|
هذي قصيده أم بعد أن وداها ولدها .. للمصحه ( دار العجزه ) ..
هذي قصيده أم بعد أن وداها ولدها .. للمصحه ( دار العجزه ) .. أو كما يقااال ( دار النسيان ) .. أترككم مع القصيده : وين أنت يا حمدان أمـك تناديـك وراك مـا تسمـع شكايـا وندايـا يا مسندي قلبي على الدوم يطريـك ما غبت عن عيني وطيفك سمايـا هذي ثلاث سنين والعيـن تبكيـك ما شفت زولك زايـر يـا ضنايـا تذكر حياتي يـوم أشيلـك وأداريك والأعبـك دايـم وتمشـي ورايـا ترقد على صوتي وحضني يدفيـك ما غيرك أحدٍ ساكن فـي حشايـا واليا مرضت أسهر بقربك وأداريك ما ذوق طعم النوم صبـح ومسايـا ياما عطيتك من حنانـي وبعطيـك تكبـر وتكبـر بالأمـل يـا منايـا لكن خساره بعتني اليـوم وشفيـك وأخلصت للزوجه وأنا لي شقايـا أنا أدري إنها قاسيـه مـا تخليـك قالت عجـوزك مـا أبيهـا معايـا خليتني وسط المصحه وأنا أرجيك هذا جزا المعروف وهـذا جزايـا يـا ليتنـي خدامـة بيـن أياديـك من شان أشوفك كل يوم برضايـا مشكور يا ولدي وتشكر مساعيـك وأدعـي لـك الله دايـم بالهدايـا حمدان يا حمـدان أمـك توصيـك أخاف من تلحق تشـوف الوصايـا أوصيت دكتور المصحه بيعطيـك رسالتـي وأحروفهـا مـن بكايـا وإن مت لا تبخل علـي بدعاويـك وأطلب لي الغفران وهـذا رجايـا وأمطر تراب القبر بدموع عينيـك ما عـاد ينفعـك النـدم والنعايـا م ن ق و ل من إحدى المنتديات حسبي الله وحده ونعم الوكيل الله .. أتمنى أن ينال أعجابكم .. مع تحيات : إتحادي من ميلادي |
القصيدة رائعة وتقطع القلب
مشكور أخوي قلب المحيط |
قصيدة رااااااائعة...
تسلم اخوي... |
شكراً The Ocean heart وشكراً نونو عالردود المشرفه ..
بس أنتم رووووعه والله تسلمولي أحبابي .. |
والله دموعي نزلت وانا اقرا القصيده
مشكوره اختي |
الله لايعطي هالولد لاصحه ولاعافيه عالي يسويه بأمه .. حسبي الله ونعم الوكيل فيه..
الله يفرج على هلأم يارب .. الله يعطيك العافيه عالنقل القصيده أكثر من رائعه ... |
اقتباس:
الله يحفظك ويجعلك من البارين بالوالدين الله لايحرمنا من ردودك الجميله |
اقتباس:
الله يحفظ شباب وبنات المسلمين شكراً أختي عاشقة المجانين على ردودك الغاليه الله لايحرمنا من طلاتك الجميله |
حسبي الله ...
قصيدة تقطع القلب .. يسلمووووووووو إتحادي .. |
اقتباس:
الله يحفظك أختي وانو الله يخليك يارب تسلمي على طلتك الغاليه الله يبارك فيك في رمضان ويجزيك الرحمه والغفران |
اقتباس:
جزاك الله ألف خير ورمضان كريم ينعاد علينا وعليك بالخير والبركات وأعاننا ع صيامة وقيامة |
اقتباس:
الله يعطيك طول العمر والعافيه الله لا يحرمني من طلاتك المنوّره الله يبارك فيك في رمضان ويجزيك الرحمه والغفران |
| الساعة الآن 11:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية