منتديات ليلاس - خبز التورتيللا الملون ,, لعيونكم آل ليلاس ...

خبز التورتيللا بالألوان ,,

استخدمي للقياس الكوب والملاعق المعياريه ,,,

2 كوب حطين ( الكويتي الفاخر ) + 3/4 كوب حليب بودرة + 2 م ط زيت ( ملعقة الشوربه ) + 1 م ك bb + 1 م

ك ملح + ماء للعجن ,, تقريبا مقدار كوب معياري إلا شوي ,,

تعجن المقادير في العجانه ,, جيدا ,, الى ان تشوفينها ما تلصق في جوانب العجانه ,, وتكون طريه ,,, و اذا كانت

العجينه لينه شوي وتلتصق في الإيد ,, زيديها شوية طحين مع حليب بودره ,, اخلطيهم مع بعض وزيدي شوي

شوي ,,

غطيها بالنايلون الشفاف ,, واتركيها ترتاح ,, نص ساعه ,, ثم اخبزيها ,,

لعمل التورتيللا باللون الأخضر ,, في الخلاط كوب ماء مع شوية بقدونس أو سبانخ طازجة ,, وومكن تستخدمين

الفلفل الأخضر ,, تصفينه بمصفاة ناعمه ,, أو قطعة شاش ,, نبي الماء فقط ,, ونعجن فيه العجينه بدل الماء ,,

نفس الشي يالنسبة للون الأورنج ,, نعمله من الجزر ,, البعض يستخدم الكركم أو ممكن تحطين مع العجينه

أعشاب ايطاليه ,, مثل الأوريجانو والحبق ,, او الشبت ,, لعمل تورتيللا بالأعشاب ,, بس لا تكثرين ,,

http://www.liilas.com/up/uploads/liilas_13139173911.jpg

http://www.liilas.com/up/uploads/liilas_13139173912.jpg

ملاحظه ,, ترى المقادير شوي ,, يعني اذا تبين كميه ضاعفي المقدار ,, أو سوي لكل لون مقدار ,,

تحشينها بالحشوة اللي تبينها أو تسويين فاهيتا الدجاج ,, أو البيتزا ,, بالعااافيه ,,

أي سؤال ,, انا موجوده ,,,,