|
كلنا لهفه وشوق لبارت اليوم
بالنسبه للجزء السابق من اليوم الخميس الماضي اكتب الرد ويطير !! خلاااصه الي بقوله ان قر يرفع الضغط على هالاسلوب حتى بالمصايب ماهدا وامم ونور ماسافرت الا بعد ماتزوجت والا انا فاهمه غلط !! |
اقتباس:
نورتي ياعسل واشتقت لطلتك الحلو لاخلاا ولا عدم |
اقتباس:
كيفك يالغلاااااااا عساك بخير ومشكووووره على تعليقك الراائع لاخلا و عدم |
اقتباس:
نورتي الرواااايه لاخلاااااا ولا عدم |
بسم الله الرحمن الرحيم ..السلآم عليكم ورحمة الله وبركاته
اسعد ربي صبح كل حد يتابعني من ورى الكواليس ولا معي داخل الكواليس يارب اني ادعوك مع صباح هالخميس ان تمتعنا في نعمتك علينا ولانحرمناها يارب وان تحقق لنا مانبيه يارب .. لاننا عبادك طامعين في عفوك ورضاك .. معكم حق ياحبيباتي في طول الروايه اللي راحت صحيح مو طويل وهالبارت ابشركم طولته ,, بنات وانا قاعده اكتب تذكرت اني وعدت بنات اني يوم ارد من عيد الأضحى اراسلهم واخبرهم ولين هالحين سهومه ماراسلتهم !! غريب بس والله نسيت تجيني لحظات ويوم اكون على الشاشه انسى بس انا اتذكر انهم اربع اتذكر منهم ثنتين فيتامين سي وشوكلاته باقي ثنتين انتظر يالحلوين في ردودكم تشوفون اقرب وقت يناسبكم تحطونه لان هالأسبوع بوافق لكم عليه على ان هالأسبوع اللي بيصير فيه الضغط بس هالبارت بيكون هديه مني لكم قبل بارت الخميس ياليت الثنتين اللي متذكرات يقولون لي في ردودهم مع فتيامين وشكولاته على فكره كاتبه ع الوورد عشرين صفحه هالبارت .. مادري عاد ان كان بيطلعون طامعين بعد وبيقولون ياسهم نبي اكثر والله ماعرف .. قبل لأبدي في البارت ,, هالبارت يابنات يمين ويسار مليون موقع إسلامي دخلته علشام اعرف حكم الزواج بفاقدة الذاكره ولا لقينا يمين ويسار ابد الكل جاهل في هالحكم بس انا قسته على عقلية فاقد الذاكره وانتم بتحصلون الجواب موجود في هالبارت يوم ضاحي يتوجهه للشيخ مع اطيب الأمنيات بقراءه ممتعه . سهم المملكه . لإله إلا الله ( البــــــــــــــــــــــــــــــــــــــــارت الخامــــــــ 25 ـــــس والعشرين ) وقفت على راسها – انتي وينتس ماانتي مع الناس دريتي وش صار مسحت دموعها ورفعت راسها – وش صار نوره بأسى وبزفره – فارس تصاوب فزت وبريعه – تصاوب من صاوبه نوره – مااعرفه بس يقولون طليق موضي يبي ذبحة محمد وأطلق على فارس ساره بخوف – ووينه هالحين نوره وكأنها تذبحها في الصميم وهي ماتدري – خذاه نايف وفزعبه للرياض اجفلت ووقفت بخوف – نايف جاء نوره شكت – ايه جاء وعمي مريض وابوه عنده ساره سكتت نوره بقهر وكأنها تهرج نفسها – ذا الشيبه التعبان انطلق على شيخه وتهاوش معها ساره من عقب ماسمعت نايف جاء وهي كارهه الدنيا طلعت بدون شعور برى الخيمه وهي ماسكه فمها .. لاتسمع نوره شهقاتها في السفاره السعوديه بأمريكا جلس مقابل للشيخ وهو يتكلم عن حالة نور وخبره بالقصه وبكل الأحداث .. والشيخ متفهم للقصه ربت على كتفه وهو يقول – بيض الله وجهك ياولدي وكثر من أمثالك .. نادر وقليل من يكون مثلك .. وافي .. وأمين وتبي تنقذ بنت مجرم من براثن جرايم ابوها وتخفيها عن عصابه تلاحقها ,, إذا كان في وعيها تتذكر الصلاه فاتوجب عليها الصلاه اما إن كان عقلها لايدرك ذلك فلا عليها صلاه ولاصيام لانها تدخل في حالة المجنون والصبي اما في حالة الزواج اقيسها على ذلك والله تعالى أعلم إن رضت وهي تدرك مامعنى الزواج فلا بأس في ذلك .. ولكني ياولدي قست الزواج مثل الصلاه لانها أمور شرعيه نزل راسه وهو خايف ورفع راسه – ياشيخ انا ابي اغير هويتها عشان المجرمين مايعرفونها الشيخ ناظره وهو يربت على كتفه – والله ياولدي اني في هالحكم مااقدر افتيك بس بفعلك هالشي تحاول تنقذها من هالعصابه وهالشي مو ضارها لانها فاقده الذاكره يقيس على ذلك في حديث الرسول صلى الله عليه وسلم ( لاضرر ولا ضرار ) انا انصحك مو اعطيك حكم وفتوى ,, غير اسمها بس نصيحه يوم ترجع ذاكرتها تعلمها بكل شي .. اتجهه لقاضي هناك في السعوديه واسأله عن الهويه بس اكتب هالحين في البطاقه هويتها الجديده بس لاتثبتها عند الدوله وإن شاءالله إن اللي عند الدوله مايقدر يوصله المجرمين ضاحي - طيب انا ابيها تتوفى عند المجرمين الشيخ وهو يوقف – هاذي عاد تستشير فيها حكومة الدوله اللي اتوقع موافقين لك في هالأمر ,, اعلن في الجرايد انها ماتت وهالشي اتوقع انه بيكفي ضاحي وقف معه وهو يودعه ويشكره على حسن استقباله وترحيبه له ,, طلع وهو مطمئن انه مابيكون ظالمها .. اليوم بيقعد معها قعده تصفيه بيخبرها بكل شي الا انها تكون نور .. وعسى ربه يلهمه بطريقه تروح هالخوف منها |
| الساعة الآن 10:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية