|
حصريا للمصريين
المرة دي يا جماعة معلش موضوعي خاص للمصرين بس وكمان لكل اللي عايز يزور مصر انا عملت محاوله بسيطة لاكبر 3مدن من مدن الجمهورية وجبت اماكن اللي بتباع منها الرويات القديمة زي الاعداد 1و2 واللي بقت نادرة خلاص بس هي للتبديل يعني مش جديده بس هي بحالة ممتازة يعني انت تجيب قصصك وهو يديك من المحل اللي عنده وكمان فيه قصص اجاثا كريستي وفلاش ومجلات ميكي وماجد ومجلات توم وجيري وكتب سلاح التلميذ وجميع الكتب الخارجية بس يمكن الطبعة القديمة شوية ده غير كتب محترمة زي قصة حياة جيفارا وانور السادات والكتب الاجتماعية والطبخ والمشغولات وكتب كتير روعة بس ده اللي لحقت اشوفه بس عن نفسي لاني بقدر قيمة الكتاب بعرف انو مفيش حاجة اسمها قديم وجديد كله حلو وبنستمتع بيه وبنمتع غيرنا خاصة اللي ما يقدر ميزانيته تسمح بقراءة الاعداد الجديده كمان ده غير ان الاسعار رخيييييييييييييييييييصة جدا القصة الصغيرة يعني الاعداد من 1-100 بنصف جنيه (تقربا 20 هلله سعودي) والاعداد الكبيرة والخاصة بجنيه (75 هلله سعودي) مهما كان العدد جديد والاماكن هي كالتالي
القاهرة :- سوق الازبكية مليان قصص ورويات وكتب لجميع الاعمار الاسكندرية :- ودي بقى اللي انا ساكنة فيها يعني اي حد عايز الوصف الدقيق يبعت لي رسالة وانا اقوله لكن على العموم هي في شارع السلطان حسين وتجيله من محطه الرمل وهو شارع كامل من الكتب الكتيييييييرة اوي والقصصص وفيه كمان اجاثا كريستي بنفس السعر ومجلات ميكي وماجد واللي انت عايزة باسعار بجد رمزيه وهم بحاله ممتازة فعلا المنصورة:- شارع الثانويه فيه كشكين كل واحد متخصصص فيهم وبرد\ك بنفس السعر بس الراجل بتاعهم في قمة الغتاته استحملوه زي ما استحملته لحد ما تخدوا اللي انتم عايزينه واخيرا يا رب اكون فتكم ولو فيه اي استفسار انا مستعده لها في الردود او في رسالة والله يوفقكم في اللي تريدونه |
السلام عليكم لاااااااااااا كده مش حلو .... طيب واللي مش مصريين يعملوا إيش .. زي حالاتي ............ أنا باعرف سوق الازبكية ......... سمعت عنه بس المحل اللي قلتي عليه في عندنا مثله و نروح نشتري و نبادل عنده صحيح معندوش روايات كثير هم شويتين بس يعدوا ......... يالا يا مصريين ......... تعالوا بقى وقولوا لنا |
هههههههههههه
طيب بسم الله انا ما فهمت دا تجمييع للاماكن بمصر اللي بتبعي الكتب والاعداد النادره باسعار رخيصه ولا علي مستوي عالمي يعني فهموني لو علي مصر انا من القاهره الجيزه تحديدا واقدر اقولكم اماكن درر يعني علي سبيل المثال لا الحصر سور السيده زينب دا ملتقي الادباء والعباقره وبائعي كل ما هو قديم وناااااااااااااادر واعداد اصليه من سلسة رجل المستحيل وغيرها ملف المستقبل ب نص جنيه القصه والاعداد الكبيره بجنيه الا الاعداد الجديده اللي لسه بتنزل بتكون بنص سعرها الاصلي مهما يكون سورالسيده زينب تحت المترو مباشرة يعني تركب المترو من وين ما تكون وتنزل محطة السيده زينب واسال عن سور الكتب كمان سور محطه رمسيس برضه بالمترو انزل محط العتبه وتلاقي امامك شارع كاااااااااامل من الكتب كل صنف ولون اه زمان كا التحرير الله اعلم دلوقت ايه شارع عبد المنعم رياض ومتفرع منه 3 شوارع محمله بالكتب وبائعي الكتب عند جروبي والعبد خخخخخخخخخ معلش المصريين هما اللي هيعرفو الاماكن دي يا عهوووود كمان بقا المحلات الخاصه والدكاكين يعني كتيييييييير وفيه محلات متخصصه بس للتبديل خاصة الاعداد النادره اللي هيه الاوليه وعادة بتكون لغاية رقم 15 بالهرم والجيزة اللي عايز شيئ محدد يبقي يسالني بدل ما اقعد ارص اسامي محلات وما ننسي معرض القاهره والله انا مره جبت منه مجموعه نزار قباني كاملة بطبعه فخمه محترمه قديمة شويه صحيح لكن رووعه ب اربعه جنيه ههههههههههه يعني اقل من 3 ريال كمان مصر القديمه والحسين البائعين هناك ما شاء الله طبعا اخص بالذكر ههههه عم نعمان دا اشعر بائع كتب بالقاهره اي عدد مهما كان نااااادر او مش موجود بس تليفون ويقولك تعالي استلم لكن عم نعمان بمزاجات يعني يوم رايق وعشره لاااا هههههههه حسب الحاله النفسيه وسور الجامعه (جامعة القاهره) وسرايا عابدين وسورالجيزه عند موقف الباصات يا جماعه الاماكن كتير ما شاء الله مصر ام الكتب خخخخخخخخ واي خدمات او معلومات خاصة بالكتب انا موجوده |
اعلم 3 اماكن فقط لا غير و لكنهم ليسوا بتلك الروعه التي تتحدثون عنها
سور الكتاب-السيده زينب سور الازبكيه-العتبه معرض القاهره للكتاب و للعلم كل الاعداد تكون موجوده و جديده ايضا في فرع المؤسسه العربيه الحديثه بالفجاله و لكن طبعا الاسعار مرتفعه بعض الشيء عيب اول مكانين انهم يبيعون الكتب رخيصه و لكن في نفس الوقت مستعمله و رديئه و ليس عندهم كل شيء عالعموم الفجاله بها مكاتب كثيره للكتب و تباع جديده و كل الاعداد و ايضا شارع شريف بوسط البلد و سيتي ستارز ايضا به متجر تحفففففففففففه بكل المقاييس و كتب راقيه جدا و كل اللغات و يوجد ياضا مكتبه دار الافق بشارع حسنين هيكل متفرعه من عباس العقاد كلها اماكن رائعه و الاخطبوط العملاق معرض الكتاب الذي يعتبر ملتقي لكل هؤلاء:peace: |
السلااااام عليكم
هوووووبة اللهلووووبة ما خلت مكاااان الا قالته ...دودة كتب صحيح....ههههههه معنديش اى اضافة و كمااان اسكندرية دة مكانى المفضل للتبديل و الشراء انا مش عارفة الاستطلااااع على ايه ؟؟؟؟!!!!!! حد يفهمنى احسن الواحد صايم و فهمه على اده ههههههههه |
اسف جدا و لكن في الاستفتاء الخيار الثاني لا اعرفها و افضلها
كيف يفضل الانسان شيء لا يعرفه! ارجو تعديل الاستفتاء:lol: |
انا الللى اعرفه سور السيده زيينب لى راجل هنااااك حبيبى وكمان العتبه وكمان عم نعمان خخخخخخخخخ
اما فى راس البر فى هناك محل راااااااائع هو اينعم الاسعار غاليه حبتين بس كل الكتب جديده واعداد رائعه ونادره |
آه صحيح يا أخ الشبح كلامك أوكيه
هو التصويت على أماكن بيع الروايات في مصر ...... و هانعدل الخيارات إن شاء الله |
مساء الخير يا جماعة
متجمعين في الخير دايما الامكان دي فعلا كويسة وبتبيع الكتب باسعار جيدة و في اوقات رخيصة اعرف معظمها اللي في القاهرة بحكم سكني واللي في الاسكندرية بحكم زيارتي الدائمة لها تسلمي على الموضوع يا عسل وعلى المعلومات الجديدة اللي اضفتيهالي انت والاعضاء الحلوين رمضان كريم عليكم يا شباب |
السلام عليكم و رحمة الله ما شاء الله كفيتوا و وفيتوا انا اعرف معظم هذه الاماكن بحكم انى كلما خرجت للتسوق اتجه مباشرة لاى محل كتب او معرض كتب و الحمد لله عندنا وفره فيهم فيه كمان فى شارع الجمهوريه فى المنصوره دار المعارف فيها كتب قيمه و جانبى فى شارع السكه الجديده فيه مكتبه قديمه انما فيها حاجات نادره و قيمه دا غير الكنج الكبير مكتبة الصحافه دى ممكن تلاقى فيها اى كتاب يخطر على بالك اتعاملت معاها كثير خاصة لما اكون محتاجه كتاب او روايه معينه بوصى صاحبها و هو يدور عليها و الحقيقه عمره ما كسفنى دايما يلاقى طلبى حتى لو اتأخر شويه فى البحث تسلمو على المعلومات رمضان كريم |
اقتباس:
نورت الموضوع يا عهد بس انا حطيته للمصرين علشان هم اللي يعرفوا الاماكن دي وبعدين غيرهم يقول فين مكانه اللي بيشتري منه الكتب وانا اغير اسم الموضوع ونعمله تجميعه لاماكن بيع الكتب والقصص والروايات اصل الصراحة الشارع اللي بشتري منه في اسكندريه فيه حاجات كتير والبايعين يتمنوا اللي يشتري بس ما فيش لا 2 او3 بس فقلت الواحد يعم الفائده للناس يمكن ما يكونوش يعرفوا انو فيه حاجة زي كده وبعدين ما تزعليش الموضوع الجاي اعملك حصريا لليمنيين ولا تزعلي فيس بيموت من الضحك |
اقتباس:
تسلم ايديكي يا عسل اللي كتبت المشاركة المفييييييده دي انا علشان ما اعرف شيئ في القاهرة فانت كده كملت الموضوع على الاخر وانا عمري ما تصورت ان الكميات دي من الاماكن موجوده في محافظة واحده بجد انا استفدت كتييييييييييييير من المشاركة بتعتك والله يجزاك الف خير على الافاده مع محبتي فرسان مصر |
اقتباس:
اولا يا استاذ جوست فعلا الاماكن اللي انت ذكرتها كلها صحيحه بس هي بتبيع الجديد وانت عارف ان اسعار الروايات اليومين دول اصبحت بتنافس في سرعة ارتفاعها المفاجئ ارتفاع اللحمة وعلشان كده جبت اماكن اللي بتبيع قديم علشان يفضل السعر في المتناول على طول وان كان لا باس بهذه الاماكن كاضافة جميلة وجديده للموضوع ثانيا وده الاهم انا معرفش ليه بس يا استاذ جوست احنا دايما مختلفين في الراي بالنسبه لمشاركتك التانيه اللي بتقول فيها ازاي الواحد يفضل حاجة ما يعرفهاش فده شيء عادي جدا فانا لو ما كنتش اعرف ان فيه زي هذه الاماكن لاي سبب (وانا كنت كده فعلا لعهد قريب )بس لما سمعت عنها حبيت فكرتها على طول وفضلت ما عرفش مكانها فترة كبيرة ومع ذلك كنت حباها وحبه فكرة التبديل ذات نفسها ولما عرفت الاماكن طبقت الحب ده عملي ففعلا ما اعرفش حضرتك مش فاهم ايه وبالمناسبة انا احترمت تغير انسه عهد للاستفتاء فمغيرتوش تاني لكن لو ما كانتش غيرته كنت فهمت حضرت قصدي ايه وسبته زي ما هو لاني شيفاه واضح جدا ارجو ان يكون اختلاف الراي لا يفسد للود قضية |
اقتباس:
اولا شرفت الوضوع يا انسه دول بالنسبة للاستطلاع على ايه فانا حبيت ان اعرف هل الموضوع مفيد لاعضاء المنتدى اد ايه فحطيت الاستفتاء ده وهو ببساطة هل انت كنت تعرفي الاماكن دي قبل ما تقراي عنها في المنتدى ولا لا ولو كنت عارفاها فهل كنت تحبي تدخليها وتشتري منها ولا لا بس هو ده الاستفتاء مع محبتي فرسان مصر |
اقتباس:
شرفت الموضوع يا انسة لامي بس كان يريت تكتبي مكان واسم الشارع اللي في راس البر علشان الكل يستفيد ويبقى الموضوع عام لكل مناطق الجمهوريه لكل اللي عايز اسعار على الاد ومش غاليه ياريت تقولي لنا في مشاركة تانيه التفاصيل دي ولكي كل الشكر مع محبتي فرسان مصر |
اقتباس:
تسلمي على الرد العسل يا عسل ورمضان كريم عليكي وعلينا اميييييين مع محبتي فرسان مصر |
اقتباس:
تسلمي لي انت على المعلومات القيمة دي يا عمري..........انا جدتي واهل امي كلهم من المنصورة ولما بنروح هناك هموت والاقي مكان واحد بس يبيعها ولما لقيت الراجل اللي تعاملت معاه ده كان مكشر وفضولي ووحش اوي بس خلاص بعد مشاركتك مش هيشوف وشي انا عرفت اخيرا فين الاماكن الصح فيس متشكر جدا .. تسلمي على المعلومات الرائعة |
بجد شكرا على المعلومات دى كلها
انا مكنتش عرفة الاماكن دى خالص مع ان انا فى القاهرة بس كلها للاسف بعيدة عنى قوى ده فى المكان اللى عندى فضلت ادور كتير على مكتبة بتبيع كتب والحمد لله لقيت بس بتبيعهم اغلى من الاسعار اللى بتقولوها مع ان الكتب مش جديدة قوى يعنى ومرة تانية بشكرك يا فرسان |
السلام عليكم أختي في البداية أنا لازم أعتذر إني غيرت الخيارات .. كان لازم استشيرك في الأول لأنك انتي كاتبة الموضوع أنا اللي غيرته كان حجم العنوان ول ونه عشان يكبر و يبان أكثر ........... بس لو حابة أرجعه قولي لي و أنا أرجعه لك معلش ..... |
أنا بجيب من السكة الجديدة في المنصورة
|
اقتباس:
و تلك الاماكن صحيح الاسعار فيها مرتفعه لكن الكتب ايضا تليق باتلك الاسعار و نظيفه و كل شيء يتوفر تقريبا لاحظي اختي اني ذكرت النقيضين و الاولويه للمشتري بعد ذلك يختار الانسب له اقتباس:
اقتباس:
اقتباس:
اقتباس:
اقتباس:
ارجو الا اكون قد ضايقتك اختي العزيزه و السلام عليكم و رحمه الله و بركاته |
السلام عليكم
فرسان بصراحة الموضوع مهم خصوصا للناس اللى ميعرفوش اماكن انا اعرف الاماكن اللى قولتوها و كمان عندى اضافة انا من القاهرة و كمان المحلة الكبرى فاعرف فى المحلة مكتبة طلعت قنديل ممتازة و عندها كل حاجة برضة تبادل |
اقتباس:
NO COMMENT |
السلام عليكم
أنا جربت معرض الكتاب وهامووووووووووت واروح سور الازبكية عديت عليه مرة مع الاهل ومش عرفت ادخل اشوف كنت خلاص هاعيط اهئ اهئ بس في مكان كمان أنا باستمرار هناك كشك عند محطة حلوان بالمترو الراجل اللي هناك خلاص تقريب بقينا اصحاب ههههههههههههه الكتب هناك رخيصة وحالتها جيدة جدا اللي عايز وصف أنا موجودة |
| الساعة الآن 09:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية