|
ياللي خذيت قلبي هاته قبل لا تروح ، للكاتبة : استبرق ام علاوي ..
السلام عليكم ورحمة الله وبركاته هذي أول مشاركه لي بهل قسم انا وايد أألف قصص وحبيت أكتبهم وتشاركوني فيهم وان شاء الله اذا عجبتكم هل قصه أكتبلكم الباجي ------------------------ ساره : وااااااااااااااااااااي مالي خلق كل شي اليوم كل شي امتحان كلهم بيسافرون بجهز جنطتي حق سفرتي أف ( ساره بنت بالعشرين من عمرها- ثانيه جامعه شيطانه مغامره اجتماعيه عندها 3 خوات <فجر- ألماس- منال >وأخوين<محمد -أحمد> العايله كلها اليوم بتسافر- بس ساره لانه عندها امتحان وباجر تلحقهم بالرحله الثانيه بروحها ) ألماس : ياربي ان شاء الله ما نسيت شي ( ألماس أنطوائيه كله تقرا كتب تلهي عمرها فيهم أصغر وحده اتكاليه عمرها 17 توها مخلصه امتحانا رابعه ثانوي بتسافر قبل لا تطلع النتيجه ) ساره : نسيتي كتبج << ضحكه خبيثه ألماس : تطنزين ساره : يعني مسافره اسكتلندا سياحه ووناسه ما خذه كتبج وققصصج ليش ألماس : أقول خليج بحالج <<< اتدور بأغراضها فجر << بطلت الباب فجأة وبقوه : هيييييي انتو أخرتونا بتطير الطياره واحنا ليلحين ما رحنا تره نزلنا الجناط كلهم وابوي قاعد يحطهم بالسياره ( فجر مثل شخصية ساره بس على أهده عمرها 19 بالتطبيقي على علاقه بواحد محد يدري غير ساره ) ساره \ ألماس : انزيييييييين محمد : ها يبه بقى شي ؟ ( محمد عمره 30 يدرس بلندن طب بيتخصص طب عايله والحين ما خذ ايجازه- مو مفكر بالزواج كل بنات العايله عينهم عليه ) الابو : شوف ألماسو شسالفتها ما يابت جنطتها يالله خل انلحق على الباجي وين أحمد عنده الجوازات والتذاكر ؟ ( الابو عند شركه كبيره- متزوج ثنتين أم محمد و هاجر - هاجر اهيا الاولى بس ما تييب عيال فتزوج عليها طبعا برغبت هاجر واهيا صارلها سنتين من توفت ) محمد : ان شاء الله يبه الحين اشوفلك ألماس وأحمد محمد : أحمد أحمد أبوي يبيك . هذي جنطت منو ؟ أحمد : جنطت ألماس- الحين ينزلون ونمشي (أحمد عمره 28 خاطب سمر وراح يملج عليها عقب السفره -وهوه موظف حكومي ) أحمد : هلا يبا . الابو : وين الجوازات والتذاكر أحمد : كلشي موجود لا تحاتي - كاهم البنات يالله خل نتوكل ساره : لحظهههههههههههههههه نطرو ماسلمت عليكم أم محمد : وييي يا بعد عمري نسيناج ( أم محمد اتزوجت ابو محمد صغيره 16 سنه وهذا كان شرط هاجر عشان ما ياخذ وحده تحرها - ياخذ ياهل وتطاوع هاجر وهيا صج خوش وحده وتحب عيالها وايد وكله تخليهم عند هاجر بس هاجر .... راح تعرفون بعدين) فجر : شنو تسلمين باجر بتلحقينا يالله تيسري روحي امتحانج ساره : انتي سكتي ما ابي اسلمج عليج منال : دير بالج على نفسج وحلي عدل لا تفكرين بالسفره ولا شي ثاني وان شاء الله ما كو الا الخير راح توصليلنا بالسلامه بس على طول دقي ودزي مسجات على كل تحركاتج ( منال عمرها 24 متزوجه وعندها ولدين وحامل بس ليلحين ما تدري - صيدلانيه- راكده وثقيله وكلامها كله منطقي وفاهمه والكل يعتمد عليها بس بنات بليس مايخلون أحد بحاله ) القصه راح تبدي على لسان ساره سلمت عليهم كلهم وبست جابر وعضيت ناصر الشيطان عيال منال عقبها خزاني عبدالله ابوهم والنصايح من كل صوب امي وابوي واخواني ابوي : خلاص اخرتينا واتأخرتي يالله توكلي على الله واتصلي قوليلنا شصار مشت السياره وركبت انا سيارتي وانا اطالعهم من بعيد وفجأه حسيت أني خايفه بروحي اول مره حتن لو بس يوم الله يستر طول الطريج وانا افكر وصلت الجامعه ولا البنات متجمعين قاعدين يراجعون هند : ساره تكفين بندرس ساره : بسم الله شفيج تحجيت حتن ما سلمتي هند : مو ما شالله عليج كليوم اتيين بس تيين تسولفين ساره : انا اعلمج ان شاء الله لمتحان يطلع صعب اسراء :لاحول الله كل يوم على هل سالفه تكفون آخر امتحان خذيت اوراقي ورحت قعدت بعيد وانا متحلفه بهند فشلتني قبال البنات عاد صج يايه بقولهم شصار اليوم دخلت الامتحان وحليت حليت حليت لي فجأة تذكرت انه انا بروحي بالكويت سرحت شلون اليوم بنام بروحي شلون بروح بروحي المطار عمامي وعماتي كلهم الحين بالمطار بيروحون اسكتلندا وعيالهم يالله كلها يوم واحد واروح وياهم فجأة سمعت صوت الكراسي ولا البنات والشباب قامو يطلعون وانا بقتلي صفحه قمت احلها حيل حيل وطلعت وشفت هند مع واحد من الشباب قاعدين يتناقشون بالامتحان وقفت ورا الشاب وقمت اسوي حركات حق هند وأطفرها وهيا بتظحك بس قاضبه نفسها مريت يمها وانا اقول : يعني ثقيله خلصت هند وياتلي هند : فشلتيني ساره : حتن انتي فشلتيني مساعه قبال البنات فقلت لازم انتقم هند : شدعوه شدعوه يعني بذمتج ما كنتي بتقرقين ساره << تلف الصوب الثاني : أحم أحم كا اسراء ها بشري اسراء : اطلعت روحي ساره : عسره اسراء دزتني : اسم الله علي - ها هند كلعاده ماحليت شي واهيا الاولى هند : قل اعوذ برب الفلق لا تحاتين - ساره شصار على سفرتج؟ ساره : أأأخخخخ أهلي راحو اليوم وانا باجر اسراء : وليش مو كلكم مع بعض ؟ ساره : انا كنت معاهم بس بعدين شفت انه الامتحان نفس موعد الطياره فأجلته السفره اليوم الثاني مع انه الفكره ما كانت عاجبه ابوي بس انا اقنعته لانه الفكره ركبت راسي وابوي كان ناطر آخر وحده اتخلص الامتحان عشان نسافر حتن ما نطر النتايج هند : اكيد فيها مغامرات - خلاص احنا باجر بنروح معاج المطار ساره : صج . ونستوني بروحي احاتي اسراء : شرايكم نروح كوفي نقعد شوي ؟ هند : اوكي ساره : لالالالالا انا بروح اجهز حق باجر وبدق على اهلي وبريح ..... هند قاطعتني : انزين انزين الله وياج انشوفج باجر ساره : ما شي ماكو صوغه كلنا : هههههه -- يالله باي رديت البيت وقعت ازهب الهاند باق لانه جنطتي خذوها ودقيت عليهم كلهم جهازهم مغلق الظاهر بالطياره بس دزيت حق فجر انه الامتحان كان اوكي تغديت وقعدت اطلع الملابس اللي بلبسهم حق المطار وشنو احط ميك آب وبطلت الابتوب وفتحت قوقل وكتبت اسكتلندا ونسيت نفسييييي بالقعده على الابتوب والصور والمواضيع لي بليل صليت وكليت شي خفيف وقلت لازم اروح المطار الساع 7 الطياره اتطير 8 وقت الساعه ونمت الصبح صحيت على رنت التيلفون شوي وتسكر أطالع ولا مسج ومس كول المسج كان أمس الفير من فجر انه وصلو واني ادق عليهم من اول ما اقعد والمس كول كان من هند أطالع الساعه ولا 7:30 أثاري انا وقت الساعه ونسيت أبطل المنبه واللي صار شي مو متوقع . . يتبع |
الفجر في ادنبره عاصمة اسكتلندا وصلت عايلة بومحمد واخوانه وخواته الفندق قعدوا كلهم باللوبي ينطرون بو بحمد وبو حمد اخو بومحمد الكبير يجيكون على حجز الغرف فجر فتحت تيلفونها ودزت مسج حق جاسم رفيجها انه وصلت الفندق ألماس قاعده تقره كتاب و بنت عمها حمد أزهار تسألها عن الكتاب اللي قاعده تقراه أزهار : ألماس شنو هذي روايه بعد؟ ( أزهار بنت حمد اخو بو محمد الكبير وهيا اصغر من الماس بسنه وتحاول انها تتقرب منها ) ألماس << مندمجه : ها . اي هذي روايه توها يديده اسمها حبيبه شدني اسمها ازهار : امممم اذا خلصتي منها بستعيرها ألماس مستانسه : صج اتحبين الروايات ؟ أزهار : منو ما يحب القرآئه منال راحت حق محمد اخوها تاخذ مفاتيح الغرف محمد: كل غرفه تشيل ثلاث منال: شلون نوزعهم الحين محمد : خلو البنات بروح مو لازم انتي وخواتج مع بعض خليج مع ريلج راحت منال توزع المفاتيح والبنات يتفقون منو يكون مع الثاني روان : فجر وانا وفاطمه وألماس وأزهار مع بعض ( روان بنت عبد الهادي اخو بو محمد الصغير وهيا وحيدة ابوها امهما توفت وهيا تولد وكل شي تقول حق ابوها وما ترضا ابوها يتزوج اتقول اذا تزوج ما ابيه وراح اروح بيت يدي ) منال : نسيتو ساره جنكم بعدين كل غرفه تشيل ثلاث وين بتتكودون روان : شلون نبي كلنا مع بعض وساره بعد منال : خلاص فجر وروان وساره مع بعض وفاطمه والماس وازهار مع بعض فاطمه : نعم نعم أنام مع اليهالو . ما ابي ( فاطمه بنت حمد اكبر من أزهار وهي من سن ساره وروان ) ألماس : منو اليهالو . شدعوه احنا نبيج منال : اتفقوا بينكم . وهذي مفاتيح غرفتين يم بعض توزعوا فاطمه : خلاص انا انام على الارض بس ابي معاكم أزهار وحنا نصير بس ثنتين بروحنا فجر : بس وقت النوم بروحكم بس البح تعالو عندنا لي بليل نسهر مع بعض الشباب كانو سته حمد ولد بوحمد ومحمد وأحمد عيال بو محمد وفيصل ونواف عيل عمتهم أسماء وعمهم عبد الهادي ابو روان هم لهم غرفتين راح يصيرون ثلاث بثنين لانه حمد متزوج بيصير مع مرته فصار محمد وعبد الهاي بغرفه وأحمد وفيصل ونواف مع بعض رغد : حمود حبيبي شلون على توته و عبود وين ينامون وسرير واحد عندهم ؟ ( رغد مرت حمد وهيا دلوعه عمرها 22 سنه وحمد عمره 30 سنه وهيا كله تقول انا خذيت كبير عشان يدلعني تحب تلبس وتتكشخ وما تقعد مع البنات لانها متكبره كله مع منال وعمتهم هاجر وعندها بنت وولد تهاني وعبدالله ومدلعتهم ولا تخلي احد يكلمهم اذا اتشيطنو ) حمد : ميخالف ينامون مع بعض السراير كبار تكفي رغد : حياتي لأ انا بشوفلهم حل ما ابي يتضايقون حمد : شنو حل ما حل بعد . خلاص عبود ينام على الأرض رغد : حمووووود انت شتقول شنو ينام على الارض شنو هيلق لا لا انا بشتري السرير اللي يتسفط حمد : لاحول الله صعدوا البنات غرفهم وكانت الساعه 6 الصبح روان : فجور محمد وين بينام ؟ فجر : ما ادري ليش ؟ روان : أممم لأ اسأل لانه سمعت انه فيصل ونواف عيال عمتي أسماء بينامون مع احمد اخوج فأسأل يمكن بروحه فجر : أها والله ما ادري فاطمه : روان .ليش تسألين << تطالعها بخبث روان : شفيج قاعده اقولج محمد راح يصير بروحه فاطمه : وليش تحاتينه؟ روان : فجور شلون ساره فاطمه : اي صج شلون محمد قصدي ساره روان : اووو شكلج انتي تحبينه ؟ فاطمه <تضحك : امووووت فيه خل اقوم اكحل عيني فيه قامت فاطمه جان روان تسحبها قعدي قعدي الحين بندق على ساره بنكلمها فاطمه تطالع فجر ويضحكون فجر : دزيت مسج حق ساره مساعه قتلها اذا قعدت اتدق اكيد الحين نايمه هاجر فتحت الباب على البنات وتخصرت هاجر : حلو حلو توزعون نفسكم وتسون احزاب بالله ليش ما تبوني أنام معاكم انا بنت الخدامه (هاجر عمتهم الصغيره عمرها 35 مو متزوجه كانت مخطوبه حق رفيج محمد ولد اخوها وهوا كان مسؤل محمد بالدوام قبل لا يكمل دراسته وعلاقتهم مو بس دكتور ومسؤوله كانت صداقه قويه بس صارت مشكله بينهم وفتلت الخطبه عقبها قامت ترفض كل اللي يتقدمولها عل وعسى يرد يخطبها لانه اهيا مالها شغل بالمشكله وهيا كانت تكلمه فترة الخطوبه وتعلقت فيه وايد وهل سالفه صارلها 6 سنين ) كلهم قامو يضحكون على تعليقها روان : هجور عين السيح نحطها بعيونا أزهار: عمتى نامي عندنا عندنا كرفايه فاضيه هاجر : حبيبتي << وتحاضنو والله انتي احسن من اللي يمدحون ويتغزلون ولا يعزمون << تنغز عن روان قامت روان وحضنتها ودزتها هاجر هاجر : اي ساحليني ساحليني فاطمه : عمتي نامي معانا انا بنام هني على الارض حق السهره هاجر : يا سلام . سهرتنا الليله خلوها صباحي ها . هههه لا لا انا بنام مع الماس وأزهار واسير عليكم كليوم وهما يسولفون قامت فجر ودخلت الحمام لانه جاسم قاعد يدق وتبي تكلمه محمد يطق باب غرفة البنات فاطمه: منو ؟ محمد : انا . عمتي هاجر اهني فزت روان من مكانها ومسكتها فاطمه وهيا تضحك انتبهتلهم عمتهم هاجر وهيا تفتح الباب هاجر : هلا محمد تفضل البنات عدلو قعدتهم وروان قامت تعدل بعمرها دخل محمد وهوه يسلم محمد : السلام عليكم كلهم ردوا السلام بس سلام روان سلامها كان غير روان : هلا محمد شلونك محمد : هلا . عمتي انتي وين بتنامين اذا ماكو مكان تعالي عندنا مكان انا وعمي هادي بروحنا وفي سرير فاضي فاطمه نغزت روان فاطمه : عرفتي وين بينام ؟ روان وخرتها وتبي تسمع محمد شيقول هاجر : طاع هذا شيقول . شرايك البس مكسر وفانيله بعد ونلعب كوت بو سته كلهم : هههههههههههههههه محمد : وانتي شعرفاج بهل سوالف هاجر : افا عليك اعجبك انا اصلن بنام مع حبيباتي ألماس وأزهار محمد : اها اوكي انا استأذن الساعه 8 الصبح وقت طيارة ساره دق تيلفون بو محمد ولا ساره تتصل . . . يتبع |
الكويت - طريج المطار - سيارة هند - الساعه 8 الصبح هند : شلون نسيتي المنبه عاد هذا عذر - بالله قولي شلون ابوج بيتقبل -انا شكثر دقيت عليج ما تردين- شلون بتظلين بروحج بالكويت -عند منو بتنامين ساره << تتصل على ابوها : شوي شوي علي كليتيني بقشوري -تره اتصالج اهوه اللي قعدني ياربي ما ادري شقول حق ابوي شكلي بجذب عليه بقوله الطياره عليها تأخي....- ال الو هلا هلا يبا بومحمد : ساره هلا يبا شلونك طمنيني عليج ساره : يبا انا يبا ب ب بالكويت بومحمد <<مومستوعب : يعني بالطياره؟ ساره << تقرص هند :لأ يبا الطياره عليها تأخير وانا رايحه بالطري.... بومحمد << معصب : شنو - شنو يعني عليها تأخير - يعني جم ساعه عليها تأخير - كلها نص ولا ربع ساعه - المفروض انتي من ساعه بالمطار - والله والله ياساره ان طارة الطياره لي تصرف ثاني معاج ساره : يبا اسمعن ..... بومحمد : ويييينج وينج انتي الحين اي صوب ؟ ساره : بمصافط المطا... بومحمد : نزلي خلصيني روحي شوفي هل زفت طارة ولا لأ ؟ نزلت بسرعه ودخلت انا وهند المطار رحنا صوب الشاشه اللي فيها توقيت الطيران شفت مكتوب ( أقلعت ) قمت اناقز بمكاني وأبجي بدون صوت بومحمد << معصصصب : شدعوه كل هذا تدخلين ما صاااارت قطيت الموبايل على هند قمت اركض واركض بس ما ادري وين اروح هند << حدها مرتبكه : طارت طارت الطياره بومحمد : نعم طارت منو من معاي شنو طارت وين ساره ؟ هند : عمي ساره قاعده تبج... - امبييييي سكر التيلفون شبيسوي الحين وين ساره بعد دقيقتين وانا امشي بالمطار وابجي وابجي وافكر شبيسوي فيني- ابوي طيب بس لي عصب ما يرحم - ياتلي هند وويها ما يبشر هند : وينج قاعده ادور.... ساره : شقال شبيسوي بيذبحني صح هند : هدي هدي يا ساره اهوه سكر الموبايل بويهي لمن قتله انه الطياره طارة ساره : لا تقولين خلاص انا ميته ميته خلاص - بليز فكري معاي شبنسوي الحين هند : يا ساره هدي انتي معصبه ومتوتره شلون انحل المشكله ساره : اي مشكله اي بطيخ انا لازم القى حل هند :انتي هدي وان شاء الله كل شي يهو.... ساره : أوووووووووووووووو رحت عند مكاتب السفريات ادور حجز حق اسكتلندا بس الصدمه كلهم قالو لي في بعد اسبوع او اكثر غير الترانزيت الا واحد جزاه الله الف خير هذا عمري مراح انسى جزاه الموظف : اختي الحين ماراح تلقين حجوزات أقل شي اسبوع - بس في قروب اليوم بيرح دبي ترانزيت ومن دبي لي اسكتلندا بس من الكويت لي دبي بيروحون في باص ساره : صج -مشكوووووور ريحتني- يمعود طياره باص قاري اي شي بس لازم اوصل اسكتلندا مانطرتا يكمل على طول دقيت على ابوي ببشره بومحمد : ساره ؟ ساره : يبا انا لقيت حجز وان شاء الله باجر بالكثير انا عندك..... بومحمد :انتي تسكتين انا الحين قاص تذكره وراجع ساره : يبا لحظه الوووووو الووووووووووووو لا مستحيل سكرا شسوي هند : دزي مسج بسررعه دزيت مسج وكتبت فيه " يبا انا لقيت حجز حق دبي ترانزيت وومن دبي لي اسكتلندا وان شاء الله باجر بالكثير انا عندكم لا تحاتي يبا مع قروب بعد " هند : ها دزيتي ساره : اي دزيت ان شاء الله يقتنع وما يقص تذكره _ اي اي لو سمحت القروب هذا وين ؟<< تكلم الموظف الموظف : القروب متجمعين يم بيت القايد بالقرين الساعه 11 بيمشون بس ... ساره : عن اذنك اخوي شوي - الو هلا هلا محمد شلونك محمد : ساره شلونج - شالخبر يا ساره جذي تسوين وتخرعينا كلنا - يوم انج مو قدها ليش قلتي حق ابوي عادي انج تصيرين بروحج ليش ما خليتينا كلنا مع بعض ساره << تبجي : والله يا محمد اني وقت الساعه بس نسيت ابطل المنبه محمد : خلاص لا تبجين مسحي دموعج وطمنينا من اول ما توصلين دبي وخليج منتبها على الوقت وان شاء الله هل مره ما تخذلينا هند : قوليلهم في باص ساره :لا لا - ان شاء الله ما راح اخذلكم - الو هلا هلا يما شلونج ام محمد : ساره بنيتي شلونج - شفيج يا يما شصار ساره << دمعة عينها : يما انا ما فيني شي لا تحالتين انا ان شاء الله باجر عندكم ام محمد : يما ساره تبجين - تبين اييج الحين اقول لمحمد يحجزلي وارد لكويت وانا اكلم امي الموظف يحاول يقولي شي وانا احاول اركز بالمكالمه ساره : لا يما لا ما فيني شي بس استانست لمن سمعت صوتج انا باجر بييلج واشوفج ام محمد : يما ساره اكلي عدل دير بالج على نفسج اتعرفيلج على ناس زينين وكله خليج معاهم - لحظه خل اكلمها - الو ساره - لحظه ماخلصت بومحمد : يبا ساره تسمعيني ساره : اي يبا بومحمد: يبا لاتزعلين من كلامي انا عصبت من خوفي عليج لا تاخذين بخاطرج ساره << تبجي : لا يبا لاتقول جذي بومحمد << خنقته العبره: لا يساره لاتبجين وانا ابوج دمعتج غاليه ديري بالج على نفسج وانتبهي للوقت وخليج على اتصال روحي عطي القايد الموبايل خل اكلمه ساره <<ارتبكت : لا يبا موظف السفريات توه قالي عنهم وانا على طول دقيت ابشرك ليلحين ما شفتهم بومحمد : اوكي طمنينا شيصير مع السلامه ساره : اوكي يبا - سلم عليهم كلهم مع السلامه ارتحت شوي لمن كلمتهم ورحت حق الموظف عشان أسأله عن العنوان وكان يتكلم بالتيلفون الموظف : لحظه حسون ساره :لو سمحت وين بالقرين بقيت العنوان الموظف : اختي انا بقيت أقولج القروب انا ما اعرف عنه شي بس واحد من الأهل بيروح معاهم واهوا كان اهني وتوه مشى اذا انتي جاده وبتروحين معاهم اخلي يرجع ساره : لاااا بليز خله يرجع انا كلمت ابوي وخلاص لازم اليوم اسافر الموظف : ثواني الموظف رجع يتكلم بالتيلفون بس راح بعيد وواضح انه اللي كان يكلمه اهونفسه اللي قالنه من اهله ومبين على الموظف واهوا يتكلم انه يحاول يقنع اللي بالتيلفون - رجعلنا الموظف الموظف :دقايق ويرجع ساره : مشكور الله يعطيك العافيه هند : ساره ليش رديتي جذبتي عليهم مساعه الطياره عليها تأخير والحين ما قلتيلهم انه في باص ساره : لو قتلهم انه في باص ابوي مستحيييييل راح يرضه وراح يرجع لكويت عشاني وانا اذا ركبت الباص راح اسكر الموبايل يعني ما كو سيرفس هند : الله يعينج ما ادري شلون راح اطلعين نفسج منها ساره : تعالي اسراء وينها ما يات نسيناها هند : اي والله - والله سالفتج نستنى الاولي والتالي خل ادق عليها واشوف كنا نتكلم واحنا مجابلين مكتب الموظف وفجأه سمعنا صوت الموظف الموظف : هلا حسون تفضل. . . يتبع |
في أدنبره - الفتدق - غرفة بو محمد - الساعه 9:30 كلهم متجمعين بالغرفه ويسموعون مكالمة ساره عقب ما سكر بو محمد الالتيلفون ام محمد : يااااربي شالمصبيه هذي شبنسوي الحين بو محمد << عقب ماتطمن على ساره : أي مصيبه انتي شفيج تكبيرين الموضوع وتخرعينا - سكتي يا بنت الحلال ماكو شي محمد : يما من صجج مصيبه مره وحده - انتي ماتدرين انه ساره ما ينخاف عليها - شوفيها ما شاء الله عليها شلون دبرت نفسها ألماس : اي والله لو انا مكانها جان ما دريت شسوي ونطرت ابوي ايلي كلهم قاعدين يحاولون يهدون ام محمد رغد تنغز منال رغد : متى بنتسوق ؟ منال : انتي صج فاضيه احنا بحالة عمرنا رغد : خلاص خلصت السالفه ولا بتظلون طول اليوم تفكرون منال : شفيج مستعيله بنقعد شهرين اهني نطري لي باجر اتيي ساره ونطمن عليها ونطلع على راحتنا رغد مشت واهيا متضايقه وتدري انه ماكو احد ثاني راح ايروح معاها لانه كلهم متأثرين بسالفة ساره ومتضايقين فقررت انها تقول حق حمد - وهيا بالممر رايحه غرفتها شافة غرفة البنات مفتوح بابهم وكان الحمام ( تكرمون ) يم الباب وفي صوت يطلع من داخل الحمام قربت عشان تسمع ؟ : .... انا ما انطر تقولي شنو تبي أيبلك - راح اشتريلك كل شي الهدايا بس حقك انت ...... لا حبيبي انت تستاهل أكثر...... هههههههههههه عيب شالكلااااام هههههههههه رغد مصدومه وصار عندها فضول تبي تعرف منو اللي بالحمام لانه الصوت كان صوت وحده منعمه صوتها وتدلع كان في كراسي يم الاصنصير آخر الممر قعدت فيهم تنطر وبعد خمس دقايق طلعت فجر وقفت يم الغرفه تطالع يمين ويسار تتطمن ورغد انصدمت أكثر وأكثر فجر : رغد وينهم البنات رغد<< وهيا ماشيه : ما ادري فجر<< بصوت واطي : الحمدلله والشكر راحت فجر جهة غرفة ابوها وسمعت ضجه استغربت دخلت عليهم فجر : متجمعين عند النبي ان شاء الله - شصاير فاطمه : انتي وينج كل هل مده ما دريتي شصار بساره فجر : لا انا كنت آخذلي شور - شصاير فاطمه : هههههه شور ؟ وانتي بنفس الملابس ؟ فجر << ارتبكت : انزيييين شصاير بساره لا تعلقيني خرعتيني ؟ محمد : ساره طارة عنها الطيار .... فجر : ها شلون امبييييييي يعني شنو ما راح اتيي محمد : شفيج ماكو شي احجزت طياره ثانيه وباجر بتيي فجر : هل دعله هذي انا اعلمها كله مسويه روحها فاهمه والله الحين ادق عليها واعلمها طلعت فاطمه من الغرفه عشان تدق على ساره روان قاعده في غرفة بو محمد - خلصت السالفه بس بدام محمد موجود روان ما تبي تطلع من الغرفه ومحمد قاعد مع امه يهديها ويسولف ويحاول انه يخليها تضحك بس طبعا ضحكت روان تسبق ضحكت ام محمد نواف وفيصل وأحمد قاعدين باللوبي مع عمتهم هاجر واختها اسماء نواف : يما شنو برنامجكم اليوم أسماء : والله ساره خربطت برنامجنا وظيقت خلقنا خل اول نتطمن عليها ونشوف بعدين برامجنا هاجر : انا وايد أحاتيها ما ادري شلون صاير هل القروب اللي بتروح معاه كملو هاجر واسماء سوالفهم فيصل : أحمد شرايك ننزل انشوف محلات الالكترونيات أحمد \ نواف : يالله فيصل واحمد ونواف قامو بيروحون المجمع اللي تحت الفندق وبطريجهم شافو حمد وعبدالهادي فيصل : شباب تيون معانا حمد : اوكي عبد الهادي : انت اعرف وين بالاول حمد : هههههه يعني وين اكيد طلعه فيصل : اي والله منتمشى تحت عبدالهادي : انتو روحو وانا بعدين اييكم فيصل :اوكي - ها شباب سرينا نواف : حمد هذي مو مرتك شكلها تبيك حمد : اي اي خلاص انتو نزلو والحقكم بعدين رغد: حمودي تعال شوي الغرفه حمد : ليش ؟ انا بطلع شوي مع الشباب رغد: شويه بس بقيت اقولك شي ضروري حمد : قولي اسمعج رغد : حموووووووود شفيك انت تعال << سحبته من ايدا ألماس و فاطمه وأزهار ومنال وأم حمد واقفين يم غرفة البنات يسمعون مكالمة فجر مع ساره روان لمن شافت محمد طلع من الغرفه طلعت وراه روان: محمد محمد : هلا روان : ماشاء الله عرفت شلون تطلع خالتي من اللي اهيا فيه اسلوبك وااايد مرح و حلو محمد << مبتسم وهوه ماشي : مشكوره روان << نقهرت : العفو راحت روان وقفت مع البنات فاطمه تطالعهم واهيا تضحك عليها محمد شاف ابتسامت فاطمه عباله حقه لانه روان كانت وراه استغرب وكمل طريجه مرت يمهم رغد واهيا ماسكه ايد حمد ودخلو غرفتهم حمد : نعم تفضلي . . . يتبع |
الكويت - المطار - الساعه 9:30 الصبح الموظف : هلا حسون تفضل التفتنا انا وهند ورانا وشفنا شاب طويل تقريبا آخر العشرينات جسمه رياضي ولابس تريننغ وحاط جنطه سبورت على خصره وسيم بس حواجبه مخليته كأنه عصبي حسين : هلا ضاري - ممكن << يبي البنات يوخرون عن المكتب الموظف : هذي البنت اللي كلمتك عنها عندها أوراقها وجوازها وكل شي ما عليك اله انك تكلم القايد عنها حسين <<ما لتفت على ساره كلش : مسويه فيزا الموظف : اي كل شي حسين : والثانيه معاها ساره << قبل لايتكلم الموظف: لا انا بروحي حسين << ولاكأنها تكلمه : أهلها عندهم خبر ساره : اي عندهم خبر حسين : ضاري عطني كل الاوراق والجواز خل امشي الحين لا نتأخر ساره : انا عندي كل شي تفضل حسين<<بدون ما يحط عينه بعينها : والجناط؟ ساره : بس هاند باق الباجي عند أهل... حسين<<يطالع الأوراق : وشلون بتروحين عند القروب؟ ساره <<تطالع الموضف : ما ادري الموضف : حسين تعال شوي بكلمك دخل هذا اللي اسمه حسين داخل مع الموظف يتكلمون حركات حسين كلش ما عجبتني يعني ثقيل وما يطالع بنات اشوف الموظف من بعيد يكلم حسين ومالقطت الا كلمت ( أمانه ) استغربت هل أمانه معناتها انه يترجاه ولا انه انا امانه عنده ولا شنو بالضبط طلع حسين ومشى التفت على الموظف الموظف : يلا روحي بسرعه معاه مقر القروب ساره : اوكي . هند يلا معاي هند : لا ساره انا اتأخرت يلا اسلم عليج اهني ودير بالج من هذا تره حركاته غريبه لاتسولفين معاه ولا تسألينه وايد عشان ما تندقرين ساره : هند انتي من صجج بتخليني بروحي معاه انا بروح معاج ونلحقه ما ابي اركب معاه السياره هند : ساره ... ساره : هند اتخليني وانا بأصعب موقف الموظف : اختي تره حسين ما راح ينطر بدون ما احس قضبت ايد هند ومشيت بسرعه بلحق عليه وهند تكلمني وانا حاقرتها ساره : الحين وين القاه وين راح هند : انتي بتورطيني مع أهلي . كاهو اهناك واقف واااي شكله معصب وخري وخري خل يزفج بروحج ساره : هذا شفيه هند : يمعوده سكتي عنه وطاوعيه تره اهوا اللي بيوصلج حق اهلج اتحملي ساره : امري لله حسين : منو اللي بتسافر ؟ ساره : انا حسين : وليش يايين ثنتينكم ؟ ساره : بروح بسيارتها وراك مشى قبالنه واحنا وراه محترين من تصرفاته هند تتكلم شوي شوي عشان ما يسمع هند : واي الله يعينج انا بيي معاج مو عشان شي - بس عشان لا يذبحج بوسط الطريج ههههه ساره : ههههه - شفيه جذي نفسيه قطيعه اللي يقول ميتين عليه حسين بس التفت علينه اخترعنا وقمنا انطالع يمين ويسار من الخرعه رد طالع جدام قمنا نضحك على نفسنا طلعنا من المطار حسين : وين صافطين سيارتكم هند : بالمسافط بالطابق الثاني حسين : ركبو سيارتي خل اقطكم على سيارتكم ونمشي هند / ساره : ان شاء الله ركبنه سيارته صرت انا قبال منظرته من اول ما طاحت عيني بعينه قمت ارجف ومسكت ايد هند حيل هند اتأشرلي تبي تعرف شالسافه -أشرتلها على المنظره قامت تضحك حسين : وين ؟ ساره << مخترعه : ها حسين< بحده : السياره وين - وين صافطينها هند : هذي الالتيما الحمرا اللي على يمينك وقف حسين يم السياره نزلنا من السياره بسرعه وركبنا سيارتنا من اول ما دخلنا السياره بطيناها ضحك ساره : وااااي يمه رعب رعب ههههههههههه هند : انتي شفيج خايفه جذي قمتي ادزيني واحنا ننزل من السياره ساره : خفت تنزلين قبلي واظل بروحي وايطقني ههههههه هند : هههههههههههههههه خزته بس تذبح واحنا قاعدين نضحك سمعنه صوت هرن نقزنا بمكانه شقلت هند السياره واحنا ميتين من الضحك لحقنا سيارته وطول الطريج ضحك ونتطنز عليه وعلى تصرفاته وقاعده أشوف عينه بمنظرته انه قاعد يراقبنه اذا احنا وراه ولا لأ وكان ماسك الموبايل يتكلم وصلنا المقر ولا انشوف باص كبيييييير من طابقين ويمه وداخله ناس وايد حريم وريايل ويهال هند : ما شاء الله القروب وايد كبير - ان شاء الله في مكان حقج ساره : شدعوه الباص شكبره اكيد فيه مكان - ننزل ؟ هند : اي لازم نروح حق القايد ونقوله ساره : تتوقعين حسين ماقاله هند : اممممم والله ما ادري ساره : بدام يابنه لي هنيه اكيد قاله شفنا حسين نزل من السياره وراح صوب واحد تقريبا بالثلاثينات يكلمه ويأشر صوبنا بعدين أشر بإيده أنه تعالي هند : طلع اسمج - إعدام ساره : شكله هذا القايد نزلي معاي هند : حبيبتي لي هني وخلاص لازم ارجع والله تأخرت وايد ساره : شنوووووو نطري تطمني علي راح ياخذوني معاهم ولا لأ هند : عشر دقايق ولا زم اروح شفنا حسين ياي صوبنا معصب خفنا ونزلنا بسرعه حسين : ليش اناديكم ما تنزلون ؟ ساره << مرتبكه : ان شاء الله حسين : نعم ؟ هند : كنا ننزل الأغراض حسين : وين الأغراض؟ راحت هند السياره بسرعه تنزل جنطتي وانا بضحك بس قاضبه ضحكتي قصب حسين < بعصبيه : تتمسخرون علي ؟ ساره : لا محشوم - بس تدري انا بروحي وما اكو احد معاي ف مشى حسين وهوا ماخذ هاند باقي بيحطها بالباص وانا ما خلصت كلامي عصبت من تصرفاته حسسني انا احنا يهال واحنا وايد معطينه ويه فقررت اني اغير تصرفاتي معاه هند : بسم الله شفيج الشرار يطلع من عينج ساره : انا اعلمه امشي رحنا صوب القايد وكان ويها بشوش ومريح ساره << مبتسمه : السلام عليكم يوسف : عليكم السلام يااااا ساره : ساره يوسف : والنعم معاج يوسف قايدكم ساره : ينعم بحالك تشرفت بمعرفتك يوسف : تسلمين - الأخ حسين قالي عنج - وانتي بتظلين معانا لي نوصل مدينة جلاسكو وعقبها اذا في واحد من أهل يستلمج من هناك. ساره : ان شاء الله انا أعطيهم خبر حسين : أهلج بأي مدينه ؟ ساره < توجه الكلام حق القايد : العاصمه ادنبرا جم تبعد عن مدينة جلاسكو حسين << يتحداها : ادنبره وايد بعيده يوسف : يبيلها طياره ساره : يعني لازم على طول احجز من اوصل جلاسكو حسين : انتي شرايج <<طالعها من فوق لي تحت ومشى احرجني قبال القايد فقررت اني انتقم يوسف : احنا لازم بعد نص ساعه نمشي اوكي جهزي حالج ساره : اوكي - مشكور والله يعطيك العافيه يوسف : ولو نحنا شو عملنا ههههه ابتسمتله ومشيت رحت حق هند ساره : هند انا وايد يو عانه مو ماكله شي من الصبح هند : تعالي خل نروح ماكدونالدز ناكلنا شي وارجع وانا امشي ساره : اوكي تره بس عندنا نص ساعه هند : اوكي ركبنا السياره وشفت حسين من بعيد قاعد يتكلم بالتيلفون وواقف يم مجموعة حريم وريايل مبين من أهله قلت بنفسي : اعرف شلون انتقم منك رحنا ماكدونالدز وكان زحمه طلبنه وقعدنا ناكل صارت 11 الا 10 قلت حق هند لازم نرجع الحين هند : ساره اخذي معاج أكل تره الطريج 12 ساعه تقريبا - راح تيوعين ساره : اوكي وصلتني هند لي الباص ولا نصهم راكبين الباص مو باقي الا الر يايل قاعدين يحطون باجي الجناط وحسين سلم على أهله وصعد يعني بروحه بيسافر بدون أهله نزلت من السياره وسلمت على هند وحظنتها حييييل ساره : هند راح اشتاقلج ادعيلي اوصل بالسلامه هند << صوتها مبحوح : ساره بليز دير بالج على نفسج ساره : هند لا تبجين والله الحين ابجي << دمعت عينها هند : ساره دزيلي مسجات طمنيني ساره : اوكي- حبيبتي سلميلي عليهم كلهم هند : اوكي رحت عند القايد يوسف : فضينه لج مكان تفضلي صعدت الباص ولا انا مكاني بالطابق الثاني يم خدامه كانو حاطين يمها ياهل - شالو الياهل حطوه بحظن الخدامه وانا قعدت مكانه وحسين كان مكانه تحت وحرك الباص . . . يتبع |
ادنبره - غرفة حمد - الساعه 11 الظهر حمد : نعم تفضلي ؟ رغد : حمد انت مع منو اكثر أحمد ولا محمد عيال عمك حمد << مستغرب : ليش ؟ رغد : انت جاوب على سؤالي بالاول حمد : أحمد . ليش؟ رغد : ومنو عصبي أكثر حمد : ليييييش ؟ رغد : شنو ليش ليش ليش انت جاوب يايتك السالفه بالطريج حمد : اففففف أحمد رغد : اوكي شرايك نطلع نتمشى حمد : انتي شفيج شكو هذا بهذا ؟ شسالفة أحمد ومحمد ؟ رغد : أممممم ولا شي بس اللي خاطبها أحمد رفيجتي وكانت قاعد تسألني حمد : يعني الحين بتقنعيني انه هذي سالفتج رغد : حمد خلاص انت شكلك قاعد تتهرب ماتبي تطلعني حمد : انا اللي اتهرب ولا انتي رغد : حمد بتطلعني ولا لأ؟ حمد : اطلعج بس مو الحين اول بطلع مع الشباب رغد : ماابي مابي مابي شنو كله الشباب انا اوله حمد : حبيبتس خلاص انا واعدتهم رغد : خلاص روح انا زعلت حمد : اه وانا اقدر على زعلج - قومي لبسي رغد << مستانسه : بعد عمرييييييي اموووواه << قامت تحضنه روان وفاطمه وفجر وألماس نزلو اللوبي روان : فطوم بقولج شي فاطمه : قولي ! روان : الصراحه الصراحه اللي في بالج صح فاطمه : اللي في بالي اللي في بالي ؟؟!! روان : ههههه اي اللي في بالج اللي في بالج فاطمه : انتي ومحمد ؟ روان : اي فاطمه : اصلن الشي واضح تدرين ليش روان : ليش ؟! فاطمه : لانج وايد قاطه نفسج عليه روان : انا ؟؟؟؟؟؟ حرام عليج والله اني اسوي روحي ثقيله اقباله فاطمه : شنو ثقيله كله لاحقته وين مايروح وتتبوسمينله روان : عيل شلون تبينه يحس اني حابته ؟ فاطمه : حبيبتي محمد ثقيل مو سهل عبد الهادي : روان روان << تلتفت : نعم يبا عبد الهادي : انا بروح شوي مع عيال عمج نتمشى خليج مع البنات ولا تروحين مني ومني اوكي روان : ان شاء الله يبا - منو بيروح معاكم عبد الهادي : انا وحمد وأحمد ونواف وفيصل - اخذي هل فلوس مصروفج ولا تفسفسينهم روان : بس عبد الهادي : ليش مايكفيج روان : لا قصدي بس انتو اللي بتروحون عبد الهادي : اي بس مشى عبد الهادي بيروح يلحق الشباب روان تسأل فاطمه مستغربه روان : عيل محمد وينه فاطمه : ما ادري فجر : انتو شفيكم حاطين راسكم براس بعض وتسولون شدعوه عطونا ويهه روان : هههههه شدعوه احنا معاكم قالبا وقالبا فاطمه تبون تشربون شي فجر : يالله يبي شي قامت فاطمه راحت داخل السوبر مارك اللي بالفندق وكان صغير شافت محمد هناك - محمد حب انه يختبرها ويعرف سر الابتسامه اللي ابتسمتله يم الغرفه محمد : فاطمه شتسوين هني ؟ فاطمه << نصدمت : البنات يبون عصير محمد : منو أي بنات فاطمه : خواتك وروان فاطمه وهيا تتكلم خذتلها عصيرات وراحت عند الكونتر بتدفع محمد : لا لا خلي على حسابي فاطمه << منحرجه وصارت خدودها حمره : لا عادي عندي فلوس محمد << طلع الفلوس : ميخالف دخلي فلوسج مايصير انا موجود وانتي تدفعين فاطمه << وهيا ماشسيه : مشكور محمد عجباه خجل فاطمه وتواضعها وانه ماتحط عينها بعينه وهوه يكلمها واستغرب انه ما ابتسمتله ولا كلمته وهوه كان فاهم انه يمكن معجبه فيه فاطمه راحت بسرعه حق روان فاطمه : روان لحقي قولي منو شفت فجر \ روان : منو فاطمه : محمد روان خزت فاطمه - ماتبي فجر تعرف انها معجبه بمحمد روان : اي ويعني فاطمه << فهمت : لا بس اهوه اللي دفع فلوس العصير ألماس : اي عادي محمد كله جذي روان : جان شريتي شي ناكله بعد فاطمه << فهمت : روحي انتي شتري بس - مطراش انا عندكم قامت روان ودخلت السوبر ماركت بس ماشافت محمد وردت طلعت راحت حق البنات فجر : ها ما شريتي شي - ولا محمد مو هناك كلهم : هههههههههههههههه روان<<مرتبكه : تره بايخه - انا راده اسألكم شنو تبون فجر : هههههههههه وليش ما سألتينه مساعه ولا من اللي ماخذ عقلج ههههههههه روان : اوووو ما راح اشتريلج شي انزين - فاطمه ألماس شنو تبون كلهم : ههههههههههههههههه روان : ماشي ضحكو ضحكو راحت روان السوبر ماركت شرت شبس بس حقها وردت حق البنات قامت تاكل بروحها وهما يضحكون منال طالعه من غرفتها مع عبدالله وعيالها بيروحون يتغدون بالمطعم وشافت أزهار بالممر أزها : منال ماشفتي البنات منال : لأ يمكن تحت باللوبي او بغرفتهم أزهار : لا مو بالغرفه خل انزل اشوفهم انتو بتنزلون ؟ منال : احنا بنروح مطعم نزلو كلهم وشافت ازهار البنات وراحتلهم وتهاوشت معاهم انه خلوها بروحها روان : طقينا بعد طقينها - انتي بطيئه أزهار : انا أعلمكم فجر : وشكو نازله مع منال وعبدالله كنتي معاهم؟ أزهار : لأ شفتهم بالطريج وسألأتهم عنكم وقالتلي منال انه بيروحون المطعم فجر : صج _ اشرايكم كلهم : شنو ؟ فجر : لحظه راحت فجر تركض حق منال وقالتلها انه بيروحون المطعم معاهم يتغدون ومنال رضت راحت فجر قالت حق البنات وراحت فاطمه تقول حق أهلهم عشان يصير عندهم خبر وصعدت بالاصنصير طابق غلط وشافت قبالها اجنبي طالع من غرفته قاعد يطالعها من فوق لي تحت وفاطمه جسمها وايد حلو ومغري قرب منها وقالها . . . يتبع |
الكويت - طريج السفر - الباص - الساعه 11 كنت قاعده بالباص طول الطريج والياهل اللي يمي يروح حق امه ويرجع ويحن ويبجي - اتأذيت منه وايد -- ودزيت مسج حق محمد وابوي نفس المسج " انا الحين بالطياره يمكن اتدقون وتشوفونه مغلق تره ماكو سيرفس "-- وعقبها سكرت الموبايل وكل بين فتره وفتره القايد يسألني اذا ابي شي او محتاجه شي - بس انا استحي اقوله انه المكان مضايقني - لانه زين انه لقالي مكان وقفنا عند استراحه بحدود السعوديه - نزلت عشان اشتريلي شي آكله بالطريج - دخلت وشفت بنتين تقريبا من عمري واقفين يضحكون ويسولفون ابتسمتلهم وردولي الابتسامه سمعتهم يقولون ؟ : ايمانو جسمه يشوق واااي ايمان : طاع هذي حطت عينها عليه انا اللي صدته بالاول ؟ : شوفي خل انمر قباله واللي يطالعها او تحس انه يبيها راح يكون من نصيبها ههههه ايمان : لا لا ابتسام الصراحه انتي جريئه ابتسام : انتي شفيج ماراح نسوي شي بس نشوف شنو يسوي نمر وحنا ساكتين قلت بنفسي الحمدلله والشكر بنات مو محترمين - وكان عندي فضول اشوف منو الشخص اللي يتكلمون عنه مشيت وراهم اسوي روحي اشتري - شفت حسين واقف يشيل كوارتين ماي عشان بيحطهم بالباص -مرو البنات قباله عرفت انه عنه - مالتفت عليهم راحت ابتسام الزقت فيه وحاشها وهوا يشيل الكرتون ابتسام<< بدلع : آآآآآآي عورتي حسين : << مايدري شالسالفه : اسف ماشفتج ابتسام << ابتسمتله : No problem حصل خير مشت ابتسام وراحت حق ايمان ايمان : انتي حقيره احنا ماتفقنا على جذي ابتسام : انتي خبله انتي شفتي انه ما عطانه ويه لازم نتحرك ونسوي شي ثاني انا شسويلج اذا انتي ما تزحزحتي من مكانج وسويتي شي ايمان : جب جب انا اعلمج حسيت انهم بنات قليلات الادب وحتن اسلوبهم وصخ - بس بنفس الوقت ابي اعرف كل شي راح يسونه شريت صمون وشبس وعصيرات واهم شي علوج - وانا طالعه من المحل كان حسين تو داخل مستعيل بيشيل باجي الكراتين طاحت عيني بعينه حسيت اني ارتبكت وخصوصا لمن شاف جيسي انحرجت حسيت اني شاريه اغراض وايد -- وخر عن الباب عشان اطوف وانا بعد وقفت عشان يطوف -- ردينا مشينا مع بعض ووقفنا وقف واشرلي بأيدا انه طلعي -- طلعت وانا فيني ضحكه -- صعدت الباص وشفت مره كبيره بآخر الثلاثينات تقريبا مع بناتها صغار بالكرسي اللي قبالي الحرمه : السلام عليكم ساره : وعليكم السلام الحرمه : انتي بروحج صح ؟ ساره : اي صح الحرمه : حبيبتي اذا بقيتي شي او نقصاج شي لا تترددين تعاليلي انا اساعدج اعتبريني مثل اخت الكبيره معاج ام بدر ساره : مشكوره وماتقصرين انا ساره ام بدر : عاشت الاسامي ساره : عاشت دنياج قعدنا نسولف انا وام بدر وقتلها قصتي وشلون طارة الطياره - مشى الباص وانا قضيته كله سوالف معاها-- الحمام (تكرمون) كان فوق في طابقنا وانا كنت قاعده يم السلم والناس صاعده نازله ازعجووني - والبنات الثنتين ابتسام وايمان طلعو قاعدين بالكراسي اللي وراي طبعا قرقه وضحك وسوالفهم كله عن شباب والمغازل انا وام بدر دخلنا بسوالف وايد وكل واحد قاعد يتكلم عن نفسه قامت اتسولفلي عن قصتها اهيا وريلها انه انفصلت عنه -- وانا كنت مندمجه معاها -- بنفس الوقت صعد حسين بيدخل الحمام ( تكرمون ) كان منزل راسه عقب ما دخل سمعت البنات اللي وراي يضحكون ابتسام : والله اطيحه اطيحه ما اخليه ايمان : انتي هبله الريال حتن ما شافج ولا يدري عنج ابتسام : انتي شكو حدج محتره قامت ايمان وقفت وهيا كانت جهة الدريشه المحت حسيت توه طالع من الحمام بس ابتسام ما شافته ولا تدري ايمان ليش وقفت طلعت ايمان من مكانها وصارت قبال حسين والممر ضيج -- اضطر حسين انه يرجع عشان ايمان تمشي وكان منزل راسه -- حسيت ابتسام احترررررت -- دخلت ايمان الحمام وحسين نزل -- ثانيتيين وايمان طلعت وقعدت مكانها ايمان : هاشرايج ؟ ابتسام : خبله امبيييي اي شي يعني الحين يكون مسويه حركه ايمان : ليش انتي شفتي عيونه شلون قام يتفحصني وده ياكلني فيهم ابتسام : هههههههههههههه مصدقه عمرج ههههههههههههههه اي شييييييييييييي مسخره والله ايمان : جب حدج محتره كنت اسولف مع ام بدر بس بالي معاهم -- حسين ما دره عنهم وكل وحده تقول طالعني انا -- حسيت انه قاعدين يمسخرون نفسهم وهما مايدرون عبالهم شي حلو اللي يسونه او وناسه صعد القايد وكنت طبعا انا بويها لاني قبال السلم يوسف : ها سارونه محتاجه شي ساره : لامشكور ما تقصر مشى القايد وقف جدام -- وانا اقول بنفسي هذا وايد مطيح الميانه -- وصعد وراه ثنين شباب مع حسين ماسكين قواطي وعصاير -- ووزعوهم من جدام لي وره -- وكان هذا الغدا - كلنا خذينا الغدا واحنا ساكتين الا ايمان وابتسام ابتسام : مشكور حسين مارد عليها ايمان : شنو في القوطي ؟ حسين<<وهوا ماشي : بطلي وتشوفين احترو البنات من اسلوبه وكل وحده قامت تتحلف فيه وانا قمت اضحك عليهم من داخلي -- اتغدينا وعقبها نمت شوي -- بس نايمه وانا مو مرتاحه من ازعاج الياهل اللي يمي - والصاعدين والنازلين سمعت صوت واحد معصب وصوت كان عالي بطلت عيني وكان حسين واقف يم الكرسي اللي انا قاعده عليه ومجابل البنات ويكلمهم وهوا معصب . . . يتبع |
في ادنبره _ بالفندق - الساعه 1:30 صعدت فاطمه عشان تقول حق أهلها انه بيروحون المطعم مع منال وريلها عشان ما يحاتونهم راحت طابق غلط ولمن ستوعبت ردت يم الاصنصير تنطره يصعد بنفس الوقت طلع واحد اجنبي من غرفته وقف يم الاصنصير يطالع فاطمه -فاطمه جسمها حلو ومغري لابسه سكني اسود وقميص احمر مبكر لي فخذها عليه حزام اسود متين على خصرها وشيله سوده وطبعا لازم هل سنام اللي على راسها http://www.q8yat.com/images/smilies/smile.gif الاجنبي :Are you from here? ( هل انتي من هنا ؟ ) فاطمه مستغربه : no الاجنبي :Arab Is this true؟ ( عربيه أليس كذلك ؟ ) فاطمه : yes الأجنبي : Your family who are there؟ ( أهلك الذين هناك ؟) فاطمه: أهلي منو أهلي _ where? الاجنبي : In this room (في هذه الغرفه ) فاطمه راحت تلحقى تبي تعرف منو من اهلها اللي حاجز بهل طابق لانه اهما العرب الوحيدين تقريبا بهل فندق فتح الاجنبي الغرفه - فاطمه وقفت يم الباب بنفس الوقت استوعبت انه هذي غرفت الاجنبي لانه اهوا اللي فتحها دزها الاجنبي داخل الغرفه بقوه وسكر الباب بنفس الوقت البنات كانو ينطرون فاطمه تيي واقفين آخر اللوبي يسولفون أزهار : منال أي مطعم اللي بنروحله ؟ منال : المطعم اللي بالفندق ألماس : وليش مو من المطاعم اللي بره منال : وهوا وقته - حلاته كلنه نتجمع ونروح - بس الحين محد راضي يروح قلنا نتغدا بهل مطعم ألماس : اف منال : لاتقعدين تتأفأفين هذا الموجود روان : مو جنه فاطمه تأخرت فجر : خلاص دزيلها مسج انه احنا بمطعم الفندق خل اتيلنا عبدالله : لأ - شنو اتيي بروحها يمكن ما تدل والفندق كبير وفي اكثر من مطعم دقو عليها خل تستعيل فجر : اوكي دقت فجر على فاطمه مرتيين بس فاطمه ما ترد فجر : ماترد عبدالله : خل وحده تروح تشوفها - والباجي تعالو خل نقعد ننطرها راحو فجر وروان يشوفون وين فاطمه راحت - صعدوا غرفتهم ما شافوها دوروها بغرفة اهلها وغرفة اخوها حمد والغرف كلها هم مالقوها روان : امبييي هذي وين راحت دقي عليها مره ثانيه فجر << وهيا تتصل : يعني وين راحت اكيد مني ولا مناك - ماترد اففففف روان : عندي احساس انها راحت تقول حق عمتي هاجر اتيي معانه خل ادق عليها أسألها فجر : دقي شوفي روان <<تتصل على هاجر : الو هلا عمتي هاجر : هلا والله بالهايتين روان : عمتي انتي وينج ؟ هاجر : انا مع عمتج اسماء ليش بتيون معانا - مانبيكم هههههه روان : صج وينكم فاطمه معاكم ؟ هاجر : فاطمه بنت اخوي؟ - لأ مو معانا روان : هذي وين راحت ياربي هاجر<< مخترعه : شنو شصاير ؟ روان : فاطمه صعدت تقول حق اهلها انه بنروح مطعم - صعدت ولا ردت - والحين احنا صعدنا ندورها مالقيناها هاجر : وييي ياربي شلون جذي - انتو وينكم ؟ روان : احنا يم غرفتنا ؟ هاجر : لا تتحركون انا يايتلكم الحين سكرت هاجر التيلفون وقالت حق أسماء السالفه - وهما كانو في المحلات اللي اللي موجوده باللوبي طلعوا منها مستعيليين وشافو منال والبنات قاعدين هاجر : يا بنات ماشفتوا فاطمه ؟ منال : عمتي شفيج خرعتينا - اي فاطمه فوق هاجر : شدراج شفتيها؟ منال : قبل شوي كانت اهني وراحت تقول حق ابوها انه بتروح المطعم هاجر: روان دقت علي تقول انه دوروها بالغرف مالقوها منال : هذي وين راحت لانه حتن فجر دقت عليها اول شي وماردت عقبها صعدو يدورونها أزهار : انزين خل انقوم اندورها حمد كان قاعد يتسوق مع رغد رغد : تعال هل محل خل انشوف شعندهم حمد : هم محل اجناط بعد توج شاريه ثلاث جناط ماركه رغد : لأ ابي اشتري الحين جواتي حقهم بس اول بشوف هل اجناط شرايك انت روح هل كوفي واطلبلنا سويت وقهوه والحين اييلك حمد : اي احسن عشان انا مالي شغل بسوالف الحريم مشى حمد بيروح يقعد بالكوفي ومرتفع ضغطه من رغد اللي فرته المجمع كله وما خلت شي ماشرته بنفس الوقت شاف الشباب أحمد وفيصل ونواف وعبد الهادي عبدالهادي : كاااااااااااااك شفي ويهك مايبشر جذي - هذا اللي يتسوق مع المره حمد : اسكت زين اسكت واذا ما شفنا طلباتهم انصير احنا مقصرين أحمد : يمعودين لا تتكلمون جدامي عن الزواج تره اهون وما اكمل هل زواجه ههههههههه رن تيلفون حمد حمد : لا خليك أحسن عزوبي ههههههههههه - الو هلا عمتي خير - لا ماشفتها ليش - شنو يعني وينها عبد الهادي : منو شصاير حمد : يعني وين راحت - دوروها عدل - لاحول الله الحين انا ياي مع السلامه نواف : شالمكالمه اللي تخرع منو اللي ضايع بعد حمد : فاطمه اختي ما يدرون وينها صارلهم ساعه الا ربع فاقدينها وما ترد على تيلفونها عبد الهادي : لا حول الله امش خل انشوفها وين راحت حمد : دقيقه انادي مرتي راح حمد بسرعه حق رغد يقولها السالفه ورغد كانت تكلم الكاشير حمد : رغد يالله ستعيلي فاطمه فاقدينها ولازم اروح ادورها ر غد : لحظه حمد - عطني فلوس حق هل جوتيين حمد : يا رغد مو وقته اقولج احنا بمشكله وانتي تفكرين بالفلوس رغد : شنو اتفكرين بالفلوس - عشان بشتري صرت افكر بالفلوس انزين انت ادفع وبعدين نطلع حمد << عصب : رغد خلصيني طلعي لا أهدج وامشي انتي ما تفهمين رغد هدت الجواتي ومشت وهيا معصبه وطلعت من المحل وشافت الشباب متجمعين يم المحل وشافت أحمد فقررت انها تقوله عن مكالمة فجر داخل الحمام ( تكرمون ) بس ما شافت انه في فرصه عشان تكلمه كلهم كانو يتكلمون بسالفة فاطمه صعدوا وتلاقو بالبنات وبو محمد ومرته وبوحمد ومرته بوحمد : كاهم الشباب - ها بشرو - حمد لقيت اختك حمد : لأ ليلحين مايات وين راحت روان : لحظه محمد وينه ؟ بومحمد : ليش - شكو محمد بالموضوع ؟ روان : بس محمد وفاطمه اللي مو موجودين يمكن يدري بو محمد : يا أحمد دق على اخوك يمكن صج اللي تقوله روان أحمد دق على محمد ومحمد ما رد على التيلفون أحمد : يبا ما يرد بو محمد << مستغرب : شنو يعني مارد وفاطمه ماترد دق مره ثانيه أحمد : ان شاء الله يبه أحمد دق على محمد مرتين ورد عقبها محمد محمد : الوووو أحمد : قوه محمد وينك ؟ محمد : نايم ! أحمد : مع منو ؟ محمد : مع حبيبتي - شنو مع منو شالسؤال بعد أحمد : يبا يقول نايم محمد : شصاير بعد ؟ أحمد : فاطمه فاقدينها ومحد يدري وينها صارلها ساعه محمد فز من فراشه وقلبه قام يرقع حتن اهوا استغرب من نفسه محمد : شنو شلون جذي وينها وين راحت انتو وينكم ؟؟؟؟ أحمد << مستغرب : محمد شفيك احنا باللوبي اسفين خرعناك سكر محمد التيلفون ولبس بسرعه وهوا يفكر بنفسه ليش مخترع على فاطمه وليش مايبي يصيرلها شي ركض بسرعه صوب الاصنصير بينزل انفتح الاصنصير ولا يشوف فاطمه قباله ويهها أحممممممممممممر وعيونها تدمع. . . . يتبع |
السعوديه - الباص - الطريج - الساعه 6 المغرب نمت شويه من تعب الطريج - وفجأه سمعت واحد يتكلم بصوت عالي ومعصب - بطلت عيني ولا أشوف حسين واقف يمي ومجابل البنات اللي وراي ايمان وابتسام - مبين انه الكلام موجه لهم - بس اللي فهمته ( قلة ادب _ احترموا نفسكم لا أعلمكم الاحترام _ ورب الكعبه انشفت وحده منكم عادتها لا أعلمها شغلها _ انتو وين أهاليكم ) أنا قاعده أحاول أستوعب شنو اللي قاعد يصير - بس حسين حس فيني اني قعدت مخترعه - طالعني بنظره جنه بيكمل علي بس سكت ونزل تحت - عدلت قعدتي طالعت حولي شفت الناس كلها ساكته وتطالع ايمان وابتسام نظرة غريبه ولتفت عليهم ولا ابتسام ويهها أحممر وحاطه راسها على جتف إيمان وتبجي سألت أم بدر ساره : أم بدر شصاير؟ ام بدر : والله هل بنات ما يستحون على ويهم بس زين يسوي فيهم ساره : شنو شصار ؟ ام بدر : وحده من الحريم كانت تبي غطا حق ولدها اللي نايم ويابلها حسين ووحده من البنات اللي وراج قالتله انا بعد ابي لاني بردانه وكانت رافعه ملابسها لي ركبتها وحاطه ريل على ريل كأنها حركه عفويه ( مع العلم انه ابتسام متحجبه ) قالها حسين انتي اول تغطي واتسنعي بعدين تكلمي - قالته وانته شحقه قاعد تطالعني شكلك ما تحملت - قام حسين وعطاها كف وسمعها كلام مثل السم ساره << مصدومه : امبييييييي مو صج لي هل حد - استغفر الله رديت التفت على البنات وابتسام بده يعلا صوتها بالبجي طالعت جدام وانا اسمعهم يتكلمون ايمان : خلاص ابتسام انتي المفروض تخلينها كأنها حركه عفويه مو تنبهينه انه انتي متعمده ابتسام : امون بموووت حرام عليه فشلني - والله من عقب هل الطراق حسيت برجولته حبيته حبيته أكثر آآآآه آه ايمان : خلي يولي انتي الف واحد يتمناج ابتسام : مابي ولاواحد ابيه اهوا والله ماسكت والله سكتو البنات وعم الهدوء بالباص قعدت أفكر لي هل حد مو محترمين هم عطاها طراق هم بترد بتسويله حركات - بعدين تذكرت ابتسام أصلن كانت لابسه بنطلون متى البست تنوره - شكلها لابستها عشان قاصده الحركه بس صج هذيلا وين أهلهم - وحسين ماشاء الله عليه ثقيل ومحترم ولا لو غيره جان اتحرش فيهم وقفنا يم محطت بانزين طليت من الدريشه شفت حسين واقف بره ماسك بطل ماي يشرب سمعت البنات اللي وراي ايمان : ابتسام لحقي كا حسين ابتسام : صج وينه ايمان : شوفيه فزت ابتسام من مكانها ونزلت ايمان : لحظه ويييييييييييين ابتسام : لا تنزلين نطري ابتسام نزلت وطلعت من الباص وراحت حق حسين تكلمه وانا كنت اشوفهم من الدريشه بس ما أسمع شي ---------------------------------------------------- ابتسام << بهدوء : حسين ممكن أكلمك حسين التفت عليها وطالعها من فوق لي تحت بدون مايرد ابتسام :انا اسفه والله مو ... حسين : صعدي الباص خلاص ابتسام : انت بس اسمعني حسين << بده يعصب : شوفي لا تعصبيني صعدي وانتي ساكته انا ما اعرفج ولا تعرفيني اللي بينا كلام ابتسام << دمعة عينها : ادري بس والله أنا ما ادري انه تنورتي مرتفعه حسين << صرخ : خلااااااااص ذلفي ابتسام ماتت من البجي وكل ما حاولت تتكلم حسين يسكتها ويطردها ------------------------------------------------- صعدت ابتسام الباص وهي تبجي وايمان تحاول تعرف منها شصار بس ابتسام ماردت بس تبجي طول الطريج وايمان وابتسام قرقه وراي يخططون شبيسون - شوي ونامو وعم الهدوء حاولت انام بس مو قادره أحس من التعب مو قادره انام - اتذكرت أهلي لازم ادق عليهم على الأقل أقولهم اني بدبي - ولازم أعرف الحين جم بقالنا ونوصل نزلت تحت بكلم القايد شفتهم أكثرهم نايمين حتن القايد - و حسين كان قاعدو فاتح الابتوب وكان يرسم رسمه كأنها مخطط بيت واستنتجت انه اهوا مهندس التفت علي حسين وانا انحرجت شلون واقفه أطالع حسين : خير ساره : لا بقيت أكلم يوسف بس نايم مشيت وحسين رد التفت على لابتوبه - بس تذكرت اني لازم اعرف جم بقالنه رجعت حق حسين وناديته وحسيته اتظايق بقيت اهفه على ويها شايف نفسه عباله ميته عليه حسين<< بدون نفس : نعم ساره : بقى وايد على الوصول حسين : بقى اربع ساعات تقريبا ساره : مشكور كنت بمشي بس سمعته يتكلم التفت عليه حسين : الحين بنوصل عند شقق مفروشه بنأجر لي باجر - الشقق على بعد ساعتين ونص ساره : اوكي مشيت وانا مستغربه انه كلمني - يمكن عشان عرف انه نيتي مو مثل ابتسام صعدت فوق وحسيت راسي يفتر لاني مو قاعده آكل عدل حاولت انام بس الصداع قام يزيد وياتني دوخه حاولت اني اتحمل وطول الطريج اتييني هل دوخه وتروح وانا بس اشرب ماي وصلنا حق هل شقق نزلت متأخر من الباص من كثر ما أحس بتعب وأغلبهم كانو نازليين طبعا الكل عارف سالفت حسين وابتسام وابتسام انشهرت على السالفه اللي سوتها واحد من الشباب اللي معانا بالقروب حط عينه على ابتسام ومبين انه قصده مو شريف ابتسام مو محترمه اكيد مايبها عشان حب ولا زواج قرب منها وكلمه ؟ : تبين مساعده ابتسام<< مستغربه : لأ مشكور ؟ : خليني أشيل عنج الجناط ابتسام<< ابتسمت له : اوكي الله يعطيك العافيه ابتسام امبين انه في بالها شي - تبي تبين حق حسين انه في غيره يحاول يتقرب منها عشان حسين يغار ابتسام راحت حق حسين وهوا كان ينزل الجناط اللي محتاجينها بس الليله هذي ابتسام : انا خلاص لاتنزل جناطي الشاب اللي هانك ساعدني بدون ما أقوله حسين حاقرها وينزل الجناط ويسأل أم بدر حسين : بس هل جنطه ولا في غيرها ام بدر : لأ بس هذي مشكور - والله يعينك << تطالع ابتسام صعدو اللي خذو جناطهم وانا كنت بروح آخذ الهاند باق مالي وكان يم حسين بس وقفت يمه ياتلي دوخه وطحت غشيانه . . . يتبع |
ادنبره - الفندق - الساعه 4:00 العصر طلع محمد من غرفته يركض راح عند الاصنصير بينزل - انفتح الاصنصير ولا فاطمه بويها - كان ويهها أحمممممر وتبجي محمد : فاطمه شفيج - وين كنتي فاطمه : ...... محمد : فاطمه تحجي شصار فاطمه طلعت من الاصنصير ولزقت بالطوفه تمشي وهيا منزله راسها وتبجي محمد : لاتخرعيني تكلمي بسرعه أحسلج انزلت فاطمه على الارض وبدت تبجي بصوت عالي - محمد مسكها من جتفها بدون ما يحس ويهزها محمد : تكلمي احسلج تكلمييييي قامت فاطمه ودخلت غرفتها وكانت بتسكر الباب بس محمد ماخلاها ودخل محمد : بتتكلميني ولا أخليج تتكلمين بطريقتي فاطمه << وهيا تبجي : محمد شوي شوي علي راح أقولك كل شي محمد : يالله انا اسمع فاطمه : انا كنت بروح حق ابوي - ورحت طابق غلط بعدين واحد اجنبي ناداني <<< ردت تبجي محمد : شنووووو ناداج - ليش ناداج شسوا فاطمه : لأ محمد لا تفهمني غلط خلني أكمل محمد : حرقتي أعصابي تكلمي بسرعه فاطمه : قالي انه في احد من اهلي في هذي الغرفه وانا رحت بشوف منو دخلني وسكر الباب محمد بطل عينه على الآخر فاطمه << ماتت من البجي : خل أكمل عفيه محمد : خلصي فاطمه : حاول يستدرجني ويعطيني أكل وماي وانا بس انا رفضت وقتله يطلعني حاول يقرب بس ان صرخت - بعين في واحد طق الباب اهوا اخترع وفتحاه وانا طلعت اركض وطلع مال الكوفي يايب شاي - بس وبعدين ييت اهني محمد : فاطمه فاطمه<<خايفه : نعم محمد << بنظرت شك : قولي الصج صار شي فاطمه << تبجي : محمد حرام عليك لاتشك فيني والله انا بنت والله محمد << انحرج : خلاص خلاص صدقتج قومي الحين وديني عند الغرفه اللي دخلتيلها فاطمه : محمد الله يخليك .. محمد : بلا الله يخليك بلا كلام فاضي قومي يالله فاطمه قامت وراحت مع محمد نفس الغرفه اللي دخلتلها ومحمد طق الباب محد فتح وظل يطقه بقوه وهم محد فتح محمد : والله ما ارد الكويت الا وانا ذابحه فاطمه : محمد اكيد الحين كل من يسأل عني شقولهم محمد << تذكر : ايييييي صح - شوفي اياني واياج تذكرين السالفه فاطمه : شنو ؟ - لازم ابوي يدري محمد : فاطمه انتي شفيج - شراح يصير بعمي لو دره وتتوقعين بيصدق انج كنتي بغرفه مع واحد غريب بروحكم وما صار شي فاطمه : شكلك انت ليلحين مو مصدق انه ماصار شي - شلون تبيني اثبتلك محمد : يبا فاطمه انا مصدقج - بس عبالج انه ابوج ماراح يقول حق امج وامج بتقول حق اخوج واكيد خواتج بيعرفون والبنات - وتره هذي سمعه - شوفي بدام الحمدلله ماصار شي خليه بيني وبينج ولج وعد مني ماراح يسلم هل اجنبي مني والله راح آخذ حقج فاطمه <<تطمنت : انزين شنو أقولهم اذا سألوني وين كنت محمد : أممممم شرايج نقولهم انج طايحه غشيانه بالحمام فاطمه : بس أكيد البنات دوروني ومالقوني محمد : ما اعتقد دوروج بالحمام فاطمه : محمد انا أخاف يجكوني - خلنا نقولهم الصج ونفتك محمد : لأ - خلاص انا ما ابي أحد يتكلم عنج بعدين فاطمه : ليش انت شنو يضرك؟ محمد << ارتبك : بنت عمي وسمعتها من سمعتي - يالله امشي الحين وسوي اللي قتلج عليه فاطمه : ان شاء الله - محمد مشكور على كل شي محمد : شدعوه ماسوينا شي نزلو تحت والكل كان مختبص على فاطمه وكانو مقررين انه يدقون على الشرطه عقب ما نزلو أحمد وعبد الهادي وحمد يدورونها بالسوق وما لقوها محمد : السلام عليكم كلهم التفتو يردون السلام ونصدمو لمن شافو فاطمه معاه أسماء : ماشاء الله احنا ندورج وانتي مع محمد - شتسوين بالله ؟ محمد : عمتي شوي شوي على البنت انا ماكنت معاها - بالاصح انا لقيتها - وين جائزتي بوحمد : فاطمه وين كنتي ؟ فاطمه < حدها خايفه : يبا انا كنت طايحه غشيانه بالحمام حمد : وانت وين لقيتها ؟ محمد : يعني طايحه بالحمام لقيتها بالسطح _ أكيد بالحمام حمد : شنو ؟ - دخلت حمام البنات؟ بوحمد : لحظه خل نفهم السالفه - تحجه يا محمد محمد : انزين ما اقعد اول ما ارتاح قامت روان ونادت محمد عشان يقعد مكانها وكانت تطالع فاطمه بنظرات شك - قعد محمد وحط ريل على ريل محمد : الله يسلمك عمي - عقب ما أحمد سكر التيلفون قمت ادور فاطمه بغرفتهم - طقيت الباب طقيت الباب طقيت الباب ماكو فايده ورديت طقيت الباب طقيت الباب هاجر: أووووووووو هذا اللي بيحرق أعصابنه كلهم : ههههههههههههههههه بو حمد : يالله عاد وقفت قلبي محمد : اسم الله على قلبك كلش ولا عمي - المهم عقب ما طقيت الباب << يطالع هاجر بنص عين محد رد - قلت مايصير افتحه هذي غرفة بنات فرديت وطقيت الباب هاجر : والله احنا معطينا ويه - فطوم حبيبتي كملي محمد : فطوم حبيبتي سكتي - انا اللي بكمل فاطمه نحرجت لمن قالها حبيبتي بس تدري انه يطنز على هاجر بس روان نقهرت هاجر : وعقب ما طقيت الباب وطقيت الباب شصار محمد << يلتفت عليهم ويرفع ايده الثنتين : انا مالي شغل اهيا اللي بتعلقكم ام حمد : يالله يا وليدي كمل تره قلبي محترق على بنيتي محمد << انكسر خاطره على مرت عمه : ان شاء الله - فتحت الباب مالقيت احد كنت بطلع بس قلت خل اشوف بالحمام يمكن تكون فيه حمد : واكيد اول شي طقيت الباب كلهم : هههههههههههه محمد : اي اكيد - وعقب ما شفت انه محمد رد بطلته وشفت فاطمه طايحه ورشيت على ويها ماي وقامت والسلام عليكم ورحمة الله وبركاته - اعطي فطوم المايك فاطمه << تبتسم : هذا اللي صار روان : بس انتي لمن كنتي معانا ماكان فيج شي شحلاتج مثل الحصان محمد : الحصان حلو ؟ روان < انحرجت : هههههههههه فاطمه : بس انا ماكنت ماكله شي فجر : انزين ليش ويهج جذي جنج باجيه محمد << يدارك الموقف : يعني وحده مو ماكله وتوها طايحه غشيانه شلون تبين ويها منال : خلاص حصل خير الحين خل انروح المطعم ناكل شي والحمدلله انها جذي مو ازيد ام حمد : اي والله - والله اني خفت عليج فاطمه راحت قعدت يم امها ومسكت ايدها فاطمه : يمه كاني ما فيني شي الحمدلله دوخه بسيطه يات روان يم فاطمه روان : احنا لمن كنا ندورج دشينا الغرفه دورناج وجنه كان باب الحمام مبطل صح فجر محمد << بسرعه : جنه ولا أكيد روان << ماتذكر عدل : اممممم فجر كان مبطل محمد : لا تسألين فجر - جنج اجذبيني روان انحرجت - منال بتغبر الموضوع منال : يالله عاد بتسكر المطاعم وانتو ليلحيتن قاعدين قامو كلهم بيروحون المطعم مرت فاطمه يم فيصل وهيا تكلم روان فيصل << يهمس لها : مو مقتنع فاطمه : بشنو ؟ فيصل هداها ومشا - فاطمه التفت على روان فاطمه : هذا شفيه ؟ روان : شنو شقال فاطمه : ما ادري يقول مو مقتنع ما ادري عن شنو ؟ روان : الصراحه حتن انا مو مقتنعه فاطمه : شقصدج اجذب روان : فاطمه انا متأكده لو دخلنا الغرفه وباب الحمام كان مسكر جان شكينا انه انتي فيه فاطمه : هذا اللي صار وخلاص فجر<< نطت بينهم : انتو شكلكم ليلحين ما خلصت عندكم السالفه فاطمه : قوليلها مو راضيه تسكت عني فجر : روانو ... روان : خلاص خلاص سكتي خل انسكر على الموضوع كلهم راحو المطعم نفسه وتقسمو على الطاولات ( الشباب أحمد , فيصل , نواف . حمد , عبدالهادي ) بطاوله (بومحمد , بوحمد , عدنان ريل أسماء ) بطاوله ( أم محمد , ام حمد , هاجر , أسماء , منال , ر غد وبنتها , عبد الله ريل منال , وجابر وناصر عيال منال , وأزهار والماس وفجر وفامه وروان ) بطاوله كان اكبر طاوله ماخذينها الكل كان سوالف وضحك والمطعم كان متروس لانه في قروب كويتي بعد ياي من الفندق اللي يمهم ومحمد راح صعد غرفة الاجنبي وهم مالقاه ورد رجع المطعم وقعد مع الشباب فاطمه كانت بعالم ثاني تفكر بكلام فيصل وشنو اللي يقصده وتحاتي انه راح يجكها ولا لأ - وتدعي انه روان خلاص اقتنعة أزهار طقت على الطاوله بتخرع فاطمه أزهار : عاااااد اقوللللج فاطمه : بسم الله خرعتيني أزهار : انتي في شنو يفكر ماما فاطمه : يفكر انه انتي ماكو مخ أزهار : بس لايسوي قرقر واجد عبدالله : السيلانيتين اللي هناك شنو بتطلبون البنات : هههههههههههههههه طلبو الأكل وكلهم اندمجو بالأكل - دق تيلفون فجر وشافت جاسم اهوا اللي متصل استأذنت وقامت بره المطعم ورغد تخز فيها وودها تكلم أحمد بس مو لاقيه فرصه الماس : نويصر اقعد عاجل لا تلعب بالأكل ناصر : تب << جب ألماس << طقته على حلجه : عيب جابر << يضخم صوته جنه ريال : لاتطقينه الماس : انت الثاني اكل وانت ساكت مسوي روحك ريال بدافع عنه ناصر<< يرفع شوكتها : أأتج << اطقج اروان : ههههههههه تعاونو عليها الماس : مايستحون الشرها مو عليهم الشرها على امهم اللي ماتدري عنهم عبدالله ومنال كانو مثل المعاريس واحد يوكل الثاني وياكلون من صحون بعض وضحك وغشمره - وعبدالله كل شوي يتحرش فيها يطق ريله بريلها او ينغزها يخليها تنقز بالقروب الكويتي في عين ما انشالت من عبدالله تراقب كل تحركاته وتصرفاته مع منال . . . يتبع |
السعوديه _ الشقق المفروشه _ الساعه 10 نزلو الشباب الجناط اللي محتاجينها والهاند باق مالتي كانت يم ريل حسين رحت آخذها وقفت يم حسين وطحت غشيانه حسين بسرعه شالني وقام يتلفت يبي أحد يساعده ماكو الا الشباب هم محتارين مايدرون شيسون صعد حسين الباص وحطاني على الكراسي وقام يبخ ماي بويهي وانا نقزت وقمت اتنفس بسرعه من الخرعه حسين : سلامتج - شنو تحسين ماكنت اقدر اطالع عدل اشوف الدنيا تدور واحس بصداع مسكت راسي - عطاني بطل الماي عشان اشرب خذيته ورديت انسدحت وييت بشرب جان ينكب على ويهيي قمت ونقزت وانا اشهق ابتسم حسين حسين : اكو احد يشرب وهوا نايم ساره << منحرجه حدها : ماادري حسين : قومي اكليلج شي ويهج أصفر التفت دار مداري ماشفت أحد بالباص بس انا معاه انحرجت حدي واتذكرت اني انا طحت بره - يعني اكيد اهوا اللي صعدني فزيت من مكاني وطلعت بسرعه وبقيت اطيح وانا انزل ركض حسين عباله انه بيغشي علي حسين : هاااا دير بالج ساره : لا ماكو شي بس اتعرجبت خذيت جنطتي وصعدت ونادتني ام بدر عشان اكون معاها بالغرفه وكانت كل شقه عباره عن صاله وغرفتين وحمام ومطبخ تحظيري بس وكل طابق فيه شقتين متقابلين بينهم اصنصير واحنا كنا الطابق الاول انا وام بدر وعيالها ووحده مره وبنتها في غرفه والغرفه الثانيه فيها بنات وحريم ما اعرفهم والشقه اللي قبالنه في وحده من الغرف حريم معاهم ايمان وابتسام قعدت يم ام بدر ام بدر : ساره وينج تأخرتي حسبتج وراي ساره : وييييييييييييه عيل مادريتي شصار ام بدر : بسم الله لاتخرعيني شصار وتره ويهج اصفر شفيج ساره : طحت غشياااانه وحسين شالني وعطاني ماي ام بدر : حبيبتي وليش ماناديتيني اساعدج ؟ ساره : شلون وانا طايحه غشيانه ههههههههههههه ام بدر : ههههههههههه والله انا آسفه اللي خليتج بروحج - بعدين تعالي شفيج مستانسه انه حسين شالج جنه عاجبتج الحركه ساره << تبطل عينها : اناااااااااااا لا حراااام عيج انا بس كنت اسولف ام بدر : عبالي بعد - تنطنز على ابتسامو وانتي صرتي نفسها ساره : لا لا تخافين انا عند حسن ظنج ام بدر : انزين تعالي اكلي معاي لا تطيحين علي مره ثانيه حطت ام بدر الاكل وقعدنا ناكل ونسولف ونضحك وعقب ما خلصت من الاكل خذيتلي ملابس من الجنطه وكنت بروح آخذلي شور دق تيلفوني ولا ابوي حدي اخترعت ساره : الو بومحمد : الو - هلا ساره ساره : شلونك يبا شخبارك طمني عنكم بومحمد : احنا كلنا بخير - يبوج ليش مادقيتي تطمنينا؟ ساره << متردده : يبا احنا تونا واصلين دبي بومحمد : ومتى ان شاء الله طيارتكم ؟ ساره : والله يبا ما سألت بومحمد : لا حول الله انتي شفيج ما تدرين عن شي ؟ ساره : لا يبا خو انا معاهم معاهم لا تخاف بومحمد : شنو معاهم معاهم واحنا يعني متى نستقبلج ساره : ان شاء الله يبا لا تحاتي راح اسألهم واعطيك خبر لا تحاتي كلمت ابوي وكلمت محمد شويه وسكرته وسمعت صوت صراخ وهواش حريم طلعت من الشقه ولا الصوت ياي من تحت - نزلت وشفت ام بدر وابتسام يتهاوشون وحسين قاعد من بعيد يستخدم الابتوب ومومهتم ابتسام : انتي مالج شغل فهمتي احترمي نفسج وحطي السانج بحلجج ام بدر : اتكلمي عدل انا مو قدج تكلميني جذي قليلة الادب ابتسام : سكتي سكتي عبالج مافهمت لمن قلتيله الله يعينج صج بهيمه ام بدر : ماتستحين السانج وصخ صج الله يعين كل واحد يعرفج مو متربيه ابتسام راحت وطقت ام بدر طراق وام بدر دزتها وحاولت اتطقها بس ما قدرت عليها لانه ابتسام اقوى واشطن حاولت افاججهم بس مو قادره والحريم والريايل اتجمعوا ابتسام << وهيا تصرخ : لا تحاولين اتفرقين بيني وبينه بكلامج القذر ماراح تقدرين تفهمين قام حسين وهوا كان وره ابتسام سحبها ولفها صوبه وعطاها كف حسين : انتي هييي اتكلمي عدل شنو اتفرقينين بيني وبينه اتأدبي لا أدبج انا بطريقتي ما خفتي على سمعتج يا...<< وسكت مشا حسين وصعد وخلى ابتسام بصدمتها - خذيت ام بدر وصعدنا وام بدر مصدومه من قلة ادب ابتسام وانا قررت اني انتقم من حق ام بدر من ابتسام بطريقتي لانها ما حترمت سن ام بدر وعيالها . . . يتبع |
أدنبره _ المطعم - الساعه 5 العصر خلصو غدا واللي راح ينام واللي يتسوق واللي قعد بالكوفي - البنات قعدوا بالكوفي ويسولفون وفجر كانت تكلم جاسم جدام البنات بس تكلمه كأنه بنت عشان محد يحس - منال وعبدالله كانو يتمشون مع بعض ويدخلون محلات وعبدالله كان ينقيلها على ذوقه - والبنت اللي من القروب الثاني كانت تراقبهم من بعيد فهد : أكلمج انا شفيج سرحانه غدير : ها . شنو ما سمعتك فهد : اقولج انا بروح الحين البار مع واحد من الربع غدير : شنو بار وتقولها جذي اشكره انت بتفضحنا مع القروب وين قاعدين فهد : هيي هييي شوي شوي لا اهفج كف انا ما آخذ رايج انا اعطيج خبر بس عشـان لادوريني غدير : انا ادري انت يايبني اهني مو سياحه انت ياي تخربط فهد : جب زيييين حمدي ربج انا يايبج معاي ولا جان خليتج تعفنين في بيت اهلج غدير : لاحول الله - انزين الحين حزت صلاه صل وروح فهد << وهوا قايم : والله مصخره اقولج بروح بار تقولي صل ذلفي عن ويهي زيييين غدير تدري انه ماكو فايده من ريلها العايب الخاين تدري بسوالفه بس مو قادره عليه وابوها مايخليها تتطلق عشان كلام الناس وخصوصا انه اهوا عقيم مستقل هل شي في الخرابيط - ردت غدير تطالع عبدالله اللي تتمنى زوج مثله منال دخلت محل جناط - وعجبتها جنطه منال : تهبل تيينن الظاهر هذي آخر موديل وااااو مو طبيعيه عبدالله : اي حلوه حتن هذي منال : لا هذي احلى خل اروح انادي فجور تشوفها طلعت منال من المحل بتنادي فجر - عبدالله ستغل الفرصه وحب انه يشتريها من غير ما منال تدري ويخليها مفاجأه - غدير كانت تراقبهم وشافت منال طلعت من المحل قامت ودخلت نفس المحل وسوت نفسها تشوف الجناط ------------------------- البنات كانو قاعدين بالكوفي يسولفون روان : ابوي يقول باجر بنروح الارياف بنحجز شاليهات ألماس : شلون وساره مو هني روان : ما ادري لازم نسأل ابوج شلون على ساره ازهار : يقولون حلوه الارياف هناك الجو نظيف والاكل طبيعي من المزرعه لي حلجج فاطمه : زهبو مايوهاتكم الشاليهات هناك فيها أحوواض الماس : لالالالا شنو احنا والريايل مع بعض فاطمه : لأ ما اعتقد أكيد في وقت الريايل ووقت احنا - وانا بقول حق حمد يشوفلنا شاليه الاحواض تكون مسوره عشان ناخذ راحتنا روان : هذي ماذبحتنا بس ماسكه التيلفون وتتكلم ماجنها قاعده معانه - فجوووووووووووور فجر : لحظه شوي امون - شتبين ؟ روان : عفيه رصيد مايخلص - شالرفيجه هذي ماملت منج فجر : اوووووووو كيفي شتبون - الو هلا امون.................. لا عادي كملي ...........ههههههههههههه ....... منال يات حق البنات وشافت فجر تتكلم بالتيلفون قربت منها وفجر بسرعه سكرت التيلفون منال استغربت منال : شفيج اختعرتي شايفه يني فجر << ارتبكت : لأ مافيني شي بس خلصت المكالمه منال : وماخلصت الا لمن انا ييت _ منو كنتي تكلمين فجر : منال شفيج يعني منو - كنت اتكلم رفيجتي منال << طالعتها بنظره انه مو مصدقتها : انزين تعالي شويه محل الجناط بوريج جنطه اعجبتني فجر : انزين يالله ----------------------------- داخل المحل عبدالله << يكلم نفسه : آخذ هذي ولا هذي - لا شكلها هذي الا عجبتها - Is there a new bag that are not displayed (هل يوجد واحده جديدة غير المعروضه ) << يكلم الكاشير الكاشير : No sorry this is the last piece ( لا عذرا هذه آخر قطعه ) غدير كانت تسمع عبدالله وهوا يتكلم وعرفت أي جنطه يبي والجنطه كانت مكانها - راحت مسكتها وقامت تطالعها وتفتحها وتشوف من داخل مسكتها وراحت عند الكاشير عبدالله : لو سمحتي غدير التفت عليه وهيا مبتسمه عبدالله<<يأشر على الجنطه : توني كنت بدفع احسابها غدير << تبي تاخذ وتعطي معاه : ليش مافي غيرها عبدالله : لا والله يقول آخر قطعه هذي غدير : تفضل عليك بالعافيه الظاهر صوغه عبدالله : لا والله هديه حق مرتي غدير<<غارت : اي يعني صوغه ؟ عبدالله : لا اهيا موجوده اهني غدير << شافت منال من بعيد يايه : ماشاء الله ذوقك حلو عبدالله <<وهوا يدفع الحساب : مشكوره غدير : باي عبدالله ما رد عليها خذه الجيس وحطاه يم الكشير غدير اطلعت من المحل مع دخلت منال وصادفتها عند الباب وغدير ابتسمت حق منال - ومنال ردتلها الابتسامه عقب ماغدير طافت منال << تكلم فجر : تعرفينها فجر : لا وانتي منال : لا- تعالي شوفي الجنطه - وينها عبدالله الجنطه عبدالله : شرتها وحده كانت اهني منال : لااااااااااا حسافه عاد اتهبل ماكو غيرها عبدالله : يقول آخر حبه فجر : أكيد راح نشوفها بمجمع ثاني نفس المحل منال << بدلع : عبودي تودينيذ عبدالله << يحط ايده على عيونه : من عيوني منال : تسلم عيونك فجر << تتلفت : أحم احم عبدالله : لاحول الله يبا توكلي خلصنا منج فجر << تخصرت : ماشي مره ثانيه لاتنادوني اوكي منال وعبدالله : اوكيييي طالعو بعض وظحكو ------------------------------- بغرفة بومحمد أم محمد : بومحمد ساره شقالت؟ بومحمد : والله يا ام محمد هذي مايعتمد عليها بشي كل ما اسألها شي تقول ما ادري ام محمد : شنو بعد ما ادري مو قاعده وياهم اهيا بومحمد : انا ابي اعرف متى تطير طيارتهم عشان اذا بتتأخر انا أروحلها ام محمد : شنو تروحلها بعد - تروح الامارات وترجع ليش انت رايح بيت الجيران - ماجنك رايح عالم ثاني خلاص اهيا مع القروب كلم القايد وارتاح بدام اهيا مو مرسيتنا على بر بومحمد : خلاص شورج وهدايت الله ----------------------- محمد كان قاعد مع الشباب باللوبي ويفكر بالاجنبي عبدالهادي <<ماسك خريطة الشاليهات : هذا الشاليه وايد موقعه حلو وكبير حمد : بس عمي هذاك منعزل احسن حق الحريم ياخذون راحتهم عبد الهادي : بس ماراح يكفينا نواف : مو اله منعزل لانه اصلن المسافات بين الشاليهات كبيره عبدالهادي : خلاص انا اكلم أخواني واشوف شيقولون نواف : لحظه جنه هذا مافي حوض سباحه الباجي فيهم احواض بره عبدالهادي : امبله هذا في غرفه زجاج داخل فيها الحوض نواف : اي اشوه - محمد كان باله مو معاهم استأذن وصعد - قام فيصل ولحقاه من بعيد شافه راح يم غرفه وقعد يطق الباب محد فتح قرر يروح الرسبشن يسأل عن اللي مأجر هل غرفه - وهو بيرد شاف فيصل اقباله واخترع . . . يتبع |
السعوديه - الشقق المفروشه - الساعه 2 الفجر قاعده أفكر باللي اليوم صار مع ام بدر وابتسامو - ماراح اطوفلها اللي سوته - مو قادره انام الكل كان نايم -لبست جاكيت على البجامه وحطيت الشيله على راسي ونزلت تحت كان هدوء والكل نايم طلعت بره كان في حديقه صغيره يم العماره لازقه فيها - رحتلها وانا اتمشى شوي شوي ومنزله راسي واطقطق بالموبايل حسين : شتسوين هل حزه ساره << التفتت مخترعه : بسم الله منو - حسين واااي خرعتني حسين : اسف شتسوين بهل ليل بره حسين كان قاعد وحاط الابتوب واللي لاحظته على الشاشه هم مخطط هندسي لبيت ساره : ماياني نوم قلت بتمشى شويحسين : اها بس دير بالج ولا تباعدين ساره : ان شاء الله رديت اتمشى وانا حدي منحرجه كان ودي ارجع بس مو حلوه الحركه كأني راده لاني شفته شفت كرسي طوييييل آخر الحديقه رحت قعدت عليه وانا العب بالموبايل وكل شوي ارفع راسي اشوف اذا حسين قاعد ولا راح شوي ولا حسين يسكر لابتوبه ويقوم قمت اراقبه عشان اذا بيروح انا اقوم لانه المكان شبه اظلم وخااالي شفته ياي صوبي قلت بنفسي هذا شفي ياي شيبي - قرب اكثر سويت نفسي العب بتيلفون وكل شوي ارفع راسي اطالع ريله تقرب - رفعت راسي كأني متفاجأه حسين : ممكن سؤال ؟ ساره << متعجبه : تفضل اسأل حسين << يقعد بطرف الكرسي : دام فضلج - ممكن اعرف شنو صار عقب ماصعدتو فوق بعد الهوشه ؟ ساره : ماصار شي كل واحد دخل غرفته حسين : يعني البنت ماقالت عني شي بعد ؟ ساره : لأ والله انا دخلت الغرفه مع ام بدر ما ادري شنو صار بره - وجنه ابتسام دخلت غرفتها بعد حسين << نزل راسه : الظاهر الكل مفكر بشي غلط بيني وبين ابتسام ساره : لا بالعكس قصدك الكل يدري شنو ابتسام وشنو تبي توصله لانه مو بس معاك حتن واحد من الشباب حسين : بعد - ماشاء الله ونعم التربيه ساره : أممممم بقيت أسأل _ هذيلا وين اهلهم حسين : والله اللي عرفته من يوسف انه وحده منهم مع امها والثانيه رفيجتها ساره : امها ؟! اي وحده ؟ حسين : ما عرفتها بس يقول المره الكبيره ساره : اي شفت وحده كبيره الظاهر هذي ام ايمان ... حسين << وقف : يالله دخلي والا بتقعدين بروحج ساره : لا الحين بدخل مشى حسين قبلي - ماخلاني اكمل كلامي قاطعني - يعني شنو سمع اللي يبيه مني وراح - الصراحه هذا واحد مايستحي سألني ولمن خلص دقرني لمن سألته - الشرها علي انا اللي عطيته ويه صعدت فوق ونمت وانا محتره حتن حلمت حلم يخرع واكثر من مره فزيت -------------------------------------------------- قعت الصبح على صياح بنت ام بدر - والشقه كانت لويه وبره كان ازعاج الظاهر انا آخر وحده قعدت ساره << تتمقط: ام بدر الساعه جم؟ ام بدر : صح النوم - الساعه 5:30 والباص بيمشي 6 ساره << تنقز : ويييي ليش ماقعدتوني ام بدر : والله شكلج يكسر الخاطر وانتي نايمه امبين عليج التعب ساره << متخصره : وشكلي مايكسر الخاطر اذا القايد سمعني جم كلمه ام بدر : لو الحين متحركه جان خلصتي رحت بسرعه غسلت ويهيي ولبست وحطيت بجامتي بالجنطه وكنت بتريق بس مالقيت شي آكله والكل نزل الباص حتن ام بدر وانا بطلع شفت ابتسام لابسه بجامتها الضيجه وفاله شعرها لي حد جتفها صابغته أشقر كان شكلها حيل حلو وكانت تتمشى بصالة شقتهم وفاتحه الباب صعد حسين وواحد من الشباب بيجيكون على الجناط اذا نزلوهم كلهم وبيشوفون منو مانزل بعد وانا ماودي حسين يشوف ابتسام بهل شزكل ووبدون حجاب - ماادري ليش احس اني محتره وودي انتفها ساره : حسين جنطتي حسين : خلصتي من جنطتج انزلها ساره : اي خلاص مابقى جناط رد حسين التفت صوب شقتهم بيجيك اول مره ما استوعب حسين : هذي جناط منو خلصتو منهم ولا لا؟ ابتسام : جناطنا انا ماخلصت من جنطتي حسين التفت وشافها وطقته البوهه وجنه ارتبك وقام يتلفت حسين : يالله متى تخلصين نزلنا كل الجناط وبعد ربع ساعه لازم نمشي ابتسام : خمس دقايق واكون خالصه ومايحتاج انت تزلها في اللي ينزلها لي حسين كان لاهي بالجناط ويشيل ويحط فيهم - حقرها وخذه الجناط ونزل وانا مت قهر لمن شفته ارتبك حسيت انها عجبته - اوووو انا شكو فيهم - وانا نازله خزيت ابتسام وطالعتها من فوق لي تحت ونزلت شفت طيبه بنت ام بدر تبجي واتطق امها ساره : شفيها بنتج عسى ماشر ام بدر : معصبه انه فصختها بجامتها تبيها ساره :طيبوبه ياحلوه تبين بجابتج طيبه : اي (طيبه عمرها 4 سنين حلوه ومتبتبه ووايد لازقه بأمها) ساره : تعالي معاي اعطيج اياها ام بدر : شنو بتسوين ؟ ساره : الحين بتشوفين رحت بقول حق الصبي اللي واقف يم الجناط ويدخلهم انه ابي جنطة ام بدر بس شفت ابتسام يايه ووراها هالخروف الصبي اللي كلمها عن جنطتها هم شايل جنطتها بيحطها بالباص فقررت اني احرها رحت حق حسين وانا شايله طيبه وساسرتها انه هذا عنده جنطتج - نزلت طيبه من عندي وراحت حق حسين وهوا كان واقف يم باب الباص يحيب اللي يصعدون طيبه : عمي ابي جنطه حسين : نعم عمي أي جنطه؟ حسين شافني معاها وطالعني بنظره انه شنو تبي طيبه ساره : بقينا جنطة ام بدر كنت اكلم حسين وفجأه مرت ابتسام وحسين قعد يخز فيه الي صعدت ساره : اكلمك انا حسين : هلا آمري شلت طيبه ومشيت وحسيت جسمي صار حار من الحره طيبه عصبت وقامت تصارخ بصوت عالي وترافس طيبه : ابييييييييييييي شنطتييييييي ساره : حبيتي اعطيج اياها نطري طيبه : مابي مابي مامااااااااااااا حسين ناداني وخذه طيبه حسين : شنو تبين اي جنطه ؟ طيبه : شنطتي اللي فيها بجامتي راح حسين وطلع جنطت ام بدر وخلى طيبه اتطلع بجامتها ورد الجنطه مكانها طيبه <<تبوس حسين: انا أحبك حسين : ههههههه وانا بعد احبج انتي شسمج؟ طيبه : طيوبه حسين : والنعم أحلى أسم يوسف : يلا الكل يركب الباص بنحرك الحين صعنا الباص ولا الاماكن متغيره كل واحد خذه مكان ثاني وام بدر كان لها 3 كراسي حقها وحق بناتها بس خلت طيبه بحظنها والكرسي اللي يمها بنتها الثانيه عايشه والكرسيين الثانيين واحد حق بنتها والثاني خالي وقالتلي اقعد مكانها وراح يصير يمي خالي جهت الدريشه ابتسام كانت واقفه تنطر حسين يقعد عشان تعرف وين مكانه وتصير حواليه وايمان يمها - صعد حسين وصارت ابتسام في ويها نزل راسه وهوا يحكه قام كل مايشوفها يرتبك وهل شي يحرق دمي ما ادري ليش - وطلع مكانه قبال ام بدر على الطرف يم واحد من الشباب . . . . يتبع |
أدنبره - الفندق - الساعه 8 باليل محمد باله مو مع الشباب كان يفكر سالفة فاطمه وانه لازم ينتقم لها - فيصل كان يراقبه شلون سرحان - محمد استأذن من الشباب وصعد الطابق اللي فيه الاجنبي - طق الباب اكثر من مره محد فتح - فقرر انه يروح الرسبشن يسأل عن اللي مأجر هل غرفه - توه بينزل الدري ولا يشوف فيصل واقف آخر الممر - اخترع محمد وانصدم بنفس الوقت محمد : فيصل ! شتسوي بهل طابق ؟ فيصل : انت اللي شتسوي محمد : انا غلطت بالطابق - وشكلك انت بعد << يتطنز فيصل : غلطت واقف عند الباب ساعه واتطقه محمد : لمن محد فتحاه عرفت انه مو طابقنه انا بروحي دايخ - بعدين تعال انت شكلك قاعد تراقبني شسالفتك فيصل << ارتبك : لا شكو اراقبك - بس الصراحه انت من صارت سالفة فاطمه وانت متغير محمد : شفت يعني تراقبني - وشقصدك متغير انت شحاط في بالك فيصل : مو حاط شي في بالي بس بعرف شصار اللي كله بس تفكر واذا فاطمه مرت عينك ماتيح منها محمد : يالله عاد احترم نفسك وتره هذي بنت عمي يعني شبيكون بينا ها فيصل لمن شاف محمد عصب حب انه يهدي الوضع ويطلع من السالفه فيصل : محمد انا مو قصدي يكون بينكم شي انا قصدي يمكن انت اتعرف سالفتها بس محمد : قتلكم طايحه غشيانه وهذا الصج وخلاص الموضوع تسكر فيصل : ماشي صدقتك نزلو محمد وفيصل - محمد راح غرفته وفيصل راح عند الشباب -------------------------------------- صعدوا البنات الفندق وشافو الشباب قاعدين باللوبي فاطمه : السلام عليكم كلهم : وعليكم السلااام روان << مستانسه : يبا هذي خريطة الشاليهات ؟ عبدالهادي : اي وخلاص اخترنا واحد روان : صج اشوف عبدالهادي : هذا b2 اللي بنص فجر : اشوف اشوف كلهم اتجمعوا على الخريطه الماس : واااااي وناسه متى نروح ؟ عبدالهادي : باجر الظهر لازم احنا ماشين روان : انزين هذا مافي حمام سباحه نبي غيره ازهار : ونبي معزول عشان ناخذ راحتنه عبدالهادي : انتو شسالفتكم على الاحواض - لاتحاتون اكو واحد داخل بغرفه زجاج ازهار : عبالي بعد - كنت احاتي فاطمه : انزين شلون على ساره خو هناك مافي مطارات أحمد : المسافه بين ادنبره والارياف ساعتين من اول ماتوصل ابوي راح يرجع لها وايبها فجر : اشوه ريحتني - عبالي راح انكنسل الرحله أحمد : طاع هذي عبالي اتحاتي اختها - مالت فجر : هههههههههههه --------------------------- غدير قاعده بغرفتها بروحها تفكر باللي صار اليوم مع عبدالله - كان الموقف عادي ماقدرت تاخذ راحتها بالحجي بتحاول مره ثانيه - لازم اتروح فندقهم واتشوفه بس يمكن فهد مايرضه كل مره اتروح هناك لازم تلقى خطه - فهد كان سهران بالبار وشكله مطول وودها انه مايرجع اتعبت منه ومن عيشته لا اهوا حابها ولا اهيا حابته - وهوا عقيم مو راضي يعالج كله يقول مو الحين - الا عشان خرابيطه ووصاخته - بس مثل مايحرها راح تحره وتكسر شوكته . -------------------------- الساعه 12 باليل الكل صعد غرفته -- عبدالله : منوله شتسوين منال : قاعده اتسبح , بقيت شي ؟ عبدالله : لاتطولين قاعد ابروحي منال : وين ناصر وجابر عبدالله : انا شكو فيهم اقولج بقعد وياج انتي مو وياهم , وديتهم عند امج منال : هههههههههههه , انزين ثواني واطلع عبدالله خذه الجنطه وحطاها على السرير وهوا قعد على القنفات - منال طلعت من الحمام وهيا تنشف شعرها وعلى طول قعدت يمه منال : هلا حبي آمر عبدالله : مايآمر عليج عدو , بس انا قلت بقعد معاج مو بطلب طلب منال : شفيك ظايق خلقك تونه ياين من المطعم والسوق ؟ عبدالله : شلون وانا معاج يضيق خلق..... منال << متفاجأه : شنو هذي مالت منو شيايبها هني << قامت من مكانها عبدالله : شنو ؟ او هذي الجنطه اللي تبينها شلون جذي؟ منال<< التفتت على عبدالله: انت يايبها صح ؟ عبدالله : مو انا اصلن انا متفاجئ مثلج راحت منال واحضنت عبدالله واهيا تضحك عبدالله : والله زين الناس اسبولج هديه وانا اللي انباس ههههههههههه منال : عبود يالله عاد انت اللي يايبها ادري بس شلون وهيا خلصت متى رحت شريت ؟ عبدالله : اهيا ما خلصت انا قصيت عليج , اصلن بقت اتخلص لو شاريتها المره اللي كانت موجوده بس انا خذيتها قبل ودفعت احسابها وحطيتها يم الكاشير عشان ماتشوفينها منال : وااااااااااااااي وناسه عبدالله : قصري حسج فضحتينا منال : مشكوووووور بعد عمري ------------------------------- رغد وحمد كانو في غرفتهم - حمد كاعد يقلب بقنوات التلفزيون ورغد قاعده تشوف شنو شرت رغد : حمد خواتي ماشريتلهم غير هل قطعتين وجنطه لازم اشتريلهم بعد شي حمد :انزين رغد : اممممممممممم هذا النفنوف حق امي يبيله جوتي بعد حمد : ان شاء الله رغد << حست بنفسها والتفت على حمد ببتسامه : وانت حمد لازم اشتريلك بعد حمد : اوكي رغد : حمد شفيك تتحجى غصب اطر منك حمد : ماكو شي رغد << عصبت : حمد حمد : هلا آمري اسمعج اعرفت رغد انه حمد مايحب سوالف لسوقه فحبت تغير الموضوع وقامت قعدت يمه وهوا ليلحين يقلب بالقنوات رغد : مومستانس انه باجر بنروح الارياف حمد : شلون مو مستانس وانا ياي اسكتلندا عشان الطبيعه صج جنه هني رغد : وشلون صاير شاليهنا حمد : والله كبييير والغرف كبار ونظامه صاير جنه ثنين يم بعض وكل واحد طابقين وفي حوض سباحه رغد : يعني كلنه بشاليه واحد ؟ حمد : عيل ها شحقه مسافرين مع بعض رغد << متردده : انزين ليش ما نأجر احنا بروحنا واحد يمهم وكل يوم نزورهم حمد : رغد لا تبدين كلنا بنصير مع بعض خلاص حجزنا رغد : وانا شقلت مجرد اقتراح اف حمد << عدل قعدته : رغوده حبيبتي لاتزعلين انا دايخ وماادري شقاعد اخربط رغد : انزين حبيبي قوم نام وانا بروح اييب توته وعبود حمد : ليش وينهم ؟ رغد : مع جابر وناصر يلعبون حمد : يالله انا ناطرج ماراح انام الا لمن اتيين رغد : اوكي ----------------------------- بغرفة البنات روان : فجرو تعالي شويه فجر : نعم روان : علميني شلون احط الكحل نفس طريقت ساره شريت نفس كحلها الثابت فجر : عاد هذي مهمت ساره ايدها خفيفه برسم الكحل نطري لمن اتيي هذا الكحل قصب ايروح روان : شنو لمن اتيي ابي احط حق باجر ألماس : انا عندي صوره حق ساره حاطه نفس الطريقه روان : صج , زين عيل عطيني روان خذت الصوره وجابلت المنظره تحاول تسوي نفس طريقة كحل ساره وتحط وتمسح وموراضي يضبط لمن صار تحت عينها سواد ما ينمسح عدل روان : اووووووووو الكحل دمرني ووصخني فجر : مو اله باجر ان شاء الله بس اتيي اتحطلج روان : مابي الا ابي اضبطه فجر : تعالي خل احاول فيج روان : اي ادربي بويهي دخلت عليهم عمتهم هاجر هاجر : وي اسفه دخلت صالون بالغلط كلهم : هههههههههههههههه روان : تعالي عمتي مسوين خصومات على المكياج مع خبيرة التجميل فجر ال ... هاجر : عشتو لاتعفسلج ويهج الحين اتسويج ارقوز فجر << اتخصرت : حبيبتي ايحصلج احطلج عاد انا زبايني وايد هاجر : خل اشوف شحطيتي , طاع هل عين امتن من هل عين يبي يبي روان : حقل تجارب انا , آي آي غزيتيني حطت هاجر الكحل حق روان و تحاول اتعدله بس خربته ازيد لمن صار تحت عين روان سواد مو طبيعي عصبت روان وقامت غسلت وييها واهما يضحكون عليها بس السواد مو راضي يخف ------------------------ فاطمه كانت عند امها مع ازهار يساعدونها في ترتيب الجنطه ازهار : يما خليهم كلهم بجنطه وحده ليش بعد جنطه وجنيطه وجيسه وجويسه مو احنا اللي بنشيل ام حمد : يو انتي ماكو شي يعجبج , الاكل بروح والملابس بروح والفرش بروح شحقه بعد نخلط كلشي فاطمه : من قال انه انتي اللي بتشيلين وين راحو الصبيان ها ازهار : خل انشوف باجر ادري انه بتقولين لي حرام شيلي عن امي , واي اغراضي وايد اخذي نص فاطمه : حنانه حنانه خلاص محنا قايلين شي ام حمد : خلاص لا تتهاوشون , فاطمه في مكان بجنطتج حق الشراشف فاطمه : اي يما في ام حمد : اخذيهم و روحي حطيهم فاطمه : ان شاء الله طلعت فاطمه من الغرفه وشافت محمد متسند على الطوفه يم غرفته وقاعد يدخن محمد : فاطمه الله يابج فاطمه : ليش ؟ شصاير بعد محمد : تعالي هناك راحو آخر الممر ومحمد قال حق فاطمه انه ماشاف الاجنبي وانه بيسأل الرسبشن عنه وقالها عن فيصل وانه تحاول انه ماتبين حق احد شي دخل محمد غرفته وفاطمه كانت بتروح غرفتها ولا تشوف ّأحمد صاعد بيدخل غرفته بنفس الوقت اللي طلعت رغد من غرفت ام محمد مع بنتها رغد : احمد شلونك أحمد : هلا والله تمام رغد : أحمد بقيت أكلمك بموضوع أحمد << مستغرب :آمري فاطمه كانت واقفه ورا العامود وتسمع رغد تكلم أحمد . . . . |
السعوديه _ الباص - الساعه 6 صعنا الباص وانا وام بدر كنا سطره وحده ( بنتها عايشه ام بدر يمها وطيبه بحظنها ) وانا الكرسي اللي يمهم ويمي خالي لانه طيبه وعايشه يبون يم امهم ابتسام كانت واقفه تنطر حسين يقعد عشان تعرف مكانه - وانا وابتسام نتخازز - صعد حسين وصارت ابتسام بويها تنزل راسه وقام يحكه من الارتباك - وانا حدي منقهره - حسين طلع مكانه قبال ام بدر يمه واحد من الشباب جهة الدريشه وحسين بالطرف ابتسام : ايمان بليز انتي قعدي يم امج وانا بقعد جدام ايمان : ابتسامو ياالخاينه لاتسوين جذي الحين احنا يايين مع بعض والطريج شطوله منو يونسني ابتسام : شوفي انا راح اقعد يم هذيك البنت واحاول اطفشها عشان تقوم بعدين انتي تعالي ايمان : وانتي شدراج انها راح تقوم ابتسام : انتي خليها علي وخلاص يات ابتسام يمي وهيا تمشي بدلع ابتسام : لو سمحتي ممكن اقعد يمج ساره : يمي انا ليش وين مكانج ابتسام : شنو وين مكانج بروحه ضيج ماكو مكان والناس يات وضيجت علينا << تقصد ساره يوسف : شنو شصاير ابتسام <<بدلع : ماكو مكان وانا بقعد هني يوسف : اي قعدي ليش ماتقعدين ساره : شدراني عنها انا سألتها وين مكانج عطتني محاظره ابتسام : انتي شفيج ..... يوسف : انتو اذا بتتهاوشون من الحين لا تقعدون يم بعض ابتسام << خافت : لا شدعوه شنو نتهاوش مابنيه شي ابتسمتلي ابتسام جدام يوسف ابتسامة عياره ابتسام : ممكن اقعد بالطرف ساره : لا بقد يم ام بدر تبين دخلي يم الدريشه ابتسام << احترت : بس انا ادخل واطلع وايد اخاف اظايقج يوسف : لا مايحتاج تدخلين وتطلعين ماكو يحتاج انه تروحين وتردين ادخلت ابتسام واحسها احترت وانحرجت بنفس الوقت - حسين كان منزل راسه ومبين انه كان قاعد يسمع حوارنا ام بدر << تهمسلي : الله يعينج ساره : انا عارفه شنو قصدها تبي تصير يم حسين وتسويلنا افلام هنديه ام بدر : ههههههه سكتي بس لاتسمع تره شريه ابتسام كل شويه تقوم وطالع وره يعني تدور ايمان وتتحرك وتتلفت وتشيل وتحط بجنطتها يعني بتأذيني او تلزق فيني عشان تشوف حسين - انا لفيت وعطيتها ظهري وطلعت ريلي صوب الممر وجابلت ام بدر ام بدر : شوفي هذي صورت ولدي بدر ساره : يحليله ليش مايبتيه ام بدر : لاحرام عمره 5 شهور وين احط وشيل فيه ساره : اهوا الحين وينه ؟ ام بدر : خليته عند امي وآخر الاسبوع ابوه بياخذه ساره : بعد عمري يشيه طيبه كلش ام بدر : صج انا اشوفه نفس عواشه ابتسام : لو سمحتي شويه بمر ساره : اي اوكي مري المجال مفتوح راحت ابتسام عند ايمان وصوت ضحكهم واصل لي جدام - التفت عليهم شفتهم يطالعوني وعرفت انه يتكلمون عني --------------------------------- ابتسام : ايمانو نظري عليها ساعه بس بتشوفينها قايمه يننتها حتن لفت ويهها عني وعطتني ظهرها ايمان : يمعوده لاتسوين مشكله ابتسام : خل اتولي عبالج بسكت عنها ويحليها بعد تراددني ايمان : واي انتي ينخاف منج ابتسام : افا عليج اعجبج , يالله الحين خل اروح اقعد اكمل عليها ههههه ايمان : ههههه الله يعينها -------------------------------------- ساره : ميته يوع حدي مو ماكله شي ام بدر : حبيبتي انا اسفه ماخليتلج شي تاكلينه ساره << ماده البوز : انا زعلانه منج ام بدر << اتطل على حسين : حسين في شي ناكله حسين التفت وصار ويها بويهي وهوا يكلم ام بدر وانا حدي منحرجه احسه جنه قاعد يمي وحاطه ويهي بويها فعدلت قعدتي حسين : اممممممم ماتوقع بعد ساعه بنوقف يم استراحه ام بدر : بس ساره مو ماكله شي اف قويه احرجتني ليش تقوله ساره كان ودي اقرصها بس للاسف ماقدرت - ابتسام يات وتبي تقعد مكانها بس اول شي وقفت قبال حسين وتكلمني - شكو قباله ما ادري وحاطه ايدها على خصرها وتتمايل ابتسام : حبيبتي بطوف ساره : حبيبتي طوفي ابتسام ارفعت حواجبها استغربت من ردي وطافت وقعدت مكانها - حسين راح جدام وخذه جيس فيه جم سندويجه حسين : هذا ريوقي تفضلي ساره << حدها منحرجه : لاااااا شدعوه انطر حسين : خلاص انا ترقت وهذا زايد ساره : ميخالف اتحمل حسين حط الجيس بحظني وقعد - وانا ماقدرت اقاوم الريحه وقعدت آكل بعد ساعه من الصمت والدعله اللي يمي ما نثبرت رايحه راده قايمه قاعده - كنت بنام شويه من التعب والسهر بس حركة ابتسام ماخلتني - شفت حسين نايم قلت اكيد تعبان من السهر اللي امس - ابتسام من دفاشتها حاشتني بجتفها وانا خلاص وصلت حدي ما قدرت اسكت ساره : << بصوت عالي : اووووووووو لوعتي جبدي ركدي عمه ابتسام : عمه تعميج اتكلمي عدل ولا قومي من هني ساره : حلو حلو يايه تتلصق وتقومني , لو سمحتي بدام انج قاعده يمي قعدي بحترامج حسين : انتو ماأذيتونه الواحد مايرتاح ام بدر : ساره تعالي قعدي مكان عواشه وقعديها بحظنج ابتسام : اي ياريت تروحين ساره : لا ياحلوه قاعده على قلبج انا فاهمتج عدل يوسف : لا حول الله احنا مانخلص ابتسام قومي ورا قعدي يم اهلج كرسيج فاضي ابتسام : نعم وليش انا اللي اقوم ليش مو اهيا يوسف : احنا مو يهال خلاص كل واحد يم اهله ابتسام : خلاص حصل خير ماكو شي ساره : لأ انا مابيها تقعد يمي اذا اهيا مو متقبلتني ليش الا بتقعد يمي ام بدر : انا تعبت وبنتي بحظني ابي اقعدها مكانها ابتسام : طاع هذي طول الطريج وانتي ساكته الحين تعبتي يوسف : لا تطولينها وهيا قصيره خلاص هذا مكان البنت روحي مكانج قامت ابتسام وهيا معصبه وحاشتني بالجنطه وهيا متعمده بس سكت عنها عشان مانتهاوش مره ثانيه - راحت ورا واسمعها تتحلطم ومعصبه - التفت على حسين ولا يكلم اللي يمه ويضحك التفت على ام بدر ساره : زين سويتي فيها عاد الحين يبي بنتج خل تقعد مكانها ام بدر : عواشه حبيبتي روحي قعدي هناك عايشه : لا مابي ابي يمج ام بدر : يمي بس هني بينه ممر بس عايشه : مابي خلي طيبه تروح ام بدر : خلاص مو لزوم اهم شي انه راحت ورا << تكلم ساره -------------------------------- وصلنا الاستراحه وانا طيران على البقاله بشتريلي اكل حق الطريج بقا 3 ساعات لازم اشبع دخلت البقاله وشريت شقلات وايد شفت واحد واقف يم ابتسام يكلمها عرفت انه هذا الحمالي مال جناطها ههههههههه صج مصخرته مسكين ----- اسامه : شفيج زعلانه ابتسام << مبتسمه : انا مو زعلانه اسامه : ماعليج من احد زين قعدتي ورا عشان احس انج قريبه علي ابتسام : ههههههههههههههههه شدعوه بينه كرسيين اسامه : اهم شي قريبه , ابتسام : يالله انا اخليك بصعد الباص اسامه : وانا بعد شيقعدني هني اصعد احسلي ابتسام مشت وهيا تتمايل بدلع وكل شوي تلتفت عليه وتبتسمله - انا واقفه يم ثلاجة البيبسي واراغبهم حسين : ساره ساره<< التفتت عليه : هلا . . . . يتبع |
ادنبره - الفندق - الساعه 1 الفير طلعت رغد من غرفة ام محمد وهيا ماسكه عيالها تهاني وعبدالله بترد غرفتها - شافت احمد توه صاعد - فاطمه كانت بتدخل غرفتها بس شافت رغد تكلم احمد وقفت ورا العامود اللي يم غرفتها وقامت تسمعهم رغد : أحمد شلونك أحمد : هلا والله , تمام رغد : أحمد بقيت اكلمك أحمد << مستغرب : آمري رغد << تتلفت : بقيت اقولك شي والله مو اني اسوي مشكله بس اني خايفه على فجر ولازم انبهكم لانه محد داري عنها ومابيها تضيع أحمد : شنو شفيها رغد : امس وانا طالعه من الغرفه مريت يم غرفتهم وسمعتها تتكلم بالتيلفون مع واحد أحمد : وانتي شدراج انه فجر وشلون عرفتي انه واحد غريب رغد : أحمد انا ماييت قتلك الا لمن تأكدت وانت كيفك اتضايقت رغد من ردة فعل احمد هدته ومشت وأحمد دخل غرفته وهوا يفكر باللي قالته رغد صج ولا تتبلى على فجر وانه لازم اول يتأكد ------------------------------------------------ دخلت فاطمه غرفت البنات وهيا تبطل الباب حيل وتنادي بصوت عالي فاطمه : فجووووووووووووور الماس : واي هاجر : بسم الله شصاير غزو ؟ فاطمه اتفاجأة لمن شافت عمتها هاجر فاطمه : عمتي انتي هني هاجر << تخصرت : اي انا هني شقصدج منتي متكلمه قبالي تعالي تعالي راحتلها هاجر وقضبتها من اذونها هاجر : تحجي شعندج فاطمه : آآآآآآآآآآآآآييييييي ماكو شي ماكو شي آآآآآآآآآآآآآآآآآي هاجر : تعالي قعدي وتكلمي فاطمه << تفرك اذونها : عمتي شفيج ماكو شي كنت بخرعهم هاجر : علي انا هل حجي وشمعنه ناديتي فجر ها ؟ فاطمه : لاني كنت بقولها تحط الشراشف بجنطتها فصار اسمها على الساني هاجر : بحاول بحاول اصدق بس ماراح اطوفها ألماس : انا عندي مكان بجنطتي تبين احطهم هاجر : طاع الثانيه مصدقه بعد فاطمه : اي حبيبتي حطيهم عندج , وانا مااجذب واذا في شي انتي اول وحده بتعرفين هاجر : انزين سكتي سكتي الله يخليج يكون بتقنعني انا بخليكم وبروح انام ومالي قعده معاكم << تسوي روحها زعلانه روان : عمتي يالله عاد لا تصيرين زعوله ماصار شي هاجر : انتي مالج شقل ويه عيونج جنج بانده روان : اهئ اهئ لا تتطنزين انتي اللي سويتي فيني جذي ألماس : ههههههههههههههههههههههههه روان : اعجبتج ألماس : ههههههههههههه يابتها صج جنج باندا سمعوا طقت الباب راحت فاطمه افتحت الباب لانها لابسه حجاب ولا محمد فاطمه التفت على روان وابتسمت محمد : شلويه مو قادرين اننام الساعه جريب الثنتين شمقعدكم طلعت هاجر بويه محمد هاجر : اسم الله مو قادر اتنام تبيني ايي ادبخك محمد : اوهو بدام عمتي هاجر معاهم عيل مافي نوم هاجر << تطقه على جتفه : شقصدك ها شقصدك محمد : عمتي تعوذي من ابليس وروحي نامي باجر ورانا طريج وتعب خلي البنات ينامون لا تسهرينهم هاجر : طاع هذا والله بذبحه , الحين انا اللي مسهرتهم مو جنه فطيم خرعتنه وسوتلنه فلم رعب محمد : فطيم شمسويه بعد فاطمه : ههههههههههه والله مو مسويه شي محمد : انا اعرف فاطمه عدل عاجل وما تأذي احد صح فاطمه فاطمه التفتت على روان وشافتها معصبه فاطمه : اي طلعلهم بومحمد بفانيله ومكسر وهوا معصب بومحمد : ها شنو هذا , ليش قاعدين بنصاف الليالي شالزعاج محمد يأشر على هاجر من وراها بومحمد : يالله كل واحد على غرفته ازعجتونا يلا محمد بلا هل حركات التفتت هاجر على محمد وهو ا بسرعه نزل ايدا ومشا غرفته هاجر : اعلمك باجر دخلو غرفتهم وسكرو الليت ونامو وفاطمه اتأشر حق فجر انه شوفي تيلفونج ودزتلها مسج انه باجر لازم تكلمها بموضوع ضروري ودير بالها من أحمد اخوها - فجر مافهمت ودزتلها انه باجر شرحيلي عدل --------------------------------- غدير منسدحه على سريرها وحاطه بتيلفونها غنية نانسي عجرم ياااااي سحر عيونو ونظراتو, اول ماتلاأينا عين بعين .................... ومندمجه فيها وتفكر بعبدالله قامت وقفت قبال المنظره وفلت شعرها وقامت ترقص وتتخيل عبدالله يشوفها ردت قطت نفسها على القنفه وهيا ودها اتشوفه الحين - دخل فهد سكران ووقف قبالها وشافها بالوضع هذا وماسكه تيلفون فهد : منو تكلمين ها ؟ غدير عدلت قعدتها وخافت منه تدري اذا سكران يعني بيطقها او بيأذيها غدير : مو قاعده اكلم احد , قاعده العب فيه فهد : علي انا هل سوالف << عطاها كف غدير : يا حقيييييييييييييير لا اتمد ايدك رد عطاها كف ثاني وتلاها من شعرها وقطاها على الفراش بيكمل عليها بس اهيا افتلت من ايدا وراحت الحمام وقفلت الباب فهد قام يطق الباب بس مابطلتا ولا ردت عليه سكر الليت عليها عشان تطلع وماطلعت قعد على الكرفايه ينطرها تطلع بس ماطلعت وهوا نام بدون مايحس بنفسه - لمن اسمعته قام يشاخر فتحت الباب شوي شوي وشافته غرقان بالنومه وتدري اذا سكران مايقعده شي حتن لو قمبله راحت على القنفه ونسدحت وهيا تبجي على حالتها بجت لي نامت -------------------------------------- الساعه 9 الصبح - غرفة عبد الهادي ومحمد عبدالهادي : محمد محمد محمد : هممممممممممم عبالهادي : يالله قوم بسك نوم محمد : الساعه جم عبالهادي : عشر محمد نقز من النوم وهوا معصب محمد : ليش ماقعدتني من زمان << يطالع الساعه شنو عشر ؟ الساعه 9 خرعتني << رد نام عبدالهادي : قووووووووم زين انا عشان جذي جذبت عليك ادري انك ماراح تقوم محمد : اذا خلصت من الحمام قعدني عبدالهادي : مخلص من زمان محمد : انزين خلاص الحين اقوم احمد دخل عليهم وشاف محمد نايم أحمد : اكيييييييد سهران ولا جان جفته اول واحد قاعد عبدالهادي : اي كان سهران مع البنات محمد : شنو مع البنات شجايفني حمد << شاف حمد توه داخل حمد : شنو شفيه حمد ؟ عبدالهادي : خوش ريال أحمد ومحمد :ههههههههههههههههه حمد : اكيد خوش ريال شعبالك محمد محمد << حذف عليه المخده : اطلع بره ,يالله روح مع مرتك السوق يالله كلهم : ههههههههههههههه نط عليه حمد وحط المخده على ويها ومحمد يحاول يوخره ويراسف عبدالهادي وأحمد يضحكون عليهم , بغرفة البنات كانو قاعدين يلبسون اسمعوا صراخ محمد طلعو روان مع فاطمه وفجر بسرعه ودخلو غرفة الصبيان شافو حمد قاعد فوق محمد وقامته بالمخده توقعوا انه السالفه صج اخترعوا و راحت فجر تسحب محمد وفاطمه توخر حمد اخوها , عبدالهادي وأحمد ماتو من الضحك على اشكالهم وروان فيها بجيه خايفه على محمد فجر : وخر عنه بتذبحه وخرررررررررررر فاطمه : حمد تكفه خله الله يخليك محمد وحمد لمن شافو اشكالهم ستانسوا وحبوا ايطفرونهم حمد : انا ذابحه ذابحه وخرواااااا محمد : آآآآآآآآآآآآآآآه بموووووووووووت ساعوني روان<< راحت امسكت ايد ابوها :يبا تكفا ساعده مبيموووت عبدالهادي : خليهم اهما ريايل ايعرفون حق بعض محمد : حمد خلاص مو قادر اتنفس اهني فاطمه قامت تبجي وتطق حمد وفجر كملت عليها وقامت تطقه بعد يات روان ودزته حيل وطاح من فوق السرير الشباب : ههههههههههههههه ههههههههههههههههههههه البنات فهمو السالفه وعصبوا محمد << يطالع فاطمه :لي هل حد تحبوني وتخافون علي فديتكم والله فاطمه صار ويهها أحمر وتمسح دموعها وفجر عبالها انه يتكلم عنهم كلهم بس روان فهمت السالفه وطلعت بره وراحت غرفتها فجر : شرايك انته اكيد نخاف عليك , شالغشمره البايخه هذي فاطمه : حمد مو جذي يتغشمرون لو صاير شي شيفيدك الضحك حمد : هههههههههههههه شدعوه موحاطها على ويها بالضبط رافعها شوي ولا جان ماسمعتوا صوته بس انتو يالحريم قلبكم رهيف هههههههههههههههههه عبدالهادي : حلوه هذي رهيف من منو متعلمها حمد : من امي كلهم : ههههههههههههههههههه أحمد كان يطالع فجر بنظرات مو مصدق اللي قالته رغد لانها دلوعه وتحب كل شي حق نفسها فقرر انه ينسى السالفه ------------------------------ دخلت روان غرفتها وهيا حدها محتره بتعرف شنو صار بين محمد وفاطمه لمن ضاعت اللي اتعلق فيها جذي ألماس : روان شفيج شصاير ليش الصبيان يصرخون ؟ روان : غشمره بايخه مثل ويه اخوج ألماس : اخوي ! أي اخو فيهم وشمسوي روان : او مالي خلق اسولف خذت روان جنطتها وطلعت بره ونزلت باللوبي شرتلها قهوه من الكوفي وقعدت اتفكر باللي صار وهيا محتره ا"خلاص محمد عفته مستحيل آخذ واحد تفكيره مع وحده ثانيه مستحيل ومااتخيل محمد ريل فاطمه الشخص اللي كنت احبه صار ريل رفيجتي وحبيبتي وبنت عمي , اف انا شكو الحين اسبق الاحداث"ا دخلو فاطمه وفجر غرفتهم وهما يضحكون على نفسهم ألماس : لاحول الله وحده داخله معصبه والباجين داخلين يضحكون , شالسالفه فهمونا فاطمه : منو اللي معصبه ؟ ألماس : روان فاطمه اتذكرت اللي صار وانه روان طلعت من الغرفه عشان كلام محمد فاطمه : ألماس الحين روان وينها ألماس : شدراني خذت جنطتها وطلعت بره , الحين ممكن تقولون لي السالفه فاطمه : فجر اتقولج << بطلت الباب وطلعت بسرعه ألماس : وليه خلاص مو اله اعرف فجر : ههههههههههه لا تزعلين انا اقولج ----------------------------- فهد قعد من النوم ويحس راسه مصدع شاف غدير نايمه على القنفه وشكلها باجيه وايد , عرف انه طاقها بس مايدري ليش راح يمها وبدفاشه يحرك جتفها فهد : غدرو غدير غدير بطلت عينها ولمن شافته اتظايقت قامت ومشت بتدخل الحمام فهد : انا اكلمج لا تحقرين غدير << وهيا تطلع ملابسها : نعم فهد : انتي امس مسويه شي غلط؟ غدير << التفتت عليه : نعم , الا قصدك انت اللي مسوي شي غلط , سكران فهد : انا ماطقيتج الا لانج مسويه شي غلط مو مني والطريج غدير احقرته ودخلت الحمام تتسبح فهد : اتحملي اللي اييج بدامج تغلطين مو عبالج اذا سكران ماادري عن شي غدير : اوووووووووو خلاص سكر الموضوع لانه ادري انه هل شي كل يوم بيتكرر وماراح نخلص منه الا لمن نخلص من .... << سكتت بقت اتقول نخلص من روحك بس خافت تنطق راح فهد قعد على القنفه ويفكر بيخلي غدير تنسى اللي امس عشان عنده سهره اليوم بعد ويمكن ينام بره فلازم يراضيها طلعت غدير وشافت فهد ابتسملها عرفت الموال حقرته وقعدت تمشط شعرها وتنشفه فهد : وين تبينا انروح اليوم؟ غدير : كيفك فهد : في مجمع يمدحونها الشباب تبين اوديج غدير << تذكرت شي والتفت عليه :ابي اروح الفندق اللي امس شفت عندهم جنطه بالمجمع ابيها وابي اروح الحين فهد : ان شااااالله من هل عين قبل هل عين غدير ابتسمت ابتسامت انتصار عباله انه قص عليها مايدري انها اهيا اللي تلعب من وراه فهد وافق وقامو غيرو ملابسهم وطلعوا ---------------------------------- خلصو الشباب ونزلو وبومحمد وام محمد وبوحمد وام حمد واسماء وهاجر والبنات كلهم تحت فاطمه لازقه بروان تحاول تراضيها فاطمه : روان شفيج خلاص قتلج مابينا شي روان : فطوم انا ادري انه محمد معجب فيج حتن لو بتنكرين اللي قاعد يصير واضح فاطمه : حتن لو معجب فيني ماابيه روان : حتن انا فاطمه : شنو حتن انتي ؟ روان : مابيه فاطمه : انتي من صجج شتقولين اصلن شلون تقدرين تاخذين غيره وانتي تحبينه روان : قصدج شلون اقدر آخذه وهوا يحب غيري فاطمه : منو غيرج؟ روان : لا تستهبلين انتي فاطمه : يا غبيه انا ما احبه ولا ابيه انتي شفيج ماتفهمين روان : فطوم خلاص سكري الموضوع محمد عفتـــــــــــه هاجر يات قعدت بين فاطمه وروان والمكان كان ضيج روان : وااااااااي قميصي قعدتي عليه لا ينشق فاطمه : عمتي وين قاعده ضيج هاجر : يعني وين اقعد الاماكن كلها فل أسماء : الله يهداج ضيجتي عليهم تعالي يمي هاجر : مابي ابي اسمع سوالفهم فطيم قوليلي شعنج امس فاطمه : لا حول الله عبالي خلصنا من السالفه بومحمد : متى نمشي ؟ أحمد : الساعه 11 نمشي بس منال وعبدالله ليلحين مانزلو فاطمه : معاريس يبيلهم زفه عشان ينزلون ام حمد : وانتي شحارج ان شاء الله نشوفج عروس ونتطنز عليج فاطمه نحرجت هاجر : يحليها وتستحي بعد فاطمه : اووو عمتي بس هاجر : فاطمه تستحييييييي فاطمه تستحيييي بوحمد : بس سكتي عن البنيه هاجر : اووو ولها مدافعين بعد محمد كان يراقب فاطمه ويشوف تصرفاتها وهوا حده مستانس عليها وروان تراقب عيونه شلون يطالعها ورغد تراغب أحمد تبي تعرف شنو سوا مع فجر بس ماكو ردة فعل : ------------------------------- فهد وغدير قعدو بالكوفي اللي يم اللوبي يشربون قهوه وغدير كانت تطالعهم من بعيد تنطر عبدالله ينزل فهد : انتي قلتي تبين السوق ليش يينا هني غدير : امممممممممممم ما ادري مالي خلق اتمشا الحين بعد شوي ننزل السوق فهد : انزين انا اليوم عندي سهره ويمكن انام بره الفندق غدير المحت عبدالله من بعيد طالع من الاصنصير اهوا مع منال وماتبي عبدالله يشوف فهد غدير : موافقه بس على شرط فهد << مستغرب شلون وافقة بسرعه : شرط !؟ شنو الشرط غدير : ابي الحين تنزل المجمع وتشتريلي اي شي تفاجئني فيه فهد : اي اوكي ماطلبتي شي غدير : الحين الحين فهد << قام : اي اوكي مشى فهد وهوا مستغرب من غدير وليش سوت جذي وقال اكيد انها من اليوم ورايح راح تصير ماديه معاه كلشي يقولها راح توافق بس تبي معاه مقابل غدير شافت عبدالله دخل الماركت مع عياله ومنال راحت عند اهلها قامت غدير وراحت تدخل الماركت . . . يتبع |
السعوديه - الاستراحه - الساعه 7 الصبح كنت اشوف ابتسام واسامه يكلمون بعض - وابتسام تتدلع عليه - وانا كنت يم ثلاجة البيبسي - حسين كان وراي وناداني حسين : ساره ساره << التفتت : هلا حسين : ممكن تبطلين سيرتي انا وابتسام جدام الناس ساره : شنو سيرتك مافهمت حسين : شنو قصدج بالباص لمن كانت ابتسام بتقعد يمج وقلتيلها انا فاهمتج عدل ساره << انحرجت : بس صج انا كنت ادري انه قصدها بتكون يمك حسين : انزين ماله داعي الفضايح انا مو ناقصج انتي وياها ولا انا اللي قاعد اجاريها.... ساره << قاطعته معصبه : شنو مو ناقصج انتي وياها انا شكو لا تقعد تخلط حسين : لا تعلين صوتج احترمي طالعني من فوق لي تحت وهداني ومشا وانا خلاص فيني بجيه حسيت اني وحيده ابي احد اشكيله ابي احد يوقفه عند حده دفعت الاحساب ووقفت يم الباص مابي اصعد الا لمن اتيي ام بدر - القايد قام يصعد القروب الباص وام بدر طولت فظطريت اصعد وصعدت من الباب اللي جدام يعني حسين راح يصير بويهي مشيت وبالبطيئ ودي مااوصل شفت حسين قاعد يتلفت ولمن شافني لف جهة الدريشه قعد بمكاني وماقدرت اقضب دمعتي مو عشان حسين لأ عشان ابي احد يمي يحس فيني - سمعت صوت بنات ام بدر من وراي مسحت دموعي بسرعه وسويت نفسي اطلع شي من جيسي قعدت ام بدر وقعدت عيالها وعطتهم أكلهم والتفتت علي ام بدر : شدعوه سارون ما تسأليني ليش اتأخرت ساره << لاهيه بالجيس : اي صج ليش ؟ ام بدر : واااي لعوزوني طيوب وعواش كلشي بيشترون , هذي اتقول هذي شرت اكثر مني وهذي تقول هذي ككاوها اكبر من ككاوي صج صج لوعو جبدي ساره : الله يعينج ردت ام بدر لفت على بناتها اللي بدو يتهاوشون على الككاو - وانا رفعت راسي اطالع حسين كنت اشوفه على جنب واقول بنفسي معقوله بدون سبب يكره كل البنات ومعاملته ناشفه معاهم الزينه والشينه اكيد اكو سر ولا انا شسويتله - وانا كنت اطالعه التفتت ورا وانا اخترعت عبالي بيطالعني وهوا حس فيني اني اخترعت رد التفت جدام ام بدر : ساره شفيج شكلج باجيه انا بقه يوقف قلبي اكيد اكيد اكيد حسين سمعها لانه اهوا قبالها بالضبببببط , واذا ام بدر لاحظت اني باجيه اكيد حسين لمن التفت بعد لاحظ صج احراج ساره << بهمس : شوي شوي لا مو باجيه بس تعبانه ابي انام شوي ام بدر : اها خلاص ريحي شوي مرت ساعتين من الصمت ودخلنا حدود الامارات انا سويت نفسي نايمه عشان مالي خلق اسولف - وقفوا عند استراحه بانزين انا مانزلت, الباص صار خالي لانه ساعتين محد اتحرك من مكانه فبيغيرون جو شوي - طليت من الدريشه شفت حسين واقف يم القايد يسولف ويضحك ابتسام واقفه يم ايمان وضحكتها واصلا لي عندي وكل شوي مره تلتفت على اسامه ومره على حسين كأنها توري حسين انه اسامه يطالعها - رديت اطلع حسين واشوفه مندمج في تيلفونه كأنه يرسل ويستقبل مسجات - ظليت اطالعه وفجأه رفع راسه وصارت عيني بعينه لفيت ويهي وقلبي قام يرقع - انا شفيني تنحت في ويها الله يهداني الحين شبيقول عني اكيد عباله انا نفس ابتسام - شوي ولا حسين صاعد وقعد مكانه مع نظره سريعه علي - وبدو يصعدون لقروب . مشينا وشوي سولفت مع ام بدر وقعدنا نطالع شوارع الامارات ومبانيها وسرحت شوي وأخيرا وصلنا مطار دبي نزلنا من الباص وكل واحد ياخذ جناطه وانا حاولت كثر ما اقدر اتحاشا ابتسام وحسين - وانا بدخل المطار شفت اسامه قبالي اسامه : قوه ماعطيته ويه اسامه : شدعوه ساره : نعم اخوي بقيت شي آمر اسامه : اف اف لا يمعوده بقينا سلامتج مشيت وانا لايعه جبدي من كل شي بس خلاص ابي اوصل حق اهلي آخر مره اسافر بروحي آخر مره - شفت اقرب كرسي قعدت عليه وقمت الشوف اللي رايحين ورادني - شوي ولا اشوف ابتسام تبتسم حق احد وراي التفت ولا اسامه - ماادري من متى واقف الله ياخذه وكان قاعد يبتسملها اهوا بعد - رديت شفت جدام ولا حسين كان قاعد يشوفهم وهوا يضحك ضحكت استهزاء - خليتهم كلهم يولون وطلعت تيلفوني ودقيت على ابوي بومحمد : الوووووووووووو هلااا بسارون وحشتينا آآآآآخ صوت ابوي طلعني من اللي انا فيه ودي اشوفه الحين واحظنه ساره : هلا يبا شلونج حتن انتو وحشتوني كلكم بومحمد : شلونج طمنيني عنج ساره : تطمن يبا انا الحين بالمطار وبعد ساعه تطير الطياره بومحمد : اي زين طمنتيني ,شوفي ياساره احنا بعد شوي بنروح الارياف..... ساره : لالالالالالالا شنو وانا ليش ماتنطروني بومحمد : بسم الله شوي شوي خرعتيني , انتي بتين معانا لمن توصلين مطار ادنبره دقي علي وانا ارجعلج واييبج ساره : انزين لا تستانسون ولا تروحون وتردون ولا شي الا لمن انا ايي بومحمد : من هل عين قبل هل عين ساره : اي عين فيعهم قبل وين ماشوف شي بومحمد : هههههههههههههه الله يقطع سوالفج هههههههه ساره : ههههههههههههه , اقول يبا سلم عليهم كلهم انا الحين لازم ادخل صوب الجوازات بومحمد : الله يسلمج ودير بالج وخليج على اتصال ساره : ان شاء الله يبا ,مع السلامه سكرت التيلفون وقمت دخلت داخل صوب الجوازات وعلى ماخلصنا اجراءاتنه رحنا قعنا يم البوابه لانه بقا ربع ساعه ونركب الطياره - انا قعدت بعيد عنهم - واطالعهم من بعيد ابتسام شرت قوطي حلو وقعدت توزع على القروب وطبعا اول واحد عطته اسامه واكيد قامت تتضحك وتتميع وحسين كان يطالعهم بنص عين وزعت على الباجي ووصلت حق حسين ابتسام : تفضل حسين : مشكوره ابتسام : هذي احلى وحده جربها على ضمانتي حسين : لا مشكوره مابي ابتسام : اكيييد مو اذا خلص تناديني حسين حقرها ولف ويها كملت ابتسام طريجها مندقره ولمن وصلت عندي ساره : مشكوره مابي ابتسام : ههههههههه تراقبينه من بعيد وتشوفينه شيسويي وتسوين نفسه ساره : شقصدج عن منو تتكلمين ابتسام طالعتني بنظرة استهزاء ومشت - انا سكت عنها احس اني بس تعبت صج تعبت - فتحت البوابه وصعدنا الطياره وطلع مكاني بالنص الكراسي الاربع ابتسام وايمان وامها وانا - وام بدر السطره اللي وراها مع بناتها ويمها وحده ماتعرفها وبعدين حسين ويوسف بالكرسيين اللي يم الدريشه وحسين بالطرف - رحت حق ام بدر ساره : ام بدر مابي يمهم مابي ام بدر : واي شالحظ , قولي حق القايد اكيد ماراح يخليج يمهم يدري انهم نجريين رحت عند القايد وحدي مستحيه اكلمه لانه حسين يمه ساره : لو سمحت بقيت اكلمك يوسف : ههههههههه ليش لو سمحت قولي يوسف آآآآآآآآآآآآآخ فشلني قص ويهيي شفيه هذا ولا بعد قبال حسين ساره << قامت أتأتأ : أي ع عادي يو يوسف يوسف << مبتسم: آمري بقيتي شي ساره : أأأأ انا صار مكاني يم البنات ابتسام وايمان وانا بغيره يوسف : وليييييييييييييييه شلون جذي صار , شوي حسين خل اطوف قام يوسف يطالع الاماكن وراح حق البنت اللي يم ام بدر , واهلها كانو قاعدين يمها بالكرسيين اللي يم الدريشه يوسف : السلام عليكم البنت : وعليكم السلام يوسف : ممكن اتبدلين مع ساره بس تروحين كرسي جدام التفتت ابتسام وهيا تسمع القايد وفهمت السالفه وقامت تضحك بصوت عالي صج نرفزتني لمن ضحكت البنت : امممم بس انا ابي اقعد يم اهلي يوسف : لاحول الله ساره : خلاص انا بقعد بس ابي يم ام ايمان وخرت ابتسام وقعدت بالطرف وهيا تطالعني بنظرة استهزاء ويمها ايمان وبعدين ام ايمان وانا قعدت يمها ووراي طيوب بنت ام بدرويمها امها على اليسار وحسين يمها بالكرسي الثاني على اليسار بينهم ممر حسين : قعدي عاجل لا تطيحين طيبه : لا ماتيح حسين : مايرضون قعدي ام بدر : طيوب لا تصيرين شيطانه رفعت راسي ولا طيبه واقفه وتطل علي ولمن شفتها ماتت من الضحك وانا قمت اضحك وياها التفت على حسين ولا اهوا بعد قاعد يضحك - طقتني طيبه بلعبتها على راسي ساره : آي وخري لا اطقج ام بدر : طيوب والله اطقج قدي يالله ابتسام : اف ازعاج ماقعدنا الا يم مجهله قطع صار هدوووووووووووء كل واحد قضب اعصابه - وطيبه ظلت اتناطط وتتحرش فيني - يات المظيفه وقعدتها - طارة الطياره وبعد ساعتين ابتسام قامت وكانت بتطوف من يمي وانا كنت حاطه جنطتي تحت ريلي وداست عليها ومرت وسمعت صوت شي انكسر داخل الجنطه ساره : انتي يا حوله ماتشوفين دستي على الجنطه صج دفاشه ابتسام : واي شالاسلوب صج هيلق ام ايمان : صلو على النبي يا بنات ماصار شي سكت وابتسام مشت بطلت جنطتي ولا شاشت موبايلي انكسرت واااااااااااي احتريت ودي انتفها التفت على ام بدر ساره : ام بدر شوفييييي كسرت الشاشه ام بدر << تاخذ التيلفون : وييييه حتن مايشتغل خربته حسين : عطيني اشوف حاول حسين فيه بس ماكو فايده كسرته بكعبها يعل ريلها الكسر - ردت ابتسام وشافت الوضع بس مو فاهمه شي يوسف : لو سمحتي ابتسام اذا بتطلعين طلعي من صوبج ماله داعي تطقين كل هل طريج حقرته ابتسام دخلت وانا اتعمدت اضيج عليها - ورديت حطيت جنطتي - بعد ىساعه يابو الغدا وحنا نتغدا سمعت طيبه تقول حق امها طيبه : ماما خلصت خبزتي ابي تانيه ام بدر : خلا خلصت بعد من وين اييبلج كل واحد وصمونته انا ماكنت ماكله صمونتي خذيتها والتفت بعطيها ولا انا وحسين مادين اينا بنعطيها - حسين : لا انتي خلي خبزتج وكملي غداج انا مابي خبزتي ساره : لا انا ما احتاجها مابيها خل تاكلها ام بدر : لا لا اكلو خلاص كلت خبزتها طيبه : امبله ابيييييييييييي حطيت خبزتي على طاولت طيبه ولفيت ويهي 0- وعقب ماخلصنا الغدا قامت طيبه وطلت علي وباستني على راسي ساره : حبيبتيييي ليش ؟ طيبه : عشان عطيتيني خبزه ردت انزلت من كرسيها وباست حسين وهم حسين استغرب وقالتله عشان عطيتني خبزتك - عرفت انه اهوا بعد ماكلاها - عقبها انا نمت ولمن بقا ساعه على الهبوط قعدت ولا التفت على ام بدر وعيالها شفتهم ناييمن وحتن حسين ويوسف رديت التفت على ابتسام وشفتها ماسكه تيلفونها وواقفه على ركبها على كرسيها وتصور حسين - امبيي انقهرت شل حقاره مستغلته انا نايم اتعمدتى اني انادي المظيفه بصوت عالي عشان حسين يقعد - بس حسين لمن قعد مالاحظ ابتسام وابتسام بسرعه قعدت مكانها وهيا تخزني محتره مني - وصلنا مطار جلاسكو وقفنا بناخذ الجناط وطيبه بسرعه نزلت من كرسيها ووقفت وراي وحسين صار وراها ام بدر : ساره عفيه قضبيها لا تضيع ساره : لاتحاتين وياي بخليها ابتسام شافت انه حسين وراي يات وتقلقصت بتوقف بينه بس انا رجعت وصارت قبالي ابتسام : غباء غباء استغقرالله , ايمان تعلي هني ايمان : بس احنا جناطنا هناك لفت ابتسام جدام وهيا متنرفزه - عقبها فتحو باب الطياره ونزلنا ودخلنا المطار وكل واحد خذا جنطته يوسف : ساره الحين لازم احد من اهلج ايي ياخذج من هني لانه احنا بنظل اسبوع هني وبعدها بنروح ادنبره تبين تقعدين ولا تبن احد من اهلج ياخذج ساره : اخاف محد يقدر ياخذني لانه الحين اهما بالارياف وماكو مطار , خل اتصل عليهم واعطيك خبر دقيت على ابوي من تيلفون ام بدر وكله جهازه مغلق اتذكرت انه بالارياف ماكو سيرفس وابوي معتمد على انه انا بروح على طول ادنبره رجعت ساره حق يوسف وقالتله السالفه ساره : خلاص شكلي انا بروح بروحي وابوي يستقبلني هناك ابوي يدري اني تسع بليل راح اكون هناك اسامه : خلاص انا لازم ارافقج مايصير تروحين بروحج . . . يتبع |
أدنبره - الفندق - الساعه 10 الصبح غدير نطرت فهد لمن نزل السوق وهيا قامت دخلت الماركت وشافت عبدالله مع عياله جهة العصيرات راحت اهيا صوب الشبس وخذتلها جم واحد وظلت تمشي وهيا تطالع الاغراض لي وصلت يم العصيرات خذتلها ثنين هني عبدالله التفت عليها اول مره ماعرفها بس لمن اهيا التفتت عليه عرفها غدير << مبتسمه : اممممممم انا وين شايفتك؟ عبدالله << مبتسم : افا والله ماتوقعت انج ماعرفتيني غدير << تركز بملامحه : ههههههههه امبي آسفه انت اللي خذيت الجنطه مني عبدالله : انا خذيتها منج ولا انتي غدير : ههههههه ماعليه عليك بالعافيه مو اذا صار فيها شي اتقول من عيني عبدالله : لاشدعوه غدير << تطالع عياله : يحليلهم اولادك عبدالله : اي هذا جابر وهذا ناصر غدير : يختييييي يحلوه نصور امممممممم اشوفكم ماخذين جناطكم شكلكم بتسافرون عبدالله : اي والله بنروح منطقه ثانيه غدير << تسوي نفسها متضايقه : ويييي حسافه انا ليش حظي جذي عبدالله مستغرب : شنو اللي حسافهظ غدير << ترقع : لا بس حبيت عيالج صج حبيتهم واول مره اشوفهم وبتسافرون ----------------------------------- البنات قاعدين باللوبي سوالف وضحك فاطمه : امبي روانو عينج تضحك ووانتي شحادج تشترين كحل مايروح روان : شسوي , كنت بسوي نفس طريقة كحل ساره قلت خل اشتري نفس كحلها مره وحده الماس : على قولت عمتي هاجر جنها بانده ههههههههههههههه فاطمه و فجر وازهار : هههههههههههههه هههههههههههه روان : انتي ذبحتينا وايد عاجبج التعليق الماس : هههههههههههههههه فجر : فطوم تعالي معاي الماركت بشتري شي آكله فاطمه : يالله قومي مشت فاطمه ووراها فجر - اسحبتها من ايدها وقفتها يمها فاطمه : آآآآآي آي شفيج فجر : شعندج امس بليل مع المسجات فاطمه : ايييييي زين ذكرتيني وهما داخلين الماركت شافو عبدالله يكلم وحده ولم غدير شافتهم طلعت بسرعه وعبدالله كمل يشتري حق عياله فجر : عبدالله منو هذي عبدالله : شدراني شافت ناصر وستانست عليه وسألتني شسمه وجم عمره شكل عبدالله كان جدي فاطمه وفجر بسرعه صدقوه وطوفو الموضوع وفجر اسحبت فاطمه زاويه ثانيه وسوت نفسها تشتري فجر : انزين كملي فاطمه : يامحفوظة السلامه امس بليل وانا طالعه من غرفة امي شفت رغد قاعده تكلم أحمد أخوج فجر : اخوي ,شكو ؟ فاطمه : ايييي بس انا سمعت شي حدي انصدمت منه ماادري قاعده اتجذب ولا من صجها , قاعده اقول مو معقوله فجر مو قايلتي فأكيد رغد تجذب فجر : اوووو تره نرفزتيني شالسالفه فاطمه : انتي تكلمين ؟؟ فجر << ارتبكت : شكو شنو اكلم فاطمه : هذا اللي رغد قالته حق اخوج انها سمعتج اول امس وانتي بالحمام قاعده تكلمين واحد تذكرت فجر لمن طلعت من الحمام وشافت رغد قاعده يم الاصنصير وكلمتها بنفسيه فجر : امممممممممم الصراحه فاطمه اي اكلم وماحبيت اقولكم عشان ماتاخذون فكره عني غلط بس والله حب شريف ولا عمري تواعدت معاه كله لمن اكون مع اهلي اشوفه من بعيد بس , وهذي رغد دواها عندي والله ماراح اسكت عنها الحقيره فاطمه : يعني شراح تسوين ؟ فجر : ماادري بس الايام بينه وانا اعلمها وهما طالعين من الماركت فاطمه << مبتسمه : انزين شسالفة حبيب القلب فجر << التفت عليها مستغربه : هاااا فاطمه : هههههه خو فيني فظول خو فجر قالتلها سالفة جاسم --------------------------------- عبدالله طلع من الماركت وهوا يفكر في غدير ويكلم نفسه " شلون خذت هل بنت تفكيري بسرعه وشنو قصدها حسافه اكيد عن ناصر وجابر ولا عني, وانا ماراح ارد هني شلون اعرف شنو نيتها " وصل عبدالله عند منال وقعد يمها منال : وينك تاخرت عبدالله : من عيالج لو مخليهم جان شرو الماركت كله منال : ههههههههههههههه الله يعطيك العافيه عبدالله : الله يعافيج بوحمد : يالله مشينا كلهم قامو وخذو جناطهم بيركبون بالباص اللي بيروحون فيه الارياف - محمد شاف بالرسبشن فازه فيها باقة ورد احمر خذه ورده ومشا والبنات صارو قبال يمشون رايحين الباص محمد : فجر هاج البنات التفتو بيشوفون محمد شنو يبي بفجر اخته - حذف محد الورده على فاطمه يعني بالغلط محمد : اوه سوري , الظاهر من نصيبج فجر : يبيها حقي جنج وايد استانستي التفتت فاطمه على روان شافتها حدها متظايقه وتهز ريلها حيل وهيا تطقطق بالتيلفون فاطمه << تكلم فجر : اخذيها عليج بالعافيه ادري انها حقج روان : يالله خل نركب الباص ---------------------------------------- عبدالله شاف غدير قاعده بالكوفي وتطالعه ومبتسمه عبدالله : منال ركبو الباص انتو وانا الحين ايي منال : وين بتروح؟ عبدالله : نسيت اشتري شغلقه ركبت منال الباص مع عيالها وعبدالله راح حق غدير وهوا متردد عبدالله : اممم بس حبيت اقولج اني اتوقع انه المنطقه اللي بنروحلها فيها نفس الجنطه اللي تبنها غدير : صج , بس شلون اقدر آخذها احنا ماراح نروح عبدالله : امممم انا ايبلج اياها غدير : مشكووور بس شلون احصلك ؟ عبدالله << يعطيها رقمه وهوا متردد : أأأ هذا رقمي دقي علي وان شاء الله القالج ايباها غدير << متشققه من الوناسه : مشكور ان شاء الله تلقاها لانه صج دشت خاطري مشى عبدالله وعقبها بدقيقتين وصل فهد غدير << مرتبكه : فهد ؟ فهد : شفيج مخترعه غدير : مو مخترعه عادي بس طوت ليش ؟ فهد : لا بس احترت شنو اشتريلج , تفضلي خذت غدير الجيس وبطلته ولا شال عاااادي وشافت السعر ولا رخيص حيل غدير << تتصنع : مشكووووووووووور يابعد عمري الحين عرفت غلاتي عندك فهد << يطالعها بنظرت شك : العفو ---------------------------------------- مشا الباص وطول الطريج البنات سوالف وضحك وهاجر كل شوي تطفرهم فجر : الماسو بسج كتب انا لاعت جبدي فاطمه : ولا مندمممممجه الا اعرف شقاعده تقرين روان : اي اي عليها كلكم عشان مره ثانيه ماتضحكين علي الماس : شتبووووون واي استغفرالله كيفي روان : الله الله شكلها عجيبه عطيني الماس : وخريييييييي هاجر : روانو قعدي عن البنيه شفتج روان : واي قاعدتلنه على الوحده ونص هاجر : ها فاطمه ليلحين مافكرتي بالخير فاطمه : شنو ؟ هاجر : ماتبي تقوليلي شسالفتج مع فجر فاطمه : لا حول الله ياربي انا شسويت بدنيتي هاجر حذفت عليها قوطي الكلنكس وفاطمه ردته عليها وكلهم قاعدين يضحكون عليهم وصلو عند محطة بانزين وكان يمها سوق شعبي راحو البنات يتمشون على مايخلصون الشباب منالبانزين وقعدو يشترون تحف وجناط حياكه ومداليات راحو روان وفاطمه مع ام محمد يشيلون اغراضها ويتمشون معاها لانه محد نزل من الحريم غيرها ولمن شافو تأخر الوقت راحو ردو مكان الباص وماشافوه فاطمه : لا معقوله روان : امبييي شلون يمشون عنه ام محمد : لا ما مشا اكيد غيرو مكانهم روان يعني وين مشو هذا شارع واحد انطر لمن يشوفون احد يعرفونه ماكو فايده - الظاهر صج مشى - حطو الاغراض على الارض لانها ثقيله وراحت فاطمه دق على حمد من تيلفون واحد من المحلات لانه مافي تيلفونها شحن - بنفس الوقت كانت روان وام محمد واقفين ينطرون احد ايي شافهم واحد سعودي محتارين ومايدرون وين يروحون سعود : السلام عليكم . . . . يتبع |
جلاسكو - المطار - الساعه 7 بليل حاولت ادق على ابوي من تيلفون ام بدر بس كله مغلق واتذكرت انه في الارياف ماكو سيرفس فقررت اني اسافر ابروحي لي ادنبره كلها ساعتين واشوف ابوي هناك بالمطار - رحت حق يوسف وقلتله ساره : خلاص انا شكلي بروح بروحي - لانه ابوي راح ينطرني هناك يدري اني بوصل الساعه 9 اسامه : لا شلون مايصير تروحين بروحج بديرة غربه انا بوصلج ساره : لا ماله داعي يوسف : بس ياساره راح يكون معاج بس بالطياره وانتي اتقولين ابوج ينطرج هناك خليه يرافقج ابتسام تخز اسامه من بعيد حدها محتره - حسين توه ياي وسمع الخبر وتنرفز لانه عارف نية اسامه حسين : ماله داعي انت تروح انا بروح آخذ شهادتي من هناك اوصلها على طريجي اسامه : اي شهاده هذي اللي طلعت الحين يوسف : مو طلعت الحين اهوا كان ناوي ياخذها لمن نروح ادنبره بس صج الحين بدام ماكو احد معاها زلقه بطيحه منها توصلها ومنها تاخذ شهادتك ساره : بس شدعوه انتو هني معاي وابوي ينطرني هناك يعني بس الطياره اللي بروح فيها بروحي حسين خاف انه اسامه اهوا يروح معاها حسين : ميخالف بس بالطياره بكون معاج وبعدين كل واحد بحال سبيله يوسف : خلاص ياساره حسين بيوصلج ومشكور يا اسامه اسامه << يطالع حسين بنظرة حقد : العفو --------------------------- راح اسامه قعد على الكراسي وهوا يخز حسين وحسين طالعاه من فوق لي تحت ومشى - ياتله ابتسام ووقفت قباله متجتفه ابتسام : انت حيوان ومنافق وجذاب وتلعب على الحبلين اسامه : شلحجي حبيبتي انا بقيت اقدم مساعده ليش هل كلام ليش تضلميني ابتسام : نعم انت ماتدري انه هذي عدوتي وتكرهني اسامه : صج ! والله لو ادري جان خليتها تولي ابتسام : شلون اصدقك انك مالك شغل فيها اسامه : يا ابتسام انا من شفتج وانا حاط في بالي انه انتي زوجة المستقبل ابتسام << انصدمت : زوجه ! اممممم اوكي اشوفك بعدين مشت ابتسام وهيا حدها منحرجه ومو مصدقه انها بتتزوج وحدها مستانسه وراحت حق ايمان تبشرها - وايمان كانت قاعده يم امها تكلمها ام ايمان : شوفي ان شفتج مع ابتسامو مره ثانيه والله افشلج جدام الناس ايمان : بس يمه مايصير اهيا يايه معانا شلون نخليها بروحها ام ايمان : يايه بروحها عشان تاخذ راحتها شفيها اصلن ماتدري عنا كله لاهيه بخرابيطها وانا ماراح اسكت بقول كل شي حق امها ايمان : يمه ام ايمان : وصمه ان شاء الله انتي مالج شغل كله خليج معاي ابتسام وصلت عندهم وهيا حدها متشققه ابتسام : ايمانو لحقي انخطبت ايمان : شنو ! منو اللي خطباج ابتسام : حزر فزر ايمان : حسين ابتسام : وع خروف ساره , يولي ايمان : لا تقولين اسامه ابتسام : وليش مو عاجبج ايمان : ماادري احسه يلعب ابتسام : طاع هذي مبين انه يحبيني لانه قاعد يلحقني ايمان : عيل مبروك من الحين ابتسام : ههههههههههههههه الله يبارك فيج حبيبتي الفال لج ------------------------------------------- راح حسين وحجز تذكرتين حق ادنبرهاقرب وقت وطلع لازم الحين نركب الطياره لانه بقى عشر دقايق وتطير حسين : جاهزه ساره : اي جاهزه حسين : راح نوصل 9:30 هناك ساره : وي شلون انا قايله حق ابوي 9 حسين : المفروض من اول ماوصلتي هني تحجزين لانه في طياره طارت قبل نص ساعه ساره : اها يالله ميخالف ينطر نص ساعه بعد شسوي ركبنا الطياره وحسين قعد يمي انا جهة الدريشه وحسين يمي - احس جسمي صار باااارد من الاحراج على طول جابلت الدريشه كان ودي اطقطق بتيلفوني بس للاسف ابتسامو اكسرته - حسين من اول ماطارت الطياره بطل لابتوبه اللي ذبحنه فيه بعد 10 دقايق يابو العشا بسم الله ما امده طارت الطياره - انا كليت عدل بس حسين بس شرب عصير وخذه البطاط حطاها على ريله والباجي ماكلاه شالته المظيفه وحط الابتوب مره ثانيه وقعد ياكل البطاط بعد نص ساعه انا نمت وشوي ولا احس ايد تلمس جسمي نزقت ولا المظيفه يابتلي لحاف وغطتني فيه وانا ظنيت في حسين بس بعدين تذكرت مو معقوله المظيفه من نفسها اهيا اللي يابت للحاف اكيد حسين قالها - صج فشله لمن بقى نص ساعه على الوصول - حسين كان سرحان- وانا كنت قاعده افكر حسين ليش ماخله اسامه اهوا ايي معاي شعلاقة حسين فيني اللي اهوا بيي ومايبي اسامه ساره : حسين حسين : هلا ساره : اممممم ليش ماخليت اسامه اهوا يكون مرافق حسين : جان قلتيلي انه تبينه ايي معاج جان خليته ساره << عصبت : منو قال اني ابيه ايي معاي انا بس اسألأ حسين : اظن انج سمعتي لمن قلت بروح عشان شهادتي مره وحده اوصلج ساره : بس انت قايل حق يوسف لمن تروحون ادنبره بتاخذها حسين << ارتبك : اي اي ساره : عيل ليش مارحت بعدين ليش لمن سمعت اسامه اهوا اللي بيي معاي قررت انك بتاخذها الحين حسين << عدل قعدته : شوفي انا عرف شنو نية اسامه , وانتي من الاول من الكويت يتي معاي فتعتبرين امانه عندي اييييييييييييييي تذكرت , الحين عرفت ليش ظاري موظف السفريات وهوا يكلم حسين سمعته يقول امانه قاله اني انا امانه عنده ساره : وشنو نيته ؟ حسين : وصخه ساره : بس اهوا ماراح يكون معاي الا بالطياره يعني ماينخاف منه حسين << تنرفز : يعني عادي عندج واحد نيته مو زينه يقعد يمج تتوقعين بيخليج جذي بحالج , لو ادري جان خليته ايي معاج ساره : لا حسييين والله مو قصدي بس عندي فضول وحبيت اعرف حسين : خلا ص سكري الموضوع وصلت الطياره ونزلنا منها وحسين يمشي قبالي وانا احاول الحقه انه اهوا حتن مايلتفت يتفقدني - خذينا الجناط وطلعنا عند الاستقبال وماشفنا ابوي نطرت نص ساعه هم ماشفته دقيت على ابوي من تيلفون حسين مغلق واااااااي قهر شسوي الحين حسين : اهما وين بالضبط ساكنين ؟ . . . يتبع حسين |
محطة البانزين بين ادنبره والارياف - الساعه 1 الظهر ام محمد وفاطمه وروان كانو يتسوقون بالسوق اللي يم المحطه عقب ماخلصوا راحو مكان اااللي الباص كان واقف بس مالقوه ونصدمو راحت فاطمه تدق على حمد اخوها من اقرب تيلفون لانه تيلفونها مافي شحن وروان وام محمد ظلوا بمكانهم وسمعوا واحد وراهم يتكلم : السلام عليكم التفتو وشافو شاب طويل ولابس دشداشه وشماغ وملامحه مبينه انه سعودي ام محمد: وعليكم السلام يا هلا آمر السعودي : يا خاله محتاجه شي شكلكم ظايعين تراني بالخدمه ام محمد : والله ياوليدي باصنا كان هني رحنا نتسوق ويينا ماشفناه السعودي : باصكم اسود؟ روان : اي السعودي : من دقيقتين مشا أجل خلوني اوصلكم اكيد راح نلحق عليه بالطريق ام محمد : وشلون توصلنا السعودي : بسيارتي , انا مأجر سياره ام محمد : الله يجزاك خير ماقصرت بس اخاف انأخرك السعودي : لا تأخير ولا شي , تفظلو معي روان : لحظه خالتي خل انادي فطوم ام محمد : بسرعه لا تتأخرين راحت روان نادت فاطمه - وفاطمه كانت توها بدق على حمد روان : فاطمه شيقول حمد فاطمه : ليلحين ماكلمته مو راضي يلقط الخط روان : انزبن احنا شافنا واحد ويقول بساعدنا وهوا اللي بيوصلنا فاطمه : روانو وانتي تثقين بأي واحد روان : شكو اهوا كلم خالتي وهيا قالت انه بنروح معاه , انزين يالله عاد لا نتاخر فاطمه : يالله يالله خل اشوف منو هذا راحو عند ام محمد وشافت فاطمه الريال ومبين انه محترم من اول ماياو البنات نزل راسه - ركبو السياره السعودي : خاله انتم عارفين وين بالضبط شاليهكم ام محمد : والله ماادري , اتعرفونه يا بنات روان : اللي انعرفه b2 السعودي : جد والله حنا سطرتكم أجل مشت السياره وروان كانت ورا السعودي وكانت سرحانه والسعودي كان بيطال بالمنظرا السياير اللي ورا وصارت روان في ويها انبهر بجمالها وقال في نفسه : ماشاء الله جميله وشكلها حزينه ومبين من عينها الارهاق وتعب الطريج << شاف سواد الكحل رفعت روان عينها وطاحت عينها بعينه ارتبكت بس اهوا مابينلها انه قاعد يطالعها بالعكس طالع السياير اللي ورا ام محمد : اقول يا وليدي السعودي<< مبتسم : معاج عبالعزيز ام محمد : والنعم والله , مطوليين يا وليدي عبالعزيز : ربع ساعه بالكثير وبالطريج شافو سياره ماره يمهم فيها محمد وبومحمد وحمد روان : لحظه لحظه كا عمي لحظه وقف عبدالعزيز ورجع وهوا يطق هرن حقهم التفتو وشافو روان وفاطمه قاعدين يأشرونلهم - ابتسم بومحمد عقب ماكان مخترع انه يضيعون - وقفو بطرف الشارع ونزلو البنات وام محمد وركبو مع بو محمد ونزل بومحمد يكلم عبدالعزيز بومحمد : السلام عليكم عبدالعزيز : وعليكم السلام عمي بومحمد : مشكوووور الله يعطيك العافيه عبدالعزيز : الله يعافيك عمي هذا واجب شفتهم تايهين وقلت لازم اساعدهم بومحمد : والله احنا بدولة غربا زين في عرب الله يابك ولا جان ظاعو الاهل عبدالعزيز : واجبنا عمي بومحمد : تفضل عندنا على الغدا عبدالعزيز : مره ثانيه عمي بو محمد : مايصير اتطق كل هل طريج وترد بدون مانظيفك لا مو قبول عبدالعزيز كان يشوف روان بسياره مطلعه راسها من الدريشه تسمع الحوار وكان شكلها وايد حلو ويونس فقرر يقبل طلب بومحمد بس مو اليوم لانهم توهم واصلين عشان يتعرف عليهم أكثر عبدالعزيز : يا عمي انه لازم ازوركم بس انتم توكم واصلين ارتاحو وابشر ان شاء الله اجيكم بومحمد : باجر لاااازم تتغدا عندنا والحين تعال بس دل الشاليه كاهو حذفت عصا عبدالعزيز : ان شاء الله صعدو سياريهم وعبدالعزيز يفكر بروان شكلها حبوبه وونيسه - بسيارة بومحمد كانت ام محمد تعاتب بومحمد ام محمد : ليش هديتونا ومشيتوا ماتتفقدونا انتو بومحمد : هههههه اعصابج , انتو الله يهداكم بطيتوا وقلنا الكل ركب قالت هاجر اي ولمن جريب نوصل قالو انكم مو موجودين وصلناهم ورجعنالكم بالسياره فاطمه : هذي سيارت منو ؟ محمد << التفت عليها : انا اجرتها حق الطلعات عشان اقز فيكم حمد : والبنات شكو احنا وين رحنا لمن نخلص طلعاتنا ايصير خير فاطمه : يا سلام لو مو مأجرينها أحسن روان : اي والله كلهم التفتو على روان مستغربين النها قالتها بنفسيه - وصلو الشاليه نزلت روان اول وحده وراحت حق ابوها حظنته روان : يبا انتو شلون مشيتو عنا ها اكو ابو ينسى بنته عبالهادي : هههههههههههه تدودهنا ماشاء الله شكثركم هاجر : قول لا اله الا الله , قل اعوذ برب الفلق بو محمد << يكلم عبدالعزيز : تفضل تفضل هاجر << تساسر فاطمه : منو هذا فاطمه : عجبج هاجر : ذلفي ذلفي طاع انا منو سألت - روانو منو هذا ؟ روان : تعالي هناك يم الحوض اسولفلج بالهواء النقي هاجر : ويييييييه صارت رومانسيه الاخت فطوم شمسوين فيها كلهم : ههههههههههههههههههههههه في صالت الريايل قعدوا يسولفون مع عبدالعزيز ويتعرفون على بعض عبدالعزيز : شوف ياعمي انا قبلت دعوتك وابيك تقول تم بومحمد : تم عبدالعزيز : لازم عقبها تتفضلون عندنا تتغدون بومحمد : هههههههههههههه مانبي نسويلكم زحمه عبدالعزيز : لازحمه ولا شي وانت قلت تم بو محمد : ابشر طال عمرك عبدالعزيز : تسلم يا عم انا الحين استأذن لاني اتأخرت على الاهل بو محمد : اذنك معاك طلع عبد العزيز معاه محمد وعبدالله ريل منال يوصلونه سيارته عبدالله : وين صاير شاليهكم عبد العزيز : حنا بعد شاليهين من شاليهكم b 4 محمد : قريب زين عيل لازم انشوفك عبد العزيز : ابشر , يالله مع السلامه محمد / عبد الله : مع السلامه عبد العزيز ركب سيارته وهوا يشوف روان من بعيد قاعده تسولف وتشرح حق البنات ابتسم على حركاتها حس انها عفويهشغل سيارته والتفتو البنات هاجر : روانو قعدي فشلتينا مرتزه قباله أزهار : انا بقول شي بس ما ادري يمكن يتهيأ لي هاجر : شنو تهيأتج أزهار : جنه كان قاعد يطالع روان روان : لا حرام لا تشكين فيه فاطمه : اصلن اهوا لمن يينا بنركب السياره نزل راسه هاجر : عيل يتهيألج أزهار : الظاهر عبد الله وقف يم دخل داخل وصعد غرفته ووقف بالبلكونه ويفكر بغدير " انا شلون طاوعت نفسي وعطيتها الرقم , وحتن لو اهيا قصدها عني ومعجبه فيني انا شعلي منها عندي منال مو مقصره معاي , ليش خليت الشيطان يقص علي , اذا دقت ماراح ارد عليها " منال : اللي ماخذ عقلت يتهنى فيه عبدالله<< يلتفت عليها : انتي منال : يبختي يبختي من ادي عبد الله : تعالي شوفي المنظر من هني جنه جنه منال : طاع جبور ونصور من وصلنا وهما يلعبون كره عبد الله : شافو المساحه كبير واستغلوها ------------------------------------- البنات كانو قاعدين عند حوض السباحه يسولفون وشافو رغد طلعت من الشاليه وراحت خذت بنتها كانت تلعب ودخلت داخل الحقتها فجر ودخلت داخل ورغد توها بتصعد فجر : رغد . . . . يتبع |
أدنبره - المطار - الساعه 9:30 بليل طبت الطياره ودخلنا المطار ونطرنا على ماطلعت جنطة حسين وهاند باقي _ عقب ماخذيناهم طلعنا صوب الاستقبال ماشفنا ابوي نطرنا نص صاعه هم مالقينا احد دقت على ابوي من تيلفون حسين ولا جهازه مغلق و كانت الساعه 10وربع حسين : تعرفين وين صاير شاليهكم بالضبط ساره : اي تقريبا اهوا جادة هاروز بس مادري اي شاليه بالضبط حسين : خلاص بدام تأخر الوقت خل اوصلج هناك ساره : شلون حسين : تكسي , خل نمشي الحين ساره : اخاف ابوي ايي ومايشوفني حسين : صارلنا ساعه واقفين وماييه مشينا بالمطار وحسين راح صوب كوفي وطلبله قهوه حسين : تبين شي ؟ ساره : لا مشكور حسين : ورانا طريج , اكو هناك مطاعم ساره : عندي بطاط بالجنطه وككاوات اكتفا حسين ببتسامه ذوبتني ومشا انحرجت من ابتسامته ,طلنا وماشفنا تكاسي وايد رحنا عند تكسي حسين : Hello, we want to go to the countryside (مرحبا , نريد ان نذهب الى الارياف ) التكسي : Sorry it is late, I can not only within the city ( آسف الوقت متأخر لا أستطيع الا داخل المدينه ) حسين : خل انشوف واحد ثاني كان رد الاغلبيه نفس الشي عشان قطاع الطرق, اكثرهم يطلعون بره المدينه 6 الصبح , ولازم هل جم ساعه نقعد مكان , ركبنا تكسي وصلنا عند موتيل اللي اهوا بس غرف بس حسين مارضا لانه المكان جنه شقق ***** وسكاره , رحنا اقرب هوتيل وهوا تقريبا انظف واكبر شوي يعني 3 نجوم حجزنا غرفه وانا انصدمت حسين : انا بقعد بالرسبشن انتي روحي الغرفه ساره : ماتبي تنام ماتبي ترتاح , ليش ماتحجز غرفه ثانيه وانا اعطيك اجار غرفتي حسين : انتي ماعليج مني , خلي فلوسج وكلها جم ساعه صعدت فوق وكان الساعه 11:30 كانت الغرفه صغيره حيل وفيها حمام لازق الباب بالسرير اظطريت اوخره والزقه بالطوفه عن الريحه , قعت على القنفه وطلعت موبايلي شلت الشريحه والمميموري و قطيت الموبايل قمت طلعت ملابسي وخذيتلي شور طلعت وحطيت راسي ونمت _ شوي ولا أسمع طقت الباب قمت وانا فيني النوووم بطلت الباب ولا حسين حسين : آسف على الازعاج بس بغيت استعمل الحمام ساره : اي عادي تفضل دخل حسين وانا قعدت على القنفه وشوي ولا اسمع الباب يتسكر فزيت ولا انا نايمه ومو حاسه بنفسي وحسين خلص وطلع من الغرفه ولا حسيت , رجعت نمت والساعه ست رديت سمعت طقت الباب وصحيت بس ماقدرت ابطله ادري انه عيني متفخه وشكلي مو شي رحت غسلت ويهي وعدلت شكلي وحسين يطق الباب حسين : ساره كل شي تمام لمن سمعته قال اسمي ياتني نغزه بقلبي ,استانست رحت بطلت الباب وانا مبتسمه ساره : هلا حسين صباح الخير حسين : صباح النور ليش ما تبطلين ساره : بالباثروم << مبتسمه حسين : اوكي ,جاهزه عشان الحين لازم نمشي ساره : خمس دقايق وانزل نزل حسين وانا رتبت جنطتي وحطيتلي كحل داخل عيني ومسكره وقلوس وردي , طلعت من الغرفه ونزلت اللوبي وشفت حسين قاعد على القنفه ومدد ريله على الطاوله ورافع راسه , حسيت انه جذي نام بليل ساره : حسين رفع حسين راسه وكانت حمر , بس تأخرت خمس دقايق غفه شكله مانام عدل , طلعنا بره وشفنا تكسي وقلناله يودينا الارياف وكان السعر شوي غالي , ركبنا وبنص الطريج حسين قال حق السايق يوقف بمكان ناكل فيه , وقف يم مطعم من طقت فرايديز وجليز دخلنا وقعدنا على طاوله حق نفرين ارتبكت حسيت اني مع خطيبي او زوجي شكلنا يقول جذي - حسين حس بارتباكي حسين : اذا اتظايقج قعدتي معاج بطاوله وحده عادي اقعد على طاوله ثانيه ساره : لااااا شدعوه خو احنا بناكل ونقوم << مو عارفه ترقع يابولنه المنيو وانا ماعرفت اطلب مو عارفه شنو اكلهم ساره : مو فاهمه شي حسين : عندهم وجبة ريوق كامله ريوق , بيض وطماط وخبز وعسل وجبن مع صلصات وخضراوات وعصير برتغال ساره : اي اوكي بطلبها طلب حسين نفس الطلب حقي وحقه ,وطول ما احنا ناطرين الطلب ساكتين وبس نتلفت يمين ويسار ونطالع الناس شوي ووصل الطلب , وحنا ناكل اول مره حسين يسولف معاي نصدمت حدي حسين : نفس اكل فرايديز مو ساره : امممم اكل فرايديز احلى حسين : اي صح وانظف , واحسن من هل مطاعم السريعه برجر وماكدونلز ساره : اي حده اللي بخمس دقايق مستويه الهمبرغر اللحم اول مره اشوف لحم خمس دقايق مستوي حسين : يعني اللي فهمته منج ماتاكلين منهم ساره : لا آكل كل ممنوع مرغوب << مبتسمه ضحك حسين على تعليقي , خلصنا من الاكل ودفع حسين الحساب ومارضا ياخذ مني حسابي صعنا التكسي ومشينا مدة ساعه من الصمت ونطالع الطبيعه , سال حسين السايق عن اقرب تيلفون ارضي عشان يدق على مكتب حجز الشاليهات ويسأله عن شاليه اهلي قاله السايق اقرب شي في مدينه ملاهي بس اظرينا نوقف وندخلها عشان اندق _ دخلنا مدينة الترفيهيه وحسين ماشي بطريجه وانا عيوني طايره على الالعاب حسين : ساره عطيني اسم ابوج الكامل ساره : ابوي , ليش ؟! حسين : عشان اعطيهم اسمه وانعرف رقم الشاليه عطيته اسم ابوي ودخل داخل محل يتصل التيلفون وانا واقفه بره اشوف الالعاب وقلبي طاير ابي اركب التفت على حسين وشفت شكله مطول رحت عند اقرب لعبه وقصيت تذكره وكانت قطار يمشي بالعكس راسج تحت وريلج فوق ويمشي بأقصى سرعه ويتقلب وهوا رفييييع تصعدينله دري طويل , ركبتله وانا حدي مستانسشه وخايفه وقمت اصرخ واضحك بهستيريا من الوناسه وكانت يمي بنت انجليزيه اصغيره تبجي , وقف القطار وانا ظليت اضحك تأثير الخرعه نزلت ولا اشوف حسين يم باب المكتب يتلفت وشكله مخترع ساره : حسين حسين كاني حسين : انتي وين رحتي ساره : أأأأأ شفتك مطول قلت اركبلي لعبه وركبت هذي حسين : ماشاء الله انا بحاله وانتي بحاله ساره : حسين بلييييييز بس ابي اركب الجندول مالهم الله يخليك حسين : احنا مو يايين نستانس , حتن ماسألتي عرفت رقم الشاليه ولا لأ ساره : عرفته ؟؟ حسين : اي , b2 يبيلنه ساعه ونوصل يالله لا نتأخر ساره : حسين بليييييييز بس هذي حسين : ساره شوفي زحمه نتأخر يالله طالعته بنظرت ترجي , شوي ووافق , ركب معاي وانا ياتني الحاله وبديت اضحك من الخرعه والظاهر اني عاديت حسين بده يضحك حركت اللعبه وانا وبدت تتحركت وتمشي بسرعه والماي يطشر وتفتر فينا حيل خلصت وانا حدي متحسفه ودي بعد اركب بس حسين نزل وهوا ينظف نفسه ورايح على طول عند باب الطلعه - طلعنا وركبنا تكسي ثاني لانه تأخرنا والتكسي مشا حتن ما خذه حسابه طول الطريج وانا افكر بحسين وبضحكته اللي مافارقتني التفت عليه وهوا بعد كان سرحان ومبتسم - شوي وبدينا نشوف شاليهات الA السايق : I will have to stand here, because I'll have to pay entry fees please complete the road walk ( سأظطر ان اقف هنا , لاني سأضطر ان ادفع رسوم الخول , ارجو اكمال الطريق سيرا ) حسين : لاحول الله , يالله ساره شنسوي بعد نزلنا من السياره وبدينا نمشي . . . يتبع |
الأرياف - الساعه 2:30 البنات قاعدين عند الحوض يسولفون مع هاجر عقب مامشى عبدالعزيز من عندهم روان : ليش وايد تسألين عنه قولي دخل قلبج من اول نظره هاجر : عيب انا عمتج اكو احد يكلم عمته جذي روان : طاع ويهاااا صار أحمر كلهم : هههههههههههههه هاجر << تطقها على جتفها : ماتستحين يالله روحي , والله شكلج انتي اللي متولعه فيه فجر : اي اي صح , لمن ازهار قالت انه قاعد يطالعها ارتبكت وصار ويها احمر وقامت ترجف وروان : وطحت غشيانه وبقيت اموت , بعد جذبي جذبي كلهم : هههههههههههههه بنفس الوقت رغد طلعت ممن الشاليه وخذت بنتها اللي كانت تلعب مع اليهاال ودخلتها داخل قامت فجر والحقتها ودخلت الشاليه وراها فجر << بصوت حاد : رغد رغد : هلا << بدلع فجر : مر ثانيه لي بغيتي تتبلين على الناس اول عرفي عن منو تتكلمين رغد عبالها انه أحمد مكلمها استانست وابتسمت رغد : طقج ؟ فجر : انتي قليت ادب واخوي تفكيره مو وصخ مثلج عشان يطاوعج وايي يطقني او يزفني وانا الحمدلله ماعندي هل سوالف ,كل من يرا الناس بعين طبعه رغد : احترمي نفسج انا متزوجه عيب عليج تطعنين بشرفي فجر : صج اتعرفين العيب ؟ مااظن , كا انتي طعنتي بشرفي أحمد كان بالمطبخ بياخذ الشاي حق الريايل وسمع الحوار كله وخاف اتصير هوشه طلع قبالهم كأنه ماسمع شي , ارتبكت فجر وطالعت رغد من فوق لي تحت ومشت ورغد كملت طريجها , حمد حس من كلام فجر انها صاجه مايدري عشان محتره من رغد قالت جذي . طلعت فجر عند البنات وهيا حاسه انه ظغطها ارتفع اقعدت يم هاجر وهاجر حست انه فيها شي هاجر : بسم الله شفيج توج شحلوج فجر : آآآه مافيني شي روان : الله شالتنهيده حشا تمساح فجر : روانو جبي الماس : ههههههههههه روان : اعجبتج الماس : ادقرتج ههههههههه روان : طاع مالت عبالي عشان قلت تمساح أزهار : فجر اشفيج ؟ روان : قوليلي منو طقاج خل اروح اطقه هاجر : اقول استريحي بس انتي وعبدالعزيز مالج روان : شكوووووووووو مالج انتي فجر : مافيني شي هاجر : ها , ايي توج تردين نسيت اني سألت روان : انا اللي سألت مو انتي هاجر : اي شدراني الله يهداها طولت الاجابه جان طلبتي مساعدة صديق كلهم : هههههه ----------------------------- الريايل عقب ما تغدو وشربو شاي قامو يريحون من عقب تعب الطريج وحتن الحريم الكبار بغرفة الصبيان : محمد : صار هدوء بره ماكو حس فيصل : الظاهر دخلو ينامون نواف : حتن البنات صعدوا غرفهم , تعبنا من الطريج أحمد : وخر خل افرشلي هني نواف : ليش منو بينام على السرير ؟ محمد : عمي هادي سمعوا طقت الباب راح أحمد فتح وشاف فاطمه أحمد : هلا فاطمه فاطمه : هلا , حمد هني ؟ محمد قام من مكانه ووقف يم جنطته يطلع اغراض عشان يصير قبال الباب ويشوف فاطمه عدل أحمد : لاوالله يمكن بغرفته فاطمه : لا رحتله بغرفته مو موجود ولا عمي هادي هني محمد << شور : امبلا بالحمام ياخذله شور فاطمه : خلاص بعدين ارجع له نزلت فاطمه تحت وشافت عمتها أسماء بتصعد فاطمه : عمتي بتيين معانا ؟ اسماء : ليش وين بتروحون؟ فاطمه : بقول حق عمي هادي يودينا السوبر ماركت عشان نجيل البيت أسماء : اييي عاد انا محتاجه اشياء وايد , شوفي انا مابي اروح بكتب ورقه واعطيج ايها تشتريلي فاطمه : اي اوكي نزل عبد الهادي وهوا يسكر جاكيته وشاف أسماء وفاطمه قباله عبد الهادي : ها فطوم يقولون تبيني , بقيتي شي فاطمه : اي عمي ودنا نروح السوبر ماركت نشتريلنا أغراض حق البيت محتاجين اشياء وايد عبد الهادي : اوكي , تزهبوا على الساعه 7 اوديكم وشوفي منو بيروح بعد ؟ فاطمه : ان شاء الله فاطمه طلعت بره الشاليه بتروح عند الحوض لانها نست جنطتها هناك - محمد كان بينزل وشاف عمته أسماء أسماء : فاطمه , وين فاطمه ؟ محمد : جنه شفتها طلعت بره أسماء : عفيه محمد عطها هل ورقه اذا شفتها محمد : اترقمينها عمتي افا , ماتوقعت عندج هل سوالف أسماء : يوز عني شنو بعد ارقمها انا ماارقم بنات محمد : ها عيل ريايل أسماء : هههههه يالله روح عني يالله << ودخلت غرفتها طلع محمد وشاف فاطمه عند الحوض راحلها وستغل انها بروحها عشان يصارحها محمد : قوه فطوم فاطمه << انصدمت : هلا محمد محمد : اممم تذكرين الاجنبي اللي قلتيلي عنه فاطمه : اي صج شصار عليه محمد : رحت الرسبشن وسألت عنه قالولي انه طلع من الفندق الظاهر انه من صارت السافه انحاش , والله يا فاطمه هذا اللي قدرت عليه وانا كنت بنتقملج منه فاطمه : محمد شدعوه هذا اللي الله قدراك عليه والله ياخذ حقي منه بعد لحظة صمت محمد : امممم فاطمه , روان متضايقه مني ؟ فاطمه : متضايقه ؟ لا محمد : امبله كل ماتشوفتني اتعبس في ويهي , اهيااا تحملي مشاعر ؟؟؟؟ فاطمه << تبيه يحب روان : اي محمد : ممكن أسألج سؤال ؟ فاطمه : تفضل محمد : ترضين تاخذين واحد مايرتاحلج وفي باله وحده ثانيه فاطمه : لا , ليش انت في بالك وحده ؟ محمد : اي , وانتي في بالج احد ؟ فاطمه : ليش تسأل ؟ محمد : كا انتي سألتيني وجاوبت فاطمه : امممم لا محمد : شوفي فاطمه روان على عيني وراسي بس ما اتخيل انها مرتي مو ميولي فاطمه : ومنو اللي ميولك ؟ محمد : .......... انتي , انا ماراح اجبرج ولا ابي آخذ وحده ماتبيني فاطمه مصدومه من جرأته ومحمد مسترسل بالكلام وحاس باحراج فاطمه بس مو هامه محمد : انا كبرت ومافكرت بالزواج كلش واللي قدي تزوجو وعيلو , بس والله من شفتج تغيرت فكرتي انتي انسانه محترمه وثقيله وحطي على كلمة ثقيله مليون خط فاطمه : بس محمد وروان محمد : شوفي ان رفضتي عشان روان انا باخذ وحده ثانيه يعني بكلا الحالتين ماراح آخذ روان يعني مايفرق فاطمه : ما ادري ما ادري انا مو مفكره بالزواج الحين وانت فاجئتني محمد : ومن قالج انا ابي الجواب الحين خلي لمن نرد الكويت ايصير كل شي بس بغيت اتعؤرفين من الحين عشان ما اخطبج واندقر قام محمد ومشى وخلى فاطمه بحيرتها , صح انه فاطمه معجبه بشخصيت محمد واخلاقه بس ما فكرت فيه كزوج , قررت انها تقول حق روان عشان ماتحس انها خانتها وخذت اللي اتحبه --------------------------------------------------- صعدت فاطمه وراحت حق منال بتقولها عن الماركت اذا بتروح طقت الباب ومنال طلعتلها وعبدالله كان منسدح منال : اهلين فطوم فاطمه : منال بتيين ويانا الماركت بعد شوي بنروح منال : اي والله بروح مع منو , منو بيوديكم ؟ فاطمه : عمي هادي منال : والبنات ؟ فاطمه : اي بيروحون منال : عيل نطروني شوي وايي فاطمه : اوكي دخلت منال وسكرت الباب وقعدت يم عبدالله منال : عبدالله نايم ؟ عبد الله : لا حبيبتي آمري منال : بروح السوق وياهم ميخالف ؟ عبدالله : اي اوكي بس وين بتخلين اليهال ؟ منال : لا شكلي باخذهم معاي حرام بطلعهم شوي بنفس الوقت دق تيلفون عبدالله وهوا حس انها غدير لانه رقم غريب وحب يظيع السالفه عشان منال ماتحس بشي عبدالله : تعالي شصار على ساره ؟ منال : ابوي بعد شوي بيروح ايبها عبدالله : اها الله اييبها بالسلامه ان شاءالله منال : ان شاء الله و يالله حبيبي انا بروح باااي عبدالله : بايات طلعت منال وخمس دقايق الا رجع يدق نفس الرقم عبدالله : الو غدير << بكامل انوثتها ودلعها : قوه عبدالله << انسطل : هلا هلا والله غدير : عرفتني ؟ عبدالله : اي نعم آمري غدير : منو آنا ؟ عبدالله : صاحبت الجنطه غدير : شكلك مشغول عبدالله : امممم تقديرين تقولين جذي غدير : اها بس بغيت أسألك عن الجنطه عبدالله : المنطقه اللي احنا فيها مافيها جناط ماركه غدير : آسفه بعد عمري شكلي تعبتك والله سوري عبدالله << منصدم من جرأتها : لالا عادي غدير : ماعليه خيرها بغيرها عبدالله : اي اوكي غدير << حست : اوكي اخليك الحين ودير بالك عل نفسك عبدالله << تنهد : اوكي غدير : عاد خل نسمع صوتك اوكيييي عبدالله : اوكي مع السلامه غدير : بااااي سكر عبدالله التيلفون وهوا متنرفز من جرأتها وقلة ادبها وقرر مايرد عليها ان دقت مره ثانيه --------------------------------------------------- بومحمد راح المطار من الساعه 8:30 وووصلت طياره الساعه 9 ونطر ساره تطلع وشاف كل اللي بالطياره طلعو نطرها اكثر وماشاف احد راح حق اقرب كاونتر سألهم عنها وطلعوله كل الاسامي اللي بالطياره واسم ساره ماكان معاهم انصدم بومحمد وظل يفتر بالمطار حاول يدق على عياله على وعسى ساره واصله من زمان بطياره قبل هذي وراحت بس مافي سيرفس بالارياف فقرر انه يرجع ويشوف اذا وصلت هناك ولا لا وبعدها يتصرف وهوا كان بالمطار في طياره اتوها واصله فيها ساره وبومحمد مايدري طلع من المطار ورجع الارياف -------------------------------------------------- عبدالعزيز قال حق أهلا عن اللي صارله بالاستراحه لي راح شاليه بومحمد وعزماه - وابوه واخوه قالوله انه بيروحون معاه -------------------------------------- الصبح الساعه 6 قعد عبدالله على رنة مسج فتح المسج ولا من غدير " امس ماقدرت انام بس افكر فيك حسيت اني ازعجتك ومكالمتي ظايقتك واتمنى انه الصج غير عن اللي في بالي بليز طمني لو بمسج انك مو كتظايق مني ماراح انام ناطره منك مسج " عبدالله : لاحول الله قام غير ملابسه ونزل تحت وشاف بومحمد قاعد على الكرسي ويفكر راح وقعد يمه عبدالله : ها عمي شلونك وشلون ساره ,وينها الحين ؟ بومحمد : .......... شقولج بس شقولج رحت المطار مرتين وماشفتها عبدالله : شلون يعني ماشفتها وينها؟ بومحمد :رحت الساعه 9 ونطرتها لي عشر وماشفتها رديت هني قلت يمكن يات بطياره ثانيه مالقيتها وقبل شوي رحت ولا اهيا يايه بالطياره اللي بس وصلت انا مشيت دورت عليها كل مكان ماقيتها قلت اكيد هل مره يات هني وماشفتها عبدالله : لا حول الله شلون جذي بعد بومحمد : انا بنطر لي بعد ساعه اذاا مايات بروح ابلغ نزل محمد وشاف ابوه وعبدالله قاعدين توقع انه ساره يات نزل وقعد يمهم محمد : صباح الخير بومحمد / عبدالله : صباح النور محمد : ها يبا ساره وينها ؟ نايمه ؟ بومحمد قال محمد السالفه ومحمد اصر انه يروح المطار يدور بس بومحمد مارضا قاله بعد ساعه اذا مايات بيروح ايبلغ ----------------------------------------- ساره وحسين نزلو من التكسي وبيكملون مشي وتقريبا المسافه نص ساعه وكان السكوت حليف بينهم بس ساره حست بالملل وقررت اهيا تبدي بالسوالف ساره : حسين حسين : هلا ساره : مشكور على كلشي انا تعبتك معاي حسين : ولو مساويت شي هذا واجب ساره : الحمدلله انه مو اسامه اللي يابني ولا جان ظعت حسين : اي والله لو اسامه اهوا اللي ييه معاج جان ماوصلاج حق اهلج انا عارف نيته وحنا مندمجين بالسوالف شفنا سياره اوقفت التفتنا ولا محمد وبومحمد واحمد وعبدالله رحت ركضت بحضن ابوي ابجي وهوا حظني حيييل بومحمد : وينج اني وينج خبصتي قلبي عليج شصار يا حبيبتي كنت ابجي حيييل وماقدرت اجاوب على ابوي محمد حاول يوخرني عشان بيحظني ماخليته كنت مستحيه حسين يشوفني وانا ابجي وحسين كان منزل راسه ويرفس الصخر ركبت مع ابوي السياره بومحمد : منو هذا وشسوالج ليش تبجين ساره : لا يبا لاتظن فيه بالعكس والله خوش واحد لو مااهوا جان انا ظايعه بنفس الوقت محمد راح حق حسين محمد : السلام عليكم حسين : وعليكم السلام محمد : امممم ممكن اعرف منو انت وشسالفه بومحمد : خل عنكم الكلام هني تعال تفضل معانا الشاليه وهناك نعرف كل شي ركب حسين معاهم وراحو الشاليه واول ماوصلو شافت ساره كلهم متيعين بره الشاليه ومن اول مانزلت كلهم هجوم عليها اللي تحظنها واللي تبوسها واللي واللي تبجي بومحمد : اخذوها ودخلو داخل دخلو الحريم والريايل دخلو الصاله وقعدوا وظيفوا حسين عصير بومحمد : شنو اللي صار بالضبط حسين : ساره كانت بتيي هني بروحها بدون القروب لانه ظل بجلاسكو وانا اصلن كنت بيي ادنبره عشان باخذ سهادتي قلت اوصلها بالطريج نطرناك بالمطار ماييت اظطرينا ناخذ تكسي عشان انا اييبها بنفسي بس ولا تكسي رضا يطلع بوقت متاخر من المدينه وقعدنا بأدنبره محمد : وين قعدتو بالضبط حسين : بفندق محمد : نعم وبصفتك منو تقعد معاها بفندق هذي مساعده اتسميها..... حسين : لو سمحت خلني اكمل كلامي والحمدلله انا عارف شلون اتصرف حجزت حق ساره غرفه وانا نمت باللوبي بومحمد : محمد لاترك عنك العصبي وكل شسي راح نعرفه من ساره محمد قام وراح حق ساره وهيا كانت مندمجه بالسوالف ترويلهم مغامرتها قعد محمد يمها ولفها صوبه محمد : شصار بينج وبينه ؟ ساره : محمد شقاعد تقول مو معناته اني مع واحد بروحي يعني سويت شي غلط ام محمد : يا محمد لاتشك بأختك لو مسوي شي غلط جان ماوصلها لي هني عند اهلها فاطمه : اي صح لو في شي بينهم صار مايقدر ايواجه ابوها واخوانها محمد عقب كلام فاطمه وامه اقنع قام ودخل عند الريايل وشافهم يسولفون ويضحكزن عرف انه طاح الحطب . . . يتبع |
رد محمد دخل على الريايل وشافهم يسولفون ويضحكون عرف انه طاح الحطب - بعد شوي استأذن حسين عشان يلحق على الجامعه بس بومحمد حلف عليه يقد يتغده معاهم بومحمد : انت طاق هل طريج عشان تقعد عشر دقايق وتروح لا والله ماتعودت ارد الجميل جذي ماتروح الاوانت متغدي حسين : والله يا عمي اذا قعدت اتغدى مااستفدت شي الساعه 1 الظهر يخلص دوام الجامعه بومحمد : خلاص مايبيلها حل باجر روح الجامعه واليوم بات عندنا انت ظيف محمد : باجر انا بنفسي اوديك الجامعه أحمد : الله اليوم عندنا ظيفين بعد لاتنسون عبدالعزيز حسين ك لاتحجرجوني ماابي اكلف عليكم بوحمد : لا كلافه ولا شي هذا اقل شي نسويه عشانك اصروا على حسين يقعد وقالوله عن سالفة عبدالعزيز وقعد يضحك على تشابه الموقف - ساره فوق مع البنات وقعدت ترويلهم اللي صار بالتفصيل لانه في اشياء ماقدرت تذكرها قبال امها وعماتها وقالتلهم عن ابتسام وحركاتها فاطمه : سارو امانه ماخفتي بروحج مع واحد غريب ساره : تصدقين عاد ما ادري ليش كنت واثقه فيه اشد الثقه والله والله لو نايم معاي بنفس الغرفه واثقه الف بالميه ماراح حتن يلتفت صوبي روان : شدعوه شدعوه الرسول قال اي ثنين يختلون مع بعض الشيطان ثالثهم ساره : بس مو حسين فجر : استغفر الله شمسوي فيج اللي جذي مقدسته ساره : مو عن مقدسته بس احس وااااااايد محترم واحس ورا هل الاحترام سر ماادري ليش روان : ساروووووو لايكون حبيتيه ساره نزلت راسه وياتلها البجيه سكتت لانه اي كلمه بتطلع منها راح تبجيها روان : لابالله البنت عشقت , شفيج تحجي كلها يومين شصار فاطمه : انتي تقولين كلش كان محترم ومايعطي ويه شلون تعلقتي فيه جذي ساره << نزلت دمعتها : ما ادري بس حاسه انه اهوا مو لي فاطمه : حبيبتي انتي جمال واخلاق والكل يتمناج واظن انج اثبتيله هل شي ويمكن اهوا بعد يكن لج مشاعر والدليل انه ماخلا اسامه ايي معاج , الا اذا كان يحب وحه ثانيه هذا شي ثاني ساره << ياتها نغزه بقلبها : ها ...... يحب , يعني تتوقعين جذي روان : وليش لأ ويمكن مخلص حقها عشان جذي مايفكر يطالع غيرها فجر : شوفي الحين اهوا عندنا لاتحكمين الا لمن تشوفين اللي راح يصير وبعدين يصير خير روان : ساره تعالي نتمشى شوي بره الجو اليوم حلو -------------------------------- حزت الغدا وصل عبدالعزيز وابوه واخوه بومحمد : حيا الله من يانه بوعبدالعزيز : الله يحييك وخليك بومحمد : توه مانور البيت بوعبدالعزيز : تسلم منور باهلا بومحمد : شلونك عبدالعزيز شعلومك عبدالعزيز : بخير دامك بخير بومحمد : تفضلو تفضلو عبدالعزيز : دام فضلك دخلو وقعدوا بالصاله وفتحوا الباب الزجاج يطل على بره والجو كان ربيعي وحلو وبدت السوالف والتعارف وحطوا الغدا وعقب الغد ام عبدالعزيز كانت مسويه حلو حق بيت بومحمد ونساه عبدالعزيز بالسياره راح اييبه وشاف روان وساره متسندين على باب السياره ومندمجين بالسوالف ساره : روان احس الموقف حده صعب لو انتي بمكاني شتسوين ؟ عبد العزيز : احم احم روان وساره التفتو وظلو يطالعونه ويطالعون بعض مو فاهمين روان : هلا اخوي آمر عبدالعزيز << مبتسم : مايآمر عليج عدو بغيت افتح السياره وخرو وهما مبتسمين وحدهم منحرجين وساره تسأل روان منو هذا - عبدالعزيز استغل الموقف وحب ياخذ ويعطي مع روان خذه صينية الحلو من السياره عبد العزيز : تفضلي روان مصدومه وتطالع ساره ماتدرين شلون تتصرف ساره : شنو هذا عبدالعزيز : هذي نقصه من الوالده حقكم روان : الله يعطيها العافيه ماقصرت عبدالعزيز : ان شاء الله تعجبك وتعجب اهلك مشى عبدالعزيز وروان مستغربه شمعنى قال تعجبها اهيا ساره : منو هذا وشسالفته معاج روان : منو هذا ؟ هذا ساعدنا لمن كنا بالاستراحه وابوج عزماه على الغدا بس شسالفته معاي ماادري دخلو داخل وعطو ام محمد الحلو وقالولها من ام عبد العزيز وام محمد استانست وايد - عند الريايل استأذن عبدالعزيز وابوه وقالو حق بومحمد انه ماينسى باجر الغدا ويقول حق الحريم بعد بليل الكل كان بغرفته ساره طلعت من غرفتها بتروح تقعد مع امها شوي وشافت حسين جنه تايه ومظيع ساره << مبتسمه : حسين بقيت حسين : هههه الصراحه ظيعت ما ادري وين غرفة الشباب ساره : أخر الممر اللي قبل الأخيره حسين : مشكوره , امممممم ممكن بس قلاص ماي ماعليج امر << ماسك بإيده بطاط ساره : حسين شكل مو متعشي صح حسين : لا عادي مو يوعان ساره : لا تقول مو يوعان ادري انك مستحي تعال معاي اسويلك شي خفيف تاكله حسين : لالا بس ابي ماي ساره : تعاااال حسين لحق ساره وهوا مبتسم دخلت ساره المطبخ وهوا قعد بره يم الباب في كراسي وساره سوتله سندويج وصبتله عصير طلعت من المبخ ووقفت يم الدريشه اللي اهوا قاعد تحتها بالضبط وشافته ماسك موبايله وفاتح المسجات ويبطل واحد ويسكره ويبطل اللي وراه طلعت حقه وحطت الصحن قباله وهوا دخل الموبايل بجيبه ساره : سوري انا اخليك عشان تاخذ راحتك حسين : لا عادي قاعد اقلب بالمسجات بس ساره : اوكي اذا احتجت شي لاتتردد اخنا اهلك حسين : امممم والله ساره منحرج منج بس مافي تيلفون ارضي هني ساره : لا والله اقرب نيلفون عمومي يبيله مشي او سياره حسين : اي لازم اروح لاني كنت مسكر الموبايل وشكلها زوجتي داقه من هناك وانا ماادري . . . يتبع |
الارياف - الساعه 9 بليل طلعت ساره حق حسين وحطت الصحن قباله وهوا دخل الموبايل بجيبه ساره : سوري اخليك عشان تاخذ راحتك حسين : لا عادي قاعد اقلب بالمسجات بس ساره : اوكي اذا احتجت شي لاتتردد اخنا اهلك حسين : امممم والله ساره منحرج منج بس مافي تيلفون ارضي هني ساره : لا والله اقرب تيلفون عمومي يبيله مشي او سياره حسين : اي لازم اروح لاني كنت مسكر الموبايل وشكلها زوجتي داقه من هناك وانا ماادري ساره << مصدووومه : نعععععم ؟ << بحده حسين << اخترع : شفيج؟ ساره : لو سمحت اي شي تبيه محمد موجود << هدته ومشت حسين : ساره انا آسف اني طلبت أشاء وايد بس والله ما امون على احد غيرج وانا محتاج تيلفون ظ...... ساره : بس بس حسين انت حلاتك ساكت حسين << تنرفز : ساره كلميني عدل تراني محترمج ساره دخلت الشاليه وراحت المخزن وسكرت على نفسها الباب تبي تختلي بنفسها ساره << ميته بجي: آآآآآآآآآآآآه ياربي ليش صارلي جذي لييييييش .......... حبيتك والله حبيتك شنو ذنبي ............... آخ ياربي ..................ياربي يالله راح انساه ياربي اجبر بخاطري ياربي تساعدني على نسيانه ............. مومصدقه اللي سمعته صدمني صدمنييييييييي .............ليش انا حظي جذي خلاص راح انساه الريال متزوج قامت ساره وطلعت من المخزن وشافت حسين ليلحين قاعد بره صعدت الغرفه وقررت انه تنساه وماتتكلم بموضوعه مع اي كان - ادخلت الغرفه وقطت نفسها على الفراش وماسكه نفسها عشان ماتبجي فاطمه كانت نايمه وحست فيها لمن دخلت فاطمه : سارون فيج شي ساره : هـئ بس بنام فاطمه : اوكي تصبحين على خير ساره حقرتها ونامت وفاطمه حست بشي بس سكتت عنها ونامت - الفير الساعه 5 ساره قعدت على صوت البنات وشافت منال قاعده اتقعدهم حق الصلاه ساره قامت توضت وصلت لمن خلصا كانو كلهم قاعدين يسولفون على سرايرهم وحستى انها مالها خلق تقعد معاهم - يات بتطلع فاطمه : ساره وين ؟ ساره : شويه وايي << وطلعت روان : امبي شفيها ؟ ألماس : اعرفها ساره اذا سوت جذي يعني متظايقه فاطمه : اي حدها- الله يعينا فجر : بنات لاتظايقونها وتسألونها خل اهيا بروحها تتكلم نزلت ساره وطلعت الحديقه وقعدت على كرسي على شكل ديرفه فوقه مظله ومجابل الشارع قعدت تفكر بكلمته ( زوجتي ) "من صجه ولا بيختبرني ولا يتغشمر وااااي ولا شنو مو مصدقه عشان جذي ثقيل ومايعطي ويه .......آآآآم مااقول الا الله يوفقه - تذكرت اول مره شافته بالمطار تذكرت حركاته وشلون كانت خايفه منه اهيا وهند قامت تضحك على نفسها , تذكرت لمن غشا عليها واول مافتحت عينها اهوا في ويها مبتسم , تذكرت لمن قال حق اسامه لأ انا اللي اروح معاها , معقوله هل انسان متزوج صعبه حيل صعبه سرحت ساره وماحست بالوقت يمر سمعت صوت محمد وراها التفتت ولا تشفوه مع حسين ومبين انه بيرد العاصمه قامت بتدخل لانها ماتقدر اتشوفه وهيا تدري انه مو لها بس اتذكرت انها لازم تشكره على اللي سواه لانه صج تعب معاها - مشت لي عنده ومحمد كان يحرر السياره وحسين واقف بره السياره يحط جنطته بالدبه ساره : حسين حسين << التفت لمن شافهاو ابتسم : هلا , لحظة الوداع ها ساره << بكل جديه : مشكور على كل شي واسفه تعبتك معاي حسين : ماسوينا بالعكس فرصه حلوه اني تعرفت عليكم ساره : اوكي مع السلامه حسين : وانا آسفه اذا بدر مني اي قصور او ظايقتج بشي وهوا يتكلم شاف محمد بينزل من السياره عطا ساره علبه صغيره وركب السياره وهوا مبتسم وساره مصدومه وخشت العلبه بسرعه بمخباتها محمد : ها خلاص مشينا حسين : مشينا ساره : محمد دير بالكم من الطريج وحاول اتيي قبل لا تظلم الدنيا محمد : ان شاء الله يالله مع السلامه ساره : حافظكم الله حركت السياره وساره قلبه يعورها ودها مايروحون دمعت عينها لمن شافت السياره طلعن من سور الشاليه وقالت بنفسها ياللي خذيت قلبي هاته قبل لا تروح - تراك فيه محفوظ ياخلي من اقبلت وانا حب قلبي مطروح -عيونج خشمك كلك تهلي عندي وصيه ياماخذ القلب بجروح - تكفى لاتجرحه أكثر ولا لا تخلي .................................................. .....................(تأليفي - استبرق ام علاوي ) دمعت عينها غصب عنها مسحتهم بأيدها ودخلت داخل وحطت ايدها بجيبها بتاخذ كلنكس وحسن بالعلبه يات بتطلعا شافت ابوها نازل بومحمد : صباح الخير ساره : صباح النور بومحمد : شمقعدج من فير الله ساره : صليت شفت محمد وحسين رايحين قلت اسلم عليهم بومحمد : ايييي ان شاء الله كل واحد يوصل مكانه بالسلامه , تره عقب الغدا في شاليه بو عزيز بنروح مدينت الملاهي لا تأخرونه قولي حق البنات ساره << تذكرت : صج يبه , وناسه صعدت ساره وهيا مستانسه دخلت غرفة البنات شافتهم نايمين وظاق خلقها شافت الساعه 6 ونص راحت نامت على ماايي موعد الرحله - الساعه 11 يات ام محمد الغرفه تقعد البنات عشان يتزهبون حق شاليه بوعزيز ام محمد : يا بنات قعدوااا , ماتبتروحون تستانسون روان : خالتييييي طفي اللييييت ام محمد : وانتو كله مخربين علينا الطلعه وكل مكان لازم رايحين متأخرين يالله قوموا يالله ساره : يماااا توني نايمه عفيه سكري الليت سحبت ام محمد الكنابل واللي عصبت واللي تتأفف - دخلت عليهم عمتهم هاجر هاجر : شنو محد قام , وخري وخري انا اعرفلهم , روانو ان ماقمتي .... رفعي راسج رفعت روان راسها ولا تشوف قلاس ماي فوقها فزت من الفراش وهيا تصرخ خلتهم كلهم يلتفتون ولمن شافو القلاس كل وحده قامت من فراشها خايفه هاجر : اي جذي البنات الحلوين يطاوعون ساره : اووو عمتي هاجر : ويعووو ياللي انتي اول وحده تدشين الحمام ساره : انا شكو روان قامت اول وحده << خذت اللحاف بترد تنام هاجر : انا ييييييت التفت ساره ولا بويها طشار ماي شهقت ونطت من مكانها ساره : عمتييييي وخرييييي والله اقول حق ابوي الباجي نحاشوا اللي تلبس واللي دشت الحمام واللي تمشط شعرها ساره نحاشت بره الغرفه وهاجر اشتغلت مراقبه على البنات بغرغة منال , منال كانت قاعده تلبس عيالها وعبدالله قاعد يربط خيط جوتيه منال حست بهزاز تيلفون التفتت وشافت تيلفون عبدالله يمها على الكومدينه منال : عبدالله موبايلك يرن ارتبك عبدالله وقام بسرعه خذا التيلفون ولا غدير دازه مسج "" ماادري اصبح ولا امسي بالخير , يومك كله خير : ) " اتنرفز عبدالله وسكر التيلفون وكمل لبس وطلعو من الغرفه وشافو الكل جاهز ركبو السياره وراحو شاليه بوعزيز الحريم دخلو عند الحريم والريايل عند الريايل - وطبعا عزيز قال حق امه واخته عن روان من اول مادخلو وامه واخته يحاولون يصيدون اسم روان سلموا وقعدوا والحريم صارو سطره والبنالت صارو سطره ثانيه الجازي : حيا الله من جانا منال : الله يحيج تسلمين الجازي : والله اخوي يمدح فيكم ومستانس منكم منال: والله اخوج اهوا اللي فيه الخير والبركه اللي ساعد امي والبنات الجازي : من اللي كان مع امك منال : اختي هذي وبنت عمي اللي هناك الجازي المحت ساره وعلى وصف عبدالعزيز انه روان وااايد حلوه توقعت انها ساره ابتسمت لها وساره ردت الابتسامه الجازي : ما تعرفنا عليكم منال : انا منال وهذي اختي ساره والماس وفجر الجازي : والنعم << عرفت انه مو روان ساره / فجر : ينعم بحالج منال : وهذيلا بنات عمي فاطمه وازها ومرت اخوهم رغد الجازي : تشرفنا فاطمه / رغد : بمعرفتج تسلمين منال : وهذي روان بنت عمي الجازي : ما شاء الله قمر وانتي ماعندك خوات روان : لأ انا وحيده الجازي : لا ان شاء الله مب وحيده كلهم اهلك وحنا بعد نصير اهلك اذا تبغين روان : مشكوره تسلمين الجازي : انا الجازي الكبيره متزوجه واختي غزلان الحين هيا بالمطبخ شوي وتشوفونها مو متزوجه رغد : والنعم فيج وفي اختج الجازي : ينعم بحالك تسلمين يا الغلا دخلت بنت طويله بيضه شعرها اسود ناعم وتمشي بدلع والكل كان يطالعها جنها عارضة ازياء سلمت على وحده وحده وصوتها مايبين من النعومه ومن دخلت عطرها وصل لي آخر الصاله وصلت عند البنات وسلمت عليهم وقعدت الجازي : هذي غزلان اختي الصغيره ساره : ماشاء الله اسم على مسمى غزلان : تسلمين يا قلبي هذا من ذوقك ندمجوا بالسوالف وحطوا الغدا وتغدوا وحزت الجاي والحلو طلعوا بره فرشولهم وقعدو ام عزيز : اجل هذي روان ام محمد : روان ؟ اي ام عزيز : والله عبدالعزيز يمدح فيكم وبأخلاقكم وكرمكم ام محمد : ماعليه زود , اهوا راعي الكرم ماشاء الله انقذنا من موقف صعب ام عزيز : ويمدح بأدب بناتكم وتربيتكم ما شاء الله ام محمد << فهمت السالفه تقريبا : الحمد لله ربيناهم على الدين والستر ام عزيز : اجل انتي ام روان ؟ ام محمد : لا والله روان يتيمه الام وانا مثل امها واكثر ام عزيز : يا عمري الله يخليكم حقها وخليها لكم ام محمد : مشكوره ماتقصرين ام عزيز : والله يا ام محمد ودي بروان لعبدالعزيز مره ماراح نلقا شرواكم روان تفاجأة وهاجر عطتها قره محترمه خلتها تفرك بمكانها ام محمد : نتشرف احنا فيكم اهل ونسبان بس لازم ناخذ راي ابوها ورايها ام عزيز : اكيد اكيد حنا موب مستعجلين اخذو راحتكم والزواج مو قصب اذا في نصيب خير وبركه اذا مافي اهم شي تعرفنا عليكم ام محمد : صاجه والله والله معرفتج تسوى الادنيا ظلوا الحريم يسولفون فاطمه نادت روان وراحوا يمشون بعيد فاطمه : امبي روان كلام ازهار صج لمن قالت كان يراقبج روان : وييي ماقتلج عيل لمن كنت انا وساره نتمشى بره وعطانا الحلو اللي مسويته امه قالي ان شاء الله يعجبك ويعجب اهلك << تتكلم سعودي فاطمه : وييييي الاخ معجب واحنا ماندري روان : عاد ما شاء الله خوش واحد والله شكله ريال بمعنى الكلمه فاطمه : روانو لايكون موافقه روان : وليش لأ فاطمه : ومحمد ؟ روان : اوووو ذبحتيني بمحمد خلاص انسي انسي محمد كانت غلطه بحياتي غلطه اني حبيته فاطمه : مو عشان تنسين محمد توافقين على اي واحد روان : عبدالعزيز مو اي واحد سوا اللي غيره ماقدر يسويه فاطمه : روان عادي تتغربين وتعيشين بالسعوديه روان : تره السعوديه مو بعيده وشوفي الشباب كل ويك اند رايحين لها يوميين ورادين جنا رايحيين الفريج اللي يمهم وانا راح اشرط انه كل ويك اند على الاقل لو ويك اند وترك ايي الكويت فاطمه : روان بقولج شي روان : شنو بعد فاطمه : تره محمد قالي انه وده يخطبني روان << تفجأة :............ الله يهنيكم فاطمه : وانا رفضت روان : فطوم انتي شقيج خذيتيه ولا ماخذيتيه ماكو شي بيتغير انا ابي عبدالعزيز فاطمه : وباجر لي شفتيني مع محمد..... روان : لا تكملين , حالج حال منال وعبدالله حالج حال رغد وحمد حالج حال اي اثنين متزوجين ولا تنسين انه راح اكون انا مع عبدالعزيز , اقولج وافقي وتوكلي اخذي واحد يحبج احسن لج من واحد ماتدرين عنه فكرت فاطمه بكلام روان وحست انها تطمنت وتقدر تاخذ محمد وهيا مرتاحه - طلعوا من بيت عبدالعزيز وهما راكبين السياره طاحت عين عبدالعزيز بعين روان وروان انحرجت ونزلت راسها وخدودها حمرت فهم انه امه تكلمت بالموضوع وستانس بمدينة الترفيهيا كانو بقمت الوناسه من لعبه لي لعبه - ساره تذكرت حسيبن وهيا تركب قطار الموت وابتسمت فجأه تذكرت العلبه وانها نستها بالجاكيت - عقب مانزلو من قطار الموت منال داخت وطاحت عليهم عبدالله رش على ويهها ماي وقعدها وماخلاها تلعب بالعاب ثانيه - راحو عند قلعة الرعب ودخلوها وهما يركضون بنص القلعه تضايعوا فاطمه والماس صاروا بروح وظيعوا الطريج وكانت المناظر تخرع والاصوات , شوي ولا يشوفون ظل واحد ياي من وراهم صرخوا وقامو يركضون شافو الطريج قبالهم مسدود عرفوا انه دخلو مكان غلط الماس قامت تبجي وفاطمه فيها بجيه بس قاضبه نفسها شوي لا يبين اللي ياي اهوا محمد راحت الاماس بسرعه وحظنتا وهيا تبجي ومحمد يضحك على اشكالهم فاطمه مسحت عينها بسرعه قبل لا تطلع دمعه محمد : فطوم خرعتج الماس : بقينا نموت من الخرعه محمد : اسف والله ماكنت اقصد اتفاجأة انكم ماتدرون انه انا حاولات اناديكم بس انتو قاعدين اتصرخون , خلاص حصل خير ماكو شي يخرع اوكي الماس : الحين وين باب الطلعه محمد <تنرفز : انتي سكتي شوي فاطمه << مبتسمه : اوكي اهم سي انك معانا محمد طار من الفرحه ومشا معاهم لي باب الطلعه يمشي يم فاطمه والماس وراه ماسكه بلوزته خايفه - خلصو من الالعاب وكانو بيطلعون ردت منال داخت وطاحت وصحوها وودوها اقرب عياده وفحصوها وطلعت حامل صارلها 3 اسابيع وهيا ماتدري عبد الله اتشقق من الوناسه جنه اول حمال حقها والكل قعد يبارك لها - ردو الشاليه وهما مستانسين ومحمد وصل وقعدوا مع بعض ومرت ايام السفره بسرعه ورجعوا الكويت ----------------------------------- بشقة منال عبدالله : منال حبيبتي انا بطلع شوي وراجع زهبي العشا منال : اوكي طلع عبدالله وغدير كانت مأذيته وايد بمسجات العتب وهوا وايد تضايق منها ومايبي منال تحس بشي خصوصا انها حامل راح اقرب محل تيلفونات وشراله خط ثاني وقطع الخط الاول وعقب مارجع الشقه وهما قاعدين على السفره عبدالله : منال انا تره شريت خط ثاني منال : ليش؟ عبدالله : قطعوا خطي عشان علي مكالمات وانا رايح ادفع شفت خطوط حلوه قلت مره وحده اغيره منال : عاد الكل متعود على الرقم القديم عبدالله : يمعوده كلها مسج اقولهم عن الخط اليديد --------------------------------------------- عبدالهادي تناقش مع روان على خطبتها من عبدالعزيز واقتنع بس اذا عبدالعزيز وافق على شروطه والحمدلله عبدالعزيز وافق على كل الشروط وتحددت ملجة روان وفاطمه بنفس الاسبوع وروان عرسها بعد 4 اشهر وبيسون حفلتين وحده بالكويت ووحده بالسعوديه وفاطمه ومحمد قررو انه يسافرون بدال الحفله وعقب مايرجعون بشهر محمد بيرد يكمل دراسته بلندن وبياخذ فاطمه معاه تكمل دراستها بيوم عرس روان كان الكل منبهر بغزلان اخت عبدالعزيز والكل كان حاط عينه عليها اللي حق ولدها واللي حق اخوها وبالخير صارت من نصيب فيصل ولد عمته اسماء وهما طالعين من العرس وكانوا المعاريس بيركبون اللموزين ساره كانت قاعده تصورهم بتيلفونها وفجأه المحت واحد من بعيد قاعد بالسياره يتكلم بالتيلفون طالعته عدل ولا حسين شوي ولا يركبون معاه 3 حريم واتوقعت انه مرته معاه ويمشي اتظايقت وايد لمن شافته مع مرته وفجأه تذكرت العلبه لمن رجعت البيت قعدت تدور عليها مالقتها راحت حق الجاكيت اللي كانت لابسته بالسفره وحطت ايدها بالجيب وجاست العلبه استانست فجتها ولا فيها ورقه صغيره مكتوب عليها رقم موبايل استغربت معقوله يكون رقم حسين دقت على الرقم حسين : الو ساره " اهوا امبله نفس الصوت نفس النبره حسين : الووووووووووو ساره : الو حسين : ............... ساره اخترعت ساره لمن قال اسمها ماتوقت بسرعه عرفها حسين : شلونج ساره : لاتفهمني غلط والله ماادري انه هذا رقمك داقه اتأكد رقم منو معطيني.......ز حسين : يعني لو عرفتي انه هذا رقمي ماراح تدقين ساره : ها ........... ماادري حسين : بعد شلونج ساره : حسين انت ليش معطيني الرقم ليش تخون زوجتك حسين : ههههههههههههههههههههههههههههه هههههههههههههههههههه مشت عليج ساره : شنو حسين : انا كنت بتأكد من اللي في بالي ومالقيت الا هل طريقه ساره : اللي في بالك ؟ شنو ؟ حسين : ليش دمعت عينج وعصبتي لمن قلتلج زوجتي ساره : الحين شنو يعني متزوج ولا لا حسين : يهمج ؟ ساره : ..................... حسين : .............. لي متى نظل ساكتين ساره : خلاص روح حق مرتك حسين : ان شاء الله يصير عندي مره ساره : يعني مو متزوج حسين : لا مو متزوج , اكيد قاعده تقولين بنفسج الحمد لله ساره << ظحكت قصبن عليها وقضبت الضحكه : لا حسين : وانا بعد احبج ساره << بطلت عينها: انا ماقلت احبك ساره : اخخ توقعت تحبيني صج دقره ساره << ماتبيه يفهم انها ماتحبه : لا انا ماقلت جذي حسين : رسينا على بر ساره : انا الحين اخليك ابوي يناديني حسين : اوكي , ان شاء الله اسمع صوتج مره ثانيه ساره : امممم ماادري عقب ماسكرت ساره التيلفون ضحكت بهستيريا من الوناسه ومكالمه وراها مكالمه وتعلقت فيه حيل وتقدم لها وخطبها وابوها على طول وافق لانه يعرف معدنه زين عقب اللي سواه بالسفره وتزوجوا وعاشوا احلى عيشه وحسين صارحها انه حباها عشان الفرق اللي بينها وبين ابتسام ----------------------------------------------- ابتسام صدقت كلام اسامه وسوت كل اللي يبيه وهوا يواعدها انه يخطبها وآخر شي قطاها على صخر منال يابت بنت وماتدري عن اللي صار مع غدير وعبدالله وعبدالله نسى غدير من شاف بنته فجر تزوجت جاسم رفيجها ورغد اسمعت من ناس انها ماخذته عن حب بس وقتها لي فات الفوت ماينفع الصوت احمد : تزوج سمر خطيبته اللي خطبها قبل السفره الماس صارت كاتبه وروائيه معروفه وتزوجت دكتورها بالجامعه وهوا اللي شجعها على هل شي روان الزواج والعيال نسوها محمد وطيبة عبدالعزيز خذت قلبها فيصل وغزلان محسودين انهم احلى واسعد زوجين وينظرب فيهم المثل تــــمـــــــــتــ |
ان شاء الله عجبتكم الرواية بكره ان شاء الله اخلي حنووو تحط تحميلها بأول الصفحه |
| الساعة الآن 06:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية