يعطيككَ العافيه ..

مساء الخيرات ......كيفك سهومة ان شاء الله بألف خير ....مثل ماقالو البنات البارت هادي بالنسبة للنكبات والمواجع الي صارت بس مااعتقد بيضل على ماهو لانو الامور تعقدت وفي امور ماانحلت


عبوقة تسلم ايدك ياعسل ربي يعطيك العافية

شيخة ووضحى وصقر

شيخة ردة فعلها متوقعة بالنسبة لشخصيتها بس حقدت عليها تعاملها مع منيرة نست انها كانت تترجى صقر علشانها وخافت عليها وغير كذا ضامة خواتها ببيتها وتعاملهم معاملة البنات الحرمة كبيرة ومريضة وموراضية على فعل ولدها بهاليتيمة ليه مارحمت ضعفها علشان ربي يرحمها صراحة على قوة شيخة بس ماعندها عقل سليم يفكر

عكس وضحى الي شخصيتها ضعيفة بس راكزة وعقلها يفكر ........الحين هالمتهورة الي دايم ماتحسب حساب تسرعها لو راحت واشتكت بالشرطة مواسم ابوها بيتضرر حتى وهو في قبره مو هي مقهورة على سارة الي نزلت اسم ابوهم بالارض طيب دام ربي سترها وماانتشر هالموضوع حتى عند اقرب الناس وخصوصا الشايب الاغبر تفكر شوي بعقلانية وتدور شي يجبر الخسيس عساها تحرقه يجي يستر على البنت مو تخرب سمعتها وسمعة باقي خواتها وتعيشهم بذل اكثر من الذل الي شافوه بسبب هالعايلة وجد العازة الي ينتظر عليهم زلة
وجود وضحى كان له دور ايجابي ومابعد الضيق الا الفرج وربي بياخذ حقهم مهما طال الوقت ....وربي يستر على بنات المسلمين من مثل هالامور

صقر الحمد لله ماعرف عن الموضوع لانو نفس شويخ متهور وماعنده الا القوة وبيروح لنويفان وبيكفخه وبيفضحه ويمكن حتى سارة تنال لها شوي من تسرعه هو عرف انو الخسيس اخوه له يد بس مايدري بالسالفة واعتقد بعد الي صار ابو محمد بيتغير وبيكون حازم في موضوع بنات ناصر لانو هو الي تكفل يجيبهم بيته ويحميهم وماقدر

فارس وابو محمد

فارس ونعم الولد بالرغم انو هو اصغر اخوانه بس بجد رجال ينشد فيه الظهر وتعامله مع بنات عمه ووقفته معاهم وقفة اخو وسند وعزوة واعتقد هالصدمة بتأثر عليه في تصرفاته الجاية ........بيكون ظهر قوي لبنات ناصر وبيوقف ضد كل الي يبي يضرهم لانو لو لهم سند واخوان ماحد تجراء يسوي فيهم الي سواه حتى الجد النذل لليوم عال قلبي بطريقة تزويجه لنورة ووضحى
وابو محمد بعد بيوقف ضد الكل معاهم لانو انهضمو وانذلو وهم بوسط بيته ضعف شخصيته عند ابوه وسكوته على ظلم هالمسكينات خلى الكل يستهين فيهن ويدوسهن بدون رحمة واولهم عياله الي سواه نويفان الحقير شي يشيب الراس بنت امانة عندهم وببيتهم وبنت عمه من دمه شرفه وعرضه يسلبه بكل حقارة وبدون مايرمش له جفن وجاي ب كل حقارة يبي يزوجها لغيره

اعتقد انو الشقة فيها الثلاثي الحقير وابو محمد بيكتشف باقي خياس نويفان الي بيلاقيه يااما يشرب مع الحثالة ربعه او بشوف انو فاتح شقته للشرب يكتشفوالعربدة جية ابو محمد لشقة نويفان ماراح تكون عادية وبكتشف انو موبس فهيد الداشر لا حتى ولده وبيشوف عريس الغفلة سيافوه بحالته القشرة وبيحقد اكثر على النذل ولده وبيسحبه غصب عنه علشان يستر على البنت مع انو مايستاهلها وبيشوف فهيد بحالته الغبرة وبيحس بكبر الظلم الي ظلموه لوضحى واعتقد بعد هالمصيبة الي تكسر الظهر بيكون اب حقيقي لبنات ناصر وبيوقف وقفة قوية معاهن ضد ازواجهم يااما يتعدلون والا ماراح يشوفون ظفر وحدة منهن مع اني عارفة انو شويخ العوبة ماراح تقصر عليه ومابيعجبها اي شي كالعادة

سارة

خسرت الكل من حولها موبس شرفها لانو صعب خواتها بيسامحوها لانها للاسف تتحمل جزء كبير من الي صار لو سألوها كيف وصل نايف لها ووين سوى جريمته الكل بيعرف انها هي تهاونت بعمرها وراحت لواحد مومحرم لها مهما كان عذرها .......زوالله يعينها على حياتها الجاية منبوذة من خواتها ومن زوج العازة


سهومة في انتظارك ياعسل

هلاا وغلاا بصوره

يسلم قلبك ياعسل
منوره لاخلا ولا عدم