منتديات ليلاس - أسئلة محرجة / بقلم : عاشق فن إرتواء العقل

بسم الله الرحمن الرحيم

أسئلة محرجة

http://upload.illaftrain.co.uk/uploa...ges/hyt6h4.jpg

نلف منتديات كتيرة ونلاقى أسئلة أكتر نحسها محرجة وهيا فى الأصل من أصل حياتنا واقعية ومش محرجة
وكتير بنسألها لنفسنا ومش بنجاوب عليها لأننا كده فالحين منجاوبش على نفسنا بس بنجاوب حلو أوى على غيرنا
ونفضح نفسنا قدام الناس وفى ناس تحس أنها فضيحة حلوة حاسه أنها كده بتشهر نفسها
يا سلام على الغباء اللى كان زمان بيتقال عليه ذكاء ودلوقتى بنقول عليه عبقرية صامتة يا حسرة عليها العبقرية
عبقرية أيه وذكاء أيه يا ناس ياهووووووو فوقوا وكلموا نفسكم فى لحظات صدق وردوا على أسئلتكم مع نفسكم
وبلاش تجاوبوا عليها قدام الناس كلها أحسن تلاقوا نفسكم فى الأخر حديث الناس كلها وياريت على حاجة حلوة
دى حاجة تافهة يستحرموها الأطفال الصغار يتكملوا فيها وأحنا الكبار فرحانين بيها وبنقول هع هع هع هع هع هع
أنا هنا مش علشان أقول فزورة أو أعمل مقلب فيكم ولا أهزر لأ أنا هنا بتكلم عن واقع شوفته بعنيا وحبيت أكتبه ليكم بعقليتى
واللى فاهمنى خير وبركة واللى مفهمش خير وبركة برده وأهو موضوع وأنكتب وقولت اللى جوايا وأرتحت
ومحدش يسألنى سؤال محرج فى الليلة دى لأنى مش هجاوب غير فى ليلة تانية قمرها بدر وجوابى هيكون منور
ومنورين يا اللى شرفتم موضوعى وبالذات اللى فهمنى وده مشكوك فى أمره

*** اللى فهم أنا أقصد أيه ؟؟؟ يقول ***
فى أنتظار العبقرى أو العبقرية اللى زى القمر

والسلام عليكم ورحمة الله وبركاته

والسلام ختام
ويارب حسن الختام لكل مسلم ومسلمة فى شتى بقاع الأرض

بقلم : عاشق فن إرتواء العقل
خالد نور الدين