منتديات ليلاس - المطبخ الهندي .. حياكم ياليلاسين

منتديات ليلاس (https://www.liilas.com/vb3/)

- بووليود (https://www.liilas.com/vb3/f453/)

- - المطبخ الهندي .. حياكم ياليلاسين (https://www.liilas.com/vb3/t165682.html)

Samosa

http://www.liilas.com/up/uploads/liilas_13127128822.jpg

مقادير العجينة:
كوب ونص دقيق , ملعقتين زيت ,
ملعقة كبيره عصير ليمون , ملعقه صغيره ملح , مويه على حسب العجينه

مقادير الحشوه :
حبة بصل مشوحه مع 3 فصوص ثوم مع حبة بطاطس مقطعه مكعبات صغار ومقليه + جزر مبشور+ ملعقه
صغيره كاري , نص ملعقه صغيره كمون وبقدونس وكزبره وملح وفلفل اسود ونحمسهم مع بعض..

الطريقه :
- نخلط مقادير العجينة ونضيف المويه شوي شوي لين ماتصير معانا عجينه متماسكه لينه ,
نعجنها شوي ونغلفها بكيس نايلون ونتركها شوي ع جنب
- بعد ماترتاح العجينة لمدة بسيطة نقسمها الى كور صغيرة ( بحيث كل كورة نسوي منها سمبوستين )
ونفرد كل كورة بسمك رفيييع ثم نقص الدائرة نصفين ..النصف الواحد على شكل حرف D
نلف كل نصف بشكل قمع وتغلق من فوق وتقلى ..

Spicy Tandoori Cauliflwer

http://www.liilas.com/up/uploads/liilas_13127128823.jpg

المقادير:
زهره وسط , تتبيلة التندوري: ( كوب زبادي , ربع م ص بابريكا
ملعقتين ك زنجبيل وثوم مهروس , ملعقتين ك بهار تندوري مسالا , ملح , ملعقتين زيت )
ربع ملعقة صغيرة كركم , حبتين بصل وسط مقطعه شرايح , ملعقة صغيرة كزبره بودره
نص ملعقة صغيره قارام مسالا ، رشة فلفل احمر

الطريقه:
- نسلق الزهره 3 دقايق ونطلعها في مويه بارده , بعد ماتبرد نجففها ونحط عليها خليط التندوري وندخلها الفرن
- ونحمرها من فوق بس , نحمس البصل مع البهارات لين يذوب ونحطها حول الزهره..

Curry Chicken

http://www.liilas.com/up/uploads/liilas_13127136461.jpg

المقادير:
صدور مقطعه مكعبات , زيت زيتون ,حبتين بصل مقطعه مكعبات,ملعقه كبيره ثوم وزنجبيل مهروس
حبة فلفل اخضر حار ملح ,ملعقه صغيره من الكركم والكمون والكزبره ,ملعقه كبيره كاري , ملعقتين صلصه
كوب كريمه ، ربع كوب مويه ,كزبره خضرا للزينه

الطريقه:
- نحمس البصل والصدور مع الزيت زيتون واذا تغير لون الدجاج نضيف الثوم والزنجبيل والفلفل الحار ونخلط
- نضيف البهار والصلصه والمويه والكريمه ونخليه على نار هاديه لمدة ساعه ويزين بالكزبره ..

Skillet Murgh

http://www.liilas.com/up/uploads/liilas_13127136462.jpg

المقادير:
دجاجه مقطعه ثمان قطع , ملعقه كبيره كزبره حب ,ثلاث بصلات مقطعه شرايح , ثوم مهروس (15 )فص
ملعقه كبيره زنجبيل مبشور ,حبتين طماط كبيره مهروسه ,نص فنجال صلصه ,ملعقه صغيره فلفل احمر بودره
ملعقه صغيره كزبره بودره ,ملعقتين صغيره ملح ,نص ملعقه صغيره قارام مسالا ,حبة فلفل اخضر بارد مقطع شرايح
ملعقه كبيره قشطه ,كزبره خضرا ,حبة فلفل اخضر حار مقطع شرايح ,قطعة زنجبيل مقطع شرايح

الطريقه :
- نحمص الكزبره الحب عالنار بس يتغير لونها شوي على طول نشيلها ونطحنها طحن خشن ونخليها على جنب
- عالنار نشوح البصل لين يشقر, نضيف الثوم ونقلب مدة دقيقه ونضيف الزنجبيل المبشور والكزبره المطحونه خشن والفلفل الاحمر البودره
- نضيف الدجاج ونقلبه على نار عاليه مدة عشر دقايق لين يتغير لونه ,نضيف الطماط ونطبخه معاه مدة خمس دقايق
- نضيف الملح والقارام مسالا ونخليه على نار هاديه مدة عشرين دقيقه ,بعدها نضيف الصلصه والكزبره الخضرا

والفلفل الاخضر الحار واعواد الزنجبيل والفلفل البارد والقشطه ونقلب مدة ثلاث دقايق ونطفي النار عنه..

Vegetable Jalfrezi

http://www.liilas.com/up/uploads/liilas_13127136463.jpg

المقادير:
نص زهره كبيره , حبة جزر
ربع ملعقه صغيره كركم , ملعقة زيت
نص بصل مقطع مربعات كبيره
ملعقه صغيره زنجبيل ,ملعقتين صغار ثوم مهروس
حبة طماط مفروم, ملعقه صغيره صلصه
ملعقه كبيره كزبره حب , ملعقه صغيره قارام مسالا , ملح
نص فلفل اخضر بارد مقطع مكعبات, نص كوب بازيلاء مثلج
حبة طماط مقطع مكعبات كبار
شوية عصير ليمون

الطريقه:
تسلق الزهره والجزر في مويه وملح وكركم مدة 3 دقايق ونطلعها ونحطها في مويه
بارده , في قدر نحط الزيت والبصل والزنجبيل والثوم, بعد مايذوب البصل شوي نحط
الطماط المفروم والصلصه واتركها دقايق,نضيف الفلفل البارد والبازيلاء والزهره والجزر
ومع اضافة كل خضره نحرك عشان تختلط النكهات, احمس الكزبره الحب لما يتغير
لونها شوي بس بعدين اطحنها واضيفها عالخضره ونحط القارام مسالا ورشة ملح واخر
شي قبل التقديم نحط الطماط المقطع وعصير الليمون..