|
عابر سبيل ، للكاتبة : استبرق أم علاوي ..
السلام عليكم ورحمة الله وبركاته اشتقتلكم يارواد هل قسم وشتقت للقسم هذي روايتي الثانيه من بعد ياللي خذيت قلبي هاته قبل لا تروح وعشان البنات اللي طلبوا مني انزل الروايه الثانيه نزلت الحين وان شاء الله تعجبكم وقت نزول البارتات مو محدد وبما انه المنتدى كله يعلق فعذروووووووني اذا طولت عليكم واتمنى اتمنى من كل وحده تنقل الروايه تنقل اسمي قبل http://www.q8yat.com/images/smilies/smile.gif vvv vv v بجمعية المنصوريه وتحديدا بقسم الاجبان صوت ام عبدالله كان اعلى من كل صوت وهيا تتكلم بالموبايل مع اختها اللي اصغر منها سحر وتدز العربانه ومقعده ولدها حمود بوسط الاغراض يعفس و شيلتها مو حاطتها عدل وعباية الراس اللي كل شوي تطيح وتبين دراعتها الزرقه المشيره والناس تمر يمها وتطالع ام عبد الله : خلاص يعني طلقاج هل خيخه .......... والله لو مو اخو ريلي جان جرجرته بالمحاكم بس اخيييييييي حسافه .................... شنو شنو شنو تتحسفين ؟ هه وعلى شنو يقولج تتحسفين على هل جم شارب ولا على هل جم فلس مالت بس مالت أم عبد الله بالاربعين من عمرها جسمها شوي مليان بس صدرها كبيير بشكل ملفت حتن العبايه ماتخفي حجمه , وهيا مندمجه بالكلام مر عامل شايل كراتين ماي على راسه واول ماطاحت عينه عليه صدرها لا حظت ام عبدالله هل شي ومن حرتها عطته كف طيحت كراتيين الماي على الارض ام عبدالله : عمه بعينك ان شاء الله شتطالع يالثور اذلف اذلف لا نعلك الحين بنعال واحد من اللي يمشون سمع الصراخ وشاف الكراتين مطشره على الارض والهندي قام يركض من الخرعه : خير حجيه شصاير ام عبدالله : شصاير بعد شصاير هل خمه مايستحون والله لعلمه شغل الله وينه بس وين راح الريال : هدي حجيه هدي ام عبدالله : شهدي , وخر بس وخر --------------------------------------- بوعبد الله : هلا فيصل تفضل فيصل : هلا بوعبدالله : شفيك بعد وانت كل ماتييني متكدر , ماصارلك سنه من تزوجت وانت مشاكلك ازيد من مشاكلي فيصل << وهوا يمسح على سكسوكته : خلاص طلقت المشاكل بوعبدالله : يعني شنو؟ فيصل : طلقت سحر بوعبدالله : لاحول الله يبه شفيك شصار فيصل : يعني شصار ؟ مو محترمتني, بالدخله والطلعه صراخ ونجره وكله واقفتلي متخصره وين رايح ومنين ياي لا أكل لانوم عدل , لا موعيشه هذي انا تزوجت عشان برتاح عشان بستقر اذا هذا اولها ينعاف تاليها بو عبدالله : وشبتسوي الحين بترد عزابي ؟ مردك بتتزوج لا زم تتحمل لازم تصبر ماكو زواج يخلى من المشاكل كا انا فيصل : انت كيفك تتحمل انا غير ياسمين نزلت وهيا تناقز على الدري : قوه عمي فيصل : هلا يسوم هلا بو عبدالله : وين على الله ؟ ياسمين : بروح مع فجور رفيجتي جوكليت بار اللي بالبدع كالعاده << ابتسامة دلع فيصل : ليلحين هل جكلت بار ياسمين : وليلحين فجور بعد هههه بوعبدالله : اوكي توكلي ياسمين : بيباي دادي بيباي أنكل << وطلعت فيصل : على العموم انا الحين بسافر تركيا بيب بضاعه بتاجر , هل زفت وقفت تجارتي من خذيتها مو مخليتني اسافر ماخذه الجواز وتقول ان سافرت طلقني , ابركها من ساعه بو عبدالله : الله معاك ويوفقك ودير بالك متى الروحه فيصل : الخميس ان شاء الله بو عبد الله : في وداعت الله ----------------------- حاسبت أم عبدالله وهيا تتلفت ادور الهندي طلعت والهندي اللي يدز العربانه كان متنرفز من حركات ام عبالله , ام عبدالله تمشي قباله رايحه السياره وطول الطريج تكمل سوالفها حق سحر وتقولها شسوا الهندي وهيا تسب وتتحسب عليه , وصلت السياره وبطلت الدبه لتفتت على الهندي وشافته وراها بمسافه وحمود موموجود بالعربانه |
في بيت قديم بالسالميه - حجيه شيخه مره كبيره بالعمر قاعده بالصاله قعده ارضيه وتلقط العيش وتشوف برنامج بتلفزيونها الصغير اللي حاطينه على طاولة الاكل - الحجيه عندها 3 اولاد متزوجين وعندهم عيال و2 منهم عندهم احفاد وعندها بنتين فرح متزوجه عمرها 33 وعندها عيال والبنت الثانيه الصغيره فجر - دخلت عليها بنتها فجر اللي بعمر ياسمين 18 سنه وحذفت نفسها على المطرح يم امها فجر : يمااا بطلع حجيه شيخه : يا يمه بسج من هل طلعات قعدي شوي ساعديني فجر : يماااا خو شويه , واساعدج بشنو, الخدامه مو مقصره حجيه شيخه :يمه الطلبات وايد على الكبب وانا مو ملحقه , خلي ياسمين اتيي هني واتسلو بالطباخ فجر : امبييي يماااا شتقولين وين قاعدين بتفشليني مع البنت , خلاص انا بس ارد اساعدج حجيه شيخه : لا حول الله والله اني ما اقدر عليج انتي الوحيده من بد اخوانج عنيده عنيييده فجر : يمكن ليش يبتيني على كبر وبلغلط , بيني وبين فرحوه 15 سنه حدي يايه بالوقت الضايع حجيه شيخه : عيب اتكلمي عدل , ولا تقولين فرحوه هذي اختج اللي اكبر منج قامت فجر لمن سمعت تيلفونها يرن لمن شافت رقم ياسمين حطته صامت ولبست بسرعه ودقت عليها ياسمين : حلفي فجر : والله ياسمين : انتي ويه طلعه ؟ زارعتني عند الباب طلع فيني بطاط وانا انطر فجر : كاااااااااااك والله عبالي انتي بالطريج سوري شعندج يايه مبجر ياسمين : طلعي اول بعدين قرقي فجر : اوكي ثواني باي ----------------------------------------- بجمعية المنصورية ... ام عبدالله << مخترعه وتصرخ : وين بيبي وين بيبي كان مني << تأشر داخل العربانه الهندي : منو بيبي , ماكو بيبي ام عبدالله امسكت الهندي من ملابسه وقامت اتخضه واتصرخ بأعلى صوتها ام عبدالله : وين ولدييييييييييي طلعه لا اطلك روحك طلعه قامت تصرخ ودزت الهندي على السياره وقامت تمشي بالشارع جنها مينونه وتدور بين السياير وتحت السياير والناس التمت عليها بتهديها واحد من الشباب مسك الهندي لمن شافه بينحاش ودق على المخفر وخمس دقايق ولا الشرطه واصله طبعا الشرطه مافهمت ولا شي من ام عبدالله لانها كانت امهستره وتصرخ وتسب ورايحه وراده على الهندي بالطراقات وتحولت القضيه لي المخفر وام عبدالله اتصلت على ريلها اللي توه طالع من عنده فيصل وقالتله عن السالفه ------------------------------------------- تركيا في قريه فقيره كلها فلاحين .. خاتون : اختي زهره وين موديه العيال ؟ زهره : بوديهم دار الايتام حالتي الماديه ماتسمح اربي 4 يهال وابوهم توه متوفي ماخلالنا شي خاتون : الله يرحمه , بس شلون بتتحملين زهره : انا كل يوم بمر عليهم , والدار تقدر تتكفل فيهم احسن مني , واحسن مايتربون بالشوارع وبشتقلي شغله محترمه مثل خياطه او تجاره اجمعلهم جم فلس خاتون : شوفي انا اعرف واحد باسطنبول عنده مشغل صغير اذكر امي اشتغلت فيه ماادري ليلحين موجود ولا لا بس روحي شوفي وقوليله انا من طرف ام عابدين وشوفي شيقول زهره : ان شاء الله بكرا ------------------------------------------- ام عبدالله مو معطيه الظابط مجال يكلم الهندي ماسكته وتصفع فيه الظابط : حجيه تفضلي قعدي هني لمن اخلص التحقيق ادخلج ام عبدالله : ما ادخل لمن ايبلي ولدي , عمه بعينك وين وديته << رايحه بتكمل على الهندي وقف الظابط بينهم ووياله بكس على جتفه بالغلط خله ام عبدالله تهدا الظابط << متنرفز : حجيه قعدي هني ويناديج الشرطي لمن ننخلص ام عبدالله << نزلت منها دمعه : يمه وين اهدا وظناي مو عندي مادري شقاعد يسون فيه الحين , حي ولا ميت ساكت ولا يبجي << وكملت بجيها الظابط : لا حول الله ان شاء الله مايطوف اليوم الا وولدج بحظنج دخل الظابط غرفة التحقيق وبدا يحقق مع الهندي ولمن شاف الهندي مامستجوب معاه بدا يصفع فيه الظابط الثاني لمن تحجى الهندي << متصروع : بابا والله هذي ماما طقي اخوي مال انا واجد داخل جمعيه اخوي تعبان مريض سكر بعدين انا يطلع بره ودي اغراض سياره هذا اخوي اجي اخذ ولد مال مدام ودي ورا جمعيه عرف الظابط انه الاخوين بينتقمون من ام عبدالله بولدها وراحو مكان اللي صار فيه اختطاف مع ام عبدالله وبوعبدالله وشافو ولدهم قاعد بحظن هنديه بسياره كانت بتمشي ومعطينه صمونه ام : عبدالله عمه بعينكم يال.... وين مودينه , يبيه الله ياخذج << وقعدت تكمش بالهنديه فاججهم بوعبدالله وخلى ام عبدالله تاخذ حمود وترجع البيت وهوا كمل الاجراءات مع الظابط بالمخفر ----------------------------------------- انزلت فجر وفتحت باب السكه ولا تشوف هوندا اكورد كحليه باب واحد واقفه عند بابهم , استغربت ولمن قربت شافت ياسمين داخلها وتأشرلها تركب فجر : يسوم من وين هل سياره ؟ ياسمين : وعليكم السلام انا زينه انتي شلونج فجر : السلام , انزين مالت منو ؟ ياسمين : مالت عبود شراله انفنتي وعطاني الهوندا فجر : والله وكشخوج من عقب تيوتت ابوج اللي بطلعت الروح يعطيج اياها , اشوف يايتلي مبجر , وين بنقز ؟ ياسمين : جوكلت بار << بدلع فجر : مكانه المقدسه ؟ فجر / ياسمين : هههههههههههههههههههههههه مشو بشارع الخليج وهما طول الطريج سوالف ياسمين : شرايج ؟ فجر : رايي بشو << بالبناني ياسمين : بدام عيد ميلادنا بينه اسوعين ليش مانسوي بنفس اليوم ونعزم البنات فجر : بجوكلت البار ياسمين : لا عاد مصاخه تصير ندور مكان ثاني وهما مندمجين بالسوالف لزق بسيارتهم جيب اسود يوكن مغيم وبنفس سرعتهم ياسمين : وييييي هذا شفيه شوي يقعد معانا السياره فجر : يماااا وخري لا يحك بسيارتج بطل الجام وطلع راسه : فجروووووووووو فجر : وااااي دوسي يسومووو دوسييييي ياسمين : منو هذا ؟ فجر : دوسيييييي مشت ياسمين بأقصى سرعه ولحقها الجيب من حاره لي حاره ومن شارع لي شارع ولا زق فيهم ياسمين : فجر الله ياخذج منو هذا بتمشكلينا انتي فجر : واي واي واي بيدعمنا حدا لازق ياسمين : كاميرا مو قادره اخفف امبييييي بتصورنااااا فجر : خففي حاولي .... صورتنا اف ياسمين : منو هذا تحجي منووو ؟ فجر : هذا يوسفو اللي قبل سنتين هديته ياسمين << مصدومه : يوسف ؟ هذا يوسف ؟ امبيييي صار ريال كبر فجر : حده ,ويييه جم صار الحين ؟ 23 امممم 25 , هوب هوب هوب وين رايحه ياسمين : بسفط عند ماكدونالدز فجر : ليش ؟ لحظه ؟ ياسمين : بعرف شيبي ؟ فجر : ياسمينو تره انا هادته عشان متهور ومينون ويسوي اللي براسه دير بالج لا تمشكلينا صفطت ياسمين وصفط يمها يوسف ونزل من السياره بطلت ياسمين جامتها بس يوسف راح جهة فجر فجر : يماااه شيبي هذا ؟ ياسمين : بطلي بطلي خل انشوف شيبي وبطلت فجر الدريشه يتبع -------------------------------- |
بيت حجيه شيخه .. حجيه شيخه : سوما , سوماااا , وين راحت , سوماااا سوما : نعم ماما حجيه شيخه : نعامه , ليش تحقرين سوما : ماما انا مايسمع حجيه شيخه : كاهو المطبخ خطوتين , شلون ماتسمعين , خلصتي الكبب ولا لا؟ سوما : شويه بعد دخلت الخدامه المطبخ , والحجيه تنرفزت منها لانها حقرتها , دقت الحجيه على زباينها عشان ايون يستلمون طلباتهم , وقامت راحت المطبخ بخطواتها الثقيله وماسكه عصاتها حجيه شيخه : شوف شتسوي اتقول بقى شوي وانتي توج باديه , حسبي الله عليج من خدامه قومي ماابي اشوفج قبالي قومي قامت الخدامه وانثرت العيش اللي بإيدها على الارض وقامت تتحلطم ,وقعدت الحجيه متظايقه تكمل الشغل دخلت فرح مع عيالها وشافت الخدامه تتحلطم عرفت انها متناجره مع امها , حطت بنتها لولوه بو اربع شهور على المطرح ودشت المطبخ وشافت امها تشتغل وهيا مكشره اوقفت وراها فرح : ميووو حجيه شيخه : بسم الله , منو , فرحوه يعلج العافيه خرعتيني فرح : هههههههه اسم الله عليج من الخرعه حجيه شيخه : ياربي وانا اقول من وين ياتني هل قطوه , وين سعد و جاسم وين لولو؟ فرح : لولو نايمه والصبيان يلعبون في بي اس بي مالت فجور حجيه شيخه : ويييي يايمه الحين اتيي تسويلنا سالفه فرح : خل اتولي اشفيها يعني اذا لعبو بكل شي تحط دوبها ودوبهم جنها ياهل , وانتي شفيج مع الخدامه ؟ عفست الحجيه وييها وكملت شغل , ابتسمت فرح لانها تدري انه امها كله نجره مع الخدم -------------------------------- بشارع الخليج .. صفط يوسف يم سيارة ياسمين ونزل منها , يوسف ملامحه حلوه بس كله مكشر شعره اسود ناعم ورافعه شوي كان لابس تيشيرت ابيض وبنطلون رياضه رمادي وجوتي رياضه ابيض ,.. ياسمين نزلت دريشتها وابتسمت بس يوسف راح جهة فجر فجر : يماااه شيبي هذا ؟ ياسمين : بطلي بطلي خل انشوف شيبي بطلت فجر الدريشه ويوسف حط ايده على الدريشه ودخل راسه يوسف : قوه يا حلوه فجر : هلا يوسف : سنتين مو شايفتني وبس هلا افااا ياسمين : اهلين وسهلين ومرحبتين يوسف رفع راسه منصدم من جرأة ياسمين يوسف : ماعرفتينا على صديقتج ياسمين : انا يسومه يوسف : يااااسمييييين ياسمين : يسوووومه << شدة على السين يوسف : والله وكبرتي يايسومه , عرفتيني ياسمين : وهل يخفى القمر فجر : بغيت شي يوسف يوسف : انتي سكتي الكلام مو لج , كا يسومه مستانسه بشوفتي شفيها ام هباش متكدره فجر : يوسف اخلص شتبي ؟ يوسف عصب من فجر بطل الباب وسحب فجر من زنودها , ياسمين اخترعت وخافت يسوي فيها شب ونزلت يوسف : تحجي عدل لا اشق حلجج مو قدج انا فهمتي فجر : وخر يا حيواااااان وخر يعل ايدك الكسر ياسمين : يوسف هدهااا بليز عشاني , شوف الناس شلون قاعد تشوفنا يوسف << هداها : عشانج بس فجر << معصبه : يسوم امشي خل نرد البيت يوسف : اننتي ذلفي السياره , بكلم يسومه بروحها << يحرها فجر : ياسمينو امشي << تسحبها من ايدها يوسف : والله ماتمشي لمن اكلمها ياسمين خذت فجر على جنب وكلمتها ياسمين : فجور حياتي خل اشوف شيبي شكله ماراح يخلينا نمشي لمن ايقول اللي عنده فجر : انتي شكو فيه , والله مصدقته , اهوا بس بيحرني خل يولي ياسمين : يمعوده خل نشوف شيبي عشا.... يوسف : خلصوناااا ياسمين : يالله عاد صعدت فجر السياره وهيا متنرفزه , وياسمين راحت وقفت مع يوسف يم سيارته يوسف : شقلتيلها ياسمين << بدلع : سر يوسف : ماشي سر سر , يسوم ليش فجر هدتني فجأه ياسمين :يوسف انت طفشتها تعاملها جنها ياهل وكله تهددها يوسف : اها , بس صج اهيا ياهل عمرها ماحسستني انها كبيره حنانه وخوافه ياسمين : خلاص انساها فجر تمللت وتظايقت وهيا تشوفهم يسولفون وودها تعرف شنو يقولون , طقت هرن , التفت عليها يوسف يوسف : هيييييي وخري ايدج عن الهرن لا اكسرها لج فجر : يسووووم يالله امي قاعده تتصل ياسمين : يالله يوسف انا اخليك يوسف : يسوم بلييز دقي علي ودي اقولج كلام وايد ياسمين : اشوف اشوف باااي صعدت ياسمين السياره وهيا ماشيه ابتسمتله بلع وسوتله باي وراحت ياسمين : شقلتي حق امج فجر : لووووول اقص عليج يا العاشقه , دير بالج لا تطيحين بهل فخ اقرصتها ياسمين وهيا معصبه منها --------------------------------------------- ام عبدالله : حبيبي حمود حماده يمه شلونك , وين دودو ام عبدالله قاعده بالصاله وماسكه ولدها محمد وتتفحصه اذا سووله شي ولا عوروه , دخل عليها ولدها عبدالله 21 سنه و متكشخ آخر كشخه وماسك البلاك بيري وحاط كفر اخضر على بلوزته (عبدالله عصبي ومتمرد ولسانه طويل مايحترم اي احد حتن اهلا تقدرون تقولون طالع على امه بس حتن امه مو سالمه منه وهوا جمييييل جميل ومستغل جماله بالعب على البنات ) عبدالله : شتسوين ؟ تدورين قمل بجسمه ام عبدالله : بدال لا تقول الحمدلله على السلامه , خطاج السو عبدالله : وليش شصاير بعد ام عبدالله : شصاير ؟ اختطفو حمود وقعدنا فوق الساعه ندور عليه وآخر شي لقينا عند الهنود بالجمعيه ماخذيه عقب التحقيق والمخافر عبدالله : شنو ! وانتي وينج يوم اختطفو ومن هل حيوان اللي خذاه ام عبدالله : ويييه خلصت السالفه وانت توك ياي بتطاقق عبدالله : والله من اهمالج خذوه اكيد حاذفته وراج يمشي وانتي تطمشين على الناس ام عبدالله : عبيد تكلم عدل لا اقطع الوايرات على ظهر عبدالله : على العموم مو غريبه بدام انتي امه خخخخخخ << ومشى عشان بيطلع ام عبدالله : يا .... ياللي مو متربي اذلف طلع عبدالله روكب سيارته اليديده الانفنتي ودقت على وحده من رفيجاته من تيلفون السياره جواهر : الو !!! عبدالله : قوه جواهر : منو عبدالله : انتي الحلوه ؟ جواهر << عرفته : لا الجميله عبدالله : وينج الحين ؟ جواهر : اول رقم منو هذا؟ عبدالله : مفاجأه , بشوفج الحين اول جواهر : اوكي انا الحين رايحه الصالون تعالي هناك عبدالله : اوكي , اللي بصباح السالم مو ؟ جواهر : اي جواهر وصلت عند الصالون وشافت عبدالله بالسياره اليديده وركبت معاه وفتر فيها وبعدها صفط يم الصالون ونزلها ودق على الرفيجه الثانيه وهكذا --------------------------------------------- يوم الجمعه , تركيا , اسطنبول .. فيصل : شهاب ها ننزل نتريق شهاب : يالله , لاتنسى جنطة الفلوس فيصل : اوكي فيصل وشهاب صديقه وصلو تركيا الخميس بليل , والجمعه نزلو يتريقون وعقبها طلعوا يدورن بضاعه للتجاره , وصلو عند محل جناط تقليد ماركه وخذو كميه من الجناط عشان يتاجرون , وعقبها فتروا بالمجمعات والسواقه وتمشو ورجعوا الفندق تعشوا وسهروا ونامو بجهه ثانيه زهره باشرت عمل في الخياط اللي قالتلها عنه اختها خاتون من يومين عقب ماسمع اسامه مدير الخياط سالفتها وعرف انها بنت ام عابدين وكانت تنام بغرفه من الغرف اللي بالخياط اليوم الثاني كملوا فيصل وشهاب مشاويرهم وحاولو يخلصون بسرعه عشان بليل بيرجعون الكويت وصلو عند محل للملابس النسائيه , وقرروا يشترون جم قطعه فيصل : شرايك ناخذ من كل بدله مقاسين , هذيله ملابسه راقيه ورخيصه شهاب : شهاب , والله خوش فكره عشان نخلص ونرد , كافي علينا جناط وملابس فيصل << يكلم راعي المحل : السلام عليكم البايع : اهلا وسهلا فيصل : شلون اذا بناخذ منك جم قطعه وكل وحده مقاسين , اترخصلنا البايع : والله ماتلقى مقاسات لازم طلب من المصنع فيصل : اممم وجم ساعه يوصل الطلب ؟ البايع : اليوم نعطيهم خبر وباجر يوصل لانه اليوم السبت والسايق اجازته اليوم فيصل : عطني عنوان المصنع وانا اروحله خذه فيصل العنوان وراح اهوا وشهاب بعد نص ساعه وصلوا ولا المصنع اهوا خياط صغير في جم وحده يخيطون فيه شاف فيصل وحده ماخذه جيس بتدخل داخل فيصل : لو سمحتي انتي تشتغلين هني ؟ زهره : تفضل يتبع ----------------------------------- |
بيت حجيه شيخه .. حجيه شيخه : سوما , سوماااا , وين راحت , سوماااا سوما : نعم ماما حجيه شيخه : نعامه , ليش تحقرين سوما : ماما انا مايسمع حجيه شيخه : كاهو المطبخ خطوتين , شلون ماتسمعين , خلصتي الكبب ولا لا؟ سوما : شويه بعد دخلت الخدامه المطبخ , والحجيه تنرفزت منها لانها حقرتها , دقت الحجيه على زباينها عشان ايون يستلمون طلباتهم , وقامت راحت المطبخ بخطواتها الثقيله وماسكه عصاتها حجيه شيخه : شوف شتسوي اتقول بقى شوي وانتي توج باديه , حسبي الله عليج من خدامه قومي ماابي اشوفج قبالي قومي قامت الخدامه وانثرت العيش اللي بإيدها على الارض وقامت تتحلطم ,وقعدت الحجيه متظايقه تكمل الشغل دخلت فرح مع عيالها وشافت الخدامه تتحلطم عرفت انها متناجره مع امها , حطت بنتها لولوه بو اربع شهور على المطرح ودشت المطبخ وشافت امها تشتغل وهيا مكشره اوقفت وراها فرح : ميووو حجيه شيخه : بسم الله , منو , فرحوه يعلج العافيه خرعتيني فرح : هههههههه اسم الله عليج من الخرعه حجيه شيخه : ياربي وانا اقول من وين ياتني هل قطوه , وين سعد و جاسم وين لولو؟ فرح : لولو نايمه والصبيان يلعبون في بي اس بي مالت فجور حجيه شيخه : ويييي يايمه الحين اتيي تسويلنا سالفه فرح : خل اتولي اشفيها يعني اذا لعبو بكل شي تحط دوبها ودوبهم جنها ياهل , وانتي شفيج مع الخدامه ؟ عفست الحجيه وييها وكملت شغل , ابتسمت فرح لانها تدري انه امها كله نجره مع الخدم -------------------------------- بشارع الخليج .. صفط يوسف يم سيارة ياسمين ونزل منها , يوسف ملامحه حلوه بس كله مكشر شعره اسود ناعم ورافعه شوي كان لابس تيشيرت ابيض وبنطلون رياضه رمادي وجوتي رياضه ابيض ,.. ياسمين نزلت دريشتها وابتسمت بس يوسف راح جهة فجر فجر : يماااه شيبي هذا ؟ ياسمين : بطلي بطلي خل انشوف شيبي بطلت فجر الدريشه ويوسف حط ايده على الدريشه ودخل راسه يوسف : قوه يا حلوه فجر : هلا يوسف : سنتين مو شايفتني وبس هلا افااا ياسمين : اهلين وسهلين ومرحبتين يوسف رفع راسه منصدم من جرأة ياسمين يوسف : ماعرفتينا على صديقتج ياسمين : انا يسومه يوسف : يااااسمييييين ياسمين : يسوووومه << شدة على السين يوسف : والله وكبرتي يايسومه , عرفتيني ياسمين : وهل يخفى القمر فجر : بغيت شي يوسف يوسف : انتي سكتي الكلام مو لج , كا يسومه مستانسه بشوفتي شفيها ام هباش متكدره فجر : يوسف اخلص شتبي ؟ يوسف عصب من فجر بطل الباب وسحب فجر من زنودها , ياسمين اخترعت وخافت يسوي فيها شب ونزلت يوسف : تحجي عدل لا اشق حلجج مو قدج انا فهمتي فجر : وخر يا حيواااااان وخر يعل ايدك الكسر ياسمين : يوسف هدهااا بليز عشاني , شوف الناس شلون قاعد تشوفنا يوسف << هداها : عشانج بس فجر << معصبه : يسوم امشي خل نرد البيت يوسف : اننتي ذلفي السياره , بكلم يسومه بروحها << يحرها فجر : ياسمينو امشي << تسحبها من ايدها يوسف : والله ماتمشي لمن اكلمها ياسمين خذت فجر على جنب وكلمتها ياسمين : فجور حياتي خل اشوف شيبي شكله ماراح يخلينا نمشي لمن ايقول اللي عنده فجر : انتي شكو فيه , والله مصدقته , اهوا بس بيحرني خل يولي ياسمين : يمعوده خل نشوف شيبي عشا.... يوسف : خلصوناااا ياسمين : يالله عاد صعدت فجر السياره وهيا متنرفزه , وياسمين راحت وقفت مع يوسف يم سيارته يوسف : شقلتيلها ياسمين << بدلع : سر يوسف : ماشي سر سر , يسوم ليش فجر هدتني فجأه ياسمين :يوسف انت طفشتها تعاملها جنها ياهل وكله تهددها يوسف : اها , بس صج اهيا ياهل عمرها ماحسستني انها كبيره حنانه وخوافه ياسمين : خلاص انساها فجر تمللت وتظايقت وهيا تشوفهم يسولفون وودها تعرف شنو يقولون , طقت هرن , التفت عليها يوسف يوسف : هيييييي وخري ايدج عن الهرن لا اكسرها لج فجر : يسووووم يالله امي قاعده تتصل ياسمين : يالله يوسف انا اخليك يوسف : يسوم بلييز دقي علي ودي اقولج كلام وايد ياسمين : اشوف اشوف باااي صعدت ياسمين السياره وهيا ماشيه ابتسمتله بلع وسوتله باي وراحت ياسمين : شقلتي حق امج فجر : لووووول اقص عليج يا العاشقه , دير بالج لا تطيحين بهل فخ اقرصتها ياسمين وهيا معصبه منها --------------------------------------------- ام عبدالله : حبيبي حمود حماده يمه شلونك , وين دودو ام عبدالله قاعده بالصاله وماسكه ولدها محمد وتتفحصه اذا سووله شي ولا عوروه , دخل عليها ولدها عبدالله 21 سنه و متكشخ آخر كشخه وماسك البلاك بيري وحاط كفر اخضر على بلوزته (عبدالله عصبي ومتمرد ولسانه طويل مايحترم اي احد حتن اهلا تقدرون تقولون طالع على امه بس حتن امه مو سالمه منه وهوا جمييييل جميل ومستغل جماله بالعب على البنات ) عبدالله : شتسوين ؟ تدورين قمل بجسمه ام عبدالله : بدال لا تقول الحمدلله على السلامه , خطاج السو عبدالله : وليش شصاير بعد ام عبدالله : شصاير ؟ اختطفو حمود وقعدنا فوق الساعه ندور عليه وآخر شي لقينا عند الهنود بالجمعيه ماخذيه عقب التحقيق والمخافر عبدالله : شنو ! وانتي وينج يوم اختطفو ومن هل حيوان اللي خذاه ام عبدالله : ويييه خلصت السالفه وانت توك ياي بتطاقق عبدالله : والله من اهمالج خذوه اكيد حاذفته وراج يمشي وانتي تطمشين على الناس ام عبدالله : عبيد تكلم عدل لا اقطع الوايرات على ظهر عبدالله : على العموم مو غريبه بدام انتي امه خخخخخخ << ومشى عشان بيطلع ام عبدالله : يا .... ياللي مو متربي اذلف طلع عبدالله روكب سيارته اليديده الانفنتي ودقت على وحده من رفيجاته من تيلفون السياره جواهر : الو !!! عبدالله : قوه جواهر : منو عبدالله : انتي الحلوه ؟ جواهر << عرفته : لا الجميله عبدالله : وينج الحين ؟ جواهر : اول رقم منو هذا؟ عبدالله : مفاجأه , بشوفج الحين اول جواهر : اوكي انا الحين رايحه الصالون تعالي هناك عبدالله : اوكي , اللي بصباح السالم مو ؟ جواهر : اي جواهر وصلت عند الصالون وشافت عبدالله بالسياره اليديده وركبت معاه وفتر فيها وبعدها صفط يم الصالون ونزلها ودق على الرفيجه الثانيه وهكذا --------------------------------------------- يوم الجمعه , تركيا , اسطنبول .. فيصل : شهاب ها ننزل نتريق شهاب : يالله , لاتنسى جنطة الفلوس فيصل : اوكي فيصل وشهاب صديقه وصلو تركيا الخميس بليل , والجمعه نزلو يتريقون وعقبها طلعوا يدورن بضاعه للتجاره , وصلو عند محل جناط تقليد ماركه وخذو كميه من الجناط عشان يتاجرون , وعقبها فتروا بالمجمعات والسواقه وتمشو ورجعوا الفندق تعشوا وسهروا ونامو بجهه ثانيه زهره باشرت عمل في الخياط اللي قالتلها عنه اختها خاتون من يومين عقب ماسمع اسامه مدير الخياط سالفتها وعرف انها بنت ام عابدين وكانت تنام بغرفه من الغرف اللي بالخياط اليوم الثاني كملوا فيصل وشهاب مشاويرهم وحاولو يخلصون بسرعه عشان بليل بيرجعون الكويت وصلو عند محل للملابس النسائيه , وقرروا يشترون جم قطعه فيصل : شرايك ناخذ من كل بدله مقاسين , هذيله ملابسه راقيه ورخيصه شهاب : شهاب , والله خوش فكره عشان نخلص ونرد , كافي علينا جناط وملابس فيصل << يكلم راعي المحل : السلام عليكم البايع : اهلا وسهلا فيصل : شلون اذا بناخذ منك جم قطعه وكل وحده مقاسين , اترخصلنا البايع : والله ماتلقى مقاسات لازم طلب من المصنع فيصل : اممم وجم ساعه يوصل الطلب ؟ البايع : اليوم نعطيهم خبر وباجر يوصل لانه اليوم السبت والسايق اجازته اليوم فيصل : عطني عنوان المصنع وانا اروحله خذه فيصل العنوان وراح اهوا وشهاب بعد نص ساعه وصلوا ولا المصنع اهوا خياط صغير في جم وحده يخيطون فيه شاف فيصل وحده ماخذه جيس بتدخل داخل فيصل : لو سمحتي انتي تشتغلين هني ؟ زهره : تفضل يتبع ----------------------------------- |
السبت بيت ام عبدالله , غرفة ياسمين .. فجر : ياسمينو ماتخافين والله مو صاحي شفتي ذاك اليوم شسوا فيني بقى يكوفني جدام الله وخلقه ياسمين : مالج شغل عطيني الرقم قلتلج فجر : يمكن غيراه صارله سنتين ياسمين : اووهووو انتي عطيني وانا اتصرف يالله فجر : والله خايفه عليج م.... ياسمين << قاطعتها : عطيييينييي فجر عطت ياسمين رقمه وهيا خايفه من اللي بيصير , ياسمين دقت على يوسف وتسكر في ويها ياسمين : هذا سكرا فجر : شفتي قتلج غيراه خلاص مسحي الرقم وخل ننزل ناك...... (دق التيلفون) ياسمين <<بنعومه : الووو , الوووو يوسف : ( ساكت ) ياسمين : اوكي انا الحين بسده س ماراح ادق ولا راح ارد عليك باي يوسف : هلا بالحلو المعصب ياسمين : اهلييين يوسف : صوتج بالتيلفون عذااااب ياسمين : ثانكيوووو , هذا من ذوقك , فجر كانت حاطه اذونها يم راس ياسمين واشرتلها انه يالله ابدو بالجد وياسمين دزتها ردت فجر وخرت ايد ياسمين وياسمين دزها يوسف : ياهووو , نحن هنا , في احد يمج ياسمين : ها لا لا , بس قاعده ابدل يوسف : مو بسج من القز والفراره ياسمين : لا بروح محل ورد اليوم عمي يوصل بالليل بنستقبله يوسف : يسوم ياسمين : عيونها فجر طقتها وياسمين دزتها يوسف : تسلم عيونج الكحيله , يخليج ربي , اممممم شنو بتلبسين ؟ اي لون؟ فجر اشرتلها انه ماتقول وياسمين لفت وييها ياسمين : باللبس جينز وقميص احمر وشيله ابيض بحمر فجر : خفيفه خفيفه حدج ياسمين : جب يوسف : شنو ياسمين : لا اكلم الخدامه فجر اقرصتها ياسمين : اح , أأأ يوسف ليش تسأل شنو باللبس ؟ يوسف : سر ياسمين : ههههه ماشي سر سر تبطل الباب فجأه واخترعوا فجر وياسمين والتفتو ولا عبدالله واقف عبدالله : شتسوون ياسمين : مريوم لحظه شويه , عبود شكو مبطل الباب بالله البنت فاصخه حجابها ولا موقاعده عدل عبدالله : لا تصرخين لا شق حلجج , اشرها مو عليج الشرها علي انا اللي كنت بفركم بسيارتي فجر كانت ميته خرعه وخايفه عبدالله يجكهم بس ياسمين مابينتله كلش انها مرتبكه ياسمين : عقب شنو عقب ماركبت اللي يسوا واللييييي , المهم , الو مريوم بعدين ادق عليج باااي حبي طبعا يوسف ماقال ولا كلمه سكر التيلفون وهوا منصدم وقرر يروح المطار ينطرهم لانه مايدري اي حزه بالضبط بيوصل عمهم , قام بيلبس وسمع طقت الباب يوسف : منو أسماء : انا يوسف : نعم بطلت اسماء الباب وكانت لابسه تنوره قصيره وعلاق ابيض خفيف وفاله شعرها وحاطه ايدها على بطنها أسماء : يوسف بتطلع ؟ يوسف ولا هتزت شعره من جسمه لمن شافها كمل يلبس يوسف : انتي شتشوفين ؟ أسماء << حطت راسها على ظهره وايدها على خصره وهوا يمشط شعره : يوسف اقعد معاي شوي يوسف : مستعيل أسماء : يوسف حبيبي من متى مو قاعدين مع بعض يوسف : انزين وخري شوي خل اللبس الحزام أسماء : يوسف يوسف : (ساكت) أسماء : يوسف انا يوسف << قاطعها : لاتقولين يوسف وايد قولي شتبين بدون ماتكررين اسمي أسماء ندقرت وخلتى يكمل لبسى وطلعت من الغرفه وراحت غرفة بنتها اللي عمرها سنه وكانت قاعده تلعب بألعابها التركيب قعدت أسماء يمها تلعب معاها ودمعتها على عينها _ ( اسماء تزوجت يوسف عن حب قبل سنه ونص وكانت حياتها حلوه بس بسرعه حملت وكانت نساتها قويه وكله ترجيع ’ تكرمون ’ وتنست بريلها ماتبي تشوفه او تشم ريحته ومن يومها يوسف بدا يغازل ويكلم ودبلته يفصخها ويخليها بالسياره عشان البنات مايعرفون انه متزوج, وهيا طاحت عليه اول مره وهيا بالنفاس وليلحين وهيا تحاول ترجعه لها بس علاقتها بردة معاه خصوصا انه وقتها نصه حق يوسف ونصه حقها وحق بنتها والحين حامل وودها نساتها ماتكون مثل قبل) ------------------------------------------ في بيت ام عبدالله .. سحر : حيوان كلش مو حاس على طول سافر ام عبدالله : انسييييه حبيبتي انسيييه والله لا ازوجج واحد البنات كلهم يتكلمون عنه عبدالله << يقلب بالقنوات : زوجي بنتج اول ام عبدالله كملت حجيها وهيا تعطي عبدالله نظرت تهديد : هذا واحد ماينتحسف عليه خيخه ماعنده شخصيه سحر : من يبيني الحين مطلقه ماصارلي سنه الحين الكل يقول هذي اكيد فيها شي ام عبدالله : لا حبيبتي مافيج شي الكل يدري انه العيب فيه والدليل كاهو اتطلق اليوم سافر باجر حده يتهرب من كلام الناس سحر : انتو وين رايحين لايكون المطار << تكلم ياسمين وفجر اللي توهم نازلين وكاشخين ياسمين : بنتشتري اول ورد بعدين بنتمشى بالمطار على مايوصل سحر : شكووووووو هذا يستاهل ورد ؟ هذا يستاهل تستقبلونه بجواتيكم على راسه بدال ماتوقفون معاي وماتحاجونه كلكم رايحين له ها عبدالله : اقول مثل مانتي خالتنه اهوا عمنه اذا بنزعل نزعل من الاثنين ها شرايج نزعل منج ونطردج الحين ام عبدالله : عبييييد سحر : ايا الحقير ام عبدالله : انت ماتحشم احد يا ثور عبدالله استحى من فجر شلون قاعدين ايهينونه قبالها عبدالله : لا تسبون انتي وياها لا والله اسوي شي عمركم ماشفتوه سحر : احترم نفسك اكو احد يعلي صوته على امه جذي ام عبدالله قامت بطقه كل مارفعت ايدها بطقه وخر ايدها عبدالله : مااسمحلج تمدين ايدج علي وانتي ( يكلم سحر ) والله لا اكرهج بدخلت هل بيت عبدالله طلع ركب سيارته والكل منقهر من تصرفاته وام عبدالله تتحسب عليه ياسمين مو مهتمه لانها متعوده على نجرتهم وفجر منحرجه مع انه مو اول مره تشوفهم يتهاوشون ------------------------------------------ تركيا _ الخياط خذه فيصل عنوان المصنع وراح اهوا وشهاب بعد نص ساعه وصلوا ولا المصنع اهوا خياط صغير في جم وحده يخيطون فيه شاف فيصل وحده ماخذه جيس بتدخل داخل فيصل : لو سمحتي انتي تشتغلين هني ؟ زهره : تفضل فيصل : بغيت اي احد مسؤؤل اكلمه زهره : انت عربي صح فيصل : صح زهره : شرفتونا , وتبون شغل بالخياط فيصل << مستغرب : ها زهره << تضحك : هههههه امزح معاك بس انا يديده وتحت التدريب وماعرف المسؤولين ,اناديلك المدير ؟ فيصل : ياريت زهره : انتو تآمرونا دخلت زهره ونادت المدير وقالتله انه في واحد عربي يبيه , والمدير قالها تدخله .. فيصل : والله دمها خيف ها شهاب : انا قاعد اقول من صجها هذي , اشكالنا مال شغل هني فيصل : يحليها , عشانها بتعامل مع هل مشغل شهاب : وليش ماكنت ناوي تشتري من الاول ؟ فيصل : لا قصدي كل مره انيي تركيا نتعامل معاهم , وصلت زهره ولا تشوف فيصل وشهاب قاعدين يفترون بالخياط قربت من فيصل وطقطقته على جتفه فيصل : هلا زهره : عرفت شلون تخيط الحين << ابتسامه فيصل : هههه اي خذيت جوله تعليميه كلهم : ههههههه زهره : تفضلوا عند المدير مشت زهره ومشى فيصل وشهاب وراها وهما مستانسين من خفة دمها وطيبتها , وعند باب المدير زهره : تفضلوا تشربون شي شهاب : أي شي بارد المدير رحب فيهم واستقبلهم احسن استقبال وقالوله انه بيتعاملون معاه ويبون بضاعه منه وفراهم على المخزن وخذو الكميه اللي يبونها وهما يسولفون ويتغشمرون وردو المكتب بيسلمونه الفلوس المدير : والله احنا نرحب فيكم اي وقت وخلاص صرنا اصحاب فيصل : والله نتشرف والحين بدام طاحت الميانه بقولك شغله المدير : تفضل فيصل : اخ عامر الموضفه اللي وصلتنا هني عامر : زهره ؟ فيصل : اهيا تحت التدريب ؟ عامر : اي نعم , ماصارلها اسبوع من وظفتها , ليش اهيا ضايقتكم بشي؟ فيصل : لا حشى بس والله ونعم الموضفه استقبلتنا ورحبت فينا وماشاء الله مرحه , شيلها من التدريب ووظفها , لولاها جان ماتعاملنا معاك عامر : اييييي قلتلي اوظفها , هذي قصتها قصه مو جذي بالساهل اوظفها , هذي ارمله وعندها عيال بدار الايتام , وياتني تطلب وظيفا , بس اهيا ماعندها خبره بالخياطه الا شي قليل لازم تتدرب والمتدربات مانعطيهم معاش فخليتها تشتغل شغله ثانيه عشان الفلوس وهيا تظيف المكان وترتيبه بعد الدوام فيصل : اهيا من متى ارمله ؟ عامر : من خمس شهور توفى زوجها فيصل << يهمس حق شهاب : والله كسرت خاطري هل بنت المرحه اللي الابتسامه مافارقت ويها عندها كل هل مشاكل شهاب << عطاه نظره : والمطلوب ؟ فيصل : خو انا صرت عزابي شفيك تطالعني جذي , ولاني مخربط وسوالف حب باخذها على سنة الله ورسوله واستر عليها يعني تقدر تقول خطبة اهل شهاب : ووينهم الاهل؟ فيصل : انت << ابتسامه خبيثه عامر << مبتسم : ها شنو توصلتوله ؟ فيصل : شوف انا بليل راجع , بس في موضوع بقوله ان شاء الله يظل بيني وبينك لي ارد مره ثانيه ان شاء الله عامر : ان شاءالله , وسرك في بير انت بس آمر يتبع ------------------------------------- |
تركيا , الخياط .. فيصل : شوف انا بليل راجع , بس في موضوع بقوله ان شاء الله يظل بيني وبينك لي ارد مره ثانيه ان شاء الله عامر : ان شاءالله , وسرك في بير انت بس آمر فيصل : والله يا عامر شقولك , انا توني مطلق , وتعودت انه تكون مره في حياتي , صج انه مو كل مره مره ههه , بس الاستقرار شي حلو , وودي اتقدم حق زهره بس شلون ووين اهلها ’ يعني من منو اخطبها , بس طبعا هذا الشي مؤجل لي ارجع مره ثانيه عامر : يا اخ فيصل , على راحتك بس مو كانه الست توها مترمله فيصل : ووانا قتلك مو الحين بس ابي اعرف شلون لو مره ثانيه ييت اخطبها عامر : اها , انا راح اعطيك عنوانها وانت تصرف وهيا بس عنها اخت وخاله تعيش بمنطقه ثانيه , وزهره ست مسكينه وتكسب فيها أجر فيصل : مشكوووور , بس مثل ماقتلك يظل بيني وبينك عامر : لا تحاتي , فيصل وشهاب شربو عصيرهم وودعوا عامر وزهره اللي مافارقت ويهها الابتسامه وردوا الفندق عشان يزهبون الجناط حق السفره بالليل شهاب : فيصل من صجك انت توك مطلق تووووك والمره توها مترمله , ومتى مداك حبيتها فيصل : ومن قالك اني حبيتها , انا ارتحتلها , والصراحه اذا ظليت عزابي لازم اطلع من الشقه ’ راعي البيت مايأجر حق عزابيه وراح اظطر اقعد عند اخوي بو عبالله وانا مالي خلق الحنه والرنه والنغزات شهاب : وانت ان شاء الله بتوديها الكويت سكت فيصل لانه شهاب نبهه على شي ما كان مفكر فيه -------------------------------- بيت حجيه شيخه .. الكل كان متجمع عندها عيالها واحفادها في صالتها الصغيره , توهم مخلصين عشا والحجيه قاعده تصب شاي صالح : اييي يمه سولفي , والله احب سوالفج ( صالح ولدها الثاني عمره 40 متزوج وعنده ولد و3 بنات وعنده اول حفيد من بنته) الحجيه : تحب سوالفي ها , الا قول اشتقت حق سوالفي , قصب اشوفك من اسبوع لي اسبوع صالح << ياخذ منها البياله :يمه يمه , انا مو كل يوم اشوفج لمن باخذ سلمان و سلطان الحجيه : اسكت بس اسكت توقف عند الباب تسلم وتاخذهم وتطلع والله لو مو مدارسهم يمي ويون مشي ولا جان ما يتني شوف اخوك نواف كل يوم يمر علي يتريق عندي عقب مايودي عياله المدرسه , شوف فروح كل يوم المغربيه تمرني صالح : زين , الحين انا اللي صرت مو زين بينهم سمعوا صوت شي ينكسر بالمطبخ قامت فرح تشوف شنو الحجيه : حسبي الله على هل خدم كل اسبوع كاسرين شغله فرح : يمه مو الخدم هذيلا اليهال الحجيه : يوووو , انكسر الشر , يمه وخريهم عن الجزاز لا يشق ريلهم نواف : يمه عيل وين فجر؟ (ولدها الكبيرعمره 44 مطلق من 15 سنه وعنده ولدين وبنت وعنده احفاد 2 من ولده الكبير وبنته وولده الثاني ماتزوج وهوا مقرر يتزوج لمن يزوج كل عياله وكلهم زوجهم مبجر ) الحجيه : فجور ؟ هل بنت ماتقعد بالبيت كله متملله , طالعه مع رفيجتها ياسمين نواف : شفيها هاذي , المفروظ يوم جمعتنا ماتطلع , حميد عطني تيلفوني <<حميد حفيد نواف عمره سنتين نواف دق على فجر ولمن شافت رقمه اخترعت لانه اهوا اكثر واحد شديد معاها ويحاسبها مثل ابوها وردت عليه وهيا متوتره فجر : هلا نواف نواف : هلا فجر شلونج فجر : تمام , انت شلونك نواف : انا بخير , ها يبه وينج فجر : بروح المطار مع ياسمين اليوم بيوصل عمها نواف : وصلتي المطار ؟ فجر : لا تونا طالعين من محل الورد نواف : الحين بطرش السايق المطار عند باب القادمون من اول ماتوصلين المطار ركبي مع السايق وتعالي فجور << متظايقه بس ماترادد اخوها : ان شاء الله نواف : يالله كلنا اهني متجمعين آخر مره تطلعين السبت فجر : ان شاء الله نواف وفي موضوع بكلمج فيه بعد فجر << اخترعت : شنو؟ نواف : انتي تعالي اول , مع السلامه نواف كان يكلم فجر بهدوء بس بحزم , وفجر تخاف منه وماتعانده لانه اهوا طبيعته يمد ايده على اللي يتعاند معاه ------------------------------------------- المطار .. ياسمين : اووو فجور ماحب اتمشى مع عبود بروحي فجر << ماسكه باب سيارتهم : شسوي والله ان اتأخرت بيبدي يعصب ياسمين : اف , انزين بعدين قوليلي شنو الموضوع اللي بينج وبينه فجر : شكووو , بيني وبين اخوي , ياسمين : عشتووو من مت.... فجر << قاطعتها : امبيييي هذا شيايبه هني ياسمين التفتت ولا تشوف يوسف داخل المطار وماشافهم , خافت يسوي شي جدام اخوها عبدالله وتنفظح بهل لحظه خافت صج وحاولت انها ماتخليه يشوفها , وفجر رجعت البيت ------------------------------- في شقة يوسف .. أسماء قاعده تنوم بنتها شهد وهيا سرحانه وتفكر بيوسف وشلون ترده حقها , اهيا حاسه انها مو قويه وماتقدر تواجهه انها تدري عن سوالفه , مو قادره تمنعه من مكالماته اللي تالي الليل ولا من طلعاته الفير فكرت وفكرت وقررت تبدي بأول خطوه انها تصير قويه وتبينله انها مو مهتمه فيه وثاني شي تواجها وتقوله عن سوالفه وعن المسجات اللي على طول تشوفها والقرار الاخير والصعب تكم البنت اللي يكلمها وتهددها قامت البست نفنوف أحمر علاق كانت لابسته في صباحيتها وكان عاجب يوسف وايد ومشطت شعرها وسوته بف وحطتلها شوية مسكره مع قلوس ورتبت الفراش ورشت عليه شوية عطر وبطلت التلفزيون وزهبت لها كيكه جاهزه عشان اذا ييه تسوي روحها تاكلها ومندمجه بالتلفزيون ,وهيا متعوده من يوصل اتقوم تسلم عليه --------------------------------------------- بالمطار .. عبدالله كان واقف ينطر عمه بين زحمة الناس وياسمين واقفه شويه وراه تشوف يوسف قاعد يفتر ويتلفت وهيا تحاول انه مايشوفها عبدالله : شوفي انتي روحي صوب الحريم اللي هناك وشوفي اذا وصل هني مايبين زحمه حده التفت عبدالله عليها ولا ياسمين ماتدري عن هوا داره بس تتلفت عبدالله : هي انتي شفي عيونج طايره جذي ياسمين : شنو شفيك ادور عمي ياسمين : وعمج بيي من ورا ذلفي اوقفي هناك شوفي ييه ولا لأ ياسمين حدها نحرجت لانه صوت عبدالله كان عالي والناس اللي يمها قاعدين يخزون , مشت وهيا متنرفزه وسمعت صوت من وراها يوسف : تبين اذبحلج اياه هل جلب ياسمين << التفتت وهيا مخترعه : يوسف , وخر وخر لا تفضحني يوسف : والله قهرني شكو يعصب عليج جذيه وبصوت عالي عرفت ياسمين انه يوسف عرف مكانها من صوت عبدالله ونحرجت حدها , وخافت انه يوسف يفضحها لانه نبرته كانت جد فحبت تساحله بجم كلمه ياسمين <<بدلع: يوسف روح ادخل ستاربكس في مفاجأه يوسف : مااذبح اول ؟ ه ياسمين : كيفك روح بس انت الخسران ابتسم يوسف وحس من نظراتها انه شي بيعجبه دخل داخل وهيا تسحبت شوي شوي عشان عبدالله مايحس ودشت ستار بكس يوسف : هلا والله , ها شنو المفاجأه ياسمين باست ايدها وحطتها على خد يوسف ياسمين : يوسف انا معجبه في اخلاقك وشخصيتك يوسف << مبطل عينه : انا ياسمين << تطالع عبدالله لا ايي : ايييي انت , ليش مواثق من نفسك ؟ يوسف : انزين معجبه باخلاقي ومعجبه بشخصيتي , وانا مو معجبه فيني ياسمين تسوي نفسها تطالع يمين ويسار وهيا مبتسمه يعني مستحيه يوسف : السكوت علامة الرضا ؟ ياسمين : اممممممم يوسف : شنو ؟ ياسمين : اممممممممم , هههههههههههه , ماادري يوسف : انزين ليش بستي ايدج بوسني مباشر ياسمين : لااااا , روح صدقت نفسك جنه التفتت ياسمين مكان اللي واقف عبدالله ماشافته اخترعت وحاولت تطلع بسرعه من ستار بكس ياسمين : خلاص يوسف اخوي ماادري وينه يمكن قاعد يدورني يوسف : اول بوسيني ياسمين << متوتره ومتنرفزه : انت شفيك اول مره اكلمك وليلحين ماعرفتك عدل, بوسيني , صج كلام فجور مينون ومتهور يوسف : شوي شوي شفيج عصبتي وليش ترجفين اخوج مايدري انج هني ياسمين شافت عبدالله وفيصل يايين صوب ستار بكس ومبين انهم قاعدين يدورون ويتلفتون ياسمين : يوسف وخر وخر يوسف حب يتحداها اهيا بتبينله انها اقوى منه وهوا بيبينلها العكس يوسف : شوفي يا بنت الناس كاهو اخوج واصل بوسيني ولا والله اخليه ايي ويشوفج قاعده معاي بهل لحظه ياسمين تمنت انها طاوعت فجر وماعرفته , وودها لو تفتك منه وتوخر بس ماسكها من ايدها حيل شافت عبدالله قرب عند الكراسي اللي بره ويوسف شكله بيسوي اللي براسه لانه مبين انه مايخاف لانه كان بيتهاوش معاه لمن عبدالله صرخ عليها ياسمين : وخر ياحيوان وخر والله بتسويلي مشكله يوسف << اسلوب تهديد : افضحج وانا ابوسج قباله ياسمين اخترعت انه يسويها وفيها بجيه من قلب وتدري انه عبدالله وعمها راح يشنقونها وشافتهم قربو خلاص باسته وقمت بسرعه يم الزباله ’ تكرمون ’ وحطت راسه داخل شافها عبدالله وراح يركض عبدالله : ياسمين شفيج ؟ ياسمين : ماادري لايعه جبدي عبدالله شافها ويها احمر وعيونها مدمعه توقع انها مريضه فيصل : امشي امشي , نبينا نرد البيت ولا انوديج الطبيب التفتت ياسمين وشافت يوسف بطرف عينها مبتسم ويطالعها بتحدي وعطاها بوسه بالهوا , خلاص ماقدرت تمسك نفسها وبجت ياسمين : بروح البيت , ودوني البيت فيصل : اوكي لاتبجين عبدالله : ليش البجي امشي يالله مشت ياسمين وهيا حاسه انه اول مره احد يكسر كبريائها , وانها مو قاعده تبجي عشان اللي صار لأ من الخوف ركبت السياره وحطت راسه على الدريشه وتذكرت الموقف جان تبتسم وكش شعر جسمها وقررت تكتبله مسج " بستك مو عشانك عشان لا اتورط وهل بوسه راح تخليك تفكر فيني طول عمرك والاحقك حتن بأحلامك وحطها ترجيه بأذنج ’ انا ياسمين انا ’ " ياسمين كثر ماخافت وتحسفت , عقب ماخلصت السالفه حست انها سوت مغامره وتحدي << لانها مانجكت جان تأدبت راح يوسف شقته وهوه مبتسم وكل شوي يقرا المسج وهوا مصدوم من جرأتها وشطانتها وانه اهيا مو مثل فجر خوافه وتذكر آخر موقف مع فجر .... يوسف : الو , قوه فجر : هلا حبيبي يوسف : ادق عليج كله مغلق فجر : انا اسكره اذا كان عندي حصه بس ابطله بالفراغ وبلهده يوسف : وينج وين واقفه ؟ فجر : يم الباصات يوسف : اها جدام يعني , اوكي تعالي شويه ركبي السياره بعطيج شي فجر : لا ماابي ماابي الحين نواف ايي يوسف : قتلج شويه بس اعطيج شي فجر : حطه على الرصيف وانا آخذه يوسف : والله الحين انزل وافضحج جدام البنات واسحبج فجر اخترعت وسكرت التيلفون ودخلت المدرسه ولمن وصل اخوها اطلعت ونخشت بين البنات وركبت السياره ويوسف قاعد يتلفت يدورها وهوا يتصل كله مغلق , نزل من السياره وقعد يدورها ومالقها وشاف شلتها واقفه وهيا مو معاهم انقهر ورد السياره ... قعد يقارن يوسف بينهم ولاحظ انه ياسمين اهيا اللي دخلته المطعم ولحقته , بس فجر اهوا ناداها ورفضت , ياسمين تكلمه بتحدي فجر تكلمه بخوف , فجر اختفت من حياته ياسمين دزتله مسج رد فتح المسج وهوا داخل الشقه ومبتسم يتبع ----------------------------------------- |
شقة يوسف دخل يوسف الشقه وهوا يقرا المسج ومبتسم , اكفخت براسه ريحة عطر مو طبيعيه خلته ينسى المسج قام يتلفت ووماشاف أحد وكانت الشقه شبه ظلمه دخل غرفة النوم وشاف أسماء منسدحه على السرير على بطنها بقميصها الاحمر وتاكل كيكه ومندمجه بالفلم أسماء <<عينها علفلم : سلام يوسف : هلا قعد يوسف على طرف السرير وهوا مستغرب اول مره ماتقوم اتسلم عليه , قعد يطالعها ويطالع الغرفه والفلم قرب منها وبطل حلجه ( يعني وكليني ) , وأسماء عطته الصحن بكبره ( يعني أكل بروحك ) استغرب يوسف من تصرفها انسدح يمها على جنب وقعد يلمس ظهرها يوسف : شحلات القميص أسماء : شحلاتي انا يوسف << ابتسم : اشحلاتكم انتو الاثنين , اتغارين من قميص قرب يوسف بيبوسها جان تقوم وتروح المطبخ وقعدت تغسل الصحن , تدري انه بس يخلص منها بيرد يكلبمها ببرود ويرد يدقرها مثل كل مره فحبت تحرق اعصابه شوي , طبعا يوسف لحقها لي المطبخ ووقف عند الباب يشوفها وهيا تغسل الصحن , طلعت من المطبخ وتعمد يطق جتفه بجتفها بس اهيا كملت طريجها جنه بالغلط حاشها وقفت عند التلفزيون تعيد الفلم اللقطات اللي طافتها وهيا بالمطبخ <<اللي يقول متابعه ووقف وراها يوسف ومسك خصرها وقعد يشم ر قبتها يوسف : لاعبه بعطري أسماء : << تبتسم : أحبه يوسف : اشوفج قمتي تتمننين شريتيه لي وبتخلصينه أسماء : انت ما تستعمله , توقعت مو عاجبك وخرت عنه وردت انسدحت على السرير , وراحلها يوسف و (...) قامت أسماء عقب ما خلصوا وهيا مبتسمه أول مره تحس انه مو مثل كلمره شي روتيني لا كان غير ودشت تسبح , بطل يوسف تيلفونه بيشوف الساعه جم ولا مسج واصله من شوي " آسفين لو أزعجناك بس انا وقلبي ذكرناك وحبينا نقولك تصبح على خير يا ملاك http://www.q8yat.com/images/smilies/smile.gif " هل مسج من ياسمين نساه أسماء وأهلها ودزالها مسج " يا الشيطانه لي الحين مانمتي " " قاعده أفكر وراح أظل أفكر فيييي... امممممم " " فيني ؟ " " وهوا في غيرك , قاعده أفكر بالكلمه اللي قلت لي اياها " علامة تعجب على ويه يوسف شنو الكلمه اللي قالها حق ياسمين , توه بيدزلها مسج ولا أسماء تطلع من الحمام وتشوف بإيده التيلفون ومبتسم , تظايقت وودها انه مايكون اللي ببالها لانها توقعت انه بس يخلص منها يرد يصير جاف معاها بسبت البنات يوسف رفع راسه ولمن شافها بتقعد يمه يوسف : انا بقوم اتسبح دخل الحمام وبيده الموبايل , وأسماء وايد تظايقت بس ماراح تيأس بتحاول وبتحاول انها ترده لها يوسف دز مسج حق ياسمين وهوا مستعيل بيعرف شنو الكلمه اللي قالها " يالله عاد علقتيني شنو الكلمه " " مو قلتلي بوسيني ولا اخلي اخوج يشوفج وانا ابوسج (بوسني هنا وهنا بلكي جرحك انساه) " << اغنية حسام الرسام ابتسم يوسف وقعدوا يدزون حق بعض مسجات وطول بالحمام ’تكرمون ’ وأسماء قاعده تحترق بروحها ------------------------------------ بعد شهر بيت أم عبدالله .. بوعبد الله : ماشاء الله مشت البضاعه منقين شي زين ياسمين : عمي ليش مو يايب مقاس مديم من هذا فيصل : في في بس شهاب خذاهم وفيهم بعد خلصوا , انتو شوفوا شنو تبون وانا ان شاء الله بعد يوميين بروح اييب كميه فجر : عمي انا ابي هل جنطه وابي مثل هل نفنوف لارج ام عبدالله قاعده يم التلفزيون وتأشر حق ياسمين انها ماتشتري بس ياسمين مسويه نفسها ماتشوف ام عبدالله : خلاص خلصونا عفستوا الصاله على شي مايسوى كل واحد قاعد يطالع الثاني وكملوا شروا وفيصل شال بضاعته وبيطلع بوعبدالله : على وين تو الناس فيصل : بروح القهوه شويه ياسمين : عمي تعشى معانا ام عبدالله : ماكو عشى كل شي مخلص فيصل << يطالعها من فوق لي تحت : قلت بروح القهوه عليكم بالعافيه طلع فيصل وهوا متنرفز بوعبدالله : شفيج على الريال مطلقج انتي ولا اختج ام عبدالله : اسكت زين اشوف صرتله محامي و عمه بعينه وله عين بعد يدش بيتي عبدالله : بيت اخوه قبل لايكون بيتج يا حلوه ام عبدالله احذفت عليه الريمونت وقامت لانها ماتقدر على السانه بوعبدالله : عيب عليك تكلم امك جذي جم مره قايلك عبدالله : اوووهووو ان شاء الله ان شاء الله خل اقوم اطلع احسن لي بوعبدالله : لاحول ولاقوة الا بالله ---------------------------------- تركيا .. زهره : سيد عامر ممكن آخذ اجازه يومين عشان بروح اشوف عيالي عامر : ميخالف بس لازم ادز ورقه حق المسؤؤل أسامه عشان يشوف اذا في نقص ولا لأ زهره : ميخالف بس تعطيني خبر ؟ دق تيلفون عامر ونطر زهره عامر : الو ’ ... أهلا , ..... أخ فيصل مرحباااااا ......طمني عليك وعلى صاحبك ...........احنا بخير ........... متى ان شاء الله تزورونا اشتقنالكم .......... ان شاء الله انتو تشرفونا ............... (يطالع زهره ) لاتحاتي كل شي تمام انت بس تعال وان شاء الله تشوف اللي يسرك ......هههههههه ........ ماشي سلملي على شهاب ......مع السلامه عامر : بعد يومين فيصل بيزورنا ويبي بضاعه بعد زهره << مبتسمه : منو فيصل ؟ عامر : قبل شهر كان عندنا وماخذ منا بضاعه , الاثنين الكويتيين زهره : ايييي يحليلهم والله مرحب فيهم اي وقت عامر : اوكي انا اكلم اسامه واردلج خبر زهره : اوكي ------------------------------------------ بيت حجيه شيخه .. فرح : فجرو يا النحيسه طول عمرج نحيسه عطيني جنطه وحده قتلج اشتريها منج فجر : اوووو ثنتيناتهم عاجبيني , عمها بيروح وييب بضاعه بعد اقولها اتقوله اييبلج اللي تبينه ’ اي وحده عاجبتج؟ فرح : وخري ماابي شي فجر : كيفج قامت فجر بتشيل لولوه فرح : وخري وخري لا اكسر ايدج فجر : شتبين وخري فرح : بصير نفسج نحيسه مار اح اخليج تشيلينها فجر : ههههههههههههه شكوووو وهيا بضاعه تصيرين نحيسه عليها فرح : كيفي بنتي فجر << تعايب عليها : بنتي , الله يخليج عاد من حلاتها خنافر فرح : احلى منج يا ام شامه << فجر عندها شامه على حنجها فجر : حبيبتي من جمال الشامه غنولي مشت فجر وهيا تحر فرح وهيا صاعده على الدري شافت سعد وجاسم عيال فرح قاعدين يلعبون بالبي اس بي مالتها فجر : يا حمييييير شكو ماخذينها يبوها سعد ( 4 سنسن ) : اموصل والله موصل فجر : نعم وانتو من متى تلعبون فيها فرح : خليييييييهم يلعبون يا الجعصه وردة فجر تناجرة مع فرح , طلعت حجيه شيخه من المطبخ الحجيه : يوووووووووه بس عاد لجيتونا فرح : وخري بنتج عن عيالي لا اذبحها فجر : يما من متى تخلونهم يخربون اغراضي وماتتحجون سعد : احنا مانخرب الحجيه : جنج ياهل وعقلج مثل عقلهم , خليهم كل يوم يلعبون وماخربوها يات على اليوم فجر : يا سلام كل يوم بعد خمطت اللعبه وصعدت غرفتها وسكرت الباب وشافت تيلفونها ولا اخوها نواف داق مس كوول وردت دقت عليه نواف : الو فجر : هلا نواف نواف : هلا يبه شلونج فجر : تمام , داق علي ! نواف : اي , بغيت اقولج شسويتي على الموضوع اللي قتلج عنه فجر : اي موضوع؟ نواف : ها , مسرع مانسيتي, مو قتلج ولد رفيجي قاعد يدور مره وانا قتلج شرايج و بعطيج فرصه تفكرين وانتي اهملتي الموضوع ونسيتي فجر : اييييي , ما ادري والله نواف لازم اقعد معاه واشوف وبعدين اقرر نواف : خلاص انا اقول خل الحين يصير بين الامهات , انا اعطيهم الرقم وانتو تفاهموا -------------------------------------- بعد يوميين تركيا .. فيصل وشهاب راحو المصنع وشاف عامر وخذه منه اللي محتاجه من فساتين والمقاسات اللي ناقصه وردو المكتب فيصل : ماشفت زهره ! عامر : امس خذت اجازه يوميين عشان بتشوف عيالها ان شاء الله باجر بلييل توصل فيصل : وانا عقب باجر ان شاء الله برجع الكويت , بس تدري فرصه انها راحت عند اهلها عشان اروح اتقدملها من هناك عامر : الله يوفقك خذه فيصل المعلومات كلها من عامر عن زهره واهلها ومكان سكنها وراح اهوا وشهاب قريتها اللي مسافتها ساعتين يتبع |
بيت حجيه شيخه .. نواف : يمه محد دق عليج هل جم يوم الحجيه : امبله دقو نواف : منو ؟ الحجيه : وايد ناس دقو , اللي يبون كبب , ورفيجاتي نواف : هههه حلوه رفيجاتج الحجيه : وليش تضحك اي عندي رفيجات نواف : لا قصدي مادقو عليج خطاب الحجيه << مستغربه : خطاب ؟! حق منو؟ نواف : شفيج نسيتي بنت فجرو , ولا ماتبي اتزوجينها الحجيه : يمه توها صغيره شعرفها بالمسؤوليه ؟ نواف : يمه فجر مو صغيره اللي قدها تزوجو وعندهم عيال , كا بنتي حصه متزوجه وعندها ياهل الحجيه : بنتك انت مزوجها صغيره , ماادري شلون دعاك قلبك تزوجها وهيا عمرها 16 سنه و سلمان زوجته صغير وادري انك بتزوج سالم مبجر بعد حرام عليك نواف : يمه انا بروحي قاعده اربيهم, امهم ماتدري عنهم لاهيه مع ريلها بزوجهم وبشوف نفسي الحجيه : اي تزوج وشوف نفسك نواف : العيال مو راضين اتزوج من جذي قاعد ازوجهم مبجر , انزين مو هذا موضوعنا اذا دقو ناس يسألون عن فجر يمه لا تردينهم والله خوش ناس اخوانه مدلعين حريمهم ومسوينهم يا دهينه لا تنكتين والله لمن اشوفه اقول ودي يخطب فجر والحين لمن ابوه قالي انه ولده قاعد يدور مره والله ماترددت وقتله عن فجر الحجيه : والله ماادري يايمه هل ايام الزواج يخرع واختك صغيره ماتفهم نواف : يمه لاتقولين صغيره , ماكو هل ايام صغار , خل ايي وتشوفه ويصير خير -------------------------------------------------- تركيا .. خاتون : شرفتونا تفضلوا فيصل << ياخذ العصير : مشكوره خاتون << تقعد مكانها : استاذ عامر قالكم عن ظروفها ؟ فيصل : قالي كل شي وانا مقدر ظروفها وبحط عيالها بعيوني وماراح اقصر معاهم خاتون : اهيا ماتبي فرح بس تبي ملجه بسيطه فيصل : اللي تبيه انا حاضر , بس في شغله حبيت اقولها حقها خاتون << تبتسم : الحين اناديها تقعدون مع بعض تتفاهمون قامت خاتون وراحت حق زهره فيصل : شهاب اذا يات روح اقعد هناك عشان اعرف اكلمها شهاب : ها , طرده من اولها مو انا ولي امرك فيصل : صدقت عمرك , مو مايصير ايي اخطب بروحي شسوي خاتون دخلت الغرفه على زهره شافتها قاعده على السرير تفكر خاتون : زهره , شفيج كأنج متظايقه ؟ زهره : اخاف يعرف عندي اربع يهال ويرفض خاتون << نظره خبيثه : توني بقولج انه رفض عشان عيالج زهره << نزلت راسها : ظيقتي خلقي , عاد حسيت اهوا الرجل المناسب طيب وحبوب وتاجر خاتون : ها كأنج تبينه عشان فلوسه ؟ زهره : الله يعلم انه ماافكر آخذ فلس واحد منه بس عشان اقدر اخلي عيالي عندي الهيئه بالدار ماترضه آخذهم اذا ماعندي فلوس تعيشهم خاتون : عيل هاج المفاجأه , اهوا يدري بكل ظروفج ويبي يحط عيالج بخشمه زهره << تطالعها باستغراب : شنو ؟ خاتون : هههههههههههه , قصدي يقول احطهم بعيوني هههههههه قامت زهره وطقتها على جتفها خاتون : روحي روحي يبي كلمج بروحج ستانست زهره وعدلت نفسها ولبسها البسيط القروي , طلعت وسلمت وقعدت قبال فيصل ونزلت راسها فيصل : شلونج زهره ؟ زهره : بخير وانت شلونك وان شالله مشت البضاعه << ابتسامه فيصل : اكيد مشت مو من مشغلكم ؟ سولفوا شوي بعدين دخلوا بالجد فيصل : زهره انا بقيت اقولج انه انا مطلق من شهرين تقريبا , قلت اقولج عشان يكون عندج علم ونكون صريحين من البدايه زهره : امممم , ماعندي مشكله بس ما خلصت عدة طلاقها ! فيصل : لاتخافين اذا عبالج اني بردها فهذا انسيه , انا ماكملت السنه معاها اصلا زهره ارتاحت من كلامه وارتاحتله اهوا بعد , تكلموا عن عيالها وعن السكن وراح يخليها بتركيا وكل شهر راح ايلها قعد اسبوع فيصل بتركيا منها يخلص اجراءات الخطبه ومنها زهره تجهز نفسها وشهاب رجع الكويت عقب مافيصل وصاه انه مايتكلم ولا يقول حق احد , وتمت الملجه وقعد عندها اسبوعين وهوا كان مقرر يقعد اسبوع بس من وناسته منها ومن خفت دمها ماقدر يهدها وراح اسطنبول يوميين معاها وخذه اللي يبيه من المشغل وعطاها مصروف يكفيها , ورجع الكويت --------------------------------------- بعد شهر بيت ام عبدالله .. ياسمين : فجرو انتي شفتيه ؟ فجر : اي قعدت معاه ماشاء الله تحسين صج جامعي اسلوب وذوق يتكلم جنه يلقي محاضره ههههه وماشاء الله مايتشرط اهم شي يبي وحده تطبخ عاد انا جذبت وقتله اي اعرف ياسمين : وليش اتجذبين باجر تبتلشين فجر : امي ماعليها قاصر طباخه درجه اولى قتلها تعلمني , وامس شفتها اتسوي مجبوس دياي امبي ماتوقعت حده سههههههل ياسمين : وانتي شفيج جذي مشفوحه خلاص حسيتي انه مايناسبج ليش توافقين باجر كله صراخ ونجره بسبت الطبخ بعدين يعايرج ويقولج انتي ماتعرفين وانتي جذبتي , يمعوده تره هذا بس شرطه يعني بيدقق فجر : واااي انتي شفيج اقولك قاعده اتعلم , وبعين ليش مايناسبني بالعكس جنه مخلوقين حق بعض كناري يحلينا ههههه ياسمين : اف انزين لاتزوجين لمن انا اتزوج فجر : نعم , عيل عمري ماراح اتزوج ياسمين : جب , شحقه ما اتزوج اسم الله علي فجر : امج كل واحد تطلع فيه عيوب ولا من يدقون تتهاوش مع الام وتتشرط وهما ليلحين ماوافقو ياسمين : خل كلهم يولون انا ابي يوسف وبس فجر : ياسمينو انتي ليلحينج , خلاص ياسمين : حبيبتي والله احسه متعلق فيني كل يوم لازم يشوفني وانا احره مااخليه يشوفني الا كل يوميين والله ذاك اليوم عطيته هديه ساعه استاااانس دق علي اليوم الثاني الا يبي يشوفني بعطيني شي خو انا بطلعت الروح رحتله فجر : اي , وشعطاج ياسمين : شي مااقدر اقوله فجر : تحجي يالله عاد ياسمين :اووو عاد انتي باخه اذا وريتج ماافتك من لسانج فجر قامت وفجت كباتتها وادراجها تدور وياسمين اتوخرها ياسمين : خلااااص اوريج وخري عفستي الدار طلعت ياسمين من تحت كرفايتها العلبه وعطتها فجر بطلت فجر العلبه ولا تشوف قميص نوم احترت ونقهرت شلون ياسمين رضت على نفسها ياسمين : اخذي حقك هديه بمناسبة خطبتج فجر : ياحيوانه شلون رضيتي على نفسج ليش تبينيله انج رخيصه ليييش , وهاج القميص مابيه ياسمين : يالهبله انا مو غبيه سمعته جم كلمه وهزأته وقتله اني قطيت القميص من جذي بعطيج اياه وهوا قعد يحلف انه مايقصد شي بس يقول اذا تزوجنه بشوفه عليح فجر : والله لو انا منج اهده واسحب عليه بس انتي ماادري شنو براسج --------------------------------- شقة يوسف .. أسماء ظلت اكثر من شهر وهيا تحاول ترد يوسف حقها ومرات يصير وايد زين معاها ومرات تحس انه يكرها ووده يطلقها وهيا قالتله عن حمالها استانس ووداها مطعم بس مسجات ياسمين خربت طلعتهم , أسماء ماراح تيأس وراح تبدي بثاني خطوه انها تواجهها بس اول بتشوف آخر المسجات يوسف كان نايم راحت أسماء وخذت بنتها شهد اللي كانت نايمه يم ابوها عشان ماتزعجه وتقعده ونومتها بغرفتها ودخلت شوي شوي غرفتهم وخذت موبايل يوسف وقعدت بالصاله وبطلت باب الغرفه شوي بس تشوف ريله عشان يبين اذا قعد وترد الموبايل بسرعه بطلت المسجات وقعدت تقرا من اول مسج لي آخر مسج بصندوق الوارد ودمها يغلي ومنصدمه " بستك مو عشانك عشان لا اتورط وهل بوسه راح تخليك تفكر فيني طول عمرك والاحقك حتن بأحلامك وحطها ترجيه بأذنج ’ انا ياسمين انا ’ " " آسفين لو أزعجناك بس انا وقلبي ذكرناك وحبينا نقولك تصبح على خير يا ملاك " " قاعده أفكر وراح أظل أفكر فيييي... امممممم " " وهوا في غيرك , قاعده أفكر بالكلمه اللي قلت لي اياها " " مو قلتلي بوسيني ولا اخلي اخوج يشوفج وانا ابوسج (بوسني هنا وهنا بلكي جرحك انساه) " " صباح الخير يا وجه الخير وهذي البوسه اللي طلبتها مني كل ماتقعد من النوم موووووووواااااح :* " " االيوم صااير كووووول على طوووول http://www.q8yat.com/images/smilies/smile.gif " " لا تطالع مني ومني لا ابط عينك تره اغار " " هذي بوسة الصبح امووووااااح :* " " صج انت بالمطعم ؟ اي مطعم خل اييلك " " عليك بالعافيه ماراح ايي شنو طلبت ؟ http://www.q8yat.com/images/smilies/smile.gif " " مالت كل يوم امووووااااح :* " " قميص نوم @@! دق علي الحين بسرعه ماعندي رصيد " أسماء حست الدنيا صارت حر جنها قاعده بفرن وقعدت تعرق من القهر ومامدها تكمل المسجات او تفتح الرسائل المرسله لانها شافت يوسف قاعد يتحرك خذت رقم ياسمين وسكرت التيلفون وردته مكانه وقعدت بالصاله تنطر يوسف لمن يقعد يتبع --------------------------------------------------- |
شقة يوسف .. قعد يوسف من النوم وخذاله شور طلع من الحمام وهوا يدندن يوسف : وين شهوده ؟ أسماء << بنفس : نايمه يوسف : وشفيج تتكلمين من طرف خشمج أسماء : روح البس روح يوسف : طقيني بالنعال بعد أسماء << انفجرت : ولك عين تتكلم جذي بعد انا ادري انه عندك خرابيط بس ماتوقعت لي هل حد وين رجولتك وين احترامك حق نفسك , هذا وانت متزوج وابو يوسف << بين صدمه وبين ارتباك : شنو! شقاعده اتخربطين ؟ أسماء : شقاعد اخربط ؟ روح شوف موبايلك وتعرف الخرابيط على اصولها يوسف : وانتي شكو لاعبه بتيلفوني أسماء : والله لو انت واحد واثق من نفسك جان ماخشيت التيلفون عني وحتن الحمام ادخله يوسف : يالخبله هذي المسجات مو لي لو تفكينا من لقافتج جان احنا بخير , هذا رفيجي يستعمل ...... أسماء : كل مره نفس الحجي , مو انا , مااعرفها , رفيجي ماخذ التيلفون , اهيا تبيني انا ماابيها , حبيبي هل خرابيط مو علي انا , لو اول مره جان صدقت يوسف : اوووو كيفج صدقتي ولا بالعنه , انا مو فاضي حق مشاكلج أسماء << بهدوء : يوسف , خلاص اللي تبيه راح يصير يوسف << مستغرب : وشنو اللي ابيه ؟ أسماء : نتطلق يوسف << بطل عينه : هيييي انتي شقاعده تقولين انتي واعيه عل اللي قاعده اتقولينه أسماء : اللي يخوني يعني مايبيني , بس قلت يمكن ماتقدر توصليها ككلمه , تخوني عشان توصلياها يوسف : اسماء تعوذي من ابليس , انا احبج وابيج , وهلي جفتيه كله ماله معنى ومايغير شي من ناحيتج أسماء : اثبتلي يوسف : شلون اثبتلج ؟ أسماء : دق على هلي اسمها ياسمين واقطع العلاقه يوسف : ان شاء الله أسماء : الحين يوسف : ياحبيبتي مايصير الحين شوفي الساعه جم 6 الصبح وراي دوام وانتي قومي دوامج وان شاء الله مايصير باجر الا وانا موقفها عند حدها بعد أسماء : حياتي مو علي انا , دق الحين ولا والله هذي آخر مره تشوفني فيها يوسف : خذه تيلفونه وياي يبي يدق أسماء : عطني انا ادق واعطيك يوسف << كان بيدق على رقم رفيجه : اووووو خلاص انتي شفيج مو واثقه فيني ماني داق زين << راح بيطلع أسماء : مااااشي يا يوسف ماشي يوسف : خلاص انا ادق بعدين ووعد مني ماراح تشوفين رقمها طلع يوسف وسكر الباب وأسماء حست من نبرت صوته انه ياخذها على قد عقلها , وحاسه انه هل مره غير كل مره , هل مره السالفه جد ومتعلق بالبنت وايد , والدليل انه وحده , وكل مره اكثر من وحده بوقت واحد -------------------------------------- بعد اسبوعين بيت حجيه شيخه .. فجر<< تكلم نفسها : اول مره احس اني حلوه جذي فرح : الحمدلله والشكر فجر << التفتت عليها : شتبين قاطه اذونج فرح : يالله خلصينا صارلج نص ساعه مجابله نفسج بالمنظره فجر : خو ليلحين ماوصل الملييج فرح : انا بنزل وانتي خليج جاهزه 100 % بس ادق عليج رنه تنزلين فجر : انزين , وخل ياسمين تصعدلي تسليني فرح : شتسليج انا من مساعه قاعده معاج بس مجابله نفسج , الظاهر اول مره تشوفين نفسج بكامل انوثتج فجر : اوهووو هذي المحتره دشت حجيه شيخه عليها وماسكه البخور الحجيه : ماشاء الله تبارك الرحمن , قل اعوذ برب الفلق فجر : اي اي يمه بخريني والله خابفه من العين والحسد حتن من نفسي فرح : الحمدلله والشكر خل اروح قبل احسدج انا بعد على خبالج الحجيه : اسم الله عليج من الحسد قعدي خل ابخرج طلعت فرح وهيا تضحك على فجر نزلت تحت وكانو الحظور شويه بس الحريم الكبار الخالات والعمات , بس فجر لزمت على امها انه ياسمين اتيي , سلمت فرح على الحريم ووصلت عند ياسمين فرح : قوه , شلونج ياسمين : هلا والله حبيبتي انتي شلونج , ومبروك على فجور فرح : الله يبارك فيج , الفال لج حبيبتي ياسمين : ان شااااء الله فرح : ههههه شفيج جنج غرتي من فجور وتبين تتزوجين ياسمين : هههه , لا شدعوه الله يهنيها فرح : اي صج تقول تبيج بدارها صعدت ياسمين حق فجر وبطلت الباب شوي شوي وشافت فجر مجابله المنظره وتكلم نفسها ياسمين : الحمدلله يارب على نعمة العقل < تبوس ايدها من ورا وجدام فجر : بسم الله خرعتيني , انتي من متى واقفه هني ياسمين : من زماااان , عبالي قاعده تراجعين دورج بمسلسل ههههههههههههه فجر : اي اصلن قاعده اسوي بروفا قبل لا ادش ياسمين : فجرو مو خايفه ؟ فجر : حديييي عقد المليج عليهم والكل باركلهم وشربو العصبر والعسل ودخلو غرفه عشان يصورون صور خاصه وياسمين تطلطل عليهم المصور : امسكها من هينا فجر : لا المصوره : بلاش من خصرها , حط ايدك على كتفها وانتي نزلي راسك لي صدرو فجر : لا مابي صالح : شرايج نخليهم ونطلع فجر انحرجت المصوره : اوكي اللي حابه تعمليه اعمليه وانا اصور ياسمين دخلت عليهم ياسمين : انا اخليها تسوي حركات مسكتها وقعدت تسويلهم حركات قصبن على فجر والمصوره تصور وصالح يضحك عليهم عقب ماخلصوا ركبو السياره صالح : وأخيرا ما بقى اقعد معاج بروحنا طبعا فجر نحرجت ونزلت راسها وصالح طول الطريج يسولف ويتغزل فيها وهيا ساكته وياسمين دقت على يوسف عشان يشوفها ويشوف كشختها ----------------------------------------------------- بعد 3 شهور بشقة فيصل .. يكلم زهره بالتيلفون فيصل : هلا حياتي زهره : حبيبي فيصل : عيونه زهره : يخليلي عيونك , متى اشوفك فيصل : لا مو من صجج , قبل اسبوع انا كنت عندج , الشهر الياي ان شاء الله زهره : كنت عندي انا في شخص ثاني بعد له حق عليك فيصل : هههههه خاتون؟ اي صج هل مره ماشفتها , مو انتي الله يهداج خذيتي قلبي وعقلي زهره : لاااا مو خاتون فيصل : عيل عامر زهره : لااا اسم عامر مو حلو دور غيره فيصل << مصدوم : منو شنو ؟ شقصدج ؟ زهره : هههههههههههههههه شوي شوي لا يوقف قلبك انا ليلحين ماقلت شي فيصل : احجي شقصدج زهره : البيبي اليديد فيصل : انا باجر عندج زهره : ههههههه ههههههههه توك اتقول الشهر الياي بتيي ----------------------------------------- بسيارة عبدالله .. عبدالله : جوجو حبيبتي شفيج خايفه جواهر : عبدالله ردني البيت اتأخرت وااايد الساعه 9 ونص وانا قايله حق اهلي 9 ارجع البيت عبدالله : بسم الله ماصارلنه ساعه على بعضها من قعدنا مع بعض جواهر : تكفى الله يخليك ردني , شوف شوف اخوي قاعد يدق علي مره ثانيه , امبيي رحت فيها عبدالله : مااااشي حياتي لاتزعلين برجعج بس عشان مره ثانيه تطلعين معاي وتظبطين الوقت مع اهلج عبدالله وجواهر كانو عند شارع المطاعم بالسالميه وبيت جواهر كان بالفروانيه وطول الطريج كان اخو جواهر يدق وجواهر شوي ويوقف قلبها وعبدالله كان حده راهي يقضب ايدها ويبوسها يعني بيهديها جواهر : خلاص عبدالله وقف هني عبدالله : بعيد وايد شلون تمشين كل هل مسافه جواهر : وقف وقف خلاص اكيد اخوي واقف بره ينطرني عبدالله : ماشي بهل لحظه اخو جواهر كان ناطر يم باب البيت ويتمشى وهوا يتلفت يمين ويسار ناطر جواهر وقف عبدالله مسافه مو بعيده وايد من بيت جواهر ومسك ايدها عبدالله : جوجو حياتي اذا وصلتي دقي طمنيني جواهر : ان شاء الله بس الحين خل اروح عبدالله : عل اقل قولي مع السلامه << باس ايدها فهد : هييييي انت يا حيواااااان اسمعوا عبدالله وجواهر صوت صراخ من بعيد التفتوا ولا اخوها يتبع |
سيارة عبدالله .. اسمعوا عبدالله وجواهر صوت صراخ من بعيد التفتوا ولا اخوها عبدالله : نزلي بسرعه نزلييي جواهر : مابي راح يذبحني عبدالله بسرعه مال صوب جواهر وفتح بابها وقام يدزها حيييل لمن نزلت ومشى وقحص قبال فهد بقى يدعمه , راح فهد وركض ورا سيارة عبدالله وسجل رقم السياره , التفت على جواهر شافها قاعده تركض بتدخل البيت ركض وراها ومسكها وقعد يطقها ويرفسها بأقوه ماعنده فهد : منو هذا يا خره منوووو جواهر : آآآآآآآآآآآيييي ذبحتنيييي حرام عليييك فهد : تحجي لا اذبحج تحجييييي جواهر قالت حق اخوها كل شي عن عبدالله وعطته رقم تيلفونه , كل هذا من الخرعه والطق اللي انطقته وفهد دق على واحد من ربعه يشتغل بالداخليه وعطاه رقم سيارة عبدالله عشان يطلع المعلومات عنه ----------------------------------------- بيت أم عبدالله .. ام عبدالله : شفيه اخوك هل عوي مو راضي ينثبر بديرته بو عبدالله << وهوا يقلب بالقنوات : تجاره ام عبدالله : تجاره ؟ وكل اسبوع يروح ويرجع ايده خاليه بو عبدالله : ................. ام عبدالله : شفيك ساكت بوعبدالله : شقول ام عبدالله : خل اقوم عنك احسن لي من عرفتك وانت مجابل هل تلفزيون واتقلب فيه قامت ام عبدالله بتدخل المطبخ ولا اتشوف عبدالله داخل البيت ومختبص ام عبدالله : شفيك شمهبب بعد عبدالله : شنو , مافيني شي انتي شفيج ام عبدالله : طاع ويهك شلون متخربط ومو عارف تتحجه عبدالله : اووووو صعد عبدالله فوق وشاف ياسمين قاعده مع اخوها حمود وتلعب معاه عبدالله : ياسمين انتي شسالفتج كله قاعده بروحج وين الخبله الثانيه ياسمين : من املجت مااشوفها وايد ولا اكلمها وايد عبدالله : انزين تعال بكلمج شوي ياسمين : قول اسمعك عبدالله : خلصيني تعالي قامت ياسمين وبيدها حمود ودخلت غرفة عبدالله , قعد عبدالله على السرير وهوا متوتر , حست فيه ياسمين بس خافت انه درا عن يوسف ياسمين : عبود شفيك تحجى غبدالله : ابيج تساعديني ياسمين : عبيد شمسوي , انت ماتخاف جذي الا مسوي شي جايد عبدالله : سمعي السالفه وفكري معاي , انا اكلم وحده اسمها جواهر واليوم طلعت معاها وتأخرنا شوي واخوها قام يدق ولمن وصلتها البيت كنت قاعد اسلم عليها بست ايدها وبهل لحظه شافنا اخوها <<ياسمين انصدمت بس انا نزلتها بسرعه ونحشت وهذي جواهر خوافه ادري راح اتقوله كل شي عني ياسمين : قويييه حدها قويه , هذي سالفه اتسويها يا عبيد عبدالله : خلصيني من هل حجي , شسوي الحين ياسمين : انت بس لو مو بايس ايدها جان احنا بخير وعرفنا نتصرف , جان قلناله رفيجتي وانت موصلها بيتهم عبدالله : اففففف والحل ؟ ياسمين : ماكو الا انك تدق على اهلها وتقولهم انه بينكم حب شريف وانك تبي تتقدملها عبدالله : انتي مينونه مااحبها مااشتهيها , جذي قاعده اتسلى فيها ياسمين : اتسلى فيها جم يوم بالملجه وبعدين هدها عبدالله : العب على بنت الناس؟ ياسمين : اسم الله , وانت الحين شقاعد تسوي , غير الفضيحه اللي سببتها عبدالله : على أخطبها بعدين نفل الخطبه ياسمين : كيفك عبدالله : اكلم امي الحين تخطبها ياسمين : دق على اهلها اول شوف ردة فعلهم بعدين كلم امي ------------------------------------------------- بيت حجيه شيخه .. الحجيه : كللللووووووش تفضلوا تفضلوا صالح<< مبتسم : دام فضلج عمتي << باسها على راسها فجر : شلونج يمها <<باستها على راسها الحجيه << وهي تقعد : الحمدلله يمه , ها شلون عروستناه <<تكلم صالح صالح : اااااالحمدلله زينه << يطالع فجر وهوا مبتسم الحجيه : ان شاء الله مو مأذيتك فجر : يماااا صالح : لا والله خوش مره فجر : يما لقينا شقه الحجيه : زييين , عقب هل الفراره ان شاله عاد راهيه فجر : اي , 3 غرف وحمامين ومطبخ وصاله صالح : ب 350 الحجيه : مو جنها غاليه صالح : لا عمتي هذي الاسعار وزين بعد لقينا هل سعر و3 غرف كله 400 الحجيه : انزين متى العرس جنكم طولتو فجر : افترينا على الصالات كل التواريخ القريبه اتصير ايام الاسبوع وانا ودي عرسي يصادف خميس او يمعه الحجيه : ويييه يا يمه انتي عرسي الحين فجر : يعني شنو اعرس اول بعدين ادور صاله صالح : انتي شفيج قمتي تخورينه فجر << استحت : لااا مو قصدي , قصدي شنو اول نسوي عرس بعدين نحجز صاله الحجيه ضحكت عليهم واستأذنت عشان تخليهم يقعدون بروحهم وياخذون راحتهم وصالح على طول انسدح وحط راسه على ريل فجر صالح : آآآآخ , همزي راسي مصدع فجر : اخاف احد يشوفنا صالح : وانا شقايلج تفصخي , قلت همزيني فجر << انحرجت : صلووووح صالح : ههههه فديت المستحيه ------------------------------------------ تركيا .. فيصل : وينه مايتحرك << حاط ايده على بطنها زهره : ههههههههههههه توني ماصارلي شهرين فيصل : متى يتحرك ومتى اعرف ولد ولا بنت زهره : يتحرك آخر الرابع وتعرف جنس الجنين برابع او الخامس فيصل : وييييه وااايد زهره : تحمل فيصل : نتحمل شنسوي بعد زهره : فيصل << بارتباك فيصل : عيونه وخشمه وحلجه زهره : ههههههههههه , لا ابي قلبه فيصل : اوكي يبي سجين زهره : اسم الله عليك فيصل : آمريني زهره : متى اقدر اييب عيالي عندي فيصل : انا ودي اتطلعينهم من دار الايتام بس حياتي انا مفكر اوديج الكويت زهره : مستحيل ما اقدر اعيش بعيد عن عيالي فيصل : وانتي مستانسه كل شهر قاط 100 دينار عشان اشوفج , صج انتي تستاهلين بس اذا افلست مااقدر اشوفج زهره : واذا رحت الكويت بعد انا كل شهر لازم ايي اشوف عيالي فيصل : خلاص انتي شوفي الموضوع مع الدار وعطيني خبر زهره : انت قلت حق اهلك عني فيصل : اذا ولدتي باخذج انتي والبيبي بوديكم حقهم وبعرفهم عليكم --------------------------------------------- شقة يوسف .. أسماء قاعده بصاله وتسمع صوت يوسف داخل غرفة النوم يتكلم ويضحك من قبل يوميين حاسه انه شوي تعدل اسلوبه معاها بس مشكلته هل بنت اللي مخربه عليهم قررت اتقوله يسافرون جم يوم يغيرون جو عل وعسى تقدر تنسيه هل بنت بهل سفره قامت وطقت باب الغرفه يوسف : منووو أسماء : انا يوسف << قصر حسه : اسوم حبيبتي شوي واكلمج ياسمين : صوت منو ؟ منو هذي يوسف : عفيه اذون , هذي اختي ياسمين : شسمهاااا أسماء : يوســـــــف يوسف : باي باي بعدين اكلمج اذتني هل دعله قام يوسف وبطل الباب دخلت أسماء وقعدت بطرف السرير يوسف : شفي ويهج اصفر , لا تقولين رجعتي حق نساتج تكفين أ سماء : ههههههه , لا حياتي هل مره نساتي اخف بس كله احس هبوط يوسف : الحمدلله شربي سوائل وايد أسماء : تخاف علي يوسف : اخاف عليج وعلى البيبي أسماء : يوسف حبيبي خل انسافر جم يوم نغير جو والله احس بكتآب مو طبيعي يوسف : انا ماعندي مانع بس شلون على حمالج أسماء : بعد الشهر الرابع عادي اسافر بس مانروح دول بعيده يوسف : شرايج البحرين أسماء : امممم اوكي عادي يوسف خلاص انتي قدمي على اجازه وانا بعد وابدي زهبي جناطنه وجنطة شهوده أسماء : نو نو نو , شهوده بخليها عند امي ابي فترت نقاهه معاك يوسف : حاااظرين للطيبين اضحكت اسماء وهيا بتقوم شافت تيلفون يوسف على الكوميدينه ركزت ولا التيلفون فيه مكالمه مفتوحه , يوسف نسى يسكر التيلفون وياسمين قاعده تسمع كل شي , واسماء حست انها انتصرت , وصارت ذكيه وسوت نفسها بتاخذ كلنكس وسكرت الخط عشان يوسف ما يدري انه ياسمين كانت تسمع يتبع ------------------------------------ |
------------------------------------ بيت ام عبدالله .. عبدالله : الو سلام عليكم بوفهد : وعليكم السلام عبدالله : ابو جواهر بوقهد عرف انه هذا عبدالله لانه فهد قاله عنه بس يبي يتأكد بوفهد : من انت ؟ عبدالله : عمي اسمعني لي آخر شي , اللي بيني وبين جواهر حب شريف بوفهد : لعنة الله عليك , يا حقير يا خسيس عبدالله : عمي والله نيتي زواج بوفهد : عمت عينك , انا مو عمك , ولا ابي اناسبك , والله ان قربت عند البيت او من بنتي لا اذبحك ماعندك خوات انت , ماعندك غيره تلعب ببنات الناس سكر بوفهد التيلفون بويه عبدالله شوي وينزل فهد فهد : يبه صوتك واصل لي فوق شفيك بو فهد : وين جواهر فهد : صارلها يوميين كله بغرفتها بوفهد : توه اتصل ولد الكلب اللي كانت معاه قعد يمه فهد وهوا مستغرب من جرأة عبدالله فهد : وله عين يدق الحيوان شيبي هذا - صارلي يوميين ادق عليه مايرد والحين داق وعلى البيت بعد بوفهد : يقول انه بيتقدم حق جواهر فهد : يخسي هذا يصير نسيبي - وانت شقتله يبه بوفهد : قتله مايشرفني وسكرته بويها فهد : ليييش يبه جان خليته ايي هني ونعلمه شغل الله قام بوفهد وهوا متظايق ويبي يسكر الموضوع لانه يومين وهما حابسين جواهر واخوها طايح فيها طق وقسو عليها زياده عن اللزوم بو فهد << وهوا يمشي : خله يولي فهد نطر ابوه لمن طلع ورد دق على عبدالله عبدالله : الو فهد : انت عبدالله عبدالله << ارتبك : اي نعم فهد : انت جاد بموضوع الزواج عبدالله : والله يافهد انا كنت ناوي اخطبها وذيك المره لمن شفتني معاها كنا قاعدين نتفق على الزواج فهد : ابوي مو مقتنع لازم اتيي وتتفاهم معاه عبدالله : ايب الاهل فهد : على راحتك بس انا اقول اول انت تعال واذا رضا تعال مع اهلك عبدالله : صار ----------------------------------------------------- جوكليت بار .. فجر : والله لي ذكريات حلوه هني ياسمين : فجور يا الخايسه تغيرتي وايد فجر : للاحلى طبعا ياسمين : قصدي عن طبايعج فجر : ليش شفيني ياسمين : ماقمتي تدقين مثل اول ومانطلع مع بعض وايد وكله مشغوله فجر : حبيبتي يسوم والله هذي فترة الملجه جذي كله معاي مايخليني ولا دقيقه ومايرضا يكون عندي خط ثاني وماارد عليه ياسمين : حبيبتي الله يهنيج ويوفقج فجر : مشكوره الفال لج ياسمين نزلت راسها وخذتها العبره فجر : شفيج يسوم ياسمين : من امس مو كلمته فجر : ليش شصاير , مو قتلج هذا ما منه امان ياسمين : فجر انا مصدومه , ومو عارفه شسوي , طلع متزوج فجر : ها , امبييي لالالالا مستحيل حيوان وهذا شلون يخون مرته لايكون توه متزوج بعد ياسمين : لا عنده بنت ومرته حامل فجر : وانتي شدراج ياسمين : امس كان ناسي التيلفون مبطل وسمعت كل شي فجر : الحيوان , قتلج قتلج هذا حقير ماطعتيني ياسمين : بس والله حسيت انه يحبني وعلى طول معاي ويكلمني شلون متزوج شلون فجر : خلاص خليه يولي , انسيه ياسمين : ماقدر احبه احبه فجر : يا حماره متزوج شنو انتي ماتحسين بتخربين بينه وبين مرته ياسمين : مو مشكلتي اهوا الغلطان اللي ماقالي وخلاني اتعلق فيه مااتخيل نفسي آخذ غيره فجر : لا حبيبتي تخيلي , ترضين على نفسج تكونين شريجه ويوم لج ويوم لها عبالج بتعيشين مرتاحه ياسمين : لا يخسي , حبيبتي قبل لا ياخذني يطلقها فجر : طاع الهبله , يا حلوه انتي دخيله عليها مو اهيا يهدج انتي مو اهيا فهمي ياسمين : فجور مااقدر مااقدر بنيت كل احلامي معاه والله كل يوم اتخيل اني زوحته والله حتن اتخيل شراح اطبخله شراح البسله وشنو الهدايا اللي بعطيه بعيد زواجنا وعيد ميلاده وعيد الحب , مو سهله اني اهده , شفيج صرتي ضدي فجر : من عرفتيه وانا ضدج , والله انه مايحبج هذا يلععععب يلعببب ياسمين : لو يلعب مايابلي قميص نوم هديه حق زواجنا وعمره ماقالي انه بيخربط معاي كله يقول هل قميص حق زواجنا فجر : حبوبه اكيد مايبي يخربط معاج عنده مره , بس يبي يتسلى فيج ياسمين : ماراح تقنعيني انا عارفته عدل 6 اشهر معاه فجر : وشبتسوين الحين؟ ياسمين : ماراح افاتحه بالموضوع عشان يظل يكلمني ويتعلق فيني أكثر بعدين بقوله يتقدملي وبشوف ردت فعله واذا رفض راح اخليه يندم فجر : مينونه حرام عليج ومرته شنو ذنبها , شذنب بنته واللي ياي بالطريج حرام تفرقين بين هل عايله ياسمين : ماراح افرق راح اخليه يشوف عياله وقت اللي يبي فجر : سكتي بس سكتي كلامج يحر ماتعرفين تتكلمين ------------------------------------------------------- اليوم الثاني عند بيت جواهر .. عبدالله كان قاعد يصفط السياره يم بيت جواهر وشاف فهد واقف عند الباب ويتلفت , نزل عبدالله من السياره وراح جهة فهد وهوا مبتسم ومد ايده بيسلم عبدالله : السلام عليكم فهد على طول قضب ايده ولفها وطلعوا من البيت 3 شباب وطاحو فيه طق وترفس من كل جها فهد : يا حيوان عبالك بتنحاش جذي بارده مبرده عبدالله قعد يصارخ ويحاول ينحاش منهم والدم ينزل من كل صوب , طلعوا الجيران على صوت الصراخ وفاججوهم وعبدالله نحاش وركب سيارته ولحقوه الشباب وكسروا جام السياره وقعدوا يطقونه وعبدالله داس ونحاش منهم وهوا يقطر دم من كل مكان وحس انه ريله اليمين مو قادر يتحكم فيها فساق بالريل اليسار قصب وعرف انه اللي صار كمين حقه --------------------------------- بيت أم عبدالله .. ياسمين كانت قاعده بالصاله وتفكر بيوسف ومصدومه منه وصارلها 3 ايام مو مكلمته ( ليش ما قالي صج بيلعب ولا يحبني , يمكن مو مرتاح من مرته وبيدور غيرها , بس كان يكلمها عدل وبيسفرها , ما اقدر اهده خلاص تعلقت فيه مغ رقني حنان وكلام حلو , مااتخيل نفسي زوجة واحد ثاني حرام راح اظلم الريال معاي) خذت تيلفونها ودزت مسج " حياتي آسفه مو قاعده ارد عليك تعبااانه حيل وصوتي رايح مشتاقتلك حيييييل " نطرت يدزلها مسج وسرحت ام عبدالله : وين حمود ياسمين : ............. ام عبدالله : اكلمج انا ياسمين : ها , عبدالله طالع ام عبدالله : وانا شكو بعبدالله اقولج وين حمود ياسمين : نايم بغرفتكم ام عبدالله اقعدت يم ياسمين وهيا متردده تتكلم ام عبدالله : امممم بسألج , عمج ماقالج ليش قاعد بتركيا هل كثر ياسمين : يقول هل مره سياحه الظاهر اعجبته تركيا ام عبدالله : سياحه ؟ رفيجه راح معاه؟ ياسمين : والله ماادري "وصل مسج" أم عبدالله : والله ماادري شعنده هناك هل خيخه ياسمين : يما انتي ليش تكرهينه , خو اثنين ماتوفقوا خلاص ام عبدالله : حبيبتي اهوا مو ريال اللي ماعرف يصلح اموره على طول تطلق ولا خالتج شفيها تهبل جمال وطول وشعر اشقر ياسمين : لو على الجمال جان محد تطلق دخل عبدالله وهوا يعري ويمسح الدم اللي يطلع من خشمه وحلجه وكان راسه مجروح قامو ام عبدالله وياسمين وهما يصرخون ورايحين صوبه ياسمين : عبود شفيك شصار ام عبدالله : يمه ولدي من سوى فيك جذي عبدالله : وخروا وخروا مافيني شي هوشه شباب عاديه ياسمين : شنو عاديه انت من صجك ام عبدالله : قوم قوم الطبيب طلعوا يودون عبالله الطبيب وشافوا سيارته اليديده مكسره حست ياسمين انه السالفه فيها جواهر واهلها ------------------------------------- شقة يوسف .. يوسف كان قاعد يلبس وهوا صارله يومين مو على بعضه أسماء : يوسف اشتري حليب وحفاضات كافيه حق شهوده عشان نوديهم بيت اهلي يوسف : امم أسماء : تبيني احطلك دشاديش ولا بس بنطلونات يوسف : عادي حست اسماء انه متضايق وعرفت لانه ياسمين ماترد عليه تظايقت شوي بس هم حاسه انها نهاية العلاقه يوسف خذه تيلفون البيت ودق على اخوه عشان بياخذ سيارته حق السفر وأسماء دخلت الغرفه ولا تشوف تيلفون يوسف على المس تواليت خذته وبطلت الصندوق الوارد وقرت مسج ياسمين وراحت حق الرسائل المرسله " حياتي سلامتج ماتشوفين شر حرام عليج يوميين مو مكلمج والله احس الدنيا ماتسوى من غير ماسمع صوتج او اشوفج اليوم لازم اشوفج ماابي اعذار لاني بسافر جم يوم " أسماء انصدمت معقوله انه ياسمين ماكانت قاعده تسمع ولا تدري وبتكمل معاه حست انها بتدخل حرب وانها بتحارب وحده مو هينه قررت انها دق على ياسمين نطرت يوسف يطلع وهيا حاسه انها بدت تكرها عقب ماشافت المسج يتبع |
بالمستشفى .. عبدالله نايم على سرير الطوارئ والممرض قاعد يحطله ظماد الدكتور : عنده عنده كسر في ريله ورضه بظهره وجروج وايد بجسمه لازم يظل عندنه جم يوم , والحين لازم يدخل عليه المحقق ام عبدالله : حسبي يالله على اللي سوى فيه جذي عبدالله : يما خلاص مافيني شي ردو البيت ياسمين : طاع هذا السالفه فيها محقق ومافيك شي دخل المحقق على عبدالله وسألاه جم سؤال بس عبدالله ماعنده غير عبدالله : ماكو شي قتلك هوشه بسيطه بهل لحظه رن تيلفون ياسمين وكان رقم غريب , ماقدرت ترد عشان امها وعبدالله يمها وخافت يكون يوسف طلعت بره الغرفه وردت ياسمين : الووو أسماء : ياسمين ؟ ياسمين حسن انها جمدت مكانها وارتبكت أسماء : دريتي انه متزوج وكملتي معاه اسمي هذا حقاره ولا قلت ادب ياسمين : سميه اللي تسمينه أسماء : شنو عبالج آخر العلاقه زواج ؟ لا حبيبتي بيهدج مثلج مثل غيرج انتو تسليه بس ياسمين<< ابرود : انا غير انا متربعه على قلبه أسماء : يعل قلبج المرض ان شاء الله يا قليلت الادب , انتي تدرين منو قاعده تكلمين , انا مرنه مرته ياسمين : انزين وبعدين أسماء : شوفي ان ماوخرتي عنه والله راح ادخل فيها ريايل وأكلم اهلج وابوج ياسمين : عشان أقول حق يوسف يحش ريلج أسماء : سمعيني زين يا حلوه وحطي هل كلمه ترجيه بأذونج " اللي يخرب بيتي أخرب بيته " والله لو فيها مخافر لو فيها محاكم ياسمين : شحلاتج وانتي تهددين ,شوفي انا مو فاضيتلج , بس حطي في بالج راح آخذه يعني راح آخذه طلعت ام عبدالله من الغرفه وشافت ياسمين تتكلم بالتيلفون ياسمين : اوكي حبيبتييي بااااي ام عبدالله : ها شلونها فجر اشتقنالها ياسمين : زينه ماقمت اشوفها وايد ------------------------------------- شقة فجر .. صالح : ها شرايج بالشقه الحين فجر : تيييينننن باقيلها بس شوية اكسسوارت صالح : لا مايبلها شي مانبي نترسها اكسسوارات جذي ناعمه فجر : صلوح وين الكفر صالح : كاهو بالكبت خليه قبل العرس بيوم نحطه عششان مايتوصصخ ويغبر فجر : خل نفرشه بشوف شكل الغرفه قعدوا يفرشون الكفر ويعدلونه وصالح بده يتحرش في فجر وهيا توخره فجر : صلوووح وخر ماابي الحين وخر ----------------------------------- بيت حجيه شيخه .. فرح : يمه وين فجرو؟ الحجيه : رايحه مع ريلها تكمل الشقه فرح : الغبيه قتلها ماتروح الشقه الحين الحجيه : خليهم شعليج منهم خل تزوج وتسافر , مالنا خلق لوية العرس فرح : يما لاتشيشينها نبي عرس خل تستانس شوي وتدخل فجر وتسلم عليهم وتقد فرح << تطالعها بنظره : فجرو وين كنتي؟ فجر : مع صالح فرح : ادري , وين رحتوا فجر : رحنا نرتب الشقه ونظفها فرح : مو جنه تو الناس العرس باقيله شهرين فجر : لا عادي فرح : فجرووو تحجي صار بينكم شي الحجيه : يو يعني شصار , يصير اللي يصير , وهيا مسويه حرام فجر ويها صار أحمر وفرح حست فيها فرح : تكلمي صار شي فجر : اووو خو مو بكيفي شسوي فرح : غبيه غبيه الحجيه : كللووووووش مبروووك فجر : يمااااااا فرح : مالت ماطلعتي على اختج فطينه , يعني ماكو عرس الحجيه : احسن روحي سافري وستنسي ماعليج من اختج --------------------------------- بعد 7 شهوور .. فيصل كان بالطياره رايح تركيا لانه موعد ولادة زهره من اول ماوصل تركيا بطل جهازه ووصله مسج انه زهره دخلوها غرفة الولاده على طول من طلع من المطار راح المستشفى وكانت شوي بعيده وكل مايدق على خاتون ماترد اول ماوصل المستشفى شاف خاتون وخالتهم قاعدين يبجون بهستيريا حس لنه الولد فيه شي حاول يعرف منهم شصاير بس محد يرد بس بجي وصراح راح بيدخل اقرب غرفه شاف بالممر سستر شايله بيبي ولافته بخرجه خضره مثل مالت العمليات حس انه هل ياهل شده فيصل : سستر هذا البيبي ولد منو ؟ السستر : زهره فيصل : خذه الولد وقعد يبوسه ويحضنه فيصل : وامه شلونها السستر خذة البيبي من فيصل السستر : انت زوجها ؟ فيصل : اي شصاير السستر : عطتج عمرها يتبع |
بيت ام عبدالله .. بوعبدالله << يكلم نفسه : شفيه هذا مايرد , استغفر الله ياسمين : يبا منو اللي مايرد منو قاعد اتدق عليه من مساعه؟ بوعبدالله : عمج فيصل من امس واصل تركيا لادق ولا يرد علي ام عبدالله : روحه بلا رده ياسمين : يمااا اسم الله عليه ليش تقولين جذي ام عبدالله : انتي سكتي مالج شغل ذلفي شوفي اخوج قامت ياسمين وحذفت الكوشايه على الارض وهيا معصبه ومتنرفزه من اسلوب امها راحت سوت حق حمود حليب وخذته بتنومه عشان تاخذ راحتها بالتيلفون ودقت على يوسف يوسف << صوته كله نوم: هلاااا حبي ياسمين : آسفه قعدتك , خلاص بعدين ادق يوسف : لا حياتي انا اصلن لازم اقعد من زماان زين قعدتيني ياسمين : يوسف يوسف : عيونه ياسمين : أحبك يوسف : لا لا كلام حلو وتوني قاعد من النوم مااتحمل ياسمين : تحبني ؟ يوسف : امووووت فيج ياسمين : ابي اشوفكم اليوم حدي ظايق خلقي يوسف تذكر انه اليوم موعد اسماء عشان بيولدونها قيصري يوسف : حياتي انا عمري كله حقج بس اليوم مواعد واحد من الربع باجر كله حقج ان شاءالله ياسمين : مابي مابي توك تقول تموت فيني شنو بس كلام , لو تحبني تكنسل كل مواعيدك عشاني , باي باي يوسف : الوووو لحظه حياتي , خلاص اكنسل كل مواعيدي على قولتج اللي يقول مدير شركه هههههه , واطلع معاج شتبين بعد ياسمين : وابي باجر بعد كله حقي يوسف : ههههههههه تآمرين أمر ---------------------------------------- بيت حجيه شيخه .. الحجيه قاعده على الارض وتلقط عيش وبنتها فرح يمها توكل بنتها لولوه نزلت فجر من فوق وهيا تركض وماسكه التحليل المنزلي فجر : فروح فروح الخطين يعني شنو الحجيه : شخطينه بعد ظ فرح : اشوف , فجروووو يا الخايسه حاااامل فجر من وناستها قامت تناقز فرح : يا المينونه الحجيه : يايمه لا تطيحين الياهل وهوا توه ماكمل احظنت فجر فرح وامها وقامت تدمع عينها فجر : الحمدلله عقب 7 شهور حملت الحجيه ك قلنالج مافيج شي بس انتي مخرعه نفسج فرح : يعني بس تكيسات وراحت الحمدلله فجر : خل ادق على صلوح اقوله فرح : لااا ياالغبيه سويله حركه سويله مفاجأه مو جذي مني والطريج انا حامل فجر :شنو يعني؟ فرح : شوفي روحي سوي تحليل دم ولمن يعطونج ورقة التحليل حطيها داخل ممة ياهل وعطيه او روحو تسوقو ودخلي محل يهال وقعدي نقي واذا قالج حق منو قوليله حق اللي ياي بالطريج فجر : الله عجبتني حركة الممه قومي قومي وديني الطبيب خل اسوي تحليل قومي فرح : روحي قاعده اوكل بنتي فجر : اووو قومي ولا اطقها ----------------------------------- شقة يوسف .. أسماء البست وتزهبت وراحت حق بنتها وقعدت تلبسها وتزهب جنطتها حق بيت اهلها وهيا مزهبه جنطة المستشفى من يوميين ( طبعا أسماءمن كلمت ياسمين لي هذا اليوم ماشافت لا مسجات ولا مكالمات من ياسمين والسبب انه يوسف شك انه اسماء درت لانه اكثر من مره شاف مسجات مفتوحه فقام يمسح كل شي وأسماء عبالها انه انتهت العلاقه ) طلع يوسف من الغرفه وهوا كاشخ على الآخر وعطره واصله لي آخر الفريج أسماء << مبتسمه : يالله حتن احنا جاهزين يوسف << مبتسم : لا حبيبتي توه طلعتلي شغله ضروريه خل اخوج او ابوج يوديج وانا بس اخلص اييلج أسماء : يوسف شالشغله الضروريه اللي تخليك تهدني وانا بهل وضع المفروض توقف معاي بهل لحظه يوسف : والله مو بيدي بعدين انتي صارلج اسبوعين من دخلتي العاشر وماولدتي يعني بتولدين اليوم ؟ وانتي باجر عمليتج وقتلج اخلص شغل واييلج باس شهد وراح بيطلع راحت وراه ومسكته من بنطلونه عبالها انه بيطلعها يوسف : تعالي مسكيها أسماء كانت متنرفزه وفيها بجيه : مالي شغل فجج نفسك << وراحت دخلت الغرفه ورقعت الباب يوسف : روحي باباتي عند ماما شهد تعلقت في يوسف وماخلته يروح هداها عند الباب تبجي وسكر الباب وطلع طلعت أسماء من الغرفه وشافت شهد حاطه راسها على الباب وتبجي خذتها وهيا تسب يوسف من قلبها ودقت على اخوها يوديها المستشفى -------------------------------------- تركيا - عزا زهره .. فيصل كان حيييل متضايق ومقموت وقام وطلع برا العزا يقلب بتيلفونه ويتذكر زهره وسوالفها وطلعت منه دمعه شافته خاتون وراحت تعزيه وتكلموا شويه عن زهره وبعدين عن ولده خاتون : شنو بتسميه؟ فيصل : والله زهره كان ودها سعود خاتون : اذا خذيته الكويت , يبلنياه بين فتره وفتره خل نشوفه فيصل : آآآخ , المشكله اني مااقدر حاليا آخذه الكويت لاني بقعد عند اخوي ومرته ماراح تتقبله خاتون : بس يافيصل انت تدري حالتنه كلش ماتسمح انه نربي ياهل انا على طول في بيوت الناس اشتغل وشفت عيالها دخلتهم دار الايتام فيصل : دار الايتام لأ , انا راح اشوفله طريقه بس على مااكلم اهلي بالكويت فيصل قرر يخلي ولده عند عايله تركيه حالتها الماديه زينه جم اسبوع على مايهيئ اموره مع بيت بوعبدالله وعطاهم فلوس تكفي ولده وزياده يتبع ---------------------------------------------- |
شقة فجر .. ياسمين : وااااااي حبيبتي مبروك الله يتمم عليج فجر : ههههههههه شفيج مستانسه اكثر مني ياسمين : ماادري ماادري مستعيله بشيله بشوفه بعضه ببوسه فجر : حلوه هذي بعضه هذا وهوا ليلحين ماطلع لدنيا ياسمين : عندي احساس قوي انه ولد فجر : تدرين حتن انا خواني كلهم اول شي يابو صبيان حتن فرح ياسمين : اذا رحتي بتجهزيله بروح معاج فجر : يوم لج ويوم حق صلوح ياسمين : بسميييييه اممممم يوسف فجر : لا صج , واذا بنت شنو؟ ياسمين : مايبيلها تفكير ياسمين فجر : وانتي ليلحين مع هل خكري يوسفوه ياسمين : فجر بليز سكري الموضوع عشان مانتخانق فجر : قومي بس قومي خل نتعشى قبل لا تنسد نفسي اكثر من ماهيا منسده ------------------------------------------- مستشفى دار الشفا الساعه 8 الصبح .. أسماء تحاول تدق على يوسف كله جهازه مغلق , وصلوا اهل أسماء واستغربوا انه يوميين يوسف مو موجود واسماء ترقعله دخلت السستر مع الدكتور الدكتور : ازيك يا أسمه أسماء : زينه الدكتور : النهار ده عمليتك ليه ضغطك مرتفع كده أسماء : يمكن ليش خايفه من العمليه الدكتور : لا لالا خايفه ليه دي العمليه بسيطه اوي ومش حتحسي بيها ابدا رخي نفسك وارتاحي وحنزلك دلوأتي مشان العمليه الساعه تسعه أسماء : اوكي قعد يوسف على الساعه 8:30 وشاف 9 مسيو من أسماء قام بسرعه وخذاله شور عسريع ولبس ودق على أسماء ورد ابوها وقاله دخلوها العمليات وانها بمستشفى دار الشفا وعقب ماسكر يوسف << يكلم نفسه : دار الشفا ؟ ماشي يا اسماء عاندتيني ورحتي خاص وصل المستشفى ودخل عند اهل أسماء وسلم عليهم وقعد ينطر معاهم ----------------------------------- بيت بوعبدالله .. وصل فيصل من السفر ودخل الدوانيه يرتاح ومحد حس فيه عبدالله كان قاعد بغرفته وسرحان " تأدب عقب اللي صارله من أهل جواهر وخاف يكلم اي بنت غيرها بس اهوا مايقدر يظل جذي بدون بنت فقرر انه يكمل نص دينه ويتزوج " طلع من غرفته وراح الصاله وشاف امه منسدحه على الغنفه وتتكلم بالتيلفون وقعد يمها ونطرها تخلص من التيلفون ام عبدالله : والله اللي علي سويته وسألت عنه والناس امدحته هل ايام الزين والشين يمدحونه ............... يا الغبيه وافقي عبالج كل يوم بيلج واحد بيخطبج ............. وافقي وحري فيصل خل يعرف انج مو بايره ومسرع ماانخطبتي ............. لا حول ولاقوة الا بالله انتي ماتفهمين .........كيفج كيفج عيل نطري الحلو لمن ايي وقوليلي بعدين ................ طاع هذي اكبر من ياسمين ب15 سنه الحين اهوا اللي مناسبلج ماتبينه؟ ................. يالله عيل انا ادق على المره واتعذر مع السلامه عبدالله : خالتي سحر ؟ ام عبدالله : اي عبدالله : انزين انا بكلمج بموضوع ام عبدالله : لحظه خل ادق على المره عبدالله : قاعد اكلمج انا, شنو دقين على المره ام عبدالله : وااي عبيد انت كله تيي بالوقت الضايع اشتبي عبدالله : والله لو مو حاجتي عندج جان قمت ام عبدالله : تحجى عدل ولا قوم اذلف عن ويهي عبدالله : اففف بتزوج ام عبدالله : ومنهي ست الحسن والدلال هذي عبدالله : شفيج اقول بتزوج يعني خطبيلي مااعرف احد ام عبدالله : لو قايلي قبل جم شهر جان خطبتلك فجر بس حسافه تزوجة الله يهنيها عبدالله : ماابي هل رقله رفيجة الرقله ام عبدالله : انزين انطر الحين بدق على خطابه بقولها انه خالتك رفضت وعلى الطريج ادورلك عبدالله : اووو ماحب سوالف خطابات انا , ابي وحده من معارفج بس ماابي من الاهل ام عبدالله : ويييي عاد انطر خل اعصر مخي وادور منو البنات اللي اعرفهم وخل اسأل ياسمينو بعد --------------------------------------- تركيا .. عايلة ابوسعدون عايله حالتها الماديه زينه عندهم مزرعه يتاجرون بالخضراوات والفواكه وهذا مدخولهم حق البيت عايلة بوسعدون متكونه من 4 اشخاص بوسعدون وام سعدون وسعدون والمزارع كامل من استلموا سعود ولد فيصل وحياتهم متغيره وسعود ظل عندهم شهر ابو سعدون : وكلتي الصغير ؟ ام سعدون : اي وكلته ابو سعدون : وحنا متى ناكل؟ ام سعدون : ان شاء الله بس والله اتأخرت بسبت هذا الصغير وايد يبجي ابو سعدون : استغفر الله انا ارد من الشغل تعبان ابي بس لقمتي ماابي هذا الصغير يسوي مشكله نظمي وقتج .. بعد جم يوم .. سعدون : يمه مو قادر انام شفيه يبجي ام سعدون : يبي اكل سعدون : وليش ماتعطينه ؟ ام سعدون : خل اخلص الطباخ ابوك على وصول بعدين اعطيه اكله ظل سعود يبجي قريب الساعه وام سعدون بس تحط المصاصه بحلجه وعقب ماوصل بو سعدون وحطتله الاكل خذت سعود وقعدت يم ريلها بتوكل سعود بو سعدون : ازعجنه هذا باكل وانا مرتاح قامت ام سعدون وراحت غرفتها وعطت سعود الحليب وماكمل حليبه نام من التعب خلته ونزلت حق بوسعدون .. آخر الشهر .. سعود في هل يوم تعسر وايد وماكان بلبيت الا ام سعدون والمزارع كامل حاولت ام سعدون اتسكته عشان تكمل طباخها ماسكت ظل يبجي تقريبا ساعتين راحت ام سعدون حق كامل ام سعدون : كامل الله يرضى عليك خل انودي هل صغير الطبيب صارله يوميين مستعسر كامل : ان شاء الله عمه بطلعتهم وصل بو سعدون بو سعدون : وين على الله ؟ ام سعدون بإيدها سعود يبجي : بوديه الطبيب صارله يوميين وهوا بس يبجي بو سعدون : روحي يبي رقم ابوه بعدين وديه ام سعدون : يا بوسعدون التفاق كان شهرين بوسعدون : خلصيني صدعني هل الولد يتبع |
الرواية لسه ما اكتملت بعد رمضان بتكملها بس تنزل فصل جديد بنقلوا لكم ان شاء الله |
♪♪♪ تغلق لـ حين عودة الكاتبة لـ اكمال القصة .. ♪♪♪ |
| الساعة الآن 09:09 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية