|
وعود سعود
فكرت كثير قبل أنزل روايتي الاولى
وبالأخير قررت أنزلها هنا بمنتديات ليلاس أتمنى اني أحصل منكم القبول والنقد البناء إستلمو(وعود سعود) البارتين الاول والثاني اذا عجبتكم البدايه وحبيتوا اني أكمل معاكم حيكون لقانا كل يوم سبت وثلاثاء وجمعه الساعه السادسه صباحا البارت الرابع و الخامس و السادس ... http://www.liilas.com/vb3/t162304-3.html البارت السابع ... http://www.liilas.com/vb3/t162304-4.html البارت الثامن ... http://www.liilas.com/vb3/t162304-5.html البارت التاسع ... http://www.liilas.com/vb3/t162304-6.html بسم الله الرحمن الرحيم وعود سعود للكاتبه:نهاية الحكايه البارت الأول قبل 20 سنه ها سعود شقلت واحد من الربع عازمنا في مزرعته بقريته بتروح معاي -جاسم موب فاضي -سعود العمر يخلص والشغل مايخلص -أوكي جاسم بس مو ألحين بعد إسبوع -بعد إسبوع بعد أسبوع أمرنا لله ************** في مزرعة سلطان بإحدى القرى قضوا جاسم وسعود وسلطان أحلى يوم وكانت جمعتهم من الصباح وفي العصر..سلطان :شباب بروح للأهل موب مطول خذوا راحتكم المكان مكانكم سعود:شرايك نطلع برى المزرعه شوي جاسم:إسبقني أنت بأكلم جمانه و ألحقك بعد دقائق خرج جاسم من المزرعه يدور على سعود وتفاجئ انه مو موجود غريبه وين راح هالرجال ألحين أغيب 5 دقائق أرجع وما ألاقيه **************** شيخه..شيخه وصمخ -نعم..خير شتبين بثينه:لا أبد ما أبي شي كنت بذكرك إن زواجك بعد 5 شهور شيخه: حلفي تدرين توني أعرف زين والله قلتيلي بثينه:عادي حبيبتي تتريقي على كيفك مو المشكله انك اختي الكبيره واموت عليك شيخه:بثينه ليه كل هالمقدمات بثينه:ليه أحسك مو مبسوطه حتى لما ننزل السوق ماتهتمين لشي شيخه:تصدقين ساعات أقول الله يسامحك يايبه على هالزواجه اللي راح أتدبس فيها بثينه بتساؤل تكرهين سعود شيخه:لا..ما أكره بس ساعات أحسه جدي بزياده بذمتك فيه حد يكلم خطيبته عن شغله طول المكالمه وحتى لما يكلمني شكله كأنه مجبور على هالشي وماأحسه مهتم بشي يعني لو ماعمي ماكان بيتصرف بشي *********************** أبي أفهم أتأخر 5 دقايق أرجع وما ألاقيك -مهره ياجاسم مهره عيني ماشافت مثلها -من ذي.. شفيك سعود سعود:وينه سلطان مو كأنه تأخر جاسم:لا تأخر ولا شي -كلمه يجي بسرعه -خلني بالأول أفهم السالفه وبعدين أكلمه -تفهمونها سوا وألحين كـ .. ولآ ليش تكلمه أنا كلمه ألو.. هلا سلطان تعال المزرعه بسرعه سلطان:خير سعود صاير شي سعود إنت تعال بالأول وبعدين إسأل البارت الثاني سلطان خرعتني سعود شاللي صاير سعود خرجت من المزرعه أتمشى شوي رحت يسار المزرعه وأنا أمشي شفت بنتين وحده منهم دخلت قلبي بدون مقدمات أول مره بحياتي أحس إن قلبي ينبض تبعتهم لحد ماوصلو مزرعه صغيره وإنتظرتهم هناك ولحقتهم لحد ماعرفت بيتها والمطلوب منك كذبه صغيره قدام أبوها ولآ قلبي راح يوقف جاسم:لا موب صاحي حشا مافيك ذرة عقل سلطان:سعود شهالكذبه جاسم:سلطان الظاهر حتى إنت مافيك ذرة عقل سعود: هالبنت بتزوجها يعني بتزوجها جاسم:وإذا طلعت متزوجه بتتزوجها بعد سعود: لا..بدفن حبي وبقول عظم الله أجرك ياقلب سلطان:سعود شهالكذبه سعود: بالأول هي دخلت بيت بجنب المسجد لونه بيج وعنابي شتعرف عنهم أبتسم سلطان..وقال اسمها العنود وحيدة أمها وأبوها ومو متزوجه جاسم:سعود وبنت عمك وعمك وأبوك صاحي إنت سعود:بروح أخطبها وأنت بتكون معي وبقولهم إني مقطوع من شجره مالي أهل وبما أنهم في هالقريه ماراح يعرفون ها سلطان شقلت -ولنفرض اني قلت هالكلام وأبو العنود يعرفني زين ومستحيل يشكك بكلامي وهو رجال كبير بعمره وشايل هم هالبنت وماعنده لا عيال ولا أخوان يعني ماأتوقع انه راح يسأل عنك بعد شهادتي فيك -أوكي نروح له الليله نخطب وما أوصيك ياسلطان بالحكي الزين جاسم:سعود..سلطان.. كفايه مهزله سعود :شمهزلته..سلطان..تعييب بالبنت شايف عليها شي سلطان:لا حشاها بنت رجال ويابخت اللي بيضويها سعود:بعد صلاة المغرب نمر هالرجال ونخطب سلطان:والعنود شيصير عليها |
بـــــــــــــــدايه تبشر بخير >> لنا كقرااء
وانفجارات واسرار >> للابطـــــــــــــال حلا نهاية الحكايه.. ان شاء انكمل معش للنهايه.. تسلمين يالغلاا على هالبارتين الروعه.. شيخه كسرت خاطري حرام يسوي فيها كذا بس اتوقع يتزوج العنود بما انه بيقول انه مقطوع من شجره فبتكون بالسر.. وبانتظار التكمله .. موفقه .. |
هلابك زود أثرني أحبه
وياهلا بكل اللي مروا بهالصفحه *-* البارت الثالث سعود: شلون يعني شاللي بيصير عليها سلطان: انت مصيرك بتتزوج بنت عمك سعود:ايه مو عشان كذا يالذكي أنا جالس أقولك قول لأبو العنود أنا مالي أهل مقطوع من شجره -والله أنت أدرى باللي راح تسويه سعود: موب مقصر عليها بشي وببني لها بيت هنا بالقريه بجنب بيت أبوها ................................................. بعد صلاة المغرب أبو العنود:ياحيا الله من جانا سعود:الله يحيك ويبقيك يا بو العنود سلطان:ياعم..سعود أخو دنيا وشخص والنعم فيه يشتغل معاي بالبنك(أول كذبه سعود يشتغل بشركة أبوه) ويبي يكمل نص دينه وحنا اليوم جاينك نخطب بنتك لسعود أبو العنود:وين أبوك ياسعود ليه ماجا يخطب معك سعود: الله يرحمهم أهلي متوفين من فتره(ثاني كذبه)وعندي أخت ومزوجها لجاسم ويأشر على جاسم -الله يرحمهم يابوك الله يرحمهم طيب ماعندك خوال ولا أعمام _لا ..ماعندي (ثالث كذبه) سعود.. ها يا بو العنود شقلت في الوقت اللي كان سلطان يقول لبو العنود سعود رجال أمثاله قليل ومهما أقول عنه ماأوفيه جاسم بصوت منخفض شاللي ها يا بو العنود هو لاقي بنته بالشارع أكيد موب راد عليك ألحين أبو العنود والله ياسعود العنود بنتي الوحيده أطالع الله ثم أطالعها وأنا رجال كبير مثل منت شايف وأتمنى أني أزفها لبيت رجالها قبل لا أموت ..رجال يعرف قيمتها ومايضيمها سعود:ان شاء الله انها ماتنضام وهي في بيتي أبو العنود:دام انه سلطان ولدي يمدح فيك فمن صوبي أنا موافق بشاور البنت وأرد لكم خبر هالكلام حز بخاطر سلطان كثير شخص واثق فيه لهالدرجه وللأسف هو خان هالثقه .................................. سعود بفرحه من جدك ياسلطان أخيرا مابغوا يردون علينا سلطان:مدري ليه أحس بتأنيب الضمير سعود:روح انت وضميرك وجاسم بعد ما عندكم سالفه بكره بملك عليها ............................ أبو العنود هذي العنود ياسعود نظر عيني ماأوصيك عليها -لا توصي ياعمي ببني لها بيت جنبك وكل ما اشتقت لها زورها -وليش تبني لها بيت هنا بالقريه -عشانك انت وعمتي بعد إذنك ياعمي أبي أشوف زوجتي -دقايق وأرجع لك .............................. أم العنود: العنود روحي للمجلس سعود يبي يشوفك -وبيشوف عمته بعد تعالي معاي يمه -ان شاء الله.. بالمجلس سلم سعود على أم العنود وخرجت سعود:يناظر في العنود والصمت سيد الموقف وبعدها تكلم سعود تدرين أول مره أحس قلبي ينبض ماناظرت العنود لسعود لكن رسمت ابتسامه على شفايفها -أوعدك العنود مايبعدني عنك الآ الموت أوعدك أحبك لآخر يوم بحياتي..أوعدك ماتنضامين ببيتي.. ............................ أم العنود:شفيك يا بو العنود شكلك مو على بعضك أبو العنود ويوجه كلامه للعنود يبي يبني لك بيت هنا جنب بيتي على قولته عشان ماتبعدين عني أنا و أمك العنود..وهذا اللي مضايقك يبه يعني تبيني أبعد عنك -تدرين يالعنود ان موب هذا قصدي بس أنا مستغرب الرجال شغله بالبنك مع سلطان شاللي حاده يداوم من هنا كل يوم -يبه مو انت تقول انه ماعنده غير أخت وحده خلاص يمكن عشان كذا يبي يجلس مع أمه وأبوه وباست راس أبوها يبه ماأشوف الموضوع يستاهل يشغل بالك كذا أم العنود:وعلى طاري أخته موب غريبه انها ماحضرت -سلطان ولدي مامدح الرجال الا وهو عارفه ماله مصلحه يكذب علي -يمه يبه انا ماوافقت الا بعد ماأستخرت وان شاء الله انه مو صاير الآ كل خير ................................. نهاية الحكايه |
بداية موفقه
هالكلام قبل 20 سنة !! وش صار على سعود والعنود بعد هالعمر ؟؟ في انتظار الاجزاء الباقية تحياتي لكِ |
بدايه رائعه وبا التوفيق وفي انتظار الوعود المقبله
اي بعد العشرين عام وش صاااااااااااااااااااااااااااااار للعنود وشيخه ياسعود وفي انتظارك |
السلام عليكم و رحمة الله و بركاته
بدايه حلوه بس المشكله انه بنته الوحديه و حتى لو كان سلطان قد الثقه لازم يسأل عنه العنوان لفت نظري الخوف ان الوعود اللي قطعها سعود ماوفى فيها و شيخه يا قليبي عليها شكلها بتصير هامش للسعود ولها اذا درت انه حب وحده من شوفه لان ما اتوقع تم السر لمدة عشرين سنه وبعدين صدق لسعود اخت متزوجه جاسم يعطيتس العافيه و بالتوفيق |
السلام عليكم ورحمة الله وبركاتة
بداية موافقه ان شالله بس البارت اقصير اكثرمن المطلوب ياليت اطولين في البارتات يالغلا علشان ندخال جوا مع البارت وياليت اتعلمينه متى ينزال البارت وننتظرك على خير |
سهام الليل..الجميله دائما..آمال..الريم اللعوب
منورين حبايب قلبي وياهلا فيكم "المفروض انه يسأل بس أبو العنود شخص كبير بالعمر وعايش بقريه تبعد مسافه طويله عن مكان سكن سعود" "البارتات كل سبت وثلاثاء وجمعه الساعه السادسه صباحا" |
لبسلام عليك ورحمه الله
ما شاء الله الروايه شكلها مسكت من اولها كذا موفقه يالغلا وسجليني من متابعينك ولا عليم امر |
فيس معصب توه يدري عن البارت.......
متحمسه لهم بعد 20 سنه.. وش ممكن تكون احوالهم العنود بتبقى طول هالمده الزوجه السريه ؟؟؟ والا لااااا الكل عرف فيها ننتظر الاجوبه من الغاليه .. لاا تبطــــين علينا وياليت تزيدين البارت حبتييين .. تسلمين.. |
منوره عبق الرياحين
وأتشرف بمتابعتك غلاي أثرني أحبه والريم كل بارتاتي صغنونات كذا بس ولايهمكم يوم الثلاثاء بنزل بارتين واحتمال ثلاثه *_* |
يسعدلي صباحكم
تفضلوآ البارت الرابع.الخامس.السادس البارت الرابع العنود.. كنت ناوي أبني بيت قريب من أهلك بس راح ياخذ وقت طويل وسمعت من سلطان انه فيه واحد بيبيع بيته وبيته قريب من بيتكم فأنا كلمت الرجال بشتريه بسوي عليه شويه تعديلات يعني 3 أشهر وهو خالص شرايك يكون زواجنا بعد 3 أشهر العنود بخجل كلم أبوي وشوف رايه سعود:نكلم أبوك ونشوف رايه وشرايك انتي تعطين رايك مع راي أبوك العنود بخجل أكبر ســــــعــــــود لو سمحت سعود وهو يضحك خلاص ان شاء الله .. انشاء الله بكلم أبوك ولا تزعلين .............................. بعد 3 أشهر زواج سعود والعنود كان بالقريه زواج بسيط الرجال بالخيام والحريم ببيت أبو العنود اليوم الثاني سافروا لـفرنسا وقضوا فيها أجمل إسبوعين بعد إسبوعين من سفرهم سعود والعنود على طاوله ال طعام بأحد المطاعم يتعشون سعود: عنودتي شكثر تحبيني العنود:حبي لك ماله مقياس ماله حدود سعود:يعني مهما حصل بيبقى حبك لي مثل ماهو العنود:مافيه شي بيغير حبي لك سعود:عنوده أنا أحبك وما أتصور حياتي بدونك أنا بدونك أموت والله أموت العنود: بسم الله عليك..جعل يومي قبل يومك سعود: أنا ماسويت اللي سويته الاعشان أتزوجك العنود بعدم فهم سويت اللي سويته عشاني شسالفه سعود!! ............................ غريبه ولدك يسافر هالمده مع أصحابه مع انه ما يمشي شبر بدون جاسم -لا غريبه ولا شي سعود هالك نفسه بشغله شفيها يعني لو سافر وغير جو -والله يا أم سعود ان قلبي مو مرتاح مدري ليش حاس ان هالسفره وراها مصيبه -راكان(بو سعود)لا تخرعني وسعود رجال ما ينخاف عليه ومو هو اللي بيجيب لك المصايب .............................................. البارت الخامس سعود:سمعيني بدون ماتقاطعيني وياليت تفهميني أنا..أنا.. -إنت شنو سعود تكلم نشفت دمي -أنا مو موظف بالبنك مع سلطان -نعم..أجل وين تشتغل حضرتك -أشتغل مع أبوي بشركته -شلون مع أبوك وهو متوفي -أبوي مو متوفي ..أهلي موجودين و.. و.. والمفروض يكون زواجي من بنت عمي بعد شهرين وعشان كذا أنا كذبت هالكذبه لانه أبوي مستحيل..مستحيل يوافق ولو صار وعمي عرف بزواجي بتنقطع علاقتنا بعمي و أنا ما أبي هالشي يصير ولـ -بس.. اسكت أبيخ كلام سمعته بحياته..ردني لبيت هلي -العنود سمعيني 0العنود بحزن والدموع تسيل على خدها ردني لديرتي ياسعود وما أبي أسمع صوتك ..ممكن. ..................................... "هذا اللي يقول بيجلس شهر و إحتمال شهرين أشوفك راد بعد أسبوعين" -ماقدرت أجلس مع واحد نصاب وكذاب يوم واحد تبيني أجلس شهرين -شسالفتكم ما تتكلمون ومن هذا النصاب يالعنود..تكلموا -النصاب يبه اللي يقول انه موظف بالبنك ومقطوع من شجره -شاللي جالس أسمعه يا سعود -ياعمي أرجوك اسمعيني مشيت العنود ولما وصلت لباب المجلس قالت طلقني يا سعود -أبو العنود بصدمه طلاق! .................................. لما شافت أمها انهارت طلع نصاب يمه.. نصاااب..كذب علي وعليكم -بسم الله عليك يالعنود شاللي صاير -قولوله يطلقني ما أبيه.. ....................................... ألحين ياولدي ماهان عليك تعيش معك وهي موب عارفه ولا شي وهان عليك تجي تكذب علي بمجلسي -ياعمي أ... -و سلطان شلون كذب علي..وليش يكذب علي -أوعدك اليوم أكلم أبوي عن زواجي وحتى لو مارضي العنود بتعيش معي ومستحيل أطلقها -سعود إطلع برا -ياعمي ... -برآآآآآآآآآآآآآآآآآآآآآآآآ -طلاق ماراح أطلق و... -برآآآآآآآآآآآآآآآآآآآآ -طالع ياعمي وقبل ما أطلع أباخذ مرتي معي -مالك مره عندي واطلع برآآآ ............................... أنت صاحي.. ولآ قاعد تهلوس يبه..بنت عمي بيجيها نصيبها..و أنــ... سعووووود شاللي قاعد تقوله صاحي انت صاحي يوم مابقي غير شهرين على زواجك أنت وشيخه تقول بيجيها نصيبها -يبه حرام عليكم.. والله حرام -حرمت عليك عيشتك علم(ن) ياصلك ويتعداك لو مخلوق غيري عرف بهالزواجه لا تلوم الآ نفسك وزواجك بعد شهرين وهاللي تزوجتها قلعتك انت وياها تبي تخليها على ذمتك..تبي تطلقها بس محد يدري بشي -ولدي ما كفر عشان محد يدري بشي -اذا تبين ترجعين لبيت أبوك وتعيشين هناك على طول تكلمي بهالموضوع -بطلقني يا بو سعود -انتي و ولدك الحكي معكم ضايع ولو سمعت انكم تكلمتو بهالموضوع قلبت الدنيا على روسكم لابارك الله فيك ولا في ولدك ................................ يايمه الدموع ماراح تسوي شي من رجعتي وانتي تبكين رحمي حالك يابنتي -ماقدرت أكره ..قلبي موب راضي يكره..أشتقت له النصاب..وكل مايطري على بالي انه بيطلقني والله أحس قلبي بيوقف -أبوك قالي انه مو ناوي يطلق وبيكلم هله -وكلم أهله..هذا مابيغير انه كذب علي -لا حول ولا قوة الا بالله الله يفرج همك يايمه -زواجه بعد شهرين.. تخيلي يمه و ... شهقات ودموع منعت العنود من الكلام -يايمه خلاص قطعتي قلبي ياليت بيدي أقدر أسويلك أي شي حسبي الله ونعم الوكيل.. ........................................ الأحداث الجايه بعد مرور الـ20 سنه البارت السادس صباح الخير على أحلى أم بهالكون -هلا يمه ياصباح الانوار -فديتك يا أم وعود وفديت هالإبتسامه -بنبره تحمل الكثير من الألم والوجع بلاها أم وعود ذي يايمه ماوعدت حد عشان أصير أم وعود -وينه يايمه عشان أقوله يابو وعود -أن كان تحت الارض الله يرحمه وأن كان فوقها الله يجمعك فيه -بدينا بالحوار العقيم ..أستأذنك يمه تأخرت على الجامعه -فمان الله وانتبهي على نفسك .............................. الـجــــــــازي .. يا الجــــازي -هلا يبه -وينكم؟ كذا بتتأخرون على مدارسكم -يبه راكان موب راضي يصحى -لاحول ولا قوة الا بالله وبعدين معاه أنا طالع بشوف شسالفته -يبه الله يخليك لا توجعه بالحكي -يابنتي انتي وراكان موب أول ناس تفقدون أمكم الله يرحمها صار لها سنه وكلنا حزنا عليها بس هذا مايعني انه نسكر على أنفسنا ونقاطع العالم .................................. العنود..العنود خير يمه شفيك يابنتي ..اللي ماخذ عقلك. ومن غيره يايمه..سعود يايمه سعود تدرين وعود اليوم شتقول..تقول وينه عشان أقوله يابو وعود ياماوعدني وعدني مايتركني وعدني يكون جنبي وعدني و وعدني و وعدني ومن كثر وعوده لي سمى بنته وعود وتنفجر بعدها بنوبه بكاء ................................. يالله دندون مصدعه وفيني نوم -يصلها ردها ضحكات عاليه -نعم دندونه قايله نكته -لاجويزي بس موب جديد عليك كله مصدعه وفيك نوم وأكيد ماذاكرتي للإمتحان -لا..لا ذاكرت الماده حلوه بس الله يستر من الأسئله ياربي متى ينتهي هالترم وأتخرج يا نـــــاس أبي أدخل الجامعه -طيب طيب بتدخلين الجامعه من أوسع أبوابها -صباح الخير على الحلوين -هلا ديمه ليه متأخره ياربي متى تصيرون مجتهدين مثلي احم ..احم.. الجازي بستكار:منهي المجتهده ذي دانه بإبتسامه أنا ديما ماعلينا كيفكم الجازي والدانه الحمدلله تمام وانتي -تمام كيف أستعدادكم للحفله -الجازي لحد ألحين ماسويت شي بالاول بخلص اختبارات وبعدين بفكر بالحفله دانه:أبشركم ملاك تقول مهاوي من ألحين شاده حيلها كل شي بتسويه بهالحفله ............................. زين طريت على بالك -زين انك طريتي على بالي انتي دايم على البال -وينك.. كذا مره أتصل عليك ما ترد -كنت مشغول أقول مهوي أبي أشوفك -أوكي بس بشرط ببيتك مو بمكان ثاني -ياذا البيت شمعنى يعني -لايكون بيتك من طين وماتبيني أشوفه -صدق خبله -ماعلينا أنا ألحين بكلم وعود عشان اذا حد سأل عني ................................. شخبارك وعود -أهلين مهوي تمام وانتي -الحمدلله بخير -وعود حبيبتي أنا عندك اليوم واحتمال السهره صباحي -لا..لا حبيبتي حدك للساعه 9 وبعدها بشوتك برا البيت وايه لاتنسين عبدالباسط متحلف فينا يعني ذاكري زين وخليك من المشاوير نهاية الحكايه |
صبحك الله بالخير نهايه
تسلم يدينك حبوبه على البارت الله ياخذه ابو سعود اللحين مالقيت الا تحلف بالطلاق عشان سعود ما يعترف بالعنود ياويلك من الله ذنب الفقيره برقبتك وانت يا سعود وين وعودك وحلفانك انك ما تتخلى عنها نادام انك كذا اجل كان طلقتها وخليتها تشوف نصيبها مع غيرها العنود الله يعينك خذتي واحد اناني ما همه الانفسه بس معقوله ما يدري انه عنده ينت من العنود والله لو يدري ومطنش ان اضربه بالخيزرانه قليل الحيا والمروه ننتظرك حبوبه بالبارت الجاي |
8
8 8 منوره غلاي فديت هالطله .. |
توقعت بأحصل ردودو وتشجيع من أل ليلاس
بس للأســــــــــف .. |
السلام عليكم حكايه
البدايه كانت من عشرين سنه واضحه خطبه لبنت العم زواج بالنصب من العنود بعدها اكتشاف للخدعه وفراق السؤال هل طلق سعود العنود والا لا والاكيد انه صاعندهم بنتهم وعوود الاحداث الجديد ه غامضه ياليت توضح منهي الي ماتت معقوله تكون شيخه هل بيرجع سعود العنود وعوود تبي تشوف ابوها اكيد بدليل تسائلها عنه نهاية الحكايه اعذري الاعضاء الان فترة اختبارات وانتي واصلي مهما كان الاقبال اهم شي المواصله واخيرا اهلا بك في ليلاس منبع الابداع وبانتظار الاجزاء الجديده |
هلابك زود أم رنا
منوره غلاي |
نهاية الحكاية كملي ان شاء الله تلقين التشجيع
بصراحة صار الواحد يخاف يقراء وراية مو مكتملة ,نتعلق فيها بالاخير تسحب علينا الكاتبة صارو العضوات يخافون يقرون شيء مو مكتمل اما الرواية : مدري وش اللي صار وخل سعود يترك العنود ؟؟ هذا دليل انه ما تركها بعد اخر هوشه اكبر دليل انه سمى بنت بـ وعود يمكن دخول الجازي للجامعة له دور بكشف وعود !!! الرواية ما زالت تتلحف بالغموض <<< متعوب عليها هالكلمة ههههههههههههههههه في انتظارك تحياتي لك |
8
8 8 منوره غلاي |
البارت السابع
ها شرايك بالبيت مها بإبتسامه حلو كثير روعه يسلملي هالذوق يجــ....و تنطفي إبتسامتها من وين لك تشتري هالبيت -شتشربين -من وين لك كل هالفلوس -والله العظيم ماسرقت ولا تاجرت بالمخدرات -طيب من وين لك كل هالفلوس -بتعرفين..بس مو ألحين -وليش مو ألحين -ممكن تنسين الموضوع شوي -شلون أنساه -شلون تعاملك مرت أبوك -ليه موب راضي تريحني وتقولي من وين لك هالفلوس -لا حول ولاقوه الا بالله قلتلك بقولك بس مو ألحين ماتفهمين انتي -براحتك -شلونها مرتك أبوك معك -تمام عايشين بسلام -وبنتها اللي مرافقتك بالغرفه -ملاك مافيه مثل طيبه قلبها -صدق ولا تقولين هالكلام عشان ما أشغل بالي -والله العظيم مافيه حد مضايقني ................................... -اللي بتروح تذاكر عند صحبتها تروح لها وحتى دفتر مامعها -آآآآ ..عادي جالسين نذاكر من مذكره وعود -اوكي وين جاكيتك اللي كنتي لابسته -امممممممممم..آآآآآآآآآآآآآآ..ايه أعجب وعود وأعطيته لها -ومن متى حضرتك تعطين ملابسك لحد -شنو ملاك مو كأن أنا الكبيره وبعدين مالها داعي أسئله التحقيق ذي -عشاني أحبك وخايفه على مصلحتك -ماسويت شي غلط عشان تقولي هالكلام .......................... في مكتبه و مخبي وجه بين كفيه وبعد ثواني يمد يده لجواله -ألو -السلام عليكم جاسم -ياأخي ابتسم ارمي ورا ظهرك -شلون ياجاسم شلون -شلون ذي عندك ياسعود -طيب يرد عليك سلطان -والله من زمان عنه ليه -ولا شي أتصل عليه ومايرد -وما أتوقع يرد عليك ............................. ها وعود الله يخليك لا تقولي لا -ولايهمك كم مهوي عندي ماراح أقول لا وحده مليون ألف لا -ليه وعود -بدون ليه مهوي أمي ما راح ترضى -وعود حاولي والله العظيم بنبسط هناك -بعد لا -وعود أنا و عمتي وملاك وبنات خاله بنكون موجودات -مهوي حبيبتي بحاول معها و بعد بقولك انسي السالفه يعني ماتعرفين أمي الا..شفيك متضايقه لا يكون عشان الاختبارات انتهت -لا..اشترى بيت -بذمتك هذا اللي مضايقك صدق ماعندك سالفه -من وين له يا وعود مع انه حلف لي انها مو فلوس حرام بس أموت وأعرف من وين له وليه موب راضي يقوللي -خلاص الرجال مو حلف لك لاتسوينها سالفه ..................................... حال سعود موب عاجبني..أفكر أزوجه أبو سعود :ولا راح يعجبك حاله حتى بعد ما تزوجينه يعني موب عارفه ولدك أم سعود والله البركه في أبوه هو اللي وصله لهالحال -بنبره تحمل الغضب أم سعود سكري على هالموضوع أحسن لك وأحسن لولدك بعد..سالفه وانتهينا منها من أكثر من 20 سنه أم سعود:إنت سكرت على الموضوع بس ولدك موب مسكر عليه وليته على كذا قادر يسوي شي أم سعود:الظاهر انك تلفين ودورين على هدم بيتك أم سعود:عن إذنك بكلم جمانه دام الحكي معك مامنه فود .............................. العنود حبيبتي تعالي هنا كذا بزعلك منك يابابا "عنودتي -لا تقول عنودتي -حبيبتي -لا تقول حبيبتي أنا إسمي العنود ولولا أبوي ماكان رجعت لبيتك -تصدقين ما طرى على بالي لو واحد بالميه ان قلبك أسود -زين ..هذا انت عرفت -فديت عمي والله وفديت عقله الكبير وقلبه الابيض ليه ماطلعتي عليه -من أحلى أنا ولا هي سعود انفجر من الضحك لا انتي أحلى -مافيه شي يضحك وبعدين ماعجبتني الاجابه -عنودتي عيوني ماتشوف غيرك وقلبي مانبض الا لك لو تشكين بهالشي يكون عندك مشكله بمخك وقلبك وعيونك - لا ما أشك بحبك لي بس ما أضمن الأيام والسنين وشاللي بيصير فيها " -يــاناس ياعالم نحن هنا أنا قلت سعود سمع اسم العنود بيعيش بالاحلام شيرعه للواقع -تدري انك مزعج -وين وصلت -موب شغلك وادفع الحساب والحقني -سعود ترا انت اللي عازمني ومن باب الذوق انت اللي تدفع الحساب -جاسم تروح معي لـقرية .... -والله باقي فيني عقل ماجنيت أروح شسوي بالله -الشرهه مو عليك الشره علي أنا -تروح هناك شتسوي بتجلس قدام بيت مهجور من سنين ....................................... بعد مرور سنه على زواج سعود وشيخه بثينه:شيخه مبسوطه مع سعود شيخه:الحمدلله سعود موب مقصر بس أحس فيه شاغل باله بثينه:مثل شنو شيخه:ماأدري..ماأدري بس متأكده فيه شي كبير شاغل باله بثينه:شاللي شفتيه عشان تقولين هالكلام شيخه:ولا شي ..لا مكالمات..ولا سهر برى البيت.. بس احساسي يقول فيه شي يابثينه يوم سافر الاسبوع اللي فات مابقى شي من أغراضه الا وفتشته ومع كذا ما إرتاح بالي ....................................... محتاج اسبوعين اجازه -اسبوع يكفيك وأهم شي شيخه ياويلك مني ياسعود لو حست بشي -يبه..ترآ أنا ولدك ولآ نسيت -لا مانسيت..بس مشاعر شيخه وأبوها يهموني ياسعود -لا تخاف يبه بيت شيخه مافيه عقد زواجي من العنود ولا صور العنود ولا شي يخص العنود ............................... هلا والله برجل شيخه -فديتها شيخه كل الذرابه فيها ليت بعض ناس عندهم ربع هالذرابه -دام ماعندي ربع ذرابتها ليه مكلف على نفسك وجاي -واجبي -مشكور ياراعي الواجب -العنود بلاش من هالإسلوب لا تستفزيني -شسوي موب يدي ..كل ما أشوفك تطلع شياطيني ومن كثر هالشوفات بعد..بذمتك فاكر متى أخر مره جيت هنا -انتي عارفه لو بيدي مافارقتك ثانيه..بس ..ممكن سعود لا تكمل لان عارفه انه كلام يغث -دام عارفه انه كلام يغث ليه تسألين -شسوي أذا أنا خبله واشتاقلك -فديت روحك عنودتي..أدري مالي وجه من كثر ما أقلك تحملي هالوضع قوليلي انتي شاللي ممكن أسويه ويحسن من هالوضع -يعني لو قلت بتسوي -غير اني اجيبك تسكنين بجنب بيتي ممكن أوافق ع العموم أنا مسافر هالصيفيه مع أهلي وممكن أطول بالسفره أي شي محتاجته قوليلي عليه -لا مو محتاجه شي بس عندي لك خبر ..................................... |
هلا بك نهايه الحكايه ...
اكيد الخبر عن حملهاا او انهم بعزلون عن القريه سعود وش السبب لتركهم ها السنين في انتظارك وبقربك دومااااا |
مساء الخير
كيفك نهايه ا شاء الله اك يخير تسلم يدك على البارت احسه بارت اليوم يتكلم عن حال سعود والعنود من قبل ابو سعود حسبي الله عليك موتارك سعود بحاله حتى بعد موت شيخه ياشيبه اتقي الله في الضعيفه وبتها ا شاء تتحمل ذنبها الين تموت وانت يا سعود مو رجال الي تارك بنتك وزوجتك ولا تدري عنهم بتقول ما عرف محلهم اقولك من رداتك لو انك مهتم كان سالت عنهم من قبل وتحاول تعرف طريقهم وتطلعهم ولو م تحت الارض بس انت اسان ضعيف العنود والله ماتنلامين بالي تسوينه مافيه مره ترضى بالذل والمهانه وعيشة الظلام بي لاتخافين ربي بياخذ حقك منهم لا الدنيا سلف ودين واتوقع اها راح تخبره عن حكلها الله يجزاك خير نهايه كملي وحا معك ولا تهتمين باتظارك |
الجميله وعبق
أتشرف بمتابعتكم لي .. |
البارت الثامن
ماماتي حبيبتي يا نور عيني يا .. -بس ..بس يالنصابه ادخلي في المفيد على طول بدل من هالمقدمه -أفا يعني كاشفتني يالعنود -اخلصي علي شتبين -أول شي شلونه المزاج -والله المزاج على حسب الطلب -لا..يعني موب محصلين شي -وعود شعندك -مها وبنات خالتها مسوين حفله عشان .. -لا يا وعود وانتي عارفه راي بهالمواضيع - يمه حفله عشان تخرج البنات بتكون في قاعه وموب رايحه لوحدي أنا وانتي جده الله يخليك قولي شي -العنود لا تكسرين بخاطر البنت وروحي معها وغيري جو بعد بهالحفله مايصير صاكه على البنت كذا -يعني يا أترك بنتي تهيت من مكان لمكان يا أكون صاكه عليها -ومن قالك اتركيها تهيت بس بعد مايصير حارمتها من الطلعه لاي مكان ........................................ سعاد موب حرام عليك تزوجي بنتك بهالعمر ولا ليت اللي متقدملها بعمرها -أمول الله يخليك خلصنا من هالسالفه ..ريم موافقه وخالها يمدح بالرجال وين المشكله -المشكله ان الريم عمرها 20 وخالد41 ولاتنسين بعد خالد متزوج -أمل ريم موافقه تبيني أقول لا عشان فرق العمر وعشانه متزوج "لا ..لا من زمان عن خالتي أموله ويوم أشوفها ألاقيها تبي تنحش الرجال من يدي" -أمل: هلا ريومه كيفك ريم:بخير يا أحلى خاله وينك ما تنشافين أمل :مشاغل الدنيا يايمه ريم:وخالتي الحلوه شاللي مو عاجبها في المعرس أمل:عمره وانه انتي بتكونين الثانيه ريم:خالي مدحه كثير ولا تنسين انه أخو ماجد زوج جواهر أختي أمل:صدق الملكه الخميس الجاي سعاد:ايه وعائليه أهله وانتي ومرت ناصر أخوي .............................. صدق يالعنود حامل أحبك والله العظيم أحبك أحـــــبك -وأنا أعشقك ياسعود -أحس من كثر فرحتي بطيييييير -ياجعل هالفرحه دوم حبيبي -حلفتك بالله تنتبهي لنفسك وللي في بطنك واي شي تحتاجينه لا تترددين انك تكلميني كلميني بأي وقت -وينه اللي كان يقول وهي تقلد صوت سعود عنودتي حبيبتي كلميني وقت مايكون فيه شي ضروري وياليت كل مكالماتك تكون الصباح وغير كذا أنا اللي أكلمك -ايه..هذا الكلام لما كانت العنود بروحها بس ألحين تغيرت الامور -تدري انك ثقيل دم شلون حبيتك ماأدري ........................................ يبه حرام عليك شهالكلام اللي انت تقوله أقولك العنود حامل وبجيبها هنا ومافيه شي بيتغير بيكون الوضع على ماهو عليه من فتره والثانيه أمر عليها -لا..هالبلوه تقعد بقريتها ولو سمعت انك جبتها هنا انت عارف شاللي بيصير اشتر راسك يا بوك بتصير المشاكل لها أول ومالها تالي ولو قلت لأمك عن حمال مرتك وكلمتني بالموضوع يكون مالها مكان بيتي -شذنبها أمي كل سالفه قلت مالها مكان بيتي انت شلون تفكر يبه ......................................... جواهر وانا ماره من عند الباب شفت رجال -أكيد أحمد ياما شافني هالرجال شافني وأنا متكشخه وانا بلبس البيت -وانتي ليه تتركين الباب مفتوح -شسوي عيالي ياطالعين لجدتهم يانازلين عشان كذا أترك الباب مفتوح -طيب قولي لماجد يوصلني للبيت تأخرت على أمي -سهري معاي والصباح بعد مانفطر نوصلك -سهره لا ..بس الفطور أكيد مروني عشان أفطر معاكم .................................. هند حبيبتي من اللي عند أهل ماجد -ماعندهم غير اخت جواهر ..ليش -لا..ولا شي بس أسأل -أحمد شفيك..مستحيل يكون سؤال وبس أكيد فيه شي -قلتلك ولا شي.. وانا نازل من عند عمتي سمعت هوشه من بيت ماجد ......................................... آلــــووو -صباح الورد -أهلين يا صباح الفل والياسمين -أخبارهم الحلوين -والله الحلوين يبون منك ثلاث هدايا -جديده ذي أول مره أسمع بحد يطلب هديته -هذا انت سمعت -وشالمناسبه -الاولى لانك زعلتني قبل أمس والثانيه لاني خلصت الاختبارات والثالثه لاني مهاوي -تستاهلين مها نجيب لك هديه -ثلاث هدايا -ولايهمك ثلاث هدايا -يوم دخلت المطبخ عشان أطبخلك فصخت جاكيتي ونسيته يا إن ملاك سوت لي سالفه -وشدخلها هالملاك ان شاء الله تكون ولية أمرك وانا ما أعرف ................................... أذا بنت شبتسميها -بسميها وعود -وعود سعود روعه الاسم -طيب اذا ولد شبتسميه -مايبيلها سؤال راكان سعود:ها شرايك في أسماء عيالي العنود:مايبيلها سؤال روعه -طيب لو سألتك شبتسمين من باب الفضول عنودتي يعني ماراح أغير راي وعود وراكان -الجازي أحب هالاسم كثير و عبدالله على اسم ابوي -خلاص عنودتي بنتي الثانيه و ولدي الثاني مالهم من الاسماء الا الجازي وعبدالله ................................. |
هلا والله بنهايه .
العنود ماتنلام بخوفهااا على بنتهاااا وسعود ليه اختار اسم وعود اكيد له مغزي دفين وموثر وفي انتظار العنود ومعامله سعود لهااا ومتي اختفت العنود عن حياته وياريت البارتات الجايه تكون اطول |
السلام عليك ورحمه الله
هلا وغلا نهايه ربي يعافيك على البارت الحلو العنود ماتنلام تخاف على بنتها الوحيده لان الدنيا تخوف وهي ماعندها رجال يحميهم وخايف من النس ونظررتهم سعود الى متى راح تظل سلبي ولا لك شخصيه تارك شوفاتك وراكض ورى هالشيبه المخرف ريم وماجد قصه جديده دخلت لنا ان شاء الله تكون حلوه واتوقع ماجد شاف ريم بيت اختها واعجبته وخطبها رجال عينهم زايغه مها وش سالفتها وهالرجال الي تروح له وش نوع علاقتها وياه |
تسلمين على البارت الحلووو ..
بس عندي طلب صغير ياليت تكتبين اسم اللي يتكلم عشان نا اتلخبط .. كسر خاطري سعود يعني مسمي الجازي وعبدالله عشاانها تحب هالاسناء ولانه وعدهااااا اتوقع اللي شاف الريم يكون ولد خالد بما انه كبير ومتزوج وبتعجبه ريم وبيتزوجهاا بدال ابووه صح؟؟ موفقه .. وانا بأنتظارش يا الغلا |
باقة ورد لكل متابعي وعود سعود
عبق وأثرني تسعدني متابعتكم *_* |
البارت التاسع
بعد مرور اسبوع بإبتسامه رائعه تجلس بجنب أبوها وتمد يدها -سعود بإبتسامه يارب المبلغ هالمره ما يتجاوز ال 5000 -بضحكه ناعمه عدال يا بو راكان يعني اللي يسمعك ألحين يقول الفلوس تلعب في يدي لعب -طيب حبيبه أبوها كم تبي وليش و وين مصروفك -ياسعود ياحلو ماتمل من هالاسئله -لآ ماراح أمل..و هونت موب معطيك ولا ريال الجازي:لا لا كم أبي انت كريم وبنتك حبيبتك تستاهل وليه الدانه مسويه حفله للبنات الخريجات والناجحات و وين مصروفي باقي منه كم ريال بس مايكفون طيب يايمه والفلوس لشنوا بالظبط -أبي أشتري فستان مع اكسسواراته -خلاص قبل ما أخرج بعطيك اللي تبين ومع مين بتروحين للسوق -مع راكان واذا مارضي مع عمه جمانه "من ألحين راكان موب راضي" ياربي خاطري أطلب منك شي وتقول من عيوني يا أحلى اخت بالدنيا -من عيوني يا أحلى أخت بالدنيا بس ألحين موب فاضي سعود:شهالشغله اللي مخليتك موب فاضي -أشم ريحه تريقه -مو بالعاده دايم قاعد باليت -كلمني محمد وقلت أطلع معاه أغير جو -الله يحفظك يبه وانتبه على نفسك ............................... مها:ملاك أنا رايحه للسوق شرايك تروحين معي ملاك:انتي وأمي مها:ايه ملاك:بصراحه وبكل وضوح موب رايحه معاكم -ياحبك للفلسفه..وليه ان شاء الله -مالي حاجه هناك عشان أروح وانتي عارفه اني موب راعيه أسواق..مع انه تو دانه كلمتني بتروح هي وأمها مع الجازي للسوق وانا رفضت مها:براحتك ملوكه ..يالله مع السلامه ملاك:مع السلامه الله وياكم ..بس وانتم راجعين جيبوا معاكم آيس كريم بضحكه ناعمه وينها اللي تقول مالي حاجه بالسوق ملاك وهي تمد لسانها الايس اللي أنا أبيه مو بالسوق ....................................... وينك ليه ماتدرين على تلفونك -كنت جالسه مع أمي وخاله أمل -طيب خاطري أطلع أتمشى ..شرايك نمر عليك أنا وجواهر الريم:اوكي..ليش لا محتاجه أغير جو ماجد:أفا عليك أحلى مكان بوديك له..على فكره كلمني عبد العزيز -شيبي فيك -ولا شي يسأل عن الحال -ماتوقعته خاين كذا من وعيت على هالدنيا وانا أحبه ومتأكده انه يحبني شاللي تغير..شاللي تغير -انسيه ريم أحاول والله اني جالسه أحاول بس موب قادره من وعيت على هالدنيا وانا ما أشوف غير عبدالعزيز كل يوم حبه يكبر بقلبي وتقولي انسيه شلون أنسى قلبي ياماجد شلون أنسى الهوا اللي أتنفسه شلون أنسى حلم كبر معي من طفولتي المفروض اني ما أقلك هالشي وبعد كم يوم ملكتي على أخوك بس الاكيد انك بتلقى لي عذر ماجد:ريم..المفروض اني أقلك من اليوم ورايح فكري في خالد وبس لانك بهالتفكير تخونينه بس أنا بقلك فكري بعقلك عشانك انتي يالريم لانك بهالحال بتعبين نفسك ...................................... قبل 8 أشهر جواهر:ريم ماسمعتي أخر الاخبار ريم: لا ماسمعت شي جواهر ع..عبدال..عبدالعزيز ريم:شفيه تكلمي شفيه عبدالعزيز جواهر:اممممممممممممم سمعت انه.. خطب ريم:نعم.. من قالك توني من ربع ساعه مقفله من نوره وماقالت لي شي جواهر: مدري والله ريومه هذا اللي سمعته وبعدين نوره عارفه بحبك له و أكيد بتتوتر العلاقه بينكم ريم:جواهر مستحيل قولي غير هالكلام عشان أصدق جواهر:لازم تصدقين ياريم وطلعين عبدالعزيز من تفكيرك كانت حالة ريم مأساويه دخلت المستشفى اسبوع كامل بسبب صدمتها بهالخبر وبعدها تقدم لها خالد وافقت عشان عبد العزيز وتملك هي قبل ماهو يملك وقاطعت نوره أخت عبد العزيز ......................................... الخميس الجاي ملكة الريم ومن قالك نوره:ام جواهر كلمة أمي عبدالعزيز:خاينه..خاينه..شلون توافق عليه وانا خـــــاينه ليش يالريم لـيش -عزوز لا تزعل نفسك كذا بكيفها هي الخسرانه -وانا مو مصدق مستحيل توافق الريم أكيد فاهمين الموضوع خطأ نوره:لا مو فاهمين الموضوع غلط واللي خطبها خالد أخو ماجد عبدالعزيز:وليش توافق ليش وانا ماني قادر أصدق ..نوره أكيد فاهمه الموضوع غلط وبعدين ريم ليش توافق على واحد متزوج وبينه وبينها 20 سنه .......................................... ها سعود شقلت -قلت لا يا يمه -ليش يايمه لمتى وانت على هالحال -شفيه حالي -انت أدرى بحالك -فديت روحك يالغاليه زواج موب متزوج شيلي هالموضوع من راسك ولا تفكرين اني بجيب مره الله العالم شراح تسوي بعيالي أنا كذا مرتاح .......................................... ..................................... بثينه:شيخه انتي صاحيه تدرين شممكن يسوي فيك سعود لو عرف بالسالفه شيخه:أعلى مافي خيله يركبه مايهمني بثينه:اللي سويتيه غلط قولي لأبوي على زواج سعود اذا تبين تكبرين السالفه وتسوين مشاكل لكن تسكتين و.. -لا ماراح أقول لحد وسعود أنا أعرف أحرق قلبه -شيخه الرجال تزوج والحين عنده بنت أدري صعب تتقبلين الموضوع والاكيد انه مستحيل تتقبلينه بس البنت مالها ذنب تعيش بعيد عن أبوها وشعرفك يمكن العنود تقول لسعود على كل شي وفي النهايه تطلعين انتي اللي غلطانه شيخه:وتقول له بعد مايهمني بثينه:تتوقعين عمي و مرته يدرون بزواج سعود شيخه:أتوقع ماحد يدري .............................................. متى حفلتكم -بعد اسبوع تقريبا -وممكن أشوفك بعد الحفله -ما أتوقع -مها عندي موضوع مهم أبي أتكلم فيه معاك وياليت يكون بأقرب فرصه -أسمعك تكلم -لا مهوي..ماينفع على الجوال أبي أشوفك عشان أقلك -ولو انه صعب أشوفك وقت الاجازه بس أحاول - مها ..لو قلتلك أنا بكفه وأبوك بكفه مين تختارين -شهالسؤال..وبعدين كلكم غالين علي -اذا اخترتيني..فبقلك الوالد العزيز بيسافر بعد حفلتكم بيومين تتركين البيت وتجين عندي وبيكون كذا وافقتي على طلبي واذا أبوك.. بعد اسبوع الموضوع اللي أبي أكلمك فيه بيكون عندك بالبيت..و..وانسيني مها بيتساؤل أنساك..وبعدين شنهو الطلب والموضوع مو فاهمه ولا شي -بتفهمين بعد ماتقولين كفة مين اللي بترجح -كفتك هي اللي بترجح يالله قول شالطلب والموضوع -ايه..مو قالولك اللي تكلمينه بزر عمره 7 سنوات مو رجال بالثلاثينات اذا اخترتيني أنا تسمعين اللي أبي أقوله بيتي .......................................... البارت العاشر جمانه:شفيك يمه شكلك مو على بعضك -دام هذا حال سعود بكون مو على بعضي -جمانه:فاكره يمه يوم سافر سعود لفرنسا والحادث اللي صار له وأخره يرجع للديره -أم سعود وكل حواسها مع بنتها ايه فاكره وهذا شي ينسي -بعد رجعته على طول راح للعنود ..و للأسف ما حصلها أم سعود:شلون يعني ماحصلها جمانه:يمه جاسم قالي انه سعود بنى بيت للعنود بديرتها بجنب بيت أبوها والسفره اللي قال عليها سعود قبل سفره لفرنسا كانت للعنود عشانها ولدت -أم سعود بصدمه ألحين سعود عنده ولد غير الجازي وراكان عنده بنت يمه..والله العالم بحالها ألحين السبب اللي كان يطلع عشانه ألف عذر لأبوي ويأجل سفره لفرنسا هو بنته ولما رجع ماحصلها موجوده هذا اللي مضايق سعود -شلون يعني موب موجوده ..................................... جاسم:جيجي ..جوجو جمانه:ياعيون جيجي جاسم:فديت عيونك أنا ..شكلك متضايقه من رجعتي من بيت أهلك وانتي مو على بعضك جمانه:من غيره اللي يشغل بالي سعود جاسم:نعم..نعم..نعم شاللي يشغل بالك سعود و أنا ان شاء الله من اللي راح ينشغل باله فيني -جمانه بضحكه نعم..نعم..نعم..لايكون متزوج علي ولا قبلي وانا مو داريه أنا ماينشغل بالي بسعود الا عشان زواجه هذا وبنته اللي مدري شصاير عليهم جاسم:خلاص من بكره بتزوج عشان أشغل بالك جمانه:جسوووم ما أحبك تمزح بهالامور جاسم:شمعنى انتي تمزحين جمانه:أنا عادي أمزح بس انت لا ................................... ريم جالسه بين أهلها بفستانها الناعم أبيض ودرجات الوردي وبتسريحه ومكياج ناعمه ناصر يكلم سعاد..خالد بيدخل ألحين -سعاد كلمت الحريم عن دخول خالد "سعاد يعطي شكلها أصغر من عمرها بكثير اللي يشوفها مع بناتها يقول أختهم مو أمهم" دخل خالد عشان يلبس العروس الدبله والشبكه انصدم وانذهل من جمال ..... سعاد صار تركيزه مع هالاميره اللي كانت واقفه بجنب بنتها جلس بجنب الريم ونظراته تتبع سعاد لبسها الدبله والشبكه وخرج..ما انتظر حتى يجلس بعدها لو دقيقه كان واقف عند الممر بقرب المجلس وقتها كان ناصر خارج من مجلس الرجال وانتبه لخالد يه كل هذا عشان الريم..بالمبارك الله يجمع بينكم بالخير خالد تفكيره مع من شغلته باله ومارد على ناصر -ناصر ياهو نحن هنا أكلمك أنا خالد:هلا ناصر ناصر:لا حالتك مزريه صراحه ادخل..ادخل بس ............................................ قول شسوي ألحين -موب مصدق سلطان انه مايعرف عنها شي شلون العنود لوحدها دبرت لها سكن بعيد عن القريه - الرجال حلف مايدري عن مكانها -سبحان من غير هالسلطان بعد زواجك انقلب علينا 180 درجه -الهم ياجاسم أكل قلبي.. -حاس فيك ياخوك بس ما البيد حيله -من اللي يدبر أمورهم ألحين ..شلون عايشين و وين عايشين ................................. خالد:يمه أنا رايح أشوف الريم و أمها تامرين على شي سلوى:أمها تصير عمتك ..ولا ..ماأبي غير سلامتك وسلم على عمتك والريم خالد في نفسه أي عمتي يايمه زار خالد الريم وسعاد سعاد جالسه معاه قبل ماتنزل الريم خالد:كيفك يا سـ.. يا أم الريم ولو اني أحس اني جالس أكبرك وأنا أقول يا أم الريم سعاد: الحمدلله بخير ياعسك بخير ..و بعدين خلاص كبرت وصرت جده بعد خالد بتعجب ..كبرتي!!بالعكس انتي صغيره الا ليش ماتزوجتي بعد أبو جواهر سعاد:عشان أربي بناتي ومافيه رجال يملا عيني بعد أبو الريم الله يرحمه ويجعل مثواه الجنه خالد.لهالدرجه كنتي تحبينه سعاد:مو كأنك زودتها شوي..ايه كنت ومازلت أحبه "السلام عليكم" خالد وسعاد وعليكم السلام جلست الريم بجنب أمها -خالد كيفك سعاد -الريم بنظرة دهشه وتعجب لخالد وبعدين لأمها اللي انتبهت لنطق الاسم خطأ الريم الحمدلله بخير وبعدين أنا اسمي الريم -خالد ليه أنا شقلت الريم:سعاد خالد بضحكه يمكن عشان كنت جالس معها فغلطت بالإسم الريم انت شخبارك خالد:مبسوط بشوفتكم الريم (شكله غثيث وبعدين شنو مبسوط بشوفتكم) سعاد:دوم يارب خالد:تدومين لغاليك خالد:يالله أستأذن وراي شغل سعاد:تو الناس اجلس شوي خالد:قعدتكم ما ينمل منها بس عندي شغل الريم(توني أجلس يقول مع السلامه وراي شغل أووووووف) ........................... أنا كنت شاكه ان اللي ينبض بيين ضلوعك حجر بس ألحين تأكدت -شعندك يامره -بذمتك هذي سوات تسويها بولدك..قلنا منت راضي عن هالزواجه وطعنى شورك وبقيت البنت بقريتها لكن تدري انها جابت بنت ولا أثر هالشي فيك شلون رضيت ياراكان على بنتك شلون..شلون هان قلبك عليك تبعدها عن سعود مــ... راكان بعصبيه من اللي قالك ..سعود -ولدي بالع حسرته وساكت -من وين عرفتي -تدري ألحين العنود وبنتها مالهم سند بهالدنيا راضي ألحين يوم أبعدتهم عن ولدي -والله ماقلت لها لمي عفشك وهدي بيتك واختفي من حياة سعود واللي بيصير ببنت سعود سعود هو السبب فيه مو أنا ......................................... قبل14 سنه شفيك اللي يشوفك يقول ميت لك غالي -شيخه سكتي والآ والله لطلع حرتي فيك -لا حبيبي خل حرتك بجوفك أنا طالعه أشوف الجازي وراكان -شـــيــــخــــــــه -نعم سعود نعم يابو ... راكان -أطلع من البيت أبركلي ..مع السلامه "ولو انك مقطع قلبي وحاسه فيك بس تستاهل وتستاهل أكثر من كذا متزوج ياسعود قبلي وبنتك أكبر من الجازي بسنه زين ما انضربت فيوزاتك وسميت بنتي العنود" ............................ |
السلام عليك ورحمه الله
اهلين حكايه بارتك حلللللللللللوه سعود هذا صنع يدك عيش بحسره وقهر على العنود وبنتها اجل رجال يترك شوفاته عشان شايب مخرف ماهمه الا نفسه ابو سعود بعد كل الي سمعته ماهز فيك شعره لا وتحط الغلط على ولدك الي مخليه بلا شخصيه خالد وش هالحقاره الله ياخذك عينك طويله على عمتك ياقليل الادب ريم وعبدالعزيز شكلكم ضحايا خدعه نوره هي الي فرقت بينكم بس وشو السبب مها وش حكايتها مع هالرجالوش يبي منها تسلمين يالغلا على البارت ننتظرك |
الله يعطيش العافية يا نهاية الحكاية الرواية فظيعة بس حبيت انش تحطين الاسماء يوم يتكلمون لأني بصراحة اتخربط بينهم وأضيع ابي اعرف شنو صار حق العنود وبنتها وشيخة للحين متحملة زواج سعود قبلها وخالد وسعاد ويعطيش العافية وكملي روايتش يا الغلا
|
|
| الساعة الآن 09:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية