فيه جيران مثل ماقالت نسمات الحنين تنشرى جيرتهم بملايين وفيه جيران الله يصبرنا عليهم
يوم الأربعاء اللي فات مبسوطة بأنه أول يوم إجازة لي لأن الأمهات مع عيالهم تبدأ إجازتهم بعد الفكة من مذاكرتهم ومتابعتهم المهم كنت مبسوطة ماورانا قومة الصبح ولاغيرها وفي عز نومي يجيني اتصال من بنت الجيران وأرد عليها قالت افتحوا الباب لأخوي ناسي المفاتيح في البيت (هم ساكنين بجنبنا وأخوهم ساكن فوقنا وفيه باب بالحوش بيننا وبين أخوهم ونقدر نفتح الباب الخارجي فقط)المهم ويرتفع ضغطي لان هالسالفة تكررت مو مرة ولا مرتين كان قلنا عادي السالفة تكررت لمدة ثلاث سنوات وأروح وأفتح الباب وياليت الأمر يتوقف لحد هنا يبقى مشكلة الباب الثاني اللي مايفتحونه الأ بضرب الرجلين ويقومون خلق الله برعب وعطيتهم حل بعد قلت لهم يكون عنده مفاتيح إحتياط بسيارته وإلأ مفاتيح عند أهله بس لاحياة لمن تنادي ثلاث سنوات ولا تغير شئ غير كذا ولدهم الله يهديه مايحلى له لعب الكورة إلا بآخر الليل وإحنا نايمين وغيرها وغيرها بس ماأقول إلأ الله يعيننا و يصبرنا قمم الله يعطيك العافية حفظك الله ورعاك |
اقتباس:
سارا والله لا سلام ولا كلام مومعي بس مع الجيران كلهم الله يعينه على نفسه ماعنده أسلوب سارا الله يعينكم على جيرانكم فيه جيران كذا يحبون المشاكل ولو حصلت لهم دوروها تسلمين تواصلك أسعدني اقتباس:
ياكثر الجيران اللي يحبون يتلصصون على جيرانهم ويعرفون كل صغيرة وكبيره أذكر زمان يوم كنت تقريبا بالابتدائي كان عندنا جاره تسير على أمي الساعة 2 الظهر ولان أمي بيتها بجنب بيت الحرمه أخر بيت تمره بيتنا بعد ماتمر بيوت الحارة كلهم وعاد ماتخلص سوالفها فلان جاب لاهله فلان مات ابو وفلانه متمشكله مع رجالها وعاد حنا بس نحتريها متى تروح علشان نتغدى مره أبوي لقاها عند الباب وعطاها زريه كبرها قال انتبهي يام بدر لاتاكل الرمضى رجلينك من كثر ماتدوجين بالشموس وكانت ماداني طاري ابوي ودايم تحرش امي عليه بس أمي كانت تعطيها على قد عقلها اذكرها هاذيك والله جار بلاء أم الشهد تسلمين ع التواصل وآمــــــــــين ع الدعوة |
اقتباس:
طيف ياهلا فيك بأي وقت تشرفين وتنورين والله يوفقكم في اختباراتكم اقتباس:
نور ذكرتيني بعيال جيرانا لازم كل يوم اتضارب مع احد منهم لاني كنت وانا صغير ماحد يطيقني من كثر مشاكلي مع عيالهم ودايم يكلمون ابوي يعني انا وانا صغير كنت جار بلاء شكل جاري عقاب من الله للي أذيتهم وانا صغير بس وش اسوي كانوا يستفزوني والله يعافيك اقتباس:
haiol ياهلا فيك والله يعينكم بس خلوا الشباب يعبر عن مشاعر حرام وين يروحون الكل وراهم حتى هذي ماحد استحملهم فيها معك حق أزعاج بس حرام بس الجيران اللي يتهاوشون اف اف هذا جار لنا متزوج على حريمه طبعا كان عند أثنين اللي فهمته وقتها ان الكبيرة تقبلت الوضع ومشتها والا الثانيه انتظرته لين قفا وضربته بيد الهاون الحديد وجت تركض يمنا ماعليها ألا جلال الصلاة وتقول لامي داخله عليكم والرجال يعدي وراها ودمه مغرق ثوبه وترها شاعرة واخت شاعر معروف بس في الموافق هذي اتوقع تختفي كل المشاعر اقتباس:
نسمات مارح أقول شئ ولا اتكلم العبارة الاخيرة اثلجت صدري أمين ...امين أمين |
اقتباس:
الحان ياهلا فيك ههههه ولايهمك طنشي فيه جيران كذا عند حق جيرانهم فهمهم بطئ وفي حقهم الله لايوريك يكلونك بس معليك راح أعلمك بشئ سويته وانا صغير كنت زارع أشجار عند باب بيتنا وكان ولد جيرانا دايم يهدف يمها يي يقهرني وكل يوم كنت أشق كورته لين عيا ابوه عيا يشتري له كورة خلي ولدكم يشق كورة ولدهم وماجاك عندي |
السلام عليكم ورحمه الله
موضوع حلو جدااااااااااا اخوي قمم الجيران ومواقفنا معهم الحين للاسف جيراننا من العائله ولانهم من العائله لازم نستحي ونصير ذوق ولدهم شيطان ومو هامته الدراسه وولدي دراسته ولعبه ونومه بمواعيد عاد اول السنه الولد عندنا من الظهر لين المغرب جاملنا اسبوع اثنين والا السالفه كايده كلمة امه يعنني اسلم وعاد اقول ولدي يدرس من يجي من المدرسه للعشاء ويالله يفهم فيس نصاب على الله تحس بس لاحياة لمن تنادي كان يدق الولد واقوله سلم على ماما وقولها ولدهم فلان يدرس عنده اختبار تقول ولدي يحضر ماجستير بس الحمد لله انحلت السالفه هذي بس غيرها مفتوح يعني مثلا انا ماحب ولدي يشوف مسلسلات تركيه وافلام لصغر سنه وحتى اشرطه البلاستيشن والقيم بوي عندي لها قواعد اتفق مع ابوه عليها وذول ريموت الدش بيد الولد عادي يالله سولفت لكم عن واحد من الجيران وباقي الجيران تجيكم اخبارهم لاحقا الف شكر على هالموضوع الحلو |
الساعة الآن 10:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية