|
الفالودة ,, الحلى الإيراني البارد والمنعش ,, هنا لعيونكم ,,
جبت لكم طريقة الفالوووودة ,,, وهي من الحلوياات الإيرانيه اللذيذه جدا ,, وتريح المعده ,, ولها بروووده عجيبه ,, مع انج بعد التحضير تحطينها في الثلاجه مو الفريزر ,, لكن فعلا تحسين بالانتعاش لما تاكلينها ,, تشبه الكاسترد ,, بس أخف وأحلى ,,, والحين اخليكم مع الصور والطريقه ,, 4أكواب ماي حاي + مقدار 5 سم من خيوط الأغار أغار ,, أو خيوط الفالوده ,, وهذا الأغار أغار للي مايرفه ,, هو جيلاتين في الإصل ,, http://www.liilas.com/up/uploads/liilas_13142732781.jpg ونتركها على النار تغلي الى أن تختفي الخيوط ويصبح الماي غليظ شوي ,, ممكن نخليه مدة ربع ساعه ,, لن الفالوده يبي لها وقت الى أن تذوب ,, http://www.liilas.com/up/uploads/liilas_13142717891.jpg في قدر آخر ,, ( 9 أكواب ماي + 20 م ط حليب بودرة + 3 فنجان سكر ) نحرك الحليب لما يذوب وبعدين نحطه على النار الى أن يغلي ,, بس نحاسب لا يحترق الحليب ,, http://www.liilas.com/up/uploads/liilas_13142717892.jpg نروح للفالودة ونتأكد انها ذابت ,, ومافي أي أثر لها ,, واهم شي نتركها تغلي وتنتهي الربع ساعه ,, نضيفها على الحليب ,, من خلال مصفاة ,, ونترك الخليط يغلي مع التحريك لمدة عشرين دقيقه تقريبا ,, وهذي نقطه مهمه ,, والا ماراح تجمد الفالوده بالثلاجه ,, فيس التهديد ,, هههههههه آخر شي وعلى حسب الرغبه ,, ممكن نضيف مقدار نص كوب شعيرية الزهور الذهبيه ,, بعد مانكسرها ونخليها خيوط صغيرة ,, ونتركها تغلي مع الحليب مدة خمس دقايق ,, نطفي النار ,, والحين نضيف للفالوده شراب الورد ,, اللي بيعطينا اللون الوردي الحلو والناعم لها ,, وريحة الورد الحلوووه ,, روووعه ,, فيس يعشق اللون الوردي ,,, http://www.liilas.com/up/uploads/liilas_13142727721.jpg ضيفي تقريبا فنجان ,, لا تكثرين عشااان ماتطلع غامقة وحالية جدا لأن الشراب مركز ,, انا اقعد أضيف لما أوصل لدرجة اللون اللي ابيها ,, http://www.liilas.com/up/uploads/liilas_13142727722.jpg صبي الفالوده في أكواب أو كاسات ,, ودخليها الثلاجه حتى تجمد ,, مدة 2 - 3 ساعات ,, http://www.liilas.com/up/uploads/liilas_13142727723.jpg قدميها واستمتعي بالطعم الغني والبروده الحلووه في هالصيف ,,, http://www.liilas.com/up/uploads/liilas_13142727724.jpg ملاحظه مهمه .. أهم خطوه انج تخلين خيووط الفالوده تذوب زين ,, ولما تضيفينها للحليب ,, تتركينها تغلي المدة المذكوره سابقا ,, وممكن تستبدلين الماي والحليب البودره بالحليب السائل ,,, مع تمنايتي لكم بتطبيق ناجح للطريقه ,, * _ * هههههههه |
هلوول الله يسلم الايادي
الفالوده اعتقد هي نفسها الالماسيه و اذا توفرت لي خيوط الالماسيه ان شاء الله اجربها وكل الشكر لس يا عيوني تتحفينا بكل جديد ومفيد فديتج :) |
يعطيج العافيه شكلها شهي دايما اطباقج ذوق الله يوفقج انشاءالله |
اقتباس:
أم رنا ,,,, هلا بج يااااعمرررري ,, جربيها ,,, ترى بدووون مبالغه ,, رووووعه ... الشكر لله ... |
اقتباس:
شكرا فدااااني ع المرورررررر الله يعاااافيج يااارب ,,, تحيااااتي لج ,,, |
يعطيك الف عافيه هلوله صراحه الطبق حيل عاجبني دائما اشوف شراب الورد بالمحلات بس ما اعرف وش يسوون فيه وقبل امس شفته بمحل الطواحين والحين يوم شفت موضوعك تحسفت اني ما شريته صراحه يجنن وطبق اول مره اشوفه مميز فعلا ولونه يشعي بس وين اشتري شريط الجلاتين لاني من زمان ادوره اذا احد يعرف يعلمني يسلمو ايديكي وان شاء الله اجربها |
اقتباس:
أهلييين لطوووووفه ,,, نورررتي,,, شرااااب الورد ,, استخدمه في أشياااء كثيررره ,,,, في شراااب الكركديه ,, وفيه حلا اسوييه بشراااب الورد ,, وهو عباااره عن بسكويت دايجستيف ,, تغطسينه بالحليب شوي وتصفينه في صينيه ,, وبعدين في الخلاااط ,, قشطه و8 حباااات كيري أو فيلادلفيا ,, دريم ويب وبيالة شراب الورد ,, وبس ,, وتصبينه فوق البسكويت ,, وبعد فيه شراب الرمااان ,, أحطه مع عصير الرمااان ,, يعطيه لون حلو وطعم أحلى ,, تشررررفت بمرووورج يالغااااليه ,,, |
صباح الورد
اممم الفالوده اذا هي الماسيه فانا اعرفها باكياس او ظروف بودرة اما غير كذا مااعرفها يمكن لها اسم ثاني مااعرفه >>> فيس الاستفسار احلى شي انها ملونه >> فيس يعشق الالوان وباردة مع هالجو الحلو الله يبرد عليك وعلينا و يعطيك الف العافيه هالتو |
يسلمو هلولة ياقلبي شكل الفالودة يفتح النفس ومغري شراب الورد جربته وهو حلو كثير لانه مركز وريحته بعد حلوة بس عجبتني طريقتك واستخداماتك المفيدة له والحلا بعد جدا سهل وحلو اذا توفرت الاشياء عندي راح اجربها
بس عندي استفسار كأنك قلتي شعيرية ذهبية ماعرفت ايش المقصود فيها هل هي نفسها الشعيرية الباكستانية او غيرها فيس يحك راسه ومحتار ههههههههه هلولة الله يهديك انتي وهموس مالقيتو تنزلون البوارد الا وانا ممنوعة منها الكنج تبعي عامل علي حصار صحي ومتابع لكل شي يدخل بطني خصوصا انو من امس تحولت الافلونزا الي نزلة معوية خخخخخخخخ حركات ماادري شكله مابيخلص الشهر الا انا هيكل يمشي على الارض هههههههه |
تسلم الأيادي هاله
شكله طعم وكمان جاي في وقته مع الحر نبرد شوي يعطيك العافيه |
هلوووله ..
اممممممممممممممممممممم ماجد جربتها<<فيس ما يجرب ف الاكل خخخخ تسلمين حبيبتي بعد جاري التطبيق ان شاء الله |
تسلم الأيادي
احنا نعملها بدون الحليب ونسميها الماسية بس راح اجربها واستمتع بطعمها |
اقتباس:
أهلين شوشو ,,, على حسب كلام ام رنا ,, انها هي الماسيه ,, الله يعافيج ياعمررري ,, نورتي ,,, |
| الساعة الآن 01:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية