عبق الرياحين |
01-05-12 07:47 PM |
اقتباس:
المشاركة الأصلية كتبت بواسطة وردة الزيزفون
(المشاركة 3083717)
صباح الورد على الجميع ........صباح الثورات سهومة كيفك ياقلبي ........تسلم ايدك ياعسل ......انا مااشوف البارت هادئ بالعكس كان فيه حرقة قلب مع انو من بداية الرواية وحرقة الاعصاب موجودة بس زادت الين اهلكتنا نبي شي يسر الخاطر .......بس سهومة اهم شي من بعد كل الي صار تكون الاوضاع لصالح بنات ناصر
عبوقة تسلم اناملك ياقلبي
شيخة وصقر
خلينا نكون واقعيين ومنصفين من البداية شيخة كانت تتصرف تصرفات لاتطاق ابد عديمة احترام .........بتقولو انجبرت على الزواج بقول لكم هل امثال شيخة ينجبرو وخصوصا بالبداية وهي مو طايقة صقر ........لو تبغي شيخة حطت راس الكل بالتراب ودخلت عند المملك ورفضت او حتى راحت خلعت صقير ترى مافي شي بيردها ولا عندها احد تعمل حسابه ............صقر بأول ايامه كان محترمها وهي الي متجاوزة حدودها ضاربه شرع ربها بعرض الحائط
خواتي لاتستهينو بهالامور تراها مو شي بسيط تعودنا بكل رواية تنحط لنا زوجة تبغي تمشي الي براسها وتتهاون بحقوق زوجها تبغي حقوقها ومطالبها وهو ماله شي .........شمعنى هي طالبت بحقها في المهر الي حددته وبالمقابل هي ايش اعطته على ايش تبغي مهر وسكن وغيره وهي حتى يوم طلب منها تغسل ملابسه مااهتمت هل الزواج صار بس زوج لتلبية رغبات الحريم والزوج مومن حقه شي ...........
القوامة مذكورة وواضحة بالقرأن للرجال مو مثل ماشيخة كانت مسوية مستهينة بأوامر ربها ناسية انو الي زوجها يبات غضبان الملائكة طول الليل تلعنها كم ليلة شيخة نيمت صقر مقهور وغضبان كم لعنات اخذت اهتمت استغفر عدلت من حالها ...........قبل ماتلوم صقر على غبائه تراجع نفسها هي عليها نص الذنب لاتسوي فيها انها مظلومة كلنا ندري لو على الاقل حاولت تعطي زوجها ابسط حقوقه وهي احترامه وعدم التطاول عليه كانت هي اسعد خواتها لانو هي الي ماباتت ليلتها منهانة ومجروحة هي الوحيدة منهم الي يوم زوجها اخذ حقوقه ماطردها من الغرفة بعد مااخذ الي يبي مثل خواتها ...... بتقولو ضربها راجعو وشوف صقر ضربها من كيفه وظلم ولا لانو شيخة وقحة وقليلة ادب ماعندها ذوق ولا احترام لغيرها هي غلطت واغلاط كثيرة شفيها لو خبرت زوجها عن السواق الي هربت منه مافي اسرار بين الزوجين الزواج مودة ورحمة والمرأة لازم تتعاقب اذا كانت متجاوزة حدودها يهجرها واذا مافاد يضربها ضرب غير مبرح ...وشيخة ماكان ينفع معاها اي تفاهم اذا حتى الضرب ضربت صقر هل هذا الي رباها ابوها عليه يعني قلة ادبها ماتنزل راس ابوها بالارض ..........حتى يوم حملت ردت فعلها ودعاويها على النعمة الي ربي وهبها اياها كلها مالها مبرر تصرفاتها كلها مالها مبرر الي اذنب خلته يروح بحال سبيله حتى لو صقر عرف سرها ايش الفايدة الحين
من البداية شيخة ماعرفت قدر زوجها الي كانت تقدر تخليه خاتم بصبعها لو تبغي لانو الكل يعرف انو شخصية صقر موسهلة وهي سلبت قلبه وبسرعة بعد بس الغباء الي براسها ضيعها
انا ضد الي سواه صقر بزواجه لانو هو عارف زين انو ماراح يقدر يعيش مرتاح مع غير شيخة ولا بيحب غير شيخة ولو جاه عيال من غير شيخة ماراح يفرح فيهم ليه يظلم غيره مااستفاد من الدرس الي عاشه مع محمد عارف كل تفاصيل الي سواه اخوه والضحية العيال .........يعيد نفس القصة بس بسيناريو ثاني .........والنهاية هو مطلق وسميوه مطلقها لو كانت اجمل من شيخة القلب دامه عاشق ماراح يهتم لغير المعشوق
يعني من بداية زواج صقر وشيخة مامر يوم عليهم مثل الاوادم ليه التعقيد زيادة في البداية كنا نشوف الحق مع صقر وننتظر اليوم الي ينعرف سر شيخة ويوم عرفناه ماتغير شي ولا كان له فايدة دام زادت الحواجز بينهم بكل رواية نقراها نلاقي المشاكل والاحزان اكثر من لحظات الهدوء وكأنو الحياة كلها مشاكل وبس
ترى المشاكل بين الزوجين شي طبيعي ومثل مااختلفو يتراضون لكن الي نشوفه بالروايات تعيشنا انو الزواج لازم يمر بشهور وسنين مشاكل واهانات وانتقام من الطرفين علشان يستقر الطرفين ماالوم البنات اذا جاتهم عقدة من كثر مايقرون كمية العنف في الروايات .........نادر نشوف رواية تخلي الحياة متذبذبة بين الابطال مرات عسل ومرات مشاكل ........
لحد الان مو مقتنعة بزواج صقر وهدفه احس انو علشان في النهاية ينحط اللوم بس على صقر وشيخة كأنها من البداية الملاك البريء الي ماسوى شي ..........لكن لو نجي للواقع شخصية شيخة ماحد يحترم امثالها ولا يحبذها هل ممكن وحدة مننا تتقبل زوجة لاخوها او عمها او قريبها وحدة ملسونة ووقحة مثلها هل بنرضاها غير الكل يتهم الزوج انو عديم رجولة اذا خلاها على ذمته وخصوصا اذا كانت مثل شيخة الكل عندها اعداء
الاثنين غلطو غلط كبير واثنينهم يستاهلو العقاب .....لانو هو الي بيعدلهم اما اننا نوقف ضد واحد ونتغاضى عن الثاني وهو الاساس في الخراب بنكون سلبيين وظالمين .........يعني قبل ماتشوف شيخة اغلاط غيرها وتنتقم اول شي تحاسب نفسها هي ........
تنصح غيرها وهي الغلط راكبها من ساسها لراسها معادية سارة اختها وهي ماسمعت لها ولا عرفت قصتها وبس تدعي عليها مافرقت عن صقر يوم اتهمها انها تعمدت تنزل ولدها حكمت من راسها اذا نبغي يكون فايدة من حياة هالاثنين لازم الاثنين يعترفون بذنوبهم والمجال مفتوح لهم يصلحو من حياتهم ويتلاحقو اعمارهم قبل فوات الاوان
اما البرميل المتحرك الي ماادري شراح تستفيد من ملاحق صقر يعني ماراح يحبها او ينسى شيخة الا بملاحقته والله ماعرفت ال قاسي الي هي وابوها ماصدقو ارتبطو فيهم اذا بغى يطلقها ماراح يمنعه شي مثل مامحمد رمى مريم صقر مايفرق عنه هذي يومين وعرفت انو صقر ماتزوجها رغبة فيها ومايصدق يلقى حجة علشان يقابل زوجته واعتقد واضحة السالفة لها ولو انحطت عند صقر كخيار لرضى شيخة بيرميها على طول ولا بيهتز له جفن .........فالاحسن تلز م ارضها والا بيجيها الي ماتتوقعه من صقر ..........ولو تبغي كرامتها وتحب نفسها تنسحب من حياة صقر بنفسها لانها ماراح تدوم معاه وخصوصا لو شيخة تطلقت منه راح يحط السبب عليها وهي الخسرانه ترجع لابوها بكرامتها بدل ماترجع معيوفة ..........بس مااعتقد امثال وسميوه يهمهم الكرامة من البداية تبغي تبني حياتها على حساب حياة غيرها ومااهتمت ينحرق قلب هذيك او لا ......
طلاق بنات ناصر مو حل لمصايبهم الي صارت بنات محتاجات لمن يصونهم لما شيخة وخواتها يوصلون اهلهم للمحاكم الناس ماراح تمدحهم ولا حتى توقف معاهم الحل بالعقل مو بالتهور والفضايح ........في عدة حلول بس الذكي الي يستفيد منها يعني ايش بيستفيدو بنات ناصر لما يتطلقو من ازواجهم ويصيرو منبوذين من اهلهم والناس بعد كل هالمصاعب والمواجع والحرمان الي عاشوه يكونو منبوذين وحاملين لقب مطلقات .........انا ماايد هالنهاية خصوصا انو الطرفين كانو هم سبب تفاقم هالمشاكل كلها
سارة ونويفان
حتى سارة من البداية هي الي اغترت بعمرها وراحت للنار برجولها مو هي الي متعمدة تنتظر نايف بالفجر وهو حيالله ولد عمها مو زوجها لاتقولو صغيرة سارة مو طفلة هي بنت بالغة تعرف الحلال من الحرام تروح لواحد وقت الفجر حتى لو تشوفه بيموت ماتروح له تروح تبلغ اهله او تخبر خواتها ويطلعون معاها مالها عذر واخذت جزاها وتعلمت درسها زين انو الي ترخص عمرها يكون عند الناس ولا شي ..........
نويفان من البدايه حقير وعديم اخلاق ولا تصرف مر له يرفع الراس او يخلينا نحترمه ........ لذلك الحين الدور عليه ياخذ جزاه ويكون على قد عمله لازم يحس بالنقص يحس انو لاوسامته ولا شهادته راح تحقق له رغباته والي يتمناه ...........واعتقد انو بيجيه شي يكسره ويرجعه لصوابه الي انحرف عنه .......ساعتها يقدر يصلح ذنوبه اول خطوة يسويها يروح هو وسارة لبيت الله ويتوبو لربهم ويطلبون عفوه ........وبعدين يحاولو يعيشو مع بعض بأحترام ماراح نقول حب لانو الي صار صعب جدا ينسى .........اما لو تطلقت سارة هي الوحيدة الي بتكون خسرت بعد كل الي صار وهي بعمر صغير تصير مطلقه اذا خواتها نبذوها وتخلو عنها كيف بترجع تعيش بوسطهم وهي مكروهة ومنبوذة ويتمنون موتها هذا اذا اصلا خطرت ببالهم انها موجودة
نورة وسلطان
سلطان اول خطوة صح ابتداها وهي انو تعالج وماظل على حياته الضايعة لو مانورة لها قدر عنده مافكر يتعالج مايبغي يخسرها ولا يبغي يزيد عليها المواجع ...........ان شاء الله تكون نورة اخف وحدة بخواتها وتحل مشاكلها بينها وبين زوجها ماتوصل لطرف ثالث ........وسلطان اذا يبغي يعيش صح يبتدي من الصفر معاها يكسب ثقتها بالاول ويحسسها انو يبغيها لشخصها مو علشان الولد الي قال عنه اتمنى مايصير شي يفرقهم بعد اتفاقهم مع بعض
موضي ومحمد
موضي كنت متوسمة فيها خير على خلود وانها بتكون الصدر الحنون لها بس الظاهر همها عيالها وبس وخلود اخر اهتماماتها انبسطت بمعاملة محمد لعيالها وخلود ماحد متذكرها وربي ماالومها يتيمة وامها وابوها عايشين ومحمد مايستحق الابوة فكر بعيال عويس ومويضي وخلى بنته الوحيدة تاكبت بصدرها ........ كل هذا علشان يرضي موضي الي فضلت الغريب عليه
سعد وريم
ريم الظاهر مستعجلة على المشاكل مع سعد خير مكبرة السالفة اغلب الي يتزوجون يحملون من اول اسبوع شجاهم يعني .........عادي تكمل دراستها مابتضيع امها شفايدتها ولو بغت منيرة مابتقصر اختها معاها بنفس البيت مايحتاج تحسس زوجها انها مقهورة انها تحمل ولده تحمد ربها على النعمة وتشوف صقير الي تزوج على بنت عمه لانها بيوم بكت ماتبغي ولده وماحمدت ربها وربي حرمها النعمة ......على الاقل سعد رجال مو مثل فهيد اخوها الي فرحان بالولد وهو مو كفو يكون ابو ......لو الحمل تأخر كان بكت واذا ربي عطاها نعمة بكت ..........اجل شتسوي بحالها لو كانت مكان وحدة من بنات عمها لقت الي مالقوه هاليتيمات عندها زوج يحبها وانتظرها سنين امها وابوها واخوانها حولها جهزوها مثل اي عروس زواج بقاعة مو مثل بنات عمها سفرة وشهر عسل بالخارج كل هذا ومابان بعينها الظاهر ماراح تبطل دلع الا اذا ذاقت شي من الي عايشينه بنات عمها
نور
ياترى وين راحت واستقرت ...........ومتى بترجع للظهور وهل بتقدر على عصابة خطيرة رجال موقادرين يوصلون لهم .........الله ينصرها عليهم وانتظر اللحظة الي تكسر فيها راس ضاحي واهله
في انتظار البارت وانتظار بداية الانقلاب بحياة
بنات ناصر
|
هلا وغلاا بزيفونه
مسااااء الورد على احلى وره
منوره بقوه ياقلبي سلم غاليك من كل شر
لاه لاه وش هلرد المسكت لامك لااااا يعلى عليه ياقلبي
مشكوووره على مرورك المميز ياقلب لاخلا ولا عدم
|