنود العنود طالعتها وهي بروحها نفسيتها زفت:نعم المعلمه:قومي قولي الاجابه العنود:ما اعرف المعلمه:أول شي قومي أوقفي وأنتي تكلميني العنود:ما دامني ما اعرف الاجابه ليه أقوم وبعدين ما ادري ليه تخلونا نجاوب ونذاكر وإحنا بمدرسه خاصه يعني احنا اللي ندفع رواتبكم المفروض تريحونا المعلمه عصبت :عمري ما شفت بنت بقلة أدبك العنود:شكرا المعلمه: برا اطلعي برا العنود:والله انا ما ني طالع إذا أنتي بتطلعين كيفك بس انا ما دفعت فلوس علشان أنطرد المعلمه:أنتي ما تربيتي العنود:ما سألتك رايك في تربيتي المعلمه عصبت وقبل ما تطلع:فصل أنتي فيه ما يشرفني ادخله العنود:حيا الله من زار وخفف طلعت المعلمه وراحت الاداره تشتكي زيها زي باقي المعلمات اللي العنود مطفشتهم وزي اغلب المدارس الخاصه يتغاضون عن الموضوع &&&&&&&&&&&&&&&&&&& قاعده في الصاله تشرب الكوفي وسمعت صوت ودخل وشافته قدامها والشرر يتطاير من عيونه وانين تطالعه ببرود وهي تشرب الكوفي وتوقعت علطول انه سليمان سليمان يطالعها بسخريه وكره مشى باتجاهها ببطء لحد ما وقف قدامها وانين لحد الحين تطالعه ببرود وهي جالسه سليمان بوقاحه:لا لا ما توقعت ان أبوي ذويق لها لدرجه الحين عرفت كيف استخف وطار عقله اثاريه مأخذ قمر قامت أنين من مكانها :أكيد انت سليمان سليمان:لا تجيبين اسمي على لسانك اسمي اشرف من انه يجي على لسان وحده مثلك انين ابتسمت وما ردت عليه وهي لحد الحين عينها بعينه سليمان:ابغى اعرف شي واحد ليش تزوجتي أبوي انين في نفسها :هذا أكيد مو زي سمر يلعب عليه والشي اللي ما اقدر اكسبه أحاربه أحسن انين بتكبر :مالك شغل كيفي عجبني وأخذته سليمان وهو يطالعها من فوق لتحت وبهمس:انا واثق ان فيك عيب وما صدقتي لقيتي واحد شيبه خبل قلتي العب عليه وأخليه يستر علي انين طالعته بحقد وهي ناويه على الشر وبهمس:لا وأنت الصادق قلت اسلي نفسي شوي وأغير الروتين الممل في حياتي وأبوك ....وهي تبتسم : مثل المخيم الصيفي عندي جايه فيه وقت وبعد ما أمل برميه سليمان اسود وجهه من كلامه وهو يصر على أسنانه:تخسين أنتي اللي لعبه يلعب بك وبعد ما يمل منك يرميك مثلك مثل غيرك وكأنك جزمه قديمه وحاب يغيرها انين وهي تقرب وبثقة:تؤ..تؤ..تؤ..انا غير سمعوا صوت ابو سالم ينزل من الدرج ومشت اتجاهه بابتسامه ابو سالم رد لها الابتسامة والتفت لسليمان:أخيرا شرفت ليه ما جيت أمس سليمان وهو يطالع انين:ما قدرت ابو سالم:ما قدرت ولا عناد كأني ما أعرفك يا سليمان سليمان ساكت وهو يحرق انين بنظراته وأنين تبتسم له بنصر ابو سالم :انا الحين مو فاضي لما ارجع نتفاهم ...والتفت لأنين:يله حبيبتي توصين بشي انين بابتسامه جذابه:سلامتك حياتي ..وتبوسه على خذه سليمان يطالعها بغموض:هذي مو سهله قلبت في ثواني من شافها ما قال هذي اللي قبل 5 دقايق كانت تكلمني هذي شكلها بتعبني بس ولله انا لها مشى وصعد الدرج ابو سالم:مع السلامه....وانين أشرت له برأسها وأول ما صك الباب انين بصوت مسموع وكره:روحه بلا رده ان شاء الله والتفتت وتفاجات بشوفته سليمان واقف على الدرج ظل يناظرها وهي تبادله النظرات بتكبر وسخريه لأنها مستحيل تبين انها خايفه أو متوتره بعد لحظات صعد الدرج لغرفته وأول ما صعد تنهدت وغمضت عيونها وراحت تسوي جوله في البيت &&&&&&&&&&&&&& جالس في شغله ورن جواله ناصر:هلا ولله وغلا سالم:هلا فيك وش أحوالك وأحوال الأهل ناصر:تمام بخير جعلك بخير ها وش اللي خلانا نطري على بالك سالم:ابد بس قلت أخذ رايك ناصر:بوشو سالم:وش رايك انا وأنت وهاني نرح للبحر الجو اليوم مبين عليه حلو ويعني تغير للروتين ناصر:والله فكره حلوه خلاص انا ما عندي مشكله سالم:تمام وهاني انا بكلمه ونلتقي في مطعم(....) الساعه أربع العصر وبعدها نروح ناصر: تمام خلاص اشوفك الساعه أربع ان شاء الله سالم:على خير مع السلامه ناصر:مع السلامه صك الجوال وهو حاس بضيق ولد خالته بس وش يقدر يسوي ولا شي تنهد ورجع يكمل شغله &&&&&&&&&&&&&&&&&&& قاعد مع ابو سالم ويشتغلون دق جواله وصار يطالعه ابو سالم بابتسامه:هلا حياتي انين بصوت خجول:هلا ابو سالم:أمريني انين:ما يأمر عليك عدو بس بغيت أروح بيتنا علشان أجيب شوية أغراض نسيت أجيبها يوم جيت البيت ابو سالم:ما طلبتي شي روحي حبيبي انين:تسلم حياتي بس بسالك بتجي على الغداء ابو سالم:ان شاء الله بجي ليه هو الغداء معاك يتفوت انين:انا قلت لو نطلع نتغدى برا يعني في مطعم مع بعض ابو سالم:ايه ليه لا حبيبتي خلاص صار انين بفرحه:خلاص حبيبي بروح مشواري واخلص بسرعه وانتظرك ابو سالم:خلاص يله مع السلامه يا روحي انين:مع السلامه بس لا تطول....وبصوت خجول:بشتاق لك ابو سالم:وآنا أكثر صك التلفون ورجع للشغل بشار في نفسه:وله مو هينه يا أختي ههههه الرجال رجع مراهق والله انك صدق بتجيبين رأسه وهو يبتسم بخبث:كفؤ عليك &&&&&&&&&&&&& رجعت لكتابها تكمل قرايته بعد ما صكت التلفون من بنت خالتها غزلان اللي قالت بتجيها العصر وسمعت الباب يطق سمر:تفضل انين بابتسامه:ممكن ادخل سمر تفاجات:ها ..ايه ادخلي انين:شكرا...وجلست على الكرسي القابل لسمر وسألتها:وش تقرين سمر:اقرأ انين:ايش تقرين سمر: يعني شوية كتب انين وهي تأخذ الكتاب وتشوفه:تدرين هذا الكتاب قريته من قبل مره حلو سمر:صدق انين:ايه أصلا ما في أحلى من القراءة يقضي الواحد وقته فيها سمر :معاكي حق انين وهي ترجع الكتاب لها:انا بطلع وقلت أمر أسالك إذا تبغين أجيب لك شي معاي من برا وآنا راجعه سمر بابتسامه باهته:لا سلامتك انين:طيب حبيبتي أخليك تكملين قراءه مع السلامه سمر:مع السلامه سمر بعد ما طلعت انين:معقوله اللي قالته صحيح تبغانا نكون كلنا عائله وتكون وحده منا والله ينكسر خاطري عليها أحسها تحاول المسكينه تنهدت ورجعت لكتابها &&&&&&&&&&&&&&& قاعد في عيادته ورن جواله هاني:الو سالم:السلام عليكم هاني بابتسامه:وعليكم السلام سالم:أخبارك يالقاطع هاني: ههههههه والله أشغال بس انا الحمد لله وأنت أخبارك سالم بنبرة ضيق:الحمد لله على كل حال هاني حس ان فيه شي:وش فيك عسى ماشر سالم:ابد انا داق اقولك ترى انا وناصر عزمنا على طلعت بحر ونبغاك معانا هاني: وانتو تقررون وبعدين تقولون لي يمكن مو فاضي سالم:مو على كيفك بتجي ولا انا بجي وبسحبك سحب هاني: ههههههههههه لا خلاص صار سالم:خلاص موعدنا الساعه4 عن مطعم (......)عرفته هاني: ايه عرفته سالم:يله اشوفك على خير هاني: على خير مع السلامه صك التلفون وهو حاط في باله يسأله و يعرف وش فيه إذا شافه (هاني صديق سالم من أيام الثانويه يشتغل دكتور نفساني ويحب الكل ودائما يسمع لسالم إذا حس انه مهموم عمره 27 سنه) &&&&&&&&&&&&&&& طلعت وركبت مع السواق وراحت بيتهم ودخلته انين:والله ما أحس إني تركت البيت ابد مهما أروح وارجع يظل هذا بيتي وكأني ما فارقته ولا يوم جلست في الصاله واتصلت قاعد بين الأوراق مع ابو سالم ورن جواله شاف الاسم ورد انين:إذا هو جنبك ما أبيه يعرف إني المتصله بشار بترحيب :هلا وغلا انين:هلا بك بشار وهو يطالع ابو سالم:عاش من سمع هالصوت انين:هههه عاشت أيامك بشار:أخبارك يا ابو عبدا لعزيز انين:اسمع ابغاك تجيني الحين انا في بيتنا بشار:انا الحمد لله الحين ضروري يعني انين:ايه بشار:خلاص جايك انين: في انتظارك بشار:في أمان الله..وصك جواله وقام بشار:انا لازم أروح لواحد من الربع محتاجني أروح له ضروري ابو سالم:خلاص توكل مافي مشكله بشار:مع السلامه ابو سالم: مع السلامه وصل البيت دخل لقاها قاعده في الصاله سلمت عليه بشار:ها وش الأخبار انين: كله تمام بشار: يعني ما في مشاكل انين في نفسها مافي غير سليمان والعنود وآنا متكفله فيهم واوريهم وردت عليه:ابد بشار: تمام انين:ها كل شي تمام وكل اللي خططنا له ماشي بشار: كل شي بخصوص الشركه الوهميه ماشيه مضبوط انين:زين ...زين رفعت جوالها ودقت على ابو سالم ابو سالم وهو يرجع على كرسيه:هلا وغلا بحياتي انين:هلا حبيبي أسفه معطلتك...وهي تطالع بشار وتبتسم بمكر بشار يطالعها وهو ينتظر ويبغى يعرف ايش بتسوي ابو سالم:ابد حياتي بغيتي شي ناقصك شي انين:لابس بغيتك تعزم بشار على العشاء يعني....وبصوت حزين:ما ابغاه يحس بالوحده ويقول إني نسيته وبعدين تدري احنا ما لنا غير بعض ابو سالم :خلاص حياتي ولا يهمك الحين أدق عليه واعزمه ها رضيتي انين بفرح:تسلم حبيبي الله يخليك لي ابو سالم :ويخليك لي أنتي بعد يا قلبي ها تأمرين على شي ثاني انين:سلامتك مع السلامه حبي صكت الجوال وطالعت أخوها بخبث بشار:انين أنتي وش ناويه عليه....وقاطعه رنين جواله بشار:هلا ابو سالم:آهلين اسمع اليوم عشاك عندنا وما ابغى اسمع غير كلمة تم بشار:هههه خلاص تم ولا يهمك ابو سالم:تسلم يله ما أعطلك مع السلامه بشار:مع السلامه ورجع يطالع أخته اللي اكتفت بأنها تبتسم في وجهه بدون ما تشرح له أي شي &&&&&&&&&&&&&& الساعه 1:15 رجعت من المدرسه صعدت غرفتها غيرت ملابسها ونزلت علشان تتغدى دخلت لقت سمر بروحها على الطاوله العنود وهي تجلس على الغداء :خير وين الجماعه سمر:أبوي طلع مع زوجته يتغدون برا وسالم ما يبغى يأكل وسليمان نايم العنود:سليمان جاء سمر:ايه اعتقد الصبح أو الضحى العنود وهي تكب في صحنها :وش عندهم قيس وليلى يتغدون برا سمر:أقول يرحم والديك تراني ميته جوع لا تقعدين تقولين كلام يسد النفس العنود:والله أنتي وتصرفاتك اللي تسد النفس سمر:لا حول الله العنود:خاص خلاص سكتنا افففففففف كملوا أكل وكل واحد مشغول تفكيره &&&&&&&&&&&&&&&&&&& بعد ما رجعوا من المطعم جلست في الصاله حست انها ملت منه ومن مجاملته وصارت تناظر الساعه تبغى الوقت يمشي بسرعه ويجي وقت العشاء ويجي أخوها وتبدأ اللعب انين:يالله وش هالوقت البطيء انا لو اقعد أناظر الساعه ما خلصت أحسن شي أروح السوق أتسوق علشان يروح الوقت لفت طالعت ابو سالم اللي مأخذ قيلوله ونايم راحت له انين برقه:حبيبي ابو سالم وهو حده تعبان من الشغل:هلا انين:حبيبي ممكن أروح السوق أجيب شغله وارجع بسرعه ابو سال مستغرب :السوق لازم يعني انين وهي تهمس له:ايه حياتي بسرعه والله بسرعه ابو سالم بابتسامه:يله روحي بس لا تتأخرين انين :لا حياتي ما راح أتأخر قامت وخذت عبايتها وطلعت وراحت مع السواق ونزلت المجمع تتسوق لحد ما يروح الوقت &&&&&&&&&&&&&& قام من النوم خذا له شور ولبس وهو نازل الدرج قابلته العنود العنود:هلا وغلا وينك أمس اتصل عليك جوالك مقفل سليمان:هلا ايه قفلته ما لي خلق احد العنود:وبعدين سليمان :في وشو العنود:في هالعله اللي قاعده لنا بالبيت سليمان:قصدك مرت أبونا العنود:ايه الله يا خذها قول أمين سليمان بابتسامه:لا تخافين ماهيب مطوله العنود:عندك خطه تخليها تفارق سليمان بخبث:أكيد العنود:وش هي قلي خلني أعاونك وابرد حرتي فيها سليمان :بكره تعرفين يله مع السلامه العنود:مع السلامه نصبر ونشوف وصعدت غرفتها &&&&&&&&&&&& قاعد ويتقهوى مع أمه وأبوه وأخته ابو هاني:وأنت واثق انك تقدر على الحاله هاني:أكيد يا ابو هاني انا ما أسوي شي إلا واثق منه أم هاني:يالله انك تثبت العقل والدين يا رب ربى:والله مساكين هاللي يستخفون وتجيهم حاله نفسيه أو انهيار عصبي ابو هاني:اييييييه الله يحفظنا أم هاني :أمين ناظر الساعه وقام أم هاني:على وين يا وليدي هاني:لازم أروح مواعد سالم وناصر ابو هاني:روح يا وليدي الله يحفظك هاني :مع السلامه وطلع رايح للشباب في المطعم مثل ما اتفقوا (ابو هاني:دكتور من الدكاتره الممتازين وهو اللي شجع هاني انه يدخل مجال الطب أم هاني مره طيبه في حالها ربى :اخت هاني وتشبهه تدرس تربيه خاصه سنه ثانيه طيبه وتنحب بسرعه) &&&&&&&&&&&&&&& طلعت من المجمع واستنت السواق اللي تأخر عليها جاء وركبت انين:انت ليش تتأخر ما قلت لك أول ما اتصل عليك تجي السواق:ماما هزا واجد زحمه انين:بس اسكت ولا تقعد تبربر علي عمى في عينك سرحت بأفكارها وخطتها الليله ما صحت إلا على صوت الفرامل ومن قوة الفرامل ضرب راسها في الكرسي اللي قدامها انين وهي حاطه يدها على راسها:ايييي عمى يعميك ما تشوف السواق وهو خايف:ماما مافي انا هزا نفر غلطان انين:انزل له السواق وهو خايف:لا ماما انا في كوف انين وهي تفتح الباب علشان تنزل:خوف يأخذك مالت عليك ما منك نفعه نزلت وهي معصبه وأول ما شافته :عمى ان شاء الله ما تشوف هاني وهو نازل من سيارته ويشوف البنت اللي قدامها هاني بأدب:أسف أختي والله ما انتبهت كنت سرحان انين:ايه انت اسرح وإحنا نموت هاني:أسف مره ثانيه انين:وش استفيد من اسفك إذا صار لي شي هاني:خلاص قلنا آسفين يعني وش تبيني أسوي لك انين:صدق شينه وقوات عينه بيذبحنا ويطول لسانه صدق اللي استحوا ماتوا ...مشت وخلته هاني مستغرب من وقاحتها وطولت لسانها مشى وهو معصب من هالاشكال من الناس وصل المطعم ونزل لقى سالم وناصر وجلس معاهم ناصر:ترى السلام لله هاني بضيق:سلام سالم:عسى ماشر وشفيك الوجه منقلب كذا هاني:ابد بغيت أسوي حادث بس الله سلم ناصر:الحمد لله طيب المفروض تستأنس ان الله سلمك هاني:صاحبة السياره اللي بغيت اصدمها قلق سالم:ليه اللي بغيت تسوي معاه حادث بنت هاني:ايه نزلت علي ولسانها منشار كلتني بقشوري ناصر:ههههههههه اشوفك جاينا مقشر يالبرتقاله هاني :أقول اسكت لا اجيك أسكتك ناصر:أول البنت حلوه يعني مزيونه سالم:استغفر الله وش لك فيها الله يستر على الجميع ناصر :ما قلنا شي هاني:والله من ناحية الحلاه والله مو حلوه وبس إلا صاروخ ناصر:ياليتني انا الي صادمها سالم:ههههههه والله انك مهبول أقول يله بس ناصر وهاني:يله وقاموا رايحين للبحر وللوناسه &&&&&&&&&&&&& وصلت البيت وهي داخله قابلتها سمر ومعاها وحده وصوت ضحكهم واصل لأخر الدنيا وأول ما شافوها سكتوا انين:السلام عليكم سمر:وعليكم السلام .........أعرفك وهي تاشر على البنت :بنت خالتي غزلان وهذي انين مرت أبوي غزلان ما قدرت تخفي دهشتها انين وهي تمد يدها :آهلين غزلان وبدون نفس:هلا انين حست ان البنت مو مرتاحه ومتضايقه من وجودها كملت انين صعود الدرج لغرفتها ومر الوقت وقام ابو سالم ولبس وتجهز وجاء الوقت المنتظر بالنسبه لها خذت لها شور و لبست وتعدلت وهي تلبس جاها ابو سالم :الله وش هالزين كله انين غصبت نفسها تبتسم له:حلو ابو سالم :إلا يهوس انين :مشكور طلع من وراء ظهره علبه وفتحها لها وكان طقم ابو سالم:ها وش رايك انين:الله مره حلو تسلم حياتي ابو سالم: الغالي ما يصلح له إلا الغالي وهو يبوس خدها ولما قرب سمعوا طق الباب وكانت الخدامه تقول ان بشار وصل انين حمدت ربها ان الخدامه جات لان مالها خلق ابو سالم ابد ابو سالم:يالله حبيبتي انا نازل له وأنتي لا تتأخرين علينا انين:ان شاء الله نزل ابو سالم ورحب في بشار وقعدوا يتقهون وشوي سوالف وشوي ضحك وأحيانا يتكلمون في الشغل نادت الخدامه وطلبت منها انها تقول لأبو سالم يجي لها الغرفه وراحت الخدامه لأبو سالم وقالت له استأذن ابو سالم من بشار وراح يصعد لأنين أنين راحت لغرفة سمر اللي فيها سمر وغزلان وطقت الباب سمر كانت تسولف مع غزلان وميته ضحك على سوالفها سمر:لحظه بشوف من عند الباب راحت وفتحت الباب انين بابتسامه:أسفه قطعت عليكم وناستكم سمر:لا عادي بغيتي شي أنين:ايه بغيت أسالك شفتي جوالي ما ادري وين راح سمر:لا والله ما شفته انين بتمثيل بارع :ياربي وين راح سمر:طيب يمكن طاح منك أو أنتي حطيتيه في مكان ونسيتي انين:ايه صح تذكرت نسيته في المجلس يالله ممكن حبيبتي تجيبينه لي لان أبوك في الغرفه وصار له ساعه يناديني وإذا ما رحت له بيعصب سمر باستغراب:قولي للخدامه هي تجيبه انين بكذب:لا ان ما أثق في الخدم والجوال في صور لي وأخاف تنقلهم ولا تسوي فيه شي سمر بطيبه:خلاص انا بجيبه انين:بسرعه وآنا انتظرك هنا سمر: طيب ...ونزلت الدرج بسرعه وانين تضحك بمكر &&&&&&&&&&&& قاعد في المجلس وهو عارف ان أخته ناويه على شي بس ما قالت له وشو أصر وحن عليها بس ما رضت تقول له إلا كلمه وحده:لما تدخل خلك جالس على الكنب اللي وراء الباب هو استغرب من طلبها بس نفذ الي قالته وبيشوف وش أخرتها معاها صحى من تفكيره على دخلت احد انتبه كانت بنت حلوه وملامحها هاديه وتدور شي ومبين انها مو منتبه أو ما تدري عن وجوده في المجلس سمر شافت الجوال على الكنبه أول ما دخلت:هذا هو ...وهي تبغى ترجع لفت وشافت بشار تجمدت في مكانها وهي تطالعه بخوف وما حست إلا وهي تركض برا المجلس وهي ترجف وخايفه وحاسه قلبها يضرب ضرب في ضلوعها صعدت الدرج وقابلت انين انين أول ما شافتها ابتسمت وعرفت من وجهها ان كل شي تمام انين ببرائه:ها لقيتيه سمر :هاه ...وشو هذا انين:الجوال سمر:ه..ايه ايه ....وتمد لها الجوال بيد ترتجف انين:سمر فيك شي سمر:ها لا لا... ومشت بسرعه لغرفتها انين ابتسمت بمكر:مسكت السناره ههههههههه ....وراحت لابوسالم اللي كان ينتظر في الغرفه دخلت عليه ابو سالم:وينك فيه وين رحتي تقولين للخدامه تناديني وأنتي مو موجوده انين:أسفه حياتي بس رحت أنبه البنات ان اخوي في المجلس علشان ينتبهون ان في رجال غريب في البيت ابو سالم:يعطيك العافيه زين ما سويتي والحين ليش مناديتني تبغين شي انين وهي تعطيه ظهرها:ايه ابغاك تلبسني الطقم انا ما ابغى احد يلبسني إياه غيرك ابو سالم:من عيوني يالغاليه ولبسها الطقم وبعدها نزلوا سوا عند بشار اللي سلم على أخته وكأنه ما شافها الضحى وجلسوا وسوالف وبعدها تعشوا وبعد العشاء قام ابو سالم يكلم تلفون ضروري انين قامت وجلست جنب أخوها وقالت بنبره هاديه:عجبتك بشار:من تخطيطك صح انين:أكيد بشار:أنتي اللي حاطه الجوال في المجلس انين وهي ترفع حواجبها:لا تظلمني وبعدين ضحكت بصوت عالي طلعت ورقه من جيبها ومدتها له بشار:وش هذي...وخذاها وشاف فيها رقم انين:رقمها بشار:المطلوب انسين بابتسامه:ولا شي انا اعرف انك تتعب في الشغل كثير وآنا بخدمك يا اخوي كل المطلوب انك تتكلم وتسلى نفسك بشار:قصدك أعلقها انين بهمس:أبيها إذا نطقت اسمك قدامها اسمع شهقتها من حبها لك بشار:وش بتستفيدين انين:ليه يا اخوي ما تدرين ان وجع القلب أقوى من وجع الجسد وجع القلب ممكن يقتل بشار وهو يبتسم:صار انين :فديته اخوي ههههههههه هههه بشار:ههههههههههه بعدها بشار استأذن وسلموا عليه انين وأبو سالم وراح لبيته وأبو سالم صعد غرفته وهي راحت تتأكد ان الخدم ينظفون المجلس زين ولمحت سمر تودع غزلان وسمعتهم غزلان:أنتي متا كده ما فيك شي وجهك كأنه لونه مخطوف سمر بارتباك:وش فيك الله يهديك ما فيني شي غزلان: طيب مع السلامه......... وتسلم على سمر ومشت وسمر صعدت على طول غرفتها وهي طالعه من المجلس للصاله سمعت همس قربت من الصوت لحد ما صارت وراء باب الفله وسمعت سالم:يعني يوم جيت تروحين غزلان وهي تتلفت :لا والله مو كذا بس ناصر عند الباب وآنا لازم أروح قبل لا احد يشوفني سالم:خليك شوي اشوفك واشبع عيني منك غزلان بخجل:ما يصير يله مع السلامه سالم:أول ما توصلين كلميني غزلان وهي تبتسم:أكيد ..........وراحت وسالم يتبعها بنظره أما انين وراء الباب والله ولقينا لك شي يا سالم بس انت دورك مو الحين ههههههههههه وراحت تصعد لأبو سالم &&&&&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&&&&&&&& انتهى البارت .. .. .. |
البارت السادس صحت الصباح نشيطه مثل عادتها مع انها ما عندها أي مشاوير بس تعودت تصحى الصباح وخذت لها شور ونزلت تفطر مع اهلها ولقت على الطاوله أبوها وانين والعنود أما سالم زي العاده يروح الشغل بدون فطور وسليمان أكيد نايم سمر:صباح الخير الكل: صباح النور بعد فتره ابو سالم قام :يله انا رايح حياتي توصين على شي انين :سلامتك يا عمري العنود بهمس مسموع: على ناس وناس سمر وهي تاشر لها تسكت:العنود ابو سالم :قلتي شي العنود :أقول يبه الله يحفظك ابو سالم هز رأسه وهو عارف ان بنته تكذب لأنه يعرف عياله عدل ولما طلع العنود:لا تصدقين نفسك تراك رحتي ولا جيتي بتظلين .....وهي تطالعها من فوق لتحت وبابتسامه سخريه:حشره في هالبيت سمر : العنود وش هالكلام العنود : أنتي تعرفين تجاملين أما انا لا وإذا عندي شي بقوله وما علي من احد .....وهي تطالع انين وقامت و قامت انين وراها سمر : وين انين:شوي وراجعه انين تنادي:العنود العنود وقفت عند باب الفله:كأني اسمع صوت حشره أو ذبابه في المكان انين وهي تقرب وتهمس بابتسامه وهي مفوره من كلامها:إذا كان في حشره فهو أنتي وأنتي ترى كلك على بعضك ماني شايفتك وتدرين عاد انا مليت من البزره الهذاره أم لسان طويل وجاء الوقت اللي لازم أقص هاللسان العنود بعصبيه:أنتي تقصين لساني تخسين ويخسون اهلك كلهم انين وهي تصر على أسنانها وبحقد وعصبيه:أنتي اللي تحت جزمتي أنتي واهلك وآنا راح اوديكي وراء الشمس لو جبتي سيرة أهلي مره ثانيه وانتبهت على صورة سمر المعكوسة على المرايه اللي على الجدار جنب الباب اعتدلت في وقفتها وبصوت واضح وبابتسامه :حبيبتي انتبهي على عمرك ..........وهي تطالعها في عيونها:ترى الحوادث هالأيام كثيره العنود طالعتها بكره وطلعت وانين ابتسمت ولفت على سمر وسوت نفسها توها تنتبه لها:أنتي هنا سمر بطيبه:معليه امسحيها في وجهي ترى العنود طيبه بس لسانها شوي طويل ولا قلبها تراه طيب انين:انا مقدره ومو زعلانه انا أصلا معتبرتها أختي وما في احد يزعل من أخته سمر ابتسمت وأشرت لها برأسها انين:سمر ممكن اسولف معاك سمر باستغراب :عن ايش انين:تعالي نصعد جناحي علشان نسولف براحتنا وصعدوا جناح ابو سالم وجلسوا على الكنب في الصاله انين:أول شي ابغاكي تعتبريني أختك سمر:ليش تقولين كذا انين:وش صار أمس لما وصيتك تروحين تجيبين الجوال سمر ارتبكت وصار وجهها احمر:ها لا ما صار شي ليه انين وهي تمسك يد سمر:متأكده لأنك رحتي تجيبين الجوال وأنتي ما فيك شي ولما رجعتي كان لون وجهك مخطوف وترتجفين سمر وعيونها تطالع في كل مكان إلا في عيون انين :مافي شي عادي انين:انا بس خفت عليك وقلت اسأل بس إذا ما تبغين تقولين كيفك سمر:صدق خفتي علي انين:أكيد مو انا قلت من قبل إني اعتبر نفسي وحده من هالعائله وانتوا أهلي وشلون ما اخاف عليك سمر بتردد:لما رحت ......أجيب الجوال شفت واحد في المجلس بس والله ما ادري انه موجود انين بغباء:واحد كيف يعني ومن هذا سمر:ما ادري انين شهقت:أكيد هذا اخوي ياربي انا كيف نسيت أمس إني عازمته وهو قاعد في المجلس سمر:اخوك انين:ايه اخوي بشار يالله سمر والله أسفه من الحوسه نسيت انه كان في المجلس ليتني ما وصيتك ولا حطيتك في هالموقف المحرج أسفه حبيبتي سمر بطيبه:حصل خير انين وهي سرحانه وتتكلم بصوت مسموع:اها علشان كذا لما دخلت عليه المجلس كان سرحان وعيونه على الباب وآنا أقول وش صاير فيه كل ما اكلمه يطالع الباب ويسرح ههههه غريبه في العاده محد يلفت انتباهه سمر طالعتها بخجل وما ردت انين وهي تلتفت لها:المهم.........وصارت تتكلم في مواضيع ثانيه بس بعد ايش بعد ما وصلت الفكره لسمر وهي متأكده ا هالشي بيساعد أخوها كثير في اللي بيسويه &&&&&&&&&&&&&&&&&&&&& صحيت الصباح ورحت الشغل وآنا أفكر واخطط علشان اضبط الدور صح رفعت جوالي ودورت مسج حلو وأرسلته وآنا حاط في بالي أشياء كثيره بس يبغى لها صبر رجعت للأوراق قدامي وآنا انتظر الشخص اللي صار لي سنوات مو شايفه واللي المفروض التقى فيه علشان على قولة أختي نبدأ بلعب اللعبه رن التلفون السكرتير:أستاذ بشار بشار:نعم السكرتير:السيد خليل وصل بشار:دخله على طول السكرتير:تحت أمرك انفتح الباب ودخل رجال كان لابس بدله سوداء لرجال الأعمال وقام له بشار وخذاه بالأحضان خليل:وش أحوالك بشار: بخير دامك بخير اشر له بشار يجلس وهو جلس خليل :جيتك على أول طياره لما كلمتني بشار :ما تقصر دائما راعي فزعه خليل: أكيد انت طالبني علشان الموضوع اللي تكلمنا فيه من زمان وخططنا له بشار: ايه وجاء وقت التنفيذ خليل وزي عادته يحب ربح الفلوس:انت عارف يا بشار ان لي نص الأرباح الاخوه شي والشغل شي ثاني بشار: انت لحد الحين لك شغل بالنصب حتى بعد ما صرت من رجال الأعمال وآنا فكرتك تغيرت من سمعتك اللي مثل الذهب بس على العموم إذا صار اللي أبيه حلال عليك النص خليل: محد يرفس النعمه سوا حلال ولا حرام بشار:ههههههههههه فتح خليل الشنطه وطلع أوراق وعطاها بشار وبشار صار يطالعها ويضحك بخبث ونذالة :تمام...........تمام والله وكل شي جاهز علشان ننشى هالشركه خليل: ايه بس في بعض الأمور اللي لازم نخلصها وبعد لازم تخليه يوقع على هذي .....وهو يمد الورقه بشار:ماشي خليل: وبعدها نبدأ الشغل بشار: وإحنا تهل علينا الأرباح وبعض الناس يطرون في الشوارع وضحكوا اثنينهم بصوت عالي (خليل تعرف عليه بشار في الثانويه وكان حرامي يسرق أشياء من البيوت ويبيعها وبشار كان يدري عنه بس ما بعد عنه ومره سرق سرقه كبير وبفلوسها شغلها وكبر وصار من الرجال الأعمال عنده عقل كبير وذكي وراح تعرفون عليه أكثر من خلال الأحداث) &&&&&&&&&&&&&&&&&& العنود وهي قاعده مع وحده من صديقاتها غدير:عنوده وش فيك العنود:بموت قهر غدير:ليه وش منه العنود:مرت أبوي حيه رقطه من تحت لتحت غدير:سوت لك شي العنود بقهر: الحيوانه قدام أبوي تظهر بمظهر الطيبه الحنونه ومن وراه تظهر على حقيقتها ودي أشوف أبوي يطردها طردت الكلاب بس ما ادري وش أسوي خاطري أوريها شغلها غدير:انا عند فكره جهنميه إبليسيه العنود:ألحقيني بها &&&&&&&&&&&&&&&&&&&& قاعده على اللاب توب وأعلن جوالها عن وصول مسج فتحته وقرت المسج (صباح خاص مو حق أي ناس ناس أغلى من الألماس ناس خذوا القلب و الإحساس) استغربت بس قالت يمكن احد غلطان وبعد ساعتين وصلها مسج ثاني أهديك وردة ياسمين لونها لون قلبك تصبح عليك وتقول يا عسى الخير دربك وبعد ساعتين وصلها مسج ثالث صباح الخير من قلب مشتاق وولهان ... إلى أغلى إنسان ... واسمه دفئ قلبي التعبان أحبه حب ما أنذكر من قديم الزمان ... لا بتاريخ الإنس ولا بقصص الجان ... هو الغلا وكل ما في ها الكون من أشجان ... سمر:لا هذا أكيد مو غلطان مستحيل غلطان يرسل علي كل ساعتين مسج معقوله احد يعرفني لا ما اعتقد بس الواحد لو غلطان يغلط مره مرتين مو ثلاث وانتبهت لإشارة التنبه من الماسنجر وكانت غزلان اللي صار لها فتره داخله وقاعده ترسل لها إشارات تنبيه &&&&&&&&&&&&&&&&&&&& طلعت سمر من عندها شبه واثقه فيها وهذا تقدم حلو قابلت عند الدرج سليمان اللي صار يطالعها ويضحك بسخريه وهي ترد عليه بابتسامه بريئه انين:آهلين سليمان :لا يا شيخه ماله داعي التمثيل ترى أبوي مو هنا انين:ههههههههه بس انا ما امثل انا قاعده أرحب فيك سليمان :لا هلا ولا مسهلا انين:مقبوله من ولد حبيب قلبي سليمان وهو مبين القرف على وجهه:أنتي المفروض تأخذين جائزة نوبل أو الأوسكار على التمثيل البارع بس تذكري ان في واحد في البيت عارف حقيقتك انين :أي حقيقة سليمان: ما له داعي الكذب والتمثيل لأنك قريب راح تنطردين مثل الكلبه براء هالبيت...............ونزل الدرج بدون حتى ما يعطيها فرصه ترد وترك انين وراه تفكر في اللي ممكن سليمان يسويه &&&&&&&&&&&&&&&&& قاعد على مكتبه وسرحان بكلام هاني له أمس على البحر هاني:سالم فيك شي سالم :لا ليه تسال هاني:انت عارف انك ما تقدر تكذب علي قلي وش فيك سالم ابتسم:وش أقول وش اخلي هاني:قل كل اللي في خاطرك سالم:مقهور من زواج أبوي ومو قادر أقول شي اخاف يغضب علي وآنا ما أحب ازعله مني هاني:بس أبوك من زمان وهو كله يتزوج يعني السالفه مو جديده سالم:هاني انت عارف ان كل زواجه أبوي تزوجها كنت أتضايق منها بس اللي يهون انها سريه أو عرفي يعني ما في احد وصل لمكانة أمي الله يرحمها ولا وحده منهم أعلنها بس الحين تزوج علني يعني حطها مكان الوالده واللي العن انها وحده صغيره يعني لو هي حرمه قريبه من سنه كان قلنا مو مشكله بس هذي اللي تزوجها صغيره تدري يا هاني انها اصغر مني هاني:معقوله سالم بتنهيده:شفت كيف انت تفاجات فما بالك بي انا وأخواني والضيقة اللي حاسين فيها هاني:طيب ما حاولتو تعرفون هي ليه خذت أبوكم ما دام انك تقول انها صغيره وش اللي يحدها تتزوج واحد مثل عمي ابو سالم كبير سالم:والله ما ادري ولا أبي ادري هاني:اسمع وآنا اخوك ترى ما بينفعك إلا رضى أبوك ومالك إلا انك تحاول تتكيف مع الوضع منها ترتاح ومنها ترضي أبوك سالم:وهذا اللي راح يصير والله يسهل هاني:يله عاد افرد هالخشه شكلك وأنت مهموم يجيب السكته القلبيه وانا الصراحه مو بايع عمري أموت من منظر وجهك سالم:ههههههه يعني ينقال هذي طريقه تخليني افرد وجهي واضحك هاني:مو نجحت معاك خلاص سالم وهاني:هههه ههههههههههه رجع للواقع وهو يقوم ويأخذ معاه شوية ملفات مناقصات يدرسها بعدين في البيت &&&&&&&&&&&&&&&&&& اجتمع الكل على طاولة الغداء انين جنب ابو سالم علي جهة اليمين وجنبه على اليسار سالم وجنبه سمر وجنبها سليمان وجنبه العنود وكان كل واحد منهم فكره شارد ايش رأيكم ندخل لبعض العقول ونعرف في ايش تفكر ابو سالم:هالصفقه لو نجحت راح اكسب من وراها كثير ورجع بذاكرته لساعتين قبل الآن بشار يدخل مكتب ابو سالم ومعاه خليل ابو سالم :يا هلا ومرحبا بشار وخليل:هلا فيك بشار :أعرفك صديقي ورجل الأعمال خليل السهامي اعتقد انك سمعت فيه يالنسيب ابو سالم بابتسامه:أكيد غني عن التعريف سمعته اللي مثل المسك واصله لهنا خليل :تسلم بشار:أعرفك يا خليل زوج أختي وشريكي بالمشروع ابو سالم خليل :شرف لي أتعرف عليك يا ابو سالم ابو سالم:تسلم بشار:انا جايك يا ابو سالم بمنفعة لك ابو سالم:خير بشار: لما جاني خليل وعرض علي ادخل معاه في مشروعه الجديد والله كان ودي أصير شريكه بس آنا ما اقدر ادخل في المشروع معاه لان كل فلوسي ومثل ما انت عارف حاطها في المشروع اللي بيني وبينك وما عندي إمكانيات ابو سالم هز رأسه:طيب بشار:وقلت ليه خليل يروح بعيد مادام إني اقدر أفيد نسيبي وقلت لخليل عنك وان ممكن تدخلون مع بعض في هالمشروع والكل يستفيد ابو سالم:ليش لا الأستاذ خليل شخصيه معروفه وأكيد الدخول في مشروع معه مسألة رابحه بالنسبه لي خليل:والله ان كان في احد بيربح فهو انا بشراكتك يا ابو سالم ابو سالم :تسلم بشار:خلاص اتفقنا وهو يوقفون ويسلمون على بعض ابو سالم وخليل :اتفقنا بشار :على بركة الله ابو سالم وهو يرجع لواقع ان شاء الله كل شي يمشي تمام و هالخليل كأنه طلع لي من الأرض علشان يرشني بالفلوس صحيح انا مو محتاج وخيري كثير بس زيادة الخير خيرين وما في احد يرد الفلوس إذا جات ************** انين وهي تطالع سليمان يطالعها وتحس بنظراته غموض ما تقدر تفسرها انين:ياربي هذا ليش يطالعني كذا وش سر هالنظره هو بس يبغى يخوفني ويزعزع قوتي ولا وراها شي ثاني ما يهم أصلا مهما كان اللي وراها انا بتصدى له انا قويه وما اخاف من احد إلا ينخاف مني **************** العنود:والله ان فكرة هالغدير تخوف بس هالساحره تستأهل انا بنفذها وأدمر هالعقربه واخلي فضيحتها بجلاجل مو هي تقول احنا تحت جزمتها بنشوف مين تحت جزمة مين.........وصار تبتسم وهي تطالع انين اللي لمحتها وبعدت نظرها وكأنها مو مهتمه *************** سمر:يالله من هالاخوان ان شاء الله يمر هالغداء على خير وما يسوون لنا أي عوار رأس والله سكوتهم يخوف أحس بعد هالسكوت وراه عاصفه بس الله يستر **************** سالم:والله اشتقت لها أحس إني ما سمعت صوتها من زمان مع إني توني مكلمها من ساعتين بس يالله وش كثر اشتاق لها انا ما عاد فيني صبر لازم اكلم أبوي بأقرب فرصه بس مو الحين هو الحين توه متزوج ما صار له فتر خلها تمر أيام بعدها اكلمه وتصر غزلان لي انا وبس وطرى عليه طلب هاني الغريب وتذكر كلامه هاني:سالم انا بطلب منك هالطلب بصفتي صديق واخو ولان ابغى أساعدك علشان تعرف ليش البنت تزوجت أبوك سالم:وش طلبك هاني:تعطيني اسم عائلتها الكامل سالم:والله ما اعرف غير اسم العائله هاني :مو مشكله عطني إياه سالم:انا ما ادري ليه انت مصر تعرف ليه تزوجت أبوي وش يهم هاني :ما ادري إحساسي يقول في شي سالم:كيفك سوا اللي تبغاه اسم عائلتها الغانمي خلاص هاني:اوكي مشكور مع السلامه سالم :هالهاني صدق ما عنده سالفه وش دخل ليش تزوجت أبوي بالضيقه اللي أحس فيها من زواجه أصلا مو من خصوصياتنا نسال ليش تزوجته ********************** أما سليمان فكان يفكر كيف يخلي ابوه يكرها ويطردها من البيت بكل اختصار سليمان:والله ان هالبنت مو سهله شكلها بتعبنا كثير ومبين انها خبيثه بس انا اعلمها *************** قام سليمان :الحمد لله .......وراح يصعد غرفته وبعدها العنود وبعدها ابو سالم وقامت معاه انين وظل سالم وسمر على الطاوله ومر الغداء بسلام &&&&&&&&&&&&&&& قاعده في الصاله وعيونها على غرفة المكتب اللي يحتفظ فيها ابو سالم بكل أوراقه المهمه ومعروف ان ممنوع دخول هالغرفه ابد مهما كان الشخص باستثناء سالم لان الأوراق اللي فيها تخص أمور مهمة في الشركه وتذكرت طلب أخوها بأنه يبغى الأوراق المناقصه بأي طريقه وهي لازم تصورها وقامت وهي عارفه ان ابو سالم في الجناح يأخذ قيلوله زي عادته ومعاها الكاميرا صغير الحجم علشان محد يشوفها وقبل ما تفتح باب غرفة المكتب تلفتت يمين ويسار وفتحت الباب ودخلت بسرعه وصكته وراها وراحت بسرعه وراء المكتب وشغلت لمبة المكتب وهي تردد اسم الملف والأوراق اللي المفروض تصورها وبدت تفتح الأدراج واحد وراء الثاني وتدور بسرعه ولما ما لقت شي راحت جهة المكتبه اللي تحوي كتب وملفات وبدت تدور في الأدراج وبعض الأدراج كان مقفل وبدت تدور في اللي مفتوح من هالادراج وسمعت صوت وكأنه جاي جهة الغرفه وصكت الدرج بسرعه وطفت النور وتخبت تحت المكتب ودخل شخص للمكتب وولع النور وبدا يفتح درج ويحط ملف وسمعت صوته وكأنه يكلم نفسه سالم:وهذي أوراق المناقصه وخلصنا منها يالله تعبت وصك الدرج وطفى النور وطلع وهي طلعت على طول وفتحت الدرج وطلعت الملف ووزعت الأوراق وصارت تأخذ لهم صور بشكل سريع ولما خلصت رجعت الأوراق للملف وصكته ورجته الدرج وهي بتطلع دخل سليمان وهي حطت الكاميرا بجيب التنوره اللي لابستها وشافت ملامح سليمان كيف تفاجأ لما شافها وصك الباب وراه سليمان:أنتي ايش تسوين هنا انين واللي كانت متورطه وبكذب :أبوك أرسلني أحط ملف على مكتبه سليمان وهو يطالع المكتب و شايف ملف :ما اعتقد ان أبوي غبي لها الدرجه علشان يثق فيك ويخليك تدخلين مكتبه انين وهي تستغل اللي قاله وتكتف يديها على صدرها:ما اعتقد ان أبوك يثق فيك ويخليك انت بعد تدخل المكتب ولو درى عنك ما راح يفوتها على خير سليمان بابتسامه صفراء:انا بقول إني جيت لان انين طلبت مني أجي هنا انين طلعت عيونها:متى طلبت منك هالطلب سليمان وهو يقرب:أنتي ما طلبتي بس محد يدري والكل راح يصدقني انين وهي تشوفه يقرب: إياك تقرب .....وانين ترجع لحد ما وصلت للمكتب وما في مكان تروح له سليمان وهو يقرب:ليه خايفه مني ولا خايفه احد يدخل ويشوفنا ويظن ان في شي بينا انين:انا ما اخاف من شي سليمان:انت كذابه رجفتك تثبت العكس وبعدين مو حرام مرخصه بنفسك ومتزوجة أبوي ولا تقولين انك متزوجته علشان تلعبين وتتسلين لان هالشي مو صحيح انين وهي تبغى تقلب السحر على الساحر وبمحاوله أخيره وقفت قدامه وبكل كبرياء وهي ما بينها وبينه مسافه وطالعته في عيونه بكل قوه وبكل سخريه:قل انك تحس انه حسافه كل هالجمال يروح لواحد شيبه مثل أبوك وتكمل هي تهمس:انا متأكده انك تتمنى لو كنت لك وعينك علي وآنا ما فاتتني نظراتك سليمان طالعها بقرف مثل ما هي توقعت وبعد عنها وهو يفتح الباب وقبل ما يطلع :انت مستواك واطي اوطي من اللي توقعته بس وحده بيئه مثلك ايش الواحد يتوقع منها وطلع وصكر الباب وانين طلعت الهواء اللي تحس روحها مخنوقه فيه وطفت النور وطلعت بسرعه وهي لحد الحين خايفه وتحس برجفه &&&&&&&&&&&&&&&&&&&&& الساعه 7 ونص مساء رن جوالها وهي قاعده تقرا واحد من كتبها المفضله رفعت جوالها شافت رقم غريب ما ردت طنشته ما تعودت ترد على أرقام ما تعرفها ور مره ثانيه وثالثه وهي لحد الحين مطنشه بعدها جاها مسج (سمر ردي علي) سمر استغربت من هذا بس الأكيد انه يعرفها ورن الجوال وردت سمر:الو بشار:الأنسه سمر صح سمر باستغراب :نعم من معي بشار:قبل ما اقولك من انا عندي كلمتين بقولهم بعدها بقول لك من انا سمر:تفضل بشار:بسببك أنتي انا متعذب سمر:ايش انا أصلا ما أعرفك بشار بتنهيده:من يوم شفتك وآنا ما أنام وحسيت إني فقدت كل شي بالحياه ومو قادر أكمل حياتي لو ظليت بعيد ومخبي أحاسيسي وقلت لازم اقولك عن اللي معذبني سمر:انت شكلك واحد ما تستحي وفاضي وما عندك شغل بشار:أنتي سألتي من انا وآنا بجاوبك انا بشار اخو انين زوجة أبوك سمر سكتت تستوعب وما ردت بشار:انسه سمر انا لو جيت أخطبك بتوافقين سمر تلون وجها وتفاجاتوماردت بشار :انسه سمر الله يخيلك ردي علي ولا تعذبيني فوق عذابي عذاب سمر صكت الجوال في وجهه رن عليها مره وثانيه وثالثه وبعده أرسل لها مسج (ارحمي قلبي اللي متعذب بسكوتك ..ارحمي قلبي اللي متعذب بصدك....ارحمي قلبي وردي على ابغى أكلمك) والله ما اقصد أي أساءه لك من المكالمه وانا أسف ممكن تردين علي وبعدها رن الجوال وسمر:أرد ولا لا ما يصلح بس هو قال.. وش فيك يا سمر ردي عليه وقولي له لا عاد يتصل أخيرا بعد تردد ردت سمر:نعم بشار:ااااه أخيرا انا أسف ما قصدي أضايقك بس ما ادري من يوم كلمتك وآنا مو قادر أسيطر على نفسي سمر:لو سمحت لا عاد تتصل مره ثانيه بشار:أسف أسف وانا قلت لك كل اللي أبيه جواب لسؤالي سمر سكتت وما ردت بشار :معناها موافقه يا انسه سمر سمر:يا أستاذ بشار بشار يقاطعها: ياليت بشار بدون رسميات سمر:اتمنى ما تتصل فيني مره ثانيه بشار:انا أسف إذا ضايقتك بس ممكن طلب سمر:نعم بشار:ممكن أرسل لك مسجات بس مسجات ومو لازم تردين بس علشان يرتاح قلبي سمر:لو سم.......... قاطعها بشار:لا تصيرين قاسيه مجرد مسج ما يضر سمر:أهم شي لا تتصل بشار:تسلمين لي يالغلا سمر ما ردت عليه بشار:مع السلامه وانتبهي على نفسك وصكرت الجوال وسمر لحد الحين ما استوعبت اللي صار نزلت الجوال في حظنها وبعدها وصل مسج لها صورتك في عيني وفي ~القلب~طاريك تعال شوف بدنيتي (وش مكانك؟) ان جيت كل دقات قلبي تحييك وان (رحت) يكفيني بقايا حنانك أعاهدك ما يوم ممكن (أخليك؟؟) وماعاش من ياخذ بقلبي (مكانك) شافت المسج وحست بشي غريب ما عرفت ايش هو بس اللي عرفته ان كلامه كان حلو وأول مره تسمع مثله وتذكر كلام انين انه كان سرحان بخيالها على الباب ولما قامت تروح الحمام تأخذ شور شافت نفسها بالمرايه وشافت خدودها وش كثر محمرين وصارت تتخيل نفسها مخطوبه لذاك الرجال اللي دخلت المجلس عليه ببجامتها وصاروا خدودها حمر من جديد بس هالمره من الإحراج وقررت تأخذ دوش يروح عنها الحرارة اللي حاسه فيها &&&&&&&&&&&&&&&&&&&& بعد ما استاذنت ابو سالم تتعشى مع أخوها وراحت وأعطته الكاميرا ورجعت جاتها الخدامه وهي تركض انتيا:ماما انين بانزعاج:نعم وش بغيتي انتيا :ماما هزا انود انا شوف ادخل غرفه مال أنتي انين:ايش وهي لحد الحين في الغرفه انتيا:ايه ماما انين صعدت بسرعه وتصادفت مع العنود عند باب جناحها ولاحظت انها خبت شي وراء ظهرها انين بعصبيه:أنتي ايش تسوين في جناحي وايش خبيتي وراء ظهرك العنود :والله ما يخصك وهذا مو جناحك بروحك جناح أبوي بعد انين مسكت يد العنود وسحبتها والعنود تحاول توخر يدها ولما سحبتها شافت صور لها انين وهي تأخذ الصور وتمسك العنود من يدها:صوري ليش مأخذتهم انطقي العنود :ابعدي ايدك أحسن لك انين :مو قبل ما تقولي ليش مأخذه صوري وسمعوا صوت سالم وتركت يد العنود علطول اللي راحت لغرفتها بسرعه وهي دخلت الجناح قبل لا يشوفها سالم لأنها الحين مو وقت مشاكل ابد لأنها راح تخرب عليها كثير من المخططات وبعد ماراح سالم نزلت تحت للمطبخ وشافت انتيا وطلعت من محفظتها فلوس وعطتها إياها انين بابتسامه:فتحي عيونك عدل وايش شي يصير في غيابي أبيه يوصلني بسرعه انتيا:في فلوس ما في مشكل ان فتح ايون كويس مافي خوف ماما انين:زين ...........وراحت تصعد لجناحها والعنود أول ما دخلت غرفتها تنهدت :الحمد لله ان سالم جاء ولا كان رحت فيها وش أرد عليها والله انا مأخذه صورك علشان انشرها افففففففف مالت عليك يا غدير وعلى أفكارك اللي بغت توديني في داهيه لو أبوي ولا سالم شافوني كان ذبحوني وراحت تتصل على غدير تقول لها اللي صار &&&&&&&&&&&&&&&&&& قاعد والشيشة قدامه ومع ربعه بس باله وتفكيره في مكان ثاني سليمان:انا ليش ما فضحتها ليش ما علمت عليها لما شفتها بمكتب أبوي بعدين هي وش موديها المكتب معقوله أبوي موصيها لا هي تكذب انا اعرفها من عيونها لما تكذب يمكن تكذب على الكل بس مو علي الحقيقه تنقال ما توقعت هذي ردة فعلها توقعت تترجاني تخاف مني مو تقول هاللي قالته والله هذي مو سهله وشكلي بتعب معاها كثير المفروض افضحها واعلم عليها بس وش أقول إذا سألني وشلون شفتها أقول إني دخلت المكتب لا كذا بتصير لي مشاكل لا تلعب على نفسك يا سليمان من متى انت تخاف من احد ولا من صراخ أبوك أصلا أبوك طول عمره يصارخ عليك طيب ليش ما علمت عليها اففففففففففف راسي بينفجر حسبي الله عليها صدق انها قلق وظل سارح بأفكاره ويفكر و يفكر انتهى البارت وراح اترك لكم حريه التعليق دمتم بود &&&&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&& .. .. .. |
البارت السابع &&&&&&&&& مرت ثلاث أيام من أخر أحداث صارت مرت ثلاث أيام من أخر مره شافت فيها سليمان في المكتب مرة ثلاث أيام من يوم مسكت فيها العنود وهي تحاول تأخذ صورها وهي لحد الحين مو عارفه ليش مرة ثلاث أيام وحست انها ما سوت شي وكأن عزيمتها صارت تهبط وتقل شوي شوي انين: انا وش فيني ما سويت شي لحد الحين والله اللعبه كذا تصير ممله وآنا ما تعودت على اللعب الممل وجاء وقت بعض التشويق و الأكشن وهالروتين الممل في البيت لازم يتغير لازم تدخله الدراما شوي ههههههههههه وآنا اعرف كيف ادخل الأكشن لها البيت قامت وخذت عبايتها علشان تطلع بعد ما استاذنت من ابو سالم وهي نازله الدرج انين:انتيا ....أنتي يا انتيا انتيا:نعم ماما انين:فتحي عيونك عدل انا طالعه انتيا:ان شاء الله طلعت ركبت مع السواق وراحت للمكان الوحيد اللي تحس انه يغذي إحساسها بالانتقام وينشط أفكارها الخبيثه ويزيد من حقدها وهذا هو الشي الوحيد المحتاجه له &&&&&&&&& في الشركه ابو سالم بعصبيه:كيف صار هالشي كيف سالم:هد بالك يا يبه ابو سالم:وش اهدي ....وجلس على كرسيه وهو يفتح أزرار ثوبه:المناقصه راحت علينا وأنت تقول هد بالك انت تعرف وش كثر كنا بنربح من وراها لو رست علينا سالم:ان شاء الله المناقصات الجايه تكون من نصيبنا ابو سالم:ابغى افهم شي واحد على مين رست المناقصه سالم:والله يا يبه ما عندي أي فكره ابو سالم رجع لعصبيته:ما عندك فكره شلون يعني ابغى اعرف الحين على مين رست احنا حاطين سعر خيالي كيف تروح منا سالم:على أمرك الحين أروح وأشوف على مين رست وطلع من المكتب قبل لا ينفجر فيه ابوه السكرتير :طال عمرك السيد خليل برا ابو سالم وهو يحاول يسترخي:خله يتفضل السكرتير:ان شاء الله فتح الباب ودخل خليل :السلام عليكم ابو سالم:وعليكم السلام..تفضل جلس خليل :أخبار الشغل ابو سالم :الحمد لله خليل وهو يمد الملف :انا جاي بنفسي علشان ابغى منك توقيع سريع على هالأوراق لاننا ما نقدر نكمل الشغل من غير توقيعك عليها راح يوقف الشغل ابو سالم وهو يأخذ الأوراق:كان أرسلت السكرتير أو احد من الموظفين ماله داعي تتعب نفسك وتجي خليل:انا متعود اخلص الشغل المهم بنفسي وما اعتمد على احد بعدين الأوراق لازم تتوقع على السريع وإذا أرسلت احد بتأخذ وقت ماله داعي فقلت أجي وأباشر موضوع هالأوراق بنفسي أفضل ابو سالم:وهذي تخص ايش خليل بابتسامه:تخص الموارد اللي راح نستوردها علشان المشروع ابو سالم:مو مشكله خليل:محتاج الأوراق تراجعهم ابو سالم: لا انا واثق منك وشريك مثلك يا خليل ما يحتاج ابد الواحد يتابع معاه كافي مشاركتنا سوا وبعدين ليش اخاف منك وآنا وأنت على نفس المركبه وإذا خسرت راح تخسر انت وإذا انا كسبت راح تكسب انت خليل :أحب هالسياسه في شغلي ابو سالم:وآنا أعجبني بعد هالشرط اننا نكون سوا في الربح والخساره وهالشرط طمني من ناحيتك خليل:يسعدني اسمع هالشي منك ابو سالم مسك القلم وصار يوقع قدام أنظار خليل اللي تنسج في عيونه الكثير من المعاني والكلمات &&&&&&&&&&&&& سمر وهي جالسه في الصاله على غير العاده رن جوالها بمسج وعرفت مين المرسل فتحت المسج اكتبني في حياتك عاشق مجنون ما مل اشتياقه ما اعرف وشلون يقرا العشق أو يكتب غرامه ارسميني صورة الولهان بألوان الطفوله تجرحه كلمه وتجيبه ابتسامه مغرم فيك لو رفض يبدي غرامه تفضحه كلمه ومقصده اهتمامه ابتسمت على كلماته الجميله ما تنكر في البدايه كانت تتضايق وتحس ان هالشي غلط بعدين خلال الثلاث الأيام اللي فاتوا بدت تحس انها ما تقدر تصحى الصبح ولا يمر صباحها من دون هالمسجات اللي تصبح وتمسي عليها بأرق الكلمات وأجملها حطت الجوال على الطاوله ورجعت لكتابها وهي تحس قلبها بدا يميل ويرفرف اتجاهه &&&&&&&&& في غرفتها (على الجوال) غدير :انا عندي خطه ثانيه العنود:أقول أنطمي أنتي وخططك اللي زي وجهك أخر مره بغيت أنصاد والله لو احد ثاني ماسكني كان رحت فيها غدر:انا وش يخصني إذا كنتي أنتي غبيه وما تنتبهين العنود:والله ما الغبي إلا أنتي غدير وهي تفكر:أقول العنود ابغى أجي بيتكم العنود:ليش ان شاء الله غدير :أنتي خليني أجي وبعدين أعلمك العنود:اوكي تعالي وخليني أشوف أخرتها معاك غدير وهي كلها خبث :لا تخافين بتشوفين من وراي العجب العنود :نشوف شوي ودخلت انتيا بالعصير على غدير وحطته على الكومنديه وطلعت &&&&&&&&&&&&& وقفت السياره قدام بيتهم دخلت وهي عارفه ان أخوها مو موجود صعدت فوق وصارت تناظر أخر غرفه بالممر وزي كل مره تحس بثقل في رجولها وكأنها مو قادره تشيلها كان رجولها صارت من صخر وتحس بضيقه يمكن لأنها لحد الحين ما حققت الوصيه فتحت الباب وكانت الغرفه منوره بنور الشمس مشت لداخل لحد ما جلست على سريرها وهي تتنهد انين:ااااه ياخالتي وش كثر اشتقت لك وش كثر اشتقت لحظنك الدافي أحس من بعدكم يا أهلي الدنيا مالها طعم ولا لون حست بدمعه على خدها حاره من شدة كرهها له وهذا اللي تبغاه يزيد كرهها وحقدها غمضت عيونها وتذكرت خالتها وصارت تتخيلها وهي على هالسرير مريضه يا ما تألمت من قلبها وتعب قلبها يا ما هم تعبوا وتألموا في كل مره يشوفون فيها خالتهم بها الشكل وكانت نهايتها انسداد شريان في قلبها طول وقتهم شافوا خالتهم ضعيفه ما تقدر تسوي أي شي غير انها تنقل وصيتها لهم وخصوصا انين وصار تسترجع الماضي صفى وهي تمسك يد انين:أوصيك بشي واحد يا بنتي انين وهي ماسكه نفسها لا تبكى:قولي يا خاله صفى:أختي اللي هي أمك وأبوك لا تنسينهم ....وتكمل وهي تبكي:راشد خذي حقهم من راشد انين:لا تخافين يا خالتي انا وعدت نفسي وراح أوفي بها الوعد صفى:انتقمي منهم دمريه ودمري كل عيلته مثل ما دمرنا وخلاني اخسر أختي وأخر شخص من عائلتي انين وهي تمسح دموعها:راح أسوي كل اللي تبغينه بس ارتاحي يا خالتي صفى:تمنيت لو انا اللي اخذ بثأرها واشفي غليلي بس التعب هدني لحد الحين وآنا اسمع ونات وانين صوت سلمى في أذاني.....وصارت تبكي:اوعديني يا انين اوعديني تدمرينه وتخلينه يخسر كل ما يملك وتحرقين قلبه مثل ما حرق قلوبنا انين وهي تمسك يد خالتها وعيونها مليانه حقد:أوعدك ..أوعدك انه راح يبكي قهر ودم و أوعدك إني أريح الكل صفى وتعبها يزيد:بردي حرتي وآنا تحت التراب انين:لا تقولين هالكلام أنتي ان شاء الله بتعيشين وبتشهدين على كل شي صفى وهي تبتسم ابتسامه باهته:ما بقى في العمر كثر ما مضى بس انا بشوف حسرته ودمعة خسارته من خلال عيونك أنتي يا بنتي انين:لا تقولين هالكلام ما بقى لنا انا وبشار احد غيرك ..وتكمل وهي تمسح دموعها :وبعدين أنتي قويه بس يبغالك تداومين على العلاج وترتاحين وتكونين بخير بدت تسمع صوت خالتها وهي تتألم انين بصراخ:بشار بشاااااااار ودوها المستشفى ودخلوها على طول الغرفه والدكاتره اجتمعوا عليها وبعد انتظار طويل طلع الدكتور وهي لحد الحين تتذكر شكل وجهه الدكتور:أسف ما قدرنا نسوي شي بشار:وش قصدك الدكتور:شدو حيلكم وبعدها عرفوا ان صار انسداد في شريان القلب تسبب في وفاتها رجعت للحاضر على رنة جوالها انين:هلا بشار:أخبارك يا حلو وين الغيبه انين وهي تمسح دموعها وبصوت مبحوح:هههه الحمد لله بشار باستغراب :انين فيك شي انين :لا ابد انت وينك فيه بشار :في البيت انين :خلاص جايه في كلام كثير لازم نقوله بشار:اوكي بانتظارك &&&&&&&&&&&&&&& طلع من الشركه ومعاه خليل ولما وصل البيت دق على أخته بشار وبابتسامه:إخبارك يا حلو وين الغيبه بشار باستغراب :انين فيك شي وخليل انتبه على الاستغراب المبين على وجه بشار وظل يسمع بشار :في البيت بشار:اوكي بانتظارك صك جواله وهو يفكر خليل:بشار وش فيك صاير شي بشار:ها ...لا ولا شي بس خليل:بس وشو بشار:ما ادري حسيت ان صوتها فيه شي خليل وهو يتذكر انين :هي ما تغيرت بشار:قصدك انين خليل :هي لحد الحين خبيثه بشار:ههههههههههه صوت انين من فوق:لحد الحين خبيثه ولا تغيرت ولا راح أتغير التفتوا اثنينهم متفاجأين بشار:أنتي هنا وآنا ظنيتك في بيتك انين وهي تنزل الدرج:لا هنا ووقفت وهي تطالع خليل وخليل يطالعها خليل:والله زمان انين :تغيرت كثير صرت من رجال الأعمال خليل:بس أنتي ما تغيرتي انين:ولا راح أتغير جلسوا خليل:أخبارك يا حرم ابو سالم الكل:ههههههههه خليل:الصراحه انا ما توقعت إنكم تكونون جادين في سالفة إنكم تنتقمون منه ظنيت انه كلام مراهقين مقهورين بس عرفت إنكم جادين لما عرفت بموضوع زواجك من ابو سالم (طبعا خليل يعرف بسالفة انين وبشار كلها لان بشار يثق فيه عكس انين ) انين:وبما انك تذكر هالموضوع أكيد تذكر انك وعدتني ولا انا غلطانه خليل:أكيد ما نسيت بشار:عن وشو تتكلمون خليل:سالفه قديمه وسرح يتذكر لما سرق أخر سرقه وخاف ان الشرطه تمسكه يتذكر لما جاء لهالفله علشان يطلب من بشار يخبيه وفعلا خبأه بس خالتهم رفضت لما عرفت بوجوده وطردته ويتذكر لما بشار راح يكلم خالته علشان يقنعها تخليه يظل وهو قرر انه يطلع من نفسه علشان ما يسبب لبشار أي مشاكل وسمع صوتها يناديه انين:خليل خليل:نعم انين:رايح خليل:ما ابغى اسبب لكم مشكله وخالتكم معاها حق راح تصير لكم مشاكل من وراي انين :وين بتروح خليل:ما ادري بس بدبر عمري انين:انا مستعده ألقى لك مكان تتخبى فيه بس بشرط خليل وهو مستغرب انها مهتمه:وشو شرطه انين :انك لما تكبر وتصير تاجر واحتاجك تلبي حاجتي مهما كانت خليل:وأنتي ليش واثقه إني بصير تاجر انين:اللي مثلك يكبرون وبسرعه بعد...ها توعدني إني لو احتجتك في المستقبل راح تلبي حاجتي خليل وهو يفكر في المستقبل يحلها الحلال :اوكي بس وين بتخبيني فيه انين مدت له ورقه فيها عنوان وهو اخذ الورقه انين :بشار راح يوصلك على هالعنوان وهم راح يستقبلونك وهم ناس اعرفهم خليل:طيب ...أنتي ليش مهتمه وتبغين تساعديني.. وجاء بشار ومعاه المفتاح السياره علشان يوصله وما جاوبت انين على سؤاله ولما جاء بيروح انين:خليل لا تنسى وعدك خليل:ما راح أنساه وبعدها وصلوه على العنوان اللي كان لوحده اسمها حلا وهي بنت صايعه وبدفعت فلوس استقبلته لحد ما ضبط أموره وسافر بالفلوس لأميركا وعرف كيف يشغلها وكبر شوي شوي وصار من اكبر رجال الأعمال وأخبار انين وبشار كان توصله لان بشار ظل متواصل معاه رجع للواقع على صوت جوال بشار يرن واستأذن علشان يكلم انين وهي تطالع خليل:جاء وقت توفي بوعدك خليل:من سنين وآنا خاطري اعرف وشو بتطلبين مني انين وهي تبتسم :هي شغله صغيره خليل واللي ما أعجبته ابتسامتها لأنه حس وراها شي:اللي هي انين:اسمع.......... &&&&&&&&&&&&&&& في الشركه ابو سالم:ها عرفت على من رست سالم:ايه يبه على شركه (............) ابو سالم:أول مره اسمع باسم هالشركه بالسوق سالم:والله يبه حتى انا استغربت لما عرفت باسم الشركه ابو سالم:ومنهو صاحبها سالم:هذا الغريب يا يبه ما نعرف صاحبها وظنتي هذي شركه جديده في السوق ابو سالم وهو يفكر:ابغاك تعرف لي من يملكها سمعتني يا سالم سالم:ان شاء الله بحاول اعرف مالكها سالم بتردد:يبه ابو سالم:خير سالم:يبه بغيت منك تخطب لي ابو سالم باستغراب:اخطب لك سالم:ايه يبه ليش مستغرب ابو سالم:مو وقته سالم:بس يبه وسكت ابو سالم وهو ينزل نظارته:في احد معين في بالك سالم بفرحه:ايه يبه بنت خالتي غزلان ابو سالم:هممهم والله زين ما اخترت سالم:يعني يبه موافق ابو سالم:ايه بس ابغاك تصبر علي أسبوع لحد ما ارتب بعض الأمور بعدها بنروح نخطبها لك سالم وهو يحب رأس ابوه:تسلم يالغالي ابو سالم بضحك:لها الدرجه ههههههه سالم:يله عن أذنك ابو سالم وهو يضحك:أذنك معاك وطلع من عند ابوه وهو يحس خلاص انه بيجتمع مع حلم العمر قريب &&&&&&&&&&&&& خليل بتفاجأ:أنتي عارفه وش تطلبين انين بهدوء:أكيد عارفه خليل:اللي تطلبينه مستحيل سامعه يا انين انين بإصرار:بس انت وعدتني خليل:في ذاك الوقت يوم وعدتك توقعت انك راح تطلبين شي بسيط مو مصيبه مثل هذي انين بابتسامة سخريه:راح تسوي اللي طلبته أو لا خليل:أنتي ما تعتقدين ان انتقامك راح يتحقق وقت ما يفلس اعتقد ان هالشي كافي انين وقفت بعصبيه:لا مو كافي راح اخسره كل شي راح أعذبه وأدمره خليل وهو يوقف:طيب هو اخطأ وش ذنب عياله لا تأخذينهم بذنب أبوهم انين:ذنبهم انه أبوهم.......وعطته ظهرها:ها خليل وش قلت بتجيب لي اللي قلت لك عليه ولا لا خليل وهو يفكر وباستسلام:خلاص راح أجيب لك اللي قلتي لي عليه واخلص من الوعد اللي قطعته عليك بس تذكري ان كل اللي تسوينه ذنبه برقبتك انين وهي تبتسم:انت سو اللي طلبته وما عليك من الباقي وتراني ابغاه اليوم خليل:اليوم لا لا ما ينفع انين:لازم اليوم خليل تنهد :أحاول أجيبه اليوم رجعت تبتسم ابتسامه خلت خليل عارف انها ناويه على مصايب مالها حدود وهو عارف ان في الأخير ما في احد راح ينضر كثرها جاء بشار:ها وش صاير ليش أصواتكم واصله خليل وهو يطالع انين:ولا شي انا رايح بشار :وين تونا بدري انين:خله يروح وراه أشغال لازم يخلصها اليوم خليل:مع السلامه وطلع بشار:انين وش صاير انين:ما صار شي اقعد ابغاك في سالفه بشار وهو يقعد:عسى ماشر انين:وش سويت مع سمر قدرت تكلمها بشار:لحد الحين ما صار لي 3 أيام من بديت معاها انين :ماله داعي ننتظر أكثر اليوم لازم تبدأ تكلمها بشار وهو عارف أخته زين ما قالت هالكلام إلا وراه معنى:قولي فكرتك أعرفك أكيد مو خاليه انين ابتسمت:اسمع......... &&&&&&&&&&& في مكان بعيد(في البر) من أخر مره شاف مرة ابوه ما رجع للبيت قال لأهله انه طالع البر مع ربعه زي العاده حمود:وش بلاك سليمان:ها ..لا ولا شي حمود:وشلون ما في شي وأنت كله سرحان ومنت سليمان اللي نعرفه سليمان:هذا انا ما تغيرت بس في موضوع شاغل بالي حمود:عسى ماشر وآنا اخوك سليمان:ماشر يا خوي ماشر حمود وهو يبتسم:ما دام ما فيك شي يله قوم قدامي العشاء اليوم عليك سليمان:يله مناك انا خلوها علي بكره حمود وهو يقومه:يله بلا أعذار قوم يله سليمان :ههههه زين بتصدق عليكم واطبخ واكسب فيكم اجر حمود:ايه تكفى يا شيف اسامه سليمان:ههههههههههه &&&&&&&&&&&& لبست ونزلت وشافت سمر بالصاله وراحت تفتح الباب العنود:هلا والله غدير:آهلين العنود:تعالي نصعد على طول غرفتي علشان تقولين لي اللي عندك غدير :يله مروا بالصاله غدير:السلام عليكم سمر بابتسامه:وعليكم السلام ..هلا العنود:غدير صديقتي سمر :آهلين العنود:وهذي أختي سمر غدير :هلا والله تشرفنا العنود:سموره احنا بنصعد فوق قولي لانتيا تسوي لنا عصير سمر:ان شاء الله من عيوني العنود:تسلم عيونك ....وصعدوا فوق وسمر راحت تقول لانتيا تسوي عصير للعنود وغدير وهم يدخلون الغرفه ويجلسون العنود:ها قولي لي بسرعه وش الكلام اللي قلتي بتقولينه لي غدير:ول عليك اصبري اخذ نفسي واشرب العصير العنود:والله انك فاضيه قولي والعصير ماهوب طاير غدير :أول قولي لي مرة أبوك النسره هذي وينها ابغى أشوفها العنود عفست وجهها :ليش ان شاء الله غدير:فضول العنود:الحمد لله والشكر والله ما عندك سالفه وسمعوا طقت الباب العنود :ادخل دخلت انتيا وحطت العصير وطلعت وهي طالعه تركت جزء من الباب مفتوح على خفيف وبدت شغلها بأنها تسمع علشان تنقل كل شي مثل ما طلبت منها معزبتها الجديده &&&&&&&&&&&&&&&&& طلعت من أخوها بعد ما فهمت كل شي بالتفصيل الممل وانه لازم يضبط الدور عدل وهي من ناحية التمثيل عارفه انه راح يبدع لأنه تربيتها وعارفته عدل رفعت جوالها واتصلت على رقم من زمان ما اتصلت فيه وجاها صوت كله دلع حلا:هلو انين:وأنتي لحد لحين على ما أنتي عليه حلا:مين معاي انين:تو.. تو ما توقعتك تنسيني يا حلا حلا واللي عرفت هالصوت :ههههه هلا والله بأنون انين:هلا فيك حلا :غريبه طرينا على البال بعد كل هالمده انين :ابغى اشوفك الحين حلا :الحين ما ينفع انين واللي سامعه عندها صوت الإزعاج والموسيقى وان في احد عندها:انا بارتي بالليل سمعت بس بالنهار هذي جديده علي حلا:ههههههه مع حلا كل شي يصير انين :وهذا الموضوع اللي ابغاك فيه وصدقيني فيه ربح لك وربح كبير بعد حلا:مادام السالفه فيها فلوس خلاص نص ساعه وأكون عندك بس وين انين: بمجمع (.......) في مطعم(.......) حلا:عرفته نص ساعه وأكون عندك انين :اوكي وقالت للسواق يوديها المجمع &&&&&&&&&&&& دخل البيت وهو مبسوط وشاف أخته بالصاله سالم وهو شاق الحلق:السلام عليكم سمر وهي ترد له الابتسامه:هلا وعليكم السلام دوم ان شاء الله سالم:وش هي سمر :هالفرحه سالم وهو يجلس جنب أخته:والله إني احبك سمر تحس ان أخوها انهبل:ههههههه وآنا بعد بس وش سالفتك سالم:كلمت أبوي انه يخطب لي سمر بفرح:صدق وبعدين سالم:وافق وقال لي أعطيه بس فرصه أسبوع وبعدها راح يخطب لي سمر:ما يحتاج أكيد حب الطفوله غزوله سالم:ول لها الدرجه الكل عارف سمر:ههههههه لا لا تخاف مافي احد يدري وعارف إلا انا سالم:اشوي ولا لو سليمان والعنود يدرون وش يفكني من لسانهم سمر:ههههههههه لا تخاف انا بفضحك عندهم سالم:ما تسوينها اعرف اخوك ما يهون عليك سمر:كم تدفع سالم وهو يمسك أخته ويخرب لها شعرها:انا اوريك تهدديني سمر وهو تضحك:خلاص ...خلاص والله امزح سالم :ايه تأدبي...... وقام بيصعد فوق ونادته سمر:سالم سالم:هلا سمر:الله يتم عليك ويديم الفرحه بقلبك سالم:تسلمين يالغاليه وصعد فوق وهو يدندن ويغني وصارت تبتسم وتضحك على أخوها وتدعي ان الله يوفقه &&&&&&&&&&&& وصلت الجمع وراحت تشتري لأبو سالم هديه انين وهي تحط الهديه بالكيس:ههههه والله خساره في هالشيبه بس لزوم إني أبين إني ميته عليه ولا كل أموري راح تفشل سمعت صوت جوالها وردت انين:نعم حلا:وينك انين:وصلتي المكان حلا:يس انين:جايه دقايق وأكون عندك حلا:اوكي ركبت السلم المتحرك وصعدت جهة المطاعم ودخلت ودورت بعيونها ولقتها انين:السلام عليكم حلا:هلا وعليكم السلام وسلموا على بعض انين وهي تجلس:ها وش تشربين حلا:نسكافيه انين :اوكي....... وطلبوا حلا: ها وش الموضوع انين ابتسمت :هذي انت ولا يمكن تتغيرين تموتين بالفلوس حلا :هو في شي غيرها يرزنا انين :انا راح أغرقك فلوس بس لو سويتي اللي راح أقوله لك حلا :قولي وآنا تحت رهن إشارتك انين :وهذا المطلوب حلا :انا أسمعك انين :ابغاك تجيبين بنت لوحده من شققك حلا :ما فهمت انين :راح أفهمك في بنت قاهرتني ومضايقتني وآنا ابغى ازيحها من دربي حلا :طيب انين :بعطيك اسمها وكل المعلومات اللي تلزم وابغى منك في ظرف فتره قصيره تجيبينها في وحده من شققك حلا :وبعدين انين بضحكه :ولا قبلين اتصال بسيط و يمسكونها حلا :وهي تكمل وتقضي أحلى ليله وراح تتعرف على مثيلاتها بالسجن انين وهي تضحك بخبث :ههههههههههه عليك نور حلا وتحولت لجهة الطمع والجشع: بس هذا كله راح يكلف الشقه والزباين اللي راح اخسرهم انين :لا تخافين راح أعوضك وأنتي تعرفيني عدل كريمه حلا :وآنا استأهل انين وحلا :ههههههههههه وصارت انين تعطي حلا كل المعلومات اللازمة علشان تبدأ شغلها &&&&&&&&&&&&&& العود:والله منتي هينه يا غدور غدير:ها عجبتك الخطه العنود:موت والله وبتنطرد زي الكلبه هههههههههه غدير:علشان تعرفين إني غدور مو حيا الله العنود:وآنا اشهد انتيا اللي سمعت الكلام ركضت على التلفون واتصلت عليها انين وبعد ما خلصت من حلا وهي طالعه من المجمع : الو انتيا:ماما الحق تعال سرعه انين:وش صاير انتيا:هزا انود معاها نفر اسمه غدير وهم ابغى اطرد أنتي انين:ايش وبعدين انتيا/:انا اسمع هزا نفر غديرقول في حط جوال كله رسائل ومكالمات ما في كويس في غرفت أنتي علشان بابا كبير شوف بعدين اطرد أنتي انين :طيب انتيا خليك عند غرفتي وتأكدي ان ما في احد يدخلها لحد ما أوصل انتيا:حادر ماما انين:جاء وقت أشوف وش سالفة غدير هذي بعد انا قلت العنود غبيه ما تقدر تسوي شي لحالها وركبت السياره وعلى طول الفله وصلت ودخلت وراحت على طول لغرفتها بعد ما سلمت على سمر انين:ها انتيا في احد جاء ناحية غرفتي انتيا :لا ماما انين:زين وينها هذي اللي اسمها غدير انتيا في غرفه انود انين:طيب العندمعاها انتيا :لا ماما هزا انود انزل تحت انين:حلو وراحت ناحية غرفة العنود ودخلت وشافت بنت تقريبا كب العود انين بابتسامه:أكيد اتي غدير غدير باستغراب:ايه من أنتي انين:انا زوجة ابو العنود غدير:اهلا انين وهي تقرب منها وتغير نبرة صوتها لصوت مخيف مهدد:شوف انا بجيبها من الأخر انا اعرف كل سوالفك أنتي والعنود وانكم تخططون إنكم تبلوني بمصيبه بس انا بقولها لك نصيحه ابعدي عن العنود وعن امورها ومشاكلها لاني صدقين لو شميت بس خبر انك قربه معاها ولا تساعدينها تدري هذا ايش معناته غدير بقوة مصطنعه:وش معناته انين بابتسامه مخيفه:معناته ني راح اعتبرك عدوتي وصدقين ما تبغين تكونين ضدي لاني بكل بساطه ادمر اعدائي بكل سهوله وبدون رحمه غدير :انا ما اخاف منك والعنود صديقتي إني وهي تجلس وتحط رجل عل رجل:وقت ما تطيحين بمصيبه صدقيني أول من يعطيك ظهره لعنود أنتي تدرين ني اقر ادمرك بهذا.....وهي ترفع جوالها غدير:هههه لا والله خوفتيني انين :ازم تخافيني لان اتصال بسيط من احد اللي يشتغلون عندي وطلب صغيرور انهم يتصلون على اخوك أو ابوك ويكذبون كذبه صغيروره راح تروحين مللللللللح غدير خافت:ما تقدرين تسوينها انين:ما اعتقد انك تبغين تجربين معاي أو تتحديني لان الثمن راح يكون حياتك اللي راح يأخذها منك اهلك غدير:سكتت وماردت انين:إذا ما تبغين أي مشاكل تاخذين قشك وتطلعين الحين من البيت ولا عاد اشوف وجهك مره ثانيه هنا والعنود ما ابغى اعرف انك كلمتيها أو حتى سلمتي عليها مجرد سلام العنودجات وشافت انين:إني وش تسوين هنا ومن سمحلك تدخلين غرفتي انين:هذا جزاتي جايه اسلم على ضيفتك العنود:اطلعي برا رفتي وما لك شغل بصديقلاتي انين :اوكي حبيبتي وقامت وطلعت وهي تطالع غدير بنظرات تخوفها العنود:مالت عليها والتفتت شافت غدير تأخذ عبايتها وتلبسها العنود:وين باقيما خلصنا كلام غدير وهي تلبس عبايتها بسرعه:خلاص خلاص انسي كل اللي قلته العنود:ايش أنتي وش قاعده تقولين غدير:اللي سمعتيه انا من اليو ورايح مالي دخل في مشاكلك العنود:هالحيه وش قالت لك غدير:ما قالت شي بس الله يعينك عليها يالعنود هذا كل اللي اقدر اقوله .....وخذت شنطتها وطلعت بسرعه العنود متفاجاه من تغير غدير السريع وعرفت ان انين هي السبب وقررت تنفذ اللي قالته غدير معاها أو بدونها نزلت انين وهي تضحك بعد ما شافت غدير تطلع وشافت سمر بالصاله انين :الحلو اليوم في الصاله سمر:قلت أغير شوي من الحبسه انين:زين تسوين وشافت جوال سمر :انين سمر ممكن تجيبن لي ماء احس بشوية دوخه سمر:تعبانه انين:لا هذي أكيد الشمس سمر طيب وراحت المطبخ انين بسرعه اخذت الجوال وقفلته وابتسمت ورفعت جوالها وارسلت مسج جات سمر بالماء انين شكرا حجبيبتي سمر بابتسامه العفو أي صح ما قلت لك انين وشو سمر سالم راح يخطب ان شاء الله بعد اسبوع انين يخطب وبيخطب من سمر غزلان بنت خالتي انين وهي تفكر اها .الله يوفق ....وصارت تفكر وتفكر &&&&&&&&&&&&&& عند الأحباء والعشاق سالم:أخيرا يا روحي أخيرا غزلان : اللي يسمعك يقول قيس وليلي ومستحيل نجتمع سالم:اااااااااه غزلان:سلامتك من الـاااااااااه سالم:أنتي سببها غزلان:انا وش سويت سال:من كثر حبي لك غزلان بحياء:سالم ترى بصك السماعه في وجهك سالم:هههه واهون عليك غزلان:أكيد لا بس إذا ظليت كذا راح أصكها سالم:خلاص حبي خلاص غزلان :قولي وش أحوال الشغل سالم:تمام وانتو وش أحوال البيت عندكم غزلان:الحمد لله كل شي تمام بس نويصر مطلع عيوني سالم:افا قولي لي وش مسوي وآنا اوريك فيه غزلان:طالع ضاربني داخل ضاربني وإذا قلت له ليه قال إني فاضي وقاعد أتسلى بضربك والله سخيف سالم:انا اوريك فيه ان ما رجعته البيت اليوم مكفخ ما أكون سالم أرجعه البيت ووجه كله عمليات تجميل غزلان:ههههههه سالم :فديت الضحكه وظلوا يسولفون &&&&&&&&&&&&& رجع ابو سالم اللي مزاجه متعكر من المناقصه اللي خسرها ابو سالم:والله مقهور عليها انين:الله بيعوضك ان شاء الله بعدين التجاره ربح و خساره ابو سالم:بس كيف خسرتها كيف والسعر اللي حاطه ما أظن في احد حطه انين:والله معاك حق غريبه إلا إذا..... ابو سالم وهو مقطب جبينه:إلا إذا وش انين :لا لا ولاشي ابو سالم :إلا قولي وش عندك انين:إلا إذا احد شاف السعر وحط أحسن منه ابو سالم:لا الملف مع سالم كيف يشوفونه انين:السؤال هذا تسأله سالم ........وراحت وهي تبتسم ابو سالم:معقوله في حد شاف الملف حق المناقصه معقوله لا سالم مو أول مره أمنه على مناقصه ولا على أوراق بس كيف هذي أول مره من زمان اخسر مناقصه لا لا انا لازم اتاكد من هالسالفه بنفسي &&&&&&&&&& انين وهي نازله الدرج وبصوت عالي تكلم نفسها:غريبه وش عنده جاي سمر:وش فيك تكلمين نفسك انين:ها لا بس بشار جاي يزورني وآنا مستغربه توني قبل 5 ساعات كنت عنده سمر ارتبكت وانين لاحظت وابتسمت :على العموم بروح أشوفه سمر أشرت برأسها وراحت لجوالها اللي على الطاوله ولاحظته مقفل شافت انين تطلع من المجلس وتروح تكلم انتيا ورن تلفون البيت سمر:الو بشار:أنتي بخير سمر تفاجات وسكتت بشار بصوت قلق:سمر الله يخليك ردي أنتي بخير فيك شي سمر:لا بشار زفر براحه:الحمد لله ليش مسكره جوالك خوفتيني عليك سمر اللي انحرجت:ما ادري انه مسكر يمكن خلص شحن وآنا ما ادري بشار:خفت عليك لا يكون فيك شي وجيت البيت اتطمن سمر:انت جاي علشاني بشار:أكيد علشانك لو مو علشانك علشان مين سمر سكتت وما ردت عليه بشار:شوفي يا سمر ما عاد ينفع إني راسل لك مسجات بدون ما أكلمك ..اليوم من خوفي عليك جيت لك البيت بكره ما ادري وش بيصير لي سمر:انت كيف عرفت ان جوالي مقفل بشار:قلبي زادت دقاته وقالي سمر سكتت وتمنت لو انها ما سألت بشار:وش قلتي سمر:انا مو راعية.... قاطعها بشار:أكيد لا شوفي يا سمر انا عانيت من الوحده طول حياتي وما ابغى أظل وحيد وكل اللي ابغاه إني اسمع بس صوتك قبل ما تنامين وبعد ما تصحين واتطمن ان قلبي بخير سمر سكتت بشار:ما راح يضرك شي لا قلتي صباح الخير ومساء الخير وآنا ما أطالبك بغير هالكلمتين بس وبعدها صكي الخط سمر وهي تشوف انين ترجع المجلس:يله باي أختك جات لك بشار:لا ماراح اصكر لحد ما توعديني انك تكلميني اليوم وتطمنيني عليك قبل ما تنامين سمر وهي تسمع صوت انين عند بشار:زين زين أوعدك يله عاد بشار بضحك:خلاص مع السلامه صكت السماعه وهي تحط يدها على قلبها وتأخذ جوالها وتصعد غرفتها أما هو صك وهو يبتسم ويأشر لأخته بان كل شي اوكي انين:ممتاز وتلتفت وتنادي بصوت عالي:انتيا.....انتيا انتيا :نعم ماما انين :نظفي الصاله وانتبهي عدل انتيا اللي فهمت انها تراقب:حادر التفتت لآخوها :ابغى منك شغله بشار:أمري انين :سالم قرر يخطب بشار بمزح:تبغيني أصير خطابه واخطب له انين بابتسامه:لا وأنت الصادق ابغاك تخطف البنت اللي بيخطبها بشار تفاجأ ووقف:ن..نعم وش قلتي أنتي مجنونه انين بهدوء:لا صاحيه بشار:ما اعتقد ان الكلام اللي تقولينه كلام صاحين انين:انا عارفه ايش أقول بشار وهو طالعها:انين انين :شوف انا بطبق هالشي بك أو بدونك وش قلت أسويه بدونك ومع ناس ما اعرفهم وما ادري وش ممكن يسوون في البنت من وراي ولا وأنت تساعدني وبناس تثق فيهم وعارف انهم ماراح يضرون البنت بشار:انين أنتي صرتي تتعدين الحدود انين :يعني بتتخلى عني يا اخوي بشار جلس:لا بس بالمعقول قامت وجلست جنبه وبحزن:ظنيتك تبغى تريحني من العذاب اللي أتعذبه ومن حمل الوصيه اللي على كتافي بشار:ابغى أريحك صدقيني يا أختي بس... انين وعيونها تمتلي دموع:انا قاعده أتعذب يا بشار لحد الحين اصحى مفزوعه بالليل ولحد الحين صوت وناتها وأنينها في إذني بشار وهو يحضنها:خلاص خلاص اششششششش انين:كل ما شفت الألم في عيونهم أحس إني ارتاح وبعدين احنا ماراح نسوي شي في البنت بس بحرق قلوبهم وارتاح ها.. يا اخوي بتساعدني إني ارتاح بشار تنهد وهو يحضنها:راح أسوي أي شي يريحك يالغاليه أي شي انين بابتسامه صفراء:الله يخليك لي يا اخوي ياللي بقيت لي من الدنيا وزادت ابتسامتها شر وكره وحقد وانتصار لحد هنا أوقف واترك لكم حرية التعليق &&&&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&& قلب أمي وروحها .. .. .. |
البارت الثامن &&&&&&&&&& مر يومين راحت لجهة الكومنديه فتحتها وطلعت شنطتها وطلعت منه كيس ابيض وصارت تطالعه وأفكارها تروح وتجي انين:والله وبدت اللعبه وراح تكون انت أول المشاركين فيها يا سليمان وشوي شوي راح تطلع من اللعبه قيم أوفر ههههههههه بس حلاة الطبخه على نار هاديه علشان تنجح وما تحترق وحطت يدها على راسها:ااااه يا ربي وش فيه راسي وجسمي أحسه تعبان أكيد هذا إرهاق قامت وطلعت وهي معاها الكيس الصغير ونزلت وبصوت عالي:انتيا ...انتيا انتيا جات تركض لها :نعم ماما انين وهي تمسك انتيا وتسحبها معاها للمطبخ وبهمس:مين في البيت انتيا:ماما هزا انود وسمر في قرفه و سالم في اطلع انين:زين اسمعيني عدل وهي تعطيها الكيس:اخذي هذا انتيا:ايش هزا ماما انين وبنظرة تحذير:أنتي ما تسالين ابد فاهمه أنتي بس تسمعين وتنفذين انتيا بخوف:جين ماما انين:اسمعي هذا أنتي تحطينه لبابا سليمان يعني بابا سليمان اطلب قهوه أو عصير أو كابتشينو تحطين له شويه من هذا انتيا وهي تطالع الكيس:جين ماما انين وهي تبي تطمعها بالفلوس:شوفي انتيا إذا أنتي سويتي اللي أقوله لك بالضبط وبسريه أنتي تعرفيني كريمه وأنتي تستأهلين أما إذا فضحتيني ما اعتقد انك تبغين تعرفين ايش راح يصير لك لأنك ما تحبين تشوفين غضبي صح ولا لا انتيا بخوف من انين:صح ماما أنتي ما في خوف انا في افهم ما في خربط انين:زين والحين سوي لي عصير وجيبيه جناحي انتيا:حازر ماما طلعت وصادفت سمر على الدرج وبابتسامه:مساء الخير سمر :مساء النور انين:وينك ما عاد تنشافين سمر:انا موجوده انين وهي تمسك راسها وتتمسك بسلم الدرج: ااااه سمر وهي تقطع المسافه بينهم وبخوف:انين وش فيك انين وهي تطالعها :ما فيني شي سمر :شلون ما فيك شي وأنتي مبين عليك انك تعبانه ....حست ان رجولها ما تشيلها وسمر أسندتها ومشتها لحد ما جلستها على الكنب سالم وهو توه داخل :السلام عليكم....وعقد حواجبه:خير وش صاير سمر:ما ادري وش فيها شكلها تعبانه انين بصوت واهن من التعب:ما فيني شي سالم :سمر جيبي عبايتها خلينا نوديها المستشفى سمر وهي تقوم:ان شاء الله انين بصوت ضعيف وهي تحس بالتعب يزيد:ما ابغى أروح سالم وهو يمسك يدها علشان تقوم لان سمر جابت عبايتها:قومي خلينا نوديك نتطمن ولبست عبايتها وسندتها سمر وودوها المستشفى &&&&&&&&&&&&&&& قاعدين في الكوفي ومتلهين في قهوتهم ويسودهم الصمت خليل وهو يقطع الصمت:انت موافقها على كل شي بشار وهو ينزل قهوته:وش قصدك خليل:قصدي انين واللي تفكر فيه بشار:أكيد انا معها بكل اللي تقوله خليل:أنتي عارف زين ان أفكار أختك مجنونه إلا أفكار ما يفكر فيها إبليس حتى بشار:وأنت وش دراك عن أفكارها خليل سكت بشار:خليل انت تدري عن شي انا ما ادري به خليل:لا بشار تنهد:يعني وش تبيني أسوي أوقف في وجهها خليل:وليه ما تأخذها لدكتور نفساني بشار وصوته بينت فيه العصبيه:خليل وش قاعد تقول ليه في احد قالك ان أختي مجنونه خليل:أكيد لا بس ما تلاحظ ان أفكارها تخوف مو تسبب أضرار إلا كوارث أفكارها مو أفكار احد سليم ابد بشار:انت تقول كذا وأنت ما تدري وش طلبت مني هجل إذا دريت بتقول لي دخلها مستشفى المجانين خليل وهو مركز مع بشار:وش طلبت بشار وهو واثق من خليل:طلبت مني اخطف خطيبة سالم خليل وهو يوقف:لا هذي أكيد فقدت قواها العقليه بشار وهو يتلفت:خليل اجلس لا تفضحنا شوف الناس كيف تطالعنا خليل وهو يجلس:وأنت بتنفذ اللي طلبته منك بشار:هي قالت لي لو ما ساعدتها بتنفذ اللي في بالها بدوني وآنا قلت أكون بالصوره أحسن لا تسوي شي مو وراء ظهري خليل:بس البنت... وسكت مو عارف وش يقول بشار:لا تخاف علشان كذا انا قلت اللي بنفذ خطتها علشان اتاكد ان البنت ما يصير فيها شي خليل :بس هذا مو حل...وكمل وهو يتأفف : تدري عاد انا من اليوم ورايح ما لي دخل لا فيك ولا في أختك المجنونه بشار:خليل كله ولا أختي ورن جواله ورد الو – هلا سالم – ايه – وقف وبنبرة خوف :وش فيها - طيب طيب انتو باي مستشفى – عرفته نص ساعه وآنا جاي خليل:وش صاير بشار وهو يأخذ بوكه ومفتاح السياره :انين في المستشفى يقول تعبت عليهم خليل :ما تشوف شر طمنا عليها بشار:ابشر مع السلامه...وطلع بسرعه &&&&&&&&&&& في جو البر الهادئ سليمان :انا برجع اليوم حمود:ليه والله مستانسين مع بعض في احد يترك هالبر وهالجو والسمراء وطرب العود ويروح للبيت سليمان:يا شيخ شوي وأكمل أسبوع في البر خلاص برجع اليوم حمود:على راحتك سليمان:يله قوم سو لي شاهي حمود وهو يتطنز :ان شاء يا قمر سليمان وهو يأخذ حصاه ويحذفه:انقلع عن وجهي حمود وهو ينحاش:ههههههههههه &&&&&&&&&&&& في غرفتها وتحس بقهر العنود:ياربي هذي ليه ما ترد علي صار لي ساعه وآنا اتصل لا وبعد متغيره علي في المدرسه ما تكلمني وتصد عني وش مغيرها علي يا ترى وش مغيرك علي يا غدير ما ادري ليه حاسه ان هالزفته انينوه هي السبب من ذاك اليوم اللي دخلت فيه غرفتي وشفت غدير مع انين وبعدها طلعت بسرعه وغدير متغيره حتى ما تكلمني ولا ترد على إذا كلمتها اووووووووف طلعت ونزلت الدرج واستغربت الهدوء العنود:انتيا أنتي يا زفته ياللي اسمك انتيا أنتي:نعم ماما العنود:وين الكل ما أشوف احد في البيت انتيا:هزا ماما انين تابان وهزا بابا سالم وماما سمر ودي مستشفى العنود:متى صار هذا كله .. طيب روح أنتي وهي تنزل الصاله جلست ورفعت يديها للسماء:يارب تموت ولا يجيها شي يذبحها ونفتك منها هالعقرب وخذت الريموت وصار تقلب في القنوات بطفش &&&&&&&&&&&&& صارت تفتح عيونها بتعب وهي تشم ريحه اللي تكرها أكثر من أي شي ثاني ريحة المعقمات ولما فتحت عيونها صارت تناظر حولها وشافت سمر تقرب لها وبصوت فرح:صحيتي انين:وش صار سمر :أكيد ما تتذكرين وأنتي في السياره أغمى عليك وإحنا خفنا عليك كثير انين:ابغى اطلع سالم وهو يدخل: ها صحت ....والتفت وانتبه لها ونزل عيونه ويكلمها بكل احترام:الحمد لله على السلامه انين:الله يسلمك ...وشوي ويدخل ابو سالم :حمد لله على السلامه وش فيها سالم:ما فيها إلا العافيه يبه بس صار انخفاض بسيط في ضغط الدم ابو سالم:الحمد لله ...والتفت لها :ها أحسن الحين انين وهي تطالع عيونه :ايه ابو سالم وهو يمسح على راسها:خوفتينا عليك انين بابتسامه سخريه:صدق عاد ...ولفت وجهها سمر وسالم وأبو سالم طالعو بعض باستغراب وما علقوا وظنوا انها تعبانه وما لها خلق احد رن جوال ابو سالم :هذا بشار انا رايح له وطلع له سمر دق دق دق يا ربي وش فيه قلبي قام يدق بقوه كذا لما سمعت اسمه استغفر الله وصارت تتذكر رسايله وابتسمت ابتسامه خفيفه ما خفت على انين اللي ابتسمت ابتسامه سخريه سمعوا طق على الباب وطلع سالم ورجع : الدكتور يبغى يدخل سمر وهي تعطي انين الغطى تلبسه سالم:تفضل الدكتور:السلام عليكم الكل :وعليكم السلام الدكتور وهو يأخذ ملف المرضي المحطوط على الطاوله قدام السرير ويشوف الاسم ولما جاء بيسالها سكت وصار يطالع الملف ويرجع يطالع انين انين أول ما شافته :هو والله هو لا مو هو معقوله بعد كل هالسنين معقوله لا يمكن مجرد شبه لا أكثر ولا اقل بس معقوله الشبه يوصل لذي الدرجه هذا الوجه لو أنسى الدنيا كلها ما أنساه وسرحت في الشخص الواقف قدامها الدكتور بلهجة استغراب ما خفت على انين اللي تعودت تكون شديدة الملاحظه: انين وتدارك نفسه:احم ان شاء الله ما فيك إلا العافيه سالم:طيب متى تطلع يا دكتور الدكتور:بكره ان شاء الله وطلع بسرعه ابو سالم لمح الدكتور ناداه:دكتور الدكتور وهو يلتفت وطلعت عيونه ابو سالم:ممكن اعرف زوجتي وش فيها وش وضعها الدكتور باستغراب:من زوجتك ابو سالم ووراه سالم:انين سالم الغانمي الدكتور:زوجتك أمم..احم ايه لا ما عليها شر ان شاء الله بكره بتطلع ما في شي خطير ابو سالم :مشكور الدكتور:العفو ومشى ابو سالم والدكتور على طول راح الاستقبال يتأكد من شغله مهمه جدا ابو سالم وهو يدخل عليهم الغرفه:بشار بيدخل سمر حطت الغطا على وجهها ودخل بشار وعلى طول توجه لأخته ومسك يدها وهو يطالعها بخوف انين وهي ماسكه يده وبحب حقيقي واضح:لا تخاف ما فيني شي بشار:خلينا نسوي لك تحاليل وأشاعه علشان نتطمن أكثر انين:ماله داعي انا بخير بس ابغى اطلع بأسرع وقت بشار:ارتاحي وبكره ان شاء الله تطلعين انين بملل:طيب ولمح احد جالس على الكرسي وعلى طول عرف من هي وطالعها بطرف عينه وابتسم بخفه سمر تحس ان الجو حار و الأكسجين خلص وصارت تمسح يديها المعرقه في عبايتها ابو سالم:يله يا عيال خلينا نخليهم بروحهم شوي بشار:ما تقصر يا ابو سالم طلعوا وقبل ما تطلع رفعت عينها على السريع ولمحته يطالعها ويبتسم ردت له ابتسامه خجوله هو صحيح ما شافها بس حس فيها انين بعد ما طلعوا وهي تبتسم:طلعت منت هين والله بشار:ههههههه حتى وأنتي تعبانه فيك شر &&&&&&&&&&&&&&&& خليل وهو شارد الفكر وقاعد يدخن بشراهه يفكر في اللي سواه مع انين خليل:هالانين خبيثه ومجنونه نمره واحد والله ان هالبنت فيوزاتها ضاربه ولا في احد يطلب مثل طلبها اللي طلبت مني (مخدرات مخدرات) ياترى ايش بتسوي بها .هي مجنونه وتفكر الكل مجنون مثلها الحمد لله إني قدرت أتصرف وأجيب لها شي مضروب انا ما ادري هي كيف ظنت إني ممكن أجيب لها مخدرات بس الله يعين اللي بيتعاطى من هالبودره اللي عطيتها لأنين اللي يعينه على لوعة الكبد وألم الرأس والهلوسه والله هالاعراض ولا إدمان وممكن بعده يموت انا مو مستعد أتحمل ذنب احد انا يمكن حرامي بس مو مجرم وسفاح الله يعين.......... وطفى السيجاره وقام علشان يحاول ينام ويرتاح &&&&&&&&&&&&&& رافقت عندها سمر بعد إصرار سمر:انا بروح اشتري مويه تبغين اجيبلك معاي شي انين وهي تغمض عيونها:لا سمر :طيب... وطلعت غمضت عيونها وهي تفكر في الخطوات اللي لازم تسويها بعد ما تطلع من المستشفى حست بوجود احد فتحت عيونها شافته قدامها انين بنظره حاده:سليمان سليمان وهو وقف عند الباب وبابتسامه سخريه:يقولون تعبانه بس اللي أشوفه انك مثل الجنيه ما فيك شي انين:انت تتمنى لو يصير لي شي سليمان:لا لا انا ابغاك صاحيه وبعافيتك لما يجي أبوي يطردك طردة الكلاب انين بابتسامه:انت تحلم أحلام يقظه سليمان :ما اعتقد خصوصا لا عرف ان سبب خسراته المناقصه هي زوجته اللي صورت أوراق المناقصه وعطتها لأعدائه والله اعلم ليش انين اختفت ابتسامتها وسكتت وما ردت سليمان وهو يضحك بنصر: أشوف القط أكل لسانك ولا ايش وكمل :والله يعلم عطيتي هالنسخ من المناقصه لمين وايش علاقتك فيه عاد اتركي أبوي يفكر ويألف قصص ويشك على كيف كيفه انين وهي تبتسم بخبث وتضحك:ههههههههه والله انك مسكين وتعتقد أبوك بيصدق هالكلام لا لا تعرف ابوك راح يصدق ايش.....وهي تطالعه بمكر وتمثيل :ان انا لما مريت من المكتب ذاك اليوم شفتك انت طالع ولما شفتني خفت وارتبكت وصرت تعرق ومبين ان فيك شي وآنا لحسن نيتي ما اهتميت وظنيت ان ابوك موصيك وتكمل وهي تضحك ضحكتها الصفراء:ومع هالكلام كلمتين حلوين وأنت شوف كفة الميزان ترجح لمين سليمان وهو يطالعها بنظرات حقد وقرب من السرير إلا وتدخل سمر:سليمان انت هنا سليمان وهو يطالع انين :ايه حبيت ازور مرت أبوي واتطمن عليها سمر وهي تبتسم وهي مصدقه وعلى نياتها:زين ما تسوي سليمان وهو يطالعها :يله انا ماشي سلام سمر وانين بابتسامه:مع السلامه طلع من المستشفى وهو مقهور كل مره يحاول يغلبها هي تفوز بس هي معاها حق لان ابوه يعتبر انين ينبوع الشباب والحنان وهو ما يدري انه منبع السم والخبث والهدام &&&&&&&&&&&&&&& في مكان يملئه الموسيقى والأغاني والإزعاج حلا:ها يا حلو وش سوينا ناديه:كل شي تمام حلا :حلو اسمعي ابغى البنت تمشي معاك وهي ما تشوف الطريق قدامها فاهمه ناديه:أكيد فاهمه وهذي مو أول مره لا تخافين حلا :انا لو ما اعتمد عليك وأعرفك كان ما قلت لك تنفذين المهمه ناديه:هههه لاتخافين ثقتك بمحلها حبيبتي وقامت هي وحلا يرقصون ولكن ليس على موسيقى هذه الدنيا وإنما على نغمات الشيطان &&&&&&&&&&&&& قاعد يفكر ويفكر وبعدها قرر ان ما يتردد خصوصا بعد ما عرف كل شي وتأكد من كل شكوكه ومسك جوال وأرسل المسج وماله الحين إلا الانتظار &&&&&&&&&&&& قاعد عند انين وأصرت انها تنام عندها وما تتركها لحالها شافت جوالها يولع ويطفئ قامت وطلعت من غرفة انين وفتحت الخط وسمعت صوته:الو سمر:تصبح على خير بشار وهو يبتسم:وأنتي من أهله.. وقبل لا تصكر الخط بشار بسرعه:سمر أنتي عند انين سمر وهي متردد ترد عليه بس قالت:ايه بشار:ممكن تبوسينها لي سمر :طيب..... وصكرت على طول بشار وهو يطالع الجوال وصار يبتسم :والله انك تكسرين الخاطر انا ما ادري ليه انين تبغى تعذبك بس وش نقول كل حرب فيها ضحايا وغمض عيونه وهو يفكر في كلام خليل اللي قاله له اليوم خليل:أنتي تحبها بشار:من خليل: هاللي كل ما تكلمها تبتسم وتسرح بشار بضحكة سخريه:أكيد انت تمزح خليل وهو يطالعه بتركيز:وليه امزح ان شاء الله بشار:أقول لا يكثر يا محلل النفسيات والأفكار خليل:انت معجب بالبنت بشار يطالعه بسخريه وما رد خليل:لو انها ما عجبتك كان ما مدحتها هالكثر بشار:وآنا وش قلت لك قلت البنت حلوه خليل وهو يقاطعه ويكمل:وما توقعت انها بها الجمال والله الوجه يقول بدر ..ها تبغاني أكمل وش قلت لي ولا اسكت خلاص بشار:وآنا أي وحده تلفت انتباهي وامدحها معناتها أحبها الحمد لله والشكر عليك وعلى أفكارك خليل:كيفك أنكر مثل ما تبغى بشار سكت وما رد عليه لان لموضوع بكبره ما عجبه رجع للحاضر وفتح جواله وأرسل لها مسج وهو مصمم على ان كلام خليل كله غلط بغلط وخليل ما عنده سالفه رجعت دخلت على انين وهي تبتسم وشافت انين نايمه وقرب منها وباستها ورجعت جلست مكانها ودقايق ووصل مسج فتحته حبيبي والـوفـا كـفــه يـجـيـب الغـيم جـلاســـه حبيبي والـشــفــق يبكي لعـيـون تامر وتـنـهـيه فـديت ارض بهـا مآطى خطاوي كـنها الماسه فديت أول وفـا وآخــر حـبـيـب دنيتي تــفـديـه ابتسمت وغمضت عيونها ونامت وفي عيون لحد الحين تراقبها ما نامت رفعت جوالها وأرسلت مسج وهي متأكده انه لحد الحين صاحي وبعدها حطت الجوال على الصامت بشار وهو ينسدح على سريره جواله أعلن عن وصول مسج فتحه وتنهد بضيق (بكره تسوي اللي اتفقنا عليه ) غمض عيونه ورفع جواله وأرسل مسج لأهل الشغل اللي راح ينفذونه وغمض عيونه والأفكار صارت تروح وتجي وطار النوم من عيونه &&&&&&&&&&&&&& تـــــــــــــــــــــابعـ أشرقت شمس صباح جديد أشرقت شمس على نفس صافيه وقلوب بيضاء وأشرقت شمس على عيون حاقده وأفكار سوداء دخلت الفله وأبو سالم جنبها وسالم معاها وسمر أما بشار راح المجلس ابو سالم:حبيبتي خلينا نصعد الجناح علشان ترتاحين انين وما لها خلق احد:طيب ....وصعدوا وبقى سالم وسمر في الصاله ودخلت جناحها ودخلت الغرفه ابو سالم وهو يسدحها على السرير:ارتاحي يالغاليه وأي شي تبينه بس أنتي أمري وراح يوصل لحد عندك انين انسدحت وغمضت عيونها كانت فعلا تحس انها مصدعه ورأسها ثقيل ابو سالم بابتسامه:انا لازم أروح لبشار ما يصير يظل لحاله انين:طيب ابو سالم وقبل ما يطلع باس راسها وطلع وهي غمضت عيونها وتذكرت ان جوالها على الصامت قامت وجلست وخذت جوالها وهي بتحولها على العام لفت انتباهها رساله فتحتها وطلعت عيونها وظلت تعيد وتزيد في قرايت الكلام المكتوب (انين سالم الغانمي أسالك سؤال هل يدري ابو سالم ان أبوك محمد وأمك سلمى ما اعتقد بس انا ادري) انين:ياربي من هذا اللي مرسل هالرساله وكيف يعرف اسمي ..قامت من سريرها واتصلت على الرقم على طول بس الجهاز مقفل انين:وش أسوي الحين ياربي وش أسوي انا لازم اعرف من هذا اللي يعرف عني هالمعلومه المهمه لازم ولا كل اللي قاعده اخطط له وأسويه راح يضيع وآنا مستحيل اسمح بها الشي رجعت لسريرها وتحاول تسترخي علشان تقدر تنام علشان تكون أحسن لان مع هالتعب ما راح تقدر تصفي ذهنها عدل ولا ترتب أفكارها مثل ما تبغى &&&&&&&&&&&&&&& بشار وهو يدخل المكتب :السلام خليل:وعليكم السلام جلس وهو يمسح وجهه خليل:ها وش أخبارها بشار: الحمد لله خليل:وش فيك بشار:ولا شي ايه صح نسيت أسالك وش سويت انت مع ابو سالم خليل وهو يبتسم:كل شي تمام الخطه ماشيه مثل ما نبغى وأحسن بعد بشار: وقع على أوراق التنازل عن الشرط خليل :ايه عطيته الأوراق وهو كان واثق مني ثقة عمياء وما راجع الأوراق ووقع وهو ما يدري انه وقع على التنازل عن الشرط اللي يتضمن ان انا وهو نتحمل الخساره ما دري ان الشرط تغير ومحد راح يتحمل الخساره غيره بشار:والله منت بسهل عليك أفكار خطيره خليل:ههههههههههه كله كم يوم وأبو سالم يخسر كل فلوسه في هالمشروع بشار:جزاه واقل من جزاه والله خلل بجديه:بشار وش صار على البنت بشار:اليوم راح ينفذون خليل طالع بشار :ان شاء الله تكون عارف وش تسوي وواثق من هالرجال اللي وصيتهم بشار:لا تخاف وحل الصمت &&&&&&&&&&&&& 4:15 مساء راجعه من عند سمر غزلان وهي في السياره مع السواق سرحانه وصحت على صوت سياره تعترض سيارتهم غزلان :وش صاير السايق:ما في معلوم ماما نزل من السياره اثنين وراحوا جهة السواق وفتحوا الباب ونزلوا السواق وعطوه ضربه على رأسه وأغمى عليه غزلا بخوف:من انتم ووش تبون راح لها واحد وفتح بابها ونزلها غزلان وهي تسحب يدها وتصارخ:الحقوني يا ناس وش تبغون انتم مني حط واحد من الرجالين منديل على خشمها وهي تحاول تقاوم وبعد لحظات مقاومه شافت الدنيا سوداء وما حست إلا بارتخاء أطرافها &&&&&&&&&&&& قامت من النوم وهي حاسه انها أفضل خذت شور ولبست جلابيه خليجيه ونزلت العنود وهي طالعه من المطبخ:أنتي لحد الحين حيه انا قلت راح تموتين وتفكينا انين بابتسامه:قاعده على قلبك إلا صح وش أخبار غدير العنود بعصبيه وهي تصعد لدرج:ما لك دخل باي شي يخصني فاهمه ولا لا انين:ههههههه جلست وبصوت عالي:انتيا جات انتيا :الحمد لله على سلامه ماما انين :الله يسلمك ها كل شي تمام انتيا:كل شي مثل ما ابغى ماما هزا باب سليمان قول سوي نسكافيه انا هتي شويه في هزا نسكافيه وأعطي هوا انين:زين برافوا عليك... يله روحي سوي لي قهوه انتيا:حازر شوي وجاء سالم:السلام عليكم انين:وعليكم السلام سالم وهو يجلس:ممكن أكلمك بموضوع انين باستغراب:تفضل أكيد سالم وهو يفرك أيديه :انا راح أتكلم بصراحه انا اعترف ان أول أنتي ما جيتي البيت انا ما كنت راض ولا متقبل وجودك بس مع الوقت تقبلت وجودك بينا وانك صرتي وحده منا وعلشان كذا ولأني اعتبرك وحده من هالعايله وغاليه على قلوبنا ابغى اطلب منك يعني لو ما عليك كلافه طلب انين بهدوء:اطلب سالم:ابغى منك أنتي تخطبين لي انين وهي متفاجاه:من انا اخطب لك انت سالم بابتسامه:ايه لأنك الحين بحسبة الوالده ولو انك اصغر مني بس تعتبرين فرد مهم بالنسبه لي في هالعايله انين وهي متفاجاه ومو عارفه وش ترد:والله ما توقعت هالطلب منك سالم:إذا أزعجتك... انين تقاطعه :لا ابد يشرفني وأكيد يفرحني إني أروح اخطب لك بس من البنت سالم :غزلان بنت خالتي انين:على البركه بس خالتك يعني ما أتوقع انها... انت تدري..يعني تستقبلني سالم:أنتي زوجة أبوي واللي يعز على أبوي يعز علي وخالتي إذا كانت تعزني راح تعزك انين:خلاص ولا يهمك انا راح اخطب لك قام سالم وهو شاق الحلق:مشكوره ما تقصرين وصعد الدرج انين:معقوله معقوله يبغاني اخطب له يا الله يا سالم وش كثر انت طيب سبحان الله من شافك ما صدق ان راشد الظالم أبوك قامت وصعدت الدرج وبسرعه على جناحها دخلت غرفتها وخذت جوالها واتصلت على بشار بشار:هلا والله انين:بشار وش صار على غزلان خطيبة سالم بشار:كل شي تمام والبنت مع الرجال انين :رجعوها مكان ما خذيتوها بشار باستغراب:ايش وين نرجعها مو أنتي قلتي.... انين وهي تقاطعه:ترجعونها الحين يا بشار قبل لا احد يحس عليها بشار :والسواق اللي شاف الرجالين انين :تصرف كسر الزجاج واخذ كم شغله من السياره علشان تصير كأنها سرقه وانتهينا بشار:صار خلاص انين :بس تخلص قل لي بشار:اوكي صكرت الخط وجلست وهي تتنهد وتمسح جبينها بيدها انين:وش اللي صار ليش انا تراجعت عمري ما تراجعت ابد في شي لا تكذبين على نفسك أنتي تراجعتي علشان سالم اللي طيبته ذكرتك بأغلى الناس على قلبك أبوي سبحان الله يشبهه في الاسم ويشبهه في طيبة القلب ...وظهرت على وجهها ابتسامة حزن انين:لازم سالم ينشال من قائمتي مستحيل آذيه وهو يذكرني بالغالي أبوي رن جوالها وردت انين:الو حلا:هلا وغلا سلامتك يقولون تعبانه انين: الله يسلمك ها وش سويتي حلا :كل شي تمام انين:أكيد ما أبي أغلاط حلا :افا عليك حلا عمر شغلها ما يجي فيه أغلاط انين:بنشوف يله مع السلامه حلا:باي يا حلو صكرت من عندها وجاها مسج فتحته وتضايقت (الحمد لله على السلامه ) شافت الرقم هو نفس الرقم اللي أرسل لها الرساله الأولى كيف عرف إني في المستشفى وكنت تعبانه هذا يدل على ان اللي يرسل الرسايل يعرفني معقوله يكون سليمان لا لو سليمان يعرف سري كان انا من زمان برا هالبيت هجل من يعرف عني أدق أسراري من رفعت جوالها واتصلت ونفس الشي الجوال مقفل رمت الجوال على السرير بعصبيه وهي تقول راح أعرفك ووقت ما أعرفك راح أخليك تندم لهنا أوقف واترك لكم حرية التعليق &&&&&&&&&&&&&&&&&&أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&& ودي لكم قلب أمي وروحها &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) .. .. .. |
البارت التاسع &&&&&&&&& بين سواد الليل وظلمة السماء ونور القمر - ااااه وش فيني يالله غسل وجهه وطلع من الحمام(أكرمكم الله) وجلس على الكرسي وهو يمسح وجهه بالفوطه سليمان وهو يمسك رأسه:وش صاير لي راسي أحسه بينفجر رجع نفسه على وراء وريح رأسه على الكرسي وهو يضغط على جبينه:اااااااه يحس ان الدنيا تدور فيه وحس انه بيرجع مره ثانيه وراح للحمام (أكرمكم الله) يرجع وهذي حالته من يوم جاء من البر من قبل أمس إلى الحين &&&&&&&&&&&&& في الصباح وفي المدرسه بالتحديد ناديه:سلام العنود باستغراب:وعليكم السلام ناديه:أنتي العنود العنود:ايه من أنتي ناديه:انا وحده من زمان ودي أصير صديقتك بس كل مره أتردد أكلمك العنود وهي تلف وجها:أقول توكلي على الله أحسن لك ناديه وهي تجلس:وش دعوه انا كل اللي قلته ابغى نكون أصدقاء وبس العنود:وآنا ما ابغى أصادقك ناديه:ليه العنود وهي تاشر على راسها:كيفي ناديه:بس اللي اعرفه ان غدير تركتك العنود:وأنتي وش عرفك بغدير بعدين أنتي وش دخلك ناديه:انا عارفه ليه تركتك العنود باهتمام:ليه ناديه:لأنها تغار منك وحاسدتك العنود:قولي غير هالكلام ويا ليت لو تقومين وتفارقين يكون أحسن ناديه ببرائه:انا سمعتها العنود:وش سمعتي ناديه:سمعتها تقول للبنات انها شافت بيتكم والعز اللي انتم عايشينه وأنكم ما تستاهلونه وان المفروض هي وأهلها مكانكم العنود:أنتي كذابه ناديه:بالله عليك لو انا كذابه كيف عرفت انها زارتك من فتره قصيره العنود وهي تفكر(معقوله غدير تغار مني ليه لا هي أصلا ما تغيرت إلا بعد ما زارتني ولا أول وش زينها قبل ما تزورنا وتشوف وشلون عايشه خصوصا انها على قد حالهم وآنا زعلانه عليها وهي حاسدتني و حاقده وتغار مني صديقه مثل هذي ما ينزعل عليها ابد ) وصحت على صوت ناديه ناديه:لو انا مكانك كان ما أفكر فيها وبعدين هذا انا اعرض عليك صداقتي وآنا متأكده ان احنا راح نتفق مع بعض العنود طالعتها بريبه ناديه بابتسامه وهي تمد يدها:ها تقبليني صديقه لك العنود تطالع يدها الممدوده ومدت يدها وصافحتها:ما اعتقد راح يضرني شي لو تعرفت عليك ويمكن فعلا نصير صديقات ناديه وهي تبتسم بخبث:انا متأكده اننا راح نكون صديقات موت العنود ابتسمت لها:اوكي خلينا نتعرف من جديد انا العنود ناديه :تشرفنا وآنا ناديه وآنا في الفصل (د) وتراني جديده في المدرسه العنود:اها وآنا أقول هذي أول مره اشوفك فيها ناديه:والحين بما اننا متفقات وش رايك تسوين لي سياحه في المدرسه وتعلميني من المعلمات المفروض نجننهم العنود:شكلنا بنتفق ناديه وهي تطالعها نظره غامضه:أكثر مما تتصورين &&&&&&&&&&&&& قاعده في غرفتها وكل ما تذكرت اللي صار تحس برعب وخوف رن جوالها وهي صرخت بخوف لأنها كانت سرحانه مسكت جوالها وردت وتنفسها سريع من الخوف:الو سالم حس بخوف من صوتها:وش فيك حبيبتي غزلان وهي تضبط نفسها:ما فيني شي لا تخاف بس تذكرت اللي صار لي سالم زفر براحه:الحمد لله حبيبتي ان كل شي عدا على خير غزلان:والله كنت بموت من الخوف سالم:بسم الله عليك جعل يومي قبل يومك غزلان:لا تقول كذا حبيبي سالم ابتسم وهو يغير السالفه:تدرين غلاي اننا بعد ثلاث أيام بنجي عندكم ونخطبك وبخليها ملكه مره وحده وبعدها تصيرين معي على طول غزلان بحياء :ههه انت حاسبهم سالم:بالساعة والدقيقة والثانية غزلان :لها الدرجه سالم وهو يتنهد: وأكثر ..بس غزلان وهي عاقده حواجبها:بس ايش سالم:انا طلبت من مرت أبوي انين هي اللي تجي و تخطبك لي غزلان بتفاجأ:ايش ...ليه انت يعني ما تعرف أمي سالم:عارف ولا تخافين انا بكلم خالتي غزلان:اخاف إذا جات انين تصير مشاكل سالم:لا تخافين انا بدبر كل شي غزلان:مادام كذا على راحتك بس هي وافقت تجي سالم:ايه هي طيبه أول ما قلت لها فرحت وباركت لي غزلان:تدري أحيانا أحس ان احنا ظالمينها سالم:معاك حق انا أول ما كنت متقبلها بس مع الوقت ما شفت منها شي وعرفت ان قلبها طيب غزلان:أقول كأنك تجاوزت حدودك سالم باستغراب:في ايش غزلان بزعل:في مدحها سالم:ههههههههههههههههه تغارين فديت اللي يغارون والله غزلان:سالم خلاص عاد سالم:طيب انا لازم اصكر عندي شغل توصين على شي حياتي غزلان:سلامتك سالم:يله انتبهي على نفسك حبيبتي غزلان:ان شاء الله وأنت بعد سالم:من عيوني يا عيوني مع السلامه غزلان:في أمان الله صكرت منه وتذكرت اللي صار لها قبل يومين أخر شي تذكرته يوم حطوا المنديل المخدر وأغمى عليها وبعدها صحت لقت نفسها في السياره وأهل الخير مجتمعين وزجاج السياره مكسر و شنطتها وبعض أغراض السياره مسروقه ساعدوها أهل الخير ووقفوا جنبها لحد ما وصل أخوها ناصر وسالم و الشرطه وبين في الأخير انها سرقه و حمدوا ربهم انها جات على كذا ما تنسى فرحت الكل لما عرفوا بسلامتها ولا تنسى نبرة الخوف في صوت سالم غزلان:سالم يا حب الطفوله وحلم العمر هو أجمل شي بحياتي الله لا يحرمني منه الحنون اللي حنانه يغنيني عن الدنيا كلها ما أنسى شلون كان خايف علي يوم الحادث ابتسمت بحب وقامت تغسل وجهها وتنزل عند أمها اللي دائما تحاتيها من يوم صار اللي صار &&&&&&&&&&&&&&&&&& نزل تحت حصل انين جالسه في الصاله سليمان وهو يطالع انين ومشى بدون حتى ما يسلم انين وهي توقفه:يقولون تعبان بس اللي أشوفه انك مثل الجني ما فيك شي (تقلد كلامه يوم كانت في المستشفى) سليمان التفت وهو مستغرب:شلون عرفتي إني تعبان وآنا أصلا ما قلت لأحد انين طالعته بدون ما ترد سليمان وهو يقرب:شلون عرفتي انين بابتسامه:انا اعرف كل شي ما في شي في هالبيت يخفي علي حط هالشي في بالك سليمان ابتسم بسخريه ومشى بدون ما يرد عليها انين:هذي البدايه بس والنهايه راح تكون لك أليمه لفت انتباهها رنة مسج على جوالها فتحت الرساله وعصبت من اللي مكتوب (انسي الماضي وابدئي من جديد ترى الدنيا حلوه بس اطلعي من منظور عالم السواد اللي حابسه نفسك فيه ترى الدنيا أحلى مما تتصورين والإنسان علشان يعيش ما يلتفت إلى أعدائه المفروض يلتفت إلا أحبابه وينسى الماضي ويدفنه) ما تعبت نفسها تتصل لأنها عارفه لو اتصلت أكيد راح تلاقيه مقفل فكتبت رساله (انا حره بحياتي ومو انت اللي انتظر منه نصائح انا ما اخذ نصائحي من واحد جبان ما يقدر حتى انه يقول الكلام وجه لوجه انت لو فيك خير كان ما اتخبيت وراء رسايل جوال خايف من مواجهتي) أرسلتها وهي تبتسم لأنها حسه ان بعد هالرساله راح يبان صاحب الرسايل المجهول &&&&&&&&&&&&&& قعده على اللاب توب ومشغله أغنيه ومندمجة معاها رن جوالها وشافت اسمه يولع على الشاشه سمر:غريبه وش عنده متصل الحين لا وقت صباح ولا مساء أرد عليه ولا ما أرد إلا أرد وأشوف وش يبغى يمكن في شي مهم جات بترد بس سكت الجوال وبعد ثواني رجع رن مره ثانيه سمر بتردد:الو بشار:كنت متوقع ما تردين سمر:في شي مهم بشار:لا بس حبيت اتطمن عل صوتك سمر:اعتقد انك اتفقت معاي على تصبح على خير وصباح الخير صح ولا لا؟ بشار:ايه ...بس سمر حست في صوته شي:بس ايش بشار سكت وبعد لحظات:الصراحه انا حسيت إني متضايق وما خطر ببالي إلا أنتي سمر سكتت وبعد ثواني :انا لازم اسكر بشار بسرعه:سمر لحظه ممكن أتكلم معاك شوي لا سمحتي سمر:بس... بشار يقاطعها:ما اطلب منك تردين بس تسمعيني لو سمحتي سمر اللي ما تحب حد يترجاها كسر خاطرها نبرة الرجاء في صوته:تكلم ويا ليت بسرعه بشار:أحس إني مخنوق وما ادري ليه...وتنهد بضيق سمر اللي تضايقت علشانه ما تدري ليه ظلت ساكته وتسمعه بشار يكمل:أحس كأني في هالعالم وحيد تدرين يا سمر انا وانين أمنا وأبونا توفوا وإحنا أطفال كنا صغار محتاجين لكل الحب والحنان بس الدنيا ما تعرف لا صغير ولا كبير ..وسكت سمر تسمعه وهي زعلانه عليه بشار يكمل بنبره صادقه:طول عمري ما عرفت غير انين أم وأخت وصديقه انين هي دنيتي كلها ما اقدر أزعلها سمر ابغى اطلب منك طلب سمر: تفضل بشار:انتبهي عليها سمر:ليش تقول كذا بشار:لما دخلت المستشفى صحيح السبب بسيط بس بغيت أموت انا مالي غيرها سمر بسرعه:بسم الله عليك لا تقول كذا ..وبعد ما استوعبت لي قالته حطت يدها على فمها بشار بابتسامه:تسلمين..وبعدها تنهد براحه ويكمل:انا أسف إذا أزعجتك وما كنت قد كلامي لما قلت إني ما راح اتصل عليك إلا في وقت الليل والصباح سمر سكتت وهي تفكر بشار:ما أطول عليك ما ابغى أزعجك أكثر من كذا سمر قبل لا يصكر بشار:بشار بشار:عيونه سمر:إذا جاء وقت وحسيت عمرك متضايق لا تتردد تتصل بشار بفرح:يعني ما تتضايقين سمر:يله لازم اسكر بشار:طيب مشكوره سمر:مع السلامه بشار:الله يسلمك صكرت وهي تفكر في اللي سوته يا ترى هو صح ولا غلط بس هو كسر خاطرها حست انه منكسر وراء كل هالمظهر والفلوس والاسم المعروف مجرد طفل ضايع طفل يتيم وحيد تايه &&&& بشار بعد ما صكر ابتسم هالمره ابتسامه صادقه هو ما يدري ليه اتصل فيها بس هو فعلا كان متضايق بس مو على انين إلا منها متضايق من أخته ومن أفكارها اللي يخاف في يوم تكون هي سبب دمارها خليل مع انه أنكر كلامه بس في نفسه هو عارف ان كلامه في شي من الصدق في ان انين قاعده تتجاوز الحدود وطرا في باله سمر البنت لطيبه البريئه اللي يحسها مو من هالزمن براءتها نادره ويحس ان مالها ذنب هي وسالم وسليمان والعنود بس راشد أبوهم ولما دمر عائلتنا ما قال احنا مالنا ذنب بشار يفكر:ياربي أحيانا أحس ان انين معاها حق بكل اللي تسويه وأحيانا أحس ان كل شي نسويه غلط قام يأخذ له شور يصفي ذهنه المشوش هو لازم يكون مركز وتفكيره صافي مثل ما تبغى أخته وإذا كان في شي واثق منه هو انه مستحيل يوقف في وجه أخته ولا يخون ثقتها فيه &&&&&&&&&&&&&&& في عالم الأعمال (في الشركه) خليل وهو قاعد مع ابو سالم ابو سالم:يعني شلون خليل :انا قدمت على قرض من البنك وأنت بما انك شريكي لازم تسوي نفس الشي لازم نتعاون علشان المشروع ينجح نجاح باهر الكل يتكلم عنه ابو سالم:بس السلف تلف ما سمعت بها المثل خليل : انت تظن يا ابو سالم لو انا شاك لو 1% إني ممكن اخسر كان بغامر واخذ قرض كبير مثل هذا وأحط كل ما املك في هالمشروع ابو سالم يفكر خليل :ابو سالم لا تنسى ان المشروع ضخم وبيعوض لنا كل شي صرفناه أضعاف مضاعفه ابو سالم: خلني أفكر وارد عليك خليل : بس ياليت بسرعه ترد علي لان في شركه معروفه بها المجال وانا بكلمهم علشان يصدرون لنا المواد والأشياء اللي نحتاجها بأسرع وقت ابو سالم: ان شاء الله خليل وهو يقوم :يله انا استأذن ابو سالم: مع السلامه طلع خليل وأبو سالم يفكر بها الموضوع من ناحية الأرباح اللي راح يربحها من وراء هالمشروع &&&&&&&&&&&&&&& قلوب طاهره تجمعها المحبه قلوب بيضاء تجمعها الصفاء قلوب لا تعرف طريقا للظلام (محبه أخويه نادره في هالزمن من قلوب صادقه) سالم وهو قاعد مع هاني وناصر سالم بجديه لناصر:ناصر ناصر اللي كان يضحك مع هاني:سم سالم:ناصر انا طالب القرب منكم وش قلت ناصر بفرح:هذي والله الساعه المباركه والله سالم:يعني ما شفتك تفاجات ناصر:وليه اتفاجا انت على بالك إني أعمى تراني مفتح وأشوف كل شي سالم:ههههههه شكلي مفضوح من زمان وانا ما عندي خبر هاني وهو يقوم ويسلم عليه:على البركه سالم:الله يبارك فيك ناصر وهو يحضنه:ألف مبروك سالم: الله يبارك فيك بس انتظروا لما نأخذ رأي خالتي والعروس ناصر :انا واثق انهم بيوافقون سالم:بس انا بغيت منك خدمه يا ابو ياسر ناصر:ابشر بعزك قل وش تبغى سالم:انا ابغى اليوم اللي نجي نخطب فيه نملك على طول يعني خطبه وملكه على طول هاني:ههههههههه ما شاء الله ما عندك وقت سالم:أقول انطم ها وش قل يا ابو ياسر ناصر:والله انا ما عندي مانع أشوف الوالده والعروس وارد عليك سالم:اوكي اتفقنا وترى انا أقولها من الحين ترى انت يا هاني والأهل معزومين هاني:تسلم خلاص صار سالم:بغيت أقول لك شي يا ناصر توصله لخالتي ناصر:قل عسى ماشر سالم:اللي بتخطب لي هي مرت أبوي هاني وناصر يطالعون بعض سالم:لا تستغربون هو صحيح في البداية تضايقت بس في الأخير الحياة تمشي ولازم تستمر ومع الوقت رضيت بالوضع علشان خاطر أبوي اللي عندي هو بالدنيا كلها ناصر::كفو يا ابو راشد والله انك كبرت في عيني سلم ابتسم:تسلم هاني وهو حط يده على كتفه:الله يوفقك يا اخوي سالم:تعيش كملوا سوالف وشرب قهوه وضحك &&&&&&&&&&&&&& في بيت بشار بشار:أقول خليل خليل:قول بشار:وش صار مع ابو سالم خليل:اليوم نفذت الخطوه الاخيره بشار:امممممممممم خليل:لا تخاف قربت نهايته بشار هز رأسه: زين خليل:انت متردد بشار: وش قصدك خليل:في سالفة الانتقام ذي بشار: أكيد لا خليل:هجل وش فيك بشار وهو يطالع جواله:ما فيني شي خليل سكت لأنه ما يقدر يجبر بشار يقول له لأنهم تعودوا متى ما يبغى الواحد يتكلم راح يتكلم من نفسه بدون أي ضغوط &&&&&&&&&&&&& مرت ثلاث أيام بدون أحداث تذكر ابو سالم:صار يتضايق من الصفقات اللي يخسرها وسمع كلام خليل واخذ قرض كبير مع ان سالم ما أيده في هالسالفه بس من يسمع الطمع عمى أذانيه وعيونه سالم:يعد الثواني والفرحه مو سايعته للقاء غزولته وهو كلم خالته بموضوع قدوم انين ورفضت الخاله لكن مع إصرار سالم رضت ووافقت علشان خاطره هو بس ورضت هي وغزلان بسالفة الملكه والخطبه بنفس الوقت بشار:يكلم سمر وصار يحس بشي بس مو عارف شنو ولا يبغى يعرف سمر:مبسوطه لأنها تحس بالاهتمام صحيح هي عمرها ما نقصها اهتمام خصوصا ان سالم ما يقصر عنها بس اهتمام احد يحبك غير و مقضيتها هاليومين في السوق مع غزلان سليمان:مشغول بألم الرأس اللي ما يتركه ويحاول يعرف شنو ولوعة الكبد اللي بدون سبب والدوخه اللي تجيه بعض الأحيان العنود:من يوم تعرفت على ناديه صارت صديقتها حست انها تفهمها بكل معنى الكلمه وارتاحت لها وتعلقت فيها بشكل غريب مع انهم من 3 أيام بس تعرفوا على بعض انين:هدت اللعب شوي لحد ما تخلص الملكه وبعدها يبدأ اللعب على صوله غزلان:مشغوله بالتسوق مع سمر تستعد لأسعد يوم في حياتها &&&&&&&&&&&&&& ملاحظه(انا ما راح أوصف اللبس اللي لبسوه لاني فاشله تمام في الوصف فاترك المجال لخيالكم علشان انتم تلبسونهم مثل ما تبغون فاعذروني) جاء يوم الملكه المنتظر ابو سالم ينادي:انين يله حبيبتي ما خلصتي انين وهي تطلع :خلاص خلصت ابو سالم وهو يطالعها :وش هالزين كله لا كذا ما أخليك تروحين انين:ليه ابو سالم:اخاف يصكونك بعين ويصير فيك شي لازم تحصنين نفسك حبيبتي انين بابتسامه:ان شاء الله ابو سالم وهو يمسك يدها: تعالي انين :وش فيك ابو سالم :غمضي عيونك انين :طيب ويطلع من الدرج طقم ابو سالم:فتحي عيونك انين انبهرت فعلا بجمال الطقم:الله حلو كثير ابو سالم:عجبك انين:ايه مره حلو مشكور..بس ايش المناسبه ابو سالم:أنتي ما تستاهلين هالطقم وبس أنتي تستاهلين كنوز الدنيا كله كافي انك راح روحين الملكه علشان سالم وأنتي عارفه ان الحاضرين ممكن يزعجونك لو ما كان بالكلام ممكن بنظراتهم انين:سالم يستاهل كل خير ابو سالم وهو يبوس راسها:وأبو سالم انين:لا عاد هذا حبيبي ابو سالم:هههه أقول لو قعدت اسمع لها الكلام الحلو عز الله ما رحت ابد...يله لا تتأخرين انين:لا حبيبي انت روح وآنا بجي مع بشار ابو سالم :خلاص صار....مع السلامه انين:مع السلامه طلع وأول ما طلع خذت الطقم وهي تبتسم بدهاء انين:زين شفنا مو وراك شي يالشيبه على الأقل ما اقعد امثل ببلاش ههههه والله وطلع عدك ذوق والله زين هالتعب في التمثيل والابتسامات ومقابلك اللي يقرف الكبد طلعت من وراك بفايده صدق مو من مقامي بس بعد أحسن من لا شي لبست الطقم وخذت جوالها تتصل على بشار تشوف وينه فيه &&&&&&&&&&&&&& في بيت الدكتور هاني :ها يبه ما غيرت رايك انت والوالده ابو هاني:لا يا وليدي رح انت وآنا وأمك وأختك راح نظل بالبيت ويمكن نتعشى برا هاني طالع ابوه وعرف ليش ابوه ما يبغى يروح هاني وهو يأخذ مفتاح سيارته:على راحتكم يله مع السلامه أم هاني وأبو هاني:في أمان الله ربى وهي نازله من الدرج وتقعد مع أبوها وأمها:ليه ما رحنا مع ان الولد عزمنا ابو هاني وام هاني طالعو بعض وما ردوا عليها ربى:يمه يبه وش فيكم تناظرون بعض في شي ابو هاني وهو يقوم :ما في شي ويله قوموا غيروا ولا ما تبغون نتعشى برا ربى وهي توقف بسرعه:إلا أكيد نبغى أم هاني:يله ...وقاموا يلبسون علشان يطلعون برا ويقضون أحلى الأوقات مع بعض &&&&&&&&&&&&&& في السياره المتوجهه للمكان المنشود سالم يسوق وأبو سالم جنبه العنود وسمر وراء العنود بهمس:وش عندها البرنسيسه ما جات سمر:راح تجي بس مع أخوها العنود:يا ليتها ما تجي ابد ونفتك منها سمر:استغفري ربك العنود:عاد ان ما قلت غير ربي يأخذها بس ما قلنا شي سمر تهز راسها أسف على أختها:أقول اسكتي لا أبوي يسمعنا بس العنود سكتت وهي تتحلطم بينها وبين نفسها &&&&&&&&&& في السياره خلفهم سليمان سليمان شاغل تفكيره:غربيه انا اليوم ما أحس بشي يعني لا وجع رأس لا بدوخه ولا غيره ياترى وش السبب وطرأ على باله فجاه انين:هذي وش عرفها إني كنت تعبان مع إني متأكد إني ما قلت لأحد شي ياترى هل ممكن تكون ...وسكت وهو يستنتج وبعدها:والله ما استبعد عنها شي الواطيه بس شلون وكل اللي بينا كلام يعني لا شربت من يدها شي والأكل نأكل كلنا جميع لا مو هي لأنه مستحيل انا اخذ منها شي طيب يمكن أكون مريض بمرض ولا شي ليه لا والله يمكن اووووووووف ما في غير لما تخلص الملكه أروح دكتور مع إني ما أحب الدكاتره ولا المستشفيات بس وش نسوي &&&&&&&&&&& قاعد يستنى جات وركبت بشار:وش فيك تاخرتي انين:أسفه بشار :خلاص مو مشكله لازم نروح لخليل انين عقدت حواجبها:خليل ليه هو بيجي بشار:ليه نسيتي انه شريك زوجك وأبو سالم أصر عليه وآنا اتفقت وياه نمشى سوا هو بسيارته وآنا بسيارتي وأدليه الطريق انين :وأنت تعرف العنوان بشار:ايه ابو سالم عطاني ايه ولو تهنا بنتصل في زوجك انين تضايقت وسكتت بشار:ههههههههه الكلمه تضايقك انين:أقول اسكت لوعت كبدي كل شوي زوجك و زوجك الله والزوج عاد بشار:ههههههه حرك السياره والتقى في خليل ومشوا سوا مثل ما كانوا متفقين &&&&&&&&&&&&&& دخلت العود :كلللللوووووووووووووش سمر تضحك على أختها سلموا على خالتهم أم ناصر اللي حضنتهم وغرقت عيونها بالدموع سمر وهي شوي وتبكي:ليش يا خاله هالدموع أم ناصر :ابد تذكرت أختي الله يرحمها ليتها بينا سمر والعنود:الله يرحمها الخاله أم ناصر: روحوا يا بنات فوق تلاقون غزلان في غرفتها العنود وهي تصعد لدرج :سمور ما راح تجين سمر :لا بقعد أساعد خالتي شوي بعدها بلحقك العنود:اوكي ....وصعدت أم ناصر:يا بنيتي ماله داعي شوفي الخدامه قاعده تسوي كل شي سمر:معليه يا خاله قوم تساعدوا ما ذلوا وبعدين يا خالتي ترى هذي فرصه ذهبيه ترى مو كل يوم أجي واعرض مساعداتي أم ناصر:هههه طيب تعالي معي سمر :يله &&&&&&&&&&&&& في مجلس الرجال السوالف والضحك شغاله الكبار يسولفون في الشغل وأحوال السوق والشباب ضحك وسوالف سالم لناصر:وين هاني ناصر:جاء في الطريق سالم:عسى ما يضيع بس ناصر:لا تخاف ماراح يضيع دق جوال ناصر:هلا - ايه – البيت البني – ههههه – خلاص انا بطلع عند الباب - يله مع السلامه سالم:وش صاير ناصر:ابد هذا هاني يقول كل البيوت هنا تتشابه وما عرف أي بيت هو بيتنا انا طالع له سالم:طيب ابو سالم: سالم سالم قام لأبوه:سم يبه ابو سالم :شوف بشار يقول هو في شارعنا بس ما عرف أي بيت اطلع له سالم:تأمر أمر وطلع ووقف جنب ناصر ينتظرون ودقايق إلا هاني جاي ناصر:وش بلاك ضيعت هاني:يا أخي بيوت هنا سوا كلها شكل واحد فضيعنا سالم:ههههههه وشوي وتوصل سيارة بشار ومعاها سيارة خليل ونزلوا سالم وهو يتوجه لهم:ها عسى ما تعبتوا لحد ما وصلتوا بشار:ابد بس لما وصلنا هنا ضعنا خليل:ما ننلام البيوت تصميمها كلها واحد سالم:أهم شي قدرتوا توصلون هاني لناصر:من هذول ناصر وهو يأشر على بشار:هذا أخوا مرت ابو سالم واسمه بشار هاني:اها والثاني ناصر:ظنتي انه شريك عمي ابو سالم أو يشتغل معه وصديق بشار هاني ظل يطالع بشار بتركيز سالم وهو يتوجه لأنين اللي نزلت :ترى انا وصيت سمر تستقبلك علشان ما تظلين لحالك انين بابتسامه:مشكور وعلى البركه مره ثانيه سالم وهو يطالع الأرض لأنه ما تعود يطالع احد وكاحترام لها :الله يبارك فيك مشت انين علشان تدخل وسالم صار ينادي ناصر وهاني علشان يعرفهم على خليل وبشار مشى ناصر أما هاني فظل مكانه يطالعها ومو مصدق انين قبل ما تدخل لفت انتباهها الواقف من بعيد يطالعها التفت له وطالعته وحست ان وجهه مألوف بس طنشت ودخلت هاني:هي والله هي معقوله تكون هي زوجة عمي ابو سالم صحى من سرحانه على صوت ناصر الي يناديه راح لهم وتعرف على بشار وخليل و من خلال تعامله مع المرضى النفسيين ونظرته الثاقبه و شطارته في مجاله شاف في عيون خليل وبشار نظرات ما عجبته بعد ما سلموا على بعض دخلوا داخل عند الرجال &&&&&&&&&&&& دخلت انين وشافت سمر اللي جاتها ومشت وياها لحد ما وصلو عند الحريم وصارت تسلم كانت تشوف في عيون الحريم نظرات منها الاستغراب والكره المفاجاه وغيرها من النظرات هي كانت متوقعه هالشي بس تضايقت عمرها ما حبت تكون محل أنظار احد ولما وصلت عند خالة سمر سمر:خالتي أم ناصر أعرفك انين مرت أبوي انين ابتسمت لها أما الخاله أم ناصر طالعتها من فوق لتحت بنظرات ضيق بس سلمت عليها وهي غاصبه نفسها علشان خاطر سالم انين:على البركه أم ناصر بدون نفس:الله يبارك فيك وبعدها انين جلست وسمر استاذنت تصعد فوق لغزلان صعدت فوق وأول ما دخلت :كللللللووووش وسلمت على غزلان على البركه يا حبيبتي غزلان بحياء:يبارك فيك سمر :الله وش هالزين والله شكل اخوي بيروح فيها عاد هو ميت الحين بيموت زود غزلان:سمر وجع يا دبه خلاص سمر والعنود:ههههههههه أم ناصر دخلت بالدفتر وغزلان وقعت وهي مو سايعتها الفرحه وحاسه بتوتر لما وقعت سلمت أم ناصر وهي تمسح دموعها بنتها الوحيد كبرت وصارت عروس غزلان:يمه خلاص حبيبتي خلاص يالغاليه أم ناصر:الله يوفقك يا بنيتي وين ما حطيتي وجهك يله يا بناتي يله علشان تنزلون العنود نزلت مع خالتها أما سمر ظلت مع غزلان العنود أول ما نزلت هي وخالتها وشافت انين تهمس لخالتها:هذي جات الخاله :ايه العنود:أوف والله لو إني منك يا خاله والله لأغسل شراعها واطردها واخلي اللي ما يشتري يتفرج الخاله أم ناصر:والله لو إني ما وعدت اخوك سالم ولولا غلاته كان انا الحين منتفتها وسيعة الوجه انين وهي جالسه ومتضايقه لأنها ما تعرف احد وهي من طبعها ما تحب الجمعات ولا المناسبات لمحت وحده تعرفها وتفاجات لما شافتها بهمس:حلا الله يأخذها هذي وش جابها هنا لهنا أوقف والملكه ما بعد تخلص أحداثها توقعاتكم - حلا وش اللي جابها لملكة سالم ؟ - سمر ما مصيرها مع بشار بعد ما بدت تكلمه؟ - بشار هل اللي يغزوا قلبه الحب أم شي ثاني؟ وهل ممكن ينقلب ضد أخته علشان قلبه؟ - صاحب الرسايل المجهوله هل راح يطلع لأنين مثل ما هي متوقعه ؟ ومن يكون؟ سليمان هل رح يعرف ان سبب التعب اللي فيه هو انين و انتيا؟ &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& ودي لكم قلب أمي وروحها &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& .. .. .. |
البارت العاشر &&&&&&& انين وهي جالسه ومتضايقه لأنها ما تعرف احد وهي من طبعها ما تحب الجمعات ولا المناسبات لمحت وحده تعرفها وتفاجات لما شافتها وبهمس:حلا الله يأخذها هذي وش جابها هنا قامت من مكانها وشافتها حلا وتوها بتسلم عليها إلا انين ساحبتها من يدها للصاله الخارجيه انين بهمس ومعصبه:أنتي وش جابك حلا بابتسامه:جيت احضر الملكه انين وهي تطالعها بعصبيه:أنتي تستهبلين ولا ايش الحين تمشين سامعتني الحين حلا:ليه امشي انا ولا مره حضرت ملكه من قبل انين:ايه صح أنتي كيف عرفتي ان الملكه اليوم حلا :من ناديه العنود عزمتها وآنا قلت بجي مكانها انين:وآنا أقول توريني جمال خطوتك وتطلعين الحين من المكان حلا :بس خليني اسلم على العنود أول انين تطالعها وكأنها ودها تذبحها حلا:وش فيك بسلم على البنت علشان تعرفني وتحس بالراحه اتجاهي علشان إذا عزمتها ناديه ترضى تجي انين :بسرعه تسلمين عليها وتفارقين ولا والله يا حلا لأوريك شي عمرك ما شفتيه حلا تعرف انين زين وعارفه انها ممكن تسبب لها مصيبه فقال بسرعه:طيب وين العنود انين وهي تاشر:هذيك حلا:اوكي باااي........... وتمشى بدلع ناحية العنود انين في نفسها:والله لو انا مو محتاجتك كان علمتك شغلك عدل كان أنتي من زمان في السجن ومع الناس اللي من شكلك ومشت دخلت عند الحريم راحت حلا للعنود:مرحبا العنود تطالعها :آهلين حلا:أنتي العنود صح العنود باستغراب:ايه من أنتي حلا :انا حلا جايه من جهة ناديه العنود بابتسامه:هلا والله .....وسلمت عليها وصارت تلتفت:وين ناديه حلا:والله ما قدرت تجي فأرسلتني مكانها واسمي حلا العنود:عاشت الاسامي والله نورتي حلا:تسلمين حبيبتي يله انا لازم امشي العنود:وين تو الناس حلا:لا حبيبتي انا جايه بس اسلم وأروح العنود:على راحتك وسلمي لي على ناديه حلا بابتسامه جذابه:يوصل باااي العنود:باااي ومشت تطلع من المكان مثل ما قالت لها انين العنود في نفسها:والله هالناديه طلعت مو هينه تعرف ناس كشخه واتكيت وشكلها من الطبقه الرفيعه &&&&&&&&&&&&&&& عند الرجال سالم قاعد مع ناصر وهاني ومبسوط على الأخر والدنيا مو سايعته من الفرحه هاني سرحان ويطالع بشار وخليل هاني:ياربي أحس إني ما ارتحت لهم حاس ان وراهم مصيبه كبيره وحرك عيونه على ابو سالم:معقوله عمي ابو سالم في ماضيه يكون سوا هالمصايب كلها والله المحيرني شي واحد هي تزوجته علشان تبغاه ولا علشان شي ثاني وصار يفكر ويفكر خليل ما فاته نظرات هاني لهم وهمس لبشار:وش فيه الحبيب يطالعنا بشار :يمكن معجب ههههه خليل :يا ثقل طينتك بس بشار:ترى مو بس هذا اللي يطالعنا حتى سليمان وده يأكلنا شكل أختي مسويه الدواهي والعمايل معاهم خليل:والله هم المساكين مو أختك اللي ما ينخاف عليها بشار ابتسم ومارد عليه وطرا عليه صورة سمر وتنهد بحسره وطبعا تنهيدته ما فاتت خليل اللي ابتسم لأنه حاس بصديقه ويتمنى فعلا ان اللي في باله يصير يمكن توقف هالمهزله والإجرام اللي قاعد يصير سليمان وهو قاعد بين الرجال بكشخته سمع ناصر يكلمه:بو دحوم سليمان:هلا ناصر:قوم سليمان:وين ناصر:يا أخي قوم روح شوف أهل البوفيه تراهم جاو وما في احد يباشرهم روح تأكد كل شي تمام ولا لا سليمان:اووووف وما في احد غيري ناصر:يا أخي انا بروح أجيب قهوه يله قوم سليمان:طيب قمنا قام وراح جهة الباب وناصر طلع راح المطبخ علشان القهوه &&&&&&&&&&&&&&&& عند الحريم والسوالف الخاله أم ناصر مبسوطه على الأخر وسمر تساعدها في الضيافه والتقديم للحريم والعنود صعدت عند غزلان علشان تخليها تتجهز تنزل للحريم ويسلمون عليها الخاله أم ناصر:يمه سمر سمر:سمي يا خاله الخاله أم ناصر:روحي يمه جيبي باقي الحلا في المطبخ وضيفي الحريم سمر بابتسامه:ان شاء الله من عيوني راحت المطبخ ودخلت :انتيا وين هذا حلا (انتيا جات معاهم تساعد خدامة أم ناصر) انتيا:على تاوله سمر:و القهوه جاهزه شافت الخدم يطالعون وراها استغربت جاها صوت من وراها:احم احم التفتت بخوف وطلعت عيونها ورجعت على وراء شافت واحد طويل ولابس ثوب ابيض وشماغ احمر ومسوي سكسوكه سمر تصلبت من الخوف وتحس قلبها يضرب بقوه وريقها مسدود وناشف وبعدها نزلت راسها وطلعت بسرعه من المطبخ ووصلت للصاله وجلست على أول كرسي ورجولها ترجف وحاسه الجو مخنوق ورفعت يديها وشافتهم يرجفون وضمت يديها مع بعض وصرخت:ااااه العنود:بسم الله وش فيك سمر وهي تحط يدها على قلبها:يا دبه خوفتيني العنود:سمر وش فيك لونك احمر وتلهثين فيك شي سمر وهي توقف وبسرعه:ل لا ما ..مافي شي العنود طنشت:طيب ترى غزلان شوي وتنزل يله نروح لها سمر وهي تعدل شعرها بيدها بطريقه متوتره :طيب &&&&&&&&&&&&&&& شايل كراتين البيبسي ويحطهم عند مدخل الفله سليمان:هالخايس ناصر يقول لي شوف البوفيه وفي الأخير يخليني حمال له وصار يشيل وهو يتحلطم وأخر كرتون بيبسي شاله وهو لاف بسرعه ضرب في شي حط الكرتون وشاف بنت على الأرض سليمان : أسف حلا بلسان طويل:عمى ما تشوف غبي انت سليمان اللي كان بيسأل إذا كانت بخير غير رأيه بعد طوت لسانها:محد قالك ما تنتبهين مالك عيون حلا وهي تقوم:اااااي يدي وشافت جوالها في الأرض متكسر لأنها كانت تكلم و بدلع :جوااااالي والتفتت لسليمان:شوف وش سويت كسر جوالي سليمان نزل يجمع الجوال وهي نزلت تجمعه معاه ويسمعها تتحلطم مسك نفسه وقال:أسف ما انتبهت خلاص كذا ...ولف بيروح حلا وقفت وشافته بيروح وجات قدامه:أنتي هيه وين بتروح سليمان رافع حواجبه مستغرب منها قاطه الميانه:نعم وش قلتي حلا:قلت على وين ان شاء الله...و تتخصر سليمان:وأنتي من علشان تسالين حلا:انا صاحبة الجوال اللي كسرته سليمان وهو يتعداها:الله يعوض عليك حلا :استنى سليمان لف لها ما يدري ليه حس انه بدا يتسلى:خير حلا:اسمع يالدب تشتري لي بداله أنتي تكسره وتبغاني انا اشترى بداله لا والله ما شرالي بداله غيرك سليمان:أنتي تعرفيني علشان تقطين الميانه حلا وهي تتكتف:مو مهم المهم تجيب بدال جوالي اللي كسرته سليمان ابتسم ما يدري ليه ودخل يده في جيب وطلع جواله وفك الشريحه وخذا جوالها وعطاها جواله ومعاها شريحتها :ها كذا تمام اعتقد انك أنتي الربحانه جوالي متطور و أحلى من جوالك حلا ترفع الجوال وتميل فمها:ما شي الحال يله باااي سليمان طالعها وحس انه يبغى يشوفها مره ثانيه وطلع في باله فكره وناداها:أنتي هيه استني وين رايحه حلا بطولت لسان:خير سليمان مد لها ورقه عطيني رقمك علشان بكره أكلمك وأقابلك وأعطيك جوال بدل جوالك واخذ جوالي انا ما عطيتك الجوال لك حلا وهي تطالع الورقه وكتبت رقمها: بس لا يكون جوال مغشوش ولا تفكر تلعب علي ترى بوريك شغلك سليمان وهو يمشي و مطنشها حلا مشت وهي تطالع الجوال البلاك بيري وتبتسم وفي نفسها:انتظرني أرد عليك وردد ردد يالييييل ما أطولك خل راعي السوبر ماركت حق حارتنا يرد عليك ههههههههههه وراحت وهي تضحك رجع سليمان المجلس وهو على وجهه الضحكه وجلس &&&&&&&&&&&&&&&&&&&&& ناس تضحك وناس فرحانه وناس سرحانه ناصر سرحان ويتذكر ناصر:رحت المطبخ ودخلت وطلبت من الخدم يعجلون في القهوه علشان ما اتاخر على الرجاجيل التفت للصوت الناعم اللي سبق صاحبته ودخلت شفتها كانت بقمة النعومه وهي ما انتبهت لي لاني كنت واقف جنب الثلاجه وما أبين وآنا من الدلاخه ظليت متنح ويوم حسيت ان الشغالات يطالعون تنحنحت التفتت علي وكسرت خاطري الرعبه اللي في عيونها وجذبتني هالعيون العسليه ومشت من قدامي بسرعة البرق وبعدها جاني عرق الفضول وسالت خدامتنا لان خدامة عمي ابو سالم ما ارتاح لها وقالت لي هذي سمر يا حليلها كبرت خبري فيها أخر مره لما كنا صغار وهي كانت من النوع اللي ما يلعب هاديه صح على ضربه على كتفه سالم:وين رحت ناصر بابتسامه:ما رحت مكان هاني:كذااااب صار لنا ساعه نناديك وأنت حاط نفسك على الصامت ناصر:ههههههههههههههههههههههههه هاني وسالم يطالعون بعض مستغربين ما قالوا شي يضحك لها الدرجه &&&&&&&&&&&&& عند الحريم طفوا الأنوار وركزوا النور عند اعلي الدرج المزين والمزخرف لها الليله شغلوا الشعر الي كان من اختيار العنود وطلت غزلان اللي كانت بأبهى حله وسمر والعنود يساعدونها وصارت تنزل على الأبيات الشعريه هلا يافتنه الحفله .... هلا والفرحه أكتملت ......................................هلا باللي سحرت كل العيون والزين كاسيها هلا باللي القمر منها رحل يومنها طلت ...............هلا (بغزلان ) ومثل (غزلان ) بالدنيا أثنين مافيها نويت أني أوصّفها وحروفي بوصفها أحتفلت ....................................وأشوف الشعر يسبقني ويكتب كل معانيها عليها من الحسد عيني ذكرت محمد وصلت ...................................وعليها من الفرح شعري رقص بأحلى لياليها أنا بوصفها أببدأ بشعرها يوم له فلت .....................................سواد الليل والجبهه قمر نوره يغطيها وعيونها عيون حوريه ومنها الحور أتحلت ...................................يعني بأختصار كامله وجمال الكون بيديها و(غزلان) أذا رخت رموشها وسلت ......................................تصيب اللي يحب الزين ويعشق غواليها و(غزلان) مثل القمر عيونا منها ماملت .......................................عسى ربي من الحاسد بأمره اليوم يحميها و الليله كل الناس أحتفلت ............................ليله من العمر صارت (غزلان) اللي تحليها ولما نزلت وجلست على الكرسي المجهز لها بدوا الحريم يسلمون عليها وحده وحده ويباركون لها طبعا هذا كله من ترتيب العنود اللي أصرت ان ملكة أخوها ما في احد يهتم فيها غيرها وبعدها شغلوا الدي جي وبدوا يرقصون أول من رقص العنود والخاله مع بعض وبعدها سحبوا سمر اللي ترقص برقه وبعدها قاموا الحريم بالرقص أما انين فكانت تطالعهم وش كثر هم فرحانين وقامت من المكان وطلعت عند البلكونه اللي في الصاله تحس روحها مخنوقه انين:انا وش فيني ليه متضايقه يا ربي هم فرحانين ومجتمعين وأهل مع بعض وآنا ما عندي إلا بشار انا وهو وحيدين مالنا أهل ولا احد يحبنا وتذكرت شكل العنود مع خالتها وحسدتها في ذيك اللحظه من كل قلبها أمتلت عيونها بالدموع اللي مستحيل تخليها تنزل الحين وصارت تتخيل لو تزوج بشار من بيوقف في عرسه غيرها هي بروحها بدون اخت ولا أم ولا أب انين:أسوء شي في هالدنيا لما تحس انك محروم ووحيد وما لك احد ولا لك قلب يحبك ...وتنهدت :اااااااااااااه التفتت للصوت من وراها:أنتي هنا انين وهي تستعيد الضبط على نفسها:تبغين شي سمر بابتسامه:ايه ابغاك ترقصين معاي انين:ايش لا انسي سمر وهي تمسك يدها:يله عاد انا برقص معاك انين:لا ما ابغى سمر وهي تسحبها: يله عاد وشغلوا أغنية بمنتهى الرقه وصارت ترقص مع سمر اللي ماسكه يدها وبعد فتره تركتها ووقفت رقص وصارت تصفق لها وانين صارت ترقص وتبدع لحد ما خلصت الاغنيه وبعدها رجعت مكانها وجلست والعنود والخاله أم ناصر مبين على وجههم الضيق وسمر عارفه بس طنشت أهم شي انها ترضي أبوها وأخوها &&&&&&&&&&&& عند الرجال رن جوال ناصر ورد وبعدها صكر والتفت على سالم :يله سالم:وين ناصر:ما تبغى تشوف عروستك سالم بابتسامه:أكيد قام معاه ودخله مجلس خارجي وطلع سالم:دخلت مجلس وآنا انتظر بشوق اللحظه اللي يا ما تمنيتها من سنين ورجعت به الذاكره لسنين طويله وراء وهو يبتسم غزلان وهي تلعب بالرمل على البحر وسالم معاها غزلان وهي تحاول تبني بيت:يووووه سالم:وش فيك غزلان:ما يضبط كله يطيح سالم:وش هو غزلان :بيتي سالم جاها :انا بساعدك وبنو البيت مع بعض غزلان وهي تناقز بعد ما خلصوا من بناء البيت:هيه هيه هيه سالم:شفتي خلصنا هذا بيتك غزلان:لا هذا بيتنا انت بنيته معي سالم:صح بيتنا غزلان:بكرا إذا كبرنا وصرنا كباااااااار...وتمد يدها لفوق بطريقه طفوليه:راح يكون عندنا بيت انا وأنت زي كذا سالم:ايه بس كل واحد لحاله غزلان بوزت بزعل:ليه سالم:ما يصير اسكن معك غزلان:طيب هذا أمك وأبوك مع بعض نسوي مثلهم سالم:أمي وأبوي متزوجين غزلان ببرائه وهي تبتسم:خلاص نسوي مثلهم ونتزوج احنا بعد سالم:ههههههههه واستيقظ من ذكرياته على دخولها عليه &&&&&&&&&&&&&&& غزلان جات لي أمي وسمر وقالوا لي يله وقمت معاهم وآنا مبسوطه أحس إني اليوم املك الدنيا وما فيها وصلت لجهة المجلس وسمر اختفت وشفت ناصر واقف دخلت المجلس شفته قاعد على الكنب وعلى وجهه ابتسامته اللي أحبها شفته حبيبي وصديق طفولتي وولد خالتي والحين يحمل أجمل لقب زوجي نزلت عيوني وجلست وناصر وأمي طلعوا &&&&&&&&&&&&&&& قام سالم من مكانه وجلس جنبها وبهمس:ألف مبروك يا عمري غزلا وهي منزله راسها وبخجل:الله يبارك فيك سالم وهو يمسك يدها ويبوسها:حياتي طالعيني غزلان بعد لحظات رفعت عيونها وظلت عيونها معلقه بعيونه سالم وهو غرقان في عيونها لا يــا بــعــد كــلــي حــيــاتــي تســاويك اقــطــع وريــدي وإن نـــبض حب ثـــاني ثـــــلات فـيــنــي كــلــهــا تــرتـبــط فـــيك أعشــقك.. أحبـــك.. والـهــوى صــار عنواني وإن كــان مــا تـــدري أنــا أقــول وأطريــك حـــبك مـلــكـنــي في ضـــميري ووجــداني غزلان نزلت عيونها سالم وهو يقوم ويقومها معاه و فتح الطقم الشبكه وطلع طقم ناعم وحلو سالم وهو يشيل السلسال:شوفي من البداية بقول الصراحه ترى ما اعرف شي في هالامور وقعدت أتدرب على العنود لمدة أسبوع غزلان ضحكت بخفه:ههه سالم:جعلني فدوه مسك السلسال وبدا يلبسها وكل ما يقرب غزلان ترجف وهي يقولها:وش فيك ترى الدنيا حر مو برد وهي تفهم عليه وتنحرج وما ترد ولما خلص من السلسال طبعا بعد جهد جهيد لبسها الخاتم ونزل ليدها وباسها برقه رفع رأسه شاف دموعها سالم بخوف:حياتي وش فيك غزلان:مبسوطه سالم ابتسم:والمبسوط بيكي غزلان:تمنيت لو أبوي هنا ويشاركني فرحتي سالم يمسك طرف شماغه ويمسح دموعها برقه غزلان:بيتوسخ شماغك بالكحل سالم:الشماغ وصاحبه فداك غزلان زاد صياحها:الله يخليك لي سالم ضمها وهو يبتسم:ولا يحرمني منك يله عاد خلاص حياتي …ويسوي روحه خايف:والله لو تدخل خالتي وتشوفك تبكين تذبحني تفكرني مسوي فيك شي غزلان من بين دموعها:ههههههههههه سالم مسح دموعها وباس عيونها:طول ما انا حي ما ابغى أشوف هالدموع ابد غزلان أشرت برأسها &&&&&&&&&& خلونا نخليهم ونروح للقلوب الحاقده وبعض الأكشن &&&&&&&&&&&&&& اتصلت على بشار وقالت له بتطلع بشار قال لأبو سالم واستأذن طلعت انين ووصلت لسيارة بشار ولمحت ورقه مكتوبه ومعلقه على جهة الباب اللي تركب منه خذت الورقه ولما جات بتفتحها شافت بشار وخليل جايين دخلت الورقه بسرعه في الشنطه بشار:يله انين:يله خليل راح لسيارته وبشار وانين ركبوا بشار:على بيتك انين:بروح معاك البيت بشار:ابو سالم يدري انين بضيق:راح اتصل فيه وأقول له بشار:وش فيك انين:ولا شي بشار سكت وهو عارف أخته راح تجي وتقول له من نفسها في الأخير وهو ما يبغى يضغط عليها وهي مبين عليها الضيقه في نص الطريق خليل تركهم وراح لبيته وانين وبشار راحوا لبيتهم بعد ما انين اتصلت على ابو سالم وأعطته خبر وصلت البيت مع بشار ودخلت وما أنطقت ولا كلمه غير:تصبح على خير ..وهي تصعد الدرج رايحه لغرفتها دخلت غرفتها وجلست على السرير وعلى طول طلع الورقه تقراها وبعدها ابتسمت بخبث يعني اللي بغيته صار رجعت تقرا المكتوب (أنتي طلبتي أقابلك وجه لوجه وجاك طلبك بكره الساعه 4 في المطعم(......) اتمنى تكوني مستعده للمواجهه) عفست الورقه في يدها وهي معصبه وتردد:انا مستعده وخلني اشوفك بس وبعدها لكل حادث حديث &&&&&&&&&&&&&& طلعوا من الملكه أخر الناس وهم في السياره مع سليمان العنود ما وقفت حش في خلق الله وسليمان سرحان أما ابو سالم وسمر يسمعون للعنود العنود:والله ان غزلان طالعه قمر فديت قلبها سمر:واخوي بعد بسم الله عليه يهبل الله يسعده الكل:امييين العنود:وشلون ما يطلع يهبل وآنا العنود أخته ابو سالم:لا وأنتي الصادقه لاني انا ابوه وهو طالع علي سمر والعنود:هههههههههههههه وصلوا البيت ونزلوا وكل واحد راح لغرفته سمر أول ما دخلت الغرفه رن جوالها رفعت الجوال وابتسمت سمر:الو بشار:هلا وغلا والله سمر:هلا فيك بشار:إخبارك اليوم ما كلمتيني سمر:أسفه بش انشغلت شوي بملكة سالم بشار:لا تعتذرين حياتي سمر:كيفك بشر:طول ما انا اسمع صوتك بخير سمر بخجل:تسلم بشار تنهد:اااااااه سمر بخوف:بشار فيك شي بشار:لا ابد حياتي سمر:قولي وش فيك انا حاسه ان فيك شي بشار:ولا شي حبيبتي بس كنت أفكر في هالدنيا سمر:وش فيها لدنيا بشار:ظالمه ظالمه كثير سمر:الدنيا مو ظالمه قل البشر هم الظالمين ولا الدنيا هي نفسها الدنيا من الألف السنين ما تغيرت بس الناس هم اللي تغيرون بشار وهو يتذكر انين وأبو سالم :معاك حق سمر:تبغى تقول شي مضايقك بشار ابتسم:ابغى افهم كيف سمر:شنو اللي كيف بشار:كيف تفهميني أو تعرفين اللي أحس فيه سمر:قلبي يقول لي بشار:يسلم لي قلبك سمر:تسلم وظلوا يسولفون طول الليل بس اللي ما يعرفونه ان في احد كان يسمع اللي يقولونه ولمعت عيونها بتفكير ومكر مثل سواد الليل &&&&&&&&&&&&&&&&& تـــــــــــــــــــابــــــــــــعـــــــ أشرقت شمس الصباح معلنه عن يوم جديد قاعده تفطر ي الحديقه لحالها وجاء من وراها بشار:صباح الخير انين بابتسامه:صباح النور بشار:وش هالنشاط انين وهي تصب له شاهي:انا ما اسهر مثل بعض الناس بشار وهو يفطر:من تقصدين انين تطالعه بمعنى أقصدك انت بشار رجع يكمل فطوره وأنظار أخته عليه انين:بشار طالعني بشار رفع نظره يطالعها انين وهي تحط يدها على الطاوله وتقدم في جلستها:اتمنى ان اللي في بالي مو صحيح وتكمل وهي تركز في عيونه:لان في ذاك الوقت راح نفقد السيطره وآنا ما أحب أكون غير مسيطره على الأمور اللي حولي وراح تصير مشاكل كثيره ما نبغاها تصير فاهم علي يا...وهي تشدد على كلمه اخوي: اخوي بشار وهو يقوم:لا تخافين ما في شي خارج عن السيطره واللي تفكرين فيه ما راح يصير انين بابتسامه:اتمنى طلع من الفله وهو متضايق وراح الشركه يحط حرته بالشغل تراك وراه انين اللي ما راح تمشي الموضوع على خير &&&&&&&&&&&&&&&& قاعد وراء مكتبه ويفكر:اليوم بشوفها وش راح تكون ردة فعلها من كلام سالم انها طيبه بس اللي أشوفه انها غير كذا اللي شفته بعيونها شي يخوف يتعدى الحدود وتسند على كرسيه وظل يفكر &&&&&&&&&&&&&&&&&& في المدرسه هااااااي التفتت لصاحبة الصوت العنود:هلا ناديه:اشوفك جيتي اليوم العند:وليه ما أجي نديه :قلت أمس سهرانه وملكت اخوك يمكن ما تجين اليوم المدرسه العنود:لا ما أحب أغيب لان البيت ملل...وتذكرت:إلا صح أنتي ليش ما جيتي ناديه:والله ما قدرت بس أرسلت حلا بدالي العنود بفرح:ايه شفتها تهبل هالبنت تصير لك ناديه ابتسمت بنذاله:لا هي صديقتي من زمان كنا جيران من قبل وإحنا نقلنا بس لحد الحين أشوفها العنود:اها بس ما شاء الله عليها ذوق و دلع وأناقه ناديه:وش رايك لما أروح أخذك معاي لها العنود:انا أروح لا صعبه ناديه:ليه صعبه عادي انا بروح معاك وبعدين هي تقول ان صديقتك عجبتني العنود:صدق ناديه:ايه وشكلك أنتي وياها بتصيرون ربع بعد ونصير احنا الثلاث صديقات العنود:خلاص متى ما جيتي بتروحين قولي لي اضبط عمري ناديه بمكر:اوكي يا حلو وكملوا سوالف &&&&&&&&&&&&&&&&& توه مصكر الخط منها كل ما يكلمه يحس بالراحه ويحس انه مبسوط دخل عليه وشافه سرحان خليل يرمي الملف بقوه على الطوله:طراااخ بشار بخوف وصراخ :وجع خبل انت خليل:ههههههه احد قالك تسرح بشار:اووووف لا حول ولا قوة إلا بالله خليل:وش فيك سرحان ومنت مع الناس بشر:ما فيني شي خليل:اها قلتي لي ما فيك شي بشار:وش قصدك خليل:شوف انت عندي مثل الكتاب المفتوح اعرف وش فيك بكل بساطه بشار:لا والله ويا عالم زمانك وش شفت فيني خليل:اللي مأخذ قلبك وتكلمها دائما بشار قام وراح ناحية النافذة وهو ساكت خليل من وراه:تحبها بشار طالعه ومارد خليل:رد علي تحبها بشار:لا خليل:وش تسميه هجل بشار:ارتاح لها خليل:وبعدين التفت عليه بشار:ارتاح لها وأحس ان ما تستاهل اللي رح أسويه فيها هي طيبه ولا يمكن تأذي احد خليل:طيب لا تأذيها بشار وهو يبتسم بضيق:أنت نسيت انين خليل وقف:وأنت لازم تنفذ كل شي تقوله انين بشار:انا لا يمكن أخون ثقة أختي فيني خليل:لا تلعب على نفسك انت عارف ان أختك ما تثق فيك بشار وهو معصب:خليل وش هالكلام خليل وهو يطالع بشار:انين مريضه نفسيا وأنت وآنا عارفين هالشي لان ما في احد صاحي ممكن يسوي اللي تفكر فيه أختك بشار:حتى لو الكلام اللي تقوله صحيح مستحيل أوقف ضدها وأنتي يا خليل لا عاد اسمعك تجيب طاري انها نفسيه ولا المرض النفسي خليل:بس......... بشار يقاطعه وبحزم:خليل كله ولا أختي فاهمني خليل:كيفك انا علمتك وأنت حر شوف الملف يحتاج توقيع بعض الأوراق وطلع وهو معصب من بشار اللي متخذ موقف ضعيف قدام انين اللي تتحكم فيه مثل اللعبه &&&&&&&&&&&&&& الوقت المنتظر الساعه 4 العصر المكان :مطعم(.........) جالسه في المطعم وعلى نار وودها تعرف الشخص اللي يعرف عنها كل شي نزلت راسها تشوف الساعه وحست في احد واقف قدامه رفعت راسها وظلت تطالعه حست انه مألوف وشافته بس وين سحب كرسي وجلس قدامها وهي لحد لحين تطالعه شال النظارات الشمسيه من على عيونه وهو يطالعها انين:انا وين شايفتك هاني :ما تتذكرين انين تذكرت:انت اللي صدمتني وأنت اللي شفتك بالملكه أمس هاني:ايه انين:وأنت اللي ترسل لي الرسايل هاني وهو يعتدل في جلسته ويحط كوعه على الطاوله ويتقدم في جلسته ويطالع عيونها:ايه انين باستغراب:انت وشلون تعرف عني ....وسكتت هاني:انك انين سالم الغانمي بنت صار لها حادث هي وأخوها وأمها وأبوها توفوا واثنين دكاتره خلوها تطلع من المستشفى وتعيش عن رجال ثاني ويربيها هو وزوجته اللي هم محمد وسلمى انين ما عجبها الكلام اللي قاله وظلت تطالعه بحقد وودها لو تذبحه لان بها المعلومات راح يخرب كل شي عليها ما توقعت تقابل شخص ما تعرفه انين:انت من وين عرفت كل هذا هاني:انا اللي بسالك انا يمكن عرفت عنك أشياء كثير بس في شي ما عرفته انين طالعته وهي ساكته هاني:ليش تزوجتي ابو سالم انين وهي ترجع على الكرسي وبابتسامة خبث:تبغى تعرف ليه هاني ساكت ومن خلال دراسته وذكائه في علم النفس يحاول مع كل حركه وكلمه يتوصل لتحليل لشخصيتها انين: انا اقولك ليش علشان نلعب هاني عقد حواجبه:تلعبين انين:ايه نلعب لعبه مره حلوه هاني:وأبو سالم أكيد هو صاحب اللعبه انين:تو تو ابو سالم هو وعياله الهدف هاني:الهدف يعني مثل ما توقعت أنتي ناويه تدمريهم على اللي سواه ابو سالم فيك انين اختفت ابتسامتها:انت وش تعرف انت ما تعرف أي شي هاني:إلا اعرف واعرف الشي الكثير اعرف ان ابو سالم هو سبب موت أبوك محمد اللي رباك انين بعصبيه:اسكت هاني وهو يرفع صوته:واعرف ان هو تهجم على أمك اللي ربتك سلمى انين وهي تحط يديها على أذانيها:قلت لك اسكت هاني:وعلشان كذا أنتي واخوك راح تدمرينه انين بعصبيه:راح أدمرهم واحد واحد راح أنفذ الوصيه راح أخليهم يدفعون الثمن راح أخليهم بدل الدموع يبكون دم راح أعلمهم ان الماضي ما يندفن مهما حاولت تدفنه يرجع ويطلع ويقلب حياتك جحيم هاني طول ما هي كانت تتكلم بهستيريه كان يطالعها بصمت انين خذت نفس وابتسمت:راح أخليه محروق القلب هاني بهدوء:أنتي عارفه ان كل هذا مرض نفسي انين بهدوء غريب ولا كأنها قبل ثواني كانت ثايره:ههههه عارفه إني مريضه نفسيا وعارفه ان الانتقام فكره مريضه هاني:اقدر أعالجك وأساعدك انين تقاطعه:ومن قالك إني ابغى أتعالج هاني استغرب وعقد حواجبه :ما فهمت انين وهي توقف:انا لو تعالجت ماراح اخذ بحقي من ابو سالم مرضي وجنوني هم اللي يساعدوني على إني أسوي العجايب بدون تأنيب الضمير اللي راح يخرب علي كل شي وقبل ما تطلع قال لها هاني:مثل ما تذكرين أمك وأبوك اللي ربوك اذكري أمك وأبوك الحقيقيين اللي لو كانوا عايشين ما كانوا يبغون بنتهم تحمل كل هالشر والحقد والكره انين وهي معطيته ظهرها:الحمد لله انهم مو عايشين علشان ما ينصدمون فيني هاني قام وقرب منها ومد لها كرته:لو فكرتي في يوم تتعالجين راح أكون موجود واخذ بيدك انين طالعت الكرت وخذته وشقته لقطع صغيره ورمته في الأرض:ماله داعي لاني مو ناويه أتغير ابد وانا انصحك توخرعن طريقي لانك صدقني مو قدي ابد وقد اعذر من انذر وطلعت وخلت هاني اللي ما اهتم لتهديدها واللي مو من عوايده انه ما يساعد أي احد حتى لو كان هالواحد رافض المساعده وهو يعتبر انين الحين تحدي كبير بالنسبه له &&&&&&&&&&&&&&& قاعد في غرفته ويفكر فيها رفع جواله الثاني واتصل على الرقم اللي عطته إياه سليمان:الو الطرف الثاني:ايوه سليمان يطالع الشاشه مستغرب:من انت الطرف الثاني:انت المتصل وبتسال انا مين انت اللي مين سليمان:هذا الرقم رقمك الطرف الثاني:انت بتستعبط ولا ايه يعني بتتصل عليا وبتسالني إذا كان الرقم بتاعي ولا لا صحيح ناس غقر وفايئه ورائقه وما بتختشيش صكر الخط في وجه سليمان اللي معصب سليمان:أيا بنت اللذين النصابه خذت الجوال ومعطتني رقم واحد مصري لو اشوفك راح أذبحك حط يده وراء رأسه ويفكر كيف يشوفها وشوي دخلت انتيا عليه بكابتشينو سليمان:من قالك إني ابغى كابتشينو انتيا:ما في قول بس انا قول هزا كويس علشان أنتا سليمان وهو معصب:شيليه وفارقي ومره ثانيه لا تتفلسفين وتجيبين لي شي ما طلبته يله انقلعي برا انتيا وهي تشيل الكابتشينو وتطلع من الغرفه وسليمان رجع لأفكاره مره ثانيه ويفكر شلون يلقى هالبنت ومن هي سليمان في نفسه:لازم اعرفها لهنا أوقف واترك لكم حرية التعليق &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& ودي لكم قلب أمي وروحها &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& .. .. .. |
البارت الحادي عشر &&&&&&&&& قاعدين ويسولفون ودخل عليهم ناصر ناصر:السلام عليكم غزلان وام ناصر:وعليكم السلام ناصر وهو يحب رأس أمه:يا سلام وش هالقعده الحلوه أم ناصر:الله يرضى عليك يا وليدي غزلان بزعل:بس هو وآنا ما تذكريني أم ناصر:هههه وأنتي بعد يا حبيبتي ناصر:يا شين اللي يغارون إذا بغيتي تغارين روحي غاري على سلوم موب علينا انا وأمي غزلان بفشيله:يمه شوفيه أم ناصر وهي ماسكه ضحكتها:ناصر يمه اترك أختك في حالها ناصر:ان شاء الله ....وتحول صوته للجد:يمه انا ابغى أتزوج وش رايك يالغاليه أم ناصر وغزلان سكتوا متفاجأين لأنهم يا ما حنوا عليه وهو كان يقول تو الناس ناصر:وش دعوه ما ودكم أتزوج ولا وش السالفه أم ناصر:والله يا وليدي هذا منى عيني غزلان وهي الثانيه فرحانه:أخيرا ما بغينا ..ها تبغى ندور لك ناصر وهو يحك رأسه:والله انا حاط احد في بالي أم ناصر :من هي ناصر بابتسامه:سمر أم ناصر:سمر بنت أختي غزلان وهي توقف وتجلس جنب أخوها بفرحه:سموره يا سلام والله وعرفت تختار أم ناصر:يا زين ما اخترت يا وليدي سمر ما في مثلها غزلان بفرح:ألف مبروك يا خوي ناصر:الله يبارك فيك أم ناصر وهي بتبكي :ألف ألف مبروك يا وليدي ناصر يحب رأس أمه:الله يبارك فيك يالغاليه يا تاج راسي أم ناصر:نخطبها اليوم غزلان:ايه اليوم خير البر عاجله وإحنا ما صدقتنا انك تفكر تتزوج ناصر:خلاص اليوم اكلم سالم علشان يكلم عمي بو سالم أم ناصر هزت راسها موافقه على كلام ولدها &&&&&&&&&&&&&&&& دخلت الغرفه وسمعت جوالها يرن راحت له بسرعه وهي عارفه من اللي يتصل بدون ما تشوف الشاشه لأنه هو اللي يتصل بها الوقت سمر وهي تلهث:الو بشار وهو مستغرب:وش فيك تلهثي سمر:لا بس كنت اركض بشار:تركضين ليه سمر استحت تقول علشان الحق على الاتصال قبل لا ينقطع:ولا شي قل لي وش أخبارك بشار:الحمد لله دام إني اسمع صوتك انا بخير سمر:دوم بشار:وش أحوالك وأحوال انين معاكم سمر:كلنا بخير وانين ما في مثلها بشار في نفسه:لو تدرين من انين ووش ناويه تسوي فيكم كان غيرتي رايك رجع على كرسيه يريح ويكمل:ما اشتقتي لي ولا لصوتي سمر في نفسها:وشلون ما اشتاق وآنا تعودت أصبح وأمسي بك وصار صوتك شي أساسي في حياتي سمر تغير السالفه:انت وين بشار ابتسم:في الشركه سمر:ليكون مشغول بشار:ايه والشغل واصل لراسي سمر:خلاص بعدين نتكلم بشار:لا تصكين سمر:اخاف إذا طولت معاك أعطلك بشر:ابغاك تعطليني مثل ما تبغين وبعدين انا المتصل سمر بابتسامه:طيب بشار بحنيه:صوتك هو اللي يخفف عني الضغوط سمر:أي ضغوط بشار فيك شي بشار:لا قصدي ضغوط الشغل سمر:فهمت تسلم بشار:خلينا على الرد الرسمي بس في الأخير راح تردين علي رد يجبر خاطري سمر تغير السالفه زي العاده وكملوا سوالف وبشار فكره شارد &&&&&&&&&&&&&&&&&&&& سالم وهو يدخل القهوه ويشوف ناصر ويروح له ويجلس سالم:وش السالفه وش الشي المهم اللي تبغاني فيه ناصر:وش تشرب أول سالم: قهوه تركيه طلبوا بعدها تكلم ناصر:سالم انت وش رايك فيني سالم استغرب :الحين أنتي مناديني وموضوع وفي الأخير تسألني وش رأيي فيك وبعدين ليه تسال ناصر:انت تظن إني إذا رحت لناس وخطبت بنتهم بيوافقون سالم بفرحه:ناوي تتزوج ناصر:جاوبني أول سالم: أكيد يتشرفون فيك انت رجال والنعم فيك وآنا ما أمدحك لأنك ولد خالتي ولا صديقي لا والله هذا الصدق ناصر بابتسامه:تسلم طيب وش بتقول إذا قلت لك بتقدم واطلب أيد أختك سالم اختفت ابتسامته:أي اخت...أختي انا ناصر توتر:ايه سمر سالم: لا ناصر طلعت عيونه:ليه لا سالم وملامحه تتغير لابتسامه شاقه الحلق:لا يمكن طبعا القى احد أحسن منك لسموره ناصر زفر:اووووف والله صدقت سالم: ههههههههههه علشان تعرف مو انت لحالك اللي تعرف تسوي مقالب فينا قام سلم عليه وحضنه سالم وهو يوخر عن ناصر:ما القى أحسن منك يحط سمور بعيونه ناصر:تسلم والله بس ابغاك تقول لعمي وتأخذ رأي أختك سالم: من عيوني اليوم اكلم الوالد وأخليه يكلم سمر بالموضوع ناصر:ما تقصر يالغالي سالم:أفاعليك جلسوا يشربون قهوتهم ويكملون سوالف وضحك &&&&&&&&&&&&&&&&& في البيت الكبير طلع من غرفته بعد ما كلمه صديقه واتفق معاه انه يطلع معاه نزل الدرج وسمع العنود تكلم بالتلفون العنود:وش سوت ههههههههههه سليمان وهو معطي ظهره العنود وبيطلع لفت انتباهه الكلام اللي قالته العنود العنود:وش قلتي نصبت عليه وخذت جواله – ايه – وشو جواله طيب – ههههههههه بلاك بيري والله انها ماهيب هينه ههههههههههه شافت سليمان يطالعها قررت تخلص المكالمه العنود:يله أخليك الحين – ايه الوعد اليوم في المجمع – خلاص حبيبتي - بتجي طيب يله مع السلامه صكرت وهي تطالعه ومستغربه انه يطالعها وهو سرحان العنود بصوت عالي:سليمان سليمان انتبه لها:أنتي بتروحين المجمع اليوم العنود:ايه بروح اشتري لي أغراض ليه تسال سليمان:بروح معاك العنود:وليه تروح معاي انا بروح مع صديقتي سليمان:انا بس بروح معاك ولما ندخل المجمع روحي أنتي مع صديقتك وآنا بروح أتسوق واتقضى لي أغراض العنود طالعته بشك سليمان :متى بتروحين العنود:الساعه سبع ان شاء الله سليمان:سبع ألقاك جاهزه اوكي العنود:اوكي سليمان طلع وخلى العنود الي شاكه في أخوها بس في الأخير قالت يمكن فعلا يبغى يتسوق &&&&&&&&&&&&&&&&& قاعده في غرفتها ووصلها مسج انين :اووف وبعدين معاه هذا ما يفهم انا لازم أدور لها الهاني مصيبه علشان افتك منه ومن مسجات النصح اللي يرسلها لي مسحت المسج ودخل عليها ابو سالم وهو يفكر ومبين عليه الوناسه انين:ابو سالم فيك شي مبين عليك انك مبسوط ابو سالم:وكيف ما أكون مبسوط وسمر انخطبت انين بتفاجأ:انخطبت لمن ابو سالم:ناصر ولد خالتها خطبها انين سكتت تفكر ابو سالم:وين رحتي انين:لا ابد ابو سالم :سالم قبل شوي قالي ان ناصر كلمه وطلب منه يبلغني ونأخذ رأي سمر انين بابتسامه:الله يوفقهم ابو سالم وهو يوقف:يله بروح انا عندي كم شغله بروح أخلصها انين:ومتى بتفاتح سمر بالموضوع ابو سالم:مو الحين إذا رجعت ان شاء الله انين:طيب بس حبيبي بغيت أقول لك إني بعزم بشار عندي يعني نشرب قهوه ونقعد مع بعض مو كل مره انا اللي أروح له قلت أعزمه هنا ابو سالم وهو يبوس راسها:سوي اللي تبغينه حبيبتي انين بابتسامه:مشكور طلع ابو سالم وانين رفعت جوالها واتصلت على بشار انين:بشار وينك بشار:توني طالع من الشركه وبروح البيت ليه تسالين انين:ابغاك تجي لي البيت بشار:وش صاير انين :إذا جيت نتكلم بشار:طيب ربع ساعه وأكون عندك انين:طيب مع السلامه بشار:مع السلامه صكرت الخط وراح تغير ملابسها وهي مصممه اليوم لازم تتأكد من اللي في بالها &&&&&&&&&&&&&&& قاعد وراء المكتب ويرن جواله خليل:الو الطرف الثاني:وينك لحد الحين على موعدنا ولا غيرت رايك خليل:لا ما غيرت رأيي انت في المكان اللي اتفقنا عليه الطرف الثاني:ايه خليل:خلاص جايك احنا لازم نتكلم ونتصرف قبل لا الأمور تكبر أكثر من كذا الطرف الثاني:ماشي استناك خليل:اوكي صك الخط وقام يروح على الموعد &&&&&&&&&&&&&&&&& قاعدين في المجلس وهو يفكر في الموضوع اللي تبغاه فيه أخته بشار وهو يحط فنجان القهوه:وهذي القهوه وشربناها وش الموضوع اللي تبغيني فيه انين وهي تركز نظرها عليه:سمر انخطبت بشار وقف وهو مصدوم:وشلون انخطبت لا مو معقوله انين بهدوء وهي تطالعه:وليه لا زيها زي أي بنت بشار شاف أخته تطالعه وانتبه على نفسه وجلس وهو ساكت انين وهي تقوم وتجلس على الطاوله قدامه بعد ما وخرت الأغراض اللي عليها وبهدوء:انت حبيتها صح بشار وهو يطالع انين:لا ما حبيتها انين وهي تطالعه:لا تكذب ردة فعلك تثبت العكس انا ما قلت لك أنتي ما أحب اللخبطه بشار:لا تخافين انا قلت لك عمري ما أخذلك انين:انت خذلتني وخلصت بشار:انا عمري ما أخذلك ولا أخون ثقتك فيني يا أختي انين وقفت وهي تبتسم:ومن قالك إني أثق فيك أصلا بشار تفاجأ:وش قصدك انين:انت تعرفني يا بشار انا ما أثق في احد بشار:ولا حتى انا خوك انين:ولا حتى انت بشار ابتسم بحزن:والله خليل كان معاه حق انين:خليل وش دخل خليل بشار وقف ونزل رأسه ورجع رفعه:ماله دخل بس انا الأعمى اللي ما كنت أشوف وعلى العموم ما راح أخذلك حتى لو كنتي ما تثقين فيني وخذا مفتاحه ومشى وقبل ما يطلع وهو معطيها ظهره :راح أظل ما شي على المخطط مثل ما اتفقنا تدرين ليه يا أختي لان مو انا اللي يقلب ضد أخته ولا يكسرها ولا يصدمها ويجرحها مشى وهي جلست بتعب على الكنب انين:تتعب الحين يا بشار وترتاح بعدين انا لازم أقسى عليك علشان أوصل للي ابغاه قامت وراحت جهة النافذه اللي تطل على الحديقه وظلت واقفه تفكر ليش صارت قاسيه حتى على احب الناس على قلبها وما تحس بالرفه اتجاه احد &&&&&&&&&&&&&&& طووووووط سليمان في السياره جات العنود وركبت السياره سليمان:وش فيك تاخرتي العنود:ما تأخرت بس كنت البس عبايتي سليمان وهو يحرك السياره رجع يفكر وما تكلم لحد ما وصلوا المجمع دخلوا العنود تلف على سليمان:يله انا بروح صديقتي تستناني سليمان وعيونه تدور في المجمع كله:وينها العنود وهي تاشر:هذيك سليمان يطالع مكان ما تاشر العنود:طيب بس إذا جيتي بتطلعين اتصلي علي نطلع سوا العنود وهي تمشي جهة ناديه:طيب وراحت وسليمان قرر يأخذ جوله في المجمع العنود وصلت لناديه:هاااي ناديه:هاياااات العنود:تأخرت ناديه: لا بس قول لي أول من الحلو اللي كان معاك العنود مستغربه:أي حلو ناديه :اللي كنتي واقفه معاه من شوي العنود:اها وع سليمان حلو ناديه:اسمه سليمان العنود:ايه سليمان اخوي ناديه:اخوك اها العنود تطالعها:لا يكون عينك ليه ناديه:والله حليوه العنود وهي تدفها تمشي قدامها:أقول امشي بس قالت حلو وع مشوا وهم يضحكون وراحوا يتسوقون &&&&&&&&&&&&&& في سيارته وهو متجه للبحر خاف كثير لما اتصل فيه تذكر اتصاله كان قاعد في البيت توه جاي من الشغل ورن جواله ورد:الو بشار:وينك فيه خليل خليل اللي لاحظ نبرة صوته:بشار وش فيك بشار: تعال لي انا عند الكورنيش بسرعه خليل وهو يوقف:صاير شي بشار:تعال وبعدها تعرف خليل وهو يأخذ مفتاح سيارته:طيب جايك رجع للحاضر وهو يوقف سيارته ويروح لبشار اللي كان واقف عند البحر وسرحان خليل وهو يحط يده على كتف بشار الي التفت له خليل:وش فيك بشار:معاك حق بكل اللي قلته لي خليل:فهمني وش صاير بشار تنهد:قالت لي انها ما تثق فيني وهي بتتزوج خليل :لحظه خلني افهم من اللي بيتزوج ومن اللي ما تثق فيك بشار:انين نادتني عندها في البيت وقالت لي ان سمر انخطبت وبتتزوج خليل سكت وبشار كمل:انا فرحان لها وأتمنى ان الي تأخذه يسعدها ويقدر يحافظ عليها خليل:مو زعلان عليها بشار تنهد:اكذب لو قلت لا ما زعلت بس انا عارف من البداية اننا مو لبعض وما ينفع اننا نكون لبعض أصلا ولا نسيت وش ناوين نسوي مع أبوها خليل:لا ما نسيت بشار:انا مقهور اللي نحبهم ما نقدر نوصل لهم وتكون بينا وبينهم حواجز تنهد: واللي قهرني أكثر لما عرفت انين إني حبيتها قالت لي انها ما تثق فيني وإنها من الأساس ما تثق فيني وتتوقع في اي لحظه إني ممكن اطعنها في ظهرها انا أخوها اللي كان مستعد يسوي أي شي علشانها تتوقع منه هالتصرف خليل:قلت لك بشار:عارف والحين عرفت ان معاك حق خليل ابتسم بسخريه:هجل لو تعرف اللي عندي صدق راح تقول معاي حق 100 % بشار:وش عندك خليل:أختك طلبت مني مخدرات بشار تفاجات:ايش خليل:اللي سمعته و بتستخدمه مع مين ما ادري بشار:وأنت جبت اللي طلبته منك انين خليل وهو يطالع البحر:ليه شايفني مجنون امشي وراء أختك طبعا لا بشار:هجل وش سويت خليل:ابد جبت لها شي مضروب ويسبب شوية مشاكل بس أكيد مو إدمان ولا شي يموت بشار زفر:اووووف زين ما سويت خليل وهو يطالع بشار :قلت لك أختك تعدت كل الحدود وأفكارها المجنونه فاقت كل التصورات صارت أفكارها إبليسيه بشار سكت ومارد خليل وهو يلف بشار عليه :لمتى بتسكت لحد ما تغرق أكثر من كذا لحد ما تدمر الكل وتدمرنا معاها بشار وهو يطالع خليل:انت مره قلت لي عن دكتور نفساني خليل ابتسم:ايه وآنا متأكد انه راح يساعدنا بشار هز رأسه:والله ما ادري إذا اللي أسويه صح ولا غلط خليل:انا متأكد ان اللي نسويه صح و علشانها بشار هز رأسه بأيه وسكت &&&&&&&&&&&&&&& صعد لجهة المطاعم تعب من الدواره في المجمع دخل المطعم ولفت انتباهه اللي قاعده وتكلم وبجواله وسمعها تضحك:ههههههههههه هههه جاها ومسكها من يدها وخذا الجوال حلا وهي تلتفت للي خذا الجوال منها:وجع خير سليمان معصب:يا حراميه يا نصابه حلا تفاجات:هذا انت سليمان:ايه انا اللي نصبتي عليه وعطيتيه رقم مصري حلا وهي تتلفت في المطعم:اجلس فضحتنا سليمان وهو يجلس:فضحتك ها والله زين تخافين ليش ما خفتي لما نصبتي علي حلا:ليه انت اتصلت على الرقم سليمان:لا يا شيخه يعني تظنين وش بسوي حلا:ههههههههههه وتحط يدها على فمها وتكمل ضحك:ههههههه سليمان:راح نشوف كيف تضحكين لما أفضحك بين الكل حلا:تفضحني ليه انا وش مسويه علشان تقول بتفضحني سليمان:نصب واحتيال حلا:الصراحه انت غبي المفروض تعرف لحالك إني مستحيل أعطيك رقمي سليمان:غبي في عينك يا نصابه حلا:والله من جدي أتكلم يعني بالله عليك لو كل واحد طلب رقمي وعطيته إياه كان ما بقى احد ما عرفني سليمان يطالعها:قومي حلا باستغراب:وين سليمان:الحين قدامي ننزل وتشترين جوال وانا اخذ جوالي الصراحه ما أضمنك يمكن تورطيني في شي وتنحاشين حلا:مو لها الدرجه سليمان:تقومين ولا أروح بالجهاز مع الشريحه حلا:لا أقوم قامت بعد ما دفعت الحساب نزلوا لمحل جوالات ودخلوا وصارت تتفرج على الجوالات وعجبها واحد سعره ارفع من سعر جوالها التفت لسليمان ومدت يدها سليمان يطالع يدها:خير حلا:ادفع لي ثمن جوالي سليمان وهو يعطيها ظهره ويبغى يقهرها:انا قلت بشتري لك مثل جوالك ما قلت اختاري على كيفك حلا تخصرت:لا والله مالك دخل انا ما ابغى مثل جوالي ابغى واحد أحسن منه ادفع لي ثمن جوالي وآنا بزيدهم واشتري لي واحد أحسن منه سليمان وهو يدور مثل جوالها:لا حلا بصوت عالي:على كيفك هو سليمان لف وصار يشوف أهل المحل يطالعونه وبعدها لف عليها وشافها معصبه:قص في لسانك فشلتينا حلا:شوف لا تقعد تسوي لي حركات نص كم عطني فلوسي لأجيب لك مصيبه سليمان :وش بتسوين مثلا حلا:بنادي الهيئة وبقول انك تتحرش فيني سليمان طلعت عيونه:انت أكيد مو صاحيه أنتي ما تستحين حلا:وليه استحي وبعدين تبغاني أخليك تسرق فلوسي لا يا حبيبي ترى انا حلا والأجر على الله سليمان حس وده يضحك على تهديدها:زين لا تموتين علينا طلع من بوكه فلوس وعطاها وهي خذتهم وراحت عند العامل حلا بابتسامه:سلام العامل السعودي:آهلين من زمان عن هالوجه حلا:هلا فيك أخبارك العامل:ما دامني شفت هالوجه تمام التمام حلا ابتسمت بدلع والعامل يبتسم لها واختفت ابتسامته لما شاف اللي وراء حلا حلا التفتت وشافت سليمان مبين عليه العصبيه ورجعت التفتت للعامل بدون اهتمام: انا جايه اشتري جوال العامل :أي واحد حلا وتأشر على واحد:هذا العامل جابه لها وهي لفت على سليمان:ابغى شريحتي سليمان طلع الشريحه من الجوال وهو يطالعها بكره وعطاها إياه وهي ما فاتتها نظرته وخذتها وعطتها العامل يركبها حلا دفعت فلوسه وخذت الجوال ولفت على سليمان:ها وش رايك مو أحسن سليمان مشى وما رد عليها حلا مشت وراه :انت هيه ليش م اترد شايفني خبله تمشى وما ترد لي سليمان لف عليها بعصبيه:يصير لك العامل اللي في المحل حلا باستغراب:لا سليمان:هجل ليش تكلمينه بميانه حلا:زي ما أكلمك عادي وش فيها سليمان:هذي يسمونها قله ادب وقله حياء حلا كتفت يديها والكلام ما عجبها:هجل انا وأنت قليلين حياء سليمان:احترمي نفسك لأعلمك الاحترام حلا:انت اسمع نفسك وش تقول بعدين حاسب الناس على كلامهم ومشت سليمان طالعها وهي تروح وقبل ما تختفي كان هو يمشي جنبها:أنتي وش اسمك حلا طالعته بطرف عيها وبهدوء:حلا سليمان:ما يناسبك الاسم أنتي لسانك طويل حلا لفت عليه:وأنت أسلوبك زفت سليمان:علشان قلت لك الصدق حلا سكتت وهي عارفه ان معاه حق بس اللي ما يعرفه انها تعرف ناس وكلهم تكلمهم بها الطريقه والأمور أكثر من كذا ومصايب وبلاوي حلا:وش اسمك سليمان:مالك دخل حلا:أحسن عاد من زينه سليمان ابتسم أول مره يقابل احد يكلمه ومن أول مره عرفه بها العفويه ولا مبالاة والصراحه وكأنهم يعرفون بعض من زمان مشت وهو لحقها وهو يحس بمتعه لما يضيقها وأول مره يقابل بنت عجيبه مثلها &&&&&&&&&&&&&&&& في جهه ثانيه في المجمع ناديه هي والعنود:ها وش قلتي العنود:والله ما ادري اخاف ما اقدر ناديه:وليه ما تقدرين وبعدين انا اللي راح أمرك وحلا وتعرفينها العنود:ايه بس ناديه:لا بس ولا هم يحزنون ها وش قلتي صار لي ساعه أترجاك العنود:اوكي خلاص راح أروح معاك الحفله عند حلا ناديه وهي فرحانه:ايه كذا ابغاك العنود:متى الحفله طيب ناديه :بعد 3 أيام بإذن الله العنود:طيب ناديه تبتسم للعنود وهي تتذكر طلب انين من حلا انها تخلي التنفيذ بعد 3 أيام وما تدري ليه &&&&&&&&&&&&&&&&&&&&&& رن الجوال وهي كانت قاعده على النت وردت وهي تبتسم:الو بشار بصوت مخنوق:سمر سمر خافت:بشار وش فيه صوتك بشار:ابغى منك شغله وحده سمر اللي زاد خوفها :بشار وش فيك بشار:ابغاك تسامحيني سمر:على وشو بشار:ما عاد ابغى اسمع صوتك سمر وهي متفاجاه وعيونها تدمع:ايش ..ليه...وش..وش سويت بشار:بدون ليش لا عاد تتصلين وآنا أسف على كل شي سمر:أسف هذا كل اللي قدرت تقوله ليه طيب بشار صك الخط وسمر صارت تدق عليه وجواله يطلع مقفل سمر بصراخ ودموعها تنزل:رد يا بشار ليه بعد ما حبيتك بعد ما أدمنت على صوتك تخليني اااااااااااااه اهئ اهئ اهئ ورمت الجوال وضمت مخدتها بقوه وهي تصيح ليه يا بشار ليه &&&&&&&&&&&&&&& عند البحر بعد ما صكر منها جلس بتعب وكان هموم الدنيا على رأسه بشار:أسف يا سمر والله أسف تمنيت لو إني عرفتك في ظروف غير هالظروف بس في حواجز بينا كثير وأكبرها انين وأبوك والماضي اللي لا يمكن يسمح لنا اننا نجتمع مع بعض حس بيد تضغط على كتفه بشار بحزن:خلاص ما عاد اسمع صوتها مره ثانيه خليل بضيق على صديقه اللي يتمنى له الخير:هذا هو الصح واللي لازم يصير من زمان بشار هز راسها ورجع يطالع البحر وصار يقول وكأنه يسمع العالم من حوله بهمس يا من وداعه مثل نزعة الروح لو كأنها مره فلا بد منها وصار يكرر هالبيتين وكأنه بها الكلمتين يؤكد لنفسه وداع سمر من حياته &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& ودي لكم قلب أمي وروحها .. .. .. |
البارت الثاني عشر &&&&&&&&&&& تعب من الحاله اللي هو فيها عوار الرأس يروح ويرجع ودوخه ولوعة كبد وش هالحاله صار يشك ان هذي أعراض مرض خطير طالع صديق اللي أقنعه انه يجي هالمكان سليمان:وش فيه هالدكتور تأخر حمد:يا أخي راح يجيب التحاليل وجاي سليمان وهو يمسك رأسه:اااااااه حمود:فيك شي سليمان:لا عوار رأس تعودت عليه دخل الدكتور وجلس وراء مكتبه وصار يطالع أوراق التحاليل ويطالع سليمان وحمود ويرجع يطالع الأوراق سليمان وحمود يطالعون بعض وأخيرا الدكتور نطق:أول مره هذي الأعراض تجيك سليمان:لا مو أول مره الدكتور:طيب انت متعود تروح مكان معين تشرب فيه يعني قهوه أو مطعم معين تداوم الروحه عليه سليمان وهو مطالع حمود مستغرب:لا الدكتور هز رأسه بتفهم سليمان استغرب على أسئلة الدكتور:دكتور وش فيني الدكتور:والله اللي فيك شي غريب سليمان وحمود طالعو بعض بخوف ورجع سأل:ما قلت لي وش فيني الدكتور وهو ينزل نظارته:الصراحه اللي تبين لي من التحاليل ان في جسمك عشبه من نوع ضار وهي اللي مسببه هالاعراض سليمان قطب حواجبه:وش عشبته الدكتور:انا أفهمك النوع هذا من الأعشاب يستخدم في صنع بعض الادويه وهو إذا احد تناوله بروحه يكون ضار وإحنا في الطب نضيف بعض المواد له علشان يكون علاج نافع سليمان:بس وشلون وصلني الدكتور:انت وش أخر شي شربته سليمان يحاول يتذكر:ما اذكر إني شربت شي الدكتور:تذكر زين سليمان يحاول يتذكر:انا ما اذكر إني رحت مكان علشان اشرب شي قابلت حمود وجينا هنا على طول الدكتور وبنظرة شك:وفي بيتكم سليمان:أكيد لا يا دكتور يعني في .....وسكت حمود:سليمان وش فيك تذكرت شي سليمان رجع بذاكرته لثلاث ساعات وتذكر الكوفي اللي شربه واللي قبله كان صحته تمام حمود:سليمان وش فيك ما ترد تذكرت شي سليمان انتبه:لا لا بس دكتور حبيت اعرف في علاج ممكن يفيدني ويروح عني عوار الرأس الدكتور قدر ان سليمان ما يبغى يقول:انا راح اكتب لك شوية أدويه راح تفيدك وانتبه زين على نفسك...وبدا يكتب في الورقه وسليمان فكره شارد وحمود لاحظ هالشرود طلعوا من المستشفى وركبوا السياره حمود:وش فيك سليمان:لا ولا شي حمود:علي هالكلام انت تذكرت شي صح ولا انا غلطان سليمان ظل يفكر وما رد على حمود اللي يكلمه &&&&&&&&&&&&&&&&&&&&&& قاعد في البيت وما له خلق للشغل صار ماله خلق لأي شي ويحس انه متضايق ومهموم دخل عليه خليل وجلس بدون ما يتكلم خليل وهو يتأمل بشار السرحان وقرر يقطع هالسرحان:وش تفكر فيه بشار بهدوء:كل شي خليل:سمر بشار ابتسم بحزن:سمر ماضي ماضي حلو خليل:هجل في ايش بشار سكت ومارد خليل ابتسم :جايب لك أخبار راح تفرحك بشار باستغراب:خير خليل:ابو سالم بيفلس قريب بشار اللي شد اهتمام كلام خليل:ايش بها السرعه خليل:انت تعرف خليل وتعرف وش يقدر يسوي بشار:لو ما أعرفك كان ما خليتك تساعدني في هالشغله خليل:ههههههههه طيب ما استأهل عزومه على خبر مثل هذا بشار:أكيد تستاهل خليل:اشوفك قاعده يله قم أعزمني وبأغلى المطاعم بشار:هههه طيب يله قاموا وخليل حاط في باله انه يخفف على صديقه &&&&&&&&&&&&&&&&&&&&& طلعت من البيت بعد ما خذت الإذن وركبت مع السواق وهي في بالها شي معين وصلت لبيت أخوها بشار ودخلت وراحت على المخزن على طول كان المخزن كله غبار صارت تدور عن اللي تبغاه وتدور وتدور و لقته رفعت الصندوق ونفخت عنه الغبار ابتسمت وجلست على كرسي قديم موجود في المخزن فتحت الصندوق أمتلت عيونها بالدموع وهي تشوف اللعبه ورجعت بالذكريات لسنين طويله وراء انين:يبه ما اعرف لها صعبه أبوها محمد بابتسامه:ما في شي صعب بس هاللعبه تحتاج تركيز وتخطيط وفي الأخير راح تذبحين جنودي وتوصلين انين رجعت للحاضر:قربت أوصل يا يبه قربت انتصر سويت كل اللي علمتني إياه في هاللعبه خططت وفكرت وهجمت وبديت أصيب الأهداف وراح أوصل وأفوز سكرت اللعبه ورجعتها الصندوق وخذتها وطلعت من المخزن ودخلت داخل البيت وصعدت الدرج وراحت للغرفه اللي كل ما بغت تدخلها تحس برجولها ثقيله بس هالمره ما حست بها الثقل وحست انه خطوتها تختلف عن كل خطوه خطتها لها الغرفه من قبل فتحت الباب وشغلت النور وراحت جهة الكومنديه وفتحتها وطلعت الألبوم خذت كم صوره وحطتهم في الصندوق وطلعت وطفت النور وهي حاطه في بالها ان هالاشياء وقتها قرب &&&&&&&&&&&&&&&&&&& طق على أخته الباب اليوم مستغرب ما شافها مثل العاده ورجع يطق الباب وما في رد سالم:سمر ويطق الباب مره ثانيه يبغى يفاتحها في الموضوع بعد ما وكله ابوه بها المهمه سمع قفل الباب ينفتح وفتحت الباب وشافها تروح وتجلس على السرير دخل سالم وصك الباب وراه:ساعه تفتحين لا يكون كنتي نايمه سمر بصوت مخنوق:لا سالم وهو يجلس جنبها:سمر فيك شي سمر حست ان ودها تبكي بس ماسكه نفسها سالم:سمور فيك شي ...ويطالع وجهها:أنتي كنتي تبكين سمر ما تحملت وصارت تشهق سالم وهو يحوط كتوفها وبخوف:وش فيك في احد مزعلك سمر من بين شهقاتها ودموعها هزت راسها بلا سالم:تعبانه تحسين بشي سمر:لا سالم:هجل وش فيك سمر بكذب:اشتقت لامي سالم تنهد:كلنا اشتقنا لها وما نسيناها ولا راح ننساها وبحنيه وهو يبتسم لها يكمل:يله حبيبتي روحي غسلي وجهك وتعالي ابغاك في موضوع سمر بعدت عن سالم وصارت تمسح دموعها:طيب قامت غسلت وجهها ورجعت تجلس جنبه سالم وهو محتار ما يعرف وشلون المفروض يبدأ سمر:سالم وش الموضوع اللي تبغاني فيه سالم:في ناس خطبوك ..قصدي جاء لك عريس سمر تفاجات:انا سالم:هجل انا ايه أنتي وتعرفينه زين سمر باستغراب:من سالم:ناصر سمر وقفت:مو موافقه سالم تفاجأ من رد أخته لأنه توقع توافق وما توقع ترد بها السرعه:ليه سمر:بدون ليه انا ما ابغى أتزوج سالم:شلون يعني ما تبغين تتزوجين سمر:قصدي ما أفكر في الموضوع سالم وقف:انا لحد الحين ما سمعت عذر يقنع وما راح اعتبر هذا ردك وبترك لك فرصه تفكرين ولا راح أرد على ناصر سمر:بس.. سالم يقاطعها:فكري وبعدها ردي بس يا أختي ترى ناصر رجال والنعم فيه وراح يحطك في عيونه وكافي انك بتكونين عند خالتي اللي تموت فيك تذكري هالشي طلع وخلاها مع الدموع اللي بدت ترجع لعيونها والأفكار الكثير اللي تدور برأسها وبمشاعرها اللي تحس بعذاب منها &&&&&&&&&&&&&&&&&&&&&&& دخل البيت وهو يبغى يتأكد من شكوكه إذا كانت صحيحه ولا لا سليمان وهو في الصاله:انتيا..انتيا انتيا:نام بابا سليمان:سوي لي كافي بسرعه انتيا:جين بابا وراحت طلع هو من البيت للحديقه ودار من وراء البيت وراح لجهة باب المطبخ الخارجي وصار يطل من النافذه حقت المطبخ وصار يراقبها انتيا وهي تغلي الماء وبعدها تسوي الكافي وكان كل شي عادي حس بأنه ظلمها بس في أخر لحظه شافها تطلع كيس من جيبها وتأخذ منه وتحطه في الكافي طلعت عيونه يعني ظنونه طلعت في محلها ما حس على نفسه إلا هو داخل عليها و انتيا دخلت الكيس بسرعه في جيبها وهي خايفه ومرتبكه سليمان وهو يمسك يدها بقوه ويضغط عليها:يا حيوانه يا كلبه كنت عارفه انه أنتي انتيا:بابا ايش في سليمان بعصبيه:طلعي اللي في جيبك لا اوريك شي عمرك ما شفتيه انتيا صار تبكي:اهئ...اهئ.... ما في معلوم سليمان بصراخ:طلعيه بيد مرتجفه طلعت الكيس وسليمان خذاه وصار يصارخ:من قالك تحطينه وكيف جبتيه انتيا تبكي وتهز راسها وكانها ما تدري سليمان :بتقولين ولا اوديك الشرطه انتيا وهي تبكي:اهئ ..لا بابا انا في قول سليمان:تكلمي انتيا:ماما انين سليمان تفاجأ ما توقع ان المواصيل توصل معاها لحد هنا وبشك:إذا كنتي تكذبين راح أذبحك فاهمه أنتي:انا ما في اكذب هزا ماما انين أعطي هزا انا قول هطي لبابا سليمان في كوفي أو عصير وفي هدد انا وآنا في كوف سليمان ترك يدها وبنبرة تهديد:اسمعيني زين تلمين أغراضك وعلى أول طياره تنقلعين لأبلغ عنك يا حيوانه فاهمه انتيا هزت راسها بخوف وراحت بسرعه لغرفتها سليمان يحس انه وده يذبح هالانين كان عارف من البداية انها خبيثه بس ما توقع انها توصل معاها لها الحد سليمان:انا اوريك يالحقيره ..طلع الصاله وشافها توها داخله البيت مشى ناحيتها ومسكها من يدها وجرها جهة المجلس ودزها على الكنب انين بعصبيه:كسر انت وشلون تسحبني كذا وش مفكر نفسك ها سليمان طلع الكيس:ممكن اعرف وش هذا انين ببرود تعدل جلستها وتطالع الكيس:ما ادري انت تسألني وأنت اللي شايل الكيس سليمان بعصبيه يمسكها من يدها:هذا هو الكيس اللي عطيتيه لانتيا تحطه لي في المشروب انين وهي تسحب يدها:انت لا تقعد تالف قصص عني سليمان:أنتي عارفه ان هذي الحقيقه انين بابتسامه:بس ما في احد غيرنا يعرف والكل ما راح يصدقك إذا كنت تفكر انك تقول لهم سليمان :يعني تعترفين ان أنتي اللي قايله لانتيا تحط لي هالعشبه في المشروب انين بتفاجأ:أي عشبه سليمان ما فاته المفاجاه اللي على وجهها بس توقع هذي وحده من تمثيلياتها: رجعنا للهبل انين سكتت تفكر وبين عليها العصبيه سليمان:راح أدفعك الثمن غالي يا انين انين طالعته وقامت وقبل ما تطلع وهي معطته ظهرها:ما راح تلحق لان العد التنازلي قرب كثير وما عاد في وقت سليمان ما فهم وش تقصد طلعت من المجلس وراحت غرفتها وهي مقهوره من خليل اللي كذب عليها وما راح تفوتها له وخلت وراها سليمان المقهور ومو عارف وشلون يبرد حرته منها &&&&&&&&&&&&&&&&& (بداية النهايه) في الشركه ابو سالم بعصبيه:شلون يعني الموظف عبدالله:والله هذا اللي تبين معانا بالحسابات ابو سالم:شلون صار كذا المشروع ما شي أحسن مما يكون عبدالله:والله يا طويل العمر انا مثلك تفاجات باللي في الأوراق ابو سالم وهو يضغط على زر التلفون على السكرتير:اتصلي بخليل قل له يجي الحين عندي بالمكتب السكرتير:ان شاء الله طال عمرك ابو سالم وهو معصب :اسمع ابغاك تدقق في كل الأوراق سامع عبدالله:بس يا طويل العمر هذي تأخذ وقت ابو سالم :ما يهم أهم شي تدقق فيها معك من هنا لبكره ورد علي الموظف عبدالله وهو يقوم:تأمر أمر بغيت شي ثاني ابو سالم:لا طلع الموظف ودخل السكرتير:يا طويل العمر الأستاذ خليل اتصلنا فيه وقالوا عنده اجتماع مغلق ابو سالم :طيب...طيب انا أتصرف انت روح رفع جواله واتصل على بشار اللي كان وراء مكتبه:حيا الله ابو سالم ابو سالم:الله يحيك بشار ابغاك تجي عندي الحين بشار اللي كان يطالع اللي جالس عنده ويبتسم له:عسى ماشر ابو سالم:تعال وبعدها تفهم بشار:خلاص جاي صكر الخط وبعدها:ههههههههههههههههه ههههههه خليل وهو مقابل بشار:شكله عرف ان المشروع فشوش وصاروا اثنينهم يضحكون بشار وهو يقوم:لازم أروح وأواسيه قبل لا ينضرب الضربه الكبيره خليل:ههههههه يا حنون بشار وهو يضحك:يله سلام خليل:سلام طلع وراح لأبو سالم علشان يكمل التمثيليه &&&&&&&&&&&&&&&&& جالسه في الصاله وتستنى جاتها انين وصارت تطالعها وهي تبتسم العنود ونظرات الكره بعيونها:خير وش عندك توزعين ابتسامات انين وهي فرحانه لأنها قاعده تشوف بداية نصرها:ابد حرام الواحد يبتسم يعني العنود:جعلني اضحك يوم تنطردين برا البيت انين:راح نشوف من اللي بيضحك في الأخر صعدت الدرج وهي تضحك والعنود استغربت بس طنشت لما سمعت صوت الجوال وردت:الو ناديه:يله اطلعي العنود:طيب طلعت وركبت مع ناديه :وش فيك تاخرتي ناديه:ابد بس علبال ما دليت البيت تدري أول مره أجي بيتكم العنود:طيب مشت السياره والله العالم لأي طريق راح توصل &&&&&&&&&&&&&&&& رجع البيت وهو يحس انه لحد الحين معصب لأنه ما قدر يقابل خليل ومع ان بشار طمنه إلا ان قلبه مقبوض من سالفة خليل صعد الدرج وراح لجناحه ودخل شاف انين تطالع تلفزيون ابو سالم:السلام عليكم انين: وعليكم السلام جلست وانين استغربت عصبيته:وش فيك عسى ماشر ابو سالم وهو يفك أزرار ثوبه:المشروع انين :وش فيه ابو سالم:راجعنا الأوراق وفي أشياء مو مضبوطه المفروض ان الأرباح موجوده في حساباتنا الحين بس ما شفنا شي من هالارباح انين:يعني المشروع خسر ولا ايش ابو سالم:خليل هو اللي عنده الاجابه لان هو اللي يدير المشروع كله وآنا ما عندي خلفيه كبيره عنه حاولت اليوم اتصل فيه وأقابله بس ما قدرت كله مشغول انين:ان شاء الله ما في إلا كل خير وخليل مو أول مره يشتغل انا اسمع عنه من بشار انه تاجر شاطر ابو سالم هز رأسه وقام وقبل ما يدخل غرفته:ان شاء الله ما يكون في مشاكل وكل شي مضبوط ولا راح أروح فيها دخل غرفته وانين انرسمت على وجهها ابتسامه وفي داخلها:انت رحت فيها وخلصت وموج البحر اغرق سفينتك وجبال الذهب صارت بالقاع ههههههههههههههههه تذكرت شي وقامت لان اليوم بالنسبه لها غير تحس بطعم الفرحه بالفعل ولازم تكمل فرحتها &&&&&&&&&&&&&&&&&& قاعد بالمطعم وكل شوي يقوم وخليل يمسك يده ويجلسه خليل:يا أخي اقعد تراك أشغلتني كل شوي قايم بشار:والله ما ادري محتار أحس ان اللي أسويه خيانه لأختي خليل:أي خيانه انت بالعكس قاعد تساعدها وتساعد نفسك بشار سكت خليل:لما تقابله انا متأكد انك راح تغير رايك بشار هز رأسه وسكت جاء الضيف اللي كانوا ينتظرونه:السلام عليكم بشار:انت هاني وهو يجلس:ايه انا ما شاء الله عليك ذاكرتك قويه بشار:أكيد بذكرك مو انت كنت بتآكلنا بعيونك يوم ملكة سالم ...وباستغراب:بس انت وش عرفك على خليل كيف عرفتوا بعض خليل:بعدين اقولك المهم الموضوع اللي جايين له ويا ليت لو تقول له يا هاني اللي قلته لي هاني:ان شاء الله....والتفت لبشار:اسمع زين يا أخ بشار انت لازم تتعاون معي انك توقف أختك عند حدها ولا راح يتفاقم الموضوع لأكبر من كذا بكثير بشار:وش قصدك هاني:اقصد ان الحاله اللي تمر فيها أختك تعتبر حاله نفسيه لان الأشياء اللي تسويها مو أمور ما يسويها عاقل سليم مثلي ومثلك يعني انت مريت بكل اللي مرت هي به بس ما اشوفك تسوي مثلها بس هي عندها الأمر أكثر من مجرد انتقام بشار صار يطالع خليل ورجع يطالع هاني:ممكن توضح لي أكثر هاني: كل شخص له فكره عن الانتقام ويحب ينتقم بطريقته ممكن اعرف أختك وش فكرتها عن الانتقام يعني هي ذكرت لك شي عن موضوع انتقامها أو تكلمت فيه بشار:هي كل مره تقول انها لعبة شطرنج وإحنا قاعدين نلعب هاني:انتم تعرفون لعبة الشطرنج صح خليل:أكيد هاني:أختك تتصور الحياة من حولها مثل هاللعبه يعني ابو سالم الهدف الكبير علشان تفوز لازم تقضي عليه نهائيا بشار سكت وخليل التزم الصمت معاه هاني:انتم لازم توقفون الانتقام وهالكلام كله ...وصار يطالع بشار ويكمل:حتى لو انتقمتم صدقوني ما راح ترتاحون راح تكونون خسرانين مو ربحانين مثل ما انتم مفكرين وأختك انا متأكد ان لها خططها لان في لعبة لشطرنج اللاعب لازم يكون مخطط ممتاز ولاعب ماهر وهي تعتبر نفسها اللاعبه وانتم الأدوات اللي تحركها بشار سكت وهو يتذكر طلبها من خليل اللي كان من وراه ولا قالت له عنه وبدا يحس ان خليل معاه حق وإنهم لازم يكتفون في سالفة انتقامهم بسلب ابو سالم كل ما يمللك من فلوس وبس وصار يسمع لهاني ويطرح عليه الاسئله وفي باله أمور امور كثيره &&&&&&&&&&&&&& قاعده في الشقه وتفكر في اللي دار فبل فتره ومحتاره حلا معقوله الصدف تصير لها الدرجه رفعت الكرت ورجعت بذاكرتها للوراء جالسه معاه وسألها:أنتي تعرفين وحده اسمها العنود حلا:لا سليمان:العنود راشد العالي حلا اللي كانت تشرب العصير:كح كح كح وش قلت سليمان:قلت اسمها العنود راشد العالي تعرفينها حلا وهي تحرك المزاز في العصير:قلت لك لا بس هي وش تصير لك سليمان:أختي العنود اللي طلعت عيونها:أختك سليمان:ايه حلا سكتت وهي تفكر بعمق وتذكرت قبل ما تطلع من المجمع ان سليمان عطاها كرته وتتذكر أخر كلماته:ادري ان غلط و المفروض إني ما أعطيك رقمي بس لو احتجتي احد يساعدك في شي لا تترددين خذت الكرت وأشرت له بأيه وراحت رجعت للواقع على صوت الجرس وراحت تفتح الباب ناديه:سلام حلا :آهلين العنود :مرحبا حلا:مرحبتين حياكم العنود وهي تسمع صوت الموسيقى المرتفع:شكل الحفله حلو ناديه:راح تعجبك موت بس خلينا أول نروح الغرفه نعدل أشكالنا عند المرايه ونفسخ عباياتنا العنود:طيب حلا:تفضلوا البيت بيتكم اخذوا راحتكم راحوا الغرفه وحلا راحت المطبخ وهي لحد الحين تفكر وصار تفكر في العنود وسليمان وبدت تحط سليمان في كفه وانين واللي ممكن تسويه في كفه حلا:سليمان ولا انين يا حلا سليمان أول شاب يعاملك بحق وحقيق وما يقصد شي من وراء معاملته الطيبه لك ولا انين وفلوسها اللي يا ما غرقتك بس سليمان لو عرف إني افتح شقق واجمع فيها الشباب والبنات أكيد راح يحتقرني ويتخلى عني وما يشرفه يعرف وحده مثلي وانين لو انا خنت الاتفاق اللي بينا راح توديني وراء الشمس اووووف قرار صعب في الغرفه يعدلون أشكالهم ناديه:حبيبتي العنود خليك هنا انا بروح لحلا شوي وراجعه العنود:اوكي بس لا تطولين ناديه بابتسامه صفراء:لا تخافين يا حلوه وطلعت وبقت العنود لحالها وبعد ربع ساعه سمعت صوت صراخ وخافت وشوي إلا انفتح الباب ودخل رجال امن العنود:وش صاير ومن انت الشرطي:امشي يا حيوانه العنود وهي خايفه:و..وين.... نروح الشرطي يمسكها من يدها ويسحبها:وحده مثلك مكانها السجن يله العنود وهي تسحب نفسها وتبكي:انا ما سويت شي الله يخليك الشرطي:يله البسي عبايتك العنود تلبس عبايتها ويمسكها الشرطي ولما طلعت من الغرفه تفاجات بالأشكال اللي شافتها ومناظر البنات طلعت عيونها وقلبها صار يدق بقوه وشوي ويوقف ودموعها صارت تنزل أكثر وأكثر وتحس برجفه و رجولها مو شايلتها نزلوهم من العماره وركبوهم السياره والعنود خايفه وتحس انها بتموت ومو فاهمه أي شي وينها ناديه ووش صاير وآنا في حلم ولا علم حلا اللي كانت واقفه عند العماره بالسياره ومعاها ناديه اللي تضحك وهم يشوفون العنود وهي تركب السياره مع البنات الممسوكين حلا رفعت جوالها واتصلت عليه وقالت كلمتين:نفذت المطلوب صكرت الخط وهي تحس انها متضايقه لفت لناديه:انزلي ناديه:وين انزل حلا:عندي مشوار نزلت ناديه وحلا أمرت السواق يتحرك وهي في بالها شي معين رفعت جوالها واتصلت &&&&&&&&&&&&&&& خلونا نروح للعنود ونشوف وش يصير معاها &&&&&&&&&&&&&&&&&&&& دخلت مع البنات والشباب مركز الشرطه وهي تردد وتعيد:والله ما لي دخل انا ما ادري عن شي رجل الأمن:بس ولا كلمه دخلوا عند الضابط اللي مبين انه يخوف وشديد وظل يطالعهم بكره واحتقار :يا حوش يا قذارة المجتمع العنود تبكي وتشاهق الضابط جاء قدامها:بس ما ابغى اسمع ولا نفس الحين تبكين بعد ما وطيتي رأس اهلك العنود:والله ما اعرف شي صار:هذا اللي فالحين فيه بعد ما تمسكون تصيرون ما تعرفون شي العنود رجولها ما عادت تشيلها وجلست على الأرض:اهئ..اهئئئئئئ...والله انا ما لي ذنب والله ما ادري عن ش والله هي قالت لي حفله بنات الضابط يضحك بسخريه:لا يا شيخه وبصراخ:قومي وقفي أشوف واتركي عنك هالمسلسل المكسيكي اللي تسوينه راح وراء المكتب وطلب من مساعده يأخذ أسماؤهم ولما وصلوا عن العنود سكتت الضابط :خلصينا وش اسمك العنود:ا..سـ..مـ..ي..العـ...نـ..و..د الضابط وهو يطالعها:العنود ايش اخلصي علينا ما عندنا شغل غير نعرف اسمك العنود بمحاوله أخيره:والله ما ادري عن شي الله يخليك...وسكتت وهي تبكي رن التلفون والضابط رد :تحياتي طال عمرك – ايه وصار يطالع العنود ويكمل: بس – ان شاء الله – أمرك – خلاص طال عمرك..صك السماعه وهو يطالع العنود بقهر طلب من الشرطي يطلعهم كلهم إلا العنود الضابط ظل ساكت ويطالعها بنظرات تخوف وقام من مكتبه وجاء قدامها وبحزم:أنتي العنود راشد العالي العنود تفاجات وطلعت عيونها وحست لسانها انشل ومو قادره تتكلم الضابط:ردي العنود وهي منزله عيونها:ايه الضابط وهو يضحك بسخريه:وتقولي بريئه والواسطة اللي جاتك علشان تطلعين قويه لدرجه تخلي رئيسي بالشغل يطلب إخلاء سبيلك في الحال العنود:راح تخلي سبيلي الضابط هز رأسه أسف عليها وهو يطالعها باحتقار وكره من فوق لتحت ولف وجهه عنها وراح وراء مكتبه ومد عليها بورقه :وقعيها واطلعي العنود:والله راح اطلع الضابط:اخلصي علينا العود وقعت بسرعه ووقفت تطالع الضابط الضابط:يله ما ابغى أشوف وجهك هنا مره ثانيه العنود هزت راسها وهي مو مصدقه وطلعت واستلمت شنطتها وطلعت من المركز وهي مو مصدقه وحاسه انه راح يغمى عليها ومو مستوعبه إذا اللي صار لها كابوس ولا حقيقه &&&&&&&&&&&&&&& طقت الباب عليها ودخلت وشافتها عند النافذه وتفكر انين وهي واقفه جنب سمر:الحلو في ايش سرحان سمر انتبهت لها وابتسمت بحزن:انين انين:تكسرت يدي من كثر ما طقيت الباب وأنتي مو بالدنيا سمر وهي تجلس على الكنب:أسفه كنت سرحانه انين تجلس مقابلها وبفرحه:قال لي أبوك عن الخطبه وناصر سمر لفت وجهها بضيق وما ردت انين:حبيبتي وش فيك شكلك مو فرحانه سمر:لا بس ....وسكتت وهي مو عارفه وش تقول انين:بس ايش لا يكون مو موافقه سمر:ما ادري انين:ترى ناصر ما في مثله ثقه ورجال يعتمد عليه هذا اللي اسمعه من أبوك وسالم سمر هزت راسها وسكتت انين:لو أي وحده مكانك كان ما تفكر ترفض واحد مثل ناصر نصيحتي لك وافقي وآنا متأكده انه راح يسعدك سمر:مشكوره انين انين:العفو حبيبتي يله أخليك الحين قامت وطلعت وأول ما صكت الباب ظلت تطالع الباب بعدها:ههههههههههه باااي باااي يا سمر حرام متعذبه ولما تسمعين نصيحتي راح تتعذبين أكثر لان اللي يحب مستحيل ينسى ويعيش مع شخص ما يحبه والأصعب انك تحب مره ثانيه ابتسمت بنصر وراحت لجناحها وهي مبسوطه لأنها بدت تشوف نتائج تخطيطها وقريب راح ترتاح وتحقق وصية خالتها وانتقامها لامها وأبوها &&&&&&&&&&&&&&& قاعده في السياره قدام مركز الشرطه جاها اتصال ورفعت جوالها :خلاص كل شي صار مثل ما تبين حلا:ما ادري وشلون أشكرك :أنتي عارفه ابغى وحده من الحلوين اللي عندك وعلى ذوقك حلا:ولا يهمك أحلى بنت راح تكون تحت رجليك متى ما طلبت :كذا حنا متفقين حلا:يله باااي :باااي صكرت الخط وزفرت بقوه ولمحتها تطلع من مركز الشرطه وتجر رجولها جر ومبين انها مشتته وتتلفت يمين ويسار خايفه حركت السياره ووقفت قدامها حلا وهي تنزل النافذه علشان تكلم العنود:اركبي العنود وهي تطالعها بكره:أنتي يا حيوانه يا....... حلا تطالعها:هذا بدال ما تشكريني العنود:أشكرك لأنك بغيتي توديني في داهيه أنتي والثانيه الحقيره يا كلاب.... حلا وهي تقاطعها مره ثانيه:انا اللي طلعتك من الورطه اللي أنتي فيها وتوسطت لك العنود طالعتها بعدم تصديق:كذابه أنتي أصلا السبب في دخولي حلا:اركبي ما اعتقد تبغين تمشين في هالوقت ولا انا غلطانه العنود صارت تتلفت وتطالع الشارع يمين ويسار وبعد تردد ركبت حلا تأمر السواق:روح بيت العنود العنود:ليه حلا:قصدك ليه ساعدتك العنود:ايه حلا ابتسمت بحزن:يمكن لأنك تذكريني بنفسي بوقت من الأوقات وما ابغاك تنظلمين ويمكن علشان الناس اللي يحبونك وهم غالين علي العنود:ما فهمت ناديه ليه سوت معاي كذا وأنتي ليه ساعدتيني وأنتي من البداية متأمره مع ناديه أحس إني مو فاهمه شي حلا:انا ما اقدر أقول شي بس كل اللي اقدر أقوله انتبهي على نفسك زين واللي صار اليوم مجرد كابوس وأنتي صحيتي منه ولازم تنسينه العنود وهي تبكي:شلون أنسى حلا:اتركيها للزمن هو ينسيك وابغاك تسمعيني زين العنود:شنو حلا:انتبهي زين من مرت أبوك العنود استغربت:انين وش جاب طاريها الحين وأنتي من وين تعرفينها حلا:ما اقدر أقول غير كذا العنود سكتت تفكر وبعدها:لا يكون لها يد في اللي صار حلا: انتبهي وانسي وبس وشافوا السياره وقفت حلا:امسحي دموعك وانزلي ومثل ما قل لك انسي العنود قبل ما تنزل:ما ادري أكرهك وادعي عليك ولا أشكرك حلا:أهم شي ربي سلمك حلا:يله روحي نزلت وهي تمسح دموعها ودخلت البيت وهي تجر رجولها وأول مره تحس انها تحب بيتهم هالكثر وندمت على الوقت اللي فكرت تروح فيه هالحفله صعدت الدرج ودخلت غرفتها وقفلت الباب عليها وطاحت على السرير وهي تبكي وتحمد ربها انه عدا هالليله على خير &&&&&&&&&&&&& سندت راسها في السياره ورفعت جوالها حلا:لازم أتصرف قبل لا تشوف انين العنود وتعرف ان الأمور فيها شي مو مضبوط اتصلت على الشقق اللي هي مسئوله عنها وفاتحتها وطلبت انهم يخلونها وتتقفل الشقق...صكرت وهي تفكر حلا:ادري ان اللي سويته راح يجي من وراه عوار رأس ومشاكل بس الكفه رجعت لصالحك يا سليمان ويمكن في يوم من الأيام نلتقي بس اللي اعرفه و متأكده منه اننا لما نلتقي راح أكون غير ما راح أخليك تحتقرني وراح أكون مختلفه ايه مختلفه غمضت عيونها و انرسمت شبح ابتسامه على وجهها لأنها تعرف ان الطريق صعب ويمكن ما يتحقق اللي تقوله بسهوله بس بتحاول شوي شوي لحد ما تكون أحسن وتطلع من البيئه اللي هي فيها &&&&&&&&&&&&&&&&&& أشرقت شمس الصباح لكن في عيون كثيره ما نامت في عقول غزاها التفكير وقلوب غزاها الحزن وناس كلتهم الحسره الساعه 10 وربع صباحا انين صحت وشافت ابو سالم يتعطر وجاهز يروح الشركه:صباح الخير ابو سالم:صباح النور انا بروح الشركه تبغين شي انين:لا سلامتك ابو سالم وهو يبوس راسها:مع السلامه انين:مع السلامه طلع من جناحه ويبغى يوصل بسرعه للشركه ويسمع وش وصل له الموظف بخصوص الأوراق والمشروع &&&&&&&&&&&& ما نامت كانت تفكروا خيرا وصلت لقرار سمر:لازم أنسى اللي نساني وابدأ من جديد خذت شور ونزلت لتحت شافت سالم قاعد يفطر لحاله استغربت المفروض هو في الشركه سمر:صباح الخير سالم:هلا صباح النور والسرور سمر وهي منزله عيونها:سالم بغيت أقول لك إني موافقه على ناصر سالم بفرحه:على البركه أختي سمر:الله يبارك فيك سالم:انا كنت متأكد انك راح تأخذين القرار الصح سمر هزت راسها وبدت تاكل مع ان مالها نفس سالم:إلا العنود راحت المدرسه اليوم سمر:والله ما ادري عنها بس اعتقد زي العاده راحت سالم هز رأسه وتذكر:إلا صدق دريتي ان انتيا سفرها سليمان سمر باستغراب:سفرها ليه سالم:ما قال لي بس أكيد شايف عليها شي ولا كان ما سفرها وأنتي تعرفين سليمان سمر:معاك حق كملوا فطورهم وبعدها قام سالم علشان يروح الشركه وسمر قامت لغرفتها ولعزلتها وأفكارها &&&&&&&&&&&&&& في الشركه بشار:ها وصلت خليل:ايه وتدري والله أميركا لها وحشه بشار:ههههههه افا وإحنا خليل:انتم بالقلب بشار:تسلم خليل:اعتقد كذا انتهت المهمه اللي بينا بشار:ايه بس ان شاء الله الفلوس وصلت حسابك خليل:ايه وصلت مثل ما اتفقنا بشار: تستاهل نص اللي ربحناه من ابو سالم خليل:يا حبي للفلوس والأرباح المضمونه بشار:ههههههههه أرباح مضمونه بالنصب خليل:الأرباح أرباح بالنصب ولا بغيره بشار:يله انا لازم أخليك عندي أشغال خليل:اوكي فمان الله بشار:فمان الكريم صك السماعه ورجع لأوراقه وفجاه طرت على باله سمر تنهد وهو يردد:خلاص خلاص انتهينا &&&&&&&&&&&&&&&&&& في مكان ثاني وشركه ثانيه (العد التنازلي أعلن نهايته) ابو سالم ساكت ويسمع للموظف بتركيز الموظف عبد الله:والله يا طويل العمر انا الصراحه أنصدمت من اللي مكتوب في الأوراق ومو عارف انت كيف ما عندك فكره ابو سالم:وش قصدك الموظف:انا راجعت الأوراق وشفت إحداثيات موقع المشروع وأرسلت احد يشوف المشروع في دبي ولما راح للموقع ما لقى مشروع ولا مكان لها المشروع من الأساس ابو سالم:شلون يعني كيف ما في مشروع يعني هالمشروع وهمي موجود في الأوراق بس الموظف:والله للأسف هذا هو الصدق سال دخل الكتب على صوت الصراخ:وش صاير ابو سالم:تعال شف المشروع اللي دفعنا فيه دم قلوبنا طلع ما له وجود سالم استغرب:شلون مو موجود الموظف:انا أرسلت بنفسي ناس لدبي وما لقوا له وجود سالم بعدم تصديق:يعني خليل نصب علينا ابو سالم بانفعال:والفلوس اللي دفعتها والقرض اللي أخذته ودفعته علشان المواد اللي المفروض يجيبها خليل الزفت كل هذا وين راح الموظف:انا راجعت كل الأوراق ولقيت ان الفلوس اندفعت لشركه(.....)ولما بحثت عن هالشركه ما لقيت لها أي وجود سالم:قصدك حتى الشركه وهميه الموظف:للأسف ايه سكتوا اثنينهم ومو عارفين وش المفروض يقولون من هول الصدمات اللي تطيح على روسهم الموظف:في شي أخير سالم:قل وش بعد ما قلته من المصايب الموظف:الصراحه انا استغربت إلا تفاجات لما شفت هالورقه مد الورقه لسالم اللي قراها وطلعت عيونها والتفت على ابوه ابو سالم:وش مكتوب فيها سالم:يبه انت موقع ان خليل يقدر يفك الشراكه وفي أي وقت وبدون شروط ابو سالم:بس انا ما اذكر إني وقعت شي الموظف:أكيد طال عمرك وقعتها بدون ما تقراها أو بدون ما تنتبه على اللي مكتوب فيها ابو سالم حط رأسه بين يديه:انا خسرت كل شي كل شي سالم بخوف:يبه هد حالك وإحنا راح نشتكي على خليل هالنصاب الموظف:والله ما ادري وش أقولكم سالم:ليه هو في بعد شي ما قلته الموظف:السيد خليل سافر أميركا ابو سالم:شلون سافر يعني كل شي راح... وبصراخ:راح سالم يحاول يهدي ابوه ابو سالم:بشار جيبوا لي بشار...وقام:ولا انا اللي بروح له طلع وطلع وراه سالم والموظف يهز رأسه بأسف على الحاله اللي هم فيها واللي راح يصيرون فيها &&&&&&&&&&&&&&&& طلعت من جناحها مرت من جنب غرفت العنود سمعت صوت بكى قربت من الباب وحطت إذنها وسمعت صوت احد يبكي انين:هذا صوت العنود بس هي المفروض بالحبس وفضيحتها منتشره ما في غيرها أكيد حلا عصبت وراحت جناحها اتصلت على حلا لقت الجوال مقفل واتصلت على ناديه:الو وين الزفته حلا ناديه:وش صاير انين بعصبيه:قلت لك وينها ناديه:ما ادري عنها من أمس بس سمعت انها صكرت كل الشقق انين صكرت الخط في وجه ناديه وهي معصبه وتتوعد في حلا اللي خربت عليها الخطه اللي قعدت تحبك لها ودفعت فيها دم قلبها بس راح تعلمها ان اللعب مع انين مو سهل ابد (انين كانت تكلم ناديه لأنها ما تثق بحلا وطلبت من ناديه انها ما تقول لحلا طبعا بفلوس) &&&&&&&&&&&&& دخل على بشار وهو معصب والسكرتير وراه:هذا اللي نصحتني أشاركه بشار اشر للسكرتير يطلع ورد بهدوء:وش صاير ابو سالم:سرقني ونصب علي بشر:من تقصد سالم:يقصد خليل بشار ابتسم وهو يطالعهم ويطالع تعابير ابو سالم ابو سالم:اشوفك تضحك ليه احد قايل نكته بشار:انتم النكته سالم وأبو سالم تفاجأو وصاروا يطالعون بعض بشار وهو يأشر لهم بالقلم اللي بين يديه:يله برا انا مو فاضي لكم عندي أشغال ابو سالم:انت كنت متفق وياه بشار:هذا سوق يا ابو سالم مثل البحر الكل يأكل الكل وأنت انتهى وقتك وسمك القرش كلاك ابو سالم:انا حوت ما أنوكل بشار:ههههه ههههههههه لا انت سمك صغير وصرت بــــــــح سالم:ما توقعناها منك يا النسيب تطعنا في ظهورنا بشار تحول للجديه :برا لا اطلب لكم الأمن يطردكم وأنت يا زوج أختي العزيز أنسى شي اسمه شراكه بينا لأنه ما يشرفني أشارك واحد مثلك....وبصراخ:برااااا ابو سالم قبل ما يطلع:راح تدفع الثمن غالي....وطلع بشار:ههههههههه هههه رفع جواله وأرسل رساله لأخته ورجع رأسه على وراء واختفت ضحكته وعم الهدوء في المكان وهو يردد:أسف يا سمر لاني راح أجرحك مره ثانيه &&&&&&&&&&&&&&& (قيم اوفر) دخل البيت وهو يصارخ ووراه سالم وبصوت عالي:انين...انين سالم:هد بالك يا يبه ابو سالم:انين وينك انين نزلت الدرج وهي لابسه عبايتها وفي يدها الصندوق والخدامه وراها تنزل بالشنطه وتطلعها لبرا والبنات نزلوا لحد نص الدرج وسليمان توه داخل البيت جاي من الجامعه سليمان:وش صاير ابو سالم:شفتي اخوك وش سوى انين:وش سوى ابو سالم:سرق فلوسي هو وخليل الكلب تأمروا ضدي سليمان:ايش وش قاعد تقول يا يبه سالم:هذا اللي صار سمر بهمس وعدم تصديق:بشار سليمان:لازم نشتكي عليهم النصابين تفاجاو من رد انين وهي تبتسم لهم:للأسف القانون ما يحمي المغفلين ابو سالم:ايش هذا ردك بدل ما توقفين معاي ضد الحراميين تقولين هالكلام انين وهي تنزل لنهاية الدرج:التجاره شطاره وأنت ما كنت شاطر كفايه وطحت ولا أجد سمى عليك وبعدين ما في حرامي غيرك هنا سليمان:شب الحرامي أنتي واخوك انا قلت لكم داخلين على طمع ما في احد صدقني سمر بصوت مخنوق:ليه يا انين ليه انين:لان الدنيا صعبه وقاسيه سليمان:راح اشتكي عليكم واشرشحكم واقطك أنتي واخوك وراء السجن انين بضحكه:بتهمة ايش اعتقد خليل هو اللي سرقكم مو احنا ابو سالم:ابغى اعرف ليش وآنا اللي دخلتك بيتي وطلباتك كانت أوامر وفرشت لك الأرض ذهب وورود وفي الأخير تسوين فيني كذا ليه انين بحقد ونظرات كره:لأنك زبـــــاله سليمان :يا حقيره أنتي الزباله...وتقدم بيضربها سمعوا صوت من عند الباب اللي كان مفتوح:حدك لا تلمسها لأكسر ايدك البنات صعدوا فوق وجابوا غطى ونزلوا علشان يشوفون وش اللي بيصير تقدم بشار ووقف جنب آخته وبعصبيه:أي احد يفكر مجرد تفكير انه يلمس أختي اذبحه ذبح الشاه فاهمين سليمان:ايه كملت اجتمعت العصابه سالم:ليه سويتوا كذا وإحنا اعتبرناكم أهلنا ومنا وفينا انين: تبون تعرفون ليه لان الماضي له عواقب وتكمل وهي تاشر على ابو سالم: اسألوا أبوكم وش سوى في ماضيه اسلوه التفتوا كلهم لأبوهم وصاروا يطالعونه انين تطلع صور وترميها على الطاوله اللي قدامهم:سوينا كل هذا علشان اللي بالصور طالعوها خذا سالم وسليمان الصور وصاروا يطالعونها أما ابو سالم تقدم ولما شاف الصور رجع على وراء وهو يهز رأسه بلا ويردد:محمد لا مو محمد ورجع يطالع انين وبشار وهو مو فاهم شي انين:ايه محمد تعرفون محمد أكيد لا هذا تاجر كان معروف بطيبته وكرمه مع الكل وهذا الرجال هو أبوي انا وبشار ابو سالم:مستحيل أنتي انين سالم الغانمي ومحمد ما كان عنده عيال انين:هنا اللغز اللي قدرنا من خلاله نسوي كللللللللللل هذا ضحكت بشكل هستيري ودموعها بدت تملئ عيونها:وش رأيكم أقول لكم قصه وعنوانها الماضي وعواقبه وتدرون من بطلها ابو سالم أبوكم صفقوا له وصارت تصفق بيدها وتكمل:لما كان عمري 6 سنوات صرت يتيمه انا وبشار وتبنانا محمد وزوجته ولما صار عمري 8 سنوات دخل أبوي محمد وهو ماسك قلبه وكان يلفظ أخر انفاسه وبدت دموعها تنزل وعيونها كلها حقد موجهه لأبو سالم:وأخر كلماته لنا كانت راشد العالي سرق فلوسي وبسبب أبوكم انا فقدت أبوي وتيتمنا للمره الثانيه ويا ليته اكتفى بها الشي بعد العزاء وبعد مرور وقت على موتت أبوي محمد تهجم أبوكم على أمي سلمى تهجم عليها قدام عيني وصارت تصارخ بهستيريه ومعصبه:شفتوا الآثار اللي على وجهه تدرون سببها ايش سببها أظافر أمي وبعدها بشهر واحد انتحرت ما قدرت تتحمل فقدت عقلها وصارت تمسح دموعها وخذت نفس:دمرنا خرب فرحتنا بعد ما لقيناها وبعد ما ربي عوض علينا بأم وأبو بدل أمنا وأبونا جاء أبوكم وبصوت مرتفع:خذاهم منا وجاء وقت دفع ثمن الماضي عذبنا وعذب خالتنا اللي كانت أخر كلماتها قبل لا تموت (احرقي قلب ابو سالم احرقي قلب راشد العالي مثل ما حرق قلوبنا ريحيني في قبري وريحي آمك وأبوك اللي ظلمهم بظلمه وجبروته) والحين انقلبت الأدوار وجيتنا يا راشد العالي وخسرناك كل شي حطت الصندوق على الطاوله وفتحته وطلعت لعبة الشطرنج ورفعت القلعه وطرحتها في الأرض :انت يا راشد العالي انهارت قلعتك وآنا فزت باللعبه وطالعت ابو سالم بابتسامه:ورقتي توصلني ولا والله فضايحك انشرها بكل الجرايد وأنت الحين شفت وش انا اقدر أسوي واللي أقوله ممكن أنفذه راحت لبشار وبهمس:يله بشار هز رأسه وخذا اللعبه ودخلها الصندوق والصور وطلعوا وأبو سالم صار يطالع عياله اللي يطالعونه بنظرات الخزي الفشيله من كونه أبوهم والاستغراب والمفاجاه وعدم التصديق رجع على وراء وجلس على الكرسي بثقل وهو يحس انه مو قادر يحرك أطرافه وما حس إلا على صوت عياله اللي صاروا يصارخون وهم يبغون ينقلونه المستشفى &&&&&&&&&&&& ركبت السياره وسندت راسها على النافذه وهي تحس بضيق وفتحت النافذه يجيها هواء بس تحس انها مخنوقه والهواء ما يوصل لها التفتت لآخوها شافته يسوق ومو مبين عل ملامحه أي تعابير رجعت سندت راسها وغمضت عيونها وهي تفكر ليش ما أحس بنصري ليش ...ليش &&&&&&&&&&&&&& لهنا أوقف واترك لكم حريه التعليق &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& ودي لكم قلب أمي وروحها &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& .. .. .. |
البارت الثالث عشر &&&&&&&&&&&&&&&&&&&&& في البارت هذا اغلب الشخصيات راح تتكلم عن نفسها &&&&&&&&&&& مرت أربع شهور من يوم طلعت من بيت ابو سالم أربع شهور من أخر مره شافت فيها احد من عائلة ابو سالم بس أخبارهم توصلها قامت بتكاسل من سريرها وصارت تناظر غرفتها بملل حاسه بملل من كل شي بضيق بشعور لا يوصف مع انها نالت حريتها وتطلقت بس بعد ما حست باي فرق انين:شفيني ليه مو مرتاحه ليه حاسه بضيقه وبكتمه ليه مو مبسوطه وآنا اسمع أخبارهم اللي ما تسر لا عدو ولا صديق ليه مو لاقيه جواب حق هالاسئله ليه غمضت عيونها بقوه وفتحتهم وراحت تأخذ لها شور يمكن شوي يحسسها بشعور أفضل &&&&&&&&&&&&&&&& في بيت جديد ومكان جديد نزلت علشان تفطر مع أبوها وإخوانها سمر:صباح الخير الكل:صباح النور راحت باست رأس أبوها :أخبارك يبه ان شاء الله اليوم أحسن ابو سالم لا رد ما في غير عيون تناظر بحسره نظرة إنسان انكسر إنسان ما يقوى على شي إنسان ما يقوى على ابسط الأشياء الحركه إنسان مشلول يحس بالعجر وكل اللي يقدر عليه إيماء بسيط جلست العنود:افطري حبيبتي لا تتأخرين على دوامك سمر:وين سليمان سالم:تلاقينه الحين بينزل سمر:والله أحسه يتعب كثير يعني دراسه وشغل بنفس الوقت والله تعب سالم:ومن مرتاح بس الحمد لله على كل حال الكل:الحمد لله العنود تأكل أبوها وسمر وسالم يسولفون دخل عليهم سليمان:صباح الخير الكل:صباح النور باس رأس ابوه:أخبارك يالغالي العنود:لا الحمد لله اليوم أحسن سليمان وهو يجلس: الحمد لله سالم وهو يقوم :يله سمر علشان أوصلك وأروح دوامي سمر هزت راسها وقامت :مع السلامه الكل:مع السلامه طلعت وركبت مع سالم على دوامها سمر تكلم نفسها وهي سانده راسها على الدريشه:مرت أربع شهور سبحان مغير الأحوال كنا فوق والحين تحت الحمد لله ان الديوان أخيرا و طفني صرت مدرسه في مدرسة متوسطه والله الوظيفه جات في وقتها علشان أشيل من سالم وسليمان حمل المصروف وتذكرت بشار وتنهدت:كنت احبك واعشق اسمع صوتك والحين أكرهك واكره طاريك انت وأختك سبب كل اللي احنا فيه ما أقول غير حسبي الله ونعم وكيل والتفتت لآخوها اللي يسوق بتركيز :والله انك يا خوي تكسر خاطري شايل مسؤولية الكل مع اننا نساعدك في المصاريف مو كافي انك تحملت تشوف الشركه اللي طول عمرك تحلم انك ترفع اسمها لفوق يأخذها البنك مع البيت اللي أنباع في المزاد بس والله هالغزلان طلعت أصيله وفعلا تحبك وأنت محظوظ فيها لأنها رضت تكملون زواجكم بدون لا عرس ولا غيره وجات لبيتنا علشان تساعدنا وتوقف معانا صدق انك محظوظ يا اخوي اللي يتمم عليك ويوفقك انتبهت على صوت سالم:سمور سمر:هلا سالم:ساعه وآنا اقولك انزلي وصلنا وأنتي قاعده تطالعيني كأنك ودك تأخذين صوره لي سمر بابتسامه:احبك وش أسوي بعد سالم رد لها الابتسامه:حبتك العافيه يالغاليه يله انزلي لا تتأخرين على دوامك سمر:ان شاء الله نزلت ودخلت المدرسه وهو راح دوامه &&&&&&&&&&&&&&&&&&& صحى من النوم نشيط ولبس ونزل بيروح يفطر برا زي عادته وهو نازل من الدرج وباله وفكره مشغول سمع صوت أخته:بشار غمض عيونه بضيق ورجع فتحهم وجاوبها وهو معطيها ظهره:نعم انين وهي تقرب منه:لها الدرجه صارت العلاقه بينا يا اخوي بعيده لدرجه انك ما تكلف على نفسك تناظرني وأنت تكلمني بشار:أنتي اللي وصلتي الأمور لهنا بتصرفاتك يا انين انين وهي تلفه اتجاهها:أي تصرفات ها.. قل لي أي تصرفات بشار:نسيتي ابو سالم والأشياء اللي سويتيها من وراي نسيتي انك ما تثقين فيني وتخافين إني أطعنك في ظهرك انين:لحد الحين حاط هالكلام في راسك كلام قلته قبل أربع شهور يعني من الماضي وأنت لحد الحين تذكره بشار بعصبيه:تدرين ليش لأنه يألم يا انين يألم يا أختي انك تحط شخص هو كل شي بحياتك أنتي يا أختي كنتي قدوتي و كنتي صديقتي وآنا كنت اتبعك في كل شي بدون اعتراض بس علشان أريحك وأنتي تقولين لي إني ما أثق فيك وأنت والغريب واحد وتبغين مني أكون ريلكس وعادي أكيد في ذا الحاله أنتي مو طبيعيه انين بعصبيه:ايه قول إني مجنونه واحتاج دكتور أمراض عقليه لا يا بشار انا ما بعد انجنيت فاهم انا بعدي انين اللي مثل ما دمرت عائلة ابو سالم تقدر تدمر أي احد فاهم بشار صار يطالعها ويهز رأسه بعدم تصديق:قصدك تدمريني يا انين تدمرين اخوك لف علشان يطلع من البيت وقبل ما يطلع :وتلوميني يوم أقول ان أنتي مو انين أختي اللي اعرفها شوفي أنتي وش قاعده تقولين طلع وهي مشت بتثاقل لحد الكرسي وجلست بتعب وصارت تمسح جبينها وتضغط على عيونها بضيق انين:انا وش فيني صرت كذا وش اللي يصير لي بديت افقد الإحساس وجانب الشر فيني يطغى على أي شي ثاني... رجعت راسها على وراء وسحبت نفس وغمضت عيونها &&&&&&&&&&&&&&&& الكل راح دوامه وهي قاعده زي العاده الصبح مع أبوها العنود بعد ما ساعدها سليمان تحط أبوها بفراشه علشان يريح جلست على طرف السرير العنود:يالله يا دنيا صحيح انك غداره ومالك أمان من يصدق ان العنود اللي ما يهمها شي واللي تسرح وتمرح وتدرس في المدرسه الاهليه تحول إلى مدرسه حكوميه وتصير منازل بس انا تغيرت ما عدت اهتم للأمور التافهه اللي اهتم لها من قبل وهذا اقل شي اقدر أقدمه لإخواني علشان أعاونهم ناظرت أبوها بحسره و قامت باست رأسه وطلعت وصكت الباب خفيف على أبوها علشان ينام قابلت غزلان اللي توها صاحيه من النوم:صباح الخير العنود:صباح النور بدري كان نمتى بعد ليش صحيتي غزلان:والله راحت علي نومه يله أنتي روحي ارتاحي أنتي من أمس مع عمي العنود:لا ما اقدر أنام..... غزلان تقاطعها:يله روحي وبلا أعذار والغداء انا بسويه يله وكل الشغل علي اليوم كتعويض عن أمس العنود:مدام كذا ياليت كل يوم تتأخرين في النوم علشان تشيلين عني سوالف الطبخ اللي كل مره احرق فيها شي غزلان:ههههههههههه العنود صعدت الدرج وراحت ودخلت غرفتها انسدحت على سريرها بتعب من أمس سهرانه مع أبوها لأنه أمس تعب وحاسه بجسمها مكسر العنود:ااااه يا زين السرير والنوم بعد التعب وراحت في النوم على طول &&&&&&&&&&&&&&&& دخل دوامه وسلم على الكل :السلام عليكم الموظفين اللي معه:وعليكم السلام سليمان بدى يأخذ أوراقه وبدا الشغل فيها وما حس على احد من كثر اندماجه في الشغل وفجاه حس على كتفه يد ورفع نظره وابتسم سليمان:هلا والله صباح الخير حمود:صباح النور أخبارك سليمان:بخير جعلك بخير ...واشر له:اجلس يا رجال وش فيك واقف جلس حمود:اشوفك شاد حيلك في الشغل سليمان:أكيد انا ما ابغى أطلعك بسواد الوجه حمود:سواد الوجه ما يطلع منك يا خوي سليمان:مشكور والله يا حمود جميلك فوق راسي وما أنسى انك انت اللي متوسط لي لها الوظيفه حمود:ان سمعت هالكلام مره ثانيه بفقع وجهك سليمان:ههههههههه طيب حمود وهو يقوم:يله أخليك تكمل شغل سليمان:اوكي بس اليوم اشوفك حمود:أكيد افا عليك مع السلامه سليمان:مع السلامه ابتسم وهو يحمد ربه على كل حال لحد الحين يذكر لما ودو ابوه المستشفى وقالوا لهم ان صار مشلول ويتذكر بيتهم اللي أنباع في المزاد وكيف انهم أستاجروا بيت وقدم طلب للكليه يحولونه من صباحي لمسائي علشان يقدر يحضر الشغل الصباح وفي المساء يروح لمحاضراته سليمان في نفسه وهو يتنهد:الحمد لله على كل حال &&&&&&&&&&&&&&&& صعدت لغرفتها وهي حاسه انها مخنوقه ما تقدر تتحمل أكثر حاسه كل شي ما له معنى عندها وحاسه انها وحيده وهذا أكثر شعور تكرهه شعور الوحده طالعت جوالها الموجود على الكومنديه رفعته وفتحت الرسايل وشافت رقمه ما تدري ليه ما مسحت رسايله يمكن لان في عقلها الباطن كانت تدري انها راح تحتاجه في يوم من الأيام انين:اتصل ولا لا ..بس يمكن إذا اتصلت ارتاح وألقى الحل لا يا انين لو اتصلتي راح تثبت عليك انك مجنونه وكل الكلام اللي قالوه عنك صحيح بس كذا انا ما راح ارتاح وراح أتعذب أكثر لا تنكرين يا انين انك وصلتي لمرحله ما عاد تحسين بطعم أي شي ما حسيتي بفرحة انتصارك ولا بطلاقك واخوك صار معاك مثل الغريب راح اتصل وأمري لله ما عاد عندي شي اخسره ضغطت الزر الأخضر وتنتظر الرد وقلبها يرجف بين ضلوعها ما تدري ليه فتح الخط وظلت ساكته حست انها ما تقدر تنطق.... &&&&&&&&&&&&&& قاعد وراء مكتبه اليوم المرضى قليلين رن جواله ورفعه وهو يطالع ملف واحد من المرضى ولما انتبه للرقم ظل يطالع وكأنه مو مصدق هو فقد الأمل انها تتصل بعد ما عرف باللي سوته بصديق عمره وأهله فتح الخط هاني:الو.....ما سمع صوت بس الخط مفتوح معناتها هي موجوده هاني:الو... وبعد صمت:مدام انين انين بصوت هامس:ايه هاني ما حب يبدأها بأسئله هو ما صدق انها تتصل:انا أسمعك تكلمي انين:ما ادري ايش أقول أحس كل شي مخربط هاني ابتسم:اوكي حطي الجوال سبكر وحطيه جنبك وتكلمي كأنك تكلمين نفسك ومو لازم يكون الكلام مرتب قول أي شي وكل شي بدون ما تفكرين وراح يطلع الكلام بروحه انين هزت راسها بأيه... حطت الجوال سبكر وحطته جنبها ووقفت بنص الغرفه وبدت تتكلم كأنها تكلم نفسها:أحس كل شي مخربط ما صار اللي ابغاه مو هذا اللي ابغاه توقعت النهايه غير مو كذا ما توقعت بشار أغلى ما عندي يكرهني ...وبدت عيونها تمتلي بالدموع:انا بغيت أريحهم وأنفذ وصيتها ما بغيت اخوي يكرهني توقعت إذا فزت بالنهايه راح ارتاح وتخف كوابيسي مو تزيد أحس إني انا الحين ابو سالم لاني ظالمه ما أحس باي راحه وتحط يدها على رقبتها:أحس إني مخنوقه مخنوقه ومو عارفه وش أسوي شلون ارتاح....وبدت تبكي هاني كان ماسك ورقه ويكتب ووقف عن الكتابه لما سمع صوت بكاها وبعد لحظات بعد ما خلاها تبكي شوي:البكي ما ينفع انا اعرف وشلون ترتاحين وعندي الحل انين التفتت للجوال ومسكته:قولي يا دكتور وشو وآنا بسويه هاني:أول شي نشيل الألقاب انين:طيب يا دكتور هاني:وش قلنا انين:طيب يا هاني هاني: كذا تمام وثاني شي امسحي دموعك واخذي نفس قوي و طلعيه براحه انين نفذت اللي قاله هاني هاني:الحين اسمعي الحل بس أنتي مستعده تنفذينه انين بسرعه:ايه بس استرد اخوي وتروح عني الضيقه والكره لنفسي والاستحقار اللي حاسته هاني بابتسامه:اسمعي..... &&&&&&&&&&&&&&& دخل على غرفته استغرب انه ما شافها على الغداء وسمع صوت في الحمام قرب من الحمام وطلعت غزلان ووجها اصفر مسكها سالم بخوف وساعدها لحد ما جلسوا على الكنبه سالم:حياتي فيك شي غزلان وهي تجلس وبابتسامه مرهقه:لا حبيبي ما فيني شي سالم بخوف:وشلون ما فيك شي ووجهك اصفر غزلان:شوية تعب عادي سالم وهو يوقف :لا خلينا نروح المستشفى علشان نتطمن غزلان:ما له داعي سالم وهو يقومها:إلا له داعي ونص يله إذا لي خاطر عندك تقومين غزلان:خلاص ولو انه ما له لزوم بس علشان خاطرك سالم:يله يا روحي البسي عباتك وآنا بنزل اشغل السياره غزلان:طيب نزل الدرج بسرعه وراح لسيارته و جاته غزلان وركبت وراحوا على المستشفى &&&&&&&&&&& جالس في مكتبه ويكلم مكالمه خارجيه :وش أحوال الشغل معاك بشار:بخير الحمد لله وأنت خليل:كله تمام والشغل أحسن ما يكون بشار:زين خليل حس ان في بشار شي:بشار فيك شي بشار وهو يتنهد :لا خليل:كأني ما أعرفك يله انطق قل وش فيك بشار:متضايق خليل:من ايش بشار:ما ادري خليل:علشان سم.. قاطعه بشار:لا هذا ماضي حلو نسيته بس ... خليل:قصدك انين بشار:ايه ما عدت اعرفها تغيرت 180 درجه خليل:والله ما ادري وش أقول لك بشار:لا تقول شي خلها على الله خليل:والنعم بالله وكمل سوالف مع خليل اللي صار يحاول يضحك بشار وينسيه ضيقته &&&&&&&&&&&&&&&& جالس معها ينتظر نتيجة التحليل طلعت لهم الممرضه وهي شاقه الحلق :مبروك المدام حامل سالم صار يتلفت يمين ويسار:تكلميني انا الممرضه:ايه سالم:مين اللي حامل الممرضه وهي فيها الضحكه من شكله:مدامتك انت سالم وهو مو مصدق:مدامتي انا قصدك غزلان الممرضه بضحكه:ايه سالم:قولي والله ...والتفت على غزلان :سمعتي يا روحي حامل يعني انا بصير أبو ابو أما غزلان كانت تهز راسها و الفرحه شلت لسانها من الكلام وما قدرت غير انها تهز راسها أما سالم صوته وصل لأخر المستشفى ما بقى احد ما درى انه بيصير ابو واللي في الممر يضحكون عليه ركب السياره ووصلوا البيت وأول ما دخل بصراخ:يا أهل البيت الكل جاء سمر بخوف:وش صاير وش فيك تصارخ سالم:بصير ابو العنود وسليمان وسمر يطالعون بعض سالم يكمل:غزلان حامل سمر نزلت ركض هي والعنود لغزلان وهم يضمونها:مبروك يا روحي مبروك سليمان يضم سالم:مبروك يالغالي والله بتصير ابو..... وينفخ نفسه:وآنا بصير عم من الحين اقولك ولدك تسميه سليمان علشان يطلع مزيون مثلي سمر:يمكن تطلع بنوته مو شرط ولد العنود:لو بنت تسميها العنود علشان تطلع علي سليمان:الله يخليك ما نبغى كارثه ثانيه كافي أنتي الكل:ههههههه سالم اتجه لأبوه اللي جالس على الكرسي وهو يحب رأس ابوه :بسميه راشد الكل سكت والعبره خانقتهم سمر:يالله بيصير عندنا رشود صغير وفرحوا فرحه من زمان ما حسوا بها فرحه دخلت قلوبهم عن حق وحقيق &&&&&&&&&&&&&&& رجع من شغله وهو يحس رأسه بينفجر من كثر الشغل دخل غرفته على طول وخذا له شور ولبس وانسدح على السرير سمع طق على الباب بشار باستغراب قام وفتح الباب وظل يطالعها من زمان ما جات لغرفته انين:ممكن ادخل بشار وخر عن الباب وراح جلس على سريره وهي دخلت وجلست على السرير جنبه ما عرفت وشلون تبدأ طالعته شافته يطالع قدامه وما فكر يلتفت لها حتى انين:انا كذبت لما قلت إني ما أثق فيك بشار لحد الحين على وضعه انين:قلت كذا علشان ما تخرب اللي كنت بسويه لاني خفت تخرب كل مخططاتي بس انا أسفه يا خوي بشار تنهد وغمض عيونه انين مسكت يده:انا ندمانه وحاسه إني بموت يا بشار ...وبدت عيونها تمتلي بالدموع:انا ما عدت قويه تدري ليه لأنك مو معاي والله انا أسفه يا خوي لا تقسى علي تكفى انا محتاجه لك بشار طالعها وشاف عيونها تمتلي دموع حس ان انين أخته وحبيبته وصديقته بدت ترجع انين نزلت راسها على يديه وبدت تشهق:لا تخليني يا خوي لا تخليني بشار ما يقدر يتحمل بكاء أخته مهما كان هذي أخته ضمها له:خلاص يا أختي خلاص انين:يعني انت مو زعلان بشار:انا أصلا ما زعلت بس كنت عتبان عليك شوي وصار يمسح دموعها :خلاص انين مسحت دموعها:يعني بنرجع زي أول بشار بابتسامه :أكيد مهما صار نظل إخوان والصراحه انا اشتقت لأختي القديمه انين هزت راسها بفرحه: طيب شرايك نتعشى تراني ما تعشيت لحد الحين بشار:ولا انا تعشيت والصراحه انا ميت جوع انين:يخسى الجوع والله يله نتعشى قاموا ونزلوا تحت وانين فعلا بدت تحس براحه جزئيه بس لحد الحين الضيقه موجوده وهي معزمه تسوي اللي قاله لها هاني علشان ترتاح وترجع تعيش حياتها من جديد &&&&&&&&&&&&&&&&& قاعده في غرفتها بين الدفاتر ومعها القلم الأحمر وسمعت صوت طق سمر:تفضل سالم:مشغوله سمر وهي تترك دفتر وحده من الطالبات:لا ابد حياك يا ابو راشد سالم جاء وجلس جنبها:ههه يا حلو كلمة ابو والله إحساس غير سمر:من قدك بتصير ابو سالم:ايه والله من قدي سمر:أمرني يا خوي حاسه في بقلبك كلام سالم:والله انا جاي أفاتحك بالموضوع القديم سمر:قصدك موضوع ناصر سالم:ايه اعتقد تأجيل أربع شهور كفايه سمر:انت تشوف الوقت مناسب يا خوي سالم:طيب أنتي لمتى ناويه تأجلين سمر:قله شهر واحد وبعدها الملكه والعرس واللي يبغاه سالم:وش معنى شهر سمر:بس ارتب أموري سالم:متأكده شهر لا غير سمر بابتسامه:ايه شهر لا غير سلم:اوكي راح أقوله والحين أتركك مع دفاتر طالباتك سمر:طيب قام وطلع وصك الباب وراه سمر:خلاص لازم تبدين حياه جديده أنتي الحين غير ما عدتي تحبينه ولازم تكونين للشخص اللي يستأهلك واللي صبر عليك لو احد ثاني كان مل وتركك وأنتي من أربع شهور وأنتي تأجلين بس خلاص لازم ارتب أوضاعي واحزم أموري لازم ورجعت لدفاتر طالباتها وتصحيح واجباتهم &&&&&&&&&&&&&&&&&& نزلوا المجمع والنقاش الحاد واصل معاهم سليمان وهو يدخل المجمع مع العنود:انا أقول ازرق انا حاس انه ولد و بيطلع هلالي بعد العنود:لا يا شيخ إلا بيطلع بنت سليمان:ليه الأخت مشعوذه ولا ساحره علشان تعرفين العنود:قل لنفسك انت اللي تقول بيطلع ولد سليمان طالعها وما رد العنود:الله لحد الحين مو مصدقه يا سليمان ان سالم بيصير ابو وآنا بصير عمه وأنت عم سليمان:ايه والله من زمان عن البزران و صجتهم العنود:ايه والله وبعد ما فروا المحلات وشروا وكل مره يشتري سليمان لون ازرق من ملابس تشتري العنود وردي والهواش يقوم ويقعد بينهم على ملابس الطفل المنتظر سليمان:بس والله تعبت أول مره أتسوق لأحد العود:والله حتى انا تعبت وش رايك نروح فوق ونشرب لنا شي سليمان:يله صعدوا بالأصنصير ولما وصلو المطاعم العنود وقفت لأنها لمحت وحده تعرفها سليمان:وش فيك وقفتي العنود:لحظه راحت وقربت وهي مو متأكده:حلا التفتت حلا وبابتسامه:العنود وقفت لها وسلمت عليها العنود:أخبارك حلا:بخير حبيبتي أنتي وش أحوالك العنود:الحمد لله بصير عمه مرت اخوي حامل حلا بفرحه:على البركه حبيبتي العنود:الله يبارك فيك حلا:اجلسي العنود:لا ما ينفع انا جايه مع اخوي وما يصير اتركه لحاله حلا تطالع مكان ما تطالع العنود واختفت ابتسامتها سليمان:معقوله اللي أشوفه هذي ...إلا هي حلا والله الدنيا صغيره أخر مره شفتها فيها لما دفعت لها فلوس الجوال حلا ابتسمت بخفه وسليمان رد لها الابتسامه حلا:خلاص مدام كذا مره ثانيه ان شاء الله العنود:اوكي بس ممكن رقمك علشان نتواصل حلا:أكيد ...وطلعت قلم وكتبت الرقم على ورقه وعطته العنود العنود:اوكي بينا اتصال حلا:اوكي العنود:متحمسه اعرف أخبارك طول المده اللي فاتت حلا:وآنا بعد العنود:يله مع السلامه حلا:مع السلامه راحت العنود وحلا لحد الحين تتبع المكان اللي تتوجه له العنود وهي حاسه انها مبسوطه انها شافته مع انها ما توقعت انها تشوفه بس شوفته فرحتها انتبهت على صوت جوالها وردت:اوكي نازله خذت أغراضها والخدامه تساعدها وراحت جهة الاصنصير ونظرات تتبعها تمنى تلتفت للمره الاخيره قبل ما تدخل الاصنصير وفعلا التفتت حلا له وبعدها بعدت نظرها وهو نزل نظره علشان العنود ما تنتبه له سليمان:متغيره كثير يا حلا حاس فيك شي مختلف مو أنتي أم لسان طويل الجريئه لا حاس انك مختلفه انتبه على صوت العنود اللي تكلمه وراحت حلا بس هل راح يشوفها هنا السؤال &&&&&&&&&&&&&&& شافها تفكر وهاديه من بعد العشاء وهي سرحانه بشار:فيك شي وش تفكرين فيه انين بابتسامه:ولا شي بشار:علي انا اخوك وأعرفك وأنتي فيك شي انين:ابغى ارتاح بشار:وش فيك انين:لحد الحين حاسه روحي مخنوقه بشار وهو يحط يده على يدها ويضغط عليها:طيب أنتي قولي وش يريحك وآنا بنفذه انين:أسفه يا خوي لاني جرحتك بشار:ولا يهمك الماضي راح وإحنا بالحاضر انين:انا كلمت الدكتور انا مقتنعه إني لازم أتعالج ما ابغى أصير وحش ما يرحم بشار:أي دكتور انين:دكتور نفساني بشار:أنتي تعرفين الدكتور قصدي شاطر في شغله انين:لو ما ادري انه شاطر واعرفه كان ما فكرت أتعالج عنده بشار ابتسم:زين سويتي انين:هو قال على حل و ابغاك تساعدني فيه يا خوي بشار:أكيد أنتي بس أمري انين:ما يأمر عليك عدو اسمع وش قال لي.......... &&&&&&&&&&&&&& في بيت الطيبه دخل بيتهم وهو مروق ومبسوط وشاف أمه وأبوه بالصاله هاني:السلام عليكم ابو هاني وام هاني:وعليكم السلام أم هاني:شكلك تعبان يا وليدي يعطيك العافيه هاني:الله يعافيك يا زينة البيت ابو هاني:احم احم هاني:ههههههه لا قول تغار على الاموره القمر اللي جمبك ابو هاني:يا ولد عيب ما في احد يناديها قمر غيري أم هاني وهي منحرجه:يووو منكم خلاص ابو هاني وهاني:ههههههههههه ربى وهي نازله من الدرج:الله الله وش هالخيانه ضحك في البيت من غيري كيف تصير هذي جلست جنب هاني اللي رد عليها:ايه صح في هذي غلطنا المفروض نناديك تشاركينا الضحك بضحكتك اللي بتخوف عيال الجيران وتخليهم ينامون الكل:ههههههههههه ربى بزعل:انا ضحكتي تخوف هي بس شوي ضحكه مرجوجه هاني:وتفشل تذكرون لما رحنا المطعم ابو هاني وهو يضحك:ايه لما قلنا نكته وتفاجآنا بضحكة أختك اللي خلت كل الناس تطالعنا هاني:انا تمنيت لو إني ما دخلت المطعم من أساسه تقول مو ضحكه إلا قنبله صوتيه الكل:ههههههههههه ربى:انا أعلمك يا هنوي هجل انا قنبله صوتيه هاني و هو يقرص خدودها:لا ما اقدر على زعلهم ربى:يا نصاب وظلوا سوالف وضحك في بيت عمر الضحك والفرحه ما اختفت منه &&&&&&&&&&&&&&& وقفت السياره عن بيتهم ونزلت ومشت بتردد وطقت الباب لحد ما فتحوا سالم بتفاجأ:هذي أنتي &&&&&&&&&&&&&&&&& لهنا أوقف واترك لكم حريه التعليق &&&&&&&&&&&&&& انين.....كره.......انتقام......حب..نهاية مجهوله (لعبة الشطرنج) &&&&&&&&&&&&&&&& ودي لكم قلب أمي وروحها .. .. .. |
البارت الرابع عشر والاخير &&&&&&&&&& وقفت السياره عن بيتهم ونزلت ومشت بتردد وطقت الباب لحد ما فتحوا سالم بتفاجأ:هذي أنتي انين وبشار وراها واقف سالم بيصك الباب بس بشار حط يده وفتح الباب انين:استنى انا جايه أقول كلمتين وأروح سالم:ما بينا كلام وكافي اللي جانا منك سمر والعنود اللي لابسات حجاب واقفين وراء العنود وهي تجي جهة انين وسمر تمسكها:خليني عليها اشفي غليلي منها سمر وهي تطالعهم بكره:ما يستأهلون تحرين عمرك يا أختي عليهم انين والدموع في عيونها:انا ادري ان أي كلمه بقولها بتكون مالها أي معنى الحين وادري إنكم تكرهوني بس انا جايه أعطيكم هذا يمكن يغفر لي شوي عندكم حطت الملف على الطاوله القريبه من الباب وقبل ما تطلع:سمر ابغاك أنتي بالذات تسامحيني وتعرفين ان الحقد والكره اللي تحسينه في قلبك كان في قلبي وأكثر منه بعد ابتسمت بحزن:يمكن هالشي ما يشفع لي عندكم بس انا عندي مرض نفسي يعني لما سويت كل هذا فيكم كنت مريضه طلعت بسرعه وتركت الكل بعدها في حالة هدوء ركبت ويا بشار السياره وهي تتنهد براحه بشار وهو يشغل السياره:حبيبتي فيك شي انين :لا بس ابغى أروح البيت بشار:طيب أنتي نامي شوي وأول ما نوصل البيت راح اصحيك انين بابتسامه خفيفه :طيب غمضت عيونها وهي تحاول تسحب نفس وتفكر انها أول ما تروح البيت بتكلم هاني وتقوله عن اللي سوته واللي حاسه فيه ساق وهو ساكت وهو يطالع أخته ويتمنى لو يقدر يشيل عنها تأنيب الضمير اللي حاسه فيه ويريحها &&&&&&&&&&&&&&&&& في مكان ثاني أم ناصر بحب:الله يسهل عليك يا بنيتي وإذا بغيتي شي حتى لو بنص الليل ارفعي السماعه غزلان:أكيد هو انا لي غيرك يالغاليه ناصر:ههههه والله ولدك يا غزلان محظوظ لان بيصير عنده خال مثلي غزلان:لا والله مصدق نفسك بقوه يا اخوي أم ناصر:إلا يا وليدي وش صار عليك منت ناوي تعرس وتفرحني فيك انت وسمر ناصر:والله يمه انا اتفقت مع سالم ان الملكه والعرس بعد شهر أم ناصر:زين الحمد لله أخيرا ارتحنا من سالفة التأجيل اللي ذبحتونا فيها غزلان:وش نسوي يا يمه والله أنتي عاد اعلم بحالهم أم ناصر:ايه الله يعينهم واستمروا أم ناصر وغزلان بالسوالف أما ناصر فكان سرحان وما هو يمهم ابد وفكره طاير عند اللي حبها من ذاك اليوم وما قال لأحد مع ان استعجاله فاضحه عند الباقين &&&&&&&&&&&&&&&&&& قاعد يقرا الملف وساكت العنود:سالم ما قلت لنا وش اللي موجود بالملف سمر:سالم رد وش فيك سالم رفع رأسه يطالعهم وتوه بيتكلم إلا دخل سليمان:السلام عليكم الكل يطالع وما ردوا سليمان:وش فيكم وش صاير العنود:الحقيره كانت هنا سالم بحزم:العنود العنود:لا يكون تدافع عنها بعد كل اللي سوته فينا سالم:لا ما أدافع بس ما أحب اسمع هالألفاظ سليمان اللي مو فاهم شي:وش فيكم من اللي كان هنا سمر:انين سليمان وقف بعصبيه:وهذي وش جابها هنا اخخخ بس لو إني لاحق عليها كان ذبحتها العنود:جات عطتنا ملف وراحت سليمان:ملف أي ملف سالم وهو يرفع الملف:هذا سليمان جلس:وش فيه سالم:فيه أوراق بيتنا اللي أنباع في المزاد ومسجل باسمي الكل سكتوا يطالعون بعض بعد فتره سليمان :قصدك بيتنا ما غيره سالم:ايه سمر:بس انت قلت ان اللي شراه رجال انت تعرفه سالم:ايه بس يمكن هي شرته منه وراحت السجل العقاري وسجلته باسمي بس ناقص توقيعي العنود:طيب وقع خلنا نرجع لبيتنا سالم يطلع إخوانه سليمان:وهي ليه ترجع لنا بيتنا سالم:مو هذا كل شي سمر:وش بعد سالم:بين الأوراق فيه شيك سليمان باستغراب:شيك سالم: ايه شيك بمبلغ (.......) سليمان بتفاجأ:كم الكل سكت سليمان:وقع واخذ الشيك واصرفه وخلنا نبدأ من جديد سالم:يعني انتم موافقين ان البيت يكون باسمي الكل:ايه...طبعا سالم: عطوني قلم طلع سليمان قلم وعطاه سالم ووقع العنود بفرحه:راح نرجع بيتنا ونترك الإيجارات سمر ابتسمت سليمان:ايه صح نسيت اسالكم هي ليه سوت كل هذا سمر:تقول انها ندمانه سليمان بسخريه:لا تعبت نفسها بدري والله العنود:المهم اننا راح نرجع مثل أول سالم:بها الفلوس راح افتح شركة بسيطة وابني اسمنا من جديد الكل انبسط وفرحوا لأنهم بيرجعون بيتهم بس هل راح يرجعون مثل أول ولا التجربه غيرتهم هنا السؤال؟ &&&&&&&&&&&&&&& رجع البيت صعدت غرفتها وقالت لآخوها انها بتنام وأول ما دخلت خذت الجوال واتصلت وجاها الرد:الو انين بسرعه:سويت اللي قلت لي عليه هاني بابتسامه:طيب وش تحسين فيه انين:أحس بشوية راحه بس بعد متضايقه هاني:طبيعي لأنك تحسين انك طول عمرك كنتي ملزمه بتدميرهم والحين قاعده تسوين العكس انين وهي تسحب نفس وتطلعه:يمكن هاني:أنتي عندك أصدقاء انين باستغراب:أصدقاء هاني:ايه صديقات تكلمينهم تسولفين معاهم انين:لا هاني:ليه انين:ما ادري بس يمكن لاني ما كانت اجتماعيه كثير أو يمكن ..ما ادري هاني:طيب ايش رايك أعرفك على أختي انين:أختك هاني:ايه هي صدق رجه وضحتها اغرب ضحكه تمر عليك وهبلاء ومطلعه عيوني بس اعتقد بتحبينها انين بابتسامه باهته:يعني ينقال مدحتها هاني وهو يحاول يرفه عنها شوي:ههههه وش أسوي عاد انين:ما اعتقد ان من مصلحتها إني أصادقها المفروض تخاف على أختك مني هاني:فصدك لأنك مريضه انين بهمس:ايه ولأني حقوده هاني:انا بعد مريض انين باستغراب:ايش انت مريض هاني:ايه أمس رحت الدكتور وقال عندك حراره انين:انت عارف ايش اقصد هاني بجديه:المرض النفسي زيه زي أي مرض زي الحراره والحمى والزكام مع الادويه وإرشادات الطبيب نتشافى منه وأنتي قطعتي نص المشوار وآنا بساعدك تقطعين الباقي انين بابتسامه والدموع بعيونها:و برتاح يا هاني برتاح صح هاني:ايه وبتضحكين بس تسمعين الكلام انين:طيب..وكأنها تذكرت شي:ايه صح انا بغيت أسالك عن شغله هاني:وشو انين:انت كيف عرفت عني كل شي هاني:ما فهمت انين:أول مره قابلتك كنت عارف عني كل شي وعن أبوي كيف عرفت هالمعلومات وما في احد يعرفها غيري انا وبشار هاني:ما ينفع اقولك بالتلفون كيف عرفت بس إذا بغيتي تعرفين جيبي بشار وقابلوني في المطعم (....) بكره انين باستغراب:بس بشار وش دخله هاني:لما تجين بكره تعرفين انين وهي ما هي فاهمه شي:طيب نصبر ونشوف &&&&&&&&&&&&&&&&&&&& راح البنك وصرف الفلوس ودخلهم بحسابه واتصل على ربع يجتمع فيهم من زمان ما اجتمعوا هم الثلاثه وصل المطعم ودخل وشافهم جالسين وجاهم:السلام عليكم هاني وناصر:وعليكم السلام جلس وهو مبسوط ناصر:وش عندنا فرحانين يالله اعترف سالم:صار شي غريب هاني:عسى ما شر وش صار سالم:مرت أبوي جاتنا البيت ناصر:وهذي وش جابها بعد سالم:جات وردت لنا بيتنا اللي أنباع بالمزاد ومعاه شيك بذاك المبلغ ناصر باستغراب:وهذي ليه سوت كذا ناصر:تقول ندمانه وحابه ترجع لنا كل شي ناصر يضحك بسخريه:ههههههه والله ما ظنتي أمثالها يندمون هاني كان طول الوقت يسمع لهم ولما قال ناصر جملته حس انه المفروض يدافع :وش هالكلام يا ناصر يمكن البنت فعلا ندمانه ناصر:أمثالها من البشر ما عندهم إحساس علشان يندمون هاني:لا تحكم على الناس وأنت ما تدري عنهم شي ناصر:انت ليه تدافع هاني:لأنها مسكينه ومريضه ناصر باستغراب:مريضه سالم بتفاجأ:وش دراك هاني تنهد:لان انا دكتورها اللي تتعالج عنده ناصر:كملت يعني خبله وأنت وشلون ترضى تعالجها بعد اللي سوته في سالم وأهله هاني:وش هالكلام يا ناصر يسمونها مريضه وبعدين انا دكتور وهذا واجبي وما يهمني من يكون المريض ولا وش سوا المهم أعالجه وأمد يد المساعده له وبس ناصر طالعه وما رد عليه أما سالم كان يطالع هاني طول الوقت وما تكلم هاني التفت شافه يطالعه سالم:ليه ما قلت لي هاني:سالم انا ما ابغاك تزعل بس... سالم قاطعه:انا ما ازعل عليك ابد احنا إخوان وهي مريضه حالها حال غيرها وآنا مالي كلام على شغلك هاني حس ان سالم متضايق:علشان كذا ما قلت لك سالم باستغراب:وش قصدك هاني:لاني خفت انك تزعل مني وأخسرك كأخ وآنا ما اقدر أرد أي مريض يحتاج مساعدتي سالم:يعني انت ما تعرفني تدري إني مستحيل ازعل وفاهم وش تقصد هاني:تسلم يالغالي تسلم سالم مال بهمس:اتمنى تكون بس مريضه مو أكثر هاني طالعه ومارد ولف وجهه عنه و سالم يطالعه وهو شاك وكملوا سوالف وضحك و حاولوا يتناسون الموضوع &&&&&&&&&&&&&&&&& طقت الباب على أخوها وهو في مكتبه بشار: تفضل انين بابتسامه:مشغول بشار:حتى لو مشغول أفضى لك انين وهي تجلس:تسلم يا خوي بشار:أمري انين:الصراحه يا اخوي الدكتور اللي أتعالج عنده يبغى منا نقابله بكره بشار اللي يعرف ان انين تتعالج عند هاني لان هاني هو اللي قال له:قصدك هاني انين طلعت عيونها وتفاجات:انت شلون تعرفه بشار:انا أقول لك............وقال لها كيف عرف هاني عن طريق خليل وانه استشاره لما شافها تتجاوز حدودها انين:يعني تعرفون بعض بشار:ايه ولما بديتي تتعالجين عنده هو اتصل فيني وقال لي علشان أساعده في علاجك انين:اها بشار:بس هو ليه يبغى يقابلنا انين:انا سألته كيف انه يعرفنا ويعرف أبونا بشار:هو يعرف أبونا انين:ايه وأمنا وكل قصتنا بشار باستغراب:بس كيف عرف انين:انا سألته وقال لي قابلوني وتعرفون بشار:خلاص صار بكره نقابله ونعرف منه انين وقفت:طيب انا أخليك تكمل شغلك وأروح ارتاح شوي بشار بابتسامه:طيب طلعت وبشار رجع لشغله &&&&&&&&&&&&&&&&&& قاعده في غرفتها ورفعت جوالها واتصلت عليها العنود:الو حلا:الو مين معاي العنود:افا ما عرفتيني حلا:هلا بالعنود أخبارك العنود:هههه بخير وأنتي حلا:ما شي الحال العنود:اقدر اشوفك مشتاقه اسمع أخبارك طول هالمده اللي غبتي عني فيها حلا:طيب وين تحبين اشوفك العنود:والله انا ما اقدر اطلع من البيت لان أبوي ما اقدر أخليه أنتي تعالي لي البيت حلا:طيب عطيني العنوان العنود:اخذي سجلي عندك...... حلا:اوكي سجلته العنود:بكره اشوفك عندي حلا:ههه اوكي وقعدوا يسولفون &&&&&&&&&&&&&&& أشرقت شمس الصباح معلنه عن يوم جديد ويوم أمس بأحداثه صار من صفحات الماضي أبطالنا الكل صحى بنشاط في منهم من رح شغله ومنهم من أشغلته أعمال ثانيه سالم وهو يلبس غترته:توصين على شي حياتي غزلان:لا حبيبي سلامتك بس متى بتقدم استقالتك سالم:قريب بس لما ارتب أموري راح أقدمها غزلان:الله يوفقك حياتي سالم وهو يبوس خدها:الله لا يحرمني منك يا روحي ولا من دعاويك غزلان بابتسامه حب:ولا منك وقبل لا يطلع :غزولتي لا تنسين تنتبهين على نفسك ولا تشيلين شي ثقيل غزلان وهي تاشر على عيونها:من عيوني سالم:مع السلامه غزلان:بحفظ الله طلع ومعاه سمر علشان يوصلها ويروح على دوامه &&&&&&&&&&&&& مر الوقت سريع وجاء وقت العصر بشار:انين يله انين وهي تلبس عبايتها ونازله من الدرج:خلاص جيت بشار:يله طلعوا وركبوا السياره وراحوا للمطعم علشان يقابلون هاني &&&&&&&&&&&&&&&&& في البيت المتواضع تكلمها وتدليها على الطريق مضبوط:ايه - البيت البني - اوكي بفتح لك الباب الحين صكت الخط وفتحت لها الباب العنود:آهلين حبيبتي حلا بابتسامه:أهلا سلمت عليها وصعدتها على طول لغرفتها العنود وهي تجلس على السرير:اجلسي تراني متحمسه موت لأخبارك حلا:هههه لهالدرجه العنود:وأكثر حلا:انا أخباري بخير العنود بجديه:وش صار عليك من أخر مره تركتك حلا تنهدت:ما صار الشي الكثير بس انا تركت كل شي وبديت من جديد العنود:وآنا بعد تغيرت حلا ابتسمت لها العنود:إلا حلا أنتي وشلون عرفتي هالطريق حلا:انا لما كان عمري13 سنه ماتوا أمي وأبوي في حادث حريق احترق بيتنا و المطافي ما أنقذوا غيري وبعدها صرت أتنقل من بيت لبيت كل عم يرميني على الثاني لحد ما وصلت بيت عمري عبدالله العنود:وبعدين حلا :ابد عشت عنده وكنت مرتاحه لان هو ما يجيب عيال وزوجته ما كانت مره سنعه يعني مو ذاك الزود بعد ما توفى عمي زوجته صارت تعلمني على الجمعات وهي اللي مشتني في هالطريق العنود:يا ويلها من الله هذي وشلون تعلمك هالخرابيط حلا ابتسمت بحزن:هذا اللي صار بس لما بدت الفلوس تمشي في يدي طلعت من بيتها وسكنت بشقه بروحي وبديت افتح شقق وكل ما اربح افتح شقه جديده وبس العنود وهي تحط يدها بيد حلا وتواسيها:يا عمري والحين وش صار عليك حلا ابتسمت :من أخر مره شفتك فيها بعدها تركت كل شي والفلوس اللي كانت معاي رحت وشريت بها بيت عمي من زوجته وسكنت فيه وبعد شهرين سمعت ان مرت عمي توفت وآنا ساكنه مع الشغاله وزوجها السواق العنود:ما تخافين وأنتي لحالك حلا:أكيد اخاف وفي الليل اقفل الأبواب أمية مره العنود:ههههههههه حلا:والحين دورك يله قولي لي وش سويتي في الفتره اللي طافت العنود:ابد انباعت الشركه والبيت اللي كنا ساكنينه في المزاد وجينا وسكنا في هالبيت الإيجار وآنا حولت منازل علشان اقعد عند أبوي لان إخواني يروحون الشغل حلا:الله يشفي أبوكم العنود:أمين مشكوره يا قلبي ظلوا يطالعون بعض العنود:مشكوره حلا:على ايش العنود:لأنك طلعتيني من مركز الشرطه لان لولا الله ثم أنتي كان انا الحين مشوهه سمعة أهلي حلا:لا تشكريني ولا نسيتي ان انا السبب في دخولك العنود:بس بعد أنتي السبب في طلوعي بس في شغل انا ماني فاهمتها حلا:وش هي العنود:في ذاك اليوم قلتي انا ساعدتك علشان الناس اللي يحبونك واللي هم غالين علي وش كنتي تقصدين بها الكلام حلا توترت وتصرف:ا..أنتي.. مالك نيه تشربيني ولا تضيفيني شي العنود ابتسمت:أكيد خلينا ننزل للمطبخ البيت ما فيه احد حلا:يله ونزلوا &&&&&&&&&&&&&&&&&&& وصلوا للمطعم ودخلو شافوا هاني جالس ينتظرهم راحوا لهو بشار سلم عليه وجلسوا بشار:أخبارك هاني:الحمد لله وش أخبار خليل بشار:ماشي حاله ما ينخاف عليه طول كلامه مع بشار ما طالعته ما تدري ليه يمكن لان الموضوع عندها بالتلفون أسهل من المقابله وهاني لاحظ هالشي وما فاته بس ما حب يعلق علشان لا تتضايق لما شافتهم سكتوا قررت تبدأ:هذا احنا جينا قل اللي ما قدرت تقوله في التلفون هاني:ما ينفع في هالمكان انين وبشار يطالعون بعض هاني وقف:قوموا معاي بشار:وين هاني:ما تبغون تعرفون يله قوموا انين:يله بشار:يله...قاموا وركبوا سيارتهم وتبعوا هاني اللي جاي بسيارته لحد ما وصلوا عند بيت ونزل هاني ونزلوا بشار:وين جايبنا انت هاني:حياكم انين قبل ما بيدخل هاني:وين ندخل وبيت من هذا هاني:حياكم بعدين تعرفون فتح الباب ودخلوا دخلهم المجلس وراح عنهم انين:انت فاهم شي بشار:لا والله رجع هاني وقعد انين اللي بدت تعصب لأنها مو فاهمه شي:انت وين جايبنا ولحد الحين ما قلت لي شلون عرفت عنا كل هالمعلومات هاني:الحين تعرفون انين وقفت:خلاص ما ابغى اعرف يله يا بشار ومشت وقبل لا تطلع جاها صوت:استني يا بنيتي لفت انين وانصدمت من اللي شافته وبشار وقف انين:انت.. ولفت على هاني:انت جايبنا لبيت من هاني وهو يوقف :بيتي انين وبشار يطلعون بعض وباستغراب:بيتك هاني:ايه انين:يعني هذا هاني:هذا أبوي ابو هاني:عرفتيني انين:مو انت الدكتور اللي عالجني لما تعبت قبل أربع شهور ابو هاني:ايه بس انا أعرفك وأنتي تعرفيني قبل هالفتره بكثير انين شهقت:انت ....وسكتت ابو هاني:تذكرتيني انين وهي تجلس والدموع في عيونها:شلون ما أتذكر الشخص اللي كان السبب في إن يكون لي ابو وام جديدين بشار يطالعهم وهو مو فاهم شي:وش السالفه انين بابتسامه:هذا هو الدكتور اللي كان صديق أبوي محمد واللي اقترح على أبوي محمد انه يأخذنا ويربينا بشار:الحين عرفت وين شفتك انت كنت تحضر العزاء لأبوي محمد وكنت تسألني دائما إذا احتجنا شي ابو هاني:الحمد لله تذكرت ظنيت انك نسيتني بشار:وجه خير مثلك ما ينسي ابو هاني:تسلم انين صارت تشهق وتبكي وبشار قام وجلس جنبها ويهديها انين:الحين عرفت من وين هاني عرف بسالفتنا ابو هاني:ولدي هاني كان يسمع عنك من سالم صديقه ومرا سمعته يذكر اسمك وطبعا اسمك مستحيل أنساه لأنه يذكرني بالغالي ابو هاني وهو يأخذ نفس علشان ما تنزل دموعه على ذكرى الغالي رفيق دربه:بعدها سألته وقال لي اسمك و سالفتك وبعد ما شفتك في المستشفى جيت البيت وهاني أصر يعرف وش فيني وعلمته بالسالفه كلها انين بابتسامه:ما أنسى جميلك يا عمي ما أنساه ابد ابو هاني وهو يبتسم:لا جميل ولا غيره أنتي حسبت بنت الغالي وهو دائما كان فخور بك ودائما يقول بنتي ذكيه ولما تكبر راح تطلع على أبوها راح تطلع علي انين رجعت الدموع على وجهها بشار:خلاص حبيبتي خلاص ابو هاني:كان دائما يتكلم عنكم وكان دائما يقول بنتي بتطلع أميره وولدي سند لي وذراعي اليمين وراح افخر بهم بين الناس انين بحزن:وآنا وطيت رأسه ولو هو عايش كان كره اليوم اللي فكر فيه يتبناني هاني:لا يا انين أنتي كنت تسوين اللي تشوفينه صح ولا تنسين ان خالتك كان لها دور باللي سويتيه حملتك وصيه غلط المفروض ما توصيك بها وهالشي زاد الضغط عليك بشار وهو يمسك يدها:هاني معاه حق يا أختي ابو هاني:لو هو حي كان قال ابدي من جديد وانسي وارسمي البسمه على وجهك وآنا متأكد ان أمك بعد كان بتقول نفس الشي انين هزت راسها وعلى وجهها ابتسامه ابو هاني:وش رايك يا بنتي تدخلين عن أم هاني وتتعرفين عليهم وعلى بنتي انين:طيب قامت مع ابو هاني ودخلت داخل وخلت بشار وهاني يسولفون &&&&&&&&&&&&&& طلع من المحاضرة وركب سيارته وتوجه للبيت دخل وسمع صوت ضحك من جهة المطبخ ولما قرب سمع صوتها:الله يقطع إبليسك يا عنيد العنود:من عنيد حلا:أنتي طبعا العنود:أقول اتركي عنك اللف والدوران شاهي وشربناك الحين يله قولي لي حلا:وش أقول العنود:وش كنتي تقصدين لما قلتي علشان اللي يحبونك وهم غالين علي حلا:وأنتي ما نسيتي العنود:لا حلا:راح أقول لك بس توعديني يكون سر بيني وبينك العنود:أكيد أصلا كلي أسرار مو عجزانه أحط عليهم سر جديد حلا توترت:انا..ك. كنت.. اقصد...وسكت العنود باهتمام:ايه كملي وش تقصدين حلا:اخوك العنود طلعت عيونها:من اخوي سالم سليمان تفاجأ وش دخل سالم حلا وهي تبعد عيونها عن نظرات العنود:لا العنود شهقت:لا يكون سليمان حلا ووجها بدا يصير احمر :ايه العنود:وسويلم من وين تعرفينه سالم كان مركز لكلام حلا:تذكرين الشخص اللي أخذت جواله وعطيته رقم مصري اللي قالت لك عنه ناديه العنود تحاول تتذكر:ايه ذكرته وش فيه حلا:هو اخوك العنود:سليمان هو اللي أخذتي....وسكتت حلا:ايه بس ها عنيد أنتي قلتي سر بينا العنود:أكيد...وسكتت وكأنها تفكر وبعدها:ههههههههههه حلا وهي منحرجه:وش فيك العنود:الحين عرفت ليه ذاك اليوم أصر يروح معاي المجمع حلا:ماني فاهمه العنود:سمعني انا وناديه نسولف عنك يوم أخذتي الجوال وظل يطالعني وبعدها قال بيروح معاي حلا ابتسمت العنود:الحين عرفت وين اختفى لما رحنا المجمع حلا:التقيت به بالمطعم وخلاني انزل اشتري جوال جديد خاف إني انصب عليه العنود:ههههههههه ما ألومه اخوي حلا:هههه مالت عليك العنود:ههههههههه وبعد سكوت لمحت انعكاس صورة أخوها بالثلاجه اللي عند الباب وابتسمت بنذاله:أقول حلا حلا:هلا العنود:أنتي تعزين سويلم حلا انصدمت من سؤالها وسكتت العنود:ما جاوبتيني حلا وهي منحرجه ومعصبه: أنطمي انا الغلطانه اللي اقولك شي العنود:ههههههههههه أما اللي كان عند باب المطبخ استند على الجدار وهو راسم أحلى ابتسامه على وجهه ما توقع ابد انه يشوفها هو يوم المجمع يوم شافها أنصدم والحين أنصدم لما لقاها في بيتهم سليمان:كل مره اشوفك فيها يا حلا تصدميني من كان يتوقع إني اشوفك وفي بيتنا وصديقه العنود بعد ولا تفكرين فيني شق حلقه بالابتسامه وصعد لغرفته يدندن &&&&&&&&&&&&&&&&&&& بعد شهر في بيتهم الكبير قاعد بين الأوراق وماسك الجوال ويتصل على هذا ويكلم هذا دخلت عليه وجلست عنده لحد ما خلص تلفونه غزلان بملل:ها حبيبي خلصت سالم :ايه خلصت كل أموري غزلان:واستقالتك سالم:قدمتها اليوم لازم من بكرا أتفرغ لشركتي علشان ارفعها فوق غزلان:ان شاء الله يا رب يتحقق لك كل اللي في بالك سالم بابتسامه:أمين يا رب أخبار الحمل معاك ان شاء الله ما يتعبك غزلان:لا ما يتعبني سالم:الله لا يحرمني من روحي يارب غزلان وهي تقوم وتجي جهته وتقومه:طيب روحك يبغى ينام وما يعرف ينام وقلبه صاحي سالم:هههه طيب يا روحي يله &&&&&&&&&&&&& العنود وهي تهذر فوق رأس سمر:والله مبسوطه اننا رجعنا لبيتنا سمر:وآنا بعد العنود:الحمد لله لك يارب وشوي شوي نرجع مثل أول سمر وهي تتذكر بشار:ان شاء الله بس هالتجربه ما مرت علينا سهله العنود وهي تتذكر ناديه واللي سوته فيها:ايه والله غيرتنا سمر:بس أكثر اثنين تغيروا أنتي وسليمان العنود:انا وسليمان سمر:ايه أنتي ما كنتي تهتمين إلا لصديقاتك والمجمعات وهالسوالف التافهه وسليمان كان كل همه الفلوس وربعه وما يتحمل مسؤولية احد العنود:والحين سمر:الحين غير أنتي شايله أبوي شيل وسليمان كان يدرس ويشتغل بنفس الوقت و شايل معاي وسالم مسؤولية المصاريف العنود:تصدقين أحس إني الحين أحسن من قبل سمر:يعني السالفه طلعنا منها بأشياء ايجابيه سمر:معاك حق العنود وهي توقف:يله انا بروح أشوف أبوي وبعدها بنام وأخليك تنامين وراك دوام بكره سمر:طيب تصبحين على خير العنود:وأنتي من أهله طلعت وبعدها نامت سمر وهي تحمد ربها على الفرج و النعمه اللي هم فيها &&&&&&&&&&&&&&&&&& في اليوم الثاني رن تلفونها وهي جالسه بالصاله عند التلفزيون انين بابتسامه:الو ربى :هلا وغلا و مرحباااااااا بأنون انين:هههه مين أنون ربى:مين غير القميل اللي يكلمني انين:ههههه تسلمين أخبارك وأخبار خالتي ربى:كلنا تمام ها تجيني اليوم انين:أخر مره انا جيتك الحين دورك أنتي تعالي ربى:اممممممم اسأل أمي و أبوي أول بعدها أرد عليك انين:طيب ولو إني واثقه ان خالتي ما راح تقول لا لا هي ولا عمي ربى:اوكيشن اسأل وارد انين:طيب يله باي ربى:باي يا حلو صكت الجوال وهي تضحك وبعد فتره تنهدت وهي تتذكر كيف تعرفت على أم هاني وربى وكيف حبتهم وغمروها بحبهم وطيبتهم :من كان يتوقع يا أنين انك تصادقين احد أنتي كنتي طول الوقت تتجنبين مصادقة الكل بس ربى صدق بنت فلاويه يا حليلها تهبل وخالتي أم هاني مره طيبه صدق انهم ناس غير عن أي احد عرفته دخل عليها وشافها سرحانه و مبتسمه بشار وهو يقعد جنبها :الحلوين سرحانين في ايش انين:هلا بشار بشار وهو يبتسم:وش سر هالابتسامه الحلوه انين:ربى بشار:من ربى انين:اخت هاني بشار:اها هذيك الملسونه انين:هههه حرام عليك انت أصلا وش عرفك انها ملسونه بشار وهو يمسك الريموت التلفزيون ويفر:أنتي تقولين انين شهقت:بشارو لا تكذب انا ما قلت على البنت شي بشار:ههههههه ما قلتي بس لا تجيك سكته قلبيه انين:أحس إني مرتاحه بمعرفتهم والله انهم ناس طيبين بشار:ايه والله معاك حق انين:انت تغديت ترى انا استناك بشار:لا ما تغديت انين:طيب يله قوم نتغدى بشار:يله وقاموا يتغدون وبشار مبسوط على التغير اللي بدا واضح على أخته &&&&&&&&&&&&&&& في البيت الكبير والكل مجتمع سالم:سمور أنتي شريتي كل أغراضك ولا باقي سمر:لا باقي والعرس باقي له أسبوعين يعني ما له داعي الخوف العنود:بس أغراضك كثيره غزلان:لحد الحين ما تبغون عرس سمر:أصلا مو من كثر أهلنا وآنا ما أحب الفشخره الكذابه العنود:يا ربي ذي بتموتني قهر الناس إذا جات تعرس ما تخلي شي ما تسويه وهذي تبغاه مختصر سمر:أنتي نسيتي ان أبوي دائما يتعب يعني ماني رايقه لصالات ولا معازيم ولا هالخرابيط غزلان:صدق أنتي غريبه توني ادري ان العرس وهالعلوم خرابيط بس على العموم على راحتك سالم:خلوها على راحتها مدام هي وناصر متفقين على كيفهم وعم الهدوء وسالم يطالع العنود والعنود لاحظت:وش فيك تطالعني سالم:في واحد جاء وخطبك العنود طلعت عيونها وغصت:كح كح كح سمر بتفاجأ:احد خطب العنود سالم:ايه وآنا سالت عنه وطلع رجال والنعم فيه سمر:ومن هو سالم :اسمه مصعب عبد اللطيف العنود طول الوقت ساكته ومو مستوعبه سمر وهي تطالع أختها المصدومه وفيها الضحكه:وأنت وش رايك فيه يا اخوي سالم:والله الرجال ما عليه كلام ضابط وما شاء الله عليه غزلان:وهو من وين يعرفنا سالم:يقول بنت خاله دلته علينا سمر:ومن بنت خاله سالم:ما ادري ...والتف على العنود:ابغاك تفكرين يا أختي واستخيري وبعدها ردي علي العنود قامت وراحت لغرفتها والباقين صاروا يضحكون وهي عقلها مشوش &&&&&&&&&&&&&& مر أسبوعين وانشغلت عائلة ابو سالم وخصوصا سمر والعنود اللي بعد ما استخارت ووافقت خصوصا ان سالم وسليمان يمدحون اللي متقدم لها وجاء وقت الملكه والعرس في نفس الوقت لسمر غزلان وهي معاها البخور وام ناصر معاهم وأهل مصعب وحلا :كلللللللوووووووش الكل يسلم واللي يسولف واللي يضحك وام مصعب مع أم ناصر قطوا الميانه لان كل وحده ارتاحت للثانيه أم مصعب :ما شاء الله عليهم بنات أختك بنات جمال ودلال وسنع أم ناصر:تسلمين يا أختي والله الساعه المباركه يوم نصير أهل جابوا الدفتر ووقعوا العروستين وسط زغاريط وفرحت الكل بهم سمر وهي ترجف وغزلان معاها:وش فيك يا بنت تنتفضين كأنك جزارة عشب سمر تطالعها بنظرة أنطمي غزلان:ههههههه ترى والله اخوي ناصر حبوب سمر:أقول أنطمي تراني بروحي ارجف غزلان:ههههههه دق سالم على غزلان :الو - ايه – خلاص...وصكت والتفتت على سمر:قومي سالم يقول يله سمر:تو الناس غزلان:لا بس ناصر بيشوفك أما الروحه معاه بعدين مو الحين سمر:طيب .....قامت وقابلت سالم أخوها وصديقها اللي يفهمها ودخل معاها وهي متوتره سلموا وناصر رد السلام وجلسوا سالم وهو يقوم:يله اتركم مع بعض وناصر الله الله ناصر:في عيوني طلع سالم والتفت ناصر عليها وقعد ثواني يتأملها ويتذكر سالفة المطبخ والقهوه وقام وجلس جنبها ناصر بهمس:أخبارك سمر سمر بصوت راجف:زينه ناصر:تدرين إني حبيت مطبخ بيتنا سمر طالعته باستغراب ناصر:لاني أول مره شفتك كان فيه ومن ذاك الوقت حبيتك سمر نزلت عيونها وسكتت ناصر:ادري يمكن أنتي تعتبريني بس ولد خاله بس صدقيني راح أحطك بعيوني وقبلها بقلبي واسكر عليك مسك يدها وحطها بيده:وراح اخلي يدي ما تفارق يدك ابد على الحلوه و المره وهذا وعد مني سمر:وانا أوعدك ما تشوف مني قصور ابد ناصر باس راسها:انا واثق ان ما منك قصور يا بنت خالتي ابتسمت سمر له بخجل وهو يبادلها الابتسامه خلونا نخليهم ونروح للعنود &&&&&&&&&&&& العنود:حلو انا خايفه أحس رجولي ترقل حلا:ههههههههه العنود:وجع ذا وقته تضحكين حلا:وش تبغين أسوي لك يعني العنود:مالت عليك من صديقه بدل ما تخففين على تضحكين ها غزلان تاشر للعنود حلا:يله مرت اخوك تاشر لك العنود:تعالي معاي حلا:انا ماله داعي أروح أنتي روحي وأكيد بتلقين احد من إخوانك يستناك العنود وهي تقوم:طيب ..وقبل ما تمشى حلا تكلمها :أقول عنيد ترى في مفاجأه لك العنود:مفاجأه حلا:لما تدخلين داخل تعرفينها العنود:وش هي تراك خوفتيني حلا بابتسامه:لا تخافين روحي والله يوفقك العنود ابتسمت وراحت مع غزلان ودخلت مع سليمان اللي ينتظرها أول ما دخلت ما قدرت ترفع عيونها وتطالع الإنسان اللي قدامها سليمان:السلام عليكم مصعب:وعليكم السلام العنود شبهت على الصوت بس استحت ترفع عينها وتطالعه سليمان قبل لا يقوم بهمس وفيه الضحكه:عنيد ردي على الرجال لا كلمك ولا راح يفكرك طرما ويظن ان احنا غاشينه العنود في نفسها:والله لاوريك يا سويلم انت وحلو الخايسه طلع سليمان والعنود عيونها لحد الحين في الأرض قام مصعب وجلس قريب منها وقال:أخبارك يالعنود العنود تأكدت من الصوت والتفتت بسرعه وطلعت عيونها من الصدمه وبهمس:انت مصعب:ايه انا تذكرتيني العنود بخوف:انـ..ت ا..لضـ..ابـ...ط اللي فـ...ي مـ.ركز الـ..شرطـ...ه دمعت عيونها وحست برجفه ودقات قلبها تسرع مصعب:ايه انا الضابط اللي في مركز الشرطه واللي حقق معاك أنتي واللي معاك العنود وهي تبكي:والله مالي دخل ...وصارت تشهق مصعب:هدي هدي ادري ان مالك دخل حلا قالت لي كل شي العنود باستغراب:حلا مصعب:ايه حلا قالت ان في بنت هي اللي ورطتك وجابتك للشقه العنود وهي تشهق:حلا وش دخلها مصعب:ليه ما تدرين ان حلا هي بنت خالي العنود منصدمه و متفاجاه:بنت خالك بس هي ما قالت لي شي مصعب:انا قلت لها إني بقول لك العنود ورجعت تبكي:والله هي قالت لي حفله مصعب وهو يمسح دموعها:ادري حلا قالت لي ان البنت قالت لك انها حفله عاديه وأنتي ما كنتي تدرين العنود:لا تقول لإخواني الله يخليك مصعب:انا ما راح أقول غير انسي السالفه هذي وحلا رشحتك لي وآنا الصراحه انعجبت فيك كثير من كلام حلا عنك وانعجبت أكثر لما عرفت انك حولتي منازل علشان تديرين أبوك وتنتبهين عليه واللي يسوي كذا مستحيل يغلط أو يكون له سوابق العنود نزلت عيونها وسكتت مصعب:كل اللي ابغاه منك انك ما تثقين باحد بسهوله العنود:انا خذت درس قاسي مصعب:أهم شي تتعلمين منه العنود هزت راسها ومصعب صار يمسح لها دموعها &&&&&&&&&&&&&&& قاعده مع أخوها في الصاله ويطالعون فلم رعب انين:أقول بشور بشار:هلا انين:أنتي ليش ما تخطب بشار عقد حواجبه:نعم انين:اللي سمعته ان عندي لك عروس بشار:لا مشكوره انين :لحد الحين ما نسيت... بشار يقاطعها:هذا ماضي وراح انين:طيب ليه ما تتزوج بشا:أزوجك أول انين:ههههههههه انت نسيت إني كنت متزوجه بشار:مو مشكله أزوجك مره ثانيه انين:أتركك مني وزوجك عمرك بشار:أنتي مشتغله خطابه وآنا ما ادري انين:علشان خاطرك اشتغل خطابه بشار:من العروس اللي نالت أعجاب انين الغانمي انين:تتطنز بس يله ما عليه وش رايك بربى بشار باستغراب:أي ربى انين:ربى اخت هاني بشار:ههههههه انا أتزوج أم لسان انين:والله البنت تهبل وما عليها كلام بشار:أقول اطلعي من راسي الله يخليك لا ربى ولا غيرها انين:الحين بخليك بس ما راح أنسى الموضوع بشار طالعها وما رد ورجع يطالع التلفزيون &&&&&&&&&&&&&& طلعت من المجلس وهي حاقده على حلا وأول ما جلست وجاتها حلا:ها وش الأحوال العنود:يعني يا زفته طلع ولد عمتك حلا:ههههههه ايه العنود:ابغى اعرف أنتي لما طلعتيني من المركز كنتي تعرفين ان هو الشرطي حلا:ايه العنود:أنتي وش مكذبه عليه حلا:انا ما كذبت بس خبيت بعض الحقائق العنود:مثل حلا:قلت إني صديقتك من زمان واعرف ناديه ومحذرتك بس أنتي على نياتك ورحتي وبس العنود سكتت تفكر حلا:المفروض تبوسين راسي على المدح اللي مدحته قدامه علشان يغرم فيك العنود:بس أنتي ما قلتي لي ان عندك ولد عمه حلا:أهل أبوي قاطعوا عمتي هذي من زمان ليه ما ادري بس بعد ما بقيت لحالي في البيت قلت ليه ما اعرفهم ورحت وتعرفت عليهم العنود:طيب ليه رشحتيني انا مو أي بنت ثانيه حلا: لأنك غاليه على قلبي واحبك ومعتبرتك أختي العنود:الله لا يحرمني منك حلا:ابغاك تسامحيني على اللي سويته معاك بالماضي العنود: انا نسيت وأنتي انسي بعد وخلينا نحرق الماضي وندفن الأسرار حلا وهي مبسوطه:طيب العنود:إلا أنتي كم عمرك يا حلا حلا باستغراب:ليه العنود:جاوبي حلا:يعني بدخل 21 ليه العنود:أنتي تخرجتي حلا:لا تركت الجامعه ما كملت بس ليه تسالين العنود:هجل كيف تعرفتي على انين حلا:تعرفت عليها قبل ما اترك الجامعه انا كنت سنه أولى وهي كانت سنه ثالثه وبعد ما تركت الجامعه ظليت متواصله معاها العنود:اها حلا:ليه تسالين العنود وهي تبتسم:ولا شي &&&&&&&&&&&&&&& تسارعت الأيام والشهور مرت سنه ونصف على أبطالنا ماذا حدث خلال هذي السنه؟ انين خطبها هاني وتزوجته وسافرت معاه علشان يدرس أمور في علم النفس ويطور من معرفته ويصير من أفضل أطباء علم النفس أما انين فراح تكمل دراستها وتأخذ الماجستير في إدارة الأعمال ربى تزوجت بشار اللي أقنعته انين وعايش ومبسوط غزلان جابت ولد وسموه راشد وسالم قدر يرفع اسم الشركه عالي ورجع اسم شركه راشد العالي يرتفع من جديد سليمان تزوج حلا اللي رتبت كل أمورهم العنود و عايشين ومبسوطين سمر عايشه مع ناصر اللي ما يقصر معاها في بيت أم ناصر وهي حامل ببنت وينتظرون المولوده بفارغ الصبر العنود تزوجت مصعب ومثل ما اتفقت مع حلا ادفنوا الأسرار وبدوا صفحه جديده مليئه بالسعاده خليل تزوج وحده امراتيه تعرف عليها ومبسوط ابو سالم على حاله ما تغير فيه شي &&&&&&&&&&&&& انين وهي واقفه تطالع البحر وسرحانه هاني وهو يحظنها:حياتي سرحان في ايش انين بابتسامه:في الماضي هاني:احنا اتفقنا ننسى الماضي انين:عارفه بس اتمنى لو الكل يقدر يعرف ان الكره:من أبشع المشاعر وهي تزيد ما تنقص وكل ما تزيد هالمشاعر تضر صاحبها الانتقام:هذا يعتبر مرض يدمر أحبابك قبل أعدائك ولازم تتعالج منه والحب:هو الطريق اللي ينقذك من كل المشاعر البشعه اللي ممكن تضرك وتخرب بيتك والبيوت اللي حولك انا دائما أقول انين...كره...حب .. انتقام ...نهاية مجهوله(لعبة شطرنج) بس الحين انا أقول انين....محبه.....غرام....نسيان الماضي......نهاية سعيده(وبكذا تكون الفايز في لعبة الشطرنج) طالعها هاني بفخر وقال:الله يحرمني من الفهيم ولا اللي في بطنه انين:ههههههههه ولا يحرمني من دكتوري وأبو ولدي &&&&&&&&&&&&&& انين...كره...حب .. انتقام ...نهاية مجهوله(لعبة شطرنج) &&&&&&&&&&&&&& اتمنى ان روايتي تكون نالت إعجابكم واستحسانكم لكم مني كل موده ومحبه وفعلا الانتقام هو طريق الهلاك والحب هو طريق النجاة وخلاص القلب من الحقد والكره والانتقام &&&&&&&&&& ودي لكم قلب أمي وروحها .. .. .. |
.~. قــــــــــــــــراءة ممتعة .~. .~. لــ تحميــــــل .~. http://www.liilas.com/vb3/t147664-28.html#post2903017 .. .. .. |
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
جميله جدا ورائعه جدا
تسلم ايدك اختي ووفقك الله |
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
يسلموووووووووو على الرواية
|
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
thanxxxxxxxxxxxxxxxxxxxxxxxxxxxxxxxxxxxxxxxxxxxxxx
|
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
تسلمي على النقل
|
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
قصه رائعه من اجمل مامر علي حبكه روائيه رائعه وجمل سلسه ومعاني انيقه وخفه ظل وروح جميله من الكاتبه وكتير كنت اتبسم واعيش لحظات مع بعض المواقف
بسمه ابني دنيتي |
رد: أنين .. كره .. إنتقام .. حب .. نهاية مجهولة لعبة الشطرنج ، للكاتبة : قلب امي وروح
تمنياتى لك بالتوفيق الدائم التألق المستمر:55:
|
| الساعة الآن 09:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية