|
هاله اسمي / هلا هلا والله وشرفتينا بس بما أنك سعوديه ماتحسين أنك أجحفتي بحقهن جميع نساء المعمورة فيهن الجميل والقبيح والمملوحه على قولتنا ماتكلمت عن الجماااال او اجحفت بالجمال السعودي فانا منهم شلون بعيب عليهم انا تكلمت على نقطه معينه واتوقع انه توضحت قبل بردي الثاني وراح تزيد الدهشه عندك لما أقولك أني أعرف سعودي يراجع عندي في القسم هو وبناته وبناته شقر وعيونهم عسليه وأصل الام والاب سعودي صميم وش رايك العائلة الي ذكرتها شعرهم اشقر مائل للاصفر ولا بني فاااااتح فيه فرق وانت قلت عيونهم عسلية مو خضراء او زرقاء واذا قلنا فيه ممكن الجد الاكبر او الجده مو سعودين وانا اعرف عايله جمالهم اجنبي وبعدالتفحيص والتدقيق طلعت جدتهم تركيه وحياك الله في كل وقت ولا يهمك كل شوي ناطه بحلوقكم |
مشكور اخوي قمم على الدعوه
اول شي كنت اسمع زمان ان اثنين اذا جاو ما توقف في وجيهم الموت والزواج الموت شي مفروغ منه والزواج على كثر ما خططوا شباب وحطوا شروط ومواصفات نادر واقل من النادر انهم يحظون في زوجات مثل ما يبون شاب من اقاربي كان حاط مواصفات لزوجة المستقبل واصبح الولد مشهور ومعروف بين الجيران والاقارب بشروطه ولماتزوج كانت زوجته عاديه جدآ حضرت حفل زواجه وقالت لي وحده من المعازيم ام الوليد كنت عارفه ان فلان ماراح يلقى شروطه الا في بنت من المريخ المضحك با الموضوع انه بعد سنوات من زواج الشاب زوجته بنفسها قالت لي ام الوليد سبحان الله زوجي يكره البنت الي شعرها طويل وهو كان من ضمن شروطه با الماضي ان الي بيتزوجها شعرها طويل ورديت عليها قلت سبحان الله مثل ابو الوليد يكره البنت البيضاء الشقراوخصوص اذا عيونها ملونه يحسها اعوذبالله جنيه القناعات بعد الزواج تختلف للبنت والولد الي على البر سهل انه يتشرط لكن بعد العزم يتغير نا قشت اخواني في المواصفات الي يتمنونها بزوجاتهم واحد قال اهم شي عندي عقلها وتفكيرها موشرط جميله يكفيني يكون شكلها مقبول والا الجمال مع الايام بتعود على شكلها واحد قال لا والله اهم شي عندي الجمال ما يحتاج انا افكر عنها جزاها الله خير مانبي فلسفه تدخلات الاهل با الخطبه انا اتكلم عن مجتمعي الي انا فيه كل شي من تحت روس الحريم الشوفه والخطبه وتفاصيل العرس علشان كذا المشاكل من فضل ربي قليله بين الحريم يعني اذا في تدخل ما يحتاج يكفي كلمتين هذي اختياركم والكلمه هذي مثل العصى السحريه على طول تهدي الموقف الاستقلال با السكن لزوجين الجدد يعطي مجال اكبر لتفاهم ويقلل المشاكل المشاكل تنبع من التدخلات الخارجيه في حياة الزوجين وام الزوج اذا حطت في بالها انها بتدخلها بحياة زوجة ولدها بتنكد عليه حياته ولدها اغلى ماعندها ولا تزوج الا يبي يرتاح ليش القلق الي ماله داعي الموقف الي ينبلع تبلعه والي ما ينبلع تنبه عليه با اسلوب ارشادي صحيح ماهو تحريض وزرع مشاكل في بيت ولدها وتفكر الف مليون مره ان كل الي تسويه بزوجة ولدها بيرجع على بناتها اما ام الزوجه الي تبي بنتها تعيش بسلام لا تسأل ولا تدقق ليش والا وش سويتوا واهل زوجك وش عندهم تخلي مركب بنتها يمشي مشكور قمم الاعالي مشكور زاهر على الموضوع الي جدآمهم |
صباح الخير
يعطيكم العافيه على الموضوع اللي فعلاً مهم النقاش فيه اول شي احب اقول لإخت هلا انه عندنا كثيير الشقر والعيون الخضرا والزرقا بجماعتنا وهم سعودين اب عن جد << الا اذا كان بجدود جدودهم << ماادري ماقد سمعت.. وبالنسبه لموضوع الزواج والمشاكل والشروط اللي تصادفه اكثر شي كان ابوي رافضه زواج القرابه كان يوقف بوجه اي زواج بالعايله يكون فيه قرابه ومايرضى الابعد اقناع وواسطات..بس كان يرضى بالاخير << فديته.(^_^) عوااااافي |
اقتباس:
طيف الاحباب مشكورة على أثراء الموضوع برايك الحقيقه مثل ماقلتي في البدايه النصيب مافيه أحد يقدر يرده وياليت كل الامهات والخالات رايهم مثل رايك يعطيك العافيه |
اقتباس:
القمري ماشاء الله على الوالد الحقيقه والدك مصيب في عدم تزويج القرابه لاني زواج القرايب دايما ماتعصف به المشاكل من بدية الخطبه وحتى الزواج القمري رايك نورنا تسلمين |
| الساعة الآن 03:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية