|
اقتباس:
حي الله مشرفتنا الغاليه نورتي ياعسل والحمد لله انها اعجبتك عساني مانحرم من طلتك ياعسل |
سلام حبيبتي سهومه انا اتابع القصص المميزه وعجبتني قصتك وهذه اول مره ارد علي القصص التي اقراها اسلوب القصه يذكرني باسلوب الكاتبه انفاس قطر لاني متابعه لها ولجميع قصصها بالرغم من اني سعوديه وخليجيه فانت انفاس السعوديه
|
اقتباس:
ياهلاا وغلاا كوكبه نورتي الروايه والحمد لله انها خلتك تتخلين عن صمتك وتشاركين ويانا وفعلاا سهومه قلمها رائع ومبدع |
صباااااااااااااااح الخيررر للجميع
تسلمين عبووووقة وهذي ترحيبةةةة خاصة لك من اهل الاردن :lol::55: اااااااااااااااااااكيد انا من حزب صقر مع انه في تصرفاااات عنده ترفع الضغط بس احس شخصيته حلووووة وننتظر الباااارت بس لا تنسي الكلينكس توزعينه وهاتي اساااعدك اناااااااااا |
السلآم عليكم ورحمة الله وبركاته .. وآسعد الله مساء الجميع آسفه على الإطاله بس كنت مشغوله بضيوف كانوا عندنا امس .. وسهرت معهم شوي واخترب وقتي كله .. إن شاءالله انكم بتقدرون وضعي .. بالنسبه حق كل اللي يراسلوني ويدعموني اشكركم كثير الشكر .. ومو مهم ان روايتي عشان تنتشر لازم تتثبت في غرام ..وهالشي راجع لهم وعادي عندي اتثبتت او لا مو مهم المهم اني اوصل حق اكبر شريحه من القراء .. وهاذا ولله الحمد قاعد يوصلني من رسايل شكر في حياتي على اللاب معكم ومن ورى الشاشه او من حياتي العاديه وربي لك الحمد على هالنعمه وهاذا شي يدعمني لتقديم كل شي حلو عندي .. بالنسبه حق الإختبارات اعرف ان شريحه كبيره منكم في جو إختبارات .. وهالشي قاعده احاول فيه اني ماأشغلكم عن الإمتحانات بس للإسف اني اقول لكم نحن في هالحين في عمق الروايه .. وكل سطر منها حدث مهم .. فيه من راسلني وطلب اغلقه لحين العوده وفيه اللي خلص ومو متقيد بالإختبار ابد .. وانا ابي ارضي الشريحتين مثل تصويت قبل سويته في روايتي الإولى ..لذلك ( اتمنى اشوف تصويت .. ومن شاور مخاب ) او عندي كلمه أخيره عقب كلمتكم عقب مااقرا تصويت منكم .. هالبارت فيه قصه مأساويه .. وماحطيت قفله لاني وعدت وحده من حبايبي ولفترة الإمتحانات كامله .. بس ماابي اخبي عليكم وانا اكتب دمعت .. ونظاراتي أمتلت دموع .. وهالقصه واقعيه بتغيير بسيط في الإحداث ولكن سؤالي القادم \ هل مازال للدموع والحزن بقيه ,, لاقوني يوم الخميس بإذن الله في بارت مفعم بالأحداث مع اطيب الأمنيات بقراءه ممتعه . سهم المملكه . لإله إلا الله ( البــــــــــــــــــــــــــــارت التـــــــــــــ 29 ـــاسع والعشرون ) ألتفت على ولده سعد وهمسله بصوت واطي عشان ابوه الشايب مايسمعه وقال – صقر ومرته ماجوا ماإن فتح فمه بيتكلم سمعوا صوت فرامل قويــــــــــــــــــــه .. هز الحي هز ناظروا بإتجاه الباب .. وشافوا فارس حذف شماغه وأطلق رجلينه بقوه وهو رافع ثوبه ركض سعد وراه ومحمد والباقيين القليل القليل من الموجودين في الحفله اعترضت سيارتهم سياره نورها قوي بقوه .. وباين إن مصيبه كبيره معها .. رفع عينه وحاول يرمش بقوه لايعمي النور عيونه ناظر في المعضلين اللي نزلوا .. ووراهم حرمتين .. وحده فيهم باين انها منهاره مشت ام عيسى وهي تقول – انا معي قرار من المحكمه إن عيال عيسى يجون معنا اقصروا الشر وهاتوهم موضي فتحت فمها بصدمه .. ومحمد جمع قبضة يدينه بقهر فتحت عيونها بتعب وهي تشوف الشمس ساطعه بقوه على عيونها غمضت عيونها وفتحتها .. رفعت راسها .. وشافته راقد وهو جالس وباين انه مو مرتاح في نومه .. انقهرت منه وهي تبعد عيونها عنه وتناظر الساعه اللي قاربت على وحده الظهر تذكرت الصلاه وقامت تصلي .. وهي تتذكر اول ماعرفت الصلاه من ضاحي اللي كانت ناسيتها .. ناظرت في الورقه اللي محطوط فيها جدول الصلاه واللي معلقه وكاتبها هو ضاحي اظاهر باقي وقت على الصلاه .. باقي تقريبا ساعه ويأذن الظهر لان توقيت امريكا مو مثل توقيتنا في الصلاه دخلت الحمام وقفلت الباب عليها .. وصوت الباب قام عليه ضاحي وهو يناظر مكانها اللي مشافها فيه .. جلس ينتظرها بيبلغها قراره اللي بصعوبه خذاه قبل يروح يصلي للمسجد القريب من المستشفى رفع راسه وهو يصرخ – ياكلــــــــــــــــــب ياحيـــــــــــــوان يامجررررررررررررم شاف يدينه أمتلت دم .. عيونه زاغت .. والولد فقد وعيه .. ركض لسيارته تحت نظرات أهله والجميع المذهوله .. وطار فيه بسرعه للمستشفى .. سعد ركض لسيارته بسرعه يتبعهم وهو مصدوم وبقوه صرخ فيها – وإذا قلت بلي الورقه اللي بيدتس واشربي مويتها صرخت فيه بعصبيه – تخسى ثم تخسى انت والحيوانه اللي جنبك سمعوا صوت شهيق ألتفتوا على الصوت .. سمع صوت مريم وهي تقول – هاذي أخرها يامحمد تطلقني علشان هاذي الخاينه نزلت موضي من السياره ودموعها في عينها .. وماتوقعت هاللحظه ابد قبل الحادث ركض لجدته بفرح – جده جده ابوي راح يجيب عمه موضي وبتصير امي الجديده وهي قالت بتخليني انا ونواف نرقد في غرفه صح نواف نواف هز راسه بتأييد – ايه صح منيره فرحت واستبشرت – وراه ماقالي اروح معه رح رح وإنا جدتك وقله يحتريني بجيب عبايتي وبروح معه طاروا الثنين بأسرع مافيهم .. وخالد كان اسرع من نواف اللي مربرب شوي .. مروا فارس اللي كان يتكلم مع صديقه فارس وهو يصرخ فيه – وين وين خالد بصراخ – بلحق على ابوي جدتي بتروح معه فارس ناظر في خالد اللي اختفى من عينه – بس ابوك راح من زمـ ماكمل الكلمه إلا سمع صوت الفرامل .. حذف شماغه ورفع ثوبه وهو مصدوم من قو الصوت .. وركض بأقوى سرعه يمتلكها .. عشان يتفأجا بالمنظر المريع قدامه .. لاحظ طيحته في الأرض بقوه عقب ماطار في السماء بقوه .. المنظر بشع بشع بشع إلى حد مايتخيله العقل |
| الساعة الآن 03:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية