|
فلانه محجوزه لفلان
فلانة محجوزة لفلان هذه الجملة منتشرة حتى يومنا هذا منتشرة فى كل البلدان العربية دون استثناء وهل البنت أصبحت سلعة تباع ويتم حجزها هل هى سيارة أو شقة أو ثلاجة مثلا؟ بصراحة انا احس ان الحجز فيه ظلم للبنت خصوصا ان الولد لو كبر وغير رايه لن يتأثر كما تتأثر البنت كما أن البنت عندما يعلم الناس انها محجوزة يبتعد كل الخطاب عنها وبالتالى لو ما أتمم من حجزها هذا الزواج ضاعت على البنت كل فرص الزواج من المذنب .في هذا كله. الشاب , الشابه , الأهل , العادات والتقاليد ؟؟ وانت ايها الشاب مارأيك في مسألة الحجز وان تكون محجوز لفتاة ؟؟ وهل هذا الشي موجود في عائلتكم ؟؟ وماموقفكم منه وكماااان أبغى البنات يقولوا رايهم أو مواقف صارت في مجتمعهم وكيف كانت النهاايه ... دمـــــتـــــمـــ بـــــود ,,, |
ههههههههههه اوة كثير تصير عندنا وحدة من قرايبنا كذا نحجزت من وهي صغيرررة وحتى الشاااااب كان بعد صغير بس هي للامانة كانت موافقة على ذا المووضوع بس بعدين لمن كبرت ندمت انها وافقت بس بعد ايش >> لفات الفوووت ماينفع الصوووت بس الحين الحمد لله تزوجو |
رباااااانه نورتي قلبو
يالله الحمد الله اهم شيء تزوجوا ههههه احنا من زماان كانت عندنا بس الحين تقريبااا بدت تختفي بالذات اذا كانت لولد عمها المسكينه ماتقدر تتكلم كل شيء مخطط من وهي صغيره اذكر فيه وحده صار معاها كذا بس لما كبرت رفضت ولد عمها يمكن عشان اللي صار له لانه ترك شغله وجروه اصحاب السوء لطريقهم بس بصراحه احسه موقف شجاع منها يسلموووووو ربانه على المداخله الحلوه وننتظر من الباقين ابداء رايهم |
يااااااااااااااكرهي لهالمقوووله من جد أحسها ظلللم للولد والبنت بنفس الوقت عااد بأذكر ساالفه تو صاايره عندنا << فيس عجبته الجلسه تخيلي وحده أعرفها محجوزه ع قولتهم لولد خاالها وخالها ذا مااعنده إلا هالولد فوق العشر سنواات وهم لبعض ماافيها كلاام موضوع منتهي وغييير قابل للنقاش أصلآ المههههم لما جاء وقت الملكه سووا التحالييل وطلعت البنت مصاابه بفيرووس عاد خالها لما درى رفض يزوجها ولده بحجة أنه ولده الوحييد ومايتحمل يمرض أو يجيه شي هاللحين وش ذنب البنت من جد لا والقهر أنها كبيره شوي وأخواانها مقوومين الدنيا ومقعدينها إلا تتزوجها ولييه إنك حااجزها طول هالمده وهاللحين ترفض وإلا يومكم السالفه ماا إنحلت رحمتت البنت وربي ماالها ذنب وسلااااااامتكم تسلمييين تولييين ع طرحك ياعسسل رووح |
اووووووووووه موضوع الحجز يااكثره بس اشوف انه قل << مانعدم للاسف اذكر في من عايلتنا كل اب حجز بنت الثاني لولده يعني بدل ويوم كبروا العيال واحد من الرجال ماعجبه هالشي وتزوج غيرها والثاني كان راضي ومقتنع بس بعد ماتركوا اخته رفض طيب الثانيه ويش ذنبها اذا كانوا مقتنعين وراضيين احسه ظلم وظلم كبير بالاخص للبنت يعطيك العافيه توولي عالموضوع |
| الساعة الآن 01:43 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية