منتديات ليلاس

منتديات ليلاس (https://www.liilas.com/vb3/)
-   القصص القصيرة من وحي قلم الأعضاء , قصص من وحي قلم الأعضاء (https://www.liilas.com/vb3/f484/)
-   -   خلف مدارات القمر (https://www.liilas.com/vb3/t163771.html)

منصور السديري 30-06-11 10:09 AM

خلف مدارات القمر
 

ربما كانت الأيام تمر سريعا دون رجعه ولكن بقيت

لي ذكريات لم ولن أنساها حول قمري وخلف مداراته


المكان / قرية تبعد عن الرياض 150 كيلو

الزمان / 1384هـ






ذهبت باحثا عن لقمة العيش بعد أن ضاقت بي السبل التي أصبحت صعبه جدا خاصة لرجل في مثل

ظروفي بيت ,,,,أسرة زوجة وطفلان ,,,,أب كهل ,,,,وأم عجوز

لا تستطيع خدمته نفسها

ذهبت كما أفعل كل عام لأعمل في تخزين التمر

أو كنزه كما يقولون العامة من أهل هذه القرية

حمد: مرحبا وشلون أقدر أخدمك ياخوي

فارس : أنا جاي أشتغل في كنز التمر

اللي يصير كل سنه هنا وياخذون الناس بالأجرة

وين الرجال اللي يجمع العمال ما لقيته

حمد: أيه قصدك جبر

فارس : أظن أسمه كذا

حمد : أقلط عندنا وان شاء الله ما تعّين ألا كل خير أقلط يا رجال

فارس : ماله داعي ياخوي ابى أحتريه في الظلّه لين

يجي

حمد: لاوالله ماتحتريه ألا عندي وقبل تكلم علي الطلاق أن تروح معي

فارس : خلاص مادامك حلفت تم والله يقويك

حمد: تسلم يالله تفضل

فارس: تسلم

ذهبت مع الرجل الى بيته لم أكن أعلم أن لي قدراً يطل براسه يبشرني أن هناك فرحاً قادماً

يملأ أركان حياتي ويبشرني بمستقبل لم يكن

أكبر طموحاتي يرتقي له

حمد: تفضل المجلس قدامك والمحل محلك بروح للاهل يحتسونا بقهوة وغداء

فارس: تسلم وكثرالله خيرك وجعلك على المدات قوي

حمد: ماسويت ألا الواجب يارجال اقلط

دخلت ذالك المكان الضيق المكون من أربعه جدران من الطين وسقف من العريش

أستويت في جلستي تلك وقدم صاحب المكان با الضيافة

حمد: حياالله ضيفنا وشلونك

فارس: الله يحيك ويبقيك الحمد الله بخير من الله

حمد: ياهلا والله بالضيف عسى متاعبك المشداد والمنزال

فارس : تسلم وجعل عمرك طويل وترى أسمي فارس

حمد: الله يحيك يافارس من ممشاك لملفاك

فارس: تسلم ياخوي

حمد: تقهو ياخوي

فارس : كرمت

حمد: الهمام عجلو بالغدا

فارس: ياخوي ودي أسألك والله منحرج

حمد: أسأل يالاجودي مافيها شئ

فارس: أشوفك ماعلمتني عن كنز التمر فيه السنه هاذي والا لا

حمد: فيه أن شاء الله بس الرجال اللي تسأل عنه

توفى قبل شهر وان طعت شوري دور لك محل رزق مهوب هنا

فارس : أفى ليش

حمد: فيه تاجر بنى مصنع هنا يشتري التمر

ويكنزه ويبيعه واللي يبون العيش عليه واجد يمكن ما يحتاجك

فارس: لاحول ولا قوة ألا بالله ماقصرت ياخوي والله يحّرم شيبانك على النار

حمد: بقول لك شئ رح له يمكن الله يعجل برزقك عنده

فارس: تسلم بس وين مكان المصنع بروح له

حمد: بآخر الديرة وياضيف الرحمن سامحنا على القصور

فارس : ماقصرت ورايتك بيضاء

ذهبت إلى حيث أخذتني قدماي وأنا أفكر

ماذا أفعل لو لم أجد عملاً هنا ماذا سوف يحل بوالدي استعنت بالله

ودخلت عند صاحب المكان لم تكن نظرته مشجعة لي

سيف: تفضل أخوي

تامر على شئ


فارس: تسلم أخوي أنا جاي ادور لي شغل عندكم

سيف : تعرف وش نشتغل فيه

فارس : كنز التمر

سيف : وتعرف له

فارس : أعرف كنت أشتغل عند ابوسالم أيام كنز التمر

سيف : خلاص يالاخو بشوف شغلك أن أعجبني

بتشتغل وترى الاجره ريالين

فارس: ماعندي مانع والله يكثر خيرك



أطّلع سيف على عملي واعجب به وجعلني أعمل في بداية الامر في حمل التمر المكنوز

ثم تطور عملي خلال ثلاث أشهر وأصبحت اعمل في مراقبة الحمالة وتوجيههم وإلى جانبه مسؤل عن مخزن

التمر التابع للمصنع وحساباته خاصة أذا كان سيف غير متواجد بالقريه كنت أطمئن على والدي ووالدتي

وزوجتي وأطفالي عن طريق عابر السبيل القادمـــين من الرياض وارسل مع من أثق به

بعض الريالات التي تفي بأحتياجاتهم


بعد مدة ليست بالقليلة اصبحت أنا وسيف كل الاخوة

وأكثر جاء إلى المصنع في يوم من الأيام وكان
مهموهما ويبدوعليه أنه كربة عرفتها من ملامح وجه

فارس : علامك يابوسعود وش فيك

سيف: مافيني شئ يافارس تسلم ياخوي

فارس: والله أنك فيك شئ بس وش هو

سيف : لا مافيني شئ

فارس : على الطلاق تقولي ماني بأخوك

سيف: واكثر يافارس

فارس : أجل علمني

سيف : أنا يافارس بين نارين ومدري وش أسوي والحل في يد رب العالمين

فارس : أفى علمني وانا وقاتك أن شاء الله

سيف: ماودي أشغلك وانت منشغل وآكل هم هلك ألك عنهم سنه والله يعينك

فارس : ياسيف أنا حرمت تبي الحرمة تطلق

لاتكلم

سيف : أعوذ الله انا لي فترة في مشاكل وكلها بسة أم عيالي وأختي ماعمرهم توالموا حرمتي

حارة وماداني الغلط وأختي عوبا وزادت عوابتها بعد طلاقها ومادري وش أسوي

فارس: الله يعينك أبوسعود أنا لي الشرف تكون أختك

حلالي واذا وافقت بزورك أنا وأمام المسجد بعد صلاة العشاء

سيف : أنا يافارس ماعلمتك أيك تقولي الشئ هذا أختي تراها تسوى عيوني

فارس: أنا يا بو سعود شاري نسبك ويسعد اللي عياله خالهم مثلك حتى لو أمهم عوبا

سيف : تسلم يافارس وتراها جتك عطيه ماوراها جزيه خذاها بعباتها

فارس : لايابوسعود شاورها تراها راجع وحقها

تشاورها وتراها في عيوني وذمتي لين أموت

سيف:كفو هذا العشم فيك

تم زواجي دون علم أهلي وزوجتي الأولى

أستأجرت لزوجتي بيتاً قريبا من بيت أخوها حتى يطمن عليها من حين لآخر كانت زوجتي

حصة تختلف عن زوجتي الأولى نورة فقد كانت حصة رائعة الجمال ذات شعر فاحم يصل

حتى أطراف خصرها كانت جميلة حتى رغم

سلاطة لسانها استحوذت على قلبي

وأصبحت الوحيدة السائرة في عروقه دون تعب أو كلل

نسيت نورة رغم أنها القائمة على خدمة والداي

ولم أعد أرسل لها شئ بإيعاز من حصة

توفي سيف في السنه التالية بمرض الجدري الذي لم يكن له علاج في تلك الايام

واصبحت ادير أملاك حصة بعد ان أخذ أولاد سيف نصيبهم من الأرث




جأني طارق في احد الليالي يخبرني أن والدي توفي

ويجب أن احضر لان والدتي تلح بالسؤال عني أخبرت

حصة على أنها لم تكن راضيه ألا أنني أصريت واصرت هي بالذهاب معي

دخلت المكان كان موحش بغير حضرت والدي كانت

أمي موشحة بالسواد وليس على لسانها سوى كلمة واحدة فــــــــــــــارس


نورة : أحسن الله عزاك حسبناك مت وينك يافارس

فارس: الله يجزاك خير الدنيا يا نورة قشرى رحت أدور لقمة العيش وأنتِ عارفة يا بنت عمي

نوره : الله يقويك بس وراك أبطيت علينا فقدنا الامل في رجعتك

فارس : أبطى بي اللي أبطا بي ومصير الحي يا لقى الحي يا نورة

نورة : من الحرمة اللي معك يا فارس

فارس : زوجتي يانورة وإلا تبيني أقعد ها السنين كلها بدون مرة الشرع حلل أربع

نورة : الله يحيها يا ولد عمي



استقريت في الرياض ووضعت حصة مع نورة وأمي في نفس البيت لم أسلم مما كان يعانيه

سيف يرحمه الله فقد كانت المعارك في كر وفر

بين أمي ونورة من جهة والجهة الأخرى فيها ممن ملكت قلبي حصة

كنت داماً أنهي ما يدور بينهما من شجار بأخذ

حصة وإقفال الغرفة علينا حتى تهدأ وبعدها توجيه العتاب واللوم على نورة مبيناً أنها العاقلة

واكبر منها




وفي أحد الأيام عدت الى البيت ووجدت حصة وقد أشتد

الحوار بينها وبين والدتي ونورة تحاول فض النزاع جلست

في مدخل البيت أرقب ماسوف يحدث فيما بعد

نورة : أتركي الشر عنك ياحصة وتعوذي من الشيطان خالتي ماتقصد اللي جا في بالك

حصة : والله أنها تقصد ليش تقول بايرة


الكلمة هذي وش داعيها

أم فارس: في صدري وأبي أطلعها وش حارك

حصة : والله مايطيب خاطري لين تموتين

نورة: فالك ماقبلناة ولدها في حاجتها

حصة : ومن يقوله ماني حصة أن ماخليته يحذفك ياعجوز النار

نورة : روحي ياحصة لحجرتك الله يستر عليك

حصة : رايحك بدون شورك وترى دربك دربها



الحمدالله لو أستمرت قليلا لكنت أنا فقدك عقلي

ولكن عندما هممت بالدخول وجدت حصة وقد عادت لوالدتي وبيدها عقال وتحاول أن تخنق والدتي به

نسيت وعودي وعهودي لسيف أمام من كان حلبيها غذائي


فارس: حصة أنتِ طالق طالق طالق

حصة : وعدك يافارس

فارس : ماخليتي فيها وعد

رحلت حصة كنت أتتبع أخبارها حتى سمعت أنها توفيت بعد طلاقي لها بخمس سنوات



المكان : الرياض

الزمان : 1430هـ








حصة ..........قمري على الرغم مما فعلتي

بي وعلى الرغم مما عانيته بسبب أخلاقك وسؤ تصرفك

ها قد بلغت السبعين وأنا مازلت أدور في مداراتك حولك أرقب اللقاء أينما

يكن

في أحلامي أرسم القمر وحوله مساراتي

في أنتظاركــــــــ


ἤǿǿ∂ẻ-179 30-06-11 05:32 PM

اخوي قمم

قصه رائعه ماشاء الله تبارك الله
وفعلاً مهما كانت المحبوبه غاليه ومقطوع لها
وعوود الدنيا كلها
لكن من يجي عند واحد من ابواب الجنه
هنا تنتقض كل العهود لان رضاهم اهم واهم
والحب اللي انزرع مره ممكن ينزرع مرتين
لكن الاهل لو راحو مايرجع رضاهم شي

صحيح مازال على حبه وللحين يفكر فيها
لكن ما نقدر ننتقده لانه مهما يكون
انسان وله قلب وحب

الله يعطيك العافيه اخوي
بالتوفيق الدائم

وردة الزيزفون 30-06-11 06:44 PM

قصة جميلة ومعبرة وتحمل الكثير من العبر ......... مع اني حقدت على فارس لما نسى نورة وامه وابوه الي مات بدون مايشوفه .................ترك اهله الي سافر علشان يلقى لهم لقمة العيش علشان حرمة بدالها الف


بس زين تخلى عن الحقودة ام قلب اسود علشان امه جنته وناره وماضحى برضاها علشان الوعد الي ماله معنى


حصة

حسبي الله عليها مااتعظت من طلاقها الاول وماحمدت ربها انها تلاقي واحد يسترها بعد طلاقها وبعد موت اخوها وزين انها ماجابت عيال من فارس ...............كافي عليها قلبه ............ماادري شستفادت من فعيلها وهذا هي ماتت بعز شبابها وهي مكروهة



نورة

شكلها انسانة ضعيفة وماعندها شخصية حتى بعد غياب فارس وانقطاع اخباره عنها ورجعته لها مع زوجة فضلها عليها وهي الي ماقصرت قايمة بأهله وصابرة على قلة المادة ................مااحتجت ولا بينت له حتى عتبها وهذا الي خلى فارس من البداية مايعمل لها حساب وينساها هي وعياله ..............بس في الاخير هي الي ظلت على دمته والي ملكت القلب انقلعت من حياتها


يسلمو على القصة الجميلة

منصور السديري 04-07-11 12:23 AM

اقتباس:

المشاركة الأصلية كتبت بواسطة ἤǿǿ∂ẻ-179 (المشاركة 2796159)
اخوي قمم

قصه رائعه ماشاء الله تبارك الله
وفعلاً مهما كانت المحبوبه غاليه ومقطوع لها
وعوود الدنيا كلها
لكن من يجي عند واحد من ابواب الجنه
هنا تنتقض كل العهود لان رضاهم اهم واهم
والحب اللي انزرع مره ممكن ينزرع مرتين
لكن الاهل لو راحو مايرجع رضاهم شي

صحيح مازال على حبه وللحين يفكر فيها
لكن ما نقدر ننتقده لانه مهما يكون
انسان وله قلب وحب

الله يعطيك العافيه اخوي
بالتوفيق الدائم


نودي

تسلمين والله وجودك

أهو اللي شرفني

مشكورة

منصور السديري 04-07-11 12:47 AM

اقتباس:

المشاركة الأصلية كتبت بواسطة وردة الزيزفون (المشاركة 2796198)
قصة جميلة ومعبرة وتحمل الكثير من العبر ......... مع اني حقدت على فارس لما نسى نورة وامه وابوه الي مات بدون مايشوفه .................ترك اهله الي سافر علشان يلقى لهم لقمة العيش علشان حرمة بدالها الف


بس زين تخلى عن الحقودة ام قلب اسود علشان امه جنته وناره وماضحى برضاها علشان الوعد الي ماله معنى


حصة

حسبي الله عليها مااتعظت من طلاقها الاول وماحمدت ربها انها تلاقي واحد يسترها بعد طلاقها وبعد موت اخوها وزين انها ماجابت عيال من فارس ...............كافي عليها قلبه ............ماادري شستفادت من فعيلها وهذا هي ماتت بعز شبابها وهي مكروهة



نورة

شكلها انسانة ضعيفة وماعندها شخصية حتى بعد غياب فارس وانقطاع اخباره عنها ورجعته لها مع زوجة فضلها عليها وهي الي ماقصرت قايمة بأهله وصابرة على قلة المادة ................مااحتجت ولا بينت له حتى عتبها وهذا الي خلى فارس من البداية مايعمل لها حساب وينساها هي وعياله ..............بس في الاخير هي الي ظلت على دمته والي ملكت القلب انقلعت من حياتها


يسلمو على القصة الجميلة


وردة الزيزفون

هلاوالله

وجود أسعدني ونورني


الساعة الآن 06:21 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية