|
ما ابي الدنيا ابيك انت ..لانك انت غير
السلام عليكم
اشحالكم؟؟ انا عضوة جديدة فالمنتدى من سلطنة عمان اول رواية لي بلهجتنا المحلية ...لهجتنا قريبة من لهجتكم نوعا ما واذا صعب عليكم اي كلمة ممكن تسألوني وبجاوبكم ان شاء الله اتمنى القى التشجيع منكم والنقد الحقيقي ايا كان نبدأ بسم الله .. .. .. البارت الثالث + الرابع .. http://www.liilas.com/vb3/t168913-2.html البارت الخامس + التابع .. http://www.liilas.com/vb3/t168913-3.html البارت السادس .. http://www.liilas.com/vb3/t168913-3.html#post2910879 البارت السابع + الثامن + التاسع .. http://www.liilas.com/vb3/t168913-4.html البارت العاشر + الحادي عشر .. http://www.liilas.com/vb3/t168913-5.html البارت الثاني عشر + الثالث عشر + الرابع عشر .. http://www.liilas.com/vb3/t168913-6.html البارت الخامس عشر + السادس عشر .. http://www.liilas.com/vb3/t168913-7.html .. .. .. الجزء الاول "وراج تبكي ؟؟واشلتيني يوب سمعت صوتج فالتلفون" ردت وسيل الدموع مب راضي يوقف:مشي...بس متضايجه نصرى:انزين ليش متضايجه؟ سكتت وهي مستمره في بكائها الخافت. نصرى:قولي هيش مضايجنج؟صدقيني بتستريحي اذا تكلمتي ما ان انهت نصرى جملتها حتى ازداد بكائها الخافت حده وهي تنشج عبراتها بصمت صمتت نصرى حتى تتيح لها فرصه التفريغ عن ضيقها بالبكاء..تكلمت بعد دقايق طويله من البكاء:خايفه اقولج بس اني محتاجه اتكلم..اني اخترتج انتي لانج انتي اقرب شخص لي من روحي والسبب الثاني اني مابا حد من عائلتي يعرف بالكلام اذيه..وعادت الى صمتها مع نظرات تردد تنظر بها ناحيه صديقتها نصرى بأريحيه حتى تتيح لصديقتها الغاليه على قلبها "سالمه"حريه التعبير: حبيبتي قولي كل شي فخاطرج انتي تعرفي اني اكثر شخص ممكن يفهمج ولا يمكن يزعل منج اخذت سالمه نفس عميق:اللي مضايجني سالفه طويله يمكن انتي تعتبريها عبط او شي غبي بس اني دخلت فالسالفه من دون ما احس وصارت جزء مني..اكملت وهي تخفض نظرها الى يديها التى تشبكها امامها وهي تحكي بتأثرها الشديد: ما اعرف كيف ابدأ الحكايه.. تبي الصدج لو ادور بدايه للحكايه ما اعرف احدد لها بدايه معينه قالت نصرى ضاحكه حتى تجعل الامور سهله على سالمه:قصه الف ليله وليله؟!! ابتسمت سالمه ابتسامه حزينه: يمكن..اول سنه لي فالكليه كنا اني وربايعي من جعلان مسوين شله ندخل منتدى تبي الصدج اني كنت بدايه تعرفي على النت بس الشله كانن اكبر مني بسنه وتعرفت على المنتدى منهن كنا ندخل مع بعض ونسوي مواضيع ونرد على بعض ونلعب فالعاب المنتدى ومسوين جو نتمصخر على بعض وجذيه...ويلعبوا معنا اعضاء ثانيين بس كان واحد ردوده جافه شويه وتحسيه وايد شايف نفسه ما حبيته يعني..المهم قبل لا تنتهي السنه خبرني ربايعي انهن عرفنه اذاك العضو من يكون وانه يدرس معنا فالكليه من دفعتهن قلت فخاطري يبالي استفزه فالمنتدى اني عرفته من هو فنفس اليوم كنت داخله المنتدى وهو موجود وكنا نرد على بعض فموضوع كتبتله سؤال من مقرره اللي يدرسه.. هو حس اني عرفته رسلي رساله خاصه "هيش قصدج بالسؤال؟" رديت عليه "قصدي اللي انت فهمته" رسلي"هيش عرفج؟" رديت عليه"مصادري الخاصه" رسلي"هههههه انتي ماصخه اصلا انت لجيه تقولي عرفتيني" بصراحه لما قال انتي ماصخه استفزني وايد وعصبت وايد لاني كنت اساسا ما احبه رسلتله: ما برد على كلمتك لأن مستواي اعلى من اني اقول مثل اذيه الكلام وما عليك شرهه دامك واصل طالب جامعي وتقول جيه على العموم عشان تتأكد اسمك سعيد ولا انت ما تستاهل حد يرد عليك وطلعت من المنتدى وكانت فتره اجازه الاختبارات ما دخلت المنتدى اسبوع تمددت نصرى على السرير وهي تستمع الى الحكايه وقد وضعت سيناريوهات عديده لنهايتها التى جعلت صديقتها حزينه ومعظمها بعثت الخوف في قلبها ************** حمد واقف (يتمصر) امام المرآه دخلت عليه والدته وهي ترتدي عبائتها :جاهزات؟ والدته:اها..خلا بعدنا بنخطف بيت خالتك موزه بيركبن معنا حريم التفت عليها حمد وقال بابتسامه:خلا الشيخه السواق جاهز خرجو متجهين الى بيت خالته ووقف امام الباب الخارجي وهو يطلق الهرن حتى يخرجن النساء اللاتي سيذهبن مع والدته وعندما خرجن احس بيد تعتصر قلبه وهو يركز النظر على احداهن.."لماذا لا ترحمين قلبي وتوافقين على الزواج بي؟!! ما الذي ترينه ينقصني حتى اصبح نصفك الاخر؟!! " لم يستيقظ من افكاره المجهده لقلبه الا على صوت اغلاق باب السياره..رفع عينيه الى مرآه السياره الاماميه ليراها تجلس فالمقعد خلفه لتزيد آهاته آهات "ياربي!! الله يهديها رحمه ما لقت لنا سياره غير ولد خالتها.هيش اذيه الاحراج" ادارت وجهها الى النافذه حتى تتناسى الاحراج الذي تشعر به وهي تستمع الى الاحاديث المتبادله بين رحمه زوجه اخيها وخالتها الى ان سمعت الاغنيه التى وضعها فجهاز التسجيل الخاص بالسياره "بلا حب بلا اوجاع قلب..وش جانا من ورا هالحب..غير الالم غير التعب وش جانا؟!!" ادارات بصرها الى الامام لا اراديا لتلتقي عينيها بعيونه التي تذوب حبا لها وكأنه يقول لها "هذي الاغنيه تجسد حالتي معك" اعادت بصرها الى النافذه وهي تجيبه في نفسها" ما اقدر اوافق عليك..مب مرتاحه لأذيه الزواج احس اننا مب متوافقين من ناحيه المستوى التعليمي والسبب الاهم العرج اللي بريلك" لا تعلم بأنها بافكارها هذي تحطم قلب شاب لا يعرف سواها مالكا له وقد احدثت فيه شروخ عميقه برفضها لخطبته مرات عديده ولكنه ما زال متمسكا بامل ان توافق عليه على غرار المثل"كثر الدق يفك اللحام" ************** " سالم وراها حرمتك طامح؟ هيش صاير بينكم؟" سالم يجيب بضيق واضح: سالفه بينا بنحلها اروحنا رجاءا محد يتدخل والدته: ياولدي ما يصير نشوفكم جيه وما نسد بينكم سالم بصيغه رجاء: امي فديتج صدقيني براضيها اروحي بس لا تدخلي الشوبه بيكبروا المشكله ام سالم تتنهد:الله يهديكم ياولدي حرمتك ذهب ما يتعوض لا تضيعها من ايدك ولا تنسى بينكم عيال بيتلتهوا بينكم سالم يتنهد ايضا:ان شا الله تناول سالم هاتفه وكتب رساله نصيه بعثها الى الرقم المسجل لديه بأسم " البيت ": حبيبتي الله يخليج لا تدخلي هلج بينا اذا تدخلوا الشوبه بيكبروا السالفه بعد دقيقه صوت رساله تصل الى هاتفه" خايف على سمعتك عند الشوبه؟! اني اكبر من اذيه المستوى تطمن محد بيعرف بسبب خلافنا" تنهد وهو ويتناول " المصر" ويخرج من المنزل..زوجته منذ 3 ايام في بيت اهلها بسبب خطأه وهو غير قادر على مواجهتها..محرج من تبرير فعلته التي لا تبرير لها "في غيابك حزن هالعالم سكني
وانكسر قلبي وضاعت امنياته
**************غيبتك زادت بجرحن ممتحني وأثر بقلبي وزود في شتاته تدري وش حالي بعد مارحت مني كني اللي منتظر لحظة وفاته ليت يوم نويت البعد عني ماخذن حبك وباقي ذكرياته " مازالت دموع سالمه تسيل لكنها اصبحت اقل مع دخولها في حكايتها وكأنها تعيشها للمره الثانيه نصرى:كأني توقعت اللي صار بس اتمنى ما يكون صار شي من اللي فبالي نظرت سالمه الى صديقتها واعادت نظرها الى وسادتها التى تعبث بها في حجرها : بعد اجازه الاختبارات فتحت المنتدى لجيت عندي رسالتين منه الاولى كاتب فيها" انا اسف..انا ما قصدت كلمتي بمعناها اللي انتي فهمتيه..اني اعتبرها كلمه عاديه ما اهاييك بتزعلي ..انا اسف وحقك عليه" والثانيه راسلنها بعد يومين من الاولى " اتمنى تقبلي اعتذاري واعتبري اذيه الصور هديه اعتذار مني بما اني ما اقدر اهديج اياها ماديا" كان راسللي صور ورد .تصدقي!!ما توقعته يعتذر لي لأنه ما كان يعتذر ابدا لحد فالمنتدى وما توقعته يعتذرلي خصوصا اني لأنه بينا مناقر عشان جيه قلتله اعتذارك مقبول ومشي باس بس اتمنى ما تكرر اذيه الكلمه لأنها مب حلوه بعدين صار كل مره ادخل المنتدى وهو موجود يرسلي رساله خاصه يسلم فيها ويكلمني عن السوالف فالمنتدى وجذيه نصرى بأهتمام:انزين!! سالمه:استمر الحال جذيه وحسيت انه الحطب اللي كان بينا طاح وما صرت احس بالكره اللي احسه ناحيته قبل وصار مثل العاده كل يوم وما كان يسألني ابدا عن معلومات خاصه فيه ولا حتى هيش تخصصي لحد ما خلصت السنه قالي مره انه بيسافر الامارات فالاجازه وبعدها بيرجع بيتهم وما يقدر يدخل المنتدى ويباني اضيفه فالمسنجر ..اني تخوفت من الفكره وما كنت ابا اضيف حد شباب ابدا قلتله اللي احس فيه قالي اوعدج ما تسمعي مني شي يضايجج وبعدين حن نتراسل فالمنتدى والمسن نفس الشي بس بدون المنتدى نصرى باستغراب:وضفتيه؟ سالمه بنبره خجل خفيفه:قلت كلامه صح واذا بدأ يقول شي غلط بسويله بلوك ومستحيل يعرف عني اي شي خاص ************** بعد يومين سالم يجلس متوترا في مجلس بيت عمه"والد زوجته" منتظرا لزوجته هدى بعد ان طلب من عمه ان يقنعها بأن تقابله لوحدهما دخلت هدى الى المجلس ويغطي وجهها ملامح الغضب والعتب وهي لا تنظر اليه مطلقا بينما قفز هو واقفا منذ ان رآها تدخل تقدم ناحيتها وهو يطبع قبله على خدها بينما لم تبادله هي القبله وهي ما زالت تشيح بنظرها عنه جانبا جلست وجلس هو بجانبها وهو ينظر الى وجهها بينما تنظر هي الى الامام قال لها: كيف حالج؟وكيف حال العيال؟ قالت بنبره حاده:بخير تنهد وهو لا يعلم ماذا يقول سألته برسميه:تقهويت؟ رد سريعا:اني مب ياي عشان اتقهوي وعلى العموم اني تقهويت اذا كان يهمج لم تجيبه بشي بينما اكمل هو حديثه:حبيبتي..والله اعرف اني غلطان واعرف انه غلطي كبير..ما اعرف كيف اتعذرلج مالي ويه اتعذر اصلا بس كل اللي اقدر اقوله لج اني والله العظيم احبج واللي صار مني لحظه طيش وندمان عليها وايد ولج وعدي انه هالشي ما يتكرر صمت بترقب ينتظر ردها على حديثه هدى: خلصت؟ سالم:هيش قلتي؟ نهضت واقفه وهي تهم بالخروج من المجلس: جرحك عود يا سالم ومب سهل انك تداويه اتمنى تخلينا بعيد عن بعض كم يوم بعدين بنشوف هيش بيصير نهض سالم معها: كم يوم يعني؟ اني ما اقدر اصبر عنج الايام اللي فاتت مارقدت ساعه وحده مرتاح تشوفي حالتي كيف!! المها نبره الرجا والحزن في صوت زوجها الذي تحبه لدرجه الجنون ولذلك كان جرحه اصعب من اي شي آخر ولكنها تعلم ان عودتها اليه الآن لن تكون في صالح مستقبل حياتها معه لذلك قالت:اذا كان لي شويه خاطر عندك خليني تنهد وهو يقول:خاطرج عود عندي ما ينقاس..اشوفج على خير وخرج بينما عادت هي لتجلس و هي تبكي بحرقه جرحه لها |
السلام عليكم ورحمة الله وبركاته
مرحباً...أختي العود المياس كيف حالك؟...أهلاً بكِ في عالم ليلاس..أرجوا أن تستفيدي من هذا العالم الرائع وكما أرجوا ان تمتعينا بروايتك الجديدة....يعطيك العافية بداية موفقة ومشوقة. سالمة: أتوقع بان سعيد قد ضحك عليها وعلم عنها أشياء كاسمها او شي من هذا القبيل ..وهي الآن خائفة من أن يأذيها أو أنه يهددها بإيذائها. سالم وزوجته: قد يكون ضربها أو أهانها لذلك ذهبت إلى بيت اهلها...ولكن هناك خطأ فقد ذكرتِ اسم زوجته اولاً هدى ثم المها..فأيهما الأصح؟ وهناك تساؤل عن كلمتين ..طامح والشوبة...وأعتذر عن الإزعاج ولكنني لست من الخليج لذلك فبعض المصطلحات قد تكون غريبة علي..وشكراً بانتظار أجزاءك القادمة...وأكرر ترحيبي بكِ في عالم ليلاس أمتع صحبة واحلى ناس دمتِ بحفظ من الرحمن..اختك نور^_^سوريا |
هلا والله فيج
شكرا حبيبتي تابعي الرواية علشان تعرفي اذا كانت توقعاتج صحيحة الشوبة: كبار السن طامح: باللهجة السورية يعني حردانة لبيت اهلها :peace: البارت القادم يحمل احداث اكثر |
الجزء الثاني
************** "حبيب قلب خالته..متين ييتوا؟" تقفز راكضه نحو اختها وابنها الذي يبلغ من العمر3 اشهر وهي تتناوله من يدها لتقبله قبلات عديد على كامل وجهه وعنقه شمسه تنظر اليهم وهي تبتسم:قبل شويه بس قعدنا عند هلي شويه نوره وهي ما زالت مستمره في تقبيل ومداعبه الصغير:هين داركم؟كل اذيه غارجه فالعسل مع حبيب القلب!! شمسه تضحك بخفه:فديت قلبه..يقول بعده ما خف شوقه من ايام ما كنت عندكم فربايه نوره تنظر اليها بنصف عين:بس لهو المشتاق؟! مب كأنج انتي مشتاقه اكثر منه شمسه تضحك بقوه:هيش نسوي؟!! يأختي احبه ويحبني نوره تعود للصغير:انزين الله يهني سعيد بسعيده..سوري اقصد شمسه بعبود ************** عبدالله: لا كان بتتي بعده فبيت هلج!! شمسه ترفع غطائها بعد ان استوت جالسه فمقعد السياره المظلله النوافذ:اسكت..بعده نوره تتمصخر علينا تقول لحقي عليه قبل لا يطير عبدالله يضحك ثم يقول:اني ابا اعرف هيش حارنها؟!! كان فيها غاره تاخذ حمد مسكين كعاد بيموت عليها ضحكت شمسه من ضحكه:وانت هيش دراك انه يموت عليها؟ كانت قد توقفت سيارته امام منزلهم التفت اليها ونبرته تتحول الى الهدوء المثير :تشوفي نظره عيوني هيش تشوفيها؟!! اجابته وهي تنظر الى عينيه مباشره وتجيبه بنفس نبرته:احبك ابتسم بهدوء :كل ما طرينا سالفه خطبته صارت نفس نظرتج لي ونظرتي لج فعيونه ************** " مساء الخير اذيه الاسبوع بنطلع جعلان كلنا" "مساء النور ان شاء الله" بعد يوم "مراحب اني عند الباب نزلن" "هلا ان شا الله يايين" ************** عوده الى قبل يومين نصرى:انزين هيش صار؟حيرتيني قامت سالمه واتجهت المرآه وهي تنظر الى انعكاس صورتها وتكمل حكايتها:ضفته وكنا ندخل المسن بين فتره وفتره نصرى:فهيش كنتو تتكلمو؟ سالمه:مواضيع عاديه يحكيلي مواقف صارتله وعن عائلته واني نفس الشي ..اذا شي مضايجنا نقوله لبعض وجذيه مثل الاصدقاء يعني نصرى بنظره خاصه:بس انتي تعرفي انه ما عندنا صداقه بين بنت و ولد!! سالمه:اعرف والله العظيم اعرف بس كنت كل ما افكر ابعد عن المسن ما اقدر ...ارتبطت فيه وايد وكنت ابرر لنفسي انه موضوعنا لا يمكن يتطور الى علاقه مب زينه او اتصالات حتى ولو شفت منه مره وحده كلمه ما تعجبني بسويله بلوك بس هو كان مؤدب بشكل نصرى:يعرف عنج شي او عائلتج؟ التفت سالمه اليها:لا طبعا..اصلا كنا ننادي بعض باسمنا فالمنتدى بالرغم انه اني اعرف اسمه الحقيقي..المهم صرنا نكلم بعض معظم اوقات اليوم حتى هو صار ما يطلع وايد من بيتهم..اي شي يخصه يخبرني اياه حتى يوب حد من بنات الكليه يحاولن يغازلنه يخبرني..تبي الصدج حسيت انه مخفف عليه وا ا ايد من اوقاتي اللي اجلسهن فالسكن نصرى:كيف كنتي تلقي نت طول اليوم؟ سالمه:اني كنت منزله برنامج مسن فتلفوني اكلم منه ربايعي نصرى:انزين!! لين الحين ماوصلنا لمربط الفرس سالمه:انتي سمعي السالفه..المهم بعد سنه تقريبا ضاعت الشبكه فتره وما طاع يشبك النت فتيلفوني كنت ارسله بالايميل من لاب الكليه لحد ما يوم كنت راجعه من الدوام وقلت بحاول فالشبكه وشبك المسن..لجيته موجود قعد يسألني عن الشبكه وهيش صارلها بعدين سكتنا طشه وقالي: .......... ************** يدخل سالم الى المنزل وينادي على اخته الوحيده بين 4 اولاد " مريم": مريم مريم..اوه بنت الجامعه تخرج مريم من غرفتها وترد بعياره: فالدار فالدار يا ولد الجيش سالم يضحك:وراج جالسه وحدج؟باجر بتسافري عنا مريم زمت شفايفها:لا تذكرني احسه كأنه ما ييت سالم: مشي باس..ضريبه الجامعه مريم:سلوم اباك توصلني بيت هل هدى ابا اسلم عليها واشتقت لعيالك باجر بسافر عنهم عاد سالم للأكتئاب وهو يتذكر الحاله بينهما:انزين تزهبي..صمت قليلا ثم قال:مريم حاولي معها والله تعبت مريم:ان شا الله..اصلا اني ماشيه ابا اتفاهم معها اذا قدرت ************** " ياج خطاطيب" نوره: اذيه مايمل؟!يعني لازم اوافق غصب ام نوره بغضب خفيف: وانتي وراج ما تبيه؟..الريال كامل والكامل الله نوره بضيق: بيكون الواحد لازم يكون مرتاح للعرس ولا تبيني اوافق غصب وثاني يوم ارد مطلقه؟! ام نوره:انزين سكتي سكتي مب هو الريال..اللي خاطبنج حمود اخو ناصر ريل حسنى اختج فكري زين خواتج اللي اصغر منج عرسن وانتي شكلج بتعنسي وخرجت تاركه نوره عاتبه من اخر جمله لوالدتها " اني عانس؟! اني ما كنت فاضيه يوب خواتي لا دراسه ولا دواره وظيفه عقب..ولا يعني لازم اوافق على حيالله حد؟!!" ************** "المهم بعد سنه تقريبا ضاعت الشبكه فتره وما طاع يشبك النت فتيلفوني كنت ارسله بالايميل من لاب الكليه لحد ما يوم كنت راجعه من الدوام وقلت بحاول فالشبكه وشبك المسن..لجيته موجود قعد يسألني عن الشبكه وهيش صارلها بعدين سكتنا طشه وقالي: جلست على السرير واكملت وهي تلعب باصابعها بطرف الملحف :قالي تبي الصدج...اشتقت لج نصرى بخبث:اهاه سالمه تكمل دون ان ترفع بصرها: تصدجي حسيت كأنه حد صاب عليه ماي بارد وقلبي صار يرجف بقوه تقولي كأنه بيوقف كانت اول مره يقولها لي واول مره يقول كلمه حلوه صمتت وهي تمسك بيدها على نحرها كأنها تشعر بنفس الشعور مره اخرى :ما عرفت هيش ارد قعدنا ساكتين فتره بعدين قلتله:اشتاقت لك العافيه قالي: بس؟يعني ما اشتقتيلي؟ احترت هيش برد عليه..كنت مشتاقتله وايد بس اخيل اقولها له..بعد اخذ وعطا بينا قلتله اني اخيل قالي حتى اني اخيل..ضحكت وقلت ما اتخيلك تخيل :قال والله العظيم مخيل..اذيه اول مره اقول اشتقتلج لبنت..وما تعرفي هيش كثر ترددت لحد ما قلتها كنت حاس بضغط وايد من مشاعري..بعدين خليته عشان هو كان عنده مذاكر |
العود
هلا و الله بش بين كتاب ليلاس و اعضائه بداية حلوووة الله يعطيش العافية مها و سالم و سبب خلافهم و عناد مها و مكابرة سالم عن الاعتذار سالمة و صداقتها مع ولد عن طريق النت احسها بتوديها في مصايب نورة من حقها تتزوج من شخص سليم بس العرج ما هو بذاك العيب اللي يخليها ترفضه مرات كثير بانتظار البارتات الجاية :) |
بدايه موفقه فى صعوبه شوى بفهم بعض الكلمات بس المعنى واضح حبيبتى
سالم وزعل زوجته اتوقع انه خانها مع امراه اخرى سعيد وتطور علاقته بسالمه فى انتظارك وحياك فى ليلاس |
هلا والله توري
المنتدى بنور بوجودكم شكرا حبيبتي على المتابعة نورة ما كانت متقبلة الزواج من حمد علشان كذا تحط لنفسها الاعذار سبحان الله مثل ما يقولوا القلب وما يهوى |
الجزء الثالث
ريم: هاه يالمزيونه بعده عقاب اخويه ما خلص؟! هدى بحزن:اخوج يستاهل اكثر مريم بنبره حزينه:والله يا مريم انه متعذب بعيد عنج وتعذرلج وايد خلاص عاد سامحيه هنا تساقطت دموع هدى:اني اتعذب اكثر عنه ..اخوج يامريم جرحني والجرح موت الجرح اذا ياك من احباب مريم بمواساه:هدى حبيبتي رجعيله وادبيه على كيف كيفج وانتي عنده احسن عن يتشتتو عيالكم وعن تدخيله الشوبه هدى تضحك وسط دموعها: اخوج يباله تعليج من صمخانه فمروحه مب تأديب بس مريم ضحكت بقوه: يعني ابشره ولا بتتصليله اروحج هدى: النذل اشتقتله غير بعده خليه كم يوم لين يتصل اروحه ************** "نوره وافقت على حمود" عبدالله بدهشه كبيره:حلفي..ثم تغير صوته الى الشفقه:مسكين حمد بيروح فيها..اختج ما تحس هاييها!! شمسه:عبدالله خليك واقعي..هي رافضتنه اكثر من مره وبينتله انه مشي امل بس هو بعده مصر وبعدين يعني هي بتقعد لين متين بدون زواج..دامنها رافضتنه يعني اكيد بتتزوج واحد ثاني عبدالله:صدقيني اختج خسارنه..المثل يقول خذ اللي يباك ولا تاخذ اللي تباه شمسه:الحين مشي فايده من الكلام..هلي وافقو والملكه بعد اسبوعين عبدالله يتناول هاتفه :بتصل فحمد بجيسه اذا عنده خبر ولا لا بعد ان انهى اتصاله: شكله ما عنده خبر شمسه:الله يعين..ما نقدر نقول غير الله يكتبله الخير عند غيرها ************** عوده الى جلسه نصرى وسالمه نصرى:اول الغيث قطره..وبعد اشتقتلج ؟هيش قال بعده؟ اكيد تطورت الخروفه سالمه:لا والله..حرام عليج نصرى:تسمع الدفاع عنه!! ضحكت سالمه بخفه:صدقيني كان انسان محترم بشكل ويخاف عليه مثل خواته ومخبرني باسماء هله وبكل شي يصير عنده مهما كان صغير وملتزم بصلاته فالمسيد نصرى:هيش دراج انتي؟!!تلقاه يشلخ عليج وانتي تصدقي سالمه:لا ما يكذب عليه..حن كنا ندخل المسن فكل وقت ما عدا الوقت اللي نكون فيه فالكليه وفأذيج الاوقات كان عند وقت كل صلاه يستأذن مني من دون ما اذكره بالصلاه بعده يكلمني لحد ما يوصل المسيد وبعد الصلاه ندخل مره نصرى: حشا!! كنكم ساكنين مع بعض!! سالمه:واكثر..حتى هو تغيرت طباعه وصار اخف حده عن قبل. نصرى:عيل متين تقعدي مع ربايعج فالسكن؟ سالمه:مرات اكلمه واقعد معن فنفس الوقت..مرات نقعد نتشوف تلفزيون رباع..نحط نفس القناه ونتابع مع بعض..اغلب شي هو يقولي عن فلم ونتشوفه وطبعا اغلبهن اكشن..موته شي فيه طفاقه ونقع نصرى بغمزه: دارستنه دراسه الاخت..تعرف هيش يحب وهيش يكره سالمه بابتسامه خجل: طبيعي..اكثر من 3 سنين وحن نكلم بعض فكل وقت..انتي لما تكون عندج صديقه وتقعدن مع بعض دايما بتعرفي كل طبايعها..وحن كنا مثل الاصدقاء نتزاعل ونرد نتراضى بسرعه..ما يمر علينا يوم..تصدقي طول اذيه السنوات ولا مره لمح لي انه يبا رقمي ************** صوت رنين الهاتف يتعالى تتناوله لترد بعد تنهيده عميقه لتبث الشجاعه في نفسها:السلام عليكم سالم: وعليكم السلام..مرحبا ملايين ولا يسدن..هلا والله باللي بالقلب ساكن هدى بغرور:اهلين ..نعم؟ آمر؟ سالم:افا ا ا ا!! جيه عاد" نعم آمر" هدى:هيش تباني اقولك؟! سالم بخيبه امل: مب ناويه تحني علينا؟ صمتت هدى وهي متردده صمتها بعث الامل في قلب سالم بعد دقيقه صمت..هدى: تعال بعد مغرب بيت هلي عشان تشلنا البيت سالم بفرحه عميقه:والله؟!! من عيوني الثنتين ************** في سكن طالبات الكليه تدخل الى الغرفه وهي تنادي: مريوم بنوصي بعشي من برا تبي؟ مريم انتفضت ثم اجابت: الناس قبل تتنحنح تقول هود بعدين تصيح بالعشي اسماء بقله صبر..خلصينا خلصينا تعرفيه المطعم ياخذ سنه لين توصل الطلبيه مريم: طلبلي مثلكن الا العيش مابا عيوش فليل..بخلص شويه مذاكر وبييكن اسماء وهي خارجه من الغرفه:اووووكيه عادت مريم الى مذاكرتها..سمعت رنه رساله فتحتها"من:بوغنيم باركيلنا..رجعت العائله" ابتسمت وهي تقول في خاطرها: معقوله هدى رضت لجيه؟!! ولا ناويه تأدب سلوم ولكنها ارسلت له" كلولولووش..الف الف مبروك..بس هاه مب كل مره تسلم الجره" اجابها" لا تحاتي..فعيوني هدى" ابتسمت مريم وهي تدعي لهم بالسعاده تفاجأت برنه رساله اخري " من:الباص مراحب..اشحالج؟ حد عندكن وحده اسمها موزه ال...؟" ردت" هلا..الحمدلله اها ليش؟" "هلها راسلين عندي اوراق تخصها خليها تلاجيني باكر عند باب السكن" "ان شاء الله" "شكرا" "العفو" اغلقت كتابها ورتبت نفسها وخرجت لصديقاتها المتجمعات في جلسه مسليه سلمت وجلست بجانب اسماء وهمست لها:راعي الباص راسللي انه هل موزه راسلين عنده اوراق يباني اخبرها..مستويه البداله عندهن اسماء بهمس مشابه: تراهن كل مره مريوم رسلي لراعي الباص كأنج انتي من هله وهن لا..مره ثانيه اللي تبا شي خليها ترسله اروحها مريم: يبالي جيه اسوي ************** " مبروك العروس" نوره بخجل طبيعي: الله يبارك فيج بعده ما صار شي شمسه: خلاص عباره تزوجتي تسوقتي؟ نوره:شويه بس احسني ما اواحي اتشري كل شي فتنه بين السوق والصالون شمسه:خذي الاشياء الضروريه الحين والكماليات بتشتريهن حتى بعد العرس... ما قالتلج رحمه شي عن حمد؟ نوره باستفهام توجس: وراه ؟!هيش فيه؟ |
ووووووووووووووووووين الردودالجزء الرابع عوده الى نصرى وسالمه نصرى: بس انتي تعرفي انه اذيه الشي اللي سويتيه غلط من الاساس حتى لوكان ما قلتو شي غلط.. مجرد انك تكلمي ريال غريب اذيه اروحه المفروض ما تسويه سالمه:اعرف انه غلط بس ما اعرف كيف لجيتني داخله فالسالفه ..عشان جيه قبل سنه رسلتله رساله اعتذار واني ما بدخل المسن خلاص...ما رد عليه بشي كأنه زعل جذيه نصرى: احسن شي..حتى لو تأثرتي فاذاك الوقت بعدين بتنسي سالمه بحزن عميق : هو جذيه..تضايجت قبل خصوصا انه ما رد عليه بشي وحسيت بفراغ وايد بس بديت اتعود بعدين ************** " مستحيل..لو يموت ما بياخذها" والدته تذرف الدموع وهي تقول: ياولدي الله يهديك الريال خطبها وهي وافقت..البنيه رفضتك اكثر من مره ..طبها عنك حمد يزمجر بغضب كاسح: اقولج محد بياخذها غيري..لو تنطبق السماء على الارض مابتاخذ غيري تناول(مصره) وخرج غاضبا غضبا لا حدود له وفي داخله شرخ عميق لأنه فضلت غيره عليه ولكن باطنه يقول له" اني براويها كيف تتزوج غيري" اما والدته فقد كانت تذرف دموع الخوف والحزن على وحيدها وهي تبحث عمن يهب وراءه قبل ان يتهور في شي ما ************** بعد دقايق شمسه ترى عبدالله يرتدي ملابسه باستعجال: حبيبي هيش صاير؟هين ماشي؟ عبدالله يغلق جيبه: ابا ادور حمد المينون..امه تقول عرف عن يوازه ختج وشل الدنيا وطلع معصب..الله يستر ما يسوي شي اذيه مينون من يعصب يعصب شمسه بتوتر: الله يستر..هالله هالله فيه حاول تفهمه انه ماله نصيب فيها عبدالله وهو يهم بالخروج: مشي باس حبيبتي..لا تخافي ولا تقولي لحد عن تكبر السالفه شمسه وهي ترافقه الى الباب:ان شا الله ************** بعد بحث طويل واتصالات عديده لا يجيب عليها حمد بغضب يظهر في صوته:نعم؟ عبدالله على الطرف الاخر من الاتصال: هين انته؟ حمد: مابا اشوف حد عبدالله:حمد استهدي بالله..خلاص اللي صار صار والبنت مب من نصيبك حمد :ما بتصير من نصيب حد غيري " تفكير ما يتوارد في ذهنه" بتشوف..عبدالله بند مالي بارض اكلم حد ولا تخافو اني مب ياهل ************** ما ان دخلا الى غرفه نومهما حتى خلعت (العباءه والشيله) وعلقتهما في مكانها المخصص..دخل سالم عليها بعد ان داعب اولاده الاثنين قليلا..توجه مباشره عليها وقبل راسها وهو يقول بندم صاف: السموحه منج حبيبتي واني اوعدج انها غلطه وما راح تتكرر بينما ما زالت هي تخفض نظرها عنه ببقايا زعل وعتب لم تستطع نسيانهما .. امسك بوجهها بين يديه بلطف حتى يجبرها على النظر اليها وهو يقول بنبره حنونه: بعدج زعلانه عليه؟! ما تقدري تغفري لريلج وابو عيالج زلته الاولى والوحيده ان شا الله!! اخفضت نظرها فهي لا تستطيع مقاومه هذه النظره ولا هذه النبره التي يتحدث بها بينما ما زالت تشعر بأنها غاضبه ولا تستطيع ان تكمل معه حياتها طبيعيا الى ان تنسى تماما لأنها تعلم يقينا ان ذلك سيتراكم في نفسها ولن تكون عواقبه محموده: ارجوك سالم خليني لين انسى كل شي ..اللي صار مب سهل..انك تفكر تسوي علاقه مع وحده من ورايه بروحها تجرحني ..ما بالك لما تكون اذيه الوحده ربيعتي!! احتضنها بخفه وهو يعتصر عينيه: اني اسف اسف اسف اسف...كانت لحظه طيش اغوتني فيها ربيعتج حسستني بتهور المراهقه وعلاقه التيلفون بس رجعت لعقلي..مشي احلى واطهر من علاقه حب تبنيها مع زوجه مثلج.. خذي وقتج بس لا تتأخري عليه اني محتاجلك ************** " ابويه يباك ريال عند الباب" الوالد عند باب البيت الخارجي:اشحالك....علومك..حياك فالميلس يتبعه بخطوات وهو يشعر بدقات قلبه تتسارع من التوتر الذي يشعر به..دخلا الى المجلس وتبادلا السلام المعتاد..استأذن منه الوالد لكي يأمر أهل البيت بأحضار القهوه للرجل وعاد اليه..سأل الرجل العجوز الضيف عن عائلته و والده في اثناء ذلك حضرت القهوه وتقهويا معا..صمت الرجل العجوز ليتيح للضيف فرصه طرح الموضوع الذي قدم من اجله الضيف: عمي اسمحلي اقولك اذيه الكلام بس ما لجيت حيله غيرك نظر الرجل العجوز وهو يشعر بأنه قد علم بالموضوع اكمل الشاب حديثه: عمي اني ابا نوره وانت تعرف ..اني اولى من حمود بها..تردد قليلا ثم قال: اني مب محللنكم تزوجوها حمود ابو نوره: ياولدي نوره رافضتنك واني ما اجدر اغصبها والحين خلاص حن وافقنا على حمود..عيب علينا نرجع فكلامنا عقب ما خبرنا العرب رد بانفعال: عمي اني ابا احيرها ابو نوره:يا ولدي الله يهداك التحيير عاده جديمه الحين محد يمشي عليها..هيش بتستفيد انته عقب اذا خذتها وهي ما تباك اخفض راسه وهو يغرق في همه ودمعه على الابواب ابو نوره: لو بيدي شي كان سويته ..والله انك ما تهون عليه حمد :بكلم حمود ابو نوره: هيش بتقوله!! جيس ما بتفضح عمرك وبتسوي واشل بينهم بعدين...ياولدي ان شا الله بيرزقك باللي تنسيك نوره بعد دقايق من الصمت ..نهض وهو يهم بالخروج:عاذرتك ابونوره: الله يحفظك ************** شاهد سيارته متوقفة عند شاطئ البحر ادار سيارته دون تردد ناحيته..توقف ونزل واطل على نافذة السائق وجده يضع راسه على مقود السيارة في منظر يهز القلب ..طرق باصابعه على نافذة السيارة حتى ينبهه..رفع رأسه اليه ارتعب عبدالله من المنظر الذي رآه..دموع غزيرة تعطي وجهه ومحاجر عينيه متلونة بلون الاحمر..دار حول السيارة وجلس فالمقعد المجاور له..:هيش صار؟؟..وراك تبكي؟؟ بينما الاخر ما زال مستمرا فالدموع الصامتة..رد بعد وقت ليس بقصير: ضاعت مني..روحت لعمي قلتله ابا احير عليها ما رضي..قلتله بكلم حمود قال بتسبب مشاكل بينهم على قلة فايدة...وضع راسه مجددا على مقود السيارة زفر عبدالله : لا حول ولا قوة الا بالله ...اسمعني يا حمد ..اعرف انك ممكن تعتبر كلامي كلام شخص مب حاس باللي فيك ..بس اذيه الكلام هو الواقع ..نورة خلاص صارت مب من نصيبك واللي انت تسويه فنفسك مب من مصلحتك ومب منه فايدة دام البنت رافضتك و وافقت على غيرك..اعرف انه الموضوع صعب عليك بس لو كنت مكانك بتصبر وان شاء الله بتاخذ اللي تنسيك نورة تكلم وهو ما زال مخفضا راسه:ما فيه وحدة ممكن تنسيني نورة.. عبدالله: اذيه كلامك الحين..بس لما تتزوج بيتغير اذيه الكلام كله..أسأل مجرب..الواحد لما يتزوج تنشئ بينه وبين زوجته علاقة غير بدون شعور منه ..خصوصا اذا كان كل واحد منهم موفي الثاني حقه لم يجبه بشي ولكنه توقف عن الدموع ************** " طلقني ..طلقني ..طلقني مستحيل مستحيل ..تخوني مرة ثانية ..طلقنــــــــــــــــــــي" كانت تصرخ بهستيرية وهي تضع يديها على خديها وتغلق عينيها بشدة " حبيبتي هدي هدي..قولي اعوذ بالله من الشيطان ..انتي تحلمي" ما زالت تصرخ بنفس الكلمات وهي جالسة على السرير بعد ان افاقت من حلم مزعج اختلط مع واقعها فحسبته حقيقة لم يستطع ايقافها عن الصراخ ..احاطها بيديه من الخلف وهو يهمس في اذنها "قولي اعوذ بالله من الشيطان الرجيم ..سمي باسم الله انتي تحلمي .بسم الله عليج بسم الله عليج..حبيبتي اني عندج هنيه" صرخت مجدددا وهو تحاول التفلت من بين يديه" فلتني فلتني ..لاتجرب مني يا خاين" شددمن احتضانه لها وهو " ما زال يسمي عليها الى ان هدأت وعادت الى وعيها وهي تنتبه الى الوضع الذي هي فيه سمت باسم الله ..خفف هو من شده لها..ادارت وجهها اليه وهي تدفن وجهها بين رقبته وكتفه وهي تنتحب " احبك ..احبك ليش تخوني ليييييييش؟؟" مسح على شعرها وهو يهمس لها: واني والله العظيم احبج حتى اكثر عن نفسي ..كانت غلطة وندمان عليها قد شعر راسي ..بس سامحيني الله يخليج لي سامحيني شددت من احتضانها له وهي مستمرة في بكائها "وش هالكون بعدك علمني وش يكون؟؟ وش هي الدنيا بدونك غير صمت وسكون! الصبح شاحب! والليل تملاه الظنون! والزوايا موحشه!(فاقده قلب حنون) عادي كل هالناس عندي يروحون او يجون . . الا انت غير كل هالناس " روحتك ماتهون " ************** |
السلام عليكم ورحمة الله وبركاته
مرحباً العود المياس كيف حالك؟...يعطيك العافية..أجزاء روعة...سلمت يداكِ سالمة: إن كانت قد انهت تلك العلاقة بينها وبين سعيد منذ فترة فلماذا تبكي الآن ألمجرد تذكرها له ؟...أما ان هناك شي آخر؟ شمسة وعبد الله: جميلة هي الحياة التي يعيشانها وجميل هو الحب الذي يعيشهما. حمد ونورة: لا اعرف ولكنني أحس بأن نورة لن تاخذ سوى حمد ..إن لم يكن في الوقت الحاضر..ففي المستقبل. هدى وسالم: غلطة كبيرة ..يستحق سالم ان يعاقب عليها أشد العقابات...الله يديم الوفق بينهما خصوصاً أنها عادت إلى بيتها. شكراً العود المياس على توضيح التساؤلات...وأعتذر عن تأخري ولقصر ردي ولكنني مشغولة هذه الأيامات . دمت بحفظِ من الرحمن...اختك نور^_^سوريا |
هلا فديتج نور
تمام بشوفتكم سالمة تبكي لانها انهت العلاقة بيوم الامس وما زالت تحت تأثير الحزن يا ليت كل الحياة الزوجية مثل عبدالله وشمسة ههههههههه فيه بعض التوقعات نوعا ما صحيحة وتعطيني بعض الافكار لتطور القصة تسلمي على الرد فديتج |
الجزء الخامس عودة الى سالمة سالمة: بعد تقريبا شهرين من اخر رسالة بينا كنت مرة داخلة المنتدى وكان هو موجود..بعد نص ساعة تقريبا رسلي رسالة على الايميل..كان يعتذرلي انه ما رد عليه فوقتها لانه كان متضايج اني نهيت اللي بينا من دون ما يكون هو غلطان عليه بشي ..حسيت بشي غير لما شفت رسالته يمكن حنين او لاني كنت انتظر منه رد ...قلتله اني نفس الشي زعلانة منه لانه حتى ما رد على رسالتي حتى لو بعتب اوشي ..كانه تخلص من شي ما له اهميه..طبعا انكر اذيه الشي وقالي انه كان طول اذيه الشهرين يفكر فيه وما نساني ...بعدين طلب مني انه نرجع للمسن بس اني كنت خلاص متخذه قراري ما ارجع للمسن مرة ..رفضت قالي انزين ابا اتطمن على اخبارج برسايل الايميل ..ما قدرت ارفض طلبه..كان شخص عزيز عليه وايد نصرى: وبعدين؟؟ سالمة: من وقتها لحد بارحة وحن نرسل لبعض رسايل شبه يومية..رسلي امس انه يباني نفترق خلاص تأييدا على كلامي السابق له انه مصيرنا بنفترق واحسن نفترق الحين دامنا متفقين يعني نفترق بالمعروف هههههه ثم اكملت بحزن واضح: بس من ساعتها واني احس كأني فاقدة شخص عزيز..ما اقدر اتخيل اني خلاص ما بعرف عنه شي خلاص بينتهي وجوده من حياتي نصرى: ما عليه ..عطي نفسج على الاكثر اسبوعين وبتنسيه..شي طبيعي انج تحسي باذيه الاحساس بس اللي صار فمصلحتج والحمد لله طلع ريال زين وهو اللي انهي اللي بينكم من دون مشاكل سالمة: علاقتنا كانت غير وهو كان شخص غير "والله إني كنت ألوم اللي يضيق إن غاب خله ،، لين جربت المحبه والفراق وقلت " تـــــوبــــه" !.. لعنبو جد المفارق فيه هم وفيه ذله ..! أثر كل الحب لذه..، والفراق (( أكبـــــــر عيــــــــــوبه )). " ************** لم استطع ايقاف قلبي عن الشعور اتجاهها..لم استطع منع شعور الحرقه والمراره في صدري وانا اراهم يعقدون قرانها الى غيري..غالبت دموعي كثيرا ولكني اشعر الان انها ستنفجر شلالات من الدموع وليس سيول فقط..عبدالله طوال الملكه يجلس بجانبي وبين الحين والاخر ينظر الي بنظرات تفحصيه وكأنه يتوقع شي ما بعد ان انتهت المراسيم وبدأ الضيوف في تناول القهوه همس عبدالله في اذني: خلا بنطلع دام الناس مشغوله " ما ان خرجنا وركبنا سيارتي رأيت ما كنت اتوقعه..لف حمد مصره على وجهه وتوالت على مسمعي صوت الشهقات التي يحاول جاهدا ان يوقفها ولكنني اعلم انه لن يستطيع...ذهبت به بعيدا عن بيت عمي" مكان الحفل" لكي يخرج كل ما في قلبه ************** هناك الكثيرون ممن كانوا يتوقعون الحاله التي سيكون عليها حمد والدته التي قدمت الى الزواج مجبره بداعي القرابه...والد نوره واخواتها حتى نوره كانت تشعر بالذنب الخفيف اتجاه حمد ولكنها كانت منشغله اكثر بشعور الخجل والخوف من حياتها المستقبليه التي بدأت اليوم شمسه: هلا حبيبي عبدالله:هلا شمسه:عبدالله انت هين؟ ما اسمع عندك شي ربشه عبدالله: طلعت شويه عنهم شمسه بتردد: كيف حال حمد؟ عبدالله تنهد: هيش تتوقعي!! تراني طلعت عشانه كان شكله شويه وبينفجر عيونه مدمعه وحمرا قلت احسن اطلعه واصبره شمسه بحزن: تبا الصدج طول العرس واني افكر فيه..مسكين ما يستاهل عبدالله بعتب مصطنع: لا حلفي!! شمسه باستغراب:هيش؟ عبدالله يقلدها: "طول العرس افكر فيه" ثم اكمل باستهزا: ما عندج ريل تفكري فيه وتتذكري ايام عرسنا و و و شمسه تضحك: والله انك متفيج..حن كنا فدا ار وانت شليتنا دار...ثم اكملت بتلاعب يقلب كيان عبدالله: اصلا انت محتل كل مكان فتفكيري وقلبي..اي موضوع بدخلك فيه حتى اذيه الموضوع قعدت افكر لو لا سمح الله صار شي بيفرقني عنك بموت لا محاله عبدالله يضع يده على قلبه وكأنها تراه وهو يقول بشعور صادق: قلبي خذتيه معج..احس مكانه خالي..خفي عليه رحميني..تعرفيني اذوب شمسه تضحك بخفيف: انزين الخلق كلن يتشوف عليه بروح اقهوي..اه صح بنبات بيت هلي عشان اساعدهم فترتيب البيت بعد العرس عبدالله بنبره انهاء الحديث: اقوول خلي عنج..اذيه اللي ناقص!!..خلصي شغلج وخبريني اخطف عليج ولا تراني بسويلكم حوله جدام البيت ************** رنه مسج المرسل:راعي الباص "قمة "الشوق" شكوى البعد وقمة"الحب" عشق الصمت وقمة سعادتي "أن تكوني بخير" مريم تدير الهاتف حتى ترى اسماء الرساله:تخيلي من راسللي!!! اسماء: اندوووكم!! هيش يبا اذيه؟!! رسلك شي قبل؟ مريم بدهشه عميقه:لا!!! هيش قصده؟ ثم اكملت بانفعال: هيش يهاييني السيد؟ وحده من خايساته براسله !!! اسماء: بيكون يوب شافج انتي ترسليله عن الباص يهاييج عادي عندج مريم: حرام عليج..والله اني ما ارسله الا اذا نبا نطلع ولا شي يخص طلعاتنا اسماء: تلقاه يجيس النبض اذا شافج رديتي كان بها واذا نازعتيه بيلقاله حيله مريم بعصبيه:يخسي..هيش يهاييني؟!! بعده هو يعرف خوتي ويعرف حن عائلتنا ما عليها كلام..تصدقي احس اني ببكي..معقوله هو يفكر فيه جيه اسماء: طبيه عنج..طنشيه ولا ترسليله شي ابدا هو اروحه بيفهم المقصود هل من الممكن ان يحدث شي وتصبح نورة من نصيب حمد؟؟ كيف سيكون رد فعل سائق الباص بعد المسج الذي ارسله؟؟ ننتظر توقعاتكم |
السلام عليكم ورحمة الله وبركاته
كيف حالك العود المياس؟...أتمنى أن تكوني بخير...يعطيك العافية وسلمت يداكِ سالمة: ما تشعر به شيء طبيعي خصوصاً أنها وسعيد قد أصبحا عادتين لبعضهما فلا عجب من شعورها بالفراغ بعده...ولكنني لا أشعر بالراحة من إنهائه لعلاقتهما..فهل يخطط إلى شيء ما؟..العلم عندكِ شمسة وعبد الله: هههه..الله يديم السعادة بينهما...أحبّ ثنائي إلى قلبي..فماذا تخبئين لهما في المستقبل؟ حمد نورة: كما قلت اتوقع أن تعود له...ولكن ومع ذلك إن لم يكن توقعي صحيحاً فاتمنى السعادة لها مع زوجها الجديد. مريم وسائق الباص: أتوقع إما أرسلها لمريم بالخطأ..أو إنه يحاول التلاعب بها. العود المياس..آسفة لتقصيري..متابعة لكٍ دمتٍ بحفظ المولى عز وجل أختك نور^_^ سوريا |
فديتج حبيتي نور سوريا
انتي دعمي الوحيد فالمنتدى شكله تابع / الجزء الخامس ************ الساعه 8 صباحا استيقظ من نومه ولم يجدها بجانبه..استحم وتوجه الى المطبخ وجدها تضع اللمسات الاخيره على صينيه الافطار وقف خلفها ومال برأسه ليقبل خدها:احلى صباح بشوفه الحلوين مدت يدها لتضعها على خده:صباح الورد تناول منها الصينيه ويتقدمها الى الصاله:هين العيال؟ جلست وهي تحمل الدلال:بعدهم راجدين امسك بكفها بين يديه:خلاص طاح الحطب؟ ابتسمت:طاح ابتسم هو ايضا:الله يخليج لي دوم لكنها اردفت برجاء:بس اتمنى ما يتكرر مثل اذيه المواضيع..ضربتين فالرأس توجع ..ساعتها مستحيل قلبي يصفى قاطعها:لا تفاولي يابنت الحلال..اني وعدتج و وعد الحر دين... هدى:الله يديم المحبه والسعاده علينا سالم:آمين ************** " يا حلو ...اليوم طولت فالنوم!!!" تفتح عينيها بابتسامة كسولة : وانت اليوم مزعج...احسني متكسرة من العرس بارحة عبداللة: بيكون من كثر الرقص واني مسكين احايلج محايل عشان ترقصي عندي شمسة تضحك بخفة: الله والرقص عاد..اصلا ما رقصت غير طشة ..طول الوقت اعابل القهوة وولدك اللي انط له كل شوية عبدالله: اصلا اني موصته اذا شافج تبي ترقصي يصيح نهضت جالسة: الله بمصباحن طيب عن تشليخك ...ثور عني بثور اسوي ريوق اعادها الى تمددها: بنطلع خبز وجبن وعسل وخلصت سالفة الريوق..قعدي عندي اباج شوية شمسة: امرني عبدالله: ما يامر عليج عدو حبيبتي انتي ....ثم اكمل بتوتر : بصراحة مريم بنت عمي مواشلتني شمسة: وراها؟؟ عبدالله: هلي كانوا يبوني اخذها بس اني بغيتج انتي ..والحين لها فترة طويلة ما تزوجت كل الناس يهايوني كنت محيرنها بعدين ما بغيتها شمسة : والمعنى؟؟ عبدالله: امممممممممممممم شمسة ثارت بانفعال قوي كقوة الخبر الذي زفه اليها: تبا تتزوج عليه؟؟ صدج صدج تبا تتزوج عليه؟؟ والله اذا سويتها ما اسامحك لا دنيا ولا اخرة .... بدات دموعها بالانهمار بغزارة وهي تشهق: هين الحب هين الكلام اللي تسمعني اياه ليل ونهار.. قالت باستهزاء" اوعدج ما يفرقني عنج مخلوق ...اوعدج ما اتزوج غيرج انسانة ثانية التفت عنه وهي تشهق بقوة دموعها حينها ضحك عبدالله بهستيريه: بس بس يالهبلة ...صدقت وسوتها دراما نهض اليها وهو يديرها ناحيته: والله العظيم امزح ..كنت ابا اشوف هيش ردة فعلج نفضت يديه عنها: لا تكذب عليه.. انت ما قلت اذيه الكلام الا انك مفكر فيه ضحك من جديد: واللي خلق اذيه الراس واللي حفر حبج فقلبي اني ما فكرت فيه غير الحين عشان امزح عليج اعرفج دلوعة بس ما توقعتج تبكي بسرعة مسح دموعها بيديه : دموعج غالية عليها..ما اسمح ابدا انها تنزل شمسة: انزين وخر عني الكذاب.. عاد مب صباحية تبداها بمزحة ثقيلة مثل دمك الثقيل ضمها الى صدره: هههههه كل شي من الحب مقبول "أبي (( وعــــــــــد )) منك أنك ماتخليني..؟ ولاتساوي غلاي بـــــــــواحدثاني..! وان كانك تحبني صدق وتغليني..؟ لامني أخطيت أسمحلي على شاني..! أماأنافي محبتك مايلزم توصيني..؟ من يمك الروح تآمرني وتنهاني " ************** |
مرحبا الساع بكل من زار روايتي وشارك وباللي زارنا وما شارك بعد نقول مشكورين الجزء السادسبعد اسبوع " مرحبا ملايين..شخباركم؟" سالمه: مرحبا بج زود..بخير دامنا نسمع صوتج نصرى:دوووم ان شاء الله اكون اني البلسم للحياه ضحكت سالمه: خلي عنج هواته..هيش اخر علومج؟ نصرى: الحمدلله كل حاجه تمام حاليا..هيش اخبار الدوام؟ سالمه: سكتي..احسني تعبانه فكل وقت شغل شغل ..جنيت على عمري بأذيه الوظيفه نصرى:حمدي ربج احسن من اللي جالس فالبيت سالمه:تصدقي..ساعات اقول احسنلي لو جالسه فبيتنا عن اذيه الشقا نصرى بنبره خافته:هيش اخبار النفسيه؟اقصد اذاك الموضوع تنهدت سالمه:اشتقت له..فكل وقت اتذكره..قلت يمكن مع الوقت انساه بس احسني كل يوم ... وصمتت نصرى: لين الحين؟؟ سالمه بنبره حزينه: احس انه بعد ما افترقنا زاد تعلقي فيه اكثر..اي شي حتى لو كان تافه يذكرني بموقف حكالي عنه او صار معنا نصرى:تحبيه؟؟ سالمه:ما اقدر اقول احبه لأني ما اعرف هيش هو الحب او اساسا ما اقدر افكر بالحب بسبب عادات مجتمعنا..ساعات اقول لو كنت احبه كنت ما قدرت ابتعد عنه بس يمكن اللي بينا كان تعود على شخص بطريقه خاصه علشان جذيه مب قادره اتقبل الوضع الحين نصرى بنبره يأس: لحد متى يعني؟!! سالمه:ما اعرف..احيانا اقول لو تزوجت يمكن اشيله من بالي بس كل مره اشوف شاب عقلي تلقائيا يسوي مقارنه بينه وبين هالشاب ودائما هو الفائز نصرى بنبره تشجيعيه: حاولي تشغلي نفسج بأشيا ثانيه..كل ما يي على بالج شغلي بالج بأشيا ثانيه سالمه: احاول بس ما قدرت "هجرتك ناوي اترك ,الحب لحظات ..
لقيت طيفك بالبعد, **************محتويني .. حاولت ابعد عن , خيك مسافات .. الله حسيبك وين ما رحت فيني .. غيرك نسيته وماطرى على بالي .. الا انت في كل ثانية تجيني .." وهي جالسه تشاهد التلفاز في منزلهم سمعت صوت وصول رساله الى هاتفها "اسف" ارتسمت على شفتيها ابتسامه انتصار وارتياح :يعني حس على دمه وعرف انه غلطان بس خلني اجره فالكلام عشان يعرف اني مب مثل اللي فباله طبعت رد وارسلته اليه " على هيش؟" تأخر قليلا ثم ارسل " على المسج ارسلته بالخطأ" ابتسمت بسخريه ردت " مشي باس واتمنى ما تتكرر" "ان شاء الله " هو ارتاح لأنه عرف معدنها واعتذر اليها وتقبلت عذره وهي ارتاحت لأنها تعلم عما يعتذر بالضبط وبما انه اعتذر فهذا يعني انه علم من اي صنف من البنات هي ************** "الحلو هيش شاغل باله؟!" تناولت يده التي وضعها على خدها وقبلت باطنها وابتسمت: من شاغل بالي وقلبي غير حبيبي عبودي عبدالله بمرح:اني بكبري جدامج ما يحتاج تفكري فيه شمسه:قوم بدل بمشي اييبلك كيك وشاهي عبدالله: لحقيني بسرعه ميت يوع ولا باكلج انتي ضحكت شمسه وهي تتجه الى المطبخ ولكن ما ان اختلت بنفسها حتى عاد اليها التفكير المتعب لقلبها " معقوله عبدالله يسويها وتشاركني فيه وحده؟! من قال تشاركني فيه!! اهون عليه اتركه ولا اني اشوف بعيني وحده ثانيه تشاركني فحبيبي لا لا مستحيل عبدالله يسويها" مسحت دمعه طفرت من عينها رغما عنها حملت الصينيه وهي ترسم على وجهها ابتسامه فاشله ************** " ابا اتزوج" التفتت والدته اليه بدهشه: هيش؟ حمد يزفر بضيق: سمعتيني..وراه؟؟ كفرت اذا قلت ابا اتزوج ؟!! والدته: ما قلنا شي بس حد يبا يتزوج ويقولها وهو متضايج جذيه!! حمد يصد برأسه: اماه لا تنبشيني..دوريلي وحده وخلصيني ************** " مبروك سمعنا بتتزوج" حمد: نتبع نصيحتكم عبدالله يضحك: نصايح د.فيل على غفله حمد لم يرد عليه بشي عبدالله:ومن سعيده الحظ؟ حمد:قلت لأمي تدورلي وحده من برا العائله انقلبت نبره عبدالله الى الجديه:حمد هالله هالله فبنت الناس اللي بتاخذها ترا حتى مجرد تفكير فانسانه ثانيه يعتبر خيانه للزوجه حمد ببرود: يصير خير بعدنا ما تزوجنا عبدالله:المفروض من قبل لا تتزوج تحاول تشل نوره من بالك وتوجه كل احساسك لزوجتك..من الحين اقلم نفسك على انك بتعيش مع انسانه ثانيه وابني تفكيرك على الحياه الجديده عشان ما تظلم بنت العرب معك صمت حمد وتفكيره لا اراديا يذهب الى نوره ووضعها الحالي ************** "شخباركم المعاريس؟" نوره بابتسامه خجل: تمام التمام شمسه: عساج مبسوطه مع حمود؟ نوره: حمود مب مخلي عليه قاصر حاطني فوق راسه شمسه بابتسامه اخويه:الله يديم السعاده عليكم نوره:آمين واياكم...ثم استطردت نوره اقولج مريوم تخرجت السنه صح؟ شمسه بتوجس: من مريم؟ نوره: مريم بنت عم ريلج بدأ الضيق والخوف يتسلل الى قلب شمسه" اذا الاول مأجل الموضوع لين تتخرج الحين عاد تخرجت...لا لا عبدالله يمزح ما بيسويها " نوره:اييه ..هين روحتي ؟اني اهاريج شمسه:هاه!! معج معج..ما اعرفها اعتقد خلصت..ليش تسألي عنها؟ نوره : بس لروحي ************** "لجيت لك بنت حلال حلوه وموظفه وبنت ناس معروفين" حمد بغير اهتمام:اهم شي ما تكون من عايلتنا والدته ترد بحماس :لا مب من قرايبنا..بنت سعيد بن خميس ال.... عرفته؟ حمد يتذكر:اللي يشتغل فمكتب الوالي؟!! والدته:اهاه هو.. بنته متخرجه من الكليه العام حمد:هيش تشتغل؟ والدته:مدرسه..هيش قلت؟ حمد ببرود: توكلنا على الله والدته:يالله تمد فعمري لين اشوف عياله حمد:الله يطولي فعمرج يا رب من هي العروس ؟؟ وهل يفكر عبدالله جديا فالزواج من بنت عمه؟؟ \ |
ويييييييييييييييين الردود؟؟؟
وين توقعاتكم ؟؟؟؟ |
الجزء السابع ************** طرقات على باب الغرفه سالمه: دخل فتح باب الغرفه لتدخل منه والدتها وجدتها تعيد ترتيب دولابها ام سالمه: هيش تسوي؟ سالمه وهي مشغوله في ادخال الملابس: ارتب كبتي يتبهذل يوب اطلع منه ثياب الدوام ام سالمه:انزين تعالي اباج تقدمت سالمه وجلست بجانبها:وراج؟ ام سالمه: ياج خطاطيب شعرت سالمه بدقات قلبها تتصاعد بعنف والدم يتدفق بحراره تكاد تشعر بها خارجيا ليس فرحه بالزواج ولكن خوفا منه وهي ما زالت مرتبطه فكريا بشخص آخر لم تتخلص من ذلك بعد ولكنها سألت والدتها: من؟ ام سالمه: حمد ولد سليمه بنت عبدالله ياره بيت خالتج مريم سالمه :هيش يشتغل؟ ام سالمه: يشتغل فشركه..معاشه حلو وامه ما عندها غيره سالمه: انزين ابويه هيش رأيه؟ ام سالمه: ابوج شكله موافق..يقول الريال اخلاق وادب ويكد على عمره بس قالي شاوريها فكرت سالمه قليلا" بنتظر لين متين عشان انسى سعيد وبعدين اذا رفضت بيسألوني ليش وما عندي جواب..يمكن ربي يبالي خيره عشان يساعدني انساه" : اللي تشوفوه..اهم شي ما يكون اصغر مني ام سالمه تنهض لتخرج من الغرفه: لا اكبر منج بسنه ************** عبدالله يشاهد التلفاز وشمسه تجلس بجانبه تقبل الصغير وتلاعبه..التفت اليهما شده منظرهما" حبيبته وصغيره ثمره حبهما" ناداها بحنيه: حبيبتي عطيني اياه ناولته الصغير وهي تبتسم بحب.اخذه بين يديه يداعب انفه بأنف ولده ويقبل يديه ورقبته..اقتربت منه وهي تضع يدها على كتفه تنظر معه الى ولدهما وهي تبتسم بسعاده..بعد لحظات سألها: اقولج مريم بنت عمي تخرجت ما شاء الله؟ انطفأت ابتسامتها وسحبت يدها من كتفه قالت بجديه وهي تنظر اليه بنصف اعينها: وانت هيش دراك؟ قال دون ان ينتبه لتغير نبرتها: سمعت سالم يقول تدور وظيفه استغربت انها خلصت ...حينها انتبه فقط لتغيرها انفجر ضاحكا: شوي شوي على عمرج ..سؤال بريء بريء بعدين اني حلفتلج اني كنت امزح يعني مب مصدقتني؟!! عاد صوتها الى الهدوء : هيش اسوي حبيبي ..اغار عليك عبدالله يقرص خدها: عاد انتي والغيره نار ابتسمت:غيرتي على قد محبتي عبدالله:بس اذا زادت عن حدها صارت شك والشك غير مقبول تماما ************** اخذ اجازه لمده اسبوع ذهب فيها في رحله الى الامارات كترضيه لزوجته هدى ولكي يجدد الحياه بينهما بعد الازمه التي صارت كانا يتجولان في المارينا مول مرت بجانبهما فتاه متزينه بزينه لا تليق بسوق التفت اليها تلقائيا لم يشعر سوى بلكمه على صدره التفت الى هدى ضاحكا: وراج؟ تكلمت بغضب:هين فرت عيونك؟ سالم:بت الحلال كنت اتشوف المصخره اللي مسوتنها فعمرها ولا اذيه حد يتشوف عليها!! ثم اكمل وهو يغمز:اذا عندي القمر مالي ومال النجوم هدى بنبره تكبر تمثيليه: على بالي ضحك سالم: اموووت فالقوي امسكت هدى بيده وقالت بنبره هاديه: حبيبي اذا تحبني صدج لا تسوي جذيه مره امسك يدها بتملك: من عيوني الثنتين ************** تلقتها بالاحضان وهي تبتسم بسعاده " مبروك يا قلبي الف الف مبروك" حينها انفجرت بالبكاء الذي كانت تخفيه منذ بدايه اليوم مسحت على رأسها بأخويه وهي تعلم سبب بكائها..ابعدتها عنها قليلا حتى تغلق باب الغرفه خوفا من ان يراها احد..ماذا سيقولون؟! " عروس وتبكي يوم عرسها؟! اكيد فيه شي" نصرى: حبيبتي خلاص البكي ما يفيد الحين..الحين انتي بتكوني على ذمه ريال ثاني سالمه من بين شهقاتها: خليني ابكيه اذيه الساعات قبل ما اصير زوجه واحد غيره...احبه احبه يانصرى وخايفه افشل فحياتي نصرى : ما عليه كلها اسبوع ويصير معرسنا محتل القلب سالمه تمسح دموعها: واذا ما قدرت انساه؟؟ نصرى: الله المستعان..والله حاسه فيج بس هيش فأيدج توكلي على الله وحاولي تتناسيه وان شاء الله بتنسيه ..قومي غسلي ويهج بماي بارد عشان تروحي الصالون ولا تبي الريال يشوفج جيه متنفخه عيونج بيقول البنت مغصوبه عليه ************** على الجانب الاخر حمد يجلس في غرفته وهو يفكر بهم" ما اعرف اذا القرار اللي خذته صح ولا لا..اخاف اظلم بنت الناس..اذيه زواج يعني حياه.. ارتباط للابد.. " زفر بيأس..لا يشعر نهائيا برغبه في الزواج فكيف سيتمم زواجه اليوم..يشعر بأنه استعجل امر الزواج كان يفترض به ان ينتظر حتى يراجع حسابات مشاعره ..لكن الامر انتهى الان ولا مجال للتراجع نهض ليذهب الى الحلاق..وقف امام المرآه ابتسم بسخريه: بالله اذيه ملامح واحد اليوم عرسه تناول مفاتيحه وخرج ************** |
الجزء الثامن
************** ليله العرس اصوات الاهازيج والزغاريد من حولها وهي تمشي بخفه بين المدعوات ..لم ترفع نظرها مطلقا..تعيش فعالم آخر عما حولها ..استجلب قلبها لا اراديا جميع ذكرياتها واحلامها التي كانت تبنيها مع سعيد في عقلها فقط..تشعر بعبراتها تخنقها لأنها غير قادره على نسيانه وخايفه من شعور الذنب بالتفكير بغير زوجها ...لا تتمنى مطلقا ان تكون الان زوجه لغير حمد ولكن الشعور الذي يخون الانسان دائما ويفلت من يديه الى شي لا يرغب الانسان فيه ما ان جلست على الكوشه ورفعت الطرحه عنها حتى توافدت الجموع بالمباركه لها..بدأت دموعها تنهمر وهي تحاول ان تمسحها دون ان يخرب مكياجها..اخواتها يحاولن اسكاتها ظنا منهن انها دموع العروس المعتاده لا احد يعلم الحقيقه الا نصرى التي همست في اذنها بكلمات حاولت بعدها ان تكفكف دموعها وعبراتها انتهى حفل الزواج وزف العريسان الى منزلهما لاحظت سالمه ضيق ما يبدو على ملامح حمد ولكنها فسرته بسبب الخجل من الليله الاولى لهما..لم يتحدثا كثيرا فسالمه كان شعور الخجل يغمر اي شعور آخر لديها وحمد يحلق فعوالم اخرى بعيده عن هذه المسماه زوجته والتي تجلس امامه منذ ساعه زفر بعمق ليخرج نفسه من عوالم الحزن..رفع بصره اليها ابتسم بحنان" كم تبدو في غايه الجمال واللطف..واضح جدا انها تعاني من خجل شديد" حمد: بقعد فالصاله شويه خذي راحتج فالغرفه ما ان سمعت صوت باب الغرفه يغلق حتى رفعت بصرها وتنهدت بارتياح : الحمدلله طلع جنتل وخلاني اخذ راحتي..كنت شاله هم كيف ببدل فستاني جدامه نهضت بسرعه لتستحم وتبدل ملابسها قبل ان يدخل انتهت وجلست في انتظاره ولكنه لم يدخل الغرفه..ترغب ان تنظر ماذا يفعل ولكنها تخجل ان يراها ويقول يا لجرائتها..اخيرا بعد انتظار طويل واصبح الوقت قرب الفجر قررت ان تنظر اليه دون ان يحس بها فتحت الباب بخفه شديده دهشت فقد رأته متمددا فالصاله وهو ينام بإرهاق واضح..احست بأحساسين متضادين :شفقه على منظره المرهق و غضب وعتب فكيف بعريس يترك عروسه وينام في الصاله ..انسحبت الى داخل الغرفه وقررت ان تنام قليلا فهي ايضا في قمه الارهاق *********** " مرحبا سالم...اشحالك؟ سالم: مرحبا ملايين..بخير دامك بخير..هينك يا ريال؟!! صارلنا زمن ما شفناك ولا سمعنا صوتك؟!! يضحك بخفه: والله فالدار...انشغلت ادور وظيفه..انت وصلني خبرك تهيت فالامارات سالم يضحك: يارياا ا ال لا هياته ولا هم يحزنون..كانت رحله استجمام عائلي : هههههه ما اقدر اني على الاستجمام العائلي سالم: انزين هيش علوم الوظيفه :الحمدلله حصلت وظيفه فشركه وراتبها حلو الحمدلله سالم:الحمدلله...الله يوفقك ان شاء الله :انزين ابا الاقيك عندي موضوع سالم:خير ان شاء الله؟ :ماينقال فالتلفون سالم:انزين خطف عليه عقب مغرب ما عندي شغل :صار *********** استقيظ من النوم...تلفت حوله ثم ضرب بيده على جبهته عندما تذكر ليله البارحه "الحين هيش بتقول البنت..ما عنده ذوق..خلاني ورقد برع.. اني كنت احرسها تخلص وغفيت من دون ما احس" نهض واقفا وتوجه الى غرفه النوم طرق الباب خوفا من ان تكون في وضع غير مهيأ ولكن لم يجبه احد فتح الباب بخفه واختلس النظر الى الداخل..وجد الغرفه مظلمه ما عدا ضوء خافت وسالمه غارقه في نوم عميق على السرير دخل بخفه توجه الى الحمام استحم وتوضأ لصلاه الفجر وخرج وصلى فالغرفه لأن موعد الصلاه فالمسجد قد فات وما زالت سالمه نائمه لم تشعر بما حولها...انهى صلاته وتوجه الى السرير ليوقظها استوقف قليلا وهو يتمعن فيها" كم تبدو ناعمه وطفوليه في نومها " نادى عليها بخفه حتى لا يخيفها: سالمه سالمه تشعر بصوت احد يوقظها فتحت عينيها ببطء وهي تعبس وجهها حينما رأته شهقت بعنف وهي تستوي نصف جالسه وتشد لحاف السرير الى عنقها حمد مستدركا: اسف خوفتج!! كنت ابا اقومج للصلاه تنحنحت قليلا حتى تزيل اثار النوم من صوتها: لا عادي..ان شاء بقوم توجه الى الجلسه ليقرأ بعض القرآن ..اعجبت سالمه في داخلها بتدينه..نهضت من السرير بعد ان عدلت بيجامتها وتوجهت الى الحمام لتتوضأ *********** يجلسان على التلال الرملية بعد وقت المغرب والجو من حولهما بارد يلفهما الصمت...احدهما ينتظر بشغف والاخر يفكر فيما قاله له بعمق تكلم بعد فترة صمت ناصر: خلي في بالك يا اخويه انه مهما كان ردكم ما بيغير شي في صداقتنا..اني بس حبيت اعرف ردك ورأي اختك قبل لا اتقدم رسمي..عشان اذا مشي نصيب ما نسوي سالفة للشوبة واذا وافقتوا ان شاء الله من اليوم الثاني حن عندكم نخطب رسمي..نسبكم ينشرى بالذهب سالم: وانت بعد ريال ما تنعاب وكل من يتمناك وانا عن نفسي ما عندي مانع بس تفاجات شوية ..بس الرأي الاخير للبنت..اني بشاورها ان شاء الله وبردلك خبر جريب ناصر : ما تقصر يا اخويه..يضحك بخفة.. بس عاد لا تنسوني تراني اتريي الرد على نار سالم: صبرت اذيه الفترة كلها عزابي مب صابرلك كمين يوم!!!...صدج البني ادم عجول *********** هودة الى صباح نفس اليوم بعد ان انتهت من صلاة الفجر جلست على احدى الكراسي وهي غير قادرة على رفع رأسها اليه من الخجل اخافها صوته فارتعشت بخفه: سمحيلي امس ما كان قصدي اخليج ..كنت احرسج تخلصي وما حسيت بنفسي لما غفيت سالمة وهي ما زالت مخفضة راسها: لا عادي تنهد حمد: اعرف ان الحركة مب حلوة بس والله من دون ما اقصد صارت ابتسمت سالمة في داخلها على برائته: مسموح والله عادي حمد: محتاجة شي؟؟ قاصرج شي؟؟ سالمة: لا شكرا حمد:ان شاء الله ما تعتبتي امس فالعرس؟؟ هزت سالمة براسها بخجل تنحنح حمد قليلا: اذا تبي ترقدي خذي راحتج سالمة في داخلها" اقصايه بس ارقد وانت هنيه " هزت راسها بعلامة لا حاول ان يفتح معها موضوعا عاما..سألها عن عملها وعن عائلتها فقط لكي يتآلفا |
الجزء التاسع
صوت هاتف يتعالى اسماء:هلا والله بالقاطعه مريم تضحك: يايبتلج خبر بمليون ريال اسماء بلهفه: لحظه لحظه بضبط الجلسه دام السالفه فيها اخبار مهمه مريم تضحك بقوه على حب صديقتها لسماع الاخبار المهمه اسماء :هاتي علومج مريم تنحنحت بخجل ثم قالت بصوت جدا منخفض: انخبطت..اقصد انخطبت اسماء تضحك:لا لا باين انج انخبطتي..كلولولولولوووش من سعيد الحظ؟ مريم:توقعي؟ اسماء باستفهام:من يعني؟ حد من عيال عمج؟!!! مريم بابتسامه: ناصر اسماء عقدت حواجبها تتذكر: من ناصر..بعد لحظات فغرت فاها من النتيجه التي توصلت اليها: لا تقولي؟!!! مريم: yes...he is اسماء بصراخ ابعدت مريم على اثره الهاتف عن اذنها: وا ا ا ا ا او...صدج؟ صدج؟ حركا ا ا ات...يعني الريال كان يحب!!! مريم: اششش...وطي صوتج...هيش دراني؟يمكن لعقب فكر فيني اسماء: بحلق لحيتي سوري اقصد شعري اذا ما طلع يحبج من زمان مريم تضحك:واصل يام لحيه الحين مخيله اقول لأخويه اني موافقه اسماء: عادي اخوج بيفهم لو كنتي ساكته انج موافقه ما يحتاي تشق حلجج تنطقي مريم تضحك: اني الغلطانه اللي متصله لج *********** نصرى في زياره لصديقتها العروس الجديده" سالمه" بعد ان استقبلتها وقدمت لها الفواله نصرى: هيش اخبار الزواج؟ سالمه بابتسامه: الحمدلله نصرى:كيف شفتيه معرسنا سالمه:ما شاء الله عليه محافظ على صلاته وبار بأمه وقمه الادب نصرى:كيف تعامله معج؟ سالمه: مب مقصر عليه فشي بس احس كأنه دائما يفكر فشي لما يكون معي...بصراحه ما اعرف اذا كان هو مب قادر يتقبلني ولا اني احس جذي لأني كنت افكر فشخص ثاني لما تزوجته نصرى: يمكن هو بس مخيل فالبدايه..وانتي كيف الحين؟بعدج تفكري فسعيد؟ سالمه:تبي الصدج احيانا وايد يطري عليه بس احاول ابعد اذيه الافكار وما احس افكر فيه وايد نفس قبل نصرى: ما عليه ...صدجيني يوم بعد يوم بتنسيه اذا انتي اصريتي انج تنجحي زواجج سالمه: ان شاء الله *********** ابلغ سالم ناصر بموافقه مريم على الخطبه وتقدم لها رسميا فنفس الاسبوع وتحدد موعد الملكه والزواج عبدالله يدخل الى منزله وينادي على شمسه بضحكه شموس..شموس خرجت اليه من الغرفه : هلا بقلب شموس عبدالله يمسك بيدها ويجلسها بجانبه:عندي خبر متأكد مليون بالميه انه بيفرحج شمسه: قول بسرعه بدون مقدمات عبدالله يشير بابهامه على خده: اول دفعي الضريبه قبلت خده بسرعه: قول عبدالله: ولو انها بارده بس يلله... يكمل بطريقه تشويق: مريم بنت عمي بتعرس شمسه لكزته بكوعها على خصره: يالدب هيش قصدك؟ عبدالله يضحك ويتألم من ضربتها:اباج تستريحي عن الشكوك اللي ما لها معنى شمسه تمسك باصابعه في يدها : بما انك كاشفني ما بنكر عبدالله احاطها بيده: القلب خلاص سلمته لج وما له رجعه من عندج *********** اتريا ردودكم قبل الجزء القادم |
السلام عليكم ورحمة الله وبركاته
مرحباً اختي العود المياس كيف حالك؟؟؟...لقد اشتقت لكِ...ولشخصياتكِ..وآسفة على التقصير ولكنني مشغولة بالجامعة ولا أستطيع فتح النت سوى بالعطل الأسبوعية ..لذلك أرجوا ان تعذري تقصيري....سلمت يداك على الأجزاء الرائعة..رغم قصرها. التعليقات والتوقعات: سالمة وحمد: لم أتوقع ان تجمعي هذين الشخصين..ولكن باقتراب قصة كل واحد من بعضهما...فحمد لازال يفكر بنورة وسالمة لا زالت تفكر بسعيد...فهما الشخصان المثاليان إما لبناء حياة جديدة معتمدة على بداية جدية او لإهمال تلك الحياة والتعلق بماضي قد رحل..وبالنهاية الوصول إلى الفشل الذريع. عبد الله وشمسه: الله يديم عليهما السعادة خصوصاً بعد رحيل شبح مريم المسبب لغيرة شمسه. مريم وناصر: هل كان يعرفها مسبقاَ وهل كان يحبها؟...الله يوفقهما. أعتذر عن التقصير مجدداً...ولكنني مستعجلة ..اعذري ردي القصير دمتِ بحفظٍ من المولى عز وجل أختك نور ^_^ سوريا |
هلا نور سوريا ..فديتج تسلمي على الرد النايس انا حبيت اربط سالمة بحمد للسبب اللي قلتيه وبتشوفوا فالاجزاء الياية شو نهاية هالارتباط ناصر هو سايق الباص اللي كان ياخذها للكلية بس بعد تخرجها بحث عن عمل ثاني والحين تقدملها اتمنى تستمتعي بالجزء الجديد واسمحولي على القصور لاني توي مبتدئة فالككتابة الجزء العاشر كل عام وانتو بخير جميعا ربي يديم تواصلنا حبيت انزل جزء بسيط فايام العيد وان شاء الله يعجبكم *********** يشعر بأنه غير قادر على التحكم في ابتسامته طوال الوقت يبتسم لفرط السعاده التي يشعر بها..يشعر بأن موعد الزواج بعيدا جدا "رقمها عندي من ايام الكليه ودي ارسللها او اتصلها بس ما اقدر ..عيب..اخاف بعدين تهون عني" يتأمل رقمها المخزن في عقله قبل هاتفه وهو يشعر بتوتر يمزقه بين رغباته والعادات والتقاليد ************ كانت تمسح زجاجيات الغرفه حينما دخل اليها حمد كالعاده ووجهه لا يحمل اي تعابير "مساء الخير" سالمه: هلا مساء النور تقدمت منه وهي تتناول منه دشداشته التي خلعها بينما توجه هو الى الحمام ليغتسل عندما خرج جلس بجانبها على الكنبه واسند رأسه للخلف وهو يغلق عينيه سالمه:حمد حمد:هلا سالمه:اغرفلك عشي؟ حمد :لا تعشيت برع مع شباب تعشي انتي صمتت سالمه وهي تدعي الانشغال في هاتفها بينما هي تفكر في حال هذا الرجل فتح عينيه وهو ينظر اليها يتأملها وكالعاده تفكيره يأخذه الى نوره..نفض رأسه ليخرج هذه الافكار منه نهض واقفا وهو يقول:برقد تعبان نهضت سالمه ايضا لتنام بجانبه بعد ساعات احست بحمد يتنفس بقوه استدارت نحوه فزعه وفي نفس الوقت تفتح نور الابجوره جانبها..رأت وجهه يغطيه العرق وتنفسه كأنه يعاني ضيقا مدت يدها بتردد و وضعتها على جبينه لتفجع بحرارته الشديده ركضت الى المطبخ لتحضر ماء بارد وفوطه خفيفه جلست بجانبه ووضع الوعاء على الدرج بجانبها نادته بخفه:حمد حمد حمد: امممه سالمه:حرارتك وايد مرتفعه بحطلك كمادات وضعت الفوطه على جبينه انتفض من برودتها وقلبها ينتفض مع انتفاضته ...سهرت بجانبه طول الليل وهو يعاني من اعراض الحمى حتى بدأ يتماثل للشفا عند الفجر نهض لصلاة الفجر وعاد وهو يشعر بتحسن ..نام بعها براحة حتى الصباح ونهض وكأن شيئا لم يكن تكرر نفس الامر عدة ليالي بعد هذه الليلة ..تبات تسهر الليل بجانبه وهو يعاني من ارتعاشة الحمى وفالصباح تزول كل تلك الاعراض وهو يتجاهلها وكأن شيئا لم يكن ولا يشكر ها ولا بكلمة شكر باردة حتى " بتشوفه اذيه يس بعمره فالليل يوب يمرض ولا اذيه حالة نفسية عندها " سالمة: حمد حمد وهو منشغل في الابتوب امامه ": نعم سالمة: سلامات...اذيه الايام وايد تييك حرارة فالليل!!! حمد: الله يسلمج ..يمكن اختلاف الجو فالليل يأثر عليه سالمة:اهاه " ما بيبرد فؤادي وبيتكلم بصراحة اكثر ولو مرة وحدة بس " "هيش تبيني اقولج !!! اني من كثر التفكير فغيرج تييني حمى لا شعورية..تبيني اقولج اني احب وحدة ثانية وحسرتي فيها هي اللي تمرضني ..على الاقل فالنهار احاول اشغل نفسي باشياء ثانية بس فالليل كل الهواجس الشينة تتلم عليه وما اقدر اطلعها علنيا لين بدت طلع على شكل اذيه الحمى والله حاس فيج وانتي تباتي طول الليل سهرانه عليه وقلبي يعورني عليج بس مب فايدي هالشي " ************ " والله يا نصرى ما تهنيت معه بيومين حلوين...طول ليله مريض وفالنهار كأنه مب شايفني جدامه اني بروحي اللي فيني كافيني ومع جذيه احاول اتغلب على مشاعري واتكشخ له واربش عمري عشان ما اغضب ربي ومشي فايدة احس كأنه ربي يعاقبني على علاقتي بسعيد " " خلاص حبيبتي هدي ..انتي ما سويتي شي تتعاقبي عليه ..يمكن الريال شي شاغلنه ومسببله هموم ..حاول تتقربي منه اكثر حتى لو هو جاف فالكلام مشي اخبث من الحرمة فتليين راس الريال ... " هيش تبيني اسوي اكثر من جيه؟؟" " الحين انتي المتزوجة وانتي اخبر مني فهالامور ...لا تخليه يفكر فشي ثاني غيرج واذا قدرتي حاولي تعرفي هيش مخبي او سألي امه بطريقة غير مباشرة وان شاءء الله فترة وبتعدي كل المتزوجين بداية زواجهم تصير معهم هالاشياء " ************ اتريـ،،،،،،،،،،،،ـااااااااااااااا ردودكم الحلوة |
السلام عليكم ورحمة الله وبركاته
مساء الخير العود المياس .. ماشاء الله عليج كتابتج حيــــــــل حلوه والروايه جدا مشوقه .. في البدايه شدتني اللهجه والحمد لله انها قريبه من لهجتنا الشرقيه وفيها مفردات متشابهه ومالقيت نفسي الا متابعه الاحداث حتى وصلت لاخر بارت مسكين حمد وقلبه المكسور .. واشوفه جدا غلطان اللي ارتبط بسالمه وههو للان متعلق بنووره اتوقع سالمه من زود الفراغ العاطفي بتحاول تتصل بسعيد او ترسله اما حركه راعي الباص بانه يرسل رسالة حب وغرام لمريم هههه قوووويه من جد وعجبتني مريوم بانها ماردت عليه وتجاهلته بس عاد شكله طاح ومحد سما عليه تدرين اكثر شي شدني بالروايه ( شمس وعبد الله ) ههههههههه تكفين لا تحاولين تتسببين مشاكل بينهم والا انا عارفه غيره شموس دايم تخورها وتزعل عبود فديته مشكوره عزيزتي وبالتوفيق ياعسل |
كل عام وأنتم بخير
السلام عليكم ورحمة الله وبركاته
كل عام وانتم بخير...وأضحى مبارك...كيف حالكِ العود المياس؟...يعطيك ألف عافية...لا تيأسي من قلة الردود..وصدقيني مع الأيام ستحصدين متابعات بقدر براعتكِ وإبداعكِ...الله يوفقكِ التعليقات والتوقعات: حمد وسالمة: لابد لها أن تعرف بشان نورة ..وأعتقد بانها ستعرف ذلك منه خلال نومه إذا أنه سيبوح باسم شاغلة أفكاره..في ليله ونهاره..هههههه صرت شاعرة ما شاء الله ههه. شمس وعبد الله :لقد اشتقت لهما...الله يوفقهما. مجدداُ سلمت يداكِ..وتابعي بعطائك هذا وستجدين التشجيع مني ومن زميلاتي العضوات....وفقكِ الله دمتِ بحفظ الرحمن....اختك نور ^_^ سوريا |
كل الشكر لكن اخواتي على المتابعة والردودة المشجعة والجميلة فعلا ردودكن تعطيني دافع للكتابة ههههههههه تصدقن لما اكتب عن شخصية فالقصة احسني اعيش حكايتها واكتب بكل احساس اتمنى اكون بصدق امتعتكن الجزء الحادي عشر قراءة ممتعة تمت ملكه ناصر ومريم في حفله بسيطه على ان يتم حفل الزفاف بعد 3 ايام في نفس يوم الملكه كانت شمسه في زياره الى بيت اهلها وكانت في انتظار عبدالله الذي قال لها انه سيأتي خلال 5 دقايق...كان الوقت قد تجاوز ساعه منذ اتصاله وبدأت شمسه تقلق عليه كانت قد اتصلت عليه اكثر من مره ويعطيها نفس النتيجه " الجهاز مغلق" مروه"اختها": شمسه!! بتبكي؟!! مشي باس ان شا الله..يمكن لاقي حد من ربعه وانشغل معه حينها بدأت شمسه بالبكاء فعلا: ما يسويها عبدالله..انزين ليش مبند جهازه؟ مروه: لا تفاولي على الريال..بيكون خلص الشرش شمسه: هين خالد؟ اباه يتصل لربعه يسألهم عنه وخرجت من الغرفه تبحث عن اخاها.. خالد:انتي بعدج ما روحتي؟ شمسه:خالد حبيبي اتصل على ربع عبدالله تأخر عليه واتصله تلفونه مبند انتقل القلق الى خالد:صبري..اتصل على بعض رفاقه وذكروا انه ليس معهم خالد:يقولو ما شافوه من العصر شمسه: ياويلي!! هيش صارله؟!! خالد:سكتي لاتصيحي بتشوف ولد عمه اذا شافه...اتصل بسالم: هلا بوغنيم اشحالك؟ سالم بارتباك:هلا خالد..انت هين الحين؟ خالد:اني فبيت هلي اقولك شفته عبدالله؟ حرمته تقول قايللها بيي بعد 5 دقايق وله ساعه من اتصل سالم: عبدالله سوي حادث واني الحين فالمستشفى نط خالد واقفا:هيش؟!! هيش صار عليه؟! مع وقفته وقفت شمسه ايضا بقلب ميت وهي تجذبه من ذراعه حتى يخبرها بما يجري تناول يده من يدها وحوطها بها انهارت تبكي على صدره خالد:خلاص سالم الحين ياينك اغلق هاتفه ونظر الى المنهاره بكاءا في حضنه : ادعيله يطلع حادث بسيط...يالله بسرعه بنروح المستشفي شمسه:دقيقه بييب عباتي ************ بعد مضي شهر ونص على زواجهما كانت سالمه تعاني من بعض اعراض الحمى طلبت من حمد ان يأخذها للمستشفى انزلها هناك وذهب الى عمله ..كان الوقت بعد صلاه المغرب والمستشفى تفتح العياده العامه فقط من قسم الرجال تقدمت سالمه من مكان فتح الزياره وجدت الكثير من الرجال هناك تراجعت الى كراسي الانتظار حتى يخف الازدحام بعد دقايق تقدمت نحو نافذه فتح الزيارات ولكن مبتعده قليلا حتى لاتقف بجانب الرجال ..اثناء ذلك لفت نظرها شاب يقف ناحيتها ولكن ما الذي لفت نظرها فيه " سبحان الله كأنه هيئة سعيد من وراء " احست بالحنين يجتاحها ولكنها احست بسهم اخترق قلبها حينما التفت الشاب قليلا وتبين انه سعيد فعلا..اصبحت كالتمثال لا يتحرك فيها شيئا سوى تلك الدموع المتمرده..لم تتوقع رؤيته امامها بل لم تتصور حدوث ذلك لذلك كان شعورها وحركتها غير محسوبه..ظلت عيناها الدامعتان متعلقتان به وجسمها ثابت دون حراك وما فجر قلبها وحوله الى شظايا ما حدث حينها.... ************ كان يمشيان سريعا كأنهما يركضان عند قسم الطوارئ حيث رأيا سالم واقفا عند باب غرفه العمليات خالد: هيش قالولك الدكاتره؟ سالم: بعدهم ما طلعو خالد:هيش صار بالضبط؟ سالم: كنا طالعين نتمشي فالبر وحن راجعين سيارته كانت جدامي ويوب يبا يقطع الشارع يات سياره مسرعه ودعمت سيارته من جدام خلتها تنجلب جلبتين..تيبست مكاني ما اعرف كيف طلعناه من السياره خالد بانفعال: وراعي السياره عور؟!! ما يشوف جدامه كيف كان حالته يوب طلعتوه؟ سالم: كان تعبان وايد ومترضض بس كان بعده صاحي مب دايخ كانت شمسه تستمع للحوار بصمت وكل جمله منه كأنها تسحب انفاسها منها نفس نفس حتى بدأت تشعر بضيق فالتنفس اخذت تتمتم في داخلها " يارب احفظه لي ولولده يارب..يارب عبدك ضعيف ماله حيله على قضاك اللهم اني لا اسألك رد القضاء ولكني اسألك اللطف فيه..ربي قومه بالسلامه واحفظه من كل شر" ************ التفت سعيد الى المرأه الواقفه بجانبهم قليلا : هاتي كرتج بفتحلج زياره بدل ما تقعدي تحرسي الرياييل لين يخلصوا لم يتبادر الى ذهنه ان تكون هذه المرأه هي نفسها التي كان يعرفها سابقا ولأنه لم يكن يعرف اسمها الحقيقي لن يستطيع معرفه شخصها اما هي فقد كانت في عالم آخر وعندما حادثها مدت يدها لا اراديا ووضعت كرتها الصحي في يده وهي تشعر كأنما وضعت روحها معه..تطلع هو الى الاسم ثم قدمه الى الموظف الذي استخرج زياره لها ثم نادى بأسمها فتناوله منه سعيد وسلمه اليها لم تكن تستطيع الحديث فدموعها تخنقها واذا تكلمت سيظهر في صوتها انها تبكي لم تستطع شكره الا بهزه من راسها وابتسم هو بدوره لها وتقدمها الى العياده ما ان تجاوزها حتى اغمضت عينيها بشده وهي تشعر ببركان يتدفق عبر قلبها تذكرت احد احاديثهم سابقا " سالمه:تعرف...لما تقولي انك بتروح مكان وما تقدر تدخل مسن اقعد افكر انه اذيه الايام واحس بضيق لما افكر انك ما بتدخل كيف عاد بعدين لما بنترك للابد؟! سعيد: لا تذكريني..اني دائما افكر فأذيه الموضوع احس بحراره تولع فصدري مب قادر اطفيها عشان جيه احاول ابعد تفكيري عنه حاليا" هاهي الان تشعر بالحراره التي تحدث عنها سابقا وهي تراه امامها " ليش مكتوب علينا الشقى وما نعيش مع اللي نحب دام كلنا نحب بعض" مسحت دموعها من تحت غطائها وهي تقول "اللهم لا اعتراض" ************ انتشر خبر الحادث عند الجميع فهب كلا من له علاقه الى المستشفى..وصل والدا عبدالله و والدا شمسه واخواتها وبعض اصدقائه واصبح المكان يعج بالبكاء من قبل شمسه و والده عبدالله ما ان سمع ناصر بالخبر حتى اتصل بسالم بصفته نسيبهم الان ولكن هاتفه كان مغلق توجه الى منزله وطرق الباب فتحت له فتاه متغطيه اشاح ناصر جانبا : السلام عليكم لم تشاهد مريم وجهه لأنها كانت خلف الباب ولكن ما ان سمعت صوته حتى عرفته اكتساها الخجل الشديد:وعليكم السلام هو عندما سمع صوت الفتاه علم انها مريم التي اصبحت زوجته قبل يومين :اشحالج؟ مريم وقد اختنق صوتها:بخير الحمدلله ناصر: سمعت حد من عائلتكم سوي حادث واتصل على سالم يتعذر عسى ما شر ؟ مريم بحزن بان في صوتها: ايوه عبدالله ود عمي وسالم والجماعه كلهم عنده فالمستشفى ما نعرف كيف حاله الحين ناصر:اهاه..خلاص اني بروحله الحين مريم بتردد: ناصر الله يخليك طمنونا عليه خلي سالم يفتح تلفونه ناصر من دون شعور: من عيوني ما ان ركب سيارته حتى نفخ بقوه وهو يبتسم ابتسامه عريضه: يالله قلبي بيوقف من لما سمعت صوتها شكلي بشكره سالم عشان بند تلفونه..صدج مصائب قوم عند قوم فوائد ************ جلست تنتظر دورها حتى تدخل على الطبيب..مرت عليها تلك الدقايق ساعات من الالم المرير وهي تراقب تحركات سعيد وهو في الانتظار ايضا ودموعها الامنتهيه تنسكب بغزاره مع عبراتها التي تكاد تختنق بها.. نهض حتى يحادث الممرضه التي تقف فالاستقبال احترقت من الغيره وهي تراه يبتسم معها " ياسلام عليه الشيخ واقف يتضحك والانسه ما خالف عليها..ما يقدر يقعد يحرس حاله حالنا؟!!" لم تشعر بنفسها وهي تنهض مسرعه لكي تسحبه بعيدا عنها ولكنها تمالكت نفسهاو قالت: لو سمحتي شوفي كم واحد جدامي فالدور تعبانه وايد تراجع حينها سعيد الذي كان ايضا يسأل عن دوره الى مقعده عادت الى مكانها وهي تكاد تدمي شفايفها لكثره عضها عليها " اني الحين هيش دخلني اغار عليه! خلاص اللي بينا انتهى والريال حر فاللي يسويه" عادت لمد شفايفها بحزن "لا مب حر..هو يحبني اني المفروض ما يكلم حد ثاني" "بس انتي الحين متزوجه وهو مصيره بيتزوج" " اعرف انه اللي بينا خلاص بس مب من حقه يجرحني ويكلم حد جدامي" "وهو هيش دراه انه اللي جدامه انتي عشان يراعي مشاعرج بعدين انتي وراج ريال وعيب تفكري فغيره " مسحت دموعه وقد حان دورها للدخول..جلست عند الطبيبه وكشفت غطائها الطبيبه: سلامتك..فيكي ايه؟ سالمه:الله يسلمك شويه حمى وزكام الطبيبه: ومالها عيونك؟ انتي كنتي بتعيطي؟ للدرجه دي تعبانه؟ سالمه بحرج: لا دكتوره مب تعبانه وايد الطبيبه: امال ايه اللي مزعلك يا حلوه؟ حينها تساقطت دموعها من جديد وكأنها كانت تنتظر نبره الحنان تلك لتنطلق في موجه جديده الطبيبه: في ايه يا حبيبتي؟ سالمه: مشي..متضايجه شويه وابا ارجع البيت عالجيني بسرعه الطبيبه: هونيها وتهون ان شا الله ************ |
افآآآآآ توني اوصيج على عبيد واقولج حطيه بعيونج يااا مجرمه ويصيده حادث
وانا اللي طار عقلي وخفت عليه اوب شمسه خخخخخخ طهور ان شء الله ويارب يطلع بالسلامه ويرجع لزوجته وكل اللي يحبونه ناصر .. والله هالمتفيج .. الناس بوادي وهو بوادي .. ومتشفق من الوناسه الاخ كلها ثلاث ايام وتصير مريومه عندك وفبيتك وساعتها بتستانس عدل مدل الا تعالي مياسه .. كيف عندكم بسرعه كذ الملكه وبعدها بس كم يوم لزواج ليش مستعجلين ماتلحق العروس تستعد نفسيا ولا يمديها تجهز نفسهاا ... اما سالمه ذي احسها هبله .. وش هالتصرفات الغبيه مالها حق ابد ابد امحيه من عقلج بالمره .. كان هجيتي من المستشفى بكبرها ولا انج تتمقلين فيه وتعذبين نفسج .. عورني قلبي والله ماحب مثل هالمواقف مشكوره ميسو .. تسلم اناملك بس حددي لنا موعد لنزول البارت فديت قلبج : شمــــــــــــــــــــــــس :) |
هههههههههههههه قسم ياتني ضحكه لما قريت ردج
فديتج خلاص انتي شمسة لاززم نسوي حماس فالقصة احنا عندنا الملكة اختيارية ..اما تكون قبل الزواج بكم يوم او تاخذ فترة وطبعا هم حددوا وقت الملكة والزواج من فترة فيكون عندها وقت تخضر نفسها نفسيا للزواج اما سالمة لا تلوميها ..القلب صعب ينسى بسرعة وهي ما صارلها فترة طويلة منفصلة عن سعيد وشوفته جدامها حركت المشاعر اللي تحاول تدفنها واي شي فالحب مرفوع عنه العتب امممممممممممم ..انا موظفة ولما افضى اكتب فمااقدر احدد وقت محدد بس انا تقريبا ما اتاخر وايد فالاجزاء يعني اذا كثرت يوم يومين وانزل جزء |
*
الجزء الثاني عشر قراءة ممتعة *********** خرج الطبيب من غرفه العمليات واخبرهم انه الان بخير ولكنه سيبقى تحت تأثير المخدر لمده يومين بسبب الالام الشديده في عظامه ولكن الخبر السيء سالم بفزع: يعني هيش يا دكتور؟!! ما بيقدر يسير؟ شمسه كانت في حاله ارتياح لأنه ما زال على قيد الحياه وهلع شديد من مصير حياته وهي تضع يدها على قلبها في انتظار حديث الدكتور الدكتور: ما تئولش كده يا ابني..ان شا الله حيئوم ويمشي زي الاول هو بس عنده تحرك بسيط فالفقرات ومحتاج انه يظل لمده 3 شهور لحد ما تلتئم الفقرات خالد: يعني اكيد دكتور بيلتئمن؟ الدكتور:كله بأيد ربنا اهم حاجه ما يحاولش يئوم فالشهر الاول ويكون نايم على ظهره طول الوقت تنهدت شمسه بأرتياح وهي تتمتم بالشكر والادعيه لله وتعاهد نفسها على ان يعود عبدالله بأذن الله الى مثل ما كان ************ اتصلت في حمد لكي يعيدها الى المنزل طول الطريق كانت سرحانه وترد عليه بأقتضاب حمد: سالمه اشفيج؟ كأنج متضايجه؟ سالمه بضيق واضح:ما فيني شي بس راسي مصدعني صمت حمد على مضض تقديرا لحالتها الصحيه ولكنه لا يسمح لها ان تحادثه بهذه الطريقه دخلا الى منزلهما...تقدمته الى غرفه النوم دخل اليها حمد ووجدها مسترخيه على السرير حمد:هيش تبي عشي؟بطلب من مطعم وهي ما زالت مغمضه عينيها :مابا شي مالي نفس جلس حمد الى جانبها ومال عليها يتحسس جبينها قال لها بنبره حنان عميقه:حرارتج مرتفعه لازم تأكلي شي عشان تاخذي دوي فتحت عينيها تأملت وجهه القريب جدا منها ثم ابتسمت مالت بجسدها ناحيته: ما اقدر اكل شي والله.احس بلوعان فحلجي من الحمى..تعشي انت عليك بالعافيه حمد: اني بمشي حالي بخبز وجبن نهضت جالسه: اني بقوم اتسبح ابا اغسل عني الحراره ************ " سالم افتح تلفونك..اني مشيت ادورك من بيتكم والاهل قالولي خليه يفتح تلفونه" سالم: بندته بعد ما خبرت خالد..ما كان لي بارض اكلم حد في تلك الاثناء كان يفتح هاتفه وصلته العديد من رسائل وينك اغلبها من رقم زوجته هدى ومن رقم مريم وباقي الارقام لبعض الشباب اصدقائهم استأذن من ناصر وذهب بعيدا قليلا حتى يتصل بزوجته اجابت من اول رنه هدى بلهفه: الو..سالم حبيبي هينك؟ خوفتني عليك..بغيت اموت من خوفي عليك سالم: بعد عمري..اني بخير لا تخافي هدى: متى بترجع البيت؟ما بتطمن غير من اشوفك جدامي سالم: بس لحد ما يطلعوه من العمليات ونطمن عليه هدى:اوكيه حبيبي..اترياك سالم:مع السلامه هدى: فحفظ الرحمن جاءه اتصال من مريم سالم: هلا مريم مريم: هلا..كيف حالكم؟هيش صار على عبدالله؟ ليش مقفل تلفونك؟ سالم يضحك: شوي شوي..محضر؟ تراني مب ناصر عشان تستجوبيني مريم بخجل:بايخ..كيف حال عبدالله؟ سالم بجديه:الحمدلله يقول الدكتور بخير..خبري هلي عاد الى ناصر سالم: ناصر اذا تبا تروح خذ راحتك ناصر: لا والله بنتطمن على عبدالله قبل سالم: يا اخوك اسمحلنا اكيد بيتأجل عرسكم شويه..استسمحلنا من اليماعه..ما نقدر نسويه باكر ناصر: افا عليك ...من دون ما تقول اصلا..مستحيل نسوي عرس وعبدالله تعبان سالم: ما تقصر يا اخوك..ريال ************ |
صباااح / مسآآ / الخير ميسوو ...
عساج ع القووه عزيزتي ومشكوره ع البرتوت اللي طمنا على عبوود وعقبال مانشوفه طالع من المستشفى يمشي على ريوله حتى لو بعد كم شهر مو مشكله اهم شي سالم وبخير سالمه وحمد .. يمكن ينكسر البرود اللي بينهم بمرور الوقت ويساعدون بعض عشان يصيرون زوجين طبيعين شكله الحين دور حمد يسهر ويتعب مع سالمه ناصر .. الله يعطيك على قد نيتك .. ننتظر الحماس بعلاقتك بمريم وشهامتك بتسبب لك بمواقف محرجه انت ماتبيها مشكوره مياسه .. وبانتظارك دووم |
مراحب بنور العيون سوووووووووووووووري كبيرة على التأخير بس ظروف احكمتني الجزء الثالث عشر بعد مرور يومين تم فيها نقل عبدالله الى غرفه التنويم العاديه واستعاد وعيه وتنفس جميع محبيه الصعداء بخروجه حيا من ذلك الحادث المرعب..لم تتوقف دموع شمسه خلالها من الفرحه بسلامته..اصرت ان تبقى معه فالمستشفى ولكن لم يسمح لها بالبقاء في قسم الرجال حسب قوانين المستشفى ********* كان يجلسان على الشاطئ في وجود ضوء القمر ويتحدثان بعد دقائق صمت قال ناصر مترددا قليلا:سالم ابا اقولك شي استغرب سالم حديث ناصر ولكنه قال:آمرني ناصر:ما يآمر عليك عدو..."مسح على جبينه محرجا مما سيقول" احم.. ضحك سالم: وبعد التحمحيمه!! قول هيش عندك؟ تبا تعرس؟ ناصر:لاا ا ا يا اخوك اعرف ان الوقت مب مناسب للعرس..اعرف انه عرسنا بيتأجل شويه بس الحين مريم رسميا حرمتي توجس سالم :صح ناصر: اني ابا اكلمها بالتلفون ضحك سالم بشده وناصر ينظر اليه محرجا..بعد ان انهى موجه ضحكه:انت تعرف يا ناصر انه حن مب عندنا هالعاده ناصر: بس يا اخوك الحين هي حرمتي واني ما طلبت شي حرام سالم:انا اتفق معك بس هيش بيفهم شوبتنا ناصر:حاول فيهم فديتك سالم:الحين عشان مريوم صرت بتفداني هاه!!! ناصر:ههههههه يا اخي الدنيا مصالح سالم:انزين يا ابو المصالح اني بشاور مريوم قبل واذا وافقت فالك الطيب بس ها ا اه... مشي كلام غزل منيه مناك ناصر يضحك: عيل بس كل يوم بقولها كيف حالج وببند ******** بعد اللقاء مع سعيد فالمستشفى احست بان جروحها بدأت تتفتح وتعود مشاعر الماضي اليها ..بدأت تهمل في علاقتها بزوجها حمد دون شعور منها...وما ساعدها في ذلك ان حمد نفسه كان فكره مشغول بأخرى وكأن كلا الشعورين اجتمعا ليزيدا من حجم الفجوه بينهما الى تلك الليله كانت مستغرقه فالنوم ورأت في منامها انها تقف على جدار معين وهي تلتفت بخوف ثم بدأ هذا الجدار بالتزلزل من تحتها نظرت بخوف الى الاسفل فرأت وجه حمد يضطرب مع الحركه ...تحركت بعنف في نومها فاستفاقت بخوف وهي جالسه وهي تتمتم " اعوذ بالله من الشيطان الرجيم بسم الله الرحمن الرحيم" نظرت الى جانبها رأت حمد مستغرقا فالنوم عادت للتمدد وهي تنظر ناحيته وتفكر " هيش تفسير الحلم ياترى؟ وليش شفت حمد بالذات؟ ياربي وايد خايفه ...باجر بتصل فندى تدرس فتفسير الاحلام" مدت يدها لا شعوريا لتلمس وجه حمد ولكن ما ان وصلت يدها الى خده ارجعت يدها الى حضنها بخجل..." هيش كنت بسوي؟اوف اذا حس فيني هيش بيقول" مازالت تشعر بالخجل من التعامل معه باريحيه الازواج ظلت طول الليل تفكر فالحلم وتضع له تفسيرات عديده ******* " ماباا ا ا...مابا ا ا ا" سالم يمسك بيدها ليجلسها وهو يضحك: ليش ما تبي؟ تعالي جلسي جلست بجانبه واطرقت رأسها خجلا: اخيل..سالم اذيه بعده يعتبر ريال غريب بالنسبه لي سالم بهدوء وعقلانيه:ويعني بعدين اول يوم زواج ما بيكون ريال غريب؟!!بالعكس لما بتكلميه الحين بيخفف من خيلك بعدين صمتت قليلا:اعرف..بس والله صعبه..على الاقل لما بنتزوج اكون عارفه انه شي بديهي اقعد معه بس الحين الامر بأختياري سالم: صدقيني الحين لأنج على البر تقولي جيه بعدين لما بيكلمك بتحسيها عادي.."ثم كمل بخبث"ويمكن انتي بعدين تتصليله ضربته مريم بخفه:يالدب ما فيك ادب ضحك سالم:انزين هيش نقوله؟ مريم:بس اذا حسيت بالخجل بسكر عنه تلفوني نهض سالم وهو يبعثر شعرها:دفشه |
اعتذار كبيـــــــــــــــــــــــــــــــــــر اقدمه لكل من يتابع قصتي على التاخير الجزء الرابع عشر****** دخلت الى جناح الرجال تمنت في داخلها الا يكون معه زوار رجال...لم تسمع صوتاخلف الستار فدخلت بابتسامه عريضه " احلى واغلى شي فحياتي لما اشوف وجهك جدامي" ادار وجهه ناحيتها: هلا قلبي حد ياي معج؟ ضحكت برقه: لا امان..اليوم وقت ناخذ راحتنا بدون الدخيلين ولو انه فخاطري اني اقعد معك طول اليوم بس ما طاعوني عبدالله يمد يده ليمسك بيدها:تصدجي!! ما ياني شك ابدا فأنك تتخلي عني واني فأذيه الحاله..اصيله يا قلبي ضغطت بقوه على يده: ولا يجي فبالك ابدا انك تفتك مني..لزقه عبدالله:ههههههه واحلى لزقه تجهم وجهه قليلا :الله يعدي الامور على خير.. مب قادر استحمل اني اكون عاله على حد..اخواني يشيلوني ويحطوني..خايف من الحياه كيف بتكون شمسه بنبره اصرار:ومن قال انك اذا طلعت بالسلامه بتروح بيت هلك!! انت بتروح معي البيت..انا معاهده نفسي اني ما اخليك تحس انك محتاج احد طول ما انا عايشه..وانا زوجتك واللي بينا اكبر من اللي بينك وبين اي حد ثاني عبدالله: بس امي قالت بتشلني معها البيت شمسه:خالتي اني أتفاهم معها اذا حبت تقعد معك حياها البيت مفتوح وبحطها على راسي.. بس اني اخلي حد ثاني يجرب منك واني موجوده لا والف لا ********** رنه هاتف تتعالى نظرت الى شاشه هاتفها فارتعبت خجلا " ناصر يتصل بك" تردد اصبعها على الزر الاخضر وهي تحاول ان تتمالك اعصابها حتى تجيب عليه ولكن انتهى الاتصال وهي لم تجيب بعد تنفست الصعداء ولكن لم تسترح كثيرا فقد عاود الاتصال مجددا..عدت الى الثلاثه وضغطت على زر الاجابه ناصر:السلام عليكم مريم بصوت منخفض جدا: وعليكم السلام ناصر: اشحالج؟ مريم: تمام..اخبارك؟ ناصر بابتسامه عريضه: بخير دامج بخير صمتت مريم بخجل ضحك ناصر بخفه: سالم شارط علينا ما نقول شي غير الاخبار ابتسمت مريم ناصر:بس لاتصدجي عاد مب علينا منه..هيش اخبار عبدالله؟ فضل ان يبدأ معها بحديث عام حتى تتعود عليه لأنه يعلم شده خجلها الان ******* " فحياتج مشكله تتعلق بزوجك والافضل انج تلقيلها حل بسرعه ولا بتتهدم حياتج هذا والله اعلم" "كيف ممكن انهي كل اذيه التوتر فحياتي..من غير السر اللي عندي اني احس انه فحياته هو سر كبير بس كيف بعرفه" افضل شي احاول افهم هيش فخاطره من عمتي واذا ما قدرت بجلس معه جلسه صراحه واللي فيها فيها ******** "طول اليوم اتصالات ناصر ؟!! عاد قلنا خذ راحتك بس مب يصدق عمره وايد" اخفضت مريم عينيها خجلا: واني هيش دخلني؟هو يتصل مب اني سالم بابتسامه مكتومه: لاتردي عليه ازداد خجل مريم: فضيحه يتصل وما ارد عليه كان سالم على وشك التعليق لولا تدخل هدى: وانت هيش دخلك بين الريال وحرمته؟ كيفهم..على الاقل ناصر طول اليوم يفكر فيها ويتصل مب مثل بعض الناس يمر يوم كامل حتى مسج يبرد الخاطر مشي ضحك سالم: اهاه بدت الغيره..ما قصرتي مريوم هدى: لا تلتفت على مريم اذيه الخروفه من زمان فخاطري بس ما يي وقتها المناسب فضلت مريم الانسحاب الى غرفتها حتى يأخذوا راحتهم فالعتاب سالم بضحكه: ما يستوي تقارني بينا وبينهم حن غير وهم غير هدى بغضب خفيف من ضحكه:ليش غير؟ كلنا ازواج والمشاعر اللي بين الزوجين ما تختلف الا اذا كان الزوجين مب متفقين لاحظ سالم من غضبها بأن الامر جدي نهض واقفا حينها كادت هدى ان تفقد صوابها" لأذيه الدرجه مستخف فيني يروح والكلام ما خلص بينا!!" ولكنه سحبها من يدها حتى وقفت وارتطمت بصدره بشده همس في اذنها:تعالي غرفتنا وسحبها معه الى الغرفه .. اجلسها على السرير واغلق الباب ثم عاد اليها: اللي بينا اكيد غييير ..انا وانتي حكايه غير..اللي بينا اعمق واكبر بوا ا ايد ..هم محتاجين اذيه الاتصالات عشان يتواصلو بس ما يطلع جدام بحر الاتصال اللي بينا..انا بس شوفتج جدامي تموتني وتحييني ليش الاتصال اذا كنت اقدر اشوفج جدامي كل ما اشتقتلج والشوف غير عن السمع لانت نبره هدى : بس ما يضر التغيير فالتواصل امسك سالم بيدها وقبلها: على هالخشم ******** |
بارت صغيرون الجزء الخامس عشر ****** " اليوم وحده من المعلمات تخبرنا عن مشكله وحده من ربايعها..تقول تحس ريلها متغير وخايفه يكون متزوج عليها" حمد بهدوء:وهيش اللي خلاها تحس بجذيه؟ سالمه بنبره مقصوده:تقول صار له فتره يسرح وايد ودوم يفكر ومهمشنها وايد..كأنه محد موجود عنده حمد:يمكن الريال شي شاغلنه سالمه:مثل هيش يعني؟ حمد: يمكن مشاكل فالشغل سالمه: لو بيخبرها تراها زوجته حمد:وهيش اكتشفت؟ سالمه:بعدها ما عرفت شي ..ما تعرف هيش تسوي؟ حمد:تجلس معه وتسأله سالمه: حاولت تعرف منه قالها مشي اني طبيعي مثل ما كنت وسألت عن اوضاعه حصلت اوضاعه الماديه تمام..هيش ممكن يخبي الريال عن زوجته؟ حمد:الريال ما يخبي عن زوجته الا اذا كان عنده مشاكل فلوس او فقلبه حد ثاني سالمه بنبره مقصوده:وانت من اللي محتل قلبك؟ " فالصميم ياسالمه" التفت اليها بحده وامعن النظر فيها ثم قال: هيش قصدج؟ سالمه: قصدي واضح .من اول ما تزوجنا وانت فعالم وحدك..فالبدايه قلت شي طبيعي بعدنا ما اخذنا على بعض بس الوضع استمر وانت مهمشني على الاخر.. اسمي زوجه بس ولا انت عقلك وقلبك فعالم ثاني حمد:كل اذيه اني مسونه؟!! سالمه:حمد انت ما تلاحظ على نفسك..ما تتكلم معي الا اذا اني فتحت معك موضوع وترد عليه بردود عامه..قلت يمكن شي مشاكل عندك مخبنها عني..سألت وكل امورك تمام..هيش اللي يمنع انك تدخلني فقلبك؟!!انت بروحك قلتها " اذا كان فقلبه وحده ثانيه" حمد: من قال اني ما احبج!!انتي زوجتي سالمه: . انا اعرف كيف يكون تعامل الازواج المتحابين مع بعضهم وابدا ما ينطبق علينا..حمد اني مب قصدي اجبرك تحبني..بس حياتنا اذا استمرت فكل اذيه الغموض بييها وقت وبتنهار. نهض حمد واقفا واتجه ناحيه النافذه ووقف ينظر الى الخارج صمتا لفتره سالمه:حمد ارجوك صارحني وتأكد اني ما بهول الموضوع..انا انسانه فاهمه ومتعلمه وانت تعرف اني قد كلمتي ولا تقول مشي لأني اعرف انك مب خالي تكلم حمد وهو ما زال معطيها ظهره: السالفه جديمه..وانتهت من قبل لا نتزوج حتى..حب يهال ومن طرف واحد بعد وكلن روح فحال سبيله لا اراديا شعرت سالمه بالدموع تنسكب من عينيها لم تستطع مقاومه شعور الحزن بأن رغم تلك الفتره التي عاشتها معه وما زال غيرها يحتل قلبه التفت حمد اليها ليرى لماذا سكتت وجدها تمسح دموعها توجه ناحيته مسرعا :سالمه حبيبتي صدجيني السالفه انتهت سالمه :حمد اني ما احاسبك على ماضي لك قبل ما نتزوج بس اللي ما اسمح فيه انك تفكر فيها وانا على ذمتك حمد:والله شي من غير ارادتي سالمه: لو قاومت بتقدر تنساها بس اللي اشوفه انك مستسلم للامر وكأنه عاجبك نهضت وتوجهت الى الحمام لتفرغ دموعها بعد مضي 10 دقايق من النشيج والدموع خرجت وانفها محمر..تلقف وجهها بيديه: لا تسوي بنفسج جذيه..انا اسف والله اسف..اوعدج قد ما اقدر انساها وانتي ساعديني..انتي بعد لا تشوفيني سرحان وتخليني اغرق هزت رأسها ايجابا ضمها الى صدره بقوه... لاول مره تشعر بالاستكانه الحقيقيه في صدره ******** |
الجزء السادس عشر
كتب له الطبيب خروجا من المستشفى على ان يبقى فتره طويله ممددا على السرير الا ان يشفى ظهره اصرت والدته على ان يذهب معها الى منزلها ولكن شمسه اصرت على ان تعتني به هي في منزلهم لأنها لن تستطيع ان تاخذ راحتها في منزل اهله مع اخوانه وبعد جهد جهيد سوي الامر على ان تقيم معهم والدته لفتره لأنها لا تستطيع تركه وهو في هذا الحال بعيدا عنها... كانت شمسه هي من تحممه وهو على سريره بواسطه فوطه مبلله وهي من تساعده على دخول الحمام الذي يجهده ويجهدها كثيرا ولكنها سعيده بهذا القرب ********* "تصدجي.." مريم:لا ما اصدج ناصر بضحكه: تسمع!! متهزيه وحده مريم تضحك: سوري امزح قول كمل ناصر يرجع لموضوعه: كنت اظن المكالمات بتصبرني لين يوم العرس بس احسها زادتني شوق كاد وجه مريم ان ينفجر من شده الخجل واسكتت تماما ابتسم ناصر وهو يعلم انها وصلت اخر مراحل الخجل الآن ولكنه اكمل عليها: ما اقول غير الله يسوق اذاك اليوم بسرعه يا اني ناوي لج نيه وضحك لم يسمع بعدها ردا الا صوت اغلاق الهاتف ناصر:ما عليه يا مريوم يا قلبي..دواك عندي ******* "ابويه ناصر كلمني يقول يبانا نحدد موعد العرس بعد ما تطمنا على عبدالله وطلع بالسلامه" شرقت بلقمتها خصوصا انها كانت محد انظار الجميع المبتسمين "سويتها يا نصور" نهضت واقفه..قال لها سالم بلؤم :على وين قعدي كملي قهوتج نظرت اليها بحقد وذهبت مسرعه الى غرفتها ضحك سالم على خجلها بينما قال له والده :قوله بعد اسبوعين اذا يناسبه سالم بمرح: اكيد بيوافق حتى لو تقوله باجر بيقول حاظرين الوالد: الله يوفقهم ان شا الله في غرفه مريم تمسك هاتفها و تحادث نفسها" نصور الدب جذيه تحرجني وتخلي سلوم يهذر عليه جدام هلي؟! المشكله ما اقدر اعاتبه الحين ..استحييي فاجأتها رنة رسالها "موعدنا بعد اسبوعين" ارتعبت من الفكره "اي موعد؟" "عرسنا يا قلبي" لم تستطع ان ترد عليه وقررت في نفسها ان لا تحادثه فالهاتف الى يوم الزفاف.. ***** صرى:كيف اموركم الحين؟ سالمه : الحمد لله احسن ولو انها ما تعدت حدود الاحترام والتقدير نصرى: انا متفائله خير ان شا الله انكم بتحبوا بعض وبتنسوا حبكم الاولي مع الوقت سالمه :تصدجي..بالرغم اني مب ندمانه على معرفتي بسعيد بس فيه قلق انه حمد يعرف فيوم ويحمل الموضوع فوق قدره نصرى :لا تخافي حبيبتي الكلام اللي بينا مستحيل حد يعرفه الا اذا الكلام طلع منج انتي او سعيد سالمه :مستحيل سعيد يقول شي.. ثم اكملت بنبره حالمه: الشعور اللي قدملي اياه سعيد مستحيل انساه او ابدله بشعور ثاني ..احساس حلو وغير ومهما عرفت بعده احد مستحيل احس بنفس الاحساس يكفي وجوده اسمه فحياتي اللي اعتبره شي غالي جدا نصرى بنبره تأنيب: هيش قلنا؟؟يعني تنصحي حمد وانتي ما تنسي!! تنهدت سالمه بيأس..ثم ابتسمت وهي تضع يدها على بطنها : فيه شي فالطريق اتمنى يحسن الاحوال بينا |
تغلق لتاخير
|
رد: ما ابي الدنيا ابيك انت ..لانك انت غير
تنقل للأرشيف
|
| الساعة الآن 07:13 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية