|
أرحمونا من لبس المدرسة / بقلم : عاشق فن إرتواء العقل
بسم الله الرحمن الرحيم أرحمونا من لبس المدرسة http://www.alatheer.cc/up/up_down/65221.jpg بحكم أقتراب العام الدراسى الجديد دعونى أتطرق إلى موضوع لم يتطرق إليه أحد من قبل الزى المدرسى الموحد http://manager.albawaba.com/img/new_...file_8bf5f.jpg وسبب تفكيرى فى هذا الموضوع عندما تحدثت إلى أحدى الطالبات فى موضوع ما قالت لى أنها تشعر بالكأبة كلما ترتدى الزى المدرسى ومن تلك الجملة قررت بأن أقدم لكم هذا الموضوع للنقاش فيه فلماذا طلبة الجامعات يلبسون كما يشاء وطلبة المدارس زى موحد ؟ فالكل طلبة وإذا أحبت وزارة التربية والتعليم بأن تتطبق الزى الموحد فيجب بأن يطبق الزى الموحد على طلبة الجامعات أيضا لأن طلبة الجامعات يلبسون ملابس لا تليق أطلاقا وبالأخص الفتيات فبعضهم يذهبون بملابس كاشفة لأجسادهم . لذلك أوجه رسالة من موضوعى هذا لوزارة التربية والتعليم ووزارة التعليم العالى بتوحيد الزى الموحد على الجميع أو لا للزى الموحد على الجميع ولكن نعم للأحتشام . فما رأيكم يا أسرة المنتدى فى هذا الموضوع أتمنى أعرف رأيكم فى هذا الموضوع بحكم أقتراب العام الدراسى الجديد وكل عام دراسى جديد وأنتم طيبين http://s.alriyadh.com/2010/09/20/img/413907123996.jpg ويارب عام دراسى سعيد على جميع الطلبة والطالبات بقلم : عاشق فن إرتواء العقل خالد نور الدين |
ههههههههههههههههه
فعلا ارحموا اطفالنا موضوع غريب لي عوده برد مفصل عاشق يعطيك العافيه |
علشان ما يكون فيه تفاوت بين لبس الطلبة بسبب تفاوت الطبقة الاجتماعية
فيسبب احراجا لدى البعض بعكس اللبس الموحد الذي لا يضهر عليه هذا الشئ وايضا لانه وان بعث على النفس الكآبة عند البعض الا انه يبعث قدرا من الجدية لدى الطلاب ويعطيهم احساس انهم جميعا قدموا لاداء مهمة واحدة وهي التعلم وايضا تخيل مافيه زي موحد بيبلشون الاهل بتنقية الملابس وكل شوي بتجي البنت وبتقول هذا لبسته كثير ابي غيره وفيه مميزات لا تخطر على بالي حاليا |
عندنا حنا بالجامعه صحيح مو لبس موحد .. ولكن مو اي شئ مسموح في حدود اكيد.. والحمدلله انة محتشم. اما عن المدرسة والله صحيح تعقيد مررررة مو بس لبس موحد لا حتى البكل لون و شكل محدد.!! مرة وحدة لابسة طوق باللون الفوشي وماجئ اصلا على بالها انة ممنوع جات لها الاستاذة وسحبتة من شعرها وهي اصلا ماكانت معاها طيب قولي لها هاتية وبتجيبة بصراحة شئ ينرفز ..! على اساس بس الالوان المسموحةابيض واسود موضوع مميز عوافي : ) |
♪♪♪ بالعكس انا احس الزي الموحد احسن شي .. علشان مايكون فيه تفرقة بين حالة فلانة المادية وحالة علانة .. هذي من جهة .. ومن جهة ثانية انا اعاااااااااااااااني كل يوم الصبح لآجيت اتجهز للجامعة .. والله اجهاااااد عقلي ونفسسسي لما افتح هالدولاب واحوس بين الملابس احتار وش البس خخخخخخ .. كل يوم اترحم على ايام الثانوي وعلى مريولنا البني اللي كان وش حليله خخخخخخخخخ .. اما لا صاروا بـ يبلسون على كيفهم الطلاب .. وخصوصا البنات .. تعال عاد لازم توك الشعر مناسبة .. والاكسسووار ولا احلى و الشوز الله يكرمكم يكون جاي مع اللبس .. غير الشنطة والمحفطة وهالخراابيط .. وكل هذا بيطيح براس الام وتعاال يا بابا ادفع هههههههههههههههههه .. والله احسدهم انا لآنهم في نعمة من حوستي الصبااحية .. >> فيس عادي يتعب بس الاهم يكون انيق ^^ .. لو يقولون الجامعة بيكون لهم زي موحد انا اول من بيوافق .. >> فيس بـ ينذبح .. لا جد انا عموما اكره السسسوووق بس للجامعة غصب عن خشمي اروح اتقضى لزوم الكشخة والبرستيج ههههههههههه .. يعطيك العافية عالطرح .. ♪♪♪ |
أنا مع حنووو احلى شي بالمدرسه المريووول حنا موديلاتنا مو زي بعض واذا على الالوان مافيه لون محدد حتى الصنادل الله يكرمكم عادي اي لوون بالعكس انا افضل المريوول للمدرسه عووافـي اخوي \ |
أنا كمان شايفة ان الزى الموحد افضل حاجة تحس ان فيه ارتباط بين الناس دول مش كل واحد فى حاله وده متشيك اخر حاجة وده مش لاقى يكون زيه بالعكس اتمنى كمان ان الجامعة يتطبق فيها الزى الموحد لسببين اولا عشان اخلص من المناظر المؤذية اللى بشوفها كل يوم..خاصة لبس البنات ( الله المستعان عليه) ثانيا عشان اخلص انا من مشوار شراء الملابس كل فترة والطرح والشنط والجزم وما الى اخره...بجد اعصابى بتتعب من المشوار ده..خصوصا ان الواحد مش بيلاقى حاجة محترمة يشتريها. حضرتك بتقول لا للزى الموحد نعم للاحتشام..شعار جميل لكن افتكر من الصعب جدا تطبيقه خاصة فى دولتنا وحضرتك شايف بنفسك. وبعدين تعالوا شوفوا فى أى مؤسسة سواء بنك أو فندق أو غيره بتلاقى كل العاملين فيه ليهم زى موحد بيميزهم..ليه دول مش بيشتكوا منه الطلبة بيشتكوا من الزى الموحد لأنه بيفكرهم دايما بالدراسة وهمها لكن مشكلتهم غالبا مش فى الزى نفسه. اسفه على الاطالة |
السلام عليكم ورحمة الله وبركاته..
موضوع مميز اخي عاشق" بصرااحه اللبس الموحد اريح واحسن وافيد بعد لطلابنا.. لان طبقاات المجتمع تختلف عن بعضها في منها الغني وفي منها الفقيير وفي منها المتوسط ،،، فالغني يقدر يوفر لعياله الملابس وبكثره بعد ..ويوميا البنت ولا الشااب يغير من ملابسه ويتكشخ وتصيير المووضه واللوك اهم من درااستهم .. وبذالك تنزرع الكأبه عند الاطفاال الفقراء اللي مايقدرون اهالييهم يوفرون لهم مثل اللي يوفرونه الاغنياء ومو بس جذي ..ويمكن بعد يكرهوون الدرااسه ويكرهوون المدرسه بكبرها بسبب هالشي.. واللبس الموحد موفر اقتصاادي بعد،،يعني بداال كل يووم نلبس لبس ونخسر فلووسنا على ملابس يمكن نلبسها بس مره وحده او مرتين بالسنه..لأ نقدر من اللبس الموحد نشتري منه واحد ولا اثنين ويلبسه الطالب ولا الطالبه طول الكورسين او على الاقل كورس [فصل] وااحد..فـ بالاخير الطلبه رايحين للدراسه وللعلم ،،،مورايحين لعرض الازيااء وبالنسبه للجاامعه..انا بصرااحه مع وضد اللبس الموحد ضد>>لانه بالجاامعه خلاص كبرنا ومو حلو نلبس لبس موحد يعني احس شكلنا غلط كلنا نفس الشي وبعدين الحمدالله يعني الحكوومه ما تقصر موفره للطلبه حسااب خاص يعني كل واحد يقدر يوفر له الملبس اللي يريحه وبنفس الوقت يكون محتشم .. ومع>>مثل ما تفضلتوا في بعض البناات اللي الله يستر عليهم كنهم ما صدقوا انهم دخلو الجامعه ويلبسون لبس مخالف للشريعه الاسلاميه واللي تعودنا عليه ويكونوا محط للانظار ويزرعون الفتنه والعياذ بالله ،،فهنييه انا مع اللبس الموحد او على الاقل مو نفس اللبس..لا...الافضل انه يكوون لبس ساااتر ولا يظهر العوره وانه يكوون محتشم ..مع..اختلاف في الالوان والموديلات...الخ عشاان ما يحسوا انهم مقيدين بلبس وااحد او يحسوا كانهم في المدرسه ..لان الجاامعه مرحله جديده كليا وحلو التغييير فيها ...لكن باحتشام ،،،وهذا طبعا يتوقف على تربيه الشخص من قبل اهله ان كانوا متربيين على الادب ولاحتشاام والاخلاق..ولا متربيين على التعري والحريه السلبيه.و..و..الخ،،فــ الاهل لهم دور كبييير في هالشي يعطييك العاافيه ع الموضوووع الاكثر من رائع ..شكرا لك خيووو تقبل مروري: MISS ROOZY |
أخي الكريم ..
موضوع ممتع ليفكر من انتهى من الدراسة كيف يتسلط على طلبة المدارس ؟! <<<< فيس شرير ههههههههه لكن وبما أن السماح بانفتاح الأزياء غير مهم في رأيي .. الأهم هنا : عندما يسمح بتغيير الأزياء .. ألن تكون هناك تجاوزات ؟! لكن ومن ناحية أخرى .. لا بأس بتغيير الألوان .. من الممكن وضع لون محدد أقل كآبة ( ههههههههه ) لكل مرحلة .. <<<< دا بيطلع شكلهم هاااايل .. وبالنسبة للجامعة ليست كل الألبسة مسموحة .. حتى ولفترة خلت كانت بعض الألوان غير متاحة .. وفي النهاية رأيي بكل بساااااطة .... ما دامت رغبة الطلبة بالتغيير وإن كان هذا يسرهم .. فلا بأس ما دامت هناك قواعد لا يتم تجاوزها .. وضع تحت - القواعد التي لا يتم تجاوزها - مليووووووون خط !!!!!!!!! لا تحرمنا جديدك .. تقبل مروري .. |
بالعكس أنــــا أشووف الزي الموحد للمدرسه أفضـــــــــــل بكثيير لأنو لو اللبس ع كيفنا بنقوول ع الدرااااسه السلااااااااااام بالذات البنات بينشغلوون أش البس واللبس هذا قد لبسته من قبل ولا الشنطه ماتناسب ولازم الأكسسوار مثل اللبس ومدري وشو وخرااابيط كثييير <<الزي المووحد يختصر كل هالمشواار هذا من جهه ومن ناحيه ثاانيه بيصير تفرييق بين الي حالتها الماديه بسيطه والي حالتها الماديه ممتاازه وأناا مع كلاام حنوو لو يوحدون لبس الجاامعه أنا أول من يواافق << من الكسل كل يوم أحوووس ع هالملابس خخخ وسلاااااااامتكم تسلم ع الطرح اخوي رووح |
السلام عليكم
الصراحة انا مع فكرة الزي الموحد طول عمري احب زي المدرسة حتي لما كنا نسوي حفلات كان عادي نلبس اي شي بس انا لا عمري مالبست غيره واحبه كثير حتي يوم دخلت الجامعة صرت اتمني يوحدو الزي بدل الالوان العجيبة واللبس الغريب وخاصة البنات وخاصة ان الجامعات في ليبيا مختلطة هالشي يضايق بس الحل عندي كان بلبس العبايات واريح راسي >>>بس عجبتني الفكرة بكرة اسوي مظاهرة في الجامعة عشان توحيد الزي >> بس اكيد كل الطالبات بيطالبو بفصلي ^_^ شكرا عالطرح الرائع |
السلام عليكم ورحمة الله وبركاته هل عمرك رأيت شركه او صرح كبير شهر وانتشرليس له شعار محدد و الون محدد شركات ارمكوا ...هل الجميع بنفس الزي ..الشرطه الجيش ..الامن العام ..اليس لهم زي موحد وكل هاولاء موظفون ! اكبر المدارس العالميه لها لبس وزي موحد المدارس الخاصه لها لبس موحد وهم يستطيعون لبس ماشاءوا من ذلك فكيف هو الحال بمدرسه حكوميه ضم بين جدرانها كل طبقات المجتمع ونحن لنا الزي الموحد نشاهد الفروق الفرديه بين الطلاب..بالشوز او الشنط والادوات .. ربما لانكم الرجال لا تعانوا من هذا بسبب الثوب ..كيف تكون انت لو تحولت مدارس الاولاد لبس مفتوح ويمنع عنها الثوب ؟؟ راق لي طرحك .. دمت بخير |
مرحبا أخوي ..العنوان بصراحة جذبني ودخلت بسرعة أشوف الموضوع ..
بالنسبة لي أقول نعم للزي الموحد وخصوصا لمراحل التعليم العام ... تعليمنا الآن $أصبح تعليم هش جدا ..وخصوصا في ظل المناهج المطورة وملفات إنجاز الطالب والمطويات و...و ....و....الخ ..الأهل مسبقا مستنزفين من حاجيات المدارس وخصوصا لما يتعدى عدد أفراد الأسرة الطفلين والثلاثة ..فلو قلنا ارحموا أطفالنا من لبس المدارس أتوقع ان الأهل راح يقولون ارحمونا من المصاريف الزيادة ..هذولا أطفال ومراهقين اللي نتكلم عنهم يعني مو بالسهولة اننا نضحك عليهم بلبس أو لبسين ونقول لهم البسوها في المدارس فه فروق بين كل عائلة وعائلة ..وكمان الطالب نفسه ماعاد راح يهتم في دراسته ..بيصير كل واحد يقول انا لبسي أروع ..اذا كان الحين الأطفال يتنافسون في الشنط ..من تجربة بنات أخواني وأخواتي ..هذي تبغى شنطة سبونج بوب وهذي تبغى شنطة فلة ...ولييل طوييل ماله نهاية ... نجي لناحية ثانية ..انا أحس بالتنظيم لما أشوف الطالبات بلبس موحد ..فيه راحة للعين وترى ماقصروا وزارة التربية حطوا لنا موديلات جديدة ..يعني فيها ترتيب أحلى من الموديلات القديمة انا أقول نعم للزي الموحد |
| الساعة الآن 06:01 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية