|
خلهم ينفعونك دامهم يعجبونك
بـــسـم الله الــرحــمـن الـــرحـــيــم انه من دواع سروري ان انشر روايتي الأولى اللي جلست اكتبها اكثر من سنه تقريبا كنت اريدها ان تخدمنا و تفيدنا نحن البنات بتحديد تطرقت فيها للعديد من الأمور السائده في مجتمعاتنا اتمنى ان تنال اعجابكم :46: ملاحظه قبل البدايه : اذا كنت تبحث عن رواية مراهقين بعيده عن الواقع فأقول لك هذا المكان الخاطأ اما اذا كنت تبحث عن حياتنا الشخصيه مع بكل معالمها و تفاصيلها فرواية ( خلهم ينفعونك دامهم يعجبونك ) ترحب بك :lol: ... ... ... الجزء الثاني ... http://www.liilas.com/vb3/t163701-2.html الجزء الثالث ... http://www.liilas.com/vb3/t163701-2.html الجزء الرابع ... http://www.liilas.com/vb3/t163701-3.html الجزء الخامس ... http://www.liilas.com/vb3/t163701-4.html الجزء السادس ... http://www.liilas.com/vb3/t163701-5.html الجزء السابع ... http://www.liilas.com/vb3/t163701-5.html ... ... ... تلك معاني عالية في الحب ميل الرجل للمرأة وميلها اليه والحب في الأرض انما هو ظل من الحب الألهي فما مال اليها ومامالت اليه الا لوجود الظل والنور والروح الالهي فيهما ... }لآ تسألوني ليه احبه الحب من الله يجي ماله اسباب { لنرى العالم من عيون العشاق فهذه العين اجمل عين يستطيع الأنسان ان يرى منها لنأخذ ألهامنا في الحياة من هاؤلاء العشاق المتيمون فالعشق بحر لآ ينتهي من قال ان الروايات الحب مجرد خيال ؟ّ!! ان الحب هو الأنسان الحب هو الحياة الحب هو تكوين الأنسان ..... سأعرفكم على بعض الشخصيات الرئيسيه لكـي عطيكم نبذه بسيطه عن الرواية فالبقيه ستتعرفون عليهم في الرواية سأطلعكم فقط على اسماء الشخصيات الرئيسيه وصلت القرابه اما السمات الشخصية ستتعرفون عليها في الرواية الجده ظبيه : بدوية تزوجها حضري انجبت منه 5 ابناء اكبرهم سلطان (بو راشد) ومن ثم فاطمه (ام محمد) ثم حمد(بوفهد) ومن ثم احمد (بو ناصر) ومن ثم نجلآ زوجت ابنائها ببنات اخيها فلم يكن لديها غير اخ واحد وهو محمد ورزق الله محمد محمد 3 بنات صيته , منيره , ميثا و ابن واحد وهو سعد تزوج سلطان بـصيته و رزقهم الله راشد 26 سنه , مها 19 ,هيا 17 لولوة 16 , اما حمد فتزوج منيره و رزقه الله فهد 24 سنه نورة 23, الجازي 19 , الجوهره 17 و قد تزوج احمد بميثا فرزقه الله نـاصر 24 سنه و مريم 17 سنه فأعمار ابنائهم قريبه جدا تزوج سعد بأبنت عمته فاطمه فرزقه الله منها 3 ابناء اكبرهم محمد 27 ومن ثم عائشه 17 ومن ثم فضل 7 الــجــزء الــأول :: اســتــمــتـعـوا بـالـقـرائـه :: انه شهر ايار شهر تأمل حار لأيام طويله و رطبه حارة تبكي البلد تحسرا على من سكنها و غادرها لبلد اكثر بروده كأنه يخونها و يذهب عنها ولكن مع الأيام الأولى من حزيران تبدأ الأجواء بالسكون و الهدوء تعبر نسمات هواء بارده مع نوبات قصيره من اشراقت الشمس الحاده يعود الخائن اكثر شوقا و حبا لها وكأنها في فؤاده لا يستطيع تركها تنقلب قطر في الخريف الى جمال وقح وغير محتشم تغيب الحدود وتفتن الناضر تتأصل اسيجتها العربيه لتغري الناضر بدفء رمالها و سحر بحرها وعذوبه اهلها تندفع النباتات البريه المتسلقه لتتدفق عبر صحراء قاحلة زينتها أبنية شاهقه لتذرع الشوارع و الأسواق ثم تستقر في البحر لتسكن اعماقه وتكشف اسراره في بلد بعيده شديدة البروده انها المملكه المتحده , لندن كان محمد بن سعد جالس في غرفته المشتركه مع غانم اقرب الرفاق له فمحمد وغانم اصدقاء منذ اكثر من 10 سنين غانم بتسأؤل : محمد انا قد مره خشيت (خشيت = خبيت )عنك حاجه ؟ محمد ببتسامته فائقت الرجوله و الحنونه في نفس الوقت : حشا بس ليش هالسؤال غانم : الحمدالله ان هذا جوابك صراحه انا من زمان ودي افهم انت ليش خليت البلاد و جيت هني بهذي السرعه انا تصورت ان فيه مشكله بينك وببين الأهل لكن يوم انك رجعت عقبها بست شهور و هم زاروك اكثر من مره تأكدت ان مافيه مشكله بينك و بين الأهل ممكن اعرف وش هو ذا السبب ؟ّ محمد بذات الأبتسامه : سالفه قديمه يا غانم والله قديمه غانم و بأصرار : تكفى يابو سعد لو ان عندي غلاه عندك محمد : غالي يا غانم والله شاهد انك غالي ولو ماكنت غالي ماكنت اول من جيته ذاك اليوم و اصريت انك تجي معي هنا غانم : اجل وش اللي خاشه عني محمد : انا مابغيت اقولك هذي السالفه لكن يوم انك اصريت ابشر بعزك (انا راح اقولكم السالفه لأن محمد فاشل في السرد) بتحديد قبل سبع سنين كان عمر محمد وقتها 19 سنه جد محمد اصر تزويج محمد لأن ابو محمد (سعد) رفض ان يتزوج من بعد زوجته المرحومه فقال الجد الأبه سعد اذا انت مراح تعرس ولدك هو اللي راح يعرس ارتعب سعد خوفا على ابنه فهو لم يكن يريد ان يتحمل ابنه هذا العبء وقد كان سبب رفضه لزواج من اجل اطفاله عائشه و فضل فقد كانو صغار حينها ولكن محمد بعزيمت الرجال اللتي يملكها خفف من قلق والده ووافق على الزواج ولكن الصدمه كانت !! عندما امر الجد تزويج محمد من الجازي (ابنة عمه ) لآ الجازي لا !! لا احد كان يعلم الحب الذي يحمله محمد للجازي في وقتها كان عمرها لا يتجاوز ال12 سنه انها طفله !! ولم يرضى ابدا ان يضر الجازي ولو بأي شكل من الأشكال انها حبيبته ولكن اذا تزوجها الآن سيفقد هذا الحب الجميل الذي يكبر امام عينه ! لماذا ياجدي ؟ لماذا ؟ ماذا فعلنا لك ايها العزيز ؟ ماذا !؟؟ لم يعرف محمد ماذا يفعل لكنه ذهب لجده وجعله يحلف على القرآن انه لآ يأمر ابيه بالزواج فحلف الجد على القرآن لأنه كان ضامن ان محمد سيتزوج وان كلمته لم تنزل الأرض ولكن و لأول مره خان محمد الوعد !! كان يتألم كثيرا فهذا هو جده كيف يخون عهده لكنه فعل كل هذا من اجلها اي قلب تملك يامحمد !! ؟ وقتها ماعرف محمد يشكي لمن فآمر غانم بحجز تذكره لبريطانيا عندما سمع غانم صوت محمد اصر ان يقابله وعندما رأى شكل محمد هزه من اعماق قلبه فمحمد هو الرجوله بكل معانيها لم يراه يوما مهزوزا لهذه الدرجه الا عند وفات امه لأنه تلقى هذا الخبر وهو جالس مع غانم اصر غانم ان يذهب مع محمد و عندما سافرا بعدها بشهور تكفلت بهم السفارة القطريه في بريطانيا ودرستهما على نفقت الدولة لأن درجاتهم كانت عاليه جدا كان محمد دائم التواصل مع ابناء عمه ووالده ولكن بعد ست شهور تلقى محمد الخبر مثل السهام لــقـد مات جـدي !! رجع للدوحه في ايام العزاء ولكنه رجع مره اخرى لبريطانيا وكأنه تعلق بها فكل امانيه وذكرياته مع الجازي تركها هناك وعندما يرجع يتذكر جده عند رجوعه للدوحه كان يتحاشا الذهاب قرب بيت عمه فهو يتحاشا رؤيت الجازي لآ يريد ان يراها لآ يريد ان يجرح قلبه بعيونها انه يتذكر عيناها و شعرها الحريري فقط ! هذه الذكرى منها فهو لم يراها منذ سبع سنوات !! تغيرت اكيد انها تغيرت هل شعرها مازال حريريا ؟ هل عيناها مازالت جارحه ؟!! محمد وبمحاولة اخفاء الأم ببتسامه : وهذي كل السالفه غانم بمرح : طلع العاشق الولهان حذاي و انا مادري وليش ماقلت لي من زمان الله يهديك خلني اترزز فيك شوي (اترزز =اباهي الناس ) محمد ببتسامه : مابغيت الهيك فيني وانا اخوك غانم بتأثر: وش تلهيني مب صاحي انت اذا ماقلت لي لمن بتقول بس الله يرحمه جدك وش له فيكم انت و هالبنت الله يسامحه بس محمد وهو يبتسم: خلآص يابن الحلال خيره انت ماتدري الحمدالله على كل حال تذكر وقتها محمد الأذان : يالله ياغانم خذتنا السوالف ونسينا الصلاة |
بدايتهااااا رووووعه اتمنى تكملينهاااا
|
وحيدة البال بدايه موفقه انشاء الله
عادة ماارد على الروايات الا بعد ماتشبعني اجزاءها متعه ولكن شوقي للروايات القطريه دفعني لاقرا الجزء الاول وانتظر الباقي اضحكني العنوان وفكرته الغريبه ودفعني لانتظاره متابعه باذن الله |
روعة الله يعطيش العافية بداية موقفه وننتظر الباقي لا تطولين وأبي منش تعلميني متى تنزيل البارت وأي وقت لا تبطين في الرد الصراحة شدتني القصة
|
اشــكــركــم عــزيــزاتـي عــلـى الــتـشـجــيــع و انـشـاء الله اكــون قــد هــذه الــثــقه
اذا الله احيانا راح احط البارت غدا الساعه 4 عصرا بتوقيت دولة قطر |
صباح الخير
موفقه وحيده بدايه حلوه وان شاء الله الجاي احلى اعتبريني من متابعاتك |
الــجــزء الــثـــانــي
:: :: اســتــمــتعــوا بــالــقـرائـه :: لـ آلشوق [ ذوق ] ولـ آلمواصيل ميـعآد يـآ شـوقـي ، و ذوقـي ، وكـل آلمحـبـه جزء اليوم شوي خفيف حبيت اريحكم من الحين عشان تستعدون لبارتات التشويق قريبا راح نتكلم شوي عن ناصر & الجوهره ككل الأيام مشاده كلاميه كالعاده بين الجوهره و لد عمها ناصر و ولد خالتها في نفس الوقت اللي كان سم ظروسها ولا تحبه كيف اذا ضايقها بكلامه الجارح ؟؟ كانت الجوهره في بيت بو ناصر و بتحديد في الصاله مع مريم يتبادلون الأحاديث و الأخبار في هذا الوقت كان ناصر راجع من عند ربعه وهو يهم بالصعود في الدرج وهو يجر موال سمع اخته وهي تقول بصوت عال مريم : جهير حبيب القلب يتصل بك من ذيه ناصر انتزعت منه ابتسامته و قطع مواله وهو يسمع الجوهره تقول الجوهره بمرح : يالبى طاري حبيب القلب انا مشغوله شوي طرشيله مسج قوليله الجوهره مشغوله و بتكلمك بعدين مريم بستغراب وهي تبتسم لأنها واثقه ان حد من الأهل فهي تثق بالجوهره كثيرا وتعرفها جيدا ربمى يكون لسانها طويل و عينها زايغه لكنها عمرها ماتغلط في هالأمور الجوهره وهي تبتسم : وايد يوعانه ابي جوكلت (شوكولاته ) ناصر ماتحمل وهو يسمع الجوهره ونبرت صوتها المثيره جدا , هل هذا صحيح الجوهره على علاقه من احدهم !! كان وده يدخل ويسوي شي عمره ماسواه في مخلوق اللي يتصل في الجوهره كان وده يعرف من هو هذا اللي اكيد انه يلعب على الجوهره هذا الحديث اللي يدور داخل راس ناصر لحظتها لكنه و لما شاف امه قاعده ماحب يضايقها فقرر الأنسحاب الأ نه اذا شاف الجوهره بيرتكب جريمه ومثل ماقلت لكم شخصيات تظهر مشاعرها بسرعه كان يراقب الجوهره لين ماطلعت و لحقها من دون ماتحس لأن الدريول (السائق )بعده ماوصل طلع وهو معصب و ماكان يشوف قدامه اي شئ غير الجوهره اللي وده يعرف من هو هذا وليش تكلمه مليون سؤال في راسه ماكانت الجوهره الا ان تنظر لعينيه الملتهبه احمرار وهي ميته من الرعب وكانت تقول في نفسها ماسويت شي والله العظيم ما أن رفعت عينها بخوف الا ان رأت ذاك الجسد الصلب الملئ بالعظلات بملامح رجوليه فائقه وعينه تلتهب ناصر بصوت كله حده و غضب الدنيا فوق رأسه : شوفي ياجهير انا ادري انج وحده دليعه و ماصخه وماعندها سنع ولا تعرف العيب الجوهره وهي تقاطعه وتحط عينها في عينه : هييييه انت شفيك احترم نفسك و الزم حدودك ناصر بستهزاء : اقوول لاتسوين نفسج ماتدرين عن شنو اتكلم لو ما حشيمة ابوج و اخوج كان شفتي شي ثاني شوفي يا جهير اختي مريم اياني وياج تقربينها ولا تعدين صوبها فاهمه !! مابي اختي تتعلم قلت الحيا منج يا قليلة الحيا ثم اردف بغضب : حبيب القلب بعد !! تركها ناصر وركب سيارته وهي تنزل من عيونها دمووع (انا انا يا نويصر انا ؟!! انا اخرب اختك ياحيوان صج انك وقليل حيا و ماتستحي ) مالقت نفسها غير في السياره ماعرفت متى جا الدريول مع الخدامه كل اللي تعرفه انها كانت خايفه مرتبكه حزينه حاقده كارهه كل هذه المشاعر كان خلفها انسان واحد لاتعلم غير انها تكرهه قعدت تفكر في كلامه المر و تذكرت الأحداث وهو يقول آخر كلمه (حبيب القلب ) كانت ترن في اذنها لم تعلم ماذا تفعل , : هذا الخسيس النذل الواطي اعتقد اني اكلم واحد ؟! ما الومه هذي هي افكاره يحسب ان الكل مثله تذكرت مريم و بدى عليها الشفقه : الحين الحيوان اكيد انه ناوي على مريم نيه شينه وبيسوي فيها شي هالمسكينه كان كل تفكيرها لمريم فقط لمريم اختها رفيقتها وكل شئ جميل لها كانت تريد ناصر ان يتعذب وهو يعتقد انها على علاقه مع احدهم و ان تستمتع في تعذيبه لكن مريم لم تهن عليها فقد كانت قلقه عليها : مريم المسكينه مالها دخل خلني اقول حق هالهبل و افهمه مب طلب لرضاه لكن عشان مريم ما جعلها تهدء انها رأته يخرج من المنزل تأكدت انه سيغيب لفتره تستطيع الجلوس في غرفتها لترتب كلماتها كي يسهل عليه الفهم : هاي الجاهل اللي اسمه ناصر ناصر في سيارته السبورت غالية الثمن كان شكله رجولي بكل ماتحمله الكلمه من معنى لونه يميل للبرونز قليلا ساحر, جذاب , مزيون كان شعره السبايكي نوعا ما كان معصب كان يسوق بسرعه تتجاوز المعقول ماكان يدري وين رايح كل اللي يعرفه انه مايبي يرجع البيت يشوف مكانها ويتذكر ضحكتها اللي قتلته للصميم عمره ماتخيل ان بنت عمه ممكن تكون على علاقه مع احدهم من الشباب الضايعين ؟!!! قتل صمته مسج في جواله ماكان له بارظ (ماله بارظ = ماله خلق او ماله نفس) وقف السياره على الرصيف حس انه ماعاد يتحمل السواقه تذكر المسج اللي رن يوم فتحه كانت الصدمه !! من (-----): فِي وقـلـبي » رَجُلاً . .استعمَرني منْ بين جَميع الأعين . . قدّرني ~قوّآني ~ وبنآني ~ أصبحتْ [ منہ و بہ ] جُزءھ الأبهمْ . . نِصْفہ الأذكى . . و روح النّقآء بدآخِلہ . .فكان ْ قُدوتي . . ومآزال قُدوتي ! وسيظلْ قُدوتي ,* فأنآ " فتآه " بأبيهآ مُغرمَہ ♥ وشكرا على حسن نيتك ناصر وهو يقرى المسج حس ان الهوى كله خلص ناصر ماقدر يتحمل و كتب لها مسج وهو لايعلم كيف استطاع ارساله !! الجوهره وهي في سريرها غير مهتمه لردت فعله فماكان ناصر همها ابدا ولم تفكر به حتى لو مره واحده لكنها سمعت صوت مسج ففتحته المرسل (what ever !! ) هذا كان اسم ناصر عند الجوهره وهو يدل على عدم الأهتمام خـوفـي وكـل انـشـغـالـي دون مـا اقـصـد جـرحـتـك |
رووووووعة الله يعطيش العافية على البارت وفي انتظااار الباقي ومتحمسة واجد واول بارتين شدووني في انتظاار ناصر والجوهرة ومحمد والجازي في انتظارش يا الغلا مووفقة انشالله
|
موفقة يالغالية
بداية روعــــــــــــــة الله يعطيش العافية سجليني من متابعينش وياليت تحددين موعد لنزول البارت ولو تكرمتي وطولتي البارت شوي وخليتيه ينزل اكثر من مرة في الاسبوع نكون شاكرين لش يالغالية .. سامحينا على الطلبات بس لان القصة اعجيتنا .. |
اشــكــر مـن انــضــم الـى روايـتي المتواضعه و شكرا لكم من البارت السابع راح تبدى الرواية في اعتقادي فمن الجزء السابع ستتضح الكثير من الملامح وسيطول البارت اعدكم
[Cالــجــزء الـــثـالث :: :: اســتــمــتـعـوا بـالـقـرائـه :: :: كانت ردت فعل الجوهره انها ارسلت مسج قاسي و قاسي جدا عليه في هذا الوقت بالتحديد وهو يشعر بأهانه كبيره لأبنت عمه وفي شرفها المرسل (-----) ليش مفكر انك جرحتني يعني ؟!! من متى و انا اهتم فيك ولا في كلامك اصلن تعودت ولآ مهتم بزياده هذي المره !! انت بذات اللي ماهتم في كلامه لآتخاف ماراح اقول لحد عاد انت ماينفع وايك دور الطيب كلش انصحك لاتكمل فيه ناصر وهو يقرا المسج و عصب بزوود: انا الغلطان عطيتها وجه ذا المره كانت ليله غريبه لناصر لأول مره يحزن هكذا اذا تشاجر مع الجوهره !! لكنها عاديه جدا للجوهره اللي كانت متعوده على اهانته لها لكنها عمرها ماسكتت له كانت دايما ترد حتى لو بطريقه غير مباشره مــر يــوم انــه مساء جديد يطل علينا لا يوجد مكان الدوحه مكتضه الشوارع مزدحمه الجميع يفضل الخروج و الذهاب للأماكن الكثيره في البلاد انوار الشوارع تلمع بجميع الألوان و لا تسمع غير صقيع هرن السيارات في مجلس الرجال كان المجلس فخم الى ابعد حد كعادة مجالس قطر فهم يهتمون بالمجالس كثيرا لأنها الواجهه لهم كل شئ تراثي و بطريقه عصريه جدا الرجال الكبار على الكراسي و الشباب على القعده الأرضيه و الأطفال على الطرف من المجلس و الكل مندمج في السوالف لكن ناصر و سعد و فهد خذوا لهم الزاويه والشي المضحك ان سعد عمره 48 سنه ولكنه يحب مجالسة الشباب و ابنائه يجالسون الرجال الكبار من عمر ابيهم و يفضل سعد منااداته بأسمه وليس بو محمد لكي يشعر بصغر سنه وهذا مانسمية المراهقة المتأخره انه قادم من زيورخ و الكل مشتاق له فهد وهو يضحك على سالفة خاله سعد في زيورخ : خالي انت لين متى وهذي عمايلك سعد وهو يضحك : خالك قلبه خضر يا فهيد ويحب الزين ناصر وهو يغمز لخاله : في هذي انا اشهد سعد : ماتدري شلون مشتاق لمعيذر يابن الحلال (معيذر منطقه في قطر ) ناصر وهو يبتسم : انا اشهد ان هوا معيذر غيير سعد : اقوول نصور امس الساعه عشر ونص جيتك مالقيتك وين هايت(هايت = وين كنت ) ناصر وهو يحاول انه ما يتذكر سالفه امس : يا خوك تمللت قلت اطلع اشم هوا سعد : وشم الهوا ذا ياخذ كل هالوقت ناصر وهو يحاول يضيع السالفه : والله قلت اتمشى شوي و اتعشى في الؤلؤه مره وحده فهد وهو يضحك ببتسامته الطفوليه الرجوليه في نفس الوقت : بخصوص اللي راح الؤلؤه ولا عزم the best friend ناصر وبذات الأبتسامه : ولآ يهمك يالــbest friend المره اليايه (اليايه = الجايه) سعد وهو يراقبهم وهم يتكلمون : وش ذا الأنجليزي وش ذا الكلام اللي ماله سنع فهد: افااا كلامنا ماله سنع سعد : انا اشهد انه منغير سنع وانا خالك في مكان آخر بعيد عن شخصياتنا جغرافيا ولكنه ليس بعيد من قلوبهم في المملكه المتحده , لندن يجلس محمد بن سعد في كوفي شوب صغير و يراقب تساقط راقائق الثلج ناصعت البياض اغمض عينيه و هو يتذكر شوقه لأهله انه يشتاق لكل شئ في ذاك البلد الصغير انه عائد لها ولكن هذه المره لللأبد فدراسته اوشكت على الأنتهاء قطع عليه افكاره رفيقه و هو شاب بريطاني بكل ماتحمله الكلمه من معنى شديد البياض جسمه هزيل شعره اشقر وعيناه الصغيره تخبء داخلها عيون شدشده الأزرقاق جون ببتسامه : ميشو من الذي يشغل بالك ايها الوسيم محمد وهو يلتفت له وببتسامته الرجوليه الجميله : لآ شئ انه الأشتياق جون : ومن هو هذا الشخص سعيد الحظ الذي تشتاق له ايعقل انك احببت ؟ محمد وهو يعتدل في جلسته وينضر لعين جون بحده : لآ ثم ارخى وعاد لوضعيته القديمه ورجع يراقب تساقط الثلج : اشتاق لوطني جون وهو يضحك : هذه الدوله الصغيره لآ اتذكر اسمها كتارا ؟ محمد وهو يبتسم لنطق هذا الأجنبي: لآ انها Qatar كم احبها يا جون فأنت لآ تعلم خيرها علي فأنا ادرس الآن على حساب هذه البلده الصغيره ديره حتى لو صغرت مساحتها رحوبه ترخص الأرواح لآمن شبت شبوبه جون لم يفهم كلام محمد الأخير: المعذره لم افهم الجزء الأخير من كلامك محمد ببتسامته الرائعه : لآ عليك كلام غير مهم ولا استطيع ترجمته فهو مثل الخواطر او الأشعار جون بذات الأبتسامه المخادعه : اخشى بأن تكون غير ذالك ولكن هل هذا صحيح ؟ على حساب بلدك !! اعلم بأن هذه الدوله غنيه جدا محمد : نعم فنحن دول الخليج العربي نتعلم على نفقت دولنا جون وهو مستغرب : انكم مرفهون حقا محمد وهو يضحك : لآ تبالغ ياجون جون بخبث : ولكنك لم تقل لي بأن المواطن لديكم في Qatar اعلى دخل في العالم محمد وهو يضحك : نعم هذا صحيح ولكنك لم تسألني كي اقول لك هذه المعلومه يا عزيزي جون وهو غير مستوعب : وهل استطيع الحصول على هذه الجنسيه محمد وهو مستغرب : هل تتكلم من وعيك ياجون فأنا لم اراك تشربب الكحول ؟!! بطبع لآ تستطيع جون بخيبت امل: كم هذا مؤسف فأنا اريد العيش مثلك ايها المحضوض محمد ببتسامه : ستعيش ياجون ستعيش صدقني جون : حسنا سأودعك الآن و التقي بك قريبا محمد : انشاءالله جون : المعذره ؟؟!! محمد وهو يضحك : وهل انت واثق بأنك ستعيش لكي تلتقي بي قريبا جون بخوف : لآ محمد : اذن لماذا اكدت اننا سنتقابل مجددا جون وهو يرى محمد بستغراب : ميشو مالذي تقوله محمد وهو يضحك وما كان يبي يخرع جون : الم تقل بأنك ذاهب ؟ جون : نعم ولكن بفضلك ستجعلني اذهب و انا خائف من عدم التقائنا قريبا ذهب جون و اكمل محمد رحلة الأشتياق القاتله لأهله متى هو يوم فراقك يا لندن ؟!! بيت بو فهد فضل : جويزي وين الجوهره مالها حس اليوم الجازي بملل : مادري عنها في غرفتها فضل : شفيش انتي اليوم ماكله شي شكلش غريب ولآ لأني زايركم الجازي :لآ شدعوه فديتك نتو (نتو = اسم فضل كانو يقولونله هذي الكلمه اختصار لنتفه )كل يوم تعال ونسني بلآ هالملل فضل : عيل وش فيه لونش كذا صاير الجازي : مافيني شي والله العظيم هالسؤال مجاوبته اليوم حق البيت كله فضل بمرح وهو يتعمد استفزازها : لآ فيش ويهش صاير كنه كركم الجازي وهي تبتسم : انت وين اختك هااه ؟ فضل وهو يضحك : المجنونه عويش راحت عند المزيونه اختش فوق الجازي وهي تضحك : هااه نتو ليكون جاي عشان جهير فضل : ولآ به نقصان منش لكن جهير غير فديت الطاري الجازي وهي ميته ضحك : مغازلجي(محترف مغازله البنات) صغير يا فضلووه فضل وهو يضحك : لآ تخافين ماغازل غير الحب الوحيد جهير (فضل ابن سعد الأصغر عمره ثمان سنوات اهم صفاته المرح و نحافته و قصره فقد كان شكله طفولي بكل معنى الكلمه ) الجازي ابتسمت و ردت قعدت على الكرسي وقامت تفلل في الكتاب فضل : مب تارس عينش يعني مخليتني و قاعده تقرين هالكتاب الجازي : انا اشهد انك مب ترس عيني يالنتفه فضل وهو يرص على اسنانه : افا الجازي وهي حابسه الضحكه وماتبي تبينها لفضل : انت صغيرون و قصير هذا قصدي فديتك فضل اللي انفجر من الضحك : ليش يعني وش تببيني اسوي عشان امتن و اترس عينش الجازي وهي تبتسم : لآ انت خلآص تعال كل يوم و انا اعطيك اكل يمتن ويطول فضل وهو يضحك : من قال اني بخلي عمري عندش مجنون انا الجازي : وييييييه هذا من حسن حظك يالنتفه قطعت عليهم السالفه الجوهره و لحقتها عايشه الجوهره وهي رايحه صوب فضل ضمته وهي تبتسم : اوووه نتو هني فضل اللي كان مستحي : يا الجوهره انا كبرت ترى الجوهره فكته و تمت تشوف وجهه و سألته بستغراب : انت شنو؟ فضل وهو يعدل ثوبه اللي رتفع على فوق وهو مدنق راسه : كبرت الجوهره انفجرت ضحك ونزلت لين وجهه وباست خده : فديت اللي كبروا انا تعدلت و قعدت على الكرسي فضل اللي قرب منها وهمس لها بصوت خفيف : الجوهره مب زين لش كذا تلبسين البجامه ضيقه عليش الجوهره وهي تبتسم وتهمس بصوت خفيف و صوت مليأ بالأنوثه : خلاص شرايك انت تختار لي ثيابي ؟! فضل وهو منحرج و مدنق راسه : محشومه ماقصدت كذا والله العظيم الجوهره وهي تبتسم وترفع وجهه لها : لآ انا اتكلم من صجي حبيبي فضل : استحي على وجهش الجوهره : وه بس يالبى المستحيين يا ناس عايشه : انتو وش فيكم تتساسرون من مساع فضل بمرح : وانتي وش عليش عايشه : وانت وش تبي يالنتوفه الجوهره : ياحلو النتوف انا فضل وبذات المرح : شوفي الناس العدله بلاش انتي يالدفشه عايشه : قول انك جاي هنا عشان ست الحسن جهير و انا اقول ليه فضل يبي يجي معاي ماهي من عوايده و قاعد تسبني انا وش سويت ؟! فضل وهو يضحك : ياحبني لش يا عويش عايشه وهي تتصنع الزعل : ومن قالك انك راضيتني كذا يالنتفه فضل وهو يبتسم : ومن قالش اني براظيش انا بروح البيت اترخص ركض للباب و خرج بسرعه انها البرائه !! كم هو جميل ان ترى الأطفال متعلقين بشخص ومن ثم يفهم هذا الطفل الحب فيعتقد بأنه يحب هذه البنت ولكن في الحقيقه انه تعلق بها و احتياج للحنان منها فالأطفال ومهمى ملأته بالحنان يضل يحتاج المزيد وكيف اذا كان هذا الطفل من غير امه ؟!![/SIZE] |
صباح الخير
بداية الروايه مبينه انها لسى تحوي قصص مختلفه ومشاكل متعدده وحب مخفي وحب واضح بين ابناء وبنات العم الاكيد ان الجازي بتكون حاقده من قلب على محمد لانه رفضها علنا امام الجميع واعتقد انها من صغرها وهي لاصقه فيه كظله وكانت الصدمه لما رفضها وبعد حلف جده مايغصب ابوه على الزواج وكانه ياكد رفضه وكرهه لها وطبعا بتحاول تخفي حبها له بكره وعداوة عظيمه له الجوهرة وناصر اتوقع ان ناصر يحبها ويخفي هالشي والي يخليه يعترف الحين بينه وبين نفسه الموقف الاخير الي صار خصوصا انه يخاطب نفسه باستغراب ليه زعل وحزن من هالموقف ومن ردها مع انه متعود على جفاءها معه بماانه الجوهرة اوضحت لنا اسمه بجوالها فاظن ان اسمها بجواله بيكون شي يدل على حبه لها ياناسووووو على فضل يزنن من جد نتفه وليته يعطي اخوه محمد شوي جراءة يعدل بها وضعه مبين الي شاغل بال الجازي هو قرب رجعة الحبيب الخائن و تفكيرها بطريقه تقاوم فيها حبها له وعدم اظاهره له بداية موفقه ورائعه وبانتظار الباقي وياليت توضحي ايام التنزيل ووقتها |
يعطيش العافية البارت رووعة وننتظر المزيد ونبي البارت طويل فديتش وتكفين حبيبتي حددي موعد البارت
|
اعتذر منكم عزيزاتي على الأطاله في تنزيل هذا البارت فعلن اعتذر فاليوم عدت الى ارض الوطن الحمدالله فتنزيلي للبارتين السابقين في الغربه اتعبني قليلا لأنني اعود متأخرا جدا و يختلف الوقت كثيرا ففي الليل عندنا يكون النهار عندكم تقريبا ومن الصعب علي معرفة كم التوقيت في الدوحه لكن البنات الله لا يخليني منهم سهر دووم عشان كذا عرفت منهم الوقت ونزلت البارتات السابقه و هذا ما سبب لي العائق قليلا ربمى :) شكرا لكل من انضم الي شكرا لكم جميعا فأنتم الدافع الوحيد لي للمثابره على تنزيل الروايه من بعد ما فقدت الأمل وبنسبه للتوقعات آممم تقريبا فيها شي من الصحه بنسبه للجوهره وناصر اما محمد و الجازي فهذي سالفه آخرى غريبه نوعا ما و لا تستغربون ان قلت لكم اني اقتبست القليل منها من حياة انسانه مرت علي لآ اعلم اين هي الآن لكن قصتها تركت اثر كبيييييير فيني واثرت بي لدرجة انني اعتقدت اني احلم !! وهناك شخصيات اخرى في الأنتظار و جمييع الشخصيات في الرواية اقتبست القليل من شخصياتهم وحياتهم من اشخاص اقرب لي من انفاسي فهم مصدر الهامي في هذه الروايه فكل شخصيه هنا ان كانت تتميز بــ المزاج , سلاطة اللسان , المرح , الرقه , الأنوثه , الرجوله ألخ جسدتها من شخصيات اعرفها في حياتي اليوميه ولكن ليست جميع الأحداث واقيعه فهناك الكثير كانت محض الهام من نفسي ... جزء اليوم طويل قليلا انه في انتظاركم لتعطروه الجــــزء الـرابع :: :: اســتــمــتــعـوا بــالـقـرائـه :: :: في بيت بو ناصر يجلس ناصر كعادته في غرفته الكبيره جدا اثاثها فاخر بكل ماتحمله الكلمه من معنى لديه غرفه اضافيه كانت صاله فيها التلفاز و الجلسه تبين هوايات هذا الشاب فهو عاشق للسيارات و الرالي الحائط في غرفته ملئه بالجوائز و الصور له في راليات كثيره و ايضا هو عاشق للخيل ويحبه كثيرا كان منسدح على الكرسي بشكله فائق الوسامه و الجمال شكل رجولي بحت مرخي راسه ويتابع قناة الجزيره سمع جواله يرن فتحه كانت المكالمه من فهد ناصر بترحيب كبير : هـلآ بالغالي فهد وبذات الترحيب : اهلين يالنصاب ناصر ببتسامه : افاا ليش فهد وهو يتصنع الزعل : مب انت قايل انك بتمرني ولا نسيت ناصر :اوووه السموحه يابو حمد والله راح عن بالي ثواني البس و امرك فهد وهو يضحك : بسرعه مشتاق حق my baby (مشتاق لحبيبتي ) ناصر وهو يضحك : في اي وكاله سيارتك فهد وهو يسوي نفسه حزين بمرح : آيه (آيه= كلمه في سبيل التحسر او القلق )عليها في وكاله الفردان ناصر وهو يضحك : خلآص عيل بمرك انشاءالله في اقل من عشر دقايق القاك برا فهد بمرح : زين يالحب مب تتأخر ترى ذنب العاشق الولهان في رقبتك ناصر ببتسامه : لآ انشاءالله مب متأخر سكر ناصر المكالمه وقام يلبس ثيابه سمع صوت الباب ينطق بخفيف ناصر بصوت محايد : تفضل لكن يوم شاف مريم داخله ارتسمت البسمه على شفاه مريم ببتسامه : دام فضلك طالع شكلك ؟ ناصر وهو يسكر ازرت ثوبه وينظر للمنظره : ايه تامرين بحاجه مريم بخيبت امل : لآ سلامتك بس كنت اقول لو عندك وقت نطلع نتمشى شوي بس انت مب فاظي وقت ثاني انشاءالله ناصر وهو يسحب غترته من على الكرسي ويحطها على كتفه وهو يقرب من مريم و باسها على راسها : ولا يهمج يالغاليه يوم ثاني انشاءالله (فمريم محبوبته واخته الوحيده وصغيرته انه يحبها كثيرا لا يتردد في تلبيت طلباتها فأغلب الوقت يقضيه معها فهي اخته و رفيقته ) مريم وهي تبتسم بمرح : انشاءالله , يالله اعترف وين بتروح ناصر بذات المرح : بروح اجيب سيارت فهد من الوكاله ذبحني وهو يحن علي مريم وهي تبتسم : اها عيل ماوراك فايده ناصر بمرح : افااا , على العموم انا رايح تامرين بشي مريم : لآ سلامتك بيت الجده ظبية في هذا البيت المبارك كل شئ فيه بركه فكل مكان يكون فيه كبير السنه تحل به البركه انها نور العائله كلها بيتها الكبير الجامع للكل لآ ينسى احد من الأحفاد فهو مقرهم الدائم مع ان للكل بيته ولكنهم يجتمعون يوميا على الأقل في هذا البيت كعادت بيوت قطر و بعض دول الخليج تتميز بأثاثها الفاخر و الذوق الرفيع جدا في الأثاث في الصالة الكبيره تجلس الجده في مكانها المفضل على الكراسي الحمراء المغطاه بقماش " المخمل " المكسوه بالكرستال الذهبي محاطه بـ" الدلال و القدوع " في انتظار البنات للقدوم الجده وهي تنادي الخادمه : كريمه تعالي يمه كريمه وهي تركض : لبيه ماما الجده : القدوع ذا حق اليوم ؟ كريمه : مايعرف ماما هذا طباخ سوي الجده بغضب : لابارك الله فيش ولا في الطباخ القدوع كيف يتم لليوم الثاني مايروم (مايروم = مايتحمل ) بسرعه يخترب تبون تسممون عيالنا دخل بو ناصر وهو يبتسم و نزل لراس امه وباسها : شبلاج يالغاليه معصبه ياعلني ما خلاج الجده : هالخدم يبون يقربون مماتي يمك تعبوني من كثر مافهم فيهم قصوا وجهي جدام العرب لا قدوع سنع ولا شي حن ماقصرنا بشي روح شوف ثلاجات البيت مليانه من ذا الأكل و ان جانا العرب سوو شين ولا اربع اذا كثرو بو ناصر بعصبيه : افااا كريمه تعالي منا كريمه بخوف : نعم بابا بو ناصر بهدوء : شوفي ياكريمه احنا قصرنا معاج بشي كريمه : لا بو ناصر : عيل ليش شغلج مب عدل احنا في البيت عندنا بدالج اربع خدامات و طباخ غير الدريوليه يعني انتو ماتشتغلون مثل باقي الخدم اللي عند الناس و بعد شغلكم ماهوب مثل خدم الناس لأن احنا دلعناكم يعني ؟!! كريمه : والله بابا مثل انتو مافي لاقي بس انا ما يعرف هدا طباخ سوي يعطي انا والله العظيم بابا بو ناصر : خلاص ترخصي انا بكلم الطباخ بعدين وانتفاهم الجده : ياعلكم الوجع يانكم حرقتوا قلوبنا بو ناصر ببتسامه : خلاص يالغااليه ولا يهمج ان بغيتي والله اغيرهم كلهم واجيب لج احسن خدامات في قطر كلها الجده بنبره كلها حب : يا علني ماخلا منك انت واخوانك وعيالكم والله انكم مفرحيني بدنياي لله يعوضكم جناته آمين بوناصر وهو يبوسها على يدها : ومانخلا منج يا الغاليه قطعت عليهم الجو الحلو نجلا نجلا بمرح : اوووه سووري قطعت عليكم الجو الرومنسي بوناصر وهو ميت ضحك : تحشمي يا نجييل نجلا وهي تبوس اخوها على رااسه : تامر ياعلني ماخلاك الا وين المزيون ولدك نويصر ماشفناه الجده : اقطعي يا نجيل هذا الشيخ ناصر ولد الشيخ نجلا بمرح : افااا يمه بو نااصر وهو يضحك : ماهب شين يمه هذي عمته نجلا ببتسامه النصر : كفووو بو النصري الجده وهي تضحك : منكم لبعض كيفكم بو ناصر : والله مادري عنه اخبره في البيت نجلا : لآ فديتك ولدك مايقر(مايقر = مايقعد) في البيت كله هايت(هايت = غير متواجد في البيت ) من مكان لين مكان من رالي لين رالي من اسطبل لين اسطبل وهذي حياته بو ناصر ببتسامه : وش عليه رجال في بيت سعد ويتحديد في غرفته يجلس سعد على الزاويه كانت فاطمه تحبها كثيرا !! كان هذا المكان المفضل لها كانت تشرب القهوه في الصباح الباكر وهي في هذا المكان لتراقب سعد وهو نائم كان سعد يعلم بأنها تراقبه دائما ولكنها لم تكن تعلم بأنه كشفها فهي تحب ان تراه وهو على السرير و ترى تحركاته همساته شهقاته وهو مستلقي على الفراش كم يشتاق اليها !! تنزل من عينيه دموع حاره تحرقه من يستطيع ان يحل مكانك يا عزيزتي من ؟؟ كلما سافرت و ذهبت كي ارى النساء لأنساكي لا استطيع فلا واحده منهم تأتي ربعك !! لماذا لا يفهمون بأنه لا يغنيني عنك احد لماذا لا يعرفون انه لا احد في هذا الكون قد يحل مكانك لماذا تركتيني يا عزيزتي ؟!! الم تقولي لي ذات مره اوعدني بأن تبقى معي فوعدتك .. اما انتي .. فخنتي وعدنا ! لماذا ؟ هل تريدين تعذيبي ؟؟ هل تريدين تحطيمي ؟ هل تريدين نزع حياتي مني ؟ فعلتي كل هذا بي ونجحتي هل ستعودين الآن ام ان التراب قد اكل لحمك الطاهر ؟ ابشرك فأبنائك كبروا كثيرا يا عزيزتي فضل هذا الطفل المحروم من حنانك قد كبر انه ابننا الأصغر يا فاطمه كم هو جميل و لكنه لا يكبر فحجمه صغير جدا اما عايشه فجمالها يزداد يوما بعد يوم فهذه شبيهتك ايتها الجميله فلا استطيع الكلام عن جمالها اما محمد فقد قرب من الأنتهاء و قريبا سيرجع بين احضاننا انا و انت فأبننا معه الماجستير !! هل تصدقين هذا !! فهذا الوغد جعلنا كبارا ! يا جديع انا قلبي مـن الوجع حـارى لاتلومنـي وتـقـول ان البـكـا عــار وسط الحشا يجديع كـن شـب نـارى والمـوت عـدة طـالـب عنـدنـا ثــار من دمـع عينـي كـن غدينـا سكـارى اللـة يجـازي دايـر الــدور غــدار وفاطمه شفاتـي بيـن كـل العـذارى ياسين يم عقـاب ترحـل عـن الـدار اهرف هريف الذيـب ليـل ونهـارى واعول عويل الخلج حنن علي حوار عـلـي عشـيـر بالتـرايـب تـــوارى وغـديــت مـثــل مـــدوة راح دوار فيها خصـال مـن الفضايـل كثـارى ومسـايـل فيـهـا التفاكـيـر تـحـتـار من فقد مسلـوب الحشـا يـوم سـارى غـرو جبينـة صاطـع مثـل الانـوار ياليتـنـي لــو يـنـرجـع بالـمـثـارى دونـة نبيـع الـروح والملـح زجــار لكـن جــاة الـمـوت مـابـة مــدارى أخذ عشيـري واودع القلـب محتـار ولـولا ضلوعـي فـر قلبـي وطـارى لكـن ينشـر ثـومـة القـلـب منـشـار ريحـة جسدهـا مثـل ريـح البهـارى وغـر ثمـان صويحبـي تقـل مـحـار مـن لامنـي بــة ثــور ولا حـمـارى والثـور النـك قلـت لـة دور ينـدار وصـلاة ربـي عـد نـبـت القـفـارى علـي رسـول اللـي قهـر كـل جبـار بالقرب من بيت بو فهد كان ناصر واقف في سيارته السبورت بنتظار فهد رن هاتف جواله وكان من فهد ناصر : هلا فهود هذا انا برا فهد : قوم انزل خلنا ناكل لنا شي ناصر : لا انشاءالله يوم ثاني بسرعه انزل فهد بمرح : شنو يوم ثاني عشانا اليوم مكرونيه مينون انا اخليها عشان يجي الوالد ويخلص عليها يالله انزل لاتفوتك ناصر وهو يضحك : اللي يشوفك مايقول انك مجنون اكل خلاص بسكر السيارة و بنزل لك قطع الخط و سكر السيارة و نزل وهو نازل لمحها لم يهتم وقرر الذهاب للسلام فقط !! (هل صحيح ذهبت يا ناصر للسلام فقط ؟!! ) الجوهره لحظتها كانت رايقه و كانت واثقه فكل من في البيت يشبعها غزلا في جمالها و انوثتها فهذا البيت سر قوتها و قوت شخصيتها المزعومه !! كانت لابسه جلابيه وسيعه و جلال حاطه كحل و مسكرا خفيفه و شوي من قذلتها طالعه شكلها كان انثوي كالعاده ما الغريب في هذا يا ناصر ؟!! لون شعرها بني على احمر لونه قمت الأنوثه و لون بشرتها مايل على برونزي رائع !! كانت قاعده على كراسي الحوش حاطه رجل على رجل و تشرب القهوه ناصر ارتبك كم هي وقحه اليوم انها تفتنني!! لكنه عمره مايحسس اللي حواليه برتباكه فطلته الآسره تخفي هذه الملامح وتبقي ملامح الرجوله وكيف اذا اجتمعت ملامح الرجوله و الوسامه مع ملامح الأنوثه و الجمال ؟!! اسره منظر الجوهره !! يا الله كم هي جميله هذه الأنثى !! قرب ناصر و ألقى السلام : الـسلام عليكم الجوهره ببرود: و عليكم السلام ناصر قرب منها وهمس في اذنها : لآ تحسبين اني نسيت المسج اللي طرشتيه امس لكني مابغيت اسوي شي و اتهور عليه ثم تركها حائره في مشاعرها مبعثره فناصر خلع منها الثقه و روقان : شنو يعني بيخرعني مثلا ؟!! دخل ناصر بيت عمه ثم تنح نح فهد ببتسامه : تفضل بو هنيدي ناصر بذات الأبتسامه : دام فضلك الا وين عشاكم خلصنا الوكااله تسكر بسرعه فهد : كنت انطرك مابغيت الأكل يبرد الحين بنادي الخدامه تحطه لنا ناصر جلس ناصر على الكرسي ثم اردف برجوله : وليش الخدامه وين خواتك هم المفروض اللي يخدمون ( لم يكن مقتنع بكلامه لأنه لايؤمن بهذا الشئ فهو لا يجعل مريم تخدم في اي شئ ولكنه كان يريد رؤيت الجوهره يريد ان يرى عيناها الآسره المليأه بتحدي يريد ان يراقب تحركاتها الجوهره كم هي اسطوريه هذه الأنثى بنسبه له ) فهد : الجازي طالعه مع الوالده ناصر : ليش الجازي ماعندها اخت فهد بمرح : تقصد جهور هذي الله يسلمك دلوعه بابا ماتخدم ارغم فهد ناصر على الأبتسامه ففهد متخصص لجعل الجميع يضحك : الله يرجك ترى مب زين الدلع الوايد للبنات وانا اخوك فهد ببتسامه : ازهلها وانا اخوك (ازهلها= لاتشيل هم ) راح فهد يقول للخدامه تجهز الأكل بينما ناصر ارخى راسه على الكنبه وجلس يراقب السقف لفت انتباهه صوت خطوات كعب مثير انها الجوهره,, هل تتحداه ؟!! وهي متجهه للأعلى من غير احساس ضل يراقبها حتى ان ركبت الدرج ناداها فهد : الجوهره تعالي ثواني الجوهره بصوتها الناعم شديد الأنوثه : آمر تمنى ناصر ان يكون بدل من فهد وان يصبح و يمسي على هذا الوجه وعلى هذا الصوت فهد : تعبت مع هالتلفزيون مايشتغل شغليه الجوهره ببتسامه : انشاءالله كانت خصلات كثيفه من شعرها الناعم البني المائل للأحمر تغطي جزء من عينها اليسرى و هي ترفع الجلابيه الوسيعه جدا للأعى قليلا كي تستطيع النزول كانت تلبس تحت الجلابيه بنطلون استرج (البنطلون الضيق جدا , كي لا ترتفع الجلابيه و ايضا للستر ) كانت تراقب رجلها وهي تنزل من الدرج كانت تلبس كعب عالي هل تتخيلون منضرها !!؟؟ انها اجمل بكثير فهذا هو وصفي انا ولكن كيف في الحقيقه فليكن الله في عونك يا ناصر !! هذا كثير علي والله كثير ماهذا الجمال و السحر يا الجوهره !! كان هذا كلام ناصر وهو يراقبها بتمعن ولكن الجوهره لم تلتفت له حتى ولم تهتم لوجوده ! انها لا تراني ولا حتى تهتم لوجودي ! ضعي عينيك في عيني اشفي القليل من اوجاعي فمنذ البارحه وانا لم استطع النوم ذهبت الجوهره في اتجاه التلفاز ولكنها لم تعرف الجوهر : فهودي ماعرفت اعدله ناصر كان يذوب من كلماتها فهودي !! ؟؟ يابختك يافهد انت اكثر انسان محضوض في الكون هذا ناصر قام واتجه نحو التلفاز : يمكن انا اعرف اشغله قرب من الجوهره كان يحدق في وجهها بتمعن وهي منزله راسها لم تكن تريد ان يضع يعنه في عينها سحب ناصر الريموت منها برقه حست بشعور غريب احساسها بأنه يقترب منها و كيف يحدق بها وكيف سحب منها الريموت بكل هدوء ورقه هل تغير ولــكــن ؟!! قبل دقائق كان يهددها !! هل هذه خطته ؟!! سنرى يا ناصر سنرى بيت بو راشد تجلس المها هذه الحسناء الأخرى في صالة المنزل في حضنها سلطان الصغيرون ابن راشد عمره سنه دخلت عليهم نورة زوجه راشد نورة بأرهاق وهي تجلس على الكنبه : آآآآه شنو هالتعب مها ببتسامه وهي تمسح على راس سلطان : ليكون فيه بيبي في الطريج نورة بستنكار : شنو بيبي لآ حبيبتي هذا من تعب المدرسه الطالبات اليوم جننوني في الرحلة مها وهي تضحك : حسافه كنت ابي بيبي يسلينا شوي خلاص ملينا من سلطانوه نوره وهي تبتسم : عاد مثل سلطانوه مافيه لو اجيب درزن عيال مها وهي تبوس سلطان اللي كان يلعب بالسياره على حضن مها : في هذي صاجه نوره بتساؤل : مب رايحين لمي ظبيه اليوم مها وهي مندمجه في تركيب لعبه سلطان اللي تفككت : لا بنروح نوره : عيل يالله بسرعه خلنا نلبس قبل ما تلعن خيرنا امي ظبيه مها بستنكار : وين يايه انتي ؟! (يايه= جايه ) خلج في البيت ماتجوفين شلون لون ويهج انا بنادي راشد يجي يقعد معاج نوره بترجي: لآ عاد تكفين مهوي امي ظبيه بتعصب انا ماجيتها من يومين مها بذات الرفض : مب مشكله انا بقولها انج تعبانه بعدين امي ظبيه عاذرتج انتي مره متزوجه و عندج ياهل (ياهل= بزر) نوره : انزين لكن لاتنادين راشد ماله داعي تعنينه (تعنينيه= تخلينه يتعب) و انا مافيني شي مها وهي تغمز لها ببتسامه: لا تخافين على حبيب القلب هو في بيت امي ظبيه يعني ماراح يتعنى الباب على الباب نوره برفض: لا مهوي تكفين خليه لا تنادينه هو مايقدر يمشي وايد حوش بيتنا كبير و لازم سيارة تاخذه ولا نسيتي انه توه طالع من الحادث و الدكتور قايل لازم مايمشي مسافات طويله مها : خلاص كيفج هاج اخذي سلطاانوه ماعليج امر لبسيه بوديه معاي و انا بروح اجهز وانادي البنات نورة ببتسامه : تامرين مهوي في هذه الأثناء ذهبت مها لكي تتصل بالجوهره كي يتلاقون في بيت الجده المها : ســلام كـيفو الحلوو الجوهره : وعـليكم السلآم طيبه غلاي المها : دووم يالغلا جهيير لبسي وتعالي بيت مامي ظبيه بسرعه الجوهره بقلق : ليش خير ؟ المها : مافيه الا كل خير بس انتي تعي انا بألك الجوهره وهي تضحك : شفيج مهوي قالبه سوري على مصري خـير ابوي شاربه حاجه ؟!! ولا لا اكيد توج شايفه مسلسل صبايا المها وهي تضحك : عليكي نور يالله تعاالي لا سطرج (اسطرج= اضرب وهذه الكلمه من طريق المداعبه ) الجوهره وهي تضحك : ياحلوج جيه بكلامنا اما الكلام اللي مادري (وش له من سنع )على قولت مامي ظبيه خليه عنج المها وهي تضحك :انشاءالله عمتي يالله البسي بسرعه بستناكي على ناااار ثم اقفلت الخط بسرعه فهي تريد ان تتأكد من ان نورة البست سلطان ومن ان اخواتها لبسوا في بيت بو ناصر تجلس مريم مع والدتها يتبادلن الأحاديث الحميمه فأم ناصر لديها من الحنان ما يزيد فهي تغمر حنانها للجميع بلا استثناء كم هي طيبه هذه الأنسانه و صافية القلب كأمهاتنا جميعا حفظهم الله تعالى و يرحم منهم من قد مات مر وقت فعم الصمت على الصاله الرخاميه الكبيره جدا الراقيه لا يوجد غير صوت التلفاز و الأعين المثبته عليه رن جوال مريم انها الجوهره فالجوهره اشتاقت لمريم ولكنها لا تستطيع زيارتها من بعد ماحصل مريم بفرح : الــو الجوهره : يـآلبـى هالصوت في ذمتيه مريم بذات الفرح : ياعلني ما خلاج وينج ماتجيني والله مشتاقه لج حييل الجوهره : هالمدرسه هاده حيلي مريم بفرح : وااااي مشتاقه حق المدرسه وايد متى بيطيب الكسر و اقدر ارجع الجوهره وهي تضحك :من صجج انتي ويييع كرهات على هالمدرسه احلى مافيها البنات بعدين لاتستانسين وايد خلاص عقب يومين آخر يوم مريم وهي تضحك : لا بالعكس كل شي فيها حلو الحين عرفت قيمتها اما عن آخر يوم فعادي الله يصبرني لين السنه اليايه الجوهره بمرح : الله يخليكم لبعض زين تعالي بيت امي ظبيه كلنا متجمعين مريم وهي تضحك : كالعاده امي ظبيه متصله على الكل تعزمه صح؟ الجوهره وهي تضحك : اي اكييد هاي من بطولتها فديت هالأنسانه والله مريم : انا اشهد فديتها بس من بيجيبني جهوور ابوي مب في البيت ولا ناصر الجوهره : امج ولا الخدامه مريم وهي تتصنع الزعل : امي تخاف جهور و الخدامات مايعرفون انتي و ابوي وناصر الوحيدين اللي تعرفون لكن شكلج تمللتي مني الجوهره بستنكار شديد : لا فديتج والله مب جييه وانتي ادرى مريم : عيل تعالي لي بلييز جهوور والله مشتاقه حق البنات انكسر خاطر الجوهره كثير لكنها كانت حالفه ماتدخل بيت عمها هل تكسر حلفتها عشان مريم الجوهره في نفسها : انا حلفت ان ماجي حق نصور مب حق مريم !! خلاص باروح وللي فيها فيها مريم بعد ما ان عم الصمت قليلا : الوووووو الجوهر بمرح : بطيتي راسي خلاص بجي مريم بفرح : كنت عارفه ماتقدرين على زعلي خلاص البس وانطرج نرجع لبيت بو فهد ناصر وفهد اندمجوا في فلم اكشن ومر الوقت ربمى ساعه او اكثر قليلا فهد تذكر وهو يرى سيارة في الفلم مثل سيارته فهد وهو يعدل جلسته و يضرب جبهته بخفه : اووووووووووه نسينا الوكاله ناصر : حسبي الله على بليسك بالعون اني كنت انطرك تحت فهد بتحسر : مب وقتك كلش جوف في ساعتك الساعه كم ناصر وهو ينظر للساعه : 7ونص خلاص على مانوصل الوكاله سكرت فهد عاد لوضعيته القديمه و بمرح : خلاص شنسوي خيره خلنا نكمل الفلم احس ن ناصر وهو يبتسم : اما انت اعصابك ثلاجه انا رايح البيت انطر صلاة العشا و بريح شوي توه راح يقوم مسك فهد كفه وثبته على الكرسي : خلاص الحين بيخلص ونروح سوا المسيد (المسيد= المسجد) استسلم ناصر لرغبت فهد وجلس : شوف اذا طول ترى بقولك فمان الله و المسيد بروحله بروحي فهد وهو يضحك : يصير خير ناصر بمرح : مافيه كرك عندكم (كرك = شاي مع الحليب مشهور في قطر فهو المشروب المفضل للشعب كافه و الكرك من اكثر الأشياء شهره مافيه بيت في قطر مايسون كرك العصر و الصباح وهناك اماكن ومحلات متخصصه لهذا الشئ ) فهد بذات المرح : فيه بيت فبلادك مافيه كرك ؟؟ ناصر وهو يضحك : الا بيت عمي كل شي يصير عندهم فهد : تامر الحين اجيب لك ناصر : مايامر عليك عدو في هذه الأثناء نزلت الجوهره من الدرج كان صوت كعبها يظفي رنين رائع في اذن ناصر كان يراقبها في نزولها كم تبدوا جميله !! كانت تضع مكياج خفيف وخصلات كثيفه من شعرها خاارج الشيله و العبايه مفتوحه وتحتها جينز ضيق انثوي خاص لم تكن تعلم بأن ناصر لايزال هنا هل تريد ان تجنني فهي من دون مكياج رائعه فكيف الآن ناصر بنبرته الرجوليه الخاصه : على وين لكن الجوهره لم ترد وبدأت بأغلاق عبايتها و ادخال شعرها حرقته حطمته بل جننته وهو يقول في نفسه : تطلع من اليت وهذي سواتها ؟!! لكن العتب على اخوها الأهبل ناصر بغضب مكتوم : ماتسمعين اكلمج قاطعه فهد وفي يده دلة الكرك : هذا الكرك ناصر : لا تسلم انسدت نفسي فهد : افا توك تبيه الجوهره وهي منزله راسها وبصوت خفيف لم يسمعه سوى ناصر وفيه عبره: انا اللي سديت نفسه فالجوهره لم تتعود على ان يكلمها احد بالطريقه التي يتكلمها ناصر تألم ناصر حتى النخاع من كلام الجوهره ليتها تعلم !! انها الغيره ولا شئ سواه ! فهد انتبه على الجوهره وانها لابسه عبايل: طالعه الجوهره الجوهره : اي فهد كان يعلم بأنها ستذهب بيت جدتها : خلاص ناصر بيروح بيته بيوديج في طريجه الجوهره برفض : لا ماله داعي انا كنت بروح عند مريم بس عشان اجيبها مدام انه هو ناوي يروح خلاص ماعليه امر يجيب اخته و انا دوم اروح بيت امي ظبيه مشي مب من بعد البيت ناصر وهو يطالعها بنظرات ليس لها اي معنى : خلاص بكيفج وهاهو ناصر يهم بالخروج والجوهره ايضا لكنها ارادت ان يذهب ناصر اولا ومن ثم تستطيع الخروج براحتها فهم ناصر رغبتها لكنه لم يرضى فقد كان في سيارته ينتضرها لتخرج ضلت الجوهره خمس دقائق اعتقدت بأن ناصر قد غادر (من يغادر يا الجوهره ؟! نـاصر !! ) عندما خرجت صعقت بأن ناصر لايزال موجودا فتح ناصر نافذت السياره وببتسامه رائعه : مابغيتي تطلعين الجوهره وهي تسد عيونها من ليتات سيارت ناصر : ليش تامر بشي ناصر بذات الأبتسامه والصوت الحنون و: لا بس بغيت اوصلج الجوهره غضب : يعني وين تبيني اقعد في حضنك مثلا السياره مافيها غير سيتين ناصر بنبره رجوليه خاصه : محشومه انتي تدرين اني ماقصدت هذا الجوهره بذات الغضب : مبين مشاءالله ناصر بغضب وبنبرت صوت عاليه : اقطعي يا بنت خافت الجوهره وماعرفت ترد ولا تقول شي ناصر بنبرت الغضب : ولين متى بنطر امشي نزل ناصر من السياره هنا ارتعبت الجوهره لكن ناصر خلى مسافه بعيده بينه وبينها وكان يلحقها فبينهم وبين بيت جدتهم شارع فقط ولكن كانو يخافون يطلعون في الليل لأن فيه عمال كثير لبنايت احد البيوت بعد ساعتان تقريبا بيت الجده دفء شوق فرح حب هذه هي الأجواء اللتي تملأ صالة الجده الفخمه جدا مرت ساعتان لم يشعر احد بهما وهاهم يهمون بالخروج لنعد بالوقت قليلا للأمور المهمه فكعادتنا نحن الفتيات اذا اجتمعنا تحدثنا في كل شئ ومن غير الأئق ان اذكره جميعه من اهم قرارات هذا الأجتماع : قرب قدوم محمد و الشئ الأخر زيارت البر الأمر الذي اثار العديد من الأحتجاجات ! |
السلام عليكم ورحمة الله وبركاتة
الروايه جميله ومشوقه يالغلا بس كم بارت في الاسبوع ينزال وننتظرك على خير البارت الجاي |
بارت جميل مشكورة .
|
السلام عليك ورحمه الله
وحوده الحمد لله على السلامه وحياااااك الله في يلادك البااااااارت راائع وراايق شوفي وحوده سالفه محمد وجازي الى الان انا مافهمتها عدل واحس انها يلفها الغموض شوي ناصر والجوهره ماهنااااا محبه الا من بعد عدااوه واحس الاكشناااات ال رااااح تصير بينهم ممتعه خاصه الجوهره احسهااااا قويه باهلها وحبهم وانهااااا كسرت عين ناااصر يوم شك فيهااااا نااصر زي ماانت مدلع اختك ومهنيها خل بيت عمك يدلعون بنتهم وا لا حلال عليك وحرااااام على غيرك اجل مسنتر بالصااااله عشان زول شيخه البناااات بس يالله راحت عليك الجد ظبيه رهيييييييييييبه هالجده استانست عليهاااااااا كثير احسها طيبه وحكيمه الله يخليها لعيالهااااا ابو محمد عجبني حييييييييل وفائه لزوجته وانه ماازاااااال يحبها رغم موتها ويذكرها بالخير مو زي رجاجيلنل من تموت مرته اليوم الي عقبه خااااطب وميت على العرس ولا كن الي مااااتت مرته وام عيااااااله وحيده تسلمييييين خلا ولا عدم |
شكرا لكم عزيزاتي كم تسعدني ردودكم وتفاعلكم الله يسلمكم من الشر شكرا لكم من اعماق قلبي يا اميراتي بنسبه لوقت التنزيل انا انزل البارت بعد تنزيل البارت اللي قبله بيوم يومين بالكثير عشان القراء احاول اعطيهم الفرصه للتفكير و التنفس قليلا و التحليل اكثر في الرواية اما لأحداث الروايه فالجزء السابق كان من الأطول الأجزاء و اخفها ايضا لا اعلم لما هذا التناقض ربمى تعرفتم على بعض الشخصيات قليلا ولكن مع هذا الجزء ستتعرفون على ملامح اخرى من شخصياتنا في هذا الجزء سنتعرف على حياة راشد & نورة قليلا احببت اهذا البارت لأنه سيشرح القليل عن حياة راشد ونورة المثيره فعلا راح تكون فيه احداث راح تغيير سير الرواية كامله ربمى لهذا السبب احببت هذا الجزء كثيرا !! :: :: الـــجـــــزء الـخامس :: اســتــمــتــعـوا بــالـقـرائـه :: انه من المثير للفضول كيف تحيا في بعض الأحيان ذكرى الأرواح الميته اطول بكثير من ذكرى الأحياء و الحياة التي عاشتها ايضا وبينما شحبت ذكرى العديد من الناس في ذاكرت الجوهره وهم لا يزالون احياء ولكن ذكرى جدها لاتزال عالقه في ذهنها وهو من سكان السماء فهي تتذكر كبريائه عزت نفسه صلابته رجولته رحمته عنفوانه جماليت ذكراه فكم تشتاق الى احضانه الدافئه كانت تجلس وتشرب بارتودي (بارتودي = شراب حار ومحلى مسكر من النخيل ) شراب جدها المفضل فقد كان يسميه شراب النخيل , انه الفجر برد قارص السماء سوداء ملبده بالغيوم و قطرات من المطر تنهمر بغزاره تجلس الجوهره بعد ان صلت الفجر في حديقت المنزل في الخيمه فاتحه الباب لتراقب المطر وفي يديها كأس من البارتودي دخلت الجازي على الجوهره وهي تبتسم و رافعه الجلابيه وتركض من المطر لتدخل الخيمه وتجلس : كأن في المسا مب الفير (الفير = الفجر ) يالله رحمتك بس السما سوده الجوهره بذات الأبتسامه الهادئه : حلاته اصلن الجازي اقتربت من الباب ورفعت راسها وببتسامه : ياحلوو المطر الجو جنان يبيلنا نطلع رحله الجوهره وهي تضحك : وييييه نسيت اقولج امس يوم رحنا بيت امي ظبيه قالت لنا ان محمد بن سعد ياي البلاد قريب الجازي وهي تبتسم : الله يحيه بعدين شلي يضحك في الموضوع شاقه الحلج جهير الجوهره وبذات الأبتسامه : وهذي القمنده ( القمنده = هذي السالفه ) القرار الثاني في القمه العاجله البارح هو ان احنا بنروح البر الجازي نقزت من الوناسه : ياااااااااااي البر الجوهره : لاتستانسين مب بر قطر بتهيتنا( بتهيتنا = بتصيعنا ) يدتج الجازي ردت قعدت : عيل وين ؟ الجوهره : بر نعيريه تبيني اموت الجازي وهي تبتسم : سم الله عليج بس صراحه نعيريه ونااسه حدها والله بتستانسين يا جهير الجوهره :شنو وناسه انتي جفتي سلموه رفيجت مريوم شصار فيها ولا نسيتي آخر مره يوم تروحون الضب اللي كان يرقد معاكم الجازي وهي تضحك : فديتج جهير ترى حتى سيلين (سيلين = منطقه سياحيه في قطر وهي بر مليئ بالطعوس الرمليه ) فيها و كل بران الكون الجوهره وهي تبتسم : عشان جيه انا رافضه فكرت البر كلش ملش جزوي وربي اخاف من الحيوانات صغيرهم لين كبيرهم ويييع الجازي ببتسامه : يكفي جمعتنا و السوالف طول الطريج الجوهره وهي تضحك : بس ماراح تفيدني سوالفكم الملغه (الملغه = البايخه )اذا جفت ضب و تروعت (تروعت = تخرعت ) ولا قدرت ارقد دخل عليهم بو فهد و ام فهد وخلفهم الخدامه في يدها صنيه الفطور كانو يمشوون بسرعه للخيمه من المطر وكان بو فهد مبتسم كعادته مسك كف ام فهد ثم جلسوا على الجلسه الأرضيه بالقرب من بناتهم قاموا الجوهره و الجازي للسلام على والديهم ثم جلسوا في اماكنهم وضعت الخادمه الفطور قريبا ليأكلوا الفطور مع بعض بوفهد : هااه الحلوات وش تسوون الجازي وهي تبتسم : ابد نسولف عن روحت البر ام فهد وهي ترتب الفطور وتضحك : وييه يا حمد بنتك ميته من الروع من سالفه هالبر اول ماقالت امي ظبيه طاري البر زاغت عيونها بو فهد وهو يبتسم : عادج خايفه ياجهير الجوهره وهي ترتمي في حضن والدها : اي ولو ما اروح يكون احسن وربي يا يبه اخاف بو فهد وهو يضحك : اخلي حبيبتي هنا بروحها حشا و الحشا عن الف يمين ام فهد وهي تمسح على راس الجوهره بحنان وببتسامه امموميه حنونه : يا يمه شنو هالخوف اللي عندش سم الله عليش الجوهره وهي تمسك يد امها بحنان : اخاف من شي اسمه حشرات والله اتذكر اسمهم تيني قشعريره الجازي وهي تضحك : والله الحشرات مايعظون بس يخوفون شوي ثم اكملت بمرح : لو كان فهود و نوروه هني جان قطعوج من التمصخر الجوهره: فهود متى بيستعدل ويخلي عنه هالسهر والله مشتاقين حق ملاغته من الصبح و نوير متى تجي تتريق عندنا كلا مجابله هالراشد ذيه ام فهد وهي ميته من الضحك : نورة عند رجلها وماهي فاضيه لكم اما فهد الله لا يحرمكم من ملاغته بو فهد : ياعلني ماخلا جمعتكم سموا يا بنات في مكان آخر قريب جدا في بيت بو ناصر صحت ام ناصر كعادتها مع اذان الفجر ايقضت بو ناصر وناصر للصلاة وهاهي ترتب الفطور في المطبخ في المطبخ الداخلي قاعده ام ناصر مع الخدامتين يجهزون الريوق فالمطبخ الداخلي فيه باب يطل على الحوش كانت ام ناصر تنظر من الباب للمطر وتبتسم ثم تذكر الله و ترجع لقص الخضروات ام ناصر بود للخدم : يالله يا بنات خلصوا بسرعه الحين العيال بيجون من المسجد ثم اردفت : ميري يمه روحي قومي مريم ياعوينتي عليها صلت الفجر ثم ارقدت من التعب ميري: انشاءالله ماما ام ناصر ببتسامه : ماتقصرين دخل ناصر بثقه وقترب من امه ليضمها من الخلف وهو يبتسم: صباح الخير يالغاليه ام ناصر ببتسامه : صباحك النور و السرور تقبل الله فكها ناصر ليقترب من الصحن المجاور لها ويسرق بشقاوت اطفال بعض السناكس (السناكس= السندويشات) بخفه ضحكت ام ناصر فهذه حركات ابنها منذ صغره : ماله داعي يايمه تبوقه اخذه كله فداك ناصر بمرح : عشان يخلص علي ريلج دخل بوناصر خلفه وهو عائد من المسجد مع ناصر وهو يضحك : تحشم ياصبي ثم اقترب بوناصر من الصحن وكرر طريقت ابنه ام ناصر وهي تضحك : يمه منكم وش فيكم تبوقون كذا انطروا لين مانتجمع كلنا بو ناصر وهو يضحك : مانقدر نتحمل يا ميثا حن مطافيق عيشه في لندن عاصمة الضباب مره اخرى محمد وغانم في ذات الكوفي شوب غانم ببتسامه : يا الله خلاص بنخلص يا حمود بنفتك من هالدراسه و الكتب محمد ببتسامه : الحمدالله صبرنا ونلنا غانم وعيناه تلمعان فرحا : انا اشهد خلاص مابقى غير خمس ايام ماتخيل ان احنا خلصنا واخيرن محمد وهو يضحك : بل بل بل لهذي الدرجه ضايقه بك الوسيعه يا غنوم غانم وهو يضحك : ضايقه ومن من قلب بعد قاطعهم جون بمرح : مرحبا غانم ببملل : اووهوو وش يبي ذا ابتسم محمد ثم اردف: اهلن تفضل جون ببتسامه : مرحبا يا اخ الذي بجانب ميشو غانم وهو يتصنع الأبتسامه : اهلن جلس جون وهو بتسم : هانحن التقينا مجددا ولم امت او اقتل ثم اردف جون وقد احب ادخال المرح : هل تعلم اذا قتل احد في تقاطع زاييرا فأن الحكومه ستدفع تكاليف الجنازه فهذا التقاطع لم يوجد الا من اجل الجنازات المجانيه !! مشعل بمرح : نعم اعلم هذا و بالطبع في هذه المدينه المضحكه فلا يوجد اي من تقاطع زاييرا في ايمينيم ولا حتى في كوتاباما اقرب مدينه لها جون وهو يضحك : ولكني قد شاهدت بعضا منها عبر نافذة السيارة عندما ذهبت الى كوتشين التي كانت على مسافة ساعتين لم تدفع الحكومه ابدا من تكاليف جنازة صوفي الأنها لم تقتل في تقاطع زييرا محمد بتأكيد : نعم هذا صحيح وقد كانت جنازتها في ايمينيم وفي الكنيسه القديمة حديثة الطلاء (تقاطع زييرا : هو مكان خاص في انجلترا مخطط بخطوط بيضاء و سوداء يتوجب على السيارات الوقوف عنده و السماح للناس بالعبور بأمان) غانم وقد احب الأشتراك في الحديث : هذا التقاطع منظم وجميل كم هو رائع جون بتأييد : نعم فأنا احب الأزهار المنتشره هناك كثيرا انه منتصف النهار الجو غايه في الروعه لايزال المطر يتساقط ولكن بشكل اخف يبدوا وكأننا في الليل ولكن انها 2 والنصف ظهرا في بيت بو راشد وبتحديد في غرفت راشد و نوره لم تذهب في هذا اليوم نورة للعمل فراشد كان متعب قليلا وهاهو يتسطح على السرير اما نوره فتجلس بعيد عنه قليلا كي لاتزعجه فقد كانت تلاعب سلطان فتح راشد عيناه ببطئ ثم ابتسم للملاك الذي بجواره لم تنتبه نورة ابدا لهذه العيون المتمعنه فيها وقد كانت ببرائه شديده تلاعب سلطان فتخفي وجهها بيديها ثم تفتحها لتهمس بصوت عذب لسلطان : اكوو فتعيد الحركه وسلطان غارق في شهقاته البريئه انتبه سلطان لوالده فرتسمت ابتسامه شاهقه على محياه و بدأ بتلويح في يده انتبهت نوره ثم ارتسمت على وجهها هي الأخرى ابتسامه عذبه انثويه باهره لتقترب من راشد وتجلس على السرير وهي تمسح على رأسه و تقول : صح النوم حبيبي راشد وهو يمسك بيدها ويضعها على صدره ثم يجلس بشكل صحيح وببتسامه رائعه : صح بدنج ثم التفت على سلطان ليأخذه الى حضنه بقوه قطع عليهم هذا الجو العائلي الحميم موبايل راشد انتبه راشد للنمره الخارجيه فتغير لون وجهه لم يعلم ماذا يفعل هل يرد ام يتجاهل المكالمه ؟!! اغلق الخط باس سلطان ووضعه على السرير راشد ببتسامه : نورة حبي بطلع برا اكلم واحد من الشباب في الشغل اكيد انهم انحاسوا وانا غايب مسكي سلطان لا يلحقني الجو برا بارد اخاف عليه يمرض نورة بذات الأبتسامه : انشاءالله خرج راشد مثل البرق فهي لم تتصل به منذ فتره طويله لماذا تتصل بي الآن ؟! عاود الأتصال بها فقد كان صوتها مزريا صوت انثوي غايه في الحزن منخرطه في البكاء ألو راشد وينك دخيلك تجي هلا ابني ياراشد حيروح من ايدي راشد بخوف وحده : جسيكا شفيج شصاير في خليفة جسكا وهي منخرطه في بكاء حاد : مافيي الك ياراشد مافيي تعا هلا بترجاك ابني حيروح من عندي راشد بشهامه : عطيني مكان منطقتكم جسيكا بذات النبره الباكيه : العاصمة باريس راشد بحده وحزم : خلاص على اقرب طيارة انا جايكم جسيكا وهي تبكي بقوه اكبر : في العناية يا راشد العنايه المركزه وقف قلب راشد في هذه المرحله خــلـيــفه في الـــعــنـايه المــركــزه !!؟؟! راشد لا يجد اي كلمه تعبر عن مشاعره انه ذنبي ذنبي انا عندما اهملته اتصل بصاحب له يعمل في السفريات واخبره بموعد الرحلة القادمه لباريس قال له هناك رحلة الليله الساعة 4 عصرا فهذا الشخص يعرف راشد تماما و بياتات راشد مسجله لديهم فراشد كثير السفر بحكم عمله ولم يتعطل ابدا في موضوع السفرة كان همه الوحيد خليفة !! يالله يالله لا تفجعني به فقد تحملت فراق ابيه فقد كان صاحبي و اخي ورفيق دربي و أخر وصيته ابنه و زوجته و انا لم اتحمل هذه المسؤليه و هذا جزائي ذهب بسرعة البرق للغرفة اخرج الشنطة وبدأ بوضع ثيابه بفوضوية شديده لم تكن نورة في غرفتهم فقد كانت في غرفة هيا يتبادلون الأحاديث الوديه هيا وهي متجهه للكبت : فيه هديه من عمتوو حق سلطانو الحلو سلطان بشغف وبرائت اطفال : شـنو الهديه عمتو هـيا وهي تخرج الكيس من الدولاب : لا اول شي تغمض عنونك الحلوين (عنونك=عيونك بلغة الأطفال البسيطه ) اغمض سلطان عينه وهو يقول بفرح : بسرعه بسرعه بعدين عيون سلطان تعوره هيا بفرح : بطل العنون الحلوين كانت بيجامه مع طقم العاب و حذاء من فرنسا طلبته هيا من الأنترنت كان سلطان في غاية الفرح سحب البيجامه واخذ ينضر اليها ثم بدأ بتقليب الألعاب وهو يقول : شوكرايا عمتو هياوي (شوكرايا = شكرا ) هيا وهي تضمه بقوه : حبيبي فديت الذرب (الذرب= المهذب ) انا وه بس ياعلني ماخلا عنونهم نورة وهي تنضر الى بيجامت سلطان وهي تبتسم : يـــاااي سـلطان بيجامتك حلوه ثم اردفت : تسلمين حياتي هياوي والله كلفتي على خالتي (لأن هيا في لازالت تدرس ) هيا بمرح : هييييه انتي هاي بفلوسي والله كنت اجمعهم كله عشان سليطين ادري ان امي مابتقصر اول ماقولها بتعطيني لكن اللي مني غييير طبعا نورة وهي تحضن هيا : ويلوموني فيج يا هياوي بس وربي كلفتي على روحج مبين انها غاليه جان قلتي حقي ولا حق خالتي ولا راشد ندفع بلا ما تجمعين شهور محد بيقصر يالهبله دخلت الخادمة الغرفة بحترام شديد ماما نورة بابا راشد يبي انتي بسرعة نورة وهي تقف : الحين يايه حينها همست هيا بمرح وهي تغمز بعينيها : مايقدر على فراقج اخوي المشفوح نورة وهي تأخذ الوساده من على الكرسي وترميها على وجه هيا بمرح : ماتستحين على ويهج في غرفة راشد & نورة اقتربت نورة من راشد بستغراب : راشد حبيبي اسم الله عليك شفيك ؟ راشد بحزم : مافيني شي بس عندي سفرة ضرورية في باريس نورة بجزع وهي تضع يدها على كتفيه و تبوس راسه من الخلف : شلون تروح حبيبي وانت توك تعبان راشد وهو يغلق الشنطه ويتخطاها ليفتح الدرج ويسحب منه الجواز : مافيني شي الحمدالله هذا انا امشي جدامج نوره وهي تقترب منه اكثر لتمسك يديه وبرجاء حاد : راشد حبيبي تكفى امنتك بلاها السفره ذي عشان خاطري و اذا مب عشان صحتك علشانا يهون عليك تخلينا بنات في البيت وتسافر ؟ راشد بحزم : نورة اذكري ربج انا مافيني شي والسفره ذي ضرورية وانا ماراح أخليها عشان شكوكج اللي مامنها فايده قلت لج رجولي مافيها شي !! و اذا عنكم انتو خالي سعد مب مقصر بيجي ويقعد معاكم نورة بغضب شديد : شوية شكوك ؟؟ مبين مشاءالله انك مافيك شي من زود قوتك مارحت دوامك اليوم وانت عندك اجتماع القسم اللي كنت تنتظره من شهرين !!؟ راشد وهويسندها للحائط و ينثر على وجهها قبلات دافئه: انتبهي على نفسج و سلطان امانه في رقبتج ويخرج ..... في بيت بو ناصر وبتحديد في الصاله المفتوحه على الحوش مريم وناصر يراقبون المطر و يتبادلون الأحاديث كان ناصر جالس على الأرض متربع ياكل حب رافع الثوب وجالس قريب من الباب يراقب المطر و الريح تحمل معها قطرات من المطر البارد فتصيب ناصر على وجهه ام ناصر بقلق وهي تطلع من الصاله : يمه ناصر بتمرض دش داخل فديتك وكأنه طفل فرح بالمطر : لا يالغاليه مب صايبني شي خلنا نستانس بجونا كم يوم مريم قامت تركض بالكاميره عشان تصوره : جيييييييييييييييييز ناصر وهو يضحك على شكله : لا عاد مب تصوريني شكلي رايح فيها مريم بمرح : شكلك خطيير حده فالصوره عاش النصري والله حدك كيوت ناصر وهو يضحك : امحق كيوت شيليها اقول مريم بخبث : بشيلها بس بشرط ناصر بذات الخبث : افا تشرطين بعد مريم : هو مب شرط كبيير... ثم اردفت بمرح : ابيك اتوديني بيت عمي حمد ابي اجوف جوجو اكيد مستانسه على المطر الخبله و مره وحده بنمر فيلاجيو مع خالتي ناخذ لنا كم شغله ناصر ببتسامه : ماطلبتي شي على ذا الخشم بس بخصوص بنت عمج اللي يسمعج يقول ماشافت مطر في حياتها هي دوم تسافر و شافت اللي احلى من مطر الدوحه مريم بمرح : اي بس مطرنا غير المطر اللي عندهم مادري شلون ماله سنع ناصر وهو يضحك : بس بس قومي لبسي بوديج لأن عقبها بروح العنه في العديد عند الشباب ( بدا له شرط مريم اهم من مسح صورته و جمعت الشباب للتي لا يفرط فيها !!) ثم اردف بحزم : كم تبين مريم ببتسامه : لا يا الغالي ماتقصر بس ابوي عطاني من امس ناصر بغضب : وانا وين رحت يعني مريم وهي تبوس راسه : انت الخير و البركه بس الوالد سمعني وانا اكلم امي عن الروحه و عطاني نرجع الى راشد هاقد وصل مطار باريس ارسل لها رسالة وهو في المطار لتخبره عن موقع المستشفى ورقم الغرفه وهو يتجه نحو الغرفة صعق بالخبر لقد حصل !! نعم مات خليفه !! يا لله يا الله رحمتك كان منضر جسكا مزريا حتى النخاع مؤلم مروع انه ابنها !! لقد فقدته فقدت ابنها جوهرت حياتها كل دنيتها ماذا عساها تفعل من بعده ؟!! آلمه منضرها كثيرا لم يستطع ان يقل اي كلمه فعند وصوله صعق بالخبر اتجه راشد قربها ثم قال بصوت صلب حزين : البقا الله خلاص مب زين عيلج كذا كانت ردت فعلها صاعقه غريبه غير متوقعه اطلاقا !!!! ارتمت بين احضان راشد وبدأت دموعها بالأنهمار : ابني راح من بين ايدي يا راشد صعق راشد انها بين احضانه !َ! |
السلام عليكم و رحمة الله و بركاته
صباح الخير و الرضا من الرحمن وحيدة البال يا هلا و مرحبا فيج بين كوكبة كاتبات و كتاب ليلاس نورتي مكانج يالغلا و بداية موفقة جدا الرواية باينة شيء خيال و روعه مثل ما يقولون الكتاب مبين من عنوانه " و خلهم ينفعونك دامهم يعجبونك " أكيد انه هالعنوان ما هو إلا ومضة عن أحداث هالرواية الرائعة كل الأماني أنها ما تنتقل لقسم القصص المهملة ... ============================== (( ناصر و الجوهرة )) دايما يقولون " ما في حب إلا من بعد عداوة " بس هل المقولة ممكن تنطبق على الجوهرة لان ناصر الحب و الغيرة ذابحته بس للأسف أن ناصر بشخصيته المسيطرة ما هو عارف كيف يجذب الجوهرة له بالعكس كل اللي يسويه ما يزيدها إلا نفور منه و من قربه ,,اتوقع الجاي بينهم بيكون شيء خطير ممكن يزيد القرب من جهة الجوهرة و او بيزيد الجفا و البعد بينهم ... ============================== (( محمد )) إنسان غامض و عاشق بس اللي سواه هو الشيء الصح و خصوصا أن الجازي ما تعرف شيء عن هالسالفة فيعني أن شخصية محمد صافية و طاهرة بالنسبة لها و لو محمد وافق على قرار جده كان ما راح يستفيد شيء أبد إلا حرقة القلب على ضياع روح الجازي إللي ممكن هالشيء يقتلها لانها بالنهاية طفلة بس إن شاء الله أن بعد ما يرجع يخطبها و توافق إلا إذا ممكن يوصلها شيء عن رفض محمد لها و هذا أكيد بيحز بخاطرها ... ============================== (( راشد و نوره )) الواضح أنهم يحبون بعض بشكل كبير بس للأسف دايما بالحياة في منقصان توقف بدربنا و درب السعادة اللي نعيشها و جيسكا هي اللي بتكون هالعثرة بحياتهم لان واضح ان راشد محمل نفسه مسوؤليتها هي وولدها وولدها توفى و هذا بيزيد عليه احساسه بالذنب أنه اهملهم و الواضح ان جيسكا مالها أحد بدليل أن راشد أول شخص لجأت له ,, اتوقع راشد راح يتزوجها كتكفير عن احساسه بالذنب لانه أهملهم من أول ... ============================== (( سعد )) شخصية فرفوشية و شبابية بس بداخله حزن دفين على فاطمة اللي راحت و تركته بروحه و خصوصا أنه مو لاقي أي شخص يعوض هالغياب بس السؤال هل ممكن يستمر هالشيء لوقت طويل ؟؟ عندي احساس أن بيلقى البديلة عنها برحلة البر اللي ممكن تكون نجلا <<شكلي و الله أعلم شطحت حيل بتفكيري و الله يستر ^ــ^ ============================= (( فضل )) رجاءا و رجاءا و رجاءا تراه هالمزيون النتفة حاجزته لنفسي لأحد يقرب صوووووووووووووبه يالبيه هالصبي دخل قلبي << فيس يحضنه ^ـــ^ ============================= الباقي الله يستر عليهم بــ انتظار القادم .. .. .. |
مساءك مزهر بالاقحوان
ومازلتي تعرفينا بابطالك و شخصياتهم جوجو : انسانه قوية الشخصيه ذات كبرياء وعنفوان شديد وقدوتها بالحياه جدها المتوفى تحب الطبيعه والانعزال عن الناس حتى تفكر بصفاء ارجو ان يتم لها ذلك عندما يقتحم عالمها ذلك الناصر المتيم بها بشده ولربما تبدأ اولى هجماته عليها برحلة البر المقبله لابد ان خوفها من الحشرات والحيوانات ستكون نقطه مساعده له باي شكل كان صورة ناصر ستكون بيوم ما بجوال الجوهرة او ستكون لها قصه محمد وغانم : فرحه عظيمة بالعودة الى الوطن ولكن كيف سيكون حالهم بعد الاستقرار هل سيجدون مايحلمون وتصبو انفسهم اليه اعتقد ان محمد يتوقع انه بمجرد عودته لخطبتها سيتم له ماشاء ولكن هل لها او لاهلها راي اخر يكون صادما له وغير متوقع نورة وراشد : قصة حب وعشق سيكون لها منغصاتها وبالتاكيد جيسيكا ستكون تلك العثرة بطريق سعادتهم خصوصا مع شعوره العظيم بالذنب لاهمال ابنها وابن صديقه المتوفى سؤالي الان لماذا شعورد بهذا الذنب هل كان سببا غير مباشر لوفاته صديقه او كان معه بحادث وفاته وكان سبب اصابته بقدمه نفس الحادث بانتظارك لكشف المزيد ودمتي بخير :hR604426: |
السلام عليك ورحمه الله
وحووووووده تسلمين حبيبتي على لباااااارت آآآآآآآآآة وحوده على البر وطاااريه ان اشهد انك جيتي على الجرح<<فيس يموت بالبر جوجو يا حليلك اجل تخاافين من التكشت بالبر والله ماعندك ساااالفه يا حلاته و الله وخاااصه اذا شبو النار واتوقع برحله للبر راااااااح تصير اكشناااااااات كثيره وخاااصة بين ناصر والجوهره مت من الضحك على ناصر وابوه يوم انهم يسرقون السندويشاااااات سبحاانه من شابه اباه فما ظلم محمد اخيرا خلصت درااااستك وبترجع لاهلك وتترك الغربه وغثااااها واتوقع عقب ر رجعت رااح تخطب الجاااازي بس ياترى الجاازي رااااح ترضى بك والا ترفض زي ماسويت بها من قبل راشد ونوره حياااه زوجيه سعيده مغلفه الحب من الطرفين بس ياترى رااااح تستمر دائما عسسسسسسسل والا جيسيكا رااااح يكون لها دوووور سلبي تجااه حياتهم الله يستروحييييده يالغر تسلم يدينك لاخلا ولا عدم |
شكـرا لكم ايها العزيزات على الطله البهية يا اميراتي الغوالي لا تعلمون كم افرح بقرائة سطوركم و تعليقاتكم مهما كانت قصيرة ربمى لو شكرتكن كل يوم لا اوفي حقكن العظيم علي :) بالنسبة للتوقعات آمممم راح اعطيكم 40 الى 50 % و بالنسبة للأحداث اعدكم بأن اكشفها جميعها في البارت الـسابع انشاءالله ترقبوه لكن الآن استمتعوا بقرائة الجزء السادس و عودة محمد & غانم :: الجـزء الــســآدس :: اســتــمـتعوا بـالـقـراءة :: هــاقـد اشــرقـت شـمـس جـديـدة تنثر الشمس نور خافت جدا على سماء ملبدة بغيوم شديدة السواد لم تعد تمطر مثل الأمس لكن الجو "مغيم" اكثر حتى من الأمس هاقد بدأنا ندخل في الشتاء كم نشتاق اليه الأمس اول ايام " الحـيـا" فقد ملأت شوارعنا امطار خير من عنده تعالى اسمه كم يبدوا المطر رائعا عليكي يا "قـطــرنــا" !! ينزل محمد وغانم من الطائرة شعوران متفقان في الأشتياق متفقان في حبها متفقان على وحشة الغربة متفقان على صعوبة فراقها متفقان على انها اكبر نعمة متفقان على انها " الـوطـن " غانم ببتسامة وشوق دفين وهو يقف على الدرج بالقرب من محمد وهو يلقي بيت شعر مشهور جدا في ايام الحيا : شفت برقـ(ن) علينا هلت مزونه جـعـل يسقي قـطـر و كـل ريضانه ثم اردف ببتسامه اكبر : الحمدالله على سلامتنا محمد بتسامه : الله يسلمك ثم اردف : مابغينا يا غنوم مابغينا غانم بمرح : شف الغيوم هني تحس بقيمتها اما هناك مالها سنع محمد بستعجال: قم خل ننزل عطلت الأمه يالغنمي ما ان نزلوا الي ارض المطار لمحهم ناصر من بعيد ناصر بصوت عالي وببتسامه : نحن هنا يا اهل لندن ما ان سمعا محمد و غانم صوت ناصر فرحوا كثيرا واخيرن عدنا !! ابتسم محمد ليقترب من ناصر ببتسامه شاهقه : يالبى هالصوت وراعيه سعد وفهد و بعض عيال عم غانم فيصل و احمد و سالم كانوا في الأنتضار من بعد السلامات المعتاده ذهب كل منهم في طريق في سيارة ناصر بعد ان حلف ناصر اخذ محمد معه فسعد كان لديه عمل ضروري مع فهد يجب القيام به محمد ببتسامه : ناصر وش اخبار الشياب ناصر ببتسامه : اخبر الناس يسألون عن الشباب مب الشياب ثم اردف : هذا هم اتصالات من مساعه مأذيني كانوا يبون يجون كلهم المطار لو ما حلفتي عليهم محمد بتقصد : عادهم على ذا العناد ولا خفوا منه ناصر بتساؤل : انت من تقصد خالي سعد ولا شيابنا محمد ببتسامه : الوالد ناصر وهو يزفر : عاده يا خوك معند وميبس راسه بيني وبينك خلوه على راحته محمد ببتسامه : على قولتك ثم اردف ببتسامه : خالاتك شخبارهم و الأهل كلهم ناصر بذات الأبتسامه: كلهم بخير و ناقصتهم شوفتك في بيت بو راشد ام راشد بغضب : هالولد يبغي يقص وجهي قدام عيال عمه وش طاري عليه يسافر وهو عارف ان محمد بن سعد على وصول بيفضحني في اخوي وولده نورة وهي تحاول تهدأتها: بس خالتي لا تعصبين اكيد عنده شغل ضروري انتي عارفة شغله و سفراته ام راشد بذات الغضب : يا يمه يا نورة لا تحاولين تغطين على اسود الوجه هذا هو مسافر قد له يومين وش ذا الشغل اللي بيخليه يتأخر عن ولد عمه نورة بجزع : سم الله عليج و عليه من سواد الوجه و اكيد ان هم عاذرينه وانتي عارفه راشد راعي واجب اكيد ماعطله غير شي كايد بسلامته ام راشد : الله يكبر قدرش يا بنت حمد ثم اردفت : يالله يمه وين البنات و سلطان بنروح بيت امي ظبيه نورة ببتسامه : البنات سبقونا وخذوا سلطان وياهم انا تميت انطرج لين تطلعين خفت تعتازيني في شي (تعتازيني = تحتاجيني) ومحد عندج لأن الخدم كلهم عند امي ظبيه يساعدون الطباخ للعشا ام راشد ببتسامه : ماتقصرين يا جعل غيرش على راشد حرام في بيت الجده ظبية الجميع ينتظر هذه اللحظه التي يدخل فيها محمد هاقد اتيت يا محمد لقلوب احتوتك وستظل تحتويك مادمت على قيد الحياة هدوء نسبي في مجلس نساء العائلة الراقي جدا جدا سوالف من هنا وهناك وتنتهي بسرعة فتبدأ سالفه اخرى نادرا ما يحدث هذا الهدوء في جمعتهم مع بعض لكن الآن الكل يترقب دخل عليهم فضل كالبرق وهو يصرخ : يا بنات تغطوا الرجاجيل وصلوا خرجن البنات من المجلس ركضا الا عائشه فجلست بالقرب من الباب الضخم في الصالة تريد ان تلمح زول محمد فقط !! ربمى من غير الائق ان تجلس وتنتضره مع الجده او الخالات فهي غير مسؤله عن تصرفاتها حينها وهي تخاف من تصرفها العشوائي فهي تعلم يقينا انها لا تتحكم بمشاعرها فكانت قلقه من فعل شئ امام ابناء عمها من شوقها لمحمد اما سيدات العائلة جلسن بالقرب من الجده في هذه اللحظه دخل محمد من الباب الضخم لوحده لم تراه سوى عائشه فالنساء في المجلس وقد توقعوا دخوله هناك رأته عائشه لم تتحمل من دون ان تشعر ركضت وارتمت في حضنه محمد عندما رأى عائشة قادمه نحوه ابتسم ومد ذراعيه لها ليحتضنها محمد وهو يبتسم : ياحي به بنت سعد ثم اردف ببتسامه اكبر: مادريت ان البعد بيخليش تكبرين وتحلوين كذا عايشه بين شهقاتها : يا حي زولك ليش ظعفان كذا ياروح اختك ظنتي بك ماتاكل محمد بمرح وهو يبعدها عنه ليمسح دموعها : كل ذا ظعفان 24 ساعة في الكوفي شوب بلع ثم اردف ببتسامه : زين انتي قوليلي من وين طالع ذا الحلا كله عايشه ببتسامه ووجهها غارق بالدموع : بسك يالنصاب وقوم ادخل داخل على جدتي وعمامي ونسوانهم كلهم ينتظرونك في المجلس يحسبونك بتدخل من هناك دخل محمد عليهم من باب الآخر بداخل البيت لم يتوقعوا دخوله من هذا الباب فقد توقعوا دخوله من باب "الحوش" لم يكن مهم من اي باب يدخل المهم انه هنا ويرونه دخل وببتسامته الرجوليه الرائعه : ياحي به هل الدوحة الكل وقف للسلام عليه وبعد السلام الحار المليء بالشوق جلس محمد بالقرب من جدته و عمامه الجده بحنان : نورت ديارك يامك ولاعاد تفكر بسفره يا يبه خلاص محمد ببتسامه وهو يضع فضل بقربه : ياجعل فدا هالبلاد لندن وطوايفها خلاص مابه سفر طويل ابد فضل بتساؤل باسم وهو يتحسس عضلات محمد : كل ذا عظلات الجدة بغضب : يا ابيك يا محمد كان غيرت ملابسك ولبست ثياب الرجاجيل متشفقه شوفته بالثوب و الغتره ام فهد بحنان : يا يمه مب زين عيون الناس مركزه عليك بو ناصر بتأييد غاضب : ذا الثياب مالك عازه فيها خلاص قطها (قطها=ارميها ) و البس ثياب اهلك ولو انك توك جاي من السفر ولا كان صار شي ثاني محمد ببتسامه : والله اني مستحي منكم بغيت ارجع البيت اغير ثيابي و اجي لكن ناصر الله يهداه مارضا دخل ناصر وسلم ليجلس بالقرب من الجده: انا حالف عليه ماغير يسلم عليكم اول نجلا بمرح : الا انت وش ذا الزين اللي جايك على غفله يا حمود مادريت ان لندن تحلي الواحد كذا محمد بمرح : افا على غفلة !! ماهقيتها منش يا خالتي الجدة بحزم : يامك وش اخبار ولد جماعتنا اللي وياك ؟ محمد ببتسامه : اييه غانم بن صالح بخير وماعليه قاصر انا اشهد انه راجال(ن) سنافي وينشد به الظهر بو فهد بتأييد : على ابوه راعي واجب و خير محمد : انا اشهد نسخه من صالح شكل و مضمون بو ناصر بتساؤل : عاده ولا خلص يا ابيك ؟ محمد : لا الحمدالله خلص معي بو ناصر ببتسامه : مشاءالله الله يوفقكم جميع بأذن الله محمد بتساؤل باسم لأم راشد : ماشوف راشد عسى ماشر اخبره اول الناطرين في المطار ام راشد بأحراج من موقف ابنها: والله يا ابيك يقول عنده سفره مدري وش ذا السفره اللي مالها سنع ثم اردفت بذات الأحراج : والله ماغير يجي ان يبوس راسك ويتسامح منك مابه شغل الزم عليه من توجيب ولد عمه محمد بستنكار : محشوم بو سلطان عن الزله (الزله = الخطأ) و انا داري به راعي واجب و مايوقفه غير شي كايد يكفي المتعنين لي في المطار يا علني ماخلا ثم اردف ببتسامه : وعلى الطاري وين سلطان ياني مشتاق لذا الولد في ذات المكان الصالة الداخليه عايشه كانت قمه في الوناسه تشرح كل شي شافته في اخوها وشلون طول و ظعف و احلو و مخفف لحيته على الآخر و مسوي له قفل و مركب تقويم اسنان و طلع له عظلات هيا بمرح : الظالم اخوج يبي يجننا ولا شنو بروحه مزيون من غير شي و بعد كل هالتطورات شبيطلع ثم اردفت بذات المرح : شكله يبي يذبحنا لولوة ببتسامه : مشاءالله عليه صغير وماخذ ماجستير الجوهره بمرح : شوفي الناس الفاهمه خل يعطي شي منه حق واحد حذاه مريم بتشوق : خاطري اشوفه نجول تقول طالع يهبل بزياده الجازي بمرح مغرور : انا بعد شفقتني نجييل تقول تقويم اسنانه مثلي يعني بالعماله مقلدني المها ببتسامه : عليه عيون مب صاحيه هاي الأنسان صج ان عيون ناصر بن احمد احلى بس عيون حمود عذاب ثاني الجوهره بذات المرح : متى بتعطف علينا مامي ظبيه وتنادينا نسلم عليه نورة بمرح: البنات رايحين فيها عايشه وهي ميته ضحك : اما انتو رايح من وجيهكم السحا دامكم تبون تشوفونه ليه طلعتوا ركض دخلت الخادمة عليهم بسرعه : وين صغير سلطان بابا محمد يبي مها ببتسامه وهي ترى سلطان : هذا هو الحلو ثم اردفت بمرح وهي تعطي الخادمة سلطان : شاني شلون شكل مال بابا محمد حلو ولا مو حلو ؟ الخادمة وهي تاخذ سلطان لتجري للباب و تهتف : اششششش بابا محمد برا عند باب عاصمة الضباب لندن اعتاد المسنين على رؤيت محمد شابا انيقا وسيما بمشية هادئة يبتسم و يلقي السلام على الجميع لكن اليوم لم يأتي هل هذا يوم فراقك يا بني ؟! لقد قلت لنا انك ابننا الذي لم ننجبه ولم تتركنا مثل ما فعل ابنائنا لكنك غادرت ... اشتقنا لبتسامتك اليوم و كل يوم اللتي تملأ المكان بالدفء ...! لقد غادر ليترك قلوب احبته بأخلاص كم هو شخص مؤثر !! لقد اثر على الجميع بات الكل يسأل عنه نادل الكوفي شوب , العمال اللذين يعملون بالقرب من سكنه, المسنين , صاحب البقاله الكل يفتقد طلته و سحره الخاص وخصوصن جون فهو عندما قال له محمد انه ذاهب نزلت من عينيه العديد من الدموع سحره الطاهر النقي المليأ بالرجولة و الشهامه و الكرم يؤثر على الجميع بطيب افعاله فماذا يريد الأنسان سوى ذكرى طيبة تذكر الجميع به ؟!! مر يومــان كل شئ فيها بات عاديا عشاء ضخم لمحمد و غانم تجمع "الجـماعه " بمرحهم كالعاده و طهارة قلوبهم عودة راشد .... في بيت بو ناصر مريم ببتسامه : يا حليلها ام غانم مشاءالله عليها تجنن ثم اردفت : صدق استانست يوم قالت امي ظبيه ان غانم و اهله رايحين معانا باجر النعيريه ام ناصر ببتسامه : اي والله مشاءالله عليها هي وبناتها الله يبارك لها فيهم و يبلغها بهم ثم اردفت بستعجال : يالله يا امش عجلي في تجهيز الأغراض ناصر مستعجل يبغي يربطهم الحين مريم : انا تقريبا مخلصه لكن باقيلي كم اشياء اشتريها من الصيدليه في مجلس الرجال بو ناصر بحزم : خلصتوا تشييك على سيايركم الشباب بحترام : ايه طال عمرك بو ناصر : بارك الله فيكم ثم اردف بذات الحزم : محمد بتسوق في امي وخدامتها و نجلآ ,واختك و الخفايف بتكون عندك لأن طريق نعيريه من الدوحة مافيه لا دكاكين ولا مطاعم غير شوي فلازم ناخذ حيطتنا محمد ببتسامه : تآمر حينها همس فهد بتأفف في اذن ناصر : الله يعينا حن من بيحط عندنا ذا الشيبان يبون يطلعون آخرتنا ناصر بمرح : اصلن مالها لزمة روحت البر ذي كلها مع الحريم بو ناصر بحزم بالغ : ناصر بتاخذ معك امك و اختك وبنات سلطان و خدامتنا و خدامتهم و انت بتمسك الزل و المفارش ناصر وهو يقهوي ابوه و عمه : تامر ثم اردف : وانت يا فهد بتاخذنا معك في السيارة فهد : تامر ياجعل عمرك طويل لكن و امي و خواتي من بيوديهم بو فهد بحزم : انا بوديهم و انت بتسوق في بو ناصر و سعد و فضل و معكم الفرن و القناد و هالأشيا فهد وهو يتصنع الأبتسامه : خلاص تم ثم اردف بتساؤل : و راشد مهوب جاي ؟ بو فهد بحزم اشد : راشد وراه شغله ضرورية و بيلحقنا هناك انشاءالله اول مايخلصها في بيت بو راشد نورة باتت تلاحظ تغير في راشد فهو عندما جاء من السفر ذهب لأمه ثم سلطان و اخواته وآخر شخص نورة !! في العاده اول شخص يأتيه ام راشد ثم نورة ماذا به اليوم ؟!! هاهو يجلس على زاوية الكرسي يغرق في افكاره الخاصه الكل حوله يجهز و يرتب للرحلة لكن باله كان شاردا و بعيدا جدا جدا اي انثى ترى زوجها شاردا في الأفكار هكذا لابد ان يخطر ببالها شبح الخيانه لكن من هو في جمال نورة واناقتها يستحيل ان تفكر بأن زوجها ينضر لغيرها و خصوصن وان راشد متمسك بها كثيرا لهذا كانت قلقه عليه ان يكون مريضا اقتربت منه لتطبع على طرف فمه قبله رقيقه ثم تهمس بنبره خاصه : صج اني متضايقه منك شويتين لكن اشتقت لك راشد انتبه لها ثم رد ببرود شديد : شتاقت لج العافية وعاد لسرحانه الطويل لم تتتوقع بأن يكون هذا هو رد راشد !! في العادة اذا قالت له هذه الكلمة او اقل منها حتى يحضنها بقوة ويطبع عليها قبل لا حصر لها لكن الآن فاجأها ببروده الغير متوقع ابدا اقتربت منه اكثر ووضعت يدها على جبينه لتهمس : حبيبي مريض ثم اردفت : اذا مريض خلاص بلاها روحة نعيرية بقعد عندك راشد وهو ينضر لها بنضره محايده لأول مره منذ زواجهما : لا مافيه داعي روحي و استانسي انا مافيني شي و اصلن جات في وقتها سفرة نعيريه عندي دورة مكثفة في الخور يعني ماراح اشوفج و يمكن مارجع البيت و اتم هناك 3 او 4 ايام ماهذه النظره الغريبه !! لم اتوقع ان لعيون راشد هذه النظره مطلقا لم تتحمل نظراته اكثر لتجاوبه ببرود آخر : خلاص بكيفك لتقف وتذهب لتساعد البنات بيت بو فهد مثل جميع آل غيث الكل يجهز للرحلة كم هم مشتاقين للجمعة و الوناسه في الحوش فهد مع الجازي يضع في سيارتة " آيل " (وهو زيت خاص بالسيارات ) بو فهد وهو قادم من بيت ظبية رأى فهد ليهمس بتساؤل : شتسوي يا يبة ؟ اقترب منه فهد وسلم عليه ثم همس ببتسامه : ابد قاعد احط آيل بو فهد بحزم : الله الله في الركاده اعرفك واحد(ن) مطيور فهد ببتسامة : ازهلها يالغالي (ازهلها = لا تشيل هم ) ثم التفت للجازي وهمس في اذنيها بتأفف : ذا الشياب بيجيبون نهايتي الحمدالله فضلوه معاي ولا كان رحت فيها الجازي وهي تضحك : حرام عليك مب لهذي الدرجة في هذه الأثناء دخل محمد بن سعد حوش بيت عمه فأبو فهد اتصل به و امره بالحضور عندما دخل لم يرى غير فهد ابتسم و اقترب ليصعق بالمخلوق الآخر الواقف بالقرب من فهد لمحه فهد فهمس ببتسامة : تفضل بو سعد مابه غريب الجازي شعرت بالكثير من الأحراج فهي في موقف لا تحسد عليه ابدا قررت الأنسحاب لكنها تفاجأت باللذي يوجه الحديث لها تريدين ان تذهبين من دون ان اسمع صوتك او ارى عينيك ؟ لقد عرفها !! نعم انها الجازي هذه هي عيونها هذه هي شفتيها كم اشتقت لك ايتها الأميره لقد كبرتي كثيرا ماهذا الجمال يا صغيرتي ؟!! محمد بحترام : الله حيه بنت حمد الجازي بأحراج كبير : الله يحيك ثم اردفت وهي تقرر الأنسحاب : الحمدالله على السلامة لتترك محمد معلقا لا يستطيع انقاذه احد ماهذا الصوت الناعم هل هو صوتك اميرتي ؟!! كم اشتقت اليك محمد ببتسامه : عمي وينه فهد : في المجلس ثم اردف وهو يتوجه للمجلس : تفضل |
السلام عليكم و رحمة الله و بركاته
صباح الخير و الرضا من الرحمن بارت رائع وحووده تسلم الأيادي سوري بس ابنبهج ( إنشاالله ) كتابتها بهالطريقة غلط و لاكن تنكتب ( إن شاء الله ) فالله هو من يشاء و ليس نحن من ننشئ الله << و العياذ بالله ========================== (( محمد )) هالانسان العاشق حد الثمالة أشوفه قاعد يحب عالساكت و ما جاب طاري انه بيتزوج أو حتى اأن الفكرة جت بباله غذا هو يحب بنت عمه ليش ما يخطبها أدري بتقولين توه ما قال ياهادي بس على الاقل يعرض الفكرة حق ابوه ,, الصراحة حاسة بيصير شيء يخرب هالزواجه أو إذا صارت ممكن تكون تعيسه ,, بسبب أن الجازي ممكن تعرف برفض محمد لها من أول أو أنها هي تبي شخص ثاني ... محمد م الواضح أنه يبي أبوه يتزوج و يشوف عمره بس سعد هو اللي رافض الفكرة بس معقولة محمد بيظل ساكت على حال أبوه << اتوقع لا أكيد بيكون له يد بالموضوع ... في شيء خطير منووو الناس اللي بلندن فقدوا محمد بعد ما راح ؟؟؟ ========================== (( راشد و نورة )) حياة تسير ناحية البرود و الجمود و السبب جيسكا أكيد أن راشد محتار و تأنيب الضمير لاعب فيه علاخر ما يقدر يتركها بالمقابل يحب زوجته و ما يبي يهدم بيته ,, بس اتوقع أن أبو راشد على علم بالسالفة بما أنه يدور العذر لراشد ... ========================= بانتظار القادم ... ... ... ... |
السلام عليك ورحمه الله
وحوده تسلم يدينك على البارت الحلووووو واخيرا يا محمد ودعت الغربه ورجعت لاهلك سالم وغانم بس ياترى الى الان انت تبي تخطب بنت عمك وخاطرك فيهاااااا والا غيرت رايك ةياترى اذا خطبت الجاازي وهي الي رفضت وش هي ردة فعلك هل بتزعل والا تتقبل الامر ورااااااشد الله يستر من بروودك الغير معتاااااد ويكفي النوري شره وشكل جيسكا بالسااااالفه وانت ناااااوي تتزوجهاااااا او انك تزوجتهاااا وخلصت والمبرر السخيف والغير معقووووووول انك حااس بتانيب الضمير لمووووت خليفه لو صدق الي صاااااار يان حيااتك بتعتفس واحلم تشوف نوره الاوليييييه عندك او حتى انها ترضى تقعد ببيتك وفهد ياالبى قلبه والله احس هو الي معطي الروااااه رووووووح حللوه ومرحه ياليت تكثرين من مواقفه وحيييييده ياقلبي ماقصرتي الله لا يقصر بعمرك |
صباح الورد
محمد وغانم : مشاعر صادقه ونبيله مايحس بها الا الي عاش الغربه و فقد ارض الوطن وترابها واهله واحبابه وجيرانه مشاعر اتقنتي تصوريها بالحرف والكلمه وتجمع الاهل والاقارب لرؤية العائد بكل شوق وحب وماتتخلها من مواقف وحركات تنبا عن معزة الحبيب العائد ومدى شوقهم له محمد وعشقه اللا نهائي للجازي هل بيعدي على خير او بيمر بمراحل قاسيه حتى يقدر يرجعها ويتوجها ملكه على قلبه ومادري طرا لي طاري انه لما سال عن عمه حب ياخذ رايه قبل طلوعهم للرحله بانه يجيب الاهل باقرب فرصه حتى يتمم الي المفروض يصير من زمان لولا صغر سنها طلعت البر بتكون مرحلة تغيير بحياة الكثير من الابطال ويمكن من ضمنهم غانم شكله بيقنص له وحدة من بنات العايله وبتدخل مزاجه وناصر اكيد بيصير شي لجوجو او بتتعرض لها حشرة او بتنقرص وهو الي بيكون موجود والجازي بعد ماشافها محمد بيحاول يشوفها او يشرح لها موقفه السابق بصراحه مااعرف شلون عندكم جلسات العائله مختلطه بس بلبس الغطاء على الوجه بس او مفرقه الحريم لحال والرجال لحالهم نورة : احساس قاتل ببرود الشريك والحبيب وبعده بدون معرفة السبب ( ام راشد ببتسامه : ماتقصرين يا جعل غيرش على راشد حرام ) الله يحقق لك هالدعوة وجعلها توافق ساعة استجابه راشد بمرحلة حساب النفس وتانيب الضمير ويحاول يقسي قلبه عليها ويحسسها بالبرود حتى مايخونها بنظرة ويتزوج عليها فهو الحين يعاملها ببرود حتى تدب بينهم الخلافات ويوجد السبب الي يخليه يتزوج عليها ومايحس انه ظلمها بس ماحسب حساب بعد زواجه كيف حياته راح تصير وكيف بيتسبب بهدم بيته وموقف نورة شلون بيكون هو واثق من حبها لكن ماحسب حساب الجرح الي بيسببه لها والسكين الي بيغرسه بقلبها شكل ابوه عنده فكرة عن سبب سفر راشد لبرى لكن هل عنده فكره عن باقي افكار ولده النيرة ناصر : ( ناصر بمرح : اصلن مالها لزمة روحت البر ذي كلها مع الحريم ) بعد رجوعكم عيد هالكلام وعيني بعينك يسلم يداتك وحوده وربي يعافيك |
بسم الله الرحمن الرحيم كم اشتقت اليكم ايها الأميرات كثيرا جزء اليوم راح يكون قصيرا شوي اعذروني بس لأن البارت الجاي هو بارت البر عشان كذا خليت البارت هذا خفيف عشان تستعدون لبارت الرحلة البرية و قريب منكم في النعيريه :) و بالنسبة للتوقعات لحد الآن راح اعطيكم 30% ملآحظة : بو راشد شخص متوفى و انا حاولت ابين هذا الشئ في الروايه من مواقف عديده مثلا موقف مها و لولوه وكم كانت لولوه تشتاق لوالدها المتوفى و ايضا موقف بو فهد عندما قال لناصر ان يأخذ بنات سلطان معه في السيارة (لأن راشد غير موجود) :) عشق بدوي : كم افتقدك :( بياض الصبح: شكرا اميرتي على هذا التوضيح بصراحة حاولت اعدل كل كلمة "انشاءالله" اتمنى مايكون فيه بعد اخطاء في ههذه الكلمة شكرااا صبووحه :) ::عبق الرياحين: انتي ريحانة هذا الموضوع كم افرح بقرائة سطوركي الجميله مثلك شكرا ريحانه :) همسات وردة : كم تسعدني طلتك ايتها الرائعة :) شكرا على كل هذا الدعم عزيزتي و بالنسبة للسؤال احنا في قطر حالة صعبه شوي انا نصي بدوي و النص الثاني حضري و كلامي ملخبط بين حضري وبدوي -.- يعني البدو غير و الحضر غييير تماما يعني على سبيل المثال عند البدو ولد العم مايشوف بنت عمه لو شنو آممم و حتى في الجلسات العائلية مع بعض لازم يتنقبون او يتغشون ( لكن النساء لهم جلسه خاصه و الرجال ايضا ) لكن اوقات مثلا تكونين قاعده مع جدتج فجأه يدخل ولد عمج و هكذاا يعني الحضري يسأل عن احوالج يعني يقولج : شلونج يا بنت فلان انشاءالله بخير -.- البدوي يسلم على الكل بنات الحضر مايتغشون حتى لو قعدوا معهم في نفس المكان تقولج عادي ولد عمي حسبت اخوي لكن في للأغلب الرجل مايفكر مثل تفكير البنات البريء فتشوفينه يتدخل في كل شي فيج " ليش ماتغطين ويهج لين بتطلعين وهكذا" مثل قصة ناصر و الجوهره :) الـــجـــزء الســابــع :: استمتعوا بالقراءة :: هذه المره من بيت بوغانم ام غانم بقلق : يمه غانم شفيك غانم ببتسامه : ابد سلامتج ثم اردف غانم بذات تسامة : وش علوم الجماعة (علوم=اخبار) ام غانم ببتسامة امومية : ياحلو جمعتهم انا اشهد انهم ينحطون على الجرح يبرى غانم بذات الأبتسامة : عز الله انهم اخير من جماعة (اخير من جماعة = كلمة تقال بمعنى انهم افضل جماعة تكون للشخص ) نزلت حصة ركضا من على الدرج لتقترب من غانم وتبوس راسه ثم جلست بالقرب من والدتها لتهتف بمرح : ترى خلصت ورتبت كل اغراضك يعني لازم يكون فيه مقابل دخلت شيخة الحوار بذات المرح وهي تنزل من الدرج : بل بل مافيه شي تسوينه لوجه الله كل شي تبين عليه مقابل غانم ببتسامة : لا خلاص المقابل علي ثم اردف بحزم : خلاص خلصوا كل شي اول مارجع بربط الأغراض ليخرج من الصالة و يتجه لغرفته كان غانم مشوش كثيرا من الموقف المحرج الذي تعرض له اليوم نرجع بالذاكرة ساعتان تقريبا في الخيمة الخارجية في بيت سعد كانت عايشة تجلس هناك فهذا المكان لا تجلس به كثيرا فغالبا ما يدخل فيه الرجال لكن اليوم تأكدت ان لا احد سيأتي فمحمد خرج مع خاله فهد و سعد ايضا خرج مع فضل للتجهيز للبر كانت تتابع مباراة بين العربي و الريان غالبا ماتكون هذه المباريات "ديربي " جماهيري كبير بين " العرباوية " و "الريانية" كبنت بدوية طبعا انتمائها للريان مع ان عايشه ليست مهتمه بالكره اطلاقا لكنها تعودت على مشاهدتها مع اخوانها كانت تجلس على الجلسه لابسة جلابية على التقليد " الأماراتي القطري " (للي مايعرف هذا النوع من الجلابيات اهي تكون ضيقه من اليد و ضيقة من الخصر لين الركبه بعدين تتوسع شوي و تتميز بالتطريز من الرقبه بشكل كثيف و كثير ) جمال عايشه العربي الأصيل و لونها البرونزي مثل الجوهره تقريبا فالجوهره اكثر انسانه يشبهون عايشه بها شعرها "كيرلي" خفيف لونه بني غامج فيه خصل شقرا ناعمه مدرج بشكل كثيف جدا و قصير تقريبا فهو يصل لين اكتافها عينيها رائعه فالعيون وراثة فهي تملك مثل عيون الجوهره تقريبا ولكن لكل واحده سحرها في عينيها دخل غانم ليصقع تماما من منضر الأنثى اللتي يراها فهو يفتقدها في حياتة فحصه و شيخه لطالما رآهم صغيراته وبناته خصوصا انهم توأم و قد تعلق بهم كثيرا و احببهم كبناته والى الآن لا يراهن سوى صغيراته المدللات في المقابل عايشه لم تكن تعلم لوجوده فهي كانت منشغلة مع " البي بي " و تلف شعرها بأصبعها كان شكلها بريء و انثوي بشكل كبير جدا فقد شكل امتزاج رائع بين الأثنين وقف غانم لثواني غير قادر على التحرك من امام الخيمه وهو لا يحرك عينيه منها عندها شعرت عايشه بشخص امامها صرخت بشكل عفوي و ركضت لتختبأ خلف الباب صحا غانم من غيبوبته انتفض بشده ثم هتف : السموحة يا خوج مانتتبهت ان فيه احد ثم اردف : محمد هني ؟ لم ترد عليه عايشه من كثرة الأحراج من الموقف وما زادها احراج انها لاتعرف هذا الرجل فكيف يريدها ان ترد عليه " مايعرف ذا ان بنت آل ليث ماترد على الغريب " ادرك غانم موقفها واحراجها " تبيها ترد عليك وهي ماتعرفك عز الله انها بنت رجال" غانم بحترام شديد : السموحه مره ثانية و انتبهي ترى الشباب على وصول انــه صـبـآح الــيــوم المـنـتضـر يـتـرقـبه اشــخــآص بـفـرح و اشــخــآص بـألم يـراه الـبـعـض فـرصــه و الـبـعـض يراه مضيعة للوقت و لــكـــن الـأحـداث عـلـى وصـول ومــا يـحـمله القـدر اكـبـر بـكثــيـر خـرجـت جـمـيـع الـسـيـآرات السـاعـة 9 و النصف صباحا مـع قـطـرات خفيفه مـن الـمـطـر و هـواء شديـد الـبـروده فــي سـيـارة مـحـمـد كـان الجــو اكـثـر مـن رائع مع انفاس ظبية و كلماتها الرائعة و مرح نجلا و عايشه المستمر وهم يرون سيارة فهد و ناصر يتجاوزون الأشارات و يعبرون الرصيف بالسيارات في هذه الأثناء اتصل بهم بوفهد غاضبا من تجاوزاتهم و السرعة الجنونية وهم لا يزالون في البلاد لم يتحركوا كثيرا لم يمض الكثير من الوقت و هم الآن " بو سمره " الحدود القـطريـه الـسعوديه اتصل محمد بفهد محمد بمرح : اقول فهود ماسمعت الأغنيه اللي تقول ياراعي الكروزر على الخط بلهون مركز بو سمره خطوتين قصيرات فهد بذات المرح : يا رجال الشيبان رايحين فيها خلني استغل الوضع ضرب سعد فهد بخفه على كتفه بغضب باسم : وش شيبانه يا فهيدان محمد بمرح : شكل الشيبان غاضوا عليك : غاضوا= غضبوا ) وهو يهم بأغلاق الخط همس : لاتنسى تجيني تاخذ جواز فضل ترى انا واقف صوب المصلى ثم اردف وهويوجة الحديث لظبيه : تامرين بشي يا طويلة العمر ظبية بموده : لا ياجعلك سالم محمد وهو يوجه الحديث لعايشه و نجلا : تبون شي ولا احرك عايشة وهي توجه الكلام للخادمات : تبون شي ؟ الخادمات بأحراج وهم يهمسون لأذن عايشه : يبي حمام غانم بحزم وهو يضع السيارة في المواقف بالقرب من سيارة محمد : تبون شي حصة بأحراج : ايه طال عمرك ابي الحمام ام غانم : اي والله وانا بعد ابي اصلي غانم بموده حازمه : زين عاد لا تأخرون فتح الدريشة و فتح له زقاره لمح المخلوقه اللي تنزل من السيارة في اليومين الماضيين باتت هذه الصغيره من تشغل كل افكاره لايعلم لماذا ؟ ربمى لأنها نوع غريب لأول مره يتعامل معه فهو صاحب علاقات عديده مع البنات لكن هناك شي ما يجذبه بشده نحو هذه الأنسانه فهو رأى من هم اجمل بكثير من عائشه لكن الذي تملكه عائشة لا تملكه اي فتاة قد تعرف عليها انها " اخت رجال " رجل بكل ماتحمله الكلمة من معنى " انا اشهد انها عز" هذا ماقاله غانم وهو يراها تنزل من السيارة محمد وهو يفتح باب السيارة الخلفي لمساعدة عايشه ونجلا في انزال الجده من السيارة خوفا من المطر لأن يعرقلها نزل غانم وهو يطفء السيجاره بسرعه و يقترب منها ليقبل رأسها في هذه الأثناء انسحب كل من عايشه و نجلا ليذهبوا بعيدا غانم بموده : يا حي بها ام سلطان ظبية بموده : يا حي به بو صالح وشلونك يا بيه غانم بحترام : بخير دامج بخير نزلت كل من الجوهره و الجازي ليقتربون من عايشه و نجلا الجوهره ببتسامه وهي تضع جاكيت على رأسها : هلوو نجلا بذات الأبتسامه : هلوات عايشه : نوروه ويين الجوهره ببتسامه : مع سلطانو في السيارة تأكله اقتربت الجازي هي الأخرى تضع الجاكيت على رأسها : ليش قاعدين هني تحت المطر قوموا ندخل الحمام ولا المصلى عايشه بتأفف : ذا اللي اسمه غانم واقف هناك مع امي ظبية و محمد عشان كذا وقفنا هنا صراحة احراج نوقف عنده وش بيقول عنا الجوهره وهي تنضر له من بعيد بتمعن وهي تردف بمرح : يختي عليه مزيون والله العظيم نجلا وهي تضحك و تضربها بخفه على كتفها : تحشمي يا بنت هذا و انتي قاعده تتكلمين قدام عمتج الجوهره ببتسامه : ليش انا شسويت عشان اتحشم قاعده اقول رايي و بس ثم اردفت وهي توجه الحديث للجازي : يزوي قولي الصج مب صح صاروخ الجازي وهي تنضر له : آآممم يعني مقبول الجوهره وهي تضرب الجازي على كتفها : مب مقبول الا واجد فديته حده طر بعد ما ان اوصل ظبية لباب مصلى النساء انسحب بهدوء لسيارته لأنه سبب الأحراج للبنات الواقفات بعيدا تحت قطرات المطر الخفيفه في انتضاره للذهاب عايشه : واخيرن حس على وجهه و راح مسكت نجلا يد الجوهره و مشوا بتجاه المصلى وهم يهمسون لبعض بمرح اما الجازي فقد كانت مندمجه كثيرا مع البلاك بيري سبقوها عايشة و نجلا كثيرا قررت ان تذهب بالقرب من السيارة و تقف هناك كانت تمشي وعينيها مثبتتنان في الأرض وهي تراقب " البي بي " و تعطي البنات ping لم تشعر بنفسها الا انها تصتدم بذاك الجسد الصلب من الخلف لتصقط الغشوه و الشيله في نفس الوقت التفت محمد بجزع و بحركه خفيفه اعاد الشيلة على رأسها ثم اردف بحنان خالص : عسى ماتعورتي بكت الجازي فجأه و بشكل هستيري تألم محمد بل فجع !! محمد بشهامه و حنان رجولي عميق : افا ياذا العلم الدمع مانخلق عشان ينزل من عيونش و مابه حد شافش الجازي لم ترد بل استمرت في بكاء اعمق محمد بود و نبره رجولية خاصه : اذا عني هذا انا اقول لش تتزوجيني ؟ شعرت الجازي ان الهواء كله نفذ من الوجود لم تتوقع ابدا ان يكون لمحمد هذه الجرأه "يقول يبي يتزوجني من هاي الموقف عادي عنده يربط نفسه فيني بهشكل وهو مابعد فكر فيني ؟" لم يفكر بك ؟!! ماهذا الظلم يا الجازي ؟ انتي كل تفكيره و كل غايته ايتها الصغيره نزلت رأسها وبأحراج شديد وكأن احدا سرق لسانها لا تستطيع التعبير سوى بالرعشه القويه كانت ترتجف من الأحراج لاحظ هذا الشئ محمد ليهتف بحزم و تقصد وهو يهم بالمغادره : انا شاريش و انتي فكري " شيبيني اقولهم ترى محمد خطبني مب المفروظ هم اللي يقولون هالشي لي ؟ اظاهر حياته في لندن نسته السنع " فـي مـعيذر بيت المرحوم بو راشد يتذكر راشد صديقة و رفيق دربه عبدالرحمن بتحديد قبل شهران في سيلين راشد يمشي بسرعة جنونية في السيارة يجلس عبدالرحمن بالقرب منه عبدالرحمن بحزم : خف يا خوك السرعة شوي والله ماتسوى عليك راشد وعيناه مثبتتان في الطريق وهو يتجاوز السيارات : الربع ينتظرونا في سيلين واذا بننطر لين هالناس كلهم يمرون ماراح نوصل الا وجه الفجر عبدالرحمن وهو يصرخ : انــتــبــه يـا راشــد لـم يـعلم راشد ماذا حصل عندما التفت على عبدالرحمن فجع !!! كانت السيارة مسكره على نفصف و مطلعه نصفه الآخر فقد كان الحديد يمزق جسده الأسفل سمعه يتألم عبدالرحمن وهو يصرخ : السيارة بتحترق يا راشد اطلع راشد بجزع : والله ما طلع و انت قاعد عبدالرحمن بغضب : اقول لك انزل ثم اردف وهو يغمض عينه : وصيتك خليفه ثــم غــاب عـن الــوعـي لم يكن راشد ينوي النزول لكن اتى مجموعه من الشباب ليتلاحقوا راشد و ينزلوه بينما راشد هو الآخر غاب عن الوعي انا الغلطان وهو اللي مات ! اي ظلم هو ذا انـا اغـلـط وهــو يــدفــع الـثـمـن ماصادني شي غـير كسر في الرجل وهــو يـموت مـحروق في الجهه الأخرى نورة انها مطعونه مجروحه خائفه انه يخونني !! اعلم هذا الشئ بالأمس سمعته يتغزل بمرأه يالله رآشـــد يخونني!! لو اقول حق الكل طبعن محد بيصدقني في نظرهم العاشق اللي مافي منه انها تكره ان تفكر فقط بالعوده لبيته باتت تكره اسمه لكنها لا تبين هذا الشئ بالأمس فقط علمت بخيانته لها في الليل كان يعتقد انها في بيت اهلها لكنها عادت الى البيت مبكرا لتسمعه و الآن تأكدت فمنذ قدومه من فرنسا باتت تشتم رائحة عطور نسائية في ثيابه لكنها تكذب نفسها دائما و قد لاحظت سرحانه الدائم الحمدالله انه مب جاي خله يكذب على كيف الله يهنيه فيها لكن ودي اعرف من هذي اللي احلى مني ؟!! الآن هي متأكده لـكن كيف يمكنها ان تبين هذا الشئ للجميع و اولهم راشد نفسه لأنه سينكر هذا الشئ اكيد حتى ولو دخلت عليه وهو يحادثها لا بد ان تفكر فليست نورة من تنهزم حتى ولو كان من ترخص له روحها هكذا علمها جدها !! لنرجع ليوم زواج راشد و جيسكا او جيسي مثل ماتحب ان يناديها راشد في بيت جيسكا كانت مرتبكه مشوشه مشتاقه حالمه تريد راشد فراشد عوضها عن فقدان عبدالرحمن زوجها و ابنها خليفة كانت جيسكا متوتره كثيرا اقفلت على نفسها باب غرفة نومها و حاولت ان تفكر بشئ تقوله "عـجبـتـك أصت شـعـري الـقـصـيره " لمست بيديها الناعمه قصت شعرها لم تستطع جسيكا ان تفكر بأي شئ لتقوله كان شعرها المصبوغ بالأسود الفاحم مرتبا عبر فروة رأسها كخيط غير ملفوف لاحظت جسيكا انها بدأت تضع مكياج فمن بعد موت ابنها لم تكن تضع اي شئ في وجهها ولكن اليوم انها تضع احمر شفاه كحلا ولمسه خفيفه من احمر الخدود كانت الغرفه على ضوء ناعم رومنسي خافت فلم تكن تؤمن بأضائه لغرفت نوم غير الأضائه الخافته لم تكن ترى جيدا لهذا انتقل احمر شفاهها قليلا خارج الحدود الطبيعيه لفمها لقت نحلت عند وجهها وكتفيها مما حولها من شخص مدور الى شخص مخروطي فمنذ موت ابنها تغير الكثير في جسيكا فلم تعد هي جسيكا الأنيقة صاحبت الفكر العصري فقد سمنت كثيرا ! كانت ردفاها ( كتفيها ) الضخمان مختفيان تمكنت من ان تبدوا قليلا مثل السابق انيقه جميله صاحبت جسم مثالي ومحا ضوء غرفت النوم الباهت القليل من تجاعيد وجهها تاركا اياه ليبدوا مثل السابق بطريقه غريبه وغائره اكثر شبابا كانت تضع الكثير من المجوهرات اشتراها راشد لها خواتم و اساور ذهبية وسلسله ذهبية مسطحه مصاغه بشكل جميل واللتي كانت تلمسها من وقت الآخر لتعيد تطمين نفسها انها موجوده و انها مازالت لها من راشد مثل عروس شابه لم تستطع تصديق حظها الجيد !! انها تعيش حياتها بشكل عكسي فكرت ان راشد سيصبح لها قد جعلها اكثر سرورا لقد كانت ملاحظه ملائمه على نحو تهكمي لقد عاشت جسيكا حياتها بشكل عكسي عندما كانت شابه انكرت من كان يحبها وراحت تركض خلف عبدالرحمن من اجل المال والآن كمرأه كبيرة بدت انها تحب راشد وتريده ان يكون ملكها وحدها مع انها اكبر منه بعشر سنوات !! انها تتقبله بسرور لقد عانقته و عانقت ماضيها كله . [/CENTER] |
صباح الياسمين
كويس فيه شي من توقعاتي حصل وان كان تقدم بالوقت يعني غانم اعجب باخت محمد عايشه شكل طلاقة لسان الجوهرة بمدح غانم وسواه على سبيل الهزل بيجي على راسها وبيسمعها ناصر وبيمشكلها على قلة ادبها بردودها الهزليه يمكن جرئة محمد واصراره بطلبه حتى يستغل فرصة الطلعه للبر ويشوف رد فعلها على الطبيعه شلون بتصير وكيف بتتعامل معاه ويمكن اسلوبه الملتوي يجي بنتيجه عكسيه عليه لانها بتشوفه رجال مايعرف السنع عكس ماينقال عنه راشد : مهما اختلفت الطرق فالموت واحد والعمر واحد ماراح يتقدم ولايتاخر بس احساسه بالذنب خلاه يحس انه مايستاهل السعاده الي عايشها وقرر ينغص على عمره بزواجه من جيسيكا كايفاء بجزء بسيط من دينه على صديقه المتوفي بخذلانه للوصيه ورعاية البقيه الباقيه من هالبيت بس الغبي مالاحظ ان صاحبه وصاه على الولد مو على الولد واهله يمكن كان لاحظ عليها طمعها متاخر وماحب يوهقه فيها نورة : احساس الغدر ماخلاها تنسى نفسها وكبرياءها والحين بتستمر معه بس عشان تثبت للجميع خيانته لها وانه مايستاهلها ووقتها بس بيصحى من غفلته لافات الفوت وطارت من يده وبيلاقي نفسه لا اوفى بوصية صديقه برعاية ولده ولا نجح بحياته ولا حافظ على حبه وزوجته ام ولده جيسيكا : واضح جدا انها استغلاليه رقم واحد من البدايه تزوجت بعبدالرحمن طمعا بالفلوس والحين براشد طمعا بشباب راح واندثر لعل تعيد احيائه بيد رجال يصغرها بالسن بس بتلاقيه جسد بلا روح يعطيك العافيه وحوده ومنتظرين طلعة البر وما تحويه من انقلابات بحماس |
السلام عليكم و رحمة الله و بركاته
صباح الخير و الرضا من الرحمن بارت خفيف على الروح بس ممتع ================================ (( محمد و الجازي )) العاشق الولهان طلع مو هين هالولد ما عنده وقت بسرعة قال تتزوجيني طبعا هو استغل فرصة يمكن ما تتكرر بحياته و عشان ما يلوم نفسه بوقت جاي ,, بس السؤال اللحين الجازي الواضح من تفكيرها ان محمد استغل غياب احد و رمى العادات و التقاليد وراء ظهره و انه تتطبع بطبع الغرب اتوقع هالشيء اللي سواه محمد يكمن بصالحه من وجهة نظره بس عند الجازي العكس راح تحسب هالشيء ضده ,,, اتوقع محمد بما انه انسان عاقل و متزن ما راح يخلي الوضع عالق بينهم راح يوضح لها وجهة نظره بالبر و الله يستر من الجازي لا تركب عقلها ... ========================== (( غانم )) الواضح من كلامه مع نفسه إنه راعي حريم يمكن مو بالمعنى القوي بس بحكم دراسته برا يعني عنده فكرة عن صنف الحريم و يعرف فيهم ,, بدليل أنه ميز عايشة عنهم بانها " بنت رجال " ,, بس هل ممكن بنت الرجال ترضى على نفسها تكون بديل عنهم ؟؟؟ ... ======================== (( راشد و نورة )) حكايتهم حكاية راشد للأسف تأنيب الضمير اعماه عن حقيقة جيسي و حبه لنوره و ولده و بيته ما فكر هل ممكن بيوم نوره تعرف شنو ممكن تكون ردة فعلها و هل بينفعه اللي سواه او لا ,, و الادهى و الأمر انه ما خبى هالشيء بالعكس قاعد يجاهر بالكلام و التغزل بجيسي و كنه يبي نوره تعرف بطريقة بس ممو منه عشان يوفر على نفسه عناء المواجهة ,, بس المواجهة جاية جاية اليوم أو باجر و نوره بالرغم من انها تدري و مجروحة حد النخاع منه رضت على نفسها تسكت و تتحامل على الجرح ,,بس هل بيطول الوضح و لمتى ممكن تصبر نوره ؟؟؟ =========================== بانتظار القادم بكل شووووووووووووووووق ... ... ... |
السلام عليك ورحمه الله
يسلمو وحيد على الباااارت الحلووووو الجازي ومحمد والله الرجال ما يلعب على طول استغل الفرصه وطلب من الجازي الزوااااج عشااان لايتعب عمره يجلس يستنى واتوقع ان الجازي راح توافق مع انها متخوفه من طريقته بطلب الزوااااح راشد ونوره وجيسكاااا راشد بتصرفه ذا يحسب انه يبي يغفر لذنبه في انه اهمل ولد صديقه مع اني اشف انها موطريقه صحيحه لان الموت والحياه بيد رب العالمين وهو ماله اي دخل كل الي سوااااه انه هدم بيته مع نوره نوره صدمتهااا براشد كبيره ماتوقعت انه يخونهاااا او يتخلى عنهااا وخاصه وهو العاشق الولهان الي يذوب بهوى وحسن نوره جيسكا مره طمااعه ماهمها الا الذهب الفلوس وزواجها من رااشد فرصه عمرها الي ماراح تتكرر وحيده كل عام وانتي الى الله اقرب |
|
| الساعة الآن 09:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية