|
جلست جنب ساره – وش فيتس هنيا قاعدة في الصاله
ساره ووجها مايطمن بخير – راسي يعورني فيه ناس ولا راحوا هند – يعني شوي اغلبهم راحوا ,, تبين ترقدين ساره – والله ماابي إلا الفراش بس صعبه أمر من عند الناس هند – اصبري شوي وبيروحون كلهم ,, بس وش فيه وجهتس ساره وهي توقف وباين انها عصبت – قلت لتس فيني نوم مارقدت موضي بصدمه وهي تشوف محمد .. يتجهه لمريم وصرخ فيها – انتي تحسبيني يوم تزوجتس حبيتس لا انا بحرق قلب اخوتس اللي طعني مريم وهي تبكي – بس انا وش ذنبي وش ذنبي !! هو وبقسوه – ذنبتس انتس اخته مريم انهارت – ليش اجل خليتني اجيب عيال وفرقت بيني وبينهم وزرعت فيني القسوه عليهم إلا قل كرهتهم من اللي تسويه فيني هو يكمل وبقسوه – ابشرتس حتى انا ماحبيتهم إلا قولي اني اكرههم لانتس امهم موضي انصدمت من كلمته ,, ومصدومه اكثر من المصيبه اللي بتحل عليها وعلى عيالها صرخت ام عيسى فيه – بتظل طول عمرك حقود واللقمه اللي بيد غيرك تبيها صرخ فيها محمد – انتي ياعجوز إبليس لمي خميمتس وانقلعي ام عيسى وبعصبيه – والله ماتحرك إلا وعيال ولدي معي فااااااهم محمد صدمهم وبسخريه – هه عيال ولدتس ,, ولدتس اللي بيحكم عليه إعدام إن شاءالله ام عيسى بصدمه – إعدام محمد ويكمل قسوه – انتي ماتعرفين إن ولدتس يبي يقتلني ام عيسى تقاطعه وتصرخ بوجهه – كـــــذاب ومجرم ولدي في السجن انت تبي تبلى عليه ضحك محمد بقوه بسخريه – لا ياعجوز النار ماتعرفين انه طلع من سجنه عشان يقتلني ام عيسى انصدمت ومريم مسكت فمها فجأه ركضت عليه تبي تشرب من دمه .. كل شي يصير لهم هو وراه كل مصيبه لازم يكون مشترك الأول فيها محمد مسكها بقوه وقاومها .. وموضي قامت تصرخ وركضت تنادي امها وريم يلحقون عليها الريجيل الثنين المعضلين ركضوا لمحمد يبون يضربونه .. دز العجوز وحاول يبعدهم عنه سمعوا الصراخ بدأ يشتد .. والأصوات ترتفع بينها دعاء وبينها لعن في صاحب السياره على اللي سواه وفعله ركضت منيره للجده – عمه علامهم الجده وقفت من كرسيها – اوحي مثل ماتوحين بروح إلهم شافوا ابو محمد مشى لهم في الحوش .. وهو باين ماهب في وعيه وكل شوي يهلل ويكبر .. وعيونه زائغه منيره وقفت عنده – ضاحي وش العلم ابو محمد ناظرها وهو محزن عليها لو عرفت بالخبر .. ماهي بحمل تسمعه وهي فيها القلب – حادث إن شاءالله انه هوين صار للورع منيره ضربت على صدرها – ياخيذتي منهو الورع ابو محمد نزل راسه وهو يقول – خالد صرخت منيره صرخه قويه .. طلعت بعض الحريم اللي دخلوا وركضت لها وضحى ونوره وهند وساره منيره وتضرب راسها وتصيح بقوه – توه توه كان هنيا وقالي ابوه راح قلت ألحقه بروح معه ابو محمد انصدم باللي قالته منيره وهي تضرب فخوذها بقوه وتبكي – انا السبب انا انا يامحمد انا اللي ذبحت ولدك ضاحي وهو يبعد عنها اظاهر حاسه انه بيموت لان شكله عقب الحادث ودمه اللي مالي الشارع مايقول إن اللي صار له الحادث بيعيش شافوا نايف يمشي لهم وباين انه معصب – هاذا وقته يصير الحادث ابي ارقد تله فارس على الجدار وهو باين انه في حاله طبيعيه بيد وحده وصرخ فيه – نايف طلعه لي حي طلعه حي نايف دزه وهو يقول – وش شايفني انت اقدر احيي احد والا أموت احد بحاول ادخل واشوف وش سووا فيه دخل للعمليات وسعد دموعه تنزل .. وفارس ماهب في حاله طبيعيه وهو مثل المجنون |
من سكر التلفون من سعد فز واقف بسرعه ولبس لبسه .. إلا
يخلوني اعلم محمد بولده .. كن هالولد هامه كانت نائمه فوق الكنبه ويوم سمعت صوت فزت – وين رايح لف لها وماعبرها اهميه وطلع .. كشت عليه وهي توقف وتمسد ظهرها – ابرك اللي ذلفت ابرقد على السرير سمع صوت جواله يوم دق .. اكيد انه فارس .. طلع جواله وشافه رقم بيت عمه فتح الخط – هلا سمع صوت بكأ وظهر صوت موضي – صقر ألحق أخوك قاعد ينضرب انصدم – ايشششششششش وينكم انتم الفندق موضي وهي تبكي – لا في بيت اهلي اسرع بدواسة البنزين .. بعد لحظات بطئيه عند صقر وعقب ماسوا إتصالات مهمه .. شاف محمد قاعد يقاومهم ودمه ينزف وقف السياره وفتح الباب وركض لهم وهو يدزهم عن اخوه .. ضرب أول واحد وخلاه طايح يون .. بس الثاني باين انه ماهب هين .. مسكه مع رقبته .. وضربه مع علباه وطرحه مغمى عليه .. ركض لمحمد اللي لقاه طايح على الأرص وباين انه ينزف مع فمه ..ولا حس بالحريم اللي ركضن مبتعدات عن المكان .. وهن يركبن مع تاكسي وقفنه في أول الشارع طلع من العمليه .. ودموعه في عينه تلقاه فارس وسعد وهم يشوفون وجهه مايبشر بخير فارس بخوف – وش صار نايف وهو يستصعب الكلمه ويخاول يمتص صدمتهم – ليش ماقلتوا حالته بهالسوء فارس بحده قويه – نايف تكلم وش صار نايف وهو يمسح دمعته – خالد يطلبكم الحل سعد انهار ونزل على الأرض وهو يبكي .. اما فارس ركض بقوه طالع من المستشفى – والله ماأتركه والله ماأتركه نايف صرخ فيه .. وركض وراه وصلت الشرطه للمكان .. وهم يقيدون اللي طايحين على الأرض صقر وهو يكلمهم – الكلاب هاذولي لحد يمسك قضيتهم لين انا اوصل وخلوهم يعفنون في السجن وبستجوبهم وصلت سيارة الإسعاف .. وشالت محمد اللي باين انه ماهب طيب كل مكان فيه ضربه .. إلا كل شبر بعد وصلوا للبيت .. فتح باب السياره .. ونايف وصل ونزل من سيارته ومسكه – فارس تعوذ من إبليس فارس اللي توه يحس وش صار .. حضن نايف بقوه وقعد يبكي عليه وهو يأشر على الدم – نايف ناظر هذه دمه ,, صغير صغير بالحيل عشان يصير عليه الحادث اللي انا شفته نايف حس إن دموعه نزلت فارس يتكلم وهو منهار – والله اني ماقدرت ألحق عليه مات في غمضة عين ,, ليت الموت خذني ولا خذاه يانايف ليته خذاني ولا خذاه نايف يحاول يهديه وهو يمسح عيونه – خلاص فارس خلاص فارس يبكي بقوه – مافيه من شقا الورعان طيب ومسالم ولو تبي عيونه مابخل فيها عليك أكبر من عمره يانايف أكبر من عمره نايف طلع صوته وهو يبكي فارس يضرب على كتف نايف بإنهيار – آآآآآآآآآآه يانايف اذبحوه قدام عيني وانحاشوا فارس يكمل وهو يشاهق – تخيل يوم شافني رجعت من المستشفى حب راسي ويدي وقال ياعمي نايف اليوم انا مشغول مااقدر اجلس معك زين ( شهق بقوه ) كنه عرف إن الموت بيشغله ويأخذه عني نايف حس إن فارس ماهب في حالته الطبيعيه ,, لانه هو الوحيد اللي شاف منظر موته وهو اللي شاله من الشارع فكه نايف .. وشاف فارس يركض لمكان دمه ويبكي .. ويحطه بيده ويشمه – راااااااااح يانايف رااااااااااح وهالدم شاهد على موته نايف غمض عيونه بقوه .. ويحاول يتمالك نفسه اتجهه له ومسكه وهو يعكزه .. ومشى فيه للبيت .. اللي كان كله هيص وفرح .. تغير جوه .. اللي كان بينفرط من الفرح .. هالحين بينفرط من الحزن ( هل مازال للدموع والحزن بقيه .. لاقوني يوم الخميس القادم ) |
اااه يا ليتني ماقريت البارت
بكيتيني كنت اتمنى انه لاخذا موضي بسجن على عياله بس ما توقعت ان خلود ليموت ما ذاق حبه اكره محمد ولا في يوم بستسيغه فارس كلامه بكاااااااااني وتقولون مقالته بس والله أني بكيت معه يستأهل الضرب اللي جاه محمد المخنز يا جعله يموووت تسلمين عالبارت وتسلم بديني عبووووقه |
لااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااا
حراااااااااااااااااااااااااااااااااااااااااااااااااااااااااا ام خلووووودي ليه ا مات ناااااااااااااااااااايف التبن والا حتى محمد طفل عمره ما شاف الحنية الا من عمه الله يعين من جد بكيتيني بنااااااااااااات قولوا انو البااااااارت حلم بليززززززززززززززز |
فارس اعقل اخوانه كلهم عقبه سعد والباقي مضروب على روسهم
|
| الساعة الآن 08:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية